\id JOS -Jabem partial Bible [jae] -Papua New Guinea 1980 (web 2015) 
\h JOSUA 
\toc1 Josua 
\toc2 Josua 
\toc3 Jos 
\mt1 Josua  
\ip Josua gêwê lau Israel gêjô Mose su jasêku lau Kanaan tulu ma sêjaŋgo gamêŋ tau su ŋamiŋ gêc buku, tec sê Josuanê ŋaê kêpi nec ŋalêlôm.  
\iot Buku tau ŋasêbu kapôêŋ têlêac gebe  
\ili1 1. Môkêlatu 1-12 Lau Israel selom bu Jordan jasêsa Kanaan ma sêkôc nom tau su aŋga malacm nêŋ.  
\ili1 2. Môkêlatu 13-22 Lau Israel sêpuc kapoac gebe gôlôacmôkê ŋagêdô 9 to Manasenê gôlôac ŋamakeŋ têtap nêŋ nom sa aŋga gamêŋ, taŋ gêc bu Jordan ŋamakeŋ gêmu oc kêsêpŋa naŋ.  
\ili1 3. Môkêlatu 23-24 Josua kêsaê gebe nê noc êwi nom siŋŋa kêdabiŋ, tec kêkalem lau Israel sêkac sa ma gêlêŋ biŋ êsêac kêtu dim luagêc. Lau Israel sêsôm kêtu tôŋ kêtiam gebe sejop Anôtônê poac ma sênam sakiŋ eŋ taugeŋ endeŋ tôŋgeŋ.  
\c 1  
\s1 Lau Israel sêmasaŋ tauŋ gebe sêsa gamêŋ Kanaan sêna  
\p
\v 1 Apômtaunê sakiŋwaga Mose gêmac êndu su, go Apômtau kêsôm biŋ gêdêŋ Mosenê sakiŋwaga Nun latu Josua gebe  
\v 2 “Ŋoc sakiŋwaga Mose gêmac êndu, amboac tonaŋ ôndi olom bu Jordan tonec. Lau samob sêwiŋ aôm, ma naaô lasê gamêŋ, taŋ galoc jakêŋ êndêŋ lau Israel naŋ.  
\v 3 Gamêŋ samob, taŋ emtapa aka naŋ, aê jakêŋ êndêŋ amac êtôm gajac mata gêdêŋ Mose.  
\v 4 Gamêŋ samob, taŋ gêc gamêŋ sawa to lôc Lebanon ma bu kapôêŋ Euprat, taŋ kêtu lau Het nêŋ gamêŋ naŋ, e gêdêŋ gwêc kapôêŋ, taŋ kêpoac gêmu oc kêsêpŋa naŋ ŋasawa, gamêŋ samob tonaŋ êtu amacnêm nom.  
\v 5 Êtôm têm ômoa matam jaliŋa naŋ, ŋac teŋ êtôm gebe êkô aôm auc atom. Aê jamoa jawiŋ aôm êtôm gamoa gawiŋ Mose. Aê oc jaŋgamiŋ tauc êndêŋ aôm to jawi aôm siŋ atom.  
\v 6 Ôkô ŋajaŋa totêmtac êpa sugeŋ, gebe aôm taômgeŋ ôkêŋ lau tonec sêwê kaiŋ gamêŋ, taŋ katôc lemoc gêdêŋ êsêac tameŋi gebe jakêŋ êndêŋ êsêacŋa naŋ.  
\v 7 Amboac tonaŋ ôkô ŋajaŋa totêmtac êpa sugeŋ ma ojop taôm gebe ôŋgôm biŋsu samob, taŋ ŋoc sakiŋwaga Mose kêjatu aôm naŋ, ŋanô êsa. Ôwi biŋsu tau siŋ ma o sic ômu anô me gasêŋa atom, ec ôtap nêm lêŋ ŋanô ŋajam sa.  
\v 8 Biŋsu ŋabuku ŋabiŋ ênêc aôm awamsuŋ ŋapaŋgeŋ. Taêm ênam biŋ tau ênêc nêm ŋalêlôm êtôm eleŋ to êmbêc, ec ôŋgôm biŋ samob, taŋ teto gêc buku tau naŋ, ŋanô êsa tomalageŋ. Embe ôŋgôm amboac tonaŋ, go ôsa nêm lêŋ e ônac dabiŋ ŋapep ma ôtap nêm lêŋ ŋanô ŋajam sa.  
\v 9 Aê kajatu aôm gebe ôkô ŋajaŋa totêmtac êpa sugeŋ. Ôtêc taôm atom ma katôm ôluŋ-ôluŋ atom, gebe Apômtau, aômnêm Anôtô, oc êmoa êwiŋ aôm êtôm lêŋ samob, taŋ ôsa ôna naŋ.”   
\p
\v 10 Go Josua kêjatu launêŋ kasêga gebe  
\v 11 “Asa gamêŋ becŋa ana ma ajatu lau gebe ‘Amansaŋ nêm gêŋ aniŋŋa gebe êpuc amac tôŋ aŋga intêna. Bêc têlêac ênaŋa acgom, go alom bu Jordan tonec naakôc nom, taŋ Apômtau, amacnêm Anôtô, gebe êkêŋ êndêŋ amac naŋ su, gebe êtu amacnêm gamêŋ.’”   
\p
\v 12 Go Josua kêsôm gêdêŋ lau Ruben to Gad ma lau Manase ŋamakeŋ gebe  
\v 13 “Taêm ênam biŋ, taŋ Apômtaunê sakiŋwaga Mose kêjatu amac naŋ, gebe ‘Apômtau, amacnêm Anôtô, oc êkêŋ gamêŋ alêwaŋ taômŋa êndêŋ amac, ma gebe êkêŋ nom tonec êndêŋ amac.’  
\v 14 Amacnêm lauo to nêm gôlôac ŋasec-ŋasec ma nêm bulimakao sêmoa gamêŋ, taŋ Mose kêkêŋ gêdêŋ amac gêc bu Jordan ŋamakeŋ tonecŋa naŋ. Mago amacnêm lau ŋaclai sêja laukasap sa naselom bu sêmuŋ nêm lasitêwai ma sênam êsêac sa  
\v 15 e Apômtau êkêŋ nêm lasitêwai sêlêwaŋ tauŋ têtôm amac ma sêŋgôŋ têtu wakac aŋga gamêŋ, taŋ Apômtau êkêŋ êndêŋ êsêac naŋ. Su, go amac amu amêŋ nom, taŋ kêtu amacnêm gamêŋ naŋ. Apômtaunê sakiŋwaga Mose kêkêŋ gamêŋ, taŋ gêc bu Jordan ŋamakeŋ gêmu oc kêpiŋa naŋ, gêdêŋ amac.”  
\v 16 Ma êsêac sêjô Josua awa gebe” Biŋ samob, taŋ kôjatu aêac naŋ, aêac abe aŋgôm ŋanô êsa, ma asa gamêŋ samob, taŋ ôsakiŋ aêac naŋ ana.  
\v 17 Aêac taŋeŋ wamu aôm êtôm taŋeŋ wamu Mosenê biŋ samob. Biŋ tageŋ tonec gebe Apômtau, aômnêm Anôtô êmoa êwiŋ aôm êtôm gêmoa gêwiŋ Mose.  
\v 18 Lau samob, taŋ sêli aweŋ sa êndêŋ aômnêm jatu to taŋeŋpêc aômnêm biŋ, taŋ ôjatu êsêac naŋ, oc sênac êsêac êndu. Biŋ tageŋ tonec gebe ôkô ŋajaŋa ma têmtac êpa su.”   
