\id 3JN -Yemsa New Testament
\ide UTF-8
\h 3 Yohannis
\toc1 3 Yohannisni wosiya
\toc2 3 Yohannis
\toc3 3 Yoha.
\mt1 Wosi Yohannisni Keezsa Wosiya
\imt1 Gachgiru
\ip Wosi Yohannisni keezsa wosiyaas tichchenaas «Kur'u sina wosi Yohannisnik» sinfaat tichchenaas dey Gayiyos yiste betekiristanini zoonsiisik. Tichi bar isa hamnarik oom kiristanani meyanon argasina boor'a Gayiyosnin galatte. Ooma ugnak dey Diyotrofis yiste jallin asuskin teetbaason oodanak make.
\iot Matsafaas Siruk Ephna Ephobaas
\io1 Gachgiru \ior 1-4\ior*
\io1 Gayiyosnik imte galata \ior 5-8 \ior*
\io1 Diyotrofisni waqasto \ior 9-10 \ior*
\io1 Dimexirosnik imte galata \ior 11-12 \ior*
\io1 Koor'uba \ior 13-15 \ior*
\c 1
\p
\v 1 Betekiristanini kur'u sina keeshtefena shunto Gayiyosnik;
\p Kur'u asu sina taakin woste wosiya; 
\v 2 Zomotaaso! Foonees zuuttera ho'itanak fayyane foonaknawa esiisimato dey kaanees ma'arik foonak shiiphefawungwa. 
\v 3 Futoni amantonesewa futoosik fooneese asin isa isa kiristana ayni meya yeesere makseten odefana kabaasik akamanontu girengwa. 
\v 4 Naanggotnaasikito futoosik kessa girset foobaason odoostan denalo taan girsifa wuza aafa.
\s1 Gayiyos Suuste
\p
\v 5 Zomotaaso! Neek irba sinefeknu ayni meyak amanamto wosto wostetarwa. 
\v 6 Baasso dey ne zagita keeshtanni wostoosik amanynyini zuuttoosi sina neek zaala maksetewa. Hashnu dey hamone ugnaasik Ha'ooson girsuni wuzason baassok argasifaatane ma'arwa. 
\v 7 Baasso Kiristoosnik wostosonek kesefe kabaasik Aazabni meyakin isa argasunu aane ephotowa. 
\v 8 Futoni wostooson haa'er sinanik es effetena asuni meyanon argasunik sholsuwa.
\s1 Diyotrofisni Waqastonewa Dimexirosni Suustone
\p
\v 9 Zeemo sinak betekiristaniisik dabdabbe tichingwa; sinuntano Betekiristanini zoonsi sinanak sholefe Diyotrofis innotin aane ephphetowe. 
\v 10 Es bari boor'a nittoki yaafana kabaasik bar innotin me'fetnawa salphsifetna zagina mangu wostooson zuutira asu zuuttambesiise asik makona; es bar hooro shakaan bar teetbaasik ayni meyanon aane ephpheteefe. Oomni meya dey ephphetoosonoytemato kalfe dey betekiristaniissin kalle kisife.
\p
\v 11 Zomotaaso! Ma'a wuzaasne feer sintano mangu wuzaasne feer sinatatawa. Ma'a wostooson wostefe bar zuuttambaase Ha'ooskingwa. Sinuntano mangu wostooson wostefe bar zuuttambaase Ha'ooson aane arifewa. 
\v 12 Dimexirosnik asu zuuttambaase ma'ariktu zaala makedifewa. Futoos dey teetbaasik zaala makedifa. Inno dey barik zaala makefeniwa; zaalniis futo sinnamato arifatwa.
\s1 Koi'ni Nagani Ooshsho
\p
\v 13 Neek tichunak sholefana showo wuza faarwa; sinuntano dabdabbek tichunak aane sholotwa. 
\v 14 Han ta'anon neen uphonamato abdi zagifawungwa; es kabaasik aafe aafe biira wolloniwa. 
\v 15 Naga neek sinfawungwa; zomoneesakito neek naga ooshshesedife; ne dey zomoniisakito isarbesi isarbesiisik naganiison baassok makowa.