\id COL -Jabem partial Bible [jae] -Papua New Guinea 1980 (web 2015) \h KOLOSO \toc1 Paulunê papia gêdêŋ lau KOLOSO \toc2 Koloso \toc3 Kol \mt2 Paulunê papia gêdêŋ lau \mt1 KOLOSO \ip Paulunê papia gêdêŋ lau Koloso nec ŋac tau keto gêjac gôlôac buŋa aŋga Koloso ŋawae. Malac Asia Sauŋŋa tonaŋ gêc Epese ŋagamêŋ oc kêpiŋa. Paulu tau kêwaka gôlôac tonaŋ sa atom. Gêdêŋ taŋ gêŋgôŋ Romnêŋ gêmêŋ Asia ŋamalacsêga Epese tau naŋ, eŋ kêkêŋ kômwaga jasêjam mêtê lau malac-malac, tec kêsaê gebe kôm ênam jaom gôlôac Kolosoŋa gêjac eŋ ŋawae gêwiŋ. Paulu gêŋô gawae gebe lau-mêtêgeowaga aŋga Judanêŋ jasêô lasê gôlôac tau. Lau tonaŋ sêgaluŋ Helennêŋ mêtê jaba ŋagêdô to biŋ aŋelaŋa kêsêp taulêlôm. Ac sêpiŋkap lau gebe aweŋ êôc “ŋaclai to apômtaui” tônê sêwiŋ. Sêsau sebe lau teŋ sêjala Anôtô ŋaŋêŋ atom ma sêwê kaiŋ eŋ gêjam êsêac kêsi ŋamoasiŋ ŋanô atom, sêkêŋ êwiŋ mêtê geo tonaŋ acgom. Go sêsôm teŋ gêwiŋ, sêsôm sêkacgeŋ gebe sêsô êsêacnêŋ ŋagôliŋ amboac sêsa ŋamalacŋa ŋalabu ma sejop nêŋ jao samob amboac sênam dabuŋ bôc to gêŋ taniŋŋa toê toê ma gêŋ ŋagêdô taêsam êwiŋ e tomalageŋ. \ip Paulu tec keto papia tonec kêwaka lau buŋa nêŋ Mêtê ŋanô sageŋ gebe êkôniŋ mêtê geo tonaŋ ŋai tôŋ. Biŋ taŋ eŋ keto gêdêŋ êsêac gêja naŋ, ŋamatu tonec gebe Jesu Kilisi kêtôm gebe ênam ŋamalac pebeŋ kêsi toŋanôgeŋ. Lau teŋ embe sêkêŋ êwiŋ biŋ jaba to sejop ŋamêtê kaiŋ teŋ, oc sêkac tauŋ su aŋga Kilisinê. Anôtô kêkêŋ undambê to nom ŋa Kilisigeŋ, ma êkalem undambê to nom sêmu dêndêŋ eŋ ŋa Kilisigeŋ amboac tonaŋgeŋ. Lau sêmbiŋ tauŋ tôŋ tamiŋ Kilisi acgom, go Anôtô ênam ŋamalac kêsi. Ŋalêŋ teŋ gêc atom. Kilisi kêtu ŋamalac samob tapaôŋgeŋ nêŋ kêsiwaga kêtômgac. Paulu kêwaka biŋ ŋanô kapôêŋ tonaŋ sa acgom, go gêwa ŋalêŋ, taŋ gêjac lau buŋa ŋawae gebe sêsa to sejop naŋ, sa tomalageŋ gêdêŋ êsêac. \ip Paulu kêkêŋ Tukiki kêkôc papia tonec gêdêŋ lau Kolosoŋa gêja. Eŋ kêsakiŋ ŋac gêŋôma ŋaê Onesimi gêwiŋ eŋ gêmu gêdêŋ nê ŋatau Pilemon gêja, taŋ kêtu gôlôac Kolosoŋa nêŋ ŋac buŋa teŋ. \iot Ŋadênaŋ \ili1 1. Paulu gêjac m papia tau 1:1-8 \ili1 2. Kilisi tau to nê sakiŋ ŋam 1:9–2:19 \ili1 3. Lêŋ wakuc gêjac Kilisinê lau ŋawae 2:20–4:6 \ili1 4. Paulu gêjac mata nê papia 4:7-18 \c 1 \s1 Paulu awa gêjac lau