\id ZEP - Biblica® Open Kannada Contemporary Version
\ide UTF-8
\h ಚೆಫನ್ಯ
\toc1 ಚೆಫನ್ಯ
\toc2 ಚೆಫನ್ಯ
\toc3 ಚೆಫನ್ಯ
\mt1 ಚೆಫನ್ಯ
\c 1
\p
\v 1 ಯೆಹೂದದ ಅರಸನಾದ ಆಮೋನನ ಮಗನಾದ ಯೋಷೀಯನ ಕಾಲದಲ್ಲಿ ಕೂಷಿಯ ಮಗನೂ ಗೆದಲ್ಯನ ಮೊಮ್ಮಗನೂ ಹಿಜ್ಕೀಯನಿಗೆ ಹುಟ್ಟಿದ ಅಮರ್ಯನ ಮರಿಮಗನೂ ಆದ ಚೆಫನ್ಯನಿಗೆ ಯೆಹೋವ ದೇವರು ದಯಪಾಲಿಸಿದ ವಾಕ್ಯ:
\b
\s1 ಯೆಹೋವ ದೇವರ ದಿನದಂದು ಇಡೀ ಭೂಮಿಯ ಮೇಲೆ ತೀರ್ಪು
\q1
\v 2 ಯೆಹೋವ ದೇವರು ಹೇಳುವುದೇನೆಂದರೆ,
\q2 “ನಾನು ದೇಶದೊಳಗಿಂದ ಎಲ್ಲವುಗಳನ್ನು
\q2 ಸಂಪೂರ್ಣವಾಗಿ ನಾಶಮಾಡುವೆನು.”
\q1
\v 3 “ಮನುಷ್ಯರನ್ನೂ ಮೃಗಗಳನ್ನೂ ನಾಶಮಾಡುವೆನು.
\q2 ಆಕಾಶದ ಪಕ್ಷಿಗಳನ್ನೂ
\q2 ಸಮುದ್ರದ ಮೀನುಗಳನ್ನೂ ನಾಶಮಾಡುವೆನು.”
\b
\q1 “ಮನುಷ್ಯರನ್ನು ದೇಶದೊಳಗಿಂದ ಕಡಿದು ಬಿಡುವಾಗ
\q2 ದುಷ್ಟರಿಗೆ ಉಳಿಯುವುದು ಕಸದರಾಶಿಯೇ,”
\q2 ಎಂದು ಯೆಹೋವ ದೇವರು ಹೇಳುತ್ತಾರೆ.
\q1
\v 4 “ಯೆಹೂದದ ಮೇಲೆಯೂ ಯೆರೂಸಲೇಮಿನ
\q2 ಎಲ್ಲಾ ನಿವಾಸಿಗಳ ಮೇಲೆಯೂ ನನ್ನ ಕೈಚಾಚುವೆನು.
\q1 ಈ ಸ್ಥಳದಲ್ಲಿ ಬಾಳನ ಪೂಜೆಗಳನ್ನು
\q2 ಮತ್ತು ಉಳಿದಿರುವ ವಿಗ್ರಹಾರಾಧಕ ಯಾಜಕರ
\q2 ಹೆಸರುಗಳನ್ನು ತೆಗೆದುಬಿಡುವೆನು.
\q1
\v 5 ಮಾಳಿಗೆಗಳ ಮೇಲೆ ತಲೆಬಾಗಿಸಿ
\q2 ಆಕಾಶದ ನಕ್ಷತ್ರಗಣಕ್ಕೆ
\q1 ಆರಾಧಿಸುವವರನ್ನೂ ಯೆಹೋವ ದೇವರ ಮೇಲೆಯೂ
\q2 ಮಲ್ಕಾಮನ ಮೇಲೆಯೂ ಆಣೆ ಇಟ್ಟುಕೊಳ್ಳುವವರನ್ನೂ
\q1
\v 6 ಯೆಹೋವ ದೇವರನ್ನು ಅನುಸರಿಸದೆ ಹಿಂತಿರುಗಿ ಹೋಗುವವರನ್ನು
\q2 ಯೆಹೋವ ದೇವರನ್ನು ಹುಡುಕದೆಯೂ ವಿಚಾರಿಸದೆಯೂ ಇರುವವರನ್ನೂ ಕಡಿದುಬಿಡುವೆನು.”
\b
\q1
\v 7 ಸಾರ್ವಭೌಮ ಯೆಹೋವ ದೇವರ ಮುಂದೆ ಮೌನವಾಗಿರಿ.
\q2 ಏಕೆಂದರೆ ಯೆಹೋವ ದೇವರ ದಿನವು ಸಮೀಪವಾಗಿದೆ.
\q1 ಯೆಹೋವ ದೇವರು ಯಜ್ಞವನ್ನು ಸಿದ್ಧಮಾಡಿದ್ದಾರೆ.
\q2 ಅವರು ಆಮಂತ್ರಿಸಿದವರನ್ನು ಅವರು ಪವಿತ್ರೀಕರಿಸಿದ್ದಾರೆ.
\b
\q1
\v 8 ಯೆಹೋವ ದೇವರ ಯಜ್ಞದ ದಿನದಲ್ಲಿ
\q2 ನಾನು ಪ್ರಧಾನರನ್ನು, ರಾಜಪುತ್ರರನ್ನು
\q2 ಮತ್ತು ವಿದೇಶಿಯರ ಉಡುಪನ್ನು ತೊಟ್ಟುಕೊಳ್ಳುವವರೆಲ್ಲರನ್ನೂ ದಂಡಿಸುವೆನು.
\q1
\v 9 ಆ ದಿನದಲ್ಲಿ
\q2 ಹೊಸ್ತಿಲನ್ನು ದಾಟುವವರೆಲ್ಲರನ್ನೂ
\q1 ತಮ್ಮ ದೇವರುಗಳ ಆಲಯಗಳನ್ನು
\q2 ಹಿಂಸಾಚಾರದಿಂದಲೂ ಮೋಸದಿಂದಲೂ ತುಂಬಿಸುವವರನ್ನೂ ದಂಡಿಸುವೆನು.
\b
\q1
\v 10 “ಆ ದಿನದಲ್ಲಿ,
\q2 ಮೀನಿನ ಬಾಗಿಲಿನಿಂದ ಕೂಗಿನ ಶಬ್ದವೂ
\q1 ಹೊಸ ಮನೆಯಿಂದ ಗೋಳಾಟವೂ
\q2 ಗುಡ್ಡಗಳ ಕಡೆಯಿಂದ ಮುರಿಯುವ ಬಲವಾದ ಶಬ್ದವೂ ಕೇಳಿಬರುವುದು, ಎಂದು
\q2 ಯೆಹೋವ ದೇವರು ಹೇಳುತ್ತಾರೆ.
\q1
\v 11 ಮಾರುಕಟ್ಟೆಗಳ ಜಿಲ್ಲೆಯಲ್ಲಿ ವಾಸಿಸುವವರೇ,
\q2 ಗೋಳಾಡಿರಿ. ಏಕೆಂದರೆ ವರ್ತಕರ ಜನರೆಲ್ಲಾ ಸಂಹಾರವಾದರು.
\q2 ಬೆಳ್ಳಿಯ ವ್ಯಾಪಾರಿಗಳೆಲ್ಲರೂ ನಾಶವಾದರು.
\q1
\v 12 ಆ ಕಾಲದಲ್ಲಿ, ನಾನು ಯೆರೂಸಲೇಮನ್ನು ದೀಪಗಳಿಂದ ಹುಡುಕಿಬಿಡುವೆನು.
\q2 ‘ಯೆಹೋವ ದೇವರು ಒಳ್ಳೆಯದನ್ನಾದರೂ ಕೆಟ್ಟದ್ದನ್ನಾದರೂ ಮಾಡುವುದಿಲ್ಲ’ ಎಂದುಕೊಂಡು
\q2 ಮಡ್ಡಿಯ ಮೇಲೆ ಮಂದವಾಗಿರುವ ದ್ರಾಕ್ಷಾರಸಕ್ಕೆ
\q2 ಸಮಾನರಾದ ಜನರನ್ನೂ ದಂಡಿಸುವೆನು.
\q1
\v 13 ಆದ್ದರಿಂದ ಅವರ ಸಂಪತ್ತು ಕೊಳ್ಳೆಯಾಗುವುದು,
\q2 ಅವರ ಮನೆಗಳು ಹಾಳಾಗುವುವು.
\q1 ಅವರು ಮನೆಗಳನ್ನು ಕಟ್ಟಿಕೊಂಡರೂ
\q2 ಅವುಗಳಲ್ಲಿ ವಾಸಮಾಡರು.
\q1 ದ್ರಾಕ್ಷಿತೋಟಗಳನ್ನು ನೆಟ್ಟು
\q2 ಅವುಗಳ ರಸವನ್ನು ಕುಡಿಯರು.”
\b
\q1
\v 14 ಯೆಹೋವ ದೇವರ ಮಹಾದಿವಸವು ಸಮೀಪವಾಗಿದೆ,
\q2 ಬಹು ತ್ವರೆಯಾಗಿ ಬರುತ್ತಿದೆ.
\q1 ಕೇಳಿರಿ. ಯೆಹೋವ ದೇವರ ದಿನದಂದು ಕೂಗು ಕಹಿಯಾಗಿರುವುದು.
\q2 ಶೂರನು ಅಲ್ಲಿ ಬೊಬ್ಬೆ ಹಾಕುವನು.
