\id GEN 
\ide UTF-8
\mt1 Оԓәӈ эԓты нэпек
\c 1
\s Мўв опсантәм щир
\p
\v 1 Оԓәӈән Турәм\f + \fr 1:1 \fr*\fq Турәм \fq*\ft – щит Нŏви Турәм, Нўм Турәм, Сорԋи Турәм, Турәм Ащи;\ft*\f* турәм пӑ мўв тыйәԓтәс.
\p
\v 2 Мўв ватԓы-хŏрԓы пӑ таԓ ус, пӑтыԓы йиӈкәӈ тӑха нўмпийән пӑтлам ус, Турәм Ԓыԓәԓ йик нўмпийән йӑӈхәс.
\p
\v 3 Турәм йастәс: «Нŏвийа ат йиԓ». Пӑ нŏвийа йис.
\p
\v 4 Щӑԓта Турәм шийаԓәсԓы, нŏви щит йӑм, пӑ пӑтлам эԓты нŏви атэԓт ўсԓы.
\p
\v 5 Турәм нŏви хӑтԓа нэмәтсәԓы, пӑтлам пӑ ата нэмәтсәԓы. Йэтән ус пӑ аԓәӈсӑхат ус: оԓәӈ хӑтәԓ.
\p
\v 6 Турәм йастәс: «Йик кўтән турәм ԓŏӈәԓ\f + \fr 1:6 \fr*\fq турәм ԓŏӈәԓ\fq*\ft – небесная твердь;\ft*\f* ат питәԓ, йиӈкәт атэԓт ат ўԓԓы».
\p
\v 7 Турәм турәм ԓŏӈәԓ тыйәԓтәс, нўм йиӈкәт иԓта йиӈкәт эԓты атэԓт ўсԓы. Пӑ щиты щи питәс.
\p
\v 8 Турәм щи турәм ԓŏӈәԓ турәм хӑра нэмәтсәԓы. Йэтән ус пӑ аԓәӈсӑхат ус: кимет хӑтәԓ.
\p
\v 9 Турәм йастәс: «Турәм иԓпийән йиӈкәт и тӑхайа ат ӑктәщԓәт пӑ сорәм тӑха ат этәԓ». Пӑ щиты щи питәс.
\p
\v 10 Сорәм тӑха Турәм мўва нэмәтсәԓы, йӑха ӑктәм йиӈкәт щарса нэмәтсәԓы. Турәм шийаԓәсԓы, щит йӑм.
\p
\v 11 Турәм йастәс: «Мўв вŏсты тŏрнәт пӑ йўхәт ат энмәԓәԓ, тŏрнәт энәмты сэмәт ат тӑйԓәт пӑ ԓэвпәсәӈ йўхәт, кашәӈ йўх энмәԓтәм ԓэвпәсԓаԓән нохәр сэм ԓўв сырәԓ щирән мўвән ат тӑйәԓ». Пӑ щиты щи питәс.
\p
\v 12 Мўв вŏсты тŏрнәт пӑ ԓэвпәсәӈ йўхәт энмәԓтәс: кашәӈ тŏрән тŏрән сэмԓаԓ пиԓән ԓўв сырәԓ щирән; пӑ йўхәт, кашәӈ йўх энмәԓтәм нохәр сэмәӈ ԓэвпәс ԓўв сырәԓ щирән тӑйәс. Турәм шийаԓәсԓы, щит йӑм.
\p
\v 13 Йэтән ус пӑ аԓәӈсӑхат ус: хуԓмет хӑтәԓ.
\p
\v 14 Щӑԓта Турәм йастәс: «Турәм хӑрән хутԓәты ŏтәт ат питԓәт, ат пӑ хӑтәԓ ԓэра уйәтты урәӈән, пӑ щӑԓта поса ат уԓԓәт: йисәт, тӑԓәт, хӑтԓәт ԓэрапты урәӈән.
\p
\v 15 Пӑ турәм хӑрән хутԓәптәты ŏтәта ат питԓәт, мўв хутԓәптәты урәӈән». Пӑ щиты щи питәс.
\p
\v 16 Турәм кӑт вŏԓаӈ хутԓәптәты ŏтӈән тыйәԓтәс: уншәк ŏт хӑтәԓән ԓойты урәӈән, айшәк ŏт атән ԓойты урәӈән, пӑ хусәт тыйәԓтәс;
\p
\v 17 Турәм щи ŏтәт турәм хӑра ԓэщатсәԓы, мўв хутԓәптәты,
\p
\v 18 пӑ ат пӑ хӑтәԓ мŏрт пŏрайән пайтыԓыты, пӑ нŏви пӑ пӑтлам кӑтна тӑйты урәӈән. Турәм шийаԓәсԓы, щит йӑм.
\p
\v 19 Йэтән ус пӑ аԓәӈсӑхат ус: ԋӑԓмет хӑтәԓ.
\p
\v 20 Турәм йастәс: «Кӑмән хŏрпи ваӈкәтԓыты, ущиԓыты вой тащ йик ат тыйәԓтәԓ, пӑ мўв нўмпийән, турәм хӑр хўват тŏхԓәӈ войәт ат йӑхԓәт».
\p
\v 21 Турәм ун хўԓ шикет пӑ ар сыр ваӈкәтԓыты, ущиԓыты йикән вŏшиты арат ԓыԓәӈ ŏт пӑ ар сыр тŏхԓәӈ вой тыйәԓтәс. Турәм шийаԓәсԓы, щит йӑм.
\p
\v 22 Турәм ԓывиԓаԓ йӑмән мӑсԓы, пŏтәртман: «Пŏшхащаты, ара йўваты, щарсәтән йиӈкәт тэкнәптаԓән, тŏхԓәӈ войәт мўв хŏща па ара ат йиԓәт».
\p
\v 23 Йэтән ус пӑ аԓәӈсӑхат ус: ветмет хӑтәԓ.
\p
\v 24 Турәм йастәс: «Ԓыԓәӈ ŏтәт сырԓаԓ щирән мўв ат тыйәԓтәԓ: йош войәт, ут войәт, ваӈкәтԓыты, ущиԓыты, хухәтԓыты войәт хŏԓ сырԓаԓ щирән». Пӑ щиты щи питәс.
\p
\v 25 Ут войәт сырԓаԓ щирән, йош войәт сырԓаԓ щирән, ваӈкәтԓыты, ущиԓыты, хухәтԓыты войәт сырԓаԓ щирән Турәм тыйәԓтәс. Турәм шийаԓәсԓы, щит йӑм.
\p
\v 26 Турәм йастәс: «Мўӈ хŏрасэв пӑ Мўӈ хŏрпев хŏйат тыйәԓтԓув. Пӑ щӑԓта щарәс хўԓәт нўмпийән, тŏхԓәӈ войәт нўмпийән, йош войәт нўмпийән, омәсты мўв нўмпийән, мўвән ваӈкәтԓыты, ущиԓыты, хухәтԓыты войәт нўмпийән кущайа ԓўв ат уԓ».
\p
\v 27 Турәм хŏйат Ԓўв хŏрасәԓ щира, Турәм хŏрас щира, тыйәԓтсәԓы; йох хŏйат пӑ нэ хŏйат тыйәԓтәс.
\p
\v 28 Турәм ԓынан йӑмән мӑсԓы пӑ Турәм ԓынана йастәс: «Пŏшхащатән, ара йўваты, мўв тэкнәптаԓән, мўв ԓŏватән кущайа уԓаты, пӑ щарәс хўԓәт, пӑ тŏхԓәӈ войәт нўмпийән, пӑ мўвән ваӈкәтԓыты, ущиԓыты, хухәтԓыты войәт нўмпийән кущайа уԓатән».
\p
\v 29 Турәм йастәс: «Тӑта щи, мўв ԓŏватән энәмты кӑмән хŏрпи ԓат сэмәӈ тŏрән пӑ кӑмән хŏрпи ԓэвпәсәӈ йўх, мўва йŏвәԓты нохәр сэмԓаԓ пиԓән Ма нынана мӑсәм: щит нынана ԓэтŏта питәԓ.
\p
\v 30 Ут войәта, тŏхԓәӈ войәта пӑ ар сыр ваӈкәтԓыты, ущиԓыты, хухәтԓыты войәта – хŏԓ ԓыԓәӈ войәта энәмты тŏрнәт, лыптәт ԓэтŏта Ма мӑсәм». Щиты щи питәс.
\p
\v 31 Щӑԓта Турәм ватсәԓы, мўй Ԓўв тыйәԓтәс пӑ щит шек йӑм. Йэтән ус пӑ аԓәӈсӑхат ус: хутмет хӑтәԓ.
\c 2
\p
\v 1 Щиты турәм пӑ мўв опсантәм щир йэтшәс, турәмән пӑ мўвән уԓты ŏтәт тыйәԓтты вер йэтшәс.
\p
\v 2 Ԓапәтмет хӑтәԓ унты Турәм Ԓўв верәм верԓаԓ йэтшәптәсԓы, щӑԓта ԓапәтмет хӑтәԓән Ԓўв верәм верԓаԓ эԓты щўтщәс.
\p
\v 3 Ԓапәтмет хӑтәԓ Турәм йӑмән мӑсԓы, йэмәӈа версәԓы, щи хӑтәԓән Ԓўв тыйәԓтәм пӑ йэтшәптәм верԓаԓ эԓты щўтщәс.
\s Адам пӑ Ева
\p
\v 4 Тӑм турәм пӑ мўв опсантәм щир, тыйәԓтәм щир. Турәм Куща\f + \fr 2:4 \fr*\fq Турәм Куща \fq*\ft – Господь, а здесь и в стихах 2:5–3:24 – Господь Бог.\ft*\f* мўв пӑ турәм тыйәԓтмаԓән,
\p
\v 5 кӑмән хŏрпи хӑр мўв варәс пӑ кӑмән хŏрпи хӑр мўв тŏрән хŏԓна ӑт энмәс, Турәм Куща мўва йэрт хŏԓна ӑт китыԓыйәс, пӑ мўв хӑр ԓэщатты хŏйат ӑнтом ус, щишән.
\p
\v 6 Туп мўв эԓты шив нŏх этԓыйәс пӑ мўв сŏх аратәԓ иса посмәԓтысԓы.
\p
\v 7 Щӑԓта Турәм Куща мўв хиш эԓты хŏйат тыйәԓтәс пӑ ԋŏԓ ўсәԓа уԓты ԓыԓән пŏԓәтсәԓы, пӑ хŏйат ԓыԓәӈа йис.
\p
\v 8 Щӑԓта Турәм Куща хӑԓэвәт пеләк мўвән, Едэмән, ар сыр йўхәт опсәс, щи ŏйәӈ-щўԋәӈ тӑхайән тыйәԓтәм хŏйатәԓ уԓты хӑйсәԓы.
\p
\v 9 Турәм Куща ар хŏрпи йўхәт умәщԓыты кеша пӑ йӑм ԓэвпәс урәӈән энмәԓтәс, пӑ щӑԓта, щи ŏйәӈ-щўԋәӈ тӑха кўтәпән уԓәпса йўх энмәԓтәс пӑ йӑм пӑ атәм ŏша пайәтты щир тӑйты йўх щита энмәԓтәс.
\p
\v 10 Ŏйәӈ-щўԋәӈ тӑха йикән пŏшәԓтәты урәӈән, Едэм мўв эԓты йŏхан ŏвәс, йэԓԓы щи йŏхан лакки ԋӑԓ йŏхана йохарщийәс.
\p
\v 11 Йитәԓ нэмәԓ Фисон: ԓўв Хавила мўв керәтман ŏвәԓ, щита, хŏта сорԋи уԓ,
\p
\v 12 сорԋи щи мўвән йӑм; хŏԓна щита эпԓәӈ ух пӑ оникс кев уԓ.
\p
\v 13 Кимет йŏхан Гихон: Куш мўв керәтман ԓўв ŏвәԓ.
\p
\v 14 Хуԓмет йŏхан Хиддекель: Ассирия мўв йэԓпийән ԓўв ŏвәԓ. Ԋӑԓмет йŏхан Евфрат.
\p
\v 15 Турәм Куща хŏйат ўсԓы, пӑ Едэм ŏйәӈ-щўԋәӈ тӑхайән ԓўвеԓ уԓты хӑйсәԓы, щи мўвән мŏԓты энмәԓты пӑ шавиты урәӈән.
\p
\v 16 Турәм Куща хŏйата партәс, щиты йастәман: «Тӑм ŏйәӈ-щўԋәӈ тӑхайән кашәӈ йўх эԓты нӑӈ ԓэты верәтԓән,
\p
\v 17 туп йӑм пӑ атәм ŏша пайәтты йўх эԓты аԓ ԓэва, щи хӑтәԓ, хун щи йўх эԓты мŏԓты ԓэԓән ки, нӑӈ хӑԓԓән».
\p
\v 18 Щӑԓта Турәм Куща йастәс: «Хŏйата утща уԓты атәм, ԓўвеԓа ԋотты ԓўв хŏрпеԓ пиԓ тыйәԓтԓув».
\p
\v 19 Мўв хиш эԓты Турәм Куща хŏԓ ут войәт тыйәԓтсәԓы, хŏԓ тŏхԓәӈ войәт тыйәԓтсәԓы, щӑԓта ԓывиԓаԓ хŏԓ хŏйат хŏща тусԓы, ваттыйа, хŏты хŏйатән нэмәтԓайәт; хŏты хŏйатән кашәӈ ԓыԓәӈ ŏт нэмәтԓа, щиты нэмәԓ ат питәԓ.
\p
\v 20 Щӑԓта хŏйат кашәӈ шŏши войа, тŏхԓәӈ войа, ут войа нэм мӑс; туп хŏйата ԓўвеԓа ԋотты ԓўв хŏрпеԓ пиԓ ӑт ԉикмәс.
\p
\v 21 Щӑԓта Турәм Куща хŏйат так оԓма пайәтсәԓы; хун ԓўв вŏйәпса, и хŏнлŏхәԓ нŏх ўсԓы, щи лот ԋŏхеԓән лӑп пŏтсәԓы.
\p
\v 22 Щӑԓта Турәм Куща хŏйат эԓты ўйәм хŏнлŏхәԓ эԓты нэ хŏйат тыйәԓтәс, пӑ ԓўвеԓ хŏйат хŏща тусԓы.
\p
\v 23 Щӑԓта хŏйат йастәс:
\b
\q «Тӑта щи, тӑм ԓŏв ма ԓŏвԓам эԓты
\q пӑ тӑм ԋŏхи ма ԋŏхем эԓты;
\q ԓўв имийа нэмәтты питԓа:
\q икеԓ эԓты ўйман уԓԓа».
\b
\p
\v 24 Щишән, йох хŏйат ԓўв ащеԓ пӑ ԓўв аԋԏэԓ хӑйԓәԓы пӑ ԓын ита йиԓтән.
\p
\v 25 Адам пӑ ԓўв имеԓ кинтак ԋар эԓән усӈән, ԓын ӑт йэԓамтысӈән.
\c 3
\s Оԓәӈ кӑрэк
\p
\v 1 Турәм Куща тыйәԓтәм ут войәт эԓты ŏхты вой мет ŏщмарәӈ ус. Ԓўв нэ пеԓа йастәс: «Турәм мўй йӑна йастәс: ‘Тӑм ŏйәӈ-щўԋәӈ тӑхайән нэмәԓты йўх эԓты аԓ ԓэватән?’»
\p
\v 2 Ŏхты войа нэ йастәс: «Мин йўхәтән энмәм ԓэвпәсәт ԓэты верәтԓәмән,
\p
\v 3 туп Турәм щиты йастәс: ‘Ŏйәӈ-щўԋәӈ тӑха кўтәпән энәмты йўх эԓты ԓэвпәсәт аԓ ԓэватән пӑ аԓ кетмаԓән, нынана ӑт пӑрты урәӈән’».
\p
\v 4 Ŏхты вой нэӈа йастәс: «Ӑнта, ӑт пӑрԓәтән,
\p
\v 5 Турәм уйәтԓәԓы, щи хӑтәԓән, хун нын щиԓта ԓэԓтән, нын ŏшән йŏхәтԓайтән, щӑԓта Турәм иты йӑм пӑ атәм уйәтты питԓәтән».
\p
\v 6 Щитәԓән нэ шийаԓәсԓы, щи йўх сэмән ватты умәщ пӑ ԓэвпәсәԓ йӑм хŏрпи, пӑ щӑԓта йўхәԓ мосәԓ, ŏшәӈ нŏмәс мӑԓ, щишән; щикәԋща, энмәм ԓэвпәс ԓўв ўс пӑ ԓэс; пӑ ԓэвпәс икеԓа па мӑсԓы, ԓўв па ԓэс.
\p
\v 7 Щӑԓта ԓын ŏшән йŏхәтсайтән, пӑ ԋарԓŏмәԓты уԓты верән веԓщи мŏштәсԓән, пӑ смоква йўх лыптәт эԓты эԓ сайԓәты ӑнтәпӈән версәтән.
\p
\v 8 Щӑԓта Турәм Куща сый хуԓтмәстән, хŏты Ԓўв щи ŏйәӈ-щўԋәӈ тӑхайән хӑтәԓ йоләх сӑмән шушиԓыйәс; Адам нэӈәԓ пиԓән Турәм Куща эԓты йўхәт кўтән хӑԋэмәстән.
\p
\v 9 Турәм Куща пӑ Адам ўваԓсәԓы пӑ йастәс: «Нӑӈ хŏта?»
\p
\v 10 Ԓўв йастәс: «Ŏйәӈ-щўԋәӈ тӑхайән Нӑӈ шушиԓыты сыйэн ма хуԓтсэм, пӑ пӑԓтамәсәм ԋарԓŏмәԓты уԓмем урәӈән, щишән хӑԋэмәсәм».
\p
\v 11 Турәм иԋщәссәԓы: «Хŏй нӑӈена йастәс нӑӈ ԋарԓŏмәԓты уԓты верэн? Аԓт пӑ нӑӈ щи йўх эԓты ԓэсән, хŏԓща Ма нӑӈена ԓэты ӑт эсәԓсэм?»
\p
\v 12 Адам йŏхԓы йастәс: «Нэӈән, Нӑӈ мӑнэма мийәм нэӈенән, щи йўх эԓты мӑсайәм, пӑ ма ԓэсәм».
\p
\v 13 Щӑԓта Турәм Куща нэӈа йастәс: «Мўйа нӑӈ щиты версэн?» Нэ йастәс: «Ŏхты вой мӑнэм ԓэпәԓсәԓы, щишән ма ԓэсәм».
\p
\v 14 Щӑԓта Турәм Куща ŏхты войа йастәс:
\b
\q «Щит вермен урәӈән, мўԓман уԓты питԓән
\q йош войәт пӑ ут войәт кўтән,
\q тӑԓта йэԓԓы хŏн пӑтэнән хӑтыԓыты нӑӈ питԓән
\q пӑ уԓтэн хўват мўв хиш ԓэты питԓән;
\p
\v 15 пӑ щӑԓта нӑӈ пӑ нэ,
\q нын кўтәнән атмащ уԓты щир верԓәм,
\q нӑӈ энмәԓты ŏтԓан пӑ ԓўв энмәԓты ŏтԓаԓ кўтән
\q йэԓԓы ищи атмащ уԓты щир пŏнԓәм;
\q хŏйат нӑӈен ŏхен эԓты веԓты питԓәԓы,
\q нӑӈ пӑ ԓўвеԓ кўр йŏтԓаӈ эԓты пŏрэмәԓэн».
\b
\p
\v 16 Нэӈа йастәс:
\b
\q «Ԓавәртат уԓтэнән кӑшиԓан шек ара верԓәԓам;
\q муш пиԓән ԋаврэм тӑйты питԓән;
\q нӑӈ икен нӑӈен мосты питәԓ,
\q ԓўв пӑ нӑӈ кущайэн питәԓ».
\b
\p
\v 17 Адама пӑ йастәс:
\b
\q «Нэӈен йасӈа хуԓәтмен урәӈән
\q пӑ щи йўх эԓты ԓэвмен урәӈән,
\q хŏԓща Ма нӑӈена ԓэты ӑт эсәԓсэм,
\q щи йастыԓысәм: ‘Щиԓта аԓ ԓэва’,
\q тӑԓта йэԓԓы нӑӈ урӈенән
\q мўв мўԓман уԓты питәԓ;
\q уԓтэн хўват шукащман
\q мўв эԓты ԓэтŏт мŏщатты питԓән;
\p
\v 18 пеԓантыты тŏрнәт нӑӈена мўв энмәԓтәԓ,
\q мўв хӑрән энәмты тŏрнәт эԓты ԓэты питԓән;
\p
\v 19 шӑк йик кўтән ԋаԋэн ԓэты питԓэн,
\q мўва иԓ питтэн унты,
\q хŏԓща нӑӈ ўйман уԓԓән,
\q нӑӈ мўв хиш пӑ мўв хиша па йиԓән».
\b
\p
\v 20 Адам\f + \fr 3:20 \fr*\fq Адам \fq*\ft – «хŏйат»;\ft*\f* имеԓ нэмән мӑсԓы: Ева\f + \fr 3:20 \fr*\fq Ева \fq*\ft – «хŏԓ уԓты хŏйатәт аԋԏи»;\ft*\f*, ԓўв хŏԓ уԓты хŏйатәт аԋԏийа йис.
\p
\v 21 Турәм Куща Адама пӑ ԓўв имеԓа ԓумәтты сŏхәт ԋўки эԓты верәс пӑ ԓынан ԓумәттәсԓы.
\p
\v 22 Турәм Куща йастәс: «Тӑта щи, хŏйат Мўӈ итэва йис, йӑм пӑ атәм уйәтты питәс, щишән, ӑт рӑхәԓ ԓўвеԓ щиты йэԓ эсәԓты, хŏԓна уԓәпса йўх эԓты ԓэвпәс ўты верәтәԓ, щиԓта ԓэԓ ки, веккеша уԓты питәԓ».
\p
\v 23 Щишән, Турәм Кущайән Едэм ŏйәӈ-щўԋәӈ тӑха эԓты ԓўв воштәса, мўвән ат рупитәԓ, хŏԓща ԓўв тыйәԓтса.
\p
\v 24 Щиты хŏйат воштәсԓы, пӑ Едэм ŏйәӈ-щўԋәӈ тӑха пўӈәԓән хӑтәԓ этты пеләк сӑхат херувим\f + \fr 3:24 \fr*\fq херувим \fq*\ft – ангеләт кўтән вŏԓаӈ ŏт;\ft*\f* ŏт пӑ щӑԓта ԓӑрыты тўтәӈ аԓтты кеши, уԓәпса йўх хŏща мӑнты йуш шавиты урәӈән ԓощәԓтәс.
\c 4
\s Каин пӑ Авель
\p
\v 1 Адам Ева пиԓән устән, щӑԓта нэӈәԓ Каин нэмпи пŏх тӑйәс, пӑ йастәс: «Турәм Кущайән ԋаврэмән партсайәм».
\p
\v 2 Щӑԓта пӑ ху апщеԓ сэма питәс, Авель. Авель ош тащәт шавийәс, Каин пӑ мўв хӑрән рупитәс.
\p
\v 3 Мŏԓты кўт хӑщәман, Каин энмәԓтәм лэвпәсԓаԓ эԓты Турәм Кущайа мойԓәпса тус,
\p
\v 4 Авель ищи, мет оԓәӈ пўш опсәм войԓаԓ пӑ щи войԓаԓ вŏй мойԓәпсайа тусԓы. Турәм Куща Авель пеԓа пӑ ԓўв мойԓәпсайԓаԓ пеԓа йӑм сэмән вантәс,
\p
\v 5 Каин пеԓа пӑ ԓўв мойԓәпсайԓаԓ пеԓа йӑм сэмән ӑт вантәс. Каин ԉикән йŏхәтса пӑ вешәԓ ԉик эԓты питыйа йис.
\p
\v 6 Щӑԓта Турәм Куща Каина йастәс: «Мўйа нӑӈ ԉикән йŏхәтсайән? Мўйа веншен па хŏрпийа йис?
\p
\v 7 Йӑм верԓән ки, вещкат вешән ватԓән. Атәм верԓән ки, ов пўӈԓэнән кӑрэк ŏԓәԓ, ԓўв нӑӈен кӑлщәԓтԓәԓы, нӑӈ пӑ ԓўв нўмпеԓән йурәӈа уԓа».
\p
\v 8 Щӑԓта Каин Авель апщеԓ пиԓән потәртәс. Мўв хӑрән уԓманән, Каин Авель апщеԓ хŏща щӑкәс пӑ ԓўвеԓ веԓсәԓы.
\p
\v 9 Щӑԓта Турәм Куща Каин иԋщәссәԓы: «Авель апщен хŏта?» Ԓўв йастәс: «Ӑт уйәтԓэм: ма ԓўвеԓ ватман хун уԓԓәм?»
\p
\v 10 Щӑԓта Турәм Куща йастәс: «Мўй нӑӈ версән? Апщен ўр ўвты сый Мӑнэма мўв эԓты щащәԓ;
\p
\v 11 ин нӑӈ мўԓтсайән, мўвен эԓты воштысайән, мўв пелки лоӈхиԓәс, нӑӈ йошенән мӑнәԓтәм апщен кӑԓы ўты урәӈән;
\p
\v 12 тӑԓта йэԓԓы мўв хӑрән рупиттэнән, ԓўв нӑӈ урӈенән йур ӑт мӑԓ; нӑӈ мўв ԓŏватән шŏшиԓы-хотԓы хŏйата питԓән».
\p
\v 13 Щӑԓта Турәм Кущайа Каин йастәс: «Мӑнэма щи мўԓтәм верэн шек ԓавәрт, ма ӑт верәмԓэм;
\p
\v 14 ин Нӑӈ мӑнэм ма мўвем эԓты ԋухәԓԓэн, пӑ Нӑӈ эԓтэн па хӑԋэмәԓәм, шŏшиԓы-хотԓыйа уԓты питԓәм; пӑ йэщаԓт йŏхәтты оԓәӈ ŏтән ма щи веԓԓайәм».
\p
\v 15 Щӑԓта Турәм Куща ԓўвеԓа йастәс: «Каин веԓты ŏта, ԓапәт пўш нўра уԓа». Щӑԓта Турәм Куща Каина щимәщ пос ԓэщатәс, щӑха уйтантыты ŏтәтән ԓуԓән ӑт ат веԓса.
\p
\v 16 Щӑԓта Турәм Куща эԓты Каин мӑнәс пӑ Едэм эԓты хӑтәԓ этты пеләкән Нод мўвән уԓты питәс.
\s Каин тыхәԓ
\p
\v 17 Каин имеԓ пиԓән устән; имеԓ Енох нэмпи пŏх тӑйәс. Пӑ щӑԓта Каин вош опсәс, вошәԓ пŏхәԓ нэмән пŏтсәԓы: Енох.
\p
\v 18 Енох Ирад пŏх тӑйәс; Ирад Мехиаель пŏх тӑйәс; Мехиаель Мафусал пŏх тӑйәс; Мафусал пӑ Ламех пŏх тӑйәс.
\p
\v 19 Ламех кӑт нэ ўйԓыйәс: йитәԓ нэм Ада, кимет нэӈәԓ нэм Цилла.
\p
\v 20 Ада Иавал пŏх тӑйәс: ԓўв эԓтэԓ пирщин хотәтән уԓты пӑ вой тащәт шавиты хŏйатәт йэԓԓы мӑтсәт.
\p
\v 21 Ԓўв ху апщеԓ нэмәԓ Иувал ус: ԓўв эԓтэԓ нарәс йўхән пӑ тŏмранән йŏтты хŏйатәт йэԓԓы мӑтсәт.
\p
\v 22 Цилла пӑ Тувалкаин тӑйәс, ԓўв пӑтәр ŏх пӑ карты эԓты ар сыр пŏрмасәт верәс. Тувалкаин Ноема нэмпи нэ апщи тӑйәс.
\p
\v 23 Щӑԓта Ламех имеӈәԓԓаԓа йастәс:
\b
\q «Ада пӑ Цилла! Ма пŏтрэм хуԓәнтатән;
\q Ламех имеӈән! Ма йасәӈԓам хуԓәнтатән:
\q ху хŏйат мӑнэм мушмәԓтмаԓ урәӈән ма веԓсэм
\q пӑ айԓат хŏйат мӑнэм хӑтщәмаԓ урәӈән ма веԓсэм.
\p
\v 24 Каин урәӈән ԓапәт пўш нўра ўԓа,
\q Ламех урәӈән ԓапәтйаӈ пўш ԓапәт нўра ўԓа».
\s Сиф пӑ Енос
\p
\v 25 Щӑԓта Адам имеԓ хŏԓна пŏх тӑйәс, Сиф\f + \fr 4:25 \fr*\fq Сиф \fq*\ft – (евр.) «мӑты» йасәӈ хŏрпи;\ft*\f* нэмән мӑсԓы, пŏтәрман: «Каинән веԓәм Авель йўкана Турәм мӑнэма ԋаврэм па мӑс».
\p
\v 26 Сиф ищи пŏх тӑйәс, Енос нэмән мӑсԓы; щи йис эԓты Турәм Куща пеԓа пойәкщәты питса.
\c 5
\s Адам тыхәԓ тэԓ
\p
\v 1 Тӑм Адам и рут хŏйатәт: Турәм, хŏйат тыйәԓтмаԓән, Турәм Ԓўв хŏрпеԓа ԓўвеԓ тыйәԓтсәԓы,
\p
\v 2 йох хŏйат пӑ нэ хŏйат тыйәԓтәс, пӑ ԓынан йӑмән мӑсԓы, пӑ щӑԓта ԓынан тыйәԓтәм хӑтәԓән ‘хŏйат’ нэмән ԓынан мӑсԓы.
\p
\v 3 Адам, нуптәԓ сот хŏԉмаӈ тӑԓ уԓмаԓән, ԓўв хŏрпеԓ пӑ ԓўв хŏраспеԓ пŏх тӑйәс, пӑ Сиф нэмән ԓўвеԓ мӑсԓы.
\p
\v 4 Сиф сэма питәм йўпийән Адам хŏԓна нийәԓсот тӑԓ ус, пӑ эвет-пŏхәт тӑйәс.
\p
\v 5 Иуԓтыйа Адам нуптәԓ йӑрәтйаӈсот хŏԉмаӈ тӑԓ ус; щӑԓта ԓўв пӑрәс.
\p
\v 6 Сиф, нуптәԓ сот вет тӑԓ уԓмаԓән, Енос пŏх тӑйәс.
\p
\v 7 Енос сэма питәм йўпийән, Сиф хŏԓна нийәԓсот ԓапәт тӑԓ ус, пӑ эвет-пŏхәт тӑйәс.
\p
\v 8 Иуԓтыйа Сиф нуптәԓ йӑрәтйаӈсот кӑтхŏщйаӈ тӑԓ ус; пӑ ԓўв пӑрәс.
\p
\v 9 Енос, нуптәԓ йӑрсот тӑԓ уԓмаԓән, Каинан пŏх тӑйәс.
\p
\v 10 Каинан сэма питәм йўпийән, Енос хŏԓна нийәԓсот ветхŏщйаӈ тӑԓ ус, пӑ эвет-пŏхәт тӑйәс.
\p
\v 11 Енос нуптәԓ йӑрәтйаӈсот вет тӑԓ ус; пӑ ԓўв пӑрәс.
\p
\v 12 Каинан, нуптәԓ ԓапәтйаӈ тӑԓ уԓмаԓән, Малелеил пŏх тӑйәс.
\p
\v 13 Малелеил сэма питәм йўпийән, Каинан хŏԓна нийәԓсот ԋӑԓйаӈ тӑԓ ус, пӑ эвет-пŏхәт тӑйәс.
\p
\v 14 Каинан нуптәԓ йӑрәтйаӈсот йаӈ тӑԓ ус; пӑ ԓўв пӑрәс.
\p
\v 15 Малелеил, нуптәԓ хутйаӈ вет тӑԓ уԓмаԓән, Иаред пŏх тӑйәс.
\p
\v 16 Иаред сэма питәм йўпийән, Малелеил хŏԓна нийәԓсот хŏԉмаӈ тӑԓ ус, пӑ эвет-пŏхәт тӑйәс.
\p
\v 17 Малелеил йӑрәтйаӈсот тӑԓ унты вет тӑԓәԓ ӑт усԓы; пӑ ԓўв пӑрәс.
\p
\v 18 Иаред, нуптәԓ сот хутйаӈ кӑт тӑԓ уԓмаԓән, Енох пŏх тӑйәс.
\p
\v 19 Енох сэма питәм йўпийән, Иаред нийәԓсот тӑԓ ус, пӑ эвет-пŏхәт тӑйәс.
\p
\v 20 Иаред нуптәԓ йӑрәтйаӈсот хутйаӈ кӑт тӑԓ ус; пӑ ԓўв пӑрәс.
\p
\v 21 Енох, хутйаӈ вет тӑԓ уԓмаԓән, Мафусал пŏх тӑйәс.
\p
\v 22 Мафусал сэма питәм йўпийән, Енох хуԓәмсот тӑԓ Турәм пиԓән ус, пӑ эвет-пŏхәт тӑйәс.
\p
\v 23 Иуԓтыйа Енох хуԓәмсот хутйаӈ вет тӑԓ ус.
\p
\v 24 Енох Турәм пиԓән ус; щӑԓта ӑнтома йис, ԓўв Турәмән уса.
\p
\v 25 Мафусал, нуптәԓ сот нийәԓйаӈ ԓапәт тӑԓ уԓмаԓән, Ламех пŏх тӑйәс.
\p
\v 26 Ламех сэма питәм йўпийән, Мафусал ԓапәтсот нийәԓйаӈ кӑт тӑԓ ус, пӑ эвет-пŏхәт тӑйәс.
\p
\v 27 Мафусал нуптәԓ йӑрәтйаӈсот ԓапәтйаӈ пеԓа йӑрәтйаӈ тӑԓ ус; пӑ ԓўв пӑрәс.
\p
\v 28 Ламех, нуптәԓ сот нийәԓйаӈ кӑт тӑԓ уԓмаԓән, пŏх тӑйәс,
\p
\v 29 Ной\f + \fr 5:29 \fr*\fq Ной \fq*\ft – (евр.) \ft*\fq ноах\fq*\ft – «йӑм, шитам уԓәпса»;\ft*\f* нэмән ԓўвеԓ мӑсԓы пӑ йастәс: «Турәм Кущайән мўԓәм мўвевән ԓавәрт рупатайэвән тӑм пŏх мўӈев торапԓәԓԓы».
\p
\v 30 Ной сэма питәм йўпийән, Ламех хутсот тӑԓ унты вет тӑԓәԓ ӑт усԓы, пӑ эвет-пŏхәт тӑйәс.
\p
\v 31 Ламех нуптәԓ ԓапәтсот ԓапәтйаӈ ԓапәт тӑԓ ус; пӑ ԓўв пӑрәс.
\p
\v 32 Нойа ветсот тӑԓ ус, хун ԓўв хŏщайәԓ сэма питсәт: Сим, Хам пӑ Иафет.
\c 6
\s Мўв пӑратты нŏмәс
\p
\v 1 Мўвән хŏйатәт ара йисәт пӑ ԓыв хŏщайэԓ эвет сэма питсәт,
\p
\v 2 пӑ Турәм пŏхәтән хŏйат рут эвет кащаԓәсайәт, мўй хŏрпи ԓыв хŏрасәӈәт, пӑ хŏй ԓывиԓаԓа рӑхәс, нэӈа ўты питсәԓаԓ.
\p
\v 3 Щӑԓта Турәм Куща йастәс: «Ма ԓыԓэм век хун хŏйатәт хŏща уԓ, хŏйатәт пӑрԓәт\f + \fr 6:3 \fr*\fq Ма ԓыԓэм век хун хŏйатәт хŏща уԓ, хŏйатәт пӑрԓәт\fq*\ft – тӑмиты па йастәты рӑхәԓ: «Ма Ԓыԓэм иса хун хŏйатәтән эртман тӑйты питԓа, хŏйат кӑрэкәӈ»;\ft*\f*, нупәтԓаԓ сот хус тӑԓ ат уԓ».
\p
\v 4 Щи пŏрайән мўвән пӑԓатәӈ-ԓŏватәӈ хŏйат шикет усәт, метшопәӈ щи пŏра эԓты, хŏты Турәм пŏхәт хŏйат эвет хŏща ԓŏӈтыты питсәт, пӑ ԋаврэмәт ԓыв эԓтыԓаԓ тӑйты питсәт: щит йис тэԓән щащәм йурәӈ уртәт.
\p
\v 5 Щӑԓта Турәм Куща шийаԓәсԓы, мўвән уԓты хŏйатәт ԓыв кўтԓаԓән шек уԉԋайа уԓԓәт, нŏмәсԓаԓ пӑ сӑмԓаԓ иса ԉикәӈәт;
\p
\v 6 хŏйат тыйәԓтмаԓ урәӈән, Турәм Куща нŏпсәԓ шӑкәс пӑ Ԓўв сӑмәԓ кӑшийән тэкәтса.
\p
\v 7 Турәм Куща йастәс: «Мўвән уԓты Ма тыйәԓтәм хŏйат рутэм, хŏйатәт эԓты ўйман, йош войәт, ваӈкәтԓыты, ущиԓыты, хухәтԓыты войәт, пӑ тŏхԓәӈ войәт унты хŏԓ хŏԓтԓыԓам, ԓывиԓаԓ тыйәԓтмем урәӈән Ма нŏпсэм шӑкәс, щишән».
\s Ковчег верәм щир, Ной ԓыԓӈа хӑйты урәӈән
\p
\v 8 Туп Ной пеԓа Турәм Куща йӑм сэмән вантәс.
\p
\v 9 Тӑта щи Ной уԓәпса: щи ишән уԓәм хŏйатәт кўтән туп Ной тўӈа-щира ус, атәм ӑт верыԓыйәс; Турәм пиԓән Ной ус.
\p
\v 10 Ной хуԓәм пŏх тӑйәс: Сим, Хам пӑ Иафет.
\p
\v 11 Турәм ватман мўв ўкщәм уԓәпсайән пӑ ԉикәӈ верәтән тэкнәс.
\p
\v 12 Турәм шийаԓәсԓы, хŏты мўв шӑкатәм, кашәӈ ԓыԓәӈ ŏт шушты йушәԓ ўкщәма вермаԓ, щишән.
\p
\v 13 Щӑԓта Турәм Ной пеԓа йастәс: «Ма кашәӈ ԓыԓәӈ ŏт хŏԓтԓэм, мўв ԓыв эԓтайэԓ ԉикәӈ верәтән тэкнәс; щишән, Ма ԓывиԓаԓ пӑратԓәԓам.
\p
\v 14 Гофер йўх эԓты ковчег хоп нӑӈена вера; хопен йӑтәӈа веры, щӑԓта ԓыпеԓ пӑ эԓтэԓ ухән нэры.
\p
\v 15 Пӑ щиты веры: хўватәԓән ковчег хоп хуԓәмсот кўш оԓәӈ, ўтатәԓән ветйаӈ кўш оԓәӈ, пӑԓатәԓән хŏԉмаӈ кўш оԓәӈ ат питәԓ.
\p
\v 16 Ковчег хоп ԓоӈәԓән веры, нумән хот щур пӑԓатәԓ и кўш оԓәӈ ԓŏват ат уԓ; и пелкәԓән ов вера; ԓыпеԓән пӑ, иԓән, кўтәпән пӑ нумән, уԓты йӑт ат тӑйәԓ.
\p
\v 17 Пӑ щӑԓта, Ма ун йик мўва партԓәм, турәм иԓпийән уԓты ԓыԓәӈ ŏтәт хŏԓ пӑратты урәӈән; мўвән уԓты ŏтәт хŏԓ пӑрԓәт.
\p
\v 18 Туп нӑӈ пиԓэнән Ма йастантәпса верԓәм: щи ковчег хопа нӑӈ ԓŏӈԓән, щӑԓта нӑӈ пŏхԓан, щӑԓта нӑӈ имен, щӑԓта пŏхԓан имет нӑӈ пиԓэнән ԓŏӈԓәт.
\p
\v 19 Щӑԓта ковчег хопа хŏԓ войәт эԓты ԓŏӈәԓта, кашәӈ вой сыр эԓты кӑтәнән, нэ вой пӑ ху вой, ԓыв нӑӈ пиԓэнән ԓыԓӈа ат хӑщԓәт.
\p
\v 20 Tŏхԓәӈ войәт эԓты кашәӈ сыр войӈән, йош войәт эԓты, хŏԓ мўвән ваӈкәтԓыты, ущиԓыты, хухәтԓыты войәт эԓты кашәӈ сыр войӈән ат уԓԓәӈән. Ԓыв нӑӈ хŏщайэн ԓŏӈԓәт, ԓыԓӈа хӑщты урәӈән.
\p
\v 21 Нӑӈ пӑ ар сыр ԓэвпәс ўйа, мўй хŏрпи мосәԓ, пӑ нӑӈ хŏщайән сопасԓы; щит нӑӈена пӑ ԓывиԓаԓа ԓэтŏта питәԓ».
\p
\v 22 Ной иса щиты версәԓы: хŏты Турәм ԓўвеԓа партәс, ԓўв щиты щи версәԓы.
\c 7
\s Ун йик
\p
\v 1 Щӑԓта Турәм Куща Нойа йастәс: «Нӑӈ пӑ нӑӈ тыхԓэн хŏԓ ковчег хоп ԓыпийа ԓŏӈаты, Ма йэԓпемән тӑм ишән уԓты хŏйатәт кўтән туп нӑӈен вещката ԓўӈәтԓэм.
\p
\v 2 Сыстам йош войәт\f + \fr 7:2 \fr*\fq Сыстам йош войәт \fq*\ft – щиты айәԓсайәт йира туты рӑхты войәт;\ft*\f* эԓты кашәӈ вой сыр эԓты кӑтәнән ԓапәт пўш ўйа, ху войәт пӑ нэ войәт, ӑнта сыстам йош войәт эԓты кӑтәнән ўйа, ху войәт пӑ нэ войәт,
\p
\v 3 тŏхԓәӈ войәт эԓты ищи кӑтәнән ԓапәт пўш кашәӈ вой сыр эԓты, ху войәт пӑ нэ войәт, йэԓԓы мўв ԓŏватән вой сыр шавиты урәӈән,
\p
\v 4 ԓапәт хӑтәԓ хӑщты йўпийән ԋӑԓйаӈ хӑтәԓ пӑ ԋӑԓйаӈ ат Ма мўва йэрт шошәмԓәм; мўвән уԓты ԓыԓәӈ ŏтәт, хŏйтат Ма тыйәԓтсәм, хŏԓ пӑратԓәԓам».
\p
\v 5 Ной щиты щи верәс, хŏты ԓўвеԓ Турәм Куща партәс.
\p
\v 6 Ун йик мўва йŏхтәмән, Ной нуптәԓ хутсот тӑԓ ус.
\p
\v 7 Щӑԓта Ной пӑ ԓўв пŏхԓаԓ, пӑ ԓўв имеԓ, пӑ пŏхԓаԓ имет ковчег хопа ԓŏксәт ун йик эԓты шаващты урәӈән.
\p
\v 8 Щӑԓта сыстам йош войәт эԓты, ӑнта сыстам йош войәт эԓты, тŏхԓәӈ войәт эԓты пӑ мўвән ваӈкәтԓыты, ущиԓыты, хухәтԓыты войәт эԓты
\p
\v 9 кӑтәнән, ху войәт пӑ нэ войәт, Нойа Турәм партәм щирән Ной хŏща ковчег хопа ԓŏксәт.
\p
\v 10 Ԓапәт хӑтәԓ хӑщәм йўпийән, ун йик мўва йŏхтәс.
\p
\v 11 Ной нупәт хутсотмет тӑԓән, кимет тыԓәщән ԓапәтхŏщйаӈмет хӑтәԓән, щи хӑтәԓ пӑтыԓы тӑха йиӈкәт ким шошатсәт пӑ опәԉ овәт пелки пўншатсәт;
\p
\v 12 щӑԓта ԋӑԓйаӈ хӑтәԓ пӑ ԋӑԓйаӈ ат мўва йэрт щошийәс.
\p
\v 13 Щи хӑтәԓән щи Ной, щӑԓта Сим, Хам пӑ Иафет – Ной пŏхәт, пӑ ԓўв имеԓ, пӑ пŏхԓаԓ хуԓәм ими ԓыв пиԓԓаԓән ковчег хопа ԓŏксәт.
\p
\v 14 Ԓывәт пӑ хŏԓ ут войәт ԓыв сырэԓ щирән, йош войәт ԓыв сырэԓ щирән, мўвән ваӈкәтԓыты, ущиԓыты, хухәтԓыты войәт ԓыв сырэԓ щирән пӑ хŏԓ тŏхԓәӈ войәт ԓыв сырэԓ щирән,
\p
\v 15 хŏԓ ԓыԓәӈ ŏтәт кӑтәнән Ной хŏща ковчег хоп ԓыпийа ԓŏксәт;
\p
\v 16 ху войәт пӑ нэ войәт ар сыр ŏтәт эԓты, Турәм Нойа партәм щирән ԓŏксәт. Щӑԓта Турәм Куща ов ԓўв йўпеԓән лӑп тухәртсәԓы.
\p
\v 17 Щӑԓта ԋӑԓйаӈ хӑтәԓ сыс мўвән йик эптәс, шек ар йиӈка йис пӑ йикән ковчег хоп нŏх хўвәтса, ԓўв мўв нўмпийа нŏх эԓԓәс.
\p
\v 18 Мўвән йик шек уна йис пӑ ковчег хоп йик сŏх эԓты нопәтса.
\p
\v 19 Щи арат ар йиӈка йис пӑ турәм иԓпийән уԓты мет пӑԓ Кевәт йик иԓпийа петсәт;
\p
\v 20 ветхŏщйаӈ кўш оԓәӈ пӑԓатән Кевәт йикән лӑп ўсайәт.
\p
\v 21 Мўй ԓыԓәӈ ŏт ус пӑ мўвән шушиԓыйәс, иса пӑрсәт – тŏхԓәӈ войәт, йош войәт, ут войәт, мўвән ваӈкәтԓыты, ущиԓыты, хухәтԓыты войәт пӑ хŏйатәт хŏԓ;
\p
\v 22 сорәм мўвән ԓыԓ тӑйәм ŏтәт хŏԓ пӑрсәт.
\p
\v 23 Мўв пӑԓатән уԓәм ԓыԓәӈ ŏтәт хŏԓ пӑратсайәт: хŏйатәт эԓт ўйман йош войәт, мўвән ваӈкәтԓыты, ущиԓыты, хухәтԓыты войәт пӑ тŏхԓәӈ войәт унты, мўвән щитәт хŏԓ пӑратсайәт; Ной пӑ ԓўв пиԓәԓән ковчег хоп ԓыпийән уԓәм ŏтԓаԓ туп хӑщсәт.
\p
\v 24 Сот ветйаӈ хӑтәԓ мўвән йик и йурәӈа, и йурәӈа йис.
\c 8
\s Йик сорәм вер
\p
\v 1 Ной, пӑ ԓўв пиԓәԓән ковчег хопән уԓәм ут войәт пӑ йош войәт Турәм иса нŏмәсән тӑйсәԓы; Турәм мўва вот китәс пӑ йиӈкәт иса вŏԓысәт.
\p
\v 2 Мўв пӑтыԓы тӑха йиӈкәт лӑп пентатсәт пӑ йик шошмәм опәԉ овәт тухратсәт пӑ йэрт турәм эԓты сŏхнәс.
\p
\v 3 Йик айән-айән мўв эԓты йŏхԓы мӑнты питәс, сот ветйаӈ хӑтәԓ хӑщәм йўпийән йик айа йиты питәс.
\p
\v 4 Ԓапәтмет тыԓәщ ԓапәтхŏщйаӈмет хӑтәԓән ковчег хоп Арарат Кевәт хŏща иԓ ԓойәс.
\p
\v 5 Йаӈмет тыԓәщ унты йик айәԓта сорәс, йаӈмет тыԓәщ оԓәӈ хӑтәԓән Кев тӑйәт этсәт.
\p
\v 6 Пӑ ԋӑԓйаӈ хӑтәԓ хӑщәм йўпийән Ной ковчег хопән верәм ишԋэԓ пўшсәԓы
\p
\v 7 пӑ хуләх ким эсәԓсәԓы, щитәԓ пурԓәс, мӑныԓыйәс пӑ йŏхԓы йŏхтыԓыйәс, мўв йик эԓты сорты унты.
\p
\v 8 Щӑԓта голубь вой ԓўв ким эсԓәс, ваттыйа, мўвән йик шимԓа йис мўй ӑнта,
\p
\v 9 туп голубь кўр пурәмты сорәм мўв ӑт уйтәс пӑ йŏхԓы Ной хŏща, ковчег хопа йŏхтәс, йик хŏԓна мўв ԓŏватән ус; Ной йошәԓ йэԓ шӑшсәԓы пӑ ԓўвеԓ ўсԓы, пӑ йŏхи ковчег хоп ԓыпийа эсәԓсәԓы.
\p
\v 10 Щӑԓта ԓўв па ԓапәт хӑтәԓ ԓавԓәсәс пӑ голубь ковчег хоп эԓты па ким эсәԓсәԓы.
\p
\v 11 Голубь йэтна пеԓа йŏхԓы йŏхтәс пӑ, ԋŏԓәԓән оливка йўх йӑԓәп вŏсты лыпәт тус, щиты Ной мŏштәсԓы, йик мўв эԓты мӑнмаԓ.
\p
\v 12 Ԓўв хŏԓна ԓапәт хӑтәԓ ԓавԓәсәс, щӑԓта голубь па ким эсәԓсәԓы; ԓўв хŏщайәԓ голубь йŏхԓы ӑт йŏхтәс.
