\id REV -Jabem partial Bible [jae] -Papua New Guinea 1980 (web 2015) 
\h GEOC LASÊ 
\toc1 BIŊ KILISI GEOC LASÊ GÊDÊŊ JOAŊŊA 
\toc2 Geoc Lasê 
\toc3 GL 
\mt1 BIŊ KILISI GEOC LASÊ GÊDÊŊ JOAŊŊA  
\ip Biŋ Kilisi Geoc Lasê Gêdêŋ Joaŋŋa nec ŋac tau keto gêdêŋ ŋasawa teŋ, taŋ lau sêjanda to sêlêsu lau buŋa kêtu nêŋ sêkêŋ gêwiŋ Jesu Kilisi gebe Apômtau eŋŋa. Joaŋ keto papia tonec ŋamanô tau nec gebe êkêli lau tônê sêkêŋ mateŋ Anôtô to taêŋ êka eŋ totêntac êpa sugeŋ ma gebe êpiŋkap êsêac gebe sêsap eŋ tôŋ ŋaŋêŋgeŋŋa êtôm têm, taŋ sêôc wapac to ŋandaŋ naŋŋa sênsiŋ sugeŋ.  
\ip Anôtô geoc nom ŋatêm êsu ŋawêc totau-totau lasê gedêg Joaŋ, tec keto gêjam buku tonec ŋamakeŋ kapôêŋ auc. Gêgôm eŋ kêtu kaiŋ teŋ kêsa, tec gêlic gêŋ ŋakatu kêpi ŋadôŋdôŋgegŋ ma gêŋô biŋ ŋalêwiŋgeŋ, naŋ lau buŋa têm tônêŋa sêjala ŋam gêc awê gêdêŋ êsêac tauŋgeŋ, mago kêsiŋ tau gêc lêlômgeŋ gêdêŋ lau samuc. Ŋacsakiŋ teŋ embe ênam mêtê aêac, oc êndênaŋ biŋ ŋapep. Eŋ êkêŋ ŋasêbu samob sêsô ŋalôtêna tageŋ ŋalabu, naŋ eŋ êsam lasê êsêp ŋasawa, ec êwê aêac êndêŋ tajala biŋŋa. Joaŋ keto buku tonec ŋabiŋ totau-totau kêsô ŋalôtêna ŋalabu gêdêŋ-gêdêŋgeŋ kêtôm tônêgeŋ, tec kêdênaŋ gêŋ, tê katu gêlic to gêŋô-gêŋô nê, kêsi tau gêc awê ŋajam. Lau sêpuc biŋ tonaŋ ŋai ŋam ma sêwa sa naŋ, nêŋ kauc keso-keso tau. Mago buku tau ŋagalôtênasêga tonec gêc awêgeŋ gebe Êtu ŋamu Anôtô oc êkêŋ Apômtau Jesu Kilisi mêŋêku nê ŋacjo pebeŋ tulu tomalageŋ ma Sadaŋ tau êwiŋ amboac tonaŋgeŋ. Êkêŋ êsêac sêsô eŋ ŋaŋbu su, gocgo êkêŋ moasiŋ êndêŋ nê lau sêsêp eŋ tôŋ ŋaŋêŋŋa naêjô gebe êkêŋ êsêac sêwê kaiŋ undambê wakuc to nom wakuc ŋawasi sêwiŋ eŋ.  
\iot Ŋadênaŋ  
\ili1 1. Joaŋ gêjac m papia tonec 1:1-8  
\ili1 2. Joaŋ katu kaiŋ teŋ kêsa gêlic gêŋ ŋakatu ŋamataŋa ma biŋ gêdêŋ gôlôac 7ŋa 1:9–3:22  
\ili1 3. Papia toŋapeŋ 7ŋa 4:1–8:1  
\ili1 4. Dauc 7ŋa 8:2–11:19  
\ili1 5. Lêŋuckêm to bôclai luagêc ŋabiŋ 12:1–13:18  
\ili1 6. Katu gêlic gêŋ ŋakatu ŋagêdô 14:1–15:8  
\ili1 7. Anôto têtac ŋandaŋ ŋalaclu 7 16:1-21  
\ili1 8. Babilon kêku sa ma sêku Bôc tau tuluŋa to propete dansaŋ ma Sadaŋ tau 17:1–20:10  
\ili1 9. Anôtô êmêtôc biŋ êtu ŋamu 20:11-15  
\ili1 10. Undambê wakuc to Nom wakuc ma Jerusalem wakuc 21:1–22:5  
\ili1 11. Joaŋ gêjac mata buku tonec 22:6-21  
\c 1  
\s1 Joaŋ gêjac m nê biŋ ma awa gêjac nê lau  
\p
\v 1 Biŋ tonec ŋai Jesu Kilisi geoc lasê. Anôtô tau kêkêŋ biŋ tonec gêdêŋ eŋ gebe eŋ êtôc biŋ, taŋ kêdabiŋ gebe mêŋêsa naŋ, êndêŋ nê sakiŋwaga samob. Tec kêsakiŋ nê aŋela geoc biŋ tau lasê gêdêŋ ênê sakiŋwaga aê, Joaŋ.  
\v 2 Aê, Joaŋ, galic gêŋ samob tonec, tec kasôm Anôtônê biŋ to Jesu Kilisi nê biŋŋanô tau lasê.  
\v 3 Aê aoc êôc ŋac, taŋ êsam biŋ tonec lasê to êsêac, taŋ sêŋô biŋ Kilisi geoc lasêŋa ma sêmansaŋ biŋ samob, taŋ kato gêc papia tonec naŋ, gebe ŋanoc kêdabiŋ.   
\p
\v 4 Aê, Joaŋ, ŋoc biŋ êndêŋ gôlôac dabuŋ 7, taŋ sêmoa gamêŋ Asiaŋa. Moasiŋ to biŋmalô êndêŋ amac aŋga ŋac, taŋ gêmoa gêdêŋ andaŋgeŋ ma gêmoa galoc ma oc êmêŋ naŋ nê, ma aŋga Ŋalau 7, taŋ sêmoa ênê lêpôŋ kiŋŋa ŋanêmŋa naŋ nêŋ,  
\v 5 to aŋga Jesu Kilisi nê. Eŋ ŋac-gêwa-biŋ-sa-ŋaŋêŋ-waga ma kêtu ŋacmatê sêndi sa nêŋ ŋamêc to gêjam gôliŋ kiŋ nomŋa.  
\p Eŋ têtac gêwiŋ aêac ma kêgaboac aêac su aŋga nêŋ sec ŋa tau nê dec.  
\v 6 Eŋ kêkêŋ aêac tatu Tama Anôtô nê gamêŋ to dabuŋwaga. Ŋawasi to ŋajaŋa êndêŋ eŋ teŋgeŋ ma teŋgeŋ. Biŋŋanô.   
\q1
\v 7 Alic acgom, eŋ oc êmêŋ totaogeŋ.  
\q1 Lau samob oe sêlic eŋ.  
\q1 Ma êsêac, taŋ sêguŋ eŋ ôli lasê naŋ, oc sêlic eŋ sêwiŋ.  
\q1 Lau to-m-to-m aŋga nom têtaŋ êpi eŋ.  
\q1 Aec, biŋ tau amboac tônê.  
\q2 Biŋŋanô.   
\p
\v 8 Apômtau Anôtô, ŋaniniŋ Ŋatau, taŋ gêmoa gêdêŋ andaŋgeŋ ma gêmoa galoc ma oc êmêŋ naŋ, kêsôm gebe “Aê ŋac ŋamata to ŋamu.”   
\s1 Joaŋ gêlic Kilisi  
\p
\v 9 Amac tewemi aê, Joaŋ. Jesu gêbiŋ aêac tôŋ, tec gawê kaiŋ nêm gêŋwapac to Anôtônê gamêŋ ma gaôc gêŋwapac totêtac kêpa sugeŋ gawiŋ amac. Êsêac sêkêŋ aê gaŋgôŋ nuc, taŋ sêsam gebe Patmos naŋ, kêtu kasôm Anôtônê biŋ lasê to gawa Jesu saŋa.  
\v 10 Gêdêŋ Apômtaunê om Ŋalau gêjam aê auc, tec gaŋô awa kapôêŋ teŋ amboac dauc kêtaŋ aŋga aê dêmôêcmuŋa.  
\v 11 Ŋaawa tau kêsôm gebe “Gêŋ taŋ ôlic naŋ, oto êsêp buku teŋ ma ôsakiŋ êndêŋ gôlôac dabuŋ 7 tonec, Epese, Smurna, Pergamon, Tuatira, Sardes, Piladelpia ma Laodikea êna.”   
\p
\v 12 Go kakac tauc ôkwi gabe jalic awa, taŋ kêsôm biŋ gêdêŋ aê naŋ. Kakac tauc ôkwi e galic jakaiŋ gold 7.  
\v 13 Ma ŋac teŋ amboac ŋamalac latuŋi teŋ gêmoa jakaiŋ tonaŋ ŋasawa. Eŋ kêsô ŋakwê baliŋ e jagêdêŋ agêbi ma kêjandiŋ ômbiŋkap gold gêsac bôdagi.  
\v 14 Ŋac tau môkêapac to môkêlauŋ sêpôma amboac kateŋ sêpsêp ma amboac tao kwalam, ma mataanô amboac jawaô,  
\v 15 ma akaiŋ amboac ki joŋjoŋ, taŋ sêpac e ŋamondec-mondec kêsa naŋ, ma nê awa amboac bu kapôêŋkapôêŋ ŋakicsêa.  
\v 16 Ŋac tau lêma anôŋa kêkam utitalata 7, ma siŋ teŋ sêuc ŋamata makeŋ-makeŋ kêsa eŋ awasuŋ, ma eŋ laŋôanô amboac oc ŋawê toŋaclai.   
\p
\v 17 Aê galic eŋ e gau tauc jatomatêgeŋ gaêc eŋ akaiŋŋa, go kêkêŋ lêma anôŋa gêsac aê ma kêsôm gebe “Ôtêc taôm atom. Aê ŋac ŋamata to ŋamu.  
\v 18 Aê matoc jali. Aê gamac êndu su, mago aôm gôlicgac, aê matoc jali gamoa teŋgeŋ ma teŋgeŋ, ma kakôc gêmacanô to lamboam ŋaki.  
\v 19 Amboac tonaŋ oto gêŋ, taŋ gôlic naŋ, sa acgom. Oto gêŋ, taŋ galoc gêc naŋ, to gêŋ taŋ mêŋêsa êtu ŋamu naŋ, amboac tonaŋgeŋ.  
\v 20 Utitalata 7, taŋ gêc lemoc anôŋa naŋ, to jakaiŋ gold 7 ŋabiŋ, taŋ gêc lêlômgeŋ naŋ, ŋam tau tonec. Utitalata 7 tonaŋ têtu gôlôac dabuŋ 7 nêŋ aŋela, ma jakaiŋ 7 tonaŋ têtu gôlôac dabuŋ 7 tau. \f + \fr 1:20 \ft Ŋaê Asia kêkanôŋ gamêŋ, taŋ sêsam teŋ gebe Asia\f* sauŋ. Alic Tim II. 1:15   
\c 2  
\s1 Biŋ gêdêŋ gôlôac Epeseŋa  
\p
\v 1 “Oto biŋ tonec êndêŋ gôlôac dabuŋ Epeseŋa nêŋ aŋela.  
\p “Ŋac taŋ lêma anôŋa kêkam utitalata 7 ma kêsêlêŋ gêmoa jakaiŋ gold 7 ŋasawa naŋ, kêsôm biŋ tonec gebe  
\v 2 Aê kajala nêm koleŋ to gôim taôm su ma gôc gêŋwapac totêmtac kêpa sugeŋ. Aê kajala gebe aôm godec lau sec gebe sêmoa sêwiŋ aôm atom. Aôm kôsaê êsêac, taŋ sê tauŋ gebe aposolo, mago êsêac aposolo atom naŋ, e kôjala êsêac gebe dansaŋtêna.  
\v 3 Aôm gôc gêŋwapac, taŋ kêtap aôm sa kêtu ŋoc ŋaêŋa naŋ, totêmtac kêpa sugeŋ, ma têkwam gêbac atom.  
\v 4 Tageŋ nêm biŋ teŋ tec gêc. Aôm gôwi nêm têmtac gêwiŋ ŋamataŋa siŋ.  
\v 5 Amboac tonaŋ taêm ênam gêŋ, taŋ gôwi siŋ su naŋ, e ônam taôm ôkwi ma ônam kôm, taŋ gôjam gêdêŋ ŋamataŋa naŋ êtiam. Embe ônam taôm ôkwi atom, oc jandêŋ aôm jawac ma jatiŋ nêm jakaiŋ su aŋga ŋamala.  
\v 6 Mago tonec tec gôgôm jagêdêŋ gebe têmtac gedec Nikolainê launêŋ kôm, taŋ aê têtac gedec amboac tonaŋgeŋ naŋ.  
\v 7 Ŋac taŋ nê taŋasuŋ gêc naŋ, êŋô biŋ, tec Ŋalau kêsôm gêdêŋ gôlôac dabuŋ nec, gebe Teŋ embe êku ŋacjo tulu, oc jakêŋ eŋ êniŋ ka daŋgôŋ mateŋ jaliŋa, taŋ kêkô Anôtônê paradis naŋ ŋanô.   
\s1 Biŋ gêdêŋ gôlôac Smurnaŋa  
\p
\v 8 “Ma oto biŋ tonec êndêŋ gôlôac dabuŋ Smurnaŋa nêŋ aŋela.  
\p “Ŋac ŋamata to ŋamu, taŋ gêmac êndu e mata jali kêsa naŋ, kêsôm biŋ tonec gebe.  
\v 9 Aê kajala gebe gôŋgôŋ jageo to ŋalêlôm sawa. Mago aôm ŋac tolêlômgoc. Aê kajala êsêac, taŋ sê tauŋ gebe Juda naŋ, sêsôm biŋ alôb-alôb kêpi aôm. Mago êsêac Juda atom, êsêac aŋga Sadaŋnê lôm.  
\v 10 Ôtêc ŋandaŋ, taŋ oc ôc naŋ atom. Gôlicgac me, Sadaŋ oc êkêŋ amacnêm ŋagêdô sêsêp kapoacwalô, gebe ênsaê amac ma oc aŋgôŋ naeo êtôm bêc 10. Ôc ŋaŋêŋgeŋ e ômac êndu, go jakêŋ daŋgôŋ mateŋ jali ŋasunsuŋ êndêŋ aôm.  
\v 11 Ŋac taŋ nê taŋasuŋ gêc naŋ, êŋô biŋ, tec Ŋalau kêsôm gêdêŋ gôlôac dêbu ŋ nec, gebe Teŋ embe êku ŋacjo tulu, oc gêmacanô kêtu luagêcŋa êkêŋ ŋandaŋ êndêŋ eŋ atom.   
\s1 Biŋ gêdêŋ gôlôac Pergamonŋa  
\p
\v 12 “Ma oto biŋ tonec êndêŋ gôlôac dabuŋ Pergamonŋa nêŋ aŋela.  
\p “Ŋac taŋ gêôc siŋ teŋ sêuc ŋamata makeŋ-makeŋ naŋ kasôm biŋ tonec.  
\v 13 Aê kajala gamêŋ, taŋ gôŋgôŋ naŋ, Sadaŋnê lêpôŋ kêkô tônê. Mago aôm kôkam aêŋoc ŋaê tôŋ ma gôsa kôkêŋ gêwiŋ aêŋa auc atom. Gêdêŋ taŋ sêjac ŋoc ŋac-gêwa-biŋ-sa-ŋaŋêŋwaga Antipas êndu aŋga amacnêm gamêŋ, taŋ Sadaŋ gêŋgôŋ naŋ, aôm gôsa aê auc atom amboac tonaŋgeŋ.  
\v 14 Tageŋ nêm biŋ ŋagêdô tec gêc. Lau ŋagêdô sêkam Balamnê mêtê tôŋ sêmoa Pergamon sêwiŋ aôm. Balam tonaŋ kêdôŋ Balak gebe êwa lakô lau Israel, gebe sêniŋ da gwamŋa to sêŋgôm mockaiŋ.  
\v 15 Lau ŋagêdô sêkam Nikolainê launêŋ mêtê tôŋ sêmoa sêwiŋ aôm amboac tonaŋgeŋ.  
\v 16 Amboac tonaŋ ônam taôm ôkwi. Embe masi, oc jandêŋ aôm jawac sebeŋ ma janac êsêac ŋa siŋ, taŋ kêsa aocsuŋ naŋ.  
\v 17 Ŋac taŋ nê taŋasuŋ gêc naŋ, êŋô bi ŋ, tec Ŋalau kêsôm gêdêŋ gôlôac dabuŋ nec, gebe Teŋ embe êku ŋacjo tulu, oc jakêŋ mana, taŋ kêsiŋ tau gêc naŋ, ma jakêŋ poc sêpsêp teŋ êndêŋ eŋ êwiŋ. Aê kato ŋaê wakuc teŋ kêsêp poc tau, ŋac teŋ kêjala atom, ŋac-kêkôcpoc-waga taugeŋ kêjala.   
\s1 Biŋ gêdêŋ gôlôac Tuatiraŋa  
\p
\v 18 “Ma oto biŋ tonec êndêŋ gôlôac dabuŋ Tuatiraŋa nêŋ aŋela.  
\p “Anôtônê Latu, taŋ mataanô kêtôm jawaô ma akaiŋ amboac ki joŋjoŋ naŋ, kêsôm biŋ tonec.  
