\id TIT - Sidd
\ide UTF-8
\h ತಿತಾಕ್
\toc1 ಪಾವ್ಲುನ್ ತಿತಾಕ್ ಲಿವಲ್ಲಿ ಚಿಟ್
\toc2 ತಿತಾಕ್
\toc3 ತಿತ್
\mt2 ಪೌಲನು ತಿತನಿಗೆ ಬರೆದ ಪತ್ರಿಕೆ
\mt1 ತಿತಾಕ್ ಪಾವ್ಲುನ್ ಲಿವಲ್ಲಿ ಚಿಟಿ
\imt ವಳಕ್
\ip ತಿತಾಕ್ ಲಿವಲ್ಲಿ ಚಿಟಿ, ಪಾವ್ಲುನ್ ದೆವಾಚ್ಯಾ ತಾಂಡ್ಯಾಕ್ನಿ ಲಿವ್ತಲ್ಯಾ ಬದ್ಲಾಕ್ ಎಕ್ ಮಾನ್ಸಾಕ್ ಲಿವಲ್ಲ್ಯಾ ಚಾರ್ ಚಿಟಿತ್ನಿ ಎಕ್ ಚಿಟ್. ಹುರಲ್ಲಿ ತಿನ್ ಪುಸ್ತಕಾ ಖಲಿ ಮಟ್ಲ್ಯಾರ್, 1 ತಿಮೊತಿ, 2 ತಿಮೊತಿ ಅನಿ ಫಿಲೆಮೊನ್. ಪಾವ್ಲು ಹಿ ಚಿಟಿ ತಿತಾಕ್ ಲಿವ್ಕ್ ಲಾಗ್ಲಾ, ಖರೆ ತೆನಿ ಹಿ ಚಿಟಿ ಸಗ್ಳ್ಯಾ ಲೊಕಾಂಚ್ಯಾ ಇದ್ರಾಕ್ ವಾಚ್ವುಸಾಟ್ನಿ ಮನುನ್ ಲಿವ್ಲ್ಯಾನಾಯ್. ಪಾವ್ಲು ಅಪ್ನಿ ಎಕ್ ಅಪೊಸ್ತಲ್ ಹೊವ್ನ್ ಅಪ್ನಾಚಿ ಯೊಗ್ಯತಾ ಕಾಯ್ ಮನ್ತಲ್ಯಾ ವಿಶಯಾತ್ ಅದ್ದಿಚ್ ತಿತಾಕ್ ಗೊತ್ತ್ ಅಸಲ್ಲ್ಯಾ ವಿಶಯಾತ್ ತೊ ಬೊಲ್ತಾ. ಲೈ ಕರುನ್ ಪಾವ್ಲುನ್ ಹಿ ಚಿಟಿ ಕ್ರಿಸ್ತ್ ಉಪಾಜಲ್ಲ್ಯಾ ಮಾನಾ ಸಾಟಾರ್ ತಿನಾಚ್ಯಾನ್ ಸಾಟಾರ್ ಪಾಚ್ ವರ್ಸಾಚ್ಯಾ ಮಾನಾ ಲಿವ್ಕು ಫಿರೆ.
\ip ಪಾವ್ಲುನ್ ತಿತಾಕ್ ಕ್ರೆತ್ ಮನ್ತಲ್ಯಾ ಸಮುಂದರಾಚ್ಯಾ ಮಟ್ ಮದ್ದಿ ಹೊತ್ತ್ಯಾ ಜಾಗ್ಯಾ ವೈನಾ ದೆವಾಚ್ಯಾ ತಾಂಡ್ಯಾಕ್ನಿ ಕಶೆ ಚಾಲ್ವುನ್ ಘೆವ್ನ್ ಜಾತಲೆ ಮನುನ್ ಸಾಂಗುನ್ ದಿಲ್ಯಾನ್, ಹಿ ಚಿಟಿ ತಿತಾಕ್ ದೆವಾಚ್ಯಾ ಲೊಕಾಂಚ್ಯಾ ತಾಂಡ್ಯಾಚ್ಯಾ ಮುಖಂಡಾಕ್ನಿ ಕಶೆ ಎಚುನ್ ಕಾಡಲ್ತೆ ಅನಿ ಕಾಯ್ ಶಿಕ್ವುಚೆ ಮನುನ್ ಸಾಂಗುಸಾಟ್ನಿ ಮನುನ್ ಲಿವ್ನ್ ಹೊಲಾ. ತೆನಿ ತಿಮೊತಿಕ್ ಲಿವಲ್ಲ್ಯಾ ಚಿಟಿತ್ ಲಿವಲ್ಲ್ಯಾ ಸರ್ಕೆ ಹಿತ್ತೆಬಿ ದೆವಾಚ್ಯಾ ಲೊಕಾಂಚ್ಯಾ ತಾಂಡ್ಯಾಚೆ ಮುಖಂಡ್ ಕಶೆ ಬರ್‍ಯಾ ಜಾಗ್ಯಾರ್ ರ್‍ಹಾವ್ಚೆ, ಮನ್ತಲ್ಯಾ ವಿಶಯಾತ್ ಸೊಡ್ಸುನ್ ಸಾಂಗ್ತಾ. ದೆವಾಚ್ಯಾ ಲೊಕಾಂಚ್ಯಾ ತಾಡ್ಯಾಂನಿ ಅನಿ ತೆಚ್ಯಾ ಮುಖಂಡಾನಿ ಆಜ್ ಜೆ ಕೊನ್ ಮುಖಂಡಾ ಹೊವ್ನ್ ಹಾತ್ ತೆನಿ ಅಪ್ನಿ ಅಸಲ್ಲೊ ಜಾಗೊ ಖಲೊ, ತೆಚ್ಯಾ ಪರ್‍ಕಾರ್ ಚಲ್ತಲ್ಯಾಕ್ಡೆ ಬರೆ ಕರುನ್ ಧ್ಯಾನ್ ದಿವ್ಕ್ ಪಾಜೆ.
