\id LUK 
\ide UTF-8
\mt Лука эԓты уԓты Евангелие
\c 1
\s Лука эԓты уԓты Евангелие
\p
\v 1 Хун ар хŏйат, мўӈ тŏрԓы уйтәм верԓув эԓты, хӑшты питәс,
\p
\v 2 хун мўӈева мет оԓәӈ вантәм хŏйатәтән щит айкеԓа туса пӑ щи йўпийән ԓыв йасәӈ туты хŏйатәта питсәт,
\p
\v 3 ма пӑ щи вер эԓты нумәссәм, йӑмәс ԓэрапман, оԓӈәԓ эԓты ԓŏватәԓән йўпеԓ тўвман, нӑӈ урӈена йэшәк Феофил, щит нэпека хӑшты нŏмәс ўсәм,
\p
\v 4 йӑна уԓәм утәԓтәпса, хŏты утәԓтәсайән ԓуԓән нӑӈ йӑма ат мŏштәсэн.
\s Захария Турәм хотән йэмәӈ верәт верәԓ
\p
\v 5 Иудея мўвән Ирод ики хона уԓәм пŏрайән, Захария нэмпи Авия пеләк эԓты Турма йир верты хŏйат ус; ԓўв итэԓән Елизавета ийимеԓ пӑ Аарон рут эԓты ус.
\p
\v 6 Ԓын кинәӈтак Турәм йэԓпийән тўӈа–щира усӈән, Турәм Куща\f + \fr 1:6 \fr*\ft Турәм Куща – Турәм нэмтәм щир\ft*\f* партәпса йасӈәт пӑ мŏрт щира верәт сыстама версәӈән.
\p
\v 7 Туп ԋаврэм ӑт тӑйсәӈән: Елизавета ӑт ԓавәртәмәԓа пӑ щиты щи ԓын пирщамәсайӈән.
\p
\v 8 И пўш, Захария хŏйатԓаԓ пиԓән ԓыв пŏрайэԓән, Турма йэмәӈ верәт верман, уԓмаԓән,
\p
\v 9 ԓўвеԓа питәм пос xўват, xŏты уԓтыйән Турма йир верты xŏйатәт xŏща уԓԓыйәс, Турәм Куща Хот йэмәӈ йӑтәԓа ԓŏӈты пӑ щита йоԓ кўшмәԓтты вера йис.
\p
\v 10 Мир, щи йоԓ кўшмәԓтты пŏрайән, Турма ким пеләк сӑхат пойәкщәсәт.
\s Ангел Иоанн йиӈка ԓŏӈәԓтыты хŏйат сэма питты вер аԉәԓ
\p
\v 11 Щи сыс Турәм Куща ангел Захария сэма этәс, йоԓ кўшмәԓтты йирасты нŏрәм ԉэпән йӑм пеләк сӑхат ԓойәс.
\p
\v 12 Захария, Ԓўвеԓ кащаԓәмаԓ кемән, нŏпсәԓ ԓыԓэмәс, пӑ пӑԓщәмән йŏхәтса.
\p
\v 13 Ангел щиты йастәс ԓўвеԓа: "Аԓ пӑԓа, Захария: нӑӈ пойкен хуԓса! Елизавета ийименән пŏхән туԓайән, пӑ нӑӈ ԓўвеԓ Иоанн нэмән пŏнԓэн;
\p
\v 14 нӑӈена амәт пӑ каш питәԓ, ар хŏйат, ԓўв сэма питмаԓ урәӈән, амтәтԓыты питәԓ.
\p
\v 15 Турәм Куща хŏща ԓўв ԓӑтәӈа питәԓ, ўна пӑ па кўтрәӈ ŏт йищты ӑт питәԓ, пӑ хŏԓна аԋԏеԓ хŏща пӑтлам хотән уԓман Йэмәӈ Ԓыԓән тэкәнԓа,
\p
\v 16 пӑ ар хŏйат Израиль йох эԓты Турәм Куща пеԓа керәтԓәԓы;
\p
\v 17 Ԓўв Турәм Куща йэԓпийән, Илияйа мийԓыйәм хŏрпи ԓыԓ пӑ йур пиԓән мӑнты питәԓ, ащет сӑм ԋаврэмԓаԓа йŏхԓы мӑты урәӈән, ӑт хуԓәтты хŏйатәта тўӈа–щира уԓты нŏмәс мӑты урәӈән. Щиты Турәм Куща урәӈән хŏйатәт ԓэщатәԓ”.
\p
\v 18 Захария ангела йастәс: "Xŏты сӑхат ма щи вер уйәтԓэм? Ма пирщамәсайәм, имем пӑ тӑԓԓаԓ арамәсәт".
\s Захария пŏтәртты ӑт верәтәԓ
\p
\v 19 Ангел йŏхԓы йастәс: "Ма – Гавриил, Турәм пўӈәԓән ԓойты ангел, нӑӈ пиԓэнән пŏтәртты пӑ нӑӈена тӑм йӑм айкеԓ туты китсайәм.
\p
\v 20 Мўйа нӑӈ ма йасәӈԓама ӑт эвәԓсән, ин нӑӈ мӑшйайән уԓты питԓән, пӑ хŏԓна щи унты пŏтәртты щир ӑт тӑйты питԓән, хун аԉәм верэм йŏхәтәԓ, мŏрт пŏрайән ԓыв тӑԓаӈа йиԓәт”.
\p
\v 21 Щи сыс мир камән Захария ԓавәԓсәт пӑ нумәсты питсәт, мўйа ԓўв щиты Турәм Хотән рŏнащәԓ.
\p
\v 22 Ԓўв ким этмаԓән, нэмәԓты хŏйат пеԓа пŏтәртты ӑт веритәс. Хŏйатәтән ŏша пӑйәтса, ԓўв, иԓампа, Турәм Хотән мŏԓты йэм вантәс; щиӈәԋща ԓўв хŏйатәт пеԓа ԓўйән-паӈән аԉисыман пŏтәртәс, ўӈәԓԓы щиты щи ус.
\p
\v 23 Туп хун ԓўв йэмәӈ верәт верты хӑтәԓԓаԓ йэтшәсәт, йŏхи йŏхтәс.
\p
\v 24-25 Щи йўпийән Елизавета имеԓ ԓавәрта йис, пӑ вет тыԓәщ хŏйатәт эԓты хӑԋатыйәс пӑ пŏтәртыйәс: "Турәм Куща тӑм хӑтԓәтән ма урӈема щи йӑм верәс, ма эԓтайэм хŏйатәт ԋухматты вер нŏх ўты урәӈән, ма пеԓайэм аԋкәрмәс".
\s Гавриил Христос сэма питты вер аԉәԓ
\p
\v 26-27 Хун Елизавета xутмет тыԓәщ ўшән уԓмаԓән, Турәм Гавриил нэмпи ангел Галилея мўвән уԓты Назарет воша эви xŏща китсәԓы. Щи эви Иосиф xŏща уртыса, Иосиф Давид рут эԓты уԓ. Эви нэмәԓ: Мария.
\p
\v 28 Ангел ԓўв хŏщайәԓ ԓŏӈмаԓән, йастәс: "Амтәтԓыйа, йӑм мŏщатәм нэ! Турәм Куща Нӑӈ пиԓэнән уԓ; имет кўтән йӑмән мийәм нэ!"
\p
\v 29 Мария ԓўвеԓ кащаԓәмаԓ кемән, щи йасәӈԓаԓ эԓты нŏпсәԓ ԓыԓэмәс пӑ нумәсәс: мўй тӑмәщ ўща верты щир.
\p
\v 30 Ангел пӑ ԓўвеԓа йастәс: "Аԓ пӑԓа, Мария! Турәм нӑӈ пеԓайэн йӑм щирән ӑӈкәрмәс;
\p
\v 31 ԓавәрта йиԓән пӑ Пŏх сэма пайәтԓән, Иисус нэмән Ԓўвеԓ пŏнԓэн.
\p
\v 32 Ԓўв ԓӑтәӈ питәԓ, пӑ Нўм Турәм Пŏха айәԓты питԓа; Турәм Куща Ԓўвеԓа Давид ащеԓ хон омәсты тӑха мӑԓ.
\p
\v 33 Щӑԓта Ԓўв Иаков хот тэԓ хŏща веккеша хона уԓты питәԓ, пӑ Хон Уԓәпсайәԓ нэмәԓты пŏрайән ӑт йэтшәԓ".
\s Ӑнтом хŏйат щирән тыйты вер
\p
\v 34 Мария ангела йастәс: "Xŏты сӑхат щиты питәԓ, ма xу сайән уԓты вер хŏԓна ӑт уйәтԓэм?"
\p
\v 35 Ангел йŏхԓы йастәс: "Йэмәӈ Ԓыԓ Нӑӈ хŏщайэн эсԓәщәԓ пӑ Нўм Турәм йурән йŏхәтԓайән, щишән сэма пайәтты йэмәӈ Ԋаврэмийэн Турәм Пŏха айәԓтты питԓа.
\p
\v 36 Ин Елизавета, xŏйатәтән таԓа айәԓтәм Нӑӈ рут нэӈен, кўш пирщамәса, ищи пŏх ԓавәԓәԓ: ин ԓўв хутмет тыԓщәԓ.
\p
\v 37 Турәм и йасӈәԓ йурԓы ӑт уԓԓыйәԓ".
\p
\v 38 Мария йастәс: "Щишән, ма Турәм Куща митнэ; нӑӈ йасӈен щира ма xŏщайэм щи вер ат тыйәԓ". Щи йўпийән ангел ԓўвеԓ утща хӑйсәԓы.
\s Мария Елизавета хŏща йӑӈхәԓ
\p
\v 39 Йэша ус, щи йўпийән Мария ԓэщатэмийәс пӑ сора Иуда кевәтән уԓты воша мӑнәс.
\p
\v 40 Захария хота ԓŏӈәс пӑ Елизавета пиԓән ўща верәс.
\p
\v 41 Хун Елизавета Мария эԓты ўща йасәӈ хуԓмәс, сӑмәԓ иԓпийән тӑйты ԋаврэмәԓ ԋŏхԓыйәс. Щи кемән Елизавета Йэмәӈ Ԓыԓән тэкәтса,
\p
\v 42 пӑ ԓўв такан йастәс: "Нӑӈ имет кўтән йӑмән мийәм нэ, сӑм иԓпенән тӑйты ŏтыйэн ищи йӑмән мийәм!
\p
\v 43 Мўй щирән щит тыйәс? Ма хŏщайэма Турәм Кущайэм аԋԏи йŏхтәс!
\p
\v 44 Ванта-са: хун ма нӑӈ ўща верты сыйэн хуԓмәсәм, щи пŏрайән ԋаврэмем сӑмем иԓпийән амәтман ԋŏхԓыйәс.
\p
\v 45 Ин эвԓәм нэ щўԋԓән, Турәм Куща эԓты йастәм йасӈәт тӑԓаӈа йиԓәт, щишән".
\p
\v 46 Щӑԓта Мария йастәс: "Ма сӑмем Турәм Куща ԓӑтәӈа айәԓԓәԓы,
\p
\v 47 Ма сӑмемән шек амтәтԓыԓәм Турмем урәӈән, ма ԓыԓэм Этәԓтәты Ŏтэм урәӈән,
\p
\v 48 Ԓўв митнэ лэӈкеԓ пеԓа сэмәԓ пайәтсәԓы, тӑԓта йэԓԓы ин омәсты мир, йӑԓпа йиты мŏхет мӑнэм щўԋән мийәм нэӈа айәԓты питԓэԓ;
\p
\v 49 Йурәӈ Ŏт мӑнэм вŏԓаӈ верәт вермаԓ урәӈән, пӑ Ԓўв Нэмәԓ йэмәӈ,
\p
\v 50 Турәм сӑмәӈ верәԓ кашәӈ Ԓўв эԓтайәԓ пӑԓты хŏйата, ин уԓты пӑ йӑԓпа йиты мŏхета, уԓты питәԓ;
\p
\v 51 Ԓўв йурәӈ йошәԓ этәԓтәсԓы; сӑмԓаԓән йŏрәӈ нŏмәс тӑйты хŏйатәт лакки йовәԓсәԓы;
\p
\v 52 ун кущайәт кущайа омәсты тӑхайԓаԓ эԓты иԓ пайәтсәԓы, лэӈкийа уԓты хŏйатәт нŏх эԓәтсәԓы;
\p
\v 53 ԓэԓԓы уԓты хŏйатәт йӑм эԓты ԓапәтсәԓы, тащәӈа уԓты хŏйатәт таԓты китсәԓы.
\p
\v 54 Ԓўв Израиль митхуйәԓа ԋотыԓыйәс, аԉәм сӑмәӈ щирәԓ нумман,
\p
\v 55 хŏты мўӈ опращԓува йастыԓыйәс, Авраама пӑ йиты ԋаврэмԓаԓа веккеша".
\p
\v 56 Мария Елизавета хŏща хуԓәм тыԓәщ кем мойԓәман ус, щӑԓта йŏхи мӑнәс.
\s Елизавета Иоанн сэма пайәтәԓ
\p
\v 57 Елизавета пŏрайәԓ йŏхтәс пӑ пŏх сэма пайтәс.
\p
\v 58 Ванән уԓты хŏйатәтән пӑ рутԓаԓән хуԓса, хŏты ԓўв урӈәԓән Турәм Куща ԓӑтәӈ сӑмәӈ вер аԉәс пӑ ԓўв пиԓәԓән амтәтԓысәт.
\p
\v 59 Нийәԓмет хӑтәԓән ԓыв ԋаврэм хŏща эвәтты вер\f + \fr 1:59 \fr*\ft Эвәтты вер - еврейәт хŏща сэма питәм ху ԋаврэм ԋийәԓмет хӑтәԓән ху пŏрмасәԓ хŏща лыпащ поԋам шўкәԓ хŏԓт эвәтмәԓа.\ft*\f* урәӈән йŏхәтсәт пӑ ащеԓ иты Захария нэма пŏнты ўтщисэԓ.
\p
\v 60 Туп Елизавета йастәс: "Ӑнта, Иоанн нэмән пŏнԓэв".
\p
\v 61 Ăктәщәм хŏйатәт йастәсәт: "Нӑӈ рутэн кўтән тӑмәщ нэм тӑйты и хŏйат нэш ӑнтом!"
\p
\v 62 Ащеԓ эԓты ԓўйән-паӈән аԉиԓыман иԋщәсты питса, мўйсыр нэм ԓўв ԋаврэмәԓа мӑты ԓӑӈхас.
\p
\v 63 Хӑшты сохәԓ вохәс пӑ хӑншәс: "Ԓўв нэмәԓ Иоанн". Ăктәщәм хŏйатәт йасәӈ ӑт шитԓәт, ӑԓ щи ватԓәт.
\p
\v 64 Щи пўԉаӈ ԓўв ўӈԓәԓ-ԋаԓмәԓ пел пўншаԋщәс, пӑ Турәм ишәкман пŏтәртты питәс.
\p
\v 65 Щиӈәԋща ԓывиԓаԓ керәтман уԓәм хŏйатәт пӑԓщәмән йŏхәтсайәт, пӑ ин щи вер эԓты кев пеләк Иудея мўв ԓŏватән пŏтәртты питса.
\p
\v 66 Хŏйән айкеԓ хуԓса, хŏԓыйэ ԓыв сӑма пŏтсэԓ пӑ пŏтәртсәт: "Xŏйа тӑм ԋаврэм йиԓ?" Турәм Куща йош ԓўв пиԓәԓән ус.
\s Захария Иоанн йэмәӈ верәт верты эԓты пŏтәртәԓ
\p
\v 67 Щӑԓта Захария, Иоанн ащи, Йэмәӈ Ԓыԓән тэкәтса, Турәм эԓты хуԓәм йасәӈԓаԓ пŏтәртты питәс:
\p
\v 68 "Турәм Куща - Израиль Турәм ат ишәкԓа, Ԓўв Израиль мирәԓ хŏща йŏхтәс пӑ хŏԓт пайтәсты щир мӑс,
\p
\v 69 пӑ мўӈева ԓыԓ этәԓтәты йурәӈ Ŏт Давид, митхуйәԓ, рут сӑхат мӑс,
\p
\v 70 хŏты йис тэԓән Турәм йасәӈ туты йэмәӈ xŏйатԓаԓ ўӈәԓән пŏтәртәс,
\p
\v 71 щит мўӈев веԓты ŏтԓув эԓты пӑ мўӈиԓув нўрыты ŏтԓув эԓты мўӈев нŏх пайәтԓәԓы,
\p
\v 72 мўӈ ащиԓув пиԓән сӑмәӈ верәԓ ватәԓтәԓ пӑ Ԓўв йэмәӈ йастантәм щирәԓ нумԓәԓы,
\p
\v 73 Ԓўв Авраама, ащева, мийԓыйәм йасӈәԓ нумԓәԓы, мўӈева,
\p
\v 74 мўӈ нўрәӈ ŏтԓув эԓты нŏх пайәттаԓ йўпийән, хурԓыйа Ԓўвеԓа
\p
\v 75 йэмәӈ пӑ вещкат щирән кашәӈ хӑтәԓ уԓәпсайэвән митйоxа уԓты вер мӑԓ.
\p
\v 76 Нӑӈ ищи, ԋаврэмийэ, Нўм Турәм йасәӈ туты хŏйата нэмәтԓайән, Турәм Куща йэԓпийән мӑнты питԓән:
\p Ԓўв кешайәԓа йуш ԓэщатты урәӈән,
\p
\v 77 Ԓўв мирәԓа щит ŏша пайәтты мӑты урәӈән: кӑрэкԓаԓ\f + \fr 1:77 \fr*\ft кӑрэк - словарь ванта;\ft*\f* йŏрэмәты щир хŏща ԓыԓ этәԓтәты вер уԓ,
\p
\v 78 Турмев йӑм сӑм хўватән, Ԓўв йӑԓпа этты хӑтәԓ иты, нумәԓта мўӈ хŏщайэва йŏхтәс,
\p
\v 79 пӑтламән пӑ хӑԓа хŏрән уԓты xŏйатәт нŏх хутԓәптәты урәӈән, мўӈ кўрԓув пайԓы уԓәпса йуш хўват мӑнәԓтты урәӈән."
\p
\v 80 Ԋаврэмийэ щи сыс энмәԓтыйәс пӑ ԓыԓәԓ-нŏпсәԓ такамтыйәс, таԓ шитам тӑхайәтән Израильәԓ хŏща эттаԓ унты ус.
\c 2
\s Иисус сэма пайәтса
\p
\v 1 Щи хӑтԓәтән Август нэмпи кесарь ики йасәӈ китәс, Ԓўв мўвәԓ ԓŏватән уԓты хŏйатәт нэпека ат хӑшсайәт.
\p
\v 2 Щит мет оԓәӈ хŏйат ԓӑт щирән хӑншәпса ус. Щи пŏрайән Сирия мўвән Квириний нэмпи куща ус.
\p
\v 3 Нэпека пайтәсты кеша кашәӈ хŏйат ԓўв йŏра вошәԓа мӑнәс.
\p
\v 4 Щи урәӈән Иосиф па Галилея мўвән омәсты Назарет вош эԓты, Иудея мўва Давид ики воша, Вифлеема, мӑнәс. Ԓўв Давид хот пӑ рут эԓты ус,
\p
\v 5 ԓўв, нэпека питты урәӈән, Мария пиԓән мӑнәс. Мария ԓўвеԓа уртыса пӑ щи пŏрайән ԓавәртан ус.
\p
\v 6 Щита уԓман сыс, ԋаврэмәԓ сэма питты пŏра йŏхтәс.
\p
\v 7 Пŏхән, оԓәӈ Ԋаврэмәԓән, йŏхәтса, сŏха Ԓўвеԓ йŏвәртсәԓы пӑ вой ԓапәтты хŏшапа пŏтсәԓы, хŏйат хоԓты хотән ŏԓты тӑха ӑт мŏщатсәӈән.
\s Ангеләт вой шавиты хŏйатәта Иисус эԓты амәт айкеԓ тусәт
\p
\v 8 Щи ԉэпән, мўв хӑрән вой тащ шавиты икет ат ԓавәԓман усәт.
\p
\v 9 Турәм Куща ангел ԓыв йэщаԓтэԓ этмәс пӑ Турәм Куща йэмәӈ нŏвийән ԓыв нŏх xутԓәптысайәт; ԓыв шек пӑԓтамәсәт.
\p
\v 10 Туп ангел ԓывиԓаԓа йастәс: "Аԓ пӑԓаты! Ма нынана амтәтԓыты ун айкеԓ туԓәм, щи амәт иса тӑм мўв хŏйатәта уԓты питәԓ:
\p
\v 11 тӑм ат Давид вошән нынан Ԓыԓ Этәԓтәты Ŏт – Христос, Турәм Куща сэма питәс;
\p
\v 12 тӑта щи нынана пос: вой ԓапәтты хŏшапән йŏвәртәм Ԋаврэмийэ уйәтԓәты".
\p
\v 13 И щишән ангел пиԓән аратәԓ турәм ԉаԉ йоx йŏхәтсәт, Турәм ишәкԓәт пӑ такан йастәԓәт:
\p
\v 14 "Турма нумән ишәк йасәӈ! Пӑ мўвән пайԓы уԓәпса, хŏйатәт xŏща йӑм!"
\s Вой шавиты йох Иисус хŏща йŏхтыԓыԓәт
\p
\v 15 Ангеләт турма нŏх мӑнмеԓ йўпийән, вой шавиты йох кўтԓаԓән пŏтәртты питсәт: "Вифлеем воша мӑнԓув пӑ ватԓэв, мўй щита тыйәс, мўй эԓты Турәм Куща мўӈев йастәс".
\p
\v 16 Ԓыв мŏхты йуша йэтшәптәсәт, йŏхәтсәт, Мария пӑ Иосиф, пӑ вой ԓапәтты хŏшапән йŏвәртәм Ай Ԋаврэмийэ уйәтсәт.
\p
\v 17 Ԓывиԓаԓ кащаԓәмеԓ кемән, вой шавиты йох Тӑм Ԋаврэмийэ эԓты мўй хуԓсәт, щит иса пŏтәртсэԓ.
\p
\v 18 Хуԓәнтәм мŏхет хŏԓыйэ тащ шавиты йох йасәӈ эԓты пакнысыԓәт.
\p
\v 19 Мария щи йасӈәт хŏԓыйэ сӑмәԓән шависԓы пӑ нумәссәԓы.
\p
\v 20 Тащ шавиты икет йŏхԓы йŏхәтсәт, Турәм вŏԓаӈа айәԓтман пӑ ишәкман, мўй хуԓсәт пӑ ватсәт, щит иса ԓывиԓаԓа йастәман ус, щи урәӈән.
\s Иисус хŏща эвәтты вер
\p
\v 21 Нийәԓмет хӑтәԓән Ԋаврэма эвәтты вер верты пŏра йŏхтәс, пӑ щита Иисус нэмән пŏтса – щи нэмән, Ԓўв, аԋԏеԓ хŏща пӑтлам хота питтаԓ йэԓпийән, ангелән нэмәтса.
\p
\v 22 Хун Моисей Закон хўват сыстамтыты хӑтәԓ йŏхтәс, ԓын Ԋаврэмән Иерусалим воша тусԓән, Турәм Кущайа ватәԓтәты урәӈән,
\p
\v 23 Турәм Куща законән хӑшман уԓԓа: "Кашәӈ оԓәӈ сэма питәм ху ԋаврэм Турәм Кущайа аԉты мосәԓ".
\p
\v 24 Пӑ ищи пўԉаӈ Турәм Куща закон хўват йир туты мосәԓ: кӑт горлица нэмпи тŏхԓәӈ войӈән, мўй пӑ голубь нэмпи тŏхԓәӈ кӑт пŏшәхӈән.
\s Симеон Иисус эԓты пŏтәртәԓ
\p
\v 25 Щи пŏрайән Иерусалим вошән Симеон нэмпи хŏйат ус, ԓўв вещкат па тўӈа–щира xŏйат ус, Израиль мир нŏх пойәкты щир ԓавԓәс; Йэмәӈ Ԓыԓ ԓўв пиԓәԓән ус.
\p
\v 26 Йэмәӈ Ԓыԓән ԓўв аԉса, Турәм Куща китәм Христос шийаԓәтаԓ унты, ԓўв ӑт пӑрәԓ.
\p
\v 27 Йэмәӈ Ԓыԓән тўвман, Симеон Турәм Хота йŏхтәс, хун Иисус Ԋаврэмийэ аԋԏеԓән-ащеԓән, закон хўват мосты верәт верты урәӈән, тŏхи туса,
\p
\v 28 Симеон Ԓўвеԓ йоша ўсԓы, Турәм ишәксәԓы пӑ пŏтәртты питәс:
\p
\v 29 "Вос Xу! Нӑӈ йасӈен хўватән, ин Нӑӈ митхуйэн йӑм нŏмәсән эсәԓԓэн,
\p
\v 30 Нӑӈ мойԓәм ԓыԓ этәԓтәты верэн сэмԓамән шийаԓәсэм,
\p
\v 31 щит Нӑӈ иса уԓты омәсты мир кеша,
\p
\v 32 пўншантәм нŏви Турәм ӑт уйәтты па рут мира\f + \fr 2:32 \fr*\ft Турәм ӑт уйәтты па рут мир – Турәм ӑт уйәт хŏйатәт, еврейәт пӑ па рут мирәт щиты айәԓтԓәт.\ft*\f* пӑ ишәк йасәӈ Израиль мирэна ԓэщатсэн!"
\p
\v 33 Иосиф пӑ Иисус аԋԏеԓ Ԓўв эԓтэԓ йасәӈ хуԓтанән туп ӑԓ пакнысыстән.
\p
\v 34 Симеон ԓыв урәӈԓаԓа йӑм воxәс, щӑԓта Мария, Иисус аԋԏи пеԓа, йастәс: "Тӑм ŏԓәԓ, Щит, Хŏй тӑxрэпа китса: Израильән хŏйтат иԓ питԓәт, хŏйтат пӑ нŏх ԓойԓәт, Турәм эԓты китәм поса уԓ, йасәӈԓаԓ урәӈән хŏйатәтән нўрыԓа, –
\p
\v 35 Нӑӈ па щитән, аԓтты кеши иты, сӑмен мŏхты мӑнԓайән, – ар хŏйат сӑм хŏща уԓты хӑԋа нŏмәсԓаԓ эԓпа ат этәԓтәԓайәт".
\s Анна вантәм верәт
\p
\v 36 Хŏԓна щита Турәм йасәӈ туты ими, Анна, ус. Ԓўв Фануил эви, пирща йўвәм ими, Асир рут эԓты ус, икеԓ пиԓән ԓапәт тӑԓ уԓмаԓ,
\p
\v 37 икиԓы хӑщәс, пӑ нийәԉйаӈ ԋӑԓ тӑԓа йис. Анна Турәм Хот эԓты пўӈԓа ӑт йӑӈхиԓыйәԓ, Турма ата-хӑтԓа пойәкщәман пӑ вўщԓәман ус.
\p
\v 38 Щи пўԉаӈ ԓыв хŏщайэԓа ԓўв, вана шушман, Турәм Куща ишәкԓәԓы пӑ кашәӈ хŏйата щи Ԋаврэмийэ эԓты пŏтәртыйәс, хŏй Иерусалимән xŏԓт пайтәсты щир ԓавԓәс.
\s Иисус Назарета йŏхԓы йиԓ
\p
\v 39 Хун Иосиф пӑ Мария верәт иса версәԓән, Турәм Куща закон xўват, ԓыв Галилея мўва, Назарет вошеԓа йŏхԓы йŏхәтсәт.
\p
\v 40 Ԋаврэмийэ пӑ энмәԓтыйәс, ԓыԓәԓ-нŏпсәԓ такамтыйәс, мўтрайән тэкнәптыман, Турәм йӑм Ԓўв эԓтэԓ ус.
\s Иисус - ԋаврэм Турәм Хотән
\p
\v 41 Кашәӈ тӑԓ Иисус аԋԏеԓ-ащеԓ Пасха йэмәӈ хӑтԓәт урәӈән Иерусалим воша йӑӈхиԓыстән.
\p
\v 42 Хун Ԓўв кӑтхŏщйаӈ тӑԓа йис, ищиты, xŏты уԓԓытыйән, ԓыв Иерусалима йэмәӈ хӑтԓа мӑтсәт.
\p
\v 43 Хун йэмәӈ хӑтԓәт мӑнәм йўпийән йŏхи мӑтсәӈән, Иисус Пŏхийэ Иерусалим вошән хӑщәс; щит Иосиф пӑ Иисус аԋԏеԓ, ӑт мŏштәсԓән,
\p
\v 44 ԓын нумәссәӈән, Ԓўв па мŏхет пиԓән йиԓ. Оԓәӈ хӑтәԓ йуш xўват шушманән, хӑтәԓ xўват рутԓаԓ пӑ уйәтты йŏхԓаԓ кўтән Ԓўвеԓ кӑшсәԓән.
\p
\v 45 Иисус ӑт уйәтсәԓән, Ԓўвеԓ кӑшман, Иерусалима йŏхԓы йŏхәтсәӈән.
\p
\v 46 Хуԓәм хӑтәԓ xӑщәм йўпийән Ԓўвеԓ Турәм Хотән уйәтсәԓән, утәԓтәты йохәт кўтән ԓывиԓаԓ хуԓәтман пӑ ԓыв эԓтыԓаԓ иԋщәсман опсәс;
\p
\v 47 хŏԓыйэ Ԓўвеԓ хуԓәнтәм хŏйатәт йасәӈ ӑт шитԓәт, Ԓўв пеԓайәԓ ӑԓ ватԓәт пӑ хуԓәтԓәт, xŏты Ԓўв йŏxԓы ŏшәӈа–нŏпсәӈа йастәԓ.
\p
\v 48 Аԋԏеԓ-ащеԓ Ԓўвеԓ шийаԓәман кемән, йасәӈ йастәты ӑт верәтсәӈән, туп аԋԏеԓ Ԓўвеԓа йастәс: "Пŏхийэ, минэмән хŏты Нӑӈ версэн? Тӑм мўй, ащен пӑ ма, сӑм мӑнман, Нӑӈен кӑшԓэмән."
\p
\v 49 Иисус йастәс: "Мўйа нын Мӑнэм кӑшԓәԓән? Нын мўй ӑт уйәтсәԓән, Мӑнэм щита уԓты мосәԓ, хŏта Ма Ащэм Xот уԓ?"
\p
\v 50 Туп Ԓўв йастәм йасәӈԓаԓ ԓын ӑт мŏштәсԓән.
\s Иисус энәмты пŏра
\p
\v 51 Щиты Ԓўв аԋԏеԓ-ащеԓ пиԓән Назарет воша йŏхԓы йŏхтәс; пӑ ԓынана хуԓәтман ус. Щи йастәм йасәӈԓаԓ xŏԓыйэ аԋтеԓән сӑмән шависайәт.
\p
\v 52 Иисус пӑ нуптәԓ хўвашәк йис, ŏшәӈа-щащәӈа йис. Ԓўв Турәмән пӑ хŏйатәтән сӑма мосман тӑйса.
\c 3
\s Иоанн йиӈка ԓŏӈәԓтыты хŏйат верәт верты щир
\p
\v 1 Тиверий кесарьа уԓәм ветхŏщйаӈмет тӑԓән, хун Понтий Пилат Иудея мўв ԓŏватән кущайа уԓмаԓән, Ирод ики пӑ Галилея мўвән, ԓўв Филипп йайәԓ Итурея, Трахонитида мўвән, Лисаний ики Авилиней мўвән, ԋӑԓмет мўв щуӈ кущайәта уԓмеԓән,
\p
\v 2 Турма йир верты хŏйатәт ŏх икеӈән Анна пӑ Каиаф уԓәм пŏрайән Иоанна, Захария пŏха, хӑр пӑ таԓ мўвән Турәм айкеԓ йŏхтәс.
\p
\v 3 Щи йўпийән ԓўв Иордан йŏxан ԉэпән уԓты мўв ԓŏватән йӑӈхәс пӑ щи вер эԓты сыйәӈа пŏтәртәс: йиӈка ԓŏӈәԓтыты вер верты урәӈән, кӑрэк эԓты шӑшән керԓәты мосәԓ, щиты Турәмән кӑрэк йŏрэмәԓа.
\p
\v 4 Xŏты Турәм йасәӈ туты ики Исаия йасӈәӈ нэпекән хӑшман уԓԓа:
\p "Таԓ мўвән такан ўвты xу тўр сый:
\p Турәм Кущайа йуш ԓэщататы,
\p йуш хурийэт Ԓўв урӈәԓа тўӈа вераԓән!
\p
\v 5 Кашәӈ мўв лот тэԓәӈа ат йиԓ, кашәӈ кев пай, кашәӈ сӑӈхәм ԓэԓа ат йиԓәт.
\p Мўвеӈ йушәт тўӈа ат йиԓәт, хŏмалэӈ йушәт пайԓы ат йиԓәт;
\p
\v 6 пӑ кашәӈ хŏйат Турәм ԓыԓ этәԓтәты щир шийаԓәԓ".
\p
\v 7 Иоанн, ԓўв эԓтайәԓ йиӈка ԓŏӈәԓтыты урәӈән йŏхтыԓыйәм ар хŏйата щиты пŏтәртәс: ”Ŏхты вой эԓты тыйәм ŏтәт! Хŏйән нын нŏмәсән мӑсайты, йиты ԉик эԓты хŏнтаты?
\p
\v 8 Кӑрэк эԓты шӑшән керԓәм щирән йӑм верԓәнән аԉаԓән, xŏты йўx йӑм ԓэвпәс энмәԓтԓәԓ. Аԓ тӑйаты тӑмәщ нŏмәс, йастыман: "Мўӈ ащев – Авраам!" Нынана йастәԓәм, Турәм тӑм кев шўкәт эԓты Авраама ԋаврэмәт верты верәтәԓ.
\p
\v 9 Тӑм мўй, йўх ԓэрәт пўӈәԓән ԓайәм пŏнман уԓ, йӑм ԓэвпәс ӑт энмәԓтты йўх иԓ сэвәрԓа пӑ тўта вŏщкәԓа".
\p
\v 10 Мир иԋщәсәс: "Мўй щиӈәԋща мўӈева верты?"
\p
\v 11 Ԓўв щиты йŏхԓы йастәс: "Xŏй кӑт йэрнас тӑйәԓ ки, и йэрнасәԓ ӑт тӑйты хŏйата ат мӑԓԓы, хŏй ԓэтәт тӑйәԓ ки, ищиты ат верәԓ".
\p
\v 12 Налог ӑкәтты йохәт ԓўв хŏщайәԓа йиӈка ԓŏӈәԓтыты урәӈән йŏхәтсәт, ԓўв эԓтэԓ иԋщәссәт: "Утәԓтәты ху, мўӈева мўй верты?"
\p
\v 13 Иоанн ԓывиԓаԓа йастәс: "Xŏйатәт эԓты мŏрт тўмпи ар аԓ вохаты".
\p
\v 14 Соԓтан йох ищи иԋщәссәт: "Мўӈева пӑ мўй верты?" Пӑ ԓывиԓаԓа йастәс: "Нэмәԓты хŏйат ŏх урәӈән аԓ шукататы, ԋаԓәм аԓ вераты, пӑ тыԓәщ ŏхԓәнән тӑрматыйаты".
\p
\v 15 Хун хŏйатәт ԓавԓәсман усәт, пӑ хŏԓыйэ Иоанн эԓты нумәссәт, ԓўв а мўй Христос, -
\p
\v 16 Иоанн ԓывиԓаԓа йастәс: "Ма нынан йиӈка ԓŏӈәԓтыԓԓам, туп ма киԋщайэм Йурәӈ Ŏт йŏxәтәԓ. Мӑнэм хŏԓна Ԓўв кўр ԓумтәм пушәх кеԓәԓ нŏх эхты йэм, ӑт рӑхәԓ; Ԓўв нынан Йэмәӈ Ԓыԓа пӑ тўта ԓŏнәԓтты питԓәԓы.
\p
\v 17 Ԓўв сӑрәԓ йошәԓән уԓ, ԓат сэм ӑктәм тӑxайәԓ сыстапԓәԓы, ԓат сэмәт ампарәԓа ӑкәтԓәԓы, сорәм тŏрнәт пӑ ӑт xурԓәты тўтән нŏх ўщәтԓәԓы".
\p
\v 18 Иоанн Йӑм айкеԓ эԓты пŏтәртмаԓән, ар па хŏрпи щирән хŏйатәт утәԓтәсԓы.
\p
\v 19 Ԓўв Ирод, ԋӑԓмет мўв щуӈ куща ики, йайәԓ ими, Иродиада, нэӈа тўвмаԓ урәӈән пӑ па атәм верәт вермаԓ урәӈән, нўрыты питсәԓы,
\p
\v 20 Ирод ики щиӈәԋща, верәм атәмԓаԓ хŏща и вер па пŏнәс, Иоанн касна хота омәссәԓы.
\s Христос йиӈка ԓŏӈәԓтыты вер
\p
\v 21 Хун хŏйатәт иса Иоаннән йиӈка ԓŏӈәԓтысайәт, Иисус ищи йиӈка ԓŏӈәԓтыса, йиӈка ԓŏӈәԓтыйәм йўпийән пойәкщәман ус: турәм хӑр пелки лоӈхиԓәс,
\p
\v 22 Йэмәӈ Ԓыԓ, голубь вой хŏрпийән, Ԓўв хŏщайәԓ иԓ эсԓәщәс, пӑ турәм эԓты тўр сый щащәс: "Нӑӈ – Ма Сӑмема Мосты Пŏхем, Ма йӑм кашэм Нӑӈ хŏщайэнән уԓ!"
\s Мария сӑхат уԓты Христос рут йохԓаԓ
\p
\v 23 Иисус верәт верты питмаԓән хŏԉмаӈ тӑԓ кема йўвман ус; хŏйатәт нумәссәт Ԓўв Иосиф пŏх, щишән опращԓаԓ - Илий,
\p
\v 24 Матфат, Левий, Мелхий, Ианнай, Иосиф,
\p
\v 25 Маттафий, Амос, Наум, Еслим, Наггей,
\p
\v 26 Мааф, Маттафий, Семеи, Иосиф, Иуда,
\p
\v 27 Иоаннан, Рисай, Зоровавель, Салафиил, Нирий,
\p
\v 28 Мелхий, Аддий, Косам, Елмодам, Ир,
\p
\v 29 Иосий, Елиезер, Иорим, Матфат, Левий,
\p
\v 30 Симеон, Иуда, Иосиф, Ионан, Елиаким,
\p
\v 31 Мелеай, Маинан, Маттафай, Нафан, Давид,
\p
\v 32 Иессей, Овид, Вооз, Салмон, Наассон,
\p
\v 33 Аминадав, Арам, Есром, Фарес, Иуда,
\p
\v 34 Иаков, Исаак, Авраам, Фара, Нахор,
\p
\v 35 Серух, Рагав, Фалек, Евер, Сала,
\p
\v 36 Каинан, Арфаксад, Сим, Ной, Ламех,
\p
\v 37 Мафусал, Енох, Иаред, Малелеил, Каинан,
\p
\v 38 Енос, Сиф, Адам, Турәм.
\c 4
\s Христос йŏвра хўщты щир
\p
\v 1 Иисус, Йэмәӈ Ԓыԓән тэкәнман, Иордан йŏхан эԓты йŏхԓы мӑнәс, пӑ щи Ԓыԓән хӑр пӑ таԓ мўва тўвман уса.
