\id REV - Ixil, Nebaj NT (ixi) -Guatemala 2010 (DBL -2013) 
\h APOCALIPSIS 
\toc1 U uꞌuj uvaꞌ Apocalipsis uvaꞌ tzꞌibꞌamal kan taꞌn u Xhun 
\toc2 Apocalipsis 
\toc3 Ap 
\mt2 U uꞌuj uvaꞌ  
\mt1 Apocalipsis  
\mt2 uvaꞌ tzꞌibꞌamal kan taꞌn u Xhun  
\c 1  
\s1 Ni tal u Xhun isuuchil unqꞌa yol uvaꞌ kat kꞌuchpu ste  
\p
\v 1 Aꞌ unqꞌa yoleꞌ uvaꞌ tuk uchoj veꞌteꞌ uvaꞌ kat tal u Tiixheꞌ te u Jesucristoeꞌ. As kat ichaj tzan u Jesucristo umaꞌl u ángel tiꞌ talat isuuchil unqꞌa yoleꞌ sve, in uvaꞌ in Xhun, in ikꞌam u Jesús, tiꞌ uvaꞌ la qootzi veꞌt isuuchil u yoleꞌ, jankꞌal oꞌ uvaꞌ oꞌ niman tetz Aak.   
\m
\v 2 As ni val sete uvaꞌ jikla yol chiteꞌ, tan aꞌ u Tiixheꞌ kat alon. As aꞌ unqꞌa yoleꞌ uvaꞌ kat alpu te u Jesucristo. As kat tal Aak sve.   
\m
\v 3 Achvebꞌal chit u uxhchileꞌ uveꞌ la sikꞌlen unqꞌa yoleꞌ tukꞌ u uxhchileꞌ uveꞌ la abꞌin u yoleꞌ. As la inima kam uvaꞌ nuntzꞌibꞌa kan, tan il u qꞌiieꞌ najli veꞌteꞌ.   
\s1 Niyolon bꞌen u Xhun te unqꞌa niman tetz u Jesús tu vujvaꞌl unqꞌa tenam  
\p
\v 4 Ineꞌ in Xhun nitzꞌibꞌan bꞌen u uꞌujeꞌ sete, jankꞌal ex uvaꞌ ni niman u Jesúseꞌ tu vujvaꞌl unqꞌa tenameꞌ tu u Asia. As u Tiixheꞌ uvaꞌ at chittuꞌ, as Aakeꞌ uveꞌ at cheel, as Aakeꞌ uveꞌ tuk uloj veꞌteꞌ, as Aakeꞌ la aqꞌon vibꞌaꞌnileꞌ setiꞌaj, aqꞌal uvaꞌ bꞌaꞌn etatin sevatzaj. As echat vujvaꞌt unqꞌa espíritu uvaꞌ atoꞌk vatz u nimla xonlebꞌaleꞌ uvaꞌ at tu almikaꞌ.   
\m
\v 5 As u Jesucristo u jikla alol tetz isuuchil unqꞌa yoleꞌ. As taꞌn Aakeꞌ uvaꞌ kat ul taama. As yeꞌl Aak la kam veꞌteꞌ. As Aak veꞌteꞌ bꞌooqꞌol tiꞌ unqꞌa ijlenaaleꞌ uveꞌ at vatz u txꞌavaꞌeꞌ.  
\q1 As qoksataj iqꞌii u Jesús, tan xoꞌn veꞌt oꞌ te Aak.  
\q1 As tul kat el vikajal Aakeꞌ sqiꞌ vatz u kuruseꞌ, as kat iqꞌalpu veꞌt oꞌ Aak vatz u kupaaveꞌ.   
\q1
\v 6 As at veꞌt qijleꞌm taꞌn Aak tiꞌ qilat isuuchil unqꞌa tenameꞌ as tiꞌ kunachat u Tiixheꞌ stiꞌ.  
\q1 Estiꞌeꞌ qoksataj iqꞌii u Jesucristo, tan at iyakꞌil Aak tiꞌ unqꞌa veeꞌ skajayil tiꞌ chit ibꞌeneꞌ. An chiteꞌ.   
\q1
\v 7 As tul veꞌt u Cristo viꞌ u suutzꞌeꞌ. As kajayil chit unqꞌa tenameꞌ la ilon veꞌt tul Aak.  
\q1 As antu veꞌt unqꞌa tenameꞌ la ilon tul Aak uvaꞌ kat toqꞌon u txala tuul Aakeꞌ.  
\q1 As la txumun veꞌt unqꞌa tenameꞌ skajayil vatz u txꞌavaꞌeꞌ tiꞌ Aak.  
\q1 Ech chit la ibꞌaneꞌ. An chiteꞌ.   
\p
\v 8 As ech ni tal u Kubꞌaal Tiixh ileꞌ: «Ineꞌ vixeꞌtebꞌaleꞌ; as ineꞌ vimoxtebꞌaleꞌ,» tiꞌk Aak, tan Aakeꞌ uveꞌ atik chittuꞌ; as Aakeꞌ uveꞌ at cheel; as Aakeꞌ uveꞌ tuk uloj veꞌteꞌ, tan Aakeꞌ uvaꞌ nim talcheꞌ tiꞌ unqꞌa veeꞌ skajayil.   
\s1 Niyolon u Xhun tiꞌ uvaꞌ kam kat ikꞌuch u Jesús tivatz uvaꞌ echeꞌ vatzikꞌ  
\p
\v 9 Ineꞌ in Xhun, uvaꞌ qitzꞌin qatzik qibꞌ kꞌatz u Jesús. As eela taqꞌat Aak qokebꞌal xoꞌl u tenameꞌ uvaꞌ at jaqꞌ u tijleꞌm u Tiixheꞌ; as eela kupalebꞌet unqꞌa kꞌaxkꞌoeꞌ setukꞌ; as eela kukuyataꞌ, tan tiꞌ uvaꞌ at veꞌt ok oꞌ kꞌatz u Jesucristo setukꞌ. As tul atik in tu umaꞌl u tal txꞌavaꞌ viꞌ u mar uvaꞌ Patmos, tiꞌ kuxh uvaꞌ nimamal veꞌt viyol u Kubꞌaal Tiixheꞌ svaꞌn as tiꞌ valat isuuchil u yoleꞌ tiꞌ u Kubꞌaal Jesucristoeꞌ.   
\m
\v 10 As tul bꞌex ilej veꞌt u qꞌiieꞌ uvaꞌ tetz u Kubꞌaaleꞌ, as kat ul kꞌuchpoj veꞌt sve taꞌn u Tiixhla Espíritu. As kat vabꞌi umaꞌl u yol uvaꞌ xoꞌvebꞌal chittuꞌ uvaꞌ echeꞌ toqꞌsal umaj trompeta.   
\m
\v 11 As ech tal ileꞌ sve: —Ineꞌ u xeꞌtebꞌaleꞌ; as ineꞌ vimoxtebꞌaleꞌ. As latzꞌibꞌa tu umaj uꞌuj kam uveꞌ tuk eeleꞌ. As la aaqꞌ bꞌen te unqꞌa niman vetzeꞌ uvaꞌ at tu vujvaꞌl unqꞌa tenameꞌ uveꞌ tu u Asia: tu u Éfeso, tu u Esmirna, tu u Pérgamo, tu u Tiatira, tu u Sardis, tu u Filadelfia, as tu u Laodicea,— tiꞌk Aak sve.   
\p
\v 12 As tul kat unsuchqꞌi veꞌt vibꞌ tiꞌ vilataꞌ uvaꞌ abꞌil uveꞌ nik iyolon sve, as kat vil veꞌt vujvaꞌl unqꞌa tatinbꞌal kanteela uvaꞌ bꞌaꞌnla qꞌan chꞌichꞌ chittuꞌ.   
\m
\v 13 As kat vil umaꞌl u uxhchil uvaꞌ txaklik veꞌt ok xoꞌl vujvaꞌl unqꞌa tatinbꞌal u kanteelaeꞌ. As ech tiloneꞌ echeꞌ \sc VIKꞌAOL U NAJEꞌ\sc*.\f + \fr 1.13 \ft As tul tal u Jesúseꞌ u yoleꞌ uvaꞌ \ft \+sc VIKꞌAOL U NAJEꞌ\+sc*, as aꞌ uvaꞌ tal Aak uvaꞌ itzꞌibꞌa kan u \xt Daniel 7.13-14\ft : Kat unvatzkꞌa umaꞌl u vatzikꞌ aqꞌbꞌal as kat vil ikuꞌ chꞌuꞌl umaꞌl u naj tu u suutzꞌ tu almikaꞌ. As kat ul veꞌt kꞌatz umaꞌl u qꞌesla naj. As kat aqꞌax ok vatz u qꞌesla najeꞌ. As kat aqꞌpu veꞌt tijleꞌm tiꞌ unqꞌa tenameꞌ tiꞌ unqꞌa yolbꞌaleꞌ skajayil, as ni toksal veꞌt iqꞌii. As yeꞌl veꞌt iyaꞌtebꞌal u tijleꞌmeꞌ la ibꞌaneꞌ, as yeꞌxhebꞌil la olebꞌ stiꞌ.\f* As atik ok umaꞌl u oksaꞌm staꞌn uvaꞌ oonnaj chit txaꞌ toj. As atik ok umaꞌl u jepkin kꞌalbꞌal tziꞌ taama uvaꞌ bꞌaꞌnla qꞌan chꞌichꞌ chittuꞌ.   
\m
\v 14 As vaꞌlik chit ipolal u xiꞌl iviꞌeꞌ echeꞌ ipolal u chinameꞌ as echeꞌ u txuncheꞌveꞌ. As ech tilon u bꞌaqꞌ ivatzeꞌ echeꞌ taqꞌ xamal.   
\m
\v 15 As ech ilitzꞌloꞌlan u tojeꞌ echeꞌ umaj chꞌichꞌ uvaꞌ aꞌn ni tel chꞌuꞌl tu xamal. As ech u tuul iviꞌeꞌ echeꞌ ivulun unqꞌa nimla aꞌeꞌ uveꞌ xoꞌvebꞌal chit ivuluneꞌ.   
\m
\v 16 Atik ok vujvaꞌl unqꞌa txꞌumileꞌ tisebꞌal iqꞌabꞌ. As nik tel chꞌuꞌl umaꞌl u jutzꞌ viꞌ chꞌichꞌ titziꞌ uvaꞌ kaꞌvaꞌl tee. As ech vivatzeꞌ echeꞌ u qꞌiieꞌ uvaꞌ vaꞌl chit ikꞌachoneꞌ.   
\p
\v 17 As tul vila, as pumel unbꞌen veꞌt tu txꞌavaꞌ xeꞌ toj. As ech veꞌt ineꞌ echeꞌ umaj kamnaj kat ibꞌana. As taqꞌ veꞌt jeꞌ Aak u sebꞌal iqꞌabꞌeꞌ sviꞌ. As ech tal veꞌt Aak ileꞌ sve: —Yeꞌ xoꞌv axh, tan ineꞌ vixeꞌtebꞌaleꞌ; as ineꞌ viyaꞌtebꞌaleꞌ.   
\m
\v 18 As isleꞌl in. As ineꞌ uvaꞌ kat kam in. As isleꞌl veꞌt in tiꞌ chit ibꞌeneꞌ. As at vijleꞌm tiꞌ u kamchileꞌ as tiꞌ unbꞌanat isuuchil unqꞌa uxhchileꞌ uvaꞌ echen tu u atinbꞌaleꞌ uvaꞌ atkat unqꞌa kamnajeꞌ skajayil.   
\m
\v 19 Estiꞌeꞌ la val see, tzꞌibꞌa unqꞌa veeꞌ kat eela, tukꞌ unqꞌa veeꞌ ni tuch cheel, as tukꞌ unqꞌa veeꞌ tuk uchoj xamtel.   
\m
\v 20 As tuk val isuuchil vujvaꞌl u txꞌumileꞌ uveꞌ kat eel tu sebꞌal unqꞌabꞌeꞌ, tukꞌ vujvaꞌt u tatinbꞌal u kanteelaeꞌ uvaꞌ bꞌaꞌnla qꞌan chꞌichꞌ chittuꞌ uvaꞌ at in sxoꞌl. As u vujvaꞌl u txꞌumileꞌ as aꞌ isuuchileꞌ u vujvaꞌl alol tetz vunyoleꞌ xoꞌl unqꞌa niman vetzeꞌ tu vujvaꞌl unqꞌa tenameꞌ. As vujvaꞌt u tatinbꞌal u kanteelaeꞌ as aꞌeꞌ unqꞌa niman vetzeꞌ uvaꞌ nimol tibꞌ tu vujvaꞌl unqꞌa tenameꞌ.   
\c 2  
\s1 Unqꞌa yol uvaꞌ ni talax te unqꞌa niman tetz u Jesúseꞌ tu u tenameꞌ uvaꞌ Éfeso  
\p
\v 1 As aꞌ unqꞌa yol ilaꞌ uvaꞌ la tzꞌibꞌa bꞌen te u ángel uvaꞌ at xoꞌl unqꞌa niman vetzeꞌ tu u Éfeso. As ech la aal ileꞌ:  
\p «U Jesús uvaꞌ at vujvaꞌl unqꞌa txꞌumileꞌ tisebꞌal iqꞌabꞌ, as nixaan Aak xoꞌl vujvaꞌt unqꞌa tatinbꞌal kanteelaeꞌ uvaꞌ bꞌaꞌnla qꞌan chꞌichꞌ chittuꞌ. As ech ni tal Aak ileꞌ see:   
\m
\v 2 –Ootzimaleꞌ svaꞌn kam uveꞌ nebꞌaneꞌ, tan tii u aqꞌoneꞌ uvaꞌ nebꞌaneꞌ. As nekuy unqꞌa kꞌaxkꞌoeꞌ uvaꞌ nepalebꞌe. As yeꞌ nekuy unqꞌa bꞌanol txꞌiꞌla aamaileꞌ. As tul kat oon unqꞌa chulin yoleꞌ sexoꞌl uvaꞌ ni toksa tibꞌ apóstol, as kat etil vitxumbꞌal chajnajeꞌ sbꞌaꞌn as kat bꞌen sete uvaꞌ chulin yol kuxh chajnaj.   
\m
\v 3 As kam kuxh kꞌaxkꞌo napalebꞌe tiꞌ vunbꞌiieꞌ, as yeꞌ nayaꞌsa akꞌujbꞌaꞌt akꞌuꞌl sviꞌ. As yeꞌl axh nikaꞌkabꞌin aama.   
\m
\v 4 As at umaꞌl vunyol la val see, tan yeꞌ naxoꞌni veꞌt in cheel echeꞌ uvaꞌ nikat abꞌan bꞌaxa.   
\m
\v 5 As oolsa sakꞌuꞌl uvaꞌ kam nik abꞌan bꞌaxa, tul nik ooksa aama sviꞌ. As jalpu vatxumbꞌaleꞌ. As bꞌan vatxumbꞌaleꞌ unpajte echeꞌ uveꞌ nik abꞌan bꞌaxa, tan asoj yeꞌ la ajalpu vatxumbꞌaleꞌ, as la ul veꞌt in seeꞌ. As la veesa veꞌt u tatinbꞌal kanteelaeꞌ uvaꞌ atkat axh.   
\m
\v 6 Pet at umaꞌt vatxumbꞌal nabꞌaneꞌ uvaꞌ bꞌaꞌn sve, tan neexva veꞌt unqꞌa vaꞌlexhla txumbꞌaleꞌ uvaꞌ nibꞌan unqꞌa uxhchileꞌ uvaꞌ ni niman vitxumbꞌal unqꞌa nicolaítas. As echat in, tan ni vixva unqꞌa vaꞌlexhla txumbꞌaleꞌ uvaꞌ nibꞌan unqꞌa uxhchileꞌ,– tiꞌk Aak ni taleꞌ,» chaj axh te u alol tetz vunyoleꞌ xoꞌl unqꞌa niman vetzeꞌ tu u Éfeso.   
\p
\v 7 As la val sete, ex uvaꞌ ni niman in tulaj unqꞌa tenameꞌ skajayil. Tan abꞌiste ex uveꞌ nepal tu vunyoleꞌ, as etabꞌitaj uveꞌ ni tal u Tiixhla Espíritu sete. As jankꞌal ex uvaꞌ yeꞌ la eyaꞌsa enimat in kꞌuxh la epalebꞌe kꞌaxkꞌo, as la vaqꞌ veꞌt etokebꞌal tiꞌ etechbꞌut vivatz u tzeꞌeꞌ uvaꞌ la aqꞌon etiichajil uvaꞌ echen tu u bꞌaꞌnla atinbꞌaleꞌ uvaꞌ atkat u Tiixheꞌ.   
\s1 Unqꞌa yol uvaꞌ ni talax te unqꞌa niman tetz u Jesús tu u tenam uvaꞌ Esmirna  
\p
\v 8 As aꞌ unqꞌa yol ilaꞌ uvaꞌ latzꞌibꞌa bꞌen te u alol tetz vunyoleꞌ xoꞌl unqꞌa niman vetzeꞌ tu u Esmirna. As ech la aal ileꞌ:  
\p «U Jesús uvaꞌ ixeꞌtebꞌal qꞌiisaj as iyaꞌtebꞌal qꞌiisaj, kat kam Aak. As kat ul taama Aak unpajte. As ech ni tal Aak ileꞌ see:   
\m
\v 9 –Ootzimal svaꞌn kam uvaꞌ nabꞌaneꞌ, tan napalebꞌe unqꞌa kꞌaxkꞌoeꞌ. As kꞌuxh yeꞌl txꞌiibꞌal aqꞌii at vatz u txꞌavaꞌeꞌ. Pet nimal vatxꞌajaꞌmeꞌ at taꞌn u Tiixheꞌ. As ootzimal svaꞌn uvaꞌ niyol axh unqꞌa chulin yoleꞌ uvaꞌ ni toksa tibꞌ stiaal Israel, tan oꞌ itenam u Tiixheꞌ, taqꞌ unqꞌa chulin yoleꞌ ni taleꞌ. Pet aꞌ isuuchil uvaꞌ nichus chajnaj unqꞌa ichusbꞌal u Satanás tul nimol tibꞌ tu u atinbꞌaleꞌ tetz nachbꞌal Tiixh.   
\m
\v 10 Pet yeꞌ xoꞌv axh tiꞌ unqꞌa veeꞌ tuk apalebꞌe, tan at ex la bꞌen ex tu u kaarsa taꞌn u txꞌiꞌlanajeꞌ tiꞌ teesat ex kꞌatz u Tiixheꞌ uvaꞌ ni taleꞌ. As laval qꞌii la epalebꞌe kꞌaxkꞌo taꞌn u txꞌiꞌlanajeꞌ. Pet kꞌujbꞌaꞌ akꞌuꞌl sviꞌ techal la akamebꞌe. As la vaqꞌ veꞌt vatxꞌajaꞌmeꞌ texhlal tetz uvaꞌ kat txꞌakon axh. As aꞌeꞌ u tiichajileꞌ kꞌatz u Kubꞌaal Tiixheꞌ,– tiꞌk Aak,» chaj axh te u alol tetz vunyoleꞌ xoꞌl unqꞌa niman vetzeꞌ tu u Esmirna.   
\p
\v 11 As la val sete, ex uvaꞌ ni niman in tulaj unqꞌa tenameꞌ skajayil. Abꞌiste ex uveꞌ nepal tu vunyoleꞌ, as etabꞌitaj uveꞌ ni tal u Tiixhla Espíritu sete. As jankꞌal ex uvaꞌ yeꞌ la eyaꞌsa enimat in, kꞌuxh la epalebꞌe kꞌaxkꞌo, as yeꞌl veꞌt tokebꞌal u kaꞌv kamchileꞌ setiꞌ.   
\s1 Unqꞌa yol uvaꞌ ni talax te unqꞌa niman tetz u Jesús tu u tenam uvaꞌ Pérgamo  
\p
\v 12 As aꞌ unqꞌa yol ilaꞌ uvaꞌ latzꞌibꞌa bꞌen te u alol tetz vunyoleꞌ xoꞌl unqꞌa niman vetzeꞌ tu u Pérgamo. As ech la aal ileꞌ:  
\p «U Jesús uvaꞌ ni tel chꞌuꞌl u jutzꞌ viꞌ chꞌichꞌ titziꞌ, as ech ni tal Aak ileꞌ see:   
\m
\v 13 –Ootzimal svaꞌn katil uvaꞌ jejleꞌlkat axh, tan aꞌ echenkat axh tu u tenameꞌ uvaꞌ atkat vixonlebꞌal u Satanás. As kꞌuxh kat yatzꞌax u Antipas sexoꞌl uvaꞌ ayaꞌlik chit ikꞌuꞌl tiꞌ talat isuuchil u yoleꞌ sviꞌ xoꞌl unqꞌa uxhchileꞌ tzitziꞌ uvaꞌ jejleꞌlkat u Satanás, as yeꞌ nikaꞌkabꞌin aama, tan kꞌujleꞌl chit akꞌuꞌl sviꞌ.   
\m
\v 14 As at kaꞌl unqꞌa yol la val see, tan nu kuxh akuy unqꞌa uxhchileꞌ tzitziꞌ uvaꞌ eqꞌomal vitxumbꞌal u Balaam staꞌn, tan aꞌ u Balaam kat piton u Balac tiꞌ imajat ivatz unqꞌa tiaal Israel tiꞌ toksal iqꞌii u Tiixheꞌ. As kat ipit u Balac unqꞌa tiaal Israel tiꞌ ichiꞌat ichibꞌil unqꞌa txooeꞌ uveꞌ kat yatzꞌax vatz unqꞌa tzꞌaj tiixheꞌ as tiꞌ iyansat tibꞌ tukꞌ unqꞌa ixojeꞌ unpajte.   
\m
\v 15 As kuyel kuxh unjoltu unqꞌa uxhchileꞌ aꞌn uvaꞌ ni niman unqꞌa ichusbꞌal unqꞌa nicolaíta. As tul ixvamal veꞌteꞌ unqꞌa chusbꞌaleꞌ svaꞌn.   
\m
\v 16 Estiꞌeꞌ ni val see, kꞌaxa eebꞌ, tan asoj yeꞌle, as oora kuxh tuk uloj in seeꞌ tukꞌ u chꞌichꞌeꞌ uveꞌ ni tel chꞌuꞌl tuntziꞌ tiꞌ unbꞌanat chꞌaꞌo tiꞌ unqꞌa uxhchileꞌ uvaꞌ nimamal vitxumbꞌal unqꞌa nicolaíta staꞌn,– tiꞌk Aak ni taleꞌ,» chaj axh te u alol tetz vunyoleꞌ xoꞌl unqꞌa niman vetzeꞌ tu u Pérgamo.   
\p
\v 17 As la val sete, ex uvaꞌ ni niman in tulaj unqꞌa tenameꞌ skajayil. Abꞌiste ex uveꞌ nepal tu vunyoleꞌ, as etabꞌitaj uveꞌ ni tal u Tiixhla Espíritu sete. As jankꞌal ex uvaꞌ yeꞌ la eyaꞌsa enimat in kꞌuxh la epalebꞌe kꞌaxkꞌo, as la vaqꞌ etechbꞌubꞌal uvaꞌ maná ibꞌii uvaꞌ kolel svaꞌn vatz unjoltu unqꞌa tenameꞌ. As la vaqꞌ umaꞌl u tal saj kꞌubꞌ sete uvaꞌ tzꞌibꞌamal umaꞌl u akꞌ bꞌii stiꞌ. As yeꞌxhebꞌil ootzin tetz u bꞌiieꞌ. Pet aꞌ kuxh u uxhchileꞌ la ootzin uvaꞌ la kꞌulun.   
\s1 Unqꞌa yol uvaꞌ ni talax te unqꞌa niman tetz u Jesús tu u tenam uvaꞌ Tiatira  
\p
\v 18 As aꞌ unqꞌa yol ilaꞌ uvaꞌ latzꞌibꞌa bꞌen te u alol tetz vunyoleꞌ xoꞌl unqꞌa niman vetzeꞌ tu u Tiatira. As ech la aal ileꞌ:  
\p «ViKꞌaol u Tiixheꞌ uvaꞌ ech tilon u bꞌaqꞌ ivatzeꞌ echeꞌ u taqꞌ xamaleꞌ as ech tilon u tojeꞌ echeꞌ u qꞌan chꞌichꞌeꞌ, as ech ni tal Aak ileꞌ see:   
\m
\v 19 –Ootzimaleꞌ svaꞌn kam uvaꞌ nabꞌaneꞌ. As ootzimal svaꞌn uvaꞌ xoꞌn veꞌt in see. As kꞌujleꞌl akꞌuꞌl sviꞌ. As bꞌenameen naloch unqꞌa eetzꞌin aatzikeꞌ. As kꞌuxh napalebꞌe kꞌaxkꞌo, as yeꞌ nayaꞌsa akꞌujbꞌaꞌt akꞌuꞌl sviꞌ. As ootzimal svaꞌn uvaꞌ aal bꞌaꞌn veꞌteꞌ uvaꞌ nabꞌan cheel tiꞌ uveꞌ nikat abꞌan bꞌaxa.   
\m
\v 20 Pet at umaꞌl u yol la val see uvaꞌ nabꞌaneꞌ, tan kuyel kuxh u Jezabel aꞌn uvaꞌ nu kuxh toksa tibꞌ sqꞌajsan tetz vunyoleꞌ. As tukꞌ vichusbꞌal ixojeꞌ ni toksa ixoj tiviꞌ unqꞌa uxhchileꞌ sexoꞌl tiꞌ iyansat tibꞌ tukꞌ umaꞌt uxhchil as tiꞌ techbꞌut unqꞌa echbꞌubꞌaleꞌ uvaꞌ kat oksal vatz unqꞌa tzeꞌ tiixheꞌ.   
\m
\v 21 As kat untxꞌebꞌlu veꞌteꞌ uvaꞌ la ikꞌaxa tibꞌ ixoj. Pet yeꞌ nisaꞌ ixoj ijalput vitxumbꞌaleꞌ tiꞌ iyansat tibꞌ ixoj tukꞌ unqꞌa najeꞌ.   
\m
\v 22 As la vaqꞌ kuꞌ ixoj vatz chꞌach taꞌn umaꞌl u chꞌoꞌm. As echat la unbꞌan te unqꞌa uxhchileꞌ uvaꞌ nipaavin kꞌatz ixoj, tan asoj yeꞌ la iyaꞌsa unqꞌa uxhchileꞌ inimat unqꞌa ichusbꞌal ixojeꞌ, as mamaꞌla kꞌaxkꞌo la ipalebꞌe svaꞌn.   
\m
\v 23 As xoꞌvebꞌal chit u kamchileꞌ uvaꞌ la vaqꞌ tzan tiꞌ unqꞌa tal ixojeꞌ tiꞌ uvaꞌ la bꞌen sete, ex uvaꞌ nenima vitxumbꞌal ixojeꞌ, tan ineꞌ ootzin tetz vetxumbꞌaleꞌ sekajayil as tukꞌ vetaanxelaleꞌ. As la vaqꞌ veꞌt ichꞌexel sete tiꞌ uvaꞌ kam kat ebꞌana.   
\m
\v 24 Pet ech koj unjoltu ex tu u tenam u Tiatira uvaꞌ yeꞌ ni niman vichusbꞌal u ixojeꞌ, as tukꞌ uvaꞌ ootzimal taꞌn u Satanás, as yeꞌl umaꞌtoj yol la val sete uvaꞌ la ebꞌaneꞌ.   
\m
\v 25 Pet la val sete, yeꞌ la eyaꞌsa enimat unqꞌa txumbꞌaleꞌ uvaꞌ chusel veꞌt sete, techal la ul in unpajte.   
