\id 2TH - Siddi
\ide UTF-8
\h 2 ಥೆಸಾಲೊನಿ
\toc1 ಪಾವ್ಲುನ್ ಥೆಸ್ಸಾಲೊನಿಕಾಕಾರಾಕ್ನಿ ಲಿವಲ್ಲಿ ದೊನ್ವೆಚಿ ಚಿಟಿ
\toc2 2 ಥೆಸ್ಸಾಲೊನಿಕಾ‍ಕಾರಾಕ್ನಿ
\toc3 2 ಥೆಸ್ಸಾ
\mt2 ಪೌಲನು ಥೆಸಲೋನಿಕದವರಿಗೆ ಬರೆದ ಮೊದಲನೆಯ ಪತ್ರಿಕೆ
\mt1 ಥೆಸಾಲೊನಿಕಾಕಾರಾಕ್ನಿ ಪಾವ್ಲುನ್ ಲಿವಲ್ಲಿ ದೊನ್ವೆಚಿ ಚಿಟಿ
\imt ವಳಕ್
\ip ಥೆಸಾಲೊನಿಕಾಕಾರಾಕ್ನಿ ಲಿವಲ್ಲಿ ದೊನ್ವೆಚಿ ಚಿಟಿ ಅಪೊಸ್ತಲ್ ಪಾವ್ಲುನ್ ಥೆಸಾಲೊನಿಕಾಕಾರಾಕ್ನಿ ಲಿವಲ್ಲಿ ಹಾಯ್ \xt 1:1.\xt* ಪಯ್ಲೆಚಿ ಚಿಟಿ ಲಿವ್ನ್ ಹೊಲಾ ಮಾನಾ ಲಗ್ಗುನಾಚ್ ತೆನಿ ಹಿ ಚಿಟಿ ಲಿವಲ್ಲ್ಯಾನ್ ಕ್ರಿಸ್ತ್ ಉಪಾಜಲ್ಯಾ ಮಾನಾ ಜಗ್ಗೊಳ್-ಜಗ್ಗೊಳ್ ಪನ್ನಾಸಾರ್ ಎಕ್ ವರ್ಸಾಚ್ಯಾ ಮಾನಾ ಹಿ ಚಿಟಿ ಲಿವುನ್ ಹೊಲೆ. ಥೆಸಾಲೊನಿಕಾಚ್ಯಾ ತಾಂಡ್ಯಾಕ್ ಹಿ ಚಿಟಿ ಲಿವ್ತಾನಾಬಿ ತೊ ಕೊರಿಂತಾತುಚ್ ಹ್ಯೊ ತಾಂಡೊ ತೆನಿ ಅಪ್ನಾಚ್ಯಾ ದೊನ್ವಿಚ್ಯಾ ಬರಿ ಖಬರ್ ಸಾಂಗುಕ್ ಜಾತಲ್ಲ್ಯಾ ಪ್ರಯಾನಾಚ್ಯಾ ಯೆಳಾರ್ ಬಾಂಧಲ್ಲ್ಯಾನ್ \xt ಅ.ಕಾ 17:1-10. \xt*ಉಲ್ಲಿ ಜುದೆವ್ ಲೊಕಾ ಅನಿ ಸುಮಾರ್ ಗ್ರಿಕ್ ಲೊಕಾನಿ ಮಿಳ್ವುನ್ ಹ್ಯೊ ತಾಂಡೊ ಭಾಂದಲ್ಲೊ ಹೊತ್ತೊ ಮನುನ್ ಅಪೊಸ್ತಲ್ ಕೃತ್ಯಾ ಪುಸ್ತಕ್ ಸಾಂಗ್ತಾ .
\ip ಥೆಸಾಲೊನಿಕಾತ್ಲೊ ದೆವಾಚ್ಯಾ ಲೊಕಾಂಚೊ ತಾಂಡೊ ಯೆಳ್ ಸರ್ತಲ್ಯಾ ಅನಿ ಕ್ರಿಸ್ತಾಚ್ಯಾ ದೊನ್ವಿಚ್ಯಾ ಯೆನ್ಯಾಚ್ಯಾ ವಿಶಯಾತ್ ಲೈ ಕಾಳ್ಜಿ ಕರ್‍ತಲೆ ಹೊವ್ಕ್ ಫಿರೆ, ಕಶ್ಯಾಕ್ ಮಟ್ಲ್ಯಾರ್, ಪಾವ್ಲುನ್ ತೆಂಕಾ ಲಿವುಲ್ಲಿ ದೊನಿಬಿ ಚಿಟಿಯಾತ್ನಿ ಹೆಚ್ಯಾ ವಿಶಯಾತ್ ಲೈ ಲಿವುಲ್ಲ್ಯಾನಾತ್, ದೊನ್ವಿ ಚಿಟಿತ್ನಿ ಜಗ್ಗೊಳ್-ಜಗ್ಗೊಳ್ ಅರ್ಧೊ ಭಾಗ್ ಸರ್ತ್ಯಾ ಕಾಲಾಚ್ಯಾ ವಿಶಯಾತ್ ಲಿವಲ್ಲೆ ಹಾಯ್. ಪಾವ್ಲು ಆಳ್ಸಿ ಪಾನಾಚ್ಯಾ ವಿಶಯಾತ್ಬಿ ಹುರ್ಶಾಕಿ ದಿತಾ. ಹರ್ ಎಕ್ಲೊ ಅಪ್ನಾಚ್ಯಾ ಜೆವ್ನಾಸಾಟಿ ಕಾಮಾ ಕರುಚೆ ಮನುನ್ ಸಾಂಗ್ತಾ. \xt 3:6-10\xt*
\iot ಭಾಗ್