\v 19 Aê kajala nêm koleŋ to têmtac gêwiŋ ma kôkêŋ gêwiŋ ma gôjam sakiŋ to gôc gêŋwapac totêmtac kêpa sugeŋ. Aê kajala gebe galoc gôjam koleŋ kapôêŋ kêlêlêc gêmuŋŋa su.  
\v 20 Tageŋ nêm biŋ teŋ tec gêc. Aôm gôlôc gêdêŋ Jesebel, taŋ gê tau gebe propeteo teŋ ma kêdôŋ to kêlênsôŋ ŋoc sakiŋwaga gebe sêŋgôm mockaiŋ to sêniŋ da gwamŋa.  
\v 21 Aê kakêŋ ŋasawa gêdêŋ eŋ gebe ênam tau ôkwi, mago gedec, eŋ gebe ênam tau ôkwi aŋga nê lêŋ mockaiŋoŋa atom.  
\v 22 Ôlic acgom, aê oc jambaliŋ eŋ siŋ ênsac nê mê togêmacgeŋ, ma êsêac, taŋ sêgôm mockaiŋ gêdêŋ eŋ naŋ, embe sênam tauŋ ôkwi aŋga gêŋ, taŋ sêgôm sêwiŋ eŋ naŋ atom, oc jambaliŋ êsêac siŋ sêmoa naeo ŋanô.  
\v 23 Ma aê janseŋ ênê latuio to ŋac samob su sênaŋa, go gôlôac dabuŋ samob sêjala gebe aê ŋac, taŋ kabêlêm ŋamalacnêŋ ŋalêlôm e gabi lêtêŋ, ma jakêŋ ŋagêjô êndêŋ amac êndêŋ-êndêŋgeŋ êjô nêm kôm, taŋ ajam.  
\v 24 Mago amac lau Tuatiraŋa ŋagêdô akôc mêtê sec tonaŋ sa atom ma akip biŋ, taŋ sêsam gebe ‘Sadaŋnê biŋ ŋalômŋa’ naŋ, sa atom. Tec jasôm êndêŋ amac gebe Aê oc jau gêŋwapac teŋ ênsac amac êwiŋ atom.  
\v 25 Mago gêŋ, taŋ akôc kêtu nêm gêŋ su naŋ, amêŋgôm ŋajaŋageŋ e aê jawac.  
\v 26 Teŋ embe êku ŋacjo tulu ma ênam ŋoc kôm e ênac dabi ŋ,  
\q1 oc jakêŋ ŋaclai êndêŋ eŋ gebe êtu lau samuc nêŋ ŋatau   
\q1
\v 27 ma ênam gôliŋ êsêac ŋa tôcki  
\q1 to elo êsêac popoc llnsim-linsimgeŋ amboac kunom.   
\m
\v 28 Ŋaclai amboac tonaŋ aê kakôc aŋga Tamocnê, ma jakêŋ utitêna eleŋmataŋa êndêŋ eŋ.  
\v 29 Ŋac taŋ nê taŋasuŋ gêc naŋ, êŋô biŋ, tec Ŋalau kêsôm gêdêŋ gôlôac dabuŋ nec.   
\c 3  
\s1 Biô gêdêŋ gôlôac Sardesŋa  
\p
\v 1 “Ma oto biŋ tonec êndêŋ gôlôac dabuŋ Sardesŋa nêŋ aŋela.  
\p “Ŋac taŋ kêkôc Anôtônê Ŋalau 7 ma utitalata 7 naŋ, kêsôm biŋ tonec gebe Aê kajala nêm koleŋ ma waem gêc gebe gômoa matam jali, mago kôtu matê.  
\v 2 Matam êlêc ma ôpuc gêŋ ŋagêdô, taŋ gebe êmac êndugeŋ naŋ tôŋ, gebe aê galic aôm gôjac dabiŋ nêm koleŋ ŋapep kêtôm ênac Anôtô mataanô ŋajamŋa atom.  
\v 3 Amboac tonaŋ taêm ênam biŋ, taŋ gôŋô to kôkôc su naŋ, ma ômansaŋ e ônam taôm ôkwi. Embe matam êlac atom, oc jawac amboac geŋgeŋtêna, ma aôm oc ônam kauc noc jandêŋ aôm jawacŋa.  
\v 4 Mago aômnêm lau luagêcgeŋ tec sêŋgôŋ Sardes, taŋ sêgôm nêŋ ŋakwê ŋatêmui kêsa atom. Lau tonaŋ tec galic êsêac têtôm gebe oc sêsêlêŋ toŋakwê kwalam sêwiŋ aê.  
\v 5 Teŋ embe êku ŋacjo tulu, oc jakêŋ eŋ êsô ŋakwê kwalam sa ma janseŋ ênê ŋaê su aŋga buku mateŋ jaliŋa atom ma jasôm ênê ŋaê lasê êndêŋ Tamoc to nê aŋela.  
\v 6 Ŋac taŋ nê taŋasuŋ gêc naŋ, êŋô biŋ, tec Ŋalau kêsôm gêdêŋ gôlôac dabuŋ nec.   
\s1 Biŋ gedeŋ gôlôac Piladelpiaŋa  
\p
\v 7 “Ma oto biŋ tonec êndêŋ gôlôac dabuŋ Piladelpiaŋa nêŋ aŋela.  
\q1 “Ŋac dabuŋ to ŋac biŋŋanôŋa,  
\q1 taŋ kêkôc Dawidnê ki katamŋa naŋ,  
\q1 embe êlai su, oc teŋ êlai auc êtôm atom,  
\q1 ma embe êlai auc, oc teŋ êlai su êtôm atom,  
\m ŋac tau tonaŋ kêsôm biŋ tonec gebe  
\v 8 Aê kaJala nêm koleŋ. Ôlic acgom, aê galêc katam teŋ su gêdêŋ aôm, tec kêkô, ma teŋ kêtôm gebe ênsaŋ aucŋa atomanô. Aê kajala gebe nêm ŋaclai ŋagec gêc, mago kômasaŋ ŋoc biŋ to gôsa aêŋoc ŋaê auc atom.  
\v 9 Ôlic acgom, oc jakêŋ êsêac aŋga Sadaŋŋê lôm, taŋ sê tauŋ gebe êsêac Juda, mago êsêac J uda atom, sêsau tauŋ naŋ, sêndêŋ aôm sêwac sêpôŋ aeŋduc sênêc aôm amkaiŋŋa, ec sêjala gebe aê têtac gêwiŋ aôm.  
\v 10 Aê jaŋgôm biŋ tonaŋ gebe aôm kômasaŋ ŋoc biŋ to gôc gêŋwapac totêmtac kêpa sugeŋ. Amboac tonaŋ aê oc jajop aôm êndêŋ noc Iêtômŋa, taŋ oc mêŋêsa aŋga nom ŋagamêŋ samob gebe ênsaê lau samob, taŋ sêŋgôŋ nom naŋ, gebe lêtôm tau êtap aôm sa êwiŋ atom.  
\v 11 Aê oc jawac sebeŋ. Gêŋ taŋ kôkôc kêtu nêm gêŋ su naŋ, ômêŋgôm ŋajaŋageŋ gebe ŋac teŋ êjaŋgo nêm sunsuŋ su atom.  
\v 12 Teŋ embe êku ŋacjo tulu, oc jakêŋ eŋ êtu alê êkô ŋoc Anôtônê lôm dabuŋ. Eŋ oc êwi lôm dabuŋ siŋ êsa êna atomanô. Ma aê jato ŋoc Anôtônê ŋaê to ŋoc Anôtônê malac Jerusalem wakuc ŋaê ênsac eŋ. Ŋoc Anôtô oc êkêŋ malac tau êsêp aŋga undambê êmêŋ. Ma jato tauc ŋoc ŋaê wakuc ênsac eŋ êwiŋ.  
\v 13 Ŋac taŋ nê taŋasuŋ gêc naŋ, êŋô biŋ, tec Ŋalau kêsôm gêdêŋ gôlôac dabuŋ nec.   
\s1 Biŋ gêdêŋ gôlôac Laodikeaŋa  
\p
\v 14 “Ma oto biŋ tonec êndêŋ gôlôac dabuŋ Laodikeaŋa nêŋ aŋela.  
\p “Biŋŋanô ŋatau tau, taŋ gêwa biŋ sa ŋaŋêŋ to biŋŋanôgeŋ, gêŋ taŋ Anôtô kêkêŋ naŋ, samob ŋamôkê naŋ, kêsôm biŋ tonec gebe  
\v 15 Aê kajala nêm koleŋ ma kajala gebe aôm ŋaluc atom me ŋandaŋ atom. Ojae, jalic aôm ŋaluc me ŋandaŋ acgommaŋ.  
\v 16 Mago aôm ŋaluc atom ma ŋandaŋ atom, aôm ŋakola-kola, amboac tonaŋ aê gabe jakasôp aôm siŋ aŋga aocsuŋ.  
\v 17 Aôm kôsôm gebe Aê ŋac toawa ma ŋoc waba taêsam, tec kapô lêna gêŋ teŋ atom. Mago aôm gôjam kauc taôm. Aôm gômoa jageo ŋanô ma lau embe sêlic, oc taêŋ walô aôm. Aôm ŋac ŋalêlôm sawa ma matampec to gômoa ôlim ŋaômageŋ.  
\v 18 Amboac tonaŋ aê gabe jawa lêŋ teŋ sa êndêŋ aôm acgom. Ônam ôli gold, taŋ sêpac ŋa ja e ŋawasi kêsa naŋ, êndêŋ aê gebe ôtu ŋac tolêlôm. Onam ôli ŋakwê kwalam gebe ênsaŋ aôm gebe majam êsa êtu ôlim ŋaômaŋa atom, ma ônam ôli ŋalêsi gebe ôniŋ oso matamanô e ôlic gamêŋ ŋaŋêŋ êsa.  
\v 19 Aê embe têtac êwiŋ lau teŋ, oc jamêtôc to jakôniŋ êsêac. Amboac tonaŋ ôpôŋ taôm topalêgeŋ e ônam taôm ôkwi.  
\v 20 Alic acgom, aê tec kakô katamdêmôê ma kamadi kakô. Teŋ embe êŋô aê aoc ma êlêc katam su, oc jasô jandêŋ eŋ jana ma janiŋ gêŋ jawiŋ eŋ ma eŋ êniŋ gêŋ êwiŋ aê.  
\v 21 Teŋ embe êku ŋacjo tulu, oc jakêŋ eŋ êŋgôŋ ŋoc lêpôŋ êwiŋ aê, amboac aê kaku ŋacjo tulu ma gaŋgôŋ Tamocnê lêpôŋ gawiŋ eŋ.  
\v 22 Ŋac taŋ nê taŋasuŋ gêc naŋ, êŋô biŋ, tec Ŋalau kêsôm gêdêŋ gôlôac dabuŋ nec.”   
\c 4  
\s1 Sakiŋ dabuŋ undambêŋa  
\p
\v 1 Tonaŋ su acgom, go galic ŋakatu teŋ. Aê galic undambê ŋakatam teŋ gêŋa ma awa ŋamataŋa, taŋ kêsôm biŋ gêdêŋ aê ma gaŋô amboac dauc kêtaŋ naŋ, kêsôm gebe “Ôpi ômôêŋ, aê gabe jatôc biŋ, taŋ oc mêŋêsa êtu ŋamu naŋ, êndêŋ aôm.”  
\v 2 Ma sep tageŋ katuc kaiŋ teŋ kêsa e galic lêpôŋ kiŋŋa teŋ kêkô undambê ma ŋac teŋ gêŋgôŋ lêpôŋ tau.  
\v 3 Ma ŋac, taŋ gêŋgôŋ lêpôŋ kiŋŋa naŋ, laŋôanô ŋawasi amboac jabo ma bomsamuc amboac môêc. Ma kasômbuc kêgi lêpôŋ auc ma galic amboac kalacwaô.  
\v 4 Go lêpôŋ 24 kêgi lêpôŋ kiŋŋa tau auc, ma laumata 24 sêŋgôŋ lêpôŋ tau ŋaô. Êsêac sêsô ŋakwê kwalam-kwalam to sêkuc sunsuŋ gold.  
\v 5 Ma ôsic kêkac to aweŋ kêsa ma wapap gêjac kêsa aŋga lêpôŋ kiŋŋa tau. Ma daweŋ 7 gelom kêkô lêpôŋ tau ŋanêmŋa. Daweŋ tau Anôtônê Ŋalau 7.  
\v 6 Ma gwêc teŋ kêpoac lêpôŋ tau ŋanêmŋa. Gwêc tau ŋakêŋkêŋ laŋgwageŋ amboac glas.  
\p Ma aŋga gamêŋ ŋaluŋ tau bôc aclê sêkô sêgi lêpôŋ kiŋŋa auc. Êsêac mateŋanô taêsam gêjam ôliŋ nêmŋa to muŋa auc samucgeŋ.  
\v 7 Bôc ŋamataŋa kêtôm lewe. Go ônaŋ kêtu luagêcŋa naŋ, kêtôm bulimakao kapoac. Ma ônaŋ kêtu têlêacŋa naŋ, laŋôanô kêtôm ŋamalac. Ma ônaŋ kêtu aclêŋa naŋ, kêtôm momboaŋ gêlôb.  
\v 8 Ma bôc aclê tonaŋ nêŋ ŋamagê 6 kêtôm êsêacgeŋ. Ma mateŋanô gêjam ôliŋ dêmôêŋa to lêlômŋa auc. Êsêac sêsôm biŋ tonec kêtôm bêc to geleŋ sêlêwaŋ atom gebe  
\q1 “Apômtau Anôtô, ŋaniniŋ Ŋatau, eŋ ŋac dabuŋ, dabuŋ, dabuŋ.  
\q1 Eŋ gêmoa gêdêŋ andaŋgeŋ ma gêmoa galoc ma oc êmêŋ.”   
\m
\v 9 Ma gêdêŋ taŋ bôc tau sêkêŋ ŋawasi to wae ma daŋge gêdêŋ ŋac tau, taŋ gêŋgôŋ lêpôŋ kiŋŋa ma oc êmoa mata jali teŋgeŋ ma teŋgeŋ naŋ,  
\v 10 êsêac laumata 24 tonaŋ sêu tauŋ gêdêŋ ŋac, taŋ gêŋgôŋ lêpôŋ naŋ, to teteŋ mec gêdêŋ ŋac, taŋ gêŋgôŋ lêpôŋ naŋ, to teteŋ mec gêdêŋ ŋac, taŋ êmoa mata jali teŋgeŋ ma teŋgeŋ, ma tetoc nêŋ sunsuŋ gêc lêpôŋ ŋanêmŋa ma sêsôm gebe   
\q1
\v 11 “O Apômtau, aêacma Anôtô, aôm kôtômgoc gebe ôkôc ŋawasi ma waem to ŋaclai,  
\q1 gebe aôm kôkêŋ gêŋ samob ma aômnêm biŋ kêkêŋ gêŋ samob mêŋkêsa to ŋanô kêsa tec sêmoa.” \f + \fr 4:11 \ft Laumata 24 sêkac nêŋ sunsuŋ su gêc nom kêtu \f* têntac ŋandaŋ gêdêŋ nêŋ ŋatauŋa nec atom. Êsêac tetoc nêŋ Apômtau sa ŋa lêŋ amboac tonaŋ.   
\c 5  
\s1 Buku ma domba ŋabiŋ  
\p
\v 1 Aê galic buku teŋ kêsêp ŋac, taŋ gêŋgôŋ lêpôŋ naŋ, nê lêma anôŋa. Teto biŋ kêsêp lêlômŋa to dêmôêŋa, go sêkic tôŋ ma sêkêŋ peŋ 7 kêpi ŋaomata.  
\v 2 Go galic aŋela ŋaclai teŋ kêsôm biŋ kêkac awa sageŋ gebe “Asa kêtôm gebe êkac peŋ su ma êkac buku tau sa.”  
\v 3 Ŋac teŋ aŋga undambê me aŋga nom me aŋga nom ŋalêlôm kêtôm gebe êkac buku sa ma êsam atom.  
\v 4 Ma aê kêtaŋ ŋanô gebe têtap ŋac teŋ sa kêtôm gebe êkac buku sa ma êsamŋa nec atom.  
\v 5 Go laumata tau nêŋ teŋ kêsôm gêdêŋ aê gebe “Ôtaŋ atom. Ôlic acgom, lewe aŋga Judanê gôlôac, Dawidnê wakuc teŋ, kêku ŋacjo tulu. Ŋac tonaŋ tec êkac peŋ 7 su ma êkac buku tau sa.”   
\p
\v 6 Go galic domba teŋ kêkô lêpôŋ kiŋŋa to bôc aclê ma laumata 24 ŋalêlôm. Domba tau ŋalaŋô amboac sêbuc su. Nê jabo 7 to mataanô 7. Mataanô 7 tau Anôtônê Ŋalau 7, taŋ kêsakiŋ sêjam nom samucgeŋ auc.  
\v 7 Tec domba tau jakêkôc buku su aŋga ŋac, taŋ gêŋgôŋ lêpôŋ kiŋŋa ŋaô naŋ, nê lêma anôŋa.  
\v 8 Gêdêŋ taŋ eŋ kêkôc buku su naŋ, bôc aclê to laumata 24 sêu tauŋ sêc domba laŋônêmŋa. Êsêac sêkôc gêŋ wêŋa kêtômgeŋ ma sêkôc laclu gold. Gêŋmalu taŋ kêsêp laclu naŋ, Anôtônê launêŋ mec.  