\c 2  
\s1 Josua kêsakiŋ keleŋwaga sêja Jeriko  
\p
\v 1 Go Nun latu Josua kêsakiŋ ŋac luagêc kelecgeŋ aŋga gamêŋ Sitim, gebe sêkêŋ keleŋ gamêŋ. Eŋ kêsôm gêdêŋ êsêagêc gebe “Ajôc, amagêc akêŋ keleŋ gamêŋ to malac Jeriko amboac tonaŋgeŋ.” Ma êsêagêc sêja jasêô lasê mockaiŋo teŋ nê andu ma sêŋgôŋ tônê. Awê tau nê ŋaê gebe Rahab.  
\v 2 Ma lau sêkêŋ ŋawae gêdêŋ kiŋ Jerikoŋa ma sêsôm gebe “Ôlic acgom, gêdêŋ gêbêc lau Israel nêŋ lau ŋagêdô sêô lasê tonec gebe sêlic gamêŋ.”  
\v 3 Go kiŋ Jerikoŋa kêsakiŋ lau dêdêŋ Rahab jasêsôm gebe “Ôkêŋ lau, taŋ sêpi nêm andu dêdêŋ aôm sêwac naŋ, sêsa sêmêŋ. Êsêac sêmêŋ gebe sêkêŋ keleŋ gamêŋ.”  
\v 4 Mago awê kêkôc ŋaclagêc sa jakêsiŋ êsêagêc ôkwi ma kêsôm gebe “Biŋŋanô, lau dêdêŋ aê sêmêŋ, mago aê gajam kauc êsêac sêmêŋ aŋga ondoc.  
\v 5 Gêdêŋ taŋ gamêŋ ŋakesec kêsa ma kêdabiŋ gebe sênsaŋ malac ŋakatam auc naŋ, lau tau sêc sêja. Gamêŋ taŋ êsêac sêja naŋ, aê gajam kauc. Andaŋguc êsêac ŋagaôgeŋ, oc aê êsêac tôŋ.”  
\v 6 Mago awê tau gêwê êsêagêc sêpi salôm ŋaô jakêsiŋ êsêagêc sêc mê ŋalauŋ, taŋ eŋ kêta gêc salôm ŋaô naŋ ŋalêlôm.  
\v 7 Amboac tonaŋ lau tau têdaguc êsêagêc sêsa intêna Jordanŋa sêja e jadêdêŋ buseleŋ. Lau tonaŋ sêwi malac siŋ, ma sêsaŋ katam auc.   
\p
\v 8 Ŋaclagêc tau sêc bêc atom tageŋ ma awê kêpi salôm gêdêŋ êsêagêc gêja  
\v 9 ma kêsôm gêdêŋ êsêagêc gebe “Aê kajalagac gebe Apômtau kêkêŋ gamêŋ tonec gêdêŋ amac, ma aêac samob atêc amac, ma lau gamêŋ tonecŋa nêŋ ŋalêlôm kêtu palê sugac.  
\v 10 Gebe aêac aŋô ŋawae, gebe Apômtau kêkêŋ Gwêckoc kêtu keleŋ kêtu amacŋa gêdêŋ taŋ awi Aiguptu siŋ naŋ. Ma aŋô gêŋ, taŋ agôm gêdêŋ lau Amor nêŋ kiŋ luagêc Sihon agêc Og aŋga Jordan ŋamakeŋ ônêŋa. Amac aseŋ êsêagêc su samucgeŋ.  
\v 11 Gêdêŋ ŋasawa, taŋ aêac aŋô biŋ tonaŋ naŋ, aêacma ŋalêlôm kêtu palê kêtu amacŋa, ma ŋajaŋa teŋ gêc lau teŋ kêtiam atom, gebe Apômtau, amacnêm Anôtô, eŋ undambê lôlôcŋa ma nom eloŋŋa ŋaAnôtô.  
\v 12 Amboac tonaŋ atôc lemem êndêŋ Apômtau ma asôm êndêŋ aê gebe taêm walô tamocnê gôlôac êtôm aê tauc taêc walô amagêc. Ma akêŋ ŋabelo ŋanô teŋ êndêŋ aê.  
\v 13 Aôc lemem tôŋ êndêŋ tinoc agêc tamoc ma lasicio to ŋac ma êsêacnêŋ lau samob, ma anam aêac sa gebe amac êndu atom.”  
\v 14 Ma ŋaclagêc sêsôm gêdêŋ eŋ gebe “Amac embe aoc aêagêcma biŋ tonec lasê atom, go aêagêc anac da amac. Êndêŋ taŋ Apômtau êkêŋ gamêŋ tau êndêŋ aêac naŋ, taêŋ walô amac to amoasiŋ amac.”   
\p
\v 15 Go awê tau kêlêwaŋ êsêagêc ŋa lêpoa sêsêp katam sauŋ, gebe nê andu kêtu tuŋbôm malacŋa gêwiŋ, tec tuŋbôm kêtu ênê andu.  
\v 16 Ma eŋ kêsôm gêdêŋ êsêagêc gebe “Api lôc ana, gebe sêjandawaga têtap amagêc sa atom. Asiŋ taôm amoa tônê êtôm bêc têlêac e sêjandawaga sêmu sêmêŋ su acgom, go amagêc asa nêm intêna ana.”  
\v 17-18 Go ŋaclagêc sêsôm gêdêŋ eŋ gebe “Ôlic acgom, êndêŋ taŋ aêac asa gamêŋ tonec amêŋ naŋ, ômoatiŋ gam kokoc tonec eŋkaleŋ katam sauŋ, taŋ kôlêwaŋ aêagêc asêp amêŋ naŋ. Ma tênam agêc tamam to lômi ma tamamnê gôlôac samob sêpi tageŋ aŋga nêm andu. Embe ôŋgôm tonec atom, go biŋ, taŋ aôm kôsôm gebe atôc lemeŋ êpi naŋ, ênsêlô.  
\v 19 Ŋac teŋ embe êwi nêm andu siŋ êsa intêna êna, naŋ eŋ tau êwê nê dec ŋakaiŋ, aêac atom. Mago ŋac teŋ, taŋ êmoa andu ŋalêlôm êwiŋ aôm naŋ, embe êtap gêŋwapac sa, go aêac awê ênê dec ŋakaiŋ.  
\v 20 Ma aôm embe ôsôm aêagêcma biŋ tonaŋ lasê, go biŋ, taŋ aôm kôsôm gebe aêagêc atôc lemeŋ êpi naŋ ênsêlô.”  
\v 21 Ma awê tau kêsôm gebe “Biŋ taŋ asôm su naŋ, ŋanô êsa.” Go kêsakiŋ êsêagêc gebe sêc sêna, tec êsêagêc sêwi eŋ siŋ ma sêja. Ma eŋ tau kêmoatiŋ gam kokoc geŋkaleŋ katam sauŋ tau.   
\p
\v 22 Êsêagêc sêwi awê tau siŋ jasêpi lôc ma sêmoa tônê kêtôm bêc têlêac e sêjandawaga sêmu sêja. Sêjandawaga sesom gamêŋ, taŋ gêc intêna makeŋ-makeŋ naŋ, mago têtap lau teŋ sa atom.  
\v 23 Go ŋaclagêc sêsêp aŋga lôc sêmêŋ kêtiam jaselom bu ma sêô lasê dêdêŋ Nun latu Josua, go sêjac miŋ biŋ samob, taŋ kêtap êsêagêc sa naŋ, gêdêŋ eŋ.  
\v 24 Ma sêsôm gêdêŋ Josua gebe “Apômtau kêkêŋ gamêŋ samob kêsêp aêac lemeŋ biŋŋanôgeŋ. Ma biŋ teŋ, lau gamêŋ tauŋa samob sêmoa tonêŋ ŋalêlôm ŋatutucgeŋ kêtu aêacŋa.”   
\c 3  
\s1 Lau Israel selom bu Jordan  
\p
\v 1 Gêdêŋ bêbêc kanucgeŋ Josua gêdi ma gêwi Sitim siŋ ma lau Israel samob sêwiŋ eŋ. Êsêac sêô lasê bu Jordan ma sê becobo aŋga tônê, selom sebeŋ atom.  
