\id LUK -Jabem partial Bible [jae] -Papua New Guinea 1980 (web 2015) \h LUKA \toc1 Ŋawae Ŋajam kêtôm LUKA KETO \toc2 Luka \toc3 Luk \mt2 Ŋawae Ŋajam kêtôm \mt1 LUKA KETO \ip Ŋawae Ŋajam kêtôm Luka Keto nec gêwa Jesu sa gebe Israelnêŋ Kêsiwaga, taŋ Anôtô geoc eŋ lasê gêdêŋ êsêac naŋ, ma lau nomŋa samob tapaôŋgeŋ nêŋ Kêsiwaga tau eŋ gêwiŋ amboac tonaŋgeŋ. Luka taugeŋ keto gebe Apômtaunê Ŋalau Dabuŋ kêkalem Jesu gebe “êsôm Ŋawae Ŋajam lasê êndêŋ lau ŋalêlôm sawa” (4:18). Ŋawae Ŋajam tau tec gêjac lau sêŋgôŋ jageo to sêôc ŋawapac tokaiŋ-tokaiŋ naŋ ŋawae. Aêac tatap ŋalô têntac wapiŋa sa aŋga Lukan gêjam môkêlatu ŋamataŋa luagêc, taŋ kêsôm Jesu gêmêŋ nom nec ŋaboŋa lasê naŋ auc, go aŋga môkêlatu ŋamuŋa, taŋ keto Jesu kêpi undambê gêja ŋamiŋ naŋ, amboac tonaŋgeŋ. \ip Aŋga ŋasêbu 2 to 6ŋa (alic ŋadênaŋ sêpuc gêc ŋalabuŋa) aêac tatap biŋ to miŋ ŋagêdô taêsam sa, naŋ Luka taugeŋ keto gêc Ŋawae Ŋajam tonec, amboac aŋela sêjam wê lambiŋŋa ma gejobwaga bôcŋa dêdêŋ ŋapalê Jesu sêja Betlehem naŋ, to ŋapalê Jesu gêŋ-gôŋ lôm dabuŋ, go biŋgôliŋ Ŋac Samaritiŋa taê walô ŋac gêbac ma Latu Gêjaŋa to ŋagêdô gêwiŋ. Biŋ taŋ Ŋawae Ŋajam tonec kêwaka sa gêc awêgeŋ naŋ, ŋagêdô tonec gebe Tateŋ mec ŋabiŋ to Ŋalau Dabuŋ nê biŋ ma Anôtô kêsuc sec ôkwi ŋabiŋ. \iot Ŋadênaŋ \ili1 1. Gêjac m Ŋawae Ŋajam tau 1:1-4 \ili1 2. Joaŋ agêc Jesu nêŋ biŋ ŋapalêgeŋŋa 1:5–2:52 \ili1 3. Ŋackêsagu Joaŋ nê sakiŋ 3:1-20 \ili1 4. Jesu gêliŋ saŋgu ma Sadaŋ kêlêtôm eŋ 3:21–4:13 \ili1 5. Jesunê sakiŋ aŋga Galilaia 4:14–9:50 \ili1 6. Gêdi aŋga Galilaia gêja Jerusalem 9:51–19:27 \ili1 7. Jesunê woke ŋamuŋa aŋga Jerusalem ma malac, taŋ gêc malac tau ŋagala naŋ 19:28–23:56 \ili1 8. Apômtau gêdi sa to jageoc tau lasê ma kêpi undambê gêja 24:1-53 \c 1 \s1 Biŋ tau ŋam \p \v 1 Lau taêsam sêsaê gebe sênac miŋ biŋ, taŋ kêsa gêdêŋ aêacnêŋ têm naŋ, sêpuc gêdôgeŋ. \v 2 Êsêac teto miŋ kêtôm lau, taŋ mateŋanô sêlic gêdêŋ taŋ gêjac m tau ma sêjam sakiŋ mêtê tau naŋ, sêjac tulu gêdêŋ aêac. \v 3 O ŋac towae Teopili tau, aê tec galic ŋajam amboac tonaŋgeŋ, tec kakip biŋ tau sa kagêluc tomalageŋ ma kato kadênaŋgeŋ gêdêŋ aôm, \v 4 gebe ôjala biŋ, taŋ têdôŋ gêdêŋ aôm naŋ, gebe biŋŋanôgeŋ. \s1 Ŋackêsagu Joaŋ nê puc têna êkôc eŋŋa \p \v 5 Gêdêŋ kiŋ Judaiaŋa Herodo nê têm naŋ dabuŋwaga teŋ gêmoa, ŋaê Sakaria. Eŋ gêjam sakiŋ gêwiŋ dabuŋwaga Abia nê toŋ. Eŋ gêjam awê aŋga Aronnê wakuc nêŋ, ŋaê Elisabet. \v 6 Anôtô gêlic êsêagêc lulu gêdêŋgeŋ, gebe sêsa nêŋ lêŋ sejop Apômtaunê biŋsu to ŋagôliŋ samob ŋabiŋ masigeŋ sêmoa. \v 7 Agêcnêŋ gôlôac masi, gebe Elisabet eŋ awê kapoac, ma agêc nê akweŋ têtu lauo ŋanô to ŋac. \p \v 8 Ma gêdêŋ taŋ Sakarianê toŋ nêŋ têm sênam sakiŋŋa naŋ, eŋ gêjam nê kôm dabuŋwagaŋa gêmoa Anôtônê laŋônêmŋa. \v 9 Ma sêpuc kapoac kêtôm dabuŋwaganêŋ mêtê e jakêsêp eŋ gebe êsô Apômtaunê lôm dabuŋ naêkêŋ da jadauŋŋa. \v 10 Ma gêdêŋ noc sêkêŋ da jadauŋŋa naŋ, lau samucgeŋ teteŋ mec semoa dêmôêŋa. \v 11 Ma Apômtaunê aŋela teŋ geoc tau lasê gedeŋ eŋ kêkô kêsi altar jadauŋŋa ŋaanôŋa. \v 12 Sakaria gelic e kêlênsôŋ eŋ ma kêtakê ŋanô. \v 13 Tec aŋela kêsôm gêdêŋ eŋ gebe “Sakaria, ôtêc taôm atom, gebe Anôtô gêŋô nêm mecgac. Aômnêm awê Elisabet oc êkôc latôm teŋ ma ôê ênê ŋaê gebe Joaŋ. \v 14 Aôm oc ôtu samuc ma ômoa totêmtac ŋajamgeŋ ma lau taêsam têtu samuc êndêŋ bêc têna êkôc eŋŋa amboac tonaŋgeŋ. \v 15 Eŋ êtu ŋac towae êkô Apômtau laŋônêm ma ênôm wain to bu ŋaclai atom. Eŋ ênêc têna têtaclêlômgeŋ ma Ŋalau Dabuŋ ênam eŋ auc kwanaŋgeŋ, \v 16 gebe eŋ ênam Israelnêŋ gôlôac taêsam ôkwi dêndêŋ Apômtau, nêŋ Anôtô, sêmu sêna. \v 17 Ŋac tau tonaŋ Elianê ŋalau to ŋaclai êpi eŋ ma êsêlêŋ êmuŋ Apômtau, gebe ênam tameŋinêŋ ŋalêlôm ôkwi êndêŋ latuŋi ma lau taŋeŋpêc dêndêŋ lau, taŋ sêsap biŋgêdêŋ tôŋ naŋ, oc êmansaŋ lau sênac dabiŋ nêŋ ŋalêlôm ŋapep êtu Apômtauŋa.” \p \v 18 Go Sakaria kêsôm gêdêŋ aŋela gebe “Aê jajala biŋ tonaŋ êndêŋ asageŋ, aêagêc ŋoc awê atu lauo ŋanô to ŋac su nec.” \v 19 Tec aŋela gêjô eŋ awa gebe “Aê Gabriel tec kakô Anôtô laŋônêm, ma eŋ kêsakiŋ aê gebe jasôm biŋ êndêŋ aôm ma jakêŋ ŋawae ŋajam tonec êndêŋ aôm. \v 20 Mago aôm kôkêŋ gêwiŋ aêŋoc biŋ, taŋ oc ŋanô êsa êndêŋ ŋanoc tau naŋ atom. Amboac tonaŋ oc awammê êsa, ôsôm biŋ naeo ômoa e êndêŋ bêc, taŋ biŋ tau êtu anô su acgom.” \p \v 21 Lau sêôŋ Sakaria elêmê ma sênac mateŋ eŋ gebe gêmoa lôm dabuŋ e ŋêŋgeŋ su nec. \v 22 Go kêsa gêmêŋ ma gebe êsôm biŋ êndêŋ êsêac e gêgôm jageo. Tec êsêacnêŋ kauc kêsa gebe eŋ oc gêlic gêŋ ŋakatu teŋ aŋga lôm dabuŋgac. Amboac tonaŋ eŋ gêjam dôŋdôŋ biŋgêŋ gêdêŋ êsêac ma gêjam tau tôŋ kêkô. \p \v 23 Gêmoa e nê bêc sakiŋŋa gêbacnê ma gêc gêmu gêja nê andu kêtiam. \v 24 Têm ŋagêdô gêbacnê, go Elisabet kêkêkam ŋapalê ma kêsiŋ tau gêmoa ajôŋ lemeŋ teŋ, ma kêsôm gebe \v 25 “Gêŋ tonaŋ Apômtau gêgôm gêdêŋ aê, gêdêŋ têm taê gêjam aêŋa eŋ kêkac majoc su aŋga launêŋ.” \s1 Jesunê puc têna êkôc eŋŋa \p \v 26 Elisabet kêkêkam ŋapalê ŋaajôŋ kêtu 6, go Anôtô kêsakiŋ aŋela Gabriel gêja malac Galilaiaŋa teŋ, ŋaê Nasaret, \v 27 gêdêŋ awêtakiŋ teŋ, taŋ sê eŋ gêdêŋ ŋac teŋ, ŋaê Josep, kwanaŋgeŋ gebe agêc sênam tauŋ. Ŋac tau aŋga Dawidnê gôlôac. Ma awê tau nê ŋaê Maria. \v 28 Aŋela kêsô gêdêŋ eŋ gêja ma kêsôm gebe “O gabêjamo, biŋmalô êndêŋ aôm, Apômtau gêwiŋ aômgoc.” \v 29 Maria gêŋô biŋ tonaŋ e kêlênsôŋ eŋ ŋanô ma taê gêjam gebe “Awa gêjac aê amboac tonec kêtu asageŋŋa.” \v 30 Tec aŋela kêsôm gêdêŋ eŋ gebe “Maria, ôtêc taôm atom, gebe Anôtô gêlic aôm gêjac mataanô ŋajam. \v 31 Ôlic acgom, aôm oc ôkêkam ŋapalê e ôkôc latôm teŋ ma ôê ênê ŋaê Jesu. \v 32 Ŋac tau tonaŋ oc êtu ŋac towae ma sêsam eŋ gebe Lôlôc Ŋatau nê Latu. Apômtau Anôtô oc êkêŋ eŋ êŋgôŋ aba Dawid nê lêpôŋ, \v 33 gebe eŋ oc êtu kiŋ ma ênam gôliŋ Jakobnê gôIôac endeŋ tôŋgeŋ. Ma ênê gamêŋ kiŋŋa ŋatêku masi.” \p \v 34 Ma Maria kêsôm gêdêŋ aŋela gebe “Biŋ tau ŋanô êsa amboac ondoc, gebe aêŋoc akweŋ masi.” \v 35 Tec aŋela gêjô eŋ awa gebe “Ŋalau Dabuŋ mêŋêpi aôm ma Lôlôc ŋatau nê ŋaclai mêŋênam ajuŋ aôm. Amboac tonaŋ ŋapalê, taŋ aôm ôkôc naŋ, sêsam eŋ gebe dabuŋ, eŋ Anôtônê Latu. \v 36 Gôlicgac me, nêm tawaŋo Elisabet, taŋ kêtu awêanôgac ma sêsam eŋ gebe awê kapoac naŋ, tec kêkêkam ŋapalê gêmoa e galoc ŋaajôŋ kêtu 6gac, \v 37 gebe Anôtô eŋ ŋaclai, eŋ kêtôm gêŋ samobŋa.” \p \v 38 Ma Maria kêsôm gebe “Amboac tonaŋ, Apômtaunê sakiŋwagao aê, ma biŋ, taŋ kôsôm naŋ, oc êtu tôŋ êpi aê.” Go aŋela gêwi eŋ siŋ ma gêc gêja. \s1 Maria kêtu ŋacleŋ gêdêŋ Elisabet \p \v 39 Gêdêŋ ŋasawa tonaŋ Maria gêdi kêsaic tau e jakêpi Judanêŋ gamêŋ lôcŋa jagêô lasê malac teŋ, \v 40 ma kêsô Sakarianê andu gêja e awa gêjac Elisabet. \v 41 Elisabet gêŋô Maria awa gêjac eŋ, tec ŋapalê gêboaŋ aŋga têna têtaclêlôm. Ma Ŋalau Dêbuŋ gêjam Elisabet auc \v 42 e awa gêôc eŋ ŋa awa kapôêŋ ma kêsôm gebe “Anôtô gêjam mec aôm kêlêlêc lauo ŋagêdô su ma gêjam mec ŋanô têmtaclêlômŋa gêwiŋ. \v 43 Aê amboac ondoc, tec aêŋoc Apômtau têna gêdêŋ aê gêmêŋ nec. \v 44 Gôlicgac me, awam gêjac aê kêsô taŋocsuŋ e ŋapalê kêtu samuc tec gêboaŋ aŋga têtaclêlôm. \v 45 Aê aoc gêôc awê, taŋ kêkêŋ gêwiŋ gebe biŋ, taŋ Apômtau kêsôm gêdêŋ eŋ naŋ, oc êtu tôŋ.” \s1 Marianê wê lambiŋŋa \p \v 46 Go Maria kêsôm gebe \q1 “Aêŋoc ŋalêlôm gêôc Apômtau sa \q1 \v 47 ma katuc kêtu samuc ŋoc kêsiwaga Anôtô, \q1 \v 48 gebe gewec gêdêŋ nê sakiŋwagao ŋaôma aê, \q1 tec galoc gôlôac togôlôac samob oc aweŋ êôc aê. \q1 \v 49 Gebe eŋ ŋaclai ŋatau gêgôm gêŋsêga kêtu aêna, ênê ŋaê dabuŋ. \q1 \v 50 Eŋ taê walô gôlôac togôlôac, taŋ têtêc eŋ naŋ. \q1 \v 51 Ênê lêma gêgôm gêŋ ŋaclai \q1 ma kêta lau, taŋ nêŋ ŋalêlôm sêkiaŋ tauŋ sa naŋ, saliŋ-saliŋ sêja. \q1 \v 52 Eŋ kêtiŋ gôliŋwaga ŋajaŋa aŋga nêŋ lêpôŋ su ma ketoc lau ŋaôma sa. \q1 \v 53 Lau taŋ mo gêjô êsêac naŋ, tec kêkêŋ gêŋ ŋajam gêjam êsêac aucgeŋ \q1 ma kêtiŋ lau tolêlôm su tolemeŋ sawageŋ. \q1 \v 54 Eŋ gêjam nê sakiŋwaga Israel sa taê gêjam nê moasiŋ \q1 \v 55 kêtôm biŋ, taŋ gêjac mata gêdêŋ aêac tameŋi Abraham to nê wakuc naŋ, ma ênêc endeŋ tôŋgeŋ.” \p \v 56 Maria gêmoa gêwiŋ Elisabet amboac ajôŋ têlêac, go gêmu gêja nê gamêŋ kêtiam. \s1 Joaŋ têna kêkôc eŋ \p \v 57 Têm Elisabet êkôc ŋapalêŋa kêdabiŋ, tec kêkôc ŋapalê ŋac teŋ. \v 58 Ma ênê lau, taŋ nêŋ sackapoagêdô gêdêŋ tau naŋ, to nêŋ tawaŋ sêŋô Apômtau gêgôm nê taê walô ŋanô kêsa kêpi eŋ ŋawae ma têntac ŋajam kêsa sêwiŋ eŋ. \p \v 59 Ŋabêc kêtu 8 ma sêkac sa sêja sebe sêsa ŋapalê tau ma sê tama Sakaria nê ŋaê êpi eŋ. \v 60 Mago têna kêsôm gebe “Masi, taê ênê ŋaê gebe Joaŋ.” \v 61 Tec êsêac sêsôm gêdêŋ eŋ gebe “Nêm lau teŋ sêmoa ondoc, taŋ nêŋ ŋaê amboac tonaŋ.” \v 62 Ma sêjac kajo tama gebe mêŋtau êsôm acgom. \v 63 Tec eŋ gêjam dôŋdôŋ gebe sêkêŋ tapele sauŋ teŋ êndêŋ eŋ ma keto gebe “Ênê ŋaê Joaŋ.” Ma samob sê taêŋ. \v 64 Ma sep tageŋ awasuŋ to imbêla kêtu goloŋ ma kêsôm biŋ lasê to kêlanem Anôtô. \v 65 Ma nêŋ lau samob, taŋ nêŋ sackapoagêdô gêdêŋ tau naŋ, têtêc tauŋ. Ma lau samob sêjam biŋ tau kêtu biŋgalôm e gêjam lau, taŋ sêŋgôŋ Judaia ŋagamêŋ lôcŋa naŋ, auc samucgeŋ. \v 66 Êsêac samob, taŋ sêŋô biŋ tau naŋ, taêŋ gêjam gêc nêŋ ŋalêlômgeŋ gebe “Ŋapalê tonec amboac ondoc.” Êsêac sêlic gebe Apômtau lêma gêwiŋ eŋ. \s1 Sakaria geoc bill lasê \p \v 67 Ma Ŋalau Dabuŋ gêjam tama Sakaria auc e geoc biŋ lasê ma kêsôm gebe \q1 \v 68 “Aê jalambiŋ Apômtau, Israelnêŋ Anôtô, gebe kêtu ŋacleŋ mêŋgêjam nê lau kêsi. \q1 \v 69 Eŋ kêkêŋ kêsiwaga toŋaclai tec mêŋkêsa aŋga nê sakiŋwaga Dawid nê gôlôac, \q1 \v 70 kêtôm eŋ tau kêsôm kêsa nê propete dabuŋ gêmuŋŋa aweŋsuŋ gebe \q1 \v 71 ênam aêac kêsi aŋga naŋ ŋacjo to aŋga lau samob, taŋ sêkêŋ kisa aêac naŋ lemeŋ. \q1 \v 72 Eŋ taê walô aêac tameŋi to taê gêjam nê poac dabuŋ. \q1 \v 73 Eŋ gêjac mata biŋ to kêtôc lêma gêdêŋ tameŋi Abraham gebe \q1 \v 74 ênam aêac kêsi aŋga naŋ ŋacjo lemeŋ ma êkêŋ aêac tanam sakiŋ eŋ tatêc tauŋ atom. \q1 \v 75 Tatu lau dabuŋ to gêdêŋ tamoa en laŋônêmŋa êtôm aêacnêŋ têm samob. \q1 \v 76 Ma aôm ŋapalêenec, lau oc sêsam aôm gebe Lôlôc Ŋatau nê propete. \q1 Aôm oc ômuŋ Apômtau gebe ômansaŋ ênê intêna. \q1 \v 77 Aôm oc ôkêŋ ênê lau sêjala moasiŋ, taŋ ŋam kêsêp kêsuc nêŋ sec ôkwiŋa. \q1 \v 78 Aêacnêŋ Anôtô taê walô aêac ŋanô tec êkêŋ ŋawê mêŋêsa aŋga lôlôc gebe êtu ŋacleŋ aêac \q1 \v 79 ma êpô êsêac, taŋ sêŋgôŋ gêsuŋbôm to gêmacanô ŋakanuc naŋ, \q1 to êwê aêac eŋkaiŋ katôgeŋ tasa lêŋ biŋmalôŋa.” \p \v 80 Ŋapalê tau kêtu kapôêŋ ma nê kauc taê gêjam biŋ ŋapep, go jagêmoa gamêŋ sawa e gêdêŋ bêc, taŋ kêtôc tau gêdêŋ lau Israel naŋ. \c 2 \s1 Jesu têna kêkôc eŋ \r (Mat 1:18-25) \p \v 1 Gêdêŋ ŋasawa tonaŋ kaisara Augustu kêjatu biŋ teŋ gebe teto lau samob, taŋ sêŋgôŋ nom samucgeŋ naŋ, nêŋ ŋaê sa. \v 2 Kôm tau tonaŋ sêjac m gêdêŋ gôliŋwaga Suriaŋa Kuren gêŋgôŋ, \v 3 ma lau samob dêdi sêja nêŋ malacmôkê gêdêŋ-gêdêŋgeŋ gebe teto êsêac. \v 4 Tec Josep aŋga malac Galilaiaŋa Nasaret kêpi Judaia gêja Dawidnê malac, ŋaê Betlehem, gebe eŋ aŋga Dawidnê gôlôac tauŋ nêŋ. \v 5 Eŋ gebe teto êsêagêic nê awê Maria, taŋ sê êsêagêc dêdêŋ tauŋ naŋ, ma awê tau kêkêkam ŋapalê gêmoa. \v 6 Agêc jasêŋgôŋ tonaŋ e têm Maria êkôc ŋapalêŋa kêdabiŋ. \v 7 Tec kêkôc latu ŋamêc, naŋ kêkwa eŋ ŋa obo auc ma ketoc eŋ gêc bôcnêŋ sac teŋ, gebe nêŋ gamêŋ ŋasawa teŋ gêc andu ŋacleŋŋa atom. \s1 Gejobwaga to aŋela \p \v 8 Ma gamêŋ tonaŋ ŋagejobwaga sêmoa jasejop nêŋ domba gêdêŋ gêbêc sêmoa oba. \v 9 Tec Apômtaunê aŋela teŋ gêô lasê gêdêŋ êsêac e Apômtaunê ŋawasi kêpô êsêac gêjam aucgeŋ ma nêŋ ŋalêlôm ŋatutuc ŋanô. \v 10 Tec aŋela kêsôm gêdêŋ êsêac gebe “Atêc taôm atom, alicgac me, aê jasôm ŋawae ŋajam atu samucŋa teŋ êndêŋ amac, ŋawae tau oc êtu tapa ênam lau samucgeŋ auc. \v 11 Galoc tonec amacnêm kêsiwaga Apômtau Kilisi kêtu ŋamalac aŋga Dawidnê malac. \v 12 Amac ajala eŋ êndêŋ ŋabelo tonec gebe Atap ŋapalê dedec teŋ sa, taŋ sêkwê eŋ ŋa obo auc ma sêkêŋ eŋ gêc bôcnêŋ sac.” \p \v 13 Ma sep tageŋ lau siŋ undambêŋa taêsam mênsêwiŋ aŋela tau ma sêlanem Anôtô gebe \v 14 “Anôtônê wae êsa aŋga lôlôc ma biŋmalô ênêc nom, taŋ Anôtô gêlic lau tau ŋajam.” \p \v 15 Aŋela têtaiŋ tauŋ su aŋga êsêacnêŋ sêmu sêja undambê acgom, go gejobwaga sêsôm gêdêŋ tauŋ gebe “Ajôc, tawac Betlehem ma talic biŋ, taŋ mêŋkêsa ma Apômtau kêkêŋ ŋawae gêdêŋ aêac naŋ acgom.” \v 16 Ma ac sêsaic tauŋgeŋ sêja e têtap Maria agêc Josep sa ma sêlic ŋapalê dedec tau gêc sac. \v 17 Sêlic su ma têdôŋ biŋ, taŋ aŋela kêsôm kêpi ŋapalê tau naŋ, gêdêŋ êsêac. \v 18 Ma lau samob, taŋ sêŋô biŋ naŋ gejobwaga sêjac miŋ naŋ, sê taêŋ ŋanô. \v 19 Ma Maria kêmasaŋ biŋ samob tonaŋ ŋai ŋapep ma taê gêjam gêc nê ŋalêlôm. \v 20 Gejobwaga sêmu sêja ma aweŋ gêôc Anôtô to sêlanem eŋ kêtu biŋ samob, taŋ sêŋô to sêlic kêtôm aŋela kêsôm gêdêŋ êsêac naŋŋa. \s1 Sê Jesunê ŋaê \p \v 21 Bêc kêtu 8, go sêsa ŋapalê tau ma sê ênê ŋaê, taŋ aŋela kêsam gêdêŋ eŋ gêc têna têtaclêlôm atomgeŋ naŋ, gebe Jesu. \s1 Têtôc ŋapalê tau aŋga lôm dabuŋ \p \v 22 Têm sêmbuŋ ŋatêmui suŋa gêbacnê kêtôm Mosenê biŋsu, go Maria agêc Josep sêkôc ŋapalê sêpi Jerusalem sêja sebe sênsuŋ eŋ êndêŋ Apômtau. \v 23 Ac sêgôm kêtom biŋ, taŋ teto gêc Apômtaunê biŋsu gebe “Ŋamêc samob, taŋ teneŋi sêkôc naŋ, sênam dabuŋ êsêac ŋapep, gebe têtu Apômtaunê gêŋ.” \v 24 Ma agêc sêkêŋ da kêtôm biŋ, taŋ sêsôm gêc Apômtaunê biŋsu gebe “Moŋgôm luagêc me balôsi ŋalatu luagêc.” \p \v 25 Gêdêŋ tonaŋ ŋac teŋ, nê ŋaê Simeon, gêmoa Jerusalem. Ŋac tau eŋ ŋac gêdêŋ to ôli andaŋ Anôtô ma gêôŋ Israelnêŋ biŋmalô ŋam gêmoa ma Ŋalau Dabuŋ gêjam eŋ auc. \v 26 Ŋalau Dabuŋ tau gêwa sa gêdêŋ eŋ gebe êmac êndu atom e êlic Apômtaunê Kilisi acgom. \v 27 Tec Ŋalau Dabuŋ gêôc eŋ kêsô lôm dabuŋ gêja. Ma gêdêŋ taŋ têna agêc tama sêkôc ŋapalê Jesu sêsô sêja sebe nasêŋgôm gêŋ êtôm biŋsu ŋajatu naŋ, \v 28 tec Simeon kêsip eŋ sa ma kêlanem Anôtô gebe \q1 \v 29 “Apômtau, galoc ôkôc nêm ŋacsakiŋ aê tobiŋmalôgeŋ jawac êtôm nêm biŋ, \q1 \v 30 gebe matocanô galic nêm moasiŋ ŋam, \q1 \v 31 taŋ kômasaŋ gêc awêgeŋ naŋ, gebe lau samob sêlicŋa. \q1 \v 32 Eŋ oc êtu ja êpô lau samuc to êtu nêm lau Israel nêŋ ŋawasi.” \p \v 33 Tama agêc têna sê taêŋ biŋ, taŋ sêsôm kêpi ŋapalê naŋ. \v 34 Go Simeon gêjam mec êsêac ma kêsôm gêdêŋ têna Maria gebe “Gôlicgac me, ŋapalê tonec oc êŋgôm Israelnêŋ lau taêsam sembeŋ to sêndi sa. Lau ŋagêdô oc sênac eŋ êtu mu, mago ŋagêdô oc sêsôm sêôc aucgeŋ. \v 35 Biŋ tonaŋ êsa gebe eoc lau taêsam nêŋ ŋalêlôm ŋabiŋ lasê. Ma aôm taôm nêm ŋalêlôm oc epeŋ aôm êtôm kêm kêkô nêm ŋalêlôm.” \p \v 36 Go Panuel latuo, propeteo teŋ, gêŋgôŋ, ŋaê Ana. Awê tonaŋ aŋga Asernê gôlôalc. Ênê jala taêsam ŋanô. Eŋ gêmoa awêtakiŋgeŋ e gêjam ŋac sa ma agêc sêmoa sêwiŋ tauŋ jala 7, \v 37 go kêtu awêtuc gêŋgôŋ e nê jala kêtu 84. Mago gêwi lôm dabuŋ siŋ atom, gêjam sakiŋ Anôtô ma gêjam dabuŋ mo to keteŋ mec kêtôm gêbêc to geleŋgeŋ. \v 38 Gêdêŋ ŋasawa tecenaŋgeŋ eŋ gêô lasê jagêjam daŋge Anôtô ma gêwa ŋapalê sa gêdêŋ lau samob, taŋ sêôŋ têm Anôtô ênam Jerusalem kêsiŋa naŋ. \s1 Sêmu sêja Nasaret \p \v 39 Sêjac dabiŋ gêŋ samob kêtôm Apômtaunê biŋsu ŋajatu e gêbacnê acgom, go sêmu sêja Galilaia jasêŋgôŋ nêŋ malac Nasaret. \v 40 Ŋapalê kêtôp e kêtu kapôêŋ ma mêtê gêjam eŋ auc to Anôtônê moasiŋ kêpi eŋ. \s1 Ŋapalê Jesu gêŋgôŋ lôm dabuŋ \p \v 41 Kêtôm jalageŋ Jesu têna agêc tama sêpi Jerusalem sêja sêlic omsêga Pasa. \v 42 Gêdêŋ taŋ ŋapalê Jesu nê jala kêtu 12 naŋ, ac sêmu sêpi sêja kêtôm omsêga ŋamêtê. \v 43 Pasa gêbacnê, go êsêac sêc sêmu sêja ma ŋapalê Jesu gacgeŋ gêŋgôŋ Jerusalem, ma têna agêc tama sêjam kauc. \v 44 Êsêagêc seboc eŋ oc gêwiŋ nêŋ lau ŋagêdô, tec sêsêlêŋ oc samuc teŋ ma sêsôm eŋ aŋga nêŋ tawaŋ to lau ôliŋ andaŋ tauŋŋa, \v 45 e têtap eŋ sa atom. Tec sêmu sêja Jerusalem jasêsôm eŋ. \v 46 Sêsôm sêmoa e bêc têlêac gêjaŋa acgom, go têtap eŋ sa gêŋgôŋ lôm dabuŋ kêsêp lau-mêtêwaga ŋalêlôm gêŋô êsêacnêŋ biŋ ma kêtu kênac-kênac êsêac. \v 47 Ma samob, taŋ sêŋô êŋê biŋ naŋ, sêŋac lemeŋ kêtu ênê kauc to biŋ, taŋ gêjô êsêac aweŋ naŋŋa. \v 48 Agêc sêlic eŋ e têtakê ma têna kêsôm gêdêŋ eŋ gebe “Latucenec, amboac ondoc, tec gôgôm aêagêc amboac tonaŋ. Ôlic acgom, aêagêc tamam asôm aôm totaêŋ-totaêŋgeŋ tec amoa.” \v 49 Ma eŋ kêsôm gêdêŋ êsêagêc gebe “Agêc asôm aê kêtu asageŋŋa. Agêc alic ŋoc ŋalêlôm kêkac aê gebe jamoa Tamocnê andu nec atom me.” \v 50 Ma biŋ, taŋ eŋ kêsôm gêdêŋ êsêagêc naŋ, agêc sêjala ŋam atom. \p \v 51 Go gêwiŋ êsêagêc ac sêsêp Nasaret sêja ma eŋ taŋa wamu êsêagêc ŋapep ma têna kêmasaŋ biŋ samob tonaŋ ŋai gŋc nê ŋalêlôm. \v 52 Jesu kêtôp to nê kauc mêtêŋa kêsa gêwiŋ ma Anôtô to ŋamalac têntac gêwiŋ eŋ. \c 3 \s1 Ŋackêsagu Joaŋ gêjam mêtê \r (Mat 3:1-12; Mar 1:1-8; Joaŋ 1:19-28) \p \v 1 Kaisara Tiberi gêjam gôliŋ lau e ŋajala kêtu 15, Ponti Pilata kêtu gôliŋwaga Judaiaŋa, Herodo kêtu kasêga Gallilaiaŋa, têwa Pilip kêtu kasêga Ituraia to gamêŋ Trakonitiŋa, Lusani kêtu kasêga Abileneŋa, \v 2 ma Anas agêc Kaiapa têtu dabuŋsêga sêmoa. Gêdêŋ têm tonaŋ Anôtônê biŋ gêdêŋ Sakaria latu Joaŋ, taŋ gêmoa gamêŋ sawa naŋ gêja. \v 3 Ŋac tau tonaŋ gêjac laoc gamêŋ Jordanŋa samob ma gêjam mêtê lau gebe “Anam taôm ôkwi to aliŋ saŋgu, ma Anôtô êsuc nêm sec ôkwi.” \v 4 Biŋ tonaŋ kêtôm biŋ, taŋ propete Jesaia keto kêsêp nê buku gebe \q1 “Ŋac teŋ gêmôêc awa tonec gêmoa gamêŋ sawa gebe \q1 ‘Amansaŋ gamêŋ Apômtau esêlê a \q1 to amêtôc ênê intêna êtu solop. \q1 \v 5 Sênsuŋ gaboaŋ samob auc to senseŋ lôc to gamêŋ ŋabau êtu tapa \q1 ma sêmêtôc ŋapoalic samob êtu solop \q1 to sêmansaŋ intêna kaloŋ-kaloŋ ŋatip êsa. \q1 \v 6 Ma ŋamalac samob sêlic Anôtônê lêŋ ênam ŋamalac kêsiŋa.’” \p \v 7 Lau taêsam dêdêŋ eŋ sêja sebe sêliŋ ênê saŋgu. Eŋ kêsôm gêdêŋ êsêac gebe “Moac ŋalatu amac, asa gêwa sa gêdêŋ amac gebe awê Anôtônê têtac ŋandaŋ, taŋ mêŋêsa naŋ sa. \v 8 Anam ŋanô êwa amac sa gebe ajam taôm ôkwiŋa acgom. Ma asôm êndêŋ taôm gebe ‘Abraham kêtu aêac tameŋi,’ nec atom. Aê jasôm êndêŋ amac gebe Anôtô kêtôm gebe êŋu poc tonec ŋai sa têtu Abrahamnê latui. \v 9 Ki ŋamata gêdêŋ kawakac tec gêc. Amboac tonaŋ ka samob, taŋ sêjam ŋanô ŋajam atom naŋ, oc êsap su ma êmbaliŋ êpi ja êna.” \p \v 10 Ma lau samob sêjam kênac Joaŋ gebe “Aêac oc aŋgôm amboac ondocgeŋ.” \v 11 Tec eŋ gêjô êsêac aweŋ gebe “Ŋac teŋ nê ŋakwê luagêc embe ênêc, naŋ êkêŋ teŋ êndêŋ ŋac, taŋ nê ŋakwê masi naŋ. Ma ŋac teŋ nê mo embe ênêc, naŋ êŋgôm amboac tonaŋ.” \v 12 Go teloŋ ŋagêdô dêdêŋ eŋ sêja amboac tonaŋ gebe ênsaŋgu êsêac, tec têtu kênac eŋ gebe “Mêtêmôkê, aêac aŋgôm amboac ondocgeŋ.” \v 13 Tec eŋ kêsôm gêdêŋ êsêac gebe “Akôc gêŋ aŋga launêŋ êlêlêc ŋaôli, taŋ sêsakiŋ amac naŋ su atom.” \v 14 Ma siŋwaga ŋagêdô têtu kênac eŋ amboac tonaŋgeŋ gebe “Ma aêac nec oc aŋgôm amboac ondoc.” Tec eŋ kêsôm gêdêŋ êsêac gebe “Aŋgôliŋ biŋ to alênsu lau e ajaŋgo êsêacnêŋ gêŋ su atom. Ŋaôli taŋ gêjô nêm kôm naŋ, akôc ma kêtôm.” \p \v 15 Lau samob taêŋ gêjam biŋ jakêsa-jakêsa ma sêjam kênac tauŋ gêc nêŋ ŋalêlômŋa kêtu Joaŋŋa gebe “Moae eŋ Kilisi tau tonec nec.” \v 16 Tec Joaŋ gêjô êsêac aweŋ ma kêsôm gêdêŋ êsêac samob gebe “Aê tec kasagu amac ŋa bu, mago ŋac teŋ oc êmêŋ, eŋ ŋaclai kêlêlêc aê