\p
\v 13 Ной нупәт хутсот оԓәӈмет тӑԓәԓән оԓәӈ тыԓәщ оԓәӈмет хӑтәԓән мўв сŏх эԓты йик сорәс; Ной ковчег хоп ԓоӈԓәԓ пўшсәԓы, ким ӑӈкәрмәс, пӑ мўв сŏх нŏх сормаԓ.
\p
\v 14 Кимет тыԓәщән, хус ԓапәтмет хӑтәԓ унты мўв нŏх сорәс.
\p
\v 15 Щӑԓта Турәм Нойа йастәс:
\p
\v 16 «Ковчег хоп эԓты нӑӈ, нӑӈ имен, нӑӈ пŏхԓан, нӑӈ пŏхԓан имиԓаԓ нӑӈ пиԓэнән ким этаты;
\p
\v 17 нӑӈ пиԓэнән уԓәм войԓан, кашәӈ вой сыр эԓты, ким этәԓтаԓән – тŏхԓәӈ войәт, йош войәт, мўвән ваӈкәтԓыты, ущиԓыты, хухәтԓыты войәт: мўв хўват ԓыв ат мӑнԓәт, ара ат йиԓәт, мўв ԓŏватән ат пŏшхащԓәт».
\p
\v 18 Ной пŏхԓаԓ пиԓән, имеԓ пиԓән, пŏхԓаԓ имет пиԓән ким этәс.
\p
\v 19 Ут войәт, мўвән ваӈкәтԓыты, ущиԓыты, хухәтԓыты войәт пӑ тŏхԓәӈ войәт, – хŏԓ мўв ԓŏватән йӑхты ŏтәт сырԓаԓ щирән ковчег хоп эԓты ким этсәт.
\s Турәм Ной пиԓән йастантәпса верәԓ
\p
\v 20 Турәм Кущайа йирасты нŏрәм Ной верәс пӑ кашәӈ сыстам йош вой сыр эԓты пӑ кашәӈ сыстам тŏхԓәӈ вой сыр эԓты и войән ус пӑ нŏх ўщитты йирасты нŏрма ԓўв тусԓы.
\p
\v 21 Турәм Куща щи йӑм пусәӈ эпәԓ эпсатмаԓ кемән Ԓўв, сӑмәԓ ԋŏхԓәман, йастәс: «Па йэԓԓы, хŏйат урәӈән, мўв мўԓты ӑт питԓэм, хŏйат сӑм нŏпсәт – айтэԓән ԉик тӑйԓәт; хŏты Ма ин версәм, пӑ нэмәԓты пŏрайән ԓыԓәӈ ŏтәт тӑмиты пӑратты ӑт питԓәԓам:
\p
\v 22 йэԓԓы мўв уԓтаԓ хўват
\q ԓэвпәс энмәԓты вер\f + \fr 8:22 \fr*\ft ԓэтŏт энмәԓты вер – ԓат сэм мўва йовәԓԓа пӑ энәмәԓ;\ft*\f* пӑ ԓэвпәс ӑкәтты вер\f + \fr 8:22 \fr*\ft ԓэтŏт ӑкәтты вер – энмәм ԓат тŏрән сэварԓа, сорәԓтԓа, пӑркатԓа;\ft*\f*,
\q ищки пӑ рўв,
\q ԓўӈ пӑ тӑԓ,
\q ат пӑ хӑтәԓ ӑт хŏԓаԓәт».
\c 9
\p
\v 1 Щӑԓта, Турәм Ной пӑ пŏхԓаԓ йӑмән мӑсԓы пӑ ԓывиԓаԓа йастәс: «Пŏшхащаты, ара йўваты, мўв тэкнәптаты;
\p
\v 2 нын эԓтан хŏԓ ат пӑԓԓәт: хŏԓ мўвән уԓты войәт, хŏԓ турәмән йӑхты войәт, хŏԓ мўвән йӑхты ŏтәт, хŏԓ щарәс йикән уԓты войәт – ԓыв хŏԓ нын йошԓәна мийман уԓԓәт;
\p
\v 3 мўй ԓыԓәӈ ŏт уԓ, мўй ԋŏхаԓ, щит нынана ԓэтŏта питәԓ; йэԓпи вŏсты тŏрнәт нынана миймем иты, ин хŏԓ нынана мӑԓэм;
\p
\v 4 туп ўр тӑйты ԋŏхи аԓ ԓэваты, ўр щит ԓыԓ йур;
\p
\v 5 нын ўрән, хŏта нын ԓыԓән йур уԓ, Ма ищипа нŏх кӑшԓэм; кашәӈ вой эԓты нŏх кӑшԓэм, кашәӈ хŏйат эԓты ван хŏйатәԓ ԓыԓ йур нŏх кӑшԓэм;
\p
\v 6 хŏйат ўр шошмәм ŏт
\q ищи хŏйат йош эԓты ԓўв ўрәԓ мӑнәԓ:
\q хӑтнэху Турәм хŏрас щира тыйәԓтман уԓ;
\p
\v 7 нын пӑ пŏшхащаты, ара йўваты,
\q мўв тэкнәптаты пӑ мўв ԓŏватән уԓаты».
\p
\v 8 Щӑԓта, Ной пӑ пŏхԓаԓ пеԓа, Турәм щиты йастәс:
\p
\v 9 «Ма нын пиԓанән пӑ нын ԋаврэмԓән пиԓән Ма йастантәпсайэм верԓэм,
\p
\v 10 пӑ кашәӈ нын пиԓанән уԓты ԓыԓәӈ ŏт пиԓән, ковчег хоп эԓты нын пиԓанән этәм войәт пиԓән, иса мўвән уԓты войәт пиԓән, тŏхԓәӈ войәт, йош войәт, ут войәт пиԓән;
\p
\v 11 Ма нын пиԓанән йастантәпсайэм верԓэм: тӑԓта йэԓԓы ун йикән ԓыԓәӈ ŏт ӑт пӑратԓа, ун йикән мўв таԓа ӑт пайәтԓа».
\p
\v 12 Щӑԓта Турәм йастәс: «Щи йастантәпсайэм посән ԓэщатԓэм, щит Ма нын пиԓанән верԓэм, пӑ нын пиԓанән уԓты ар сыр ԓыԓәӈ ŏтәт пиԓән, пӑ йэԓԓы уԓты рута веккеша хӑйԓэм.
\p
\v 13 Пӑԓӈәт кўтән Ма нўԓ йўхем ԓощԓэм, щит Ма мўв пиԓән верты йастантәпсайэма пос питәԓ.
\p
\v 14 Щиты питәԓ, хун Ма пӑԓӈәт ӑкәтԓәм, щита пӑԓӈәтән нўԓ йўхем ԓоԋщатәԓ;
\p
\v 15 щиты Ма нын пиԓанән пӑ ар сыр ԓыԓәӈ ŏтәт пиԓән верәм йастантәпсайэм нумты питԓэм; йэԓԓы хŏԓ ԓыԓәӈ ŏтәт ун йикән пӑратты ӑт питԓайәт.
\p
\v 16 Нўԓ йўхем пӑԓӈәтән эттаԓән, Ма ԓўвеԓ шийаԓәԓэм пӑ мўвән уԓты кашәӈ ԓыԓәӈ ŏт пиԓән уԓты веккеша йастантәпсайэм нумты питԓэм».
\p
\v 17 Турәм Ной пеԓа йастәс: «Тӑм йастантәпса пос, Ма щит ар сыр мўвән уԓты ԓыԓәӈ ŏтәт пиԓән версэм».
\s Ной пŏхәт
\p
\v 18 Ковчег хоп эԓты этәм Ной пŏхԓаԓ усәт: Сим, Хам пӑ Иафет. Хам щит Ханаан ащи ус.
\p
\v 19 Щит Ной хуԓәм пŏх ус, ԓыв эԓтыԓаԓ мўв хŏйатәӈа йис.
\p
\v 20 Ной мўвән рупитты питәс пӑ виноград йўхәт опсәс;
\p
\v 21 щӑԓта виноград йўх ўна ԓўв йиԋщәс пӑ кўтщәса, пӑ ԋарԓŏмәԓты пирщин хотәԓән ŏԓәс.
\p
\v 22 Щӑԓта Хам, щит Ханаан ащи, ԓўв ащеԓ ԋар эԓән кащаԓәсԓы, пӑ ким этмаԓән кӑт йайӈәԓаԓа щит эԓты пŏтәртсәԓы.
\p
\v 23 Сим пӑ Иафет сŏх ўстән пӑ ԓӑӈкәрԓәна пŏнман, шӑш тӑхат ԓŏксәтән пӑ ԓын ащан лӑп лаксәԓән; ԓын вешԓән йŏхԓы керәтман устән, ащан ԋар эԓ ԓын ӑт вӑтсәԓән.
\p
\v 24 Ной йиԋщәм ўнайәԓ эԓты нŏх сайкәмтәс пӑ мŏштәсԓы, мўй ай пŏхәԓ ԓўв пиԓәԓән верәс;
\p
\v 25 пӑ йастәс:
\b
\q «Ханаан мўԓса,
\q митйох митйоха
\q ԓўв йайԓаԓ хŏща уԓты питәԓ».
\p
\v 26 Щӑԓта пӑ йастәс:
\q «Турәм Кущайа, Сим ики Турма – йӑм йасәӈ ат йастәԓәт,
\q щӑԓта Ханаан пӑ Сим митхуйа питәԓ;
\p
\v 27 пӑ Турәм Иафет мўвәт ԓӑщкама ат верԓәԓы,
\q пӑ Сим хотәтән Иафет ат уԓ;
\q пӑ Ханаан ԓўвеԓа митхуйа питәԓ».
\p
\v 28 Ной ун йик йўпийән хуԓәмсот ветйаӈ тӑԓ хŏԓна ус.
\p
\v 29 Ной уԓәм нуптәԓ йӑрәтйаӈсот ветйаӈ тӑԓ арат ус, пӑ ԓўв пӑрәс.
\c 10
\s Мирәт постам нэпек
\p
\v 1 Тӑми Ной пŏхәт тыхәԓ тэԓәт: Сим, Хам пӑ Иафет. Ун йик йўпийән ԓыв ԋаврэмәт сэма пайәтсәт.
\s Иафет пŏхәт
\p
\v 2 Иафет пŏхәт: Гомер, Магог, Мадай, Иаван, Фувал, Мешех пӑ Фирас.
\p
\v 3 Гомер пŏхәт: Аскеназ, Рифат пӑ Фогарма.
\p
\v 4 Иаван пŏхәт: Елиса, Фарсис, Киттим пӑ Доданим.
\p
\v 5 Ԓыв эԓтыԓаԓ щарәс ԉэпәӈ пӑ пухрәӈ рутәт ԓыв мўвԓаԓән уԓты питсәт, кашәӈ рут утща йасӈәӈа йис, кашәӈ мир ԓыв рутԓаԓ щирән уԓты питсәт.
\s Хам пŏхәт
\p
\v 6 Хам пŏхәт: Хуш, Мицраим, Фут пӑ Ханаан.
\p
\v 7 Хуш пŏхәт: Сева, Хавила, Савта, Раама пӑ Савтеха. Раама пŏхәт: Шева пӑ Дедан.
\p
\v 8 Хуш хŏԓна Нимрод пŏх тӑйәс, ԓўв мет оԓәӈ вŏԓаӈ кущайа йис.
\p
\v 9 Турәм Куща йэԓпийән ԓўв йурәӈ веԓпәсԓәты хуйа ус, щишән, щи йастәԓа: «Нимрод хŏрпи йурәӈ веԓпәсԓәты ху Турәм Куща йэԓпийән».
\p
\v 10 Ԓўв мўвәԓән оԓәӈ вошәт усәт: Вавилон, Эрех, Аккад пӑ Халне Сеннаар мўвән.
\p
\v 11 Щи мўв эԓты этәс пӑ Ассур мўва мӑнәс пӑ Ниневия, Реховоф-ир пӑ Калах вош опсәс,
\p
\v 12 пӑ Ресен, Ниневия пӑ Калах кўтән, опсәс, щит вŏԓаӈ вош.
\p
\v 13 Мицраим эԓты луд йох, анам йох, легав йох, нафтух йох,
\p
\v 14 патрус йох, кафтор йох пӑ каслух йох мӑтсәт, каслух йох эԓты филистимәт йэԓԓы мӑтсәт.
\p
\v 15 Ханаан эԓты сэма питсәт: оԓәӈ пŏхәԓ Сидон, щӑԓта Хет,
\p
\v 16 иевус йох, амор йох, гергес йох,
\p
\v 17 ев йох, арк йох, син йох,
\p
\v 18 арвад йох, цемар йох пӑ химаф йох. Йухәт Ханаан рутәт лакки мӑтсәт.
\p
\v 19 Сидон вош эԓты Герар вош пеԓа Газа вош унты Ханаан мўв кимԓәт усәт, щиԓта йэԓԓы Содом, Гоморра, Адма пӑ Цевоим вошәт пеԓа Лаша унты.
\p
\v 20 Щит Хам пŏхәт, рутԓаԓ щирән, йасәӈԓаԓ щирән, ԓыв уԓты мўвԓаԓән, ԓыв мирԓаԓ щирән.
\s Сим пŏхәт
\p
\v 21 Сим, Иафет ун йайәԓ, ԋаврэмәт ищи тӑйәс. Сим – ԓўв Евер хŏԓ пŏхәт опращ.
\p
\v 22 Сим пŏхәт: Елам, Ассур, Арфаксад, Луд пӑ Арам.
\p
\v 23 Арам пŏхәт: Уц, Хул, Гефер пӑ Маш.
\p
\v 24 Арфаксад Сала тӑйәс, Сала Евер тӑйәс.
\p
\v 25 Евер кӑт пŏх тӑйәс; итәԓ Фалек, ԓўв уԓмаԓ ишән мўв ара ортәм урәӈән щи нэмән пŏтса; кимет пŏхәԓ нэм Иоктан.
\p
\v 26 Иоктан тӑйәс: Алмодад, Шалеф, Хацармавеф, Иерах,
\p
\v 27 Гадорам, Узал, Диклу,
\p
\v 28 Овал, Авимаил, Шева,
\p
\v 29 Офир, Хавила пӑ Иовав. Щит иса Иоктан пŏхәт.
\p
\v 30 Уԓәм лотԓаԓ Меша эԓты Сефар унты, хӑԓэвәт пеләк ун Кев унты, усәт.
\p
\v 31 Щит Сим эԓты мӑнәм пŏхәт рут йохԓаԓ щирән, ԓыв йасәӈԓаԓ, ԓыв мўвԓаԓ, ԓыв мирԓаԓ пиԓән.
\p
\v 32 Тӑми иса Ной пŏхәт эԓты мӑнәм рутәт, ԓыв рутԓаԓ пӑ мирԓаԓ щирән. Ԓыв эԓтыԓаԓ ун йик йўпийән мўв ԓŏватән мирәт лакки мӑтсәт.
\c 11
\s Вавилон башня эԓты пŏтәр
\p
\v 1 Мўв ԓŏватән иса туп и йасәӈ, и пŏтәр ус.
\p
\v 2 Хӑԓэвәт пеләк эԓты касәԓман, Сеннаар мўвән хӑр мўв ԓыв уйәтсәт пӑ щита уԓты питсәт.
\p
\v 3 Пӑ ԓыв кўтэԓән йастатсәт: «Кирпищәт верԓув пӑ тўтән такапԓәԓув». Кев йўкана кирпищ питәс, пӑ мўв ух вŏщләх йўкана питәс.
\p
\v 4 Ԓыв йастатсәт: «Мўв ԓŏвата лакки мӑнтэв йэԓпийән, мўӈева ун вош пӑ турма хойты пӑԓ хот омәсԓув, нэмԓув такан щащты урәӈән».
\p
\v 5 Хŏйатәт опсәм вош пӑ пӑԓ хот ватты урәӈән Турәм Куща мўва иԓ ŏхԓәс.
\p
\v 6 Щӑԓта Турәм Куща йастәс: «Тӑм, и мир, йасӈеԓ па ит; ванты, тӑм мўй ԓыв верты питсәт, пӑ ин мўй нŏмәс ўԓәт, щит тӑԓаӈа вертэԓ унты, ӑт вŏԓыԓәт;
\p
\v 7 щишән, иԓ ŏхәԓԓув пӑ ԓыв йасӈеԓ щиты ԓыԓәтԓэв пӑ ԓыв кўтԓаԓән йасәӈ ӑт ат мŏштыԓәт».
\p
\v 8 Щиты Турәм Куща ԓывиԓаԓ щиԓта мўв ԓŏвата лакки китсәԓы; вош омәсты ԓыв нŏх вŏԓысәт.
\p
\v 9 Щишән, щи вош Вавилон\f + \fr 11:9 \fr*\fq Вавилон \fq*\ft – щи вош нэм «ԓыԓәтты» йасәӈ хŏрпи;\ft*\f* нэмән пŏтса: щита Турәм Куща мўв ԓŏватән уԓты йасәӈ ԓыԓәтсәԓы, пӑ щиԓта Турәм Куща ԓывиԓаԓ мўв ԓŏвата лакки китсәԓы.
\s Сим эԓты Аврам унты уԓәм тыхәԓ тэԓ
\p
\v 10 Тӑта щи Сим тыхәԓ тэԓ: Сим сот тӑԓ ԓŏватән, ун йик йўпийән кӑт тӑԓ хӑщәман, Арфаксад пŏх тӑйәс;
\p
\v 11 Арфаксад сэма питәм йўпийән Сим ветсот тӑԓ ус, пӑ эвет пӑ пŏхәт тӑйәс.
\p
\v 12 Арфаксад хŏԉмаӈ вет тӑԓ ԓŏватән Сала пŏх тӑйәс.
\p
\v 13 Сала сэма питәм йўпийән Арфаксад ԋӑԓсот хуԓәм тӑԓ ус, пӑ эвет пӑ пŏхәт тӑйәс.
\p
\v 14 Сала хŏԉмаӈ тӑԓ ус пӑ Евер пŏх тӑйәс.
\p
\v 15 Евер сэма питәм йўпийән Сала ԋӑԓсот хуԓәм тӑԓ ус, пӑ эвет пӑ пŏхәт тӑйәс.
\p
\v 16 Евер хŏԉмаӈ ԋӑԓ тӑԓ ус, пӑ Фалек пŏх тӑйәс.
\p
\v 17 Фалек сэма питәм йўпийән Евер ԋӑԓсот хŏԉмаӈ тӑԓ ус, пӑ эвет пӑ пŏхәт тӑйәс.
\p
\v 18 Фалек хŏԉмаӈ тӑԓ ус пӑ Рагав пŏх тӑйәс.
\p
\v 19 Рагав сэма питәм йўпийән, Фалек кӑтсот йӑрәтйаӈ тӑԓ ус, пӑ эвет пӑ пŏхәт тӑйәс.
\p
\v 20 Рагав нуптәԓ хŏԉмаӈ кӑт тӑԓ ус, пӑ Серух пŏх тӑйәс.
\p
\v 21 Серух сэма питәм йўпийән, Рагав кӑтсот ԓапәт тӑԓ ус, пӑ эвет пӑ пŏхәт тӑйәс.
\p
\v 22 Серух хŏԉмаӈ тӑԓ ус, пӑ Нахор пŏх тӑйәс.
\p
\v 23 Нахор сэма питәм йўпийән, Серух кӑтсот тӑԓ ус, пӑ эвет пӑ пŏхәт тӑйәс.
\p
\v 24 Нахор нуптәԓ хус йӑрәтйаӈ тӑԓ ус, пӑ Фарра пŏх тӑйәс.
\p
\v 25 Фарра сэма питәм йўпийән, Нахор сот йӑрхус тӑԓ ус, пӑ эвет пӑ пŏхәт тӑйәс.
\p
\v 26 Фарра ԓапәтйаӈ тӑԓ ус, пӑ Аврам, Нахор пӑ Аран пŏхәт тӑйәс.
\s Фарра тыхәԓ тэԓ пӑ ԓўв касԓәм верәԓ Халдея мўв эԓты Харран унты
\p
\v 27 Тӑми Фарра тыхәԓ тэԓ: Фарра Аврам, Нахор пӑ Аран пŏхәт тӑйәс. Аран Лот нэмпи пŏх тӑйәс.
\p
\v 28 Аран, Фарра ащеԓ уԓман, ԓўв сэма питәм мўвәԓән, Халдея мўвән Ур нэмпи тӑха хŏща пӑрәс.
\p
\v 29 Аврам пӑ Нахор нэ тустән; Аврам ими нэм Сара; Нахор ими нэм Милка, ԓўв Аран эви, Аран – щит Милка пӑ Иска ащи.
\p
\v 30 Сара ӑт ԓавәртәмәса, ԋаврэм ӑт тӑйәс.
\p
\v 31 Щӑԓта Фарра Аврам пŏхәԓ ўсԓы, пӑ Аран пŏх, Лот хиԓэԓ, пӑ Сара меԋәԓ, Аврам пŏхәԓ ими, пӑ ԓыв пиԓэԓән Халдея мўв Ур нэмпи тӑха эԓты Ханаан мўв пеԓа мӑнәс, туп Харран унты йŏхәтмеԓән, щита хӑщсәт.
\p
\v 32 Фарра кӑтсот вет тӑԓ ус, пӑ Харран мўвән Фарра пӑрәс.
\c 12
\s Аврам вохәм вер пӑ щи хўват хŏԓ мирәт йӑмән мийәм щир
\p
\v 1 Турәм Аврама йастәс: «Нӑӈ мўвен эԓты, нӑӈ рутэн эԓты пӑ нӑӈ ащен хот эԓты эта пӑ хŏԓта Ма нӑӈена аԉԓэм, щи мўва мӑна;
\p
\v 2 щӑԓта Ма нӑӈ эԓтэн вŏԓаӈ мир тыйәԓтԓәм пӑ нӑӈен йӑмән мӑԓэм, нӑӈ нэмен нŏх эԓәтԓэм, нӑӈ хўватэн мир йӑмән питԓа;
\p
\v 3 Ма, нӑӈена йӑм йасәӈ йастәты ŏтәта, йӑм мӑԓәм, пӑ нӑӈен мўԓты ŏтәт мўԓԓәԓам; нӑӈ хўватэн мўв ԓŏватән уԓты мирәт хŏԓ йӑмән мӑԓайәт».
\p
\v 4 Щӑԓта, Турәм Куща йастәм щирән, Аврам мӑнәс; Лот ики ищи ԓўв пиԓәԓән мӑнәс. Аврам, Харран эԓты мӑнмаԓән, нуптәԓ ԋийәԓйаӈ пеԓа вет тӑԓ ус.
\p
\v 5 Аврам Сара имеԓ пӑтән ўсԓы; апщеԓ пŏх Лот ики, тӑйәм войԓаԓ пӑ пŏрмасԓаԓ пӑ Харранән ԓўвеԓа рупитәм митйохԓаԓ ищи пӑтән ўсԓы; Ханаан мўв пеԓа мӑтсәт; пӑ Ханаан мўва йŏхәтсәт.
\p
\v 6 Аврам щи мўв хўват Сихем унты мӑнман, Море ун дуб йўх унты йŏхтәс. Щи мўвән щи ишән ханаан йох усәт.
\p
\v 7 Щӑԓта Турәм Куща Аврам хŏща этәс пӑ йастәс: «Йэԓԓы уԓты ԋаврэмԓана тӑм мўв Ма мӑԓэм». Ԓўв хŏщайәԓ этԓыйәм Турәм Куща урәӈән щита йирасты нŏрәм верәс.
\p
\v 8 Щиԓта ԓўв Кев пеԓа мӑнәс, Вефиль эԓты хӑтәԓ этты пелка; щӑԓта пирщин хотәԓ щиты ԓощсәԓы пӑ Вефиль ԓўв эԓтайәԓ хӑтәԓ ԓŏӈты пелка питәс, Гай пӑ хӑтәԓ этты пелка питәс; щита Турәм Кущайа йирасты нŏрәм верәс, пӑ Турәм Куща пеԓа пойәкщәс.
\p
\v 9 Щӑԓта Аврам йэԓԓы мӑнәс, Негев морты мўв пеԓа касԓәс.
\s Аврам пӑ Сара Египет мўва касԓәм вер
\p
\v 10 Щи мўвән ԓэԓԓы пŏра ус. Щишән, Египет мўв унты Аврам йŏхтәс пӑ щита рŏнәс, йэша уԓты урәӈән, Ханаан мўвән ԓэԓԓы пŏра шек тарәм ус.
\p
\v 11 Египет мўва ванамәмаԓән, Сара пеԓа, ԓўв имеԓ пеԓа йастәс: «Ма уйәтԓэм, нӑӈ хŏрасәӈ нэ;
\p
\v 12 Египет мўв хŏйатәт нӑӈен шийаԓәтэԓән, йастәԓәт: ‘Тӑм ԓўв имеԓ’; мӑнэм веԓԓэԓ, нӑӈ пӑ ԓыԓӈа хӑйԓайән;
\p
\v 13 йаста, мӑтты ки нӑӈ ма нэ апщем, щишән, нӑӈ хўватэн мӑнэм йӑм питәԓ, пӑ ма ԓуԓән ԓыԓӈа хӑщԓәм».
\p
\v 14 Щиты щи ус, Аврам Египет мўва йŏхәтмаԓән, Египет мўв хŏйатәтән кащаԓәса, Сара шек хŏрасәӈ нэ;
\p
\v 15 фараон кущайәтән ищи кащаԓәса, ԓыв фараона щи айкеԓ тусэԓ; пӑ Сара фараон хон хота уԓты ўса.
\p
\v 16 Аврама пӑ ԓўв урӈәԓән ищи йӑм ус; ош тащәтән пӑ мис тащәтән, осёл войәтән, митйохәтән пӑ митнэӈәтән, осёл нэ войәтән пӑ верблюд войәтән тӑйты мӑса.
\p
\v 17 Туп Турәм ԓавәрт мушәт фараона пӑ ԓўв хотәԓа Аврам ими Сара урәӈән китәс.
\p
\v 18 Щӑԓта фараон Аврам вохсәԓы пӑ йастәс: «Мўй нӑӈ ма пиԓэмән версән? Мўйа нӑӈ мӑнэма ӑт йастәсән, щит нӑӈ имен?
\p
\v 19 Мўйа нӑӈ йастәсән: ‘Ԓўв ма нэ апщем’? Ма ԓўвеԓ нэӈа ўты ўтщисэм. Тӑта щи нӑӈ имен, ўйи ԓўвеԓ пӑ мӑна».
\p
\v 20 Щӑԓта фараон хŏйатԓаԓ партсәԓы, Аврам имеԓ пиԓән пӑ тӑйәм тащԓаԓ-пŏрмасԓаԓ пиԓән щи мўв эԓты китса.
\c 13
\s Аврам пӑ Лот кӑтна мӑнәм верән
\p
\v 1 Пӑ Аврам имеԓ пиԓән, тащԓаԓ-пŏрмасԓаԓ пиԓән Египет эԓты йŏхԓы, Морты мўв пеԓа мӑтсәт, Лот ики па ԓўв пиԓәԓән мӑнәс.
\p
\v 2 Аврам шек ар тащ, сорԋи ŏх пӑ щел ŏх тӑйәс.
\p
\v 3 Морты мўв эԓты Вефиль пеԓа ԓўв йэԓԓы касԓәс, щи тӑха унты, хŏта щи йэԓпийән Вефиль пӑ Гай кўтән пирщин хот ԓоԋщиԓыйәс,
\p
\v 4 щи тӑха унты, хŏта ԓўв мет оԓәӈән йирасты нŏрәм верәс; щита Аврам Турәм Куща пеԓа пойәкщәс.
\p
\v 5 Аврам пиԓән касԓыйәм Лот нэмпи хиԓэԓ ищи ош тащәт, мис тащәт, пирщин хотәт тӑйәс.
\p
\v 6 Ԓын шек ар тащ йӑха тӑйсәтән, щишән мўвән йэрмата йис, йэԓԓы щиты уԓты ӑт верәтсәтән.
\p
\v 7 Аврам пӑ Лот ики тащ шавиты йохԓән кўтәӈа йисәт. Ханаан йох пӑ ферез йох щи мўвән щи пŏрайән усәт.
\p
\v 8 Аврам Лот пеԓа щиты йастәс: «Мин кўтәӈа уԓты ӑт питԓәмән, тащ шавиты йохԓәмән ищи кўтәӈа уԓты ӑт питԓәт, мин нӑӈ пиԓэнән рутӈән;
\p
\v 9 мўй арат мўв нӑӈ йэԓпенән ӑт уԓ? Кӑтна мӑнԓәман: нӑӈ ки шӑнша, ма венша; нӑӈ ки венша, ма пӑ шӑнша».
\p
\v 10 Иордан йŏхан ԉэп мўвәт Лот ики хŏԓ ватсәԓы пӑ кащаԓәсԓы, щи мўв Сигор унты йикән йӑма пŏшԓа, Турәм Куща ŏйәӈ-щўԋәӈ тӑха иты, Египет мўв иты. Щит щи йэԓпийән ус, хун Турәм Куща Содом пӑ Гоморра вошӈән шўкатсәԓы.
\p
\v 11 Иордан йŏхан ԉэп мўв Лот ики хŏԓ ԓўв пеԓайәԓ ўсԓы; щишән, ԓўв хӑтәԓ этты мўв пеԓа мӑнәс. Кӑт тӑхайән ԓын уԓты питсәӈән.
\p
\v 12 Аврам Ханаан мўвән уԓты питәс; Лот ики пӑ Иордан йŏхан ԉэп мўв вошәтән уԓты питәс пӑ Содом унты пирщин хотәт ԓоԋщиԓыйәс.
\p
\v 13 Содомән уԓты хŏйатәт ԉикәӈәт усәт, Турәм Куща йэԓпийән ар кӑрэк верыԓысәт.
\p
\v 14 Лот утща уԓты питмаԓ йўпийән, Турәм Куща Аврама йастәс: «Ин ԓойты мўвен эԓты ар тӑха пеԓа ӑӈкәртыйа: овәс мўв пела пӑ морты мўв пеԓа, хӑтәԓ этты пӑ хӑтәԓ ԓŏӈты пеләк пеԓа;
\p
\v 15 хŏԓ ватты мўвԓан Ма нӑӈена пӑ нӑӈ ԋаврэмԓана веккеша тӑйты мӑԓԓам;
\p
\v 16 щӑԓта нӑӈ тыхԓэн сэй хиш иты ара верԓэм; щи сэй хиш мӑтты ŏтән ԓўӈәтты верәтԓа ки, нӑӈ тыхԓэн ищи щиты ԓўӈәтты питԓа;
\p
\v 17 мӑна, щи мўв хўватәԓ, ўтатәԓ хŏԓ йӑӈхи, Ма ԓўвеԓ нӑӈена мӑԓэм».
\p
\v 18 Аврам пирщин хотԓаԓ лосәтсәԓы, пӑ мӑнәс, пӑ Хеврона касԓәс, Мамре дуб йўхәӈ ут пўӈәԓән уԓты питәс; щита ԓўв Турәм Кущайа йирасты нŏрәм верәс.
\c 14
\s Аврам ԋӑрэмиман тутԓыйәм Лот хиԓэԓ йŏхԓы тусԓы
\p
\v 1 Щит Амрафел, Сеннаар мўв хон, Ариох, Елласар хон, Кедорлаомер, Елам хон, Фидал, Гоим хон – щи хонәт уԓәм ишән ус,
\p
\v 2 Бера йэщаԓт, Содом хон, Бирша йэщаԓт, Гоморра хон, Шинав йэщаԓт, Адма хон, Шемевер йэщаԓт, Севоим хон, Бела (Сигор) вош хон йэщаԓт ԉаԉәсты ԓыв мӑтсәт.
\p
\v 3 Щи хонәт хŏԓ Сиддим лот мўвән, хŏта ин Сŏԓаӈ щарәс, йўрԓаԓ йӑха пŏнмеԓ.
\p
\v 4 Кӑтхŏщйаӈ тӑԓ ԓыв Кедорлаомер хон иԓпийән усәт, хуԓметхŏщйаӈ тӑԓән ԉаԉа эԓԓәсәт.
\p
\v 5 Ԋӑԓхŏщйаӈмет тӑԓән Кедорлаомер пӑ ԓўв пиԓәԓән уԓәм хонәт йŏхәтсәт пӑ рефа йох Аштероф-Карнаим вŏшән, зуз йох Гам вошән, эм йох Шаве-Кириафаимән иԓ пайәтсәԓаԓ,
\p
\v 6 пӑ хоррей йох Сеир кевәтән, Эл-Фаран унты, щит таԓ хишәӈ мўв сыԓәԓ хŏща.
\p
\v 7 Щиԓта йŏхԓы йŏхәтмеԓ йўпийән, ԓыв, Кадеса айәԓтты, Мишпат ԓыԓәӈ йик лот унты йŏхәтсәт, пӑ ԉаԉәсман, амалик йох мўв нŏх ўсэԓ, пӑ Хацацон-Фамарән уԓәм амор йох эԓты ищи нŏх питсәт.
\p
\v 8 Щӑԓта Содом хон, Гоморра хон, Адма хон, Севоим хон, Бела (Сигор) хон этсәт пӑ ԓыв пиԓэԓән Сиддим лот мўвән ԉаԉәссәт,
\p
\v 9 Кедорлаомер, Елам хон пиԓән, Фидал, Гоим хон пиԓән, Амрафел, Сеннаар хон пиԓән, Ариох, Елласар хон пиԓән, – ԋӑԓ хон вет хон йэщаԓт ус.
\p
\v 10 Сиддим мўвән ух кӑшты мўв ўсәт усәт. Хун Содом пӑ Гоморра хонӈән хухәԓман хŏнтаты питсәтән, ԓын щи мўв ўсәта рӑкәтсәтән, хӑщәм ŏтәт Кевән хӑԋэмәсәт.
\p
\v 11 Нŏх питәм ŏтәт Содом пӑ Гоморра тащәт-пŏрмасәт пӑ хŏԓ ԓэтŏт сопасәт ўсԓаԓ пӑ мӑтсәт.
\p
\v 12 Пӑ Содомән уԓәм Лот ики, Аврам хиԓы, тащԓаԓ-пŏрмасԓаԓ пиԓән ищи пӑтән тусэԓ.
\p
\v 13 Щӑԓта ԓыԓӈа хӑщәм ŏтәт эԓты ит хŏнтамаԓ, пӑ щи вер эԓты, Мамре дуб йўхәӈ ут пўӈәԓән уԓәм, Аврам еврей икийа пŏтәртәс. Щита уԓәм Мамре амор ики пӑ ԓўв хӑнам йохԓаԓ Эшкол пӑ Анер Аврам пиԓән и пеԓа усәт.
\p
\v 14 Аврам, ԓўв Лот хиԓэԓ катԓәм пӑ тўвәм вер, хуԓмаԓ кемән, ԓўв хотԓаԓән сэма питәм хуԓәмсот ԋийәԓхус ԉаԉәсты верәтты йох ӑктәс пӑ ԋӑԓ хон йўпеԓ эԓты Дан унты ԋухәԓсәԓы,
\p
\v 15 Аврам атәԓән ԉаԉ йохԓаԓ ар похла ортсәԓы, ԋухԓәм ŏтԓаԓ эԓты йŏхәтсәԓы пӑ ԉаԉәсман нŏх питәс, пӑ Хова унты, Дамаск эԓты ŏвәс пеԓа ԉаԉәсман ԋухәԓсәԓы.
\p
\v 16 Аврам ԉаԉән мŏщатәм тащәт-пŏрмасәт йŏхԓы керәтсәԓы, Лот хиԓэԓ пŏрмасԓаԓ пиԓән йŏхԓы тусԓы, нэӈат пӑ хŏйатәт ищи йŏхԓы тусԓы.
\s Аврам Мелхиседек пиԓән уйтантыйәԓ
\p
\v 17 Кедорлаомер хон пӑ ԓўв пиԓәԓән уԓәм хонәт эԓты нŏх питмаԓ йўпийән, йŏхԓы йўвмаԓән, Шаве лот мўвән, Содом хон ԓўв йэщаԓтэԓ этәс, щит ин Хон лот мўва айәԓԓа;
\p
\v 18 пӑ Мелхиседек, Салим хон, ԋаԋ пӑ ўна ким тус, ԓўв Нўм Турма йир верты хŏйата ус,
\p
\v 19 щӑԓта ԓўвеԓа Турәм эԓты йӑм вохәс пӑ йастәс: «Аврам Нўм Турәмән йӑмән ат мӑԓа, турәм пӑ мўв Тӑйты Ŏт эԓты,
\p
\v 20 пӑ Нўм Турма йӑм йасәӈ ат йастәԓәт, хорахщет нӑӈ йошена миймаԓ урәӈән». Аврам шитәм ŏтԓаԓ эԓты ԓўвеԓа и йаӈметәԓ мӑс.
\p
\v 21 Щӑԓта Содом хон Аврама йастәс: «Хŏйатԓам мӑнэма мийаԓән, пŏрмасԓам нӑӈена хӑйаԓән».
\p
\v 22 Аврам пӑ щиты Содом хон пеԓа йастәс: «Турәм Куща Нўм Турмем пеԓа, турәм пӑ мўв Тӑйты Ŏтэм пеԓа йошем нŏх шӑшԓэм пӑ йасәӈ мӑԓәм,
\p
\v 23 и сŏхәм, и кеԓ нӑӈ пŏрмасԓан эԓты ӑт уԓәм, щӑха нӑӈ ӑт ат йастәсән: ‘Аврам ма тащәӈа версэм’,
\p
\v 24 мӑнэма нэмәԓты ӑт мосәԓ, ԉаԉәсәм йохәт ԓэвәм ŏт тўмпийән пӑ ма пиԓэмән йӑӈхәм хŏйатәта ортты пŏрмас тўмпийән; Анер, Эшкол пӑ Мамре, шитәм пŏрмасәт эԓты, ԓывиԓаԓа мосты арат ат ўԓәт».
\c 15
\s Турәм йастантәпса Аврам пиԓән
\p
\v 1 Щи верәт хӑщәм йўпийән Турәм Куща уԓәмән Аврам пеԓа йастәс: «Аԓ пӑԓа, Аврам; Ма нӑӈ сайԓәпсайэн, нӑӈ мойԓәпсайэн шек ун».
\p
\v 2 Аврам йастәс: «Вŏсху Турәм Куща! Мўй Нӑӈ мӑнэма мӑԓән? Ма ԋаврэм ӑт тӑйԓәм, пŏрмасэм пӑ тащем, Дамаск вош эԓты уԓты, Елиезер нэмпи хот шавиты кущайэма хӑщәԓ».
\p
\v 3 Щиты Аврам йастәс: «Нӑӈ мӑнэма ԋаврэм ӑт мӑсән, щишән, ма хотэмән сэма питәм митхуйэма хотэм пӑ тащем хӑщәԓ».
\p
\v 4 Щӑԓта Турәм Куща ԓўвеԓа йастәс: «Ԓўвеԓа хотэн пӑ тащен ӑт питәԓ, туп хŏй нӑӈ эԓтэн тыйәԓ, щитэна нӑӈ тащен питәԓ».
\p
\v 5 Щӑԓта Турәм Куща ԓўвеԓ ким этәԓтәсԓы пӑ йастәс: «Турәм хӑр пеԓа ванта пӑ хусәт ԓўӈтаԓән, ԓўӈәтты верәтԓэн ки». Пӑ ԓўвеԓа йастәс: «Щи арат нӑӈ тыхԓэн питәԓ».
\p
\v 6 Аврам Турәм Куща йасӈа эвԓәс, щишән Турәм Куща ԓўвеԓ вещката ԓўӈәтсәԓы.
\p
\v 7 Щӑԓта ԓўвеԓа йастәс: «Ма Турәм Куща, Ма нӑӈен Халдея мўвән уԓты Ур нэмпи тӑха эԓты ты тусэм, тӑм мўв нӑӈена тӑйты мӑты урәӈән».
\p
\v 8 Авраам пӑ йастәс: «Вŏсху Турәм Куща! Мўй щирән ма мŏштәԓэм щи мўв мӑнэма питты вер?»
\p
\v 9 Турәм Куща ԓўвеԓ йастәс: «Хуԓәм тӑԓа йўвәм нэ мис, хуԓәм тӑԓа йўвәм коза, хуԓәм тӑԓа йўвәм ош, горлица вой пӑ энәмты голубь вой Мӑнэм тўва».
\p
\v 10 Аврам щиты щи верәс, пӑ войԓаԓ хўватԓаԓ щирән хŏԓ кӑтна ващсәԓы, и пеләкԓаԓ кимет пеләкԓаԓ йэщаԓт пŏтсәԓы; туп тŏхԓәӈ войӈиԓаԓ кӑтна ӑт эвәтсәԓы.
\p
\v 11 Вой хӑԓайәт хŏща кўркәт, хулхәт, вŏрӈайәт йŏхәтсәт; пӑ Аврам ԓывиԓаԓ йэԓ воштәсԓы.
\p
\v 12 Най ԓŏӈәмән Аврам так оԓма питәс, щӑԓта тўрма ԓўв эԓтэԓ питәс пӑ пӑԓщамән йŏхәтса.
\p
\v 13 Щӑԓта Турәм Куща Аврама йастәс: «Уйты, нӑӈ эԓтэн тыйты мирэн па мўва касԓәм хŏйатәта питԓәт, тынԓы-пелԓы рупата ԋўрты питԓәт, пӑ щиты йэрмәԓты уԓәпсайән ԋӑԓсот тӑԓ уԓты питԓәт,
\p
\v 14 туп Ма щи мир хŏща сўт верԓэм, хŏй хŏща ԓыв тынԓы-пелԓы рупата ԋўрты питԓәт; щи йўпийән ԓыв тащԓаԓ-вещԓаԓ пиԓән йŏхәтԓәт,
\p
\v 15 нӑӈ пӑ йӑмән ащиԓан хŏща мӑнԓән, нуптэн йӑма уԓман иԓ лоттәԓайән;
\p
\v 16 туп хиԓыԓан ԋаврэмәт тыйэԓт йŏхԓы йŏхәтԓәт, хун амор йох атәм верәт тэкәнты ўша йиԓәт».
\p
\v 17 Най ԓŏӈәмән пӑтлама йис, пӑ щи, пусӈиԓәты кур сэма питәс пӑ тўт ԋаԓәм пусәӈ пиԓән кӑтна эвтәм войәт кўтән мӑнәс.
\p
\v 18 Щи хӑтәԓән Турәм Куща Аврам пиԓән йастантәпса верәс, йастәман: «Тӑм мўв йэԓԓы уԓты ԋаврэмԓана Ма мӑԓэм, Египет йŏхан эԓты Евфрат ас унты:
\p
\v 19 кен йох, кенез йох, кедмон йох мўвәт,
\p
\v 20 хет йох, ферез йох, рефа йох мўвәт,
\p
\v 21 амор йох, ханаан йох, гергес йох пӑ иевус йох мўвәт».
\c 16
\s Агарь пӑ Измаил
\p
\v 1 Сара Аврам ийикеԓа ԋаврэм ӑт тӑйәс. Ԓўв хŏщайәԓ Египет мўв нэ, Агарь нэмпи митнэ ус.
\p
\v 2 Аврам пеԓа Сара щиты йастәс: «Турәм Кущайән ԋаврэмән ӑт партсайәм. Мӑна, митнэӈем пиԓән уԓа. Мосәӈ, ԓўв мӑнэма ԋаврэм тӑйты питәԓ». Аврам Сара йасӈәт пеԓа хуԓәнтәс.
\p
\v 3 Щиты, Ханаан мўвән йаӈ тӑԓ уԓман йўпийән, Сара Аврам ийикеԓа Египет мўв Агарь митнэӈәԓ ай нэӈа тӑйты мӑсԓы.
\p
\v 4 Аврам Агарь пиԓән ус, пӑ ԓўв нэ щирән ԓавәрта йис. Щиты питмаԓ кемән, ԓўв куща нэӈәԓ эԓты ԓўвеԓ унашәк тӑйты питсәԓы.
\p
\v 5 Сара Аврама йастәс: «Ма нӑӈена митнэӈем мӑсәм; ԓўв ԋаврэм щирән уԓ пӑ мӑнэм нэмәԓтыйа ӑт тӑйԓәԓы. Щишән, нӑӈ урӈенән ма ԉикән этԓайәм; Турәм Куща мӑнэма пӑ нӑӈена сўт верты ŏта ат уԓ».
\p
\v 6 Аврам Сара пеԓа йастәс: «Ԓўв нӑӈ митнэӈен, мўй ԓӑӈхаԓайән, щит ԓўв пиԓәԓән вера». Щишән, Сара митнэӈәԓа рупата ԋўрты партәс пӑ Агарь ԓўв эԓтэԓ хŏнтас.
\p
\v 7 Турәм Куща ангел таԓ хишәӈ мўвән йик ўты ўс пўӈәԓән, Сур пеԓа мӑнты йушән, ԓўвеԓ уйәтсәԓы.
\p
\v 8 Пӑ йастәс: «Агарь, Сара митнэ, хŏԓща йŏхәтсән пӑ хŏԓта мӑнԓән?» Ԓўв йастәс: «Ма Сара куща нэӈем эԓты хŏнтаԓәм».
\p
\v 9 Турәм Куща ангел ԓўвеԓа йастәс: «Куща нэӈен хŏща йŏхԓы мӑна пӑ ԓўв пеԓайәԓ хуԓәнта».
\p
\v 10 Щӑԓта Турәм Куща ангел ԓўвеԓа йастәс: «Энәмты тыхԓэн щи ԓŏват ара верԓэм, ԓўӈәтты йур ӑт йŏхәтәԓ».
\p
\v 11 Хŏԓна Турәм Куща ангел ԓўвеԓа йастәс:
\b
\q «Нӑӈ ин ԋаврэм щирән уԓԓән
\q пӑ пŏх сэма пайәтԓән,
\q Измаил\f + \fr 16:11 \fr*\fq Измаил \fq*\ft – (евр.) «Турәм хуԓәԓ»;\ft*\f* нэмән ԓўвеԓ пŏнԓэн,
\q Турәм Куща нӑӈ ԓавәрт уԓәпсайэн хуԓтсәԓы;
\p
\v 12 ԓўв ут вой иты хŏйатәт кўтән уԓты питәԓ:
\q ԓўв иса мир йэщаԓт питәԓ,
\q мир пӑ ԓўв йэщаԓтәԓ питәԓ,
\q йайԓаԓ-апщиԓаԓ пиԓән кўтәӈа уԓты питәԓ».
\p
\v 13 Щишән, Агарь ԓўв пиԓәԓән пŏтәртәм Турәм Куща нэмән мӑсԓы: «Нӑӈ – Мӑнэм ватман тӑйты Турәм». Щиты ԓўв йастәс: «Йӑна тӑта, Мӑнэм ватман тӑйты Ŏт, ма ватсәм».
\p
\v 14 Щишән, щи йик ўты ўс щиты айәԓтԓа: Беэр-лахай-рои\f + \fr 16:14 \fr*\fq Беэр-лахай-рои \fq*\ft – (евр.) «Мӑнэм ватман тӑйты Ԓыԓәӈ Ŏт нэм тӑйты йик ўты ўс»;\ft*\f*. Кадес лот пӑ Баред вош кўтән ԓўв уԓ.
\p
\v 15 Агарь Аврама пŏх сэма пайтәс; Агарь эԓты тӑйәм пŏхәԓ Аврам Измаил нэмән пŏтсәԓы.
\p
\v 16 Аврама ԋийәԓйаӈ хут тӑԓ ус, хун Агарь Измаил пŏхәԓ сэма пайтәс.
\c 17
\s Эвәтты щир йастантәпса
\p
\v 1 Аврама йӑрсот йӑрәтйаӈ тӑԓ ус, хун Турәм Куща ԓўв йэщаԓтәԓ этәс пӑ ԓўвеԓа йастәс: «Ма Иса Верәтты Турәм, Ма йэԓпемән йӑӈха пӑ вещката уԓа;
\p
\v 2 Ма йастантәпсайэм мин кўтэмәнән верԓэм пӑ щӑԓта шек-шек ара нӑӈен рутмәԓтԓэм».
\p
\v 3 Аврам мўва хŏмта рӑкнәс. Турәм пӑ ԓўв пиԓәԓән йэԓԓы пŏтәртәс пӑ щиты йастәс:
\p
\v 4 «Тӑм Ма йастантәпсэм нӑӈ пиԓэнән: ар сыр мир ащийа нӑӈ питԓән,
\p
\v 5 Аврам нэмен хӑйԓэн, пӑ тӑԓта йэԓԓы нӑӈ нэмен питәԓ: Авраам\f + \fr 17:5 \fr*\fq Авраам \fq*\ft – (евр.) «ар сыр мир ащи»; \ft*\f*, Ма нӑӈен ар сыр мир ащийа верԓэм;
\p
\v 6 пӑ шек-шек нӑӈен рутмәԓтԓэм, пӑ нӑӈ эԓтэн Ма ар сыр мир этәԓтәԓәм, пӑ хонәт нӑӈ эԓтэн этԓәт;
\p
\v 7 Ма йастантәпсайэм мин кўтэмәнән пӑ йэԓԓы уԓты нӑӈ ԋаврэмԓан пиԓән верԓэм, щит веккеша уԓты йастантәпса, щиты Ма нӑӈ Турмена пӑ нӑӈ йўпен ԋаврэмԓана Турма уԓты питԓәм;
\p
\v 8 ин нӑӈ па мўвәӈ хŏйат иты уԓты Ханаан мўвен нӑӈена пӑ нӑӈ йўпенән рутәмты ԋаврэмԓана хŏԓ мӑԓэм, веккеша тӑйты мӑԓэм; пӑ ԓывиԓаԓа Турма уԓты питԓәм».
