\id JOS - Kutu Bible Version
\ide UTF-8
\h Yoshua
\toc1 Kitabu cha Yoshua
\toc2 Yoshua
\toc3 Yosh
\mt2 Kitabu cha Yoshua
\mt1 Yoshua
\imt Ulongozi
\ip Kitabu cha Yoshua chogendeleza simulizi ya wanhu wa Izilaeli aho hakishilize kitabu cha Kumbukumbu da Malagizo. Kitabu cha Yoshua chokwandusa simulizi yake mkipindi Waizilaeli viwekile ng'hambi mwambu wa kudilawila zuwa wa Yolidani. Kitabu cha Yoshua chosimulila avija Waizilaeli viwalokile lwanda lwa Yolidani na kuisola isi ya Kanaani akuno olongozwa na Yoshua, ayo yakalile kilongozi hanhu ha Musa. Watenda vivo kwavija Imulungu kakala yawalagize. Imulungu kakala yogavikiza gaja gayalongile kamba kowagwaa isi ya Kanaani iwanhu wa ulelo wa Abulahamu. Lola Mwanduso 12:7.
\ip Haitangigwa nani yandike na kukipanga kitabu cha Yoshua. Hanhu hayagwe imwandikaji kolonga kamba kakala baho ago gose vigakalile gosang'hanwa. Lola Yoshua 5:1, 6. Kwa mbuli ayo iwanhu oifunza mbuli za Bibilia ogelegeza kamba Yoshua mwenyego kandika vifungu vingi va ikitabu kino. Vivija yokoneka kunze kunze kamba munhu iyagwe twahaleka Yoshua kandika vifungu viyagwe, kamba kija ikifungu kisimulila tanga da Yoshua. Lola Yoshua 24:29. Wanhu wayagwe oifunza mbuli za Bibilia otogola kamba kitabu kino chandikigwa miyaka 800 kumwande toka gose ago gasang'hanwe. Gaja geli mkitabu cha Yoshua gasang'hanwa kamba mwaka 1250 Kilisito yang'hali Kuvumbuka, kamba miyaka 40 kumwande toka Falao Lamesesi kwandusa kuitawala isi ya Misili. Ino Lamesesi ayo imtawala yogesigwa kamba kaitawala isi ya Misili kipindi acho Waizilaeli viwasegele Misili. Lola Kulawa 1:11.
\iot Mbuli zili mkitabu
\io Sula ya 1 mbaka ya 5:12 zosimulila avija Waizilaeli viwalokile lwanda lwa Yolidani na kwingila mwiisi ya Kanaani.
\io Abaho sula ya 5:13 mbaka ya 12 zosimulila Waizilaeli viwaisolile isi ya Kanaani.
\io Vivija sula ya 13 mbaka ya 21 zosimulila isi ayo ya Kanaani viigoligwe kwa makabila ga Izilaeli.
\io Kimambukizo, sula ya 22 mbaka ya 24 zosimulila makabila gayagwe ga Izilaeli vigabwelile ako umwambu wa kudilawila zuwa wa Yolidani, na Yoshua viyawalagile na tanga jake vidikalile na Waizilaeli viwadibwelele kabili lagano jao na Imulungu.
\c 1
\s Imulungu komsagula Yoshua
\p
\v 1 Viyafile Musa imsang'hanaji wa Mndewa Imulungu, Mndewa Imulungu kamulongela Yoshua mwanage Nuni, mwanahina wa Musa, 
\v 2 “Msang'hanaji wangu Musa kafa, avo gweye isasale uloke lwanda luno lwa Yolidani hamoja na iwanhu wose, muchole mna iisi iniwagwelela iwanhu wa Izilaeli. 
\v 3 Hanhu hohose honda mukanyage kwa magulu genu niwagwaa mweye kamba vinimulongele Musa. 
\v 4 Imbaka ya isi yenu yokuwa, kulawa mwambu wa kusini wa luwala mbaka isi ya Lebanoni mbaka kuna ulwanda mkulu lwa Fulate, na isi yose ya Wahiti mbaka kuna ibahali ing'hulu umwambu wa kudihongela zuwa, ayo yose yokuwa isi yenu. 
\v 5 Kuduhu munhu yodaha kukuhuma siku zose za ugima wako. Nokuwa hamoja na gweye, kamba vinikalile hamoja na Musa. Sikuleka bule hebu kukusemwa. 
\v 6 Ugangamale na uwe galu kwavija kowalongoza wanhu wano waisole isi iniiduwile kwa iwahenga zao kuwagwaa hewo. 
\v 7 Gweye kolondigwa ugangamale na uwe galu ng'hani, na uiteganye na ugagoge malagizo gose gayakulagize msang'hanaji wangu Musa. Sikuugaleke na kuhinduka ukudila hebu ukumoso, ili umwede kokose konda uchole. 
\v 8 Sikuuleke kuzilonga mbuli za kitabu kino cha malagizo, uzigelegeze imisi na ikilo, ili uifunze kutenda gose gandikigwe mumo. Abaho mbuli zako zokucholela goya na komweda. 
\v 9 Kumbuka niye nikulagiza, ugangamale na uwe galu, sikuudumbe na sikuunyawenyawe, kwavija Mndewa Imulungu, Imulungu wako kokuwa hamoja na gweye kokose konda uchole.”
\s Yoshua kowagwaa wanhu malagizo
\p
\v 10 Abaho Yoshua kawalagiza ivilongozi wa iwanhu, kawalongela, 
\v 11 “Biteni kuzing'hambi na muwalagize iwanhu, ‘Tandeni ndiya zenu, kwavija siku ndatu kumwande moloka lwanda luno lwa Yolidani na mochola kuisola isi iyowagwelela Mndewa Imulungu, Imulungu wenu.’”
\p
\v 12 Yoshua kawalongela iwanhu wa makabila ga Lubeni na Gadi na nusu ya kabila da Manase, 
\v 13 “Kumbukeni gose gayawalagize Musa imsang'hanaji wa Mndewa Imulungu, viyalongile, ‘Mndewa Imulungu, Imulungu wenu, kowagwaa hanhu ha kubwihila na kowagwaa isi ino.’ 
\v 14 Wehe zenu na wanenu na fugo zenu osigala mwiisi ino iyawagwelele Musa, mwambu uno wa Yolidani, lakini wambigalo wose magalu hagati yenu waloke na migoha yao ya ng'hondo kuulongozi wa ndugu zenu, Waizilaeli wayagwe na muwataze, 
\v 15 mbaka Mndewa Imulungu vonda yawagwelele ndugu zenu hanhu ha kubwihila kamba viyawagwelele mweye, hewo vivija waisole isi iyowagwelela Mndewa Imulungu, Imulungu wenu. Abaho mubwele mna iisi yumusolile, isi iyawagwelele Musa msang'hanaji wa Mndewa Imulungu, mwambu uno wa Yolidani, umwambu wa kudilawila zuwa.”
\p
\v 16 Na hewo wamwidikila Yoshua, “Mbuli zose ziutulagize tozitenda, na hanhu hohose honda ututume tochola. 
\v 17 Kamba vija vitumtegeleze Musa mzimbuli zose, vivija tokutegeleza na gweye. Mndewa Imulungu, Imulungu wako yawe hamoja na gweye kamba viyakalile hamoja na Musa! 
\v 18 Lakini munhu yoyose yonda yaleme lagizo jako hebu yoleka kugoga mbuli zako hebu chochose chonda umulagize, yakomigwe. Gweye ugangamale na uwe galu!”
\c 2
\s Yoshua kowatuma wanhu wakaisungulile Yeliko
\p
\v 1 Abaho Yoshua mwanage Nuni kawatuma wanhu wabili kinyelegezi kulawa Shitimu kamba wasepaji, kawalongela, “Gendeni mukaisungulile isi ayo, ng'hani ng'hani mukadilole buga da Yeliko.” Avo wachola na wavika kuna ing'anda ya munhu yakalile mgoni, twaga jake Lahabu na wawasa mumo.
\p
\v 2 Mndewa wa buga da Yeliko kalongeligwa, “Lola, wanhu wa Izilaeli weza hano ikilo kuisungulila isi ino.” 
\v 3 Avo, mndewa wa Yeliko kawatuma wanhu kwa Lahabu, wamulongele, “Walave kunze iwanhu wengile mng'anda yako, kwavija weza kuisungulila isi ino yose.” 
\v 4 Lakini mtwanzi ayo kakala yawafisile iwanhu awo wabili. Avo kawalongela, “Ona wanhu awo weza kumwangu lakini niye sijuwile walawa kwahi. 
\v 5 Kipindi ziza vidingile na ulwivi lwa uluwa lwa dibuga viulondigwe kuhindigwa, iwanhu awo wasegela. Niye sikujuwile kuwacholile iwanhu awo. Wakwelelezeni sambi baha, kwavija mowapata.” 
\v 6 Lakini Lahabu kakala yawakwezile kukanho na kawafisa mdibagaza diyekile ako kukanho. 
\v 7 Avo iwanhu awo wawazahila awo iwasepaji kuinzila ichola Yolidani mbaka kudiloko. Baho iwanhu awo viwalawile kunze kuwazahila awo iwasepaji, ulwivi lwa dibuga luhindigwa.
\p
\v 8 Lahabu kawacholela ako kukanho wang'hali iwanhu awo wabili hawanawasa, 
\v 9 kawalongela, “Niye nojuwa kamba Mndewa Imulungu kawagwaa mweye isi ino, na siye towadumba mweye na iwanhu wose wa isi ino mizoyo yao ilumbuka mbuli yenu. 
\v 10 Kwavija tuhulika Mndewa Imulungu viyaganyazile mazi ga bahali ya Shamu kuulongozi wenu vimulawile Misili na vimutendile kwa Sihoni na Ogu iwandewa wabili wa Waamoli wakalile umwambu wa Yolidani, awo wamuwakomile. 
\v 11 Avo vituhulike mbuli azo, siye tudumba na kuduhu nguvu isigale kwa munhu yoyose mbuli yenu mweye, kwavija Mndewa Imulungu, Imulungu wenu, ayo Imulungu uchanha kuulanga na mwiisi. 
\v 12 Avo sambi chonde iduwileni kwa twaga da Mndewa Imulungu, kamba monhendela ganogile niye na ndugu zangu kamba niye viniwatendele ganogile. Na mnigwelele kilaguso, 
\v 13 kamba mowaleka wagima, tatangu na mamangu, lumbu zangu na wadodo zangu na wakulu zangu na wanao, na hamutogola tukomigwe!”
\p
\v 14 Na iwanhu awo wabili wamulongela, “Ugima wetu ndio ugima wenu. Kamba hamuifisula mbuli ino, avo Mndewa Imulungu vonda yatugwee isi ino tokonela bazi na totenda kamba vitulongile.”
\p
\v 15 Abaho kawahumulusa kwa luzabi kubitila kudizonzo, kwavija ng'anda yake ikala izengigwe kuluwa lwa dibuga, avo heyo kakala hagati ya luwa ulo. 
\v 16 Lahabu kawalongela, “Choleni kuvigongo, buleavo iwanhu awo owazahila owapata, na muifise kuko siku ndatu mbaka awo owazahila vonda wabwele. Abaho modaha kuchola kwa nzila yenu.”
\p
\v 17 Wanhu waja wamwidikila, “Siye tovikiza kila kinhu kiututendile tuiduwile kamba wahatenda gano. 
\v 18 Vonda tubwele mwiisi ino, gweye funga luzabi luno ludung'hu hana dizonzo diutuhumulusile hasi, na uwating'hanize mng'anda yako, tatako na mamako na ndugu zako na iwanhu wose wa ng'anda ya tatako. 
\v 19 Lakini munhu yoyose yonda yalawe kunze ya ing'anda yako na kuchola kulubuga, ifa yake yokuwa mmakono gake, siye tokuwa hatubanange. Lakini kamba munhu yoyose yahafa mng'anda yako, ifa yake yokuwa mmakono getu. 
\v 20 Lakini kamba wahamulongela munhu yoyose mbuli itugalile hano, siye tokuwa hatubanange kwa kuleka kutenda gaja gatuiduwile.” 
\v 21 Na Lahabu kawalongela, “Iwe kamba vimulongile.” Abaho kawaleka wachole, na hewo wasegela. Na heyo kafunga uluzabi ludung'hu kudizonzo da ing'anda yake.
\p
\v 22 Avo wasegela, wachola kuvigongo na wakala kuko kwa siku ndatu, mbaka awo wawakweleleze wabwela. Awo wawakweleleze wawazahila mbaka kuna inzila na hawawonile. 
\v 23 Abaho iwanhu awo wabili wabwela. Wahumuluka kuvigongo na waloka ulwanda na wavika kwa Yoshua mwanage Nuni, na wamulongela gose gawalawile kuko. 
\v 24 Wamulongela Yoshua, “Kweli Mndewa Imulungu kaigela mmakono getu isi ayo yose. Kubanza gago, iwenekae wa isi ayo imizoyo yao yolumbuka mbuli yetu siye.”
\c 3
\s Waizilaeli oloka ulwanda lwa Yolidani
\p
\v 1 Yoshua kaidamuka imitondo hamoja na Waizilaeli, wose wasonga mwanza wa kusegela Shitimu. Viwavikile kulwanda lwa Yolidani, weka ng'hambi aho, wang'hali hawanaloka. 
\v 2 Vizibitile siku ndatu, vilongozi wabita hagati ya ing'hambi, 
\v 3 wawalongela iwanhu, “Mwahajona sanduku da lagano da Mndewa Imulungu, Imulungu wenu, dipapigwa na Walawi, iwalava nhosa, baho musonge kusegela na mudikweleleze, 
\v 4 ili muijuwe inzila yonda mubite kwavija hamnaibita bule nzila ino. Lakini sikumudikwesele behi avo kulawa disanduku kudili na mweye hawe na utali wa kilometa imoja.”
\p
\v 5 Yoshua kawalongela iwanhu, “Muihunge kwavija mayo Mndewa Imulungu kotenda unzonza hagati yenu.” 
\v 6 Abaho Yoshua kawalongela iwalava nhosa, “Dipapeni disanduku da lagano, na mulongole najo kuulongozi wa iwanhu.” Avo wadipapa disanduku da lagano na walongola kuulongozi wa iwanhu.
\p
\v 7 Abaho Mndewa Imulungu kamulongela Yoshua, “Lelo nosonga kukwinula mgameso ga Waizilaeli ili wajuwe kamba nokuwa hamoja na gweye kamba vinikalile hamoja na Musa. 
\v 8 Avo gweye uwalagize iwalava nhosa odipapa disanduku da lagano, ‘Vonda muvike mwiingema ya lwanda lwa Yolidani, mwime aho mgamazi.’”
\p
\v 9 Avo Yoshua kawalongela iwanhu wa Izilaeli, “Kweseni behi mutegeleze mbuli ziyolonga Mndewa Imulungu, Imulungu wenu.” 
\v 10 Yoshua kawalongela, “Sambi mojuwa kamba Imulungu yeli mgima ka hagati yenu na heyo halemelwa kinhu, kowaswaswanya mgameso genu Wakanaani na Wahiti na Wahivi na Wapelizi na Wagiligashi na Waamoli na Wayebusi. 
\v 11 Loleni sanduku da lagano da Mndewa Imulungu wa isi yose, dobita kuulongozi wenu kuchola mgati kulwanda lwa Yolidani. 
\v 12 Avo saguleni wanhu longo na wabili kulawa mna gamakabila ga Izilaeli, kila kabila munhu imoja. 
\v 13 Kipindi magulu ga iwalava nhosa wadipapile disanduku da lagano da Mndewa Imulungu, Mndewa wa isi yose, gahakanyaga gamazi ga lwanda lwa Yolidani, gamazi ga lwanda lwa Yolidani goleka kukilima na gamazi gokilima kulawa mwambu wa uchanha goilundiza hamoja.”
\p
\v 14 Avo, wanhu wasegela kuna izing'hambi ili wachole kuloka ulwanda lwa Yolidani, na iwalava nhosa wadipapile disanduku da lagano walongola kuulongozi wa iwanhu. 
\v 15 Kipindi cha kusenga lwanda lwa Yolidani lumemaga mazi mbaka mzingema. Avo aho awo iwalava nhosa wadipapile disanduku da lagano viwavikile Yolidani, na magulu gao vigakanyage gamazi geli mwiingema, 
\v 16 gamazi gakalile gokilima kulawa mwambu wa uchanha gema na gailundiza hamoja kutali ako Adamu, dibuga dili behi na Saletani, na mazi gaja gokilimila kulongoza ibahali ya Alaba, Ibahali ya Mkele, gasegela gose. Iwanhu waloka umwambu uilola na buga da Yeliko. 
\v 17 Avo iwalava nhosa wakalile odipapa disanduku da lagano da Mndewa Imulungu wema wima mna iisi inyalile hagati ya ulwanda lwa Yolidani, na Waizilaeli wose waloka mna iisi inyalile mbaka iwanhu wose viwamambukize kuloka ulwanda lwa Yolidani.
\c 4
\s Mabwe ga kumbukumbu
\p
\v 1 Waizilaeli wose viwamambukize kuloka ulwanda lwa Yolidani, Mndewa Imulungu kamulongela Yoshua, 
\v 2 “Wasagule wanhu longo na mbili mna iwanhu, kila kabila munhu imoja, 
\v 3 na walagize, ‘Soleni mabwe longo na mabili hano hagati ya ulwanda lwa Yolidani, kulawa aho hagemile gamagulu ga iwalava nhosa na mgasole mabwe gago mgagale hanhu honda muwase lelo.’”
\p
\v 4 Abaho Yoshua kawakema wanhu awo longo na wabili yakalile yawasagule kulawa hagati ha iwanhu wa Izilaeli, kila kabila munhu imoja. 
\v 5 Avo Yoshua kawalongela, “Dilongoleleni disanduku da lagano da Mndewa Imulungu, Imulungu wenu, dili hagati ya ulwanda lwa Yolidani, na kila imoja wenu yapape dibwe mdiega jake, kamba vigeli makabila ga Izilaeli. 
\v 6 Mbuli ayo yokuwa kilaguso hagati yenu, na wanenu vonda wawauze, ‘Vino mabwe gago gofambula choni?’ 
\v 7 na mweye muwalongele kamba gamazi ga lwanda lwa Yolidani gakimiligwa sikugakilime vidibitizigwe disanduku da lagano da Mndewa Imulungu. Avo mabwe gago gokuwa kilaguso kwa iwanhu wa Izilaeli siku zose.”
\p
\v 8 Avo iwanhu wa Izilaeli watenda kamba Yoshua viyawalagize, na wasola mabwe longo na mabili hagati ha ulwanda lwa Yolidani, kamba vigeli makabila ga Izilaeli, kamba Mndewa Imulungu viyamulagize Yoshua. Wagapapa na wachola nago kuna ihanhu hawawasile na wageka hasi. 
\v 9 Abaho Yoshua kagasimika mabwe longo na mabili gakalile hagati ya Yolidani, hanhu aho hawemile iwalava nhosa wadipapile disanduku da lagano, na gang'hali baho mbaka lelo.
