\id PSA -Jabem partial Bible [jae] -Papua New Guinea 1980 (web 2015) 
\h PESALEM 
\toc1 Pesalem Ŋabuku 
\toc2 Pesalem 
\toc3 Pes 
\mt1 Pesalem Ŋabuku  
\ip Pesalem ŋabuku kêtu Bibolo ŋabuku mecŋa to ŋawê dabuŋ. Lau sêga-wêwaga sêga wê tau gêdêŋ ŋasawa baliŋanô. Lau sejoŋ wê to mec tau sa ma lau Israel sêjam wê to teteŋ mec tau gêdêŋ taŋ sêlic nêŋ om naŋ. Gêdêŋ ŋasawa teŋ lau sêkêŋ Pesalem ŋabuku kêsêp Bibolo gêwiŋ Bibolo ŋabuku ŋagêdô.  
\ip Lau sêga wê tonec kêpi biŋ tokaiŋ-tokaiŋ. Wê ŋagêdô wê lambiŋŋa, ŋagêdô wê tanam sakiŋ Anôtôŋa, ŋagêdô wê mecŋa. Lau teteŋ Anôtô gebe ênam êsêac sa to taê walô êsêac ma ênam êsêac kêsi. Lau ŋagêdô teteŋ eŋ gebe êsuc nêŋ sec ôkwi. Wê ŋagêdô gêjam daŋge Anôtô gebe gêjam mec nê lau. Ŋagêdô teteŋ eŋ gebe êmêtôc nê launêŋ ŋacjo. Mec tonaŋ ŋagêdô gêjac lau tageŋ-tageŋ ŋawae ma ŋagêdô gêjac lau tapaôŋgeŋ ŋawae. Wê ŋagêdô geoc ŋac tageŋ nê ŋalêlôm lasê ma ŋagêdô kêtôc gêŋwapac to biŋ, taŋ Anôtônê lau samob sêôc to sêsaê sêmoa naŋ.  
\ip Apômtau Jesu keteŋ Pesalem kêtu nê mec amboac tonaŋgeŋ. Lau teto-Biŋlênsêm-Wakucwaga sêkôc ŋalô dabuŋ sa aŋga Pesalem ma teto kêsêp nêŋ papia. Lau Buŋa ŋamataŋa e mêŋgêdêŋ galocŋa tetoc buku tonec sa kêtu nêŋ buku mecŋa to nêŋ lêŋ ŋagôliŋ.  
\iot Pesalem 150 tonaŋ sêwa kêkôc kêtu ŋasêbu lemeŋteŋ me buku lemeŋteŋ amboac tonec gebe  
\ip Buku kêtu ŋamataŋa Pesalem 1–41  
\ip Buku kêtu luagêcŋa Pesalem 42–72  
\ip Buku kêtu têlêacŋa Pesalem 73–89  
\ip Buku kêtu aclêŋa Pesalem 90–106  
\ip Buku kêtu lemeŋteŋŋa Pesalem 107–150  
\cl PESALEM 
\toc1 Pesalem Ŋabuku  
\c 1  
\s1 BUKU KÊTU ŊAMATAŊA  
\s1 Lau gêdêŋ to lau sec  
\q1
\v 1 Aweŋ êôc ŋac, taŋ êsa nê lêŋ êtôm lau,  
\q2 taŋ sêkac tauŋ su aŋga Anôtônê naŋ, nêŋ mêtê atom,  
\q1 ma êsa lau sec nêŋ lêŋ  
\q2 to êŋgôŋ lau-susuwaga ŋalêlôm atom.   
\q1
\v 2 Ŋac amboac tonaŋ têtac gêwiŋ Apômtaunê biŋsu  
\q2 ma taê gêjam ênê biŋsu ŋam kêtôm bêc to geleŋgeŋ.   
\q1
\v 3 Eŋ kêtom ka sêsê kêkô butali, taŋ gêjam ŋanô kêtôm ŋanocgeŋ naŋ.  
\q2 Ŋalauŋ oc êmêliŋ atom, ma gêŋ samob, taŋ eŋ gêgôm naŋ, oc êtap ŋanô sa.   
\b  
\q1
\v 4 Lau taŋ sêkac tauŋ su aŋga Anôtônê naŋ, amboac tonaŋ atom.  
\q2 Êsêac têtôm ŋapaôma, taŋ mu kelelo sa.   
\q1
\v 5 Amboac tonaŋ lau-sêkac-tauŋ-suwaga oc sêkô ŋajaŋa êndêŋ noc mêtôcŋa atom,  
\q2 ma lau sec sêkô gôlôac ŋalêlôm atom amboac tonaŋ,   
\q1
\v 6 gebe Apômtau kêjala lau gêdêŋ nêŋ lêŋ.  
\q2 mago lau-sêkac-tauŋ-suwaga nêŋ lêŋ oc ênaŋa.   
\c 2  
\s1 Anôtô agêc ŋac, taŋ geŋ oso eŋ naŋ  
\q1
\v 1 Lau samuc sêli aweŋ sa kêtu asageŋŋa,  
\q2 ma tenteŋlatui sêkic biŋ ŋaôma-ŋaôma nec ŋam amboac ondoc.   
\q1
\v 2 Kiŋ nomŋa sêkac tauŋ sa,  
\q2 ma gôliŋwaga sêkic biŋ sêwiŋ tauŋ sebe senseŋ Anôtô agêc nê ŋac, taŋ geŋ oso eŋ naŋ.   
\q1
\v 3 Êsêac sêsôm gebe “Tamô êsêacnêŋ lakô êŋgic  
\q2 ma tambaliŋ êsêacnêŋ lêpoa, taŋ kêgi aêac auc, naŋ siŋ.”   
\b  
\q1
\v 4 Apômtau, taŋ gêŋgôŋ lêpôŋ aŋga undambê naŋ, kaômac  
\q2 ma kêsu êsêac susu.   
\q1
\v 5 Go kêsôm biŋ gêdêŋ êsêac totêtac ŋandaŋgeŋ  
\q2 ma eŋ têtac kêmoatiŋ tôŋ kêtakê êsêac gebe   
\q1
\v 6 “Aê tauc kakêŋ ŋoc kiŋ gêŋgôŋ ŋoc lôc dabuŋ Sion.”   
\b  
\q1
\v 7 “Aê gabe jasôm biŋ, taŋ Apômtau taê gêjam naŋ, lasê acgom.  
\q2 Eŋ kêsôm gêdêŋ aê gebe ‘Aêŋoc latuc aôm, ocsalô tonec aê katu aôm tamam.   
\q1
\v 8 Oteŋ aê, go jakêŋ lau samuc têtu nêm gêŋlênsêm  
\q2 ma jakêŋ nom samucgeŋ êtu nêm gamêŋ.   
\q1
\v 9 Aôm oc ônam gôliŋ êsêac ŋa tôcki  
\q2 to olo êsêac êtôm selo kunom.’”   
\b  
\q1
\v 10 Amboac tonaŋ amac kiŋ nêm kauc êsamaŋ  
\q2 ma amac nom ŋagôliŋwaga taêm ênam biŋ, taŋ galêŋ biŋ amac naŋ.   
\q1
\v 11 Anam sakiŋ Apômtau toatêc eŋgeŋ,  
\q2 au taôm anêc eŋ akaiŋŋa toatênêpgeŋ.   
\q1
\v 12 Embe masi, oc têtac ŋandaŋ êsa  
\q2 ma amac anaŋa aŋga intêna,  
\q1 gebe eŋ ŋac têtac dambê.  
\q2 Aweŋ êôc lau samob, taŋ sê lamu eŋgeŋ naŋ.   
\c 3  
\s1 Mec bêbêcŋa gebe Anôtô ênam sa  
\q1
\v 1 Ojae, o Apômtau, lau taŋ sêlêsu aê naŋ, taêsam ŋasecgoc,  
\q2 taêsam dêdi sêkô sebe senseŋ aê.   
\q1
\v 2 Lau taêsam sêsôm kêpi aê gebe  
\q2 “Anôtô oc anam eŋ sa teŋ atom.”   
\b  
\q1
\v 3 O Apômtau, aôm kôtu lautuc gômôê aê aucgoc.  
\q2 Aôm kôtu aê waec to kôsa môkêcapac sa.   
\q1
\v 4 Gamôêc Apômtau ŋa aoc kapôêŋ,  
\q2 e kêkêŋ taŋa ŋoc taŋi aŋga nê lôc dabuŋ.   
\b  
\q1
\v 5 Aê kasa tauc sic ma gaêc bêc e kaliŋ tauc siŋ.  
\q2 Gaêc e matoc jali kêsa gebe Apômtau gêjam aê sa.   
\q1
\v 6 Lausiŋ taŋ topom-topom sêgi aê auc naŋ,  
\q2 mago katêc êsêac atom.   
\b  
\q1
\v 7 O Apômtau, ôndi. O ŋoc Anôtô, ônam aê sa.  
\q2 Aôm tonaŋ tec kôtap ŋoc ŋacjo samob kêsêp alianô, ma kôtuc lau, taŋ sêkac tauŋ su aŋga aômnêm naŋ, luŋluŋ kêsêlô.   
\q1
\v 8 Apômtau kêtu ênam aêac sa ŋamôkê.  
\q2 Ônam mec nêm laumaŋ.  
\p Dawidnê pesalem teŋ. Gêc latu Absalom gêja su, go gêga.   
\c 4  
\s1 Mec êtulaŋa teŋ gebe Anôtô ênam sa  
\q1
\v 1 O Anôtô, taŋ kômasaŋ ŋoc biŋ jagêdêŋ,  
\q2 aê embe jamôêc, naŋ ôkêŋ taŋam aê.  
\q1 Aê gamoa togêŋwapac, go aôm kôgaboac aê su.  
\q2 Taêm labu aê ma ôkêŋ taŋam ŋoc mec.   
\b  
\q1
\v 2 O amac lau tembelem aŋgeŋ,  
\q2 abe aŋgôm aê waec êtu meloc e êndêŋ ondoc acgom.  
\q1 Amac abe taêm ênam biŋ dansaŋ,  
\q2 tec abe asap gêŋ ŋaôma tôŋ e êndêŋ ondocgeŋ.   
\b  
\q1
\v 3 Ajalamaŋ gebe Apômtau kêjaliŋ nê ŋac mansaŋ aê sa.  
\q2 Embe jamôêc êndêŋ Apômtau, oc êkêŋ taŋa aê.   
\b  
\q1
\v 4 Embe têmtac ŋandaŋ, naŋ aŋgôm taôm sec atom.  
\q2 Taêm ênam biŋ tonaŋ ênêc lêlômgeŋ, amoa nêm gamêŋ ma anam taôm tôŋ.  
\v 5 Ansuŋ da gêdêŋ  
\q2 ma akêŋ matem Apômtau.   
\b  
\q1
\v 6 Lau taêsam sêsôm gebe  
\q2 “Asa oc êmoasiŋ aêac.  
\q1 O Apômtau, ôc laŋômanô ŋaja sa  
\q2 mêŋêpô aêac.”   
\q1
\v 7 Aôm kôkêŋ têtac ŋajam kêsêp aêŋoc ŋalêlôm,  
\q2 kômoasiŋ aê kêlêlêc êsêac, taŋ sêŋgôŋ gêŋmasê ŋaôgeŋ naŋ su.   
\q1
\v 8 Aê jasa tauc sic to janêc bêc tobiŋ malôgeŋ  
\q2 gebe aôm taômgeŋ, o Apômtau, kôkêŋ aê gamoa ŋoc ŋajam.  
\p Dawidnê pesalem teŋ.   
\c 5  
\s1 Mec teŋ kêtu Anôtô ejop aêacŋa  
\q1
\v 1 O Apômtau, ôŋô ŋoc biŋ.  
\q2 Wê taŋam ŋoc oliŋ.   
\q1
\v 2 Ojae aêŋoc kiŋ to ŋoc Anôtô, ôŋô ŋoc taŋiboa kapôêŋmaŋ,  
\q2 gebe aêŋoc mec êndêŋ aôm êwac.   
\q1
\v 3 O Apômtau, ôŋô aê aoc êndêŋ bêbêc kanucgeŋ.  
\q2 Kamasaŋ ŋoc da gêdêŋ aôm gêdêŋ bêbêc kanucgeŋ, ma tec matoc teŋ-teŋgeŋ aômŋa gamoa.   
\b  
\q1
\v 4 Aôm kôtôm Anôtô, taŋ têtac gêwiŋ biŋ paliŋ-paliŋ naŋ atom.  
\q2 Ŋac sec teŋ êtu nêm ŋacleŋ atom.   
\b  
\q1
\v 5 Lanemtêna sêkô laŋômnêm atom.  
\q2 Aôm kôkêŋ kisa gêdêŋ lau-sêgôm-secwaga samob.   
\q1
\v 6 Aôm goseŋ dansaŋwaga samob su.  
\q2 Apômtau gêjam laŋôanô ôkwi aŋga lau, taŋ sêwê kaiŋ dec to biŋ-dansaŋwaga naŋ nêŋ.   
\b  
\q1
\v 7 Aôm gôlôc kêtu nêm têmtac gêwiŋ teŋgeŋŋa  
\q2 gebe aê jasô nêm andu jana.  
\q1 Aê jateŋ mec aŋga nêm lôm dabuŋ  
\q2 ma jau tauc janêc gebe jatoc aôm sa.   
\b  
\q1
\v 8 O Apômtau, ônam gôliŋ aê êtôm nêm biŋgêdêŋ.  
\q2 Ômansaŋ nêm intêna ênêc aê laŋôcnêm êtu ŋoc ŋacjoŋa,   
\q1
\v 9 gebe biŋŋanô gêc êsêac aweŋsuŋ atom.  
\q2 Ac taêŋ gêjam biŋ seseŋ gêŋ suŋageŋ.  
\q1 Êsêacnêŋ koclabeŋ kêtôm sêawa gêŋa.  
\q2 Imbeleŋ geno biŋ e ŋawasi laŋgwageŋ.   
\q1
\v 10 O Anôtô, ôkêŋ ŋagêjô êndêŋ êsêac  
\q2 gebe nêŋ dib êtu lakô êndêŋ tauŋ.  
\q1 Ôtiŋ êsêac su aŋga laŋômnêmŋa êtu nêŋ biŋ alôb-alôb taêsamŋa  
\q2 gebe sêli tauŋ sa gêdêŋ aôm.   
\b  
\q1
\v 11 Mago lau samob, taŋ sê lamu aôm naŋ, têntac ŋajam êsa.  
\q2 Ôtu lautuc êsêac,  
\q1 taŋ têntac gêwiŋ aôm naŋ,  
\q2 gebe sêmoa toôliŋ êpigeŋ.   
\q1
\v 12 O Apômtau, aôm gôjam mec ŋac gêdêŋ,  
\q2 ma nêm moasiŋ kêkwa eŋ auc amboac lautuc.  
\p Dawidnê pesalem teŋ.   
\c 6  
\s1 Mec gebe Anôtô ênam sa êndêŋ têm wapacŋa  
\q1
\v 1 O Apômtau, têmtac ŋandaŋ ênac aê atom.  
\q2 Têmtac êmoatiŋ tôŋ ma ôsôm aê atom.   
\b  
\q1
\v 2 O Apômtau, taêm labu aê gebe aoc kêtu dambê.  
\q2 O Apômtau, ômoasiŋ aê gebe katakê e katuc uŋ tageŋ.   
\q1
\v 3 Aê katuc ŋatutuc ŋasec.  
\q2 O Apômtau, aôm gobe ônac jaê aê e êndêŋ ondocgeŋ.   
\b  
\q1
\v 4 O Apômtau, ôkac taôm ôkwi ômu ômôêŋ ma ônam aê sa.  
\q2 Ônam aê sa êtu nêm moasiŋŋa,   
\q1
\v 5 gebe lau, taŋ sêmac êndu su sêja naŋ, taêŋ gêjam aôm atom.  
\q2 Asa oc êŋgôm waem êsa aŋga lamboam.   
\b  
\q1
\v 6 Aê kasê aoc jamêc-jamêc e tekoc gêbac,  
\q2 ma gaêc bêc gajac matocsulu sasa gêdêŋ gêbêc baliŋ gebe matocsulu kêsuŋ laplap laŋgwageŋ.   
\q1
\v 7 Aê kataŋ ŋanô e matocdêbu kêtiŋ ma galic gamêŋ sapu  
\q2 kêtu ŋoc ŋacjo sêlêsu aêŋa.   
\b  
\q1
\v 8 Amac secwaga samob aêc su aŋga aêŋoc,  
\q2 gebe Apômtau kêkêŋ taŋa ŋoc taŋiboa kapôêŋ.   
\q1
\v 9 Aê kataŋ e Apômtau kêkêŋ taŋagoc.  
\q2 Apômtau kêkôc ŋoc mec sagac.   
\q1
\v 10 Aêŋoc ŋacjo samob oc selendec sec e nêŋ meloco êsa,  
\q2 go têtaiŋ tauŋ su sebeŋ e sêc tomajeŋgeŋ sêna.  
\p Dawidnê pesalem teŋ. Pesalem dambu tauŋŋa kêtu ŋamataŋa.   
\c 7  
\s1 Apômtau kêmêtôc lau jagêdêŋ ŋawê  
\q1
\v 1 O Apômtau, ŋoc Anôtô, aê gaê lamu aômgeŋ.  
\q2 Ôjaŋgo aê su aŋga lau samob, taŋ sêjanda aê naŋ nêŋ, ma ônam aê sa.   
\q1
\v 2 Embe masi, go ŋacjo sêmôniŋ aê êŋgic to sênsaic aê amboac lewe  
\q2 gebe ŋoc ŋac-ênam-aê-sawaga masi.   
\b  
\q1
\v 3 O Apômtau, ŋoc Anôtô, aê embe jaŋgôm gêŋ keso teŋ  
\q2 êndêŋ ŋac teŋ,   
\q1
\v 4 ma embe jatu kasec ŋac, taŋ jagêc amoa tobiŋmalôgeŋ tauŋ naŋ,  
\q2 ma embe janam êsêac, taŋ sêkêŋ kisa aê ŋaôma naŋ, sa atom,   
\q1
\v 5 go ŋacjo êjanda aê e naê aê tôŋ ma êka aê tôŋ tamiŋ nom  
\q2 to êŋgôm aê waec êtu meloc.   
\b  
\q1
\v 6 O Apômtau, ôndi totêmtac ŋandaŋgeŋ ma ôndi sa mêŋonseŋ lau, taŋ sêlêsu aê naŋ, nêŋ ŋaôndu su.  
\q2 Aôm taŋ kômêtôc biŋ naŋ, matam jali êsa gebe ômoasiŋ aê.   
\q1
\v 7 Ôkac tenteŋlatu samob sa wactetoc aôm sa acgom,  
\q2 gocgo wêc ômu ôpi ôwac nêm lôlôc êtiam.   
\q1
\v 8 Apômtau kêmêtôc lau samob nêŋ biŋ.  
\q2 O Apômtau, ômêtôc ŋoc biŋ êtôm nêm biŋgêdêŋ ma ômoasiŋ aê êtu ŋoc biŋ masiŋa.   
\q1
\v 9 Ôkêŋ lau, taŋ sêkac tauŋ su aŋga aômnêm naŋ, nêŋ biŋ alôb-alôb ênac pep,  
\q2 ma ôpuc ŋac gêdêŋ tôŋ êkô ŋajaŋa.  
\q1 O Anôtô gêdêŋ,  
\q2 aôm kôjala ŋoc ŋalêlôm e gôbi lêtêŋ.   
\b  
\q1
\v 10 Anôtô kêkam aêŋoc lautuc ŋagabiŋ.  
\q2 Eŋ gêjam lau, taŋ taêŋ gêjam biŋgêdêŋ naŋ sa.   
\q1
\v 11 Anôtô kêmêtôc biŋ jagêdêŋ  
\q2 ma Anôtô tonaŋ kêkêŋ ŋagêjô kêtôm bêcgeŋ.   
\q1
\v 12 Ŋac teŋ embe ênam tau ôkwi atom, oc Apômtau êuc nê siŋ ŋamata êsa êtu eŋŋa.  
\q2 Eŋ êkêkam nê sôb êkanôŋ eŋ.   
\q1
\v 13 Eŋ êkêŋ nê sôb-enseŋ-lauŋa nadiŋgeŋ eŋ  
\q2 to ênam jalana tamiŋ nê sôb.   
\b  
\q1
\v 14 Alicgac me, biŋ alôb-alôb gêjam ŋac sec auc. Eŋ taê gêŋ wapacŋa.  
\q2 Ma embe êkôc, oc talic gêŋ tau gebe biŋdansaŋ.   
\q1
\v 15 Eŋ kêkwê sê e ŋalêlôm gêjac tau Jaê,  
\q2 mago tau oc nau tau êsêp nê gêŋ, taŋ kêkwê naŋ.   
\q1
\v 16 Gêŋwapac taŋ taê gêjam naŋ, oc êŋgôndiŋ eŋ tau,  
\q2 ma nê gêŋ alôb-alôb oc êtap eŋ tau môkêdaŋgam sa.   
\b  
\q1
\v 17 Aê aoc êôc Apômtau êtu nê biŋ gêdêŋŋa,  
\q2 ma jaŋga wê êpi Lôlôc Ŋatau Apômtaunê ŋaê.  
\p Dawidnê wê teŋ, gêjam gêdêŋ Apômtau kêtu ŋac Benjaminŋa Kus nê biŋŋa.   
\c 8  
\s1 Tatoc Anôtô sa gebe gêgôm aêac waeŋ kêsa  
\q1
\v 1 O Apômtau, aêacma Ŋatau, nêm ŋaê ŋawae kêsa gêjam nom aucgoc.  
\q2 Êsêac sêlambiŋ aômnêm ŋawasi e jagêdêŋ undambê.   
\q1
\v 2 Ŋapalê to ŋapalêo dedec aweŋ sêlambiŋ aôm sêwiŋ.  
\q2 Aôm gôboa gamêŋ ŋajaŋa sa  
\q1 êpuc nêm ŋacjo su  
\q2 ma nêm soŋo-soŋo to lau-sêli-aweŋ-sawaga sênam tauŋ ôkwi.   
\b  
\q1
\v 3 Aê embe jalic undambê, taŋ lêmamlatu kêkêŋ,  
\q2 ma embe jalic ajôŋ to utitalata, taŋ kômasaŋ naŋ,   
\q1
\v 4 (oc taêc ênam tauc gebe) Ŋamalac tau oc amboac asageŋ, tec taêm gêjam eŋ,  
\q2 ma ŋamalac latu oc amboac asageŋ, tec gôjam jaom eŋ nec.   
\b  
\q1
\v 5 Aôm kôkêŋ eŋ kêdabiŋ gebe êtôm aôm,  
\q2 ma gôjam gêlôŋ eŋ ŋa wae to ŋawasi.   
\q1
\v 6 Aôm kôkêŋ eŋ gêjam gôliŋ gêŋ, taŋ lêmam gôgôm naŋ,  
\q2 ma kôkêŋ gêŋ samob kêsô eŋ ŋalabu.   
\q1
\v 7 Kôkêŋ domba to bulimakao  
\q2 ma kôkêŋ bôc saleŋŋa gêwiŋ.   
\q1
\v 8 Aôm kôkêŋ moc, taŋ sêmoa umboŋ ŋalabu ma i, taŋ sêmoa gwêclêlôm,  
\q2 to gêŋ mateŋ jali gwêcŋa samob, taŋ sêsa nêŋ lêŋ gêdêŋ-gêdêŋgeŋ naŋ.   
\b  
\q1
\v 9 O Apômtau, aêacma Ŋatau,  
\q2 nêm ŋaê ŋawae kêsa gêjam nom aucgoc.  
\p Dawidnê pesalem teŋ.   
\c 9  
\s1 Tanam daŋge Anôtô gebe eŋ kêmêtôc lau jagêdêŋgeŋ  
\q1
\v 1 Aê gabe aoc êôc Apômtau toŋoc ŋalêlôm samuc.  
\q2 Aê gabe jasôm aômnêm gêŋsêga, taŋ gôgôm naŋ samob ŋawae lasê.   
\q1
\v 2 Aê gabe têtac ŋajam ma aoc êôc aôm toôndugeŋ.  
\q2 O Lôlôc Ŋatau, aê gabe jaŋga wê êpi aômnêm ŋaê,   
\q1
\v 3 gebe aôm kôkêŋ aêŋoc ŋacjo sênu tauŋ su sêmu sêsô sêja.  
\q2 Aôm kôtiŋ êsêac e sêka eŋkaiŋ ôkwi ma sêjaŋa,   
\q1
\v 4 gebe aôm kômasaŋ aêŋoc biŋ to kômêtôc jagêdêŋ.  
\q2 Aôm-kômêtêc-gêdêŋwaga gôŋgôŋ lêpôŋ tau ŋaô.   
\b  
\q1
\v 5 Aôm goec biŋ lau samuc to goseŋ alôb-alôbwaga su.  
\q2 Aôm goseŋ êsêacnêŋ ŋaê su gêjaŋa samucgeŋ.   
\q1
\v 6 Aôm golo ŋacjo popoc e gacgeŋ maleŋmê baliŋgeŋ sêja.  
\q2 Aôm goseŋ malac gêwiŋ e ŋaê samob gêjaŋa.   
\b  
\q1
\v 7 Apômtau oc êŋgôŋ nê lêpôŋ endeŋ tôŋgeŋ.  
\q2 Eŋ ketoc lêpôŋ kêkô gebe êmêtôc biŋ.   
\q1
\v 8 Ŋac tageŋ tonaŋ tec kêmêtôc lau nomŋa nêŋ biŋ jagêdêŋ  
\q2 ma kêkêŋ ŋagêjô gêdêŋ tenteŋlatu gêjô gêŋ, taŋ sêgôm naŋ.   
\b  
\q1
\v 9 Apômtau kêtu lau, taŋ sêôc gêŋwapac naŋ, nêŋ tuŋtêna.  
\q2 Eŋ kêtu tuŋtêna gebe êsêac sêŋgôŋ ŋalêlôm êndêŋ taŋ gêŋwapac êŋgôm êsêac naŋ.   
\q1
\v 10 Amboac tonaŋ êsêac, taŋ sêjala aômnêm ŋaê naŋ, sêkêŋ mateŋ aôm.  
\q2 Aôm Apômtau tec gôwi êsêac, taŋ sesom aôm naŋ, siŋ atom.   
\b  
\q1
\v 11 Awem êôc Apômtau, taŋ gêŋgôŋ nê lêpôŋ gêŋgôŋ Sion naŋ,  
\q2 asôm ênê gêŋsêga lasê êndêŋ tenteŋlatu sêŋô,   
\q1
\v 12 gebe eŋ taê gêjam gebe êkac êsêacnêŋ kamocgôc.  
\q2 Eŋ kêliŋ môêc, taŋ lau ŋasec sêmôêc gêdêŋ eŋ naŋ, siŋ atom.   
\b  
\q1
\v 13 O Apômtau, taŋ kôkô aê auc gêdêŋ jamac êndu ŋasacgêdô naŋ, taêm labu aê.  
\q2 Ôlic aêmamaŋ gebe ŋoc ŋacjo sêgôm aê kwalecgoc.   
\q1
\v 14 Aê gabe jasôm aômnêm gêŋ towae lasê samob.  
\q2 Jakô Sion latuo nê sacgêdô ma aoc êôc aôm toôndu, gebe gôjam aê sa.   
\b  
\q1
\v 15 Lau samuc nêŋ sê, taŋ sêkwê kêtu aêŋa naŋ, êsêac tauŋ sêu tauŋ sêsêp.  
\q2 Tauŋ eŋkaiŋ gêwê uc, taŋ sêkic kelecgeŋ naŋ.   
\q1
\v 16 Apômtau kêmêtôc biŋ gêwa tau sagac.  
\q2 Ŋac alôb-alôb gêwê tau lêma ŋalakô.   
\b  
\q1
\v 17 Lau alôb-alôbwaga sêsêp lamboam sêja,  
\q2 ma lau samuc samob, taŋ sêliŋ Anôtô siŋ naŋ, amboac tonaŋgeŋ.   
\q1
\v 18 Anôtô oc êliŋ lau ŋalêlôm sawa siŋ ŋapaŋ atomanô,  
\q2 ma lau ŋasec sênsaê gêŋ, taŋ sêkêŋ mateŋ naŋ, elêmê atomanô.   
\b  
\q1
\v 19 O Apômtau, ôndi sa. Ôkêŋ ŋamalac sêŋgôm gêŋ paliŋ atom.  
\q2 Ôkêŋ lau samuc têtap nêŋ ŋagêjô sa aŋga aômnêm.   
\q1
\v 20 O Apômtau, ôŋgôm êsêac têtakê.  
\q2 Ôkêŋ lau samuc sêjala tauŋ gebe êsêac lau ŋaôma.  
\p Dawidnê pesalem teŋ.   
\c 10  
\s1 Mec Anôtô êmêtôc naêndêŋŋa  
\q1
\v 1 O Apômtau, amboac ondoc kôkac taôm su wackôkô jaêcgeŋ.  
\q2 Amboac ondoc kôsiŋ taôm gêdêŋ têm gêŋwapacŋa.   
\q1
\v 2 Lau alôb-alôb tetoc tauŋ sa ma sêjanda lau ŋasec.  
\q2 Biŋ taŋ êsêac taêŋ gêjam naŋ, êtap êsêac tauŋ sa acgommaŋ.   
\b  
\q1
\v 3 Ŋac alôb-alôb kêkêli tau kêtu nê kauc secŋa  
\q2 ma ŋac, taŋ gêjam bôlêŋ ŋaôli ôkwi naŋ, kêsôm biŋ meloc kêpi Anôtô e gêwi eŋ siŋ.   
\q1
\v 4 Ŋac alôb-alôb nê biŋ gêjac kolec tau gebe Anôtô êkêŋ ŋagêjô atom.  
\q2 Eŋ ketoc tau sa ma taê gêjam gebe Anôtô gêmoa atom.   
\b  
\q1
\v 5 Eŋ gêgôm nê gêŋ kêmoatiŋ eŋ e gêmoa ŋajam gedeŋ tôŋgeŋ. Aômnêm lêŋ mêtôcŋa gêjac jaê eŋ.  
\q2 Eŋ kêtaŋ pêlê nê soŋo-soŋo samob.   
\q1
\v 6 Eŋ taê gêjam gêŋ tau gebe “Aê oc jambeŋ teŋ atomanô,  
\q2 ma gêŋwapac oc êtap aê sa atomanô amboac tonaŋgeŋ.”   
\q1
\v 7 Ênê awasuŋ kapuc boa ŋanô ma biŋdansaŋ to ŋaclai gêjam auc.  
\q2 Gêŋwapac to gêŋ alôb-alôb gêsac imbêla ŋatêpôêgeŋ.   
\b  
\q1
\v 8 Eŋ gêdib lau gêŋgôŋ gamêŋ gasaŋ e gêjac ŋac, taŋ tobiŋmê naŋ êndu.  
\q2 Eŋ mata geso lau, taŋ sêpô lêna kêtu gêŋ ŋagêdôŋa naŋ.   
\q1
\v 9 Eŋ gê lamu gamêŋ ma gêdib lau amboac lewe gêdib gêŋ gêmoa gamêŋdani.  
\q2 Eŋ gêdib gebe êkatôm ŋac ŋasec tôŋ.  
\q1 Eŋ kêkatôm ŋac ŋasec  
\q2 gebe ênsaic eŋ naêsêp nê uclêlôm.   
\b  
\q1
\v 10 Eŋ kêgalab gewec-gewec  
\q2 e kêtap lau ŋasec sêpô lêna tauŋŋa sa.   
\q1
\v 11 Eŋ taê gêjam gêc nê ŋalêlôm gebe “Anôtô kêliŋ siŋ.  
\q2 Anôtô gêsaŋ laŋôanô auc e gêlic sapu.”   
\b  
\q1
\v 12 O Apômtau, ôndi sa. O Anôtô, ôc lêmam sa.  
\q2 Ôliŋ lau ŋasec siŋ atom.   
\q1
\v 13 Ŋac alôb-alôb oc êsôm biŋ meloc-meloc êpi Anôtô êtu asageŋŋa.  
\q2 Ma amboac ondoc taê ênam ênêc nê ŋalêlôm gebe “Aôm oc ôkêŋ ŋagêjô êndêŋ aê atom nec.”   
\b  
\q1
\v 14 Mago aôm tec gôlic gêŋgac. Aôm gôlic gêŋwapac to lau-sêpô-lênawagagac,  
\q2 ma aôm lêmam ônam gôliŋ.  
\q1 Aôm taômgeŋ, tec ŋac kêpô lênaŋa mata kêsap aôm.  
\q2 Aôm gôjam mosêbu sa.   
\b  
\q1
\v 15 Ônac ŋac alôb-alôb to ŋac, taŋ kêkac tau su aŋga Anôtônê naŋ, lêma tulu.  
\q2 Ôkêŋ ŋagêjô êpi eŋ êjô nê gêŋ samob e tomalageŋ.   
\b  
\q1
\v 16 Apômtau kêtu kiŋ êŋgôŋ teŋgeŋ ma teŋgeŋ.  
\q2 Lau samuc maleŋmê aŋga ênê gamêŋ sugac.   
\b  
\q1
\v 17 O Apômtau, aôm kôjala lau ŋasec têntac kêkac êsêac aômŋa.  
\q2 Aôm gôê taŋam êsêac to kôpuc êsêacnêŋ ŋalêlôm tôŋ,   
\q1
\v 18 gebe ômêtôc mosêbu to lau sêŋgôŋ jageoŋa nêŋ biŋ êtu katô  
\q2 e ŋamalac nomŋa têtakê lau teŋ êtiam atom.   
\c 11  
\s1 Lau gedeŋ nêŋ lamu  
\q1
\v 1 Apômtau kêtu ŋoc lamu. Ma amboac ondoc asôm gêdêŋ aê gebe  
\q2 “Ôêc ôpi lôc ôna amboac moc.   
\q1
\v 2 Gôlicgac me, dedec-Anôtôwaga sêkac tikoc talam ma sêjô sôb e jadiŋgeŋ,  
\q2 sebe sêpô lau-ŋalêlôm-gêdêŋwaga êndêŋ gamêŋ ŋakesec.   
\q1
\v 3 Embe senseŋ mêtê ŋanombaŋ, naŋ gedeŋ ŋamalac tôŋ naŋ su  
\q2 ŋac gêdêŋ oc êsôm ŋabiŋ amboac ondocgeŋ.”   
\b  
\q1
\v 4 Apômtau gêmoa nê lôm dabuŋ ŋalêlôm.  
\q2 Ênê lêpôŋ kêkô undambê.  
\q1 Eŋ mata geso lau gamêŋ samobŋa  
\q2 ma gêlic gêŋ, taŋ êsêac sêgôm naŋ.   
\q1
\v 5 Apômtau kêsaê ŋac gêdêŋ to ŋac, taŋ gedec eŋ naŋ kêtômgeŋ.  
\q2 Ma nê ŋalêlôm kêmoatiŋ tôŋ kêtu ŋac, taŋ gêgôm nê gêŋ togôliŋmê naŋŋa.   
\b  
\q1
\v 6 Eŋ kêkêŋ ja to talao gêjac lau sec amboac kom gêjac  
\q2 ma kêsakiŋ mu ŋandaŋ kêtu nêŋ gêŋ êlau êsêacŋa.   
\q1
\v 7 Apômtau eŋ ŋac gêdêŋ ma têtac gêwiŋ biŋgêdêŋ.  
\q2 Lau taŋ sêgôm ŋanô kêsa naŋ, oc sêmoa eŋ laŋônêmŋa.  
\p Dawidnê teŋ.   
\c 12  
\s1 Mec Apômtau ênam aêac saŋa  
\q1
\v 1 O Apômtau, ônam aêac sa gebe lau mansaŋ têtaiŋ su  
\q2 ma lau wapac maleŋmê e gamêŋ kêta êŋ.   
\q1
\v 2 Sêsôm biŋ geo gelom-gelom tau.  
\q2 Ac sêsôm nêŋ biŋ aweŋsuŋ geno-genogeŋ ma nêŋ ŋalêlôm gêja lulu.   
\b  
\q1
\v 3 Ojae, Apômtau enseŋ gêdôŋôlic samob, taŋ seno-seno biŋgeŋ,  
\q2 to aweŋsuŋ, taŋ sêboa tauŋboa naŋ, acgommaŋ.   
\q1
\v 4 Lau tonaŋ tec sêsôm gebe “Tauŋma imbeleŋ kêpuc aêac tôŋ to gêdôŋôlic gêjac aêac sa.  
\q2 Asa gebe ênam gôliŋ aêac.”   
\b  
\q1
\v 5 Apômtau kêsôm gebe “Aê gabe japuc tauc jandi êtu lau, taŋ sêkôniŋ êsêac sêŋgôŋ jageo to lau ŋagêbôc seŋ oliŋ tauŋ elêmê naŋŋa.  
\q2 Aê gabe janam lau, taŋ sêkêŋ mateŋgeŋ gebe janam êsêac saŋa naŋ sa.”   
\b  
\q1
\v 6 Apômtaunê biŋ ŋalô ŋakêŋkêŋ  
\q2 kêtôm labi naŋ sêjam e ŋakep masi amboac kwalamwaô.   
\b  
\q1
\v 7 O Apômtau, ônam jaom lau ŋasec ma ôpuc aêac tôŋ  
\q2 êndêŋ lau tônê êtôm têm samob,   
\q1
\v 8 gebe lau geo oc dêndi sêôŋ to sêmboa tauŋ e sênsiŋ aêac auc,  
\q2 gebe sec gêjam sêga aŋga ŋamalacnêŋ.  
\p Dawidnê pesalem.   
\c 13  
\s1 Mec Apômtau ênam aêac saŋa  
\q1
\v 1 O Apômtau, gobe ôliŋ aê siŋ samucgeŋ e êndêŋ ondoc acgom.  
\q2 Ma gobe ôsiŋ laŋôm aê e êndêŋ ondocgeŋ.   
\q1
\v 2 Aêŋoc katuc oc êôc ŋandaŋ  
\q2 ma ŋoc ŋalêlôm ŋawapac êtôm eleŋ to êmbêc e êndêŋ ondocgeŋ ma ŋoc ŋacjo etoc tau sa êndêŋ aê e êndêŋ ondocgeŋ.   
\b  
\q1
\v 3 O Apômtau, ŋoc Anôtô, ôlic aê ma ôkêŋ taŋam aêma.  
\q2 Ôkêŋ matocanô ŋawa êsa gebe gêmac enseŋ aê atom.   
\q1
\v 4 Ma ŋoc ŋacjo etoc tau sa ma êsôm gebe “Aê kaku eŋ tulu,”  
\q2 ma ŋoc soŋo-soŋo têtu samuc êtu aê kaku saŋa atom.   
\b  
\q1
\v 5 Mago aê taêc kêka aôm têmtac gêwiŋ teŋgeŋŋa.  
\q2 Ŋoc ŋalêlôm êtu samuc gebe gôjam aê kêsi.   
\q1
\v 6 Aê janam wê êndêŋ Apômtau  
\q2 gebe eŋ kêmoasiŋ aê ŋanô.  
\p Dawidnê pesalem.   
\c 14  
\s1 Ŋamalacnêŋ sec  
\r (Pes 53:1-6)  
\q1
\v 1 Lau meloc tec nêŋ ŋalêlôm kêsôm gêdêŋ tauŋ gebe “Anôtô teŋ gêmoa atomanô.”  
\q2 Êsêac sêgôm gêŋ sec to alôb-alôb ma nêŋ teŋ gêgôm gêŋ ŋajam teŋ atom.   
\b  
\q1
\v 2 Apômtau kêtu kêniŋ ŋamalac latuŋi aŋga undambê  
\q2 gebe oc êtap ŋac tokauc teŋ, taŋ kêtêc Anôtô naŋ, sa gêmoa me masi.   
\q1
\v 3 Mago êsêac samob sêkac tauŋ su. Samob têtu secŋageŋ.  
\q2 Êsêacnêŋ teŋ gêgôm gêŋ ŋajam teŋ atom, masi samucgeŋ.   
\b  
\q1
\v 4 “Lau secwaga samob nêŋ kauc gêbôc me. Êsêac têdaŋgôŋ ŋoc lau amboac seŋ mo  
\q2 ma êsêac aweŋ gêjac Apômtau atom.”   
\b  
\q1
\v 5 Mago êsêac oc têtakê ŋasec  
\q2 gebe Anôtô gêmoa gêwiŋ lau gêdêŋ nêŋ gôlôac.   
\q1
\v 6 Amac abe akô biŋ, taŋ ŋac ŋalêlôm sawa kêkêŋ mata naŋ, auc.  
\q2 Mago Apômtau tau kêtu ênê lamu.   
\b  
\q1
\v 7 Ojae, moasiŋ ênam Israel saŋa mêŋêsa aŋga Sion ecmaŋ.  
\q2 Êndêŋ taŋ Apômtau êmoasiŋ nê lau êtiam naŋ, Jakob oc êtu samuc ma Israel oc têtac ŋajam êsa.  
\p Dawidnê pesalem.   
\c 15  
\s1 Lau, taŋ sêŋgôŋ Anôtônê lôc dabuŋ naŋ  
\q1
\v 1 O Apômtau, asa oc êtu ŋacleŋ aômnêm bec.  
\q2 Ma asa oc êŋgôŋ aômnêm lôc dabuŋ.   
\b  
\q1
\v 2 Ŋac tageŋ, taŋ kêsa nê lêŋ tolaŋônêm sawageŋ ma gêgôm gêŋ gêdêŋ-gêdêŋgeŋ naŋ,  
\q2 ma kêsôm biŋŋanô tau, taŋ gêc nê ŋalêlôm naŋ lasê.   
\q1
\v 3 Ŋac tageŋ, taŋ biŋ gêga kêsa awasuŋ atom naŋ.  
\q2 Ŋac taŋ gêgôm gwadê sec to kêsac nê ŋac jabaŋ eŋŋa atom naŋ.   
\q1
\v 4 Ŋac tageŋ, taŋ gêlic lau alôb-alôb amboac gêŋ ŋaôma  
\q2 ma etoc lau, taŋ têtêc Anôtô naŋ sa.  
\q1 Ŋac tageŋ, taŋ êŋgôm biŋ naŋ kêtôc lêma kêpi naŋ, ŋanô êsa  
\q2 ma biŋ tau embe êkêŋ ŋandaŋ êndêŋ eŋ, oc ênam nê ŋalêlôm ôkwi atom.   
\q1
\v 5 Ŋac tageŋ, taŋ kêkêŋ nê mone gêdêŋ lau ma taê kêka gebe mone êsu ŋalatu kapôêŋŋa atom naŋ,  
\q2 ma kêtu palê gêdêŋ biŋ kana-kanaŋa ma kêgôliŋ bam ŋac tobiŋmê atom.  
\b  
\q1 Ŋac teŋ embe nê lêŋ amboac tonaŋ,  
\q2 oc nê ŋalêlôm ŋawiwic atomanô.  
\p Dawidnê pesalem.   
\c 16  
\s1 Anôtô kêtu nê lau nêŋ awamata  
\q1
\v 1 O Anôtô, ojop aê  
\q2 gebe aê gaê lamu aôm.   
\q1
\v 2 Aê kasôm gêdêŋ Apômtau gebe “Ŋoc ŋatau aôm.  
\q2 Ŋoc gêŋ ŋajam ŋam aôm taômgeŋ.”   
\q1
\v 3 Lau dabuŋ nomŋa êsêac lau ŋaŋêŋ.  
\q2 Êsêac sêjac aê matocanô ŋajam.   
\q1
\v 4 Lau taŋ sêjaliŋ anôtôi jaba sa naŋ, oc sêôc gêŋwapac taêsam.  
\q2 Aê jakêŋ da decŋa êndêŋ êsêac atom, ma êsêacnêŋ ŋaê êsa aocsuŋ atom.   
\b  
\q1
\v 5 Apômtau kêtu ŋoc gêŋlênsêm ma ŋoc gêŋ, taŋ gawê kaiŋ naŋ.  
\q2 Aôm gojob ŋoc lêŋlênsêm ŋapep.   
\q1
\v 6 Sêjac belo gamêŋ e katap ŋoc gamêŋ ŋajam sa.  
\q2 Biŋŋanô, aê galic ŋoc gêŋlênsêm e gêjac matocanô ŋajam.   
\b  
\q1
\v 7 Aê aoc gêjac Apômtau, gebe kêtu ŋoc gêjam-sawaga ŋajam.  
\q2 Gêdêŋ gêbêc atêc kepeŋ aê kêtu biŋ tonaŋŋa gêwiŋ.   
\q1
\v 8 Aê kakêŋ Apômtau kêkô laŋôcnêm-ŋageŋ gebe matocanô êpi eŋ endeŋ tôŋgeŋ.  
\q2 Eŋ kêkô ŋoc anôŋa, tec aê oc jakô teŋgeŋ.   
\b  
\q1
\v 9 Amboac tonaŋ ŋoc ŋalêlôm ŋajam to ŋoc katuc kêtu samuc,  
\q2 ma aê ôlic gêŋgôŋ ŋajam.   
\q1
\v 10 Gebe aôm oc ôwi ŋoc katuc siŋ êndêŋ lamboam atom.  
\q2 Aôm oc ôkêŋ sê êŋgamiŋ nêm ŋac mansaŋ ôli tôŋ atom.   
\b  
\q1
\v 11 Aôm kôtôc intêna jaŋgôŋ matoc jaliŋa gêdêŋ aê.  
\q2 Aê jamoa aôm laŋômnêmŋa totêtac ŋajam samucgeŋ ma jatap lêmam anôŋa ŋamoasiŋ sa endeŋ tôŋgeŋ.  
\p Dawidnê mec teŋ.   
\c 17  
\s1 Ŋac mansaŋ awa gêjac Apômtau  
\q1
\v 1 O Apômtau, biŋgêdêŋ ŋatau, ôkêŋ taŋam ŋoc taŋi.  
\q2 Ôê taŋam ŋoc mec gebe kasôm kêsa gêdôcôlic dansaŋ atom.   
\q1
\v 2 Aôm taôm oc ômêtôc aêŋoc biŋ,  
\q2 gebe aôm tec matamanô gôlic gêŋ gêdêŋ.   
\b  
\q1
\v 3 Embe ônsaê ŋoc ŋalêlôm me embe ôtuc kêniŋ êsêp ŋoc ŋalêlôm êndêŋ êmbac me embe ômbêlêm aê,  
\q2 oc ôtap aê taêc gêjam biŋ geo teŋ sa atom ma aocsuŋ kasôm biŋ keso teŋ atom.   
\q1
\v 4 Ŋamalac embe sêŋgôm nêŋ gêŋ oc sêŋgôm, mago aê kasa ŋaclainêŋ lêŋ atom  
\q2 gebe aôm awamsuŋ gêjac jao.   
\q1
\v 5 Ockaiŋ kêpuc aôm waŋam.  
\q2 Aê kasêlêŋ kaku-kaku atom.   
\b  
\q1
\v 6 O Anôtô, aê aoc gêjac aôm, gebe aôm kôkêŋ taŋam aê.  
\q2 Ôê taŋam aê ma ôŋô ŋoc biŋmaŋ.   
\q1
\v 7 Oc nêm têmtac gêwiŋ teŋgeŋŋa lasê.  
\q2 Aôm gôjam lau, taŋ sêc nêŋ ŋacjo su wacsê lamu nêm anôŋa naŋ kêsi.   
\b  
\q1
\v 8 Ojop aê êtôm aôm taôm gojob nêm matamanô.  
\q2 Ôŋgandê aê jaŋgôŋ nêm magêm ŋaajuŋlabu.   
\q1
\v 9 Ojop aê êndêŋ lau sec, taŋ têtu kasec aê naŋ,  
\q2 to êndêŋ ŋoc ŋacjo, taŋ sêgi aê auc e tapi-tapigeŋ sebe senseŋ aêŋa naŋ.   
\b  
\q1
\v 10 Êsêacnêŋ ŋalêlôm ŋadani e taêŋ walô aê atom  
\q2 ma sêboa tauŋ sa ŋa aweŋsuŋgeŋ.   
\q1
\v 11 Aê embe jamoa ŋasawa teŋ, oc sêwa aê auc.  
\q2 Êsêacnêŋ ŋalêlôm taêŋ gêjam tageŋ tonec gebe sênac aê piŋpaŋ e jansambi sa janêc.   
\q1
\v 12 Êsêac têtôm lewe, taŋ kesegeŋ gwadaŋa gêmoa naŋ.  
\q2 Ac têtôm lewe ŋalatu, taŋ sacgeŋ-sacgeŋ gêmoa gamêŋdani ŋalêlôm gêdib nê gwada gêmoa naŋ.   
\b  
\q1
\v 13 O Apômtau, ôndi naôndac ŋoc ŋacjo ma ôku êsêac tulu.  
\q2 Ôc nêm siŋ sa ma ônam katuc kêsi aŋga lau secwaga nêŋ.   
\q1
\v 14 O Apômtau, taôm lêmam ônam aê sa aŋga ŋamalacnêŋ  
\q2 to lau nom tonecŋa, taŋ taêŋ kêka nêŋ gêŋ nomŋageŋ naŋ nêŋ.  
\q1 Gêŋ taŋ gôjac tôŋ gêc naŋ, ôkêŋ êndêŋ êsêac e êpô êsêac ôkwi laŋgwageŋ.  
\q2 Tauŋ sêniŋ e êtôm êsêac ma sêkêŋ ŋagêdô êndêŋ nêŋ latuŋi.   
\b  
\q1
\v 15 Mago aê oc jalic aôm laŋômanô gebe aê gagôm keso teŋ atom.  
\q2 Embe matoc êpoa êtiam, naŋ jalic aôm endeŋ tôŋgeŋ e tekoc êsa laŋgwageŋ.  
\p Dawidnê mec teŋ.   
\c 18  
\s1 Dawidnê wê kêku ŋacjo tuluŋa  
\q1
\v 1 O Apômtau, aê têtac gêwiŋ aôm,  
\q2 taŋ kôtu ŋoc ŋaclai naŋ.   
\b  
\q1
\v 2 Apômtau kêtu ŋoc lamuanô to kêtu ŋoc tuŋtêna ma kêtu ŋoc gêjamsawaga.  
\q2 Ŋoc Anôtô kêtu ŋoc lôm, taŋ gaê lamu naŋ, eŋ kêtu ŋoc lautuc to kêtu ŋoc moasiŋ ŋabulakôp ma kêtu ŋoc lêmôp ŋajaŋa sec naŋ.   
\q1
\v 3 Aê aoc gêjac Apômtau ma eŋ ênam aê kêsi aŋga ŋoc ŋacjonêŋ.  
\q2 Talanem Apômtau.   
\b  
\q1
\v 4 Gêmacanô ŋadembom gênôm aê auc  
\q2 to gêŋ gebe enseŋ aêŋa kêtakê aê.   
\q1
\v 5 Lamboam ŋa-uc kêkic aê auc.  
\q2 Gêmac ŋalakô mêŋkêtap aê sa.   
\q1
\v 6 Gamoa e katuc uŋ tageŋ ma aoc gêjac Apômtau.  
\q2 Gamôêc gêdêŋ ŋoc Anôtô gebe ênam aê sa.  
\q1 Eŋ gêŋgôŋ nê gamêŋ dabuŋ ŋalêlôm e gêŋô ŋoc môêc.  
\q2 Ma gê taŋa aêŋoc taŋiboa, taŋ kataŋ gaŋgôŋ eŋ laŋônêmŋa naŋ.   
\b  
\q1
\v 7 Go ôjô gêjam to nom ŋawiwic kêsa to kôtêŋ-kôtêŋgeŋ ma lôc ŋam kêtênêp e kôjô-kôjôgeŋ,  
\q2 gebe eŋ totêtac ŋandaŋ gêmoa.   
\q1
\v 8 Jadauŋ kêsa eŋ lusuawa to ja ŋawaô kêsa eŋ awasuŋ  
\q2 ma ŋamôsi kêpêlaŋ aŋga ênê kêsa gêja-gêja.   
\q1
\v 9 Eŋ kêwê undambê sêlilip kêsêp gêmêŋ.  
\q2 Ma tao majaŋ gêc eŋ akaiŋ ŋalabu.   
\q1
\v 10 Eŋ mêŋgêlôb gêŋgôŋ kerub ŋaô  
\q2 to mu ŋamagê kêpuc eŋ tôŋ mêŋkelelo gêmoa.   
\q1
\v 11 Eŋ kêkwa tau auc ŋa gêsuŋbôm.  
\q2 Kom ŋamajaŋ to tao tokatap-tokatap kêkôm ênê bec auc.   
\q1
\v 12 Tao kêkôm ênê ŋawasi auc,  
\q2 mago kompoc to jawaô mêŋkêlêpaŋ kêsa.   
\b  
\q1
\v 13 Go Apômtau kêkêŋ nê wapap kêtaŋ aŋga undambê.  
\q2 Ma Lôlôc Ŋatau kêkêŋ nê awa kompoc to jawaô kêsa.   
\q1
\v 14 Eŋ kêpê nê ŋacjo ŋa sôb e sêc sêjam gamêŋ aucgeŋ sêja.  
\q2 Eŋ kêpalip ôsic e kêjanda êsêac êliŋ-êliŋ.   
\q1
\v 15 Gêgôm e gwêc ŋagêdimbob gêôc tau sa kêtu awê  
\q2 ma nom ŋataoŋ kêwaka tau sa.  
\q1 Gebe aôm Apômtau gôjam wambaŋ  
\q2 e atêm bu gwec-gwecgeŋ.   
\b  
\q1
\v 16 Eŋ kêmêtôc lêma aŋga lôlôc mêŋkêkam aê tôŋ,  
\q2 ma gê aê sa aŋga ŋasamac kapôêŋ ŋalêlôm.   
\q1
\v 17 Eŋ kêjaŋgo aê su aŋga ŋoc ŋacjo ŋaclai nê  
\q2 to aŋga ŋoc gobi, taŋ nêŋ ŋaclai kêlêlêc aê su naŋ nêŋ.   
\q1
\v 18 Êsêac sebo sêsa dêdêŋ aê gêdêŋ ŋoc bêc wapacŋa,  
\q2 mago Apômtau kêpuc aê tôŋ.   
\q1
\v 19 Eŋ kêkam aê sa jakakô gamêŋ kwalam.  
\q2 Eŋ kêsaic aê sa kasa gaja gebe têtac gêwiŋ aêgac.   
\b  
\q1
\v 20 Apômtau kêmoasiŋ aê kêtu laŋôcnêm sawaŋa.  
\q2 Eŋ gêjam aê sa kêtu lemoc selecŋa.   
\q1
\v 21 Gebe aê kasa Apômtaunê lêŋ ŋapep  
\q2 ma kakac tauc su aŋga ŋoc Anôtônê ŋaucŋageŋ atom.   
\q1
\v 22 Ênê ŋagôliŋ samob geseŋ ŋoc intêna auc  
\q2 ma kamasuc ênê biŋsu teŋ atom.   
\q1
\v 23 Aê kasa ŋoc lêŋ ŋapep e eŋ gêlic aê ŋajam  
\q2 ma gajob tauc ŋapep gêdêŋ gêŋenseŋ aêŋa samob.   
\q1
\v 24 Amboac tonaŋ Apômtau kêmoasiŋ aê kêtu gamoa ŋaŋêŋŋa,  
\q2 kêtu aê lemoc selecŋa, tec eŋ mataanô gêlic aê jagêdêŋ.   
\b  
\q1
\v 25 Aôm oc ôwa taôm sa êndêŋ ŋac ŋajam gebe aôm ŋac gabêjam.  
\q2 Aôm oc ôwa taôm sa êndêŋ ŋac biŋŋanôŋa gebe aôm ŋac biŋŋanôŋa.   
\q1
\v 26 Aôm oc ôwa taôm sa êndêŋ ŋac mansaŋ gebe aôm ŋac mansaŋ,  
\q2 mago ŋac keso-keso, tec oc ôtôc taôm êndêŋ eŋ e êtakê.   
\q1
\v 27 Aôm kotoc lau mateŋ jali sa ŋapep  
\q2 ma kôkôniŋ lau mateŋ waô tôŋ.   
\b  
\q1
\v 28 Aôm kôtuŋ ŋoc ja kêpô gamêŋ ŋajam.  
\q2 Apômtau, ŋoc Anôtô, gêgôm ŋoc ŋakesec ŋawê kêsa.   
\q1
\v 29 Biŋŋanô, aôm embe ôwiŋ aê oc jalêti laŋôc êlac ŋoc ŋacjogeŋ jana.  
\q2 Ŋoc Anôtô embe êwiŋ aê oc jamboaŋ jaŋgêli (ŋoc ŋacjonêŋ) tuŋbôm.   
\b  
\q1
\v 30 Anôtô tonaŋ tec gêjam gôliŋ gêŋ samob tomalageŋ.  
\q2 Apômtaunê biŋ ŋakêŋkêŋ. Eŋ kêtu lau samob, taŋ sê lamu eŋ naŋ, nêŋ lautuc.   
\q1
\v 31 Gebe anôtô teŋ oc êmoa ondoc, Apômtau eŋ taugeŋgoc.  
\q2 Ma lamuanô tau teŋ oc êmoa ondoc, aêacnêŋ Anôtô taugeŋgoc.   
\q1
\v 32 Anôtô tau tonaŋ tec kêjandiŋ aê tôŋ ŋa ŋaclai  
\q2 to gêjam ŋoc intêna gebe ockaiŋ êndiŋ gêŋ teŋ atom.   
\q1
\v 33 Ŋac tonaŋ kêkêŋ aê kasêlêŋ ŋagaô katôm isom.  
\q2 Eŋ ketoc aê kakô ŋoc lôc ŋamoatêc ŋaôgeŋ.   
\q1
\v 34 Eŋ kêdôŋ lemoc siŋŋa,  
\q2 tec lemoc jakêka talam ŋamadi ŋajaŋa.   
\b  
\q1
\v 35 Aôm gôsuŋ nêm lautuc êpiŋ aê aucŋa to nêm anôŋa kêpuc aê tôŋ.  
\q1 Aômnêm moasiŋ ketoc aê sa.   
\q1
\v 36 Aê kasêlêŋ e aôm kômasaŋ ockaiŋ ŋamala ŋapep  
\q2 gebe japô ocgêsu ôkwi atom.   
\q1
\v 37 Aê kajanda ŋoc ŋacjo e gaê êsêac tôŋ  
\q2 ma paŋpaŋ jagaseŋ êsêac popoc.   
\q1
\v 38 Aê kamakiŋ êsêac e têtu motam su ma dêdi sa kêtiam atom.  
\q2 Êsêac sêc ockaiŋ ŋalabu.   
\q1
\v 39 Aôm kôjandiŋ aê ŋa ŋaclai gebe janac siŋ ŋanô biŋŋanôgoc.  
\q2 Aôm kôkôniŋ ŋoc ŋacjo tôŋ e ockaiŋ kaka êsêac tôŋ.   
\q1
\v 40 Aôm kôkêŋ aêŋoc ŋacjo sêc aê sêja.  
\q2 Aê gaseŋ êsêac samob, taŋ sêkêŋ kisa gêdêŋ aê naŋ su.   
\q1
\v 41 Êsêac sêmôêc, mago nêŋ ŋac-ênam-êsêac-sawaga teŋ gêmoa atom.  
\q2 Sêmôêc gêdêŋ Apômtau, mago eŋ kêkêŋ taŋa êsêac atom.   
\q1
\v 42 Aê kadaba êsêac sa kêtôm mu kelelo kekop.  
\q2 Aê kakip êsêac sa kêtôm sêpiŋ bôc-kêpêc sa aŋga malacluŋ ma sêbaliŋ siŋ.   
\b  
\q1
\v 43 Aôm gôjam aê sa aŋga siŋ tomôkê-tomôkê e kôkêŋ aê katu lau samuc nêŋ gôliŋwaga.  
\q2 Lau taŋ sêjam kauc aê naŋ, tec sêjam sakiŋ aê sêmoa.   
\q1
\v 44 Lau jaba sêŋô aê ŋawaegeŋ ma taŋeŋ wamu êndêŋ aê.  
\q2 Êsêac latuŋi tetoc aê sa.   
\q1
\v 45 Lau jaba latuŋi katuŋ gêjaŋa  
\q2 ma sêsuŋ tauŋ tênêp-tênêpgeŋ sêsa aŋga nêŋ tuŋlêlôm sêmêŋ.   
\b  
\q1
\v 46 Apômtau gêmoa mata jali. Aoc êôc ŋoc lamu.  
\q2 Aê jatoc ŋoc ŋacmoasiŋ Anôtô sa.   
\q1
\v 47 Anôtô tau tec kêpuc aê tôŋ e kakac ŋoc kamocgôc.  
\q2 Eŋ kêkôniŋ malac-malac tôŋ sêsô ŋoc gôliŋ ŋalabu.   
\q1
\v 48 Ŋac tonaŋ tec gêjam aê kêsi aŋga ŋoc ŋacjo, taŋ ŋaclai sec naŋ, nêŋ to kêpuc aê sa jakatu ŋoc gobi nêŋ ŋatau.  
\q2 Ŋac tonaŋ tec gêjam aê kêsi aŋga ŋaclai sec nê.   
\b  
\q1
\v 49 O Apômtau, amboac tonaŋ jalambiŋ aôm aŋga lau samuc ŋalêlôm  
\q2 ma jaŋga wê êpi aômnêm ŋaê.   
\b  
\q1
\v 50 Aôm tonaŋ tec kotoc nêm kiŋ sa ŋanô ma kôtôc nêm têmtac gêwiŋ teŋgeŋŋa gêdêŋ nêm ŋac goeŋ oso eŋŋa  
\q2 gêdêŋ aê Dawid to ŋoc gôlôac gedeŋ tôŋgeŋ.  
\p Apômtaunê sakiŋwaga Dawid kêsôm biŋ tonec gêdêŋ Apômtau gêjam eŋ kêsi aŋga Saul lêma ma ênê ŋacjo ŋagêdô nêŋ.   
\c 19  
\s1 Anôtônê koleŋ to biŋsu  
\q1
\v 1 Undambê kêwaka Anôtônê wae sa  
\q2 ma umboŋ gêjac eŋ lêma ŋakoleŋ ŋamiŋ.   
\q1
\v 2 Geleŋŋa teŋ kêkêŋ biŋ tau ŋawae gêdêŋ geleŋŋa teŋ.  
\q2 Ma gêbêcauc teŋ gêwa kauc sa gêdêŋ gêbêcauc teŋ.   
\q1
\v 3 Sêsôm biŋ atom ma sêsam ŋalô teŋ lasê atom.  
\q2 Lau sêŋô êsêac aweŋ atom.   
\q1
\v 4 Mago êsêac aweŋ kêsa  
\q2 gêjam nom ŋagamêŋ samob auc.  
\q1 Ma nêŋ biŋ kêsa e jagêdêŋ nom ŋamadiŋ.  
\q2 Eŋ gê oc ŋabec teŋ aŋga tônê.   
\q1
\v 5 Oc tau tonaŋ kêtôm sagu togêlôŋgeŋ kêsa gêmêŋ aŋga nê andu  
\q2 ma kêlêti kêsa nê lêŋ kêtôm ŋaclai teŋ totêtac ŋajamgeŋ.   
\q1
\v 6 Kêpi aŋga umboŋ ŋamadiŋ teŋ ma kêlêti e jakêsêp ŋamadiŋ teŋ  
\q2 ma gêŋ teŋ gêc ênê ŋandaŋ su atom.   
\b  
\q1
\v 7 Apômtaunê biŋsu mansaŋ kêlau katuŋ.  
\q2 Apômtau gêwa nê biŋ sa jagêdêŋ ma kêkêŋ lau meloc-meloc têtu lau tokauc.   
\q1
\v 8 Apômtaunê jatu e jakêtôm ma gêgôm nêŋ ŋalêlôm e ŋajamanô.  
\q2 Apômtaunê biŋsu e ŋakêŋkêŋ laŋgwageŋ, tec kêpô aêac mateŋanô.   
\q1
\v 9 Tatêc Apômtau tonêŋ ŋalêlôm ŋawa ênêc endeŋ tôŋgeŋ.  
\q2 Apômtaunê mêtôc tau ŋanô ma jagêdêŋ samob.   
\q1
\v 10 Biŋsu tau tonaŋ ŋanô kêlêlêc gold, kêlêlêc gold, taŋ sêpac e ŋanôgeŋ kêjaliŋ tau sa naŋ su.  
\q2 Biŋsu tonaŋ ŋakana ŋajam kêlêlêc lêp to ŋatêkwi, taŋ kêpoac ŋaobo naŋ su.   
\q1
\v 11 Biŋsu tonaŋ kêtu nêm sakiŋwaga nê puc.  
\q2 Lau taŋ sêmansaŋ naŋ, oc têtap ŋamoasiŋ taêsam sa.   
\b  
\q1
\v 12 Ojae, asa oc taê ênam nê geo tomalageŋ samob.  
\q2 Amboac tonaŋ ôsuc ŋoc keso, taŋ tauc gajam kauc naŋ okwi.   
\q1
\v 13 Ojop nêm sakiŋwaga gebe etoc tau sa atom.  
\q2 Biŋ jatoc tauc saŋa ênam gôliŋ aê atom.  
\q1 Go jamoa laŋôcnêm sawageŋ.  
\q2 Jawê kaiŋ biŋ kapôêŋ teŋ atom.   
\b  
\q1
\v 14 Ôŋô aocsuŋ ŋabiŋ ŋajam ma biŋ, taŋ ŋoc ŋalêlôm taêc gêjam naŋ, êndêŋ aôm êwac.  
\q2 O Apômtau, ŋoc lamu to kêsiwaga ŋanô aôm.  
\p Dawidnê pesalem teŋ.   
\c 20  
\s1 Mec taku ŋacjo tuluŋa  
\q1
\v 1 Apômtau êkêŋ taŋa aôm êndêŋ bêc gêŋwapacŋa.  
\q2 Jakobnê Anôtô nê ŋaê êtu lautuc aôm.   
\q1
\v 2 Eŋ ênam aôm sa aŋga gamêŋ dabuŋ  
\q2 to êpuc aôm tôŋ aŋga Sion.   
\q1
\v 3 Eŋ taê ênam aômnêm da samob.  
\q2 Ma nêm daja ênac eŋ mataanô ŋajam.   
\q1
\v 4 Eŋ êkêŋ gêŋ, taŋ nêm ŋalêlôm taê kêka naŋ, ŋanô êsa.  
\q2 Eŋ êkêŋ aôm ôŋgôm gêŋ samob, taŋ taêm gajam naŋ, e ônac dabiŋ.   
\q1
\v 5 Embe ôku nêm ŋacjo tulu, aêac oc ôliŋ api toôndugeŋ, oc andaiŋ obokêam asam aêacma Anôtônê ŋaê.  
\q2 Apômtau êkêŋ gêŋ samob, taŋ koteŋ naŋ, ŋanô êsa.   
\b  
\q1
\v 6 Galoc tec kajala gebe Apômtau gêjam nê ŋac, taŋ seŋ oso eŋ naŋ sa.  
\q2 Eŋ kêkêŋ taŋa eŋ aŋga nê undambê dabuŋ. Nê anôŋa aku ŋacjo tulu toŋaclaigeŋ.   
\q1
\v 7 Lau ônê ŋai-ŋai samob taêŋ kêka nêŋ kareta siŋŋa to hos,  
\q2 mago aêac tec taêŋ kêka aêacnêŋ Apômtau Anôtô nê ŋaclai.   
\q1
\v 8 Êsêac tê sêku sa sêsêp jasêc,  
\q2 mago aêac gacgeŋ bôŋdagi aŋgeŋ akô ŋajaŋa.   
\b  
\q1
\v 9 O Apômtau, ôkêŋ kiŋ tau êku nê ŋacjo tulu.  
\q2 Ôkêŋ taŋam aêacmêŋma môêc.  
\p Dawidnê pesalem teŋ.   
\c 21  
\s1 Aweŋ gêôc Anôtô kêtu kêku ŋacjo tuluŋa  
\q1
\v 1 O Apômtau, kiŋ têtac ŋajam kêtu kôpuc eŋ tôŋŋa  
\q2 ma ôli kêpi ŋanô gebe aôm gôjam eŋ sa.   
\q1
\v 2 Biŋ taŋ nê ŋalêlôm taê gêjam naŋ, gôgôm ŋanô kasa  
\q2 to biŋ, taŋ gêdôôlic kêsôm lasê naŋ, gôgôm kêtu tôŋ.   
\b  
\q1
\v 3 Aôm gôdêŋ eŋ jakômoasiŋ eŋ ŋanôgeŋ.  
\q2 Aôm kôkêŋ eŋ kêkuc sunsuŋ gold teŋ.   
\q1
\v 4 Eŋ keteŋ aôm gebe êmoa mata jali, tec gôgôm kêtu tôŋ,  
\q2 gebe gôjac têku ênê jala ma gêmoa e ŋêŋgeŋ su.   
\b  
\q1
\v 5 Aôm gôjam eŋ sa, tec nê-wae kêtu kapôêŋ.  
\q2 Aôm kôgêlôŋ eŋ ŋa ŋawasi to kôwaka eŋ sa.   
\q1
\v 6 Aôm kotoc eŋ sa kêtu moasiŋ ŋamôkê ŋanô.  
\q2 Aôm gômoa gôwiŋ eŋ, tec gêgôm eŋ têtac ŋajam kêsa.   
\b  
\q1
\v 7 Kiŋ taê kêka Apômtau  
\q2 ma Lôlôc Ŋatau nê têtac gêwiŋ teŋgeŋŋa êpuc eŋ tôŋ ma êku atom.   
\q1
\v 8 O kiŋ, lêmam oc ôlô nêm ŋacjo samob tôŋ.  
\q2 Nêm anôŋa oc êtap samob, taŋ sêkêŋ kisa aôm naŋ sa.   
\q1
\v 9 Aôm embe ojoc taôm lasê,-oc ôndamba êsêac êtôm ja geŋ oba.  
\q2 Apomtau têtac ŋandaŋ oc êndaŋgôŋ êsêac ma ja oc êniŋ êsêac su.   
\q1
\v 10 Kiŋ oc enseŋ êsêacnêŋ wakuc aŋga nom su  
\q2 ma oc enseŋ nêŋ gôlôac aŋga ŋamalac ŋalêlôm su.   
\b  
\q1
\v 11 Êsêac embe sêniŋ oliŋ sec êtu aômŋa me taêŋ ênam gebe sênsau sêôc aôm,  
\q2 oc sêŋgôm gêŋlêlôm elêmê.   
\q1
\v 12 Eŋ oc êpê êsêac ŋa nê sôb  
\q2 ma êôc êsêac ôkwi e sêc.   
\b  
\q1
\v 13 O Apômtau, ômôêŋ tonêm ŋaclaigeŋ,  
\q2 ec aêac alanem to alambiŋ aômnêm ŋaclai.  
\p Dawidnê pesalem teŋ.   
\c 22  
\s1 Taŋiboa to wê lambiŋŋa teŋ  
\q1
\v 1 O ŋoc Anôtô, o ŋoc Anôtô, amboac ondoc gôwi aê siŋ  
\q2 ma kôkô jaêc ŋoc taŋi ônam aê saŋa.   
\q1
\v 2 O ŋoc Anôtô, aê aoc gêjac aôm gêdêŋ geleŋŋa, mago gôjô aê aoc atom.  
\q2 Ma gêdêŋ gêbêc, mago ŋoc ŋalêlôm kêtu malô atom.   
\q1
\v 3 Mago aôm ŋac dabuŋ.  
\q2 Aôm gôŋgôŋ Israelnê wê lambiŋŋa ŋaô kêtu nêm lêpôŋ.   
\q1
\v 4 Aôm tonaŋ tec aêac tameŋmai sêkêŋ mateŋ.  
\q2 Sêkêŋ mateŋ aôm, tec gôjam êsêac sa.   
\q1
\v 5 Êsêac sêmôêc gêdêŋ aôm ma gôjam êsêac kêsi.  
\q2 Êsêac sêkêŋ mateŋ aôm e gôgôm êsêac majeŋ kêsa atom.   
\b  
\q1
\v 6 Aê katôm ŋamalac atom, katôm moacêŋgic.  
\q2 Lau sêsu aê susu ma ŋamalac laŋôŋ gelo aê.   
\q1
\v 7 Lau samob, taŋ sêlic aê naŋ, têtaŋ pêlê aê.  
\q2 Sêŋala to têdaiŋ gêsuŋ aê gebe   
\q1
\v 8 “Ŋac tau tonaŋ gêsuŋ tau gêdêŋ Apômtau, tec Apômtau akôc eŋ samaŋ.  
\q2 Apômtau têtac gêwiŋ eŋ, tec ênam eŋ kêsimaŋ.”   
\b  
\q1
\v 9 Aôm tonaŋ tec kôkôc aê aŋga tinoc têtaclêlôm,  
\q2 gojob aê ŋapep ma gaiŋ tinocnê su tôŋ.   
\q1
\v 10 Tinoc kêkôc aê su ma aôm gôjam jaom aê ŋapaŋ.  
\q2 Gêdêŋ aê katu awê naŋ, aôm kôtu aêŋoc Anôtô.   
\q1
\v 11 Ômoa jaêc aêma atom  
\q2 gebe gêŋwapac mêŋkêdabiŋ ma gêjam-sawaga teŋ gêmoa atom.   
\b  
\q1
\v 12 Bulimakao kapoac taêsam sêkôm aê auc.  
\q2 Bulimakao kapoac Basanŋa toŋaclai sêgi aê auc.   