\p
\v 9 Щӑԓта Турәм Авраама йастәс: «Нӑӈ пӑ нӑӈ пелкен эԓты Ма йастантәпсайэм тўӈа-щира веры, нӑӈ пӑ нӑӈ йўпенән энәмты ԋаврэмԓан пӑ йэԓԓы уԓты ԓыв ԋаврэмԓаԓ ԋаврэмәт ищи.
\p
\v 10 Щит Ма йастантәпсайэм, щит мин кўтэмәнән пӑ нӑӈ йўпенән йэԓԓы уԓты нӑӈ ԋаврэмԓан ԋаврэмәт пиԓән тўӈа-щира верты верән уԓ: хŏԓ йох рут сэма питәм йох ԋаврэмәт пиԓән эвәтты щира\f + \fr 17:10 \fr*\fq эвәтты щир \fq*\ft – еврейәт хŏща сэма питәм йŏх ԋаврэм ԋийәԓмет хӑтәԓән ху пŏрмасәԓ хŏща лыпащ поԋам шўкәԓ хŏԓт эвәтмәԓа;\ft*\f* питәԓ;
\p
\v 11 хŏԓ йох хŏйатәта сэма питәм йох ԋаврэмәт пиԓән эвәтты щир вераты: щит Ма нын пиԓанән йастантәпсайэм поса питәԓ.
\p
\v 12 Кашәӈ сэма питәм йох ԋаврэм нын рутԓән хŏща, нӑӈ пӑ нӑӈ йўпенән энәмты ԋаврэмԓан пӑ ԓыв ԋаврэмԓаԓ ԋаврэмәт хŏща ԋийәԓ хӑтԓа йитаԓән эвәтты щирән ат верԓайәт. Шŏши хотән сэма питәм пӑ щел ŏх сӑхат па рут хŏйат эԓты ԓутәм ŏт, хŏй ӑнтом нӑӈ рутэн эԓты, эвәтты щирән ат верԓайәт.
\p
\v 13 Щишән, нӑӈ хотэнән сэма питәм ŏт пӑ щел ŏх сӑхат ԓутәм ŏт эвәтты щирән ат верԓа, щиты Ма йастантәпсайэм нын эԓәнән веккеша йастантәпсайа питәԓ.
\p
\v 14 Ӑт эвтәм йох хŏйат, хŏй эвәтты щирән ӑт верԓа, ԓўв мирәԓ эԓты эртԓа, Ма йастантәпсайэм шŏппи ўшмаԓ урәӈән».
\p
\v 15 Щӑԓта Турәм Авраама йастәс: «Сара имен пӑ аԓ айәԓты Сара нэмаԓән, ԓўв нэмәԓ питәԓ: Сарра.
\p
\v 16 Ма ԓўвеԓ йӑмән мӑԓэм пӑ нӑӈен пŏхән ԓўв эԓтэԓ мӑԓэм; ԓўвеԓ йӑмән мӑԓэм, пӑ мирәт ԓўв эԓтэԓ этԓәт, хонәт ԓўв эԓтэԓ этԓәт».
\p
\v 17 Авраам хŏмта рӑкнәс пӑ ԋӑхән йŏхәтса пӑ ԓўв сӑхатәԓ йастәс: «Сот тӑԓпи ики эԓты пŏх хун уԓ? Йӑрсот тӑԓпи Сарра мўй щирән ԋаврэм сэма пайәтәԓ?»
\p
\v 18 Пӑ щӑԓта Авраам Турма йастәс: «Измаил кўш кепа Нӑӈ йэԓпенән ԓыԓӈа пӑ йӑма ат уԓ!»
\p
\v 19 Турәм пӑ йастәс: «Вŏԓԓы нӑӈ имен Сарра нӑӈена пŏх сэма пайәтәԓ, нӑӈ пӑ ԓўвеԓ Исаак\f + \fr 17:19 \fr*\fq Исаак \fq*\ft – (евр.) «ԓўв ԋӑхәԓ»;\ft*\f* нэмән пŏнԓэн; Ма пӑ йастантәпсайэм ԓўв пиԓәԓән веккеша йастантәпсайа верԓэм, пӑ ԓўв йўпеԓән уԓты ԋаврэмԓаԓа.
\p
\v 20 Измаил эԓты Ма нӑӈен ищи хуԓтсэм: Ма ԓўвеԓ йӑмән мӑԓэм, тыхԓәԓ ара верԓэм, пӑ шек-шек ԓўвеԓ рутмәԓԓэм; кӑтхŏщйаӈ кӑнащ ԓўв эԓтэԓ сэма питԓәт; Ма ԓўв эԓтайәԓ вŏԓаӈ мир этәԓтәԓәм.
\p
\v 21 Туп Ма йастантәпсайэм Исаак пиԓән верԓэм, папуш и тӑм пŏрайән Саррайән нӑӈена тӑйты пŏхен пиԓән».
\p
\v 22 Щитәԓән Турәм Авраам пиԓән пŏтәртты вŏԓыйәс пӑ нŏх эԓԓәс.
\p
\v 23 Щи хӑтәԓән Авраам Измаил пŏхәԓ эвәтты щирән версәԓы. Пӑ ԓўв хотәԓән сэма питәм йох хŏйатәт пӑ щел ŏхәԓ сӑхат ԓутәм ŏтәт ищи щиты версәԓы, хŏты Турәм ԓўвеԓ йастәс.
\p
\v 24 Авраама, эвәтты щир верәмән, йӑрсот йӑрәтйаӈ тӑԓ ус.
\p
\v 25 Измаил пŏхәԓа эвәтты щир верәмән хуԓәмхŏщйаӈ тӑԓ ус.
\p
\v 26 Вŏԓԓы щи хӑтәԓән Авраам Измаил пŏхәԓ пиԓән эвәтты щирән версайтән.
\p
\v 27 Ԓўв пиԓәԓән ԓўв хотәӈ йох хŏйатԓаԓ, ԓўв хотәԓән сэма питәм пӑ па мир хŏйатәт эԓты щел ŏх сӑхат ԓутәм ŏтәт хŏԓ эвәтты щирән версайәт.
\c 18
\s Авраам хуԓәм мойәӈ ху
\p
\v 1 Мамре дуб йўхәӈ ут хŏща, хӑтәԓ кўтәп рўвән пирщин хот овәԓ пўӈәԓән Авраам омәсмаԓән, ԓўв хŏщайәԓ Турәм Куща этәс.
\p
\v 2 Авраам сэмӈиԓаԓ нŏх аԓәпсәԓы пӑ шийаԓәсԓы, хуԓәм йох хŏйат ԓўв эԓтэԓ йэԓәншәк ԓойԓәт. Ԓывиԓаԓ шийаԓәмаԓ кемән, пирщин хот овәԓ эԓты ԓыв хŏщайэԓ йэщаԓт хухәԓмәс пӑ мўв унты иԓ ԋўрщәман ŏх пŏнәс,
\p
\v 3 пӑ йастәс: «Вŏԓаӈ Куща! Нӑӈ йӑм сэмән ма пеԓайэм ватԓән ки, Нӑӈ митхуйэн хот мŏхты аԓ мӑна;
\p
\v 4 кўрԓән ԉŏхәтты йикән туԓайты, щӑԓта тӑм йўх иԓпийән щўтщаты,
\p
\v 5 ма пӑ ԋаԋ туԓәм, нын сӑмԓән ԓэщтәты урәӈән, щӑԓта йэԓԓы мӑнты верәтԓәты; ищипа щи ин нын митхуйән хŏща йŏхәтсәты». Ԓыв йастәсәт: «Хŏты пŏтәртԓән, щиты веры».
\p
\v 6 Щӑԓта Авраам пирщин хота, Сарра хŏща, тэрматыман ԓŏӈемәс пӑ йастәс: «Хуԓәм мера арат йӑм ԓат сорашәк рўвта пӑ паԓәм ԋаԋ вера».
\p
\v 7 Щӑԓта тащәԓ хŏща Авраам хухәԓмәс, мет йӑм ай мис пŏшәх пирыйәс, айкем митхуйәԓа мӑсԓы пӑ щитәԓ ԓэтŏт сора верты питәс.
\p
\v 8 Щӑԓта вŏй пӑ мис йик, пӑ йӑԓпа кавәртәм ԋŏхи ўс, пӑ ԓыв йэԓпиԓаԓән омәссәԓы, ԓўв пӑ ԓыв пўӈԓэԓән йўх иԓпийән ԓойәс. Ԓыв пӑ ԓэсәт.
\p
\v 9 Щӑԓта ԓўвеԓа йастәсәт: «Сарра иимен пӑ хŏта?» Ԓўв йастәс: «Тӑта, пирщин хотән».
\p
\v 10 Итэԓ йастәс: «Папуш и тӑм пŏрайән Ма нӑӈ хŏщайэн па йŏхәтԓәм, пӑ Сарра иимен пŏх тӑйты питәԓ». Сарра пӑ пирщин хот ов сайән ԓойәс пӑ хуԓәнтәс.
\p
\v 11 Авраам пӑ Сарра уна пелка йўвәм хŏйатӈән усӈән, Сарра нэ верԓаԓ йэтшәсәт.
\p
\v 12 Сарра ԋӑхән йŏхәтса пӑ ԓўв сӑхатәԓ йастәс: «Ԏо, Ма пӑ, пирщамәмем йўпийән, ԋаврэм мўй щирән мŏщатԓәм? Иикем па пирәщ».
\p
\v 13 Турәм Куща Авраам пеԓа йастәс: «Мўйа пӑ Сарра ԋӑхәс, йастәман: ‘Пирәщ турәмән мўй щирән ма ԋаврэм мŏщатԓәм?’
\p
\v 14 Турәм Кущайа мŏԓты ԓавәрт вер хун уԓ? Папуш, йастәм хӑтԓэмән, Ма нӑӈ хŏщайэн йŏхәтԓәм, Сарра пӑ пŏх тӑйты питәԓ».
\p
\v 15 Сарра пӑԓтамәс пӑ йастәс: «Ма ӑт ԋӑхсәм». Турәм Куща пӑ йастәс: «Ӑнта, нӑӈ ԋӑхсән».
\s Содом вош тӑԓаӈа хӑйты урәӈән Авраам пойкащәԓ
\p
\v 16 Щӑԓта щи йох хŏйатәт нŏх ԓойсәт пӑ Содом вош пеԓа мӑтсәт; Авраам ищи ԓыв пиԓэԓән тŏхишәк унты йӑӈхәс.
\p
\v 17 Щӑԓта Турәм Куща йастәс: «Ма мўй верты ўтщиԓәм, Авраам эԓты хӑԋатԓэм хун?
\p
\v 18 Авраам эԓты вŏԓаӈ пӑ йурәӈ мир йӑна рутмәԓ, мўвән уԓты мирәт хŏԓ ԓўв хўватәԓән йӑмән мӑԓайәт,
\p
\v 19 Ма ԓўвеԓ щи урәӈән пирысэм, щӑха ԓўв, ԋаврэмԓаԓа пӑ хиԓыԓаԓа, Турәм Куща аԉәм йуш хўват, тўӈа-щира пӑ вещката уԓман, шушты ат партԓәԓы, Турәм Куща пӑ мўй Авраама йастәс, ищи верԓәԓы».
\p
\v 20 Турәм Куща йастәс: «Содом пӑ Гоморра вошӈән хŏйатәт уԓәпса эԓты ар хоԓԓәпәӈ ўв щащәԓ, кӑрэкеԓ шек ԓавәрт,
\p
\v 21 иԓ ŏхәԓԓәм пӑ ватԓэм, йӑна мўй ԓыв щиты уԓԓәт, хŏты Ма хуԓԓыԓэм, мосәӈ, ӑнта, щит ԓэрапԓэм».
\p
\v 22 Щи хŏйатӈән карэмәсӈән пӑ Содом пеԓа мӑтсәӈән; Авраам пӑ Турәм Куща йэщаԓт хŏԓна ԓойәс.
\p
\v 23 Авраам Ԓўв хŏщайәԓ ванашәк мӑнәс пӑ йастәс: «Нӑӈ кӑрэкәӈ хŏйатәт пиԓән вещкат хŏйатәт мўй па пӑратԓәԓан?
\p
\v 24 Мосәӈ, тӑм вошән ветйаӈ вещкат хŏйат уԓ? Пӑр мŏԓты Нӑӈ щи тӑха пӑратԓэн, щита уԓты щи ветйаӈ вещкат хŏйат урәӈән ӑт щаԉәтԓэн?
\p
\v 25 Нӑӈ щиты ӑт верԓэн, вещкат хŏйатәт атәм хŏйатәт пиԓән пӑратԓәԓан хун, атәм хŏйатәт иты вещкат хŏйатәт сўтәтԓыԓан хун, Нӑӈ эԓтэн щит ӑт питәԓ! Иса мўв Сўт верты Ŏт йŏвра верәԓ хун?»
\p
\v 26 Турәм Куща йастәс: «Содом вошән ветйаӈ вещкат хŏйат Ма уйәтԓәм ки, Ма ԓыв урӈеԓән хŏԓ щи тӑха щаԉәтԓэм».
\p
\v 27 Авраам пӑ йастәс: «Ма пӑ Вŏсху пиԓән пŏтәртты йасӈем хŏԓна этәԓ, ма, таԓ хиш пӑ нампәр:
\p
\v 28 мосәӈ, ветйаӈ вещкат хŏйат унты вет туп ӑт тӑрмәԓ? Нӑӈ тӑԓаӈ вош щи ӑт тӑрәмты вет хŏйат урәӈән пӑратԓэн хун?» Ԓўв йастәс: «Ӑт пӑратԓэм, ԋӑԓйаӈ вет щита уйәтԓәм ки».
\p
\v 29 Авраам Ԓўв пиԓәԓән йэԓԓы пŏтәртәс пӑ йастәс: «Мосәӈ, ԋӑԓйаӈ щита ԉикмәԓ?» Ԓўв йастәс: «Ԋӑԓйаӈ хŏйат урәӈән Ма щит ищи ӑт верԓэм».
\p
\v 30 Щӑԓта Авраам йастәс: «Вŏсху ӑт ат ԉикащәԓ, ма па йастәԓәм: мосәӈ, щита туп хŏԉмаӈ хŏйат питәԓ?» Ԓўв йастәс: «Ӑт верԓэм, хŏԉмаӈ щита ԉикмәԓ ки».
\p
\v 31 Авраам йастәс: «Ма пӑ Вŏсху пиԓән пŏтәртты йасӈем хŏԓна этәԓ: мосәӈ, щита хус ԉикмәԓ?» Ԓўв йастәс: «Хус урәӈән ӑт пӑратԓэм».
\p
\v 32 Авраам йастәс: «Вŏсху ӑт ат ԉикащәԓ, ма и пуш па иԋщәсԓэм: мосәӈ, щита йаӈ туп питәԓ». Ԓўв йастәс: «Йаӈ урәӈән ӑт пӑратԓэм».
\p
\v 33 Щӑԓта Турәм Куща мӑнәс, Авраам пиԓән пŏтәртты вŏԓыйәс; Авраам пӑ ԓўв уԓты тӑхайәԓа йŏхԓы мӑнәс.
\c 19
\s Лот ики ԓыԓӈа хӑщәм щир пӑ Содом пӑ Гоморра вошӈән шўкатәм вер
\p
\v 1 Щи ангелӈән йэтна пеԓа Содома йŏхәтсәтән, хун Лот ики Содом вош овәт пўӈәԓән опсәс. Лот ики ԓынан кащаԓәмаԓ кемән, нŏх ԓойәс пӑ ԓын йэщаԓтан мӑнәс пӑ мўв унты, ŏх пŏнман, иԓ ԋўрәс
\p
\v 2 пӑ йастәс: «Кущайӈәԓам! Митхуйән хота ԓŏӈатән пӑ хоԓатән, кўрԓән ԉŏхитаԓән, аԓәӈсӑхат нŏх киԓԓәтән пӑ йэԓԓы нын йушән хўват мӑнԓәтән». Ԓын пӑ йастәстән: «Ӑнта, мин камән хоԓԓәмән».
\p
\v 3 Ԓўв пӑ шек такан ԓынан пойәксәԓы; пӑ ԓын ԓўв йўпеԓән мӑтсәтән, пӑ ԓўв хотәԓа ԓŏксәтән. Ԓўв йӑм эпԓәӈ ԓэтŏт пӑ паԓәм ԋаԋ верәс, пӑ ԓын ԓэстән.
\p
\v 4 Ԓын хŏԓна иԓ ӑт ŏԓсәтән, хун Содом вош йох, айэԓ-унэԓән, кашәӈ вош оԓәӈ эԓты, щи хот, керәтман, лӑп ўсэԓ.
\p
\v 5 Лот ики ким вохсэԓ пӑ ԓўвеԓ йастәсәт: «Хŏта нӑӈ хŏщайэн хоԓты йŏхтәм хŏйатӈән? Ԓынан мўӈ хŏщайэв ким тўваԓән; мўӈ ԓын пиԓанән пакрасԓыты ԓӑӈхаԓайув».
\p
\v 6 Лот ики ԓыв хŏщайэԓ ким этәс, пӑ хŏт овәԓ ԓўв йўпеԓән лӑп тухәрсәԓы,
\p
\v 7 пӑ йастәс: «Хӑнам йŏх, атәм аԓ вераты;
\p
\v 8 тӑта щи ма эвеӈәԓам, ԓын хŏԓна йох хŏйат пиԓән ӑт устән; ма ԓынан нын хŏщайән этәԓтыԓԓам, мўй ԓӑӈхаԓайты, ԓын пиԓанән вераты, туп тӑм йŏхтәм хŏйатӈәна нэмәԓты аԓ вераты, ԓын ма мойәӈ хŏйатӈәԓам, ма ԓынан сайԓәты верэм уԓ».
\p
\v 9 Ԓывәт пӑ йастәсәт: «Ты йўва». Пӑ йастәсәт: «Тӑм хŏйат па мўв эԓты йŏхтәм ŏт, пӑ мўӈев сўтәтты ўтщийәԓ? Ин мўӈ нӑӈена ԓынан эԓты аршәк атәм верԓув». Щӑԓта щи хŏйат, Лот ики, пўӈԓа ипәртты питсэԓ, пӑ ов шўкатты ўтщисэԓ.
\p
\v 10 Щиӈәԋща щи йохӈән йошԓән ким ԋиншәмтысԓән пӑ Лот ики йŏхи ԋӑрэмәсԓән, пӑ ов лӑп тухәрсәԓән;
\p
\v 11 ов пўӈәԓән уԓәм хŏйатәт айэԓ-унэԓән сэмԓы пайәтсәԓән, щишән щитәт, ов кӑшман, воԓԓы шукащсәт.
\p
\v 12 Щи йохӈән Лот ики пеԓа йастәсӈән: «Хŏйтыԓан тӑта хŏԓна уԓԓәт? Веӈԓан мўй, пŏхԓан мўй, эвиԓан мўй пӑ па хŏйатԓан тӑм вош эԓты хŏԓ йэԓ тўваԓән,
\p
\v 13 мин тӑм тӑха иса таԓа верԓэмән, Турәм Куща унты шек ун хоԓԓәпәӈ ўв тӑм мŏхет уԓәпса эԓты йŏхтәс, щишән, Турәм Куща тӑм тӑха иса таԓа верты урәӈән минэмән китсәԓы».
\p
\v 14 Лот ики ким этәс пӑ веӈа верты ўтщийәм ŏтӈиԓаԓ пиԓән пŏтәртәс, пӑ йастәс: «Нŏх ԓойатән, тӑм тӑха эԓты мӑнатән, Турәм Куща тӑм вош пӑратԓәԓы». Туп ԓын ԓўвеԓа ӑт эвәԓсәтән.
\p
\v 15 Аԓәӈсӑхата йўвмаԓән, ангелӈән Лот ики тэрматты питсәԓән, щиты йастәман: «Нŏх киԓа, имен пӑ эвеӈәԓан ўйаԓән, тӑԓта йэԓ мӑнаты, нынана ԓыԓӈа хӑщты урәӈән, вош атәм верәт нӑӈена ӑт ат хойсәт».
\p
\v 16 Ԓўв пӑ ӑт тэрматыйәс, щишән, щи хŏйатӈән ԓўвеԓ пӑ ԓўв имеԓ пӑ ԓўв эвеӈәԓаԓ йошԓән эԓты катәԓман, ўсԓән пӑ вош кимпийа тусԓән, Турәм Куща йӑм сэмән Лот ики пеԓа ватмаԓ урәӈән.
\p
\v 17 Вош кимпийа ԓывиԓаԓ тўвманән, итәԓ йастәс: «Нӑӈ ԓыԓэн шавийи; йŏхԓы аԓ ванта пӑ тӑм пайԓы мўвән иԓ аԓ ԓойԓыйа; нӑӈ ӑт ат пӑртсән, Кев ўрән шаваща».
\p
\v 18 Лот ики пӑ ԓынана йастәс: «Ӑнта, Вŏԓаӈ Куща!
\p
\v 19 Тӑта щи, Нӑӈ митхуйэн пеԓа Нӑӈ йӑм сэмән ватсән, ма уԓәпсайэм шавиты урәӈән Нӑӈ щи ԓŏват йӑм версән; туп ма Кев ўр унты хухәԓты ӑт верәтԓәм, тӑм шук эԓты ат шаващсәм пӑ ԓыԓӈа ат хӑщсәм,
\p
\v 20 тўм воша хухәԓты ваншәк, ԓўв ай; щи хухәԓты мӑнэм эсԓы, – ԓўв ай; ԓыԓэм па шавиԓэм».
\p
\v 21 Пӑ ԓўвеԓа йастәс: «Нӑӈ урӈенән щит Ма па верԓэм: нӑӈ айәԓты вошен ӑт шўкатԓэм;
\p
\v 22 тэрматыйа, щита хӑԋэма, нӑӈ щи ӑт йŏхәттэн унты Ма верэм верты ӑт верәтԓэм». Щишән, щи вош Сигор\f + \fr 19:22 \fr*\fq Сигор \fq*\ft – (евр.) «ай, айийэ»;\ft*\f* нэмән мӑса.
\p
\v 23 Най нŏх этәс, хун Лот ики Сигор унты йŏхтәс.
\p
\v 24 Щӑԓта, Турәм Куща Содом пӑ Гоморра вошӈән Турәм Куща эԓты турәм эԓты тўтәӈ кевәтән пӑ тўтән йэрт иты шошәпсәԓы,
\p
\v 25 щи вошӈән, пӑ щи пайԓы мўвәт, пӑ щи вошӈән хŏԓ хŏйатәт, пӑ мўвән энмәм ŏтәт хŏԓаԓтсәԓы.
\p
\v 26 Лот ики йўпийән йўвәм имеԓ йŏхԓы ӑӈкәрмәс, пӑ сŏԓаӈ акԓа мŏхты йис.
\p
\v 27 Авраам аԓәӈсӑхат аԓәӈ нŏх киԓәс пӑ щи тӑхайа мӑнәс, хŏта Турәм Куща йэщаԓт щи йэԓпийән ԓойәс,
\p
\v 28 Содом пӑ Гоморра вошӈән пӑ йŏхан ԉэпән уԓты мўвәт пеԓа ӑӈкәрмәс пӑ кащаԓәсԓы: щи мўв эԓты, ӑԓәм кур иты, пусәӈ нŏх этәс.
\p
\v 29 Щиты ус, хун Турәм пайԓы мўв вошәт пӑратсәԓы, Турәм Авраам нŏмәсән иса тӑйсәԓы пӑ вошәт шўкатәм тӑха эԓты Лот ики йэԓ китсәԓы, хŏта Лот ики ус.
\s Лот ики пӑ ԓўв эвеӈәԓаԓ
\p
\v 30 Сигор эԓты Лот ики мӑнәс, Кев ўрән эвеӈәԓаԓ пиԓән уԓты питәс, ԓўв Сигор вошән уԓты пӑԓәс. Щита эвеӈәԓаԓ пиԓән хŏшапәӈ кев ԓыпийән ус.
\p
\v 31 Щӑԓта ŏпеԓ апщеԓа йастәс: «Ащемән пирәщ, пӑ йŏх хŏйат тӑм мўвән ӑнтом, мин пиԓэмәнән уԓты урәӈән, хŏты мўв ԓŏватән уԓԓыйәԓ,
\p
\v 32 щишән, ащемән ўнайән йищәԓтәԓэмән, пӑ ащемән эԓты рутэмән йэԓԓы туԓэмән».
\p
\v 33 Щи атән ԓын ащан йищәԓтәсԓән; ун эвеԓ ԓўв хŏщайәԓ ԓŏӈтыйәс; ащеԓ пӑ ӑт уйтәс, хун ԓўв ŏԓԓыйәс пӑ хун нŏх киԓәс.
\p
\v 34 Кимет хӑтәԓ ŏпеԓ апщеԓа йастәс: «Мŏԓхатәԓ ма ащем хŏща ԓŏӈтысәм; тӑм ат ԓўвеԓ ўнайән па йищәԓтәԓэмән; пӑ нӑӈ ԓŏӈтыйа, ащемән эԓты рутэмән йэԓԓы туԓэмән».
\p
\v 35 Щи ат ащан ўнайән па йищәԓтәсԓән; пӑ ай эвеԓ ԓўв хŏщайәԓ ԓŏӈтыйәс; ащеԓ па ӑт уйтәс, хун ԓўв ŏԓԓыйәс пӑ хун нŏх киԓәс.
\p
\v 36 Щиты Лот ики эвеӈәԓаԓ ԓын ащан эԓты кинтак ԓавәрта йисӈән.
\p
\v 37 Ун эвеԓ пŏх тӑйәс, нэмән мӑсԓы: Моав\f + \fr 19:37 \fr*\fq Моав \fq*\ft – (евр.) «ащем эԓты» йасӈәт хŏрпи;\ft*\f*. Ԓўв ин тӑм унты моав йох ащи.
\p
\v 38 Ай эвеԓ ищи пŏх тӑйәс, нэмән ԓўвеԓ мӑсԓы: Бен-Амми\f + \fr 19:38 \fr*\fq Бен-Амми \fq*\ft – (евр.) «ма мирэм пŏх»;\ft*\f*. Ԓўв ин тӑм унты аммон йох ащи.
\c 20
\s Авраам пӑ Сарра Авимелех хон хŏща
\p
\v 1 Авраам йэԓԓы Морты мўв пеԓа касԓәс, Кадес лот пӑ Сур мўв кўтән уԓты питәс; мŏԓты сыс Герар вошән ус.
\p
\v 2 Авраам Сарра имеԓ эԓты щиты йастәс: «Ԓўв ма нэ апщем». Авимелех, Герар вош хон, Сарра ԓўв хŏщайәԓ туты партсәԓы.
\p
\v 3 Атәԓән уԓәмән Авимелех хŏща Турәм йŏхтәс пӑ ԓўвеԓа йастәс: «Тӑм ими ўймен урәӈән нӑӈ сŏрма питԓән, ԓўв ики тӑйәԓ».
\p
\v 4 Авимелех пӑ щи нэ хŏща ӑт кетмийәс пӑ йастәс: «Вŏсху! Нўрԓы мир пӑр мўй пӑратԓэн?
\p
\v 5 Авраам мӑнэм йастәс: ‘Ԓўв ма нэ апщем’? Сарра пӑ йастәс: ‘Ԓўв ма йайәм’. Ма щит йӑм нŏмәсән версэм пӑ йошԓам сыстамәт».
\p
\v 6 Щӑԓта Турәм ԓўвеԓ уԓәмән йастәс: «Ма ищи уйәтԓэм, щит нӑӈ йӑм нŏмәсән версэн, щишән, нӑӈен Ма йэԓпемән кӑрэк эԓты сайԓәптәсэм пӑ ԓўв хŏщайәԓ нӑӈен кетәмты ӑт эсәԓсэм;
\p
\v 7 ин пӑ икеԓа имеԓ йŏхԓы мийи, ԓўв Турәм айкеԓ туты хŏйат пӑ нӑӈ урӈенән пойәкщәԓ, щиты нӑӈ ԓыԓӈа хӑщԓән; йŏхԓы ӑт мӑԓэн ки, уйты, хотәӈ ŏтԓан пиԓән нӑӈ сŏрма питԓән».
\p
\v 8 Авимелех аԓәӈсӑхат аԓәӈ нŏх киԓәс, митйохԓаԓ хŏԓ вохсәԓы, щи йасӈәт ԓывиԓаԓ хŏԓ пŏтәртсәԓы; пӑ щи хŏйатәт шек пӑԓтәмәсәт.
\p
\v 9 Щӑԓта Авимелех Авраам вохсәԓы пӑ ԓўвеԓа йастәс: «Мўй нӑӈ мўӈ пиԓэвән версән! Мўй атәм вермем урәӈән нӑӈ мӑнэм пӑ ма хон мўвем ун кӑрэка пайәтсэн? Нӑӈ ма пиԓэмән ӑт рӑхты верәт версән».
\p
\v 10 Щӑԓта Авимелех Авраама йастәс: «Хŏты нӑӈ нумәссән, тӑмиты верменән?»
\p
\v 11 Авраам йастәс: «Ма щиты нумәссәм, тӑм тӑхайән Турәм эԓты пӑԓты вер ӑнтом пӑ ма имем урәӈән ма веԓԓайәм;
\p
\v 12 ԓўв пӑ йӑна ма нэ апщем: ԓўв ма ащем эви, туп ӑнта ма аԋԏэм тӑйәм эви; щӑԓта ма имема йис;
\p
\v 13 Турәм мӑнэм ащем хот эԓты мўв хўват йӑхты китмаԓән, ма ԓўвеԓа щиты йастәсәм: ‘Щи ԓŏват йӑм вера, хŏԓта кепа мин ӑт йŏхәтԓәмән, иса ма эԓтэм пŏтәрта: ‘Щит ма йайәм’».
\p
\v 14 Щӑԓта Авимелех ай пӑ ун йош вой, митйох пӑ митнэӈәт Авраама мӑсԓы; Сарра имеԓ па йŏхԓы мӑсԓы.
\p
\v 15 Щӑԓта Авимелех йастәс: «Тӑта щи, ма мўвем нӑӈ йэԓпенән; уԓа, хŏта нӑӈена ԓэщаԓәԓ».
\p
\v 16 Саррайа пӑ йастәс: «Тӑта щи, ма нӑӈ йайәна щŏрәс сикль щел ŏх мӑсәм; тӑм мойԓәпса нӑӈена, нӑӈ хŏйатԓан ат уйәтԓэԓ, нӑӈ иса вещкат пӑ нэмәԓты атәм ӑт версән».
\p
\v 17 Щӑԓта Авраам Турәм пеԓа пойәкщәс, пӑ щӑԓта Авимелех, пӑ ԓўв имеԓ, пӑ ԓўв митнэԓаԓ Турәмән хŏԓ йӑмәԓсайәт, пӑ ԓыв ԋаврэм тӑйты питсәт;
\p
\v 18 Авраам Сарра имеԓ урәӈән Авимелех хотән ԋаврэм тӑйты вер Турәм Куща вŏԓытысԓы.
\c 21
\s Исаак сэма питәм вер
\p
\v 1 Турәм Куща, йастымаԓ щирән, Сарра пеԓа щи арат йӑм ус пӑ, хŏты ԓўвеԓа йастыԓыйәс, щиты версәԓы.
\p
\v 2 Сарра ԓавәрта йис пӑ Авраама пŏх сэма пайтәс, Авраам пирщамәм йўпийән, вŏԓԓы щи пŏрайән, хŏты Турәмән ԓўвеԓа йастыԓыса;
\p
\v 3 Авраам ԓўв хŏщайәԓ сэма питәм пŏхәԓа, Саррайән ԓўвеԓа тӑйәм пŏхәԓа, Исаак нэм пŏнәс;
\p
\v 4 щӑԓта, Авраам Исаак пŏхәԓ эвәтты щирән ԋийәԓмет хӑтәԓән версәԓы, хŏты Турәм ԓўвеԓа партәс.
\p
\v 5 Исаак пŏхәԓ ԓўв хŏщайәԓ сэма питәмән, Авраам нуптәԓ сот тӑԓ ус.
\p
\v 6 Сарра йастәс: «Турәмән ԋӑхты партсайәм; хŏй ма эԓтэм хуԓәԓ, ма пиԓэмән ԋӑхты питәԓ».
\p
\v 7 Щӑԓта па йастәс: «Хŏй Авраама, ԓуԓән, йастәс: ‘Сарра ԋаврэм эсәмән ԓапәтты питәԓ’? Ԓўв пирща йўвмаԓ йўпийән ма пŏх тӑйсәм».
\p
\v 8 Ԋаврэм энмәс пӑ эсәм эԓты вŏԓытса; Исаак эсәм эԓты вŏԓытәм хӑтәԓән Авраам йӑм ԓэтотәӈ пӑсан верәс.
\s Агарь пӑ Измаил воштыԓайӈән
\p
\v 9 Щӑԓта Сарра кащаԓәсԓы, хŏты Египет нэ Агарь тӑйәм пŏх ԓўв Исаак пŏхәԓ эԓты ԋӑхәԓ,
\p
\v 10 пӑ Авраама йастәс: «Тӑм митнэ пŏхәԓ пиԓән вошты, ищипа тӑм митнэ пŏх ма Исаак пŏхем пиԓән нӑӈ хӑйты тащен ортты ӑт питԓәԓы».
\p
\v 11 Авраама щит щикем ӑт ԓэщаԓәс, Измаил ищи ԓўв пŏхәԓ ус.
\p
\v 12 Турәм пӑ Авраама щиты йастәс: «Нŏпсэн ӑт ат шӑкәԓ энәмты пŏхен пӑ митнэӈен урәӈән; мўй Сарра нӑӈена йастәԓ, иса ԓўвеԓ хуԓәнта, туп Исаак хўват тӑйты тыхԓэнән Ма нӑӈена партәм ԋаврэмԓам питԓәт;
\p
\v 13 митнэӈен пŏх эԓты Ма ищи мир энмәԓԓәм, ԓўв ищи нӑӈ ԋаврэмен».
\p
\v 14 Авраам аԓәӈсӑхат аԓәӈ киԓәс, ԋаԋ пӑ йик тӑйты хир ўс, пӑ щит иса Агарь ԓӑкра пŏтсәԓы, пӑ пŏхәԓ пиԓән ԓўвеԓ йэԓ китсәԓы. Агарь мӑнәс пӑ Вирсавия таԓ хишәӈ мўвән тӑпәс,
\p
\v 15 хирән йиӈкәԓ хŏԓас пӑ пŏхәԓ варәс похәл иԓпийән хӑйсәԓы,
\p
\v 16 щӑԓта йэԓшәк мӑнәс, и ԋоԓ йўвәтты хўватән иԓ опсәс. Щиты ԓўв йастәс: «Энәмты пŏх пӑрты щир ватты ӑт ԓӑӈхаԓайәм». Ԓўв опсәс пӑ ўвты питәс пӑ хоԓԓәс;
\p
\v 17 Турәм энәмты пŏх тўр сый хуԓтсәԓы; Турәм ангел турәм эԓты Агарь ўваԓтсәԓԓы пӑ йастәс: «Хŏты йисән, Агарь? Аԓ пӑԓа; Турәм энәмты пŏх тўр сый щиԓта, хŏта ԓўв уԓ, хўԓтсәԓы;
\p
\v 18 нŏх ԓойа, энәмты пŏхен нŏх ԓощәԓты пӑ йошәԓ эԓты катԓы, Ма вŏԓаӈ мир ԓўв эԓтэԓ этәԓтәԓәм».
\p
\v 19 Щӑԓта, Турәмән йушән аԉса пӑ, ԓўв йик ўты мўв ўс кащаԓәс, щи мӑнәс, хирәԓ йикән тэкәптәсԓы пӑ пŏхәԓ йищәԓтәсԓы.
\p
\v 20 Турәм энәмты пŏх пиԓән ус, ԓўв энмәс, пӑ таԓ хишәӈ мўвән уԓты питәс, ԋоԓәӈ-йухԓәӈ вой веԓты хуйа йис.
\p
\v 21 Фаран нэмпи таԓ хишәӈ мўвән ԓўв ус; Египет мўв эԓты аԋԏэԓән нэӈән ўса.
\s Авраам пӑ Авимелех йастантәпса версәтән
\p
\v 22 Щи ишән Авимелех хон, Фихол ԉаԉ йох кущайәԓ пиԓән, Авраама йастәс: «Турәм иса нӑӈ пиԓэнән, мўй вер кепа нӑӈ ӑт верԓән;
\p
\v 23 щишән, Турәм ватман мӑнэма тӑта йасәӈ мийа, нӑӈ мӑнэма, ма пŏхема, ма хиԓэма атәм ӑт верԓән; хŏты ма нӑӈ пиԓэнән йӑма верәт версәм, хун нӑӈ тӑм мўва уԓты йŏхәтсән, щиты нӑӈ па, ма пиԓэмән пӑ тӑм мўв пиԓән, верәт верты питԓән».
\p
\v 24 Авраам йастәс: «Ма йасәӈ мӑԓәм».
\p
\v 25 Авраам Авимелех пеԓа туп йик ўты мўв ўс урәӈән ўшмащәс, Авимелех митйохәтән нŏх ўйәм урәӈән.
\p
\v 26 Авимелех пӑ йастәс: «Ӑт уйәтԓэм, хŏй щит верәс, нӑӈ пӑ мӑнэма ӑт йастәсән; ма щит эԓты ин тӑм унты ӑт хуԓԓысэм».
\p
\v 27 Щӑԓта Авраам ошәт пӑ мисәт ўс пӑ Авимелеха мӑсԓы, щиты ԓын йастантәпса версәтән.
\p
\v 28 Ԓапәт нэ ош вой тащ эԓты Авраам атэԓт ўсԓы.
\p
\v 29 Авимелех пӑ Авраама йастәс: «Мўйа ԓапәт нэ ош нӑӈ атэԓт ўсән?»
\p
\v 30 Авраам йастәс: «Тӑм ԓапәт нэ ош ма йошем эԓты ўйи, щит щӑха нумты урәӈән, тӑм йик ўты мўв ўс ма хирсэм, ԓўв мӑнэм».
\p
\v 31 Щишән, щи лот Вирсавия\f + \fr 21:31 \fr*\fq Вирсавия \fq*\ft – (евр.) «йасәӈ мийәм йик ўты мўв ўс» мўй пӑ «ԓапәт ŏт йик ўты мўв ўс»;\ft*\f* нэмән мӑсԓы, щита ԓын кўтәнән йасәӈ мӑстән.
\p
\v 32 Щиты ԓын Вирсавия нэмпи тӑхайән йастантәпса версәтән. Авимелех хон ԓўв Фихол ԉаԉ йох кущайәԓ пиԓән ԓойсәт пӑ филистимәт мўва йŏхԓы мӑтсәт.
\p
\v 33 Вирсавия хŏща Авраам дуб йўхәӈ йохәм опсәс, щита Турәм Куща пеԓа, веккеша уԓты Турәм пеԓа, пойәкщәс.
\p
\v 34 Авраам филистимәт мўвән ӑԓ йŏхтыԓыты хŏйат щирән йӑм хўв кўт ус.
\c 22
\s Авраам эвәԓты вер Турәм артаԓәс
\p
\v 1 Щиты ус, Турәм щи верәт йўпийән Авраам эвәԓты вер артаԓәсԓы. Пӑ щиты ԓўвеԓа йастәс: «Авраам!» Ԓўв йŏхԓы йастәс: «Ма щи».
\p
\v 2 Турәм йастәс: «Сӑм вŏшән тӑйты аратәԓ и пŏхен, Исаак пŏхен, ўйи пӑ Мориа мўва мӑна; пӑ щита и кев ўр Ма нӑӈен аԉԓәм, щита ԓўвеԓ йира туты урәӈән нŏх ўщиты».
\p
\v 3 Авраам аԓәӈсӑхат аԓәӈ нŏх киԓәс, осёл войәԓ нŏх киртсәԓы, кӑт энәмты митху пӑ Исаак пŏхәԓ пӑтән ўсԓы; йир ўщитты урәӈән тўт йўх хӑлытәс, пӑ щӑԓта нŏх ԓŏйәс пӑ Турәм аԉәм тӑха пеԓа мӑнәс.
\p
\v 4 Хуԓмет хӑтәԓән Авраам хўвәԓта щи тӑха шийаԓәсԓы.
\p
\v 5 Энәмты митхуйӈәна Авраам йастәс: «Нын тӑта осёл войән пиԓән хӑщатән, мин пӑ пŏхем пиԓән тŏхи мӑнԓәмән пӑ пойәкщәԓмән, пӑ щӑԓта нын хŏщайән йŏхԓы йŏхәтԓәмән».
\p
\v 6 Авраам йир ўщитты тўт йўх ўс, пӑ Исаак пŏхәԓа шӑнша пŏтсәԓы; ԓўв пӑ йоша тўт пӑ кеши ўс, пӑ ԓын йӑха мӑтсәтән.
\p
\v 7 Щӑԓта Исаак Авраам ащеԓ пеԓа пŏтәртты питәс, пӑ йастәс: «Ащийэ!» Ԓўв пӑ йŏхԓы йастәс: «Хŏты, пŏхийэ». Пŏхәԓ йастәс: «Тӑта тўт йўх пӑ тўт, хŏта пӑ йира ўщитты ош пŏшәх?»
\p
\v 8 Авраам йастәс: «Турәм Ԓўвеԓа йира ўщитты ош уйәтәԓ, пŏхийэ». Пӑ ԓын йӑха йэԓԓы мӑтсәӈән.
\p
\v 9 Щӑԓта Турәм йастәм тӑхайа йŏхәтсәтән; Авраам щита йирасты нŏрәм верәс, тўт йўхәт пŏнәс, пӑ Исаак пŏхәԓ йӑрман йирасты нŏрма йўхәт эԓты пŏтсәԓы.
\p
\v 10 Щӑԓта Авраам ԋиншәмтыйәс пӑ кеши аԓэмәс, пŏхәԓ пŏткәты урәӈән.
\p
\v 11 Туп Турәм Куща ангел турәм эԓты ԓўв пеԓайәԓ ўваԓтәс: «Авраам! Авраам!» Ԓўв йастәс: «Ма щи».
\p
\v 12 Ангел йастәс: «Пŏхен эԓты йошен аԓ аԓми пӑ ԓўв пиԓәԓән нэмәԓты аԓ вера, ин Ма уйәтԓэм, Турәм эԓты нӑӈ пӑԓԓән, пӑ аратәԓ и пŏхен Мӑнэма мӑты ӑт щаԉәтсэн».
\p
\v 13 Щӑԓта Авраам йŏхԓы ӑӈкәрмәс пӑ кащаԓәсԓы: тӑта щи, ԓын йўпанән хӑш похәлән оӈәтԓаԓән ош йŏвәртымаԓ. Авраам мӑнәс, ош ўсԓы пӑ пŏхәԓ йўкана йира ўщитты тусԓы.
\p
\v 14 Авраам щи тӑха нэмән мӑсԓы: Иегова-ире\f + \fr 22:14 \fr*\fq Иегова-ире \fq*\ft – (евр.) «Турәм Куща уйәтәԓ»;\ft*\f*. Щишән интӑм унты йастәԓа: «Турәм Куща кевән уйәтты питԓа».
\p
\v 15 Щӑԓта Турәм Куща ангел кимет пўш турәм эԓты Авраам пеԓа йасәӈ тӑйәс
\p
\v 16 пӑ щиты йастәс: «Мӑнэмән йасәӈ мӑԓәм, Турәм Куща йастәԓ, тӑм вер вермен урәӈән, нӑӈ пŏхен, аратәԓ и пŏхен ӑт щаԉәтсэн,
\p
\v 17 щишән Ма нӑӈен ар йӑмән мӑԓэм пӑ нӑӈ тыхәԓ тэԓэн арәԓ ара йиԓ, турәм хусәт арата пӑ щарәс сыԓ сэй хиш арата; ԓыв пиԓԓаԓән ԉаԉәсты ŏтәт вошԓаԓ нӑӈ тыхәԓ тэԓэн ԓыв йошԓаԓа пайәтԓәԓаԓ;
\p
\v 18 нӑӈ тыхԓэн хўват мўв ԓŏватән уԓты мирәт хŏԓ йӑмән мӑԓайәт нӑӈ Ма йасӈема хуԓтмәмен урәӈән».
\p
\v 19 Щӑԓта Авраам энәмты митхуйӈәԓаԓ хŏща йŏхтәс, пӑ щӑԓта хŏԓ йӑха Вирсавияйа мӑтсәт; Авраам Вирсавия тӑхайән уԓты хӑщәс.
\s Нахор тыхәԓ тэԓ
\p
\v 20 Щи верәт йўпийән Авраам айкеԓән йŏхәтса, йастәса: «Нахор апщена Милка имеԓ ищи пŏхәт сэма пайәтмаԓ:
\p
\v 21 оԓәӈ ŏтәԓ Уц, Вуз апщеԓ, Кемуил, Арам ащи,
\p
\v 22 Кесед, Хазо, Пилдаш, Идлаф пӑ Вафуил».
\p
\v 23 Вафуил эԓты Ревекка сэма питәс. Ԋийәԓ пŏх Милка сэма пайтәс, Нахор икеԓа, Авраам апщийа.
\p
\v 24 Нахор Реума нэмпи ай нэӈәԓ Тевах, Гахам, Тахаш пӑ Мааха ищи сэма пайтәс.
\c 23
\s Сарра шавиты урәӈән Авраам мўв щуӈ ԓутәԓ
\p
\v 1 Сарра уԓәм нуптәԓ сот хус ԓапәт тӑԓ арат ус: щит Сарра уԓәм тӑԓәт;
\p
\v 2 Кириаф-Арба хŏща, щит ин Хеврон, щита Ханаан мўвән Сарра пӑрәс. Авраам ԓўв урӈәԓән хоԓԓәты пӑ йирӈәԓтыты йŏхтәс.
\p
\v 3 Щӑԓта пӑрәм ŏтәԓ эԓты йэԓшәк мӑнәс пӑ хет йох пиԓән пŏтәртты питәс, пӑ йастәс:
\p
\v 4 «Ма нын хŏщайән пўӈәԓта йŏхтәм пӑ мўвемәм хŏйат, пӑрәм ŏтэм иԓ шавиты урәӈән мӑнэма йŏра тӑйты мўв тыныйаты».
\p
\v 5 Хет йох Авраама щиты йŏхԓы йастәсәт:
\p
\v 6 «Куща ики, мўӈ йасӈева хуԓәнта; нӑӈ мўӈ кўтэвән Турәм кӑнащ; мет йӑмшәк лоттәты тӑхайԓувән нӑӈ пӑрәм ŏтэн шавийи; мўӈ йŏра лоттәты тӑхайԓувән нӑӈ пӑрәм ŏтэн шавитэн урәӈән, нэмәԓты хŏйат мўӈ эԓтэв нӑӈена шŏппи йасәӈ ӑт йастәԓ».
\p
\v 7 Авраам нŏх ԓойәс пӑ щи мўв мир пеԓа, хет йох пеԓа, ŏх пŏнман, иԓ ԋўрәс;
\p
\v 8 пӑ Авраам ԓывиԓаԓа йастәс: «Нын щиты кашащԓәты ки, пӑрәм ŏтэм ат лоттәсэм, щишән, мӑнэм хуԓәнтаԓән, Цохар пŏх Ефрон ма урӈемән иԋщәсаты,
\p
\v 9 ԓўв мўв хӑрәԓ сыԓән Махпела хŏща уԓты хŏшапәӈ кев, лоттәты урәӈән, мŏрт тынән мӑнэма нын ватман ат тыныԓԓы».
\p
\v 10 Ефрон пӑ хет йох кўтән опсәс; пӑ щӑԓта Ефрон, хет ху, вошәӈ пушасәԓ ун ова ԓŏӈтыты хет йох хŏԓ хуԓман, Авраам пеԓа щиты йастәс:
\p
\v 11 «Ӑнта, кущайэм, мӑнэм хуԓәнты: мўв хӑр пӑ щита уԓты хŏшапәӈ кев ма нӑӈена мӑԓэм, мирэм ватман, нӑӈена мойԓәԓэм, нӑӈ пӑрәм ŏтэн лотты».
\p
\v 12 Авраам щи мўвәӈ мир йэщаԓт, ŏх пŏнман, иԓ ԋўрәс,
\p
\v 13 пӑ, мир хуԓәтман, Ефрон пиԓән пŏтәртәс пӑ йастәс: «Ма пеԓайэм хуԓтмәԓән ки, ма нӑӈена щи мўв хӑр урәӈән тын мӑԓәм; ма эԓтэм ўйи, пӑ ма пӑрәм ŏтэм щита лоттәԓэм».
\p
\v 14 Ефрон Авраам пеԓа йŏхԓы пŏтәртәс пӑ йастәс:
\p
\v 15 «Кущайэм! Мӑнэм хуԓәнта: щи мўв тынәԓ щел ŏхән ԋӑԓсот сикль\f + \fr 23:15 \fr*\fq щел ŏхән ԋӑԓсот сикль \fq*\ft – (евр.) щит 4.5 киԓа щел ŏх;\ft*\f*; нӑӈена пӑ мӑнэма щит мўй ар? Пӑрәм ŏтэн лотты».
\p
\v 16 Авраам Ефрон пиԓән кашащәс пӑ Ефрона Авраам щел ŏх пусмекԓәс пӑ мӑс, мўй арат ԓўв, хет мир хуԓәтман, йастәс, щел ŏхән ԋӑԓсот сикль, вŏсйох тынасты щирән.
