\id 2CO -Jabem partial Bible [jae] -Papua New Guinea 1980 (web 2015) 
\h KORINTI 2 
\toc1 Paulunê papia kêtu luagêcŋa gêdêŋ lau  KORINTI 
\toc2 Korinti 2 
\toc3 2Kor 
\mt2 Paulunê papia kêtu luagêcŋa gêdêŋ lau  
\mt1 KORINTI  
\ip Paulunê papia kêtu luagêcŋa gêdêŋ lau Korintŋa nec ŋac tau keto gêdêŋ ŋasawa teŋ, taŋ ênê to gôlôac Korintŋa nêŋ biŋ kêlêsa tau ŋasec naŋ. Lau buŋa ŋagêdô oc sêli tauŋ sa gêdêŋ Paulu ma sêbu eŋ ŋajaŋa, mago eŋ gêjam awa su ŋanôgeŋ gebe sê wama tauŋmaŋ. Lau tau sêwi nêŋ kisa siŋ, tec keto nê kêtu samuc ŋawae gêdêŋ êsêac gêja.  
\ip Papia ŋasêbu ŋamataŋa Paulu keto biŋ kêlêsa tau to kêlênsôŋ eŋ to gôlôac Korintŋa naŋ acgom, go gêwa eŋ keto nê biŋ ŋajaŋa kepeŋ lau, taŋ sêbu eŋ to sêli tauŋ sa gêdêŋ eŋ naŋ, ŋam sa e kêsôm nê têtac ŋajam lasê kêpi lau tau gebe taêŋ gêjam tauŋ e sêjam tauŋ ôkwi ma sê wama tauŋ, sêgôm kêtu nê papia ŋajaŋa tônêŋa. Go keteŋ gôlôac tau gebe sêkêŋ nêŋ da kapôêŋgeŋ sênam lau buŋa ŋalêlôm sawa aŋga Judaia naŋ sa. Gocgo kêkac biŋ su tau ma gêwa nê sakiŋ sa gebe aposolo ŋanô teŋ eŋ. Eŋ keto biŋ tonaŋ gêdêŋ Korintwaga luagêcgeŋ, taŋ sêbu Paulu gebe aposolo dansaŋ eŋ ma sêboa tauŋ sa sebe aposolo ŋanô êsêac tauŋgeŋ naŋ.  
\iot Ŋadênaŋ  
\ili1 1. Paulu gêjac m papia tau 1:1-11  
\ili1 2. Paulu tau to gôlôac Korintŋa nêŋ biŋ 1:12–7:16  
\ili1 3. Da kêtu lau buŋa Judaiaŋa 8:2–9:15  
\ili1 4. Paulu kêpuc biŋ su tau to gêwa tau sa gebe aposolo ŋanô teŋ eŋ 10:1–13:10  
\ili1 5. Paulu gêjac mata nê papia 13:11-14  
\c 1  
\s1 Paulu gêjac m nê papia ma gêjam daŋge Anôtô  
\p
\v 1 Kilisi Jesu nê aposolo aê, Paulu, taŋ Anôtô kêkalem aê naŋ, agêc lasic Timote, aêagêcma biŋ êndêŋ Anôtônê gôlôac amac, taŋ aŋgôŋ Korinti to êndêŋ Anôtônê lau samob, taŋ ajam Akaia aucgeŋ aŋgôŋ naŋ.  
\v 2 Tameŋi Anôtô agêc Apômtau Jesu Kilisi nêŋ moasiŋ to biŋmalô êndêŋ amac êwac.   
\p
\v 3 Talanem Anôtô, aêacnêŋ Apômtau Jesu Kilisi tama eŋ. Aêac Tameŋi eŋ, taŋ kêtu taê walô ŋatau to gêjam malô samob ŋaAnôtô.  
\v 4 Eŋ gêjam malô aêac gêdêŋ taŋ nêŋ gêŋwapac tokaiŋ-tokaiŋ kêtap aêac sa naŋ, e tauŋ tatôm gebe tanam malô êsêac, taŋ sêmoa gêŋwapac tokaiŋ-tokaiŋ ŋalêlôm naŋ, ŋa biŋmalô, taŋ Anôtô gêjam malô aêac tauŋ naŋ.  
\v 5 Kilisinê ŋandaŋ mêŋkêsalê aêac auc, mago Kilisinê gêjam malô aêacŋa mêŋkêsalê aêac auc amboac tonaŋgeŋ.  
\v 6 Aêac embe aôc gêŋwapac, go aôc êtu ênam malô amac to ênam amac kêsiŋa. Ma Anôtô embe ênam malô aêac, go êŋgôm êtu ênam malô amacŋa, gebe êŋgôm nêm ŋalêlôm ŋajaŋa êsa e aôc gêŋwapac totêmtac êpa sugeŋ atôm aêac aôc gêŋwapac tau tonaŋ.  
\v 7 Aêac taêŋ kêka amac amoa ma ajala gebe amac, taŋ aêc gêŋwapac awiŋ aêac naŋ, awê kaiŋ Anôtônê gêjam malô aêacŋa awiŋ amboac tonaŋ.   
\p
\v 8 O lasitêwaac, aêac abe ansaŋ gêŋwapac, taŋ kêtap aêac sa aŋga Asia naŋ, auc êndêŋ amac atom. Gêŋwapac tau kêlêlêc aêacma ôliŋwalô su ma kêkôniŋ aêac tôŋ ŋanôgeŋ e ataŋ tauŋ gebe atu lau gêbacgac.  
\v 9 Aêac tauŋ asaê gebe sêkic aêacma biŋ sugac. Mago gêŋ tau gêgôm aêac kêtu êwa ma kauc saŋa gebe taêŋ êka tauŋ ma tekweŋ saki atom, taêŋ êka Anôtô, taŋ gêŋu ŋacmatê dêdi sa naŋ taugeŋ.  
\v 10 Eŋ gêjam aêac kêsi aŋga gêmac ŋaŋaclai ônê ma oc ênam aêac kêsi. Aêac akêŋ mateŋ eŋgeŋ gebe ênam aêac kêsi êtiam.  
\v 11 Ma amac anam aêac sa ateŋ mec êtu aêacŋa êwiŋmaŋ. Anôtô oc êŋô lau taêsam nêŋ mec, ma eŋ êmoasiŋ aêac e lau taêsam sênam daŋge eŋ êtu aêacŋa.   
\s1 Paulu kêtu ŋacleŋ lau Korinti sebeŋ atom naŋ ŋam  
\p
\v 12 Aêacma waeŋ ŋam tau tonec gebe aêacma awa ŋalêlômŋa gêwa sa gêdêŋ aêac gebe asa ma lêŋ amoa nom atôm Anôtônê lau tolaŋôŋnêm sawageŋ. Kauc ŋamalacŋa gêjam gôliŋ aêac atom, Anôtônê moasiŋ gêjam gôliŋ aêac. Ma lêŋ tau tonaŋ aêac asa ajac ŋawaegeŋ gêdêŋ amoa awiŋ amac amboac tonaŋgeŋ.  
\v 13 Gebe aêac ato biŋ kaiŋ teŋ gêdêŋ amac atom, ato biŋ, taŋ amac atôm gebe asam to ajala naŋgeŋ. Aê taêc kêka gebe oc ajala biŋ tau tomalageŋ,  
\v 14 amboac ajala aêacma biŋ ŋatênageŋ su gebe êndêŋ Apômtau Jesu nê bêc aêac atu nêm waem ŋam, amboac amac atu ma waeŋ ŋam.   
\p
\v 15 Aê taêc gêjam biŋ tonaŋ kêtu tôŋgac, tec gabe jandêŋ amac jawac êmuŋ acgom, gebe atap moasiŋ sa êtu dim luagêc.  
\v 16 Aê gabe jasa amacnêm gamêŋŋageŋ jana Makedonia. Ma aŋga Makedonia gabe jamu jandêŋ amac jawac êtiam, gebe anam aê sa ma akêŋ aê jana Judaia.  
\v 17 Aê gabe jasa ŋoc lêŋ amboac tonaŋ, tec taêc gêjam biŋ paliŋpaliŋgeŋ me. Me gêŋ, taŋ taêc gêjam kêtu tôŋ gebe jaŋgôm naŋ, oc taêc gêjam kêtôm kauc ŋamalacŋa ma jasôm “aêc, aêc” to “masi, masi” êpi tageŋ me.  
\v 18 Anôtô eŋ ŋac ŋaŋêŋ, tec kêjala gebe aêacma biŋ gêdêŋ amac kêtu “aêc” to “masi” kêpi tageŋ nec atom,  
\v 19 gebe Anôtônê Latu Jesu Kilisi, taŋ aêagêc Silwana ma Timote ajam mêtê kêpi eŋ gêdêŋ amac naŋ, nê biŋ aec to masl nec atom. Gêdêŋ taŋ Kilisi gêmêŋ naŋ, Anôtô gêIôc gebe “Aec.”  
\v 20 Kilisi gêlôc gêdêŋ Anôtônê biŋ samob, taŋ gêjac mata naŋ. Kêtu tonaŋŋa aêac tasôm gebe “Biŋŋanô” kêtu Kilisiŋa gebe talambiŋ Anôtô.  
\v 21 ŋac taŋ kêpuc aêac to amac tôŋ tamoa dawiŋ Kilisi ma geŋ oso aêac naŋ, Anôtô tau.  
\v 22 Eŋ kepeŋ nê ŋatalô kêpi aêac, tec tatu ênê gêŋ, ma kakêŋ Ŋalau Dabuŋ kêsêp aêacnêŋ ŋalêlôm kêtu ŋakamaclauŋ êtu gêŋ, taŋ gebe êkêŋ êndêŋ aêacŋa naŋ.   
\p
\v 23 Aê aoc gêjac Anôtô gebe mêŋêwa ŋoc ŋalêlôm sa êndêŋ amac gebe taêc walô amac, tec gaja Korinti atom tageŋ gebe jaŋgôm amac sec atom.  