\p
\v 10 Awo iwalava nhosa wadipapile disanduku da lagano wema hagati ya ulwanda lwa Yolidani mbaka kila kinhu vikimambukizwe kiyalagizwe Yoshua na Mndewa Imulungu, yawalongele iwanhu kamba Musa viyamulagize Yoshua. Wanhu waloka ulwanda himahima. 
\v 11 Wanhu wose viwamambukize kuloka ulwanda, disanduku da Mndewa Imulungu na iwalava nhosa walawa kunze ya ulwanda kuno iwanhu wose owalola. 
\v 12 Wambigalo wa makabila ga Lubeni na Gadi na nusu ya kabila da Manase wawalongolela Waizilaeli wayao kuno wapapa migoha yao ya kung'hondo, kamba viwalagizwe na Musa. 
\v 13 Wambigalo awo kamba elufu alobaini wapapile migoha ya kung'hondo mgameso ga Mndewa Imulungu wachola kuna ing'hondo kudibawe da Yeliko. 
\v 14 Siku dijo Mndewa Imulungu kamwinula Yoshua mgameso ga Waizilaeli wose, na wose wakanganya siku zose za ugima wake kamba viwakanganye kwa Musa.
\p
\v 15 Abaho Mndewa Imulungu kamulongela Yoshua, 
\v 16 “Walagize iwalava nhosa wadipapile disanduku da lagano, wasegele hagati ya ulwanda lwa Yolidani.” 
\v 17 Avo Yoshua kawalagiza iwalava nhosa, “Segeleni aho hana ulwanda lwa Yolidani.” 
\v 18 Awo iwalava nhosa wadipapile disanduku da lagano da Mndewa Imulungu wasegela hagati ya lwanda lwa Yolidani, na viwakanyage kunze ya ulwanda, gamazi ga ulwanda lwa Yolidani kabwela na gamema mbaka mzingema kamba vigakalile.
\p
\v 19 Waizilaeli waloka ulwanda lwa Yolidani mna isiku ya longo ya mwezi wa ichanduso, na weka ng'hambi ako Giligali, umwambu wa kudilawila zuwa wa Yeliko. 
\v 20 Na gaja gamabwe longo na mabili wagasolile hagati ya ulwanda lwa Yolidani, Yoshua kagasimika ako Giligali. 
\v 21 Abaho kawalongela iwanhu wa Izilaeli, “Wanenu wahawauza ako kumwande, ‘Mabwe gano gofambula choni?’ 
\v 22 avo muwalongele, ‘Iwanhu wa Izilaeli waloka mna iisi inyalile mna ulwanda lwa Yolidani.’ 
\v 23 Kwavija Mndewa Imulungu, Imulungu wenu kaganyaza mazi ga lwanda lwa Yolidani mbuli yenu mbaka vimulokile, kamba Mndewa Imulungu, Imulungu wenu viyatendile mna ibahali ya Shamu, viyaganyazile mbuli yetu mbaka vitulokile, 
\v 24 ili iwanhu wose weli mwiisi yose wajuwe kamba Mndewa Imulungu kana udahi, na mumdumbe Mndewa Imulungu, Imulungu wenu siku zose.”
\c 5
\p
\v 1 Baho iwandewa wose wa Waamoli wakalile okala umwambu wa kudihongela zuwa wa lwanda lwa Yolidani, na iwandewa wose wa Wakanaani wakalile okala behi ya bahali, viwahulike Mndewa Imulungu kaganyaza mazi ga lwanda lwa Yolidani mbuli ya iwanhu wa Izilaeli mbaka wose viwalokile, wadumba na kuduhu nguvu isigale kumwao mbuli ya iwanhu wa Izilaeli.
\s Waizilaeli okwingila kumbi ako Giligali
\p
\v 2 Kipindi acho Mndewa Imulungu kamulongela Yoshua, “Utende mizele ya mabwe na uwengize kumbi Waizilaeli wose hawanakwingila kumbi.” 
\v 3 Avo Yoshua katenda mizele ya mabwe na kawengiza kumbi iwana wa kimbigalo wa Waizilaeli ako Gibea Haalaloti\f + \fr 5:3 \fr*\ft Kwa Kiebulania \ft*\fq Gibea Haalaloti \fq*\ft yofambula, Kisugulu cha magovi.\ft*\f*. 
\v 4 Yoshua kawengiza kumbi awo kwavija iwambigalo wose walawile mwiisi ya Misili, wose wakalile odaha kuchola kuing'hondo wafa ako kuluwala mnzila viwalawile Misili. 
\v 5 Hamoja iwanhu wose walawile Misili wakala wengile kumbi, ila iwanhu wose waleleke mnzila kuluwala wakala wang'hali hawana kwingila kumbi. 
\v 6 Kwavija iwanhu wa Izilaeli watembela kuluwala kwa miyaka malongo mane, mbaka iwambigalo wose wadahile kuchola kuing'hondo wafa, kwavija hawamtegeleze Mndewa Imulungu. Mndewa Imulungu kaiduwila kamba honda wayone isi ayo iyaiduwile kwa iwahenga zao kamba kotugwaa siye, isi imemile maziwa na uki. 
\v 7 Avo iwana wa wanhu awo Mndewa Imulungu kawakuza hanhu hao, na ndio awo wengizigwe kumbi na Yoshua. Awo wakala hawengizigwe kumbi mnzila.
\p
\v 8 Avo iwambigalo wose viwengizigwe kumbi, wasigala kuko mna zing'hambi mbaka viwahonile. 
\v 9 Abaho Mndewa Imulungu kamulongela Yoshua, “Lelo niwasegesela ikinyala\f + \fr 5:9 \fr*\fq Ikinyala cha Misili \fq*\ft yogesigwa kamba kulavigwa muutumwa.\ft*\f* cha Misili.” Avo hanhu aho hakemigwa Giligali\f + \fr 5:9 \fr*\ft Twaga da \ft*\fq Giligali \fq*\ft dohulikigwa kamba kusegeswa kwa Kiebulania.\ft*\f* mbaka lelo.
\p
\v 10 Waizilaeli viwekile ng'hambi ako Giligali, waideng'helela Pasaka mna isiku ya longo na nne ya mwezi awo ichungulo, ako kudibawe da Yeliko. 
\v 11 Imitondo yake, waja ndiya ya isi ayo, gamagate hagageligwe hamila na ngano ikanzingigwe. 
\v 12 Avo kulawa siku dijo diwasongile kuja ndiya ya isi ayo, mana ileka kulagala. Kukala kuduhu mana mbuli ya iwanhu wa Izilaeli, lakini mwaka awo waja ndiya ya isi ya Kanaani.
\s Yoshua na imunhu yeli na panga
\p
\v 13 Siku dimoja Yoshua viyakalile behi na Yeliko, baho munhu imoja kema kuulongozi wake kuno kagoga sime dikutwa. Avo Yoshua kamcholela kamuuza, “Vino gweye kwa miyetu hebu kwa iwanhu otwihila?”
\p
\v 14 Na heyo kamwidika, “Aka, niye na imkulu wa iwakalizi wa Mndewa Imulungu, na sambi niza hano.”
\p Yoshua kaidulika mbaka hasi kamtambikila kamuuza, “Go mkulu wangu, niye msang'hanaji wako, kolonda nitende choni?”
\p
\v 15 Avo imkulu wa iwakalizi wa Mndewa Imulungu kamulongela Yoshua, “Vula vilatu vako kwavija hanhu aho hawimile hong'ala.” Avo Yoshua katenda vivo.
\c 6
\s Waizilaeli odisola buga da Yeliko
\p
\v 1 Avo buga da Yeliko dikala dihindigwe kwa mgati, mbuli ya iwanhu wa Izilaeli. Kuduhu munhu yadahile kulawa kunze hebu kwingila mng'anda. 
\v 2 Abaho Mndewa Imulungu kamulongela Yoshua, “Lola nidigela mmakono gako buga da Yeliko hamoja na mndewa wao na iwakalizi zake weli magalu. 
\v 3 Mweye mdizunguluke buga dijo, iwambigalo wose odaha kuchola kuing'hondo wadizunguluke dibuga, mwanza umoja kila siku, kwa siku sita. 
\v 4 Walava nhosa saba, kuno kila imoja kagoga mhalati yake ya mhembe ya ng'hondolo mbigalo, wadilongolele disanduku da lagano. Mna isiku ya saba modizunguluka dibuga miyanza saba, kuno iwalava nhosa otowa zimhalati. 
\v 5 Abaho mwahahulika zimhalati zolila kwa kugendelela, iwanhu wose wagute ng'hani, na uluwa lwa dibuga olagala hasi na iwanhu wose wagendelele kuulongozi.”
\p
\v 6 Avo Yoshua mwanage Nuni kawakema iwalava nhosa kawalongela, “Dipapeni disanduku da lagano na iwalava nhosa saba wasole mhalati saba za ng'hondolo mbigalo walongole kuulongozi wa idisanduku da Mndewa Imulungu.” 
\v 7 Abaho Yoshua kawalagiza iwanhu, “Longoleni mkadizunguluke dibuga, na iwanhu weli na imigoha wadilongolele disanduku da Mndewa Imulungu.”
\p
\v 8 Avo kamba Yoshua viyawalagize iwanhu, iwalava nhosa saba kuno wagoga mhalati saba za ng'hondolo mbigalo, wachola kuulongozi wa Mndewa Imulungu, kuno otowa zimhalati na disanduku da lagano da Mndewa Imulungu dowakweleleza. 
\v 9 Wanhu waja wakalile na migoha wawalongolela waja iwalava nhosa wakalile otowa mhalati, na wakalizi wayagwe wadikweleleza disanduku dijo, kuno mhalati zogendelela kutoigwa. 
\v 10 Abaho Yoshua kawalongela iwanhu, “Sikumugute nyangi hebu kulava sauti, hebu mbuli yoyose kulawa mmilomo yenu, mbaka siku ayo vonda niwalongele mugute nyangi, baho moguta nyangi.” 
\v 11 Avo Yoshua kawalongela wanhu wadizunguluke buga mwanza umoja kuno wadipapa disanduku da Mndewa Imulungu na kubwela kuna ing'hambi kuwasa.
\p
\v 12 Imitondo yake Yoshua kalamuka imitootondo, na iwalava nhosa wadipapa disanduku da Mndewa Imulungu. 
\v 13 Iwalava nhosa saba wagogile zimhalati saba za ng'hondolo mbigalo wachola kuulongozi wa disanduku da Mndewa Imulungu kuno ogendelela kutowa zimhalati. Iwanhu weli na migoha wawalongolela iwalava nhosa na iwakalizi wayagwe wakala kukisogo chake cha disanduku da lagano, kuno mhalati zogendelela kutoigwa. 
\v 14 Siku da kabili wadizunguluka dibuga mwanza umoja, na wabwela kuna ing'hambi, watenda vivo kwa siku sita.
\p
\v 15 Siku da saba walamuka ulukwili, imitootondo ng'hani, na wadizunguluka dibuga miyanza saba kamba viwatendaga. Ikala siku dijo diiyeka wadizunguluka dibuga miyanza saba. 
\v 16 Umwanza wa saba, iwalava nhosa viwatowile zimhalati, Yoshua kawalongela iwanhu, “Guteni kwavija Mndewa Imulungu kawagwelela dibuga! 
\v 17 Dibuga na vose vili mumo vilavigwa kwa Mndewa Imulungu ili vibanangigwe. Lahabu imgoni yaiyeka na iwanhu weli mng'anda yake awo onda wasigale wagima, kwavija kawafisa iwasenga tuwatumile. 
\v 18 Lakini sikumusole kinhu chochose kilavigwe ili kibanangigwe, mwahasola kinhu chochose kilavigwe ili kibanangigwe moitenda ing'hambi ya iwanhu wa Izilaeli iwe kinhu cha kubanangigwa na mogala gehile. 
\v 19 Lakini shaba yose na zahabu na iviya va shaba ya kiguzi na mizuma avo ving'ala kwa Mndewa Imulungu, avo vigaligwe mna ingama ya Mndewa Imulungu.”
\p
\v 20 Avo, iwanhu waguta nyangi na mhalati zitoigwa. Bahaja wanhu viwahulike mhalati zolila, iwanhu waguta nyangi, na uluwa ludidimila hasi lose, avo iwanhu wengila mdibuga, kila munhu kuulongozi wake na wadisola dibuga. 
\v 21 Abaho wakinanga kila kinhu kili mdibuga dijo, na wawakoma kwa sime, wambigalo na watwanzi na wana na wavele na ng'ombe na ng'hondolo na vihongwe.
\p
\v 22 Abaho Yoshua kawalongela iwanhu wabili wacholile kuisungulila isi ayo, “Choleni mna ing'anda ya ija imgoni na mumgale mtwanzi ayo hamoja na iwanhu wose weli ndugu zake kamba vimuiduwile kumwake.” 
\v 23 Avo awo iwabwanga wacholile kuisungulila isi ayo wachola, wamgala Lahabu na tatake na mamake na ndugu zake na lukolo lwake lose. Wawagala kunze behi ya ing'hambi ya iwanhu wa Izilaeli. 
\v 24 Abaho wadisoma moto dibuga na kila kinhu kikalile mumo. Ila shaba na zahabu na iviya va shaba ya kiguzi na mizuma, wavika mna ingama mbuli ya ng'anda ya Mndewa Imulungu. 
\v 25 Lakini ija imgoni Lahabu na iwanhu wa ng'anda ya tatake na ndugu zake wose, Yoshua kauhonya ugima wao. Lahabu kakala mna iwanhu wa Izilaeli mbaka lelo, kwavija kawafisa iwasenga watumigwe na Yoshua wakadisungulile buga da Yeliko.
\p
\v 26 Yoshua kalonga mbuli za kuiduwila kuulongozi wa iwanhu, kawalongela
\q “Yaduwiligwe na Mndewa Imulungu munhu yoyose yonda yadizenge kabili buga dino da Yeliko.
\q Munhu yoyose yonda yazenge chandusilo cha buga dijo,
\q mwanage wa chaudele yafe,
\q munhu yoyose yonda yazenge ulwivi lwa buga dijo,
\q mwanage kizuwanda yafe.”
\p
\v 27 Avo Mndewa Imulungu kakala hamoja na Yoshua, na wanhu wose wakalile mziisi azo wamjuwa.
\c 7
\s Nzambi ya Akani
\p
\v 1 Lakini iwanhu wa Izilaeli hawatamaniligwe bule kwa ivinhu vilavigwe ili vibanangigwe kwavija Akani kasola ivinhu viyagwe vilavigwe ili vibanangigwe. Akani kakala mwanage Kalimi, Kalimi mwanage Zabidi, Zabidi mwanage Zela, kulawa kabila da Yuda. Avo Mndewa Imulungu kawagevuzikila iwanhu wa Izilaeli.
\p
\v 2 Abaho Yoshua kawatuma wanhu kulawa Yeliko wachole buga da Ai, dili behi na Beti Aveni mwambu wa kudilawila zuwa wa Beseli, kawalongela, “Choleni mkaisungulile isi ayo.” Wanhu awo wachola na wadisungulila buga da Ai. 
\v 3 Viwabwelile wamulongela Yoshua, “Sikuwachole wanhu wose, ila wachole wanhu kamba elufu mbili hebu ndatu wakadivamile dibuga da Ai. Sikuuwagaze iwanhu wose wachole kuko kwavija iwanhu wa buga dijo wadodo.” 
\v 4 Avo wanhu kamba elufu ndatu wachola kudivamila dibuga, lakini wawingigwa na iwanhu wa buga da Ai, 
\v 5 iwanhu wa Ai wawawinga iwanhu wa Izilaeli kulawa haulwivi lwa dibuga mbaka kumtelemuko wa Shebalimu na wawakoma wanhu malongo madatu na sita kuko. Waizilaeli wabenigwa zinguvu na wakala debwee.
\p
\v 6 Abaho Yoshua kadega viwalo vake kwa usungu, kagwa kingubanguba kuulongozi wa disanduku da Mndewa Imulungu mbaka ichungulo. Heyo na iwavele wa Izilaeli, waigela mitimbwisi mmapala gao. 
\v 7 Yoshua kalonga, “Go Mkulu Mndewa Imulungu! Habali kututenda tuloke lwanda lwa Yolidani ili utugele mmakono ga Waamoli watubanange? Vahanogile twahasigale umwambu wa lwanda lwa Yolidani. 
\v 8 Go Mndewa, nonge choni kwavija Waizilaeli wawakimbila iwanhu owehila? 
\v 9 Kwavija Wakanaani hamoja na iwenekae wose wa isi ino oihulika mbuli ino na otuzunguluka na kutusegesa mwiisi sikutoneke. Avo kotenda choni kulagusa ukulu wa twaga jako?”
\p
\v 10 Mndewa Imulungu kamulongela Yoshua, “Inuka! Habali kuibwanha hasi? 
\v 11 Waizilaeli watenda nzambi, wabena lagano jangu diniwalagize, wavisola vinhu viyagwe vilavigwe ili vibanangigwe, waviba na waviza, wavika hamoja na ivinhu vao. 
\v 12 Avo Waizilaeli hawadaha kuwahuma iwanhu owehila. Wawakimbila iwanhu owehila kwavija walavigwa ili wabanangigwe. Honda niwe na mweye kabili mbaka muvinange ivinhu vilavigwe ili vibanangigwe vili hagati yenu. 
\v 13 Avo inuka! Uwahunge iwanhu na uwalongele, waihunge wenyego mbuli ya mayo kwavija niye Mndewa Imulungu, Imulungu wa Izilaeli, nolonga vino, ‘Hagati yenu hana vinhu vilavigwe ili vibanangigwe. Hamudaha kuwahuma iwanhu owehila mbaka muvisegese ivinhu vilavigwe ili vibanangigwe vili hagati yenu! 
\v 14 Avo mayo imitondo wose mwize kuulongozi wangu, kabila dimoja dimoja. Kabila donda nidisagule dobita kuulongozi wangu, lukolo lumoja lumoja. Lukolo londa nilusagule lobita kuulongozi wangu, ng'anda imoja imoja. Ng'anda yonda niisagule yobita kuulongozi wangu, munhu imoja imoja. 
\v 15 Munhu yonda yagogigwe na vinhu vilavigwe ili vibanangigwe kosomigwa moto, heyo hamoja na vinhu vake vose kwavija kadibena lagano da Mndewa Imulungu, na katenda mbuli igela kinyala mna iwanhu wa Izilaeli.’”
\p
\v 16 Avo Yoshua kalamuka imitootondo ng'hani, kawagala Waizilaeli wose behi, kabila dimoja dimoja, na kabila da Yuda disaguligwa. 
\v 17 Kazigala behi zing'holo za kabila da Yuda, na lukolo lwa Zela lusaguligwa. Kalugala behi ulukolo lwa Zela, ng'anda imoja imoja, na ng'anda ya Zabidi isaguligwa. 
\v 18 Yoshua kaigala ng'anda ya Zabidi, munhu imoja imoja na Akani mwanage Kalimi, Kalimi mwanage Zabidi, Zabidi mwanage Zela, kulawa kabila da Yuda kasaguligwa. 