\p
\v 17 Щиты Ефрон мўв хӑр, Махпела хŏща, Мамре пўӈәԓән, щи тӑха пӑ щита уԓты хŏшапәӈ кев, керәтман энәмты йўхәт пиԓән,
\p
\v 18 щит иса, вошәӈ пушас ун ова ԓŏӈтыты хет йох ватман, Авраам йоша питәс.
\p
\v 19 Щи йўпийән Авраам, Сарра, ԓўв имеԓ, лоттәсԓы, Махпела хŏща уԓты хŏшапәӈ кев ԓыпийән, Мамре пўӈәԓән, щит тӑм пŏрайән Хеврон вош, Ханаан мўвән.
\p
\v 20 Щиты хет йох эԓты мўв хӑр Авраам йоша питәс, пӑ щита уԓты хŏшапәӈ кев, ԓўв мŏхиԓаԓ лоттәты урәӈән па.
\c 24
\s Исаак пӑ Ревекка
\p
\v 1 Авраам пирщамәса пӑ тӑԓԓаԓ арәт усәт. Турәм Кущайән кашәӈ вер хŏща Авраам йӑмән мӑса.
\p
\v 2 Щӑԓта Авраам хотәԓән уԓты, ԓўв тӑйты хŏԓ мŏԓтыԓаԓ ԓэщатты, куща митхуйәԓа йастәс: «Ма пещем иԓпийа йошен пŏныԓыйи
\p
\v 3 пӑ Турәм Кущайән, опәԉ Турәмән пӑ мўв Турәмән, мӑнэма йасәӈ мийа, ханаан йох эвет эԓты, хŏйтат кўтән ма уԓԓәм, нӑӈ ма пŏхема нэ ӑт ўԓән,
\p
\v 4 пӑ ма мўвема, ма энмәм мўвема йӑхԓән пӑ Исаак пŏхема нэ щиԓта ўԓән».
\p
\v 5 Митхуйәԓ ԓўвеԓа йастәс: «Мосәӈ, тӑм мўва щи нэ ма пиԓэмән йиты ӑт кашащәԓ, мосәӈ, нӑӈ мўвена, хŏԓща нӑӈ этсән, пŏхен туты мосәԓ?»
\p
\v 6 Авраам ԓўвеԓа йастәс: «Ма эԓтэм пӑԓԓән ки, пŏхем тŏхи аԓ тўви;
\p
\v 7 Турәм Куща, ŏпәԉ Турәм, Хŏй ащем хот эԓты мӑнэм сэма питәм мўвем эԓты ўсԓы, пӑ Хŏй мӑнэм йасәӈ мӑс, пŏтәртман: ‘Йэԓԓы уԓты ԋаврэмԓана тӑм мўв мӑԓэм’, – Ԓўв ангеләԓ нӑӈ йэԓпенән китԓәԓы, пӑ нӑӈ пŏхема щиԓта нэ ўԓән;
\p
\v 8 нӑӈ пиԓэнән щи нэ йиты ӑт ки кашащәԓ, мӑнэма мийәм тӑм йасӈен эԓты нӑӈ веләк питԓән; туп пŏхем тŏхи аԓ тўви».
\p
\v 9 Авраам кущайәԓ пещ иԓпийа митхуйәԓ йошәԓ пŏтсәԓы пӑ ԓўвеԓа йасәӈ мӑс.
\p
\v 10 Кущайәԓ верблюдәт эԓты митхуйәԓ йаӈ верблюд ўс пӑ мӑнәс. Кущайәԓ эԓты ар сыр тынәӈ мойԓәпсайәт ԓўв пӑтән тӑйәс. Месопотамия мўва, Нахор уԓәм воша, ԓўв мӑнәс.
\p
\v 11 Йӑм хўв мӑнман, ԓўв йэтна пеԓа йик ўты мўв ўс пўӈәԓән, вош кимәԓән, верблюдԓаԓ иԓ ԓойәԓттәсԓы, щи пŏрайән, хун нэӈәт йик аԓтты йŏхтыԓыԓәт,
\p
\v 12 пӑ йастәс: «Турәм Куща, Авраам кущайэм Турәм! Тӑм хӑтәԓ эви ма йэщаԓтэм киты пӑ Авраам кущайэма щи ԓŏват йӑм этәԓта;
\p
\v 13 тӑта щи ма, йик ўты тӑхайән ԓойԓәм, пӑ вошәӈ хŏйатәт эвет йик ӑмәртты йŏхтыԓыԓәт;
\p
\v 14 и эви, хŏйа ма йастәԓәм: ‘Сŏхта пўтэн иԓшәк эсԓыйи, ма йик йищԓәм’, хŏй пӑ мӑнэма йастәԓ: ‘Йиԋща, ма нӑӈ верблюдԓана па йищты мӑԓәм’, – щи эви щи Нӑӈ Исаак митхуйэна Нӑӈ ԓэщатсэн; щиты ма мŏштәԓэм, Нӑӈ ма Авраам кущайэма щи ԓŏват йӑм этәԓтәсэн».
\p
\v 15 Ԓўв хŏԓна пойәкщәты ӑт йэтшәс, тӑта щи, сŏхта пўт ԓӑкра пŏнман Ревекка этәс, хŏй Вафуил эԓты сэма питәс, Вафуил щит Нахор пӑ Милка пŏх, Нахор пӑ Авраам апщи ус;
\p
\v 16 эви хŏрасәӈ ус, ху сайән ӑт уԓәм айԓат нэ. Ԓўв йик аԓтты тӑхайа ŏхԓәс, сŏхта пўтәԓ тэкәптәсԓы пӑ нŏхԓы шушәс.
\p
\v 17 Митху ԓўв йэщаԓтәԓ хухәԓмәс пӑ йастәс: «Сŏхта пўтэн эԓты мӑнэм йик йищты йэша мийа».
\p
\v 18 Ԓўв йастәс: «Йиԋща, кущайэм». Ищи мŏхты сŏхта пўтәԓ йоша иԓ эсәԓсәԓы пӑ ԓўвеԓ йищәԓтәсԓы.
\p
\v 19 Ԓўвеԓ йищәԓтәмаԓ йўпийән йастәс: «Верблюдԓан урәӈән йик ӑмәртты ищи верәтԓәм, мŏрта йищтэԓ унты».
\p
\v 20 Ищи мŏхты йиӈкәԓ сŏхта пўтәԓ эԓты хўрыйа шошәпсәԓы, щӑԓта пӑ йик ўты мўв ўс хŏща йик ӑмәртты хухәԓмәс, щиты хŏԓ ԓўв верблюдԓаԓ урәӈән йик ӑмәртәс.
\p
\v 21 Щи хŏйат мӑшйайән ԓўв пеԓайәԓ вантәс, шек такан нумәсәс, йӑна мўй Турәм Кущайән йŏхтәм йушәԓ йӑмән мӑса.
\p
\v 22 Хун верблюдәт йищты йэтшәсәт, щи хŏйат ԋŏԓән тӑйты сорԋэӈ ԓуйәт ўс, и сикль шуп ԓавәрт арат, пӑ кӑт сорԋэӈ йош сур кўсы, кашәӈ ŏт йаӈ сикль ԓавәрт арат, пӑ эвийа щитәт мӑсԓы;
\p
\v 23 пӑ йастәс: «Нӑӈ хŏй эви? Мӑнэм йаста, нӑӈ ащен хотән мўӈев хоԓты тӑха уԓ мўй?»
\p
\v 24 Ԓўв йастәс: «Ма Вафуил эви, ԓўв Нахор пӑ Милка пŏх».
\p
\v 25 Щӑԓта хŏԓна ԓўвеԓа йастәс: «Мўӈ хŏщайэв сорәм тŏрән пӑ вой ԓапәтты ԓат уԓ, хоԓты тӑха ищи уԓ».
\p
\v 26 Щи хŏйат, ŏх пŏнман, иԓ ԋўрәс пӑ Турәм Куща ишәксәԓы,
\p
\v 27 пӑ йастәс: «Турәм Кущайа ун ишәк йасәӈ, Авраам кущайэм Турма, Хŏй ма кущайэм Ԓўв йӑм верәԓән пӑ Ԓўв вещкатәԓән ӑт хӑйсәԓы! Турәм Куща тўӈ йушән кущайэм апщеԓ хота мӑнэм тусԓы».
\p
\v 28 Эви хухәԓмәс пӑ щит эԓты аԋԏэԓ хотән пŏтәртәс.
\p
\v 29 Ревекка Лаван нэмпи йай тӑйәс. Лаван йик ўты тӑхайа щи хŏйат хŏща хухәԓмәс.
\p
\v 30 Хун ԓўв ԋŏԓән тӑйты сорԋэӈ ԓуйәт пӑ йош сурән тӑйты кўсэт ԓўв апщеԓ хŏща кащаԓәс, пӑ Ревекка апщеԓ йасӈәт хуԓәс: «Щиты ма пиԓэмән тӑм хŏйат пŏтәртәс», ԓўв щи хŏйат хŏща йŏхтәс, пӑ тӑта щи, ԓўв верблюдәт пўӈәԓән йик ўты тӑхайән ԓойәԓ;
\p
\v 31 Лаван йастәс: «Турәм Кущайән йӑмән мийәм хŏйат, мўйа кӑмән ԓойԓән? Йŏхи ԓŏӈа, хот пӑ верблюдԓан ŏԓты тӑха ма ԓэщатсәм».
\p
\v 32 Щи хŏйат хота ԓоӈәс. Лаван верблюдәт эсәԓсәԓы пӑ сорәм тŏрәнән пӑ ԓатән мӑсԓы, пӑ щӑԓта, ԓўвеԓа пӑ ԓўв пиԓәԓән йŏхтәм хŏйатԓаԓа, кўрԓаԓ ԉŏхәтты йик тус;
\p
\v 33 пӑ пӑсан верса, туп ԓўв йастәс: «Верэм пŏтәрттэм унты ԓэты ӑт питԓәм». Пӑ йастәсәт: «Пŏтәрта».
\p
\v 34 Ԓўв йастәс: «Ма Авраам митху;
\p
\v 35 Турәм Куща ма кущайэм ар йӑмән мӑсԓы, пӑ ԓўв тащәӈа йис: ошәт пӑ хор мисәт, щел ŏх пӑ сорԋи, митйохәт пӑ митнэӈәт, верблюдәт пӑ осёл войәт Авраама Ԓўв мӑс;
\p
\v 36 кущайэм Сарра имеԓ, пирща йўвмаԓ йўпийән, кущайэма пŏх сэма пайтәс, пӑ Авраам кущайэм мўй тӑйәс, иса ԓўвеԓа мӑсԓы;
\p
\v 37 кущайэм ма эԓтэм йасәӈ ўс, йастәман: ‘Ханаан йох эвет эԓты, хŏйтат кўтән ма уԓԓәм, нӑӈ ма пŏхема нэ аԓ ўйа,
\p
\v 38 пӑ ащем хота пӑ рутԓам хŏща йӑӈха, пӑ пŏхема нэ щиԓта ўԓән’.
\p
\v 39 Кущайэма ма йастәсәм: ‘Мосәӈ, ма пиԓэмән нэ ӑт мӑнәԓ’.
\p
\v 40 Ԓўв мӑнэма йастәс: ‘Турәм Куща, Хŏй йэԓпийән ма уԓԓәм, Ԓўв ангеләԓ нӑӈ пиԓэнән китԓәԓы пӑ йушен йӑмән пӑртԓәԓы, пӑ рутԓам эԓты ащем хŏт эԓты пŏхема нэ ўԓән;
\p
\v 41 мӑнэма мийәм йасӈен эԓты нӑӈ веләк питԓән, хун рутԓам хŏща йӑхԓән; ԓыв нӑӈена нэ ӑт ки мӑԓәт, мийәм йасӈен эԓты веләк питԓән’.
\p
\v 42 Щӑԓта йик ўты тӑхайа ма тӑм хӑтәԓ йŏхәтсәм пӑ йастәсәм: ‘Турәм Куща, Авраам кущайэм Турәм! Нӑӈ ма мӑнты йушем йӑмән партԓэн ки,
\p
\v 43 тӑта щи, йик ўты тӑхайән ма ԓойԓәм, пӑ эви, хŏй йик ӑмәртты этәԓ, ԓўвеԓа ма йастәԓәм: ‘Сŏхта пўтэн эԓты мӑнэма йэша йищты мийа’,
\p
\v 44 хŏй пӑ мӑнэма йастәԓ: ‘Нӑӈ йиԋща, верблюдԓана йик ищи ӑмәртԓәм’, – щит щи нэ, хŏй Турәм Куща ма кущайэм пŏха ԓэщатсәԓы’.
\p
\v 45 Щи нŏпсэм хŏԓна пӑтэԓ унты ӑт тусэм, хун Ревекка этәс, пӑ сŏхта пўтәԓ ԓӑкрәԓән, йик ўты тӑхайа ŏхԓәс, йик ӑмәртәс; пӑ ма ԓўвеԓ йастәсәм: ‘Мӑнэма йик йищты мийа’.
\p
\v 46 Ԓўв ищи кумән сŏхта пўтәԓ иԓ эсәԓсәԓы пӑ йастәс: ‘Йиԋща, верблюдԓан ищи йищәԓтәԓԓам’. Пӑ ма йищсәм, верблюдԓам пӑ ԓўв йищәԓтәсԓы.
\p
\v 47 Ма ԓўвеԓ иԋщәссэм пӑ йастәсәм: ‘Нӑӈ хŏй эви?’ Ԓўв йастәс: ‘Вафуил эви, ԓўв Нахор пӑ Милка пŏх’. Щӑԓта ма ԓўвеԓ ԋŏԓән тӑйты сорԋэӈ ԓуйәт пӑ йош сур кўсэт йошӈиԓаԓа пŏтсәм.
\p
\v 48 Ма пӑ, ŏх пŏнман, иԓ ԋўрсәм пӑ Турәм Куща ишәксэм, пӑ Турәм Кущайа йӑм йасәӈ йастәсәм, Авраам кущайэм Турма, Хŏй тўӈ йуш хўват мӑнэм ты тусԓы, кущайэм апщи хиԓынэ ԓўв пŏхәԓа нэӈа ўты урәӈән.
\p
\v 49 Ин пӑ мӑнэма йастаты, ма кущайэма щи ԓŏват йӑм пӑ вещкат вер верты нŏмәс нын тӑйԓәты мўй ӑнта? Щит щи мӑнэма йастаты, мӑнэма йэԓԓы верәт тўӈащира верты урәӈән».
\p
\v 50 Лаван пӑ Вафуил йŏхԓы йастәстән: «Турәм Куща эԓты тӑм вер уԓ; мўӈ нӑӈена атәм пӑ йӑм йастәты ӑт верәтԓув;
\p
\v 51 тӑта щи, Ревекка нӑӈ йэԓпенән; ԓўвеԓ ўйи пӑ мӑна; Турәм Куща йастәм щирән, кущайэн пŏх имийа ԓўв ат питәԓ».
\p
\v 52 Авраам митху ԓын йасәӈԓән хуԓмаԓән, мўв унты, ŏх пŏнман, иԓ ԋўрәс пӑ Турәм Куща ишкәс.
\p
\v 53 Щӑԓта митху щел ŏх пӑ сорԋэӈ пŏрмасәт этәԓтәс, пӑ ԓумәтты сŏхәт, пӑ Ревеккайа мӑсԓы; йайәԓа пӑ аԋԏэԓа ищи тынәӈ мойԓәпсайәт мӑс.
\p
\v 54 Щӑԓта ԓўв пӑ ԓўв пиԓәԓән уԓәм хŏйатәт ԓэсәт, йищсәт пӑ хоԓсәт. Аԓәӈсӑхат нŏх киԓмеԓән, ԓўв йастәс: «Кущайэм хŏща мӑнэм эсԓаԓән».
\p
\v 55 Туп йайәԓ пӑ аԋԏэԓ йастәсӈән: «Эвев мўӈ пиԓэвән йаӈԓэм хӑтәԓ ат уԓ, щи йўпийән мӑнԓән».
\p
\v 56 Ԓўв пӑ ԓынана йастәс: «Мӑнэм аԓ рŏнаԓтаԓән, Турәм Куща ма йушем йӑмән партсәԓы; мӑнэм эсԓаԓән, кущайэм хŏща ма мӑнԓәм».
\p
\v 57 Ԓын йастәсӈән: «Эвемән вохԓэмән пӑ иԋщәсԓэмән, мўй ԓўв йастәԓ».
\p
\v 58 Ревекка вохсэԓән пӑ ԓўвеԓа йастәсӈән: «Тӑм хŏйат пиԓән мӑнԓән?» Ԓўв йастәс: «Мӑнԓәм».
\p
\v 59 Щӑԓта Ревекка, ԓыв апщеԓ, пӑ ԓўвеԓ эсәмән ԓаптәм ими, пӑ Авраам митху хŏйатԓаԓ пиԓән, Ханаан мўва китсәԓаԓ.
\p
\v 60 Ревеккайа Турәм эԓты йӑм вохсәт пӑ ԓўвеԓ йастәсәт:
\b
\q «Апщийэв! Щŏрсәӈ щŏрсәт
\q нӑӈ эԓтэн сэма ат питԓәт,
\q нӑӈ тыхԓэн ԋаврэмәт пеԓа ԉик туты ŏтәт вошԓаԓ
\q ԓыв йошԓаԓа ат питԓәт!»
\p
\v 61 Ревекка митнэԓаԓ пиԓән ԓойс, верблюдәт шӑнша омәссәт, пӑ щи хŏйат йўпийән мӑтсәт. Щиты митху Ревекка ўсԓы пӑ мӑнәс.
\p
\v 62 Исаак Беэр-лахай-рои эԓты йŏхтәс, ԓўв Негев морты мўвән ус.
\p
\v 63 Йэтна пеԓа Исаак тŏрнәӈ-лыптәӈ хӑра шушиԓыты мӑнәс, йэԓ ватман кащаԓәсԓы: верблюдәт йиԓәт.
\p
\v 64 Ревекка пӑ Исаак кащаԓәсԓы, пӑ верблюд эԓты иԓ ŏхԓәс.
\p
\v 65 Щӑԓта митхуйа йастәс: «Хŏй щи хŏйат, мўӈ йэщаԓтэв мўв хӑр хўват йиԓ?» Митху йастәс: «Щит ма кущайэм». Щи йасӈәт хуԓтмаԓ кемән, ԓўв ŏхшам ўс пӑ ŏха пŏтсәԓы, пӑ йэмәԓман венша иԓшәк эсәԓсәԓы.
\p
\v 66 Митху Исаак пеԓа иса, мўй ԓўв верәс, пŏтәртәс.
\p
\v 67 Исаак, Сарра аԋԏэԓ пирщин хота, эви ԓŏӈәԓсәԓы, Ревекка нэӈа ўсԓы, пӑ ԓўв имеԓа йис, сӑмәӈа тӑйты питсәԓы; щиты аԋԏэԓ пӑрәм йўпийән Исаак нŏпсәԓ ԓӑрпиԓәс.
\c 25
\s Авраам йŏхи хӑщиԓыйәм тӑԓԓаԓ пӑ сŏрмәԓ
\p
\v 1 Авраам хŏԓна нэ ўйԓыйәс, Хеттура нэмәԓ.
\p
\v 2 Ԓўв Зимран, Иокшан, Медан, Мадиан, Ишбак пӑ Шуах пŏхәт ԓўвеԓа сэма пайтәс.
\p
\v 3 Иокшан Шева пӑ Дедан пŏхӈән тӑйәс. Дедан пŏхәт усәт: Ашурим, Летушим пӑ Леюмим.
\p
\v 4 Мадиан пŏхәт: Ефа, Ефер, Ханох, Авида пӑ Елдага. Щит иса Хеттура хиԓэт.
\p
\v 5 Авраам мўй тӑйәс, иса Исаак пŏхәԓа мӑсԓы,
\p
\v 6 ай нэӈԓаԓ пŏхәта, Авраам хŏԓна ԓўв уԓмаԓән мойԓәпсайәт мӑс пӑ Исаак пŏхәԓ эԓты йэԓ китсәԓы, хӑтәԓ этты мўва.
\p
\v 7 Авраам уԓәм хӑтԓәт сот ԓапәтйаӈ вет тӑԓ арат ус;
\p
\v 8 щӑԓта Авраам пӑрәс, пирща уԓәм хӑтәԓԓаԓ йӑма усԓы, уԓәпсайәԓ тэԓәӈ ус, пӑ пӑрәм ŏтԓаԓ хŏща мӑнәс.
\p
\v 9 Исаак пӑ Измаил пŏхӈәԓаԓән Мамре пўӈәԓән Цохар хет ики Ефрон пŏхәԓ мўв хӑрән Махпела хŏшапәӈ кевән ԓўв лоттәса,
\p
\v 10 хет хŏйатәт эԓты Авраам ԓутәм мўв хӑрән. Щита Авраам пӑ Сарра имеԓ лоттәман уԓԓәтән.
\p
\v 11 Авраам пӑрәм йўпийән Турәм Куща Исаак пŏхәԓ йӑмән мӑсԓы. Беэр-лахай-рои хŏща Исаак ус.
\s Измаил тыхәԓ
\p
\v 12 Тӑм пӑ Авраам Измаил пŏхәԓ тыхәԓ тэԓ, Сарра митнэ, Египет нэ Агарь Авраама тӑйәм пŏх тыхәԓ тэԓ.
\p
\v 13 Тӑм Измаил пŏхәт нэмәт, сэма питмеԓ щирән: Измаил оԓәӈ пŏхәԓ Наваиоф, ԓўв йўпеԓән Кедар, Адбеел, Мивсам,
\p
\v 14 Мишма, Дума, Масса,
\p
\v 15 Хадад, Фема, Иетур, Нафиш пӑ Кедма.
\p
\v 16 Щит Измаил пŏхԓаԓ нэмәт, ԓыв нэмԓаԓән ԓыв уԓәм куртԓаԓ пӑ ԓыв касԓыйәм хот вŏԓԓаԓ нэмәтсайәт. Щит кӑтхŏщйаӈ ŏх туты ху нэм рутԓаԓ щирән.
\p
\v 17 Измаил сот хŏԉмаӈ ԓапәт тӑԓ ус; ԓўв пӑрәс пӑ пӑрәм ŏтԓаԓ хŏща мӑнәс.
\p
\v 18 Хавила эԓты Сур унты ԓыв усәт, щит Ассирийа мўв пеԓа мӑнтыйән Египет ԉэпән уԓты мўв. Измаил йох Авраам па хиԓэт пиԓән кўтәӈа пӑ ԉаԉәсман усәт.
\s Исаак пŏхәт – Иаков пӑ Исав
\p
\v 19 Тӑм Авраам Исаак пŏхәԓ тыхәԓ тэԓ эԓты пŏтәр. Авраам Исаак пŏх тӑйәс.
\p
\v 20 Исаак ԋӑԓйаӈ тӑԓ ԓŏватән Ревекка нэӈа тусԓы, Месопотамия мўвән уԓты Вафуил арамей ху эви, Лаван арамей ху апщи.
\p
\v 21 Турәм Кущайа Исаак имеԓ урәӈән пойәкщәс, ԓўв ԋаврэм ӑт тӑйәс; Турәм Кущайән ԓўв хуԓтмәса, Ревекка имеԓ ԓавәрта йис.
\p
\v 22 Пŏхӈәԓаԓ пӑтлам хотән пŏткатты питсәтән, пӑ ԓўв йастәс: «Щиты ки питәԓ, мўйа мӑнэма щит?» Пӑ Турәм Куща иԋщәсты мӑнәс.
\p
\v 23 Турәм Куща ԓўвеԓ йастәс:
\b
\q «Нӑӈ утрэнән кӑт рут,
\q кӑт сыр мир нӑӈ эԓтэн этәԓ;
\q и мирәԓ киметәԓ эԓты йурәӈшәк питәԓ,
\q уншәк ŏтәԓ айшәк ŏтәԓ иԓпийән питәԓ».
\p
\v 24 Ԋаврэм сэма питты пŏра йŏхтәс: пӑ щи, пиԓаӈ ԋаврэмӈән пӑтлам хотән уԓман.
\p
\v 25 Оԓәӈән сэма питәм ԋаврэм эԓәԓ ўрты, пӑ эԓәԓ ԓŏватәԓән пўнәӈ ус, пўнәӈ сŏх хŏрпи; щишән ԓўв Исав\f + \fr 25:25 \fr*\fq Исав \fq*\ft – (евр.) «пўнәӈ»;\ft*\f* нэмән пŏтса.
\p
\v 26 Щӑԓта апщеԓ этәс, йошәԓән Исав кўр йŏтԓаӈа катәԓман; ԓўвеԓа мийәм нэм Иаков\f + \fr 25:26 \fr*\fq Иаков \fq*\ft – (евр.) «кўр йŏтԓаӈ» пӑ «ԓўв ŏлмащийәԓ» йасәӈ хŏрпи;\ft*\f*. Исаака хутйаӈ тӑԓ ус, хун ԓын сэма питсәӈән.
\s Исав уна уԓты верәԓ тыныԓԓы
\p
\v 27 Ԋаврэмӈән энәпсәтән, Исав таксар вой веԓты хуйа йис, мўвән йӑхты хŏйата; Иаков пӑ ром хŏйат ус пӑ пирщин хотәтән ус.
\p
\v 28 Исаак Исав сӑмәӈашәк тӑйсәԓы, туты войәԓ ԓўвеԓ йӑм ус, Ревекка пӑ Иаков сӑмәӈа тӑйсәԓы.
\p
\v 29 Ипуш Иаков ԓэтŏт кавәртәс; Исав пӑ мўв хӑр эԓты метман йŏхтәс.
\p
\v 30 Щӑԓта Исав Иакова йастәс: «Щи ўрты, ўрты ԓэтŏт эԓты мӑнэма мийа, ма метсәм». Щишән, ԓўв хŏԓна Едом\f + \fr 25:30 \fr*\fq Едом \fq*\ft – (евр.) щит «ўрты» пӑ «питы ўрты»;\ft*\f* нэмән мӑса.
\p
\v 31 Иаков пӑ йастәс: «Оԓәӈән нӑӈ унашәк уԓты верэн мӑнэма мийи».
\p
\v 32 Исав йастәс: «Ма ԓэԓԓы щи хӑԓԓәм, мўй йӑм мӑнэма щи унашәк уԓты вер хŏща?»
\p
\v 33 Иаков йастәс: «Оԓәӈән мӑнэма йасәӈ мийа». Ԓўв йасәӈ мӑс пӑ оԓӈа сэма питәм верәԓ Иаков апщеԓа мӑсԓы.
\p
\v 34 Иаков Исава ԋаԋ пӑ ӑԋкәш соԓамат мӑс; ԓўв ԓэс пӑ йиԋщәс, нŏх ԓойәс пӑ мӑнәс; щиты Исав оԓӈа сэма питәм верәԓ ӑт шависԓы пӑ уштәсԓы.
\c 26
\s Исаак пӑ Ревекка Авимелех хон хŏща
\p
\v 1 Авраам уԓәм ишән мўвән ԓэԓԓы йӑт ус, ин ԓэԓԓы пŏра па йŏхтәс; Авимелех хŏща, филистимәт хон хŏща, Герар мўва, Исаак мӑнәс.
\p
\v 2 Турәм Куща ԓўв хŏщайәԓ этәс пӑ йастәс: «Египет мўва аԓ мӑна; Ма нӑӈена йастәԓэм, мӑты мўвән нӑӈена уԓты,
\p
\v 3 тӑм мўвән уԓа, Ма нӑӈ пиԓэнән питԓәм, пӑ йӑмән нӑӈен мӑԓэм, нӑӈен пӑ йэԓԓы уԓты ԋаврэмԓана тӑм мўвәт мӑԓәм пӑ Авраама, нӑӈ ащена, мийәм йастәпсайэм Ма тӑԓаӈа верԓэм;
\p
\v 4 турәм хусәт иты нӑӈ тыхәԓ тэԓэн ара верԓэм, пӑ нӑӈ тыхәԓ тэԓэна тӑм мўвәт мӑԓәм; нӑӈ тыхԓэн хўват мўвән уԓты мирәт хŏԓ йӑмән мӑԓайәт,
\p
\v 5 Авраам Ма йасӈема хуԓәтмаԓ урәӈән пӑ Ма партәм щирэмән уԓмаԓ урәӈән: Ма партәпсайԓам, Ма йастәпсайԓам пӑ Ма законԓам щирән уԓмаԓ урәӈән».
\p
\v 6 Исаак Герар мўвән уԓты питәс.
\p
\v 7 Щита уԓәм хŏйатәт ԓўвеԓ Ревекка имеԓ эԓты иԋщәссэԓ, ԓўв пӑ йастәс: «Щит ма нэ апщем»; ԓўв пӑԓәс йастәты: «Щит ма имем», ԓўв нумәсәс, щита уԓты хŏйатәтән, Ревекка хŏрасәӈ урәӈән, ԓўв ӑт ат веԓса.
\p
\v 8 Йӑм хўв кўт ԓўв щита уԓман, ипўш филистимәт хон Авимелех, ишԋи эԓты кащаԓәсԓы, хŏты Исаак Ревекка имеԓ вощхиԓԓы.
\p
\v 9 Авимелех Исаак вохсәԓы пӑ йастәс: «Тӑм нэш нӑӈ имен; мўйа нӑӈ йастәсән: ‘Ԓўв ма нэ апщем?’» Исаак ԓўвеԓ йастәс: «Ма нумәссәм, ԓўв урӈәԓән пӑрты верәтԓәм».
\p
\v 10 Авимелех щиты йастәс: «Мўй нӑӈ мўӈ пиԓэвән версән? Мӑтты йŏх хŏйат ма мирэм эԓты нӑӈ имен хŏща ԓŏӈәс ки, нӑӈ мўӈев нўрәӈа пайәтсэн, ԓуԓән».
\p
\v 11 Авимелех хŏԓ мирәԓа партәпса мӑс, йастәман: «Хŏй тӑм хŏйат хŏща мўй пӑ ԓўв имеԓ хŏща кетмәԓ, щит сŏрма пайәтԓа».
\s Филистимәт пиԓән йик ўты мўв ўсәт урәӈән йӑха хойԓыйәм вер
\p
\v 12 Исаак щи мўв хӑратән ԓат сэм опсәс пӑ щи тӑԓән сот пўш аршәк ячмень ԓат тŏрән энмәс: щиты Турәм Кущайән йӑмән мӑса.
\p
\v 13 Щиты щи хŏйат тащәӈа йис, тащәԓ энмәс пӑ энмәс, шек тащәӈа йўвмаԓ унты.
\p
\v 14 Ай йош вой пӑ ун йош вой тащәт тӑйәс пӑ ар мўв хӑр, филистимәт ԓўв пеԓайәԓ сӑмԓаԓ щарыты питсәт.
\p
\v 15 Щӑԓта Авраам ащеԓ уԓәпса ишән митйохԓаԓән хирәм йик ўты мўв ўсәт филистимәтән мўвән лӑп йовәԓсайәт.
\p
\v 16 Исаак пеԓа Авимелех йастәс: «Мўӈ эԓтэв йэԓ мӑна, нӑӈ мўӈ эԓтэв йурәӈашәк йисән».
\p
\v 17 Щишән, Исаак щиԓта мӑнәс, пӑ Герар йŏхан пўӈәԓән пирщин хотәт ԓоԋщәс, пӑ щита уԓты питәс.
\p
\v 18 Щӑԓта Исаак йик ўты мўв ўсәт пӑ йӑԓпа хирсәԓы, Авраам ащеԓ ишән хирыԓыйәм йик ўты мўв ўсәт, Авраам пӑрәм йўпийән филистимәтән мўвән лӑп йовԓыԓысайәт; щӑԓта ащеԓ катра пŏныԓыйәм нэматән нэмәтсәԓы.
\p
\v 19 Исаак митйохәт Герар сорәм йŏхан курән мўв хирсәт пӑ ԓыԓәӈ йикпи мўв ўс уйәтсәт.
\p
\v 20 Герар мўв тащ шавиты йох Исаак тащ шавиты йох пиԓән йӑха питсәт, йастәман: «Мўӈ йиӈкев». Щишән, ԓўв щи йик ўты мўв ўс нэмән мӑсԓы: Есек\f + \fr 26:20 \fr*\fq Есек \fq*\ft – (евр.) «йӑха хойты вер»;\ft*\f*, щита йӑха питыԓыйәм урәӈән.
\p
\v 21 Кимет йик ўты мўв ўс хирсәт; щита ищи йӑха питыԓысәт; щит ԓўв Ситна\f + \fr 26:21 \fr*\fq Ситна \fq*\ft – (евр.) «ԉик туты вер»;\ft*\f* нэмән нэмәтсәԓы.
\p
\v 22 Ԓўв щиԓта йэԓ мӑнәс, йик ўты мўв ўс па хирәс, щита йӑха ӑт питыԓысәт, пӑ нэмәтсәԓы: Реховоф\f + \fr 26:22 \fr*\fq Реховоф \fq*\ft – (евр.) «ԓӑщкам мўв»;\ft*\f*, щӑԓта йастәс: «Ин мўӈева Турәм Куща ԓӑщкам мўв мӑс, тӑта мўӈ ара йиԓув».
\p
\v 23 Щиԓта ԓўв Вирсавияйа мӑнәс.
\p
\v 24 Щи ат Турәм Куща ԓўв хŏщайәԓ этәс пӑ йастәс: «Ма Авраам ащен Турәм; аԓ пӑԓа, Ма нӑӈ пиԓэнән; Авраам Ма митхуйэм урәӈән нӑӈен йӑмән мӑԓэм, тыхԓэн ара верԓэм».
\p
\v 25 Щита ԓўв йирасты нŏрәм верәс пӑ Турәм Куща пеԓа пойәкщәс. Ԓўв щита пирщин хотԓаԓ ԓощсәԓы, пӑ Исаак митйохԓаԓ щита йик ўты мўв ўс хирсәт.
\p
\v 26 Авимелех, Ахузаф ԓухсәԓ пиԓән, Фихол ԉаԉ йох кущайәԓ пиԓән, Герар эԓты ԓўв хŏщайәԓ йŏхәтсәт.
\p
\v 27 Исаак ԓывиԓаԓа йастәс: «Мўйа нын ма хŏщайэм йŏхәтсәты, нын ма пеԓайэм ԉик тусты пӑ мӑнэм йэԓ воштәсԓын?»
\p
\v 28 Ԓыв йастәсәт: «Мўӈ йӑпсыйа кащаԓысэв, Турәм Куща нӑӈ пиԓэнән, щишән мўӈ щиты нумәсԓув: ‘Мўӈ нӑӈ пиԓэнән йастатԓув пӑ и нŏмәсән уԓты питԓув’,
\p
\v 29 нӑӈ мўӈева атәм ӑт ат версән, мўӈ нӑӈен ищи ӑт кетәпсэв, иса йӑм нӑӈена версув пӑ йӑм нŏмәсән нӑӈен эсәԓсэв; Турәм Кущайән нӑӈ йӑмән мӑсайән».
\p
\v 30 Ԓўв ԓывиԓаԓ йӑм пӑсанән версәԓы, ԓыв ԓэсәт пӑ йищсәт.
\p
\v 31 Аԓәӈсӑхат аԓәӈ киԓман, ԓыв кўтэԓән йастатсәт; Исаак ԓыв пиԓԓаԓән паймуԓәм верәс, ԓыв йӑм нŏмәсән ԓўв эԓтэԓ мӑтсәт.
\p
\v 32 Щи хӑтәԓ Исаак митйохԓаԓ йŏхәтсәт пӑ ԓыв хирәм йик ўты мўв ўс эԓты айкеԓ версәт, пӑ йастәсәт: «Мўӈ йик уйәтсув».
\p
\v 33 Пӑ Шива\f + \fr 26:33 \fr*\fq Шива \fq*\ft – (евр.) «йастантәпса» мўй пӑ «ԓапәт»; \ft*\f* нэмән нэмәтсэԓ. Интӑм хӑтәԓ унты щи вош нэмәԓ Беэршива.
\s Исав имет
\p
\v 34 Исава ԋӑԓйаӈ тӑԓ ус, хун Беэр нэмпи хет ики эви Иегудифа нэӈа ԓўв ўсԓы, пӑ Елон нэмпи хет ики эви Васемафа нэӈа ўсԓы.
\p
\v 35 Исаака пӑ Ревеккайа ԓын пиԓанән уԓты шук хŏрпи ус.
\c 27
\s Иаков ащеԓ йӑм йасәӈ ԓэпәԓтман нŏх ўԓԓы
\p
\v 1 Исаак пирщамәса пӑ сэмԓаԓ ўртԓыйа йисәт; Исавәԓ, ун пŏхәԓ, вана вохсәԓы пӑ ԓўвеԓа йастәс: «Пŏхийэ!» Ԓўв йастәс: «Ма щи».
\p
\v 2 Исаак йастәс: «Ма пирщамәсайәм, сŏрма питты хӑтԓэм ванамәс;
\p
\v 3 веԓпәс пŏрмасԓан ўйаԓән пӑ, йухԓэн пӑ ԋоԓԓан, веԓпәсԓәты йӑӈха пӑ вой ԋŏхи тўва,
\p
\v 4 мӑнэма рӑхты эпԓәӈ ԓэтŏт вера пӑ мӑнэма ԓэты тўви, пӑртэм йэԓпийән ма нӑӈен йӑмән мӑԓэм».
\p
\v 5 Ревекка хўԓтсәԓы, хŏты Исаак Исав пŏхәԓа щит пŏтәртәс. Щӑԓта Исав вой мŏщатты пӑ вой ԋŏхи туты мӑнәс.
\p
\v 6 Ревекка пӑ Иаков пŏхәԓа йастәс: «Ма хуԓтсэм, хŏты ащен Исав йайәна йастәс:
\p
\v 7 ‘Вой ԋŏхи мӑнэма тўва пӑ эпԓәӈ ԓэтŏт мӑнэма вера; ма ԓэԓәм пӑ Турәм Куща ватман пӑртэм йэԓпийән нӑӈен йӑмән мӑԓэм’.
\p
\v 8 Ин, пŏхийэ, ма йасӈема хуԓәнта, мўй ма нӑӈена партԓәм:
\p
\v 9 Таща йӑӈха пӑ кӑт йӑм коза пŏшәх щиԓта ўйа, ма пӑ нӑӈ ащена щиԓта ԓўвеԓа рӑхты эпԓәӈ ԓэтŏт верԓәм,
\p
\v 10 нӑӈ пӑ ащена туԓэн, щӑԓта ԓўв ԓэԓ пӑ пӑртаԓ йэԓпийән нӑӈен йӑмән мӑԓԓы».
\p
\v 11 Иаков Ревеккайа, аԋԏэԓа, йастәс: «Исав йайәм пўнәӈ хŏйат, ма пӑ эԓэм ԋар;
\p
\v 12 мосәӈ, ащем мӑнэм маԓәсты питԓәԓы, ма пӑ ԓўвеԓ ԓэпәԓԓэм пӑ мўԓәсты йасәӈән йастәԓайәм, йӑм йасәӈ йўкана».
\p
\v 13 Аԋԏэԓ ԓўвеԓ йастәс: «Пŏхийэ, нӑӈен мўԓты йасәӈ мӑнэма ат хойәԓ, туп ма йасӈема хуԓәнта, йӑӈха пӑ мӑнэма щи коза пŏшәхӈән тўваԓән».
\p
\v 14 Ԓўв мӑнәс, коза пŏшәхӈән ўс, пӑ аԋԏэԓа тусԓы; аԋԏэԓ пӑ ԓэтŏт верәс, ащеԓа рӑхты ԓэтŏт.
\p
\v 15 Щӑԓта Ревекка ԓўв хотәԓән уԓәм Исав ун пŏхәԓ тынәӈ сŏхәт ўсԓы, Иаков ай пŏхәԓ щи сŏхәта ԓумәттәсԓы;
\p
\v 16 йошԓаԓ пӑ ԋар сапԓәԓ коза пŏшәх сŏхәтән йŏвәртсәԓы;
\p
\v 17 щӑԓта ԓўв ԓэщатәм эпԓәӈ ԓэтŏтәԓ пӑ ԋаԋәԓ Иаков пŏхәԓ йоша мӑсԓы.
\p
\v 18 Ԓўв ащеԓ хŏща ԓŏнәс пӑ йастәс: «Ащийэ!» Щитәԓ йастәс: «Ма щи; нӑӈ пӑ хŏй, пŏхийэ?»
\p
\v 19 Иаков ащеԓа йастәс: «Ма Исав, оԓәӈ пŏхен; нӑӈ партмен щирән ма версэм; нŏх киԓа, опса пӑ вой ԋŏхи ԓэва, мӑнэм йӑмән мӑты урәӈән».
\p
\v 20 Щӑԓта Исаак пŏхәԓа йастәс: «Пŏхийэ, щикем сора нӑӈ вой уйәтсән?» Ԓўв йастәс: «Турәм Куща, нӑӈ Турмен щи вой мӑнэма йэщаԓт китсәԓы».
\p
\v 21 Щӑԓта Исаак Иакова йастәс: «Вана йӑӈха, пŏхийэ, ма нӑӈен маԓәсԓэм, нӑӈ йӑна ма Исав пŏхем мўй ӑнта?»
\p
\v 22 Иаков Исаак ащеԓ хŏща ванамәс пӑ ащеԓ ԓўвеԓ маԓәссәԓы пӑ йастәс: «Тўр сыйэн Иаков тўр сый; йошԓан пӑ Исав йошәт».
\p
\v 23 Щиты ԓўвеԓ ӑт мŏштәсԓы, йошԓаԓ Исав йайәԓ йошәт иты пўнәӈәт усәт; пӑ йӑмән мӑсԓы.
\p
\v 24 Щӑԓта па иԋщәссәԓы: «Нӑӈ ма Исав пŏхем?» Ԓўв йастәс: «Йӑна щи, ма».
\p
\v 25 Исаак йастәс: «Мӑнэма мийи, нӑӈ тўвәм вой ԋŏхен эԓты ԓэԓәм, нӑӈен йӑмән мӑты урәӈән». Иаков ԓўвеԓа мӑс пӑ ԓўв ԓэс, ўнайән ԓўвеԓ па тусԓы, пӑ ԓўв йиԋщәс.
\p
\v 26 Исаак ащеԓ ԓўвеԓа йастәс: «Вана йӑӈха, пŏхийэ, мӑнэм мосәԓты».
\p
\v 27 Ԓўв вана мӑнәс пӑ ԓўвеԓ мосәԓтәсԓы. Исаак ԓўв сŏхԓаԓ эпәԓ мŏштәс пӑ йӑмән мӑсԓы. Ԓўв йастәс:
\b
\q «Тӑта щи пŏхем эԓты йиты эпәԓ,
\q ԓат сэмән опсәм мўв хӑр эпәԓ хŏрпи,
\q Турәм Кущайән йӑмән мийәм мўв хӑр эпәԓ хŏрпи;
\p
\v 28 турәм ат йик эԓты
\q пӑ тэԓәӈ мўв эԓты
\q Турәмән ат мӑԓайән,
\q ар ԋаԋ ԓатән пӑ ўнайән ат мӑԓайән;
\p
\v 29 мирәт нӑӈена ат рупитԓәт,
\q ŏх пŏнман, иԓ ԋўрман
\q нӑӈ йэԓпенән мирәт ат ԓойԓәт;
\q хӑнам йохԓан нўмпийән кущайа уԓа,
\q аԋԏэн пŏхәт нӑӈ йэԓпенән,
\q ŏх пŏнман, иԓ ат ԋўрԓәт;
\q нӑӈен мўԓты ŏтәт – мўԓԓайәт;
\q нӑӈена йӑм йасәӈ йастәты ŏтәт – йӑмән мӑԓайәт!»
\p
\v 30 Исаак Иаков йӑмән миймаԓ йўпийән, Исаак ащеԓ эԓты Иаков туп этәс, Исав йайәԓ веԓпәс эԓты йŏхтәс.
\p
\v 31 Ԓўв ищи эпԓәӈ ԓэтŏт верәс, щӑԓта ащеԓа тусԓы, пӑ ащеԓа йастәс: «Ащи, нŏх киԓа пӑ пŏхен тўвәм вой ԋŏхи ԓэва, мӑнэма йӑм мӑты урәӈән».
\p
\v 32 Исаак ащеԓ пӑ ԓўвеԓа йастәс: «Нӑӈ хŏй?» Ԓўв йастәс: «Ма нӑӈ пŏхен, оԓәӈ пŏхен, Исав».
\p
\v 33 Исаак такан тӑрыты питәс пӑ йастәс: «Тўм пӑ хŏй ус, хŏй веԓпәсԓәты йӑӈхәс, мӑнэма вой ԋŏхи тус? Ма пӑ щиԓта ԓэсәм нӑӈ йŏхәттэн йэԓпийән, щӑԓта ԓўвеԓ йӑмән мӑсэм. Ԓўв щи йӑм тӑйты питәԓ».
\p
\v 34 Исав, ащеԓ йасӈәт хуԓмаԓән, сӑмәԓ похман такан ўвты питәс пӑ ащеԓа йастәс: «Ащи! Мӑнэм ищи йӑмән мийи».
\p
\v 35 Ԓўв пӑ йастәс: «Апщен ԓэпәԓтман йŏхтәс пӑ нӑӈ йўкан йӑмен ўсԓы».
\p
\v 36 Щӑԓта Исав йастәс: «Ӑԓ хун ԓўв Иаков нэм тӑйәԓ, кӑт пўш мӑнэм ԓэпәԓтсәԓы? Ма оԓәӈ сэма питәм верэм ўсԓы, ин пӑ ма йўкан йӑмем ўсԓы». Щӑԓта пӑ Исав ащеԓа йастәс: «Ма урӈемән пӑ йӑм йасәӈ нӑӈ вŏԓԓы ӑт хӑйсән?»
\p
\v 37 Исаак Исава йастәс: «Ма ԓўвеԓ нӑӈ нўмпенән кущайа пŏтсэм пӑ хӑнам йохԓаԓ ԓўв хŏщайәԓ митйоха питԓәт; ԋаԋән пӑ ўнайән ԓўвеԓ мойԓәптәсэм; нӑӈ урӈенән ма нэмәԓты ӑт верәтԓәм верты, пŏхийэ».
\p
\v 38 Исав пӑ ащеԓа йастәс: «Ащи, нӑӈ мўй туп и йӑм йасәӈ тӑйԓән? Ащи, мӑнэм ищи йӑмән мийи!» Исав такан йэԓ хоԓԓантәс.
\p
\v 39 Исаак ащеԓ ԓўвеԓа щиты йастәс:
\b
\q «Нӑӈ уԓты щирэн мўв тэԓ эԓты
\q пӑ турәм ат йик эԓты уԓты питәԓ;
\p
\v 40 нӑӈ пӑ аԓтты кешен тӑйман уԓты питԓән,
\q апщен урәӈән рупитты питԓән;
\q пŏра йŏхәтәԓ, хун нӑӈ апщен пиԓән ԉаԉәсты питԓән,
\q пӑ ԓўв эԓтэԓ велка йиԓән».
\s Иаков Лаван хŏща Харран воша хŏнтаԓ
\p
\v 41 Иаков ащеԓән йӑмән мийәм урәӈән Исавән ԉикән этты питса; Исав ԓўв сӑхатәԓ щиты йастәс: «Ащем хоԓԓәп хӑтԓәт вана йŏхәтсәт, щи йўпийән ма Иаков апщем веԓԓэм».
\p
\v 42 Исав ун пŏхәԓ йасӈәт Ревеккайа йастәсайәт; ԓўв Иаков ай пŏхәԓ ԓўв хŏщайәԓ вохты партсәԓы, пӑ ԓўвеԓа йастәс: «Исав йайән нӑӈен веԓты ўтщиԓԓы;
\p
\v 43 пŏхийэ, ма йасӈема хуԓәнта, Харран воша Лаван йайәм хŏща хŏнта,
\p
\v 44 щита йӑм кўт уԓа, йайән ԉикәԓ мӑнтаԓ унты,
\p
\v 45 йайән ԉикәԓ мӑнәԓ пӑ ԓўв йŏрэмәԓԓы, мўй нӑӈ ԓўвеԓа версән: щи пŏрайән ма нӑӈен йŏхи вохты китԓәм; мўй урәӈән ма нынан и хӑтәԓән уштәԓԓам?»
\p
\v 46 Щӑԓта Исаака Ревекка йастәс: «Хет нэӈӈән урәӈән ма уԓәпсайэм кашԓы; хет эвет эԓты, тӑм мўв эԓты, тӑм нэӈӈән хŏрпи нэ Иаков туԓ ки, мўйа мӑнэма уԓты?»
\c 28
\p
\v 1 Щӑԓта Исаак Иаков вохсәԓы, пайәмуԓәм верәс, пӑ щиты ԓўвеԓа партәс пӑ йастәс: «Ханаан мўв эвет эԓты нэ аԓ тўва;
\p
\v 2 мӑна, Месопотамия мўва йӑӈха, Вафуил хота, нӑӈ аԋԏэн ащи хота, щиԓта нӑӈена нэ тўва, Лаван эвет эԓты, нӑӈ аԋԏэн йай эвет эԓты.
\p
\v 3 Иса Верәтты Турәмән нӑӈ йӑмән ат мӑԓайән, пӑ нӑӈ ат рутмәԓԓайән, пӑ нӑӈ ара ат верԓайән, пӑ ар рут мир нӑӈ эԓтэн ат питәԓ,
\p
\v 4 пӑ Авраама мийәм йӑм, Турәмән нӑӈена ищи ат мӑԓа, нӑӈена пӑ нӑӈ пиԓэнән нӑӈ тыхԓэна, мўӈ йŏхтәм мўвев, Турәмән Авраама мийәм мўв, нӑӈена хӑйты урәӈән!»