\v 24 Aêac atu amacnêm akêŋ gêwiŋ ŋataui atom, amac akêŋ gêwiŋ ŋajaŋa tec amoa. Tageŋ aêac abe anam kôm awiŋ amac gebe têmtac ŋajam êsa.   
\c 2  
\p
\v 1 Aê taêc gêjam kêtu tôŋ gêc ŋôc ŋalêlômgeŋ gebe jandêŋ amac jawac atom, gebe jaŋgôm nêm ŋalêlôm ŋawapac êsa êtiam atom.  
\v 2 Gebe aê embe jaŋgôm amacnêm ŋalêlôm ŋawapac êsa, asa oc êŋgôm aê têtac ŋajam êsa. Lau teŋ sêmoa gebe sêŋgômŋa atom, lau taŋ gagôm nêŋ ŋalêlôm ŋawapac kêsa naŋgeŋ.  
\v 3 Aê kato biŋ tonaŋ gebe aê embe jawac, go aŋgôm ŋoc ŋalêlôm ŋawapac êsa atom, gebe kôm tonec gêjac amac ŋawae gebe aŋgôm aê têtac ŋajam êsa. Aê kakêŋ gêwiŋ gebe aê embe jamoa totêtac ŋajamgeŋ, go amac samob amoa totêmtac ŋajam amboac tonaŋgeŋ.  
\v 4 Aê kato papia tau tonaŋ gêdêŋ amac toŋoc ŋalêlôm ŋawapac to ŋatutucgeŋ ma tomatocsulugeŋ. Aê kato kêtu jaŋgôm nêm ŋalêlôm ŋawapac êsaŋa nec atom, kato gebe ajala aê têtac gêwiŋ amac ŋanôgeŋŋa.   
\s1 Korinti sêsuc ŋac, taŋ gêgôm sec naŋ, nê biŋ ôkwi  
\p
\v 5 Ŋac teŋ embe êli biŋ sa, oc êŋgôm aê tauc ŋoc ŋalêlôm ŋawapac êsa atom, êkêŋ wapac amacnêm ŋagêdô. Aê gabe jasôm gebe êkêŋ wapac êndêŋ amac samob nec atom, gabe jakôniŋ eŋ samucgeŋ atom.  
\v 6 Ŋac tau kêtap nê sec ŋagêjô aŋga lau taêsam nêŋ sa sugac, tec kêtôm.  
\v 7 Amboac tonaŋ galoc asa ŋalêŋ teŋ ma asuc ênê biŋ ôkwi to anam malô eŋ gebe nê ŋalêlôm ŋawapac êlêlêc e êŋgôm tau paliŋ nec atom.  
\v 8 Kêtu tonaŋŋa aê jalêŋ biŋ amac gebe êtôc nêm têmtac gêwiŋ eŋŋa ênêc awê êndêŋ eŋ êtiam.  
\v 9 Papia taŋ kato gêdêŋ amac naŋ, ŋam tau tonec gebe jansaê amac gebe jajala amac oc taŋem wamu aêŋoc biŋ samob me masi.  
\v 10 Amac embe asuc ŋac teŋ nê biŋ ôkwi, aê oc jasuc ôkwi amboac tonaŋ. Biŋ jasuc ôkwiŋa teŋ embe ênêc, oc jasuc ôkwi êtu janam amac saŋa jakô Kilisi laŋônêm.  
\v 11 Aêac tanac jao tauŋ êndêŋ Sadaŋ gebe ênsau êc aêac atom. Aêac tajam kauc ênê gêŋlêlôm atom.   
\s1 Paulu gêmoa Troas tonê ŋalêlôm ŋatutucgeŋ  
\p
\v 12 Gêdêŋ taŋ gaô lasê Troas gabe jasôm Kilisinê ŋawae ŋajam lasê naŋ, galic gebe Apômtau gêlêc katam teŋ su gêdêŋ aê gebe janam kôm.  
\v 13 Mago gamoa totêtac malôgeŋ atom, ŋam gebe katap lasic Titi sa atom, tec kêkam êsêac lemeŋ ma gaja Makedonia.   
\p
\v 14 Mago daŋge êndêŋ Anôtô. Eŋ kêkêŋ aêac, taŋ Kilisi gêbiŋ aêac tôŋ naŋ, awaka ênê wae kêku ŋacjo tuluŋa sa. Ma kêkêŋ aêac gebe aoc Kilisinê wae lasê ênam gamêŋ samob auc êtôm ŋamalu ŋajam, taŋ gêjam gamêŋ popoc naŋ.  
\v 15 Gebe Anôtô gêlic aêac atu Kilisinê gêŋmalu amoa lau, taŋ Anôtô ênam êsêac kêsi to lau, taŋ sênaŋa naŋ ŋalêlôm.  
\v 16 Lau ŋamakeŋ sêŋu amboac ŋasu gêmacanôŋa, taŋ geseŋ êsêac naŋ. Lau ŋamakeŋ sêŋu amboac ŋamalu ŋajam, taŋ kêsa aŋga gamêŋ sêŋgôŋ mateŋ jaliŋa ma kêkêŋ êsêac sêŋgôŋ mateŋ jali. Asa kêtôm sakiŋ amboac tonaŋ.  
\v 17 Aêac atulu Anôtônê mêtê amboac lau taêsam sêgôm kêtu awaŋa naŋ atom. Anôtô kêsakiŋ aêac, tec asôm ênê mêtê lasê toŋalêlôm ŋawageŋ akô Anôtô laŋônêm, asôm kêtôm Kilisi gêbiŋ aêac tôŋ.   
\c 3  
\s1 Poac wakuc ŋasakiŋwaga  
\p
\v 1 Galoc amac alic aêac amboac akiaŋ tauŋ sa kêtiam me. Me moae aêac apô lêna papia êwa aêac sa êndêŋ amacŋa, me apô lêna amacnêm papia êwa aêac sa êndêŋ lauŋa kêtôm lau ŋagêdô sêkôc-sêkôc nec me.  
\v 2 Aêacma papia êwa aêac saŋa naŋ amac taôm. Papia tau teto kêsêp aêacma ŋalêlôm, lau samob têtôm gebe sêjala to sêsam.  
\v 3 Biŋ tau gêc awê gebe amac atu Kilisinê papia, taŋ kêkêŋ gêdêŋ aêac gebe asakiŋ. Eŋ keto papia tau ŋa busa kêsêp poc tapa atom, keto ŋa Anôtô mata jali nê Ŋalau kêsêp ŋamalacnêŋ ŋalêlôm.   
\p
\v 4 Kilisi kêwaka aêac akêŋ gêwiŋ sa e ôliŋ andaŋ Anôto, tec asôm tonaŋ.  
\v 5 Aêac tauŋ atôm gebe tauŋ taêŋ ênam biŋ to anam kôm amboac tonaŋ atom. Aêac atôm kôm tau naŋ ŋam kêsêp Anôtôŋageŋ.  
\v 6 Eŋ kêpuc aêac tôŋ e atu poac wakuc ŋasakiŋwaga. Poac wakuc tau ŋam kêsêp biŋsu tetoŋa atom, kêsêp Ŋalau, gebe biŋsu tetoŋa tec geseŋ ŋamalac su, mago Ŋalau kêkêŋ êsêac sêŋgôŋ mateŋ jali.   
\p
\v 7 Biŋsu taŋ Anôtô keto kêsêp poc naŋ, mêŋkêsa toŋawasigeŋ e lau Israel têtôm gebe sêlic Mose laŋôanô atom kêtu ŋawasi, taŋ gêjam laŋôanô auc naŋŋa. Tageŋ ŋawasi tau tonaŋ gê su kêtiam. Biŋsu taŋ kêtu gêmacanô ŋasakiŋwaga embe êmêŋ toŋawasi amboac tonaŋ,  
\v 8 go ŋawasi, taŋ êsap sakiŋ Ŋalauŋa tôŋ naŋ, oc êlêlêc su.  
\v 9 Sakiŋ taŋ kêmêtôc ŋamalac gebe sênaŋa naŋ, kêtap ŋawasi sa, ma sakiŋ, taŋ kêmasaŋ ŋamalacnêŋ biŋ e Anôtô gêlic êsêac têtu lau gêdêŋ naŋ, kêtap ŋawasi sa kêlêlêc su atom me.  
\v 10 Tec ŋawasi ônêŋa embe tanam dôŋ êpi ŋawasi tonec, oc talic gebe ŋawasi ŋanô atom, ŋam gebe sakiŋ tonec ŋawasi kêlêlêc ŋêŋgeŋ su.  
\v 11 Embe gêŋ, taŋ ê su naŋ, êtap ŋawasi amboac tonaŋ sa, go gêŋ, taŋ ênêc teŋgeŋŋa naŋ, êtap ŋawasi sa êlêlêc su.   
\p
\v 12 Aêac akêŋ mateŋ biŋ amboac tonaŋ, tec amoa totêntac kêpa sugeŋ.  
\v 13 Aêac atôm Mose atom. Eŋ gêsaŋ laŋôanô ŋa obo auc, gebe lau Israel sêlic ŋawasi ê su ênaŋa aŋga laŋôanô naŋ atom.  
\v 14 Ma êsêacnêŋ ŋalêlôm ŋadani kêsa. Kêtôm têm sêsam poac laŋgwa ŋabiŋ, go obo tonaŋ gêsaŋ biŋ auc ŋapaŋ e mêŋgêdêŋ galoc, sêkôc obo tau su atom, gebe Kilisi taugeŋ kêtôm gebe êkac obo tau su.  
\v 15 Biŋŋanô, kêtôm têm samob, gêŋ sêsam Mosenê biŋ lasê naŋ, obo tau tonaŋ gêsaŋ êsêacnêŋ ŋalêlôm auc e mêŋgêdêŋ galoc.  
\v 16 Mago Israel embe sênam tauŋ ôkwi êndêŋ Apômtau, go êkac obo tau su.  