\q1
\v 13 Gêŋ tau sêŋa aweŋ gêdêŋ aê  
\q2 kêtôm lewe kêtaŋ gebe êkaku gêŋ popoc.   
\b  
\q1
\v 14 Aê gawê amboac labi.  
\q2 Aêŋoc ŋatêkwa samob kêsu.  
\q1 Aêŋoc ŋalêlôm kêtôm lêp  
\q2 ma gêwê gêc ŋoc waŋlêlôm.   
\q1
\v 15 Aêŋoc koclabeŋ ŋakeleŋ kêsa amboac ku ŋasaboac  
\q2 ma imbeloc kêsap lôcboam tôŋ. Ma kôkôniŋ aê tôŋ gaêc gêmacanô ŋakekop ŋalêlôm.   
\b  
\q1
\v 16 Ojae, kêam sêgi aê aucgoc. Secwaga toŋ teŋ sêwa aê auc  
\q2 ma sêkim lemoc to octapa lasê.   
\q1
\v 17 Ŋoc ŋatêkwa samob gêc awêgeŋ.  
\q2 Êsêac mateŋ gê aê e gêjac mateŋanô ŋajam.   
\q1
\v 18 Êsêac sêjac sam ŋoc ŋakwê gêdêŋ tauŋ.  
\q2 Ma sêpuc kapoac kêtu ŋoc ŋakwê baliŋŋa.   
\q1
\v 19 O Apômtau, ômoa jaêc aêma atom.  
\q2 O ŋoc ŋaclai, mêŋônam aê sa sebeŋ.   
\q1
\v 20 Ônam aê kêsi aŋga siŋ  
\q2 ma ônam aê sa aŋga kêamnêŋ gebe jamoa matoc jali.   
\q1
\v 21 Ônam aê sa aŋga lewe awasuŋ  
\q2 ma ojop aê êndêŋ bôcgabuŋ ŋajabo.   
\b  
\q1
\v 22 Aê jasôm nêm ŋaê lasê êndêŋ ŋoc lasitêwai  
\q2 ma jalanem aôm jakô gôlôac ŋalêlôm.   
\q1
\v 23 Amac taŋ atêc Apômtau naŋ, alambiŋ eŋ.  
\q2 Amac samob, taŋ aŋga Jakobnê gôlôac naŋ, atoc eŋ sa.  
\q1 Amac samob, taŋ nêm ŋam kêsêp Israel naŋ,  
\q2 anac tênêp eŋ.   
\q1
\v 24 Gebe eŋ mataanô geo gala to gêjam dêmôê  
\q2 ŋac ŋalêlôm sawa, taŋ kêpô lêna tau naŋ atom.  
\q1 Eŋ gêsaŋ laŋôanô auc gêdêŋ eŋ atom.  
\q2 Apômtau kêkêŋ taŋa eŋ gêdêŋ taŋ gêmôêc gêdêŋ eŋ naŋ.   
\b  
\q1
\v 25 Aôm kôtu ŋoc lambiŋ, taŋ kêsa gôlôac kapôêŋ ŋalêlôm naŋ ŋamôkê.  
\q2 Ŋoc biŋ, taŋ gajac mata naŋ, gabe jaŋgôm êtu tôŋ jakô lau, taŋ têtêc eŋ naŋ laŋôŋnêmŋa.   
\q1
\v 26 Lau ŋalêlôm sawa oc sêniŋ gêŋ e êôc êsêac tôŋ.  
\q2 Êsêac taŋ sesom Apômtau naŋ, oc aweŋ êôc eŋ.  
\q1 Nêm ŋalêlôm êpi-êpi endeŋ tôŋgeŋ.   
\b  
\q1
\v 27 Nom ŋamadiŋ samob oc taêŋ ênam biŋ tonaŋ ma sênam tauŋ okwi dendeŋ Apômtau.  
\q2 Lau tomôkê-tomôkê samob oc sêu tauŋ sênêc eŋ laŋônêmŋa.   
\q1
\v 28 Gebe Apômtau eŋ kiŋ,  
\q2 eŋ tec gêjam gôliŋ lau tomôkê-tomôkê samob.   
\b  
\q1
\v 29 Lau towae samob aŋga nom oc sewec êndêŋ eŋ.  
\q2 Samob taŋ têtu kekop naŋ, to êsêac taŋ lêŋ tamac ênduŋa gêjac êsêac ŋawae naŋ, oc sewec êndêŋ eŋ amboac tonaŋgeŋ.   
\q1
\v 30 Lau samob, taŋ ocgo mêŋsêsa naŋ, oc sênam sakiŋ eŋ.  
\q2 Ma lau oc têtêku Apômtaunê miŋ êndêŋ nêŋ wakuc.   
\q1
\v 31 Êsêac oc sênac miŋ êndêŋ lau, taŋ teneŋi sêkôc êsêac atom tageŋ naŋ,  
\q2 gebe Apômtau gêjam êsêac sa. \f + \fr 22:31 \ft Dawidnê pesalem teŋ.\f*   
\c 23  
\s1 Apômtau kêtu ŋoc ŋacgejob  
\q1
\v 1 Apômtau kêtu ŋoc ŋacgejob,  
\q2 tec oc japô lêna gêŋ teŋ atom.   
\q1
\v 2 Eŋ kêkêŋ aê kasa tauc sic gaêc gamêŋ wale-wale  
\q2 to gêwê aê jakalêwaŋ tauc gaŋgôŋ bumata.   
\q1
\v 3 Eŋ kêlau ŋoc katuc  
\q2 to gêwê aê kasa lêŋ ŋaŋêŋ kêtu ênê ŋaêŋa.   
\q1
\v 4 Ma embe jamoa ŋakêlêndiŋ sec ŋalabu, oc jatêc gêŋwapac teŋ atom,  
\q2 gebe aôm gôwiŋ aê. Nêm guŋ to tôc gêjac aê têtac tôŋ.   
\b  
\q1
\v 5 Aôm gono moasiŋ aê ma ŋoc ŋacjo sêlic.  
\q2 Aôm goeŋ oso môkêcapac ŋa niptêkwi ma kôkêc aêŋoc gêŋ janômŋa e mêŋgêc.   
\q1
\v 6 Biŋŋanô, malô to moasiŋ êsap aê tôŋ êndêŋ bêc samob, taŋ jamoa matoc jali naŋ,  
\q2 ma jaŋgôŋ Apômtaunê andu totêm-totêm. \f + \fr 23:6 \ft Dawidnê pesalem teŋ.\f*   
\c 24  
\s1 Kiŋ toŋawasi  
\q1
\v 1 Apômtau kêtu nom to gêŋ samob, taŋ gêjam auc naŋ ŋatau.  
\q2 Lau taŋ sêŋgôŋ nom tau e jagêdêŋ ŋamadiŋ naŋ, têtu nê gêŋ amboac tonaŋ.   
\q1
\v 2 Eŋ kêsuŋ nom tonaŋ sa kêkô gwêc ŋaô  
\q2 ma kêkwê e ŋajaŋa sec kêkô bu ŋaô.   
\b  
\q1
\v 3 Asa oc êpi Anôtônê lôc naêtôm.  
\q2 Ma asa oc êtôm gebe êkô ênê gamêŋ dabuŋ.   
\q1
\v 4 Ŋac taŋ lêma ŋawasi ma ŋalêlôm ŋakêŋkêŋ laŋgwageŋ naŋ.  
\q2 Ŋac taŋ gêôc tau sa gêdêŋ gêŋdansaŋ atom naŋ, to ŋac taŋ kêtôc lêma kêtu geo teŋŋa atom naŋ.   
\q1
\v 5 Eŋ oc akôc mec aŋga Apômtaunê.  
\q2 Ma Anôtô, taŋ gêjam eŋ kêsi naŋ, oc êwaka eŋ sa.   
\q1
\v 6 Lau taŋ sesom eŋ naŋ, nêŋ lêŋ amboac tonaŋ.  
\q2 Êsêac taŋ sesom Jakobnê Anôtô laŋôanô.   
\b  
\q1
\v 7 O sacgêdôac, asa laŋômanô sa ma katam laŋgwaanôac, alêc taôm su  
\q2 gebe kiŋ toŋawasi êsô êwac.   
\q1
\v 8 Kiŋ toŋawasi tau asa.  
\q2 Apômtau ŋaclai to ŋactêkwa, Apômtau ŋactêkwa, taŋ gêjac siŋ naŋ.   
\b  
\q1
\v 9 O sacgêdôac, asa laŋômanô sa ma katam laŋgwaanôac, alêc taôm su  
\q2 gebe kiŋ toŋawasi êsô êwac.   
\q1
\v 10 Kiŋ toŋawasi tau asa.  
\q2 Lausiŋ undambêŋa nêŋ Apômtau, ŋac tonaŋ kêtu kiŋ toŋawasigoc. \f + \fr 24:10 \ft Dawidnê pesalem teŋ.\f*   
\c 25  
\s1 Mec Anôtô ejop to êwê aêac ma êsuc nêŋ sec ôkwiŋa  
\q1
\v 1 O Apômtau, aê jansuŋ ŋoc katuc sa êndêŋ aôm.   
\q1
\v 2 O ŋoc Anôtô, aê kakêŋ gêwiŋ aôm. Ôkêŋ lau sêŋgôm aê majoc êsa atom  
\q2 ma ôkêŋ ŋoc ŋacjo sêôc ôndu aê atom.   
\q1
\v 3 Samob taŋ sêkêŋ mateŋ aôm naŋ, sêŋgôm êsêac majeŋ êsa atom.  
\q2 Lau tageŋ, taŋ sêkac tauŋ su aŋga aômnêm naŋ, go majeŋ êsa.   
\b  
\q1
\v 4 O Apômtau, ôwa nêm lêŋ sa êndêŋ aê.  
\q2 Ôkêŋ aê jajala nêm intênamaŋ.   
\q1
\v 5 Ôndôŋ aê ma ôkêŋ aê jasêlêŋ jasa nêm biŋŋanô ŋaintêna, gebe aôm kôtu ŋoc Anôtô gêjam aê saŋa.  
\q2 Aê kakêŋ matoc aôm kêtôm bêcgeŋ.   
\q1
\v 6 O Apômtau, taêm ênam nêm taêm walô to nêm têmtac gêwiŋ teŋgeŋŋa,  
\q2 taŋ gêc gêdêŋ andaŋgeŋ e mêŋgêdêŋ galoc naŋ.   
\q1
\v 7 Taêm ênam ŋoc sec to geo ŋapalêgeŋŋa atom.  
\q2 O Apômtau, taêm ênam aê êtu têmtac gêwiŋ teŋgeŋŋa to nêm moasiŋŋa.   
\b  
\q1
\v 8 Apômtau eŋ ŋajam to gêdêŋ.  
\q2 Amboac tonaŋ tec kêdôŋ lau sec sêsa lêŋ gêdêŋ.   
\q1
\v 9 Eŋ gêwê lau, taŋ sêkôniŋ tauŋ naŋ, sêsa nêŋ lêŋ gêdêŋ  
\q2 ma kêdôŋ nê lêŋ gêdêŋ lau, taŋ sêkôniŋ tauŋ naŋ.   
\q1
\v 10 Apômtau gêwê lau, taŋ sêmasaŋ ênê poac to biŋsu naŋ.  
\q2 Sêsa ênê lêŋ têtac gêwiŋ teŋgeŋŋa to biŋŋanôŋa.   
\b  
\q1
\v 11 O Apômtau, ôsuc ŋoc biŋ kapôêŋ naŋ ôkwi  
\q2 êtu nêm ŋaêŋa.   
\q1
\v 12 Ŋac taŋ kêtêc Apômtau naŋ, eŋ asa.  
\q2 Apômtau oc êndôŋ lêŋ, taŋ ŋac tau êjaliŋ sa naŋ, êndêŋ eŋ.   
\q1
\v 13 Eŋ tau oc êŋgôŋ tomoasiŋ  
\q2 ma nê wakuc oc sêwê kaiŋ gamêŋ tau.   
\q1
\v 14 Lau taŋ têtêc Apômtau naŋ, têtu ênê lau ôliŋ andaŋ eŋŋa.  
\q2 Ma eŋ gêwa nê poac sa gêdêŋ êsêac.   
\b  
\q1
\v 15 Matoc kêsap Apômtau tôŋ  
\q2 gebe eŋ oc ênu ockaiŋ su aŋga lakô.   
\q1
\v 16 Ôkac taôm ôkwi êndêŋ aê ma taêm labu aê  
\q2 gebe aê taucgeŋanô gaŋgôŋ toŋoc ŋalêlôm ŋawapacgeŋ.   
\q1
\v 17 Ôŋgôm ŋoc ŋalêlôm ŋawapac êtu gaô  
\q2 ma ôŋgamboac aê su aŋga ŋoc ŋandaŋ.   
\q1
\v 18 Taêm ênam ŋoc ŋalêlôm ŋawapac to biŋ, taŋ kêlênsôŋ aê  
\q2 ma ôsuc aêŋoc sec samob ôkwi.   
\b  
\q1
\v 19 Ôlic ŋoc ŋacjo samob, taŋ sêjac aê ŋawae naŋ.  
\q2 Êsêacnêŋ ŋalêlôm kêmoatiŋ tôŋ aêŋa.   
\q1
\v 20 Ônam gôliŋ katuc ma ônam aê sa.  
\q2 Ôkêŋ lau sêŋgôm aê majoc êsa atom gebe aê gaê lamu aôm.   
\q1
\v 21 O Apômtau, biŋgêdêŋ to gêŋ mansaŋ êkôm aê auc,  
\q2 gebe aê kakêŋ matoc aôm ŋapaŋ.   
\q1
\v 22 O Anôtô, ônam Israel sa  
\q2 aŋga nêŋ gêŋwapac samob ŋalêlôm. \f + \fr 25:22 \ft Dawidnê teŋ.\f*   
\c 26  
\s1 Ŋac mansaŋ teŋ nê mec  
\q1
\v 1 O Apômtau, nêm mêtôc êwaka aê sa gebe gawê biŋ ŋakaiŋ teŋ atom gebe aê kasa ŋoc lêŋ laŋôcnêm sawageŋ  
\q2 to taêc kêka aôm ŋaŋêŋgeŋ.   
\q1
\v 2 O Apômtau, ônsaê aê ma ôjala aê.  
\q2 Ômbêlêm ŋoc ŋalêlôm e ômbi lêtêŋ.   
\q1
\v 3 Gebe nêm têmtac gêwiŋ teŋgeŋŋa gêjac aê matoc su gedeŋ tôŋgeŋ  
\q2 ma kasa nêm lêŋ ŋaŋêŋ ŋapaŋ.   
\b  
\q1
\v 4 Aê gaŋgôŋ gawiŋ lau kesowaga atom.  
\q2 Ma gajac biŋ ôkwi gêdêŋ kalomtêna atom.   
\q1
\v 5 Aê gadec secwaganêŋ sêkac tauŋ saŋa  
\q2 to gajac jaê lau geowaga.   
\b  
\q1
\v 6 O Apômtau, aê kakwasiŋ lemoc ŋabiŋ masigeŋ.  
\q2 Ma kasêlêŋ kagi nêm altar amboac tonaŋgeŋ tec gamoa.   
\q1
\v 7 Gebe janam daŋge aôm ŋa aoc kapôêŋ  
\q2 Ma jasôm aômnêm gêŋsêga samob ŋawae lasê.   
\b  
\q1
\v 8 O Apômtau, aê têtac gêwiŋ nêm andu ŋamala,  
\q2 gamêŋ taŋ nêm ŋawasi gêjam auc naŋ.   
\q1
\v 9 Ôtiŋ ŋoc katuc siŋ êwiŋ lau secwaga nêŋ atom.  
\q2 Ma ôlic ênaŋa êwiŋ lau-sêjac-ŋamalac-ênduwaga nêŋ atom.   
\q1
\v 10 Lau tonaŋ lemeŋ siŋ-dec kêsap tôŋ.  
\q2 Ma sêmêgôm awa ŋalêsiŋa kêsêp lemeŋ anôŋa e mêŋgêc laŋgwageŋ.   
\b  
\q1
\v 11 Ma aê kasa ŋoc lêŋ tobiŋ masigeŋ.  
\q2 O Apômtau, ônam aê kêsi to taêm labu aê.   
\q1
\v 12 Ockaiŋ tec kaka gamêŋ ŋatapa ŋajam tôŋ.  
\q2 Lau embe sêkac tauŋ sa, oc sêlambiŋ Apômtau. \f + \fr 26:12 \ft Dawidnê teŋ.\f*   
\c 27  
\s1 Apômtau kêtu ŋoc Ja to ŋoc moasiŋ  
\q1
\v 1 Apômtau kêtu ŋoc ja to ŋoc moasiŋ, amboac tonaŋ oc jatêc asa.  
\q2 Apômtau kêtu katucnê lamu, amboac tonaŋ oc jaê go asa.   
\b  
\q1
\v 2 Lau sec embe sênac aê gebe senseŋ aê su,  
\q2 go êsêac, taŋ têtu ŋoc soŋo-soŋo to ŋoc ŋacjo naŋ, sêka selelec e sêu tauŋ.   
\q1
\v 3 Siŋwaga taêsam embe sêŋgi aê auc, oc ŋoc ŋalêlôm ŋatutuc atom.  
\q2 Ma êsêac embe sênac siŋ êndêŋ aê, oc têtac êpa sugeŋ.   
\b  
\q1
\v 4 Aê kateŋ gêŋ tageŋ gêdêŋ Apômtau ma ŋoc ŋalêlôm kêkac aê biŋ tageŋ tonecŋa  
\q2 gebe jaŋgôŋ Apômtaunê andu êtôm ŋoc bêc jamoa matoc jaliŋa samob  
\q1 gebe jalic Apômtaunê ŋajam  
\q2 ma jateŋ eŋ gebe êwê aê.   
\q1
\v 5 Gebe êndêŋ bêc ŋawapacŋa eŋ oc êsiŋ aê jaŋgôŋ ênê bec ŋalêlôm.  
\q2 Ênê bec ŋagadê oc ênsaŋ aê auc. Eŋ êsuŋ aê sa najaka poc ŋajaŋa tôŋ.   
\q1
\v 6 Amboac tonaŋ tecbeloc aŋgeŋ êndêŋ ŋoc ŋacjo, taŋ sêgi aê auc naŋ.  
\q2 Aê gabe jakêŋ da aŋga ênê bec ma jakêŋ toôndugeŋ. Aê jaŋga wê ma janam êndêŋ Apômtau.   
\b  
\q1
\v 7 O Apômtau, ôkêŋ taŋam aê gebe aoc gêjac aôm kapôêŋ.  
\q2 Taêm walô aê ma ôkêŋ taŋam aêmaŋ.   
\q1
\v 8 Aôm kôsôm gebe “Ansom aê.”  
\q2 “O Apômtau, amboac tonaŋ tec gabe jansom aôm.”   
\q1
\v 9 Ôsiŋ laŋôm aê atom ma ôtiŋ nêm sakiŋwaga su totêmtac ŋandaŋŋa atom.  
\q2 O ŋoc kêsiwaga Anôtô, aôm kôtu ŋoc gêjam-sa amboac tonaŋ ôtiŋ aê su to ônac kapoac aê atom.   
\q1
\v 10 Tinoc agêc tamoc sêwi aê siŋ su,  
\q2 mago Apômtau oc êkôc aê sa.   
\b  
\q1
\v 11 O Apômtau, ôtôc nêm intêna êndêŋ aê ma ôwê aê jasa gamêŋ tapa ŋajam.  
\q2 Ôŋgôm êtu ŋoc ŋacjoŋa.   
\q1
\v 12 Ôwi aê siŋ jandêŋ biŋ, taŋ ŋoc ŋacjo sêkic naŋ atom.  
\q2 Gebe biŋ-gêgawaga dêdi sebe sênac aê ma sêjac tênêp gebe senseŋ aê su.   
\b  
\q1
\v 13 Aê kakêŋ gêwiŋ  
\q2 gebe jalic Apômtaunê ŋajam aŋga gamêŋ sêŋgôŋ mateŋ jaliŋa.   
\q1
\v 14 Ôkêŋ matam Apômtau totêmtac êpa sugeŋ ma tonêm ŋalêlôm samucgeŋ.  
\q2 Ôkêŋ matam Apômtaugeŋ. \f + \fr 27:14 \ft Dawid gêga.\f*   
\c 28  
\s1 Mec Apômtau ênam aêac saŋa  
\q1
\v 1 O Apômtau, aê aoc gêjac aôm gebe ŋoc lamu aôm.  
\q2 Laŋôm elo ma ônam taôm tôŋ aê atom,  
\q1 gebe aôm embe ênam taôm tôŋ aê,  
\q2 aê oc jatôm lau, taŋ sêsêp sê sêja e laŋôŋmê naŋ.   
\q1
\v 2 Embe jamôêc êndêŋ aôm ma jaôc lemoc sa êndêŋ nêm lôm ŋagamêŋ dabuŋsêga,  
\q2 naŋ ôkêŋ taŋam ŋoc taŋiboa.   
\q1
\v 3 Ôtiŋ aê su jawiŋ lau, taŋ sêkac tauŋ su aŋga Anôtônê naŋ, to lau alôb-alôbwaga atom.  
\q2 Gebe lau tonaŋ nêŋ ŋalêlôm keso ma sêbanac biŋ gêdêŋ nêŋ lau jabaŋ êsêacŋa.   
\b  
\q1
\v 4 Ôkêŋ ŋagêjô êndêŋ êsêac êtôm nêŋ gêŋ, taŋ sêgôm to sêjac lau mateŋanô aucŋa naŋ.  
\q2 Ôkêŋ ŋagêjô êndêŋ êsêac êtôm gêŋ, taŋ lemeŋ sêgôm naŋ, ôkêŋ gêŋ tau ŋagêjô êndêŋ êsêac.   
\q1
\v 5 Gebe êsêac mateŋ gêdiŋ Apômtaunê gôliŋ to gêŋ, taŋ lêma gêgôm naŋ atom.  
\q2 Amboac tonaŋ oc enseŋ êsêac su e ênam êsêac sa êtiam atom.   
\q1
\v 6 Aoc êôc Apômtau  
\q2 gebe eŋ kêkêŋ taŋa ŋoc taŋiboa kapôêŋ.   
\q1
\v 7 Apômtau kêtu ŋoc ŋaclai to ŋoc lautuc.  
\q2 Ŋoc ŋalêlôm kêsap eŋgeŋ, tec gêjam aê sa.  
\q2 Amboac tonaŋ ŋoc ŋalêlôm gegeŋ aê sa samucgeŋ  
\q1 gebe jaŋga wê daŋgeŋa êpi eŋ.   
\b  
\q2
\v 8 Apômtau kêtu nê lau nêŋ ŋaclai  
\q2 to kêtu nê ŋac, taŋ seŋ oso eŋ naŋ, nê lautuc.   
\q1
\v 9 Ônam nêm lau sa to ônam mec nêm gêŋlênsêmmaŋ  
\q2 ma ojop to ôsip aêac sa endeŋ tôŋgeŋ. \f + \fr 28:9 \ft Dawidnê teŋ.\f*   
\c 29  
\s1 Ôsic to wapap kêwaka Apômtaunê wae sa  
\q1
\v 1 O lau undambêŋa, awem êôc Apômtau  
\q2 ma alanem ênê ŋawasi to ŋaclai.   
\q1
\v 2 Awaka Apômtaunê ŋaê ŋawae sa.  
\q2 Au taôm togêlôŋ dabuŋ anêc Apômtau laŋônêm.   
\b  
\q1
\v 3 Êsêac sêŋô Apômtau awa aŋga gwêc.  
\q2 Ma ênê awa kêdôŋ tau gêsac gwêc.   
\q1
\v 4 Apômtau awa kêtaŋ toŋaclai.  
\q2 Apômtau awa ŋadindiŋ kaiŋ teŋ.   
\b  
\q1
\v 5 Apômtau awa, wapap tau, gêjac kaseda.  
\q2 Apômtau gêjac kaseda, taŋ kêkô Lebanon naŋ popocgoc.   
\q1
\v 6 Eŋ gêgôm lôc Lebanon gêboaŋ amboac bôclatu.  
\q2 Ma Hermon amboac bulimakao ŋalatu.   
\b  
\q1
\v 7 Apômtau awa kêkêŋ jawaô kêbêlaŋ  
\q2 sinseŋ-sinseŋ kêsa makeŋ-makeŋ.   
\q1
\v 8 Apômtau awa kêlêndiŋ gamêŋsawa e kêtênêp lasê.  
\q2 Apômtau kêkôjôc gamêŋsawa Kades.   
\q1
\v 9 Apômtau awa kêwiwic kamem to giŋ kalaka walôŋa e kêsêlô su.  
\q2 Ma samob, taŋ sêŋgôŋ nê andu naŋ, sêôc lambiŋ eŋ gebe ŋataugoc.   
\b  
\q1
\v 10 Apômtau gêjam gôliŋ gwêc ŋagêdimbob.  
\q2 Eŋ gêŋgôŋ nê lêpôŋ kiŋŋa gedeŋ tôŋgeŋ.   
\q1
\v 11 Apômtau êpuc nê lau tôŋmaŋ.  
\q2 Apômtau ênam mec nê lau ŋa biŋmalô. \f + \fr 29:11 \ft Dawidnê pesalem teŋ.\f*   
\c 30  
\s1 Mec daŋgeŋa teŋ  
\q1
\v 1 O Apômtau, aê gabe aoc êôc aôm gebe gôjam aê kêsi.  
\q2 Ma kôkêŋ aêŋoc ŋacjo têtu samuc kêtu aê gajaŋaŋa atom.   
\q1
\v 2 O Apômtau ŋoc Anôtô, aê gamôêc gêdêŋ aôm gebe ônam aê sa.  
\q2 Ma aôm kômoasiŋ aê, tec aê ŋajam kêsagoc.   
\q1
\v 3 Apômtau, aôm tec gôwê ŋoc katuc aŋga lamboam kêpi gêmêŋ.  
\q2 Aôm gômôêc aê tôŋ mêŋkôkêŋ aê matoc jali kêsa kêtiam gebe jaêc su jasêp sêlêlôm jana atom.   
\b  
\q1
\v 4 Amac lau mansaŋwaga, awem êôc Apômtau.  
\q2 Ma alanem ênê ŋaê dabuŋ.   
\q1
\v 5 Gebe eŋ têtac ŋandaŋ olaŋ-olaŋ atom.  
\q2 Ma nê moasiŋ ênêc endeŋ tôŋgeŋ.  
\q1 Êmbêc tataŋ taŋiboa  
\q2 ma eleŋ ôliŋ êpi-êpigeŋ.   
\q1
\v 6 Aê tec taêc gêjam e gwala kêpa su  
\q2 gebe “Oc jaku atomanô.”   
\q1
\v 7 O ŋacmoasiŋ Apômtau, aôm kôwaka aê sa gaŋgôŋ ŋoc malac ŋajaŋa.  
\q2 Ma gôsaŋ laŋômanô auc gêdêŋ aê e katakê.   
\b  
\q1
\v 8 O Apômtau, gêdêŋ tonaŋ aoc gêjac aôm  
\q2 ma kataŋ gêdêŋ ŋoc Anôtô.   
\q1
\v 9 “Aê embe jamac êndu ma jasêp sê jana,  
\q2 oc êmoasiŋ aôm amboac ondoc.  
\q1 Kekop oc etoc aôm sa  
\q2 ma êwaka nêm lêŋ to nêm biŋ ŋaŋêŋ sa êtôm me.   
\q1
\v 10 O Apômtau, ôkêŋ taŋam aê to taêm walô aê.  
\q2 O Apômtau, ôtu ŋoc ônam-aê-sawaga.”   
\b  
\q1
\v 11 Aôm gôjam ŋoc gêŋwapac ôkwi kêtu wê.  
\q2 Aôm kôkac ŋoc abec su ma kôkêŋ têtac ŋajam aê kajandiŋ.   
\q1
\v 12 Amboac tonaŋ aê janam tauc tôŋ atom. Aê jalambiŋ aôm.  
\q2 O Apômtau, ŋoc Anôtô, aê gabe janam daŋge aôm endeŋ tôŋgeŋ. \f + \fr 30:12 \ft Dawidnê pesalem, taŋ gêga gêdêŋ sêjac kawi lôm dabuŋ \f* naŋ.   
\c 31  
\s1 Mec Anôtô ênam aêac sa êndêŋ noc gêŋwapacŋa  
\q1
\v 1 O Apômtau, aêŋoc lam u aôm. Ôwi aê siŋ amboac ŋac gêbac atomanô.  
\q2 Ônam aê sa êtu aômnêm biŋgêdêŋŋageŋ.   
\q1
\v 2 Ôê taŋam aê  
\q2 ma mêŋônam aê sa sebeŋ.  
\q1 Ôtu ŋoc poclabu ôŋgandê aê  
\q2 ma ŋoc tuŋtêna gebe ôpiŋ aê auc.   
\b  
\q1
\v 3 Aôm tec kôtu ŋoc poclabu to tuŋtênagoc.  
\q2 Aôm oc ôkam to ôwê aê êtu nêm ŋaêŋa.   
\q1
\v 4 Aôm oc wê aê sa aŋga uc, taŋ êsêac sêkic kelecgeŋ kêtu aêŋa naŋ,  
\q2 gebe aôm kôtu aêŋoc lamu.   
\q1
\v 5 Aê jasakiŋ ŋoc katuc êndêŋ aôm lêmam êwac.  
\q2 O Apomtau, aôm Anôtô ŋaŋêŋ, tec gôjam aê sa.   
\b  
\q1
\v 6 Aôm têmtac gedec êsêac, taŋ sêsap gwam ŋaôma tôŋ naŋ samucgeŋ,  
\q2 mago aê matoc kêsap Apômtau tôŋ.   
\q1
\v 7 Aê oc têtac ŋajam ma ôlic êpigeŋ êtu nêm têmtac gêwiŋ teŋgeŋŋa  
\q2 gebe aôm matam gê aê gêdêŋ gaŋgôŋ jageoŋa ma kôjala ŋoc katuc ôluŋ-ôluŋ ŋam.   
\q1
\v 8 Aôm gôwi aê siŋ kêsêp ŋacjonê lêma atom.  
\q2 Aôm kôkêŋ aê ockaiŋ kaka gamêŋ ŋatapa tôŋ.   
\q1
\v 9 O Apômtau, taêm walô aê gebe gaŋgôŋ jageo.  
\q2 Gêŋwapac gêgôm aê matocanô ŋatalô kêsa e katuc to ôlic kêlênim tau.   
\q1
\v 10 Ŋoc têm gamoa matoc jaliŋa samob kêtu gêŋwapacŋageŋ gêja  
\q2 ma kataŋ taŋiboa kêtôm ŋoc jala samob.  
\q1 Aê tekoc gêbac kêtu gamoa jageoŋa  
\q2 ma ŋoc ŋatêkwa kêtu goloŋ su.   
\b  
\q1
\v 11 Ŋoc ŋacjo samob têtaŋ pêlê aê  
\q2 ma ŋoc lau, taŋ sackapoagêdô gêdêŋ tauŋ naŋ, sêsu sam su aê.  
\q1 Ŋoc sêlêb embe sêlic aê, oc têtêc aê.  
\q2 Lau teŋ embe têtap aê sa aŋga intêna, oc sêc aê.   
\q1
\v 12 Êsêac sêliŋ aê siŋ amboac ŋac, taŋ gêmac êndu su naŋ.  
\q2 Aê katôm ku ŋamoasagac.   
\q1
\v 13 Lau taêsam sêjac biŋ kesec-kesec gêdêŋ tauŋ. Gêŋ secsêga kêkôm aê auc.  
\q2 Êsêac sêmasaŋ biŋ sêwiŋ tauŋ gebe senseŋ aê su janaŋa.   
\b  
\q1
\v 14 O Apômtau, mago aê tec kasap aôm tôŋgeŋ.  
\q2 Aê kasôm gebe “Ŋoc Anôtô aôm.”   
\q1
\v 15 Aôm lêmam gôjam gôliŋ ŋoc lêŋ.  
\q2 Amboac tonaŋ ônam aê sa aŋga ŋoc ŋacjo to lau, taŋ sêlêsu aê naŋ.   
\q1
\v 16 Ôkêŋ laŋômanô êpô nêm sakiŋwaga.  
\q2 Onam aê sa êtu nêm têmtac gêwiŋ teŋgeŋŋa.   
\q1
\v 17 O Apômtau, ôwi aê siŋ amboac gêŋ gêbac atom gebe aoc gêjac aôm.  
\q2 Ôkêŋ lau alôb-alôbwaga têtu gêŋ gêbacmaŋ ma toaweŋmêgeŋ sêsêp lamboam sêna.   
\q1
\v 18 Ômbôc gêdôŋôlic dansaŋ auc.  
\q2 Êsêac tetoc tauŋ sa ma sêsôm ŋac gêdêŋ nê bôlêŋ paliŋ e sêgôm eŋ wae kêtu sec.   
\b  
\q1
\v 19 Aôm gôjac nêm moasiŋ sa gêjam sêga  
\q1 kêtu lau, taŋ têtêc aôm naŋŋa,  
\q1 ma kômoasiŋ lau, taŋ sê lamu aôm naŋ,  
\q2 ma lau samob sêlic gêdêŋ mateŋanô.   
\q1
\v 20 Aôm kôpiŋ êsêac auc ŋa laŋômanô  
\q2 gêdêŋ ŋamalacnêŋ poac.  
\q1 Aôm kôsiŋ êsêac ôkwi sêŋgôŋ bec teŋ  
\q2 gebe imbeleŋ ênac êsêac atom.   
\b  
\q1
\v 21 Aoc gêôc Apômtau,  
\q2 gebe eŋ kêtôc nê têtac gêwiŋ teŋgeŋŋa gêdêŋ aê gêdêŋ taŋ sêgi aê auc sebe sêku aê tulu naŋ.   
\q1
\v 22 Aê katêc tauc ŋanôgeŋ ma taêc gêjam gebe  
\q2 “Aôm tec kôtiŋ aê su aŋga laŋômnêmŋa.”  
\q1 Mago aôm gôŋô aêŋoc taŋiboa kapôêŋ  
\q2 gêdêŋ taŋ aoc gêjac aôm gebe ônam aê sa naŋ.   
\b  
\q1
\v 23 Amac akêŋ-gêwiŋwaga samob, têmtac êwiŋ Apômtau.  
\q2 Apômtau gejob lau-ŋaŋêŋwaga ma êkêŋ ŋagêjô êlêlêc su êndêŋ lau-tetoc-tauŋ-sawaga.   
\q1
\v 24 Amac samob, taŋ asaê Apômtau amoa naŋ,  
\q2 akô ŋajaŋa totêmtac êpa sugeŋ. \f + \fr 31:24 \ft Dawidnê pesalem teŋ.\f*   
\c 32  
\s1 Tamoa totêntac êpa sugeŋ gebe Anôtô kêsuc nêŋ sec okwi  
\q1
\v 1 Aweŋ êôc ŋac, taŋ Anôtô kêsuc ênê sec ôkwi  
\q2 to kêgadu ênê geo auc naŋ.   
\q1
\v 2 Aweŋ êôc ŋac, taŋ Anôtô taê gêjam ênê keso atom  
\q2 ma biŋdansaŋ gêc ênê ŋalêlôm atom naŋ.   
\b  
\q1
\v 3 Gêdêŋ taŋ gajam tauc tôŋ naŋ, ŋoc ôlicwalô gêbacnê  
\q2 gebe kataŋ taŋiboa kêtom bêcgeŋ.   
\q1
\v 4 Gebe lêmam gêsac aê ma kôkôniŋ aê kêtôm bêc to geleŋgeŋ.  
\q2 Ŋoc ŋalêlôm ŋakeleŋ kêsa kêtôm oc kêpac mêckelep e ŋakeleŋ kêsa.   
\b  
\q1
\v 5 Amboac tonaŋ tec gaoc ŋoc biŋ lasê gêdêŋ aôm  
\q2 ma gasaŋ ŋoc geo auc atom.  
\q1 Aê kasôm gebe “Jaoc ŋoc biŋ keso lasê êndêŋ Apômtau,”  
\q2 tec aôm kôsuc ŋoc geo ŋatôp ôkwi.   
\b  
\q1
\v 6 Amboac tonaŋ lau mansaŋ samob teteŋ êndêŋ aôm,  
\q2 êndêŋ têm sêpô lêna tauŋŋa.  
\q1 Ec embe ŋasamac sec ênsalê auc êmêŋ,  
\q2 naŋ êtap êsêac sa atom.   
\q1
\v 7 Aôm kôtu ŋoc gamêŋ jasiŋ taucŋa. Aôm gojob gêdêŋ taŋ gamoa jageo naŋ.  
\q2 Nêm moasiŋ gôjam aê kêsiŋa kêkôm aê auc.   
\b  
\q1
\v 8 “Aê gabe jandôŋ to jatôc intêna ôsaŋa êndêŋ aôm.  
\q2 Aê matoc êndiŋ aôm ma jawa aôm.   
\q1
\v 9 Ôtôm hos me doŋki kaucmê atom.  
\q2 Embe gôliŋ to gôliŋ ŋamôkê êsêp awasuŋ atom, oc taŋa wamu aôm atom.” Apômtaunê biŋ tonaŋ.   
\b  
\q1
\v 10 Ŋac alôb-alôb kêtap gêŋwapac taêsam sa.  
\q2 Ma ŋac, taŋ mata kêsap Apômtau tôŋ naŋ, Apômtaunê têtac gêwiŋ teŋgeŋŋa êkwa eŋ auc.   
\q1
\v 11 O lau gêdêŋac, ôlim êpi totêmtac ŋajamgeŋ êtu Apômtauŋa.  
\q2 Ma amac samob, taŋ nêm ŋalêlôm ŋaŋêŋ naŋ, atu samuc toôndugeŋ. \f + \fr 32:11 \ft Dawid gêga. Pesalem dambu tauŋŋa kêtu luagêcŋa.\f*   
\c 33  
\s1 Lambiŋ êndêŋ Anôtô, taŋ kêkêŋ to gejob gêŋ samob naŋ  
\q1
\v 1 O lau gêdêŋac, atu samuc Apômtau toôndugeŋ.  
\q2 Lambiŋ gajac lau mansaŋ ŋawae.   
\q1
\v 2 Anam daŋge Apômtau ŋa gêŋ wêŋa.  
\q2 Aôc eŋ sa ŋa gêŋ wêŋa, taŋ ŋagam lemeŋlu naŋ.   
\q1
\v 3 Aŋga wê wakuc teŋ epi eŋ.  
\q2 Ansaic ŋagam êtaŋ toaligeŋ.   
\b  
\q1
\v 4 Gebe Apômtaunê biŋ biŋŋanô.  
\q2 Ma gêgôm nê gêŋ samob ŋaŋêŋgosu.   
\q1
\v 5 Eŋ têtac gêwiŋ biŋ gêdêŋ to biŋ ŋaŋêŋ.  
\q2 Apômtaunê têtac gêwiŋ teŋgeŋŋa gêjam nom samuc auc.   
\b  
\q1
\v 6 Undambê ŋanô kêsa ŋa Apômtaunê biŋ.  
\q2 Ma ŋagêlôŋ samob tonaŋ ŋanô kêsa ŋa ênê awajaô.   
\q1
\v 7 Eŋ gêjac gwêc sa kêpi tageŋ amboac kêsêp bulakôp.  
\q2 Eŋ kêkêŋ gwec ŋagêdimbob kêpoac ŋalapsamboam.   
\b  
\q1
\v 8 Nom samuc têtêc Apômtau  
\q2 ma ŋamalac samob, taŋ sêŋgôŋ nom naŋ, sêuc labu eŋgeŋ.   
\q1
\v 9 Gebe eŋ kêsôm ma gêŋ ŋanô kêsa.  
\q2 Eŋ kêjatu ma gêŋ tau jakêkô.   
\q1
\v 10 Apômtau geseŋ tenteŋlatunêŋ poac e ŋanô masi.  
\q2 Eŋ kêkô biŋ, taŋ lau samuc sêmasaŋ naŋ auc.   
\q1
\v 11 Apômtaunê poac ênêc endeŋ tôŋgeŋ.  
\q2 Biŋ taŋ eŋ kêmasaŋ gêc nê ŋalêlôm naŋ, oc elom gôlôac to gôlôac.   
\q1
\v 12 Aweŋ êôc lau, taŋ Apômtau kêtu nêŋ Apômtau naŋ,  
\q2 lau tau, taŋ eŋ kêjaliŋ sa gebe têtu ênê gêŋlênsêm naŋ.   
\b  
\q1
\v 13 Apômtau kêtuc kêniŋ aŋga undambê kêsêp gêmêŋ.  
\q2 Eŋ mataanô kêpi ŋamalacnêŋ latuŋi samob.   
\q1
\v 14 Ŋac tau gêŋgôŋ nê lêpôŋ ma mata gêdiŋ ŋamalac samob,  
\q2 taŋ sêŋgôŋ nom naŋ.   
\q1
\v 15 Ŋac tau tonaŋ tec kêmasaŋ samob nêŋ ŋalêlôm.  
\q2 Ŋac tau tonaŋ tec mata gêdiŋ gêŋ samob, taŋ êsêac sêgôm naŋ.   
\b  
\q1
\v 16 Siŋwaga taêsam ŋasec, mago oc sênam nêŋ kiŋ sa atom.  
\q2 Ma siŋsêlêc ŋaclai oc êku ŋacjo tulu atom.   
\q1
\v 17 Teŋ embe taê êka nê hos siŋŋa gebe êku ŋacjo tulu, oc ênsau tau,  
\q2 gebe nê hosnê ŋaclai tau oc ênam eŋ sa atom.   
\b  
\q1
\v 18 Alic acgom, Apômtau mata gê êsêac, taŋ têtêc eŋ naŋ,  
\q2 to êsêac, taŋ sêkêŋ mateŋ ênê têtac gêwiŋ teŋgeŋŋa naŋ,   
\q1
\v 19 gebe ênam êsêac katuŋ sa êtu sêmac êndu atomŋa  
\q2 to êôc êsêac, taŋ sêmoa mateŋ jali naŋ, tôŋ êndêŋ noc tôbômŋa.   
\b  
\q1
\v 20 Aêacnêŋ katuŋ kêtu gwasaê Apômtau,  
\q2 aêanêŋ gêjam-sawaga to aêacnêŋ lautuc eŋ.   
\q1
\v 21 Biŋŋanô, aêacnêŋ ŋalêlôm kêtu samuc eŋgeŋ,  
\q2 gebe aêac takêŋ gêwiŋ ênê ŋaê dabuŋ.   
\b  
\q1
\v 22 O Apômtau, aômnêm têmtac gêwiŋ teŋgeŋŋa mêŋêpi aêac  
\q2 êtôm aêac, tec akêŋ mateŋ aôm nec.   
\c 34  
\s1 Anôtô gêjam nê lau, taŋ sêpo lêna tauŋ naŋ sa  
\q1
\v 1 Aoc êôc Apômtau endeŋ tôŋgeŋ.  
\q2 Ŋabiŋ lanem ênêc aocgeŋ ŋapaŋ.   
\q1
\v 2 Ŋoc katuc etoc tau sa êtu Apômtau ŋa.  
\q2 Êsêac, taŋ sêôc gêŋwapac naŋ, sêŋô e têntac ŋajam êsa.   
\q1
\v 3 Anam Apômtaunê wae êsa awiŋ aê.  
\q2 Ma tatoc ênê ŋaê sa seleŋgeŋ.   
\b  
\q1
\v 4 Aê gamôêc Apômtau ma eŋ kêkêŋ taŋa aê.  
\q2 Ma kêjaŋgo aê su aŋga gêŋ samob, taŋ katêc naŋ.   
\q1
\v 5 Matam ê Apômtau, go têmtac ŋajam êsa  
\q2 ma asa tembelam sa ŋapaŋ.   
\q1
\v 6 Ŋac ŋalêlôm sawa tonec gêmôêc e Apômtau kêkêŋ taŋa eŋ  
\q2 ma gêjam eŋ sa aŋga nê gêŋwapac samob.   
\q1
\v 7 Apômtaunê aŋela kêpiŋ êsêac, taŋ têtêc eŋ naŋ auc  
\q2 ma gêjam êsêac sa.   
\b  
\q1
\v 8 Ansaê ênac awem to ajala gebe Apômtau eŋ ŋac gabêjam ŋanô.  
\q2 Aweŋ êôc samob, taŋ sê lamu eŋ naŋ.   
\q1
\v 9 Amac taŋ atu Apômtaunê lau dabuŋ naŋ, atêc eŋgeŋ.  
\q2 Gebe êsêac, taŋ têtêc eŋ naŋ, oc sêpô lêna gêŋ teŋ atom.   
\q1
\v 10 Lewe ŋalatu tauŋ oc sêpô lêna ma mo oc êjô êsêac,  
\q2 mago êsêac, taŋ sensom Apômtau naŋ, oc seso gêŋ ŋajam teŋ atom.   
\b  
\q1
\v 11 O ŋapalêac, amêŋ akêŋ taŋem aêmaŋ.  
\q2 Aê gabe jandôŋ amac êtu atêc Apômtau ŋa.   
\q1
\v 12 Asa taê gêjam gebe êŋgôŋ mata jali ŋêŋgeŋ  
\q2 ma taê kêka gebe nê bêc ênac têku tau ma êtap ŋajam sa.   
\q1
\v 13 Ojop imbêlam êndêŋ biŋ sec  
\q2 to gêdômôlic êndêŋ biŋdansaŋ.   
\q1
\v 14 Ônac jaê sec ma ôŋgôm gêŋ ŋajam.  
\q2 Onsom biŋ malô ma ôlêtigeŋ e naôê tôŋ.   
\b  
\q1
\v 15 Apômtau mata kêsap lau gêdêŋ  
\q2 ma kêkêŋ taŋa nêŋ taŋiboa.   
\q1
\v 16 Apômtaunê laŋôanô kêkô secwaga auc  
\q2 gebe enseŋ êsêac su e nêŋ lau taêŋ ênam êsêac êtiam atom.   
\q1
\v 17 Lau gêdêŋ embe sêmôêc, go Apômtau oc êkêŋ taŋa  
\q2 ma ênam êsêac sa aŋga nêŋ gêŋwapac samob.   
\q1
\v 18 Apômtau gêjam tamiŋ lau-ŋalêlôm-popocwaga.  
\q2 Eŋ gêjam êsêac, taŋ nêŋ katuŋ ôluŋ-ôluŋgeŋ naŋ sa.   
\b  
\q1
\v 19 Ŋac gêdêŋ gêôc gêŋwapac taêsam,  
\q2 mago Apômtau gêjam eŋ sa gêdêŋ gêŋ tonaŋ ŋai samob.   
\q1
\v 20 Eŋ gejob ênê ŋatêkwa samob  
\q2 gebe ŋateŋ tulu atom.   
\q1
\v 21 Sec oc ênac ŋac sec êndu.  
\q2 Ma êsêac, taŋ têntac sec êndêŋ ŋac gêdêŋ naŋ, oc têtap ŋagêjô sa.   
\b  
\q1
\v 22 Apômtau gêjam nê sakiŋwaga nêŋ katuŋ sa.  
\q2 Ma êsêac, taŋ sê lamu eŋ naŋ, oc têtap ŋagêjô sa êjô sec atom. \f + \fr 34:22 \ft Dawid gêga gêdêŋ taŋ kepeŋ tokauc gêdêŋ Abimelek gebe \f* meloc kêtê eŋ e ŋac tau kêtiŋ eŋ su gêc gêja naŋ.   
\c 35  
\s1 Ŋac gaôc gêŋwapacŋa nê mec Anôtô ênam eŋ saŋa  
\q1
\v 1 O Apômtau, ônac siŋ êndêŋ êsêac, taŋ sêjac aê semoa naŋ.  
\q2 Ôku êsêac, taŋ sêku aê tulu sêmoa naŋ tulu.   
\q1
\v 2 Ôja lautuc to maluku sa  
\q2 ma ôndi mêŋônam aê samaŋ.   
\q1
\v 3 Ôkôtêŋ kêm to ôndaiŋ olo endeŋ lau, taŋ sebe sê aê tôŋ naŋ.  
\q2 Ôsôm êndêŋ ŋoc katuc gebe “Aê tec gabe janam aôm sa.”   
\b  
\q1
\v 4 Ôkêŋ lau, taŋ sesom lêŋ senseŋ aê suŋa naŋ,  
\q2 têtu meloc ma sêmbac tauŋ su.  
\q1 Êsêac taŋ sêkic aêŋoc biŋ naŋ,  
\q2 sênu tauŋ su tomajeŋgeŋ sêc sêmu sêna.   
\q1
\v 5 Ôkêŋ êsêac têtôm jataê, taŋ mu kelelo naŋ,  
\q2 ma Apômtaunê aŋela êtiŋ êsêac su.   
\q1
\v 6 Êsêacnêŋ intêna êtu kesec ma ŋalêŋô êsa  
\q2 ma Apômtaunê aŋela êjanda êsêac.   
\b  
\q1
\v 7 Êsêac sêwa lakô aê kelecgeŋ  
\q2 ma sêkwê sê gebe aê janac tauc êndu.   
\q1
\v 8 Gêŋwapac êtap êsêac sa eb tageŋmaŋ ma tauŋ sêsêp nêŋ lakô, taŋ sêwa kelecgeŋ naŋ,  
\q2 e gacgeŋ sênaŋa.   
\b  
\q1
\v 9 Go ŋoc ŋalêlôm êtu samuc Apômtau  
\q2 ma êôc eŋ sa gebe gêjam aê kêsi.   
\q1
\v 10 Aê oc jasôm toŋoc ŋalêlôm samucgeŋ gebe  
\q2 “Apômtau, asa oc êtôm aôm,  
\q1 taŋ kôjaŋgo ŋac gêŋgôŋ jageoŋa su aŋga ŋaclainê  
\q2 to kôjaŋgo ŋalêlôm sawa, taŋ gêôc gêŋwapac naŋ, su aŋga ŋac, taŋ kêkôniŋ eŋ tôŋ naŋ.”   
\b  
\q1
\v 11 Imbeleŋ dansaŋ sêsa gebe mêŋsenseŋ aê,  
\q2 têtu kênac gêŋ, taŋ gajam kauc ŋam naŋ, gêdêŋ aê.   
\q1
\v 12 Aê kamoasiŋ êsêac, mago sêkêŋ sec gêjô ŋajam  
\q2 e aê katuc gêbac su.   
\q1
\v 13 Mago gêdêŋ taŋ gêmac kêtap êsêac sa naŋ, aê kasô talu kêtu ŋoc ŋakwê.  
\q2 Aê gajam dabuŋ mo ma kateŋ ŋoc mec gasaŋ-laŋôcanô auc.   
\q1
\v 14 Gagôm tauc amboac gagôm kêtu ŋoc ŋac me lasic teŋŋa.  
\q2 Gaŋgôŋ kapô gaducgeŋ katôm ŋac teŋ ŋalêlôm ŋawapac kêtu tênaŋa.   
\b  
\q1
\v 15 Mago gêdêŋ taŋ aê katu sec naŋ, êsêac sêkac sa toôliŋ kêpigeŋ sebe sêsu aê susu.  
\q2 Ma lau, taŋ gajam kauc êsêac naŋ, sêsôm biŋ alôb-alôb kêpi aê gedeŋ tôŋgeŋ.   
\q1
\v 16 Êsêac têtôm sêsu-susuwaga sêjam aê katu ôwê to sêgôm aê katu meloc  
\q2 ma sêmôêŋ luŋluŋ gêdêŋ aê.   
\b  
\q1
\v 17 O Apômtau, gobe ôlic gêŋ tonaŋ e êndêŋ ondocgeŋ.  
\q2 Ôjanda katuc su aŋga êsêanêŋ biŋ alôb-alôb. Ônam aê kêsi aŋga lewe matac nêŋ.   
\q1
\v 18 Go janam daŋge aôm êsêp taêsam sêkac tauŋ sa ŋalêlôm.  
\q2 Aoc êôc aôm êsêp lau taêsam ŋanô taŋeŋsuŋ.   
\b  
\q1
\v 19 Ôkêŋ êsêac, taŋ sêkic aêŋoc biŋ sêsiŋgeŋ sêmoa naŋ, sêmajec aê atom.  
\q2 Ôkêŋ êsêac, taŋ sêkêŋ kisa aê ŋabiŋ masigeŋ naŋ, sêsênic mateŋ êtu aêŋa atom.   
\b  
\q1
\v 20 Êsêac sêsôm biŋ malô-malô atom.  
\q2 Ma sêgôliŋ biŋdansaŋ kêpi gamêŋ tau ŋalau wapac.   
\q1
\v 21 Êsêac sêpa laweŋgeŋ kêtu aêŋa ma sêmôêc gebe “Kec, kec  
\q2 tauŋ mateŋ anô talic ŋanôgac.”   
\q1
\v 22 O Apômtau, aôm gôlicgac, amboac tonaŋ ônam taôm tôŋ atom.  
\q2 O Apômtau, ômoa jaêc aê atom.   
\q1
\v 23 Matam jali êsa to ôndi sa gebe ômansaŋ ŋoc biŋ êtu katô.  
\q2 O ŋoc Anôtô to ŋoc Apômtau, ônam gôliŋ ŋoc biŋmaŋ.   
\q1
\v 24 O Apômtau ŋoc Anôtô, aôm ŋac gêdêŋ. Ômêtôc ŋoc biŋ êtu katô  
\q2 gebe êsêac ôliŋ êpi atu aêŋa atom.   
\q1
\v 25 Ôkêŋ êsêac sêômac aê êtu biŋ, taŋ sêpuc boa gêc nêŋ ŋalêlôm naŋŋa atom gebe “Kec, gêŋ amboac tonaŋ tec aêac taêŋ gêjam.”  
\q2 Ôkêŋ êsêac sêkêli tauŋ gebe “Aêac aseŋ eŋ sugac” naŋ atom.   
\b  
\q1
\v 26 Ôkêŋ êsêac samob, taŋ ôliŋ kêpi kêtu ŋoc gêŋwapacŋa naŋ, majeŋ to môkêŋapac ŋawapac êsa acgom.  
\q2 Ôkêŋ êsêac, taŋ tetoc tauŋ sa gêdêŋ aê naŋ, têtu meloc ma majeŋ êkôm êsêac auc.   
\b  
\q1
\v 27 Ôkêŋ êsêac, taŋ sêlic aê ŋajam naŋ, tauŋ têntac ŋajam to ôliŋ êpigeŋ.  
\q2 Ma ôkêŋ êsêac sêsôm ênêc awêgeŋ gebe” Apômtau eŋ ŋac kapôêŋ. Eŋ taê gêjam nê sakiŋwaga gebe êmoa ŋajamgeŋ.”   
\q1
\v 28 Imbeloc oc êwaka nêm biŋgêdêŋ sa,  
\q2 êŋgôm waem êtu tapa endeŋ tôŋgeŋ. \f + \fr 35:28 \ft Dawidnê teŋ.\f*   
\c 36  
\s1 Lau secwaga nêŋ biŋ alôb-alôb to lau gêdêŋ  
\q1
\v 1 Ŋac alôb-alôb gêŋô sec ŋaawa aŋga tau nê ŋalêlôm.  
\q2 Eŋ gedec Anôtô, tec ketoc eŋ sa atom.   
\q1
\v 2 Eŋ ketoc tau sa e taê gêjam kêtu tôŋ gebe  
\q2 Anôtô oc êkip sa to atiŋ eŋ su atom.   
\q1
\v 3 Biŋ samob, taŋ eŋ kêsôm naŋ, biŋ alôb-alôb to biŋ dansaŋ.  
\q2 Eŋ gêwi nê gêŋ, taŋ andaŋgeŋ gêgôm tokauc ma ŋapep naŋ, siŋ su.   
\q1
\v 4 Eŋ kêsa tau sic jagêc nê mê naŋ taê gêjam biŋ alôb-alôb.  
\q2 Eŋ kêsa sec ŋalêŋ ma laŋô gelo biŋ keso tau atom.   
\s1 Anôtônê moasiŋ  
\b  
\q1
\v 5 O Apômtau, nêm têmtac gêwiŋ teŋgeŋŋa kapi e jagêdêŋ undambê  
\q2 ma nêm biŋ ŋaŋêŋ kapi e jakêpuc kêpi tao.   
\q1
\v 6 Aômnêm biŋgêdêŋ kêtôm Anôtônê lôc sêkô ŋajaŋa. Aômnêm mêtôc kêtôm gwêc ŋagêdimbob.  
\q2 O Apômtau, aôm gôjam ŋamalac to bôc sa.   
\b  
\q1
\v 7 O Anôtô, nêm têmtac gêwiŋ teŋgeŋŋa ŋajamanôgoc,  
\q2 tec ŋamalac latuŋi sêlamu aôm magêm ŋaajuŋlabu.   
\q1
\v 8 Aômnêm andu ŋamoasiŋ taêsam gêjac êsêac mateŋ su.  
\q2 Aôm kôkêŋ êsêac sênôm aômnêm gêŋlêwê ŋajam ŋabu,   
\q1
\v 9 gebe aôm kôtu daŋgôŋ mateŋ jali ŋamôkê.  
\q2 Aômnêm ŋawê kêpô aêac, tec tauŋ ajala ŋawê amboac tonaŋ.   
\b  
\q1
\v 10 Nêm têmtac gêwiŋ teŋgeŋŋa êmoasiŋ êsêac, taŋ sêjala aôm naŋ,  
\q2 to êmoasiŋ êsêac, taŋ sêsa nêŋ lêŋ tolaŋôŋnêm sawageŋ naŋ.   
\q1
\v 11 Ôkêŋ lau teŋbeleŋ aŋgeŋ eŋkaiŋ êka aê tôŋ atom.  
\q2 Ma êsêac, taŋ sêkac tauŋ su aŋga Anôtônê naŋ, sensoc aê atom.   
\b  
\q1
\v 12 Secwaga sebeŋ jasêc  
\q2 oc sêndi naeo.  
\p \f + \fr 36:12 \ft Apômtaunê sakiŋwaga Dawid gêga.\f*   
\c 37  
\s1 Lau-secwaga nêŋ ŋajam, naŋ gêŋ têlageŋŋa  
\q1
\v 1 Ôniŋ oliŋ êtu lau secwaga atom.  
\q2 Ôlim taôm êtu lau-kesowagaŋa atom.   
\q1
\v 2 Êsêac oc têtu gegoŋ sebeŋ amboac gêgwaŋ  
\q2 ma sêmêliŋ amboac gêgwaŋ ŋamêdôb.   
\b  
\q1
\v 3 Ôkêŋ êwiŋ Apômtau, ec ôŋgôm gêŋ ŋajamgeŋ.  
\q2 Ôŋgôŋ nêm gamêŋ ma ôŋgôm gêŋ êndêŋgeŋ.   
\q1
\v 4 Ôtu samuc Apômtau.  
\q2 Eŋ oc êkêŋ gêŋ, taŋ nêm ŋalêlôm taêm kêka naŋ.   
\b  
\q1
\v 5 Ôsakiŋ nêm lêŋ êndêŋ Apômtau  
\q2 ma ôkêŋ êwiŋ eŋ, eŋ oc êŋgôm ŋajam êsa.   
\q1
\v 6 Eŋ oc êkêŋ aômnêm biŋ gêdêŋ êpô gamêŋ amboac ŋawê.  
\q2 Ma aômnêm biŋ ŋaŋêŋ ŋawê amboac oc kêkô ŋaluŋ.   
\q1
\v 7 Ônam taôm tôŋ ômoa Apômtau laŋônêm ma ôkêŋ matam eŋgeŋ.  
\q2 Ôniŋ oliŋ ŋac, taŋ kêtap nê kôm ŋanô sa ma ŋac, taŋ kêkic launêŋ biŋ ma gêgôm ŋanô kêsa naŋ atom.   
\b  
\q1
\v 8 Ojop taôm êndêŋ têmtac ŋandaŋ ma ôkac taôm su aŋga ŋalêlôm kêmoatiŋ tôŋ.  
\q2 Ôniŋ oliŋ taôm atom, oc êkalem sec.   
\q1
\v 9 Apômtau oc enseŋ lau-sêgôm-secwaga su.  
\q2 Ma êsêac, taŋ sêkêŋ mateŋ Apômtau naŋ, oc sêwê kaiŋ gamêŋ tau.   
\b  
\q1
\v 10 Sauŋgeŋ acgom, go secwaga tau oc malamê  
\q2 ma embe onsom aŋga eŋ mala, oc ôtap eŋ sa atom   
\q1
\v 11 Mago lau wapac oc têtu gamêŋ ŋatau,  
\q2 ma moasiŋ oc ênam êsêac auc sêmoa nêŋ ŋajam.   
\b  
\q1
\v 12 Secwaga kêkic ŋac gêdêŋ nê biŋ  
\q2 ma gêmôê luluŋ kêtu eŋŋa.   
\q1
\v 13 Mago Apômtau kêômac eŋ  
\q2 gebe kêjala gebe sauŋgeŋ, go ŋac tau ênaŋa.   
\b  
\q1
\v 14 Lau-secwaga sêkac nêŋ siŋ sa ma sêkêkam nêŋ talam,  
\q2 sebe senseŋ ŋac ŋasec to ŋalêlôm sawa ma sênac êsêac, taŋ sêsa nêŋ lêŋ gêdêŋgeŋ naŋ êndu.   
\q1
\v 15 Mago acnêŋ siŋ oc êmbuc êsêac tauŋ nêŋ ŋalêlôm  
\q2 ma nêŋ talam oc tulu-tulugeŋ ênaŋa.   
\b  
\q1
\v 16 Ŋac-gêdêŋ nê waba luagêcgeŋ embe ênêc,  
\q2 oc êlêlêc secwaga taêsam nêŋ waba ŋanô lasê su.   
\q1
\v 17 Lau taŋ sêkac tauŋ su aŋga Anôtônê naŋ, nêŋ lemeŋ dambê oc tulu,  
\q2 mago Apômtau oc êpuc lau gêdêŋ tôŋ.   
\b  
\q1
\v 18 Apômtau kêjala lau mansaŋ nêŋ bêc  
\q2 ma nêŋ gêŋlênsêm oc ênêc teŋgeŋ.   
\q1
\v 19 Êndêŋ bêc gêŋwapacŋa oc sêpô lêna tauŋ atom.  
\q2 Êndêŋ bêc tôbômŋa, naŋ mo oc êôc êsêac tôŋ.   
\b  
\q1
\v 20 Lau taŋ sêkac tauŋ su aŋga Anôtônê naŋ, oc sêmbac sênaŋa.  
\q2 Ma Apômtaunê ŋacjo oc sênaŋa amboac ŋaola kêsêlô, ma sê su amboac jadauŋ.   
\b  
\q1
\v 21 Ŋac sec nê gêŋ masi, tec oc ênac launêŋ tôp êtôm atom.  
\q2 Ma ŋac gêdêŋ oc êkêŋ gêŋ totêtac wapômgeŋ.   
\q1
\v 22 Lau taŋ Apômtau gêjam mec êsêac naŋ, oc sêwê kaiŋ gamêŋ êtu nêŋ gêŋ.  
\q2 Ma lau, taŋ eŋ kêpuc boa êsêac naŋ, oc sênaŋa.   
\b  
\q1
\v 23 Apômtau gêjam gôliŋ launêŋ lêŋ  
\q2 ma kêpuc ŋac, taŋ nê lêŋ gêjac eŋ mataanô ŋajam naŋ tôŋ.   
\q1
\v 24 Eŋ embe embeŋ, oc gacgeŋ êsêp naênêc atom  
\q2 gebe Apômtau kêkam eŋ gêdêŋ lêma.   
\b  
\q1
\v 25 Aê ŋapalêgeŋ e katu ŋac laŋgwa,  
\q2 mago galic Apômtau gêwi ŋac gêdêŋ teŋ siŋ atomanô. Ma galic nê gôlôac têtaŋ gêŋ teŋ atomanô.   
\q1
\v 26 Eŋ ŋac têtac wapôm ma êkêŋ gêŋ êndêŋ lau, taŋ teteŋ eŋ naŋ.  
\q2 Ma nê gôlôac oc têtu moasiŋ laugeŋ.   
\b  
\q1
\v 27 Ôŋgamiŋ taôm êndêŋ sec ma ôŋgôm gêŋ ŋajamgeŋ,  
\q2 go ômoa nêm gamêŋ teŋgeŋ   
\q1
\v 28 Gebe Apômtau têtac gêwiŋ biŋ gêdêŋ  
\q2 ma oc êwi nê lau mansaŋ siŋ atom.  
\q1 Eŋ oc ejop nê lau gêdêŋ sêmoa teŋgeŋ,  
\q2 mago lau alôb-alôb nêŋ wakuc oc maleŋmê.   
\q1
\v 29 Lau gêdêŋ oc têtu gamêŋ ŋatau  
\q2 ma oc sêŋgôŋ nêŋ gamêŋ tau endeŋ tôŋgeŋ.   
\b  
\q1
\v 30 Ŋac gêdêŋ nê awasuŋ kêsôm biŋ tokauc lasê  
\q2 ma imbêla kêsôm biŋ jagêdêŋ.   
\q1
\v 31 Ŋac tau nê Anôtônê biŋsu gêc ênê ŋalêlôm,  
\q2 tec kêsêlêŋ kêku kêpac atom.   
\b  
\q1
\v 32 Ŋac keso gêdib ŋac gêdêŋ  
\q2 ma taê gêjam gebe enseŋ eŋ su ênaŋa.   
\q1
\v 33 Mago Apômtau kêkô ŋac gêdêŋ auc  
\q2 ma embe êmêtôc ênê biŋ, oc êkêŋ eŋ lêwaŋ-lêwaŋ atom.   
\b  
\q1
\v 34 Ôkêŋ matam Apômtaugeŋ to ôsap ênê lêŋ tôŋ, go etoc aôm sa ôtu gamêŋ ŋatau  
\q2 ma aôm ôlic eŋ enseŋ lau sec su.   
\b  
\q1
\v 35 Aê galic ŋac sec teŋ, taŋ ketoc tau sa ŋanôgeŋ  
\q2 e keleŋ gamêŋ su amboac kaseda Lebanonŋa.   
\q1
\v 36 Mago gêdêŋ taŋ kasêlêŋ jagaô lasê eŋ mala kêtiam naŋ, galic eŋ malamê  
\q2 ma gasom e katap eŋ sa atomanô.   
\b  
\q1
\v 37 Ômoa tobiŋmêgeŋ ma ôsa nêm lêŋ êndêŋgeŋ  
\q2 gebe Anôtô oc êmoasiŋ lau amboac tonaŋ.   
\q1
\v 38 Lau-secwaga samob oc sênaŋa.  
\q2 Ma lau, taŋ sêkac tauŋ su aŋga Anôtônê naŋ, nêŋ wakuc oc maleŋmê.   
\b  
\q1
\v 39 Apômtau kêtu lau gêdêŋ nêŋ ênam êsêac sa ŋamôkê  
\q2 ma kêtu nêŋ lamu ŋanô gêdêŋ noc sêpô lêna tauŋŋa.   
\q1
\v 40 Apômtau kêpuc êsêac tôŋ to gêjam êsêac kêsi.  
\q1 Eŋ gêjam êsêac kêsi gêdêŋ lau keso ma kêpuc êsêac tôŋ gebe sê lamu eŋgeŋ.  
\p \f + \fr 37:40 \ft Dawid gêga tonec.\f*   
\c 38  
\s1 Ŋac ŋasec teŋ nê mec  
\q1
\v 1 O Apômtau, aôm têmtac ŋandaŋ ma ônac aê atom.  
\q2 Têmtac êmoatiŋ tôŋ ma ôim aê atom.   
\q1
\v 2 Gebe aômnêm sôb keseŋeŋ aêgac.  
\q2 Ma lêmam kêkôniŋ aê tôŋ ŋanô.   
\b  
\q1
\v 3 Aôm têmtac ŋandaŋ kêkêŋ gêmac gêjam ôlic samucgeŋ auc.  
\q2 Aêŋoc geo gêgôm aê ôlic ŋagêŋlêlôm kêtu masê sugac.   
\q1
\v 4 Aêŋoc keso gênôm aê auc kêpi e kalêlêc môkêcapac su,  
\q2 kêkôniŋ aê tôŋ amboac gêŋ wapacsêga teŋ.   
\b  
\q1
\v 5 Kêtu aê ŋac melocŋa,  
\q2 tec ŋoc kamoc kêtu kapôêŋ e gêmôb.   
\q1
\v 6 Aê kapô gaduc gaŋgôŋ ducgeŋ.  
\q2 Aêŋoc ŋalêlôm ŋawapac ma ganôŋ kaukauc kêtôm bêc to geleŋ.   
\q1
\v 7-8 Lambic gêjac aê secanô.  
\q2 Ma gêmac gêjam aê ôlic auc.  
\q1 Kasê aoc jamêc-jamêc e tekoc gêbac.  
\q2 Ŋoc ŋalêlôm kêjamuŋ aê tec gamôêc.   
\b  
\q1
\v 9 O Apômtau, aôm kôjala gêŋ samob, taŋ gajam aoc su naŋ,  
\q2 ma gôŋô ŋoc gaeŋ oliŋ sapu atom.   
\q1
\v 10 Ŋoc ŋalêlôm ŋatutuc ŋasec. ŋaclai kêtaiŋ su aŋga aêŋoc  
\q2 ma matocanô ŋawê gêjaŋa amboac tonaŋgeŋ.   
\q1
\v 11 Ŋoc ŋac to tawaŋ sêkac tauŋ su gêdêŋ aêŋoc gêŋwapac  
\q2 ma ŋoc lasitêwai sêmoa jaêc aê.   
\b  
\q1
\v 12 Êsêac taŋ sebe senseŋ aê su naŋ, sêwa lakô aê.  
\q2 Êsêac taŋ sebe aê jambac janaŋa naŋ, sêjam kisa aêgeŋ to sêkic ŋoc biŋ kêtôm bêc to geleŋgeŋ.   
\b  
\q1
\v 13 Ma aê amboac ŋac taŋasuŋbic, naŋ gêŋô biŋ atom.  
\q2 Ma amboac ŋac awamê, naŋ gêŋa awa atom.   
\q1
\v 14 Biŋŋanô, aê katôm ŋac teŋ gêŋô biŋ atomanô  
\q2 ma awasuŋ kêpuc biŋ su tau atomanô.   
\b  
\q1
\v 15 O Apômtau, aê matoc kêsap aôm.  
\q2 O ŋoc Apômtau Anôtô, aôm oc ôjô aê aoc.   
\q1
\v 16 Aê kataŋ aôm gebe êsêac ôliŋ êpi êtu aêŋa atommaŋ.  
\q2 Embe ockaiŋ êku êpac, naŋ êsêac sêsu aê susu atommaŋ.   
\q1
\v 17 Kêdabiŋ gebe jambeŋ  
\q2 ma taêc gêjam ŋoc ŋandaŋ gedeŋ tôŋgeŋ.   
\b  
\q1
\v 18 Ojae, aê jasôm ŋoc biŋ lasê acgom,  
\q2 gebe ŋoc ŋalêlôm kêtuŋ aê kêtu ŋoc secŋa.   
\q1
\v 19 Êsêac taŋ sêkêŋ kisa aê ŋaômageŋ naŋ, nêŋ lai kêpoa.  
\q2 Ma êsêac, taŋ nêŋ ŋalêlôm kêmoatiŋ tôŋ ŋaômageŋ kêtu aêŋa naŋ, lau taêsam ŋasec.   
\q1
\v 20 Aê tec kasap biŋ ŋajam tôŋ.  
\q2 Ma êsêac sêkêŋ sec gêjô ŋajam ma sêkêŋ kisa aêgeŋ.   
\b  
\q1
\v 21 O Apômtau, ôwi aê siŋ atom.  
\q2 Ŋoc Anôtô, ômoa jaêc aê atom.   
\q1
\v 22 O ŋoc ŋacmoasiŋ Apômtau,  
\q2 mêŋônam aê sa. \f + \fr 38:22 \ft Dawidnê pesalem teŋ. Pesalem dambu tauŋŋa kêtu \f* têlêacŋa.   
\c 39  
\s1 Aêŋoc ŋac taŋ gêmoa gêŋwapac ŋalêlôm naŋ, gêbu tau  
\q1
\v 1 Aê taêc gêjam gabe jajop ŋoc lêŋ ŋapep  
\q2 ma imbeloc ênac biŋ sec teŋ atom.  
\q1 Lau sec embe sêmoa aê ŋagala,  
\q2 oc jakêŋ ŋagôliŋ êsêp aocsuŋ.   
\q1
\v 2 Amboac tonaŋ gajam tauc tôŋ ŋaŋêŋ laŋgwageŋ kakô.  
\q2 Ma ŋoc ŋandaŋ kêpôŋ aê secanô gêc lêlômgeŋ.   
\q1
\v 3 Ŋoc ŋalêlôm gêlaŋ aê gêc bôcdagi ŋalêlômgeŋ ma taêc gêjam gamoa e kêlakoc aê amboac ja kêpi gêmêŋ,  
\q2 go kapô imbeloc ŋagôliŋ su.   
\q1
\v 4 “O Apômtau, aê oc jaŋgôŋ matoc jali e êndêŋ ondoc. Oc jamac êndu êndêŋ ondoc.  
\q1 Oc jamac êndu êndêŋ ondoc.  
\q2 Ôkêŋ aê jajala tauc gebe aê gêŋ dalamatê sec.”   
\b  
\q1
\v 5 Ojae, kôsaka ŋoc bêc kêtôm samuc tageŋ wageŋ, matamanô gôlic aêŋoc bêc ŋawalaŋ ŋanô masi.  
\q2 Ŋamalac samob gêŋ ŋajaô-jaô ŋaômagoc.   