\iot ಭಾಗ್
\io1 1 ಪಾವ್ಲು ತಿತಾಕ್ ದೆವಸ್ಪಾನ್ ಅಸಲ್ಲಿ ಮುಖಂಡಾ ಎಚುನ್ ಕಾಡುಕ್ ಸುಚನಾ ದಿತಾ\ior 1:1-6\ior*
\io1 2 ಮಾನಾ ತೊ ತೆಕಾ ಲೊಕಾನ್ಕಿ ದೆವಸ್ಪಾನಾಚೆ ಜಿವನ್ ಕಶೆ ಕರುಚೆ ಮನುನ್ ಶಿಕ್ವುತಲಿ ಸುಚನಾ ದಿತಾ. \ior 2:1-3-11 \ior*
\io1 3 ಆಕ್ರಿಕ್ ಪಾವ್ಲು ಅಪ್ನಾಚಿ ಉಲ್ಲಿ ಯೊಜನಾ ವಾಟುನ್ ಘೆತಾ ಅನಿ ನಮಸ್ಕಾರ್ ಧಾಡುನ್ಗೆತ್ ಚಿಟಿ ಮುಗಸ್ತಾ \ior 3:12-15\ior*.
\c 1
\p
\v 1 ದೆವಾಚೊ ಸೆವಕ್ ಅನಿ ಜೆಜು ಕ್ರಿಸ್ತಾಚೊ ಅಪೊಸ್ತಲ್ ಹೊವ್ನ್ ಹೊತ್ತ್ಯಾ ಪಾವ್ಲು,
\p ವಿಶ್ವಾಸಾತ್ ದೆವಾಚಿ ಮನುನ್ ಅಸಲ್ಲ್ಯಾ ಲೊಕಾಕ್ನಿ ಮಜತ್ ಕರುಕ್ ಅನಿ ಅಮ್ಚ್ಯಾ ದೆವಸ್ಪಾನ್ ಶಿಕ್ವಲ್ಲ್ಯಾ ಖರ್‍ಯಾ ಶಿಕಾಪಾಚ್ಯಾ ವಾಟೆನ್ ಚಲ್ತಲ್ಯಾಕ್ನಿ ಚಾಲ್ವುನ್ ನ್ಹೆವ್ಕ್ ಮನುನ್ ಎಚುನ್ ಕಾಡಲ್ಲೊ. 
\v 2 ಹೆ ಕನ್ನಾಚ್ ಮರಾನ್ ನಸಲ್ಲ್ಯಾ ಜಿವನಾಚ್ಯಾ ಬರೊಸ್ಯಾಚ್ಯಾ ವರ್‍ತಿ ಹೊಂದುನ್ ಹಾಯ್, ದೆವ್ ಕನ್ನಾಬಿ ಝುಟೆ ಬೊಲಿನಾ, ತೆನಿ ಅಮ್ಚ್ಯಾ ವಾಂಗ್ಡಾ ಹ್ಯಾ ಜಿವನಾಚ್ಯಾ ವಿಶಯಾತ್ ಎಳ್ಕಾಲ್ ಚಾಲು ಹೊವ್ಚ್ಯಾ ಅದ್ದಿಚ್ ಗೊಸ್ಟ್ ದಿಲ್ಲ್ಯಾನ್. 
\v 3 ಅನಿ ಸಮಾ ಎಳಾರ್ ದೆವಾನ್ ಅಪ್ನಾಚಿ ಬರಿ ಖಬರ್ ಪರ್ಗಟ್ ಕರ್ಲ್ಯಾನ್, ರಾಕನ್ ಕರ್‍ತಲ್ಯಾ ದೆವಾಚ್ಯಾ ಆಜ್ಞಾ ಸರ್ಕೆ ಹಿ ಖಬರ್ ಮಾಜ್ಯಾ ಹಾತಿತ್ ಒಪ್ಸುನ್ ದಿಲ್ಲ್ಯಾನ್ ಅನಿ ತೆ ಮಿಯಾ ದೆವಾ ಅಮ್ಚ್ಯಾ ಸುಟ್ಕಾ ದಿನಾರ್‍ಯಾಚ್ಯಾ ಹುಕುಮಾ ಸರ್ಕೆ ಪರ್ಗಟ್ ಕರ್‍ತಾ.
\p
\v 4 ಮಾಜ್ಯಾ ವಾಂಗ್ಡಾ ಎಕುಚ್ ವಿಶ್ವಾಸಾತ್ ಹೊತ್ತ್ಯಾ, ಮಾಜ್ಯಾ ಖರ್‍ಯಾ ಲೆಕಾ ಸರ್ಕ್ಯಾ ತಿತಾಕ್ ಲಿವ್ತಲೆ.
\p ದೆವ್ ಬಾಬಾ ಅನಿ ಅಮ್ಚೊ ಸುಟ್ಕಾ ದಿನಾರೊ ಕ್ರಿಸ್ತ್ ಜೆಜು ತುಕಾ ಕುರ್ಪಾ ಅನಿ ಶಾಂತಿ ದಿಂವ್ದಿತ್.