\v 9 Ma êsêac sêpuc wê wakuc teŋ sa gebe  
\q1 “Aôm kôtôm gebe ôkôc buku ma okac ŋapeŋ su,  
\q1 gebe sêbuc aôm ma nêm dec gêjam ôli ŋamalac  
\q1 tomôkê-tomôkê ma aweŋ teŋ-aweŋ teŋ ma to-m-to-m ma totoŋ-totoŋ têtu Anôtônê lau.   
\q1
\v 10 Aôm kôkêŋ êsêac têtu Anôtônê gamêŋ to dabuŋwaga,  
\q1 gebe sênam sakiŋ aêacnêŋ Anôtô ma sênam gôliŋ aŋga nom.”   
\p
\v 11 Go galic to gaŋô aŋela taêsam aweŋ. Aŋela tau sêgi lêpôŋ kiŋŋa to bôc ma laumata auc ma nêŋ namba 1,000 to 1,000 ma 10,000 to 10,000.  
\v 12 Êsêac sêsôm ŋa aweŋ kapôêŋ gebe  
\q1 “Domba taŋ sêbuc naŋ, kêtôm gebe êkôc ŋaclai to  
\q1 gêŋ tolêlôm-tolêlôm ma kauc mêtêŋa to ŋajaŋa ma  
\q1 wae to ŋawasi ma lambiŋ.”   
\m
\v 13 Ma gaŋô gêŋ samob, taŋ Anôtô kêkêŋ naŋ, aŋga undambê to nom ma aŋga nom ŋalelôm to gwêc ma geŋ samob, taŋ sêjam aucgeŋ naŋ sêsôm gebe  
\q1 “Lambiŋ to wae ma ŋawasi to ŋajaŋa endeŋ ŋac, taŋ  
\q1 gêŋgôŋ lêpôŋ kiŋŋa naŋ, agêc Domba teŋgeŋ ma teŋgeŋ.”   
\m
\v 14 Go bôc aclê tau tonaŋ sêlôc gebe “Biŋŋanô.” Ma êsêac laumata sêu tauŋ jasêc ma teteŋ mec. \f + \fr 5:14 \ft Lau ŋanô embe teto papia êndêŋ ŋac teŋ ma embe \f* taêŋ ênam gebe lau teŋ sêsam papia tau sewiŋ atom, go sêkic papia tôŋ ŋa gam me o teŋ ma sêsap ŋaomata tôŋ kêpi tageŋ ŋa katêkwi, go sêpeŋ nêŋ ŋatalô êwa êsêac saŋa kêsêp katêkwi tau. Katêkwi toŋatalô tau sêsam gebe peŋ. Ŋac taŋ papia gêjac eŋ ŋawae naŋ, êkac peŋ tau su acgom, go êtôm gebe êsam papia tau. tau. Kat kwl to atalô tau Jam gebe pe ac taŋ papla gêjac eŋ ŋawae naŋ, êkac pe tau 8 U aC 9 Om, go êtôm gebe Ŋam papla tau.   
\c 6  
\s1 Biŋ peŋŋa  
\p
\v 1 Go galic Domba kêkac buku ŋapeŋ 7 ŋamataŋa su. Ma gaŋô bôc aclê nêŋ teŋ kêsôm awa amboac wapap gêjac gebe “Omôêŋ.”  
\v 2 Ma gaôc matocanô sa ma galic hos kwalam-kwalam teŋ. Ŋac taŋ gêŋgôŋ hos ŋaô naŋ, kêmêgôm talam ma sêkêŋ sunsuŋ gêdêŋ eŋ kêkuc. Ma ŋac tau kêsa gêja kêtôm ŋac-kêku-ŋacjo-tuluwaga, ma eŋ oc êku ŋacjo tulu.   
\p
\v 3 Go Domba kêkac ŋapeŋ kêtu luagêcŋa su. Ma gaŋô bôc kêtu luagêcŋa kêsôm gebe “Ômôêŋ.”  
\v 4 Ma hos kokoc teŋ kêsa gêmêŋ. Ma ŋac, taŋ gêŋgôŋ hos ŋaô naŋ, kêtu ŋatau gebe êkôc biŋmalô su aŋga nom ma êkêŋ ŋamalac senseŋ tauŋ, tec sêkêŋ siŋ kapôêŋ teŋ gêdêŋ eŋ.   
\p
\v 5 Go Domba kêkac ŋapeŋ kêtu têlêacŋa su. Ma gaŋô bôc kêtu têlêacŋa kêsôm gebe “Ômôêŋ.” Ma gaôc matocanô sa e galic hos jejec teŋ. Ma ŋac, taŋ gêŋgôŋ hos ŋaô naŋ, kêkôc dôŋ tanam dôŋ gêŋ ŋawapacŋa kêsêp lêma.  
\v 6 Ma gaŋô awa teŋ kêsa bôc aclê ŋasawa gebe “Kôm bêc tageŋŋa ŋaôli kêtôm gebe tanam ôli padi kap luagêc. Kôm bêc tageŋŋa ŋaôli kêtôm gebe tanam ôli labi kap 6geŋ. Mago ôŋgôm ŋalêsi to wain êtu sec atom.”   
\p
\v 7 Go Domba kêkac ŋapeŋ kêtu aclêŋa su. Ma gaŋô bôc kêtu aclêŋa nê awa gebe “Ômôêŋ.”  
\v 8 Tec gaôc matocanô sa e galic hos bobob teŋ. Ma ŋac, taŋ gêŋgôŋ hos gaô naŋ, nê ŋaê gebe Gêmacanô. Ma lau lamboamŋa têdaguc eŋ. Ma sêwa lau nomŋa kêkôc gêja toŋ aclê, ma Gêmacanô to nê lau têtap ŋaclai sa gebe senseŋ toŋ aclê tonaŋ ŋateŋ su ŋa siŋ to ŋa tôbôm ma ŋa gêmac tokaiŋ-tokaiŋ to ŋa bôclai nomŋa.   
\p
\v 9 Go Domba kêkac ŋapeŋ kêtu lemeŋ teŋŋa su. Ma aê galic lau, taŋ sêjac êsêac êndu kêtu sêsôm Anôtônê biŋ lasê to sêwa biŋ tau sa ŋaŋêŋŋa naŋ, nêŋ katuŋ sêmoa altar ŋalabu.  
\v 10 Ma êsêac sêmôêc ŋa aweŋ kapôêŋ gebe “O ŋatau dabuŋ to biŋŋanôŋa, êndêŋ ondoc go ômêtôc biŋ ma ôkêŋ aêacma dec ŋagêjô êndêŋ lau nomŋa.”  
\v 11 Tec sêkêŋ ŋakwê kwalam-kwalam gêdêŋ êsêac kêtômgeŋ ma sêsôm gêdêŋ êsêac gebe sêlêwaŋ tauŋ sauŋgeŋ êwiŋ e ŋacjo sênac lau, taŋ sêjam kôm sêwiŋ êsêac to nêŋ lasitêwai êndu nasêwiŋ êsêac, go Anôtô êmêtôc lau nomŋa.   
\p
\v 12 Ma aê galic Domba kêkac ŋapeŋ kêtu 6ŋa su ma ôjô gêjam kapôêŋanô e oc kêtu jec amboac talu ŋasaô-saô ma ajôŋ samuc amboac dec.  
\v 13 Utitalata umboŋŋa sêpôp sêsêp nom amboac wa tomatac-tomatac sêsêlô êndêŋ taŋ mu êsêlêŋ kapôêŋ naŋ.  
\v 14 Ma umboŋ gêlêc tau amboac sêlêc lacgeŋ ma lôc to nuc samob sêkêŋ maleŋ siŋ.  
\v 15 Go kiŋ nomŋa to lau towae ma siŋwaganêŋ kapitai to lau tolêlôm ma ŋajaŋa to gêŋôma ma êsêac, taŋ sêmoa nêŋ lêtêgeŋ naŋ, êsêac samob sêsiŋ tauŋ sêsêp gêsuŋ to poclabu aŋga lôc.  
\v 16 Ma sêsôm gêdêŋ lôc to poc kapôêŋ gebe “Aku taôm sa mêŋaŋgênduc aêac auc gebe ŋac, taŋ gêŋgôŋ lêpôŋ kiŋŋa naŋ, agêc Domba, taŋ têtac ŋandaŋ naŋ, sêlic aêac sapu.  
\v 17 Gebe agêcnêŋ bêc kapôêŋ têntac ŋandaŋŋa mêŋkêsa, ma asa kêtôm gebe êpuc tau tôŋ êkô.”   
\c 7  
\s1 Sepeŋ ŋatalô kêpi Israelneŋ lau 144,000  
\p
\v 1 Tonaŋ su, go galic aŋela aclê sêkô nom ŋakêclêsu aclê ma sêmêgôm nom ŋamu aclê tôŋ, gebe mu teŋ êsêlêŋ naêpi nom ma gwêc to ka teŋ atom.  
\v 2 Go galic aŋela teŋ aŋga oc ŋam kêpi gêmêŋ, naŋ kêkôc Anôtô mata jali nê peŋ sepeŋ ŋatalôŋa ma gêmôêc ŋa awa kapôêŋ gêdêŋ aŋela aclê, taŋ têtap ŋaclai sêŋgôm nom to gwêc êtu secŋa sa naŋ gebe  
\v 3 “Aŋgôm nom to gwêc ma ka êtu sec atomgeŋ e aêac apeŋ ŋatalô êpi aêacnêŋ Anôtônê sakiŋwaganêŋ teŋbeleŋ su acgom.”  
\v 4 Go gaŋô sêsa lau, taŋ sepeŋ ŋatalô kêpi êsêac naŋ, nêŋ namba sa kêtôm 144,000. Sepeŋ ŋatalô kêpi Israel latuinêŋ gôlôac samob kêtômgeŋ.   
\q1
\v 5 Aŋga Judanê gôlôac sepeŋ ŋatalô kêpi lau 12,000,  
\q1 aŋga Rubennê gôlôac 12,000,  
\q1 aŋga Gadnê gôlôac 12,000,   
\q1
\v 6 aŋga Asernê gôlôac 12,000,  
\q1 aŋga Naptalinê gôlôac 12,000,  
\q1 aŋga Manasenê gôlôac 12,000,   
\q1
\v 7 aŋga Simeonnê gôlôac 12,000,  
\q1 aŋga Lewinê gôlôac 12,000,  
\q1 aŋga Isakamê gôlôac 12,000,   
\q1
\v 8 aŋga Sebulonnê gôlôac 12,000,  
\q1 aŋga Josepnê gôlôac 12,000,  
\q1 ma aŋga Benjaminnê gôlôac 12,000.   
\s1 Lau nomŋa totoŋ-totoŋ sêjam sakiŋ Anôtô  
\p
\v 9 Tonaŋ su, go galic lau taêsam ŋasec, ŋac teŋ kêtôm gebe êsa êsêac saŋa atomanô. Êsêac aŋga lau totoŋ-totoŋ samob nêŋ to lau tomôkê-tomôkê ma lau to-m-to-m samob to lau aweŋ teŋ-aweŋ teŋ. Êsêac sêkô lêpôŋ kiŋŋa to Domba laŋônêmŋa sêsô ŋakwê kwalam-kwalam ma sêôc tômtôm ŋalauŋ.  
\v 10 Ma sêmôêc ŋa aweŋ kapôêŋ gebe “Moasiŋ ênam aêac kêsiŋa gêmêŋ aŋga Anôtô, taŋ gêŋgôŋ lêpôŋ kiŋŋa naŋ, agêc Domba nêŋ.”  
\v 11 Ma aŋela samob, taŋ sêkô sêgi lêpôŋ kiŋŋa to laumata ma bôc aclê auc naŋ, sêu tauŋ têtap labôcgeŋ sêc lêpôŋ kiŋŋa ŋanêmŋa ma teteŋ mec gêdêŋ Anôtô  
\v 12 ma sêsôm gebe  
\q1 “Biŋŋanô, lambiŋ to ŋawasi  
\q1 ma kauc mêtêŋa to daŋge  
\q1 ma wae to ŋaclai ma ŋajaŋa  
\q1 êndêŋ aêacnêŋ Anôtô teŋgeŋ ma teŋgeŋ. Biŋŋanô.”   
\p
\v 13 Go laumata teŋ kêtu kênac aê gebe “Êsêac taŋ sêsô ŋakwê kwalam-kwalam naŋ, asa lau ma sêmêŋ aŋga ondoc.”  
\v 14 Ma aê kasôm gebe “Ŋoc apômtau, aôm kôjalagac.” Tec eŋ kêsôm gêdêŋ aê gebe “Gêŋwapac kêkôniŋ êsêac ŋanô, tec sêmêŋ ma sêkwasiŋ nêŋ ŋakwê kêsêp Dombanê dec, tec ŋakwê tau kêtu sêp.   
\q1
\v 15 Sêgôm amboac tonaŋ, tec sêkô Anôtônê lêpôŋ kiŋŋa ŋanêmŋa  
\q1 ma sêjam sakiŋ eŋ kêtôm bêc to geleŋ sêmoa ênê lôm dabuŋ.  
\q1 Ma ŋac, taŋ gêŋgoŋ lêpôŋ kiŋŋa ŋaô naŋ,  
\q1 mêŋêtu nêŋ bec.   
\q1
\v 16 Mo to bu oc êjô êsêac êtiam atom.  
\q1 Ma oc to gêŋ ŋandaŋ teŋ oc êtuŋ êsêac êtiam atom,   
\q1
\v 17 gebe Domba, taŋ kêkô lêpôŋ ŋaluŋgeŋ naŋ, oc ejop êsêac  
\q1 ma oc êwê êsêac sêndêŋ bumata mata jali sêna.  
\q1 Ma Anôtô oc êmbuŋ êsêac mateŋsulu samob aŋga mateŋgasi su.”   
\c 8  
\s1 Ŋapeŋ kêtu 7ŋa  
\p
\v 1 Domba kêkac ŋapeŋ kêtu 7ŋa su, go undambê ŋagamêŋ ŋaŋêŋ kêsa kêtôm ockatu ŋasawa ŋamakeŋ.  
\v 2 Go galic aŋela 7, taŋ sêkô Anôtô laŋônêmŋa naŋ, sêkôc dauc 7.   
\p
\v 3 Ma aŋela teŋ gêmêŋ kêkô kêsi altarŋa. Eŋ kêkôc laclu gold gêŋmaluŋa teŋ. Ma sêkêŋ gêŋmalu taêsam gêdêŋ eŋ gebe êkêŋ êtu da ênsac altar gold, taŋ kêkô lêpôŋ kiŋŋa ŋanêmŋa naŋ, êwiŋ Anôtônê lau samob nêŋ mec.  
\v 4 Ma gêŋmalu ŋajadauŋ gêôŋ sa aŋga aŋela, taŋ kêkô Anôtô laŋônêmŋa naŋ lêma, kêpi gêwiŋ Anôtônê launêŋ mec gêja.  
\v 5 Go aŋela kêkôc laclu gêŋmaluŋa jakêkêŋ ja aŋga altar kêsêp e mêŋgêc ma kêbaliŋ kêsêp nom gêja. Su, go wapap gêjac to gamêŋ ŋakicsêa kêsa ma ôsic kêkac to ôjô gêjam.   
\s1 Dauc kêtaŋ  
\p
\v 6 Ma aŋela 7, taŋ sêkôc dauc 7 naŋ, sêmasaŋ tauŋ gebe sênac êtaŋ.   
\p
\v 7 Aŋela ŋamataŋa gêjac dauc kêtaŋ ma kompoc to ja ma dec kêgaluŋ gêwiŋ tau kêsêp nom gêja. Sêwa nom samuc kêkôc gêja ŋamakeŋ têlêac ma sêwa ka kêkôc gêja toŋ têlêac amboac tonaŋgeŋ. Tec ja geŋ nom ŋamakeŋ teŋ to ka ŋatoŋ teŋ su ma gêgwaŋ matac-matac samob tomalageŋ.   
\p
\v 8 Go aŋela kêtu luagêcŋa gêjac dauc kêtaŋ ma gêŋ amboac ja geŋ lôc kapôêŋ teŋ gêu tau kêsêp gwêc gêja. Gwêc tau sêwa kêkôc gêja têlêac ma ŋateŋ kêtu dec.  
\v 9 Ma sêwa gêŋ mateŋ jali, taŋ sêsê aweŋ sêmoa gwêc naŋ, to waŋ, taŋ sêpoac gwêc naŋ, kêkôc gêja toŋ têlêac ma gêŋ mateŋ jali nêŋ toŋ teŋ to waŋ ŋatoŋ teŋ sêjaŋa.   
\p
\v 10 Go aŋela kêtu têlêacŋa gêjac dauc kêtaŋ. Ma utitalata kapôêŋ teŋ kêpôp aŋga umboŋ kêtôm daweŋ ŋawaô. Ma sêwa bu samob kêkôc gêja têlêac, tec jakêsêp ŋateŋ to kêsêp bumata gêwiŋ.  
\v 11 Ma utitalata tau ŋaê gebe Ŋamakic. Ma bu têlêac tau ŋateŋ ŋamakic kêsa. Ma ŋamalac taêsam sênôm bu ŋamakic tau, tec sêmac êndu.   