Koloso \p \v 1 Kilisi Jesu nê aposolo aê, Paulu, taŋ Anôtô kêkalem aê naŋ, agêc lasic Timote \v 2 ma biŋ êndêŋ Anôtônê lau to ma lasitêwai, taŋ sêkêŋ gêwiŋ Kilisi sêŋgôŋ Koloso naŋ. Tameŋi Anôtô nê moasiŋ to biŋmalô êndêŋ amac êwac. \s1 Paulu gêjam daŋge Anôtô \p \v 3 Aêac ateŋ ma mec gêdêŋ aêacnêŋ Apômtau Jesu Kilisi Tama Anôtô ma ajam daŋge kêtu amacŋa ŋapaŋ. \v 4 Aêac aŋô amac akêŋ gêwiŋ Kilisi Jesu to têmtac gêwiŋ Anôtônê lau samob ŋawae. \v 5 Amac akêŋ gêwiŋ to têmtac gêwiŋ ŋam kêsêp gêŋ, taŋ akêŋ matem gêc undambê naŋ. Anôtô kêmasaŋ gêŋ tau kêtu amacŋa. Gêŋ taŋ amac akêŋ matem naŋ, ŋawae tec aŋô su gêdêŋ taŋ biŋŋanô gêô lasê amac. Biŋŋanô tau ŋawae ŋajam. \v 6 Ŋawae ŋajam gêdêŋ amac gêwac ma gêjam ŋanô to kesewec aŋga amacnêm kêtôm gêgôm e gêjam nom samucgeŋ auc, gêjac m gêdêŋ bêc, taŋ amac aŋô to ajala Anôtônê moasiŋ tobiŋŋanôgeŋ naŋ. \v 7 Aêacnêŋ koleŋwaga Epapra, taŋ têntac gêwiŋ eŋ naŋ, kêdôŋ biŋ tonaŋ gêdêŋ amac. Ŋac tau kêtu Kilisinê sakiŋwaga ŋaŋêŋ gêjô aêac su. \v 8 Eŋ gêjac miŋ gêdêŋ aêac gebe Ŋalau Dabuŋ kêkêŋ amac akêŋ nêm têmtac gêwiŋ gelom tau ŋanô. \p \v 9 Kêtu tonaŋŋa gêdêŋ bêc, taŋ aêac aŋô biŋ tonaŋ kêpi amac naŋ, aêac ajac m to ateŋ ma mec kêtu amacŋa gedeŋ tôŋge. Aêac ateŋ Anôtô gebe amac ajala ênê biŋ êtu tôŋ e ênam amac auc ma ênê Ŋalau êkêŋ kauc mêtêŋa to kauc êkip ŋam saŋa samob êndêŋ amac. \v 10 Go atôm gebe asa nêm lêŋ e êwa amac sa gebe Apômtaunê lau amac, ma eŋ êlic ênac mataanô ŋajam. Anam koleŋ ŋajam tokaiŋ-tokaiŋ e atap ŋanô sa ma nêm kauc ajala Anôtôŋa esewec aŋga amacnêm. \v 11 Ŋaclai taŋ ŋam kêsêp ênê ŋajaŋa toŋawasi naŋ, êpuc amac tôŋ gebe aôc gêŋwapac totêmtac êpê sugeŋ ma êôŋ ŋaŋêŋgeŋ. \v 12 Ma anam daŋge totêmtac ŋajamgeŋ êndêŋ Tameŋi, taŋ gêjac dabiŋ amac su gebe awê kaiŋ Anôtônê launêŋ gêŋlênsêm aŋga gamêŋ ŋawêŋa awiŋ. \v 13 Eŋ gêjam aêac sa aŋga ŋaclai ŋakesecŋa ma ketoc aêac daŋgôŋ ênê Latu, taŋ têtac gêwiŋ eŋ naŋ, nê gamêŋ. \v 14 Ŋac tau tonaŋ kêgaboac aêac su ma kêsuc aêacnêŋ sec ôkwi. \s1 Biŋ kêpi Kilisi to nê koleŋ \p \v 15 Ŋac tonaŋ gêjam Anôtô, taŋ talic eŋ atom naŋ laŋô. Eŋ kêtu gêŋ samob, taŋ Anôtô kêkêŋ naŋ ŋaŋacsêga, \v 16 gebe Anôtô kêkêŋ gêŋ samob, taŋ gêc undambê to nom naŋ, ŋa eŋgeŋ, gêŋ taŋ mateŋanô talic to gêŋ, taŋ talic sapu naŋ, amboac gôliŋ to apômtaui ma ŋasêga to ŋaclai. Anôtô kêkêŋ gêŋ samob ŋa eŋgeŋ ma kêtu eŋŋa. \v 17 Gêŋ samob tonaŋ ŋai masigeŋ, eŋ taugeŋ gêmoa gêmuŋ ma gêbiŋ gêŋ samob tôŋ kêpi tageŋ. \v 18 Eŋ kêtu ôli ŋamôkêapac. Ma eŋ ôli tau gôlôac dabuŋ. Eŋ kêtu gêŋ samob ŋam. Eŋ kêtu lau, taŋ sêndi sa aŋga ŋacmatênêŋ naŋ, nêŋ ŋacsêga, gebe eŋ tau êtu gêŋ samob ŋaŋamata. \v 19 Amboac tonaŋ Anôtô gêlic ŋajam gebe nê ŋanô ênam Latu auc samucgeŋ. \v 20 Anôtô kêkêŋ eŋ gê wama gêŋ samob gêdêŋ tau. Eŋ kêkêŋ Latu kêkêc nê dec siŋ aŋga kakesotau, tec kêkêŋ biŋmalô gêdêŋ gêŋ samob, taŋ sêmoa nom to undambê naŋ. \p \v 21 Amac tec gêmuŋgeŋ amoa jaêc Anôtô. Ma biŋ, taŋ taêm gêjam to ŋakoleŋ sec, taŋ ajam naŋ, gêgôm amac atu ênê ŋacjo. \v 22 Mago galoc Kilisi gêmac êndu, tec gê wama amac gêdêŋ Anôtô. Eŋ gebe êmansaŋ amac atu dabuŋ ma akô Anôtô laŋônêm tolaŋômnêm sawa ma tobiŋ masigeŋ. \v 23 Tec akêŋ êwiŋ to apuc taôm tôŋ akô ŋajaŋa. Gêŋ teŋ êkac amac su aŋga ŋawae ŋajam, taŋ aŋô to akêŋ matem amoa naŋ atom. Sêjam mêtê ŋamalac samob, taŋ sêmoa umboŋ ŋalatu naŋ, ma aê, Paulu tauc, tec katu ŋawae ŋajam tau ŋasakiŋwaga. \s1 Paulu gêjam sakiŋ gôlôac dabuŋ \p \v 24 Ma galoc gaôc ŋoc gêŋwapac totêtac ŋajamgeŋ kêtu amacŋa. Ŋandaŋ ŋagêdô, taŋ kêtap Kilisi sa atom, gacgeŋ gêc naŋ, janac dabi ŋ êpi tauc ôlic, jajô Kilisi su êtu eŋ ôliŋa. Ma eŋ ôli tau gôlôac dabuŋ. \v 25 Aê katu gôlôac dabuŋ nêŋ sakiŋwaga ma Anôtô kêkêŋ kôm tonec gêdêŋ aê gebe jawa ênê biŋ sa tomalageŋ êndêŋ amac. \v 26 Gêdêŋ andaŋgeŋ biŋ tau tonaŋ kêsiŋ tau gêdêŋ ŋamalac samob gêc lêlômgeŋ. Mago galoc kêtu awê gêdêŋ Anôtônê lau. \v 27 Anôtô gebe êwa sa êndêŋ nê lau gebe biŋ toŋawasi tolêlôm-tolêlôm, taŋ kêsiŋ tau gêc lêlômgeŋ naŋ, jakêtu awê gêdêŋ lau samuc. Biŋ ŋalêlômŋa tau tonec gebe Kilisi gêmoa gêwiŋ amac, tec akêŋ matem ênê ŋawasi. \v 28 Amboac tonaŋ aêac asôm mêtê lasê ma alêŋ biŋ ŋamalac samob to adôŋ kauc mêtêŋa gêdêŋ ŋamalac samob, gebe anac dabiŋ ŋamalac samob sêkô Anôtô laŋônêm ma Kilisi êmbiŋ êsêac tôŋ, \v 29 tec gajam koleŋ to gajac siŋ kêtôm Kilisinê ŋaclai, taŋ gêjam kôm ŋajaŋa aŋga ŋoc ŋalêlôm naŋ. \c 2 \p \v 1 Aê gabe amac ajala koleŋ kapôêŋ, taŋ gajam kêtu amac to lau Laodikea ma êsêac samob, taŋ sêlic aê laŋôc atom naŋŋa acgom. \v 2 Aê gajam koleŋ tonaŋ gebe nêŋ ŋalêlôm êtu malô e têntac êwiŋ ŋanô êmbiŋ êsêac tôŋ ma têtap kauc êkip ŋam saŋa sa tomalageŋ. Go sêjala Anôtônê biŋ ŋalêlômŋa. Biŋ ŋalêlômŋa tonaŋ Kilisi tau. \v 3 Kauc mêtêŋa to biŋ taêŋ gêjam ŋa tolêlôm-tolêlôm samob kêsiŋ tau gêc Kilisiŋa. \p \v 4 Biŋ tonaŋ kasôm gebe lau teŋ sênsau sêôc amac ŋa biŋ ŋalêsi atom. \v 5 Ôlic tec gamoa jaêc amac, mago ŋoc ŋalau naŋ gaiŋ amac tôŋgeŋ ma têtac ŋajam gebe galic amac amasaŋ nêm gêŋ samob ŋapep to akêŋ gêwiŋ Kilisi ŋajaŋa. \s1 Tasa nêŋ lêŋ tasap Kilisi tôŋgeŋ \p \v 6 Amac akôc Apômtau Kilisi Jesu sa su, tec asa nêm lêŋ ambi ŋ taôm tôŋ tamiŋ eŋgeŋ. \v 7 Nêm ŋawakac êsêp eŋ to amboa taôm sa akô eŋ ŋaô ma akêŋ êwiŋ ŋajaŋa êsa êtôm têdôŋ amacgac, ma anam daŋge êndêŋ Anôtô ênam amac auc. \p \v 8 Alic taôm gebe sêlô amac tôŋ ŋa kauc ŋamalacŋa to biŋdansaŋ ŋaôma e atôm lau kapoacwalôŋa nec atom. Biŋ keso tonaŋ ŋam kêsêp Kilisi atom, gelom-gelom aŋga ŋamalacnêŋgeŋ gêmêŋ, ŋam kêsêp ŋaclai nomŋa. \v 9 Gebe Kilisi tonaŋ Anôtô ŋanô tau gêjam eŋ ôli auc samucgeŋ. \v 10 Ŋac tau tonaŋ tec kêtu apômtau to ŋaclai samob nêŋ ŋamôkê ma gêbiŋ amac tôŋ e matem jali gêjam amac auc. \p \v 11 Ma amac, taŋ eŋ gêbiŋ amac tôŋ naŋ, sêsa amac ŋa lemeŋ atom. Kilisi kêsa amac tec akwalec ôlim nomŋa su. \v 12 Gêdêŋ taŋ aliŋ busaŋgu naŋ, sêsuŋ amac awiŋ Kilisi. Ma gêdêŋ taŋ aliŋ busaŋgu naŋ, adi sa awiŋ Kilisi amboac tonaŋ. Ŋam gebe amac akêŋ gêwiŋ Anôtônê ŋaclai, taŋ gêŋu eŋ sa aŋga ŋacmatênêŋ naŋ. \v 13 Ma amac tec agêli biŋsu to asa lêŋ lau samucŋa gêgôm amac atu mêtê nec. Mago Anôtô gêŋu amac matem jali kêsa awiŋ Kilisi. Eŋ kêsuc aêacnêŋ biŋ, taŋ tagêli biŋsuŋa naŋ, samob ôkwi. \v 14 Eŋ geseŋ papia, taŋ teto ŋagôliŋ sêkic aêacnêŋ biŋŋa kêsêp naŋ, su ma kejoŋ jagêjac kêpi kakesotau. \v 15 Aŋga kakesotau Kilisi kêku apômtaui to ŋaclai tulu ma kêtôc êsêac gêdêŋ lau samob sêlic ma kêtê wê siŋ kêpi nê ŋacjo. \p \v 16 Amboac tonaŋ lau teŋ sêmêtôc amac êtu gêŋ aniŋ to anômŋa me êtu alic om ŋagêdô me ajôŋ êsô ŋaom me sabat atom. \v 17 Gêŋ tonaŋ ŋai têtu ŋanô, taŋ mêŋêsaŋa naŋ ŋadôŋdôŋ, ma ŋanô tau Kilisi. \v 18 Lau ŋagêdô