\v 2 Bêc têlêac gêbacnê, go siŋwaganêŋ laumata sêsêlêŋ sêmoa gamêŋ becŋa ŋalêlôm  
\v 3 ma sêjatu lau gebe “Amac embe alic Apômtau, amacnêm Anôtô, nê katapa poacŋa, taŋ lau Lewi nêŋ dabuŋwaga sêmbalaŋ naŋ, go andi ma andaŋguc katapa tau,  
\v 4 ec ajala intêna, taŋ asa naŋ, gebe amac asa intêna tonec kwanaŋgeŋ atom. Mago ŋasawa êniŋ katapa to amac êŋgic. Ŋasawa tau amboac saka 500. Andambiŋ katapa tau atom.”  
\v 5 Ma Josua kêsôm gêdêŋ lau gebe “Anam dabuŋ taôm, gebe eleŋŋa Apômtau gebe êŋgôm gêŋtalô aŋga amac ŋalêlôm.”  
\v 6 Ma Josua kêsôm gêdêŋ dabuŋwaga gebe “Aôc katapa poacŋa sa ma asêlêŋ amuŋ.” Tec êsêac sêôc katapa poacŋa tau sa ma sêsêlêŋ sêmuŋ lau.   
\p
\v 7 Ma Apômtau kêsôm gêdêŋ Josua gebe “Ocsalô aê gabe jatoc aôm sa lau Israel samob sêlic e sêjala gebe aê oc jamoa jawiŋ aôm êtôm gamoa gawiŋ Mose.  
\v 8 Ma aôm ôjatu dabuŋwaga, taŋ sêmbalaŋ katapa poacŋa naŋ, gebe ‘Êndêŋ taŋ aô lasê Jordan ŋatali naŋ, akô ŋaŋêŋgeŋ aŋga bu ŋalêlôm.” ’   
\p
\v 9 Go Josua kêsôm gêdêŋ lau Israel gebe “Ajôc, atu gasuc amêŋ, ma akêŋ taŋem Apômtau, amacnêm Anôtô, nê biŋ.”  
\v 10 Ma Josua kêsôm gebe “Biŋ tonec êwa sa êndêŋ amac gebe Anôtô mata jali gêmoa gêwiŋ amac ma eŋ êsêlêŋ êmuŋ amac ma êjanda lau Kanaan to Het ma lau Hiw to Peris ma lau Girgas to Amor ma Jebus biŋŋanôgeŋ.  
\v 11 Alic acgom, Apômtau, taŋ kêtu nom samucgeŋ ŋatau naŋ, nê katapa poacŋa elom bu Jordan êmuŋ amac.  
\v 12 Ma galoc ajaliŋ lau 12 sa aŋga Israelnêŋ gôlôacmôkênêŋ, ŋac tageŋ-tageŋ êtôm gôlôacmôkêgeŋ.  
\v 13 Ma êndêŋ taŋ lau dabuŋ, taŋ sêmbalaŋ Apômtau, nom samucgeŋ ŋatau, nê katapa naŋ, sêu eŋtapa êsêp bu Jordan, go bu tau enseleŋ êtiam atom êpoac ma bumôkê êlêc sa naêkô amboac lênsaŋ teŋ.”   
\p
\v 14 Amboac tonaŋ gêdêŋ taŋ lau dêdi aŋga nêŋ becobo sebe selom bu Jordan naŋ, dabuŋwaga sêbalaŋ katapa poacŋa sêmuŋ lau.  
\v 15 Ma gêdêŋ taŋ dabuŋwaga, taŋ sêbalaŋ katapa naŋ, sêô lasê Jordan ma gêdêŋ taŋ lau-sabalaŋ-katapawaga tau sêu eŋkaiŋ kêsêp bu, taŋ kêsalê Jordan ŋatali auc gêdêŋ têm sêjac kôm ŋanô saŋa naŋ,  
\v 16 bumôkê gêlêc sa jakêsuŋ tôŋ kêkô Jaêcgeŋ amboac lênsaŋ kêkanôŋ malac Adam, taŋ gêc Sareta ŋagala naŋ. Ma bu aêŋa, taŋ kêsa gwêc Arabaŋa, taŋ sêsam teŋ gebe Gwêcmatê naŋ, kêpa samucgeŋ. Ma lau selom sêsêp gamêŋ, taŋ kêkanôŋ Jeriko naŋ.  
\v 17 Ma gêdêŋ taŋ lau Israel samob sêsêlêŋ sêmoa gamêŋ keleŋgeŋ jasêpi bumakeŋ naŋ, dabuŋwaga, taŋ sêbalaŋ katapa poacŋa naŋ, sêkô gamêŋ ŋakeleŋ aŋga bu Jordan ŋaluŋ e lau samob selom bu Jordan gêbacnê.   
\c 4  
\s1 Poc 12, naŋ sêkôc aŋga Jordan  
\p
\v 1 Lau samob selom bu Jordan jasêpi su acgom, go Apômtau kêsôm gêdêŋ Josua gebe  
\v 2 “Ôjaliŋ lau 12 sa aŋga launêŋ, ŋac tageŋ-tageŋ êtôm gôlôacmôkêgeŋ,  
\v 3 ma ôjatu êsêac gebe ‘Akôc poc 12 aŋga Jordan ŋaluŋ tonec, akôc aŋga gamêŋ, taŋ dabuŋwaga eŋtapa sêka naŋ, ma akôc poc tau amêŋ bumakeŋ ma atoc poc tau êkô gamêŋ, taŋ êmbêc anêc naŋ.’”  
\v 4 Go Josua kêkalem lau 12 tau aŋga lau Israel nêŋ, taŋ kêjaliŋ sa naŋ, ŋac tageŋ-tageŋ kêtôm gôlôacmôkêgeŋ.  
\v 5 Ma Josua kêsôm gêdêŋ êsêac gebe “Asêlêŋ naamuŋ Apômtau, amacnêm Anôtô, nê katapa êsêp bu Jordan ŋaluŋgeŋ ma aôc poc tageŋ-tageŋ êtômgeŋ ma poc tau ŋanamba êtôm Israelnêŋ gôlôacmôkê.  
\v 6 Poc tonaŋ êtu ŋabelo êkô amac ŋalêlôm. Ma embe nêm ŋapalêo to ŋac têtu kênac amac êtu ŋamu gebe ‘Poc tonec gebe êwa asageŋ sa êndêŋ amac,’  
\v 7 go anac miŋ êndêŋ êsêac gebe Bu Jordan gêlêc sa ma kêkêŋ ŋasawa gêdêŋ Apômtaunê katapa poacŋa. Gêdêŋ taŋ katapa tau gelom Jordan naŋ, ŋabu gêlêc sa. Tec poc tonec êtu ŋabelo teŋgeŋŋa êndêŋ lau Israel.”   
\p
\v 8 Ma lau tau sêgôm biŋ, taŋ Josua kêjatu naŋ, ŋanô kêsa ma sêkôc poc 12 aŋga Jordan ŋaluŋgeŋ kêtôm lau Israel nêŋ gôlôacmôkênêŋ toŋ, kêtôm taŋ Apômtau kêsôm gêdêŋ Josua naŋ. Ma êsêac sêôc poc tau selom jasêpi gamêŋ, taŋ sebe sênêc naŋ, ma tetoc poc tau sêŋgôŋ tonaŋ.  
\v 9 Ma Josua gêboa poc 12 sa kêkô Jordan ŋaluŋgeŋ aŋga gamêŋ, taŋ dabuŋwaga sêbalaŋ Apômtaunê katapa ma eŋtapa sêka naŋ, ma poc tau kêkô tônê e mêŋgêdêŋ galoc.  
\v 10 Ma Apômtau kêjatu Josua gebe êsôm biŋ, taŋ Mose kêjatu Josua naŋ, êndêŋ lau Israel. Ma dabuŋwaga, taŋ sêbalaŋ katapa naŋ, gacgeŋ sêkô Jordan ŋaluŋgeŋ e biŋ samob, taŋ Apômtau kêjatu Josua naŋ, ŋanô kêsa.  