\q1
\v 6 Ŋamalac kêsa nê lêŋ kêtôm gêŋ ŋakatu teŋ. Eŋ gêŋ ŋaôma, mago gêgôm gêŋlêlôm kêtu tauŋa elêmê.  
\q2 Gêjac gêŋ sasa gedeŋ tôŋgeŋ ma asa oc êtu gêŋ tau ŋatau.   
\b  
\q1
\v 7 O Apômtau, aê oc jakêŋ matoc asa.  
\q2 Taêc kêka aôm taômgeŋgoc.   
\q1
\v 8 Ônam aê sa aŋga ŋoc sec samobmaŋ.  
\q2 Ôkêŋ lau meloc sêsu aê susu atom,   
\q1
\v 9 Aê jaŋa aoc atom, janam tauc tôŋgeŋ jamoa,  
\q2 gebe aôm gôjam gôliŋ ŋoc lêŋ tau.   
\q1
\v 10 Nêm gêŋwapac tec kêsac aê nec, ôkôc su aŋga aêŋoc,  
\q2 gebe lêmam kêkôniŋ aê tôŋ ŋanô e oc janaŋa.   
\q1
\v 11 Aôm embe ônac ŋamalac teŋ êtu nê sec ŋagêjôŋa, oc nê katu ŋajam ênaŋa êtôm abêlôŋ geŋ tau.  
\q2 Ojae, ŋamalac samob gêŋ ŋajaô-jaô ŋaômagoc.   
\b  
\q1
\v 12 O Apômtau, ôŋô ŋoc mec ma ôkêŋ taŋam ŋoc taŋi.  
\q2 Aê galiŋ matocsulu, amboac tonaŋ ônam taôm tôŋ atom.  
\q1 Gebe aê katu ŋacjaba katôm tamoci samob.  
\q2 Ma katu nêm ŋacleŋ teŋ.   
\q1
\v 13 Ôlêwaŋ aê gebe jasi aoc su acgom,  
\q2 go jaêc su e malocmê samucgeŋ. \f + \fr 39:13 \ft Dawidnê pesalem teŋ.\f*   
\c 40  
\s1 Wê lambiŋŋa  
\r (Pes 70:1-5)  
\q1
\v 1 Aê gaôŋ Apômtau to gajam aoc su eŋ,  
\q2 ma eŋ gewec mêŋkêkêŋ taŋa ŋoc taŋi.   
\q1
\v 2 Eŋ gê aê sa aŋga gêsuŋ ŋakêlêndiŋ  
\q2 to aŋga lemoŋ ŋagôlub-gôlub.  
\q1 Eŋ kêkêŋ ockaiŋ kaka poc tôŋ  
\q2 ma kêpuc ockaiŋ tôŋ kasêlêŋ ŋajaŋa.   
\q1
\v 3 Eŋ kêkêŋ wê wakuc kêsêp aocsuŋ.  
\q2 Kêdôŋ wê lambiŋŋa teŋ kêpi aêacnêŋ Anôtô.  
\q1 Lau taêsam sêlic e selendec  
\q2 e mateŋ êsap Apômtaugeŋ.   
\b  
\q1
\v 4 Aoc êôc ŋac, taŋ mata kêsap Apômtau naŋ,  
\q2 ma gêmoa gêwiŋ teŋbeleŋ aŋgeŋwaga atom to kêsa dansaŋtêna nêŋ lêŋ atom.   
\q1
\v 5 O ma Apômtau Anôtô, aôm gôgôm gêŋtalô taêsam kêtu aêacŋa.  
\q2 Ŋac teŋ kêtôm aôm gêmoa atom.  
\q1 Aôm taêm gêjam lêŋ moasiŋŋa taêsam amboac tonaŋ.  
\q2 Aê embe jawa sa to jasa sa, oc jatôm atom gebe taêsam ŋanô lasê.   
\b  
\q1
\v 6 Da sêbucŋa to da keleŋ gêjac aôm matamanô ŋajam atom, mago kômasaŋ taŋocsuŋ gobe jaŋô biŋ.  
\q2 Aôm koteŋ daja to da wama atom.   
\q1
\v 7 Amboac tonaŋ jasôm gebe “Ôlic acgom, oc jawac  
\q2 sêwa aêŋoc biŋ sa gêc biŋsu ŋabuku.   
\q1
\v 8 O ŋoc Anôtô, aê jaŋgôm aômnêm biŋ êtu tôŋ janac ŋawae.  
\q2 Nêm biŋsu gêc ŋoc ŋalêlôm.”   
\b  
\q1
\v 9 Aê kasôm aôm gôjam aêac sa ŋawae lasê aŋga lau taêsam sêkac tauŋ sa ŋalêlôm.  
\q2 O Apômtau, aôm taôm gôlicgac gebe aê kagamiŋ gêdôcôlic atom.   
\q1
\v 10 Aê gasaŋ nêm biŋ gôjam lau kêsiŋa ŋawae auc gêc ŋoc ŋalêlôm atom.  
\q2 Kasôm lasêgeŋ gebe aôm ŋac ŋaŋêŋ to gôjam lau sa.   
\b  
\q1
\v 11 O Apômtau, amboac tonaŋ ôŋgamiŋ taêm walô êndêŋ aêma atom.  
\q2 Nêm têmtac gêwiŋ teŋgeŋŋa to biŋ ŋaŋêŋ oc êkwa aê auc ŋapaŋ.   
\s1 Mec ênam saŋa  
\b  
\q1
\v 12 Gêŋwapac ŋalêlêma atom kêgi aê auc.  
\q2 Ŋac sec kêtap aê sa gêjam aucgeŋ.  
\q1 Taêsam ŋasec kêlêlêc môkêclauŋ môkêcapacŋa su,  
\q2 tec gajac kapoac tauc gacgeŋ gamoa.   
\q1
\v 13 O Apômtau, ôlic ŋajam ma ônam aê sa.  
\q2 O Apômtau, ônsaic taômgeŋ mêŋôpuc aê tôŋ.   
\q1
\v 14 Êsêac taŋ dêdib aê sebe senseŋ aê su naŋ, ôkêŋ êsêac samob majeŋ to teŋbeleŋ ŋawapac êsa.  
\q2 Ôkêŋ êsêac, taŋ sêkêŋ mateŋgeŋ sebe aê jatu sec naŋ, sêc tomajeŋgeŋ sêmu sêna.   
\q1
\v 15 Êsêac taŋ sêgôm Kec, kec kêpi aê naŋ,  
\q2 ôkêŋ êsêac têtakê tomajeŋgeŋ.   
\b  
\q1
\v 16 Ôkêŋ êsêac samob, taŋ sesom aôm naŋ,  
\q2 ôliŋ êpi to têntac ŋajam êsa êtu aômŋa.  
\q1 Ôkêŋ êsêac samob, taŋ taêŋ kêka aômnêm moasiŋ naŋ,  
\q2 sêsôm lasê endeŋ tôŋgeŋ gebe Apômtau ŋac towae.   
\b  
\q1
\v 17 O Apômtau, aê tec ŋac palê-palê to ŋac ŋalêlôm sawa jamoa naeo, mago aôm taêm gêjam aê.  
\q2 O ŋoc Anôtô, ônam gamêŋ tôŋ atom gebe ŋoc ônam-aê-sa to ôpuc-aê-tôŋwaga aômgoc.  
\p \f + \fr 40:17 \ft Dawidnê pesalem teŋ.\f*   
\c 41  
\s1 Ŋac gêmac nê mec  
\q1
\v 1 Aoc gêôc ŋac, taŋ gêjam ŋac ŋasec sa naŋ,  
\q2 gebe êndêŋ gêŋwapac ŋabec Apômtau oc ênam eŋ sa.   
\q1
\v 2 Apômtau ejop eŋ ma êwaka ênê katu sa gebe aweŋ êôc eŋ aŋga nê gamêŋ.  
\q2 Ma aôm oc ôpô eŋ ŋabênic su êndêŋ nê ŋacjo, taŋ têtu kêka-kêka eŋ naŋ atom.   
\q1
\v 3 Eŋ embe êmac jaoŋageŋ ênêc, Apômtau oc ênam malô eŋ.  
\q2 Aôm gôjam ênê gêŋwapac samob ôkwi kêtu gaô.   
\b  
\q1
\v 4 Aê kasôm gebe “O Apômtau, taêm labu aêmaŋ.  
\q2 Ômoasiŋ ŋoc katuc gebe aê gagôm geo gêdêŋ aôm.”   
\q1
\v 5 Ŋoc soŋo-soŋo sêjac jatu aê gebe  
\q2 “Êndêŋ ondoc eŋ oc êmac êndu ma nê ŋaê ênaŋa.   
\q1
\v 6 Teŋ embe êtu ŋacleŋ aê êmêŋ, oc êsôm biŋ dansaŋ. Nê ŋalêlôm ênac biŋ sec-sec sa,  
\q2 gocgo êsa awê naêsôm lasê.   
\q1
\v 7 Êsêac samob, taŋ nêŋ ŋalêlôm kêmoatiŋ tôŋ kêtu aêŋa naŋ, sêjac biŋ kesec-kesec kêtu aêŋa.  
\q2 Êsêac taêŋ gêjam biŋkalom kêpi aêgeŋ gebe   
\q1
\v 8 “Eŋ ŋac tobiŋ kaloŋ-kaloŋ sec,  
\q2 teŋ embe ênêc amboac tonaŋ, oc êndi sa êtiam atom.   
\q1
\v 9 Ŋoc ŋac mêŋbaŋ, taŋ ôlic andaŋ eŋ ma geŋ mo aŋga aêŋoc naŋ,  
\q2 tec kêkac akaiŋ sa gebe êka aê.   
\b  
\q1
\v 10 O Apômtau, taêm labu aê ma ônam aê sa êtiam,  
\q2 go jakêŋ ŋagêjô êndêŋ êsêac.   
\q1
\v 11 Ŋoc ŋacjo embe ôli êpi-êpi êtu aêŋa atom,  
\q2 go aê jajala gebe aôm gôlic aê ŋajam.   
\q1
\v 12 Aôm gôjam aê sa kêtu ŋoc biŋ masigeŋŋa  
\q2 ma kôkêŋ aê kakô aôm laŋômnêmŋa gedeŋ tôŋgeŋ.   
\b  
\q1
\v 13 Lambiŋ êndêŋ Apômtau, Israelnêŋ Anôtô  
\q2 êndêŋ galoc to endeŋ tôŋgeŋ.  
\b  
\q1 Biŋŋanô, biŋŋanôgoc.  
\p \f + \fr 41:13 \ft Dawidnê pesalem teŋ.\f*   
\c 42  
\s1 BUKU KÊTU LUAGÊCŊA  
\s1 Tanam aweŋ su Apômtauŋa  
\q1
\v 1 O Anôtô, aê aocsulu kapa aômŋa  
\q2 amboac bôcgabuŋ, taŋ awa ececgeŋ gebe ênôm bu naŋ.   
\q1
\v 2 Ŋoc katuc ŋaawasulu kêpa Anôtôŋa, kêpa kêtu Anôtô mata jaliŋa.  
\q2 Êndêŋ ondoc oc jasa najalic Anôtônê laŋôanô.   
\q1
\v 3 Galiŋ matocsulu kêtu ŋoc mo kêtôm bêc to geleŋ,  
\q2 gebe sênac aêŋoc Anôtô ôkwi kêtôm bêcgeŋ gebe Nêm Anôtô gêmoa ondoc.”   
\b  
\q1
\v 4 Jakô ŋoc ŋalêlôm ŋawapac auc atom, taêc ênam biŋ tonecgeŋ gebe gêmuŋgeŋ gawiŋ lau taêsam ma gawê êsêac gadêŋ Anôtônê andu gaja.  
\q2 Aêac awê tolasê ma toôndugeŋ aja abe akêŋ Anôtônê om.   
\q1
\v 5 O katuc tau, amboac ondoc gômoa ŋoc ŋalêlôm tobiŋ wapac ma ôluŋ-ôluŋgeŋ.  
\q2 Ôkêŋ matam Anôtô gebe aê oc janam daŋge êndêŋ eŋ, taŋ kêsa aê laŋôc sa to kêtu ŋoc Anôtô naŋ.   
\b  
\q1
\v 6 Ŋoc katuc kêpô gêducgeŋ gêmoa ŋoc ŋalêlôm. Amboac tonaŋ tec taêc gêjam aôm gamoa Jordan to lôc Hermon ŋatêpôê ŋagamêŋ tonec.  
\q2 Gaŋgôŋ lôc Misar tonec.   
\q1
\v 7 Bu ŋasamac teŋ gêmôêc biŋ gêdêŋ ŋasamac teŋ gêdêŋ taŋ kêpô kêsêp pocdambê naŋ.  
\q2 Ojae, aômnêm dembom to koteŋ samob gênôm aê aucgoc.   
\q1
\v 8 Gêdêŋ geleŋŋa gaeŋ oliŋ gebe Apômtau êkêŋ nê moasiŋ êsa ma gêdêŋ gêbêc nê wê gêc aocsuŋ  
\q2 to kateŋ ŋoc mec gêdêŋ Anôtô, taŋ kêkêŋ aê gaŋgôŋ matoc jali.   
\b  
\q1
\v 9 Aê kasôm gêdêŋ ŋoc poclabu Anôtô gebe  
\q2 “Amboac ondoc kôliŋ aê siŋ.  
\q1 Amboac ondoc gamoa togêŋwapacgeŋ.  
\q2 Ma ŋacjo kêkôniŋ aê tôŋ.”   
\q1
\v 10 Lau taŋ sêlêsu aêŋa naŋ, têtaŋ pêlê aê  
\q2 e sêjamuŋ ŋoc ŋatêkwa popoc-popocgeŋ.  
\q1 Êsêac têtaŋ pêlê aê gedeŋ tôŋgeŋ gebe  
\q2 “Nêm Anôtô gêmoa ondoc.”   
\b  
\q1
\v 11 O katuc tau, amboac ondoc gômoa ŋoc ŋalêlôm tobiŋ wapac ma ôluŋ-ôluŋgeŋ.  
\q2 Ôkêŋ matam Anôtô, gebe aê janam daŋge êndêŋ eŋ, taŋ kêsa aê laŋôc sa to kêtu ŋoc Anôtô naŋ.  
\p \f + \fr 42:11 \ft Lau Kora nêŋ wê teŋ.\f*   
\c 43  
\d (Gêjac têku pesalem 42)  
\s1 Mec Anôtô ênam aêac saŋa  
\q1
\v 1 O Anôtô, ôwaka ŋoc gêdêŋ sa ma ônam gôliŋ ŋoc biŋ  
\q2 êndêŋ lau têntac gêwiŋmê tônê ŋai.  
\q1 Ônam aê sa  
\q2 aŋga ŋamalac dansaŋ to secwaga nêŋ.   
\q1
\v 2 Aôm kêtu Anôtô, taŋ gejob aê naŋ,  
\q2 amboac ondoc kôtiŋ aê su.  
\q1 Amboac ondoc jamoa togêŋwapacgeŋ  
\q2 ma soŋo-soŋo kêkôniŋ aê tôŋ.   
\b  
\q1
\v 3 Ôsakiŋ nêm ŋawê to nêm biŋ ŋaŋêŋ  
\q2 gebe êwê aê.  
\q1 Ma ôkêŋ aê jandêŋ nêm lôc dabuŋ,  
\q2 to nêm andu, taŋ gôŋgôŋ naŋ jana.   
\q1
\v 4 Go jandêŋ Anôtônê altar jana.  
\q2 Jandêŋ Anôtô, taŋ ôlic kêpi-kêpi eŋŋa naŋ.  
\q1 O ŋoc Apômtau Anôtô,  
\q2 aê jalambiŋ aôm ŋa gêŋ wêŋageŋ.   
\q1
\v 5 O katuc tau, amboac ondoc gômoa ŋoc ŋalêlôm tobiŋ wapac  
\q2 ma ôluŋ-ôluŋgeŋ.  
\q1 Ôkêŋ matam Anôtô gebe aê janam daŋge êndêŋ eŋ,  
\q2 taŋ kêsa aê laŋôc sa to kêtu ŋoc Anôtô naŋ.   
\c 44  
\s1 Mec Anôtô ejop aêacŋa  
\q1
\v 1 O Anôtô, aêac tauŋ aŋô kêsô taŋeŋsuŋ  
\q2 ma tameŋmai sêjac aômnêm miŋ gêdêŋ aêac  
\q1 gebe gêdêŋ êsêacnêŋ bec, taŋ sêmoa naŋ, aôm gôgôm nêm gêŋsêga gêdêŋ êsêac,  
\q2 gôgôm gêdêŋ bêc andaŋgeŋŋa.   
\q1
\v 2 Aôm lêmam jagoseŋ lau samuc su ma kôkêŋ nêm lau sêŋgôŋ sêjô êsêac maleŋ.  
\q2 Aôm goseŋ tenteŋlatu su, ma kôlaiŋ êsêacgeŋ sêjam gamêŋ auc.   
\q1
\v 3 Êsêac tauŋ nêŋ siŋ kêsi gamêŋ ŋatau su atom.  
\q2 Ma êsêac tauŋ nêŋ ŋaclai kêku ŋacjo tulu atom.  
\q1 Aôm taômgeŋ nêm anôŋa to lêmam ma laŋômanô ŋawê gêgôm  
\q2 gebe aôm têmtac gêwiŋ êsêac.   
\b  
\q1
\v 4 Aôm taômgeŋ kôtu ŋoc kiŋ to Anôtô.  
\q2 Aôm kôkêŋ Jakob kêku nê ŋacjo tulu.   
\q1
\v 5 Aôm ôwiŋ aêac, go akôniŋ ma ŋacjo tôŋ.  
\q2 Aômnêm ŋaê êpuc aêac tôŋ, go aka ma ŋacjo popoc.   
\q1
\v 6 Aê kakêŋ gêwiŋ ŋoc talamgeŋ atom.  
\q2 Ma aêŋoc siŋ gêjam aê sa atom.   
\q1
\v 7 Aôm taômgeŋ tec kôpuc aêac tôŋ gêdêŋ ma ŋacjo.  
\q2 Ma gôgôm êsêac, taŋ nêŋ ŋalêlôm kêmoatiŋ tôŋ kêtu aêacŋa naŋ, nêŋ meloco kêsa.   
\q1
\v 8 Aêac atoc Anôtô sa gedeŋ tôŋgeŋ.  
\q2 Ma aweŋ gêôc nêm ŋaê ŋapaŋ.   
\b  
\q1
\v 9 Mago galoc kôtiŋ aêac su to gôgôm aêac majeŋ kêsa  
\q2 ma gôwiŋ aêacma siŋwaga atom.   
\q1
\v 10 Aôm kôpuc aêac tôŋ atom, tec aêac aêc kêtu ma ŋacjoŋa.  
\q2 Ma êsêac, taŋ nêŋ ŋalêlôm kêmoatiŋ tôŋ kêtu aêacŋa naŋ, sê ma waba êliŋ-êliŋ.   
\q1
\v 11 Aôm gôwi aêac siŋ ŋamelocŋageŋ amboac domba, taŋ sêwê gebe nasêmbuc naŋ.  
\q2 Aôm kôpa aêac êliŋ-êliŋ asêp lau samuc ŋalêlôm.   
\q1
\v 12 Aôm kôkêŋ taôm nêm lau dêdêŋ lau sêjam ôli êsêac  
\q2 ma sêkêŋ ŋaôli sauŋanô amboac êsêac gêŋ ŋaôma teŋ.   
\b  
\q1
\v 13 Aôm kôkêŋ lau, taŋ ma sackapoagêdô gêdêŋ tauŋ naŋ, têtaŋ pêlê aêac.  
\q2 Lau samob, taŋ sêgi aêac auc sêŋgôŋ naŋ, têtaŋ pêlê to sêômac aêac.   
\q1
\v 14 Aôm kôkêŋ aêac atu lau samuc nêŋ biŋ makicŋa  
\q2 ma tenteŋlatu têdaiŋ gêsuŋ kêtu aêacŋa.   
\q1
\v 15 Aê taêc gêjam ŋoc majoc gedeŋ tôŋgeŋ  
\q2 ma majoc kêkôm laŋôcanô auc.   
\q1
\v 16 Gebe gaŋô biŋ pêlêŋa to biŋ alôb-alôb  
\q2 ma galic ŋacjo seŋ anô-anô gebe sêkac nêŋ kamocgôc.   
\b  
\q1
\v 17 Aêac atap gêŋ tonaŋ ŋai samob sa,  
\q2 mago aliŋ aôm siŋ ma agôm aômnêm poac paliŋ atom.   
\q1
\v 18 Aêacma ŋalêlôm kêkac tau su aŋga aômnêm atom.  
\q2 Ma aêac eŋkaiŋ geo gala aômnêm intêna atom.   
\q1
\v 19 Mago aôm kôkêŋ kêam sec saleŋŋa sêŋac aêac popoc  
\q2 ma gêsuŋbôm gêjam aêac auc.   
\b  
\q1
\v 20 Aêac embe aliŋ ma Anôtô siŋ  
\q2 ma aôc lemeŋ sa êndêŋ anôtô jaba teŋ,   
\q1
\v 21 eŋ oc êtap biŋ amboac tonaŋ sa atom me.  
\q2 Gebe eŋ tec kêjala gêŋ samob, taŋ aêac ajala gêc ma ŋalêlôm ŋadim labusêga teŋ naŋ.   
\q1
\v 22 Masigoc, sêjaiŋ aêac kêtôm bêcgeŋ kêtu aômŋa.  
\q2 Ma sêgôm aêac atôm bôc, taŋ sebe sêmbuc naŋ.   
\b  
\q1
\v 23 O Apômtau, matam êpoamaŋ. Gôêc bêc kêtu asageŋŋa.  
\q2 Matam êlac ma ômasuc aêac endeŋ tôŋgeŋ atom.   
\q1
\v 24 Gôsaŋ laŋômanô auc, o wageŋ.  
\q2 Ma kôliŋ aêacma gêŋwapac to aŋgôŋ jageoŋa siŋ.   
\b  
\q1
\v 25 Ojae, ma katuŋ kêpô gêduc e geŋ kekop laŋgwageŋ.  
\q2 Aêacma ôliŋ kêtap labôc jagêc.   
\q1
\v 26 Ôndi, mêŋônam aêac samaŋ.  
\q2 Ônam aêac sa êtu nêm têmtac gêwiŋ teŋgeŋŋa.  
\p \f + \fr 44:26 \ft Lau Kora nêŋ wê teŋ.\f*   
\c 45  
\s1 Kiŋ gêjam awê ŋawê  
\q1
\v 1 Biŋ êjam-êjam kêôliŋ kêpi aŋga aêŋoc ŋalêlôm tec gebe ênsêwa êsa. Amboac tonaŋ jansuŋ ŋoc wê êndêŋ kiŋ.  
\q2 Imbeloc kêtôm ŋac lêmagaôŋa keto kêlêpê.   
\b  
\q1
\v 2 Aôm laŋômanô ŋajam kêlêlêc ŋamalac samob, taŋ sêŋgôŋ nom naŋ, nêŋ su. Gêdômôlic e têtac kêsa laŋgwageŋ.  
\q2 Amboac tonaŋ tec Anôtô gêjam mec aôm gedeŋ tôŋgeŋ.   
\q1
\v 3 O ŋactêkwa, ôjandiŋ nêm siŋ êŋkaleŋ magim.  
\q2 Nêm laukasap e ŋawasi laŋgwageŋ.   
\b  
\q1
\v 4 Ajôc, ŋac tau, ônac siŋ taumaŋ. Ôŋgôm êtu biŋŋanôŋa to ôpuc biŋgêdêŋ tôŋ.  
\q2 Ma lêmam anôŋa êwaka nêm ŋaclai kapôêŋ sa.   
\q1
\v 5 Aômnêm sôb ŋamatagosu keseŋeŋ kiŋnê ŋacjo nêŋ nipkalop tôŋ  
\q2 ma tenteŋlatu samob sêu tauŋ jasêc amkaiŋ ŋalabu.   
\b  
\q1
\v 6 Aômnêm lêpôŋ, taŋ Anôtô kêpuc tôŋ naŋ, êkô teŋgeŋ to teŋgeŋ.  
\q2 Aôm gôjam gôliŋ nêm lau ŋa biŋgêdêŋ.   
\q1
\v 7 Aôm têmtac gêwiŋ biŋgêdêŋ ma nêm ŋalêlôm kêmoatiŋ tôŋ kêtu biŋ alôb-alôbŋa.  
\q2 Amboac tonaŋ Anôtô, taŋ kêtu nêm Anôtô naŋ, geŋ oso aôm ŋa niptêkwi têntac ŋajamŋa e kôlêlêc samob su.   
\q1
\v 8 Lakisia to môsê ma samboa ŋamalu kêsa aŋga nêm ŋakwê.  
\q2 Êsêac sêjam wê sêŋgôŋ andu, taŋ sêgêlôŋ ŋa bôc ŋajabo naŋ, e gêgôm aôm têmtac ŋajamanô.   
\q1
\v 9 Kiŋ latuŋio sêmoa sêwiŋ lauo ŋagêdô aŋga nêm andu.  
\q2 Ma nêm awê togêlôŋ gold Opirŋageŋ kêkô aômnêm anôŋa.   
\b  
\q1
\v 10 O latucoenec, matam ê aê ma ôkêŋ taŋam ŋoc biŋ.  
\q2 Ôliŋ nêm lau to tamamnê andu siŋ.   
\q1
\v 11 Ma embe kiŋ têtac êkac eŋ êtu aôm laŋômanô ŋajamŋa,  
\q2 naŋ ôkêŋ êwiŋgeŋ gebe eŋ kêtu nêm ŋatau.   
\q1
\v 12 Lau Tirusŋa oc sênsuŋ awa êndêŋ aôm.  
\q2 Ma lau tolêlôm oc têtu kêka-kêka gebe aôm ôlic êsêac ŋajam.   
\b  
\q1
\v 13 Kiŋ latuo gêmoa andu kiŋŋa ŋalêlôm togêlôŋ ŋawasi laŋgwageŋ.  
\q2 Ênê ŋakwê sêwa gam gold gêwiŋ.   
\q1
\v 14 Êsêac sêwê eŋ, taŋ kêsô ŋakwê talô-talô sa naŋ, dêdêŋ kiŋ sêja.  
\q2 Ma sêwê ênê sakiŋwagao toôŋgeŋ dêdêŋ kiŋ sêja amboac tonaŋgeŋ.   
\q1
\v 15 Sêjam lasê ma sêwê êsêac toôndugeŋ  
\q2 ma jasêsô kiŋnê andu ŋalêlôm sêja.   
\b  
\q1
\v 16 Aôm ôtap latômi taêsam sa, taŋ sêjô tamami su naŋ.  
\q2 Aôm oc ôkêŋ êsêac têtu kasêga aŋga gamêŋ samob.   
\q1
\v 17 Aê oc jakêŋ lau wakuc ŋamuŋa samob taêŋ ênam aôm ŋapaŋ.  
\q2 Amboac tonaŋ tenteŋlatu aweŋ êôc aôm teŋgeŋ to teŋgeŋ.  
\p \f + \fr 45:17 \ft Lau Kora nêŋ wê têntac gêwiŋ tauŋŋa teŋ.\f*   
\c 46  
\s1 Anôtô kêtu nêŋ lamu to ŋaclai  
\q1
\v 1 Anôtô kêtu nêŋ lamu to ŋaclai.  
\q2 Eŋ gêjam aêac sa gêdêŋ daŋgôŋ jageoŋa gêjac ŋawae.   
\q1
\v 2 Amboac tonaŋ embe nom ênaŋa ma lôc êu tau êsêp gwêc êna,  
\q2 naŋ aêac tatêc tauŋ atom.   
\q1
\v 3 Embe gwêc ŋadindiŋ  
\q2 ma êŋgasim e ê kapic-kapic naêpi lôc e êkôtêŋ tau, naŋ aêac tatêc tauŋ atom.  
\q1 Lau siŋ undambêŋa nêŋ Apômtau kêpuc aêac tôŋ  
\q2 Jakobnê Anôtô kêtu aêacnêŋ laimôkê.   
\b  
\q1
\v 4 Bu kapôêŋ tec kêpoac ma ŋasêli kêmalôm Anôtônê malac  
\q2 to kêmoasiŋ Lôlôc Ŋatau nê andu dabuŋ.   
\q1
\v 5 Anôtô tec gêmoa malac tau ŋaluŋgeŋ, tec senseŋ su ênaŋa atom.  
\q2 Anôtô gêjam malac tau sa gêdêŋ bêbêc kanucgeŋ.   
\q1
\v 6 Tenteŋlatunêŋ lai kêpoa ma kiŋnêŋ gamêŋ kêku,  
\q2 eŋ kêkêŋ nê wapap gêjac e nom kêtênêp.   
\b  
\q1
\v 7 Lau siŋ undambêŋa nêŋ Apômtau kêpuc aêac tôŋ.  
\q2 Jakobnê Anôtô kêtu aêacnêŋ laimôkê.   
\b  
\q1
\v 8 Amêŋ ma alic Apômtaunê gêŋsêga.  
\q2 Alic gêŋ kaiŋ teŋ, taŋ gêgôm aŋga nom naŋ.   
\q1
\v 9 Ŋac tonaŋ tec gêjam gôliŋ siŋ e gêdêŋ nom ŋamadiŋ.  
\q2 Ŋac tonaŋ tec gêjac talam ŋatikoc gêŋgic to kêmadôm kêm tulu ma kêkêŋ kareta siŋŋa ja geŋ su.   
\q1
\v 10 “Gamêŋ ŋaŋêŋ êsa ma ajala gebe Apômtau aê taugeŋ.  
\q2 Tenteŋlatu tetoc aê sa ma lau aŋga nom samob amboac tonaŋgeŋ.”   
\b  
\q1
\v 11 Lau siŋ undambêŋa nêŋ Apômtau kêpuc aêac tôŋ.  
\q2 Jakobnê Anôtô kêtu aêacnêŋ lai môkê.  
\p \f + \fr 46:11 \ft Lau Kora nêŋ wê teŋ.\f*   
\c 47  
\s1 Anôtô kêtu lau nomŋa samob nêŋ kiŋ  
\q1
\v 1 O tenteŋlatuac, amakop lemem,  
\q2 anam lasê Anôtô toôndugeŋ.   
\q1
\v 2 Lôlôc Ŋatau Anôtô eŋ ŋacsiŋsêlêcsêga,  
\q2 kiŋ ŋaclai tec gêjam gôliŋ nom samucgeŋ.   
\q1
\v 3 Eŋ kêkôniŋ tenteŋlatu tôŋ sêsô aêac ŋalabu.  
\q2 Ma kêkêŋ aêac tajam gôliŋ lau to-m-to-m.   
\q1
\v 4 Eŋ kêjaliŋ aêacnêŋ nomlênsêm sa,  
\q2 Jakob, taŋ eŋ têtac gêwiŋ naŋ, nê gêŋ towae.   
\q1
\v 5 Anôtô kêpi gêja toôndugeŋ.  
\q2 Dauc gêwê Apômtau toaligeŋ kêpi gêja.   
\q1
\v 6 Awem êôc Anôtô, awem êôcmaŋ.  
\q2 Awêm êôc aêacnêŋ kiŋ, awem êôcmaŋ.   
\q1
\v 7 Gebe Anôtô kêtu nom samucgeŋ ŋakiŋ  
\q2 Amboac tonaŋ anam ênê wê totalô ŋajam teŋ.   
\q1
\v 8 Anôtô kêtu lau samuc nêŋ kiŋ.  
\q2 Anôtô kêpôŋ tau sic gêŋgôŋ nê lêpôŋ dabuŋ.   
\q1
\v 9 Tenteŋlatunêŋ kasêga sêkac tauŋ sa  
\q2 kêtôm Abrahamnê Anôtô nê lau,  
\q1 gebe nom tau ŋagôliŋwaga sêsô Anôtô ŋalabu,  
\q2 gebe eŋ kêtu ŋatau towaegac. \f + \fr 47:9 \ft Lau Kora nêŋ wê teŋ.\f*   
\c 48  
\s1 Anôtônê malac ŋawê  
\q1
\v 1 Apômtau eŋ ŋac kapôêŋ, amboac tonaŋ aweŋ eoc eŋ ŋanô  
\q2 aŋga aêacnêŋ Anôtônê malac.   
\q1
\v 2 Ênê lôc dabuŋ gêguŋ sa laŋgwageŋ  
\q2 kêtu ŋamalac samob nêŋ gêŋ ênac mateŋanô ŋajamŋa.  
\q1 Anôtônê lôc tau tec lôc Sion  
\q2 kiŋ kapôêŋ nê malac.   
\q1
\v 3 Anôtô kêwaka tau sa aŋga êsêacnêŋ andulêlôm  
\q2 gebe eŋ laimôkê.   
\b  
\q1
\v 4 Gôlicgac me, kiŋ sêkac tauŋ sa  
\q2 ma êsêac sêwêgeŋ sêmêŋ,   
\q1
\v 5 e sêlic ma têtakê.  
\q2 Êsêac selendec e nêŋ meloco kêsa ma sêc êliŋ-êliŋ   
\q1
\v 6 ma têtênêp tauŋ êndu-êndu  
\q2 to sêmoa jageo amboac awê, taŋ ŋapalê kêtuŋ eŋ naŋ.   
\q1
\v 7 Aôm kôkêŋ musalô kapôêŋ  
\q2 e gôjac lau Tarsis nêŋ waŋ popoc.   
\b  
\q1
\v 8 Galoc talic gêŋ tau kêtôm, taŋ taŋô naŋ,  
\q2 aŋga lau siŋ undambêŋa nêŋ Apômtau nê malac,  
\q1 aŋga nêŋ Anôtô nê malac,  
\q2 taŋ eŋ kêwaka sa gebe êkô endeŋ tôŋgeŋ.   
\b  
\q1
\v 9 O Anôtô, aêac taêŋ gêjam aômnêm têmtac gêwiŋ teŋgeŋŋa  
\q2 amoa nêm lôm dabuŋ ŋalêlôm.   
\q1
\v 10 O Anôtô, aôm waem kêsa e jagêdêŋ nom ŋamadiŋ kêtôm nêm ŋaê.  
\q2 Biŋgêdêŋ kêsêp lêmam anôŋa e mêŋgêc poap tageŋ.   
\q1
\v 11 Lôc Sion êtu samuc êtu biŋ tonaŋŋa.  
\q2 Juda latuŋio sênam lasê toôndugeŋ êtu aôm kômêtôc biŋŋa.   
\b  
\q1
\v 12 Asêlêŋ awê aŋgi lôc Sion auc  
\q2 ma asa ŋaandulatu tuŋbômŋa sa.   
\q1
\v 13 Asala tuŋbôm tomalageŋ e êmbacnê ma asêlêŋ amoa ŋaandu towae ŋalêlôm,  
\q2 gebe anac miŋ êndêŋ lau wakuc sêŋô,   
\q1
\v 14 gebe Anôtô tonaŋ kêtu aêacnêŋ Anôtô êmoa teŋgeŋ to teŋgeŋ.  
\q2 Eŋ oc êwê aêac endeŋ tôŋgeŋ.  
\p \f + \fr 48:14 \ft Lau Kora nêŋ wê teŋ.\f*   
\c 49  
\s1 Taeŋ kêka awamata atom gebe geŋ ŋaôma  
\q1
\v 1 Tenteŋlatu samob, aŋô biŋ tonec.  
\q2 Amac lau, taŋ aŋgôŋ nom samob auc naŋ, akêŋ taŋemmaŋ.   
\q1
\v 2 Amac lau ŋaôma latuŋi to apômtau latuŋiac,  
\q2 amac lau tolêlôm ma lau ŋalêlôm sawa amboac tonaŋgeŋ.   
\q1
\v 3 Aocsuŋ êsôm mêtê lasê  
\q2 ma ŋoc ŋalêlôm taê ênam biŋ tokauc acgom.   
\q1
\v 4 Aê jaê taŋoc êndêŋ biŋgôliŋ laŋgwa  
\q2 ma jawa ŋam sa to janac gêŋ wêŋa êtaŋ.   
\b  
\q1
\v 5 Êndêŋ bêc wapacŋa embe ŋacjo nêŋ biŋ alôb-alôb êkôm aê auc,  
\q2 naŋ jatêc tauc êtu ageŋŋa.   
\q1
\v 6 Lau sec taêŋ kêka nêŋ awageŋ  
\q2 to tetoc tauŋ sa kêtu nêŋ waba taêsamŋa.   
\q1
\v 7 Ŋamalac teŋ êkêŋ gêŋ ênac da tau êŋgôm êtôm atom  
\q2 ma eŋ êkêŋ ŋaôli êsi tau suŋa êndêŋ Anôtô oc êŋgôm naeo amboac tonaŋgeŋ.   
\q1
\v 8 Gebe katuŋ ŋaôli (gebe tamoa mateŋ jali ŋaôli) kapôêŋ secsêga,  
\q2 ŋac teŋ êtap sa êtôm atomanô.   
\q1
\v 9 Eŋ embe taê ênam gebe ênac da tau e êmoa mata jaligeŋ ma êsêp sê atom  
\q2 oc êŋgôm êtôm atomanô.   
\b  
\q1
\v 10 Aêac talicgac gebe laumêtê sêmac êndu ma lau meloc to kaucmê sêjaŋa amboac tonaŋgeŋ.  
\q2 Ma êsêac oc sêwi nêŋ waba siŋ naelom lau teŋ sêkôc.   
\q1
\v 11 Lau tonaŋ sê nêŋ ŋaê kêpi nom ŋagamêŋ ŋagêdô,  
\q2 mago nêŋ sê kêtu nêŋ malacmôkê, kêtu nêŋ andu totêm-totêm.   
\q1
\v 12 Biŋŋanô, ŋamalac tonê gêlôŋgeŋ, tec êmoa nê teŋgeŋ atom.  
\q2 Eŋ kêtôm bôc, taŋ ênaŋa naŋ.   
\b  
\q1
\v 13 Lau taŋ taêŋ kêpa tauŋ su naŋ,  
\q2 ma êsêac, taŋ sêkêŋ gêwiŋ êsêacnêŋ biŋ ma oc têndaŋguc êsêac naŋ, nêŋ lêŋ kêtôm tonaŋgeŋ.   
\q1
\v 14 Êsêac têdênaŋ tauŋ têtôm domba gebe lamboam gêwê kaiŋ êsêac.  
\q2 Gêmac anô kêtu nêŋ ŋacgejob.   
\q1
\v 15 Ma Anôtô oc ênam ŋoc katuc kêsi aŋga lamboam ŋaŋaclai  
\q2 gebe eŋ oc ênam aê kêsi.   
\b  
\q1
\v 16 Amboac tonaŋ embe ôlic ŋac teŋ nê awa êtu taêsam  
\q2 ma nê andu ŋagêŋlêlôm ênsac tau ŋaô-ŋaô, naŋ têmtac sec atom,   
\q1
\v 17 gebe eŋ embe êmac êndu, oc êkôc gêŋ samob tonaŋ ŋai ŋateŋ êna atom.  
\q2 Ênê gêlôŋ ŋawasi oc êwiŋ eŋ êna atom.   
\q1
\v 18 Eŋ embe êlambiŋ tau gebe êmoa ŋajam aŋga nom  
\q2 ma lau embe sêlambiŋ eŋ gebe kêtap nê kôm ŋanô taêsam sa,   
\q1
\v 19 oc ênam eŋ sa atom, eŋ naêndêŋ tamai to nêŋ lau ŋanô,  
\q2 taŋ sêlic oc ŋawê kêtiam atom naŋ.   
\q1
\v 20 Biŋŋanô, ŋamalac tonê gêlôŋ oc êmoa teŋgeŋ atom.  
\q2 Eŋ kêtôm bôc, taŋ ênaŋa naŋ.  
\p \f + \fr 49:20 \ft Lau Kora nêŋ wê teŋ.\f*   
\c 50  
\s1 Anôtô eŋ mêtôcwaga  
\q1
\v 1 Ŋaniniŋ Ŋatau Apômtau Anôtô gêmôêc gêdêŋ nom ma kêsôm nê biŋ  
\q2 aŋga oc kêpiŋa jagêdêŋ oc kêsêpŋa.   
\q1
\v 2 Anôtônê ŋawê kêpoac lasê aŋga Sion,  
\q2 taŋ kêtu malac togêlôŋsêga naŋ.   
\b  
\q1
\v 3 Aêacnêŋ Anôtô gêmêŋ togamêŋ gêmacgeŋ atom.  
\q2 Ja kêdaŋgac-kêdaŋgac gêmuŋ eŋ kêsêp gamêŋ kêlaŋgaŋ.   
\q1
\v 4 Eŋ gêmôêc gêdêŋ undambê ôŋa ma gêdêŋ lau nomŋa,  
\q2 gebe êmêtôc nê lau.   
\q1
\v 5 Eŋ kêsôm gebe “Akac ŋoc lau-mansaŋwaga,  
\q2 taŋ sêkêŋ da sêmoatiŋ poacŋa gêdêŋ aê naŋ, sa sêmêŋ.”   
\q1
\v 6 Tec undambê êsôm ênê biŋ gêdêŋ lasê  
\q2 gebe Anôtô tau eŋ mêtôcwaga.   
\b  
\q1
\v 7 “O ŋoc lau, akêŋ taŋem aê gabe jasôm biŋ.  
\q2 O Israel tau, aê gabe jawa nêm keso, taŋ gôwê kaiŋ naŋ lasê. Anôtô, aômnêm Anôtô aê.   
\q1
\v 8 Aê gabe jasôm aôm êtu nêm daŋa atom  
\q2 gebe matocanô galic nêm daja gedeŋ tôŋgeŋ.   
\q1
\v 9 Aê gabe jakôc bulimakao kapoac aŋga nêm andu  
\q2 to noniŋ kapoac aŋga nêm sapalêlôm atom,   
\q1
\v 10 gebe gwada saleŋŋa samob  
\q2 to bôc tokaiŋ-tokaiŋ, taŋ sêmoa lôc tolôc naŋ, ŋatau aê.   
\q1
\v 11 Moc samob, taŋ sêmoa lôlôc naŋ, aê kajala kêtu tôŋ  
\q2 ma gêŋ, taŋ sêmoa obalêlôm naŋ, ŋatau aê.   
\b  
\q1
\v 12 “Mo embe êjô aê, oc jasôm êndêŋ aôm atom,  
\q2 gebe nom samucgeŋ to ŋagêŋlêlôm samob ŋatau aê.   
\q1
\v 13 Aê oc gaeŋ bulimakao ŋamêsôm  
\q2 me oc ganôm noniŋ ŋadec me.   
\q1
\v 14 Ôkêŋ daŋge êtu da êndêŋ Apômtau,  
\q2 ma ôŋgôm biŋ, taŋ gôjac mata naŋ, ŋanô êsa êndêŋ Lôlôc Ŋatau.   
\q1
\v 15 Ma awam ênac aê êndêŋ bêc ôpô lênaŋa,  
\q2 go janam aôm sa ma awam êôc aê.”   
\b  
\q1
\v 16 Mago Apômtau kêsôm gêdêŋ ŋac-kêkac-tau-suwaga gebe  
\q2 “Amboac ondoc aôm kôsa aêŋoc biŋsu sasa ma aêŋoc poac ŋabiŋ gêc awamgeŋ.   
\q1
\v 17 Aôm tonaŋ tec godec ŋoc mêtôc  
\q2 ma kôtiŋ ŋoc biŋ su gêc dêmôêmmuŋa.   
\q1
\v 18 Embe ôtap geŋgeŋtêna teŋ sa, oc wê eŋ êtu nêm sêlêb  
\q2 ma mockaiŋtêna êtu nêm ŋac ôlim andaŋŋa.   
\b  
\q1
\v 19 “Aôm kôlêwaŋ awamsuŋ gêdêŋ biŋ sec  
\q2 ma imbêlam geno-geno biŋdansaŋ ŋapaŋgeŋ.   
\q1
\v 20 Aôm gôŋgôŋgeŋ ma kôgôliŋ biŋ kêpi lasim  
\q2 to gôga biŋ kêpi taôm tênam latu,   
\q1
\v 21 Aôm gôgôm gêŋ tonaŋ ŋai, mago aê gajam tauc tôŋ, tec taêm gêjam gebe aê katôm aôm.  
\q2 Tageŋ galoc jaec biŋ aôm gebe jawa nêm kauc sa.   
\b  
\q1
\v 22 “Amac taŋ aliŋ Anôtô siŋ naŋ, taêm ênam biŋ tonaŋ acgom.  
\q2 Embe masi, oc janseŋ amac su anaŋa ma ŋac teŋ êtôm gebe ênam amac sa atomanô.   
\q1
\v 23 Ŋac taŋ êkêŋ daŋge êtu da naŋ, etoc aê sa  
\q2 ma ŋac, taŋ êsa nê lêŋ laŋônêm sawageŋ naŋ, oc jakêŋ eŋ êlic Anôtônê moasiŋ.”  
\p \f + \fr 50:23 \ft Asapnê pesalem teŋ.\f*   
\c 51  
\s1 Mec Anôtô êsuc sec ôkwiŋa  
\q1
\v 1 O Anôtô, taêm walô aê gebe aôm ŋac moasiŋ.  
\q2 Aôm taêm walô ŋatau kapôêŋ, onseŋ aêŋoc sec su.   
\q1
\v 2 Ôkwasiŋ ŋoc tôp su  
\q2 ma ômbuŋ ŋoc geo su e jatu selec.   
\b  
\q1
\v 3 Gebe aê tauc kajala ŋoc kesogac  
\q2 ma matoc gê ŋoc geo gedeŋ tôŋgeŋ.   
\q1
\v 4 Aê gagôm sec gêdêŋ aôm taômgoc  
\q2 ma gagôm gêŋ, taŋ aôm gôlic gebe sec naŋ.  
\q1 Tec kômêtôc aê jagêdêŋ  
\q2 ma nêm mêtôc tau solop.   
\q1
\v 5 Ojae, tinoc kêkêkam aê tobiŋgeŋ  
\q2 ma kêkôc aê tosecgeŋ.   
\b  
\q1
\v 6 Aôm gobe biŋŋanô ênam ŋamalacnêŋ ŋalêlôm auc,  
\q2 amboac tonaŋ ôwa mêtê tokauc ŋabiŋ ŋalêlômŋa sa êndêŋ aê.   
\q1
\v 7 Ônsêlô ŋoc geo su tomalageŋ gebe jatu selec.  
\q2 Ôkwasiŋ aê gebe ŋakêŋkêŋ laŋgwageŋ.   
\q1
\v 8 Ôkêŋ aê jatu samuc to têtac ŋajam êsa  
\q2 ma ôlic, taŋ gôjac popoc naŋ, ôli êpi-êpi êtiam.   
\q1
\v 9 Ônsaŋ laŋômanô auc êndêŋ ŋoc sec  
\q2 ma ômbuŋ aêŋoc geo samob su.   
\b  
\q1
\v 10 O Anôtô, ôkêŋ ŋoc ŋalêlôm ŋawa êsa  
\q2 ma ôkêŋ ŋalau wakuc to ŋaŋêŋ teŋ êŋgôŋ ŋoc ŋalêlôm.   
\q1
\v 11 Ôtiŋ aê su aŋga laŋômnêm atom  
\q2 ma ôkôc nêm Ŋalau Dabuŋ su aŋga aê atom.   
\q1
\v 12 Ôkêŋ nêm moasiŋ êŋgôm aê têtac ŋajam êsa êtiam  
\q2 ma ôpuc aê tôŋ ŋa ŋalau taŋoc wamuŋa.   
\q1
\v 13 Go aê jandôŋ aômnêm biŋ êndêŋ lau, taŋ sêgêli aômnêm biŋ sêmoa naŋ,  
\q2 ma lau sec sênam tauŋ ôkwi dêndêŋ aôm sêmu sêwac êtiam.   
\b  
\q1
\v 14 O Anôtô, ŋoc moasiŋ ŋaAnôtô, ônam aê sa gebe jamac êndu atom,  
\q2 go imbeloc êôc aôm sa toôndugeŋ gebe aôm ŋac gêdêŋ.   
\b  
\q1
\v 15 O Apômtau, ondelec gêdôcôlic  
\q2 gebe aocsuŋ jasôm aôm waem lasê   
\q1
\v 16 gebe da gêjac matamanô ŋajam atom  
\q2 ma embe jansuŋ daja êwac, aôm oc ôlic ŋajam atom.   
\q1
\v 17 Da taŋ gêjac Anôtô mataanô ŋajam naŋ, katuŋ popoc.  
\q2 O Anôtô, laŋôm eo ŋalêlôm popoc to ôluŋ-ôluŋ atom.   
\b  
\q1
\v 18 Moasiŋ ŋatau aôm, ômoasiŋ Siongeŋ.  
\q2 Ômboa tuŋbôm Jerusalemŋa sa êtiam.   
\q1
\v 19 Go da ŋanô to daja ma da samuc ênac matamanô ŋajam,  
\q2 go sêkêŋ bulimakao kapoac wacênsac nêm altar ŋaô.  
\p \f + \fr 51:19 \ft Dawidnê pesalem gêga gêdêŋ eŋ gêmoa gêwiŋ Baseba ma \f* propete Natan gêdêŋ eŋ gêja. Pesalem dambu tauŋŋa kêtu aclêŋa.   
\c 52  
\s1 Anôtônê mêtôc to moasiŋ  
\q1
\v 1 O ŋaclaisêga aôm, kotoc taôm sa nêm secŋa kêtu ageŋŋa.  
\q2 Anôtônê têtac gêwiŋ teŋgeŋŋa gêc gedeŋ tôŋgeŋ.   
\q1
\v 2 Aôm kalomtêna, taêm gêjam imbêlam ŋabiŋgêga  
\q2 e wai-waiôma.   
\q1
\v 3 Aôm têmtac gêwiŋ sec kêlêlêc ŋajam su  
\q2 ma têmtac gêwiŋ biŋ dansaŋ kêlêlêc biŋŋanô su.   
\q1
\v 4 Aôm imbêlam dansaŋ.  
\q2 Têmtac gêwiŋ biŋ alôb-alôb ŋaôma.   
\b  
\q1
\v 5 Amboac tonaŋ Anôtô oc enseŋ aôm su ônaŋa samucgeŋ. Eŋ oc êtiŋ to enseŋ aôm su aŋga nêm beclêlôm  
\q2 ma oc êkip aôm sa aŋga lau mateŋ jali nêŋ gamêŋ.   
\q1
\v 6 Lau gêdêŋ oc sêlic e têtêc tauŋ  
\q2 ma sêômac aôm gebe   
\q1
\v 7 “Kec, alic ŋac tônê kêkêŋ Anôtô kêtu nê lamu atom.  
\q2 Kêkêŋ gêwiŋ nê awa taêsam ma gêjam kauc gebe sec êpuc eŋ tôŋ.”   
\b  
\q1
\v 8 Ma aê tec katôm katêkwi ŋawawa ŋajam  
\q2 kakô Anôtônê andu.  
\q1 Aê taêc kêka Anôtônê têtac gêwiŋ teŋgeŋŋa  
\q2 gedeŋ tôŋgeŋ.   
\q1
\v 9 Aê oc janam daŋge aôm endeŋ tôŋgeŋ êtu nêm gêŋ, taŋ gôgôm naŋŋa  
\q2 ma jatoc nêm ŋaê sa êndêŋ lau mansaŋ sêŋô gebe aôm gabêjam.  
\p \f + \fr 52:9 \ft Dawidnê wê teŋ. Gêga gêdêŋ taê ŋac Edomŋa Doeg \f* mêŋkêtêku biŋ gêdêŋ Saul gebe Dawid kêsô Abimeleknê andu gaja naŋ.   
\c 53  
\s1 Ŋamalacnêŋ sec  
\r (Pes 14:1-7)  
\q1
\v 1 Lau meloc tec nêŋ ŋalêlôm kêsôm gêdêŋ tauŋ gebe “Anôtô teŋ gêmoa atomanô.”  
\q2 Êsêac sêgôm gêŋ sec to alôb-alôb ma nêŋ teŋ gêgôm gêŋ ŋajam teŋ atom.   
\b  
\q1
\v 2 Apômtau katuc kêniŋ ŋamalac latuŋi aŋga undambê  
\q2 gebe êtap ŋac tokauc teŋ, taŋ kêtêc Anôtô naŋ, sa gamoa me masi.   
\q1
\v 3 Mago samob sêkac tauŋ su, samob têtu secŋageŋ.  
\q2 Êsêacnêŋ teŋ gêgôm gêŋ ŋajam teŋ atom, masi samucgeŋ.   
\b  
\q1
\v 4 Lau secwaga samob nêŋ kauc gêbôc me. Êsêac têdaŋgôŋ ŋoc lau amboac seŋ mo  
\q2 ma êsêac aweŋ gêjac Apômtau atom.   
\b  
\q1
\v 5 Mago êsêac têtakê ŋasec kêtôm têtakê teŋ gêmuŋ su atomanô  
\q2 gebe Anôtô kêsa nêm ŋacjo nêŋ ŋatêkwa saliŋ-saliŋgeŋ.  
\q1 Eŋ oc êku êsêac tulu samucgeŋ  
\q2 gebe eŋ kêtiŋ êsêac su.   
\b  
\q1
\v 6 Ojae, moasiŋ ênam Israel saŋa mêŋêsa aŋga Sion ecmaŋ.  
\q2 Êndêŋ taŋ Apômtau êmoasiŋ nê lau êtiam naŋ, Jakob oc êtu samuc, ma Israel oc têtac ŋajam êsa.  
\p \f + \fr 53:6 \ft Dawidnê pesalem teŋ.\f*   
\c 54  
\s1 Anôtô ênam aêac sa êndêŋ nêŋ ŋacjo ŋamec  
\q1
\v 1 O Anôtô, ôkêŋ nêm ŋaê ênam aê sa  
\q2 ma nêm ŋaclai êwaka ŋoc biŋgêdêŋ sa.   
\q1
\v 2 O Anôtô, ôkêŋ taŋam ŋoc mec.  
\q2 Wê taŋam êndêŋ aocsuŋ ŋabiŋ,   
\q1
\v 3 gebe lau jaba tetoc tauŋ sa gêdêŋ aê ma ŋaclaikoc têtu kêka-kêka sebe senseŋ katuc su.  
\q2 Êsêac sêsa Anôtô laŋô sa atom.   
\b  
\q1
\v 4 Aê galicgac, Anôtô kêtu ŋoc gêjam-aê-sawaga.  
\q2 Apômtau kêpuc katuc tôŋ ŋajaŋa.   
\q1
\v 5 Sec taŋ aêŋoc ŋacjo sêgôm naŋ, naêpi êsêac tauŋ.  
\q2 Onseŋ êsêac su gebe aôm ŋac ŋaŋêŋ.   
\b  
\q1
\v 6 Go aê jansuŋ ŋoc da êndêŋ aôm totêtac ŋajamgeŋ.  
\q2 O Apômtau, aê gabe aoc êôc nêm ŋaê gebe gabêjam ŋanô,   
\q1
\v 7 gebe aôm kôjaŋgo aê su aŋga gêŋwapac samob  
\q2 ma matocanô galic ŋoc ŋacjo e têtac ŋajam gebe sênaŋagac.  
\p \f + \fr 54:7 \ft Dawidnê pesalem teŋ, gêga gêdêŋ taŋ lau Sipit dêdêŋ \f* Saul sêja ma sêsôm gebe Dawid kêsiŋ tau gêmoa êsêacnêŋ gamêŋ.   
\c 55  
\s1 Ŋac teŋ keteŋ nê mec kêtu nê ŋac jabaŋ kêkac tau su aŋga ênê  
\q1
\v 1 O Anôtô, ôkêŋ taŋam ŋoc mec  
\q2 ma ôsiŋ taôm êndêŋ ŋoc taŋiboa atom.   
\q1
\v 2 Ôŋô aê ma ôjô aêŋoc biŋ.  
\q2 Aê gaeŋ oliŋ tauc ma gao toŋoc gêŋwapacgeŋ,   
\q1
\v 3 kêtu ŋacjonêŋ ŋaonda  
\q2 ma kêtu lau, taŋ sêkac tauŋ su aŋga Anôtônê nêŋ ŋaôndu,  
\q1 gebe êsêac sêgôliŋ gêŋwapac kêpi aê  
\q2 ma sêkêŋ kisa aê ŋawaôboa.   
\b  
\q1
\v 4 Ŋoc ŋalêlôm ŋatutuc ŋasec gêc ŋoc waŋlêlôm.  
\q2 Gêmacanô gêgôm aê katakê e gêjac ŋoc lênô auc.   
\q1
\v 5 Katakê e katênêp  
\q2 to ôliclu gêbuc.   
\q1
\v 6 Aê kasôm gebe “Ojae, balôsimagê ênêc aêmamaŋ  
\q2 gebe jalôp sa jaêc gêŋ tonec su najalêwaŋ tauc jamoa ŋoc ŋasawa teŋ.   
\q1
\v 7 Oc jaêc baliŋgeŋ jana,  
\q2 jalêwaŋ tauc jaŋgôŋ ŋoc gamêŋ sawa tau.   
\q1
\v 8 Oc jaêc jana ŋoc gamêŋ kêsiŋ teŋ  
\q2 gebe mu-gêbuc to gamêŋ-kêlaŋgaŋ ê aê tôŋ atom.”   
\q1
\v 9 O Apômtau, onseŋ êsêac su ma ôwa êsêac nêŋ biŋ êŋgic  
\q2 gebe galic sêgôm gêŋ ŋaclai to sêkac tauŋ kêkôc aŋga malac.   
\b  
\q1
\v 10 Êsêac sêgi malac kêtôm bêc to geleŋgeŋ sêsêlêŋ sêmoa ŋatuŋbôm ŋaô  
\q2 ma gêŋ keso to biŋwapac gêjam malac auc.   
\q1
\v 11 Ŋaclai sec gêjam gamêŋ auc.  
\q2 Ma sêkôniŋ lau to sêsau biŋdansaŋ aŋga malacluŋ.   
\b  
\q1
\v 12 Ŋacjo embe êsu aê susu  
\q2 oc jaôc gêŋwapac tonaŋ.  
\q1 Embe ŋoc soŋo-soŋo êkiaŋ tau sa êndêŋ aê  
\q2 oc jasiŋ tauc ôkwi.   
\q1
\v 13 Mago aôm, taŋ kôtôm aê naŋ,  
\q2 aôm ŋoc ŋac jabaŋ aê to ŋoc ŋac, ôlim andaŋ aêŋa gôgôm gêŋ tau.   
\q1
\v 14 Aêagêcnêŋ biŋ gelom tau e ŋapep  
\q2 ma tawê toôndugeŋ dawiŋ tauŋ dadêŋ Anôtônê andu taja.   
\q1
\v 15 Ojae, ŋoc ŋacjo sêmac sênaŋamaŋ ma sêsêp lamboam tomateŋ jaligeŋ sênamaŋ  
\q2 gebe biŋ alôb-alôb gêjam nêŋ andu to nêŋ ŋalêlôm auc.   
\b  
\q1
\v 16 Aê tec gamôêc gêdêŋ Apômtau  
\q2 ma Apômtau oc ênam aê kêsi.   
\q1
\v 17 Aê gabe jateŋ to janiŋ oliŋ tauc êndêŋ êtula ma eleŋŋa to ocsalô  
\q2 ma oc êkêŋ taŋa aê aoc.   
\q1
\v 18 Eŋ oc ênam katuc kêsi gebe êmoa tomalô ec êsêac mêŋtêtu gasuc aê atom  
\q2 gebe êsêac, taŋ sebe senseŋ aê naŋ, taêsam ŋalêlêma atom.   
\q1
\v 19 Anôtô taŋ gêŋgôŋ nê lêpôŋ gêdêŋ andaŋgeŋanô naŋ,  
\q2 oc êkêŋ taŋa aê ma êkôniŋ êsêac tôŋ.  
\q1 Êsêac têtêc Anôtô atom  
\q2 ma sênam tauŋ ôkwi atom amboac tonaŋgeŋ.   
\b  
\q1
\v 20 Aêŋoc ŋac, taŋ gêmuŋgeŋ ôli andaŋ aê naŋ, lêma kêpi tau nê lau.  
\q2 Eŋ gêjac nê poac popoc.   
\q1
\v 21 Awasuŋ geŋ oso biŋ e ŋawasi kêtôm bôc ŋalêsi,  
\q2 mago biŋ tau ŋamata kêtôm siŋ.  
\q1 Eŋ kêbanac biŋ ŋajam-ŋajamgeŋ kêlêlêc niptêkwi su,  
\q2 mago kêtôm têdaiŋ siŋ gebe sênac.   
\b  
\q1
\v 22 Ôkac nêm gêŋwapac tolagic su êndêŋ Apômtau, eŋ oc ênam aôm sa.  
\q2 Eŋ oc êkêŋ ŋac gêdêŋ êku atomanô.   
\b  
\q1
\v 23 Biŋŋanô, o Anôtô, aôm oc ôku êsêac tulu  
\q2 ma sêsêp sê ŋadimlabu sêna.  
\q1 Lau taŋ sêwê kaiŋ dec to biŋdansaŋ naŋ, oc sêmac êndu ŋatêkwa galigeŋ.  
\q2 Ma aê tec taêc kêka aômgeŋ.  
\p \f + \fr 55:23 \ft Dawidnê wê têŋ.\f*   
\c 56  
\s1 Mec mateŋ êsap Anôtôŋa  
\q1
\v 1 O Anôtô, taêm labu aê gebe ŋamalac sêu lai aêŋa elêmê.  
\q2 Lau siŋwaga sêlêsu aê gedeŋ tôŋgeŋ.   
\q1
\v 2 Ŋoc ŋacjo sêu lai aê gedeŋ tôŋgeŋ  
\q2 gebe êsêac, taŋ tetoc tauŋ sa ma sêkêŋ kisa aê naŋ, lau taêsam ŋasec.   
\q1
\v 3 Gêdêŋ ŋasawa, taŋ ŋoc ŋalêlôm ŋagogo gamoa naŋ,  
\q2 aê taêc kêka aômgeŋ.   
\q1
\v 4 Aê taêc kêka Anôtô ma katêc tauc atom.  
\q2 Aê kalambiŋ Anôtô kêtu biŋ, taŋ eŋ gêjac mata naŋ. Ŋamalac oc sêŋgôm asageŋ êndêŋ aê.   
\b  
\q1
\v 5 Kêtôm bêc samobgeŋ ŋoc ŋacjo sêlênsôŋ aê.  
\q2 Êsêac taêŋ gêjam biŋ tageŋ tonec gebe sêkic aêŋoc biŋ.   
\q1
\v 6 Êsêac sêkac tauŋ sa ma dêdib aêŋoc lêŋ semoa  
\q2 gebe taêŋ kêka sebe senseŋ aê su.   
\q1
\v 7 O Anôtô, ôkeŋ ŋagêjô êndêŋ êsêac êtu nêŋ secŋa.  
\q2 Aôm têmtac ŋandaŋ ma ôku tenteŋlatu tulu.   
\b  
\q1
\v 8 Aôm kôsa aêŋoc noc ŋawapacŋa sa. Aôm kôkêŋ aê matocsulu kêsêp nêm laclu jakêpoac.  
\q2 Aôm koto ŋoc bêc ŋawapacŋa kêsêp nêm bukugoc.   
\q1
\v 9 Embe jamôêc êndêŋ Apômtau oc ŋoc ŋacjo sêc su.  
\q2 Aê kajala kêtu tôŋ gebe Anôtô ênam aê sa.   
\q1
\v 10 Aê oc jalambiŋ Anôtô êtu nê biŋŋa.  
\q2 Aê kalambiŋ Apômtau kêtu biŋ, taŋ gêjac mata naŋ.   
\q1
\v 11 Aê taêc kêka Apômtau, tec katêc tauc atom.  
\q2 Ŋamalac têtôm gebe sêŋgôm asageŋ êndêŋ aê.   
\q1
\v 12 O Anôtô, kôm tonec gêjac aê ŋawae gebe jaŋgôm biŋ, taŋ gajac mata gêdêŋ aôm naŋ, ŋanô êsa.  
\q2 Aê oc jansuŋ da daŋgeŋa êndêŋ aôm êwac.   
\q1
\v 13 Gebe aôm gôjam aêŋoc katuc sa gebe jamac êndu atom  
\q2 ma gôjam ockaiŋ sa gebe jaka bêlêlib atom.  
\q1 Gebe jasêlêŋ jamoa Anôtô laŋônêmŋa  
\q2 ma jamoa ŋawê, taŋ kêpô lau mateŋ jali naŋ, ŋalêlôm jawiŋ.  
\p \f + \fr 56:13 \ft Dawidnê pesalem teŋ, gêga gêdêŋ taŋ lau Pilisti sêkôc \f* eŋ tôŋ aŋga malac Gat naŋ.   
\c 57  
\s1 Mec Anôtô ênam aêac saŋa  
\r (Pes 108:1-5)  
\q1
\v 1 O Anôtô, taêm labu aê, taêm labu aêmaŋ  
\q2 gebe ŋoc katuc gê lamu aômgeŋ.  
\q1 Aê gabe jaê lamu aôm magêmlabu  
\q2 e ŋaclai enseŋ aê suŋa ê su acgom.   
\b  
\q1
\v 2 Aê gamôêc gêdêŋ Lôlôc Ŋatau Anôtô.  
\q2 Gamôêc gêdêŋ Anôtô, taŋ gêjam gôliŋ ŋoc biŋ gêmoa naŋ.   
\q1
\v 3 Eŋ kêkêŋ nê gêŋ ênam aê saŋa aŋga undambê mêŋêsa. Eŋ oc êŋgôm lau, taŋ sêjanda aê naŋ, majeŋ êsa.  
\q2 Anôtô oc êkêŋ nê têtac gêwiŋ teŋgeŋŋa to biŋ ŋaŋêŋŋa êmêŋ.   
\b  
\q1
\v 4 Aê gaêc lewe ŋalêlôm.  
\q2 Êsêac gwadatêna sec.  
\q1 Luŋluŋ kêtôm kêm to sôb  
\q2 ma imbeleŋ kêtôm siŋ ŋamata.   
\b  
\q1
\v 5 O Anôtô, ôwaka taôm sa aŋga undambê  
\q2 ma nêm ŋawasi ênam nom samucgeŋ auc.   
\b  
\q1
\v 6 Êsêac sêkic uc aê gebe jawê  
\q2 ma sêkôniŋ aê katuc tôŋ.  
\q1 Êsêac sêkwê sê teŋ geseŋ aê auc,  
\q2 mago êsêac tauŋ sêu tauŋ sêsêp.   
\q1
\v 7 O Anôtô, aê têtac kêpa su, têtac kêpa sugoc.  
\q2 Aê janam wê to janac gêŋ wêŋa êtaŋ.   
\q1
\v 8 O ŋoc katuc, ôndi sa. O gêŋ wêŋaagêc, andi sa.  
\q2 Aê gabe jaŋu gamêŋ êu bôŋ sa.   
\q1
\v 9 O Apômtau, aê gabe janam daŋge aôm jamoa lau taêsam ŋalêlôm.  
\q2 Aê gabe jalambiŋ aôm jamoa tenteŋlatu ŋalêlôm.   
\q1
\v 10 Gebe aômnêm têmtac gêwiŋ teŋgeŋŋa kêpi e jagêdêŋ undambê  
\q2 ma aômnêm biŋ ŋaŋêŋ e gêdêŋ tao.   
\q1
\v 11 O Anôtô, ôwaka taôm sa aŋga undambê  
\q2 ma nêm ŋawasi ênam nom samucgeŋ auc.  
\p \f + \fr 57:11 \ft Dawidnê pesalem teŋ gêga gêdêŋ taŋ gêc Saul su aŋga \f* pocgêsuŋ naŋ.   
\c 58  
\s1 Mec Anôtô êmêtôc lau alôb-alôbŋa  
\q1
\v 1 O amac gôliŋwagaac, amac amêtôc biŋ katôgeŋ me masi.  
\q2 Amac amêtôc ŋamalac samob jagêdêŋ me masi.   
\q1
\v 2 Masianô, amac taêm gêjam biŋ alôb-alôb gêc nêm ŋalêlôm.  
\q2 Amac agôm gêŋgeo gêjam gamêŋ samob auc.   
\b  
\q1
\v 3 Lau taŋ sêkac tauŋ su aŋga Anôtônê naŋ, sêgôm nêŋ gêŋ sêjac m gêdêŋ nêŋ têm ŋapalêgeŋŋa kwanaŋgeŋ.  
\q2 Lau dansaŋwaga seo kwanaŋgeŋ gêdêŋ taŋ teneŋi sêkôc êsêac su naŋ.   
\q1
\v 4 Ŋamalic gêjam êsêac auc kêtôm gêjam moac sec auc.  
\q2 Ac têtôm moac, taŋ gêbôc taŋasuŋ auc gebe êŋô biŋ atom naŋ.   
\q1
\v 5 Têtôm moac, taŋ kêkêŋ taŋa nê gôliŋwaga awa  
\q2 to ŋac mectomaŋŋa, taŋ kêsôm ŋamec kêtu tôŋ naŋ atom.   
\b  
\q1
\v 6 O Anôtô, ônac êsêacnêŋ luŋluŋ popoc aŋga aweŋsuŋ.  
\q2 O Apômtau, ôkip lewe matac nêŋ ŋani sa.   
\q1
\v 7 Ôkeŋ êsêac sê su êtôm bu kêtaiŋ su.  
\q2 Êsêac têtu masê amboac gêgwaŋ intênaŋa.   
\q1
\v 8 Êsêac sênaŋa amboac i, taŋ daôŋ sa aŋga maleŋ naŋ.  
\q2 Êsêac têtôm ŋapalê, taŋ têna kêkôc eŋ ŋamatê ma gêlic gamêŋ ŋawê sapu naŋ.   
\q1
\v 9 Sêjala atomgeŋ ma sebob êsêac amboac waôŋ.  
\q2 Sêmoa mateŋ jaligeŋ ma Anôtô têtac ŋandaŋ êju êsêac sa sênaŋa.   
\b  
\q1
\v 10 Ŋac gêdêŋ embe êlic sêkêŋ ŋagêjô êndêŋ ŋac, taŋ gêgôm sec naŋ, oc ôli êpi.  
\q2 Eŋ oc êkwasiŋ akaiŋ êsêp ŋac alôb-alôb nê dec.   
\q1
\v 11 Ma lau oc sêsôm gebe Biŋŋanô, lau gêdêŋ têtap nêŋ ŋagêjô ŋajam sa.  
\q2 Biŋŋanô, Anôtô taŋ kêmêtôc biŋ aŋga nom naŋ, tec gêmoa.”  
\p \f + \fr 58:11 \ft Dawidnê pesalem teŋ.\f*   
\c 59  
\s1 Mec Anôtô ênam aêac saŋa  
\q1
\v 1 O ŋoc Anôtô, ôjaŋgo aê su aŋga ŋoc ŋacjonêŋ.  
\q2 Ôtu aêŋoc lamu êndêŋ ŋoc soŋo-soŋo.   
\q1
\v 2 Ôjaŋgo aê su aŋga secwaga nêŋ.  
\q2 Ma ônam aê sa aŋga lau, taŋ sêkêc dec siŋ naŋ nêŋ.   
\b  
\q1
\v 3 Gôlicgac me, êsêac têtu kêka-kêka sebe senseŋ katuc su. Ma ŋactêkwa sêkac sa sebe senseŋ aê.  
\q2 O Apômtau, aê gagôm gêŋ geo teŋ atom.   
\q1
\v 4 Aêŋoc biŋ masi, mago êsêac sêlêtigeŋ mêŋtêdênaŋ tauŋ sêkô sebe sênac aê.  
\q2 Ôndi mêŋônam aê sa ma ônac êsêac.   
\b  
\q1
\v 5 O Apômtau, lau siŋ undambêŋa nêŋ Anôtô ma Israelnêŋ Anôtô aômgoc, ôndi, ôkêŋ ŋagêjô êndêŋ lau samuc samob.  
\q2 Taêm labu êsêac, taŋ sêgôm aômnêm biŋ paliŋ ŋa biŋ alôb-alôb naŋ, nêŋ teŋ atom.   
\b  
\q1
\v 6 Êsêac amboac kêamgeŋ sêmu e mêŋseola malac auc  
\q2 kêtôm kêtulageŋ.   
\q1
\v 7 Ôlic êsêac aweŋ ôpic kêsa. Imbeleŋ kêtôm siŋ  
\q2 gebe êsêac taêŋ gêjam gebe “Asa oc êŋô aêac.”   
\b  
\q1
\v 8 O Apômtau, aôm kôômac êsêac.  
\q2 Aôm kôsu lau samuc susu.   
\q1
\v 9 Ŋoc ŋaclai aôm, gabe matoc êsap aômgeŋ  
\q2 gebe aôm Anôtô, kôtu ŋoc tuŋtêna.   
\q1
\v 10 Ŋoc Anôtô oc êpuc aê tôŋtôŋ êmêŋ tonê têtac gêwiŋ aêŋa.  
\q2 Eŋ oc êkêŋ aê jalic eŋ êku ŋoc ŋacjo tulu.   
\b  
\q1
\v 11 Ônac êsêac êndu atom ec ŋoc lau mateŋanô êpi êsêac ma sêliŋ biŋ siŋ atom. Aôm ŋaclai, onsoc êsêac gebe seo êliŋ-êliŋ sêmoa.  
\q2 O Apômtau, aêacma lamu aôm, nêm ŋaclai êtiŋ êsêac piŋpaŋ nasênêc.   
\q1
\v 12 Êsêac aweŋsuŋ sec, ma biŋ, taŋ kêsa gêdôŋôlic naŋ, amboac tonaŋ.  