\p
\v 2 Щита Ԓўв ԋӑԓйаӈ хӑтәԓ хиԋән\f + \fr 4:2 \fr*\ft дьяволән\ft*\f* хўщман уса пӑ щи хӑтԓәтән Иисус нэмәԓты ӑт ԓэс, щи хӑтԓәт мӑнәм йўпийән, мет йўхәт Ԓўв ԓэты ԓӑӈхаты питса.
\p
\v 3 Хиԋ Ԓўвеԓа йастәс: "Нӑӈ – Турәм Пŏх ки, тӑм кев шуп, ԋаԋа йитыйа парты".
\p
\v 4 Иисус йŏхԓы йастәс: "Йэмәӈ Нэпекән xӑшман уԓԓа: ”Ӑнта туп ԋаԋ йурән хŏйат уԓты питәԓ, пӑ кашәӈ Турәм йасәӈ йурән”".
\p
\v 5 Щӑԓта Ԓўв хиԋән пӑԓ кев ԓŏӈԓа нŏх туса пӑ щиԓта ищи кумат хŏԓыйэ мўв ԓŏватән уԓты хон мўвәт аԉиԓысԓы,
\p
\v 6 хиԋ ики пӑ йастәс: "Нӑӈен тӑм хон мўвәт хŏща кущайа уԓты пŏнԓэм, пӑ ԓыв вŏсԓәты–вŏрԓәты щирэԓ Нӑӈен мӑԓэм, щит иса мӑнэма мӑса, пӑ ма, хŏйа ԓӑӈхаԓәм, щита мӑԓэм.
\p
\v 7 Нӑӈ ма йэԓпемән шаншен иԓ эсәԓԓэн ки, тӑм иса Нӑӈен мӑԓэм".
\p
\v 8 Туп Иисус йŏхԓы йастәс: "Сатана\f + \fr 4:8 \fr*\ft сатана, дьйавол, ‘хиԋ’\ft*\f*, Ма эԓтайэм пўӈԓа мӑна; Йэмәӈ Нэпекән xӑшман уԓԓа: ”Турәм Кущайэн йэԓпийән туп шаншен иԓ эсԓы, Ԓўвеԓа туп митхуйа уԓа”".
\p
\v 9 Щӑԓта Иисус сатанайән Иерусалим воша туса, Турәм Хот ԓоӈәԓ йира ԓощәԓтәса, пӑ йастәса: "Нӑӈ Турәм Пŏх ки, тӑԓта иԓ керәптыйа,
\p
\v 10 хӑшман ӑт уԓ: “Ԓўв ангелԓаԓа Нӑӈен шавиты партԓәԓы”,
\p
\v 11 пӑ “Нӑӈен нŏх аԓәмман туԓэԓ, Нӑӈ кўрэн кева аԓт вакләпәԓ”".
\p
\v 12 Иисус йŏхԓы йастәс: "Йастәман уԓ: ”Турәм Кущайэн, Турмен аԓ хўщи”".
\p
\v 13 Хун хиԋ ики хўщәпсайԓаԓ вŏԓәтсәԓԓы, Ԓўв эԓтайәԓ мӑтты пŏра унты шӑшән мӑнәс.
\s Галилея мўв ԓŏватән вана ўты щир
\p
\v 14 Иисус, Йэмәӈ Ԓыԓ йурән тэкәнман, Галилея мўва йŏхԓы йŏхтәс. Ԓўв айкеԓәԓ Галилея мўв керәтман лакки ԓӑрпиԓәс.
\p
\v 15 Ԓўв Турәм йасӈа утәԓтәты хотԓаԓән\f + \fr 4:15 \fr*\ft Турәм йасӈа утәԓтәты хот 'синагога'; Словарь ванта.\ft*\f* ԓывиԓаԓ утәԓтәс, пӑ хŏԓыйэ Ԓўвеԓ ишәксэԓ.
\s Назаретән вана ӑт ўты щир
\p
\v 16 Иисус Назарета, энмәм вошәԓа, йŏхтәс, пӑ шаббат хӑтәԓән\f + \fr 4:16 \fr*\ft шаббат хӑтәԓ 'суббота' - эврейәт ԓапәтмет хӑтәԓ, ԓўв йэмәӈ хӑтԓа ԓўӈәтԓа, щи хӑтәԓән щўтщәԓа;\ft*\f*, Ԓўв уԓтаԓ иты, Турәм йасӈа утәԓтәты хота ԓŏӈәс, пӑ щита Йэмәӈ Нэпек эԓты сыйәӈа ԓуӈәтты ԓойәс.
\p
\v 17 Ԓўвеԓа Исаия, Турәм йасәӈ туты ху, нэпек мӑса: Ԓўв нэпек нŏх ԓӑрпитмаԓ йўпийән, щи тӑха уйәтсәԓы, хŏта хӑшман уса:
\p
\v 18 "Турәм Куща Ԓыԓ Ма хŏщайэм уԓ; Ԓўв Мӑнэм, куԋарәта Йӑм айкеԓ йастәты урәӈән, ԋŏсәтсәԓы\f + \fr 4:18 \fr*\ft словарь Христос ванта;\ft*\f*, пӑ Мӑнэм, сӑмԓаԓ рӑкнәм хŏйатәт тўмтака верты урәӈән, китсәԓы, ԋӑрэмәм хŏйатәта хŏԓт сŏхәнты вер пӑ сэмԓы хŏйатәта – сэмәӈа йиты вер аԉты китсәԓы, шукатты хŏйатәт хŏԓт эсәԓты китсәԓы,
\p
\v 19 Турәм Куща йӑм ŏт тӑԓ-ԓўӈ йŏхтәм такан айәԓтты китсәԓы".
\p
\v 20 Иисус, нэпек лӑп йŏвәртман, ԋотты хŏйата мӑсԓы пӑ иԓ опсәс. Турәм йасӈа утәԓтәты хот тэԓ хŏйат хŏԓ Ԓўв пеԓайәԓ тŏрԓы ватԓәт.
\p
\v 21 Щӑԓта Ԓўв ԓыв пеԓайэԓ пŏтәртты питәс: "Тӑмхӑтәԓ, нын хуԓәм тӑм Йэмәӈ Нэпек йасӈәт, йӑнәпсәт".
\p
\v 22 Хŏԓыйэ ԓыв кўтэԓән Ԓўвеԓ ишәксэԓ, пӑ Ԓўв эԓтэԓ этты сӑма рӑхты йасәӈԓаԓ эԓты ощатыԓәт, пӑ пŏтәрԓәт: "Тӑм мўй ӑнта Иосиф пŏх?"
\p
\v 23 Иисус ԓывиԓаԓа йастәс: "Нын, уйәтман, Мӑнэма щимәщ йасәӈ йастәԓты: ”Ԉэккар, Нӑӈен Нӑӈ йӑмәԓты!”, хŏԓна: ”Тӑта Нӑӈ вошенән па щит вера, мўй, мўӈ хуԓмевән, Капернаум вошән версән”".
\p
\v 24 Щӑԓта йастәс: "Йӑна нынана йастәԓәм: Турәм йасәӈ туты и ху нэш энмәм мўвәԓән вана ӑт уԓа.
\p
\v 25 Вещката нынана пŏтәртԓәм: Илия Турәм йасәӈ туты ху уԓмаԓән, Израиль мўвән ар икиԓы хӑщәм ими ус, щи пŏрайән хуԓәм тӑԓ пӑ хут тыԓәщ турәм хӑр щиты лӑп йэртман уса, пӑ иса мўв ԓŏвата ун ԓэԓԓы пŏра йŏхтәс,
\p
\v 26 ԓыв кўтэԓа ий ими хŏща нэш Илия ӑт китса, туп Сидон вош пўӈәԓән уԓты Сарепта курта икиԓы ий ими хŏща китса.
\p
\v 27 Елисей Турәм йасәӈ туты ху уԓәм пŏрайән, йэмәӈ ԓайӈәӈ ԋўлмәт тӑйты ар хŏйат Израиль мўвән ус, Нееман нэмпи Сирия мўвәӈ ики тўмпийән, нэмәԓты хŏйат ӑт сыстапса".
\p
\v 28 Щит хуԓмеԓ кемән, Турәм йасӈа утәԓтәты хотән уԓты хŏйатәт хŏԓыйэ ԉикән йŏхәтсайәт.
\p
\v 29 Ԓыв нŏх ԓойәпсәт, Иисус вош эԓты ким воштәсэԓ; вошеԓ кев пай эԓты омәсман уԓ, пӑ пӑԓ кев пай венша тусэԓ, иԓ вŏщкәты урәӈән.
\p
\v 30 Туп Ԓўв, хŏйатәт кўтән шушман, пўӈԓа йирԓәс.
\s Кўԉәт воштәсайәт
\p
\v 31 Иисус Галилея мўвән уԓты Капернаум воша йŏхтәс, пӑ шаббат хӑтәԓән ԓывиԓаԓ утәԓтәс.
\p
\v 32 Мŏхет Ԓўв утәԓтәпсайәԓ эԓты ӑԓ пакнысыԓәт, Ԓўв йасӈәԓ партатты щир тӑйәс.
\p
\v 33 Турәм йасӈа утәԓтәты хотән кўԉ сŏх тӑйәм хŏйат ус, пӑ ԓўв сыйәӈ тўрән ўваԓтәс:
\p
\v 34 "А-а-а: Назарет эԓты уԓты Иисус, мўӈ эԓтэв мўй Нӑӈен мосәԓ? Нӑӈ мўӈев пӑратты йŏхәтсән; уйәтԓэм, Хŏй Нӑӈ! Нӑӈ – Турәм Йэмәӈ Ŏт!"
\p
\v 35 Иисус ԓўвеԓ такан партсәԓы: "Мӑшйайа йўвәмта па ԓўв эԓтэԓ ким эта!" Кўԉ сŏх Турәм йасӈа утәԓтәты хот кўтәпән хŏйат иԓ вŏщкәсԓы, щӑԓта ԓўв эԓтэԓ ким этәс, нэмәԓты атәм ин хŏйата ӑт верәс.
\p
\v 36 Мŏхет хŏԓыйэ хŏрщәмән йŏхәтсайәт, пӑ кўтԓаԓән пŏтәртсәт: "Мўй щит? Ԓўв щиты партатты щирән пӑ йуртат кўԉ сŏхәта пӑртәԓ пӑ ԓыв ким этԓәт?"
\p
\v 37 Пӑ Ԓўв эԓтэԓ айкеԓ керәтман куртәт хўват лакки мӑнәс.
\s Петра унтәп тўмтака верса
\p
\v 38 Турәм йасӈа утәԓтәты хот эԓты ким этмаԓ йўпийән, Иисус Симон хота ԓŏӈәс. Симон утпәԓ ими шек кӑшаӈ ус; пӑ Иисус щи ими урәӈән вохса.
\p
\v 39 Ԓўв щи ими хŏща ԋўрман, муш нŏх вŏԓыты партсәԓы; ин ими мушән хӑйса. Ԓўв ищи мŏхты нŏх ԓойәс, пӑ мŏхета пӑсан омәсты питәс.
\s Иисус Галилея мўв ԓŏватән Турәм верәт верәԓ
\p
\v 40 Хӑтәԓ иԓ опсәм сыс хŏԓыйэ, хŏй мушән йŏхтәм хŏйат тӑйәс, щи ар сыр мушпи хŏйатԓаԓ Ԓўв хŏщайәԓа тусԓаԓ. Ԓўв пӑ, кашәӈ мушәӈ хŏйат эԓты йошԓаԓ пŏныԓыман, ԓывиԓаԓ тўмтака версәԓы.
\p
\v 41 Ар хŏйат эԓты ищиты кўԉ сŏхәт, ўвман, ким этсәт пӑ пŏтәртсәт: "Нӑӈ – Христос, Турәм Пŏх!" Ԓыв уйәтԓәт - Ԓўв – Христос, туп Иисус щит ԓывиԓаԓа йастыты ӑт эсәԓсәԓы.
\p
\v 42 Хун хӑтԓа йис, Ԓўв хот эԓты ким этмаԓ йўпийән, таԓ шитам тӑхайа мӑнәс. Ар хŏйатән кӑшса, пӑ Ԓўв хŏщайәԓ йŏхәтмеԓән, Ԓўвеԓ иԓ рŏнатԓэԓ, ԓыв эԓтайэԓ ӑт ат мӑнәс.
\p
\v 43 Ԓўв пӑ ԓывиԓаԓа йастәс: "Мӑнэм па вошәтән ищи Турәм Хон Уԓәпса эԓты Йӑм айкеԓ йастәты мосәԓ. Щи урәӈән Ма китсайәм".
\p
\v 44 Щиты Ԓўв Галилея Турәм йасӈа утәԓтәты хотәтән сыйәӈа пŏтәртәс.
\c 5
\s Оԓәӈ утәԓтәты йŏх вохсайәт
\p
\v 1 И пўш, хун Иисус Геннисарет нэмпи ԓор питарән ԓоймаԓән, хŏйатәт керәтман Ԓўв хŏщайәԓ нӑптәщсәт, Турәм йасәӈ хуԓәтты урәӈән,
\p
\v 2 Ԓўв кӑт ўты кӑтԓәм хоп шийаԓәс; хўԓ веԓты хŏйатәт пӑ, хоп эԓты иԓ ŏхәԓман, хоԓәпԓаԓ ԉŏхәтсәт.
\p
\v 3 Иисус и хопәԓа ԓэԓәс, Симон хопа. Ԓўв ԓор питар эԓты Симон йэша йэԓшәк мӑнты пӑртсәԓы, Ԓўв пӑ, хопән омәсман, хŏйатәт утәԓтәс.
\p
\v 4 Хун Ԓўв хŏйатәт утәԓтәты йэтшәс, Симон пеԓа йастәс: "Мӑԓ тӑхайа мӑна, пӑ хоԓпән хўԓ хойты щира йовәԓмаԓән".
\p
\v 5 Симон Ԓўвеԓа йастәс: "Утәԓтәты ху, мўӈ тӑԓаӈ ат рупәтсув, нэмәԓты ӑт мŏщатсув, туп Нӑӈ йасӈен хўватән ма хоԓпем йовәԓмәԓэм".
\p
\v 6 Щиты вермеԓ йўпийән, ԓыв щи арат ар хўԓ мŏщатсәт, пӑ хŏԓна хоԓпеԓ тŏхты питәс.
\p
\v 7 Щиӈәԋща ԓыв кимет хопән уԓәм пиԓԓаԓа йош йовәԓты питсәт, ԓывиԓаԓа ԋотты ат йŏхәтсәт; щӑԓта йŏхәтсәт пӑ хопӈәԓаԓ кинәӈтак хўԓән тэкәптәсԓаԓ, хопӈәԓаԓ вŏԓԓы иԓ шуйԓәты питсәӈән.
\p
\v 8 Щит шийаԓәмаԓ кемән, Иисусән Петрайа айәԓтәм Симон Иисус шашӈән хŏща рӑкнәс пӑ йастәс: "Турәм Куща, ма эԓтэм йэԓ мӑна, ма кӑрэкәӈ хŏйат".
\p
\v 9 Петрайа айәԓтәм Симон пӑ хŏԓ, ԓўв пиԓәԓән уԓәм йохԓаԓ, тӑм веԓәм хўԓԓаԓ пӑтыйән, пӑԓщәмән йŏхәтсайәт;
\p
\v 10 Симон пиԓӈәԓаԓ Иаков пӑ Иоанн, Зеведей пŏхӈән ищиты пӑԓтәмәсӈән. Щӑԓта Иисус Симон пеԓа йастәс: "Аԓ пӑԓа, тӑԓта йэԓԓы нӑӈ хŏйатәт кӑтәԓты питԓән".
\p
\v 11 Щиӈәԋща, хопӈән ўты тӑԓмеԓ йўпийән, пŏрмасԓаԓ иса хӑйсәԓаԓ пӑ Иисус йўпийән мӑтсәт.
\s Ԓайӈәӈ ԋўлмәӈ хŏйат сыстапты щир
\p
\v 12 Хун Иисус и мŏԓты вошән уԓмаԓән, ԓŏватәԓән ԓайӈәӈ ԋўләмән этәм хŏйат йŏхтәс. Щӑԓта, Иисус шийаԓәмаԓ кемән, Ԓўв йэԓпеԓән хŏмта шаншантәс пӑ, пойәкман пŏтәртәс: "Йэшәк Турәм Куща! Кашен уԓ ки, верәтԓэн мӑнэм Нӑӈ нŏх сыстапты".
\p
\v 13 Иисус йошәԓ йэԓ шӑшсәԓы, ԓўв хŏщайәԓа хӑнәмтыйәс пӑ йастәс: "Ԓӑӈхаԓайәм, сыстама йўва!" Ищи мŏхты ԓайӈәӈ ԋўләмԓаԓ йӑма йисәт.
\p
\v 14 Иисус ԓўвеԓа нэмәԓты хŏйата щи вер эԓты пŏтәртты ӑт эсәԓсәԓы. Туп Турма йир верты хŏйата этәԓтыты пӑртсәԓы, пӑ сыстапты верәԓ пеԓа йир туты пӑртсәԓы, хŏты Моисей партәс, ԓывиԓаԓ эвԓәптәты урәӈән.
\p
\v 15 Туп Иисус айкеԓәԓ мет йэԓ ԓӑрпиԓәс, пӑ тэԓыйэ хŏйат Ԓўв хŏщайәԓа йŏхтыԓыйәс, Ԓўв йасәӈԓаԓ хуԓәтты пӑ мушԓаԓ эԓты йӑмәԓтыты.
\p
\v 16 Туп Иисус таԓ шитам тӑхайата мӑныԓыйәс пӑ щита пойәкщәс.
\s Щащԓы питәм хŏйат тўмтака йиты щир
\p
\v 17 И хӑтәԓән, хун Иисус хŏйатәт утәԓтәс, щита Галилея пӑ Иудея куртәт эԓты, Иерусалим вош эԓты па йŏхтәм фарисейәт\f + \fr 5:17 \fr*\ft Фарисейәт – словарь ванта\ft*\f* пӑ Закона утәԓтәты икет\f + \fr 5:17 \fr*\ft Закона утәԓтәты икет – ԓыв мирэԓ йаӈ Турәм партәпса йасӈәт пӑ Турәмән Моисея мийәм па законәт пӑ ащиԓаԓ хӑйәм ԓӑтәӈ йасӈәт нумты па щи йасӈәт хўват уԓты утәԓтәсԓаԓ.\ft*\f* омәссәт; Турәм Куща йур мушәӈ хŏйатәт тўмтака верты верән этԓыйәс.
\p
\v 18 Щӑԓта ин, кӑмәтса хŏйат щащԓы питәм ху ŏԓты сŏxԓаԓән тусәт. Ԓыв хота ԓўвеԓ ԓŏӈәԓтты ўтщисэԓ, Иисус йэԓпийа ԓуԓән пŏнты,
\p
\v 19 туп и ԓӑӈкәрән ԓойты хŏйатәт кўт эԓты ӑт верәтсэԓ туты. Щиӈәԋща ԓыв хот ԓоӈԓа нŏх ўратсәт, хот ԓоӈәԓ, нŏх лосәтман, усән версэԓ пӑ мушәӈ ŏтэԓ ŏԓты сŏxԓаԓән кўтԓәпа Иисус йэԓпийа иԓ эсәԓсэԓ.
\p
\v 20 Иисус ԓыв эвәԓты щирэԓ шийаԓәмаԓ кемән, мушәӈ хŏйата йастәс: "Ԓухсэм, кӑрэкԓан йŏрэмәсайәт!"
\p
\v 21 Фарисейәт пӑ Закона утәԓтәты икет щит хуԓмеԓ кемән нумәсты питсәт, пŏтәртԓәт: "Хŏй щит, Хŏй Турма ӑт рӑхты йасӈәт йастыйәԓ? Турәм тўмпийән хŏй верәтәԓ хŏйата кӑрэкәт йŏрэмәты?"
\p
\v 22 Иисус, ԓыв нŏмәсԓаԓ ŏша пайәтмаԓ кемән, йŏхԓы ԓывиԓаԓа йастәс: "Мўйа щиты нумәсԓәты?
\p
\v 23 Мўй кеншәк йастәты: ”Нӑӈ кӑрэкԓан йŏрэмәсайәт!”, мўй пӑ йастәты: ”Нŏх ԓойа пӑ шушиԓыйа”?
\p
\v 24 Уйтаты, Хŏйат Пŏх тӑта, мўвән, кӑрэкәт йŏрэмәты щир тӑйәԓ, - Иисус щащԓы питәм хŏйат пеԓа йастәс, - Нӑӈена пŏтәртԓәм: нŏх ԓойа, ŏԓты сŏхԓан ўйаԓән пӑ йŏхи мӑна".
\p
\v 25 Ищи мŏхты ԓыв йэщаԓтэԓ ԓўв нŏх ԓойәс, ŏԓәм сŏxԓаԓ усԓы, Турәм вŏԓаӈа айәԓтман, йŏхи мӑнәс.
\p
\v 26 Щиӈәԋща вантәм хŏйатәт пӑԓщәмән йŏхәтсайәт, ԓыв Турәм вŏԓаӈа айәԓтсәт пӑ, пӑԓман, пŏтәртсәт: "Тӑмхӑтәԓ унты ӑт вантыԓыйәм верәт мўӈ ин щи ватсув!"
\s Матфей вохәпса
\p
\v 27 Щи йўпийән, Иисус ким этәс, пӑ Левий нэмпи налог ӑкәтты хŏйат шийаԓәс, налог ӑкәтты тӑхайәԓән опсәс. Иисус ԓўвеԓа йастәс: "Ма йўпемән йўва".
\p
\v 28 Щиӈәԋща, мŏԓтыԓаԓ иса хӑйсәԓы, нŏх ԓойәс пӑ Иисус йўпийән мӑнәс.
\s Иисус кӑрэкәӈ хŏйатәт пиԓән ԓэԓ
\p
\v 29 Левий ԓўв хотәԓән Иисус урәӈән ун поры пӑсан ԓэщатәс, ԓыв пиԓԓаԓән пӑсан сурыйән налог ӑкәтты ар хŏйат пӑ па мŏхет усәт.
\p
\v 30 Фарисейәт пӑ Закона утәԓтәты икет Иисус утәԓтәты йохԓаԓ пеԓа ўшмащсәт пӑ пŏтәртсәт: "Мўйа нын налог ӑкәтты хŏйатәт пӑ кӑрэкәӈ хŏйатәт пиԓән и йӑха ԓэԓты, йищԓәты?"
\p
\v 31 Иисус ԓывиԓаԓа йŏхԓы йастәс: "Тўмтак хŏйатәта хун ԉеккар мосәԓ, мушәӈ хŏйатәта мосәԓ.
\p
\v 32 Ма ӑнта тўӈа–щира уԓты хŏйатәт, Ма кӑрэкәӈ хŏйатәт кӑрэкԓаԓ эԓты шӑшән керԓәптәты урәӈән йŏхәтсәм".
\s Иисус вўщԓәты вер эԓты утәԓтәԓ
\p
\v 33 Щӑԓта ԓыв Иисуса йастәсәт: "Иоанн утәԓтәты йохԓаԓ ван кўтән вўщԓәты хӑтԓәт\f + \fr 5:33 \fr*\ft вўщԓәты хӑтԓәт – ԓэтŏт ӑт ԓэты пӑ, пойәкщәман, уԓты хӑтԓәт;\ft*\f* верыԓыԓәт пӑ пойәкщәты верәт верԓәт, фарисейәт утәԓтәты йŏх ищиты уԓԓәт, Нӑӈиԓан пӑ ԓэԓәт-йищԓәт".
\p
\v 34 Иисус ԓывиԓаԓа йŏхԓы йастәс: "Нын мўй поры пӑсан хŏща, Нэ Туты Ху омәсман, мŏйәӈ йох вўщԓәты партты верәтԓәты?
\p
\v 35 Хӑтԓәт йŏхәтԓәт, хун Нэ Туты Ху ԓыв эԓтэԓ нŏх ўԓа, щи пŏрайән ԓыв вўщԓәты хӑтԓәт верты питԓәт".
\s Ԓумтәм эԓты пӑ ўна пŏнты хир эԓты утәԓтәты пŏтәр
\p
\v 36 Иисус ԓывиԓаԓа хŏԓна тӑмәщ утәԓтәты пŏтәр пŏтәртәс: "Нэмәԓты хŏйат, йӑԓәп ԓумтәмәԓ эԓты менэмәм йŏԓәптайәԓ, катра сŏхәԓа ӑт рӑхәԓԓәԓы; па щирән ки йӑԓәп ԓумтәмәԓ мӑшԓәԓы, пӑ йӑԓәп йŏԓәптайәԓ катра сŏхәԓа па ӑт рӑхәԓ.
\p
\v 37 Пӑ нэмәԓты хŏйат йӑԓәп ўна катра ԋўки хира\f + \fr 5:37 \fr*\ft хир – ԋўки эԓты верәм хир (мосәӈ пӑ щуш хир эԓты верәм хир)\ft*\f* ӑт пŏнԓәԓы, па щирән ки, веԉщи кавәрты ўнайән хир мӑшԓа, ўнайәԓ иԓ мӑнәԓ пӑ хирәԓ ӑт мосты питәԓ.
\p
\v 38 Ӑнта, йӑԓәп ўна йӑԓәп хира пŏнты мосәԓ. Ши пŏрайән тўмеԓ тӑԓаӈа хӑщәԓ, пӑ тӑмеԓ па.
\p
\v 39 Нэмәԓт хŏйат, катра ўна йиԋщемәман, ищи мŏхты йӑԓәп ўна йиԋщемәты ӑт ԓӑӈхамәԓа. Ԓўв йастәԓ: "Катра ўна йӑмшәк".
\c 6
\s Иисус шаббат хӑтәԓән рупитәԓ
\p
\v 1 И пўш, шаббат хӑтәԓән Иисус ԓатән опсәм мўв хӑр хўват шушәс. Ԓўв утәԓтәты йохԓаԓ ԋаԋ тŏрән тӑйәт мӑшсәт, йошән сыстапсыԓаԓ пӑ ԓат сэмԓаԓ йŏхи ԓэсԓаԓ.
\p
\v 2 Тухәԓ фарисейәт иԋщәссәт: "Мўйа нын шаббат хӑтәԓән, мўй ӑт эсәԓман уԓԓа верты, щит верԓәты?"
\p
\v 3 Иисус йŏхԓы йастәс: "Нын мўй ӑт ԓўӈәтсәԓән, хун Давид мŏхиԓаԓ пиԓән сӑмԓаԓ вохәмән, мўй ԓўв верәс?
\p
\v 4 Хŏты ԓўв Турәм Хота ԓŏӈәс пӑ Турәм кеша пŏнәм йэмәӈ ԋаԋәт усԓы, ԓэс пӑ хŏԓна ԓўв пиԓәԓән уԓәм мŏхиԓаԓа мӑсԓы, Турма йир верты хŏйатәт тўмпийа щи ԋаԋәт нэмәԓт хŏйата ԓэты ӑт эсәԓман уса?"
\p
\v 5 Щӑԓта Иисус ԓывиԓаԓа йастәс: "Хŏйат Пŏх шаббат хӑтәԓ хŏща па куща".
\s Иисус шаббат хӑтәԓән кӑшаӈ хŏйат тўмтака верәԓ
\p
\v 6 Па шаббат хӑтәԓән пӑ Иисус Турәм йасӈа утәԓтәты хота ԓŏӈәс пӑ утәԓтәс. Щита и хŏйат ус, ԓўв йӑм пеләк йошәԓ нŏх сорман ус.
\p
\v 7 Закона утәԓтәты икет пӑ фарисейәт Иисус ватман тӑйԓэԓ, шаббат хӑтәԓән хŏйат тўмтака верԓәԓы мўй ӑнтом, Ԓўв хŏщайәԓ нўр этәԓтәты урәӈән.
\p
\v 8 Иисус, ԓыв нŏмәсԓаԓ уйәтман, сорәм йошпи хŏйата йастәс: "Нŏх ԓойа пӑ хот кўтпа йўва". Щитэн нŏх ԓойәс пӑ хот кўтпа этәс.
\p
\v 9 Иисус лывиԓаԓа йастәс: "Ма нынан иԋщәсԓәм: шаббат хӑтәԓән мўй верты эсәԓман уԓԓа? Йӑм вер мўй атәм вер? Ԓыԓ этәԓтәты мўй пӑратты?" Ԓывәт иса мӑшйайәт.
\p
\v 10 Ԓыв пеԓайԓаԓа ӑӈкәртмаԓ йўпийән, Иисус щи хŏйата йастәс: "Йошэн йэԓ ԋиншәмты". Щитэн щиты версәԓы; ин йошәԓ кимет йошәԓ хŏрпийа пӑ йӑма йис.
\p
\v 11 Ԓыв пӑ пӑԓщәм ԉикән йŏхәтсайәт, кўтԓаԓән пŏтәртсәт, а мўй хŏты Иисус верты.
\s Кӑтхŏщйаӈ апостол пирыйты вер
\p
\v 12 Щи хӑтԓәтән Иисус кев пай ԓоӈԓа нŏх хуӈхәс пойәкщәты урәӈән, щита ат хўват Турәм пеԓа пойәкщәман ус.
\p
\v 13 Хун хӑтԓа йис, Ԓўв утәԓтәты йохԓаԓ вохсәԓы пӑ ԓыв эԓтыԓаԓ кӑтхŏщйаӈ хŏйат пирыйәс, ԓывиԓаԓ апостоләта айәԓты щи питсәԓы:
\p
\v 14 Симон, ԓўвеԓ Петрайа пӑ айәԓты питсәԓы, ԓўв Андрей апщеԓ па, Иаков пӑ Иоанн, Филипп пӑ Варфоломей,
\p
\v 15 Матфей пӑ Фома, Иаков - Алфей пŏх пӑ Зилота нэмтәм Симон,
\p
\v 16 Иуда - Иаков пŏх пӑ Иуда Искариот – щит щӑха Иисус пӑратты йохәт йоша мӑты ху.
\p
\v 17 Ԓыв пиԓԓаԓән кев пай эԓты иԓ ŏхәԓмаԓ йўпийән, Иисус пайԓы тӑхайән иԓ ԓойәс, хŏта мŏԓты кем Ԓўв утәԓтәты йохԓаԓ пӑ ар хŏйат Иудея мўв ԓŏват эԓты, Иерусалим вош эԓты, па щарәс питар мўвӈән Тир па Сидон эԓты ус,
\p
\v 18 Ԓыв Иисус хуԓәтты па мушԓаԓ эԓты тўмтака пайтәсты урәӈән йŏхәтсәт, щӑԓта пӑ кўԉ сŏхән шукатты ŏтәт ищи йӑма йисәт;
\p
\v 19 Мир xŏԓыйэ Ԓўв хŏщайәԓа хӑнәмтыты ўратԓәт, Ԓўв эԓтайәԓ йур йис пӑ хŏԓыйэ тўмтака версайәт.
\s Йӑм щирәт
\p
\v 20 Щӑԓта Ԓўв, утәԓтәты йохԓаԓ пеԓа ӑӈкәртман, йастәс: "Куԋар сӑмпи ŏтәт щўԋԓәԓты! Турәм Хон Уԓәпса нынана уԓ.
\p
\v 21 Ин ԓэԓԓы уԓты ŏтәт ŏй тӑйԓәты, щӑха тӑрәмԓайты! Ин хоԓԓәты ŏтәт ŏй тӑйԓәты, ԋӑхты питԓәты!
\p
\v 22 Нын щўԋԓәԓты, хун хŏйатәтән ԉикән этты питԓайты, хун нŏмәс кимпийән тӑйты питԓайты, пӑ ԋэрты питԓайты, нэмԓән нўрәӈа айәԓты питԓайәт, Хŏйат Пŏха эвәԓман урәӈән.
\p
\v 23 Щи хӑтәԓән амтәтԓыйаты пӑ ԋӑхман-йŏтман уԓаты: турәмән нын мойԓапсайԓән вŏԓаӈәт! Ԓыв ащиԓаԓ Турәм йасәӈ туты хŏйатәт\f + \fr 6:23 \fr*\ft Турәм йасәӈ туты хŏйатәт (словарь ванта)\ft*\f* пиԓән ищи щиты уԓԓысәт.
\p
\v 24 Туп, тащәӈ хŏйатәт, нынана шук – нын тŏрамтыты щир тӑԓаӈ тэԓән мŏщатсәԓән!
\p
\v 25 Ин тарәмтыйа ԓэты ŏтәт, нынана шук! Сӑмԓән вохты питԓайәт! Ин ԋӑхман уԓты ŏтәт, нынана шук – хоԓԓәты пӑ йирӈәԓтыты питԓәты!
\p
\v 26 Шук нынана, хун хŏйатәт иса нын эԓтан йӑма пŏтәртты питԓәт! Ԓыв ащиԓаԓ ӑнта йӑна Турәм йасәӈ туты хŏйатәт\f + \fr 6:26 \fr*\ft ӑнта йӑна Турәм йасәӈ туты хŏйатәт - лжепророки\ft*\f* пиԓән ищи щиты уԓԓысәт!"
\s Турәм Хон Уԓәпсайән уԓты щирәт
\p
\v 27 "Нынана, Мӑнэм хуԓәтты ŏтәта, пŏтәртԓәм: нынан нўрмәԓтты хŏйатԓән мосман тӑйаԓән, йӑм вер вераты щи хŏйатәта, хŏйән нын ԉикән этԓайты,
\p
\v 28 нынан эӈкәрты ŏтԓәна Турәм эԓты йӑмән вохаԓән\f + \fr 6:28 \fr*\ft Турәм эԓты йӑмән вохаԓән 'благословляйте'\ft*\f*, пӑ нынана атәм верты хŏйатәт урәӈән, пойәкщаты.
\p
\v 29 Веш пўӈԓэн эԓты рэскийәм ŏтэна, кимет веш пўӈԓэн па шӑши, эԓты ԓумтәмен эхты ŏтэна, ԓыпи йэрнасэн ўты па аԓ йэрты.
\p
\v 30 Кашәӈ нӑӈ эԓтэн вохты хŏйата, мўй вохәԓ, мийи, пӑ нӑӈ ŏтэн ўйәм xŏйат эԓты ŏтэн йŏхԓы аԓ вохи.
\p
\v 31 Хŏты ԓӑӈхаԓайты, нын пиԓәнән хŏйатәт ат усәт, щиты ԓыв пиԓԓаԓән нын уԓаты.
\p
\v 32 Нынан мосман тӑйты хŏйатәт мосман тӑйԓәԓән ки, нынан мўй йӑм? Кӑрэкәӈ хŏйатәт ԓывиԓаԓа мосты хŏйатԓаԓән ищи мосман тӑйԓайәт.
\p
\v 33 Пӑ щи хŏйатәта йӑм вер верԓәты ки, хŏй нынан йӑм вер верәԓ, нынана мўй йӑм? Кӑрэкәӈ хŏйатәт ищи щиты верԓәт.
\p
\v 34 Пӑ, хŏйатәта артнайа мийԓыԓты ки, щи хŏйатәт эԓты артнайән йŏхԓы хоӈәтԓәԓән ки, нынан мўй йӑм? Кӑрэкәӈ хŏйатәт ищи кўтэԓән артнайа мийантыԓәт, йŏхԓы ищи щи арат ўты нумәсԓәт.
\p
\v 35 Туп нынан нўрмәԓтты хŏйатԓән мосман тӑйаԓән, йӑм вер вераты пӑ, нэмәԓты йŏхԓы ӑт хоӈәтман, артнайа мийаты; щишән нынан мойԓәпса вŏԓаӈ питәԓ, пӑ Нўм Турәм ԋаврэма уԓты питԓәты; Ԓўв кўш йӑм ӑт нумты хŏйатәт пеԓа, кўш ԉикәӈ хŏйатәт пеԓа и хŏрпийа сӑмәӈ.
\p
\v 36 Щиӈәԋща хŏйатәт пеԓа сӑмәӈа уԓаты, хŏты Турәм Ащан сӑмәӈ.
\p
\v 37 Аԓ сўтытаты пӑ нынан нэмәԓты хŏйат сўтәтты ӑт питәԓ. Аԓ ԋухмантаты, пӑ нын эԓтан нэмәԓты хŏйат ԋухматты ӑт питәԓ. Нўр аԓ нуматы, пӑ нын нўрԓән ищи йŏрэмәԓайәт.
\p
\v 38 Мийаты, пӑ нын па мӑԓайты: йӑм мŏртән, йовԓәм, иԓ тыԋхәм, щурщаӈа пŏнәм тэԓәӈ мŏртән хŏхәнԓәна шŏшәмԓайты; мўй сыр мерайән пŏнԓәты, щимәщ мерайән нынана пŏнты питԓа".
\s Сэмԓы хŏйат сэмԓы хŏйатән ватәԓтәты эԓты утәԓтәты пŏтәр
\p
\v 39 Утәԓтәты пŏтәр ԓывиԓаԓа па пŏтәртәс: "Сэмԓы хŏйат мўй верәтәԓ сэмԓы хŏйат ватәԓтәты? Мўв ўса мўй ӑнта кинәӈтак иԓ питԓәтән?
\p
\v 40 Утәԓтыты хŏйат утәԓтәты икеԓ эԓты унашәк ӑт уԓԓыйәԓ, туп утәԓтыты вер йэтшәман, кашәӈ хŏйат утәԓтәты икеԓ иты йиты верәтәԓ.
\p
\v 41 Мўйа нӑӈ ԓухсэн сэма питәм нўв шўк пеԓа ватԓән, нӑӈ сэменән ŏԓты павәрт шуп ӑт мŏштәԓэн?
\p
\v 42 Мўй щирән нӑӈ веритԓән щи ԓухсэна йастәты: "Ԓухсэм, мийи ма нӑӈ сэмен эԓты нўв шўк нŏх ўԓэм, - щи пўԉаӈ нӑӈ сэменән павәрт ӑт шийаԓәԓэн? Кӑт вешпи хŏйат! Оԓәӈән павәрт нӑӈ сэмен эԓты нŏх ўйи, щӑԓта ныты питԓа, хŏты нўв шўк ԓухсэн сэм эԓты нŏх ўԓэн".
\p
\v 43 И йӑм йўх атәм ԓэвпәс ӑт энмәԓԓәԓ; пӑ и вевтам йўх йӑм ԓэвпәс ӑт энмәԓԓәԓ,
\p
\v 44 кашәӈ йўх ԓўв энмәԓтәм ԓэвпәсԓаԓ эԓты уйәтԓа. Пеԓантыты варәс эԓты смоква вощтŏт ӑт ӑкәтԓа пӑ варәс пŏхәл эԓты – виноград ӑт ӑкәтԓа.
\p
\v 45 Сӑмәԓ йӑм хŏйат сӑмәԓән шавиты йӑмәԓ этәԓтәԓ, ԉикәӈ хŏйат сӑмәԓән тӑйты ԉикәԓ этәԓтәԓ, хŏйат тэԓәӈ сӑмәԓ эԓты ԓўв ўӈԓәԓ пŏтәртәԓ".
\s Кӑт хотӈән пӑты эԓты утәԓтәты пŏтәр
\p
\v 46 "Мўйа нын Мӑнэм вохԓәԓән: "Турәм Куща, Турәм Куща!" пӑ хŏты Ма йастәԓәм, щиты ӑт верԓәты?
