\id TIT - Kutu Bible Version \ide UTF-8 \h Tito \toc1 Baluwa ya Paulo kwa Tito \toc2 Tito \toc3 Tit \mt2 Baluwa ya Paulo kwa \mt1 Tito \imt Ulongozi \ip Kitabu cha Tito acho kitabu mna ivitabu vine va Paulo viyandike kwa munhu imoja imoja badala ya kibumbila cha wanhu wamtogole Yesu. Baluwa ndatu ziyagwe azo 1 Timoseo na 2 Timoseo na Filimoni. Paulo kamwandikila Tito, lakini vivija kandika kamba vija ibaluwa yolondigwa isomigwe kwa sauti mgameso ga wanhu. Mbuli ino toijuwa kwavija kasimulila heyo viyali kamba Mtumigwa, mbuli ayo ijuwika mwaka na Tito. Yogesigwa Paulo kandika baluwa ino hagati ya mwaka wa 63-65 toka kuvumbuka kwa Kilisito. \ip Paulo kamulagiza Tito yawalongoze wanhu wamtogole Yesu mna ivibumbila ako mna ikisiwa cha Kilete. Paulo kandika baluwa ino ili yamulagize Tito yawasagule na kuwafunza vilongozi wa wanhu wamtogole Yesu. Vivija vivo viyalagize mna ibaluwa yake iyamwandikile Timoseo. Baluwa yake yosimulila vija vilongozi wa wanhu wamtogole Yesu viwolondigwa kuika goya ili wategelezigwe ng'hani. Wanhu wamtogole Yesu na vilongozi wa wanhu wamtogole Yesu wa kipindi kino olondigwa waifunze mbuli zilondigwa mna ukuwalongoza wanhu. \iot Mbuli zili mkitabu \io Paulo komulagiza Tito yasagule vilongozi omdumba Imulungu (Sula ya 1:1-16). \io Vivija komulagiza yawafunze wanhu wakale kwa kumdumba Imulungu (Sula ya 2:1-3:11). \io Paulo komambukiza kwa kwandika mbuli za uhelelo (Sula ya 3:12-15). \c 1 \p \v 1 Niye Paulo, namsang'hanaji wa Imulungu na mtumigwa wa Yesu Kilisito. Nisaguligwa na nhumigwa kugangamiza kutamanila kwa wanhu wa Imulungu waujuwe ukweli na wakale kamba Imulungu viyolonda wakale. \v 2 Ukweli uno wa mditamanilo da ugima wa milele. Imulungu yoleka kuviza, katulongela kotugwaa ugima uno, isi ing'hali hainalumbigwa, \v 3 na mna ikipindi kinogile kaugubula usenga wake. Na niye nigweleligwa usenga awo, niupeta kwa kulagizigwa na Imulungu Mkombola wetu. \p \v 4 Nokwandikila gweye Tito, mwanangu wa ukweli mditamanilo dimoja dituilumbile. Imulungu Tataetu na Yesu Kilisito Mkombola wetu wakugwee ng'hekewa na tindiwalo. \s Sang'hano ya Tito ako Kilete \p \v 5 Nikuleka ako Kilete ili wike goya kila kinhu na kuwasagula wavele wa vibumbila va wanhu wamtogole Yesu mna kila buga, kamba vinikulagize. \v 6 Mvele wa kibumbila cha wanhu wamtogole Yesu sikuyalongigwe vihile na wanhu na yawe na mwehe imoja na wanage olondigwa wamtogole Yesu na wanhu sikuwawalonge kwa gehile ng'hani. \v 7 Kwavija kilongozi wa kibumbila cha wanhu wamtogole Yesu koilola goya sang'hano ya Imulungu kolondigwa yawe munhu halongigwa vihile na wanhu, sikuyaitape, sikuyagevuzike himahima, sikuyakoligwe, sikuyakomhoke na sikuyasulukile kupata vinhu kwa nzila ihile. \v 8 Kolondigwa yawe munhu yowagoneka wanhu mng'anda yake na yagoge ganogile. Kolondigwa yawe mbala, yatende ganogile, yawe munhu yang'alile na yoilongoza mwenyego. \v 9 Kolondigwa yagoge goya usenga wa mafundizo gaukweli kamba viyafunzigwe ili yawagangamize wayagwe na kugubula gehile ga waja ogalema mafundizo gago. \p \v 10 Kwavija kuna wanhu wengi hawalonda kutegeleza, na olonga mbuli za ubozi na owagiza wanhu, ng'hani ng'hani wanhu walawile mkibumbila cha Wayahudi na sambi wamtogola Yesu. \v 11 Olondigwa wanyamale kulonga, kwavija owading'hula wanhu mzing'anda kwa kuwafundiza mbuli hazilondeke kufundizigwa, otenda vivo ili wapate sente. \v 12 Vivija imoja wa mtula ndagu wao kalonga, “Wanhu wa Kilete siku zose olonga uvizi, otenda gehile kamba ming'onyo, wadoda na wamelo.” \v 13 Usindila uno wa ukweli, avo kolondigwa uwakomhokele ng'hani ili wawe na tamanilo dinogile, \v 14 na waleke kugendelela kutegeleza simo za Kiyahudi na malagizo golawa kwa wanhu waulemile ukweli. \v 15 Kila kinhu king'ala kwa wanhu weli na mizoyo ing'alile, lakini kuduhu chochose king'alile kwa waja wafitile na olema kutogola, kwavija nzewele zao na mizoyo yao ifita. \v 16 Wanhu awo olonga kamba omjuwa Imulungu lakini sang'hano zao zolagusa kamba