\io1 1. ಪಾವ್ಲು ಹಿ ಚಿಟಿ ಅಪ್ನಾಚಿ ಅನಿ ಅಪ್ನಾಚ್ಯಾ ವಾಂಗ್ಡಾ ಹೊತ್ತ್ಯಾಂಚಿ ವಳಕ್ ಕರುನ್ ದಿವ್ನಗೆತ್ ಚಾಲು ಕರ್‍ತಾ. \ior 1:1-2\ior*
\io1 2. ಮಾನಾ ತೊ ಥೆಸಾಲೊನಿಕಾತ್ಲ್ಯಾ ದೆವಾಚ್ಯಾ ಲೊಕಾಂಚ್ಯಾ ತಾಂಡ್ಯಾಚ್ಯಾ ಸಾಟ್ನಿ ದೆವಾಕ್ ಧನ್ಯವಾದ್ ದಿತಾ. ಅನಿ ಮಾಗ್ನಿ ಕರ್‍ತಾ. \ior 1:3-12\ior*
\io1 3. ಪಾವ್ಲು ಸರ್ತ್ಯಾ ಕಾಲಾಚ್ಯಾ ವಿಶಯಾತ್ ಬೊಲ್ತಾ.\ior 2\ior*
\io1 4. ಮಾನಾ ತೊ ಆಳ್ಸಿಪಾನಾಚ್ಯಾ ವಿರೊದಾಚ್ಯಾ ವಿಶಯಾತ್ ಬೊಲ್ತಾ ಅನಿ ಕಾಮಾ ಕರುಕ್ ಪಾಜೆ ಮನುನ್ ಬೊಲ್ತಾ. 31:15
\io1 5. ಪಾವ್ಲು ಅನಿ ಎಗ್ದಾ ದೆವಾಚ್ಯಾ ಲೊಕಾಂಚ್ಯಾ ತಾಂಡ್ಯಾಕ್ ನಮಸ್ಕಾರ್ ಕರುನ್ಗೆತ್ ಚಿಟಿ ಮುಗಸ್ತಾ \ior 3:16-18\ior*
\c 1
\p
\v 1 ಮಿಯಾ ಪಾವ್ಲು, ಸಿಲಾಸ್ ಅನಿ ತಿಮೊತಿ, ದೆವಾ ಅಮ್ಚ್ಯಾ ಬಾಬಾ, ಅನಿ ಜೆಜು ಕ್ರಿಸ್ತಾಕ್ ಸಮಂದ್ ಪಡಲ್ಲ್ಯಾ ಥೆಸಾಲೊನಿಕಾತ್ಲ್ಯಾ ದೆವಾಚ್ಯಾ ಲೊಕಾಂಚ್ಯಾ ತಾಂಡ್ಯಾಕ್ನಿ ಸಾಂಗ್ತಲೆ ಕಾಯ್ ಮಟ್ಲ್ಯಾರ್: 
\v 2 ದೆವ್ ಅಮ್ಚೊ ಬಾಬಾ, ಅನಿ ಧನಿ ಜೆಜು ಕ್ರಿಸ್ತ್ ತುಮ್ಕಾ ಶಾಂತಿ ಅನಿ ಕುರ್ಪಾ ದಿಂವ್ದಿತ್.
\s ಕ್ರಿಸ್ತ್ ಯೆಲ್ಲ್ಯಾ ತನ್ನಾ ಹೊತಲಿ ಝಡ್ತಿ
\p
\v 3 ಅಮ್ಚ್ಯಾ ಭಾವಾನು ಅನಿ ಭೆನಿಯಾನು, ಅಮಿ ಸಗ್ಳ್ಯಾ ಎಳಾರ್ ದೆವಾಕ್ ಧನ್ಯವಾದ್ ದಿತಾಂವ್. ಅನಿ ಅಶೆ ಅಮಿ ಕರುಕುಚ್ ಪಾಜೆ. ಕಶ್ಯಾಕ್ ಮಟ್ಲ್ಯಾರ್, ತುಮ್ಚೊ ವಿಶ್ವಾಸ್ ವಾಡುನ್ಗೆತುಚ್ ಜಾವ್ಕ್ ಲಾಗ್ಲಾ, ಅನಿ ತುಮ್ಚ್ಯಾ ಎಕಾಮೆಕಾಂಚ್ಯಾ ಮದ್ದಿ ಹೊತ್ತೊ ಪ್ರೆಮ್ ಅನಿಉಲ್ಲೊ ಘಟ್ ಹೊವ್ನಗೆತುಚ್ ಜಾವ್ಕ್ ಲಾಗ್ಲಾ 
\v 4 ತ್ಯೆಚೆಸಾಟಿಚ್ ತುಮಿ ಕವ್ಡ್ಯಾ ತರಾಸಾನ್ ಅನಿ ಕಸ್ಟಾನ್ ತುಮ್ಚೊ ವಿಶ್ವಾಸ್ ಚಾಲ್ವುನ್ ಘೆವ್ನ್ ಯೆಲ್ಯಾಶಿ, ಅನಿ ಕಸ್ಲೊ ಕಸ್ಟ್ ಅನಿ ತರಾಸ್ ತುಮಿ ವಿಶ್ವಾಸಾನ್ ಸೊಸುಲ್ಯಾಸಿ ಮನ್ತಲ್ಯಾ ವಿಶಯಾತ್, ದೆವಾಚ್ಯಾ ಲೊಕಾಂಚ್ಯಾ ತಾಂಡ್ಯಾತ್ನಿ ಬೊಲುಕ್ ಅಮ್ಕಾ ಅಭಿಮಾನ್ ದಿಸ್ತಾ.