\m
\v 26 Tan jankꞌal ex uvaꞌ la enima kam uvaꞌ ni val sete techal la ul in tiyaꞌtebꞌal u qꞌiisajeꞌ, as la vaqꞌ etijleꞌm tiꞌ unqꞌa tenameꞌ, tan kꞌuxh kat epalebꞌe kꞌaxkꞌo, as yeꞌ kat eyaꞌsa enimat in.   
\m
\v 27 As echeꞌ kat ibꞌan vunBꞌaaleꞌ tiꞌ taqꞌat u vijleꞌmeꞌ, as ech vaqꞌat vetijleꞌmeꞌ. As aꞌ exeꞌ la ilon veꞌt isuuchil unqꞌa tenameꞌ tukꞌ umaꞌl u bꞌaara uvaꞌ chꞌichꞌ. As ech la etulbꞌe unqꞌa tenameꞌ echeꞌ ni tulbꞌel umaj ukꞌal uvaꞌ kat paxili.   
\m
\v 28 As la vaqꞌ u txꞌumileꞌ sete uveꞌ aa Qꞌanaꞌl, uveꞌ nibꞌuuqꞌeꞌ tul yeꞌxnaj kuꞌ saj,– tiꞌk Aak ni taleꞌ,» chaj axh te u alol tetz vunyoleꞌ xoꞌl unqꞌa niman vetzeꞌ tu u Tiatira.   
\p
\v 29 As la val sete, ex uvaꞌ ni niman in tulaj unqꞌa tenameꞌ skajayil. Abꞌiste ex uveꞌ nepal tu vunyoleꞌ, as etabꞌitaj uveꞌ ni tal u Tiixhla Espíritu sete.   
\c 3  
\s1 Unqꞌa yol uvaꞌ ni talax te unqꞌa niman tetz u Jesús tu u tenam uvaꞌ Sardis  
\p
\v 1 As aꞌ unqꞌa yol ilaꞌ uvaꞌ latzꞌibꞌa bꞌen te u alol tetz vunyoleꞌ xoꞌl unqꞌa niman vetzeꞌ tu u Sardis. As ech la aal ileꞌ:  
\p «U Jesús uvaꞌ at vujvaꞌl u Tiixhla Espíritu u Kubꞌaal Tiixheꞌ skꞌatz as uvaꞌ at vujvaꞌt unqꞌa txꞌumileꞌ tisebꞌal iqꞌabꞌ, as ech ni tal Aak ileꞌ see: –Ootzimal svaꞌn kam uvaꞌ nabꞌaneꞌ. As kꞌuxh ni talpu seeꞌ uvaꞌ isleꞌl axh, as ni vileꞌ uvaꞌ kamnajlu veꞌt axh.   
\m
\v 2 Estiꞌeꞌ ni val see, atoj chit anachbꞌal. As la ayaꞌlu eebꞌ tiꞌ abꞌanat kaꞌt unqꞌa bꞌaꞌneꞌ uvaꞌ bꞌiit kuxh yeꞌ nayaꞌsa abꞌanataꞌ, tan ni vileꞌ uvaꞌ jit veꞌt u jikeꞌ uveꞌ nabꞌan vatz u Tiixheꞌ.   
\m
\v 3 As oolsa unqꞌa chusbꞌaleꞌ sakꞌuꞌl uvaꞌ kat aabꞌi tukꞌ uvaꞌ kat eela. As jikbꞌaꞌ vatxumbꞌaleꞌ tiꞌ animat unqꞌa chusbꞌaleꞌ, tan asoj yeꞌl anachbꞌal ati, as yeꞌ kuxh nachel see tul la ul in. As ech vuleꞌ echeꞌ umaj elqꞌom tiꞌ vaqꞌat kꞌaxkꞌo seeꞌ.   
\m
\v 4 At kaꞌl unqꞌa uxhchil sexoꞌl tzitziꞌ tu u Sardis uvaꞌ yeꞌ niyansa tibꞌ tu paaveꞌ. As ikꞌulel chit unqꞌa uxhchileꞌ uvaꞌ la atin sunkꞌatz, tan atoꞌk u toksaꞌmeꞌ staꞌn uvaꞌ vaꞌl chit ipolal.   
\m
\v 5 As abꞌiste ex uvaꞌ yeꞌ la eyaꞌsa enimat in kꞌuxh la epalebꞌe kꞌaxkꞌo, as la etoksa veꞌt u oksaꞌmeꞌ uvaꞌ vaꞌl chit ipolal. As yeꞌl vebꞌiieꞌ la unsotzsa tu u uꞌujeꞌ uvaꞌ tzꞌibꞌamalkat vibꞌii unqꞌa uxhchileꞌ skajayil uvaꞌ at itiichajil uveꞌ yeꞌl iyaꞌtebꞌal. Pet vatz vunBꞌaaleꞌ as vatz unqꞌa ángel uvaꞌ tetz u Kubꞌaaleꞌ la valkat vebꞌiieꞌ, jankꞌal ex uvaꞌ ex veꞌt niman vetz,– tiꞌk Aak ni taleꞌ,» chaj axh te u alol tetz vunyoleꞌ xoꞌl unqꞌa niman vetzeꞌ tu u Sardis.   
\p
\v 6 As la val sete, ex uvaꞌ ni niman in tulaj unqꞌa tenameꞌ skajayil. Abꞌiste ex uveꞌ nepal tu vunyoleꞌ, as etabꞌitaj uveꞌ ni tal u Tiixhla Espíritu sete.   
\s1 Unqꞌa yol uvaꞌ ni talax te unqꞌa niman tetz u Jesús tu u tenam uvaꞌ Filadelfia  
\p
\v 7 As aꞌ unqꞌa yol ilaꞌ uvaꞌ latzꞌibꞌa bꞌen te u alol tetz vunyoleꞌ xoꞌl unqꞌa niman vetzeꞌ tu u Filadelfia. As ech la aal ileꞌ:  
\p «U Jesús uvaꞌ jik chit itxumbꞌal, as Aakeꞌ u jikla yoleꞌ. As echen unqꞌa laaveeꞌ tiqꞌabꞌ Aak, tan ech u tijleꞌm Aakeꞌ echeꞌ u tijleꞌm u David uvaꞌ ibꞌana. As kam uvaꞌ jajleꞌl taꞌn Aak as yeꞌxhebꞌil la jupun. As kam uvaꞌ jupel taꞌn Aak, as yeꞌxhebꞌil la jajon. As ech ni tal Aak ileꞌ see:   
\m
\v 8 –Ootzimal svaꞌn kam uvaꞌ nabꞌaneꞌ. As at veꞌt umaꞌl u tziꞌ kabꞌal savatz uvaꞌ jajleꞌl veꞌt svaꞌn. As yeꞌxhebꞌil la jupun. As ootzimal svaꞌn uvaꞌ kꞌuxh bꞌiil kuxh ayakꞌil ati, as nanima vunyoleꞌ. As yeꞌl axh neesa eebꞌ sunkꞌatz.   
\m
\v 9 As la val see uvaꞌ ineꞌ la bꞌanon uvaꞌ techal la tootzi unqꞌa uxhchileꞌ uvaꞌ xoꞌn ex sve, jankꞌal unqꞌa uxhchileꞌ uvaꞌ ni chulin yol tiꞌ toksat tibꞌ tiaal Israel, tan nichus tibꞌ tiꞌ unqꞌa ichusbꞌal u Satanás tu u atinbꞌaleꞌ tetz nachbꞌal Tiixh. As aꞌeꞌ uvaꞌ techal la qaaebꞌ savatz svaꞌn.   
\m
\v 10 As tiꞌ uvaꞌ yeꞌ nikaꞌkabꞌin akꞌuꞌl tiꞌ animat vunyoleꞌ echeꞌ uvaꞌ kat val see, as estiꞌeꞌ la unkol veꞌt axh vatz u kꞌaxkꞌoeꞌ uvaꞌ la ul tiꞌ unqꞌa tenameꞌ skajayil, tiꞌ ikꞌaxbꞌisal unqꞌa uxhchileꞌ uveꞌ ni ixvan in vatz u txꞌavaꞌeꞌ.   
\m
\v 11 As il in vul veꞌteꞌ. As ayaꞌloj chit akꞌuꞌl tiꞌ ooksat aama tiꞌ animat unqꞌa chusbꞌaleꞌ uvaꞌ ootzimal veꞌt aꞌn, aqꞌal uvaꞌ yeꞌxhebꞌil la maon vatxꞌajaꞌmeꞌ,– tiꞌk Aak ni taleꞌ,» chaj axh te u alol tetz vunyoleꞌ xoꞌl unqꞌa niman vetzeꞌ tu u Filadelfia.   
\p
\v 12 As abꞌiste ex uvaꞌ yeꞌ la eyaꞌsa enimat in kꞌuxh la epalebꞌe kꞌaxkꞌo, as ech la ebꞌaneꞌ svaꞌn echeꞌ umaj piraal uvaꞌ xiꞌabꞌ tetz u tostiixheꞌ uvaꞌ ninachpukat Tiixh. As yeꞌxh jatu la el veꞌt chꞌuꞌl ex tzitziꞌ. As la untzꞌibꞌa veꞌt ok vibꞌii u Kubꞌaal Tiixheꞌ setiꞌ, tukꞌ vibꞌii u akꞌ Jerusalén, vitenam u Kubꞌaal Tiixheꞌ, uvaꞌ nikuꞌ chꞌuꞌl tu almikaꞌ taꞌn u Tiixheꞌ. As la untzꞌibꞌa ok vunbꞌiieꞌ setiꞌ uvaꞌ akꞌnal veꞌteꞌ.   
\m
\v 13 As la val sete, ex uvaꞌ ni niman in tulaj unqꞌa tenameꞌ skajayil. Abꞌiste ex uveꞌ nepal tu vunyoleꞌ, as etabꞌitaj uveꞌ ni tal u Tiixhla Espíritu sete.   
\s1 Unqꞌa yol uvaꞌ ni talax te unqꞌa niman tetz u Jesús tu u tenam uvaꞌ Laodicea  
\p
\v 14 As aꞌ unqꞌa yoleꞌ uvaꞌ latzꞌibꞌa bꞌen te u alol tetz vunyoleꞌ xoꞌl unqꞌa niman vetzeꞌ tu u Laodicea. As ech la aal ileꞌ:  
\p «U Jesús uvaꞌ tzojpisan tetz unqꞌa yoleꞌ uvaꞌ alel kan, as jik chiteꞌ u yoleꞌ uvaꞌ ni tal Aak, tan taꞌn Aakeꞌ uvaꞌ jik chit niyoloneꞌ, as jik chit nibꞌan unpajte. As tukꞌ vibꞌaꞌnil Aakeꞌ kat icheesa u Tiixheꞌ unqꞌa veeꞌ skajayil. As ech ni tal Aak ileꞌ see:   
\m
\v 15 –Ootzimal svaꞌn kam uvaꞌ nabꞌaneꞌ, tan yeꞌl axh uvaꞌ cheꞌv koj axh. As mitaꞌn tzꞌaꞌ koj axh. ¡Pet aal bꞌaꞌneꞌ uvaꞌ cheꞌv axh, as moj tzꞌaꞌ axh tiꞌ aatin sunkꞌatz!   
\m
\v 16 As la xaꞌv in aꞌn, tan tiꞌ uvaꞌ miqꞌmoj kuxh axh. As jit axh tzꞌaꞌ; as jit axh cheꞌv tiꞌ aatin sunkꞌatz.   
\m
\v 17 As ech naal jeꞌ ileꞌ seeꞌ. In txꞌioliqꞌii. As bꞌaꞌn chit vatineꞌ, tan yeꞌxhkam kuxh nisaꞌvit sviꞌ, chꞌaxh naaleꞌ. As tul yeꞌ ootzaj uvaꞌ kam bꞌanel aꞌn sunvatz, tan yeꞌl eetz ati. As oyebꞌ kuxh avatz, tan meebꞌaꞌ kuxh axh. As txumlebꞌal kuxh atineꞌ, tan ech axheꞌ echeꞌ umaj tzot. As ech axheꞌ sunvatz echeꞌ umaj uxhchil uvaꞌ tꞌosleꞌleꞌ.   
\m
\v 18 Estiꞌeꞌ nunbꞌeya veꞌt see uvaꞌ la aloqꞌ u ooroꞌeꞌ sve uvaꞌ nitxilqꞌaꞌch taꞌn u xamaleꞌ, aqꞌal uvaꞌ ech veꞌt aatineꞌ sunvatz echeꞌ umaj txꞌioliqꞌii. As la aloqꞌ veꞌt ooksaꞌm sve uvaꞌ vaꞌl chit ipolal tiꞌ abꞌajut eebꞌ, aqꞌal uvaꞌ yeꞌ la chꞌixvu veꞌt axh uvaꞌ tꞌosleꞌl axh. As la aloqꞌ atzꞌakabꞌal sve uvaꞌ la tzꞌakan vavatzeꞌ tiꞌ uvaꞌ la ilon veꞌt axh,   
\m
\v 19 tan jankꞌal unqꞌa uxhchileꞌ uvaꞌ xoꞌn sve, as nunbꞌeya ste uvaꞌ aꞌ u bꞌaꞌneꞌ la ibꞌaneꞌ. As nunchuseꞌ tiꞌ uvaꞌ la ibꞌan u bꞌaꞌneꞌ. Estiꞌeꞌ ni val see, jalpu vatxumbꞌaleꞌ. As ayaꞌloj chit akꞌuꞌl tiꞌ animat u yoleꞌ uvaꞌ alel see svaꞌn.   
\p
\v 20 As il in txakleꞌl veꞌt in tziꞌ u kabꞌaleꞌ tiꞌ unmolot el tzan unqꞌa uxhchileꞌ. As abꞌil uvaꞌ la abꞌin u tuul unviꞌeꞌ as la ijaj veꞌt u tziꞌ kabꞌaleꞌ, as la ok veꞌt in skꞌatz. As la txꞌaꞌn veꞌt in skꞌatz; as la txꞌaꞌn veꞌt sunkꞌatz.   
\m
\v 21 As abꞌiste ex uvaꞌ yeꞌ la eyaꞌsa enimat in kꞌuxh la epalebꞌe kꞌaxkꞌo, as la vaqꞌ etijleꞌm tiꞌ exonebꞌ kꞌatz vunxonlebꞌaleꞌ echeꞌ uvaꞌ kat unbꞌana, tan yeꞌ kat unyaꞌsa unnimat viyol vunBꞌaaleꞌ kꞌuxh kat unpalebꞌe kꞌaxkꞌo. Estiꞌeꞌ kat xonebꞌ veꞌt in kꞌatz vixonlebꞌal vunBꞌaaleꞌ,– tiꞌk Aak ni taleꞌ,» chaj axh te u alol tetz vunyoleꞌ xoꞌl unqꞌa niman vetzeꞌ tu u Laodicea.   
\p
\v 22 Abꞌiste ex uveꞌ nepal tu vunyoleꞌ, as etabꞌitaj uveꞌ ni tal u Tiixhla Espíritu sete,— tiꞌk u Jesúseꞌ.   
\c 4  
\s1 Ni toksal iqꞌii u Tiixh tu almikaꞌ  
\p
\v 1 As tul maꞌt vabꞌit unqꞌa yoleꞌ, as kat vil umaꞌl u tziꞌ kabꞌal uvaꞌ jajlike tu almikaꞌ. As an chit u tuul viꞌeꞌ uvaꞌ kat vabꞌi iyoloneꞌ uvaꞌ echeꞌ toqꞌsal trompeta. As ech kat tal ileꞌ sve: —Jeꞌen chꞌuꞌl tzitzaꞌ, tan tuk unkꞌuch see kam unqꞌa vaaꞌ tuk ibꞌan veꞌteꞌ,— tiꞌk u yoleꞌ sve.   
\m
\v 2 As yak kuxh kꞌuchpu sve taꞌn u Tiixhla Espíritu unpajte. As kat vil umaꞌl u nimla xonlebꞌal tu almikaꞌ uvaꞌ xonlik umaꞌl u uxhchil stuul.   
\m
\v 3 As ech ikaꞌy u uxhchileꞌ echeꞌ umaꞌl u kꞌubꞌ uvaꞌ jaspe ibꞌii uvaꞌ achaꞌv chit tiloneꞌ as tukꞌ umaꞌt u kꞌubꞌ uvaꞌ cornalina uvaꞌ kaj tiloneꞌ. As sutuꞌrimal tiꞌ u xonlebꞌaleꞌ taꞌn umaꞌl u txakmanchꞌel uvaꞌ ech ilitzꞌloꞌlaneꞌ echeꞌ umaj chaꞌx kꞌubꞌ uvaꞌ esmeralda ibꞌii.   
\m
\v 4 As sutuꞌrimal tiꞌ u nimla xonlebꞌaleꞌ taꞌn vinaj kajvaꞌt unqꞌa xonlebꞌaleꞌ uvaꞌ xonlikkat vinaj kajvaꞌl unqꞌa qꞌesla aamaeꞌ uvaꞌ kat vila. As atik ok saj oksaꞌm staꞌn. As atik jeꞌ koroona tiꞌ iviꞌ uvaꞌ bꞌaꞌnla qꞌan chꞌichꞌ.   
\m
\v 5 As vaꞌlik chit ilitzꞌkabꞌan tel chꞌuꞌl u kayampaꞌleꞌ tu u nimla xonlebꞌaleꞌ tukꞌ u qꞌankooeꞌ uvaꞌ vaꞌlik chit itzetkabꞌaneꞌ. As kat vabꞌi ivulun tel chꞌuꞌl mamaꞌla tuul viꞌeꞌ tu u nimla xonlebꞌaleꞌ unpajte. As atik vujvaꞌl unqꞌa txijubꞌal vatz u nimla xonlebꞌaleꞌ. As aꞌeꞌ vujvaꞌl tatin u Tiixhla Espíritu.   
\m
\v 6 As vatz u nimla xonlebꞌaleꞌ atik umaꞌl u vaaꞌ ech tiloneꞌ echeꞌ mar uvaꞌ ech ivatzeꞌ echeꞌ umaj ilonbꞌal uvaꞌ yaklu pal kuvatz stuul. As xoꞌlamal u nimla xonlebꞌaleꞌ taꞌn kajvaꞌl unqꞌa islich aama uvaꞌ nimal unqꞌa bꞌaqꞌ ivatzeꞌ at svatz as tukꞌ tiꞌ iqul.   
\m
\v 7 As vibꞌaxa u islich aamaeꞌ, as ech tiloneꞌ echeꞌ bꞌalam. As vikaꞌveꞌ ech tiloneꞌ echeꞌ vaakaxh. As vitoxveꞌ ech tiloneꞌ echeꞌ ivatz umaj uxhchil. As vikajveꞌ ech tiloneꞌ echeꞌ umaj xichꞌ uvaꞌ nixichꞌaneꞌ.   
\m
\v 8 As vaajil ixichꞌ junun unqꞌa islich aamaeꞌ. As nimal unqꞌa bꞌaqꞌ ivatzeꞌ atik stiꞌ. As sqꞌiil aqꞌbꞌal yeꞌ niyaꞌsa veꞌt kajvaꞌl unqꞌa islich aamaeꞌ tiꞌ iyoloneꞌ. As ech ni tal ileꞌ: —Jikla Tiixh, jikla Tiixh, jikla Tiixh chit axheꞌ, axh Kubꞌaal Tiixh, tan axheꞌ uvaꞌ nim aalcheꞌ tiꞌ unqꞌa veeꞌ skajayil. As atik chit axh sixeꞌt u qꞌiisajeꞌ. As at axh cheel. As at axh tiꞌ chit ibꞌeneꞌ,— tiꞌk u yoleꞌ.   
\p
\v 9 As tul uvaꞌ nik toksa kajvaꞌl unqꞌa islich aama iqꞌii u Tiixheꞌ uvaꞌ xonlik tu u nimla xonlebꞌaleꞌ, as nik taqꞌ taꞌntiixh te Aak uvaꞌ isleꞌl Aak tiꞌ chit ibꞌeneꞌ.   
\m
\v 10 As nik ikuꞌ veꞌt vinaj kajvaꞌl unqꞌa qꞌesla aamaeꞌ qaaloj vatz u Tiixheꞌ uvaꞌ xonlik tu u nimla xonlebꞌaleꞌ. As inach veꞌt Tiixh, tan isleꞌl chit Aak tiꞌ chit ibꞌeneꞌ. As nik taqꞌ veꞌt kuꞌ unqꞌa koroona vatz u nimla xonlebꞌaleꞌ. As ech ni mox tal veꞌt ileꞌ:   
\m
\v 11 —Kubꞌaal Tiixh, eetz chiteꞌ uvaꞌ la qoksa aqꞌii, tan nim aalcheꞌ. As axheꞌ uvaꞌ at pal u eejleꞌmeꞌ tiꞌ unqꞌa uxhchileꞌ skajayil, tan axh cheesan tetz unqꞌa veeꞌ skajayil. As jankꞌal uvaꞌ ati as tukꞌ vatxumbꞌaleꞌ kat acheesakat,— tiꞌk unqꞌa qꞌesla chaj aamaeꞌ nik taleꞌ.   
\c 5  
\s1 Nikꞌul u Jesús umaꞌl u uꞌuj uvaꞌ bꞌalqꞌumal tetz Tiixh  
\p
\v 1 As kat vil veꞌt umaꞌl tu u uꞌuj tisebꞌal iqꞌabꞌ u Tiixheꞌ uveꞌ xonlik tu u nimla xonlebꞌaleꞌ. As atik tzꞌibꞌ tu u uꞌujeꞌ tukꞌ stiꞌ. As chabꞌamal chit ibꞌalqꞌul veꞌt u uꞌujeꞌ taꞌn vujvaꞌl unqꞌa sello.   
\m
\v 2 As kat vil veꞌt umaꞌl u ángel uvaꞌ xoꞌvebꞌal chit viyakꞌileꞌ. As kat taqꞌ veꞌt jeꞌ tuul iviꞌ. As ech tal ileꞌ: —¿Abꞌil qꞌi uvaꞌ tetz chiteꞌ tiꞌ teesal unqꞌa sello, aqꞌal uvaꞌ la jajpu u uꞌujeꞌ?— tiꞌk u ángel.   
\m
\v 3 As yeꞌxhebꞌil kat vil tu almikaꞌ uvaꞌ la itxꞌol ijajat u uꞌujeꞌ, mitaꞌn vatz u txꞌavaꞌeꞌ, as mitaꞌn jaqꞌ u txꞌavaꞌeꞌ. As yeꞌxhebꞌil kat txꞌolon tilat unqꞌa tzꞌibꞌeꞌ uvaꞌ atik tu u uꞌujeꞌ.   
\m
\v 4 As aꞌ chit oqꞌeleꞌ nik unbꞌaneꞌ, tan yeꞌxhebꞌil atike uvaꞌ tetz chittuꞌ uvaꞌ la ijaj u uꞌujeꞌ. As yeꞌxhebꞌil kat txꞌolon isikꞌlel unqꞌa tzꞌibꞌeꞌ uvaꞌ atik tu u uꞌujeꞌ, tan tiꞌ uvaꞌ yeꞌ nik tuch tilataꞌ.   
\m
\v 5 As kat yolon veꞌt umaꞌl u qꞌesla aama. As ech kat tal ileꞌ sve: —Yeꞌ oqꞌ veꞌt axh, tan il umaꞌl u tiaal u Judá ati uvaꞌ ech tatineꞌ echeꞌ bꞌalam. As an chit tiaal David unpajte. As yeꞌ kat iyaꞌsa Aak inimat u Tiixheꞌ kꞌuxh nimal kꞌaxkꞌo kat ipalebꞌe. As aꞌeꞌ tuk eesan vujvaꞌl unqꞌa sello tiꞌ ijajat u uꞌujeꞌ,— tiꞌk u qꞌesla aamaeꞌ sve.   
\p
\v 6 As tul kat sajin veꞌt in, as vil veꞌteꞌ uvaꞌ txaklik ok umaꞌl u tal Kaneeroꞌ\f + \fr 5.6 \ft As u bꞌiieꞌ uveꞌ «Kaneeroꞌ,» as kꞌuchuvatzeꞌ nibꞌaneꞌ tan aꞌ u Jesúseꞌ ni taleꞌ. As aꞌ isuuchileꞌ uvaꞌ Aak kat toksa tibꞌ tiꞌ ichooat u kupaaveꞌ vatz u Tiixheꞌ, echeꞌ u vaaꞌ nik ibꞌan unqꞌa kaneeroꞌeꞌ uvaꞌ nik iyatzꞌpeꞌ, uvaꞌ ni tal tu u Oꞌt Testamento.\f* vatz u nimla xonlebꞌaleꞌ. As sutuꞌrimal tiꞌ taꞌn kajvaꞌl unqꞌa islich aamaeꞌ tukꞌ vinaj kajvaꞌt unqꞌa qꞌesla chaj aamaeꞌ, as u Kaneeroꞌ uvaꞌ maꞌtik iyatzꞌpeꞌ. As atik vujvaꞌl tukꞌ as vujvaꞌt bꞌaqꞌ ivatz. As aꞌeꞌ vujvaꞌl tatin u Tiixhla Espíritu uvaꞌ kat chajax bꞌen vatz u txꞌavaꞌeꞌ.   
\m
\v 7 As jetzꞌen veꞌt ok u Kaneeroꞌeꞌ kꞌatz u Tiixheꞌ uvaꞌ xonlik tu u nimla xonlebꞌaleꞌ. As ikꞌul veꞌt u uꞌujeꞌ te Aak uvaꞌ atik tisebꞌal iqꞌabꞌ Aak.   
\p
\v 8 As tul til veꞌt kajvaꞌl unqꞌa islich aama tukꞌ vinaj kajvaꞌt unqꞌa qꞌesla aama tiꞌ ikꞌulat u Kaneeroꞌ u uꞌujeꞌ, as yak kuxh kuꞌ veꞌt qaaloj vatz u Kaneeroꞌeꞌ. As junun eqꞌomik umaꞌl u qꞌoobꞌeꞌtz staꞌn uvaꞌ arpa ibꞌii tukꞌ umaꞌl u koopa uvaꞌ bꞌaꞌnla qꞌan chꞌichꞌ chittuꞌ uvaꞌ noonalike taꞌn incienso, tan aꞌ u incienso kꞌuchbꞌal tetz u nacho Tiixheꞌ uvaꞌ nibꞌan vitenam Aakeꞌ.   
\m
\v 9 As nik ibꞌitza veꞌt umaꞌl u akꞌ bꞌitz te u Kaneeroꞌeꞌ. As ech nik tal ileꞌ:  
\q1 Tan eetz chiteꞌ tiꞌ akꞌulat u uꞌujeꞌ as tiꞌ eesat unqꞌa sello stiꞌ,  
\q1 tan axheꞌ uvaꞌ kat yatzꞌpu veꞌt axh vatz u Tiixheꞌ,  
\q1 tan kat achoo vipaav unqꞌa tenameꞌ tul kat el vakajaleꞌ,  
\q1 aqꞌal uvaꞌ tetz u Kubꞌaal Tiixheꞌ unqꞌa tenameꞌ la ibꞌaneꞌ,  
\q1 kꞌuxh kam kuxh tenamil as kꞌuxh kam kuxh yolbꞌal niyolbꞌe.   
\q1
\v 10 As kat aaqꞌ veꞌt tijleꞌm vatenameꞌ, as kat ok veꞌt tiꞌ toksal iyol tenam vatz Tiixh.  
