\id 2TH - Iyaa (YAK) NT en Yaka (Mars 2021)
\ide UTF-8
\h Mukaanda a Pawuli wa mioolo kwaa basi Tesalonika
\toc3 2Te
\toc2 2 Tesalonika
\toc1 Mukaanda a Pawuli wa mioolo kwaa basi Tesalonika
\mt2 Mukaanda a Pawuli wa mioolo
\mt1 basi Tesalonika
\imt Kotili a mukaanda
\ip Mukaanda wa mioolo wu li mu utsuu mu mandaa ma Pawuli akwitsuu mu mo mu mukaanda watsiomi. Bu taanga dili mu ubaalabuwanga, matsimi ma bangaa Kristo mali mu uviinzuu mundaa ti \em Pfumu Yiisu keni a ayiri avutuu pe\em*. Baata babamosi, ku ngaanda a Tesalonika, bali mu uleele ti, iluumbu kia Pfumu kiamaato (\xt 2.2\xt*). Bana bali mu ubisi usala (\xt 3.6-12\xt*). Bo bali mu umono ti a yabwafwaana pe mu usala mundaa ti, taanga hoolo dimaasaala na Pfumu sa ayiri avutuu.
\ip Ni mu buu, mu mukaanda wa mioolo wu, Pawuli li mu ubwayiluu ubiindili nziisili a nde. Imiini kia bangaa Kristo a ili mu umaasa pe bukulu ba baata. Kio a ili mu umaasa pe ka mapasi na munyongi. Iluumbu ki Yiisu akaayiri, ni nhaa bakaafuusu mamabi (\xt 1.5-9\xt*). Ka mu taanga di, mamabi mali mu usala mu tsweeyi (\xt 2.1-12\xt*). Pawuli li mu utsuu mu mo weti nde li mu utsuu mu muutu wu nde ali mu uta «Muutu wahele na Mikele». Muutu wuu ni tuu dili mu ukukuu miheebili mioosi mimibi. Uli na iloo kili mu ukoonoso tuu dii mu uyiluu umonuu. Mu taanga di tuu dii dikaamonuu weti bu dio dili mu ngwanya, sa bafuusu dio. Ka taanga dii keni a diato pe. Mono bwatoono uleele ndaa yi: \em Mu taanga di Yiisu akaayiri avutuu weti Pfumu a tsi\em*, yo yatoono uleele ti, baata sa bayaaba mamabi weti bu mo mali. Mu yii, mamabi a mubwaba na tuu so hoolo pe.
\ip Mukaanda wu li mu uloombo kwaa bangaa Kristo mu unyaala utsimi ti, bo bamaato ku manini. Taanga di bo bali mu ukebe, a diafwaana pe ukoonoso bo mu usa mandaa ma pasi iluumbu, na mu uyiluu mandaa ma bo bafwaana uyiluu nha tsi.
\ie
\c 1
\s Mabwee
\p
\v 1 Me Pawuli, Siila na Timoteo, dili mu usonuu mukaanda wu kwaa libuundu la ku ngaanda a Tesalonika. Lo lili libuundu la Nziaambi Taayi a bisi na Pfumu Yiisu Kristo: 
\v 2 Nyaala Nziaambi Taayi a bisi na Pfumu Yiisu Kristo baha beni bweese na iyeenge.
\s1 Pfuundisi yikaaba mu iluumbu kia nziriri a Kristo
\p
\v 3 Baana ba nguu, bisi diafwaana ubaavutulanga matoondo kwaa Nziaambi mu ndaa beni. Buli bwafwaana ti bisi diyiluu buu, mundaa ti imiini kia beni ili mu ukulu kwalaa, na litoono li beni boosi dili na lo, bana mu bana, lili mu ubaakulanga taanga dioosi. 
\v 4 Ni mu buu, bisi dili mu ubaabili beni mu kinyi, nha kulu a mabuundu ma Nziaambi. Mundaa ti beni dili mu usa mukonono mu imiini, so bu beni dili mu umono kwaamisa na mapasi.
\p
\v 5 Kii ili iliimbi kili mu umweese ti pfuundisi a Nziaambi yili yasuungunu. Mundaa ti mandaa ma beni dili mu ukama mutimi mu mo, sa masa ti beni diba babafwaana mu ukoto mu Ipfumu kia Nziaambi, ki beni dili mu umono pasi mu kio. 
\v 6 Mu ngwanya, Nziaambi li asuungunu: Nde sa avutulu mapasi mu mapasi kwaa babali mu umweese beni pasi. 
\v 7 Na nde sa aha puumini, kwaa beni ba dili mu umono pasi, na kwaa bisi ka. Mii sa miyilimi mu taanga di Pfumu Yiisu akaamonuu ku yula na batumu ba lituu. 