\p
\v 12 Go aŋela kêtu aclêŋa gêjac dauc kêtaŋ. Ma sêwa oc kêkôc gêja ŋamakeŋ têlêac ma sêwa ajôŋ kêkôc gêja ŋamakeŋ têlêac to sêwa utitalata kêkôc gêja toŋ têlêac. Ma oc ŋamakeŋ teŋ to ajôŋ ŋamakeŋ teŋ ma utitalata ŋatoŋ teŋ gêjam kanuc. Ma têm oc to ajôŋ ma utitalata kêpô nomŋa kêtu dambê kêtôm tonaŋgeŋ.   
\p
\v 13 Go galic to gaŋô momboaŋ teŋ gêlôb gêmoa umboŋ ŋalabu ma gêmôêc ŋa awa kapôêŋ gebe “Ojae, ojae, ojae, lau taŋ sêŋgôŋ nom naŋmêŋ. Aŋela têlêac tec sêmoa. Nêŋ dauc embe êtaŋ, oc êsêacmêŋ sêŋgôŋ naeo ŋanôgoc.”   
\c 9  
\p
\v 1 Go aŋela kêtu lemeŋ teŋŋa gêjac dauc kêtaŋ. Ma galic utitalata teŋ kêpôp aŋga umboŋ kêsêp nom gêja, ma sêkêŋ ki gamêŋ ŋakêlêndiŋ secŋa gêdêŋ eŋ.  
\v 2 Ma eŋ kêlai gamêŋ ŋakêlêndiŋ ŋakatam su ma jadauŋ kêpi aŋga gêsuŋ tau tonaŋ kêtôm ja geŋ oba ŋatêtac mêŋgêjam oc to gamêŋ auc e ŋakesec kêsa.  
\v 3 Ma wagô sêsa aŋga jadauŋ ŋalêlôm mêŋsêjam nom auc, ma nêŋ ŋaclai kêtôm alidêbu nomŋa nêŋ.  
\v 4 Ma biŋ gêdêŋ êsêac gebe sêŋgôm gêgwaŋ nomŋa to gêŋ ŋalauŋ matac-matac ma ka sec atom, têtu kasec ŋamalac, taŋ sepeŋ Anôtônê ŋatalô kêpi êsêac teŋbeleŋ atom naŋgeŋ.  
\v 5 Mago wagô tau têtôm gebe sênac ŋamalac êndu atom, sêlôc gebe sêlênsu êsêacgeŋ êtôm ajôŋ lemeŋ teŋ. Sêlênsu êsêac ŋa ŋandaŋ êtôm alidêbu êŋac lau ŋaŋandaŋ.  
\v 6 Êndêŋ ŋasawa tonaŋ ŋamalac sêŋgôm gêŋlêlôm gebe sêmac ênduŋa, mago sêŋgôm elêmê. Êsêac oc sênam aweŋ su gebe sêmac êndu, mago gêmac oc êc êsêac sugeŋ.   
\p
\v 7 Wagô tau ŋalaŋô amboac hos, taŋ sêmasaŋ kêtu siŋŋa naŋ. Êsêac sêkuc gêŋ amboac sunsuŋ gold, ma êsêac laŋôŋanô amboac ŋamalac laŋôanô.  
\v 8 Êsêac môkêŋlauŋ baliŋ amboac lauonêŋ ma luŋluŋ amboac lewenêŋ.  
\v 9 Talic êsêac bôŋdagi amboac maluku ki gêsaŋ auc, ma nêŋ magêŋ ŋakicsêa amboac kareta, taŋ hos taêsam sê ma sêlêti kêtu siŋŋa naŋ.  
\v 10 Ma nêŋ lêŋuc tokêm amboac alidêbunêŋ, ma nêŋ ŋaclai gêc ŋalêŋuc tau ŋalêlôm, gebe têtu kasec ŋamalac êtôm ajô lemeŋ teŋ.  
\v 11 Aŋela gamêŋ ŋakêlêndiŋ secŋa kêtu nêŋ kiŋ, nê ŋaê ŋa Ebolai aweŋ gebe Abadon, ma ŋa aêac aweŋ gebe ŋac-geseŋ-gêŋ-ŋsamob-suwaga.   
\p
\v 12 Ojae ŋamataŋa mêŋgêja su. Ojae luagêc gacgeŋ gêc, oc mêŋêsa êtu ŋamu.   
\p
\v 13 Go aŋela kêtu 6ŋa gêjac dauc kêtaŋ. Ma aê gaŋô awa teŋ kêsa aŋga jabo aclê, *taŋ gêsac altar gold, taŋ kêkô Anôtô laŋônêmŋa naŋ ŋakêclêsu.  
\v 14 Awa tau kêsôm gêdêŋ aŋela kêtu 6ŋa, taŋ kêkôc dauc naŋ, gebe “Ôŋgamboac aŋela aclê, taŋ sêkô êsêac tôŋ sêmoa bu kapôêŋ Euprat naŋ su.”  
\v 15 Ma eŋ kêgaboac aŋela aclê tonaŋ su. Aŋela tau sêmasaŋ tauŋ kêpi jala tonaŋ ŋaajôŋ to ŋabêc ma ŋaockatu su gebe sêwa ŋamalac samob êkôc êna toŋ têlêac ma sênac ŋamalacnêŋ toŋ têlêac tau ŋateŋ êndu.  
\v 16 Ma aê gaŋô sêsa siŋwaga, taŋ sêŋgôŋ hos ŋaô naŋ, nêŋ namba sa, ma namba tau 200 million.  
\v 17 Ma katuc kaiŋ teŋ kêsa e galic hos to lau, taŋ sêŋgôŋ ŋaô naŋ. Êsêacnêŋ maluku kokoc kêtôm ja to majaŋ-majaŋ ma joŋjoŋ. Ma hos tau môkêŋapac amboac lewenêŋ, ma ja to jadauŋ ma talao kêsa êsêac aweŋsuŋ.  
\v 18 Gêŋwapac têlêac tonec ja to jadauŋ ma talao, taŋ kêsa êsêac aweŋsuŋ naŋ, geseŋ ŋamalac, taŋ sêwa kêkôc gêja toŋ têlêac naŋ, ŋateŋ su.  
\v 19 Hos tau nêŋ ŋaclai ŋam kêsêp êsêac aweŋsuŋ to nêŋ Iêŋuc. Nêŋ Iêŋuc tomôkêŋapac amboac moac. Ma môkêŋapac tau tonaŋ têtu kasec ŋamalac.   
\p
\v 20 Ma ŋamalac ŋagêdô, taŋ gêŋwapac tonaŋ geseŋ êsêac su atom naŋ, sêjam tauŋ ôkwi aŋga nêŋ kôm, taŋ lemeŋ sêgôm naŋ atom. Êsêac teteŋ mec gêdêŋ ŋalau sec sêwi siŋ atom ma teteŋ mec gêdêŋ gwam, taŋ sêmasaŋ ŋa gold to silber ma ki to poc ma ka, ma têtôm gebe sêlic gamêŋ to sêŋô biŋ ma sêsêlêŋ atom naŋ.  
\v 21 Ma êsêac sêjam tauŋ ôkwi aŋga nêŋ lêŋ sêjac ŋamalac êndu to nêŋ sôlôŋ toê-toê ma nêŋ lêŋ mockaiŋo to mockaiŋŋa ma nêŋ biŋ geŋgeŋŋa atom. \f + \fr 9:21 \ft Lau Juda sêmasaŋ nêŋ ŋagêlôŋ teŋ. Êsêac sêsap\f* jabo kapôêŋ aclê ma sêkêŋ jabo ŋakatu tau kêkô altar ŋakêclêsu aclê. ma êkêŋ Jabo akatu tau k k altar akacŋu acŋ.   
\c 10  
\s1 Aŋela to buku sauŋ  
\p
\v 1 Go galic aŋela ŋajaŋa teŋ aŋga undambê kêsêp gêmêŋ. Eŋ kêkôm tau auc ŋa tao, ma kasômbuc teŋ gêsac eŋ môkêapac, ma laŋôanô amboac oc ma akaiŋ amboac alê ja.  
\v 2 Buku sauŋ teŋ kêkac tau sa kwanaŋgeŋ kêsêp eŋ lêma. Ma ketoc akaiŋ anôŋa kêkô gwêc ma gasêŋa kêkô bau.  
\v 3 Go eŋ gêmôêc ŋa awa kapôêŋ amboac lewe kêtaŋ. Eŋ gêmôêc su, go wapap 7 sêjac ma sêsôm biŋ.  
\v 4 Wapap 7 sêsôm biŋ su, ma gabe jato biŋ tau. Mago gaŋô awa teŋ kêsa aŋga undambê gêmêŋ gebe “Biŋ taŋ wapap 7 sêsôm naŋ, ênêc aômŋageŋ, oto sa atom.”  
\v 5 Go aŋela, taŋ galic eŋ kêkô gwêc to bau naŋ,  
\q1 gêôc lêma anôŋa sa kêpi undambê gêja,   
\q1
\v 6 ma kêtôc lêma kêpi ŋac mata jaliŋa, taŋ gêmoa teŋgeŋ ma teŋgeŋ.  
\m Ŋac tau kêkêŋ undambê to ŋagêŋ samob ma nom to ŋagêŋ samob ma gwêc to ŋagêŋ samob. Ma aŋela kêsôm gebe “Têm oc êmbacnê.  
\v 7 Êndêŋ taŋ aŋela kêtu 7ŋa ênac dauc êtaŋ naŋ, Anôtô oc ênac dabiŋ nê biŋ ŋalêlômŋa, amboac kêsôm ŋawae ŋajam tau lasê gêdêŋ propete, taŋ têtu ênê sakiŋwaga naŋ.”   
\p
\v 8 Ma awa, taŋ gaŋô kêsa aŋga undambê gêmêŋ naŋ, kêsôm biŋ gêdêŋ aê kêtiam gebe “Ôna ma ôkôc buku, tê kêkac tau sa kwanaŋgeŋ kêsêp aŋela, taŋ kêkô gwêc to bau naŋ, lêma nê su.”  
\v 9 Tec aê gadêŋ aŋela tau gaja ma kasôm gêdêŋ eŋ gebe “Ôkêŋ buku sauŋ tonaŋ êndêŋ aê.” Ma eŋ kêsôm gêdêŋ aê gebe “Ôkôc wacôniŋ. Buku tau oc êŋgôm nêm ŋatêtacsêga ŋamakic êsa. Mago awamsuŋ oc ênsaê ŋakana amboac lêp.”  
\v 10 Ma kakôc buku sauŋ tau su aŋga aŋela lêma ma mêŋgaeŋ e kêsaê ŋakana amboac lêp gêc aocsuŋ. Aê kadaŋgôŋ su, go ŋoc ŋatêtacsêga ŋamakic kêsa.  
\v 11 Ma sêsôm gêdêŋ aê gebe “Oc biŋ lasê êtiammaŋ êpi lau to-m-to-m to lau totoŋ-totoŋ ma lau aweŋ teŋ-aweŋ teŋ ma kiŋ tokiŋ.”   
\c 11  
\s1 Sêwa-biŋ-sa-ŋaŋeŋwaga luagêc  
\p
\v 1 Go sêkêŋ ôpic teŋ kêtôm tôc tanam dôŋ gêŋŋa gêdêŋ aê ma sêsôm gêdêŋ aê gebe “Ôndi naônam dôŋ Anôtônê lôm dabuŋ to altar ma êsêac, taŋ teteŋ mec sêmoa lôm dabuŋ ŋalêlôm naŋ.  
\v 2 Mago ondec malacluŋ lôm dabuŋ ŋamagêŋa ênêcŋa, ônam dôŋ atom, gebe sêkêŋ gêdêŋ lau samuc sêwê kaiŋ ma êsêac oc sêka malac dabuŋ popoc êtôm ajôŋ 42.  
\v 3 Ma aê oc jakêŋ ŋoc sêwa-biŋ-sa-ŋaŋeŋwaga luagêc. Êsêagêc sêsô talu sa ma seoc biŋ lasê êtôm bêc 1,260.”  
\v 4 Ŋac ulu tonaŋ têtôm katêkwi luagêc me jakaiŋ luagêc, taŋ sêkô nom Ŋatau laŋônêm naŋ.  
\v 5 Ma teŋ embe taê ênam gebe êtu kasec êsêagêc, go ja êsa êsêagêc aweŋsuŋ e naêniŋ agêcnêŋ ŋacjo su. Teŋ embe taê ênam gebe êtu kasec êsêagêc, naŋ senseŋ eŋ su ŋa ja êtôm tônêgeŋ.  
\v 6 Ŋaclai gêdêŋ êsêagêc gebe sêmbôc umboŋ auc e kom teŋ ênac êndêŋ bêc êsêagêc seoc biŋ lasêŋa atom. Ma ŋaclai gêdêŋ êsêagêc gebe sênam bu ôkwi êtu dec. Ma êsêagêc oc sêlênsu nom ŋa gêŋwapac tokaiŋ-tokaiŋ êtôm taŋ taêŋ gêjam naŋ.   
\p
\v 7 Êndêŋ taŋ sênac dabiŋ nêŋ kôm sêwa biŋ saŋa naŋ, bôc tau oc êpi aŋga ŋakêlêndiŋ sec mêŋênac siŋ êndêŋ êsêagêc e êku êsêagêc tulu ma ênac êsêagêc êndu.  
\v 8 Ma êsêagêcnêŋ ŋawêlêlaŋ oc ênêc malacsêga ŋaintêna. Êsêac sêlêwiŋ malac tau gebe Sodom to Aiguptu. Aŋga malac tonaŋ êsêac sêjac êsêagêcnêŋ Apômtau kêpi kakesotau.  
\v 9 Ma lau aŋga lau to-m-to-m ma lau tomôkê-tomôkê to lau aweŋ teŋ-aweŋ teŋ ma lau totoŋ-totoŋ sêlic êsêagêcnêŋ ŋawêlêlaŋ ênêc êtôm bêc têlêac ma ŋasêku ma sênac jao gebe sênsuŋ atom.  
\v 10 Ma lau nomŋa oc têtu samuc êsêagêc sêmac ênduŋa ma têntac ŋajam, tec sêkêŋ gêŋ ŋajam-ŋajam ŋaômageŋ êndêŋ tauŋ, gebe propete luagêc tonaŋ sêlêsu lau nomŋa.  
\v 11 Bêc têlêac ma ŋasêku gêjaŋa, go Ŋalau mata jaliŋa aŋga Anôtônê kêsêp êsêagêcnêŋ ŋalêlôm gêja, tec agêc dêdi sêkô, ma êsêac, taŋ sêlic êsêagêc naŋ, têtêc tauŋ ŋanô.  
\v 12 Ma ŋaclagêc tau sêŋô awa kapôêŋ kêsa aŋga undambê ma kêsôm gêdêŋ êsêagêc gebe “Api tonec amêŋ.” Go tao teŋ kêsuŋ êsêagêc sa sêpi undambê sêja ma agêcnêŋ I acjo sêlic êsêagêc sêpi sêja.  
\v 13 Ma gêdêŋ ŋasawa tonaŋ ôjô gêjam kapôêŋ e malac tonaŋ ŋaandu samob embe tawa êkôc êna toŋ 10, naŋ ŋateŋ gêjaŋa. Ma ôjô tau geseŋ lau 7,000 su. Ma lau ŋagêdô têtêc tauŋ, tec tetoc Anôtô undambêŋa sa.   
\p
\v 14 Ojae kêtu luagêcŋa tec mêŋgêja su. Ma ojae kêtu têlêacŋa oc mêŋêsa.   
\s1 Dauc kêtu 7ŋa  
\p
\v 15 Go aŋela kêtu 7ŋa gêjac dauc kêtaŋ. Ma aweŋ kapôêŋ kêsa aŋga undambê gebe  
\q1 “Aêacnêŋ Apômtau agêc nê Kilisi têtu nom ŋagamêŋ Ŋatau,  
\q1 ma eŋ oc ênam gôliŋ êmoa teŋgeŋ ma teŋgeŋ.”   
\m
\v 16 Go laumata 24, taŋ sêŋgôŋ nêŋ lêpôŋ sêmoa Anôtô laŋônêm naŋ, sêu tauŋ têtap labôcgeŋ sêc ma teteŋ mec gêdêŋ Anôtô gebe   
\q1
\v 17 “O Apômtau Anôtô, ŋaniniŋ Ŋatau, taŋ gômoa gêdêŋ andaŋgeŋ ma galoc gômoa naŋ,  
\q1 aêac anam daŋge aôm gebe kôwaka nêm ŋaclai kapôêŋ sa ma gôjam gôliŋ gômoa.   
\q1
\v 18 Lau samuc têntac ŋandaŋ kêsa,  
\q1 mago aôm têmtac ŋandaŋ kêsa amboac tonaŋgeŋ.  
\q1 Noc ômêtôc ŋacmatêŋa  
\q1 to ôkêŋ ŋagêjô ŋajam êndêŋ propete, taŋ têtu nêm sakiŋwaga  
\q1 to êndêŋ nêm lau ma êndêŋ êsêac lau sauŋ to kapôêŋ,  
\q1 taŋ têtêc aômnêm ŋaê naŋŋa, mêŋgêô lasê.  
\q1 Noc onseŋ êsêac, taŋ seseŋ nom naŋ, tau tonec.”   
\m
\v 19 Ma Anôtônê lôm dabuŋ aŋga undambê ŋakatam gêlêc su e Anôtônê poac ŋakatapa, taŋ kêkô ênê lôm dabuŋ naŋ, kêtu awê. Go ôsic kêkac to gamêŋ ŋakicsêa kêsa ma wapap gêjac to ôjô gêjam ma kompoc gêjac kapôêŋ.   