\p Ma lau selom sêkac tauŋgeŋ sêja bumakeŋ.  
\v 11 Ma gêdêŋ taŋ lau samob selom jasêpi ŋamakeŋ su naŋ, Apômtaunê katapa to dabuŋwaga selom amboac tonaŋgeŋ sêmuŋ lau.  
\v 12 Rubennê wakuc ma Gadnê wakuc to Manasenê gôlôac ŋamakeŋ selom tolaukasapgeŋ sêmuŋ lau Israel kêtôm Mose kêjatu êsêac.  
\v 13 Siŋwaga tolaukasap amboac 40,000 selom jasêpi Jeriko ŋagamêŋ gaboaŋŋa sêja. Êsêac sêmasaŋ tauŋ gebe sênac siŋ sêmoa Apômtau laŋônêmŋa.  
\v 14 Gêdêŋ bêc tonaŋ Apômtau ketoc Josua sa aŋga lau Israel laŋôŋnêm ŋa ma êsêac têtêc eŋ kêtôm têm, taŋ gêmoa mata jali naŋ, kêtôm têtêc Mose.   
\p
\v 15 Ma Apômtau kêsôm gêdêŋ Josua gebe  
\v 16 “Ôjatu dabuŋwaga, taŋ sêbalaŋ katapa poacŋa naŋ, gebe sêpi aŋga Jordan sêmêŋ.”  
\v 17 Amboac tonaŋ Josua kêjatu dabuŋwaga gebe “Api aŋga Jordan amêŋ.”  
\v 18 Ma gêdêŋ taŋ dabuŋwaga, taŋ sêbalaŋ Apômtaunê katapa poacŋa naŋ, sêpi aŋga Jordan ŋaluŋ su ma êsêac eŋtapa sêka gamêŋ ŋakeleŋ naŋ, bu Jordan gêjô tau mala e kêsalê butali auc kêtiam kêtôm gêmuŋŋa.   
\p
\v 19 Lau mêŋsêpi aŋga Jordan gêdêŋ ajôŋ ŋamataŋa ŋabêc kêtu 10 ma sê nêŋ bec sêŋgôŋ Gilgal, taŋ gêc malac Jeriko ŋagamêŋ oc kêpiŋa naŋ.  
\v 20 Ma Josua gêboa poc 12, taŋ êsêac sêkôc aŋga Jordan naŋ, sa aŋga Gilgal.  
\v 21 Ma eŋ kêsôm gêdêŋ lau Israel gebe “Amacnêm ŋapalêo to ŋac embe têtu kênac tameŋi êtu ŋamu gebe ‘Poc tonec ŋam amboac ondoc,’  
\v 22 go awa sa êndêŋ êsêac ma asôm gebe ‘Lau Israel selom bu Jordan tonec sêmoa gamêŋ keleŋgeŋ,’  
\v 23 gebe Apômtau, amacnêm Anôtô, gêgôm bu Jordan kêpa kêtu amacŋa e alom mêŋapi ŋamakeŋ kêtôm gêgôm gêdêŋ Gwêckoc, taŋ gêgôm kêpa kêtu aêacŋa e alom mêŋapi ŋamakeŋ.  
\v 24 Eŋ gêgôm gêŋ tonaŋ, gebe lau tomôkê-tomôkê nomŋa sêjala, gebe Apômtau lêma ŋajaŋa ma gebe amac atêc Apômtau, amacnêm Anôtô, endeŋ tôŋgeŋ.”   
\c 5  
\p
\v 1 Lau Amor nêŋ kiŋ samob, taŋ sêmoa bu Jordan ŋamakeŋ kêsi gamêŋ oc kêsêpŋa naŋ, ma lau Kanaan nêŋ kiŋ samob, taŋ sêŋgôŋ gwêctali naŋ, sêŋô ŋawae gebe Apômtau gêgôm bu Jordan kêpa kêtu lau Israelŋa e selom bu su, tec nêŋ ŋalêlôm kêtu palê ma nêŋ ŋaclai gêbacnê kêtu lau Israelŋa.   
\s1 Josua kêsa lau ma êsêac sêlic om Pasa aŋga Gilgal  
\p
\v 2 Gêdêŋ ŋasawa tonaŋ Apômtau kêsôm gêdêŋ Josua gebe “Ômansaŋ bôjaŋ poc ma ôsa lau Israel êtiam êtu luagêcŋa.”  
\v 3 Amboac tonaŋ Josua kêmasaŋ bôjaŋ poc ma kêsa lau Israel aŋga Gibeat-Haralot.  
\v 4 Josua kêsa êsêac kêtu ŋam amboac tonecŋa gebe lau to siŋwaga samob, taŋ sêwi Aiguptu siŋ naŋ, sêmac êndu aŋga intêna gamêŋ sawaŋa gêdêŋ taŋ sêwi Aiguptu siŋ su naŋ.  
\v 5 Êsêac sêsa lau samob, taŋ sêmêŋ naŋ, mago lau samob, taŋ teneŋi sêkôc êsêac gêdêŋ taŋ sêwi Aiguptu siŋ su ma sêmoa intêna gamêŋ sawaŋa naŋ, tec sêsa êsêac atom.  
\v 6 Gebe lau Israel sêsêlêŋ sêmoa gamêŋ sawa kêtôm jala 40 e lau samob to siŋwaga samob, taŋ sêwi Aiguptu siŋ naŋ, sêjaŋa aŋga gamêŋ sawa kêtu êsêac sêkêŋ taŋeŋ Apômtau awa atomŋa, tec Apômtau kêtôc lêma gebe êsêac sêlic gamêŋ, taŋ Apômtau gêjac mata gêdêŋ aêac tameŋi gebe êkêŋ gamêŋ, taŋ su to lêp keseleŋ êndêŋ aêac naŋ atom.  
\v 7 Amboac tonaŋ Josua kêsa êsêac gebe êsêac sêsa lau tonaŋ aŋga intêna atom.   
\p
\v 8 Gêdêŋ taŋ sêsa lau samob su naŋ, sêŋgôŋ nêŋ gamêŋ becoboŋageŋ e kamoc gemo.  
\v 9 Ma Apômtau kêsôm gêdêŋ Josua gebe “Ocsalô tonec aê kakac biŋ majeŋ Aiguptuŋa su aŋga amacnêm.” Tec sê gamêŋ tau ŋaê gebe Gilgal e mêŋgêdêŋ galoc.   
\p
\v 10 Lau Israel sê nêŋ becobo sêŋgôŋ Gilgal ma gêdêŋ ajôŋ tonaŋ ŋabêc kêtu 14 ŋagêbêc êsêac sêlic om Pasa. Êsêac sêmoa malac Jeriko ŋagamêŋ gaboaŋŋa.  
\v 11 Seŋ Pasa su ma ŋageleŋ êsêac seŋ gamêŋ tau ŋakôm ŋanô, seŋ polom ŋaluc to polom ŋanô, taŋ sêpac naŋ, gêdêŋ bêc tonaŋgeŋ.  
\v 12 Ma mana tau gêbacnê gêdêŋ bêbêcgeŋ tonaŋ, gêdêŋ taŋ seŋ gamêŋ tau ŋakôm ŋanô naŋ. Ma lau Israel têtap mana sa kêtiam atom, seŋ gamêŋ Kanaan ŋakôm ŋanô gêdêŋ jala tonaŋ.   
\s1 Josua agêc ŋac tosiŋ  
\p
\v 13 Gêdêŋ taŋ Josua gêmoa Jeriko ŋamalac gala naŋ, eŋ gêôc mataanô sa ma gêlic ŋac teŋ kêkô eŋ laŋônêmŋa. Ŋac tau gê nê siŋ sa ma kêmêgôm siŋ tau ŋa lêma. Josua gêdêŋ eŋ gêja ma kêsôm gêdêŋ eŋ gebe “Aêacma ŋac aôm me ma ŋacjonêŋ ŋac aôm.”  