\p
\v 5 ಹೆ ಸಗ್ಳೆ ಬಗಟ್ಲ್ಯಾರ್, ದೆವಾಚೊ ಝಡ್ತಿಚೊ ದಿಸ್ ಯೆವ್ನ್ ಹೊಲಾ, ಅನಿ ತುಮಿ ಸಗ್ಳೆ ಜೆ ಖಲ್ಯಾ ರಾಜಾಸಾಟ್ನಿ ಕಸ್ಟ್ ಸೊಸುಲ್ಯಾಸಿ, ತ್ಯಾ ರಾಜಾತ್ ಜಾವ್ಕ್ ಯೊಗ್ಯ್ ಮನಿ ಸರ್ಕೆ ನಿರ್ನಯ್ ಹೊಲಾ ಮನ್ತಲೆ ದಾಕ್ವುನ್ ದಿತಾ. 
\v 6 ಜೆ ಖಲೆ ಸಮಾ ಹಾಯ್ ತೆಚ್ ದೆವ್ ಕರ್‍ತಾ, ಜೆ ಕೊನ್ ತುಮ್ಕಾ ಕಸ್ಟ್ ದಿತಾ ತೆಂಚೆ ವರ್‍ತಿ ದೆವ್ ಕಸ್ಟ್ ಹಾನ್ತಾ. 
\v 7 ಅನಿ ಕಸ್ಟ್ ಸೊಸ್ತಲ್ಯಾ ಅಮ್ಕಾ ಅನಿ ತುಮ್ಕಾ ದೆವ್ ಸುಟ್ಕಾ ದಿತಾ. ಹೆ, ತೊ ಧನಿ ಜೆಜು ಕ್ರಿಸ್ತ್ ಸರ್‍ಗಾ ವೈನಾ ಅಪ್ನಾಚ್ಯಾ ಮೆಜುಕ್ ಹೊಯ್ನಾ ತವ್ಡ್ಯಾ ದುತಾಂಚ್ಯಾ ವಾಂಗ್ಡಾ ಯೆಲ್ಲ್ಯಾ ಎಳಾರ್ ಕರ್‍ತಾ. 
\v 8 ಧನಿ ಜೆಜು ಕ್ರಿಸ್ತ್ ಎಕ್ ಪೆಟ್ತಲ್ಯಾ ಆಗಿಚ್ಯಾ ವಾಂಗ್ಡಾ ಯೆತಾ, ಅನಿ ಜೆ ಕೊನ್ ದೆವಾಕ್ ಸ್ವಿಕಾರ್ ಕರಿನಾ, ಅನಿ ಧನಿಯಾ ಜೆಜುಚ್ಯಾ ಬರ್‍ಯಾ ಖಬ್ರೆಕ್ ಮಾನುನ್ ಘೆವ್ನ್ ಚಲಿನಸಲ್ಲ್ಯಾಕ್ನಿ ಶಿಕ್ಷಾ ದಿತಾ. 
\v 9 ತೆಂಕಾ ಧನಿಯಾಚ್ಯಾ ಇದ್ರಾಕ್ ನಾ ಅನಿ ತೆಚ್ಯಾ ಮೊಟ್ಯಾ ಮಹಿಮೆತ್ನಾ ಕಾಡುನ್ ಕನ್ನಾಚ್ ಕಮಿ ಹೊಯ್ನಸಲ್ಲ್ಯಾ ನಾಸಾಚ್ಯಾ ಶಿಕ್ಷಾತ್ ಘಾಲುನ್ ಹೊತಾ.
\p
\v 10 ತ್ಯಾ ದಿಸಿ ತೊ ಅಪ್ನಾಚ್ಯಾ ವಿಶ್ವಾಸಾಚ್ಯಾ ಪವಿತ್ರ್ ಲೊಕಾನಿಕ್ನಾ ಮಹಿಮಾ ಅನಿ ಮಾನ್ ಘೆವ್ಕ್ ಮನುನ್ ಯೆಲ್ಲ್ಯಾ ತನ್ನಾ, ತುಮಿಬಿ ತ್ಯಾ ವಿಶ್ವಾಸಾಚ್ಯಾ ಲೊಕಾಂಚ್ಯಾ ಮದ್ದಿ ರ್‍ಹಾತ್ಯಾಶಿ, ಕಶ್ಯಾಕ್ ಮಟ್ಲ್ಯಾರ್ ತುಮಿ, ಅಮಿ ಸಾಂಗಟಲ್ಲ್ಯಾ ಬರ್‍ಯಾ ಖಬ್ರೆ ವರ್‍ತಿ ವಿಶ್ವಾಸ್ ಕರ್ಲ್ಯಾಸಿ.