\c 12  
\s1 Awê ma lêŋuckêm nêŋ biŋ  
\p
\v 1 Ma gêŋtalô kapôêŋ teŋ aŋga undambê mêŋkêsa gebe awê teŋ kêsô oc kêtu nê ŋakwê ma kêkô ajôŋ ŋaô ma kêkuc utitalata 12 kêtu sunsuŋ.  
\v 2 Awê tau taê ma ŋapalê kêtuŋ eŋ gebe êkôc, tec gêŋgôŋ jageo ma kêwakic.   
\p
\v 3 Go gêŋtalô teŋ aŋga undambê mêŋkêsa. Lêŋuckêm bomsamuc kapôêŋ teŋ tomôkêapac 7 ma ŋajabo 10 kêkuc sunsuŋ 7.  
\v 4 Ma nê Iêŋuc gêbam utitalata umboŋŋa toŋ têlêac tonaŋ ŋateŋ piŋpaŋ, ma kêpalip kêsêp nom gêja. Go lêŋuckêm jakêkô awê, taŋ gebe êkôc ŋapalê naŋ laŋônêm. Eŋ kêkô ma kêsaê gebe awê êkôc ŋapalê su acgom, go eŋ êndaŋgôŋ ŋapalê tau su.  
\v 5 Awê tau kêkôc ŋapalê ŋac. Ŋapalê tau tonaŋ oc ênam gôliŋ lau samuc samob ŋa tôcki. Go gêŋ teŋ kêjaŋgo ŋapalê su gêdêŋ Anôtô to nê lêpôŋ gêja.  
\v 6 Ma awê tau kêsa gamêŋ sawa gêja. Anôtô tau kêmasaŋ gamêŋ ŋasawa teŋ kêtu eŋŋa gebe sêlôm eŋ aŋga tônê êtôm bêc 1,260.   
\p
\v 7 Go siŋ kêsa aŋga undambê. Mikael to nê aŋela sêjac siŋ gêdêŋ Iêŋuckêm. Ma lêŋuckêm to nê aŋela sêjac siŋ gêdêŋ êsêac,  
\v 8 mago sêku êsêac tulu atom, tec lêŋuckêm to nê aŋela nêŋ ŋasawa teŋ gêc undambê kêtiam atom.  
\v 9 Êsêac têtiŋ Iêŋuckêm kapôêŋ, moac laŋgwa tau, taŋ sêsam eŋ gebe Ŋackêlênsôŋ-biŋwaga me Sadaŋ naŋ su. Ŋac tau kêsau nom ŋagamêŋ samob. Êsêac têtiŋ eŋ to nê aŋela su sêsêp nom sêja.  
\v 10 Go gaŋô awa kapôêŋ aŋga undambê kêsa gebe  
\q1 “Galoc moasiŋ to ŋajaŋa ma gôliŋ kiŋŋa gêmu gêdêŋ aêacnêŋ Anôtô gêja.  
\q1 Ma ênê Kilisinê ŋaclai kêsa,  
\q1 gebe têtiŋ ŋac, taŋ kêkô Anôtô laŋônêm  
\q1 ma kêgôliŋ biŋ kêpi aêacnêŋ lasitêwai naŋ su.  
\q1 Eŋ kêgôliŋ biŋ kêpi êsêac kêtôm bêc to geleŋgeŋ.   
\q1
\v 11 Ma êsêac sêku eŋ tulu ŋa Dombanê dec  
\q1 to ŋa nêŋ biŋ, taŋ sêwa sa naŋ.  
\q1 Êsêac têntac gêwiŋ gebe sêmoa mateŋ jali atom, tec sêmac êndu.   
\q1
\v 12 Amboac tonan undambê to amac, taŋ aŋgôŋ undambê naŋ, têmtac ŋajam êsa.  
\q1 Ojae, nom to gwêcmêŋ,  
\q1 Sadaŋ kêsêp gêdêŋ amac gêwac totêtac ŋandaŋ kapôêŋ,  
\q1 gebe eŋ kêjala su gebe nê têm kêtu dambêgac.”   
\p
\v 13 Gêdêŋ tonaŋ Iêŋuckêm kêjala gebe têtiŋ eŋ su kêsêp nom gêja, tec kêjanda awê, taŋ kêkôc ŋapalê ŋac naŋ.  
\v 14 Ma sêkêŋ momboaŋ kapôêŋ ŋamagê luagêc gêdêŋ awê tau, gebe êIôp êna nê mala, taŋ gêc gamêŋ sawa naŋ. Êsêac oc sêlôm eŋ aŋga tônê êtôm jala têlêac ma ajôŋ 6, gebe êmoa jaêc moac.  
\v 15 Tec moac gêluc bu kapôêŋ kêsa awasuŋ kêdaguc awê tau gêja, gebe êc eŋ su.  
\v 16 Mago nom gêjam awê tau sa ma gêŋa awasuŋ e kêdaŋgac bu, taŋ Iêŋuckêm gêluc kêsa awasuŋ naŋ su.  
\v 17 Tec lêŋuckêm têtac ŋandaŋ gêdêŋ awê tau ma gêja gebe ênac siŋ êndêŋ ênê wakuc ŋagêdô, taŋ sêmasaŋ Anôtônê biŋsu to sêwa Jesunê mêtê sa naŋ.  
\v 18 Ma lêŋuckêm kêkô ambêô.   
\c 13  
\s1 Bôc luagêc nêŋ biŋ  
\p
\v 1 Go galic bôc teŋ kêpi aŋga gwêc gêmêŋ. Bôc tau nê jabo 10 ma môkêapac 7. Ma sunsuŋ 10 gêsac nê jabo ŋaô ma teto ŋaê alôb-alôb gêsac môkêapac.  
\v 2 Ma bôc tau, taŋ galic naŋ, ŋalaŋô amboac pusip saleŋŋa kapôêŋ ma akaiŋ amboac iwanê ma awasuŋ amboac lewe awasuŋ. Ma lêŋuckêm kêkêŋ nê ŋajaŋa to nê lêpôŋ ma nê ŋaclai kapôêŋ gêdêŋ eŋ.  
\v 3 Ma sêlic bôc tau nê môkêapac tau ŋateŋ kêtôm sêjac êndu, mago ŋakamoc sec tau gêmô. Tec lau nomŋa samob sê taêŋ ma têdaguc bôc tau.  
\v 4 Ma êsêac teteŋ mec gêdêŋ lêŋuckêm gebe kêkêŋ ŋaclai gêdêŋ bôc, go teteŋ mec gêdêŋ bôc tau ma sêsôm gebe “Asa kêtôm bôc tonaŋ ma asa kêtôm gebe ênac siŋ êndêŋ eŋ.”   
\p
\v 5 Ma Anôtô gêlôc gebe bôc etoc tau sa ŋa awasuŋ kapôêŋ to êsôm biŋ alôb-alôb, ma kêkêŋ ŋaclai gêdêŋ eŋ gebe êŋgôm gêŋ tau êtôm ajôŋ 42.  
\v 6 Bôc tau gêŋa awasuŋ ma kêsôm biŋ alôb-alôb kêpi Anôtô to kêpi ênê ŋaê to ênê andu ma kêpi êsêac, taŋ sêŋgôŋ undambê.  
\v 7 Ma Anôtô gêlôc gebe eŋ ênac siŋ êndêŋ Anôtônê lau e êku êsêac tulu. Ma kêkêŋ ŋaclai gêdêŋ eŋ gebe êtu lau tomôkê-tomôkê to lau to-m-to-m ma lau aweŋ teŋ-aweŋ teŋ to lau totoŋ-totoŋ samob nêŋ ŋatau.  
\v 8 Ma lau nomŋa samob oc teteŋ mec êndêŋ bôc tau. Mago gêdêŋ taŋ Anôtô kêkêŋ undambê to nom atomgeŋ naŋ, lau tonaŋ nêŋ ŋaê kêsêp Domba, taŋ sêjac êndu naŋ, nê buku mata jaliŋa atom.   
\q1
\v 9 Ŋac teŋ nê taŋasuŋ embe ênêc, naŋ, êŋômaŋ.   
\q1
\v 10 Embe ênac ŋac teŋ ŋawae gebe êŋgôŋ kapoacwalô,  
\q1 oc êsêp kapoacwalô êna.  
\q1 Ma embe ênac ŋac teŋ ŋawae gebe sênac eŋ ŋa siŋ êndu,  
\q1 oc sênac eŋ êndu.  
\m Amboac tonaŋ Anôtônê lau sêôc gêŋwapac totêntac êpa sugeŋ ma sêkêŋ êwiŋ.   
\p
\v 11 Go galic bôc tauŋa teŋ kêpi aŋga nom ŋalêlôm gêmêŋ. Bôc tonaŋ nê jabo luagêc kêtôm dombanê, mago kêsau biŋ kêtôm lêŋuckêm.  
\v 12 Ma gêjam kôm ŋa bôc ŋamataŋa nê ŋaclai gêmoa bôc tau laŋônêmŋa. Ma kêkac nom to êsêac, taŋ sêŋgôŋ nom naŋ, gebe teteŋ mec êndêŋ bôc ŋamataŋa toŋakamoc sec, taŋ gêmô su naŋ.  
\v 13 Ma eŋ gêgôm gêŋtalô kapôêŋ-kapôêŋ. Eŋ kêkêŋ ja kêsêp aŋga undambê gêmêŋ nom mêŋ-ŋamalac samob sêlic.  
\v 14 Bôc tau kêsau gêôc lau nomŋa samob ŋa gêŋtalô, taŋ Anôtô gêlôc gebe êŋgôm êmoa bôc ŋamata ŋalaŋônêm naŋ. Ma bôc tau kêsôm gêdêŋ lau nomŋa gebe sêmansaŋ bôc, taŋ kêtap siŋ ŋakamoc sa, mago gêmoa mata jali naŋ, nê ŋakatu teŋ.  
\v 15 Ma Anôtô gêlôc, tec bôc tau gêju awajaô mata jali kêsêp bôc ŋakatu gebe bôc ŋakatu êsôm biŋ ma enseŋ êsêac, taŋ teteŋ mec êndêŋ ŋakatu atom naŋ su.  
\v 16 Ma bôc tau kêkac ŋamalac samob, lau sauŋ to kapôêŋ ma lau tolêlôm to lau ŋalêlôm sawa ma lau, taŋ sêmoa nêŋ lêtêgeŋ naŋ, to gêŋôma gebe sepeŋ ŋatalô teŋ ênêc lemeŋ anôŋa me teŋbeleŋ.  
\v 17 Ŋac teŋ embe êtap ŋatalô tonaŋ sa atom, oc êtôm gebe ênam ôli gêŋ me êkêŋ gêŋ êndêŋ lau sênam ôli atom. Ŋatalô tonaŋ bôc tau nê ŋaê me ŋaê tau ŋanamba.  
\v 18 Amboac tonaŋ lau tokauc mêtêŋa taêŋ ênam biŋ tau acgom. Ŋac tokauc êkip bôcnê namba ŋam samaŋ, gebe namba tau ŋamalac teŋ nê. Ma namba tau 666.   
\c 14  
\s1 Lau 144,000 nêŋ wê  
\p
\v 1 Go gaôc matocanô sa ma galic Domba tau kêkô lôc Sion ma lau 144,000, taŋ teto êsêagêc Tama nêŋ ŋaê kêpi êsêac teŋbeleŋ naŋ, sêkô sêwiŋ eŋ.  
\v 2 Ma gaŋô awa teŋ kêsa aŋga undambê kêtôm bu taêsam ŋakicsêa ma kêtôm wapap gêjac kapôêŋanô. Ma gaŋô awa tau amboac lau wêŋa sêjac nêŋ gêŋ wêŋa kêtaŋ.  
\v 3 Lau tau sêjam wê wakuc teŋ sêkô lêpôŋ kiŋŋa to bôc aclê ma laumata laŋôŋnêmŋa. Ŋac teŋ kêtôm gebe êŋô wê tonaŋ e êtu tôŋ eŋ atom, lau 144,000 tauŋgeŋ, taŋ Domba gêjam ôli êsêac su aŋga nom naŋ, tec sêjam.  
\v 4 Lau tonaŋ ŋai têtu sec gêdêŋ lauo atom, sêmoa tonêŋ ŋalêlôm ŋawasigeŋ. Êsêac têdaguc Domba sêsa intêna samob, taŋ eŋ kêsa naŋ. Domba gêjam ôli êsêac su aŋga ŋamalacnêŋ e têtu Anôtô agêc Domba nêŋ gêŋ ŋanô ŋamêc.  
\v 5 Biŋdansaŋ teŋ kêsa êsêac aweŋsuŋ atomanô, gebe êsêacnêŋ keso masi.   
\s1 Aŋela têlêac nêŋ biŋ  
\p
\v 6 Go galic aŋela teŋ gêlôb gêmoa undambê ŋalêlôm. Eŋ kêkôc ŋawae ŋajam teŋgeŋŋa teŋ gebe êsôm lasê êndêŋ lau, taŋ sêŋgôŋ nom naŋ, ma êndêŋ lau totoŋ-totoŋ samob to lau tomôkê-tomôkê ma lau aweŋ teŋ-aweŋ teŋ to lau to-m-to-m.  
\v 7 Eŋ kêsôm ŋa awa kapôêŋ gebe “Atêc Anôtô to atoc eŋ taugeŋ sa, gebe ênê mêtôc ŋanoc mêŋkêsa. Ateŋ mec êndêŋ ŋac, taŋ kêkêŋ undambê to nom ma gwêc to bumata naŋ.”   
\p
\v 8 Ma aŋela teŋ kêdaguc mêŋkêtu luagêc ma kêsôm gebe “Sêku Babel kapôêŋ tulu, sêku tulugac, Babel tau kêkêŋ nê wain têtac ŋakalacŋa gêdêŋ lau samuc sênôm.”   
\p
\v 9 Go aŋela teŋ kêdaguc êsêagêc mêŋkêtu têlêac. Eŋ kêsôm ŋa awa kapôêŋ gebe “Teŋ embe eteŋ mec êndêŋ bôc to êndêŋ nê ŋakatu ma êkôc ŋatalô ênêc têbêla me lêma,  
\v 10 naŋ oc ênôm wain Anôtônê têtac ŋandaŋŋa, taŋ kêkêc kêsêp nê têtac ŋandaŋ ŋalaclu, kêgaluŋ gêwiŋ gêŋ teŋ atom. Ma sêlênsu ŋac tau ŋa ja to talao aŋga aŋela dabuŋ to Domba laŋôŋnêmŋa.  
\v 11 Ja taŋ êlênsu êsêac naŋ, ŋajadauŋ oc êpi endeŋ tôŋgeŋ. Êsêac taŋ teteŋ mec gêdêŋ bôc to gêdêŋ ênê ŋakatu ma sêkôc ênê ŋaê ŋatalô sa naŋ, oc sêniŋ aweŋ atom êtôm bêc to eleŋgeŋ.”   
\p
\v 12 Amboac tonaŋ Anôtônê lau, taŋ sêmasaŋ Anôtônê biŋsu to sêkêŋ gêwiŋ Jesu naŋ, sêôc gêŋwapac totêntac êpa sugeŋ.   
\p
\v 13 Go gaŋô awa teŋ kêsa aŋga undambê gebe “Oto gebe Aê aoc êôc lau, taŋ Apômtau gêbiŋ êsêac tôŋ ma sêmac êndu galoc ma êndêŋ bêc ŋamuŋa samobgeŋ.” Ŋalau Dabuŋ kêsôm gebe “Biŋŋanô, êsêac oc sêwi nêŋ koleŋ siŋ ma sêniŋ aweŋ gebe nêŋ koleŋ ŋanô kêdaguc êsêac.”   
\s1 Têm sejoŋ kôm ŋanô saŋa  
\p
\v 14 Go gaôc matocanô sa ma galic tao sêpsêp teŋ ma ŋac teŋ amboac ŋamalacnê latu gêŋgôŋ tao tonaŋ ŋaô. Eŋ kêkuc sunsuŋ gold ma lêma kêmêgôm bôjaŋ jalô ŋamata teŋ.  
\v 15 Ma aŋela tauŋa teŋ kêsa aŋga lôm dabuŋ mêŋgêmôêc ŋa awa kapôêŋ gêdêŋ ŋac, taŋ gêŋgôŋ tao ŋaô naŋ, gebe “Ôsakiŋ nêm bôjaŋ jalô naônêc kôm ŋanô sa gebe noc tajoŋ kôm ŋanô saŋa mêŋkêsa ma gêŋ nomŋa kêtu lêwê su.”  
\v 16 Tec ŋac, taŋ gêŋgôŋ tao ŋaô naŋ, gêjac bôjaŋ jalô kêsêp nom ma gêjac nom ŋakôm ŋanô sa.   
\p
\v 17 Go aŋela tauŋa teŋ kêsa aŋga lôm dêbuŋ, taŋ kêkô undambê naŋ, gêmêŋ ma gêôc bôjaŋ jalô ŋamata teŋ amboac tonaŋ.   
\p
\v 18 Go aŋela tauŋa teŋ kêsa aŋga altar gêmêŋ gêwiŋ, naŋ kêtu ja ŋatau ma gêmôêc ŋa awa kapôêŋ gêdêŋ ŋac tobôjaŋ jalô ŋamata tonaŋ gebe “Ôsakiŋ nêm bôjaŋ jalô ŋamata êna ma ojoŋ ŋanô aŋga nom ŋakôm wainŋa sa, gebe wain ŋanô kêtu lêwê su.”  