\q2 Ôkêŋ êsêac sêwê nêŋ tetoc tauŋ sa êtu uc ma sêwê nêŋ biŋ alôb-alôb to biŋdansaŋ, taŋ sêsôm naŋ, amboac tonaŋ.   
\q1
\v 13 Têmtac ŋandaŋ ma onseŋ êsêac su. Ônseŋ êsêac su e maleŋmê samucgeŋ.  
\q2 Ôkêŋ êsêac sêjala gebe Anôtô ŋacgôliŋ tau tec gêjam gôliŋ aŋga Jakob e gêdêŋ nom ŋamadiŋ.   
\b  
\q1
\v 14 Aêŋoc ŋacjo amboac kêamgeŋ sêmu e mêŋseola malac auc  
\q2 kêtôm kêtulageŋ.   
\q1
\v 15 Êsêac sêôc jaaŋ-jaaŋ gebe têtap nêŋ gwada sa  
\q2 ma embe têtap sa êtôm atom, oc sêkêŋ Iêsu.   
\b  
\q1
\v 16 Mago aê gabe jaŋga wê êpi aômnêm ŋaclai  
\q2 ma aoc êôc nêm têmtac gêwiŋ teŋgeŋŋa ŋa ôndu êpi êtôm bêc samob  
\q1 gebe aôm kôtu ŋoc tuŋtêna  
\q2 gêdêŋ ŋoc noc kapô lêna taucŋa, tec gaê lamu aômgeŋ.   
\q1
\v 17 Ŋoc ŋaclai aôm, tec gabe jaŋga wê êpi aôm  
\q2 gebe Anôtô kêtu ŋoc tuŋtêna, ŋoc Anôtô, taŋ têtac gêwiŋ aê naŋ.  
\p \f + \fr 59:17 \ft Dawidnê pesalem teŋ gêdêŋ taŋ Saul kêsakiŋ lau gebe \f* dêdib eŋ aŋga nê andu gebe sênac eŋ endu.   
\c 60  
\s1 Mec Anôtô ênam aêac sa êndêŋ nêŋ soŋo-soŋoŋa  
\r (Pes 108:6-13)  
\q1
\v 1 O Anôtô, aôm kôtiŋ aêac su ma goseŋ aêac êliŋ-êliŋ.  
\q2 Aôm têmtac ŋandaŋ su ma galoc ônam aêac sa êtiam.   
\q1
\v 2 Aôm kôwiwic gamêŋ e kôkac nom kêkôc.  
\q2 Ômakop ŋasêawa auc êtiam gebe gamêŋ ŋakôjô-kôjô.   
\q1
\v 3 Aôm kôkêŋ nêm lau sêôc gêŋwapac ŋasec.  
\q2 Aôm kôkêŋ gêŋ aêac anôm e kêjaŋiŋ aêac.   
\q1
\v 4 Aôm gôjac lau, taŋ têtêc aôm naŋ, nêŋ gêbôm su  
\q2 gebe sêkac tauŋ sa ma sêc nêŋ ŋacjo nêŋ talam su.   
\q1
\v 5 Ônam nêm lau, taŋ têmtac gêwiŋ êsêac naŋ sa.  
\q2 Nêm anôŋa ênam aêac sa ma ôkêŋ taŋam aêacmêŋmaŋ.   
\b  
\q1
\v 6 Ŋac dabuŋ Anôtô kêsôm nê biŋ lasêgac gebe  
\q2 “Kaku ŋacjo tulu, tec ôlic kêpigeŋ. Aê gabe janac sam Sikem, gabe janam dôŋ bumaŋ Sukot.   
\q1
\v 7 Aê katu Gilead to Manase ŋatau ma Epraim kêtu môkêcapac ŋakululuŋ.  
\q2 Juda kêtu ŋoc gôliŋ.   
\q1
\v 8 Moab kêtu laclu jakwasiŋ taucŋa. Aê janu ŋoc atapa su ma jambaliŋ naênsac Edom.  
\q2 Aê oc janam lasê êtu Pilistiaŋa.”   
\b  
\q1
\v 9 Asa oc êwê aê jasa malac ŋajaŋa jana.  
\q2 Asa oc êwê aê jasa Edom jana.   
\q1
\v 10 O Anôtô, aôm oc kôtiŋ aêac su me.  
\q2 O Anôtô, aôm oc ôwê aêacma lau siŋŋa atom me.   
\q1
\v 11 Ônam aêac sa êndêŋ ŋacjomaŋ  
\q2 gebe ŋamalac oc sênam aêac sa êtôm atom.   
\q1
\v 12 Anôtô êwiŋ aêac, go taku nêŋ ŋacjo tulu  
\q2 gebe eŋ oc êka aêacnêŋ ŋacjo popoc samob.   
\s1 Dawidnê teŋ gêdêŋ taŋ gêjac siŋ gêdêŋ lau Aramea aŋga Naharalm to Soba ma Joab kêkac tau ôkwi ma gêjac lau Edom 12,000 aŋga Gaboaŋ Gwêcŋa.  
\c 61  
\s1 Mec Anôtô ejop aêacŋa  
\q1
\v 1 O Anôtô, ôŋô ŋoc taŋi kapôêŋ.  
\q2 Ôkeŋ taŋam ŋoc mec.   
\q1
\v 2 Gaŋgôŋ gêdêŋ nom ŋamadiŋ ma aoc gêjac aôm  
\q2 gebe ŋoc ŋalêlôm ŋatutuc ŋasec.  
\q1 Poc kapôêŋ tec kêkô, ma aê tauc oc japi jatôm atom.  
\q2 Amboac tonaŋ aôm ôkam aê, go japi.   
\b  
\q1
\v 3 Gebe aê gaê lamu aômgeŋ.  
\q2 Aôm kôtu ŋoc tuŋtêna gêdêŋ ŋacjo.   
\b  
\q1
\v 4 Ojae, jaŋgôŋ nêm beclêlôm endeŋ tôŋgeŋmaŋ.  
\q2 Jaŋgôŋ nêm magêm ŋalabugeŋmaŋ.   
\q1
\v 5 Gebe aôm Anôtô kôkêŋ taŋam biŋ, taŋ gajac mata naŋ.  
\q2 Aôm kôkêŋ aê gawê kaiŋ êsêac, taŋ têtêc aômnêm ŋaê naŋ, nêŋ gêŋlênsêm.   
\b  
\q1
\v 6 Ônac têku kiŋnê bêc wakuc-wakucgeŋ ênêc.  
\q2 Ôkêŋ eŋ êmoa tojala-tojala ŋapaŋ.   
\q1
\v 7 Ôkêŋ eŋ êŋgôŋ nê lêpôŋ êŋgôŋ Anôtô laŋônêmŋageŋ.  
\q2 Ôkêŋ nêm têmtac gêwiŋ teŋgeŋŋa to biŋ ŋaŋêŋ êkwa eŋ auc.   
\b  
\q1
\v 8 Amboac tonaŋ aoc êôc nêm ŋaê endeŋ tôŋgeŋ  
\q2 ma jaŋgôm biŋ, taŋ gajac mata naŋ, ŋanô êsa êtôm bêcgeŋ.  
\p \f + \fr 61:8 \ft Dawidnê teŋ.\f*   
\c 62  
\s1 Anôtô taugeŋ eŋ lamuanô  
\q1
\v 1 Aêŋoc katuc gêôŋ Anôtô ŋaŋêŋgeŋ  
\q2 gebe eŋ oc ênam aê sa.   
\q1
\v 2 Eŋ taugeŋ kêtu ŋoc poclabu ma ŋoc gêjam-sawaga.  
\q2 Eŋ kêtu ŋoc laimôkê, tec oc jaku sa samucgeŋ atom.   
\b  
\q1
\v 3 Amac samob aboa taôm sa api ŋac tageŋ abe aku eŋ tulu  
\q2 amboac tuŋ, taŋ kêôpac kwanaŋgeŋ naŋ, e êndêŋ ondocgeŋ.   
\q1
\v 4 Êsêac taêŋ gêjam biŋ tageŋ tonec gebe têtiŋ eŋ aŋga nê lêpôŋ.  
\q2 Êsêac têntac gêwiŋ biŋdansaŋ. Aweŋsuŋ gêjam mec, mago nêŋ ŋalêlôm kêpuc boa.   
\b  
\q1
\v 5 O ŋoc katuc, ôôŋ Anôtô ŋaŋêŋgeŋ  
\q2 gebe eŋ kêtu aê kakêŋ matoc ŋamôkê.   
\q1
\v 6 Eŋ taugeŋ kêtu ŋoc poclabu ma ŋoc gêjam-sawaga.  
\q2 Eŋ kêtu ŋoc laimôkê, tec oc jaku sa atom.   
\q1
\v 7 Anôtô kêtu ŋoc moasiŋ to waec ŋamôkê.  
\q2 Anôtô kêtu ŋoc poctêna, taŋ gaê lamu naŋ.   
\b  
\q1
\v 8 O ŋoc lauac, taêm êka eŋ ŋapaŋ. Ansêwa nêm ŋalêlôm sa êndêŋ eŋ.  
\q2 Anôtô kêtu aêacnêŋ lamu.   
\b  
\q1
\v 9 Ŋamalac ŋaôma latuŋi têtôm gêŋ ŋajaô-jaô, kasêga latuŋi têtôm gêŋ ŋanômê.  
\q2 Embe tanam dôŋ êsêac, oc dôŋ êmandi êsêac sa gebe samob ŋagaô kêlêlêc ŋajaô-jaô su.   
\q1
\v 10 Taêm êka ŋaclai êkôniŋ ŋamalac tôŋŋa atom ma akêŋ mateŋ gebe ajaŋgo gêŋŋa atom.  
\q2 Embe nêm awa êtu taêsam, naŋ nêm ŋalêlôm êsap tôŋ atom.   
\b  
\q1
\v 11 Anôtô kêsôm biŋ kêtu dim tageŋ, mago aê gaŋô biŋ luagêc kêsêp tau lêlôm gebe  
\q2 Anôtô eŋ ŋaclai.   
\q1
\v 12 Ma aôm Apômtau, kôtu têmtac gêwiŋ teŋgeŋŋa ŋatau  
\q2 gebe aôm kôkêŋ ŋagêjô gêdêŋ ŋamalac kêtôm gêŋ samob, taŋ êsêac sêgôm naŋ.  
\p \f + \fr 62:12 \ft Dawidnê pesalem teŋ.\f*   
\c 63  
\s1 Tanam aweŋ su Anôtô  
\q1
\v 1 O Anôtô, aôm kôtu ŋoc Anôtô, aê gasom aôm.  
\q2 Katuc gêjam awa su aôm.  
\q1 Ôlic kêtu sawa aômŋa  
\q2 amboac gamêŋ ŋakeleŋ, taŋ bu masi samucgeŋ ma kêtu sawa bu naŋ.   
\q1
\v 2 Aê gabe matoc ê aôm aŋga nêm gamêŋ dabuŋ  
\q2 ma jalic nêm ŋaclai to ŋawasi.   
\q1
\v 3 Gebe aôm têmtac gêwiŋ teŋgeŋŋa ŋajam kêlêlêc jaŋgôŋ matoc jaliŋa su,  
\q2 tec aoc êôc aôm.   
\q1
\v 4 Amboac tonaŋ aê jalambiŋ aôm êtôm ŋoc bec jaŋgôŋ matoc jaliŋa samob  
\q2 ma jaôc lemoc sa to aoc ênac nêm ŋaê.   
\q1
\v 5 Ŋoc katuc kêtap moasiŋ sa e gêôc eŋ tôŋ  
\q2 ma aoc gêôc aôm toôndugeŋ.   
\b  
\q1
\v 6 Êndêŋ taŋ jasa tauc sic najanêc ŋoc mê naŋ, jasa aôm laŋôm sa  
\q2 ma taêc ênam aôm êndêŋ êmbêc samuc.   
\q1
\v 7 Gebe aôm gôjam aê sagac,  
\q2 tec gajam wê totêtac ŋajam samucgeŋ gaŋgôŋ aôm magêm labu.   
\q1
\v 8 Aêŋoc katuc kêsap aôm tôŋ ŋajaŋa.  
\q2 Lêmam anôŋa kêkam aê sa kakô ŋaŋêŋ.   
\b  
\q1
\v 9 Ma êsêac, taŋ têtu kêka-kêka sebe senseŋ aê su naŋ,  
\q2 oc sênaŋa sêsêp nom ŋakêlêndiŋ sec sêna.   
\q1
\v 10 Siŋ enseŋ êsêac su  
\q2 ma têtu kêam sec saleŋŋa nêŋ gwada.   
\q1
\v 11 Mago kiŋ oc têtac ŋajam Anôtôŋa. Êsêac samob, taŋ têtôc lemeŋ  
\q2 kêpi eŋ naŋ, oc têtu samuc gebe eŋ oc êmbôc dansaŋtênanêŋ aweŋsuŋ auc.  
\p \f + \fr 63:11 \ft Dawidnê pesalem gêga gêdêŋ taŋ gêmoa gamêŋ sawa \f* Judaŋa naŋ.   
\c 64  
\s1 Mec Anôtô ejop aêac êndêŋ ŋacjo alôb-alôb  
\q1
\v 1 O Anôtô, kataŋ nec, ôkêŋ taŋam aê aoc.  
\q2 Ojop katuc êndêŋ ŋacjo, taŋ kêtakê aê naŋ.   
\q1
\v 2 Ôkô aê auc êndêŋ lau secwaga nêŋ biŋ, taŋ taêŋ gêjam gêc nêŋ ŋalêlôm sebe senseŋ aê naŋ.  
\q2 Ma êndêŋ lau geo, taŋ sêkac tauŋ sa toôndugeŋ sêmoa naŋ.   
\q1
\v 3 Sêuc imbeleŋ kêtôm siŋ.  
\q2 Sêsôm biŋ ŋamalic kêtôm sêpê sôb.   
\q1
\v 4 Sêpê ŋac mansaŋ ŋa siŋ geŋgeŋgeŋ.  
\q2 Sêpê eŋ paliŋ-paliŋgeŋ ŋamelocŋageŋ.   
\q1
\v 5 Sêjatu tauŋ siŋ geoŋa ma sêmoatiŋ sebe sêkêŋ lakô.  
\q2 Êsêac taêŋ gêjam gebe “Asa oc êlic aêac.”   
\q1
\v 6 Êsêac taêŋ gêjam kêsêp biŋ alôb-alôb. Taêŋgêjam gebe “Ajac dabiŋ tomalageŋ sugac,”  
\q2 gebe ŋamalac samob nêŋ ŋalêlôm kêtôm gêsuŋbôm seclêlôm.   
\b  
\q1
\v 7 Sêgôm tauŋ amboac tonaŋ e Anôtônê sôb kêtap êsêac sa,  
\q2 go sêjala tauŋ gebe ôliŋ lasê sep tageŋ.   
\q1
\v 8 Eŋ oc enseŋ êsêac êtu nêŋ imbeleŋŋa.  
\q2 Samob taŋ sêlic êsêac naŋ, têdaiŋ gêsuŋ gêdêŋ êsêac.   
\q1
\v 9 Go ŋamalac samob têtêc tauŋ sêsôm Anôtônê gêŋsêga lasê  
\q2 ma nêŋ kauc kêsa kêpi ênê gôliŋ.   
\q1
\v 10 Ŋac gêdêŋ têtac ŋajam kêtu Apômtauŋa ma gê lamu eŋgeŋ.  
\q2 Ma ŋalêlôm mansaŋ samob sêmoa ŋajam to ôliŋ kêpigeŋ.  
\p \f + \fr 64:10 \ft Dawidnê pesalem teŋ.\f*   
\c 65  
\s1 Daŋge kêtu Anôtônê moasiŋ ŋalêlômŋa  
\q1
\v 1 O Anôtô, lau aweŋ êôc aôm aŋga Sionmaŋ.  
\q2 Ma sêŋgôm biŋ, taŋ sêjac mata gêdêŋ aôm naŋ, ŋanô êsa.   
\q1
\v 2 Aôm kôkêŋ taŋam mec,  
\q2 amboac tonaŋ ŋamalac samob dêndêŋ aôm sêwac   
\q1
\v 3 êtu nêŋ geo ŋatoŋŋa. Aêacma geo embe êlêlêc aêac su,  
\q2 go ôsuc ôkwi.   
\q1
\v 4 Aê aoc êôc ŋac, taŋ aôm kôjaliŋ eŋ sa gebe êtu gasuc aôm  
\q2 wacêmoa nêm malacluŋ naŋ,  
\q1 gebe aômnêm andu to lôm ŋagêŋ ŋajam,  
\q2 tec oc êôc aêac tôŋ.   
\b  
\q1
\v 5 O Anôtô, aêacma kêsiwaga, aôm kôkêŋ taŋam aêac  
\q2 to gôjam aêac sa ŋa gêŋtalô.  
\q1 Lau aŋga nom ŋamadiŋ samob to êsêac, taŋ sêŋgôŋ gwêcm aŋga jaêcsêga naŋ,  
\q2 sêkêŋ mateŋ aômgeŋ.   
\q1
\v 6 Aôm ŋactêkwa, taŋ kôjandiŋ ŋaclai kêtu nêm ômbiŋkap naŋ,  
\q2 tec kôkwê lôc tolôc sa kêkô.   
\q1
\v 7 Aôm gôê gwêc kêtu malô to gôgôm ŋadembom ŋatip kêsa  
\q2 ma gôgôm tenteŋlatu samob nêŋ wambaŋ kêtu malô.   
\q1
\v 8 Gôgôm e lau, taŋ sêŋgôŋ nom ŋamadiŋ jaêcsêga naŋ,  
\q2 têtêc tauŋ kêtu nêm gêŋtalôŋa.  
\q1 Aôm gôgôm lau gamêŋ oc kêpi to oc kêsêpŋa  
\q2 sêjam lasê toôndugeŋ.   
\b  
\q1
\v 9 Aôm kokeleŋ nom ma kôsanem ŋa bu.  
\q2 Aôm kômoasiŋ nom ŋanôgeŋ.  
\q1 Aôm Anôtô kôkêŋ nêm bu kêsuŋ e ŋalap-lap laŋgwageŋ.  
\q2 Aôm kômasaŋ nom amboac tonaŋ, tec kôkêŋ launêŋ gêŋ kômŋa kêpi ŋajamgeŋ.   
\q1
\v 10 Aôm kôsanem nom ŋawampôm e ŋapep sawa to kôlênsim nom e kêtu palê.  
\q2 Aôm kôkêŋ kom kêmalôm nom ma gôjam mec gêŋ e kêpi ŋajam.   
\q1
\v 11 Aôm gôjac dabiŋ jala ŋa nêm moasiŋ totau-totau  
\q2 ma waŋam ŋalêsi gênôm gamêŋ gêjam auc.   
\q1
\v 12 Bôcnêŋ gamêŋ sêniŋ gêŋŋa ŋamêdôb ŋajamgeŋ ŋapaŋ.  
\q2 Ma gamêŋ ŋamatu gêbuc tau sa e têtac kêsa laŋgwageŋ.   
\q1
\v 13 Bôc sêjam oba auc amboac oba kêsô ŋakwê  
\q2 ma gaboaŋ kêkwa tau auc ŋa molauŋ.  
\q1 Êsêac sêjam lasê  
\q2 to sêjam wê sêwiŋ tauŋ totêntac ŋajamgeŋ.  
\p \f + \fr 65:13 \ft Dawidnê pesalem teŋ. Wê teŋ.\f*   
\c 66  
\s1 Wê lambiŋ to daŋgeŋa teŋ  
\q1
\v 1 Gamêŋ samob awem êôc Anôtô toôndugeŋ.   
\q1
\v 2 Atoc ênê ŋaê ŋawae sa.  
\q2 Alambiŋ eŋ e ŋawasi laŋgwageŋ.   
\q1
\v 3 Asôm êndêŋ Anôtô gebe “Aômnêm gôliŋ e ŋajamanô kaiŋ teŋ.  
\q2 Aômnêm ŋacjo tetoc aôm sa kêtu nêm ŋaclai gêjam sêgaŋa.   
\q1
\v 4 Lau gamêŋ samobŋa sewec êndêŋ aôm ma aweŋ êôc aôm.  
\q2 Samob tetoc nêm ŋaê sa.”   
\b  
\q1
\v 5 Amêŋ ma alic gêŋ, taŋ Apômtau gêgôm naŋ.  
\q2 Eŋ gêjam gôliŋ ŋamalacnêŋ latuŋi e têtac kêsa laŋgwageŋ.   
\q1
\v 6 Eŋ gêjam gwêc ôkwi kêtu gamêŋ ŋakeleŋ, tec eŋkaiŋ sêsa ŋasamac ŋamala sêja.  
\q2 Ma aêac têntac ŋajam kêtu eŋŋa.   
\q1
\v 7 Eŋ ŋagôliŋ, nê gôliŋ oc ênêc teŋgeŋ. Mata kêsap tenteŋlatugeŋ, tec gêmoa.  
\q2 Lau-sêli-tauŋ-sawaga oc tetoc tauŋ sa êndêŋ eŋ atom.   
\q1
\v 8 O tenteŋlatuac, alanem aêacma Anôtô.  
\q2 Aŋgôm ênê wae êtu tapa ŋanô.   
\q1
\v 9 Eŋ gêjam aêac katuŋ sa, tec tamoa mateŋ jali  
\q2 ma kêpuc eŋkaiŋ tôŋ, tec taku atom.   
\b  
\q1
\v 10 O Anôtô, aôm kôsaê aêacgac.  
\q2 Aôm kôpac aêac e awê kêtom sêpac silber gêwê.   
\q1
\v 11 Aôm kôkêŋ aêac awê uc.  
\q2 Aôm kôkêŋ gêŋwapac gêsac aêac dêmôêŋtêkwa tôŋ.   
\q1
\v 12 Aôm kôkêŋ ma ŋacjo sêka aêac lênsôŋ. Aôm kôkêŋ aêac asa ja to bu ŋasamac ŋalêlôm aja,  
\q2 mago galoc gôwê aêac sa jaakô gamêŋ ŋajam.   
\q1
\v 13 Aê todajageŋ jasô nêm andu  
\q2 ma jaŋgôm biŋ, taŋ gajac mata su naŋ, ŋanô êsa.   
\q1
\v 14 Gêdêŋ taŋ kapô lêna naŋ, kasôm lasê  
\q2 ma aocsuŋ kasôm kêtu tôŋ gebe jaŋgôm gêŋ tau tonaŋ.   
\q1
\v 15 Aê gabe jansuŋ domba ŋalêsi êtu daja to domba kapoac ŋada ŋamalu êsa êndêŋ aôm.  
\q2 Aê gabe jamansaŋ bulimakao to noniŋ kapoac atu da êndêŋ aôm.   
\b  
\q1
\v 16 Amac lau, taŋ atêc Anôtô naŋ, samob amêŋ aŋô.  
\q2 Aê gabe janac miŋ biŋ, taŋ eŋ kêmoasiŋ ŋoc katuc naŋ.   
\q1
\v 17 Aê aocsuŋ gamôêc kapôêŋ gêdêŋ eŋ  
\q2 ma wê lambiŋŋa gêc imbeloc ŋatêpôê.   
\q1
\v 18 Ŋoc ŋalêlôm embe taê êka biŋ eso,  
\q2 oc Apômtau êkêŋ taŋa aê atom.   
\q1
\v 19 Mago Apômtau kêkêŋ taŋa aêgoc.  
\q2 Eŋ gê taŋa aêŋoc mec.   
\b  
\q1
\v 20 Aê aoc êôc Anôtô gebe gêjac kapoac ŋoc taŋiboa atom.  
\q2 Ma kêgamiŋ nê têtac gêwiŋ teŋgeŋŋa gêdêŋ aê atom.  
\p \f + \fr 66:20 \ft Wê teŋ.\f*   
\c 67  
\s1 Seŋ mo lasê ŋawê daŋgeŋa  
\q1
\v 1 Anôtô taê labu to ênam mec aêac.  
\q2 Eŋ oc êkêŋ laŋôanô êpô aêac.   
\q1
\v 2 Gebe lau nomŋa sêjala nêm lêŋ  
\q2 to lau samuc samob sêjala ŋaclai ônam lau saŋa.   
\b  
\q1
\v 3 O Anôtô, tenteŋlatu aweŋ êôc aôm.  
\q2 Tenteŋlatu aweŋ êôc aôm tomalageŋ.   
\q1
\v 4 Tenteŋlatu ôliŋ êpi ma sênam wê toôndugeŋ gebe aôm kômêtôc launêŋ biŋ jagêdêŋ  
\q2 ma gôwê tenteŋlatu samob aŋga nom.   
\q1
\v 5 O Anôtô, tenteŋlatu aweŋ êôc aôm.  
\q2 Tenteŋlatu aweŋ êôc aôm tomalageŋ.   
\q1
\v 6 Nom gêjam ŋanôgac.  
\q2 Anôtô, aêacnêŋ Anôtô, gêjam mec aêac.   
\q1
\v 7 Anôtô gêjam mec aêac  
\q2 ma nom ŋamadiŋ samob têtêc eŋ.  
\p \f + \fr 67:7 \ft Wê teŋ.\f*   
\c 68  
\s1 Anôtô kêku nê ŋacjo lulu ŋawê lambiŋŋa  
\q1
\v 1 Anôtô êndi êkô gebe enseŋ nê ŋacjo êliŋ-êliŋ  
\q2 ma êsêac, taŋ nêŋ ŋalêlôm kêmoatiŋ tôŋ kêtu eŋŋa naŋ, sêc su aŋga ênê laŋônêmŋa.   
\q1
\v 2 Anôtônê laŋôanô enseŋ lau, taŋ sêkac tauŋ su aŋga ênê naŋ,  
\q2 êtôm mu kêdaba jadauŋ to ja kêpac lêp gêwê.   
\q1
\v 3 Ma lau gêdêŋ têntac ŋajamgeŋ to têtu samuc sêkô Anôtô laŋônêm  
\q2 ma ôliŋ êpi toôndugeŋ.   
\b  
\q1
\v 4 Anam wê êpi Anôtô. Awem êôc ênê ŋaê. Anam ŋac, taŋ kêsa gamêŋ sawa naŋ, nê intêna.  
\q2 Ŋac tau nê ŋaê gebe Apômtau. Akô eŋ laŋônêmŋa ma anam lasê toôndugeŋ.   
\b  
\q1
\v 5 Anôtô taŋ gêmoa nê andu dabuŋ naŋ,  
\q2 kêtu mosêbunêŋ tameŋi to awêtucnêŋ gêjam-sawaga.   
\q1
\v 6 Anôtô gêjam lau sawa sa gebe têtap gôlôac sa ma kêgaboac lau kapoacwalôŋa su jasêmoa nêŋ tauŋŋa.  
\q2 Ma kêmasê gêsuŋtêkwa ŋatoŋwaga sa e nêŋ gamêŋ, taŋ sêŋgôŋ naŋ, kêtu keleŋ laŋgwageŋ.   
\b  
\q1
\v 7 O Anôtô, gêdêŋ taŋ gôdi gôwê lau sa ma kôtu êsêacnêŋ ŋamata  
\q2 to gêdêŋ taŋ amkaiŋ kôka gamêŋ sawa tôŋ naŋ,   
\q1
\v 8 nom kêtênêp to umboŋ kêsêwa kom  
\q2 kêtu Anôtônê laŋôanô kêtu awêŋa.  
\q1 Lôc Sinai kêtênêp kêtu Anôtô gêô lasê lôc tauŋa.  
\q2 Israelnêŋ Anôtô gêô lasêgac.   
\q1
\v 9 O Anôtô, aôm kôkêŋ kom gêjac kêsêwageŋ  
\q2 ma kôlau nêm nomlênsêm, taŋ gelo-gelo naŋ.   
\q1
\v 10 Aômnêm gôlôac têtap nêŋ gamêŋ sêŋgôŋŋa sa.  
\q2 O Anôtô, nêm moasiŋ kêmasaŋ gamêŋ tau kêtu lau ŋalêlôm sawaŋa.   
\b  
\q1
\v 11 Apômtau kêjatu sa  
\q2 ma lauo taêsam ŋasec sêjam wêsiŋ e ŋawae kêtu tapa.   
\q1
\v 12 “Lausiŋ totoŋ-totoŋ to nêŋ kiŋ sêc, sêcgoc”  
\q2 ma lauo sêjac sam ŋawaba gêdêŋ tauŋ.   
\q1
\v 13 Talic êsêac amboac balôsi ŋaôsic-ôsic amboac silber ma ŋawaô joŋsamuc ma ŋaôsic-ôsic amboac gold.  
\q2 Amacnêm lauo ŋagêdô sêmoa domba nêŋ sapa ŋalêlôm kêtu ageŋŋa.   
\q1
\v 14 Gêdêŋ taŋ ŋajaŋa ŋatau Anôtô kêpa kiŋ êliŋ-êliŋ naŋ,  
\q2 eŋ kêkêŋ sno gêjac aŋga lôc Salmon.   
\b  
\q1
\v 15 Aôm lôc Basanŋa kôtu lôc towae.  
\q2 Aôm lôc Basanŋa ŋatêpôê jabo-jabogoc.   
\q1
\v 16 Amac lôc ŋagêdô, taŋ jabo-jabo naŋ, asageŋ têmtac ŋandaŋ gêdêŋ lôc, taŋ Anôtô gebe êŋgôŋ êtu nê gamêŋ naŋ.  
\q2 Biŋŋanô, Apômtau oc êŋgôŋ tônê endeŋ tôŋgeŋ.   
\b  
\q1
\v 17 Anôtô gêmêŋ aŋga Sion ŋa nê kareta siŋŋa taêsam ŋalêlêma atom.  
\q2 Apômtau gêmêŋ aŋga Sinai mêŋgêô lasê nê gamêŋ dabuŋ.   
\q1
\v 18 Aôm kôpi lôlôc jagôwê lau kapoacwalôŋa sêwiŋ aôm. Ŋamalac sêsuŋ nêŋ gêŋ gêdêŋ aôm gêwac.  
\q2 Gêsuŋtêkwa ŋatoŋ oc sêŋgôŋ sêwiŋ Apômtau Anôtô amboac tonaŋ.   
\b  
\q1
\v 19 Aweŋ êôc Apômtau, eŋ kêsip aêac sa bêc to bêc.  
\q2 Eŋ Anôtô, taŋ gêjam aêac sa naŋ.   
\q1
\v 20 Anôtô tonaŋ tec kêtu aêacnêŋ Anôtô, taŋ gêjam aêac kêsi naŋ,  
\q2 ma Apômtau Anôtô eŋ ŋatau, tec oc ênam tasa paŋ lêndaŋ ôkwi.   
\b  
\q1
\v 21 Biŋŋanô, Anôtô oc elo nê ŋacjo môkêŋapac popoc,  
\q2 oc ênac ŋac, taŋ kêsêlêŋ tonê secgeŋ naŋ, môkêdaŋgam popoc amboac tonaŋ.   
\q1
\v 22 Apômtau kêsôm kêtu tôŋ gebe “Aê oc jajoŋ êsêac aŋga Basan sêmu sêmêŋ.  
\q2 Biŋŋanô, oc jajoŋ êsêac aŋga gwêc ŋagêdimbob sa sêmu sêmêŋ.   
\q1
\v 23 Gebe ôkwasiŋ amkaiŋ êsêp nêŋ declêlôm.  
\q2 Nêm kêam imbeleŋ têtap nêŋ gwada aŋga ŋacjonêŋ sa.”   
\b  
\q1
\v 24 O Anôtô, lau sêlic nêm gôlôac ŋawalaŋ baliŋ.  
\q2 Sêlic ŋoc kiŋ Anôtônê walaŋ baliŋ omŋa sêmoa gamêŋ dabuŋ.   
\q1
\v 25 Lau sênam wê ŋa aweŋwaga têtu ŋamata, go lau, taŋ sêjac gêŋ wêŋa kêtaŋ naŋ, têtu ŋamu  
\q2 ma lauo takiŋ sêmoa ŋasawa togegobgeŋ.   
\q1
\v 26 Awem êôc Apômtau Anôtô aŋga gôlôacnêŋ sêkac sa ŋalêlôm.  
\q2 Amac taŋ Israel kêtu nêm ŋamôkê naŋ, awem êôc Apômtau.   
\q1
\v 27 Lau Benjaminŋa toŋ sauŋ ec teŋ sêwê sêmoa ônê, lau Judanêŋ kasêga toŋ kapôêŋ teŋ kêdaguc,  
\q2 go kasêga Sebulonŋa to kasêga Naptaliŋa amboac tonaŋgeŋ têtu ŋamu.   
\b  
\q1
\v 28 O Anôtô, ôŋgôm nêm lai êpoa.  
\q2 O Anôtô, ondeŋ gêŋ, taŋ gôjam aêac saŋa naŋ tôŋ.   
\q1
\v 29 Kiŋ oc sejoŋ awa sa dêndêŋ aôm sêna Jerusalem  
\q2 êtu nêm lôm dabuŋŋa.   
\q1
\v 30 Ôlêŋ biŋ bôcbôm Aiguptuŋa, taŋ sêmoa bumaŋ ŋasiŋlêlôm naŋ.  
\q2 Ôlêŋ biŋ tenteŋlatui, taŋ têtôm bulimakao kapoac to ŋalatu naŋ,  
\q1 e samob sêmbu tauŋ ma sêkêŋ silber êndêŋ aôm.  
\q2 Onseŋ lau, taŋ têntac gêwiŋ siŋ naŋ, êliŋ-êliŋ.   
\q1
\v 31 Kasêga aŋga Aiguptu sêmêŋ.  
\q2 Lau Aitiopiaŋa sêlêti ma sêmêtôc lemeŋ gêdêŋ Anôtô.   
\b  
\q1
\v 32 Amac kiŋ nomŋa anam wê êpi Anôtô.  
\q2 Awem êôc Apômtau,   
\q1
\v 33 taŋ gêmuŋ andaŋgeŋanô gêmoa nê undambê lôlôcŋa naŋ.  
\q2 Aŋô eŋ gêôc awa sa ma gêmôêc ŋa awa kapôêŋ.   
\q1
\v 34 Aoc Anôtô ŋaclai lasê. Eŋ gêjam gôliŋ Israel toŋawasigeŋ  
\q2 ma nê ŋaclai gêc tao ŋalêlôm.   
\q1
\v 35 Anôtô ŋaclai kaiŋ teŋ kêsa aŋga nê gamêŋ dabuŋ gêmêŋ.  
\q2 Eŋ Israelnêŋ Anôtô. Eŋ kêkêŋ ôliŋ walô gêdêŋ nê lau.  
\b  
\q1 Lambiŋ êndêŋ Anôtô.  
\p \f + \fr 68:35 \ft Dawidnê pesalem teŋ. Wê teŋ.\f*   
\c 69  
\s1 Mec Anôtô ênam saŋa  
\q1
\v 1 O Anôtô, ônam aêma samaŋ  
\q2 gebe bu gênôm aê auc e gabe janaŋa.   
\q1
\v 2 Aê malocmê kasêp lemoŋ gôlub-gôlub gaja. Gamêŋ teŋ kêtôm gebe jaka tôŋŋa gêc atom.  
\q2 Aê katap bugaboaŋ sec sa ma ŋasamac kêkôm aê auc.   
\q1
\v 3 Kataŋ tauc e tekoc gêbac ma ŋoc koclabeŋ kêtu dambê-dambê laŋgwageŋ.  
\q2 Aê gaôŋ to kakêŋ matoc Anôtô e matocanô ŋabob kêsa.   
\b  
\q1
\v 4 Lau taŋ têntac gedec aê kêtu ŋam teŋŋa atom naŋ, taêsam ŋasec,  
\q2 sêlêlêc môkêclauŋ môkêcapacŋa su.  
\q1 Lau taŋ sebe senseŋ aê su naŋ, ŋaclai sec  
\q2 ma êsêac sêgôliŋ biŋ kêpi aê. Êsêac sêkac aê gebe jakêŋ gêŋ êjô gêŋ, taŋ gajam geŋgeŋ atom naŋ.   
\q1
\v 5 O Apômtau, aôm kôjala ŋoc keso  
\q2 ma ŋoc geo kêsiŋ tau gêdêŋ aôm atom.   
\q1
\v 6 O Anôtô, taŋ kôtu lausiŋ undambêŋa nêŋ ŋatau naŋ,  
\q2 ôkêŋ aê gebe jaŋgôm lau, taŋ mateŋ gê aôm naŋ, majeŋ êsa atom.  
\q1 O Israelnêŋ Anôtô,  
\q2 ôkêŋ aê gabe jaŋgôm lau, taŋ sêsap aôm tôŋ naŋ, waeŋ sec atom,   
\q1
\v 7 gebe aê gaôc gêŋwapac sec kêtu aôm ŋa.  
\q2 Majoc e tecbeloc ŋawapac kêsa kêtu aômŋa.   
\q1
\v 8 Ŋoc lasitêwai sêlic aê amboac ŋac jaba  
\q2 ma tinocnê lau sêlic aê amboac ŋac gamêŋbômŋa teŋ.   
\b  
\q1
\v 9 Gebe gaim tauc su nêm anduŋa e katu meloc su.  
\q2 Ma lau, taŋ sêmbu aômŋa naŋ, nêŋ biŋ sêmbuŋa mêŋkêpi aê gêwiŋ.   
\q1
\v 10 Aê katu kasec ôlic gebe kataŋ to gajam dabuŋ mo,  
\q2 mago lau sêsu aê susu.   
\q1
\v 11 Aê ganôŋ kaukauc kêtu ŋoc ŋakwê  
\q2 ma êsêac sêga wê susuŋa kêpi aê.   
\q1
\v 12 Lau embe sêŋgôŋ malacluŋ naŋ, oc sênam aêŋoc biŋ êtu biŋgalôm  
\q2 ma lau, taŋ bu kêjaŋiŋ êsêac naŋ, sêga wê sec kêpi aê.   
\b  
\q1
\v 13 O Apomtau, aê tec jansuŋ ŋoc mec êndêŋ aôm.  
\q2 O Anôtô, ôjô ŋoc mec êndêŋ noc, taŋ aôm gôlic ŋajam naŋ.  
\q1 Ôjô aê aoc êtu nêm têmtac gêwiŋ teŋgeŋŋa,  
\q2 êtu ôŋgôm nêm biŋ, taŋ gôjac mata naŋ, ŋanô êsa.   
\q1
\v 14 Ôkam aê sa aŋga lemoŋ gebe gôdubub jasêp e najanaŋa atom.  
\q2 Ônam aê sa aŋga ŋoc ŋacjo nêŋ, ma aŋga bu ŋagêdim êwiŋ.   
\q1
\v 15 Ôkêŋ ŋasamac ênsalê aê auc atom.  
\q2 Ma ôkêŋ aê janôm bu su jasêp gêdimbob me janêc êsêp sê jana atom.   
\b  
\q1
\v 16 O Apômtau, ôkêŋ taŋam aê gebe nêm têmtac gêwiŋ teŋgeŋŋa tau ŋajam.  
\q2 Ôkac taôm ôkwi êndêŋ aê êtu nêm taêm labu ŋanôŋa.   
\q1
\v 17 Ôsiŋ laŋôm ôkwi êndêŋ nêm sakiŋwaga atom.  
\q2 Aê gamoa jageo, ôjô aêŋoc biŋ galocgeŋ.   
\q1
\v 18 Ôndêŋ aê ômôêŋ ma ônam aê kêsi.  
\q2 Ôsa aê laŋôc sa êndêŋ ŋoc ŋacjo.   
\b  
\q1
\v 19 Aôm gôlic aêŋoc biŋ, taŋ sêgôm aê êndu-êndugeŋ to gaŋgôŋ jageo ma sêgôm aê katu meloc naŋgac.  
\q2 Aôm kôjala ŋoc soŋo-soŋo samobgac.   
\q1
\v 20 Sêsu aê susu e katuc gêbac to popocgeŋ,  
\q2 tec gamoa jageo ŋanô.  
\q1 Kasaê gebe sê malô aê elêmê  
\q2 ma kakêŋ matoc gebe sênam aê sa e masi.   
\q1
\v 21 Êsêac sêkêŋ ŋaikisi aê gaeŋ kêtu mo  
\q2 ma gêdêŋ taŋ bu gêjô aê naŋ, sêkêŋ bu ŋamakic gêdêŋ aê ganôm.   
\q1
\v 22 Nêm moasiŋ êtu nêŋ lakô  
\q2 ma nêŋ moasiŋ daŋa êtu naŋ sê sêu tauŋ êsêpŋa.   
\q1
\v 23 Ôkêŋ êsêac mateŋanô êtu kanuc sêlic gamêŋ atom  
\q2 ma ôkêŋ êsêac magiŋ êsu.   
\q1
\v 24 Ôkêc nêm têmtac ŋandaŋ êpi êsêac  
\q2 ma nêm ŋalêlôm ŋamondec-mondec êtap êsêac sa.   
\q1
\v 25 Nêŋ malac oc êtu gasaŋ ênêc  
\q2 ma nêŋ andulêlôm êtu tuc êkô.   
\q1
\v 26 Gebe êsêac sêjanda ŋac, taŋ aôm taôm gôjac eŋ naŋ,  
\q2 ma sêjam biŋgalôm kêpi lau, taŋ aôm gôjac êsêac ôliŋ lasê naŋ, naŋ ŋandaŋ.   
\q1
\v 27 Ônsalê nêŋ keso ŋagêjô ênsac nêŋ keso ŋagêdô ŋaô.  
\q2 Ma ôkêŋ êsêac sêwê kaiŋ nêm moasiŋ ônam ŋamalac kêsiŋa atom.   
\q1
\v 28 Nêŋ ŋaê ênêc êwiŋ lau gêdêŋ nêŋ atom.  
\q2 Senseŋ êsêacnêŋ ŋaê su aŋga buku mateŋ jaliŋa ŋalêlôm.   
\b  
\q1
\v 29 Aê tec gaŋgôŋ jageo ma gaôc gêŋwapac ŋanô.  
\q2 O Anôtô, ôsip aê sa ma ônam aê kêsi.   
\q1
\v 30 Aê gabe jaŋga wê jaŋgôm Anôtônê ŋaê ŋawae êsa.  
\q2 Janam daŋge to jatoc eŋ sa ŋanô.   
\q1
\v 31 Jaŋgôm amboac tonaŋ ec Apômtau êlic ŋajam êlêlêc bôc kapoac,  
\q2 êlêlêc bulimakao kapoac to ŋajabo ma bôc, taŋ eŋkêku gêwa kêkôc naŋ su.   
\q1
\v 32 Lau taŋ sêôc gêŋ wapac naŋ, embe sêlic oc têntac ŋajam êsa.  
\q2 Amac taŋ asom Anôtô amoa naŋ, nêm ŋalêlôm eŋgeŋ amac sageŋ.   
\q1
\v 33 Gebe Apômtau kêkêŋ taŋa lau ŋalêlôm sawa  
\q2 ma kêliŋ nê lau, taŋ sêŋgôŋ kapoacwalô naŋ, siŋ atom.   
\b  
\q1
\v 34 Undambê to nom aweŋ êôc Anôtô.  
\q2 Gwêc tau to ŋagêŋ mateŋ jali samob, taŋ gêmoa ŋalêlôm naŋ, amboac tonaŋgeŋ.   
\q1
\v 35 Gebe Anôtô oc ênam Sion kêsi ma êkwê malac Judaŋa sa êtiam  
\q2 ma nê lau nasêŋgôŋ tônê ma têtu gamêŋ ŋatau.   
\q1
\v 36 Ênê sakiŋwaga nêŋ wakuc oc sêkôc sa êtu nêŋ gêŋlênsêm  
\q2 ma êsêac, taŋ têntac gêwiŋ eŋ naŋ, oc sêŋgôŋ tônê.  
\p \f + \fr 69:36 \ft Dawidnê teŋ.\f*   
\c 70  
\s1 Mec Anôtô ênam saŋa  
\r (Pes 40:13-17)  
\q1
\v 1 O Anôtô, mêŋônam aê sa.  
\q2 O Apômtau, ônsaic taômgeŋ mêŋôpuc aê tôŋ.   
\q1
\v 2 Êsêac taŋ dêdib aê sebe senseŋ aê su naŋ,  
\q2 ôkêŋ êsêac majeŋ to teŋbeleŋ ŋawapac êsa.  
\q1 Ôkêŋ êsêac, taŋ sêkêŋ mateŋ sebe aê jatu sec naŋ,  
\q2 sêc tomajeŋgeŋ sêmu sêna.   
\q1
\v 3 Êsêac taŋ sêgôm “Kec, kec” kêpi aê naŋ,  
\q2 ôkêŋ êsêac têtakê tomajeŋgeŋ.   
\b  
\q1
\v 4 Ôkêŋ êsêac samob, taŋ sesom aôm naŋ,  
\q2 ôliŋ êpi to têntac ŋajam êsa êtu aôm ŋa.  
\q1 Ôkêŋ êsêac samob, taŋ taêŋ kêka aômnêm moasiŋ naŋ,  
\q2 sêsôm lasê endeŋ tôŋgeŋ gebe “Apômtau ŋac towae.”   
\b  
\q1
\v 5 O Apômtau, aê tec ŋac palê-palê to ŋac ŋalêlôm sawa.  
\q2 O Anôtô, ôlêti sebeŋ ôndêŋ aê ômôêŋ.  
\q1 O Apômtau, ônam gamêŋ tôŋ atom  
\q2 gebe ŋoc ônam-aê-sa to ôpuc-aê-tôŋwaga aômgoc.  
\p \f + \fr 70:5 \ft Dawidnê pesalem teŋ. Taŋiboa teŋ.\f*   
\c 71  
\s1 Ŋamalacanô teŋ nê mec  
\q1
\v 1 O Apômtau, aê gaê lamu aômgeŋ.  
\q2 Ôkêŋ aê jamoa tomajocgeŋ atom.   
\q1
\v 2 Ôŋgamboac aê to ônam aê sa êtu nêm biŋgêdêŋŋa.  
\q2 Ôê taŋam aê ma ônam aê kêsi.   
\q1
\v 3 Ôtu ŋoc poclabu jaê lamuŋa to ŋoc laimôkê ônam aê saŋa.  
\q2 Aôm tonaŋ kôtu ŋoc poclabu to ŋoc laimôkê.   
\b  
\q1
\v 4 O ŋoc Anôtô, ôjaŋgo aê su aŋga lau, taŋ sêkac tauŋ su aŋga aômnêm naŋ lemeŋ.  
\q2 Ôjaŋgo aê su aŋga lau alôb-alôb to lêsutêna nêŋ.   
\q1
\v 5 O Apômtau, aê kakêŋ matoc aômgeŋ.  
\q2 O Apômtau, aê ŋapalêgeŋ ma taêc kêka aôm.   
\q1
\v 6 Gêdêŋ tinoc kêkôc aê su ma gasuŋ tauc gêdêŋ aôm, kasa aŋga tinocnê e aôm gôlôm aêgeŋ,  
\q2 amboac tonaŋ oc jalambiŋ aôm endeŋ tôŋgeŋ.   
\b  
\q1
\v 7 Lau samob sêlic aê amboac gêŋsêga teŋ,  
\q2 mago aôm kôtu aêŋoc lamu ŋajaŋa.   
\q1
\v 8 Aocsuŋ kêsuŋ aômnêm lanem sa  
\q2 ma gêgôm waem kêtu tapa kêtôm bêcgeŋ.   
\q1
\v 9 Aê katu ŋamalacanôgac, tec ôtiŋ aê su atom.  
\q2 Ŋoc ŋaclai gêbacnê, tec ôwi aê siŋ atom.   
\q1
\v 10 Gebe ŋoc ŋacjo sêsôm biŋ kêpi aê  
\q2 ma êsêac, taŋ sêkic ŋoc biŋ naŋ, sêjam biŋgalôm sêwiŋ tauŋ   
\q1
\v 11 ma sêsôm gebe “Anôtô gêwi eŋ siŋgac,  
\q2 ajanda eŋ e naakam eŋ tôŋ gebe ênê kêsiwaga masi.”   
\b  
\q1
\v 12 O Anôtô, ômoa jaêc aê atom. O ŋoc Anôtô, ôlêtigeŋ mêŋônam aê sa.   
\q1
\v 13 Êsêac taŋ sêkêŋ kisa aê naŋ, majeŋ êsa e sênaŋa  
\q2 ma sêsu êsêac, taŋ sebe sêkêŋ aê jandac gêŋwapac naŋ, susu e sêmoa toteŋbeleŋ ŋawapacgeŋ.   
\q1
\v 14 Aê gabe jakêŋ matoc aôm endeŋ tôŋgeŋ  
\q2 ma jaŋgôm waem êsa êlêlêc su.   
\q1
\v 15 Aocsuŋ êsôm nêm biŋgêdêŋ to nêm ŋaclai ônam ŋamalac saŋa lasê êtôm bêcgeŋ.  
\q2 Aê oc jasa moasiŋ tonaŋ sa êtôm atom.   
\q1
\v 16 Aê gabe jasa Apômtau Anôtô nê gêŋ ŋaclai sa.  
\q2 Aê gabe jalambiŋ aôm taômgeŋ nêm biŋgêdêŋ.   
\b  
\q1
\v 17 O Anôtô, aê ŋapalêgeŋ ma aôm kôdôŋ aê,  
\q2 tec gaoc nêm gêŋtalô lasê ŋapaŋ e gêdêŋ galoc.   
\q1
\v 18 O Anôtô, embe jatu ŋamalacanô e môdê ênam aê auc,  
\q2 naŋ ôwi aê siŋ atom.  
\q1 Gebe jasôm nêm ŋaclai êndêŋ lau wakuc,  
\q2 taŋ mêŋsêsa êtu ŋamu naŋ.   
\b  
\q1
\v 19 O Anôtô, nêm ŋaclai to biŋgêdêŋ kêsuŋ kwandaŋ kêpi e jagêdêŋ undambê.  
\q2 O Anôtô, taŋ gôgôm gêŋ ŋaclaisêga naŋ, asa oc êtôm aôm.   
\q1
\v 20 Aôm kôkêŋ gêŋwapac to gêŋ ŋandaŋ gêjam aê auc elêmê.  
\q2 Mago aôm oc ôkêŋ aê tekoc saki êsa êtiam ma ôwê aê sa aŋga nom ŋalêlômsêga japi jamêŋ êtiam.   
\q1
\v 21 Aôm oc otoc aê sa êlêlêc  
\q2 ma ônac aê têtac tôŋ.   
\b  
\q1
\v 22 O ŋoc Anôtô, amboac tonaŋ oc aoc êôc aôm ŋa gêŋ wêŋa  
\q2 kêtu aôm ŋac ŋaŋêŋŋa.  
\q1 O Israelnêŋ ŋac dabuŋ,  
\q2 aê gabe jaŋgôm gêŋ wêŋa êtaŋ êndêŋ aôm.   
\q1
\v 23 Aê gêdôcôlic ênam lasê êtu têtac ŋajamŋa  
\q2 ma katuc, taŋ gôjam kêsi naŋ, amboac tonaŋgeŋ.   
\q1
\v 24 Imbeloc oc êsôm nêm biŋgêdêŋ gêjam aê saŋa lasê êtôm bêcgeŋ  
\q2 gebe êsêac, taŋ sebe sêkêŋ aê jandac gêŋwapac naŋ, majeŋ êsa e sêmoa toteŋbeleŋ ŋawapacgeŋ.   
\c 72  
\s1 Mec kêtu kiŋŋa  
\q1
\v 1 O Anôtô, ôndôŋ kiŋ gebe êmêtôc biŋ ŋa nêm biŋgêdêŋŋa  
\q2 ma ôkêŋ nêm biŋgêdêŋ êndêŋ kiŋ latu.   
\q1
\v 2 Gebe ênam gôliŋ nêm lau ŋa biŋgêdêŋgeŋ  
\q2 ma êmêtôc lau ŋasec nêŋ biŋ katôgeŋ.   
\q1
\v 3 Lôc sênam ŋanô moasiŋ êmoasiŋ lauŋa  
\q2 ma gamêŋ ŋabau sênam ŋanô biŋgêdêŋ.   
\q1
\v 4 Kiŋ êmêtôc lau ŋalêlôm sawa nêŋ biŋ naêndêŋgeŋ, eŋ ênam lau sêpô lênaŋa sa  
\q2 ma êka êsêacnêŋ lêsutêna popoc.   
\q1
\v 5 Gôlôac to gôlôac têtêc aôm  
\q2 êtôm têm, taŋ oc ajôŋ êpô gamêŋ naŋ.   
\b  
\q1
\v 6 Kiŋ êtôm kom, taŋ gêjac kêsêp kôm  
\q2 ma eŋ oc êtôm kom, taŋ kêmalôm nom naŋ.   
\q1
\v 7 Êtôm kiŋ tau nê têm biŋgêdêŋ ênac tau lêtêŋ amboac ŋaola ŋajam  
\q2 ma wama ênam gamêŋ auc kêtôm ajuŋ ŋawê kêpô gamêŋ gêôc aucgeŋ.   
\q1
\v 8 Ênê gamêŋ gôliŋŋa ênêc gwêc ŋamadiŋ teŋ e naêndêŋ ŋamadiŋ teŋ  
\q2 ma aŋga bu Euprat e naêndêŋ nom ŋamadiŋ.   
\q1
\v 9 lau gamêŋ sawaŋa sêpôŋ aeŋduc êndêŋ eŋ  
\q2 ma nê ŋacjo sêu tauŋ sênêc nom.   
\q1
\v 10 Kiŋ Tarsis to lau, taŋ sêŋgôŋ nuc naŋ,  
\q2 oc sejoŋ nêŋ awa nasênsuŋ êndêŋ eŋ.  
\q1 Lau Arabia to Aitiopia ŋataui  
\q2 oc sêkêŋ nêŋ awamata êndêŋ eŋ.   
\q1
\v 11 Biŋŋanô, kiŋ samob oc tetoc eŋ sa.  
\q2 Lau samuc samob oc sênam sakiŋ êndêŋ eŋ.   
\b  
\q1
\v 12 Gebe eŋ oc ênam ŋac ŋalêlôm sawa, taŋ awa gêjac eŋ naŋ sa  
\q2 ma ŋac ŋasec, taŋ gêjam-sawaga gêmoa atom naŋ, amboac tonaŋgeŋ.   
\q1
\v 13 Eŋ oc taê labu ŋac ŋaôma to ŋalêlôm sawa  
\q2 ma ejop lau sawa nêŋ katuŋ.   
\q1
\v 14 Eŋ oc ênam êsêacnêŋ katuŋ kêsi aŋga lêsutêna to ŋaclai-secwaga lemeŋ.  
\q2 Eŋ oc êlic lau tonaŋ ŋai nêŋ dec amboac gêŋ ŋanô.   
\b  
\q1
\v 15 Kiŋ oc êŋgôŋ ŋêŋgeŋ ma sêkêŋ gold Arabiaŋa êndêŋ eŋ.  
\q2 Êsêac teteŋ mec êtu eŋŋa endeŋ tôŋgeŋ ma Anôtônê mec êpi eŋ ŋapaŋ.   
\q1
\v 16 Mo êmôp lasê ênêc ênê gaboaŋ  
\q2 ma êtu secŋa ênêc lôctêpôê.  
\q1 Mu êôc ênê gêŋkaiŋ ŋatêpôê naêsêp-naêsêp amboac aŋga Lebanon  
\q2 ma ŋamalac êlêc aŋga malac êtôm gêgwaŋ gêlêc aŋga nom.   
\q1
\v 17 Ênê ŋaê oc ênêc endeŋ tôŋgeŋ.  
\q2 Ênê wae ênêc êtôm oc êpô gamêŋ.  
\q1 Lau nomŋa samob aweŋ êôc eŋ  
\q2 ma teteŋ Anôtô gebe ênam mec eŋ to êkêŋ eŋ êmoa totêtac ŋajamgeŋ.   
\b  
\q1
\v 18 Lambiŋ êndêŋ Apômtau, lau Israelnêŋ Anôtô.  
\q2 Eŋ taugeŋ tec gêgôm gêŋsêga gêmoa.   
\q1
\v 19 Lambiŋ êndêŋ ênê ŋaê towae endeŋ tôŋgeŋ.  
\q2 Ênê ŋawasi ênam nom auc samucgeŋ.  
\b  
\q1 Biŋŋanô, biŋŋanôgoc.   
\b  
\q1
\v 20 Isai latu Dawid nê mec gêbacnê gêdêŋ tonec.   
\s1 Salomonê teŋ.  
\c 73  
\s1 BUKU KÊTU TÊLÊACŊA  
\s1 Anôtô kêmêtôc biŋ jagêdêŋgeŋ  
\q1
\v 1 Biŋŋanô, Anôtô kêmoasiŋ lau mansaŋ  
\q2 to kêmoasiŋ êsêac, taŋ nêŋ ŋalêlôm ŋawa naŋ, amboac tonaŋ.   
\q1
\v 2 Mago aê kadabiŋ gebe japô ockaiŋ ôkwi  
\q2 ma kadabiŋ gebe jaka bêlip tageŋ   
\q1
\v 3 gebe matoc katu lanemtêna kêtu sêmoa ŋajam-ŋajamŋa  
\q2 ma galic lau alôb-alôb têtu lau tolêlôm.   
\b  
\q1
\v 4 Lau tonaŋ ŋai sêjam kauc ŋandaŋ  
\q2 ma sêmoa ôliŋ ŋajam to ôliŋ samuc.   
\q1
\v 5 Êsêac sêôc gêŋwapac têtôm lau ŋagêdô atom.  
\q2 Ma sêlic ŋandaŋ teŋ têtôm lau ŋagêdô atom.   
\q1
\v 6 Amboac tonaŋ tec tetoc tauŋ sa kêtu nêŋ gêlôŋ, taŋ sênôŋ naŋ,  
\q2 ma ŋaclai kêkwa êsêac auc amboac nêŋ ŋakwê.   
\q1
\v 7 Êsêac tonaŋ têtôp e mateŋanô kololoc gêja  
\q2 ma sêsêwa biŋ meloc, taŋ taêŋ gêjam gêc nêŋ ŋalêlôm naŋ, kêsa awê.   
\q1
\v 8 Êsêac sêsu biŋ susu tonêŋ ŋalêlôm ŋamalic.  
\q2 Êsêac tetoc tauŋ sa ma sêpô biŋ kêpi laugeŋ.   
\q1
\v 9 Aweŋsuŋ kêsôm biŋ geseŋ undambê  
\q2 ma imbeleŋ kêsôm biŋ gêjac laoc nomgeŋ.   
\b  
\q1
\v 10 Amboac tonaŋ tec lau dêdêŋ êsêac  
\q2 ma sêlib êsêacnêŋ biŋ kêtôm sêlib bu.   
\q1
\v 11 Êsêac sêsôm gebe “Anôtô oc êjala biŋ amboac ondoc  
\q2 ma Lôlôc Ŋatau oc êŋô biŋ ŋam amboac ondocgeŋ.”   
\q1
\v 12 Alic acgom, lau alôb-alôb nêŋ biŋ amboac tonaŋ  
\q2 sêmoa ŋajam gedeŋ tôŋgeŋ sêjac nêŋ awa sa-sa.   
\q1
\v 13 Ojae, kamasaŋ ŋoc ŋalêlôm e ŋatipsawa ŋaômagoc  
\q2 ma kakwasiŋ lemoc e gawê geo teŋ ŋakaiŋ atom.   
\q1
\v 14 Mago gêŋwapac gêgôm aê kêtôm bêcgeŋ  
\q2 ma gêŋ kêlêsu aê kêtôm ŋageleŋ samob.   
\b  
\q1
\v 15 Aê embe taêc ênam gebe aê jasôm biŋ amboac tonaŋ jawiŋ  
\q2 oc jansau nêm launêŋ gôlôac.   
\q1
\v 16 Amboac tonaŋ katu kêka-kêka gebe jajala ŋam elêmê,  
\q2 mago galic gebe ŋawapac.   
\q1
\v 17 E kasô Anôtônê gamêŋ dabuŋ gaja,  
\q2 go ŋoc kauc kêsa kêpi lau alôb-alôb nêŋ lêŋtêpôê.   
\b  
\q1
\v 18 Biŋŋanô, aôm kotoc êsêac sêkô gamêŋ ŋalêŋô,  
\q2 go gôgôm êsêac sêu tauŋ e popoc-popocgeŋ sêjaŋa.   
\q1
\v 19 Seseŋ êsêac su weŋ tageŋ,  
\q2 sêjaŋa tonêŋ ŋalêlôm ŋatutucgeŋ.   
\q1
\v 20 Êsêac têtôm aêac taêc bêc e taêc mê.  
\q2 Mateŋ gêlac ma talic gêŋ ŋakatu tau malamê.   
\b  
\q1
\v 21 Gêdêŋ taŋ ŋoc ŋalêlôm ŋamakic kêsa  
\q2 e kêtuŋ aê masi naŋ,   
\q1
\v 22 aê katu meloc e ŋoc kauc gêjaŋa,  
\q2 katôm bôc gamoa aôm laŋômnêmŋa.   
\q1
\v 23 Mago kasap aôm tôŋ gedeŋ tôŋgeŋ.  
\q2 Aôm kôkam aê tôŋ gêdêŋ lemoc anôŋa.   
\q1
\v 24 Aôm gôwê aê kêtôm, taŋ taêm gêjam naŋ,  
\q2 ma êtu ŋamu aôm oc ôkôc aê sa toŋawasigeŋ.   
\q1
\v 25 Aêŋoc asa teŋ gêmoa undambê  
\q2 ma ŋoc asageŋ gêc nom gebe japô lêna. Aôm taômgeŋgoc.   
\q1
\v 26 Ôlic to katuc oc êtu palê,  
\q2 mago Anôtô kêtu ŋoc gêŋlênsêm teŋgeŋ ma teŋgeŋ.   
\b  
\q1
\v 27 Biŋŋanôgoc, êsêac taŋ sêmoa jaêc aôm naŋ sênaŋa.  
\q2 Aôm goseŋ lau samob, taŋ sêkac tauŋ su aŋga aômnêm naŋ su.   
\b  
\q1
\v 28 Mago aêgoc tec galic ŋajam gebe jamoa Anôtô ŋagalageŋ.  
\q2 Aê gaê lamu Apômtau Anôtô gebe jasôm aômnêm gêŋ samob, taŋ gôgôm naŋ lasê.  
\p \f + \fr 73:28 \ft Asapnê.\f*   
\c 74  
\s1 Têtaŋ nêŋ lôm, dabuŋ kêtu ŋacjo seseŋ suŋa  
\q1
\v 1 O Anôtô, amboac ondoc kôtiŋ aêac su ŋanôgeŋ.  
\q2 Ma têmtac ŋandaŋ sec gêdêŋ gêŋ, taŋ gojob naŋ.   
\q1
\v 2 Taêm ênam nêm gôlôac, taŋ gêmuŋgeŋ kôjaliŋ ma kôwaka êsêac sa têtu taôm nêm lau naŋ.  
\q2 Taêm ênam lôc Sion, taŋ gôŋgôŋ kêtu nêm malac naŋ.   
\q1
\v 3 Ôsêlêŋ opeŋ gamêŋ popoc tau, taŋ gacgeŋ gêc-gêc naŋ.  
\q2 Ojae, gêŋ samob, taŋ kêkô gamêŋ dabuŋ ŋalêlôm naŋ, ŋacjo seseŋ sugoc.   
\b  
\q1
\v 4 Nêm ŋacjo sêjam wambaŋ ŋamelocŋageŋ aŋga nêm gamêŋ, taŋ lau sêkac tauŋ sa sêmoa naŋ.  
\q2 Êsêac sêguŋ nêŋ bam kêkô gebe gamêŋ tonaŋ kêtu êsêacnêŋ.   
\q1
\v 5 Êsêac têtôm kômwaga saleŋŋa,  
\q2 taŋ sêsap ka tulu ŋa nêŋ ki naŋ.   
\q1
\v 6 Êsêac sêga katapa toŋatalô popoc  
\q2 ŋa nêŋ ki to hama kapôêŋ.   
\q1
\v 7 Êsêac sêkêc nêm gamêŋ dabuŋ ja geŋ su  
\q2 ma seseŋ nêm ŋaê ŋaandu ŋadabuŋ su e gêjaŋa samucgeŋ.   
\q1
\v 8 Êsêac taêŋ gêjam gêc tauŋgeŋ gebe “Aêac danseŋ êsêac su e tomalageŋ.”  
\q2 Ma sêkêc Anôtônê sakiŋ dabuŋ ŋamala samob, taŋ kêkô-kêkô naŋ, ja geŋ su.   
\b  
\q1
\v 9 Aêacma gêbôm dabuŋ samob maleŋmê.  
\q2 Propete teŋ gêmoa kêtiam atom, ma aêac samob ajam kauc ŋanoc gêŋ tonaŋ oc êmbacnê êndêŋ ondoc.   
\q1
\v 10 O Anôtô, kalomtêna oc sêsôm nêŋ biŋ susu e êndêŋ ondocgeŋ.  
\q2 Ŋacjo oc sêŋgôm aômnêm ŋaê oc êtu meloc endeŋ tôŋgeŋ me.   
\q1
\v 11 Amboac ondoc kôtaiŋ lêmam su.  
\q2 Amboac ondoc kôkapiŋ lêmam tôŋ.   
\b  
\q1
\v 12 Mago Anôtô kêtu aêŋoc kiŋ gêdêŋ andaŋgeŋ tauanô.  
\q2 Eŋ gêjam ŋamalac sa kêtôm nom ŋagamêŋgeŋ.   
\q1
\v 13 Aôm gôwa gwêc kakôc ŋa nêm ŋaclai kapôêŋ  
\q2 ma golo secsêga gwêcŋa môkêapac popoc.   
\q1
\v 14 Aôm gôga bôcsêga Lewiatan môkêapac kêkôc  
\q2 ma kôkêŋ eŋ ôli kêtu bôc gamêŋ sawa nêŋ.   
\q1
\v 15 Aôm kôkêŋ bumata kêpulu to keseleŋ.  
\q2 Aôm gôwa bu kapôêŋ-kapôêŋ gêŋgic-gêŋgic e ŋakeleŋ kêsa samucgeŋ.   
\q1
\v 16 Aôm kôtu geleŋŋa ŋatau. Aôm kôtu gêbêcauc ŋatau.  
\q2 Aôm tec kotoc ajôŋ to oc sêkô maleŋ.   
\q1
\v 17 Aôm gôjac lôcawa nom e gêdêŋ ŋamadiŋ.  
\q2 Aôm kôkêŋ oc kêsa to komôgoc.   
\b  
\q1
\v 18 O Apômtau, taêm ênam gebe nêm ŋacjo sêômac aôm.  
\q2 Êsêac sêkac tauŋ su aŋga aômnêm ma sêgôm nêm ŋaê kêtu gêŋ meloc.   
\q1
\v 19 Ôwi nêm balôsinê katu siŋ êndêŋ kikic atom.  
\q2 Ôliŋ aômnêm lau ŋasec nêŋ katuŋ siŋ samucgeŋ atom.   
\q1
\v 20 Matam êndiŋ nêm poac, taŋ kômoatiŋ gawiŋ aêac naŋ,  
\q2 gebe ŋaclai sec gêjam gamêŋ ŋakesec nomŋa samob auc.   
\q1
\v 21 Ôkêŋ ŋac, taŋ gêôc gêŋwapac naŋ, maja êsa atom.  
\q2 Lau ŋalêlôm sawa to lau ŋasec aweŋ êôc nêm ŋaêmaŋ.   
\b  
\q1
\v 22 O Anôtô, ôndi sa ma ônam nêm gêŋ kêsimaŋ.  
\q2 Taêm ênam biŋ meloc, taŋ lau alôb-alôbwaga sêgôliŋ kêpi aôm kêtôm bêc to geleŋgeŋ.   
\b  
\q1
\v 23 Oliŋ nêm ŋacjo nêŋ ŋaonda siŋ atom.  
\q2 Nêm soŋo-soŋo nêŋ wambaŋ, taŋ kêpi gedeŋ tôŋgeŋ naŋ, amboac tonaŋ.  
\p \f + \fr 74:23 \ft Asapnê teŋ.\f*   
\c 75  
\s1 Anôtô kêmêtôc ŋamalacnêŋ biŋ jagêdêŋ  
\q1
\v 1 O Anôtô, aêac aweŋ gêôc aôm. O Anôtô, aêac alanem aôm.  
\q2 Aêac asôm aôm waem lasê ma awa gêŋtalô samob, taŋ aôm gôgôm naŋ sa.   
\b  
\q1
\v 2 Anôtô kêsôm gebe “Aê kakêŋ ŋoc noc mêtôcŋa  
\q2 ma oc jamêtôc biŋ naêndêŋgeŋ.   
\q1
\v 3 Embe nom êkôtiŋ tau ma ŋamalac samob, taŋ sêŋgôŋ nom naŋ têtênêp,  
\q2 go aê jandeŋ nom ŋanombaŋ tôŋ.   
\q1
\v 4 Aê aoc ênac tetoc tauŋ sawaga gebe ‘Atoc taôm-sa atom.’  
\q2 Ma êndêŋ lau alôb-alôbwaga gebe ‘Asa môkêmapac sa amboac secgeŋmaŋ.   
\q1
\v 5 Asa môkêmapac sa ŋanôgeŋ  
\q2 amboac tonaŋ atom. Amêtôc gêsômtêkwa êtu baliŋ alanem taômgeŋ atom.’”   
\b  
\q1
\v 6 Mêtôcwaga oc mêŋêsa aŋga oc kêpiŋa ma aŋga oc kêsêpŋa atom  
\q2 ma êmêŋ aŋga gamêŋ gêmu kêpi to gêmu kêsêpŋa atom amboac tonaŋgeŋ.   
\q1
\v 7 Anôtô oc êmêtôc biŋ êmoa.  
\q2 Eŋ oc êkôniŋ lau teŋ tôŋ me etoc lau teŋ sa.   
\q1
\v 8 Apômtau lêma kêkam laclu teŋ,  
\q2 taŋ ênê têtac ŋandaŋ ŋawain ŋajaŋa kêpoac naŋ.  
\q1 Eŋ kêkêc kêsêp laclu  
\q2 ma lau alôb-alôb sêlib ŋatetep samob gêwiŋ.   
\q1
\v 9 Ma aê oc ôlic api toôndugeŋ ŋapaŋ  
\q2 gabe aoc aôc Jakobnê Anôtô.   
\q1
\v 10 Eŋ asap lau sec samob, taŋ sêkac tauŋ su aŋga Anôtônê naŋ, naŋ ŋaclai tulu.  
\q2 Eŋ êkiaŋ lau gêdêŋ nêŋ ŋaclai sa êtu kapôêŋ.  
\p \f + \fr 75:10 \ft Asapnê wê teŋ.\f*   
\c 76  
\s1 Wê aweŋ êôc Anôtôŋa  
\q1
\v 1 Anôtônê wae kêsa aŋga Juda.  
\q2 Ênê ŋaê kesewec aŋga Israel.   
\q1
\v 2 Êsêac sê ênê bec aŋga Salem.  
\q2 Ma nê andu kêkô Sion.   
\q1
\v 3 Aŋga tonaŋ tec eŋ gêjac talam ŋasôb-ôsic popoc  
\q2 ma gêgôm lautuc to siŋ ma laukasap samob amboac tonaŋgeŋ.   
\b  
\q1
\v 4 Lôc teŋgeŋŋa ŋatau aôm ŋac ŋawasi.  
\q2 Samob têtêc aômgeŋ.   
\q1
\v 5 Sêjaŋgo ŋaclai ŋasiŋsêlêc nêŋ waba su.  
\q2 Êsêac sêjac tuluc e sêliŋ tauŋ siŋ ma ŋactêkwa samob lemeŋ kêtu goloŋ.   
\q1
\v 6 O Jakobnê Anôtô, aôm gôjam wambaŋ  
\q2 e kômônaŋ kareta to gôgôm hosnêŋ meloco kêsa.   
\b  
\q1
\v 7 Aôm embe têmtac ŋandaŋ êsa ma asa oc êkô aôm laŋômnêm  
\q2 gebe aôm ŋaclai sec.   
\q1
\v 8 Aôm kôsôm biŋ katô aŋga undambê gobe ômêtôc biŋ,  
\q2 tec lau nomŋa sêŋô e gêjac êsêacnêŋ lênô auc sêŋgôŋ.   
\q1
\v 9 Gêdêŋ tonaŋ Anôtô gêdi gebe êmêtôc biŋ  
\q2 gebe êôc lau samob, taŋ sêôc gêŋwapac aŋga nom naŋ sa.   
\b  
\q1
\v 10 Ŋamalacnêŋ têntac ŋandaŋ oc êŋgôm aôm waem êtu tapa.  
\q2 Ma êsêac, taŋ sêwê siŋ sa naŋ, oc sêlic nêm om.   
\b  
\q1
\v 11 Anac mata biŋ ma aŋgôm ŋanô êsa êndêŋ Apômtau, amacnêm Anôtô.  
\q2 Lau samob, taŋ sêŋgôŋ sêgi eŋ auc naŋ, sênsuŋ nêŋ gêŋ êndêŋ Anôtô, taŋ têtêc eŋ naŋ.   
\q1
\v 12 Ŋac tau kêkôniŋ kasêga, taŋ tetoc tauŋ sa naŋ,  
\q2 ma kêtakê kiŋ kapôêŋ-kapôêŋ ŋasec.  
\p \f + \fr 76:12 \ft Asapnê wê teŋ.\f*   
\c 77  
\s1 Gêŋwapac embe êŋgôm aêac, naŋ Anôtô taê walô aêac  
\q1
\v 1 Aê gamôêc gêdêŋ Anôtô ŋa aoc kapôêŋ. Biŋŋanô aê gabe jamôêc.  