\p
\v 11 ತೆಚೆಸಾಟ್ನಿ, ಅಮಿ ಕನ್ನಾಬಿ ತುಮ್ಚ್ಯಾಸಾಟ್ನಿ ಮಾಗ್ನಿ ಕರುನ್ಗೆತುಚ್ ರ್‍ಹಾತಾಂವ್. ಖಚ್ಚ್ಯಾ ಬರ್‍ಯಾ ವಾಟೆನ್ ತುಮಿ ಚಲುಚೆ ಮನುನ್ ದೆವಾನ್ ತುಮ್ಕಾ ಬಲ್ವುಲ್ಯಾನಾಯ್ ತಸೆ ತುಮಿ ಜಿವನ್ ಕರುಕ್ ಹೊಂವ್ದಿ ಮನುನ್ ಅಮಿ ಮಾಗ್ತಾಂವ್. ಅಪ್ನಾಚ್ಯಾ ತಾಕ್ತಿನ್ ತೊ ತುಮ್ಚಿ ಸಗ್ಳೆ ಬರ್ಯಾಪಾನಾಚಿ ಉದ್ದೆಸಾ ಪುರಾ ಕರುಂದಿತ್, ಅನಿ ತುಮ್ಚೆ ವಿಶ್ವಾಸಾಚೆ ಕಾಮ್ ಪುರಾ ಕರುಂದಿತ್ ಮನುನ್ ಮಾಗ್ತಾಂವ್. 
\v 12 ಅಶೆ ಅಮ್ಚ್ಯಾ ಧನಿಯಾ ಜೆಜುಚ್ಯಾ ನಾವಾಕ್ ತುಮ್ಚ್ಯಾ ವೈನಾ ಮಹಿಮಾ ಗಾವುಂದಿತ್, ಅನಿ ಅಮ್ಚ್ಯಾ ದೆವಾಚ್ಯಾ ಅನಿ ಧನಿಯಾ ಜೆಜು ಕ್ರಿಸ್ತಾಚ್ಯಾ ಕುರ್ಪೆ ವೈನಾ ತುಮ್ಕಾ ಮಹಿಮಾ ಗಾವುಂದಿತ್.
\c 2
\s ಬುರ್ಸೊ
\p
\v 1 ಮಾಜ್ಯಾ ಭಾವಾ- ಭೆನಿಯಾನು, ಅಮ್ಚ್ಯಾ ಧನಿಯಾ ಜೆಜು ಕ್ರಿಸ್ತಾಚ್ಯಾ ಯೆತಲ್ಯಾ ವಿಶಯಾತ್ ಅನಿ ಅಮಿ ತೆಚ್ಯಾ ಭೊತ್ಯಾನಿ ಗೊಳಾ ಹೊತಲ್ಯಾ ವಿಶಯಾತ್ ಅಮ್ಕಾ ತುಮ್ಚ್ಯಾಕ್ಡೆ ಬೊಲ್ತಲೆ ಹಾಯ್. ಹೆಚ್ಯಾ ವಿಶಯಾತ್ ಅಮಿ ತುಮ್ಚ್ಯಾ ಕಡೆ ಅಶೆ ಮಾಗ್ತಾಂವ್. 
\v 2 ಧನಿಯಾಚೊ ದಿಸ್ ಯೆಲಾ ಮನುನ್ ಕೊನ್ ತರ್ ಸಾಂಗಟ್ಲ್ಯಾರ್ ತುಮಿ ಎಗ್ದಮ್ ಗೊಂದ್ಳುನಕಾಸಿ, ಕಶ್ಯಾಕ್ ಮಟ್ಲ್ಯಾರ್, ಅಮಿ ಪ್ರಚಾರಾಚ್ಯಾ ವೈನಾ ಅನಿ ಚಿಟಿ ಲಿವ್ತಲ್ಯಾ ವೈನಾ ಹೆಚ್ಯಾ ವಿಶಯಾತ್ ಶಿಕ್ವುಲಾ. 
\v 3 ಕೊನ್‍ಬಿ ಖಲ್ಯಾ ವಾಟೆನ್‍ಬಿ ತುಮ್ಕಾ ಪಸ್ವುಚೆ ನ್ಹಯ್, ತಸೆ ತುಮಿ ಉಶಾರ್ಕಿನ್ ರ್‍ಹಾವಾ, ಕಶ್ಯಾಕ್ ಮಟ್ಲ್ಯಾರ್ ನರ್ಕಾಕ್ ಸಮಂದ್ ಪಡಲ್ಲೊ ದುಸ್ಟ್ ಅನಿ ಬುರ್ಸೊ ವಿರೊದಿ ದಿಸ್ಲ್ಯಾ ಸಿವಾಯ್ ತೊ ನಾಸಾಚೊ ದಿಸ್ ಯೆಯ್ ನಾ. 
\v 4 ತೊ ಸಗ್ಳ್ಯಾ ಸಾಮಾನಾಚ್ಯಾ ವಿರೊದ್ ದೆವಾಚೆ ಮನುನ್ ಹೊತ್ತ್ಯಾಂಚ್ಯಾ ಮಟ್ಲ್ಯಾರ್ ಪುಜಾ ಕರ್‍ತಲ್ಯಾ ದೆವಾಚ್ಯಾ ವಿರೊದ್ ರ್‍ಹಾತಾ ಅನಿ ಅಪ್ನಿಚ್ ಸಗ್ಳ್ಯಾನ್ಕಿ ಮೊಟೊ ಮನುನ್ ಸಾಂಗ್ತಾ. ದೆವಾಚ್ಯಾ ಗುಡಿತ್ ಗುಸುನ್ ಬಸ್ತಾ ಅನಿ ಅಪ್ನಿಚ್ ದೆವ್ ಮನುನ್ ಸಾಂಗುಕ್‍ ಲಾಗ್ತಾ.