\v 17 Apômtau eŋ Ŋalau. Ma Apômtaunê Ŋalau embe êmoa êwiŋ ŋamalac, go êŋgamboac êsêac su sêmoa nêŋ lêtêgeŋ.  
\v 18 Aêac tec obo gêsaŋ aêac laŋôŋanô auc atom nec, tatôm tasalakatu, taŋ Apômtaunê ŋawasi jakêpô lau e Apômtau Ŋalau êkêŋ aêac tapô tauŋ ôkwi tatôm eŋ tau katu ma tawê kaiŋ ŋawasi to ŋawasi.   
\c 4  
\s1 Anôtônê awamata kêsêp kunom  
\p
\v 1 Anôtô taê walô aêac, tec kêkêŋ sakiŋ tonaŋ gêdêŋ aêac. Amboac tonaŋ aêac tatu goloŋ atom.  
\v 2 Aêac akac tauŋ su aŋga gêŋ, taŋ kêsiŋ tau ma kêtôm gebe êŋgôm aêac majeŋ êsaŋa naŋ. Aêac asêlêŋ asa lêŋ dansaŋ atom ma ajam Anôtônê biŋ ôkwi atom. Aêac aoc biŋŋanô lasê akô Anôtô laŋônêm e awaka tauŋ sa gêdêŋ lau samob, taŋ sêkêŋ taŋeŋ nêŋ awa ŋalêlôm ŋa naŋ.  
\v 3 Ŋawae ŋajam, taŋ ajam naŋ, embe êsiŋ tau, go êsiŋ tau êndêŋ lau, taŋ oc sênaŋa naŋgeŋ.  
\v 4 Êsêac sêkêŋ gêwiŋ atom gebe nom tonec ŋaŋatausêga gêsaŋ nêŋ ŋalêlôm auc e ŋakesec kêsa ma sêlic ŋawê, taŋ kêsa aŋga ŋawae ŋajam naŋ atom. Ŋawae ŋajam tau gêwa Kilisi, taŋ kêtu Anôtô katu solop naŋ, nê ŋawasi sa.  
\v 5 Gebe aêac ajam mêtê kêpi aêac tauŋ atom, awa Jesu Kilisi sa gebe eŋ Apômtau ma aêac tauŋ gebe atu amacnêm saki ŋwaga katu Jesuŋa.  
\v 6 Anôtô taŋ kêsôm gebe ŋawê êsa aŋga ŋakesec naŋ, kêkêŋ aêacma ŋalêlôm ŋawê kêsa. Ŋawê tau ŋam kêsêp ajala Anôtônê ŋawasi, taŋ gêc Kilisi laŋôanô naŋ.   
\p
\v 7 Mago awamata, taŋ awê kaiŋ naŋ, kêsêp aêacma ŋalêlôm amboac kêsêp ku, taŋ sêpac ŋa nom naŋ, gebe ŋaclai ŋamôkê ênêc awê gebe aŋga aêac tauŋ ma atom, aŋga Anôtônêgeŋ.  
\v 8 Gêŋwapac tokaiŋ-tokaiŋ kêlêsuc aêacgeŋ, mago kêlêsa aêac popoc atom. Aêac aê go tauŋ, mago katuŋ gêbac atom.  
\v 9 Lau sêjanda aêac, mago Anôtô gêwi aêac siŋ atom. Sêku aêac tulu, mago seseŋ aêac su atom.  
\v 10 Aêac aôc Jesu gêmac êndu kêpi aêac ôliŋ ŋapaŋ, gebe Jesu gêmoa mata jali eoc tau lasê êpi aêac ôliŋ amboac tonaŋgeŋ.  
\v 11 Aêac amoa mateŋ jali, mago asa paŋ gêmac ŋalêndaŋ ŋapaŋ kêtu Jesuŋa, gebe Jesu gêmoa mata jali eoc tau lasê êpi aêac ôliŋ mêtê-mêtê.  
\v 12 Amboac tonaŋ ŋaclai tamac ênduŋa gêjam kôm kêpi aêac, ma ŋaclai daŋgôŋ mateŋ jaliŋa gêjam kôm kêpi amac.   
\p
\v 13 Teto gec gebe “Aê kakêŋ gêwiŋ tec kasôm lasê.” Ŋalau taŋ kakac ŋac tonaŋ e kêkêŋ gêwiŋ naŋ, kêkac aêac amboac tonaŋgeŋ. Tec aêac akêŋ gêwiŋ ma asôm lasê amboac tonaŋ.  
\v 14 Aêac ajala gebe Ŋac taŋ gêŋu Apômtau Jesu gêdi sa naŋ, oc êŋu aêac andi sa awiŋ Jesu to êkêŋ aêac awiŋ amac takô eŋ laŋônêmŋa.  
\v 15 Biŋ samob tonaŋ kêsa kêtu amacŋa. Anôtônê moasiŋ embe ênam sêga aŋga launêŋ, go êsêacnêŋ mec daŋgeŋa êtu dani êlêlêc e Anôtônê ŋawasi êsa.   
\s1 Tasa nêŋ leŋ totakêŋ êwiŋgeŋ  
\p
\v 16 Amboac tonaŋ aêac atu goloŋ atom. Aêac ôliŋ embe êtu sec, ma êtu sec. Mago aêacma ŋalêlôm êtu wakuc êtôm bêcgeŋ,  
\v 17 gebe ma gêŋwapac gêgôm aêac têlageŋ ma asaê amboac ŋagaô naŋ, êkêŋ ŋawasi teŋgeŋŋa kapôêŋ êIêlêc gêŋwapac su ŋêŋgeŋ.  
\v 18 Aêac mateŋ gê gêŋ, taŋ mateŋanô talic sapu naŋ, gebe gêŋ, taŋ mateŋanô talic naŋ, ê su, mago gêŋ, taŋ talic sapu naŋ, oc ênêc teŋgeŋ.   
\c 5  
\p
\v 1 Aêac ajala gebe aêacma bec nomŋa tonec embe etoc su, go Anôtô êkêŋ andu teŋ êndêŋ aêac. Andu tau, taŋ ŋamalac sêkwê ŋa lemeŋ atom naŋ êkô undambê teŋgeŋ.  
\v 2 Amboac tonaŋ aêac aeŋ oliŋ to ajam aweŋ su ma andu undambêŋa gebe êkwa aêac auc.  
\v 3 Embe êkwa aêac auc, go têtap aêac sa toôliŋ ŋaôma atom.  
\v 4 Aêac aŋgôŋ bec ôliŋŋa tonec amoa, tec aeŋ oliŋ tauŋ toma ŋalêlôm ŋawapacgeŋ. Aêac abe akwalec bec tau tonec su atom, abe asô bec undambêŋa êkwa aêac auc êwiŋ, gebe gêŋ mata jali tau mêŋênam gêŋ mêtê-mêtê auc.  
\v 5 Ŋac taŋ kêmasaŋ aêac kêtu gêŋ tonaŋŋa naŋ, Anôtô tau, ma kêkêŋ Ŋalau gêdêŋ aêac kêtu ŋakamaclauŋ.   
\p
\v 6 Amboac tonaŋ aêac têntac kêpa su ŋapaŋ ma ajala gebe têm, taŋ amoa ôliŋgeŋ naŋ, kêtôm amoa gamêŋ jaba ma amoa jaêc Apômtau.  
\v 7 Aêac alic ŋanô atom, ma akêŋ gêwiŋgeŋ ma tec asa ma lêŋ.  
\v 8 Aêac têntac kêpa sugeŋ ma têntac gêwiŋ kêlêlêc gebe awi ôliŋ tonec ŋabec siŋ ma aŋgôŋ ma malacmôkê awiŋ Apômtau.  
\v 9 Aêac amoa ma malacmôkê me amoa jaêc, tec atu kêka-kêka gebe Anôtô êlic aêac ênac mataanô ŋajam.  
\v 10 Gebe aêac samob oc tatu awê natakô Kilisinê lêpôŋ mêtôcŋa nêmŋa, gebe aêac samob êndêŋ-êndêŋgeŋ tatap ŋagêjô sa êjô ŋajam to sec, taŋ dagôm gêdêŋ têm tamoa toôliŋgeŋ naŋ.   
\s1 Sakiŋ daê wamaŋa  
\p
\v 11 Aêac ajala biŋ atêc Apômtauŋa ŋam tec ajam kôm kêpi lau gebe sênam tauŋ ôkwi. Anôtô kêjala aêacgac ma aê taêc kêka gebe amac ajala aê gêc nêm ŋalêlôm amboac tonaŋgeŋ.  
\v 12 Aêac abe awaka tauŋ waeŋ sa êndêŋ amac êtiamêtiam atom. Aêac abe êkêli amac e awaka aêac sa atu amac waem ŋam gebe amac ajô lau, taŋ tetoc tauŋ sa gêŋ dêmôêŋaŋa, mago têtôm gebe tetoc tauŋ sa gêŋ ŋalêlômŋa atom naŋ aweŋ.  
\v 13 Aêac embe amoa atôm lau meloc, go amoa amboac tonaŋ êtu Anôtôŋa me embe amoa tokauc ŋawa, go amoa amboac tonaŋ êtu amacŋa.  
\v 14 Kilisinê têtac gêwiŋ ŋanô kêkac aêac, tec aêac ajala gebe ŋac tageŋ gêmac êndu kêtu lau samobŋa, amboac tonaŋ tec kêtôm lau samob sêmac êndu sugac.  
\v 15 Eŋ gêmac êndu gêjô lau samob su gebe lau, taŋ sêmoa mateŋ jali naŋ, sêmoa mateŋ jali êtu sêmoasiŋ tauŋŋa atom, sêmoa êtu sênam sakiŋ ŋac, taŋ gêmac êndu gêjô êsêac ma gêdi sa naŋŋageŋ.   
\p
\v 16 Amboac tonaŋ aêac ajam dôŋ ŋac teŋ ŋa lêŋ ŋamalacŋa kêtiam atom. Gêmuŋgeŋ tec ajam dôŋ Kilisi ŋa lêŋ ŋamalacŋa, mago galoc ajala eŋ amboac tonaŋ kêtiam atom.  