\q1 As tukꞌ vabꞌaꞌnileꞌ, as la til veꞌt vatenameꞌ isuuchil unqꞌa veeꞌ skajayil vatz u txꞌavaꞌeꞌ, tiꞌk u bꞌitzeꞌ.   
\p
\v 11 As kat vil unpajte. As kat vabꞌi veꞌt unqꞌa tuul viꞌeꞌ uvaꞌ nik ibꞌan unqꞌa ángel, tan xoꞌlamalik u nimla xonlebꞌaleꞌ taꞌn kajvaꞌl unqꞌa islich aamaeꞌ tukꞌ vinaj kajvaꞌt unqꞌa qꞌesla chaj aamaeꞌ. As seteꞌrumalik tiꞌ skajayil taꞌn unqꞌa mamaꞌla ángel, tan yeꞌ saach tachul unqꞌa ángel uveꞌ kat vila.   
\m
\v 12 As kat taqꞌ veꞌt jeꞌ tuul iviꞌ skajayil. As ech tal ileꞌ:  
\q1 ¡U Kaneeroꞌ as aꞌeꞌ kat yatzꞌpu vatz u Kubꞌaal Tiixheꞌ!  
\q1 ¡As tetz chiteꞌ uvaꞌ la ikꞌul u tijleꞌmeꞌ!  
\q1 ¡As la ok u txꞌiibꞌal qꞌiieꞌ tiqꞌabꞌ, tukꞌ u nimla txumbꞌaleꞌ, as tukꞌ u yakꞌileꞌ!  
\q1 ¡As techal la oksal iqꞌii, tul la nachpi! tiꞌk unqꞌa ángel.   
\p
\v 13 As jankꞌal unqꞌa veeꞌ at tu almikaꞌeꞌ, tukꞌ unqꞌa veeꞌ at vatz u txꞌavaꞌeꞌ, as jaqꞌ u txꞌavaꞌeꞌ, as xeꞌ u mar, as kat vabꞌi u tuul iviꞌeꞌ. As ech nik tal ileꞌ:  
\q1 ¡Qoksataj iqꞌii u Tiixheꞌ uvaꞌ xonleꞌl tu u nimla xonlebꞌaleꞌ!  
\q1 ¡As qoksataj iqꞌii u Jesucristo uvaꞌ kat yatzꞌpi tiꞌ isotzsal kupaav ech ikameꞌ echeꞌ nik tulbꞌel unqꞌa Kaneeroꞌeꞌ!  
\q1 ¡As atoj chit u yakꞌileꞌ skajayil tiqꞌabꞌ tiꞌ chit ibꞌeneꞌ! tiꞌk unqꞌa cheesaꞌmeꞌ skajayil.   
\p
\v 14 As ech kat tal veꞌt kajvaꞌl unqꞌa islich aamaeꞌ: —¡An chiteꞌ! ¡Ech chit la ibꞌaneꞌ!— tiꞌk u yoleꞌ. As kuꞌ veꞌt vinaj kajvaꞌl unqꞌa qꞌesla aamaeꞌ qaaloj vatz u Kubꞌaaleꞌ tiꞌ inachat u islich Tiixheꞌ tiꞌ chit ibꞌeneꞌ.   
\c 6  
\s1 Ni teesa u Jesús vaajil unqꞌa sello tiꞌ u uꞌuj uvaꞌ bꞌalqꞌumal  
\p
\v 1 As kat teesa veꞌt u Kaneeroꞌeꞌ u bꞌaxa sello tiꞌ u uꞌujeꞌ. As kat vabꞌi veꞌt u tuul iviꞌ umaꞌl isleꞌle. As ech u tuul iviꞌeꞌ echeꞌ u qꞌankooeꞌ uvaꞌ kat vabꞌi. As ech tal ileꞌ: —¡Elen chꞌuꞌl!— tiꞌk u yoleꞌ.   
\m
\v 2 As kat unsaji veꞌteꞌ. As kat vil veꞌt tel chꞌuꞌl umaꞌl u sajiꞌ kaay. As atik jeꞌ umaꞌl u uxhchil stiꞌ uvaꞌ txeyik umaꞌl u yokos tzeꞌ staꞌn uvaꞌ tetz jubꞌabꞌal. As kat aqꞌax veꞌt umaꞌl u koroona ste. As ech ibꞌeneꞌ echeꞌ ibꞌen umaj uxhchil tu chꞌaꞌo tiꞌ tolebꞌ veꞌt tiꞌ unjoltu unqꞌa tenameꞌ.   
\p
\v 3 As tul kat teesa veꞌt u Kaneeroꞌeꞌ ikaꞌv u sello, as kat vabꞌi veꞌt taqꞌat jeꞌ ikaꞌv u islich aamaeꞌ tuul iviꞌ. As ech tal ileꞌ: —¡Elen chꞌuꞌl!— tiꞌke.   
\m
\v 4 As yak kuxh el veꞌt chꞌuꞌl umaꞌt u kaay uvaꞌ vaꞌl chit ikajal tiꞌ. As u uxhchileꞌ uveꞌ atik jeꞌ tiꞌ txoo, as kat aqꞌax veꞌt umaꞌl u nimla jutzꞌ viꞌ chꞌichꞌ ste. As kat aqꞌax veꞌt ste uvaꞌ la ixeꞌtisa unqꞌa chꞌaꞌoeꞌ vatz u txꞌavaꞌeꞌ. As la iyatzꞌ tibꞌ unqꞌa tenameꞌ svatzaj staꞌn.   
\p
\v 5 As tul kat teesa veꞌt u Kaneeroꞌeꞌ itoxvu u selloeꞌ, as kat vabꞌi taqꞌat veꞌt jeꞌ vitoxvu u islich aamaeꞌ tuul iviꞌ. As ech tal ileꞌ: —¡Elen chꞌuꞌl!— tiꞌk u yoleꞌ. As tul kat unsaji veꞌteꞌ, as aat kuxh vil tel chꞌuꞌl umaꞌl u qꞌejiꞌ kaay. As u uxhchileꞌ uveꞌ atik jeꞌ stiꞌ, as atik ok umaꞌl u peexhu tiqꞌabꞌ.   
\m
\v 6 As kat vabꞌi umaꞌt u tuul viꞌ uvaꞌ kat yolon el tzan xoꞌl kajvaꞌl unqꞌa islich aamaeꞌ. As ech nik tal ileꞌ: —As unjaliil u trigo tiꞌ ijaꞌmil umaꞌl qꞌii aqꞌon. As umaꞌl aalmo u cebada tukꞌ unbꞌiite tiꞌ umaꞌl qꞌii aqꞌon. Pet ech koj u aceite tukꞌ u vino, tan yeꞌ la uch ayansataꞌ,— tiꞌk u yoleꞌ.   
\p
\v 7 As tul kat teesa veꞌt u Kaneeroꞌeꞌ vikajvu u selloeꞌ, as kat vabꞌi tuul iviꞌ vikajvu u islich aamaeꞌ. As ech tal ileꞌ: —¡Elen chꞌuꞌl!— tiꞌk u yoleꞌ.   
\m
\v 8 As tul kat unsaji veꞌteꞌ, as aat kuxh vil tel chꞌuꞌl umaꞌl u qꞌaniꞌ kaay. As u uxhchileꞌ uveꞌ atik jeꞌ stiꞌ, as «Kamchil» vibꞌiieꞌ. As xekik tzan umaꞌt stiꞌ uvaꞌ ech ibꞌii ileꞌ: «Atinbꞌaleꞌ uvaꞌ atkat unqꞌa kamnajeꞌ.» As kat aqꞌax veꞌt tijleꞌm tiꞌ untxꞌajul unqꞌa tenameꞌ vatz u txꞌavaꞌeꞌ tiꞌ iyatzꞌpeꞌ taꞌn chꞌichꞌ, taꞌn vaꞌy, taꞌn chꞌoꞌm, as taꞌn unqꞌa txooeꞌ uvaꞌ nichiꞌoneꞌ uvaꞌ echen jaqꞌ unqꞌa tzeꞌeꞌ.   
\p
\v 9 As tul kat teesa veꞌt u Kaneeroꞌ vitoꞌv u sello, as kat vil veꞌt unqꞌa taanxelal unqꞌa tenameꞌ uvaꞌ maꞌtik iyatzꞌpeꞌ tiꞌ inimat viyol u Tiixheꞌ as tiꞌ uvaꞌ yeꞌ kat iyaꞌsa ikꞌuchat u jikla txumbꞌaleꞌ tiꞌ Aak. As atik ok unqꞌa taanxelal unqꞌa uxhchileꞌ jaqꞌ u nachbꞌal Tiixheꞌ.   
\m
\v 10 As kat taqꞌ veꞌt jeꞌ tuul iviꞌ. As ech nik tal ileꞌ: —Kubꞌaal Tiixh, axheꞌ axh Tiixhla aama. As jik chit atxumbꞌal, tan taꞌn axheꞌ axh Tiixh. ¿As jatu la abꞌan isuuchil unqꞌa uxhchileꞌ uvaꞌ at vatz txꞌavaꞌ uvaꞌ kat yatzꞌon oꞌ? ¿As jatu la aaqꞌ ichꞌexel ste?— tiꞌk unqꞌa uxhchileꞌ.   
\m
\v 11 As kat aqꞌax veꞌt saj oksaꞌm ste sijununila. As ech kat alax veꞌt ileꞌ ste: —La etxꞌebꞌ unbꞌiitoj, tan lanal tzꞌaj tachul unqꞌa etitzꞌin etatzikeꞌ uveꞌ emool etibꞌ stukꞌ uvaꞌ techal la kami tiꞌ uvaꞌ ninima in,— tiꞌk u yoleꞌ.   
\p
\v 12 As kat vil teesat veꞌt u Kaneeroꞌeꞌ ivajpu u selloeꞌ. As kat ul veꞌt umaꞌl u mam kabꞌlaano. As kat qꞌejbꞌu veꞌt ivatz u qꞌiieꞌ echeꞌ umaj qꞌej oksaꞌm uvaꞌ ni toksaleꞌ tul kat kam umaj uxhchil. As yak kuxh kat kajbꞌu veꞌt ivatz u ichꞌeꞌ. Ech veꞌt tiloneꞌ echeꞌ u kajeꞌ.   
\m
\v 13 As kat chajpik veꞌt kuꞌ tzan unqꞌa txꞌumileꞌ tu txꞌavaꞌ echeꞌ ichajpik tzan ivatz u higuera uvaꞌ chaꞌxnale tul ni pal umaj mam kajiqꞌ.   
\m
\v 14 As kat sotz veꞌt u almikaꞌeꞌ. Ech isotz veꞌteꞌ echeꞌ ni tulbꞌel umaj uꞌuj tul nibꞌalqꞌuleꞌ. As jankꞌal unqꞌa vitzeꞌ skajayil tukꞌ unqꞌa txꞌavaꞌeꞌ uveꞌ at viꞌ u mar, as kat tiinsal veꞌteꞌ tiꞌ isotz veꞌteꞌ.   
\m
\v 15 As unqꞌa ijlenaaleꞌ, unqꞌa nimla chaj najeꞌ, viqꞌesal unqꞌa soleꞌ, unqꞌa txꞌiol iqꞌiieꞌ, unqꞌa najeꞌ uveꞌ atoꞌk sibꞌaalil unqꞌa tenameꞌ, unqꞌa uxhchileꞌ uveꞌ atoꞌk skꞌamil as tukꞌ unjoltu unqꞌa tenameꞌ skajayil as bꞌex imuj veꞌt tibꞌ tulaj unqꞌa juleꞌ, xoꞌl unqꞌa sivaneꞌ as tulaj unqꞌa vitzeꞌ.   
\m
\v 16 As kat taqꞌ veꞌt jeꞌ tuul iviꞌ. As ech kat tal veꞌt ileꞌ te unqꞌa vitzeꞌ tukꞌ te unqꞌa sivaneꞌ: —¡Tzaaotaj ex sqiibꞌa! ¡Kuꞌoj chꞌuꞌl ex sqiꞌ tiꞌ emujat oꞌ vatz u Tiixheꞌ uvaꞌ xonleꞌl tu u nimla xonlebꞌaleꞌ as vatz vitxꞌiꞌtziꞌl u Kaneeroꞌeꞌ!   
\m
\v 17 ¡Tan kat oonyu veꞌt oꞌ tu u qꞌiieꞌ uvaꞌ xoꞌvebꞌal chit u kꞌaxkꞌoeꞌ ni tul sqiꞌ! ¡As yeꞌxhebꞌil la olebꞌ tiꞌ ikuyat u kꞌaxkꞌoeꞌ!— tiꞌk veꞌt unqꞌa tenameꞌ.   
\c 7  
\s1 Ni toksal veꞌt texhlal umaꞌl 144,000 unqꞌa uxhchil  
\p
\v 1 As xamtik veꞌt stuul, as kat vil kajvaꞌl unqꞌa ángel uvaꞌ txaklik veꞌt tu junun ixoobꞌ u txꞌavaꞌeꞌ. As majel veꞌt kajvaꞌl unqꞌa kajiqꞌeꞌ staꞌn, aqꞌal uvaꞌ yeꞌ la ixuli veꞌt u vatz txꞌavaꞌeꞌ, mitaꞌn viꞌ u mar, as mitaꞌn xoꞌl unqꞌa tzeꞌeꞌ.   
\m
\v 2 As kat vil itzaa umaꞌt u ángel tibꞌuuqꞌebꞌal u qꞌiieꞌ uvaꞌ eqꞌomalik sello staꞌn tetz u islich Tiixheꞌ. As taqꞌ veꞌt jeꞌ u ángel tuul iviꞌ tiꞌ talat bꞌen umaꞌl u yol te kajvaꞌl unqꞌa ángel uvaꞌ majol tetz unqꞌa kajiqꞌeꞌ, tan maꞌt taqꞌax veꞌt tijleꞌm kajvaꞌl unqꞌa ángel tiꞌ iyansat veꞌt ivatz u txꞌavaꞌeꞌ tukꞌ u mar.   
\m
\v 3 As ech kat tal veꞌt u ángel ileꞌ: —¡Eyansak ivatz u txꞌavaꞌeꞌ, tukꞌ u mar, tukꞌ unqꞌa tzeꞌeꞌ! Pet lanal qoksa texhlal unqꞌa niman tetz u Tiixheꞌ xoꞌl ipala,— tiꞌk u ángel uvaꞌ kat tzaa tu bꞌuuqꞌebꞌal qꞌii te kajvaꞌt unqꞌa ángel.   
\p
\v 4 As kat vabꞌi veꞌt u tachul unqꞌa niman tetz u Tiixheꞌ uveꞌ kat oksal texhlal xoꞌl ipala. As umaꞌl 144,000 unqꞌa niman tetz Aakeꞌ kat ok veꞌt texhlal xoꞌl unqꞌa tiaal Israel,   
\m
\v 5 tan atik kabꞌlaval mil unqꞌa tiaal u Judá uvaꞌ kat ok texhlal, tukꞌ kabꞌlavat mil unqꞌa tiaal u Rubén, tukꞌ kabꞌlavat mil unqꞌa tiaal u Gad,   
\m
\v 6 tukꞌ kabꞌlavat mil unqꞌa tiaal u Aser, tukꞌ kabꞌlavat mil unqꞌa tiaal u Neftalí, tukꞌ kabꞌlavat mil unqꞌa tiaal u Manasés,   
\m
\v 7 tukꞌ kabꞌlavat mil unqꞌa tiaal u Simeón, tukꞌ kabꞌlavat mil unqꞌa tiaal u Leví, tukꞌ kabꞌlavat mil unqꞌa tiaal u Isacar,   
\m
\v 8 tukꞌ kabꞌlavat mil unqꞌa tiaal u Zabulón, tukꞌ kabꞌlavat mil unqꞌa tiaal u Xhuꞌl, as tukꞌ kabꞌlavat mil unqꞌa tiaal u Benjamín unpajte.   
\s1 Ni til u Xhun unqꞌa mamaꞌla tenam uvaꞌ saj veꞌt toksaꞌm  
\p
\v 9 As xamtik veꞌt stuul, as kat vil veꞌt mamaꞌla tenam uvaꞌ yeꞌxhebꞌil la olebꞌ tiꞌ tachpu veꞌteꞌ. As aꞌ tzaanajkat tulaj junun tenam vatz u txꞌavaꞌeꞌ, kꞌuxh kam kuxh tiaalil, as kꞌuxh kam kuxh yolbꞌalil niyolbꞌe. As txaklik veꞌt ok u mamaꞌla tenameꞌ vatz u nimla xonlebꞌaleꞌ tukꞌ vatz u Kaneeroꞌeꞌ. As atik ok saj oksaꞌm staꞌn. As eqꞌomalik xaj paalma staꞌn.   
\m
\v 10 As ech nik tal veꞌt ileꞌ tul taqꞌ jeꞌ tuul iviꞌ: —¡U Kubꞌaal Tiixheꞌ uveꞌ xonleꞌl tu u nimla xonlebꞌaleꞌ as tukꞌ u Kaneeroꞌeꞌ, as Aakeꞌ u sotzsan tetz u kupaaveꞌ!— tiꞌk u mamaꞌla tenameꞌ.   
\m
\v 11 As unqꞌa mamaꞌla ángel uvaꞌ txaklik vatz u nimla xonlebꞌaleꞌ, as kat qaaebꞌ veꞌteꞌ tukꞌ kajvaꞌl unqꞌa islich aamaeꞌ, as tukꞌ vinaj kajvaꞌt unqꞌa qꞌesla chaj aamaeꞌ uvaꞌ xoꞌlamalik u nimla xonlebꞌaleꞌ staꞌn. As techal oon ivatz tu txꞌavaꞌ tiꞌ toksat iqꞌii u Kubꞌaal Tiixheꞌ.   
\m
\v 12 As ech tal veꞌt ileꞌ:  
\q1 ¡Kano, an chiteꞌ!  
\q1 As oksaloj veꞌt iqꞌii Aak, tan taꞌn Aakeꞌ uvaꞌ nim talcheꞌ, tan at itxumbꞌal Aak.  
\q1 As qaqꞌtaj veꞌt taꞌntiixh te Aak tiꞌ vibꞌaꞌnileꞌ.  
\q1 As kuxoꞌvataj Aak,  
\q1 tan at iyakꞌil Aak tiꞌ kulochpeꞌ,  
\q1 Estiꞌeꞌ uvaꞌ oksaloj iqꞌii Aak tiꞌ chit ibꞌeneꞌ.  
\q1 ¡An chiteꞌ! tiꞌk mox tala.   
\p
\v 13 As kat ul ichꞌoti veꞌt umaꞌl u qꞌesla aama sve. As ech kat tal ileꞌ: —¿Ma at sakꞌuꞌl abꞌil unqꞌa tenameꞌ uveꞌ atoꞌk saj oksaꞌm staꞌn? ¿As ma ootzimal aꞌn katil tzaanajlukat unqꞌa tenameꞌ?— tiꞌk sve.   
\m
\v 14 As ech val veꞌt ileꞌ: —Axheꞌ Pap, ootzin tetz,— chꞌin veꞌt ste. As ech tal veꞌt ileꞌ sve: —Aꞌ unqꞌa tenameꞌ uvaꞌ kat el chꞌuꞌl tu mamaꞌla kꞌaxkꞌoeꞌ. As kat itxꞌaa veꞌt unqꞌa tenameꞌ u toksaꞌmeꞌ. As kat ipolbꞌisa veꞌt u toksaꞌmeꞌ taꞌn vikajal u Kaneeroꞌeꞌ.   
\m
\v 15 Estiꞌeꞌ at veꞌt ok unqꞌa tenameꞌ vatz vixonlebꞌal u Kubꞌaal Tiixheꞌ scheel. As yeꞌ niyaꞌ veꞌt unqꞌa tenameꞌ tiꞌ toksat iqꞌii Aak sqꞌiil aqꞌbꞌal tu u Tiixhla atinbꞌaleꞌ uvaꞌ xonleꞌlkat Aak. As Aakeꞌ la atin veꞌt xoꞌl unqꞌa tenameꞌ tiꞌ ilochpeꞌ.   
\m
\v 16 As yeꞌl veꞌt vaꞌy la ipalebꞌe tukꞌ tzajitziꞌl. As yeꞌl u qꞌiieꞌ la tzꞌeꞌsan veꞌt stiꞌ. As mitaꞌn la bꞌujli taꞌn u tzꞌaꞌeꞌ,   
\m
\v 17 tan aꞌ u Kaneeroꞌeꞌ uvaꞌ at vatz u nimla xonlebꞌaleꞌ, as aꞌ veꞌteꞌ la xeeon unqꞌa tenameꞌ skajayil. As la bꞌen taqꞌ veꞌt Aak tziꞌ u aꞌeꞌ uvaꞌ ni aqꞌon itiichajil unqꞌa tenameꞌ. As la isuu veꞌt u Tiixheꞌ u taꞌl ivatzeꞌ skajayil,— tiꞌk u qꞌesla aamaeꞌ.   
\c 8  
\s1 Ni teesa u Jesús ivujpu u sello tiꞌ u uꞌuj uvaꞌ bꞌalqꞌumal  
\p
\v 1 As tul kat teesa veꞌt u Kaneeroꞌeꞌ ivujpu u sello tiꞌ u uꞌujeꞌ, as kamal pokꞌoꞌchil oora uvaꞌ yeꞌxhebꞌil nik itiin veꞌteꞌ tu almikaꞌ.   
\p
\v 2 As vil veꞌt vujvaꞌl unqꞌa ángel uvaꞌ txaklik veꞌt vatz u Tiixheꞌ. Kat aqꞌax veꞌt jununil trompeta ste.   
\m
\v 3 As ul veꞌt umaꞌt u ángel uvaꞌ eqꞌomal umaꞌl u olibꞌ incienso staꞌn uvaꞌ qꞌan chꞌichꞌ chittuꞌ. As txakebꞌ veꞌt u ángel vatz u nachbꞌal Tiixheꞌ uveꞌ atik vatz u nimla xonlebꞌaleꞌ. As nimal chit u inciensoeꞌ kat aqꞌax ste, tiꞌ itzꞌeꞌsal viꞌ u nachbꞌal Tiixheꞌ uvaꞌ qꞌan chꞌichꞌ chittuꞌ. As eela ijeꞌ u inciensoeꞌ uvaꞌ eqꞌomal taꞌn u ángel tukꞌ unqꞌa yoleꞌ uveꞌ ni tal unqꞌa itenam u Tiixheꞌ tul ninach Tiixh.   
\m
\v 4 As eela ijeꞌ veꞌt visibꞌil u incienso tukꞌ u nachbꞌal Tiixheꞌ uveꞌ nibꞌan unqꞌa tenameꞌ. As techal toon vatz u Tiixheꞌ.   
\m
\v 5 As kat teqꞌo veꞌt u ángel u olibꞌ inciensoeꞌ. As kat inoosa veꞌt taꞌn u txaꞌ xamaleꞌ uveꞌ atik viꞌ u nachbꞌal Tiixheꞌ. As kat taqꞌ veꞌt kuꞌ u ángel u txaꞌ xamaleꞌ vatz u txꞌavaꞌeꞌ. As xoꞌvebꞌal chit itzetkabꞌan veꞌt unqꞌa qꞌankooeꞌ tukꞌ ivulun veꞌt umaꞌl uvaꞌ ech tabꞌileꞌ echeꞌ tuul viꞌ. As xoꞌvebꞌal chit ilitzꞌkabꞌan unqꞌa kayampaꞌleꞌ. As kat ul veꞌt kabꞌlaano.   
\s1 Ni toqꞌsa vaajil unqꞌa ángel trompeta  
\p
\v 6 As ibꞌan veꞌt vujvaꞌl unqꞌa ángel tucheꞌ tiꞌ toqꞌsat unqꞌa trompeta.   
\p
\v 7 As toqꞌsa veꞌt u bꞌaxa ángel u trompeta. As ul veꞌt sajbꞌatz vatz u txꞌavaꞌeꞌ, tukꞌ xamal uvaꞌ yuel tibꞌ tukꞌ kaj. As tzꞌeꞌ veꞌt chꞌoola pokꞌoꞌchil u vatz txꞌavaꞌeꞌ, tukꞌ chꞌoola pokꞌoꞌchil unqꞌa txꞌakabꞌeꞌneꞌ, as tukꞌ unqꞌa chikoeꞌ skajayil.   
\p
\v 8 As toqꞌsa veꞌt vikaꞌv u ángel u trompeta. As bꞌuuqꞌ veꞌt umaꞌl u mam xamal uvaꞌ ech ichꞌiieꞌ echeꞌ umaj vitz. As kuꞌ veꞌt u xamaleꞌ tu u mar. As chꞌoola pokꞌoꞌchil u mar kat bꞌen veꞌt skajil.   
\m
\v 9 As kam veꞌt chꞌoola pokꞌoꞌchil unqꞌa txooeꞌ uvaꞌ atik tu u mar. As eꞌpisal veꞌt chꞌoola pokꞌoꞌchil unqꞌa barco uvaꞌ atik veꞌt viꞌ u mar.   
\p
\v 10 As toqꞌsa veꞌt u toxvu ángel u trompeta. As chajpik veꞌt kuꞌ tzan umaꞌl u nimla txꞌumil tu almikaꞌ uvaꞌ xoꞌvebꞌal chit toypeꞌ echeꞌ umaj xamal. As ech toon viꞌ u chꞌoola pokꞌoꞌchil unqꞌa nimla aꞌeꞌ uvaꞌ nixaaneꞌ tukꞌ tu u veeꞌ ni telkat chꞌuꞌl unqꞌa aꞌeꞌ.   
\m
\v 11 As Ajenjo ibꞌii u txꞌumileꞌ, tan kꞌaybꞌu veꞌt chꞌoola pokꞌoꞌchil unqꞌa aꞌeꞌ staꞌn. As nimal chit unqꞌa uxhchileꞌ kat kam veꞌt taꞌn vikꞌayal u aꞌeꞌ.   
\p
\v 12 As toqꞌsa veꞌt ikajvu u ángel u trompeta. As yansal veꞌt chꞌoola pokꞌoꞌchil u qꞌiieꞌ, tukꞌ chꞌoola pokꞌoꞌchil u ichꞌeꞌ, tukꞌ chꞌoola pokꞌoꞌchil unqꞌa txꞌumileꞌ. As tokin veꞌteꞌ. As yeꞌ naꞌl veꞌt u sajeꞌ tu u chꞌoola chaqꞌaal qꞌiiul. As echat ibꞌan veꞌt tu u aqꞌbꞌaleꞌ unpajte.   
\p
\v 13 As tul uvaꞌ nik unsaji, as kat vil ipal umaꞌl u xichꞌ uvaꞌ nik ipal vatz almikaꞌ. As saqꞌchibꞌal chit toqꞌ txoo. As ech tal veꞌt txoo ileꞌ: —¡Txumlebꞌal chit ivatz! ¡Txumlebꞌal chit ivatz! ¡Txumlebꞌal chit ivatz unqꞌa tenameꞌ uveꞌ at kan vatz u txꞌavaꞌeꞌ tuk ibꞌaneꞌ, tul la oqꞌsal veꞌt oxvaꞌt unqꞌa trompeta! Tan bꞌiit kuxh toqꞌsal veꞌt unqꞌa trompeta taꞌn oxvaꞌt unqꞌa ángel.   
\c 9  
\p
\v 1 As toqꞌsa veꞌt u toꞌv u ángel u trompeta. As vil veꞌt umaꞌl u txꞌumil vatz u txꞌavaꞌeꞌ uvaꞌ maꞌtik ichajpik kuꞌ tzan tu almikaꞌ. As kat aqꞌax veꞌt umaꞌl u laave ste uvaꞌ la jajon u nimla tokkin juleꞌ.   
