\id JON 
\ide UTF-8
\mt1 Турәм айкеԓ туты ху Иона нэпек
\c 1
\s Иона Турәм Куща эԓты хŏнтаԓ
\p
\v 1 Иона, Амафий пŏх, пеԓа Турәм Куща йасәӈ ус:
\p
\v 2 «Нŏх ԓойа, Ниневияйа, ун воша, мӑна пӑ щита хŏйатәта такан пŏтәрта, ԓыв шек атәм верԓаԓ Ма уйәтты питсәԓам».
\p
\v 3 Туп Иона нŏх ԓойәс пӑ Фарсис вош пеԓа Турәм Куща эԓты хӑԋемәты урәӈән, хŏнтас. Иоппия воша йŏхтәс, Фарсис пеԓа мӑнты паршәӈ ун хоп уйтәс, ŏх сŏхәптәс пӑ хопа ԓэԓәс, ԓыв пиԓэԓән Фарсис унты мӑнты, Турәм Куща эԓты шӑшән хŏнтаты урәӈән.
\p
\v 4 Туп Турәм Куща щарәсән так вот этәԓтәс, вот шек тарма йис, паршәӈ хоп шўкаԓәты кема йис.
\p
\v 5 Хопәӈ хŏйатәт пӑԓтамәсәт, пӑ кашәӈ хŏйат ԓўв турмәԓ пеԓа пойәкщәс, пӑ пŏрмасԓаԓ йиӈка йовәԓты питсәԓаԓ, хоп йэша кенашәк верты урәӈән; Иона пӑ хоп ԓыпийа, ŏхәԓмаԓ йўпийән, иԓ ŏԓәс пӑ такан вŏйәпса.
\p
\v 6 Ԓўв хŏщайәԓ хоп куща йŏхтәс пӑ ԓўв пеԓайәԓ йастәс: «Мўй нӑӈ ŏԓԓән? Нŏх ԓойа, турмен пеԓа пойәкща; мосәӈ пӑ ԓўв мўӈ эԓтэв нумәԓмәԓԓы пӑ мўӈ ӑт пӑрԓув».
\p
\v 7 Хŏйатәт кўтԓаԓән йастәсәт: «Пос йўвәтԓув, ватԓэв, хŏй урәӈән мўӈ тӑмәщ шук туԓув». Пӑ пос йўвәтсәт, ин пос Иона пеԓа аԉәс.
\p
\v 8 Щиӈәԋща ԓўвеԓа йастәсәт: «Мўӈева йаста, хŏй урәӈән мўӈ тӑмәщ шук туԓув? Мўй вер тӑйԓән пӑ хŏԓща нӑӈ йиԓән? Нӑӈ мўвен хŏта уԓ пӑ мӑты рут эԓты уԓԓән?»
\p
\v 9 Ԓўв йастәс: «Ма еврей, щарәс пӑ мўв опсәԓтәм Турәм Куща йэԓпийән шаншэм иԓ эсәԓԓэм».
\p
\v 10 Щӑԓта хŏйатәт шек такан пӑԓтамәсәт пӑ ԓўвеԓа йастәсәт: «Мўй урәӈән нӑӈ щиты версэн?» Хŏйатәт ŏша пайәтсэԓ, Турәм Куща эԓты ԓўв хŏнтаԓ, хŏты ԓўв ԓывиԓаԓа йастәс.
\p
\v 11 Щарәс йэшащты щирәԓ и тарма, и тарма йис, ԓыв йастәсәт: «А хŏты мўӈэва нӑӈен верты, щарәсән тэвна йиты урәӈәӈ».
\p
\v 12 Щи йўпийән ԓўв щиты йŏхԓы йастәс: «Мӑнэм ўйаԓән пӑ щарса йўвтаԓән, щӑԓта щарәсән нын урӈәнән тэвна йиԓ, ма уйәтԓэм, ма ўрӈемән нын тӑм так вот шук ватԓәты».
\p
\v 13 Туп щи хŏйатәт йуртат ԓовәԓты питсәт, мўв сыԓа хойты урәӈән пӑ ӑт верәтсәт, щарәс йэшащты щирәԓ мет тарма йис, щишән.
\p
\v 14 Щиӈәԋща Турәм Куща пеԓа ўвман пойәкщәты питсәт пӑ йастәсәт: «Турәм Куща, тӑм хŏйат ԓыԓ урәӈән ӑт ат пӑрԓув, пӑ нӑрԓы ўр мўӈева аԓ пŏны; Нӑӈ, Турәм Куща, Нӑӈена хŏты рӑхәԓ, щиты версэн!»
\p
\v 15 Иона ўсэԓ пӑ йиӈка йўвәтсэԓ, щӑԓта щарәсән тэвна йис.
\p
\v 16 Щиӈәԋща щи хŏйатәт Турәм Куща эԓты шек пӑԓтамәсәт, пӑ Турәм Кущайа йир тусәт пӑ йастәпса мӑсәт.