\v 17 Amboac tonaŋ ŋac teŋ embe Kilisi êmbiŋ eŋ tôŋ, go êtu gêŋ wakuc teŋ. Alic acgom, gêŋ laŋgwa gêjaŋa su ma gêŋ wakuc mêŋkêsa.  
\v 18 Gêŋ samob tonaŋ ŋam Anôtô, taŋ kêkêŋ Kilisi gebe ê wama aêac êndêŋ tau ma kêkêŋ sakiŋ wamaŋa gêdêŋ aêac.  
\v 19 Anôtô gêmoa gêwiŋ Kilisi ma gê wama ŋamalac samob gêdêŋ tau. Eŋ taŋ gêjam nêŋ geo kêtiam atom ma kêkêŋ aêac asôm Anôtô gê wama ŋamalacŋa ŋawae lasê.  
\v 20 Kilisi kêsakiŋ aêac gebe ajô eŋ su ma Anôtô kêkêŋ aêac gebe alêŋ biŋ amac. Tec ateŋ amac ajô Kilisi gebe Ansuŋ taôm êndêŋ Anôtô gebe ê wama amac êndêŋ tau.  
\v 21 Kilisi gêjam kauc sec, mago Anôtô kêkêŋ eŋ kêtu sec ŋam gêjô aêac su gebe aêac, taŋ Kilisi gêbiŋ aêac tôŋ naŋ, tawê kaiŋ Anôtônê biŋgêdêŋ.   
\c 6  
\p
\v 1 Aêac taŋ ajam kôm awiŋ Anôtô naŋ, alêŋ biŋ amac gebe Akôc Anôtônê moasiŋ sa ŋaômageŋ atom.  
\v 2 Anôtô kêsôm gebe  
\q1 “Aê kakêŋ taŋoc aôm gêdêŋ noc ŋajam  
\q1 ma gajam aôm sa gêdêŋ bêc gajam aôm kêsiŋa.”  
\m Alic acgom, galoc noc ŋajam tau, galoc bêc gêjam aêac kêsiŋa.   
\p
\v 3 Aêac agôm gêŋ teŋ, taŋ kêlênsôŋ lau naŋ atom, gebe sêmbu aêacma sakiŋ atom.  
\v 4 Gêŋ samob, taŋ agôm naŋ, kêwaka aêac sa gebe atu Anôtônê sakiŋwaga. Aêac aôc gêŋwapac totêntac kêpa sugeŋ ma amoa toma ŋalêlôm ŋawapac. Aêac apô lêna tauŋ to aŋgôŋ jageo.  
\v 5 Êsêac sêjac aêac to sêkêŋ aêac aŋgôŋ kapoacwalô. Aêac asêp lau sêli aweŋ sa to ŋaonda ŋalêlôm. Aêac ajam koleŋ aim tauŋ sugeŋ. Aêac aêc bêc atom to mo gêjô aêac.  
\v 6 Aêac amoa toma ŋalêlôm ŋawa to ajala biŋ ŋam. Aêac aê launêŋ biŋ tôŋ ma amoa totêntac wapôm geŋ. Ŋalau Dêbuŋ gêwê aêac ma têntac gêwiŋ totêntac makeŋgeŋ.  
\v 7 Aêac asôm biŋŋanô lasê ma Anôtônê ŋaclai kêpuc aêac tôŋ. Biŋgêdêŋ ŋalaukasap kêkêli aêac to gêjam aêac kêsi.  
\v 8 Ŋagêdô tetoc aêac sa ma ŋagêdô sêgôm aêac majeŋ. Ŋagêdô sêsôm aêac waeŋ sec, ŋagêdô sêsôm waeŋ ŋajam. Ŋagêdô sêsôm aêac gebe dansaŋtêna, mago asôm biŋŋanôgeŋ.  
\v 9 Aêac amoa amboac lau sêjam kauc aêac, mago sêjala aêac kêtu tôŋ. Aêac amoa amboac amac êndu, mago amoa mateŋ jaligac. Êsêac sêkic aêacma biŋ, mago sêjac aêac êndu atom.  
\v 10 Aêac amoa amboac lau toŋalêlôm ŋawapac, mago amoa totêntac ŋajamgeŋ ŋapaŋ. Aêac amoa amboac lau ŋalêlôm sawa, mago amoasiŋ lau taêsam. Aêac amoa amboac gêŋ teŋ gêc aêacŋa atom, mago atu gêŋ samob ŋatau.   
\p
\v 11 O amac lau Korinti, aêac asôm ma biŋ gêdêŋ amac gêc awêgeŋ to êlêc ma ŋalêlôm ŋakatam su gêdêŋ amac.  
\v 12 Aêac agamiŋ ma ŋalêlôm gêdêŋ amac atom, mago amac agamiŋ nêm ŋalêlôm gêdêŋ aêac.  
\v 13 Akêŋ ŋajam êjô ŋajammaŋ. Aê kasôm ŋoc biŋ gêdêŋ amac amboac kasôm gêdêŋ ŋoc ŋapalê. Alêc nêm ŋalêlôm ŋakatam su êndêŋ aêac.   
\s1 Aêac tatu Anôtônê lôm dabuŋ  
\p
\v 14 Ambiŋ taôm tôŋ tamiŋ lau-sêkêŋgêwiŋ-atomwaga to anam kôm awiŋ êsêac atom. Biŋgêdêŋ agêc biŋ geo sênam kôm sêwiŋ tauŋ amboac ondoc. Ŋawê agêc ŋakesec sêsêlêŋ sêwiŋ tauŋ amboac ondoc.  
\v 15 Kilisi agêc Sadaŋ nêŋ biŋ kêpi tageŋ me. Ŋac taŋ kêkêŋ gêwiŋ agêc ŋac, taŋ kêkêŋ gêwiŋ atom naŋ, sêwê kaiŋ gêŋ tageŋ amboac ondoc.  
\v 16 Anôtônê lôm dabuŋ ma lôm gwamŋa ŋam tageŋ me. Amac ajala gebe aêac tatu Anôtô mata jali nê lôm dabuŋ kêtôm Anôtô tau kêsôm gebe  
\q1 “Aê jakwê ŋoc andu sa jaŋgôŋ jawiŋ êsêac  
\q1 to jasêlêŋ jamoa êsêac ŋalêlôm.  
\q1 Aê oc jatu êsêacnêŋ Anôtô  
\q1 to êsêac oc têtu aêŋoc lau.   
\q1
\v 17 Tec akac taôm su aŋga êsêacnêŋ ma êŋgamiŋ taôm êndêŋ êsêac.  
\q1 Apômtaunê biŋ tau tonaŋ.  
\q1 Amoasac gêŋ ŋatêmui atom, go jakôc amac sa   
\q1
\v 18 ma jatu amac Tamemi ma amac atu aê latucio to ŋac.  
\q1 Apômtau ŋaniniŋ Ŋatau nê biŋ tau tonaŋ.”   
\c 7  
\p
\v 1 O lauace, Anôtô gêjac mata biŋ gêdêŋ aêac, tec takwasiŋ ôliŋ to ŋalêlôm ŋajec samob su ma tanac dabiŋ tauŋ tatu lau dabuŋ tasa nêŋ lêŋ totat c Anôtôgeŋ.   
\s1 Lau Korinti sêjam tauŋ ôkwi, tec Paulu têtac ŋajam kêsa  
\p
\v 2 Akêŋ ŋasawa êndêŋ aêac aŋga nêm ŋalêlôm. Aêac agôm keso gêdêŋ ŋac teŋ atom, aseŋ ŋac teŋ su atom ma awê ŋac teŋ auc kêtu nê awaŋa atom.  
\v 3 Aê kasôm biŋ tonaŋ gebe jamêtôc amacŋa atom. Aê kasôm biŋ gêmuŋ su gebe aêac têntac gêwiŋ amac ŋanôgeŋ, tec tamoa mateŋ jali dawiŋ tauŋ, ma tamac êndu dawiŋ tauŋ amboac tonaŋgeŋ.  
\v 4 Aê taêc kêpa amac su kasôm amac waem kêtu tapa. Gêŋwapac gêgôm aêac ŋanô, mago Anôtô gêjam malô aêacŋa gêjam aê auc to têntac ŋajam kêsalê aê auc.   
\p
\v 5 Gêdêŋ taŋ aô lasê Makedonia su naŋ, ŋasawa alêwaŋ tauŋŋa teŋ gêc atom, gêŋwapac kêkôm aêac aucgeŋ. Aêac ôliŋ kêtap siŋ sa ma atêc tauŋ gêc ma ŋalêlôm.  
\v 6 Mago Anôtô, taŋ gêjam malô lau-ŋalêlôm-ŋawapacwaga naŋ, kêsakiŋ Titi mêŋgêô lasê aêac tec gêjam malô aêac amboac tonaŋ.  
\v 7 Titi mêŋgêô lasê aêac tageŋ tec gêjam malô aêac nec atom, amac ajam malô eŋ ŋawae naŋ mêŋgêjam malô aêac gêwiŋgoc. Eŋ gêjac miŋ gêdêŋ aêac gebe ajam awem su aê to ataŋ aê ma nêm ŋalêlôm kêkac amac aêŋa, tec têtac ŋajam kêlêlêc.   
\p
\v 8 Aê têtac sec gêdêŋ tauc ŋanô kêtu ŋoc papia, taŋ kato gagôm amacnêm ŋalêlôm ŋawapac kêsaŋa naŋ atom. Aê galic papia, taŋ kato e gêgôm amacnêm ŋalêlôm ŋawapac kêsa têlageŋ naŋ ma têtac sec gêdêŋ tau ŋagec.  