\p
\v 5 ಮಿಯಾ ತುಮ್ಚ್ಯಾ ವಾಂಗ್ಡಾ ಹೊತ್ತ್ಯಾ ತನ್ನಾ ಹ್ಯಾ ಸಗ್ಳ್ಯಾಂಚ್ಯಾ ವಿಶಯಾತ್ ತುಮ್ಚ್ಯಾಕ್ಡೆ ಬೊಲಲ್ಲೊ ಮನುನ್ ತುಮ್ಕಾ ಯಾದ್ ಹಾಯ್ ಕಾಯ್ ನಾ? 
\v 6 ಖರೆ ಹೆ ಸಗ್ಳೆ ತುಮ್ಕಾ ಗೊತ್ತ್ ಹಾಯ್, ಖಲ್ಯಾ ಎಳಾಕ್ ಹೊವ್ಚೆ ಮನುನ್ ಹಾಯ್ ತೊ ಎಳ್ ಯೆವ್ಚ್ಯಾ ಅದ್ದಿ, ತೊ ವಿರೊದಿ ಇದ್ರಾಕ್ ಯೆಯ್ ನಸಿಸರ್ಕೆ ತೆಕಾ ಖಲಿ ತಾಕತ್ ಅಡ್ವುನ್ ಧರ್ತಾ ಮನ್ತಲೆ ತುಮ್ಕಾ ಗೊತ್ತ್ ಹಾಯ್. 
\v 7 ಘುಟಾನಿ ಹೊತ್ತೊ ಹ್ಯೊ ವಿರೊದಿ ಅಪ್ನಾಚೆ ಕಾಮ್ ಕರುನ್ಗೆತುಚ್ ಹಾಯ್. ಖರೆ ತ್ಯಾ ಘುಟಾನ್ ಹೊತ್ತ್ಯಾ ವಿರೊದಿಕ್ ಅಡ್ವುನ್ ಧರಲ್ಲೊ ಎಕ್ಲೊ ಹಾಯ್, ತೆನಿ ಅವ್ಕಾಸ್ ದಿ ನಸ್ತಾನಾ ತೊ ವಿರೊದಿ ಕಾಮ್ ಕರಿನಾ. 
\v 8 ತೊ ವಿರೊದಿ ನದ್ರೆಕ್ ಪಡ್ತಾ, ಖರೆ ತವ್ಡ್ಯಾಕ್ ಮಟ್ಲ್ಯಾರ್ ಜೆಜು ಅಪ್ನಾಚ್ಯಾ ತೊಂಡಾಚ್ಯಾ ಶ್ವಾಸಾನ್ ತೆಚೊ ಜಿವ್ ಕಾಡ್ತಾ ಅನಿ ಅಪ್ನಿ ಯೆತಲೊ ಹಾಯ್ ತ್ಯಾ ಮಹಿಮೆನ್ ತೆಕಾ ನಾಸ್ ಕರುನ್ ಟಾಕ್ತಾ. 
\v 9 ತೊ ವಿರೊದಿ ಸೈತಾನಾಚ್ಯಾ ತಾಕ್ತಿನ್ ಯೆತಾ ಅನಿ ಸೈತಾನಾಚ್ಯಾ ತಾಕ್ತಿನ್ ಮೊಟಿ-ಮೊಟಿ ಕಾಮಾ ಕರುನ್ ದಾಕ್ವುತಾ ಝುಟಿ ಜಾದುವಾ, ಅನಿ ಆಜಾಪಾ ಕರುನ್ ದಾಕ್ವುತಾ. 
\v 10 ಅನಿ ಜೆ ಕೊನ್ ನಾಸ್ ಹೊತಲೆ ಹಾತ್, ತೆಂಕಾ ಹೆ ಸಗ್ಳೆ ಕರುನ್ ದಾಕ್ವುನ್ ಮಳ್ಳ್ ಕರುಕ್ ಭಗ್ತಾ. ಹಿ ಲೊಕಾ ನಾಸ್ ಹೊವ್ನ್ ಜಾತಲಿಚ್, ಕಶ್ಯಾಕ್ ಮಟ್ಲ್ಯಾರ್ , ಖರೆ ಪಾನಾಚೊ ಪ್ರೆಮ್ ಕರುನ್ ಅಪ್ನಾಚಿ ಸುಟ್ಕಾ ಕಮ್ವುನ್ ಘೆತಲ್ಯಾಚ್ಯಾ ವಿರೊದ್ ತೆನಿ ಗೆಲ್ಯಾನಿ. 
\v 11 ತೆಚೆಸಾಟ್ನಿ, ಝುಟೆ ಹೊತ್ತೆ ಖರೆ ಮನುನ್ ದಿಸಿ ಸರ್ಕೆ ಹೊಯ್ ಸರ್ಕಿ ಎಕ್ ಮೊಟಿ ತಾಕತ್ ದೆವ್ ತೆಂಚ್ಯಾ ವರ್‍ತಿ ಧಾಡ್ತಾ. 
\v 12 ಅಶೆ, ಖರೆ ಮಾನುನ್ ಘೆಯ್ನಸ್ತಾನಾ ಪಾಪಾತ್ ಕುಶಿ ಹೊವ್ನ್ ಜಿವನ್ ಕರ್‍ತಲ್ಯಾಂಚ್ಯಾ ವರ್‍ತಿ ದೆವಾಚಿ ಶಿಕ್ಷಾ ಉತ್ರುನ್ ಯೆತಾ.