su. Aê katôm gebe janac pêla ênê atapa ŋalêkôŋ atom. Ŋac tonaŋ tec oc ênsaŋgu amac ŋa Ŋalau Dabuŋ to ja. \v 17 Eŋ lêma kêkam lala sekoloŋ gêŋŋa gebe êtiŋ gêŋ ŋapaôma ma ênac ŋanô sa êpi nê andu-gêŋ-ŋanôŋa êna, go ŋapaôma êkên êpi ja, taŋ êsa ŋapaŋ naŋ.” \p \v 18 Joaŋ gêjac biŋsu lau ŋa biŋ ŋagêdô taêsam gêwiŋ to gêwa ŋawae ŋajam sa gêdêŋ êsêac. \v 19 Mago kasêga Herodo, taŋ Joaŋ gêbu eŋ kêtu têwanê awê Herodia to sec samob, taŋ Herodo gêgôm naŋŋa, \v 20 ŋac tau kêsalê sec tonec gêsac ŋaô gêwiŋ gebe kêlai Joaŋ auc gêŋgôŋ andu kapoacwalôŋa. \s1 Jesu gêliŋ saŋgu \r (Mat 3:13-17; Mar 1:9-11) \p \v 21 Gêdêŋ taŋ lau samob sêliŋ saŋgu naŋ, Jesu geliŋ gêwiŋ. Keteŋ mec gêmoa ma undambê gêŋa \v 22 e Ŋalau Dabuŋ gêjam balôsi laŋô kêsêp mêŋgêsac eŋ ŋaô, ma awa teŋ aŋga undambê kêsa gebe “Aêŋoc Latuc tau aôm, tec têtêc gêwiŋ to galic aôm ŋajam.” \s1 Jesunê ŋam \r (Mat 1:1-17) \p \v 23 Jesunê jala amboac 30 ma gêjac m nê kôm. Ma lau seboc eŋ Josep latu, naŋ Êli latu, \v 24 naŋ Matat latu, naŋ Lewi latu, naŋ Melki latu, naŋ Janai latu, naŋ Josep latu, \v 25 naŋ Matatia latu, naŋ Amos latu, nlaŋ Naum latu, naŋ Esli latu, naŋ Nagai latu, \v 26 naŋ Mat latu, naŋ Matatia latu, naŋ Semein latu, naŋ Josek latu, naŋ Joda latu, \v 27 naŋ Joanan latu, naŋ Resa latu, naŋ Serubabel latu, naŋ Sealtiel latu, naŋ Neri latu, \v 28 naŋ Melki latu, naŋ Adi latu, naŋ Kosam latu, naŋ Elmadam latu, naŋ Er latu, \v 29 naŋ Josua latu, naŋ Elieser latu, naŋ Jorim latu, naŋ Matat latu, naŋ Lewi latu, \v 30 naŋ Simeon latu, naŋ Juda latu, naŋ Josep latu, naŋ Jonam latu, naŋ Eliakim latu, \v 31 naŋ Melea latu, naŋ Mena latu, naŋ Matata latu, naŋ Natan latu, naŋ Dawid latu, \v 32 naŋ Isai latu, naŋ Obed latu, naŋ Boas latu, naŋ Sala latu, naŋ Nason latu, \v 33 naŋ Aminadab latu, naŋ Admin latu, naŋ Ami latu, naŋ Hesron latu, naŋ Peres latu, naŋ Juda latu, \v 34 naŋ Jakob latu, naŋ Isak latu, naŋ Abraham latu, naŋ Tara latu, naŋ Nahor latu, \v 35 naŋ Serug latu, naŋ Reu latu, naŋ Peleg latu, naŋ Eber latu, naŋ Sela latu, \v 36 naŋ Kainan latu, naŋ Arpaksad latu, naŋ Sem latu, naŋ Noa latu, naŋ Lamek latu, \v 37 naŋ Metusala latu, naŋ Enok latu, naŋ Jared latu, naŋ Mahalalel latu, naŋ Kainan latu, \v 38 naŋ Enos latu, naŋ Set latu, naŋ Adam latu, naŋ Anôtô latu. \c 4 \s1 Sadaŋ kêlêtôm Jesu \r (Mat 4:1-11; Mar 1:12-13) \p \v 1 Ŋalau Dabuŋ gêjam Jesu auc, go gêmu aŋga Jordan gêja ma Ŋalau Dêbu ŋ gêwê eŋ gêjac laoc gamêŋ sawageŋ gêmoa, \v 2 e kêtôm bêc 40 ma Sadaŋ kêlêtôm eŋ. Jesu geŋ gêŋ atom e bêc samob tonaŋ gêbacnê, tec mo gêjô eŋ. \p \v 3 Ma Sadaŋ kêsôm gêdêŋ eŋ gebe “Embe Anôtônê Latu aôm, naŋ ôsôm poc tonec êtu mo.” \v 4 Jesu gêjô eŋ awa gebe “Teto gêc gebe ‘Mo tageŋ êôc ŋamalac tôŋ atom.’” \p \v 5 Ma gêwê eŋ kêpi jakêtôc gamêŋ nomŋa samob gêdêŋ eŋ eb tageŋ. \v 6 Ma Sadaŋ kêsôm gêdêŋ eŋ gebe “Aê gabe jakêŋ ŋaclai samob tônê toŋawasigeŋ êndêŋ aôm gebe sêkêŋ gêdêŋ aê. Ma aê embe jakêŋ êndêŋ ŋac teŋ, oc jakêŋ. \v 7 Amboac tonaŋ embe ôpôŋ amduc êndêŋ aê, go gêŋ tau samob êtu aômnêm.” \v 8 Tec Jesu gêjô eŋ awa ma kêsôm gêdêŋ eŋ gebe “Teto gêc gebe ‘Ôpôŋ amduc êndêŋ Apômtau, aômnêm Anôtô, ma ônam sakiŋ eŋ taugeŋ.’” \p \v 9 Go Sadaŋ gêwê Jesu agêc sêpi Jerusalem jaketoc eŋ kêkô lôm dabuŋ ŋasalôm ŋalami ma kêsôm gêdêŋ eŋ gebe “Aôm embe Anôtônê Latu, go u taôm aŋga tonec ôna, \v 10 gebe teto gêc gebe ‘Eŋ oc êsakiŋ nê aŋela êtu aômŋa gebe mêŋsejop aôm \v 11 to sêsip aôm ŋa lemeŋgeŋ gebe ôndiŋ amkaiŋ êpi poc atom.’” \v 12 Tec Jesu gêjô eŋ awa gebe “Biŋ gêc gebe ‘Ônsaê Apômtau, aômnêm Anôtô, atom.’” \v 13 Sadaŋ kêsaê eŋ kêpi biŋ samob tonaŋ e gêbacnê, go gêwi eŋ siŋ gebe êmoa e noc teŋ acgom. \s1 Jesu gêjac m nê kôm aŋga Galilaia \r (Mat 4:12-17; Mar 1:11-15) \p \v 14 Go Ŋalau Dabuŋ kêkac Jesu gêmu gêja Galilaia, ma nê wae kêsa kêtôm gamêŋ tau ŋamadiŋ samob gêja. \v 15 Eŋ kêdôŋ êsêac aŋga nêŋ lôm e samob sêlambiŋ eŋ. \s1 Jesunê lau têtiŋ eŋ aŋga Nasaret \r (Mat 13:53-58; Mar 6:1-6) \p \v 16 Eŋ gêô lasê Nasaret, naŋ êsêac sêlôm eŋ ŋapalêgeŋ e kêtu kapôêŋ aŋga tonaŋ. Ma gêdêŋ sabat kêsô lôm gêja amboac gêgôm-gêgôm gêmoa, ma gêdi sa gebe êsam mêtê lasê. \v 17 Tec sêkêŋ propete Jesaia nê buku gêdêŋ eŋ ma kêlaiŋ buku tau e kêtap ŋalô, taŋ teto gêc naŋ sa gebe \q1 \v 18 “Apômtaunê Ŋalau kêpi aê. \q1 Eŋ geŋ oso aê gebe jasôm ŋawae ŋajam lasê êndêŋ lau ŋalêlôm sawa. \q1 Eŋ kêsakiŋ aê gebe jasôm lasê êndêŋ lau, taŋ sêŋgôŋ kapoacwalô naŋ, gebe sêŋgamboac êsêac su, \q1 ma êndêŋ mateŋpec gebe sêlic gamêŋ êtiam, \q1 to êndêŋ lau, taŋ ŋamalac sêgôm êsêac êndu-êndu gebe sêmoa nêŋ lêtêgeŋ \q1 \v 19 to jasôm Apômtau ênam lau kêsi ŋajala lasê.” \p \v 20 Go Jesu kêluŋ buku sa jakêkêŋ gêdêŋ sakiŋwaga ma gêŋgôŋ sic. Ma lau samob, taŋ sêŋgôŋ lôm naŋ, mateŋ gê eŋgeŋ. \v 21 Ma eŋ gêôc awa sa ma kêsôm gêdêŋ êsêac gebe “Biŋ taŋ teto gêc ma taŋemsuŋ aŋô naŋ, kêtu anô gêdêŋ ocsalô tonec.” \v 22 Lau samob sêŋô ênê biŋ moasiŋ, taŋ kêsôm kêsa awa naŋ, ŋajam-ŋajam e sê taêŋ ma sêsôm gebe “Ŋac tonec Josep latu atom me.” \v 23 Tec eŋ kêsôm gêdêŋ êsêac gebe “Kec, galoc oc abe asôm biŋdêm tonec êndêŋ aê gebe ‘Dokta, ôŋgôm taôm ôlim ŋajam êsamaŋ. Biŋ taŋ aêac aŋô gebe gôgôm aŋga Kapanau m naŋ, ôŋgôm aŋga taôm nêm malacmôkê amboac tonaŋ acgom.’” \v 24 Go kêsôm gebe “Biŋŋanô, aê jasôm êndêŋ amac gebe Propete teŋ oc tetoc eŋ sa ŋapep aŋga eŋ tau nê malacmôkê atom. \v 25 Ma jasôm teŋ tobiŋŋanôgeŋ êwiŋ gebe Gêdêŋ têm Elia gêmoa naŋ, undambê ŋajaŋa gêc e jala têlêac ma ajôŋ 6 ma tôbôm kapôêŋ gêjam gamêŋ samucgeŋ auc naŋ, awêtuc taêsam sêmoa Israel. \v 26 Mago Anôtô kêsakiŋ Elia gêdêŋ êsêacnêŋ teŋ gêja atom, kêsakiŋ eŋ gêdêŋ awêtuc, taŋ gêŋgôŋ Sarepta Sidonŋa naŋ, taugeŋ gêja. \v 27 Ma gêdêŋ taŋ propete Elisa gêmoa naŋ, kamocbôm gwalêkiŋ sêmoa Israel. Mago êsêacnêŋ teŋ kêtu selec atom, ŋac Suriaŋa Naeman taugeŋ.” \v 28 Lau samob, taŋ sêŋgôŋ lôm ma sêŋô biŋ tau naŋ, têntac kêbôli auc ŋanô. \v 29 Tec dêdi ma têtiŋ eŋ kêsa malacmagê gêja. Malac tau sêkwê gêc lôc. Tec sêwê eŋ jasêô lasê sêlic tau gebe têtiŋ eŋ piŋpaŋ êsêp êna. \v 30 Mago eŋ gêsiŋ êsêac popoc kêsa ŋaluŋgeŋ gêc gêja. \s1 Ŋac toŋalau sec \r (Mar 1:21-28) \p \v 31 Jesu kêsêp malac Galilaiaŋa Kapanaum gêja ma kêdôŋ êsêac gêdêŋ sabat \v 32 e êsêac têtakê kêtu ênê mêtêŋa, gebe kêsôm biŋ toŋaclaigeŋ. \v 33 Ma ŋamalac teŋ toŋalau ŋatêmui gêŋgôŋ lôm, naŋ gêmôêc awa kapôêŋ gebe \v 34 “Op, Jesu Nasaretŋa, aêacnêŋ asageŋ ŋagêdô gêdêŋ tauŋ. Aôm gômôêŋ gebe onseŋ aêac su me. Aê kajala aômgac. Anôtônê ŋac dabuŋ aômgoc.” \v 35 Tec Jesu gec biŋ eŋ gebe “Awammê êsa ma ôsa aŋga ênê ôna.” Ma ŋalau sec kêmônaŋ ŋac tau gêmoa e gêu tau kêsêp êsêac ŋaluŋgeŋ jagêc, go kêsa aŋga ŋamalacnê gêja, mago gêgôm eŋ ôli kêtu sec atom. \v 36 Tec êsêac samob têtakê e sêsôm gêdêŋ tauŋ gebe “Biŋ tonec amboac ondoc. Eŋ kêjatu ŋalau ŋatêmui toŋaclaigeŋ amboac ŋatau ma sêc sêsa sêja.” \v 37 Ma ênê wae kêsa kêtôm gamêŋ tonaŋ ŋa-malac samobgeŋ gêja. \s1 Jesu gêgom lau taêsam ôliŋ ŋajam kêsa \r (Mat 8:14-17; Mar 1:29-34) \p \v 38 Jesu gêdi aŋga lôm kêsa jakêsô Simonnê andu. Ma Simon tau lawao gêmac ôli ŋawajaô kapôêŋ tec gêc, naŋ êsêac teteŋ eŋ kêtu awê tauŋa. \v 39 Tec Jesu kêtu gasuc gêja e gêôc gadê eŋ, go gec biŋ ŋawajaô ma gêwi eŋ siŋ e gacgeŋ gêdi sa mêŋgêjam sakiŋ êsêac. \p \v 40 Oc jakêsêp acgom, go lau samob, taŋ nêŋ lau gêmac ŋagêdô tokaiŋ-tokaiŋ sêc naŋ, sejoŋ êsêac dêdêŋ Jesu sêja. Ma gêu lêma gêsac êsêac gêdêŋ-gêdêŋgeŋ ma gêgôm êsêac ôliŋ ŋajam kêsa. \v 41 Ma ŋalau sec sêsa aŋga lau taêsam nêŋ amboac tonaŋ. Êsêac sêwakic to sêsôm gebe “Anôtônê Latu aôm.” Ma Jesu gec biŋ êsêac to gêjac jao gebe sêsôm biŋ atom gebe êsêac sêjala gebe eŋ Kilisi tau. \s1 Jesu gêjam mêtê gêmoa Judaia \r (Mar 1:35-39) \p \v 42 Geleŋŋa lasê, go Jesu gêdi kêsa gamêŋ sawa teŋ gêja. Ma lau sêsôm eŋ e têtap eŋ sa ma sebe sêŋgamiŋ eŋ gebe êwi êsêac siŋ atom. \v 43 Mago eŋ kêsôm gêdêŋ êsêac gebe “Kôm tonec gêjac aê ŋawae gebe jasôm ŋawae ŋajam Anôtônê gamêŋŋa lasê êndêŋ malac ŋagêdô êwiŋ, gebe Anôtô kêsakiŋ aê kêtu kôm tonaŋŋa.” \v 44 Ma eŋ gêjam mêtê gêmoa lôm Judaiaŋa. \c 5 \s1 Jesu kêkalem nê ŋacseŋomi ŋamataŋa \r (Mat 4:18-22; Mar 1:16-20) \p \v 1 Ŋabêc teŋ Jesu kêkô bugêjactoŋ Genesaret ma lau taêsam sêkatoŋ eŋ sa sebe sêŋô Anôtônê mêtê. \v 2 Ma gêlic waŋ luagêc sêpoac, mago lau iŋa sêwi waŋ siŋ jasêkwasiŋ nêŋ wasaŋ sêmoa. \v 3 Tec jakêpi waŋ luagêc tonaŋ ŋateŋ, taŋ ŋatau Simon naŋ, ma keteŋ eŋ gebe êsu waŋ su êkêŋ bau siŋ sauŋgeŋ. Go gêŋgôŋ sic ma kêdôŋ mêtê gêdêŋ lau gêŋgôŋ waŋ. \p \v 4 Gêjac mata nê biŋ su ma kêsôm gêdêŋ Simon gebe “Asiŋ asa gêdim ana e au nêm wasaŋ êsêp gebe alô i.” \v 5 Tec Simon gêjô eŋ awa gebe “Mêtêmôkê, gêbêc samuc tonec aêac ajam wasaŋ e tekweŋ gêbac ma atap ŋanô teŋ sa atom. Mago kêtu aômnêm biŋŋa tec najau wasaŋ êtiam.” \v 6 Sêu wasaŋ ma sêkêŋ i taêsam auc e gebe êŋgôŋ wasaŋ êŋgic. \v 7 Tec sêjac kajo nêŋ lau waŋ teŋ gebe nasênam jaôŋ sêwi ŋ êsêac, tec sêja ma sêjac i tulu kêsêp waŋ lulu e gebe ênê. \v 8 Simon Petere gêlic e gêu tau jagêc Jesu akaiŋŋa ma kêsôm gebe “Apômtau, ômoa nêm lêtêgeŋ, gebe aê ŋac sec.” \v 9 Petere to lau samob, taŋ sêwiŋ eŋ naŋ, têtakê kêtu i taêsam, taŋ sêlô naŋŋa. \v 10 Sebedai latuagêc, Jakobo agêc Joaŋ, taŋ sêwê kaiŋ kôm sêwiŋ Simon naŋ, têtakê amboac tonaŋgeŋ. Go Jesu kês jm gêdêŋ Simon gebe “Ôtêc taôm atom, galoc oc ôlô ŋamalac amboac tonaŋ.” \v 11 Ma êsêac sêsiŋ e jasêsô bau, go dedec nêŋ waba samob gêc ma têdaguc eŋ. \s1 Jesu gêgôm ŋac tokamocbôm ôli ŋajam kêsa \r (Mat 8:1-4; Mar 1:40-45) \p \v 12 Ŋasawa teŋ Jesu gêmoa malac teŋ ma ŋac teŋ kamocbôm gêjam eŋ auc gêŋgôŋ. Eŋ gêlic Jesu e gêu tau jagêc nom, go keteŋ eŋ gebe “Apômtau, embe têmtac êwiŋ, go ôŋgôm aê jatu selec.” \v 13 Tec Jesu kêmêtôc lêma jakêmoasac eŋ ma kêsôm gebe “Aê gabe ôtu selec.” E gacgeŋ ênê kamocbôm gêwi eŋ siŋ. \v 14 Jesu gêjac jao gebe “Ôsôm biŋ tonec êndêŋ lau teŋ atom.” Ma kêjatu eŋ gebe “Naôtôc taôm êndêŋ dabuŋwaga ma ôkêŋ da êtu kôtu selecŋ a êtôm Mose kêjatu, gebe êwaka nêm biŋ sa êndêŋ êsêac.” \v 15 Tageŋ Jesunê wae kêtu tapa kêlêlêc, tec lau taêsam sêkac sa sêmêŋ sebe sêŋô ênê biŋ ma êŋgôm êsêacnêŋ gêmac tokaiŋ-tokaiŋ ŋajam êsa. \v 16 Go eŋ kêtaiŋ tau su kêsa gamêŋ sawaŋageŋ jaketeŋ mec. \s1 Jesu gêgôm ŋac ŋatêkwa kêtu goloŋ ôli ŋajam kêsa \r (Mat 9:1-8; Mar 2:1-12) \p \v 17 Gêdêŋ bêc teŋ Jesu kêdôŋ mêtê gêmoa, ma Parisai to biŋsutau aŋga malac Galilaia to Judaiaŋa samob ma aŋga Jerusalem mêŋsêŋgôŋ. Ma Apômtaunê ŋaclai gêjam eŋ sa gêgôm lau gêmac ŋajam kêsa. \v 18 Ma lau sêbalaŋ ŋac ŋatêkwa kêtu goloŋ teŋ kêsêp mê, tec têtu kêka-kêka sebe sejoŋ eŋ sêsô andu natetoc eŋ ênêc Jesu laŋônêmŋa. \v 19 Mago têtap lêŋ sejoŋ eŋ sêsô sênaŋa sa atom, gebe lau taêsam. Tec sêpi salôm jasêkip salôm sa ma sêlêwaŋ eŋ tomêgeŋ kêsêp ŋaluŋgeŋ jagêc Jesu laŋônêm. \v 20 Jesu gêlic êsêac sêkêŋ gêwiŋ, tec kêsôm gebe “Ŋac tau, aê kasuc nêm sec ôkwigac.” \v 21 Ma biŋsutau to Parisai sêôc aweŋ sa ma têtu kênac gebe “Ŋac tonec asa, tec kêsôm biŋ alôb-alôb amboac tonec nec. Asa gebe êsuc sec ôkwi, Anôtô taugeŋ.” \v 22 Mago Jesu kêjala biŋ, taŋ êsêac taêŋ gêjam naŋ, ma gêjô êsêac aweŋ gebe “Amboac ondoc tec taêm gêjam biŋ amboac tonaŋ gêc nêm ŋalêlômgeŋ. \v 23 Biŋ ondoc oc tasôm ŋagaô. Tasôm tonec gebe ‘Aê kasuc aômnêm sec ôkwi’ nec, me tasôm gebe ‘Ôndi sa ma ôsêlêŋ.’ \v 24 Ma aê gabe amac ajala gebe Ŋamalacnê Latu kêtu ŋatau aŋga nom gebe êsuc sec ôkwi,” go kêsôm gêdêŋ ŋac ŋatêkwa kêtu goloŋ gebe “Aê jasôm êndêŋ aôm gebe Ôndi sa. Ôluŋ nêm mê sa ma ôêc ôna nêm andu.” \v 25 Ŋac tau gêdi sa sep tageŋ gêdêŋ êsêac mateŋanô sêlic, go kêluŋ nê mê, taŋ eŋ gêc naŋ, sa ma gêc gêja nê andu ma kêlanem Anôtô. \v 26 Lau samob têtakê ŋanô ma sêlambiŋ Anôtô tonêŋ ŋalêlôm ŋatutucgeŋ ma sêsôm gebe “Ocsalô tonec aêac alic gêŋ kaiŋ teŋ.” \s1 Jesu kêkalem Lewi \r (Mat 9:9-13; Mar 2:13-17) \p \v 27 Jesu gêgôm tonaŋ su, go kêsa gêja e gêlic teloŋ teŋ, ŋaê Lewi, gêŋgôŋ teloŋ maleŋ ma kêsôm gêdêŋ eŋ gebe “Ôndaŋguc aê.” \v 28 Tec ŋac tau gedec nê gêŋ samob gêcŋa ma gêdi kêdaguc Jesu gêja. \p \v 29 Lewi gêgôm moasiŋ kapôêŋ teŋ aŋga nê andu kêtu Jesuŋa, ma teloŋ to lau ŋagêdô taêsam seŋ gêŋ tau sêŋgôŋ sêwiŋ êsêac. \v 30 Tec Parisai to nêŋ biŋsutau têtu môsi ma sêsôm gêdêŋ ênê ŋacseŋomi gebe “Amboac ondoc tec amac aeŋ to anôm gêŋ aŋgôŋ awiŋ teloŋ to lau sec nec.” \v 31 Ma Jesu gêjô êsêac aweŋ gebe “Lau ôliŋ ŋajam sêpô lêna tauŋ kêtu doktaŋa atom, mago lau gêmac tec sêpô lêna. \v 32 Aê gamêŋ gabe jakalem lau gêdêŋ atom, jakalem lau secgeŋ gebe sênam tauŋ ôkwi.” \s1 Biŋ tanam dabuŋ moŋa \r (Mat 9:14-17; Mar 2:18-22) \p \v 33 Ma êsêac sêsôm gêdêŋ Jesu gebe “Joaŋnê ŋacseŋomi sêjam dabuŋ mo to teteŋ mec elêmê ma Parisainêŋ ŋacseŋomi amboac tonaŋ. Mago aômnêm nec seŋ to sênôm gêŋ.” \v 34 Tec Jesu kêsôm gêdêŋ êsêac gebe “Lau embe sêniŋ awê ŋamoasiŋ, ma ŋac-gebe-ênam-awêwaga êmoa êwiŋ êsêac, oc amac akac êsêac gebe sênam dabuŋ mo me. Masianô. \v 35 Mago ŋabêc oc mêŋêsa ma sêkôc ŋac-gebe-ênam-awêwaga su aŋga êsêacnêŋ. Êndêŋ bêc tônê, go sênam dabuŋ mo.” \p \v 36 Go kêsôm biŋgôliŋ teŋ gêdêŋ êsêac gêwiŋ gebe “Lau teŋ sêkac obo ŋatali su aŋga ŋakwê wakuc gebe sêsi êpi ŋakwê laŋgwa atom. Embe sêŋgôm, go sêkac ŋakwê wakuc êŋgic ma ŋakwê wakuc ŋatali naêtôm ŋakwê laŋgwa atom. \v 37 Ma lau teŋ sêkêŋ wain wakuc êsêp bôc ŋaôlic laŋgwa atom. Embe sêŋgôm, oc wain wakuc êôc ŋaôlic êpoa e êtaiŋ ma ŋaôlic tau êtu sec. \v 38 Takêŋ wain wakuc êsêp ŋaôlic wakuc ênamaŋ. \v 39 Ma lau, taŋ sênôm wain laŋgwa su naŋ, sebe sênôm wain wakuc atom. Êsêac sêsôm gebe ‘Wain laŋgwa ŋajam kêlêlêc.’” \c 6 \s1 Ŋacseŋomi sesolop polom gêdêŋ sabat \r (Mat 12:1-8; Mar 2:23-28) \p \v 1 Gêdêŋ sabat teŋ Jesu kêsêlêŋ gêmoa kôm polomŋa ŋalêlôm, ma nê ŋacseŋomi sesolop polom ŋanô mêŋsêlêsa popoc ma seŋ. \v 2 Tec Parisainêŋ ŋagêdô sêsôm gebe “Amboac ondoc amac agôm gêŋ, taŋ biŋsu gêjac jao gebe daŋgôm êndêŋ sabat atom naŋ.” \v 3 Ma Jesu gêjô êsêac aweŋ gebe “Amac asam biŋ, taŋ Dawid gêgôm gêdêŋ mo gêjô eŋ tau to êsêac, taŋ sêwiŋ eŋ naŋ, atom me. \v 4 Eŋ kêsô Anôtônê andu gêja ma kêkôc polom, taŋ sêkêŋ gêdêŋ Anôtô kêtu da naŋ, mêŋgeŋ to kêkêŋ gêdêŋ êsêac, taŋ sêwiŋ eŋ naŋ, seŋ amboac tonaŋ. Mago polom tau biŋsu gêjac jao gebe lau teŋ sêniŋ atom, dabuŋwaga tau ŋgeŋ.” \v 5 Tec Jesu kêsôm gêdêŋ êsêac gebe “Ŋamalacnê Latu kêtu sabat ŋatau gêwiŋ.” \s1 Ŋac lêma kêtu goloŋ ŋajam kêsa \r (Mat 12:9-14; Mar 3:1-6) \p \v 6 Gêdêŋ sabat teŋ Jesu kêsô lôm gêja ma kêdôŋ êsêac. Ma ŋac teŋ gêŋgôŋ tonaŋ, taŋ lêma anôŋa kêtu goloŋ. \v 7 Ma biŋsutau to Parisai dêdib Jesu gebe moae êŋgôm ŋac tau ôli ŋajam êsa êndêŋ sabat, sebe têtap lêŋ sêŋgôliŋ biŋ êpi eŋŋa sa. \v 8 Mago Jesu kêjala êsêac taêŋ gêjam biŋ tonaŋ tec kêsôm gêdêŋ ŋac lêma kêtu goloŋ gebe “Ôndi sa ôkô ŋaluŋ.” Ma ŋac tau gêdi sa kêkô. \v 9 Ma Jesu kêsôm gêdêŋ êsêac gebe “Aê jatu kênac amac acgom, oc tatôm gebe tamoasiŋ lau me daŋgôm êsêac sec êndêŋ sabat. Tanam katuŋ kêsi me tajaiŋ.” \v 10 Go mata gê êsêac gelom-gelom ma kêsôm gêdêŋ ŋac tau gebe “Ômêtôc lêmam.” Ŋac tau kêmêtôc lêma e ŋajam kêsa kêtiam. \v 11 Tec êsêac têntac ŋandaŋ gêôc nêŋ ŋalêlôm auc ma sêsôm ŋabiŋ sêwiŋ tauŋ gebe sêŋgôm Jesu amboac ondoc. \s1 Jesu kêjaliŋ nê aposolo 12 sa \r (Mat 10:1-4; Mar 3:13-19) \p \v 12 Gêdêŋ ŋasawa tonaŋ Jesu kêpi lôc gêja gebe eteŋ mec. Tec gêbêc samuc tonaŋ keteŋ mec gêdêŋ Anôtô ŋapaŋ \v 13 e geleŋŋa lasê, go gêmôêc nê ŋacseŋomi mêŋkêjaliŋ 12 sa aŋga êsêacnêŋ ma kêsam êsêac gebe “Aposolo.” \v 14 Simon taŋ gê eŋ gebe Petere gêwiŋ naŋ, agêc lasi Andrea, ma Jakobo agêc Joaŋ, Pilip agêc Batolomai, \v 15 Matai agêc Tom, Alpainê latu Jakobo ma Simon, taŋ sêsam eŋ gebe Seloto naŋ, \v 16 Jakobonê latu Juda, go Juda Isariot, taŋ geoc eŋ lasê naŋ. \s1 Jesu gêjam sakiŋ lau taêsam \r (Mat 4:23-25) \p \v 17 Jesu gêwiŋ êsêac sêsêp aŋga lôc sêmêŋ e sêsa ŋadeŋ teŋ, go nê ŋacseŋomi pom kapôêŋ teŋ ma lau ŋagêdô taêsam aŋga malac Judaiaŋa samob ma aŋga Jerusalem to aŋga gamêŋ gwêcŋa Turu to Sidonŋa sêwiŋ. \v 18 Lau tonaŋ ŋai samob sêja sebe sêŋô ênê biŋ ma sebe eŋ êŋgôm êsêacnêŋ gêmac tokaiŋ-tokaiŋ ŋajam êsa. Ma gêgôm êsêac, taŋ ŋalau ŋatêmui kêlêsu êsêac naŋ, ŋajam kêsa amboac tonaŋ. \v 19 Ŋaclai kêsa aŋga ênê, tec gêgôm samob ôliŋ ŋajam kêsa, amboac tonaŋ lau pebeŋ sêgôm mocsac gebe sêmoasac eŋ. \s1 Biŋ moasiŋ to biŋ ojaeŋa \r (Mat 5:1-12) \p \v 20 Jesu kêsa laŋôanô sa gêdêŋ nê ŋacseŋomi ma kêsôm gebe \q1 “Aê aoc êôc amac lau ŋalêlôm sawa, gebe Anôtônê gamêŋ kêtu amacnêm. \q1 \v 21 Aê aoc êôc amac, taŋ mo gêjô amac galoc naŋ, gebe oc aniŋ gêŋ e êôc amac tôŋ. \q1 Aê aoc êôc amac, taŋ galoc ataŋ naŋ, gebe oc aômac. \p \v 22 “Aê aoc êôc amac embe ŋamalac têntac endec amac to sêmasuc ma sêmbu amac to sêsôm gebe amac lau sec êtu Ŋamalacnê Latuŋa. \v 23 Têmtac ŋajam êsa êndêŋ bêc ônê toôlim êpigeŋ gebe amacnêm ŋagêjô ŋajam kapôêŋ gêc undambê. Êsêacnêŋ lau ŋanô sêgôm gêŋ tonaŋ gêdêŋ propete amboac tonaŋgeŋ. \q1 \v 24 “Ojae amac lau tolêlôm, gebe nêm moasiŋ tec akôc kwanaŋgeŋ. \q1 \v 25 Ojae amac, taŋ galoc têmtac kêkôc naŋ, gebe mo oc êjô amac. \q1 Ojae amac, taŋ galoc aômac naŋ, gebe almac oc têmtac ŋawapac to ataŋ. \p \v 26 “Ojaê amac, embe lau samob aweŋ aôc amac naŋ, gebe êsêacnêŋ lau ŋanô sêgôm gêŋ tonaŋ gêdêŋ propete dansaŋ kêtôm tonaŋgeŋ. \s1 Têmtac êwiŋ nêm soŋo-soŋo \r (Mat 5:38-48; 7:12) \p \v 27 “Mago aê jasôm êndêŋ amac, tec aŋô aêŋoc biŋ amoa nec, gebe Têmtac êwiŋ nêm soŋo-soŋo to amoasiŋ êsêac, taŋ têntac gedec amac naŋ. \v 28 Anam mec êsêac, taŋ sêpuc boa amac, to ateŋ mec êtu lau, taŋ sêsac amac naŋŋa. \v 29 Ŋac, taŋ êtap aôm alimanô ŋamakeŋ naŋ, ôkêŋ ŋamakeŋ êndêŋ eŋ êwiŋ, ma ŋac taŋ êjaŋgo nêm ŋakwê su naŋ, ôŋgamiŋ obo êndêŋ eŋ atom. \v 30 Samob taŋ teteŋ gêŋ êndêŋ aôm naŋ ôkêŋ, ma êsêac, taŋ sêkôc nêm gêŋ su naŋ, oteŋ êêac gebe sêkêŋ êm u êmêŋ êtiam atom. \v 31 Gêŋ taŋ amac abe lau sêŋgôm êndêŋ amac naŋ, taôm aŋgôm êndêŋ êsêac. \p \v 32 “Embe têmtac êwiŋ lau, taŋ têntac gêwiŋ amac naŋ, oc ŋanô amboac ondoc, gebe lau sec têntac gêwiŋ lau, taŋ têntac gêwiŋ êsêac naŋ amboac tonaŋ. \v 33 Ma embe amoasiŋ lau, taŋ sêmoasiŋ amac naŋ, oc ŋanô amboac ondoc. Lau sec sêgôm nêŋ gêŋ amboac tonaŋ. \v 34 Ma embe akêŋ gêŋ êtu tôp êndêŋ lau ma taêm êka gebe sênac ŋatôp, oc ŋanô amboac ondoc. Lau sec sêkêŋ gêŋ kêtu tôp gêdêŋ lau amboac tonaŋgeŋ. \v 35 Têmtac êwiŋ nêm soŋo-soŋo to amoasiŋ lau ma akêŋ gêŋ êsêac, taêm êka ŋagêjô atom, go amacnêm ŋagêjô ŋajam êtu kapôêŋ ma atu Lôlôc Ŋatau latui, gebe eŋ kêtu lau têntac dani to lau sec nêŋ ŋac gabêjam. \v 36 Taêm walô lau amboac Tamemi taê walô. \s1 Biŋ lamêtôc lauŋa \r (Mat 7:1-5) \p \v 37 “Amêtôc lau atom, go Anôtô êmêtôc amac atom. Anac jatu lau atom, go Anôtô ênac jatu amac atom. Anac pêla lau, go Anôtô ênac pêla amac. \v 38 Akêŋ gêŋ êndêŋ lau, go Anôtô êkêŋ gêŋ êndêŋ amac. Oc êkêŋ gêŋ êndêŋ amac êsêp nêm gadob e mêŋêc ma ekoloŋ, go ênsalê ŋagêdô ênsac ŋaô êwiŋ, gebe dôŋ, taŋ anam dôŋ lau naŋ, oc Anôtô ênam dôŋ amac.” \p \v 39 Go Jesu kêsôm biŋgôliŋ tonec gêdêŋ êsêac gebe “Matapec teŋ kêtôm gebe êwê matapec teŋ atom. Agêc lulu oc sêu tauŋ sêsêp sê sêna. \v 40 Kwapuc teŋ êlêlêc kwalam laŋgwa atom. Mago kwapuc samob embe sênac dabiŋ ŋapep, go têtôm nêŋ kwalam laŋgwa. \p \v 41 “Asageŋ gôlic ka ŋasili, naŋ gêguŋ lasim mataanô, ma ŋadambê, taŋ kêkô taôm matamanô naŋ, gôlic sapu. \v 42 Ma amboac ondoc ôsôm êndêŋ lasim gebe ‘Lasicenec, ondecgeŋ ma jambuc ŋasili, taŋ gêguŋ matamanô naŋ sa.’ Mago ka ŋadambê, taŋ kêkô aôm taôm matamanô naŋ, gôlic sapu. Aôm dansaŋtêna, ômbuc ka ŋadambê aŋga taôm matamanô sa acgom e matamanô ŋawa êsa, go ômbuc ŋasili, taŋ gêguŋ lasim mataanô naŋ sa. \s1 Tajala ka endeŋ ŋanô \r (Mat 7:16-20; 12:33-35) \p \v 43 “Ka ŋajam oc ênam ŋanô sec atom, ma ka sec oc ênam ŋanô ŋajam atom. \v 44 Ka samob tajala êndêŋ ŋanô êndêŋ-êndêŋgeŋ. Sêpip jambô ŋanô aŋga locgôm atom ma sêwa aiŋ aŋga okêm atom. \v 45 Ŋamalac ŋajam kêtaiŋ gêŋ ŋajam sa aŋga nê awa ŋajam, taŋ gêc nê ŋalêlôm naŋ, ma ŋamalac sec kêtaiŋ gêŋ sec sa aŋga nê awa sec. Gebe gêŋ, taŋ gêlôc gêc nê ŋalêlôm tonaŋ tec mêŋêsa awasuŋ. \s1 Ŋac lulagêc sêkwê andu \r (Mat 7:24-27) \p \v 46 “Amboac ondoc, amac asam aê gebe ‘Apômtau, Apômtau,’ mago agôm biŋ, taŋ kasôm naŋ, ŋanô kêsa atom. \v 47 Lau samob, taŋ dêdêŋ aê sêmêŋ to sêŋô aêŋoc biŋ ma sêgôm ŋanô kêsa naŋ, aê janam dôŋ êsêac amboac tonec. \v 48 Êsêac têtôm ŋac, taŋ kêkwê andu teŋ. Eŋ kêkwê sê baliŋgeŋ kêsêp gêja e poc kêkapiŋ ŋaalê tôŋ. Gêdêŋ taŋ bu kêsa kapôêŋ naŋ, ŋasamac kêgasim jakêpi andu tau, mago kêwiwic jageo, gebe poc kêkapiŋ tôŋ. \v 49 Ma Ŋac taŋ gêŋô biŋ, mago gêgôm ŋanô kêsa atom naŋ, kêtôm ŋac, taŋ kêkwê nê andu kêkô nom ŋaô kêkwê alê kêsêp gêja atom. Ma bu kêsa kapôêŋ jakêpi andu tau ma gacgeŋ kêku sa jaguluŋ tageŋ.” \c 7 \s1 Jesu gêgôm lau Rom nêŋ kapitainê sakiŋwaga ôli ŋajam kêsa \r (Mat 8:5-13) \p \v 1 Jesu kêsiôm nê bi ŋ samob tonaŋ gêdêŋ lau sêŋô su, go kêsêp Kapanaum gêja. \v 2 Ma kapitai teŋ nê sakiŋwaga, taŋ têtac gêwiŋ eŋ naŋ, gêmac jaoŋageŋ gêc. \v 3 Tec nê ŋatau gêŋô Jesu ŋawae ma kêsakiŋ Judanêŋ lômmôkê dêdêŋ eŋ sêja gebe teteŋ eŋ mêŋênam ênê sakiŋwaga sa. \v 4 Lau tau jasêô lasê dêdêŋ Jesu ma teteŋ eŋ sepeŋ ducgeŋ gebe “Ôkêŋ taŋam eŋmaŋ, \v 5 gebe eŋ têtac gêwiŋ aêacnêŋ lau ma kêkwê aêacma lôm.” \v 6 Tec Jesu gêwiŋ êsêac gêja. Kêsêlêŋ e gêjam andu ŋasawa kêtu dambê, go kapitai kêsakiŋ nê lau jasêsôm gêdêŋ eŋ gebe “Apômtau, ôjaiŋ taôm atom, gebe aê galic tauc katôm gebe ôsô ŋoc andu ŋasalôm ŋalabu ômôêŋ atom. \v 7 Aê galic tauc amboac tonaŋ, tec gabe jatoc tauc sa jandêŋ aôm jawac atom. Amboac tonaŋ, ôsôm ŋa awamgeŋ ma ŋoc ŋacseŋom oc ôli ŋajam êsa. \v 8 Gebe aê ŋac teŋ, taŋ kasô lau kapôêŋ ŋalabu ma siŋwaga sêsô aê ŋalabu. Embe jasôm êndêŋ ŋac teŋ gebe ‘Ôna,’ oc êna. Ma êndêŋ ŋac teŋ gebe ‘Omôêŋ,’ oc êmêŋ, ma êndêŋ ŋoc sakiŋwaga gebe ‘Ôŋgôm gêŋ tonec,’ oc êŋgôm.” \v 9 Jesu gêŋô biŋ tonaŋ e gêŋac lêma ma kêsa tau ôkwi jakêsôm gêdêŋ lau, taŋ têdaguc eŋ naŋ gebe “Lauac, aŋga Israelnêŋ aê katap kêkêŋ gêwiŋ kapôêŋ amboac tonaŋ sa atomgeŋ.” \v 10 Go lau, taŋ kapitai kêsakiŋ êsêac naŋ, sêmu sêja andu e sêlic sakiŋwaga tau ôli ŋajam kêsa. \s1 Jesu gêŋu awêtuc teŋ latu mata jali kêsa \p \v 11 Ŋasawa baliŋ atom, go Jesu gêja malac teŋ ŋaê Nain, ma nê ŋacseŋomi to lau taêsam sêwê sêwiŋ eŋ. \v 12 Eŋ kêdabiŋ malac ŋasacgêdô ma gêlic sêbalaŋ ŋacmatê teŋ sêsa sêmêŋ, awêtuc teŋ nê latu tageŋ tonaŋ, tec lau malacŋa taêsam sêwiŋ eŋ. \v 13 Apômtau gêlic awê tau e taê walô eŋ ma kêsôm gêdêŋ eŋ gebe “Ôtaŋ atom.” \v 14 Go kêtu gasuc jagêu lêma gêsac katapa e lausêbalaŋwaga têtu malô sêkô. Go kêsôm gebe “Ŋapalê, aê jasôm aôm ôndi sa.” \v 15 Ma ŋacmatê gêdi gêŋgôŋ e kêsôm biŋ lasê. Go Jesu kêkêŋ eŋ gêdêŋ têna gêja. \v 16 Lau samob têtakê ma sêlanem Anôtô gebe “Aêacnêŋ propete kapôêŋ teŋ mêŋkêpi aŋga aêacnêŋ ma Anôtô mêŋkêtu ŋacleŋ nê lau.” \v 17 Go ênê biŋ ŋawae kêtu tapa aŋga Judaia tau to ŋagamêŋ ŋamagêŋa samob gêja. \s1 Ŋackêsagu Joaŋ kêkêŋ nê ŋacseŋomi têtu kênac Jesu ŋam \r (Mat 11:2-19) \p \v 18 Ma Joaŋnê ŋacseŋomi sêkêŋ gêŋ samob tonaŋ ŋawae gêdêŋ eŋ. Tec gêmôêc nê ŋacseŋom luagêc \v 19 mêŋ kêsakiŋ êsêagêc gebe dêndêŋ Apômtau sêna ma sêsôm gebe “Ŋac taŋ sêsôm sebe êmêŋŋa naŋ, ŋac tau aôm tonec, me aêac ansaê ŋac teŋ acgom.” \v 20 Ŋac ulu tau dêdêŋ Jesu sêja ma sêsôm gebe “Ŋackêsagu Joaŋ kêsakiŋ aêagêc tec adêŋ aôm amêŋ ma kêsôm gebe Ŋac taŋ sêsôm sebe êmêŋŋa naŋ, ŋac tau aôm tonec, me aêac ansaê ŋac teŋ acgom.” \v 21 Gêdêŋ ŋasawa tonaŋ Jesu kêmoasiŋ gêmac taêsam to lau ôliŋ kêtuŋ êsêac ma ŋalau sec gêgôm êsêac naŋ, ôliŋ ŋajam kêsa ma gêgôm mateŋpec taêsam sêlic gamêŋ kêtiam. \v 22 Tec eŋ gêjô êsêagêc aweŋ gebe “Ana ma anac miŋ geŋ, taŋ alic to aŋô naŋ, êndêŋ Joaŋ gebe mateŋpec sêlic gamêŋ kêtiam to magiŋ kêsu sêsêlêŋ, kamocbôm têtu selec to taŋeŋsuŋbic sêŋô biŋ, ma ŋacmatê dêdi sa to lau sêsôm ŋawae ŋajam lasê gêdêŋ lau ŋalêlôm sawa. \v 23 Ma aê aoc êôc êsêac, taŋ têntac lulu kêtu aêŋa atom.” \p \v 24 Joaŋnê ŋacjaeŋ luagêc tonaŋ sêc sêmu sêja acgom, go Jesu gêôc awa sa ma gêwa J oaŋ sa gêdêŋ lau gebe “Amac asa gamêŋ sawa aja abe alic asageŋ. Abe alic sôbolec teŋ mu gêôc jakêsêp mêŋkêsêp me. \v 25 Me aja abe alic asageŋ. Abe alic ŋac teŋ kêsô ŋakwê palê-palê me. Alicgac me, lau taŋ sêsô ŋakwê togêŋŋ ma sêmoasiŋ tauŋ ôliŋ naŋ, sêŋgôŋ kiŋnêŋ andugeŋ. \v 26 Me aja abe alic asageŋ. Abe alic propete teŋ me. Biŋŋano, aê jasôm êndêŋ amac gebe Ŋac taŋ kêlêlêc propete su. \v 27 Ŋac tau tonaŋ, tec teto biŋ kêpi eŋ gebe ‘Anôtô kêsôm gebe Ôlic acgom, aê jasakiŋ ŋoc ŋacjaeŋ êmuŋ aôm naêmansaŋ nêm intêna, taŋ gêc aôm laŋômnêmŋa naŋ.’ \v 28 Aê jasôm êndêŋ amac gebe lau samob, taŋ lauo sêkôc êsêac naŋ, nêŋ teŋ kêlêlêc Joaŋ su atom. Mago ŋac sauŋ, taŋ sêsam eŋ kêtu ŋamu aŋga Anôtônê gamêŋ naŋ, kêlêlêc eŋ su.” \p \v 29 Lau samob to teloŋ, taŋ sêŋô biŋ tonaŋ naŋ, taŋeŋ wamu Anôtônê biŋ, taŋ kêjatu jagêdêŋgeŋ naŋ, sêliŋ Joaŋnê saŋgu su. \v 30 Mago Parisai to biŋsutau sêpô Anôtônê mêtê ŋagôliŋ, taŋ kêmasaŋ kêtu êsêacŋa naŋ siŋ, tec sêliŋ ênê saŋgu atom. \p \v 31 “Aê janam dôŋ lau têm tonecŋa êpi asageŋ, ma êsêac oc têtôm asa lau. \v 32 Êsêac têtôm ŋapalê, taŋ sêŋgôŋ malacluŋ ma sêmôêc biŋ gelom tau gebe ‘Aêac ajac oŋ, mago amac atê wê atom. Aêac ataŋ taŋiboa, mago amac ataŋ awiŋ atom, \v 33 Ŋackêsagu Joaŋ gêmêŋ e geŋ mo atom to gênôm wain atom, tec amac asôm gebe ‘Ŋalau sec teŋ gêgôm eŋ.’ \v 34 Ŋamalacnê Latu gêmêŋ e geŋ to gênôm gêŋ ma amac asôm gebe ‘Alic eŋ lasamtêna to gênôm wain anaboa, teloŋ to lau sec nêŋ ŋac eŋgoc.’ \v 35 Mago biŋ amboac tonaŋ Anôtônê mêtê tokauc kêwaka tau sa kêpi êsêac, taŋ têtu ênê lau naŋ.” \s1 Jesu kêtu ŋacleŋ Parisai Simon \p \v 36 Parisainêŋ teŋ keteŋ Jesu gebe êniŋ gêŋ êwiŋ eŋ. Tec Jesu kêsô Parisai tonaŋ nê andu jagêŋgôŋ gebe êniŋ gêŋ. \v 37 Ma awê teŋ gêmoa malac tonaŋ. Eŋ awê sec. Eŋ gêŋô Jesu geŋ gêŋ gêŋgôŋ Parisainê andu ŋawae, tec kêkôc gêŋmalu kêsêp kekec kwalam-kwalam teŋ. \v 38 Eŋ jakêkô Jesu dêmôêmu kêsi akaiŋŋa ma kêtaŋ e matasulu gêgôm Jesu akaiŋ ŋawambuc kêsa. Tec gêbuŋ ŋa môkêlauŋ ma kêlêsôp eŋ akaiŋ ma geŋ oso ŋa gêŋmalu. \v 39 Parisai taŋ kêkalem Jesu naŋ, gêlic ma taê gêjam gêc taugeŋ gebe “Ŋac tonec embe propete teŋ, oc êlic awê tec kêmoasac eŋ nec, to êjala ênê lêŋ, gebe eŋ awê sec.” \v 40 Ma Jesu gêjô biŋ tau ma kêsôm gebe “Simon, aê gabe jasôm ŋoc biŋ teŋ êndêŋ aôm.” Go eŋ kêsôm gebe “Mêtêmôkê, ôsômmaŋ.” \v 41 Tec Jesu kêsôm gebe “Ŋamalac teŋ kêkêŋ mone kêtu tôp gêdêŋ ŋac luagêc. Ŋac teŋ nê tôp kêtôm denari 500, ma teŋ nê 50. \v 42 Êsêagêc têtôm gebe sênac tôp tau atom, tec ŋatau gêwi ŋabiŋ siŋ. Aôm gobe êsêagêcnêŋ asa oc têtac êwiŋ eŋ êIêlêc.” \v 43 Tec Simon gêjô Jesu awa gebe “Aê gabe ŋac, taŋ awa ŋatau gêwi gêŋ taêsam siŋ gêdêŋ eŋ naŋ.” Ma Jesu kêsôm gêdêŋ eŋ gebe “Kôsôm jagêdêŋ.” \v 44 Go Jesu kêkac tau ôkwi gêdêŋ awê tau ma kêsôm gêdêŋ Simon gebe “Aôm gôlic awê tonec me masi. Aê kasô nêm andu gamêŋ, mago aôm kôkêŋ bu ockaiŋŋa gêdêŋ aê atom, e eŋ matasulugeŋ gêgôm ockaiŋ ŋawambuc kêsa ma gêbuŋ ŋa môkêlauŋ. \v 45 Aôm kôlêsôp aê alicanô atom, mago gêdêŋ taŋ aê kasô gamêŋ e mêŋgêdêŋ tonec eŋ kêlêsôp ockaiŋ gedeŋ tôŋgeŋ tec gêmoa. \v 46 Aôm goeŋ oso môkêcapac ŋa niptêkwi atom. Mago eŋ tec geŋ oso ockaiŋ ŋa gêŋmalu. \v 47 Amboac tonaŋ jasôm êndêŋ aôm gebe Ênê sec taêsam gêjaŋa, gebe eŋ têtac gêwiŋ ŋanô. Mago ŋac, taŋ nê sec luagêcgeŋ gêjaŋa naŋ, eŋ têtac gêwiŋ ŋagecgeŋ.” \v 48 Go Jesu kêsôm gêdêŋ awê tau gebe “Aômnêm sec aê kasuc ôkwi su.” \v 49 Ma lau, taŋ seŋ gêŋ sêŋgôŋ sêwiŋ eŋ naŋ, sêôc aweŋ sa ma sêsôm gêdêŋ tauŋ gebe “Ŋac tonec asa, tec kêsuc sec tau ôkwi gêwiŋ nec.” \v 50 Go Jesu kêsôm gêdêŋ awê tau gebe “Kôkêŋ gêwiŋ, tec gêjam aôm kêsi. Ôêc ôna totêmtac malôgeŋ.” \c 8 \s1 Lauo taŋ sêsêlêŋ sêwiŋ Jesu naŋ \p \v 1 Ŋasawa sauŋgeŋ, go Jesu kêsêlêŋ kêsô malac sauŋ to kapôêŋ ma gêjam mêtê to kêsôm ŋawae ŋajam Anôtônê gamêŋŋa lasê. Ma ŋacseŋomi 12 sêwiŋ eŋ. \v 2 Ma lauo ŋagêdô, taŋ kêtiŋ ŋalau sec aŋga êsêacnêŋ to gêgôm êsêacnêŋ gêmac ŋajam kêsa naŋ, sêwiŋ amboac tonaŋ, Maria taŋ sêsam eŋ gebe Magdalaŋa, naŋ ŋalau sec 7 sêsa aŋga ênê naŋ, \v 3 ma Herodonê gejobwaga Kusa nê awê Joana, ma Susana to lauo ŋagêdô taêsam, taŋ sêmoasiŋ Jesu to nê ŋacseŋomi ŋa nêŋ gêŋ tokaiŋ-tokaiŋ. \s1 Biŋgôliŋ ŋac kêpalip ŋawêŋa \r (Mat 13:1-9; Mar 4:1-9) \p \v 4 Ma gêdêŋ taŋ lau taêsam sêkac sa to lau aŋga malac tomalac sêwê dêdêŋ Jesu sêja naŋ, eŋ kêsôm ŋa biŋgôliŋgeŋ gebe. \p \v 5 “Ŋac-kêpalip-ŋawêwaga teŋ kêsa gêja gebe êpalip nê ŋawê. Kêpalip gêmoa ma ŋagêdô kêsêp intêna, naŋ ŋamalac sêka tôŋ ma moc, taŋ sêmoa umboŋ ŋalabu naŋ mêŋseŋ su. \v 6 Ma ŋagêdô gêsac poc ŋaô, naŋ kêpoa e su, go kêmêliŋ, gebe nom ŋawambuc gêc atom. \v 7 Ma ŋagêdô kêsêp êcmôkê ŋalêlôm, naŋ êc kêpoa gêwiŋ tec gejoŋ endu. \v 8 Ma ŋagêdô kêsêp nom ŋajam, tec kêpi jagêjam ŋanô e kêtu dim 100.” Kêsôm biŋ tonaŋ su, go gêmôêc gebe “Ŋac teŋ nê taŋasuŋ êŋôŋa embe ênêc, naŋ êŋômaŋ.” \s1 Biŋgôliŋ tau ŋam \r (Mat 13:10-17; Mar 4:10-12) \p \v 9 Ma ênê ŋacseŋomi têtu kênac biŋgôliŋ tau ŋam gêdêŋ Jesu. \v 10 Tec eŋ kêsôm gebe “Amac atap kauc sa, tec ajala Anôtônê gamêŋ ŋabiŋ ŋalêlômŋa. Mago lau ŋagêdô oc sêŋô êtu biŋgôliŋgeŋ, gebe sêlic gêŋ e amboac sêlic atom, ma sêŋô biŋ e sêjala atom. \s1 Jesu gêwa biŋgôliŋ ŋac kêpalip ŋawêŋa ŋam sa \r (Mat 13:18-23; Mar 4:13-20) \p \v 11 “Ma biŋgôliŋ ŋam tau tonec gebe Ŋawê kêtôm Anôtônê biŋ. \v 12 Êsêac taŋ sêsêp intêna naŋ, sêŋô biŋ e Sadaŋ mêŋkêjaŋgo biŋ su aŋga êsêacnêŋ ŋalêlôm gebe sêkêŋ êwiŋ atom ma sênaŋa. \v 13 Ma êsêac taŋ sêsac poc ŋaô naŋ, gêdêŋ taŋ sêŋô biŋ naŋ, sêkôc sa totêntac ŋajamgeŋ. Mago êsêacnêŋ ŋawakac masi. Ac sêkêŋ gêwiŋ ŋasawa sauŋgeŋ ma gêdêŋ noc lêtômŋa sêwi tauŋ siŋ. \v 14 Ma ônaŋ kêsêp êcmôkê naŋ, êsêac taŋ sêŋô biŋ ma sêc sêja e gêŋ Iêlôm-lêlôm to waba ma moasiŋ ôliŋŋa gejoŋ êsêac, tec nêŋ ŋanô kêtu gagweŋ atom. \v 15 Ma ônaŋ kêsêp nom ŋajam naŋ, êsêac taŋ sêŋô biŋ e sêkôc sa tonêŋ ŋalêlôm mansaŋ to ŋajam ma sêjam ŋanô gedeŋ tôŋgeŋ. \s1 Lamp kêkô suc ŋalêlôm \r (Mar 4:21-25) \p \v 16 “Ŋac teŋ êtuŋ lamp ma êŋgênduc ŋa suc auc me êkêŋ êsô pôpô ŋalabu atom, etoc êkô jakaiŋ ŋaô gebe êsêac, taŋ sêsô sêmêŋ naŋ, sêlic nawê. \v 17 Gebe gêŋ samob, taŋ kêsiŋ tau naŋ, sêkêŋ êsa awê ma gêŋ samob, taŋ gêc lêlômgeŋ naŋ, oc ŋapuc êsa ma ênêc awêgeŋ. \p \v 18 “Amboac tonaŋ taêm ênam nêm lêŋ aŋô biŋŋa acgom gebe ŋac, taŋ nê gêŋ gêc naŋ, oc êtap ŋagêdô sa naêwiŋ. Ma ŋac teŋ, taŋ nê gêŋ masi naŋ, oc sêkôc ŋakêsu, taŋ eŋ geboc kêkôc naŋ, su amboac tonaŋgeŋ.” \s1 Jesu têna to lasii \r (Mat 12:46-50; Mar 3:31-35) \p \v 19 Go Jesu têna to lasii dêdêŋ eŋ sêja e têtôm gebe têtu gasuc eŋ atom gebe lau taêsam. \v 20 Tec lau sêsôm ŋawae gêdêŋ Jesu gebe “Tênam to lasimi tê mêŋsêkô dêmôêŋa sebe sêlic aôm.” \v 21 Mago eŋ gêjô êsêac aweŋ ma kêsôm gebe “Lau taŋ sêŋô Anôtônê biŋ ma sêgôm ŋanô kêsa naŋ, tec têtu aêŋoc tinoc to lasici.” \s1 Jesu kêsôm mutêna kêtu malô \r (Mat 8:23-27; Mar 4:35-41) \p \v 22 Ŋabêc teŋ acgom, go Jesu to nê ŋacseŋomi sêpi waŋ teŋ, ma eŋ kêsôm gêdêŋ êsêac gebe “Tanac êŋgic tana bugêjactoŋ ŋamakeŋ ônêŋa.” Tec ac sêlac sêja. \v 23 Sêlac sêmoa ma eŋ gêc bêc. Go mu gêbuc ŋatêna mêŋkêjamuŋ bugêjactoŋ ma ŋadembom kêsalê waŋ auc e sêmoa jageo. \v 24 Tec ŋacseŋomi têtu gasuc jasêŋu eŋ ma sêsôm gebe “Mêtêmôke, mêtêmôkê, aêac oc dambac tanaŋa.” Tec eŋ mata gêlac ma gec biŋ mu to ŋadembom sec e kêtu malô to bênôŋ kêsêp. \v 25 Go kêsôm gêdêŋ êsêac gebe “Amac akêŋ gêwiŋ ŋanô gêc ondoc.” Ma êsêacnêŋ ŋalêlôm ŋatutuc e sêŋac lemeŋ ma sêsôm gêdêŋ tauŋ gebe “Ŋac tonec asa, tec kêjatu mu to bu ma taŋeŋ wamu gêdêŋ eŋ nec.” \s1 Jesu gêgôm ŋac toŋalau sec ôli ŋajam kêsa \r (Mat 8:28-34; Mar 5:1-20) \p \v 26 Go ac sêlac sêja Gadarenenêŋ gamêŋ, taŋ gêc Galilaia ŋamakeŋ ônêŋa. \v 27 Ma gêdêŋ taŋ Jesu jakêpi bau naŋ, ŋac teŋ toŋalau sec kêsa aŋga malac jagêdac eŋ. Ŋac tau kêsô ŋakwê atom e ŋasawa ŋêŋgeŋ ma gêŋgôŋ andu atom, gêmoa gamêŋ sêôŋageŋ. \v 28 Eŋ gêlic Jesu e kêwakic ma gêu tau gêc eŋ akaiŋŋa, go gêmôêc ŋa awa kapôêŋ gebe “Lôlôc Ŋatau Anôtô nê Latu Jesu, aêagêcnêŋ asageŋ ŋagêdô gêdêŋ tauŋ. Aê jateŋ aôm gebe Ôlênsu aê atommaŋ.” \v 29 Eŋ kêsôm biŋ tonaŋ gebe Jesu kêjatu ŋalau ŋatêmui gebe êsa aŋga ŋamalac tau nê êna. Gebe ŋalau tonaŋ kêsaic eŋ todim-todim, tec sejop eŋ ma sêbôêŋ eŋ ŋa kapoacwalô to sêsô eŋ akaiŋ tôŋ. Mago eŋ kêmônaŋ gêŋ, taŋ sêsô eŋ tôŋŋa naŋ gêŋgic-gêŋgic, ma ŋalau sec tau kêkac ŋamalac tonaŋ kêsa gamêŋ sawa gêja. \v 30 Go Jesu kêtu kênac eŋ gebe “Aômnêm ŋaê asa.” Ma eŋ kêsôm gebe “Legion,” gebe ŋalau sec taêsam sêsêp eŋ. \v 31 Go ŋalau tau teteŋ Jesu gebe êmasuc êsêac sêsêp gamêŋ ŋakêlêndiŋ sec sêna atom. \p \v 32 Bôcanô toŋ kapôêŋ teŋ seŋ gêŋ sêmoa gamêŋ tau ŋalôc, tec ŋalau teteŋ Jesu gebe êlôc ma sêsêp bôc tonaŋ ŋalêlôm sêna. Tec Jesu gêlôc gêdêŋ êsêac. \v 33 Tec ŋalau sec sêsa aŋga ŋamalac tonaŋ ma jasêsêp bôc tonaŋ ŋalêlôm sêja ma bôc tau totoŋgeŋ sêsabi aŋga salic guluŋ tageŋ jasêsêp bugêjactoŋ ma sênôm bu su. \p \v 34 Lau bôcŋa sêlic gêŋ tonaŋ ma sêc jasêsôm ŋawae aŋga malac to gamêŋ ŋakêtu gêdô. \v 35 Tec lau sêsa sêja sebe sêlic gêŋ tau e jasêô lasê Jesu ma sêlic ŋac, taŋ ŋalau sec sêsa aŋga ênê sêja naŋ, nê kauc kêsa ma kêsô ŋakwê sa jagêŋgôŋ Jesu akaiŋŋa ma têtêc tauŋ ŋanô. \v 36 Ma êsêac, taŋ tauŋ mateŋanô sêlic ŋac toŋalau sec ôli ŋajam kêsa naŋ, sêjac ŋamiŋ gêdêŋ êsêac gêwiŋ. \v 37 Ma lau samob aŋga Gadarenenêŋ gamêŋ nêŋ ŋalêlôm ŋatutuc ŋanô, tec teteŋ Jesu gebe êwi êsêac siŋ. Tec Jesu kêpi waŋ ma gêc gêmu gêja kêtiam. \v 38 Ŋac tau, taŋ ŋalau sec sêsa aŋga ênê naŋ, keteŋ Jesu gebe êmoa êwiŋ eŋ. Mago Jesu gêwi eŋ siŋ ma kêsôm gebe \v 39 “Ômu ôna nêm andu ma ônac miŋ gêŋ kapôêŋ, taŋ Anôtô gêgôm gêdêŋ aôm naŋ.” Tec eŋ gêc gêja ma kêsôm gêŋ, taŋ Jesu gêgôm gêdêŋ eŋ naŋ, lasê aŋga malac samucgeŋ. \s1 Jairi latuo to awê, taŋ kêmoasac Jesunê ŋakwê \r (Mat 9:18-26; Mar 5:21-43) \p \v 40 Lau samob sêôŋ Jesu sêŋgôŋ e gêmu gêmêŋ kêtiam, tec sêkôc eŋ sa. \v 41 Ma lômmôkê teŋ, ŋaê Jairi, jagêu tau gêc Jesu akaiŋŋa ma keteŋ eŋ gebe êna ênê andu \v 42 gebe ênê latuo tageŋgeŋ, taŋ nê jala kêtu 12 naŋ, tec gêmac e awa kêtu dambê su. \p Jesu gêdi gêja ma lau taêsam sêkapiŋ eŋ sa. \v 43 Ma awê teŋ gêjam dec kêtôm jala 12 ma gêjam ôli dokta kêkêŋ nê awa samob gêjaŋa su. Mago teŋ kêtôm gebe êŋgôm eŋ ôli ŋajam êsaŋa atom. \v 44 Êŋ kêtu gasuc mêŋkêkô Jesu dêmôêmu ma kêmoasac ênê ŋakwê ŋalêsô, ma sep tageŋ nê dec kêpa. \v 45 Ma Jesu kêtu kênac gebe “Asa kêmoasac aê.” Tec êsêac samob sêpê tauŋ ma Petere kêsôm gebe “Mêtêmôkê, lau taêsam sêkapiŋ aôm sa to têtiŋ aôm.’ \v 46 Ma Jesu kêsôm gebe “Teŋ kêmoasac aê, tec kêsaê ŋaclai kêsa aŋga aêŋoc gêja.” \v 47 Awê tau gêlic gebe oc êsiŋ tau êtôm atom, tec gêja tokêtênêpgeŋ jagêu tau gêc Jesu akaiŋŋa ma gêwa nê biŋ kêmoasac eŋ e gacgeŋ ŋajam kêsaŋa ŋam sa lau samob sêŋô. \v 48 Tec Jesu kêsôm gêdêŋ eŋ gebe “Latucoenec, kôkêŋ gêwiŋ gêgôm aôm ŋajam kêsa, ôêc ôna totêmtac malôgeŋ.” \p \v 49 Jesu kêsôm biŋ tonaŋ gêmoa ma ŋac teŋ aŋga lômmôkênê andu gêmêŋ ma kêsôm gebe “Latômô gêmac êndugac, ôlênsaŋ Mêtêmôkê êtiam atom.” \v 50 Jesu gêŋô mago kêsôm gêdêŋ Jairi gebe “Ôtêc taôm atom, ôkêŋ êwiŋgeŋ, go ŋapalêo ŋajam êsa.” \v 51 Go Jesu jagêô lasê andu ma gêlôc gêdêŋ teŋ gebe êpi andu êwiŋ atom, Petere agêc Joaŋ ma Jakobo ma ŋapalêo têna agêc tama tauŋgeŋ. \v 52 Lau samob têtaŋ to sêjam taŋi sa kêtu ŋapalêoŋa. Mago Jesu kêsôm gebe “Ataŋ atom, ŋapalêo gêmac êndu atom, gêc bêc tec gêc.” \v 53 Ma êsêac sêômac eŋ gebe sêlic ŋapalêo gêmac êndu tomatêgeŋ. \v 54 Go Jesu kêkam ŋapalêo lêma e awa gêjac eŋ ma kêsôm gebe “Ŋapalêo, ôndi sa.” \v 55 Tec ŋapalêonê katu gêmu gêmêŋ e gacgeŋ gêdi sa, ma Jesu kêjatu gebe sêkêŋ gêŋ êndêŋ ŋapalêo tau êniŋ. \v 56 Têna agêc tama selendec ŋanô. Ma Jesu gêjac jao êsêagêc gebe sênac miŋ biŋ tau êndêŋ lau teŋ atom. \f + \fr 8:56 \ft Lau Rom sêsam siŋwaganêŋ toŋ kapôêŋ teŋ gebe \f* Legion. 