\v 9 Ma galoc aê têtac ŋajam kêsa. Têtac ŋajam kêtu nêm ŋalêlôm ŋawapac kêsa samucgeŋŋa nec atom kêtu amacnêm ŋalêlôm ŋawapac kêsa e ajam taôm ôkwiŋa. Amacnêm ŋalêlôm ŋawapac kêsa ŋam kêsêp Anôtô, abacma biŋ gêgôm amac atu sec atom.  
\v 10 Gebe ŋalêlôm ŋawapac, taŋ ŋam kêsap Anôtôŋa naŋ, êkac aêac e tanam tauŋ ôkwi natatap moasiŋ Anôtô ênam aêac kêsiŋa sa. Ŋalêlôm ŋawapac tonaŋ êkêŋ wapac lau teŋ êtiam atom. Mago ŋalêlôm ŋawapac, taŋ ŋam kêsêp nomŋa naŋ, tec êkêŋ aêac tamac êndu.  
\v 11 Alic acgom, nêm ŋalêlôm ŋawapac, taŋ ŋam kêsêp Anôtô naŋ, kêkac amac kôm tokaiŋ-tokaiŋŋa. Kêkêŋ amac ôlim kêpi kêtu amansaŋ nêm biŋŋa ma alic kesowaga sec. Amac atêc taôm to ajam awem su aê ma nêm ŋalêlôm kêkac amac kêtu aêŋa. Ma amac amêtôc sec. Amacnêm kôm samob tonaŋ kêwaka amac sa gebe awê biŋ tau ŋakaiŋ teŋ atom.  
\v 12 Amboac tonaŋ aê kato gêdêŋ amac, mago kato kêtu ŋac, taŋ gêgôm keso me kêtu ŋac, taŋ sêgôm eŋ sec naŋŋa atom. Masi. Aê kato gebe jakêli amac e ôlim palê aêacŋa ênêc awêgeŋ ma amac taôm ajala akô Anôtô laŋônêmŋa.  
\v 13 Biŋ tonaŋ gêgôm aêacma ŋalêlôm kêtu malô.  
\p Mago tonaŋgeŋ atom. Titi têtac ŋajam gebe amac samob alau ênê ŋalêlôm ŋawasi kêsa. Ma ênê têtac ŋajam gêgôm aêac têntac ŋajam kêsa samucgeŋ.  
\v 14 Aê kalanem tauc gêdêŋ Titi kêtu amacŋa, ma amac agôm aê majoc kêsa atom. Biŋ samob, taŋ asôm gêdêŋ amac naŋ biŋŋanô, tec ma biŋ lanemŋa, taŋ asôm gêdêŋ Titi naŋ, biŋŋanô amboac tonaŋgeŋ.  
\v 15 Titi kêkêŋ nê ŋalêlôm samucgeŋ gêdêŋ amac gebe taê gêjam lêŋ amac akôc eŋ saŋa. Amac taŋem wamu eŋ ŋapep ma akôc eŋ sa toatêc taôm ma atênêp.  
\v 16 Aê têtac ŋajam to têtac kêpa su kêtu amacŋa samucgeŋ.   
\c 8  
\s1 Tanam Anôtônê lau sa  
\p
\v 1 O lasitêwaac, aêac anac Anôtônê moasiŋ, taŋ kêkêŋ gêdêŋ gôlôac dabuŋ Makedoniaŋa naŋ, ŋamiŋ êndêŋ amac aŋô acgom.  
\v 2 Gêŋwapac kêkôniŋ êsêac, mago sêpuc tauŋ tôŋ ma sêmoa totêntac ŋajam samucgeŋ. Êsêac lau ŋalêlôm sawaanô, mago sêkêŋ da totêntac wapômgeŋ sêjac ŋawae.  
\v 3 Aê galic, tec jawa sa endeŋ amac gebe tauŋ nêŋ ŋalêlôm kêkac êsêac tec sêkêŋ da kêtôm gêŋ, taŋ gêc êsêacŋa ma sêkêŋ kêlêlêc su.  
\v 4 Êsêac teteŋ aêac ŋapaŋ gebe alôc ma sêwê kaiŋ sakiŋ sênam Anôtônê lau saŋa sêwiŋ.  
\v 5 Êsêac sêkêŋ da kêtôm aêac taêŋ kêka necgeŋ atom, êsêac sêkêŋ tauŋ samucgeŋ dêdêŋ Apômtau gêmuŋ, ma Anôtô kêpuc êsêac tôŋ, go sêkêŋ tauŋ gêdêŋ aêac amboac tonaŋgeŋ.  
\v 6 Tec aêac asakiŋ Titi, taŋ gêmuŋgeŋ gêjac m moasiŋ tonaŋ ŋakoleŋ naŋ, gebe ênac dabiŋ kôm tau aŋga amacnêm.  
\v 7 Amac atu lau tolêlôm gêŋ samob tonec ŋaiŋa, akêŋ gawiŋ, asôm mêtê, ajala biŋ, ajam kôm toôlim palêgeŋ ma têmtac gêwiŋ aêac, tec galoc atu lau tolêlôm amoasiŋ Anôtônê lauŋa êwiŋmaŋ.   
\p
\v 8 Aê gabe jakac amac atom. Lau ŋagêdô sêgôm toôliŋ palêgeŋ, tec gabe jansaê amac gebe oc têmtac gêwiŋ ŋanô amboac tonaŋ me masi.  
\v 9 Amac ajala aêacnêŋ Apômtau Jesu Kilisi nê moasiŋgac. Eŋ ŋac tolêlôm, mago kêtu ŋac ŋalêlôm sawa kêtu amacŋa, gebe ênê ŋalêlôm sawa tonaŋ êkêŋ amac atu lau tolêlôm.  
\v 10 Aê jawa ŋoc taêc gêjam sa êpi biŋ tau acgom. Biŋ tonec oc êmoasiŋ amac. Gêdêŋ jala laŋgwa amac ajac m kôm tau, mago ajam ŋaômageŋ atom, têmtac gêwiŋ ŋanôgeŋ tec ajam.  
\v 11 Amboac tonaŋ galoc anac dabiŋ kôm tau ma aŋgôm biŋ, taŋ nêm ŋalêlôm êkac amacŋa naŋ, ŋanô êsa ŋa gêŋ, taŋ gêc amacŋa naŋ.  
\v 12 Embe nêm ŋalêlôm êkac amac ma akêŋ êtôm gêŋ, taŋ gêc amacŋa, go Anôtô êlic ŋajam. Akêŋ geŋ, taŋ taôm apô lêna amoa naŋ atom.  
\v 13 Aê taêc gêjam biŋ tonec gebe lau ŋagêdô sêmoa ŋajam ma sêlêwaŋ tauŋgeŋ ma amac aôc gêŋwapac nec atom. Amac samob atôm taômgeŋ.  
\v 14 Galoc tonec amacnêm gêŋ taêsam gêc, tec anam êsêacnêŋ sêpô Iênaŋa sa. Ma êsêacnêŋ gêŋ ŋagêdô embe ênêc, go sênam amacnêm apô lênaŋa sa amboac tonaŋ ma amoa atôm taômgeŋ.  
\v 15 Êtôm biŋ, taŋ teto gêc gebe  
\q1 “Ŋac taŋ kejoŋ mana taêsam naŋ,  
\q1 nê mana kêlêlêc su atom.  
\q1 Ma ŋac, taŋ kejoŋ luagêc naŋ,  
\q1 kêpô lêna atom.”   
\s1 Titi to nê launêŋ biŋ  
\p
\v 16 Aê gajam daŋge gêdêŋ Anôtô gebe kêkac Titinê ŋalêlôm e ôli palê kêsa kêtu amacŋa ma gêgôm kêtôm aê gagôm.  
\v 17 Aêac alêŋ biŋ ŋac tau tec kêkêŋ taŋa ma tau ôli palê kôm tonaŋŋa e nê ŋalêlôm kêkac eŋ ma gêdêŋ amac gêwac.  
\v 18 Aêac asakiŋ lasiŋi teŋ, taŋ gôlôac dabuŋ samob sêŋô eŋ gêjam mêtê ŋajam ŋawae naŋ, tec gêwiŋ eŋ gêwac.  
\v 19 Mago kêtu tonaŋŋageŋ atom, gôlôac dabuŋ samob sêjaliŋ eŋ sa gebe êsêlêŋ to ênam sakiŋ êwiŋ aêac êtu moasiŋ tonaŋŋa, gebe Apômtaunê wae êsa to êwaka aêacma têntac gêwiŋ kôm tonecŋa sa.  
\v 20 Aêac agôm tonaŋ gebe lau teŋ sêŋgoliŋ biŋ êpi aêac êtu moasiŋ kapôêŋ, tec aêac akôc necŋa atom.  
\v 21 Aêac taêŋ gêjam gebe aŋgôm ma gêŋ ŋapep sawa êtu Apômtau taugeŋ êlicŋa atom, aŋgôm êtu ŋamalac sêlicŋa amboac tonaŋgeŋ.  
\v 22 Ma aêac asakiŋ lasiŋi teŋ gêwiŋ. Aêac asaê eŋ kêtu dim taêsam kêtu kôm ŋagêdôŋa ma alic eŋ gêgôm gêŋ toôli palêgeŋ. Eŋ taê kêpa amac su, tec ôli palê kêsa amacŋa.  
\v 23 Titi tau tec jawa eŋ sa gebe ŋoc ŋac eŋ, naŋ gêjam kôm kêpi amac gêwiŋ aê. Ma aêac lasiŋiagêc têtu gôlôac dabuŋ nêŋ aposolo sêwaka Kilisinê wae saŋa.  
\v 24 Atôc nêm têmtac gêwiŋ êndêŋ êsêac ma awaka aêacma biŋ lanemŋa, taŋ asôm kêpi amac naŋ sa, gôlôac samob sêjala gebe biŋŋanô.   
\c 9  
\s1 Tanam Anôtônê lau sa  
\p
\v 1 Sakiŋ tanam Anôtônê lau saŋa tau gêc awê, tec jato ŋabiŋ êndêŋ amac êtiam atom.  