\v 19 Go aŋela gêjac nê bôjaŋ jalô kêsêp nom ma kejoŋ wain ŋanô aŋga nom sa jakêbaliŋ ŋanô tau kêsêp sêpip wain ŋamala kapôêŋ. Ŋamala tau tonaŋ Anôtônê têtac ŋandaŋ.  
\v 20 Êsêac sêpip wain ŋanô sêmoa malac ŋamagê e dec kêsa sêpip wain ŋamala tau. Dec tau kêsuŋ kêtôm gebe ênôm hos auc e êndêŋ ŋagôliŋ ma keseleŋ gêja kêtôm 300 kilometer.   
\c 15  
\s1 Aŋela togeŋwapac ŋamuŋa tau  
\p
\v 1 Go galic gêŋtalô-kapôêŋ kaiŋ teŋ gêc undambê. Aŋela 7 sêkôc gêŋwapac ŋamuŋa 7 tau. Anôtônê têtac ŋandaŋ oc ênac dabiŋ tau êpi gêŋwapac tonec.   
\p
\v 2 Ma galic gêŋ amboac gwêc, naŋ kêtom glas sêgaluŋ gêwiŋ ja. Ma galic lau, taŋ sêku bôc to nê ŋakatu ma nê ŋaê ŋanamba tulu naŋ, sêkôc Anôtônê geŋ wêŋa sêkô gwêc glas tau ŋatali.  
\v 3 Êsêac sêjam Anôtônê sakiŋwaga Mose nê wê ma Dombanê wê gebe  
\q1 “O Apômtau Anôtô, ŋaniniŋ Ŋatau,  
\q1 aômnêm kôm kapôêŋ to kaiŋ teŋ.  
\q1 O lau totoŋ-totoŋ samob nêŋ kiŋ,  
\q1 aômnêm lêŋ samob jagêdêŋ to biŋŋanô.   
\q1
\v 4 O Apômtau, asa oc êtêc aôm atom,  
\q1 ma asa oc etoc aômnêm ŋaê sa atom.  
\q1 Gebe aôm taômgeŋ dabuŋ.  
\q1 Lau totoŋ-totoŋ samob mêŋteteŋ mec êndêŋ aôm,  
\q1 gebe nêm iêŋ kômêtôc biŋ jagêdêŋŋa kêtu awê sugac.”   
\p
\v 5 Tonaŋ su, go galic lômbec undambêŋa, taŋ kêtu Anôtô gêmoa gêwiŋ nê lau ŋabelo naŋ, ŋakatam gêlêc tau su.  
\v 6 Ma aŋela 7, taŋ sêkôc gêŋwapac 7 naŋ, sêsa aŋga lôm dêbuŋ sêmêŋ. Êsêacnêŋ ŋakwê ŋawasi e ŋaeb ŋaôma ma sêjandiŋ ômbiŋkap gold gêsac bôŋdagi.  
\v 7 Go bôc aclê nêŋ teŋ kêkêŋ laclu gold 7 gêdêŋ aŋela 7 ma Anôtô mata jali teŋgeŋ ma teŋgeŋŋa nê têtac ŋandaŋ kêsêp laclu tau e mêŋgêc.  
\v 8 Ma Anôtônê ŋawasi to nê ŋaclai ŋajadauŋ gêjam lôm dabuŋ ŋalêlôm auc ma ŋac teŋ kêtôm gebe êsô lôm dabuŋ êna atomanô e aŋela 7 nêŋ gêŋwapac mêŋênac pep acgom.   
\c 16  
\s1 Anôtônê têtac ŋandaŋ ŋalaclu 7  
\p
\v 1 Ma gaŋô awa kapôêŋ kêsa aŋga lôm dabuŋ ma kêsôm gêdêŋ aŋela 7 tonaŋ gebe “Ana akêc Anôtônê têtac ŋandaŋ ŋalaclu 7 êsêp nom êna.”   
\p
\v 2 Go aŋela ŋamata jakêkêc nê laclu kêsêp nom gêja. Ma lau, taŋ sêkôc bôcnê ŋatalô sa to teteŋ mec gêdêŋ ênê ŋakatu naŋ, têtap gwatêlê sec to ŋandaŋ sa.   
\p
\v 3 Go aŋela kêtu luagêcŋa kêkêc nê laclu kêsêp gwêc gêja e kêtu dec. Ma dec tau amboac ŋacmatê ŋadec. Ma gêŋ mateŋ jali samob, taŋ sêmoa gwêc naŋ, sêmac endu.   
\p
\v 4 Go aŋela kêtu têlêacŋa kêkêc nê laclu kêsêp bu to bumata samob gêja e kêtu dec.  
\v 5 Ma aê gaŋô bu tau ŋaaŋela kêsôm gebe  
\q1 “O ŋac dabuŋ tau, taŋ galoc gômoa to andaŋgeŋ gômoa naŋ,  
\q1 aôm ŋac gêdêŋ, tec kômêtôc biŋ ŋalêŋ amboac tonaŋ.   
\q1
\v 6 Êsêac sêkêc Anôtônê lau to propete nêŋ dec siŋ,  
\q1 ma galoc kôkêŋ dec gêdêŋ êsêac sênôm.  
\q1 Ŋagêjô tonaŋ jakêtôm êsêacnêŋ keso solop.”   
\m
\v 7 Ma gaŋô awa kêsa aŋga altar gebe  
\q1 “Biŋŋanô, Apômtau Anôtô, ŋaniniŋ Ŋatau,  
\q1 aômnêm mêtôc tau biŋŋanô to jagêdêŋgoc.”   
\p
\v 8 Go aŋela kêtu aclêŋa kêkêc nê laclu kêsêp oc e kêkêŋ oc ŋaja kapôêŋ kêpac ŋamalac.  
\v 9 Ŋandaŋ kapôêŋ tau kêpac ŋamalac, e sêsôm biŋ alôb-alôb kêpi Anôtônê ŋaê, gebe ênê ŋaclai kêtu gêŋwapac tonaŋ ŋamôkê, tec sêjam tauŋ ôkwi ma tetoc eŋ sa atom.   
\p
\v 10 Go aŋela kêtu lemeŋ teŋŋa kêkêc nê laclu kêsêp bôc tau nê lêpôŋ. Ma bôcnê gamêŋ samob ŋakesec kêsa. Ma ŋandaŋ gêgôm ŋamalac e sêŋac imbeleŋ.  
\v 11 Ma sêsôm biŋ alôb-alôb kêpi Anôtô undambêŋa kêtu nêŋ ŋandaŋ to gwatêlêŋa. Mago sêjam tauŋ ôkwi sêwi nêŋ lêŋ laŋgwa siŋ atom.   
\p
\v 12 Go aŋela kêtu 6ŋa kêkêc nê laclu kêsêp bu kapôêŋ Euprat e bu tau kêpa. Gêgôm tonaŋ gebe êmansaŋ kiŋ aŋga oc ŋamŋa nêŋ intêna.  
\v 13 Ma aê galic ŋalau ŋatêmui têlêac amboac ôpoac sêsa aŋga lêŋuckêm agêc bôc ma propete dansaŋ aweŋsuŋ sêmêŋ.  
\v 14 Êsêac ŋalau sec, taŋ sêgôm gêŋtalô naŋ, nêŋ ŋalau. Êsêac dêdêŋ kiŋ, taŋ sêŋgôŋ têtôm nom ŋagamêŋ samobgeŋ naŋ sêja, gebe sejoŋ êsêac sa ma sênac siŋ êndêŋ ŋaniniŋ Ŋatau Anôtô nê bêc kapôêŋ.   
\p
\v 15 “Alic acgom, aê oc jawac amboac ŋacgeŋgeŋ. Aê aoc êôc êsêac, taŋ sêjam jali ma sêsô nêŋ ŋakwê baŋgeŋ naŋ, gebe sêsêlêŋ toôliŋ ŋaôma e lau sêlic êsêac ôliŋ ŋagêŋ majeŋŋa atom.”  
\v 16 Go ŋalau sec sêkac kiŋ sa sêpi tageŋ aŋga gamêŋ, naŋ sêsam ŋa Ebolai aweŋ gebe Harmagedon.   
\p
\v 17 Go aŋela kêtu 7ŋa kêkêc nê laclu kêsêp ŋalaulau. Ma awa kapôêŋ kêsa aŋga lêpôŋ kiŋŋa, taŋ kêkô lôm dabuŋ naŋ, gebe “Gêjac dabiŋ sugac.”  
\v 18 Ma ôsic kêkac to gamêŋ ŋakicsêa kêsa ma wapap gêjac to ôjô gêjam secanô. Ôjô secanô amboac tonaŋ gêjam gêdêŋ têm ŋamalac sêŋgôŋ nomŋa teŋ atomanô.  
\v 19 Malacsêga tau kêkac tau kêkôc gêja ŋapopoc têlêac, ma lau samuc nêŋ malac sêku sa. Ma Anôtô taê gêjam malac Babel kapôêŋ, tec kêkêŋ wain laclu teŋ gêdêŋ eŋ gênôm. Wain tau ênê têtac ŋandaŋ kapôêŋ.  
\v 20 Go nuc samob sêc su ma lôc samob maleŋmê.  
\v 21 Ma kompoc ŋamatu kapôêŋ-kapôêŋ, teŋ ŋawapac kêtôm padi talu teŋ gêjac aŋga undambê kêsêp mêŋkêpi ŋamalac e ŋamalac sêsôm biŋ alôb-alôb kêpi Anôtô kêtu kompoc tau ŋagêŋwapacŋa, gebe gêŋwapac tonaŋ kapôêŋanô sec.   
\c 17  
\s1 Awê mockaiŋo agêc bôc tau  
\p
\v 1 Ma aŋela 7, taŋ sêkôc laclu 7 naŋ, nêŋ teŋ kêsa mêŋkêsôm gêdêŋ aê gebe “Ômôêŋ, aê jatôc mockaiŋo towae, taŋ gêŋgôŋ bu kapôêŋ ŋatali naŋ, nê mêtôc êndêŋ aôm.  
\v 2 Kiŋ nomŋa sêgôm gêŋ mockaiŋŋa gêdêŋ eŋ, ma lau taŋ sêŋgôŋ nom naŋ, sênôm ênê wain mockaiŋoŋa e kêjaŋiŋ êsêac.”   
\p
\v 3 Go katuc kaiŋ teŋ kêsa e ŋac tau gêôc aê kasa gamêŋ sawa teŋ gaja. Ma galic awê teŋ gêŋgôŋ bôc bomsamuc teŋ ŋaô, ma teto ŋaê alôb-alôb gêjam eŋ ôli auc. Ma bôc tau môkêapac 7 to nê jabo 10.  
\v 4 Awê tau kêsô ŋakwê asôsamuc to bomsamuc ma gêjam gêlôŋ tau ŋa gold ma pocawa to kêkôm. Lêma kêkôc laclu gold, taŋ awê tau nê mockaiŋ ŋagêŋ môp to ŋatêmui kêsêp e mêŋgêc.  
\v 5 Ma teto ŋaê teŋ gêc eŋ têbela, naŋ ŋam kêsêp lêlôm gebe “Babel kapôêŋ, nom ŋamockaiŋo samob to gêŋ môpŋa samob ŋatêna.”  
\v 6 Ma galic awê tau gênôm Anôtônê lau to lau, taŋ sêwa Jesu sa naŋ, nêŋ dec e kêjaŋiŋ eŋ.  
\p Gêdêŋ taŋ galic eŋ naŋ, gaê taêc eŋ ŋanô.  
\v 7 Mago aŋela kêsôm gêdêŋ aê gebe “Gôê taêm kêtu asageŋŋa. Aê oc jawa awê to bôc tomôkêapac 7 ma nê jabo 10, taŋ kêbalaŋ awê tau naŋ, nêŋ ŋam kêsêp lêlômŋa sa êndêŋ aôm.  
\v 8 Bôc taŋ gôlic naŋ, gêmoa gêdêŋ gêmuŋgeŋ e galoc malamê, ma malôgeŋ acgom, go êpi aŋga gêsuŋbôm êmêŋ e ênaŋa. Lau taŋ sêŋgôŋ nom naŋ, oc sêlic bôc tau, taŋ gêmuŋgeŋ gêmoa e galoc malamê ma oc mêŋêô lasê êtiam naŋ, ma sê taêŋ. Mago gêdêŋ taŋ Anôtô kêkêŋ undambê to nom atomgeŋ naŋ, lau taŋ sê taêŋ naŋ, nêŋ ŋaê kêsêp buku mata jaliŋa atom.   
\p
\v 9 “Amboac tonaŋ lau tokauc mêtêŋa taêŋ ênam biŋ tau acgom. Môkêapac 7 têtôm lôc 7, taŋ awê gêŋgôŋ ŋaô, naŋ. Môkêapac tau têtôm kiŋ 7 amboac tonaŋ.  
\v 10 Kiŋ lemeŋ teŋ sêjaŋa su. Teŋ tec gêmoa. Ma teŋ gêmêŋ atom tageŋ. Eŋ embe êmêŋ, oc êmoa ŋasawa dambêgeŋ.  
\v 11 Ma bôc tau, taŋ gêmuŋgeŋ gêmoa ma galoc malamê naŋ, kêtu kiŋ 8ŋa. Eŋ aŋga êsêac 7 nêŋ, mago oc ênaŋa.   
\p
\v 12 “Ma jabo 10, taŋ gôlic naŋ, têtôm kiŋ 10, taŋ sêkôc nêŋ gôliŋ kiŋŋa sa atom tageŋ. Mago êsêac oc sêkôc ŋaclai kiŋŋa sa êtôm ockatu ŋasawa tageŋgeŋ sêwiŋ bôc tau.  
\v 13 Êsêacnêŋ biŋ kêpi tageŋ ma sêkêŋ nêŋ ŋajaŋa to ŋaclai gêdêŋ bôc tau.  
\v 14 Êsêac oc sênac siŋ êndêŋ Domba, mago Domba tau oc êku êsêac tulu, gebe eŋ kêtu apômtaunêŋ Apômtau to kiŋnêŋ Kiŋ. Ma lau, taŋ eŋ kêkalem to kêjaliŋ êsêac sa ma têdaguc eŋ ŋaŋêŋgeŋ naŋ, sênac siŋ sêwiŋ eŋ.”   
\p
\v 15 Go aŋela kêsôm gêdêŋ aê gebe “Bu taŋ gôlic mockaiŋo gêŋgôŋ ŋatali naŋ, kêtôm lau to-m-to-m to lau tomôkê-tomôkê ma lau totoŋ-totoŋ to lau aweŋ teŋ-aweŋ teŋ.  
\v 16 Ma jabo 10, taŋ gôlic naŋ, to bôc tau, naŋ têntac gedec mockaiŋo. Êsêac sêjaŋgo ênê gêŋ samob su e êmoa ôli ŋaômageŋ êmoa nê tauŋa, ma sêniŋ ênê ŋamêsôm to sêkêŋ ja êniŋ eŋ su.  
\v 17 Biŋ tonaŋ êsa gebe Anôtô kêkêŋ kêsêp êsêacnêŋ ŋalêlôm gebe sêŋgôm ênê biŋ êtu anô, tec kêkêŋ êsêacnêŋ ŋalêlôm kêpi tageŋ ma sêwi nêŋ gôliŋ kiŋŋa siŋ gêdêŋ bôc tau ênêc e Anôtônê biŋ ŋanô êsa acgom.   
\p
\v 18 “Ma awê, taŋ gôlic naŋ, kêtôm malacsêga, taŋ gêjam gôliŋ kiŋ nomŋa samob.”   
\c 18  
\s1 Babel kêku sa  
\p
\v 1 Tonaŋ su, go galic aŋela tauŋa teŋ aŋga undambê kêsêp gêmêŋ, eŋ toŋaclai kapôêŋ, ma nê ŋawasi kêpô nom.  
\v 2 Eŋ gêmôêc ŋa awa kapôêŋ gebe  
\q1 “Sêku Babel kapôêŋ tulu, sêku tulugac,  
\q1 Babel kêtu ŋalau sec nêŋ malac sêŋgôŋŋa  
\q1 ma kêtu ŋalau ŋatêmui to moc sec, taŋ ŋamalac dedec naŋ ŋagêsuŋ,   
\q1
\v 3 gebe lau samuc samob sênôm ênê wain mockaiŋoŋa  
\q1 to kiŋ nomŋa sêgôm mockaiŋ gêdêŋ eŋ  
\q1 ma eŋ mata katu gêŋboa, tec gêjam ôli gêŋ gêdêŋ lau-têtuiu-gaŋwaga nomŋa ŋawaô e êsêac têtu lau toêlôm.”   
\p
\v 4 Go gaŋô awa teŋ kêsa aŋga undambê gebe  
\q1 “O ŋoc lauac, awi malac tonaŋ siŋ  
\q1 asa amêŋ, gebe awê kaiŋ ênê sec awiŋ atom,  
\q1 ma atap ênê gêŋwapac sa awiŋ atom.   
\q1
\v 5 Eŋ gêgôm sec jagêboa-jagêboa  
\q1 ma ŋatêpôê kêpi e jagêjam undambê tôŋ,  
\q1 ma Anôtô taê gêjam ênê lêŋ keso tonaŋ gêmoa.   
\q1
\v 6 Aŋgôm êndêŋ eŋ êtôm eŋ gêgôm gêdêŋ amac.  