\s ಕ್ರೆತ್ ಮನ್ತಲ್ಯಾ ಜಾಗ್ಯಾರ್ ತಿತಾಚೆ ಕಾಮ್
\p
\v 5 ಮಿಯಾ ತುಕಾ ಕ್ರೆತಾತ್ ಕಶ್ಯಾಕ್ ಸೊಡುನ್ ಯೆಲೊ, ಮಟ್ಲ್ಯಾರ್, ಅಜುನ್ ಥೈ ಸಮಾ ಕರ್‍ತಲಿ ಕಾಮಾ ಹಾತ್, ತಿ ಪುರಾ ಕರುಕ್ ಅನಿ ಹರ್ ಗಾಂವಾಂಚ್ಯಾ ತಾಂಡ್ಯಾಚ್ಯಾ ವಡ್ಲಾಕ್ನಿ ನೆಮ್ಸುನ್ ಕಾಡುಕ್ ಮಿಯಾ ತುಕಾ ಸಾಂಗಲ್ಲ್ಯಾ ಗೊಸ್ಟಿಯಾ ಯಾದ್ ಥವ್ನ್ ಘೆ: 
\v 6 “ಎಕ್ ವಡಿಲ್ ಚುಕೆತ್ ನಸಲ್ಲೊ ರ್‍ಹಾವ್ಚೊ; ತೆಕಾ ಎಕ್ಲಿಚ್ ಬಾಯ್ಕೊ ರ್‍ಹಾವ್ಚಿ,” ತೆಚಿ ಪೊರಾ ದೆವಾಕ್ ವಿಶ್ವಾಸಾನ್ ರ್‍ಹಾವ್ಚಿ, ಅನಿ ಗೊಸ್ಟ್ ಮಾನಿನಸಲ್ಲಿ ಪೊರಾ ಮನ್ವುನ್ ಘೆವ್ನ್ ಕಟೊರ್ ಸ್ವಬಾವಾಚೆ ಹೊವ್ನ್ ರ್‍ಹಾವ್ಚೆ ನ್ಹಯ್. 
\v 7 ತಾಂಡ್ಯಾಚೊ ಮುಖಂಡ್ ಮಟ್ಲ್ಯಾರ್ ದೆವಾಚ್ಯಾ ಕಾಮಾಚ್ಯಾ ವಿಶಯಾತ್ ಜವಾಬ್ದಾರಿ ಘೆಟಲ್ಲೊ ರ್‍ಹಾತಾ, ತಸೆ ಹೊವ್ನ್ ತೊ ಕಸ್ಲ್ಯಾಬಿ ಚುಕೆತ್ ರ್‍ಹಾವ್ಚೆ ನ್ಹಯ್, ತೊ ಚಿರ್ಡುನ್ ಬೊಲ್ತಲೊ ನಾ ಹೊಲ್ಯಾರ್ ಎಗ್ದಮ್ ರಾಗ್‍ ಕರುನ್ ಘೆತಲೊ, ನಾ ಹೊಲ್ಯಾರ್ ಎಕ್ ಫಿದೊಡೊ ನಾ ಹೊಲ್ಯಾರ್ ಮಂಡ್ ನಾ ಹೊಲ್ಯಾರ್ ಪೈಶಾಂಚಿ ಅಶಾ ಹೊತ್ತೊ ರ್‍ಹಾವ್ಚೊ ನ್ಹಯ್. 
\v 8 ತೊ ಮಾನುಸ್ ಘರಾಕ್ ಯೆಲ್ಲ್ಯಾ ಲೊಕಾಕ್ನಿ ಬರೆ ಕರುನ್ ಬಗ್ತಲೊ ಅನಿ ಜೆ ಕಾಯ್ ಬರೆ ಹಾಯ್ ತೆಚೊ ಪ್ರೆಮ್ ಕರ್‍ತಲೊ ರ್‍ಹಾವ್ಚೊ. ತೊ ಅಪ್ನಿಚ್ ಅಪ್ನಾಕ್ ಸಂಬಾಳ್ತಲೊ, ಬುದ್ದ್ ಹೊತ್ತೊ, ಪವಿತ್ರ್ ಅನಿ ಶಿಸ್ತಿನ್ ರ್‍ಹಾತಲೊ ರ್‍ಹಾವ್ಚೊ. 
\v 9 ಅನಿ ತೊ ತ್ಯಾ ಬರೊಸ್ಯಾಕ್ ಯೊಗ್ಯ್ ಅಸಲ್ಲ್ಯಾ ಬರ್‍ಯಾ ಖಬ್ರೆಕ್ ಘಟ್ಟ್ ಧರುನ್ ಘೆವ್ನ್ ರ್‍ಹಾವ್ಚೆ ಮನ್ತಲ್ಯಾ ವಿಶಯಾತ್‍ ಶಿಕ್ವುನ್ ಹೊಲಾ. ಹೆಜ್ಯಾಸಾಟಿ ತೊ ಲೊಕಾಕ್ನಿ ಖರೆಪಾನ್ ಸಿಕ್ವುನ್ಗೆತ್ ತೆಂಕಾ ಉಮ್ಮೆದ್ ಭರಿ ಸಾರ್ಕೆ ಕರುಚೆ, ಕೊನ್ ವಿರೊದ್ ಹೊವ್ನ್ ರ್‍ಹಾತಾ ನ್ಹಯ್, ತೆಂಕಾ ಜೊರ್ ಕರ್‍ತಲೊ ಹೊವ್ನ್ ರ್‍ಹಾವ್ಚೊ.