\v 2 Aê kajala gebe nêm ŋalêlôm kêkac amac sakiŋ tonaŋŋa, tec kalanem amac gêdêŋ lau Makedoniaŋa ma kasôm gebe “Lau Akaiaŋa sêmasaŋ tauŋ kêtu sakiŋ tonaŋŋa gêdêŋ jala laŋgwa sugac.” Amac waem ôlim paleŋa tonaŋ kêkêli lau taêsam ma sêkôc kôm tau sa amboac tonaŋgeŋ.  
\v 3 Galoc jasakiŋ lasitêwai tonaŋ sêwac, gebe biŋ, taŋ kalanem amac naŋ, êwaka tau sa gebe biŋŋanô, tec amac amansaŋ taôm êtôm aê kasôm.  
\v 4 Aê embe jawiŋ lau Makedoniaŋa ŋagêdô jawac ma jatap amac sa gebe amasaŋ taôm su atom, oc êŋgôm aêac, taŋ taêŋ kêka amac naŋ, majeŋ ŋanô. Aê gabe jasôm biŋ êpi amac majem êsaŋa nec atom.  
\v 5 Kêtu biŋ tonaŋŋa aê taêc gêjam kêtu tôŋ gebe janac biŋsu lasitêwai tonaŋ, gebe sêsêlêŋ sêmuŋ sêndêŋ amac sêwac ma sênac dabiŋ moasiŋ, taŋ amac akêŋ ŋawae gebe asakiŋ naŋ kwanaŋgeŋ. Embe anac dabiŋ taôm amboac tonaŋ, go êwa moasiŋ tau sa gebe akêŋ kêtu aêac akac amacŋa atom, taôm nêm ŋalêlôm kêkac amac tec akêŋ.   
\p
\v 6 Taêm ênam tonec acgom. Ŋac taŋ kêsê ŋawê luagêcgeŋ naŋ, oc ejoŋ ŋanô luagêcgeŋ sa. Ma ŋac, taŋ kêsê ŋawê taêsam naŋ, oc ejoŋ ŋanô taêsam sa.  
\v 7 Lau samob sêkêŋ atôm nêŋ ŋalêlôm êkac êsêacŋa, sêkêŋ totêntac secgeŋ êtu sêkac êsêacŋa atom, gebe Anôtô têtac gêwiŋ ŋac, taŋ kêkêŋ totêtac wapômgeŋ naŋ.  
\v 8 Anôtô kêtôm gebe êkêŋ moasiŋ samob ênam amac auc, gebe atap nêm gêŋ êôc amac tôŋŋa sa ŋapaŋ ma atap sa êlêlêc e atôm gebe aŋgôm kôm ŋajam samob,  
\v 9 kêtôm teto gêc gebe  
\q1 “Eŋ kêpalip nê gêŋ gêdêŋ lau ŋalêlôm sawa.  
\q1 Ênê biŋgêdêŋ oc ênêc endeŋ tôŋgeŋ.”   
\m
\v 10 Ŋac taŋ kêkêŋ ŋawê gêdêŋ ŋackêpalip-ŋawêwaga to kêkêŋ mo gebe eŋ êniŋ naŋ, oc êkêŋ ŋawê êndêŋ amac amboac tonaŋ ma êkêŋ êtu taêsam e amacnêm biŋgêdêŋ ŋaŋanô êtu kapôêŋ.  
\v 11 Eŋ êkêŋ amac atu lau tolêlôm gêŋ samobŋa e atôm gebe akêŋ gêŋ totêmtac wapômgeŋ. Ma aêac anam amac sa e lau sênam daŋge Anôtô êtu nêm moasiŋ tonaŋŋa.  
\v 12 Amac ajam kôm kêpi sakiŋ tonaŋ, tec gêjam Anôtônê lau sêpô lêna tauŋŋageŋ sa atom, êkêli lau taêsam sênam daŋge Anôtô.  
\v 13 Sakiŋ tonaŋ êwaka amac sa ma êkêli lau sêlambiŋ Anôtô êtu taŋem wamu to asôm Kilisinê ŋawae ŋajam lasêŋa ma êtu têmtac wapôm gêbiŋ amac tôŋ têmiŋ êsêac to ŋagêdô samobŋa.  
\v 14 êsêacnêŋ mec, taŋ teteŋ kêtu amacŋa naŋ, gêwa sa gebe sêjam aweŋ su amac kêtu moasiŋ kapôêŋanô, taŋ Anôtô kêkêŋ gêdêŋ amac naŋŋa.  
\v 15 Daŋge êndêŋ Anôtô êtu moasiŋ ŋanô, taŋ kêkêŋ gêdêŋ aêac ŋaômageŋ naŋŋa. Aêac tatôm gebe dawa moasiŋ tau sa tomalageŋ atom.   
\c 10  
\s1 Paulu kêkac biŋ su tau  
\p
\v 1 Aê, Paulu, tauc jalêŋ bi ŋ amac êtu Kilisinê ŋalêlôm ŋajam to malôŋa. Lau sêsôm biŋ kêpi aê gebe aê embe jamoa jawiŋ amac, oc jambu tauc, mago embe jamoa jaêc, oc jasôm biŋ ŋajaŋa.  
\v 2 Aê jateŋ amac gebe Aŋgôm aê jasôm biŋ ŋajaŋa êndêŋ amac êndêŋ taŋ jamoa jawiŋ amac naŋ atom. Aê taêc gêjam kêtu tôŋ gebe jasôm biŋ ŋajaŋa amboac tonaŋ êndêŋ lau ŋagêdô, taŋ taêŋ gêjam gebe aêac asêlêŋ asa lêŋ ŋamalacŋa.  
\v 3 Biŋŋanô, aêac ŋamalac, tec asa ma lêŋ, mago ajac siŋ ŋa lêŋ ŋamalacŋa atom.  
\v 4 Aêacma siŋ ŋalaukasap ŋam kêsêp nom atom, Anôtônê laukasap tau ŋajaŋa kêtôm gebe anac siŋ ma anseŋ ŋacjonêŋ tuŋbôm ŋajaŋa su. Aêac anseŋ ŋamalacnêŋ kauc keso,  
\v 5 to nêŋ biŋ tetoc tauŋ saŋa, taŋ gêsaŋ aêac auc e tajala Anôtô sapu naŋ su. Ma êkôniŋ biŋ samob, taŋ taêŋ gêjam naŋ, tôŋ e êsô Kilisinê biŋ ŋalabu.  
\v 6 Aêac amasaŋ tauŋ su gebe êndêŋ taŋ amac anac dabiŋ taŋem wamu su acgom, go aêac amêtôc taŋeŋ pêc samob.   
\p
\v 7 Matem êndiŋ gêŋ, taŋ gêc laŋônêmŋa naŋ. Ŋac teŋ embe êlic tau amboac Kilisinê ŋac, naŋ taê ênam ênêc tauŋa êwiŋ gebe aêac atu Kilisinê lau amboac tonaŋ atôm eŋ.  
\v 8 Aê embe jalanem tauc êIêlêc su êtu ŋaclai, taŋ Apômtau kêkêŋ gêdêŋ aêac naŋŋa, oc majoc atom. Eo kêkêŋ ŋaclai amboa amac saŋa, kêkêŋ ŋaclai anseŋ amac suŋa atom.  
\v 9 Taêm ênam gebe aê gabe jatakê amac ŋa ŋoc papia nec atom.  
\v 10 Lau ŋagêdô sêsôm gebe “Ênê papia tec ŋajaŋa to ŋatêkwa. Mago eŋ tau embe êmoa êwiŋ aêac, go talic eŋ ŋac palê-palê ma ênê biŋ amboac ŋanô masi.”  
\v 11 Ŋac taŋ kêsôm biŋ tonaŋ naŋ, taê ênam biŋ tonec acgom gebe Aêac taŋ amoa jaêc ma ato ma papia ŋajaŋa naŋ, oc aŋgôm biŋ, taŋ ato kêsêp papia naŋ, ŋanô êsa êndêŋ taŋ wacamoa awiŋ amac.   
\p
\v 12 Aêac abe akiaŋ tauŋ e naanam tamiŋ lau ma anam dôŋ tauŋ êpi êsêac, taŋ tauŋ sêwaka tauŋ sa naŋ, nêŋ ŋagêdô atom. Êsêac tonaŋ têtu tauŋ nêŋ dôŋ to sêjam dôŋ tauŋ kêpi tauŋ e nêŋ kauc kêlênsôŋ.  
\v 13 Aêac tonec abe alanem tauŋ êlêlêc su atom. Anôtô tau kêkêŋ dôŋ gebe anam dôŋ-ma kôm. Aêac adaguc dôŋ tonaŋ tec wacaô lasê amac.  
\v 14 Amac amoa madiŋ ŋalêlom, tec gêdêŋ taŋ adêŋ amac awac toKilisinê ŋawae ŋajamgeŋ naŋ, aka lêlêc madiŋ tonaŋ atom.  
\v 15 Aêac alanem tauŋ kêtu lau teŋ nêŋ koleŋŋa atom. Mago aêac akêŋ mateŋ gebe amacnêm akêŋ gêwiŋ esewec ma akêŋ aêacma kôm êlaiŋ tau ŋanô aŋga amacnêm e êtôm madiŋ, taŋ Anôtô kêkêŋ naŋ.  
\v 16 Go asôm ŋawae lasê e aka lêlêc amac naakêŋ êsêp lau samuc nêŋ gamêŋ ma alanem tauŋ êtu kôm, taŋ lau teŋ sêjam su aŋga nêŋ tuŋlêlôm naŋ atom.  
\v 17 “Ŋac teŋ embe êlanem tau, go êlanem tau êtu Apômtauŋageŋ.”  
\v 18 Ŋac taŋ tau kêwaka tau sa naŋ, eŋ koleŋwaga ŋanô atom. Ŋac taŋ Apômtau kêwaka eŋ sa naŋgeŋ, tec eŋ koleŋwaga ŋanô.   