\v 8 Nde sa ayiri kutso mbaa yinene yili mu ululuu, mu usieembe babali mu ubisi uyaaba Nziaambi, na babali mu ubisi usiingi Ndaa Yimbwe ya Pfumu a bisi Yiisu. 
\v 9 Tsieembili a bo sa yiba pfuuyili ya bilimi na bilimi. Bo sa baba la na kiinzi kia Pfumu, na lituu la buzitu ba nde. 
\v 10 Maa sa mayilimi weti buu, mu iluumbu ki nde akaayiri, mu uholo mbilili na likiinzi kwaa boosi babali baba nde, na babasa imiini mu nde. Beni sa diba beni bame mu kaba la bo, mundaa ti beni diasi imiini mu Mandaa ma bisi diayaabisi beni.
\p
\v 11 Ni mu buu, bisi dili mu ubaakuundanga taanga dioosi mu beni. Bisi dili mu uloombo kwaa Nziaambi a bisi, paa asa ti beni diba babafwaana mu idiingi ki nde ati beni mbili. Bisi dili mu uloombo kwaa nde ti, mu lituu la nde, abaasila beni mu ukuusu manzala ma beni ma uyiluu mamabwe, na asa ti imiini kia beni imonuu mu bisala. 
\v 12 Mu yii, kuumbu a Pfumu a bisi Yiisu sa yiholo mbilili mu beni, na beni sa diholo mbilili kwaa nde. Ni buu bukaaba bweese ba Nziaambi a bisi na ba Pfumu Yiisu Kristo.
\c 2
\s Mandaa makaakwayilimi tswaamina nziriri a Pfumu
\p
\v 1 Baana ba nguu! Mu yatala nziriri a Pfumu a bisi Yiisu Kristo, na mvuutini a bisi nha peembi a nde, bisi diloombi beni ndaa yi: 
\v 2 a dinyaala pe ti matsimi ma beni maviinzuu mu mawasa, so uba na boomo mbiiti muutu leeli ti iluumbu kia Pfumu kiamaato. A di sa nde imiini pe, so baleeli ti yo yili mbilili, so mukeenzi, so mukaanda wumati kwaa bisi. 
\v 3 A dinyaala pe ti muutu so moosi afutu beni, so yaba ti a buni. Mundaa ti, iluumbu kii a ito pe tswaamina baata butemenene Nziaambi, na tswaamini a Muutu wahele na Mikele umonuu, ni muutu wubataasila ku pfuuyili. 
\v 4 Ni nde mutaata wukaatemenene bioosi bi baata bali mu ukuundu na bi baata bali mu umono ti bili bia Nziaambi. Nde sa atemenene bii bioosi, na nde sa akoto natee mu nzo a Nziaambi mu udiaala muu, na uleele ti nde makulu ni Nziaambi.
\p
\v 5 Beni a dili mu ulibili pe moonyi ti me naleeli beni buu, mu taanga di me nali keni kwaa beni? 
\v 6 Ka bunu beni diayaaba ti iloo imoosi ili mu ukaanga nde mu taanga di, paa ti nde amonuu ndila mu taanga di Nziaambi akesi. 
\v 7 Ka lituu la Muutu wahele na Mikele lamaakwabaanduu usala mu tsweeyi mu taanga di. Ka ndila ti, lo sa liyiluu usala mu taanga di muutu wuli keni akaanga lo, akaaha lo bunyanga. 
\v 8 Tumake, muutu me wuu sa amonuu, na Pfumu Yiisu sa adusu nde mu mupepe a munywa a nde, nde sa fuhuusu nde mu buzitu ba nziriri a nde. 
\v 9 Muutu me sa ayiri na lituu la Saatina, nde sa ayiluu bimaanga bia mupili na mupili, na biliimbi bia ukimuu bia pia. 
\v 10 Nde sa asalila bubi mu makuulu moosi, mu ufutu baata ba buyene ku pfuuyili a bo. Bo sa bafuu mundaa ti bo a bayaki pe na a batooni pe ngwanya yakeni uyobolo bo. 
\v 11 Ni mu buu, Nziaambi ali mu utsinduu bo lituu la ndiimbisi, lili mu utsindi bo mu usa imiini mu mandaa ma pia. 
\v 12 Mu yii, baata boosi babuhele usa imiini mu ngwanya, ka babumono kinyi mu mamabi, sa basieembe bo.
\s1 Beni badisiooli mu ndaa liyobolo
\p
\v 13 Ka baana ba nguu, mu yatala bisi, bisi diafwaana ubaavutulaanga matoondo kwaa Nziaambi taanga dioosi mu beni, beni ba Pfumu atoono. Mundaa ti Nziaambi asiooli beni, beni ba tsiomi, paa ti beni diholo liyobolo mu libaasila la mu Muheebili wa ngira, wuli mu uha beni idiingi kia ngira, na mu libaasila la imiini kia beni mu ngwanya. 