\p
\v 10 ಅಪ್ನಾಚಿ ಜವಾಬ್ದಾರಿ ಸಂಬಾಳಿನಸ್ತಾನಾ ರ್‍ಹಾತಲಿ ಲೈ ಲೊಕಾ ಅಮ್ಚ್ಯಾ ಮದ್ದಿ ಹಾತ್, ಲೈ ಕರುನ್ ಜುದೆವಾಂಚ್ಯಾ ಘರಾನ್ಯಾತ್ನಾ ಪರಿರ್ವತನ್ ಹೊವ್ನ್ ಕ್ರಿಸ್ತಾಚ್ಯಾ ಫಾಟ್ನಾ ಯೆಲ್ಲೆ, ಎಕ್ಲ್ಯಾಕ್ನಿ ವಿರೊದ್ ಹೊವ್ಕ್ ಉಮ್ಮೆದ್ ಭರ್‍ತಲೆ, ಹೆನಿ ಸಗ್ಳೆ ಜಾನಾ ಪೊಕಳ್ ಗೊಸ್ಟಿಯಾನಿ ಲೊಕಾಕ್ನಿ ಮಳ್ಳ್ ಕರ್‍ತ್ಯಾತ್. 
\v 11 ತಸ್ಲ್ಯಾಂಚಿ ತೊಂಡಾ ಧಾಪುಚೆ ನಕ್ಕೊ ಹೊಲ್ಲೆಚ್ ಶಿಕ್ವುನ್ ಸಗ್ಳಿ ಕುಟ್ಮಾ ಚಾವ್ತಳಿ ಸರ್ಕೆ ತೆನಿ ಕರ್‍ತಾತ್ , ಹೆ ಸಗ್ಳೆ ತೆನಿ ಹೆ ಬುರ್ಶೆ ಕಾಮ್ ತೆನಿ ಪೈಸ್ಯಾಚ್ಯಾ ಆಸೆನ್ ಕರ್‍ತಾತ್ . 
\v 12 ತೆಂಚ್ಯಾತ್ಲ್ಯಾ ಕ್ರೆತ್ ಗಾಂವಾತ್ಲ್ಯಾ ಎಕ್ ಪ್ರವಾದ್ಯಾನುಚ್ ಅಶೆ ಮಟ್ಲ್ಯಾನಾಯ್ ಕ್ರೆತಾತ್ಲಿ ಲೊಕಾ ಕನ್ನಾಬಿ ಝುಟೆ ಬೊಲ್ತಲ್ಲಿ ಅನಿ ಭಯಂಕರ್ ಜನಾವರಾ ಸಾರ್ಕಿ, ಅನಿ ಅಸ್‍ ಬುರ್ಕಿ ಅನಿ ಆಳ್ಸಿ ಮಾನ್ಸಾ ಮನುನ್. 
\v 13 ತೆನಿ ಸಾಂಗಲ್ಲಿ ಗೊಸ್ಟ್ ಖರಿ ಹಾಯ್ ತ್ಯಾ ಗೊಸ್ಟಿಯಾ ಚುಕ್ ನ್ಹಯ್ ತಸೆ ಮನುನ್ ತೆಂಕಾ ಉಲ್ಲೆ ಖಡಕ್ ತಾಕಿತ್ ದಿ, ತಸೆ ಹೊತಾನಾ ತೆನಿಚ್ ಅಪ್ಲ್ಯಾ ವಿಶ್ವಾಸಾತ್ ಘಟ್ಟ್ ಹೊವ್ನ್ ರ್‍ಹಾತ್ಯಾತ್. 
\v 14 ಜುದೆವಾಂಚ್ಯಾ ಕಾನಿಯಾಕ್ನಿ ಅನಿ ಖರ್‍ಯಾ ಪಾನಾಕ್ನಾ ಧುರ್ ನ್ಹೆತಲ್ಯಾ ಹುಕುಮಾಕ್ನಿ ಧ್ಯಾನ್ ದಿವ್ನಕೊ, ತೆ ಖರೆಪಾನಾಕ್ ನಕ್ಕೊ ಮನುನ್ ಸೊಡಲ್ಲೆ ಹಾಯ್ .
\p
\v 15 ಕೊನ್ ಪವಿತ್ರ್ ಹೊತ್ತ್ಯಾಕ್ನಿ ಸಗ್ಳಿ ಸಾಮಾನಾಬಿ ನಿತಳುಚ್, ಖರೆ ಕೊನ್ ಪವಿತ್ರ್ ನಾತ್ ಅನಿ ವಿಶ್ವಾಸ್ ಕರಿನಾತ್, ತೆಂಚಿ ಮನಾ ಅನಿ ಭುತ್ತುರ್‍ಲಿ ಮನಾ ಬಸ್ಟ್‌ಗಾರ್ ಹೊಲ್ಲಿ ಹಾತ್. 
\v 16 ಅಪ್ನಿ ದೆವಾಕ್ ವಳಕ್ತಾಂವ್ ಮನುನ್ ತೆನಿ ಸಾಂಗುನ್ ಘೆತಾತ್, ಖರೆ ತೆನಿ ಕರ್‍ತಲ್ಯಾ ಕಾಮಾನಿ ತೆನಿ ದೆವಾಕ್ ತಿರಸ್ಕಾರ್ ಕರ್‍ತಾತ್ ತೆನಿ ಬುರ್ಶೆ ಹೊಲ್ಯಾತ್ ಅನಿ ದೆವಾಕ್ ಮಾನುನ್ ಘೆಯ್‌ನ್ಯಾತ್ ಬರಿ ಕಾಮಾ ಕರುಕ್ ಯೊಗ್ಯ್ ನಾತ್ .
\c 2
\s ಸಮಾ ಹೊತ್ತೆ ಶಿಕಾಪ್
\p
\v 1 ಖರೆ ತಿಯಾ ಖರ್‍ಯಾ ಪಾನಾಚ್ಯಾ ಶಿಕಾಪಾಚ್ಯಾ ಸರ್ಕೆ ಹೆ ಶಿಕ್ವು. 