\v 14 Ma eŋ kêsôm gebe “Masi, aê Apômtaunê siŋwaganêŋ laumata. Galocgeŋ tec gamêŋ.” Go Josua gêu tau jagêc laŋôanô gêdêŋ nom ma keteŋ mec to kêsôm gêdêŋ eŋ gebe “Ŋoc apômtau êjatu biŋ ondoc êndêŋ nê sakiŋwaga.”  
\v 15 Ma Apômtaunê siŋwaganêŋ laumata kêsôm gêdêŋ Josua gebe “Ônu atapa su aŋga amtapa, gebe gamêŋ, taŋ kôkô naŋ, gamêŋ dabuŋ.” Ma Josua gêgôm kêtôm tonaŋ. \f + \fr 5:15 \ft Gilgal ŋam gebe Takac su.\f*   
\c 6  
\s1 Lau Israel sêku malac Jeriko tulu  
\p
\v 1 Ma lau Jeriko sêbalaŋ nêŋ malac auc ŋapep kêtu lau Israelŋa. Lau teŋ sêsô-sêsa atom.  
\v 2 Ma Apômtau kêsôm gêdêŋ Josua gebe “Ôlic acgom, aê kakêŋ Jeriko to ŋakiŋ ma siŋwaga toŋaclai sêsêp aôm lêmam.  
\v 3 Amboac tonaŋ amac siŋwaga samob asêlêŋ aŋgi malac tau auc êtu dim tageŋ. Ma aŋgôm amboac tonaŋ êtôm bêc 6.  
\v 4 Ma dabuŋwaga 7 sêkôc dauc 7 sêsêlêŋ sêmuŋ katapa poacŋa. Ma êndêŋ bêc êtu 7ŋa amac asêlêŋ aŋgi malac auc êtu dim 7 ma dabuŋwaga sênac dauc êtaŋ.  
\v 5 Ma êsêac embe sênac dauc êtaŋ ê tôŋ baliŋgeŋ, ma amac embe aŋô dauc êtaŋ amboac tonaŋ, go lau samob sênam lasê toaligeŋ ma malac ŋatuŋbôm êku sa ma lau samob gacgeŋ sembo sêsa malaclêlôm sêna.”  
\v 6 Amboac tonaŋ Nun latu Josua kêkalem dabuŋwaga ma kêsôm gêdêŋ êsêac gebe “Aôc katapa poacŋa sa ma dabuŋwaga 7 sêkôc dauc 7 ma sêsêlêŋ sêmuŋ Apômtaunê katapa poacŋa.”  
\v 7 Ma eŋ kêsôm gêdêŋ lau gebe “Ajôc, asêlêŋ aŋgi malac auc ma siŋwaga tolaukasap sêsêlêŋ sêmuŋ Apômtaunê katapa.”   
\p
\v 8 Ma lau sêgôm biŋ, taŋ Josua kêjatu naŋ, ŋanô kêsa. Dabuŋwaga 7 sêkôc dauc 7 ma sêsêlêŋ sêmuŋ sêmoa Apômtau laŋônêmŋa. Êsêac sêjac dauc kêtaŋ ma Apômtaunê katapa poacŋa kêsêlêŋ kêdaguc êsêac.  
\v 9 Ma siŋwaga tolaukasap sêsêlêŋ sêmuŋ dabuŋwaga, taŋ sêjac dauc kêtaŋ ŋapaŋ.  
\v 10 Ma Josua kêjatu lau gebe “Anam lasê atom, anam taôm tôŋgeŋ, asôm biŋ teŋ êsa awemsuŋ atom e êndêŋ bêc aê jasôm êndêŋ amac gebe Anam lasê, go anam lasê.”  
\v 11 Amboac tonaŋ eŋ kêsakiŋ Apômtaunê katapa kêgi malac tau auc kêtu dim tageŋ. Su, go sêô lasê gamêŋ becoboŋa kêtiam ma sêc bêc aŋga tonaŋ.   
\p
\v 12 Gêdêŋ bêbêc kanucgeŋ Josua gêdi sa ma dabuŋwaga sêbalaŋ Apômtaunê katapa.  
\v 13 Ma dabuŋwaga 7 sêkôc dauc 7 sêsêlêŋ sêmuŋ Apômtaunê katapa ma sêjac dauc ŋapaŋ. Ma siŋwaga tolaukasap sêsêlêŋ sêmuŋ êsêac ma lau ŋagêdô têdaguc Apômtaunê katapa, ma dauc kêtaŋ ŋapaŋ.  
\v 14 Ma gêdêŋ bêc kêtu luagêcŋa êsêac sêsêlêŋ sêgi malac auc kêtu dim tageŋ amboac tonaŋgeŋ ma sêmu sêja gamêŋ becoboŋa. Sêgôm amboac tonaŋ kêtôm bêc 6.   
\p
\v 15 Gêdêŋ bêc kêtu 7ŋa êsêac dêdi gêdêŋ geleŋ mata ma sêsêlêŋ sêgi malac auc amboac sêgôm-sêgôm kêtu dim 7. Gêdêŋ bêc tageŋ tonaŋgeŋ tec êsêac sêsêlêŋ sêgi malac auc kêtu dim 7.  
\v 16 Ma gêdêŋ taŋ sêgi malac auc kêtu dim 7ŋa ma dabuŋwaga sêjac dauc kêtaŋ naŋ, Josua kêsôm gêdêŋ lau gebe “Anam lasêmaŋ, gebe Apômtau kêkêŋ malac tau gêdêŋ amac.  
\v 17 Ma malac to ŋagêŋ samob êtu Apômtaunê gêŋ enseŋ suŋa. Mockaiŋo Rahab to nê lau samob, taŋ sêmoa sêwiŋ eŋ aŋga ênê andu naŋ, tauŋgeŋ go sêmoa mateŋ jali, gebe eŋ gêsa lau jaeŋŋa, taŋ aêac tasakiŋ êsêac naŋ auc.  
\v 18 Ma amac ajop taôm êndêŋ gêŋ, taŋ gêjac anseŋ suŋa ŋawae. Matem katu gêŋ tau e akôc ŋagêdô, taŋ kêtu Apômtaunê naŋ, su atom. Embe aŋgôm, go lau Israel nêŋ gamêŋ becoboŋa êwê kaiŋ biŋ, taŋ êtap malac Jeriko sa naŋ, êwiŋ ma êtap gêŋwapac ŋanô sa.  
\v 19 Ma silber to gold samob ma laclu, taŋ sêmasaŋ ŋa ki kokoc to jejec naŋ, êtu Apômtaunê gêŋ dabuŋ naêsêp Apômtaunê kanom.”  
\v 20 Amboac tonaŋ lau sêjam lasê ma sêjac dauc kêtaŋ. Gêdêŋ taŋ lau sêŋô dauc kêtaŋ naŋ, sêjam lasê ma tuŋbôm kêku sa, ma lau sêpi malac sêja. Lau samob gacgeŋ sebo sêsa malac sêja ma sêku malac tau tulu.  
\v 21 Go seseŋ malac samucgeŋ su. Êsêac seseŋ ŋac to awê ma lau matac to lau ŋanô, seseŋ bulimakao to domba ma doŋki. Êsêac seseŋ gêŋ samob su ŋa siŋ ŋamata.   
\p
\v 22 Ma Josua kêsôm gêdêŋ ŋaclagêc, taŋ sêkêŋ keleŋ gamêŋ naŋ, gebe “Asô awê mockaiŋo nê andu ana ma akôc awê tau to nê lau samob, taŋ sêmoa sêwiŋ eŋ naŋ, sêsa sêmêŋ amboac atôc lemem gêdêŋ eŋ naŋ.”  