sêmoa, taŋ sêsau sêbu tauŋ ŋanô to sêjam sakiŋ aŋela. Êsêac tetoc tauŋ sa kêtu katuŋ kaiŋ teŋ kêsa ma sêlic gêŋ ŋakatuŋa. Nêŋ kauc nomŋa kêkiaŋ êsêac sa ŋaômageŋ. Akô ŋajaŋa gebe lau amboac tonaŋ sêku amac tulu atom. \v 19 Êsêac sêsap Kilisi, taŋ kêtu môkêapac naŋ, tôŋ atom. Kilisi tau gêlôm tau ôli to kêkêŋ ŋaduc to ŋawalô gedeŋ ôli ŋagêŋlêlôm tôŋ e kesewec to kêtôp kêtôm Anôtô tau gêsuŋ ŋaclai. \s1 Kilisi gêbiŋ aêac tôŋ tec tamoa mateŋ jali \p \v 20 Aŋlac amac êndu awiŋ Kilisi, tec kêgaboac amac su aŋga ŋaclai nomŋa. Amboac ondoc tec asa lêŋ nomŋa to asô ŋagôliŋ tonec ŋalabu gebe \v 21 “Ôkôc gêŋ tonec atom. Ônsaê gêŋ tônê atom. Ômoasac gêŋ tonec atom.” \v 22 Ŋagôliŋ tonaŋ ŋamalac sêmasaŋ to têdôŋ ma kêkanôŋ gêŋ ênêc teŋgeŋ atomŋa. Embe tanam kôm gêŋ tau su, oc êmbacnê. \v 23 Êsêac sêjam sakiŋ aŋela to sêbu tauŋ ma sêkôniŋ tauŋ ôliŋ. Ŋagôliŋ tonaŋ kêtôm gebe ênac lau mateŋanô auc e sênam kauc sebe biŋ tokauc. Mago gêŋ samob tonaŋ ŋai kêtôm gebe êkôniŋ têntac ŋakalac tôŋ atom. \c 3 \p \v 1 Anôtô gêŋu amac sa awiŋ Kilisi. Amboac tonaŋ ansom ŋanô tau, taŋ gêc ôŋa, gêc gamêŋ, taŋ Kilisi gêŋgôŋ Anôtônê anôŋa naŋgeŋ. \v 2 Taêm ênam gêŋ ôŋa, taêm ênam gêŋ nomŋa atom, \v 3 gebe amac amac êndugac, ma nêm aŋgôŋ matem jali ŋam jagêwiŋ Kilisi ma kêsiŋ tau gêc Anôtôŋageŋ. \v 4 Aêac daŋgôŋ mateŋ jali ŋam Kilisi. Êndêŋ noc Kilisi eoc tau lasêŋa, oc êŋgôm amac aoc taôm lasê awiŋ eŋ toŋawasi amboac tonaŋgeŋ. \s1 Lêŋ laŋgwa to wakuc \p \v 5 Amboac tonaŋ anseŋ nom ŋagêŋlêlôm, taŋ gêc nêm ŋalêlôm naŋ su. Gêŋlêlôm tau tonec gebe Gêŋ mockaiŋo to mockaiŋŋa, gêŋ môpŋa, têmtac ŋakalac, matem katuboa ma têmtac ŋamiŋ, taŋ kêtu sakiŋ anôtôi jabaŋa naŋ. \v 6 Kêtu gêŋ tonaŋŋa Anôtônê têtac ŋandaŋ oc êtap taŋeŋpêcwaga sa. \v 7 Gêŋ tonaŋ ŋai gêmuŋgeŋ amac asa kêtu nêm lêŋ e kêkôm amac auc. \p \v 8 Mago galoc awi gêŋ samob tonec siŋ gebe Têmtac ŋandaŋ, têmtac kêbôli auc, têmtac sec, ma biŋ alôb-alôb to biŋ môpŋa êsa awemsuŋ atom. \v 9 Ansau biŋdansaŋ êndêŋ taôm atom, gebe amac akwalec ŋamalac laŋgwa, nêm ŋalêlôm laŋgwa tau to ŋagêŋlêlôm samob su, \v 10 ma asô ŋamalac wakuc sa sugac. Ŋamalac wakuc tau Anôtô kêkêŋ eŋ. Ma Anôtô gêjam kôm kêpi eŋ ŋapaŋ gebe êtu wakuc e êtôm eŋ tau