\v 2 ಮ್ಹಾತಾರ್‍ಯಾ ಘೊಮನ್ಸಾನಿ, ಸಂಬಾಳ್ನಾರೆ, ಗಂಬಿರ್, ಅನಿ ಶಾನೆ ಹೊವ್ನ್ ರ್‍ಹಾವ್ಚೆ ಅನಿ ವಿಶ್ವಾಸಾತ್ ಪ್ರೆಮಾತ್ ಅನಿ ಸಗ್ಳೆ ಸಂಬಾಳುನ್ ಘೆವ್ನ್ ಜಾತಲ್ಯಾತ್ ಅನಿ ವಿಶ್ವಾಸಾತ್ ಘಟ್ ಹೊವ್ನ್ ರ್‍ಹಾವ್ಚೆ ಮನುನ್ ಬುದ್ದ್ ಸಾಂಗ್. 
\v 3 ತಸೆಚ್ ಮ್ಹಾತಾರ್‍ಯಾ ಬಾಯ್ಕಾಮನ್ಸಾಬಿ ದೆವಸ್ಪಾನಾನ್ ಚಲುಚೆ, ಚಾಡಿಯಾ ಸಾಂಗ್ತಲ್ಯಾ ನಾ ಹೊಲ್ಯಾರ್ ವಾಯ್ನ್ ಫಿತಲಿ ತಲಪ್ ಕರ್‍ತಲ್ಯಾ ಹೊವ್ನ್ ರ್‍ಹಾವ್ಚೆ ನ್ಹಯ್, ಬರಿ - ಬರಿ ಗೊಸ್ಟಿಯಾ ಶಿಕ್ವುತಲೆ ಹೊವ್ನ್ ರ್‍ಹಾವ್ಚೆ. 
\v 4 ತಸೆ ಹೊವ್ನ್ ಅಪ್ನಾಚ್ಯಾ ದಾಂಡ್ಗ್ಯಾ ಬಾಯ್ಕಾಮನ್ಸಾಕ್ನಿ ತೆಂಚ್ಯಾ ಘೊವಾಂಚೊ ಅನಿ ಪೊರಾಂಚೊ ಪ್ರೆಮ್ ಕಶೆ ಕರುಚೆ, 
\v 5 ಅನಿ ಅಪ್ನಾ ವರ್‍ತಿ ಅಪ್ನಾಕುಚ್ ಸಂಬಾಳುನ್ ಘೆವ್ನ್ ಕಶೆ ಅಪ್ನಿ ಹಾಳ್ ಹೊಯ್‍ನಸ್ತಾನಾ ರ್‍ಹಾವ್ಚೆ, ಅನಿ ಅಪ್ನಾಕುಚ್ ಅಪ್ನಾಚ್ಯಾ ಘೊವಾಕ್ ಒಪ್ಸುನ್ ದಿವ್ನ್ ಬರ್‍ಯಾ ಘರ್‍ಕಾರ್‍ನಿಯಾ ಹೊವ್ನ್ ರ್‍ಹಾವ್ಕ್ ಶಿಕ್ವುಚೆ, ಅಶೆ ದೆವಾಕ್ನಾ ಯೆಲ್ಲ್ಯಾ ಬರ್‍ಯಾ ಖಬ್ರೆಚ್ಯಾ ವಿಶಯಾತ್ ಕೊನ್ಬಿ ವಾಯ್ಟ್ ಬೊಲುಕ್ ಹೊವ್ಚೆ ನ್ಹಯ್.
\p
\v 6 ಅನಿ ತಸೆಚ್ ದಾಂಡ್ಗ್ಯಾ ಘೊಮನ್ಸಾಕ್ನಿಬಿ ಅಪ್ಲ್ಯಾ ಅಪ್ನಾಕ್ ಸಂಬಾಳುಚೆ ಮನುನ್ ವಿನಂತಿ ಕರ್. 
\v 7 ಸಗ್ಳ್ಯಾ ಕಾಮಾತ್ನಿ ತಿಯಾ ತುಜ್ಯಾ ಯೆವ್ಡ್ಯಾಕ್ ದುಸ್ರ್ಯಾಕ್ನಿ ಎಕ್ ಬರ್‍ಯಾ ಚಾಲಿಚೊ ಉದಾರನ್ ಹೊವ್ನ್ ರ್‍ಹಾವ್ಚೆ. ತುಜ್ಯಾ ಶಿಕ್ವುತಲ್ಯಾ ಕಾಮಾತ್ ನಿಯತ್ತಿಚೊ ಅನಿ ಗಂಬಿರ್ ಹೊವ್ನ್ ರ್‍ಹಾವ್ಚೆ. 
\v 8 ಶಿಕ್ವುತಾನಾ ಬರ್‍ಯಾ ಗೊಸ್ಟಿಯಾ ವಾಪರ್, ಅಶೆ ತುಜ್ಯಾ ವಿರೊದ್ ಹೊತ್ತ್ಯಾಕ್ನಿ ತುಜ್ಯಾ ವಿರೊದ್ ಬೊಲುಕ್ ಕಾಯ್ಬಿ ರ್‍ಹಾಯ್‍ನಸ್ತಾನಾ ತೆಂಚಿ ತೆಂಕಾಚ್ ಲಜ್ಜಾ ಕರಿ ಸರ್ಕೆ ಹೊತಾ.