\v 23 Amboac tonaŋ ŋac wakuc luagêc tau, taŋ sêkêŋ keleŋ gamêŋ naŋ, sêsô andu sêja ma sêkôc Rahel to têna agêc tama ma lui to nê lau samob, taŋ sêŋgôŋ sêwiŋ eŋ naŋ, sêsa sêmêŋ. Êsêac sêkôc ênê lau samob ma sêkêŋ êsêac sêŋgôŋ lau Israel nêŋ gamêŋ becoboŋa ŋamagê.  
\v 24 Ma êsêac sêkêc malac to ŋagêŋ samob ja geŋ. Tageŋ silber to gold ma ku, taŋ sêmasaŋ ŋa ki kokoc to jejec naŋ, sêkêŋ jakêsêp kanom, taŋ kêkô Apômtaunê andu naŋ.  
\v 25 Josua gêjam awê mockaiŋo Rahab to tamanê gôlôac ma nê lau samob, taŋ sêwiŋ eŋ naŋ sa. Eŋ gêŋgôŋ lau Israel ŋalêlôm e mêŋgêdêŋ galoc, gebe eŋ gêsa lau jaeŋ, taŋ Josua kêsakiŋ gebe sêkêŋ keleŋ malac Jeriko naŋ auc.   
\p
\v 26 Gêdêŋ têm tonaŋ Josua kêjatu lau gebe têtôc lemeŋ sêkô Apômtau laŋônêmŋa ma kêsôm gebe “Aêac tapuc boa ŋac, taŋ êndi mêŋêkwê malac Jeriko tonec sa êtiam naŋ.  
\q1 Eŋ ênac da alê ŋamataŋa ŋa nê ŋacsêga.  
\q1 Ma ênac da malac ŋakatam ŋa nê ŋac sauŋ.”   
\p
\v 27 Amboac tonaŋ Apômtau gêwiŋ Josua ma ênê wae gêjam gamêŋ samucgeŋ auc.   
\c 7  
\p
\v 1-26 \f + \fr 7:1-26 \ft 7:1–9:27 Josua gêwê lau Israel nêŋ siŋwaga sêpi Kanaan ŋagamêŋ lôcŋa ma sêku malac Ai tulu. Êsêac sêmoatiŋ poac teŋ sêwiŋ lau Gibeon ŋamiŋ gêc tonec.\f*   
\c 8  
\p
\v 1-35 \f + \fr 8:1-35 \ft 7:1–9:27 Josua gêwê lau Israel nêŋ siŋwaga sêpi Kanaan ŋagamêŋ lôcŋa ma sêku malac Ai tulu. Êsêac sêmoatiŋ poac teŋ sêwiŋ lau Gibeon ŋamiŋ gêc tonec.\f*   
\c 9  
\p
\v 1-27 \f + \fr 9:1-27 \ft 7:1–9:27 Josua gêwê lau Israel nêŋ siŋwaga sêpi Kanaan ŋagamêŋ lôcŋa ma sêku malac Ai tulu. Êsêac sêmoatiŋ poac teŋ sêwiŋ lau Gibeon ŋamiŋ gêc tonec.\f*   
\c 10  
\s1 Lau Israel sêku lau gamêŋ gêmu kêsêpŋa tulu  
\p
\v 1 Kiŋ Jerusalemŋa Adonisedek gêŋô Josua kêku malac Ai tulu to geseŋ malac tau samucgeŋ su ŋawae. Josua gêgôm malac Ai to ŋakiŋ kêtôm gêgôm gêdêŋ malac Jeriko to ŋakiŋ. Kiŋ tau gêŋô biŋ teŋ gêwiŋ gebe Lau Gibeonŋa sê wama gêdêŋ lau Israel ma sêmoa sêwiŋ êsêac.  
\v 2 Eŋ gêŋô biŋ tonaŋ ma kêtêc tau gebe Gibeon malac kapôêŋ kêtôm kiŋnêŋ malac ŋagêdô, ma malac tau kapôêŋ kêlêlêc Ai su ma nêŋ lau samob lau toŋaclai.  
\v 3 Kêtu tonaŋŋa kiŋ Jerusalemŋa Adonisedek kêsakiŋ biŋ gêdêŋ kiŋ Hebronŋa Hoham to gêdêŋ kiŋ Jarmutŋa Piram ma gêdêŋ kiŋ Lakisŋa Japia to gêdêŋ kiŋ Eglonŋa Debir ma kêsôm gebe  
\v 4 “Api andêŋ aê amêŋmaŋ ma anam aê sa. Aêac tanac Gibeon gebe êsêac sê wama gêdêŋ Josua to lau Israel.”  
\v 5 Go lau Amor nêŋ kiŋ lemeŋ teŋ tonec, kiŋ Jerusalemŋa to kiŋ Hebronŋa ma kiŋ Jarmutŋa to kiŋ Lakisŋa ma kiŋ Eglonŋa sêkac nêŋ siŋwaga sa ma êsêac tonêŋ siŋwaganêŋ toŋ samob sêpi jasêgi malac Gibeon auc ma sêjac siŋ gêdêŋ malac tau.   
\p
\v 6 Ma lau Gibeonŋa sêkêŋ biŋ gêdêŋ Josua gêja Gilgal ma sêsôm gebe “Ôŋgamiŋ taôm êndêŋ nêm sakiŋwaga atom. Ôpi ôndêŋ aêac ômôêŋ sebeŋ ma ônam aêac kêsi to ônam aêac sa. Gebe lau Amor nêŋ kiŋ samob, taŋ sêŋgôŋ gamêŋ lôcŋa naŋ, sêkac sa sêmêŋ gebe sênac siŋ êndêŋ aêac.”  
\v 7 Ma Josua gêdi aŋga Gilgal ma kêpi gêja. Siŋwaga to lau toŋaclai samob sêsêlêŋ sêwiŋ eŋ.  
\v 8 Ma Apômtau kêsôm gêdêŋ Josua gebe “Ôtêc êsêac atom, gebe aê kakêŋ êsêac sêsêp aôm lêmam sugac. Êsêacnêŋ ŋac teŋ oc êkô aôm auc atom.”  
\v 9 Josua gêdi aŋga Gilgal ma kêsêlêŋ gêdêŋ gêbêc samuc tonaŋ ma gêô lasê gêdêŋ êsêac e têtakê.  
\v 10 Ma Apômtau gêgôm êsêacnêŋ meloco kêsa e sêc lau Israel, taŋ sêjac êsêac ŋanô aŋga Gibeon naŋ su. Lau Israel sêjanda êsêac sêsêp intêna Bet-Horonŋa, ma sêjac êsêac e jadêdêŋ Aseka to Makeda.  
\v 11 Gêdêŋ taŋ êsêac sêc lau Israel su sêsêp intêna Bet-Horonŋa sêja naŋ, Apômtau tau kêbaliŋ poc kapôêŋ aŋga undambê jakêtuc êsêac e jasêô lasê Aseka, ma êsêac sêmac êndu. Lau taŋ sêmac êndu kêtu kom pocŋa naŋ, taêsam sêlêlêc lau, taŋ lau Israel sêjac ŋa siŋ êndu naŋ su.   
\p
\v 12 Gêdêŋ bêc, taŋ Apômtau kêkêŋ lau Amor sêsêp lau Israel lemeŋ naŋ, Josua kêkô lau Israel laŋôŋnêm ma kêsôm gêdêŋ Apômtau gebe  
\q1 “Aôm oc, ôkô ŋaŋêŋ aŋga Gibeon  
\q1 ma aôm ajôŋ, aŋga gaboaŋ Aijalon.”   
\q1
\v 13 Ma oc kêkô ŋaŋêŋ ma ajôŋ kêkô amboac tonaŋgeŋ  
\q1 e lau sêkac kamocgôc gêbacnê.  
\p Biŋ tonaŋ teto gêc Jasarnê buku gebe Oc tau kêkô umboŋ ŋaluŋ ma kêkac tau gebe naêsêp atom, kêkôgeŋ kêtôm bêc samuc teŋ.  