\v 19 Abaho Yoshua kamulongela Akani, “Mwanangu mtogole Mndewa Imulungu, Imulungu wa Izilaeli, na umgwelele nhogolwa. Nilongele gaja gautendile na sikuunifise chochose.”
\p
\v 20 Akani kamwidika Yoshua, “Kweli nimtenda nzambi Mndewa Imulungu, Imulungu wa Izilaeli, niye nitenda vino, 
\v 21 vinyonile kiwalo kinogile mna ivinhu avo kulawa ako Shinali, na sente magana mabili na kibimhi cha zahabu kili na uzito wa nusu kilo, nivisulukila na nivisola. Nivifisa nivihimbila hasi ya kibanda changu na zisente za hasi ya ivinhu avo.”
\p
\v 22 Avo Yoshua kawatuma wasenga wachole kuna ikibanda na wavona vinhu avo vifisigwa mna ikibanda chake na zisente zikala hasi. 
\v 23 Avo wavisola vinhu avo kulawa mkibanda wavigala kwa Yoshua na iwanhu wose wa Izilaeli. Wavika hasi kuulongozi wa Mndewa Imulungu. 
\v 24 Avo Yoshua na Waizilaeli wose, wamsola Akani mwanage Zela na zisente na ikiwalo na ikibimhi cha zahabu na wanage wa ikimbigalo na wa ikitwanzi na ng'ombe zake na vihongwe na ng'hondolo na ikibanda chake na vinhu vose viyakalile navo, wavigala kubonde da Akoli. 
\v 25 Yoshua kamuuza Akani, “Habali kutugalila magazo? Lelo Mndewa Imulungu kokugalila magazo gweye.” Waizilaeli wose wamtowa mabwe Akani mbaka kafa na wawatowa kwa mabwe wanage mbaka wafa na wavisoma moto vose. 
\v 26 Abaho walundiza mibwe mingi uchanha yake na ing'hali kuko mbaka lelo. Abaho Mndewa Imulungu kaleka kugevuzika. Avo, mbaka lelo twaga da hanhu aho dokemigwa bonde da Akoli.\f + \fr 7:26 \fr*\ft Kwa Kiebulania \ft*\fq Akoli \fq*\ft fambulo jake magazo.\ft*\f*
\c 8
\s Buga da Ai dosoligwa
\p
\v 1 Mndewa Imulungu kamulongela Yoshua, “Sikuudumbe na sikuunyawenyawe. Wasole iwanhu oitowaga kuing'hondo uchole nao kudibuga da Ai. Lola nimgela mmakono gako imndewa wa Ai na iwanhu zake na buga jake na isi yake yose. 
\v 2 Ditendeleni buga da Ai na mndewa wake kamba vimuditendele buga da Yeliko na mndewa wake, lakini vinhu vake hamoja na fugo yake vonda musole vokuwa venu. Choleni mukaifise ili mudivamile buga dijo kubitila kukisogo.”
\p
\v 3 Avo Yoshua na iwanhu oitowaga kuing'hondo wasegela wachola kudibuga da Ai. Yoshua kasagula iwanhu weli magalu elufu selasini na kawatuma ikilo. 
\v 4 Kawalagiza, “Mweye muifise ili mudivamile dibuga kubitila umwambu wa kukisogo. Sikumuchole kutali na dibuga lakini muitande. 
\v 5 Niye hamoja na wanhu wose weli na niye todicholela dibuga. Waheza kuitowa na siye kamba viwatendile aho haichanduso, siye towakimbila. 
\v 6 Na hewo otukweleleza mbaka vonda wawe kutali na buga jao. Kwavija olonga, ‘Hewo otukimbila kamba aho haichanduso.’ Siye towaleka watukimbize. 
\v 7 Baho mweye molawilila na kudivamila dibuga, kwavija Mndewa Imulungu, Imulungu wenu, kowagwaa buga dijo. 
\v 8 Bahaja vonda mudisole dibuga mudisome moto. Mutende kamba Mndewa Imulungu viyalongile. Loleni niye niwalagiza.” 
\v 9 Avo Yoshua kawatuma na hewo wachola ihanhu ha kuifisa na wakala hagati ya Beseli na Ai, mwambu wa kudihongela zuwa wa Ai, lakini Yoshua kakala kilo acho hamoja na iwanhu.
\p
\v 10 Yoshua kaidamuka imitootondo ng'hani, kawating'haniza iwanhu abaho kachola kudibuga da Ai, heyo na iwavele wa Izilaeli walongola kuulongozi wa iwanhu. 
\v 11 Iwanhu wose oitowaga kuna ing'hondo wakalile hamoja na heyo wachola mbaka behi ya dibuga na weka ng'hambi mwambu wa kasikazini wa buga da Ai, aho kukala na bonde hagati yao na buga da Ai. 
\v 12 Abaho kawasola wanhu kamba elufu tano na kaweka waifise hagati ya Beseli na Ai wadivamile dibuga mwambu wa kudihongela zuwa. 
\v 13 Avo kaweka iwanhu awo, iwakalizi wengi wakala mwambu wa kasikazini wa dibuga, na waja wasigale kaweka umwambu wa kudihongela zuwa, Yoshua kachola kubonde ikilo acho.
\p
\v 14 Mndewa wa buga da Ai viyonile avo, heyo na iwanhu zake na iwanhu wa dibuga, walopola wachola hana ihanhu hakuitowa mwambu wa Alaba wakaitowe na Waizilaeli. Lakini hajuwile bule kamba kukala na wanhu waifisile umwambu wa kukisogo wa dibuga. 
\v 15 Abaho Yoshua na iwanhu wa Izilaeli waitenda kamba watoigwa na walemelwa na okimbilila umwambu wa kuluwala. 
\v 16 Wanhu wose wakalile kudibuga wakemigwa wawakweleleze Waizilaeli, na viwakalile omkweleleza Yoshua wachola kutali na buga jao. 
\v 17 Kuduhu mbigalo yasigale kudibuga da Ai hebu Beseli yalekile kuwakweleleza iwanhu wa Izilaeli. Wadileka dibuga na hawadihindile bule hewo wawakweleleza Waizilaeli.
\p
\v 18 Abaho Mndewa Imulungu kamulongela Yoshua, “Lozela mgoha wako kudibuga da Ai, kwavija nodigela mmakono gako.” Avo Yoshua kaulozela mgoha wake kudibuga da Ai. 
\v 19 Bahaja Yoshua viyaulozele mgoha wake kudibuga da Ai, bumbila dikalile diifisile dilawilila na dikimbila dingila mdibuga wadisola dibuga na walopola kudisoma moto. 
\v 20 Wanhu wa Ai viwalolile kukisogo chao, wajona yosi dolawa kudibuga dokwela uchanha kuulanga. Nao hawadahile kukimbila mwambu uno hebu uja, kwavija Waizilaeli wawahindukila waja wakalile owakweleleza. 
\v 21 Avo Yoshua na Waizilaeli wose viwonile dibumbila dikalile diifisile wadisola dibuga, na diyosi dikwela uchanha, wahinduka na wasonga kuwakoma iwanhu wa Ai. 
\v 22 Wanhu wayagwe kulawa kudibuga wawezila, avo wakala hagati ya iwanhu wa Izilaeli, wayagwe mwambu uno na wayagwe mwambu uja. Waizilaeli wawakoma wose na kuduhu munhu yasigale hebu yatoloke. 
\v 23 Lakini wamgoga imndewa wa Ai kuno yang'hali mgima wamgala kwa Yoshua.
\p
\v 24 Waizilaeli viwamambukize kuwakoma iwanhu wose wa buga da Ai ako kuluwala kuwawakweleleze wabwela mgati kudibuga da Ai na kuwakoma wose wakalile mumo. 
\v 25 Iwanhu wose kwa wose wakomigwe kudibuga da Ai siku dijo, wambigalo na watwanzi wakala elufu kumi na mbili. 
\v 26 Yoshua hauhumuluse mkono wake ugogile umgoha uyaulozele kudibuga da Ai mbaka viwakomigwe wanhu wose wakalile mdibuga dijo. 
\v 27 Lakini Waizilaeli wavisola vinhu vose na zifugo kulawa kudibuga dijo, kamba Mndewa Imulungu viyamulagize Yoshua. 
\v 28 Avo Yoshua kadisoma moto dibuga da Ai na kaditenda vihame siku zose na vivo ili mbaka lelo. 
\v 29 Abaho kamuwamba imndewa wa buga da Ai mdibiki mbaka ichungulo. Zuwa vidingile Yoshua kalagiza waluhumuluse hasi ulukuli kulawa mdibiki na walutupe hana ulwivi lwa dibuga abaho walundize lundo kulu da mibwe uchanha yake, lundo dijo ding'hali kuko mbaka lelo.
\s Yoshua kowakumbusa iwanhu dilagano
\p
\v 30 Kipindi acho Yoshua kamzengela upango wa nhosa Mndewa Imulungu, Imulungu wa Izilaeli ako kulugongo lwa Ebali, 
\v 31 kamba Musa msang'hanaji wa Mndewa Imulungu viyawalagize iwanhu wa Izilaeli, na kamba viyandikigwe mkitabu cha malagizo ga Musa, “Upango wa mabwe hagasongoligwe, hebu kukwasigwa na kinhu chochose cha zuma.” Na wamulavila Mndewa Imulungu uchanha ya upango awo nhosa za kusoma moto na nhosa za kugala kuilumba. 
\v 32 Na baho mgameso ga Waizilaeli wose Yoshua kandika mgamabwe ukwiga gamalagizo ga Musa, gayandike. 
\v 33 Waizilaeli wose, iwanhu baki na iwenekae na iwavele wao na vilongozi na iwasemi wema mwambu kwa mwambu wa disanduku na Iwalawi, iwalava nhosa wadipapile disanduku da lagano da Mndewa Imulungu, nusu wema kuulongozi wa lugongo lwa Gelizimu na nusu wema kuulongozi wa lugongo lwa Ebali kamba Musa imsang'hanaji wa Mndewa Imulungu viyalagize aho haichanduso mbuli ya kuwatambikila Waizilaeli. 
\v 34 Abaho Yoshua kawasomela mbuli zose za gamalagizo, mbuli za kutambikila na mbuli za kuduwila kamba viyandikigwe mkitabu cha malagizo. 
\v 35 Kuduhu mbuli yoyose Yoshua iyalagizwe na Musa kaleka kuisoma kuulongozi wa mting'hano wose wa Izilaeli, na kuulongozi wa iwatwanzi na iwana na iwanhu baki wakalile hagati yao.
\c 9
\s Lagano na iwanhu wa Gibeoni
\p
\v 1 Iwandewa wose wakalile umwambu wa lwanda lwa Yolidani, mna iisi ya vigongo na kudibawe na isi yose ili behi na ibahali ing'hulu kulongozela Lebanoni, Wahiti na Waamoli na Wakanaani na Wapelizi na Wahivi na Wayebusi viwahulike mbuli ayo, 
\v 2 waiting'hana hamoja na wakala kinhu kimoja waitowe na Yoshua na Waizilaeli.
\p
\v 3 Lakini iwenekae wa ako Gibeoni viwahulike kiyatendile Yoshua mna gamabuga ga Yeliko na Ai, 
\v 4 watenda ubala. Watanda ndiya na wawakweza vihongwe wao migunia ya umwaka na isonigwe na imifuko ya ng'hwembe ya divai ya umwaka na isonigwe, 
\v 5 na hewo wavala vilatu vitoboke toboke na viwalo vilalile. Ndiya yao ikala inyalile na ikala na kimvuguya. 
\v 6 Avo, wamcholela Yoshua kuna ing'hambi ako Giligali, wamulongela heyo hamoja na iwanhu wa Izilaeli, “Siye tulawa isi ya kutali, chonde towapula mutende lagano na siye.”
\p
\v 7 Lakini iwanhu wa Izilaeli wawedika awo Iwahivi, “Vino siye todahaze kutenda lagano na mweye? Sengine mweye mokala behi na siye.”
\p
\v 8 Hewo wamulongela Yoshua, “Siye twa wasang'hanaji zako.” Yoshua kawauza, “Mweye mwa kina nani na molawa kwahi?”
\p
\v 9 Wamwidika, “Siye wasang'hanaji zako, tulawa isi ya kutali na twiza mbuli ya twaga da Mndewa Imulungu, Imulungu wenu, na tuhulika ukulu wake na gose gayatendile mwiisi ya Misili, 
\v 10 tugahulika gose gayawatendele iwandewa wabili wa Waamoli wakalile umwambu wa lwanda lwa Yolidani, mndewa Sihoni wa Heshiboni na mndewa Ogu wa Bashani yakalile ako Ashitaloti. 
\v 11 Avo iwavele wetu na iwanhu wose wa isi yetu, watulongela tutande ndiya mbuli ya mwanza wa kwiza kuiting'hana na mweye na tuwalongele kamba siye twa wasang'hanaji zenu, chonde towapula mutende lagano na siye. 
\v 12 Lola magate getu gakala gang'hali moto vitusegele kulawa ukae, lakini sambi ganyala na gana kimvuguya. 
\v 13 Imifuko ino ya ng'hwembe ikala tuimemeze divai na ikala ya sambi, lakini sambi idegeka degeka. Viwalo vetu na vilatu vetu vinangika kwavija mwanza ukala mtali.”
\p
\v 14 Avo Waizilaeli wavibokela vinhu avo, na hawamuuzile bule Mndewa Imulungu. 
\v 15 Yoshua kailumba na hewo na katenda nao lagano da kuwatogolela kukala. Vilongozi wa Waizilaeli waiduwila kutenda kija kiwailagane.
\p
\v 16 Vizibitile siku ndatu tangu viwatendile lagano na hewo, Waizilaeli wajuwa kamba wanhu awo wakala okala behi na hewo na wakala hagati yao. 
\v 17 Avo Waizilaeli wasegela na siku da kadatu wavika mna gamabuga ga iwanhu awo. Mabuga gago gakala Gibeoni na Kefila na Beeloti na Kiliati Yealimu. 
\v 18 Lakini Waizilaeli hawawakomile bule iwanhu awo kwavija vilongozi wao wakala waiduwile kwa twaga da Mndewa Imulungu, Imulungu wa Izilaeli. Avo Waizilaeli wose wawanung'unikila awo vilongozi wao. 
\v 19 Lakini vilongozi wa Izilaeli wawalongela wanhu awo, “Tuiduwila kumwao kwa twaga da Mndewa Imulungu, Imulungu wa Izilaeli, avo hatudaha bule kuwakoma. 
\v 20 Towaleka wakale wagima, ili sambi tukobozigwe na Imulungu, mbuli ya kuiduwila kututendile.” 
\v 21 Awo ivilongozi wawalongela iwanhu, “Walekeni wakale.” Avo wakala okanha ngodi na kudeha mazi kwa Waizilaeli wose, kamba ivilongozi viwawalongele.
\p
\v 22 Yoshua kawakema awo iwenekae wa Gibeoni kawalongela, “Habali mtuvizila kamba molawa isi ya kutali, kumbe mokala hagati yetu? 
\v 23 Avo muduwiligwa na siku zose mokuwa watumwa zetu wa kutukanhila ngodi na kutudehela mazi mbuli ya ng'anda ya Imulungu wangu.”
\p
\v 24 Wamwidikila Yoshua, “Kwavija siye wasang'hanaji wako tulongeligwa kamba Mndewa Imulungu, Imulungu wenu, kamulagiza msang'hanaji wake Musa yawagwee mweye isi yose na yawakome iwenekae wose wa isi ili kuulongozi wenu avo tudumba mbuli ya ugima wetu, lekaavo tutenda mbuli ino. 
\v 25 Avo sambi siye twa mmakono gako, avo vovose viukona vinoga na haki mgameso gako, ututendele.” 
\v 26 Avo, Yoshua kawahonya mmakono ga iwanhu wa Izilaeli, na hawawakomile bule. 
\v 27 Lakini kulawa siku dijo Yoshua kawatenda wanhu awo wakanhe ngodi na kudeha mazi mbaka vino lelo mbuli ya Waizilaeli wose na mbuli ya upango wa Mndewa Imulungu, hanhu hohose hayasagule.
\c 10
\s Waamoli ohumwa
\p
\v 1 Mndewa Adoni Sedeki wa Yelusalemu viyahulike Yoshua kadisola buga da Ai na kudinanga na imndewa wake kamba viyaditendile buga da Yeliko na mndewa wake, na viyahulike iwenekae wa Gibeoni wailumba na Waizilaeli, na sambi okala hamoja na hewo, 
\v 2 kadumba ng'hani, kwavija buga da Gibeoni dikala kulu ng'hani hagati ya mabuga ga kindewa na dikala kulu kubanza Ai, na wambigalo wose wakala magalu. 
\v 3 Avo, Adoni Sedeki imndewa wa Yelusalemu, kagala usenga kwa Hohamu mndewa wa Hebuloni na Pilamu mndewa wa Yalimuti na Yafia mndewa wa Lakishi na Debili mndewa wa Eguloni, kawalongela, 
\v 4 “Izoni munitaze kuditowa buga da Gibeoni, kwavija wailumba hamoja na Yoshua na iwanhu wa Izilaeli.” 
\v 5 Abaho awo iwandewa watano wa Waamoli, mndewa wa Yelusalemu na mndewa wa Hebuloni na mndewa wa Yalimuti na mndewa wa Lakishi na mndewa wa Eguloni wailumba hamoja na iwakalizi zao, abaho wachola Gibeoni, weka ng'hambi kudizunguluka dibuga na kudivamila.
\p
\v 6 Iwanhu kulawa Gibeoni wamgalila usenga Yoshua ako Giligali kuna ing'hambi, wamulongela, “Sikuutuleke siye wasang'hanaji wako, wize himahima utuhonye na ututaze, kwavija iwandewa wose wa Waamoli iwokala mwiisi ya kuvigongo waiting'hana watutowe siye.”
\p
\v 7 Avo, Yoshua hamoja na wakalizi zake wose na waja weli magalu wasegela Giligali. 
\v 8 Mndewa Imulungu kamulongela Yoshua “Sikuuwadumbe hewo kwavija niye niwagela mmakono gako, kuduhu munhu yonda yakuhume.” 
\v 9 Avo kilo kigima watembela kulawa Giligali mbaka Gibeoni, Yoshua kawalawilila kwa kuwasinhukiza. 
\v 10 Nayo Mndewa Imulungu kawagela bwembwe Waamoli kuulongozi wa Waizilaeli na Waizilaeli wawakoma wanhu wengi ako Gibeoni na wawawinga mna inzila ya umtelemko wa Beti Holoni na wawakoma mbaka Azeka na Makeda. 
\v 11 Abaho viwakalile owakimbila Waizilaeli kumtelemko wa Beti Holoni, baho Mndewa Imulungu kawatowela mvula ya mibwe mikulu kulawa kuulanga viwakalile mnzila mbaka ako Azeka na wakomigwa. Iwanhu wengi wafa kwa mvula ayo ya mibwe kubanza awo wakomigwe na iwanhu wa Izilaeli.