\b
\s Иона пойәк
\p
\v 17 Турәм Куща ун веса\f + \fr 2:1 \fr*\fq вес - щарәс вой-хўԓ (кит, морское чудовище); \fq*\f* Иона йŏхи ԓавемәты партсәԓы; Иона щи вес хŏн ԓыпийән хуԓәм хӑтәԓ пӑ хуԓәм ат ус.
\c 2
\p
\v 1 Иона Турәм Куща ԓўв Турмәԓ пеԓа вес хŏн ԓыпи эԓты пойәкщәс.
\p
\v 2 Пӑ йастәс:
\q «Шука ма питмем урәӈән Турам Куща пеԓа пойәкщәсәм,
\q пӑ Ԓўв мӑнэм хуԓсәԓы;
\q ма иԓта турәм эԓты уваԓсәм,
\q пӑ Нӑӈ ма тўр сыйэм хуԓсэн.
\p
\v 3 Нӑӈ мӑнэм мӑԓ йиӈка, щарәс сӑма, шуйԓәптәсэн,
\q ма йикән лӑп ўсайәм,
\q иса Нӑӈ йикԓан, Нӑӈ хўпԓан
\q ма нўмпемән йӑӈхиԓысәт.
\p
\v 4 Ма йастәсәм:
\q Нӑӈ мӑнэм куш сэм сайа йэԓ воштәсэн,
\q ма ищи пӑ Нӑӈ йэмәӈ хотэн шийаԓәԓэм.
\p
\v 5 Ԓыԓэм сŏхәнты унты ма йиӈкәтән ӑпәԓтсайәм,
\q пӑтыԓы тӑхайа ма щи тухәрсайәм;
\q щарәс лывәщән ŏхем лӑп йŏвәртса.
\p
\v 6 Кев вŏш унты ма иԓ шуйԓәсәм,
\q мўв ԓўв йэртэпԓаԓән мӑнэм веккеша лӑп петсәԓы;
\q Нӑӈ пӑ, Турәм Куща, ма Турмем,
\q ма ԓыԓэм иԓта турәм эԓты нŏх туԓэн.
\p
\v 7 Хун ма ԓыԓэм сŏхәнты питәс,
\q ма Турәм Куща эԓты нумәԓмәсәм,
\q пӑ ма пойкем Нӑӈ хуԓсэн,
\q Нӑӈ йэмәӈ хотэна пойкем йŏхтәс.
\p
\v 8 Хŏй йурԓы пӑ нэмәԓтыйа ӑт рӑхты ŏтԓаԓ пеԓа пойәкщәԓәт,
\q Йӑм Сӑмәӈ Ŏтэԓ хӑйԓәт.
\p
\v 9 Ма пӑ ишкаԋщәп арән Нӑӈен йирән туԓәм;
\q мўй йастыԓысәм, верԓэм:
\q Турәм Куща хŏща нŏх пайтәсты щир уԓ!»
\p
\v 10 Турәм Куща ун веса партәс, пӑ ԓўв сорәм мўва Иона ким охтаԓсәԓы.
\c 3
\s Иона Ниневияйа мӑнәԓ
\p
\v 1 Щӑԓта Турәм Куща кимет пўш Иона пеԓа йастәс:
\p
\v 2 «Нŏх ԓойа, Ниневия ун воша мӑна, щита хŏйатәта йасәӈ такан пŏтәрта, мўй Ма нӑӈен партсәм».
\p
\v 3 Иона нŏх ԓойәс пӑ Турәм Куща йасәӈ хўват Ниневия воша мӑнәс; Ниневия хŏты Турәм ԓӑтәӈ ун вош, вош хўватәԓ хуԓәм хӑтәԓ шушты мосәԓ.
\p
\v 4 Щӑԓта Иона вош хўват шушты питәс, ий хӑтәԓ мўй арат верәтәԓ мӑнты, ԓўв сыйәӈа пŏтәртәс, йастыман: «Хŏԓна ԋӑԓйаӈ хӑтәԓ - пӑ Ниневия вош шўкатԓа!»
\p
\v 5 Ниневия вошәӈ хŏйатәт Турма эвәԓсәт, вўщԓәты йасәӈ версәт, ԓӑтәӈ ŏтԓаԓ эԓты ԓӑтԓы ŏтԓаԓ унты уԓттӑхты хир хŏрпи сŏха ԓумәтԓысәт.
\p
\v 6 Щи айкеԓ Ниневия хон унты йŏхтәс, ԓўв хон омәсты тӑхайәԓ эԓты нŏх ԓойәс, пӑ хон сŏхԓәԓ нŏх эхсәԓы, пӑ уԓттӑхты хир хŏрпи сŏх ԓумтәс, пӑ рат хыша опсәс.