\v 14 Bêc teŋ kêtôm tonaŋ gêc gêmuŋ atom ma gêc atom e mêŋgêdêŋ galoc. Gêdêŋ bêc tonaŋ Apômtau kêkêŋ taŋa ŋac teŋ awa ŋam gebe Apômtau gêjac siŋ gêjô Israel.   
\p
\v 15 Go Josua ma lau Israel samob sêc sêmu sêja nêŋ gamêŋ Gilgal kêtiam.  
\v 16-43 \f + \fr 10:16-43 \ft 10:16–23:16 Lau Israel sêku gamêŋ Kanaan samucgeŋ tulu. Êsêac sêpuc kapoac e nêŋ gôlôacmôkê têtap nêŋ nom ŋasawa sa kêtômgeŋ.\f*   
\c 11  
\p
\v 1-23 \f + \fr 11:1-23 \ft 10:16–23:16 Lau Israel sêku gamêŋ Kanaan samucgeŋ tulu. Êsêac sêpuc kapoac e nêŋ gôlôacmôkê têtap nêŋ nom ŋasawa sa kêtômgeŋ.\f*   
\c 12  
\p
\v 1-24 \f + \fr 12:1-24 \ft 10:16–23:16 Lau Israel sêku gamêŋ Kanaan samucgeŋ tulu. Êsêac sêpuc kapoac e nêŋ gôlôacmôkê têtap nêŋ nom ŋasawa sa kêtômgeŋ.\f*   
\c 13  
\p
\v 1-33 \f + \fr 13:1-33 \ft 10:16–23:16 Lau Israel sêku gamêŋ Kanaan samucgeŋ tulu. Êsêac sêpuc kapoac e nêŋ gôlôacmôkê têtap nêŋ nom ŋasawa sa kêtômgeŋ.\f*   
\c 14  
\p
\v 1-15 \f + \fr 14:1-15 \ft 10:16–23:16 Lau Israel sêku gamêŋ Kanaan samucgeŋ tulu. Êsêac sêpuc kapoac e nêŋ gôlôacmôkê têtap nêŋ nom ŋasawa sa kêtômgeŋ.\f*   
\c 15  
\p
\v 1-63 \f + \fr 15:1-63 \ft 10:16–23:16 Lau Israel sêku gamêŋ Kanaan samucgeŋ tulu. Êsêac sêpuc kapoac e nêŋ gôlôacmôkê têtap nêŋ nom ŋasawa sa kêtômgeŋ.\f*   
\c 16  
\p
\v 1-10 \f + \fr 16:1-10 \ft 10:16–23:16 Lau Israel sêku gamêŋ Kanaan samucgeŋ tulu. Êsêac sêpuc kapoac e nêŋ gôlôacmôkê têtap nêŋ nom ŋasawa sa kêtômgeŋ.\f*   
\c 17  
\p
\v 1-18 \f + \fr 17:1-18 \ft 10:16–23:16 Lau Israel sêku gamêŋ Kanaan samucgeŋ tulu. Êsêac sêpuc kapoac e nêŋ gôlôacmôkê têtap nêŋ nom ŋasawa sa kêtômgeŋ.\f*   
\c 18  
\p
\v 1-28 \f + \fr 18:1-28 \ft 10:16–23:16 Lau Israel sêku gamêŋ Kanaan samucgeŋ tulu. Êsêac sêpuc kapoac e nêŋ gôlôacmôkê têtap nêŋ nom ŋasawa sa kêtômgeŋ.\f*   
\c 19  
\p
\v 1-51 \f + \fr 19:1-51 \ft 10:16–23:16 Lau Israel sêku gamêŋ Kanaan samucgeŋ tulu. Êsêac sêpuc kapoac e nêŋ gôlôacmôkê têtap nêŋ nom ŋasawa sa kêtômgeŋ.\f*   
\c 20  
\p
\v 1-9 \f + \fr 20:1-9 \ft 10:16–23:16 Lau Israel sêku gamêŋ Kanaan samucgeŋ tulu. Êsêac sêpuc kapoac e nêŋ gôlôacmôkê têtap nêŋ nom ŋasawa sa kêtômgeŋ.\f*   
\c 21  
\p
\v 1-45 \f + \fr 21:1-45 \ft 10:16–23:16 Lau Israel sêku gamêŋ Kanaan samucgeŋ tulu. Êsêac sêpuc kapoac e nêŋ gôlôacmôkê têtap nêŋ nom ŋasawa sa kêtômgeŋ.\f*   
\c 22  
\p
\v 1-34 \f + \fr 22:1-34 \ft 10:16–23:16 Lau Israel sêku gamêŋ Kanaan samucgeŋ tulu. Êsêac sêpuc kapoac e nêŋ gôlôacmôkê têtap nêŋ nom ŋasawa sa kêtômgeŋ.\f*   
\c 23  
\p
\v 1-16 \f + \fr 23:1-16 \ft 10:16–23:16 Lau Israel sêku gamêŋ Kanaan samucgeŋ tulu. Êsêac sêpuc kapoac e nêŋ gôlôacmôkê têtap nêŋ nom ŋasawa sa kêtômgeŋ.\f*   
\c 24  
\s1 Josuanê awamu  
\p
\v 1 Go Josua kêkac lau Israel nêŋ gôlôacmôkê samob sa aŋga Sikem. Eŋ kêkalem lau Israel nêŋ lau ŋanô to laumata ma nêŋ gôliŋwaga to kasêga samob sa jasêkô Anôtô laŋônêm.  
\v 2 Go Josua kêsôm gêdêŋ lau samob gebe “Apômtau, lau Israel nêŋ Anôtô, kêsôm biŋ tonec gebe ‘Gêdêŋ andaŋgeŋ amac tamemi Abraham agêc Nahor tameŋi Tara sêŋgôŋ bu Euprat ŋamakeŋ ônêŋa, ma sêjam sakiŋ gêdêŋ anôtôi jaba.  
\v 3 Go aê kakôc amac tamemi Abraham su aŋga bu ŋamakeŋ ônêŋa ma gawê eŋ kêsêlêŋ kêtôm gamêŋ Kanaanŋa samob. Aê kakêŋ ênê wakuc têtu taêsam. Aê kakêŋ Isak gêdêŋ eŋ.  
\v 4 Ma kakêŋ Jakob agêc Esau gêdêŋ Isak. Aê kakêŋ gamêŋ lôcŋa Seir gêdêŋ Esau gêwê kaiŋ, mago Jakob to nê latui sêsêp Aiguptu sêja.  
\v 5 Go kasakiŋ Mose agêc Aron ma kakôniŋ Aiguptu ŋa gêŋwapac, taŋ gagôm aŋga gamêŋ tau naŋ. Su, go gawê amac asa amêŋ.  
\v 6 Aê gawê amac tamemi sêsa aŋga Aiguptu sêmêŋ e aô lasê gwêc. Ma lau Aiguptu sêjanda amac tamemi ŋa kareta to hos e jadêdêŋ Gwêckoc.  
\v 7 Ma êsêac aweŋ gêjac Apômtau ma eŋ kêkêŋ gêsuŋbôm geŋ amac to lau Aiguptu kêsi to gêgôm gwêc kêmakop e kêsalê êsêac auc. Amac matemanô alic gêŋ, taŋ aê gagôm gêdêŋ Aiguptu naŋ su. Amac amoa gamêŋ sawa ŋasawa baliŋ.  
\v 8 Go aê gawê amac aô lasê lau Amor, taŋ sêŋgôŋ Jordan ŋamakeŋ ônêŋa naŋ, nêŋ gamêŋ. Gêdêŋ taŋ kakêŋ êsêac sêsêp amac lemem ma amac akôc êsêacnêŋ gamêŋ su naŋ, aê gaseŋ êsêac gamuŋ amac.  
\v 9 Go kiŋ Moabŋa Sipor latu Balak gêdi ma gêjac siŋ gêdêŋ Israel. Eŋ kêsakiŋ biŋ gêdêŋ Beor latu Bileam gebe êmêŋ ma êpuc boa amac.  