\q2 Gamôêc kapôêŋ gêdêŋ Anôtô gebe eŋ êkêŋ taŋa aê.   
\q1
\v 2 Gêdêŋ taŋ gêŋwapac gêgôm aê naŋ, aê kateŋ mec gêdêŋ Apômtau,  
\q2 mago gêŋ teŋ gêjam malô aê atom.   
\q1
\v 3 Aê embe taêc ênam Anôtô, oc janiŋ oliŋ tauc.  
\q2 Embe taêc ênam biŋ ŋam, oc ŋoc kauc ensom mala ôkwi.   
\q1
\v 4 Eŋ kêkêŋ aê gajam jali gêbêcauc samuc.  
\q2 ŋoc ŋalêlôm ŋatutuc e kasôm biŋ jageo.   
\q1
\v 5 Aê taêc gêjam kêsêp bêc gêmuŋgeŋŋa  
\q2 ma jala, taŋ gêjaŋa wanêcgeŋ su naŋ, amboac tonaŋ.   
\q1
\v 6 Kêtôm gêbêcgeŋ aê taêc gêjam biŋ jakêsa-jakêsa.  
\q2 Aê taêc gêjam biŋ gêc ŋoc ŋalêlôm ma kakip sa e ganac matoc gebe   
\q1
\v 7 “Apômtau oc êtiŋ aêac su samucgeŋ  
\q2 ma êmoasiŋ aêac êtiam atomanô me masi.   
\q1
\v 8 Ênê têtac gêwiŋ teŋgeŋŋa gêbacnê me.  
\q2 Ma biŋ, taŋ eŋ gêjac mata naŋ, gêjac pep su me.   
\q1
\v 9 Anôtô oc kêliŋ êmoasiŋ lauŋa siŋ me.  
\q2 Ênê têtac ŋandaŋ gêbôc nê taê walô auc me.”   
\q1
\v 10 Tec kasôm gêdêŋ tauc gebe “Aêŋoc ŋalêlôm ŋawapac ŋanô  
\q2 gebe Apômtau gêjam nê gôliŋ ôkwi.”   
\q1
\v 11 Aê gabe taêc ênam gêŋ, taŋ Apômtau gêgôm naŋ.  
\q2 Biŋŋanô, gabe taêc ênam nêm gêŋtalô, taŋ gôgôm gêdêŋ andaŋgeŋ naŋ.   
\q1
\v 12 Jakip gêŋ samob, taŋ aôm gôgôm naŋ, ŋam sa  
\q2 ma jasala aômnêm gêŋsêga samob.   
\b  
\q1
\v 13 O Anôtô, nêm intêna dabuŋ.  
\q2 Lau samuc nêŋ anôtô ondoc kapôêŋ kêtôm aôm.   
\q1
\v 14 Aôm taômgeŋ Anôtô, taŋ gôgôm gêŋsêga naŋ.  
\q2 Aôm kôwaka nêm ŋaclai sa gêdêŋ tenteŋlatu sêlic.   
\q1
\v 15 Lêmam ŋajaŋa gôjam nêm lau,  
\q2 Jakob agêc Josep latuŋi kêsi.   
\b  
\q1
\v 16 O Anôtô, gêdêŋ taŋ bu gêlic aôm naŋ, kêtêc aôm.  
\q2 Ma gwêc ŋagêdim kêtênêp lasê.   
\q1
\v 17 Tao sêsêwa kom ŋasec to umboŋ ŋatêtac kêkêŋ wapap gêjac.  
\q2 Ma aômnêm sôbôsic geŋ gamêŋ gêŋgic-gêŋgic.   
\q1
\v 18 Aômnêm wapap ŋakicsêa ŋadindiŋ kaiŋ teŋ, ôsic kêpô gamêŋ ŋawê kêsa  
\q2 e nom ŋawiwic dendeŋgeŋ to kôtêŋ-kôtêŋgeŋ.   
\q1
\v 19 Aômnêm intêna gêjac gwêc gêŋgic ma nêm lêŋ gêwa ŋasamac kapôêŋ êliŋ-êliŋ,  
\q2 mago sêlic waŋam atom.   
\q1
\v 20 Aôm gôwê nêm lau amboac ŋacgejob gêwê nê domba.  
\q2 Mose agêc Aron sêjam aôm laŋôm.  
\p \f + \fr 77:20 \ft Asapnê teŋ.\f*   
\c 78  
\s1 Sêlêŋ biŋ Israel kêtu taŋeŋpêcŋa  
\q1
\v 1 Ao ŋoc lauac, akêŋ taŋem ŋoc mêtê.  
\q2 Aê taŋem aocsuŋ ŋabiŋ.   
\q1
\v 2 Aê gabe jaŋa aoc êtu jasôm biŋgôliŋŋa.  
\q2 Aê gabe jaôŋ biŋgôliŋ têm ŋamata tauanôŋa sa.   
\q1
\v 3 Biŋ taŋ aêac aŋô to ajala  
\q2 ma tameŋi sêjac miŋ gêdêŋ aêac naŋ.   
\q1
\v 4 Biŋ tau aêac ansa auc êndêŋ aêacnêŋ ŋapalê atom,  
\q2 tanac miŋ êndêŋ lau wakuc, taŋ têndaŋguc naŋ, gebe  
\q1 Apômtau gêgôm nê gêŋ towae ma ŋaclai  
\q2 to gêŋsêgageŋ.   
\b  
\q1
\v 5 Eŋ gêwa biŋ sa aŋga Jakobnêŋ  
\q2 to kêwaka biŋ sa aŋga Israelnêŋ  
\q1 ma kêsakiŋ aêacnêŋ mimi  
\q2 gebe sêsôm lasê êndêŋ nêŋ wakuc.   
\q1
\v 6 Gebe lau wakuc, taŋ têndaŋguc êsêac naŋ, sêŋô ŋawae  
\q2 ma tauŋ sênac ŋamiŋ elom nêŋ wakuc.   
\q1
\v 7 Sêŋgôm amboac tonaŋ, go sêkêŋ mateŋ Anôtô to sêliŋ gêŋ, taŋ eŋ gêgôm naŋ, siŋ atom  
\q2 ec sêŋgôm ênê biŋsu êtu tôŋ.   
\q1
\v 8 Gebe êsêac têtu gôlôac gêsuŋtêkwa ŋatoŋboa  
\q2 têtôm nêŋ mimi.  
\q1 Êsêacnêŋ ŋalêlôm geo gala  
\q2 ma nêŋ katuŋ kêsap Anôtô tôŋ ŋaŋêŋ atom.   
\b  
\q1
\v 9 Epraimnê gôlôac sêpê talam lemeŋ kata,  
\q2 mago gêdêŋ siŋ ŋabêc naŋ sêc ŋamelocŋageŋ.   
\q1
\v 10 Êsêac sêmasaŋ Anôtônê poac atom  
\q2 ma sebe sêsa nêŋ lêŋ êtôm ênê biŋsu atom.   
\q1
\v 11 Êsêac sêliŋ ênê gêŋsêga, taŋ gêgôm naŋ siŋ  
\q2 ma gêŋtalô, taŋ eŋ gêgôm êsêac sêlic naŋ, amboac tonaŋgeŋ.   
\q1
\v 12 Eŋ gêgôm gêŋsêga êsêac tameŋi sêlic.  
\q2 Gêgôm aŋga gamêŋ Aiguptu ŋagaboaŋ Soan.   
\q1
\v 13 Eŋ gêwa gwêc kêkôc ma kêkêŋ êsêac sêwê sêsêp ŋaluŋgeŋ sêja.  
\q2 Eŋ gêlêc dembom sa kêpi e amboac tuŋbôm.   
\q1
\v 14 Eŋ gêwê êsêac ŋa tao gêdêŋ ocsalô  
\q2 ma ŋa ja gêdêŋ gêbêc.   
\q1
\v 15 Eŋ gêga poc kêkôc aŋga gamêŋ sawa  
\q2 ma kêkêŋ bu kapôêŋ aŋga nom ŋalêlôm gêmêŋ mêŋêsêac sênôm e gêôc êsêac tôŋ.   
\q1
\v 16 Eŋ kêkêŋ bu kêpulu aŋga poc ŋalêlôm  
\q2 ma bu tau gêc ŋasamac laŋgwageŋ kêsa gêja.   
\q1
\v 17 Mago êsêac sêkêŋ sec gêjô gedeŋ tôŋgeŋ  
\q2 ma sêli tauŋ sa gêdêŋ Lôlôc Ŋatau aŋga gamêŋ sawa.   
\q1
\v 18 Êsêac sêsaê Apômtaugeŋ sêjac ŋawae  
\q2 ma sêkapiŋ eŋ gebe êkêŋ mo êndêŋ êsêac êtôm êsêac tauŋ têntac gêwiŋ.   
\q1
\v 19 Êsêac têtaŋ pêlê Anôtô gebe  
\q2 “Talic acgom, Anôtô oc êkêŋ mo êndêŋ aêac aŋga gamêŋ sawa me masi.   
\q1
\v 20 Eŋ gêjac poc  
\q2 e bu keseleŋ ŋasamac laŋgwageŋ kêsa gêja,  
\q1 ma oc êkêŋ mo to gwada  
\q2 gebe nê lau sêniŋ amboac tonaŋgeŋ me masi.”   
\b  
\q1
\v 21 Apômtau gêŋô biŋ amboac tonaŋ e têtac ŋandaŋ kêsa.  
\q2 Ênê ja kêsa gebe enseŋ Jakob, ma nê lai kêpoa gebe enseŋ Israel   
\q1
\v 22 kêtu êsêac sêkêŋ gêwiŋ Anôtô atomŋa ma kêtu êsêac têntac kêpa sugeŋ gebe Anôtô ocgo ênam êsêac sa nec atomŋa.   
\q2
\v 23 Mago eŋ kêjatu tao lôlôcŋa  
\q2 ma gêlêc undambê ŋakatam su   
\q1
\v 24 ma kêkêŋ mana kêsêlô kêtôm kom gêjac gebe sêniŋ.  
\q2 Amboac tonaŋ eŋ kêkêŋ mo undambêŋa gêdêŋ êsêac.   
\q1
\v 25 Amboac tonaŋ êsêac seŋ aŋelanêŋ mo kêtu nêŋ gêŋ.  
\q2 Ma Anôtô kêkêŋ gêdêŋ êsêac kêtôm êsêac têntac gêwiŋ.   
\q1
\v 26 Eŋ kêkêŋ musalô kêsa umboŋ  
\q2 ma ŋaclai ŋatau kêkalem mula gêmêŋ.   
\q1
\v 27 Eŋ kêkêŋ gwada kêsêlô kêtôm kekop  
\q2 ma moc tomagê kêtôm gaŋac gwêcŋa.   
\q1
\v 28 Eŋ kêkêŋ kêsêlô kêsêp nêŋ gamêŋ, taŋ sêc naŋ ŋaluŋgeŋ,  
\q2 kêgi nêŋ bec, taŋ sêŋgôŋ naŋ auc.   
\q1
\v 29 Seŋ e gêôc êsêac tôŋ ŋanôgeŋ.  
\q2 Gêŋ taŋ teteŋ naŋ, eŋ kêkêŋ kêlêlêc gêdêŋ êsêac.   
\q1
\v 30 Nêŋ ŋalêlôm kêkac êsêac gêŋ amboac tonaŋŋa ŋawaô  
\q2 ma seŋ gêŋ gêc aweŋgeŋ   
\q1
\v 31 e Anôtô têtac ŋandaŋ kêsa gêdêŋ êsêac  
\q2 ma geseŋ êsêacnêŋ lau ŋactêkwa ŋagêdô su ma gêjac lau Israel nêŋ lau matac ŋagêdô êndu.   
\b  
\q1
\v 32 Anôtô gêgôm nê gêŋ amboac tonaŋ, mago êsêac sêgôm nêŋ sec sêsiŋ sugeŋ,  
\q2 ma sêkêŋ gêwiŋ ênê gêŋtalô atom.   
\q1
\v 33 Kêtu gêŋ tonaŋŋa tec Apômtau kêkêŋ êsêacnêŋ bêc gêjaŋa amboac aweŋjaô  
\q2 ma kêkêŋ gêŋ ŋaclai sec sep tageŋŋa geseŋ naŋ jala sêmoa mateŋ jaliŋa su.   
\q1
\v 34 Gêdêŋ taŋ Anôtô geseŋ êsêac naŋ, gocgo aweŋ gêjac eŋ kêtiam  
\q2 ma sêjam tauŋ ôkwi to sesom eŋ.   
\q1
\v 35 Ma taêŋ gêjam nêŋ lamu Anôtô  
\q2 gebe Lôlôc Ŋatau Anôtô kêtu nêŋ kêsiwaga.   
\q1
\v 36 Mago aweŋsuŋ sêsôm biŋ dansaŋ  
\q2 ma imbeleŋ sêsau   
\q1
\v 37 gebe nêŋ ŋalêlôm kêsap eŋ tôŋ ŋajaŋa atom  
\q2 ma sêmasaŋ ênê poac kêtu anô atom.   
\b  
\q1
\v 38 Mago eŋ taê walô êsêac ma kêsuc êsêacnêŋ sec ôkwi  
\q2 ma geseŋ êsêac tauŋ su sêjaŋa atom.  
\q1 Eŋ gêjam têtac ŋandaŋ tôŋ gêdêŋ êsêac  
\q2 ma kêkêŋ nê ŋaclai kêtu awê kêpi êsêac samucgeŋ atom.   
\q1
\v 39 Eŋ taê gêjam êsêac gebe gêŋ palê-palê,  
\q2 têtôm gêŋ ŋajaô-jaô, taŋ êna e êna-ênageŋ naŋ.   
\q1
\v 40 Sêli aweŋ sa aŋga gamêŋ sawa gêdêŋ eŋ elêmê  
\q2 ma sêgôm ênê ŋalêlôm ŋawapac kêsa.   
\q1
\v 41 Êsêac sêsaê Anôtô todim-todim kêtu gêŋ wakuc-wakucŋa elêmê  
\q2 ma sêgôm lsraelnêŋ Anôtô dabuŋ têtac ŋandaŋ kêsa.   
\q1
\v 42 Êsêac taêŋ gêjam ênê lêma ŋajaŋa atom,  
\q2 sêliŋ bêc, taŋ eŋ gêjam êsêac kêsi aŋga nêŋ ŋacjonêŋ naŋ siŋ.   
\q1
\v 43 Gêdêŋ taŋ gêgôm nê gêŋtalô aŋga Aiguptu  
\q2 to gêgôm nê gêŋsêga aŋga gamêŋ gaboaŋ Soanŋa naŋ.   
\q1
\v 44 Eŋ gêjam nêŋ bu ôkwi kêtu dec  
\q2 e lau Aiguptu nêŋ bu sênômŋa masi.   
\q1
\v 45 Eŋ kêkêŋ leloŋ taêsam ŋasec gêŋac êsêac  
\q2 to ôpôac, taŋ sêgôm êsêac têtu meloc naŋ.   
\q1
\v 46 Eŋ kêkêŋ moac tamoac seŋ êsêacnêŋ gêŋ ŋanô aŋga kôm  
\q2 ma gêŋ, taŋ lemeŋ sêgôm ŋakoleŋ elêmê naŋ, wagô jaseseŋ su.   
\q1
\v 47 Eŋ kêkêŋ kompoc gêjac êsêacnêŋ wain ŋamôkê popoc  
\q2 ma kom ŋamatu kêtuc nêŋ gêŋlêwê êndu.   
\q1
\v 48 Eŋ kêkêŋ kompoc gêjac nêŋ bulimakao  
\q2 ma ôsic geŋ nêŋ bôc totoŋ su.   
\q1
\v 49 Eŋ kêbaliŋ nê têtac ŋandaŋ kêpi êsêac ŋawaô.  
\q2 Eŋ geŋ oliŋ sec e nê ŋalêlôm kêmoatiŋ tôŋ ma kêkêŋ gêŋwapac sec toŋaê-toŋaê samob.   
\q1
\v 50 Eŋ kêpô nê têtac ŋandaŋ ŋabênic sugeŋ gêdêŋ êsêac.  
\q2 Eŋ kêjaŋgo êsêac katuŋ su atom, gêsiŋ êsêac sugeŋ sêsêp gêmac sec ŋalêlôm sêja.   
\q1
\v 51 Eŋ gêjac ŋapalê ŋamêc samob êndu aŋga Aiguptu,  
\q2 Lau matac samob nêŋ ŋamêc sêjaŋa aŋga Hamnê bec.   
\b  
\q1
\v 52 Go gêwê nê lau sêsa sêmêŋ têtôm ŋacgejob gêwê nê domba  
\q2 ma gêjam gôliŋ êsêac aŋga gamêŋ sawa kêtôm domba pom kapôêŋ teŋ.   
\q1
\v 53 Eŋ gêwê êsêac sêmoa ŋaŋêŋgeŋ e têtêc tauŋ atom,  
\q2 mago kêkêŋ gwêc kêmakop êsêacnêŋ ŋacjo auc.   
\q1
\v 54 Amboac tonaŋ gêwa êsêac e sêô lasê ênê gamêŋ dabuŋ,  
\q2 sêô lasê lôc, taŋ eŋ lêma anôŋa kêkôc kêtu nê gêŋ naŋ.   
\q1
\v 55 Eŋ gesoc lau samuc sêmuŋ-sêmuŋ  
\q2 ma kêkêŋ Israelnêŋ gôlôacmôkê sêŋgôŋ lau tau nêŋ gamêŋ.   
\b  
\q1
\v 56 Mago êsêac sêsaê Lôlôc Ŋatau Anôtô to sêli tauŋ sa ŋapaŋ  
\q2 ma sêsap ênê biŋsu tôŋ atom.   
\q1
\v 57 Sêkac tauŋ su aŋga ênê ma sêgôm ênê biŋ paliŋ têtôm tameŋi.  
\q2 Êsêacnêŋ lêŋ keso kêtôm talam, taŋ sêkêkam ŋasôb mata kôtêŋ-kôtêŋgeŋ naŋ.   
\q1
\v 58 Êsêacnêŋ sakiŋ gamêŋ ŋabauŋa gêgôm eŋ têtac ŋandaŋ  
\q2 ma nêŋ sakiŋ anôtôi jabaŋa kêbôli ênê ŋalêlôm auc.   
\q1
\v 59 Anôtô gêlic e ŋalêlôm kêmoatiŋ tôŋ  
\q2 ma kêtiŋ Israel su samucgeŋ.   
\q1
\v 60 Eŋ gêwi nê bec aŋga Silo siŋ.  
\q2 Mala tau, taŋ eŋ jagêmoa ŋamalac ŋalêlôm naŋ.   
\q1
\v 61 Eŋ kêkêŋ nê poac ŋakatapa,  
\q2 taŋ kêtu ênê ŋaclai to ŋawasi ŋabelo naŋ, ŋacjo sêkôc sêja.   
\q1
\v 62 Eŋ gêwi nê lau siŋ gêdêŋ ŋacjonêŋ siŋ  
\q2 ma nê ŋalêlôm kêbôli auc kêtu nê gêŋlênsêmŋa.   
\q1
\v 63 Siŋ geseŋ ênê lau matac su  
\q2 ma nêŋ lauo takiŋ sêjam wê ŋacŋa kêtiam atom.   
\q1
\v 64 Siŋ geseŋ ênê dabuŋwaga su  
\q2 ma sêlôc gêdêŋ êsêacnêŋ awêtuc gebe têtaŋ taŋiboa kêtu êsêacŋa atom.   
\b  
\q1
\v 65 Sêgôm sêmoa e Apômtau mata gêlac kêtôm ŋac teŋ gêc bêc e kêliŋ tau siŋ, go mata gêlac.  
\q2 Kêtôm ŋac siŋsêlêc teŋ gênôm gêŋ e kêjaŋiŋ eŋ.   
\q1
\v 66 Eŋ gêjac nê ŋacjo kêsêp dêmôêmuŋageŋ  
\q2 ma gêgôm êsêac e majeŋ tauŋ êndu-êndu.   
\q1
\v 67 Eŋ kêtiŋ Josepnê bec su  
\q2 ma kêjaliŋ gôlôac Epraimŋa sa atom.   
\q1
\v 68 Eŋ kêjaliŋ gôlôac Judaŋa sa.  
\q2 Lôc Sion tau, taŋ têtac gêwiŋ naŋ.   
\q1
\v 69 Eŋ kêsuŋ nê gamêŋ dabuŋ sa kêpi e jakêtôm undambê.  
\q2 Gêgôm e gêjac malac su kêtôm nom, taŋ êkô ŋêŋgeŋ naŋ.   
\b  
\q1
\v 70 Go kêjaliŋ nê sakiŋwaga Dawid sa,  
\q2 kêkôc eŋ su aŋga gamêŋ dombaŋa.   
\q1
\v 71 Kêkôc eŋ aŋga domba têna to ŋalatu nêŋ  
\q2 gebe ejop ênê lau Jakob to ênê gêŋlênsêm Israel.   
\q1
\v 72 Dawid gejob êsêac toŋalêlôm ŋaŋêŋ  
\q2 ma gajam gôliŋ êsêac ŋa lêma kwalam laŋgwa.  
\p \f + \fr 78:72 \ft Asap gêga.\f*   
\c 79  
\s1 Mec Anôtô ênam nê lau kêsiŋa  
\q1
\v 1 O Anôtô, lau samuc sêsô nêm gamêŋ sêja.  
\q2 Êsêac seseŋ nêm lôm dabuŋ ŋadabuŋ ma sêjamu Jerusalem e popocgeŋ.   
\q1
\v 2 Êsêac sêkêŋ nêm sakiŋwaga nêŋ ŋawêlêlaŋ kêtu moc, taŋ sêmoa umboŋ ŋalabu naŋ, nêŋ gwada.  
\q2 Sêkêŋ nêm lau mansaŋ nêŋ ŋawêlêlaŋ gêdêŋ bôc ŋaclai.   
\q1
\v 3 Êsêac sêkêc êsêacnêŋ dec siŋ kêtôm bu, sêgôm sêgi Jerusalem auc e kêsô tau  
\q2 ma ŋac teŋ gêmoa gebe ênsuŋ ŋacmatê naŋ gêmoa atom.   
\q1
\v 4 Aêacma lau malac ŋagêdô, taŋ dêmôêŋ gêjac tauŋ naŋ, sêsu aêac susu  
\q2 ma tenteŋlatu, taŋ sêŋgôŋ makeŋ-makeŋ naŋ, sêlic aêac amboac gêŋ meloc ma têtaŋ pêlê aêac.   
\b  
\q1
\v 5 O Apômtau, oc gobe ôli nêm ŋalêlôm sa ŋapaŋ e êndêŋ ondoc acgom.  
\q2 Nêm têmtac ŋandaŋ êndaŋgac-êndaŋgac amboac jawaô e êndêŋ ondoc, go êmbacnê.   
\q1
\v 6 Ôkêŋ nêm têmtac ŋandaŋ naêpi lau samuc, taŋ sêjam kauc aôm naŋ,  
\q2 to êpi tenteŋlatu, taŋ aweŋ gêjac nêm ŋaê atom naŋmaŋ.   
\q1
\v 7 Gebe êsêac sêjac aêacma lau êndu  
\q2 ma sêgôm nêŋ malac kêtu gasaŋ.   
\b  
\q1
\v 8 Ôkêŋ tameŋinêŋ sec ŋagêjô êpi aêac atom. Taêm labu aêac sebeŋmaŋ  
\q2 gebe aêac awi atu gwasaê aômŋa siŋ.   
\q1
\v 9 O Anôtô, taŋ kôtu aêacma kêsiwaga naŋ, ônam aêac samaŋ.  
\q2 Ôŋgôm nêm ŋaê ŋawae êsa.  
\q1 Ônam aêac sa to ôsuc aêacma biŋ ôkwimaŋ.  
\q2 Ôŋgôm êtu nêm waemŋa.   
\q1
\v 10 Amboac ondoc lau samuc sênac aêac ôkwi gebe  
\q2 “Lau tônê nêŋ Anôtô oc gêmoa ondoc.”  
\q1 Ôkac nêm sakiŋwaga, taŋ lau samuc sêkêc êsêacnêŋ dec siŋ naŋ,  
\q2 nêŋ kamocgôc êndêŋ aêac mateŋanô alicmaŋ.   
\b  
\q1
\v 11 Ôkêŋ taŋam lau kapoacwalôŋa nêŋ biŋ, taŋ seŋ oliŋ tauŋŋa naŋ.  
\q2 Lêmam ŋajaŋaboa, amboac tonaŋ ônam lau, taŋ sêkic êsêacnêŋ biŋ gebe sêmac êndu naŋ sa.   
\q1
\v 12 O Apômtau, aôm ôkêŋ ŋagêjô êpi lau, taŋ têtaŋ pêlê aôm sêŋgôŋ aêacma gamêŋ ŋamadiŋ naŋ acgom.  
\q2 Ma ôkêŋ êsêacnêŋ biŋ ŋagêjô êtu dim 7.   
\q1
\v 13 Ma aêac tec atu nêm lau to toŋ, taŋ aôm gojob êsêac nec, abe anam daŋge aôm endeŋ tôŋgeŋ,  
\q2 ma gôlôac to gôlôac sêŋgôm aôm waem êsa êtôm têmgeŋ.  
\p \f + \fr 79:13 \ft Asapnê teŋ.\f*   
\c 80  
\s1 Mec gebe Anôtô ênam Israel sa êtiamŋa  
\q1
\v 1 O Israelnêŋ ŋacgejob, taŋ gojob Josep kêtôm domba ŋatoŋ teŋ naŋ, ôkêŋ taŋam.  
\q2 Aôm taŋ gôŋgôŋ kerub ŋaô naŋ, oc taôm lasê   
\q1
\v 2 êndêŋ Epraim agêc Benjamin ma Manase.  
\q2 Ôndi toŋaclai mêŋônam aêac sa.   
\b  
\q1
\v 3 O Anôtô, ônam aêac sa êtiam.  
\q2 Ôkêŋ laŋômanô mêŋêpô aêac gebe ênam aêac sa.   
\b  
\q1
\v 4 O Apômtau, lausiŋ undambêŋa nêŋ Anôtô,  
\q2 nêm lau teteŋ mec elêmê ma aôm gobe ôê têmtac ŋandaŋ tôŋ e êndêŋ ondocgeŋ.   
\q1
\v 5 Aôm kôkêŋ êsêac seŋ mateŋsulu kêtu nêŋ mo.  
\q2 Aôm kôkêŋ êsêac sênôm mateŋsulu, taŋ kêsêp laclu e mêŋgêc naŋ.   
\q1
\v 6 Aôm kôpô aêac siŋ e tenteŋlatu sêsu aêac susu  
\q2 ma aêacma ŋacjo sêômac aêac.   
\b  
\q1
\v 7 O Lausiŋ undambêŋa nêŋ Apômtau, mêŋônam aêac sa êtiam.  
\q2 Ôkêŋ laŋômanô mêŋêpô aêac gebe ênam aêac sa.   
\b  
\q1
\v 8 Aôm kôkip wainmôkê teŋ sa aŋga Aiguptu  
\q2 ma kôjanda lau samuc sêsa gebe ôsê êsêp êsêac maleŋ.   
\q1
\v 9 Aôm kôwaka ŋagamêŋ sa ŋapep,  
\q2 tec ŋawakac keseleŋ ŋajam ma gêjam gamêŋ auc.   
\q1
\v 10 Ka tau kêkêŋ ajuŋ lôc samob  
\q2 ma ŋalaka gêjam kaseda kapôêŋ auc.   
\q1
\v 11 Ka tau ketoc laka kêsa e jagêdêŋ gwêc  
\q2 ma ŋasêli kêpi e jagêdêŋ bu Euprat.   
\q1
\v 12 Amboac ondoc tec goseŋ ŋatuŋ su.  
\q2 Lau samob, taŋ sasa intêna tonaŋ naŋ, oc sênam geŋgeŋ ŋanô.   
\q1
\v 13 Bôcgabuŋ kêsuc popoc  
\q2 ma bôc saleŋŋa ŋagêdô seŋ katu nêŋ mo.   
\b  
\q1
\v 14 O lausiŋ undambêŋa nêŋ Apômtau, ômu ômôêŋ êtiam.  
\q2 Ôtuc kêniŋ aŋga undambê ma matam e wainmôkê tau e taêm walô nêm geŋ êtiam.   
\q1
\v 15 Taêm walô nêm gêŋ, taŋ lêmam anôŋa kasê naŋ.  
\q2 ma ŋasêli, taŋ gôjac kolec naŋ.   
\b  
\q1
\v 16 Ŋacjo dêdim gêŋgic e ja-geŋ su.  
\q2 Laŋômanô ŋajaê êndêŋ êsêac ma onseŋ êsêac su sênaŋa.   
\q1
\v 17 Ôkêŋ lêmam eo ŋac, taŋ kêkô nêm anôŋa naŋ auc.  
\q2 Eo ŋamalac latu, taŋ gôlôm eŋ e kêtu kapôêŋ naŋ auc.   
\q1
\v 18 Go aêac akac tauŋ su aŋga aômnêm êtiam atom.  
\q2 Ôkêŋ aêac aŋgôŋ mateŋ jali ma aweŋ êôc aômnêm ŋaê.   
\b  
\q1
\v 19 O lausiŋ undambê naŋ Apomtau, mêŋônam aêac sa êtiam.  
\q2 Ôkêŋ laŋômanô mêŋêpô aêac gebe ênam aêac sa.  
\p \f + \fr 80:19 \ft Asap gêwa nê biŋ sa.\f*   
\c 81  
\s1 Wê omŋa to biŋ sênam tauŋ ôkwiŋa  
\q1
\v 1 Awem êôc Anôtô, taŋ kêtu aêacnêŋ gêjam-sawaga naŋ toôndugeŋ.  
\q2 Awem êôc Jakobnê Anôtô toôndugeŋ.   
\q1
\v 2 Apuc wê sa ma anac oŋ êtaŋ  
\q2 ma aŋgôm gêŋ wêŋa tokaiŋ-tokaiŋ êtaŋ.   
\q1
\v 3 Anac dauc êtaŋ êndêŋ ajôŋ mêŋêô lasê  
\q2 ma embe ajôŋ êtu samuc naŋ, anac ataŋ êtu nêm om ŋawaeŋa,   
\q1
\v 4 gebe Israelnêŋ mêtê amboac tonaŋ.  
\q2 Jakobnê Anôtô kêjatu nê biŋ amboac tonaŋ.   
\q1
\v 5 Kêkêŋ kêtu biŋsu gedeŋ Josep gêdêŋ taŋ gebe enseŋ Aiguptu naŋ.  
\q2 Aê gaŋô biŋ samuc teŋ, naŋ taŋocsuŋ gêjac kwanaŋgeŋ atom naŋ gebe   
\b  
\q1
\v 6 “Aê kajoŋ gêŋwapac su aŋga aôm magim  
\q2 ma kakêŋ aôm gôwi nêm gadob kômŋa siŋ.   
\q1
\v 7 Gêdêŋ taŋ kôtap gêŋwapac sa naŋ, awam gêjac aê ma gajam aôm sa.  
\q2 Aŋga ŋoc gamêŋ kêjaŋgaŋ, taŋ kasiŋ tau gamoa naŋ, aê kakêŋ taŋoc aôm. Aŋga bu sêli aweŋ saŋa Meriba aê kasaê aôm.   
\q1
\v 8 Ŋoc lauac, akêŋ taŋem gabe jalêŋ biŋ amac.  
\q2 O Israel, taŋam wamu aêmamaŋ.   
\q1
\v 9 Ônam sakiŋ anôtô jaba teŋ atomanô.  
\q2 Ma aôm oteŋ mec êndêŋ tenteŋlatunêŋ anôtôi teŋ atom.   
\q1
\v 10 Aê Apômtau, tec katu nêm Anôtô, taŋ gawê aôm aŋga gamêŋ Aiguptu naŋ.  
\q2 Ôŋa awamsuŋ kacgeŋ gebe jalôm aôm.   
\b  
\q1
\v 11 “Mago ŋoc lau sêkêŋ taŋeŋ aê atom  
\q2 ma Israel sêgôm aêŋoc biŋ kêtu tôŋ atom.   
\q1
\v 12 Tec gawi êsêac siŋ kêtu gêsuŋtêkwa ŋatoŋŋa  
\q2 sêsa nêŋ lêŋ kêtôm êsêac tauŋ nêŋ ŋalêlôm.   
\q1
\v 13 Ojae ŋoc lau sêkêŋ taŋeŋ aêmaŋ.  
\q2 Israel sêsa ŋoc lêŋmaŋ.   
\q1
\v 14 Go jakôniŋ êsêacnêŋ ŋacjo tôŋ sebeŋ  
\q2 ma jaku êsêacnêŋ ŋacjo samob tulu.   
\q1
\v 15 Êsêac taŋ têntac gedec aê naŋ, oc sewec toŋalêlôm ŋatutucgeŋ sêkô aê laŋôcnêm  
\q2 gebe nêŋ ŋagêjô oc ênêc endeŋ tôŋgeŋ.   
\q1
\v 16 Mago aê gabe jalôm aôm ŋa mo mataêjamgeŋ  
\q2 ma gabe jakêŋ lêp aŋga poclabu êsa wacêlau aôm.”  
\p \f + \fr 81:16 \ft Asapnê teŋ.\f*   
\c 82  
\s1 Anôtô eŋ ŋacgôliŋsêga  
\q1
\v 1 Anôtô gêmoa nê lau sêkac tauŋ sa ŋaluŋgeŋ.  
\q2 Eŋ kêmêtôc biŋ gêŋgôŋ gôliŋwaga sêkac tauŋ sa ŋalêlôm.   
\q1
\v 2 “Awi amêtôc kesoŋa siŋmaŋ  
\q2 ma akêŋ êwiŋ lau, taŋ sêkac tauŋ su aŋga Anôtônê naŋ, nêŋ biŋ atom.   
\q1
\v 3 Amêtôc lau ŋaôma to mosêbu nêŋ biŋ êtu katô  
\q2 ma anam lau ŋasec to ŋalêlôm sawa sa.   
\q1
\v 4 Apuc ŋac sawa to ŋac, taŋ kêpô lêna gêŋ naŋ tôŋ.  
\q2 Ajaŋgo eŋ su aŋga lau, taŋ sêkac tauŋ su aŋga Anôtônê naŋ lemeŋ.   
\b  
\q1
\v 5 “Êsêac lau meloc to nêŋ kauc masi.  
\q2 Amacnêm mêtê kêtu sec samucgeŋ ma biŋgêdêŋ malamê aŋga nom.   
\q1
\v 6 Biŋŋanô, aê tauc kasômgac gebe ‘Amac atu anôtôigeŋ  
\q2 ma amac samob atu Lôlôc Ŋatau latuigeŋ.’   
\q1
\v 7 Mago oc amac êndu atôm ŋamalac  
\q2 ma aku e anaŋa atôm kasêga sêjaŋa.”   
\q1
\v 8 O Anôtô, ômôêŋ ma ônam gôliŋ nom samucgeŋ  
\q2 ma tenteŋlatu samob têtu aômnêm gêŋ.  
\p \f + \fr 82:8 \ft Asapnê pesalem teŋ.\f*   
\c 83  
\s1 Tapô lêna takô ŋacjo ŋalêlôm ŋamec  
\q1
\v 1 O Anôtô, ôŋgamiŋ taôm atom.  
\q2 O Anôtô, ônam taôm tôŋ to awam mêgeŋ atom.   
\q1
\v 2 Gôlicgac me, nêm ŋacjo aweŋ aliŋ-aloŋ kêsa sêmoa  
\q2 ma êsêac, taŋ nêŋ ŋalêlôm kêmoatiŋ tôŋ kêtu aômŋa naŋ, sêsa laŋôŋanô sageŋ.   
\q1
\v 3 Êsêac sêgôm gêŋlêlôm sebe senseŋ nêm lau su  
\q2 ma sêmoatiŋ poac sebe senseŋ lau, taŋ sê lamu aôm naŋ.   
\q1
\v 4 Êsêac sêsôm gebe “Amêŋ nadanseŋ êsêac su ec nêŋ teŋ ênêc êtiam atom  
\q2 ma taêŋ ênam ŋaê Israel êtiam atomanô.”   
\b  
\q1
\v 5 Biŋŋanôgoc, êsêacnêŋ ŋalêlôm tageŋ ma sêmoatiŋ nêŋ biŋ e gacgeŋ gêc-gêcgeŋ,  
\q2 sêmoatiŋ poac gebe senseŋ aôm su.   
\q1
\v 6 Lau taŋ sêŋgôŋ Edom to Ismaelwaga nêŋ bec  
\q2 lau Moab to lau Hagar amboac tonaŋ.   
\q1
\v 7 Lau Gebal to Amon ma Amalek,  
\q2 lau Pilisti to lau Tirusŋa amboac tonaŋgeŋ.   
\q1
\v 8 Lau Asuriaŋa sêsap lau tônê ŋai tôŋ.  
\q2 Lau tonaŋ ŋai sêpuc Lotnê latui tôŋ.   
\b  
\q1
\v 9 Onseŋ êsêac êtôm gêmuŋgeŋ goseŋ Midian  
\q2 ma êtôm goseŋ Sisera to Jabin aŋga bu Kison.   
\q1
\v 10 Lau tonaŋ ŋai sêjaŋa aŋga Endor  
\q2 ma nêŋ ŋawêlêlaŋ gêmôb gêc nom.   
\q1
\v 11 Onseŋ êsêacnêŋ kasêga êtôm goseŋ Oreb ma Seb.  
\q2 Onseŋ êsêacnêŋ lau towae samob êtôm Seba agêc Salmuna.   
\q1
\v 12 Lau tonaŋ ŋai tec sêjac aweŋ gebe  
\q2 “Aêac tajaŋgo Anôtônê gamêŋ su.”   
\b  
\q1
\v 13 O ŋoc Anôtô, onseŋ êsêac êtôm mu kêlai kekop jagêŋgôŋ gêŋ êndu  
\q2 ma êtôm mu kelelo jataê.   
\q1
\v 14 Onseŋ êsêac êtôm ja geŋ oba  
\q2 ma êtôm jawaô kêdaŋgac kêpi lôc.   
\q1
\v 15 Nêm gamêŋ kêlaŋgaŋ êtakê êsêac  
\q2 ma nêm mu-gêbuc êpuc soc êsêac amboac tonaŋ.   
\q1
\v 16 O Apômtau, ôkêŋ majeŋ êkwa êsêac laŋôŋanô auc,  
\q2 ec sensom gebe sênam sakiŋ aôm.   
\q1
\v 17 Ôkêŋ êsêac majeŋ to têtakê ŋanô  
\q2 e nêŋ meloco êsa ma sênaŋamaŋ.   
\q1
\v 18 Ôŋgôm êsêac amboac tonaŋ e sêjala gebe aôm taômgeŋ tec kôtu Apômtau.  
\q2 Lau nomŋa samob tetoc aôm sa gebe Lôlôc Ŋatau aôm taômgeŋ.  
\p \f + \fr 83:18 \ft Asapnê pesalem wêŋa teŋ.\f*   
\c 84  
\s1 Tanam aweŋ su Anôtônê andu ŋawê  
\q1
\v 1 O lausiŋ undambêŋa nêŋ Apômtau,  
\q2 nêm andu e têtac kêsa laŋgwageŋgoc.   
\q1
\v 2 Ŋoc katuc gêjam awa su Apômtaunê lôm ŋamalacluŋ  
\q2 e taê gêjac tau kêsi-kêsi.  
\q1 Ôlic to katuc kêpi-kêpigeŋ ma gêjam wê  
\q2 kêtu Anôtô mata jaliŋa.   
\q1
\v 3 O lausiŋ undambêŋa nêŋ Apômtau,  
\q2 o ŋoc kiŋ to ŋoc Anôtô,  
\q1 kêclêwam kêtap nê andu sa  
\q2 ma mocbibi gêjam nê ic gebe êsu ŋalatuŋa gêc nêm altar ŋagala.   
\q1
\v 4 Aoc gêôc lau, taŋ sêŋgôŋ nêm andu ŋalêlôm  
\q2 ma sêlambiŋ aôm gedeŋ tôŋgeŋ naŋ.   
\b  
\q1
\v 5 Aê aoc gêôc lau, taŋ laŋôŋ gêlac nêm gamêŋgeŋ sêja  
\q2 ma nêŋ ŋaclai ŋam kêsêp aôm naŋ.   
\q1
\v 6 Embe nasêsa gaboaŋ ŋakeleŋŋa, oc sêŋgôm gaboaŋ tau êtu gamêŋ bumataŋa  
\q2 ma komô sauŋ êkêŋ bu ênam gamêŋ tau auc.   
\q1
\v 7 Êsêac sêwê taêŋ andaŋgeŋ  
\q2 e sêlic Anôtô aŋga Sion.   
\b  
\q1
\v 8 O lausiŋ undambêŋa nêŋ Apômtau Anôtô, ôŋô ŋoc mec.  
\q2 O Jakobnê Anôtô, ôkêŋ taŋam.   
\q1
\v 9 O Anôtô, matam ê aêacma kiŋ  
\q2 ma matamanô ôlic nêm ŋac, taŋ seŋ oso eŋ naŋ laŋôanô.   
\q1
\v 10 Amoa nêm-malacluŋ bêc tageŋgeŋ  
\q2 ŋajam kêlêlêc amoa aêacma malac bêc tausen su.  
\q1 Jajop ŋoc Anôtônê andu ŋakatam oc êmoasiŋ aê  
\q2 êlêlêc jaŋgôŋ lau kesowaga nêŋ bec su ŋêŋgeŋ.   
\q1
\v 11 Gebe Apômtau Anôtô kêtu ŋoc ŋawasi to lautuc, eŋ kêkêŋ moasiŋ to wae.  
\q2 Eŋ oc êŋgamiŋ gêŋ ŋajam teŋ êndêŋ lau, taŋ sêsa nêŋ lêŋ laŋôŋnêm sawa naŋ atom.   
\q1
\v 12 Lausiŋ undambêŋa nêŋ Apômtau,  
\q2 aê aoc êôc ŋamalac, taŋ taê kêka aôm naŋ.  
\p \f + \fr 84:12 \ft Kora latui nêŋ pesalem teŋ.\f*   
\c 85  
\s1 Israel teteŋ gebe Anôtô taê walô êsêac  
\q1
\v 1 O Apômtau, aôm kômoasiŋ nêm launêŋ gamêŋ.  
\q2 Aôm gôjam gêŋwapac, taŋ gêgôm Jakob naŋ ôkwi.   
\q1
\v 2 Aôm kôsuc nêm launêŋ biŋ ôkwi  
\q2 ma gôsaŋ êsêacnêŋ geo samob auc.   
\q1
\v 3 Aôm kôpuc nêm têmtac ŋandaŋ tôŋ  
\q2 ma gôwi nêm têmtac ŋalakoc siŋ.   
\b  
\q1
\v 4 O Anôtô, aêacma kêsiwaga, mêŋônam aêac sa êtiam  
\q2 ma ôwi ôlim ŋakam aêacŋa siŋ.   
\q1
\v 5 Aôm oc gobe têmtac ŋandaŋ êndêŋ aêac endeŋ tôŋgeŋ me.  
\q2 Aôm oc gobe ôê têmtac ŋandaŋ tôŋ elom-elom ma wakuc samob me.   
\q1
\v 6 Aôm oc ôkêŋ aêac asê aweŋ su êtiam  
\q2 gebe nêm lau ôliŋ êpi êtu aômŋa êtiam me masi.   
\q1
\v 7 O Apômtau, ôtôc nêm têmtac gêwiŋ teŋgeŋŋa êndêŋ aêac  
\q2 ma ôkeŋ aêac awê kaiŋ nêm moasiŋ.   
\b  
\q1
\v 8 Aê gabe jaŋô biŋ, taŋ Apômtau Anôtô tau kêsôm kêsa awa naŋ.  
\q2 Eŋ kêsôm biŋmalô  
\q1 gêdêŋ nê lau, gadêŋ nê lau dabuŋ,  
\q2 taŋ sêmu dêndêŋ nêŋ lêŋ meloc êtiam atom naŋ.   
\q1
\v 9 Kêdabiŋgac gebe ênam lau, taŋ têtac eŋ naŋ, sa biŋŋanôgeŋ  
\q2 gebe ŋawasi ênam aêacnêŋ gamêŋ auc.   
\b  
\q1
\v 10 Têtac gêwiŋ teŋgeŋŋa to biŋ ŋaŋêŋ oc sêwiŋ tauŋ.  
\q2 Biŋgêdêŋ to biŋmalô oc sêmbôêŋ tauŋ.   
\q1
\v 11 Biŋ ŋaŋêŋ oc êpoa aŋga nom êpi êmêŋ  
\q2 ma biŋgêdêŋ oc atuc kêniŋ aŋga undambê asap êmêŋ.   
\q1
\v 12 Apômtau oc êkêŋ gêŋ ŋajam  
\q2 ma naŋ nom ŋanô esewec êlêlêc su.   
\q1
\v 13 Biŋgêdêŋ oc êmuŋ eŋgeŋ  
\q2 ma biŋmalô oc êpuc eŋ waŋa. \f + \fr 85:13 \ft Kora latui nêŋ pesalem teŋ.\f*   
\c 86  
\s1 Tapô lêna tauŋ daŋgôŋ ŋamec  
\q1
\v 1 O Apômtau, mêŋwê taŋam to ôkêŋ taŋam aê  
\q2 gebe aê ŋac sawa gaŋgôŋ jageo.   
\q1
\v 2 Ojop aêŋoc katuc gebe aê ôlic andaŋ aôm tec gamoa.  
\q2 O ŋoc Anôtô, ônam nêm sakiŋwaga, taŋ mata kêsap aôm naŋ sa.   
\b  
\q1
\v 3 O Apômtau, ŋoc Anôtô, taêm walô aê  
\q1 gebe aoc gêjac aôm gedeŋ tôŋgeŋ.   
\q2
\v 4 Ôkêŋ nêm sakiŋwaganê ŋalêlôm êtu samuc.  
\q2 O Apômtau, aê kasuŋ ŋoc ŋalêlôm sa gêdêŋ aôm.   
\q1
\v 5 Gebe aôm Apômtau, kôtu ŋac gabêjam ma kôsuc biŋ ôkwi kêlêlêc.  
\q2 Aômnêm têmtac gêwiŋ teŋgeŋŋa gêdêŋ lau samob, taŋ aweŋ gêjac aôm naŋ.   
\b  
\q1
\v 6 O Apômtau, ôŋô ŋoc mec.  
\q2 Wê taŋam ŋoc taŋiboa kapôêŋ.   
\q1
\v 7 Embe japô lêna, oc aoc ênac aôm  
\q2 gebe aôm oc ôjô aêŋoc mec.   
\b  
\q1
\v 8 O Apômtau, anôtôi nêŋ teŋ kêtôm aôm gêmoa atom.  
\q2 Ma gêŋ ŋanô teŋ oc êtôm gêŋ, taŋ aôm gôgôm naŋ, atom amboac tonaŋgeŋ.   
\q1
\v 9 O Apômtau, lau samuc samob, taŋ kôkêŋ êsêac naŋ, oc mêŋsêpôŋ eŋduc êndêŋ aôm.  
\q2 Ma sêŋgôm nêm ŋaê ŋawae êsa.   
\q1
\v 10 Gebe aôm taômgeŋ ŋac kapôêŋ tec gôgôm gêŋsêga.  
\q2 Biŋŋanô, aôm taômgeŋ tec kôtu Anôtô.   
\b  
\q1
\v 11 O Apômtau, ôndôŋ nêm lêŋ êndêŋ aê,  
\q2 go taŋoc wamu aôm ŋaŋêŋgeŋ.  
\q1 Ôndôŋ aê gebe janam sakiŋ aôm  
\q2 toŋoc ŋalêlôm samucgeŋ.   
\q1
\v 12 O Apômtau ŋoc Anôtô, gabe aoc êôc aôm toŋoc ŋalêlôm samucgeŋ  
\q2 ma jaŋgôm nêm ŋaê ŋawae êsa endeŋ tôŋgeŋ.   
\q1
\v 13 Gebe aôm têmtac gêwiŋ aê teŋgeŋ.  
\q2 Aôm kôjaŋgo katuc su aŋga lamboam ŋakêlêndiŋ.   
\q1
\v 14 O Anôtô, lau teŋbeleŋ aŋgeŋ sêkêli tauŋ gêdêŋ aê ma ŋaclai totoŋgeŋ dêdib katuc sêmoa  
\q2 ma êsêac sêsa aôm laŋôm sa elêmê atom.   
\q1
\v 15 O Apômtau, aôm Anôtô taêm labu to kômoasiŋ kêlêlêc.  
\q2 Aôm ŋac gabêjam tec gôê biŋ tôŋ ma nêm têmtac gêwiŋ teŋgeŋŋa gêc gedeŋ tôŋgeŋ.   
\q1
\v 16 Ôkac taôm ôkwi ôndêŋ aê ma taêm labu aê.  
\q2 Ŋajaŋa ŋatau, ôpuc nêm sakiŋwaga tôŋ gebe aê gajam sakiŋ aôm kêtôm tinoc gêgôm.   
\q1
\v 17 Ôŋgôm gêŋtalô teŋ êpi aê gebe jajala nêm moasiŋ. Ôkêŋ ŋoc ŋacjo sêjala e majeŋ êsa  
\q2 êndêŋ êsêac sêlic gebe aôm Apômtau tec gôjam aê sa to gôjam malô aê. \f + \fr 86:17 \ft Dawidnê mec teŋ.\f*   
\c 87  
\s1 Jerusalem ŋalambiŋ  
\q1
\v 1 Apômtau kêkwê nê malac sa kêkô lôc dabuŋ.   
\q1
\v 2 Apômtau têtac gêwiŋ Sion ŋasacgêdô  
\q2 kêlêlêc gamêŋ ŋagêdô, taŋ Jakobnê lau sêŋgôŋ naŋ su.   
\q1
\v 3 O Anôtônê malac, ôkêŋ taŋam biŋ tonec,  
\q2 taŋ eŋ kêsôm kêpi aôm naŋ gebe   
\b  
\q1
\v 4 “Aê kasa Aiguptu to Babilon sa gêwiŋ lau-taŋeŋ-wamu-aêwaga.  
\q2 Ma lau Pilistia to Tirus ma Aitiopia nêŋ malacmôkê Jerusalem.”   
\b  
\q1
\v 5 Ma sêsôm êpi Sion gebe lau tokaiŋ-tokaiŋ nêŋ malacmôkê  
\q2 gebe Lôlôc Ŋatau tau kêpuc tôŋ gebe êkô ŋajaŋa.   
\q1
\v 6 Apômtau eto tenteŋlatu nêŋ ŋaêmôkê ma êwa êsêac sa gebe  
\q2 “Teneŋi sêkôc êsêac aŋga Jerusalem, Jerusalem ŋatau êsêac.”   
\q1
\v 7 Êsêac sênam wê to têtê gebe  
\q2 “Aôm kôtu ma moasiŋ samob ŋamôkê.”  
\p \f + \fr 87:7 \ft Kora latui nêŋ pesalem wêŋa teŋ.\f*   
\c 88  
\s1 Ŋac togêŋwapac nê wê kêtaŋ tauŋa  
\q1
\v 1 O Apômtau, taŋ kôtu aêŋoc kêsiwaga to Anôtô naŋ,  
\q2 aê gamôêc gêdêŋ ocsalô ma aoc gêjac aôm gêdêŋ gêbêc.   
\q1
\v 2 Ôŋô ŋoc mec  
\q2 ma wê taŋam ŋoc taŋiboa gebe ônam sa.   
\b  
\q1
\v 3 Gebe katuc gêôc gêŋwapac e têkwa gêbac  
\q2 ma kasa paŋ lamboam ŋalêndaŋ.   
\q1
\v 4 Êsêac sêsam aê gawiŋ lau, taŋ sê su sêsêp sêlêlôm sêja naŋ.  
\q2 Aê katôm ŋac, taŋ nê ôliwalô gêjaŋa su naŋ.   
\q1
\v 5 Aêŋoc mê gêc ŋacmatê ŋalêlôm  
\q2 katôm êsêac, taŋ sêjac êsêac êndu sêc sêlêlôm naŋ.  
\q1 Lau tonaŋ ŋai aôm taêm gêjam êsêac kêtiam atom  
\q2 gebe lêmam gêjam êsêac sapu sugac.   
\q1
\v 6 Aôm kôtiŋ aê su kasêp lamboam ŋalabuanô gaja,  
\q2 kasêp gêsuŋbôm ŋakêlêndiŋ sec.   
\q1
\v 7 Aômnêm têmtac ŋandaŋ kêsac aê êndu.  
\q2 Ma nêm têmtac ŋandaŋ ŋadembom samob kêkôniŋ aê tôŋ.   
\b  
\q1
\v 8 Aôm kôkêŋ ŋoc lau mêŋbaŋ samob sêjac jaê aê gebe sêlic aê amboac gêŋ ŋanô masi teŋ.  
\q2 Kôlai aê auc, tec gabe jasa e jatuc-jatuc.   
\q1
\v 9 Gaŋgôŋ jageo e matocanô kêtu wao.  
\q2 O Apômtau, aê aoc gêjac aôm kêtôm bêcgeŋ ma galam lemoc gêdêŋ aôm.   
\b  
\q1
\v 10 Aôm oc ôŋgôm gêŋtalô êpi ŋacmatê me masi.  
\q2 Êsêac oc dêndi mêŋsêlanem aôm me masi.   
\q1
\v 11 Êsêac oc sênac miŋ biŋ êpi aômnêm têmtac gêwiŋ teŋgeŋŋa aŋga sêlêlôm me masi.  
\q2 Oc sêsôm biŋ êpi aômnêm biŋ ŋaŋêŋ aŋga gêŋ gêmôb ŋamala me masi.   
\q1
\v 12 Êsêac oc sêsôm aômnêm gêŋtalô ŋawae aŋga gêsuŋbôm me masi.  
\q2 Oc sêsôm nêm biŋgêdêŋ lasê aŋga gamêŋ sêliŋ tauŋ siŋŋa me masi.   
\b  
\q1
\v 13 O Apômtau, amboac tonaŋ aoc gêjac aôm.  
\q2 Ŋoc mec gêdêŋ aôm gêwac kêtôm bêbêcgeŋ samob.   
\q1
\v 14 O Apômtau, amboac ondoc kôtiŋ aê su  
\q2 ma gôsaŋ laŋômanô auc gêdêŋ aê.   
\q1
\v 15 Aê tekoc saki masi gêdêŋ ŋapalêgeŋ ma tec gamoa jageo ŋapaŋ.  
\q2 Aê tekoc gêbac kêtu nêm ŋagêjô ŋawapacŋa.   
\q1
\v 16 Aôm têmtac ŋandaŋ ŋawaô kêku aê tulu.  
\q2 Aômnêm gêŋwapac kêtakê aê e katuc uŋ tageŋ.   
\q1
\v 17 Kêtôm bêc samob kêkôm aê auc amboac bu ŋasamac  
\q2 ma gêjam aê auc samucgeŋ.   
\q1
\v 18 Aôm kôkêŋ ŋoc ŋac to tawaŋ sêjac tauŋ gêŋgic aŋga aêŋoc  
\q2 ma galic gêsuŋbôm kêtu ŋoc tawaŋ.  
\p \f + \fr 88:18 \ft Kora latui nêŋ pesalem wêŋa teŋ.\f*   
\c 89  
\s1 Sênac mateŋ biŋ, taŋ Anôtô gêjac mata naŋ  
\q1
\v 1 O Apômtau, aê gabe jaŋga wê êpi nêm têmtac gêwiŋ teŋgeŋŋa endeŋ tôŋgeŋ.  
\q2 Gabe jasôm nêm biŋ ŋaŋêŋ lasê êndêŋ gôlôac e naêsu kwanaŋgeŋ.   
\q1
\v 2 Aôm tec gôjac mata gebe têmtac gêwiŋ teŋgeŋŋa tau oc ênêc endeŋ tôŋgeŋ.  
\q2 Aôm kôwaka nêm biŋ ŋaŋêŋ sa ŋapep kêtôm, taŋ kômasaŋ undambê naŋ.   
\q1
\v 3 Aôm kôsôm gebe “Aê kamoatiŋ poac gêdêŋ ŋac, taŋ kajaliŋ eŋ sa naŋ,  
\q2 ma gajac mata gêdêŋ ŋoc sakiŋwaga Dawid gebe   
\q1
\v 4 ‘Aê jakêŋ nêm gôliŋ kiŋŋa elom nêm wakuc ŋapaŋ  
\q2 ma jawaka nêm lêpôŋ sa êtôm gôlôac to gôlôac samob.’”   
\b  
\q1
\v 5 O Apômtau, undambê sêlanem aômnêm gêŋtalô  
\q2 ma lau dabuŋ, taŋ sêkac tauŋ sa naŋ, aweŋ gêôc aôm gebe aôm ŋac ŋaŋêŋ.   
\q1
\v 6 Gebe asa oc êtôm Apômtau aŋga tao lôlôcŋa  
\q2 ma anôtôinêŋ latuŋi asa oc êtôm Apômtau.   
\q1
\v 7 Anôtô ŋaclai gêŋgôŋ lau dabuŋ sêkac tauŋ sa ŋalêlôm  
\q2 ma samob, taŋ sêmoa eŋ laŋôanôŋa naŋ, têtêc eŋ ŋanô.   
\b  
\q1
\v 8 O Apômtau, lausiŋ undambêŋa nêŋ Anôtô, asa oc êtôm aôm.  
\q2 O Apômtau, aôm ŋaclai sec ma nêm biŋ ŋaŋêŋ kêkwa aôm auc.   
\q1
\v 9 Aôm gôjam gôliŋ gwêc, taŋ kêgasim naŋ.  
\q2 Ŋadembom embe êkuc-êkuc, aôm oc ôŋgôm ŋatip êsa.   
\q1
\v 10 Aôm gôjac gêŋsêga Rahab popoc jamuŋ-jamuŋgeŋ.  
\q2 Lêmam ŋajaŋa geseŋ nêm ŋacjo êliŋ-êliŋ   
\q1
\v 11 Aôm kôtu undambê to nom ŋatau.  
\q2 Aôm kôkêŋ nom samuc to gêŋ samob, taŋ gêjam nom tau auc naŋ.   
\q1
\v 12 Aôm kôkêŋ gamêŋ musaŋgu-m to mula-mŋa.  
\q2 Lôc Tabor to Hermon ôliŋ kêpi kêtu aômnêm ŋaêŋa.   
\q1
\v 13 Lêmam dambê ŋactêkwa sec.  
\q2 Lêmam ŋajaŋa to kôsuŋ nêm anôŋa sa.   
\q1
\v 14 Biŋgêdêŋ to biŋ ŋaŋêŋ kêtu nêm lêpôŋ ŋanombaŋ.  
\q2 Têmtac gêwiŋ teŋgeŋŋa to biŋ ŋaŋêŋ gêc aôm laŋômnêmŋa.   
\b  
\q1
\v 15 O Apômtau, aê aoc gêôc lau, taŋ laŋômanô ŋawê kêpô êsêac  
\q2 ma ôliŋ kêpi kêtu aômŋa naŋ.   
\q1
\v 16 Êsêac tapi-tapigeŋ kêtu nêm ŋa ŋapaŋ.  
\q2 Ma sêjam lasê kêtu aômnêm biŋgêdêŋŋa.   
\q1
\v 17 Gebe aôm kôtu êsêac waeŋ to ŋaclai ŋamôkê.  
\q2 Aômnêm moasiŋ kêwaka aêacma ŋaê sa e ŋapep.   
\q1
\v 18 Gebe Apômtau kêtu aêacnêŋ lautuc ŋatau  
\q2 ma Israelnêŋ ŋac dabuŋ kêtu aêacnêŋ kiŋ nê ŋatau.   
\s1 Anôtônê biŋ, taŋ gêjac mata gêdêŋ Dawid naŋ  
\b  
\q1
\v 19 Gêdêŋ gêmuŋgeŋ aôm gôwa nêm biŋ sa gêdêŋ nêm sakiŋwaga ŋaŋêŋ ŋa ŋakatu gebe  
\q2 “Aê kakêŋ sunsuŋ kiŋŋa gêdêŋ ŋactêkwa teŋ kêkuc ênam lau sa. Aa kakêŋ lêpôŋ kiŋŋa gêdêŋ ŋac, taŋ kajaliŋ sa aŋga lau nêŋ naŋ.   
\q1
\v 20 Aê katap ŋoc sakiŋwaga Dawid sa,  
\q2 gaeŋ oso eŋ ŋa ŋoc niptêkwi dabuŋ   
\q1
\v 21 gebe lemoc êpuc eŋ tôŋ endeŋ tôŋgeŋ  
\q2 ma lemoc êkêŋ ŋaclai êndêŋ eŋ.   
\q1
\v 22 Nê ŋacjo ênsau êôc eŋ êtôm atom  
\q2 ma secwaga teŋ êku eŋ tulu atom.   
\q1
\v 23 Aê gabe janseŋ ênê ŋacjo popoc sênêc eŋ laŋônêmŋa  
\q2 ma janac êsêac, taŋ sêkêŋ kisa eŋ naŋ êndu.   
\q1
\v 24 Aêŋoc biŋ ŋaŋêŋ to têtac gêwiŋ teŋgeŋŋa êpuc eŋ tôŋ.  
\q2 Aêŋoc ŋaê oc êsuŋ ênê wae sa.   
\q1
\v 25 Aê jakêŋ ênê gôliŋ ŋamadiŋ  
\q2 aŋga gwêc ŋaluŋ e êndêŋ bu kapôêŋ Euprat.   
\q1
\v 26 Eŋ oc awa ênac aê gebe ‘Aêŋoc tamoc aôm,  
\q2 aôm kôtu ŋoc Anôtô to ŋoc moasiŋ ŋamôkê.’   
\q1
\v 27 Aê gabe jakêŋ eŋ êtu latuc ŋamêc.  
\q2 Eŋ kêtu kiŋ nomŋa nêŋ ŋatau.   
\q1
\v 28 Aê oc jamoasiŋ eŋ endeŋ tôŋgeŋ  
\q2 ma matoc êsap ŋoc poac tôŋ ŋajaŋa êtu eŋŋa.   
\q1
\v 29 Aê gabe jawaka ênê gôlôac nêŋ teŋ sa endeŋ tôŋgeŋ gebe êtu kiŋ  
\q2 ma ênê lêpôŋ êkô ŋapaŋ êtôm undambê.   
\b  
\q1
\v 30 “Ênê latui embe sêwi ŋoc biŋ siŋ  
\q2 ma nêŋ lêŋ eso aêŋoc biŋ, taŋ kajatu naŋ,   
\q1
\v 31 ma embe sêŋgôm aêŋoc biŋ êtu meloc  
\q2 ma sêkêŋ taŋeŋ ŋoc biŋsu atom,   
\q1
\v 32 oc jai êsêac ŋa palip êtu sêkac tauŋ suŋa  
\q2 ma oc janac êsêac êtu nêŋ kwalecŋa.   
\q1
\v 33 Mago gabe jaŋgamiŋ ŋoc moasiŋ êndêŋ Dawid atom  
\q2 ma jansa ŋoc biŋ ŋaŋêŋ auc êndêŋ eŋ atomanô.   
\q1
\v 34 Aê gabe jaŋgôm ŋoc poac êtu biŋ lêlêŋa atom  
\q2 ma janam biŋ, taŋ aocsuŋ kasôm lasê naŋ, ôkwi atom.   
\b  
\q1
\v 35 “Aê ŋac dabuŋ, tec katôc lemoc sa kêpi tauc katu dim tageŋ  
\q2 gebe jansau Dawid teŋ atomanô.   
\q1
\v 36 Ênê gôlôac oc sêmoa endeŋ tôŋgeŋ.  
\q2 Ênê lêpôŋ êtôm oc, taŋ kêkô aê laŋôcnêm naŋ.   
\q1
\v 37 Eŋ oc êmoa endeŋ tôŋgeŋ êtôm ajôŋ,  
\q2 taŋ kêtôm gêwa-biŋ-tau-sawaga ŋaŋêŋ aŋga tao lôlôcŋa naŋ.”   
\s1 Taŋi kêtu sêku kiŋ tuluŋa  
\b  
\q1
\v 38 Mago galoc aôm kôtiŋ to kômasuc ma têmtac ŋandaŋ  
\q2 gêdêŋ nêm ŋac, taŋ goeŋ oso eŋ naŋ.   
\q1
\v 39 Aôm kôsap poac, taŋ kômoatiŋ gêdêŋ nêm sakiŋwaga naŋ tulu  
\q2 ma gôgôm ênê sunsuŋ kêtu meloc ma kôpalip kêsêp lêsap gêja.   
\q1
\v 40 Aôm goseŋ ênê tuŋbôm samob êliŋ-êliŋ  
\q2 ma kôsiŋ baliŋ ênê malac totuŋbôm e popoc jamuŋ-jamuŋgeŋ.   
\q1
\v 41 Lau samob, taŋ sêsa tonaŋ sêja-sêmêŋ naŋ, sêjaŋgo gêŋ aŋga ênê  
\q2 nê lau mêŋbaŋ eŋ sêsu eŋ susu.   
\q1
\v 42 Aôm kôkêŋ lau, taŋ sêlêsu eŋ naŋ, sêku eŋ tulu.  
\q2 Aôm kôkêŋ ênê ŋacjo samob e sêpi-sêpigeŋ kêtu eŋŋa.   
\q1
\v 43 Aôm kôkêŋ eŋ gêc tonê siŋ ŋamatageŋ gêja  
\q2 ma gêdêŋ siŋ kêsa naŋ, kôpuc eŋ tôŋ atom.   
\q1
\v 44 Aôm gôgôm e ênê ŋawasi gêjaŋa samob  
\q2 ma kôtiŋ ênê lêpôŋ piŋpaŋ jagêc nom.   
\q1
\v 45 Aôm kôgasuŋ ênê bêc ŋapalê matacŋa kêtu dambê  
\q2 ma kôkêŋ maja to ŋawapac kêsalê eŋ auc.   
\s1 Mec teŋ kêtu Anôtô êjaŋgo eŋ suŋa  
\b  
\q1
\v 46 O Apômtau, gobe ônam taôm auc samucgeŋ e êndêŋ ondocgeŋ acgom.  
\q2 Aômnêm têmtac ŋandaŋ ŋajawaô êndaŋgac e êndêŋ ondocgeŋ acgom.   
\q1
\v 47 O Apômtau, taêm ênam aêac aŋgôŋ mateŋ jali ŋam  
\q2 ma taêm ênam gebe kôkêŋ ŋamalac samob gebe oc sê su sebeŋ.   
\q1
\v 48 Ŋamalac teŋ gêmoa ondoc gebe ênam kauc gêmac ma êmoa endeŋ tôŋgeŋ.  
\q2 Asa oc êjaŋgo tau nê katu su aŋga lamboam.   
\b  
\q1
\v 49 O Apômtau, aômnêm têmtac gêwiŋ, taŋ gôjac mata gêdêŋ andaŋgeŋ tauanô naŋ,  
\q2 to biŋ, taŋ aôm ŋac biŋ ŋaŋêŋŋa gôjac mata kêpi Dawid naŋ, gêc ondoc.   
\q1
\v 50 O Apômtau, taêm ênam nêm sakiŋwaga nê gêŋwapac  
\q2 gebe kajala gêc ŋoc ŋalêlôm amboac tonec gebe tenteŋlatu samob sêlic aê amboac gêŋ lêlêŋa teŋ.   
\q1
\v 51 O Apômtau, nêm ŋacjo têtaŋ pêlê  
\q2 to sêsu nêm ŋac, taŋ goeŋ oso eŋ naŋ, susu kêtôm nê lêŋ samobgeŋ.   
\b  
\q1
\v 52 Lambin êndêŋ Anôtô enden tôŋgen  
\b  
\q1 Biŋŋanô. Biŋŋanôgoc.  
\p \f + \fr 89:52 \ft Ŋac Esraŋa Etan nê wê teŋ.\f*   
\c 90  
\s1 BUKU KÊTU ACLÊŊA  
\s1 Anôtô gêmoa teŋgeŋ ma ŋamalac gêmoa têlageŋ  
\q1
\v 1 O Apômtau, aôm kôtu aêacma lamu.  
\q2 Gôlôac to gôlôac sê lamu aôm.   
\q1
\v 2 Lôc gêboa tau sa atomgeŋ ma aôm kôkêŋ nom to ŋagêŋlêlôm samob atomgeŋ,  
\q2 naŋ aôm Anôtô gômoa teŋgeŋ to teŋgeŋ.   
\b  
\q1
\v 3 Aôm kôkêŋ ŋamalac têtu kekop kêtiam  
\q2 ma kôsôm gebe “O ŋamalac latui, amu ana.”   
\q1
\v 4 Aôm gôlic jala tausen kêtôm bêc nôgeŋŋa, taŋ gêjaŋa naŋ,  
\q2 ma kêtôm ajam jali dambêgeŋ gêdêŋ gêbêc.   
\q1
\v 5 Aôm kôtiŋ aêac su amboac bu lau. Êsêac sêmoa dambêgeŋ amboac taêc bêc ma taêc mê têlageŋ.  
\q2 Êsêac têtôm oba ŋamêdôb, taŋ kêpuc wakuc gêdêŋ bêbêcgeŋ naŋ.   
\q1
\v 6 Bêbêcgeŋ kêpuc ŋajam-ŋajamgeŋ  
\q2 e kêtula ma kêmêliŋ e kêtu masê.   
\b  
\q1
\v 7 Aôm têmtac ŋandaŋ kêdaŋgac aêac su  
\q2 ma aômnêm ŋalêlôm kêmoatiŋ tôŋ kêtakê aêac secanô.   
\q1
\v 8 Aôm kotoc aêacma geo kêkô aôm laŋômnêmŋa.  
\q2 Aôm laŋômanô ŋawê kêpô aêacma sec, taŋ gêc lêlômgeŋ naŋ.   
\b  
\q1
\v 9 Gebe aôm têmtac ŋandaŋ gêjac aêacma bêc samob gêŋgic.  
\q2 Aêacma jala kêtôm ataŋ aweŋ kêtu dambê.   
\q1
\v 10 Aêac amoa mateŋ jali ŋajala jagêdêŋ 70.  
\q2 Ma embe aŋgôŋ ŋêŋgeŋ, naŋ oc naêndêŋ 80.  
\q1 Mago jala tau ŋanô gêŋwapac to ŋanômê  
\q2 ma gê su sebeŋ amboac moc gêlôb.   
\b  
\q1
\v 11 Asa oc taê ênam aôm têmtac ŋandaŋ ŋaŋaclai  
\q2 ma asa kêtêc têmtac kêbôli auc.   
\q1
\v 12 Amboac tonaŋ ôndôŋ aêac gebe asa ma bêc sa ŋapep  
\q2 gebe ma ŋalêlôm êjala mêtê tokauc.   
\b  
\q1
\v 13 O Apômtau, ômu ômôêŋmaŋ, gobe ômoa jaêc aêac e êndêŋ ondocgeŋ.  
\q2 Taêm walô nêm sakiŋwagamaŋ.   
\q1
\v 14 Aôm têmtac gêwiŋ teŋgeŋŋa êôc aêac tôŋ êtôm bêcgeŋ,  
\q2 ec ôliŋ êpi to têntac ŋajam êtôm ma bêc samob.   
\q1
\v 15 Ôkêŋ bêc aêacma ŋalêlôm ŋajam êsaŋa e naêtôm bêc, taŋ kôkôniŋ aêac tôŋ naŋ,  
\q2 to êtôm jala, taŋ gêŋwapac kêkôm aêac auc naŋ.   
\q1
\v 16 Ôwa nêm koleŋ ŋam sa êndêŋ nêm sakiŋwaga  
\q2 ma ôwa nêm ŋawasi sa êndêŋ êsêacnêŋ ŋapalê amboac tonaŋgeŋ.   
\q1
\v 17 O Apômtau, aêacma Anôtô, nêm moasiŋ mêŋêpi aêac.  
\q2 Ônam mec aêacma lemeŋ ŋakoleŋ, biŋŋanô, ônam mec ma lemeŋ ŋakoleŋmaŋ.  
\p \f + \fr 90:17 \ft Anôtônê ŋac Mose nê mec.\f*   
\c 91  
\s1 Tamoa Ŋaniniŋ Ŋatau nê ajuŋlabu  
\q1
\v 1 Ŋac taŋ gê lamu Lôlôc Ŋataugeŋ  
\q2 ma gêŋgôŋ Ŋaniniŋ Ŋatau nê ajuŋlabu naŋ,   
\q1
\v 2 oc êsôm êndêŋ Apômtau gebe “O ŋoc lamu to ŋoc laimôkê.  
\q2 O ŋoc Anôtô, taŋ taêc kêka aôm naŋ.”   
\q1
\v 3 Gebe eŋ taugeŋ oc êjaŋgo aôm su aŋga ŋac-gêdib-mocwaga nê lakô  
\q2 ma ênam aôm sa êndêŋ gêmac sec.   
\q1
\v 4 Eŋ oc êŋgandê aôm auc ŋa nê magê ma aôm oc ôŋgôŋ ênê magêlabu ŋajamgeŋ.  
\q2 Ênê biŋ ŋaŋêŋ kêtu lautuc to maluku.   
\q1
\v 5 Aôm oc ôtêc gêŋsêga gêbêcŋa atom  
\q2 ma ôtêc sôb, taŋ gêlôb gêdêŋ ocsalôŋa naŋ, atom amboac tonaŋgeŋ.   