\m
\v 2 As tul ijaj veꞌt u txꞌumileꞌ u nimla tokkin juleꞌ, as jeꞌ veꞌt chꞌuꞌl u sibꞌeꞌ stuul uvaꞌ ech ijeꞌ chꞌuꞌleꞌ echeꞌ ijeꞌ chꞌuꞌl isibꞌil umaj nimla oorno. As ok veꞌt u sibꞌeꞌ vatz u qꞌiieꞌ tukꞌ vatz u kajiqꞌeꞌ. As tokin veꞌteꞌ.   
\m
\v 3 As mamaꞌla sakꞌ kuꞌ veꞌt chꞌuꞌl tu u sibꞌeꞌ. As ipaxi veꞌt tibꞌ txoo vatz u txꞌavaꞌeꞌ. As aqꞌax veꞌt te txoo tiꞌ ibꞌanataꞌ echeꞌ nibꞌan unqꞌa ixkabꞌeꞌ,   
\m
\v 4 tan yeꞌ la iyansa veꞌt txoo unqꞌa itzaaeꞌ vatz u txꞌavaꞌeꞌ, tukꞌ unqꞌa kꞌuacheꞌ uveꞌ chaꞌx teleꞌ, as tukꞌ unqꞌa tzeꞌeꞌ. Pet aꞌ kuxh la ichiꞌ txoo unqꞌa uxhchileꞌ uveꞌ yeꞌl texhlal atoꞌk xoꞌl vipalaeꞌ taꞌn u Tiixheꞌ.   
\m
\v 5 As yeꞌ kat aqꞌax te txoo uvaꞌ la iyatzꞌ txoo unqꞌa uxhchileꞌ. Pet la kuxh ikꞌaxbꞌisa txoo unqꞌa uxhchileꞌ tiꞌ ichꞌoꞌnsaleꞌ tu oꞌvaꞌl ichꞌ, tan ech u kꞌaxkꞌoeꞌ uvaꞌ la ipalebꞌe unqꞌa uxhchileꞌ taꞌn txoo echeꞌ ichiꞌon u ixkabꞌeꞌ.   
\m
\v 6 As tu unqꞌa qꞌiieꞌ, as la tal veꞌt unqꞌa tenameꞌ ikameꞌ. As yeꞌ veꞌt u kamchileꞌ la ibꞌaneꞌ. As kꞌuxh la tachva unqꞌa tenameꞌ ikameꞌ, poro yeꞌ veꞌt tetz u kamchileꞌ stiꞌ la ibꞌaneꞌ.   
\p
\v 7 As ech tilon unqꞌa sakꞌeꞌ echeꞌ unqꞌa kaayeꞌ, tul nibꞌen txoo tu u chꞌaꞌo. As atik jeꞌ umaꞌl uvaꞌ tiꞌ iviꞌ txoo uvaꞌ ech tiloneꞌ echeꞌ umaj koroona uvaꞌ qꞌan chꞌichꞌ chittuꞌ. As ech tilon veꞌt vivatz txooeꞌ echeꞌ ivatz umaj uxhchil.   
\m
\v 8 As atik xiꞌl iviꞌ txoo echeꞌ xiꞌl iviꞌ umaj ixoj. As ech unqꞌa tee txooeꞌ echeꞌ tee unqꞌa bꞌalameꞌ.   
\m
\v 9 As bꞌajumalik u tziꞌ taama txooeꞌ taꞌn umaꞌl uvaꞌ echeꞌ chꞌichꞌ. As ech chit ivulun veꞌt vixichꞌ txooeꞌ echeꞌ ivulun mamaꞌla kareꞌt uveꞌ qinimal taꞌn kaay tul nibꞌen tu u chꞌaꞌo.   
\m
\v 10 As kat aqꞌax veꞌt te txoo tiꞌ ikꞌaxbꞌisal unqꞌa tenameꞌ. As aꞌ vijee txooeꞌ kat kꞌaxbꞌisan tu oꞌvaꞌl ichꞌ, tan jutzꞌ chit iviꞌ vijee txooeꞌ echeꞌ ijee unqꞌa ixkabꞌeꞌ.   
\m
\v 11 As vibꞌooqꞌol unqꞌa txooeꞌ as aꞌ u ángel uvaꞌ jeꞌ chꞌuꞌl tu u nimla tokkin juleꞌ. As Abadón ibꞌii tu u yolbꞌal hebreo. As ech koj tu yolbꞌal griego, tan Apolión ibꞌii.   
\p
\v 12 Ech ipal u bꞌaxa kꞌaxkꞌoeꞌ kat pali. As atil chit kaꞌvaꞌt kꞌaxkꞌo uvaꞌ la uli.   
\p
\v 13 As toqꞌsa veꞌt ivajpa u ángel u trompeta. As kat vabꞌi umaꞌl u tuul viꞌ xoꞌl kajvaꞌl ixoobꞌ u nachbꞌal Tiixheꞌ uvaꞌ qꞌan chꞌichꞌ chittuꞌ, uvaꞌ at vatz u Tiixheꞌ.   
\m
\v 14 As ech tal veꞌt u tuul viꞌ ileꞌ te ivajpa u ángel uvaꞌ atik trompeta xeꞌ: «Saapu veꞌt kajvaꞌl unqꞌa ángel uveꞌ kꞌalel tziꞌ u nimla aꞌeꞌ uveꞌ Éufrates,» tiꞌke.   
\m
\v 15 As saapul veꞌt kajvaꞌl unqꞌa ángel uveꞌ nik itxꞌebꞌon veꞌt tiꞌ u ooraeꞌ, tukꞌ tiꞌ u qꞌiieꞌ, tukꞌ tiꞌ u ichꞌeꞌ, as tukꞌ tiꞌ u yaabꞌeꞌ, as tiꞌ iyatzꞌpu veꞌt chꞌoola pokꞌoꞌchil unqꞌa tenameꞌ vatz u txꞌavaꞌeꞌ.   
\m
\v 16 As vabꞌi veꞌt u tachul unqꞌa soleꞌ uveꞌ bꞌen veꞌt tu u chꞌaꞌoeꞌ tiꞌ kaay. As laakꞌalal millón (200,000,000) tachul veꞌt kat vabꞌi.   
\p
\v 17 As tul nik ikꞌuchpu sve uvaꞌ echeꞌ vatzikꞌ, as kat vil unqꞌa kaayeꞌ tukꞌ unqꞌa najeꞌ uveꞌ atik jeꞌ stiꞌ. As atik ok umaꞌl uvaꞌ tziꞌ taama unqꞌa soleꞌ uvaꞌ kaj tiloneꞌ echeꞌ xamal, tukꞌ umaꞌt uvaꞌ tiꞌxay echeꞌ u kꞌubꞌeꞌ uvaꞌ zafiro ibꞌii, as tukꞌ umaꞌt uvaꞌ echeꞌ u azufre. As ech tilon viviꞌ unqꞌa kaayeꞌ echeꞌ iviꞌ bꞌalam. As nik tel chꞌuꞌl xamal titziꞌ unqꞌa kaayeꞌ, tukꞌ sibꞌ, as tukꞌ azufre.   
\m
\v 18 Aꞌeꞌ oxvaꞌl u kꞌaxkꞌoeꞌ uvaꞌ kat el chꞌuꞌl titziꞌ unqꞌa kaayeꞌ. As kat kam chꞌoola pokꞌoꞌchil unqꞌa uxhchileꞌ vatz u txꞌavaꞌeꞌ taꞌn u xamaleꞌ, tukꞌ u sibꞌeꞌ, tukꞌ u azufre.   
\m
\v 19 As atik iyakꞌil unqꞌa kaayeꞌ tiꞌ ikꞌaxbꞌisat unqꞌa uxhchileꞌ tukꞌ itziꞌ as tukꞌ ijee unpajte, tan ech tilon vijee txooeꞌ echeꞌ umaj txꞌiꞌlatxoo uvaꞌ nik chiꞌon unqꞌa uxhchileꞌ tukꞌ viviꞌeꞌ.   
\p
\v 20 As ech koj unjoltu unqꞌa uxhchileꞌ uvaꞌ yeꞌ kat kam taꞌn unqꞌa kꞌaxkꞌoeꞌ, tan yeꞌ kat ikꞌaxa tibꞌ tiꞌ iyaꞌsat u vaꞌlexheꞌ uvaꞌ nik ibꞌaneꞌ. As yeꞌ kat iyaꞌsa toksat iqꞌii unqꞌa subꞌuleꞌ tukꞌ unqꞌa tiixheꞌ uvaꞌ chꞌichꞌ, tukꞌ unqꞌa tiixheꞌ uvaꞌ kꞌubꞌ, tukꞌ unqꞌa tiixheꞌ uvaꞌ tzeꞌ, jankꞌal unqꞌa tiixheꞌ uveꞌ yeꞌ ni tiloneꞌ, as yeꞌ ni tabꞌineꞌ, as yeꞌ nitxꞌol ixaaneꞌ.   
\m
\v 21 As mitaꞌn kat iyaꞌsa tiꞌ iyatzꞌoneꞌ, tiꞌ ikunat vimooleꞌ, as tiꞌ iyansat tibꞌ tukꞌ umaꞌt uxhchil. As yeꞌ kat iyaꞌsa ibꞌanat u elaqꞌeꞌ.   
\c 10  
\s1 Ni til u Xhun umaꞌt u ángel uvaꞌ eqꞌomal umaꞌl u chꞌoola u uꞌuj staꞌn  
\p
\v 1 As kat vil ikuꞌ chꞌuꞌl umaꞌt u ángel tu almikaꞌ xoꞌl suutzꞌ uvaꞌ xoꞌvebꞌal chit iyakꞌil. As atik jeꞌ umaꞌl u txakmanchꞌel stiibꞌa. As ech tilon vivatzeꞌ echeꞌ u qꞌiieꞌ. As ech tilon u tojeꞌ echeꞌ taqꞌ xamal uvaꞌ nimal nijeꞌkat.   
\m
\v 2 As atik ok umaꞌl u tal u uꞌuj tiqꞌabꞌ u ángel uvaꞌ jajleꞌlike. As taqꞌ veꞌt bꞌen u sebꞌal u tojeꞌ viꞌ u mar. As umaꞌt u tojeꞌ as taqꞌ bꞌen viꞌ u txꞌavaꞌeꞌ.   
\m
\v 3 As ech u tuul iviꞌ u ángel echeꞌ ivulun umaj bꞌalam, tan saqꞌchibꞌal chit isikꞌineꞌ. As tul kat sikꞌin u ángel, as kat vabꞌi itiin vujvaꞌl unqꞌa qꞌankooeꞌ.   
\m
\v 4 As tul maꞌt vabꞌit itiin veꞌt vujvaꞌl unqꞌa qꞌankooeꞌ, as aalik untzꞌibꞌat veꞌt kan uvaꞌ kat vabꞌi. As vabꞌi iyolon tzan umaꞌl u tuul viꞌ tu almikaꞌ uvaꞌ ech nik tal ileꞌ: —Atzꞌibꞌak uvaꞌ kat aabꞌi. Pet atoj kuxh viyol vujvaꞌl unqꞌa qꞌankooeꞌ sakꞌuꞌl,— tiꞌk u tuul viꞌeꞌ tal sve.   
\p
\v 5 As u ángel uvaꞌ txaklik veꞌt viꞌ u mar as viꞌ u txꞌavaꞌeꞌ unpajte, as taqꞌ veꞌt jeꞌ u sebꞌal iqꞌabꞌeꞌ tu almikaꞌ.   
\m
\v 6 As teqꞌo tzan u ángel vibꞌii u Tiixheꞌ stuul uvaꞌ isleꞌle tiꞌ chit ibꞌeneꞌ, tiꞌ uvaꞌ techal la ibꞌaneꞌ kam uvaꞌ ni tal u ángel, tan Aakeꞌ cheesan tetz u txꞌavaꞌeꞌ tukꞌ unqꞌa veeꞌ at vatz u txꞌavaꞌeꞌ. As Aak cheesan tetz u mar tukꞌ unqꞌa veeꞌ at xeꞌ u mar. As ech tal u ángel ileꞌ unpajte: —¡As bꞌiit kuxh ilejat veꞌt imoxtel u qꞌiieꞌ!   
\m
\v 7 Tan tul la toqꞌsa veꞌt ivujpu u ángel u trompeta, as aꞌ la tzojpukat veꞌt unqꞌa veeꞌ skajayil uvaꞌ alel kan taꞌn u Kubꞌaal Tiixheꞌ. As aꞌeꞌ unqꞌa yoleꞌ uvaꞌ yeꞌ nik ipal unqꞌa tenameꞌ stuul uvaꞌ alelik kan taꞌn Aak te unqꞌa niman tetzeꞌ uveꞌ nik qꞌajsan viyol Aakeꞌ,— tiꞌk u ángel tala.   
\p
\v 8 As kat vabꞌi veꞌt iyolon u tuul viꞌeꞌ unpajte tu almikaꞌ uvaꞌ kat vabꞌi bꞌaxa. As ech tal ileꞌ: —Kuxh kꞌul veꞌt u tal uꞌujeꞌ uveꞌ jajleꞌl tiqꞌabꞌ u ángel uveꞌ at bꞌen u tojeꞌ viꞌ u mar as tukꞌ viꞌ u txꞌavaꞌeꞌ,— tiꞌk u yoleꞌ sve.   
\p
\v 9 As kat oon veꞌt in vatz u ángel. As kat unjaj veꞌt u tal uꞌujeꞌ ste. As ech tal veꞌt u ángel ileꞌ sve: —Ilaꞌ. As echbꞌu, tan vaꞌl chit ichiꞌaleꞌ tuk anach tatziꞌ echeꞌ u taꞌl kabꞌeꞌ. As tul la oon tavuul, as tuk kꞌaybꞌoj veꞌteꞌ,— tiꞌk u ángel tal sve.   
\m
\v 10 As kat unkꞌul veꞌt u tal uꞌujeꞌ tiqꞌabꞌ u ángel. As kat vechbꞌu veꞌteꞌ. As vaꞌl chit ichiꞌal kat unnach tuntziꞌ echeꞌ u taꞌl kabꞌeꞌ. As tul kat oon tu vuul, as vaꞌl chit ikꞌayal veꞌteꞌ kat unnacha.   
\m
\v 11 As ech kat alpu veꞌt ileꞌ sve: —Techal la aal veꞌt isuuchil unqꞌa yoleꞌ unpajte uvaꞌ alel kan taꞌn u Tiixheꞌ, tan la aal veꞌt u yoleꞌ te unqꞌa ijlenaaleꞌ tukꞌ te unqꞌa mamaꞌla uxhchileꞌ tulaj unqꞌa tenameꞌ skajayil, kꞌuxh kam kuxh yolbꞌalil niyolbꞌe,— tiꞌk u yoleꞌ sve.   
\c 11  
\s1 Niyolon u Xhun tiꞌ kaꞌvaꞌl unqꞌa alol tetz viyol u Tiixh  
\p
\v 1 As kat aqꞌax umaꞌl u aa sve uvaꞌ echeꞌ bꞌaara. As alpu umaꞌl u yol sve ech ileꞌ: —Kuxh echa u tuul u tostiixheꞌ tukꞌ u nachbꞌal Tiixheꞌ. As la eesa tachul unqꞌa uxhchileꞌ uveꞌ ni nachon in tzitziꞌ.   
\m
\v 2 Pet ech koj u vatz iqꞌanal u tostiixheꞌ, tan yeꞌxhkam la eecha, tan tetz veꞌt unqꞌa tenameꞌ uvaꞌ yeꞌ ni niman in. As tu kaꞌvaꞌl toxkꞌal (42) ichꞌ uvaꞌ la ibꞌan veꞌt unqꞌa tenameꞌ kam uvaꞌ ni tal taama tiꞌ u tenameꞌ uvaꞌ Jerusalén uvaꞌ txaael veꞌt svaꞌn.   
\m
\v 3 As la unchaj bꞌen kaꞌvaꞌl unqꞌa alol tetz vunyoleꞌ uvaꞌ atoꞌk qichkin oksaꞌm staꞌn, kꞌuchbꞌal tetz uvaꞌ vaꞌl itxumuneꞌ tiꞌ u tiila yoleꞌ uvaꞌ ni taleꞌ. As tu umaꞌl mil tukꞌ oxlaval kꞌalal (1,260) qꞌii la tal chajaak vunyoleꞌ xoꞌl unqꞌa tenameꞌ uvaꞌ yeꞌ ni niman in.   
\p
\v 4 As ech tatin kaꞌvaꞌl unqꞌa alol tetz vunyoleꞌ echeꞌ kaꞌvaꞌl unqꞌa tzeꞌeꞌ uvaꞌ olivo as tukꞌ kaꞌvaꞌt unqꞌa tatinbꞌal kanteela uveꞌ at sunvatz bꞌenameen, in uvaꞌ in iBꞌooqꞌol u vatz txꞌavaꞌeꞌ skajayil.   
\m
\v 5 Asoj abꞌil la xeꞌt tiꞌ kaꞌvaꞌl u alol tetz vunyoleꞌ, as la el veꞌt chꞌuꞌl xamal titziꞌ tiꞌ itzꞌeꞌsat unqꞌa uxhchileꞌ uvaꞌ la xeꞌt stiꞌ. As la kam u uxhchileꞌ uveꞌ la xeꞌt tiꞌ kaꞌvaꞌl u alol tetz vunyoleꞌ.   
\m
\v 6 As aqꞌel veꞌt te kaꞌvaꞌl u najeꞌ svaꞌn tiꞌ imajat ivatz u almikaꞌeꞌ tiꞌ uvaꞌ yeꞌl u jabꞌaleꞌ la ul veꞌteꞌ tu unqꞌa qꞌiieꞌ tul uvaꞌ ni tal veꞌt vunyoleꞌ te unqꞌa tenameꞌ. As aqꞌel veꞌt ste unpajte uvaꞌ jatpajul kuxh la tal taama tiꞌ ibꞌensat veꞌt u aꞌeꞌ skajil, as tiꞌ iyansat veꞌt u vatz txꞌavaꞌeꞌ taꞌn unqꞌa kꞌaxkꞌoeꞌ.   
\p
\v 7 As tul maꞌt talat veꞌt kaꞌvaꞌl u alol tetz vunyoleꞌ u yoleꞌ xoꞌl unqꞌa tenameꞌ, as la jeꞌ veꞌt chꞌuꞌl umaꞌl u txoo tu u nimla tokkin juleꞌ. As la xeꞌt veꞌt txoo stiꞌ. As la olebꞌ veꞌt txoo tiꞌ iyatzꞌpeꞌ.   
\m
\v 8 As tul maꞌt iyatzꞌpu veꞌt kaꞌvaꞌl u alol tetz vunyoleꞌ, as la kuxh kaa veꞌt vichiꞌoleꞌ tu bꞌeyeꞌ tu nimla tenameꞌ uvaꞌ «Sodoma» tukꞌ uvaꞌ «Egipto» tiꞌ u vaꞌlexheꞌ uveꞌ nibꞌan u nimla tenameꞌ, tan tu u tenameꞌ uvaꞌ kat yatzꞌpukat viBꞌooqꞌol Kubꞌaal Jesús chajnajeꞌ vatz u kuruseꞌ.   
\m
\v 9 As la kuxh isaji veꞌt unqꞌa tenameꞌ vichiꞌol unqꞌa alol tetz vunyoleꞌ tu oxvaꞌl u qꞌiieꞌ tukꞌ unchaqꞌal qꞌiiul, tan yeꞌ la saꞌp veꞌteꞌ uvaꞌ la bꞌen mujloj veꞌt vichiꞌoleꞌ. As kam kuxh tenamil, kam kuxh yolbꞌalil unqꞌa tenameꞌ vatz u txꞌavaꞌeꞌ la ilon veꞌteꞌ.   
\m
\v 10 As la chiibꞌ veꞌt unqꞌa tenameꞌ uveꞌ yeꞌ ni niman in tiꞌ uveꞌ kat kam kaꞌvaꞌl unqꞌa qꞌasan tetz vunyoleꞌ. As kam kuxh la toya veꞌt tibꞌ svatzaj taꞌn chiibꞌichil, tan tiꞌ uvaꞌ maꞌtik ixaansat veꞌt kaꞌvaꞌl u alol tetz vunyoleꞌ taama unqꞌa tenameꞌ,— tiꞌk u yoleꞌ uvaꞌ alpu veꞌt sve.   
\p
\v 11 As tul kat pal veꞌt oxvaꞌl u qꞌiieꞌ tukꞌ chaqꞌaal qꞌiiul, as kat tulsa veꞌt u Tiixheꞌ taama kaꞌvaꞌl u alol tetz viyoleꞌ. As tul kat txakebꞌ veꞌteꞌ, as mamaꞌla xoꞌvichil kat ok xeꞌ taama unqꞌa tenameꞌ skajayil uvaꞌ kat ilon itxakpeꞌ.   
\m
\v 12 As kat tabꞌi veꞌt kaꞌvaꞌl u alol tetz viyol u Tiixheꞌ ivulun umaꞌl u tuul viꞌ tu almikaꞌ uvaꞌ ech nik tal ileꞌ: «¡Jeꞌojtaj chꞌuꞌl ex tzitzaꞌ!» tiꞌk u yoleꞌ tal te chajnaj. As jeꞌ veꞌt unqꞌa alol tetz viyol u Tiixheꞌ tu almikaꞌ tu umaꞌl u suutzꞌ. As unqꞌa tenameꞌ uvaꞌ nik ichꞌoꞌn taama tiꞌ chajaak, as til veꞌt ijeꞌ chajaak.   
\p
\v 13 As yak kuxh ul veꞌt umaꞌl u nimla kabꞌlaano. As jununil kabꞌal eꞌp veꞌt xoꞌl laval. As vujvaꞌl mil unqꞌa uxhchileꞌ kat kami taꞌn u kabꞌlaanoeꞌ. As unqꞌa uxhchileꞌ uvaꞌ yeꞌ kat kami, as kat toksa veꞌt iqꞌii u Tiixheꞌ tu almikaꞌ taꞌn u xoꞌvichileꞌ.   
\p
\v 14 As ech ipal veꞌt vikaꞌv u kꞌaxkꞌoeꞌ kat pali. As il veꞌt vitoxvu u kꞌaxkꞌoeꞌ tul veꞌteꞌ.   
\s1 Ni toqꞌsal vivujpu trompeta  
\p
\v 15 As kat toqꞌsa veꞌt vivujpu u ángel u trompeta. As mamaꞌla tuul viꞌ kat uch tu almikaꞌ uvaꞌ ech nik tal ileꞌ:  
\q1 Kajayil unqꞌa tenameꞌ uvaꞌ nik til unqꞌa ijlenaaleꞌ isuuchil vatz u txꞌavaꞌeꞌ,  
\q1 as aꞌ veꞌt u Kubꞌaal Tiixheꞌ ni ilon isuuchil scheel tukꞌ u Kubꞌaal Jesucristo.  
\q1 As yeꞌl veꞌt iyaꞌtebꞌal u tijleꞌm Aakeꞌ tiꞌ u tenameꞌ uvaꞌ at jaqꞌ u tijleꞌm u Tiixheꞌ, tiꞌk unqꞌa tuul viꞌeꞌ.   
\p
\v 16 As vinaj kajvaꞌl unqꞌa qꞌesla aamaeꞌ uvaꞌ xonlik veꞌt tu vixonlebꞌaleꞌ vatz u Tiixheꞌ, as kuꞌ veꞌt qaaloj vatz Aak techal oon ipala vatz txꞌavaꞌ tiꞌ toksat veꞌt iqꞌii Aak.   
\m
\v 17 As ech tal veꞌt ileꞌ:  
\q1 Kubꞌaal Tiixh uvaꞌ nim aalcheꞌ tiꞌ unqꞌa veeꞌ skajayil, taꞌntiixh see,  
\q1 axheꞌ uvaꞌ atik chit axh; as axheꞌ uveꞌ at axh cheel; as axheꞌ uveꞌ tuk uloj veꞌt axh.  
\q1 As ni qaqꞌ taꞌntiixh see, tan kat atxakonsal veꞌt u eejleꞌmeꞌ.  
\q1 As kat oksal veꞌt unqꞌa tenameꞌ skajayil jaqꞌ u eejleꞌmeꞌ.   
\q1
\v 18 As kat ul veꞌt iviꞌ unqꞌa tenameꞌ seeꞌ tiꞌ teesal aqꞌii.  
\q1 As kat oonyu veꞌt iqꞌiil vatxꞌiꞌtziꞌleꞌ tiꞌ abꞌanat isuuchil unqꞌa kamnajeꞌ,  
\q1 as tiꞌ aaqꞌat veꞌt vitxꞌajaꞌm unqꞌa akꞌameꞌ uveꞌ kat qꞌajsan vayoleꞌ,  
\q1 tukꞌ vatenameꞌ uvaꞌ ni oksan aqꞌii,  
\q1 kꞌuxh nim talcheꞌ moj yeꞌle.  
\q1 As aꞌeꞌ u qꞌiieꞌ uvaꞌ tuk asotzsa veꞌt ivatz unqꞌa uxhchileꞌ uveꞌ ni yansan u vatz txꞌavaꞌeꞌ, tiꞌk vinaj kajvaꞌl unqꞌa qꞌesla aamaeꞌ.   
\p
\v 19 As kat jajpu veꞌt u tostiixheꞌ uvaꞌ at tu almikaꞌ. As kat ilax veꞌt u kaaxhaeꞌ uveꞌ kolikkat unqꞌa yoleꞌ uvaꞌ ijej kan u Tiixheꞌ sqiꞌ, oꞌ vitenam Aakeꞌ. As vaꞌlik chit ilitzꞌkabꞌan u kayampaꞌleꞌ uvaꞌ kat vila. As kat vabꞌi ivulun mamaꞌla tuul viꞌeꞌ tukꞌ u qꞌankooeꞌ uvaꞌ vaꞌlik chit itzetkabꞌaneꞌ. As kat ul veꞌt umaꞌl u kabꞌlaano tukꞌ mam sajbꞌatz.   
\c 12  
\s1 Niyolon u Xhun tiꞌ umaꞌl u ixoj tukꞌ umaꞌt u nimla txꞌiꞌlatxoo  
\p
\v 1 As ilax veꞌt umaꞌl u vaaꞌ tu almikaꞌ. As aꞌ umaꞌl u ixoj uvaꞌ ech u toksaꞌmeꞌ echeꞌ u qꞌiieꞌ. As atik kan u ichꞌeꞌ jaqꞌ toj u ixojeꞌ. As atik jeꞌ umaꞌl u koroona tiꞌ iviꞌ ixoj uvaꞌ atik ok kabꞌlaval unqꞌa txꞌumileꞌ stiꞌ.   
\m
\v 2 As atik veꞌt iyaabꞌil ixoj tiꞌ talaj intxaꞌ. As vaꞌlik chit isikꞌin veꞌt ixoj taꞌn u chꞌoꞌmeꞌ uveꞌ nik ipalebꞌe veꞌt ixoj, tan tiꞌ uvaꞌ tuk alanoj veꞌt ixoj.   
\m
\v 3 As ikꞌuch veꞌt tibꞌ umaꞌte tu almikaꞌ. As aꞌ umaꞌl u nimla txoo uvaꞌ kaj chit tiꞌ. As vujvaꞌl iviꞌ txoo atike. As laval tukꞌ txoo atike. As atik jeꞌ umaꞌl u koroona tiꞌ junun unqꞌa iviꞌ txooeꞌ.   