\q1
\v 15 ಆ ದಿವಸವು ರೌದ್ರದ ದಿವಸವು,
\q2 ಇಕ್ಕಟ್ಟು ಸಂಕಟಗಳ ದಿವಸವು,
\q3 ಹಾಳುಪಾಳುಗಳ ದಿವಸವು,
\q2 ಕತ್ತಲೆ ಮಬ್ಬುಗಳ ದಿವಸವು,
\q3 ಕಾರ್ಮುಗಿಲ ಕಗ್ಗತ್ತಲ ದಿವಸವು,
\q2
\v 16 ಕೋಟೆಯುಳ್ಳ ಪಟ್ಟಣಗಳಿಗೆ ವಿರೋಧವಾಗಿಯೂ
\q1 ಉನ್ನತವಾದ ಗೋಪುರಗಳಿಗೆ
\q2 ವಿರೋಧವಾಗಿಯೂ ತುತೂರಿ ಆರ್ಭಟಗಳ ದಿವಸವು.
\b
\q1
\v 17 “ನಾನು ಮನುಷ್ಯರ ಮೇಲೆ ಇಕ್ಕಟ್ಟು ತರಿಸುವೆನು.
\q2 ಅವರು ಕುರುಡರ ಹಾಗೆ ತಡಕುವರು.
\q2 ಏಕೆಂದರೆ ಯೆಹೋವ ದೇವರಿಗೆ ವಿರೋಧವಾಗಿ ಪಾಪಮಾಡಿದ್ದಾರೆ.
\q1 ಅವರ ರಕ್ತವು ಧೂಳಿನಂತೆಯೂ
\q2 ಅವರ ಮಾಂಸವು ಗೊಬ್ಬರದಂತೆಯೂ ಸುರಿದಿರುವುದು.
\q1
\v 18 ಯೆಹೋವ ದೇವರ ರೌದ್ರದಿನದಂದು
\q2 ಅವರ ಬೆಳ್ಳಿಯಾದರೂ ಅವರ ಬಂಗಾರವಾದರೂ
\q2 ಅವರನ್ನು ರಕ್ಷಿಸಲಾರವು.”
\b
\q1 ಅವರ ಅಸೂಯೆಯ ಬೆಂಕಿಯು
\q2 ದೇಶವನ್ನೆಲ್ಲಾ ನುಂಗುವುದು.
\q1 ಏಕೆಂದರೆ ದೇಶದ ನಿವಾಸಿಗಳನ್ನೆಲ್ಲಾ
\q2 ಬೇಗ ನಿರ್ಮೂಲ ಮಾಡಿಬಿಡುವರು.
\c 2
\s1 ಅನ್ಯಜನರೊಂದಿಗೆ ಯೆಹೂದ ಮತ್ತು ಯೆರೂಸಲೇಮಿನ ತೀರ್ಪು
\s2 ಪಶ್ಚಾತ್ತಾಪಪಡಲು ಯೆಹೂದಕ್ಕೆ ಆದೇಶ
\q1
\v 1 ನಾಚಿಕೆ ಇಲ್ಲದ ಜನಾಂಗದವರೇ,
\q2 ಒಟ್ಟಾಗಿ ಕೂಡಿಕೊಳ್ಳಿರಿ, ನೀವು ಒಟ್ಟಾಗಿ ಕೂಡಿಕೊಳ್ಳಿರಿ,
\q1
\v 2 ತೀರ್ಪು ಕಾರ್ಯಗತಗೊಳ್ಳುವ ಮುಂಚೆ
\q2 ಮತ್ತು ಆ ದಿನವು ಗಾಳಿ ಬೀಸಿದ ಹೊಟ್ಟಿನಂತೆ ಹಾರಿಹೋಗುವುದಕ್ಕಿಂತ ಮುಂಚೆ
\q1 ಯೆಹೋವ ದೇವರ ಉಗ್ರಕೋಪವು
\q2 ನಿಮ್ಮ ಮೇಲೆ ಬರುವ ಮುಂಚೆ,
\q1 ಯೆಹೋವ ದೇವರ ಕೋಪದ ದಿನವು
\q2 ನಿಮ್ಮ ಮೇಲೆ ಬರುವ ಮುಂಚೆ,
\q1
\v 3 ದೇಶದ ದೀನರೇ, ಅವರ ಆಜ್ಞೆಗಳನ್ನು ಕೈಕೊಂಡು ನಡೆಯುವವರೆಲ್ಲರೇ
\q2 ಯೆಹೋವ ದೇವರನ್ನು ಹುಡುಕಿರಿ.
\q1 ನೀತಿಯನ್ನು ಹುಡುಕಿರಿ, ವಿನಯವನ್ನು ಹುಡುಕಿರಿ.
\q2 ಒಂದು ವೇಳೆ ಯೆಹೋವ ದೇವರ ಕೋಪದ ದಿವಸದಲ್ಲಿ ಆಶ್ರಯ ಹೊಂದುವಿರಿ.