\p
\v 47 Кашәӈ Ма хŏщайэма йŏхтыԓыты хŏйат пӑ Ма йасәӈԓам хуԓәтты хŏйат пӑ йасәӈԓам щирән верты хŏйат, нынана йастәԓәм ԓўв хŏй хŏрпи.
\p
\v 48 Ԓўв щимәщ хŏйат хŏрпи, хŏй хот омәсәԓ, хот лотәԓ мӑԓа хирсәԓы пӑ хот пӑтэԓ кев эԓты ўсԓы. Мўйа, хун йик эпәтмаԓән пӑ щи хот йикән ԋорәтман, йэша нэш пўӈԓа ԋŏхтәты ӑт верәтса, хот кев эԓты омәсман уса, щишән.
\p
\v 49 Ма йасӈем хуԓәтты хŏйат пӑ йасәӈ щирән ӑт верәԓ, щит хотәԓ мўв эԓты опсәм хŏйат хŏрпи, хотәԓ так пӑты ӑт тӑйәԓ; хун ун йикән ԋорәтса, и щишән иԓ ӑркәмтәс; щи хот пŏԉха шўкаԓәс".
\c 7
\s Ԉаԉ ху митхуйәԓ тўмтака верты вер
\p
\v 1 Хун Иисус хуԓәнтәм мир пеԓа йасәӈԓаԓ хŏԓасәт, Капернаум воша мӑнәс.
\p
\v 2 Щита и сот ԉаԉ йох ŏх ху\f + \fr 7:2 \fr*\ft сот ԉаԉ йох ŏх ху – сотник, центурион, римский офицер;\ft*\f* митхуйәԓ ԓавәртат кӑшаӈ ус, сŏрмәԓ вŏԓԓы ванамәс. Щи митху ԓўв шек мостыйа тӑйсәԓы.
\p
\v 3 Иисус эԓты хуԓмаԓ кемән, ԓўв иудейәт хŏща уна уԓты икет эԓты тухәԓԓаԓ Иисус хŏща китсәԓԓы, йастәты, ԓўв митхуйәԓ тўмтака верты урәӈән, ат йŏхтәс.
\p
\v 4 Ԓыв Иисус хŏща йŏхәтмеԓән, эвԓа-йŏԓа Ԓўвеԓ пойәксэԓ, щиты пŏтәртԓәт: "Нӑӈен ԓўвеԓа щит верты рӑхәԓ, ԓўв йӑм хŏйат,
\p
\v 5 ԓўв мирэв мостыйа тӑйԓәԓы, хŏԓна Турәм йасӈа утәԓтәты хот мўӈева верәс".
\p
\v 6 Иисус ԓыв пиԓԓаԓән мӑнәс. Туп хун Ԓўв ԉаԉ йох ŏх ху хот ԉэпа йŏхтәс, ԉаԉ йох ŏх ху ԓухәсԓаԓ йэщаԓт китсәԓы, йастәты: "Йэшәк Турәм Куща, йэԓԓы аԓ мӑна, ма мўй вŏԓаӈ хŏйат, ма хотэма Нӑӈ ат ԓŏксән,
\p
\v 7 щишән, мӑнэм ма йӑм хŏйата ӑт ԓуӈәтсэм, Нӑӈ хŏщайэн ванамәты урәӈән; туп и йасәӈ йаста, митхуйэм тўмтака йиԓ.
\p
\v 8 Ма ищи хуԓәтты хŏйат, туп ма иԓпемән ищи ԉаԉ йохәт уԓԓәт, ита йастәԓәм: "Мӑна", па мӑнәԓ, пӑ кимета йастәԓәм: "Ты йўва!", пӑ йиԓ, митхуйэма йастәԓәм: "Щит вера", пӑ верәԓ".
\p
\v 9 Щит хуԓмаԓ кемән, Иисус ԓўв пелайәԓ ӑԓ ватәԓ пӑ, йŏхԓы каремәман, Ԓўв йўпеԓән шушәм хŏйатәта йастәс: "Нынана пŏтәртԓәм, тӑмәщ эвәԓты щир Ма Израиль мир хŏща хŏԓна ӑт уйәтсәм".
\p
\v 10 Китыԓыйәм мŏхет, йŏхԓы йŏхәтмеԓән, кӑшаӈ митхуйэԓ, уйәтмеԓән, тўмтака йўвмаԓ.
\s Икиԓы хӑщәм нэ пŏх нŏх ԓыԓӈатты вер
\p
\v 11 Щи йўпийән Иисус Наин нэмпи воша мӑнәс; ар пеләк утәԓтәты йŏхԓаԓ пӑ тэԓыйэ хŏйат Ԓўв пиԓәԓән шушсәт.
\p
\v 12 Хун Ԓўв вош пушас ова вана йŏхтәс, вош эԓты пӑрәм хŏйат ким этәԓтәса, икиԓы хӑщәм ими туп тӑйәм и пŏхәԓ ус. Ши ими пиԓән вош эԓты ар хŏйат шушәс.
\p
\v 13 Ими шийаԓәмаԓ кемән, Турәм Куща сӑмәԓ хощты питәс, щаԉа ўсԓы пӑ ԓўвеԓа йастәс: "Аԓ хоԓԓа!"
\p
\v 14 Вана шушман, Иисус ԓэԓтŏта йошәԓән хӑнәмтыйәс; ӑпа тўвәм мŏхет иԓ ԓойсәт. Щӑԓта Иисус йастәс: "Энәмты пŏх, нӑӈена йастәԓәм, нŏх ԓойа!"
\p
\v 15 Пӑрәм пŏх нŏх опсәс пӑ пŏтәртты питәс; Иисусән ԓўв аԋԏеԓ йоша катԓәптәса.
\p
\v 16 Хŏйатәт пӑԓщәмән йŏхәтсайәт, пӑ ԓыв Турәм вŏԓаӈа айәԓтты питсәт, пŏтәртԓәт: "Вŏԓаӈ, ун Турәм йасәӈ туты хŏйат этәс, мўӈ кўтэвән уԓ! Турәм мирәԓ хŏща ԋотты йŏхтәс!"
\s Иоанн иԋщәсты пеԓа йŏхԓы йастәты йасӈәт
\p
\v 17 Тӑмәщ айкеԓ Ԓўв эԓтэԓ Иудея мўв ԓŏвата пӑ керәтман иса лакки ԓӑрпиԓәс.
\p
\v 18 Иоанн тӑм верәт утәԓтәты йохԓаԓ эԓты хуԓсәԓы.
\p
\v 19 Кӑт хŏйатӈәԓаԓ вана вохман, Иисус хŏща китсәԓы, иԋщәсты: "Нӑӈ мўй Щит, Хŏй йŏхәтты верәԓ уԓ, мўй пӑ па Ŏт ԓавәԓты мосәԓ?"
\p
\v 20 Ԓын Иисус хŏща йŏхәтсәӈән, йастәсӈән: "Иоанн йиӈка ԓŏӈәԓтыты хŏйат минэмән Нӑӈ хŏщайэна иԋщәсты китсәԓы: "Нӑӈ мўй Щит, Хŏй йŏхәтты верәԓ уԓ, мўй пӑ па Ŏт ԓавәԓты мосәԓ?"
\p
\v 21 Щи пŏрайән Иисус ар сыр муш пӑ кӑши эԓты, кўԉ сŏх эԓты йӑмәԓтәс, пӑ мŏԓты кем сэмԓы хŏйатәта ватты щир мойԓәс.
\p
\v 22 Щӑԓта Ԓўв щиты йŏхԓы йастәс: "Мӑнаты пӑ Иоанна пŏтәртаты, мўй ватсәты, хуԓсәты: сэмԓы хŏйатәт сэмәӈа йиԓәт, нохты хŏйатәт йӑма шушиԓыԓәт; ԓайӈәӈ ԋўлмәӈ хŏйатәт сыстама йиԓәт, пӑԓԓы хŏйатәт хуԓԓәт, пӑрәм хŏйатәт нŏх ԓыԓӈатԓайәт, пӑ нўша хŏйатәта Йӑм айкеԓ эԓты сыйәӈа пŏтәртԓа;
\p
\v 23 Щит ŏйәӈ, хŏй мӑнэма эвәԓты нŏх ӑт вŏԓыйәԓ".
\s Иисус Иоанн ишәкԓәԓы
\p
\v 24 Иоанн китәм йохӈән мӑнәм йўпийән, Иисус мирәԓа Иоанн эԓты пŏтәртты питәс: "Хӑр пӑ таԓ мўва мўй ватты йӑхсәты? Вотән йовәԓты тŏрән ватты?
\p
\v 25 Мўй пӑ ватты нын йӑхсәты? Ԓэпәт сŏхәта ԓумәтԓыйәм хŏйат ватты? Йӑма ԓумәтԓыйәм пӑ тащәӈа уԓты хŏйатәт хон хотәтән уԓԓәт.
\p
\v 26 Мўй пӑ ватты нын йӑхсәты? Турәм йасәӈ туты хŏйат? Йӑна, пŏтәртԓәм нынана, Турәм йасәӈ туты хŏйат эԓты вŏԓаӈшәк хŏйат ватты йӑхсәты.
\p
\v 27 Тӑм щит, хŏй эԓты хӑшман уԓԓа: "Тӑм, Ма айкеԓ туты хŏйатэм Нӑӈ йэԓпенән китԓэм, xойән Нӑӈ йушен Нӑӈ йэԓпенән ԓэщатԓа".
\p
\v 28 Щишән нынана пŏтәртԓәм: иметән сэма пайтәм хŏйатәт кўтән, Иоанн йиӈка ԓŏӈәԓтыты хŏйат эԓты ԓӑтәӈшәк Турәм йасәӈ туты хŏйат ӑнтом; туп мет ай ŏт Турәм Хон Уԓәпсайән ԓўв эԓтайәԓ ԓӑтәӈшәк".
\p
\v 29 Хŏԓ Ԓўвеԓ хуԓәнтәм мир, пӑ налог ӑкәтты мŏхет, Турәм вещкат вер вана ўйман, Иоанн йиӈка ԓŏӈәԓтыты щирән йиӈка ԓŏӈәԓтысайәт;
\p
\v 30 фарисейәт пӑ Закона утәԓтәты икет йиӈка ԓŏӈәԓтыты ӑт кашащсәт, Турәм ԓӑӈхаты щир вана ӑт усэԓ.
\s Иисус Ԓўв ишәԓән уԓәм хŏйатәт нўрмәԓтәԓ
\p
\v 31 Щӑԓта Турәм Куща йастәс: "Ин тӑм хŏйат рут артаԓәты мосәԓ, хŏй хŏрпет? Ԓыв хŏй хŏрпет?
\p
\v 32 Ԓыв вош хӑры хŏща омәсты ԋаврэмәт хŏрпет, кўтԓаԓән ўвәтԓәт пӑ пŏтәртԓәт: ”Мўӈ нарәс йўхән нын урӈәнән йŏтсув, нын пӑ ӑт йаксәты, мўӈ хоԓԓәты арәт арисув, нын ӑт хоԓԓәсты”.
\p
\v 33 Иоанн йиӈка ԓŏӈәԓтыты хŏйат йŏхтәс: ԋаԋ ӑт ԓэԓ, ўна ӑт йищәԓ, пӑ пŏтәртԓәты: ”Ԓўв ԓыпеԓән кўԉ уԓ”.
\p
\v 34 Хŏйат Пŏх йŏхтәс: ԓэԓ пӑ йищәԓ; пӑ йастәԓты: ’’Тӑта щи хŏйат, хŏй ԓэԓ пӑ ўна йищәԓ, налог ӑкәтты хŏйатәт пиԓән, кӑрэкәӈ хŏйатәт пиԓән ԓухса уԓ’’.
\p
\v 35 Ŏшәӈ–щащәӈ нŏмәс хŏԓыйэ ԓўв ԋаврэмԓаԓән вещката пӑйәтса".
\s Нэ Иисус кўрӈән ԋŏсәтәԓ
\p
\v 36 И фарисейән Иисус ԓэты вохса; Ԓўв хота ԓŏӈәс, пӑсан сурыйа иԓ опсәс.
\p
\v 37 Щи вошән и уԉԋайа уԓты нэ ус, Иисус фарисей хотән ԓэты вер хуԓмаԓ кемән, нŏви кев эԓты верәм, эпԓәӈ миро вŏйән пŏнәм, ващ турпи пўт тус.
\p
\v 38 Щӑԓта, ԓўв шӑш пеләк сӑхат Иисус кўрнат шŏма шаншәха омәсман пӑ хоԓԓәман, Ԓўв кўрԓаԓ сэмйикән ŏвӈәԓтты пӑ ŏхсŏхԓаԓән нŏх мухты питсәԓы. Ԓўв кўрԓаԓ мосәԓтәсԓы пӑ эпԓәӈ миро вŏйән ԋŏсәтсәԓы.
\p
\v 39 Хун Иисус вохәм фарисей щит шийаԓәс, нумәсэмәс: "Тӑм йӑна Турәм йасәӈ туты хŏйат ки ус, Ԓўв ԓуԓән уйәтсәԓы, хŏй, мўй хŏрпи нэ Ԓўв хŏщайәԓ хӑныԓыйәԓ, щит кӑрэкәӈ нэ".
\s Кӑт артнайәӈ хŏйатӈән эԓты утәԓтәты пŏтәр
\p
\v 40 Ԓўв пеԓайәԓ Иисус йастәс: "Симон! Ма нӑӈена мŏԓты йастәты верэм уԓ". Ԓўв йастәс: "Пŏтәрта, Утәԓтәты Ху".
\p
\v 41 Иисус йастәс: "И ŏхәӈ ху кӑт артнайәӈ хŏйатӈән тӑйәс: итәԓ – ветсот динарий\f + \fr 7:41 \fr*\ft динарий - словарь ванта\ft*\f*, киметәԓ – ветйаӈ.
\p
\v 42 Ԓын артнайԓын сŏхәптәты ŏх ӑт тӑйсәӈән, щишән ŏхәӈ ху кӑтӈән артнайԓын йŏрэмәсԓы. Йаста, мӑты ŏтәԓән ŏхәӈ ху мет мостыйа тӑйԓа?"
\p
\v 43 Симон йастәс: "Аԓт щитэн, хŏйа ԓўв аршәк ŏх йŏрэмәс". Иисус ԓўвеԓа йастәс: "Йӑна щиты пŏтәртԓән".
\p
\v 44 Ин нэ пеԓа керԓәман, Симона йастәс: "Тӑм нэ нӑӈена ныԓа? Ма нӑӈ хотэна йŏхәтсәм, нӑӈ кўр ԉŏхәтты йик Мӑнэм ӑт мӑсән, ԓўв пӑ Ма кўрԓам сэм йикԓаԓән ŏвӈәԓтсәԓы, ŏхсŏхԓаԓән нŏх мўхсәԓы;
\p
\v 45 уйтатмемәнән нӑӈ Мӑнэм хŏԓна ӑт мосәԓтәсэн, ԓўв пӑ, Ма йŏхәтмем ўш эԓты, Ма кўрԓам мосәԓтәты ӑт вŏԓыйәԓ.
\p
\v 46 Нӑӈ Ма ŏхем оливка вŏйән ӑт ԋŏсәтсэн, ԓўв пӑ эпԓәӈ миро вŏйән кўрԓам ԋŏсәтсәԓы.
\p
\v 47 Щишән, Ма нӑӈена йастәԓәм: Ма пеԓайэм артан сӑмәӈа уԓты верәԓ аԉәԓ, мўй арат ԓўв ар кӑрэкԓаԓ йŏрэмәсайәт; хŏйа шимәԓ нўр йŏрэмәԓа, щит шимәԓ сӑмәӈа уԓ".
\p
\v 48 Иисус щи нэ пеԓа йастәс: "Нӑӈ кӑрэкԓан йŏрэмәсайәт".
\p
\v 49 Ԓўв пиԓәԓән пӑсан сурыйән опсәм мŏхет нумәсты питсәт: "Хŏй тӑм, кӑрэкәт пӑ йŏрэмәԓ?"
\p
\v 50 Иисус пӑ нэӈа йастәс: "Нӑӈ эвәԓты верэнән нӑӈ нŏх пайәтсайән, йӑм нŏмәсән мӑна!"
\c 8
\s Тухәԓ нэӈәт Иисуса ԋотсәт
\p
\v 1 Щи йўпийән Иисус вошәт куртәт хўват, Турәм эԓты сыйәӈа пŏтәртман, Йӑм айкеԓ Турәм Хон Уԓәпса эԓты тўвман, йӑӈхәс. Ԓўв пиԓәԓән кӑтхŏщйаӈ утәԓтәты йохԓаԓ усәт,
\p
\v 2 пӑ тухәԓ нэӈәт, хŏйтат Ԓўв кўԉ сŏх пӑ арсыр мушәт эԓты йӑмәԓтәс: Магдалинайа айәԓты Мария, ԓўв эԓтэԓ ԓапәт кўԉ сŏх ким этәс;
\p
\v 3 Иоанна па, Ирод хŏща хот рупата ŏх ху Хуза ийими; Сусанна, хŏԓна пӑ па имет. Тӑм нэӈәт Иисуса тӑйәм ŏхԓаԓән ԋотсәт.
\s Сŏхәӈ ŏтәт эԓты уԓты утәԓтәты пŏтәр
\p
\v 4 Хун щи арат ар мир ӑктәщәс пӑ арсыр вошәтән уԓты мŏхет Ԓўв хŏщайәԓ йŏхәтсәт, Ԓўв утәԓтәты пŏтәрән пŏтәртты питәс:
\p
\v 5 "Ики мўв хӑрәԓа ԓат сэм йовәԓты этәс, хун ԓўв ԓат сэмԓаԓ йŏвәԓмаԓән, тухәԓԓаԓ йуш пўӈԓа рӑкәтсәт пӑ иԓ пурәтсайәт, щищкетән ԓэсайәт;
\p
\v 6 тухәԓԓаԓ па кев эԓты рӑкәтсәт, тŏрән тӑйԓаԓ йэша нŏх этмисәт, йик ӑт тӑймаԓ пӑтыйән, нŏх сорсәт.
\p
\v 7 Тухәԓ ԓат сэмԓаԓ пуԓән кўта рӑкәтсәт, пуԓән пӑ энмәс, щӑԓта пуԓәнән лӑп аԓэмәсайәт;
\p
\v 8 тухәԓ ԓат сэмԓаԓ йӑм мўва рӑкәтсәт пӑ энәммеԓ йўпийән, йӑм арат ӑкәтса, иԓ йовԓәм ԓат сэм эԓты сот пўш ар". Щи пŏтәр пŏтәртмаԓ йўпийән, Ԓўв такан йастәс: "Хŏй хуԓты пӑԓ тӑйәԓ ки, ат хуԓәԓ!"
\p
\v 9 Утәԓтәты йохԓаԓән Ԓўв иԋщәсса: "Мўй эԓты тӑм утәԓтәты пŏтәр".
\p
\v 10 Иисус йŏхԓы йастәс: "Нынан Турәм Хон Уԓәпса хӑԋа щирәт уйәтты мӑса, па хŏйатәта утәԓтәты пŏтәр хŏща, щиты ԓыв, ватман, ӑт шийаԓәԓәт, хуԓман, ӑт мŏштәԓәт.\f + \fr 8:10 \fr*\ft Турәм йасәӈ туты ики Исаия нэпек эԓты уԓты йасӈәт 'цитата от пророка Исаии' (6:9)\ft*\f*
\p
\v 11 Утәԓтәты пŏтәр щит айәԓԓәԓ: ԓат сэм – щит Турәм йасәӈ.
\p
\v 12 Йуш пўӈԓа рӑкнәм ԓат сэмәт хŏрпет тухәԓ йасәӈ хуԓты хŏйатәт, хŏйтат хŏща йухәт хиԋ йŏхәтәԓ пӑ щи йасәӈ сӑмԓаԓ эԓты нŏх уԓԓы, ԓыв ӑт ат эвәԓсәт пӑ нŏх ӑт ат пайтәссәт.
\p
\v 13 Кев эԓты питәм ԓат сэмәт хŏрпет тухәԓ хŏйатәт, амәтман йасәӈ вана ўԓәт. Туп ԓыв ԓэр ӑт тӑйԓәт, оԓәӈән эвәԓԓәт, хун хўщәпса этмәԓ, йŏхԓы ԓэԓәпԓәт.
\p
\v 14 Пуԓән кўта рӑкнәм ԓат сэмәт хŏрпет тухәԓ йасәӈ хуԓты хŏйатәт, туп ԓыв айән-айән кашәӈ хӑтәԓ верԓаԓән, тащәӈ пӑ каш хŏрпи уԓәпсайән йŏхи пайәтԓайәт, пӑ щи йасәӈ нэмәԓтыйа ӑт йиԓ.
\p
\v 15 Йӑм мўва питәм ԓат сэмәт хŏрпет тухәԓ хŏйатәт, хŏй йасәӈ хуԓмеԓ йўпийән йӑм пӑ вещкат сӑмԓаԓән шавиԓэԓ, пӑ щи йасӈеԓ ун йӑм вер верәԓ"; Щит йастәмаԓ йўпийән, Ԓўв такан йастәс: "Хŏй хуԓты пӑԓ тӑйәԓ ки, ат хуԓәԓ!"
\s Тўт сун эԓты уԓты утәԓтәты пŏтәр
\p
\v 16 Нэмәԓты хŏйат тўт сун ўщәтмаԓ йўпийән, хŏшамән лӑп ӑт пŏнԓәԓы, мўй пӑ иԓ ӑт хӑԋатԓәԓы, хŏԓна пӑ тўт акԓа нŏх опсәԓԓәԓы, ԓŏӈты хŏйатәта нŏви ат ныса.
\p
\v 17 Нэмәԓты хӑԋа ӑнтом, мўй эԓпа ӑт ат этәс, пӑ нэмәԓты хӑԋатәм ӑнтом, мўй эԓпа ӑт ат аԉса пӑ эԓпа ат питәс.
\p
\v 18 Щӑԓта, вантаты, хŏты нын хуԓәтԓәты: хŏй тӑйәԓ, щита па мӑты питԓа, хŏй ӑт тӑйәԓ, щит эԓты, мўй тӑйты нумәсәԓ, щитәԓ па нŏх ўԓа.
\s Христос Ԓўв апщиԓаԓ
\p
\v 19 Ԓўв хŏщайәԓ аԋԏеԓ пӑ ху апщиԓаԓ йŏхәтсәт, хŏйатәт кўт эԓты вана мӑнты ӑт верәтсәт.
\p
\v 20 Иисуса йастәса: "Аԋԏен пӑ ху апщиԓан камән ԓойԓәт, Нӑӈен ватты ԓӑӈхәԓайәт".
\p
\v 21 Ԓўв щиты йŏхԓы йастәс: "Турәм йасәӈ хуԓәтты пӑ йасәӈ хўват уԓты ŏтәт – щитәт Ма аԋԏем пӑ Ма ху апщиԓам".
\s Так вот роммәԓты вер
\p
\v 22 И хӑтәԓән Иисус утәԓтәты йохԓаԓ пиԓән хопа ԓэԓәс пӑ йастәс ԓывиԓаԓа: "Ԓор тўм пелка ўшԓув". Щӑԓта мӑтсәт.
\p
\v 23 Мӑнмеԓ сыс Ԓўв иԓ вŏйәпса. Ԓорән ун вота йис, хўмпәтән эԓт хӑщ мӑнԓайәт, пӑ ԓыв туп сŏртэԓа йŏхәтсәт.
\p
\v 24 Иисус хŏща вана ԋўрман, Ԓўвеԓ нŏх кўрәтсэԓ пӑ йастәсәт: "Утәԓтәты Ху! Утәԓтәты Ху! Щи пӑрԓув". Нŏх киԓмаԓән, Ԓўв вот пӑ хўмпәт иԓ вŏԓәтсәԓы; щӑԓта ромәпсәт, пӑ шитама йис.
\p
\v 25 Щиӈәԋща Ԓўв утәԓтәты йохԓаԓ пеԓа йастәс: "Хŏта нын эвԓәпсайән?" Ԓыв, пӑԓман пӑ пакәнман, кўтэԓән пŏтәртсәт: "Хŏй щит щимәщ, вотәта па йиӈка партәԓ, Ԓўвеԓа ԓыв хуԓәтԓәт?"
\s Кўԉәт пурщәта воштәты вер
\p
\v 26 Галилея шŏма уԓты Гадара мўва йŏхәтсәт.
\p
\v 27 Хун Иисус ўты ŏхԓәс, Ԓўв йэщаԓтәԓ вошән уԓәм и хŏйат этәс. Ԓўв хўв тэԓән кўԉәтән ԓŏӈман уса па ԓумәтты сŏха ӑт ԓумәтԓыйәс, ӑнтом хот ԓыпийән, ӑпайәт пŏнәм кев хŏшапәт ԓыпийән ус.
\p
\v 28 Иисус шийаԓәмаԓ кемән, ԓўв ўваԓтәс, Иисус йэԓпийа иԓ рӑкнәс пӑ сыйәӈ тўрән йастәс: "Нӑӈен ма хŏщайэм мўй вер, Иисус, Нўм Турәм Пŏх? Нӑӈен пойәкԓэм, мӑнэм аԓ шукаты!"
\p
\v 29 Иисусән кўԉ тӑм хŏйат эԓты ким этты партса, ԓўв щишән ўвәс. Ин унты кўԉән ар пўш мŏщатыса пӑ шукатыса, карты кеԓән йошԓаԓ кўрԓаԓ хŏԓна иԓ йӑрыԓысайәт, щиты шависа, туп ищипа карты кеԓәт ԓўв лакки мӑшԓәԓы, пӑ кўԉән атэԓт тӑхайа воштәԓа.
\p
\v 30 Иисус ԓўвеԓ иԋщәссәԓы: "Нӑӈ нэмен мўй?" Щитэн йастәс: "Легион"\f + \fr 8:30 \fr*\ft легион – хут щŏрәс ԉаԉ йох похәл\ft*\f*, ԓўв хŏщайәԓа шек ар кўԉ ԓŏӈман ус.
\p
\v 31 Ԓыв Иисус пойәксэԓ, пӑтыԓы ўса\f + \fr 8:31 \fr*\ft пӑтыԓы ўс 'бездна'\ft*\f* ԓыв ӑт ат китсайәт.
\p
\v 32 Щита, кев ԓŏӈәԓән пурәщ тащ ԓӑрпиԓәмаԓ; кўԉәт Иисус пойәксэԓ, ԓуԓән ԓывиԓаԓ пурщәт ԓыпийа ԓŏӈты ат эсәԓсәԓы. Ԓўв эсәԓсәԓы.
\p
\v 33 Кўԉәт хŏйат эԓты ким этмеԓ йўпийән, пурщәт ԓыпийа ԓŏксәт, пӑ пурәщ тащ кев веш эԓты ԓора иԓ керәптыйәс пӑ щита щи иԓ шуйԓәс.
\p
\v 34 Тащ шавийәм хŏйатәт, щит шийаԓәмеԓ кемән, сӑм мӑнман хухәԓмәсәт пӑ вошән, куртәтән уԓты хŏйатәта пŏтәртсэԓ.
\p
\v 35 Тыйәм вер ватты ким этсәт; Иисус хŏща йŏхәтмеԓән, ԓыв кўԉәтән хӑйәм хŏйат шийаԓәсәт, Иисус пўӈәԓән опсәс, ԓумәтԓыман, ŏшәԓән ус; щиӈәԋща, пӑԓтамәсәт.
\p
\v 36 Вантәм мŏхет пӑ ԓывиԓаԓа пŏтәртсэԓ, хŏты кўԉәӈ ху тўмтака йис.
\p
\v 37 Гадара вош ԉэп мўвән уԓты хŏйатәт хŏԓ Иисус пўӈԓа мӑнты партсэԓ, шек ун пӑԓщәмән йŏхәтсайәт, щишән. Ԓўв хопа ԓэԓәс пӑ йŏхԓы мӑнты питәс.
\p
\v 38 Кўԉәтән хӑйәм хŏйат Ԓўв пўӈԓәԓән уԓты пӑтән ўратәс. Туп Ԓўв ин ху щиты йастәман китсәԓы:
\p
\v 39 "Йŏхи хотэна мӑна, пӑ пŏтәрты, мўй нӑӈена Турәм верәс". Ԓўв мӑнәс пӑ вош хўватән сыйәӈа пŏтәртәс, мўй ԓўвеԓа Иисус верәс.
\p
\v 40 Хун Иисус йŏхԓы йŏхтәс, ар хŏйатән ўщайән верса, хŏԓыйэ Ԓўвеԓ ԓавәԓсәт, щишән.
\s Мушәӈ нэ тўмтака йиты вер
\p
\v 41 Щӑԓта, Ԓўв хŏщайәԓа Иаир нэмпи ики, Турәм йасӈа утәԓтәты хот куща, йŏхтәс; Иисус кўрӈән хŏща хŏмта иԓ шаншатман, Ԓўвеԓ ԓўв хотәԓа ԓŏӈты вохсәԓы;
\p
\v 42 ԓўв кӑтхŏщйаӈ тӑԓ ԓŏват кем эви, туп и ԋаврэм, тӑйәс пӑ щитәԓ пӑрты кема йис, щишән вохсәԓы. Хун Ԓўв Иаир пиԓән шушәс, Иисус ар хŏйатән лӑп нӑпәтса.
\p
\v 43 Ԓыв кўтэԓән и нэ ус, кӑтхŏщйаӈ тӑԓ кӑԓыйән этәԓтәса; ԓўв ԉэккарәта, мўйкем ŏх, пŏрмас тӑйәс, хŏԓ мӑсԓы, нэмәԓты ŏтԓаԓән йӑмәԓтты ӑт верәтса;
\p
\v 44 Иисус хŏща шӑш пеләк сӑхат ԓўв вана хӑтәс, Ԓўв сŏхәԓ кимԓа йошән хӑнәмтыйәс, и мŏхты кӑԓэԓ мӑнты нŏх вŏԓыйәс.
\p
\v 45 Щиӈәԋща Иисус ищмәс: "Хŏй Ма хŏщайэма хӑнәмтыйәс?" Хун хŏйатәт иса йастәсәт: "Ӑнтом ма, ӑнтом ма", Петра пӑ Иисус пиԓән уԓәм па мŏхет йастәсәт: "Утәԓтәты Ху, Нӑӈ ар хŏйатән керәтман ԓойԓайән, пӑ тӑӈәртԓайән, Нӑӈ хŏԓна иԋщәсԓән: "Хŏй Ма хŏщайэма хӑнәмтыйәс?"
\p
\v 46 Иисус пӑ йастәс: "Ӑнта, Ма хŏщайэма а хŏй хӑнәмтыйәс, Ма эԓтэм йур шўкем этмаԓ щащәԓ".
\p
\v 47 Ин нэ ватԓәԓы, хӑнәмтыйәм верәԓ ӑт пентәс, сӑмәԓ мӑнман, вана мӑнәс пӑ Иисус йэԓпийән хŏмта иԓ шаншантәс. Ԓўвеԓа, хŏйатәт хуԓәтман, йастәсԓы, мўй урәӈән Ԓўв хŏщайәԓ хӑнәмтыйәс, пӑ ищи кўрәмән тўмтака йис.
\p
\v 48 Иисус щиты йастәс ԓўвеԓа: "Эвийэм, аԓ пӑԓа, нӑӈ эвԓәпсайэнән нӑӈ нŏх пайәтсайән\f + \fr 8:48 \fr*\ft мўй пӑ: тўмтака версайән;\ft*\f*; йӑм нŏмәсән мӑна".
\s Иаир эви нŏх ԓыԓәӈԓәты вер
\p
\v 49 Хун Ԓўв хŏԓна щит пŏтәрмаԓән, Турәм йасӈа утәԓтәты хот куща, ԓўв хотәԓ эԓты и хŏйат йŏхтәс пӑ ԓўвеԓа йастәс: "Нӑӈ эвен пӑрәс, Утәԓтәты Ху хŏща аԓ тŏрастыйа".
\p
\v 50 Иисус щи йасӈәт хуԓмаԓ кемән, ԓўвеԓа йастәс: "Аԓ пӑԓа. Туп эвԓа, пӑ эвен сŏрәм эԓты нŏх пайәтԓа".
\p
\v 51 Ԓўв хотәԓа йŏхәтмаԓән, Иисус нэмәԓты хŏйата йŏхи ԓŏӈты ӑт эсԓәс, туп Петрайа, Иоанна па Иакова, пӑ эви ащийа, аԋԏийа.
\p
\v 52 Хŏԓыйэ эви урәӈән хоԓԓәсәт, ирӈәԓтысәт. Туп Иисус йастәс: "Аԓ хоԓԓаты; ԓўв ӑнта пӑрәс – ԓўв ŏԓәԓ".
\p
\v 53 Ԓыв уйәтԓэԓ - эви йӑна пӑрәс, щишән Ԓўв эԓтэԓ ԋӑхты питсәт.
\p
\v 54 Иисус ԓывиԓаԓ хŏԓ ким воштәсԓы пӑ эви йошәԓ эԓты катәԓсәԓы, такан йастәс: "Ԋаврэмийэ! Нŏх ԓойа".
\p
\v 55 Щӑԓта эви ԓыԓән йŏхәтса; ԓўв мŏхты нŏх ԓойәс, Иисус ԓўвеԓ ԓапәтты партсәԓы.
\p
\v 56 Ащеԓ-аԋԏеԓ ӑԓ пакнысыстән. Иисус пӑ нэмәԓты хŏйата щи вер эԓты пŏтәртты ӑт эсәԓсәԓы.
\c 9
\s Кӑтхŏщйаӈ хŏйатәт утәԓтәты китсайәт
\p
\v 1 Кӑтхŏщйаӈәԓ вохмаԓ йўпийән, ԓывиԓаԓа кўԉәт воштәты, мушәт йӑмәԓты йур пӑ партатты щир мӑс,
\p
\v 2 пӑ ԓывиԓаԓ Турәм Хон Уԓәпса эԓты сыйәӈа пŏтәртты, мушәӈ хŏйатәт тўмтака верты китсәԓы.
\p
\v 3 Щӑԓта ԓывиԓаԓа йастәс: "Пӑтән нэмәԓты аԓ ўйаты, - ӑнта шушты сўв, ӑнта хир, ӑнта ԋаԋ, ӑнта ŏх, ӑнта кимет ԓумәтты сŏх;
\p
\v 4 мўйсыр хота ԓŏӈԓәты, щита хӑщаты, щиԓта йэԓԓы мӑнаты.
\p
\v 5 Хŏта вана ӑт ки ўԓайты, щи вош эԓты эттанән, кўрԓән эԓты хиш иԓ пӑркатаԓән. Щит ԓывиԓаԓа нўра ат питәԓ".
\p
\v 6 Ԓыв мӑтсәт, пӑ куртәт сӑхат кашәӈ тӑхайән Йӑм айкеԓ тутԓыман пӑ мушәӈ хŏйатәт йӑмәԓтман йӑхсәт.
\p
\v 7 Ԋӑԓмет мўв щуӈ кущайа уԓты Ирод ики, Иисус верәм верәт эԓты хуԓмаԓ кемән, нŏпсәԓ ԓыԓԓәс: хŏй йастәԓ, мӑтты щит Иоанн пӑрмаԓ эԓты нŏх ԓыԓәӈԓәс,
\p
\v 8 тухԓәт пӑ – Илия сэма этәс, па хŏйатәт пӑ – катра уԓәм Турәм йасәӈ туты икет эԓты мӑтты ŏт нŏх ԓыԓәӈԓәс.
\p
\v 9 Ирод йастәс: "Ма Иоанн ŏхәԓ хŏԓт пайәтсэм; а хŏй Тӑм Хŏйат, Хŏй эԓты ма тӑмәщ айкеԓ хуԓԓәм?" Пӑ Ԓўвеԓ ватты урәӈән, мŏԓты щир кӑшты питәс.
\p
\v 10 Апостоләт йŏхԓы йŏхәтмеԓән, мўй версәт, Иисуса иса пŏтәртсэԓ; щӑԓта Ԓўв, щитԓаԓ пӑтән ўйман, Вифсаида вош ԉэпән уԓты атэԓ тӑхайа мӑнәс.
\p
\v 11 Хŏйатәтән щи вер мŏштәм кемән, Ԓўв хŏщайәԓ мӑтсәт. Ԓўв, щи мŏхет вана усԓы, ԓывиԓаԓа Турәм Хон Уԓәпса эԓты пŏтәртәс пӑ хŏй тўмтака верты мосәс, щит тўмтака версәԓ.
\s Вет щŏрәс арат ху ԓэтәтән тӑрматты вер
\p
\v 12 Хӑтәԓ йэтна пелка йиты питәс. Кӑтхŏщйаӈ утәԓтәты йохԓаԓ Ԓўв ԉэпәԓа вана хӑтман, йастәсәт: "Мŏхет эсԓаԓән, ванән уԓты куртәта хоԓты пӑ ԓэтәт кӑшты ат мӑнԓәт; мўӈ тӑта таԓ тӑхайән уԓԓув".
\p
\v 13 Ԓўв пӑ йастәс: "Нын ԓывиԓаԓ ԓэтәтән мийаԓән!" Ԓыв йастәсәт: "Мўӈ вет ԋаԋ, кӑт хўԓ тўмпийән па ӑт тӑйԓув; мосәӈ мўӈева тӑм хŏйатәт урәӈән ԓэтәт ԓутты йӑхты?".
\p
\v 14 Щита вет щŏрәс кем йох хŏйат ус. Иисус утәԓтәты йохԓаԓа йастәс: "Ԓывиԓаԓ и пўӈԓа ветйаӈ хŏйат аратән опсәԓтаԓән".
\p
\v 15 Щӑԓта ԓыв щиты версэԓ, иса хŏԓ опсәԓтсәԓаԓ.
\p
\v 16 Ԓўв, вет ԋаԋ, кӑт хўԓ ўйман, турәм пеԓа нŏхԓы ӑӈкәртман, пойәкщәман, Турма пумащипа йасӈәт йастәс, морәтсәԓы пӑ утәԓтәты йохԓаԓа мӑсԓы, мира ортты урәӈән.
\p
\v 17 Щӑԓта ԓэсәт пӑ хŏԓ тӑрәпсайәт; пӑ хӑщәм ԋаԋ пўләт кӑтхŏщйаӈ кураԋэк арат ӑкәтсәт.
\s Петра эвәԓты щирәԓ аԉты вер
\p
\v 18 И пўш, хун Ԓўв атэԓт тӑхайән пойәкщәман ус, пӑ утәԓтәты йохԓаԓ Ԓўв пиԓәԓән усәт, йухәт Ԓўв ԓывиԓаԓ ищмәсԓы: "Хŏйатәтән Ма хŏй йўкана тӑйԓайәм?"
\p
\v 19 Ԓыв йŏхԓы йастәсәт: "Иоанн йиӈка ԓŏӈәԓтыты хŏйат йўкана, тухԓәтән пӑ – Илия йўкана; па хŏйатәт пӑ йастәԓәт, катра пŏрайән уԓәм Турәм Йасәӈ туты икет эԓты и мӑтты ŏт нŏх ԓыԓәӈԓәс".
\p
\v 20 Ԓўв ԓывиԓаԓ ищмәсԓы: "Нын пӑ хŏй йўкана Мӑнэм тӑйԓәԓән". Петра йŏхԓы йастәс: "Турәмән китәм Христоса".