\p
\v 5 Исаак Иаков йӑм нŏмәсән китсәԓы, пӑ ԓўв Месопотамия мўва Лаван хŏща мӑнәс, Вафуил арамей ики пŏх хŏща, Иаков пӑ Исав Ревекка аԋԏан йай хŏща.
\p
\v 6 Исав мŏштәсԓы, Иаков пŏхәԓ Исаак йӑмән мӑсԓы, пӑ, йӑм йасәӈән йастәмаԓән, Месопотамия мўва ԓўвеԓ нэ туты китсәԓы, пӑ такан партсәԓы: «Ханаан мўв эвет эԓты нэ аԓ тўва»,
\p
\v 7 пӑ хŏты ащеԓ пеԓа пӑ аԋԏэԓ пеԓа Иаков хуԓәнтәс пӑ Месопотамия мўва мӑнәс.
\p
\v 8 Исав ŏша пайәтсәԓы, Ханаан мўв эвет Исаак ащеԓа ӑт рӑхԓәт;
\p
\v 9 Исав Измаил хŏща мӑнәс пӑ Махалафа нэӈа ўсԓы, Авраам Измаил пŏхәԓ эви, Наваиоф апщи, щит тӑйәм имеӈәԓаԓ тўмпийән.
\s Вефильән Иаков вантәм уԓәм пӑ Турәм так йасәӈ
\p
\v 10 Иаков Вирсавия эԓты этәс пӑ Харран пеԓа мӑнәс,
\p
\v 11 щӑԓта и тӑхайа йŏхтәс пӑ, най ԓŏӈәмән щита хоԓты хӑщәс. Щи тӑхайән кевәт эԓты и кев ŏсма пŏтсәԓы, пӑ щита иԓ ŏԓәс.
\p
\v 12 Щӑԓта уԓмийәс: хомтэп мўв эԓты ԓойәԓ пӑ нўм оԓӈәԓ турма хойәԓ; пӑ щиԓта Турәм ангеләт итԓаԓ нŏхԓы мӑнԓәт, киметԓаԓ иԓԓы ŏхәԓԓәт.
\p
\v 13 Щӑԓта Турәм Куща щита хомтэпән ԓойәԓ пӑ пŏтәртәԓ: «Ма Турәм Куща, Авраам ащен Турәм, пӑ Исаак Турәм. Мўвен, хŏта нӑӈ ŏԓԓән, Ма нӑӈена пӑ йэԓԓы уԓты ԋаврэмԓана мӑԓэм;
\p
\v 14 нӑӈ тыхԓэн мўв сэй хиш арата йиԓ; щарәс пеԓа пӑ хӑтәԓ этты пелка, пӑ ŏвәс пеԓа пӑ морты мўв пеԓа нӑӈ ԓӑрпиԓәԓән; пӑ нӑӈ хўватэн пӑ нӑӈ тыхәԓ тэԓэн хўват мўв ԓŏватән уԓты мирәт хŏԓ йӑмән мӑԓайәт;
\p
\v 15 тӑта щи Ма нӑӈ пиԓэнән, нӑӈен шавиԓэм, хŏԓта кепа нӑӈ ӑт мӑнԓән; тӑм мўва нӑӈен йŏхԓы керәтԓэм, щишән, Ма нӑӈен ӑт хӑйԓэм, Ма йастәм йасӈем пӑтэԓа тутэм унты».
\p
\v 16 Иаков уԓмәԓ эԓты нŏх верԓәс пӑ йастәс: «Йӑна щи тӑм тӑхайән Турәм Куща уԓ; ма пӑ ӑт уйәтсэм!»
\p
\v 17 Щӑԓта хŏрщәмән йŏхәтса пӑ йастәс: «Тӑм тӑха щикем пӑԓщәм хŏрпи! Аԓт пӑ тӑта Турәм хот, тӑм пӑ турәм ов».
\p
\v 18 Иаков аԓәӈсӑхат аԓәӈ нŏх киԓәс, ŏсма пŏныԓыйәм кевәԓ ўсԓы пӑ нумты кева омәссәԓы, пӑ оливка вŏйән\f + \fr 28:18 \fr*\fq оливка вŏйән \fq*\ft – (евр.) щиты ԓўв щи кев йэмәӈа версәԓы, Турма йўкатсәԓы;\ft*\f* эԓты шошәпсәԓы.
\p
\v 19 Пӑ щи тӑха нэмән пŏтсәԓы: Вефиль\f + \fr 28:19 \fr*\fq Вефиль \fq*\ft – (евр.) «Турәм хот»;\ft*\f*, щи вош йэԓпи нэмәԓ ус: Луз.
\p
\v 20 Щӑԓта Иаков так йасәӈ мӑс, йастәман: «Турәм ма пиԓэмән питәԓ ки пӑ мӑнты йушемән мӑнэм шавиԓԓы, пӑ ԓэты ԋаԋ мӑԓ пӑ ԓумәтԓәты сŏх мӑԓ,
\p
\v 21 пӑ ащем хота ма тӑԓаӈа йŏхԓы йŏхәтԓәм, щитэмән Турәм Куща ма Турмем питәԓ, –
\p
\v 22 пӑ щӑԓта тӑм кев, нумты кева ма ԓощсэм, Турәм хота питәԓ; пӑ Нӑӈ, Турәм, мӑнэма мойԓәты ŏтэн эԓты йаӈмет шупәԓ Нӑӈена мӑԓэм».
\c 29
\s Иаков Харрана йŏхтәс
\p
\v 1 Щӑԓта Иаков йэԓԓы мӑнәс пӑ хӑтәԓ этты пеләкән уԓты мирәт мўва йŏхтәс.
\p
\v 2 Тŏхи ванамимаԓән, кащаԓәсԓы: ԓӑщкам мўвән йик ўты мўв ўс пўӈәԓән хуԓәм ош тащ ŏԓәԓ, щи мўв ўс эԓты тащәт йикән йищәԓтәсайәт. Мўв ўс ун кев шупән лӑп пайәтман ус.
\p
\v 3 Хун ош тащәт хŏԓ щита ӑктәщисәт, йик ўты мўв ўс эԓты кев шуп йэԓ пертыԓыса пӑ ошәт йищәԓтысайәт; щӑԓта кев шуп пӑ ŏԓәм тӑхайәԓа, йик ўты мўв ўс эԓты пŏныԓыса.
\p
\v 4 Иаков ош шавиты йоха йастәс: «Хӑнам йох! Хŏԓща нын уԓԓәты?» Ԓыв йастәсәт: «Мўӈ Харран вош эԓты».
\p
\v 5 Ԓўв ԓывиԓаԓ иԋщәсәс: «Нахор пŏх Лаван уйәтԓәԓән?» Ԓыв йастәсәт: «Уйәтԓэв».
\p
\v 6 Ԓўв пӑ хŏԓна ԓывиԓаԓ иԋщәсәс: «Тўмтака ԓўв уԓ?» Ԓыв йастәсәт: «Тўмтака уԓ; тўта щи Рахиль эвеԓ ошԓаԓ пиԓән йиԓ».
\p
\v 7 Иаков йастәс: «Хӑтәԓ хŏԓна хўв; тащәт ӑкәтты хŏԓна аԓәӈ; ошԓән йищәԓтаԓән пӑ щӑхра воштаԓән».
\p
\v 8 Ԓыв йастәсәт: «Тащәт хŏԓ ӑктәщтэԓ унты щит верты ӑт верәтԓув, кев шуп йик ўты ўс эԓты йэԓ пайәтԓа пӑ веԓщи ошәт йищәԓтәты питԓәԓув».
\p
\v 9 Ԓўв хŏԓна ԓыв пиԓԓаԓән пŏтәртәс, хун Рахиль ащеԓ ошәт пиԓән вана йŏхтәс, ԓўв ош тащ шавийәс.
\p
\v 10 Хун Иаков аԋԏэԓ йай Лаван Рахиль эви пӑ Лаван ошәт кащаԓәс, ԓўв йик ўты мўв ўс эԓты кев шуп перәтсәԓы пӑ аԋԏэԓ йай Лаван ŏшәт йищәԓтәсԓы.
\p
\v 11 Иаков Рахиль мосәԓтәсԓы пӑ такан йэԓ хоԓԓаԓтәс.
\p
\v 12 Щӑԓта Иаков Рахиль пеԓа пŏтәртәс, ԓўв Ревекка пŏх пӑ ԓўв ащеԓа рута уԓ. Рахиль хухәԓмәс пӑ ащеԓа щит йастәсԓы.
\p
\v 13 Иаков эԓты, нэ апщеԓ пŏх эԓты хуԓмаԓ кемән, Лаван йэщаԓт ким хухәԓмәс, ԓўвеԓ ӑпәԓсәԓы пӑ мосәԓтәсԓы, пӑ хотәԓа ԓŏӈәԓсәԓы; Иаков пӑ Лавана иса щит пŏтәртәс.
\p
\v 14 Лаван пӑ ԓўвеԓа йастәс: «Йӑна нӑӈ ма ԓŏвем пӑ ма ԋŏхем». Иаков ԓўв хŏщайәԓ тӑԓаӈ тыԓәщ ус.
\s Иаков нэ туты вер
\p
\v 15 Щӑԓта Лаван Иакова йастәс: «Кўш нӑӈ мӑнэма рута уԓԓән, пӑ щӑԓта тынԓы-пелԓы хун ма хŏщайэм рупитты питԓән? Йаста мӑнэма, мўйән нӑӈен сŏхәптәты?»
\p
\v 16 Лаван кӑт эви тӑйәс; ун эвеԓ нэм Лия, айшәк эвеԓ нэм Рахиль.
\p
\v 17 Лия сэмән ватман ўртԓы ус, Рахиль пӑ хŏрасәӈ пӑ ԋӑрәк эви ус.
\p
\v 18 Иаков Рахиль пеԓа сӑмәԓ питәс пӑ йастәс: «Рахиль ай эвен урәӈән ԓапәт тӑԓ нӑӈена рупитты питԓәм».
\p
\v 19 Лаван йастәс: «Нӑӈена мӑԓэм ки, йӑмшәк, па хŏйата мӑтэм мушән; ма хŏщайэм уԓа».
\p
\v 20 Иаков Рахиль урәӈән ԓапәт тӑԓ рупитәс; кӑмәтса хӑтәԓ йўкана щи тӑԓәт хӑщәпсәт, ԓўв Рахиль шек сӑмәӈа тӑйсәԓы.
\p
\v 21 Пӑ щӑԓта Иаков Лавана йастәс: «Имийа мӑнэма мийи, ԓўв пиԓәԓән уԓты пŏрайэм йŏхтәс».
\p
\v 22 Лаван щита ванән уԓәм хŏйатәт вохсәԓы пӑ поры верәс.
\p
\v 23 Йэтнайән Лия эвеԓ ўсԓы пӑ Иаков хŏща ԓŏӈәԓсәԓы.
\p
\v 24 Лаван Зелфа митнэӈәԓ Лия эвеԓа митнэӈа мӑсԓы.
\p
\v 25 Аԓәӈсӑхат ԓэрамәс, щит Лия уԓмаԓ. Иаков Лавана йастәс: «Мўйа нӑӈ щиты ма пиԓэмән версән? Ма нӑӈ хŏщайэн Рахиль урәӈән ӑт рупитсәм? Мўйа нӑӈ мӑнэм ԓэпәԓсэн?»
\p
\v 26 Лаван йастәс: «Мўӈ уԓты тӑхайэвән щиты ӑт верԓа, хун ай ŏтәԓ ун ŏтәԓ йэԓпийән ху сайа мӑԓа;
\p
\v 27 тӑм эвем поры ԓапәт йэтшәпты пӑ кимет эвем нӑӈена мӑԓэв, щӑԓта ԓўв урӈәԓән хŏԓна ԓапәт тӑԓ рупитты питԓән».
\p
\v 28 Иаков щиты щи версәԓы пӑ щи поры ԓаптәԓ йэтшәптәсԓы. Щӑԓта Лаван Рахиль эвеԓ ԓўвеԓа нэӈа па мӑсԓы.
\p
\v 29 Лаван Валла митнэӈәԓ Рахиль эвеԓа митнэӈа мӑсԓы.
\p
\v 30 Иаков Рахиль пиԓән па ус, Лия эԓты Рахиль сӑмәӈашәк тӑйсәԓы; пӑ хŏԓна ԓапәт тӑԓ Лаван хŏща рупитәс.
\s Иаков ԋаврэмәт
\p
\v 31 Лия сӑмәӈа ӑт тӑйты вер Турәм Куща мŏштәсԓы пӑ ԋаврэмән ԓўвеԓ партсәԓы, Рахиль пӑ ԋаврэм ӑт тӑйәс.
\p
\v 32 Лия ԓавәрта йис пӑ Иакова пŏх сэма пайтәс, нэмән мӑсԓы: Рувим\f + \fr 29:32 \fr*\fq Рувим \fq*\ft – (евр.) «ԓўв ма шукем шийаԓәсԓы» йасӈәт хŏрпи;\ft*\f*, щиты ԓўв йастәс: «Ма шукем Турәм Куща мŏштәсԓы, тӑԓта йэԓԓы сӑма мосман икемән тӑйты питԓайәм».
\p
\v 33 Щӑԓта па ԓавәрта йис пӑ пŏх сэма пайтәс, пӑ йастәс: «Турәм Куща хуԓтсәԓы, ма сӑма ӑт мосԓәм, па пŏхән мӑсайәм». Нэмән мӑсԓы: Симеон\f + \fr 29:33 \fr*\fq Симеон \fq*\ft – (евр.) «ԓўв хуԓсәԓы» йасәӈ хŏрпи;\ft*\f*.
\p
\v 34 Щӑԓта па ԓавәрта йис пӑ пŏх сэма пайтәс, пӑ йастәс: «Ин хŏты икем ма пиԓэмән уԓты питәԓ, ма ԓўвеԓ хуԓәм пŏхән тӑйсэм». Щишән, пŏхәԓ нэмән мӑса: Левий.\f + \fr 29:34 \fr*\fq Левий \fq*\ft – (евр.) «вана рӑхәԓтәты» йасәӈ хŏрпи;\ft*\f*
\p
\v 35 Щӑԓта пӑ ԓавәрта йис пӑ па пŏх сэма пайтәс, пӑ йастәс: «Ин ма Турәм Куща ишәкԓэм». Щишән, пŏхәԓ нэмән мӑсԓы: Иуда\f + \fr 29:35 \fr*\fq Иуда \fq*\ft – (евр.) «ишәкты» йасәӈ хŏрпи;\ft*\f*. Пӑ ԋаврэм тӑйты вŏԓыйәс.
\c 30
\p
\v 1 Рахиль пӑ Иакова ԋаврэм ӑт тӑйәс, щишән, Рахиль Лия ŏпеԓ пеԓа ўшмащты питәс, пӑ Иакова йастәс: «Мӑнэма ԋаврэм мийа, ӑнтом ки, ма пӑрԓәм».
\p
\v 2 Иаков Рахиль пеԓа ԉикащәс пӑ йастәс: «Ма ӑнта Турәм, Ԓўв нӑӈена ԋаврэм ӑт партәс».
\p
\v 3 Ԓўв пӑ йастәс: «Тӑта щи ма митнэӈем Валла; ԓўв пиԓәԓән уԓа; ԓўв ма шаншема ԋаврэм сэма ат пайәтәԓ, ма ищи, ԓуԓән, ԓўв мŏхтэԓ ԋаврэм ат тӑйсәм».
\p
\v 4 Пӑ Валла митнэӈәԓ ай нэӈа ԓўвеԓ мӑсԓы; Иаков ԓўв пиԓәԓән ус.
\p
\v 5 Валла ԓавәрта йис пӑ Иакова пŏх сэма пайтәс.
\p
\v 6 Рахиль йастәс: «Турәм ма верэм тўӈа пайәтсәԓы пӑ мӑнэм хўԓсәԓы, пӑ пŏх мӑнэма мӑс». Щишән, Дан\f + \fr 30:6 \fr*\fq Дан \fq*\ft – (евр.) «ԓўв вер тўӈа пайтәс»;\ft*\f* нэмән ԓўвеԓ пŏтсәԓы.
\p
\v 7 Щӑԓта Рахиль Валла митнэӈәԓ па ԓавәрта йис пӑ кимет пŏх Иакова сэма пайтәс.
\p
\v 8 Щӑԓта Рахиль йастәс: «Ŏпем пиԓән мин шек такан йӑха хойԓысмән, пӑ ма нŏх питсәм». Пӑ Неффалим\f + \fr 30:8 \fr*\fq Неффалим \fq*\ft – (евр.) «йӑха хойԓәты вер» йасәӈ хŏрпи;\ft*\f* нэмән ԓўвеԓ пŏтсәԓы.
\p
\v 9 Лия пӑ, ԋаврэм тӑйты вŏԓымаԓән, Зелфа митнэӈәԓ ўсԓы пӑ Иакова ай нэӈа мӑсԓы.
\p
\v 10 Щӑԓта Зелфа, Лия митнэ, Иакова пŏх сэма пайтәс.
\p
\v 11 Лия йастәс: «Шек йӑм». Гад\f + \fr 30:11 \fr*\fq Гад \fq*\ft – (евр.) «шек йӑм»;\ft*\f* нэмән ԓўвеԓ пŏтсәԓы.
\p
\v 12 Щӑԓта Зелфа, Лия митнэ, кимет пŏх Иакова сэма пайтәс.
\p
\v 13 Лия пӑ йастәс: «Ма ŏйэма, нэӈәт мӑнэм ŏйәӈа айәԓты питԓэԓ». Асир\f + \fr 30:13 \fr*\fq Асир \fq*\ft – (евр.) «ŏйәӈ»;\ft*\f* нэмән ԓўвеԓ пŏтсәԓы.
\p
\v 14 Ԓат тŏрән сэвәрты пŏрайән Рувим пŏхәԓ мўв хӑра мӑнәс пӑ мандрагор\f + \fr 30:14 \fr*\fq мандрагор \fq*\ft – нэӈәта ԋотты ԓэвпәс;\ft*\f* энәмты ԓэвпәсәт уйтәс, Лия аԋԏэԓа щитәт тусԓы. Рахиль Лияйа йастәс: «Пŏхен тўвәм мандрагор энәмты ԓэвпәсәт эԓты мӑнэма мийа».
\p
\v 15 Лия пӑ ԓўвеԓа йастәс: «Икем нŏх ўсэн, щит нӑӈена шимәԓ, пŏхем тўвәм мандрагорәт па ԓӑӈхаԓԓан?» Рахиль йастәс: «Тӑм йэтән ԓўв нӑӈ хŏщайэн ат ԓŏӈтыйәԓ, пŏхен мандрагорәт сӑхат».
\p
\v 16 Иаков йэтна пеԓа мўв хӑр эԓты йŏхәтмаԓән Лия ԓўв йэщаԓтәԓ этәс пӑ йастәс: «Ма хŏщайэм ԓŏӈтыйа, ма нӑӈен пŏхем мандрагорәт сӑхат ԓутсэм». Щи ат Иаков ԓўв хŏщайәԓ хоԓәс.
\p
\v 17 Турәм Лия хуԓтмәсԓы, ԓўв ԓавәрта йис пӑ Иакова ветмет пŏх сэма пайтәс.
\p
\v 18 Щӑԓта Лия йастәс: «Турәм мӑнэм мойԓәптәсԓы, митнэӈем икема миймем урәӈән». Иссахар\f + \fr 30:18 \fr*\fq Иссахар \fq*\ft – (евр.) «йӑм мойԓәпса» йасәӈ хŏрпи;\ft*\f* нэмән ԓўвеԓ мӑсԓы.
\p
\v 19 Лия па ԓавәрта йис, щӑԓта хутмет пŏх Иакова сэма пайтәс.
\p
\v 20 Щиты Лия йастәс: «Турәм мӑнэма йӑм мойԓәпса мӑс; икем ма хŏщайэм уԓты питәԓ, ма ԓўвеԓа хут пŏх сэма пайәтсәм». Завулон\f + \fr 30:20 \fr*\fq Завулон \fq*\ft – (евр.) «ԓўв ма пиԓэмән уԓ» йасӈәт хŏрпи;\ft*\f* нэмән ԓўвеԓ пŏтсәԓы.
\p
\v 21 Щӑԓта эви тӑйәс, Дина нэмән ԓўвеԓ пŏтсәԓы.
\p
\v 22 Турәм Рахиль нŏмәсән иса тӑйсәԓы, Турәм ԓўвеԓ хуԓтсәԓы пӑ ԋаврэмән партсәԓы.
\p
\v 23 Ԓўв ԓавәрта йис пӑ пŏх тӑйәс, пӑ йастәс: «Турәм йэԓэмем нŏх ўсԓы».
\p
\v 24 Иосиф\f + \fr 30:24 \fr*\fq Иосиф \fq*\ft – (евр.) «нŏх ўты» мўй пӑ «аршәк мӑты» йасӈәт хŏрпи;\ft*\f* нэмән пŏтсәԓы пӑ йастәс: «Турәм мӑнэма кимет пŏх па мӑԓ».
\s Иаков тащәӈа йўвәм вер
\p
\v 25 Рахиль Иосиф сэма пайәтмаԓ йўпийән, Иаков Лавана йастәс: «Мӑнэм эсԓы, ма ма тӑхайэма, ма мўвема мӑнԓәм;
\p
\v 26 ԋаврэмԓам пӑ имиԓам мийаԓән, ма ԓыв урӈеԓән нӑӈена рупитсәм, щӑԓта ма мӑнԓәм, нӑӈ уйәтԓэн, хŏты ма нӑӈен йӑма рупитсэм».
\p
\v 27 Лаван пӑ ԓўвеԓа йастәс: «Йӑм сэмән ма пеԓайэм ватԓән ки, тӑта хӑща. Ма мŏштәсэм, Турәм Куща нӑӈ хўватэн мӑнэм йӑм мӑԓ».
\p
\v 28 Пӑ йастәс: «Нӑӈ тынэн ма эԓтэм мӑнэма йасты, пӑ ма мӑԓэм».
\p
\v 29 Иаков ԓўвеԓа йастәс: «Нӑӈ уйәтԓэн, хŏты ма нӑӈена рупитсәм пӑ ма уԓтэм сыс хŏты нӑӈ тащԓан энәпсәт;
\p
\v 30 ма йŏхәтмемән, шимәԓ ус, ин пӑ ара йис; Турәм Куща нӑӈен йӑмән мӑсԓы ма йŏхәтмем йўпийән; ма пӑ ма хот тэԓэм урәӈән хун рупитты питԓәм?»
\p
\v 31 Лаван йастәс: «Мўй нӑӈен мӑты?» Иаков йастәс: «Нэмәԓты мӑнэм аԓ мийа. Ма йастәтэм щирән верԓэн ки, ма пӑ йэԓԓы нӑӈ тащԓан тӑйты пӑ шавиты питԓәԓам.
\p
\v 32 Ма тӑм хӑтәԓ нӑӈ ош тащԓан хŏԓ ватԓәԓам; хӑншаӈ, лотәӈ пӑ питы ошәт пӑ хӑншаӈ пӑ лотәӈ козайәт хŏԓ атэԓт ўйаԓән. Щимәщ войәт мӑнэма тына питԓәт.
\p
\v 33 Щӑха, ватты йŏхәттэнән, ма нӑӈ йэԓпенән вещкат ат усәм. Ӑнта хӑншаӈ, ӑнта лотәӈ коза пӑ ӑнта питы ош ма хŏщайэм ԉикмәԓ ки, щит ԓоԓмәм ŏта ԓўӈтәсты питәԓ».
\p
\v 34 Лаван йастәс: «Йӑм, нӑӈ йасӈен щирән ат питәԓ».
\p
\v 35 Щи хӑтәԓ хŏԓ хӑншаӈ, лотәӈ козайәт пӑ козёләт, нŏви лот тӑйты войәт, пӑ питы ошәт ԓўв атэԓт ўсԓы, пӑ пŏхԓаԓа шавиты мӑсԓы;
\p
\v 36 пӑ хуԓәм хӑтәԓ сыс мӑнты хўвата щи войәт йэԓ туты партсәԓы. Иаков пӑ, Лаван йош войәт шавиты хӑщәс.
\p
\v 37 Щӑԓта Иаков тополь, миндаль пӑ чинар йўхәт эԓты веԓщи сэврәм нўвԓаԓ хŏща йўх карԓаԓ шумԓәӈа ԋŏхәрсәԓы, нŏви ԋар йўх унты карәԓ хŏпәтман;
\p
\v 38 щимәщ шумԓәӈ нўвәт войәт йищәԓтәты хўрэт ԓыпийа пŏтсәԓы, хŏԓта войәт йищты йŏхтыԓысәт. Вохатты сыс йищты йŏхтыԓыйәм войәт,
\p
\v 39 щи нўвәт йэԓпийән вохатсәт, щишән, опсәм пŏшхәт хӑншаӈәт пӑ лотәӈәт усәт.
\p
\v 40 Иаков щи ош пŏшәхԓаԓ атэԓт тӑйсәԓы; щӑԓта пӑ, вохатты пŏрайән нŏви войәт щиты ԓощәԓтыԓысԓы, ԓыв Лаван хӑншаӈ пӑ питы войәт пеԓы ат ватсәт; ԓўв тащԓаԓ атэԓт тӑйсәԓы, Лаван войәт пиԓән ӑт ԓыԓәтсәԓы.
\p
\v 41 Кашәӈ пўш, хун йурәӈ нэ войәт хўрэт хŏща йик йищты йŏхтыԓысәт, хўрэт ԓыпийа войәт сэм йэԓпийа Иаков шумәԓтәм нўвәт пŏныԓыйәс, ԓыв щита ат вохатсәт.
\p
\v 42 Хун пӑ вевԓы войәт усәт, щи пŏрайән нўвәт ӑт пŏныԓыйәс. Щишән, вевԓы войәт Лаван пеԓа питсәт, йурәӈ ŏтәт пӑ Иаков пеԓа.
\p
\v 43 Щишән, щи хŏйат шек-шек тащәӈа йис, ар ош тащ, тӑйәс, митнэӈәт, митйох, верблюд пӑ осёл войәт тӑйәс.
\c 31
\s Иаков тыхԓәԓ пиԓән Лаван эԓты хŏнтәм щир
\p
\v 1 Щӑԓта Лаван пŏхәт йасӈәт Иаков хуԓтсәԓы, ԓыв щиты пŏтәртсәт: «Ащев тӑйәм тащ Иаков иса нŏх ўймаԓ, щишән ԓўв тащәӈа йис».
\p
\v 2 Иаков Лаван вешәԓ кащаԓәс пӑ, ԓўв ӑнта мŏԓхатәԓ хŏрпи, ин пӑ иса мŏԓты хӑрәх-мŏрәх.
\p
\v 3 Щӑԓта Турәм Куща Иакова йастәс: «Ащиԓан мўвәта, нӑӈ мўвена йŏхԓы керԓа; Ма пӑ нӑӈ пиԓэнән питԓәм».
\p
\v 4 Иаков айкеԓ китәс, Рахиль пӑ Лия вохты, ԓўв шавиты ош тащԓаԓ хŏща ԓынан йŏхәтты партсәԓы.
\p
\v 5 Пӑ ԓынана йастәс: «Ма ваттэмән, ащан вешәԓ ӑнта щи йэԓпи хŏрпи, ин пӑ иса хӑрәх-мŏрәх; туп ма ащем Турәм иса ма пиԓэмән уԓ;
\p
\v 6 нын уйәтԓәԓԓән, йурэмән нын ащана ма рупитсәм,
\p
\v 7 ащан пӑ мӑнэм ԓэпәԓтысԓы пӑ сŏхәптәты тынәԓ йаӈ пўш пелтыԓысԓы; туп Турәм ԓўвеԓа атәм верты мӑнэма ӑт эсәԓсәԓы.
\p
\v 8 Хун ԓўв йастәс: ‘Лотәӈ войәт нӑӈена тына питԓәт’, иса лотәӈ войәт сэма питсәт. Хун пӑ ԓўв йастәс: ‘Хӑншаӈ войәт нӑӈена тына питԓәт’, иса хӑншаӈ войәт сэма питсәт.
\p
\v 9 Щиты Турәм нын ащан эԓты тащ нŏх ўсԓы пӑ мӑнэма мӑсԓы.
\p
\v 10 Ипуш ма уԓәмән ватсэм, вохатты питмеԓән козёл хор войәт иса хӑншаӈәт пӑ лотәӈәт усәт.
\p
\v 11 Турәм ангел мӑнэма уԓәмән йастәс: ‘Иаков!’ Ма йастәсәм: ‘Ма щи’.
\p
\v 12 Ԓўв йастәс: ‘Ӑӈкәрма пӑ ванта: козёл хор войәт вохатты питмеԓән иса лотәӈәт пӑ хӑншаӈәт усәт. Мӑнэма иса ныԓа, мўй Лаван нӑӈ пиԓэнән верәԓ.
\p
\v 13 Ма Вефильән нӑӈ хŏщайэн этԓыйәм Турәм, хŏта нӑӈ оливка вŏй кев эԓты шошәпсән пӑ Мӑнэма так йасәӈ мӑсән. Ин нӑӈ нŏх ԓойа, тӑм мўв хӑйи пӑ нӑӈ сэма питәм мўвена йŏхԓы мӑна’».
\p
\v 14 Рахиль пӑ Лия ԓўвеԓ йŏхԓы йастәсӈән: «Ащемән хот эԓты мин йўканэмәна хӑйәм мŏԓты пŏрмәс уԓ а мўй?
\p
\v 15 Аԓт пӑ пўӈәԓ ŏтәта минэмән ԓўӈәтԓәԓы? Минэмән тынысԓы пӑ шитәм щел ŏхәԓ ищи посатсәԓы;
\p
\v 16 Щишән, Турәмән ащемән эԓты нŏх ўйәм тащ мўӈева пӑ мўӈ ԋаврэмԓува уԓ; щишән, хŏты нӑӈена Турәм йастәс, хŏԓ щиты веры».
\p
\v 17 Иаков нŏх ԓойәс, ԋаврэмԓаԓ пӑ имиԓаԓ верблюдәт шӑнша опсәԓсәԓы,
\p
\v 18 шитәм тащԓаԓ пӑ пŏрмасԓаԓ пӑтән ўсԓы, Месопотамия мўвән ԓўв шитәм тащԓаԓ пӑ пŏрмасԓаԓ, Ханаан мўва Исаак ащеԓ хŏща мӑнты урәӈән.
\p
\v 19 Лаван пӑ, ошԓаԓ ԓŏртты мӑнмаԓән, Рахиль эвеԓән ԓухԓаԓ нŏх ԓŏԓәпсайәт.
\p
\v 20 Иаков пӑ Лаван арамей ики ԓэпәԓсәԓы, ԓўв эԓтэԓ хŏнтаман мӑнәс, мӑнты айкеԓән ӑт версәԓы.
\p
\v 21 Мўй тӑйәс, щитәԓ пиԓән мӑнәс; йŏхан ўшсәԓы пӑ Галаад кев ўр пеԓа мӑнәс.
\s Лаван Иаков пиԓән йастәпса верԓәтән
\p
\v 22 Хуԓмет хӑтәԓән Иаков мӑнәм вер Лавана йастәса.
\p
\v 23 Ԓўв рутԓаԓ ԓўв пиԓәԓән ўс пӑ ԓапәт хӑтәԓ ԓўв йўпеԓән ԋухԓәсәс, Галаад кев ўр хŏща эԓты йŏхәтсәԓы.
\p
\v 24 Атән Лаван арамей ики хŏща уԓәмән Турәм йŏхтәс пӑ ԓўвеԓа йастәс: «Пӑԓԓән ки, Иакова йӑм аԓ йаста, атәм аԓ йаста».
\p
\v 25 Лаван Иаков эԓты йŏхәтсәԓы; Иаков пирщин хŏтԓаԓ кев ўр хŏща ԓощсәԓы, Лаван пӑ рутԓаԓ пиԓән ищи Галаад кев ўрән пирщин хŏтԓаԓ ԓощсәԓы.
\p
\v 26 Щӑԓта Лаван Иакова йастәс: «Мўй нӑӈ версән? Мўйа нӑӈ мӑнэм ԓэпәԓсэн пӑ эвеӈәԓам ԉаԉәсты иты, ԋӑрэмәман, тусԓан?
\p
\v 27 Мўйа нӑӈ хӑԋайән мӑтсән, ма эԓтэм хӑԋэмәсән, мӑнэма ӑт йастәсән? Ма, ԓуԓән, нӑӈен каш пиԓән, ар пиԓән, тимпанән пӑ нарәс йўхән йŏтман эсәԓсэм.
\p
\v 28 Нӑӈ мӑнэма хиԓыԓам пӑ эвиԓам мосәԓтәты ӑт эсәԓсэн; нӑӈ щит ӑт нумәсман версэн.
\p
\v 29 Нынан атәм верты йур ма тӑйԓәм; туп нын ащан Турәм мŏԓха атән мӑнэма йастәс: ‘Пӑԓа, Иакова атәм ӑԓ йаста, йӑм аԓ йаста’.
\p
\v 30 Ат уԓ, нӑӈ мӑтсән, ащен хота нӑӈ мӑнты шек ԓӑӈхасайән, – туп мўйа нӑӈ ма ԓухԓам ԓоԓәпсәԓан?»
\p
\v 31 Иаков Лаван пеԓа йастәс: «Ма пӑԓсәм, щиты нумәссәм, нӑӈ эвеӈәԓан йурән нŏх ӑт ат ўсԓан, ԓўԓән.
\p
\v 32 Хŏй хŏща ԓухԓан уйәтԓәԓан, щит ԓыԓӈа уԓты ӑт питәԓ; рутԓәмән уԓман ванты, мўй нӑӈ ŏтэн эԓты ма хŏщайэм уԓ, пӑ нӑӈена ўйи». Иаков ӑт уйәтсәԓы, щит Рахильән ԓоԓәпсайәт.
\p
\v 33 Иаков пирщин хота Лаван йӑӈхәс, пӑ Лия пирщин хота, пӑ митнэӈӈән пирщин хота, туп нэмәԓты ӑт уйтәс. Щӑԓта, Лия пирщин хот эԓты этмаԓән, Рахиль пирщин хота ԓŏӈәс.
\p
\v 34 Рахиль щи йэԓпийән ԓухԓаԓ ўсԓы пӑ верблюд шӑнша хушәм хира пŏтсәԓы, щӑԓта эԓты омәссәԓы. Лаван пирщин хот хŏԓ кӑшсәԓы пӑ нэмәԓты ӑт уйтәс.
\p
\v 35 Ԓўв ащеԓа щиты йастәс: «Кущайэм ӑт ат ԉикащәԓ, ма ԓўв йэԓпеԓән нŏх ԓойты ӑт верәтԓәм, нэ верән уԓԓәм». Пӑ Лаван кӑншатәс, туп ԓухԓаԓ ӑт уйәтсәԓы.
\p
\v 36 Иаков ԉикащәс пӑ Лаван пиԓән ԉавәтты питәс. Иаков пŏтәртты питәс пӑ Лавана йастәс: «Мўй хŏрпи нўр тӑйԓәм, мўй хŏрпи кӑрэк версәм, ма йўпем нӑӈ туԓэн?
\p
\v 37 Хŏԓ пŏрмасԓам нӑӈ вӑтсәԓан, нӑӈ хотэн пŏрмасәт эԓты нӑӈ мўй уйәтсән? Этәԓтыйи тӑта нӑӈ рутԓан йэԓпийән пӑ ма рутԓам йэԓпийән; ԓыв минэмән ат сўтәтԓэԓ.
\p
\v 38 Хус тӑԓ ма нӑӈ хŏщайэн усәм; коза пӑ ош нэ войәт ӑт мушмиԓысәт, тащен эԓты ош ма ӑт ԓэсәм;
\p
\v 39 войән веԓәм ŏт нӑӈена ма ӑт тутԓысәм, щит ма сŏхәптысэм; нӑӈ ма эԓтэм иса нŏх кӑшсэн, мўй хӑтԓәԓән ушәс, мўй атәԓән тӑпәс,
\p
\v 40 хӑтԓәԓән рўв эԓты, атәԓән ищки эԓты шукащсәм, ŏԓмем ӑт ŏԓԓысәм.
\p
\v 41 Щиты хус тӑԓ нӑӈ хотэнән усәм. Ԋӑԓхŏщйаӈ тӑԓ эвеӈәԓан урәӈән рупитсәм пӑ хут тӑԓ тащен урәӈән, нӑӈ пӑ сŏхәптәты тынэн йаӈ пўш пелтыԓысэн.
\p
\v 42 Ащем Турәм ма пиԓэмән ӑт ки ус, Авраам Турәм пӑ Исаак пӑԓты Ŏт, нӑӈ мӑнэм таԓты китсэн, ԓуԓән. Ма шукащты верэм пӑ ма йошԓам рупата Турәм кащаԓәсԓы пӑ хӑщәм атән мӑнэм эԓт питсәԓы».
\p
\v 43 Щӑԓта Лаван пŏтәртәс пӑ Иакова щиты йастәс: «Эвеӈәԓам – ма эвеӈәԓам; ԋаврэмәт – ма ԋаврэмԓам; тащ – ма тащем, иса, мўй нӑӈ ватԓән, щит мӑнэм: ма эвеӈәԓам пиԓән пӑ ԓын тӑйәм ԋаврэмԓән пиԓән мўй верты верәтԓәм?
\p
\v 44 Ин ма пӑ нӑӈ йастатԓәмән кўтԓәмәнән йӑма уԓты, щи йастантәпса минэмән нумты ат питәԓ».
\p
\v 45 Иаков кев шуп ўс пӑ нумты кева омәссәԓы.
\p
\v 46 Щӑԓта Иаков рутԓаԓа йастәс: «Кевәт ӑктаты». Ԓыв кевәт ӑкәтсәт пӑ кев пай версәт, щи кев пай ԓоӈәԓән ԓэсәт.
\p
\v 47 Лаван кев пай щиты нэмәтсәԓы: Иегар-Сагадуфа\f + \fr 31:47 \fr*\fq Иегар-Сагадуфа \fq*\ft – (арам.) «вер вантәм кев пай»;\ft*\f*; Иаков пӑ кев пай Галаада\f + \fr 31:47 \fr*\fq Галаад \fq*\ft – (евр.) «вер вантәм кев пай»;\ft*\f* нэмәтсәԓы.
\p
\v 48 Щӑԓта Лаван йастәс: «Тӑм хӑтәԓ тӑм кев пай мин кўтэмәнән вер вантәм ŏта питәԓ». Щишән, нэмән пŏтса: Галаад,
\p
\v 49 хŏԓна пӑ: Мицпа\f + \fr 31:49 \fr*\fq Мицпа \fq*\ft – (евр.) «шаващты пос»;\ft*\f*, щит Лаван йастәм урәӈән: «Турәм Куща мӑнэм пӑ нӑӈен ватман ат тӑйԓәԓы, хун уԓты кўтэмән хўва питәԓ;
\p
\v 50 эвеӈәԓам пиԓән атма уԓты питԓән ки мўй пӑ ма эвеӈәԓам тўмпийән хŏԓна имет ўԓән ки, кўш щит ватты хŏйат ӑнтом, нӑӈ уйты, Турәм ищипа ватәԓ».
\p
\v 51 Щӑԓта Лаван Иакова йастәс: «Тӑта щи кев пай пӑ нумты кев, щит мин кўтэмәнән ма ԓощсэм;
\p
\v 52 тӑм кев пай вер вантәм ŏта питәԓ, па нумты кев ищи вер вантәм ŏта питәԓ, тӑм кев пай пӑ нумты кев атәм верты урәӈән нӑӈ ма пелкема ӑт ўшԓэн пӑ ма нӑӈ пелкена ӑт ўшԓэм;
\p
\v 53 Авраам Турәм пӑ Нахор Турәм, ԓын ащан Турәм, мин кўтэмәнән ат сўтытәԓ». Исаак ащеԓ пӑԓәм Турәмән Иаков йасәӈ мӑс.
\p
\v 54 Иаков щи кев ўрән йир тус пӑ рутԓаԓ порыԓыты вохсәԓы; ԓыв порыԓысәт пӑ щи кев ўрән хоԓсәт.
\p
\v 55 Аԓәӈсӑхат аԓәӈ Лаван нŏх киԓәс, хиԓыԓаԓ пӑ эвеӈәԓаԓ мосәԓтәсԓы пӑ йӑм йасәӈән мӑсԓы. Щӑԓта Лаван мӑнәс пӑ ԓўв хотәԓа йŏхтәс.
\c 32
\s Иаков Исав йайәԓа мойԓәпса ԓэщатәԓ
\p
\v 1 Иаков пӑ ԓўв йушәԓән мӑнәс. Турәм ангеләт ԓўв йэщаԓтэԓ этсәт.
\p
\v 2 Ԓывиԓаԓ кащаԓәмаԓән, Иаков йастәс: «Тӑм Турәм ԉаԉ йох уԓты тӑха». Щишән, щи тӑха нэмәтсәԓы: Маханаим\f + \fr 32:2 \fr*\fq Маханаим \fq*\ft – (евр.) «кӑт хот вŏԓ»;\ft*\f*.
\p
\v 3 Щӑԓта Иаков Исав йайәԓ хŏща Сеир кев мўва, щит Едом мўвән, айкеԓ туты хŏйатәт ԓўв йэԓпеԓән китсәԓы,
\p
\v 4 ԓывиԓаԓа партсәԓы: «Исав кущайэма щиты йастаты: Иаков митхуйэн тӑмиты пŏтәртәԓ: ‘Лаван хŏща тӑм хӑтәԓ унты ма усәм;
\p
\v 5 хор мисәт пӑ осёл войәт, ош тащ, митйохәт пӑ митнэӈәт ма тӑйԓәм; кущайэма ма эԓтэм айкеԓ ма китԓәм, йӑм сэмән митхуйәԓ пеԓа ат вантәс, ԓуԓән’».
\p
\v 6 Айкеԓ тўвәм йох Иаков хŏща йŏхԓы йŏхәтсәт пӑ йастәсәт: «Исав йайән хŏща йӑхсув; ԓўв нӑӈ пеԓайэн йэщаԓт йиԓ, ԓўв пиԓәԓән ԋӑԓсот хŏйат».
\p
\v 7 Иаков шек пӑԓтамәс пӑ сӑмәԓ мӑнәс; щӑԓта ԓўв пиԓәԓән йўвәм хŏйатԓаԓ, ошԓаԓ, козайԓаԓ, мисԓаԓ, верблюдԓаԓ кӑтна ортсәԓы.
\p
\v 8 Пӑ йастәс: «Исав и пелкәԓ веԓты питԓәԓы ки, кимет пелкәԓ ԓыԓәԓ этәԓ».
\p
\v 9 Щӑԓта Иаков йастәс: «Авраам ащем Турәм пӑ Исаак ащем Турәм, Турәм Куща, мӑнэма тӑмиты йастыԓыйәм Ŏт: ‘Мўвена йŏхԓы мӑна, сэма питәм мўвена, пӑ Ма нӑӈен йӑмән верты питԓэм!’
\p
\v 10 Нэмәԓтыйа ӑт рӑхты митхулэӈкена щи арат йӑм пӑ щи арат ŏй Нӑӈ мӑсән; мӑнмемән, ма нэмәԓты ӑт тӑйсәм, туп шушты сўвем пиԓән тӑм Иордан йŏхан ўшсэм, ин пӑ кӑт хот тэԓ тӑйԓәм.
\p
\v 11 Исав йайәм йош эԓты мӑнэм шавийи, ма щит эԓты пӑԓԓәм, ԓўв йŏхәттаԓән, мӑнэм пӑ ԋаврэмәт аԋԏиԓаԓ пиԓән веԓԓәԓы.
\p
\v 12 Нӑӈ йастәсән: ‘Ма нӑӈен йӑмән верты питԓэм пӑ тыхәԓ тэԓэн щарәс сэй хиш иты ара верԓэм, щи аратәԓ ԓўӈәтты ӑт верәтԓа’».
\p
\v 13 Щи ат Иаков щита хоԓәс. Тӑйәм ŏтәԓ эԓты Исав йайәԓа мойԓәпса ԓэщатәс:
\p
\v 14 кӑтсот коза нэ вой, хус козёл хор вой, кӑтсот нэ ош, хус хор ош,
\p
\v 15 хŏԉмаӈ пусты верблюд нэ вой ԓыв пŏшәхԓаԓ пиԓән, ԋӑԓйаӈ мис, йаӈ хор мис, хус осёл нэ вой, йаӈ осёл хор вой.
\p
\v 16 Митйохԓаԓ йоша кашәӈ тащ атэԓт мӑсԓы пӑ митйохԓаԓа йастәс: «Ма йэԓпемән мӑнаты пӑ кўтән-кўтән тащԓән хӑйаԓән».
\p
\v 17 Мет оԓәӈ ŏтәԓа щиты йастәман, партәс: «Щӑха, Исав йайәм нӑӈ пиԓэнән уйтаттаԓән, ԓўв нӑӈен иԋщәсԓәԓы: ‘Нӑӈ хŏй? Пӑ хŏԓта мӑнԓән? Пӑ хŏй тащ нӑӈ воштәԓән?’
\p
\v 18 нӑӈ щиты йаста: ‘Иаков митхуйэн тащ; Исав кущайәԓа мойԓәпсайа ԓўв китсәԓы; ԓўв пӑ мўӈ йўпевән йиԓ’».
\p
\v 19 Щиты кимет, хуԓмет пӑ хŏԓ тащәт шавийәм митйоха йастәты партәс: «Тӑмиты Исава йастаты, хун ԓўв пиԓәԓән уйтатԓыты;
\p
\v 20 пӑ йастаты: ‘Иаков митхуйэн пӑ мўӈ йўпевән йиԓ’». Ԓўв щиты нумәсәс: «Ԓўвеԓ кащаԓәтэм йэԓпийән, оԓӈа китәм мŏйԓәпсайԓамән сӑмәԓ ԓэптапԓэм, мосәӈ, ԓўв мӑнэм вана ўԓԓы».
\p
\v 21 Щиты Иаков мойԓәпсайԓаԓ оԓӈа мӑтсәт, ԓўв пӑ щи ат пирщин хотәԓән хоԓәс.
\s Иаков Израиль нэмән мӑԓа
\p
\v 22 Щӑԓта атәԓән нŏх киԓәс, имеӈәԓаԓ пӑ митнэӈәԓаԓ ўсԓы, пӑ ихŏщйаӈ пŏхәԓ ўсԓы, пӑ Иавок йŏхан кўрән шŏппи ўшсәԓы;
\p
\v 23 ԓывиԓаԓ йŏхан шŏппи тусԓы пӑ мўй ԓўв тӑйәс, хŏԓ йŏхан шŏппи ўншәптәсԓы.
\p
\v 24 Щӑԓта Иаков утща хӑщәс. Аԓәӈ хўщәԓ унты ԓўв пиԓәԓән Ахой катԓантыйәс;
\p
\v 25 ӑт верәмтаԓ мŏштымаԓән, Ԓўв Иаков пещ ԓŏв йӑта хойԓыйәс пӑ Иаков пещ ԓŏв йӑт мушмәԓтсәԓы, хун ԓўв Ԓўв пиԓәԓән катԓантыйәс.
\p
\v 26 Пӑ йастәс: «Эсԓы Мӑнэм, хущәԓ этәс». Иаков йастәс: «Ӑт эсәԓԓэм Нӑӈен, мӑнэм йӑмән ӑт мӑтэн унты».
\p
\v 27 Щӑԓта йастәс: «Нӑӈ нэмен хŏты?» Ԓўв йастәс: «Иаков».
\p
\v 28 Пӑ йастәс: «Тӑԓта йэԓԓы нӑӈ нэмен Израиль\f + \fr 32:28 \fr*\fq Израиль \fq*\ft – (евр.) «Турәм катԓантыйәԓ»;\ft*\f* питәԓ, Иаков нэмен хӑйԓэн, нӑӈ Турәм пиԓән катԓантысән, пӑ хŏйатәт эԓты нŏх питты питԓән».
\p
\v 29 Иаков ищи ԓўвеԓ иԋщәссәԓы, щиты йастәман: «Нӑӈ нэмен йасты». Пӑ Ԓўв йастәс: «Мўйа нӑӈ Ма нэмем иԋщәсԓән?» Пӑ щи тӑхайән Иаков йӑмән мӑсԓы.
\p
\v 30 Иаков щи тӑха нэмәтсәԓы: Пенуэл\f + \fr 32:30 \fr*\fq Пенуэл \fq*\ft – (евр.) «Турәм веш»;\ft*\f*; ԓўв щиты пŏтәртыйәс: «Ма Турәм веш ванән ватсэм пӑ ԓыԓӈа хӑщсәм».
\p
\v 31 Най этәс, хун ԓўв Пенуэл мŏхты мӑнәс; пещәԓ урәӈән нохман шушәс.
\p
\v 32 Щишән, интӑм унты израиль мир хŏйатәт пещән уԓты ԓон ӑт ԓэԓәт, щит Катԓантыйәм Ŏт Иаков пещ ԓŏв мушмәԓтмаԓән щи ԓона хойԓымаԓ урәӈән.
\c 33
\s Иаков Исав пиԓән уйтатсәтән
\p
\v 1 Щӑԓта Иаков кащаԓәсԓы, хŏты Исав пӑ ԓўв пиԓәԓән ԋӑԓсот хŏйат йиԓ. Щӑԓта Иаков Лия, Рахиль пӑ митнэӈӈәԓаԓ ԋаврэмԓаԓ пиԓән иса атэԓт ԓощәԓтәсԓы.