\m
\v 4 As pal teesa veꞌt vijee txooeꞌ chꞌoola pokꞌoꞌchil unqꞌa txꞌumileꞌ vatz u almikaꞌeꞌ. As chajpik veꞌt tzan unqꞌa txꞌumileꞌ vatz u txꞌavaꞌeꞌ taꞌn txoo. As txakebꞌ veꞌt txoo vatz u ixojeꞌ uvaꞌ tuk alanoj veꞌteꞌ, tan aꞌ nik tal txoo uvaꞌ la ichiꞌ veꞌt txoo u tal ixojeꞌ uvaꞌ la itzꞌebꞌi.   
\m
\v 5 As alan veꞌt ixoj. As xaak u tal neꞌeꞌ uvaꞌ kat itzꞌebꞌi. As aꞌ veꞌteꞌ la ok veꞌt ijlenaalil tiꞌ unqꞌa tenameꞌ skajayil tukꞌ umaꞌl vibꞌaara uvaꞌ chꞌichꞌ. As maap veꞌt u tal u ixojeꞌ vatz u txooeꞌ. As eqꞌol veꞌt jeꞌ vatz u Kubꞌaal Tiixheꞌ as vatz vinimla xonlebꞌal Aakeꞌ.   
\m
\v 6 As ooj veꞌt ixoj vatz u txooeꞌ. As oon veꞌt ixoj tu umaꞌl u tzuukin txꞌavaꞌ, tan maꞌtik ibꞌanat u Tiixheꞌ tuch tatinbꞌal ixoj tiꞌ uvaꞌ la kolax veꞌt ixoj tu umaꞌl mil oxlaval kꞌalal (1,260) qꞌii.   
\p
\v 7 As xeꞌt veꞌt umaꞌl u mam chꞌaꞌo tu almikaꞌ. As iqꞌos veꞌt tibꞌ unqꞌa ángel uvaꞌ echen kꞌatz u ángel uvaꞌ Meꞌk ibꞌii tukꞌ u nimla txꞌiꞌlatxooeꞌ as tukꞌ unqꞌa ángel uvaꞌ xekel tiꞌ u txooeꞌ.   
\m
\v 8 As yeꞌ kat olebꞌ veꞌt u nimla txꞌiꞌlatxooeꞌ tukꞌ unqꞌa imooleꞌ tiꞌ u Meꞌkeꞌ tukꞌ unqꞌa ángel uvaꞌ xekel stiꞌ. Estiꞌeꞌ yeꞌ kat uch tatin u nimla txꞌiꞌlatxooeꞌ tu almikaꞌ tukꞌ unqꞌa imooleꞌ.   
\m
\v 9 As kat eesal veꞌt el tzan u nimla txꞌiꞌlatxooeꞌ tu almikaꞌ. As kat sutil veꞌt kuꞌ tzan vatz u txꞌavaꞌeꞌ tukꞌ unqꞌa imooleꞌ. As u nimla txꞌiꞌlatxooeꞌ as aꞌeꞌ u txꞌiꞌlatxooeꞌ uvaꞌ at chittuꞌ uvaꞌ txꞌiꞌlanaj chꞌelel as Satanás unpajte. As aꞌeꞌ ni eesan unqꞌa tenameꞌ tu bꞌey.   
\p
\v 10 As vabꞌi veꞌt umaꞌl u tuul viꞌ uvaꞌ saqꞌchibꞌal chittuꞌ tu almikaꞌ. As ech tal ileꞌ:  
\q1 As kat sutilyak veꞌt bꞌeneꞌ el u txꞌiꞌlanajeꞌ uvaꞌ ni cheesan ipaav unqꞌa qitzꞌin qatzikeꞌ vatz u Tiixheꞌ sqꞌiil aqꞌbꞌal.  
\q1 As kat eesaliy veꞌt u paaveꞌ tiꞌ vitenam u Tiixheꞌ tiꞌ chit ibꞌeneꞌ  
\q1 As ni xeꞌt veꞌt u Tiixheꞌ tukꞌ u tijleꞌmeꞌ, as tukꞌ viyakꞌileꞌ, as tukꞌ u tijleꞌm u Cristo.   
\m
\v 11 As tukꞌ vikajal u Kaneeroꞌeꞌ, as tukꞌ ibꞌaꞌnla yoleꞌ, as tiꞌ taqꞌat chajaak vitiichajileꞌ kamoj tiꞌ ibꞌanat kanal.   
\m
\v 12 ¡As chiibꞌojtaj ex, jankꞌal ex uvaꞌ at ex tu almikaꞌ!  
\q1 ¡Pet oyebꞌ chit evatz, ex uveꞌ at ex vatz u txꞌavaꞌeꞌ tukꞌ unqꞌa veeꞌ at xeꞌ u mar!  
\q1 Tan kat kuꞌyak veꞌt chꞌuꞌl u txꞌiꞌlanajeꞌ sexoꞌl.  
\q1 As at skꞌuꞌl u txꞌiꞌlanajeꞌ uvaꞌ bꞌiit kuxh ilejat veꞌt viqꞌiieꞌ tiꞌ isotzeꞌ.  
\q1 Estiꞌeꞌ kat txꞌiꞌtziꞌltu veꞌt u txꞌiꞌlanajeꞌ setiꞌ, tiꞌk u tuul viꞌeꞌ uvaꞌ vabꞌi.   
\p
\v 13 As tul kat til veꞌt u nimla txꞌiꞌlatxooeꞌ uvaꞌ maꞌt isutil kuꞌ tzan txoo vatz u txꞌavaꞌeꞌ, as xeꞌt veꞌt txoo tiꞌ itilul u ixojeꞌ uvaꞌ kat alan u tal xaakeꞌ.   
\m
\v 14 As aqꞌax veꞌt kaꞌvaꞌl ixichꞌ u ixojeꞌ echeꞌ ixichꞌ umaj nimla xichꞌ, tiꞌ uvaꞌ la ooj veꞌt ixoj vatz u txooeꞌ. As la xichꞌan veꞌt ibꞌen ixoj tu u tatinbꞌaleꞌ tu u tzuukin txꞌavaꞌeꞌ tu uveꞌ la kolpukat ixoj tu oxvaꞌl yaabꞌ tukꞌ vaajit ichꞌ.   
\m
\v 15 As ixaꞌva veꞌt bꞌen txoo mamaꞌla aꞌ tiꞌ u ixojeꞌ uvaꞌ ech veꞌteꞌ echeꞌ nimla aꞌ ibꞌana. As la tija veꞌt u aꞌeꞌ u ixojeꞌ skꞌuꞌl.   
\m
\v 16 Pet kat iloch veꞌt u txꞌavaꞌeꞌ u ixojeꞌ, tan ijaj veꞌt tibꞌ u txꞌavaꞌeꞌ. As bꞌen veꞌt u nimla aꞌeꞌ tu u txꞌavaꞌeꞌ uvaꞌ ixaꞌva u nimla txꞌiꞌlatxooeꞌ.   
\m
\v 17-18 As aal chit ul veꞌt iviꞌ u nimla txꞌiꞌlatxooeꞌ tiꞌ u ixojeꞌ. As bꞌex ixeꞌtisa veꞌt txoo chꞌaꞌo tiꞌ unjoltu unqꞌa tal u ixojeꞌ uvaꞌ nikat niman veꞌt u tzaqꞌiteꞌ uvaꞌ tzꞌibꞌamal kan. As yeꞌ kat teesa tibꞌ tiꞌ inimat viyol u Jesúseꞌ.   
\c 13  
\s1 Niyolon u Xhun tiꞌ kaꞌvaꞌt unqꞌa txoo  
\p
\v 1 Txaklik in viꞌ u sanabꞌeꞌ tziꞌ u mareꞌ, as vil ijeꞌ veꞌt chꞌuꞌl umaꞌt u txoo xeꞌ u mar uvaꞌ laval tukꞌ atike tukꞌ vujvaꞌt iviꞌ. As atik jeꞌ umaꞌl u koroona tiꞌ junun unqꞌa tukꞌ txooeꞌ. As tzꞌibꞌamal veꞌt ok umaꞌl u bꞌii tiꞌ junun unqꞌa iviꞌ txooeꞌ, uvaꞌ nikat iyoqꞌon tiꞌ u Tiixheꞌ.   
\m
\v 2 As echik tilon u txooeꞌ echeꞌ qꞌambꞌoꞌlay. As echik u toj txooeꞌ echeꞌ toj oso. As echik vitziꞌ txooeꞌ echeꞌ itziꞌ u bꞌalameꞌ. As mamaꞌla yakꞌil kat taqꞌ veꞌt u nimla txꞌiꞌlatxooeꞌ te u txooeꞌ. As kat taqꞌ veꞌt u txꞌiꞌlatxooeꞌ vixonlebꞌaleꞌ tukꞌ u tijleꞌmeꞌ te u txooeꞌ.   
\m
\v 3 As ech tilon umaꞌl viviꞌ u txooeꞌ echeꞌ umaj uxhchil uvaꞌ kꞌaxbꞌinal veꞌteꞌ tiꞌ ikameꞌ. As kat txansal veꞌt viviꞌ u txooeꞌ uvaꞌ kꞌaxbꞌinalike. As tul kat ilpi uvaꞌ kat txansal veꞌt viviꞌ u txooeꞌ, as kat xekebꞌ veꞌt unqꞌa tenameꞌ tiꞌ txoo.   
\m
\v 4 As toksa veꞌt unqꞌa tenameꞌ iqꞌii u nimla txꞌiꞌlatxooeꞌ, tan tiꞌ uvaꞌ maꞌtik taqꞌat veꞌt u nimla txꞌiꞌlatxooeꞌ tijleꞌm u txooeꞌ uvaꞌ kat jeꞌ chꞌuꞌl xeꞌ u mar. As toksa veꞌt unqꞌa tenameꞌ iqꞌii u txooeꞌ. As ech tal veꞌt unqꞌa tenam ileꞌ: —Yeꞌxhebꞌil la lejon tiꞌ u txooeꞌ uvaꞌ kat jeꞌ chꞌuꞌl xeꞌ u mar. As yeꞌxhebꞌil la olebꞌ tiꞌ ibꞌanat chꞌaꞌo tiꞌ txoo,— tiꞌk unqꞌa tenameꞌ.   
\p
\v 5 As u txooeꞌ uvaꞌ kat jeꞌ chꞌuꞌl xeꞌ u mar as kat aqꞌax veꞌt te txoo tiꞌ uvaꞌ la ijeꞌsa veꞌt tibꞌ txoo. As tul nik iyolon veꞌt txoo, as kat yoqꞌon veꞌt txoo tiꞌ u Tiixheꞌ. As kaꞌvaꞌl toxkꞌal (42) ichꞌ kat aqꞌax veꞌt tijleꞌm txoo.   
\m
\v 6 As tul nik iyolon txoo, as aꞌ u Kubꞌaal Tiixheꞌ nik iyoqꞌ veꞌt txoo. As nik iyoqꞌon txoo tiꞌ vibꞌii Aakeꞌ tukꞌ u tatinbꞌal Aakeꞌ, as tukꞌ unqꞌa icheesaꞌm Aakeꞌ uvaꞌ at tu almikaꞌ.   
\m
\v 7 As kat aqꞌax veꞌt te txoo tiꞌ ixeꞌtisat chꞌaꞌo tiꞌ vitenam u Tiixheꞌ as tiꞌ tolebꞌ stiꞌ. As kat aqꞌax veꞌt tijleꞌm txoo tiꞌ unqꞌa nimla tenameꞌ skajayil, as kam kuxh aamail, as kam kuxh tenamil, as kam kuxh yolbꞌalil.   
\m
\v 8 As oksal veꞌt iqꞌii u txooeꞌ taꞌn unqꞌa tenameꞌ uveꞌ yeꞌl vibꞌiieꞌ tzꞌibꞌamal tu u uꞌujeꞌ uveꞌ tetz u Kaneeroꞌeꞌ uveꞌ kat yatzꞌpi. As aꞌ unqꞌa tenameꞌ uvaꞌ yeꞌl vibꞌiieꞌ tzꞌibꞌamal tu u uꞌujeꞌ xeꞌ qꞌiisaj.   
\m
\v 9 Abꞌiste ex uveꞌ nepal tu u yoleꞌ, as etabꞌitaj.   
\q1
\v 10 Tan abꞌil uvaꞌ la alpu stiꞌ uvaꞌ la bꞌen preexhuil,  
\q1 as bꞌenoj preexhuil.  
\q1 As abꞌil uvaꞌ la alpu stiꞌ uvaꞌ la kam taꞌn chꞌichꞌ,  
\q1 as kamoj taꞌn chꞌichꞌ.  
\m As tzitziꞌ la kukꞌuchkat uvaꞌ kꞌujleꞌl chit kukꞌuꞌl tiꞌ u Tiixheꞌ, oꞌ uvaꞌ oꞌ itenam Aak, tan kꞌuxh la kupalebꞌe unqꞌa kꞌaxkꞌoeꞌ, as yeꞌ la kuyaꞌsa kukꞌujbꞌaꞌt kukꞌuꞌl tiꞌ Aak.   
\p
\v 11 As vil ijeꞌ veꞌt chꞌuꞌl umaꞌt u txoo tu txꞌavaꞌ. As atik kaꞌvaꞌl tukꞌ txoo, echeꞌ tukꞌ umaj kaneeroꞌ. As ech iyolon u txooeꞌ echeꞌ umaj nimla txꞌiꞌlatxoo.   
\m
\v 12 As atin veꞌt u txooeꞌ vatz u txooeꞌ uvaꞌ maꞌtik ijeꞌ chꞌuꞌl xeꞌ u mar, tan eela u tijleꞌm txooeꞌ skaabꞌil. As tal veꞌt u txooeꞌ uvaꞌ jeꞌ chꞌuꞌl tu txꞌavaꞌ uvaꞌ la kuꞌ veꞌt unqꞌa tenameꞌ skajayil qaaloj vatz u txooeꞌ uvaꞌ jeꞌ chꞌuꞌl xeꞌ u mar uvaꞌ kꞌaxbꞌinalike as maꞌtik itxansaleꞌ.   
\m
\v 13 As ikꞌuch veꞌt u txooeꞌ unqꞌa kꞌuchbꞌal tetz u tijleꞌmeꞌ uvaꞌ xoꞌvebꞌal chittuꞌ. As kat kuꞌ chꞌuꞌl xamal tu almikaꞌ taꞌn txoo vatz unqꞌa tenameꞌ.   
\m
\v 14 As imaxtibꞌe veꞌt txoo unqꞌa tenameꞌ tukꞌ u kꞌuchbꞌal tetz u tijleꞌmeꞌ vatz u txooeꞌ uvaꞌ maꞌtik ijeꞌ chꞌuꞌl xeꞌ u mar. As tal veꞌt u txooeꞌ te unqꞌa tenameꞌ uvaꞌ la oksal iqꞌii u txooeꞌ uvaꞌ jeꞌ chꞌuꞌl xeꞌ u mar. As la bꞌanchu veꞌt ivatzibꞌal txoo, tan kꞌuxh maꞌtik itzokꞌpu txoo taꞌn chꞌichꞌ, as isleꞌltel txoo.   
\m
\v 15 As kat aqꞌax veꞌt te u txooeꞌ uvaꞌ kat jeꞌ chꞌuꞌl tu txꞌavaꞌ tiꞌ taqꞌat itiichajil vivatzibꞌal u txooeꞌ uvaꞌ jeꞌ chꞌuꞌl xeꞌ u mar. As yolon veꞌt ivatzibꞌal u txooeꞌ tiꞌ talat iyatzꞌpu veꞌt unqꞌa uxhchileꞌ uvaꞌ yeꞌ la kuꞌ qaaloj vatz u vatzibꞌaleꞌ.   
\m
\v 16 As tal veꞌt u txooeꞌ uvaꞌ jeꞌ chꞌuꞌl tu txꞌavaꞌ uvaꞌ la oksal veꞌt texhlal unqꞌa tenameꞌ skajayil tisebꞌal iqꞌabꞌ as moj xoꞌl ipala. As ok veꞌt texhlal unqꞌa tenameꞌ, kꞌuxh chꞌoo, kꞌuxh nim, kꞌuxh txꞌioliqꞌii, kꞌuxh meebꞌaꞌ, kꞌuxh kꞌam, as kꞌuxh jit kꞌam,   
\m
\v 17 tan asoj at umaj abꞌil uvaꞌ yeꞌ la ok texhlal, as yeꞌ la uch veꞌt ikꞌayineꞌ. As mitaꞌn la uch iloqꞌoneꞌ, tan tiꞌ uvaꞌ yeꞌl texhlal vibꞌii u txooeꞌ uvaꞌ jeꞌ chꞌuꞌl xeꞌ u mar atoꞌk stiꞌ as moj tachul vibꞌii u txooeꞌ.   
\p
\v 18 As tzitziꞌ la ootzilkat uvaꞌ abꞌil uvaꞌ at itxumbꞌal, tan asoj at itxumbꞌal umaj uxhchil, as la tixma veꞌt u acheꞌ uvaꞌ tetz u txooeꞌ uvaꞌ kat jeꞌ chꞌuꞌl xeꞌ u mar, tan eela kuxh u acheꞌ tukꞌ unqꞌa acheꞌ uvaꞌ nu kubꞌanbꞌe. As aꞌeꞌ u 666.   
\c 14  
\s1 Kat til u Xhun u Kaneeroꞌ tukꞌ 144,000 unqꞌa uxhchil  
\p
\v 1 As kat vil u Kaneeroꞌeꞌ unpajte. As txaklik veꞌteꞌ viꞌ u vitzeꞌ uvaꞌ Sion ibꞌii tukꞌ umaꞌl 144,000 unqꞌa uxhchileꞌ uvaꞌ tzꞌibꞌamal ok vibꞌii Aakeꞌ xoꞌl ipala as tukꞌ vibꞌii u Tiixheꞌ.   
\m
\v 2 As vabꞌi veꞌt tel chꞌuꞌl umaꞌl u tuul viꞌ tu almikaꞌ uvaꞌ ech ivuluneꞌ echeꞌ ivulun umaj nimla aꞌ. As ech itzetkabꞌaneꞌ echeꞌ qꞌankoo uvaꞌ xoꞌvebꞌal chittuꞌ. As ech u tuul iviꞌeꞌ echeꞌ toqꞌ unqꞌa arpa tul uvaꞌ ni qꞌoopeꞌ.   
\m
\v 3 As kat bꞌitzal veꞌt umaꞌl u akꞌ bꞌitz vatz u nimla xonlebꞌaleꞌ uvaꞌ xonleꞌlkat u Tiixheꞌ, tukꞌ vatz kajvaꞌl unqꞌa islich aamaeꞌ, as tukꞌ vatz unqꞌa qꞌesla aamaeꞌ. As yeꞌxhebꞌil kat aqꞌax tootzibꞌal tiꞌ ibꞌitzat u bꞌitzeꞌ. Pet taꞌn kuxh umaꞌl 144,000 unqꞌa uxhchileꞌ, tan aꞌ unqꞌa uxhchileꞌ uvaꞌ kat sotzyu veꞌt vipaaveꞌ xoꞌl unqꞌa tenameꞌ skajayil vatz u txꞌavaꞌeꞌ.   
\m
\v 4 As aꞌ unqꞌa uxhchileꞌ uvaꞌ yeꞌ kat iyansa tibꞌ tukꞌ unqꞌa ixojeꞌ. As ech tatineꞌ echeꞌ umaj qꞌopo ixoj uvaꞌ kꞌujleꞌl tzii stiꞌ, tan kꞌulel veꞌt tibꞌ iyol stukꞌ u Kaneeroꞌeꞌ, as xekel veꞌt stiꞌ kꞌuxh katil kuxh la bꞌenkat. As aꞌ unqꞌa uxhchileꞌ uvaꞌ kat sotzsalyu veꞌt vipaaveꞌ xoꞌl unqꞌa tenameꞌ skajayil vatz u txꞌavaꞌeꞌ. As ech tatineꞌ echeꞌ umaj bꞌaxa oy uvaꞌ ni toksal vatz u Tiixheꞌ tukꞌ vatz u Kaneeroꞌeꞌ.   
\m
\v 5 Tan yeꞌl umaj chuli yol kat tala. As yeꞌl umaj vaꞌlexh kat chee tu u taanxelaleꞌ.   
\s1 Ni til u Xhun oxvaꞌt unqꞌa ángel  
\p
\v 6 As kat vil ixichꞌan veꞌt umaꞌt u ángel uvaꞌ nik ipal vatz u almikaꞌeꞌ. As eqꞌomal unqꞌa bꞌaꞌnla yoleꞌ staꞌn tiꞌ talat te unqꞌa tenameꞌ skajayil vatz u txꞌavaꞌeꞌ, kam kuxh aamail, as kam kuxh tenamil, as kam kuxh yolbꞌalil.   
\m
\v 7 As taqꞌ veꞌt jeꞌ tuul iviꞌ. As ech tal ileꞌ: —¡Exoꞌvataj u Tiixheꞌ! ¡As etoksataj iqꞌii Aak! Tan kat ilejlu veꞌt u qꞌiieꞌ uvaꞌ la ibꞌan Aak isuuchil unqꞌa tenameꞌ skajayil. ¡Enachtaj u Tiixheꞌ uvaꞌ cheesan tetz u almikaꞌeꞌ, tukꞌ u txꞌavaꞌeꞌ, tukꞌ u mar, as tukꞌ unqꞌa ichonil unqꞌa aꞌeꞌ!   
\p
\v 8 As xekelik veꞌt tzan umaꞌt u ángel stiꞌ. As ech tal veꞌt ileꞌ: —¡As kat sotzyu veꞌt u nimla tenameꞌ uvaꞌ Babilonia! ¡Kat sotzyu veꞌteꞌ! Tan aꞌ u Babilonia uvaꞌ kat bꞌanon unqꞌa vaꞌlexhla txumbꞌaleꞌ bꞌaxa, tiꞌ uvaꞌ la ibꞌan unjoltu unqꞌa tenameꞌ tetz, echeꞌ nibꞌan umaj qꞌabꞌareel uvaꞌ ni qꞌabꞌansan unqꞌa imooleꞌ. Pet tiꞌ unqꞌa vaꞌlexhla txumbꞌaleꞌ uveꞌ nibꞌaneꞌ as kat ul vitxꞌiꞌtziꞌl u Tiixheꞌ stiꞌ,— tiꞌk u kaꞌv ángel.   
\p
\v 9 As xekelik veꞌt tzan umaꞌt u ángel tiꞌ unqꞌa ángel. As taqꞌ veꞌt jeꞌ tuul iviꞌ. As ech tal ileꞌ: —Abꞌil uvaꞌ la kuꞌ qaaloj vatz u txooeꞌ moj vatz vivatzibꞌal u txooeꞌ, as abꞌil uvaꞌ la kꞌulun veꞌt u texhlal u txooeꞌ xoꞌl ipala moj tiꞌ iqꞌabꞌ,   
\m
\v 10 as techanal la ul vitxꞌiꞌtziꞌl u Tiixheꞌ stiꞌ, tan ech viyakꞌil vitxꞌiꞌtziꞌl Aakeꞌ echeꞌ umaj vino uvaꞌ yeꞌxhkam yuel. As vatz unqꞌa ángeleꞌ uvaꞌ tetz u Tiixheꞌ as vatz u Kaneeroꞌeꞌ, as techal la ipalebꞌe unqꞌa tenameꞌ kꞌaxkꞌo taꞌn xamal as tukꞌ azufre.   
\m
\v 11 As yeꞌ la yaꞌ ijeꞌ visibꞌil u xamaleꞌ tukꞌ u azufre uvaꞌ la kꞌaxbꞌisan unqꞌa tenameꞌ, tan sqꞌiil as aqꞌbꞌal yeꞌ la yaꞌ veꞌteꞌ tiꞌ itzꞌeꞌsat unqꞌa tenameꞌ, jankꞌal unqꞌa tenameꞌ uvaꞌ nikuꞌ qaaloj vatz u txooeꞌ uvaꞌ kat jeꞌ chꞌuꞌl xeꞌ u mar moj vatz vivatzibꞌal u txooeꞌ, as tukꞌ unqꞌa tenameꞌ uvaꞌ kat kꞌulun u texhlaleꞌ tetz vibꞌii u txooeꞌ,— tiꞌk u toxvu ángel.   
\p
\v 12 As tzitziꞌ la kukꞌuchkat uvaꞌ yeꞌ la kuyaꞌsa kukꞌujbꞌaꞌt kukꞌuꞌl tiꞌ u Tiixheꞌ, oꞌ uvaꞌ oꞌ itenam Aak, as jankꞌal oꞌ uvaꞌ ni niman u tzaqꞌiteꞌ uvaꞌ tzꞌibꞌamal kan as kꞌujleꞌl kukꞌuꞌl tiꞌ u Kubꞌaal Jesús.   
\p
\v 13 As vabꞌi umaꞌl u tuul viꞌ tu almikaꞌeꞌ uvaꞌ ech tal ileꞌ sve: —Tzꞌibꞌa uvaꞌ tuk val see: «Tan achvebꞌal chit unqꞌa uxhchileꞌ uvaꞌ la kam veꞌt cheel tiꞌ ibꞌeneꞌ, jankꞌal unqꞌa uxhchileꞌ uvaꞌ at veꞌt ok kꞌatz u Jesús,»— tiꞌk sve. As ech tal u Tiixhla Espíritu ileꞌ: —An chiteꞌ taꞌ. As yeꞌl veꞌt umaꞌtoj kꞌaxkꞌo la ipalebꞌe, tan eqꞌomal unqꞌa bꞌaꞌnla txumbꞌaleꞌ staꞌn,— tiꞌk u Tiixhla Espíritu tala.   
\s1 Ni til u Xhun uvaꞌ kaꞌjolol unqꞌa tenam kat molax vatz u txꞌavaꞌ  
\p
\v 14 As vil tul umaꞌl u saj suutzꞌ uvaꞌ xonlikkat umaꞌl u uxhchil uvaꞌ ech tiloneꞌ echeꞌ umaꞌl \sc VIKꞌAOL U NAJEꞌ\sc*. As atik jeꞌ umaꞌl u koroona tiꞌ iviꞌ uvaꞌ bꞌaꞌnla qꞌan chꞌichꞌ. As atik ok umaꞌl u chꞌichꞌ tiqꞌabꞌ uvaꞌ xiꞌleꞌl chit tee.   
\m
\v 15 As el veꞌt chꞌuꞌl umaꞌt ángel tu u tostiixheꞌ tu almikaꞌ. As sikꞌin veꞌteꞌ tiꞌ iyolon te u uxhchileꞌ uvaꞌ xonlik viꞌ u suutzꞌeꞌ. As ech tal ileꞌ ste: —¡Bꞌanbꞌe u chꞌichꞌeꞌ! ¡As tzokꞌ veꞌt unqꞌa veeꞌ at vatz u txꞌavaꞌeꞌ! Tan kat ilejlu veꞌt u qꞌiieꞌ tiꞌ itzokꞌpeꞌ, tan qꞌanbꞌiy veꞌt unqꞌa chikoeꞌ,— tiꞌk u ángel tala.   
\m
\v 16 As u uxhchileꞌ uvaꞌ xonlik viꞌ u suutzꞌeꞌ as kat xeꞌt veꞌt tiꞌ itzokꞌax unqꞌa chikoeꞌ uveꞌ at vatz u txꞌavaꞌeꞌ. As kat imol veꞌt ivatz unqꞌa chikoeꞌ uveꞌ atik vatz u txꞌavaꞌeꞌ.   
\p
\v 17 As el chꞌuꞌl umaꞌt u ángel tu u tostiixheꞌ tu almikaꞌeꞌ. As eqꞌomal umaꞌt u chꞌichꞌ staꞌn uvaꞌ xiꞌleꞌl chit tee.   