\q1 Akêŋ ênê kôm sec ŋagêjô êndêŋ eŋ êtu dim luagêc.  
\q1 Eŋ kêjaliŋ gêŋ anômŋa toŋaclai kêsêp laclu teŋ,  
\q1 tec amac ajaliŋ gêŋ toŋaclai êsêp laclu teŋ êtu dim luagêc.   
\q1
\v 7 Eŋ ketoc tau sa ma kêmoasiŋ tau ŋasec,  
\q1 tec akêŋ ŋagêjô ŋandaŋ to gêŋwapac ŋadôŋ êtôm ênê gêŋ tonaŋ.  
\q1 Eŋ kêsôm gêdêŋ tau gêc nê ŋalêlômgeŋ gebe Aê awêtuc atom,  
\q1 aê gaŋgôŋ kwinnê lêpôŋ  
\q1 ma gêŋwapac teŋ oc êtap aê sa atom.   
\q1
\v 8 Kêtu tonaŋŋa gêŋ ŋandaŋ tonec ŋai êpi eŋ êndêŋ bêc tageŋ gebe  
\q1 gêmacanô to gêŋwapac ma tôbôm to ja êniŋ eŋ  
\q1 gebe ênê mêtôcwaga, Apômtau Anôtô, eŋ ŋac ŋajaŋa.”   
\p
\v 9 Kiŋ nomŋa, taŋ sêgôm mockaiŋ gêdêŋ eŋ to sêmoasiŋ tauŋ ŋasec sêwiŋ eŋ naŋ, êndêŋ bêc sêlic ja êniŋ gamêŋ ŋajadauŋ naŋ, oc sênam aweŋ su to têtaŋ taŋiboa ŋanô êtu eŋŋa.  
\v 10 Êsêac oc sêkô jaêcgeŋ gebe têtêc tauŋ êtu ênê andaŋŋa ma sêsôm gebe  
\q1 “Ojae, ojae, aôm malacsêga Babelma,  
\q1 aôm malac ŋajaŋa,  
\q1 mago sêmêtôc aôm gêdêŋ ockatu ŋasawa tageŋgeŋ.”   
\p
\v 11 Ma lau-têtulu-gêŋwaga nomŋa sêpuc taŋiboa sa ma têtaŋ kêpi eŋ gebe lau teŋ oc sênam ôli êsêacnêŋ waba êtiam atom.  
\v 12 Waba tau tonec gold to silber ma pocawa to kêkôm ma obo sêpsêp to asôsamuc ma ŋawasi to bomsamuc, ka ŋamalu tokaiŋ-tokaiŋ ma andu ŋagêŋlêlôm, taŋ sêmasaŋ ŋa bôc ŋajabo to ŋa ka ŋajam-ŋajam ma ŋa ki kokoc to jejec ma ŋa poc ŋawasi,  
\v 13 ma môsê to katêkwi ma gêŋmalu to saliŋ ma gêŋmalu jadauŋŋa, ma wain to niptêkwi ma polom to jaŋgom ma bulimakao to domba ma hos to kareta ma gêŋôma to ŋamalacnêŋ katuŋ.  
\v 14 Ma lau-têtulu-gêŋwaga sêsôm gebe  
\q1 “Ŋanô taŋ gôgôm mocsac naŋ, kêtaiŋ tau su aŋga aômnêm.  
\q1 Ma moasiŋ nomŋa to gêlôŋ samob gêwi aôm siŋ gêjaŋa,  
\q1 ma oc ôtap gêŋ tonaŋ ŋai ŋateŋ sa êtiam atomanô.”   
\m
\v 15 Lau-têtulu-gêŋwaga taŋ têtu lau tolêIôm kêtu eŋŋa naŋ, sêkô jaêcgeŋ gebe têtêc tauŋ kêtu ênê ŋandaŋŋa ma sêpuc taŋiboa sa ma têtaŋ gebe   
\q1
\v 16 “Ojae, ojae, malacsêga tauma.  
\q1 Eŋ kêsô ŋakwê kwalam-kwalam to asôsamuc ma bomsamuc  
\q1 ma gêjam gêlôŋ tau ŋa gold to pocawa ma kêkôm.   
\q1
\v 17 Mago geŋ tolêlôm-tolêlôm tau gêjaŋa gêdêŋ ockatu ŋasawa tageŋgeŋ.”  
\p Ma kapitai waŋŋa samob ma lau, taŋ sêjam ôli waŋ gebe sêna gamêŋ teŋgamêŋ teŋ naŋ, ma lau waŋŋa to êsêac samob, taŋ sêjam kôm gwêcŋa naŋ, sêkô jaêcgeŋ.  
\v 18 Êsêac sêlic ja geŋ malac tau ŋajadauŋ, tec têtaŋ ma sêsôm gebe  
\q1 “Asa malac teŋ kêtôm malacsêga tônê.”   
\m
\v 19 Êsêac segaiŋ kekop mêŋsêpalip kêpi môkêŋapac ma sêpuc taŋiboa sa ma têtaŋ to sêmôêc gebe  
\q1 “Ojae, ojae, malacsêga tauma.  
\q1 Ênê gêŋ tolêlôm-tolêlôm gêgôm lau samob, taŋ nêŋ waŋ kêpoac gwêc naŋ, têtu lau tolêlôm.  
\q1 Mago gêjaŋa gêdêŋ ockatu ŋasawa tageŋgeŋ.   
\q1
\v 20 O undambê to Anôtônê lau ma aposolo to propete,  
\q1 têmtac ŋajam êsa êtu malac tônêŋa,  
\q1 gebe Anôtô kêmêtôc malac tau gêjô sec,  
\q1 taŋ gêgôm gêdêŋ amac naŋ sugac.”   
\p
\v 21 Go aŋela ŋajaŋa teŋ gêôc poctêmui kapôêŋanôtêna teŋ sa ma gêu kêsêp gwêc gêja ma kêsôm gebe  
\q1 “Sêu malacsêga Babel gôdub tageŋ amboac tonaŋ  
\q1 ma têtap malac tau sa êtiam atomanô.   
\q1
\v 22 Ma sênac gêŋ wêŋa to oŋ  
\q1 ma sêju gasuc to sênac dauc êtaŋ aŋga nêm malacluŋ êtiam atom.  
\q1 Ma têtap lau lemeŋ mêtêŋa tokaiŋ-tokaiŋ samob sa sêmoa aôm ŋalêlôm êtiam atom.   
\q1
\v 23 Lamp ŋawê teŋ êpô aôm êtiam atom,  
\q1 ma sêŋô awêlagêc ŋac sênam tauŋ ŋaonda aŋga aômnêm êtiam atom.  
\q1 Biŋ tonaŋ êtap aôm sa gebe aômnêm lau-têtulu-gêŋwaga têtu nom ŋatau kapôêŋanô.  
\q1 Ma kôsau lau samuc nomŋa samob ŋa nêm biŋ beŋŋa.”   
\p
\v 24 Ma têtap propete ma Anôtônê lau to lau samob, taŋ sêjac êndu aŋga nom naŋ, nêŋ dec sa aŋga malac tau.   
\c 19  
\p
\v 1 Tonaŋ su, go gaŋô ŋaôndu kapôêŋ aŋga undambê amboac lau taêsam aweŋ, sêsôm gebe  
\q1 “Haleluja.  
\q1 Aêacnêŋ Anôtô kêtu moasiŋ ênam aêac kêsiŋa  
\q1 ma ŋawasi to ŋajaŋa ŋatau.   
\q1
\v 2 Ênê mêtôc samob biŋŋanô to gêdêŋ,  
\q1 gebe eŋ kêmêtôc mockaiŋo kapôêŋ gêjô nê sakiŋwaganêŋ dec,  
\q1 taŋ awê tau kêkêc siŋ naŋ.”   
\m
\v 3 Go êsêac sêsôm kêtiam gebe  
\q1 “Haleluja.  
\q1 Malacsêga tau ŋajadauŋ êpi êna endeŋ tôŋgeŋ.”  
\v 4 Go laumata 24 to bôc aclê tau sêu tauŋ jasêc ma teteŋ mec gêdêŋ Anôtô, taŋ gêŋgôŋ lêpôŋ kiŋŋa naŋ, gebe  
\q1 “Biŋŋanô. Haleluja.”   
\s1 Dombanê moasiŋ awêŋa  
\p
\v 5 Ma awa teŋ kêsa aŋga lêpôŋ kiŋŋa gebe  
\q1 “Amac samob, taŋ atu Anôtônê sakiŋwaga,  
\q1 ma amac, taŋ atêc eŋ, samob, lau sauŋ to kapôêŋ,  
\q1 alambiŋ aêacnêŋ Anôtô.”   
\m
\v 6 Go gaŋô ŋaôndu amboac lau taêsam aweŋ ma amboac bu taêsam ŋakicsêa to amboac wapap gêjac kapôêŋanô gebe  
\q1 “Haleluja.  
\q1 Gebe Apômtau aêacnêŋ Anôtô, ŋaniniŋ Ŋatau,  
\q1 kêkôc gôliŋ kiŋŋa sa.   
\q1
\v 7 Têntac ŋajam to tatu samuc  
\q1 ma daŋgôm ênê ŋawasi êsa,  
\q1 gebe Domba ênam awê sa ŋanoc mêŋkêsa  
\q1 ma ênê awê tau kêmasaŋ tau sugac.   
\q1
\v 8 Sêkêŋ ŋakwê sêpsêp toŋawasi eŋ kêsô.  
\q1 Ŋakwê tau Anôtônê launêŋ lêŋ gêdêŋ.”   
\p
\v 9 Go aŋela kêsôm gêdêŋ aê gebe “Oto gebe Aê aoc êôc êsêac, taŋ kalem gêdêŋ êsêac gebe nasêniŋ moasiŋ Domba ênam awê saŋa sêwiŋ naŋ.” Ma kêsôm gêdêŋ aê gebe “Anôtônê biŋŋanô tau tonaŋ.”  
\v 10 Aê gau tauc gaêc eŋ akaiŋŋa gebe jateŋ mec êndêŋ eŋ. Mago eŋ kêsôm gêdêŋ aê gebe “Ondecgeŋ, aê katu sakiŋwaga gawiŋ aôm to nêm lasitêwai, taŋ sêwa Jesu sa naŋ. Aôm oteŋ mec êndêŋ Anôtô taugeŋ.” Lau taŋ sêwa Jesu sa naŋ, sêwê kaiŋ Ŋalau seoc biŋ lasêŋa.   
\s1 Ŋac taŋ gêŋgôŋ hos kwalam-kwalam ŋaô  
\p
\v 11 Go galic undambê gêŋa ma hos kwalam-kwalam teŋ kêsa gêmêŋ. Ma ŋac, taŋ gêŋgôŋ ŋaô naŋ, sêsam eŋ gebe Ŋac ŋaŋêŋ to Biŋŋanô. Eŋ kêmêtôc biŋ to gêjac siŋ jagêdêŋ.  
\v 12 Eŋ mataanô amboac jawaô ma kêkuc sunsuŋ taêsam. Ma teto ŋaê teŋ gêc eŋ ôli, taŋ ŋac teŋ kêjala atom, eŋ taugeŋ.  
\v 13 Eŋ kêsô ŋakwê teŋ sêsac tôŋ kêsêp dec, ma sêsam ŋac tau gebe “Anôtônê Biŋ tau.”  
\v 14 Go siŋwaga undambêŋa sêsô ŋakwê sêpsêp toŋawasi sêŋgôŋ hos kwalam-kwalam ŋaô têdaguc eŋ.  
\v 15 Ma siŋ ŋamata teŋ kêsa eŋ awasuŋ gebe ênac lau samuc ŋa siŋ tau. Ma eŋ oc ênam gôliŋ êsêac ŋa tôcki ma êka wain ŋanô popoc êsêp Anôtô ŋaniniŋ Ŋatau nê sêpip wain ŋamala. Ŋamala tau Anôtônê têtac ŋandaŋ kapôêŋ tau.  
\v 16 Ma teto ŋaê tonec gêc ênê ŋakwê to eŋ akaiŋ gebe “Kiŋnêŋ Kiŋ ma apômtaunêŋ Apômtau.”   
\p
\v 17 Go galic aŋela teŋ kêkô oc ŋalêlôm. Eŋ gêmôêc ŋa awa kapôêŋ gêdêŋ moc samob, taŋ sêlôp sêmoa umboŋ ŋalabu gebe “Akac sa amêŋ êtu Anôtônê moasiŋ kapôêŋŋa.  
\v 18 Amêŋ gebe aniŋ kiŋ to kapitaisêga ma lau siŋsêlêc nêŋ ŋamêsôm, ma aniŋ hos to lau, taŋ sêŋgôŋ hos ŋaô naŋ, nêŋ ŋamêsôm to lau, taŋ sêmoa nêŋ lêtêgeŋ ma gêŋôma to lau sauŋ ma kapôêŋ samob nêŋ ŋamêsôm êtômgeŋ.”  
\v 19 Go galic bôc tau ma kiŋ nomŋa to nêŋ siŋwaga sêkac sa gebe sênac siŋ êndêŋ ŋac, gêŋ gêŋgôŋ hos ŋaô naŋ, to nê siŋwaga.  
\v 20 Ma êsêac sêsô bôc agêc propete dansaŋ tôŋ. Propete dansaŋ tau gêgôm gêŋtalô gêmoa bôc laŋônêm ma kêsau êsêac, taŋ sêkôc bôcnê ŋatalô to teteŋ mec gêdêŋ ênê ŋakatu naŋ, ŋa gêŋtalô tonaŋ. Sêsô bôc agêc propete dansaŋ tôŋ ma sêbaliŋ êsêagêc tomateŋ jaligeŋ sêsêp jagêjactoŋ, taŋ geŋ talao naŋ sêja.  
\v 21 Ma siŋ, taŋ kêsa ŋac gêŋgôŋ hos ŋaôŋa awasuŋ naŋ, gêjac lau ŋagêdô samob êndu, ma moc samob seŋ lau tonaŋ nê ŋamêsôm e gaôc êsêac tôŋ. \f + \fr 19:21 \ft Ŋam gebe alambiŋ Apômtau.\f*   
\c 20  
\s1 Jala 1,000 ŋabiŋ  
\p
\v 1 Go galic aŋela teŋ kêsêp aŋga undambê gêmêŋ naŋ kêkôc gêsuŋbôm ŋaki ma kapoacwalô kapôêŋ teŋ kêsêp lêma.  
\v 2 Eŋ kêkôc lêŋuckêm, moac laŋgwa tau tôŋ. Eŋ ŋac-kêlênsôŋ-biŋwaga Sadaŋ tau. Aŋela gêsô eŋ tôŋ gebe ênêc e jala 1,000 êmbacnê acgom.  
\v 3 Go kêbaliŋ eŋ kêsêp gêsuŋbôm gêja ma kêlai ŋakatam auc, go kêpac katêkwi gêwê kêsêp ŋakatam ŋasawa gebe ênsau lau samuc êtiam atom e jala 1,000 êmbacnê acgom. Têm tonaŋ êmbacnê, go sêŋgamboac eŋ su ŋasawa ec sauŋgeŋ.   
\p
\v 4 Go galic lêpôŋ taêsam ma lau sêŋgôŋ ŋaô. Ma Anôtô kêkêŋ kôm mêtôcŋa gêdêŋ êsêac. Go galic ŋamalac, taŋ sêjac êsêac êndu kêtu sêwa Jesu sa to sêsôm Anôtônê biŋ lasêŋa naŋ, nêŋ katuŋ. Êsêac teteŋ mec gêdêŋ bôc to gêdêŋ ênê ŋakatu atom ma sêkôc bôcnê ŋatalô sa gêc êsêac teŋbeleŋ to lemeŋ atom. Katuŋ tau mateŋ jali kêsa to sêjam gôliŋ sêwiŋ Kilisi têtôm kiŋ kêtôm jala 1,000.  
\v 5 Ŋacmatê dêdi sa ŋamata tau tonec. Ŋacmatê ŋagêdô mateŋ jali kêsa atom tageŋ e jala 1,000 êmbacnê acgom.  
\v 6 Aê aoc êôc lau dabuŋ, taŋ sêndi sa êtu ŋamata naŋ. Gêmacanô kêtu luagêcŋa ŋaŋaclai kêkôniŋ êsêac tôŋ atom. Êsêac têtu Anôtô agêc Kilisi nêŋ dabuŋwaga ma sênam gôliŋ sêwiŋ Kilisi têtôm kiŋ êtôm jala 1,000 tau.   
\s1 Sêku Sadaŋ tulu  
\p
\v 7 Endêŋ taŋ jala 1,000 êmbacnê naŋ, oc sêŋgamboac Sadaŋ su aŋga nê kapoacwalô.  
\v 8 Ma êsa êna gebe ênsau lau samuc, Gog to Magog, taŋ sêjam nom auc e gêdêŋ ŋakêclêsu aclê naŋ, ma ênac êsêac sa gebe sênac siŋ. Lau tau têtôm gaŋac gwêcŋa,  
\v 9 ma êsêac sêsêlêŋ sêjam nom aucgeŋ ma sêwa Anôtônê launêŋ gamêŋ sêŋgôŋŋa to malac, taŋ Anôtô têtac gêwiŋ naŋ, auc e ja kêsêp aŋga undambê jageŋ êsêac su.  