\s2 ಫಿಲಿಷ್ಟಿಯದ ವಿರೋಧವಾಗಿ
\q1
\v 4 ಗಾಜವು ಕೈಬಿಡಲಾಗುವುದು;
\q2 ಅಷ್ಕೆಲೋನ್ ಹಾಳಾಗುವುದು;
\q1 ಅಷ್ಡೋದನ್ನು ಮಧ್ಯಾಹ್ನದಲ್ಲಿ ಖಾಲಿಮಾಡುವರು,
\q2 ಎಕ್ರೋನ್ ಕಿತ್ತೆಸೆಯಲಾಗುವುದು.
\q1
\v 5 ಅಯ್ಯೋ, ಕರಾವಳಿಯಲ್ಲಿ ವಾಸಿಸುವ
\q2 ಕೆರೇತ್ಯ ಜನಾಂಗವೇ,
\q1 ನಿನ್ನ ಗತಿಯನ್ನು ಏನು ಹೇಳಲಿ!
\q2 ಕಾನಾನೇ, ಫಿಲಿಷ್ಟಿಯ ದೇಶವೇ,
\q1 ಯೆಹೋವ ದೇವರ ವಾಕ್ಯವು ನಿನಗೆ ವಿರುದ್ಧವಾಗಿದೆ,
\q2 “ನಿನ್ನಲ್ಲಿ ನಿವಾಸಿಯೇ ನಿಲ್ಲದಂತೆ ನಿನ್ನನ್ನು ನಾಶಮಾಡುವೆನು,”
\q2 ಎಂದು ಅವರು ಹೇಳುತ್ತಾರೆ.
\q1
\v 6 ಸಮುದ್ರದ ತೀರವು
\q2 ಕುರುಬರು ಮೇಯಿಸುವ ಸ್ಥಳಗಳಾಗಿಯೂ
\q2 ಕುಂಟೆಗಳಾಗಿಯೂ ಕುರಿಹಟ್ಟಿಗಳಾಗಿಯೂ ಇರುವುದು.
\q1
\v 7 ಅದು ಯೆಹೂದದ ಮನೆತನದಲ್ಲಿ
\q2 ಉಳಿದವರ ವಶವಾಗುವುದು.
\q2 ಅದರ ಮೇಲೆ ಮೇಯಿಸುವರು.
\q1 ಅಷ್ಕೆಲೋನಿನ ಮನೆತನಗಳಲ್ಲಿ
\q2 ಸಾಯಂಕಾಲದಲ್ಲಿ ಅವರು ಮಲಗಿಕೊಳ್ಳುವರು.
\q1 ಏಕೆಂದರೆ ಅವರ ದೇವರಾದ ಯೆಹೋವ ದೇವರು,
\q2 ಅವರನ್ನು ಪರಿಪಾಲಿಸಿ, ಮತ್ತೆ ಏಳಿಗೆಗೆ ತರುವರು.
\s2 ಅಮ್ಮೋನು ಮತ್ತು ಮೋವಾಬುಗಳ ವಿರೋಧವಾಗಿ
\q1
\v 8 “ಮೋವಾಬಿನ ನಿಂದೆಯನ್ನೂ
\q2 ಅಮ್ಮೋನ್ಯರ ಬೈಗಳವನ್ನೂ
\q1 ಅವರು ನನ್ನ ಜನರನ್ನೂ ನಿಂದಿಸಿ,
\q2 ಅವರ ಮೇರೆಗೆ ವಿರೋಧವಾಗಿ ತಮ್ಮನ್ನು ಹೆಚ್ಚಿಸಿಕೊಂಡದ್ದನ್ನೂ ನಾನು ಕೇಳಿದ್ದೇನೆ.
\q1
\v 9 ಆದ್ದರಿಂದ ಇಸ್ರಾಯೇಲಿನ ದೇವರಾದ
\q2 ಸೇನಾಧೀಶ್ವರ ಯೆಹೋವ ದೇವರು ಹೇಳುವುದೇನೆಂದರೆ:
\q2 ನನ್ನ ಜೀವದಾಣೆ,”
\q1 “ನಿಶ್ಚಯವಾಗಿ ಮೋವಾಬು ಸೊದೋಮಿನ
\q2 ಅಮ್ಮೋನ್ಯರು ಗೊಮೋರದ ಹಾಗೆ ಆಗುವುದು.
\q1 ತುರುಚಿ ಗಿಡಗಳನ್ನು ಹುಟ್ಟಿಸುವಂಥ ಉಪ್ಪಿನ ಕುಳಿಗಳುಳ್ಳಂಥ
\q2 ನಿತ್ಯವಾಗಿ ಹಾಳಾದ ಸ್ಥಳವಾಗುವರು.
\q1 ನನ್ನ ಜನರಲ್ಲಿ ಉಳಿದವರು ಅವರನ್ನು ಸುಲಿದುಕೊಳ್ಳುವರು.