\s ಸುಟ್ಕಾ ಜೊಡುನ್ ಘೆವ್ಕ್ ತುಮ್ಕಾ ಎಚಲ್ಲೆ ಹಾಯ್
\p
\v 13 ಭಾವ್- ಭೆನಿಯಾನು, ಧನಿಯಾಕ್ ಲೈ ಪ್ರೆಮಾಚೆ ತುಮಿ ತುಮ್ಚ್ಯಾಸಾಟ್ನಿ ಅಮಿ ಸದ್ದಿಚ್ ದೆವಾಚಿ ಉಪ್ಕಾರ್ ಸ್ತುತಿ ಕರುಕ್ ಪಾಜೆ ದೆವ್ ತುಮ್ಚೊ ಪ್ರೆಮ್ ಕರ್‍ತಾ. ಕಶ್ಯಾಕ್ ಮಟ್ಲ್ಯಾರ್ ಪವಿತ್ರಪಾನ್ ದಿತಲ್ಯಾ ಪವಿತ್ರ್ ಆತ್ಮ್ಯಾಚ್ಯಾ ವೈನಾ ಅನಿ ಖರ್ಯಾ ವಿಶ್ವಾಸಾಚ್ಯಾ ವೈನಾ ತುಮಿ ಸುಟ್ಕಾ ಜೊಡುನ್ ಘೆವ್‍ಸಾಟ್ನಿ ಮನುನ್ ದೆವಾನ್ ಅಮ್ಕಾ ಪಯ್ಲೆಚಿ ಫಳಾ ಹೊವ್ನ್ ಎಚುನ್ ಕಾಡ್ಲ್ಯಾನ್. 
\v 14 ಅಮ್ಚ್ಯಾ ಧನಿಯಾ ಜೆಜು ಕ್ರಿಸ್ತಾಚ್ಯಾ ಮಹಿಮೆತ್ ವಾಟೊ ಘೆವ್‍ಸಾಟ್ನಿ, ಅಮಿ ಸಾಂಗಲ್ಲ್ಯಾ ಬರ್‍ಯಾ ಖಬ್ರೆ ವೈನಾ ದೆವಾನ್ ತುಮ್ಕಾ ಬಲವ್ನಿ ದಿಲ್ಯಾನ್. 
\v 15 ತೆಚೆಸಾಟ್ನಿ ಮಾಜ್ಯಾ ಭಾವಾ-ಭೆನಿಯಾನು, ತುಮಿ ಘಟ್ ರ್‍ಹಾವಾ ಅನಿ ಅಮಿ ಲಿವಲ್ಲ್ಯಾ ಚಿಟಿಯಾ, ನಾ ಹೊಲ್ಯಾರ್ ಸಾಂಗಲ್ಲ್ಯಾ ಗೊಸ್ಟಿಯಾಂಚ್ಯಾ ವೈನಾ ತುಮ್ಕಾ ಗಾವಲ್ಲಿ ಶಿಕಾಪಾ ಯಾದ್ ಥವ್ನ್ ಘೆವಾ.
\p
\v 16 ಅಮ್ಚೊ ಧನಿ ಜೆಜು ಕ್ರಿಸ್ತ್, ಅನಿ ಅಮ್ಚೊ ದೆವ್ ಬಾಬಾ, ಅಮ್ಚೊ ಪ್ರೆಮ್ ಕರ್‍ತಲೊ ಅನಿ ಅಪ್ನಾಚ್ಯಾ ಕುರ್ಪೆನ್ ಮೊಟೊ ಧೈರೊ ಅನಿ ಎಕ್ ಘಟ್ಟ್ ಬರೊಸೊ ದಿಲ್ಲೊ 
\v 17 ಕನ್ನಾಬಿ ಬರೆ ಕರುಕ್ ಅನಿ ಸಾಂಗುಕ್ ಧೈರೊ ಅನಿ ತಾಕತ್ ದಿಂವ್ದಿತ್.
\c 3
\s ಅಮ್ಚ್ಯಾಸಾಟ್ನಿ ಮಾಗ್ನಿ ಕರಾ
\p
\v 1 ಆಕ್ರಿಕ್ ಅಮ್ಚ್ಯಾ ಭಾವಾ-ಭೆನಿಯಾನು, ಅಮ್ಚ್ಯಾಸಾಟ್ನಿ ಮಾಗ್ನಿ ಕರಾ. ತುಮ್ಚ್ಯಾ ಮದ್ದಿ ಕಶೆ ಧನಿಯಾಚಿ ಖಬರ್ ಪಾವ್ಲಿ, ಅನಿ ತಿಕಾ ತುಮಿ ಕಶೆ ಮಾನ್ ದಿಲ್ಯಾಸಿ ತಸೆಚ್ ತಿ ಲಗ್ಗು-ಲಗ್ಗುನಾ ಸಗ್ಳ್ಯಾಕ್ಡೆ ಜಾವ್ನ್ ಪಾವುಂದಿ, ಅನಿ ತಿಕಾ ಮಾನ್ ದಿವ್ನ್ ಸ್ವಿಕಾರ್ ಕರಿ ಸರ್ಕೆ ಹೊಂವ್ದಿತ್. 
\v 2 ಬುರ್ಸ್ಯಾಪಾನಾತ್ನಾ ಅನಿ ವಾಯ್ಟ್ ಮಾನ್ಸಾನಿತ್ನಾ ಅಮ್ಕಾ ಬಚಾವ್ ಕರ್ ಮನುನ್ ಅಮ್ಚ್ಯಾಸಾಟ್ನಿ ಮಾಗ್ನಿ ಕರಾ, ಕಶ್ಯಾಕ್ ಮಟ್ಲ್ಯಾರ್ ಸಗ್ಳಿ ಲೊಕಾ ಬರಿ ಖಬರ್ ಮಾನುನ್ ಘೆಯ್‍ನಾತ್‍.