\v 10 Mago aê kakêŋ taŋoc Bileam atom, tec eŋ gêjam mec amac. Gagôm amboac tonaŋ, tec gajam amac kêsi aŋga Balak lêma.  
\v 11 Go amac alom bu Jordan e aô lasê malac Jeriko. Ma lau Jerikoŋa sêjac siŋ gêdêŋ amac. Mago lau Jeriko tauŋgeŋ atom, lau Amor to Peres ma Kanaan to Het ma Girgas to Hiw ma Jebus amboac tonaŋgeŋ. Mago aê kakêŋ êsêac sêsêp amac lemem.  
\v 12 Aê kasakiŋ banic gêmuŋ ma kêjanda lau Amor nêŋ kiŋ luagêc gêmuŋ amac. Amacnêm siŋ to talam gêgôm atom.  
\v 13 Aê kakêŋ gamêŋ teŋ, taŋ ajam kôm kêpi atom naŋ, gêdêŋ amac ma kakêŋ malac, taŋ amac akwê sa atom naŋ, gêdêŋ amac aŋgôŋ. Amac aeŋ kôm wainŋa to katêkwi, taŋ asê atomanô naŋ ŋanô.’   
\p
\v 14 “Amboac tonaŋ galoc atêc Apômtau to anam sakiŋ eŋ têmtac makeŋ ma tonêm ŋalêlôm ŋaŋêŋgeŋ. Atiŋ anôtôi jaba, taŋ tamemi sêjam sakiŋ aŋga bu ŋamakeŋ ônêŋa to aŋga Aiguptu naŋ su, ma anam sakiŋ Apômtau.  
\v 15 Mago amac embe andec gebe anam sakiŋ Apômtau, go ocsalô tonec ajaliŋ anôtôi, taŋ abe anam sakiŋ naŋ sa. Abe anam sakiŋ anôtôi, taŋ tamemi sêjam sakiŋ aŋga bu ŋamakeŋ ônêŋa naŋ, me lau Amor, tec aŋgôŋ êsêacnêŋ gamêŋ nec, nêŋ anôtôi me. Mago aê to ŋoc gôlôac abe anam sakiŋ Apômtaugeŋ.”   
\p
\v 16 Go lau tau sêjô eŋ awa gebe “Biŋ tonec gebe awi Apômtau siŋ ma anam sakiŋ anôtôi jaba nec ênac jaê aêac,  
\v 17 gebe Apômtau, aêacnêŋ Anôtô, gêwê aêac to tameŋi tapi aŋga Aiguptu tamêŋ ma gêwê aêac dawi andu kapoacwalôŋa siŋ. Eŋ gêgôm gêŋsêga kaiŋ teŋ aêac talic ma gejob aêac aŋga intêna samob, taŋ tasa naŋ, ma gejob aêac gêdêŋ taŋ tasêlêŋ tasêp lau tomôkê-tomôkê ŋalêlôm naŋ.  
\v 18 Ma Apômtau kêjanda lau tomôkê-tomôkê gêmuŋ aêac, eŋ kêjanda lau Amor, taŋ sêŋgôŋ gamêŋ tonec naŋ, amboac tonaŋgeŋ. Kêtu tonaŋŋa aêac abe anam sakiŋ Apômtau amboac tonaŋgeŋ, gebe eŋ kêtu aêacnêŋ Anôtô.”   
\p
\v 19 Mago Josua kêsôm gêdêŋ lau tau gebe “Amac atôm gebe anam sakiŋ Apômtau atom, gebe eŋ Anôtô dabuŋ. Eŋ gêjam lêmuŋ lau gebe têntac êwiŋ eŋ taugeŋ. Eŋ oc êsuc amacnêm biŋ agêli biŋsuŋa to nêm sec ôkwi atom.  
\v 20 Eŋ kêmoasiŋ amac su, mago amac embe awi eŋ siŋ ma anam sakiŋ anôtôi jaba, go ênam dêmôê amac ma êŋgôm amac sec to enseŋ amac su.”  
\v 21 Ma lau sêsôm gêdêŋ Josua gebe “Masi, aêac abe anam sakiŋ Apômtau.”  
\v 22 Ma Josua kêsôm gêdêŋ lau gebe “Amac taôm awa taôm sa gebe ajaliŋ Apômtau sa gebe anam sakiŋ eŋ.” Ma êsêac sêsôm gebe “Aêac awa tauŋ sa sugac.”  
\v 23 Eŋ kêsôm gebe “Amboac tonaŋ, go atiŋ anôtôi jaba, taŋ sêc amac ŋalêlôm naŋ su, ma akêŋ nêm ŋalêlôm êndêŋ Apômtau, Israelnêŋ Anôtô.”  
\v 24 Ma lau sêsôm gêdêŋ Josua gebe “Aêac anam sakiŋ Apômtau, aêacnêŋ Anôtô, to taŋeŋ wamu ênê awa.”  
\v 25 Tec gêdêŋ bêc tonaŋ Josua kêmoatiŋ poac gêwiŋ’ lau ma kêmasaŋ biŋsu to ŋagôliŋ kêtu êsêacŋa aŋga Sikem.  
\v 26 Ma Josua keto biŋ tonaŋ kêsêp Anôtônê biŋsu ŋabuku. Ma eŋ kêkôc poc kapôêŋ teŋ jagêjac sa aŋga kamem, taŋ kêkô Apômtaunê gamêŋ dabuŋ naŋ ŋalabu.  
\v 27 Ma Josua kêsôm gêdêŋ lau samob gebe “Alic acgom, poc tonec êtu ŋabelo êwa aêac saŋa, gebe gêŋô Apômtaunê biŋ samob, taŋ eŋ kêsôm gêdêŋ aêac naŋ gêwiŋ. Kêtu tonaŋŋa amac embe ansa nêm Anôtô auc, go poc tau êtu ŋabelo êwa amac saŋa.”  
\v 28 Go Josua kêsakiŋ lau sêc sêja nêŋ nomlênsêm gêdêŋ-gêdêŋgeŋ.   
\s1 Josua agêc Eleasar sêmac êndu  
\p
\v 29 Biŋ tonaŋ gêbacnê, go Apômtau nê sakiŋwaga Nun latu Josua gêmac êndu. Ênê jala kêtu 110.  
\v 30 Ma êsêac sêsuŋ eŋ aŋga tau nê nomlênsêm ŋamalac Timnat-Serat, taŋ gêc lôc Gas ŋagamêŋ gêmu kêpiŋa aŋga Epraim ŋagamêŋ lôcŋa.   
\p
\v 31 Ma lau Israel sêjam sakiŋ Apômtau gêdêŋ bêc Josua gêmoa mata jaliŋa samob. Eŋ gêmac êndu su ma laumata ŋagêdô, taŋ sêlic kôm, taŋ Anôtô gêjam kêpi lau Israel naŋ, gacgeŋ sêmoa. Tec lau Israel sêjam sakiŋ Apômtau gêdêŋ laumata tonaŋ nêŋ bêc sêmoa mateŋ jaliŋa samob amboac tonaŋgeŋ.   
\p
\v 32 Josepnê ŋatêkwa, taŋ lau Israel sêkôc aŋga Aiguptu sêmêŋ naŋ, sêsuŋ aŋga Sikem kêsêp nom, taŋ Jakob gêjam ôli ŋa mone silber 100 gêdêŋ Sikem tama Hamor latui naŋ, ŋasawa teŋ. Gamêŋ tau kêtu Josepnê wakuc nêŋ nomlênsêm teŋ.   
\p
\v 33 Ma Aron latu Eleasar gêmac êndu ma sêsuŋ eŋ aŋga latu Pinehas nê malac Gibea. Êsêac sêkêŋ malac, taŋ gêc Epraim ŋagamêŋ lôcŋa naŋ, gêdêŋ eŋ.