\p
\v 12 Kipindi acho Yoshua kamulongela Mndewa Imulungu mgameso ga Waizilaeli wose mna isiku ayo Mndewa Imulungu viyawagelile Waamoli mmakono ga Waizilaeli,
\q “Gweye zuwa ima ako Gibeoni,
\q gweye mbalamwezi ima ako kubonde da Aiyaloni.”
\m
\v 13 Na zuwa dima na mbalamwezi ima mbaka iwanhu wa Izilaeli viwawabwezele gehile iwanhu owehila. Vino mbuli ayo hayandikigwe mna ikitabu cha Yashali? Zuwa dima hagati ya ulanga, dileka kugendelela na mwanza wake kamba kwa siku ngima. 
\v 14 Hainalawilila siku kamba ayo ako umwaka hebu ako kumwande, siku ayo Mndewa Imulungu kamwidika munhu kamba avo, kwavija Mndewa Imulungu kakala kowagombela Waizilaeli.
\p
\v 15 Abaho Yoshua kabwela na Waizilaeli wose kuna ing'hambi ako Giligali.
\s Kukomigwa kwa iwandewa watano
\p
\v 16 Awo iwandewa watano wakimbila na waifisa ako kuna imhango ako Makeda. 
\v 17 Yoshua kalongeligwa mbuli ayo, “Awo iwandewa watano oneka, waifisa mna imhango ako Makeda.” 
\v 18 Yoshua kalonga, “Bimbiliseni mibwe mikulu muike aho hamulomo wa imhango, na wekeni wanhu waikalize, 
\v 19 lakini mweye sikumukale. Wakwelelezeni iwanhu owehila watoweni kusongela kukisogo. Sikumuwaleke wengile mna gamabuga gao, kwavija Mndewa Imulungu, Imulungu wenu kawagela mmakono genu.” 
\v 20 Yoshua na Waizilaeli viwamambukize kuwakoma iwanhu wose na wanhu wadodo wasigale wakimbilila kuna gamabuga gazunguluswe senyenge ya mibwe. 
\v 21 Abaho iwanhu wose wabwela kwa Yoshua kuna ing'hambi ako Makeda. Kuduhu munhu mwiisi ayo yagezile kulonga kinhu chochose kihile kwa Waizilaeli.
\p
\v 22 Abaho Yoshua kalonga, “Vuguleni umulomo wa imhango na muwagale awo iwandewa watano kumwangu.” 
\v 23 Watenda vivo, wawagala awo iwandewa watano kwa Yoshua, mndewa wa Yelusalemu na mndewa wa Hebuloni na mndewa wa Yalimuti na mndewa wa Lakishi na mndewa wa Eguloni. 
\v 24 Wandewa awo viwagaligwe kwa Yoshua, Yoshua kawakema Waizilaeli wose na iwakulu wa wakalizi wacholile na heyo kuna ing'hondo kawalongela, “Kweseni behi muwakanyage iwandewa wano mzisingo.” Na hewo wakwesa behi wawakanyaga mzisingo. 
\v 25 Yoshua kawalongela, “Sikumudumbe hebu kunyawanyawa, mugangamale na muwe magalu, kwavija vino vivo Mndewa Imulungu vonda yawatendele iwanhu owehila omuitowa nao.” 
\v 26 Abaho Yoshua kawakoma na kawawamba mna imibiki mitano. Wakala aho mbaka ichungulo. 
\v 27 Zuwa vidingile, Yoshua kalagiza zing'huli zisegesigwe mna imibiki na zasiligwe mna imhango iwakalile waifisile. Abaho weka mibwe mikulu hamulomo wa imhango, na mabwe gago ga kuko mbaka lelo.
\p
\v 28 Siku didijo Yoshua kadisola buga da Makeda, na kamkoma imndewa wa buga dijo kwa sime na kawakoma iwanhu wose wakalile mumo na hamulekile hata imoja. Kamtendela imndewa wa Makeda kamba viyamtendele mndewa wa ako Yeliko.
\s Yoshua kogasola gamabuga ga kusini
\p
\v 29 Abaho Yoshua na Waizilaeli wose wasegela ako Makeda wachola kudivamila buga da Libina. 
\v 30 Mndewa Imulungu kadigela buga dijo na imndewa wake mmakono ga Waizilaeli. Wawakoma iwenekae wose kwa misime na hawamulekile hata munhu imoja. Yoshua kamtendela mndewa ayo kamba viyamtendele imndewa wa Yeliko.
\p
\v 31 Abaho Yoshua na Waizilaeli wose wasegela ako Libina wachola ako Lakishi, wadizunguluka buga dijo na kudivamila. 
\v 32 Mna isiku ya kabili Mndewa Imulungu kadigela buga dijo mmakono ga Waizilaeli, wawakoma wenekae wose wa buga dijo kamba viwatendile ako Libina.
\p
\v 33 Abaho Holamu mndewa wa Gezeli keza kuwataza iwanhu wa Lakishi. Lakini Yoshua kamkoma hamoja na wanhu zake wose, hamsigase hata munhu imoja.
\p
\v 34 Abaho Yoshua na Waizilaeli wose wasegela ako Lakishi wachola Eguloni. Wadizunguluka buga dijo na kudivamila. 
\v 35 Siku didijo wadisola buga dijo, na wawakoma wanhu wose kamba viwatendile ako Lakishi.
\p
\v 36 Abaho Yoshua na Waizilaeli wose wasegela ako Eguloni wachola Hebuloni, na wadivamila buga dijo, 
\v 37 na wadisola hamoja na ivijiji vake na wamkoma imndewa wake na iwenekae wake wose, hawamulekile hata munhu imoja kamba viwatendile ako Eguloni.
\p
\v 38 Abaho Yoshua na Waizilaeli wose wabweleganya mbaka kudibuga da Debili na wadivamila, 
\v 39 na wadisola buga dijo na vijiji vake. Wamkoma mndewa wake na iwenekae wose na hawamulekile hata munhu imoja kamba viwatendile kudibuga da Hebuloni na imndewa wake na kudibuga da Libina na imndewa wake.
\p
\v 40 Avo Yoshua kaisola isi yose, isi ili kuvigongo na isi ya Negebu na kudibawe na kuna imitelemuko. Kawakoma iwandewa wose na hamulekile hata munhu imoja, ila kawalava ili wabanangigwe iwanhu wose kamba viyamulagize Mndewa Imulungu, Imulungu wa Izilaeli. 
\v 41 Yoshua kawahuma iwanhu wose kulawa Kadeshi Balinea mbaka Gaza na kulawa isi yose ya Gosheni mbaka ako Gibeoni. 
\v 42 Yoshua kaisola isi ayo yose na iwandewa wose kwa mwanza umoja, kwavija Mndewa Imulungu, Imulungu wa Izilaeli kawagombela. 
\v 43 Abaho Yoshua na Waizilaeli wose wabwela kuna ing'hambi ako Giligali.
\c 11
\s Yoshua komuhuma Yabini na wandewa wayage
\p
\v 1 Abaho Yabini imndewa wa Hazoli, viyazihulike mbuli azo, katuma usenga kwa Yobabu imndewa wa Madoni na kwa imndewa wa Shimuloni na imndewa wa Akishafu, 
\v 2 na kwa iwandewa wakalile kuvigongo va mwambu wa kasikazini, na kwa awo wakalile Alaba ikalile mwambu wa kusini wa Kineleti, na kwa awo wakalile ako kudibawe, na kwa awo wakalile ako Nafati Doli umwambu wa kudihongela zuwa. 
\v 3 Vivija kagala usenga kwa Wakanaani wakalile mwambu wa kudilawila zuwa na mwambu wa kudihongela zuwa na kwa Waamoli na Wahiti na Wapelizi na Wayebusi awo wakalile kuvigongo, na kwa Wahivi wakalile hasi ya ulugongo lwa Helimoni mwiisi ya Misipa. 
\v 4 Avo wasegela wose na iwakalizi wao wengi ng'hani, hewo wakala wengi kamba msanga wa mwhani, wakala na mituka mingi na falasi wengi. 
\v 5 Avo iwandewa awo waiting'hana na iwakalizi wao wose, wachola kwika ng'hambi yao ako kuna gamazi ga Melomu ili waitowe na Waizilaeli.
\p
\v 6 Mndewa Imulungu kamulongela Yoshua, “Sikuuwadumbe hewo, kwavija mayo saa kamba ino nowakoma wose kwa kuwagela mmakono ga Waizilaeli, na gweye kowakanha imigiha iwafalasi na kuisoma moto mituka yao.” 
\v 7 Avo Yoshua na iwakalizi zake wawezila kwa kuwasinhukiza ako kuna gamazi ga Melomu na kuwavamila. 
\v 8 Mndewa Imulungu kawagela mmakono ga Waizilaeli, wawatowa na kuwawinga mbaka Sidoni ing'hulu na mbaka ako Misilefoti Maimu na mbaka ako umwambu wa kudilawila zuwa wa kubonde da Misipa. Wawatowa na kuwakoma wose. 
\v 9 Yoshua kawatendela kamba Mndewa Imulungu viyamulongele. Kawakanha imigiha iwafalasi wao na kaisoma moto imituka yao.
\p
\v 10 Yoshua viyakalile kobwela, kadisola buga da Hazoli. Kamkoma imndewa wa buga dijo kwavija buga da Hazoli dikala ikilongozi wa undewa wose awo. 
\v 11 Kaditowa buga dijo na kawakoma wose wakalile mumo, kuduhu munhu yakalile yasigale na kadisoma moto dibuga da Hazoli.
\p
\v 12 Vivija kagasola mabuga gose gayagwe na iwandewa wao kawagoga na kawakoma kwa sime. Kagabananga gose, kamba Musa imsang'hanaji wa Mndewa Imulungu viyamulagize. 
\v 13 Lakini Waizilaeli hawagasomile moto gamabuga gazengigwe kuvihame, ila buga da Hazoli diiyeka, ajo Yoshua kadisoma moto. 
\v 14 Waizilaeli wasola vinhu vose vikalile mna gamabuga gago na zifugo, lakini wawakoma iwenekae wose kwa sime, na hawamulekile hata munhu. 
\v 15 Kamba Mndewa Imulungu viyamulagize Musa msang'hanaji wake na heyo Musa kamulagiza Yoshua na Yoshua katenda gose, na halekile chochose mna igago gose Mndewa Imulungu gayamulagize Musa.
\s Isi ziyasolile Yoshua
\p
\v 16 Avo Yoshua kaisola isi yose ayo, isi ya kuvigongo va Yuda na bawe jake na isi ya Negebu na isi yose ya Gosheni na isi ya Alaba na isi ya kuvigongo va Izilaeli na bawe jake, 
\v 17 kulawa lugongo lwa Halaki behi na Seili mbaka Baali Gadi kubonde da Lebanoni hasi ya lugongo lwa Helimoni. Heyo kawagoga iwandewa wa isi azo zose na kawakoma. 
\v 18 Yoshua kaitowa na iwandewa awo wose kwa kipindi kitali. 
\v 19 Kuduhu buga diilumbile na iwanhu wa Izilaeli, ila buga da Gibeoni amo muwakalile okala Wahivi. Waizilaeli wagasola mabuga gose gayagwe kwa kuitowa ng'hondo. 
\v 20 Vivo viyalondile Mndewa Imulungu kuitenda mizoyo yao midala, na wachole kuitowa na Waizilaeli ili walavigwe kwa kubanangigwa na sikuwoneligwe bazi ila wakomigwe kamba Mndewa Imulungu viyamulagize Musa.
\p
\v 21 Kipindi acho Yoshua kachola kuwakoma Waanaki wakalile okala ako kuna iisi ya kuvigongo, kulawa Hebuloni na Debili na Anabu na isi yose ya kuvigongo va Yuda na isi yose ya kuvigongo va Izilaeli. Yoshua kagananga mabuga gao gose na kawakoma wose. 
\v 22 Kuduhu munhu mna iwanhu awo wa Anaki yasigale mwiisi ya Izilaeli, ila wasigala mwiisi ya Gaza na Gati na Ashidodi.
\p
\v 23 Avo Yoshua kaisola isi yose kamba vigali gose gayalongile Mndewa Imulungu kwa Musa. Yoshua kawagwelela isi ayo Waizilaeli kamba uhazi wao, na kawagolela kamba makabila gao vigeli. Abaho isi yose ibwihila na kukala kuduhu ng'hondo kabili.
\c 12
\s Iwandewa wahumigwe na Musa
\p
\v 1 Wano awo iwandewa wahumigwe na Waizilaeli na wabokigwa isi yao ikalile mwambu wa kudilawila zuwa wa lwanda lwa Yolidani, kulawa kubonde da Alinoni mbaka kulugongo lwa Helimoni na isi yose ya Alaba mwambu wa kudilawila zuwa, 
\v 2 Sihoni mndewa wa Waamoli yakalile ako Heshiboni na katawala buga da Aloeli dikalile kumgwazo wa bonde da Alinoni, vivija katawala kulawa kubonde mbaka lwanda lwa Yaboki, ukalile imbaka ya isi ya Waamoni ayo ikala nusu ya isi ya Gileadi. 
\v 3 Vivija katawala isi ya Alaba kulawa umwambu wa kudilawila zuwa wa ibahali ya Kineleti, mbaka Beti Yeshimoti kuna ibahali ya Alaba, vivija yojuwigwa kamba bahali ya Mkele na kugendelela kusini mbaka hasi ya ulugongo lwa Pisiga.
\p
\v 4 Iyagwe kakala mndewa Ogu wa ako Bashani, imoja wa awo Walefai wasigale, yakalile ako Ashitaloti na ako Edilei, 
\v 5 heyo katawala kulugongo lwa Helimoni na ako Saleka na isi yose ya Bashani mbaka ako kuna zimbaka za Wageshuli na Wamaaka na nusu ya Gileadi na kuna imbaka ya isi ya Sihoni mndewa wa Heshiboni.
\p
\v 6 Musa imsang'hanaji wa Mndewa Imulungu na iwanhu wa Izilaeli wawahuma iwandewa awo, na Musa kawagolela isi ayo iwanhu wa kabila da Lubeni na Gadi na nusu ya kabila da Manase.
\s Iwandewa wahumigwe na Yoshua
\p
\v 7 Wano awo iwandewa wa isi ziyazihumile Yoshua na iwanhu wa Izilaeli, ako kuna umwambu wa kudihongela zuwa wa lwanda lwa Yolidani, kulawa Baali Gadi kubonde da Lebanoni mbaka kulugongo lwa Halaki behi na Seili. Yoshua kawagolela isi ayo makabila ga Izilaeli kamba vigeli. 
\v 8 Isi ili kuvigongo na kudibawe na isi ya Alaba na kumtelemuko na kuluwala na isi ya Negebu, isi ikalile ya Wahiti na Waamoli na Wakanaani na Wapelizi na Wahivi na Wayebusi. 
\v 9 Waizilaeli wawahuma wandewa wakalile imoja imoja, mndewa wa Yeliko na mndewa wa Ai, buga dili behi na Beseli, 
\v 10 na mndewa wa Yelusalemu na mndewa wa Hebuloni, 
\v 11 na mndewa wa Yalimuti na mndewa wa Lakishi, 
\v 12 na mndewa wa Eguloni na mndewa wa Gezeli, 
\v 13 na mndewa wa Debili na mndewa wa Gedeli, 
\v 14 na mndewa wa Holima na mndewa wa Aladi, 
\v 15 na mndewa wa Libina na mndewa wa Adulamu, 
\v 16 na mndewa wa Makeda na mndewa wa Beseli, 
\v 17 na mndewa wa Tapua na mndewa wa Hefeli, 
\v 18 na mndewa wa Afeka na mndewa wa Lashaloni, 
\v 19 na mndewa wa Madoni na mndewa wa Hazoli, 
\v 20 na mndewa wa Shimuloni Meloni na mndewa wa Akishafu, 
\v 21 na mndewa wa Taanaki na mndewa wa Megido, 
\v 22 na mndewa wa Kedeshi na mndewa wa Yokineamu ako Kalimeli, 
\v 23 na mndewa wa Doli ako Nafoti Doli na mndewa wa Goiimu ako Giligali, 
\v 24 na mndewa wa Tiliza. Wose kwa wose wakala wandewa malongo madatu na imoja.
\c 13
\s Isi zisigale kusoligwa
\p
\v 1 Avo Yoshua kakala na miyaka mingi na kakala mvele avo Mndewa Imulungu kamulongela, “Gweye sambi kuna miyaka mingi na kwa mvele, na zisigala isi nyingi zing'hali hazinasoligwa. 
\v 2 Isi azo izo zino, isi yose ya Wafilisiti na isi yose ya Wageshuli, 
\v 3 ndio kulonga isi ijuwigwa kamba ya Wakanaani, kusongela lwanda lwa Shiholi kuna umwambu wa kudilawila zuwa wa Misili mbaka isi ya Ekiloni ako kasikazini. Isi yose kowotawala awo iwakulu watano wa Wafilisiti, Gaza na Ashidodi na Ashikeloni na Giti na Ekiloni, na vivija Waavi watawala, 
\v 4 mwambu wa kusini. Vivija isi ya Wakanaani kusongela Meala ya Wasidoni mbaka Afeka kuna imbaka ya Waamoli, 
\v 5 na isi ya Wagebali na isi yose ya Lebanoni mwambu wa kudilawila zuwa, kulawa Baali Gadi hasi ya lugongo lwa Helimoni mbaka Lebo Hamati. 
\v 6 Vivija isi ya iwanhu okala kuvigongo kulawa Lebanoni mbaka Misilefoti Maimu, kuwakalile Wasidoni. Niye mwenyego nowawinga hewo kuulongozi wa iwanhu wa Izilaeli, lakini gweye uwagolele Waizilaeli isi ayo iwe kamba uhazi wao, kamba vinikulagize. 
\v 7 Avo uigole isi ayo kamba uhazi kwa makabila tisa, na nusu ya kabila da Manase.”
\s Isi ili umwambu wa kudilawila zuwa wa Yolidani
\p
\v 8 Makabila ga Lubeni na Gadi na nusu iyagwe ya kabila da Manase, awo wagweleligwa na Musa isi yao kamba uhazi ako umwambu wa kudilawila zuwa wa lwanda lwa Yolidani kamba Musa imsang'hanaji wa Mndewa Imulungu viyawagwelele. 
\v 9 Isi yao ikala kusongela Aloeli kumgwazo wa bonde da Alinoni na dibuga dili hagati ha konde na isi yose ya kudibawe kulawa Medeba mbaka Diboni, 
\v 10 na gamabuga gose ga Sihoni imndewa wa Waamoli yatawale ako Heshiboni mbaka kuna imbaka ya Waamoni, 
\v 11 na isi ya Gileadi na isi ya Wageshuli na isi ya Wamaaka na ulugongo lwa Helimoni na isi yose ya Bashani mbaka Saleka, 
\v 12 na undewa wose wa Ogu, ayo yakalile yotawala ako Ashitaloti na Edilei ako Bashani, Ogu yaiyeka ayo yasigale mna Iwalefai. Musa kawahuma awo wose na kawawinga. 