\q2 ನನ್ನ ಜನರಲ್ಲಿ ಮಿಕ್ಕಾದವರು ಅವರ ದೇಶವನ್ನು ಸ್ವಾಧೀನಮಾಡಿಕೊಳ್ಳುವರು.”
\b
\q1
\v 10 ಅವರು ಸೇನಾಧೀಶ್ವರ ಯೆಹೋವ ದೇವರ ಜನರನ್ನು
\q2 ಅವಮಾನಿಸಿ ಮತ್ತು ಅಪಹಾಸ್ಯ ಮಾಡಿದ್ದರಿಂದಲೇ
\q2 ಅವರ ಗರ್ವಕ್ಕೋಸ್ಕರ ಇದೇ ಅವರಿಗೆ ಸಿಕ್ಕುವುದು.
\q1
\v 11 ಅವರು ಭೂಮಿಯ ಎಲ್ಲಾ ದೇವರುಗಳನ್ನು ನಾಶಮಾಡುವಾಗ,
\q2 ಯೆಹೋವ ದೇವರು ಅವರಿಗೆ ಭಯಂಕರವಾಗಿರುವರು.
\q1 ಇತರ ಜನಾಂಗಗಳ ದ್ವೀಪಗಳವರೆಲ್ಲರು
\q2 ತಮ್ಮ ತಮ್ಮ ಸ್ಥಳಗಳಲ್ಲಿ ಅವರನ್ನು ಆರಾಧಿಸುವರು.
\s2 ಕೂಷ್ಯರ ವಿರೋಧವಾಗಿ
\q1
\v 12 ಕೂಷ್ ದೇಶದವರೇ, ನೀವೂ ಸಹ
\q2 ನನ್ನ ಖಡ್ಗದಿಂದ ಹತರಾಗುವಿರಿ.
\s2 ಅಸ್ಸೀರಿಯ
\q1
\v 13 ಅವರು ತನ್ನ ಕೈಯನ್ನು ಉತ್ತರದ ಮೇಲೆ ಚಾಚಿ,
\q2 ಅಸ್ಸೀರಿಯರನ್ನು ನಾಶಮಾಡಿ
\q1 ನಿನೆವೆಯನ್ನು ಹಾಳಾಗಿಯೂ
\q2 ಮರುಭೂಮಿಯಂತೆ ಒಣಗಿದ್ದಾಗಿಯೂ ಮಾಡುವರು.
\q1
\v 14 ಅದು ದನಗಳ ಹಿಂಡುಗಳಿಗೂ ಕುರಿಗಳ ಮಂದೆಗಳಿಗೂ
\q2 ಎಲ್ಲಾ ತರದ ಪ್ರಾಣಿಗಳಿಗೂ ಮಲಗುವ ಹಟ್ಟಿ ಆಗುವುದು,
\q1 ಅದರ ಹಾಳುಬಿದ್ದ ಮನೆಯ ಕಂಬಗಳ ಮೇಲೆ
\q2 ಗೂಬೆಗಳೂ, ಗುಬ್ಬಚ್ಚಿಗಳೂ ತಂಗುವುವು.
\q1 ಗೂಬೆಯ ಘೂಂಕಾರವು ಕಿಟಕಿಗಳಿಂದ ಕೇಳಿಬರುವುದು,
\q2 ಕಾಗೆಗಳ ಕೂಗು ಬಾಗಿಲಿನ ಹೊಸ್ತಿಲಲ್ಲೇ ಕೇಳುವುದು,
\q2 ದೇವದಾರು ಮರದ ತೊಲೆಗಳು ಕಳಚಿಬೀಳುವುವು.
\q1
\v 15 “ನಿಶ್ಚಿಂತೆಯಾಗಿ ವಾಸಿಸಿದಂಥ ಉಲ್ಲಾಸದ ಪಟ್ಟಣ ನಾನೇ ಹೊರತು ಮತ್ತೊಂದಿಲ್ಲಾ,”
\q2 ಎಂದು ತನ್ನೊಳಗೆ ಎಂದುಕೊಂಡಂಥ
\q1 ಸುಭದ್ರ ನಿನೆವೆ ಪಟ್ಟಣವು ಇದೇ.
\q2 ಅದು ಎಷ್ಟೋ ಹಾಳಾಯಿತು;
\q1 ಮೃಗಗಳು ಮಲಗಿಕೊಳ್ಳುವ ಸ್ಥಳವಾಯಿತು.
\q2 ಅದರಲ್ಲಿ ಹಾದುಹೋಗುವವರೆಲ್ಲರೂ
\q2 ನಿಂದಿಸಿ ಅಪಹಾಸ್ಯ ಮಾಡುವರು.