\p
\v 9 ಗುಲಾಮಾನಿ ಅಪ್ನಾಚ್ಯಾ ಧನಿಯಾಕ್ನಿ ಸಗ್ಳ್ಯಾ ವಾಟೆನಿ ಅಪ್ನಾಕುಚ್ ಒಪ್ಸುನ್ ದಿವ್ಚೆ ಅನಿ ಸಗ್ಳ್ಯಾ ಕಾಮಾತ್ನಿ ಧನಿಯಾಂಚ್ಯಾ ಮನಾಚ್ಯಾ ತಕ್ಕ್ ರ್‍ಹಾವ್ಚೆ. ಧನಿಯಾಕ್ನಿ ವಾಪಸ್ ಬೊಲುಚೆ ನ್ಹಯ್, ನಾ ಹೊಲ್ಯಾರ್ 
\v 10 ತೆಂಚೆ ಕಾಯ್ಬಿ ಚೊರುಚೆ ನ್ಹಯ್. ಹೆಚ್ಯಾ ಬದ್ಲಾಕ್, ತೆನಿ ಕನ್ನಾಬಿ ವಿಶ್ವಾಸಿ ಅನಿ ಬರಿ ಲೊಕಾ ಮನುನ್ ದಾಕ್ವುನ್ ದಿವ್ಚೆ, ಅಶೆ ಅಮ್ಚ್ಯಾ ದೆವಾ ಸುಟ್ಕಾ ದಿನಾರ್‍ಯಾಚ್ಯಾ ವಿಶಯಾತ್ ಶಿಕ್ವಲ್ಲ್ಯಾ ಶಿಕಾಪಾಚೊ ಮಾನ್ ಜಾಸ್ತಿ ಹೊತಾ.
\p
\v 11 ಕಶ್ಯಾಕ್ ಮಟ್ಲ್ಯಾರ್ ದೆವಾಚಿ ಕುರ್ಪಾ ಸಗ್ಳ್ಯಾ ಲೊಕಾಕ್ನಿ ಸುಟ್ಕಾ ಹಾನುಸಾಟ್ನಿ ಪ್ರಕಟ್ ಹೊಲ್ಲಿ ಹಾಯ್. 
\v 12 ಅಮಿ ದೆವಸ್ಪಾನ್ಸಲ್ಯಾ ಜಗಾಚ್ಯಾ ಆಶಾಕ್ನಿ ಸೊಡುನ್ ದಿವ್ಚೆ ಅನಿ ಖರೆ ಪಾನಾಚ್ಯಾ ದೆವಸ್ಪಾನಾನ್ ಭರುನ್ ಹೊತ್ತೊ ಅನಿ ಅಪ್ನಾಕುಚ್ ಸಂಬಾಳುನ್ ಘೆವ್ನ್ ಹೊತ್ತ್ಯಾ ಜಗಾತ್ ಜಿವನ್ ಕರ್ತಲ್ಯಾ ಸರ್ಕೆ ಹೊವ್ನ್ ರ್‍ಹಾವ್ಚೆ ಮನುನ್ ಹಿ ಕುರ್ಪಾ ಅಮ್ಕಾ ದಾಕ್ವುನ್ ದಿತಾ. 
\v 13 ಅಮಿ ಆಶಿರ್ವಾದಾನ್ ಭರಲ್ಲ್ಯಾ ದಿಸಾಸಾಟಿ ಬರೊಸ್ಯಾನ್ ವಾಟ್ ರಾಕುನ್ ಹೊತ್ತ್ಯಾ ಸರ್ಕೆ ಮೊಟ್ಯಾ ದೆವಾಚಿ ಅನಿ ರಾಕನ್ದಾರ್ ಜೆಜು ಕ್ರಿಸ್ತಾಚಿ ಮಹಿಮಾ ಪ್ರಕಟ್ ಹೊತಾ. 
\v 14 ಅಮ್ಕಾ ಸಗ್ಳ್ಯಾ ರಿತಿಚ್ಯಾ ಬುರ್ಶ್ಯಾ ಪಾನಾತ್ನಾ ಸುಟ್ಕಾ ಕರುಕ್ ಅನಿ ಅಮ್ಕಾ ಪವಿತ್ರ್ ಲೊಕಾ ಕರುಕ್ ಅನಿ ತೆಕಾ ಎಕ್ಲ್ಯಾಕುಚ್ ಸಮಂದ್ ಪಡಲ್ಲೆ ಅನಿ ಬರೆ ಕಾಮ್ ಕರುಕ್ ಉಮ್ಮೆದಿನ್ ಭರಲ್ಲಿ ಲೊಕಾ ಕರುಕ್, ತೆನಿ ಅಮ್ಚ್ಯಾಸಾಟ್ನಿ ಅಪ್ನಾಕುಚ್ ಒಪ್ಸುನ್ ದಿಲ್ಯಾನ್.
\p
\v 15 ಅನಿ ತಿಯಾ ಹಿ ಸಗ್ಳಿ ಗೊಸ್ಟಿಯಾ ಸಿಕ್ವು, ಉಮ್ಮೆದ್ ಅನಿ ಬೆಸಡ್ಕಿ ಸಗ್ಳ್ಯಾ ಅದಿಕಾರಾನ್ ಕರ್, ಕಶ್ಯಾಕ್ ಮಟ್ಲ್ಯಾರ್ ತುಕಾ ಕೊನ್ಬಿ ಕಿಳ್ ಕರುನ್ ಬಗುಚೆ ನ್ಹಯ್.