\m
\v 18 As el chꞌuꞌl umaꞌt u ángel tu u atinbꞌaleꞌ uveꞌ nikat itzꞌeꞌsalkat unqꞌa txokopeꞌ vatz u Tiixheꞌ. As atik tijleꞌm u ángel tiꞌ tilax isuuchil u xamaleꞌ. As sikꞌin veꞌt u ángel te vimooleꞌ uvaꞌ eqꞌomalik u chꞌichꞌeꞌ staꞌn uvaꞌ xiꞌleꞌlik chit tee. As ech tal veꞌt ileꞌ: —¡Bꞌanbꞌe vachꞌichꞌeꞌ! ¡As tzokꞌeꞌl ivatz unqꞌa uuvaeꞌ uvaꞌ avamal vatz u txꞌavaꞌeꞌ, tan qꞌantu veꞌteꞌ!— tiꞌk u ángel tal te vimooleꞌ.   
\m
\v 19 As xeꞌt itzokꞌ veꞌt u ángel ivatz unqꞌa uuvaeꞌ vatz u txꞌavaꞌeꞌ. As imol veꞌt u ángel ivatz unqꞌa uuvaeꞌ. As isuti veꞌt bꞌen tu uveꞌ nipochꞌilkat taꞌl u uuvaeꞌ, tan eela u atinbꞌaleꞌ uvaꞌ nipochꞌilkat taꞌl u uuvaeꞌ tukꞌ u atinbꞌaleꞌ uvaꞌ la ulkat vitxꞌiꞌtziꞌl u Tiixheꞌ tiꞌ unqꞌa tenameꞌ.   
\m
\v 20 As aꞌ pochꞌilkat veꞌt taꞌl u uuvaeꞌ tiꞌeꞌl u tenameꞌ, tan ech u taꞌl u uuvaeꞌ uvaꞌ nik tel chꞌuꞌl tu u atinbꞌaleꞌ echeꞌ vikajal unqꞌa tenameꞌ. As nim chit oonkat veꞌt u kajeꞌ, tan echeꞌ umaꞌl u nimla aꞌ bꞌex ibꞌana. As kamal oꞌlaval imutxꞌ (75) iꞌl uveꞌ ijoki veꞌt u kajeꞌ vatz u txꞌavaꞌeꞌ. As oonik veꞌt jeꞌ kꞌatz vixhekeema unqꞌa kaayeꞌ.   
\c 15  
\s1 Ni til u Xhun vujvaꞌt unqꞌa ángel tukꞌ vujvaꞌt unqꞌa kꞌaxkꞌo  
\p
\v 1 As vil veꞌt umaꞌt u kꞌuchbꞌal tetz tu almikaꞌ, tan kat vil vujvaꞌt unqꞌa ángel tukꞌ vujvaꞌt unqꞌa kꞌaxkꞌo uvaꞌ eqꞌomalik staꞌn. As aꞌeꞌ imoxtel unqꞌa kꞌaxkꞌoeꞌ uvaꞌ la ul vatz u txꞌavaꞌeꞌ, tan tukꞌ unqꞌa kꞌaxkꞌoeꞌ la itzojpisakat u Kubꞌaal Tiixheꞌ taqꞌat tzan vitxꞌiꞌtziꞌleꞌ tiꞌ unqꞌa tenameꞌ vatz u txꞌavaꞌeꞌ.   
\p
\v 2 As vil umaꞌl u vaaꞌ echeꞌ u mar uvaꞌ ech tiloneꞌ echeꞌ ilonbꞌal uvaꞌ yuel veꞌt tibꞌ tukꞌ xamal. As txaklik veꞌt unqꞌa tenameꞌ viꞌ u mar uvaꞌ yeꞌ kat niman u txooeꞌ uvaꞌ kat jeꞌ chꞌuꞌl xeꞌ u mar. As mitaꞌn vivatzibꞌal u txooeꞌ kat inima. As yeꞌ kat isaꞌ tok texhlal u tachul vibꞌii u txooeꞌ xoꞌl ipala as mitaꞌn tiꞌ iqꞌabꞌ. As atik arpa tiqꞌabꞌ unqꞌa tenameꞌ uvaꞌ kat taqꞌ u Kubꞌaal Tiixheꞌ ste.   
\m
\v 3 As nikat ibꞌitza veꞌt unqꞌa tenameꞌ umaꞌl u bꞌitz uvaꞌ maꞌtik ibꞌitzat u Moisés naꞌytzan, uvaꞌ atik tijleꞌm taꞌn u Tiixheꞌ. As tiꞌ toksal iqꞌii u Kaneeroꞌeꞌ as nikat ibꞌitzal u bꞌitzeꞌ uvaꞌ ech ibꞌitzal ileꞌ:  
\q1 Nimla achvebꞌal chit unqꞌa veeꞌ nabꞌaneꞌ, Tiixh,  
\q1 tan taꞌn axheꞌ uvaꞌ nim aalcheꞌ tiꞌ unqꞌa veeꞌ skajayil.  
\q1 As jik chit unqꞌa txumbꞌaleꞌ uvaꞌ nakꞌuch sqe. As aꞌ isuuchil unqꞌa txumbꞌaleꞌ naal sqe,  
\q1 tan axh tijlenaal unqꞌa tenameꞌ skajayil vatz u txꞌavaꞌeꞌ.   
\q1
\v 4 As kajayil chit unqꞌa tenameꞌ ni xoꞌvan axh.  
\q1 As techal la toksa unqꞌa tenameꞌ aqꞌii, tan taꞌn axheꞌ uvaꞌ jik chit atxumbꞌal.  
\q1 As kajayil chit unqꞌa tenameꞌ vatz u txꞌavaꞌeꞌ la kuꞌ qaaloj savatz,  
\q1 tan jik chit unqꞌa veeꞌ skajayil uvaꞌ nabꞌaneꞌ, tiꞌk u bꞌitzeꞌ.   
\p
\v 5 As kat vil ijajpu veꞌt u tostiixheꞌ tu almikaꞌ unpajte. As aꞌeꞌ u atinbꞌaleꞌ uvaꞌ nik inachpukat u Tiixheꞌ.   
\m
\v 6 As el veꞌt chꞌuꞌl vujvaꞌt unqꞌa ángel tu u tostiixheꞌ uvaꞌ eqꞌomalik vujvaꞌl unqꞌa kꞌaxkꞌoeꞌ staꞌn. As atik ok bꞌaꞌnla oksaꞌm staꞌn uvaꞌ vaꞌlik chit ilitzꞌloꞌlaneꞌ, tan yeꞌlik tzꞌil stiꞌ. As oonnaj jeꞌ vikꞌalbꞌaleꞌ tziꞌ taama uvaꞌ bꞌaꞌnla qꞌan chꞌichꞌ chittuꞌ.   
\m
\v 7 As umaꞌl xoꞌl kajvaꞌl unqꞌa uveꞌ isleꞌle, as kat taqꞌ veꞌt umaꞌl u nimla picheel uvaꞌ qꞌan chꞌichꞌ chittuꞌ te junun unqꞌa ángel. As uveꞌ noonajlike tu unqꞌa nimla picheeleꞌ, as aꞌeꞌ vitxꞌiꞌtziꞌl u Tiixheꞌ uvaꞌ isleꞌle tiꞌ chit ibꞌeneꞌ.   
\m
\v 8 As kat noo veꞌt u tostiixheꞌ taꞌn u sibꞌeꞌ uvaꞌ nik tel chꞌuꞌl kꞌatz u Tiixheꞌ, texhlal tetz viyakꞌil Aakeꞌ uvaꞌ nim talchu veꞌt Aak. As yeꞌxhebꞌil nik tuch veꞌt tokeꞌ tu u tostiixheꞌ. Pet palnal veꞌt vujvaꞌl unqꞌa kꞌaxkꞌoeꞌ uveꞌ eqꞌomal taꞌn vujvaꞌl unqꞌa ángel.   
\c 16  
\s1 Vitxꞌiꞌtziꞌl u Tiixh  
\p
\v 1 As vabꞌi tel chꞌuꞌl umaꞌt u tuul viꞌ tu u tostiixheꞌ. As ech tal ileꞌ te vujvaꞌl unqꞌa ángel: —¡Bꞌenoj ex! ¡As uveꞌ at tu vujvaꞌl unqꞌa nimla picheeleꞌ, as bꞌenoj epeqꞌ kan vatz u txꞌavaꞌeꞌ, tan aꞌeꞌ vitxꞌiꞌtziꞌl u Tiixheꞌ!— tiꞌk u tuul viꞌeꞌ tala.   
\p
\v 2 As bꞌen veꞌt umaꞌl u ángel. As uveꞌ atik kuꞌ tu vinimla picheeleꞌ, as bꞌex ipeqꞌ veꞌt vatz u txꞌavaꞌeꞌ. As yak kuxh chee veꞌt chꞌaꞌk chin tiꞌ unqꞌa tenameꞌ skajayil uvaꞌ atik ok u texhlal u txooeꞌ stiꞌ, as maꞌtik ikuꞌ qaaloj vatz vivatzibꞌal u txooeꞌ uvaꞌ maꞌtik ijeꞌ chꞌuꞌl xeꞌ u mar. As vaꞌl chit ixeval veꞌt tiꞌ unqꞌa tenameꞌ taꞌn u chꞌaꞌk chineꞌ.   
\p
\v 3 As tul ipeqꞌ veꞌt vikaꞌv u ángeleꞌ uveꞌ atik kuꞌ tu vinimla picheeleꞌ viꞌ u mar, as bꞌen veꞌt u aꞌeꞌ skajil, echeꞌ ikajal umaj uxhchil uvaꞌ kat yatzꞌpi. As kam veꞌt unqꞌa txooeꞌ skajayil uveꞌ atik xeꞌ u mar.   
\p
\v 4 As ipeqꞌ veꞌt u toxvu u ángeleꞌ uveꞌ atik kuꞌ tu vinimla picheeleꞌ viꞌ unqꞌa nimla aꞌeꞌ tukꞌ uveꞌ nik ibꞌuuqꞌkat unqꞌa aꞌeꞌ, as bꞌen veꞌt unqꞌa aꞌeꞌ skajil.   
\m
\v 5 As kat vabꞌi iyolon u ángel uvaꞌ ni ilon isuuchil unqꞌa aꞌeꞌ. As ech tal ileꞌ:  
\q1 Jik chit axheꞌ, Kubꞌaal, uvaꞌ at axh cheel, as atik axh tul kat xeꞌt u qꞌiisajeꞌ.  
\q1 As jik chit kat abꞌana, tul kat abꞌan isuuchil unqꞌa tenameꞌ uvaꞌ ni eesan aqꞌii.   
\q1
\v 6 Tan aꞌ unqꞌa tenameꞌ kat yatzꞌon unqꞌa qꞌajsan tetz vayoleꞌ as tukꞌ unjoltu unqꞌa tenameꞌ uvaꞌ ni niman axh. As tul kat yatzꞌpi, as kat motxik el ikajal.  
\q1 As cheel, Kubꞌaal, as kat aaqꞌlu veꞌt ichꞌexel te unqꞌa uxhchileꞌ uvaꞌ kat yatzꞌon vatenameꞌ,  
\q1 tan kaj la tukꞌa veꞌteꞌ aꞌn.  
\q1 ¡As taal chiteꞌ ste! tiꞌk veꞌt u ángeleꞌ.   
\p
\v 7 As kat vabꞌi tel chꞌuꞌl umaꞌt u tuul viꞌ kꞌatz u nachbꞌal Tiixheꞌ. As ech tal ileꞌ: —An chiteꞌ, Kubꞌaal Tiixh, tan taꞌn axheꞌ uvaꞌ nim aalcheꞌ tiꞌ unqꞌa veeꞌ skajayil. As jik chiteꞌ nabꞌan isuuchil unqꞌa veeꞌ skajayil,— tiꞌk u tuul viꞌeꞌ.   
\p
\v 8 As tul ipeqꞌ veꞌt bꞌen vikajvu u ángeleꞌ uveꞌ atik kuꞌ tu vinimla picheeleꞌ tiꞌ u qꞌiieꞌ, as kat aqꞌax veꞌt te u qꞌiieꞌ uvaꞌ la itzꞌeꞌsa veꞌt u qꞌiieꞌ unqꞌa tenameꞌ taꞌn xamal.   
\m
\v 9 As kat chit tzꞌeꞌ veꞌt unqꞌa tenameꞌ sbꞌaꞌn taꞌn u qꞌiieꞌ. As kꞌuxh kat ipalebꞌe unqꞌa tenameꞌ u kꞌaxkꞌoeꞌ, as yeꞌ kat ikꞌaxa tibꞌ. As yeꞌ kat toksa iqꞌii u Tiixheꞌ. Pet aal kat mox yoqꞌon veꞌteꞌ tiꞌ vibꞌii u Tiixheꞌ uvaꞌ at tiqꞌabꞌ tiꞌ taqꞌat unqꞌa kꞌaxkꞌoeꞌ.   
\p
\v 10 As tul ipeqꞌ veꞌt bꞌen vitoꞌv u ángel uveꞌ atik kuꞌ tu vinimla picheeleꞌ tiꞌ vixonlebꞌal u txooeꞌ uvaꞌ maꞌtik ijeꞌ chꞌuꞌl xeꞌ u mar, as kaa veꞌt txoo tu umaꞌl u qꞌej tokto tukꞌ unqꞌa imooleꞌ uvaꞌ ni niman u txooeꞌ, as vaꞌlik chit ichiꞌat veꞌt taqꞌ taꞌn u chꞌoꞌmeꞌ.   
\m
\v 11 As vaꞌlik chit iyoqꞌon unqꞌa tenameꞌ tiꞌ u Tiixheꞌ tu almikaꞌ taꞌn unqꞌa chꞌoꞌmeꞌ uveꞌ nik ipalebꞌe as tukꞌ unqꞌa chꞌaꞌk chineꞌ. As yeꞌ nikat ikꞌaxa tibꞌ tiꞌ unqꞌa vaꞌlexheꞌ uvaꞌ nik ibꞌaneꞌ.   
\p
\v 12 As tul kat ipeqꞌ veꞌt bꞌen vivajpu u ángeleꞌ uveꞌ atik kuꞌ tu vinimla picheeleꞌ viꞌ u nimla aꞌeꞌ uvaꞌ Éufrates, as yak kuxh tzaj veꞌt u nimla aꞌeꞌ, aqꞌal uvaꞌ la uch ipal veꞌt unqꞌa ijlenaaleꞌ uvaꞌ nik itzaa tu u bꞌuuqꞌebꞌal qꞌii.   
\m
\v 13 As kat vil veꞌt oxvaꞌl unqꞌa subꞌul uvaꞌ ech tiloneꞌ karat. As umaꞌl nik tel chꞌuꞌl titziꞌ u nimla txꞌiꞌlatxooeꞌ, as umaꞌt nik tel chꞌuꞌl titziꞌ u txooeꞌ uvaꞌ maꞌtik ijeꞌ chꞌuꞌl xeꞌ u mar, as umaꞌte nik tel chꞌuꞌl titziꞌ u uxhchil uvaꞌ ni toksa tibꞌ qꞌajsan tetz viyol u Tiixheꞌ.   
\m
\v 14 As unqꞌa u vaaꞌ ech tiloneꞌ echeꞌ karat, as aꞌeꞌ oxvaꞌl unqꞌa subꞌuleꞌ uvaꞌ nik bꞌanon unqꞌa kꞌuchbꞌal tetz u tijleꞌmeꞌ. As kat bꞌen veꞌt tiꞌ imolax unqꞌa ijlenaaleꞌ skajayil vatz u txꞌavaꞌeꞌ tiꞌ ibꞌanat chꞌaꞌo tu u qꞌiieꞌ uvaꞌ la ibꞌan u Kubꞌaal Tiixheꞌ isuuchil unqꞌa tenameꞌ skajayil, tan Aakeꞌ uvaꞌ nim talcheꞌ tiꞌ unqꞌa veeꞌ skajayil.   
\p
\v 15 As kat vabꞌi iyolon umaꞌt u tuul viꞌ uvaꞌ ech kat tal ileꞌ: —¡Atoj enachbꞌal, tan ech vuleꞌ setiꞌ echeꞌ umaj elqꞌom! As achvebꞌal chit ex, ex uvaꞌ bꞌanel etucheꞌ tiꞌ etxꞌebꞌat vuleꞌ, tan ech exeꞌ echeꞌ umaj uxhchil uvaꞌ bꞌanel tuch unqꞌa toksaꞌmeꞌ. As yeꞌ la taqꞌ tibꞌ chꞌixvisaloj, tan yeꞌxhkam la tꞌosebꞌ kan,— tiꞌk u tuul viꞌeꞌ.   
\p
\v 16 As unqꞌa subꞌuleꞌ uvaꞌ ech tiloneꞌ karat, as imolo veꞌt unqꞌa ijlenaaleꞌ tu umaꞌl u atinbꞌal uvaꞌ Armagedón ibꞌii tu yolbꞌal hebreo.   
\p
\v 17 As tul ipeqꞌ veꞌt bꞌen vivujpu u ángeleꞌ uveꞌ atik kuꞌ tu vinimla picheeleꞌ tu u kajiqꞌeꞌ, as kat vabꞌi tel chꞌuꞌl umaꞌt u tuul viꞌ kꞌatz u nimla xonlebꞌaleꞌ uvaꞌ at tu u tostiixheꞌ. As ech tal ileꞌ: —¡Kat ilejlu veꞌt u qꞌiieꞌ!— tiꞌk u tuul viꞌeꞌ.   
\m
\v 18 As vaꞌlik chit ilitzꞌkabꞌan u kayampaꞌleꞌ uvaꞌ kat vila. As kat vabꞌi ivulun mamaꞌla tuul viꞌeꞌ tukꞌ u qꞌankooeꞌ uvaꞌ vaꞌlik chit itzetkabꞌaneꞌ. As kat ul veꞌt umaꞌl u kabꞌlaano uvaꞌ xoꞌvebꞌal chittuꞌ, tan yeꞌ atixoj ibꞌana uvaꞌ sicheesal unqꞌa uxhchileꞌ vatz u txꞌavaꞌeꞌ.   
\m
\v 19 As yak kuxh eꞌp veꞌt u nimla tenameꞌ. As oxvaꞌl el veꞌt stuul. As echat veꞌt unqꞌa nimla tenameꞌ skajayil vatz u txꞌavaꞌeꞌ tan yak kuxh kuꞌ veꞌteꞌ. As kat tulsa veꞌt u Kubꞌaal Tiixheꞌ u nimla tenameꞌ skꞌuꞌl uvaꞌ Babilonia tiꞌ taqꞌat u kꞌaxkꞌoeꞌ ste. As kat taqꞌoꞌk Aak u nimla picheeleꞌ te unqꞌa aa Babilonia uvaꞌ atik kuꞌ vinimla txꞌiꞌtziꞌl Aakeꞌ stuul.   
\m
\v 20 As kat sotz veꞌt unqꞌa vitzeꞌ tukꞌ unqꞌa txꞌavaꞌeꞌ skajayil uvaꞌ atik viꞌ u mar.   
\m
\v 21 As kat chajpik tzan sajbꞌatz tu almikaꞌ uvaꞌ xoꞌvebꞌal chittuꞌ, tan kamal umaꞌl ijatz talal junun u sajbꞌatzeꞌ. As tul kat ul tiꞌ unqꞌa tenameꞌ, as vaꞌlik chit iyoqꞌon veꞌt unqꞌa tenameꞌ tiꞌ u Tiixheꞌ taꞌn u nimla kꞌaxkꞌoeꞌ uvaꞌ nik ipalebꞌe unqꞌa tenameꞌ taꞌn u sajbꞌatzeꞌ.   
\c 17  
\s1 Ni til u Xhun umaꞌl u yanaꞌsla ixoj  
\p
\v 1 As umaꞌl u ángel xoꞌl vujvaꞌl unqꞌa ángel uvaꞌ eqꞌomalik vujvaꞌl unqꞌa nimla picheel staꞌn, as ijetzꞌ veꞌt ok tibꞌ sunkꞌatz. As ech tal ileꞌ: —Siꞌu, tan tuk unkꞌuch veꞌt u kꞌaxkꞌoeꞌ see uvaꞌ tul tiꞌ u ixoj uveꞌ yanaꞌs kuxhtuꞌ uvaꞌ xonleꞌl viꞌ unqꞌa aꞌeꞌ.   
\m
\v 2 As kat iyansa tibꞌ unqꞌa ijlenaaleꞌ skajayil tukꞌ u ixojeꞌ. As ech veꞌt vitxumbꞌal unqꞌa tenameꞌ skajayil echeꞌ qꞌabꞌareel kat ibꞌana taꞌn vitxumbꞌal u ixojeꞌ, tan ech vitxumbꞌal ixojeꞌ echeꞌ qꞌabꞌareel,— tiꞌk u ángel tal sve.   
\m
\v 3 As yak kuxh kꞌuchpu sve taꞌn u Tiixhla Espíritu unpajte. As kat teqꞌo bꞌen in u ángel tu umaꞌl u tzuukin txꞌavaꞌ. As kat vil umaꞌl u ixoj uvaꞌ xonlik jeꞌ tiꞌ u txooeꞌ uvaꞌ vujvaꞌl iviꞌ atike. As lavat tukꞌ txoo. As vaꞌlik chit ikajal u tiꞌ txooeꞌ. As mamaꞌla bꞌii atik ok tiꞌ txoo uvaꞌ nik eesan iqꞌii u Tiixheꞌ.   
\m
\v 4 As atik ok umaꞌl u oksaꞌm taꞌn ixoj uvaꞌ muraꞌt as kaj unpajte. As vejel chit ixoj taꞌn bꞌaꞌnla qꞌan chꞌichꞌ, tukꞌ unqꞌa kꞌubꞌeꞌ uvaꞌ chꞌiꞌumal chit tiloneꞌ, tukꞌ bꞌaꞌnla chaj kueentaxh. As atik ok umaꞌl u nimla picheel tiqꞌabꞌ ixoj uvaꞌ bꞌaꞌnla qꞌan chꞌichꞌ. As noonajlu u picheeleꞌ taꞌn unqꞌa vaꞌlexhla txumbꞌaleꞌ uvaꞌ nik ibꞌan u ixojeꞌ uvaꞌ eesan tibꞌ tu bꞌey.   
\m
\v 5 As tzꞌibꞌamalik ok umaꞌl u bꞌii xoꞌl ipala ixoj uvaꞌ yeꞌxhebꞌil nik ipal stuul. As ech nik tal u bꞌii ileꞌ: «Ineꞌ u nimla Babilonia. As ineꞌ vitxutx unqꞌa ixojeꞌ skajayil uvaꞌ yanaꞌs kuxhtuꞌ. As ineꞌ cheesan tetz unqꞌa vaꞌlexhla txumbꞌaleꞌ skajayil vatz u txꞌavaꞌeꞌ,» tiꞌk u tzꞌibꞌeꞌ uveꞌ atik xoꞌl ipala u ixojeꞌ.   
\m
\v 6 As kat vil veꞌteꞌ uvaꞌ qꞌabꞌareel u ixojeꞌ, tan maꞌtik tukꞌat ixoj vikajal unqꞌa itenam u Kubꞌaal Tiixheꞌ as tukꞌ unqꞌa tenameꞌ uvaꞌ maꞌtik iyatzꞌpeꞌ uvaꞌ nik niman u Jesús. As tul kat vila, as yak kuxh kat teqꞌo veꞌt vaama staꞌn.   
\p
\v 7 As ech tal veꞌt u ángel ileꞌ sve: —¿Kam qꞌi nu kuxh teqꞌo aama? Pet tuk val isuuchil see tiꞌ u ixojeꞌ tukꞌ u txooeꞌ uvaꞌ at jeꞌ u ixojeꞌ stiꞌ. As aꞌeꞌ u txooeꞌ uvaꞌ vujvaꞌl iviꞌ ati. As at lavat tukꞌ txoo.   
\m
\v 8 Tan u txooeꞌ uvaꞌ kat eela, as atik txoo bꞌaxa. Pet yeꞌl veꞌt txoo at cheel. As tuk jeꞌoj chꞌuꞌl txoo tu u nimla tokkin juleꞌ. Pet yakleꞌl veꞌt txoo tiꞌ isotzeꞌ tu u kꞌaxkꞌoeꞌ. As jankꞌal unqꞌa tenameꞌ vatz u txꞌavaꞌeꞌ uveꞌ yeꞌl vibꞌiieꞌ tzꞌibꞌamal kan tu u uꞌujeꞌ uvaꞌ maꞌtik itzꞌibꞌalkat vibꞌii unqꞌa tenameꞌ xeꞌ qꞌiisaj uvaꞌ at itiichajil kꞌatz u Tiixheꞌ, as la teqꞌo veꞌt taama unqꞌa tenameꞌ tul la til u txooeꞌ, tan atik u txooeꞌ bꞌaxa. As yeꞌl veꞌt txoo at cheel. Pet techal la ul txoo unpajte.   
\m
\v 9 As tzitziꞌ la ootzilkat uvaꞌ abꞌil uvaꞌ at itxumbꞌal as at tootzibꞌal. As aꞌ isuuchil vujvaꞌl iviꞌ u txooeꞌ, tan aꞌeꞌ ni kꞌuchun vujvaꞌl unqꞌa vitzeꞌ uvaꞌ nixonebꞌkat u ixojeꞌ.   
\m
\v 10 As aꞌeꞌ ni kꞌuchun tiꞌ vujvaꞌl u ijlenaaleꞌ unpajte. As oꞌvaꞌl unqꞌa ijlenaaleꞌ kat kuꞌi. Pet ech koj umaꞌte, tan atoꞌk ijlenaalil cheel. As at umaꞌte uvaꞌ yeꞌ uloj. As tul la uli, as yeꞌ kuxh jatvaꞌt qꞌii la ul ibꞌaneꞌ.   
\m
\v 11 As u txooeꞌ uvaꞌ atik bꞌaxa, as yeꞌl veꞌt txoo at cheel. As aꞌeꞌ ivaaxaj u ijlenaaleꞌ la ibꞌaneꞌ, kꞌuxh an kuxh umaꞌl uveꞌ xoꞌl vujvaꞌl unqꞌa ijlenaaleꞌ. As yakleꞌl veꞌt txoo tiꞌ isotzeꞌ tu u kꞌaxkꞌoeꞌ.   
\p
\v 12 As u laval unqꞌa tukꞌ txooeꞌ uvaꞌ kat eela, as aꞌeꞌ laval unqꞌa ijlenaaleꞌ uvaꞌ yeꞌ okoj xoꞌl u tenameꞌ uvaꞌ at jaqꞌ u tijleꞌm u Tiixheꞌ. Pet la ok veꞌt tiꞌ u tijleꞌmeꞌ tukꞌ u txooeꞌ. As umaꞌl kuxh oora la ibꞌaneꞌ tukꞌ u tijleꞌmeꞌ.   
\m
\v 13 As eela kuxh itxumbꞌal laval unqꞌa ijlenaaleꞌ la ibꞌaneꞌ, tan la taqꞌ veꞌt ok u tijleꞌmeꞌ te u txooeꞌ.   
\m
\v 14 As la ixeꞌtisa veꞌt chajnaj chꞌaꞌo tiꞌ u Kaneeroꞌeꞌ. As aꞌ u Kaneeroꞌeꞌ tuk bꞌanon kanal chajnaj, tan aꞌ u Kubꞌaal Jesúseꞌ Bꞌooqꞌol tiꞌ unqꞌa bꞌooqꞌoleꞌ skajayil; as Aakeꞌ Ijlenaal tiꞌ unqꞌa ijlenaaleꞌ skajayil. As xekel veꞌt unqꞌa tenameꞌ tiꞌ Aak uvaꞌ molomal taꞌn Aak as tukꞌ unqꞌa veeꞌ txaael veꞌt taꞌn Aak,— tiꞌk u ángel sve.   