\v 13 Iwanhu wa Izilaeli hawawawingile bule Wageshuli hebu Wamaaka lakini Wageshuli na Wamaaka wakala hagati ya Waizilaeli mbaka lelo.
\p
\v 14 Musa hawagwelele bule isi yoyose kamba uhazi wao iwanhu wa kabila da Lawi. Lakini zinhosa zilavagwa kwa kusoma moto kwa Mndewa Imulungu, Imulungu wa Izilaeli, azo uhazi wao, kamba Mndewa Imulungu viyamulongele Musa.
\s Isi ya iwanhu wa kabila da Lubeni
\p
\v 15 Musa kawagwaa uhazi iwanhu wa kabila da Lubeni kamba viweli mzing'holo zao. 
\v 16 Isi yao ikala kusongela Aloeli, ayo ikalile kumgwazo wa bonde da Alinoni, na buga dikalile hagati ya bonde na bawe jose dili behi na Medeba, 
\v 17 na isi ya Heshiboni na mabuga gose geli kudibawe, Diboni na Bamoti Baali na Beti Baali Meoni, 
\v 18 na Yahasa na Kedemoti na Mefaati, 
\v 19 na Kiliataimu na Sibima na Seleti Shahali kulugongo lwa kubonde, 
\v 20 na Beti Peoli na umtelemuko wa Pisiga na Beti Yeshimoti. 
\v 21 Vivija na mabuga gose ga kudibawe, na undewa wose wa Sihoni imndewa wa Waamoli yakalile yotawala ako Heshiboni, Musa kakala yamuhumile Sihoni na ivilongozi watawale Midiani, wakalile Evi na Lekemu na Suli na Huli na Leba, awo watawala hanhu ha mndewa Sihoni. 
\v 22 Vivija Waizilaeli wamkoma mna ing'hondo Balaamu mwanage Beoli, ayo yakalile yolagula. 
\v 23 Imbaka ya isi ya iwanhu wa kabila da Lubeni ikala ulwanda lwa Yolidani. Gago gamabuga na ivijiji awo ukalile uhazi wa iwanhu wa kabila da Lubeni kamba viweli mzing'holo zao.
\s Isi ya iwanhu wa kabila da Gadi
\p
\v 24 Vivija Musa kawagwelela isi kamba uhazi kwa iwanhu wa kabila da Gadi kamba viweli mzing'holo zao. 
\v 25 Isi yao ikala Yazeli, na mabuga gose ga Gileadi na nusu ya isi ya Waamoni mbaka Aloeli ili umwambu wa kudilawila zuwa wa Laba, 
\v 26 na kulawa Heshiboni mbaka Lamati Misipa na Betonimu na kulawa Mahanaimu mbaka kuna imbaka ya Debili, 
\v 27 na kubonde da Beti Halamu na Beti Nimula na Sukoti na Safoni na isi isigale ikalile ya Sihoni imndewa wa Heshiboni, imbaka yake ikala ulwanda lwa Yolidani mbaka kuihelela ibahali ya Kineleti. 
\v 28 Gago gamabuga na ivijiji, awo ukalile uhazi wa iwanhu wa kabila da Gadi kamba viweli mzing'holo zao.
\s Isi ya nusu ya kabila da Manase
\p
\v 29 Musa kawagwaa uhazi nusu ya kabila da Manase. Kawagwelela nusu ya iwanhu wa kabila da Manase kamba viweli mzing'holo zao. 
\v 30 Isi yao ikala kulawa Mahanaimu mbaka isi yose ya Bashani na undewa wose wa Ogu imndewa wa Bashani, na mabuga gose malongo sita ga Yaili, gakalile ako Bashani, 
\v 31 na nusu ya Gileadi na Ashitaloti na Edilei na mabuga gose ga undewa wa Ogu ako Bashani. Isi ayo wagweleligwa nusu ya iwanhu wa ulelo wa Makili mwanage Manase kamba viweli mzing'holo zao.
\p
\v 32 Awo uwo uhazi uwagolile Musa ako kudibawe da Moabu, mwambu wa kudilawila zuwa wa lwanda lwa Yolidani uilola na buga da Yeliko dikalile umwambu wa ulwanda. 
\v 33 Lakini kwa iwanhu wa kabila da Lawi Musa hawagwelele isi yoyose kamba uhazi wao. Mndewa Imulungu, Imulungu wa Izilaeli ayo uhazi wao kamba viyawalongele.
\c 14
\s Isi ili umwambu wa kudihongela zuwa wa Yolidani yogoligwa
\p
\v 1 Zino azo isi ziwagweleligwe iwanhu wa Izilaeli ako mwiisi ya Kanaani. Eleazali imulava nhosa na Yoshua mwanage Nuni na ivilongozi wa zing'holo za makabila ga Izilaeli wawagolela iwanhu wa Izilaeli. 
\v 2 Isi ayo igoligwe kwa kubwanha simbi kamba Mndewa Imulungu viyalagize kubitila Musa mbuli ya ago gamakabila tisa na nusu. 
\v 3 Kwavija Musa kakala yawagwelele uhazi iwanhu wa makabila mabili na nusu ako umwambu wa kudilawila zuwa wa lwanda lwa Yolidani, lakini kwa Iwalawi hawagwelele bule uhazi wowose. 
\v 4 Kwavija mna iwanhu wa ulelo wa Yusufu gawa makabila mabili, Manase na Efulaimu. Kuduhu isi iwagweleligwe Iwalawi, ila wagweleligwa mabuga ga kukala na hanhu ha kudimila fugo zao na kwika vinhu vao viyagwe. 
\v 5 Wanhu wa Izilaeli waigola isi ayo kamba Mndewa Imulungu viyamulagize Musa.
\s Kalebu kogweleligwa Hebuloni
\p
\v 6 Abaho iwanhu wa kabila da Yuda wamcholela Yoshua ako Giligali. Kalebu mwanage Yefune ayo yakalile Mkenizi kamulongela, “Gweye kojuwa Mndewa Imulungu kamulongela Musa, imunhu wa Imulungu, ako Kadeshi Balinea mbuli ya niye na gweye. 
\v 7 Kipindi acho niye nikala na miyaka malongo mane, Musa, imsang'hanaji wa Mndewa Imulungu, viyanitumile kulawa Kadeshi Balinea nikaisungulile isi ayo. Vinibwelile nimgalila usenga kamba vinyonile mna umoyo wangu. 
\v 8 Lakini wayangu wanicholile nao wawadumbiza iwanhu, ila niye nimkweleleza Mndewa Imulungu, Imulungu wangu kwa moyo wangu wose. 
\v 9 Mna isiku ayo Musa kaiduwila, ‘Kweli isi yuukanyage kwa magulu gako yokuwa uhazi wako na ulelo wako milele, kwavija kumkweleleza Mndewa Imulungu, Imulungu wako kwa moyo wako wose.’ 
\v 10 Lola, sambi Mndewa Imulungu kanika mgima kamba viyalongile miyaka malongo mane na tano tangu kipindi acho Mndewa Imulungu viyamulongele Musa mbuli ino, Waizilaeli viwakalile obita kuluwala. Sambi nina miyaka malongo nane na tano. 
\v 11 Sambi ning'hali na nguvu kamba vinikalile siku ayo Musa viyanitumile. Kamba ving'halile na nguvu kipindi acho na sambi ning'hali nazo, nodaha kuchola kuing'hondo, na kusang'hana sang'hano yoyose iyagwe. 
\v 12 Avo, sambi unigwelele isi ino ya kuvigongo iyalongile Mndewa Imulungu siku ija, kwavija gweye kuhulika siku ija kamba Waanaki wakala okala mumo, mna gamabuga gazunguluswe senyenge ya mibwe. Mndewa Imulungu yawe na niye, na niye nowawinga kamba Mndewa Imulungu viyalongile.”
\p
\v 13 Avo Yoshua kamtambikila Kalebu mwanage Yefune na kamgwelela buga da Hebuloni kamba uhazi wake. 
\v 14 Avo buga da Hebuloni diwa uhazi wa Kalebu mwanage Yefune, ayo Imkenizi, mbaka vino lelo, kwavija kamkweleleza kwa moyo wake wose Mndewa Imulungu, Imulungu wa Izilaeli. 
\v 15 Buga da Hebuloni ako umwaka dikala dikemigwa Kiliati Aliba, ayo Aliba kakala munhu mkulu mna Iwaanaki. Isi ayo ibwihila na kukala kuduhu ng'hondo.
\c 15
\s Isi ya iwanhu wa kabila da Yuda
\p
\v 1 Isi iwagweleligwe iwanhu wa kabila da Yuda kamba viweli mzing'holo zao, ikala kulawa umwambu wa kusini mbaka kuna imbaka ya Edomu na mbaka ako kusini ya uluwala lwa Sini.
\p
\v 2 Imbaka yao kuna umwambu wa kusini ikala kulawa kumgwazo wa ibahali ya Mkele, kulawa kudiswila dilongoza kusini. 
\v 3 Igendelela umwambu kusini na ibita kumtelemuko wa Akilabimu abaho Sini, abaho ichola umwambu wa kusini wa Kadeshi Balinea na igendelela mbaka behi na Hesiloni na ivika Adali na kuhinduka kuchola Kalika. 
\v 4 Kulawa kuko ibita behi na Azimoni na kukweleleza ingema ya ikizanda cha Misili mbaka kuvikila kuna ibahali ya Meditelania. Ako kuko ibitile imbaka ya Yuda kwa umwambu wa kusini.
\p
\v 5 Imbaka yao kwa umwambu wa kudilawila zuwa ikala Ibahali ya Mkele, aho hawingilile ulwanda lwa Yolidani. Na imbaka yao kwa umwambu wa kasikazini ikala kulawa kumgwazo wa Bahali ya Mkele aho kudiswila da ulwanda lwa Yolidani, 
\v 6 imbaka ayo ibita ako Beti Hogila na umwambu wa kasikazini wa Beti Alaba mbaka kuna idibwe da Bohani mwanage Lubeni. 
\v 7 Imbaka ayo igendelela mbaka ako Debili kubonde da Akoli, na kugendelela umwambu wa kasikazini wa kuchola Giligali buga dikalile diilola na umtelemuko wa Adumimu ukalile mwambu wa kusini wa kubonde. Abaho ayo imbaka igendelela ako kuna inzasa ya Eni Shemeshi na kuhelela ako Eni Logeli. 
\v 8 Abaho ayo imbaka ibita kubonde da Hinomu, umwambu wa kusini wa ikigongo cha Wayebusi, vivija yojuwigwa kamba Yelusalemu, na ibita kuna inhembeti ya ulugongo ulo kuna umwambu wa kudihongela zuwa wa kubonde da Hinomu na ihelela ako kuna umwambu wa kasikazini wa kubonde da Lefaimu. 
\v 9 Kulawa ako imbaka ibitila kuna inhembeti ya ulugongo mbaka kuna zinzasa za Nefitoa na mbaka kuna gamabuga ga lugongo lwa Efuloni. Aho ayo imbaka ihinduka kuchola Baala vivija yojuwigwa kamba Kiliati Yealimu, 
\v 10 abaho imbaka izunguluka umwambu wa kudihongela zuwa ichola kulugongo lwa Seili, na ibitila kasikazini ya lugongo lwa Yelimu vivija yojuwigwa kamba Kesaloni, na ihumuluka mbaka Beti Shemeshi ako ibita behi na Timina. 
\v 11 Abaho igendelela umwambu wa kasikazini wa Ekiloni, izunguluka kuchola Shikeloni ako ibita behi na lugongo lwa Baala mbaka Yabineeli na ihelela kuna ibahali. 
\v 12 Imbaka kwa umwambu wa kudihongela zuwa ikala ibahali ing'hulu. Ayo ikala imbaka iwazunguluke iwanhu wa kabila da Yuda kamba viweli mzing'holo zao.
\s Kalebu kosola uhazi wake
\r (Wasemi 1:11-15)
\p
\v 13 Kamba Mndewa Imulungu viyamulagize Yoshua, kamgwelela Kalebu mwanage Yefune isi mna iwanhu wa kabila da Yuda, kamgwelela Kiliati Aliba vivija yojuwigwa kamba Hebuloni. Ayo Aliba kakala tatake Anaki. 
\v 14 Kalebu kawawinga wanhu wadatu wa ulelo wa Anaki hamoja na wanhu zao, wakalile Sheshai na Ahimani na Talimai. 
\v 15 Abaho kakwela kulawa kuko na kawacholela iwenekae wa buga da Debili, ditwaga da Debili ako umwaka dijuwigwa kamba Kiliati Sefeli. 
\v 16 Kalebu kalonga, “Mbigalo yoyose yonda yadivamile na kudisola buga da Kiliati Sefeli nomgwaa mndele wangu Akisa yawe mwehe wake.” 
\v 17 Avo, Osinieli mwanage Kenazi, ndugu yake Kalebu, kadisola buga dijo, avo Kalebu kamgwaa Osinieli mndele wake Akisa yawe mwehe wake. 
\v 18 Akisa viyacholile kwa imkasano wake, kamulongela imkasano wake yampule tatake mgunda. Ako kumwande Akisa kachola kwa tatake kahumuluka mkihongwe wake, Kalebu kamuuza, “Kolonda choni?” 
\v 19 Akisa kamwidika, “Nolonda unitende nimwede. Kwavija kunigwelela isi ya Negebu avo vivija unigwelele na zinzasa za gamazi.” Avo Kalebu kamgwaa inzasa ili kulugongo na inzasa ili kubonde.
\s Mabuga ga iwanhu wa kabila da Yuda
\p
\v 20 Uno awo uhazi wa iwanhu wa kabila da Yuda kamba viweli mzing'holo zao. 
\v 21 Mabuga ga iwanhu wa kabila da Yuda kwa umwambu wa kusini kuna imbaka ya Edomu gakala, Kabiseeli na Edeli na Yaguli, 
\v 22 na Kina na Dimona na Adada, 
\v 23 na Kedeshi na Hazoli na Itinani, 
\v 24 na Zifu na Telemu na Bealoti, 
\v 25 na Hazoli Hadata na Kelioti Haziloni vivija dojuwigwa kamba Hazoli, 
\v 26 na Amamu na Shema na Molada, 
\v 27 na Hasali Gada na Heshimoni na Beti Peleti, 
\v 28 na Hasali Shuali na Beelisheba na Biziotia, 
\v 29 na Baala na Iyimu na Esemu, 
\v 30 na Elitoladi na Kesili na Holima, 
\v 31 na Sikilagi na Madimana na Sanisana, 
\v 32 na Lebaoti na Shilihimu na Aini na Limoni. Gose kwa gose gakala mabuga malongo mabili na tisa hamoja na ivijiji vake.
\p
\v 33 Mabuga gakalile kubawe gakala, Eshitaoli na Sola na Ashina, 
\v 34 na Zanoa na Enganimu na Tapua na Enamu, 
\v 35 na Yalimuti na Adulamu na Soko na Azeka, 
\v 36 na Shaalaimu na Aditaimu na Gedela na Gedelotaimu, gakala mabuga longo na nne hamoja na ivijiji vake.
\p
\v 37 Vivija wagweleligwa mabuga ga Senani na Hadasha na Migidali Gadi, 
\v 38 na Dileani na Mizipe na Yokiteeli, 
\v 39 na Lakishi na Bozikati na Eguloni, 
\v 40 na Kaboni na Lahimamu na Kitilishi, 
\v 41 na Gedeloti na Beti Dagoni na Naama na Makeda. Mabuga gose kwa gose gakala longo na sita hamoja na ivijiji vake.
\p
\v 42 Vivija wagweleligwa mabuga ga Libina na Eteli na Ashani, 
\v 43 na Yifita na Ashina na Nezibu, 
\v 44 na Keila na Akizibu na Malesha. Gose kwa gose gakala mabuga tisa hamoja na ivijiji vake.
\p
\v 45 Vivija wagweleligwa Ekiloni hamoja na ivijiji vake na kae zake, 
\v 46 kulawa Ekiloni mbaka kuna ibahali, behi na Ashidodi hamoja na ivijiji vake.
\p
\v 47 Ashidodi hamoja na vijiji vake na kae zake, Gaza hamoja na vijiji vake na kae zake, mbaka kizanda cha Misili na kuna ibahali ing'hulu na imwhani yose.
\p
\v 48 Na gamabuga gakalile kuvigongo, Shamili na Yatili na Soko, 
\v 49 na Dana na Kiliati Sana twaga diyagwe dojuwigwa kamba Debili, 
\v 50 na Anabu na Eshitemoa na Animu, 
\v 51 na Gosheni na Holoni na Gilo. Gose kwa gose gakala mabuga longo na dimoja hamoja na ivijiji vake.
\p
\v 52 Vivija wagweleligwa mabuga ga Alabu na Duma na Eshani, 
\v 53 na Yanumu na Beti Tapua na Afeka, 
\v 54 na Humita na Kiliati Aliba twaga diyagwe dojuwigwa kamba Hebuloni na Sioli. Gose kwa gose gakala mabuga tisa hamoja na ivijiji vake.
\p
\v 55 Vivija wagweleligwa mabuga ga Maoni na Kalimeli na Zifu na Yuta, 
\v 56 na Yezileeli na Yokideamu na Zanoa, 
\v 57 na Kaini na Gibea na Timina. Gose kwa gose gakala mabuga longo hamoja na ivijiji vake.
\p
\v 58 Vivija wagweleligwa mabuga ga Halihuli na Beti Suli na Gedoli, 
\v 59 na Maalati na Beti Anoti na Elitekoni. Gose kwa gose gakala mabuga sita hamoja na ivijiji vake.
\p
\v 60 Vivija wagweleligwa mabuga ga Kiliati Baali twaga diyagwe dojuwigwa kamba Kiliati Yealimu na Laba. Gose kwa gose gakala mabuga mabili hamoja na ivijiji vake.
\p
\v 61 Mabuga gakalile kuluwala gakala, Beti Alaba na Midini na Sekaka, 
\v 62 na Nibishani na Buga da Mkele na Engedi. Gose kwa gose gakala mabuga sita hamoja na ivijiji vake.
\p
\v 63 Lakini iwanhu wa kabila da Yuda hawawawingile bule Wayebusi, awo iwenekae wa Yelusalemu, avo Wayebusi wakala hamoja na iwanhu wa Yuda ako Yelusalemu mbaka lelo.
\c 16
\s Isi ya iwanhu wa ulelo wa Yusufu
\p
\v 1 Isi iwagweleligwe iwanhu wa ulelo wa Yusufu ikala kulawa lwanda lwa Yolidani, umwambu wa kudilawila zuwa wa zinzasa za Yeliko mbaka kuluwala na kuchola kuvigongo mbaka Beseli. 
\v 2 Kulawa Beseli mbaka Luzu, na ibitila Ataloti kuna iisi ya Waaliki. 
\v 3 Abaho ihumulukila umwambu wa kudihongela zuwa kuna iisi ya Wayafileti mbaka kuna iisi ya Beti Holoni ya Hasi abaho Gezeli na ihelela kuna ibahali. 