\p
\v 2 Митнэӈӈәԓаԓ ԋаврэмԓән пиԓән оԓӈа ԓощәԓтәсԓы, Лия ԋаврэмԓаԓ пиԓән ԓыв йўпеԓән, Рахиль пӑ Иосиф мет йŏԓта.
\p
\v 3 Ԓўв пӑ ԓыв йэщаԓтэԓ мӑнәс пӑ йайәԓ хŏща ванамәмаԓән, мўв унты ԓапәт пўш, ŏх пŏнман, иԓ ԋўрыԓыйәс.
\p
\v 4 Исав пӑ ԓўв йэщаԓтәԓ хухәԓмәс, пӑ сапԓәԓ эԓты ԓўвеԓ ӑпәԓсәԓы, мосәԓтәсԓы, пӑ хоԓԓәстән.
\p
\v 5 Имет пӑ ԋаврэмәт кащаԓәс пӑ иԋщәссәԓы: «Щит хŏйтыԓан?» Иаков йастәс: «Турәмән мӑнэма, нӑӈ митхуйэна, мойԓәм ԋаврэмәт».
\p
\v 6 Щӑԓта митнэӈәт ԋаврэмԓаԓ пиԓән вана йисәт пӑ, ŏх пŏнман, иԓ ԋўрсәт;
\p
\v 7 Лия ԋаврэмԓаԓ пиԓән ищи вана йис пӑ, ŏх пŏнман, иԓ ԋўрсәт; мет йухәт Иосиф пӑ Рахиль вана йистән пӑ, ŏх пŏнман, иԓ ԋўрсәтән.
\p
\v 8 Щӑԓта Исав йастәс: «Мўйа нӑӈ тӑм тащԓан ма йэщаԓтэм китсәԓан?» Иаков йастәс: «Кущайэм йӑм сэмән ма пеԓайэм, ат вантәс, ԓўԓән».
\p
\v 9 Исав йастәс: «Апщийэм, ма тӑйты ŏтэм ар; нӑӈ ŏтэн нӑӈ хŏщайэн ат уԓ».
\p
\v 10 Иаков йастәс: «Ӑнта, нӑӈ ма пеԓайэм йӑм сэмән ватԓән ки, мойԓәпсайэм ма йошем эԓты ўйи, нӑӈ веншен ваттэмән щит Турәм веш ваттэм хŏрпи, нӑӈ пӑ ма пеԓайэм щи арат йӑм усән;
\p
\v 11 нӑӈена тўвәм мойԓәпсайэм ўйи, щит Турәм мӑнэма мойԓәс, щишән, ма мўй иса тӑйԓәм». Щиты Иаков Исав пойәксәԓы, пӑ ԓўв ўсԓы
\p
\v 12 пӑ йастәс: «Нŏх ԓойԓув пӑ мӑнԓув; ма нӑӈ йэԓпенән мӑнԓәм».
\p
\v 13 Иаков ԓўвеԓа йастәс: «Кущайэм уйәтԓәԓы, ԋаврэмәт вевԓэт, щӑԓта, пусты мисәт пӑ ошәт тӑйԓәм: и хӑтәԓ сыс такан воштәты ки, войәт хŏԓ хӑԓԓәт;
\p
\v 14 кущайэм митхуйәԓ йэԓпийән ат мӑнәԓ, ма пӑ айәԓта, тащ мӑнты кемән, пӑ ԋаврэмԓам хŏты шушԓәт, пӑ кущайэм хŏща Сеир мўва йŏхәтԓәм».
\p
\v 15 Исав йастәс: «Ма хŏйатԓам эԓты кӑмәтса нӑӈ пиԓэнән хӑйԓәм». Иаков йастәс: «Мўй урәӈән? Йӑм сэмән кущайэм ма пеԓайэм ватәԓ ки, щит щи ŏй!»
\p
\v 16 Щиты Исав ищи хӑтәԓән Сеир мўва йŏхԓы мӑнәс.
\p
\v 17 Иаков пӑ Сокхоф пеԓа мӑнәс, щита хот опсәс, вой шавиты варәс хотәт ищи верәс. Щишән, щи тӑха щиты нэмәтсәԓы: Сокхоф\f + \fr 33:17 \fr*\fq Сокхоф \fq*\ft – (евр.) «варәс хотәт»;\ft*\f*.
\p
\v 18 Иаков, Месопотамия эԓты йŏхәтмаԓән, Ханаан мўвән уԓты Сихем воша йӑма йŏхтәс, щита вош йэԓпийән уԓты питәс.
\p
\v 19 Щӑԓта мўв хӑр щи пеләк, хŏта ԓўв пирщин хотԓаԓ верәс, сот щел ŏх сӑхат Еммор пŏхәт эԓты, Сихем пӑ ԓўв апщиԓаԓ эԓты, Иаков ԓўвеԓа ԓутсәԓы.
\p
\v 20 Щӑԓта щита йирасты нŏрәм ԓўв верәс пӑ Турәм Куща пеԓа, Израиль Турәм пеԓа, пойәкщәс.
\c 34
\s Сихем мŏхет пӑратәм вер
\p
\v 1 Дина, щит Иаков эԓты Лия тӑйәм эви, щи мўвәӈ эвет пиԓән уйтантыты мӑнәс.
\p
\v 2 Пӑ щи мўв кӑнащ ики, Еммор ев ики, Сихем нэмпи пŏхән ԓўв кащаԓәса, ԓўв эви йурән катәԓсәԓы пӑ ԓўв пиԓәԓән ŏԓәс.
\p
\v 3 Щӑԓта Иаков Дина эви пеԓа нŏпсәԓ питәс пӑ ԓўвеԓа эви сӑма рӑхәс, пӑ ԓўв эвийа ԏўпаӈ йасӈәт пŏтәртәс.
\p
\v 4 Еммор ащеԓа Сихем щиты йастәс: «Щи эви мӑнэма нэӈа ўйи».
\p
\v 5 Иаков хуԓтсәԓы, хŏты Еммор пŏх ԓўв Дина эвеԓ пиԓән атәм вер верәс, туп пŏхԓаԓ тащеԓ пиԓән щӑхәрән усәт, щишән, ԓыв йŏхәттэԓ унты Иаков мӑшйайа ус.
\p
\v 6 Еммор, Сихем ащи, Иаков хŏща пŏтәртты йŏхтәс.
\p
\v 7 Иаков пŏхәт щӑхәр эԓты йŏхәтмеԓән щи вер эԓты хуԓтсэԓ, щи йох нŏпсэԓ шӑкәс пӑ шек ԉикащсәт, Израиля атәм вер верәм урәӈән, Иаков эви пиԓән Сихем ŏԓмаԓ урәӈән. Щиты верты ӑт рӑхәс.
\p
\v 8 Еммор ԓыв пиԓэԓән пŏтәртты питәс пӑ йастәс: «Сихем пŏхем нын эван пеԓа нŏпсәԓ шек уԓ, щишән имийа ԓўвеԓа мийаԓән;
\p
\v 9 рута мўӈ пиԓэвән уԓаты; нын эвиԓән мўӈева мийԓыйаԓән, мўӈ эвиԓув пӑ ўйԓыйаԓән;
\p
\v 10 щӑԓта мўӈ пиԓэвән уԓаты; тӑм мўв нын йэԓпанән, касԓыйаты пӑ тӑм мўвән уԓаты, пӑ нынана тӑйты йŏра мўва ԓутаԓән».
\p
\v 11 Сихем пӑ эви ащийа пӑ йайԓаԓа йастәс: «Йӑм сэмән ма пеԓайэм ватԓәты ки, мўй ӑт йастәԓты, ма иса мӑԓәм;
\p
\v 12 мет ун тын пӑ мойԓәпсайәт йастаты, ма мӑԓәм, мўй мӑнэма ӑт йастәԓты, туп эви мӑнэма имийа мийаԓән».
\p
\v 13 Иаков пŏхәт Дина апщеԓ атәм вера пайтәм урәӈән, Сихема пӑ Еммор ащеԓа ԋаԓмиман йŏхԓы пŏтәртсәт;
\p
\v 14 пӑ щиты Симеон пӑ Левий йастәсӈән: «Эвтәм вер ӑт тӑйты хŏйат сайа апщев мӑты мўӈ ӑт верәтԓув, щит мўӈева йэм, ӑт рӑхәԓ;
\p
\v 15 туп нын пиԓанән и верән и нŏпса йŏхәтԓув, хун нын мўӈ итэва йиԓты, хун хŏԓ йох рутән эвтәм вер тӑйты питәԓ;
\p
\v 16 щи пŏрайән мўӈ эвиԓув нынана мӑты питԓәԓув пӑ нын эвиԓән мўӈева ўты питԓәԓув, йӑха уԓты питԓув пӑ и мира йиԓув;
\p
\v 17 щи эвәтты верән мўӈев ӑт хуԓәтԓәты ки, эвев нŏх ўԓэв пӑ мӑнԓув».
\p
\v 18 Еммора пӑ Сихем пŏхәԓа щи йасӈәт рӑхсәт.
\p
\v 19 Энәмты пŏх мŏхты щи вер верты ԓэщатыйәс, Иаков эви ԓўвеԓ шек сӑма рӑхәс. Ащеԓ хотән ԓўв мет ԓӑтәӈа ԓўӈтәсәс.
\p
\v 20 Щӑԓта Еммор Сихем пŏхәԓ пиԓән вошәӈ пушас ун ова йŏхәтсәӈән пӑ вошәӈ йох пеԓа пŏтәртты питсәӈән пӑ йастәсӈән:
\p
\v 21 «Тӑм хŏйатәт мўӈ пиԓэвән йӑма уԓты ԓӑӈхаԓайәт; ат уԓԓәт пӑ касԓыԓәт тӑм мўвән; мўв тӑта ԓӑщкам. Ԓыв эвиԓаԓ нэӈа ўты питԓәԓув, мўӈ эвиԓув пӑ ԓывиԓаԓа мӑԓԓув.
\p
\v 22 Туп щи щирән щи хŏйатәт мўӈ пиԓэвән и мир иты уԓты кашащԓәт, мўӈ йохԓув па хŏԓыйэ, ԓыв итэԓән эвәтман ат усәт, ԓуԓән.
\p
\v 23 Ԓыв тащԓаԓ, пŏрмасԓаԓ аԓт мўӈева питԓәт? Ин ԓыв пиԓԓаԓән кашащԓув, пӑ ԓыв мўӈ пиԓэвән йӑха уԓты питԓәт».
\p
\v 24 Щӑԓта вошәӈ пушас ун ов хŏща ӑктәщиты йох, Еммор пӑ Сихем пŏхәԓ йасӈәта хŏԓ эвәԓсәт: вошәӈ йох хŏԓ эвәтты верән версайәт.
\p
\v 25 Хуԓмет хӑтәԓән, хун ԓыв эвтәм ԋўләмԓаԓ кӑшәтсәт, Иаков пŏхӈиԓаԓ, Симеон пӑ Левий, Дина йайӈән, аԓтты кешиԓән ўсԓән, пӑ айԓы-кеԓԓы воша мӑтсәӈән, пӑ йох хŏԓ пӑратсәԓән.
\p
\v 26 Еммор ики Сихем пŏхәԓ пиԓән аԓтты кешийән ищи веԓсәԓән; Сихем хот эԓты Дина ўсԓән пӑ мӑтсәӈән.
\p
\v 27 Иаков пŏхәт пӑратәм ŏтәт хŏща йŏхәтсәт пӑ тынәӈ пŏрмасәт пӑтән ўсԓаԓ, ԓыв апщеԓ атәм вера питәԓтәм урәӈән.
\p
\v 28 Мис тащәт, ош тащәт пӑ осёл войԓаԓ ԓывиԓаԓа воштәсԓаԓ, мўй вошән ус, мўй щӑхәрән ус, иса ўсԓаԓ;
\p
\v 29 пӑ хŏԓ ԓыв тащԓаԓ, пӑ хŏԓ ԋаврэмԓаԓ, пӑ ԓыв нэԓаԓ ԋӑрэмәман тусԓаԓ, пӑ пŏрмасәт, хотәтән мўй ус, иса пӑтән тусԓаԓ.
\p
\v 30 Щӑԓта Иаков Симеон пӑ Левий пеԓа йастәс: «Нын мӑнэм атәм вера пайәтсәԓән, тӑм мўв хŏйатәтән, ханаан йохән пӑ ферез йохән, ԉикән этты питԓайәм. Ма шимәԓ хŏйат тӑйԓәм; ԓыв ийӑха ӑктәщԓәт, ԉаԉән йŏхәтԓәт пӑ хотэм пиԓән пӑратԓайув».
\p
\v 31 Ԓын пӑ йŏхԓы йастәстән: «Мўӈ апщев уԉԋа нэӈа тӑйты рӑхәԓ мўй?»
\c 35
\s Иаков Вефиля мӑнәԓ
\p
\v 1 Турәм Иакова йастәс: «Ԓойа, Вефиля мӑна пӑ щита уԓа, пӑ йирасты нŏрәм щита Мӑнэма вера, нӑӈ хŏщайэн этԓыйәм Турмена, хун нӑӈ пӑ Исав эԓты, нӑӈ йайән эԓты, хŏнтасән».
\p
\v 2 Ԓўв хот тэԓәԓа пӑ ԓўв пиԓәԓән уԓәм ŏтԓаԓа Иаков йастәс: «Ин тӑйты па мир ԓуӈхәт вŏщкаԓән, сыстамтыйаты, пӑ па сŏх ԓумтаты;
\p
\v 3 ԓойԓув пӑ Вефиля мӑнԓув; щита Турма йирасты нŏрәм ма верԓәм, Хŏй мӑнэм шука питәм хӑтԓэмән хуԓтсәԓы пӑ йушән, хŏта ма йӑхсәм, ма пиԓэмән ус».
\p
\v 4 Щӑԓта тӑйәм па мир ԓуӈхәт пӑ пӑԓән тӑйәм пӑԓрунтәт ԓыв Иакова хŏԓ мӑсԓаԓ, щи пŏрмасәт Сихем пўӈәԓән уԓты дуб йўх иԓпийән Иаковән мўва шависайәт.
\p
\v 5 Щӑԓта ԓыв мӑтсәт. Пӑ ван вошәтән Турәм эԓты пӑԉщәм ус, пӑ щишән Иаков пŏхәт ӑт ԋухәԓсайәт.
\p
\v 6 Иаков Ханаан мўвән уԓты Луз воша йŏхтәс, щит Вефиль, ԓўв пӑ ԓўв пиԓәԓән уԓәм хŏйатәт.
\p
\v 7 Щита йирасты нŏрәм верәс, пӑ щи тӑха нэмәтсәԓы: Эл-Вефиль\f + \fr 35:7 \fr*\fq Эл-Вефиль \fq*\ft – (евр.) «Вефиль Турәм»;\ft*\f*, щита ԓўв хŏщайәԓ Турәм этԓыйәс, хун ԓўв йайәԓ эԓты хŏнтас.
\p
\v 8 Щӑԓта Девора пӑрәс, Ревекка эсәмән ԓаптәм ими, Вефиль эԓты ныкԓы дуб йўх иԓпийән ԓўв лоттәман уԓ пӑ щи йўх Иаковән «Хŏԓԓәп дуб йўха» нэмәтса.
\p
\v 9 Месопотамия эԓты Иаков йŏхәтмаԓ йўпийән Турәм ԓўв хŏщайәԓ па этәс пӑ ԓўвеԓ йӑмән мӑсԓы;
\p
\v 10 пӑ Турәм ԓўвеԓа йастәс:
\b
\q «Нӑӈ нэмен Иаков;
\q тӑԓта йэԓԓы Иаков нэм тӑйты нӑӈ ӑт питԓән,
\q нӑӈ нэмен питәԓ Израиль».
\b
\p Пӑ Израиль нэмән ԓўвеԓ мӑсԓы.
\p
\v 11 Пӑ Турәм ԓўвеԓа йастәс:
\b
\q «Ма Иса Верәтты Турәм;
\q рутма пӑ ара йўва;
\q мир пӑ ар мир нӑӈ эԓтэн питәԓ,
\q хонәт нӑӈ эԓтэн этԓәт;
\p
\v 12 Авраама пӑ Исаака мийәм мўв
\q Ма нӑӈена мӑԓэм,
\q нӑӈ тыхԓэна тӑм мўв па мӑԓэм».
\p
\v 13 Щӑԓта щита пŏтәрттәм тӑхайәԓ эԓты Турәм нŏх эԓԓәс.
\p
\v 14 Турәм ԓўв пиԓәԓән пŏтәртәм тӑхайән Иаков нумты кев ԓоԋщәс, щи нумты кев йир йўкана ўнайән шошәпсәԓы, пӑ оливка вŏйән шошәпсәԓы.
\p
\v 15 Щи тӑха, хŏта Турәм ԓўв пиԓәԓән пŏтәртәс, Иаков нэмәтсәԓы: Вефиль.
\s Рахиль пӑрәс
\p
\v 16 Щӑԓта Вефиль эԓты йэԓԓы мӑтсәт. Ефрафа унты йэша ӑт йŏхәтмеԓән, Рахиль ԋаврэм сэма пайтәс, щи верәԓ шек ԓавәрт ус.
\p
\v 17 Хун ԓўв шукащәс, ԋаврэмәԓ пўкән эвтәм ими ԓўвеԓ йастәс: «Аԓ пӑԓа, пŏхән па йŏхәтсайән».
\p
\v 18 Ԓыԓ шўвәԓ мӑнмаԓән, пӑрты ўша йŏхәтмаԓән, Рахиль ԓўвеԓ нэмән мӑсԓы: «Бенони\f + \fr 35:18 \fr*\fq Бенони \fq*\ft – (евр.) «ма шукем пŏх»;\ft*\f*». Ащеԓән пӑ Вениамина\f + \fr 35:18 \fr*\fq Вениамин \fq*\ft – (евр.) «ŏй тӑйты пŏх»;\ft*\f* нэмәтса.
\p
\v 19 Пӑ Рахиль пӑрәс, пӑ Ефрафа, щит Вифлеем пеԓа мӑнты йуш пўӈәԓән ԓўв лоттәса.
\p
\v 20 Ԓўвеԓ лоттәм тӑхайән Иаков нумты кев ԓоԋщәс. Щит Рахиль нумты кев тӑм хӑтәԓ унты уԓ.
\p
\v 21 Израиль йэԓԓы мӑнәс пӑ Гадер тащ ватты пӑԓ хот сайән пирщин хотәԓ ԓощсәԓы.
\p
\v 22 Израиль щи мўвән уԓмаԓ сыс Рувим пŏхәԓ ащеԓ Валла ай нэ пиԓән уԓмаԓ. Израиль щит эԓты хуԓтсәԓы.
\s Иаков пŏхәт
\p Иаков кӑтхŏщйаӈ пŏх тӑйәс.
\p
\v 23 Лия пŏхәт: Иаков оԓәӈ пŏхәԓ Рувим, ԓўв йўпеԓән Симеон, Левий, Иуда, Иссахар пӑ Завулон.
\p
\v 24 Рахиль пŏхәт: Иосиф пӑ Вениамин.
\p
\v 25 Валла, Рахиль митнэ, пŏхәт: Дан пӑ Неффалим.
\p
\v 26 Зелфа, Лия митнэ, пŏхәт: Гад пӑ Асир. Щит Иаков пŏхәт Месопотамия мўвән сэма питсәт.
\s Иаков йŏхи йŏхәтәԓ пӑ Исаак пӑрәԓ
\p
\v 27 Щӑԓта Иаков Исаак ащеԓ хŏща йŏхтәс, Мамре, Кириаф-Арба хŏща, щит Хеврон, хŏта Авраам пӑ Исаак па мўв эԓты йŏхтәм ŏтәта усәт.
\p
\v 28 Иуԓтыйа Исаак уԓәм нуптәԓ сот ԋийәԓйаӈ тӑԓ ус.
\p
\v 29 Пирщамәм пӑ йӑмәс уԓмаԓ йўпийән, Исаак пӑрәс, пӑрәм ŏтԓаԓ хŏща мӑнәс; Исав пӑ Иаков пŏхӈиԓаԓән иԓ ԓэщатса.
\c 36
\s Исав тыхәԓ
\p
\v 1 Тӑм Исав тыхәԓ тэԓ, Едом ищи ԓўв.
\p
\v 2 Исав Ханаан мўв эвет эԓты нэӈәт ўс: Елон нэмпи хет ики Ада эвеԓ, пӑ Цивеон нэмпи ев ики Ана пŏхәԓ эви Оливема,
\p
\v 3 Пӑ Васемафа, Измаил эви, Наваиоф апщи.
\p
\v 4 Ада Исав эԓты Елифаз сэма пайтәс, Васемафа Рагуил сэма пайтәс,
\p
\v 5 Иеус, Иеглом пӑ Корей Оливема сэма пайтәс. Щит Ханаан мўвән сэма питәм Исав пŏхәт.
\p
\v 6 Щӑԓта Исав имиԓаԓ, пŏхԓаԓ, эвиԓаԓ пӑ хотәԓ хŏйатәт пӑ Ханаан мўвән шитәм тащԓаԓ хŏԓ ўсԓы, пӑ хŏԓ войԓаԓ, пŏрмасԓаԓ пиԓән па мўва мӑнәс, Иаков апщеԓ эԓты йэԓшәк,
\p
\v 7 ԓын шек ар тащ тӑйсәтән, йӑха уԓты ӑт верәтсәтән, уԓты йŏхтәм мўвән хŏща тащԓын ӑт ԓэпсәт, ар тащ тӑйман урәӈән.
\p
\v 8 Исав, Едом ищи ԓўв, Сеир кевәӈ мўв хŏща уԓты питәс.
\p
\v 9 Тӑм Исав тыхәԓ тэԓ, едом йох ащи, Сеир кевәӈ мўв хŏща.
\p
\v 10 Тӑм Исав пŏхԓаԓ нэмәт: Елифаз, Исав Ада имеԓ пŏх, Рагуил, Исав Васемафа имеԓ пŏх.
\p
\v 11 Елифаз пŏхәт тӑйәс: Феман, Омар, Цефо, Гафам пӑ Кеназ.
\p
\v 12 Исав пŏх Елифаз Фамна ай нэ тӑйәс. Ԓўв Елифаза Амалик пŏх тӑйәс. Тӑми Исав Ада имеԓ йэԓԓы уԓты ԋаврэмәт.
\p
\v 13 Тӑм пӑ Рагуил пŏхәт: Нахаф пӑ Зерах, Шамма пӑ Миза. Щит Исав Васемафа имеԓ йэԓԓы уԓты ԋаврэмәт.
\p
\v 14 Тӑм Исав Оливема имеԓ пŏхәт, Цивеон ики Ана пŏхәԓ эви: ԓўв Исава Иеус, Иеглом пӑ Корей тӑйәс.
\p
\v 15 Тӑм Исав йэԓԓы уԓты ԋаврэмәт кўтән ун икет. Исав оԓәӈ пŏхәԓ Елифаз пŏхәт: ун ики Феман, ун ики Омар, ун ики Цефо, ун ики Кеназ.
\p
\v 16 Ун ики Корей, ун ики Гафам, ун ики Амалик. Щит Елифаз хот ун икет Едом мўвән; щит Исав Ада имеԓ йэԓԓы уԓты ԋаврэмәт.
\p
\v 17 Тӑм Исав пŏх Рагуил пŏхәт: ун ики Нахаф, ун ики Зерах, ун ики Шамма, ун ики Миза. Щит Рагуил ун икет Едом мўвән; щит Исав Васемафа имеԓ йэԓԓы уԓты ԋаврэмәт.
\p
\v 18 Тӑм Исав ими Оливема пŏхәт: ун ики Иеус, ун ики Иеглом, ун ики Корей. Щит Исав ими Оливема, Ана ики эви, эԓты уԓәм ун икет.
\p
\v 19 Тӑм Исав пŏхәт, пӑ ԓыв ун икиԓаԓ. Щит Едом хот.
\p
\v 20 Тӑм пӑ щи мўвән уԓәм Сеир нэмпи хоррей ики пŏхәт: Лотан, Шовал, Цивеон, Ана,
\p
\v 21 Дишон, Эцер пӑ Дишан. Щит хоррей йох ун икет, Сеир пŏхәт, Едом мўвән.
\p
\v 22 Лотан пŏхәт усәт: Хори пӑ Геман; Лотан нэ апщи: Фамна.
\p
\v 23 Тӑм Шовал пŏхәт: Алван, Манахаф, Эвал, Шефо пӑ Онам.
\p
\v 24 Тӑм Цивеон пŏхәт: Аиа пӑ Ана. Тӑм щи Ана, хŏй хошәм йиӈкәт таԓ хишәӈ мўвән уйтәс, хун Цивеон ащеԓ осёл войәт шавийәс.
\p
\v 25 Тӑм Ана ики ԋаврэмәт: Дишон пӑ Оливема, Ана ики эви.
\p
\v 26 Тӑм Дишон пŏхәт: Хемдан, Эшбан, Ифран пӑ Херан.
\p
\v 27 Тӑм Эцер пŏхәт: Билган, Зааван пӑ Акан.
\p
\v 28 Тӑм Дишан пŏхәт: Уц пӑ Аран.
\p
\v 29 Тӑм хоррей йох ун икет: ун ики Лотан, ун ики Шовал, ун ики Цивеон, ун ики Ана,
\p
\v 30 ун ики Дишон, ун ики Эцер, ун ики Дишан. Тӑм хоррей йох ун икет пӑ щит ԓыв рутԓаԓ нэмәт Сеир мўвән.
\s Едом хонәт
\p
\v 31 Тӑм хонәт Едом мўвән хонәта усәт, израиль йох хŏща хонәт этәм йӑм йэԓпийән.
\p
\v 32 Едомән хона Бела ус, Веор пŏх, ԓўв вошәԓ нэм Дингава.
\p
\v 33 Щӑԓта Бела пӑрәс, Иовав ԓўв йўпеԓән хона питәс, Зерах пŏх, Восор эԓты.
\p
\v 34 Иовав пӑрәс, Хушам ԓўв йўпеԓән хона питәс, Феман мўв эԓты.
\p
\v 35 Хушам пӑрәс, Гадад ԓўв йўпеԓән хона питәс, Бедад пŏх, ԓўв мадиан йох Моав мўв хӑрән ԉаԉән нŏх питсәԓы; Гадад вошәԓ нэм Авиф.
\p
\v 36 Гадад пӑрәс, Самла ԓўв йўпеԓән хона питәс, Масрека эԓты.
\p
\v 37 Самла пӑрәс, ԓўв йўпеԓән Саул хона питәс, ԓўв йŏхан пўӈәԓән омәсты Реховоф вош эԓты ус.
\p
\v 38 Саул пӑрәс, Баал-Ханан, Ахбор пŏх, ԓўв йўпеԓән хона питәс.
\p
\v 39 Баал-Ханан, Ахбор пŏх, пӑрәс, щӑԓта Гадар ԓўв йўпеԓән хона питәс; ԓўв вошәԓ нэм Пау; имеԓ нэм Мегетавеель, Мезагав ики Матреда пŏхәԓ эви.
\p
\v 40 Тӑм Исав эԓты мӑнәм ун икет нэмәт, рутԓаԓ щирән, мўвԓаԓ щирән, нэмԓаԓ щирән: ун ики Фимна, ун ики Алва, ун ики Иетеф,
\p
\v 41 ун ики Оливема, ун ики Эла, ун ики Пинон,
\p
\v 42 ун ики Кеназ, ун ики Феман, ун ики Мивцар,
\p
\v 43 ун ики Магдиил, ун ики Ирам. Тӑм Едом мўв ун икет, вошԓаԓ щирән, ԓыв йошԓаԓән тӑйәм мўвеԓән. Щит иса Исав эԓты, едом йох ащи эԓты, мӑнәм рут.
\c 37
\s Иосиф уԓмәт
\p
\v 1 Иаков Ханаан мўвән ус, хŏта ащеԓ па мўв эԓты йŏхтәм ŏта ус.
\p
\v 2 Тӑм Иаков рут уԓәпса эԓты пŏтәр. Ԓапәтхŏщйаӈ тӑԓ ԓŏват энәмты пŏх Иосиф тащ шавиман йайԓаԓ пиԓән йӑӈхәс, ащеԓ имеӈӈән пŏхәт пиԓән, Валла пŏхәт пӑ Зелфа пŏхәт пиԓән. Ащеԓа Иосиф йайԓаԓ эԓты пŏләщ тутԓыман йӑӈхәс.
\p
\v 3 Йайԓаԓ кўтән Иосиф пŏхәԓ Израиль мет сӑма мосман тӑйсәԓы, ԓўв пирщамәмаԓән щи пŏхәԓ сэма питәс, щишән, хŏрамәӈ сŏхән ԓўвеԓ версәԓы.
\p
\v 4 Йайԓаԓән мŏштәса, ащеԓ ԓўвеԓ пŏхԓаԓ кўтән мет сӑма мосман тӑйԓәԓы; Иосиф ԉикән этты питсэԓ пӑ йӑм щирән ԓўв пиԓәԓән пŏтәртты ӑт верәтсәт.
\p
\v 5 Ипуш Иосиф уԓәм вантәс, пӑ йайԓаԓа пŏтәртсәԓы; щи йўпийән мет такан ԉикән этты питса.
\p
\v 6 Ԓўв ԓывиԓаԓа йастәс: «Ма вантәм уԓмем хуԓәнтаты:
\p
\v 7 ԋаԋ тŏрән энәмты хӑр кўтәпән мўӈ ԋаԋ тŏрән мŏнталэт йӑрԓув; пӑ ма йӑрәм ԋаԋ тŏрән мŏнталэм нŏх ԓойәс пӑ тўӈа ԓойәс, нын ԋаԋ тŏрән мŏнталыԓән пӑ керәтман ԓойсәт пӑ ма йӑрәм ԋаԋ тŏрән мŏнталэм пеԓа, ŏх пŏнман, иԓ ԋўрсәт».
\p
\v 8 Йайԓаԓ ԓўвеԓа йастәсәт: «Нӑӈ мўй мўӈ нўмпевән хона питԓән? Мўӈ мўй нӑӈ иԓпенән питԓув?» Щи уԓмәԓ пӑ йасәӈԓаԓ урәӈән мет таканшәк ԉикән этты питса.
\p
\v 9 Щӑԓта кимет уԓәм па вантәс, йайԓаԓа пŏтәртсәԓы, щиты йастәс: «Щиты ус, ма уԓәм па ватсәм: хӑтәԓ пӑ тыԓәщ пӑ ихŏщйаӈ хус ма шŏмайэм, ŏх пŏнман, иԓ ԋўрсәт».
\p
\v 10 Ащеԓа пŏтәртсәԓы пӑ йайԓаԓа ищи; ащеԓән ԉавәттәса пӑ йастәса: «Мўй щимәщ уԓәм нӑӈ ватсән? Мўй щирән ма пӑ нӑӈ аԋԏэн, пӑ нӑӈ йайԓан нӑӈ йэԓпенән мўв унты, ŏх пŏнман, иԓ ԋўрты йŏхәтԓув?»
\p
\v 11 Йайԓаԓ ԓўв пеԓайәԓ ўшмащсәт, ащеԓән пӑ щи йасәӈ ӑт йŏрэмәса.
\s Йайԓаԓән Иосиф тыныԓа
\p
\v 12 Йайԓаԓ Сихем вош ԉэпән ащеԓ тащ шависәт.
\p
\v 13 Израиль Иосифа йастәс: «Йайԓан ӑԓт Сихемән тащ шавиԓәт? Йӑӈха, ма нӑӈен ԓыв хŏщайэԓ китԓэм». Ԓўв йастәс: «Йӑна щи, ма йӑхԓәм».
\p
\v 14 Израиль ԓўвеԓа йастәс: «Йӑӈха, ванты, йайԓан тўмтакәт мўй пӑ тащеԓ тӑԓаӈ мўй, пӑ айкеԓ мӑнэма тўва». Хеврон лот мўв эԓты ԓўвеԓ китсәԓы; ԓўв пӑ Сихема йŏхтәс.
\p
\v 15 Щита мўв хӑрән ԓўв тӑпәс пӑ ԓўвеԓ уйтәм хŏйатән иԋщәсса: «Мўй нӑӈ кӑшԓән?»
\p
\v 16 Ԓўв йастәс: «Ма йайԓам кӑшԓәм, мӑнэма йасты, хŏта ԓыв тащ шавиԓәт?»
\p
\v 17 Щи хŏйат йастәс: «Ԓыв тӑԓта мӑтсәт, ма хуԓтсэм, хŏты ԓыв пŏтәртсәт: ‘Дофана мӑнԓув’». Щиты Иосиф йайԓаԓ йуш хўват мӑнәс, пӑ Дофан вош ԉэпән ԓывиԓаԓ уйәтсәԓы.
\p
\v 18 Ԓыв хўвәԓта ԓўвеԓ кащаԓәсэԓ, пӑ ԓўв вана йитаԓ сыс, ԓыв нумәсты питсәт, хŏты ԓўвеԓ веԓты.
\p
\v 19 Щӑԓта ԓыв кўтэԓән йастәсәт: «Уԓәм вантәм ŏт йиԓ;
\p
\v 20 ин мӑнԓув пӑ ԓўвеԓ веԓԓэв, мӑтты мўв ўса йўвәтԓэв, пӑ йастәԓув, ут войән ԓэса; щи пŏрайән ватԓэв, ԓўв уԓәмԓаԓ мўйа йиԓәт».
\p
\v 21 Щит Рувим йайәԓән хуԓса пӑ атәм нŏмәсԓаԓ эԓты ԓўвеԓ шависԓы, пӑ щиты йастәс: «Ԓўвеԓ ӑт веԓԓэв».
\p
\v 22 Рувим ԓывиԓаԓа йастәс: «Ўр ӑԓ шошматы; тӑм мўв ўса таԓ йикԓы мўвән йўвтаԓән, туп йошән аԓ кетмаԓән». Щиты ԓўв пŏтәртәс, ԓыв йошԓаԓ эԓты ԓўвеԓ шавиты пӑ ащеԓ хŏща ԓўвеԓ йŏхтәптәты урәӈән.
\p
\v 23 Иосиф йайԓаԓ хŏща йŏхәтмаԓән, ԓыв ԓўв хŏрамәӈ сŏхәԓ ԓўв эԓтэԓ нŏх менәпсэԓ,
\p
\v 24 пӑ ԓўвеԓ ўсэԓ пӑ мўв ўса йўвәтсэԓ; щи мўв ўс таԓ ус, йик щита ӑнтом ус.
\p
\v 25 Ԓыв пӑ ԓэты омәссәт, пӑ ӑӈкәртмеԓән, кащаԓәсэԓ, хŏты Галаад мўв эԓты измаил йох онас йиԓ, йӑма авты стиракс йўх ух, бальзам пӑ ладан пŏрмасәт верблюдәт туԓәт: Египет мўва щит тўвман мӑнԓәт.
\p
\v 26 Щӑԓта Иуда йайԓаԓа йастәс: «Мўй ŏнтас, апщев пӑратԓэв пӑ ԓўв ўрәԓ хӑԋатԓэв?
\p
\v 27 Мӑнԓув пӑ измаил йоха ԓўвеԓ тыныԓэв, мўӈ йошԓувән ԓўвеԓ ӑт кетәмԓэв, ищипа ԓўв мўӈ апщев, ищи мўӈ ўрэв». Йайԓаԓ ԓўв пеԓайәԓ хўԓтмәсәт.
\p
\v 28 Хун Мадиан мўвәӈ тынасты йох ванамәсәт, йайԓаԓ мўв ўс эԓты Иосиф нŏх таԓсэԓ пӑ измаил йоха хус щел ŏх сӑхат тынысэԓ; ԓыв пӑ Иосиф Египта тусэԓ.
\p
\v 29 Рувим щи мўв ўс хŏща па йŏхтәс; пӑ Иосиф мўв ўсән ӑнтом. Щит кащаԓәмаԓ кемән, ԓўв ԓўмтәмԓаԓ мӑншисԓы,
\p
\v 30 апщиԓаԓ хŏща йŏхԓы йŏхтәс пӑ йастәс: «Энәмты пŏхев ӑнтом, ма пӑ, хŏԓта ма мӑнԓәм?»
\p
\v 31 Ԓыв Иосиф сŏх ўсэԓ, козёл вой хŏрсэԓ пӑ щи ўрән сŏхәԓ ԋŏсәтсэԓ;
\p
\v 32 щӑԓта щи хŏрамәӈ сŏх ащеԓа китсэԓ, пӑ йастәсәт: «Мўӈ тӑм уйәтсув; ванты, нӑӈ пŏхен сŏх мўй пӑ ӑнтом?»
\p
\v 33 Ԓўв сŏхәԓ мŏштәсԓы пӑ йастәс: «Тӑм ма пŏхем сŏх; ут войән ԓўв ԓэса; аԓт пӑ Иосиф войәтән лакки мӑншиса».
\p
\v 34 Иаков ԓўмтәмԓаԓ мӑншисԓы, уԓттӑхты хир хŏрпи сох ӑтпәԓа ԓумтәс пӑ ар хӑтәԓ пŏхәԓ эԓты хоԓԓәс.
\p
\v 35 Эвиԓаԓ, пŏхԓаԓ хŏԓ ӑктәщсәт, ԓўвеԓ щаԉәтты урәӈән; ԓўв пӑ хуԓәтты ӑт ԓӑӈхас пӑ йастәс: «Тӑмиты хощман пŏхем хŏща иԓта турма мӑнԓәм». Щиты ащеԓ ԓўв эԓтэԓ хоԓԓәс.
\p
\v 36 Иосиф пӑ Мадиан мўв хŏйатәтән Египет мўвән Потифар нэмпи ун кущайа тыныса, фараон шавиты йох кущайа.
\c 38
\s Иуда пӑ Фамарь
\p
\v 1 Щи артән Иуда йайԓаԓ хӑйсәԓы пӑ Хира нэмпи хŏйат пўӈәԓән Одоллам вошән уԓты питәс.
\p
\v 2 Щита Иуда Шуа нэмпи ханаан ики эви кащаԓәс: ԓўвеԓ нэӈа тусԓы.
\p
\v 3 Щи нэ ԓавәрта йис пӑ пŏх тӑйәс, пӑ Иуда ащеԓән Ир нэмән мӑса.
\p
\v 4 Щӑԓта па ԓавәрта йис пӑ па пŏх тӑйәс, пӑ Онан нэмән ԓўвеԓ мӑсԓы.
\p
\v 5 Щӑԓта пŏх па тӑйәс пӑ Шела нэмән ԓўвеԓ мӑсԓы. Иуда пӑ, ԓўв пŏхәԓ сэма пайәтмаԓән, Хезив вошән ус.
\p
\v 6 Щӑԓта Иуда Ир нэмпи оԓәӈ пŏхәԓ нэӈән тусԓы; Фамарь нэмәԓ.
\p
\v 7 Туп Ир, Иуда оԓәӈ пŏхәԓ, Турәм Куща йэԓпийән ар кӑрэк тӑйәс, щишән, Турәм Кущайән сŏрма пайәтса.
\p
\v 8 Щишән, Иуда Онан пŏхәԓа йастәс: «Йайән ими нэӈа ўйи, ԓэху щирән, пӑ йайән тыхәԓ йэԓԓы тўви».
\p
\v 9 Онан уйәтсәԓы, щит ӑнта ԓўв тыхԓәԓ питәԓ, щишән, йайәԓ ими пиԓән щиты ус, йайәԓ тыхәԓ йэԓԓы ӑт ат рутмәс.
\p
\v 10 Турәм Куща йэԓпийән мўй ԓўв верәс, атәм ус; пӑ Ԓўв ԓўвеԓ ищи сŏрма пайәтсәԓы.
\p
\v 11 Щӑԓта Иуда Фамарь меԋәԓ пеԓа йастәс: «Шела пŏхем энәмты унты ащен хотән шукаԓт имийа уԓа». Щиты Иуда нумәсәс: «Йайԓаԓ иты Шела ӑт ат ԓуԓән пӑрәс». Фамарь мӑнәс пӑ ащеԓ хотән уԓты питәс.
\p
\v 12 Хўв кўт хӑщәс пӑ Иуда имеԓ, Шуа ики эви, пӑрәс. Иуда, хӑтәԓԓаԓ тӑрмәм йўпийән, Фамна воша мӑнәс, хŏта ошԓаԓ ԓŏртты хŏйатәт усәт, ԓўв пиԓәԓән Одоллам эԓты Хира нэмпи ԓухсәԓ ус.
\p
\v 13 Фамарь айкеԓән верса: «Ўпән ики Фамна воша ош ԓŏртты мӑнәԓ».
\p
\v 14 Ԓўв шук туты сŏхԓаԓ эхсәԓы, ŏхшам пŏнәс пӑ щиты йэмәԓман Фамна пеԓа мӑнты йушән, Енаим вош ов хŏща опсәс. Ԓўв уйәтсәԓы, Шела энмәс, ԓўв пӑ ԓэхуйәԓа ӑт опсәԓса.
\p
\v 15 Иуда ԓўвеԓ кащаԓәсԓы пӑ вешәԓ хӑԋатмаԓ урәӈән, уԉԋа нэӈа йўкатсәԓы.
\p
\v 16 Ԓўв хŏщайәԓ йирэмәс пӑ йастәс: «Нӑӈ хŏщайэн рӑхәԓ ԓŏӈтыты?» Ԓўв ӑт уйәтсәԓы, щит ԓўв меԋәԓ ус. Фамарь пӑ ԓўвеԓ ищмәсԓы: «Ма хŏщайэм ԓŏӈтытэн мита мўй нӑӈ мӑнэма мӑԓән?»
\p
\v 17 Ԓўв йастәс: «Ма нӑӈена ма тащем эԓты ош пŏшәхән китԓэм». Ԓўв пӑ йастәс: «Киттэн унты мŏԓты пŏрмас щи йўкана хӑйԓән?»
\p
\v 18 Иуда йастәс: «Мўй хŏрпи йўкан нӑӈена мӑты?» Ԓўв пӑ йастәс: «Нӑӈ йŏра кеԓәӈ посэн пӑ йошән тӑйты шушты сўвен». Иуда щит ԓўвеԓа мӑсԓы пӑ ԓўв хŏщайәԓ ԓŏӈәс; ԓўв эԓтэԓ Фамарь ԓавәрта йис.
\p
\v 19 Щӑԓта ԓўв ԓŏйәс пӑ мӑнәс, тӑйәм ŏхшамәԓ эхсәԓы пӑ шук туты сŏхԓаԓ па ԓумәтсәԓы.
\p
\v 20 Иуда Одоллам эԓты уԓты ԓухсәԓ пиԓән ош пŏшәх китәс, нэ хŏща хӑйәм пŏрмасәт нŏх ўты урәӈән, туп ԓўв щи нэ ӑт уйәтсәԓы.
\p
\v 21 Шŏши хŏйатәт эԓты иԋщәссәԓы: «Хŏта щи уԉԋа нэ, хŏй Енаим йуш пўӈәԓән опсәс?» Ԓыв йастәсәт: «Тӑта уԉԋа нэ ӑнтом ус».
\p
\v 22 Ԓўв Иуда хŏща йŏхтәс пӑ йастәс: «Ма ԓўвеԓ ӑт уйәтсэм; пӑ щита уԓты шŏши хŏйатәт йастәсәт: ‘Тӑта уԉԋа нэ ӑнтом ус’».
\p
\v 23 Иуда йастәс: «Ԓўв йўканәԓа ат ўԓԓы, туп ԋӑха ӑт ат пайәтсаймән; ма тӑм ош пŏшәхән щи китыԓысэм, нӑӈ пӑ ԓўвеԓ ӑт уйәтсэн».
\p
\v 24 Хуԓәмԓэм тыԓәщ хӑщәс пӑ Иуда айкеԓән верса: «Фамарь меԋән уԉԋайа уԓты питмаԓ пӑ нэ щирән кӑшаӈа уԓ». Иуда йастәс: «Йэԓ ԓўвеԓ тўваԓән пӑ нŏх ат ўщитԓа».
\p
\v 25 Хун ԓўв туты питса, ўпәԓ икийа щимәщ йасәӈ китәс: «Тӑм пŏрмасәт тӑйәм хŏйат эԓты ма ԓавәрта йисәм». Пӑ йастәс: «Мŏштәԓэн, тӑм хŏй йŏра кеԓәӈ пос пӑ шушты сўв?»
\p
\v 26 Иуда мŏштәсԓы пӑ йастәс: «Ԓўв ма эԓтэм вещкатшәк, щит ма ԓўвеԓ Шела пŏхема ӑт мӑсэм». Ԓўв хŏщайәԓ па ӑт ԓŏӈтыйәс.
\p
\v 27 Щӑԓта ԋаврэм сэма питты хӑтәԓән ԓэрамәс, ԓўв нэш пӑтлам хотән пиԓаӈ ŏтӈән тӑймаԓ.
\p
\v 28 Ԋаврэмӈән сэма питәмән, оԓәӈән итәԓ йош этәс; пўкән эвтәм ими ўрты сŏхәмән йошәԓ йӑрәпсәԓы, йастәман: «Тӑмен оԓӈа этәс».
\p
\v 29 Ԓўв пӑ йошәԓ йŏхԓы сухтәсԓы; пӑ йайәԓ оԓӈа этәс. Ԓўв йастәс: «Мўй щирән нӑӈ йуш версән?» Щишән Фарес нэмән мӑса.
\p
\v 30 Йухәт ўрты сŏхәмән йӑрәм йŏшәӈ апщеԓ этәс. Ԓўв нэмән мӑса: Зара\f + \fr 38:30 \fr*\fq Зара \fq*\ft – (евр.) кӑԓы ўрты;\ft*\f*.
\c 39
\s Иосиф Потифар хотән
\p
\v 1 Иосиф пӑ Египта тўвман ус, ԓўвеԓ тўвәм измаил йŏх йош эԓты фараон шавиты йох кущайән, Потифар нэмпи кущайән, Египет мўв хуйән, ԓутса.
\p
\v 2 Турәм Куща Иосиф пиԓән ус: ԓўв верԓаԓ йӑма мӑтсәт пӑ Потифар, Египет мўв ху кущайәԓ хотән ус.
\p
\v 3 Кущайәԓән мŏштәса, Турәм Куща ԓўв пиԓәԓән уԓ, мўй ԓўв ӑт верәԓ, ԓўв верты верԓаԓән Турәм Куща ԋотәԓ.
\p
\v 4 Щиты Иосиф Потифарән ванән тӑйты питса пӑ ԓўв йŏра митхуйәԓа йис. Щӑԓта ԓўвеԓ хотәԓ кущайа пŏтсәԓы пӑ мўй тӑйәс, иса ԓўв йошәԓа мӑсԓы.
\p
\v 5 Хот кущайа ԓўвеԓ пŏнмаԓ ўш эԓты пӑ иса тӑйәм ŏтәԓ ԓўв йошәԓа миймаԓ йўпийән, Иосиф урәӈән Египет мўв ху хот Турәм Куща йӑмән мӑсԓы, щишән, Турәм Куща йӑм ԓўв хотәԓән пӑ мўв хӑрәԓән тӑйәм ŏтәԓ хŏща иса ус.
\p
\v 6 Щишән, ԓўв, мўй тӑйәс, иса Иосиф йоша мӑсԓы, нэмәԓты эԓты ӑт нумәсәс, ԓўвеԓа йŏра ԓэтŏт верты тўмпийән.
\p Иосиф хŏрасәӈ пӑ ԓŏватәӈ ус.
\p
\v 7 Щишән, кущайәԓ ими Иосиф пеԓа ватты питәс пӑ йастәс: «Ма пиԓэмән уԓа».
\p
\v 8 Ԓўв пӑ ӑт кашащәс пӑ кущайәԓ ими пеԓа йастәс: «Тӑта щи, кущайэм мўй тӑйәԓ, ма йошема мӑсԓы, нэмәԓты эԓты ӑт нумәсәԓ;
\p
\v 9 тӑм хотән ма эԓтэм уншәк ŏт ӑнтом; тӑм хотән нӑӈ тўмпенән мӑнэма ӑт рӑхты вер ӑнтом, нӑӈ ԓўв имеԓ; мўй щирән ма щимәщ атәм вер верԓәм пӑ Турма кӑрэк верԓәм?»
\p
\v 10 Кашәӈ хӑтәԓ кўш нэ щиты Иосифа пŏтәртәс, Иосиф ӑт хуԓәнтәс ԓўв пиԓәԓән уԓты.
\p
\v 11 Имŏԓты хӑтәԓән ԓўв верәԓ сӑхат хота ԓŏӈәс, щита хотәӈ ŏтәт эԓты нэмәԓт хŏйат ӑнтом ус;
\p
\v 12 щи нэ ԓумтәм сŏхәԓ эԓты ԓўвеԓ катәԓсәԓы пӑ йастәс: «Ма пиԓэмән уԓа». Иосиф пӑ, сŏхәԓ ԓўв йошәԓән хӑйман, ким хухәԓмәс.
\p
\v 13 Нэ пӑ, щит кащаԓәмаԓ кемән, хун сŏхәԓ ԓўв йошәԓән хӑщәс пӑ Иосиф ким хухәԓмәс,
\p
\v 14 хотәӈ ŏтԓаԓ ўваԓсәԓы пӑ ԓывиԓаԓа щиты йастәс: «Вантаты, Потифар мўӈев еврей тўвмаԓ пӑ щитэн мўӈ хŏщайэв йŏвәртыйәԓ. Щи еврей ма хŏщайэм йŏхтәс, ма пиԓэмән уԓты ўтщийәс, ма пӑ сыйәӈ тўрән ўваԓтсәм;
\p
\v 15 ԓўв пӑ, хўԓтмәмаԓән, хŏты ма ўваԓтсәм, сŏхәԓ ма хŏщайэм хӑйсәԓы пӑ ким хухәԓмәс».