\c 11  
\s1 Paulu to aposolo dansaŋ  
\p
\v 1 Aŋô ŋoc biŋ meloc ŋagec acgommaŋ. Aê kajalagac gebe amac oc aŋô.  
\v 2 Aê gajam lêmuŋ amac kêtôm Anôtô gêjam lêmuŋ gebe amac atôm awêtakiŋ ŋajam teŋ, taŋ kêsi eŋ kêtu ŋac tageŋŋa naŋ, tec gabe jawê amac andêŋ eŋ ana. Ŋac tau Kilisi.  
\v 3 Mago aê taêc dani amac gebe nêm ŋalêlôm, taŋ kêsap Kilisi tôŋ ŋaŋêŋgeŋ naŋ, oc êtu sec ma awi eŋ siŋ atôm Ewa, taŋ moac kêsau eŋ ŋa biŋdansaŋ tokauc naŋ.  
\v 4 Gebe ŋac teŋ embe wacênam mêtê êpi Jesu teŋ, taŋ aêac ajam mêtê kêpi atom, me embe akôc ŋalau teŋ sa, taŋ akôc sa aŋga aêacma atom, me embe ŋawae ŋajam teŋ, taŋ aêac akêŋ gêdêŋ amac naŋ atom, oc aŋô anac ŋawaegeŋ.   
\p
\v 5 Aê kasaê tauc gebe “aposolosêga” tonaŋ lau tokauc sêlêlêc aê su nec atom.  
\v 6 Moae kasôm biŋ amboac kwapuc, mago ŋoc kauc amboac kwapucnêŋ atom. Biŋ tonaŋ aêac awa sa gêdêŋ amac gêc awêgeŋ ŋa biŋ to lêŋ tokaiŋtokaiŋ.   
\p
\v 7 Aê gabu tauc gebe jatoc amac sa ma kasôm Anôtônê ŋawae ŋajam lasê kakôc ŋaôli gêjô su atom, tec gagôm sec me.  
\v 8 Gôlôac dabuŋ ŋagêdô sêjam ôli aê gebe janam sakiŋ amac. Aê galic amboac kajaŋgo gêŋ aŋga êsêacnêŋ.  
\v 9 Gêdêŋ taŋ gamoa gawiŋ amac tokapô lêna ŋêŋgeŋ naŋ, aê kaêlênsôŋ amac ma kateŋ gêŋ aŋga amacnêm ŋac teŋ nê atom. Lasitêwai taŋ sêmêŋ aŋga Makedonia naŋ, sêjam ŋoc kêpô lêna sa. Aê gajob tauc ma oc jajop tauc ŋapep gebe jakêŋ wapac teŋ êndêŋ amac atomanô.  
\v 10 Kilisinê biŋŋanô gêjam aê auc, tec jasôm êtu tôŋ gebe ŋoc waec tonaŋ ŋawae êmbacnê aŋga Akaia ŋagamêŋ samob atomanô.  
\v 11 Aê kasôm biŋ tau kêtu asageŋŋa. Kasôm gebe têtac gêwiŋ amac atom me. Anôtô kêjala gebe têtac gêwiŋ amacgac.   
\p
\v 12 Gêŋ taŋ gagôm gamoa naŋ, oc jawi siŋ atom, gebe jakô êsêac, taŋ sebe tetoc tauŋ sa ma sêsôm gebe sêjam kôm têtôm aêac naŋ, waeŋ auc.  
\v 13 Lau tônê ŋai êsêac aposolo dansaŋ. Êsêac koleŋwaga dansaŋ, taŋ sêjam Kilisinê aposolo laŋôŋ naŋ.  
\v 14 Biŋ tonaŋ êtakê amac atommaŋ, gebe Sadaŋ tau gêjam aŋela ŋawêŋa laŋô.  
\v 15 Tec ênê sakiŋwaga embe sênam sakiŋwaga biŋgêdêŋŋa laŋôŋ, oc alic amboac gêŋ kaiŋ teŋ atom. Êtu ŋamu êsêac têtap ŋagêjô sa êtôm nêŋ kôm, taŋ sêjam naŋ.   
\s1 Paulu gêôc ŋandaŋ taêsam kêtu eŋ aposoloŋa  
\p
\v 16 Aê jasôm ŋoc biŋ êtiam gebe alic aê amboac ŋac meloc atom. Mago embe alic aê amboac ŋac meloc, naŋ alicmaŋ, tageŋ alôc sa gebe jalanem tauc ŋagec acgom.  
\v 17 Biŋ tec jasôm nec Apômtaunê biŋ atom. Aê jasôm biŋ lanemŋa tonec amboac ŋac meloc teŋ.  
\v 18 Lau taêsam sêlanem tauŋ kêtu biŋ ŋamalacŋa, tec gabe jalanem tauc êtu tonaŋŋa êwiŋmaŋ.  
\v 19 Amac taôm lau tokaucgac, mago aŋô lau meloc nêŋ biŋ ajac ŋawaegeŋ.  
\v 20 Ŋac teŋ embe êkôniŋ amac atu ênê sakiŋwaga, me êniŋ amacnêm mo ŋaômageŋ, me êkôc amacnêm gêŋ, me etoc tau sa, me êtap amac laŋômanô auc, oc alic ŋajam.  
\v 21 Aê jasôm tomajocgeŋ gebe aêacma ŋajaŋa masi, tec agôm gêŋ amboac tonaŋ atom.  
\p Mago ŋac teŋ embe êkiaŋ tau sa gêŋ teŋŋa, go jakiaŋ tauc sa amboac tonaŋgeŋ. Galoc kasôm biŋ amboac ŋac meloc kêtiam.  
\v 22 Êsêac Ebolaiwaga me. Aê amboac tonaŋ. Êsêac Israelwaga me. Aê amboac tonaŋ. Êsêac Abrahamnê wakuc me. Aê amboac tonaŋ.  
\v 23 Êsêac Kilisinê sakiŋwaga me. Aê jasôm ŋagêbôcŋageŋ gebe Aê gajam sakiŋ Kilisi kêlêlêc êsêac su. Aê gajam koleŋ kêlêlêc êsêac. Aê gêŋgôŋ kapoacwalô kêtu dim taêsam, si aê kêlêlêc e kêdabiŋ gebe jamac êndu.  
\v 24 Judawaga si aê kêtu dim lemeŋ teŋ kakôc sêm 39 kêtômgeŋ.  
\v 25 Si aê ŋa sêm kêtu dim têlêac kêtiam, ma gêdêŋ ŋasawa teŋ gadam kapoac gwêc geleŋŋa samuc teŋ ma gêbêcauc samuc teŋ.  
\v 26 Aê kasêlêŋ gajac laoc gamêŋ todim-todim, galom bu secsec, ma kêjaŋgowaga to aê tauc ŋoc lau ma lau samuc dêdib aê ŋawaô sebe sênac aê êndu. Aê gêŋgôŋ malac to gamoa gamêŋ sawa ma kapoac gwêc to gaŋgôŋ gawiŋ lasitêwai dansaŋ ma gamoa jageo ŋanô.  
\v 27 Aê gajam koleŋ e tekoc gêbac ma gêbêc taêsam gaêc bêc atom. Mo to bu gêjô aê ma kêpô lêna tauc gêŋ taniŋŋa samucgeŋ ma malo gêjam aê ma ŋoc ŋakwê masi.  
\v 28 Aê gabe jasa biŋ ŋagêdô sa êwiŋ atom, tageŋ tonec gebe kêtôm bêcgeŋ kêpô sim tauc kêtu gôlôac dabuŋ samobŋa, tec kêkôniŋ aê tôŋ ŋanôgeŋ.  
\v 29 Ŋac teŋ embe êtu palê, go aê jatu paŋ atom me. Sec ŋalip embe ênac ŋac teŋ, go aê têtac ŋandaŋ êsa atom me.   
\p
\v 30 Lau embe sêkac aê gebe jalanem tauc, go jalanem tauc êtu ŋoc palêpalêŋageŋ.  
\v 31 Apômtau Jesu Tama Anôtô, taŋ aêac têlanem eŋ endeŋ tôŋgeŋ naŋ, tec kêjala gebe kasau atom.  
\v 32 Gêdêŋ taŋ aê gamoa Damasku naŋ, kiŋ Areta nê gôliŋwaga kêsôm gebe sêlai Damasku ŋakatam auc sebe sêkôc aê tôŋ.  
\v 33 Mago sêkêŋ aê kasêp sêm, taŋ sêwa kêtôm talu teŋ naŋ, ma sêlêwaŋ aê kasa katam sauŋ teŋ kasêp tuŋbôm ŋamagêŋa gamêŋ, tec gaêc êsêac lemeŋ su.   
\c 12  
\s1 Paulu katu kaiŋ teŋ kêsa to Anôtô geoc biŋ lasê gêdêŋ eŋ ŋamiŋ  
\p
\v 1 Biŋ tonec gêc awê gebe lanem tau ŋanô masi. Mago talanem tauŋmaŋ. Galoc jawa biŋ katuc kaiŋ teŋ kêsa to Apômtau geoc biŋ lasê gêdêŋ aêŋa sa.  
\v 2 Aê kajala ŋac teŋ Kilisi gêbiŋ eŋ tôŋ ma kêsuŋ eŋ sa kêpi undambê ŋadeŋ kêtu têlêacŋa naŋ gêja. Biŋ tonaŋ kêsa ŋajala 14 su. Ŋac tau toôligeŋ gêja me gêwi ôli siŋ, aê kajala atom. Anôtô tec gêlic.  
\v 3-4 Aê kajala gebe Anôtô kêsuŋ ŋac tau tonaŋ sa kêpi paradis. Ŋac tau toôligeŋ gêja me gêwi ôli siŋ, aê kajala atom. Anôtô tec gêlic. Aŋga ônê eŋ gêŋô biŋ, taŋ ŋamalac aweŋ sêsôm têtôm atom to sêjac jao gebe sêsôm atom naŋ.  