\v 10 Go Anôtô kêbaliŋ Sadaŋ, taŋ kêsau êsêac naŋ, kêsêp jagêjactoŋ totalao, taŋ gêmuŋŋa sêbaliŋ bôc tau agêc propete dansaŋ sêsêp sêja naŋ gêja. Ma ŋandaŋ oc êlakoc êsêac êtôm bêc to eleŋ teŋgeŋ ma teŋgeŋ.   
\s1 Metôc kapôêŋ mêŋkêsa  
\p
\v 11 Go galic lêpôŋ kiŋŋa kwalam-kwalam kapôêŋ teŋ to ŋac, taŋ gêŋgôŋ ŋaô naŋ. Ma nom to undambê kêtaiŋ tau su aŋga ŋac tau nê laŋônêmŋa, jagêjaŋa kêsêp sawa gêja e malamê.  
\v 12 Ma galic ŋacmatê kapôêŋ to sauŋ samob jasêkô lêpôŋ kiŋŋa tau ŋanêmŋa ma sêkac buku ŋagêdô sa. Ma sêkac buku teŋ sa, naŋ buku mata jaliŋa tau. Ma sêmêtôc ŋacmatê nêŋ biŋ kêtôm nêŋ koleŋ, taŋ teto ŋabiŋ gêc buku tonaŋ ŋai su.  
\v 13 Gwêc kêkêŋ ŋacmatê, taŋ sêc ŋalêlôm naŋ, ma gêmacanô to lamboam sêkêŋ ŋacmatê, taŋ sêc lamboam ŋalêlôm naŋ, ma sêmêtôc êsêac gêdêŋ-gêdêŋgeŋ kêtôm gêŋ, taŋ sêgôm naŋ.  
\v 14 Go sêbaliŋ gêmacanô to lamboam sêsêp jagêjactoŋ sêja. Jagêjactoŋ tau gêmacanô kêtu luagêcŋa.  
\v 15 Ma embe têtap ŋac teŋ nê ŋaê sa ênêc buku mata jaliŋa tau atom, naŋ sêmbaliŋ eŋ êsêp jagêjactoŋ êna. \f + \fr 20:15 \ft Gêdêŋ andaŋgeŋ Gog kêtu kiŋ aŋga gamêŋ Magog. \f* Mago kêtu ŋamu lau sêsam ŋaê luagêc kêpi lau samuc nêŋ toŋ kapôêŋ, taŋ sêkêŋ kisa gêdêŋ Anôtô to nê lau.   
\c 21  
\s1 Undambê to nom wakuc  
\p
\v 1 Go galic undambê wakuc to nom wakuc, gebe undambê ŋamataŋa to nom ŋamataŋa naŋ gêjaŋa su ma gwêc malamê amboac tonaŋ.  
\v 2 Ma galic malac dabuŋ Jerusalem wakuc, taŋ Anôtô kêkêŋ kêsêp aŋga undambê gêmêŋ naŋ, ŋagêlôŋ amboac awê, taŋ sêjam gêlôŋ eŋ gebe ênam ŋac.  
\v 3 Ma gaŋô awa kapôêŋ teŋ kêsa aŋga lêpôŋ kiŋŋa gebe “Ôlic acgom, Anôtônê andu kêkô gêwiŋ ŋamalac. Eŋ oc êŋgôŋ êwiŋ êsêac ma êsêac oc têtu ênê lau, ma Anôtô tau oc êmoa êwiŋ êsêac.  
\v 4 Ma eŋ oc êmbuŋ mateŋsulu samob aŋga mateŋgasi su ma gêmacanô oc ênêc êtiam atom ma gêŋwapac to taŋiboa ma ŋandaŋ oc ênêc êtiam atom, gebe gêŋ ŋamataŋa samob gêjaŋagac.”   
\p
\v 5 Ma ŋac, taŋ gêŋgôŋ lêpôŋ kiŋŋa naŋ, kêsôm gebe “Ôlic acgom, aê oc jaŋgôm gêŋ samob êtu wakuc.” Ma eŋ kêsôm gebe “Oto gebe Biŋ tonec biŋ ŋaŋêŋ to biŋŋanô.”  
\v 6 Ma kêsôm gêdêŋ aê gebe “Ŋanô kêsagac. Aê ŋac ŋamata to ŋamu. Aê katu ŋam to ŋatêpôê. Aê jakêŋ bu aŋga bumata mata jali êndêŋ lau, taŋ bu gêjô êsêac naŋ, sênôm ŋaômageŋ.  
\v 7 Ŋac taŋ êku ŋacjo tulu naŋ, êwê kaiŋ gêŋ tonaŋ ŋai êtu ênê gêŋlênsêm, ma aê jatu ênê Anôtô ma eŋ êtu aê latuc.  
\v 8 Ma lau mateŋ golec to sêkêŋ gêwiŋ atom, ma lau tosec to sêjac ŋamalac êndu, ma mockaiŋo to mockaiŋ ma laubeŋ to gwam ŋasakiŋwaga ma dansaŋtêna samob, oc sêwê kaiŋ ŋagêjactoŋ, taŋ ja to talao gelom naŋ. Gêmacanô kêtu luagêcŋa tau tonaŋ.”   
\s1 Jerusalem wakuc  
\p
\v 9 Go aŋela 7 tolaclu 7, taŋ gêŋwapac ŋamuŋa 7 kêsêp e meŋgêc naŋ, nêŋ teŋ gêmêŋ ma kêsôm gêdêŋ aê gebe “Ômôêŋ, aê jatôc awê, taŋ Domba gebe ênam naŋ, êndêŋ aôm.”  
\v 10 Tec aêŋoc katuc kaiŋ teŋ kêsa e eŋ gêôc aê kapi lôc baliŋ kapôêŋ teŋ gaja, go eŋ kêtôc malac dabuŋ Jerusalem, taŋ Anôtô kêkêŋ kêsêp aŋga undambê gêmêŋ naŋ, gêdêŋ aê.  
\v 11 Gêmêŋ toAnôtônê ŋawasigeŋ. Malac tau ŋawê amboac pocawa, amboac pocawa jaspa ŋaôsic amboac glas.  
\v 12 Malac tau ŋatuŋbôm kapôêŋ ma baliŋ toŋasacgêdô 12. Ma aŋela 12 sêkô sacgêdô tonaŋ ŋaô gêdêŋ-gêdêŋgeŋ. Ma teto Israel latuinêŋ gôlôacmôkê 12 nêŋ ŋaê kêpi sacgêdô tau.  
\v 13 Sacgêdô têlêac gêc oc kêpiŋa, têlêac gêc musaŋgu-mŋa, têlêac gêc mula-mŋa ma têlêac gêc oc kêsêpŋa.  
\v 14 Ma poc 12 kêtu malac ŋatuŋbôm tau ŋanombaŋ, ma Dombanê aposolo 12 nêŋ ŋaê 12 gêc poc tau.   
\p
\v 15 Aŋela taŋ kêsôm biŋ gêdêŋ aê naŋ, kêkôc dôŋ gold teŋ gebe ênam dôŋ malac tau ma ŋasacgêdô to tuŋbôm.  
\v 16 Malac tau ŋalêsiŋŋa to ŋatakôcŋa baliŋ kêtôm taugeŋ. Aŋela gêjam dôŋ malac tau kêtôm dôŋ 12,000, ŋalêsiŋŋa to ŋatakôcŋa ma ŋabaliŋ kêpi lôlôcŋa kêtôm taugeŋ.  
\v 17 Eŋ gêjam dôŋ malac ŋatuŋbôm amboac tonaŋgeŋ. Ma tuŋbôm tau baliŋ kêtôm dôŋ 144 kêtôm ŋamalacnêŋ dôŋ, taŋ aŋela kêkôc naŋ.  
\v 18 Tuŋbôm tau êsêac sêboa ŋa pocawa jaspaŋageŋ, ma malac tau sêkwê ŋa goldanô e ŋakêŋkêŋ laŋgwageŋ kêtôm glas.  
\v 19 Êsêac sêjam gêlôŋ malac ŋatuŋbôm ŋanombaŋ ŋa pocawa tokaiŋtokaiŋ. Nombaŋ ŋamataŋa jaspa, ma kêtu luagêcŋa sapir, ma kêtu têlêacŋa agat, kêtu aclêŋa emeral,  
\v 20 kêtu lemeŋ teŋŋa sardoni, kêtu 6ŋa konelian, kêtu 7ŋa krisolit, kêtu 8ŋa beril, kêtu 9ŋa topa, kêtu 10ŋa krisopra, kêtu 11ŋa hiasint ma kêtu 12ŋa ameti.  
\v 21 Ma sêkêŋ kêkôm tageŋ-tageŋ kêtu sacgêdô 12 ŋakatam. Ma malac ŋaintêna tau goldanô ŋakêŋkêŋ kêtôm glas e ŋawa laŋgwageŋ.   
\p
\v 22 Ma galic lôm dabuŋ teŋ kêkô malac tau atom, gebe Apômtau Anôtô ŋaniniŋ Ŋatau agêc Domba têtu ŋalôm dabuŋ.  
\v 23 Ma malac tau kêpô lêna oc to ajôŋ gebe êpôŋa nec atom, gebe Anôtônê ŋawasi kêpô malac tau ma Domba kêtu ŋalamp.  
\v 24 Lau totoŋ-totoŋ oc sêsêlêŋ sêmoa ŋawê tonaŋ ŋalêlôm. Ma kiŋ nomŋa oc sejoŋ nêŋ waba toŋawasi sêsô malac tau sêna.  
\v 25 Êsêac sênsaŋ ŋakatam auc atomanô, ŋawê oc ênêc ŋapaŋ, eleŋ to êmbêc oc naêsa gamêŋ tonaŋ atom.  
\v 26 Ma êsêac oc sejoŋ lau totoŋ-totoŋ nêŋ waba to awa towae sêsô malac tau sêna.  
\v 27 Gêŋ ŋatêmui teŋ oc êsô malac tonaŋ êna atom, ma ŋac sec to dansaŋtêna teŋ êsô êna atom amboac tonaŋgeŋ. Lau taŋ teto nêŋ ŋaê kêsêp Dombanê buku mata jaliŋa naŋgeŋ, sêsô sêna. \f + \fr 21:27 \ft Ŋaê 12 tonaŋ têtu pocawa 12 ŋaê. Pocawa tau \f* ŋawasi kaiŋ teŋ ma ŋatalô tokaiŋ-tokaiŋ. Ŋagêdô kokoc, ŋagêdô matac-matac to majaŋ-majaŋ. Bîn pocawaaŋa gêwa ŋa gebe ŋawasl oc ênam Jerusalem wakuc auc samucgeŋ. Malac ŋagêŋlêlôm taŋ ênêc awê to gêŋ, taŋ êsiŋ tau naŋ ŋawasigeŋ.   
\c 22  
\p
\v 1 Go aŋela kêtôc bu teŋ gêdêŋ aê, ŋakêŋkêŋ kêtôm pocawa. Bu tau bu mata jaliŋa kêsa aŋga Anôtô agêc Domba nêŋ lêpôŋ kiŋŋa.  
\v 2 Bu tau keseleŋ kêsêp malacluŋ ŋaluŋgeŋ ma ka mata jaliŋa kêkô bu ŋatali makeŋ-makeŋ. Ka tau gêjam ŋanô kêtu dim 12 kêtôm jalageŋ, gêjam kêtôm ajôŋgeŋ. Ma ka tau ŋalauŋ gêgôm lau samuc ôliŋ ŋajam kêsa.  
\v 3 Ma gêŋ, taŋ Anôtô kêpuc boa naŋ, oc tatap ŋateŋ sa aŋga malac tonaŋ atom.  
\p Anôtô agêc Domba nêŋ lêpôŋ kiŋŋa oc êkô malac tau, ma ênê sakiŋwaga oc sênam sakiŋ eŋ.  
\v 4 Êsêac oc sêlic eŋ laŋôanô ma ênê ŋaê ênsac êsêac teŋbeleŋ.  
\v 5 Eleŋ to êmbêc oc êsa êtiam atom, ma êsêac oc sêpô lêna lamp ŋawê to oc atomanô, gebe Apômtau Anôtô tau oc êpô êsêac ma êsêac sênam gôliŋ lau têtôm kiŋ sêmoa teŋgeŋ ma teŋgeŋ.   
\s1 Jesu oc êmu êmêŋ  
\p
\v 6 Go aŋela teŋ kêsôm gêdêŋ aê gebe “Biŋ tonec biŋ ŋaŋêŋ to biŋŋanô. Ma Apômtau Anôtô, taŋ kêkêŋ nê Ŋalau gêdêŋ propete naŋ, kêsakiŋ nê aŋela gebe êtôc biŋ, taŋ oc mêŋêsa sebeŋ naŋ, êndêŋ ênê sakiŋwaga.”  
\v 7 Jesu kêsôm gebe “Ôŋô acgom, aê oc jawac sebeŋ. Aê aoc êôc êsêac, taŋ sêmansaŋ biŋ, tec Anôtô gêôc lasê gêc buku tonec nec.”   
\p
\v 8 Aê Joaŋ, aê ŋac, taŋ gaŋô to galic gêŋ tonaŋ ŋai. Gaŋô to galic gêŋ tau su acgom, go gau tauc gaêc aŋela, taŋ kêtôc gêŋ samob gêdêŋ aê naŋ, akaiŋŋa gabe jateŋ mec êndêŋ eŋ.  
\v 9 Mago eŋ kêsôm gêdêŋ aê gebe “Ondecgeŋ, aê katu sakiŋwaga gawiŋ aôm to propete, taŋ têtu nêm lasitêwai naŋ, ma êsêac, taŋ sêmasaŋ buku tonec ŋabiŋ naŋ. Oteŋ mec êndêŋ Anôtô taugeŋ.”   
\p
\v 10 Ma eŋ kêsôm gêdêŋ aê gebe “Ôŋgamiŋ biŋ, taŋ Anôtô geoc lasê gêc buku tonec naŋ, to ôsiŋ ôkwi atom, gebe noc gêŋ samob tonec ŋanô êsaŋa kêdabiŋgac.  
\v 11 Ŋac taŋ gêgôm sec naŋ, êŋgôm nê sec êmoa. Ŋac taŋ gêgôm gêŋ môpŋa naŋ, êŋgôm nê gêŋ môpŋa êmoa. Ŋac gêdêŋ êŋgôm gêŋ êndêŋgeŋ êmoa. Ma ŋac dabuŋ êsa nê lêŋ ênam dabuŋ tauŋa êmoa.”   
\p
\v 12 Jesu kêsôm gebe “Ôŋô acgom, aê oc jawac sebeŋ ma toŋoc ŋagêjôgeŋ jawac, gebe jakêŋ êndêŋ lau samob êndêŋ-êndêŋgeŋ êtôm nêŋ lêŋ.  
\v 13 Aê ŋac ŋamata to ŋamu, aê ŋam to ŋamôkê ma gajac m ma oc janac dabiŋ.”   
\p
\v 14 Aê aoc êôc êsêac, taŋ sêkwasiŋ nêŋ ŋakwê naŋ, ec êsêac têtôm gebe sêwê kaiŋ ka ŋanô sêŋgôŋ mateŋ jaliŋa ma oc sêsô malac tau ŋasacgêdô sêna.  
\v 15 Lau amboac tonec oc sêmoa malac ŋamagê, kêam to laubeŋ ma mockaiŋo to mockaiŋ ma lau, taŋ sêjac ŋamalac êndu to gwam ŋasakiŋwaga ma êsêac, taŋ têntac gêwiŋ biŋdansaŋ to sêgôm ŋanô kêsa naŋ.   
\p
\v 16 “Aê, Jesu, kasakiŋ ŋoc aŋela gêdêŋ amac gebe êwa biŋ tonaŋ sa êndêŋ gôlôac dabuŋ. Aê katu Dawidnê ŋawakac ma nê wakuc. Aê katu utitêna geleŋmataŋa ŋawasi tau.”   
\p
\v 17 Ŋalau agêc awê, taŋ gebe ênam ŋac naŋ, sêsôm gebe “Ômôêŋ.” Lau samob, taŋ sêŋô biŋ tonaŋ naŋ, sêsôm sêwiŋ gebe “Ômoêŋ.” Lau taŋ bu gêjô êsêac naŋ sêmêŋmaŋ, ma samob, taŋ sebe sêkôc naŋ, sêkôc bu mata jaliŋa taumaŋ, sêkôc ŋaômageŋ.   
\p
\v 18 Aê jasôm biŋ tonec êtu tôŋ êndêŋ lau samob, naŋ sêŋô biŋ, taŋ Anôtô geoc lasê gêc buku tonec naŋ gebe Teŋ embe ênac têku biŋ teŋ naêwiŋ, oc Anôtô ênac têku gêŋwapac, taŋ teto ŋawae gêc buku tonec naŋ, êpi eŋ naêwiŋ amboac tonaŋgeŋ.  
\v 19 Ma teŋ embe êkôc biŋ, taŋ Anôtô geoc lasê gêc buku tonec naŋ, ŋateŋ su, oc Anôtô êkôc ênê kaŋanô mata jaliŋa to ênê mala aŋga malac dabuŋ, taŋ teto ŋabiŋ gêc buku tonec naŋ, su amboac tonaŋgeŋ.   
\p
\v 20 Ŋac taŋ gêwa biŋ samob tonaŋ sa naŋ, kêsôm gebe “Biŋŋanô, aê oc jawac sebeŋ.” Biŋŋanô, Apômtau Jesu ômôêŋ.   
\p
\v 21 Apômtau Jesu nê moasiŋ êndêŋ lau samob.