\c 3
\s1 ಯೆರೂಸಲೇಮಿನ ಭವಿಷ್ಯತ್ತು
\q1
\v 1 ಅಸಹ್ಯವಾದ, ಮೈಲಿಗೆಯಾದ,
\q2 ಶ್ರಮೆಪಡಿಸುವ ಪಟ್ಟಣಕ್ಕೆ ಕಷ್ಟ!
\q1
\v 2 ಅವಳು ಯಾರಿಗೂ ವಿಧೇಯಳಾಗಲಿಲ್ಲ;
\q2 ಶಿಕ್ಷೆಯನ್ನು ತೆಗೆದುಕೊಳ್ಳಲಿಲ್ಲ;
\q1 ಯೆಹೋವ ದೇವರಲ್ಲಿ ಭರವಸೆ ಇಡಲಿಲ್ಲ;
\q2 ತನ್ನ ದೇವರ ಸಮೀಪಕ್ಕೆ ಬರಲಿಲ್ಲ.
\q1
\v 3 ಅವಳ ಪ್ರಮುಖರು
\q2 ಗರ್ಜಿಸುವ ಸಿಂಹಗಳು.
\q1 ಅವಳ ನ್ಯಾಯಾಧಿಪತಿಗಳು ಸಂಜೆಯ ತೋಳಗಳು.
\q2 ಕಡಿಯುವುದಕ್ಕೆ ಎಲುಬನ್ನು ಕೂಡ ಮರುದಿನದವರೆಗೆ ಉಳಿಸವು.
\q1
\v 4 ಅವಳ ಪ್ರವಾದಿಗಳು ಬಡಾಯಿ ಕೊಚ್ಚಿಕೊಳ್ಳುವವರೂ
\q2 ವಿಶ್ವಾಸದ್ರೋಹಿಗಳೂ ಆಗಿದ್ದಾರೆ.
\q1 ಅವಳ ಯಾಜಕರು ಪರಿಶುದ್ಧ ಸ್ಥಳವನ್ನು ಅಪವಿತ್ರಮಾಡುತ್ತಾರೆ,
\q2 ದೈವನಿಯಮವನ್ನು ಭಂಗಪಡಿಸುತ್ತಾರೆ.
\q1
\v 5 ನೀತಿಯುಳ್ಳ ಯೆಹೋವ ದೇವರು ಅವಳ ಮಧ್ಯದಲ್ಲಿ ಇದ್ದಾರೆ.
\q2 ಅವರು ಅನ್ಯಾಯ ಮಾಡುವುದಿಲ್ಲ;
\q1 ಪ್ರತಿ ಬೆಳಿಗ್ಗೆ ತಮ್ಮ ನ್ಯಾಯತೀರ್ಪನ್ನು ಬೆಳಕಿಗೆ ತರುತ್ತಾರೆ;
\q2 ಅವರು ತಪ್ಪುವವರಲ್ಲ.
\q2 ಆದರೆ ಅನ್ಯಾಯವಂತನು ನಾಚಿಕೆಯನ್ನು ಅರಿಯನು.
\q1
\v 6 “ನಾನು ಜನಾಂಗಗಳನ್ನು ಕಡಿದು ಬಿಟ್ಟಿದ್ದೇನೆ.
\q2 ಅವುಗಳ ಗೋಪುರಗಳು ಹಾಳಾಗಿವೆ.
\q1 ಅವುಗಳ ಬೀದಿಗಳನ್ನು ಯಾರೂ ಹಾದುಹೋಗದ ಹಾಗೆ ಹಾಳುಮಾಡಿದ್ದೆನೆ.
\q2 ಅವುಗಳ ಪಟ್ಟಣಗಳು ನಾಶವಾದವು.
\q1 ಹೀಗೆ ಅಲ್ಲಿ ಯಾವನೂ ಇರುವುದಿಲ್ಲ;
\q2 ಯಾವ ಮನುಷ್ಯನೂ ಅಲ್ಲಿ ವಾಸಿಸುವುದೂ ಇಲ್ಲ.
\q1
\v 7 ‘ನಿಶ್ಚಯವಾಗಿ ನೀನು ನನಗೆ ಭಯಪಟ್ಟು
\q2 ಶಿಕ್ಷಣವನ್ನು ಹೊಂದುವೆ,’
\q2 ಹೀಗೆ ನಾನು ಅವರಿಗೆ ಶಿಕ್ಷೆ ವಿಧಿಸಿದರೂ
\q1 ಅವರ ನಿವಾಸವು ನಾಶವಾಗುವುದಿಲ್ಲ.
\q2 ಆದರೆ ಅವರು ಬೇಗನೆ ಎದ್ದು
\q2 ತಮ್ಮ ನಡತೆಯನ್ನೆಲ್ಲಾ ಕೆಡಿಸಿಕೊಂಡರು.