\v 14 Nziaambi ati beni mbila mu ndaa yii, mukuulu a Ndaa Yimbwe yi bisi diayaabisi kwaa beni. Nde atoono ti beni dibaa ikuku mu buzitu ba Pfumu a bisi Yiisu Kristo. 
\v 15 Ni mu buu, baana ba nguu, diba bahama na dikebe nziisili yi bisi diahi beni, so yaba ya mu mandaa ma munywa, so ya mu mikaanda.
\p
\v 16 Nyaala Pfumu a bisi Yiisu Kristo nde makulu, na Nziaambi Taayi a bisi, watoono bisi, na waheeri bisi mu bweese ba nde, mboondili ya bilimi na bilimi na ilimbisi ki ibwe, 
\v 17 baluusu mitimi mia beni mu pamini, na baha beni mifuri mu usalila mamabwe, mu biyiluu na mu mandaa ma munywa.
\c 3
\s1 Dikuundu mu bisi
\p
\v 1 Baana ba nguu, nha tsieelele, dikuundu mu bisi, paa ti mandaa ma Pfumu matsaamuu mu mawasa na bakiinzi mo, weti bu mayilimi nha kati a beni. 
\v 2 Dikuundu ka Nziaambi paa nde akuulu bisi nha mioo mia baata bababi na bangaa ibaala. Mundaa ti, a baata boosi pe bali mu usiingi usa imiini. 
\v 3 Ka Pfumu li anambita mu mandaa ma nde. Nde sa aha beni mifuri na sa akala beni kwaa Wumubi. 
\v 4 Na Pfumu li mu uha bisi ilimbisi mu beni: bisi diayaaba ti, beni dili mu uyiluu, na beni sa dihama mu uyiluu, mi bisi dili mu utumu beni. 
\v 5 Nyaala Pfumu abiti mitimi mia beni mu utoono Nziaambi, na mu kamini a mutimi yi Kristo ali mu uha.
\s1 Ndutu a isala
\p
\v 6 Baana ba nguu, bisi diloombi kwaa beni mu kuumbu a Pfumu a bisi Yiisu Kristo: ditakuu na baana ba nguu babali na bubolo, na babali mu uhele uduku nziisili yi bisi diahi bo. 
\v 7 Beni diayaaba beni bame, buni beni diafwaana uduku ndiaatili a bisi. Mundaa ti, bisi a diadiaati pe kutso bubolo nha kati a beni. 
\v 8 Bisi a dialoombi pe kwaa muutu mu ubuungulu bisi kwa ibuu. Ka kutso mapasi na ndeeyili, bisi diasiali butsuu na nyanga, paa dinyaala uba mufunu kwaa muutu so mosi mu beni. 
\v 9 Bisi diayilii buu, a mundaa pe ti bisi a diali na muswa pe wa uyaka libaasila la beni, ka mundaa ti bisi diatooni uha beni ifwaani ki beni diduku. 
\v 10 Mu ngwanya, mu taanga di bisi diali kwaa beni, bisi diaduti beni matswi ti: «Pasi wahele utoono usala, afwaana ka unyaala udia.»
\p
\v 11 Ka, bisi dili mu uyuu ti, babamosi mu beni, bali mu usa bubolo, kwahele usa isala, so a ndila mu ukoto mu mandaa matala bakimi pe. 
\v 12 Kwaa baata baa, bisi dili mu uloombo kwaa bo, na bisi dili mu utumu bo miinami mu kuumbu a Pfumu Yiisu Kristo: Bo bafwaana usala mu iyeenge taanga dioosi, mu ubaa bia udia bia bo makulu. 
\v 13 Ka kwaa beni, baana ba nguu, a dikoono pe mu uyiluu mamabwe.
\p
\v 14 So muutu heli utumumu nziisili yi bisi dili mu uha mu mukaanda wu, ditungululu nde, na a dibwaba pe itwaari na nde, paa nde amono tsionyi. 
\v 15 Ka a diholo nde weti mutata a beni pe, ka diha nde mandoongi weti mwaana a nguu a beni.
\s1 Lisieme na mabwee
\p
\v 16 Nyaala Pfumu, idia kia iyeenge, nde makulu abaahaanganga beni iyeenge taanga dioosi na mu mandaa moosi. Nyaala Pfumu aba na beni boosi. 
\v 17 Mu koo kia me makulu me ndi mu usonuu mandaa ma: Mabwee ma Pawuli. Mono bu me nibaanyeme mikaanda mia me mioosi. Ni buu me nibaasonuu. 
\v 18 Nyaala bweese ba Pfumu a bisi Yiisu Kristo baba na beni boosi.