\v 4 Wanhu wa ulelo wa Yusufu, iwanhu wa kabila da Manase na iwanhu wa kabila da Efulaimu, wagweleligwa uhazi wao.
\s Isi ya iwanhu wa kabila da Efulaimu
\p
\v 5 Isi ya iwanhu wa kabila da Efulaimu kamba viweli mzing'holo zao ikala, imbaka ya isi yao kwa mwambu wa kudilawila zuwa ikala kulawa Ataloti Adali mbaka isi ya Beti Holoni ya Uchanha, 
\v 6 na igendelela mbaka kuna ibahali. Imbaka yao kwa umwambu wa kasikazini ibitila Mikimetati umwambu wa kudilawila zuwa ibitila Taanati Shilo na ibitila umwambu wa kudilawila zuwa wa Yanoa, 
\v 7 kulawa Yanoa ichola mbaka Ataloti na Naala na ibitila kumgwazo wa Yeliko na ihelela Yolidani. 
\v 8 Kulawa Tapua imbaka igendelela umwambu wa kudihongela zuwa mbaka kuna ikizanda cha Kana na ihelela kuna ibahali. Isi ayo wagweleligwa iwanhu wa kabila da Efulaimu kamba viweli mzing'holo zao, 
\v 9 hamoja na gaja gamabuga gabaguligwe mbuli ya iwanhu wa Efulaimu mna uuhazi wa iwanhu wa kabila da Manase, mabuga gose na ivijiji vake. 
\v 10 Lakini iwanhu wa kabila da Efulaimu hawawawingile bule Wakanaani wakalile ako Gezeli, avo Wakanaani wakala hagati ya iwanhu wa kabila da Efulaimu mbaka lelo, lakini wagweleligwa zisang'hano kwa kunanahizwa.
\c 17
\s Isi ya iwanhu wa kabila da Manase
\p
\v 1 Iwanhu wa kabila da Manase yakalile mwana chaudele wa Yusufu, wagweleligwa isi yao. Makili mwana chaudele wa Manase, tatake Gileadi, kagweleligwa isi ya Gileadi na Bashani kwavija kakala galu wa kuitowa mna ing'hondo. 
\v 2 Iwanhu wayagwe wa kabila da Manase wagweleligwa isi kamba viweli mzing'holo zao, lukolo lwa Abiezeli na lukolo lwa Heleki na lukolo lwa Asilieli na lukolo lwa Shekemu na lukolo lwa Hefeli na lukolo lwa Shemida. Awo wose wakala wana wa kimbigalo wa Manase mwanage Yusufu, kamba viweli mzing'holo zao.
\p
\v 3 Lakini Selofehadi mwanage Hefeli, Hefeli mwanage Gileadi, Gileadi mwanage Makili, Makili mwanage Manase, kakala kabule wana wa kimbigalo ila kakala na wana wa kitwanzi waiyeka, matwaga gao gakala, Mala na Nuhu na Hogila na Milika na Tiliza. 
\v 4 Hewo wamcholela Eleazali imulava nhosa na Yoshua mwanage Nuni na ivilongozi walonga, “Mndewa Imulungu kamulagiza Musa yatugwelele uhazi na iwambigalo wa kabila jetu.” Avo kamba viyalongile Mndewa Imulungu Yoshua kawagwelela isi kamba uhazi wao na iwambigalo wa kabila da tatao. 
\v 5 Avo iwanhu wa kabila da Manase wengezelwa ng'hani mafungu longo ga isi, uhaleka isi ya Gileadi na Bashani, ikalile umwambu wa Yolidani, 
\v 6 kwavija iwandele wa imunhu kulawa kabila da Manase wagweleligwa isi kamba viwagweleligwe iwambigalo. Isi ya Gileadi wagweleligwa iwanhu wayagwe wa kabila da Manase.
\p
\v 7 Isi ya iwanhu wa kabila da Manase ikala kulawa Asheli mbaka Mikimetati, umwambu wa kudilawila zuwa wa Shekemu. Imbaka yao ibitila mwambu wa kusini wa iwenekae wa Eni Tapua. 
\v 8 Isi ya Tapua ikala ya iwanhu wa kabila da Manase, lakini buga da Tapua dikalile kuna imbaka ya isi ya iwanhu wa kabila da Manase dikala da iwanhu wa kabila da Efulaimu. 
\v 9 Imbaka ayo igendelela mbaka kuna ikizanda cha Kana. Mabuga gakalile kusini ya ikizanda gakala ga iwanhu wa kabila da Efulaimu, hamoja mabuga gago gakala mna iisi ya iwanhu wa kabila da Manase. Abaho ayo imbaka ya isi ya iwanhu wa Manase igendelela mbaka mwambu wa kasikazini wa ikizanda na ihelela kuna ibahali. 
\v 10 Isi ikalile umwambu wa kusini ikala ya iwanhu wa kabila da Efulaimu na isi ikalile umwambu wa kasikazini ikala ya iwanhu wa kabila da Manase, imbaka yao ikala ibahali. Mwambu wa kasikazini waibakana na iwanhu wa kabila da Asheli na umwambu wa kudilawila zuwa waibakana na iwanhu wa kabila da Isakali. 
\v 11 Vivija mna iisi ya Isakali na isi ya Asheli, iwanhu wa kabila da Manase wagweleligwa gamabuga hamoja na ivijiji vake, buga da Beti Sheani na Ibileamu na Endoli na Taanaki na Megido na Doli vivija dojuwigwa kamba Nafati. 
\v 12 Lakini iwanhu wa kabila da Manase hawawawingile bule iwenekae wa mabuga gao, lakini Wakanaani wagendelela kukala mna gamabuga gago. 
\v 13 Avo Waizilaeli viwapatile nguvu, wawananahiza Wakanaani watende sang'hano ndala, lakini hawawawingile bule.
\s Iwanhu wa ulelo wa Yusufu ompula Yoshua
\p
\v 14 Abaho iwanhu wose wa ulelo wa Yusufu wamulongela Yoshua, “Habali kutugwelela isi imoja kamba uhazi wetu na kuno siye twa wengi, kwavija Mndewa Imulungu katutenda tumwede?” 
\v 15 Avo Yoshua kawedika, “Kamba mweye mwa wengi, na mokona isi ya kuvigongo va Efulaimu ndodo kumwenu, avo choleni wenyego ako kumuhulo kuna iisi ya Wapelizi na Walefai mkaufeke umuhulo awo na mwike ukazi wenu kuko.” 
\v 16 Iwanhu wa ulelo wa Yusufu walonga, “Isi ayo ya kuvigongo siye haitwenela bule. Vivija awo Iwakanaani iwokala kudibawe wana mituka ya mizuma, waja iwokala Beti Sheani na ivijiji vake na waja okala kubonde da Yezileeli.”
\p
\v 17 Avo Yoshua kawalongela iwanhu wa ulelo wa Yusufu, kabila da Efulaimu na kabila da Manase, “Mweye mwa wengi na mna nguvu ng'hani. Mweye hamugweleligwa isi imoja iiyeka, 
\v 18 lakini vivija isi ya kuvigongo yokuwa yenu. Hamoja isi ayo ina muhulo, avo muufeke na muisole isi ayo mbaka kuna imbaka yake. Muwawinge Wakanaani hata kamba wana mituka ya mizuma na wana nguvu.”
\c 18
\s Isi ya makabila gasigale
\p
\v 1 Abaho umting'hano wose wa iwanhu wa Izilaeli waiting'hana ako Shilo na wadisimika dihema da mting'hano kuko. Isi ikala mmakono gao. 
\v 2 Avo kukala na makabila saba mna iwanhu wa Izilaeli awo wakala wang'hali hawanagweleligwa isi kamba uhazi wao. 
\v 3 Yoshua kawauza iwanhu wa Izilaeli, “Avo mweye mokawa mbaka lini, kuchola kuisola isi ayo iyawagwelele Mndewa Imulungu, Imulungu wa wahenga zenu? 
\v 4 Saguleni wanhu wadatu kulawa kila kabila, na niye nowatuma wachole mwiisi ayo, na hewo wandike isi ayo viikoneka kamba uhazi wao viwili, abaho wabwele kumwangu. 
\v 5 Waigole isi ayo mna gamafungu saba. Iwanhu wa kabila da Yuda osigala na isi yao ako umwambu wa kusini, iwanhu wa ulelo wa Yusufu osigala na isi yao ako umwambu wa kasikazini. 
\v 6 Mweye mugasimulile kwa kugandika vigeli mafungu ago saba ga isi ayo, na mungalile ago gamwandike. Niye nowabwanhila simbi baha kuulongozi wa Mndewa Imulungu, Imulungu wetu. 
\v 7 Walawi wabule fungu jojose da isi hagati yenu, kwavija awo uulava nhosa wa Mndewa Imulungu ajo fungu jao. Kabila da Gadi na Lubeni na nusu ya kabila da Manase wagweleligwa uhazi wao ako umwambu wa kudilawila zuwa wa lwanda lwa Yolidani. Musa imsang'hanaji wa Mndewa Imulungu kawagwelela.”
\p
\v 8 Avo iwanhu awo wenuka wachola, na Yoshua kawalagiza kawalongela, “Choleni mwiisi ayo na mwandike kamba viili abaho mubwele kumwangu, na niye nowabwanhila simbi baha Shilo kuulongozi wa Mndewa Imulungu.” 
\v 9 Avo iwanhu awo wachola, wabita hagati ya isi ayo wandika mbuli za isi ayo mkitabu buga mbaka buga, na waigola isi ayo mafungu saba abaho wabwela kuna ing'hambi kwa Yoshua ako Shilo. 
\v 10 Abaho Yoshua kawabwanhila simbi ako Shilo kuulongozi wa Mndewa Imulungu. Avo ako Yoshua kawagwelela isi ayo iwanhu wa Izilaeli, kila kabila isi yake.
\s Isi ya iwanhu wa kabila da Benjamini
\p
\v 11 Simbi iwagwila iwanhu wa kabila da Benjamini kamba viweli mzing'holo zao na wagweleligwa isi ikalile hagati ya isi ya iwanhu wa kabila da Yuda na isi ya iwanhu wa ulelo wa Yusufu. 
\v 12 Imbaka yao kwa umwambu wa kasikazini isongela lwanda lwa Yolidani, na ibitila kasikazini ya Yeliko na isi ya kuvigongo va umwambu wa kudihongela zuwa na ihelela kuluwala lwa Beti Aveni. 
\v 13 Abaho imbaka ayo igendelela kulawa baho na ivika kuna umwambu wa kusini wa buga da Luzu, twaga diyagwe dojuwigwa kamba Beseli, abaho igendelela mbaka Ataloti Adali behi na lugongo lukalile mwambu wa kusini wa Beti Holoni ya Hasi. 
\v 14 Abaho ayo imbaka ilozela mwambu uyagwe, ihindukila mwambu wa kudihongela zuwa kulawa aho hana ulugongo uilola na Beti Holoni na ichola kusini, na ihelela ako Kiliati Baali, twaga diyagwe dojuwigwa kamba Kiliati Yealimu, dibuga da iwanhu wa Yuda. Ayo iyo imbaka yao kwa umwambu wa kudihongela zuwa. 
\v 15 Imbaka yao kwa umwambu wa kusini isongela kudibuga da Kiliati Yealimu, na igendelela mbaka Efuloni na mbaka kuna zinzasa za gamazi ako Nefitoa. 
\v 16 Abaho imbaka ibitila hasi ya ulugongo lukalile behi na bonde da mwanage Hinomu, dikalile umwambu wa kasikazini kumgwazo wa bonde da Walefai. Abaho imbaka igendelela hasi kubonde da Hinomu, kusini ya umtelemuko wa Wayebusi na ihumuluka hasi mbaka Eni Logeli. 
\v 17 Abaho imbaka ihinduka na ibitila umwambu wa kasikazini kuchola ako Eni Shemeshi, na igendelela mbaka Geliloti buga dikalile doilola na kumtelemuko wa Adumimu. Abaho ayo imbaka ibitila hasi ya dibwe da Bohani mwanage Lubeni, 
\v 18 na kugendelela umwambu wa kasikazini kumgwazo wa Beti Alaba na ihumuluka mbaka hasi ako Alaba. 
\v 19 Abaho ayo imbaka ibitila umwambu wa kasikazini wa Beti Hogila na ihelela umwambu wa kasikazini wa Ibahali ya Mkele, aho hawingilile ulwanda lwa Yolidani. Ayo iyo imbaka yao kwa umwambu wa kusini. 
\v 20 Ulwanda lwa Yolidani awo ukalile imbaka yao kwa umwambu wa kudilawila zuwa. Isi ayo awo uhazi wa iwanhu wa kabila da Benjamini kamba viweli mzing'holo zao, zimbaka zao ziwazunguluka.
\p
\v 21 Avo gamabuga ga iwanhu wa kabila da Benjamini kamba viweli mzing'holo zao gakala, Yeliko na Beti Hogila na Emeki Kesisi, 
\v 22 na Beti Alaba na Semalaimu na Beseli, 
\v 23 na Avimu na Pala na Ofula, 
\v 24 na Kefali Amoni na Ofini na Geba. Gose kwa gose gakala mabuga longo na mabili hamoja na ivijiji vake. 
\v 25 Mabuga gayagwe gakala, Gibeoni na Lama na Beeloti, 
\v 26 na Mizipa na Kefila na Moza, 
\v 27 na Lekemu na Ilipeeli na Talala, 
\v 28 na Zela na Haelefu na Yebusi, twaga diyagwe dojuwigwa kamba Yelusalemu, na Gibea na Kiliati Yealimu. Gose kwa gose gakala mabuga longo na nne hamoja na ivijiji vake. Uno awo uhazi wa iwanhu wa kabila da Benjamini kamba viweli mzing'holo zao.
\c 19
\s Isi ya iwanhu wa kabila da Simeoni
\p
\v 1 Simbi ya kabili iwagwila iwanhu wa kabila da Simeoni kamba viweli mzing'holo zao, na wagweleligwa uhazi wa isi ikalile izungulukigwe na isi ya iwanhu wa kabila da Yuda. 
\v 2 Kabila da Simeoni wagweleligwa mabuga ga Beelisheba na Sheba na Molada, 
\v 3 na Hasali Shuali na Bala na Esemu, 
\v 4 na Elitoladi na Besuli na Holima, 
\v 5 na Sikilagi na Beti Malikaboti na Hasali Susa, 
\v 6 na Beti Lebaoti na Shaluheni. Gose kwa gose gakala mabuga longo na madatu hamoja na ivijiji vake. 
\v 7 Vivija kukala na mabuga ga Aini na Limoni na Eteli na Ashani. Gose kwa gose gakala mabuga mane, 
\v 8 hamoja na ivijiji vose vizunguluke mabuga gago mbaka Baalati Beeli hebu Lama ili ako Negebu. Uno awo uhazi wa iwanhu wa kabila da Simeoni kamba viweli mzing'holo zao. 
\v 9 Uhazi wa iwanhu wa kabila za Simeoni ukala mna iisi ya iwanhu wa kabila da Yuda, kwavija isi ya iwanhu wa kabila da Yuda ikala ng'hulu ng'hani. Avo iwanhu wa kabila da Simeoni wagweleligwa isi hagati ya hewo.
\s Isi ya iwanhu wa kabila da Zabuloni
\p
\v 10 Simbi ya kadatu iwagwila iwanhu wa kabila da Zabuloni kamba viweli mzing'holo zao. Isi yao ivika mbaka ako Salidi. 
\v 11 Abaho imbaka yao ichola umwambu wa kudihongela zuwa mbaka ako Maleali na ibita mumgwazo wa Dabesheti na ichola ako kuna ikizanda kili umwambu wa kudilawila zuwa wa Yokineamu. 
\v 12 Kulawa Salidi imbaka igendelela umwambu wa kudilawila zuwa kuna imbaka ya Kisiloti Taboli, kulawa kuko ichola Dabelati mbaka Yafia. 
\v 13 Kulawa kuko igendelela kuchola umwambu wa kudilawila zuwa mbaka ako Gati Hefeli na mbaka Eti Kasini, abaho igendelela ako Limoni na ihindukila kuchola ako Nea, 
\v 14 abaho umwambu wa kasikazini imbaka ihindukila kuchola Hanatoni, na ihelela ako kubonde da Ifitaheli, 
\v 15 na mabuga ga Katati na Nahalali na Shimuloni na Idala na Beselehemu. Gose kwa gose gakala mabuga longo na mabili hamoja na ivijiji vake. 
\v 16 Mabuga gago na ivijiji, ukala uhazi wa iwanhu wa kabila da Zabuloni kamba viweli mzing'holo zao.
\s Isi ya iwanhu wa kabila da Isakali
\p
\v 17 Simbi ya ikane iwagwila iwanhu wa kabila da Isakali kamba viweli mzing'holo zao. 
\v 18 Isi yao ikala na mabuga ga Yezileeli na Kesuloti na Shunemu, 
\v 19 na Hafalaimu na Shioni na Anahalati, 
\v 20 na Labiti na Kishioni na Ebezi, 
\v 21 na Lemeti na Enganimu na Eni Hada na Beti Pasesi. 
\v 22 Vivija imbaka yao ivika kuna gamabuga ga Taboli na Shahasuma na Beti Shemeshi ihelela kuna ulwanda lwa Yolidani. Gose kwa gose gakala mabuga longo na sita hamoja na ivijiji vake. 
\v 23 Mabuga gago na ivijiji ukala uhazi wa iwanhu wa kabila da Isakali kamba viweli mzing'holo zao.
\s Isi ya iwanhu wa kabila da Asheli
\p
\v 24 Simbi ya itano iwagwila iwanhu wa kabila da Asheli kamba viweli mzing'holo zao. 
\v 25 Isi yao ikala na mabuga ga Helikati na Hali na Beteni na Akishafu, 
\v 26 na Alameleki na Amadi na Mishali. Umwambu wa kudihongela zuwa isi yao ivikila kuna gamabuga ga Kalimeli na Shiholi Libinati, 
\v 27 abaho ihindukila umwambu wa kudilawila zuwa na ichola mbaka Beti Dagoni behi na isi ya Zabuloni na bonde da Ifitaheli na ihindukila umwambu wa kasikazini mbaka ako Beti Emeki na Neyeli, abaho igendelela umwambu wa kasikazini mbaka ako Kabuli, 
\v 28 na Ebuloni na Lehobu na Hamoni na Kana mbaka ako Sidoni Ing'hulu. 
\v 29 Abaho ayo imbaka ihinduka ichola Lama na ivika kudibuga da Tilo dikalile dizunguluswe senyenge ya mibwe. Abaho imbaka ihinduka ichola Hosa, na ihelela kuna ibahali. Mabuga gayagwe gakalile mumo gakala Mahalabu na Akizibu, 
\v 30 na Uma na Afeka na Lehobu. Gose kwa gose gakala mabuga malongo mabili na mbili hamoja na ivijiji vake. 
\v 31 Mabuga gago na ivijiji vake ukala uhazi wa iwanhu wa kabila da Asheli kamba viweli mzing'holo zao.