\p
\v 21 Туп Иисус ԓывиԓаԓа щит эԓты нэмәԓты хŏйата пŏтәртты шек такан ӑт эсәԓсәԓы,
\p
\v 22 йастәс: "Хŏйат Пŏха мосәԓ ар шук туты, уна уԓты икетән, Турма йир верты хŏйатәт ŏх икетән, Закона утәԓтәты икетән вана ӑт ўты вер уԓ, пӑ пӑратты вер уԓ, щӑԓта хуԓмет хӑтәԓән нŏх ԓыԓәӈԓәты верәԓ уԓ".
\s Утәԓтыты хŏйата уԓты вер йӑна тынәԓ
\p
\v 23 Ԓўв хŏԓ хŏйатәт пеԓа йастәс: "Хŏй Ма йўпемән йиты ԓӑӈхаԓ ки, ԓўв эԓтайәԓ ат йŏрэмәԓ, пернайәԓ ат ўԓ\f + \fr 9:23 \fr*\ft пернайәԓ ат ўԓ – Ма урӈемән шук туты пӑ пӑрты ԓэщатыман ат уԓ;\ft*\f*, пӑ Ма йўпемән йиԓ.
\p
\v 24 Хŏй уԓәпсайәԓ шавиты ки ԓӑӈхаԓ, щит ԓўвеԓ уштәԓԓы; хŏй уԓәпсайәԓ Ма урӈема уштәԓԓы ки, щит ԓўвеԓ шавиԓԓы.
\p
\v 25 Мўй ŏнтас хŏйата, уԓты омәсты мир иса йоша пайәтԓәԓы ки, ԓўвеԓ пӑ ԓўв пӑратԓәԓы, мўй пӑ ԓўвеԓ ԓўв атәм верәԓ?
\p
\v 26 Хŏй Ма эԓтэм пӑ Ма йасәӈԓам эԓты йэԓамтыты питәԓ, щи хŏйат эԓты Хŏйат Пŏх ищи йэԓамтыты питәԓ, хун Ԓўв хутԓәты–вŏрԓәты щирәԓән, щӑԓта Ащэԓ пӑ йэмәӈ ангеләт хутԓәты–вŏрԓәты щирән йŏхәтәԓ.
\s Па хŏрпийа йиты вер
\p
\v 27 Йӑна нынана йастәԓәм: тӑта ԓойты хŏйатәт эԓты тухԓәт, Турәм Хон Уԓәпса шийаԓәтэԓ унты, сŏрма ӑт питԓәт.
\p
\v 28 Щи йасәӈԓаԓ йўпийән, ԋийәԓ кем хӑтәԓ хӑщәм йўпийән, Иисус Петра, Иоанн пӑ Иаков пӑтән ўйман, кев ԓŏӈԓа нŏх хуӈхәс, пойәкщәты урәӈән.
\p
\v 29 Хун Ԓўв пойәкщәс, веш хŏрасәԓ па хŏрпийа йис, ԓумтәмԓаԓ нŏвийа йисәт, вŏрԓәты питсәт.
\p
\v 30 Щӑԓта, кӑт ики Ԓўв пиԓәԓән пŏтрэмәсӈән. Щит Моисей пӑ Илия усӈән;
\p
\v 31 ԓын хутԓыман–вŏрԓыман этсәӈән, Иисус тӑм уԓәпса эԓты мӑнты верәԓ эԓты пŏтәртсәӈән, мўй Ԓўвеԓ Иерусалим вошән верты мосәԓ.
\p
\v 32 Петра пӑ ԓўв пиԓәԓән уԓәм йохӈиԓаԓ оԓәмән ԓавәртамәсайәт; туп нŏх верԓәмеԓән, Иисус хутԓәты–вŏрԓәты щирәԓ пӑ Ԓўв пиԓәԓән ԓойәм щи кӑт икеӈән, шийаԓәсәт.
\p
\v 33 Хун ԓын Ԓўв эԓтайәԓ йэԓ мӑнты питсәӈән, Петра Иисуса йастәс: "Утәԓтәты Ху! Тӑта мўӈева йӑм уԓты; хуԓәм ԓэпәс хот верԓув: ит – Нӑӈена, ит – Моисейа, ит – Илияйа", - мўй пŏтәртәс ӑт уйәтәԓ.
\p
\v 34 Хун ԓўв щит пŏтәртмаԓән, пӑԓәӈ этәс пӑ ԓыв эԓтэԓа иԓ эсԓәщәс; хун пӑԓӈа ԓŏксәт, ԓыв шек пӑԓтамәсәт.
\p
\v 35 Пӑԓәӈ эԓты тўр сый ус, щащыԓыйәс: "Тӑм – Ма сӑмема мосты Пŏхем, Ԓўвеԓа хуԓәнтаты".
\p
\v 36 Хун щи тўр сый щащәс, Иисус утща хӑщәс. Ԓыв мӑшйайа йисәт, пӑ мўй ватсәт, нэмәԓты хŏйата щи пŏрайән ӑт пŏтәртысэԓ.
\s Кўԉ тӑйты пŏх тўмтака йиты вер
\p
\v 37 Кимет хӑтәԓ, хун ԓыв кев эԓты иԓ ŏхәԓсәт, Ԓўв ар хŏйатән йэщаԓ этса.
\p
\v 38 Шӑмкапан, а хŏй ху мир кўт эԓты ўваԓтәс: "Утәԓтәты Ху! Щи ԓŏват йӑм вера, Нӑӈ пŏхем пеԓа ӑӈкәрмийа, ԓўв ма туп тӑйты и ԋаврэмем:
\p
\v 39 ԓўв кўԉән ԓŏӈтыԓа, щӑԓта ԓўв роман ўваԓтәԓ, пӑ ԓўвеԓ шукатԓәԓы, пӑ ўӈԓәԓ эԓты ԋавәр мӑнәԓ; пӑ йӑма шукаттаԓ йўпийән ўрайән ԓўв эԓтэԓ йэԓ мӑнәԓ.
\p
\v 40 Ма Нӑӈ утәԓтәты йохԓан, щи кўԉ воштәты урәӈән, вохсәԓам, пӑ ԓыв ӑт верәтсәт".
\p
\v 41 Иисус пӑ йŏхԓы йастәс: "Ӑт эвәԓты пӑ вевтама нумәсты хŏйат рут! Мўй унты Ма нын пиԓанән уԓты пӑ нынан верәтты питԓәм! Пŏхен ты тўви".
\p
\v 42 Хун щи пŏх шушәс, кўԉ ԓўвеԓ мўва иԓ вŏщкәсԓы пӑ кӑмән щирән тӑрӈәԓтты питсәԓы; туп Иисус ԋаврэм кетәмты кўԉа ӑт эсәԓсәԓы, пŏх тўмтака версәԓы пӑ ԓўв ащеԓа ԓўвеԓ мӑсԓы.
\s Христос Ԓўв сŏрмәԓ эԓты йэԓпи пŏтәртәԓ
\p
\v 43 Иса хŏԓ Турәм ун йурәԓ эԓты туп ӑԓ пакнысысәт. Хун пӑ хŏԓыйэ Иисус верты верәт эԓты ӑԓ пакнысысәт, Ԓўв утәԓтәты йохԓаԓа йастәс:
\p
\v 44 "Тӑм йасӈәт нын нŏпсәна пŏнаԓән: Хŏйат Пŏх хŏйатәт йоша мӑԓа".
\p
\v 45 Ԓыв щи йасәӈ ŏша ӑт пŏтсэԓ, пӑ ԓыв эԓтэԓ щит лӑп уса, щишән ԓыв ӑт мŏштәсэԓ, Ԓўвеԓ щит эԓты ищмәты пӑ ԓыв пӑԓсәт.
\s Йӑна вŏԓаӈ щир
\p
\v 46 Ԓывиԓаԓа и нŏмәс йŏхтәс: хŏй ԓыв кўтэԓән вŏԓаӈшәк?
\p
\v 47 Иисус ԓыв сӑмԓаԓән тӑйты нŏмәсԓаԓ ватман, ԋаврэм ўсԓы пӑ Ԓўв йэԓпәԓа ԓощәԓтәсԓы
\p
\v 48 пӑ ԓывиԓаԓа йастәс: "Хŏй тӑм ԋаврэмийэ Ма нэмем урәӈән вана уԓԓы, щит Мӑнэм вана уԓԓы; хŏй Мӑнэм вана уԓԓы, щит Мӑнэм Китәм Ŏт вана уԓ; хŏй нын эԓтан мет айшәк, щит вŏԓаӈ питәԓ".
\p
\v 49 Щи пўԉаӈ Иоанн йастәс: "Утәԓтәты Ху! Мўӈ и хŏйат ватсув, ԓўв Нӑӈ нэменән кўԉәт воштәԓ, пӑ ԓўвеԓ нŏх вŏԓәтсэв, ԓўв мўӈ пиԓэвән Нӑӈ йўпенән ӑт йӑӈхәԓ, щишән.
\p
\v 50 Иисус Иоанна йастәс: "Аԓ вŏԓытаԓән, хŏй ӑнта нын йэщаԓтән уԓ\f + \fr 9:50 \fr*\ft нын йэщаԓтән уԓ – нын пеԓайән ԉик туԓ\ft*\f*, щит нын пеԓайән уԓ".
\s Самария мўв Христос вана ат ўсԓы
\p
\v 51 Хун Ԓўвеԓ мир уԓәпса эԓты нŏх ўты пŏра ванамәс, Ԓўв Иерусалим воша мӑнты нŏмәс верәс;
\p
\v 52 щишән айкеԓ туты йохԓаԓ Ԓўв йэԓпеԓән китсәԓы; щиӈәԋща ԓыв мӑтсәт пӑ Самария\f + \fr 9:52 \fr*\ft Самария – словарь Самария ванта;\ft*\f* мŏхет курта йŏхәтсәт, Ԓўв урӈәԓән мўй иса ԓэщатты.
\p
\v 53 Туп щита Ԓўв вана ӑт эсәԓса, Ԓўв Иерусалим воша шушәс, щишән.
\p
\v 54 Щит шийаԓәмаԓән, Ԓўв утәԓтәты кӑтӈиԓаԓ, Иаков пӑ Иоанн, йастәсӈән: "Турәм Куща, Нӑӈ ԓӑӈхаԓән ки, мўӈ йастәԓув, турәм эԓты тўт иԓ ат ŏхәԓәԓ, ԓывиԓаԓ ат пӑратԓәԓы, хŏты Илия верәс?"
\p
\v 55 Туп Ԓўв, ԓын пеԓайԓәна карэмәман, ԓынан нўрысԓы пӑ йастәс: "Ӑт уйәтԓәԓән, мӑты ԓыԓ эԓты нын уԓԓәтән?"
\p
\v 56 Хŏйат Пŏх ӑнта хŏйатәт уԓәпса пӑратты йŏхтәс, нŏх пайәтты". Щишән ԓыв па курта мӑтсәт.
\s Утәԓтыты хŏйата уԓты тын эԓты
\p
\v 57 Щиты тыйәс, хун ԓыв мӑнмеԓән, и мӑтты ŏт Ԓўвеԓа йастәс: "Турәм Куща! Ма Нӑӈ йўпенән мӑнԓәм, хŏԓта кепа Нӑӈ ат мӑтсән".
\p
\v 58 Иисус ԓўвеԓа йастәс: "Ŏхсарәт ух тӑйԓәт, щищкет - тыхәԓ, Хŏйат Пŏх пӑ ŏхәԓ пŏнты тӑха ӑт тӑйәԓ".
\p
\v 59 Кимет хŏйата Ԓўв йастәс: "Ма йўпемән йўва". Щитэн йастәс: "Турәм Куща, мӑнэм оԓәӈән йŏхи йӑхты эсԓы, пӑрәм ащем иԓ ԓэщатты".
\p
\v 60 Туп Иисус ԓўвеԓа щиты йастәс: "Пӑрәм хŏйатәта хӑԓайԓаԓ ԓывиԓаԓа иԓ ԓэщатты хӑйи, нӑӈ пӑ мӑна, Турәм Хон Уԓәпса эԓты такан пŏтәрта.
\p
\v 61 Хŏԓна хуԓмет хŏйат па йастәс: "Турәм Куща, ма Нӑӈ йўпенән мӑнԓәм, туп йэԓпи мӑнэм йŏԓән уԓты мŏхиԓам пиԓән пайәмуԓәм верты эсԓы".
\p
\v 62 Иисус ԓўвеԓа йастәс: "Нэмәԓты хŏйат, хŏй йошәԓ мўв шўкатты ŏта пŏнмаԓ йўпийән пӑ йŏхԓы ӑӈкәртыйәԓ, Турәм Хон Уԓәпсайа ӑт рӑхәԓ".
\c 10
\s Ԓапәтйаӈ рупитты вер
\p
\v 1 Тӑм йўпийән, Турәм Куща па ԓапәтйаӈ утәԓтәты хŏйат пирыйәс, пӑ ԓывиԓаԓ кӑтәнән Ԓўв йэԓпеԓән кашәӈ воша пӑ кашәӈ тӑхайа китсәԓы, хŏԓта Ԓўв йӑхты ўтщийәс,
\p
\v 2 щӑԓта ԓывиԓаԓа йастәс: "Ӑкәтты вер ун, туп рупәтты хŏйат шимәԓ; щишән, ӑкәтты вер пеԓа уԓты Куща\f + \fr 10:2 \fr*\ft ӑкәтты вер пеԓа уԓты Куща – щит Турәм\ft*\f* пойкаԓән, ԓуԓән Ԓўв рупәтты хŏйат, ӑкәтты вер урәӈән, ат китәс.
\p
\v 3 Мӑнаты! Ма нынан ош пŏшхәт иты атәԓән йӑхты ŏтәт кўта китԓәԓам.
\p
\v 4 Нэмәԓты пӑтән аԓ ўйаты: ӑнта тўтхот, ӑнта хир, ӑнта кўра ԓумәтты ŏт, пӑ йушән нэмәԓты хŏйат хŏща, ўщайән верты урәӈән, иԓ аԓ ԓойаты.
\p
\v 5 Мӑтты хота ԓŏӈтанән, оԓәӈән йастаты: "Тӑм хота йӑм уԓәпса!"
\p
\v 6 Щита йӑм нŏмәс нŏх катԓәпты хŏйат ки уԓ, нын йӑм нŏпсән ԓўвеԓа питәԓ, ӑнта ки – нынана йŏхлы йŏхәтәԓ.
\p
\v 7 Щи хотән хӑщаты, щит ԓэваты па йиԋщаты, мўйән мӑԓайты, рупәтты хŏйат рупәттаԓ урәӈән мŏԓтыйән сŏхәптәԓа. И хот эԓты кимет хота аԓ йӑӈхаты.
\p
\v 8 Мӑтты воша йŏхәтԓәты ки пӑ щита вана ўԓайты ки, мўйән мӑԓайты, щит ԓэваты,
\p
\v 9 пӑ щита уԓты мушәӈ хŏйатәт йӑмәԓтаԓән пӑ ԓывиԓаԓа пŏтәртаты: "Турәм Хон Уԓәпса нын хŏщайәна ванамәс!"
\p
\v 10 Мӑтты воша йŏхәтԓәты ки пӑ щита вана ӑт ўԓайты, ким эттан йўпийән йастаты:
\p
\v 11 "Мўӈ хŏщайэв хӑнәм нын вошәӈ хишԓән нынана пӑркатԓыԓув; туп уйтаты, Турәм Хон Уԓәпса нын хŏщайәна ванамәс".
\p
\v 12 Пŏтәртԓәм нынана, Содом воша тӑм вош эԓты сўт верты хӑтәԓән кеншәк питәԓ.
\p
\v 13 Шук нӑӈена, Хоразин! Шук нӑӈена, Вифсаида! Нын хŏщайән тыйәԓтыйәм йурәӈ верәт, Тир па Сидон вошӈән хŏща тыйәԓтысайәт ки, хўвән ԓуԓән, вевтам сŏхән пӑ рат хиш кўтән омәсман, ԓыв кӑрэкԓаԓ эԓты шӑшән керԓәсәт.
\p
\v 14 Тира пӑ Сидона сўт верты хӑтәԓән нын эԓтан кеншәк питәԓ.
\p
\v 15 Нӑӈ пӑ, нўм турма нŏх пайтәсәм Капернаум, иԓта турма иԓ вŏщкиԓайән!
\p
\v 16 Нынан хуԓәтты ŏт, Мӑнэм хуԓәтәԓ, хŏйән нын вана ӑт ўԓайты, щитән Ма вана ӑт ўԓайәм; Мӑнэм вана ӑт ўты хŏйат, щит Мӑнэм Китәм Ŏт вана ӑт ўԓ".
\s Ԓапәтйаӈ утәԓтыты хŏйат йŏхԓы йŏхәтты щир
\p
\v 17 Ԓапәтйаӈ утәԓтәты хŏйат амтәтԓыман йŏхԓы йŏхәтсәт пӑ пŏтәртсәт: "Турәм Куща! Кўԉәт хŏԓна мўӈева хуԓәтԓәт, хун мўӈ Нӑӈ нэмен айәԓԓув!"
\p
\v 18 Иисус ԓывиԓаԓа йастәс: "Ма ватсәм, хŏты сатана\f + \fr 10:18 \fr*\ft сатана – хиԋ, дьявол\ft*\f* похәл тўт иты турәм эԓты иԓ рӑкнәс!
\p
\v 19 Ин щи ма нынана, ŏхты войәт эԓты, скорпион войәт эԓты па хŏԓ хиԋ йурәт эԓты пурәтты щир мӑсәм пӑ нэмәԓты хŏтащ ӑт йиԓты.
\p
\v 20 Туп, ӑнта щи кўԉәт нынана хуԓәтты урәӈән амтәтԓыйаты, нэмԓән турәмән хӑшман уԓԓайәт, щи урәӈән амтәтԓыйаты".
\p
\v 21 Ищишән Йэмәӈ Ԓыԓ Иисус амәтән тэкнәптәсԓы, пӑ Иисус йастәс: "Ащийэ, турәм пӑ мўв Куща, Нӑӈ вŏԓаӈ щирэн щи урәӈән айәԓԓэм, мўй Нӑӈ мўтрайәӈ пӑ ŏшәӈ хŏйатәт эԓты тӑм иԓ хӑԋатсэн пӑ щит ай ԋаврэмәта эԓпа этәԓтәсэн. Йӑна, Ащийэ! Шиты Нӑӈена мосәс!"
\p
\v 22 Утәԓтәты йохԓаԓ пеԓа, каремәман, йастәс: "Ащемән хŏԓ Мӑнэма мӑса; Пŏх –Ԓўв хŏй, Ащэԓ тўмпийән нэмәԓты ŏтән ӑт уйәтԓа, Ащи – Ԓўв хŏй, Пŏхәԓ тўмпийән нэмәԓты ŏтән ӑт уйәтԓа, пӑ хŏйа Пŏх Ащеԓ этәԓтәты ԓӑӈхаԓԓы.
\p
\v 23 Щӑԓта, утәԓтәты йохԓаԓ пеԓа карэмәман, ԓывиԓаԓа утща щира йастәс: "Щи сэмәт щўԋәӈәт, хŏй нын ватты ŏтԓән ватԓәт.
\p
\v 24 Йӑна нынана пŏтәртԓәм , ар Турәм йасәӈ туты хŏйат пӑ хонәт, мўй нынанән ныԓа, щит ватты ԓӑӈхасәт пӑ ӑт ватсәт, мўй нын хуԓԓәты, щит хуԓты ԓӑӈхасәт, пӑ ӑт хуԓсәт".
\s Мўй щирән и пўша уԓты уԓәпса мŏщатты: йӑм сӑмпи Самария ху эԓты
\p
\v 25 И пўш, Закона утәԓтәты и ики нŏх ԓойәс пӑ, Иисус артаԓәты урәӈән, ищмәсԓы: "Утәԓтәты Ху! И пўша уԓты уԓәпса мŏщатты урәӈән, мӑнэма мўй верты мосәԓ?"
\p
\v 26 Иисусән пӑ ищмәса: "Закон хŏща мўй хӑшман уԓԓа? Мўй ԓўӈәтԓән?"
\p
\v 27 Щитэн йŏхԓы йастәс: "Турәм Кущайэн нӑӈ Турмен арат сӑменән, арат ԓыԓэнән, арат йурэнән, арат ŏшенән сӑмәӈа тӑйи, пӑ ванән уԓты хŏйатэн ищи сӑмәӈа тӑйи, хŏты нӑӈен нӑӈ сӑмәӈа тӑйԓэн".
\p
\v 28 Иисус ԓўвеԓа йастәс: "Нӑӈ йӑна йастәсән; щиты вера, пӑ уԓты питԓән".
\p
\v 29 Щитэн, ԓўвеԓ йӑма пайәтты ԓӑӈхаман, Иисус ищмәсԓы: "Ма ванән уԓты хŏйатэм – хŏй?"
\p
\v 30 Ши йасәӈ пеԓа Иисус йастәс: "И хŏйат Иерусалим эԓты Иерихон воша шушәс пӑ хорахщетән мŏщатса. Щитәтән ԓумтәмԓаԓ хŏԓ нŏх эхсайәт, напрыйэ сэкса пӑ туп ай ԓыԓыйэԓ хӑйса, ин ŏтәт мӑтсәт.
\p
\v 31 Щи пŏрайән йуш хўват и Турма йир верты хŏйат шушәс пӑ ԓўвеԓ шийаԓәмаԓ кемән, ԓўв пўӈԓәԓ эԓты мŏхты мӑнәс.
\p
\v 32 Левит ики\f + \fr 10:32 \fr*\ft левит ики - Турәм хотән верәт верты йох, левит йох рут;\ft*\f* ищи, хун щи шома йŏхтәс, вана шушиԓыйәс, ватсәԓԓы па ԓўв пўӈԓәԓ эԓты йэԓԓы мӑнәс.
\p
\v 33 Самария мўвәӈ и ху, щи йуш хўват мӑнман, ԓўв хŏщайәԓ уйтантәс пӑ, ԓўвеԓ шийаԓәмаԓ кемән, ԓўвеԓ щаԉәтсәԓы
\p
\v 34 пӑ, вана шушәс, ԋўләмԓаԓ оливка вŏйән, ўнайән ԉŏхәтмаԓ йўпийән лӑп йӑрсәԓы; щӑԓта ԓўв осёләԓ шӑнша нŏх омәсман, хоԓты хота ԓўвеԓ тусԓы пӑ щита хŏԓна ԓўвеԓ пӑйкәԓтман тӑйсәԓы.
\p
\v 35 Кимет хӑтәԓән пӑ, мӑнтаԓ йэԓпийән, кӑт динарий лакәптәс, хоԓты хотәӈ икийа мӑсԓы пӑ йастәс: ”Тӑм хŏйат ԋоты. Тӑԓта аршәк ки посатԓән, йŏхәттэмән, нӑӈена йŏхԓы мӑԓэм”.
\p
\v 36 Нӑӈ хŏты нумәсԓән, тӑм хуԓәм хŏйат эԓты, хорахщет йоша питыԓыйәм ху хŏща, хŏй вана уԓ?"
\p
\v 37 Закона утәԓтәты ики йастәс: "Хŏй ԓўвеԓа сӑмәӈ вер верәс, щит". Щишән Иисус ԓўвеԓа йастәс: "Мӑна, нӑӈ па ищиты вера".
\s Мария пӑ Марфа
\p
\v 38 Иисус утәԓтәты йохԓаԓ пиԓән йэԓԓы мӑнты йушеԓ хŏща и курта йŏхтәс. Щита Марфа нэмпи нэ йŏԓән Ԓўвеԓ мойԓәты иԓ опсәԓтсәԓы.
\p
\v 39 Щи нэ Мария нэмпи хӑнамнэ тӑйәс; Мария Иисус кўрнатән опсәс пӑ Ԓўв йасәӈԓаԓ хуԓәнтәс.
\p
\v 40 Марфа пӑ Иисус кеша ун ԓэтŏтәӈ пӑсан ԓэщатәԓ, пӑ вана йŏхәтмаԓ кемән йастәс: "Турәм Куща, Нӑӈена мўй вер ӑнтом, хŏты хӑнамнэӈэм, хот ԓыпи верәт верты, мӑнэм утща хӑйсәԓы? Йасты ԓўвеԓа, мӑнэма ат ԋотәԓ!"
\p
\v 41 Иисус пӑ йŏхԓы йастәс: "Марфа, Марфа! Нӑӈ ар ŏт эԓты нумәсԓән пӑ, сӑм мӑнман, ар вер эԓты нумәсԓән,
\p
\v 42 туп ит мосәԓ; Мария мет йӑм вер пирыйәс, щит ԓўв эԓтэԓ нŏх ӑт ўԓа".
\c 11
\s Христос утәԓтәты йохԓаԓ пойәкщәты утәԓтәԓԓы
\p
\v 1 Имŏԓты ишән, хун Иисус и тӑхайән пойәкщәс, пӑ нŏх вŏԓымаԓ йўпийән, и утәԓтәты хуйәԓ Ԓўвеԓа йастәс: "Турәм Куща! Мўӈев пойәкщәты утәԓты, хŏты Иоанн утәԓтәты йŏхԓаԓ утәԓтәс".
\p
\v 2 Ԓўв щиты ԓывиԓаԓа йастәс: "Хун пойәкщәԓты, щиты пŏтәрттаты: "Турәм Ащев! Турәмән Нӑӈ уԓԓән! Нӑӈ нэмен ат йэмԓәԓ! Нӑӈ Хон Уԓәпсайэн ат йŏхәтәԓ! Нӑӈ партәпсайэн хŏты турәмән уԓ, щиты мўвән ат питәԓ;
\p
\v 3 Ԓэты ԋаԋэв мўӈева кашәӈ хӑтԓа мийи;
\p
\v 4 Мўӈ кӑрэкԓув мўӈева йŏрэмаԓән, хŏты мўӈ хŏйатԓува ԓўв артнайԓаԓ йŏрэмәԓув; атәм хўщәпсайа питты мўӈев аԓ эсԓы, ԉикәӈ ŏт эԓты хŏԓт пайты!"
\p
\v 5 Щӑԓта ԓывиԓаԓа йастәс: "Мӑттыки нын мӑтŏтән ԓухәс тӑйәԓ, ат кўтәпән ԓўв хŏщайәԓ йŏхәтәԓ пӑ йастәԓ: "Ԓухсыйэ, мӑнэм хуԓәм ԋаԋ, артнайа мийԓыйа,
\p
\v 6 пиԓхуйэм мӑнтаԓ сӑхат ма хŏщайэм хойәс, ма нэмәԓты ԓўвеԓ ԓапәтты ӑт тӑйԓәм".
\p
\v 7 Щитэн ов мŏхты ԓўвеԓа йастәԓ: "Мӑнема аԓ тŏрастыйа, овем йӑканән лӑп пŏтсэм, ԋаврэмԓам па ма пиԓэмән ŏԓтӑхайән уԓԓәт. Ма ӑт верәтԓәм нŏх киԓты пӑ нӑӈена ԋаԋ мӑты".
\p
\v 8 Нынана пŏтәртԓәм, ԓўв ԓухсәԓ урәӈән нŏх ӑт ԓойәԓ ки, пӑ ԋаԋ ԓўвеԓа, пиԓа уԓтаԓ хўватән, ӑт мӑԓ ки, щитәԓ такан вохтаԓ урәӈән, ищи пӑ нŏх киԓты вера йиԓ, мўй арат вохәԓ, щи арат ԓўвеԓа мӑԓ.
\p
\v 9 Ма нынана щи йастәԓәм: вохаты, пӑ мӑԓайты, кӑншаты, пӑ уйәтԓәты; ов сэӈкаԓән, пӑ пўшԓа,
\p
\v 10 кашәӈ ŏт, хŏй вохәԓ, мŏщатәԓ, хŏй кӑшәԓ, уйәтәԓ, ов сэкты ŏта, ов пўшԓа.
\p
\v 11 Мўй щимәщ ащи, хун пŏхәԓ ԓўв эԓтайәԓ ԋаԋ вохәԓ, щи йўкана кев шупән мӑԓԓы? Хун хўԓ вохәԓ, хўԓ йўкана ŏхты вой мӑԓ?
\p
\v 12 Мўй пӑ, карәӈ пŏшәх вохтаԓән, скорпион\f + \fr 11:12 \fr*\ft Щит нўм мўв карәӈ хŏмләх ԓыйәԓән ԓощтаԓ йўпийән хŏйат, вой пӑрты верәтәԓ.\ft*\f* нэмпи карәӈ хŏмләхән мӑԓԓы?
\p
\v 13 Щӑԓта, хун нын ԉик тӑйман, ԋаврэмԓәна йӑм ŏт мӑты хошԓәты, Турәм Ащи мет щи Ԓўв эԓтэԓ вохты хŏйатәта Йэмәӈ Ԓыԓ мӑԓ".
\s Христос йур ӑнта сатана эԓты уԓ
\p
\v 14 И пўш Иисус уӈәԓԓы пайәтты кўԉ хŏйат эԓты ким воштәсԓы. Хун кўԉ ким этәс, уӈәԓԓы хŏйат пŏтәртты питәс. Хŏйатәт туп ӑԓ пакнысысәт.
\p
\v 15 Тухәԓаԓ пӑ пŏтәртсәт: "Ԓўв кўԉәт веельзевул\f + \fr 11:15 \fr*\ft сатана, дьявол, хиԋ;\ft*\f* йурән воштәԓ. Щит кўԉәт ŏх".
\p
\v 16 Па хŏйатәт пӑ Иисус артаԓәман, Ԓўвеԓа мŏԓты пос турәм эԓты этәԓтәты партсәт.
\p
\v 17 Туп Ԓўв ԓыв нŏмәсԓаԓ уйәтман, йастәс: "Кашәӈ, кӑт йэшащты пелка ортәсәм хон мўв, таԓа йиԓ, пӑ хот, хŏта йэшащԓа, иԓ ӑркәпәԓ.
\p
\v 18 Сатана ԓыпи нŏпсәԓән кӑт щира ки уԓ, мўй щирән ԓўв хон пелкәԓ уԓты верәтәԓ? Нын пŏтәртԓәты, мӑтты Ма веельзевул йурән кўԉәт воштәԓәм;
\p
\v 19 Ма веельзевул йурән кўԉәт ки воштәԓәм, нын йўпанән йиты йохԓән пӑ хŏй йурән ԓывиԓаԓ воштәԓԓаԓ? Щишән ԓыв нынана сўт верты хŏйатәта питԓәт.
\p
\v 20 Ма Турәм йурән кўԉәт воштәԓәм ки, уйәтман Турәм Хон Уԓәпса нын хŏщайән йŏхтәс.
\p
\v 21 Хун йурәӈ ŏт ԉаԉәсты пŏрмасы тэԓән хотәԓ шавиԓԓы, ԓўв тащәԓ-вещәԓ нэмәԓты хŏтащ ӑт йиԓ.
\p
\v 22 Хун пӑ ԓўв эԓтэԓ йурәӈшәк ŏт ԉаԉәсты йŏхәтәԓ пӑ ԓўвеԓ иԓ пайәтԓәԓы, щи пŏрайән хотәӈ ху нŏмәс пŏныԓыйәм ԉаԉәсты пŏрмасԓаԓ, ԓўв эԓтэԓ нŏх уԓԓы, пӑ ԋӑрэмәм мŏԓтыԓаԓ лакки ортԓәԓы.
\p
\v 23 Хŏй ӑнтом Ма пиԓэмән уԓ, щит Ма йэщаԓтэм уԓ\f + \fr 11:23 \fr*\ft Ма пеԓайэм ԉик туԓ.\ft*\f*; хŏй Ма пиԓэмән ӑт ӑкәтәԓ, щит лакки йовәԓәԓ.
\p
\v 24 Хун кўԉ, хŏйат эԓты ким этәԓ, йикԓы тӑхайәтән йӑӈхәԓ, щўтщәты тӑха кӑшман, пӑ ӑт уйәтман, пŏтәртәԓ: "Ма хотэма керԓәԓәм-са, хŏԉща этсәм!".
\p
\v 25 Йŏхԓы йŏхәттаԓән, хотәԓ нŏх йовәԓман пӑ нŏх ԓэщатман уйәтԓәԓы;
\p
\v 26 щӑԓта ԓўв мӑнәԓ пӑ па ԓапәт кўԉ туԓ, ԓўв эԓтэԓ мет ԉикәӈәт; ԓыв, ԓыпийа ԓŏӈман, щита уԓты питԓәт. Щиӈәԋща хŏйата оԓәӈ уԓәм эԓты мет атма йиԓ".
\p
\v 27 Хун Иисус щи йасӈәт йастәс, ий ими хŏйат кўт эԓты такан ўваԓтәс: "Щўԋәӈ щи аԋԏи, хŏйән Нӑӈ сэма пайәтсайән пӑ эсәмән ԓапәтсайән!".
\p
\v 28 Туп Ԓўв йŏхԓы йастәс: "Щўԋәӈ щит, хŏй Турәм йасәӈ хуԓәԓ пӑ щиты верәԓ!"
\s Христос туп и пос – щит Иона пос
\p
\v 29 Хун хŏйатәт арән йŏхәтты питсәт, Иисус пŏтәртты питәс: "Ин тӑм уԓты мир ԉикәӈ. Ԓыв Турәм пос кӑшԓәт, туп Иона Турәм йасәӈ туты ики этәԓтыйәм пос тўмпийа, нэмәԓты Турәм пос ԓывиԓаԓа ӑт питәԓ.
\p
\v 30 Хŏты Иона, Нинэвия вошәӈ хŏйатәта, поса ус, щиты Хŏйат Пŏх тӑм уԓты мира поса питәԓ.
\p
\v 31 Нўм мўв нэ хон, сўт вертыйән, ин тӑм хŏйат рут пиԓән нŏх ԓойәԓ пӑ ԓывиԓаԓ сўтытԓәԓы, ԓўв Соломон мўтра йасӈәт хуԓәтты урәӈән, мўв кимәԓ эԓты йŏхтыԓыйәс. Ин тӑта пӑ нын пиԓәнән Щит, Хŏй Соломон эԓты вŏԓаӈшәк.
\p
\v 32 Нинэвия вошәӈ хŏйатәт ищи, сўт вертыйән, ин тӑм уԓты мир пиԓән нŏх ԓойԓәт, пӑ ԓывиԓаԓ сўтытԓыԓаԓ. Ԓыв Иона йастәм Турәм йасӈәт хуԓәтман, кӑрэкԓаԓ эԓты шӑшән керԓәсәт. Ин тӑта пӑ нын пиԓәнән Щит, Хŏй Иона эԓты вŏԓаӈшәк.
\s Ўщитәм тўт сун эԓты утәԓтәты пŏтәртәԓ
\p
\v 33 Нэмәԓты хŏйат тўт сун ўщитман, ԓўвеԓ хӑԋа тӑхайа мўй пӑ хŏшам иԓпийа ӑт омәсԓәԓы, нŏхшәк, тўт акԓа, омәсԓәԓы, ԓуԓән хота ԓŏӈты хŏйатәта нŏви ат ныса.
\p
\v 34 Ԓыпийән уԓты тўт сун – щит сэм; сэмԓан сыстамәт ки, эԓэн иса нŏвийән тэкәнман уԓԓа, атмәт ки – эԓэн ԓыпийән иса пӑтԓам.
\p
\v 35 Щишән ванта: нӑӈ ԓыпийән тӑйты нŏвен мосәӈ пӑтԓам.
\p
\v 36 Эԓэн нŏвийән ки тэкәнман уԓԓа пӑ нэмәԓты питы лот ӑт тӑйәԓ ки, щишән иса нŏви питәԓ, хŏты тўт сунән нӑӈ хутԓәптыԓайән".
\s Фарисейәта шук
\p
\v 37 Хун Ԓўв щит пŏтәртәс, и фарисей Ԓўвеԓ хотәԓа йŏхи ԓэты вохсәԓы. Иисус йŏхтәс пӑ пӑсан сурыйа опсәс.
\p
\v 38 Иисус ԓэты йэԓпийән йошԓаԓ ӑт ԉŏхәтсәԓы, Фарисей щит шийаԓәмаԓ кемән, пӑ ӑԓ щи пакнәс.
\p
\v 39 Туп Турәм Куща ԓўвеԓа йастәс: "Нын, фарисейәт, анԓән-сунԓән эԓтыԓаԓ сыстапԓәԓән, нын ԓыпиԓән аратэԓән тармәт пӑ ԉикәӈәт.
\p
\v 40 Ŏтшамәт! Ăнта мўй Щит, Хŏй эԓпат уԓты ŏт тыйәԓтәс, ԓыпийән уԓты ŏт ищи тыйәԓтәс?
\p
\v 41 Щикем ушән нўша хŏйатәта анԓәнән мўй тӑйԓәты, щит мийԓыйаты, щи пŏрайән нынана иса сыстам питәԓ.
\p
\v 42 Шук нынана, фарисейәт! Мята, рута пӑ арсыр эпԓәӈ тŏрән эԓты йаӈмет шупәԓ мӑԓты, вещкат пӑ Турма сӑма мосты вер эԓты пӑ пўӈԓа ўратԓәты: тӑми верты мосәс, пӑ тўми хӑйты ӑт мосәс.
\p
\v 43 Шук нынана, фарисейәт! Нын Турәм йасӈа утәԓтәты хотән ԓӑтәӈ тӑхайәтән омәсты сӑмәӈәт, пӑ хŏйатәт ӑктәщиты тӑхайән нын иса ат ватԓайты, ўщайән иса ат верԓайты.
\p
\v 44 Шук нынана, Закона утәԓтәты икет пӑ фарисейәт, нын нэмәԓты щирән ӑт постәм хӑԓа лотәт хŏрпет, хŏйатәтән, ӑт мŏштыман, эԓты шушиԓыԓайәт\f + \fr 11:44 \fr*\ft Закон щирән хŏйат туп хӑԓайа, мўй пӑ хӑԓа лота, хӑнәмтыйәԓ ки, ӑнта сыстама йиԓ.\ft*\f*".
\s Закона утәԓтәты икета шук
\p
\v 45 Закона утәԓтәты ий ики Ԓўвеԓа йастәс: "Утәԓтәты Ху! Щиты пŏтәртман, Нӑӈ мўӈев па ԉикән этԓэн!"
\p
\v 46 Ԓўв йастәс: "Нынана, Закона утәԓтәты икета, па шук! Хŏйатәта ԓавәрт вер пŏнԓәты, нын пӑ и ԓуйән нэш ԓўв хŏщайэԓа ӑт хӑнәмтыԓты.
\p
\v 47 Шук нынана! Ащиԓәнән пӑратәм Турәм йасәӈ туты хŏйатәт урәӈән, ԓыв ӑпа лотԓаԓ хŏрән верԓәԓән.
\p
\v 48 Щитән нын ащиԓән верәм верәт аԉԓәты пӑ ԓыв пиԓԓаԓән кашащԓәты, ԓыв Турәм йасәӈ туты хŏйатәт пӑратсәт, нын пӑ ӑпа лотԓаԓ хŏрән верԓәԓән.
\p
\v 49 Щишән Турәм ŏшәӈ нŏпсәԓ йастәс: "Турәм йасәӈ туты хŏйатәт пӑ апостоләт ԓыв хŏщайэԓа китԓәм, щитәт эԓты тухәԓаԓ пӑратԓайәт, тухәԓаԓ пӑ воштыԓайәт,
\p
\v 50 мўйа Турәм йасәӈ туты хŏйатәт кӑԓы мӑнәԓтса, уԓты турәм тыйәԓтәм уш эԓты, щишән ин уԓты хŏйатәт эԓты щи нўр иԋщәсты питԓа,
\p
\v 51 Авель кӑԓы эԓты Захария кӑԓы унты, хŏй йирасты нŏрәм пӑ Турәм Хот кӑт кўтән пӑратса. Йӑна пŏтәртԓәм нынана: ин уԓты хŏйатәт эԓты мўй ус иса кӑшԓа.