\q1
\v 8 ಆದ್ದರಿಂದ ಯೆಹೋವ ದೇವರು ಹೀಗೆನ್ನುತ್ತಾರೆ:
\q2 ನಾನು ಬೇಟೆ ಹಿಡಿಯಲಿಕ್ಕೆ ಏಳುವ ದಿವಸದವರೆಗೂ ನನಗೆ ಕಾದುಕೊಳ್ಳಿರಿ.”
\q1 ಏಕೆಂದರೆ ಜನಾಂಗಗಳನ್ನು ಕೂಡಿಸುವುದಕ್ಕೂ
\q2 ರಾಜ್ಯಗಳನ್ನು ಒಟ್ಟು ಸೇರಿಸುವುದಕ್ಕೂ
\q1 ಅವುಗಳ ಮೇಲೆ ನನ್ನ ರೌದ್ರವನ್ನೂ
\q2 ನನ್ನ ಕೋಪದ ಎಲ್ಲಾ ಉರಿಯನ್ನೂ
\q1 ಹೊಯ್ಯುವುದಕ್ಕೂ ತೀರ್ಮಾನಿಸಿಕೊಂಡಿದ್ದೇನೆ.
\q2 ಏಕೆಂದರೆ ನನ್ನ ರೋಷದ ಬೆಂಕಿಯಿಂದ ಭೂಮಿಯೆಲ್ಲಾ ದಹಿಸಲಾಗುವುದು.
\s1 ಇಸ್ರಾಯೇಲಿನ ಅವಶೇಷಗಳ ಪುನಃಸ್ಥಾಪನೆ
\q1
\v 9 “ಆಗ ನಾನು ಜನರ ತುಟಿಗಳನ್ನು ಶುದ್ಧೀಕರಿಸುವೆನು.
\q2 ಅವರೆಲ್ಲರೂ ಯೆಹೋವ ದೇವರ ಹೆಸರಿನಿಂದ ಮೊರೆಯಿಡುವರು.
\q2 ಏಕಮನಸ್ಸಿನಿಂದ ಆತನಿಗೆ ಸೇವೆಮಾಡುವರು.
\q1
\v 10 ಕೂಷಿನ ನದಿಗಳ ಆಚೆಯಿಂದ ನನ್ನ ಭಕ್ತರೂ ಚದರಿಹೋದ
\q2 ನನ್ನ ಜನರೂ ನನಗೆ ಕಾಣಿಕೆಗಳನ್ನು ತರುವರು.
\q1
\v 11 ಆ ದಿವಸದಲ್ಲಿ ನೀನು ನನಗೆ ವಿರೋಧವಾಗಿ ಮಾಡಿದ
\q2 ದುಷ್ಕೃತ್ಯಗಳಿಗಾಗಿ ನಾಚಿಕೆಗೆ ಗುರಿಯಾಗುವುದಿಲ್ಲ;
\q1 ಏಕೆಂದರೆ ಆಗ ಗರ್ವದಿಂದ ಹೊಗಳಿಕೊಳ್ಳುವವರನ್ನು
\q2 ನಿನ್ನ ಮಧ್ಯದೊಳಗಿಂದ ತೆಗೆದುಹಾಕುವೆನು.
\q1 ನನ್ನ ಪರಿಶುದ್ಧ ಪರ್ವತದಲ್ಲಿ ಇನ್ನು ಮೇಲೆ
\q2 ನೀನು ಗರ್ವಪಡದೇ ಬಾಳುವೆ.
\q1
\v 12 ಆದರೆ ನಿನ್ನ ಮಧ್ಯದಲ್ಲಿ
\q2 ಸೌಮ್ಯರನ್ನೂ ದೀನರನ್ನೂ ಉಳಿಸುವೆನು.
\q1 ಇವರು ಯೆಹೋವ ದೇವರ ಹೆಸರಿನಲ್ಲಿ ನಂಬಿಕೆ ಇಡುವರು.
\q1
\v 13 ಇಸ್ರಾಯೇಲಿನಲ್ಲಿ ಉಳಿದವರು
\q2 ಅನ್ಯಾಯ ಮಾಡರು; ಸುಳ್ಳಾಡರು,
\q1 ಅವರ ಬಾಯಲ್ಲಿ ಮೋಸವಿರದು.
\q2 ಅವರು ಮಂದೆಯಂತೆ ಮೇದು ಮಲಗುವರು.
\q2 ಅವರನ್ನು ಭಯಪಡಿಸುವವನು ಒಬ್ಬನೂ ಇರುವುದಿಲ್ಲ.”
\b
\q1
\v 14 ಚೀಯೋನಿನ ಪುತ್ರಿಯೇ, ಹಾಡು.
\q2 ಇಸ್ರಾಯೇಲೇ ಆರ್ಭಟಿಸು;
\q1 ಯೆರೂಸಲೇಮಿನ ಪುತ್ರಿಯೇ,
\q2 ಪೂರ್ಣಹೃದಯದಿಂದ ಸಂಭ್ರಮಿಸಿ ಉಲ್ಲಾಸಪಡು.