\s Isi ya iwanhu wa kabila da Nafutali
\p
\v 32 Simbi ya isita iwagwila iwanhu wa kabila da Nafutali kamba viweli mzing'holo zao. 
\v 33 Imbaka yao isongela ako Helefu, kuna dibiki da mwaloni dikalile ako Zaananimu, na ibitila Adami Nekebu na Yabineeli mbaka ako Lakumu na ihelela ako kuna ulwanda lwa Yolidani. 
\v 34 Abaho ayo imbaka ihinduka ichola umwambu wa kudihongela zuwa mbaka ako Azinoti Taboli, kulawa kuko igendelela mbaka ako Hukoki na ivika kuna iisi ya Zabuloni umwambu wa kusini, na kuna iisi ya Asheli umwambu wa kudihongela zuwa na hana ulwanda lwa Yolidani umwambu wa kudilawila zuwa. 
\v 35 Mabuga gao gakalile gazunguluswe senyenge ya mibwe gakala, Sidimu na Seli na Hamati na Lakati na Kineleti, 
\v 36 na Adama na Lama na Hazoli, 
\v 37 na Kedeshi na Edilei na Eni Hazoli, 
\v 38 na Yiloni na Migidali Eli na Holemu na Beti Anati na Beti Shemeshi. Gose kwa gose gakala mabuga longo na tisa hamoja na ivijiji vake. 
\v 39 Mabuga gago na ivijiji vake ukala uhazi wa iwanhu wa kabila da Nafutali kamba viweli mzing'holo zao.
\s Isi ya iwanhu wa kabila da Dani
\p
\v 40 Simbi ya isaba iwagwila iwanhu wa kabila da Dani kamba viweli mzing'holo zao. 
\v 41 Isi yao ikala na mabuga ga Sola na Eshitaoli na Ilishemeshi, 
\v 42 na Shaalabini na Aiyaloni na Itila, 
\v 43 na Eloni na Timina na Ekiloni, 
\v 44 na Eliteke na Gibetoni na Baalati, 
\v 45 na Yehudi na Bene Belaki na Gati Limoni, 
\v 46 na Meyalikoni na Lakoni hamoja na isi ikalile behi na Yafa. 
\v 47 Iwanhu wa kabila da Dani viwayagize isi yao, avo wachola kuing'hondo ili wadisole buga da Leshemu, na viwawakomile iwenekae kwa misime wadisola buga dijo na wakala mumo, wadikema buga dijo da Leshemu twaga da Dani, ditwaga da imuhenga wao. 
\v 48 Mabuga gago na ivijiji vake ukala uhazi wa iwanhu wa kabila da Dani kamba viweli mzing'holo zao.
\s Isi ya Yoshua
\p
\v 49 Viwamambukize kuigola isi ayo kamba uhazi wao, iwanhu wa Izilaeli wamgwelela Yoshua mwanage Nuni uhazi wa isi hagati yao. 
\v 50 Kamba Mndewa Imulungu viyalagize, wamgwaa Yoshua dibuga diyasagule mwenyego, buga da Timinati Sela, dikalile kuna iisi ya kuvigongo va Efulaimu. Yoshua kadizenga kabili buga dijo na kakala mumo.
\p
\v 51 Avo imulava nhosa Eleazali na Yoshua mwanage Nuni na ivilongozi wa zing'holo za makabila ga iwanhu wa Izilaeli, waigola isi ayo kwa kubwanha simbi ako Shilo kuulongozi wa Mndewa Imulungu hana ulwivi lwa dihema da mting'hano. Avo wamambukiza kuigola isi ayo.
\c 20
\s Mabuga ga kukimbilila
\r (Kupetigwa 35:9-34)
\p
\v 1 Abaho Mndewa Imulungu kamulongela Yoshua, 
\v 2 “Walongele iwanhu wa Izilaeli, ‘Saguleni mabuga ga kukimbilila ganiwalongele kubitila Musa, 
\v 3 ili munhu yoyose yonda yamkome miyage bila kulonda hebu bila kujuwa yakimbilile kuko, kwa kumdumba imunhu yolonda kumbwezela kwa mbuli ayo yaitendile. 
\v 4 Munhu ayo yakimbilile kudibuga dimoja mna gamabuga gago na yeme hana ulwivi lwa dibuga na yawasimulile iwavele wa dibuga mbuli yake viili. Awo iwavele wamwingize mdibuga na wamgwee hanhu ha kukala na yakale kuko hamoja na hewo. 
\v 5 Kamba ayo imunhu yolonda kumbwezela komkweleleza, sikuwamulave imunhu ayo na kumgwaa, kwavija heyo kamkoma miyage bila kulonda na kakala hamwihile bule. 
\v 6 Munhu ayo yasigale kuko kudibuga mbaka vonda yeme kuulongozi wa umting'hano ili wajuwe va kutenda, na mbaka vonda yafe imkulu wa iwalava nhosa kipindi acho. Abaho ayo imunhu kodaha kubwela kudibuga jake na ukae kumwake, ako kuyasegele.’”
\p
\v 7 Avo wagasagula mabuga ga Kedeshi dikalile Galilaya kuna iisi ya kuvigongo va Nafutali na buga da Shekemu dikalile kuna iisi ya kuvigongo va Efulaimu na buga da Kiliati Aliba, twaga diyagwe dojuwigwa kamba Hebuloni, dikalile kuna iisi ya kuvigongo va Yuda. 
\v 8 Umwambu wa Yolidani, umwambu wa kudilawila zuwa wa buga da Yeliko, wadisagula buga da Bezeli dikalile kuluwala ako kudibawe kulawa kwa iwanhu wa kabila da Lubeni, na buga da Lamoti dikalile ako Gileadi kulawa kwa iwanhu wa kabila da Gadi, na buga da Golani dikalile ako Bashani kulawa kwa iwanhu wa kabila da Manase. 
\v 9 Mabuga gago gabaguligwa mbuli ya iwanhu wose wa Izilaeli na iwanhu baki iwokala hagati yao. Munhu yoyose yonda yamkome miyage bila kulonda kodaha kukimbilila kuko, ili sikuyakomigwe na imunhu yolonda kumbwezela, yang'hali hana kwima kuulongozi wa umting'hano ili wajuwe cha kumtenda.
\c 21
\s Mabuga gawagweleligwe Walawi
\p
\v 1 Abaho ivilongozi wa zing'holo za kabila da Walawi wawacholela Eleazali imulava nhosa na Yoshua mwanage Nuni na ivilongozi wa zing'holo za gamakabila ga iwanhu wa Izilaeli. 
\v 2 Wawalongela ako Shilo mwiisi ya Kanaani, “Mndewa Imulungu kalagiza kubitila Musa tugweleligwe mabuga ga kukala na hanhu ha kudimila fugo zetu.” 
\v 3 Avo kwa lagizo da Mndewa Imulungu, iwanhu wa Izilaeli kulawa muuhazi wao, wawagwaa Walawi mabuga na hanhu ha kudimila fugo.
\p
\v 4 Simbi iwagwila iwanhu wa lukolo lwa Wakohati. Avo awo Iwalawi, iwanhu wa ulelo wa Haluni imulava nhosa wagweleligwa kwa kubwanha simbi mabuga longo na madatu kulawa kwa kabila da Yuda na kabila da Simeoni na kabila da Benjamini.
\p
\v 5 Iwanhu wasigale wa lukolo lwa Wakohati wagweleligwa kwa kubwanha simbi mabuga longo kulawa kwa kabila da Efulaimu na kabila da Dani na nusu ya kabila da Manase.
\p
\v 6 Lukolo lwa Wagelishoni wagweleligwa kwa kubwanha simbi mabuga longo na madatu kulawa mzing'holo za kabila da Isakali na kabila da Asheli na kabila da Nafutali na nusu ya kabila da Manase dikalile ako Bashani.
\p
\v 7 Lukolo lwa Wamelali kamba viweli mzing'holo zao, wagweleligwa mabuga longo na mabili kulawa kwa kabila da Lubeni na kabila da Gadi na kabila da Zabuloni.
\p
\v 8 Iwanhu wa Izilaeli wawagwaa Walawi mabuga gago na isi azo za kudimila fugo, kwa kubwanha simbi kamba Mndewa Imulungu viyalagize kubitila Musa.
\p
\v 9 Gano gago gamatwaga gamabuga galawile mna iisi ya iwanhu wa kabila da Yuda na iwanhu wa kabila da Simeoni na wawagwelela, 
\v 10 iwanhu wa ulelo wa Haluni walawile mulukolo lwa Wakohati kulawa mdikabila da Lawi, kwavija simbi ikala isongile kuwagwila hewo. 
\v 11 Wagweleligwa buga da Kiliati Aliba, twaga diyagwe dojuwigwa kamba Hebuloni isi ya kuvigongo va Yuda na wagweleligwa na ihanhu ha kudimila fugo kuzunguluka buga dijo. Aliba kakala tatake Anaki. 
\v 12 Lakini imigunda ya buga dijo hamoja na ivijiji vake vidizunguluke kakala yagweleligwe Kalebu mwanage Yefune kamba uhazi wake.
\p
\v 13 Vivija iwanhu wa ulelo wa Haluni, imulava nhosa, wagweleligwa buga da Hebuloni hamoja na ihanhu ha kudimila fugo, kamba buga da kukimbilila kwa munhu yamkomile miyage bila kulonda, na wagweleligwa buga da Libina hamoja na ihanhu ha kudimila fugo, 
\v 14 na buga da Yatili hamoja na ihanhu ha kudimila fugo na Eshitemoa hamoja na ihanhu ha kudimila fugo, 
\v 15 na Holoni hamoja na ihanhu ha kudimila fugo na Debili hamoja na ihanhu ha kudimila fugo, 
\v 16 na Aini hamoja na ihanhu ha kudimila fugo na Yuta hamoja na ihanhu ha kudimila fugo na Beti Shemeshi hamoja na ihanhu ha kudimila fugo. Mabuga gago tisa galawa mna gamakabila gago mabili. 
\v 17 Kulawa mdikabila da Benjamini wagweleligwa mabuga ga Gibeoni hamoja na ihanhu ha kudimila fugo na Geba hamoja na ihanhu ha kudimila fugo, 
\v 18 na Anatoti hamoja na ihanhu ha kudimila fugo na Alimoni hamoja na ihanhu ha kudimila fugo. Gose kwa gose gakala mabuga mane. 
\v 19 Mabuga gago longo na madatu hamoja na isi azo za ihanhu ha kudimila fugo wagweleligwa awo iwalava nhosa, iwanhu wa ulelo wa Haluni.
\p
\v 20 Iwanhu wasigale wa lukolo lwa Wakohati, awo iwanhu wa kabila da Lawi, wagweleligwa mabuga kulawa mna iisi ya iwanhu wa kabila da Efulaimu. 
\v 21 Wagweleligwa buga da Shekemu hamoja na ihanhu ha kudimila fugo ako kuvigongo va isi ya Efulaimu, kamba buga da kukimbilila kwa munhu yamkomile miyage bila kulonda, na wagweleligwa buga da Gezeli hamoja na ihanhu ha kudimila fugo, 
\v 22 na Kibisaimu hamoja na ihanhu ha kudimila fugo na Beti Holoni hamoja na ihanhu ha kudimila fugo. Gose kwa gose gakala mabuga mane. 
\v 23 Kulawa mdikabila da Dani wagweleligwa mabuga ga Eliteke hamoja na ihanhu ha kudimila fugo na Gibetoni hamoja na ihanhu ha kudimila fugo, 
\v 24 na Aiyaloni hamoja na ihanhu ha kudimila fugo na Gati Limoni hamoja na ihanhu ha kudimila fugo. Gose kwa gose gakala mabuga mane. 
\v 25 Kulawa kwa nusu ya kabila da Manase wagweleligwa mabuga ga Taanaki hamoja na ihanhu ha kudimila fugo na Gati Limoni hamoja na ihanhu ha kudimila fugo. Gose kwa gose gakala mabuga mabili. 
\v 26 Avo mabuga gawagweleligwe iwanhu wasigale wa lukolo lwa Wakohati gakala mabuga longo hamoja na ihanhu ha kudimila fugo.
\p
\v 27 Lukolo lwa Wagelishoni, kulawa mzing'holo za Walawi, wagweleligwa mabuga mabili kulawa kwa nusu ya kabila da Manase, buga da Golani dili ako Bashani hamoja na ihanhu ha kudimila fugo, kamba buga da kukimbilila, kwa munhu yamkomile miyage bila kulonda, na buga da Beeshitela hamoja na ihanhu ha kudimila fugo. 
\v 28 Kulawa mdikabila da Isakali, wagweleligwa mabuga ga Kishioni hamoja na ihanhu ha kudimila fugo na Dabelati hamoja na ihanhu ha kudimila fugo, 
\v 29 na Yalimuti hamoja na ihanhu ha kudimila fugo na Enganimu hamoja na ihanhu ha kudimila fugo. Gose kwa gose gakala mabuga mane. 
\v 30 Kulawa mdikabila da Asheli wagweleligwa mabuga ga Mishali hamoja na ihanhu ha kudimila fugo na Abidoni hamoja na ihanhu ha kudimila fugo, 
\v 31 na Helikati hamoja na ihanhu ha kudimila fugo na Lehobu hamoja na ihanhu ha kudimila fugo. Gose kwa gose gakala mabuga mane. 
\v 32 Kulawa mdikabila da Nafutali wagweleligwa mabuga madatu, buga da Kedeshi dili ako Galilaya hamoja na ihanhu ha kudimila fugo, kamba buga da kukimbilila, kwa munhu yamkomile miyage bila kulonda na buga da Hamoti Doli hamoja na ihanhu ha kudimila fugo na buga da Kalitani hamoja na ihanhu ha kudimila fugo. 
\v 33 Lukolo lwa Gelishoni wagweleligwa mabuga longo na madatu hamoja na ihanhu ha kudimila fugo.
\p
\v 34 Iwalawi wayagwe iwanhu wa lukolo lwa Wamelali, wagweleligwa kulawa mdikabila da Zabuloni mabuga ga Yokineamu hamoja na ihanhu ha kudimila fugo na Kalita hamoja na ihanhu ha kudimila fugo, 
\v 35 na Dimina hamoja na ihanhu ha kudimila fugo na Nahalali hamoja na ihanhu ha kudimila fugo. Gose kwa gose gakala mabuga mane. 
\v 36 Kulawa mdikabila da Lubeni wagweleligwa mabuga ga Bezeli hamoja na ihanhu ha kudimila fugo na Yahasa hamoja na ihanhu ha kudimila fugo, 
\v 37 na Kedemoti hamoja na ihanhu ha kudimila fugo na Mefaati hamoja na ihanhu ha kudimila fugo. Gose kwa gose gakala mabuga mane. 
\v 38 Kulawa mdikabila da Gadi wagweleligwa mabuga ga Lamoti dili ako Gileadi hamoja na ihanhu ha kudimila fugo, kamba buga da kukimbilila kwa munhu yamkomile miyage bila kulonda na buga da Mahanaimu hamoja na ihanhu ha kudimila fugo, 
\v 39 na Heshiboni hamoja na ihanhu ha kudimila fugo na Yazeli hamoja na ihanhu ha kudimila fugo. Gose kwa gose gakala mabuga mane. 
\v 40 Iwanhu wa lukolo lwa Wamelali, kulawa mzing'holo za Walawi zisigale wagweleligwa mabuga longo na mabili.
\p
\v 41 Walawi wagweleligwa na iwanhu wa Izilaeli kulawa muuhazi wao, mabuga malongo mane na nane hamoja na ihanhu ha kudimila fugo. 
\v 42 Mabuga gose ago gakala na hanhu ha kudimila fugo kuzunguluka kila buga. Gose gakala vivo.
\p
\v 43 Avo, Mndewa Imulungu kawagwelela iwanhu wa Izilaeli isi yose iyaiduwile kuwagwaa iwahenga zao. Hewo waisola na wakala mumo. 
\v 44 Mndewa Imulungu kawagwaa tindiwalo kila hanhu kamba viyaiduwile kwa iwahenga zao. Kuduhu imunhu yawehile yadahile kuwahuma, kwavija Mndewa Imulungu kawagela mmakono gao iwanhu wose wawehile. 
\v 45 Kuduhu hata mbuli imoja mna zimbuli ziyalongile Mndewa Imulungu kwa iwanhu wa Izilaeli iswelile kutendigwa, mbuli zose zivikizwa.
\c 22
\s Makabila ga umwambu wa kudilawila zuwa gobwela ukae
\p
\v 1 Kipindi acho Yoshua kawakema iwanhu wa kabila da Lubeni na kabila da Gadi na nusu ya kabila da Manase, 
\v 2 kawalongela, “Mweye mugoga gose gayawalagize Musa imsang'hanaji wa Mndewa Imulungu na munitegeleza mzimbuli zose ziniwalagize. 
\v 3 Na hamuwalekile ndugu zenu mna ikipindi chose mbaka lelo, lakini mugagoga malagizo ga Mndewa Imulungu, Imulungu wenu. 
\v 4 Sambi Mndewa Imulungu, Imulungu wenu kawagwaa ndugu zenu tindiwalo kamba viyalongile. Avo bweleni kumwenu mwiisi ya uhazi wenu, iyawagwelele Musa imsang'hanaji wa Mndewa Imulungu, ako umwambu wa lwanda lwa Yolidani. 
\v 5 Ila molondigwa mugagoge malagizo na gaja gayawalagize Musa imsang'hanaji wa Mndewa Imulungu, mumnogele Mndewa Imulungu, Imulungu wenu, na mukweleleze nzila zake na mugoge malagizo gake na mumgoge heyo na mumsang'hanile kwa mizoyo yenu yose na kwa loho zenu zose.” 
\v 6 Avo Yoshua kawatambikila, na kawaleka wasegele na hewo wachola kumwao. 
\v 7 Avo inusu ya kabila da Manase, Musa kakala yawagwelele uhazi ako Bashani, lakini inusu iyagwe Yoshua kawagwelela uhazi behi na ndugu zao umwambu wa kudihongela zuwa wa Yolidani. Avo Yoshua viyawalekile wasegele wachole ukae kumwao na kuwatambikila, 
\v 8 kawalongela, “Bweleni ukae kumwenu na utajili wa fugo nyingi na shaba na zahabu na shaba ya kiguzi na zuma na viwalo vingi. Muigolele na ndugu zenu ivinhu vimusolile kwa iwanhu owehila.”
\s Upango wa nhosa behi na Yolidani
\p
\v 9 Iwanhu wa kabila da Lubeni na kabila da Gadi na nusu ya kabila da Manase wabwela ukae, wasegela kwa iwanhu wa Izilaeli wakalile ako Shilo mwiisi ya Kanaani, wachola mwiisi ya Gileadi isi yao wenyego iwaisolile kwa lagizo da Mndewa Imulungu kubitila Musa.
\p
\v 10 Viwavikile ako hana ulwanda lwa Yolidani mwiisi ayo ya Kanaani, iwanhu awo wa kabila da Lubeni na kabila da Gadi na nusu ya kabila da Manase wazenga upango wa nhosa mkulu ako behi ya Yolidani. 