\p
\v 52 Шук нынана, Закона утәԓтәты хŏйатәта! Нын уйәтты вер щирәԓ усԓән: нын ӑт ԓŏксәты, хŏй ԓŏӈты утщийәс, щит ӑт эсәԓԓәԓән".
\p
\v 53 Хун Ԓўв щит пŏтәртәс, Закона утәԓтәты хŏйатәт пӑ фарисейәт мет такан ўшмащты питсәт, Ԓўвеԓ ар вер эԓты апрәӈа иԋщәсты питсэԓ.
\p
\v 54 Ԓыв щиты ŏщмарәӈа каншатсәт пӑ верәтты кемеԓән мŏԓты Ԓўв эԓтэԓ мӑтты йасәӈ нŏх кӑтәԓты ўтщисәт, Ԓўвеԓ ўнавота павәттыйа.
\c 12
\s Иисус ропхәӈ вер сўтытәԓ
\p
\v 1 Щи кўтән, щŏрәс мир щиты ӑктәщәс, пӑ хŏйатәт йэрмат кўтән ўратысәт, Иисус, оԓәӈән утәԓтәты йохԓаԓ пеԓа ватман, пŏтәртты питәс: "Фарисей сŏхәм щир, ԋаԋ шўм хŏрпи, ропхәӈ вер эԓты шаващаты, кӑт вешпийа аԓ уԓаты.
\p
\v 2 Нэмәԓты сайԓәм вер ӑнтом, ищипа эԓпа этәԓ, пӑ хӑԋа вер ӑнтом, ищипа уйәтԓа.
\p
\v 3 Щишән, мўй эԓты нын пӑтламән йастәсты, нŏвийән хуԓԓа, пӑ мўй хот ԓыпийән пӑԓ ўса йастыԓысты, щит хот ԓоӈәԓ эԓты такан йастәԓа.
\p
\v 4 Ма нынана, пиԓйохԓама, пŏтәртԓәм: щитәт эԓты аԓ пӑԓаты, хŏй хŏйат эԓ пӑратәԓ, пӑ нэмәԓты па верты ӑт верәтәԓ.
\p
\v 5 Туп йастәԓәм нынана, хŏй эԓты пӑԓты мосәԓ: Щит эԓты пӑԓаты, хŏй, пӑратмаԓ йўпийән, шук туты тӑхайа пайәтты веритԓәԓы. Йӑна пŏтәртԓәм нынана, Щит эԓты пӑԓаты.
\p
\v 6 Вет щищки кӑт пӑтәр ŏх карты сӑхат ӑт тыныԓа? Турәмән ит нэш ӑт йŏрэмәм.
\p
\v 7 Нын ŏхԓәнән ŏхсŏхԓән хŏԓна хŏԓ ԓўӈәтман уԓԓайәт. Аԓ пӑԓаты: нын ар ай щищкет эԓты тыныӈшәкәт, сӑмәӈашәк тӑйԓайты.
\p
\v 8 Нынана пŏтәртԓәм: кашәӈ хŏйат, хŏй эԓпат Мӑнэм хŏйатәт хŏща, вана уԓԓы, щит Хŏйат Пŏхән ищи Турәм ангеләт хŏща вана ўԓа.
\p
\v 9 Хŏй хŏйатәт хŏща Ма эԓтэм йŏвра керԓәԓ, щит эԓты па Турәм ангеләт хŏща йŏвра керԓәԓа.
\p
\v 10 Кўш хŏйа, хŏй йŏвра йасәӈ Хŏйат Пŏха йастәԓ, щи нўрәԓ йŏрэмәԓа; хŏй Йэмәӈ Ԓыԓ эԓты ӑт рӑхты йасәӈ йастәԓ, щит нўрәԓ ӑт йŏрэмәԓа.
\p
\v 11 Хун нын Турәм йасӈа утәԓтәты хотәта, кущайәт пӑ ŏха уԓты кущайәт хŏща туԓайты, аԓ нумәсаты, хŏты мўй пӑ йŏхԓы йастәԓты, мўй пӑ пŏтәртты верән уԓ,
\p
\v 12 Йэмәӈ Ԓыԓ нынан щи пўԉаӈ утәԓтәԓԓы, мўй йастәты".
\s Тащәӈ ики эԓты утәԓтәты пŏтәр
\p
\v 13 Мŏԓты хŏйат мŏхет кўт эԓты Ԓўвеԓа йастәс: "Утәԓтәты Ху! Йайәма йаста, ащемән-анԏэмән хӑйәм хот тэԓ ма пиԓэмән ат ортԓәԓы!"
\p
\v 14 Иисус ԓўвеԓа йастәс: "Нын сўтән верты хŏйән Ма ԓощәԓтәсайәм мўй пӑ нынан ортԓыты?"
\p
\v 15 Щӑԓта пӑ ԓывиԓаԓа йастәс: "Ватман уԓаты, щӑр кўш щир эԓты шаващаты. Хŏты кепа хŏйат тащәӈ ат ус, ԓўв уԓәпсайәԓ ӑнта щиԓта уԓ".
\p
\v 16 Щӑԓта Ԓўв утәԓтәты пŏтәр пŏтәртәс: "И тащәӈ ху хŏща мўв хӑрәԓән энмәԓты ԓэвпәс йӑма энмәс;
\p
\v 17 пӑ ԓўв щирәԓән нумәсәԓ: "А мўй мӑнэм верты? Энмәм ԓэтәтԓам хŏԓта пŏнты?"
\p
\v 18 Нŏмәс верәс: "Тӑмиты верԓәм: ампарԓам нŏх лосытԓыԓам пӑ ԓӑщкамшәк ампарәт верԓәм, щита энмәм ԓат сэмԓам пӑ па пŏрмасԓам урәӈән тэԓыйэ пŏнты тӑха питәԓ.
\p
\v 19 Щӑԓта ма мӑнэма йастәты верәтԓэм: тэԓыйэ йӑм тӑйԓән, ар тӑԓа тӑрмәԓ. Ин щутща, ԓэва, йиԋща, каш вера!"
\p
\v 20 Турәм ԓўвеԓа туп щиты йастәс: "Ŏшԓы ŏт! Тӑм ат уԓәпсайэн нŏх уԓа; тащтәм ŏтԓан хŏйа питԓәт?"
\p
\v 21 Щиты, щимәщ хŏйат пиԓән уԓԓыйәԓ, хŏй тащ ԓўв урӈәԓа ӑкәтәԓ, Турәм хŏща тащәӈа ӑт уԓ".
\s Турәм Хон Уԓәпса кӑншаты
\p
\v 22 Щӑԓта Иисус утәԓтәты йохԓаԓа йастәс: "Щишән Ма нынана пŏтәртԓәм: уԓәпсайән эԓты аԓ нумәсаты, мўй нынан ԓэты, эԓԓәна мўй ԓумәтты.
\p
\v 23 Уԓәпса ԓэтәт эԓты ԓӑтәӈшәк, пӑ хŏйат эԓ - ԓумтәм эԓты ԓӑтәӈшәк.
\p
\v 24 Хулхәт пеԓа вантаты: мўва ԓат ӑт омәсԓәт, ԓат тŏрән ӑт ӑкәтԓәт, ԓыв ун ампарәт, ԓат сэм шавиты тӑхайәт, ӑт тӑйԓәт – Турәмән ԓыв ԓапәтԓайәт; Мўй арата нын щи тŏхԓәӈ войәт эԓты ԓӑтәӈшәкәт!
\p
\v 25 Пӑ хŏй нын эԓтан, ԓўвеԓ ԓэщатман, ԓўв пӑԓатәԓ кўш кепа и кўш оԓәӈ арата эԓәтты веритԓәԓы?\f + \fr 12:25 \fr*\ft Грек йасәӈән хӑншәм пŏтәр тӑмиты па рӑхәԓ йастәты: Пӑ хŏй нын эԓтан, нумәсман, уԓәпсайәԓ и щос кема хўвашәк верты верәтԓәԓы?\ft*\f*
\p
\v 26 Нын ай верыйэ верты ӑт веритԓәты ки, мўй пўӈәԓ верәт эԓты нумәсԓәты?
\p
\v 27 Ӑԋа лыптәт пеԓа вантаты, хŏты ԓыв энәмԓәт: ӑт рупитԓәт, сŏхәм ӑт верԓәт. Туп нынана пŏтәртԓәм: Соломон ики хŏԓна ԓўв вŏсԓәты–вŏрԓәты щирәԓән щиты ӑт ԓумәтԓыйәс, хŏты кашәӈ ŏтԓаԓ ԓумәтԓыԓәт.
\p
\v 28 Хӑр мўвән энәмты хŏрамәӈ лыптәт, тӑм хӑтәԓ уԓԓәт, хӑԓэвәт кура вŏщкиԓайәт, Турәмән щиты ки ԓумәтыԓайәт, пӑр мŏԓты Ԓўв нынан ӑт ԓумәттәԓԓы, шимәԓ эвәԓты ŏтәт!
\p
\v 29 Щӑԓта, аԓ кӑншаты, нынан мўй ԓэты пӑ мўй йищты, аԓ пӑ нумәсаты.
\p
\v 30 Щит тӑм мир уԓәпсайән уԓты хŏйатәт кӑшԓәт; Ащан уйәтәԓ, мўй нынан мосәԓ.
\p
\v 31 Метшопәӈ Турәм Хон Уԓәпса кӑншаты, пӑ иса щитән ищи мӑԓайты.
\p
\v 32 Аԓ пӑԓа, ай тащийэ! Турәм Ащан Хон Уԓәпса нынана мойԓәты йӑм кашәԓ ус.
\p
\v 33 Пŏрмасԓән тыныйаԓән пӑ нўша хŏйатәта мийԓыйаты. Ӑт ԓыйты тўтхотәт, турәмән ӑт хŏԓаты сорԋэт нынана ԓэщататы, хŏԓта ԓŏԓмах ӑт ванамәԓ пӑ хŏта хӑхәт ӑт ԓэԓ.
\p
\v 34 Хŏта нын сорԋиԓән уԓԓәт, щита сӑмԓән уԓты питԓәт.
\s Ԓавԓәсты митху эԓты утәԓтәты пŏтәр
\p
\v 35 Ӑнтәпԓән йӑрман ат ԓойԓәт, пӑ тўт сунԓән ат ԓэԓәт.
\p
\v 36 Нын пӑ щи митйохәт иты уԓаты, кущайэԓ поры эԓты йŏхи йŏхәтты ԓавәԓԓәт, ԓуԓән, хун ԓўв йŏхәтәԓ пӑ ов хӑтщәԓԓы, ов мŏхты пелки ԓўвеԓа пўшмәты ат верәтԓэԓ.
\p
\v 37 Щи митйохәт щўԋԓәт, хŏйтат, куща ху йŏхәттаԓән, эԓәпән уԓман уйәтԓәԓы. Йӑна нынана пŏтәртԓәм, ԓўв ӑтпәԓ йӑрԓәԓы, митйохԓаԓ пӑсан сурыйа опсәԓтԓәԓы, вана рӑхиԓыман, ԓывиԓаԓ ԓапәтты питԓәԓы.
\p
\v 38 Ат кўтәпән ки йŏхәтәԓ, мўй пӑ хутԓәты йэԓпийән йŏхәтәԓ, пӑ ԓывиԓаԓ щиты уйәтԓәԓы ки, щи митйохәт ŏй тӑйԓәт.
\p
\v 39 Нын уйәтԓәԓән: хотәӈ куща уйәтсәԓы ки, хун ԓоԓмах йŏхәтәԓ, ԓўв ԓуԓән ӑт ŏԓәс пӑ хот питарәԓ ԓуԓән пел хирты ӑт эсәԓсәԓы.
\p
\v 40 Нын пӑ ԓэщатыман уԓаты, ӑт ԓавԓәсԓәты пўԉаӈ Хŏйат Пŏх йŏхәтәԓ".
\s Вещкат хот шавиты хŏйат эԓты утәԓтәты пŏтәр
\p
\v 41 Щӑԓта Петра Ԓўвеԓа йастәс: "Турәм Куща! Мўӈева мўй тӑм утәԓтәты пŏтәр пŏтәрԓэн, мўй пӑ хŏԓ хŏйатәта?"
\p
\v 42 Турәм Куща пӑ йастәс: "Хŏй вещкат пӑ ŏшәӈ хот шавиты пӑ ԓэщатты хŏйат, кущайән митйохԓаԓ нўмпийа пŏнԓа, мŏрт пŏрайән мŏрт арат ԋаԋ ортты урәӈән?
\p
\v 43 Щўԋәӈ щи митху, хŏй йŏхтәм кущайән щиты верман уйәтԓа.
\p
\v 44 Йӑна нынана йастәԓәм, ԓўв уԓпәсәԓ ватты ԓўвеԓ пŏнԓәԓы.
\p
\v 45 Щи митху пӑ сӑмәԓән ки йастәԓ: "Ма кущайэм сора ӑт йŏхәтәԓ, митйохԓаԓ пӑ митнэԓаԓ сэкты питԓәԓы, ԓэты пӑ ищты, пӑ кўтщәты унты ищты питәԓ,
\p
\v 46 щиӈәԋща щи митхуйэн кущайәԓ ӑт ԓавәԓты хӑтԓәԓән, нумԓы сысән йŏхәтәԓ, пӑ ԓўвеԓ кӑтна сэвәрмәԓԓы, пӑ ӑт эвәԓты хŏйатәт иты верԓәԓы.
\p
\v 47 Щи митху, хŏй кущайәԓ партәпса уйәтсәԓԓы пӑ йэтшәптыман ӑт ус, пӑ ԓўв ԓӑӈхатаԓ щира ӑт верәс, артан сэкты питԓа;
\p
\v 48 хŏй пӑ нэмәԓты ӑт уйтәс, пӑ сэкты хŏрпийа верәс, шимәԓшәк сэкты питԓа. Кашәӈ хŏйата, хŏйа ар мийман уса, ԓўв эԓтэԓ арәԓ кӑншәмәԓа, хŏйа ар аԉиԓыса, щит эԓты аршәк иԋщәсԓа.
\s Христос утәԓтәты хŏйата уԓты щир тын аԉәԓ
\p
\v 49 Ма мўва тўт туты йŏхәтсәм, пӑ Ма щикем ԓӑӈхаԓәм, ԓуԓән ԓўв ат ўщиԓәмаԓ!
\p
\v 50 Йиӈка ԓŏӈәԓтыты верән Мӑнэм мосәԓ йиӈка ԓŏӈәԓтыты; хŏты Ма шукащԓәм, хун щит йэтшәԓ!
\p
\v 51 Нын нумәсԓәты, Ма мўва пайԓы уԓәпса туты йŏхәтсәм? Ӑнта, нынана йастәԓәм, ортәсты вер Ма тусәм;
\p
\v 52 тӑԓта йэԓԓы и хотән уԓты вет хŏйат кӑтна ортәсԓәт: хуԓәм хŏйат кӑт хŏйат йэщаԓт, пӑ кӑт хŏйат хуԓәм хŏйат йэщаԓт эԓԓәԓәт.
\p
\v 53 Ащи пŏхәԓ йэщаԓт эԓԓәԓ, пӑ пŏх ащеԓ йэщаԓт, аԋԏи эвеԓ йэщаԓт эԓԓәԓ, пӑ эви аԋԏеԓ йэщаԓт, унтәп меԋәԓ йэщаԓт эԓԓәԓ, пӑ меԋ утпәԓ йэщаԓт эԓԓәԓ".
\s Христос пŏра моштәты ӑт хошты щир эԓты пŏтәртәԓ
\p
\v 54 Мир пеԓа йастәс: "Хун нын кев пеләк эԓты нŏх этты пӑԓәӈ шийаԓәԓты, нын мŏхты йастәԓты: "Йэрта йиԓ", пӑ щиты щи уԓԓыйәԓ;
\p
\v 55 пӑ хун нўм вот пŏԓәԓ, пŏтәрԓәты: "Рўва йиԓ", пӑ щиты щи уԓԓыйәԓ.
\p
\v 56 Ар вешпи хŏйатәт! Турәм пӑ мўв хŏрас мŏштәты хошԓәты, мўй щирән тӑм пŏра ӑт мŏштәԓԓән?
\p
\v 57 Мўйа пӑ нын нын щирәнән ӑт ԓэрапԓәԓән, мўй уԓты верәԓ уԓ?
\p
\v 58 Хун нӑӈ пеԓайэн нўр туты хŏйатэн пиԓән сўт хŏща мӑнԓән, йушән ԓўв эԓтайәԓ хŏԓт пайтәса. Ԓўв нӑӈен сўт ху хŏща аԓт йŏхтәптәсԓы, сўт ху пӑ нӑӈен касна хот шавиты ŏта аԓт мӑсԓы, щит пӑ нӑӈен касна хота аԓт вŏщкәсԓы.
\p
\v 59 Пŏтәртԓәм нӑӈена: хӑщәм ŏх шўкен ӑт мӑтән унты, щиԓта нӑӈ ӑт этԓән".
\c 13
\s Христос кӑрэк эԓты шӑшән керԓәты вер эԓты утәԓтәԓ
\p
\v 1 Щи пŏрайән тухәԓ мŏхет Иисуса Галилея хŏйатәт эԓты пŏтәртсәт, хŏй кӑԓыԓаԓ Пилатән йирԓаԓ кӑԓы пиԓән ԓыԓәтса.
\p
\v 2 Иисус ԓывиԓаԓа щиты йастәс: "Нын нумәстанән, мўй щи Галилея мŏхет па Галилея хŏйатәт киԋща кӑрэкәӈәт усәт, мўйа щиты пӑратсайәт?
\p
\v 3 Ӑнта, нынана пŏтәртԓәм, туп кӑрэкԓән эԓты шӑшән ӑт керԓәԓты ки, ищи хŏԓыйэ пӑрԓәты.
\p
\v 4 Мўй пӑ, а мўй нумәсԓәты, щи, Силоам йухтас пӑԓ хотән эԓт ӑркәмтәм пӑ пӑратәм, нийәԓхус хŏйат, ԓыв Иерусалим па хŏйатәт эԓты мўй мет атмәт усәт?
\p
\v 5 Ӑнта, нынана йастәԓәм! Кӑрэкԓән эԓты ӑт керԓәԓты ки, ищиты хŏԓ пӑрԓәты!".
\p
\v 6 Щӑԓта щимәщ утәԓтәты пŏтәр пŏтәртәс: "И хŏйат виноград йўхәӈ тӑхайәԓән смоква нэмпи йўх омәсман тӑйәс, щӑԓта ий пўш йўхән энмәм ԓэвпәсәԓ кӑшты йŏхтәс, пӑ ӑт уйәтсәԓы.
\p
\v 7 Виноград энмәԓтты митхуйәԓа йастәс: "Хуԓмет тӑԓа йис, ты йŏхтыԓыты питмем, смоква йўхән энмәм ԓэвпәс кӑштыйа, пӑ ӑт уйәтԓәм; иԓ сэвры ԓўвеԓ: мўйа ԓўв мўв рўв таԓәԓ?"
\p
\v 8 Туп митху ԓўвеԓа йŏхԓы йастәс: "Куща! Тӑм тӑԓа па хӑйиԓыйэ, керәтман мўвәԓ шўкатԓэм пӑ ԋащамән пŏнԓэм, -
\p
\v 9 мосәӈ ԓэвпәс мӑԓ; туп ӑнтом ки, папуш иԓ сэвәрԓэн".
\s Христос хŏмта таԓәм нэ тўмтака верәԓ
\p
\v 10 И Турәм йасӈа утәԓтәты хотән\f + \fr 13:10 \fr*\ft Щит синагога.\ft*\f* Ԓўв шаббат хӑтәԓән хŏйатәт утәԓтәс.
\p
\v 11 Щита ԋийәԓхус тӑԓ муш верты кўԉ тӑйәм нэ ус: ԓўв хŏмта таԓман уса пӑ тўӈа верәсты ӑт веритәс.
\p
\v 12 Иисус ԓўвеԓ шийаԓәмаԓ кемән, вана вохсәԓы пӑ ԓўвеԓа йастәс: "Ими, нӑӈ мушен эԓты ин щи нŏх питԓән".
\p
\v 13 Пӑ йошӈиԓаԓ ԓўв эԓтэԓ пŏтсәԓы, пӑ ими ищи мŏхты тўӈа йис, пӑ Турәм вŏԓаӈа айәԓтты питсәԓы.
\p
\v 14 Щи пўԉаӈ Иисус пеԓа йэмәӈ йасӈа утәԓтәты хот куща, Иисус шаббат хӑтәԓән хŏйат йӑмәԓмаԓ урәӈән, ўшмащман мир пеԓа йастәс: "Рупәтты кеша хут хӑтәԓ уԓ; щи пŏрайән йӑмәԓтыты йŏхтыԓыйаты, ӑнта шаббат хӑтәԓән".
\p
\v 15 Турәм Куща ԓўвеԓа йŏхԓы йастәс: "Кӑт вешпи ŏт! Нын эԓтайән кашәӈ ŏт шаббат хӑтәԓән ԓўв мисәԓ, мўй пӑ оселәԓ ԓойты тӑхайәԓ хŏща мўй хŏԓт ӑт эӈхиԓыԓԓы пӑ йищәԓтәты мўй ӑт тутԓиԓԓы?
\p
\v 16 Тӑм Авраам рут эԓты уԓты эви пӑ сатанайән ԋийәԓхус тӑԓ йӑрман тӑйса, шаббат хӑтәԓән щи ԓыс эԓты хŏԓт эсәԓты мўй ӑт мосәԓ?"
\p
\v 17 Хун Ԓўв щит пŏтәртмаԓән, хŏԓыйэ, Ԓўв пиԓәԓән ӑт кашащәм мŏхет, йэԓәпсайәт; пӑ мир иса Ԓўв хŏԓ вŏԓаӈ верԓаԓ эԓты амтәтԓыйәс.
\s Горчица ԓат сэм эԓты утәԓтәты пŏтәр
\p
\v 18 Иисус пӑ йастәс: "Турәм Хон Уԓәпса мўй хŏрпи? Пӑ мўй хŏрпийа ԓўвеԓ ԓэщатԓэм?
\p
\v 19 Ԓўв горчица ԓат сэм хŏрпи, хŏйат ўсԓы пӑ ԓэвпәс энмәԓты йўхԓаԓ хŏща омәссәԓы; энмәс пӑ ун йўх хŏрпийа йис, тŏхԓәӈ войәт ԓўв нўвԓаԓ кўтән тыхәԓ верыԓысәт".
\s Ԋаԋ шўм эԓты утәԓтәты пŏтәр
\p
\v 20 Хŏԓна пӑ йастәс: "Турәм Хон Уԓәпса мўй хŏрпи?
\p
\v 21 Ԓўв имийән ўйәм ԋаԋ шўм хŏрпи, хуԓәм мŏрт арата ԓэщатәм ԓанта пŏтса пӑ рўвәтса, ԓатәԓ иса ԓыйтаԓ унты хӑйса".
\s Турәм Хон Уԓәпсайа мӑнты йуш
\p
\v 22 Щӑԓта Иисус Иерусалим пеԓа йуш тўвман, вошәт, куртәт сӑхат йӑӈхәс, хŏйатәт утәԓтыман.
\p
\v 23 И мӑтты ŏт Ԓўвеԓ ищмәсԓы: "Турәм Куща! Пӑр мŏԓты нŏх пайтәсты хŏйат шимәԓ?" Ԓўв йŏхԓы йастәс:
\p
\v 24 "Пушас ващ овийэйа ԓŏӈты ўрататы, нынана пŏтәртԓәм, ар мŏхет ԓŏӈты ўратԓәт пӑ ӑт верәтԓәт".
\p
\v 25 Хун хотәӈ ху нŏх ԓойәԓ пӑ овәԓ лӑп петԓәԓы, щи пŏрайән нын, камән ԓойман, ов сэкты питԓәты пӑ пŏтәртты: Турәм Куща! Турәм Куща! Ов мўӈева пелки пўнши"; туп Ԓўв нынана йŏхԓы йастәԓ: "Нынан ӑт уйәтԓыԓам, хŏԉща нын уԓԓәты".
\p
\v 26 Щи пŏрайән пŏтәртты питԓәты: "Мўӈ Нӑӈ пиԓэнән ԓэсув пӑ йищсув, пӑ мўӈ вош хўлыԓувән Нӑӈ утәԓтәсән".
\p
\v 27 Ԓўв пӑ йастәԓ: "Нынана пŏтәртԓәм: нынан ӑт уйәтԓыԓам, хŏԉща нын уԓԓәты; Ма эԓтэм хŏԓыйэ ԉик верты ŏтәт пўӈԓа мӑнаты".
\p
\v 28 Щита хŏԓԓәп пӑ пек шихрәпса питәԓ, хун нын Турәм Хон Уԓәпса хŏща Авраам, Исаак, Иаков пӑ хŏԓ Турәм йасәӈ туты хŏйатәт шийаԓәԓты, нынәԓән пӑ щиԓта ким воштәты щирән шийаԓәԓԓән.
\p
\v 29 Щӑԓта хӑԓэвәт пеләкән пӑ кев пеләкән уԓты мўвәт эԓты, ным пӑ нўм мўвәт эԓты хŏйатәт йŏхәтԓәт, Турәм Хон Уԓәпса хŏща поры пӑсан сурыйән ӑктәщԓәт.
\p
\v 30 Йӑ ин, тухәԓ йŏԓта уԓты хŏйатәт оԓӈа уԓты питԓәт, пӑ тухәԓ оԓӈа уԓты хŏйатәт – йŏԓта уԓты питԓәт".
\s Иисус Иерусалим эԓты хощәԓ
\p
\v 31 Щи хӑтәԓән Иисус хŏща фарисейәт эԓты тухәԓ мŏхет йŏхәтсәт пӑ Ԓўвеԓа пŏтәртсәт: "Ким эта пӑ мӑна тӑԓта, Ирод Нӑӈен пӑратты утщиԓԓы".
\p
\v 32 Щӑԓта ԓывиԓаԓа йастәс: "Мӑнаты пӑ йастаты щи ŏхсар икийа: 'Ма кўԉәт воштәԓәм пӑ хŏйатәт йӑмәԓтԓәм тӑмхӑтәԓ пӑ хӑԓэвәт, пӑ хуԓмет хӑтәԓән йэтшәԓәм';
\p
\v 33 туп тӑмхӑтәԓ, хӑԓэвәт пӑ па йиты хӑтәԓән Мӑнэм йэԓԓы шушты мосәԓ, щиты ӑт уԓԓыйәԓ, Турәм йасәӈ туты ики Иерусалим вош кимпийән ат пӑрәс.
\p
\v 34 Иерусалим! Иерусалим! Турәм йасәӈ туты икет веԓты пӑ Турәмән нӑӈ хŏщайэн китәм ŏтәт кевән щӑх сэкты вош! Мўй арат пўш Ма нӑӈ ԋаврэмԓан йӑха ӑкәтты утщисԓам, хŏты тŏхԓәӈ вой пŏшәхԓаԓ тŏхәԓԓаԓ иԓпийа ӑкәтԓәԓы, туп нын ӑт ԓӑӈхасты!
\p
\v 35 Тӑм, нын хотән нынана таԓа хӑщәԓ! Нынана пŏтәртԓәм, Мӑнэм нын щи унты ӑт шийаԓәԓԓән, хун пŏра йŏхәтәԓ, пӑ йастәԓты: 'Щит йӑмән мийәм Ŏт, Хŏй Турәм Куща нэмән йŏхәтәԓ!'"
\c 14
\s Шаббат хӑтәԓ эԓты уԓты утәԓтәпса
\p
\v 1 Имŏԓты шаббат хӑтәԓән Ԓўв фарисейәт эԓты уԓты и куща хота ԓэтыйа йŏхтәс, ԓывәт пӑ Ԓўвеԓ эԓты ватман тӑйсэԓ.
\p
\v 2 Ин щӑԓта, Ԓўв йэщаԓтәԓ йикән пўвԓәптәм муш тӑйты хŏйат этәс.
\p
\v 3 Тӑм вер эԓты Иисус Закона утәԓтәты икет пӑ фарисейәт иԋщәсәс: "Шаббат хӑтәԓән йӑмәԓты рӑхәԓ мўй ӑнта?"
\p
\v 4 Ԓыв мӑшйайән усәт. Ԓўв мушәӈ хŏйат хŏща хӑнәмтыман йӑмәԓтсәԓы пӑ эсәԓсәԓы.
\p
\v 5 Щи пўԉаӈ ԓывиԓаԓа йастәс: "Нын мӑтты ŏтԓән хŏща осёлән мўй хор мисән йик ўйԓыты ўс ԓыпийа ки иԓ рӑкәнәԓ, шаббат хӑтәԓ кепа, ищи кўрәмән мўй ԓўвеԓ нŏх ӑт таԓԓәԓән?"
\p
\v 6 Пӑ ԓыв щит пеԓа Ԓўвеԓа йŏхԓы йастәты ӑт верәтсәт.
\s Йŏрәӈ мойәӈ ху эԓты утәԓтәты пŏтәр
\p
\v 7 Иисус, вохәм мŏхет ԓӑтәӈшәк омәсты тӑхайәт пирыты щир, шийаԓәмаԓ кемән, утәԓтәты пŏтәр ԓывиԓаԓа йастәс:
\p
\v 8 "Хун нӑӈ порыйа вохԓайән, ԓӑтәӈ омәсты тӑхайа аԓ опса, щиты питты верәтәԓ, мӑтты вохәм мойәӈ хŏйат нӑӈ эԓтэн вŏԓаӈшәк питәԓ,
\p
\v 9 нӑӈен пӑ ԓўвеԓ вохәм хŏйатэн, вана шушман, нӑӈена йастәты верәтәԓ: "Тӑм омәсты лотен ԓўвеԓа мийи"; щи пŏрайән йэԓәмман мет йŏхи хӑщәм лота нӑӈен омәсты вера йиԓ.
\p
\v 10 Хун нӑӈ порыйа вохԓайән ки, йŏхәттэнән, мет йухәт омәсты тӑхайа опса, нӑӈен вохәм ŏтэн нӑӈ хŏщайэн вана шушман ат йастәԓ: "Пиԓху! Ўтԓышәк опса", щи пŏрайән омәсты хŏйатәт йэԓпийән нӑӈ ԓӑтәӈа питԓән,
\p
\v 11 кашәӈ ԓўвеԓ ԓўв ԓӑтәӈа тӑйты хŏйат ԓӑтԓыйа пӑйәтԓа, пӑ ԓўвеԓ ԓӑтԓыйа тӑйты хŏйат, ԓӑтәӈа пайәтԓа".
\p
\v 12 Ԓўвеԓ вохәм фарисей пеԓа йастәс: "Хун ԓэты пӑсан верԓән, пиԓйохԓан, йайԓан, рут йохԓан, нӑӈ ԉэпенән уԓты тащәӈ хŏйатԓан аԓ вохаԓән, ԓыв ищи нӑӈен ӑт ат вохԓэԓ пӑ ищиты нӑӈен йŏхԓы ӑт аԓт сŏхәптәсԓаԓ.
\p
\v 13 Хун ун ԓэты пӑсан вәрԓән, нўша хŏйатәт, мушмәм хŏйатәт, нŏхты хŏйатәт, сэмԓы хŏйатәт воха,
\p
\v 14 щи пŏрайән ŏйәӈа йиԓән, щит ԓыв нӑӈена йŏхԓы сŏхәптәты ӑт верәтԓәт, нӑӈена Турәм щирән уԓты хŏйатәт нŏх ԓыԓәӈԓәты хӑтәԓән сŏхәптәԓа".
\s Ун поры эԓты утәԓтәты пŏтәр
\p
\v 15 Щит хуԓмаԓ кемән, Ԓўв пиԓәԓән пӑсан сурыйән опсәм и ŏт Ԓўвеԓа йастәс: "Щит ŏйәӈ питәԓ, хŏй Турәм Хон Уԓәпса хŏща поры пӑсан сурыйән ԓэԓ-йищәԓ!"
\p
\v 16 Иисус ԓўвеԓа йастәс: "И хŏйат ун ԓэты пӑсан ԓэщатәс пӑ ар хŏйат вохәс.
\p
\v 17 Хун ԓэты пŏра йŏхтәс, митхуйәԓ вохәм мŏхиԓаԓ хŏща китсәԓы йастәтыйа: "Йўваты, мўй иса ԓэщатса!"
\p
\v 18 Пӑ иса хŏԓ и йӑха йастантәм ŏтәт иты йŏхԓы рŏвемәты питсәт. Ит йастәс: "Ма мўв хӑр ԓутсәм пӑ мӑнэм ԓўвеԓ ватты йӑхты мосәԓ; щи ԓŏват йӑм вера, ԉик аԓ тӑйа".
\p
\v 19 Киметәԓ йастәс: "Ма йаӈ хор мис ԓутсәм пӑ рупатайән ԓывиԓаԓ ватты мӑнԓәм; щи ԓŏват йӑм вера, нўрэм аԓ нуми".
\p
\v 20 Хуԓметәԓ йастәс: "Ма нэ тусәм, щишән йиты ӑт веритԓәм".
\p
\v 21 Щӑԓта митху йŏхи йŏхәтмаԓән, щит иса кущайәԓа йастәсԓы. Щиӈәԋща хотәӈ куща ԓыкащәс пӑ митхуйәԓа йастәс: "Кашәӈ вош хўлы хўват йӑӈха пӑ нўша хŏйатәт, мушмәм хŏйатәт, нŏхты пӑ сэмԓы хŏйатәт тый тўваԓән".
\p
\v 22 Щӑԓта митхуйәԓ йастәс: "Куща! Версэм, хŏты нӑӈ партсэн, хŏԓна па омәсты лот уԓ".
\p
\v 23 Щиӈәԋща куща митхуйәԓа йастәс: "Йушәт хўват мӑна пӑ пушасәт пўӈәԓән йӑӈха пӑ хŏйатәт йŏхәтты эвԓәптаԓән, хотэм хŏйатән ат тэкәтса.
\p
\v 24 Нынана йастыԓыԓәм, тўм вохәм хŏйатәт эԓты, нэмәԓты хŏйат ма ԓэтŏтэм хŏща ўӈԓәԓ ӑт хойԓыйәԓ, вохәм хŏйат ар, туп пирыйәм хŏйат шимәԓ!"
\s Иисус щит эԓты пŏтәртәԓ, Ԓўв утәԓтәты хŏйатәԓа уԓты - мўй щит
\p
\v 25 Ԓўв пиԓәԓән тэԓыйэ хŏйат шушәс; Ԓўв, йŏхԓы керԓәман, ԓывиԓаԓа йастәс:
\p
\v 26 "Хŏй Ма хŏщайэма йŏхәтәԓ ки, щӑԓта ащеԓ пӑ аԋԏеԓ, имеԓ пӑ ԋаврэмԓаԓ, йайԓаԓ пӑ ŏпиԓаԓ, пӑ апщиԓаԓ, пӑ хŏԓна ԓўв уԓәпсайәԓ нŏпсәԓ эԓты хŏԓт ӑт вŏщкәԓԓы ки, щит Ма утәԓтәты хŏйатэма уԓты ӑт верәтәԓ.
\p
\v 27 Щӑԓта хŏй ԓўв пернайәԓ ӑт туԓԓы пӑ Ма йўпемән ӑт шушәԓ, Ма утәԓтәты хŏйатэма уԓты ӑт верәтәԓ.
\p
\v 28 Хŏй нын эԓтан йухтас пӑԓ хот омәсты ўтщийәԓ ки, оԓӈа иԓ ӑт омәсәԓ пӑ тынәԓ ӑт ԓўӈәтԓәԓы мўй, йухтас пӑԓ хотәԓ ԓўв йэтшәптәты веритԓәԓы мўй ӑнтом?
\p
\v 29 Хот пӑтэԓ ўԓԓы ки пӑ йэтшәптәты щир ӑт тӑйты ки питәԓ, хŏԓыйэ ватты ŏтәт ԓўв эԓтэԓ ԋӑхты питԓәт:
\p
\v 30 "Тӑм хŏйат хот омәсты питщәс пӑ ӑт йэтшәптәсԓы".
\p
\v 31 Мўй пӑ мӑты хон ики па хон хŏща ԉаԉа мӑнтаԓ йэԓпийән иԓ ӑт омәсәԓ пӑ оԓәӈән мŏхиԓаԓ пиԓән ӑт ŏшйащәԓ, ԓўв йаӈ щŏрәс ԉаԉәсты йохԓаԓ пиԓән а мўй йурәӈ, щи, ԓўв пеԓайәԓ йиты, па хон ики хус щŏрәс ԉаԉәсты йŏх йэщаԓт ԓойты а мўй верәтәԓ?
\p
\v 32 Ӑнта ки, щит йэԓән уԓтаԓ сыс, ԓўв щитәԓ хŏща хŏйатәт китәԓ, ԉаԉԓы уԓәпса вохты урәӈән.
\p
\v 33 Щиты нын эԓтан кашәӈ хŏйат, хŏй мўйәԓ-кашӈәԓ эԓты ӑт ки верәтәԓ йирԓәты, Ма утәԓтәты хŏйатэма уԓты ӑт верәтәԓ.
\p
\v 34 Сŏԓ - щит йӑм ŏт; туп сŏԓ эпԓәԓ уштәԓԓы ки, хŏты ԓўвеԓ йӑԓпа сŏԓаӈа верты?
\p
\v 35 Ӑнта мўва, ӑнта ԋащама ӑт рӑхәԓ; ким ԓўв вŏщкәԓа. Хŏй хуԓты кеша пӑԓ тӑйәԓ, ат хуԓәԓ!"
\c 15
\s Ушәм ош эԓты утәԓтәты пŏтәр
\p
\v 1 Налог ӑкәтты йох пӑ кӑрэкәӈ хŏйатәт хŏԓыйэ Ԓўв хŏщайәԓа рӑхәԓтысәт, Ԓўвеԓ хуԓәтты урәӈән.
\p
\v 2 Фарисейәт пӑ щӑԓта Закона утәԓтәты хŏйатәт ўшмащсәт, пŏтәрԓәт: "Тӑм Хойат кӑрэкәӈ мŏхәт вана ўԓԓы пӑ ԓыв пиԓԓаԓән ԓэԓ!"
\p
\v 3 Туп Ԓўв щимәщ утәԓтәты пŏтәр ԓывиԓаԓа пŏтәртәс:
\p
\v 4 "Хŏй нын эԓтан, сот ош тӑйман ки, пӑ щиԓта итәԓ уштәԓԓы, йӑрсот йӑрәԏйаӈәԓ щӑхәрән мўй ӑт хӑйԓәԓы пӑ уштәм ошәԓ йўпийән мўй ӑт мӑнәԓ, уйәттаԓ унты?
\p
\v 5 Пӑ уйәттаԓән, ўԓԓы пӑ, амәтман, порхәԓа пŏнԓәԓы;
\p
\v 6 пӑ, йŏхи йŏхәттаԓән, пиԓйохԓаԓ пӑ ԓўв ԉэпәԓән уԓты хŏйатԓаԓ вохԓәԓы пӑ ԓывиԓаԓа йастәԓ: "Ма пиԓэмән йэша амтәтԓыйаты: ма уштәм ошем уйәтсэм".