omulema. Wanhu ogevula mizoyo na hawategeleza, hawafaya kwa mbuli yoyose inogile. \c 2 \s Mafundizo gaukweli \p \v 1 Lakini gweye kolondigwa ufundize mafundizo gailumbile na mafundizo gaukweli. \v 2 Walongele wambigalo wavele wailongoze wenyego, wakale kwa kutegelezigwa, wawe na nzewele zinogile, wawe na tamanilo digangamale, unogelwa na kufunga umoyo. \p \v 3 Vivija walongele watwanzi wavele wakale ugima wa kung'ala, sikuwawalonge vihile wanhu hebu kuwa watumwa wa ugimbi. Olondigwa kufundiza mbuli zinogile, \v 4 ili wawafundize wandele kuwanogela wakasano zao na wanao, \v 5 wailongoze vinogile, wang'ale, walolese kae zao, wawategeleze wakasano zao, ili usenga wa Imulungu sikuulongigwe vihile. \p \v 6 Vivija wagangamize wabwanga wailongoze wenyego mna ikila kinhu. \v 7 Mzimbuli zose gweye kolondigwa uwe kilaguso cha kutenda ganogile, mna gamafundizo gako ulaguse ukweli na sambi utende mwangalo. \v 8 Ulonzi wako sikuutagusigwe, ili wose okulema gweye wagwe kinyala kwa kuswela kulonga gehile kumwetu. \v 9 Vivija walongele watumwa wawategeleze wakulu zao na wawanogeze mna izimbuli zose. Sikuwaibamilile nao, \v 10 hebu kuwebila vinhu vao, lakini walaguse wanoga na kutamaniligwa kwa sang'hano zao zose, ili mafundizo ga Imulungu Mkombola wetu gagweleligwe nhogolwa na wanhu. \p \v 11 Kwavija ng'hekewa ya Imulungu igubuligwa kwa kuwakombola wanhu wose. \v 12 Ng'hekewa ino yotufunza tuleme mbuli hazimnogelaga Imulungu na kusulukila vinhu va mwiisi ino, lakini tuilongoze wenyego, tukale ugima wa kumnogela Imulungu mwiisi ino ya sambi, \v 13 kuno tobeta siku dijo da deng'ho ditutamanila, kipindi ukulu wa Imulungu wetu mkulu na Mkombola wetu Yesu Kilisito vonda ulawilile. \v 14 Yesu kailava mwenyego mbuli yetu ili yatulekese kulawa mna izinzambi na kututenda wanhu wanogile weli wake mwenyego, wanhu osulukila kutenda ganogile. \p \v 15 Avo ufundize vinhu vino, sang'hanila udahi wako wose kwa kuwagangamiza na kuwazuma. Munhu yoyose sikuyakubeze. \c 3 \s Ugima kwa Kilisito \p \v 1 Wakumbuse wanhu wawategeleze wakulu na watawala, na waitande kusang'hana kila sang'hano inogile. \v 2 Walongele waleke kumuliga munhu yoyose, lakini wakale goya na waitegeleze na walaguse uhole kwa kila munhu. \v 3 Aho umwaka siye tukala wabozi, tuleka kutegeleza, tuviziligwa na tukala watumwa wa kusulukila vinhu vitulondile, tukala kwa gehile na migongo, wanhu watwihila na siye tuwehila. \v 4 Lakini kipindi cha bazi na unogelwa wa Imulungu Mkombola wetu vikivikile, \v 5 katukombola, siyo kwavija tusang'hana mbuli zinogile lakini kwa mbuli ya bazi jake. Na kubitila Loho Yang'alile, yotutenda tuvumbuke sambi na ugima wa sambi kwa kutusunha kwa mazi. \v 6 Imulungu katugwaa Loho Yang'halile ng'hani kubitila Yesu Kilisito Mkombola wetu, \v 7 ili kwa ng'hekewa ya Imulungu yatutende tunoge mgameso gake na tubokele ugima wa milele utubeta. \v 8 Mbuli ino inilonga ukweli wiiyeka. \p Nolonda uilonge mbuli ino kwa kugangamala, ili waja wamtogole Imulungu wasulukile ng'hani kipindi chose kusang'hana ganogile. Mbuli zino zinoga na zomfaya kila munhu. \v 9 Lakini inege na mbuli za ubozi, ndwagi na kuibamilila mbuli ya msafa wa ng'holo za wahenga na mbuli ya Malagizo ga Musa. Mbuli zizo haziwafaya bule na zabule kinhu. \v 10 Munhu yotenda wanhu waigole mzume kwa miyanza mibili abaho muleke. \v 11 Kojuwa kuwa munhu kamba ayo koulema ukweli, na nzambi zake zomulagusa kabananga. \s Mbuli za kimambukizo \p \v 12 Vonda nimtume Alitemi hebu Tukiko kumwako, tenda viudaha wize ako Nikopoli kundola, kwavija nigesa kukala ako kipindi cha kihuhwe. \v 13 Wamba ng'hani kumtaza Zena ija yagajuwile goya malagizo na Apolo ili wadahe kusonga mwanza wao, na sikuwahungukilwe kinhu. \v 14 Wanhu zetu waifunze kipindi chose kutenda ganogile ili wawataze mna ivinhu vilondigwa muugima, na ugima wao uwafaye. \p \v 15 Wanhu wose weli hamoja na niye owalamusa. Walamuseni mbwiga zetu mna ukumtamanila Imulungu. \p Ng'hekewa ya Imulungu ikale na mweye mose.