\p
\v 15 As ech tal veꞌt u ángel ileꞌ sve: —Unqꞌa aꞌeꞌ uvaꞌ kat eela uvaꞌ xonleꞌlkat u ixoj uvaꞌ yanaꞌs, as aꞌeꞌ unqꞌa tenameꞌ skajayil vatz u txꞌavaꞌeꞌ, kꞌuxh kam kuxh tenamil, as kꞌuxh kam kuxh yolbꞌalil niyolbꞌe.   
\m
\v 16 As u txoo uvaꞌ kat eela as tukꞌ lavat unqꞌa tukꞌ txooeꞌ uvaꞌ eela itxumbꞌal stukꞌ, as la chiꞌan veꞌt taama tiꞌ u ixoj uvaꞌ yanaꞌs kuxhtuꞌ. As la kꞌaxbꞌisal veꞌt u ixojeꞌ. As la tꞌosbꞌaꞌl veꞌt kan ixoj. As la echbꞌul veꞌt vichibꞌil ixojeꞌ. As la tzꞌeꞌsal veꞌt ixoj taꞌn xamal,   
\m
\v 17 tan maꞌtik toksat u Tiixheꞌ tu u taanxelal unqꞌa ijlenaaleꞌ tiꞌ ibꞌanat veꞌteꞌ kam uvaꞌ alel kan taꞌn Aak tiꞌ u ixojeꞌ. As la ikꞌul tibꞌ viyol laval unqꞌa ijlenaaleꞌ tiꞌ taqꞌat ok u tijleꞌmeꞌ te u txooeꞌ. As at veꞌt tijleꞌm txoo la ibꞌaneꞌ. As la bꞌen ibꞌaneꞌ kam uvaꞌ alel kan taꞌn u Tiixheꞌ.   
\m
\v 18 As u ixojeꞌ uvaꞌ kat eela, as aꞌeꞌ u nimla tenameꞌ uvaꞌ nim chit u tijleꞌmeꞌ tiꞌ unjoltu unqꞌa ijlenaaleꞌ skajayil vatz u txꞌavaꞌeꞌ,— tiꞌk u ángel tal sve.   
\c 18  
\s1 Ni til u Xhun isotz u Babilonia  
\p
\v 1 As tul bꞌaꞌnxi, as kat vil ikuꞌ chꞌuꞌl umaꞌt u ángel tu almikaꞌ. As mamaꞌla chit iyakꞌil atike. As yak chit itxiju u vatz txꞌavaꞌeꞌ.   
\m
\v 2 As taqꞌ veꞌt jeꞌ u ángel tuul iviꞌ. As ech tal veꞌt ileꞌ:  
\q1 ¡Kat sotzyu veꞌteꞌ; kat sotzyu veꞌt u nimla Babilonia!  
\q1 Tan tatinbꞌal veꞌt unqꞌa subꞌuleꞌ kat ibꞌanlu veꞌteꞌ,  
\q1 tan aꞌ nimolkat veꞌt tibꞌ unqꞌa subꞌuleꞌ skajayil.  
\q1 As ech veꞌt u Babilonia echeꞌ isok unqꞌa vaꞌlexhla chaj tzꞌikineꞌ,   
\q1
\v 3 tan kajayil chit unqꞌa tenameꞌ vatz u txꞌavaꞌeꞌ kat ibꞌan veꞌt tetz echeꞌ u vaꞌlexheꞌ uvaꞌ nibꞌan u Babilonia.  
\q1 As kat paavin veꞌt unqꞌa ijlenaaleꞌ vatz u txꞌavaꞌeꞌ skajayil kꞌatz u Babilonia uvaꞌ ech tatineꞌ echeꞌ umaj ixoj uvaꞌ yanaꞌs.  
\q1 As kat bꞌen veꞌt unqꞌa aakꞌaꞌyeꞌ stxꞌiol iqꞌiil taꞌn u tachaꞌv u Babilonia, tiꞌk u ángel tala.   
\p
\v 4 As kat vabꞌi umaꞌt u tuul viꞌ tu almikaꞌ uvaꞌ ech ni tal ileꞌ:  
\q1 Jankꞌal ex uvaꞌ ex untenam, as elojtaj chꞌuꞌl ex tu u Babilonia,  
\q1 aqꞌal uvaꞌ yeꞌ la paavin ex echeꞌ uveꞌ nibꞌan u Babilonia.  
\q1 As yeꞌ la potzan ex taꞌn u kꞌaxkꞌoeꞌ uveꞌ tul stiꞌ,   
\q1
\v 5 tan mamaꞌla veꞌt ipaav u Babilonia kat ibꞌanlu vatz u Tiixheꞌ.  
\q1 As yeꞌ la sotz veꞌt vipaaveꞌ skꞌuꞌl u Tiixheꞌ uveꞌ at tu almikaꞌ.   
\q1
\v 6 As la aqꞌpu veꞌt ichꞌexel ste, choobꞌal tetz u vaꞌlexheꞌ uveꞌ nibꞌaneꞌ.  
\q1 As kaꞌpul la aqꞌpu ichꞌexel ste tiꞌ jununil unqꞌa vaꞌlexheꞌ uvaꞌ nibꞌaneꞌ.  
\q1 As bꞌanaoj tuch vichꞌexeleꞌ uvaꞌ la aqꞌpu ste echeꞌ kaꞌvoꞌj nimla picheel ukꞌaꞌ  
\q1 uvaꞌ vaꞌl chit ikꞌayal echeꞌ uvaꞌ kat taqꞌ u Babilonia te unqꞌa tenameꞌ.   
\q1
\v 7 As kat ijeꞌsa tibꞌ u Babilonia. As kat toksa jeꞌ iqꞌii tiꞌ unqꞌa tetzeꞌ uvaꞌ jeꞌnal chit ijaꞌmil.  
\q1 Estiꞌeꞌ la ul veꞌt u kꞌaxkꞌoeꞌ stiꞌ,  
\q1 tan ech ni tal jeꞌ ileꞌ ste:  
\q1 «As xonleꞌl veꞌt in tzitzaꞌ echeꞌ ixonebꞌ umaj tixqel umaj bꞌooqꞌol tenam tu vibꞌaꞌnla xonlebꞌaleꞌ.  
\q1 As yeꞌxh jatu la bꞌuchlu veꞌt in, tan echeꞌ in koj txakay ixoj,» tiꞌk u Babilonia tal jeꞌ ste.   
\p
\v 8 Estiꞌeꞌ uvaꞌ tu kuxh umaꞌl qꞌii as la ul veꞌt unqꞌa kꞌaxkꞌoeꞌ tiꞌ u Babilonia  
\q1 echeꞌ u kamchileꞌ, tukꞌ oqꞌeleꞌ tukꞌ ikuypu vaꞌy.  
\q1 As la tzꞌeꞌ veꞌteꞌ taꞌn xamal, tan at iyakꞌil u Kubꞌaal Tiixheꞌ uvaꞌ la bꞌanon isuuchil u Babilonia.   
\p
\v 9 As jankꞌal unqꞌa ijlenaaleꞌ vatz u txꞌavaꞌeꞌ uvaꞌ kat paavin kꞌatz u ixojeꞌ tiꞌ ibꞌanataꞌ kam uvaꞌ ni tachva vichiꞌoleꞌ, as la oqꞌ veꞌteꞌ taꞌn txumuꞌm, tul la til veꞌt ijeꞌ visibꞌil u Babilonia.   
\m
\v 10 As tul la til veꞌt tul u kꞌaxkꞌoeꞌ tiꞌ u Babilonia, as la ijetzꞌ veꞌt el tibꞌ skꞌatz taꞌn xoꞌvichil. As la mox taqꞌ jeꞌ tuul iviꞌ. Ech la tal veꞌt ileꞌ:  
\q1 ¡Oyebꞌ chit ivatz! ¡Oyebꞌ chit ivatz u nimla tenameꞌ uvaꞌ Babilonia!  
\q1 Tan aꞌeꞌ u tenameꞌ uvaꞌ xoꞌvebꞌal chit talpeꞌ.  
\q1 As tu kuxh umaꞌl oora kat ul u kꞌaxkꞌoeꞌ stiꞌ,  
\m chaj unqꞌa ijlenaaleꞌ la taleꞌ.   
\p
\v 11 As echat la ibꞌan unqꞌa aakꞌaꞌyeꞌ skajayil vatz u txꞌavaꞌeꞌ, tan la oqꞌ veꞌteꞌ taꞌn txumuꞌm, tul la til u kꞌaxkꞌoeꞌ uvaꞌ la ul tiꞌ u nimla tenameꞌ, tan yeꞌxhebꞌil ati uvaꞌ la loqꞌon veꞌt vikꞌaꞌyeꞌ   
\m
\v 12 echeꞌ unqꞌa bꞌaꞌnla qꞌan chꞌichꞌeꞌ, tukꞌ unqꞌa bꞌaꞌnla saj chꞌichꞌeꞌ, tukꞌ unqꞌa bꞌaꞌnla chaj kꞌubꞌeꞌ, tukꞌ unqꞌa bꞌaꞌnla chaj kueentaxheꞌ, tukꞌ unqꞌa bꞌaꞌnla chaj oksaꞌmeꞌ, tan atik unqꞌa bꞌaꞌnla nuꞌkin ixbꞌuꞌjeꞌ uvaꞌ kaj tukꞌ muraꞌt tiloneꞌ. As atik unqꞌa kꞌaꞌyeꞌ uvaꞌ txꞌumtxꞌulla chaj tzeꞌ, tukꞌ unqꞌa bꞌaꞌnla chaj aqꞌonbꞌaleꞌ uvaꞌ marfil ibꞌii, tukꞌ kaꞌt unqꞌa bꞌaꞌnla chaj tzeꞌ uvaꞌ jeꞌnal ijaꞌmil, tukꞌ unqꞌa sula qꞌan chꞌichꞌeꞌ. As atik u aqꞌonbꞌaleꞌ uvaꞌ chꞌichꞌ, tukꞌ unqꞌa bꞌaꞌnla kꞌubꞌeꞌ uvaꞌ marmol ibꞌii.   
\m
\v 13 As atik unqꞌa kꞌaꞌyeꞌ uvaꞌ kanela, tukꞌ kaꞌt unqꞌa txꞌumtxꞌulla tzeꞌ uvaꞌ nikuꞌ xoꞌl unqꞌa echbꞌubꞌaleꞌ, tukꞌ incienso, tukꞌ unqꞌa txꞌumtxꞌulla tzꞌakabꞌaleꞌ uvaꞌ mirra ibꞌii, tukꞌ vino, tukꞌ aceite, tukꞌ harina, tukꞌ trigo, tukꞌ unqꞌa txokopeꞌ tetz ijatz, tukꞌ unqꞌa kaneeroꞌeꞌ, tukꞌ unqꞌa kaayeꞌ, tukꞌ unqꞌa kareꞌteꞌ uvaꞌ qinimal taꞌn unqꞌa kaayeꞌ, as tukꞌ unqꞌa uxhchileꞌ uvaꞌ kꞌayimal veꞌteꞌ tiꞌ tok skꞌamil.   
\m
\v 14 As ech la tal veꞌt unqꞌa aakꞌaꞌy ileꞌ tiꞌ u tenameꞌ: —As kat sotzyu veꞌt u chiꞌla chaj vatz tzeꞌeꞌ uveꞌ achvebꞌal chit see. As yeꞌxh jatueꞌ la eel veꞌt unqꞌa txꞌiibꞌal aqꞌiieꞌ uvaꞌ nik atꞌeꞌsi eebꞌ stukꞌ,— chaj veꞌt unqꞌa aakꞌaꞌyeꞌ la taleꞌ.   
\p
\v 15 As jankꞌal unqꞌa aakꞌaꞌyeꞌ uvaꞌ nik ikꞌayineꞌ as kat ok veꞌt stxꞌiol iqꞌiil taꞌn vikꞌaꞌyeꞌ tu u Babilonia, as la ijetzꞌ veꞌt el tibꞌ skꞌatz taꞌn xoꞌvichil, tul la til veꞌt u kꞌaxkꞌoeꞌ uvaꞌ ni tul tiꞌ u nimla tenameꞌ. As la mox oqꞌ veꞌteꞌ taꞌn txumuꞌm. As la taqꞌ jeꞌ tuul iviꞌ.   
\m
\v 16 Ech la tal veꞌt ileꞌ:  
\q1 ¡Oyebꞌ chit ivatz! ¡Oyebꞌ chit ivatz u nimla tenameꞌ uvaꞌ Babilonia!  
\q1 Tan bꞌaꞌnla nuꞌkinla oksaꞌm uveꞌ nik toksa, tan xolel chiteꞌ unqꞌa toksaꞌmeꞌ tukꞌ muraꞌt tukꞌ kaj.  
\q1 As vejelik tibꞌ taꞌn unqꞌa bꞌaꞌnla qꞌan chꞌichꞌeꞌ tukꞌ unqꞌa bꞌaꞌnla kueentaxheꞌ uvaꞌ bꞌaꞌnla kꞌubꞌ chittuꞌ.   
\q1
\v 17 As tu kuxh umaꞌl oora as kat sotz veꞌt unqꞌa txꞌiibꞌal iqꞌiieꞌ skajayil,  
\m chaj veꞌt unqꞌa aakꞌaꞌyeꞌ.  
\p As jankꞌal unqꞌa olin tetz unqꞌa barco, tukꞌ unqꞌa aqꞌonvileꞌ, tukꞌ unqꞌa uxhchileꞌ uvaꞌ atoꞌk tu unqꞌa barco uvaꞌ nixaan viꞌ u mar, as tukꞌ unqꞌa u vaaꞌ ni taqꞌonveꞌ tiꞌ itxeyat unqꞌa txayeꞌ xeꞌ u mar, as la ijetzꞌ veꞌt el tibꞌ kꞌatz u kꞌaxkꞌoeꞌ uvaꞌ nik tul tiꞌ u tenameꞌ.   
\m
\v 18 As tul la til veꞌteꞌ uvaꞌ nijeꞌ veꞌt isibꞌil u tenameꞌ tul nik itzꞌeꞌeꞌ, as la sikꞌin veꞌteꞌ. As ech la tal veꞌt ileꞌ: —Yeꞌl umaꞌtoj tenam la lejon tiꞌ u nimla tenameꞌ,— chaj la taleꞌ.   
\m
\v 19 As mamaꞌla txumuꞌm la ok veꞌt xeꞌ taama unqꞌa uxhchileꞌ uvaꞌ atik viꞌ u mar. As saqꞌchibꞌal chit veꞌt toqꞌeꞌ. As ech la mox tal veꞌt ileꞌ:  
\q1 «¡Oyebꞌ chit ivatz! ¡Oyebꞌ chit ivatz u nimla tenameꞌ!  
\q1 Tan tukꞌ u txꞌiibꞌal iqꞌii u nimla tenameꞌ, as ok veꞌt unqꞌa ibꞌaal unqꞌa barco stxꞌiol iqꞌiil.  
\q1 As tu kuxh umaꞌl oora as kat sotz veꞌt u nimla tenameꞌ,» chaj unqꞌa uxhchileꞌ uvaꞌ at viꞌ u mar.   
\q1
\v 20 ¡As jankꞌal ex uvaꞌ echen ex tu almikaꞌ, as chiibꞌojtaj ex  
\q1 tiꞌ uveꞌ kat ibꞌanlu u nimla tenameꞌ!  
\q1 ¡As txuqꞌtxunojtaj ex, ex apóstol tukꞌ ex qꞌajsan tetz viyol u Tiixheꞌ as tukꞌ ex uvaꞌ ex itenam u Tiixheꞌ sekajayil,  
\q1 tan tul kat taqꞌ tzan Aak u kꞌaxkꞌoeꞌ tiꞌ u Babilonia, as ichꞌexel kat ibꞌan Aak ste tiꞌ u vaꞌlexh uvaꞌ kat ibꞌan u tenameꞌ sete! tiꞌk u tuul viꞌeꞌ uvaꞌ vabꞌi.   
\p
\v 21 As umaꞌt u ángel uvaꞌ xoꞌvebꞌal chit iyakꞌil, as kat ixek veꞌt umaꞌl u nimla kꞌubꞌ echeꞌ umaj kaꞌ. As kat isuti veꞌt bꞌen xeꞌ u mar. As ech tal veꞌt u ángel ileꞌ:  
\q1 As axh u nimla tenameꞌ uvaꞌ Babilonia,  
\q1 as ech asotzeꞌ tukꞌ yakꞌil echeꞌ uvaꞌ kat ulbꞌel u nimla kꞌubꞌeꞌ,  
\q1 tan techal la sotz veꞌt evatz vatz u txꞌavaꞌeꞌ.   
\q1
\v 22 As yeꞌl unpajtoj la abꞌil iqꞌoop u arpa sexoꞌl. As mitaꞌn u suꞌeꞌ; as mitaꞌn u trompeta.  
\q1 As yeꞌ veꞌt aqꞌon la bꞌanchu veꞌt sexoꞌl.  
\q1 As yeꞌl unpajtoj la abꞌil veꞌt icheꞌel u chanaleꞌ vatz u kaꞌeꞌ.   
\q1
\v 23 As yeꞌl unpajtoj la ilax veꞌt itxijun umaj xamal sexoꞌl.  
\q1 As mitaꞌn la abꞌil veꞌt ichiibꞌ umaj chelem naj tukꞌ umaj qꞌopo ixoj tul la teqꞌo tibꞌ.  
\q1 As ech tuk ibꞌaneꞌ, tan tiꞌ uvaꞌ yeꞌl umaꞌtoj tenam vatz u txꞌavaꞌeꞌ uvaꞌ la lejon tiꞌ unqꞌa aakꞌaꞌyeꞌ uveꞌ at sexoꞌl,  
\q1 tan tukꞌ unqꞌa etxumbꞌaleꞌ uvaꞌ echeꞌ unqꞌa bꞌanol txꞌiꞌlaꞌmileꞌ as kat eyansa itxumbꞌal unqꞌa nimla tenameꞌ skajayil.   
\q1
\v 24 As sexoꞌl kat elkat vikajal unqꞌa niman tetz u Tiixheꞌ tukꞌ unqꞌa qꞌajsan tetz viyol Aakeꞌ  
\q1 as tukꞌ unjoltu unqꞌa tenameꞌ skajayil uvaꞌ kat yatzꞌpu veꞌteꞌ vatz u txꞌavaꞌeꞌ, tiꞌk u ángel uvaꞌ xoꞌvebꞌal chittuꞌ.   
\c 19  
\s1 Ni toksal iqꞌii u Tiixh tu almikaꞌ  
\p
\v 1 Tul kat bꞌaꞌnxi, as kat vabꞌi umaꞌl u mam tuul viꞌ tu almikaꞌ uvaꞌ echeꞌ tuul iviꞌ mamaꞌla tenam. As ech nikat tal ileꞌ:  
\q1 ¡Qoksataj iqꞌii u Kubꞌaal Tiixheꞌ!  
\q1 Tan Aakeꞌ kat qꞌalpun oꞌ. As Aakeꞌ la qoksa iqꞌii, tan taꞌn Aakeꞌ uveꞌ at iyakꞌil.   
\q1
\v 2 As jik chit itxumbꞌal Aak tul nibꞌan Aak isuuchil unqꞌa veeꞌ skajayil, tan tukꞌ chit jikla yol nibꞌankat Aak isuuchil.  
\q1 Tan kat taqꞌlu veꞌt bꞌen Aak u yanaꞌsla ixojeꞌ tu kꞌaxkꞌoeꞌ,  
\q1 tan nik iyansa ixoj unqꞌa tenameꞌ skajayil tukꞌ vitxumbꞌaleꞌ.  
\q1 As kat taqꞌlu veꞌt Aak ichꞌexel te u ixojeꞌ tiꞌ uvaꞌ kat iyatzꞌ ixoj unqꞌa tenameꞌ uvaꞌ ni niman u Tiixheꞌ, tiꞌk unqꞌa tuul viꞌeꞌ.   
\q1
\v 3 As ech kat tal ileꞌ unpajte:  
\q1 ¡Qoksataj iqꞌii u Tiixheꞌ!  
\q1 Tan nijeꞌ veꞌt visibꞌil u ixojeꞌ tiꞌ chit ibꞌeneꞌ, tiꞌk u mam tuul viꞌeꞌ tala.   
\p
\v 4 As vinaj kajvaꞌl unqꞌa qꞌesla chaj aamaeꞌ tukꞌ kajvaꞌt unqꞌa islich aama, as kat kuꞌ veꞌt qaaloj vatz u Kubꞌaal Tiixheꞌ uvaꞌ xonleꞌl viꞌ u nimla xonlebꞌaleꞌ. As ech tal ileꞌ: —¡An chiteꞌ taꞌ! ¡Tan taꞌn axheꞌ ni toksal veꞌt aqꞌii!— tiꞌke.   
\p
\v 5 As el chꞌuꞌl umaꞌt u tuul viꞌ tu vinimla xonlebꞌal u Tiixheꞌ uvaꞌ ech tal ileꞌ:  
\q1 ¡Etoksataj iqꞌii u Tiixheꞌ,  
\q1 jankꞌal chit ex uvaꞌ ni niman Aak, as ex uvaꞌ at etijleꞌm tukꞌ ex uvaꞌ yeꞌl etijleꞌm ati!  
\q1 As etoksataj iqꞌii Aak tiꞌ exoꞌvat Aak, tiꞌk u tuul viꞌeꞌ.   
\p
\v 6 As vabꞌi veꞌt umaꞌt tuul viꞌ uvaꞌ echeꞌ tuul iviꞌ mamaꞌla tenam uvaꞌ ech ivuluneꞌ echeꞌ unqꞌa nimla aꞌeꞌ. As ech ijinkabꞌaneꞌ echeꞌ unqꞌa qꞌankooeꞌ. As ech tal ileꞌ:  
\q1 —¡Qoksataj veꞌt iqꞌii u Kubꞌaal Tiixheꞌ!  
\q1 Tan Aakeꞌ uvaꞌ nim talcheꞌ tiꞌ unqꞌa veeꞌ skajayil. As kat okyu veꞌt Aak tiꞌ u tijleꞌmeꞌ.   
\q1
\v 7 ¡As chiibꞌojtaj oꞌ! ¡As okoj u chiibꞌichileꞌ tu u qaanxelaleꞌ!  
\q1 ¡As qoksataj iqꞌii Aak!  
\q1 Tan kat ilejlu veꞌt u qꞌiieꞌ tiꞌ teqꞌot tibꞌ u Kaneeroꞌ tukꞌ u tixqeleꞌ.  
\q1 As kat ibꞌanlu veꞌt u ixojeꞌ tucheꞌ tiꞌ teqꞌot tibꞌ tukꞌ vitzumeleꞌ.   
\q1
\v 8 As kat aqꞌaxyu veꞌt te u tixqeleꞌ tiꞌ ivejat tibꞌ tukꞌ unqꞌa bꞌaꞌnla chaj nuꞌkin oksaꞌmeꞌ uvaꞌ vaꞌl chit ipolal. As vaꞌl chit ilitzꞌloꞌlaneꞌ,—  
\m tiꞌk u tuul viꞌeꞌ.   
\p
\v 9 As tal veꞌt u ángeleꞌ sve: —Tzꞌibꞌa u yolaꞌ: «¡Tan achvebꞌal chit unqꞌa uxhchileꞌ uvaꞌ kat molol veꞌteꞌ tiꞌ u txꞌaꞌoꞌmeꞌ tul ni teqꞌo tibꞌ u Kaneeroꞌeꞌ tukꞌ u tixqeleꞌ!»— tiꞌke. As tal unpajte: —Aꞌ unqꞌa yoleꞌ uvaꞌ alel taꞌn u Tiixheꞌ. As jikla yol chiteꞌ,— tiꞌk u ángeleꞌ tala.   
\p
\v 10 As kuꞌ veꞌt in qaaloj vatz u ángel tiꞌ unnachat Tiixh svatz. As ech tal veꞌt ileꞌ sve: —Yeꞌ abꞌan echeꞌ u veeꞌ, tan in kuxh ikꞌam u Tiixheꞌ echeꞌ axh tukꞌ unjoltu unqꞌa eetzꞌin aatzikeꞌ uvaꞌ ni niman unqꞌa yoleꞌ uvaꞌ kat ul tal u Jesús sete. ¡Pet aꞌ u Tiixheꞌ la etoksa iqꞌii! Tan aꞌ unqꞌa yoleꞌ uvaꞌ tal u Jesús, as aꞌeꞌ ni aqꞌon itxumbꞌal unqꞌa qꞌajsan tetz viyol u Tiixheꞌ,— tiꞌk u ángel.   
\s1 Ni til u Xhun umaꞌl u naj uvaꞌ atik jeꞌ tiꞌ umaꞌl u sajiꞌ kaay  
\p
\v 11 As vila uvaꞌ jajlik veꞌt u almikaꞌeꞌ. As chee veꞌt umaꞌl u sajiꞌ kaay uvaꞌ atik jeꞌ umaꞌl u naj stiꞌ uvaꞌ jikla kꞌujlebꞌal kꞌuꞌl chit vibꞌiieꞌ, tan tu chit ijikil nibꞌan isuuchil unqꞌa tenameꞌ skajayil. As tu chit ijikil nibꞌan u chꞌaꞌoeꞌ unpajte.   
\m
\v 12 As ech chit tilon u bꞌaqꞌ ivatzeꞌ echeꞌ taqꞌ xamal. As nimal chit unqꞌa koroona atik jeꞌ tiꞌ iviꞌ. As tzꞌibꞌamalik umaꞌl u bꞌii stiꞌ uvaꞌ yeꞌxhebꞌil ootzin tetz. Pet Aak kuxh ootzin tetz.   
\m
\v 13 As atik ok umaꞌl u toksaꞌm staꞌn uvaꞌ matik ijilpik kuꞌ xeꞌ u kajeꞌ. As vibꞌii u uxhchileꞌ, as aꞌeꞌ «kꞌuchul tetz u tijleꞌm u Tiixheꞌ.»   
\m
\v 14 As nimal chit unqꞌa uxhchileꞌ xekelik tiꞌ Aak uvaꞌ atik tu almikaꞌ. As ech tilon unqꞌa uxhchileꞌ echeꞌ sol, tan atik jeꞌ tiꞌ unqꞌa sajiꞌ kaayeꞌ. As atik ok unqꞌa bꞌaꞌnla nuꞌkin oksaꞌmeꞌ staꞌn uvaꞌ vaꞌl chit ipolal.   
\m
\v 15 As u najeꞌ uvaꞌ atik jeꞌ tiꞌ u sajiꞌ kaayeꞌ, as el chꞌuꞌl umaꞌl u jutzꞌ viꞌ chꞌichꞌ titziꞌ uvaꞌ xiꞌleꞌl chit tee, tan tukꞌ u chꞌichꞌeꞌ nikꞌaxbꞌisakat veꞌt unqꞌa tenameꞌ skajayil. As la kꞌaxbꞌisal unqꞌa tenameꞌ skajayil taꞌn u najeꞌ tukꞌ umaꞌl u bꞌaara uvaꞌ chꞌichꞌ chittuꞌ. As echeꞌ ni tulbꞌel u uuvaeꞌ tul uvaꞌ nipochꞌil u taꞌleꞌ, as echat la tulbꞌe unqꞌa tenameꞌ skajayil tiꞌ ikꞌaxbꞌisaleꞌ tukꞌ vitxꞌiꞌtziꞌl u Tiixheꞌ uvaꞌ nim talcheꞌ tiꞌ unqꞌa veeꞌ skajayil.   