8:48 Luk 7:50 \c 9 \s1 Jesu kêsakiŋ nê lau 12 \r (Mat 10:5-15; Mar 6:7-13) \p \v 1 Jesu gêmôêc êsêac 12 sêpi tageŋ ma kêkêŋ ŋajaŋa to ŋaclai gelom êsêac gebe têtiŋ ŋalau sec samob to sêŋgôm gêmac ôliŋ ŋajam êsa. \v 2 Go kêsakiŋ êsêac sêja gebe sênam mêtê êpi Anôtônê gamêŋ to sêŋgôm gêmac ŋajam êsa. \v 3 Ma eŋ kêsôm gêdêŋ êsêac gebe “Akôc gêŋ teŋ amoa intêna atom. Aôc tôc atom. Ambic atali atom. Akôc mo atom. Akôc mone atom. Akôc ŋakwê luagêc atom. \v 4 Embe api andu teŋ, naŋ aŋgôŋ tonaŋgeŋ e awi gamêŋ tau siŋ. \v 5 Ma lau embe sêkôc amac sa atom, naŋ awi malac tonaŋ siŋ ma êndôŋ ŋakekop aŋga emkaiŋ su êtu geo ŋabelo teŋ êndêŋ êsêac.” \v 6 Tec ŋacseŋomi têtôm malacgeŋ sêja ma sêsôm ŋawae ŋajam lasê to sêgôm gêmac ŋajam kêsa kêtôm malacgeŋ. \s1 Jesunê biŋ kêlênsôŋ Herodo \r (Mat 14:1-12; Mar 6:14-29) \p \v 7 Kasêga Herodo gêŋô biŋ samob tonaŋ ŋawae e kêpô lêna tau ŋanô, gebe lau ŋagêdô sêsôm sebe “Joaŋ gêdi sa aŋga ŋacmatênêŋ.” \v 8 Ŋagêdô sêsôm sebe “Elia tec geoc tau lasê.” Ma ŋagêdô sêsôm sebe “Propete laŋgwa nêŋ teŋ gêdi sa.” \v 9 Ma Herodo kêsôm gebe “Joaŋ tec gabuc eŋ gêsutêkwa gêŋgic su. Mago tonê asa, tê gaŋô ŋawae amboac tonec kêpi eŋ nê.” Ma gêgôm mocsac gebe êlic Jesu ŋanô. \s1 Jesu gêlôm lau 5,000 \r (Mat 14:13-21; Mar 6:30-44; Joaŋ 6:1-14) \p \v 10 Aposolo sêmu sêmêŋ kêtiam ma sêjac miŋ gêŋ, taŋ sêgôm naŋ, gêdêŋ eŋ. Go kêkôc êsêac sa ma ac têtaiŋ tauŋgeŋ sêja malac teŋ, ŋaê Betsaida, gebe nasêmôa nêŋ tauŋŋa. \v 11 Mago lau sêlic ma têdaguc eŋ, tec kêkôc êsêac sa ma kêsôm Anôtônê gamêŋ ŋawae gêdêŋ êsêac, to gêgôm êsêac, taŋ sêpô lêna naŋ, ôliŋ ŋajam kêsa. \p \v 12 Kêdabiŋ gebe oc naêsêp, ma ŋacseŋomi 12 jasêsôm gêdêŋ eŋ gebe Aêac tamoa gamêŋ sawa nec, ôkêŋ lau sêc êliŋ-êliŋ gebe sêna malac to gamêŋ ŋakêtu gêdô nasêlêwaŋ tauŋ ma têtap nêŋ mo sa.” \v 13 Mago Jesu kêsôm gêdêŋ êsêac gebe “Amac taôm akêŋ gêŋ êsêac sêniŋ.” Tec êsêac sêsôm gebe “Aêacma polom lemeŋ teŋgeŋ ma i luagêcanô tec gêc. Aôm gobe aêac ana anam ôli mo êtu lau samob tonaŋŋa me.” \v 14 Êsêac ŋacwaga amboac 5,000. Tec Jesu kêsôm gêdêŋ nê ŋacseŋomi gebe Asôm êsêac sêŋgôŋ sic totoŋ-totoŋ êtôm 50-50 sêwiŋ tauŋ.” \v 15 Tec ŋacseŋomi sêgôm amboac tonaŋ ma samob sêŋgôŋ sic. \v 16 Go kêkôc polom lemeŋ teŋ to i luagêc tonaŋ sa mêŋmata gedec undambê ma gêjam daŋge, go kêpô kêkôc-kêkôc ma kêkêŋ gêdêŋ ŋacseŋomi, gebe sênac sam êndêŋ lau. \v 17 Seŋ e gêôc êsêac tôŋ samob, go sejoŋ ŋapopoc sa kêsêp gadob 12. \s1 Petere kêsôm Kilisi ŋam \r (Mat 16:13-19; Mar 8:27-29) \p \v 18 Ŋasawa teŋ Jesu keteŋ mec gêmoa tauŋa ma nê ŋacseŋomi sêwiŋ eŋ. Go kêtu kênac êsêac gebe “Lau sêsam aê sebe asa.” \v 19 Ma êsêac sêjô eŋ awa gebe “Ŋagêdô sêsôm gebe aôm ŋackêsagu Joaŋ, ma ŋagêdô sêsôm gebe aôm Elia, ma ŋagêdô sêsôm gebe Propete laŋgwa nêŋ teŋ, tec gêdi sa.” \v 20 Ma Jesu kêtu kênac êsêac gebe “Ma amac nec asam aê abe asa.” Tec Petere gêjô eŋ awa gebe “Aôm Anôtônê Kilisi tau.” \s1 Jesu geoc êmac êndu to êndi saŋa lasê \r (Mat 16:20-28; Mar 8:30–9:1) \p \v 21 Ma Jesu gêjam êsêac aweŋ auc to gêjac jao gebe sêsôm lasê êndêŋ lau teŋ atomanô. \v 22 Ma kêsôm gebe “Ŋamalacnê Latu oc êôc ŋandaŋ taêsam. Laumata to lau dabuŋsêga ma biŋsutau oc têtiŋ eŋ to sênac eŋ êndu e ŋabêc êtu têlêac, go êndi sa êtiam.” \p \v 23 Ma kêsôm gêdêŋ êsêac samob gebe “Ŋac teŋ embe taê ênam gebe êsap aê tôŋ, naŋ ênac kapoac tau ma êôc nê kakesotau êtôm bêcgeŋ, go êndaŋguc aê, \v 24 gebe ŋac teŋ embe êŋgôm mocsac gebe êmoa mata jali, naŋ oc êmac êndu, ma teŋ embe êmac êndu êtu aêŋa, naŋ oc êŋgôŋ mata jali. \v 25 Ŋac teŋ embe ênsôb gêŋ nomŋa samob sa ma êjaiŋ tau to ênam tau sapu, oc ênam eŋ sa amboac ondoc. \v 26 Ŋac teŋ embe maja aê to ŋoc biŋ, Ŋamalacnê Latu oc maja eŋ amboac tonaŋ êndêŋ taŋ êmêŋ totau nê ŋawasi ma Tamanê ŋawasi ma aŋela dabuŋ nêŋ ŋawasi. \v 27 Biŋŋanô, aê jasôm êndêŋ amac gebe Êsêac tec sêkô-sêkô nec, nêŋ ŋagêdô oc sêmac êndu atomgeŋ e sêlic Anôtônê gôliŋ su acgom.” \s1 Jesu ôli kaiŋ teŋ kêsa \r (Mat 17:1-9; Mar 9:2-8) \p \v 28 Jesu kêsôm biŋ tonaŋ su ma ŋabêc 8 gêjaŋa acgom, go kêkôc Petere agêc Joaŋ ma Jakobo sêpi lôc teŋ sêja gebe eteŋ mec. \v 29 Tec keteŋ gêmoa e laŋôanô kaiŋ teŋ kêsa ma nê ŋakwê e ŋaeb ŋaôma. \v 30 Ma sêlic ŋac luagêc sêjam biŋgalôm sêwiŋ eŋ. Ŋaclagêc tau Mose agêc Elia. \v 31 Tec agêc seoc tauŋ lasê toŋawasigeŋ mêŋsêsôm ênê lêŋ, taŋ oc ênac dabiŋ aŋga Jerusalemŋa naŋ, lasê gêdêŋ eŋ. \v 32 Petere to nê ŋac luagêc, taŋ sêwiŋ eŋ naŋ, sêc bêc sêc e mateŋ gêlac, go sêlic Jesunê ŋawasi, ma ŋaclagêc tonaŋ sêkô sêwiŋ eŋ. \v 33 Agêc dêdi sêmoa gebe sêwi Jesu siŋ, go Petere kêsôm gêdêŋ Jesu gebe “Mêtêmôkê, ŋajam gebe tamoa tonec. Aêac anam bec têlêac acgom, aômnêm teŋ ma Mosenê teŋ ma Elianê teŋ.” Petere gêjam kauc biŋ, taŋ tau kêsôm naŋ. \v 34 Kêsôm biŋ tonaŋ gêmoa ma tao teŋ mêŋgêjam ajuŋ êsêac e kêkôm êsêac auc ma ŋacseŋomi têtêc tauŋ ŋanô. \v 35 Go awa teŋ kêsa aŋga tao tonaŋ gêmêŋ gebe “Aêŋoc Latuc tecenec, tec kajaliŋ eŋ sa naŋ akêŋ taŋem eŋ.” \v 36 Awa tonaŋ kêsa gêmêŋ ma sêlic Jesu taugeŋ kêkô. Sêlic gêŋ tonaŋ e sêjam tauŋ tôŋgeŋ, tec gêdêŋ ŋasawa tonaŋ sêjac miŋ biŋ, taŋ sêlic naŋ, ŋawae gêdêŋ lau teŋ atom. \s1 Jesu gêgôm ŋapalê toŋalau sec ôli ŋajam kêsa \r (Mat 17:14-18; Mar 9:14-27) \p \v 37 Ŋabêbêc sêsêp aŋga lôc sêmêŋ e dêdac lau taêsam. \v 38 Ma ŋac teŋ aŋga lau tonaŋ nêŋ gêmôêc gebe “Mêtêmôkê, aê jateŋ aôm gebe ôlic ŋoc latuc acgom, gebe ŋoc gêŋ tageŋanô. \v 39 Ŋalau sec teŋ kêkam eŋ e kêwakic sec ma kêjamuŋ eŋ e awaôpic kêsa, ma êwi eŋ siŋ atom e ŋasawa ec baliŋ. \v 40 Tec aê kateŋ nêm ŋacseŋomi gebe têtiŋ ŋalau tau e sêgôm jageo.” \v 41 Ma Jesu gêjô eŋ awa gebe “Ojae, amac akêŋ-gêwiŋ-atom ma amac lau-kesowaga, aê jamoa jawiŋ amac e êndêŋ ondoc ma jaôc amacnêm biŋ e êndêŋ ondocgeŋ. Ôkôc latôm êmêŋ tonec acgom.” \v 42 Ŋapalê kêsêlêŋ gêmoa ma ŋalau tau kêmônaŋ to kêjamuŋ eŋ. Tec Jesu gec biŋ ŋalau sec ma gêgôm ŋapalê ŋajam kêsa, go kêkêŋ eŋ gêdêŋ tama gêmu gêja. \v 43 Ma êsêac lau samob têtakê ŋanô kêtu Anôtônê ŋaclai kapôêŋŋa. \s1 Jesu geoc êmac endu to êndi saŋa lasê kêtu luagêcŋa \r (Mat 17:22-23; Mar 9:30-32) \p Lau samob sêŋac lemeŋ kêtu ênê gêŋ samob, taŋ gêgôm naŋŋa, sêmoa ma Jesu kêsôm gêdêŋ nê ŋacseŋomi gebe \v 44 “Akêŋ taŋem biŋ tecenec ŋapep, gebe sêkêŋ Ŋamalacnê Latu êndêŋ ŋamalac lemeŋ êna.” \v 45 Mago êsêacnêŋ kauc kêsa kêpi biŋ tonaŋ atom, ma biŋ tau kêsiŋ tau gêdêŋ êsêac e sêjala ŋam atom. Ma têtêc tauŋ tec têtu kênac eŋ kêtu biŋ tauŋa atom. \s1 Asa êtu ŋac kapôêŋ \r (Mat 18:1-5; Mar 9:33-37) \p \v 46 Ŋasawa teŋ êsêac taêŋ gêjam jakêsa-jakêsa gebe nêŋ asa kêtu ŋac towae kêlêlêc êsêac ŋagêdô su. \v 47 Tec Jesu kêjala biŋ, taŋ êsêac taêŋ gêjam gec nêŋ ŋalêlôm naŋ, ma kêkôc ŋapalê teŋ ketoc eŋ kêkô kêsi eŋŋa \v 48 ma kêsôm gêdêŋ êsêac gebe “Ŋac teŋ embe êkôc ŋapalê tonec sa êtu aêŋoc ŋaêŋa, naŋ êkôc aê sa. Ma ŋac teŋ embe êkôc aê sa, naŋ êkôc ŋac, taŋ kêsakiŋ aê naŋ sa. Amacnêm ŋac, taŋ alic eŋ ŋac sauŋ ec teŋ naŋ, eŋ ŋac kapôêŋ.” \s1 Ŋac taŋ kêkeŋ kisa amac atom naŋ, kêpuc amac tôŋ \r (Mar 9:38-40) \p \v 49 Tec Joaŋ gêjô eŋ awa gebe “Mêtêmôkê, aêac alic ŋac teŋ kêtiŋ ŋalau sec su ŋa aôlmnêm ŋaê, tec ajac jao eŋ gebe eŋ kêdaguc aêac atom.” \v 50 Ma Jesu kêsôm gêdêŋ eŋ gebe “Anac jao eŋ atom, gebe ŋac, taŋ kêkêŋ kisa geseŋ amac atom naŋ, kêpuc amac tôŋ.” \p Lau Samaria sêkôc Jesu sa atom \p \v 51 Ŋanoc taŋ Anôtô gebe êkôc Jesu saŋa naŋ kêdabiŋ, tec Jesu kêsêlêŋ kepeŋ Jerusalem gêja, \v 52 ma kêsakiŋ laujaeŋ sêmuŋ eŋ. Ma êsêac sêsô lau Samaria nêŋ malac teŋ sebe sêmansaŋ ênê gamêŋ kwanaŋgeŋ. \v 53 Mago lau tau sêkôc eŋ sa atom gebe eŋ kêsêlêŋ kepeŋ Jerusalemgeŋ. \v 54 Ŋacseŋomagêc Jakobo agêc Joaŋ sêlic ma sêsôm gebe “Apômtau, aôm gobe aêac asôm gebe ja êsêp aŋga undambê mêŋêniŋ êsêac su me masi.” \v 55 Tec Jesu kêkac tau ôkwi ma gec biŋ êsêagêc gebe “Asa ŋalau latu amagêc. Ŋamalacnê Latu gêmêŋ gebe enseŋ launêŋ katuŋ su atom, gêmêŋ gebe ênam sa.” \v 56 Ma ac sêc sêja malac teŋ. \s1 Lau sebe sêndaŋguc Jesu \r (Mat 8:19-22) \p \v 57 Êsêac sêsêlêŋ sêmoa intêna ma ŋac teŋ kêsôm gêdêŋ eŋ gebe “Gamêŋ taŋ aôm gobe ôna naŋ, aê oc jandaŋguc aôm.” \v 58 Tec Jesu kêsôm gêdêŋ eŋ gebe “Mojaŋ sê ic ma moc, taŋ sêmoa umboŋ ŋalabu naŋ, sêjam sac. Mago Ŋamalacnê Latu nê gamêŋ teŋ gebe endeŋ kwalim ênêcŋa gêc atom.” \v 59 Go kêsôm gêdêŋ ŋac teŋ gebe “Ôndaŋguc aê.” Ma ŋac tonaŋ kêsôm gebe “Apômtau, ôlôc acgom gebe jana jansuŋ tamoc acgom.” \v 60 Tec Jesu kêsôm gêdêŋ eŋ gebe “Andec ŋacmatê sênsuŋ tauŋ nêŋ ŋacmatê ma aôm ôna ôsôm Anôtônê gamêŋ ŋawae lasêmaŋ.” \v 61 Go ŋac teŋ kêsôm gebe “Apômtau, aê gabe jandaŋguc aôm. Tageŋ ôlôc êmuŋ êndêŋ aê gebe jana ma jakam ŋoc gôlôac lemeŋ acgom.” \v 62 Tec Jesu kêsôm gêdêŋ eŋ gebe “Ŋac taŋ lêma gêdêŋ waŋ ŋagôliŋ su ma mataanô geogeo naŋ, kêtôm Anôtônê gamêŋ atom.” \c 10 \s1 Jesu kêsakiŋ lau 70 sêja \p \v 1 Tonaŋ su, go Apômtau kêjaliŋ lau 70 sa sêwiŋ ma kêsakiŋ êsêac luagêc-luagêc gebe sêmuŋ sêna malac to gamêŋ, taŋ eŋ taê gêjam gebe êna naŋ. \v 2 Ma kêsôm gêdêŋ êsêac gebe “Mo tau tec ŋanô kêsa samob, mago koleŋwaga tec luagêcgeŋ. Amboac tonaŋ ateŋ êndêŋ mo tau ŋatau gebe êkêŋ koleŋwaga nasênac nê gêŋ ŋanô sa. \v 3 Alic acgom, aê jasakiŋ amac amboac domba asêp kêam sec ŋalêlôm ana. \v 4 Akôc awa êsêp ômbiŋkap ŋaatali atom. Ambic atali atom. Asô atapa atom. Ma awem ênac lau aŋga intêna atom. \v 5 Embe api andu teŋ, go asôm êtu ŋamatageŋ gebe ‘Biŋmalô êpi andu tonec.’ \v 6 Ma biŋmalô latu teŋ embe êŋgôŋ tônê, go amacnêm naênsac eŋ. Ma embe masi, go êmu êndêŋ amac êwac êtiam. \v 7 Aŋgôŋ andu tau tonaŋ ma aniŋ to anôm gêŋ, taŋ sêkêŋ êndêŋ amac naŋ, gebe koleŋwaganê ŋaôli gêjac eŋ ŋawae. Alom-alom andu atom. \v 8 Ma embe naasa malac teŋ e sêkôc amac sa, go aniŋ gêŋ, taŋ êsêac sêkêŋ amac naŋ, \v 9 ma aŋgôm lau gêmac, taŋ sêmoa malac tau naŋ, ôliŋ ŋajam êsa to asôm êndêŋ êsêac gebe ‘Anôtônê gamêŋ kêdabiŋ amacgac.’ \v 10 Ma embe asa malac teŋ e sêkôc amac sa atom, go aêc mêŋako intêna ma asôm gebe \v 11 ‘Amacnêm malac ŋakekop, tec gi aêac eŋkaiŋ nec, aêac êndôŋ su wacêpi amac taôm. Mago biŋ tonec ajala gebe Anôtônê gamêŋ kêdabiŋ su.’ \v 12 Aê jasôm êndêŋ amac gebe Êndêŋ bêc Anôtô êmêtôc biŋŋa lau Sodom oc sêŋgôŋ naeo êtôm lau malac tonaŋŋa atom. \s1 Ojae kêpi malac, taŋ sêjam tauŋ ôkwi atom \r (Mat 11:20-24) \p \v 13 “Ojae Korasinma, ojae Betsaidama. gêŋtalô taŋ gagôm aŋga amacnêm naŋ, embe jaŋgôm aŋga Turu to Sidon nêŋ, oc sênam tauŋ ôkwi wanêcgeŋ ma sêsô talu to sêliŋ wao sa sêŋgôŋ. \v 14 Êndêŋ bêc mêtôcŋa Anôtô taê walô lau Turu to Sidon êlêlêc amac su. \v 15 Ma aôm Kapanaum tonaŋ, gobe sêsuŋ aôm sa e nadiŋgeŋ undambê me. Aôm oc u taôm e gacgeŋ ôsêp lamboam ôna.” \p \v 16 Ma Jesu kêsôm gêdêŋ nê ŋacseŋomi gebe “Ŋac taŋ gêŋô amac naŋ, gêŋô aê, ma ŋac taŋ kêmasuc amac naŋ, kêmasuc aê. Ma ŋac taŋ kêmasuc aê naŋ, kêmasuc ŋac, taŋ kêsakiŋ aê gamêŋ naŋ.” \s1 Lau 70 tonaŋ sêmu dêdêŋ Jesu sêja \p \v 17 Lau 70 sêmu sêmêŋ kêtiam totêntac ŋajamgeŋ ma sêsôm gebe “Apômtau, ŋalau sec taŋeŋ wamu gêdêŋ aêac gêwiŋ kêtu aômnêm ŋaêŋa.” \v 18 Ma Jesu kêsôm gêdêŋ êsêac gebe “Aê galic Sadaŋ tau gêu tau aŋga undambê amboac ôsic. \v 19 Alicgac me, aê kakêŋ ŋaclai gelom amac gebe aka moac to alidêbu ma akôniŋ ŋacjo tau nê ŋactêkwa samob tôŋ, ma gêŋ teŋ oc êŋgôm amac atu sec atomanô. \v 20 Tageŋ atu samuc êtu ŋalau sec taŋeŋ wamu amacŋa nec atom, atu samuc gebe teto amacnêm ŋaê gêc undambê.” \s1 Jesu têtac ŋajam kêsa \r (Mat 11:25-27; 13:16-17) \p \v 21 Gêdêŋ ŋasawa tonaŋ Ŋalau Dabuŋ gêjam Jesu auc e têtac ŋajam kêsa ma kêsôm gebe “Tamoc, undambê to nom Ŋatau, aê jalambiŋ aôm gebe gôsaŋ biŋ tônê auc gêdêŋ laumêtê to lau tokauc ma goc lasê gêdêŋ ŋacpalê dedec. Aec, Tamoc, biŋŋanô, aôm gôlic ŋajam amboac tonaŋ, tec gôgôm nêm gêŋ. \p \v 22 “Tamoc kêkêŋ gêŋ samob gêdêŋ aê. Ma ŋac teŋ kêjala Latu atom, Tama taugeŋ. Ma teŋ kêjala Tama atom, Latu taugeŋ to êsêac, taŋ Latu gebe eoc lasê êndêŋ êsêac naŋ.” \p \v 23 Go kêsa tau ôkwi mêŋkêsôm gêdêŋ nê ŋacseŋomi tauŋgeŋ gebe “Aê aoc êôc mateŋanô, taŋ sêlic gêŋ ônaŋ amac alic naŋ, \v 24 gebe aê jasôm êndêŋ amac gebe Propete to kiŋ gwalêkiŋ sebe sêlic gêŋ, tec amac alic nec, mago sêlic atom to sebe sêŋô biŋ, tec amac aŋô nec, mago sêŋô atom.” \s1 Biŋgôlin ŋac Samaria taê walô ŋacgêbac \p \v 25 Biŋsutau teŋ gêdi sa gebe ênsaê eŋ, tec kêsôm gebe “Mêtêmôkê, aê jaŋgôm asageŋ, ec jawê kaiŋ jaŋgôŋ matoc jali teŋgeŋ.” \v 26 Jesu gêjô eŋ awa gebe “Teto biŋ ondoc gec Mosenê biŋsu. Aôm kôsam amboac ondoc.” \v 27 Tec ŋac tau kêsôm gebe “Têmtac êwiŋ Apômtau, aômnêm Anôtô, tonêm ŋalêlôm samuc ma nêm katôm samuc ma nêm ŋaclai samuc ma nêm kauc samuc êwiŋ eŋgeŋ, ma têmtac êwiŋ lau wacbaŋ aôm amboac têmtac gêwiŋ taôm.” \v 28 Ma Jesu kêsôm gêdêŋ eŋ gebe “Kôsôm jagêdêŋ. Ôŋgôm amboac tonaŋgeŋ, go ômoa matam jali teŋgeŋ.” \p \v 29 Ŋac tonaŋ gebe êwaka tau sa, tec kêtu kênac Jesu gebe “Lau ondoc mêŋbaŋ aê.” \v 30 Go Jesu gêjô eŋ awa gebe “Ŋac teŋ aŋga Jerusalem kêsêp Jeriko gêja e kêsêp kêjaŋgowaga ŋalêlôm. Êsêac sêkwalec ênê ŋakwê su ma sêjac eŋ gêwê siŋ sa ma sêc sêja. \v 31 Gocgo ŋac dabuŋwaga teŋ gêjam kauc ŋac tonaŋ ŋabiŋ kêsêlêŋ kêsêp intêna tonaŋgeŋ gêja e gêlic ŋac tau gêc ma gêôc lêlêc eŋ gêja. \v 32 Ma Lewi teŋ amboac tonaŋgeŋ. Mêŋgêô lasê gamêŋ tau e gêlic eŋ su ma gêôc lêlêc eŋ gêja. \v 33 Go ŋac Samariaŋa teŋ kêsêlêŋ gêmoa e jagêô lasê gêdêŋ eŋ, tec gêlic e taê walô eŋ \v 34 ŋa kêtu gasuc gêdêŋ eŋ jakêkêc niptêkwi to wain kêsêp ênê kamoc su, go kêsabaŋ ma gêôc eŋ sa gêŋgôŋ tau nê bôc ŋaô ma kejoŋ eŋ kêpi andu ŋacleŋŋa jagejob eŋ. \v 35 Ŋabêbêc gê denari luagêc sa jakêkêŋ gêdêŋ andu ŋatau tonaŋ ma kêsôm gebe ‘Ojop eŋ ŋapep. Ma gêŋ, taŋ ôkêŋ êlêlêc ŋaôli tonaŋ su naŋ, embe jamu jamêŋ, go janac ŋatôp.’ \v 36 Aôm gobe lau têlêac tonaŋ nêŋ asa kêtu ŋac, taŋ kêjaŋgowaga sêjac eŋ naŋ, nê ŋac jabaŋ eŋ.” \v 37 Tec biŋsutau kêsôm gebe “Ŋac taŋ taê walô eŋ naŋ.” Go Jesu kêsôm gêdêŋ eŋ gebe “Ôêc ôna ma ôŋgôm amboac tonaŋgeŋ.” \s1 Jesu kêtu ŋacleŋ Maria agêc Marta \p \v 38 Ac sêsêlêŋ-sêsêlêŋ sêmoa e jasêô lasê malac teŋ. Ma awê teŋ, ŋaê Marta, kêkôc eŋ sa kêsô ênê andu gêja. \v 39 Ma lasio teŋ gêmoa, nê ŋaê Maria, naŋ gêŋgôŋ Apômtau akaiŋŋa ma gêŋô ênê biŋ. \v 40 Marta gim tau su kêtu sakiŋŋageŋ, tec gêdêŋ Jesu jakêsôm gebe “Apômtau, lasico gêwi sakiŋ siŋ gêdêŋ aê taucgeŋ gajam nec, oc gôlic ŋajam me masi. Ôsôm êndêŋ eŋ gebe ênam aê samaŋ.” \v 41 Tec Apômtau gêjô eŋ awa gebe “Marta, Marta, aôm kôpô sim taôm to gôim taôm su gêŋ taêsamŋa elêmê. \v 42 Aômnêm gêŋ ŋanô tageŋ masi. Maria kêjaliŋ nê gêŋ ŋajam sa sugac, oc sêkôc su aŋga ênê atom.” \c 11 \s1 Biŋ tateŋ mecŋa \r (Mat 6:9-15; 7:7-11) \p \v 1 Ŋasawa teŋ Jesu keteŋ mec gêmoa gamêŋ teŋ. Keteŋ e su ma nê ŋacseŋominêŋ teŋ kêsôm gedeŋ eŋ gebe “Apômtau, ôndôŋ aêac êtu ateŋ mecŋamaŋ êtôm Joaŋ kêdôŋ nê ŋacseŋomi.” \v 2 Ma eŋ kêsôm gêdêŋ êsêac gebe “Êndêŋ ateŋ mec, naŋ asôm gebe \q1 ‘Tamemai, \q1 Aômnêm ŋaê lau sênam dabuŋmaŋ. \q1 Ômôêŋ ôtu Apômtau ôtôm gamêŋgeŋ. \q1 \v 3 Ôkêŋ aêacma mo êtôm bêcgeŋŋa êndêŋ aêac êtôm bêcgeŋ. \q1 \v 4 Ma ôsuc aêacma sec ôkwi, \q1 gebe aêac tauŋ asuc launêŋ tôp ôkwi amboac tonaŋgeŋ. \q1 Ôwê aêac asa lêtôm atom.’” \p \v 5 Ma Jesu kêsôm gêdêŋ êsêac gebe “Amacnêm ŋac teŋ embe êndêŋ nê gwadê êna ên êŋ êmbêcauc êna lugeŋ naêsôm êndêŋ eŋ gebe ‘Gwadêc, ôkêŋ mo têlêac êndêŋ aê, \v 6 gebe ŋoc ŋac teŋ kêtu intênaŋageŋ mêŋgêô lasê gêdêŋ aê, ma ŋoc gêŋ gebe jakêŋ êndêŋ eŋŋa masi,’ \v 7 ma embe nê gwadê tonaŋ êmoa nê gamêŋ ŋaŋlômgeŋ ma êjô eŋ awa gebe ‘Ôlênsôŋ aê amboac secgeŋmaŋ. Katam ŋajaŋa kêsa ma aêac to ŋoc gôlôac sauŋ êu tauŋ jaaêc sugac. Aê katôm gebe jandi sa jakêŋ gêŋ teŋ êndêŋ aômŋa atom,’ \v 8 go amboac ondoc. Aê jasôm êndêŋ amac gebe Ŋac tau embe êndi sa mêŋêkêŋ êndêŋ eŋ êtu ênê gwadê eŋŋa atom, mago oc êndi sa naêkêŋ gêŋ, taŋ kêpô lêna naŋ, êtu eŋ keteŋ gêôc aucgeŋŋa. \v 9 Amboac tonaŋ aê jasôm êndêŋ amac gebe Ateŋ gêŋ, oc akôc ŋanô. Ansom gêŋ, oc atap sa. Amandi katam, oc êlêc su êndêŋ amac. \v 10 Gebe ŋac, taŋ eteŋ gêŋ naŋ, êkôc ŋanô. Ma ŋac, taŋ ensom naŋ, êtap sa. Ma ŋac, taŋ êmandi katam naŋ, katam oc êlêc su êndêŋ eŋ. \v 11 Tama asa aŋga amacnêm naŋ latu eteŋ mo êndêŋ eŋ ma êkêŋ poc, me eteŋ i ma êkêŋ moac êjô i êndêŋ eŋ, \v 12 me eteŋ ŋakecsulu ma êkêŋ alidêbu êndêŋ eŋ. \v 13 Amac lau sec ajala akêŋ geŋ ŋajam-ŋajam êndêŋ nêm gôlôac ŋasec-ŋasec, ma abe Tamemi undambêŋa êkêŋ Ŋalau Dabuŋ êndêŋ lau, taŋ teteŋ eŋ naŋ atom me.” \s1 Jesu ma Belsebul \r (Mat 12:22-30; Mar 3:20-27) \p \v 14 Jesu kêtiŋ ŋalau sec toawamê kêsa gêja. Ŋalau tonaŋ kêsa gêja su, go awamê tau kêsôm biŋ lasê, ma lau samob sêŋac lemeŋ. \v 15 Tec êsêacnêŋ lau ŋagêdô sêsôm gebe “Eŋ kêtiŋ ŋalau sec ŋa Belsebul, taŋ kêtu ŋalau sec nêŋ kasêga naŋ.” \v 16 Ma ŋagêdô sebe sênsaê eŋ, tec sêsôm gêŋtalô undambêŋa aŋga ênê. \v 17 Jesu kêjala biŋ, taŋ êsêac taêŋ gêjam naŋ, ma kêsôm gêdêŋ êsêac gebe “Gamêŋ teŋ embe êwa tau êkôc, oc êtu gasaŋ, ma gôlôac teŋ oc senseŋ gôlôac teŋ. \v 18 Ma Sadaŋ to nê lau embe sêwa tauŋ êkôc, go nêŋ gamêŋ ênêc amboac ondoc. Amac taŋ asôm gebe aê kêtiŋ ŋalau sec ŋa Belsebul naŋ, taêm ênam biŋ tonaŋ. \v 19 Aê embe jatiŋ ŋalau sec ŋa Belsebul, go amac latômi têtiŋ ŋa asa. Kêtu tonaŋŋa êsêac tauŋ ocgo sêmêtôc amac. \v 20 Ma aê embe jatiŋ ŋalau sec ŋa Anôtônê ŋaclai, go êwa sa gebe Anôtônê gôliŋ wacêpi amac. \p \v 21 “Ŋactêkwa teŋ embe lêma tokêmgeŋ ma ejop nê gamêŋ êmoa, oc nê waba ênêc teŋgeŋ \v 22 Mago ŋac siŋsêlêc teŋ embe êndac eŋ, oc êku eŋ tulu ma êjaŋgo ênê laukasap, taŋ taê kêka naŋ su, ma ênac sam ênê waba. \p \v 23 “Ŋac taŋ êwiŋ aê atom naŋ, enseŋ aê. Ma ŋac taŋ ejoŋ ŋanô sa êwiŋ aê atom naŋ, êtê saliŋ-saliŋ. \s1 Ŋalau sec gêmu gêja nê gamêŋ langwa kêtiam \r (Mat 12:43-45) \p \v 24 “Ŋalau ŋatêmui embe êsa aŋga ŋamalac teŋ nê, oc eo êmoa gamêŋ kwalam ma ensom gamêŋ êlêwaŋ tauŋa, e embe êtap sa atom, go êsôm gebe ‘Aê jamu jana ŋoc andu, taŋ kasa gamêŋ naŋ êtiam.’ \v 25 Ma embe naêô lasê, oc êlic sêkajo sa to sêgelôŋ. \v 26 Go naêkôc ŋalau 7, taŋ nêŋ sec kêlêlêc ênê su naŋ, mêŋsêsô nasêŋgôŋ. Go ŋamalac tonaŋ êmoa naeo ŋanô êlêlêc gêmuŋŋa su.” \s1 Jesu awa gêôc lau \p \v 27 Jesu kêsôm biŋ tonaŋ gêmoa ma awê teŋ aŋga lau tau nêŋ gêôc awa sa ma kêsôm gêdêŋ eŋ gebe “Aê aoc êôc têtaclêlôm, taŋ kêkêkam aôm to su, taŋ aôm gônôm naŋ.” \v 28 Mago Jesu kêsôm gebe “Biŋŋanô, aê aoc êôc êsêac, taŋ sêŋô Anôtônê biŋ ma sêmasaŋ naŋ.” \s1 Lau sêjatu gêŋtalô \r (Mat 12:38-42) \p \v 29 Lau taêsam sêkac sa sêpi tageŋ, go Jesu gêôc, awa sa ma kêsôm gebe “Lau têm tonecŋa êsêac lau sec. Ac sêsôm gêŋtalô, mago gêŋtalô teŋ oc êndêŋ êsêac atom, gêŋtalô Jonaŋa tageŋ. \v 30 Kêtom Jona kêtu lau Niniwe nêŋ gêŋtalô, Ŋamalacnê Latu êtu lau têm tonecŋa nêŋ gêŋtalô amboac tonaŋgeŋ. \v 31 Êndêŋ noc mêtôcŋa kwin aŋga mula-mŋa oc êndi sa êwiŋ gôlôac têm tonecŋa nêŋ lau ma êmêtôc êsêac, gebe eŋ aŋga nom ŋamadiŋ, mago gêmêŋ gebe êŋô Salomonê mêtê. Ma alic acgom, ŋac teŋ kêlêlêc Salomo su tec gêmoa. \v 32 Êndêŋ noc mêtôcŋa ŋacwaga Niniweŋa oc sêndi sa sêwiŋ lau têm tonecŋa ma sêmêtôc êsêac gebe Jona gêjam mêtê êsêac, tec sêjam tauŋ ôkwi. Ma alic acgom, ŋac teŋ kêlêlêc Jona su tec gêmoa. \s1 Biŋ kêpi ôliŋ ŋaja \r (Mat 5:15; 6:22-23) \p \v 33 “Ŋac teŋ embe êtuŋ ja sa, oc êsiŋ ôkwi me êŋgênduc ŋa suc auc atom. Eŋ etoc êkô jakaiŋ ŋaôgeŋ gebe êsêac, taŋ sêsô sêmêŋ naŋ, sêlic ŋawê. \v 34 Matamanô kêtu ôlim ŋaja. Matamanô embe ŋajam, go ŋawê ênam ôlim samucgeŋ auc. Ma matamanô embe sec, go ôlim samuc ŋakesec. \v 35 Amboac tonaŋ ojop taôm ŋapep gebe ŋawê, taŋ gêc nêm ŋalêlôm naŋ, ŋakesec êsa atom. \v 36 Ôlim samuc embe ŋawê êsa e ŋagêŋlêlôm teŋ ŋakesec atom, oc ŋawê êsa samucgeŋ êtôm ja ŋanô kêpô aôm.” \s1 Jesu geŋ oliŋ Parisai to biŋsutau \r (Mat 23:1-36; Mar 12:38-40; Luk 20:45-47) \p \v 37 Jesu kêsôm biŋ tonaŋ gêmoa ma Parisai teŋ keteŋ eŋ gebe êna êniŋ gêŋ ocsalôŋa êwiŋ eŋ. Tec kêsô gêja e jagêŋgôŋ sic. \v 38 Parisai tonaŋ gêlic eŋ gebe êniŋ gêŋ, mago kêkwasiŋ tau gêmuŋ atom, tec gêŋac lêma. \v 39 Ma Apômtau kêsôm gêdêŋ eŋ gebe “Kec, amac Parisai akwasiŋ laclu to suc ŋadêmôêŋa ŋapep, mago nêm ŋalêlôm naŋ geŋgeŋ to sec gêjam auc. \v 40 Amac lau meloc, ŋac tau, taŋ kêmasaŋ gêŋ ŋadêmôêŋa naŋ, kêmasaŋ gêŋ ŋalêlômŋa gêwiŋ atom me. \v 41 Akêŋ gêŋ, taŋ gêc laclu to suc ŋalêlôm naŋ, êtu moasiŋ êndêŋ lau, go talic amacnêm gêŋ samob ŋawasi. \p \v 42 “Ojae amac Parisaimêŋ, amac embe atap lai to môm ma gêŋ gêga 10–10 sa, go akêŋ ŋateŋ êtu da ma awi biŋgêdêŋ to têntac gêwiŋ Anôtôŋa siŋ. Daŋgôm teŋ ma dawi teŋ siŋ atom. \p \v 43 “Ojae amac Parisaimêŋ, tec têmtac gêwiŋ abe aŋgôŋ ŋamatageŋ aŋga lôm to sê moalêc amac aŋga malacluŋgeŋ. \v 44 Ojae amacmêŋ, tec atôm sêô, taŋ gamêŋ kêkêŋ auc naŋ. Ŋamalac sêka tôŋ paliŋ-paliŋgeŋ ma sêjam kauc.” \p \v 45 Tec biŋsutau teŋ kêsôm gêdêŋ eŋ gebe “Mêtêmôkê, kôsôm biŋ tonaŋ tec gêbu aêac biŋsutau gêwiŋ amboac tonaŋgeŋ.” \v 46 Ma Jesu kêsôm gebe “Ojae amac biŋsutaumêŋ amboac tonaŋgeŋ. Amac akêŋ gêŋ wapac kêsac lau, mago taôm lememlatu teŋ kêmoasac gêŋ wapac ŋagec atom. \v 47 Ojae amacmêŋ, tec aboa propete, taŋ tamemi sêjac êsêac êndu naŋ, nêŋ sêô sa. \v 48 Tec amac awa tameminêŋ gêŋ, taŋ sêgôm naŋ, sa to alic ŋajam, gebe êsêac sêjac propete êndu ma amac aboa êsêacnêŋ sêô sa. \v 49 Amboac tonaŋ Anôtônê mêtê kêsôm lasê gebe ‘Aê oc jasakiŋ propete to laujaeŋ dêndêŋ êsêac sêna, ma oc sênac êsêacnêŋ ŋagêdô êndu to sêjanda ŋagêdô,’ \v 50 Amboac tonaŋ Anôtô êjatu propete samob nêŋ, dec, taŋ sêkêc siŋ gêdêŋ Anôtô kêkêŋ undambê to nom e mêŋgêdêŋ galoc naŋ, ŋagêjô aŋga lau têm tonecŋa nêŋ, \v 51 aŋga Abelnê dec e gêdêŋ Sakarianê dec, taŋ sêjac eŋ êndu aŋga altar dajaŋa to lôm dabuŋ ŋasawa naŋ. \p \v 52 “Ojae amac biŋsutaumêŋ, amac akôc ki, taŋ êlai andu tajala mêtê ŋamŋa ŋakatann su. Amac taôm asô aja atom ma akô lau, taŋ sebe sêsô sêna naŋ, auc amboac tonaŋgeŋ.” \p \v 53 Jesu kêsa aŋga andu tonaŋ gêja ma Parisai to biŋsutau sêôc aweŋ sa ma sêkac eŋ to têtu lêsu eŋ kêtu biŋ taêsamŋa. \v 54 Aê dêdib eŋ sebe tau êwa lip tau ŋa biŋ, taŋ êsôm naŋ. \f + \fr 11:54 \ft Sadaŋnê ŋaê teŋ.