\c 3
\s ಕ್ರಿಸ್ತಾಂವಾಚಿ ಚಲ್ನ್ಯಾಚಿ ಚಾಲ್
\p
\v 1 ತುಜ್ಯಾ ಲೊಕಾಕ್ನಿ ಅದಿಕಾರ್‍ಯಾಕ್ನಿ ಅನಿ ರಾಜ್ವಟ್ಕಿ ಕರ್ತಲ್ಯಾಕ್ನಿ ಖಾಲ್ತಿ ಹೊವ್ನ್ ಚಲುಚೆ, ಅನಿ ಸಗ್ಳ್ಯಾ ವಾಟೆನ್ ಬರೆ ಹೊತ್ತೆ ಕರುಚೆ ಮನುನ್ ಯಾದ್ ಕರುನ್ ದಿ, 
\v 2 ಕೊನಾಚ್ಯಾ ವಿಶಯಾತ್‍ಬಿ ಬುರ್ಶೆ ಬೊಲುಚೆ ನ್ಹಯ್, ಸಮಾದಾನಾನ್ ಅನಿ ದೊಸ್ತಾಗಿರಿನ್ ರ್‍ಹಾವ್ಚೆ, ಅನಿ ಸಗ್ಳ್ಯಾಂಚ್ಯಾ ವಾಂಗ್ಡಾ ಬರೆ ಕರುನ್ ರ್‍ಹಾವ್ಚೆ ಮನುನ್ ಸಾಂಗ್. 
\v 3 ಕಶ್ಯಾಕ್ ಮಟ್ಲ್ಯಾರ್ ಎಕ್ ಕಾಲ್ ಹೊತ್ತೊ ತನ್ನಾ ಅಮಿ ಪಿಶೆ ಸರ್ಕೆ ಹೊತ್ತ್ಯಾಂವ್, ಸಾಂಗಲೆ ಆಯ್ಕಿ ನಸಲ್ಲೆ ಅನಿ ಚುಕಿದಾರ್ ಹೊತ್ತ್ಯಾಂವ್. ಬುರ್ಶಿ ಆಸ್ಯಾ ಕರ್‍ತಲೆ ಅನಿ ಸಗ್ಳ್ಯಾ ನಮುನ್ಯಾಚ್ಯಾ ಸುಕಾನ್ ರ್‍ಹಾತಲ್ಯಾಚಿ ಗುಲಾಮಾ ಹೊಲ್ಲ್ಯಾಂವ್, ಅಮಿ ಬುರ್ಶೆಪಾನ್ ಅನಿ ಖುದ್ಗೆಪಾನಾನ್ ಅಮ್ಚೊ ಎಳ್ ಖರ್ಚು ಲಾಗಲ್ಲಾವ್, ಲೊಕಾನಿ ಅಮ್ಕಾ ಬುರ್ಶೆ ಕರಲ್ಲ್ಯಾ ಸಾರ್ಕೆಚ್ ಅಮಿಬಿ ಎಕಾಮೆಕಾಕ್ ಬುರ್ಶೆ ಕರಿತ್ ಹೊತ್ತ್ಯಾಂವ್ . 
\v 4 ತನ್ನಾ ಅಮ್ಚ್ಯಾ ರಾಕನ್ದಾರ್ ದೆವಾಚೆ ಬರೆಪಾನ್ ಅನಿ ಪ್ರೆಮ್ ಅಮ್ಕಾ ಪ್ರಕಟ್ ಹೊಲೊ. 
\v 5 ತೆನಿ ಅಮ್ಕಾ ಹುರ್ವುಲ್ಯಾನ್ ಹೆ ಅಮಿ ಅಮ್ಚ್ಯಾ ಬರ್‍ಯಾಪಾನಾಚ್ಯಾ ವೈನಾ ನ್ಹಯ್, ಅಪ್ನಾಚ್ಯಾ ಸ್ವತಾಚ್ಯಾ ದಯೆನ್ ತೆನಿ ಅಮ್ಕಾ ಹುರ್ವುಲ್ಯಾನ್. ಅಮ್ಕಾ ನ್ಹವೊ ಜಲಮ್ ಅನಿ ನ್ಹವೊ ಜಿವ್ ದಿತಲ್ಯಾ ಪವಿತ್ರ್ ಆತ್ಮ್ಯಾನಿ ತೆನಿ ಧುಲ್ಯಾನ್. 
\v 6 ದೆವಾನ್ ಮಾಪ್‍ನಸ್ತಾನಾ ಜೆಜು ಕ್ರಿಸ್ತಾ ಅಮ್ಚ್ಯಾ ಸುಟ್ಕಾ ದಿನಾರ್‍ಯಾಚ್ಯಾ ವೈನಾ ಅಮ್ಚ್ಯಾ ವರ್‍ತಿ ಪವಿತ್ರ್ ಆತ್ಮೊಚ್ ವುತ್ಲ್ಯಾನ್. 
\v 7 ಅಶೆ, ಅಮಿ ತೆಚ್ಯಾ ಕುರ್ಪೆ ವೈನಾ ರಾಕುನ್ ಹೊತ್ತೆ, ಕನ್ನಾಚ್ ಮರಾನ್ ನಸಲ್ಲೆ ಜಿವನ್ ಗಾವ್ತಲಿ ಮರ್‍ಯಾದ್ ಅಮ್ಕಾ ಗಾವಿ ಸರ್ಕೆ ದೆವಾಚ್ಯಾ ಇದ್ರಾಕ್ ನಿತಿವಂತ್ ಕರುನ್ ಥವ್ಲ್ಯಾನ್. 
\v 8 ಹಿ ಗೊಸ್ಟಿಯಾ ಖರ್‍ಯಾ ಅನಿ ಹ್ಯಾ ಸಂಗ್ತಿಯಾ ತಿಯಾ ತೆಂಕಾ ಬರೆ ಕರುನ್ ಸಾಂಗುಚೆ ಮನುನ್ ಮಾಜಿ ಆಶಾ,
\p ದೆವಾಕ್ ವಿಶ್ವಾಸ್ ಕರ್‍ತಲೆ ಸಗ್ಳೆ ಜಾನಾ ಬರಿ ಕಾಮಾ ಕರ್‍ತಲ್ಯಾ ಉಮೆಂದಿನ್ ಭರುಂದಿತ್. ಹ್ಯಾ ಗೊಸ್ಟಿಯಾ ಸಗ್ಳ್ಯಾ ಲೊಕಾಕ್ನಿ ಬರೆಪಾನಾಚಿ ಅನಿ ಫಾಯ್ದ್ಯಾಚೆ ಹೊವ್ನ್ ಹಾತ್. 