ma êjala eŋ ŋanôgeŋ. \v 11 Tatu wakuc amboac tonaŋ, tec tajam kauc Helen to Juda ma lau-sêsa-êsêacwaga to lau samuc, ma lau laŋôŋ matac to lau gamêŋ bôm ma gêŋôma to lau, taŋ sêmoa nêŋ Iêtêgeŋ naŋ. Kilisi kêtu ŋamalac samob nêŋ ŋam ma gêbiŋ aêac samob tôŋ tapi tageŋ. \p \v 12 Anôtô têtac gêwiŋ to kêjaliŋ amac sa, tec atu ênê lau. Amboac tonaŋ êkwa taôm auc ŋa taêm walô lau, têmtac wapi, ambu taôm, ŋalêlôm malô ma êôŋ ŋaŋêŋgeŋ. \v 13 Asip taôm sa, ma lau teŋ nêŋ biŋ embe ênêc, naŋ sêsuc ôkwi êndêŋ tauŋ. Asuc nêm biŋ ôkwi êndêŋ taôm êtôm Apômtau kêsuc amacnêm biŋ ôkwi. \v 14 Ma têmtac gêwiŋ ŋanô ênsôb gêŋ tonaŋ sa ma êmbiŋ samob tôŋ e ŋapep sawa. \v 15 Ma Kilisinê biŋmalô ênam gôliŋ amacnêm ŋalêlôm. Anôtô kêkalem amac gebe êmbiŋ amac tôŋ ŋa biŋmalô tonaŋ e atu Kilisinê ôli tageŋ. Ma anam daŋge eŋ ŋapaŋ. \v 16 Kilisinê biŋ ênam nêm ŋalêlôm auc samucgeŋ. Andôŋ taôm to alêŋ biŋ taôm tokauc ma tomêtêgeŋ. Anam pesalem to wê dabuŋ ma wê ŋajam-ŋajam. Apuc wê sa to anam daŋge Anôtô aŋga nêm ŋalêlôm. \v 17 Gêŋ samob, taŋ asôm to aŋgôm naŋ, aŋgôm anam Apômtau Jesu laŋô, anam daŋge êndêŋ Tama Anôtô êtu eŋŋa. \s1 Lêŋ wakuc êtu gôIôacnêŋ gôliŋ \p \v 18 Amac lauo, asô amacnêm ŋaci ŋalabu gebe lêŋ tonaŋ Apômtau gêlic kêtôm. \p \v 19 Amac ŋacwaga, têmtac êwiŋ nêm lauogeŋ, ma atu kasec êsêac atom. \p \v 20 Amac ŋapalê, taŋem wamu êndêŋ tenemi to tamemi êtu gêŋ samobŋa, gebe gêŋ tonaŋ ŋai Apômtau gêlic gêjac mataanô ŋajam. \p \v 21 Tameŋiac, alênsôŋ nêm ŋapalê e sênac kapoac tauŋ atom. \p \v 22 Amac sakiŋwaga, taŋem wamu amacnêm ŋataui nomŋa êtu gêŋ samobŋa. Anac ŋamalac mateŋanô auc ŋa taŋem wamu êtu sêlic amac ŋajamŋa nec atom, anam sakiŋ tonêm ŋalêlôm makeŋgeŋ êtu atêc Apômtauŋa. \v 23 Gêŋ samob, taŋ aŋgôm naŋ, aŋgôm tonêm ŋalêlôm samucgeŋ ma aŋgôm êtôm ajam sakiŋ gêdêŋ ŋamalac atom, aŋgôm êtôm ajam sakiŋ gêdêŋ Apômtau, \v 24 Amac ajalagac gebe oc atap nêm gêŋlênsêm sa êtu ŋagêjô aŋga Apômtaunê. Taêm ênam gebe ajam sakiŋ gêdêŋ Apômtau Kilisi. \v 25 Ŋac taŋ gêgôm geo naŋ, oc êtap nê geo ŋagêjô sa. Anôtô kêpuc lau teŋ ŋam atom, gêlic samob kêtôm taugeŋ. \c 4 \p \v 1 Amac ŋataui, amoasiŋ nêm sakiŋwaga ŋapep ma êndêŋgeŋ. Taêm ênam gebe amacnêm Ŋatau gêŋgôŋ undambê