\f* \c 12 \s1 Jesu gêlêŋ biŋ nê ŋacseŋomi \r (Mat 10:26-27) \p \v 1 Lau taêsam ŋasec sêkac tauŋ sa e gamêŋ gêlôc, ma Jesu kêsôm biŋ gêjac m gêdêŋ nê ŋacseŋomi gebe “Ajop taôm êndêŋ Parisainêŋ jist. Jist tau êsêacnêŋ dansaŋ. \v 2 Gêŋ samob, taŋ sêsaŋ auc naŋ, oc êtu awê, ma biŋ samob, taŋ gêc lêlôm naŋ, oc êsa awê. \v 3 Amboac tonaŋ biŋ samob, taŋ asôm kesecgeŋ, oc sêŋô ênêc awêgeŋ. Ma biŋ, taŋ atu dindiŋ gêdêŋ taôm aŋgôŋ balêmlêlôm naŋ, oc sênam mêtê êpi aŋga malacluŋ. \s1 Aêac tatêc asa \r (Mat 10:28-31) \p \v 4 “Ŋoc lauac, aê jasôm êndêŋ amac gebe Êsêac taŋ sênac ôlimgeŋ êndu, mago têtôm gebe sêŋgôm gêŋ ŋagêdô êwiŋŋa atom naŋ atêc atom. \v 5 Aê jakêŋ puc amac êtu ŋac, taŋ atêc eŋŋa naŋ. Atêc Anôtô, taŋ ênac ŋamalac êndu su acgom, go nê ŋaclai êtôm gebe êmbaliŋ eŋ êsêp lamboam ŋakêlêndiŋ êna. Kec, jasôm êndêŋ amac gebe Atêc ŋac tau tonaŋ. \p \v 6 “Kêliŋkeleŋ lemeŋ teŋ naŋ ŋaôli sauŋanô. Mago Anôtô kêliŋ ŋateŋ siŋ atomanô. \v 7 Ma ŋac tau, naŋ kêsa amac môkêmlauŋ sa tomalageŋ. Amboac tonaŋ atêc taôm atom gebe amac tonaŋ alêlêc kêliŋkeleŋ taêsam su. \s1 Tasôm Kilisi lasê endeŋ ŋamalac \r (Mat 10:32-33; 12:32; 10:19-20) \p \v 8 “Aê jasôm êndêŋ amac gebe Ŋac teŋ embe êsôm êndêŋ ŋamalac gebe Aê katu ênê gêŋ, naŋ Ŋamalacnê Latu êsôm eŋ lasê êndêŋ Anôtônê aŋela. \v 9 Ma ŋac teŋ embe ênsa aê auc êndêŋ ŋamalac, naŋ Ŋamalacnê Latu ênsê eŋ auc êndêŋ Anôtônê aŋela amboac tonaŋ. \p \v 10 “Ŋac teŋ embe êsac Ŋamalacnê Latu, naŋ Anôtô oc êsuc ôkwi. Mago teŋ embe êsôm biŋ alôb-alôb êpi Ŋalau Dabuŋ, naŋ Anôtô oc êsuc ôkwi atom. \p \v 11 “Embe sêkêŋ amac akô lôm me gôliŋwaga me lau toŋaclai laŋôŋnêmŋa, naŋ apô sim taôm êtu lêŋ me biŋ ajô êsêac aweŋ me asômŋa atom, \v 12 gebe êndêŋ noc tau tonaŋ Ŋalau Dabuŋ oc êndôŋ biŋ, taŋ amac asômŋa naŋ êndêŋ amac.” \s1 Biŋgôliŋ kêpi ŋac meloc tolêlôm \p \v 13 Go ŋac teŋ aŋga launêŋ kêsôm gêdêŋ Jesu gebe “Mêtêmôkê, ôsôm teoc gebe êwa aêagêcma gêŋlênsêm êkôc ma êkêŋ ŋamakeŋ êndêŋ aê acgom.” \v 14 Tec Jesu kêsôm gêdêŋ eŋ gebe “Ŋacnec, asa kêkêŋ aê gebe jamêtôc biŋ to janac sam amagêcnêm gêŋlênsêm.” \v 15 Go kêsôm gêdêŋ êsêac gebe “Alic taôm to ajop taôm êndêŋ matem katu gêŋ tokaiŋ-tokaiŋŋa, gebe ŋac teŋ oc êmoa mata jali êtu nê waba taêsamŋa atom.” \p \v 16 Go kêsôm biŋgôliŋ teŋ gêdêŋ êsêac gebe “Ŋac tolêlôm teŋ nê kôm gêjam ŋanô taêsam, \v 17 tec taê gêjam gêc tau gebe ‘Jaŋgôm amboac ondoc, gebe ŋoc gamêŋ janac ŋoc kôm ŋanô saŋa masi.’ \v 18 Go kêsôm gebe ‘Aê jaŋgôm amboac tonec, janseŋ ŋoc andu-gêŋ-ŋanôŋa su ma jakwê êtu kapôêŋ, go janac ŋoc kôm ŋanô to gêŋ samob sa êpi tageŋ. \v 19 Go jasôm êndêŋ ŋoc katuc gebe Katucenec, nêm gêŋ taêsam gêc kêtôm jala taêsamŋa. Ôŋgôŋ nêm ŋêŋgeŋ, ôniŋ to ônôm gêŋ ma ômoa totêmtac ŋajamgeŋ.’ \v 20 Mago Anôtô kêsôm gêdêŋ eŋ gebe ‘Melocma, êmbêc tonec jakalem katôm su ma gêŋ, taŋ kômasaŋ naŋ, oc êtu asa nê.’ \v 21 Lau taŋ sêjac nêŋ gêŋ taêsam sa kêtu tauŋŋa, mago Anôtô gêlic êsêac amboac lau tolêlôm atom naŋ, nêŋ biŋ amboac tonaŋ.” \s1 Tapô sim tauŋ atomŋa \r (Mat 6:25-34) \p \v 22 Go Jesŋ kêsôm gêdêŋ nê ŋacseŋomi gebe “Kêtu gêŋ tônêŋa aê jasôm êndêŋ amac gebe Apô sim taôm êtu aniŋ gêŋ êôc amac tôŋ amoa matem jaliŋa atom to êtu ŋakwê ênsaŋ ôlimŋa atom. \v 23 Amoa matem jali kêlêlêc mo ma ôlim kêlêlêc ŋakwê su. \v 24 Alic aoco acgom. Êsêac sêsê gêŋ atom ma sêjac gêŋ ŋanô sa atom. Êsêacnêŋ Iêsucm to andu sênac gêŋ saŋa masi. Mago Anôtô gêlôm êsêac. Ma amac alêlêc moc tau su ŋêŋgeŋ. \v 25 Amacnêm asa êpô sim tau êtu nê têm êmoa nomŋa ma nê êpô sim tauŋa ênac têku ŋasawa tageŋ êwiŋ. \v 26 Embe aŋgôm gêŋ sauŋ ec teŋ naêtôm atom, naŋ apô sim taôm êtu gêŋ ŋagêdôŋa êtu ageŋŋa. \v 27 Alic mênamiŋ, taŋ kêpi naŋ, gêjam kôm to kêsac obo atom, mago jasôm êndêŋ amac gebe Salomonê gêŋ ŋawasi samob, taŋ kêkwa eŋ auc naŋ, ŋateŋ kêtôm gêŋ tonaŋ ŋai atomanô. \v 28 Anôtô embe êkêŋ gêgwaŋ, taŋ galoc kêkô kôm ma bêbêc sêkêŋ êsa ja naŋ, ŋagêlôm êkwa auc, naŋ oc êkêŋ gêŋ êkwa amac auc êlêlêc atom me, amac lau akêŋ gêwiŋ kwalecŋa. \v 29 Ma ansom gêŋ aniŋ to anômŋa atom to aê go taôm atom. \v 30 Gêŋ samob tonaŋ ŋai nom ŋatenteŋlatu oc sensom. Mago amac Tamemi tec kêjala gebe apô lêna gêŋ tonaŋ. \v 31 Amboac tonaŋ ansom ênê gamêŋ, go gêŋ tonaŋ ŋai êtu amacnêm. \s1 Biŋ awa undambêŋa \r (Mat 6:19-21) \p \v 32 “Amac toŋ sauŋ tonec, atêc taôm atom, gebe Tamemi têtac gêwiŋ gebe êkêŋ gamêŋ tau êndêŋ amac. \v 33 Akêŋ nêm waba lau sênam ôli ma akêŋ awa tau êmoasiŋ lau ŋalêlôm sawa. Awa nêm atali moneŋa, taŋ êtu manê atom naŋ, to anac nêm awa ŋanô, taŋ ênaŋa atomanô naŋ, sa ênêc undambê. Geŋgeŋtêna nasêsa atom ma buleseŋ enseŋ su atom. \v 34 Gebe gamêŋ, taŋ nêm awa gêc naŋ, nêm ŋalêlôm oc êsap tôŋ amboac tonaŋgeŋ. \s1 Biŋ tanam jaliŋa \p \v 35 “Apeŋ obo sa ma aôc nêm ja sa, \v 36 ma atôm lau, taŋ sêôŋ nêŋ ŋatau gebe êmu êmêŋ aŋga moasiŋ awê to ŋacŋa. Embe êtuc katam, go sêlêc su sebeŋ êndêŋ eŋ. \v 37 Aê aoc êôc sakiŋwaga, taŋ Apômtau oc êtap êsêac sa sênam jaligeŋ êndêŋ noc êmu êmêŋŋa. Biŋŋanô, aê jasôm êndêŋ amac gebe Eŋ oc epeŋ nê obo sa ma mêŋêsôm êsêac sêŋgôŋ sic, go eŋ tau mêŋênam sakiŋ êsêac. \v 38 Aê aoc êôc êsêac, taŋ Apômtau embe êmu êmêŋ êndêŋ omm êsa me êu bôŋ ma êtap êsêac sa sêjam jali sêmoa. \v 39 Ajala tonec gebe andu ŋatau embe êjala ockatu êmbêcŋa ondoc geŋgeŋtêna oc êmêŋ, naŋ êkô geŋgeŋtêna auc, gebe êtuc ênê andu popoc atom. \v 40 Tec amansaŋ taôm amboac tonaŋgeŋ, gebe Ŋamalacnê Latu êmêŋ êndêŋ ockatu ŋasawa, taŋ amac abe eŋ oc êmêŋ atom naŋ.” \s1 Sakiŋwaga gêdêŋ to keso \r (Mat 24:45-51) \p \v 41 Go Petere kêsôm gebe “Apômtau, aôm kôsôm biŋgôliŋ tonaŋ gêdêŋ aêac tauŋgeŋ me gêdêŋ êsêac samob gêwiŋ.” \v 42 Tec Apômtau gêjô eŋ awa gebe “Sakiŋwaga ŋaŋêŋ ma tokauc asa. Eŋ ŋac, taŋ nê ŋatau oc êkêŋ eŋ ejop ênê kômwaga gebe êkêŋ mo êtôm dôŋ êndêŋ êsêac êndêŋ ŋanoc. \v 43 Aê aoc êôc sakiŋwaga, taŋ nê ŋatau êmu êmêŋ ma êlic eŋ kêsap nê kôm tôŋ gêmoa. \v 44 Aê jasôm biŋŋanôgeŋ êndêŋ amac gebe ŋatau oc êkêŋ eŋ ejop ênê waba samob. \v 45 Ma sakiŋwaga tonaŋ embe taê ênam ênêc tau ŋa gebe ‘Ŋoc ŋatau gêjam gamêŋ tôŋ’ ma ênac m gebe i sakiŋwagao to ŋac ma êniŋ to ênôm gêŋ e êjaŋiŋ eŋ, \v 46 go sakiŋwaga tonaŋ nê ŋatau oc êmêŋ êndêŋ bêc, taŋ eŋ gebe êmêŋ atom naŋ, to êndêŋ ockatu, taŋ eŋ gêjam kauc naŋ, ma oc ênac eŋ popoc to êkêŋ ŋagêjô êndêŋ eŋ êwiŋ lau-sêkêŋ-gêwiŋ-atomwaga. \p \v 47 “Sakiŋwaga taŋ kêjala nê ŋatau nê biŋ, mago kêmasaŋ to gêgôm ênê biŋ kêtu tôŋ atom naŋ, oc êndac sêm ŋanô. \v 48 Mago ŋac, taŋ gêjam kauc ŋataunê biŋ ma gêgôm keso, taŋ kêtôm gebe sêmêtôc eŋ ŋa sêm naŋ, oc êndac sêm ŋanô atom. Ŋac, taŋ sêkêŋ gêŋ taêsam gêdêŋ eŋ naŋ, Anôtô oc êjatu gêŋ taêsam aŋga ênê. Ma ŋac, taŋ sêkêŋ gêŋ taêsam jakeseŋ sa gêwiŋ naŋ, Anôtô oc êjatu ŋanô taêsam êlêlêc aŋga ênê. \s1 Jesu gêwa lau kêkôc \r (Mat 10:34-36) \p \v 49 “Aê gamêŋ gabe jambaliŋ ja ênêc nom ma taêc kêka gebe jalic elom lasêmaŋ. \v 50 Ŋoc busaŋgu gabe jaliŋŋa ŋateŋ tec gêc, tec ŋoc ŋalêlôm ŋatutuc ŋanô, gabe gêŋ tau êmbacnê acgom. \v 51 Amac abe aê gamêŋ gabe jaê wama aŋga nom me. Masigoc, aê jasôm êndêŋ amac gebe gamêŋ gabe jawa amac êkôc. \v 52 Êndêŋ galoc tonec lau lemeŋ teŋ embe sêŋgôŋ andu tageŋ, oc sêwa tauŋ êkôc. Têlêac sêmoa gêdôgeŋ ma luagêc sêmoa gêdôgeŋ, luagêc sêmoa gêdôgeŋ ma têlêac sêmoa gêdôgeŋ. \v 53 Tama agêc latu ma latu agêc tama, têna agêc latuo ma latuo agêc têna, lawao laŋgwa agêc lawao wakuc ma lawao wakuc agêc lawao laŋgwa oc sêwa tauŋ êkôc-êkôc amboac tonaŋgeŋ.” \s1 Têm to noc ŋabelo \r (Mat 16:2-3) \p \v 54 Go Jesu kêsôm gêdêŋ lau gebe “Amac embe alic ŋamajaŋ êpuc êpi gwêcm, oc asôm sebeŋ gebe ‘Kom oc ênac,’ ma oc êtôm tonaŋ. \v 55 Ma musaŋgu embe êsêlêŋ, oc asôm gebe ‘Gamêŋ oc ŋandaŋ êsa,’ ma oc êtôm tonaŋ. \v 56 Amac dansaŋtêna, nom to umboŋ ŋapuc tec ajala, mago amboac ondoc tec ajala noc tonec atom. \s1 Tamansaŋ biŋ êndêŋ nêŋ soŋo-soŋo \r (Mat 5:25-26) \p \v 57 “Ma amboac ondoc amac taôm ajala biŋ êndêŋgeŋ atom. \v 58 Embe amagêcnêm soŋo-soŋo andêŋ gôliŋwaga ana ma agêc asêlêŋ amoa intêna ŋadambê, naŋ têmtac êtu lêsi êndêŋ taôm, gebe moae eŋ ê aôm ôndêŋ mêtôcwaga ôna, go mêtôcwaga êkêŋ aôm êndêŋ gejobwaga kapoacwalôŋa ma gejobwaga kapoacwalôŋa êmbaliŋ aôm ôsêp kapoacwalô ôna. \v 59 Aê jasôm êndêŋ aôm gebe Oc ôsa aŋga tônê ômôêŋ atom e ônac nêm tôp samob êmbacnê tomalagen acgom.” \c 13 \s1 Jesu gêlêŋ biŋ lau kêtu nêrl secŋa \p \v 1 Gêdêŋ ŋasawa tonaŋ lau ŋagêdô sêmoa, taŋ sêjac miŋ gêdêŋ Jesu kêpi lau Galilaiaŋa ŋagêdô, taŋ Pilata gêjac êsêac êndu gêdêŋ taŋ sêkêŋ da gêdêŋ Anôtô. \v 2 Tec Jesu gêjô êsêac aweŋ gebe “Amac abe Galilaia tonaŋ lau sec sêlêlêc lau Galilaiaŋa ŋagêdô samob su, tec sêôc gêŋwapac amboac tônê me. \v 3 Aê jasôm êndêŋ amac gebe Masigoc. Maiao amac embe anam taôm ôkwi atom, oc anaŋa samob amboac tônêgeŋ. \v 4 Me abe lau 18, taŋ andu toŋatêpôê baliŋ aŋga Siloamŋa kêku sa jagêjac êsêac êndu naŋ, lau geo sêlêlêc lau ŋagêdô samob, taŋ sêŋgôŋ Jerusalem naŋ su me. \v 5 Aê jasôm êndêŋ amac gebe Masigoc. Mago amac embe anam taôm ôkwi atom, oc anaŋa samob amboac tônêgeŋ.” \s1 Biŋ aiŋ gêjam ŋanô atomŋa \p \v 6 Go Jesu kêsôm biŋgôliŋ tonec gebe “Ŋac teŋ kêsê nê aiŋ teŋ kêsêp nê kôm moŋa ma gêja gesom ŋanô e kêtap sa atom. \v 7 Tec kêsôm gêdêŋ ŋac-gejobkômwaga gebe ‘Gôlicgac me, aê gamêŋ kêtôm jala têlêac gasom aiŋ tonec ŋanô, mago katap sa atom. Amboac tonaŋ ôsap su, êkô nom auc êtu ageŋŋa.’ \v 8 Tec gejobwaga gêjô eŋ awa gebe ‘Apômtau, ondec, êkô jala tecenec êwiŋ, ma jasap nom to jaôc bôckêpêc êpi ŋamôkê. \v 9 Moae oc ênam ŋanô. Embe masi, go ôsap su.’” \s1 Jesu gêgôm awê teŋ gêmac kegasuŋ eŋ ôli ŋajam kêsa gedeŋ sabat \p \v 10 Gêdêŋ sabat teŋ Jesu kêdôŋ lau gêmoa lôm teŋ. \v 11 Ma awê teŋ gêmoa tonaŋ ŋalau gêmacŋa teŋ gêgôm eŋ kêtôm jala 18. Eŋ gêmoa gewec-gewecgeŋ ma kêtôm gebe êsa sa atom samucgeŋ. \v 12 Jesu gêlic eŋ tec gêmôêc eŋ ma kêsôm gêdêŋ eŋ gebe “Awê, aê kêgaboac aôm su aŋga nêm gêmacgac.” \v 13 Go gêu lêma gêsac eŋ e sep tageŋ awê tau kêmêtôc tau kêtiam ma kelanem Anôtô. \v 14 Mago lômmôke gêlic Jesu gêgôm gêmac ŋajam kêsa gêdêŋ sabat e kêtu môsi, tec kêsôm gêdêŋ lau gebe “Bec kômŋa 6 tec gêc. Amboac tonaŋ amêŋ êndêŋ bêc tônêgeŋ gebe sêŋgôm amac ôlim ŋajam êsaŋa. Amêŋ êndêŋ sabat atom.” \v 15 Ma Apômtau gêjô eŋ awa gebe “Amac dansaŋtêna, amac samob agaboac nêm bôc to doŋki aŋga sêniŋ gêŋ ŋamala su gêdêŋ sabat ma awê êsêac jasênôm bugoc. \v 16 Ma awê tau, Abraham latuo tecenec, Sadaŋ gêsô eŋ tôŋ kêtôm jala 18 nec, oc jaŋgamboac ênê Iêpoa su êndêŋ sabat atom me.” \v 17 Jesu kêsôm biŋ tonaŋ e nê soŋo-soŋo samob majeŋ tauŋ. Ma lau samob têntac ŋajam kêtu gêŋsêga ŋajam samob, taŋ eŋ gêgôm naŋŋa. \s1 Biŋgôliŋ gêmêc ŋawêŋa \r (Mat 13:31-32; Mar 4:30-32) \p \v 18 Ma Jesu kêsôm gebe “Anôtônê gamêŋ kêtôm asageŋ ma jaê dôŋ êpi asageŋ. \v 19 Gamêŋ tau kêtôm gêmêc ŋawê, ŋamalac teŋ kêkôc jakêsê kêsêp nê kôm. Gêŋ tau kêtu kapôêŋ e kêtu ka, go moc umboŋ ŋalabuŋa jasêjam sac sêŋgôŋ ŋalaka.” \s1 Biŋgôliŋ jistŋa \r (Mat 13:33) \p \v 20 Go Jesu kêtu kênac kêtiam gebe “Jaê dôŋ Anôtônê gamêŋ êpi asageŋ. \v 21 Gamêŋ tau kêtôm jist awê teŋ kêkôc ma kêgaluŋ gêwiŋ polom kêsêp suc têlêac e gêjam aucgeŋ.” \s1 Biŋ sacgêdô gasuc-gasucŋa \r (Mat 7:13-14, 21-23) \p \v 22 Go Jesu kêsêlêŋ jakêdôŋ-kêdôŋ lau aŋga malac sauŋ to kapôêŋ laŋô gêlac Jerusalemgeŋ gêja. \v 23 Ma ŋac teŋ kêsôm gêdêŋ eŋ gebe “Apômtau, lau taŋ sêŋgôŋ mateŋ jali naŋ, oc luagêcgeŋ me.” Tec Jesu gêjô êsêac aweŋ gebe \v 24 “Atu kêka-kêka gebe asô sacgêdô gasucgasuc ana. Aê jasôm êndêŋ amac gebe Taêsam oc sêŋgôm gêŋlêlôm elêmê, mago têtôm gebe sêsô sênaŋa atom. \p \v 25 “Êndêŋ taŋ andu ŋatau êndi naêlai katam auc naŋ, amac oc akô awê ma atuc katam to asôm gebe ‘Apômtau, ôlêc su êndêŋ aêac.’ Ma eŋ oc êjô amac awem gebe ‘Aê gajam kauc amac amêŋ aŋga ondoc.’ \v 26 Go amac aôc awem sa ma asôm gebe ‘Aêac aeŋ to anôm gêŋ amoa awiŋ aôm, ma kôdôŋ aêac gômoa ma malacluŋ.’ \v 27 Mago eŋ oc êsôm êtiam gebe ‘Aê gajam kauc amac amêŋ aŋga ondoc, amac sec ŋakoleŋwaga samob, ataiŋ taôm su aŋga aêŋoc.’ \v 28 Amac oc alic Abraham agêc Isak ma Jakob to propete samob sêmoa Anôtônê gamêŋ, mago amac taôm oc têtiŋ amac su naamoa ônê. Aŋga ônê oc têtaŋ sêwakicgeŋ ma luŋluŋ êkôsiŋ tau ŋanô. \v 29 Ma lau oc sêmêŋ aŋga oc kêpi to oc kêsêp ma aŋga musaŋgu-m to mula-mŋa, nasêŋgôŋ êtu sêniŋ gêŋŋa aŋga Anôtônê gamêŋ. \v 30 Alicgac me, lau ŋamuŋa oc têtu ŋamata, ma ŋamataŋa oc têtu ŋamu.” \s1 Jesu têtac gêwiŋ Jerusalem \r (Mat 23:37-39) \p \v 31 Gêdêŋ ŋasawa tonaŋgeŋ Parisai ŋagêdô dêdêŋ Jesu sêja ma sêsôm gebe “Ôêc aŋga tonec ôna, gebe Herodo gebe ênac aôm êndu.” \v 32 Tec Jesu kêsôm gêdêŋ êsêac gebe “Ana ma asôm êndêŋ ŋac imbêla pap tônê gebe ‘Gôlicgac me, aê tec kêtiŋ ŋalau sec ma gagôm gêmac ŋajam kêsa. Oc jaŋgôm êndêŋ galoc ma bêbêc, ma êndêŋ bêc êtu têlêacŋa oc janac dabiŋ ŋoc kôm. \v 33 Lêŋ tonec gêjac aê ŋawae gebe jasêlêŋ galoc to bêbêc ma ŋaeleŋ gebe propete teŋ kêtôm gebe ênaŋa aŋga gamêŋ teŋ atom, aŋga Jerusalem tageŋ.’ \p \v 34 “Jerusalem, Jerusalem, aôm gôjac propete êndu to kôtuc êsêac, taŋ Anôtô kêsakiŋ dêdêŋ aôm sêwac naŋ, ŋa poc endu. Aê gagôm gêŋlêlôm elêmê gebe janac aômnêm ŋapalê sa amboac talec têna gêjac ŋalatu sa sêsô magê ŋalabu, mago amac adec. \v 35 Alic acgom, amacnêm andu oc êtu tuc êkôŋa. Ma aê jasôm êndêŋ amac gebe Alic aê atom e asôm gebe ‘Lambiŋ êndêŋ eŋ, taŋ gêmêŋ gêjam Apômtau laŋô naŋ.’” \c 14 \s1 Jesu gêgôm ŋac gêmac ôli ŋajam kêsa \p \v 1 Gêdêŋ sabat teŋ Jesu kêsô Parisainêŋ kasêga teŋ nê andu gaja gebe sêniŋ geŋ ma lau dêdib eŋ sêmoa. \v 2 Sêmoa e ŋac ôli kêsuŋ-kêsuŋ teŋ gêdêŋ Jesu gêja. \v 3 Tec Jesu gêôc awa sa ma kêsôm gêdêŋ biŋsutau to Parisai gebe “Embe daŋgôm gêmac ŋajam êsa êndêŋ sabat, oc eso biŋsu me masi.” \v 4 Mago êsêac sêjam tauŋ tôŋ. Tec Jesu kêkam ŋac tau e gêgôm eŋ ôli ŋajam kêsa ma kêkêŋ eŋ gêc gêja. \v 5 Go kêsôm gêdêŋ êsêac gebe “Amacnêm asa, embe latu me bôc embeŋ êsêp sê tobu êndêŋ sabat ma oc ê eŋ sa sebeŋ êndêŋ sabat atom me.” \v 6 Ma êsêac têtôm gebe sêjô biŋ tonaŋ atom. \s1 Biŋ tamoasiŋ lau to takôniŋ tauŋŋa \p \v 7 Jesu gêlic gebe ŋacleŋ sêgôm mocsac gebe sêŋgôŋ ŋamataŋageŋ, tec kêsôm biŋgôliŋ teŋ gêdêŋ êsêac gebe \v 8 “Ŋac teŋ embe êkalem aôm gebe ôniŋ awê to ŋac ŋamoasiŋ ôwiŋ, naŋ ôŋgôŋ ŋamata atom, gebe moae ŋatau kêkalem ŋac towae teŋ êlêlêc aôm su êwiŋ êmêŋ, \v 9 go ŋac, taŋ kêkalem amagêc wacêsôm êndêŋ aôm gebe ‘Ôwi malam siŋ êndêŋ ŋac tonecmaŋ.’ Ma aôm oc ôndi tomajamgeŋ naôŋgôŋ ŋamuŋa. \v 10 Embe sêkalem aôm, naŋ naôŋgôŋ ŋamuŋa acgom. Go ŋac, taŋ kêkalem aôm naŋ, embe êmêŋ, oc êsôm êndêŋ aôm gebe ‘Ŋoc ŋac, ôsa mêŋôŋgôŋ ŋamataŋa.’ Amboac tonaŋ oc etoc aôm sa êndêŋ lau samob, taŋ sêŋgôŋ sêwiŋ aôm naŋ sêlic. \v 11 Teŋ embe etoc tau sa, naŋ Anôtô oc êkôniŋ eŋ, ma teŋ embe êkôniŋ tau, naŋ Anôtô oc etoc eŋ sa.” \p \v 12 Go Jesu kêsôm gêdêŋ ŋac, taŋ kêkalem eŋ naŋ gebe “Embe ono gêŋ ocsalô me êtulaŋa, naŋ ôkalem nêm lau to lasimi ma tawaŋ to lau tolêlôm, taŋ acnêm sackapoagêdô gêdêŋ tau naŋ, gebe moae sêkalem aôm ŋagêjôŋa naŋgeŋ atom. \v 13 Embe ono moasiŋ, naŋ ôkalem lau ŋalêlôm sawa to puliŋ ma magiŋ kêsu to mateŋpecgeŋ, \v 14 go aê aoc êôc aôm, gebe êsêac tonaŋ oc sêkalem aôm ŋagêjôŋa atom, ma êndêŋ taŋ lau gêdêŋ sêndi sa naŋ, Anôtô oc êkêŋ ŋagêjô êndêŋ aôm.” \s1 Biŋgôliŋ moasiŋ kapôêŋŋa \r (Mat 22:1-10) \p \v 15 Ŋacleŋnêŋ teŋ gêŋô biŋ tonaŋ ma kêsôm gêdêŋ Jesu gebe “Aê aoc êôc ŋac, taŋ oc êniŋ gêŋ aŋga Anôtônê gamêŋ naŋ.” \v 16 Tec Jesu kêsôm gêdêŋ eŋ gebe “Ŋac teŋ gêgôm moasiŋ kapôêŋ ma kêkêŋ jaeŋ lau taêsam. \v 17 Kêdabiŋ gebe sêniŋ ŋamoasiŋ tau ma kêsakiŋ nê sakiŋwaga teŋ gêja gebe naêsôm êndêŋ lau, taŋ jaeŋ gêdêŋ êsêac kwanaŋgeŋ naŋ gebe ‘Amêŋ, gebe gajac ŋabiŋ gêŋ gêbacnê.’ \v 18 Ma êsêac samob nêŋ ŋalêlôm kêtôm taugeŋ tec seseŋ tauŋ su. Ŋac ŋamataŋa kêsôm gêdêŋ eŋ gebe ‘Aê gajam ôli kôm teŋ, tec najanac kêsi acgom. Amboac tonaŋ jateŋ aôm gebe naômansaŋ ŋoc biŋ.’ \v 19 Ma ŋac teŋ kêsôm gebe ‘Aê gajam ôli bôc 10, tec najanac ŋoc gêŋ kêsi. Aê jateŋ aôm gebe naômansaŋ ŋoc biŋ.’ \v 20 Go teŋ kêsôm gebe ‘Aê galoc gajam awê sa, tec katôm gebe jawac atom.’ \v 21 Sakiŋwaga tonaŋ gêmu jagêjac miŋ biŋ samob tonaŋ ŋai gêdêŋ nê ŋatau. Teic andu ŋatau têtac ŋandaŋ kêsa ma kêsôm gêdêŋ nê sakiŋwaga tonaŋ gebe ‘Sebeŋ ôna ma ojoŋ lau ŋalêlôm sawa to puliŋ ma mateŋpec to magiŋ kêsu sa aŋga malac ŋaintêna sauŋ to kapôêŋ mêŋsêsô gamêŋ tonec.’ \v 22 Ma sakiŋwaga kêsôm gebe ‘Apômtau, biŋ taŋ kôjatu aê gebe jaŋgômŋa naŋ gagôm su, mago andu gêlôc atom tageŋ.’ \v 23 Tec ŋatau kêsôm gêdêŋ sakiŋwaga tau gebe ‘Ôsa kôm ŋaintêna to tuŋmagê ôna ma ôkac lau gebe sêsô sêmêŋ e ŋoc: andu êlôc.’ \v 24 Ma aê jasôm êndêŋ amac gebe Lau taŋ sêŋô aêŋoc jaeŋ su naŋ, nêŋ teŋ oc êsac aêŋoc moasiŋ ŋagec atom.” \s1 Biŋ tasap Jesu tôŋŋa \r (Mat 10:37-38) \p \v 25 Lau taêsam sêwiŋ Jesu sêja, tec kêsa tau ôkwi ma kêsôm gêdêŋ êsêac gebe \v 26 “Ŋac teŋ embe êndêŋ aê êmêŋ ma têtac endec tama agêc têna ma nê awê to ŋapalê ma lasiio to ŋac ma ênac kapoac tau atom, naŋ oc êtôm gebe êtu ŋoc ŋacseŋom atom. \v 27 Ŋac teŋ embe êôc nê kakesotau êndaŋguc aê atom, naŋ oc êtôm gebe êtu ŋoc ŋacseŋom atom. \v 28 Amacnêm teŋ embe taê ênam gebe êkwê lôm teŋ, go êŋgôŋ sic ma êsa waba andu tauŋa ŋaôli samob sa êmuŋ acgom e êjala gebe nê awa kêtôm gebe ênac dabiŋ kôm tau. \v 29 Eŋ embe êŋgôm amboac tonaŋ atom, go êu demboŋ ênsac ŋaômageŋ ma êtôm gebe ênac dabiŋ andu atom. Ma lau samob, taŋ sêlic naŋ, oc sêsu eŋ susu \v 30 ma sêsôm gebe ‘Ŋac tônê kêkwê lôm gêjac mgeŋ, mago kêtom gebe ênac dabiŋ atom.’ \v 31 Ma kiŋ teŋ, taŋ nê siŋwaga 10,000 embe ênac siŋ êndêŋ kiŋ teŋ, taŋ nê siŋwaga 20,000 naŋ êŋgôŋ sic ma taê ênam tau ŋapep êmuŋ acgom e êjala gebe nê ŋaclai kêtôm gebe êku ŋacjo tulu me masi. \v 32 Embe êtôm atom, go êsakiŋ lau-sê-wamawaga nasêpuc ŋacjo tôŋ jaêcgeŋ ma teteŋ êtu wamaŋa. \v 33 Amboac tonaŋ amacnêm ŋac teŋ embe êwi nê gêŋ samob siŋ samucgeŋ atom, oc êtôm gebe êtu ŋoc ŋacseŋom atom. \s1 Gwêc taŋ kêtu sec \r (Mat 5:13; Mar 9:50) \p \v 34 “Gwêc tonaŋ gêŋ ŋajam, mago embe ŋamakic ênaŋa, oc daŋgôm ŋamakic êsa êtiam amboac ondoc. \v 35 Oc êtôm gebe tapalip êsêp kôm to êpi lênduc êna atom, tambaliŋ siŋ ŋaômageŋ. Ŋac teŋ nê taŋasuŋ êŋôŋa embe ênêc, naŋ êŋômaŋ.” \c 15 \s1 Biŋgôliŋ domba gêjaŋa \r (Mat 18:12-14) \p \v 1 Teloŋ to lau sec samob têtu gasuc Jesu sêmêŋ sebe sêŋô eŋ. \v 2 Tec Parisai to biŋsutau têtu môsi ma sêsôm gebe “Ŋac tonec kêkôc lau sec sa ma geŋ gêŋ gêŋgôŋ gêwiŋ êsêac.” \v 3 Go Jesu kêsôm biŋgôliŋ tonec gêdêŋ êsêac gebe. \p \v 4 “Amacnêm ŋac teŋ embe nê domba 100 sêmoa e ŋateŋ eo tau, oc êŋgôm amboac ondoc. Eŋ oc êwi 99 siŋ sêmoa gamêŋ sawa ma naensom naŋ gêbôm e êtap sa. \v 5 Embe ensom êmoa e êtap sa, oc êu ênsac magim ma êtu samuc nê gêŋ \v 6 e naêpi nê andu, go êmôêc nê tawaŋ to lau sackapoagêdô gêdêŋ tauŋa mêŋêsôm êndêŋ êsêac gebe ‘Têmtac ŋajam awiŋ aê gebe aê katap ŋoc domba, taŋ gêjaŋa naŋ, sa kêtiam.’ \v 7 Aê jasôm êndêŋ amac gebe Ŋac sec tageŋ embe ênam tau ôkwi, naŋ lau undambêŋa oc têtu samuc eŋ êtôm tonaŋ êlêlêc lau gêdêŋ 99, taŋ sêpô lêna biŋ sênam tauŋ ôkwiŋa atom naŋ. \s1 Biŋgôliŋ mone gejaŋa \p \v 8 “Me awê teŋ embe nê mone 10 ênêc ma embe teŋ ênaŋa, oc êŋgôm amboac ondoc. Eŋ êtuŋ ja sa naêsa gamêŋ ma ensom ŋapaŋ e êtap sa. \v 9 Eŋ embe êtap sa, oc êmôêc nê lauo to lau sackapoagêdô gêdêŋ tauŋa ma êsôm gebe ‘Têmtac ŋajam awiŋ aê, gebe aê katap ŋoc mone, taŋ gêjaŋa su naŋ sa kêtiam.’ \v 10 Aê jasôm êndêŋ amac gebe Ŋac sec tageŋ embe ênam tau ôkwi, Anôtônê aŋela oc têtu samuc eŋ êtôm tonaŋ,” \s1 Biŋgôliŋ latu gêjaŋa \p \v 11 Go Jesu kêsôm gebe “Ŋac teŋ latuagêc sêmoa. \v 12 Ma ŋac sauŋ kêsôm gêdêŋ tama gebe ‘Tamoc, ôkêŋ gêŋ samob, taŋ gawê kaiŋ naŋ, êndêŋ aê.’ Tec tama gêwa waba kêkôc gêdêŋ êsêagêc. \v 13 Bêc jauc atom, go ŋac sauŋ kêkêŋ nê waba samob lau sêjam ôli su ma kêkôc ŋaawa gêdi gêja gamêŋbôm. Aŋga ônê kêsa lêŋ sêlêŋ e kêjaiŋ nê awa samob. \v 14 Kêta nê gêŋ saliŋ-saliŋgeŋ e gêbacnê samob ma tôbôm kapôêŋ kêsa gamêŋ tonaŋ, go ŋac tau gêŋgôŋ jageo ŋanô. \v 15 Tec jakêsap gamêŋ ŋatau teŋ tôŋ, taŋ kêsakiŋ eŋ gebe ejop ênê bôcanô, naŋ sêmoa sêŋam. \v 16 Ŋac tau taê kêka tageŋ tonec gebe êniŋ gêŋ ŋaôlic, taŋ bôc seŋ-seŋ naŋ, gebe êôc eŋ tôŋ, mago lau teŋ sêkêŋ gêŋ teŋ gêdêŋ eŋ atom. \v 17 Tec taê gêjac tau kêsi-kêsi gebe ‘Tamocnê kômwaga taêsam e gêŋ kêlêsuc êsêac, mago aê tec mo êjô aê êndu aŋga tonec nec. \v 18 Aê jandi jandêŋ tamoc najasôm êndêŋ eŋ gebe Tamoc, aê gagôm sec gêdêŋ Anôtô to gêdêŋ aôm. \v 19 Amboac tonaŋ ôsam aê gebe latôm aê êtiam atom. Ôkêŋ aê jatu nêm kômwaga teŋ.’ \v 20 Go gêdi gêdêŋ tama gêja. \p “Kasêlêŋ jakêsa jaêcgeŋ e tama gêlic eŋ. Tec taê walô eŋ ma kêlêti jakambôêŋ eŋ ma kêlêsôp eŋ alianô. \v 21 Go latu kasôm gêdêŋ eŋ gebe ‘Tamoc, aê gagôm sec gêdêŋ Anôtô to gêdêŋ aôm. Amboac tonaŋ ôsam aê gebe latôm aê êtiam atom.’ \v 22 Ma tama kêsôm gêdêŋ nê sakiŋwaga gebe ‘Sebeŋ akôc ŋakwê ŋajamanô tau mêŋakêŋ eŋ êsô ma akêka joc êsêp eŋ lêma to akêŋ atapa êsêp eŋ akaiŋ. \v 23 Ma akôc bôc, taŋ talôm e kêtôp ŋajam naŋ, mêŋaŋguŋ gebe taniŋ totêntac ŋajamgeŋ, \v 24 gebe latuc tecenec gêmac êndu su, mago mata jali gêmoa. Gêjaŋa su, mago katap eŋ sa kêtiam.’ Ma samob sêmoa totêntac ŋajamgeŋ. \p \v 25 “Latu ŋacsêga gêmoa kôm. Eŋ gêmu gêmêŋ e kêdabiŋ andu su, go gêŋô oŋ to wê. \v 26 Tec gêmôêc ŋapalê teŋ jakêtu kênac gêŋ tônê ŋam gêdêŋ eŋ. \v 27 Ma ŋapalê kêsôm gêdêŋ eŋ gebe ‘Lasim gêmu gamêŋ tec tamam geguŋ bôc, taŋ talôm e kêtôp ŋajam naŋ, gebe kêtap lasim sa toôli samucgeŋ kêtiam.’ \v 28 Têwa têtac ŋandaŋ e gebe êsô andu êna atom. Tec tama kêsa gêja jagêjam malô-malô eŋ. \v 29 Ma eŋ gêjô tama awa gebe ‘Gôlicgac me, jala taêsam gajam sakiŋ gêdêŋ aôm ma kagêli aômnêm biŋsu teŋ atom. Mago kôkêŋ noniŋ ŋalatu teŋ gêdêŋ aê gebe aêac to ŋoc lau aniŋ totêntac ŋajamgeŋ nec atomanô. \v 30 Mago latôm, taŋ kêjaiŋ nêm waba gêmoa gêwiŋ mockaiŋo naŋ, gêmêŋ acgom, gocgo gôguŋ bôc, taŋ talôm e kêtôp ŋajam naŋ, kêtu eŋŋa.’ \v 31 Tec tama kêsôm gêdêŋ eŋ gebe ‘Latucenec, aôm gôŋgôŋ gôwiŋ aê ŋapaŋ, ma aêŋoc gêŋ samob kêtu aômnêm gêwiŋgac. \v 32 Aêac têntac ŋajam to ôliŋ kêpi nec jagêdêŋgoc, gebe lasim tecenec gêmac êndu su, mago mata jali gêmoa. Eŋ gêjaŋa su, mago tatap eŋ sa kêtiam.’” \c 16 \s1 Biŋgôliŋ gejobwaga secŋa \p \v 1 Ŋasawa teŋ Jesu kêsôm gêdêŋ nê ŋacseŋomi gebe “Ŋac tolêlôm teŋ gêŋgôŋ ma nê gejobwaga teŋ gêmoa. Ma lau sêju biŋ gêdêŋ ŋatau gebe gejobwaga kêjaiŋ ênê waba. \v 2 Tec ŋatau gêmôêc eŋ ma kêsôm gêdêŋ eŋ gebe ‘Biŋ amboac ondoc tec gaŋô kêpi aôm nec. Ôwa kôm gejobwagaŋa sa acgom gebe aômnêm kôm gejobwagaŋa gêbacnê.’ \v 3 Gejobwaga tonaŋ kêsôm gêdêŋ tau gebe ‘Ŋoc ŋatau oc êkôc ŋoc kôm gejobwagaŋa su aŋga aêŋoc, tec jaŋgôm asageŋ. Kôm takwê nomŋa oc jaŋgôm êtôm atom, ma embe jateŋ gêŋ, oc majoc. \v 4 Aê kajala gêŋ, taŋ gabe jaŋgôm naŋ, ec sêkôc aê sa jaŋgôŋ nêŋ andu êndêŋ noc ŋatau êtiŋ aê su aŋga kôm gejobwagaŋa.’ \v 5 Go kêkalem lau samob, taŋ nê ŋataunê tôp gêc êsêacŋa naŋ, tageŋ-tageŋ dêdêŋ eŋ sêja ma kêtu kênac gêdêŋ ŋac ŋamataŋa gebe ‘êôc ŋataunê tôp amboac ondoc gêc aômŋa.’ \v 6 Ma eŋ kêsôm gebe ‘Niptêkwi wapap 100.’ Go eŋ kêsôm gêdêŋ ŋac tau gebe ‘Ôŋgôŋ sic ma ôkôc nêm papia tôpŋa mêŋoto sebeŋ gebe 50.’ \v 7 Go kêtu kênac ŋac teŋ gebe ‘Ma aômnêm biŋ tôpŋa amboac ondoc.’ Tec eŋ kêsôm gebe ‘Jaŋgom gasuc kapôêŋ 100.’ Ma gejobwaga kêsôm gêdêŋ eŋ gebe ‘Ôkôc nêm papia tôpŋa ma oto gebe 80.’ \v 8 Go ŋatau kêlanem gejobwaga keso tonaŋ gebe gêgôm tokauc gebe lau nom tonecŋa sêgôm gêŋ gêdêŋ tauŋ tokauc sêlêlêc lau ŋawêŋa su. \p \v 9 “Amboac tonaŋ jasôm êndêŋ amac gebe Akôc awa nomŋa naanam lau ôkwi têntac êwiŋ amac, gebe sêkôc amac sa aŋgôŋ bec teŋgeŋŋa êndêŋ noc awa êmbacnêŋa. \v 10 Ŋac teŋ embe ejop gêŋ ŋasec-ŋasec ŋapepgeŋ, oc ejop gêŋ kapôêŋ-kapôêŋ êtôm tonaŋ. \v 11 Embe ajop awa nomŋa ŋapep atom, ma asa oc êkêŋ waba ŋanô êndêŋ amac gebe ajopŋa. \v 12 Ma embe ajop gêŋ jaba tonec ŋapep atom, ma asa oc êkêŋ gêŋ ŋanô êndêŋ amac gebe awê kaiŋ êsa ôlim. \p \v 13 “Sakiŋwaga teŋ ênam sakiŋ apômtau luagêc êtôm atom, eŋ oc têtac endec teŋ ma têtac êwiŋ teŋ me oc êsap teŋ tôŋ ma têtac êmbu teŋ. Amac amboac tonaŋ, atôm gebe anam Anôtô to awa êpi tageŋ atom.” \s1 Jesunê biŋ ŋalô ŋagedô \r (Mat 11:12-13; 5:31-32; Mar 10:11-12) \p \v 14 Parisai taŋ sêgôm mocsac awêŋa naŋ, sêŋô biŋ samob tônê e sêlêc lusuŋsuŋ sa. \v 15 Tec eŋ kêsôm gêdêŋ êsêac gebe “Amac tec atoc taôm sa gêdêŋ ŋamalac gebe lau gêdêŋ amac, mago Anôtô kêjala amacnêm ŋalêlôm su. Waeŋ taŋ ŋamalac sê taêŋ naŋ, Anôtô gêlic amboac gêŋ alôb-alôb. \p \v 16 “Mosenê biŋsu to propetenêŋ biŋ gêbacnê gêdêŋ Joaŋnê têm, go sêsôm ŋawae ŋajam Anôtônê gamêŋŋa lasê ma lau samob sêkac tauŋ sebe sêsô sêna. \v 17 Mago undambê to nom embe ê su, oc ŋagaô êlêlêc biŋsu ŋatalô sauŋanô teŋ ê suŋa su. \p \v 18 “Ŋac teŋ embe endec nê awê ma ênam teŋ, oc êŋgôm gêŋ mockaiŋŋa. Ma ŋac teŋ embe ênam awê, taŋ nê akweŋ gedec eŋ naŋ, oc êŋgôm gêŋ mockaiŋŋa amboac tonaŋgeŋ. \s1 Ŋac tolêlôm agêc Lasara \p \v 19 “Ŋac tolêlôm teŋ gêŋgôŋ. Eŋ kêsô ŋakwê asôsamuc to kwalam-kwalam ŋajam-ŋajam ma kêtôm bêcgeŋ kêmoasiŋ tau ŋapep. \v 20 Ma ŋac ŋalêlôm sawa teŋ gêŋgôŋ, nê ŋaê Lasara. Kamoc gêjac têc eŋ auc ma tetoc eŋ gêc ŋac tolêlôm nê sacgêdô. \v 21 Eŋ gebe êniŋ mo ŋapopoc, taŋ kêsêlô aŋga ŋac tolêlôm nê tebo naŋ, ma kêam sêja e têdamôê ênê kamoc. \v 22 Sêmoa acgom, go ŋac ŋalêlôm sawa tau gêmac êndu ma aŋela sêsip eŋ jatetoc eŋ gêŋgôŋ Abrahamnê labum ŋaô. Go ŋac tolêlôm gêmac êndu amboac tonaŋgeŋ ma sêsuŋ eŋ. \v 23 Eŋ gêmoa lamboam toŋandaŋ kapôêŋ ma gêôc mataanô sa e gêlic Abraham gêŋgôŋ jaêcgeŋ ma Lasara gêŋgôŋ eŋ labum ŋaô. \v 24 Tec gêmôêc gebe ‘Tamoc Abraham, taêm walô aê ma ôsakiŋ Lasara êsac lêmalatu ŋatêpôê ŋagec tôŋ êsêp bu ma mêŋêmoasac imbeloc êtu luc gebe gamoa jawaô ŋalêlôm toŋandaŋgeŋ.’ \v 25 Ma Abraham kêsôm gebe ‘Latucenec, taêm ênam gebe kôkêc nêm ŋajam su kwanaŋgeŋ gêdêŋ gômoa matam jali, ma Lasara kêkôc secgeŋ. Mago galoc eŋ gêŋgôŋ malôgeŋ aŋga tonec ma aôm gômoa toŋandaŋgeŋ. \v 26 Ma biŋ teŋ êwiŋ gebe Ŋasawa kapôêŋ tec gec, geŋ aêac to amac gêŋgic. Lau teŋ aŋga tonec embe taêŋ ênam gebe dêndêŋ amac sêwac, oc têtôm atom. Ma aŋga tonaŋ amboac tonaŋgeŋ.’ \v 27 Go ŋac tolêlôm kêsôm gebe ‘Amboac tonaŋ, tamoc, jateŋ aôm gebe ôsakiŋ eŋ êna tamocnê andu. \v 28 Aêŋoc lasici lemeŋ teŋ tê sêŋgôŋ, tê naêkêŋ puc êsêac ŋapep gebe sêsêp ŋandaŋ ŋagamêŋ tonec sêmêŋ sêwi ŋ atom.’ \v 29 Tec Abraham kêsôm gebe ‘Mose to propete nêŋ biŋ tê gêc êsêacŋa nê, ac sêŋômaŋ.’ \v 30 Ma eŋ kêsôm gebe ‘Masi, tamoc Abraham, tonec kêtôm atom. Mago ŋac teŋ aŋga ŋacmatênêŋ embe êndêŋ êsêac êna, oc sênam tauŋ ôkwi.’ \v 31 Tec Abraham kêsôm gêdêŋ eŋ gebe ‘Êsêac embe sêkêŋ taŋeŋ Mose to propete nêŋ biŋ atom, oc sêkêŋ êwiŋ ŋac, taŋ êndi sa aŋga ŋacmatênêŋ naŋ, atom amboac tonaŋgeŋ.’” \c 17 \s1 Biŋ kêpi sec \r (Mat 18:6-7, 21-22; Mar 9:42) \p \v 1 Go Jesu kêsôm gêdeŋ nê ŋacseŋomi gebe “Lêtôm taŋ êŋgôm lau têtu sec naŋ mêŋêsa, mago ojae ŋac, taŋ Iêtôm ŋam kêsêp eŋ naŋma. \v 2 Sêwa poctêmui sa eŋ gêsutêkwa ma sêmbaliŋ eŋ êsêp gwêc êna, go ŋajam, gebe êtim lau sauŋ tonec nêŋ teŋ e êtu sec nec atom. \v 3 Alic taôm. \p “Lasim embe êŋgôm sec, go wec biŋ eŋ. Ma eŋ embe ênam tau ôkwi, go ôsuc ênê biŋ ôkwi. \v 4 Ma embe êŋgôm aôm sec êtu dim 7 êndêŋ bec tageŋ, ma êkac tau ôkwi êndêŋ aôm êmu êwac êtu dim 7 wacêsôm gebe ‘Aê gajam tauc ôkwi,’ go ôsuc ênê biŋ ôkwi.” \s1 Biŋ kêpi takêŋ gêwiŋ \p \v 5 Aposolo sêsôm gêdêŋ Apômtau gebe “Ôkêŋ aêacma akêŋ gêwiŋ esewec.” \v 6 Tec Apômtau kêsôm gebe “Embe nêm akêŋ êwiŋ êtôm gêmêc ŋawê ma asôm êndêŋ ka kamoc-kamoc tonec gebe ‘Ômbuc taôm sa naôsê taôm ôkô gwêc,’ oc taŋa wamu êndêŋ amac. \s1 Sakiŋwaganê kôm \p \v 7 “Amacnêm asa nê sakiŋwaga embe êkaliŋ nom me ejop bôc su ma aŋga kôm êmu êmêŋ, oc êsôm êndêŋ eŋ gebe ‘Gacgeŋ mêŋôŋgôŋ sic ma ôniŋ geŋ.’ \v 8 Ŋatau teŋ oc êsôm atom. Eŋ oc êsôm êndêŋ sakiŋwaga gebe ‘Ono ŋoc gêŋ ma ômansaŋ taôm êtu ônam sakiŋ aêŋa e janiŋ to janôm gêŋ su acgom, go taôm naôniŋ to ônôm nêm gêŋ êndaŋguc.’ \v 9 Oc ênam daŋge êndêŋ nê sakiŋwaga tonaŋ gebe gêgôm kôm, taŋ kêjatu eŋŋa naŋ, me masi. \v 10 Ma amac amboac tonaŋ. Embe aŋgôm kôm samob, taŋ sêjatu amacŋa naŋ, go asôm gebe ‘Aêac sakiŋwaga ŋaôma, tec agôm gêŋ, taŋ gêjac aêac ŋawae naŋgeŋ.’” \s1 Jesu gêgôm lau tokamocbôm 10 ôliŋ têtu selec \p \v 11 Jesunê lêŋ kepeŋ Jerusalem, tec kêsêlêŋ kêsa Samaria to Galilaia ŋamadiŋgeŋ gêja. \v 12 Ma eŋ gêô lasê malac teŋ ma lau tokamocbôm 10 dêdac eŋ sêkô jaêcgeŋ sêkanôŋ eŋ \v 13 ma sêmôêc sêpuc aweŋ sageŋ gebe “Mêtêmôkê Jesu, taêm walô aêacmêŋ.” \v 14 Jesu gêlic ma kêsôm gêdêŋ êsêac gebe “Aêc naatôc taôm êndêŋ lau dabuŋwaga.” Tec sêsêlêŋ sêmoa ma ôliŋ têtu selec. \v 15 Êsêacnêŋ ŋac teŋ gêlic tau gebe ôli ŋajam kêsa, tec kêkac tau ôkwi gêmu meŋkêlambiŋ Anôtô ŋa awa kapôêŋ, \v 16 ma gêu tau laŋôanô jagêdêŋ nom gêc Jesu akaiŋŋa, go gêjam daŋge gêdêŋ eŋ. Ma ŋac tau eŋ ŋac Samariaŋa teŋ. \v 17 Ma Jesu kêsôm gebe “Aê gaboc lau 10 ôliŋ têtu selec. Ma 9 sêmoa ondoc. \v 18 Nêŋ ŋac teŋ gebe êmu êmêŋ êlambiŋ Anôtôŋa gêmoa atom me, ŋac jaba tageŋ tonec me.” \v 19 Go Jesu kêsôm gêdêŋ eŋ gebe “Ôndi sa ma ôêc ôna, aômnêm kôkêŋ gêwiŋ tec gêgôm aôm ŋajam kêsa.” \s1 Biŋ kêpi Anôtônê gôliŋ êmeŋŋa \r (Mat 24:23-28, 37-41) \p \v 20 Parisai ŋagêdô têtu kênac Jesu gebe “Êndêŋ ondoc Anôtônê gôliŋ êmêŋ.” Tec eŋ gêjô êsêac aweŋ gebe “Anôtônê gôliŋ êmêŋ toŋapuc gebe talic ŋa mateŋanôŋa nec atom. \v 21 Êsêac oc sêsôm gebe ‘Gêc tonec’ me ‘gêc ônê’ nec atom, gebe Anôtônê gôliŋ wacgêc amac ŋalêlôm.” \p \v 22 Ma eŋ kêsôm gêdêŋ ŋacseŋomi gebe “Ŋabêc ŋagêdô oc êmêŋ, ma amac oc anam awem su gebe alic Ŋamalacnê Latunê bêc tageŋgeŋ, mago oc alic atom. \v 23 Êsêac oc sêsôm êndêŋ amac gebe ‘Alic, gêmoa ônê. Alic, gêmoa tonec,’ naŋ ana atom ma andaŋguc êsêac atom. \v 24 Kêtôm ôsic kêkac eb tageŋ ma kêpô umboŋ ŋalabu aŋga ŋagêdô e jakêsa gêdô naŋ, Ŋamalacnê Latu embe êmêŋ, oc êtôm tônê. \v 25 Mago eŋ êôc ŋandaŋ taêsam to lau têm tonecŋa têtiŋ eŋ su êmuŋ acgom. \v 26 Gêŋ taŋ sêgôm gêdêŋ Noanê bêc naŋ, oc sêŋgôm êndêŋ Ŋamalacnê Latunê bêc amboac tonaŋ. \v 27 Êsêac samob seŋ to sênôm gêŋ ma ŋac sêjam awê to awê sêjam ŋac e gêdêŋ bêc, taŋ Noa kêsô waŋ ŋalêlôm gêja naŋ, ma bu kêsuŋ mêŋgeseŋ êsêac samob su. \v 28 Gêdêŋ Lotnê bêc sêgôm amboac tonaŋgeŋ. Êsêac samob seŋ to sênôm gêŋ, ma sêjam ôli gêŋ to sêkêŋ gêŋ gêdêŋ lau sêjam ôli, ma sêsê gêŋ to sêkwê nêŋ andu. \v 29 Mago gêdêŋ bêc, taŋ Lot kêsa aŋga Sodom gêja naŋ, ja to talao aŋga undambê kêsêp e geseŋ êsêac samob su. \v 30 Ma êndêŋ bêc, taŋ Ŋamalacnê Latu eoc tau lasê naŋ, oc êtôm tonaŋgeŋ. \p \v 31 “Êndêŋ bêc tônê ŋac teŋ embe êŋgôŋ salôm ŋaô, naŋ êsêp naêkôc nê gêŋ, taŋ gêc andu ŋalêlôm naŋ atom. Ma ŋac teŋ embe êmoa kôm, naŋ êkac tau ôkwi êmu êna nê andu atom amboac tonaŋgeŋ. \v 32 Taêm ênam Lotnê awê. \v 33 Ŋac teŋ embe êŋgôm gêŋlêlôm gebe êmoa mata jali, oc êmac êndu, ma ŋac teŋ embe êmac êndu, oc êŋgôŋ mata jali. \v 34 Aê jasôm êndêŋ amac gebe Êndêŋ êmbêc tau tônê ŋac luagêc embe sênêc mê tageŋ, naŋ Apômtau oc êkôc teŋ sa ma êwi teŋ siŋ. \v 35 Ma awê luagêc embe sêlai polom sêwiŋ tauŋ sêmoa, naŋ Apômtau oc êkôc teŋ sa ma êwi teŋ siŋ. [ \v 36 Ma ŋac luagêc embe sêmoa kôm sêwiŋ tauŋ, naŋ Apômtau oc êkôc teŋ sa ma êwi teŋ siŋ.]” \v 37 Ma êsêac têtu kênac eŋ gebe “Apômtau, oc ŋanô êsa aŋga ondoc.” Tec eŋ kêsôm gêdêŋ êsêac gebe “Gamêŋ taŋ ŋamêtê teŋ gêc naŋ, aoco oc sêkac sa sêmoa.” \c 18 \s1 Biŋgôliŋ awêtuc ma mêtôcwagaŋa \p \v 1 Jesu kêsôm biŋgôliŋ teŋ gêdêŋ êsêac gebe êkêli êsêac gebe teteŋ mec ŋapaŋ têtu goloŋ atom. \v 2 Eŋ kêsôm gebe “Mêtôcwaga teŋ gêŋgôŋ malac teŋ. Eŋ kêtêc Anôtô atom ma gê go ŋamalac atom. \v 3 Ma awêtuc teŋ gêŋgôŋ malac tonaŋ, naŋ gêdêŋ eŋ gêja-gêja ma kêsôm gebe ‘Ônam aê kêsi aŋga ŋoc soŋo-soŋonê.’ \v 4 Mêtôcwaga gedec e ŋasawa teŋ, gocgo kêsôm gêdêŋ tau gebe ‘Aê katêc Anôtô atom ma gaê go ŋamalac atom, \v 5 mago kêtu awêtuc tonec kêlênsôŋ aêŋa, tec gabe janam eŋ kêsi, gebe moae nê meloco êsa mêŋêtap aê laŋôcanô auc.’” \v 6 Go Apômtau kêsôm gebe “Akêŋ taŋem bi ŋ, taŋ mêtôcwaga keso kêsôm naŋ. \v 7 Amac abe Anôtô oc ênam nê lau, taŋ kêjaliŋ êsêac sa ma aweŋ gêjac eŋ kêtôm bêc to geleŋgeŋ naŋ, kêsi atom me. Ma abe oc ênam tau tôŋ me. \v 8 Aê jasôm êndêŋ amac gebe Eŋ oc ênam êsêac kêsi sebeŋ. Tageŋ êndêŋ noc Ŋamalacnê Latu êmêŋŋa naŋ, oc êtap sêkêŋ gêwiŋ ŋanô sa aŋga nom me masi.” \s1 Biŋgôliŋ Parisai agêc teloŋŋa \p \v 9 Jesu kêsôm biŋgôliŋ tonec gêdêŋ lau ŋagêdô, taŋ sêlic tauŋ sebe lau gêdêŋ ma sêbu lau ŋagêdô naŋ gebe \v 10 “Ŋac luagêc sêpi lôm dabuŋ sêja sebe teteŋ mec, Parisai teŋ ma teloŋ teŋ. \v 11 Parisai kêsa jakêkô ma keteŋ mec gêc lêlômgeŋ gebe ‘O Anôtô, aê gabe janam daŋge êndêŋ aôm gebe aê katôm ŋamalac ŋagêdô amboac kêjaŋgowaga to lau sec ma mockaiŋ ma amboac teloŋ tonec atom. \v 12 Aê gajam dêbu ŋ mo kêtôm dim luagêc kêtôm wokegeŋ, ma ŋoc gêŋ samob, taŋ katap 10-10 sa naŋ, kakôc ŋateŋ su kêtômgeŋ mêŋkêkêŋ kêtu da.’ \v 13 Go teloŋ tau kêsa jakêkô ŋalêtiŋ. Eŋ gebe êôc mataanô sa êpi undambê atom, go kêpô gêduc ma kêsôm gebe ‘O Anôtô, taêm labu aê ŋac secmaŋ.’ \v 14 Aê jasôm êndêŋ amac gebe Ŋac tonaŋ kêsêp nê andu gêja naŋ Anôtô gêlic eŋ amboac ŋac gêdêŋ kêlêlêc Parisai su. Teŋ embe etoc tau sa, go Anôtô êkôniŋ eŋ, ma teŋ embe êkôniŋ tau, go Anôtô etoc eŋ sa.” \s1 Jesu gêjam mec ŋapalê \r (Mat 19:13-15; Mar 10:13-16) \p \v 15 Lau sejoŋ ŋapalê dedec dêdêŋ Jesu sêja gebe êkêŋ lêma ênsac êsêac. Ma nê ŋacseŋomi sêlic e sec biŋ êsêac. \v 16 Go Jesu gêmôêc êsêac ma kêsôm gebe “Andec ŋapalê dêndêŋ aê sêmêŋmaŋ. Akô êsêac auc atom, gebe lau tecenaŋ ŋai tec têtu Anôtônê gamêŋ ŋatau. \v 17 Biŋŋanô, aê jasôm êndêŋ amac gebe Ŋac, taŋ êkôc Anôtônê gamêŋ sa êtôm ŋapalê atom naŋ, oc êsô êna atom.” \s1 Ŋac tolêlôm \r (Mat 19:16-30; Mar 10:17-31) \p \v 18 Ma kasêga teŋ kêtu kênac Jesu gebe “Mêtêmôkê ŋajam, aê jaŋgôm amboac ondoc gebe jawê kaiŋ jaŋgôŋ matoc jali teŋgeŋ.” \v 19 Tec Jesu kêtu kênac eŋ gebe “Amboac ondoc kôsam aê gebe ŋajam. Ŋac ŋajam teŋ gêmoa atom, Anôtô taugeŋ. \v 20 Biŋsu tec gôŋô su gebe ‘Ôŋgôm gêŋ mockaiŋo to mockaiŋŋa atom. Ônac ŋamalac êndu atom. Ônam geŋgeŋ atom. Ôŋga biŋ atom. Otoc tamam agêc tênam sa.’” \v 21 Ma ŋac tau gêjô eŋ awa gebe “Aê kamasaŋ biŋ samob tonaŋ kêtu tôŋ su gêdêŋ aê ŋapalêgeŋ e mêŋgêdêŋ galoc.” \v 22 Jesu gêŋô ma kêsôm gêdêŋ eŋ gebe “Gêŋ tageŋ tec aôm kôpô lêna. Ôkêŋ nêm waba samob lau sênam ôli ma ônac sam ŋaawa êndêŋ lau ŋalêlôm sawa, go nêm awa oc ênêc undambê, ma ômôêŋ ôndaŋguc aê.” \v 23 Ŋac tau gêŋô biŋ tonaŋ e nê ŋalêlôm ŋawapac kêsa, gebe eŋ ŋac tolêlôm ŋanô. \p \v 24 Jesu mata gê eŋ ma kêsôm gebe “Lau tolêlôm embe sêsô Anôtônê gamêŋ sêna oc sêŋgôm elêmê. \v 25 Bôc kamele teŋ oc êsêli êsô so ŋalasê êna ŋagaôgeŋ êlêlêc ŋac tolêlôm êsô Anôtônê gamêŋ ênaŋa su.” \v 26 Ma lau, taŋ sêŋô biŋ tau naŋ, sêsôm gebe “Ai, amboac tonaŋ asa ênam samuc.” \v 27 Tec Jesu kêsôm gebe “Gêŋ taŋ ŋamalac sêŋgôm êtôm atom naŋ, Anôtô oc ê gôm naêtôm.” \p \v 28 Go Petere kêsôm gebe “Ôlic acgom, aêacmêŋ tec awi ma gêŋ samob siŋ ma adaguc aôm.” \v 29 Tec Jesu kêsôm gêdêŋ êsêac gebe “Bi anô, aê jasôm êndêŋ amac gebe Lau samob, taŋ sêwi andu me awê me lasitêwai me teneŋi me tameŋi me ŋapalê siŋ kêtu Anôtônê gamê ŋa, \v 30 oc têtap gêŋ ŋanô tau taêsam sa êlêlêc su êndêŋ têm tonec, go êndêŋ têm ônêŋa oc sêŋgôŋ mateŋ jali teŋgeŋ.” \s1 Jesu geoc nê ŋandaŋ lasê kêtu têlêacŋa \r (Mat 20:17-19; Mar 10:32-34) \p \v 31 Go Jesu kêkôc êsêac 12 sa ma kêsôm gêdêŋ êsêac gebe “Alic acgom, aêac tapi Jerusalem tana, ma biŋ samob, taŋ propete teto kêpi ŋamalacnê Latu naŋ, oc êtu anô, \v 32 gebe êsêac oc sêkêŋ eŋ êndêŋ lau samuc nasêsu eŋ susu to sêlênsu eŋ ma sêkasôp êpi eŋ. \v 33 Êsêac oc si eŋ, go sênac eŋ êndu e abêc êtu têlêac oc êndi sa êtiam.” \v 34 Mago êsêacnêŋ kauc kêsa kêpi biŋ tonaŋ ŋai atom. Biŋ ŋalô tonaŋ ŋam kêsiŋ tau gêdêŋ êsêac ma sêjala biŋ, taŋ Jesu kêsôm naŋ atom. \s1 Jesu gêgôm matapec, taŋ keteŋ-kêtê geŋ naŋ, mata gêjac \r (Mat 20:29-34; Mar 10:4-52) \p \v 35 Jesu kêsêlêŋ e kêdabiŋ Jeriko, ma ŋac matapec teŋ gêŋgôŋ intêna ŋatali keteŋ-keteŋ gêŋ gêmoa. \v 36 Eŋ gêŋô lau taêsam sêsêlêŋ ŋaonda ma kêtu kênac ŋam. \v 37 Êsêac sêwa sa gêdêŋ eŋ gebe “Jesu aŋga Nasaret tec kêsêlêŋ gêmêŋ.” \v 38 Ma ŋac tau gêmôêc gebe “Dawidnê Latu Jesu, taêm walô aêma.” \v 39 Tec lau, taŋ sêsêlêŋ sêmuŋ naŋ, sec biŋ eŋ gebe ênam tau tôŋ, mago eŋ gêmôêc kêpuc sageŋ gebe “Dawidnê Latu, taêm walô aêma.” \v 40 Tec Jesu kêkô ma kêjatu gebe sêkôc eŋ dêndêŋ eŋ sêmêŋ. Sêwê eŋ kêtu gasuc Jesu, go kêtu kênac eŋ gebe \v 41 Aôm gobe aê jaŋgôm asageŋ êndêŋ aôm. Ma eŋ kêsôm gebe “Apômtau, aê gabe matoc êlêc.” \v 42 Tec Jesu kêsôm gêdêŋ eŋ gebe “Matam êlêc, aôm kôkêŋ gêwiŋ, tec gêgôm aôm ŋajam kêsa.” \v 43 Ma mata gêlac gaôgeŋ e kêdaguc Jesu ma kêlambiŋ Anôtô. Lau samob, taŋ sêlic gêŋ tonaŋ naŋ, sêlanem Anôtô. \c 19 \s1 Jesu agêc Sakai \p \v 1 Go Jesu kêsô Jeriko gebe êsêlêŋ tôŋgeŋ êna. \v 2 Ma ŋac teŋ gêmoa, nê ŋaê Sakai. Eŋ teloŋnêŋ kasêga ma eŋ ŋac tolêlôm teŋ. \v 3 Eŋ kêtu kêka-kêka gebe êlic Jesu êpi ŋanôgeŋ, mago gêgôm elêmê kêtu lau taêsamŋa gebe eŋ ŋac dambê ec teŋ. \v 4 Tec kêlêti gêmuŋ jakêpi ka kamoc-kamoc teŋ gebe Jesu naêsa tonaŋ ma êlic eŋ êpi ŋanôgeŋ. \v 5 Jesu kêsêlêŋ e mêŋkêkanôŋ eŋ, go mata gedec ma kêsôm gêdêŋ eŋ gebe “Sakai, ôsêp sebeŋ ômôêŋ, gebe ocsalô tonec jaŋgôŋ nêm andu.” \v 6 Tec Sakai kêsêp sebeŋ mêŋkêkôc Jesu sa totêtac ŋajamgeŋ. \v 7 Êsêac samob sêlic ma sêsac biŋ to sêsôm gebe “Eŋ kêsô ŋac sec nê andu gêja gebe êlêwaŋ tau.” \v 8 Sakai jakêkô ma kêsôm gêdêŋ Apômtau gebe “Apômtau, ôlic acgom, aêŋoc waba samob tonec galoc jakêŋ ŋamakeŋ êndêŋ lau ŋalêlôm sawa, ma moae kasau ŋac teŋ, tec jakêŋ gêŋ aclê êjô gêŋ, taŋ kakôc su naŋ.” \v 9 Go Jesu kêsôm gêdêŋ eŋ gebe “Ocsalô Anôtônê moasiŋ ênam ŋamalac kêsiŋa mêŋkêpi andu tonecgoc, gebe Abrahamnê wakuc teŋ eŋ amboac tonaŋ. \v 10 Gebe Ŋamalacnê Latu tec gêmêŋ gebe ensom gêŋ gebeŋ ma ênam sa.” \s1 Biŋgôliŋ mone goldŋa \r (Mat 25:14-30) \p \v 11 Jesu kêdabiŋ Jerusalem ma lau, taŋ sêŋô biŋ tonaŋ ŋai naŋ, seboc Anôtônê gôliŋ oc gaôgeŋ êô lasê, tec eŋ kêsôm biŋgôliŋ teŋ gêwiŋ gebe \v 12 “Ŋac towae teŋ gêdi gêja gamêŋ jaêcsêga teŋ gebe sêkêŋ eŋ êtu kiŋ, go êmu êmêŋ êtiam. \v 13 Tec gêmôêc nê sakiŋwaga 10 sêmêŋ ma kêkêŋ mone goldŋa 10 gêdêŋ êsêac. Go kêsôm gêdêŋ êsêac gebe ‘Atulu gêŋ amoa e jamu jamêŋ êtiam.’ \v 14 Ŋac tau nê lau malacm têntac gedec eŋ, tec sêsakiŋ laumata têdaguc eŋ sêja ma sêsôm gebe ‘Aêac abe ŋac tônê êtu aêacma kiŋ atom.’ \p \v 15 “Sêkêŋ ŋac tau kêtu kiŋ su, go gêmu gêmêŋ ma kêsôm sêmôêc sakiŋwaga, taŋ eŋ kêkêŋ mone gêdêŋ êsêac naŋ, gebe êŋô nêŋ kôm têtulu gêŋŋa ŋaŋanô. \v 16 Ŋac ŋamataŋa mêŋkêsôm gebe ‘Apômtau, aômnêm mone gold tageŋ naŋ, tec katulu gêŋ e kêtap 10 sa mêŋgêwiŋ.’ \v 17 Ma ŋatau kêsôm gêdêŋ eŋ gebe ‘Aôŋ, aôm sakiŋwaga ŋajam. Aôm gojob geŋ sauŋanô ŋapep, tec jakêŋ aôm ôtu ŋatau ônam gôliŋ malac 10.’ \v 18 Go ŋac kêtu luagêcŋa mêŋkêsôm gebe ‘Apômtau, nêm mone gold, tec kêtulu gêŋ e kêtap lemeŋ teŋ sa mêŋgêwiŋ.’ \v 19 Tec ŋatau kêsôm amboac tonec gebe ‘Amboac tonaŋ, aôm ônam gôliŋ malac lemeŋ teŋ.’ \v 20 Ma ŋac teŋ mêŋkêsôm gebe ‘Apômtau, ôlic nêm mone. Aê kasabaŋ ŋa obo auc ma tec gec. \v 21 Aê katêc aôm gebe aôm ŋac ŋajaŋa. Aôm kôkôc gêŋ, taŋ kotoc gêcŋa atom naŋ, ma kojoŋ kôm, taŋ kôsê atom naŋ ŋanô sa.’ \v 22 Go ŋatau kêsôm gêdêŋ eŋ gebe ‘Aôm ŋac sec. Aôm taôm kôkic nêm biŋgac. Aôm gôlic aê ŋac ŋajaŋa ma kakôc gêŋ, taŋ katoc gêcŋa atom naŋ, ma kajoŋ kôm, taŋ kasê atom naŋ ŋanô sa. \v 23 Amboac ondoc kôkêŋ ŋoc mone gêja gamêŋ têtulu moneŋa atom. Embe jamu jamêŋ amboac tec, go jatap ŋoc gêŋ toŋalakacgeŋ sa.’ \v 24 Go kêsôm gêdêŋ lau, taŋ sêkô-sêkô naŋ, gebe ‘Akôc mone gold su aŋga ênê ma akêŋ êndêŋ ŋac, taŋ nê mone gold 10 gêc naŋ.’ \v 25 Ma êsêac sêsôm gêdêŋ eŋ gebe ‘Apômtau, ênê mone 10 gêc sugac.’ \v 26 Mago eŋ kêsôm gebe ‘Aê jasôm êndêŋ amac gebe Ŋac taŋ nê gêŋ gêc naŋ, oc sêkêŋ ŋagêdô naêwiŋ, mago ŋac, taŋ nê gêŋ masi naŋ, oc sêkôc ŋakêsu, taŋ gêc eŋŋa naŋ, su amboac tonaŋ. \v 27 Ma ŋoc ŋacjo, taŋ sebe aê jatu êsêacnêŋ kiŋ atom naŋ, akôc êsêac mêŋanac êsêac êndu êndêŋ aê laŋôcnêmŋa.’” \s1 Lau sêwê Jesu sêsô Jerusalem sêja \r (Mat 21:1-11; Mar 11:1-11; Joaŋ 12:12-19) \p \v 28 Jesu kêsôm biŋ tonaŋ su, go kêsêlêŋ kêpi Jerusalem gêja. \v 29 Kêsêlêŋ e kêdabiŋ Betpage to Betania, taŋ kêsi lôc, taŋ sêsam sebe Lôckatêkwi naŋ, go kêsakiŋ ŋacseŋomi luagêc \v 30 ma kêsôm gebe “Agêc asêlêŋ apeŋ malac, taŋ gêc nêmŋa naŋ ana. Ma êndêŋ taŋ aô lasê, oc atap doŋki ŋalatu teŋ sa sêkô tôŋ kêkô, ŋamalac teŋ gêŋgôŋ ŋaô kwanaŋgeŋ atomanô naŋ. Aŋgamboac su ma awê amêŋ. \v 31 Ma ŋac teŋ embe êtu kênac amagêc gebe ‘Agaboac su kêtu ageŋŋa,’ naŋ asôm gebe ‘Apômtau kêpô lêna gêŋ tau.’” \v 32 Ŋaclagêc tau sêja e têtap sa kêtôm kêsôm gêdêŋ êsêagêc. \v 33 Agêc sêgaboac doŋki ŋalatu sêmoa, go ŋatau sêsôm gêdêŋ êsêagêc gebe “Agêc agaboac doŋki ŋalatu su kêtu asageŋŋa.” \v 34 Ma êsêagêc sêsôm gebe “Apômtau kêpô lêna gêŋ tau.” \v 35 Go êsêagêc sêwê doŋki dêdêŋ Jesu sêja, sêu nêŋ ŋakwê gêsac doŋki ŋalatu ŋaô ma sêkêŋ Jesu gêŋgôŋ. \v 36 Eŋ kêsêlêŋ gêmoa, tec lau sêja nêŋ ŋakwê gêc intêna. \v 37 Eŋ kêsêlêŋ intêna, taŋ kêsêp aŋga Lôckatêkwi kepeŋ Jerusalem gêja, tec ŋacseŋomi samob sêôc aweŋ sa ma sêlambiŋ Anôtô totêntac ŋajamgeŋ ŋa aweŋ kapôêŋ kêtu gêŋsêga samob, taŋ sêlic naŋŋa, \v 38 ma sêmôêc gebe “Alanem kiŋ, taŋ gêmêŋ gêjam Apômtau laŋô naŋ. Biŋmalô ênêc undambê to ŋawasi êsa aŋga lôlôc.” \p \v 39 Ma Parisai ŋagêdô, taŋ sêwê sêwiŋ êsêac toŋ tonaŋ naŋ, sêsôm gêdêŋ Jesu gebe “Mêtêmôkê, wec bi ŋ nêm ŋacseŋomimaŋ.” \v 40 Ma eŋ gêjô êsêac aweŋ gebe “Aê jasôm êndêŋ amac gebe Êsêac tonec embe sênam tauŋ tôŋ, ma poc oc sêmôêc.” \s1 Jesu kêtaŋ kêpi Jerusalem \p \v 41 Eŋ kêsêlêŋ e kêdabiŋ malac tau ma gêlic e kêtaŋ lasê \v 42 gebe “Ojae, ŋabêc tecenec ôjala gêŋ, taŋ gebe ênam malô aômŋa naŋ ôwiŋmaŋ, mago galoc kêsiŋ tau gêdêŋ matamanô. \v 43 Têm oc mêŋêsa, go nêm ŋacjo mêŋsêkwê tuŋbôm to sêwê aôm auc ma sêŋgi aôm auc e sêkapiŋ aôm sa. \v 44 Oc senseŋ aôm to nêm ŋapalê samob su ma sêwi poc teŋ siŋ êŋgôŋ poc teŋ ŋaô atom, gebe kôjala noc Anôtô ênam aôm saŋa atom.” \s1 Jesu kêjanda lau aŋga lôm dabuŋ \r (Mat 21:12-17; Mar 11:15-19; Joaŋ 2:13-22) \p \v 45 Go Jesu kêsô lôm dabuŋ gêja e kêjanda lau, taŋ têtulu gêŋ sêmoa naŋ, \v 46 ma kêsôm gêdêŋ êsêac gebe “Teto gêc gebe Anôtô kasôm gebe ‘Aêŋoc andu tonec andu mecŋa,’ mago amac agôm kêtu kêjaŋgowaganêŋ gêsuŋ.” \p \v 47 Jesu kêdôŋ lau gêmoa lôm kêtôm bêcgeŋ, ma lau dabuŋsêga to biŋsutau ma launêŋ laumata dêdib sebe senseŋ eŋ su. \v 48 Mago têtap ŋalêŋ senseŋ eŋŋa sa atom gebe lau samob sêsap eŋ tôŋ sebe sêŋô eŋgeŋ. \c 20 \s1 Dabuŋsêga sebe sêkip Jesunê ŋaclai ŋam sa \r (Mat 21:23-27; Mar 11:27-33) \p \v 1 Ŋabêc teŋ Jesu kêdôŋ lau aŋga lôm dabuŋ to gêjam mêtê êsêac gêmoa ma lau dabuŋsêga to biŋsutau ma laumata dêdêŋ eŋ sêja \v 2 ma sêsôm gêdêŋ eŋ gebe “Ôsôm êndêŋ aêac gebe Aôm gôgôm gêŋ tonaŋ gôjam ŋaclai ondoc laŋô, me asa kêkêŋ ŋaclai tau gêdêŋ aôm.” \v 3 Tec eŋ gêjô êsêac aweŋ gebe “Aê gabe jatu kênac biŋ teŋ êndêŋ amac amboac tonaŋ. Asôm êndêŋ aê acgom gebe \v 4 Joaŋnê saŋgu nec aŋga Anôtônê me aŋga ŋamalacnêŋ.” \v 5 Ma êsêac taêŋ gêjam gêc tauŋgeŋ gebe “Aêac embe tasôm gebe Aŋga Anôtônê, eŋ oc êsôm aêac gebe ‘Ma amboac ondoc tec akêŋ gêwiŋ eŋ atom.’ \v 6 Ma embe tasôm aŋga ŋamalacnêŋ, oc lau samob têtuc aêac ŋa poc êndu, gebe sêjala Joaŋ gebe eŋ propete teŋ.” \v 7 Tec sêjô eŋ awa gebe “Aêac ajam kauc ênê ŋam.” \v 8 Ma Jesu kêsôm gêdêŋ êsêac gebe “Amboac tonaŋ aê jasôm ŋaclai, taŋ gêjam aê sa ma gagôm geŋ tau naŋ, êndêŋ amac atom amboac tonaŋgeŋ.” \s1 Biŋgôliŋ kôm wainŋa ŋakômwagaŋa \r (Mat 21:33-46; Mar 12:1-12) \p \v 9 Go Jesu gêôc awa sa ma kêsôm biŋgôliŋ tonec gêdêŋ lau gebe “Ŋac teŋ kêsê nê wain kôm teŋ, go kêmasaŋ ŋabiŋ gêdêŋ lau sênam kôm êpiŋa ma eŋ tau gêc gêja gamêŋ teŋ gêmoa e ŋasawa ŋêŋgeŋ. \v 10 Gêdêŋ noc wain gêjam ŋanôŋa eŋ kêsakiŋ sakiŋwaga teŋ gêdêŋ kômwaga gêja gebe sêkêŋ wain ŋanô ŋagêdô êndêŋ eŋ. Ma kômwaga si eŋ ma sêkêŋ eŋ lêma sawageŋ gêmu gêja. \v 11 Ma ŋatau kêsakiŋ sakiŋwaga teŋ gêja, naŋ si eŋ ma sêpêlê eŋ amboac tonaŋgeŋ e sêkêŋ eŋ lêma sawageŋ gêmu gêja. \v 12 Go kêsakiŋ ŋac teŋ gêwiŋ kêtu têlêacŋa, naŋ sêjac eŋ ôli lasê amboac tonaŋ ma têtiŋ eŋ kêsa gêja. \v 13 Ma kôm wainŋa ŋatau kêsôm gebe ‘Aê jaŋgôm amboac ondocgeŋ. Aê jasakiŋ ŋoc latuc, tec têtac gêwiŋ eŋ nec êna. Moae tetoc eŋ sa.’ \v 14 Kômwaga sêlic latu tau ma sêsôm gêdêŋ tauŋ gebe ‘Ŋac-gêwê-kaiŋ-gêŋlênsêmwaga tau tonec. Ajôc, tanac eŋ êndu gebe gêŋlênsêm êtu aêacnêŋ.’ \v 15 Tec têtiŋ eŋ aŋga kôm wainŋa kêsa gêja e sêjac eŋ êndu. \p “Kôm wainŋa ŋatau oc êŋgôm êsêac amboac ondoc. \v 16 Eŋ oc êmêŋ ma enseŋ kômwaga tonaŋ su ma êkêŋ kôm wainŋa êndêŋ lau teŋ.” Ma êsêac, taŋ sêŋô biŋ tau naŋ, sêsôm gebe “Masi, amboac tonaŋ atom.” \v 17 Tec Jesu mata gê êsêac ma kêsôm gebe “Biŋ taŋ teto gêc gebe ‘Poc taŋ sêkwêwaga sêbaliŋ siŋ naŋ, poc tonaŋgeŋ kêtu poc kêclêsuŋa naŋ, ŋam amboac ondoc.’ \v 18 Ŋac teŋ embe êtuc tau êpi poc tonec oc ôli êŋgic, ma poc tau embe êtuc êpi teŋ, oc êsac eŋ popocgeŋ.” \s1 Biŋ takisŋa \r (Mat 22:15-22; Mar 12:13-17) \p \v 19 Biŋsutau to lau dabuŋsêga sêjala gebe eŋ kêsôm biŋgôliŋ tonaŋ kepeŋ êsêac, tec gacgeŋ sebe sêkam eŋ tôŋ gêdêŋ ŋasawa tonaŋgeŋ, mago têtêc lau. \p \v 20 Êsêac dêdib eŋ ma sêsakiŋ lau sepeŋ biŋwaga, taŋ sêsabaŋ tauŋ gebe lau mansaŋ naŋ, ec sêlô eŋ ŋa tau nê biŋ ma sêkêŋ eŋ êsêp gôliŋwaga lêma gebe êmêtôc eŋ. \v 21 Tec sêsôm gêdêŋ eŋ gebe “Mêtêmôkê, aêac alic aôm kôsôm to kôdôŋ jagêdêŋ ma kôpuc opeŋ ŋamalac atom ma kôdôŋ Anôtônê lêŋ toŋanôgeŋ. \v 22 Aêac embe takêŋ takis êndêŋ kaisara oc eso aêacnêŋ biŋsu me masi.” \v 23 Jesu kêjala êsêac têtim eŋ, tec kêsôm gêdêŋ êsêac gebe \v 24 “Akôc denari teŋ mêŋjalic acgom. Asa nê ŋakatu to ŋatalô gêc.” Ma êsêac sêsôm gebe “Kaisaranê.” \v 25 Tec Jesu kêsôm gêdêŋ êsêac gebe “Amboac tonaŋ akêŋ kaisaranê gêŋ êndêŋ kaisara ma Anôtônê gêŋ êndêŋ Anôtô.” \v 26 Ma êsêac têtôm gebe sêlô eŋ ŋa tau nê biŋ lau sêlic nec atom. Ac sê taêŋ biŋ, taŋ eŋ kêsôm gêjô êsêac aweŋ naŋ, ma sêjam tauŋ tôŋ. \s1 Biŋ ŋacmatê sêndi saŋa \r (Mat 22:23-33; Mar 12:18-27) \p \v 27 Ma Sadukai, taŋ sêsôm gebe ŋacmatê oc sêndi sa atom naŋ, nêŋ ŋagêdô dêdêŋ Jesu sêja ma têtu kênac eŋ gebe \v 28 “Mêtêmôkê, Mose keto biŋsu gêdêŋ aêac gebe Ŋac teŋ, taŋ gêjam awê sa, mago nê gôlôac masi, embe êmac êndu, naŋ lasi ênam ênê awêtuc tau gebe êka gôlôac lasê êjô têwa su. \v 29 Amboac tonaŋ lasitêwai 7 tec sêmoa. Ŋacsêga gêjam awê e nê gôlôac masi ma gêmac êndu. \v 30 Ma lasi, taŋ kêsi eŋ naŋ, gêjam ênê awêtuc, \v 31 go ŋac ŋawaluŋ teŋ. Biŋ tonec kêtap lasitêwai 7 tonaŋ sa kêtômgeŋ gebe sêmac êndu togôlôac masigeŋ. \v 32 Sêmac êndu su, go awêtuc tau gêmac êndu amboac tonaŋ. \v 33 Êndêŋ noc ŋacmatê sêndi saŋa naŋ, eŋ oc êtu êsêacnêŋ asa nê awê, gebe êsêac 7 sêjam eŋ kêtu nêŋ awêgac.” \p \v 34 Tec Jesu kêsôm gêdêŋ êsêac gebe “Lau nom tonecŋa naŋ ŋac sêjam awê to awê sêjam ŋac. \v 35 Ma lau, taŋ Anôtô ketoc êsêac sa gebe sêndi sa aŋga ŋacmatênêŋ to sêwê kai ŋ têm ônêŋa naŋ, oc sênam awê to sênam ŋac atom, \v 36 ma sêmac êndu êtiam atom gebe êsêac têtôm aŋela ma têtu Anôtô latui gebe Anôtô gêŋu êsêac dêdi sa aŋga ŋacmatênêŋ. \v 37 Ŋacmêtê sêndi sa ŋabiŋ Mose kêsôm lasê amboac tonaŋ. Eŋ gêjac miŋ kêpi ja kêsa gamêŋ daniŋa, tec kêsam Apômtau gebe Abrahamnê Anôtô agêc Isaknê Anôtô ma Jakobnê Anôtô. \v 38 Biŋ tonaŋ ŋam gebe Anôtô kêtu ŋacmatênêŋ Anôtô atom, eŋ kêtu lau mateŋ jali nêŋ Anôtô, gebe samob sêmoa mateŋ jali sepeŋ eŋgeŋ.” \v 39 Ma biŋsutau ŋagêdô sêjô eŋ awa gebe “Mêtêmôkê, aôm kôsôm jagêdêŋ.” \v 40 Gebe êsêac têtêc e têtu kênac biŋ ŋagêdô gêdêŋ eŋ kêtiam atom. \s1 Biŋ kêpi Kilisi \r (Mat 22:41-46; Mar 12:35-37) \p \v 41 Go Jesu kêsôm gêdêŋ êsêac gebe “Ac sêsôm amboac ondoc tec sebe Kilisi Dawidnê latu eŋ \v 42 gebe Dawid tau tec kêsôm gêc Pesalem ŋabuku gebe \q1 ‘Apômtau kêsôm gêdêŋ aêŋoc Apômtau gebe \q1 Ôŋgôŋ aêŋoc anôŋa \q1 \v 43 e jakêŋ aômnêm ŋacjo sênêc amkaiŋ ŋalabu acgom.’ \m \v 44 Kec, Dawid kêsam eŋ gebe ‘Apômtau.’ Mago amboac ondoc tec Kilisi kêtu ênê latu.” \s1 Lau sejop tauŋ endeŋ biŋsutau \r (Mat 23:1-36; Mar 12:38-40; Luk 11:37-54) \p \v 45 Ma Jesu kêsôm gêdêŋ nê ŋacseŋomi lau samob sêŋô gebe \v 46 “Ajop taôm êndêŋ biŋsutau, taŋ sebe sêsêlêŋ toŋakwê baliŋgeŋ ma têntac gêwiŋ gebe lau aweŋ ênac êsêac aŋga malacluŋ ma sebe sênac tauŋ mata-mata gebe sêŋgôŋ ŋamataŋa aŋga lôm to gamêŋ sêniŋ gêŋŋa. \v 47 Êsêac sêjaŋgo awêtucnêŋ andu su ma sêsabaŋ ŋa mec baliŋ auc. Ŋagêjô oc êtap êsêac sa êlêlêc.” \c 21 \s1 Awêtuc kêkêŋ da \r (Mar 12:41-44) \p \v 1 Jesu gêôc mataanô sa ma gêlic lau tolêlôm sêkêŋ nêŋ da kêsêp Anôtônê kanom \v 2 e gêlic awêtuc ŋalêlôm sawa teŋ kêkêŋ mone sauŋanô luagêc kêsêp. \v 3 Go kêsôm gebe “Biŋŋanô, aê jasôm êndêŋ amac gebe Awêtuc ŋalêlôm sawa tônê kêkêŋ kêlêlêc êsêac samob su, \v 4 gebe lau samob tônê sêkôc aŋga nêŋ gêŋ kêlêsuc êsêacŋa sa mêŋsêkêŋ kêtu da. Ma eŋ kêpô lêna ŋanô, mago kêkêŋ nê gêŋ tonê mo samobgeŋ kêsêp gêja.” \s1 Jesu kêsôm biŋ kêpi senseŋ lôm dabuŋ suŋa \r (Mat 24:1-2; Mar 13:1-2) \p \v 5 Lau ŋagêdô sêsôm biŋ kêpi lôm dabuŋ gebe sêjam gêlôŋ ŋa poc ŋajam to ŋa awalauŋ, taŋ sêkêŋ kêtu daŋa. Tec Jesu kêsôm gebe \v 6 “Têm oc mêŋêsa, go gêŋ tê alic nê, ŋapoc teŋ oc êŋgôŋ poc teŋ ŋaô aŋga tonec atom, têta samob saliŋ-saliŋ.” \s1 Gêŋwapac ênac m tau \r (Mat 24:3-14; Mar 13:3-13) \p \v 7 Ma êsêac têtu kênac Jesu gebe “Mêtêmôkê, êndêŋ ondoc biŋ tonec mêŋêsa ma asageŋ oc êtu gêŋ tonaŋ ŋai ŋanô êsaŋa ŋabelo.” \p \v 8 Ma Jesu kêsôm gebe “Alic taôm gebe sênam amac ôkwi atom, gebe lau gwalêkiŋ oc sênam aê laŋôc sêmêŋ ma sêsam tauŋ gebe ‘Aê eŋ.’ Ma sêsôm gebe ‘Ŋanoc kêdabiŋgac.’ Mago andaŋguc êsêac atom. \v 9 Ma embe aŋô siŋ to lau sêli tauŋ sa ŋawae, naŋ atakê atom, gebe gêŋ samob tonaŋ mêŋêsa êmuŋ, mago noc nom ŋatêku êsuŋa oc êsa sebeŋ atom.” \v 10 Go kêsôm gêdêŋ êsêac gebe “Laum teŋ sêndi sênac siŋ êndêŋ laum teŋ, ma gamêŋ teŋ êndêŋ gamêŋ teŋ. \v 11 Ôjô oc ênam kapôêŋ-kapôêŋ ma tôbôm to gêmac sec êsa êtôm gamêŋgeŋ ma gêŋsêga têtakê ŋamalacŋa to gêŋtalô kapôêŋ aŋga undambê oc mêŋsêsa. \p \v 12 Gêŋ tonaŋ ŋai samob êsa atomgeŋ ma sêu lemeŋ êpi amac ma sêjanda amac to sêkêŋ amac asô lôm malacŋa to andu kapoacwalôŋa ma sêwê amac akô kiŋ to gôliŋwaga laŋôŋnêm êtu aêŋoc ŋaêŋa. \v 13 Ŋasawa tonaŋ amacnêm noc awa Anôtônê mêtê saŋa. \v 14 Taêm ênam êtu tôŋ gebe amansaŋ biŋ ajô êsêac aweŋŋa kwanaŋ-kwanaŋ atom, \v 15 gebe aê jansuŋ biŋ to kauc êndêŋ amac êwac ma nêm ŋacjo samob sêkŋ auc to senseŋ nêm biŋ nê sêŋgôm êtôm atom. \v 16 Tenemi to tamemi, ma tewemi to lasimi, ma nêm tawaŋ to nêm lau ŋagêdô oc sêkêŋ amac nasênac amacnêm ŋagêdô êndu, \v 17 ma lau samob têntac endec amac êtu ŋoc ŋaêŋa. \v 18 Mago môkêmlauŋ tageŋ oc ênaŋa aŋga môkêmapac atom. \v 19 Apuc taôm tôŋ ma atap aŋgôŋ matem jali sa. \s1 Jesu kêsôm biŋ kêpi senseŋ Jerusalem suŋa \r (Mat 24:15-21; Mar 13:14-19) \p \v 20 “Amac embe alic siŋwaga topomtopom sêwa Jerusalem auc, naŋ ajala êndêŋ tonaŋ gebe kêdabiŋ gebe malac tau oc êtu gasaŋ. \v 21 Êndêŋ tonaŋ lau, taŋ sêŋgôŋ Judaia naŋ, sêc sêpi lôc sêna, ma êsêac taŋ sêmoa malaclêlôm tau naŋ, sêc sêsa sêna, ma êsêac taŋ sêmoa malacmagê naŋ, sêsô malac sêna atom, \v 22 gebe ‘bêc Anôtô êkêŋ ŋagêjôŋa tau tônê,’ gebe biŋ samob, taŋ teto gêc naŋ, ŋanô êsa. \v 23 Ojae lauo, taŋ sêmoa teŋ to ônaŋ sêkêŋ su ŋapalê sêmoa naŋmêŋ, gebe gêŋwapac ŋanô êtap gamêŋ tonaŋ sa ma Anôtônê têtac ŋandaŋ êtap laum tonaŋ sa. \v 24 Oc sênac êsêac ŋa siŋ ma sêkôc êsêac tôŋ sêwê êsêac nasêsêp tenteŋlatu samob ŋalêlôm. Ma lau samuc sêka Jerusalem popoc sêmoa e lau samuc nêŋ noc ênac pep. \s1 Ŋamalacnê Latu êmu êmêŋ \r (Mat 24:29-31; Mar 13:24-27) \p \v 25 “Oc to ajôŋ ma utitalata kaiŋteŋkaiŋteŋ êsa ma gwêc ŋadembom êŋgasim ŋakicsêa e ŋamalac samob, taŋ sêmoa nom naŋ, nêŋ meloco êsa ma nêŋ ŋalêlôm ŋatutuc ŋanô. \v 26 Ŋamalac têtêc tauŋ to gêŋ, taŋ mêŋêsa aŋga nom naŋ, ŋawêc êŋgôm ŋamalac mateŋ êIô gebe gêŋ ŋaclai undambêŋa kôtêŋ-kôtêŋgeŋ. \v 27 Ma êndêŋ tonaŋ oc sêlic Ŋamalacnê Latu toŋaclai ma toŋawasi ŋanô êŋgôŋ tao teŋ ŋalêlôm êmêŋ. \v 28 Ma gêŋ tonaŋ embe êndambiŋ gebe ŋanô êsa, naŋ matem teŋteŋgeŋ to aôc laŋôm sa, gebe bêc Anôtô ênam amac kêsiŋa kêdabiŋ.” \s1 Kaleloŋ êkêŋ puc aêac \r (Mat 24:32-35; Mar 13:28-31) \p \v 29 Ma Jesu kêsôm biŋgôliŋ teŋ gêdêŋ êsêac gebe “Alic kaleloŋ to ka ŋagêdô samob. \v 30 Embe alic êlêc, go taôm ajala gebe ockêsa kêdabiŋgac. \v 31 Amac amboac tonaŋ. Êndêŋ taŋ alic gêŋ samob tonaŋ mêŋêsa naŋ, amac ajala gebe Anôtônê gamêŋ kêdabiŋ. \p \v 32 Biŋŋanô, aê jasôm êndêŋ amac gebe Gôlôac tonec oc sênaŋa atom e gêŋ tonaŋ ŋai samob ŋanô êsa acgom. \v 33 Undambê to nom ênaŋa ma aêŋoc biŋ oc ênaŋa atom. \s1 Tanam jali \p \v 34 “Ajop taôm gebe gêŋ êjaŋiŋ amac to anôm gêŋ anaboa ma apô sim taôm êtu gêŋ nomŋa êkôniŋ nêm ŋalêlôm tôŋ atom, gebe bêc tonaŋ êtap amac sa sep tageŋ \v 35 êtôm lip gêjac gwada nec atom. Bêc tonaŋ oc êtap lau samob, taŋ sêŋgôŋ nom auc naŋ sa. \v 36 Amboac tonaŋ anam jali to ateŋ mec ŋapaŋ gebe êpuc amac tôŋ ma awê gêŋ samob, taŋ oc êmêŋ naŋ sa ma naêkô Ŋamalacnê Latu laŋônêm.” \p \v 37 Gêdêŋ bêc, taŋ Jesu kêdôŋ lau aŋga lôm dabuŋ naŋ, ŋagêbêc eŋ kêsa jagêmoa lôc, taŋ sêsam sebe Lôckatêkwi naŋ. \v 38 Ma ŋabêbêc lau samob dêdêŋ eŋ sebe sêŋô ênê biŋ aŋga lôm dabuŋ. \c 22 \s1 Judanêŋ laumata sêkêc Jesunê biŋ \r (Mat 26:1-5, 14-16; Mar 14:1-2, 10-11; Joaŋ 11:45-53) \p \v 1 Om Polom Ŋalucŋa, taŋ sêsam gebe Pasa naŋ, kêdabiŋ \v 2 ma lau dabuŋsêga to biŋsutau sêgôm mocsac sebe senseŋ Jesu suŋa elêmê, gebe têtêc lau. \p \v 3 Ma Sadaŋ kêsêp Juda, taŋ sêsam eŋ sebe Isariot ma gêmoa gêwiŋ êsêac 12 naŋ, nê ŋalêlôm gêja. \v 4 Ma eŋ gêdêŋ lau dabuŋsêga to siŋwaga lôm dabuŋŋa nêŋ laumata jakêmasaŋ lêŋ eoc Jesu lasê êndêŋ êsêacŋa. \v 5 Tec êsêac têntac ŋajam kêsa ma sêsôm kêtu tôŋ gebe sêkêŋ mone êndêŋ eŋ. \v 6 Ŋac tau gêlôc gebe êŋgôm, tec gêdib gebe êtap ŋasawa ŋajam teŋ sa naŋ lau sêkac tauŋ su aŋga ênê acgom, go eoc eŋ lasê êndêŋ êsêac. \s1 Sêmansaŋ moasiŋ Pasaŋa \r (Mat 26:17-25; Mar 14:12-21; Joaŋ 13:21-30) \p \v 7 Polom ŋaluc ŋabêc sêmbuc domba Pasaŋa mêŋkêsa. \v 8 Ma Jesu kêsakiŋ Petere agêc Joaŋ ma kêsôm gebe “Agêc naamansaŋ aêacnêŋ moasiŋ Pasaŋa gebe taniŋ.” \v 9 Tec êsêagêc sêsôm gêdêŋ eŋ gebe “Aôm gobe aêagêc amansaŋ aŋga ondoc.” \v 10 Tec eŋ kêsôm gêdêŋ êsêagêc gebe “Alic acgom, agêc embe asô malac ana, oc andac ŋac teŋ eŋgeŋ ku buŋa. Andaŋguc eŋ asô andu tau, taŋ eŋ êsô êna naŋ. \v 11 Go asôm êndêŋ andu ŋatau gebe ‘Mêtêmôkê kêtu kênac aôm gebe Balêm ŋacleŋŋa, taŋ aê to ŋoc ŋacseŋomi aniŋ Pasa amoaŋa naŋ, gêc ondoc.’ \v 12 Ma eŋ oc êtôc gamêŋ ŋalêlôm kapôêŋ teŋ êndêŋ amagêc, taŋ gêc ŋadeŋ ŋaôŋa, sêpô adêŋ kwanaŋgeŋ naŋ, go amansaŋ gêŋ aŋga tonaŋ.” \v 13 Agêc sêja ma têtap sa kêtôm Jesu kêsôm gêdêŋ êsêagêc ma sêmasaŋ Pasa. \s1 Biŋ moasiŋ dabuŋŋa \r (Mat 26:26-30; Mar 14:22-26; 1Kor 11:23-25) \p \v 14 Noc mêŋkêsa, tec Jesu jagêŋgôŋ sic ma aposolo jasêwiŋ eŋ. \v 15 Go kêsôm gêdêŋ êsêac gebe “Ŋoc ŋalêlôm taêc gêjam gedeŋ tôŋgeŋ gebe janiŋ Pasa tonec jawiŋ amac êmuŋ acgom, go jaôc ŋandaŋ. \v 16 Aê jasôm êndêŋ amac gebe Oc janiŋ êtiam atom jamoa e janiŋ toŋanôgeŋ aŋga Anôtônê gamêŋ.” \v 17 Go kêkôc laclu gêjam daŋge ma kêsôm gebe “Akôc êwac ma anac sam êndêŋ taôm. \v 18 Ma aê jasôm êndêŋ amac gebe Galoc janôm wain ŋanô êtiam atom e Anôtônê gamêŋ mêŋêsa acgom.” \v 19 Go kêkôc polom mêŋgêjam daŋge su, ma kêpô kêkôc jakêkêŋ gêdêŋ êsêac ma kêsôm gebe “Aêŋoc ôlic, taŋ kakêŋ gêjô amacŋa naŋ tonaŋ. Aŋgôm amboac tonaŋ ec taêm ênam aêgeŋ.” \v 20 Seŋ su, go kêkôc laclu amboac tonaŋ ma kêsôm gebe “Laclu tonaŋ kêtu aêŋoc dec jamoatiŋ poac wakucŋa tau, taŋ kêkêc siŋ kêtu amacŋa. \p \v 21 “Alic acgom, ŋac taŋ gebe eoc aê lasê naŋ, lêma gêsac tebo gêwiŋ aêŋoc. \v 22 Ŋamalacnê Latu tec oc êsa nê lêŋ êna êtôm Anôtô kêmasaŋ, tageŋ ojae ŋac, taŋ eoc eŋ lasê naŋma.” \v 23 Ma êsêac têtu kênac tauŋ gebe êsêacnêŋ asa oc êŋgôm gêŋ amboac tônê. \s1 Asa lau têtu lau kapôêŋ \p \v 24 Ŋacseŋomi sêsôm tauŋ gebe nêŋ asa oc êtu ŋac kapôêŋ êlêlêc ŋagêdô su. \v 25 Tec Jesu kêsôm gêdêŋ êsêac gebe “Lau samuc nêŋ kiŋ sêkôniŋ nêŋ lau. Ma êsêac, taŋ sêjam gôliŋ lau toŋaclai naŋ, sêsam êsêac sebe ‘Moasiŋ ŋatau.’ \v 26 Amac amboac tonaŋ atom. Mago amacnêm ŋacsêga naŋ êtôm ŋac sauŋ ma kasêga êtôm sakiŋwaga acgom, go ŋajam. \v 27 Ŋac ondoc kêlêlêc ondoc su. Ŋac taŋ gêŋgôŋ gebe êniŋ ŋêŋgeŋ naŋ, me ŋac taŋ gêjam sakiŋ gêŋ gêmoa naŋ. Ŋac taŋ gêŋgôŋ gebe êniŋ gêŋŋa naŋ. Aê tec gamoa amac ŋasawa nec, katôm sakiŋwaga. \p \v 28 “Amac lau tonaŋ asap aê tôŋ kêtôm ŋoc noc lêtômŋa ŋapaŋ. \v 29 Tamoc gêliŋ ŋagôliŋ su gêdêŋ aê, tec aê jaliŋ su êndêŋ amac. \v 30 Aniŋ to anôm gêŋ aŋga ŋoc tebo amoa ŋoc gamêŋ ma aŋgôŋ lêpôŋ ŋaô, gebe amêtôc Israelnêŋ gôlôac 12 nêŋ biŋ. \s1 Jesu kêkêŋ puc gêdêŋ Petere \r (Mat 26:31-35; Mar 14:27-31; Joaŋ 13:36-38) \p \v 31 “Simon, Simon, ôlic Sadaŋ gebe êkôc amac su, gebe ekoloŋ amac êtôm sekoloŋ lala sêjaliŋ ŋanô to ŋapa saŋa. \v 32 Ma aê tec kateŋ kêtu aômŋa gebe nêm kôkêŋ gêwiŋ ê su atom. Ma êndêŋ taŋ ônam taôm ôkwi su naŋ, ôpuc lasimi tôŋ.” \v 33 Tec Petere kêsôm gêdêŋ eŋ gebe “Apômtau, aê gajac ŋawae gabe jasêp kapoacwalô to jamac êndu jawiŋ aôm.” \v 34 Tec Jesu kêsôm gebe “Petere, aê jasôm êndêŋ aôm gebe Êmbêc tonec talec oc êtaŋ atomgeŋ, ma aôm ônsa aê auc êtu dim têlêac gebe gôjam kauc aê.” \s1 Biŋ atali to siŋŋa \p \v 35 Go Jesu kêsôm gêdêŋ êsêac gebe “Gêdêŋ taŋ kasakiŋ amac aja akôc awa kêsêp ômbiŋkap ŋaatali ma abic atali to asô atapa atom naŋ, gêŋ teŋ gêjô amac me masi.” Ma êsêac sêjô eŋ awa gebe “Masianô, gêŋ teŋ gêjô aêac atom.” \v 36 Tec eŋ kêsôm gêdêŋ êsêac gebe “Mago galoc amboac teŋ. Ŋac taŋ nê awa to atali gêc naŋ, êkôc gêŋ tau. Ma ŋac taŋ kêkôc siŋ atom naŋ, êkêŋ nê ŋakwê êndêŋ lau sênam ôli ma êkôc ŋaawa naênam ôli siŋ teŋ. \v 37 Ma aê jasôm êndêŋ amac gebe Biŋ taŋ teto amboac tonec naŋ, oc êtu tôŋ êpi aê gebe ‘Sêsam eŋ gêwiŋ kêjaŋgowaga.’ Biŋ taŋ teto kêpi aê naŋ, oc ŋanô êsa.” \v 38 Ma êsêac sêsôm gebe “Apômtau, alic acgom, siŋ luagêc tec gêc.” Go eŋ kêsôm gêdêŋ êsêac gebe “Kêtôm su.” \s1 Jesu keteŋ mec \r (Mat 26:36-46; Mar 14:32-42) \p \v 39 Go Jesu kêsa gêja ma kêpi Lôckatêkwi amboac gêgôm-gêgôm gêmoa ma ŋacseŋomi têdaguc eŋ. \v 40 Sêô lasê gamêŋ tau acgom, go kêsôm gêdêŋ êsêac gebe “Ateŋ mecmaŋ, gebe lêtôm êtap amac sa atom.” \v 41 Go gêwi êsêac siŋ ma kêsu tau su kêsa gêja ŋasawa kêtôm têtuc poc naêsêpŋa, go kêpôŋ aduc ma keteŋ mec gebe \v 42 “O Tamoc, embe aôm têmtac teŋ, naŋ ôkôc laclu tonec su aŋga aêŋoc. Mago aêŋoc biŋ êtu tôŋ atom, aôm taôm nêm êtu tôŋ.” [ \v 43 Go aŋela teŋ aŋga undambê mêŋgêôc tau lasê gêdêŋ eŋ ma kêpuc eŋ tôŋ. \v 44 Biŋ tonaŋ kêmônaŋ eŋ ŋanô e keteŋ mec ŋajaŋa. Ma nê waeŋ keseleŋ jatep-jatep amboac dec kêsêp nom.] \p \v 45 Keteŋ mec su ma gêdi gêdêŋ nê ŋacseŋomi gêja e gêlic biŋ gêjac êsêac êndu ma sêc bêc sêc. \v 46 Tec Jesu kêsôm gêdêŋ êsêac gebe “Amac aêc bêc kêtu asageŋŋa. Andi sa ma ateŋ mecmaŋ, gebe lêtôm êtap amac sa atom.” \s1 Sêkôc Jesu tôŋ \r (Mat 26:47-56; Mar 14:43-50; Joaŋ 18:3-11) \p \v 47 Jesu kêsôm biŋ tonaŋ gêmoa ma sêlic lau pom teŋ sêmêŋ, naŋ êsêac 12 nêŋ ŋac teŋ, ŋaê Juda, gêwê êsêac. Juda tau kêtu gasuc gêdêŋ Jesu gêja gebe êIêsôp eŋ alianô. \v 48 Tec Jesu kêsôm gêdêŋ eŋ gebe “Juda, aôm kôlêsôp Ŋamalacnê Latu gobe oc eŋ lasê me.” \v 49 Ma êsêac taŋ sêsap Jesu tôŋ sêmoa naŋ, sêlic gêŋ tonaŋ e sêsôm gebe “Apômtau, aêac oc anac êsêac ŋa siŋ me masi.” \v 50 Ma nêŋ ŋac teŋ gêjac dabuŋsêganê sakiŋwaga kêpa eŋ taŋalauŋ anôŋa su. \v 51 Tec Jesu kêsôm gêdêŋ êsêac gebe “Andec, agôm kêtôm.” Ma kêmoasac ênê taŋalauŋ e ŋajam kêsa. \p \v 52 Ma Jesu kêsôm gêdêŋ lau dabuŋsêga to siŋwaga lôm dabuŋŋa ma laumata, taŋ têtu oloŋ-oloŋgeŋ dêdêŋ eŋ sêja naŋ, gebe “Amac alic aê amboac kêjaŋgowaga teŋ me, tec aôc siŋ to olopoac adêŋ aê amêŋ. \v 53 Kêtôm bêcgeŋ gawiŋ amac gamoa lôm dabuŋ, mago êu lemem teŋ kêpi aê atom. Ma onec amac to ŋakesec ŋaŋaclai tau nêm nocgoc.” \s1 Petere gêsa Jesu auc \r (Mat 26:57-58, 69-75; Mar 14:53-54, 66-72; Joaŋ 18:12-18, 25-27) \p \v 54 Êsêac sêkôc Jesu tôŋ ma sêwê eŋ sêsô dabuŋsêganê andu sêja. Ma Petere gêjac tau susu kêdaguc. \v 55 Lau sêboa ja kêsa andu tau ŋamalacluŋ ma sêsêlu sêŋgôŋ. Tec Petere jakêsêp êsêac ŋasawa. \v 56 Ma sakiŋwagao teŋ gêlic ja kêpô Petere ma kêpuc mata tôŋ eŋ e kêsôm gebe “Ŋac tônê gêwiŋ Jesugoc.” \v 57 Ma Petere kêpa tau gebe “Awê, aê gajam kauc eŋ nec.” \v 58 Têlageŋ ma ŋac teŋ gêlic eŋ e kêsôm gebe “Êsêacnêŋ teŋ aôm amboac tonaŋ.” Mago Petere kêsôm gebe “Ŋac tau, aê atom.” \v 59 Ma kêtôm ockatu ŋasawa teŋ gêbacnê, go ŋac teŋ kêsôm ŋajaŋa gebe “Biŋŋanô, ŋac tônê gêwiŋ eŋ amboac tonaŋgoc, gebe eŋ ŋac Galilaiaŋa.” \v 60 Tec Petere kêsôm gebe “Ŋac tau, biŋ taŋ aôm kôsôm naŋ, aê gajam kauc.” Kêsôm biŋ tonaŋ gêmoa ma gaôgeŋ talec kêtaŋ. \v 61 Tec Apômtau kêkac tau ôkwi mêŋmata gê Petere e Petere taê gêjam Apômtaunê biŋ, taŋ kêsôm gêdêŋ eŋ gebe “Êmbêc tonec talec oc êtaŋ atomgeŋ ma aôm ônsa aê auc êtu dim têlêac.” \v 62 Tec kêsa gêja ma kêtaŋ ŋanô. \s1 Lau sêsu Jesu susu to sêjac eŋ \r (Mat 26:67-68; Mar 14:65) \p \v 63 Lau taŋ sêkôc Jesu tôŋ naŋ, sêsu eŋ susu to sêjac eŋ. \v 64 Êsêac sêkwa eŋ laŋôanô ŋa obo auc, go têtu kênac eŋ gebe “Ôsôm lasê gebe asa gêjac aôm.” \v 65 Ma sêsôm biŋ alôb-alôb ŋagêdô taêsam kêpi eŋ gêwiŋ. \s1 Laumata sêkip Jesunê biŋ sa \r (Mat 26:59-66; Mar 14:55-64; Joaŋ 18:19-24) \p \v 66 Geleŋmata ma launêŋ lau ŋanô to dabuŋsêga ma biŋsutau sêkac sa ma sêsôm sejoŋ Jesu sêja lau ŋanô sêkac sa ŋamala. \v 67 Go sêsôm gebe “Aôm embe Kilisi, naŋ ôsôm taôm lasê êndêŋ aêac.” Tec eŋ kêsôm gêdêŋ êsêac gebe “Aê embe jasôm êndêŋ amac, oc akêŋ êwiŋ atom. \v 68 Ma embe jatu kênac biŋ teŋ êndêŋ amac, oc ajô aê aoc atom. \v 69 Ma galoc tonec Ŋamalacnê Latu oc êŋgôŋ Anôtô ŋaniniŋ Ŋatau nê anôŋa.” \v 70 Ma lau samob sêsôm gêdêŋ eŋ gebe “Amboac tonaŋ Anôtônê Latu aôm me.” Tec eŋ kêsôm gêdêŋ êsêac gebe “Amac asôm gebe aê ênê Latu.” \v 71 Ma êsêac sêsôm gebe “Aêac tapô lêna biŋ ŋagêdô êtu ageŋŋa. Aêac tauŋ taŋô biŋ tau kêsa eŋ tau awa.” \c 23 \s1 Jesu kêkô Pilata laŋônêm \r (Mat 27:1-2, 11-14; Mar 15:1-5; Joaŋ 18:28-38) \p \v 1 Lau samob, taŋ sêkac tauŋ sa sêmoa naŋ, dêdi jasejoŋ eŋ dêdêŋ Pilata sêja. \v 2 Go sêôc aweŋ sa ma sêgôliŋ biŋ kêpi eŋ ma sêsôm gebe “Ŋac tonec aêac alic eŋ gêli aêacma lau sa, ma kêkô lau auc gebe sêkêŋ takis êndêŋ kaisara atom to gê tau kêpi kiŋ Kilisi.” \v 3 Tec Pilata kêtu kênac Jesu gebe “Judanêŋ kiŋ aôm me masi.” Ma Jesu gêjô eŋ awa gebe “Kôsômgac.” \v 4 Go Pilata kêsôm gêdêŋ lau dabuŋsêga to lau ŋagêdô gebe “Aê galic ŋac tonec gêwê biŋ teŋ ŋakaiŋ atom.” \v 5 Mago êsêac sêsôm ŋajaŋa gebe “Eŋ gêli lau sa ma kêdôŋ kêtôm Judaia ŋagamêŋ samob. Gêjac m aŋga Galilaia e mêŋgêdêŋ tonec.” \s1 Jesu kêkô Herodo laŋônêm \p \v 6 Pilata gêŋô biŋ tonaŋ ma kêtu kênac gebe “Ŋac tônê eŋ ŋac Galilaiaŋa me.” \v 7 E gêŋô gebe eŋ aŋga Herodonê gôliŋ ŋalêlôm, tec kêkêŋ eŋ gêdêŋ Herodo tau, taŋ gêdêŋ ŋasawa tonaŋ gêmoa Jerusalem naŋ gêja. \v 8 Herodo gêlic Jesu e têtac ŋajam samucgeŋ gebe gêŋô eŋ ŋawaegeŋ ma gebe êlic eŋ ŋanô elêmê ma taê gêjam gêwiŋ gebe Jesu êŋgôm nê gêŋsêga teŋ eŋ êlic acgom. \v 9 Tec kêtu kênac biŋ taêsam gêdêŋ eŋ. Mago Jesu gêjô eŋ awa teŋ atom. \v 10 Ma lau dabuŋsêga to biŋsutau, taŋ sêkô naŋ, sêguŋ biŋ ŋajaŋa kêpi eŋ. \v 11 Go Herodo to nê siŋwaga sêmajec eŋ to sêsu eŋ susu ma sêkêŋ ŋakwê kwalam-kwalam gêdêŋ eŋ kêsô, ma sêkêŋ eŋ gêdêŋ Pilata gêmu gêja kêtiam. \v 12 Gêdêŋ bêc tonaŋ Herodo agêc Pilata, taŋ gêmuŋgeŋ sêkêŋ kisa gêdêŋ tauŋ naŋ, sêwê tauŋ auc kêtiam. \s1 Sêsôm kêtu tôŋ gebe Jesu êmac êndu \r (Mat 27:15-26; Mar 15:6-15; Joaŋ 18:39–19:16) \p \v 13 Pilata kêkalem lau dabuŋsêga to kasêga ma lau ŋagêdô sa sêpi tageŋ, \v 14 go kêsôm gêdêŋ êsêac gebe “Ŋac tonec amac akôc eŋ adêŋ aê amêŋ kêtu gêli lau saŋa, mago aê katu Iêsu eŋ, amac taôm aŋô. Biŋ taŋ amac agôliŋ kêpi eŋ naŋ, aê katap ŋanô teŋ sa aŋga ênê atom. \v 15 Ma Herodo amboac tonaŋ, tec kêkêŋ eŋ gêdêŋ aêac gêmu gêmêŋ kêtiam. Alicgac me, eŋ gêgôm biŋ teŋ kêtôm gebe danseŋ eŋ suŋa nec atom. \v 16 Amboac tonaŋ jasôm si eŋgeŋ ma jaŋgamboac eŋ su.” [ \v 17 Ŋagôliŋ teŋ gêc gebe Pilata êŋgamboac ŋac teŋ su êtôm omsêgageŋ êndêŋ êsêac.] \v 18 Tec lau samob sêmôêc guluŋgeŋ gebe “Eŋ ênaŋamaŋ, ma ôŋgamboac Baraba su êndêŋ aêac.” \v 19 Ŋac tonaŋ gêli lau sa aŋga malac e gêjac ŋamalac êndu, tec sêkêŋ eŋ gêŋgôŋ kapoacwalô. \v 20 Pilata taê gêjam gebe êŋgamboac Jesu su, tec kêmasaŋ biŋ gêdêŋ êsêac kêtiam. \v 21 Ma êsêac sêmôêc kêkô aucgeŋ gebe “Ônac eŋ êpi kakesotau, ônac eŋ êpi kakesotau.” \v 22 Go Pilata kêsôm gêdêŋ êsêac kêtu dim têlêac gebe “Ŋac tonec gêgôm sec amboac ondoc. Aê katap ênê biŋ danseŋ eŋ su ênaŋaŋa teŋ sa atom, tec gabe jai eŋgeŋ ma jaŋgamboac eŋ su.” \v 23 Ma êsêac sêkac eŋ sêmôêc kapôêŋ ma sêjatu gebe ênac eŋ êpi kakesotau êna. \v 24 Amboac tonaŋ Pilata kêsôm kêtu tôŋ gebe sêŋgôm nêŋ biŋ ŋanô êsa, \v 25 ma kêgaboac ŋac, taŋ gêŋgôŋ kapoacwalô kêtu gêli lau sa to gêjac ŋamalac ênduŋa naŋ, su kêtôm êsêac teteŋ, ma Jesu tec kêkêŋ eŋ gêja kêtôm êsêacnêŋ biŋ. \s1 Sêjac Jesu kêpi kakesotau \r (Mat 27:32-44; Mar 15:21-32; Joaŋ 19:17-27) \p \v 26 Êsêac sêkôc Jesu sêja e sêkam ŋac Kureneŋa teŋ tôŋ, ŋaê Simon, taŋ aŋga kôm gêmêŋ naŋ, ma sêu kakesotau gêsac eŋ gebe êôc êndaŋguc Jesu. \p \v 27 Lau taêsam ŋasec têdaguc Jesu ma lauo, taŋ taêŋ walô eŋ to têtaŋ naŋ, sêwiŋ amboac tonaŋgeŋ. \v 28 Tec Jesu kêkac tau ôkwi gêdêŋ êsêac ma kêsôm gebe “Jerusalem latuio, ataŋ aê atom, ataŋ taôm to nêm ŋapalê acgom. \v 29 Alicgac me, têm teŋ oc êmêŋ êsa, go lau sêsôm gebe ‘Aêac aweŋ êôc lauo kapoac to êsêac, taŋ sêkêkam atom naŋ, ma su taŋ gêlôm gêŋ dedec atom naŋ.’ \v 30 Êndêŋ ŋasawa tônê oc lau sêôc aweŋ sa ma sêsôm êndêŋ lôc gebe ‘Au taôm ansac aêac ŋaô,’ ma êndêŋ gamêŋ ŋabau gebe ‘Aŋgênduc aêac auc.’ \v 31 Embe êtap ka matac sa amboac tonec, ma oc êŋgôm ka masê amboac ondocgeŋ.” \p \v 32 Ma sêwê ŋac sec luagêc sêwiŋ sêja sebe sênac êsêagêc êndu sêwiŋ Jesu. \v 33 Sêja e sêô lasê gamêŋ tau, naŋ sêsam sebe “Môkêlac” naŋ acgom, go sêjac eŋ to ŋac sec luagêc sêpi kakesotau, teŋ geŋkaleŋ anôŋa ma teŋ geŋkaleŋ gasêŋa. \v 34 Ma Jesu kêsôm gebe “Tamoc, ôsuc êsêacnêŋ biŋ ôkwi, gebe sêjam kauc gêŋ, taŋ sêgôm naŋ.” Go êsêac sêpuc kapoac ênê ŋakwê ma sêjac sam. \v 35 Lau sêkô ma sêlic gêŋ tonaŋ ŋai sêwiŋ. Kasêga têtaŋ pêlê eŋ gebe “Eŋ gêjam lau ŋagêdô sa, ma eŋ embe Kilisi, taŋ Anôtô kêjaliŋ eŋ sa naŋ, go ênam tau sa amboac tonaŋgeŋ.” \v 36 Ma siŋwaga sêsu eŋ susu amboac tonaŋ ma têtu gasuc eŋ sebe sêkêŋ bu ŋamakic êndêŋ eŋ \v 37 ma sêsôm gebe “Embe Judanêŋ kiŋ aôm, naŋ ônam taôm samaŋ.” \v 38 Ma biŋ teŋ gêc eŋ ŋaôŋa gebe “Judanêŋ kiŋ tau tonec.” \p \v 39 Ma ŋac sec luagêc, taŋ seŋkaleŋ naŋ, nêŋ teŋ kêsôm biŋ alôb-alôb kêpi eŋ gebe “Aôm tonaŋ oc Kilisi me. Ônam taôm kêsi ma aêagêc awiŋmaŋ.” \v 40 Go nê ŋac teŋ gêjô eŋ awa jagêc biŋ eŋ gebe “Ŋandaŋ kêpi aêac kêtôm tau, ma aôm tonaŋ kôtêc Anôtô atom me. \v 41 Aêagêc tec daôc jagêdêŋ, gebe kêtu aêagêcnêŋ biŋ ŋagêjô, mago ŋac tecenaŋ gêgôm gêŋ teŋ keso atom.” \v 42 Ma kêsôm gebe “O Jesu, taêm ênam aêma êndêŋ taŋ mêŋôtu kiŋ.” \v 43 Ma Jesu kasôm gêdêŋ eŋ gebe “Biŋŋanô, aê jasôm êndêŋ aôm gebe Ocsalô tonec aôm ômoa ôwiŋ aê aŋga Paradis.” \s1 Jesu gêmac êndu \r (Mat 27:45-56; Mar 15:33-41; Joaŋ 19:28-30) \p \v 44 Kêdabiŋ gebe oc êkô ŋaluŋ ma gêsuŋbôm gêjam gamêŋ samob auc e gêdêŋ ocmata. \v 45 Oc ŋawê gêjaŋa ma obo baliŋ, taŋ geŋkaleŋ lôm dabuŋ naŋ, gêŋgic kêsêp ŋaluŋgeŋ. \v 46 Ma Jesu gêmôêc kapôêŋ gebe “O Tamoc, aê jasakiŋ katuc êndêŋ lêmam êwac.” Kêsôm tonaŋ su ma gêmac êndu. \v 47 Kapitai tau gêlic e awa gêôc Anôtô gebe “Biŋŋanô, ŋac tonec eŋ ŋac gêdêŋgoc.” \v 48 Ma lau samob, taŋ mêŋsêkô sebe sêlic gêŋ tau naŋ, sêlic e têtuc bôndagi ma sêc sêmu sêja. \v 49 Jesunê lau samob to lauo, taŋ têdaguc eŋ aŋga Galilaia sêmêŋ naŋ, sêkô jaêcgeŋ ma sêlic gêŋ tonaŋ samob. \s1 Sêkêŋ Jesu kêsêp sê \r (Mat 27:57-61; Mar 15:42-47; Joaŋ 19:38-42) \p \v 50 Judanêŋ kasêga teŋ gêmoa, nê ŋaê Josep, naŋ ŋac ŋajam to ŋac gêdêŋ. \v 51 Eŋ gêlôc sa gêdêŋ biŋ, taŋ êsêac sêsôm to sêgôm naŋ atom. Eŋ aŋga Judanêŋ malac teŋ, ŋaê Arimatia. Ŋac tau gêôŋ Anôtônê gamêŋgeŋ gêmoa. \v 52 Eŋ gêdêŋ Pilata gêja ma keteŋ Jesunê ŋawêlêlaŋ, \v 53 jakêkôc su mêŋkêsabaŋ ŋa obo ma ketoc eŋ gêc sêô, taŋ sêsap kêsêp poc naŋ. Tetoc ŋawêlêlaŋ teŋ gêc sê tau su atom tageŋ. \v 54 Bêc sêmasaŋ tauŋŋa ma sabat kêdabiŋ. \p \v 55 Tec lauo, taŋ têdaguc Jesu aŋga Galilaia sêmêŋ naŋ, sêwiŋ Josep jasêlic sêô to kôm tetoc Jesunê ŋawêlêlaŋ ênêcŋa. \v 56 Go sêmu sêja ma sêmasaŋ gêŋ ŋamalu to ŋalêsi gebe sêniŋ oso ŋawêlêlaŋ. Ma gêdêŋ sabat tau sêlêwaŋ tauŋ kêtôm biŋsu ŋajatu. \c 24 \s1 Jesu gêdi sa \r (Mat 28:1-10; Mar 16:1-8; Joaŋ 20:1-10) \p \v 1 Gêdêŋ woke ŋabêc ŋamataŋa gêdêŋ bêbêc kanucgeŋ naŋ lauo sejoŋ gêŋ ŋamalu, taŋ sêmasaŋ naŋ, sa sêja sêô \v 2 e sêlic sêsabi poc su aŋga sêawa. \v 3 Tec sêsô sêja ma têtap Apômtau Jesu nê ŋawêlêlaŋ sa atom. \v 4 Lauo tonaŋ taêŋ gêjam jakêsa-jakêsa sêkô e sêlic ŋac luagêc toŋakwê ŋaeb ŋaôma mêŋsêkô sêwiŋ êsêac. \v 5 Êsêac têtêc tauŋ e sêpô dêducgeŋ sêkô, go êsêagêc sêsôm gêdêŋ lauo gebe “Amboac ondoc asôm mata jali tau aŋga ŋacmatênêŋ. \v 6 Eŋ gêmoa tonec atom, Anôtô gêŋu eŋ sa su. Taêm ênam biŋ, taŋ eŋ kêsôm gêdêŋ amac gêdêŋ gêmoa Galilaia naŋ \v 7 gebe ‘Oc sêkêŋ Ŋamalacnê Latu êndêŋ lau sec nêŋ lemeŋ nasênac eŋ êpi kakesotau ma ŋabêc êtu têlêac, go êndi sa.’” \v 8 Lauo taêŋ gêjam ênê biŋ tau tonaŋ, \v 9 tec sêmu aŋga sêô sêja ma têdôŋ biŋ samob tonaŋ ŋai gêdêŋ ŋacseŋomi 11 to lau ŋagêdô samob. \v 10 Lauo tau tonec ŋai Maria aŋga Magdala agêc Joana ma Jakobonê têna Maria to lauo ŋagêdô, taŋ sêwiŋ êsêac naŋ, sêsôm biŋ tonaŋ gêdêŋ aposolo. \v 11 Mago lau tonaŋ sêŋô lauonêŋ biŋ tonaŋ ŋai e amboac sêboaco ma sêkêŋ gêwiŋ atom. \v 12 Tec Petere gêdi ma kêlêti gêja sêô jakêtuc kêniŋ kêsêp e gêlic obo kwalam-kwalam tau gêc ma gêŋac lêma kêtu gêŋ tonaŋŋa, go gêc gêmu gêja kêtiam. \s1 Ŋac luagêc sêja Emaus \r (Mar 16:12-13) \p \v 13 Bêc tonaŋgeŋ ma lau tonaŋ nêŋ ŋac luagêc sêja malac teŋ, ŋaê Emaus, naŋ gêc Jerusalem ŋagala, ŋasawa kêtôm ockatu ŋasawa têlêac, \v 14 ma agêc sêjam biŋ samob tonaŋ ŋai kêtu biŋgalôm gêdêŋ tauŋ. \v 15 Agêc sêsôm biŋ tau ma sênac mateŋ gêdêŋ tauŋ sêmoa e Jesu tau jagêô lasê ma kêsêlêŋ gêwiŋ êsêagêc, \v 16 mago agêc mateŋanô kaiŋ teŋ e sêjala eŋ atom. \v 17 Go Jesu kêtu kênac êsêagêc gebe “Biŋ ondoc tec amagêc ajam kêtu biŋgalôm gêdêŋ taôm amoa intêna nec.” Ma êsêagêc sêpô dêducgeŋ sêkô. \v 18 Go agêcnêŋ ŋac teŋ, ŋaê Kleopa, gêjô eŋ awa gebe “Aôm ŋac jaba tageŋ tonec, tec gômoa Jerusalem ma kôjala biŋ, taŋ sêgôm aŋga malac gêdêŋ ŋasawa tecenec naŋ atom me.” \v 19 Go Jesu kêtu kênac êsêagêc gebe “Biŋ amboac ondoc.” Tec êsêagêc sêjô eŋ awa gebe “Biŋ tonaŋ kêpi Jesu aŋga Nasaret. Eŋ propete, taŋ kêsôm to gêgôm nê gêŋ ŋajaŋa, Anôtô to lau samob sêlic. \v 20 Ma aêacma lau dabuŋsêga to kasêga sêkêŋ eŋ gêdêŋ lau-mêtôcwaga sebe sênac eŋ êndu e sêjac eŋ kêpi kakesotau. \v 21 Mago aêac tec taêŋ kêka gebe Ŋac tau tonaŋ oc ênam Israel sa. Biŋ tonaŋ mêŋkêsa ma galoc ŋabêc kêtu têlêac. \v 22 Go aêacma lauo ŋagêdô têtakê aêac gebe bêbêc kanucgeŋ sêja sêô \v 23 ma têtap ênê ŋawêlêlaŋ sa atom, tec sêmu sêmêŋ ma sêsôm gebe sêlic aŋela seoc tauŋ lasê, naŋ sêsôm gebe eŋ gêmoa mata jali. \v 24 Tec aêacma lau ŋagêdô sêja sêô ma têtap sa kêtôm taŋ lauo sêsôm naŋgeŋ. Mago ŋac tau tec sêlic eŋ atom.” \p \v 25 Go Jesu kêsôm gêdêŋ êsêagêc gebe “Melocagêc, tonêm ŋalêlôm ŋadanigeŋ e akêŋ gêwiŋ biŋ samob, taŋ propete sêsôm naŋ atom. \v 26 Ŋandaŋ tonaŋ gêjac Kilisi ŋawae gebe êôc, go êkôc nê ŋawasi sa atom me.” \v 27 Ma eŋ gêwa biŋ, taŋ teto kêpi eŋ naŋ, sa gêdêŋ êsêagêc gêjac m aŋga Mose to propete samob nêŋ. \p \v 28 Ac sêsêlêŋ e têdabiŋ malac, taŋ sebe sêna naŋ, ma eŋ gêgôm amboac gebe êôc lêlêc êsêagêc êna. \v 29 Tec agêc sêsôm sepeŋ ducgeŋ gebe “Ômoa ôwiŋ aêagêcmaŋ gebe kêtula ma oc jakêsêpgac.” Tec eŋ kêsô gêja gebe êŋgôŋ êwiŋ êsêagêc. \v 30 Gêdêŋ taŋ sêŋgôŋ sêwiŋ tauŋ sebe sêniŋ gêŋ naŋ, Jesu kêkôc polom mêŋgêjam daŋge ma kêpô kêkôc jakêkêŋ gêdêŋ êsêagêc. \v 31 Ma agêc mateŋanô ŋakêŋkêŋ kêsa e sêjala eŋ su ma malamê. \v 32 Gocgo agêc sêsôm gêdêŋ tauŋ gebe “Kec, gêdêŋ taŋ eŋ kêsôm biŋ gêdêŋ aêagêc aŋga intêna ma gêwa biŋ, taŋ teto gêc naŋ sa, ma nêŋ ŋalêlôm kepeŋ aêagêc nec atom me.” \p \v 33 Ma gacgeŋ dêdi sêmu sêja Jerusalem e têtap êsêac 11 to nêŋ lau ŋagêdô, taŋ sêkac tauŋ sa sêŋgôŋ naŋ sa. \v 34 Ma lau tonaŋ sêsôm gêdêŋ êsêagêc gebe “Apômtau gêdi sa biŋŋanôgoc, tec geoc tau lasê gêdêŋ Simon.” \v 35 Go êsêagêc sêjac miŋ biŋ, taŋ kêsa aŋga intêna to sêjala eŋ gêdêŋ kêpô polom kêkôc naŋ, gêdêŋ êsêac. \s1 Jesu geoc tau lasê gêdêŋ nê ŋacseŋomi \r (Mat 28:16-20; Mar 16:14-18; Joaŋ 20:19-23; Apos 1:6-8) \p \v 36 Sêsôm biŋ tonaŋ sêmoa ma Jesu tau kêsa jakêkô êsêac ŋaluŋgeŋ ma kêsôm gêdêŋ êsêac gebe “Biŋmalô êndêŋ amac.” \v 37 Mago êsêac têtakê ma têtêc tauŋ ŋanô seboc sêlic ŋalau teŋ. \v 38 Tec eŋ kêsôm gêdêŋ êsêac gebe “Amboac ondoc tec atakê ma nêm ŋalêlôm ulu-ulu kêtu asageŋŋa. \v 39 Alic lemoc to ockaiŋ acgom, gebe aê tau tec kakô. Mêŋamoasac aê alic acgom. Ŋalaunê ŋamêsôm to ŋatêkwa amboac alic aŋga aêŋoc nec gêc atom.” \v 40 Kêsôm tonaŋ ma kêtôc lêma to akaiŋ gêdêŋ êsêac. \v 41 Êsêac têntac ŋajam gêbôc nêŋ ŋalêlôm auc ma sêkêŋ gêwiŋ atom, sê taêŋ ŋaômageŋ. Tec eŋ kêsôm gêdêŋ êsêac gebe “Amacnêm gêŋ taniŋŋa teŋ gêc tonec me masi.” \v 42 Ma sêkêŋ i sigob ŋagêdô teŋ gêdêŋ eŋ. \v 43 Ma eŋ kêkôc su mêŋgeŋ êsêac sêlic. \p \v 44 Ma kêsôm gêdêŋ êsêac gebe “Aêŋoc biŋ, taŋ gêŋgôŋ gawiŋ amac ma kasôm gêdêŋ amac naŋ, tonec gebe Biŋ samob. taŋ teto kêpi aê gêc Mosenê biŋsu to propete ma Pesalem naŋ, samob oc êtu tôŋ.” \v 45 Go gêwa biŋ sa gêdêŋ êsêac e nêŋ kauc jakêsêp biŋ, taŋ teto gêc naŋ. \v 46 Ma kêsôm gêdêŋ êsêac gebe “Biŋ amboac tonec tec teto gêc gebe Kilisi êôc ŋandaŋ ma êndêŋ bêc êtu têlêac, go êndi sa aŋga ŋacmatênêŋ. \v 47 Ma ênê lau sênam eŋ laŋô nasênam mêtê lau samuc samob gebe sênam tauŋ ôkwi e êsuc êsêacnêŋ sec ôkwi. Êsêac sênam mêtê sênac m aŋga Jerusalem. \v 48 Biŋ tonaŋ ŋai ŋasêwa-biŋ-sawaga amac. \v 49 Alicgac me, biŋ tau, taŋ Tamoc gêjac mata naŋ, oc jakêŋ wacêpi amac. Mago aŋgôŋ malac tonecgeŋ e ŋaclai aŋga lôlôc êkwa amac auc acgom.” \s1 Jesu kêpi undambê gêja \r (Mar 16:19-20; Apos 1:9-11) \p \v 50 Go gêwê êsêac sêsa Betania sêja e gêôc lêma sa ma gêjam mec êsêac. \v 51 Gêjam mec êsêac gêmoa e gêwi êsêac siŋ ma Anôtô kêkôc eŋ sa kêpi undambê gêja. \v 52 Go êsêac sêpôŋ aeŋduc gêdêŋ eŋ ma sêc sêmu sêja Jerusalem kêtiam totêntac ŋajam samucgeŋ. \v 53 Ac sêmoa lôm dabuŋ sêwi siŋ atom, sêlanem Anôtôgeŋ.