\v 9 ಖರೆ ಘರಾನಾಂಚ್ಯಾ ಸಾಟ್ನಿ ಹೊತ್ತೊ ವಾದ್ ಮೊಯ್ಜೆಚ್ಯಾ ಕರಾರಾಂಚ್ಯಾ ವಿಶಯಾಚೊ ಝಗ್ಡೊ, ವಾದ್ ವಿವಾದ್ ಅನಿ ಪಿಶಾಪಾನಾಚ್ಯಾ ವಾದಾತ್ನಾ ಧುರ್ ರ್‍ಹಾ, ಕಶ್ಯಾಕ್ ಮಟ್ಲ್ಯಾರ್ ತೆಜಾ ವೈನಾ ಕಾಯ್ಬಿ ಫಾಯ್ದೊ ನಾ. 
\v 10 ಝಗ್ಡೊ ಉಟ್ವುತಲ್ಯಾ ಮಾನ್ಸಾಕ್ ಎಗ್ದಾ ನಾ ತರ್ ದೊನ್ದಾ ಉಶಾರ್ಕಿ ದಿ ತೆಚ್ಯಾ ಮಾನಾ ತೆಜ್ಯಾಕ್ನಾ ಧುರ್ ರ್‍ಹಾ. 
\v 11 ಅಸ್ಲಿ ಲೊಕಾ ಪೊಜ್ಡಿ ಮನ್ತಲೆ ತುಮ್ಕಾ ಗೊತ್ತ್ ಹಾಯ್ ಅನಿ ಅಪ್ನಿ ಕರ್‍ತಲ್ಯಾ ಪಾಪಾನಿ ತೆನಿ ಚುಕೆಚಿ ಮಾನ್ಸಾ ಮನುನ್ ದಾಕ್ವುನ್ ದಿತ್ಯಾತ್ .
\s ಆಕ್ರಿಚಿ ಗೊಸ್ಟಿಯಾ
\p
\v 12 ಮಿಯಾ ಅರ್ತೆಮಾಕ್, ನಾ ತರ್ ತುಖಿಕಾಕ್ ತುಜೆಕ್ಡೆ ಧಾಡುನ್ ದಿಲ್ಲ್ಯಾ ತನ್ನಾ, ನಿಕೊಪೊಲಿತ್ ಮಾಜೆಕ್ಡೆ ಯೆವ್ಕ್ ಖಟ್ಪಟ್ ಕರುನ್ ಬಗ್ ಕಶ್ಯಾಕ್ ಮಟ್ಲ್ಯಾರ್ ಥಂಡಿಚ್ಯಾ ದಿಸಾತ್ನಿ ಮಿಯಾ ಥೈಚ್ ರ್‍ಹವ್ಚೆ ಮನುನ್ ಕರ್‍ಲಾ. 
\v 13 ವಕಿಲ್ ಝೆನಾಕ್ ಅನಿ ಅಪೊಲ್ಲೊಕ್ ವಾಟೆರ್ ಜಾತಾನಾ ಪಾಜೆ ಹೊತಲಿ ಸಗ್ಳಿ ಸಾಮಾನಾ ದಿವ್ನ್ ಧಾಡ್ ಕಶ್ಯಾಕ್ ಮಟ್ಲ್ಯಾರ್ ತೆಂಕಾ ಕಾಯ್ಬಿ ಕಮಿ ಹೊವ್ಕ್ ನಾ . 
\v 14 ಅಮ್ಚಿ ಲೊಕಾ ಅಪ್ಲೊ ಸಗ್ಳೊ ಜಿವನ್ ಬಿ ದುಸ್ರ್ಯಾಂಚ್ಯಾ ಸಾಟ್ನಿ ಕಾಡುನ್ ಥವ್ತಲ್ಯಾತುಚ್ ಕಳ್ದುಕ್ ಶಿಕುಂದಿತ್. ಹೆಚ್ಯಾ ವೈನಾ ಕೊನಾಕ್ ಖರೆಚ್ ಗರಜ್ ಹಾಯ್ ತೆ ಪುರಾ ಹೊಂವ್ದಿತ್. ಅನಿ ತೆನಿ ಅಪ್ಲ್ಯಾ ಫಾಯ್ದ್ಯಾಕ್ ನಸಲ್ಲ್ಯಾಂಚ್ಯಾ ಸರ್ಕೆ ಕರಿಸ್ತಾನಾ ರ್‍ಹಾಂವ್ದಿತ್.
\p
\v 15 ಮಾಜ್ಯಾ ವಾಂಗ್ಡಾ ಹೊತ್ತ್ಯಾ ಸಗ್ಳ್ಯಾನಿ ತುಮ್ಕಾ ನಮಸ್ತೆ ಮಟ್ಲ್ಯಾನಾತ್. ವಿಶ್ವಾಸಾತ್ ಅಸಲ್ಲ್ಯಾ, ಅಮ್ಚೊ ಪ್ರೆಮ್ ಕರ್‍ತಲ್ಯಾ ಸಗ್ಳ್ಯಾಕ್ನಿ ಅಮ್ಚೊ ನಮಸ್ಕಾರ್ ಸಾಂಗ್. ದೆವಾಚಿ ಕುರ್ಪಾ ತುಮ್ಚ್ಯಾ ಸಗ್ಳ್ಯಾಂಚ್ಯಾ ವಾಂಗ್ಡಾ ರ್‍ಹಾಂವ್ದಿತ್.