\v 5 Aê gabe jalanem ŋac tonaŋ, gabe jalanem tauc atom. Embe jalanem tauc, oc jalanem tauc êtu ŋoc palêpalêŋa.  
\v 6 Aê embe taêc ênam gebe jalanem tauc, oc jaŋgôm tauc jatu meloc atom, oc jasôm biŋŋanôgeŋ. Mago aê gabe janam tauc tôŋ gebe ŋac teŋ êlic aê ŋajam êlêlêc su atom. Gêŋ taŋ eŋ gêlic aê gagôm to biŋ, taŋ eŋ gêŋô aê kasôm naŋgeŋ êwaka aê sa.   
\p
\v 7 Anôtô geoc biŋ kaiŋ teŋ ŋanô lasê gêdêŋ aê, mago eŋ gebe aê jatoc tauc sa atom, tec kêkêŋ gêmac toŋandaŋ kaiŋ teŋ gêdêŋ aê, aê galic gêmac tau kêtôm Sadaŋnê aŋela teŋ, taŋ kêtuc aê gebe jatoc tauc sa atom.  
\v 8 Aê kateŋ Apômtau kêtu dim têlêac kêtu gêmac tauŋa gebe êkôc su aŋga aê.  
\v 9 Mago eŋ kêsôm gêdêŋ aê gebe “Aôm kôtap ŋoc moasiŋ sêŋac, tec kôpô lêna gêŋ teŋ kêtiam atom, gebe ŋoc ŋaclai ênac dabiŋ tau aŋga lau palê-palê nêŋ.” Amboac tonaŋ aê jalanem tauc ŋoc palê-palêŋa janac ŋawaegeŋ gebe Kilisinê ŋaclai êkwa aê auc.  
\v 10 Amboac tonaŋ oc jalic ŋajam gebe jamoa topalê-palêgeŋ ma lau sêŋgôm aê sec to japô lêna tauc ma sêjanda aê to jaŋgôŋ naeo êtu Kilisiŋa. Êndêŋ taŋ jamoa topalê-palêgeŋ naŋ, jamoa toŋaclaigeŋ.   
\s1 Paulu kêpô sim tau kêtu lau Korintiŋa  
\p
\v 11 Aê katu ŋac meloc sugac. Amac akac aê tec katu gêŋ meloc. Kôm awaka aê saŋa gêjac amac ŋawaegac. Aê ŋac ŋaôma, mago aposolo towae tonaŋ ŋai sêlêlêc aê su atom.  
\v 12 Aê gamoa gawiŋ amac ma gaôc gêŋwapac totêtac kêpa sugeŋ e gagôm gêŋsêga, taŋ kêwaka aposolo sa naŋ. Aê gagôm gêŋsêga to gêŋtalô ma gêŋ toŋaclai.  
\v 13 Gôlôac dabuŋ ŋagêdô têtap gêŋ ondoc sa, taŋ amac atap sa atom. Gêŋ tageŋ tonec tec atap sa atom gebe aê tauc kalênsôŋ amac ma kateŋ gêŋ teŋ aŋga amacnêm atom. Asuc ŋoc geo tonaŋ ôkwimaŋ.   
\p
\v 14 Galoc kamasaŋ tauc gebe jandêŋ amac jawac êtu dim têlêacŋa. Ma aê gabe jakôc gêŋ teŋ aŋga amacnêm atom. Aê gabe jatap amacnêm gêŋ sa atom, aê gabe jatap amac taôm sa. Ŋapalê sênac awa sa êtu teneŋi to tameŋiŋa atom, teneŋi to tameŋi sênac sa êtu ŋapalêŋa.  
\v 15 Aê têtac gêwiŋ ŋanô gebe jakêŋ ŋoc gêŋ samob to jaim tauc su êtu janam amac saŋa. Ma aê embe têtac êwiŋ amac êlêlêc su, go amacnêm ŋagêjô tonec gebe têmtac êwiŋ aê ŋagecgeŋ me.   
\p
\v 16 Biŋ tau tonec gêc awê, aê kateŋ gêŋ e kakêŋ wapac amac atom. Tageŋ lau ŋagêdô sêsôm gebe oc gagôm gêŋlêlôm amac ma kasau amac e gajam amac ôkwi.  
\v 17 Amboac ondoc. Aê kasakiŋ lau dêdêŋ amac sêwac naŋ kasakiŋ nêŋ teŋ gebe êwê amac aucŋa me.  
\v 18 Aê kateŋ Titi gebe êwac ma kasakiŋ lasiŋi teŋ gebe êwiŋ eŋ. Tec Titi oc gêwê amac auc me. Aêagêc asa ma lêŋ toma ŋalêlôm tageŋ atom me. Aêagêc apuc ŋac tageŋ waŋa atom me.   
\p
\v 19 Amac abe aêac awa tauŋ sa êndêŋ amac endeŋ tôŋgeŋ me. Masigoc. Kilisi gêbiŋ aêac tôŋ ma aêac asôm biŋ akô Anôtô laŋônêm. O lauace, geŋ samob tonaŋ aêac agôm gebe amboa amac saŋa.  
\v 20 Aê gaê go tauc gebe moae êndêŋ taŋ wacjaô lasê amac naŋ, jatap amac sa atôm aê taêc gêjamŋa nec atom. Ma moae amac atap aê sa jatôm amac taêm gêjamŋa naŋ, atom amboac tonaŋgeŋ. Aê katêc gebe moae jatap kisa to biŋ lêmuŋŋa ma têntac ŋandaŋ, biŋ saic-saic to biŋ gêga ma biŋkalom, atoc taôm sa ma lêŋ wauc-waucgeŋŋa sa.  
\v 21 Aê gaê go tauc gebe aê embe jandêŋ amac jawac êtiam, go ŋoc Anôtô oc moae êkôniŋ aê ma amac alic, ma jataŋ api taêsam, taŋ sêgôm sec wanêcgeŋ su, mago sêjam tauŋ ôkwi aŋga gêŋ môp to mockaiŋŋa ma mateŋ daŋgucŋa, taŋ sêgôm naŋ atom.   
\c 13  
\s1 Paulu gêlêŋ biŋ lau kêtu ŋamu ma gêjac mata nê papia  
\p
\v 1 Galoc gabe jandêŋ amac jawac êtu dim têlêacŋa. “Ŋac luagêc me têlêac sêwa biŋ teŋ sa acgom, go ŋanô êsa.”  
\v 2 Gêdêŋ taŋ gamoa gawiŋ amac kêtu dim luagêcŋa naŋ, kasôm biŋ gêdêŋ lau, taŋ gêmuŋgeŋ sêgôm sec to gêdêŋ lau ŋagêdô samob gebe Embe jawac êtiam, oc taêc walô amac atom. Galoc gamoa jaêc amac, tec jasôm biŋ tonaŋgeŋ êtiam.  
\v 3 Amac abe Kilisi êwa tau sa ŋanôgeŋ gebe aê gajam eŋ awa. Eŋ gêmoa gêwiŋ amac amboac ŋac palê-palê atom, gêmoa gêwiŋ amac toŋaclaigeŋ.  
\v 4 Biŋŋanô, eŋ ŋac palê-palê, tec sêjac eŋ kêpi kakesotau. Mago Anôtônê ŋaclai kêkêŋ eŋ gêmoa mata jali. Eŋ gêbiŋ aêac tôŋ awê kaiŋ ênê palê-palê, mago Anôtônê ŋaclai êkêŋ aêac amoa mateŋ jali awiŋ eŋ gebe anam amac sa.   
\p
\v 5 Ansaê taôm acgom. Amac akêŋ gêwiŋ ŋanô me masi. Taêm ênam taômmaŋ. Amac ajala gebe Kilisi Jesu gêmoa gêwiŋ amac me masi. Embe ajala atom, go atap saê ŋanô sa atom.  
\v 6 Aê taêc kêka gebe amac ajala aêac gebe atap saê ŋanô sagac.  
\v 7 Aêac ateŋ Anôtô gebe amac aŋgôm sec teŋ atom. Aêac ateŋ biŋ tonaŋ kêtu awaka tauŋ sa êndêŋ amac alic gebe aêac lau ŋaŋêŋ nec atom, ateŋ gebe amac aŋgôm gêŋ ŋajamgeŋ. Embe alic aêac amboac lau, taŋ têtap saê ŋanô sa atom naŋ, oc êtôm, mago oc êlênsôŋ aêac atom.  
\v 8 Aêac tec atôm gebe akôniŋ biŋŋanô tôŋ atom, aêac atoc biŋŋanô sageŋ.  
\v 9 Embe aêac lau palê-palê ma amac lau ŋajaŋa, oc aêac alic totêntac ŋajamgeŋ. Aêac ateŋ ma mec kêtu biŋ tau tonecŋa gebe Anôtô êkêŋ amac atu lau ŋajaŋa samucgeŋ.  
\v 10 Aê gamoa jaêc ma kato biŋ tonec kêtu ŋam tonecŋa gebe êndêŋ taŋ jaô lasê amac naŋ, jansaic biŋ amac atom. Apômtau kêkêŋ ŋaclai tau gêdêŋ aê, mago kêkêŋ kêtu enseŋ amac suŋa atom, kêkêŋ kêtu êmboa amac saŋageŋ.   
\p
\v 11 O lasitêwaac, aŋgôŋ ŋajamôŋ. Anac dabiŋ taôm ŋapep. Alêŋ biŋ taôm. Nêm ŋalêlôm êpi tageŋ ma amoa tobiŋmalôgeŋ. Ma Anôtô, taŋ kêtu têntac gêwiŋ to biŋmalô ŋamôkê naŋ, wacêwiŋ amac.   
\p
\v 12 Aê moalêc taôm to akôc taôm sa êtôm Anôtônê lau nêŋ mêtê. Anôtônê lau samob aweŋ gêjac amac.   
\p
\v 13 Apômtau Jesu Kilisi nê moasiŋ to Anôtônê têtac gêwiŋ ma Ŋalau Dabuŋ êmbiŋ amac tôŋ êwiŋ amac samob.