\p
\v 7 Нынана пŏтәртԓәм, щиты турәмән кӑрэкԓаԓ эԓты шӑшән керԓәты и кӑрэкәӈ хŏйат урәӈән амәт аршәк питәԓ, хун йӑрсот йӑрәԏйаӈ тўӈа–щира уԓты хŏйатәт урәӈән, хŏйа кӑрэкԓаԓ эԓты шӑшән керԓәты ӑт мосәԓ.
\s Уштәм сорԋеӈ ŏх карты эԓты утәԓтәты пŏтәр
\p
\v 8 Мўй пӑ, ий ими йаӈ сорԋеӈ ŏх карты тӑйман, и ŏх картэԓ уштәԓԓы ки, тўт сунәԓ мўй нŏх ӑт ўщитԓәԓы, пӑ хот хӑрәԓ нŏх йовәԓты ӑт питԓәԓы, уйәтты унты йӑма кӑшты ӑт питԓәԓы?
\p
\v 9 Щӑԓта уйәттаԓән, пиԓнэԓаԓ пӑ ԓўв ԉэпәԓән уԓты нэԓаԓ вохԓәԓы пӑ йастәԓ: "Ма пиԓэмән амтәтԓыйаты: ма уштыԓыйәм сорԋеӈ ŏх картэм уйәтсэм!"
\p
\v 10 Нынана пŏтәртԓәм: щиты Турәм ангеләт, кӑрэкԓаԓ эԓты шӑшән керԓәты кӑрэкәӈ и хŏйат урәӈән, амтәтԓыԓәт".
\s Ушиԓыйәм пŏх эԓты утәԓтәты пŏтәр
\p
\v 11 Иисус йэԓԓы пŏтәртәс: "И хŏйат кӑт пŏх тӑйәс;
\p
\v 12 айшәк пŏхәԓ ащеԓ пеԓа йастәс: "Ащи! Ма йўкан хот уԓпәсэм мӑнэма мийи". Щӑԓта ащанән хот уԓпәсэԓ ԓынана ортса.
\p
\v 13 Кӑмәтса хӑтәԓ хӑщәм йўпийән, ай пŏхәԓ мŏԓтыԓаԓ иса ӑкәтмаԓ йўпийән, хўв мўва мӑнәс пӑ щита ԓўв йўканәԓ, уԉԋайа уԓман, посатсәԓԓы.
\p
\v 14 Хун ԓўв йўканәԓ хŏԓ ԓэсԓы-тӑйсәԓы, щи мўвән ун ԓэԓԓы пŏрайа йис, пӑ ԓўв нўшайа питәс;
\p
\v 15 щӑԓта мӑнәс пӑ щи мўвәӈ и ху хŏща ԓŏӈәԓтыйәс, щитән пӑ ԓўв мўв хӑрԓаԓа пурәщԓаԓ шавиты китса;
\p
\v 16 ԓўвеԓән пурәщ ԓэтŏтән сӑмәԓ вŏԓԓәтты ԓуԓән амәт ус, туп нэмәԓты хŏйатән щитән хŏԓна ӑт мийԓыса.
\p
\v 17 Нŏпсәԓ нумәԓмимаԓән, йастәс: 'Мўй арат митйох ащем хŏща мŏԓтас ԓэтәт тӑйԓәт, ма пӑ ԓэԓԓы тӑта щи хӑԓԓәм;
\p
\v 18 нŏх ԓойԓәм пӑ ащем хŏща мӑнԓәм, ԓўвеԓа йастәԓәм: Ащийэ! Ма турма пӑ нӑӈена кӑрэк версәм
\p
\v 19 пӑ нӑӈ пŏхена ԓўӈтәсты щирэм ӑнтом; мӑнэм митйохԓан кўта ўйи".
\p
\v 20 Нŏх ԓойәс пӑ ащеԓ хŏща мӑнәс. Хун ԓўв хŏԓна йэԓән йўвмаԓән, ащеԓән шийаԓәса пӑ щаԉәтса; щӑԓта, ащеԓ йэщаԓт хухәԓмәман, сапԓәԓа ӑпәԓмәс пӑ ԓўвеԓ мосәԓтәсԓы.
\p
\v 21 Пŏхәԓ пӑ ԓўвеԓа йастәс: "Ащи! Ма турма пӑ нӑӈена кӑрэк версәм пӑ нӑӈ пŏхена ԓўӈтәсты ўш щирэм ӑнтом".
\p
\v 22 Ащеԓ пӑ митйохԓаԓ пеԓа йастәс: "Мет йӑм ԓумәтты сŏх тўваты пӑ ԓумәттаԓән, пӑ йошәԓа веншәӈ ԓуйәт, кўрԓаԓа пӑ ԓумтәм мийаты;
\p
\v 23 щӑԓта, веԓмәӈ мис пŏшәх тўваты пӑ нŏх хŏраԓән; ԓэты пӑ каш верты питԓув!
\p
\v 24 Пӑ хŏты, тӑм пŏхем пӑрман ус пӑ нŏх ԓыԓәӈԓәс, ушман ус пӑ уйәтса". Щӑԓта ԓыв каш верты питсәт.
\p
\v 25 Ун пŏхәԓ пӑ мўв хӑрән ус; йŏхи йитаԓән, хун йŏхи ванамәс, арыты пӑ йакты сый хуԓмәс;
\p
\v 26 и митху вана вохман, ищмәсԓы: "Щит пӑ мўй?"
\p
\v 27 Митху пӑ ԓўвеԓа йастәс: "Апщен йŏхтәс, пӑ ащен веԓмәӈ мис пŏшәх хŏрәс, ԓўв пŏхәԓ тўмтака йоша пайәтмаԓ урәӈән".
\p
\v 28 Ԓўв ԉикащәс пӑ йŏхи ԓŏӈты ӑт ԓӑӈхас. Ащеԓ пӑ, ким этәс пӑ ԓўвеԓ йŏхи пойәкты питсәԓы.
\p
\v 29 Туп ԓўв ащеԓ пеԓа йŏхԓы йастәс: "Ма мўй арат тӑԓ нӑӈена ԋотԓәм пӑ нэмәԓты пŏрайән нӑӈ йасӈен шŏппи ӑт ўншиԓысэм, нӑӈ пӑ нэмәԓты пŏрайән мӑнэм пиԓйохԓам пиԓән каш верты урәӈән, хŏԓна ош пŏшәх ӑт мийԓысән;
\p
\v 30 хун пӑ тӑм пŏхен, нӑӈ хот уԓпәсэн уԉԋа нэӈәт пиԓән лакки йовәԓмаԓ йўпийән, йŏхтәс, нӑӈ пӑ ԓўв урӈәԓән веԓмәӈ мис пŏшәх хŏрсән".
\p
\v 31 Ащеԓ пӑ ԓўвеԓа йастәс: "Пŏхийэ! Нӑӈ иса ма пиԓэмән уԓԓән, хŏԓ ма ŏтэм нӑӈен,
\p
\v 32 мўӈев щит эԓты амтәтԓыты пӑ каш верты мосәс, апщен пӑрман ус пӑ нŏх ԓыԓәӈԓәс, тӑпиԓыйәс пӑ уйтантәс".
\c 16
\s Ӑнтом вещкат хот шавиты пӑ ԓэщатты хŏйат эԓты утәԓтәты пŏтәр
\p
\v 1 Ԓўв пӑ утәԓтәты йохԓаԓа йастәс: "И тащәӈ хŏйат хотәԓ-вещәԓ шавиты пӑ ԓэщатты хŏйат тӑйәс. Щитэн эԓты ԓўвеԓа айкеԓ туса, мӑтты ԓўв пŏрмасԓаԓ посатәԓ;
\p
\v 2 щӑԓта, ԓўвеԓ вана вохсәԓы пӑ йастәс: "Мўй ма нӑӈ эԓтэн хуԓԓәм? Йаста, хŏты хот шавиты пӑ ԓэщатты верәт версән, щиӈәԋща ма хŏщайэма рупитты ӑт питԓән".
\p
\v 3 Щишән щи хŏйат ԓўв турмәԓән нумәсыйәԓ: "Хŏты нэриты? Ма кущайэм хот шавиты пӑ ԓэщатты верэм нŏх ўԓԓы; мўв хирты йур ӑт тӑйԓәм, ԓэтŏт вохты йэԓәмԓайәм;
\p
\v 4 ԓыв хотԓаԓа ма ат ўсайәм, уйәтԓэм, мўй верты, хун хот шавиты пӑ ԓэщатты вер эԓты пўӈԓа пайәтԓайәм".
\p
\v 5 Пӑ кущайәԓ хŏща артнайәӈа уԓты хŏйатәт ԓӑтәԓ щирән вохсәԓы, пӑ оԓәӈ хŏйат ищмәсԓы: "Мўй арат артна нӑӈ кущайэм хŏща тӑйԓән?"
\p
\v 6 Щитәԓ йастәс: "Сот мера\f + \fr 16:6 \fr*\ft и мера (бат) - еврейәт щирән 37 (хŏԉмаӈ ԓапәт) литра;\ft*\f* оливка вŏй". Щӑԓта щитәԓа йастәс: "Артна нэпекен ўйи, пӑ сорашәк иԓ опса, хӑнши: ветйаӈ".
\p
\v 7 Щӑԓта кимет артнайәӈ хŏйата йастәс: "Нӑӈ пӑ мўй арат артна тӑйԓән?" Ԓўв йŏхԓы йастәс: "Сот мера\f + \fr 16:7 \fr*\ft и мера (кор) – еврейәт щирән 370 (хуԓәмсот ԓапәтйаӈ) литра;\ft*\f* нŏви ԓат сэм". Щӑԓта ԓўвеԓа йастәс: "Артна нэпекен ўйи пӑ хӑнши: ԋийәԓйаӈ".
\p
\v 8 Хотәӈ куща хот шавиты пӑ ԓэщатты ӑнта вещкат хŏйатәԓ ишәксәԓы, нŏпсәӈа вермаԓ урәӈән; тӑм йисән уԓты пŏхәт ԓыв хŏрпи ŏтԓаԓ кўтән нŏви турәм пŏхәт\f + \fr 16:8 \fr*\ft нŏви турәм пŏхәт – щит ин, тӑм пŏрайән, Турәм Хон Уԓәпсайа эвәԓты хŏйатәт, щишән ԓыв Турәм Хон Уԓәпса пеԓа уԓԓәт. Турәм Хон Уԓәпса пос – щит нŏви;\ft*\f* эԓты нŏпсәӈшәкәт.
\p
\v 9 Ма пӑ нынана пŏтәртԓәм: нын пиԓйохәт ԓэщататы нӑрәӈ тащ-вещ ŏнтасән, ԓуԓән, хун нўшайа йиԓты, ԓыв нынан и пўша уԓты тӑхайа ат ўсэԓ.
\p
\v 10 Ай верән вещкат ŏт, щит ун верән па вещкат, ай верән ӑнта вещкат ŏт, щит ун верән ищи ӑнта вещкат.
\p
\v 11 Щишән, нын нӑрәӈ тащ-вещ тӑйман вещката ӑт усты ки, хŏй нынана вещката уԓты тащ-вещ эвԓәптәԓ?
\p
\v 12 Пӑ па ŏт тащ-вещ хŏща вещката ӑт усты ки, хŏйән нынана нын кешайән уԓты ŏт мӑԓа?
\p
\v 13 Нэмәԓты митху кӑт куща пеԓа уԓты ӑт верәтәԓ: мўй пӑ итәԓ ԉикән этты питԓәԓы, киметәԓ пӑ сӑмәӈа тӑйты питԓәԓы, мўй пӑ итәԓа сӑмәӈа рупитты питәԓ, киметәԓ эԓты пӑ йŏвра ватты питәԓ. И пўԉаӈ Турәм пеԓа пӑ тащ-вещ пеԓа уԓты ӑт верәтԓәты".
\s Христос фарисейәта йэԓпи йастәты вер
\p
\v 14 Щит иса ŏх сӑмәӈа тӑйты фарисейәтән па хуԓса, пӑ ԓыв Ԓўвэԓ ԋӑха ԋӑхсэԓ.
\p
\v 15 Ԓўв ԓывиԓаԓа йастәс: "Нын хŏйатәт йэԓпийән нынан тўӈа-щира уԓты ŏтәта айәԓԓәԓән, туп Турәмән нын сӑмԓән уйәтԓайәт, хŏйатәт хŏща мўй ԓӑтәӈ, Турәм йэԓпийән щит ԋим".
\p
\v 16 Закон пŏра пӑ Турәм йасәӈ туты хŏйатәт пŏра Иоанн унты ус; ин ўш эԓты Турәм Хон Уԓәпса Йӑм айкеԓ эԓты сыйәӈа пŏтәртԓа, пӑ кашәӈ хŏйат йур вевән ԓыпийа ўратәԓ.
\p
\v 17 Туп сорашәк турәм пӑ мўв хŏԓты пеԓа ушԓәтән, Закон йасӈәт эԓты и хӑнши нўвийэ хŏԓты хун ушәԓ.
\s Христос имеӈән–икеӈән кӑтна мӑнты вер эԓты утәԓтәԓ
\p
\v 18 Щит, хŏй имеԓ пиԓән кӑтна мӑнәԓ пӑ па ими туԓ, пакрасԓәԓ, пӑ щит, хŏй икеԓ пиԓән кӑтна мӑнәм ими вана ўԓԓы, пакрасԓәԓ.
\s Тащәӈ хŏйат пӑ Лазарь эԓты утәԓтәты пŏтәр
\p
\v 19 И тащәӈ хŏйат ус, ԓўв тынәӈ питы ўрты ԓумтәма пӑ пирыйәм ухәԓ щӑшкана ԓумәтԓыйәс пӑ кашәӈ хӑтәԓ поры пӑсан верыԓыйәс.
\p
\v 20 Щӑԓта пӑ Лазарь нэмпи и куԋар хŏйат ус, ԓўв пушас овәԓ иԓпийән керәтԓыйәс, эԓәԓ ԓайӈәӈ ԋўләмән лӑп каритәм
\p
\v 21 пӑ тащәӈ ики пӑсан эԓты иԓ рыйты пўләта ԓуԓән хŏԓна амәтман ус, сӑмәԓ вŏԓәттыйа, ампәт вана йŏхтыԓысәт пӑ ԓўв карԓаԓ ԋŏԓыԓысԓаԓ.
\p
\v 22 Куԋар ху пӑрәс пӑ ԓўв ангеләтән Авраам хŏща туса. Тащәӈ ики па пӑрәс, пӑ мўва иԓ лоттәса.
\p
\v 23 Иԓта турәмән шукащман ус, ԓўв сэмԓаԓ нŏх аԓәпсәԓы пӑ йэԓән Авраам, ԓўв пўӈԓәԓән пӑ Лазарь ики шийаԓәс.
\p
\v 24 Такан ўвман йастәс: "Авраам ащи! Ма урӈемән сӑмен ат ԋŏхԓәԓ пӑ Лазарен киты, ԓўй тӑйәԓ йиӈка ат метшиԓыԓԓы пӑ ԋаԓмем ат йолхәԓԓәԓы, тӑм тўт хŏща щикем шукащԓәм!"
\p
\v 25 Авраам йастәс: "Пŏхийэ, нумәԓми, нӑӈ йӑмен уԓмен сыс мŏщатсэн; Лазарь пӑ – туп атәм тӑйәс. Ин пӑ ԓўв тӑта тŏрамтыйәԓ, нӑӈ пӑ шукащԓән;
\p
\v 26 щи тўмпийән мўӈ пӑ нын кўтәнән ун ус шики верман уԓ, тӑԓта нын хŏщайән мӑнты ԓӑӈхаты ŏтәт ӑт веритԓәт щи мӑнты, ищиты щиԓта мўӈ хŏщайэв ӑт ўншиԓыԓәт".
\p
\v 27 Щиӈәԋща тащәӈ ху йастәс: "Щи ԓŏват йӑм вера, ун ащи, ма ащем хота ԓўвеԓ киты,
\p
\v 28 ма вет ху апщи тӑйԓәм, ԓўв ԓывиԓаԓа ат йастәԓ, ԓуԓән ԓыв пӑ тӑм шукәӈ тӑхайа ӑт аԓ йŏхәтсәт".
\p
\v 29 Авраам ԓўвеԓа йастәс: "Ԓыв Моисей пӑ Турәм йасәӈ туты икет тӑйԓәт; ԓывиԓаԓ ат хуԓәтԓәт".
\p
\v 30 Ԓўв пӑ йастәс: "Ӑнта, Авраам ун ащи, туп хун пӑрәм хŏйатәт эԓты ԓыв хŏщайэԓ мӑтты ŏт йŏхәтәԓ ки, щи пŏрайән ԓыв кӑрэкԓаԓ эԓты керԓәԓәт".
\p
\v 31 Щӑԓта Авраам ԓўвеԓа йастәс: "Моисейа пӑ Турәм йасәӈ туты икета ӑт хуԓәтԓәт ки, пӑ пӑрәм хŏйатәт эԓты мӑтты ŏт нŏх ԓыԓәӈԓәс ки, хун эвәԓԓәт".
\c 17
\s Христос хўщәпсайәт эԓты утәԓтәԓ
\p
\v 1 Иисус утәԓтәты йохԓаԓа па йастәс: "Хўщәпсайәт ӑт йŏхәтты щир ӑнтом, туп щи хŏйата шук, хŏй мŏхты хўщәпсайәт йŏхәтԓәт;
\p
\v 2 ԓўвеԓа, тӑм ай ŏтәт эԓты ит нэш хўщты эԓты, йӑмшәк ус ԓуԓән, сапԓәԓа ун кев шуп ки тӑхәртса пӑ щарса вŏщкәса.
\p
\v 3 Ныныԓән ватман тӑйаԓән. Нӑӈ пеԓайэна йайән мўй апщен нўр туԓ ки, ԓўвеԓа йŏхԓы йасты; ԓўв нўрәԓ эԓты шӑшән керԓәԓ ки, щи нўрәԓ йŏрэми;
\p
\v 4 хӑтәԓ хўват ԓапәт пўш кепа нӑӈена нўр верәԓ, пӑ ԓапәт пўш хӑтәԓ хўват нӑӈ хŏщайэна йŏхәтәԓ пӑ йастәԓ: "Ма нўрэм эԓты шӑшән керԓәԓәм", - нўрәԓ эсԓы, йŏрэми".
\p
\v 5 Щӑԓта апостоләт Турәм Кущайа йастәсәт: "Мўӈ эвәԓты верэв арамты!"
\p
\v 6 Турәм Куща йастәс: "Нын горчица ԓат сэм ԓŏват эвәԓты вер тӑйсәты ки, пӑ тӑм смоква йўха йастәсты: мўв эԓты нŏх лакәптыйа пӑ щарса опсанта", ԓўв ԓуԓән нынана хуԓәнтәс.
\p
\v 7 Хŏй нын эԓтан, мўв хӑрән рупитты мўй пӑ тащ шавиты митху тӑйман, ԓўв мўв хӑр эԓты йŏхәттаԓән, ԓўвеԓа йастәԓ: "Сорашәк мӑна, пӑсан сурыйа опса"?
\p
\v 8 Аԓт пӑ ԓўвеԓа йастәԓ: "Йэтән ԓэтәт мӑнэм кавәрта пӑ, ӑнтпен нŏх йӑрман, мӑнэм ԓавәԓман, ма ԓэтэм, йищтэм эԓты ванән ԓойа, пӑ щӑԓта веԉщи нӑӈ ԓэва, йиԋща"?
\p
\v 9 Хотәӈ куща щи митхуйәԓ, ԓўв партәм щирәԓа вермаԓ урәӈән, пумащипа йасӈәтән йастәԓԓы а мўй? Щиты ӑт нумәсԓәм.
\p
\v 10 Нын ищиты, хун партыԓыйәм щирән иса верԓәты, пŏтәртаты: "Мўӈ туп митху лэӈкет, мўй верты мосәс, щит версув".
\s Христос йаӈ ԓайӈәӈ ԋўлмәӈ хŏйат сыстамтәс
\p
\v 11 Иерусалим вош пеԓа мӑнман, Иисус Самария пӑ Галилея мўвӈән кўтән шушәс.
\p
\v 12 Пӑ хун Ԓўв и кўрта йŏхәтмаԓән, йаӈ йэмәӈ ԓайӈәӈ ԋўлмәт тӑйты хŏйатәтән йэщаԓт этса. Ԓыв йэԓән иԓ ԓойсәт
\p
\v 13 пӑ сыйәӈ тўрән пŏтәртсәт: "Иисус Утәԓтәты Ху! Мўӈев щаԉиты!"
\p
\v 14 Ԓывиԓаԓ шийаԓәмаԓ кемән, Ԓўв йастәс: "Мӑнаты, Турма йир верты хŏйатәта аԉисыйаты". Хун ԓыв шушсәт, сыстама йисәт.
\p
\v 15 Ԓыв эԓтэԓ и хŏйат, тўмтака йўвәм шийаԓәмаԓ кемән, сыйәӈ тўрән Турәм вŏԓаӈа айәԓтман, йŏхԓы керԓәс,
\p
\v 16 пӑ Иисус кўр ԋŏԓаԓ шŏма, пумащипа йастыман, хŏмта иԓ керәптыйәс; щит Самария ики ус.
\p
\v 17 Иисус йŏхԓы йастәс: "Ӑнта мўй йаӈ хŏйат сыстапман усайәт? Йӑрәԏйаӈ пӑ хŏта?
\p
\v 18 Мўй щирән, тӑм па мўв хŏйат тўмпийән, ԓыв йŏхԓы ӑт керԓсәт, Турма ишәк йасәӈ йастәты урәӈән?"
\p
\v 19 Пӑ Иисус ԓўвеԓа йастәс: "Нŏх ԓойа пӑ мӑна; эвәԓты верэнән нӑӈ нŏх пайәтсайән".
\s Христос Ԓўв Кимет йŏхәтты верәԓ эԓты утәԓтәԓ
\p
\v 20 Фарисейәтән иԋщәсса, хун Турәм Хон Уԓәпса йŏхәтәԓ? Ԓўв йŏхԓы йастәс: "Турәм Хон Уԓәпса сэмән ватман ӑт йŏхәтәԓ",
\p
\v 21 пӑ ӑт йастәԓәт: "Тӑм, Ԓўв тӑта", мўй пӑ "Ԓўв тўта". Пӑ тӑм, Турәм Хон Уԓәпса нын ԓыпанән уԓ".
\p
\v 22 Утәԓтәты йохԓаԓа па йастәс: "Хӑтԓәт йŏхәтԓәт, хун нын Хŏйат Пŏх хӑтәԓԓаԓ эԓты ит ватты ԓӑӈхаԓԓән, пӑ ӑт шийаԓәԓԓән.
\p
\v 23 Пӑ нынана йастәԓа: "Тӑм, тӑта щи", мўй пӑ: "Тўм, тўта щи" - аԓ мӑнаты пӑ аԓ ԋухԓысыйаты,
\p
\v 24 пӑ хутԓыйәм пŏхәл ԋоԓ иты турәм и кимԓәԓ эԓты, кимет кимԓәԓ унты вŏрԓыйәԓ, Хŏйат Пŏх Ԓўв хӑтԓәԓән щиты питәԓ.
\p
\v 25 Туп оԓәӈән Ԓўвеԓ ар шук туты мосәԓ пӑ ин уԓты хŏйатәтән вана ӑт ўты вер уԓ.
\p
\v 26 Пӑ хŏты Ной хӑтԓәтән ус, щиты Хŏйат Пŏх хӑтԓәтән питәԓ:
\p
\v 27 хŏйатәт ԓэсәт, йищсәт, нэ тутԓысәт, ху сайа мӑныԓысәт щи хӑтәԓ унты, хун Ной ики ковчег\f + \fr 17:27 \fr*\ft ковчег - ун хоп шики\ft*\f* ԓыпийа ԓŏӈәс, пӑ ун йик йŏхтәс, пӑ хŏԓ пӑратсайәт.
\p
\v 28 И щиты, Лот нэмпи ики хӑтԓәтән ус: ԓэсәт, йищсәт, ԓутәссәт, тынассәт, мўв хӑр ԓэвпәс омассәт, хот омәссәт;
\p
\v 29 туп щи хӑтәԓән, хун Лот ики Содом вош эԓты ким этәс, турәм эԓты тўтәӈ пӑ уӈхәӈ йэрт шошмәс, пӑ хŏԓ пӑратсайәт;
\p
\v 30 пӑ щи хӑтәԓән щиты питәԓ, хун Хŏйат Пŏх сэма этәԓ,
\p
\v 31 Щи хӑтәԓән, хŏй хот ԓоӈәԓән ки уԓты питәԓ, пŏрмасԓаԓ пӑ хот ԓыпийән, щит ԓывиԓаԓ ўты иԓ аԓ ŏхԓа; хŏй пӑ мўв хӑрән ки уԓты питәԓ, ищиты йŏхԓы аԓ керԓа.
\p
\v 32 Лот ики ийими нуммәԓмийаԓән.
\p
\v 33 Хŏй уԓәпсайәԓ шавиты утщийәԓ ки, щит ԓўвеԓ пӑратԓәԓы, хŏй пӑ уԓәпсайәԓ пӑратԓәԓы, щит ԓўвеԓ ԓыԓӈатԓәԓы.
\p
\v 34 Нынана пŏтәртыԓәм: "Щи ат кӑт хŏйат и ŏԓттӑхайән: итәԓ нŏх ўԓа, киметәԓ хӑйԓа;
\p
\v 35 кӑт нэӈӈән и йӑха ԓат сэм шўкатты питԓәӈән: итәԓ нŏх ўԓа, киметәԓ хӑйԓа;
\p
\v 36 кӑтән мўв хӑрән рупитԓәӈән: итәԓ нŏх ўԓа, киметәԓ хӑйԓа".
\p
\v 37 Щи урәӈән Ԓўвеԓа йŏхԓы йастәса: "Хŏта, Турәм Куща?" Ԓўв пӑ ԓывиԓаԓа йастәс: "Хŏта хӑԓа, щита пӑ кўркәт ӑктәщԓәт".
\c 18
\s Нэ эԓты пӑ сўт ики эԓты уԓты пŏтәр
\p
\v 1 Иисус ԓывиԓаԓа щит эԓты утәԓтәты пŏтәр пŏтәртәс, мӑтты иса пойәкщәты мосәԓ пӑ равԓы-хушԓы уԓты ӑт мосәԓ,
\p
\v 2 йастәман: "И вошән сўт ики ус, ԓўв Турәм эԓты ӑт пӑԓәс пӑ хŏйатәт эԓты ӑт йэԓамтыйәс.
\p
\v 3 Щи вошән и икиԓы хӑщәм нэ ус, пӑ ԓўв, сўт ики хŏща йŏхтыԓыман, пŏтәртәс: "Мӑнэм нўр верты хŏйат эԓты эԓт питы".
\p
\v 4 Туп ԓўв хўв ӑт кашащәс. Йухәт иԓта нŏпсәԓән йастәс: "Турәм эԓты ма кўш ӑт пӑԓԓәм пӑ хŏйатәт эԓты ӑт йэԓәмԓайәм,
\p
\v 5 туп тӑм икиԓы хӑщәм имийән рома ӑт хӑйԓайәм, ԓўвеԓ эԓт питԓэм, ԓўв мӑнэма тŏрастәтыйа ԓуԓән па ӑт aт йŏхтыԓыйәс".
\p
\v 6 Турәм Куща йастәс: "Хуԓԓәԓән, ӑнтом вещкат сўт ики мўй пŏтәртәԓ?
\p
\v 7 Турәм мўй Ԓўв пирыйәм хŏйатԓаԓ, атәԓ-хӑтәԓ Ԓўвеԓ вохты ŏтԓаԓ, эԓт ӑт питԓәԓы? Пӑр мŏԓты Ԓўв ԓывиԓаԓа ԋотәп верты рŏнәԓ?
\p
\v 8 Нынана пŏтәртԓәм, ԓывиԓаԓа сорайән эԓт питты щир мӑԓ. Туп Хŏйат Пŏх йŏхәттаԓән, эвәԓты вер мўвән а мўй уйәтәԓ?"
\s Фарисей эԓты пӑ налогәт ӑкәтты хŏйат эԓты утәԓтәты пŏтәр
\p
\v 9 Тухԓәт пеԓа па, хŏй ԓыв нумәссәт ԓыв тўӈа–щира уԓты хŏйатәт, пӑ па хŏйатәт ԋэрсәт, Иисус щимәщ утәԓтәты пŏтәр пŏтәртәс:
\p
\v 10 "Кӑт хŏйатӈән Турәм хота пойәкщәты ԓŏксәӈән: итәԓ - фарисей, киметәԓ - налог ӑкәтты ики.
\p
\v 11 Фарисей, утща щира ԓойман, ԓўв турмәԓән шитаман пойәкщәс: "Йэшәк Турәм! Пумащипа Нӑӈена йастәԓәм, ма ӑнта щимәщ, ӑнта па хŏйатәт хŏрпи - ԓоԓмахәт, хорахщет, пакрасԓәты ŏтәт, мўй пӑ тӑм налог ӑкәтты ики иты:
\p
\v 12 ԓапәт кӑт пўш вўщԓыԓәм,\f + \fr 18:12 \fr*\ft вўщԓыты, щит: мŏԓты арат сыс ԓэԓԓы пӑ пойәкщәман уԓты щир;\ft*\f* кашәӈ шитты ŏтэм эԓты, йаӈмет шупәԓ мӑԓэм".
\p
\v 13 Налог ӑкәтты ики пӑ, йэԓәншәк ԓойман, сэмԓаԓ турма хŏԓна нŏх аԓәмты пӑԓәс; туп мевԓәԓ хӑтщиман, пŏтәртәс: "Йэшәк Турәм, ма, кӑрэкәӈ ху, ма пелайэм йӑмен этәԓты!"
\p
\v 14 Нынана йастәԓәм, щит, фарисейа пŏнман, Турәмән вещката пайәтман, йŏхи мӑнәс: кашәӈ ԓўвеԓ ԓўв ԓӑтәӈа тӑйты хŏйат ԓӑтԓыйа пӑйәтԓа, пӑ ԓўвеԓ ԓӑтԓыйа тӑйты хŏйат ԓӑтәӈа пайәтԓа.
\s Христос ԋаврэмәт вана ўԓ
\p
\v 15 Иисус хŏща ай ԋаврэмәт тўтԓысайәт, Ԓўв ԋаврэмәт хŏща ԓуԓән ат хӑнәмтыйәс; утәԓтәты йохԓаԓ щит шийаԓәмеԓ кемән, ԓывиԓаԓ ӑт эсәԓты питсәԓаԓ.
\p
\v 16 Туп Иисус, ԋаврэмәт вана вохман, йастәс: "Ԋаврэмәт Ма хŏщайэм йŏхтыԓыты эсԓаԓән, ԓывиԓаԓ аԓ йэртԓыйаԓән, щимәщ ŏтәт урәӈән Турәм Хон Уԓәпса уԓ.
\p
\v 17 Йӑна нынана йастәԓәм: Турәм Хон Уԓәпсайа щит ӑт ԓŏӈәԓ, хŏй ԋаврэм иты, вана ԓўвеԓ ӑт ўԓԓы".
\s Тащәӈ куща
\p
\v 18 Щӑԓта и мӑтты кущайа уԓты ŏтән Ԓўв ищмәса: "Сӑмәӈ Утәԓтәты Ху! Мўй мӑнэм верты мосәԓ, ԓуԓән и пўша уԓты уԓәпса ат мŏщатсәм?"
\p
\v 19 Иисус ԓўвеԓа йастәс: "Мўйа нӑӈ Мӑнэм сӑмәӈа айәԓԓэн? Нэмәԓты ŏт ӑнта сӑмәӈ, туп Турәм утща;
\p
\v 20 Турәм партәпса йасӈәт уйәтԓәԓан: "Па хŏйат ими пиԓән, па хŏйат ики пиԓән аԓ пакрасԓа", "Хŏйат аԓ пӑрата", "Аԓ ԓоԓма", "Аԓ ԋаԓмийа", "Аԋԏен-ащен нумман тӑйи".
\p
\v 21 Ԓўв пӑ йастәс: "Тӑм иса ма ай эԓты шависэм".
\p
\v 22 Щит хуԓмаԓ кемән, Иисус ԓўвеԓа йастәс: "Нӑӈена па ит ӑт тӑрмәԓ: иса мўй тӑйԓән, тыныйаԓән пӑ нўша хŏйатәта ортаԓән, пӑ турәмән тащ, сорԋэт тӑйты питԓән, щӑԓта йŏхта пӑ Ма йўпемән шуша".
\p
\v 23 Ԓўв пӑ, щит хуԓмаԓ кемән, рўтаԉа йис, шек тащәӈ ус.
\p
\v 24 Иисус, ԓўв рутаԉа йўвмаԓ, шийаԓәмаԓ кемән, йастәс: "Мўй хŏрпи ԓавәрт тащәӈ хŏйата Турәм Хон Уԓәпсайа ԓŏӈты!
\p
\v 25 Верблюд нэмпи войа йинтуп пўв мŏхты мӑнты хŏԓна туԓшәк, тащәӈ хŏйата Турәм Хон Уԓәпсайа ԓŏӈты эԓты".
\p
\v 26 Щит хуԓәм мŏхет йастәсәт: "Хŏй пӑ нŏх пайтәсты верәтәԓ?"
\p
\v 27 Туп Ԓўв йастәс: "Хŏйатәтән ӑт верәтты щир, Турәмән верәтԓа".
\s Христос Турма посатты ŏт мойԓәԓԓы
\p
\v 28 Петра пӑ йастәс: "Тӑм, мўӈ мўй тӑйсув, иса хŏԓ хӑйсәԓув пӑ Нӑӈ йўпенән мӑтсув".
\p
\v 29 Ԓўв ԓывиԓаԓа йастәс: "Йӑна нынана пŏтәртԓәм: нэмәԓты хŏйат ӑнтом, хŏй хотәԓ, мўй ащеԓ-аԋԏеԓ, мўй пӑ йайԓаԓ-опиԓаԓ-апщиԓаԓ, имеԓ мўй пӑ ԋаврэмԓаԓ Турәм Хон Уԓәпса урәӈән ԓуԓән хӑйсәԓы,
\p
\v 30 пӑ тӑм пŏрайән мет хŏԓна аршәк ԓуԓән мŏщатәԓ, йиты пŏрайән пӑ - и пўша уԓты уԓәпса".
\s Христос хуԓмет пўш Ԓўв сŏрмәԓ пӑ нŏх ԓыԓәӈԓәты верәԓ эԓты йэԓпи йастәԓԓы
\p
\v 31 Кӑтхŏщйаӈ утәԓтәты йохԓаԓ пўӈԓа вохман, ԓывиԓаԓа йастәс: "Тӑм мўй, мўӈ Иерусалим воша мӑнԓув, пӑ щиты иса тыйәԓ, хŏты Турәм йасәӈ туты хŏйатәт сӑхат Хŏй ат Пŏх эԓты хӑшса,
\p
\v 32 Ԓўв Турәм ӑт уйәтты па рут мира мӑԓа, пӑ Ԓўв щӑԓта кӑмән щирән ԋэрԓа, шукатԓа пӑ пŏлщәӈән ԉакԓа,
\p
\v 33 пӑ хомщийән сэкты питԓа, пӑ Ԓўв пӑратԓа: хуԓмет хӑтәԓән пӑ нŏх ԓыԓәӈԓәԓ".
\p
\v 34 Туп утәԓтәты йохԓаԓ щит эԓты нэмәԓты ŏша ӑт пайәтсәт; щи йасӈәт ԓывиԓаԓа хӑԋа щир тӑйсәт, пӑ йастәм ŏт ԓыв ŏша ӑт пайәтсэԓ.
\s Христос Вартимей тўмтака верәԓ
\p
\v 35 Хун Ԓўв Иерихон воша ванамәс, и сэмԓы ики йуш пўӈәԓән, меԓащ\f + \fr 18:35 \fr*\ft меԓащ 'милостыня'\ft*\f* вохман, опсәс,
\p
\v 36 щӑԓта, ԓўв пўӈԓәԓ эԓты хŏйатәт шушты хуԓмаԓ кемән, ԓўв ищмәсԓы: "Мўй щит?"
\p
\v 37 Ԓўвеԓа йастәса, щит Иисус Назарет эԓты йиԓ.
\p
\v 38 Щи йўпийән ԓўв такан ўваԓтәс: "Иисус, Давид Пŏх! Мӑнэм щаԉиты!"
\p
\v 39 Оԓӈа мӑнты хŏйатәт ԓўвеԓ мӑшйайа уԓты партԓэԓ; туп ԓўв па таканшәк ўваԓтәс: "Давид Пŏх! Мӑнэм щаԉиты!"
\p
\v 40 Иисус иԓ ԓойәс пӑ щит Ԓўв хŏщайәԓ вана туты партсәԓы: пӑ хун щит Ԓўв хŏщайәԓ вана йŏхтәс, ԓўвеԓ ищмәсԓы :
\p
\v 41 "Мўй нӑӈ Ма эԓтэм ԓӑӈхаԓән? Сэмԓы ики йастәс: "Турәм Куща! Ԓуԓән сэмәӈа ат йисәм".
\p
\v 42 Иисус ԓўвеԓа йастәс: "Сэмәӈа ат йиԓән! Нӑӈ эвәԓты верэнән нӑӈ йӑмәԓтсайән".
\p
\v 43 Щӑԓта ԓўв ищи мŏхты сэмәӈа йис пӑ Ԓўв йўпеԓән мӑнәс, Турәм вŏԓаӈа айәԓтман; пӑ мир хŏԓ щит ватман, Турма ишәк йасӈәт йастәты питсәт.
\c 19
\s Закхей нŏх пайтәсты щир мŏщатәԓ
\p
\v 1 Щи йўпийән Иисус Иерихон воша йŏхтәс пӑ вош хўват шушәс.
\p
\v 2 Щита, Закхей нэмпи ий ики, ԓўв налог ӑкәтты хŏйатәт ŏх ху пӑ хŏԓна тащәӈ ху ус.
\p
\v 3 Иисус – Щит хŏй Ԓўв, ватты кӑшсәԓы, туп мир сайән шийаԓәты ӑт веритсәԓы, пӑԓатәԓ ԓэԓ ус, щишән,
\p
\v 4 пӑ, оԓӈашәк хухәԓмәман, смоква йўха нŏх хуӈхәс, Иисус кащаԓәты урәӈән, Ԓўвеԓ щи пўӈәԓта мӑнты мосәс.
\p
\v 5 Хун Иисус щи тӑхайа йŏхтәс, нŏхԓы аӈкәрмәмаԓ кемән, ԓўвеԓ шийаԓәсԓы пӑ йастәс: "Закхей! Сорашәк иԓ ŏхԓа, тӑм хӑтәԓән Мӑнэм нӑӈ хотэнән уԓты мосәԓ".
\p
\v 6 Щитәԓән ԓўв тэрматыман иԓ ŏхԓәс пӑ амәтман Ԓўвеԓ хотәԓа тусԓы.
\p
\v 7 Пӑ хŏԓыйэ, щит ватман, ўшмащты питсәт: "Ԓўв кӑрэкәӈ хŏйат хŏща мойԓәты ԓŏӈәс!"