\q1
\v 6 Aôm oc ôtêc gêmac sec, taŋ kêmoasac tokesecgeŋ  
\q2 ma ônaŋ geseŋ lau gêdêŋ ocsalô naŋ, êtap aôm sa atom amboac tonaŋgeŋ.   
\b  
\q1
\v 7 Lau tausen, taŋ sêwiŋ aôm naŋ, embe sênaŋa, ma tausen to tausen, taŋ sêmoa kêsi lêmam anôŋaŋa naŋ, embe sênaŋa naŋ,  
\q2 mago oc êjac aôm sa.   
\q1
\v 8 Aôm taôm matamanô êpi lau kesowaga  
\q2 ma ôlic ŋagêjô, taŋ oc êtap êsêac sa naŋ.   
\b  
\q1
\v 9 Apômtau kêtu aômnêm lamu.  
\q2 Aôm kôjaliŋ Lôlôc Ŋatau sa gebe êtu nêm laimôkê,   
\q1
\v 10 tec oc ôndac gêŋwapac atom  
\q2 ma gêŋ sec teŋ oc êsa nêm bec ŋagala atom.   
\q1
\v 11 Gebe eŋ oc êsakiŋ nê aŋela êtu aômŋa  
\q2 gebe sejop aôm aŋga nêm lêŋ samob.   
\q1
\v 12 Êsêac oc sêsip aôm sa ŋa lemeŋ  
\q2 gebe amkaiŋ êndiŋ êpi poc atom.   
\q1
\v 13 Aôm oc ôsêlêŋ ôŋgêli lewe to moac.  
\q2 Aôm oc ôka lewe to moactêna popoc.   
\b  
\q1
\v 14 Anôtô kêsôm gebe “Aê oc janam lau, taŋ sêsap aê tôŋ totêntac gêwiŋgeŋ naŋ sa  
\q2 ma japiŋ êsêac, taŋ sêjala ŋoc ŋaê naŋ auc.   
\q1
\v 15 Êndêŋ taŋ aweŋ ênac aê, oc jakêŋ taŋoc êsêac. Êndêŋ taŋ sêŋgôŋ naeo, oc jamoa jawiŋ êsêac  
\q2 ma janam êsêac kêsi to jatoc êsêac sa.   
\q1
\v 16 Aê oc jakêŋ êsêac sêmoa mateŋ jali ŋêŋgeŋ  
\q2 ma jatôc ŋoc moasiŋ êndêŋ êsêac sêlic.”   
\c 92  
\s1 Wê lambiŋŋa  
\q1
\v 1 Tanam daŋge Apômtau kêtu gêŋ ŋanô mataêjam.  
\q2 O Lôlôc Ŋatau, aêac alanem nêm ŋaê.   
\q1
\v 2 Êndêŋ bêbêcgeŋ samob aêac asôm nêm têmtac gêwiŋ teŋgeŋŋa lasê  
\q2 ma êndêŋ êmbêc akêŋ nêm biŋ ŋaŋêŋ ŋawae.   
\q1
\v 3 Apip gêŋ wêŋa ŋagam lemelu ma anac kaliŋgwaŋsêga êtaŋ  
\q2 ma anac gêŋ wêŋa ŋagêdô amboac tonaŋgeŋ.   
\q1
\v 4 Gebe aôm Apômtau gôgôm nêm gêŋ ŋajam e kêmoasiŋ aêŋoc ŋalêlôm,  
\q2 tec gajam wê ma katuc samuc nêm lêmam ŋakôm.   
\b  
\q1
\v 5 O Apômtau, aômnêm kôm ŋanô kapôêŋanô.  
\q2 Aôm taêm gêjam biŋ samob kêsêp lêlôm e jakôkip sa.   
\q1
\v 6 Ŋac taŋ nê kauc masi naŋ, oc êjala gêŋ tonaŋ ŋai atomanô.  
\q2 Ma ŋac meloc oc êjala ŋam sapu.   
\q1
\v 7 Lau taŋ sêkac tauŋ su aŋga Anôtônê naŋ, têtôm gêgwaŋ ŋamêdôb wakuc ŋajam, ma lau samob, taŋ sêgôm sec naŋ, têtôm ka ŋaola kêsa,  
\q2 mago oc sêmoa atom, sênaŋa samucgeŋ.   
\q1
\v 8 Ma aôm Apômtau oc ôŋgôŋ nêm lêpôŋ, taŋ kêkô lôlôcŋa naŋ,  
\q2 endeŋ tôŋgeŋ.   
\b  
\q1
\v 9 O Apômtau, aômnêm ŋacjo oc sênaŋa biŋŋanô. Nêm ŋacjo oc sênaŋa biŋŋanôgoc.  
\q2 Aôm oc onseŋ lau samob, taŋ sêgôm sec naŋ, popoc êliŋ-êliŋ.   
\q1
\v 10 Aôm gôgôm aê ôlic walô kêsa amboac bôc bulimakao kapoac ŋaclai teŋ.  
\q2 Aôm goeŋ oso aê ŋa gêŋ têtac ŋajamŋa.   
\q1
\v 11 Aê galic sêku ŋoc ŋacjo tulu  
\q2 ma gaŋô lau sec sêwakic.   
\b  
\q1
\v 12 Lau gêdêŋ sêpoa sêpi amboac nip  
\q2 ma têtu baliŋ kêtôm kaseda Lebanonŋa.   
\q1
\v 13 Êsêac têtôm ka, taŋ sêsê kêsêp Apômtaunê andu naŋ.  
\q2 Êsêacnêŋ ŋaola gêjac lêtêŋ aŋga aêacnêŋ Anôtônê malacluŋ.   
\q1
\v 14 Êsêac sêjam ŋanô gêdêŋ taŋ môdê kêpi êsêac naŋ.  
\q2 Nêŋ ŋatêkwi taêsam ma ŋalauŋ ŋawawa laŋgwageŋ.   
\q1
\v 15 Biŋ tonaŋ gêwa sa gebe Anôtô eŋ ŋac ŋaŋêŋ  
\q2 ma biŋ keso teŋ gêc ŋoc lamu atom.  
\p \f + \fr 92:15 \ft Wê Sabatŋa.\f*   
\c 93  
\s1 Anôtô kêtu kiŋ  
\q1
\v 1 Apômtau kêtu kiŋ. Eŋ kêsô ŋawasi kiŋŋa kêtu nê ŋakwê. Apômtau gêjam gêlôŋ sa ma kajandiŋ ŋaclai kêtu nê ômbiŋkap.  
\q2 Ŋac tau gedeŋ nom tôŋ ŋajaŋa gebe wiwic atom.   
\q1
\v 2 Aômnêm lêpôŋ kêkô ŋajaŋa kwanaŋgeŋ gêdêŋ andaŋgeŋ ma ŋapaŋ.  
\q2 Aôm gômoa gêdêŋ têm kêsa atomgeŋ.   
\b  
\q1
\v 3 O Apômtau, bu ŋasamac kêsa, ŋasamac kêsa e ŋadindiŋ ŋanô.  
\q2 Ŋasamac kêsa e gamêŋ gêôŋ-gêôŋ   
\q1
\v 4 Apômtau lôlôcŋa kêtu ŋatau ŋajaŋa, eŋ kêlêlêc bu ŋasamac kapôêŋ ŋadindiŋ.  
\q2 Kêlêlêc gwêc, taŋ kêgasim ŋatêna naŋ su.   
\b  
\q1
\v 5 Biŋ taŋ aôm gôwa sa naŋ, ŋaŋêŋ to biŋŋanô.  
\q2 O Apômtau, ŋamalac tetoc nêm andu sa gebe gamêŋ dabuŋ ma sêŋgôm endeŋ tôŋgeŋ acgommaŋ.   
\c 94  
\s1 Anôtô kêtu lau samob nêŋ mêtôcwaga  
\q1
\v 1 O Apômtau, aôm kôkac kamocgôc ŋatau.  
\q2 Kamocgôc ŋaAnôtô mêŋô lasê.   
\q1
\v 2 Aôm taŋ kômêtôc lau nomŋa nêŋ biŋ naŋ, ôndi samaŋ.  
\q2 Ôkêŋ ŋagêjô êndêŋ lau, taŋ tetoc tauŋ sa naŋ.   
\q1
\v 3 Secwaga tetoc tauŋ sa  
\q2 ma ôliŋ kêpi kêtu nêŋ secŋa e êndêŋ ondocgeŋ.   
\q1
\v 4 Êsêac sêsôm biŋ alôb-alôb e aweŋôpic mêŋgêbôc laŋgwageŋ.  
\q2 Secwaga samob sêkêli tauŋ ŋanô.   
\b  
\q1
\v 5 O Apômtau, êsêac sêka nêm lau popoc.  
\q2 Êsêac sêkôniŋ nêm gêŋlênsêm tôŋ.   
\q1
\v 6 Êsêac sêgiŋ awêtuc to mosêbu êndu  
\q2 ma sêjac lau jaba, taŋ sêmoa aêacma gamêŋ naŋ êndu.   
\q1
\v 7 Êsêac sêsôm gebe “Anôtô oc êlic sapu.  
\q2 Jakobnê Anôtô kêpuc mata tôŋ aêac atom.”   
\b  
\q1
\v 8 Amac lau meloc, taŋ amoa lau ŋalêlôm naŋ, nêm kauc êsa acgommaŋ.  
\q2 Ma amac lau gêbôc oc êndêŋ ondoc acgom, go ajala biŋ ŋam.   
\q1
\v 9 Ŋac tau, taŋ kêkêŋ aêac taŋeŋsuŋ kêsap tôŋ naŋ, oc êŋô biŋ atom me.  
\q2 Ma ŋac tau, taŋ kêkêŋ aêac mateŋanô naŋ, oc êlic gamêŋ teŋ sapu me.   
\q1
\v 10 Ŋac tau, taŋ gêwa ŋamalacnêŋ kauc sa to gêjam gôliŋ tenteŋlatu samob naŋ,  
\q2 oc êkêŋ ŋagêjô atom me.   
\q1
\v 11 Apômtau tec kêjala biŋ, taŋ ŋamalac taêŋ gêjam gêc nêŋ ŋalêlôm naŋ, e jakêkip sa,  
\q2 mago êsêac tauŋ têtôm aweŋjaô ŋaôma.   
\b  
\q1
\v 12 O Apômtau, aê aoc êôc ŋac, taŋ aôm gôjam gôliŋ eŋ naŋ,  
\q2 to aoc êôc ŋac, taŋ aôm gôwa nêm biŋsu sa gêdêŋ eŋ naŋ.   
\q1
\v 13 Aôm gobe ômbôc gêŋwapac auc êndêŋ eŋ,  
\q2 ôŋgôm ômoa e êndêŋ bêc, taŋ sêkwê sê gebe ŋac alôb-alôb êsêp êna naŋ.   
\q1
\v 14 Apômtau oc êtiŋ nê lau su atom  
\q2 ma oc êwi nê gêŋlênsêm siŋ atom.   
\q1
\v 15 Biŋgêdêŋ oc êwaka tau sa aŋga gamêŋ mêtôcŋa êtiam  
\q2 ma lau gêdêŋ oc sêpuc biŋgêdêŋ tau tôŋ.   
\b  
\q1
\v 16 Asa oc êpuc aê tôŋ êndêŋ lau secwaga.  
\q2 Asa oc êkô êwiŋ aê êndêŋ lau alôb-alôb.   
\q1
\v 17 Apômtau embe ênam aê sa atom,  
\q2 oc ŋoc katuc wanêcgeŋ naêmoa nê gamêŋ ŋaŋêŋ su.   
\q1
\v 18 Gêdêŋ taŋ katêc tauc gebe janac tauc êndu naŋ,  
\q2 nêm têmtac gêwiŋ teŋgeŋŋa kêpuc aê tôŋ, o Apômtau.   
\q1
\v 19 Gêdêŋ taŋ gêŋwapac gêjam ŋoc ŋalêlôm auc naŋ,  
\q2 aôm gôjam malô aê e gôgôm aê têtac ŋajam kêsa kêtiam.   
\b  
\q1
\v 20 Lau sêmêtôc biŋ kesowaga to êsêac, taŋ sêjam biŋsu ŋamata ôkwi-ôkwi naŋ,  
\q2 oc sêwê kaiŋ aôm me.   
\q1
\v 21 Lau tonaŋ sêkac tauŋ sa gebe sêkic ŋac gêdêŋ nê biŋ  
\q2 ma sêmêtôc lau, taŋ nêŋ biŋ masi samucgeŋ naŋ, gebe sêmac êndu.   
\q1
\v 22 Mago Apômtau tec kêtu ŋoc tuŋtêna ŋajaŋa sec.  
\q2 Ŋoc Anôtô kêtu ŋoc poc, taŋ gaê lamu naŋ.   
\q1
\v 23 Eŋ oc êkêŋ ŋagêjô êndêŋ êsêac êtôm nêŋ biŋ alôb-alôb ma enseŋ êsêac tauŋ êtu nêŋ secŋa.  
\q2 Biŋŋanô, Apômtau aêacnêŋ Anôtô, oc enseŋ êsêac su.   
\c 95  
\s1 Talambiŋ Anôtô to tanam sakiŋ eŋ ŋawê  
\q1
\v 1 Amêŋ, talambiŋ Apômtau.  
\q2 Lasê êtaŋ to têntac ŋajam êndêŋ aêacnêŋ moasiŋmôkê.   
\q1
\v 2 Aêac todaŋgegeŋ dandêŋ eŋ tawac takô eŋ laŋônêm.  
\q2 Tanam wê lambiŋŋa toaligeŋ.   
\q1
\v 3 Gebe Apômtau eŋ Anôtô kapôêŋ.  
\q2 Eŋ kêtu anôtôi samob nêŋ kiŋsêga.   
\q1
\v 4 Eŋ gêjam gôliŋ nom ŋakêlêndiŋ  
\q2 to lôc ŋatêpôê samob.   
\q1
\v 5 Eŋ kêtu-gwêc ŋatau gebe eŋ kêkêŋ.  
\q2 Eŋ kêtu masaŋm ŋatau gebe eŋ kêlêsôb ŋa lêma.   
\b  
\q1
\v 6 Amêŋ, tawec ma tateŋ mec êndêŋ eŋ.  
\q2 Tapôŋ aeŋduc êndêŋ Apômtau, taŋ kêkêŋ aêac naŋ,   
\q1
\v 7 gebe eŋ kêtu aêacnêŋ Anôtô ma aêac tatu ênê lau, taŋ eŋ gejob naŋ, ma domba, taŋ eŋ gêjam gôliŋ naŋ.  
\q2 Ojae, êndêŋ ocsalô tonec akêŋ taŋem eŋ awamaŋ.   
\q1
\v 8 “Aŋgôm nêm ŋalêlôm ŋadani asa êtôm sêgôm aŋga Meriba,  
\q2 ma êtôm sêgôm gêdêŋ bêc sêmoa gamêŋ sawa Masaŋa naŋ atom.   
\q1
\v 9 Gêdêŋ tonaŋ Tamemi sêsaê aê.  
\q2 Aê gagôm ŋoc gêŋ ŋagêdô êsêac tauŋ sêlicgac, mago sêsaê aê.   
\q1
\v 10 Gôlôac tonaŋ sêgôm aê têtac kêbôli auc kêtôm jala 40 ma aê kasôm gebe’ Êsêac lau tonaŋ nêŋ kauc kêlêsa ŋapaŋ  
\q2 ma êsêac sêkô tauŋ auc gêdêŋ aêŋoc lêŋ.’   
\q1
\v 11 Amboac tonaŋ têtac ŋandaŋ ma katôc lemoc kêtu tôŋ gebe  
\q2 ‘Êsêac oc sêsô aêŋoc gamêŋ sêniŋ aweŋŋa atomanô.’”   
\c 96  
\s1 Wê lambiŋŋa  
\q1
\v 1 Aŋga wê wakuc êpi Apomtau.  
\q2 Amac lau gamêŋ samobŋa, aŋga wê êpi Apômtau.   
\q1
\v 2 Aŋga wê êpi Apômtau ma awem êôc ênê ŋaê.  
\q2 Asôm ênê moasiŋ ŋawae lasê êtôm bêc to eleŋgeŋ.   
\q1
\v 3 Asôm ênê ŋawasi lasê êndêŋ tenteŋlatu  
\q2 to ênê gêŋsêga êndêŋ lau nomŋa samob.   
\b  
\q1
\v 4 Apômtau eŋ ŋac kapôêŋ, amboac tonaŋ samob aweŋ êôc eŋ.  
\q2 Tatêc eŋ êlêlêc anôtôi samob su.   
\q1
\v 5 Gebe tenteŋlatu nêŋ anôtôi samob gwamgeŋ.  
\q2 Apomtau taugeŋ tec kêkêŋ undambê.   
\q1
\v 6 Wae to ŋawasi kiŋŋa kêkôm eŋ auc.  
\q2 Ŋaclai to ŋawasi gêjam ênê gamêŋ dabuŋ auc.   
\b  
\q1
\v 7 O lau samuc nêŋ gôlôac, atoc Apômtau sa.  
\q2 Atoc Apômtaunê ŋawasi to ŋaclai sa.   
\q1
\v 8 Atoc Apômtaunê ŋaê towae sa.  
\q2 Asô ênê malacluŋ ana ma ansuŋ da êndêŋ eŋ.   
\q1
\v 9 Au taôm anêc Apômtau laŋônêm togêlôŋ dabuŋgeŋ.  
\q2 Nom ŋagamêŋ samob, atênêp êtu eŋŋa.   
\b  
\q1
\v 10 Asôm biŋ tonec lasê êndêŋ lau samuc gebe “Apômtau katu kiŋ.  
\q2 Eŋ kêsuŋ nom ŋam tôŋ ŋajaŋa gebe kôjô-kôjô atom. Eŋ oc êmêtôc tenteŋlatunêŋ biŋ naêndêŋgeŋ.”   
\q1
\v 11 Undambê atu samuc ma nom têtac wapi,  
\q2 gwêc tau to gêŋ mateŋ jali samob, taŋ sêmoa ŋalêlôm naŋ, ŋadindiŋ êsa.   
\q1
\v 12 Kôm to gêŋ kômŋa samob sênam lasê.  
\q2 Ka saleŋtênaŋa samob sêmôêc toaligeŋ.   
\q1
\v 13 Sêkô Apômtau laŋônêmŋa gebe eŋ oc êmêŋ.  
\q2 Biŋŋanô, eŋ oc amêŋ gebe êmêtôc nom.  
\q1 Eŋ oc amêtôc gamêŋ samob ŋa biŋgêdêŋ  
\q2 to tenteŋlatu ŋa nê biŋ ŋaŋêŋ.   
\c 97  
\s1 Anôtô eŋ gôliŋsêga  
\q1
\v 1 Apômtau kêtu kiŋ. Nom tau ênam lasê toôndugeŋ.  
\q2 Nuc samob, atu samuc.   
\q1
\v 2 Tao ŋamajaŋ kêkwa eŋ auc.  
\q2 Biŋgêdêŋ to biŋ katô kêtu ênê lêpôŋ ŋanombaŋ.   
\q1
\v 3 Ja aŋga ênê gêmuŋ-gêmuŋgeŋ.  
\q2 Ja kêdaŋgac ênê ŋacjo su sêjaŋa.   
\q1
\v 4 Ênê ôsic kêpô nom  
\q2 ma lau, taŋ sêŋgôŋ nom naŋ, sêlic e têtakê.   
\q1
\v 5 Apômtau gêgôm lôc gêwê e kêtôm lêp  
\q2 gebe eŋ kêtu lau nomŋa samob nêŋ Apômtau.   
\q1
\v 6 Undambê sêwaka ênê biŋgêdêŋ sa  
\q2 ma tenteŋlatu samob sêlic ênê ŋawasi.   
\b  
\q1
\v 7 Lau samob, taŋ sêjam sakiŋ gwam to tetoc tauŋ sa kêtu nêŋ gwamŋa naŋ, oc sêkô tomajeŋgeŋ.  
\q2 Anôtôi samob sêu tauŋ sêc eŋ laŋônêmŋa.   
\q1
\v 8 Sion gêŋô e têtac ŋajam ma Juda latuŋio aweŋ gêôc toôndugeŋ  
\q2 kêtu aôm Apômtau, kômêtôc biŋŋa.   
\q1
\v 9 Gebe aôm, Apômtau, kôtu nom samuc ŋatau towae.  
\q2 Aôm kôlêlêc anôtôi samob ŋêŋgeŋ su.   
\b  
\q1
\v 10 Apômtau têtac gêwiŋ lau, taŋ sêkêŋ kisa êndêŋ sec naŋ.  
\q2 Eŋ tau gejob nê lau mansaŋ katuŋ ma kêjaŋgo êsêac su aŋga lau geo nêŋ lemeŋ.   
\q1
\v 11 Ŋawê kêsa gebe êpô lau gêdêŋ  
\q2 ma têtac ŋajam kêpi êsêac, taŋ nêŋ ŋalêlôm ŋaŋêŋ naŋ.   
\q1
\v 12 Amac lau gêdêŋ atu samuc Apômtauŋa  
\q2 ma anam daŋge eŋ.   
\c 98  
\s1 Anôtô kêtu nom samucgeŋ ŋagôliŋwaga  
\q1
\v 1 Apuc wê wakuc teŋ sa êndêŋ Apômtau  
\q2 gebe eŋ gêgôm gêŋsêga.  
\q1 Ênê lêma anôŋa  
\q2 to ŋaclai dabuŋ kêku nê ŋacjo tulu.   
\q1
\v 2 Apômtau kêsôm eŋ kêku ŋacjo tulu ŋawae lasê.  
\q2 Eŋ geoc nê biŋgêdêŋ lasê gêdêŋ tenteŋlatu samob.   
\q1
\v 3 Eŋ taê gêjam nê têtac gêwiŋ teŋgeŋŋa to biŋ ŋaŋêŋ,  
\q2 taŋ gêjac mata gêdêŋ gôlôac Israel naŋ.   
\b  
\q1
\v 4 Lau gamêŋ samobŋa awem êôc Apômtau toôndugeŋ.  
\q2 Anam lasê to apuc wê lambiŋŋa sa.   
\q1
\v 5 Aŋgôm gêŋ wêŋa êtaŋ gebe êŋgôm Apômtaunê wae êsa.  
\q2 Aŋgôm ŋa gêŋ wêŋa ma apuc wê tau sa.   
\q1
\v 6 Anac dauc to posauno êtaŋ.  
\q2 Awem êôc kiŋ Apômtau toôndugeŋ.   
\b  
\q1
\v 7 Gwêc to ŋagêŋ samob, taŋ gelec-gelecgeŋ sêmoa ŋalêlôm naŋ, ŋadindiŋ êsa  
\q2 ma lau samob, taŋ sêŋgôŋ nom auc naŋ, amboac tonaŋgeŋ.   
\q1
\v 8 Bu kapôêŋ ŋasamac, amakop lemem.  
\q2 Lôc samob sêkêli tauŋ sêpi-sêpigeŋ sêkô Anôtô laŋôgeŋ.   
\q1
\v 9 Sêŋgôm êndêŋ Apômtau gebe eŋ oc mêŋêmêtôc ŋamalac nomŋa nêŋ biŋ.  
\q2 Eŋ oc êmêtôc lau samob, taŋ sêŋgôŋ nom auc naŋ, ŋa biŋgêdêŋ ma biŋkatô.   
\c 99  
\s1 Anôtô eŋ kiŋ towae  
\q1
\v 1 Apômtau kêtu kiŋ. Tenteŋlatu têtênêp tauŋ êndu-êndu.  
\q2 Nê lêpôŋ kêkô kerub nêŋ magê ŋaô e nom kôjô-kôjôgeŋ.   
\q1
\v 2 Apômtau kêtu ŋac kapôêŋ aŋga Sion.  
\q2 Eŋ ŋatau kêlêlêc tenteŋlatu samob su.   
\q1
\v 3 Lau samob sêlambiŋ ênê ŋaê towae to ŋaclai kaiŋ teŋ  
\q2 gebe eŋ ŋac dabuŋ.   
\b  
\q1
\v 4 O kiŋ toŋaclai,  
\q2 aôm têmtac gêwiŋ biŋgêdêŋ.  
\q1 Aôm kôwaka ŋagôliŋ gêdêŋ sa  
\q2 ma kômêtôc biŋ kêtu katô aŋga Jakobnê.   
\q1
\v 5 Atoc Apômtau, aêacnêŋ Anôtô sa  
\q2 ma au taôm naanêc taoŋ, taŋ akaiŋ kêka tôŋ naŋ, gebe eŋ ŋac dabuŋ.   
\b  
\q1
\v 6 Mose agêc Aron têtu ênê dabuŋwaga, ma Samuel gêmoa gêwiŋ êsêac, taŋ aweŋ gêôc ênê ŋaê naŋ.  
\q2 Êsêac aweŋ gêjac eŋ, tec eŋ kêkêŋ taŋa êsêac.   
\q1
\v 7 Eŋ gêmoa tao ŋalêlôm ma kêsôm biŋ gêdêŋ êsêac.  
\q2 Êsêac sêmasaŋ ênê biŋsu to biŋ, taŋ eŋ kêjatu gêdêŋ êsêac naŋ.   
\b  
\q1
\v 8 O Apômtau, aêacma Anôtô, aôm kôkêŋ taŋam êsêac.  
\q2 Aôm Anôtô kôsuc êsêacnêŋ biŋ ôkwi ma gôjac êsêac kêtu sêgôm kesoŋa.   
\q1
\v 9 Atoc aêacnêŋ Apômtau Anôtô sa ma au taôm naanêc ênê lôc dabuŋ ŋalabu  
\q2 gebe aêacnêŋ Apômtau Anôtô eŋ ŋac dabuŋgoc.   
\c 100  
\s1 Wê lambiŋŋa  
\q1
\v 1 Amac lau gamêŋ samobŋa, lasê êtaŋ totêmtac ŋajam êndêŋ   
\q1
\v 2 Apômtau. Anam sakiŋ Apômtau toôlim êpigeŋ.  
\q2 Mêŋakô eŋ laŋônêm toôndugeŋ.   
\b  
\q1
\v 3 Ajala Apômtau gebe eŋ Anôtô.  
\q2 Eŋ kêkêŋ aêac tec tatu ênê gêŋ. Aêac tatu ênê lau to toŋ, taŋ eŋ gejob naŋ.   
\b  
\q1
\v 4 Awê asô ênê sacgêdô ana todaŋge ma asô ênê lôm dabuŋ ŋamalacluŋ toôndugeŋ.  
\q2 Anam daŋge eŋ to awem êôc ênê ŋaê.   
\q1
\v 5 Gebe Apômtau eŋ ŋac gabêjam, ênê moasiŋ oc ênêc teŋgeŋ  
\q2 ma ênê biŋ ŋaŋêŋ ênêc teŋgeŋ to teŋgeŋ.  
\p \f + \fr 100:5 \ft Pesalem daŋgeŋa teŋ.\f*   
\c 101  
\s1 Kiŋ gêjac mata biŋ  
\q1
\v 1 Aê gabe jaŋga wê api moasiŋ to biŋgêdêŋ.  
\q2 O Apômtau, aê gabe janam wê êndêŋ aômgeŋ.   
\q1
\v 2 Aê gabe jasa lau laŋôŋnêm sawa nêŋ lêŋ  
\q2 Aôm oc ôndêŋ aê ômôêŋ êndêŋ ondoc.  
\b  
\q1 Aê gabe jaŋgôŋ ŋoc andulêlôm  
\q2 toŋoc ŋalêlôm ŋawageŋ.   
\q1
\v 3 Aê gabe matoc êndiŋ  
\q2 gêŋ eso atom.  
\q1 Aê jakêŋ kisa êndêŋ êsêac, taŋ sêkac tauŋ su aŋga Anôtônê.  
\q2 Biŋ amboac tonaŋ êtap aê sa atom.   
\q1
\v 4 Ŋalêlôm keso ênac jaê aê.  
\q2 Aê gabe janam kauc gêŋ sec.   
\q1
\v 5 Aê gabe janseŋ lau,  
\q2 taŋ sêgôliŋ biŋ sacgeŋ kêpi nêŋ lau sackapoa gêdô gêdêŋ tauŋ naŋ.  
\q1 Lau teŋbeleŋ aŋgeŋ ma êsêac, taŋ nêŋ ŋalêlôm kêkiaŋ tauboa naŋ,  
\q2 galic êsêac keso ŋoc ŋalêlôm.   
\b  
\q1
\v 6 Matoc gê lau, taŋ sêgôm nêŋ gêŋ ŋaŋêŋgeŋ naŋ,  
\q2 gebe sêmoa sêwiŋ aê.  
\q1 Lau tolaŋôŋnêm sawa  
\q2 oc sênam sakiŋ aê.   
\b  
\q1
\v 7 Ŋac teŋ embe ênam biŋ dansaŋ ŋa lêmageŋ  
\q2 oc êŋgôŋ ŋoc andu atom.  
\q1 Matoc geso lau,  
\q2 taŋ sêsôm biŋ dansaŋ sêmoa naŋ.   
\q1
\v 8 Lau samob, taŋ sêgôm biŋ alôb-alôb naŋ,  
\q2 janseŋ êsêac su aŋga gamêŋ tonec êtôm bêcgeŋ.  
\q1 Ma lau samob, taŋ sêgôm sec naŋ,  
\q2 oc janseŋ êliŋ-êliŋ aŋga Apômtaunê malac.  
\p \f + \fr 101:8 \ft Dawidnê pesalem teŋ.\f*   
\c 102  
\s1 Ŋac matac tonê ŋalêlôm ŋawapac nê mec  
\q1
\v 1 O Apômtau, ôkêŋ taŋam ŋoc mec  
\q2 ma ôkêŋ ŋoc taŋiboa e wacdiŋgeŋ aôm.   
\q1
\v 2 Êtôm ŋasawa, taŋ ŋoc ŋalêlôm ŋatutuc naŋ,  
\q2 ônsaŋ laŋômanô auc êndêŋ aê atom.  
\q1 Wê taŋam aê.  
\q2 Êtôm ŋasawa, taŋ jamôêc naŋ, ôkêŋ taŋam aê ŋagaôgeŋ.   
\b  
\q1
\v 3 Ojae, ŋoc bêc gêôŋ sa katôm jadauŋ  
\q2 ma ŋoc ŋatêkwa ŋandaŋ kêtôm ja geŋ gêmoa ŋalêlôm.   
\q1
\v 4 Aêŋoc ŋalêlôm kêsêlic e kêtu masê amboac gêgwaŋ  
\q2 ma gêgôm aê e kaliŋ tauc siŋ ma gaeŋ gêŋ atom.   
\q1
\v 5 Kasê aoc jamêc-jamêc  
\q2 e ŋoc ŋamêsôm gedec ŋatêkwa.   
\q1
\v 6 Aê katôm moc gwêcŋa, mago jagamoa gamêŋ sawa.  
\q2 Aê katôm mocki gêmoa gamêŋ gasaŋ.   
\q1
\v 7 Aê gabe janêc bêc e gagôm jageo ma kataŋ tauc.  
\q2 Aê katôm moc ŋanô kêsu tageŋ, taŋ gêŋgôŋ nip naŋ.   
\q1
\v 8 Ŋoc ŋacjo sêsu aê susu kêtôm bêcgeŋ.  
\q2 Êsêac taŋ sêkêli tauŋ kêtu aêŋa naŋ, sêpuc boageŋ gebe aê janaŋamaŋ.   
\b  
\q1
\v 9 Ojae, aê gaeŋ wao kêtu ŋoc mogoc  
\q2 ma gabe janôm gêŋ, naŋ ganôm matocsulu toôŋ-toôŋ   
\q1
\v 10 kêtu aôm têmtac ŋandaŋ to nêm ŋalêlôm kêmoatiŋ tôŋŋa  
\q2 gebe aôm gôc aê sa ma kôgôndiŋ aê.   
\q1
\v 11 Aêŋoc bêc kêtôm katuŋ kêtu baliŋ.  
\q2 Ojae, aêma kamêliŋ amboac gêgwaŋgoc.   
\q1
\v 12 Mago aôm Apômtau, tec kôtu kiŋ gôŋgôŋ nêm lêpôŋ gedeŋ tôŋgeŋ  
\q2 ma gôlôac to gôlôac tetoc aômnêm ŋaê sa.   
\q1
\v 13 Aôm oc ôndi ma taêm walô Sion gebe ŋanoc aôm taêm walôŋa kêdabiŋgac.  
\q2 Ŋanoc tau mêŋkêsa su.   
\q1
\v 14 Aômnêm sakiŋwaga têntac gêwiŋ Sion tau ŋaalê  
\q2 ma nêŋ ŋalêlôm kêmoatiŋ tôŋ kêtu gamêŋ tau ketocŋa.   
\b  
\q1
\v 15 Ec lau samuc oc têtêc Apômtaunê ŋaê  
\q2 ma kiŋ nomŋa samob têtêc nêm ŋawasi.   
\q1
\v 16 Biŋŋanô, Apômtau oc êkwê Sion sa êtiam.  
\q2 Eŋ oc eoc tau lasê tonê ŋawasi.   
\q1
\v 17 Eŋ oc êkac laŋôanô ôkwi êndêŋ lau, taŋ sêjac kapoac êsêac naŋ, nêŋ mec  
\q2 ma êmbôc taŋasuŋ auc êndêŋ êsêacnêŋ taŋiboa atom.   
\b  
\q1
\v 18 Biŋ tonaŋ ŋai teto ênêc e lau wakuc sêlic  
\q2 gebe lau, taŋ teneŋi sêkôc êsêac su atomgeŋ naŋ, aweŋ êôc Apômtau.   
\q1
\v 19 Gebe eŋ gêjam tuc aŋga nê lôlôc dabuŋ  
\q2 gebe Apômtau kêtuc kêniŋ aŋga undambê kêsêp nom gêmêŋ   
\q1
\v 20 gebe êkêŋ taŋa êndêŋ lau kapoacwalôŋa nêŋ oliŋ  
\q2 ma êŋgamboac lau, taŋ têtu lau gêbac naŋ, su sêmoa mateŋ jali.   
\q1
\v 21 Gebe sêsôm Apômtaunê ŋaê lasê aŋga Sion  
\q2 ma nê wae aŋga Jerusalem.   
\q1
\v 22 Sêŋgôm êndêŋ taŋ tenteŋlatu sêkac tauŋ sa naŋ,  
\q2 ma kiŋnêŋ lau sebe sênam sakiŋ êndêŋ Apômtau amboac tonaŋ.   
\b  
\q1
\v 23 Aê kasa ŋoc lêŋ gamoa e eŋ gêgôm aêŋoc ŋaclai kêtu goloŋ.  
\q2 Eŋ gêjam aêŋoc bêc gaŋgôŋ matoc jaliŋa su kêtu dambê,   
\q1
\v 24 e galoc kataŋ gebe “Ŋoc Anôtô, ôkaja aêma êndêŋ ŋoc bêc ŋaluŋgeŋ atom  
\q2 gebe aôm kôtu têm teŋgeŋ to teŋgeŋ ŋatau.”   
\b  
\q1
\v 25 Andaŋgeŋ tauanô gôjac m nom  
\q2 ma undambê kêtu lêmam ŋakôm.   
\q1
\v 26 Geŋ tonaŋ ŋai oc sênaŋa ma aôm oc gacgeŋ ômoa.  
\q2 Gêŋ tonaŋ ŋai samob oc têtu manê amboac ŋakwê.  
\q1 Aôm oc ôjô gêŋ tau êtôm tajô ŋakwê  
\q2 ma aôm oc ônam gêŋ tau tonaŋ ôkwigeŋ.   
\q1
\v 27 Mago aôm ômoa amboac gômoa endeŋ tôŋgeŋ  
\q2 ma nêm jala oc ŋatêku êsu atom.   
\q1
\v 28 Aômnêm sakiŋwaga nêŋ latuŋi oc tec sêmoa nêŋ ôliŋ ŋajamgeŋ  
\q2 ma nêŋ gôlôac oc sêmoa aôm laŋômnêmŋa ŋapaŋ.  
\p \f + \fr 102:28 \ft Pesalem dambu tauŋŋa kêtu lemeŋteŋŋa. Ŋac taŋ kêpô \f* lêna tau êndu-êndu naŋ, nê taŋiboa gêdêŋ Apômtau kêtu nê kwalecŋa.   
\c 103  
\s1 Talambiŋ Apômtaunê moasiŋ  
\q1
\v 1 O katuc tau, ôlanem Apômtau  
\q2 ma aêŋoc ŋalêlôm samucgeŋ, êlanem ênê ŋaê dabuŋ.   
\q1
\v 2 O katuc tau, ôlanem Apômtau  
\q2 ma ôliŋ ênê moasiŋ samob, taŋ gêjam aôm sa naŋ, siŋ atom.   
\q1
\v 3 Gebe eŋ tec kêsuc aômnêm biŋ samob ôkwi  
\q2 to gêgôm aômnêm gêmac samob ŋajam kêsa.   
\q1
\v 4 Eŋ gêjam aôm kêsi aŋga sec  
\q2 ma kêkêŋ têtac gêwiŋ teŋgeŋŋa to taê walô kêtu sunsuŋ gêdêŋ aôm.   
\q1
\v 5 Aôm gôŋgôŋ ênê moasiŋ ŋaô kêtôm têm gômoa nomŋa.  
\q2 Amboac tonaŋ tec gômoa ôlim matac kôtôm momboaŋ.   
\b  
\q1
\v 6 Apômtau kêwaka biŋgêdêŋ sa  
\q2 to kêwaka lau samob, taŋ kêkôniŋ êsêac tôŋ naŋ, sa amboac tonaŋgeŋ.   
\q1
\v 7 Eŋ gêwa nê lêŋ sa gêdêŋ Mose  
\q2 ma Israel latuŋi sêlic ênê gêŋsêga.   
\q1
\v 8 Apômtau kêtu taê walô to moasiŋ ŋam.  
\q2 Eŋ têtac ŋandaŋ gaôgeŋ atom ma têtac gêwiŋ teŋgeŋŋa gêjam sêga.   
\q1
\v 9 Eŋ oc êli biŋ laŋgwa sa elêmê atom  
\q2 ma ê têtac ŋandaŋ tôŋ ênêc ŋapaŋ atom.   
\q1
\v 10 Eŋ gêjac aêac kêtôm nêŋ sec atom  
\q2 to kêkêŋ ŋagêjô gêdêŋ aêac kêtôm nêŋ geo atom.   
\q1
\v 11 Ênê têtac gêwiŋ teŋgeŋŋa gêdêŋ lau, taŋ têtêc eŋ naŋ kapôêŋanô,  
\q2 kêtôm ŋasawa, taŋ geŋ umboŋ to nom gêŋgic naŋ.   
\q1
\v 12 Ŋasawa taŋ eŋ kêkêŋ geŋ aêac to nêŋ geo gêŋgic naŋ,  
\q2 kêtôm ŋasawa, taŋ geŋ oc kêpi to oc kêsêp gêŋgic naŋ.   
\q1
\v 13 Apômtau taê walô nê lau, taŋ têtêc eŋ naŋ,  
\q2 kêtôm tama teŋ taê walô nê ŋapalê.   
\q1
\v 14 Gebe eŋ kêjala aêac ôliŋ ŋam su  
\q2 eŋ kêjala gebe aêac kekop ŋaôma.   
\b  
\q1
\v 15 Ŋamalacnê bêc kêtôm gêgwaŋ  
\q2 to kêtôm ŋaola, taŋ kêkô obalêlôm naŋ.   
\q1
\v 16 Mu embe êsêlêŋ naêpi, oc malamê eb tageŋ  
\q2 e talic êtiam atom.   
\q1
\v 17 Mago Apômtaunê têtac gêwiŋ teŋgeŋŋa gêdêŋ lau, taŋ têtêc eŋ naŋ, gêc teŋgeŋ to teŋgeŋ  
\q2 ma ênê moasiŋ naelom gôlôac to gôlôac.   
\q1
\v 18 Biŋ tonaŋ kêpi lau, taŋ sêmasaŋ ênê poac  
\q2 to taêŋ gêjam ênê biŋsu gebe sêŋgôm êtu tôŋŋa naŋ.   
\b  
\q1
\v 19 Apômtau kêsa nê lêpôŋ sa kêkô undambê.  
\q2 Eŋ kiŋ gêjam gôliŋ gamêŋ samob.   
\q1
\v 20 Amac ênê aŋela to ŋaclaisêga, taŋ akêŋ taŋem ênê biŋ to atu ênê jaeŋwaga naŋ,  
\q2 alanem Apômtau.   
\q1
\v 21 Amac lausiŋ undambêŋa samob to ênê sakiŋwaga, taŋ agôm ênê biŋsu kêtu tôŋ naŋ,  
\q2 alanem Apômtau.   
\q1
\v 22 Amac ênê gêŋ samob, taŋ kêkêŋ gêc gamêŋ samob, taŋ eŋ gêjam gôliŋ naŋ, alanem Apômtau.  
\q2 O katuc tau, ôlanem Apômtau.  
\p \f + \fr 103:22 \ft Dawidnê teŋ.\f*   
\c 104  
\s1 Apomtau gejob nê gêŋ, taŋ eŋ kêkêŋ naŋ  
\q1
\v 1 O katuc tau, ôlanem Apômtau. O ŋoc Apômtau Anôtô, aôm ŋac kapôêŋgoc.  
\q2 Aôm kôsô ŋawasi kiŋŋa to ŋaclai kêtu nêm.ŋakwê.   
\q1
\v 2 Aôm gôi taôm auc ŋa ŋawê kêtu nêm gadê.  
\q2 Aôm gôlam undambê kêtôm becobo.   
\q1
\v 3 Aôm gôjac nêm andu ŋademboŋ tôŋ tamiŋ bu.  
\q2 Tao kêtu nêm kareta ma gôŋgôŋ mu ŋamagê ŋaô.   
\q1
\v 4 Aôm kôkêŋ mu kêtu nêm jaeŋwaga.  
\q2 Aôm kôkêŋ ôsic towaô kêtu nêm sakiŋwaga.   
\b  
\q1
\v 5 Aôm kôsuŋ nom ŋaalê kêsêp ŋêŋgeŋ gêja, tec kêkô ŋajaŋa,  
\q2 amboac tonaŋ oc wiwic atomanô.   
\q1
\v 6 Aôm kôkêŋ gwêc kêkwa nom tau auc kêtôm ŋakwê  
\q2 ma bu tau kêpoac e kêlêlêc lôc su.   
\q1
\v 7 Aôm goec biŋ bu, tec gê su.  
\q2 Aôm gôjac wapap kêtaŋ, tec kêtaiŋ tau su gêja.   
\q1
\v 8 Aôm kôkêŋ lôc kêpi ma gaboaŋ gênê kêsêp gêja  
\q2 e kêtôm ŋamadiŋ, taŋ aôm kôtôc naŋ.   
\q1
\v 9 Aôm kôtôc bu tau ŋamadiŋ gebe êŋgêli atom  
\q2 gebe bu tau ênam nom samucgeŋ auc êtiam atom.   
\b  
\q1
\v 10 Aôm kôkêŋ bumata kêpulu kêsa gaboaŋ  
\q2 ma bu tau keseleŋ kêsa lôc ŋasawageŋ gêja.   
\q1
\v 11 Gêŋ mateŋ jali saleŋŋa samob sênôm.  
\q2 Bôcgabuŋ sênôm e gêôc êsêac tôŋ.   
\q1
\v 12 Moc taŋ sêmoa umboŋ ŋalabu naŋ, sêjam sac sêŋgôŋ ŋalêndaŋ.  
\q2 Sêjam nê wê kêtaŋ kêsa ŋalaka ŋasawa.   
\b  
\q1
\v 13 Aôm kôkêŋ kom aŋga nêm andu lôlôcŋa mêŋkêmalôm lôc.  
\q2 Aôm gôjam kôm ŋamoasiŋ gêôc tôŋ.   
\q1
\v 14 Aôm kôkêŋ gêgwaŋ kêpi gebe bôc sêniŋ  
\q2 ma gêŋ tolauŋ gebe ŋamalac sênam ŋakôm  
\q1 e têtap gêŋ sêniŋŋa sa aŋga nom   
\q2
\v 15 to wain gebe êŋgôm ŋamalacnêŋ ŋalêlôm ŋajam êsa ma niptêkwi gebe êŋgôm ŋamalacnêŋ laŋôŋanô sênic-sênic êsa.   
\b  
\q1
\v 16 Kaseda Lebanonŋa sênôm bu e gêôc êsêac tôŋ.  
\q2 Ka tau Apômtaunê ka, taŋ tau kêsê naŋ.   
\q1
\v 17 Moc sêjam ic sêŋgôŋ ka tau  
\q2 ma boaloc gêjam sac gêŋgôŋ kêmêsic.   
\q1
\v 18 Lôc baliŋ kêtu noniŋ gêbôm nêŋ gamêŋ  
\q2 ma mojaŋ têkam sê lamu ŋapoclabu.   
\b  
\q1
\v 19 Aôm kôkêŋ ajôŋ gebe êtôc têm ŋanoc.  
\q2 Oc tau kêjala ŋanoc naêsêpŋa.   
\q1
\v 20 Aôm kôkêŋ ŋakesec, tec gêbêcauc,  
\q2 go gêŋ saleŋŋa samob oliŋ palê êsa.   
\q1
\v 21 Lewe matac têtaŋ sebe sêniŋ nêŋ gwada,  
\q2 sêjatu nêŋ mo aŋga Anôtônê.   
\q1
\v 22 Oc embe êpi, oc têtaiŋ tauŋ su  
\q2 nasêsa tauŋ sic sênêc nêŋ gêsuŋ.   
\q1
\v 23 Go ŋamalacgeŋ êsa naênam nê kôm,  
\q2 êŋgôm nê gêŋ êmoa e êmbêcauc.   
\b  
\q1
\v 24 O Apômtau, aômnêm kôm taêsam ŋanô lasê.  
\q2 Aôm kômasaŋ gêŋ tau samob tomêtêgeŋ ma aômnêm gêŋ, taŋ kôkêŋ naŋ, gêjam nom auc.   
\q1
\v 25 Gwêc tau kêpoac ŋatapa kêsô gedec laŋgwageŋ.  
\q2 Gêŋ mateŋ jali sauŋ to kapôêŋ e gelec-gelecgeŋ.   
\q1
\v 26 Waŋ sêsêlêŋ sêmoa  
\q2 ma gasu-gasu, taŋ kôkêŋ naŋ, gêjam nê ôwê gêmoa.   
\b  
\q1
\v 27 Gêŋ tonaŋ ŋai samob sêôŋ aômgeŋ  
\q2 gebe aôm oc ôkêŋ nêŋ mo êtôm ŋanocgeŋ.   
\q1
\v 28 Aôm embe ôkêŋ, oc sejoŋ sa.  
\q2 Aôm embe ôlam lêmam, oc ŋanô ŋajam êôc êsêac tôŋ.   
\q1
\v 29 Aôm embe ônsaŋ laŋômanô auc, oc têtakê.  
\q2 Aôm embe ôkôc êsêac aweŋjaô su, oc sêmac êndu ma têtu kekop êtiam.   
\q1
\v 30 Aôm embe ôkêŋ awamjaô, oc mateŋ jali êsa.  
\q2 Aôm gôjam nom laŋô ôkwi kêtu wakuc.   
\b  
\q1
\v 31 Apômtaunê ŋawasi oc ênêc teŋgeŋ.  
\q2 Apômtau oc êtu samuc nê geŋ, taŋ kêkêŋ naŋ.   
\q1
\v 32 Eŋ mata gê nom, tec kêkôtêŋ tau.  
\q2 Eŋ lêma kêmoasac lôc, tec ŋajadauŋ kêsa.   
\b  
\q1
\v 33 Aê gabe jaŋga wê êpi Apômtau êtôm ŋoc bêc jaŋgôŋ matoc jali samob.  
\q2 Aê jaŋga wê lambiŋŋa êndêŋ ŋoc Anôtô êtôm ŋoc têm, taŋ jamoa naŋ.   
\q1
\v 34 Eŋ êŋô aêŋoc wê ŋajammaŋ  
\q2 gebe Apômtau gêgôm aê têtac ŋajam kêsa.   
\q1
\v 35 Lau secwaga sênaŋa aŋga nom ma lau, taŋ sêkac tauŋ su aŋga Apômtaunê naŋ maleŋmê.  
\b  
\q1 O katuc tau, ôlanem Apômtau. Aleluja.   
\c 105  
\s1 Anôtô kêmoasiŋ Israel ŋanô  
\q1
\v 1 Anam daŋge êndêŋ Apômtau, awem ênac ênê ŋaê.  
\q2 Anam ênê gêŋ, taŋ gêgôm naŋ, ŋawae êsa êndêŋ tenteŋlatu.   
\q1
\v 2 Anam wê êpi eŋ to anam wê lambiŋŋa êndêŋ eŋ.  
\q2 Anam ênê gêŋsêga samob ŋawae êsa.   
\q1
\v 3 Atoc taôm sa êtu ênê ŋaê dabuŋŋa.  
\q2 Êsêac taŋ sesom Apômtau naŋ, ôliŋ êpi e tapi-tapigeŋ.   
\q1
\v 4 Apuc Apômtau to nê ŋaclai ŋam.  
\q2 Ansom ênê laŋôanô endeŋ tôŋgeŋ.   
\q1
\v 5 Taêm ênam ênê gêŋsêga, taŋ eŋ gêgôm naŋ.  
\q2 Taêm ênam ênê gêŋtalô to biŋ, taŋ awasuŋ kêmêtôc naŋ.   
\q1
\v 6 Ênê sakiŋwaga Abraham nê latui amac.  
\q2 Jakobnê latui tec kêjaliŋ amac sa.   
\b  
\q1
\v 7 Eŋ Apômtau, aêacnêŋ Anôtô.  
\q2 Eŋ nom samucgeŋ ŋatau.   
\q1
\v 8 Eŋ taê gêjam nê poac gedeŋ tôŋgeŋ.  
\q2 Eŋ taê gêjam nê biŋ, taŋ gêjac mata kêpi gôlôac to gôlôac ŋêŋgeŋ su naŋ.   
\q1
\v 9 Eŋ taê gêjam poac, taŋ kêmoatiŋ gêdêŋ Abraham naŋ,  
\q2 ma biŋ, taŋ kêtôc lêma gêdêŋ Isak ma kêsôm kêtu tôŋ naŋ.   
\q1
\v 10 Biŋ tonaŋ eŋ kêsôm kêtu tôŋ gebe êtu Jakobnê biŋsu  
\q2 ma kêtu Israelnê poac ênêc teŋgeŋŋa.   
\q1
\v 11 Gêdêŋ taŋ eŋ kêsôm gebe “Aê gabe jakêŋ gamêŋ Kanaan êndêŋ aôm,  
\q2 nom taŋ gajac sam kêtu aômnêm gêŋlênsêm naŋ.”   
\b  
\q1
\v 12 Gêdêŋ taŋ êsêac lau luagêcgeŋ sêmoa naŋ,  
\q2 amboac lau jaba aŋga gamêŋ tau.   
\q1
\v 13 Êsêac aŋga lau teŋ jaselom lau teŋ  
\q2 ma aŋga gamêŋ teŋ jasêpi gamêŋ teŋ.   
\q1
\v 14 Ma eŋ gêlôc gebe lau teŋ sêkôniŋ êsêac tôŋ atom  
\q2 ma gec biŋ kiŋ ŋagêdô kêtu êsêacŋa.   
\q1
\v 15 Eŋ kêsôm gebe” Amoasac ŋoc lau, taŋ gaeŋ oso êsêac naŋ atom  
\q2 ma atu kasec aêŋoc propete atom.”   
\b  
\q1
\v 16 Gêdêŋ taŋ Apômtau kêsakiŋ tôbôm kêsa nêŋ gamêŋ  
\q2 ma gebe enseŋ ŋamalac ôliŋ ŋaseŋeŋ mo samob su naŋ,   
\q1
\v 17 eŋ kêsakiŋ ŋac teŋ nê ŋaê Josep gêmuŋ êsêac,  
\q2 taŋ lau teŋ sêjam ôli eŋ amboac gêŋôma teŋ naŋ.   
\q1
\v 18 Sêkapiŋ ênê akaiŋ tôŋ ŋa ka  
\q2 ma sêsô eŋ gêsutêkwa tôŋ ŋa kapoacwalô.   
\q1
\v 19 Eŋ gêmoa amboac tonaŋ e biŋ, taŋ kêsôm lasê naŋ ŋanô kêsa,  
\q2 go Anôtônê biŋ kêwaka eŋ sa.   
\q1
\v 20 Gocgo kiŋ kêkêŋ lau jasêgaboac eŋ su.  
\q2 Ŋac taŋ gêjam gôliŋ lau jaba taêsam naŋ, kêlêwaŋ eŋ jagêmoa nê tauŋa.   
\q1
\v 21 Ŋac tau kêkêŋ eŋ kêtu ênê andu ŋatau  
\q2 ma gêjam gôliŋ ênê waba samob.   
\q1
\v 22 Kêkêŋ eŋ gebe ênam gôliŋ ênê kasêga êtôm nê ŋalêlôm taê gêjam  
\q2 ma êndôŋ mêtê êndêŋ ŋac tau nê gôliŋwaga towae.   
\b  
\q1
\v 23 Go Israel gêja Aiguptu.  
\q2 Ma Jakob gêŋgôŋ gamêŋ tonaŋ kêtu wakac.   
\q1
\v 24 Gêdêŋ tonaŋ Apômtau kêsuŋ nê lau sa e têtu taêsam.  
\q2 Kêsuŋ êsêac sa têtu dani sêlêlêc nêŋ ŋacjo, taŋ sêlêsu êsêacŋa naŋ.   
\q1
\v 25 Go gêjam lau Aiguptu nêŋ ŋalêlôm ôkwi e sêkêŋ kisa gêdêŋ nê lau  
\q2 ma sêgôm Anôtônê sakiŋwaga kwalec.   
\b  
\q1
\v 26 Tec kêkêŋ nê sakiŋwaga Mose  
\q2 agêc Aron, taŋ kêjaliŋ eŋ sa naŋ.   
\q1
\v 27 Ŋac ulu tonaŋ sêgôm ênê gêŋtalô aŋga lau tau nêŋ  
\q2 ma sêgôm gêŋsêga aŋga lau Aiguptu nêŋ gamêŋ.   
\q1
\v 28 Eŋ kêkêŋ gêsuŋbôm to gêgôm gamêŋ ŋakanuc kêsa,  
\q2 mago êsêac sêkêŋ taŋeŋ ênê biŋ atom.   
\q1
\v 29 Eŋ gêjam êsêacnêŋ bu ôkwi kêtu dec  
\q2 ma kêkêŋ êsêacnêŋ i sêmac êndu.   
\q1
\v 30 Eŋ kêkêŋ ôpôac seola gamêŋ auc  
\q2 e sêsô nêŋ kiŋ nê balêm ŋalêlôm sêja.   
\q1
\v 31 Eŋ kêjatu ma daŋguc topom-topom Aleluja. sêmêŋ.  
\q2 Kawaŋ sêjam êsêacnêŋ gamêŋ samob auc.   
\q1
\v 32 Eŋ kêkêŋ kompoc kêtuc êsêac  
\q2 ma ôsic kêkac kêpô gamêŋ gêjô kom su.   
\q1
\v 33 Kom tau gêjac êsêacnêŋ aiŋ to jambô  
\q2 ma gêjac êsêacnêŋ gamêŋ ŋaka popoc.   
\q1
\v 34 Eŋ kêjatu ma wagô sêmêŋ.  
\q2 Wagô wakuc taêsam ŋalêlêma atom.   
\q1
\v 35 Gêŋ tonaŋ ŋai seŋ gamêŋ tonaŋ ŋagêŋ tolauŋ samob  
\q2 ma seŋ êsêacnêŋ kôm ŋanô su.   
\q1
\v 36 Go gêjac lau nêŋ ŋacmêc samob êndu aŋga nêŋ gamêŋ,  
\q2 gêjac êsêacnêŋ lau matac ŋamêcgoc.   
\b  
\q1
\v 37 Ma kêkêŋ nê lau sêwê tosilber ma goldgeŋ sêja.  
\q2 Ma ênê lau tau nêŋ teŋ kêsêlêŋ gêbôc-gêbôc atom.   
\q1
\v 38 Aiguptu sêlic êsêac sêc sêja, gocgo nêŋ ŋalêlôm kêlêwaŋ tau  
\q2 gebe têtêc êsêac ŋanô.   
\q1
\v 39 Eŋ kêkêŋ tao teŋ kêgadê êsêac  
\q2 ma jawaô gebe êpô êsêac êndêŋ êmbêc.   
\q1
\v 40 Êsêac teteŋ, go eŋ kêkêŋ kêmbico sêmêŋ  
\q2 ma kêpuc êsêac tôŋ ŋa mo kêsêp aŋga undambê.   
\q1
\v 41 Eŋ gêga poc kêkôc ma bu kasa  
\q2 e keseleŋ kêsa gamêŋ sawa kêtôm bu kapôêŋ   
\q1
\v 42 gebe eŋ taê gêjam nê poac dabuŋ.  
\q2 Eŋ taê gêjam nê sakiŋwaga Abraham.   
\b  
\q1
\v 43 Amboac tonaŋ eŋ gêwê nê lau sêsa sêja.  
\q2 Ma êsêac sêjam wê totêntac ŋajamgeŋ.   
\q1
\v 44 Eŋ kêkêŋ lau samuc nêŋ gamêŋ gêdêŋ êsêac  
\q2 ma êsêac sêwê kaiŋ lau tau nêŋ awa to waba kêtu nêŋ gêŋ   
\q1
\v 45 gebe êsêac sêmansaŋ ênê biŋsu  
\q2 ma sêŋgôm biŋ, taŋ eŋ kêjatu naŋ, êtu tôŋ.  
\b  
\q1 Aleluja.   
\c 106  
\s1 Anôtô kêmoasiŋ nê lau  
\q1
\v 1 Aleluja.  
\q1 Anam daŋge êndêŋ Apômtau gebe eŋ gabêjam.  
\q2 Ênê moasiŋ oc ênêc teŋgeŋ biŋŋanôgoc.   
\q1
\v 2 Asa kêtôm gebe êsôm Apômtaunê gêŋsêga lasê tomalageŋ  
\q2 ma asa oc êŋgôm ênê wae êsa naêtôm.   
\q1
\v 3 Aê aoc êôc êsêac, taŋ sêsap biŋgêdêŋ tôŋ  
\q2 ma sêmasaŋ biŋgêdêŋ gedeŋ tôŋgeŋ naŋ.   
\b  
\q1
\v 4 O Apômtau, taêm ênam aê êtôm, taŋ taêm walô nêm lau naŋ.  
\q2 Mêŋônam aê aoc sumaŋ   
\q1
\v 5 gebe jalic lau, taŋ kôjaliŋ êsêac sa naŋ, sêmoa nêŋ ŋajam ma êmoasiŋ ŋoc ŋalêlôm  
\q2 gebe têtac ŋajam êsa êtu nêm lau têntac ŋajamŋa ma jamoa ôlic êpigeŋ êtu nêm gêŋlênsêmŋa.   
\b  
\q1
\v 6 Aêac to ma mimi agôm secgoc.  
\q2 Aêac agôm keso to geogoc.   
\q1
\v 7 Ma mimi sêmoa Aiguptu ma tetoc aômnêm gêŋsêga sa atom, ac taêŋ gêjam nêm moasiŋ, taŋ gêjam êsêac auc naŋ atom.  
\q2 Êsêac gêsuŋtêkwa ŋatoŋ kêsa gêdêŋ Lôlôc Ŋatau aŋga Gwêckoc,   
\q1
\v 8 mago eŋ gêjam êsêac sa kêtu nê ŋaêŋa  
\q2 gebe êwaka nê ŋaclai sa ŋamalac sêlic.   
\q1
\v 9 Eŋ kêsaic biŋ kêpi Gwêckoc e ŋakeleŋ kêsa.  
\q2 Eŋ gêwê nê lau sêsêlêŋ selom ŋamakeŋ amboac sêmoa gamêŋ ŋakeleŋ.   
\q1
\v 10 Eŋ gêgôm gêŋ tonaŋ gêjam êsêac kêsi aŋga lau, taŋ sêjanda êsêac naŋ lemeŋ  
\q2 ma kêjaŋgo êsêac su aŋga nêŋ ŋacjo nêŋ ŋaclai.   
\q1
\v 11 Ŋadembom kêsiŋ lau, taŋ sêlêsu êsêac naŋ auc  
\q2 e ŋanô kêsu teŋ kêsêp siŋsawa atom.   
\q1
\v 12 Gêdêŋ tonaŋ sêkêŋ gêwiŋ ênê biŋ  
\q2 ma sêjam wê lambiŋŋa kêpi eŋ.   
\b  
\q1
\v 13 Mago êsêac sêliŋ ênê gêŋsêga siŋ sebeŋ  
\q2 ma seseŋ ênê gôliŋ popoc.   
\q1
\v 14 Êsêac sêkêŋ gêwiŋ nêŋ ŋalêlôm ŋakalac aŋga gamêŋ sawa  
\q2 ma sêsaê Anôtô aŋga gamêŋ ŋagêlêŋ.   
\q1
\v 15 Tec eŋ kêkêŋ gêŋ, taŋ êsêac têtaŋ naŋ,  
\q2 mago kêkêŋ gêmac sec geseŋ êsêac.   
\b  
\q1
\v 16 Aŋga gamêŋ becŋa êsêac sêjam lêmuŋ Mose  
\q2 ma sêgôm Anôtônê dabuŋwaga Aron amboac tonaŋgeŋ.   
\q1
\v 17 Tec nom gêŋac ma kêdaŋgôŋ Datan  
\q2 ma kêmakop toŋ Abiramŋa auc.   
\q1
\v 18 Ja kêsa aŋga êsêacnêŋ toŋ ŋalêlôm  
\q2 e jawaô geŋ alôb-alôbwaga su.   
\b  
\q1
\v 19 Êsêac sêmasaŋ nêŋ bulimakao ŋakatu gold teŋ aŋga Sinai  
\q2 ma sêjam sakiŋ ŋakatu gold tau.   
\q1
\v 20 Ma sêkêŋ bôc, taŋ seŋ gêgwaŋŋa naŋ, nêŋ teŋ ŋakatu  
\q2 gêjô nêŋ Anôtô nê ŋawasi su.   
\q1
\v 21 Êsêac sêliŋ nêŋ gêjam-sawaga Anôtô,  
\q2 taŋ gêgôm gêŋsêga aŋga Aiguptu naŋ siŋ.   
\q1
\v 22 Ŋac tau gêgôm gêŋtalô aŋga gamêŋ tonaŋ,  
\q2 gêgôm gêŋ ŋaclaisêga aŋga Gwêckoc.   
\q1
\v 23 Amboac tonaŋ Anôtô kêsôm gebe  
\q2 enseŋ nê lau su.  
\q1 Mago nê sakiŋwaga Mose, taŋ Anôtô kêjaliŋ eŋ sa naŋ,  
\q2 kêkô Anôtônê têtac ŋandaŋ auc gebe enseŋ êsêac su atom.   
\b  
\q1
\v 24 Go sêkêŋ gêwiŋ biŋ, taŋ eŋ gêjac mata naŋ atom  
\q2 ma sêbu gamêŋ ŋajam tau.   
\q1
\v 25 Êsêac têtu dindiŋ biŋ kêtôm nêŋ beclêlômgeŋ  
\q2 ma sêkêŋ taŋeŋ Apômtaunê awa atom.   
\q1
\v 26 Tec eŋ gêôc lêma sa ma kêsôm kêtu tôŋ gebe  
\q2 enseŋ êsêac aŋga gamêŋ sawa.   
\q1
\v 27 Go êta êsêacnêŋ wakuc êliŋ-êliŋ sêsêp tenteŋlatu ŋalêlôm  
\q2 e sêmac êndu aŋga gamêŋ jaba.   
\b  
\q1
\v 28 Go êsêac sêsap Bal Peor tôŋ  
\q2 ma seŋ gwam matê ŋada.   
\q1
\v 29 Êsêac sêgôm gêŋ amboac tonaŋ e sêgôm Apômtau têtac kêbôli auc  
\q2 ma gêmac sec teŋ gêgôm êsêac.   
\q1
\v 30 Go Pinehas gêdi ma kêmêtôc êsêac  
\q2 e gêmac sec gêôŋ sa.   
\q1
\v 31 Ŋac tau gêgôm nê gêŋ amboac tonaŋ tec lau sêlic eŋ amboac ŋac mansaŋ  
\q2 ma gôlôac to gôlôac taêŋ gêjam eŋ gedeŋ tôŋgeŋ.   
\b  
\q1
\v 32 Go sêgôm Anôtô têtac ŋandaŋ kêsa aŋga bu Meriba  
\q2 e Mose kêtap ŋagêjô sa gêjô êsêac.   
\q1
\v 33 Êsêac sêgôm Mosenê ŋalêlôm gêôŋ eŋ sa sec  
\q2 e kêsôm biŋ tokauc masi.   
\b  
\q1
\v 34 Israel seseŋ lau samuc  
\q2 kêtôm Apômtau kêsakiŋ êsêacŋa atom.   
\q1
\v 35 Êsêac sêjam tauŋ  
\q2 e têtêku lau samuc naŋ lêŋ jaba.   
\q1
\v 36 Ma sêjam sakiŋ êsêacnêŋ gwam,  
\q2 tec kêtu lakô gêdêŋ êsêac.   
\q1
\v 37 Êsêac sêkêŋ latuŋio to ŋac têtu da  
\q2 gêdêŋ lau samuc nêŋ ŋalau sec.   
\q1
\v 38 Êsêac sêkêc lau tobiŋmê nêŋ dec siŋ gebe sêkêŋ latuŋio to ŋac kêtu da gêdêŋ Kanaannêŋ gwam.  
\q2 Sêgôm amboac tonaŋ tec seseŋ nom ŋadabuŋ su.   
\q1
\v 39 Êsêac sêjac môp tauŋ tec sêkac tauŋ su aŋga Anôtônê.  
\q2 Êsêac sêgôm nêŋ gêŋ amboac tonaŋ tec seseŋ poac popoc.   
\b  
\q1
\v 40 Go Apômtau têtac ŋandaŋ kêsa gêdêŋ nê lau  
\q2 gebe nê ŋalêlôm kêmoatiŋ tau tôŋ kêtu nê gêŋlênsêmŋa.   
\q1
\v 41 Eŋ gêwi êsêac siŋ sêsêp lau samuc lemeŋ,  
\q2 tec lau, taŋ sêkêŋ kisa êsêac naŋ, sêjam gôliŋ êsêac.   
\q1
\v 42 Nêŋ ŋacjo sêkôniŋ êsêac tôŋ  
\q2 e sewec sêsô ŋacjo lemeŋ ŋalabu samucgeŋ.   
\q1
\v 43 Apômtau gêjam êsêac sa kêsêp ŋasawa ŋapaŋ,  
\q2 mago êsêac gêsuŋtêkwa ŋatoŋ ma nêŋ sec gêjam sêga e kêkôniŋ êsêac tôŋ.   
\q1
\v 44 Tageŋ gêdêŋ taŋ têtaŋ tauŋ gêdêŋ eŋ naŋ,  
\q2 Apômtau kêkêŋ taŋa to taê walô êsêac kêtu nêŋ gêŋwapacŋa.   
\q1
\v 45 Eŋ taê gêjam nê poac, taŋ kêmoatiŋ kêtu êsêacŋa naŋ,  
\q2 ma taê walô êsêac kêtu nê têtac gêwiŋ teŋgeŋŋa.   
\q1
\v 46 Ma kêkêŋ êsêac, taŋ sêwê êsêac sêŋgôŋ kapoacwalô naŋ,  
\q2 nêŋ ŋalêlôm taêŋ walô êsêac.   
\b  
\q1
\v 47 O Apômtau, aêacma Anôtô, ônam aêacmêŋ sa  
\q2 ma ônac aêac sa aŋga lau samuc nêŋ êtiam  
\q1 gebe aêac anam daŋge êndêŋ aômnêm ŋaê dabuŋ  
\q2 ma têntac ŋajam êsa êtu nêm waemŋa.   
\b  
\q1
\v 48 Aweŋ êôc Apômtau Israelnêŋ Anôtô êndêŋ galoc to endeŋ tôŋgeŋ,  
\q2 ma lau samob sêlôc gebe “Biŋŋanô.”  
\b  
\q1 Aleluja.   
\c 107  
\s1 BUKU KÊTU LEMEŊTEŊŊA  
\s1 Apômtau gêjam aêac sa  
\q1
\v 1 “Anam daŋge êndêŋ Apômtau gebe eŋ ŋac gabêjam,  
\q2 ênê moasiŋ ênêc teŋgeŋ biŋŋanô.”   
\q1
\v 2 Lau taŋ Apômtau gêjam êsêac kêsi ma kêjaŋgo êsêac su aŋga gêŋwapac naŋ,  
\q2 sêsôm amboac tonaŋ.   
\q1
\v 3 Lau taŋ eŋ gêjac êsêac sa sêmêŋ aŋga oc kêpi to oc kêsêp ma aŋga musaŋgu-m to mula-m naŋ,  
\q2 sêsôm amboac tonaŋ.   
\b  
\q1
\v 4 Nêŋ lau ŋagêdô seo sêmoa gamêŋ sawa, taŋ intêna masianô naŋ,  
\q2 ma têtap malac sêŋgôŋŋa teŋ sa atomanô.   
\q1
\v 5 Mo to bu gêjô êsêac  
\q2 e katuŋ tekweŋ gêbac.   
\q1
\v 6 Gêŋwapac tonaŋ gêgôm êsêac e aweŋ gêjac Anôtô,  
\q2 tec gêjam êsêac sa aŋga nêŋ ŋandaŋ tau   
\q1
\v 7 ma gêwê êsêac katôgeŋ  
\q2 e sêô lasê malac teŋ ma sêŋgôŋ.   
\q1
\v 8 Êsêac sênam daŋge êndêŋ Apômtau êtu ênê têtac gêwiŋ teŋgeŋŋa  
\q2 ma êtu ênê gêŋsêga, taŋ gêgôm gêdêŋ ŋamalac latuŋi naŋŋa,   
\q1
\v 9 gebe eŋ kêlau êsêac, taŋ bu gêjô êsêac naŋ,  
\q2 ma kêkêŋ gêŋ ŋajam gêôc êsêac, taŋ mo gêjô naŋ tôŋ.   
\b  
\q1
\v 10 Nêŋ lau ŋagêdô sêŋgôŋ gêsuŋbôm to ŋakesec,  
\q2 sêlai êsêac tôŋ ŋa ki sêŋgôŋ jageo   
\q1
\v 11 gebe êsêac sêli aweŋ sa gêdêŋ biŋsu  
\q2 ma sêbu Lôlôc Ŋatau nê biŋ.   
\q1
\v 12 Koleŋ ŋajaŋa kêkôniŋ êsêac e tekweŋ gêbac.  
\q2 Êsêac sêu tauŋ jasêc ma nêŋ gêjam-sawaga masi.   
\q1
\v 13 Gêŋwapac tonaŋ gêgôm êsêac e aweŋ gêjac Apômtau,  
\q2 tec eŋ gêjam êsêac sa aŋga nêŋ ŋandaŋ tau.   
\q1
\v 14 Eŋ gêwê êsêac sêsa aŋga gêsuŋbôm to ŋakesec  
\q2 ma kêsaic nêŋ kapoacwalô gêŋgic.   
\q1
\v 15 Lau tonaŋ aweŋ êôc Apômtau êtu ênê têtac gêwiŋ teŋgeŋŋa  
\q2 ma êtu ênê gêŋsêga, taŋ gêgôm gêdêŋ ŋamalac latuŋi naŋŋa,   
\q1
\v 16 gebe eŋ kêtuc katam ki popoc  
\q2 ma kêtuc balaŋ ki tulu.   
\b  
\q1
\v 17 Nêŋ lau ŋagêdô têtap gêmac sa kêtu nêŋ secŋa  
\q2 ma sêôc ŋandaŋ kêtu nêŋ geoŋa.   
\q1
\v 18 Lau tonaŋ nêŋ ŋalêlôm gedec gêŋ taniŋŋa samob  
\q2 e sêsa paŋ lêndaŋ sêmac ênduŋa.   
\q1
\v 19 Gêŋwapac tonaŋ gêgôm êsêac ma aweŋ gêjac Apômtau,  
\q2 tec eŋ gêjam êsêac sa aŋga nêŋ ŋandaŋ tau.   
\q1
\v 20 Eŋ kêsakiŋ nê biŋ gebe êŋgôm êsêac ŋajam êsa  
\q2 ma kêjaŋgo êsêac su aŋga sê.   
\q1
\v 21 Lau tonaŋ aweŋ êôc Apômtau êtu ênê têtac gêwiŋ teŋgeŋŋa  
\q2 ma êtu ênê gêŋsêga, taŋ gêgôm gêdêŋ ŋamalac latuŋi naŋŋa.   
\q1
\v 22 Êsêac sêkêŋ da daŋge  
\q2 ma sêsôm ênê gêŋ, taŋ gêgôm naŋ, lasê êsêp wê têntac ŋajamŋa.   
\q1
\v 23 Nêŋ lau ŋagêdô sêlac sêsa gwêcô sêja  
\q2 sebe têtulu gêŋ aŋga gwêc sawa.   
\q1
\v 24 Êsêac sêlic gêŋ, taŋ Apômtau gêgôm naŋ,  
\q2 to ênê gêŋsêga gwêc sawaŋa.   
\q1
\v 25 Gebe eŋ kêjatu e mu gêbuc  
\q2 ma gêli gwêc ŋadembom kapôêŋ sa.   
\q1
\v 26 Gwêc tau kêsuŋ êsêac sa sêpi e jadêdêŋ undambê, go gêu êsêac sêsêp e gacgeŋ sêsêp gwêclêlôm sêja.  