\p
\v 3 ಖರೆ, ಧನಿ ವಿಶ್ವಾಸಿ,ತೊ ತುಮ್ಕಾ ತಾಕತ್ ದಿತಾ ಅನಿ ವಾಯ್ಟಾನಿತ್ನಾ ರಾಕ್ತಾ. 
\v 4 ಧನಿ ತುಮ್ಚ್ಯಾ ವಿಶಯಾತ್ ಲೈ ವಿಶ್ವಾಸ್ ಅಮ್ಕಾ ದಿತಾ ಅನಿ ಅಮಿ ತುಮ್ಕಾ ಕಾಯ್ ಸಾಂಗಟ್ಲ್ಯಾಂವ್ ತಸೆ ತುಮಿ ಚಲುಲ್ಯಾಸಿ, ಅನಿ ಫಿಡೆಬಿ ತಸೆಚ್ ಚಲ್ತ್ಯಾಸಿ ಮನ್ತಲೆ ಅಮ್ಕಾ ಖರೆಚ್ ಗೊತ್ತ್ ಹಾಯ್.
\p
\v 5 ದೆವ್ ತುಮ್ಕಾ ದೆವಾಚ್ಯಾ ಪ್ರೆಮಾಚ್ಯಾ ಮೊಟ್ಯಾ ಸಮ್ಜನಿಕ್ಡೆ ಅನಿ ಕ್ರಿಸ್ತಾಚ್ಯಾ ಭಿಂಯೆನಸಲ್ಲ್ಯಾ ಘಟ್ಟಪಾನಾಕ್ಡೆ ಚಾಲ್ವುಂದಿತ್.
\s ಕಾಮ್ ಅನಿ ಜವಾಬ್ದಾರಿ
\p
\v 6 ಅಮ್ಚ್ಯಾ ಭಾವಾ-ಭೆನಿಯಾನು, ಅಮ್ಚ್ಯಾ ಧನಿಯಾ ಜೆಜು ಕ್ರಿಸ್ತಾಚ್ಯಾ ನಾವಾನ್ ಅಮಿ ತುಮ್ಕಾ ಸಾಂಗ್ತಾಂವ್, ಅಳ್ಸಿಪಾನಾಚೆ ಜಿವನ್ ಕರ್‍ತಲ್ಯಾ ಸಗ್ಳ್ಯಾ ಲೊಕಾನಿ ಅಮಿ ಸಾಂಗ್ತಲ್ಯಾ ಹ್ಯಾ ಗೊಸ್ಟಿಯಾ ಪಾಳುಚೆ. 
\v 7 ಅಮಿ ತುಮ್ಚ್ಯಾ ವಾಂಗ್ಡಾ ಹೊತ್ತ್ಯಾ ತನ್ನಾ ಆಳ್ಸಿಪಾನಾನ್ ರ್‍ಹಾಯ್‍ನಸಿ. ಅಮಿ ಕಶೆ ಅನಿ ಕಾಯ್-ಕಾಯ್ ಕರ್ಲಾಂವ್ ಮನ್ತಲೆ ತುಮ್ಕಾಚ್ ಗೊತ್ತ್ ಹಾಯ್. 
\v 8 ಅಮಿ ಕೊನಾಕ್ನಾಬಿ ಕಾಯ್ಬಿ ಪೈಸೆ ದಿ ನಸ್ತಾನಾ ಫುಕೊಟ್ ಜೆವ್ಕ್ ನಾಂವ್; ಅಮಿ ಕಾಮ್ ಕರ್ಲಾಂವ್ ರಾಬ್ನುಕ್ ಕರ್ಲಾಂವ್. ಅಮಿ ತುಮ್ಚ್ಯಾತ್ಲ್ಯಾ ಕೊನಾಚ್ಯಾ ವರ್‍ತಿಬಿ ಎಕ್ ವಜ್ಜೆ ಹೊತಲೆ ನಕ್ಕೊ ಮನುನ್ ಅಮಿ ದಿಸ್ ರಾತ್ ಕಾಮ್ ಕರ್ಲಾಂವ್. 
\v 9 ತುಮಿಚ್ ಸಗ್ಳೊ ಅಮ್ಚೊ ಖರಚ್ ಬಗುನ್ ಘೆವ್ನ್ ಜಾವಾ ಮನ್ತಲೊ ಹಕ್ಕ್ ಅಮ್ಕಾ ನತ್ತೊ ಮನ್ತಲ್ಯಾ ಸಾಟ್ನಿ ಅಮಿ ಅಶೆ ಕರುಕ್‍ ನಾವ್. ತುಮ್ಕಾ ಅಮಿ ಎಕ್ ಉದಾರನ್ ಹೊವ್ಚೆ ಅನಿ ತುಮಿಬಿ ತಸೆಚ್ ಕರುಚೆ ಮನುನ್ ದಾಕ್ವುಸಾಟ್ನಿ ಅಮಿ ತಸೆ ಕರ್ಲಾಂವ್.
\p
\v 10 ಅಮಿ ತುಮ್ಚ್ಯಾ ವಾಂಗ್ಡಾ ಹೊತ್ತ್ಯಾ ತನ್ನಾ ಅಮಿ ಕನ್ನಾಬಿ ಸಾಂಗುಕ್ ಲಾಗಲ್ಲಾಂವ್, ಜೊ ಕೊನ್ ಕಾಮ್ ಕರಿನಾ ಮನ್ತಾ ತೆಕಾ ಉಪ್ಪಾಸಿ ಟಾಕಾ.