\p
\v 8 Закхей пӑ, ԓойман, Турәм Кущайа йастәс: "Турәм Куща! Тӑйты хот тэԓэм и шупәԓ нўша хŏйатәта мӑԓэм, пӑ хŏй эԓты мŏԓтас усәм ки, щита ԋӑԓ пўш аратән йŏхԓы мӑԓэм".
\p
\v 9 Иисус ԓўвеԓа йастәс: "Тӑм хӑтәԓ тӑм хота нŏх пайтәсты щир йŏхтәс, ԓўв па Авраам пŏх, щишән.
\p
\v 10 Хŏйат Пŏх кӑншатты йŏхтәс пӑ ушәм ŏтәт нŏх пайәтты".
\s Христос йаӈ ŏх эԓты утәԓтәты пŏтәр пŏтәртәԓ
\p
\v 11 Хун ԓыв щит хуԓәтсәт, и утәԓтәты пŏтәр па пŏтәртәс: Ԓўв Иерусалим вош ԉэпән ус пӑ ԓыв нумассәт, йэшавуԓ Турәм Хон Уԓәпса щи йŏхәтәԓ.
\p
\v 12 Иисус щиты йастәс: "Йӑм рут эԓты уԓты и хŏйат хўв мўва мӑнәс, ԓуԓән щита хон кущайа павтәсты урәӈән, пӑ щӑԓта йŏхԓы йŏхәтты;
\p
\v 13 йаӈ митйохԓаԓ вана вохман, йаӈ сорԋеӈ ŏхән\f + \fr 19:13 \fr*\ft сорԋеӈ ŏх – еврей хŏйатәт щирән щит мина, хуԓәм тыԓәщ рупитәм арат ŏх;\ft*\f* ԓывиԓаԓ мӑсԓы пӑ йастәс: "Тӑм ŏхԓән ма йŏхәттэм унты вер пеԓа мийаԓән".
\p
\v 14 Щи мўвәӈ хŏйатԓаԓән ԓўв шек ԉикән этса пӑ ԓўв йўпеԓ хўват хŏйатәт китсайәт, йастәтыйа: "Мўӈ нўмпева щи хŏйат хŏна уԓты, мўӈ ӑт ԓӑӈхаԓув!"
\p
\v 15 Хун, хон кущайа питмаԓ йўпийән, йŏхԓы йŏхтәс, щи митйохԓаԓ, хŏйа сорԋэӈ ŏх мийлыйәс, ԓўв хŏщайәԓ вохты партсәԓы, щи ŏхԓаԓән хŏй мўй шитәс, щит уйәтты урәӈән.
\p
\v 16 Оԓәӈ митхуйәԓ йŏхтәс пӑ йастәс: "Куща, нӑӈ и cорԋеӈ ŏхен йаӈ сорԋеӈ ŏх тус".
\p
\v 17 Ԓўвеԓа пӑ йастәс: "Йӑм щи, вещкат митху! Ай вер хŏща вещката уԓмен урәӈән, кущайа уԓты, йаӈ вош ўйа!"
\p
\v 18 Кимет митхуйәԓ йŏхтәс пӑ йастәс: "Куща, нӑӈ и сорԋеӈ ŏхен вет сорԋеӈ ŏх тус".
\p
\v 19 Щитәԓа па йастәс: "Нӑӈ па вет вош хŏща кущайа уԓа".
\p
\v 20 Хуԓмет митхуйәԓ йŏхтәс пӑ йастәс: "Куща, тӑм мўй нӑӈ мера сорԋеӈ ŏхен, ма ԓўвеԓ, ŏхшама йŏвәртман, шависэм,
\p
\v 21 ма нӑӈ эԓтэн пӑԓсәм, нӑӈ тарәм хŏйат: мўй ӑт пŏныԓысән, щит ўԓән, пӑ мўй мўва ӑт опсыԓысән, щит ӑкәтԓән".
\p
\v 22 Куща ԓўвеԓа йастәс: "Вевтам митху, нӑӈ ўӈԓэнән нӑӈен сўтәтты питԓэм! Нӑӈ уйәтсэн, мўй хŏрпи ма тарәм хŏйат, мўй ӑт пŏныԓысәм, щит ўԓәм, мўй мўва ӑт опсыԓысәм, щит ӑкәтԓәм?
\p
\v 23 Мўй урәӈән пӑ нӑӈ ма сорԋэӈ ŏхем вер пеԓа ӑт мӑсэн, ма, йŏхәттэмән ԓуԓән, йŏхԓы мŏԓтаса ўсэм!"
\p
\v 24 Ванән ԓойты йохԓаԓ пеԓа йастәс: "Щел ŏх ԓўв эԓтэԓ ўйаԓән пӑ йаӈ сорԋеӈ ŏх тӑйты митхуйа мийаԓән".
\p
\v 25 Ԓўвеԓа мŏхет йастәсәт: "Куща, тўмен йаӈ сорԋеӈ ŏх щи тӑйәԓ".
\p
\v 26 "Нынана пŏтәртԓәм, кашәӈ тӑйтаӈ хŏйата мӑты питԓа, ӑт тӑйты ŏт эԓты, мўй тӑйәԓ, щитәԓ нŏх ўԓа;
\p
\v 27 Щи мӑнэм веԓты ŏтԓам пӑ, хŏй, мӑнэма хона уԓтыйа ӑт ԓӑӈхас, тый тўваԓән пӑ, ма ватман, щӑх сэӈкаԓән".
\s Иисус Иерусалим воша ԓŏӈәԓ
\p
\v 28 Щит йастәмаԓ йўпийән, Иисус йэԓԓы Иерусалим воша нŏх мӑнәс.
\p
\v 29 Хун Ԓўв Виффагия пӑ Вифания кўртӈән ԉэпа, Элеон нэмпи кев пай ԉэпа ванамәс, кӑт утәԓтәты хуйӈәԓаԓ тŏхи китсәԓы,
\p
\v 30 йастәман: "Нын йэԓпанән уԓты кўрта мӑнатән; щи йŏхәттанән, иԓ йӑрәм айкам осёл уйәтԓәтән, ԓўв шӑншәԓа нэмәԓты пŏрайән нэмәԓты хŏйат ӑт опсыԓыйәс; хŏԓт эӈхаԓән пӑ тый ватәԓтаԓән;
\p
\v 31 мӑтты хŏйатән ищмиԓайтән ки: "Мўйа нŏх эхԓәԓән?", ԓўвеԓа щиты йастатән: "Ԓўв Турәм Кущайа мосәԓ".
\p
\v 32 Китәм кӑтӈән мӑтсәӈән пӑ хŏты Ԓўв ԓынана йастәс, щиты уйәтсәԓән.
\p
\v 33 Хун пӑ ԓын айкам осёл хŏԓт эӈхәссәԓән, войәӈ хŏйатԓаԓән ԓын иԋщәссайӈән: "Мўйа осёл пŏшәх нŏх эхсәԓән?"
\p
\v 34 Ԓын йŏхԓы йастәсӈән: "Ԓўв Турәм Кущайа мосәԓ".
\p
\v 35 Щӑԓта ԓўвеԓ Иисус хŏща тусԓән, пӑ, ԓумәтты сŏхԓаԓ вой шӑнша пŏнман, Иисус нŏх ԓэԓтсэԓ.
\p
\v 36 Щӑԓта, хун Ԓўв вой шӑшән мӑнмаԓән, хŏйатәт ԓумтәмԓаԓ йуша ԓэрәпсәԓаԓ.
\p
\v 37 Хун Ԓўв Элеон кев пай эԓты иԓ ŏхәԓты тӑхайа ванамәс, хŏԓ аратәԓ утәԓтәты йохԓаԓ, ԓыв вантәм ар йӑм йурәӈ верԓаԓ урәӈән, амәтман, сыйәӈ тўрән Турәм ишәкты питсэԓ,
\p
\v 38 пŏтәртман: "Йӑмән мийәм Хон, Турәм Куща нэм урәӈән йиты Ŏт! Турәмән пайԓы уԓәпса, пӑ нумән ишәк йасәӈ!"
\p
\v 39 Тухәԓ фарисейәт мир кўт эԓты Ԓўвеԓа йастәсәт: "Утәԓтәты ху! Утәԓтәты йохԓан аԓ эсԓаԓән пŏтәртты!"
\p
\v 40 Туп Ԓўв ԓывиԓаԓа йŏхԓы йастәс: "Нынана пŏтәртԓәм, ԓыв ки нŏх вŏԓыԓәт, кев шупәт ўвты питԓәт".
\p
\v 41 Щӑԓта, хун Иисус Иерусалим ԉэпа ванамәс, вош пеԓа ватман, ԓўв урӈәԓән хоԓԓәты питәс
\p
\v 42 пӑ йастәс: "Йэшәк, тӑм нӑӈ хӑтԓэнән ԓуԓән нӑӈ мŏштәсэн ки, нӑӈ пайԓы уԓәпсайэн шавиты мўй верәтәԓ! Туп щит ин нӑӈ сэмӈиԓан эԓты хӑԋатман уԓԓа,
\p
\v 43 хӑтԓәт йŏхәтԓәт, хун нўрмәԓтты ŏтԓанән нӑӈ, керәтман ԉаԉәсты урәӈән, мўв пайәтән хирԓайән пӑ лӑп ԓӑрәтԓайән, пӑ ар тӑха эԓты йэрмата тӑӈәртԓайән,
\p
\v 44 нӑӈ пӑтэн унты шўкатԓайән, ԋаврэмԓан па нӑӈ ԓыпенән пӑратԓайәт, пӑ нӑӈ ԓыпенән омәсты и хот ӑт хӑщәԓ, мўйа нӑӈ хŏщайэн Турәм йŏхтыԓыйәм пŏра ӑт мŏштәсэн, щи урәӈән!"
\s Турәм Хот сыстапты вер
\p
\v 45 Турәм хот ԓыпийа ԓŏӈмаԓ кемән, тынасты пӑ ԓутәсты хŏйатәт ким воштәты питсәԓы,
\p
\v 46 ԓывиԓаԓа пŏтәртман: "Хӑшман уԓԓа: "Ма Хотэм – пойәкщәты хот, нын пӑ ԓўвеԓ хорахщет хота версәԓән!"
\p
\v 47 Пӑ кашәӈ хӑтәԓ Ԓўв Турәм Хотән хŏйатәт утәԓтәс. Турма йир верты хŏйатәт ŏх икет пӑ Закона утәԓтәты хŏйатәт пӑ мир хŏща уна уԓты икет Ԓўвеԓ пӑратты урәӈән, пŏра кӑшсәт,
\p
\v 48 пӑ ӑт уйәтсәт, а хŏты Ԓўвеԓ верты; мир, Ԓўвеԓ керәтман, лӑп ԓойман, хуԓәнтәс.
\c 20
\s Ŏха уԓты ун икет Иисус йур ӑт мŏштәԓәт
\p
\v 1 Щи хӑтԓәтән и пўш, хун Ԓўв хŏйатәт Турәм Хотән утәԓтәс пӑ Йӑм айкеԓ эԓты сыйәӈа пŏтәртәс, Турма йир верты хŏйатәт ŏх икет пӑ Закона утәԓтәты икет, уна уԓты икет пиԓән Ԓўв хŏщайәԓа вана хӑтсәт
\p
\v 2 пӑ Ԓўвеԓа йастәсәт: "Йаста мўӈева, хŏй партатты щирән Нӑӈ тӑм вер верԓән, ӑнты ки пӑ хŏйән Нӑӈ щи йурән мӑсайән?"
\p
\v 3 Ԓўв ԓывиԓаԓа йŏхԓы йастәс: "Ма па нын эԓтан и вер эԓты ищмәԓәм, Мӑнэма йастаты:
\p
\v 4 Иоанн йиӈка ԓŏӈәԓтыйәпса турәм эԓты ус мўй пӑ хŏйатәт эԓты?"
\p
\v 5 Ԓыв пӑ ԓыв кўтԓаԓән ŏшйащман, пŏтәртсәт: "Йастәԓув ки: 'Турәм эԓты', Ԓўв пӑ йастәԓ: 'Мўйа пӑ ԓўвеԓа ӑт эвәԓсәты?'
\p
\v 6 Йастәԓув ки: 'Хŏйатәт эԓты', хŏйатәтән кевән щӑх сэкԓайув, ԓыв эвәԓԓәт, Иоанн щит Турәм йасәӈ туты хŏйат".
\p
\v 7 Щиты йŏхԓы йастәсәт: "Ӑт уйәтԓэв хŏԓща ус".
\p
\v 8 Иисус йŏхԓы йастәс: "Ма па нынана ӑт йастәԓәм, хŏй партатты щирән щит верԓәм".
\s Виноград энмәԓтты тӑхайәӈ ху эԓты утәԓтәты пŏтәр
\p
\v 9 Щӑԓта Иисус мир пеԓа тӑмәщ утәԓтәты пŏтәр пŏтәртты питәс: "И хŏйат мўв хӑрән виноград йўхәт опсәс пӑ артнайа виноград ԓэвпәс энмәԓтты хŏйатәта мӑсԓы, щӑԓта йӑм хўв кеша хŏԓт мӑнәс.
\p
\v 10 Хун пŏра йŏхтәс, ԓўв митхуйәԓ виноград энмәԓтәм хŏйатәт хŏща китсәԓы, ԓуԓән ԓыв митхуйәԓа виноград йўхәӈ тӑхайәԓ эԓты ԓэвпәс ат мӑсәт; туп виноград энмәԓтты хŏйатәт митху сэксэԓ пӑ таԓты йŏхи китсэԓ.
\p
\v 11 Щӑԓта па митху китәс; туп щи митху па, сэкман, ԋэрман, йŏхԓы таԓты китсэԓ.
\p
\v 12 Хŏԓна па хуԓметәԓ китсәԓы; туп ԓыв щит па, мушмәԓтман, воштәсэԓ.
\p
\v 13 Щиӈәԋща виноград йўхәӈ тӑха куща йастәс: "А мўй мӑнэм верты?" Сӑма мосты ма пŏхем китԓэм; мосәӈ пӑ ԓўвеԓ шийаԓәтэԓ кемән, йэԓәмԓайәт".
\p
\v 14 Туп виноград энмәԓтты хŏйатәт ԓўвеԓ шийаԓәмеԓ кемән, ԓыв кўтэԓән ŏшйащԓәт, пŏтәртԓәт: "Тӑми ащеԓ ŏх вŏԓ; мӑнԓув, веԓԓэв ԓўвеԓ, пӑ ащеԓән хӑйты тащәԓ-вещәԓ мўӈева питәԓ".
\p
\v 15 Щӑԓта, виноград йўхәӈ тӑха эԓты ԓўвеԓ ким тўвман, пӑратсэԓ. Хŏты пӑ ԓывиԓаԓ виноград йўхәӈ тӑха куща верԓәԓы?
\p
\v 16 Ԓўв йŏхәтәԓ пӑ пӑратԓәԓы щи йохԓаԓ, виноград йўхәӈ тӑхайәԓ пӑ па хŏйатәта мӑԓԓы". Щит хуԓәм мŏхет пӑ йастәсәт: "Ӑт ат питәԓ!"
\p
\v 17 Туп Иисус, ԓыв пеԓайэԓ ӑӈкәртман, йастәс: "Тӑм хӑншәм йасәӈ мўй щит: "Кев хот омәсты хŏйатәтән мŏԓтсатәм кев шуп, щит щуӈ хŏща мет мосты кева йис"?
\p
\v 18 Кашәӈ ŏт, хŏй щи кев эԓты рӑкәнәԓ, ай наприйэ шўкаԓәԓ, хŏй эԓты щи кев рӑкәнәԓ, щит пŏԉха йиԓ".
\s Кесарь ŏтәт кесарьа мийаԓән, Турәм ŏтәт па Турма мийаԓән
\p
\v 19 Щи пўԉаӈ Турма йир верты хŏйатәт ŏх икет пӑ Закона утәԓтәты икет Ԓўвеԓ кӑтәԓтты ўтщисэԓ, туп хŏйатәт эԓты пӑԓԓысәт, ԓыв ŏша пайәтсэԓ, щи утәԓтәты пŏтәр ԓыв эԓтэԓ пŏтәртәс.
\p
\v 20 Щӑԓта ԓыв, Иисус эԓт ватман тӑйман, ŏщмарәӈ хŏйатәтән китса, йӑм хŏрпийа ԓэщатыман, мӑтты йасәӈ хŏща ԓуԓән Ԓўвеԓ ат мŏщатсэԓ, рим йохәтән пŏнәм сўт верты кущайа мӑты урәӈән.
\p
\v 21 Щӑԓта ԓыв Иисус иԋщәссэԓ: "Утәԓтәты Ху! Мўӈ уйәтԓэв, Нӑӈ вещката пŏтәртԓән пӑ утәԓтәԓән, хŏйат веш пеԓа ӑт ватԓән, туп йӑна Турәм йуш хўват мӑнты щира утәԓтәԓән;
\p
\v 22 мўӈева кесарьа налог мӑты рӑхәԓ мўй ӑнта?"
\p
\v 23 Ԓўв пӑ, ԓыв ŏщмарэԓ мŏштәман, ԓывиԓаԓа йастәс: "Мўйа Мӑнэм хўщԓәԓән?
\p
\v 24 Мӑнэм динарий ŏх этәԓтаты: хŏй хŏр пӑ нэм щита?" Ԓыв йастәсәт: "Кесарь ŏтәт".
\p
\v 25 Иисус ԓывиԓаԓа йастәс: "Кесарь ŏтәт кесарьа мийаԓән, Турәм ŏтәт па Турма мийаԓән".
\p
\v 26 Ԓыв мир йэԓпийән Ԓўвеԓ йŏвра йасәӈ урәӈән мŏщатты ӑт верәтсэԓ, пӑ, Ԓўв йŏхԓы йастәм йасәӈԓаԓ эԓты пакнысыман, шитама йисәт.
\s Саддукейәт нŏх ԓыԓәӈԓәты вера ӑт эвәԓԓәт
\p
\v 27 Щиӈәԋща кӑмәтса Саддукей йŏхтәс, нŏх ԓыԓәӈԓәты вер хŏԓт хуләтты ŏтәт эԓты, пӑ Ԓўвеԓ иԋщәссәԓ:
\p
\v 28 "Утәԓтәты Ху! Моисей мўӈева тӑмәщ йасәӈ хӑншәс: мӑтты, хŏй ими тӑйәм йайәԓ пӑрәԓ ки, пӑ пӑртаԓән ԋаврем ӑт тӑйәԓ, апщеԓа ԓўв имеԓ ўты мосәԓ пӑ йайәԓ ŏх вŏԓ йэԓԓы туты мосәԓ.
\p
\v 29 Ԓапәт йай усәт, оԓәӈ йай, ими тўвман, ԋаврэмԓы пӑрәс;
\p
\v 30 щи нэ оԓәӈ апщеԓән ўса, щӑԓта щитэн ԋаврэмԓы пӑрәс;
\p
\v 31 кимет апщеԓән ўса, и щиты хŏԓ ԓапәт ху, пӑ, ԋаврэм ӑт хӑйман, пӑрсәт;
\p
\v 32 мŏхиԓаԓ йўпийән щи нэ па пӑрәс;
\p
\v 33 йа щӑԓта, нŏх ԓыԓәӈԓәтыйән мӑты ŏтәԓ имийа ԓўв питәԓ, ԓапәт йай хŏԓ ԓўвеԓ нэӈа ўйԓысэԓ?"
\p
\v 34 Иисус ԓывиԓаԓа йŏхԓы йастәс: "Тӑм йис хŏйатәт ими туԓәт па ху сайа мӑнԓәт;
\p
\v 35 Щитәт пӑ, хŏй йиты турәмән уԓты щира пайәтса пӑ пӑрәм эԓты нŏх ԓыԓӈатԓа, нэ туты ӑт питԓәт, ху сайа мӑнты ӑт питԓәт,
\p
\v 36 пӑрты пӑ ӑт верәтԓәт, ԓыв ангеләт хŏрпийа йиԓәт пӑ ԓыв Турәм ԋаврэмәт, Турәмән ԓыв нŏх ԓыԓӈатсайәт.
\p
\v 37 Щи пӑрәм ŏтәт нŏх ԓыԓәӈԓәты вер, Моисейән хŏԓна пеԓантыты варәс пŏхәлән тыйиԓыйәм пищ пŏрайән этәԓтәса, хун Турәм Куща Авраам Турма, Исаак Турма пӑ Иаков Турма нэмәтса.
\p
\v 38 Турәм хŏты ӑнта пӑрәм ŏтәт Турәм, ԓыԓәӈ ŏтәт Турәм, Ԓўвеԓән хŏԓыйэ ԓыԓӈәт".
\s Христос нэпекәӈ мŏхет иԋщәсәԓ
\p
\v 39 Щи йастәм ŏтәԓ пеԓа тухәԓ Закона утәԓтәты икет йастәсәт: "Утәԓтәты Ху! Нӑӈ йӑма йастәсән".
\p
\v 40 Па мŏԓты оԓәӈ эԓты Ԓўвеԓ иԋщәсты ԓыв ӑт пӑ верәтсәт.
\p
\v 41 Ԓўв пӑ ԓывиԓаԓ эԓты иԋщәсәс: "Хŏты йастәԓәт, Христос щит Давид Пŏх?
\p
\v 42 Давид пӑ Псалмәт\f + \fr 20:42 \fr*\ft Псалмәт - Библияйән уԓты Йэмәӈ араӈ нэпек; \ft*\f* нэмпи нэпекән пŏтәртәԓ: "Турәм Куща ма Турәм Кущайэма йастәс: Ма пўӈԓэма йӑм пеләк сӑхат опса,
\p
\v 43 щи унты, хун Ма Нӑӈена нўр верты ŏтԓан кўрԓан иԓпийа иԓ ат пŏнԓәԓам".
\p
\v 44 Йӑ ин, Давид Ԓўвеԓ Турәм Кущайа айәԓԓәԓы; Хŏты сӑхат Христос ԓўвеԓа Пŏха уԓты верәтәԓ?"
\p
\v 45 Щи пŏрайән, хун мир аратәԓән Ԓўвеԓ хуԓәтмаԓән, Ԓўв утәԓтәты йохԓаԓа йастәс:
\p
\v 46 "Закона утәԓтәты йох эԓты хурыйаты, ԓыв хўв сŏхән йӑхты сӑмәӈәт пӑ хŏйатәт ӑктәщиты тӑхайәтән ԓывиԓаԓ мосәԓ иса ўщайән верты, щит пеԓа ԓыв сӑмәӈәт, Турәм йасӈа утәԓтәты хотәтән пӑ поры пӑсан сурыйән ԓыв мет ԓӑтәӈ тӑхайән омәсты сӑмәӈәт,
\p
\v 47 Ԓыв икиԓы хӑщәм имет хот тэԓ вŏԋщала пайәтԓәт пӑ хŏйата вантәԓтәман хўв пойәкщәԓәт; ԓыв мет тарәм сўт ватԓәт!"
\c 21
\s Христос икиԓы хӑщәм ими ŏх картэӈән щирән утәԓтәԓ
\p
\v 1 Иисус, ӑӈкәрмәмаԓән, тащәӈ хŏйатәт мойԓәпсайәт тащ ӑкәтты ԓараща пŏнты вер шийаԓәс;
\p
\v 2 хŏԓна Ԓўв и нўша, икиԓы хӑщәм, ими шийаԓәс, щи ими тŏхи кӑт ԉэпта нэмпи мет ай ŏх картэӈән пŏнәс.
\p
\v 3 Иисус йастәс: "Йӑна нынана пŏтәртԓәм, тӑм нўша ими па хŏйатәт эԓты аршәк пŏнәс.
\p
\v 4 Ԓыв хŏԓ мŏԓтасԓаԓ эԓты Турма мойԓәпса пŏтсәт, ԓўв па нўшайәԓ эԓты, мўй арат тӑйәс, хŏԓ пŏтсәԓы".
\s Утәԓтәты йох кӑт пўш иԋщәсты вер
\p
\v 5 Щӑԓта, хун тухԓәт Турәм Хот хŏрамәӈ тынәӈ кев пŏталэтән пӑ мойԓәпсайәтән хŏрамтәм эԓты пŏтәртсәт, Ԓўв йастәс:
\p
\v 6 "Хӑтԓәт йŏхәтԓәт, хун, мўй ин тӑта ватԓәты, и кев шўк ӑт хӑщәԓ; иса хŏԓ шўкатԓайәт".
\p
\v 7 Ԓўвеԓ пӑ ищмәсэԓ: "Утәԓтәты Ху! Хун пӑ щит питәԓ? Пӑ мўй сыр пос хўват мŏштәԓэв, хун щит питты верәԓ уԓ?"
\s Христос йŏхәтты посәт
\p
\v 8 Ԓўв йастәс: "Хурийаты, аԓт ԓэпәԓԓайты; ар ŏтәт Ма нэмемән йŏхәтԓәт, йастыман: "Щит Ма", пӑ "Щи пŏра ванән": ԓыв йўпиԓаԓән аԓ мӑнаты.
\p
\v 9 Хун ԉаԉәт пӑ ўшмащты верәт эԓты хуԓԓәты, пӑԉщәма аԓ ўйаԓән, тӑм вера оԓәӈән уԓты мосәԓ, туп ӑнта щи пўԉаӈ хŏԓаԓа".
\p
\v 10 Щи пŏрайән ԓывиԓаԓа йастәс: "И сыр мир па сыр мир пеԓа ԉаԉәсты питщәԓ, и хон пеләк кимет хон пеләк пеԓа ԉаԉәсты питщәԓ;
\p
\v 11 ар тӑхайән мўв такан тӑрийты щирәт питԓәт, ԓэԓԓы пŏрайәт, пӑ атәм мушәт питԓәт, пӑ пӑԓщәмәт, пӑ турәм эԓты вŏԓаӈ посәт питԓәт.
\p
\v 12 Щитәт йэԓпийән, нын иԓ катәԓтты питԓайты пӑ ԋўхәтԓыты питԓайты, Турәм йасӈа утәԓтәты хотәта, касна хотәта мӑты питԓайты, хонәта пӑ рим йохәтән пŏнәм кущайәта Ма нэмем урәӈән туты питԓайты;
\p
\v 13 щит нынана Ма эԓтэм вещкат йасәӈ туты вер питәԓ.
\p
\v 14 Щиӈәԋща, сӑмԓәна пŏнаԓән: оԓӈа ӑт мосәԓ нумәсты, мўй щирән йŏхԓы йастәты,
\p
\v 15 Ма нынана щимәщ йасӈәт пӑ ŏш мӑԓәм, нын йэщаԓтән эԓԓәты ŏтԓән йŏхԓы йастәты пӑ йэщаԓт ԓойты ӑт верәтԓәт.
\p
\v 16 Нын хŏԓна ащиԓәнән-аԋԏиԓәнән , йайԓәнән-апщиԓәнән, пӑ па рутԓәнән, пиԓйохԓәнән эԓпа аԉԓайты, пӑ нын эԓтан тухәԓԓән пӑратԓайәт;
\p
\v 17 пӑ Ма нэмем урәӈән хŏйатәтән хŏԓ нын ԉикән этты питԓайты,
\p
\v 18 туп и ŏхсŏхийэ хŏԓна ŏхԓән эԓты ӑт ушәԓ, -
\p
\v 19 верәтты щирԓәнән нын ԓыԓԓән этәԓтаԓән.
\s Иерусалим шўкатты вер
\p
\v 20 Хун пӑ Иерусалим вош ԉаԉ йохәтән лӑп кертәм шийаԓәԓты, щи пŏрайән уйтаты, ԓўв таԓа йиты пŏрайәԓ вана йŏхтәс:
\p
\v 21 щи пŏрайән Иудея мўвән уԓты хŏйатәт кев ԓоӈԓа ат хухәԓԓәт; хŏй вошән уԓ, ким ат этәԓ, хŏй вош ԉэпән уԓ, ԓыпийа ӑт ат ԓŏӈәԓ,
\p
\v 22 щит йŏхԓы сŏхәптәты хӑтԓәт, хӑншәм ŏтәт хŏԓ йӑнәмԓәт.
\p
\v 23 Щи имета шук питәԓ, хŏй щи хӑтԓәтән ԋаврэм щирән уԓ пӑ ԋаврэм эсәмән ԓапәтәԓ; вŏԓаӈ шук мўва йŏхәтәԓ, пӑ ун ԉик тӑм мира нумәԓта питәԓ:
\p
\v 24 щӑԓта аԓты кеши йэтәԓ эԓты рыйты питԓәт, мўв ԓŏватән уԓты мирәта ԋӑрэмәман туԓайәт; Иерусалим вош пӑ Турәм ӑт уйәтты па рут мирәтән пурәтты питԓа, пŏрайэԓ хŏԓаты унты.
\s Кимет Йŏхтәпса
\p
\v 25 Хӑтәԓ, тыԓәщ пӑ хусәт хŏща Турәм посәт этԓыты питԓәт, мўв хŏща пӑ ар сыр мир туп ӑԓ пакнысыԓәт щарәс сыйащты эԓты пӑ овитаԓ-хўплытаԓ эԓты;
\p
\v 26 пӑԓщәм эԓты пӑ уԓты–омәсты мўва йиты шукәӈ верәт эԓты хŏйатәт рэԋԓы керыԓәт, турәм хусәт, тыԓщәт ԋŏхԓәԓәт.
\p
\v 27 Щӑԓта щи пŏрайән ԓыв Хŏйат Пŏх шийаԓәԓәт, пӑԓәӈән йурәԓ пиԓән пӑ вŏԓаӈ хутԓәты–вŏрԓәты щирәԓән йŏхәтәԓ.
\p
\v 28 Хун пӑ щи верәт йӑнәмты питԓәт, щи пŏрайән нŏх ԓойаты пӑ ŏхԓән нŏх аԓмаԓән, нын хŏԓт пайтәсты верән вана йŏхтәс".
\s Смоква йўх эԓты утәԓтәты пŏтәр
\p
\v 29 Щӑԓта Иисус ԓывиԓаԓа утәԓтәты пŏтәр пŏтәртәс: "Смоква йўх пеԓа пӑ па йўхәт пеԓа ӑӈкәрматы:
\p
\v 30 хун ԓыв шўвԓаԓ пел пўншащтэԓ пŏрайән, щит пеԓа ватман, нын уйәтԓәԓән, йэшавуԓ ԓўӈ пŏра йŏхәтәԓ.
\p
\v 31 И щиты нын па, хун щи питты верәт шийаԓәԓты, уйтаты, Турәм Хон Уԓәпса ванән уԓ.
\p
\v 32 Йӑна нынана пŏтәртԓәм: ин тӑм хŏйат рут хŏԓна ӑт хŏԓаԓ, тӑм иса уԓты питтаԓән;
\p
\v 33 турәм пӑ мўв хŏԓт пеԓа хŏԓаԓәт, Ма йасәӈԓам йурԓаԓ ӑт хŏԓаԓәт.
\p
\v 34 Нынәԓән нын вантаԓән, сӑмԓән, охла-щохла ԓэвман-йищман пӑ тӑйтаӈ уԓәпса эԓты нумәсман, ӑт аԓ ԓавәртамәсайәт пӑ щи хӑтәԓән шӑӈкап ӑт аԓ йŏхәтԓайты,
\p
\v 35 щи хӑтәԓ, мўвән уԓты кашәӈ ŏта, хоԓәп иты, лӑп лопкәԓ.
\p
\v 36 Щиӈәԋща кашәӈ сыс эԓәпән уԓаты пӑ пойәкщаты, ԓуԓән нын щи питты верәт эԓты шаващты пӑ Хŏйат Пŏх йэщаԓт ԓойты ат верәтсәты".
\p
\v 37 Хӑтԓәԓән Ԓўв Турәм Хотән хŏйатәт утәԓтәс, атәтән па, вош ким пелка этман, Элеон нэмпи кев пай ԓоӈәԓән ус.
\p
\v 38 Хŏйатәт хŏԓ аԓәӈсӑхат эԓты Ԓўв хŏщайәԓ Турәм Хота йŏхтыԓысәт, Ԓўвеԓ хуԓәтты.
\c 22
\s Иуда Иисус эԓпа аԉты кашащәԓ
\p
\v 1 Пасхайа айәԓты, тўтәӈ ԋаԋ\f + \fr 22:1 \fr*\ft Ӑт ԓыйәԓтәм ԓат эԓты верәм ԋаԋ. Ԋар ԓанта ԓат ԓыйәԓты ŏт (дрожи, сода) ӑт эсԓыԓа. Щӑԓта рўвтәм ԓат лавмәӈ рата пŏнԓа пӑ каврәм рат хишән, лавәмән лӑп хӑтәԓтәԓа пӑ щита йэтшәптыйәԓ.\ft*\f* йэмәӈ хӑтәԓ ванамәты питәс,
\p
\v 2 щиӈәԋща, Турма йир верты хŏйатәт ŏх икет пӑ Закона утәԓтәты икет ар сыр пищ кӑшсәт, хŏты Иисус пӑратты ԓуԓән, ԓыв мир эԓты пӑԓсәт, щишән.
\p
\v 3 Сатана Иуда ԓыпийа ԓŏӈәс. Ԓўв Искариота нэмәтман уса, Кӑтхŏщйаӈ эԓты ит,
\p
\v 4 Ԓўв щи мӑнәс, пӑ Турма йир верты хŏйатәт ŏх икет пиԓән па Турәм Хот шавиты кущайәт пиԓән пŏтәртәс, хŏты Иисус ԓыв йошԓаԓа мӑты.
\p
\v 5 Ԓыв нŏх амәтсәт пӑ ŏх ԓўвеԓа сŏхәптәты кашащсәт;
\p
\v 6 щӑԓта Иуда аԉты йастантәс пӑ кум кӑшты питәс, хун, хŏйатԓы уԓман, Иисус ԓыв йошԓаԓа мӑты питԓәԓы.
\s Пӑты хот йӑт ԓэщатты вер
\p
\v 7 Тўтәӈ ԋаԋ\f + \fr 22:7 \fr*\ft Тўтәӈ ԋаԋ йэмәӈ хӑтәԓ – щит Пасха йэмәӈ хӑтԓәт эԓты оԓәӈ хӑтәԓ.\ft*\f* йэмәӈ хӑтәԓ йŏхтәс. Щи хӑтәԓән Пасха ош пŏшәх мосәс хŏрты,
\p
\v 8 Иисус Петра па Иоанн китсәԓы, йастәман: "Мӑнатән пӑ Пасха ԓэтŏты пӑсан ԓэщататән, мўӈев ԓэты урәӈән".\f + \fr 22:8 \fr*\ft Пасха - йэврейәт йэмәӈ хӑтәԓ. Египет мŏхет оԓәӈ ԋаврэмԓаԓ пӑратәмән, йэврей ԋаврэмәт пӑ сŏрәм эԓты ош ўр ŏнтасән нŏх пайәтсайәт. Щи ат нумман, кашәӈ тӑԓ щит постәԓа. Исход 12. Тӑта Пасха йэтән ԓэвәпса эԓты хӑшман уԓԓа. Пасха ԓапәт йэмәӈ хӑтәԓ кўтән оԓәӈ хӑтәԓ.\ft*\f*
\p
\v 9 Ԓын пӑ Ԓўвеԓа йŏхԓы йастәсӈән: "Хŏта минэмәна ԓэщатты партԓән?"
\p
\v 10 Ԓўв пӑ ԓынана йастәс: "Щи, нын воша йŏхәттан пŏрайән, нын хŏщайән йиӈки пўт аԓты хŏйат уйтатәԓ; ԓўв йўпеԓән щи хота мӑнатән, хŏԓта ԓўв ԓŏӈәԓ,
\p
\v 11 щӑԓта хотәӈ кущайа йастәԓтән: "Утәԓтәты Ху нӑӈен иԋщәсәԓ: мойәӈ хŏйат урәӈән уԓты хот йӑтэн хŏта уԓ, хŏта Ма утәԓтәты йохԓам пиԓән Пасха ԓэты ԓуԓән верәтсәм?"
\p
\v 12 Щӑԓта ԓўв нынан ԓӑрпа ԓэрәмтәм нўм хот йӑт аԉәԓ; щита ԓэщататән".
\p
\v 13 Ԓын мӑтсәӈән, щӑԓта хŏты Ԓўв йастәс, щиты уйәтсәԓән, пӑ Пасха лэтŏт ԓэщатсәтән.
\s Пасха йэмәӈ хӑтәԓ верты щир
\p
\v 14 Щӑԓта, хун пŏра йŏхтәс, Ԓўв пӑ кӑтхŏщйаӈ апостоләт Ԓўв пиԓәԓән пӑсан сурыйа омәссәт,
\p
\v 15 щӑԓта Ԓўв ԓывиԓаԓа йастәс: "Ма, шука питтэм йэԓпийән, тӑм Пасха нын пиԓанән йӑха ԓэты шек ԓӑӈхасайәм,
\p
\v 16 нынана пŏтәртԓәм, па йэԓԓы ԓўвеԓ ԓэты ӑт питԓэм, щи унты, хун ԓўв Турәм Хон Уԓәпсайән ӑт пўншатәԓ".
\p
\v 17 Ан ўйман, Турма пумащипа йасӈәт ԋухәмман, йастәс: "Тӑм ан ўйаԓән пӑ нын кўтәнән ортаԓән,
\p
\v 18 нынана пŏтәрԓәм, тӑм ўш эԓты, Турәм Хон Уԓәпса йŏхәтты унты, ўна йищты ӑт питԓәм".
\s Турәм куща Йэтән ԓэвәпса парты вер
\p
\v 19 Щӑԓта Ԓўв, ԋаԋ ўйман пӑ Турма пумащипа йасӈәт ԋухәмман, ԋаԋ ара морәтман, утәԓтәты йохԓаԓа мӑсԓы, щиты йастәман: "Тӑм Ма Эԓэм, нын урӈәна пӑратты мӑԓа; тӑмиты, Мӑнэм нумәԓмәты урәӈән, вераты".
\p
\v 20 И щиты анәԓ йэтән ԓэтәт йўпийән ўсԓы, йастәман: "Тӑм ан - йӑԓәп йастантәм щир Ма кӑԓэмән, нын урӈәнән шошәмԓа.
\s Христос йэԓԓы питты вер аԉәԓ
\p
\v 21 Щи хŏйат, хŏй Мӑнэм ӑԉԓәԓы, йошәԓ Ма йошэм пиԓән и пӑсанән ŏԓәԓ;
\p
\v 22 Хŏйат Пŏх пиԓән иса щиты питәԓ, хŏты номәс верман уԓԓа, туп щи хŏйата шук, хŏйән Ԓўв аԉԓа".
\p
\v 23 Щӑԓта ԓыв кўтԓаԓән иԋщәсты питсәт, хŏй ԓыв эԓтэԓ ԓуԓән щиты верты веритәс.
\s Утәԓтәты йох ўра вортԓәт, ԓыв эԓтыԓаԓ хŏй ԓӑтәӈшәк
\p
\v 24 Ԓыв кўтэԓән ўрайа хŏйсәт, хŏй ԓыв эԓтэԓ мет ԓӑтәӈа ԓўӈтәсты верәԓ уԓ.
\p
\v 25 Иисус пӑ ԓывиԓаԓа йастәс: "Хонәт мирәт нўмпийән кущайа уԓԓәт, мир кущайәт йӑм мӑты ŏтәта айәԓԓайәт,
\p
\v 26 нын пӑ па щирән уԓаты: хŏй нын эԓтайән уншәк, щит айашәк aт уԓ, пӑ хŏй кущайа уԓ – щит митху иты ат уԓ.