\q1
\v 15 ಯೆಹೋವ ದೇವರು ನಿನ್ನ ಶಿಕ್ಷೆಗಳನ್ನು ದೂರಮಾಡಿ
\q2 ನಿನ್ನ ಶತ್ರುವನ್ನು ತೆಗೆದುಹಾಕಿದ್ದಾರೆ.
\q1 ಇಸ್ರಾಯೇಲಿನ ಅರಸನಾದ ಯೆಹೋವ ದೇವರು ನಿನ್ನ ಮಧ್ಯದಲ್ಲಿ ಇದ್ದಾರೆ.
\q2 ಇನ್ನು ಮೇಲೆ ನಿನಗೆ ಯಾವ ಕೇಡಿನ ಭಯವಿರುವುದಿಲ್ಲ.
\q1
\v 16 ಆ ದಿವಸದಲ್ಲಿ ಯೆರೂಸಲೇಮಿಗೆ ಹೀಗೆಂದು ಹೇಳುವರು,
\q2 “ಚೀಯೋನೇ, ನೀನು ಭಯಪಡಬೇಡ;
\q2 ನಿನ್ನ ಕೈಗಳು ಬಲಹೀನವಾಗದಿರಲಿ.
\q1
\v 17 ನಿನ್ನ ದೇವರಾದ ಯೆಹೋವ ದೇವರು ನಿನ್ನೊಂದಿಗಿದ್ದಾರೆ.
\q2 ನಿನ್ನನ್ನು ರಕ್ಷಿಸಲು ಶಕ್ತರಾಗಿದ್ದಾರೆ.
\q1 ನಿನ್ನಲ್ಲಿ ಬಹಳವಾಗಿ ಹರ್ಷಾನಂದಗೊಳ್ಳುವರು.
\q2 ತಮ್ಮ ಪ್ರೀತಿಯ ನಿಮಿತ್ತ ಅವರು ಇನ್ನು ಮುಂದೆ ನಿನ್ನನ್ನು ಖಂಡಿಸುವುದಿಲ್ಲ,
\q2 ಆದರೆ ಆನಂದ ಸ್ವರದಿಂದ ನಿನ್ನ ಮೇಲೆ ಉಲ್ಲಾಸಿಸುವರು.”
\b
\q1
\v 18 “ನೇಮಕವಾದ ಹಬ್ಬಗಳ ನಷ್ಟಕ್ಕಾಗಿರುವ ನಿಮ್ಮ ದುಃಖವನ್ನು
\q2 ನಿಮ್ಮಿಂದ ನಾನು ತೆಗೆದುಬಿಡುವೆನು.
\q2 ಅವು ನಿನಗೆ ಭಾರವಾಗಿಯೂ ನಿಂದೆಯಾಗಿಯೂ ಇದ್ದವು.
\q1
\v 19 ಆ ಕಾಲದಲ್ಲಿ
\q2 ನಿನ್ನನ್ನು ಪೀಡಿಸುವವರನ್ನೆಲ್ಲಾ ದಂಡಿಸುವೆನು,
\q1 ಕುಂಟಾದದ್ದನ್ನು ರಕ್ಷಿಸಿ,
\q2 ಚದರಿಹೋದವರನ್ನು ಕೂಡಿಸುವೆನು;
\q1 ಅವರು ಅವಮಾನ ಹೊಂದಿದ ದೇಶಗಳಲ್ಲೆಲ್ಲಾ
\q2 ಅವರಿಗೆ ಹೊಗಳಿಕೆಯನ್ನೂ ಕೀರ್ತಿಯನ್ನೂ ಉಂಟುಮಾಡುವೆನು.
\q1
\v 20 ಆ ಕಾಲದಲ್ಲಿ ನಾನು ನಿಮ್ಮನ್ನು ಒಟ್ಟುಗೂಡಿಸುವೆನು.
\q2 ಆ ಸಮಯದಲ್ಲಿ ನಾನು ಮನೆಗೆ ನಿಮ್ಮನ್ನು ಕರೆದುಕೊಂಡು ಬರುವೆನು.
\q1 ನಾನು ನಿಮ್ಮ ಸೌಭಾಗ್ಯವನ್ನು
\q2 ನಿಮ್ಮ ಕಣ್ಣೆದುರಿಗೆ ಪುನಃಸ್ಥಾಪಿಸಿ
\q1 ಭೂಮಿಯ ಎಲ್ಲಾ ಜನರಲ್ಲಿ
\q2 ನಿಮಗೆ ಕೀರ್ತಿಯನ್ನೂ ಹೊಗಳಿಕೆಯನ್ನೂ ಉಂಟುಮಾಡುವೆನು,”
\q2 ಎಂದು ಯೆಹೋವ ದೇವರು ಹೇಳುತ್ತಾರೆ.