amboac tonaŋgeŋ. \s1 Paulu gêlêŋ biŋ lau \p \v 2 Ateŋ mec ansiŋ sugeŋ ma anam jali todaŋgegeŋ. \v 3 Ma ateŋ mec êtu aêacŋa êwiŋ gebe Anôtô êlêc katam su êndêŋ aêac gebe asôm Kilisinê biŋ ŋalêlômŋa lasê, gebe kêtu biŋ tonaŋŋa aê gaŋgôŋ kapoacwalô. \v 4 Ateŋ gebe jawa biŋ tau sa ênêc awêgeŋ êtôm kôm, taŋ Anôtô kêkêŋ gêdêŋ aê naŋ. \p \v 5 Asa nêm lêŋ tokauc mêtêŋa êndêŋ lau, taŋ sêkêŋ gêwiŋ atom naŋ. Ajaiŋ têm ênaŋa ŋaômageŋ atom. \v 6 Amacnêm biŋgalôm samob êmoasiŋ lau to êkêli êsêac. Ma ajala lêŋ ajô lau samob nêŋ biŋŋa e ŋapep. \s1 Paulu awa gêjac nê lau \p \v 7 Lasiŋi ŋajam Tukiki, taŋ gêjam sakiŋ Apômtau ŋaŋêŋgeŋ to gêjam kôm gêwiŋ aê naŋ, wacênac miŋ ŋoc biŋ samob êndêŋ amac. \v 8 Aê jasakiŋ ŋac tau êndêŋ amac êwac gebe ênac miŋ aêacma biŋ samob êndêŋ amac, ma ênam malô amacnêm ŋalêlôm. \v 9 Lasiŋi ŋaŋêŋ to ŋajam Onesimi, taŋ aŋga amacnêm naŋ, oc êwiŋ eŋ. Êsêagêc sênac miŋ biŋ samob, taŋ gêc tonec naŋ, êndêŋ amac. \p \v 10 Aristarka taŋ gêŋgôŋ kapoacwalô gêwiŋ aê naŋ, awa gêjac amac, ma Barnaba gwadê Marka awa gêjac amac amboac tonaŋ. Ŋac tau embe êô lasê amac, go akôc eŋ sa êtôm ŋagôliŋ, taŋ kasakiŋ gêdêŋ amac gêwac naŋ. \v 11 Ma Jesu, taŋ sêsam eŋ gebe Justu naŋ, awa gêjac amac amboac tonaŋ. Lau tecenecgeŋ aŋga Judawaganêŋ tec sêjam kôm Anôtônê gamêŋŋa sêwiŋ aê, êsêac sêjac aê têtac tôŋ ŋanôgeŋ. \p \v 12 Epapra awa gêjac amac amboac tonaŋgeŋ. Eŋ aŋga amacnêm ma kêtu Kilisi Jesu nê sakiŋwaga. Eŋ keteŋ mec gêjac ŋawaegeŋ kêtu amacŋa, gebe Anôtô ênac dabiŋ amac akô ŋajaŋa amboac ŋacgeŋ, ma êkêŋ nê biŋ ênam amac auc samucgeŋ. \v 13 Aê tauc galic tec jasôm gebe eŋ gêjam kôm gim tau su kêtu amac to lau Laodikea ma Hirapoliŋa. \v 14 Dokta ŋajam Luka agêc Dema aweŋ gêjac amac. \p \v 15 Amac awem ênac lasitêwai Laodikeaŋa ma Numba to gôlôac dabuŋ, taŋ sêŋgôŋ awê tau nê andu naŋ. \v 16 Amac embe asam papia tonec su, go akêŋ êndêŋ gôlôac dabuŋ Laodikeaŋa nasêsam amboac tonaŋgeŋ. Ma ŋoc papia, taŋ gêdêŋ Laodikea naŋ, amac asam awiŋ. \v 17 Ma asôm êndêŋ Arkipi gebe “Taêm ênam sakiŋ, taŋ kôkôc aŋga Apômtaunê naŋ, ma ônac dabiŋ e ŋapep.” \p \v 18 Aê, Paulu, tauc; lemoc kato biŋ aoc gêj0ac amacna tonec. Taêm ênam aêŋoc kapoacwalo. Anôtônê moasiŋ êndêŋ amac.