\p
\v 16 Щиты Потифар йŏхи йŏхәтты унты Иосиф сŏх щи нэ ԓўв хŏщайәԓ хӑйсәԓы.
\p
\v 17 Ԓўвеԓа ищи щи йасӈәт пŏтәртәс, йастәман: «Нӑӈ тўвәм еврей митхуйэн ма хŏщайэм йŏвәртыты йŏхтыԓыйәс;
\p
\v 18 хун ма ўвты питсәм, ԓўв сŏхәԓ ма хŏщайэм хӑйсәԓы пӑ ким хухәԓмәс».
\s Иосиф касна хота омәсԓа
\p
\v 19 Кущайәԓ имеԓ йасӈәт хуԓмаԓ йўпийән, хŏты ԓўв йастәс: «Щиты ма пиԓэмән нӑӈ митхуйэн верәс», ԓўв шек ԉикащәс;
\p
\v 20 щӑԓта кущайәԓән Иосиф касна хота омәсты партса, хŏта хон вера питәм ŏтәт усәт. Щита касна хотән ԓўв опсәс.
\p
\v 21 Турәм Куща Иосиф пиԓән ус, йӑм сэмән вантәс, щишән, касна хот куща ԓўв пеԓайәԓ ищи йӑм ус.
\p
\v 22 Касна хот куща щита опсәм вера питәм ŏтәт хŏԓ Иосиф йоша мӑсԓы, щишән, мўй ԓыв щита ӑт версәт, щи верәт хŏща ԓўв пӑ уна ус.
\p
\v 23 Касна хот куща Иосиф йошән тӑйты верәт эԓты нэмәԓты ӑт ԓэрамтәс, Турәм Куща Иосиф пиԓән ус, щишән мўй ԓўв верәс, Турәм Кущайән щи верәтән иса ԋотса.
\c 40
\s Иосиф уԓмәт ԓӑрпитәԓ
\p
\v 1 Щи йўпийән хона ўнайәт ԓэщатты куща пӑ ԋаԋ верты куща Египет хонэԓ йэԓпийән, кущайэԓ йэԓпийән, вера питсәӈән.
\p
\v 2 Кӑт кущайӈәԓаԓ пеԓа фараон ԉикащәс, ўнайәт ԓэщатты куща пӑ ԋаԋ верты куща пеԓа,
\p
\v 3 пӑ ԓўвеԓ шавиты йохԓаԓ куща йоша ԓынан мӑсԓы, щи касна хота, хŏта Иосиф опсәс.
\p
\v 4 Шавиты йох куща ԓын хŏщайән Иосиф рупитты ԓэщатәс, пӑ ԓўв ԓынана рупитәс. Щиты касна хотән мŏԓты сыс ԓын устән.
\p
\v 5 Ипуш касна хотән, ўнайәт ԓэщатты куща пӑ ԋаԋ верты куща уԓмистән, кашәӈ ŏт ԓўв уԓмәԓ, кинтак и атән, кашәӈ ŏт ŏщхўԉ уԓәм вантәс.
\p
\v 6 Аԓәӈсӑхат Иосиф ԓын хŏщайән йŏхтәс, ԓынан кащаԓәсԓы, ԓын вешԓән рўтаԉӈән.
\p
\v 7 Фараон кущайӈән ԓўв ищмәсԓы, ԓўв пиԓәԓән кущайәԓ хотән уԓты касна хотән опсәм ŏтӈән пеԓа, щиты йастәс: «Мўйа нын тӑм хӑтәԓ вешԓән рўтаԉӈән?»
\p
\v 8 Ԓын ԓўвеԓа йастәсӈән: «Мин тӑм ат уԓмисмән; туп щи уԓәмӈән ԓӑрпитты хŏйат ӑнтом». Иосиф ԓынана йастәс: «Уԓәм ԓӑрпитты вер аԓт Турәм эԓты уԓ? Мӑнэм уԓәмԓән пŏтәртаԓән».
\p
\v 9 Хона ўнайәт ԓэщатты куща ԓўв уԓмәԓ Иосифа пŏтәртәс пӑ йастәс: «Уԓмитэмән, виноград ўна йўх ма йэԓпемән;
\p
\v 10 щи йўхән хуԓәм нўв; йўх энмәс, лыпәтән этса, щӑԓта щита виноград воԋщәм ŏтәт энәпсәт пӑ пŏшсәт;
\p
\v 11 фараон ан ма йошемән катәԓԓэм; виноград воԋщәм ŏтәт ма ўсәм пӑ фараон ан ԓыпийа пӑщәртсәԓам, пӑ фараон йоша ан мӑсэм».
\p
\v 12 Иосиф ԓўвеԓ йастәс: «Тӑта щи уԓмен ԓӑрпитты щир: хуԓәм нўв – щит хуԓәм хӑтәԓ;
\p
\v 13 хуԓәм хӑтәԓ хӑщты йўпийән фараон нӑӈен эсәԓԓәԓы пӑ рупитәм тӑхайэна омәсԓәԓы, нӑӈ пӑ фараон ан ԓўв йошәԓа мӑԓэн, йэԓпи иты, хун нӑӈ ԓўв хŏщайәԓ хона ўнайәт ԓэщатты кущайа усән;
\p
\v 14 хун нӑӈен йӑм питәԓ, ма эԓтэм нумәԓми пӑ, щи ԓŏват йӑм вера, фараона ма эԓтэм йаста, тӑм касна хот эԓты ким ат эсәԓсайәм;
\p
\v 15 ма еврейәт мўв эԓты йурән тусайәм; тӑта пӑ касна хотән омәсты урәӈән нэмәԓт атәм ӑт версәм».
\p
\v 16 Ԋаԋ верты куща кащаԓәсԓы, хŏты ԓўв уԓәм йӑма ԓӑрпитсәԓы пӑ Иосифа йастәс: «Ма ищи уԓмисәм: ŏхемән хуԓәм кураԋэк катәԓԓәм;
\p
\v 17 нўмпеләк кураԋэкән кӑмән хŏрпи фараон урәӈән ԓэты ԋаԋәт, ŏхемән омәсты кураԋэк эԓты щи ԓэтŏтәт тŏхԓәӈ войәтән нухԓайәт».
\p
\v 18 Пӑ Иосиф щиты йŏхԓы йастәс: «Тӑта щи уԓмен ԓӑрпитты щир: хуԓәм кураԋэк – щит хуԓәм хӑтәԓ;
\p
\v 19 хуԓәм хӑтәԓ хӑщты йўпийән фараон нӑӈ ŏхен хŏԓт сэвәрты партԓәԓы пӑ нӑӈен йўха нŏх сухтәԓԓы, тŏхԓәӈ войәтән эԓэн нухты питԓа».
\p
\v 20 Хуԓмет хӑтәԓән, фараон ԓўв сэма питәм хӑтԓәԓән митйохԓаԓа поры пӑсан верәс, пӑ касна хота опсыԓыйәм ўнайәт ԓэщатты пӑ ԋаԋ верты кущайӈән эԓты митйохԓаԓ уԓман нумәԓмәсԓы;
\p
\v 21 щӑԓта хона ўнайәт ԓэщатты куща йэԓпи рупитәм тӑхайәԓа пŏтсәԓы, пӑ ԓўв фараон йоша ан мӑс;
\p
\v 22 ԋаԋ верты куща пӑ йўха нŏх сухтәса, хŏты Иосиф ԓынана уԓәм ԓӑрпитыйәс.
\p
\v 23 Хона ўнайәт ԓэщатты куща Иосиф эԓты ӑт пӑ нумәԓмәсԓы, ԓўв эԓтэԓ йŏрэмәсԓы.
\c 41
\s Иосиф фараон уԓмәт ԓӑрпитәԓ
\p
\v 1 Кӑт тӑԓ хӑщәмән фараон уԓәм вантәс: ԓўв йŏхан питарән ԓойәԓ;
\p
\v 2 йŏхан эԓты ԓапәт мис ким этәс, йӑм хŏрпет пӑ вŏйаӈәт, пӑ тŏрән ԓэты питсәт;
\p
\v 3 щӑԓта, ԓыв йўпеԓән йŏхан эԓты па ԓапәт мис этәс, атәм хŏрпет пӑ керыйәмәт, пӑ тўм мисәт пўӈԓа йŏхан питарән ԓойсәт;
\p
\v 4 щӑԓта атәм хŏрпи пӑ керыйәм мисәт ԓапәт йӑм хŏрпи пӑ вŏйаӈ мисәт йŏхи ԓэсԓаԓ. Щитәԓән фараон нŏх верԓәс,
\p
\v 5 па вŏйәпса, пӑ кимет пўш уԓмийәс: и ԋаԋ тŏрәнән ԓапәт йӑм пӑ тэԓәӈ ԋаԋ тŏрән тӑй энмәс;
\p
\v 6 щӑԓта пӑ, щи йўпийән ԓапәт сорәм пӑ хӑԓэвәт вотән сорәԓтәм ԋаԋ тŏрән тӑй энмәс;
\p
\v 7 щӑԓта сорәм ԋаԋ тŏрән тӑйәт йӑм пӑ тэԓәӈ ԋаԋ тŏрән тӑйԓаԓ йŏхи ԓэсԓаԓ. Фараон нŏх верԓәс пӑ мŏштәсԓы, щит уԓәм.
\p
\v 8 Аԓәӈсӑхат ԓўв нŏпсәԓ шӑкәс, щӑԓта ԓўв китсәԓы, пӑ Египет мўв хŏԓ щӑртәӈ пӑ хŏԓ мўтра уйәтты хŏйатәт вохсәԓы, фараон ԓывиԓаԓа уԓмәԓ пŏтәртсәԓы; туп щи уԓәм ԓӑрпитты хŏйат ӑт ԉикмәс.
\p
\v 9 Хона ўнайәт ԓэщатты куща пŏтәртты питәс пӑ щиты йастәс: «Ин ма вера питыԓыйәм щирэм нумәԓмәсэм;
\p
\v 10 ипуш фараон мин пеԓайэмән, митйохӈәԓаԓ пеԓа ԉикащәс, пӑ мӑнэм пӑ ԋаԋ верты куща фараон шавиты йох куща хотән касна хота омәссәԓы;
\p
\v 11 пӑ и атән ма пӑ ԓўв уԓмисмән, кашәӈ ŏт ŏщхўԉ уԓәм вантәс;
\p
\v 12 щита мин пиԓэмән еврей мир эԓты энәмты ху ус, фараон шавиты йох куща митху; мин ԓўвеԓа уԓәмԓәмән пŏтәртсәԓәмән, ԓўв пӑ минэмәна кашәӈ ŏт мўй вантәс, йӑпсыйа ԓӑрпитсәԓы;
\p
\v 13 щӑԓта, хŏты ԓўв минэмәна ԓӑрпитсәԓы, щиты щи тыйәс: ма тӑйәм рупатайэма йŏхԓы ўсайәм, тўм ху пӑ йўха нŏх сухтыса».
\p
\v 14 Фараон Иосиф вохты партсәԓы. Ԓўв тэрматыман касна хот эԓты эсәԓса. Ԓўв упәтԓаԓ ԓŏртсайәт, па сŏх ԓумтәс пӑ фараон хŏща йŏхтәс.
\p
\v 15 Фараон Иосифа йастәс: «Ма уԓәм ватсәм, пӑ нэмәԓты ŏт ӑнтом, хŏйән ԓуԓән ԓӑрпитты верәтса, ма хуԓԓысэм, нӑӈ уԓәм ԓӑрпитты хоштэн».
\p
\v 16 Иосиф фараона йŏхԓы йастәс: «Щит ӑнта ма; фараон йӑм урәӈән Турәм йŏхԓы йастәԓ».
\p
\v 17 Фараон Иосифа щиты пŏтәртәс: «Уԓәм ватсәм: ма йŏхан питарән ԓойԓәм;
\p
\v 18 щӑԓта йŏхан эԓты ԓапәт вŏйаӈ пӑ йӑм хŏрпи мис этәс пӑ тŏрән ԓэты питсәт;
\p
\v 19 ԓыв йўпеԓән йŏхан эԓты па ԓапәт мис этәс, керыйәмәт, ватты шек атмәт; тӑм Египет мўв ԓŏватән щимәщ керыйәм ŏтәт ӑт вантыԓысәм;
\p
\v 20 щӑԓта керыйәм мисәт оԓәӈән этәм вŏйаӈ мисәт йŏхи ԓэсԓаԓ;
\p
\v 21 кўш йŏхи ԓэсԓаԓ, ԓыв ищипа керыйәм хŏрпийа вантәссәт. Щи кемән нŏх верԓәсәм.
\p
\v 22 Щӑԓта па уԓмисәм: и ԋаԋ тŏрәнән ԓапәт йӑм пӑ тэԓәӈ ԋаԋ тŏрән тӑй энмәс;
\p
\v 23 щӑԓта пӑ, щи йўпийән ԓапәт сорәм пӑ хӑԓэвәт вотән сорәԓтәм ԋаԋ тŏрән тӑй энмәс;
\p
\v 24 щӑԓта сорәм ԋаԋ тŏрән тӑйәт ԓапәт йӑм пӑ тэԓәӈ ԋаԋ тŏрән тӑйԓаԓ йŏхи ԓэсԓаԓ. Щит ма щӑртәӈ хŏйатәта пŏтәртсэм, туп нэмәԓты хŏйатән щи уԓәм ԓӑрпитты ӑт верәтса».
\p
\v 25 Иосиф щиты фараона йастәс: «Фараон и вер эԓты кӑт пўш уԓмийәс: Турәм мўй верәԓ, щит эԓты Ԓўв фараона айкеԓ верәс.
\p
\v 26 Ԓапәт йӑм мис – щит ԓапәт тӑԓ; пӑ ԓапәт йӑм ԋаԋ тŏрән тӑй – щит ищи ԓапәт тӑԓ: кӑт уԓәм и нŏмәс;
\p
\v 27 ԓыв йўпеԓән этәм ԓапәт атәм хŏрпи пӑ керыйәм мис – щит ԓапәт тӑԓ, щӑԓта ԓапәт сорәм пӑ хӑԓэвәт вотән сорәԓтәм ԋаԋ тŏрән тӑй – щит ԓапәт ԓэԓԓы тӑԓ».
\p
\v 28 Щишән, ма щиты фараона йастәсәм: «Мўй Турәм верәԓ, щит Ԓўв фараона этәԓтәсԓы.
\p
\v 29 Иса Египет мўвән ԓапәт тащәӈ пӑ ԓэтотәӈ тӑԓ тӑԓта йэԓԓы питәԓ;
\p
\v 30 щи йўпийән ԓапәт ԓэԓԓы тӑԓ йŏхәтәԓ, щи йэԓпи йӑма уԓәм уԓәпса Египет мўвән йŏрэмәԓа, ԓэԓԓы тӑԓәтән мўв таԓа верԓа пӑ хŏйатәт вŏԓԓы нўшайа йиԓәт,
\p
\v 31 пӑ щи йэԓпи йӑм уԓәпса йŏрэмәԓа, ԓэԓԓы тӑԓәт урәӈән, йŏхәтты ԓэԓԓы тӑԓәт шек ԓавәртәт питԓәт.
\p
\v 32 Фараон кӑт пўш и хŏрпи уԓәм щишән вантәс, щит Турәм йасәӈ так урәӈән пӑ щи вер Турәмән тӑм ванән йӑна верты урәӈән.
\p
\v 33 Щӑԓта пӑ, фараон ŏшәӈ пӑ вер хошты хŏйат ат уйәтәԓ, пӑ Египет мўв ԓŏватән уна ат пŏнԓәԓы.
\p
\v 34 Пӑ щӑԓта, фараон мўвәԓ ԓŏватән ватты кущайәт ат омәсәԓ, пӑ ԓапәт тащәӈ тӑԓәт хўват Египет мўвән энмәԓты ԋаԋ ветмет пелкеԓ ат ӑкәтԓэԓ;
\p
\v 35 щи йŏхәтты йӑм тӑԓәтән ԓыв ԋаԋ ԓат пӑ па сэмәӈ ԓат ат ўԓәт, пӑ фараон партты щирән вошәтән сопаса ат акәтԓэԓ пӑ ат шавиԓэԓ.
\p
\v 36 Египет мўвән йэԓԓы йŏхәтты ԓэԓԓы ԓапәт тӑԓ кеша щи ԓэтŏт сопаса питәԓ, тӑта уԓты мир ӑт пӑрты урәӈән».
\s Иосиф Египет мўв ун кущайа пŏнԓа
\p
\v 37 Фараона пӑ ԓўв митйохԓаԓа щи йасӈәт рӑхсәт.
\p
\v 38 Фараон митйохԓаԓа йастәс: «Ԓўв хŏрпеԓ йӑм хŏйат хŏԓща уйәтԓув, хŏй хŏща Турәм Ԓыԓ ат ус, ԓуԓән?»
\p
\v 39 Фараон Иосифа йастәс: «Хŏты Турәм нӑӈена щит иса пўшсәԓы, щимәщ ŏшәӈ пӑ мўтрайәӈ нӑӈ хŏрпен хŏйат ӑнтом;
\p
\v 40 нӑӈ ма хотэм нўмпийән питԓән, ма мирэм нӑӈ йасӈена хуԓәтты питәԓ; туп хона омәстэм щирән ма нӑӈ эԓтэн унашәк уԓԓәм».
\p
\v 41 Фараон Иосифа йастәс: «Щиты, ма нӑӈен хŏԓ Египет мўв кущайа пŏнԓэм».
\p
\v 42 Фараон ԓўв йошәԓ эԓты веншәӈ ԓуйтәԓ хŏԓт пайәтсәԓы пӑ Иосиф ԓўйа ԓумәттәсԓы; ухәԓ щӑшкан сŏхәта ԓўвеԓ ԓумәттәсԓы, сапԓәԓа сорԋэӈ карты кеԓ пŏнәс;
\p
\v 43 ԓўв йўпеԓән кимет хон йŏра ԓовәӈ ухәԓән Иосиф тутԓыты партсәԓы пӑ ԓўв йэԓпеԓән ўвты: «Ŏх пŏнман, иԓ ԋўраты!» Щиты Египет мўв ԓŏватән ԓўвеԓ кущайа пŏтсәԓы.
\p
\v 44 Фараон Иосиф пеԓа йастәс: «Ма фараон; туп нӑӈ йасӈен такԓыйа Египет мўв ԓŏватән нэмәԓты хŏйат йош ӑт тўвемәԓ, кўрәм ӑт верәԓ».
\p
\v 45 Фараон Иосиф йӑԓәп нэмән мӑсԓы: Цафнаф-панеах, пӑ Илиополь вош Потифер нэмпи йир верты хŏйат, Асенефа нэмпи эви, фараон ԓўвеԓа нэӈа мӑсԓы. Иосиф Египет мўв хўват мӑнәс.
\p
\v 46 Иосиф хŏԉмаӈ тӑԓ ԓŏват ус, хун ԓўв Египет мўв хон хŏща, фараон хŏща рупитты йŏхтәс. Фараон эԓты этмаԓ йўпийән, ԓўв Египет мўв хŏԓ йӑхсәԓы.
\p
\v 47 Щи мўвән ԓапәт тащәӈ тӑԓ хўват и ԓат сэм эԓты кўш тэԓ энмиԓыйәс.
\p
\v 48 Египет мўвән ԓапәт йӑм тӑԓ сыс энмәм ԋаԋ ԓат пӑ па сэмәӈ ԓат ԓўв ӑкәтсәԓы, пӑ вошәтән щи ԓат пŏтсәԓы; кашәӈ вош керәтман уԓты мўв хӑрәт эԓты.
\p
\v 49 Иосиф ԋаԋ ԓат пӑ па сэмәӈ ԓат шек ар ӑктәс, щарәс сэй хиш арат, щишән, ԓўӈәтты кўртәсәс пӑ йэԓԓы ӑт ԓўӈәтсәԓы.
\p
\v 50 Ԓэԓԓы тӑԓәт йэԓпийән Иосиф кӑт пŏх тӑйәс, хŏйӈән Асенефа, Илиополь вош Потифер нэмпи йир верты хŏйат эви, сэма пайтәс.
\p
\v 51 Иосиф оԓәӈ пŏхәԓ нэмән мӑсԓы: Манассия\f + \fr 41:51 \fr*\fq Манассия \fq*\ft – (евр.) «ԓўв йŏрэмәты ԋотәԓ»;\ft*\f*, щиты ԓўв пŏтәртәс: «Шукащты верԓам пӑ ащем хот тэԓ Турәм мӑнэма йŏрэмәты ԋотсәԓы».
\p
\v 52 Кимет пŏхәԓ нэмән мӑсԓы: Ефрем\f + \fr 41:52 \fr*\fq Ефрем \fq*\ft – (евр.) евр. «ԓўв тыхԓәӈа версәԓы» йасәӈ эԓты;\ft*\f*, щиты ԓўв пŏтәртәс: «Шукащәм мўвемән Турәм мӑнэм тыхԓәӈа версәԓы».
\p
\v 53 Щиты ԓапәт тащәӈ тӑԓәт Египет мўвән хӑщсәт,
\p
\v 54 щӑԓта ԓапәт ԓэԓԓы тӑԓәт йŏхәтсәт, Иосиф йастәм щирән. Пӑ хŏԓ мўвәтән ԓэԓԓы пŏра ус, туп Египет мўв ԓŏватән ԋаԋ ус.
\p
\v 55 Египет мўвән ԓэԓԓы йӑт йŏхтәмән, фараон эԓты мир ԋаԋ вохты питәс. Хŏԓ Египет хŏйатәта фараон йастәс: «Иосиф хŏща мӑнаты, ԓўв хŏты йастәԓ, щиты вераты».
\p
\v 56 Мўв ԓŏватән иса ԓэԓԓы пŏра ус; Иосиф ԋаԋ ԓат сопасԓәм хотԓаԓ пелки пўшсәԓы пӑ Египет мира тыныты питсәԓы. Ԓэԓԓы пŏра Египет мўвән йура йиты питәс.
\p
\v 57 Па хон мўвәт эԓты Египта Иосиф эԓты ԋаԋ ԓат ԓутты йŏхтыԓысәт, мўв ԓŏватән ԓэԓԓы пŏра йура йиты питәс.
\c 42
\s Иосиф йайԓаԓ оԓәӈ пўш Египет мўва йŏхәтԓәт
\p
\v 1 Иаков Египтән ԋаԋ ԓат уԓты вер хуԓмаԓән, Иаков пŏхԓаԓа йастәс: «Мўй нын ԓавәԓԓәты?»
\p
\v 2 Пӑ йастәс: «Ма хуԓтсэм, Египтән ԋаԋ ԓат уԓтаԓ; щи мӑнаты пӑ мўӈева ԋаԋ ԓат щита ԓутаты, мўӈева уԓты пӑ ӑт пӑрты урәӈән».
\p
\v 3 Иосиф йаӈ йай Египта ԋаԋ ԓат ԓутты мӑтсәт.
\p
\v 4 Вениамин пӑ, Иосиф апщи, йайԓаԓ пиԓән Иаковән ӑт китса, ԓўв щиты йастәс: «Вера ӑт ат питәԓ».
\p
\v 5 Ханаан мўвән ԓэԓԓы пŏра ус, щишән, Израиль пŏхәт па йŏхтәм ŏтәт пиԓән ԋаԋ ԓат ԓутты йŏхәтсәт.
\p
\v 6 Иосиф пӑ щи мўвән мет ун кущайа пŏнман ус; мўвән уԓты мира ԋаԋ ԓат ԓўв щи тыныйәс. Иосиф йайԓаԓ йŏхәтсәт пӑ ԓўв йэԓпеԓән мўв унты, ŏх пŏнман, иԓ ԋўрсәт.
\p
\v 7 Иосиф йайԓаԓ кащаԓәс пӑ ԓывиԓаԓ мŏштәсԓы; туп ӑт уйәтты веш верәс пӑ ԓыв пиԓԓаԓән щикем такан пŏтәртәс пӑ ԓывиԓаԓа йастәс: «Хŏԓща нын йŏхәтсәты?» Ԓыв йастәсәт: «Ханаан мўв эԓты ԓэтŏт ԓутты урәӈән».
\p
\v 8 Иосиф йайԓаԓ мŏштәсԓы, ԓыв пӑ ԓўвеԓ ӑт мŏштәсэԓ.
\p
\v 9 Иосиф уԓәмԓаԓ нумәԓмәс, хŏта ԓыв эԓтыԓаԓ уԓмийәс; пӑ ԓывиԓаԓа йастәс: «Нын хӑԋайән верәт ԓэрапты ŏтәт, мўӈ хŏщайэв ԉаԉ пиԓән йŏхәтты урәӈән сайԓы мўв вантыԓты».
\p
\v 10 Ԓыв пӑ ԓўвеԓа йастәсәт: «Ӑнта, мўӈ кущайэв; нӑӈ митйохԓан ԓэтŏт ԓутты йŏхәтсәт;
\p
\v 11 мўӈ хŏԓ и ащи ԋаврэмәт; мўӈ вещкат хŏйатәт; нӑӈ митйохԓан ӑнта хӑԋайән верәт ԓэрапты ŏтәт».
\p
\v 12 Ԓўв пӑ ԓывиԓаԓа йастәс: «Ӑнта, мўӈ хŏщайэв ԉаԉ пиԓән йŏхәтты урәӈән сайԓы мўв вантыԓты».
\p
\v 13 Ԓыв йастәсәт: «Мўӈ, нӑӈ митйохԓан, кӑтхŏщйаӈ йай; мўӈ Ханаан мўв эԓты уԓты и хŏйат пŏхәт, ай ŏтэв ащев пиԓән хӑщәс, итэв пӑ ӑнтом».
\p
\v 14 Иосиф ԓывиԓаԓа йастәс: «Щит щи ма нынан пŏтәртсәм, йастымемән: нын хӑԋайән верәт ԓэрапты ŏтәт;
\p
\v 15 щи вер ин щиты ԓэрапԓэм: фараон уԓәпсайән йастәпса мӑԓәм, ай апщан йŏхәтты унты нын тӑԓта ӑт этԓәты;
\p
\v 16 итән китаԓән, ԓўв апщан ты ат туԓԓы, нын пӑ тӑта йэртман тӑйты питԓайты; щиты ԓэра йиԓ, йӑна мўй мӑнэм пŏтәрԓәты; ӑнта щиты ки, фараон уԓәпсайән йастәпса мӑԓәм, нын хӑԋайән верәт ԓэрапты ŏтәт».
\p
\v 17 Пӑ хуԓәм хӑтԓа касна хота ԓывиԓаԓ омәссәԓы.
\p
\v 18 Хуԓмет хӑтәԓән Иосиф ԓывиԓаԓа йастәс: «Тӑмиты вераԓән, щиты нын ԓыԓӈа хӑщԓәты, ма Турәм эԓты ищи пӑԓԓәм:
\p
\v 19 нын вещкат хŏйатәт ки, и апщан тӑм касна хотән ат хӑщәԓ; нын пӑ мӑнаты, ԓэԓԓы уԓты тыхәԓ тэԓԓәна ԋаԋ тўваты,
\p
\v 20 апщан пӑ ма хŏщайэм тўваԓән, йасәӈԓән вещкат урәӈән пӑ нынан ԓыԓӈа хӑщты урәӈән». Ԓыв щиты щи версэԓ.
\p
\v 21 Ԓыв кўтԓаԓән щиты пŏтәртсәт: «Апщева кӑрэк вермев урәӈән ин мўӈ сўтәтԓайув; мўӈ ватсэв, хŏты ԓўв шукащәс, хŏты мўӈев пойәксәԓы, туп ӑт хуԓәтсэв; щишән, тӑм шука питсув».
\p
\v 22 Рувим пӑ ԓывиԓаԓа йастәс: «Ма нынана ӑт хун пŏтәртысәм: ‘Энәмты пŏха кӑрэк аԓ вераты’? Нын пӑ ӑт хуԓәтсәты; щи, ин ўрәԓ кӑшты питса».
\p
\v 23 Туп ԓыв ӑт уйәтсэԓ, Иосиф щит иса мŏштәԓԓы; ванты, ԓўв пиԓәԓән пŏтәртмеԓән йасәӈ тŏлмащԓәты хŏйат ус.
\p
\v 24 Щӑԓта ԓыв эԓтыԓаԓ йэԓшәк мӑнәс пӑ йэԓ хоԓԓаԓтәс. Щӑԓта ԓыв хŏщайэԓ йŏхԓы йŏхтәс, па ԓыв пиԓԓаԓән пŏтәртәс, пӑ Симеон ԓыв кўтэԓ эԓты ўсԓы пӑ ԓыв ватман йӑрты партсәԓы.
\s Ханаана йŏхԓы мӑнәм вер
\p
\v 25 Щӑԓта Иосиф ԓыв хирԓаԓ ԋаԋ ԓатән тэкәптәты партсәԓы, ԓыв щел ŏхԓаԓ пӑ йŏхԓы хирԓаԓа пŏнты партсәԓы, пӑ мӑнты йушеԓа хӑԓы хирәтән мӑты партсәԓы. Щиты щи ԓыв пиԓԓаԓән верман уса.
\p
\v 26 Ԓыв ԋаԋ ԓат хирԓаԓ осёл войәт эԓты ԓэԓтсәԓаԓ, пӑ щиԓта мӑтсәт.
\p
\v 27 Хун ԓыв хоԓты урәӈән ԓойсәт, и хуйэԓ хирәԓ эхсәԓы, осёл войәԓ ԋаԋ ԓатән мӑты урәӈән, пӑ хир овән ԓўв йŏра щел ŏхәԓ кащаԓәсԓы,
\p
\v 28 пӑ йайԓаԓа йастәс: «Щел ŏхем пӑ йŏхԓы пŏнәм; тӑта щи хирэм ԓыпийән». Ԓыв сӑмԓаԓ мӑтсәт, пӑ ԓыв кўтэԓән пӑԓтамәман пŏтәртты питсәт: «Амуй щит Турәм мўӈ пиԓэвән верәс?»
\p
\v 29 Щӑԓта Ханаан мўва, Иаков ащеԓ хŏща йŏхәтмеԓән, ԓыв пиԓэԓән уԓәм верәт хŏԓ ԓўвеԓа пŏтәртсэԓ, щиты йастәсәт:
\p
\v 30 «Щи мўвән уна уԓты куща щикем такан мўӈ пиԓэвән пŏтәртәс пӑ щи мўв хӑԋайән верәт ԓэрапты ŏтәта мўӈев йўкатсәԓы».
\p
\v 31 Мўӈ ԓўвеԓа йастәсув: «Мўӈ вещкат хŏйатәт; мўӈ ӑнта хӑԋайән верәт ԓэрапты ŏтәт;
\p
\v 32 мўӈ кӑтхŏщйаӈ йай-апщи ащев хŏща; итэв пӑ ӑнтом, ай апщев пӑ ащев пиԓән Ханаан мўвевән хӑщәс».
\p
\v 33 Щӑԓта щи мўвән уна уԓты куща щиты йастәс: «Ма щиты ԓэрапԓэм, мўй хŏрпи нын вещкат хŏйатәт: и апщан ма хŏщайэм хӑйаԓән, нын пӑ ԋаԋ ԓат ўйаты ԓэԓԓы уԓты тыхәԓ тэԓԓән урәӈән пӑ мӑнаты,
\p
\v 34 пӑ ай апщан ма хŏщайэм тўваԓән; щиты ма уйәтты питԓэм, нын ӑнта хӑԋайән верәт ԓэрапты ŏтәт, нын вещкат хŏйатәт; щишән, апщан эсәԓԓэм, пӑ тӑм мўвән тынасты верәтԓәты».
\p
\v 35 Щӑԓта, хирәт шошәмты питмеԓән, кашәӈ ху хирәԓән ԓўв йŏра щел ŏхәԓ уйтәс. Ŏхи хирԓаԓ кащаԓымеԓән, ащеԓ ики пиԓән ԓыв хŏԓт пӑԓтәмәсәт.
\p
\v 36 Щӑԓта Иаков ащеԓ ԓывиԓаԓа йастәс: «Нын урӈәнән ԋаврэмԓам ӑнтомәт: Иосиф ӑнтом, Симеон ӑнтом, Вениамин па ўты ўтщиԓԓын, – щит иса мӑнэма хойәԓ!»
\p
\v 37 Щӑԓта Рувим ащеԓа йастәс: «Ма пŏхӈиԓам веԓаԓән, Вениамин йŏхԓы ӑт туԓэм ки; ма йошема ԓўвеԓ мийи; ма ԓўвеԓ нӑӈ хŏщайэн йŏхи туԓэм».
\p
\v 38 Ԓўв пӑ йастәс: «Пŏхем нын пиԓанән ӑт мӑнәԓ; йайәԓ пӑрәс, пӑ ԓўв утща хӑщәс, щишән; йушән мӑнман мŏԓты вера питәԓ ки, вотәм ŏхем щи шукән хощман иԓта турма туԓԓән».
\c 43
\s Иаков Вениамин Египта эсәԓԓәԓы
\p
\v 1 Мўвән ԓэԓԓы пŏра йура йис.
\p
\v 2 Египет эԓты тутԓыйәм ԋаԋ ԓантэԓ ԓэвмеԓ йўпийән, ащеԓ ики ԓывиԓаԓа йастәс: «Па йӑӈхаты, мўӈева ԓэтŏт йэша ԓутаты».
\p
\v 3 Иуда ԓўвеԓа йастәс: «Щи хŏйат мўӈева такан йастәс: ‘Апщан такԓы ма хŏщайэм аԓ йŏхтаты’.
\p
\v 4 Апщев мўӈ пиԓэвән китԓэн ки, мўӈ мӑнԓув пӑ нӑӈена ԓэтŏт ԓутԓув,
\p
\v 5 ӑт китԓэн ки, ӑт мӑнԓув, щи хŏйат щиты мўӈева йастәс: ‘Апщан такԓы ма хŏщайэм аԓ йŏхтаты’».
\p
\v 6 Израиль йастәс: «Мўй урәӈән нын мӑнэма щимәщ атәм версәты, па и апщи тӑйты верән щи хŏйата йастәманән?»
\p
\v 7 Ԓыв йастәсәт: «Щи хŏйат мўӈ эԓтэв пӑ мўӈ рутэв эԓты ар пўш иԋщәсәс, щиты пŏтәртәс: ‘Нын ащан хŏԓна ԓыԓәӈ? Йай-апщи тӑйԓәты?’ Мўӈ пӑ ԓўвеԓа щи иԋщәпсайәԓ щирән пŏтәртсэв. Хŏԓща мўӈ уйәтсэв, ԓўв щиты йастәԓ: ‘Апщан ты тўваԓән’?».
\p
\v 8 Израиль ащеԓ пеԓа Иуда щиты йастәс: «Энәмты пŏхен ма пиԓэмән эсԓы, мўӈ ԓойԓув пӑ йӑхԓув, щишән ԓыԓӈа хӑщԓув пӑ ӑт пӑрԓув: мўӈ, пӑ нӑӈ, пӑ мўӈ ԋаврэмԓув;
\p
\v 9 ма йасәӈ мӑԓәм, ма эԓтэм иԋщәсԓэн; ма нӑӈ хŏщайэн ԓўвеԓ ӑт туԓэм ки, нӑӈ веншен йэщаԓт ӑт ԓощәԓтәԓэм ки, уԓтэм хўват нўрәӈ питԓәм;
\p
\v 10 мўӈ ӑт ки рŏтсув, кӑт пўш йӑхсув – йŏхәтсув, ԓўԓән».
\p
\v 11 Израиль ащан ики ԓывиԓаԓа йастәс: «Щиты ки, тӑмиты вераԓән: тӑм мўв мет йӑм мойԓәпсайәт пӑтән ўйаты пӑ щи хŏйата тўваԓән: бальзам пӑ пирәм мав, пӑ йӑма авты стиракс йўх ух пӑ ладан йоԓ, фисташка пӑ миндаль;
\p
\v 12 кӑт пўш аршәк ŏх пӑ ўйаты; хир ова йŏхԓы пŏнәм ŏхԓән нын йошԓәнән йŏхԓы мийаԓән: мосәӈ, ӑт ватман щиты тыйәс;
\p
\v 13 апщан па ўйаԓән, ԓойаты пӑ щи хŏйат хŏща мӑнаты;
\p
\v 14 Иса Верәтты Турәм нынан ат шавиԓԓы, щи хŏйат Вениамин пӑ кимет апщан ат эсәԓԓәԓы; ма пӑ, ԋаврэмԓы хӑщԓәм ки, щиты ԋаврэмԓы ат уԓԓәм».
\s Иосиф йайԓаԓ кимет пўш Египет мўва йŏхәтԓәт
\p
\v 15 Щӑԓта щи хŏйатәт мойԓәпсайәт ўсәт, кӑт пўш аршәк щел ŏх ўсәт, Вениамин па пӑтән ўсэԓ, ԓойсәт пӑ Египта мӑтсәт пӑ Иосиф хŏща йŏхәтсәт.
\p
\v 16 Ԓыв кўтэԓән Вениамин кащаԓәмаԓән, Иосиф ԓўв хотәԓ митйохәт кущайа йастәс: «Щи хŏйатәт хотэма вохаԓән, мӑтты вой хŏра пӑ ԓэтŏт ԓэщата, хӑтәԓ кўтәпән щи хŏйатәт ма пиԓэмән ԓэты питԓәт».
\p
\v 17 Иосиф партәм щирән хŏйат иса версәԓы пӑ Иосиф хота щи мŏхет ԓŏӈәԓтсәԓы.
\p
\v 18 Хŏйатәт пӑ пӑԓтамәсәт, хун Иосиф хота тусайәт, пӑ йастәсәт: «Тӑм хирԓува йŏхԓы пŏнәм щел ŏхԓув урәӈән ты тусайув, мўӈ хŏщайэв йŏвәртыты пӑ мўӈев иԓ катәԓты урәӈән, тынԓы-пелԓы ԋўрты урәӈән осёл войԓув пиԓән ты тусайув».
\p
\v 19 Щитэԓән Иосиф хотәԓ митйохәт куща хŏща ванамәсәт пӑ хот ов хŏща ԓўвеԓа пŏтәртты питсәт,
\p
\v 20 пӑ йастәсәт: «Щи ԓŏват йӑм вера, хуԓәнта, куща ху, тӑм йэԓпийән мўӈ ԓэтŏт ԓутты ты йŏхтыԓысув,
\p
\v 21 щӑԓта, йŏхԓы мӑнмевән, мўӈ хоԓты ԓойԓысув, щита хирԓув эхсәԓув пӑ кашәӈ хир овән – мўӈ сŏхәптәм щел ŏхев тӑԓаӈ тэԓән уԓмаԓ, щи ŏхԓув мўӈ йŏхԓы тусԓув;
\p
\v 22 ин ԓэтŏт ԓутты урәӈән па щел ŏх тусув. Мўӈ ӑт уйәтԓэв, хŏйән щи ŏхԓув йŏхԓы хирԓува пŏтсайәт».
\p
\v 23 Ԓўв йастәс: «Рома уԓаты, аԓ пӑԓаты; нын Турмән пӑ нын ащан Турәм нын хирԓәна ԓум пŏнәс; нын щел ŏхән ма унтэм йŏхтәс». Щӑԓта Симеон ԓыв хŏщайэԓ тусԓы.
\p
\v 24 Щӑԓта щи хŏйат ԓывиԓаԓ Иосиф хота ԓŏӈәԓтсәԓы пӑ йикән тусԓы пӑ ԓыв кўрԓаԓ ԉŏхәтсәԓаԓ; осёл войԓаԓ ищи ԓэтŏтән мӑсԓы.
\p
\v 25 Хӑтәԓ кўтәпән Иосиф йŏхәтты унты ԓыв мойԓәпсайәт ԓэщатсәт, ԓыв хуԓсэԓ, щита ԓэты питԓәт.
\p
\v 26 Щӑԓта Иосиф йŏхи йŏхтәс; ԓыв йошԓаԓән мойԓәпсайԓаԓ ԓўвеԓа хота ԓŏӈәԓсәԓаԓ, пӑ мўв унты ԓўв йэԓпеԓән, ŏх пŏнман, иԓ ԋўрсәт.
\p
\v 27 Ԓўв пӑ тўмтак верэԓ эԓты ԓывиԓаԓ иԋщәссәԓы пӑ йастәс: «Нын пирәщ ащан ики тўмтака мўй уԓ, хŏй эԓты нын пŏтәртсәты? Хŏԓна ԓўв ԓыԓәӈ?»
\p
\v 28 Ԓыв йастәсәт: «Тўмтак нӑӈ митхуйэн, мўӈ ащев ики, хŏԓна ԓыԓәӈ». Щӑԓта ԓыв, ŏх пŏнман, иԓ ԋўрсәт.
\p
\v 29 Иосиф сэмԓаԓ нŏх эԓәтсәԓы пӑ Вениамин кащаԓәс, ԓўв апщеԓ, ԓўв аԋԏэԓ пŏх, пӑ йастәс: «Тӑм нын ай апщан, хŏй эԓты нын мӑнэма пŏтәртысты?» Пӑ йастәс: «Турәмән ат шавиԓайән, пŏхийэм!»
\p
\v 30 Иосиф апщеԓ урәӈән сӑмәԓ ԋŏхԓәс, хӑщ йэԓ хоԓԓаԓтәс, щишән, тэрматыман щиԓта этәс пӑ пӑты хот пӑтыйа мӑнәс пӑ щита хоԓԓәс.
\p
\v 31 Щӑԓта вешәԓ нŏх ԉŏхәтсәԓы, йŏхԓы ԓыв хŏщайэԓ йŏхтәс, нŏпсәԓ такапсәԓы пӑ йастәс: «Ԓэтŏт тўваты».
\p
\v 32 Щӑԓта ԓўвеԓа утщайа мӑса, ԓывиԓаԓа пӑ утщайа, Иосиф пиԓән ԓэвәм Египет мўв хŏйатәта па утщайа, Египет хŏйатәт еврейәт пиԓән йӑха ԓэты ӑт верәтԓәт, Египет хŏйатәта щит йэм.
\p
\v 33 Щӑԓта ԓыв Иосиф йэщаԓт опсәԓсайәт, оԓәӈ ŏт оԓәӈ ŏт щирән, ай ŏт ай ŏт щирән, щи хŏйатәт пӑ, ийэщаԓт омәсман, ощатыман ватсәт.
\p
\v 34 Иосиф пӑсан эԓты ԓэтŏтән тутԓысайәт, Вениамин йайԓаԓ эԓты вет пўш арәншак мийԓыса. Ԓўв пиԓәԓән ԓыв мŏрта ԓэсәт пӑ йищсәт пӑ кашәӈа йисәт.
\c 44
\s Уштыԓыйәм ан
\p
\v 1 Щӑԓта Иосиф ԓўв хотәԓ митйохәт кущайа партәс, щиты йастәс: «Тӑм хŏйатәт хирԓаԓ ԓэтŏтән тэԓ пŏнаԓән, мўй арат войԓаԓ туты верәтԓәт, кашәӈ ŏта сŏхәптәм щел ŏхәԓ хир ова йŏхԓы пŏны,
\p
\v 2 ма анэм пӑ, щел ŏх анэм, ай хуйэԓ хир ова ԓўв ԓутәм ԋаԋәԓ сӑхат сŏхәптәм ŏхәԓ пиԓән пŏны». Щитәԓ Иосиф йастәм щирән иса версәԓы.
\p
\v 3 Аԓәӈсӑхат, нŏвийа йўвәмән, щи хŏйатәт йŏхԓы мӑнты эсәԓсайәт, ԓыв пӑ осёл войԓаԓ па.
\p
\v 4 Ԓыв шек хўва вош эԓты ӑт питсәт, хун Иосиф хотәԓ митйохәт кущайа йастәс: «Мӑна, щи хŏйатәт йŏԓта ԋухԓаԓән, эԓты йŏхәттэнән, ԓывиԓаԓа йаста: ‘Мўйа нын йӑм йўкана атәм версәты?
\p
\v 5 Тӑм ан эԓты кущайэм йищәԓ пӑ щӑртәԓ? Атәм нын версәты’».
\p
\v 6 Ԓўв ԓывиԓаԓ эԓты йŏхәтсәԓы пӑ щи йасӈәт ԓывиԓаԓа йастәс.
\p
\v 7 Ԓыв пӑ ԓўвеԓа йŏхԓы йастәсәт: «Мўйа кущайэв щимәщ йасӈәт пŏтәртәԓ? Ӑнта, нӑӈ митйохԓан щимәщ вер ӑт верԓәт.
\p
\v 8 Тӑта щи, хир овԓувән уйтәм щел ŏхев мўӈ нӑӈена йŏхԓы Ханаан мўв эԓты тусэв: хŏты сӑхат щел ŏх мўй па сорԋи кущайэн хот эԓты ԓоԓәмты верәтԓув?
\p
\v 9 Мӑты митхуйэн хŏща щи ан уйәтԓэн, щитэна сŏрәм, мўӈ пӑ кущайэва митйоха питԓув».
\p
\v 10 Ԓўв йастәс: «Йӑм; хŏты нын йастәсты, щиты ат питәԓ: хŏй хŏща ан уйәтԓа, щит митхуйэма питәԓ, нын пӑ нўрәӈа ӑт питԓәты».
\p
\v 11 Ԓыв сора хирԓаԓ иԓ эсәԓсәԓаԓ, мўв эԓты пŏтсәԓаԓ пӑ кашәӈ хŏйат ԓўв хирәԓ пелки эхсәԓы.
\p
\v 12 Ԓўв хирәт хŏԓ ватсәԓы, ун хуйэԓ эԓты питщәсԓы пӑ ай ŏтәԓән йэтшәптәсԓы; Вениамин хирән ан уйәтса.
\p
\v 13 Ԓыв ԓумтәмԓаԓ мӑншисԓаԓ пӑ осёл войԓаԓ эԓты хирԓаԓ ԓэԓсәԓәԓ, пӑ йŏхԓы воша керԓәсәт.
\p
\v 14 Иуда пӑ ԓўв йайԓаԓ-апщиԓаԓ Иосиф хота йŏхәтсәт, ԓўв хŏԓна йŏԓән уԓмаԓ, пӑ ԓўв йэԓпеԓән мўва иԓ рӑкәтсәт.
\p
\v 15 Иосиф ԓывиԓаԓа йастәс: «Мўй нын версәты? Нын мўй ӑт уйәтсәԓән, ма хŏрпем хŏйат ищипа щи вер ԓэрапты урәӈән щӑртыԓәты верәтәԓ?»
\p
\v 16 Иуда йастәс: «Мўй мўӈ верәтԓув кущайэва йастәты? Мўй пŏтәртты? Мўй йŏхԓы йастәԓув? Митйохԓан накԓат Турәм уйәтсәԓы; ин мўӈ хŏԓ кущайэв митйохәт, мўӈ хŏԓ, пӑ щитэв, хŏйтэв хирән ан уйәтса».
\p
\v 17 Иосиф пӑ йастәс: «Ӑнта, щиты ма ӑт верԓэм; хŏй хŏща ан уйәтса, щит ма митхуйэма питәԓ, нын пӑ ащан хŏща йӑмән мӑнаты».
\s Иуда Вениамин апщеԓ йўкана хӑщты ўратәԓ
\p
\v 18 Иуда ԓўв хŏщайәԓ ванамәс пӑ йастәс: «Кущайэм, митхуйэна пӑԓԓана йасәӈ йастәты эсԓы, пӑ митхуйэн пеԓа аԓ ԉикаща, нӑӈ ищи фараон пӑԓатән омәсԓән.
\p
\v 19 Кущайэм митйохԓаԓ иԋщәссәԓы, йастәман: ‘Ащи мўй йай-апщи тӑйԓәты?’
\p
\v 20 Кущайэва мўӈ йастәсув, пирәщ ащи тӑйты верэв пӑ апщи, ащев тӑԓԓаԓ ара йўвман тӑйәм пŏхәԓ, ԓўв йайәԓ пӑрәс, аԋԏэԓ эԓты ԓўв утща ԓыԓӈа хӑщәс, щишән, ащеԓән сӑмәӈа тӑйԓа.
\p
\v 21 Нӑӈ митйохԓана партсэн: ‘Ма хŏщайэм ԓўвеԓ тўваԓән, мӑнэм ԓўвеԓ ватты урәӈән’.
\p
\v 22 Кущайэва мўӈ йастәсув: ‘Энәмты пŏх ащеԓ хӑйты ӑт верәтԓәԓы, ащеԓ хӑйԓәԓы ки, ащеԓ пӑрәԓ’.
\p
\v 23 Нӑӈ пӑ митйохԓана йастәсән: ‘Ай апщан нын пиԓанән ӑт ки йŏхәтәԓ, нын ма хŏщайэм аԓ па этԓыйаты’.
\p
\v 24 Хун мўӈ ащев хŏща, нӑӈ митхуйэн хŏща, йŏхәтсув, кущайэм йасӈәт ԓўвеԓа пŏтәртсәԓув.
\p
\v 25 Щӑԓта, пŏра хӑщәмән, ащев ики па йастәс: ‘Па йӑӈхаты, ԓэтŏт йэша ԓутаты’.
\p
\v 26 Мўӈ ԓўвеԓа щиты йастәсув: ‘Утща мӑнты мўӈева ӑт рӑхәԓ; туп апщев мўӈ пиԓэвән мӑнәԓ ки, мўӈ мӑнԓув; щи хŏйат веш ватты мўӈева ӑт рӑхәԓ, апщев мўӈ пиԓэвән ӑт ки питәԓ’.