\p
\v 7 Хон Ниневия вошән йастәты партсәԓы: «Хон пӑ ԓўв ԓӑӈкәр йŏхԓаԓ партԓәт: хŏйатәт пӑ войәт – мисәт пӑ ошәт нэмәԓты ӑт ат ԓэԓәт, тŏрән энәмты тӑхайа ӑт ат йӑхԓәт, йик ӑт ат йищԓәт.
\p
\v 8 Пӑ хŏйатәт пӑ войәт уԓттӑхты хир хŏрпи сŏхән пŏнман ат усәт, пӑ Турәм пеԓа такан ат пойәкщәсәт, кашәӈ хŏйат йŏвра йўшԓаԓ, атәм верԓаԓ эԓты шӑшән ат керԓәс.
\p
\v 9 Хŏй уйәтәԓ, мосәӈ, Турәм мўӈев щаԉәтԓәԓы, Ԓўв тарәм ԉикәԓ мўӈ эԓтэв нŏх ўԓԓы, пӑ мўӈ ӑт пӑрԓув».
\p
\v 10 Турәм ԓыв верԓаԓ шийаԓәсԓы, хŏты ԓыв атәм верԓаԓ эԓты шӑшән керԓәсәт. Турәм ԓывиԓаԓ щаԉитсәԓы, йэԓпи йастыԓыйәм шука пайәтты йасәӈԓаԓ йŏхԓы ўсԓы. Йастыԓыйәс ԓывиԓаԓа атәм верты, пӑ ӑт верәс.
\c 4
\s Иона ԉик
\p
\v 1 Иона щи вер урәӈән нŏпсәԓ шӑкәс пӑ ԉикащәс.
\p
\v 2 Щӑԓта Турәм Куща пеԓа ԓўв пойәкщәс пӑ йастәс: «Турәм Куща! Щит эԓты щи ма пӑԓсәм, хун ма ма мўвемән хŏԓна усәм? Щи урәӈән Фарсис пеԓа ма хŏнтасәм, ма уйәтсэм, Нӑӈ, Турәм, йӑм сӑмәӈ, щаԉаӈ, арпуш умщәӈ, хўв ԓавԓәсты верәтԓән, шука пайәтты йасӈен китты ӑт кашащԓән.
\p
\v 3 Ин хŏты, Турәм Куща, ма ԓыԓэм ма эԓтэм ўйи, уԓтэм эԓты, хӑԓԓәм–ки йӑмшәк».
\p
\v 4 Щӑԓта Турәм Куща йастәс: «Щит эԓты нӑӈ шек нŏпсэн шӑкәс?»
\p
\v 5 Иона вош эԓты ким этәс, пӑ хутԓыты пеләк сӑхат вош пўӈәԓән пӑԓ нŏрәм хŏрпи ŏт верәс, ԓоӈԓа варәс нўвәт пŏнәс, щи иԓпийа сай тӑхайа опсәс, ваттыйа, вош хŏты йиԓ.
\p
\v 6 Турәм Куща щиты верәс, ун лыптәӈ пухращ энмәԓтәс, Иона нўмпийән пӑԓа энмәс, ԓўв охәԓ сайән ат ус, Иона ԉикәԓ ат мӑнәс ԓуԓән; Иона щи ун лыптәӈ пухращ урәӈән нŏх амтәс.
\p
\v 7 Турәм щиты верәс, кимет хӑтәԓән хутԓәты пŏрайән, ин ун лыптәӈ пухращ сŏв шупән шŏппи пŏрса пӑ ԓўв нŏх сорәс.
\p
\v 8 Хун най этәс, Турәм рўвәӈ вот китәс, Иона ŏх найән щиты кўтәрԓыса пӑ ԓўв рэԋԓы питәс. Сŏрәм ԓўвеԓа вохәс пӑ йастәс: «Уԓтэм ушән, хӑԓԓәм–ки йӑмшәк».
\p
\v 9 Турәм Иона пеԓа йастәс: «Нӑӈ мўй йӑна щи лыптәӈ пухращ урәӈән нŏпсэн шӑкәс?» Ԓўв йастәс: «Шек нŏпсэм шӑкәс, хӑԓты унты!»
\p
\v 10 Щиӈәԋща Турәм Куща йастәс: «Нӑӈ лыптәӈ пухращ щаԉәтԓән, ԓўвеԓ ӑт энмәԓтысэн пӑ щи кеша ӑт рупитысән. Ԓўв и ат сыс энмиԓыйәс пӑ кимет ат сыс нŏх сорәс.
\p
\v 11 Ниневия мўй Мӑнэм щаԉәтты ӑт рӑхәԓ? Щит Вŏԓаӈ вош, хŏта сот хус щŏрәс мŏԓтас хŏйат йӑм пеләк йош пӑрта пеләк йош эԓты артаԓәтты ӑт верәтԓәт, пӑ ар вой уԓ.»