\v 11 Avo, iwanhu wa Izilaeli waihulika mbuli ayo na walonga, “Loleni iwanhu wa kabila da Lubeni na kabila da Gadi na nusu ya kabila da Manase wazenga upango wa nhosa behi na lwanda lwa Yolidani mwiisi ya Kanaani, mwiisi yetu siye.” 
\v 12 Iwanhu wa Izilaeli viwahulike mbuli ayo, umting'hano wose wa iwanhu, waiting'hana ako Shilo ili wachole wakaitowe na hewo.
\p
\v 13 Abaho iwanhu wa Izilaeli wamtuma Finehasi mwanage Eleazali imulava nhosa ako Gileadi, kwa iwanhu wa kabila da Lubeni na kabila da Gadi na nusu ya kabila da Manase. 
\v 14 Finehasi kasegela hamoja na iwakulu longo, kila imoja kulawa mulukolo lwa makabila ga Izilaeli, kila imoja kakala kilongozi wa lukolo lwake. 
\v 15 Avo wavika ako Gileadi kwa iwanhu wa kabila da Lubeni na kabila da Gadi na nusu ya kabila da Manase, wawalongela, 
\v 16 “Umting'hano wose wa iwanhu wa Mndewa Imulungu owauza, ‘Uvizi gani uno umumtendele Imulungu wa Izilaeli? Habali mumulema Mndewa Imulungu kwa kuzenga upango uno wa nhosa? 
\v 17 Vino nzambi zitutendile ako Peoli hazitosha bule? Vino mweye hamukona bule kamba tung'hali hatunaisunha nzambi ayo, na kamba nzambi ayo ing'hali yougaza umting'hano wa Mndewa Imulungu? 
\v 18 Avo habali hamumkweleleze Mndewa Imulungu? Lelo mwahamulema Mndewa Imulungu, mayo kougevuzikila umting'hano wose wa iwanhu wa Izilaeli. 
\v 19 Kamba isi ayo yumusolile haing'alile bule, avo choleni kuna iisi ya Mndewa Imulungu ako kudili dihema da Mndewa Imulungu, na musole isi hamoja na siye. Ili sikumumuleme Mndewa Imulungu hebu kututenda siye wose tumuleme kwa kuzenga upango wenu wa nhosa, na kuleka uja uupango wa nhosa wa Mndewa Imulungu, Imulungu wetu. 
\v 20 Vino Akani mwanage Zela hatamaniligwe kwa ivinhu vilavigwe ili vibanangigwe, na ing'hasiliki iwezila umting'hano wose wa Izilaeli? Akani hafile heyo yaiyeka kwa nzambi yake.’”
\p
\v 21 Abaho iwanhu wa kabila da Lubeni na kabila da Gadi na nusu ya kabila da Manase wawedika awo ivilongozi wa iwanhu wa Izilaeli, 
\v 22 “Ayo imdaha gose, Imulungu, Mndewa Imulungu. Ayo imdaha gose, Imulungu, Mndewa Imulungu. Heyo kojuwa habali tutendile vivo, na iwanhu wose wa Izilaeli vivija ojuwa. Kamba mbuli ayo ya kumulema hebu ya kuleka kumtegeleza Mndewa Imulungu, avo mtukome lelo. 
\v 23 Kamba tumuleka Mndewa Imulungu na tuzenga upango wa nhosa wetu wenyego ili tulave nhosa za kusomigwa moto hebu nhosa za ndiya hebu nhosa za kugala kuilumba, avo Mndewa Imulungu yatubwezele gehile. 
\v 24 Aka siye tutenda vino kwa kudumba kamba ako kumwande wanenu owalongela wanetu, ‘Mweye muilumba vilihi na Mndewa Imulungu, Imulungu wa Izilaeli? 
\v 25 Kwavija Mndewa Imulungu kautenda lwanda lwa Yolidani uwe imbaka hagati yetu, mweye iwanhu wa kabila da Lubeni na kabila da Gadi. Avo mduhu fungu hagati ya Mndewa Imulungu.’ Avo wanenu owatenda wanetu waleke kumtambikila Mndewa Imulungu. 
\v 26 Avo siye tulonga, ‘Beteni tuzenge upango wa nhosa, siyo wa kulavila nhosa za kusoma moto hebu sadaka zozose, 
\v 27 ila uwe usindila hagati yetu, mweye na siye, na uwe usindila kwa iwanhu wa ulelo wetu kamba na siye tolondigwa kumsang'hanila Mndewa Imulungu kwa nhosa zetu za kusoma moto na sadaka na nhosa za kugala kuilumba, ili wanenu sikuwawalongele wanetu ako kumwande, “Mweye mduhu fungu hagati ya Mndewa Imulungu.” ’ 
\v 28 Avo siye tugelegeza, kamba olonga vivo kumwetu hebu kwa iwanhu wa ulelo wetu ako kumwande, siye tolonga, ‘Loleni upango uigalile na uupango wa nhosa wa Mndewa Imulungu, uwazengile iwahenga zetu, siyo mbuli ya kulavila nhosa za kusoma moto hebu sadaka, lakini kamba usindila kumwetu, siye na mweye.’ 
\v 29 Siye hatulondile kumulema Mndewa Imulungu kwa mbuli yoyose hebu tumuleme kwa kuzenga upango wa kulavila nhosa za kusoma moto hebu nhosa za ndiya hebu sadaka. Hatulonda kulava nhosa hanhu hohose hayagwe ila hana uupango wa nhosa wa Mndewa Imulungu, Imulungu wetu, uli ako kuna dihema da mting'hano.”
\p
\v 30 Avo, Finehasi imulava nhosa na iwakulu wa umting'hano, awo ivilongozi wa zing'holo za Waizilaeli wakalile hamoja na heyo, viwahulike zimbuli ziwalongile iwanhu wa kabila da Lubeni na kabila da Gadi na nusu ya kabila da Manase, wona mbuli ayo inoga. 
\v 31 Na heyo Finehasi mwanage Eleazali, imulava nhosa, kawalongela iwanhu wa kabila da Lubeni na kabila da Gadi na nusu ya kabila da Manase, “Lelo tojuwa kamba Mndewa Imulungu kahagati yetu, kwavija hamutendile mbuli kwa kumulema Mndewa Imulungu. Avo muwakombola iwanhu wa Izilaeli kulawa mmakono ga Mndewa Imulungu.”
\p
\v 32 Abaho Finehasi mwanage Eleazali, imulava nhosa hamoja na iwakulu, wasegele aho Gileadi kwa iwanhu wa kabila da Lubeni na kabila da Gadi, wabwela mwiisi ya Kanaani kwa iwanhu wa Izilaeli na wawalongela mbuli azo. 
\v 33 Mbuli azo ziwanogeza iwanhu wa Izilaeli. Na iwanhu wa Izilaeli wamtogola Imulungu na hawalongile kabili mbuli za kuitowa na hewo na kuinanga isi iwakalile iwanhu wa kabila da Lubeni na kabila da Gadi. 
\v 34 Avo iwanhu wa kabila da Lubeni na kabila da Gadi waukema upango awo, “Usindila,” Kwavija walonga, “Upango uno awo usindila wetu kamba, Mndewa Imulungu, ayo Imulungu.”
\c 23
\s Yoshua kolonga na wanhu mbuli za kimambukizo
\p
\v 1 Kwa kipindi kitali, Mndewa Imulungu kawagwelela tindiwalo iwanhu wa Izilaeli mbuli ya awo iwanhu owehila wakalile wawazunguluke banzi zose, na Yoshua kakala mvele na kakala na miyaka mingi. 
\v 2 Avo Yoshua kawakema iwanhu wose wa Izilaeli na iwavele na ivilongozi na iwasemi na iwakulu, kawalongela, “Niye sambi namvele na nina miyaka mingi. 
\v 3 Na mweye mona gose Mndewa Imulungu, Imulungu wenu gayawatendele iwanhu wa isi azo mbuli yenu mweye, kwavija Mndewa Imulungu, Imulungu wenu ayo yawagombele. 
\v 4 Loleni, niwagwelela isi azo zisigale kamba uhazi wa makabila genu, na isi za iwanhu waniwakomile, kulawa Yolidani mbaka kuna ibahali ing'hulu umwambu wa kudihongela zuwa. 
\v 5 Mndewa Imulungu, Imulungu wenu kowasegesa kuulongozi wenu na kowawinga, na mweye moisola isi yao kamba Mndewa Imulungu, Imulungu wenu, viyawalongele. 
\v 6 Avo mugangamale na mugagoge gose gandikigwe mna ikitabu cha malagizo ga Musa, na sikumugaleke. 
\v 7 Sikumuilumbe na iwanhu wa isi azo zisigale hagati yenu, na sikumuitambule imilungu yao hebu kuiduwila kwa matwaga ga imilungu yao hebu kuisang'hanila hebu kuitambikila. 
\v 8 Lakini mumgoge Mndewa Imulungu, Imulungu wenu kamba vimutendile mbaka lelo. 
\v 9 Kwavija Mndewa Imulungu kawawinga kuulongozi wenu iwanhu wa isi zili na nguvu na wengi na kuduhu munhu yahadile kuwahuma mweye mbaka vino lelo. 
\v 10 Munhu imoja hagati yenu kodaha kuwawinga iwanhu elufu imoja, kwavija Mndewa Imulungu, Imulungu wenu ayo yowagombela kamba viyawalongele kotenda. 
\v 11 Avo, muiteganye, mumnogele Mndewa Imulungu, Imulungu wenu. 
\v 12 Kwavija, kamba mwahabwela kukisogo na kuwagoga iwanhu wa isi zisigale hagati yenu na moisolela watwanzi na moilumba nao, 
\v 13 avo mujuwe kamba Mndewa Imulungu, Imulungu wenu honda yawawinge kuulongozi wenu iwanhu wa isi azo, lakini okuwa ng'hwalo na mtego kumwenu. Okuwa kamba mibalati ya kuwazabulila na kamba miba ya kuwahoma mgameso genu, mbaka vonda mubanangigwe wose na kusegela mwiisi ino inogile iyawagwelele Mndewa Imulungu, Imulungu wenu.
\p
\v 14 “Sambi kipindi changu cha kufa cha mmabehi, na mweye mose mojuwa mmizoyo yenu na mziloho zenu kamba mna igose ganogile gayawalongele Mndewa Imulungu, Imulungu wenu, kuduhu hata dimoja diswelile kutendigwa. Gose gavikizwa kamba viyalongile. 
\v 15 Lakini kamba vija Mndewa Imulungu, Imulungu wenu, viyagavikize gose ganogile gayawalongele, vivija Mndewa Imulungu kowagalila gose gehile, mbaka vonda yawabanange wose musegele mwiisi ino inogile iyawagwelele Mndewa Imulungu, Imulungu wenu. 
\v 16 Kamba mwahadibena lagano da Mndewa Imulungu, diyawalagize mdigoge, na mochola kuisang'hanila imilungu iyagwe na moitambikila, avo ng'hasiliki ya Mndewa Imulungu yowakila, na mweye hamukawa kusegesigwa mwiisi ino inogile iyawagwelele.”
\c 24
\s Waizilaeli otogola kumsang'hanila Mndewa Imulungu
\p
\v 1 Yoshua kawating'haniza iwanhu wose wa makabila ga Izilaeli ako Shekemu, na kawakema iwavele na ivilongozi na iwasemi na iwakulu wa iwanhu wa Izilaeli, na hewo weza kuulongozi wa Imulungu. 
\v 2 Yoshua kawalongela iwanhu wose, “Mndewa Imulungu, Imulungu wa Izilaeli kolonga, ‘Ako umwaka iwahenga zenu wakala ako umwambu wa lwanda lwa Fulate, Tela tatao Abulahamu na Naholi, waisang'hanila imilungu iyagwe. 
\v 3 Niye nimsegesa imuhenga wenu Abulahamu kulawa ako umwambu wa lwanda lwa Fulate, na nimgala mwiisi ino ya Kanaani, na nimgwelela ulelo mkulu, nimgwelela Isaka, 
\v 4 na Isaka nimgwelela Yakobo na Esau. Nimgwelela Esau isi ya kuvigongo va Seili yaisole, lakini Yakobo na wanage wachola Misili. 
\v 5 Abaho niwatuma Musa na Haluni, na niikoboza isi ya Misili kwa gago ganhendile hagati yake, abaho ako kumwande niwalava mweye mwiisi ayo. 
\v 6 Niwalava iwahenga zenu mwiisi ya Misili na niwagala mbaka kuna ibahali. Wamisili wawakweleleza iwahenga zenu kwa mituka ya kubulula na iwakalizi wakwelile falasi mbaka ako kuna ibahali ya Shamu. 
\v 7 Iwahenga zenu viwanililile niye Mndewa Imulungu, nika ziza hagati yao na Iwamisili na nitenda bahali iwagubike Iwamisili. Mweye mukona gaja ganitendile ako Misili. Mukala ako kuluwala kwa miyaka mingi. 
\v 8 Abaho niwagala mweye mwiisi ya Waamoli wakalile umwambu wa Yolidani. Hewo waitowa na mweye na niye niwagela mmakono genu na muisola isi yao, na niye niwabananga hewo kuulongozi wenu. 
\v 9 Abaho Balaki mwanage Sipoli, imndewa wa Moabu, keza kuitowa na Waizilaeli. Heyo kamgoneka Balaamu mwanage Beoli ili yawaduwile mweye, 
\v 10 lakini niye simtegeleze Balaamu. Avo kawatambikila, niye niwasegesa mweye mumkono wa Balaki. 
\v 11 Abaho muloka ulwanda lwa Yolidani na kuvika ako Yeliko, ivilongozi wa Yeliko waitowa na mweye, vivija Waamoli na Wapelizi na Wakanaani na Wahiti na Wagiligashi na Wahivi na Wayebusi. Awo wose niwagela mmakono genu. 
\v 12 Niye niwaswaswanya awo iwandewa wabili wa Waamoli kuulongozi wenu kamba munhu viyoswaswanyigwa na dondola, hamuwawingile kwa misime yenu hebu misale yenu. 
\v 13 Niwagwelela isi hamuisang'hanile na mabuga hamugazengile, na mweye mokala mumo. Moja matunda ga mizabibu na mizeituni hamuihandile.’
\p
\v 14 “Avo sambi mdumbeni Mndewa Imulungu na mumsang'hanile kwa mizoyo yenu yose. Muisegese imilungu iwaisang'hanile iwahenga zenu ako umwambu wa ulwanda na ako Misili, na mumsang'hanile Mndewa Imulungu. 
\v 15 Kamba haviwanogela bule mgameso genu kumsang'hanila Mndewa Imulungu, avo lelo didino saguleni ayo yonda mumsang'hanile, kamba imilungu iwaisang'hanile iwahenga zenu ako umwambu wa ulwanda hebu imilungu ya Waamoli awo omukala mwiisi yao sambi. Lakini niye na iwanhu wa mng'anda mmwangu tomsang'hanila Mndewa Imulungu.”
\p
\v 16 Abaho iwanhu wamwidika, “Aka, mbuli ayo ikale kutali na siye, hatudaha kumuleka Mndewa Imulungu na kuisang'hanila imilungu iyagwe, 
\v 17 kwavija Mndewa Imulungu, Imulungu wetu katulava siye na iwahenga zetu ako mwiisi ya Misili, kutukalile watumwa, na katenda vilaguso vikulu mgameso getu na katukaliza mna inzila yose itubitile mna ziisi za iwanhu watubitile hagati yao. 
\v 18 Mndewa Imulungu kawawinga kuulongozi wetu iwanhu wose, awo Iwaamoli wakalile mwiisi ino. Avo na siye vivija tomsang'hanila Mndewa Imulungu, kwavija heyo ayo Imulungu wetu.”
\p
\v 19 Lakini Yoshua kawalongela iwanhu, “Mweye hamudaha kumsang'hanila Mndewa Imulungu, kwavija heyo Imulungu kang'ala, heyo Imulungu yeli na migongo, honda yagagele kumgongo gehile genu hebu nzambi zenu. 
\v 20 Kamba mwahamuleka Mndewa Imulungu na kuisang'hanila imilungu iyagwe, heyo kowakoboza na kowabananga, hamoja kawatendela ganogile.” 
\v 21 Lakini awo iwanhu wamulongela Yoshua, “Aka, siye tomsang'hanila Mndewa Imulungu.” 
\v 22 Abaho Yoshua kawalongela iwanhu, “Mweye wenyego awo wasindila kamba musagula kumsang'hanila Mndewa Imulungu.” Hewo walonga, “Siye awo wasindila.” 
\v 23 Avo kawalongela, “Avo isegeseni imilungu ya isi ziyagwe ili hagati yenu, na mumgoge Mndewa Imulungu, Imulungu wa Izilaeli kwa mizoyo yenu yose.” 
\v 24 Awo iwanhu wamulongela Yoshua, “Siye tomsang'hanila na kumtegeleza Mndewa Imulungu, Imulungu wetu.” 
\v 25 Avo siku dijo Yoshua katenda lagano na iwanhu wa Izilaeli na kawagwelela malagizo na mafundizo ako Shekemu. 
\v 26 Abaho Yoshua kazandika mbuli zose azo mna ikitabu cha malagizo ga Imulungu, abaho kasola dibwe kulu na kadisimika hasi ya biki da mwaloni dikalile behi na dihema da Mndewa Imulungu. 
\v 27 Yoshua kawalongela iwanhu wose, “Loleni, dibwe dino dokuwa usindila kumwetu, kwavija dihulika mbuli zose ziyatulongele Mndewa Imulungu. Avo dokuwa usindila kumwenu, ili sikumumuleke Imulungu wenu.” 
\v 28 Avo Yoshua kawaleka iwanhu wasegele kila munhu kachola kuna uuhazi wake.
\s Ifa ya Yoshua na Eleazali
\p
\v 29 Vigabitile gago Yoshua mwanage Nuni, imsang'hanaji wa Mndewa Imulungu, kafa kuno kana miyaka gana dimoja na longo. 
\v 30 Wamzika Yoshua mwiisi ya uhazi wake ako Timinati Sela, isi ili kuvigongo va Efulaimu, mwambu wa kasikazini wa lugongo lwa Gaashi.
\p
\v 31 Avo iwanhu wa Izilaeli wamsang'hanila Mndewa Imulungu siku zose za ugima wa Yoshua, na siku zose za ugima wa iwavele wagendelele kukala wagima viyafile Yoshua, awo wagajuwile gose gayatendile Mndewa Imulungu kwa iwanhu wa Izilaeli.
\p
\v 32 Ayo imizege ya Yusufu, iwasegele nayo iwanhu wa Izilaeli kulawa Misili, waizika ako Shekemu mna iisi iyagulile Yakobo kulawa kwa wanage Hamoli tatake Shekemu kwa vihande gana dimoja va shaba. Isi ayo iwa uhazi wa iwanhu wa ulelo wa Yusufu.
\p
\v 33 Na Eleazali mwanage Haluni kafa, na wamzika ako Gibea, buga da imwana Finehasi, diyagweleligwe ako kuvigongo va Efulaimu.