\p
\v 27 Ащев, нӑӈ митхуйэн, мўӈева щиты йастәс: ‘Нын уйәтԓәԓән, имем мӑнэма кӑт пŏх сэма пайтәс;
\p
\v 28 итәԓ ма эԓтэм мӑнәс, ма йастәсәм: аԓт ԓўв ут войән лакки мӑншиса; ин тӑм унты ԓўвеԓ ӑт ватсэм;
\p
\v 29 хŏԓна тӑмем ма эԓтэм ўԓԓән ки, пӑ мŏԓты вера питәԓ ки, вотәм ŏхем, щи шукән хощман, иԓта турма туԓԓән’.
\p
\v 30 Ин ма ащев хŏща, нӑӈ митхуйэн хŏща, йŏхәтԓәм ки, пӑ ԓўв ԓыԓәԓ шавиты ай апщев мўӈ пиԓэвән ӑт ки питәԓ,
\p
\v 31 ԓўв, энәмты пŏх ӑнтом вер кащаԓәтаԓән, пӑрәԓ; пӑ мўӈ, нӑӈ митйохԓан ащев ики вотәм ŏхәԓ, хощман, иԓта турма туԓэв.
\p
\v 32 Щӑԓта пӑ ма, нӑӈ митхуйэн, щи энәмты пŏх урәӈән ащема йасәӈ мӑсәм: ‘Йŏхԓы нӑӈ хŏщайэн ӑт ки туԓэм, уԓтэм хўват нӑӈ йэԓпенән нўрәӈ питԓәм’.
\p
\v 33 Щишән, ма, нӑӈ митхуйэн, ԓўв йўканәԓа кущайэм хŏща митхуйа ат хӑщԓәм, энәмты пŏх пӑ йайԓаԓ пиԓән ат мӑнәԓ;
\p
\v 34 ӑԓ щиты, ма мўй щирән ащем хŏща апщем такԓы мӑнԓәм? Ащем шук туты вер ма ватты ӑт верәтԓәм».
\c 45
\s Иосиф йайԓаԓ пеԓа аԉәсәԓ
\p
\v 1 Ԓўв пўӈԓәԓән ԓойәм хŏйатәт уԓман Иосиф нŏпсәԓ шӑкәс пӑ ԓўв ўваԓтәс: «Ма эԓтэм йэԓ мӑнаты!» Щишән, нэмәԓты пўӈәԓ хŏйат ӑнтом ус, хун ԓўв йайԓаԓа аԉәсәс.
\p
\v 2 Ԓўв щиты такан хоԓԓаԓтәс пӑ, Египет хŏйатәтән хуԓса пӑ фараон хот хŏйатәтән хуԓса.
\p
\v 3 Иосиф пӑ йайԓаԓа йастәс: «Ма – Иосиф, ащем хŏԓна ԓыԓәӈ?» Туп йайԓаԓ нэмәԓты йастәты ӑт верәтсәт, ԓыв ӑт уйәтсәт, мўй нумәсты.
\p
\v 4 Иосиф йайԓаԓа йастәс: «Ма хŏщайэм вана йўваты». Ԓыв ванамәсәт. Ԓўв йастәс: «Ма – Иосиф, нын апщан, хŏйтан Египта нын тынысԓән;
\p
\v 5 туп ин аԓ хошийаты пӑ нынан аԓ нўрмәԓтаԓән мӑнэм ты тыныман урәӈән, щит Турәм мӑнэм нын йэԓпанән китсәԓы нын уԓәпсайән шавиты урәӈән;
\p
\v 6 кӑт тӑԓа йис, хŏты мўвән ԓэԓԓы йӑт йŏхтәс: хŏԓна вет тӑԓ нэмәԓты мўва омәсты ӑт питԓа, нэмәԓты ӑкәтты ӑт питԓа;
\p
\v 7 Турәм мӑнэм нын йэԓпанән китсәԓы, нынан пӑ нын тыхәԓ тэԓԓән мўвән хӑйты урәӈән пӑ нын уԓәпсайән вŏԓаӈ щирән шавиты урәӈән.
\p
\v 8 Щишән, ӑнта нын мӑнэм ты китсәԓән, щит Турәм, Ԓўв мӑнэм фараон ԓӑӈкәр хуйа пŏтсәԓы, пӑ хŏԓ ԓўв хотәԓ кущайа, пӑ Египет мўв тӑйтаӈ ун кущайа ищи.
\p
\v 9 Ащем хŏща сора мӑнаты пӑ ԓўвеԓа пŏтәртаты: ‘Иосиф пŏхен щиты йастәԓ: Турәм мӑнэм Египет мўв ԓŏватән кущайа пŏтсәԓы; ма хŏщайэм йŏхта, аԓ рŏна;
\p
\v 10 Гесем мўв щуӈән нӑӈ уԓты питԓән; ма пўӈԓэмән ванән нӑӈ питԓән, нӑӈ пŏхԓан па, нӑӈ пŏхԓан пŏхәт па, ай пӑ ун войԓан, пӑ иса, мўй нӑӈ тӑйԓән;
\p
\v 11 пӑ нӑӈен щита ԓапәтты верәтԓэм, ԓэԓԓы йӑт хŏԓна вет тӑԓ питәԓ, нӑӈена пӑ нӑӈ хотәӈ ŏтԓана нўшайа ӑт питты урәӈән’.
\p
\v 12 Тӑта щи, нын сэмԓән пӑ Вениамин апщем сэмәт ватԓәт, щит ма нын пиԓанән пŏтәртԓәм;
\p
\v 13 Египет мўвән ма ун кущайа уԓты уԓәпсайэм эԓты пӑ иса, мўй нын тӑта ватсәты, ащема пŏтәртаты, пӑ сорашәк ащем ты тўваԓән».
\p
\v 14 Щӑԓта ԓўв Вениамин апщеԓ ӑпәԓсәԓы пӑ хоԓԓәс; Вениамин пӑ, ԓўвеԓ ӑпәԓтыман, хоԓԓәс.
\p
\v 15 Пӑ йайԓаԓ хŏԓ мосәԓтәсԓы, ԓывиԓаԓ ӑпәԓтыман, хоԓԓәс. Щӑԓта йайԓаԓ ԓўв пиԓәԓән пŏтәртсәт.
\s Фараон Иакова Египет мўва касәԓты эсәԓсәԓы
\p
\v 16 Иосиф йайԓаԓ йŏхтәм айкеԓ фараон унты йŏхтәс; фараон митйохԓаԓ пиԓән нŏх амтәс.
\p
\v 17 Фараон Иосиф пеԓа йастәс: «Йайԓан пеԓа йаста: ‘Тӑмиты вераты: войԓән шӑншәт ԋаԋ ԓатән ԓэԓтаԓән пӑ Ханаан мўва мӑнаты;
\p
\v 18 ащан пӑ нын тыхәԓ тэԓԓән ўйаты, пӑ ма хŏщайэм йŏхтаты; ма нынана мет йӑм тӑха Египетән мӑԓәм, мўвән энмәԓтәм мет йӑм ԓэвпәсәт нын ԓэты питԓәты’.
\p
\v 19 Нӑӈена ин партԓэм ԓывиԓаԓа йастәты: ‘Щиты вераты: Египет мўв эԓты колесница ԓовәӈ ухԓәт ԋаврэмԓән пӑ имиԓән урәӈән ўйаты, ащан ты тўваԓән пӑ нын ты йŏхтаты;
\p
\v 20 пŏрмасԓән эԓты аԓ нумәсаты, Египет мўвән мўй йӑм уԓ, щит эԓты нынана мӑԓәм’».
\p
\v 21 Израиль пŏхәт щиты щи версэԓ. Колесница ԓовәӈ ухԓәт Иосиф ԓывиԓаԓа мӑсԓы, хŏты фараонән партса, пӑ йушән тӑрәмты арат хӑԓ мӑс;
\p
\v 22 кашәӈ хŏйата йӑԓәп ԓумтәм сŏх мӑс, Вениамина пӑ хуԓәмсот щел ŏх пӑ вет йӑԓәп ԓумтәм сŏх мӑс;
\p
\v 23 ащеԓа пӑ Египет мўв мет йӑм пŏрмасәтән ԓэԓтәм йаӈ осёл вой китәс, пӑ йаӈ осёл нэ вой ԋаԋ ԓатән, ԋаԋән пӑ хӑԓы хирән ащеԓа йŏхԓы йуш кеша ԓэԓсәԓы.
\p
\v 24 Щӑԓта йайԓаԓ эсәԓсәԓы, пӑ ԓыв мӑтсәт. Пӑ ԓывиԓаԓа йастәс: «Йушән кўтәӈа ӑԓ йўваты».
\p
\v 25 Ԓыв Египет мўв эԓты мӑтсәт пӑ Ханаан мўва Иаков ащеԓ хŏща йŏхәтсәт,
\p
\v 26 пӑ айкеԓ тусәт, щиты йастәсәт: «Иосиф ԓыԓәӈ пӑ Египет мўв ԓŏватән ун кущайа уԓ». Иаков ԓыԓәԓ йэрмәс, пӑ ԓўв ԓывиԓаԓа ӑт эвԓәс.
\p
\v 27 Щӑԓта, хун ԓыв ԓўвеԓа Иосиф йасӈәт пŏтәртсәԓәԓ, мўй ԓўв йастыԓыйәс, пӑ щӑԓта, хун Иосифән ԓўвеԓ туты китәм колесница ԓовәӈ ухԓәт кащаԓәс, Иаков ащеԓ ԓыԓәԓ ԓӑщкама йис,
\p
\v 28 пӑ Израиль йастәс: «Мета щи, тӑрмәԓ, Иосиф пŏхем ԓыԓәӈ; мӑнԓәм пӑ пӑртэм йэԓпийән ԓўвеԓ ватԓэм».
\c 46
\s Иаков тыхәԓ тэԓәԓ пиԓән Египет мўва касәԓәԓ
\p
\v 1 Израиль ԓўв тӑйәм ŏтәԓ пиԓән мӑнәс, пӑ Вирсавияйа йŏхтәс, пӑ Исаак ащеԓ Турма Иаков щита йир верәс.
\p
\v 2 Атәԓән уԓәмән Турәм Израиль вохсәԓы: «Иаков! Иаков!» Ԓўв йастәс: «Ма щи».
\p
\v 3 Турәм йастәс: «Ма Турәм, нӑӈ ащен Турәм; Египет мўва мӑнты аԓ пӑԓа, щита нӑӈ эԓтэн вŏԓаӈ мир тыйәԓтԓәм;
\p
\v 4 Ма нӑӈ пиԓэнән Египет мўва мӑнԓәм, Ма нынан йŏхԓы па туԓԓам. Иосиф ԓўв йошәԓән нӑӈ сэмԓан лӑп петԓәԓы».
\p
\v 5 Вирсавия эԓты Иаков йэԓԓы мӑнәс; пӑ щӑԓта Израиль пŏхәт Иаков ики, ԋаврэмԓаԓ, имиԓаԓ пиԓән колесница ԓовәӈ ухԓәтән Египет мўва тусԓаԓ; щитәт фараонән китсайәт, ԓўвеԓ туты урәӈән.
\p
\v 6 Ханаан мўвән шитәм войԓаԓ пӑ пŏрмасԓаԓ пӑтән ўсԓаԓ, пӑ Египет мўва йŏхәтсәт, – Иаков пӑ хŏԓ рутәԓ ԓўв пиԓәԓән.
\p
\v 7 Пŏхԓаԓ пӑ хиԓыԓаԓ, эвиԓаԓ пӑ хиԓынэԓаԓ, пӑ хŏԓ рутәԓ ԓўв пиԓәԓән Египет мўва пӑтән тусԓы.
\s Иаков пŏхәт
\p
\v 8 Тӑта щи Египет мўва йŏхтәм Израиль пŏхԓаԓ нэмәт: Иаков пӑ ԓўв пŏхԓаԓ. Иаков оԓәӈ пŏхәԓ Рувим.
\p
\v 9 Рувим пŏхәт: Ханох пӑ Фаллу, Хецрон пӑ Харми.
\p
\v 10 Симеон пŏхәт: Иемуил пӑ Иамин, пӑ Огад, пӑ Иахин, пӑ Цохар, пӑ Саул, ханаан нэ пŏх.
\p
\v 11 Левий пŏхәт: Гирсон, Кааф пӑ Мерари.
\p
\v 12 Иуда пŏхәт: Ир пӑ Онан, пӑ Шела, пӑ Фарес, пӑ Зара; туп Ир пӑ Онан ханаан мўвән пӑрсәтән. Фарес пŏхәт: Есром пӑ Хамул.
\p
\v 13 Иссахар пŏхәт: Фола пӑ Фува, Иов пӑ Шимрон.
\p
\v 14 Завулон пŏхәт: Серед пӑ Елон, пӑ Иахлеил.
\p
\v 15 Щит Лия тыхәԓ тэԓ ус, Месопотамия мўвән Иакова тӑйәм пŏхәт пӑ Дина эвеԓ, пӑ ԓыв пŏхԓаԓ. Аратәԓән ԋӑԓйаӈ пеԓа хуԓәм хŏйат эвиԓаԓ пӑ пŏхԓаԓ, пӑ ԓыв ԋаврэмԓаԓ.
\p
\v 16 Гад пŏхәт: Цифион пӑ Хагги, Шуни пӑ Эцбон, Ери пӑ Ароди пӑ Арели.
\p
\v 17 Асир пŏхәт: Имна пӑ Ишва, пӑ Ишви, пӑ Бриа, пӑ Серах нэ ŏпеԓ. Бриа пŏхәт: Хевер пӑ Малхиил.
\p
\v 18 Щит Зелфа тыхәԓ тэԓ ус, Лаванән Лия эвеԓа ԓўв митнэӈа мӑса. Иакова ԓўв энмәԓтәм тыхԓаԓ аратәԓән хутхŏщйаӈ ԋаврэм ус.
\p
\v 19 Иаков Рахиль имеԓ пŏхәт: Иосиф пӑ Вениамин.
\p
\v 20 Египет мўвән Иосиф хŏща Манассия пӑ Ефрем сэма питсәтән, Асенефа, Илиополь вош Потифер нэмпи йир верты хŏйат эвийән, сэма пайәтсайтән.
\p
\v 21 Вениамин пŏхәт: Бела пӑ Бехер пӑ Ашбел; Гера пӑ Нааман, Эхи пӑ Рош, Муппим пӑ Хуппим пӑ Ард.
\p
\v 22 Щит иса Рахиль тыхәԓ тэԓ ус, хŏйтат Иаков хŏща сэма питсәт, аратәԓән ԋӑԓхŏщйаӈ хŏйат.
\p
\v 23 Дан пŏх: Хушим.
\p
\v 24 Неффалим пŏхәт: Иахцеил пӑ Гуни, пӑ Иецер, пӑ Шиллем.
\p
\v 25 Тӑм Валла тыхәԓ тэԓ ус, Лаванән Рахиль эвеԓа ԓўв митнэӈа мӑса. Иакова ԓўв энмәԓтәм тыхәԓ тэԓәԓ аратәԓән ԓапәт хŏйат.
\p
\v 26 Египет мўва Иаков пиԓән йŏхтәм хŏйатәт, хŏйтат ԓўв эԓтэԓ тыйсәт, аратәԓән ԓапәтйаӈ пеԓа хут хŏйат, ԓыв тўмпеԓән хŏԓна Иаков пŏхԓаԓ имет па.
\p
\v 27 Иосиф пŏхӈән, хŏйӈән Египет мўвән сэма питсәӈән, кӑт хŏйат. Египет мўва касԓәм Иаков хŏттэԓ хŏйат иуԓтыйа ԓапәтйаӈ.
\s Иаков Иосиф пиԓән уйтатсәтән
\p
\v 28 Иаков ԓўв йэԓпеԓән Иосиф хŏща Иуда китсәԓы, Иосифән Гесем пеԓа йуш аԉты урәӈән. Щӑԓта Гесем мўва ԓыв йŏхәтсәт.
\p
\v 29 Иосиф ԓўв колесница ԓовәӈ ухԓәԓ киртсәԓы пӑ Израиль ащеԓ йэщаԓт Гесем мўва мӑнәс, ԓўвеԓ кащаԓәмәԓән, ӑпәԓсәԓы, пӑ ԓўв сапԓәԓән хўв хоԓԓәс.
\p
\v 30 Пӑ Израиль Иосифа йастәс: «Ин ма нӑӈен ԓыԓӈа ватмем йўпийән пӑрты верәтԓәм».
\p
\v 31 Иосиф йайԓаԓа пӑ ащеԓ хŏт тэԓа йастәс: «Ма мӑнԓәм, фараона айкеԓ туԓәм пӑ ԓўвеԓ йастәԓәм: ‘Ма йайԓам пӑ ма ащем хот тэԓ, хŏйтат Ханаан мўвән усәт, ма хŏщайэм йŏхәтсәт;
\p
\v 32 щит ош шавиты хŏйатәт; ԓыв вой энмәԓԓәт; пӑ ун вой па ай вой тащԓаԓ пӑ мўй тӑйԓәт, ԓыв пӑтән тусԓаԓ’.
\p
\v 33 Фараон нынан вохԓаԓы ки пӑ иԋщәсԓәԓы: ‘Мўй верман уԓԓәты?’,
\p
\v 34 нын щиты йастаты: ‘Мўӈ, нӑӈ митйохԓан, айтэԓән ин тӑм унты вой энмәԓтман усув, опращԓув иты’; щишән, нын Гесем мўвән уԓты хӑйԓайты. Египет хŏйатәт ош шавиты хŏйатәт ӑт шӑктәԓԓаԓ, ԓывиԓаԓа щит ўкщәм».
\c 47
\s Фараон Иосиф ащеԓ пӑ йайԓаԓ пиԓән пŏтәртәԓ
\p
\v 1 Иосиф йŏхтәс пӑ фараона айкеԓ верәс пӑ йастәс: «Ащем пӑ йайԓам, ай пӑ ун вой тащԓаԓ пиԓән, пӑ иса мўй ԓыв тӑйԓәт, Ханаан мўв эԓты йŏхәтсәт; пӑ ин ԓыв Гесем мўвән».
\p
\v 2 Йайԓаԓ эԓты вет хŏйат ўс пӑ фараон йэщаԓт ԓощәԓтәсԓы.
\p
\v 3 Фараон ԓўв йайԓаԓ иԋщәссәԓы: «Мўй верман уԓԓәты?» Ԓыв фараона йастәсәт: «Мўӈ ащиԓув иты ош тащ шавиты йох, нӑӈ митйохԓан».
\p
\v 4 Щӑԓта ԓыв фараона йастәсәт: «Мўӈ тӑм мўва уԓты щира йŏхәтсув, тащ ԓапәтты мўв ӑнтом урәӈән, Ханаан мўвән шек ԓэԓԓы йӑт йŏхтәс; щишән, митйохԓан Гесем мўвән уԓты эсԓаԓән».
\p
\v 5 Фараон Иосифа йастәс: «Ащен пӑ йайԓан нӑӈ хŏщайэн йŏхәтсәт;
\p
\v 6 Египет мўв нӑӈ йэԓпенән: ащен пӑ йайԓан мет йӑм мўвән уԓты мийаԓән; Гесем мўвән ԓыв ат уԓԓәт; щӑԓта вер йӑма уйәтты хŏйатәт ԓыв кўтэԓән уйәтԓән ки, ма тащԓам вантыты хŏйатәт ԓыв эԓтыԓаԓ пŏна».
\p
\v 7 Щӑԓта Иосиф Иаков ащеԓ фараон пиԓән уйтантыты тусԓы. Иаков фараон Турәм йӑмән мӑсԓы.
\p
\v 8 Фараон Иаков пеԓа йастәс: «Нӑӈ нуптэн мўй арат тӑԓ?»
\p
\v 9 Иаков фараона йастәс: «Ма касԓыйәм хӑтәԓԓам сот хŏԉмаӈ тӑԓ; ма уԓәм тӑԓԓам шимԓәт пӑ шукәӈәт, пӑ аратэԓән ащиԓам касԓыйәм тӑԓәта ӑт йŏхәтԓәт».
\p
\v 10 Щӑԓта Иаков фараон Турәм йӑмән мӑсԓы, пӑ фараон эԓты этәс.
\p
\v 11 Иосиф ащеԓ пӑ йайԓаԓ Египет мўвән уԓты хӑйсәԓы, Египет мет йӑм мўвән, Раамсес мўвән, ԓывиԓаԓа мўв щуӈ тӑйты мӑсԓы, хŏты фараонән партса.
\p
\v 12 Иосиф ащеԓ пӑ йайԓаԓ, пӑ хŏԓ иса ащеԓ тыхәԓ тэԓ тӑрәмты аратән ԋаԋән мийԓысԓы, кашәӈ хот тэԓ тӑрәмты аратән.
\s Иосиф ԓэԓԓы йӑт Египет хŏща кущайа уԓ
\p
\v 13 Мўв ԓŏватән ԋаԋ ӑнтом ус, мет ԓэԓԓы йӑт йŏхтәс, щишән, Египет пӑ Ханаан мўвәт ԓэԓԓы шукащсәт.
\p
\v 14 Египет мўвән пӑ Ханаан мўвән мўй арат щел ŏх ус, щи ŏх тыныйәм ԋаԋ ԓат сӑхат Иосиф хŏԓ ӑкәтсәԓы пӑ фараон хотән шависԓы.
\p
\v 15 Щиты Египет мўвән пӑ Ханаан мўвән щел ŏх хŏԓас. Египет мўв хŏйатәт Иосиф хŏща йŏхәтсәт пӑ йастәсәт: «Мўӈева ԋаԋ мийа; щел ŏхев хŏԓәм урәӈән, нӑӈ ватман, мўӈев мўй пӑрты мосәԓ?»
\p
\v 16 Иосиф йастәс: «Тащԓән ты воштаԓән, войԓән сӑхат ԋаԋән мӑԓԓам, ŏхԓән ки хŏԓасәт».
\p
\v 17 Ԓыв тащԓаԓ Иосиф хŏща воштәсԓаԓ; Иосиф пӑ ԓывиԓаԓа ԋаԋ мийԓыйәс ԓовәт сӑхат, ош тащәт, мис тащәт пӑ осёл войәт сӑхат; щи тӑԓ ԓывиԓаԓ хŏԓ войԓаԓ сӑхат ԋаԋән ԓўв мийԓысԓы.
\p
\v 18 Щи тӑԓ щиты хӑщәс; йухәт тӑԓ ԓўв хŏщайәԓа йŏхәтсәт пӑ ԓўвеԓа йастәсәт: «Мўӈ кущайэв эԓты ӑт хӑԋатԓэв, ŏхев хŏԓас, тащԓув па кущайэв пеԓа питсәт; кущайэва мӑты урәӈән нэмәԓты ӑт хӑщәс, мўӈ эԓԓув пӑ мўӈ мўвԓув тўмпийән;
\p
\v 19 мўй урәӈән мўӈева, нӑӈ сэмԓан ватман, пӑрты пӑ мўвԓув таԓты хӑйты? Мўӈиԓув пӑ мўӈ мўвԓув ԋаԋ сӑхат ԓутаԓән, пӑ мўӈ, мўвԓув пиԓән веккеша фараон митйоха питԓув, нӑӈ пӑ мўӈева ԋаԋ сэмәӈ ԓат мийа, мўӈев ԓыԓӈа хӑщты пӑ ӑт пӑрты урәӈән пӑ мўвев таԓты ӑт хӑйты урәӈән».
\p
\v 20 Щиты Иосиф хŏԓ Египет мўв фараон урәӈән ԓутсәԓы, Египет мўвәӈ хŏйатәт кашәӈ ԓўв мўв хӑрәԓ тынысԓы ԓыԓӈа хӑщты урәӈән. Фараон пеԓа мўв иса питәс.
\p
\v 21 Египет мўв и оԓӈәԓ эԓты кимет оԓӈәԓ унты уԓты мир хŏԓ митйоха Иосиф версәԓы.
\p
\v 22 Туп йир верты хŏйатәт мўвәт Иосиф ӑт ԓутсәԓы, ԓыв фараон эԓты йўкан ŏхән мийԓысайәт, фараон мийәм ŏх эԓты ԓэсәт; щишән мўвеԓ ԓыв ӑт тынысэԓ.
\p
\v 23 Иосиф мир пеԓа йастәс: «Тӑта щи, фараон кеша нынан пӑ нын мўвԓән ма ԓутсәԓам; тӑта щи нынана ԋаԋ сэмәӈ ԓат, пӑ мўва пŏнаԓән;
\p
\v 24 ԋаԋ ӑкәтты пŏра йŏхәттаԓән, ветмет пелкәԓ фараона мийаԓән, ԋӑԓ пелкәԓ пӑ мўва омәсты пӑ нынана пӑ хотәӈ ŏтԓән пӑ ԋаврэмԓән ԓапәтты урәӈән хӑщәԓ».
\p
\v 25 Ԓыв йастәсәт: «Нӑӈ мўӈ ԓыԓэв шависэн; йӑм сэмән кущайэв мўӈ пеԓэва ат ватәԓ пӑ фараона митйоха питԓув».
\p
\v 26 Щиты Иосиф Египет мўвән тӑм хӑтәԓ унты уԓты закон постәс: ӑктәм ԋаԋ ԓат ветмет пелкәԓ фараона мӑты, туп йир верты хŏйатәт ӑктәм ԋаԋ ԓат тўмпийән, ԓыв мўвеԓ фараон пеԓа ӑт ԓўӈтәсәс.
\s Иаков хӑйәм йасәӈ
\p
\v 27 Щиты Израиль Египет мўвән ус, Гесем мўв щуӈән, щи мўвән ԓыв тӑйтаӈаӈа уԓты питсәт, пӑ ԋаврэмәӈа йисәт, пӑ шек ара йисәт.
\p
\v 28 Иаков Египет мўвән ԓапәтхŏщйаӈ тӑԓ ус; пӑ аратәԓ тӑԓԓаԓ щирән ԓўв сот ветйаӈ пеԓа ԓапәт тӑԓ ус.
\p
\v 29 Израиль пӑрты хӑтԓаԓ ванамәс, Иосиф пŏхәԓ вохсәԓы пӑ ԓўвеԓа йастәс: «Йӑм сэмән ма пеԓайэм ватԓән ки, йошен ма пещ иԓпема пŏныԓыйи пӑ йасәӈ мийа, нӑӈ мӑнэм щаԉәтԓэн пӑ ӑт ԓэпәԓԓэн, Египет мўвән мӑнэм ӑт лоттәԓэн,
\p
\v 30 ащиԓам пиԓән мӑнэм ŏԓты урәӈән; Египет мўв эԓты мӑнэм тўви пӑ ԓыв ŏԓты хŏшапәӈ кевеԓән мӑнэм лотты». Иосиф йастәс: «Нӑӈ йасӈен щирән верԓэм».
\p
\v 31 Пӑ йастәс: «Мӑнэма йасәӈ мийа». Иосиф йасәӈ ԓўвеԓа мӑс. Израиль пӑ ԓўв ŏԓттәхайәԓ ŏсмәԓән, ŏх пŏнман, иԓ ԋўрәс.
\c 48
\s Иаков Манассия пӑ Ефрем йӑмән мӑԓԓы
\p
\v 1 Щи йўпийән Иосифа йастәса: «Щиты, нӑӈ ащен кӑшаӈ». Пӑ ԓўв Манассия пӑ Ефрем пŏхӈәԓаԓ пӑтән ўсԓы.
\p
\v 2 Иакова айкеԓ верса пӑ йастәса: «Щиты, Иосиф пŏхен нӑӈ хŏщайэн йиԓ». Израиль хӑщәм йурԓаԓ ӑктәс пӑ ŏԓттӑхайәԓән нŏх опсәс.
\p
\v 3 Иаков Иосиф пеԓа йастәс: «Иса Верәтты Турәм Луз вошән, Ханаан мўвән, ма хŏщайэм этәс пӑ йӑмән мӑнэм мӑсԓы,
\p
\v 4 пӑ мӑнэма йастәс: ‘Ма нӑӈен рутмӑԓтԓэм, ара верԓэм, ар мир нӑӈ эԓтэн питәԓ, пӑ тӑм мўв нӑӈ йўпенән нӑӈ тыхԓэна веккеша тӑйты мӑԓэм’.
\p
\v 5 Ин нӑӈ пŏхӈәԓан, ма йŏхәттэм йэԓпийән Египет мўвән сэма питәм пŏхӈәԓан, ԓын мӑнэӈәԓам; Ефрем пӑ Манассия, ԓын Рувим пӑ Симеон иты, мӑнэӈәԓам питԓәӈән;
\p
\v 6 ԓын йўпанән сэма питты ԋаврэмԓән нӑӈиԓан питԓәт; ԓыв щӑха йайӈәԓән нэм хўват йайӈәԓән мўвәт эԓты мўвән ортԓайәт йэԓԓы тӑйты урәӈән.
\p
\v 7 Месопотамия эԓты мӑнмемән, Ханаан мўвән, Ефрафа унты йэша ӑт йŏхәтмемән, Рахиль пӑрәс, ма ԓўвеԓ щита, Ефрафа пеԓа мӑнты йуш пўӈәԓән, лоттәсэм», Ефрафа щит ин Вифлеем.
\p
\v 8 Щӑԓта Израиль Иосиф пŏхӈән кащаԓәс пӑ йастәс: «Щит хŏйӈән?»
\p
\v 9 Иосиф ащеԓа йастәс: «Щит ма пŏхӈәԓам, Турәмән тӑта мӑнэм мийәм пŏхӈәԓам». Иаков йастәс: «Ма пўӈԓэма ԓынан тўваԓән, ма ԓынан йӑмән мӑԓԓам».
\p
\v 10 Пирща йўвәм Израиль ики сэмԓаԓ нўшайа йисәт, йӑма ӑт нысайәт. Иосиф пŏхӈәԓаԓ ԓўв пўӈԓәԓа тусԓы, ԓўв ԓынан мосәԓтәсԓы пӑ ӑпәԓсәԓы.
\p
\v 11 Израиль Иосифа щиты йастәс: «Нӑӈ веншен шийаԓәты ӑт нумисысәм; ин пӑ Турәмән ԋаврэмԓан мӑнэм хŏԓна этәԓтәсайәт».
\p
\v 12 Иосиф ԓынан ԓўв шаншŏхԓаԓ эԓты йэԓшәк тусԓы пӑ ԓўв йэԓпеԓән мўв унты, ŏх пŏнман, иԓ ԋўрәс.
\p
\v 13 Щӑԓта Иосиф пŏхӈәԓаԓ кинтак ўсԓы, Ефремәԓ йӑм пеләк йошәԓа, Израиль пӑрта пеләк йош шŏма, Манассияйәԓ пӑ пӑрта пеләк йошәԓа, Израиль йӑм пеләк йош шŏма, пӑ ԓўв хŏщайәԓ вана тусԓы.
\p
\v 14 Израиль пӑ йӑм пеләк йошәԓ Ефрем ŏха пŏтсәԓы, кўш щитәԓ айшәк ус, пӑрта пеләк йошәԓ пӑ Манассия ŏха пŏтсәԓы. Номәс тӑйман йошӈиԓаԓ щиты, пеләтман, пŏтсәԓы, кўш Манассия оԓәӈ пŏх ус.
\p
\v 15 Щитәԓән Израиль Иосиф йӑмән мӑсԓы пӑ щиты йастәс:
\b
\q «Турәм, Хŏй йэԓпийән Авраам пӑ Исаак ащеӈәԓам устән,
\q пӑ мӑнэм уԓтэм хўват тӑм хӑтәԓ унты шавийәм Турәм,
\p
\v 16 атәм вер эԓты мӑнэм нŏх пайтыԓыты ангел,
\q тӑм энәмты пŏхӈән йӑмән ат мӑԓԓы;
\q ԓын нэмԓән йастытыйән,
\q ма нэмем пӑ, Авраам пӑ Исаак ащеӈәԓам нэмӈән,
\q ищи ат нумәԓмиԓайәт,
\q пӑ ԓын тыхәԓ тэԓԓән мўвән ара ат йиԓтән».
\p
\v 17 Иосиф кащаԓәсԓы, ащеԓ йӑм пеләк йошәԓ Ефрем ŏха пŏнмаԓ; нŏпсәԓ щит эԓты шӑкәс. Ащеԓ йош ўсԓы пӑ Ефрем ŏх эԓты Манассия ŏха пŏнты ўтщисԓы,
\p
\v 18 пӑ ащеԓа йастәс: «Ӑнта, ащи, тӑта щи – оԓәӈ пŏхем; ԓўв ŏхәԓа йӑм пеләк йошен пŏны».
\p
\v 19 Ащеԓ пӑ ԓўв пиԓәԓән ӑт кашащәс пӑ йастәс: «Уйәтԓэм, пŏхийэ, уйәтԓэм; ԓўв эԓтэԓ ищи вŏԓаӈ мир тыйәԓ, туп апщеԓ ԓўв эԓтэԓ унашәк питәԓ, ԓўв эԓтэԓ ар мир тыйәԓ».
\p
\v 20 Щи хӑтәԓ ԓынан йӑмән мӑсԓы, йастәман:
\b
\q «Нын нэмԓән хўват израиль йох хŏйатәта йасәӈән йӑм мӑты питԓәт, пŏтәрман:
\q ‘Турәм Ефрем пӑ Манассия иты нӑӈена ат верәԓ’».
\b
\p Щиты Ефрем Манассия эԓты унашәк пŏтсәԓы.
\p
\v 21 Щӑԓта Израиль Иосифа йастәс: «Щи, ма пӑрты хӑтԓэм йŏхтәс; Турәм нын пиԓанән питәԓ пӑ ащиԓән мўва нынан йŏхԓы туԓԓы;
\p
\v 22 амор йох эԓты аԓтты кешемән пӑ йухԓэмән ма йŏра шитәм мўвем нӑӈена мӑԓэм, щит йайԓан мўв эԓты аршәк, йайԓан кўтән уна уԓтэн урәӈән».
\c 49
\s Иаков пŏхԓаԓ йӑмән мӑԓԓы
\p
\v 1 Иаков пŏхԓаԓ вохсәԓы пӑ йастәс: «Йӑха ӑктәщаты, пӑ ма нынана йастәԓәм, мўй нын пиԓанән йэԓԓы уԓты хӑтԓәтән питәԓ.
\p
\v 2 Ӑктәщаты пӑ хуԓәнтаты,
\q Иаков пŏхәт,
\q Израиль ащан ики хуԓәнтаты.
\p
\v 3 Рувим, оԓәӈ пŏхем!
\q Нӑӈ – ма йурэм
\q пӑ ма ху йурэм оԓәӈ ԋаврэмем,
\q мет ԓӑтәӈ пӑ мет йурәӈ;
\p
\v 4 туп нӑӈ хўмпәт иты йэшащсән,
\q – ащен ŏԓттӑхайа ŏԓсән,
\q нӑӈ ма ŏԓттӑхайэм шӑкатсэн,
\q щишән, мет уна нӑӈ ӑт питԓән.
\p
\v 5 Симеон пӑ Левий, йайсакӈән,
\q аԓтты кешиԓән пӑратты урәӈән тӑйԓәԓән;
\p
\v 6 ԓын нŏмәсԓән хŏща ма вер ӑт тӑйԓәм,
\q ԓын пиԓанән ӑт ӑктәщиԓәм,
\q ԓын хŏйатәт ԉикащман веԓԓыстән
\q пӑ каш урәӈән хор кўр ԓон эвтыԓыстән;
\p
\v 7 ԓын ԉикән мўԓман ат уԓ, мŏрт тўмпи так урәӈән
\q пӑ йэшащты щирән мўԓман ат уԓ, мŏрт тўмпи йурәӈ урәӈән;
\q Иаков тыхәԓ тэԓ кўтән лакки йŏвәԓԓыԓам
\q пӑ Израиль мўв ԓŏватән лакки рӑԋӈәԓԓыԓам.
\p
\v 8 Иуда! Йайԓанән нӑӈ ишәкты питԓайән.
\q Вўракԓан нӑӈ эԓтэн пӑԓты питԓәт;
\q ащен пŏхәт нӑӈ йэщаԓтэн, ŏх пŏнман, иԓ ԋўрԓәт.
\p
\v 9 Иуда, нӑӈ энәмты лев вой,
\q нӑӈ йӑм веԓпәс эԓты йŏхәтԓән, пŏхийэ.
\q Лев ху вой иты пӑ лев нэ вой иты,
\q ԓўв мўвән ŏԓтаԓән,
\q хŏйән нŏх кўрәтты верәтԓа?
\p
\v 10 Скипетр хон пос Иуда хŏща хӑщәԓ
\q пӑ ԓўв хот тэԓәԓән хон катәԓты пос йэԓԓы тӑйты питԓа,
\q Йӑмащты Ŏт йŏхәттаԓ унты,
\q Хŏй йэщаԓт хŏԓ мирәт шаншŏхән ԓойты питԓәт.
\p
\v 11 Виноград йўха осёл вой пŏшхәԓ ԓўв йӑрԓәԓы,
\q виноград мет йӑм йўх хŏща осёл пŏшхәԓ ԓощәԓтәԓԓы;
\q сŏхԓаԓ ўнайән пусԓәԓы
\q пӑ ԓумтәмәԓ виноград ўрән ԉŏхәтԓәԓы.
\p
\v 12 Сэмԓаԓ ўна иты вŏԉиԓәт
\q пӑ пекԓаԓ мис йик иты нŏвет.
\p
\v 13 Завулон щарәс питарән уԓты питәԓ
\q пӑ ун хопәт ԓойты шитам лух йўкана питәԓ,
\q Сидон унты ԓўв мўв сыԓәԓ йŏхәтәԓ.
\p
\v 14 Иссахар
\q – йŏханӈән кўтән ŏԓты йурәӈ осёл вой;
\p
\v 15 ԓўв кащаԓәсԓы, щўтщәты лотәԓ йӑм,
\q мўвәԓ ԓӑтәӈ:
\q ԓӑӈкәрԓаԓ ԓавәрт аԓтты урәӈән иԓ эсәԓсәԓы,
\q пӑ мит сŏхәптәты урәӈән рупитты питәс.
\p
\v 16 Дан, Израиль и тыхәԓ иты,
\q ԓўв мирәԓ сўтәтты питԓәԓы;
\p
\v 17 Дан ŏхты вой иты йушән ŏԓты питәԓ,
\q атәм ŏхты вой иты йушән ԓавԓәсәԓ,
\q ԓов кўрәԓ эԓты пŏрэмәтаԓән
\q ԓов шӑшән омәсты хŏйат йŏхԓы рӑкәнәԓ.
\p
\v 18 Нӑӈ ԋотпена нŏмәс пŏнԓәм, Турәм Куща!
\p
\v 19 Гад ԓоԓмасты ŏтәтән иԉапты питԓа,
\q ԓўв пӑ ԓывиԓаԓ каԓтәмԓаԓ хўват йŏхԓы ԋухәԓԓәԓы.
\p
\v 20 Асир пӑ – ԋаԋәԓ мавәӈ питәԓ,
\q хонәт ԓэты ԓэвпәсәт тутԓыты питәԓ.
\p
\v 21 Неффалим – ун теревинф\f + \fr 49:21 \fr*\fq теревинф йўх \fq*\ft – (евр.) щит дуб хŏрпи йўх;\ft*\f* йўх,
\q хŏрам нўвәт ԓўв энмәԓтәԓ.
\p
\v 22 Иосиф – йӑм ԓыԓәӈ йўх нўв,
\q йӑм ԓыԓәӈ йўх нўв йик пўӈәԓән;
\q нўвԓаԓ пушас нўмпийән энәмԓәт;
\p
\v 23 ԉаԉәсман ԓўв шукатыса,
\q йухԓәӈ йохән ԋоԓән эсԓыса,
\p
\v 24 ԓўв пӑ йухԓәԓ ищипа така хӑщәс,
\q йошԓаԓ ищиты йурәӈәт,
\q Иаков йурәӈ Турәм йошәт эԓты,
\q Ԓыԓәт Шавиты Ŏт эԓты пӑ Израиль Так Вер эԓты,
\p
\v 25 ащен Турәм эԓты, Хŏйән нӑӈ ат ԋотԓайән,
\q Иса Верәтты Ŏт эԓты, Хŏйән нӑӈ йӑмән ат мӑԓайән
\q нумәԓта турәм эԓты,
\q иԓән ŏԓты пӑтыԓы тӑха эԓты,
\q эсәм шўв пӑ утрәԓ эԓты;
\p
\v 26 ащен йӑм йасӈәт эԓты,
\q ԓыв катра Кевәт йӑм эԓты
\q пӑ йис сӑхмәт йӑм эԓты ԓыв пӑԓшәкәт;
\q Иосиф ŏх пӑтыйа ԓыв ат питԓәт,
\q йайԓаԓ кўтән пирыйәм ŏт ŏх пӑтыйа ԓыв ат питԓәт.
\p
\v 27 Вениамин, ԋэԓәӈ йэвәр,
\q аԓәӈсӑхат веԓәм ŏтәԓ ԓэԓ
\q пӑ йэтнайән мŏщатәм ŏтәԓ ортәԓ».
\p
\v 28 Тӑм Израиль кӑтхŏщйаӈ сыр рут; щиты ԓывиԓаԓа ащеԓ ики йастәс; ԓывиԓаԓ йӑмән мӑсԓы, кашәӈ ŏтәԓ ԓўв йўкан йӑмән мӑсԓы.
\s Иаков пӑрәм пӑ иԓ ԓэщатәм вер
\p
\v 29 Щӑԓта Иаков ԓывиԓаԓа щиты партсәԓы, ԓывиԓаԓа щиты йастәс: «Ма ма мирэм хŏща мӑнԓәм; ащиԓам ŏԓты хŏшапәӈ кевән мӑнэм лоттаԓән, щит Ефрон хет ики мўв хӑр хŏща,
\p
\v 30 Махпела мўв хӑр хŏща, Мамре шŏма Ханаан мўвән. Авраам Ефрон хет ики эԓты щи хŏшапәӈ кев лоттәты урәӈән мўв хӑр пиԓән ԓутәс.
\p
\v 31 Щи хŏшапәӈ кевән Авраам Сарра имеԓ пиԓән лоттәман уԓԓайтән; щита Исаак Ревекка имеԓ пиԓән лоттәман уԓԓайтән; щита Лия имем ма лоттәсэм;
\p
\v 32 щи мўв хӑр хŏшапәӈ кевәԓ пиԓән хет йох эԓты ԓутса».
\p
\v 33 Щитәԓән, пŏхԓаԓа партәм йасәӈԓаԓ Иаков вŏԓәтсәԓы, кўрԓаԓ ŏԓттӑхайа пŏтсәԓы, пӑ пӑрәс, пӑ опращԓаԓ хŏща мӑнәс.
\c 50
\p
\v 1 Иосиф ащеԓ эԓты рӑкнәс пӑ хоԓԓәс, пӑ ԓўвеԓ мосәԓтәсԓы.
\p
\v 2 Щӑԓта Иосиф ԉэккар митйохԓаԓа ащеԓ бальзамән\f + \fr 50:2 \fr*\fq бальзам \fq*\ft – щит ар сыр эпԓәӈ уӈхәӈ вŏй;\ft*\f* ԋŏсәтты партсәԓы; ԉэккарәт Израиль бальзамән ԋŏсәтсэԓ.
\p
\v 3 Ԋӑԓйаӈ хӑтәԓ хӑщәс, щи арат хӑтәԓ бальзамән пŏшәԓтәԓа, пӑ ԓапәтйаӈ хӑтәԓ Египет хŏйатәт ԓўв эԓтэԓ хоԓԓәсәт.
\p
\v 4 Хоԓԓәп хӑтԓәт хӑщәмән, фараон ԓӑӈкәр хŏйатәт пеԓа Иосиф йастәс: «Йӑм сэмән ма пеԓайэм ватԓәты ки, тӑмиты фараона йастаты:
\p
\v 5 ащем ма эԓтэм йасәӈ ўс, щиты пŏтәртәс: ‘Ма пӑрты хӑтԓэм ванамәс; Ханаан мўвән ма ԓэщатәм хŏшапәӈ кевемән мӑнэм шавийи’. Ин пӑ мӑнэм эсԓы йӑхты пӑ ащем лоттәты, пӑ щӑԓта йŏхԓы йŏхәтты».
\p
\v 6 Фараон йастәс: «Йӑӈха пӑ ащен лотты, хŏты ԓўв нӑӈена партәс».
\p
\v 7 Иосиф ащеԓ лоттәты мӑнәс. Ԓўв пиԓәԓән фараон хŏԓ ԓӑӈкәр йохԓаԓ мӑтсәт, ԓўв хотәԓ ун икет пӑ Египет мўв хŏԓ ун икет,
\p
\v 8 пӑ Иосиф хот тэԓ, пӑ йайԓаԓ, пӑ ащеԓ хот тэԓ. Туп ԋаврэмԓаԓ пӑ ай пӑ ун вой тащԓаԓ Гесем мўвән хӑйсыԓаԓ.
\p
\v 9 Ԓыв пиԓԓаԓән ԓовәӈ ухԓәт пӑ ԓов шӑнша ԓэԓәм хŏйатәт па мӑтсәт, щишән, мӑнәм ŏтэԓ ар ус.
\p
\v 10 Щиты ԓыв Горен-гаатад унты Иордан йŏхан па пелка йŏхәтсәт пӑ щита шек так хоԓԓәп версәт; ԓапәт хӑтәԓ щита ащеԓ урәӈән Иосиф хоԓԓәс.
\p
\v 11 Ханаан мўвән уԓты хŏйатәт щи хоԓԓәп Горен-гаатад хŏща ватсәт пӑ йастәсәт: «Египет мўв хŏйатәт хŏща ун шук пӑ хоԓԓәп!» Щишән, щи тӑха щиты нэмәтса: ‘Египет мўв хŏйатәт хоԓԓәп’, щит Иордан йŏхан па пеләкән уԓ.
\p
\v 12 Щиты Иаков пŏхәт ԓўв партәм верәԓ версэԓ:
\p
\v 13 Ханаан мўва пŏхԓаԓән ԓўв туса пӑ Мамре шŏма Махпела мўв хӑр хŏща уԓты хŏшапәӈ кев ԓыпийән шависа. Щи хŏшапәӈ кев мўв хӑр пиԓән Авраам Ефрон хет ики эԓты лоттәты урәӈән ԓутәс.
\p
\v 14 Щӑԓта ащеԓ лоттәмеԓ йўпийән Иосиф пӑ йайԓаԓ пӑ хŏԓ ԓўв пиԓәԓән ащеԓ лоттәты йӑӈхәм хŏйатәт Египта йŏхԓы йŏхәтсәт.
\p
\v 15 Ащеԓ пӑрәм йўпийән Иосиф йайԓаԓ йастәсәт: «Мосәӈ, Иосиф мўӈев ԉикән этԓәԓы пӑ ԓўвеԓ атәм вермев нўр йŏхԓы катәԓԓәԓы?»
\p
\v 16 Пӑ ԓыв Иосифа айкеԓ китсәт: «Ащен пӑртаԓ йэԓпийән щиты йастәс:
\p
\v 17 ‘Иосифа тӑмиты йастаты: йайԓан нўрәт пӑ кӑрэкәт йŏрэмаԓән нӑӈена атәм вермеԓ урәӈән’. Пӑ ин ащен Турәм митйохԓаԓ нўрԓаԓ эсԓаԓән». Щит ԓўвеԓа пŏтәртәмән, Иосиф хоԓԓәс.
\p
\v 18 Щӑԓта йайԓаԓ ищи йŏхәтсәт, пӑ ԓўв йэԓпеԓән мўв унты, ŏх пŏнман, иԓ ԋўрсәт, пӑ йастәсәт: «Мўӈ нӑӈена рупитты йохԓан».
\p
\v 19 Иосиф йастәс: «Аԓ пӑԓаты, ма мўй Турәм хун?
\p
\v 20 Йӑна щи, нын ма пеԓайэм атәм версәты; туп Турәм щит йӑма керәтсәԓы, ин тыйәԓтәм верәԓ урәӈән: ар хŏйат ԓыԓ шавиты урәӈән;
\p
\v 21 щишән, аԓ пӑԓаты: ма нынан, имиԓән пӑ нын ԋаврэмԓән ԓапәтԓыԓам». Пӑ ԓывиԓаԓ роммәԓтсәԓы, пӑ сӑмԓаԓ рӑхты щирән ԓыв пиԓԓаԓән пŏтәртәс.
\p
\v 22 Щиты Иосиф Египет мўвән ус пӑ ащеԓ хот тэԓ ищи ус; Иосиф уԓәм нуптәԓ сот йаӈ тӑԓ ус.
\p
\v 23 Ефрем хиԓэт ԋаврэмԓаԓ хŏԓна вантәс, Манассия Махир пŏхәԓ пŏхәт сэма питәмән Иосиф шанша ищиты пŏныԓысайәт.
\p
\v 24 Щӑԓта Иосиф йайԓаԓа йастәс: «Ма пӑрты хӑтԓэм ванамәс, нын хŏщайән Турәм йŏхәтәԓ пӑ нынан тӑм мўв эԓты щи мўва туԓԓы, мўй эԓты Ԓўв Авраама, Исаака пӑ Иакова йасәӈ мӑс».
\p
\v 25 Щӑԓта Иосиф Израиль пŏхәт эԓты так йасәӈ ўс, щиты пŏтәртман: «Турәм нын хŏщайән йŏхәтәԓ, пӑ ԓŏв шўкԓам тӑԓта тўваԓән».
\p
\v 26 Иосиф нуптәԓ сот йаӈ тӑԓ аратән пӑрәс. Египет мўвән бальзамән ԓўв ԋŏсәтса пӑ кев эԓты верәм хӑԓа йўха пŏтса.