\q2 Ma gêgôm êsêac e atêŋ uc-ucgeŋ.   
\q1
\v 27 Êsêac katuŋ kêlau e sêku amboac bu kêjaŋiŋ êsêac  
\q2 ma nêŋ meloco kêsa samucgeŋ.   
\q1
\v 28 Gêŋwapac tonaŋ gêgôm êsêac e aweŋ gêjac Apômtau,  
\q2 tec eŋ gêjam êsêac sa aŋga nêŋ ŋandaŋ tau.   
\q1
\v 29 Eŋ gêgôm mutêna kêtu malô  
\q2 ma kêkêŋ bênôŋ kêsêp   
\q1
\v 30 e êsêac têntac ŋajam kêsa gebe gwêc kêtu malô,  
\q2 go gêwê êsêac sêsô lêlôm, taŋ sepeŋ naŋ sêja.   
\q1
\v 31 Lau tonaŋ aweŋ êôc Apômtau êtu ênê têtac gêwiŋ teŋgeŋŋa  
\q2 ma êtu ênê gêŋsêga, taŋ gêgôm gêdêŋ ŋamalac latuŋi naŋŋa.   
\q1
\v 32 Êsêac tetoc eŋ sa aŋga gôlôac ŋalêlôm  
\q2 ma sêlanem eŋ aŋga laumatanêŋ sêkac sa ŋalêlôm.   
\q1
\v 33 Eŋ gêjam bu ôkwi kêtu gamêŋ sawa  
\q2 ma bumata kêtu gamêŋ keleŋ.   
\q1
\v 34 Nom ŋalêsi ŋajam kêtu mêcgauc  
\q2 kêtu lau, taŋ sêŋgôŋ naŋ, nêŋ geoŋa.   
\q1
\v 35 Go gêjam gamêŋ sawa ôkwi kêtu bugêjactoŋ  
\q2 ma gamêŋ keleŋ kêtu bumata.   
\q1
\v 36 Ma eŋ kêkêŋ gamêŋ tau gêdêŋ lau, taŋ mo gêjô êsêac naŋ sêŋgôŋ,  
\q2 go sêkwê nêŋ malac sa gebe sêŋgôŋŋa.   
\q1
\v 37 Êsêac sêjam nêŋ kôm to sêsê kôm wainŋa  
\q2 e gêjam ŋanô gêôc tau tôŋ-tôŋ.   
\q1
\v 38 Eŋ gêjam mec êsêac têtu lau taêsam  
\q2 ma kêkêŋ nêŋ bôc ŋalêlêma atom.   
\b  
\q1
\v 39 Gêdêŋ taŋ gêŋwapac kêkôniŋ êsêac e sêpô lêna tauŋ êndu-êndu  
\q2 ma nêŋ gêŋ ŋajam kêtaiŋ su e têtu wapi naŋ,   
\q1
\v 40 eŋ kêsêwa majeŋ kêpi kasêga  
\q2 ma kêkêŋ êsêac seo sêmoa gamêŋ sawa naŋ, intêna masi.   
\q1
\v 41 Mago eŋ gêôc ŋac ŋalêlôm sawa sa aŋga gêŋwapac ŋalêlôm  
\q2 ma gêjac ênê gôlôac sa têtu kapôêŋ.   
\q1
\v 42 Lau mansaŋ sêlic e têntac ŋajam kêsa  
\q2 ma gêjac lau secwaga samob nêŋ lênô auc.   
\q1
\v 43 Lau tokauc taêŋ ênam biŋ tonaŋ  
\q2 ma sêjala Apômtaunê têtac gêwiŋ teŋgeŋŋa ŋanô.   
\c 108  
\s1 Mec Anôtô ênam aêac sa aŋga ŋacjo nêŋ  
\r (Pes 57:7-11; 60:5-12)  
\q1
\v 1 O Anôtô, ŋoc ŋalêlôm kêpa su gabe janam wê to jaŋgôm gêŋ wêŋa êtaŋ.  
\q2 O katuc tau, ôndimaŋ.   
\q1
\v 2 Gêŋ wêŋa totau-totau, andi.  
\q2 Aê gabe jaŋu gamêŋ kelendeŋ sa.   
\q1
\v 3 O Apomtau, aê gabe jalanem aôm aŋga lau ŋalêlôm.  
\q2 Aê gabe aoc êôc aôm aŋga tenteŋlatu ŋalêlôm.   
\q1
\v 4 Gebe aômnêm têmtac gêwiŋ teŋgeŋŋa kêpi-kêpi e jagêdêŋ undambê  
\q2 ma aômnêm biŋ ŋaŋêŋ kelendeŋ tau e jagêdêŋ tao.   
\b  
\q1
\v 5 O Anôtô, ôsuŋ taôm sa e êndêŋ undambê ŋaô  
\q2 ma nêm ŋawasi ênam nom samuc auc.   
\q1
\v 6 Ôkêŋ taŋam aêac ma ônam nêm lau, taŋ têmtac gêwiŋ êsêac naŋ sa.  
\q2 Nêm anôŋa eŋgeŋ aêac sa.   
\b  
\q1
\v 7 Ŋac dabuŋ Anôtô kêsôm aŋga nê gamêŋ dabuŋ gebe  
\q2 “Aê jawa Sikem êkôc-êkôc totêtac ŋajamgeŋ ma janac sam gaboaŋ Sukot êndêŋ ŋoc lau.   
\q1
\v 8 Gilead to Manase kêtu ŋoc gamêŋ.  
\q2 Epraim kêtu môkêcapac ŋakululuŋ ki to Juda kêtu ŋoc tôc gôliŋŋa.   
\q1
\v 9 Moab kêtu ŋoc laclu jakwasiŋ taucŋa.  
\q2 Aê jambaliŋ ŋoc atapa êpi Edom ma ŋoc dimai êpi Pilistinêŋ gamêŋ.”   
\b  
\q1
\v 10 O Anôtô, asa oc êwê aê jandêŋ malac totuŋbôm ŋajaŋa jana.  
\q2 Asa oc êwê aê najaô lasê Edom.   
\q1
\v 11 O Anôtô, aôm oc gôwi aêac siŋ  
\q2 ma kôtu aêacma lausiŋ nêŋ laumata atom me.   
\q1
\v 12 Ônam aêac sa êndêŋ ŋacjomaŋ  
\q2 gebe ŋamalac oc sênam aêac sa êtôm atom.   
\q1
\v 13 Anôtô êwiŋ aêac, go danseŋ ŋacjo aliŋ-êliŋ.  
\q2 Eŋ taugeŋ tec oc êka aêacnêŋ ŋacjo popoc.  
\p \f + \fr 108:13 \ft Dawidnê pesalem teŋ. Wê teŋ.\f*   
\c 109  
\s1 Ŋac-gêmoa-gêŋwapac-ŋalêlôm nê taŋi  
\q1
\v 1 O Anôtô, aê aoc gêôc aôm,  
\q2 amboac tonaŋ ônam taôm tôŋ aê atom,   
\q1
\v 2 gebe lau alôb-alôb to lau dansaŋ sêŋa aweŋ gêdêŋ aê  
\q2 ma sêgôliŋ biŋ kêpi aê.   
\q1
\v 3 Nêŋ biŋ têntac ŋandaŋ secŋa kêkôm aê auc  
\q2 ma sêjac aê ŋam mêgeŋ.   
\q1
\v 4 Aê kateŋ mec kêtu êsêacŋa.  
\q2 Aê têtac gêwiŋ êsêac, mago sêjam kisa aê.   
\q1
\v 5 Aê kamoasiŋ êsêac, mago sêkêŋ sec gêjô  
\q2 Aê têtac gêwiŋ êsêac, mago sêkêŋ kisa aê.   
\b  
\q1
\v 6 Ôkêŋ ŋac alôb-alôb teŋ êmêtôc ŋoc ŋacjo  
\q2 ma nê ŋacjo teŋ êŋgôliŋ biŋ êpi eŋ.   
\q1
\v 7 Êsêac sêmêtôc eŋ ma sêkip ênê keso sa  
\q2 ma ŋac tau nê mec êtu nê sec.   
\q1
\v 8 Ênê bêc êŋgôŋ mata jaliŋa êtu dambê  
\q2 ma nê sakiŋ elom ŋac teŋmaŋ.   
\q1
\v 9 Ênê ŋapalê têtu mosêbu  
\q2 ma nê awê êtu awêtuc.   
\q1
\v 10 Ênê ŋapalê sêmoa nêŋ alê katuc ŋagala atom,  
\q2 sensom mo ma teteŋ sêôŋ-sêôŋgeŋ.   
\q1
\v 11 Ŋac sec tau, taŋ launêŋ tôp gêc eŋ naŋ, nê waba samob êpêla tau su  
\q2 ma lau jaba sêjaŋgo ênê koleŋ ŋanô su.   
\q1
\v 12 Eŋ êtap nê ŋac taê walô eŋŋa teŋ sa atomanô  
\q2 ma lau teŋ sênam jaom ênê mosêbu atom.   
\q1
\v 13 Ênê wakuc samob sêmac êndu  
\q2 ma sênam kauc dêbuŋinêŋ ŋaê samucgeŋmaŋ.   
\q1
\v 14 Apômtau taê ênam ênê mimi nêŋ keso  
\q2 ma êsuc tênanê sec ôkwi atomanô.   
\q1
\v 15 Apômtau taê ênam nêŋ sec endeŋ tôŋgeŋ  
\q2 ma enseŋ lau sec tonaŋ nêŋ ŋaê su samucgeŋ e sêliŋ siŋ aŋga nom.   
\b  
\q1
\v 16 Gebe ŋac tau taê gêjam têtac gêwiŋ lauŋa atom.  
\q2 Eŋ kêjanda lau sêŋgôŋ jageoŋa to lau ŋalêlômsawa ma lau sêpô lêna tauŋŋa e sêmac êndu.   
\q1
\v 17 Eŋ têtac gêwiŋ gebe êpuc boa lau amboac tonaŋ sêpuc boa eŋ tau.  
\q2 Eŋ têtac gedec moasiŋ, tec moasiŋ ênac jaê eŋ.   
\q1
\v 18 Biŋ kêpuc boaŋa kêkôm eŋ auc amboac kêsô ŋakwê.  
\q2 Gêŋ tau tonaŋ êsêli ênê ôlilêlôm popoc amboac bu ma êndaŋguc ênê ŋatêkwa amboac niptêkwimaŋ.   
\q1
\v 19 Biŋ kêpuc boaŋa tonaŋ kêtôm obo, taŋ eŋ gêjac naŋ,  
\q2 ma kêtôm ômbiŋkap, taŋ kêjandiŋ gedeŋ eŋ tôŋ naŋ.   
\b  
\q1
\v 20 Apômtau oc êŋgôm aêŋoc soŋo-soŋo  
\q2 to êsêac, taŋ sêsôm biŋ sec kêpi aê naŋ, amboac tonaŋgeŋmaŋ.   
\q1
\v 21 Ma aôm Apômtau, ŋoc Anôtô, mêŋômoa ôwiŋ aê êtu nêm ŋaêŋa  
\q2 ma ônam aê sa êtu nêm têmtac gêwiŋ teŋgeŋŋa.   
\q1
\v 22 Gebe aê ŋac ŋalêlôm sawa kapô lêna  
\q2 ma aêŋoc ŋalêlôm popoc jamuŋ-jamuŋgeŋ.   
\q1
\v 23 Aê ôlic kêtaiŋ e kêtôm katuŋ kêtu baliŋ su.  
\q2 Aê katôm siob, taŋ mutêna kêdaba piŋpaŋ.   
\q1
\v 24 Aê gajam dabuŋ mo e ocmatu kêtu goloŋ  
\q2 ma ôlic kêtu sec e ŋatêkwa kêsa awê samob.   
\q1
\v 25 Êsêac sêkêŋ aê katu êsêacnêŋ gêŋ lêlêŋa teŋ  
\q2 ma têdaiŋ gêsuŋ kêtu aêŋa.   
\b  
\q1
\v 26 O Apômtau, ŋoc Anôtô, mêŋôpuc aê tôŋ.  
\q2 Ônam aê sa êtu nêm têmtac gêwiŋ aê ŋanôgeŋŋa.   
\q1
\v 27 Ôkêŋ ŋoc ŋacjo sêjala gebe aôm lêmam gôjam aê sa.  
\q2 Aôm Apômtau gêjam gôliŋ amboac tonaŋgeŋ.   
\q1
\v 28 Êsêac sêpuc boa aêmaŋ, mago aôm ônam mec aê.  
\q2 Êsêac taŋ sêjanda aê naŋ, sêkumaŋ gebe aômnêm sakiŋwaga aê jamoa totêtac ŋajamgeŋ.   
\q1
\v 29 Majeŋ êtu ŋoc soŋo-soŋonêŋ ŋakwê  
\q2 ma êsêac sênac biŋ majeŋŋa êtu nêŋ obo.   
\b  
\q1
\v 30 Aocsuŋ ênam daŋge kapôêŋ êndêŋ Apômtau.  
\q2 Aê jalambiŋ eŋ jamoa launêŋ sêkac sa ŋalêlôm,   
\q1
\v 31 gebe eŋ kêkô ŋac ŋalêlôm sawa nê anôŋa  
\q2 gebe ênam eŋ sa êndêŋ êsêac, taŋ sebe senseŋ eŋ su naŋ.  
\p \f + \fr 109:31 \ft Dawidnê pesalem teŋ.\f*   
\c 110  
\s1 Apômtau agêc nê kiŋ, taŋ geŋ oso eŋ naŋ  
\q1
\v 1 Apômtaunê biŋ gêdêŋ ŋoc Apômtau gebe  
\q2 “Mêŋôŋgôŋ aêŋoc anôŋa  
\q1 e jakêŋ nêm ŋacjo  
\q2 sênêc amkaiŋ ŋalabu acgom.”   
\q1
\v 2 Apômtau êkêŋ nêm gôliŋ ŋaclai esewec aŋga Sion ma êsa êna êtu tapa.  
\q2 Ônam gôliŋ nêm ŋacjo.   
\q1
\v 3 Êndêŋ bêc, taŋ aôm ônac nêm ŋacjo naŋ,  
\q2 nêm lau sêwiŋ aôm sênac ŋawaegeŋ.  
\q1 Êtôm nop êpoac bêbêc kanucgeŋ  
\q2 aômnêm lau mata sêwac êndêŋ aômnêm lôc dabuŋ.   
\b  
\q1
\v 4 Apômtau kêtôc lêma sa su  
\q2 ma oc enseŋ nê biŋ atom gebe  
\q1 “Aôm kôtu ŋac dabuŋsêga ômoa teŋgeŋŋa  
\q2 kôtôm Melkisedek tau.”   
\b  
\q1
\v 5 Apômtau kêkô aômnêm anôŋa.  
\q2 Êndêŋ ênê bêc têtac ŋandaŋŋa oc êku kiŋ samob tulu.   
\q1
\v 6 Eŋ oc êmêtôc tenteŋlatunêŋ biŋ ma êkêŋ nêŋ ŋacmatê sênam gamêŋ auc.  
\q2 Eŋ ênac lau môkêŋ êkôc aŋga gaboaŋ tapa.   
\q1
\v 7 Kiŋ oc ênôm bu, taŋ kêpoac gêdêŋ intêna ŋatali naŋ,  
\q2 amboac tonaŋ tec êsa môkêapac sageŋ.  
\p \f + \fr 110:7 \ft Dawidnê pesalem teŋ.\f*   
\c 111  
\s1 Aweŋ êôc Anôtô êtu êmoasiŋ ôliŋ to katuŋŋa  
\q1
\v 1 Aleluja.  
\b  
\q1 Aê gabe janam daŋge Apômtau toŋoc ŋalêlôm samucgeŋ.  
\q2 Jaŋgôm amboac tonaŋ aŋga lau mansaŋ to gôlôac ŋalêlôm.   
\q1
\v 2 Apômtau gêgôm gêŋsêga kapôêŋ.  
\q2 Êsêac samob, taŋ têntac kêkac êsêac kêtu gêŋ tonaŋŋa naŋ, sêpuc gêŋ tau ŋam.   
\q1
\v 3 Ŋawasi to ŋaclai gêjam samob, taŋ eŋ gêgôm naŋ auc  
\q2 ma ênê biŋgêdêŋ oc ênêc endeŋ tôŋgeŋ.   
\b  
\q1
\v 4 Apômtau kêkêŋ nê gêŋtalô taujala gebe taliŋ siŋ atom.  
\q2 Eŋ ŋacmoasiŋ to ŋac gabêjam.   
\q1
\v 5 Eŋ kêkêŋ mo gêdêŋ êsêac, taŋ têtêc eŋ naŋ.  
\q2 Eŋ taê gêjam nê poac gedeŋ tôŋgeŋ.   
\q1
\v 6 Eŋ kêkêŋ lau samuc nêŋ gêŋlênsêm gêdêŋ nê lau,  
\q2 tec gêwa nê ŋaclai sa gêdêŋ êsêac.   
\b  
\q1
\v 7 Gêŋ taŋ lêma gêgôm naŋ, ŋaŋêŋ to gêdêŋ.  
\q2 Ênê biŋsu samob kêtu katô.   
\q1
\v 8 Eŋ kêwaka biŋsu tau sa gebe ênêc endeŋ tôŋgeŋ  
\q2 ma kêkêŋ biŋsu tau tobiŋ ŋaŋêŋ ma tobiŋ ŋanôgeŋ.   
\q1
\v 9 Eŋ gêjam nê lau kêsi ma kêmoatiŋ nê poac teŋgeŋŋa gêdêŋ êsêac.  
\q2 Ênê ŋaê dabuŋ to ŋaclai.   
\q1
\v 10 Tatêc Apômtau kêtu mêtê ŋam êwa lau samob, taŋ sêŋgôm ŋanô êsa naŋ, nêŋ kauc sa.  
\q2 Talambiŋ eŋ endeŋ tôŋgeŋ.   
\c 112  
\s1 Embe tatêc Anôtô oc ênam aêac sa  
\q1
\v 1 Aleluja.  
\b  
\q1 Aê aoc êôc ŋac, taŋ kêtêc Apômtau  
\q2 to gêgôm ênê biŋsu ŋanô kêsa totêtac ŋajamgeŋ naŋ.   
\q1
\v 2 Ênê wakuc oc têtu gamêŋ ŋatau toŋaclai.  
\q2 Ma Apômtau ênam mec lau mansaŋ nêŋ gôlôac.   
\q1
\v 3 Gêŋ masê to awa ênêc ênê andu  
\q2 ma ênê biŋgêdêŋ oc ênêc endeŋ tôŋgeŋ.   
\b  
\q1
\v 4 Eŋ kêpô lau mansaŋ kêtôm ŋawê kêpô gamêŋ ŋakesec.  
\q2 Eŋ ŋac gêdêŋ tec taê labu ma kêmoasiŋ lau.   
\q1
\v 5 Aê aoc êôc ŋac, taŋ taê walô lau to gêjam lau sawa sa naŋ,  
\q2 ma êŋgôm nê gêŋ samob naêndêŋgeŋ.   
\q1
\v 6 Eŋ oc êkô ŋajaŋa êku atomanô  
\q2 ma lau oc taêŋ ênam eŋ endeŋ tôŋgeŋ.   
\q1
\v 7-8 Gêŋwapac ŋawae oc êŋgôm eŋ êtêc tau atom.  
\q2 Ênê ŋalêlôm ŋaŋêŋ ma taê êka Apômtau!  
\q1 Eŋ têtac kêpa su ma kêtêc tau atom.  
\q2 Êndêŋ ŋamu eŋ oc êku nê ŋacjo tulugeŋ.   
\q1
\v 9 Eŋ gêjac sam nê gêŋ gêjac ŋawaegeŋ gêdêŋ lau ŋalêlôm sawa amboac tonaŋgeŋ.  
\q2 Ênê biŋgêdêŋ oc ênêc endeŋ tôŋgeŋ. Eŋ oc êtu apômtau towae.   
\q1
\v 10 Ŋac taŋ kêkac tau su aŋga Anôtônê naŋ, gêlic e kêtu môsi.  
\q2 Eŋ gêmôêŋ luluŋ, mago ŋanô masi. Lau secwaga embe taêŋ êka biŋ teŋ oc ŋanô ênsuŋ tau êndêŋ êsêac atom.   
\c 113  
\s1 Aweŋ êôc moasiŋ ŋatau Anôtô  
\q1
\v 1 Aleluja.  
\b  
\q1 Apômtaunê sakiŋwaga amac,  
\q2 alanem Apômtaunê ŋaê   
\q1
\v 2 Aweŋ êôc Apômtaunê ŋaê  
\q2 êndêŋ galoc ma ênêc endeŋ tôŋgeŋ.   
\q1
\v 3 Aweŋ êôc Apômtaunê ŋaê  
\q2 aŋga oc kêpi e êndêŋ oc kêsêp.   
\q1
\v 4 Apômtau kêlêlêc tenteŋlatui samob su.  
\q2 Ênê ŋawasi keleŋ undambê su.   
\b  
\q1
\v 5 Asa oc êtôm Apomtau, aêacnêŋ Anôtô,  
\q2 taŋ gêŋgôŋ nê lêpôŋ aŋga lôlôc naŋ.   
\q1
\v 6 Ŋac tau naŋ gewec,  
\q2 go katuc kêniŋ undambê to nom.   
\q1
\v 7 Eŋ kêkam ŋalêlôm sawa aŋga kekop  
\q2 ma gêôc ŋac kapô lênaŋa sa aŋga wao.   
\q1
\v 8 Gebe etoc eŋ êŋgôŋ êwiŋ kasêga,  
\q2 êŋgôŋ nabaŋ ênê launêŋ kasêga.   
\q1
\v 9 Eŋ kêkêŋ awê kapoac gêwê kaiŋ andu  
\q2 ma kêkêŋ eŋ kêkôc ŋapalê e têtac ŋajam kêsa laŋgwageŋ.  
\b  
\q1 Aleluja.   
\c 114  
\s1 Wê Pasaŋa teŋ  
\q1
\v 1 Alleluja.  
\b  
\q1 Gêdêŋ taŋ Israel gêdi aŋga Aiguptu,  
\q2 gedeŋ taŋ Jakobnê gôlôac dêdi aŋga lau aweŋ jaba naŋ,   
\q1
\v 2 Juda kêtu Apômtaunê gamêŋ dabuŋ  
\q2 ma Israel kêtu ênê gamêŋ gôliŋŋa.   
\b  
\q1
\v 3 Gwêc tau gêlic e kêtaiŋ su  
\q2 ma bu Jordan gêlêc tau sa jakêkô.   
\q1
\v 4 Lôc sêboaŋ têtôm domba kapoac  
\q2 ma gamêŋ ŋabau têtôm domba ŋalatu.   
\b  
\q1
\v 5 O gwec, asageŋ gêgôm aôm tec kôtaiŋ su.  
\q2 O Jordan, asageŋ gêgôm aôm tec gôlêc taôm sa jakôkô.   
\q1
\v 6 O lôc, asageŋ gêgôm amac tec aboaŋ amboac domba kapoac.  
\q2 O gamêŋ ŋabau, asageŋ gêgôm amac, tec aboaŋ amboac domba ŋalatu.   
\b  
\q1
\v 7 O nom, ôwiwic taôm gebe Apômtau gêmêŋ,  
\q2 Jakobnê Anôtô mêŋgêmoa gêwiŋ aôm.   
\q1
\v 8 Ŋac tau gêjam poc ôkwi kêtu bu ŋatoŋ  
\q2 ma poclô kêtu bumata, taŋ kêpulu kêpi gêmêŋ naŋ.   
\c 115  
\s1 Anôtô mata jali nê wae êsa  
\q1
\v 1 O Apômtau, otoc aêac sa atom, otoc aêacma ŋaê sa atom, otoc taômnêm ŋaê sa  
\q2 êtu nêm têmtac gêwiŋ teŋgeŋŋa to nêm biŋ ŋaŋêŋŋa.   
\b  
\q1
\v 2 Amboac ondoc lau samuc têtu kênac gebe  
\q2 “Êsêacnêŋ Anôtô gêmoa ondoc.”   
\q1
\v 3 Aêacnêŋ Anôtô gêmoa undambêgoc,  
\q2 eŋ gêgôm gêŋ samob, taŋ nê ŋalêlôm taê gêjam naŋ.   
\q1
\v 4 Êsêacnêŋ gwam silber to gold,  
\q2 naŋ ŋamalac lemeŋ sêgôm.   
\q1
\v 5 Êsêacnêŋ aweŋsuŋ gêc, mago sêsôm biŋ atom.  
\q2 Mateŋanô gêc, mago sêlic gamêŋ Aleluja. atom.   
\q1
\v 6 Êsêac taŋeŋsuŋ gêc, mago sêŋô biŋ atom.  
\q2 Lusuŋsuŋ gêc, mago sêŋu gêŋ atom.   
\q1
\v 7 Êsêac lemeŋ gêc, mago sêmoasac gêŋ atom. Eŋkaiŋ gêc, mago sêsêlêŋ atom  
\q2 ma nêŋ koclabeŋ kêtaŋ atom.   
\q1
\v 8 Lau sêmasaŋ-gêŋ-tauwaga têtôm nêŋ gêŋ tau  
\q2 ma lau samob, taŋ taêŋ kêka gwam naŋ, amboac tonaŋgeŋ.   
\b  
\q1
\v 9 O amac Israelwaga, taêm êka Apômtau.  
\q2 Eŋ kêtu amacnêm lautuc ma gêjam-sawaga.   
\q1
\v 10 O Aronnê gôlôac, taêm êka Apômtau.  
\q2 Eŋ kêtu amacnêm lautuc to gêjam-sawaga.   
\q1
\v 11 O amac, taŋ atêc Apômtau naŋ, taêm êka Apômtau.  
\q2 Eŋ kêtu amacnêm lautuc ma gêjam-sawaga.   
\b  
\q1
\v 12 Apômtau taê gêjam aêac, eŋ oc ênam mec aêac.  
\q2 Eŋ oc ênam mec Israelnêŋ gôlôac ma oc ênam mec Aronnê gôlôac.   
\q1
\v 13 Eŋ oc ênam mec êsêac, taŋ têtêc Apômtau naŋ,  
\q2 lau sauŋ to lau kapôêŋ.   
\b  
\q1
\v 14 Apômtau êkêŋ amac atu taêsam.  
\q2 Eŋ êkêŋ amac atu taêsam ma nêm gôlôac amboac tonaŋgeŋ.   
\q1
\v 15 Apômtau taŋ kêkêŋ undambê to nom naŋ,  
\q2 ênam mec amac.   
\b  
\q1
\v 16 Undambê kêtu Apômtaunê undambê  
\q2 ma nom tec eŋ kêkêŋ gêdêŋ ŋamalac.   
\q1
\v 17 Ŋacmatê to êsêac, taŋ sêc sêsêp nêŋ gamêŋ ŋaŋêŋŋa sêja naŋ,  
\q2 nêŋ teŋ oc êlanem Apômtau atom.   
\q1
\v 18 Mago aêac oc talanem Apômtau  
\q2 galoc to oc endeŋ tôŋgeŋ.  
\b  
\q1 Aleluja.   
\c 116  
\s1 Anôtô gêjam ŋac, taŋ kêsa paŋ lêndaŋ naŋ, sa ŋawê daŋgeŋa  
\q1
\v 1 Aê têtac gêwiŋ Apômtau gebe eŋ kêkêŋ taŋa aê  
\q2 ma gêŋô ŋoc taŋiboa.   
\q1
\v 2 Eŋ gê taŋa aê.  
\q2 Amboac tonaŋ jamôêc êndêŋ eŋ êtôm ŋoc bêc samob.   
\q1
\v 3 Tamac êndu ŋalêpoa gêsô aê tôŋ ma katêc tauc ŋasec kêtu lamboamŋa.  
\q2 Aê gaôc gêŋwapac to kapô lêna   
\q1
\v 4 e aoc gêjac Apômtaunê ŋaê gebe  
\q2 “O Apômtau, aê jateŋ aôm ônam aê kêsimaŋ.”   
\b  
\q1
\v 5 Apômtau eŋ ŋacmoasiŋ to gêdêŋ.  
\q2 Aêacnêŋ Anôtô kêtu taê labu ŋamôkê.   
\q1
\v 6 Apômtau gejob lau meloc-meloc.  
\q2 Aê katu palê, mago eŋ gêjam aê sa.   
\q1
\v 7 O katuc tau, naôlêwaŋ taôm êtiam  
\q2 gebe Apômtau kêmoasiŋ aômgac.   
\b  
\q1
\v 8 Biŋŋanô, aôm gôjam katuc kêsi aŋga tamac ênduŋa.  
\q2 Aôm kôpuc matocgasi tôŋ gêdêŋ matocsulu ma godeŋ ockaiŋ tôŋ gebe jaka selelec atom.   
\q1
\v 9 Aê jasa ŋoc lêŋ jamoa Apômtau laŋônêm  
\q2 aŋga gamêŋ sêŋgôŋ mateŋ jaliŋa.   
\q1
\v 10 Gêdêŋ taŋ aê kasôm gebe “Ŋoc ŋalêlôm popoc-popocgeŋ” naŋ,  
\q2 mago gawi kakêŋ gêwiŋ Anôtôŋa siŋ atom.   
\q1
\v 11 Gêdêŋ taŋ kapô lêna ŋasec naŋ, aê kasôm gebe  
\q2 “Ŋamalac samob dansaŋtêna.”   
\b  
\q1
\v 12 Aê oc jakêŋ asageŋ êndêŋ Apômtau  
\q2 êjô nê moasiŋ, taŋ kêkêŋ gêdêŋ aê naŋ.   
\q1
\v 13 Aê gabe jaôc moasiŋ ŋalaclu sa êtu daŋge  
\q2 ma gabe aoc ênac Apômtaunê ŋaê.   
\q1
\v 14 Biŋ taŋ gajac mata gêdêŋ Apômtau naŋ, gabe jaŋgôm êtu tôŋ.  
\q2 Gabe jaŋgôm êtu tôŋ aŋga ênê lau samob ŋalêlôm.   
\b  
\q1
\v 15 Apômtaunê lau mansaŋ embe sêmac êndu,  
\q2 oc êlic amboac gêŋwapac teŋ.   
\q1
\v 16 O Apômtau, nêm sakiŋwaga aê, nêm sakiŋwaga latu aê.  
\q2 Aôm kôgaboac lêpoa, taŋ gêsô aê tôŋ naŋ su.   
\q1
\v 17 Aê jakêŋ da daŋgeŋa êndêŋ aôm  
\q2 ma aoc ênac Apômtaunê ŋaê.   
\q1
\v 18 Biŋ taŋ gajac mata gêdêŋ Apômtau naŋ, gabe jaŋgôm êtu tôŋ.  
\q2 Gabe jaŋgôm êtu tôŋ aŋga ênê lau samob ŋalêlôm.   
\q1
\v 19 Aê gabe jaŋgôm jakô Apômtaunê andu ŋamalacluŋ,  
\q2 aŋga aôm, Jerusalem, ŋaluŋgeŋ.   
\c 117  
\s1 Alambiŋ Apômtau  
\q1
\v 1 Amac lau nomŋa samob, awem êôc Apômtau.  
\q2 Amac tenteŋlatu samob, alanem eŋ.   
\q1
\v 2 Gebe ênê têtac gêwiŋ teŋgeŋŋa tau toŋaclaigeŋ  
\q2 ma ênê biŋ ŋaŋêŋ oc ênêc endeŋ tôŋgeŋ.  
\q1 Aleluja.   
\c 118  
\s1 Gôlôac sêlic om ŋawê daŋgeŋa  
\q1
\v 1 Anam daŋge êndêŋ Apômtau gebe eŋ ŋac gabêjam.  
\q2 Biŋŋanô ênê moasiŋ ênêc endeŋ tôŋgeŋ.   
\q1
\v 2 Israel sêsôm lasê amboac tonec gebe  
\q2 “Biŋŋanô, ênê moasiŋ ênêc endeŋ tôŋgeŋ.”   
\q1
\v 3 Aronnê gôlôac sêsôm lasê amboac tonec gebe  
\q2 “Biŋŋanô, ênê moasiŋ ênêc endeŋ tôŋgeŋ.”   
\q1
\v 4 Lau-têtêc-Anôtôwaga samob sêsôm lasê amboac tonec gebe  
\q2 “Biŋŋanô, ênê moasiŋ ênêc endeŋ tôŋgeŋ.”   
\b  
\q1
\v 5 Aê kapô lêna ma aoc gêjac Apômtau,  
\q2 tec Apômtau kêkêŋ taŋa aê ma gajam aê sa.   
\q1
\v 6 Aê katêc tauc atom gebe Apômtau gêwiŋ aê  
\q2 ŋamalac oc sêŋgôm asageŋ êndêŋ aê.   
\q1
\v 7 Apômtau gêwiŋ aê, oc ênam aê sa  
\q2 ma jaku ŋoc ŋacjo tulu.   
\q1
\v 8 Daê lamu Apômtau  
\q2 ŋajam kêlêlêc taêŋ kêka ŋamalac su.   
\q1
\v 9 Daê lamu Apômtau  
\q2 ŋajam kêlêlêc taêŋ kêka ŋamalacnêŋ laumata su.   
\b  
\q1
\v 10 Tenteŋlatu samob sêgi aê auc,  
\q2 mago aê gaseŋ êsêac su gajam Apômtau laŋô.   
\q1
\v 11 Sêgi aê auc e kêsô tau,  
\q2 mago aê gaseŋ êsêac su gajam Apômtau laŋô.   
\q1
\v 12 Êsêac sêgi aê auc amboac banic, mago ja kêkwanam êsêac su amboac oba,  
\q2 mago aê gaseŋ êsêac su ŋa Apômtaunê ŋaclai.   
\q1
\v 13 Êsêac têtuc aê ŋajaŋa gebe jambeŋ,  
\q2 mago Apômtau gêjam aê sa.   
\q1
\v 14 Apômtau kêtu ŋoc ŋaclai to ŋoc ŋac kalanem-eŋwaga.  
\q2 Eŋ kêtu ŋoc kêsiwaga.   
\b  
\q1
\v 15 Wêsiŋ toôndu kêpi aŋga lau gêdêŋ nêŋ bec.  
\q2 Apômtau lêma anôŋa gêgôm gêŋsêga ŋaclai.   
\q1
\v 16 Apômtaunê lêma anôŋa kêsip ŋamalac sa.  
\q2 Apômtaunê lêma anôŋa gêgôm gêŋsêga ŋaclai.   
\q1
\v 17 Aê oc jamac êndu atom, jaŋgôŋ matoc jali  
\q2 ma jasôm Apômtaunê ŋaê lasê.   
\q1
\v 18 Apômtau gêjac aê matocgasi aucgeŋ,  
\q2 mago gêlôc gebe jamac êndu atom.   
\b  
\q1
\v 19 Alêc lôm dabuŋ tau ŋakatam su êndêŋ aê.  
\q2 Aê gabe jasô najanam daŋge êndêŋ Apômtau.   
\b  
\q1
\v 20 Apômtaunê sacgêdô tonec  
\q2 gêjac lau gêdêŋ tauŋgeŋ ŋawae.   
\b  
\q2
\v 21 Aê gajam daŋge aôm gebe kôkêŋ taŋam aê  
\q2 ma kôtu ŋoc kêsiwaga.   
\b  
\q1
\v 22 Poc, taŋ sêkwêwaga sêbaliŋ siŋ naŋ,  
\q2 tec kêtu poc kêclêsuŋa.   
\q1
\v 23 Gêŋ tonaŋ Apômtau gêgôm,  
\q2 tec mateŋanô talic amboac gêŋsêga.   
\q1
\v 24 Bêc tau tonaŋ Apômtau kêkêŋ.  
\q2 Aweŋ êôc toôndu ma ôliŋ êpi-êpigeŋmaŋ.   
\q1
\v 25 O Apômtau, ônam aêacmêŋ sa.  
\q2 O Apômtau, ôkêŋ aêac atap koleŋ ŋanô sa.   
\b  
\q1
\v 26 Aweŋ êôc ŋac, taŋ gêmêŋ gêjam Apômtau laŋô.  
\q2 Aêac anam mec amac aŋga Apômtaunê andu.   
\q1
\v 27 Apômtau eŋ Anôtô, eŋ kêkêŋ ŋawê gêdêŋ aêac.  
\q2 Atê wê tolêsôgeŋ ma anam gêlôŋ altar ŋajabo.   
\b  
\q1
\v 28 Ŋoc Anôtô aôm, aê gabe janam daŋge êndêŋ aôm.  
\q2 Ŋoc Anôtô aôm, aê gabe jatoc aôm sa.   
\b  
\q1
\v 29 Anam daŋge êndêŋ Apômtau gebe eŋ ŋac gabêjam.  
\q2 Biŋŋanô, ênê moasiŋ ênêc endeŋ tôŋgeŋ.   
\c 119  
\s1 Anôtônê biŋ wae  
\q1
\v 1 Aoc êôc êsêac, taŋ sêsa nêŋ lêŋ laŋôŋnêm sawa  
\q2 ma sêsêlêŋ kêtôm Apômtaunê biŋsu naŋ.   
\q1
\v 2 Aê aoc êôc êsêac, taŋ sêmasaŋ ênê biŋsu  
\q2 ma taŋeŋ wamu eŋ tonêŋ ŋalêlôm samucgeŋ naŋ.   
\q1
\v 3 Êsêac sêgôm keso teŋ atom.  
\q2 Sêsa ênê lêŋ katôgeŋ.   
\q1
\v 4 Aôm kôjatu nêm ŋagôliŋ  
\q2 gebe ŋamalac sêmansaŋ tomalageŋ.   
\q1
\v 5 Ojae, ŋoc lêŋ ŋaŋêŋgeŋ  
\q2 ma jamansaŋ aômnêm biŋsu ŋapepmaŋ.   
\q1
\v 6 Aômnêm biŋsu samob embe ênêc aê laŋôcnêmŋageŋ  
\q2 oc jaŋgôm tauc majoc êsa atom.   
\q1
\v 7 Aê embe jaŋô nêm biŋsu gêdêŋ êtu tôŋ,  
\q2 oc jalambiŋ aôm toŋoc ŋalêlôm makeŋgeŋ.   
\q1
\v 8 Aê gabe jamansaŋ aômnêm biŋsu.  
\q2 Ônam aê sapu samucgeŋ atom.   
\s1 Taŋeŋ wamu êndêŋ Apômtaunê biŋsu  
\b  
\q1
\v 9 Ŋacsêŋom teŋ oc êsa nê lêŋ mata sawa amboac ondoc.  
\q2 Eŋ êsap aômnêm biŋ tôŋ acgom, go êsa êndêŋ.   
\q1
\v 10 Aê gasom aôm toŋoc ŋalêlôm samucgeŋ.  
\q2 Ôkêŋ aê janac jaê aômnêm biŋsu atom.   
\q1
\v 11 Aê kamasaŋ nêm biŋ gêc ŋoc ŋalêlôm  
\q2 gabe jaŋgôm sec êndêŋ aôm atom.   
\q1
\v 12 O Apômtau, aoc gêôc aôm  
\q2 ôndôŋ nêm ŋagôliŋ êndêŋ aê.   
\q1
\v 13 Aocsuŋ jasa biŋ, taŋ aôm awamsuŋ kôjatu naŋ,  
\q2 samob sa ŋapep.   
\q1
\v 14 Aê têtac kêkac aê aômnêm biŋsu ŋalêŋŋa  
\q2 kêlêlêc têtac kêkac aê awa nomŋa su.   
\q1
\v 15 Aê japuc biŋ, taŋ aôm kôjatu naŋ ŋam  
\q2 ma matoc êndiŋ aômnêm lêŋgeŋ.   
\q1
\v 16 Aêŋoc ŋalêlôm kêkac aê aômnêm biŋsuŋageŋ.  
\q2 Aê gabe jaliŋ aômnêm biŋ siŋ atom.   
\s1 Tatu samuc Apômtaunê biŋsu  
\b  
\q1
\v 17 Ômoasiŋ nêm sakiŋwaga aê gebe jamoa matoc jali  
\q2 ma jajop aômnêm biŋ.   
\q1
\v 18 Ôkêŋ matocanô êpoa lasê  
\q2 gebe jalic aômnêm biŋsu ŋagêŋsêga.   
\q1
\v 19 Aê katu ŋacleŋ ŋaôma gaŋgôŋ nom.  
\q2 Ônsaŋ nêm biŋsu auc êndêŋ aê atom.   
\q1
\v 20 Ŋoc ŋalêlôm gêjam aoc su  
\q2 aômnêm biŋ taŋ kôjatu naŋ e tekoc gêbac.   
\q1
\v 21 Aôm goec biŋ lau kesowaga, taŋ teŋbeleŋ aŋgeŋ  
\q2 ma sêkac tauŋ su aŋga nêm biŋsu naŋ.   
\q1
\v 22 Aê kamasaŋ aômnêm biŋsu,  
\q2 amboac tonaŋ ôŋgôm aê majoc êmbac ma lau sêsu aê susu atom.   
\q1
\v 23 Kasêga sêkac tauŋ sa sêkic aêŋoc biŋ sêmoa,  
\q2 mago nêm sakiŋwaga aê tec kapuc aômnêm biŋsu ŋam.   
\q1
\v 24 Aômnêm biŋsu gêgôm aê têtac ŋajam kêsa  
\q2 gebe kêtu ŋoc gôliŋwaga.   
\s1 Ŋalêlôm kêkac aê gebe taŋoc wamu Apômtaunê biŋsu  
\b  
\q1
\v 25 Aê kapô lêna tauc gaŋgôŋ wao ŋaô,  
\q2 amboac tonaŋ mêŋônam aê sa êtôm, taŋ gôjac mata naŋ.   
\q1
\v 26 Gêdêŋ taŋ gajac miŋ ŋoc biŋ gêdêŋ aôm naŋ, aôm kôkêŋ taŋam aê.  
\q2 Ôndôŋ nêm ŋagôliŋ êndêŋ aê jaŋô.   
\q1
\v 27 Ôkêŋ aêŋoc kauc êsa êpi intêna, taŋ nêm biŋsu kêjatu naŋ,  
\q2 oc japuc aômnêm gêŋsêga ŋam.   
\q1
\v 28 Aêŋoc ŋalêlôm ŋawapac gê tôŋgeŋ ma galiŋ matocsulu elêmê.  
\q2 Ôkêŋ ôlicwalô êsa êtôm gôjac mata.   
\q1
\v 29 Ôŋgamiŋ aê êndêŋ biŋ dansaŋ ŋalêŋ  
\q2 ma ômoasiŋ aê ŋa aômnêm biŋsu.   
\q1
\v 30 Aê kajaliŋ lêŋ biŋŋanôŋa sa.  
\q2 Kakêŋ nêm biŋsu kêkô aê laŋôcnêmŋa.   
\q1
\v 31 Aê kasap aômnêm biŋsu tôŋ.  
\q2 O Apômtau, ôkêŋ aê jaŋgôm tauc paliŋ atom.   
\q1
\v 32 Aê gabe jalêti jasa aômnêm biŋsu ŋalêŋ  
\q2 gebe ŋoc ŋalêlôm kêkac aê lêŋ tonaŋŋa.   
\s1 Mec kauc êsaŋa  
\b  
\q1
\v 33 O Apômtau, ôndôŋ aê nêm biŋsu ŋalêŋ.  
\q2 Aê gabe matoc êsap e wacjaô lasê.   
\q1
\v 34 Ôkêŋ ŋoc kauc êsa gebe jamansaŋ aômnêm biŋsu  
\q2 ma jamansaŋ toŋoc ŋalêlôm samucgeŋ.   
\q1
\v 35 Ôwê aê jasa aômnêm biŋsu ŋalêŋ  
\q2 gebe katu samuc aômnêm biŋ tonaŋ.   
\q1
\v 36 Ôkêŋ ŋoc ŋalêlôm êsap awa tôŋ atom,  
\q2 êsap nêm biŋsugeŋ tôŋ.   
\q1
\v 37 Ônam matocanô ôkwi aŋga gêŋ nomŋa.  
\q2 Ôkêŋ aê jasa nêm lêŋ topalêgeŋ.   
\q1
\v 38 Ôkêŋ biŋ, taŋ gôjac mata gêdêŋ lau-têtêc-aômwaga naŋ,  
\q2 ŋanô êsa êpi nêm sakiŋwaga aê amboac tonaŋgeŋ.   
\q1
\v 39 Ôkac biŋ susu, taŋ katêc naŋ su  
\q2 gebe nêm ŋagôliŋ ŋajam.   
\q1
\v 40 Biŋ ŋanô, aê gajam aoc su nêm jatu, taŋ gôjac jatu naŋŋa.  
\q2 Ôkêŋ nêm biŋgêdêŋ êpuc aê tôŋ.   
\s1 Ôliŋ andaŋ Apômtaunê biŋsu  
\b  
\q1
\v 41 O Apômtau, ôkêŋ nêm moasiŋ êmoasiŋ aê.  
\q2 Ônam aê sa êtôm, taŋ gôjac mata naŋ,   
\q1
\v 42 gebe jajô ŋac, taŋ kêsu aê susu naŋ awa,  
\q2 gebe aê kakêŋ gêwiŋ aômnêm biŋ.   
\q1
\v 43 Ma ôkôc biŋŋanô ŋamêtê su aŋga aê aocsuŋ samucgeŋ atom  
\q2 gebe aê kakêŋ matoc aômnêm gôliŋ.   
\q1
\v 44 Aê gabe jamansaŋ nêm biŋsu toŋanôgeŋ  
\q2 ma gabe jaŋgôm endeŋ tôŋgeŋ ŋapaŋ.   
\q1
\v 45 Amboac tonaŋ jasa laŋôcnêm sawageŋ  
\q2 gebe aê gasom aômnêm biŋ, taŋ kôjatu naŋ.   
\q1
\v 46 Aê gabe jasôm aômnêm ŋagôliŋ êndêŋ kiŋ  
\q2 tomajoc êmbacgeŋ.   
\q1
\v 47 Aê têtac ŋajam kêtu nêm biŋsuŋa,  
\q2 taŋ aê têtac gêwiŋ naŋ.   
\q1
\v 48 Aê jatoc aômnêm biŋsu, taŋ têtac gêwiŋ naŋ sa  
\q2 ma taêc ênam japuc aômnêm gôliŋ ŋam.   
\s1 Aêac taêŋ êka Apômtaunê biŋsu  
\b  
\q1
\v 49 Taêm ênam biŋ, taŋ gôjac mata gêdêŋ nêm sakiŋwaga aê naŋ.  
\q2 Biŋ tau kêkêŋ aê kakêŋ matoc.   
\q1
\v 50 Aê gaŋgôŋ jageo ŋasec, mago biŋ, taŋ aôm gôjac mata naŋ,  
\q2 tec kêpuc aê tôŋ ma gê malô aê.   
\q1
\v 51 Lau sêkêli tauŋŋa sêsu aê susu ŋasec,  
\q2 mago aê kakac tauc su aŋga aômnêm biŋsu atom.   
\q1
\v 52 O Apômtau, aê embe taêc ênam aômnêm ŋagôliŋ laŋgwaanôŋa,  
\q2 naŋ oc ênac têtac tôŋ.   
\q1
\v 53 Aê têtac ŋandaŋ sec kêtu lau, taŋ sêkac tauŋ su aŋga Anôtônê naŋ,  
\q2 gebe lau tonaŋ sêwi nêm biŋsu siŋ.   
\q1
\v 54 Aômnêm biŋsu kêtu ŋoc wê lanemŋa  
\q2 gêdêŋ taŋ kasa ŋoc lêŋ gamoa jaê ŋoc malacmôkê ŋanô naŋ.   
\q1
\v 55 O Apômtau, aê taêc gêjam aômnêm ŋaê gêdêŋ gêbêc  
\q2 ma kamasaŋ aômnêm biŋsu.   
\q1
\v 56 Moasiŋ ŋanô, taŋ gawê kaiŋ naŋ, tonec  
\q2 gebe kamasaŋ aômnêm biŋsu.   
\s1 Anôtônê biŋsu e ŋaŋêŋ laŋgwageŋ  
\b  
\q1
\v 57 Apômtau kêtu ŋoc gêŋlênsêm.  
\q2 Aê kasôm kêtu tôŋ gebe jamansaŋ aômnêm biŋsu.   
\q1
\v 58 Aê kateŋ aôm toŋoc ŋalêlôm samucgeŋ  
\q2 gebe taêm walô aê êtu biŋ, taŋ gôjac mata naŋŋa.   
\q1
\v 59 Aê taêc gêjam ŋoc lêŋ  
\q2 ma gajam gôliŋ ockaiŋ gêdêŋ aômnêm ŋagôliŋ.   
\q1
\v 60 Aê gajam gamêŋ tôŋ atom, kakac taucgeŋ  
\q2 gebe jamansaŋ aômnêm biŋsu.   
\q1
\v 61 Lau alôb-alôb nêŋ lêpoa gêsô aê tôŋ,  
\q2 mago kaliŋ aômnêm biŋsu siŋ atom.   
\q1
\v 62 Aê gadi sa gêdeŋ gêbêcauc gêja lu gabe janam daŋge aôm  
\q2 êtu nêm gôliŋ gêdêŋŋa.   
\q1
\v 63 Lau taŋ têtêc aôm  
\q2 ma êsêac, taŋ taŋeŋ wamu nêm jatu naŋ, nêŋ ŋac teŋ aê.   
\q1
\v 64 O Apômtau, aômnêm têmtac gêwiŋ teŋgeŋŋa gêjam nom auc.  
\q2 Ôndôŋ aômnêm biŋsu êndêŋ aê.   
\s1 Apômtaunê biŋsu ŋaŋanô  
\b  
\q1
\v 65 O Apômtau, aôm kômoasiŋ nêm sakiŋwaga ŋanôgeŋ,  
\q2 kêtôm biŋ, taŋ gôjac mata naŋ.   
\q1
\v 66 Ôndôŋ mêtê tokauc ma mêtê jakip biŋ saŋa êndêŋ aê  
\q2 gebe aê taêc kêka aômnêm biŋsu.   
\q1
\v 67 Gêdêŋ taŋ kôkôniŋ aê atomgeŋ naŋ, gao gamoa,  
\q2 mago galoc kamasaŋ aômnêm biŋ kêtu tôŋ.   
\q1
\v 68 Aôm ŋac gabêjam ma kômoasiŋ lau.  
\q2 Ôndôŋ aômnêm biŋsu êndêŋ aê.   
\q1
\v 69 Lau teŋbeleŋ aŋgeŋ sêga biŋ kêpi aê,  
\q2 mago aê kamasaŋ nêm jatu toŋoc ŋalêlôm samucgeŋ.   
\q1
\v 70 Êsêacnêŋ ŋalêlôm ôliŋ ŋakam amboac ŋalêsi kêkêkam lau,  
\q2 mago aê tec ŋoc ŋalêlôm kêkac aê kêtu nêm biŋsuŋa.   
\q1
\v 71 Aôm kôkôniŋ aê, tec kêmoasiŋ aê  
\q2 gebe nêm mêtôc tau kêdôŋ nêm biŋsu gêdêŋ aê.   
\q1
\v 72 Awamsuŋ ŋabiŋsu kêmoasiŋ aê  
\q2 kêlêlêc awamata totoŋ-totoŋ su.   
\s1 Apômtaunê biŋsu ŋamêtôc gêdêŋ  
\b  
\q1
\v 73 Aôm lêmam kôkêŋ to kôlêsôb aê.  
\q2 Ôwa ŋoc kauc sa gebe jajala aômnêm biŋsu.   
\q1
\v 74 Êsêac taŋ têtêc aôm naŋ, embe sêlic aê oc têntac ŋajam êsa  
\q2 gebe aê kakêŋ matoc aômnêm biŋ.   
\q1
\v 75 O Apômtau, aê kajala gebe aôm kômêtôc biŋ jagêdêŋgeŋ,  
\q2 tec kôkôniŋ aê kêtôm aômnêm biŋ ŋaŋêŋ.   
\q1
\v 76 Ôkêŋ nêm têmtac gêwiŋ teŋgeŋŋa ênam maŋ aêmaŋ,  
\q2 êtôm nêm biŋ, taŋ gôjac mata gêdêŋ nêm sakiŋwaga aê naŋ.   
\q1
\v 77 Taêm walô aê gebe jaŋgôŋ matoc jali  
\q2 gebe aê têtac gêwiŋ aômnêm biŋsuŋageŋ.   
\q1
\v 78 Teŋbeleŋ aŋgeŋ, taŋ sêgôm aê waec sec naŋ, majeŋ êsa  
\q2 ma aê tec taêc gêjam aômnêm biŋ, taŋ kôjatu naŋ ŋam.   
\q1
\v 79 Ôkêŋ êsêac, taŋ têtêc aôm to sêjala aômnêm biŋ, taŋ gôwa sa naŋ,  
\q2 gebe sêkac tauŋ ôkwi dêndêŋ aê.   
\q1
\v 80 Ôkêŋ aêŋoc ŋalêlôm êsap aômnêm biŋsu tôŋ  
\q2 gebe jaŋgôm tauc paliŋ atom.   
\s1 Mec Apômtau ênam saŋa  
\p
\v 81 Aôm nêm moasiŋ gêjô katuc  
\q2 ma kakêŋ matoc aômnêm biŋ.   
\q1
\v 82 Matocanô kêkac gebe jalic biŋ, taŋ aôm gôjac mata naŋ,  
\q2 ma katu kênac gebe “Êndêŋ ondoc, go ônam malô aê.”   
\q1
\v 83 Aê katôm bêlabi, taŋ dedeŋ e kêtu toŋ naŋ,  
\q2 mago kaliŋ aômnêm gôliŋ siŋ atom.   
\q1
\v 84 Aômnêm sakiŋwaga nê bêc tendocgeŋ gêc.  
\q2 Êndêŋ ondocgeŋ, go ômêtôc lau, taŋ sêlêsu aê naŋ, nêŋ biŋ.   
\q1
\v 85 Lau taŋ sêkêli tauŋ naŋ, sêkwê sê aê.  
\q2 Lau taŋ seo gala aômnêm biŋ naŋ, sêgôm biŋ tonaŋ.   
\q1
\v 86 Aômnêm biŋsu samob tobiŋŋanôgeŋ.  
\q2 Êsêac sêôc aê ôkwi ŋa biŋ dansaŋ, amboac tonaŋ ônam aê sa.   
\q1
\v 87 Sauŋgeŋ oc senseŋ aê su janaŋa aŋga nom,  
\q2 mago aê tec gabe jawi biŋ, taŋ aôm kôjatu naŋ, siŋ atom.   
\q1
\v 88 Aôm ŋacmoasiŋ ônam aê sa êtu nêm têmtac gêwiŋ teŋgeŋŋa gebe jaŋgôŋ matoc jali  
\q2 gebe jaŋgôm awamsuŋ ŋabiŋ ŋanô êsa.   
\s1 Takêŋ êwiŋ Apômtaunê biŋsu  
\b  
\q1
\v 89 O Apômtau, aômnêm biŋ kêtu tôŋ kêsa aŋga undambê  
\q2 ma ênêc endeŋ tôŋgeŋ.   
\q1
\v 90 Aômnêm biŋ ŋaŋêŋ ênêc êtôm gôlôac to gôlôac.  
\q2 Aôm kôsuŋ nom su, tec gacgeŋ kêkô ŋajaŋa kêsa.   
\q1
\v 91 Gêŋ taŋ kôkêŋ naŋ, kêkô e gêdêŋ galoc  
\q2 gebe gêŋ samob têtu nêm sakiŋwaga.   
\q1
\v 92 Aômnêm biŋsu embe êtu aê têtac gêwiŋ ŋamôkê atom,  
\q2 oc janaŋa êndêŋ taŋ gêŋwapac kêkôm aê auc naŋ.   
\q1
\v 93 Aê gabe jaliŋ aômnêm jatu siŋ atomanô  
\q2 gebe aôm kôkêŋ, tec kêpuc aê tôŋ gaŋgôŋ matoc jali.   
\q1
\v 94 Aê katu aômnêm gêŋ, ônam aê sa  
\q2 gebe aê kapuc aômnêm gôliŋ tec gamoa.   
\q1
\v 95 Lau alôb-alôb dêdib aê gebe senseŋ aê su,  
\q2 mago aê taêc gêjam aômnêm biŋ, taŋ gôwa sa naŋ.   
\q1
\v 96 Aê galic gêŋ samob ŋatêku gêc.  
\q2 Aômnêm biŋsu tageŋ tec ŋamadiŋ masi.   
\s1 Têtac gêwiŋ Apômtaunê biŋsu  
\b  
\q1
\v 97 Aê têtac gêwiŋ nêm biŋsu kêlêlêc  
\q2 ma taêc gêjam kêtôm bêcgeŋ.   
\q1
\v 98 Nêm biŋsu gêc aêŋa ŋapaŋ  
\q2 ma gêgôm ŋoc kauc kêsa kêlêlêc ŋoc ŋacjonêŋ su.   
\q1
\v 99 Aêŋoc kauc kêlêlêc ŋoc kêdôŋwaga samob nêŋ su  
\q2 gebe aê taêc gêjam biŋ tageŋ, taŋ aôm gôwa sa naŋgeŋ.   
\q1
\v 100 Aêŋoc kauc kêsa kêlêlêc kwalam laŋgwa nêŋ su  
\q2 gebe aê kamasaŋ aômnêm jatu.   
\q1
\v 101 Aê kagamiŋ ockaiŋ gêdêŋ lêŋ geo samob  
\q2 gebe Jamansaŋ aômnêm biŋ ŋapep.   
\q1
\v 102 Aê kakac tauc su aŋga nêm gôliŋ atom  
\q2 gebe aôm taôm kôdôŋ aê.   
\q1
\v 103 Aê kasaê aômnêm biŋ gebe ŋakana ŋajamanô.  
\q2 Kasaê ŋakana kêlêlêc lêp su gêc aocsuŋ.   
\q1
\v 104 Aômnêm jatu gêwa ŋoc kauc sa,  
\q2 tec kakêŋ kisa gêdêŋ biŋdansaŋ samob.   
\s1 Apômtaunê biŋsu kêtu ockaiŋ ŋaja  
\b  
\q1
\v 105 Aômnêm biŋ kêtu ockaiŋ ŋadaweŋ  
\q2 ma ja teŋ kêpô ŋoc intêna.   
\q1
\v 106 Aê katôc lemoc ma jamansaŋ êtu tôŋ  
\q2 gebe taŋoc wamu aômnêm gôliŋ gêdêŋ.   
\q1
\v 107 Gêŋwapac gêjac aê tôŋ kasêp ŋêŋgeŋ gaja.  
\q2 O Apômtau, ojop aê jamoa matoc jali êtôm nêm biŋ, taŋ gôjac mata naŋ.   
\q1
\v 108 O Apômtau, ôkôc ŋoc da lambiŋŋa sa  
\q2 ma ôndôŋ nêm gôliŋ êndêŋ aê.   
\q1
\v 109 Aê kasa paŋ lêndaŋ gebe jamac ênduŋa endeŋ tôŋgeŋ,  
\q2 mago kaliŋ aômnêm biŋsu siŋ atom.   
\q1
\v 110 Lau alôb-alôb sêwa lakô aê,  
\q2 mago aê gao gala aômnêm jatu teŋ atom.   
\q1
\v 111 Biŋ taŋ aôm gôwa sa naŋ, kêtu ŋoc gêŋlênsêm teŋgeŋŋa  
\q2 kêtu aêŋoc ŋalêlôm kêtu samuc ŋam.   
\q1
\v 112 Aêŋoc ŋalêlôm taê gêjam kêtu tôŋ gebe jaŋgôm aêmnêm biŋsu ŋanô êsa,  
\q2 jaŋgôm endeŋ tôŋgeŋ e jamac êndu.   
\s1 Apômtaunê biŋsu kêtu lamu ŋajam  
\b  
\q1
\v 113 Aê kakêŋ kisa gêdêŋ lau, taŋ nêŋ ŋalêlôm gêja lu naŋ,  
\q2 mago aê têtac gêwiŋ aômnêm biŋsu.   
\q1
\v 114 Aôm kôtu ŋoc lamu to lautuc.  
\q2 Aê kakêŋ matoc aômnêm biŋ.   
\q1
\v 115 Amac lau secwaga, akac taôm sa naamoa jaêc.  
\q2 Aê gabe jamansaŋ ŋoc Anôtônê biŋsu.   
\q1
\v 116 Ôpuc aê tôŋ êtôm biŋ, taŋ gôjac mata naŋ, gebe jamoa matoc jali.  
\q2 Aê kakêŋ matoc aôm, amboac tonaŋ ôŋgôm aê majoc êsa atom.   
\q1
\v 117 Ôpuc aê tôŋ gebe jamoa ŋajam  
\q2 ma jamansaŋ aômnêm biŋsu endeŋ tôŋgeŋ.   
\q1
\v 118 Aôm oc ôtiŋ lau samob, taŋ seo gala aômnêm biŋsu naŋ, siŋ  
\q2 gebe êsêac sêsau tauŋ ŋamelocŋageŋ.   
\q1
\v 119 Lau samob, taŋ sêkac tauŋ su naŋ, aôm gôlic êsêac amboac gêŋ gambu.  
\q2 Ma aê tec têtac gêwiŋ biŋ, taŋ aôm kôdôŋ naŋ.   
\q1
\v 120 Aê katêc aôm e ôlilu gêli.  
\q2 Aê katêc tauc kêtu nêm mêtôcŋa.   
\s1 Taŋeŋ wamu Apômtaunê biŋsu  
\b  
\q1
\v 121 Aê kamasaŋ biŋ solop to biŋgêdêŋ kêtu tôŋ.  
\q2 Ôwi aê siŋ êndêŋ sêlêsutêna atom.   
\q1
\v 122 Ôjô nêm sakiŋwaga awa gebe ômoasiŋ eŋ.  
\q2 Ôkêŋ teŋbeleŋ aŋgeŋ sêkôniŋ aê tôŋ atom.   
\q1
\v 123 Matocanô ŋawapac kêsa gebe aê gaôŋ nêm moasiŋ,  
\q2 gaôŋ aôm gebe ônam aê sa êtôm gôjac mataŋa.   
\q1
\v 124 Ônam nêm sakiŋwaga sa êtôm nêm têmtac gêwiŋ teŋgeŋŋa  
\q2 ma ôndôŋ nêm biŋsu aê jajala.   
\q1
\v 125 Nêm sakiŋwaga aê, ôwa ŋoc kauc sa  
\q2 gebe jajala biŋ, taŋ aôm ôwa sa naŋ ŋapep.   
\q1
\v 126 Apômtaunê noc gebe êwaka tau saŋa kêdabiŋ  
\q2 gebe êsêac sêgôm aômnêm biŋsu popoc.   
\q1
\v 127 Kêtu tonaŋŋa aê têtac gêwiŋ nêm biŋsu  
\q2 kêlêlêc awamata totoŋ-totoŋ su.   
\q1
\v 128 Kêtu tonaŋŋa nêm jatu gêjam gôliŋ aê.  
\q2 Aê gadec lêŋ dansaŋ samob.   
\s1 Ŋalêlôm kêkac gebe taŋeŋ wamu Apômtaunê biŋsu  
\b  
\q1
\v 129 Biŋ taŋ aôm gôwa sa naŋ, kaiŋ teŋ.  
\q2 Kêtu tonaŋŋa ŋoc ŋalêlôm kêsap biŋ tau tôŋ.   
\q1
\v 130 Aôm embe ônac nêm biŋ lêtêŋ, oc êpô gamêŋ  
\q2 ma êwa lau meloc-meloc nêŋ kauc sa.   
\q1
\v 131 Aômnêm biŋsu gêjô aê  
\q2 e aoc ec-ecgeŋ.   
\q1
\v 132 Ôkac taôm ôkwi êndêŋ aê ma taêm walô aê,  
\q2 êtôm gôgôm gêdêŋ lau, taŋ têntac gêwiŋ nêm ŋaê naŋ.   
\q1
\v 133 Ôkêŋ nêm biŋ êpuc ockaiŋ tôŋ  
\q2 ma ôkêŋ gêŋ sec teŋ ênam gôliŋ aê atom.   
\q1
\v 134 Ônam aê kêsi êndêŋ ŋamalac, taŋ sêkôniŋ aê tôŋ naŋ,  
\q2 go jamansaŋ aômnêm jatu êtu tôŋ.   
\q1
\v 135 Ôkêŋ laŋômanô êpô nêm sakiŋwaga  
\q2 ma ôndôŋ nêm biŋsu êndêŋ aê.   
\q1
\v 136 Matocsulu keseleŋ amboac bu  
\q2 kêtu lau sêmasaŋ aômnêm biŋsu atom ŋa.   
\s1 Apômtaunê biŋsu ŋamêtôc gêdêŋ  
\b  
\q1
\v 137 O Apômtau, aôm ŋac gêdêŋ  
\q2 ma aômnêm gôliŋ jagêdêŋ samob.   
\q1
\v 138 Aôm kômasaŋ nêm biŋsu tobiŋgêdêŋ  
\q2 ma kômasaŋ tobiŋ ŋaŋêŋ ŋanô amboac tonaŋgeŋ.   
\q1
\v 139 Aê têtac ŋandaŋ kêlakoc aê sec  
\q2 kêtu ŋoc soŋo-soŋo sêliŋ aômnêm biŋ siŋŋa.   
\q1
\v 140 Aômnêm biŋ, taŋ gôjac mata naŋ, ŋakêŋkêŋ laŋgwageŋ  
\q2 ma nêm sakiŋwaga têtac gêwiŋ biŋ tau.   
\q1
\v 141 Aê katu ŋac sawa to sêbu aê,  
\q2 mago kaliŋ aômnêm jatu siŋ atom.   
\q1
\v 142 Aômnêm biŋgêdêŋ kêtu biŋgêdêŋ teŋgeŋŋa  
\q2 ma aômnêm biŋsu tau biŋŋanô.   
\q1
\v 143 Aê kapô lêna to gêŋwapac gêgôm aê,  
\q2 mago nêm biŋsu gêgôm aê têtac ŋajam kêsa.   
\q1
\v 144 Biŋ taŋ aôm gôwa sa naŋ, oc ênêc ŋaŋêŋ endeŋ tôŋgeŋ.  
\q2 Ôwa ŋoc kauc sa, go jaŋgôŋ matoc jali.   
\s1 Mec Apômtau ênam saŋa  
\b  
\q1
\v 145 Aê gamôêc toŋoc ŋalêlôm samucgeŋ gêdêŋ aôm. O Apômtau, ôkêŋ taŋam aêmaŋ.  
\q2 Aê gabe jamansaŋ aômnêm biŋsu êtu tôŋ.   
\q1
\v 146 Aê aoc gêjac aôm gebe ônam aê sa,  
\q2 go jaŋgôm biŋ, taŋ gôwa sa naŋ, ŋanô êsa.   
\q1
\v 147 Aê gadi gêdêŋ bêbêc kanucgeŋ ma kataŋ tauc kapôêŋ.  
\q2 Aê matoc kêsap aômnêm biŋ tec gamoa.   
\q1
\v 148 Matoc jali ŋapaŋ gêdêŋ gêbêc baliŋ e geleŋŋa  
\q2 ma taêc gêjam biŋ, taŋ aôm gôjac mata naŋ, gêc ŋoc ŋalêlôm.   
\q1
\v 149 Ôkêŋ taŋam aê êtu nêm têmtac gêwiŋ teŋgeŋŋa.  
\q2 O Apômtau, ôkêŋ aê jamansaŋ aômnêm gôliŋ.   
\q1
\v 150 Lau taŋ têtim aê, mago sêkac tauŋ su aŋga aômnêm biŋsu naŋ,  
\q2 têdabiŋ aêgac.   
\q1
\v 151 Ma aôm Apômtau, tec gômoa aê ŋagala  
\q2 ma aômnêm biŋsu samob kêtu biŋŋanô.   
\q1
\v 152 Aê kajala biŋ, taŋ aôm kômasaŋ naŋ, wanêcgeŋ  
\q2 gebe aôm kômasaŋ gebe ênêc teŋgeŋŋa.   
\s1 Mec Apômtau ênam kêsiŋa  
\p
\v 153 Ôlic ŋoc ŋandaŋ ma ônam aê samaŋ  
\q2 gebe aê kaliŋ aômnêm biŋsu siŋ atom.   
\q1
\v 154 Ônam gôliŋ ŋoc biŋ ma ônam aê kêsi.  
\q2 Ojop aê jamoa matoc jali êtôm nêm biŋ, taŋ gôjac mata naŋ.   
\q1
\v 155 Aôm oc ônam lau alôb-alôb kêsi atom  
\q2 gebe êsêac sesom aômnêm biŋsu atom.   
\q1
\v 156 O Apômtau, aôm taêm walô lau kêlêlêc.  
\q2 Ojop aê jamoa matoc jali êtôm nêm biŋgêdêŋ.   
\q1
\v 157 Lau taêsam sêjanda aê to sêlêsu aê,  
\q2 mago aê gawi aômnêm biŋ, taŋ gôwa sa naŋ, siŋ atom.   
\q1
\v 158 Ŋoc ŋalêlôm gêbu lau-sêkêŋ-gêwiŋ-atomwaga  
\q2 gebe êsêac sêmasaŋ aômnêm biŋsu atom.   
\q1
\v 159 Ôlic aê, tec têtac gêwiŋ nêm jatu nec.  
\q2 Ojop aê jamoa matoc jali êtôm nêm têmtac gêwiŋ teŋgeŋŋa.   
\q1
\v 160 Aômnêm biŋ kêtu biŋŋanô anô tau.  
\q2 Aômnêm gôliŋ gêdêŋ samob oc ênêc endeŋ tôŋgeŋ.   
\s1 Ŋalêlôm samucgeŋ êndêŋ Apômtaunê biŋsu  
\b  
\q1
\v 161 Aê gajam kauc tauc ma kasêga sêlêsu aê,  
\q2 mago ŋoc ŋalêlôm kêtêc aômnêm biŋ tageŋ.   
\q1
\v 162 Aê katu samuc biŋ, taŋ aôm gôjac mata naŋ,  
\q2 kêtôm ŋac teŋ gêjac siŋ e kêtap awa taêsam sa.   
\q1
\v 163 Aê gadec to kakêŋ kisa biŋ dansaŋ  
\q2 ma têtac gêwiŋ aômnêm biŋsu tageŋ.   
\q1
\v 164 Aê aoc gêôc aôm kêtôm bêcgeŋ kêtu dim 7  
\q2 kêtu aômnêm gôliŋ gêdêŋŋa.   
\q1
\v 165 Lau taŋ têntac gêwiŋ nêm biŋsu naŋ, sêmoa tobiŋmalô ŋanô  
\q2 gebe gêŋ teŋ êŋgôm êsêac sembeŋ atomanô.   
\q1
\v 166 O Apômtau, aê kakêŋ matoc aôm gebe ônam aê sa  
\q2 ma kamasaŋ aômnêm biŋsugac.   
\q1
\v 167 Aêŋoc ŋalêlôm kêmasaŋ biŋ, taŋ gôwa sa naŋ, kêtu tôŋ  
\q2 ma têtac gêwiŋ kêlêlêc.   
\q1
\v 168 Aê kamasaŋ nêm jatu to biŋ, taŋ gôwa sa naŋ.  
\q2 Aôm kôjala aêŋoc lêŋ samob kêtu tôŋ.   
\s1 Mec Apômtau ênam saŋa  
\b  
\q1
\v 169 O Apômtau, ŋoc taŋi wacêsô aôm taŋamsuŋ.  
\q2 Ôwa ŋoc kauc sa êtôm nêm biŋ.   
\q1
\v 170 Ŋoc mec wacêsô aôm taŋamsuŋ  
\q2 ma ônam aê sa êtôm biŋ, taŋ gôjac mata naŋ.   
\q1
\v 171 Lanem oc êsêwa êsa aocsuŋ  
\q2 gebe aôm kôdôŋ nêm biŋsu gêdêŋ aê.   
\q1
\v 172 Imbeloc oc ênam wê êpi nêm biŋ  
\q2 gebe aômnêm biŋsu samob jagêdêŋ.   
\q1
\v 173 Ômansaŋ lêmam gebe ônam aê sa  
\q2 gebe aê kajala aômnêm jatu.   
\q1
\v 174 O Apômtau, aê gajam aoc su gebe ônam aê sa  
\q2 ma aômnêm biŋsu gêgôm aê têtac ŋajam kêsa.   
\q1
\v 175 Ojop aê jamoa matoc jali gebe jalanem aôm  
\q2 ma nêm gôliŋ ênam aê sa.   
\q1
\v 176 Aê gao sic amboac domba gêbôm, onsom nêm sakiŋwaga  
\q2 gebe aê kaliŋ aômnêm biŋsu siŋ atom.   
\c 120  
\s1 Apômtau ênam aê sa aŋga kalomtênanêŋ  
\q1
\v 1 Aê kapô lêna ma aoc gêjac Apômtau,  
\q2 tec eŋ kêkêŋ taŋa aê.   
\q1
\v 2 O Apômtau, ônam aê kêsi aŋga gêdôŋôlic dansaŋ  
\q2 ma aŋga imbeleŋ geo.   
\b  
\q1
\v 3 Aôm imbêlam geo,  
\q2 Ŋatau oc êkêŋ asageŋ êndêŋ aôm ma êŋgôm aôm amboac ondoc.   
\q1
\v 4 Oc êkêŋ siŋwaganê sôb bôjaŋ-bôjaŋ  
\q2 ma sôb tojalana.   
\q1
\v 5 Ijoc aêma, tec gaŋgôŋ Mesek,  
\q2 tec gaŋgôŋ Kedarnêŋ becobo.   