\p
\v 11 ಅಮಿ ಅಶೆ ಕಶ್ಯಾಕ್ ಸಾಂಗುಕ್ ಲಾಗ್ಲಾಂವ್ ಮಟ್ಲ್ಯಾರ್, ಉಲ್ಲಿ ತುಮ್ಚ್ಯಾತ್ಲಿ ಲೊಕಾ ಕಾಮ್ ಕರಿನಸ್ತಾನಾ ಆಳ್ಸಿಪಾನಾನ್ ಪಡುನ್ ರ್‍ಹಾತ್ಯಾತ್ ಅನಿ ದುಸ್ರ್ಯಾಂಚ್ಯಾ ಖಬ್ರಿಯಾತ್ನಿ ಜಾವ್ನ್ ಗುಸುನ್ಗೆತ್ ರ್‍ಹಾತ್ಯಾತ್ ಮನುನ್ ಅಮಿ ಆಯಿಕ್ಲಾವ್. 
\v 12 ಅಮಿ ಧನಿಯಾ ಜೆಜು ಕ್ರಿಸ್ತಾಚ್ಯಾ ನಾವಾನ್ ಅಸ್ಲ್ಯಾ ಲೊಕಾಕ್ನಿ ಉಶಾರ್ಕಿ ದಿವ್ನ್ ಹುಕುಮ್ ಕರ್ತಾಂವ್. ಕಶ್ಯಾಕ್ ಮಟ್ಲ್ಯಾರ್ ತೆನಿ ಅಪ್ಲ್ಯಾ ಕಾಮಾಕ್ನಿ ಅನಿ ಅಪ್ಲ್ಯಾ ಜಿವನಾಕ್ ಪಾಜೆ ಹೊಲ್ಲೆ ಅಪ್ನಿಚ್ ರಾಬುನ್ ಕಮ್ವುನ್ ಘೆಂವ್ದಿತ್.
\p
\v 13 ಖರೆ ತುಮಿ ಮಾಜ್ಯಾ ಭಾವಾ-ಭೆನಿಯಾನು, ಬರಿ ಕಾಮಾ ಕರ್‍ತಲ್ಯಾತ್ ಕನ್ನಾಬಿ ಹಾರುನ್ ಜಾವ್‍ನಕಾಶಿ. 
\v 14 ಅಮಿ ಲಿವಲ್ಲ್ಯಾ ಹ್ಯಾ ಚಿಟಿತ್ಲ್ಯಾ ಗೊಸ್ಟಿಯಾ ತುಮ್ಚ್ಯಾತ್ಲಿ ಉಲ್ಲಿ ಲೊಕಾ ಆಯ್ಕಿನಸ್ತಾನಾ ರ್‍ಹಾತ್ಯಾತ್, ತೆಂಚಿ ಫಾಟ್ ಸೊಡುನ್ ಸೊಡಾ, ತೆಂಕಾ ಕಾಯ್ಬಿ ಕರುಕ್ ಜಾವ್‍ನಕಾಶಿ, ಅಶೆ ತೆಂಚಿ ತೆಂಕಾಚ್ ಲಜ್ಜಾ ದಿಸ್ತಾ. 
\v 15 ಖರೆ ದುಸ್ಮಾನಾಂಚ್ಯಾ ಸರ್ಕೆ ತೆಂಕಾ ಬಗುನಕಾಸಿ, ಕ್ರಿಸ್ತಾಕ್ ವಿಶ್ವಾಸ್ ಕರಲ್ಲ್ಯಾ ಭಾವಾಂಚ್ಯಾ ಸಾರ್ಕೆ ತೆಂಕಾ ಬುದ್-ಬಾಳ್ ಸಾಂಗಾ.
\s ಆಕ್ರಿಚ್ಯಾ ಗೊಸ್ಟಿಯಾ
\p
\v 16 ಸಮಾದಾನಾಚೊ ಮುಳ್ ಹೊವ್ನ್ ಹೊತ್ತೊ ಧನಿ ಸಗ್ಳ್ಯಾ ಎಳಾರ್ ಅನಿ ಸಗ್ಳ್ಯಾ ವಾಟೆನಿ ತುಮ್ಕಾ ಸಮಾದಾನ್ ದಿಂವ್ದಿತ್. ಧನಿ ತುಮ್ಚ್ಯಾ ಸಗ್ಳ್ಯಾಂಚ್ಯಾ ವಾಂಗ್ಡಾ ರ್‍ಹಾಂವ್ದಿತ್.
\p
\v 17 ಮಿಯಾ ಪಾವ್ಲು ಮಾಜ್ಯಾ ಸ್ವತಾಚ್ಯಾ ಹಾತಿನಿ ತುಮ್ಕಾ ನಮಸ್ಕಾರ್ ಲಿವ್ಲಾ: ಮಿಯಾ ಅಸೆಚ್ ಸಗ್ಳ್ಯಾ ಚಿಟಿಯಾ ವೈನಿ ಬಿ ಸಹಿ ಕರ್‍ತಾ, ಅನಿ ಮಿಯಾ ಲಿವ್ತಲೆ ಅಸೆಚ್.
\p
\v 18 ಅಮ್ಚ್ಯಾ ಧನಿಯಾ ಜೆಜು ಕ್ರಿಸ್ತಾಚಿ ಕುರ್ಪಾ ತುಮ್ಚ್ಯಾ ಸಗ್ಳ್ಯಾಂಚ್ಯಾ ವಾಂಗ್ಡಾ ರ್‍ಹಾಂವ್ದಿತ್.