\p
\v 27 Хŏй уншәк: хŏй пӑсан сурыйән омәсәԓ, мўй пӑ хŏй пӑсан ԓэщатәԓ? Ӑнта мўй пӑсан сурыйән омәсты ŏт? Ма пӑ нын кўтәнән пӑсан ԓэщаттыйа уԓԓәм.
\p
\v 28 Туп нын Ма пиԓэмән Мӑнэм артаԓәты верәт хŏща усты.
\p
\v 29 Щишән Ма нынана Хон Уԓәпса мӑԓэм, хŏты Ащем Мӑнэма мӑсԓы,
\p
\v 30 нын Ма пӑсанэм сурыйән Ма Хон Уԓәпсайэм хŏща па ат ԓэсты па ат йищсәты, хон омәсты тӑхайәтән омәсты пӑ Израиль кӑтхŏщйаӈ рут сўтәтты питԓәты".
\s Иисус Петра йŏхԓы ԓэԓәпты вер аԉәԓ
\p
\v 31 Турәм Куща йастәс: "Симон, Симон! Сатана партәс, мӑтты ки нын ԋаԋ ԓат сэм иты ат пӑркатсайты,
\p
\v 32 туп Ма нӑӈ урӈенән пойәкщәсәм, ԓуԓән нӑӈ эвәԓты верэн ӑт aт уштәсэн; щӑԓта хун нӑӈ Ма пеԓайэм керԓәԓән, йайԓан эвәԓты вер такамты".
\p
\v 33 Петра Ԓўвеԓа йŏхԓы йастәс: "Турәм Куща! Нӑӈ пиԓэнән ма кўш касна хота, кўш сŏрма питты тӑхайа мӑнты верәтԓәм!"
\p
\v 34 Туп Ԓўв йастәс: "Нӑӈена, Петра, пŏтәртԓәм, тӑм ат щищкурэк ўваԓтаԓ унты хŏԓна, нӑӈ Мӑнэм уйәтты верэн хуԓәм пўш лӑп ўратԓэн".
\s Христос утәԓтәты йохԓаԓа йӑԓәп партәпса мӑԓ
\p
\v 35 Щӑԓта ԓывиԓаԓа йастәс: "Хун Ма нынан тўтхотԓы, хирԓы, кўр ԓумтәм такԓы китыԓысԓам, нын мўй нўшайа питыԓысты?" Ԓыв йŏхԓы йастәсәт: "Нэмәԓты хŏща".
\p
\v 36 Щи йўпийән Иисус ԓывиԓаԓа йастәс: "Ин па, хŏй тўтхот тӑйәԓ ки, пӑтән ўйи, хир ищиты; хŏй ӑт тӑйәԓ ки, ԓумтәмен тыныйи пӑ аԓты кеши ԓута;
\p
\v 37 нынана пŏтәртԓәм: пӑ тӑм хӑншәм ŏт Ма хŏщайэм йэтшәптәты мосәԓ: "Хŏрахщэт пеԓа Ԓўв ԓўӈәтман ус"; Ма йушем щи йэтшәԓ".
\p
\v 38 Утәԓтәты йохԓаԓ йастәсәт: "Турәм Куща! Тӑм, тӑта кӑт аԓты кеши". Ԓўв утәԓтәты йохԓаԓа йастәс: "Мета".
\s Христос Гефсимания тӑйхайән пойәкщәԓ
\p
\v 39 Вŏш эԓты ким этмаԓ кемән, Ԓўв, уԓԓытаԓ иты, Элеон нэмпи кев пай ԓоӈԓа хухты мӑнәс; утәԓтәты йохԓаԓ Ԓўв йўпеԓән мӑтсәт.
\p
\v 40 Тŏхи йŏхәтмеԓ кемән, Иисус ԓывиԓаԓа йастәс: "Пойәкщаты, атәм хўщәпсайа ԓуԓән ӑт aт питсәты".
\p
\v 41 Щӑԓта Ԓўв ԓыв эԓтыԓаԓ йэԓшәк, кев шук йўвәтты хўват кема, мӑнәс пӑ шанша ԓойман, пойәкщәс,
\p
\v 42 пŏтәртман: "Турәм Ащи! Нӑӈ щи анэн Ма эԓтэм пўӈәԓта туты ԓӑӈхасән ки! Туп ӑнта Ма ԓӑӈхаты верэм щирән, Нӑӈ ԓӑӈхаты верэн щирән ат питәԓ".
\p
\v 43 Щиӈәԋща Ангел турәм эԓты Ԓўв хŏщайәԓа сэма этәс пӑ Ԓўвеԓ такмәԓтсәԓы.
\p
\v 44 Нŏпсәԓ ԓыпийән шукащман уԓман, таканшәк пойәкщәс, пӑ Ԓўв мўва посыты шӑкйиӈкәԓ ўр сэм хŏрпи ус.
\p
\v 45 Пойәкщәты йэтшәмаԓ кемән, Ԓўв нŏх ԓойәс пӑ утәԓтәты йохԓаԓ хŏща йŏхтәс. Пӑ ԓывиԓаԓ шук эԓты иԓ вŏйәмтәма уйәтсәԓы,
\p
\v 46 пӑ ԓывиԓаԓа йастәс: "Мўйа нын ŏԓԓәты? Нŏх киԓаты пӑ пойәкщаты, ԓуԓән атәм хўщәпсайа ӑт aт питсәты!"
\s Иуда Христос эԓпа аԉәԓ
\p
\v 47 Хун Ԓўв хŏԓна щит пŏтәртәс, ар хŏйат йэщаԓт этәс, мир йэԓпийән кӑтхŏщйаӈ утәԓтәты ху кўт эԓты уԓты Иуда нэмпи ху, шушәс. Ԓўв Иисус хŏща вана йŏхтәс, Ԓўвеԓ мосәԓтәты урәӈән. Иуда ԓывиԓаԓа щимәщ пос аԉәс: "Хŏй ма мосәԓтәԓэм, Щит щи уԓ".
\p
\v 48 Иисус пӑ ԓўвеԓа йастәс: "Иуда, мосәԓтәман мўй, Хŏйат Пŏх эԓпа аԉԓән?"
\p
\v 49 Иисус пиԓән уԓәм ŏтәт, йэԓԓы тыйты вер мŏштәман, Ԓўвеԓа йастәсәт: "Турәм Куща, аԓты кешийән кўтәртԓув?"
\p
\v 50 Щӑԓта ԓыв эԓтайэԓ ит Турма йир верты хŏйатәт ŏх ики митху аԓты кешийән рэскәсԓы пӑ ԓўв йӑм пеләк пӑԓәԓ хŏԓт тўвемәсԓы.
\p
\v 51 Щи пўԉаӈ Иисус йастәс: "Хӑйаԓән, мета". Пӑ митху пӑԓа хӑнәмтыман, ԓўвеԓ йӑмәԓтэмәсԓы.
\p
\v 52 Иисус Ԓўвеԓ ԋӑрэмәты ӑктәщәм Турма йир верты хŏйатәт ŏх икета пӑ Турәм Хот шавиты кущайәта пӑ уна уԓты икета, йастәс: "Ищи мӑтты нын хорахщи йэщаԓт аԓты кешэӈ пӑ йущәӈ йўхи тэԓән этсәты, Мӑнэм ўты урәӈән.
\p
\v 53 Кашәӈ хӑтәԓ Ма нын пиԓәнән Турәм Хотән уԓԓысәм, нын Ма пеԓайэм йош нŏх ӑт аԓмиԓысты, ин пӑ нын пŏрайән пӑ хиԋ йура уԓ".
\s Петра Христос эԓты йŏвра керԓәԓ
\p
\v 54 Щи кемән ԓыв Иисус кӑтԓәпсэԓ пӑ Турма йир верты хŏйатәт ŏх ху хота тусэԓ. Петра пӑ йэԓташәк шушәс.
\p
\v 55 Хун ԓыв ов йэԓпи хӑр кўтәпән рат версәт пӑ йӑха омәссәт, Петра па ԓыв кўтэԓа опсәс.
\p
\v 56 И митнэ, ԓўвеԓ тўт пўӈәԓән омәстаԓ шийаԓәс пӑ тŏрԓы ԓўв пеԓайәԓ ватман, йастәс: "Тӑми па Ԓўв пиԓәԓән ус!"
\p
\v 57 Туп Петра Ԓўв эԓтэԓ пўӈԓа уратәс, митнэӈа щиты йастәман: "Ма Ԓўвеԓ ӑт уйәтԓэм".
\p
\v 58 Йухәт йэшавәԓ кимет хŏйат, ԓўвеԓ шийаԓәмаԓ кемән, па йастәс: "Нӑӈ па ԓыв эԓтэԓ". Петра щи хŏйата йастәс: "Ӑнта!"
\p
\v 59 Щос кем сыс мӑнмаԓ йўпийән, хŏԓна па ху па хӑрщийа пŏтәртәс: "Йӑна щи, тӑмен ищи Ԓўв пиԓәԓән ус, ԓўв Галилея мўв эԓты".
\p
\v 60 Петра па щи хŏйата йастәс: "Ӑт уйәтԓэм, мўй эԓты нӑӈ пŏтәртԓән!" Щи кумат, хун ԓўв хŏԓна пŏтәртәс, щищкурэк щи ўваԓтәс.
\p
\v 61 Щи пŏрайән Турәм Куща, йŏхԓы карэмәман, Петра пеԓа ӑӈкәрмәс. Петра щиӈәԋща Турәм Куща йасӈәт нумәԓмәсԓы, хŏты Ԓўв ԓўвеԓа йастәс: "Щищкурэк ўваԓтты йэԓпийән, нӑӈ Мӑнэм уйәтты верен хуԓәм пўш лӑп ўратысэн".
\p
\v 62 Щӑԓта, ким этмаԓ кемән, шук щирән хŏԓԓаԓтәс.
\s Христос сэкԓа
\p
\v 63 Иисус, Ԓўвеԓ кӑтәԓты хŏйатәтән, кӑмән щирән Ԓўв нухсәса пӑ сэкса;
\p
\v 64 щӑԓта, ԓыв Ԓўв сэмӈиԓаԓ лӑп йӑрыԓысԓаԓ, вешәԓ эԓты Ԓўвеԓ рэскиԓысэԓ пӑ иԋщәсысэԓ: "Нӑӈ Турәм йасәӈ туты хŏйат, йаста, хŏйән рэскәсайән?"
\p
\v 65 Па ар сыр атәм йасәӈ Ԓўв пеԓайәԓ йастәсәт.
\s Христос Синедрион йэԓпийән
\p
\v 66 Туп аԓәӈ сӑхата йис, уна уԓты икет, Турма йир верты хŏйатәт ŏх икет пӑ Закона утәԓтәты йох йӑха ӑктәщсәт, пӑ ԓыв синедрионэԓа\f + \fr 22:66 \fr*\ft Синедрион - Иудейәт мет вŏԓаӈ сўт верты щир пӑ сўт верты тӑха.\ft*\f* Ԓўвеԓ ԓŏӈәԓтсэԓ
\p
\v 67 пӑ йастәсәт: "Нӑӈ мўй Христос\f + \fr 22:67 \fr*\ft Турәмән аԉәм мир нŏх пайәтты Хон (Мессия)\ft*\f*? Мўӈева йасты". Иисус ԓывиԓаԓа йастәс: "Нынана йастәԓэм ки, нын ӑт эвәԓԓәты;
\p
\v 68 нынан ищмәԓәм кепа, Мӑнэма йŏхԓы ӑт йастәԓты пӑ Мӑнэм хŏԓт ӑт эсәԓԓәԓән.
\p
\v 69 Тӑԓта йэԓԓы Хŏйат Пŏх иса йурәӈ Турәм йӑм пеләк сӑхат омәсәԓ".
\p
\v 70 Щӑԓта хŏԓ йастәсәт: "Щишән Нӑӈ Турәм Пŏх?" Ԓўв йŏхԓы ԓывиԓаԓа йастәс: "Нын пŏтәрԓәты, Ма уԓԓәм".
\p
\v 71 Ԓыв пӑ йастәсәт: "Мўй сыр аԉәпса мўӈева хŏԓна мосәԓ? Мўӈ Ԓўв ўӈԓәԓ эԓты щи щит хуԓсув".
\c 23
\s Христос Пилат йэщаԓт
\p
\v 1 Щи арат хŏйат хŏԓыйэ нŏх ԓойсәт пӑ Ԓўвеԓ Пилат хŏща тусэԓ,
\p
\v 2 щӑԓта Ԓўвеԓ нўрмәԓтты питсэԓ, пŏтәртԓәт: "Мўӈ мŏштәсэв, тӑм Ху мирэв йŏвра хўщԓәԓы пӑ, кесарьа налог мӑты ӑт эсәԓԓәԓы, Ԓўвеԓ Христос Хона айәԓԓәԓы!"
\p
\v 3 Пилатән Ԓўв иԋщәсса: "Нӑӈ Иудейәт Хон?" Иисус ԓўвеԓа йŏхԓы йастәс: "Нӑӈ щиты йастәԓән".
\p
\v 4 Пилат Турма йир верты хŏйатәт ŏх икета пӑ мир пеԓа йастәс: "Ма нэмәԓты нўр тӑм хŏйат хŏща ӑт уйәтԓәм".
\p
\v 5 Туп ԓыв ўрайԓаԓ нŏх пайәтԓыԓаԓ, пŏтәртман, мӑтты ки Ԓўв Иудея ԓŏватән, Галилея эԓты ўйман тӑм вош унты, мир утәԓтыман, йэшащты хўщԓәԓы.
\p
\v 6 Пилат Галилея эԓты хуԓмаԓ кемән, ищмәс: "Ԓўв мўй Галилея мўв ху?"
\p
\v 7 Щӑԓта, Ԓўв Ирод хон мўв эԓты уԓтаԓ ŏша пайәтмаԓ кемән, Ԓўвеԓ Ирод хŏща китсәԓы. Ирод щи хӑтԓәтән ищи Иерусалим вошән ус.
\s Ирод Христос такан иԋщәсәԓ
\p
\v 8 Ирод Иисус шийаԓәмаԓ кемән, нŏх амтәс, ԓўв Иисус хўвән ватты ԓӑӈхаса, Ԓўв эԓтайәԓ ар хуԓԓыйәс, щишән. Щӑԓта пӑ мӑтты пищ Ԓўв эԓтэԓ шийаԓәты нумәсыйәс,
\p
\v 9 пӑ Ԓўвеԓ арсыр вер эԓты иԋщәссәԓы, туп Иисус ԓўвеԓа нэмәԓты ӑт йастәс.
\p
\v 10 Турма йир верты хŏйатәт ŏх икет пӑ щӑԓта Закона утәԓтәты йох ванән ԓойсәт пӑ Ԓўвеԓ шек нўрисэԓ.
\p
\v 11 Ирод соԓтанԓаԓ пиԓән Ԓўвеԓ иԓ ԋэрмаԓ пӑ ԋӑха ԋӑхмаԓ йўпийән, хон сŏха Ԓўвеԓ ԓумәттәсԓы пӑ йŏхԓы Пилат хŏща китсәԓы.
\p
\v 12 Щӑԓта, Ирод пӑ Пилат йэԓпи ԓын кўтәнән кўтәӈа усӈән, щи хӑтәԓән пӑ ԓухса верәссәӈән.
\s Пилат Христос йӑԓпа такан иԋщәсԓәԓы
\p
\v 13 Пилат пӑ, Турма йир верты хŏйатәт ŏх икет, кущайәт пӑ мир ӑкәтмаԓ,
\p
\v 14 ԓывиԓаԓа йастәс: "Нын ма хŏщайэма тӑм хŏйат, мир йŏвра хўщты ŏт йўкана, тусԓән; тӑта щи, ма нын уԓман ԓэрапсэм пӑ тӑм хŏйат, нын Ԓўвеԓ нўрмәԓтан щирән, нэмәԓты хŏща нўрәӈа уԓтаԓ ӑт уйәтсэм.
\p
\v 15 Ирод ики ищи, ма Иисус ԓўв хŏщайәԓ китыԓысэм; сŏрәм кеша, нэмәԓты верәм вер Ԓўв хŏщайәԓ ӑт уйәтса;
\p
\v 16 щишән, хомщийән сэкты йўпийән, ма Ԓўвеԓ эсәԓԓэм".
\p
\v 17 Пилата, йэмәӈ хӑтәԓ урәӈән, ԓывиԓаԓа касна хот эԓты и хŏйат эсәԓты мосәс.
\p
\v 18 Туп ԓыв аратэԓән хŏԓыйэ и тўрән ўвты питсәт: "Щитэн ўйи, мўӈева Варавва эсԓы!"
\p
\v 19 Варавва, хŏйатәт пиԓән вошәӈ мир пеԓа йэшащман уԓмаԓ урәӈән пӑ веԓтатмаԓ урәӈән, касна хота омәсман уса.
\p
\v 20 Туп Пилат, Иисус хŏԓт эсәԓты ўтщисԓы, пӑ ипуш па ԓывиԓаԓа такан йастәс.
\p
\v 21 Ԓыв туп ўвсәт: "Пернайа сэӈки! Пернайа Ԓўвеԓ сэӈки!"
\p
\v 22 Пилат хуԓмет пўш ԓывиԓаԓа йастәс: "Мўйсыр атәм вер Ԓўв верәс? Сŏрәм кеша, ма нэмәԓты атәм вер Ԓўв хŏщайәԓ ӑт уйәтсәм; щишән, хомщийән сэкты йўпийән, Ԓўвеԓ эсәԓԓэм".
\p
\v 23 Туп ԓыв, такан ўвман сурман, партсәт, Иисус пернайа ат сэкса; ԓыв пӑ Турма йир верты хŏйатәт ŏх икет ўв сыйэԓ нŏх питәс.
\p
\v 24 Щӑԓта Пилат, хŏты ԓыв ԓӑӈхасәт, щиты кашащәс;
\p
\v 25 ԓўв щит ким эсԓәс, хŏй ԓыв вохсәт, щит, хŏй, йэшащәм пӑ веԓтантәм вер урәӈән, касна хотән ус, Иисус пӑ ԓыв ԓӑӈхатэԓ щира мӑсԓы.
\s Христос пернайа сэкты щир
\p
\v 26 Хун Ԓўвеԓ туты питсэԓ, мўв хӑрәԓ эԓты шушәм Симон, Киринея мўвәӈ ики, пӑтән хŏрэмәса; ԓўв порхәԓа перна шуп пŏтса, Иисус йўпийән ат тусԓы.
\p
\v 27 Ԓўв йўпеԓән щи арат ар мир шушәс пӑ щи кўтән нэӈәт Ԓўв урӈәԓән такан хоԓԓәсәт пӑ йирӈәԓтысәт.
\p
\v 28 Ԓыв пеԓайэԓ керԓәман, Иисус йастәс: "Иерусалим эвет, Ма урӈемән аԓ хŏԓԓаты, нын урӈәнән пӑ нын ԋавремԓән урәӈән хоԓԓаты,
\p
\v 29 хӑтԓәт щи йŏхәтԓәт, хун йастәԓа: "Ԋаврэмән ӑт партәм нэӈәт, пӑ ԋаврем хŏԓна ӑт тайәм нэӈәт, пӑ эсәмән ӑт ԓаптыԓыйәм нэӈәт ŏй тӑйԓәт!"
\p
\v 30 Щи пŏрайән кев пайәта йастәты питԓа: "Мўӈ эԓтэв ӑркәмтаты!" пӑ сӑхмәта: "Мўӈев эԓт лаӈкаԓән!"
\p
\v 31 Вŏсты лыптәӈ йўх щиты ки верԓа, сорәм йўх пӑ мўй тӑйәԓ?"
\p
\v 32 Ԓўв пиԓәԓән пӑрты тӑхайа хŏԓна кӑт хорахщи туса.
\p
\v 33 Пӑ хун "Ŏх ԓŏв" нэмпи тӑхайа йŏхәтсәт, щита Ԓўвеԓ пернайа сэксэԓ, хŏрахщэӈән па, итәԓ йӑм пеләк сӑхат, киметәԓ пӑрта пеләк сӑхат.
\p
\v 34 Иисус пӑ пŏтәртәс: "Ащи, ԓывиԓаԓ нўра аԓ ўйи, мўй верԓәт, ӑт уйәтԓәт". Пос вŏщкиман, Ԓўв сŏхԓаԓ ортԓысԓаԓ.
\p
\v 35 Хŏйатәт ԓойсәт пӑ ватсәт. Ԓыв пиԓԓаԓән кущайәт па хўләщсәт, пŏтәртман: "Па хŏйатәт нŏх пайтыԓыйәс; Ԓўв Христос, Турәм пирыйәм Ŏт ки, Ԓўвеԓ Ԓўв нŏх aт пайәтԓәԓы".
\p
\v 36 Ԉаԉ йох ищиты Ԓўв эԓтайәԓ, вана хӑтыԓыман, вŏщрем ўна ўӈԓәԓа тутԓыман, хўләщсәт
\p
\v 37 пӑ пŏтәртсәт: "Нӑӈ - Иудейәт Хон ки, Нӑӈен Нӑӈ нŏх пайты!"
\p
\v 38 Ԓўв нўмпеԓән грек, рим пӑ еврей йасӈәтән хӑшман уса: "Тӑми - Иудейәт Хон".
\p
\v 39 Пернайа сэӈкәм и хорахщи, ԉикащман, Ԓўв пеԓайәԓ пŏтәртәс: "Нӑӈ Христос ки, Нӑӈен нŏх пайты, пӑ мўӈев па!"
\p
\v 40 Киметәԓ пӑ, ԓўвеԓ нŏх вŏԓәтԓәԓы, йастыйәԓ: "Турәм эԓты мўй нӑӈ ӑт пӑԓԓән, хун нӑӈ па щиты сўтәтман ӑт уԓԓайән?
\p
\v 41 Мин хŏты вещката сутәтсаймән, мин верԓәмән хўват мŏщатсәмән. Ԓўв пӑ нэмәԓты атәм ӑт верәс".
\p
\v 42 Щӑԓта Иисуса йастәс: "Мӑнэм нумәԓмийэ, Турәм Куща, хун Нӑӈ Хон Уԓәпсайэна йŏхәтԓән!"
\p
\v 43 Иисус ԓўвеԓа йастәс: "Йӑна нӑӈена йастәԓәм, тӑмхӑтәԓ щи Ма пиԓэмән ŏйәӈ-щўԋәӈ тӑхайән\f + \fr 23:43 \fr*\ft в раю\ft*\f* уԓты питԓән".
\p
\v 44 Хӑтәԓ хутмет щос\f + \fr 23:44 \fr*\ft еврейәт щирән - щит 12 щос, хӑтәԓ кўтәп кем;\ft*\f* ԉэп ус, мўв ԓŏватән йӑрәԏйаӈ щос\f + \fr 23:44 \fr*\ft еврейәт щирән - щит 15 щос, йэтна пеләк;\ft*\f* унты пӑтлама йис:
\p
\v 45 щиӈәԋща най хурԓәс, пӑ Турәм Хот ԓыпийән йэртэп сŏх кўтԓәпәԓ эԓты кӑтна тŏхнәмтәс.
\p
\v 46 Иисус, сыйәӈ тўрән ўваԓман, йастәс: "Ащи! Нӑӈ йошӈиԓана Ма ԓыԓэм мӑԓэм". Щиӈәԋща, щит йастәман, ԓыԓәԓ эсәԓсәԓы.
\p
\v 47 Сот ԉаԉ йох ŏх ху пӑ, щи тыйәм вер пеԓа ватмаԓ эԓты, Турәм ишәксәԓы пӑ йастәс: "Йӑна пӑ тӑм хŏйат тўӈа–щира хŏйат уԓмаԓ".
\p
\v 48 Щит ватты йŏхтәм мир хŏԓыйэ, тыйәм вер пеԓа ватман, мевәԓаԓ эԓты ԓывиԓаԓ ԓыв сэкман, йŏхԓы мӑтсәт.
\p
\v 49 Хŏԓыйэ, Иисус уйтәм мŏхет, пӑ Галилея эԓты Ԓўв йўпеԓән йўвәм нэӈәт йэԓәншәк ԓойсәт пӑ щийэԓ ватсәт.
\s Христос ԓэщатты вер
\p
\v 50 Ӑктәщиты хŏйатәт\f + \fr 23:50 \fr*\ft ӑктәщиты хŏйатәт – синедрионән сўт верты мŏхет;\ft*\f* кўтән Иосиф нэмпи ики ус. Ԓўв сӑмәӈ пӑ вещкат ус.
\p
\v 51 Ӑктәщиты тӑхайән хŏйатәт пиԓән ӑт кашащәс, ԓыв верэԓ хŏща ӑт ус; Ԓўв Иудеяйән уԓты Аримафея вошәӈ ху, Турәм Хон Уԓәпса ищи ԓавәԓман ус.
\p
\v 52 Пилат хŏща йŏхтәс пӑ Иисус мотавтәԓ вохсәԓы;
\p
\v 53 щӑԓта перна эԓты ԓўвеԓ иԓ ўйман, щи кеша уԓты пуԓән щӑшканән йŏвәрмәсԓы пӑ кев пай ԓыпийән хот йӑт ԓŏват сэврәм тӑхайа пŏтсәԓы. Щи тӑхайа хŏԓна нэмәԓт хŏйат пŏнман ӑт уса.
\p
\v 54 Щит шаббат\f + \fr 23:54 \fr*\ft Еврейәт щутщәты хӑтәԓ\ft*\f* хӑтԓа ԓэщатыты пŏра ус, пӑ щи хӑтԓа йиты щи питәс.
\p
\v 55 Иисус пиԓән Галилея эԓты йŏхтәм нэӈәт па Иосиф йўпийән шушсәт пӑ ӑпа пŏнты кев хот ватсэԓ пӑ хŏты Ԓўв мотавтәԓ пŏнман уса ищи;
\s ԓэԓтŏт ԓыпийән
\p
\v 56 воша йŏхәтмеԓән йӑм эпԓәӈ йик пӑ миро вŏй ԓэщатсәт. Шаббат хӑтәԓән Турәм партәпса йасәӈ щирән ԓыв щутщәман усәт.
\c 24
\s Иисус нŏх ԓыԓәӈԓәты вер
\p
\v 1 Ԓапәт ŏх хӑтәԓән\f + \fr 24:1 \fr*\ft Еврейәт щирән щит шаббат йўпи хӑтәԓ, хӑнтэт щирән – щўтщәты хӑтәԓ.\ft*\f*, шек аԓәӈ, нэӈәт ԓэщатәм йӑм эпԓәӈ йикԓаԓ тўвман, Иисус пŏнәм тӑхайа мӑтсәт; ԓыв пиԓэԓән йӑха тухәԓ мŏхет па мӑтсәт;
\p
\v 2 туп ов кев шупәԓ, пўӈԓа хӑтәԓтәма уйәтсэԓ.
\p
\v 3 Щӑԓта, ԓыпийа ԓŏӈмеԓән, ԓыв Иисус, Турәм Куща, мотавтәԓ щита ӑт уйәтсэԓ.
\p
\v 4 Хун ԓыв щит эԓты шоптамәман ԓойтэԓ сӑхат, и мŏԓтыйән, имет йэԓпийән вŏԉиты сŏхәӈ кӑт хуйӈән этсәӈән.
\p
\v 5 Щӑԓта, хун ԓыв пӑԓтамәсәт пӑ шанша хŏмта керәптысәт, ԓывиԓаԓа йастәсӈән: "Мўйа нын ԓыԓәӈ Ŏт пӑрәм ŏтәт кўтән кӑшԓәԓән?
\p
\v 6 Ԓўв тӑта ӑнтом: Ԓўв нŏх ԓыԓәӈԓәс; нумәԓмаԓән, хун Ԓўв хŏԓна Галилея мўвән уԓмаԓән, нынана йастыԓыйәс:
\p
\v 7 "Хŏйат Пŏх кӑрэкәӈ хŏйатәт йоша мӑты вер уԓ, щӑԓта пернайа сэкты вер уԓ, пӑ хуԓмет хӑтәԓән нŏх ԓыԓәӈԓәты верәԓ уԓ".
\p
\v 8 Щӑԓта Ԓўв йастәм йасәӈԓаԓ ԓыв нумәԓмәсԓаԓ.
\p
\v 9 Пŏнәм тӑхайэԓ эԓты йŏхԓы йŏхәтмеԓән, ихŏщйаӈ утәԓтәты йохԓаԓа пӑ па хŏйатәта вантәм вер эԓты пŏтәртсәт.
\p
\v 10 Щит Магдалинайа айәԓтты Мария, Иоанна, пӑ Иаков аԋԏи - Мария, пӑ ԓыв пиԓэԓән па имет усәт, хŏйтат апостолԓаԓа щи оԓәӈ эԓты йастәсәт.
\p
\v 11 Щӑԓта утәԓтәты йŏхәта ԓыв йасәӈԓаԓ ӑԓ мŏԓтыйа усәт, пӑ ԓыв нэӈәта ӑт эвәԓсәт.
\p
\v 12 Туп Петра, нŏх ԓойәс пӑ пŏнәм тӑхайа хухәԓмәс. Тŏхи йŏхәтмаԓән, ԓыпийа ӑӈкәрмәс пӑ щита туп пуԓән щӑщканәт ŏԓтаԓ шийаԓәс. Ԓўв нŏпсәԓән пакнысыман, йŏхԓы керԓәс.
\s Христос Эммаус пеԓа мӑнты йушән этԓыйәс
\p
\v 13 И щи хӑтәԓән ԓыв эԓтайэԓ кӑт утәԓтәты ху Эммаус курта шушсәӈән. Щи курта Иерусалим вош эԓты кӑт щос кем кўрән шушты хўват ус;
\p
\v 14 пӑ ԓын кўтәнән иса щи верәт эԓты пŏтәртсәӈән.
\p
\v 15 Пӑ хун ԓын кўтәнән пŏтәртсәӈән пӑ ŏшйащсәӈән, пӑ Иисус Ԓўв ԓынан эԓт йŏхәтман, ԓын пиԓәнән йэԓԓы мӑнәс.
\p
\v 16 Туп ԓын сэмӈиԓән катәԓман усайтән, пӑ ԓын Ԓўвеԓ ӑт уйәтсәԓән.
\p
\v 17 Ԓўв пӑ ԓынан ищмәсԓы: "Мўй эԓты нын кўтәнән шушман пŏтәрԓәтән, мўй урәӈән нын рўтаԉӈән?"
\p
\v 18 Итәԓ, Клеопа нэмпи хŏйатәԓ, Ԓўвеԓа йастәс: "Пӑрмŏԓтты Нӑӈ туп утща, Иерусалим воша йŏхтәм хŏйатәт эԓты, ӑт уйәтԓән тӑм хӑтԓәтән щита тыйәм вер эԓты?"
\p
\v 19 Щӑԓта Ԓўв ԓынан ищмәсԓы: "Мўй эԓты?" Ԓын Ԓўвеԓа пŏтәртсәԓән: "Назарет эԓты уԓты Иисус пиԓән мўй ус, Турәм йасәӈ туты хŏйата ус, верән пӑ йасәӈән Турәм хŏща, аратәԓ мир хŏща йурәӈ ус.
\p
\v 20 Турма йир верты хŏйатәт ŏх икԓувән пӑ кущайԓувән Ԓўв сŏрма пайәтты мӑсэԓ пӑ пернайа Ԓўвеԓ сэксэԓ.
\p
\v 21 Мўӈ пӑ нŏмәс пŏныԓысув, Ԓўв Щит, Хŏй Израиль хŏԓт пайәтты верәԓ уԓ; туп щи ар вер тыймаԓ, ин хуԓмет хӑтԓәԓ.
\p
\v 22 Мўӈ нэԓув эԓты тухәԓаԓ па мўӈев пакнәптысэԓ: ԓыв пŏнәм лотәԓән аԓәӈ сӑхат аԓәӈ усәт
\p
\v 23 пӑ Ԓўв мотавтәԓ щита ӑт уйәтсэԓ, йŏхԓы йŏхәтсәт пӑ пŏтәртсәт, мӑтты ԓыв ангелӈән этԓыйәм вер па ватмеԓ пӑ щитӈән пŏтәртан, мӑтты Ԓўв ԓыԓәӈ.
\p
\v 24 Щӑԓта мўӈ эԓтэв тухԓәт ищи пŏнәм лотәԓа мӑтсәт пӑ щиты уйәтсэԓ, хŏты нэӈәт йастыԓысәт, туп Ԓўвеԓ ӑт ватсэԓ".
\p
\v 25 Щиӈәԋща Иисус ԓынана йастәс: "Нын ŏшԓы пӑ ром сӑмпи ŏтәт, нынана щи ԓавәрт Турәм йасәӈ туты икет аԉәм верәта эвәԓты!
\p
\v 26 Христоса мўй ӑнта щиты шук туты мосәс пӑ Ԓўв хутԓәты–вŏрԓәты щирәԓа ԓŏӈты?"
\p
\v 27 Щӑԓта, Моисей пӑ хŏԓ Турәм йасәӈ туты икет эԓты питщәман, ԓынана, мўй Ԓўв эԓтэԓ иса Йэмәӈ Нэпекән хӑшман уԓԓа, Ԓўв ԓэра верԓәԓы.
\p
\v 28 Щиты ԓыв щи куртэԓа ванамәсәт, хŏԓта шушсәт; щӑԓта Иисус йэԓԓы мӑнты ԓӑӈхаты щир верәс.
\p
\v 29 Туп ԓын Ԓўвеԓ иԓ вŏԓәтԓәԓән, пŏтәртман: "Мин пиԓэмән хӑща, хӑтәԓ йэтән пеԓа мӑнты питәс". Щӑԓта Ԓўв хота ԓŏӈәс пӑ ԓын пиԓәнән хӑщәс.
\p
\v 30 Пӑ хун Ԓўв ԓын пиԓәнән пӑсан сурыйән омәсмаԓән, ԋаԋ ўйман, Турма пумащипа йасӈәт йастәс, ԋаԋ морәтсәԓы пӑ ԓынана мӑсԓы.
\p
\v 31 Щи пŏрайән веԉщи ԓын сэмӈиԓән пелки пуншащсәӈән, пӑ ԓын Ԓўвеԓ мŏштәсԓән. Туп Ԓўв ԓынана ӑт ныты питса.
\p
\v 32 Ԓын кўтәнән йастәсӈән: "Мин сӑмԓәмән мўй ӑт щарисӈән, хун Ԓўв йушән минэмәна пŏтәртәс пӑ хун Йэмәӈ Нэпек йасӈәт минэмәна ԓэра верәс?"
\s Ԓўв Нŏх Ԓыԓԓәӈԓәм верәԓ посәт
\p
\v 33 Ищи мŏхты ԓын нŏх ԓойсәӈән пӑ Иерусалим воша йŏхԓы керԓәсӈән, щита ԓын ихŏщйаӈ йӑха ӑктәщәм апостол уйәтсәԓән пӑ ԓыв пиԓԓаԓән уԓәм мŏхет па.
\p
\v 34 Ԓыв пŏтәртсәт, мӑтты Турәм Куща йӑна нŏх ԓыԓәӈԓәс пӑ Симон хŏща этәс.
\p
\v 35 Щӑԓта ԓын йушән тыйәм вер эԓты пŏтәртсәӈән, пӑ хŏты ԓын Ԓўвеԓ ԋаԋ морәтмаԓ хўват мŏштәсԓән.
\p
\v 36 Хун ԓын щи оԓәӈ эԓты пŏтәртсәт, Иисус Ԓўв ԓыв кўтэԓән этәс пӑ ԓывиԓаԓа йастәс: "Йӑм уԓәпса нынана".
\p
\v 37 Ԓыв, ԓыԓэмәман пӑ пӑԓтамәман, нумәссәт, иԓампа сэмсай ŏт ватԓәт.
\p
\v 38 Туп Ԓўв ԓывиԓаԓа йастәс: "Мўйа нын щиты ԓыԓэмәсты? Пӑ мўй урәӈән нын сӑмԓәна щимәщ нŏпсәт ԓŏӈԓәт?
\p
\v 39 Йошԓам–кўрԓам пеԓа ӑӈкәрматы; тӑм иса Ма. Ма хŏщайэма хӑнәмтыйаты пӑ вантыйаԓән; сэмсай ŏт эԓ–ԋŏхи пӑ ԓŏв ӑт тӑйәԓ, хŏты нын Ма хŏщайэм ваттанән".
\p
\v 40 Щит йастәман, Ԓўв йошӈәԓаԓ пӑ кўрӈәԓаԓ ԓывиԓаԓа этәԓтәсԓы.
\p
\v 41 Хун ԓыв амәтмеԓ рўвән хŏԓна ӑт эвәԓсәт пӑ ӑԓ пакнысысәт, Ԓўв ԓывиԓаԓ ищмәсԓы: "Мŏԓты ԓэтәт нын тӑта ӑт тӑйԓәты?"
\p
\v 42 Ԓыв Ԓўвеԓа сӑӈхәртәм хўԓ шуп пӑ мав мӑсәт.
\p
\v 43 Щӑԓта ўсԓы пӑ, ԓыв ватман, ԓэсԓы.
\s Вŏԓаӈ партәпса
\p
\v 44 Пӑ ԓывиԓаԓа йастәс: "Тӑм щит, мўй эԓты Ма нынана пŏтәртысәм, хун нын пиԓәнән уԓмемән, иса щит питты верәԓ уԓ, мўй Ма эԓтэм Моисей Закон йасӈәт хŏща, Турәм йасәӈ туты хŏйатәт хŏща пӑ Псалмәт хŏща хӑшман уԓԓа".
\p
\v 45 Щиӈәԋща Ԓўв, Йэмәӈ Нэпек йасӈәт мŏштәты урәӈән, ԓыв ŏшԓаԓ пел пайәтсәԓы.
\p
\v 46 Щӑԓта ԓывиԓаԓа йастәс: "Щиты хӑшман уԓԓа, пӑ щиты Христоса шук туты мосәс, пӑ пӑрәм эԓты хуԓмет хӑтәԓән нŏх ԓыԓәӈԓәты мосәс,
\p
\v 47 Ԓўв нэмәԓән мирәта хŏԓ, Иерусалим вош эԓты питщәман, кӑрэк эԓты шӑшән керԓәты пӑ йŏрэмәты щир сыйәӈа пŏтәртты мосәԓ.
\p
\v 48 Нын пӑ иса щи верәт вантәм хŏйатәта уԓты питԓәты.
\s Христос нŏх пайтәсты вер
\p
\v 49 Щӑԓта Ма Ащем аԉәм ŏт нынана китԓәм; нын пӑ нумәԓта йурән йохәттан унты, Иерусалим вошән хӑщаты.
\p
\v 50 Иисус утәԓтәты йохԓаԓ вош эԓты ким, Вифания унты тусԓы, щӑлта йошԓаԓ нŏх аԓәмман, ԓывиԓаԓ йӑмән мӑсԓы,
\p
\v 51 пӑ, хун ԓывиԓаԓ йӑмән миймаԓ сыс щи кемән ԓыв эԓтэԓ йэԓ мӑнты пӑ турма нŏх пайтәсты питәс.
\p
\v 52 Ԓыв, Ԓўв йэԓпеԓән шашԓаԓ иԓ эсәԓсәԓаԓ пӑ Иерусалима, ун амәтән амәтман, йŏхԓы керԓәсәт.
\p
\v 53 Пӑ иса Турәм Хотән уԓԓысәт, Турәм ишәкман пӑ Ԓўвеԓа йӑм йасәӈ йастәман. Амиԋ.