\q1
\v 6 Aê gaŋgôŋ gawiŋ lau,  
\q2 taŋ sêkêŋ kisa gêdêŋ biŋmalô naŋ kêtômgac.   
\q1
\v 7 Aê ŋac biŋmalôŋa, mago êndêŋ taŋ jasôm biŋ wamaŋa naŋ,  
\q2 êsêac sêndi êtu siŋŋa.   
\c 121  
\s1 Ŋac taŋ gejob Israel ŋaŋêŋ naŋ  
\q1
\v 1 Aê gaôc matocanô sa kêpi lôc.  
\q2 Ŋoc ênam-aê-sawaga mêŋêsa aŋga ondoc.   
\q1
\v 2 Apômtau taŋ kêkêŋ undambê to nom naŋ,  
\q2 oc ênam aê sa.   
\b  
\q1
\v 3 Eŋ oc êkêŋ amkaiŋ êka selelec atom.  
\q2 Ŋac taŋ gejob aôm naŋ, ênac tuluc atom.   
\b  
\q1
\v 4 Biŋŋanô, ŋac-gejob-Israelwaga  
\q2 gêjac tuluc to gêc bêc atom.   
\q1
\v 5 Apômtau kêtu nêm gejobwaga. Apômtau kêtu nêm ajuŋ,  
\q2 taŋ lêmam anôŋa kêsô ŋalabu naŋ,   
\q1
\v 6 gebe oc êpac aôm êndêŋ ocsalô atom,  
\q2 ma ajôŋ êpô aôm êndêŋ êmbêc atom.   
\b  
\q1
\v 7 Apômtau ejop aôm êndêŋ gêŋ sec samob,  
\q2 eŋ gejob aôm katôm.   
\q1
\v 8 Apômtau oc ejop aôm êndêŋ taŋ ôsa ôna ma ôsô ômôêŋ naŋ,  
\q2 galoc ma endeŋ tôŋgeŋ.   
\c 122  
\s1 Biŋmalô ênêc Jerusalem ŋamec  
\q1
\v 1 Aê gaŋô lau sêsôm gêdêŋ aê gebe “Tawê dandêŋ Apômtaunê andu tana”  
\q2 ma gêgôm aê têtac ŋajamanô.   
\q1
\v 2 O Jerusalem,  
\q2 galoc eŋkaiŋ kêka aômnêm sacgêdô tôŋgac.   
\b  
\q1
\v 3 O Jerusalem, sêkwê aôm sa kêtiam  
\q2 kêtôm malac, taŋ tuŋbôm kêpiŋ auc e ŋajaŋa naŋ.   
\q1
\v 4 Gôlôac to gôlôac sêpi gamêŋ tonaŋ  
\q2 Apômtau tau nê gôlôac sêpi-sêpi sêmoa  
\q1 êtôm eŋ kêjatu êsêac  
\q2 gebe sêlanem Apômtaunê ŋaê.   
\q1
\v 5 Aŋga tonaŋ tec tetoc lêpôŋ sêmêtôc biŋŋa kêkô,  
\q2 tetoc Dawidnê gôlôacnêŋ lêpôŋ kêkô.   
\q1
\v 6 Ateŋ mec êtu Jerusalem êtap biŋmalô saŋa.  
\q2 Êsêac taŋ têntac gêwiŋ aôm naŋ, sêmoa ŋajamgeŋ.   
\q1
\v 7 Wama ênêc nêm tuŋbôm ŋalêlôm  
\q2 ma biŋmalô ênêc nêm andu ŋalêlôm.   
\q1
\v 8 Aê gabe jasôm gebe “Biŋmalô êndêŋ aôm”  
\q2 êtu ŋoc lasitêwai to ŋoc ŋacŋa.   
\q1
\v 9 Aê gabe jateŋ moasiŋ êtu aômŋa,  
\q2 êtu Apômtau, aêacnêŋ Anôtônê anduŋa.  
\p \f + \fr 122:9 \ft Dawidnê teŋ.\f*   
\c 123  
\s1 Mec Apômtau taê walô aêacŋa  
\q1
\v 1 Aê jaôc matocanô sa wacêpi aôm.  
\q2 Matocanô endec undambê, taŋ gôjam gôliŋ gôŋgôŋ naŋ.   
\q1
\v 2 Aêac tatôm sakiŋwaga, taŋ mataanô êndêŋ nê ŋatau to sakiŋwagao, taŋ mataanô gêdêŋ nê ŋatauo,  
\q2 tec aêac mateŋanô êndêŋ Apômtau, aêacnêŋ Anôtô, e taê walô aêac.   
\q1
\v 3 O Apômtau, taêm walô aêac, taêm walô aêacmêŋ.  
\q2 Aêac aŋô lau sêbu aêac e kêmasê aêac sa.   
\q1
\v 4 Lau sêkêli tauŋ nêŋ pêlê to teŋbeleŋ aŋgeŋ nêŋ biŋ susu  
\q2 kêmasê aêac katuŋ sa kêlêlêc.   
\c 124  
\s1 Anôtô gêjam Israel sa, tec sêlambiŋ eŋ  
\q1
\v 1 Israel galoc sêsôm acgom gebe  
\q2 “Apômtau embe êmoa êwiŋ aêac atom, oc amboac ondoc.   
\q1
\v 2 Gêdêŋ taŋ ŋamalac dêdi sebe sênac aêac naŋ,  
\q2 Apômtau embe êmoa êwiŋ aêac atom,   
\q1
\v 3 oc têndaŋgôŋ aêac su tomateŋ jaligeŋ  
\q2 ma senseŋ aêac su êtu nêŋ têntac ŋandaŋ secanôŋa.   
\q1
\v 4 Bu ŋasamac oc epeŋ aêac lênsôŋ  
\q2 ma êc aêac su   
\q1
\v 5 e ŋasamac ŋakotoŋ-kotoŋ  
\q2 ênsaŋ aêac auc.”   
\b  
\q1
\v 6 Aêac aweŋ êôc Apômtau gebe gêsuŋ aêac dadêŋ ŋacjo luŋluŋ  
\q2 jakêkaku aêac popoc atom.   
\q1
\v 7 Aêac katuŋ gêwê sa kêtôm moc gêwê dibwaganê lakô sa.  
\q2 Lakô tau gêŋgic ma aêac tec tajam samuc.   
\q1
\v 8 Apômtau taŋ kêkêŋ undambê to nom naŋ,  
\q2 nê ŋaê oc ênam aêac sa.  
\p \f + \fr 124:8 \ft Dawidnê teŋ.\f*   
\c 125  
\s1 Anôtô kêtu nê lau Israel nêŋ lamu  
\q1
\v 1 Lau taŋ ôliŋ andaŋ Apômtau naŋ, têtôm lôc Sion,  
\q2 taŋ oc kôjô-kôjô atom, êkô ŋaŋêŋ endeŋ tôŋgeŋ naŋ.   
\q1
\v 2 Lôc kêgi Jerusalem auc ma Apômtau kêgi nê lau auc kêtôm tonaŋ.  
\q2 Gagôm gêdêŋ galoc ma oc endeŋ tôŋgeŋ.   
\q1
\v 3 Lau alôb-alôb sênam gôliŋ lau gêdêŋ nêŋ gamêŋ ŋapaŋ atom.  
\q2 Embe sêŋgôm, go lau gêdêŋ tauŋ oc sêŋgôm sec.   
\q1
\v 4 O Apômtau, ômoasiŋ lau ŋajam  
\q2 to êsêac, taŋ taŋeŋ wamu aômnêm jatu naŋ.   
\q1
\v 5 Ma êsêac, taŋ seo sic naŋ,  
\q2 Apômtau ôtiŋ êsêac su nasêwiŋ lau geowaga.  
\b  
\q1 O Israel, biŋmalô êndêŋ aômmaŋ.   
\c 126  
\s1 Sêjam daŋge kêtu Anôtô gêjac êsêac sa kêtiamŋa  
\q1
\v 1 Gêdêŋ taŋ Apômtau gêjam Sionnê gêŋwapac ôkwi naŋ,  
\q2 aêac asaê amboac aêc mêgeŋ.   
\q1
\v 2 Gêdêŋ tonaŋ aêac gêdôŋ ômac-ômacgeŋ  
\q2 ma imbeleŋ toôndugeŋ.   
\q1
\v 3 Biŋŋanô, Apômtau gêgôm gêŋsêga kêtu aêacŋa.  
\q2 Aêac ôliŋ kêpi ŋanô.   
\b  
\q1
\v 4 O Apômtau, ônam aêacma gêŋwapac ôkwi,  
\q2 amboac kom kêkêŋ bu kêsa ŋamaŋ kêtiam aŋga gamêŋ mula-mŋa.   
\q1
\v 5 Lau taŋ sêsê gêŋ tomateŋsulu naŋ,  
\q2 oc sêkôc ŋanô sa toôndugeŋ.   
\b  
\q1
\v 6 Ŋac taŋ kêbic mowê tomatasulugeŋ gêja gebe êsê naŋ,  
\q2 oc êmu êmêŋ tomolêpoaŋ ma totêtac ŋajamgeŋ.   
\c 127  
\s1 Anôtônê mec tageŋ ênam aêac sa  
\q1
\v 1 Apômtau embe êkwê andu atom,  
\q2 oc lau tauŋ sênam ŋakoleŋ elêmê.  
\q1 Apômtau embe ejop malac atom,  
\q2 oc keleŋwaga sênam jali êtôm atom.   
\q1
\v 2 Amac embe andi êndêŋ bêbêc kanucgeŋ  
\q2 ma anam kôm e êmbêcauc  
\q1 gebe atap gêŋ êôc amac tôŋŋa sa, oc aŋgôm elêmê.  
\q2 Ŋam gebe Anôtônê lau têtac gêwiŋ êsêacŋa têtap nêŋ gêŋ sa êndêŋ taŋ sênêc bêc naŋ.   
\b  
\q1
\v 3 Latuŋi têtu Anôtônê moasiŋ gêdêŋ aêac  
\q2 ma eŋ gêjam mec aêac ŋa gôlôac tau.   
\q1
\v 4 Lau matac latuŋi  
\q2 têtôm sôb, taŋ kêsêp siŋwaga lêma naŋ.   
\q1
\v 5 Aê aoc êôc ŋac,  
\q2 taŋ kêbic nê sôb tolagic-tolagic naŋ.  
\q1 Ŋac tonaŋ embe êmansaŋ nê biŋ êndêŋ nê soŋo-soŋo aŋga malac ŋasacgêdô,  
\q2 oc sêŋgôm eŋ maja êsa atom.  
\p \f + \fr 127:5 \ft Salomonê teŋ.\f*   
\c 128  
\s1 Taŋeŋ wamu Apômtau ŋagêjô  
\q1
\v 1 Aê aoc êôc ŋac, taŋ kêtêc Apômtau,  
\q2 taŋ kêsa ênê lêŋ gêmoa naŋ.   
\b  
\q1
\v 2 Aôm oc ôtap lêmam ŋakoleŋ ŋaŋanô sa.  
\q2 Ma aôm ôtu samuc ma ômoa ŋajamgeŋ.   
\q1
\v 3 Aômnêm awê êmoa nêm andu amboac m mamaloc,  
\q2 taŋ ŋalatu taêsam kêgi auc naŋ.  
\q1 Aômnêm ŋapalê têtôm nip kepeŋ  
\q2 kêgi nêm tebo auc.   
\q1
\v 4 Biŋŋanô, ŋac teŋ embe êtêc Apômtau,  
\q2 oc Apômtau ênam mec eŋ amboac tonaŋgeŋ.   
\b  
\q1
\v 5 Apômtau ênam mec aôm aŋga Sion  
\q2 gebe ôlic Jerusalem ŋamoasiŋ ênac matamanô ŋajam êtôm aômnêm têm ômoa matam jaliŋa,   
\q1
\v 6 ma ôlic nêm ŋapalênêŋ wakuc.  
\q2 O Israel, biŋmalô êndêŋ aômmaŋ.   
\c 129  
\s1 Israel sêôc gêŋwapac ma Apômtau gêjam êsêac sa  
\q1
\v 1 Israel embe êsôm nê biŋ teŋ, oc êsôm, nê biŋ tonec lasê gebe  
\q2 “Aê ŋapalêgeŋ ma sêlêsu aê ŋasec.   
\q1
\v 2 Biŋŋanô, aê ŋapalêgeŋ ma sêlêsu aê ŋasec,  
\q2 mago sêkôniŋ aê tôŋ atom.   
\q1
\v 3 Lau sakweŋtêna sêsêlê aê dêmôêctêkwa  
\q2 e popoc jamuŋ-jamuŋgeŋ,   
\q1
\v 4 mago ŋac gêdêŋ Apômtau gêdim lakô,  
\q2 taŋ lau sec sêwa su naŋ gêŋgic.”   
\b  
\q1
\v 5 Lau samob, taŋ têtac kêbôli auc kêtu Sionŋa naŋ,  
\q2 sênu tauŋ su tomajeŋgeŋ.   
\q1
\v 6 Oc têtôm gêgwaŋ, taŋ kêkô salôm eŋ, ŋaô naŋ,  
\q2 êtu kapôêŋ atom tageŋ ma êmêliŋ sebeŋ.   
\q1
\v 7 Ŋanô masi, tec ŋac teŋ ejoŋ sa atom  
\q2 ma teŋ ênac lagic gêŋ tau atomanô.   
\q1
\v 8 Ma ŋac teŋ, taŋ êsa intêna tonaŋ mêŋêlic gêŋ tau naŋ, oc êmôêc gebe “Apômtaunê moasiŋ êpi amac.  
\q2 Aêac ajam mec amac ajam Apômtau laŋô” nec atom.   
\c 130  
\s1 Mec Apômtau ênam aêac saŋa  
\q1
\v 1 O Apômtau, aê aoc gêjac aôm aŋga ŋakêlêndiŋ sec.   
\q1
\v 2 Apômtau, ôkêŋ taŋam aê aoc.  
\q2 Ôê taŋam ŋoc taŋiboa kapôêŋ.   
\q1
\v 3 O Apômtau, aôm embe ôê sec tôŋ,  
\q2 o Apômtau, asa oc êkô aôm laŋômnêm.   
\q1
\v 4 Mago aôm, tec kôsuc biŋ ôkwi,  
\q2 amboac tonaŋ tec têtêc aôm.   
\b  
\q1
\v 5 Aê gaôn Apômtau. noc katuc gêôŋ eŋ,  
\q2 tec kakêŋ matoc nê biŋ.   
\q1
\v 6 Ŋoc katuc gêôŋ Apômtau gêmoa,  
\q2 gêgôm kêlêlêc ŋac, taŋ gêdib gamêŋ gebe eleŋŋaŋa naŋ su. Gêgôm kêlêlêc dibwaga tonaŋ su biŋŋanôgoc.   
\b  
\q1
\v 7 Israel, ôkêŋ matam Apômtau  
\q2 gebe Apômtau kêtu têtac gêwiŋ teŋgeŋŋa ŋamôkê ma gêjam lau kêsi gêjac ŋawaegeŋ.   
\q1
\v 8 Ma eŋ oc ênam Israel kêsi  
\q2 aŋga nêŋ sec samob.  
\p \f + \fr 130:8 \ft Pesalem dambu tauŋŋa kêtu 6ŋa.\f*   
\c 131  
\s1 Oliŋ andaŋ Apômtauŋa  
\q1
\v 1 O Apômtau, aêŋoc ŋalêlôm kêkiaŋ tau sa atom  
\q2 ma matocanô ketoc tau sa atom.  
\q1 Aêŋoc ŋalêlôm taê kêka gêŋ,  
\q2 taŋ kapôêŋ kêlêlêc aê naŋ atom.   
\q1
\v 2 Masianô, aê kakôniŋ ŋoc ŋalêlôm tôŋ ŋaŋêŋgeŋ.  
\q2 Ŋoc ŋalêlôm ŋaŋêŋ kêtôm ŋapalê, taŋ jamaŋgeŋ gêsac têna lêma dambê naŋ.   
\q1
\v 3 O Israel, ôkêŋ matam Apômtau  
\q2 êndêŋ galoc ma endeŋ tôŋgeŋ.   
\s1 Dawidnê teŋ.  
\c 132  
\s1 Anôtô ênam mec gamêŋ dabuŋ  
\q1
\v 1 O Apômtau, taêm ênam Dawid  
\q2 to nê gêŋwapac samob.   
\q1
\v 2 Taêm ênam gebe eŋ kêtôc lêma gêdêŋ Apômtau  
\q2 ma gêjac mata biŋ gêdêŋ Jakobnê Anôtô ŋaclai gebe   
\q1
\v 3 “Aê gabe jasô ŋoc beclêlôm atom  
\q2 ma jasa tauc sic janêc ŋoc mê atom,   
\q1
\v 4 aê gabe matocanô ênam kauc bêc  
\q2 ma matoc êmôp êtu bêcŋa atom,   
\q1
\v 5 jamoa e jatap Apômtaunê mala teŋ sa  
\q2 ma jatap Jakobnê Anôtô ŋaclai nê andu teŋ sa acgom.”   
\b  
\q1
\v 6 Biŋŋanô, aêac aŋgôŋ Eprata ma aŋô andu tau ŋawae,  
\q2 go atap sa aŋga kôm Jarŋa.   
\q1
\v 7 Aêac asôm gebe “Ajôc, tasô ênê andu ŋalêlôm tana  
\q2 nadau tauŋ ma tateŋ mec tanêc ênê akaiŋ ŋataoŋ.”   
\b  
\q1
\v 8 O Apômtau, ôndi tonêm poac ŋakatapa ŋaclaiŋa  
\q2 ma ôna malam ôlêwaŋ taômŋa.   
\q1
\v 9 Aômnêm dabuŋwaga sêsô biŋgêdêŋ êtu nêŋ ŋakwê  
\q2 ma aômnêm lau mansaŋ sênam lasê totêntac ŋajamgeŋ.   
\b  
\q1
\v 10 Ôtiŋ nêm ŋac, taŋ goeŋ oso eŋ naŋ, su atom  
\q2 êtu nêm sakiŋwaga Dawidŋa.   
\q1
\v 11 Apômtau kêtôc lêma ma kêsôm nê biŋ kêtu tôŋ gêdêŋ Dawid.  
\q2 Eŋ kêsôm tobiŋŋanôgeŋ ma oc ênam ôkwi atom gebe  
\q1 “Aê gabe jakêŋ aôm taôm latôminêŋ teŋ  
\q2 êŋgôŋ aômnêm lêpôŋ.   
\q1
\v 12 Latômi embe sêmansaŋ aêŋoc poac  
\q2 to ŋoc biŋsu, taŋ jandôŋ êsêac naŋ,  
\q1 oc nêŋ wakuc sêŋgôŋ aômnêm lêpôŋ  
\q2 endeŋ tôŋgeŋ.”   
\b  
\q1
\v 13 Biŋŋanô, Apômtau kêjaliŋ Sion sa  
\q2 ma taê gêjam gebe êtu ênê andu.   
\q1
\v 14 Ma eŋ kêsôm gebe “Aê maloc jalêwaŋ tauc endeŋ tôŋgeŋŋa naŋ tonec.  
\q2 Aê taêc gêjam kêtu tôŋ tec jaŋgôŋ tonec.   
\q1
\v 15 Aê gabe janam mec êsêacnêŋ gêŋ êlêlêc su.  
\q2 Aê gabe jakêŋ mo êôc nêŋ lau ŋalêlôm sawa tôŋ.   
\q1
\v 16 Aê gabe jakêŋ moasiŋ êtu nêŋ dabuŋwaganêŋ ŋakwê.  
\q2 Êsêacnêŋ lau mansaŋ oc sênam lasê totêntac ŋajamgeŋ.   
\q1
\v 17 Aê gabe Dawidnê ŋaclai êpoa lasê aŋga tônê.  
\q2 Aê kamasaŋ aêŋoc ŋac, taŋ gaeŋ oso eŋ naŋ, nê jakaiŋ teŋ kêkô.   
\q1
\v 18 Aê jakêŋ majeŋ êtu ênê ŋacjonêŋ ŋakwê,  
\q2 mago eŋ êkuc sunsuŋ ŋaôsic-ôsic êŋgôŋ eŋ môkêapac.”   
\c 133  
\s1 Lasitêwai semoa sêwiŋ tauŋ ŋapep ŋabiŋ  
\q1
\v 1 Alicgac me, lasitêwai embe sêŋgôŋ sêwiŋ tauŋ,  
\q2 oc talic ŋakatu têtac êsa laŋgwageŋ.   
\q1
\v 2 Biŋ tonaŋ kêtôm niptêkwi ŋajamanô, taŋ sêkêc kêpi Aron môkêapac ma keseleŋ kêdaguc ênê êm,  
\q2 e jagêsac ênê ŋakwê gêsutêkwa.   
\q1
\v 3 Kêtôm maniŋ aŋga lôc Hermon,  
\q2 taŋ kêsêlô mêŋkêpi Sion naŋ,  
\q1 gebe gamêŋ tonaŋ Apômtau gêjam mec su  
\q2 gebe sêmoa mateŋ jali endeŋ tôŋgeŋ.  
\p \f + \fr 133:3 \ft Dawidnê teŋ.\f*   
\c 134  
\s1 Anôtônê sakiŋ gêbêcŋa ŋawê  
\q1
\v 1 Ajôc, Apômtaunê sakiŋwaga samob, taŋ akô Apômtaunê andu gêdêŋ gêbêc naŋ,  
\q2 alanem Apômtau.   
\q1
\v 2 Aôc lemem sa ateŋ mec akô gamêŋ dabuŋ  
\q2 ma alanem Apômtau.   
\q1
\v 3 Apômtau, taŋ kêkêŋ undambê to nom naŋ,  
\q2 ênam mec aôm aŋga Sion.   
\c 135  
\s1 Aweŋ êôc Apomtau  
\q1
\v 1 Aleluja.  
\b  
\q1 Awem êôc Apômtaunê ŋaê.  
\q2 Amac taŋ ajam sakiŋ Apômtau naŋ, alanem eŋ.   
\q1
\v 2 Amac taŋ akô Apômtaunê andulêlôm  
\q2 to akô aêacnêŋ Anôtônê andu ŋamalacluŋ naŋ,   
\q1
\v 3 awem êôc Apômtau, gebe Apômtau eŋ ŋac gabêjam.  
\q2 Anam wê êpi ênê ŋaê gebe eŋ têtac kêsa laŋgwageŋ.   
\q1
\v 4 Gebe Apômtau kêjaliŋ Jakob sa  
\q2 ma Israel kêtu ênê gêŋlênsêm.   
\b  
\q1
\v 5 Biŋŋanô, aê galicgac, Apômtau eŋ ŋac kapôêŋ  
\q2 ma aêacnêŋ Anôtô kêlêlêc anôtôi samob su.   
\q1
\v 6 Gêŋ samob, taŋ Apômtau têtac gêwiŋ aŋga undambê to nom ma aŋga gwêc to gêdimbobsêga samob naŋ,  
\q2 oc êŋgôm êtu tôŋ.   
\q1
\v 7 Eŋ tec gêwê tao aŋga gwêcm kêpi gêmêŋ  
\q2 ma kêkêŋ ôsic kêsêp kom ŋalêlôm ma kêkôc mu su aŋga nom ŋakêclêsu.   
\b  
\q1
\v 8 Eŋ tec gêjac Aiguptu nêŋ ŋamêc êndu,  
\q2 gêgôm gêdêŋ ŋamalac to bôc.   
\q1
\v 9 Aŋga tônê eŋ kêsakiŋ gêŋsêga to gêŋtalô  
\q2 gebe êmêtôc Parao to nê sakiŋwaga samob.   
\q1
\v 10 Eŋ tec geseŋ lau tomôkê-tomôkê taêsam  
\q2 ma gêjac nêŋ kiŋ toŋaclai êndu.   
\q1
\v 11 Amboac lau Amor nêŋ kiŋ Sihon ma Basan ŋakiŋ Og  
\q2 ma lau Kanaan nêŋ kiŋ toê-toê samob.   
\q1
\v 12 Ma eŋ kêkêŋ êsêacnêŋ gamêŋ  
\q2 gêdêŋ lau Israel sêwê kaiŋ.   
\b  
\q1
\v 13 O Apômtau, aôm nêm ŋaê oc ênêc teŋgeŋ.  
\q2 O Apômtau, nêm waem oc êsa êndêŋ gôlôac to gôlôac.   
\q1
\v 14 Gebe Apômtau kêwaka nê launêŋ biŋgêdêŋ sa  
\q2 ma taê walô nê sakiŋwaga.   
\q1
\v 15 Tenteŋlatunêŋ gwam ŋamalac lemeŋ sêgômŋa.  
\q2 Êsêac sêmasaŋ ŋa silber to gold.   
\q1
\v 16 Aweŋsuŋ gêc, mago sêsôm biŋ atom.  
\q2 Mateŋanô gêc, mago sêlic gamêŋ atom.   
\q1
\v 17 Taŋeŋsuŋ gêc, mago sêŋô biŋ atom  
\q2 ma sêsi aweŋ atom amboac tonaŋgeŋ.   
\q1
\v 18 Lau taŋ sêmasaŋ gêŋ tauwaga naŋ, oc têtôm nêŋ gêŋ tonaŋ  
\q2 ma lau samob, taŋ ôliŋ andaŋ naŋ, amboac tonaŋgeŋ.   
\b  
\q1
\v 19 O Israelnê gôlôac, alanem Apômtau.  
\q2 O Aronnê gôlôac, alanem Apômtau.   
\q1
\v 20 O Lewinê gôlôac, alanem Apômtau.  
\q2 Amac taŋ atêc Anôtô naŋ, alanem Apômtau.   
\q1
\v 21 Aweŋ êôc Apômtau aŋga Sion,  
\q2 ŋatau, taŋ gêŋgôŋ Jerusalem naŋ.  
\b  
\q1 Aleluja.   
\c 136  
\s1 Wê daŋgeŋa teŋ  
\q1
\v 1 Anam daŋge Apômtau gebe eŋ ŋac gabêjam.  
\q2 Biŋŋanô, ênê moasiŋ ênêc endeŋ tôŋgeŋ.   
\q1
\v 2 Anam daŋge anôtôinêŋ Anôtô.  
\q2 Biŋŋanô, ênê moasiŋ ênêc endeŋ tôŋgeŋ.   
\q1
\v 3 Anam daŋge apômtauinêŋ Apômtau.  
\q2 Biŋŋanô, ênê moasiŋ ênêc endeŋ tôŋgeŋ.   
\b  
\q1
\v 4 Eŋ gêgôm gêŋsêga.  
\q2 Biŋŋanô, ênê moasiŋ ênêc endeŋ tôŋgeŋ.   
\q1
\v 5 Eŋ kêkêŋ undambê tokaucgeŋ.  
\q2 Biŋŋanô, ênê moasiŋ ênêc endeŋ tôŋgeŋ.   
\q1
\v 6 Eŋ kêmasaŋ nom gêsac bu ŋaô.  
\q2 Biŋŋanô, ênê moasiŋ ênêc endeŋ tôŋgeŋ.   
\q1
\v 7 Eŋ kêkêŋ oc to ajôŋ.  
\q2 Biŋŋanô, ênê moasiŋ ênêc endeŋ tôŋgeŋ.   
\q1
\v 8 Eŋ kêkêŋ oc gebe êwê gamêŋ êndêŋ ocsalô.  
\q2 Biŋŋanô, ênê moasiŋ ênêc endeŋ tôŋgeŋ.   
\q1
\v 9 Eŋ kêkêŋ ajôŋ to utitalata gebe sêpô gamêŋ êndêŋ êmbêc.  
\q2 Biŋŋanô, ênê moasiŋ ênêc endeŋ tôŋgeŋ.   
\b  
\q1
\v 10 Eŋ gêjac Aiguptunêŋ ŋamêc êndu.  
\q2 Biŋŋanô, ênê moasiŋ ênêc endeŋ tôŋgeŋ.   
\q1
\v 11 Eŋ gêwê Israel sa aŋga Aiguptu.  
\q2 Biŋŋanô, ênê moasiŋ ênêc endeŋ tôŋgeŋ.   
\q1
\v 12 Eŋ gêgôm ŋa lêma ŋajaŋa ma gêôc lêmadambê sa.  
\q2 Biŋŋanô, ênê moasiŋ ênêc endeŋ tôŋgeŋ.   
\q1
\v 13 Eŋ gêwa Gwêckoc kêkôc gêja luagêc.  
\q2 Biŋŋanô, ênê moasiŋ ênêc endeŋ tôŋgeŋ.   
\q1
\v 14 Eŋ gêwê Israel sêsêp ŋalêlôm sêja.  
\q2 Biŋŋanô, ênê moasiŋ ênêc endeŋ tôŋgeŋ.   
\q1
\v 15 Eŋ kêtiŋ Parao to nê lausiŋ sêsêp Gwêckoc ŋalêlôm ma sênôm gwêc su.  
\q2 Biŋŋanô, ênê moasiŋ ênêc endeŋ tôŋgeŋ.   
\b  
\q1
\v 16 Eŋ gêwê nê lau sêmoa gamêŋ sawa.  
\q2 Biŋŋanô, ênê moasiŋ ênêc endeŋ tôŋgeŋ.   
\q1
\v 17 Eŋ gêjac kiŋ toŋaclai êndu.  
\q2 Biŋŋanô, ênê moasiŋ ênêc endeŋ tôŋgeŋ.   
\q1
\v 18 Ŋac tau, taŋ gêjac kiŋ towae êndu naŋ.  
\q2 Biŋŋanô, ênê moasiŋ ênêc endeŋ tôŋgeŋ.   
\q1
\v 19 Eŋ gêjac lau Amor nêŋ kiŋ Sihon êndu.  
\q2 Biŋŋanô, ênê moasiŋ ênêc endeŋ tôŋgeŋ.   
\q1
\v 20 Eŋ gêjac Basan ŋakiŋ Og êndu.  
\q2 Biŋŋanô, ênê moasiŋ ênêc endeŋ tôŋgeŋ.   
\q1
\v 21 Eŋ kêkêŋ lau tonaŋ ŋai nêŋ gamêŋ gêdêŋ nê lau sêwê kaiŋ.  
\q2 Biŋŋanô, ênê moasiŋ ênêc endeŋ tôŋgeŋ.   
\q1
\v 22 Eŋ kêkêŋ gamêŋ tau gêdêŋ nê sakiŋwaga Israel.  
\q2 Biŋŋanô, ênê moasiŋ ênêc endeŋ tôŋgeŋ.   
\b  
\q1
\v 23 Eŋ tec taê gêjam aêac gêdêŋ taŋ tapô lêna naŋ.  
\q2 Biŋŋanô, ênê moasiŋ ênêc endeŋ tôŋgeŋ.   
\q1
\v 24 Ma gêjam aêac kêsi aŋga lau, taŋ sêlêsu aêac naŋ.  
\q2 Biŋŋanô, ênê moasiŋ ênêc endeŋ tôŋgeŋ.   
\q1
\v 25 Eŋ gêlôm gêŋ taniŋŋa gêdêŋ gêŋ mateŋ jaliŋa samob.  
\q2 Biŋŋanô, ênê moasiŋ ênêc endeŋ tôŋgeŋ.   
\b  
\q1
\v 26 Anam daŋge êndêŋ undambê ŋatau Anôtô.  
\q2 Biŋŋanô, ênê moasiŋ ênêc endeŋ tôŋgeŋ.   
\c 137  
\s1 Lau taŋ sêŋgôŋ kapoacwalô aŋga Babel naŋ, nêŋ taŋiboa  
\q1
\v 1 Gêdêŋ taŋ aêac aŋgôŋ Babelnêŋ bu naŋ,  
\q2 aêac taêŋ gêjam Sion ma ataŋ.   
\q1
\v 2 Aêac akêŋ ma gêŋ wêŋa  
\q2 geŋ kaleŋ ka siuŋ, taŋ kêkô tonaŋ naŋ,   
\q1
\v 3 gebe lau, taŋ sêkôc aêac tôŋ naŋ,  
\q2 sêkac aêac gebe anam ma wê, ma lau, taŋ sêlêsu aêac naŋ,  
\q1 sêkac aêac gebe amoa toôndugeŋ ma sêsôm gebe  
\q2 “Anam nêm wê Sionŋa teŋ aêac aŋô.”   
\b  
\q1
\v 4 Mago aêacmêŋ oc anam Apômtaunê wê  
\q2 aŋga gamêŋ jaba amboac ondocgeŋ.   
\q1
\v 5 O Jerusalem, aê embe jaliŋ aôm siŋ,  
\q2 oc lemoc anôŋa êtu toŋ.   
\q1
\v 6 Aê embe taêc ênam aôm atom ma embe jatoc Jerusalem sa êlêlêc ŋoc gêŋ samob, taŋ gêgôm aê têtac ŋajam naŋ atom,  
\q2 oc imbeloc êsap lôcboam tôŋ.   
\b  
\q1
\v 7 O Apômtau, taêm ênam bêc, taŋ lau Edom sêgôm gêŋwapac  
\q2 gêdêŋ Jerusalem naŋ.  
\q1 Êsêac sêmôêc gedeŋ tôŋgeŋ gebe  
\q2 “Anseŋ êliŋ-êliŋ êsêp e êndêŋ nombaŋ.”   
\b  
\q1
\v 8 O Babel, aôm kalomtênao.  
\q2 Aêac aweŋ êôc ŋac, taŋ êkêŋ gêŋ, taŋ gôgôm gêdêŋ aêac naŋ, êmu wacêpi aôm êtiam.   
\q1
\v 9 Aêac aweŋ êôc ŋac, taŋ êôc nêm ŋapalê dedec sa  
\q2 ma êmakiŋ êsêac sêpi poc naŋ.   
\c 138  
\s1 Wê daŋgeŋa kêtu Anôtônê biŋ ŋaŋêŋŋa  
\q1
\v 1 O Apômtau, aê gabe janam daŋge aôm toŋoc ŋalêlôm samucgeŋ.  
\q2 Aê gabe jalambiŋ aôm êndêŋ anôtôi sêlic.   
\q1
\v 2 Aê gabe jateŋ mec êndêŋ aôm jakô nêm lôm dabuŋ ŋamagêŋa  
\q2 ma jalanem aômnêm ŋaê êtu nêm moasiŋ to biŋ ŋaŋêŋŋa  
\q1 gebe aôm kôwaka nêm ŋaê to biŋ, taŋ gôjac mata naŋ sa  
\q2 kêlêlêc ŋêŋgeŋ su.   
\q1
\v 3 Gêdêŋ taŋ aoc gêjac aôm naŋ, kôkêŋ taŋam aê.  
\q2 Ma kôpuc ŋoc ŋalêlôm tôŋ ŋa nêm ŋaclai kaiŋ teŋ.   
\b  
\q1
\v 4 O Apômtau, kiŋ samob aŋga nom embe sêŋô awamsuŋ ŋabiŋ  
\q2 oc sêlambiŋ aôm.   
\q1
\v 5 Êsêac oc sêŋga wê êpi Apômtaunê gôliŋ  
\q2 gebe Apômtaunê ŋawasi gêjam gamêŋ auc.   
\q1
\v 6 Apômtau kêtu ŋac towaegoc ma gêjam ŋac ŋalêlôm sawa sa  
\q2 ma kêjala lau-tetoc-tauŋ-sawaga, taŋ sêmoa jaêc eŋ naŋ, amboac tonaŋgeŋ.   
\b  
\q1
\v 7 Aê embe jamoa gêŋwapac ŋalêlôm,  
\q2 aôm oc ôpuc aê tôŋ jaŋgôŋ matoc jali.  
\q1 Aôm kôpuc ŋoc ŋacjo, taŋ têntac ŋandaŋ sec gêdêŋ aê naŋ sugeŋ  
\q2 ma nêm anôŋa gêjam aê sa.   
\q1
\v 8 Apômtau oc êŋgôm gêŋ, taŋ gêjac mata gêdêŋ aê naŋ ŋanô êsa.  
\q2 O Apômtau, nêm moasiŋ ênêc teŋgeŋ. Ônac dabiŋ kôm, taŋ gôjac m naŋ.  
\p \f + \fr 138:8 \ft Dawidnê teŋ.\f*   
\c 139  
\s1 Anôtô kêjala gêŋ samob e gêdêŋ ŋamadiŋ to gêmoa gamêŋ samob  
\q1
\v 1 O Apômtau, aôm gôbi ŋoc ŋalêlôm lêtêŋ e kôjala aê.   
\q1
\v 2 Aê embe jaŋgôŋ me jandi sa, oc ôjala.  
\q2 Aôm gômoa jaêc, mago kôjala biŋ, taŋ aê taêc gêjam naŋ.   
\q1
\v 3 Aôm gôlic aê kasêlêŋ me gaêc  
\q2 ma kôjala aêŋoc lêŋ e tomalageŋ samob.   
\q1
\v 4 Ŋalô teŋ ênsac imbeloc atom tageŋ  
\q2 ma aôm Apômtau oc ôjala kwanaŋgeŋ.   
\q1
\v 5 Aôm kôpiŋ aê auc aŋga muŋa ma nêm ŋa  
\q2 ma gu lêmam gêsac môkêcapac.   
\q1
\v 6 Aê kasaê biŋ tonaŋ kaiŋ teŋ ŋanô  
\q2 kêlêlêc aêŋoc kauc su, tec kajala atom.   
\b  
\q1
\v 7 Nêm Ŋalau gêmoa ma aê oc jasa ondoc  
\q2 ma aê oc jaêc jamu ondocŋa gebe ôlic aê atom.   
\q1
\v 8 Aê embe japi undambê jawac, oc jatap aôm sa.  
\q2 Ma embe jaja ŋoc mê ênêc lamboam, oc jatap aôm sa.   
\q1
\v 9 Aê embe jalôp jandêŋ gamêŋ oc kêpiŋa  
\q2 ma najalêwaŋ jaŋgôŋ gamêŋ oc kêsêpŋa jana,   
\q1
\v 10 oc lêmam êwê aê aŋga ônê  
\q2 ma ôsip aê sa ŋa nêm anôŋa.   
\q1
\v 11 Ma aê embe jasôm gebe gêsuŋbôm êkôm aê auc samucgeŋ  
\q2 ma ŋawê, taŋ kêpô aê naŋ, ênam kesec,   
\q1
\v 12 mago aôm oc ôlic ŋakesec amboac ŋakesec atom.  
\q2 Ôlic gêbêcauc amboac eleŋŋa ma ŋakesec amboac ŋawê.   
\b  
\q1
\v 13 Aôm taômgeŋ tec kôkêŋ aêŋoc ŋalêlôm  
\q2 ma kôlêsôb aê aŋga tinoc têtaclêlôm.   
\q1
\v 14 Aê gajam daŋge aôm gebe kôkêŋ aê ŋamêtê kaiŋ teŋ.  
\q2 Aêŋoc katuc kêjala gebe aômnêm gêŋ, taŋ gôgôm naŋ, kêtu gêŋsêga kaiŋ teŋ.   
\q1
\v 15 Aôm kôjala ŋoc ŋatêkwa ŋasec-ŋasec samob  
\q2 gêdêŋ taŋ kôkêŋ aê kelec-kelec kôsiŋgeŋ ma kôlêsôb aê aŋga tinoc têtaclêlôm.   
\q1
\v 16 Matamanô gôlic aê gêdêŋ taŋ aê ŋanô kêsa atomgeŋ ma koto ŋoc bêc, taŋ taêm gêjam gebe jaŋgôŋŋa naŋ, gêc nêm buku kwanaŋgeŋ.  
\q2 Gôgôm gêmuŋ kêsêp ŋasawa, naŋ ŋoc bêc teŋ mêŋkêsa atomanô naŋ.   
\q1
\v 17 O Anôtô, biŋ taŋ aôm taêm gêjam naŋ, ŋawapac, oc jajala amboac ondoc.  
\q2 Gêŋ tonaŋ taêsam e ŋalêlêma atom.   
\q1
\v 18 Aê embe jasa sa, oc jalic êlêlêc gaŋac su.  
\q2 Aê embe janêc e guluŋ jandi, naŋ jatap aôm sa.   
\b  
\q1
\v 19 O Anôtô, ônac alôb-alôbwaga êndumaŋ  
\q2 ma ôkêŋ lau, taŋ sêwê kaiŋ dec naŋ, sêc su aŋga aêŋoc.   
\q1
\v 20 Lau tonaŋ tec sêkiaŋ tauŋ sa ma sêsôm biŋ alôb-alôb kêpi aôm  
\q2 ma sêgôm aômnêm ŋaê kêtu meloc.   
\q1
\v 21 O Apômtau, aê oc jakêŋ kisa êndêŋ lau, taŋ sêkêŋ kisa gêdêŋ aôm naŋ, atom me.  
\q2 Ma janam laŋôcanô ôkwi êndêŋ lau, taŋ sêli tauŋ sa gêdêŋ aôm naŋ, atom me.   
\q1
\v 22 Biŋŋanô, aê kakêŋ kisa gêdêŋ êsêac ŋajaŋa,  
\q2 galic êsêac têtu ŋoc ŋacjo.   
\b  
\q1
\v 23 O Anôtô, ômbi aê lêtêŋ e ôjala ŋoc ŋalêlôm.  
\q2 Ônsaê aê to ôjala gêŋ, taŋ taêc gêjam naŋ.   
\q1
\v 24 Ma embe ôlic aê jasa lêŋ dansaŋ jamoa,  
\q2 naŋ ôwê aê jasa lêŋ ŋaŋêŋŋa.  
\p \f + \fr 139:24 \ft Dawidnê pesalem teŋ.\f*   
\c 140  
\s1 Mec êtu Anôtô ênam aêac saŋa  
\q1
\v 1 O Apômtau, ônam aê kêsi êndêŋ lau sec  
\q2 ma ojop aê êndêŋ lau toŋaclai.   
\q1
\v 2 Lau tonaŋ taêŋ gêjam biŋ sec gêc nêŋ ŋalêlôm  
\q2 ma sêkalom kisa kêtôm bêcgeŋ.   
\q1
\v 3 Êsêacnêŋ imbeleŋ ŋamata kêtôm moac wêmnê.  
\q2 Moac ŋamalic gêc kêsa paŋ gêdôŋôlicgeŋ.   
\b  
\q1
\v 4 O Apômtau, ojop aê êndêŋ lau alôb-alôb lemeŋ.  
\q2 Ônam jaom aê êndêŋ lau toŋaclai, taŋ sêkic biŋ sebe senseŋ aê naŋ.   
\q1
\v 5 Tetoc-tauŋ-sawaga sêwa lakô kêtu aêŋa.  
\q2 Êsêac sêkic uc gêjac intênataligeŋ ma sêwa lip kêtu aêŋa gebe ênac aê.   
\b  
\q1
\v 6 Aê kasôm gêdêŋ Apômtau gebe “Ŋoc Anôtô aôm.”  
\q2 O Apômtau, ôkêŋ taŋam ŋoc taŋi kapôêŋ   
\b  
\q1
\v 7 O Apômtau, ŋoc Anôtô, ŋoc ŋac, taŋ gôjam aê sa ŋajaŋa naŋ.  
\q2 Aôm kôtu ŋoc lamu gêdêŋ noc siŋŋa.   
\q1
\v 8 O Apômtau, ôkêŋ biŋ, taŋ lau alôb-alôb taêŋ gêjam to kêkac êsêac naŋ, ŋanô êsa atom.  
\q2 Onseŋ biŋ, taŋ sêkic kêtu aêŋa naŋ su.   
\b  
\q1
\v 9 Ôkêŋ ŋoc ŋacjo sêku aê tulu atom  
\q2 ma biŋ, taŋ sêkic kêtu aêŋa naŋ, êpi êsêac tauŋ.   
\q1
\v 10 Eŋ êkêŋ ŋalana ênsêlô êpi êsêac tauŋ.  
\q2 Eŋ êtiŋ êsêac sêsêp sêlêlôm sêna e dêndi sa êtiam atom.   
\q1
\v 11 Ŋac-gêga-biŋwaga oc êmoa naeo.  
\q2 Ma gêŋwapac oc epeŋ ŋac toŋaclai sec naŋ, piŋpoap-piŋpoap e ênaŋa.   
\b  
\q1
\v 12 Aê galicgac gebe Apômtau oc êmansaŋ lau sêŋgôŋ jageo nêŋ biŋ  
\q2 to êmansaŋ lau ŋalêlôm sawa nêŋ biŋ.   
\q1
\v 13 Biŋŋanô, lau gêdêŋ oc sênam daŋge êtu aômnêm ŋaêŋa.  
\q2 Lau gêdêŋ oc sêŋgôŋ sêwiŋ aôm.  
\p \f + \fr 140:13 \ft Dawidnê pesalem teŋ.\f*   
\c 141  
\s1 Mec kêtulaŋa teŋ  
\q1
\v 1 O Apômtau, aê aoc gêjac aôm ôkac taômgeŋ ôndêŋ aê ômôêŋ.  
\q2 Embe jamôêc aôm, naŋ ôkêŋ taŋam ŋoc aoc.   
\q1
\v 2 Ôlic ŋoc mec êtôm gasôb jadauŋ gêdêŋ aôm.  
\q2 Ôlic jaôc lemoc sa êtu da êtulaŋa.   
\b  
\q1
\v 3 O Apômtau, ôkêŋ aocsuŋ ŋadibwaga teŋ  
\q2 ma ôkêŋ gêdôcôlic ŋakatam ŋagejobwaga teŋ.   
\q1
\v 4 Ôkêŋ ŋoc ŋalêlôm ewec êndêŋ gêŋ sec  
\q2 gebe jaŋgôm gêŋ alôb-alôb atom.   
\b  
\q1
\v 5 Ŋac gêdêŋ teŋ embe ênac aê me êlêŋ biŋ aê, naŋ jajala gebe oc têtac gêwiŋ aê,  
\q2 mago aê janac jao gebe lau sec nêŋ teŋ êniŋ oso môkêcapac atomanô gebe kateŋ mec gedeŋ tôŋgeŋ gebe Apômtau epeŋ êsêacnêŋ kisa su.   
\q1
\v 6 Embe sêmbaliŋ nêŋ mêtôcwaga sêsêp pocsagiŋ,  
\q2 lau oc sêjala gebe Apômtaunê biŋ biŋŋanô.   
\q1
\v 7 Eŋ kêpalip êsêacnêŋ ŋatêkwa jatotoŋ-totoŋ sêc gêdêŋ lamboam ŋagêsuŋawa,  
\q2 kêtôm poc, taŋ têtuc kêkôc e popoc-popocgeŋ gêc intêna naŋ.   
\b  
\q1
\v 8 Matoc êndiŋ aôm, Apômtau ŋoc Anôtô. Aê gabe jaê lamu aôm.  
\q2 Amboac tonaŋ ôwi ŋoc katuc siŋ gebe janaŋa atom.   
\q1
\v 9 Ojop aê êndêŋ lakô, taŋ sêwa kêtu aêŋa naŋ,  
\q2 ma êndêŋ lau secwaga nêŋ lip amboac tonaŋ.   
\q1
\v 10 Ôkêŋ lau, taŋ sêkac tauŋ su naŋ, sêwê tauŋ nêŋ uc  
\q2 ma aê jao gala jana.  
\p \f + \fr 141:10 \ft Dawidnê pesalem teŋ.\f*   
\c 142  
\s1 Anôtô ênam aêac sa aŋga gêŋwapac ŋalêlôm ŋamec  
\q1
\v 1 Aê aoc gêjac Apômtau kapôêŋgeŋ,  
\q2 gamôêc kapôêŋ gêdêŋ Apômtau.   
\q1
\v 2 Aê kasêwa ŋoc taŋi gêc eŋ laŋônêmŋa,  
\q2 kasôm ŋoc gêŋwapac lasê gêdêŋ eŋ.   
\q1
\v 3 Gêdêŋ taŋ ŋoc ŋalêlôm ŋagogo naŋ,  
\q2 mago aôm kôjala lêŋ, taŋ aê kasa naŋ.  
\q1 Sêwa lakô kelecgeŋ  
\q2 gêc ŋoc intêna, taŋ kasa naŋ.   
\q1
\v 4 Aê matoc geso gêmu anôŋa,  
\q2 mago katap ŋac teŋ gebe ênam aê saŋa sa atom.  
\q1 Aê gabe jaê lamu gêŋ teŋ, mago katap sa atomanô  
\q2 ma ŋac teŋ gebe ênam aê saŋa gêmoa atomanô.   
\b  
\q1
\v 5 O Apômtau, aê aoc gêjac aôm.  
\q2 Aê kasôm gebe ŋoc lamu aôm to ŋoc gêŋlênsêm, taŋ gawê kaiŋ aŋga lau mateŋ jali nêŋ gamêŋ naŋ.   
\q1
\v 6 Ojae, ôŋô ŋoc taŋiboamaŋ gebe aê katuc gêbac su.  
\q2 Ônam aê kêsi aŋga lau, taŋ sêlêsu aê naŋ, gebe nêŋ ôliŋ walô kêlêlêc aê su.   
\q1
\v 7 Wê aê sa aŋga kapoacwalô  
\q2 gebe jalanem aômnêm ŋaê.  
\q1 Aôm embe ômoasiŋ aê,  
\q2 oc lau gêdêŋ sêkac sa sêwiŋ aê.  
\p gêŋgôŋ poclabu naŋ. \f + \fr 142:7 \ft Dawid gêga wê tonaŋ gêdêŋ taŋ\f*   
\c 143  
\s1 Embe ôliŋ to katuŋ êŋgôŋ naeo, naŋ aweŋ ênac Anôtô  
\q1
\v 1 O Apômtau, ôŋô ŋoc mec ma ôê taŋam ŋoc taŋi.  
\q2 Aôm ŋac tobiŋ ŋaŋêŋ, ôkêŋ taŋam aê êtu nêm biŋgêdêŋŋa.   
\q1
\v 2 Ôkic nêm sakiŋwaga nê biŋ atom  
\q2 gebe aôm ôlic ŋamalac mata jali teŋ êtôm ŋac gêdêŋ atom.   
\b  
\q1
\v 3 Ojae, ŋacjo tau kêjanda katuc.  
\q2 Eŋ kêku aê tulu jagaêc nom ma aê katôm êsêac, taŋ sêmac êndu su naŋ.   
\q1
\v 4 Aêŋoc katuc ôluŋ-ôluŋgeŋ  
\q2 e ŋoc ŋalêlôm kêtu toŋ aŋga ŋoc waŋlêlôm.   
\b  
\q1
\v 5 Aê taêc gêjam têm gêmuŋ andaŋgeŋŋa ma taêc gêjam aômnêm lêmam ŋakôm samob, taŋ gôgôm naŋ.  
\q2 Taêc gêjam jakêsêp aômnêm gôliŋ samob.   
\q1
\v 6 Aê galam lemoc ma kateŋ mec gêdêŋ aôm.  
\q2 Aêŋoc katuc gêjam awa su aôm kêtôm nom ŋakeleŋ kêsê awa gebe kom ênac.   
\b  
\q1
\v 7 O Apômtau, ôkac taômgeŋ mêŋôkêŋ taŋam aê.  
\q2 Ŋoc ŋalêlôm kêtu dambê-dambê su gebe janaŋa.  
\q1 Ônsaŋ laŋômanô auc êndêŋ aê atom  
\q2 gebe jatôm êsêac, taŋ sê su sêsêp sêlêlôm sêja naŋ atom.   
\q1
\v 8 Ôkêŋ aê jaŋô aômnêm têmtac gêwiŋ teŋgeŋŋa ŋawae êndêŋ eleŋŋa  
\q2 gebe aê taêc kêka aôm.  
\q1 Ôtôc intêna, taŋ gobe aê jasa naŋ, êndêŋ aê  
\q2 gebe jasuŋ ŋoc katuc sa êndêŋ aôm êwac.   
\b  
\q1
\v 9 O Apômtau, ônam aê kêsi êndêŋ ŋoc ŋacjo.  
\q2 Aê jandêŋ aôm wacjaê lamu aôm.   
\q1
\v 10 Ôndôŋ aê jaŋgôm ŋoc gêŋ êtôm aôm gôlic ŋajam gebe aêŋoc Anôtô aôm.  
\q2 Aômnêm Ŋalau ŋajam êwê aê jasa lêŋ ŋaŋêŋ.   
\b  
\q1
\v 11 O Apômtau, ôpuc aê tôŋ jaŋgôŋ matoc jali êtu aômnêm ŋaêŋa.  
\q2 Ônam aê sa aŋga gêŋwapac êtu aômnêm biŋgêdêŋŋa.   
\q1
\v 12 Onseŋ ŋoc ŋacjo su ma ômoasiŋ aê ma onsoc samob, taŋ sêlêsu aê naŋ,  
\q2 gebe nêm sakiŋwaga aê. \f + \fr 143:12 \ft Dawidnê pesalem teŋ.\f*   
\c 144  
\s1 Aweŋ gêôc Anôtô ŋamec. Moasiŋ gêjam Israel auc  
\q1
\v 1 Aê aoc gêôc Apômtau, taŋ kêtu ŋoc tuŋtêna naŋ.  
\q2 Eŋ tec kêdôŋ lemoc gebe janac siŋ ŋajaŋa ma lemoclatu gebe janac siŋ ŋajaŋa.   
\q1
\v 2 Eŋ tec kêtu ŋoc balaŋ ma ŋoc tuŋtêna to ŋoc kêsiwaga. Eŋ tec kêtu ŋoc lautuc to ŋoc lamu.  
\q2 Eŋ kêkêŋ tenteŋlatu sêsô aê ŋalabu.   
\b  
\q1
\v 3 O Apômtau, ŋamalac kêtôm asageŋ, tec aôm matam gêdiŋ eŋ  
\q2 ma ŋamalac latu tonec kêtôm asageŋ, tec aôm taêm gêjam eŋ nec.   
\q1
\v 4 Ŋamalac kêtôm awajaô  
\q2 ma ênê bêc kêtôm gêŋ ŋajaô-jaô.   
\b  
\q1
\v 5 O Apômtau, ôwê nêm undambê sa ma ôsêp ômôêŋ  
\q2 ma ômoasac lôc gebe jadauŋ êsa.   
\q1
\v 6 Ôpalip ôsic mêŋenseŋ êsêac êliŋ-êliŋ.  
\q2 Ôpê nêm sôb ma onsoc êsêac sêc sêna.   
\q1
\v 7 Ômêtôc lêmam aŋga lôlôc mêŋôjaŋgo aê su  
\q2 ma ônam aê sa aŋga ŋasamac kapôêŋ aŋga lau jaba lemeŋ.   
\q1
\v 8 Lau tonaŋ gêdôŋôlic sêsôm biŋ dansaŋ  
\q2 ma nêŋ anôŋa kêtôc gêŋ geo.   
\b  
\q1
\v 9 O Anôtô, aê gabe jaŋga wê wakuc teŋ êpi aôm  
\q2 ma jaŋgôm gêŋ wêŋa toŋagam lemelu êtaŋ ma janam wê êndêŋ aôm.   
\q1
\v 10 Aôm kôpuc kiŋ tôŋ e sêku ŋacjo tulu.  
\q2 Aôm kôjaŋgo nêm sakiŋwaga Dawid su aŋga siŋ ŋaclai.   
\q1
\v 11 Ônam aê sa ma ôjaŋgo aê su aŋga lau jaba lemeŋ.  
\q2 Aŋga lau, taŋ gêdôŋôlic sêsôm biŋ dansaŋ to nêŋ anôŋa têtôc geo naŋ.   
\b  
\q1
\v 12 Aêac latuŋi lau matac têtôm ka baliŋ  
\q2 ma aêac latuŋio têtôm andu ŋajam-ŋajam ŋaalê poc, taŋ sepeŋ ŋatalô naŋ.   
\q1
\v 13 Aêacma andu moŋa gêlôc laŋgwageŋ  
\q2 ma aŋgôŋ gêŋmasê ŋaô gedeŋ tôŋgeŋ.  
\q1 Aêacma domba sêsu ŋalatu tausen to tausen  
\q2 ma tentausen to tentausen seŋ gêŋ sêmoa oba.   
\q1
\v 14 Aêacma bulimakao sêsu ŋalatu taêsam ma gêŋwapac kêtap sa to sêjam ŋalatu su atom.  
\q2 Lau sêŋgôŋ sênam aucgeŋ, mago taŋiboa ênêc nêŋ malacluŋ atom.   
\b  
\q1
\v 15 Aê aoc êôc lau, taŋ sêmoa kêtôm biŋ, tec tasôm su nec.  
\q2 Aê aoc êôc lau, taŋ Apômtau kêtu nêŋ Anôtô naŋ.  
\p \f + \fr 144:15 \ft Dawidnê teŋ.\f*   
\c 145  
\s1 Talanem Apômtau êtu nê moasiŋ to ŋaclaiŋa  
\q1
\v 1 O ŋoc kiŋ Anôtô, aê gabe jatoc aôm sa  
\q2 ma jalanem nêm ŋaê endeŋ tôŋgeŋ.   
\q1
\v 2 Aê gabe jalanem aôm êtôm bêcgeŋ  
\q2 ma aoc êôc nêm ŋaê endeŋ tôŋgeŋ.   
\q1
\v 3 Apômtau eŋ ŋac kapôêŋ, tec talanem eŋ ŋanômaŋ.  
\q2 Aêac ŋamalac oc tapuc ênê ŋam natatôm atom.   
\b  
\q1
\v 4 Gôlôac teŋ sêlanem aômnêm koleŋ êndêŋ gôlôac teŋ sêŋô  
\q2 ma sêsôm aômnêm ŋaclai ŋagêŋsêga lasê.   
\q1
\v 5 Êsêac oc sêsôm aômnêm ŋawasi to waem kiŋŋa lasê,  
\q2 ma aê gabe jaŋga wê êpi nêm gêŋsêga.   
\q1
\v 6 Lau oc sêsôm aômnêm gêŋsêga ŋaŋaclai lasê  
\q2 ma aê gabe jawa aômnêm waem kapôêŋ sa.   
\q1
\v 7 Lau oc sênac aômnêm moasiŋ teŋgeŋŋa ŋamiŋ  
\q2 to têtu samuc aômnêm biŋgêdêŋ toôndugeŋ.   
\q1
\v 8 Apômtau eŋ ŋac moasiŋ to taê walô ŋam.  
\q2 Eŋ gêbiŋ tôŋ ma têtac gêwiŋ teŋgeŋŋa gêjam eŋ auc.   
\q1
\v 9 Apômtau eŋ ŋajam gêdêŋ ŋamalac samob  
\q2 ma eŋ taê labu gêŋ samob, taŋ kêkêŋ naŋ.   
\b  
\q1
\v 10 O Apômtau, gêŋ samob, taŋ kôkêŋ naŋ, sênam daŋge aôm.  
\q2 Ma nêm lau mansaŋ sêlanem aôm.   
\q1
\v 11 Êsêac oc sêsôm aômnêm gamêŋ kiŋŋa ŋawae lasê  
\q2 ma sênac aômnêm ŋaclai ŋamiŋ   
\q1
\v 12 gebe ŋamalacnêŋ latuŋi sêŋô aômnêm gêŋsêga  
\q2 to aômnêm gamêŋ kiŋŋa ŋawasi ŋanô ŋawae.   
\q1
\v 13 Aômnêm gamêŋ kiŋŋa ênêc teŋgeŋ  
\q2 ma ônam gôliŋ gôlôac to gôlôac ŋêŋgen êna.  
\b  
\q1 Apômtau gêgôm nê biŋ samob ŋanô kêsa  
\q2 ma nê koleŋ samob gêwa ênê têtac gêwiŋ sa.   
\q1
\v 14 Apômtau kêpuc lau samob, taŋ sebeŋ naŋ tôŋ  
\q2 ma gêjac êsêac samob, taŋ sêŋgôŋ sêpô dêducgeŋ naŋ sa.   
\b  
\q1
\v 15 Lau samob mateŋ gêdiŋ aôm  
\q2 ma aôm kôkêŋ êsêacnêŋ mo gêdêŋ ŋanoc.   
\q1
\v 16 Aôm kôlaiŋ lêmamtapa ma gôlôm gêŋ mateŋ jali samob  
\q2 e gêôc êsêac tôŋ.   
\b  
\q1
\v 17 Apômtau gêgôm nê gêŋ samob gêdêŋgeŋ  
\q2 ma gêgôm nê gêŋ samob tomoasiŋgeŋ.   
\q1
\v 18 Apômtau gêmoa êsêac, taŋ aweŋ gêjac eŋ naŋ ŋagala  
\q2 ma gêwiŋ êsêac samob, taŋ aweŋ gêjac eŋ toŋanôgeŋ naŋ.   
\q1
\v 19 Eŋ gêjam êsêac, taŋ têtêc eŋ naŋ, nêŋ sêpô lêna sa  
\q2 to gêŋô êsêacnêŋ taŋiboa ma kêpuc êsêac tôŋ.   
\q1
\v 20 Apômtau gejob êsêac samob, taŋ têntac gêwiŋ eŋ naŋ,  
\q2 ma oc enseŋ lau alôb-alôb samob su.   
\b  
\q1
\v 21 Aoc êôc Apômtaunê wae  
\q2 ma lau nomŋa samob sêlanem ênê ŋaê dabuŋ teŋgeŋ ma teŋgeŋ.  
\p \f + \fr 145:21 \ft Dawidnê wê lanemŋa teŋ.\f*   
\c 146  
\s1 Talanem Apômtau êtu ênê kôm gêdêŋŋa  
\q1
\v 1 Aleluja.  
\q2 O katuc tau, ôlanem Apômtau.   
\q1
\v 2 Aê gabe jalanem Apômtau êtôm ŋoc bêc samob, taŋ gaŋgôŋ matoc jali naŋ,  
\q2 ma gabe janam wê êndêŋ ŋoc Anôtô êtôm ŋoc têm, taŋ jamoa nom naŋ.   
\b  
\q1
\v 3 Taêm êka laumata to ŋamalac teŋ  
\q2 gebe êsêac têtôm gebe sênam lau sa atom.   
\q1
\v 4 Aweŋjaô embe ênac pep, oc têtu kekop êtiam  
\q2 ma nêŋ biŋ, taŋ taêŋ gêjam naŋ, oc ênac pep amboac tonaŋgeŋ.   
\b  
\q1
\v 5 Aê aoc êôc ŋac, taŋ Jakobnê Anôtô gêjam eŋ sa  
\q2 ma kêkêŋ mata Apômtau Anôtôgeŋ naŋ.   
\q1
\v 6 Ŋac tonaŋ tec kêkêŋ undambê to nom ma gwêc to ŋagêŋlêlôm samob.  
\q2 Eŋ ŋac ŋaŋêŋ endeŋ tôŋgeŋ.   
\q1
\v 7 Ênê mêtôc gêdêŋ gêjam êsêac, taŋ lau sêkôniŋ êsêac tôŋ naŋ sa  
\q2 ma gêlôm êsêac, taŋ mo gêjô êsêac naŋ. Apômtau kêgaboac lau kapoacwalôŋa su.   
\q1
\v 8 Apômtau kêkêŋ mateŋpec sêlic gamêŋ kêtiam ma kêsa lau, taŋ sêpô dêducgeŋ naŋ sa.  
\q2 Apômtau têtac gêwiŋ lau gêdêŋ.   
\q1
\v 9 Apômtau gejob lau jaba ma gêjam awêtuc to mosêbu sa.  
\q2 Mago eŋ geseŋ lau alôb-alôb nêŋ intêna su.   
\q1
\v 10 Apômtau eŋ kiŋ teŋgeŋŋa.  
\q2 O Sion, aômnêm Anôtô ênam gôliŋ endeŋ tôŋgeŋ.  
\p \f + \fr 146:10 \ft Aleluja.\f*   
\c 147  
\s1 Anôtô kêtu ŋaclai to moasiŋ ma mêtê ŋatau ŋamôkê  
\q1
\v 1 Aleluja.  
\b  
\q1 Alanem Apômtau gebe tanam wê êndêŋ aêacnêŋ Apômtau tonec gêŋ ŋajam.  
\q2 Lambiŋ tonaŋ ŋajam ma jagêdêŋ.   
\q1
\v 2 Apômtau kêkwê Jerusalem sa kêtiam.  
\q2 Eŋ gêjac Israel latuŋi, taŋ sêmoa saliŋ-saliŋ naŋ sa.   
\q1
\v 3 Eŋ kêmoasiŋ êsêac, taŋ ŋalêlôm popoc naŋ,  
\q2 ma kêsabaŋ êsêacnêŋ kamoc ŋandaŋ.   
\b  
\q1
\v 4 Eŋ kêkêŋ utitalata kêtôm tau taê gêjam  
\q2 ma kêsam êsêacnêŋ ŋaê samob tomalageŋ.   
\q1
\v 5 Aêacnêŋ Apômtau eŋ ŋac kapôêŋ to ŋaclaisêga.  
\q2 Ênê mêtê ŋadôŋ gêc atomanô.   
\q1
\v 6 Apômtau gêjam lau ŋasec sa  
\q2 ma kêtiŋ alôb-alôbwaga piŋpaŋ jasêc nom.   
\b  
\q1
\v 7 Apuc Apômtaunê wê daŋgeŋa sa.  
\q2 Aŋgôm gêŋ wêŋa êtaŋ êndêŋ aêacnêŋ Anôtô.   
\q1
\v 8 Eŋ kêkêŋ tao gêsac umboŋ  
\q2 ma kêkêŋ kom kêmalôm nom to kêkêŋ gêgwaŋ kêpuc aŋga lôc.   
\q1
\v 9 Eŋ gêlôm bôc  
\q2 ma kêkêŋ mo gêdêŋ aoco ŋalatu, taŋ têtaŋ gêdêŋ eŋ naŋ.   
\b  
\q1
\v 10 Eŋ têtac gêwiŋ hos ŋaclai atom  
\q2 to gêlic ŋamalac, taŋ labum ŋajaŋa naŋ ŋajam atom.   
\q1
\v 11 Apômtau têtac gêwiŋ lau, taŋ têtêc eŋ naŋ,  
\q2 to têtac gêwiŋ lau, taŋ sêkêŋ mateŋ ênê têtac gêwiŋ teŋgeŋŋa naŋ.   
\b  
\q1
\v 12 O Jerusalem, ôlanem Apômtau.  
\q2 O Sion, ônam wê êndêŋ nêm Anôtô.   
\q1
\v 13 Gebe eŋ kêmasaŋ nêm katam ŋajaŋa.  
\q2 Eŋ gêjam mec nêm ŋapalê, taŋ sêmoa nêm ŋalêlôm naŋ.   
\q1
\v 14 Eŋ kêbalaŋ nêm gamêŋ ŋamadiŋ auc ŋapep  
\q2 ma gêlôm aôm gôŋgôŋ moasu ŋaôgeŋ.   
\b  
\q1
\v 15 Eŋ kêsakiŋ nê jatu kêsêp nom gêmêŋ  
\q2 ma biŋ tau kêlêti gêjam nom aucgeŋ sep tageŋ gêja.   
\q1
\v 16 Eŋ kêkêŋ sno kêtôm kapok  
\q2 ma kêkêŋ nop kêtôm wao.   
\q1
\v 17 Eŋ kêpalip nê kompoc kêtôm poclô.  
\q2 Asa oc êôc ênê malotêna tôŋ.   
\q1
\v 18 Eŋ kêkêŋ nê biŋ e gêŋ tau gêwê.  
\q2 Eŋ kêkêŋ nê mu, tec ŋabu keseleŋ.   
\b  
\q1
\v 19 Eŋ gêwa nê biŋ sa gêdêŋ Jakob  
\q2 ma kêsôm nê gôliŋ to biŋgêdêŋ lasê gêdêŋ Israel.   
\q1
\v 20 Eŋ kêmoasiŋ tenteŋlatu teŋ amboac tonaŋ atom.  
\q2 Êsêac sêjala ênê biŋsu atom.  
\b  
\q1 Aleluja.   
\c 148  
\s1 Undambê to nom sêlanem Apomtau  
\q1
\v 1 Aleluja.  
\b  
\q1 Alanem Apômtau aŋga undambê.  
\q2 Alanem eŋ aŋga lôlôc.   
\q1
\v 2 Ênê aŋela samob, alanem eŋ.  
\q2 Ênê lau totoŋ-totoŋ samob, alanem eŋ.   
\b  
\q1
\v 3 Oc to ajôŋ, alanem eŋ.  
\q2 Amac utitalata samob, alanem eŋ.   
\q1
\v 4 Amac undambê to undambê, alanem eŋ.  
\q2 Amac bu, taŋ apoac umboŋ ŋaô naŋ, alanem eŋ.   
\b  
\q1
\v 5 Gêŋ samob tonaŋ ŋai, alanem Apômtaunê ŋaêmaŋ  
\q2 gebe eŋ kêjatu, tec gêŋ tau ŋanô kêsa.   
\q1
\v 6 Gebe eŋ ketoc gêŋ tonaŋ ŋai kêkô gebe êkô endeŋ tôŋgeŋ  
\q2 ma kêkêŋ ŋagôliŋ, taŋ sêŋgêli atom naŋ, gêdêŋ êsêac.   
\b  
\q1
\v 7 Amac gêŋ nomŋa, amac gêŋsêga gwêcŋa to gwêc ŋagêdimlabuŋa samob naŋ,  
\q2 alanem Apômtau.   
\q1
\v 8 Aôm ja to kompoc, aôm sno to ômbiŋ,  
\q2 aôm mutêna, taŋ gôgôm ênê biŋ kêtu tôŋ naŋ, amboac tonaŋgeŋ.   
\b  
\q1
\v 9 Amac lôc to gamêŋ ŋabau samob,  
\q2 amac gêŋkaiŋ to nip walaŋ samob,   
\q1
\v 10 amac bôc saleŋŋa ma malacŋa samob,  
\q2 amac gêŋ kêkêŋŋa ma moc tomagê, alanem Apômtau.   
\b  
\q1
\v 11 Amac kiŋ aŋga nom to tenteŋlatu samob,  
\q2 amac kasêga to gôliŋwaga nomŋa samob,   
\q1
\v 12 amac ŋacsêŋom to awêtakiŋ,  
\q2 amac lau ŋanô to ŋapalê, alanem Apômtau.   
\b  
\q1
\v 13 Lau samob tonaŋ ŋai sêlanem Apômtaunê ŋaêmaŋ  
\q2 gebe ênê ŋaê tageŋ tec ŋaê towae. Ênê ŋawasi kêlêlêc undambê to nomgeŋ.   
\b  
\q1
\v 14 Eŋ kêkêŋ ŋaclai gêdêŋ nê lau gebe ênê lau mansaŋ samob sêlanem eŋ  
\q2 sêwiŋ lau Israel, taŋ têtu ênê gêŋ naŋ.  
\b  
\q1 Aleluja.   
\c 149  
\s1 Wê lambiŋŋa teŋ  
\q1
\v 1 Aleluja.  
\b  
\q1 Anam wê wakuc êndêŋ Apômtau.  
\q2 Aweŋ êôc eŋ aŋga ênê lau mansaŋ ŋalêlôm.   
\q1
\v 2 Israel têtu samuc nêŋ ŋac, taŋ kêkêŋ êsêac naŋ.  
\q2 Sion latui aweŋ êôc nêŋ kiŋ toôndugeŋ.   
\q1
\v 3 Êsêac têtê wê sêlanem ênê ŋaê  
\q2 sênac oŋ to gêŋ wêŋa êtaŋ.   
\b  
\q1
\v 4 Apômtau têtac gêwiŋ nê lau  
\q2 ma kêkêŋ lau palê-palê sêku nêŋ ŋacjo tulu.   
\q1
\v 5 Anôtônê lau têtu samuc eŋ to sênam lasê to ôliŋ êpi  
\q2 sênêc nêŋ mê ma aweŋ êôc eŋ toôndugeŋ.   
\q1
\v 6 Êsêac sêlambiŋ Anôtô to aweŋ êpigeŋ  
\q2 ma sêmêŋgôm siŋ ŋamata makeŋ-makeŋ   
\q1
\v 7 gebe sêkac nêŋ kamocgôc aŋga lau samuc nêŋ  
\q2 ma sêkêŋ ŋagêjô êndêŋ tenteŋlatu.   
\q1
\v 8 Sênsô êsêacnêŋ kiŋ ŋa kapoacwalô tôŋ  
\q2 ma sênsô nêŋ lau mata tôŋ ŋa kapoacwalô ki   
\q1
\v 9 gebe sêŋgôm biŋ, taŋ Anôtô kêkic wanêcgeŋ naŋ, êtu tôŋ êpi êsêac.  
\q2 Biŋ tonaŋ ketoc Anôtônê lau samob sa.  
\b  
\q1 Aleluja.   
\c 150  
\s1 Alanem Apômtau  
\q1
\v 1 Aleluja.  
\b  
\q1 Alanem Apômtau aŋga nê lôm dabuŋ.  
\q2 Alanem eŋ aŋga undambê.   
\q1
\v 2 Alanem eŋ êtu nê gêŋsêgaŋa  
\q2 ma alanem eŋ êtu nê ŋaclai kapôêŋŋa.   
\q1
\v 3 Alanem eŋ ŋa dauc ŋaôndu.  
\q2 Alanem eŋ ŋa gêŋ wêŋa to kaliŋgwaŋ.   
\q1
\v 4 Alanem eŋ ŋa wê to oŋ.  
\q2 Alanem eŋ ŋa gêŋ wêŋa to gasuc.   
\q1
\v 5 Alanem eŋ ŋa gegob êtaŋ.  
\q2 Alanem eŋ ŋa gegob ŋakicsêa galaŋ-galaŋgeŋ.   
\q1
\v 6 Gêŋ samob, taŋ sêsê aweŋ naŋ, sêlanem Apômtau.  
\b  
\q1 Aleluja.