\m
\v 16 As tzꞌibꞌamal veꞌt ibꞌii u najeꞌ tiꞌ u toksaꞌmeꞌ uveꞌ txala ikux. As ech vibꞌii ileꞌ:  
\q1 Ineꞌ in Ijlenaal tiꞌ unqꞌa ijlenaaleꞌ skajayil.  
\q1 As ineꞌ in Bꞌooqꞌol tiꞌ unqꞌa bꞌooqꞌoleꞌ skajayil.   
\p
\v 17 As vil umaꞌt u ángel uvaꞌ txaklik viꞌ u qꞌiieꞌ. As sikꞌin veꞌteꞌ tiꞌ imolat unqꞌa txooeꞌ uvaꞌ nixichꞌan tu almikaꞌ. As ech tal ileꞌ: —¡Siꞌunaj! Emoltaj etibꞌ tiꞌ u nimla txꞌaꞌoꞌmeꞌ uvaꞌ bꞌanel tuch taꞌn u Tiixheꞌ.   
\m
\v 18 As la echiꞌ veꞌt vichibꞌil unqꞌa ijlenaaleꞌ tukꞌ unqꞌa ichibꞌil iqꞌesal unqꞌa soleꞌ, tukꞌ vichibꞌil unqꞌa soleꞌ uveꞌ atik jeꞌ tiꞌ unqꞌa kaayeꞌ, tukꞌ vichibꞌil unqꞌa kaayeꞌ, tukꞌ vichibꞌil unqꞌa najeꞌ uvaꞌ at tijleꞌm, as tukꞌ vichibꞌil unjoltu unqꞌa uxhchileꞌ, kꞌuxh kꞌam as kꞌuxh jit kꞌam, as kꞌuxh at tijleꞌm as kꞌuxh yeꞌl tijleꞌm ati,— tiꞌk u ángel tal te unqꞌa txooeꞌ.   
\p
\v 19 As kat vil veꞌt u txooeꞌ uvaꞌ kat jeꞌ chꞌuꞌl xeꞌ u mar tukꞌ unqꞌa ijlenaaleꞌ skajayil vatz u txꞌavaꞌeꞌ, tukꞌ unqꞌa isoleꞌ. As kat imol tibꞌ chajnaj tiꞌ ibꞌanat chꞌaꞌo tiꞌ u najeꞌ uvaꞌ atik jeꞌ tiꞌ u sajiꞌ kaayeꞌ tukꞌ unqꞌa isoleꞌ.   
\m
\v 20 As txeypu veꞌt u txooeꞌ uvaꞌ jeꞌ chꞌuꞌl xeꞌ u mar tukꞌ u chulin yolla txooeꞌ uvaꞌ jeꞌ chꞌuꞌl tu txꞌavaꞌ, uvaꞌ maꞌtik ikꞌuchat veꞌt txoo uvaꞌ xoꞌvebꞌal chit unqꞌa kꞌuchbꞌal tetz u tijleꞌm u txooeꞌ uvaꞌ ibꞌana. As maꞌtik imaxtibꞌet txoo unqꞌa uxhchileꞌ uvaꞌ atik veꞌt ok u texhlal umaꞌt u txooeꞌ stiꞌ. As maꞌtik iqaaebꞌ unqꞌa uxhchileꞌ vatz vivatzibꞌal u txooeꞌ. As sutil veꞌt bꞌen txoo skaabꞌil tu u veeꞌ echeꞌ naabꞌ uvaꞌ ni toypukat u nimla xamaleꞌ tukꞌ azufre.   
\m
\v 21 As u najeꞌ uvaꞌ atik jeꞌ tiꞌ u sajiꞌ kaayeꞌ, as aꞌeꞌ kat yatzꞌon veꞌt unqꞌa tenameꞌ taꞌn u jutzꞌ viꞌ chꞌichꞌeꞌ uvaꞌ nik tel chꞌuꞌl titziꞌ. As kat mox noo veꞌt unqꞌa txooeꞌ skajayil uvaꞌ nixichꞌan tu almikaꞌ tiꞌ ichiꞌat vichibꞌil unqꞌa kamnajeꞌ.   
\c 20  
\s1 Ni til u Xhun iqitzpu veꞌt u txꞌiꞌlanaj  
\p
\v 1 As kat vil ikuꞌ veꞌt chꞌuꞌl umaꞌl u ángel tu almikaꞌ uvaꞌ atik u laave tiqꞌabꞌ tetz u nimla tokkin juleꞌ tukꞌ umaꞌt u nimla kateena.   
\m
\v 2 As itxey veꞌt u ángel u nimla txꞌiꞌlatxooeꞌ uvaꞌ txꞌiꞌlanaj chꞌelel uvaꞌ Satanás ibꞌii. As ikꞌal veꞌt u ángel u txꞌiꞌlanajeꞌ tu umaꞌl 1,000 yaabꞌ.   
\m
\v 3 As isuti veꞌt bꞌen u ángel u nimla txꞌiꞌlatxooeꞌ tu nimla tokkin juleꞌ. As ilaavi veꞌt itziꞌ u nimla tokkin juleꞌ. As toksa veꞌt sello stiꞌ, tiꞌ uvaꞌ yeꞌ la uch veꞌt tel chꞌuꞌl u nimla txꞌiꞌlatxooeꞌ tiꞌ iyansat itxumbꞌal unqꞌa tenameꞌ. As lanal tzꞌaj veꞌt umaꞌl 1,000 yaabꞌ. As aꞌn la chajpul veꞌt u nimla txꞌiꞌlatxooeꞌ unpajte. As unbꞌiit kuxh la ul ibꞌan veꞌteꞌ.   
\p
\v 4 As vil unjoltu unqꞌa xonlebꞌaleꞌ uvaꞌ xonlikkat unqꞌa uxhchileꞌ uvaꞌ aqꞌax veꞌt tijleꞌm. As vil veꞌt u taanxelal unqꞌa tenameꞌ uvaꞌ kat eesal iviꞌ taꞌn chꞌichꞌ, tan tiꞌ uvaꞌ nik inima unqꞌa yoleꞌ uvaꞌ ni tal u Jesús as tukꞌ unqꞌa itzaqꞌit u Tiixheꞌ. As aꞌ unqꞌa tenameꞌ uvaꞌ yeꞌ kat kuꞌ qaaloj vatz u txooeꞌ uvaꞌ kat jeꞌ chꞌuꞌl xeꞌ u mar as mitaꞌn vatz vivatzibꞌal u txooeꞌ. As yeꞌ kat isaꞌ veꞌt tok texhlal u txooeꞌ xoꞌl ipala moj tiꞌ iqꞌabꞌ. As kat ul veꞌt taama unqꞌa tenameꞌ uvaꞌ kat yatzꞌpi. As at veꞌt tijleꞌm kꞌatz u Cristoeꞌ kat ibꞌana tu umaꞌl 1,000 yaabꞌ.   
\m
\v 5 As aꞌeꞌ u bꞌaxa tulebꞌal taama unqꞌa kamnajeꞌ. Pet ech koj unjoltu unqꞌa kamnajeꞌ, tan yeꞌ kat ul veꞌt taama. Pet lanal pal umaꞌl 1,000 yaabꞌ. As aꞌn la ul veꞌt taama.   
\m
\v 6 As achvebꞌal chit unqꞌa itenam u Tiixheꞌ uveꞌ la ul taama bꞌaxa, tan yeꞌl veꞌt tokebꞌal ikaꞌv u kamchileꞌ stiꞌ. As la aqꞌax veꞌt u tijleꞌmeꞌ kꞌatz u Cristoeꞌ tu umaꞌl 1,000 yaabꞌ. As ok veꞌteꞌ tiꞌ oksan iyol tenam vatz Tiixh, as vatz u Cristo unpajte.   
\p
\v 7 As tul la tzojpu veꞌt umaꞌl 1,000 yaabꞌ, as la chajpul veꞌt el tzan u Satanás tu u nimla tokkin juleꞌ.   
\m
\v 8 As la bꞌen veꞌt u txꞌiꞌlanajeꞌ tiꞌ bꞌen imaxtibꞌet unqꞌa tenameꞌ skajayil vatz u txꞌavaꞌeꞌ, echeꞌ u Gog tukꞌ u Magog, as tiꞌ bꞌen imolat veꞌt unqꞌa isoleꞌ skajayil tiꞌ ibꞌanat chꞌaꞌo. As ech u tachul unqꞌa soleꞌ echeꞌ unqꞌa sanabꞌeꞌ tziꞌ u mar.   
\m
\v 9 As la ipaxi veꞌt tibꞌ vatz u txꞌavaꞌeꞌ. As techal la isep veꞌt tibꞌ unqꞌa soleꞌ tiꞌ u atinbꞌaleꞌ uvaꞌ atkat vitenam u Tiixheꞌ tukꞌ tiꞌ u tenameꞌ uvaꞌ xoꞌn chit veꞌt te Aak. As la kuꞌ veꞌt chꞌuꞌl xamal tu almikaꞌ. As la tzꞌeꞌ veꞌt unqꞌa soleꞌ skajayil.   
\m
\v 10 As u txꞌiꞌlanajeꞌ uvaꞌ kat maxtibꞌen unqꞌa tenameꞌ, as sutil veꞌt bꞌen tu uveꞌ echeꞌ naabꞌ uvaꞌ nitoypukat u nimla xamaleꞌ tukꞌ azufre tu uvaꞌ maꞌtik isutilkat bꞌen u txooeꞌ uvaꞌ kat jeꞌ chꞌuꞌl xeꞌ u mar tukꞌ u uxhchil uvaꞌ kat toksa tibꞌ qꞌajsan tetz viyol u Tiixheꞌ, as la ipalebꞌekat u kꞌaxkꞌoeꞌ sqꞌiil as aqꞌbꞌal tiꞌ chit ibꞌeneꞌ.   
\s1 Ni til u Xhun ibꞌanchu isuuchil unqꞌa tenam vatz u nimla xonlebꞌal uvaꞌ saj tiꞌ  
\p
\v 11 As kat vil umaꞌl u nimla xonlebꞌal uvaꞌ saj tiꞌ uvaꞌ xonleꞌlkat umaꞌl u uxhchil. As sotz veꞌt u txꞌavaꞌeꞌ tukꞌ u almikaꞌeꞌ vatz u uxhchileꞌ. As yeꞌxh katil kat ilpukat veꞌteꞌ.   
\m
\v 12 As kat vil veꞌteꞌ uvaꞌ txaklik veꞌt ok unqꞌa uxhchileꞌ uvaꞌ maꞌtik ikameꞌ skajayil vatz u nimla xonlebꞌaleꞌ, kꞌuxh atik tijleꞌm as moj yeꞌlik tijleꞌm. As jajpu veꞌt u uꞌujeꞌ uvaꞌ tzꞌibꞌamalkat vibꞌii unqꞌa tenameꞌ uvaꞌ at itiichajil kꞌatz u Tiixheꞌ. As tul yeꞌxnik jajpu u uꞌujeꞌ, as kat jajpul kaꞌt unqꞌa uꞌuj uvaꞌ tzꞌibꞌalkat uvaꞌ kam maꞌtik ibꞌanat unqꞌa uxhchileꞌ uvaꞌ maꞌtik ikameꞌ. As kat bꞌanchu veꞌt isuuchil tiꞌ unqꞌa veeꞌ maꞌtik ibꞌanataꞌ kam uvaꞌ tzꞌibꞌamalik kan tu unqꞌa uꞌujeꞌ.   
\m
\v 13 As jankꞌal unqꞌa uxhchileꞌ uvaꞌ maꞌtik ikameꞌ uvaꞌ atik xeꞌ u mar as tukꞌ unqꞌa uvaꞌ atik tu u atinbꞌaleꞌ uvaꞌ atkat unqꞌa kamnajeꞌ, as maꞌtik itxakebꞌ vatz u nimla xonlebꞌaleꞌ tiꞌ ibꞌanchu veꞌt isuuchil tiꞌ unqꞌa uvaꞌ kam maꞌtik ibꞌanataꞌ.   
\m
\v 14 As cheel tiꞌ ibꞌeneꞌ as yeꞌxhebꞌil la kam veꞌteꞌ, as u atinbꞌaleꞌ uvaꞌ atkat unqꞌa kamnajeꞌ, as kat sutil veꞌt bꞌen tu u nimla xamaleꞌ uvaꞌ echeꞌ naabꞌ. As aꞌ veꞌt u kaꞌv kamchileꞌ.   
\m
\v 15 As jankꞌal chit unqꞌa uxhchileꞌ uvaꞌ yeꞌ kat chee vibꞌiieꞌ tu u uꞌujeꞌ uvaꞌ tzꞌibꞌamalkat vibꞌii unqꞌa tenameꞌ uvaꞌ at itiichajil kꞌatz u Tiixheꞌ, as kat sutil veꞌt bꞌen tu u nimla xamaleꞌ uvaꞌ echeꞌ naabꞌ.   
\c 21  
\s1 Ni til u Xhun ichee umaꞌt u almikaꞌ tukꞌ umaꞌt u txꞌavaꞌ  
\p
\v 1 As kat vil veꞌt umaꞌt u akꞌ almikaꞌ tukꞌ umaꞌt u akꞌ txꞌavaꞌ, tan maꞌtik isotz veꞌt u almikaꞌeꞌ tukꞌ u txꞌavaꞌeꞌ uvaꞌ atik bꞌaxa. As maꞌtik isotz veꞌt u mar unpajte.   
\m
\v 2 As kat vil ikuꞌ chꞌuꞌl umaꞌl u tenam xeꞌ u Tiixheꞌ tu almikaꞌ. As aꞌeꞌ u akꞌ Jerusalén uvaꞌ vitenam u Tiixheꞌ. As bꞌanel veꞌt tucheꞌ echeꞌ umaj qꞌopo ixoj uvaꞌ vejel chit tibꞌ tiꞌ ikꞌulat tibꞌ tukꞌ vitzumeleꞌ.   
\m
\v 3 As vabꞌi veꞌt umaꞌt u tuul viꞌ uvaꞌ xoꞌvebꞌal chittuꞌ. As aꞌ elkat chꞌuꞌl kꞌatz u nimla xonlebꞌaleꞌ. As ech tal ileꞌ: —¡Jejleꞌl veꞌt u Tiixheꞌ xoꞌl unqꞌa tenameꞌ! Tan aꞌeꞌ itenam Aak. As aꞌ veꞌt u Tiixheꞌ la atin veꞌt skꞌatz, tan Aak kuxh veꞌteꞌ iTiixh unqꞌa tenameꞌ.   
\m
\v 4 As la iyaꞌsa veꞌt Aak toqꞌ vitenameꞌ, tan ech la tulbꞌe Aakeꞌ echeꞌ isuuat umaj uxhchil taꞌl ivatz. As yeꞌl veꞌt txumuꞌm, yeꞌl veꞌt chꞌoꞌm, yeꞌl veꞌt oqꞌel, as yeꞌl veꞌt kamchil la ibꞌaneꞌ, tan kat palyu veꞌt unqꞌa veeꞌ skajayil uvaꞌ cheesamal taꞌn Aak bꞌaxa,— tiꞌk u tuul viꞌeꞌ.   
\p
\v 5 As u uxhchileꞌ uveꞌ xonlik tu u nimla xonlebꞌaleꞌ, as ech tal ileꞌ: —¡Akꞌnal veꞌteꞌ unqꞌa veeꞌ skajayil svaꞌn!— tiꞌke. As ech tal veꞌt ileꞌ sve unpajte: —¡Tzꞌibꞌa! Tan jik chit unqꞌa yoleꞌ uvaꞌ ni val see. As aꞌeꞌ la uch akꞌujbꞌaꞌt akꞌuꞌl stiꞌ,— tiꞌke.   
\p
\v 6 As ech tal veꞌt umaꞌt u yol ileꞌ sve: —Kat bꞌaꞌnxiy veꞌt unqꞌa veeꞌ skajayil. Tan ineꞌ vixeꞌtebꞌaleꞌ; as ineꞌ vimoxtebꞌaleꞌ. As abꞌil uvaꞌ nitzaj itziꞌ, as uloj ukꞌaꞌoj siinxeꞌ, tan oy kuxh vaqꞌat u aꞌeꞌ ste uvaꞌ ni aqꞌon itiichajil.   
\m
\v 7 As abꞌil uvaꞌ yeꞌ la iyaꞌsa inimat in, as aꞌeꞌ la etzin unqꞌa nimla bꞌaꞌnileꞌ skajayil, tan ineꞌ viTiixheꞌ. As aꞌeꞌ meꞌal unkꞌaol.   
\p
\v 8 Pet ech koj unqꞌa tenameꞌ uvaꞌ aꞌ u kꞌaxkꞌoeꞌ nixoꞌva vatz u txꞌavaꞌeꞌ as yeꞌ ninima u Tiixheꞌ, tan aꞌeꞌ niyan taama u Tiixheꞌ staꞌn, echeꞌ unqꞌa yatzꞌol aamaeꞌ, tukꞌ unqꞌa uvaꞌ niyansa tibꞌ tukꞌ umaꞌt uxhchil, tukꞌ unqꞌa bꞌanol txꞌiꞌla aamaileꞌ, tukꞌ unqꞌa uxhchileꞌ uvaꞌ nikuꞌ veꞌt qaaloj vatz unqꞌa tzeꞌ tiixheꞌ, tukꞌ unqꞌa chulin yoleꞌ skajayil. As aꞌ uxhchileꞌ uvaꞌ ech ibꞌen tu uveꞌ echeꞌ naabꞌ uvaꞌ nitoypukat u nimla xamaleꞌ tukꞌ azufre tu uvaꞌ la uchkat u kaꞌpaj kamchileꞌ,— tiꞌk u yoleꞌ tal sve.   
\s1 Ni til u Xhun ikuꞌ chꞌuꞌl u akꞌ Jerusalén  
\p
\v 9 As jetzꞌen veꞌt ok umaꞌl u ángel sunkꞌatz. As aꞌeꞌ umaꞌl xoꞌl u vujvaꞌl unqꞌa ángeleꞌ uveꞌ atik nimla picheel tiqꞌabꞌ uvaꞌ noonal taꞌn vujvaꞌl unqꞌa kꞌaxkꞌoeꞌ uvaꞌ kat ul tiꞌ unqꞌa tenameꞌ. As ech ul tal ileꞌ sve: —¡Siꞌu tzitzaꞌ! Tan tuk unkꞌuch veꞌt u qꞌopo ixojeꞌ see uvaꞌ tukꞌ tixqeli u Kaneeroꞌeꞌ,— tiꞌk u ángeleꞌ tal sve.   
\m
\v 10 As yak kuxh kꞌuchpu sve taꞌn u Tiixhla Espíritu unpajte. As kat teqꞌo veꞌt jeꞌ in u ángel viꞌ umaꞌl u vitz uvaꞌ nim chit at jeꞌ. As kꞌuchpu veꞌt u tenameꞌ sve uvaꞌ Jerusalén, vitenam u Tiixheꞌ. As nik ikuꞌ veꞌt chꞌuꞌl u tenameꞌ xeꞌ u Tiixheꞌ tu almikaꞌ.   
\m
\v 11 As vaꞌl chit ilitzꞌloꞌlan ikuꞌ chꞌuꞌl u tenameꞌ taꞌn vibꞌaꞌnil u Tiixheꞌ. As ech tiloneꞌ echeꞌ umaj bꞌaꞌnla kꞌubꞌ uvaꞌ jaspe ibꞌii uvaꞌ yaklu pal kuvatz stuul.   
\m
\v 12 Atik ok umaꞌl u nimla tapiaal tiꞌ u tenameꞌ. As nim itxakebꞌ u tapiaaleꞌ. As kabꞌlaval itziꞌ atike uvaꞌ tzꞌibꞌamalik veꞌt ok vibꞌii kabꞌlaval unqꞌa ikꞌaol u Israel stiꞌ. As atik umaꞌl ángel tziꞌ junun unqꞌa tapiaaleꞌ.   
\m
\v 13 Atik oxvaꞌl itziꞌ u tapiaaleꞌ tu u bꞌuuqꞌebꞌal qꞌii; as oxvaꞌt itziꞌ tu u tzaebꞌal kajiqꞌ; as oxvaꞌt itziꞌ tu u bꞌenabꞌal kajiqꞌ; as oxvaꞌt itziꞌ tu u bꞌenabꞌal qꞌii.   
\m
\v 14 Atik kabꞌlaval tzꞌaj jaqꞌ u nimla tapiaaleꞌ. As atik ok vibꞌii kabꞌlaval unqꞌa apóstol stiꞌ uvaꞌ txaael taꞌn u Kaneeroꞌeꞌ.   
\p
\v 15 As u ángel uvaꞌ nik iyolon sve, as eqꞌomalik umaꞌl u aa staꞌn uvaꞌ bꞌaꞌnla qꞌan chꞌichꞌ chittuꞌ. As aꞌeꞌ ni echan u tenameꞌ, tukꞌ unqꞌa itziꞌ u tapiaaleꞌ as tukꞌ unqꞌa tapiaaleꞌ.   
\m
\v 16 As kajvaꞌl ixoobꞌ u tenameꞌ atike. As eela kuxh u tojeꞌ tukꞌ vivatzeꞌ. As kat techa veꞌt u ángel u tenameꞌ taꞌn u aaeꞌ. As vinaj oꞌl kꞌalal (500) iꞌl ichꞌii u tenameꞌ, tan eela u tojeꞌ tukꞌ vivatzeꞌ as tukꞌ vitxakebꞌeꞌ unpajte.   
\m
\v 17 As techa veꞌt u ángel u tapiaaleꞌ taꞌn u aaeꞌ. As vinaj bꞌelelaval (39) jaul itxakebꞌeꞌ. As aꞌ veꞌt u echabꞌaleꞌ nibꞌanbꞌe u ángel uveꞌ nibꞌanbꞌe unqꞌa najeꞌ.   
\p
\v 18 As vaꞌl chit itxilqꞌaꞌch unqꞌa kꞌubꞌeꞌ uvaꞌ atik ok tiꞌ u tapiaaleꞌ. As ech tilon u tenameꞌ echeꞌ tilon u bꞌaꞌnla qꞌan chꞌichꞌeꞌ as echeꞌ bꞌaꞌnla kristaal uvaꞌ vaꞌl chit inuꞌsal tiꞌ.   
\m
\v 19 As u tzꞌajeꞌ uveꞌ atik kan jaqꞌ u tapiaaleꞌ, as vejel chit taꞌn unqꞌa achvebꞌalla kꞌubꞌeꞌ. As vibꞌaxaeꞌ as jaspe atik ok stiꞌ; vikaꞌveꞌ as zafiro atik ok stiꞌ; vitoxpaeꞌ as ágata atik ok stiꞌ; vikajpaeꞌ as esmeralda atik ok stiꞌ;   
\m
\v 20 vitoꞌpaeꞌ as ónice atik ok stiꞌ; vivajpa as cornalina atik ok stiꞌ; vivujpa as crisólito atik ok stiꞌ; vivaaxaeꞌ as berilo atik ok stiꞌ; vibꞌelueꞌ as topacio atik ok stiꞌ; vilaapaeꞌ as crisopraso atik ok stiꞌ; vijunlavaleꞌ as jacinto atik ok stiꞌ; vikabꞌlavaleꞌ as amatista atik ok stiꞌ.   
\m
\v 21 As kabꞌlaval unqꞌa itziꞌ u tapiaaleꞌ as bꞌaꞌnla chaj kꞌubꞌ chittuꞌ uvaꞌ ech tiloneꞌ echeꞌ kueentaxh, tan bꞌanel junun unqꞌa itziꞌ u tapiaaleꞌ taꞌn umaꞌl u bꞌaꞌnla kꞌubꞌ uvaꞌ ech tiloneꞌ echeꞌ kueentaxh. As u nimla bꞌeyeꞌ uveꞌ at tu u tenameꞌ, as bꞌaꞌnla qꞌan chꞌichꞌ chittuꞌ echeꞌ umaj ilonbꞌal uvaꞌ yaklu pal kuvatz stuul.   
\p
\v 22 As yeꞌl umaj kabꞌal uvaꞌ la nachpukat Tiixh kat vil tu u tenameꞌ, tan an chit u Kubꞌaal Tiixheꞌ uvaꞌ nim talcheꞌ tiꞌ unqꞌa veeꞌ skajayil as u Kaneeroꞌeꞌ, as aꞌeꞌ ni bꞌanon ivaatzil u kabꞌaleꞌ uvaꞌ ninachpukat Tiixh.   
\m
\v 23 As yeꞌl veꞌt u qꞌiieꞌ tukꞌ u ichꞌeꞌ nik itxijun veꞌt tiꞌ u tenameꞌ, tan aꞌ veꞌt u Tiixheꞌ nitxijun veꞌt tiꞌ u tenameꞌ. As aꞌ veꞌt u Kaneeroꞌeꞌ ni bꞌanon ivaatzil unqꞌa matxbꞌal kanteelaeꞌ.   
\m
\v 24 As jankꞌal unqꞌa tenameꞌ uvaꞌ at vatz u txꞌavaꞌeꞌ skajayil, as la xaan veꞌt vatz u txijun tetz u tenameꞌ. As jankꞌal unqꞌa ijlenaaleꞌ uvaꞌ atik vatz u txꞌavaꞌeꞌ, as la taqꞌ veꞌt ok unqꞌa txꞌiibꞌal qꞌiieꞌ skajayil ste.   
\m
\v 25 As yeꞌl veꞌt aqꞌbꞌal la ibꞌan tzitziꞌ. As yeꞌl veꞌt unqꞌa itziꞌ u tapiaaleꞌ la jupli.   
\m
\v 26 As jankꞌal unqꞌa txꞌiibꞌal iqꞌii unqꞌa tenameꞌ skajayil tukꞌ unqꞌa uvaꞌ ni tok iqꞌii staꞌn, as la eqꞌol veꞌt ok tu u tenameꞌ.   
\m
\v 27 As yeꞌxh jatu la ok umaj txumbꞌal tu u tenameꞌ uvaꞌ vaꞌlexh vatz u Tiixheꞌ. As yeꞌ la uch tok umaj chulin yol as mitaꞌn umaj uxhchil uvaꞌ nichꞌoꞌnsan taama Aak. Pet taꞌn kuxh unqꞌa tenameꞌ la uch tok tu u tenameꞌ uvaꞌ tzꞌibꞌamal ibꞌii tu u uꞌujeꞌ uvaꞌ tzꞌibꞌamalkat ibꞌii unqꞌa tenameꞌ uvaꞌ at itiichajil kꞌatz u Tiixheꞌ taꞌn vibꞌaꞌnil u Kaneeroꞌeꞌ.   
\c 22  
\p
\v 1 As kat ikꞌuch u ángel umaꞌl u nimla aꞌ sve uvaꞌ nik tel chꞌuꞌl tu u nimla xonlebꞌaleꞌ uvaꞌ xonleꞌlkat u Tiixheꞌ tukꞌ u Kaneeroꞌeꞌ. As ech tilon veꞌt u aꞌeꞌ echeꞌ ilonbꞌal, tan vaꞌl chit ichaꞌxal. As aꞌeꞌ ni aqꞌon u tiichajileꞌ.   
\m
\v 2 As nik ipal u nimla aꞌeꞌ tipokꞌoꞌch u nimla bꞌeyeꞌ tu u tenameꞌ. As atik u tzeꞌeꞌ tziꞌaj u nimla aꞌeꞌ uvaꞌ nik aqꞌon tiichajil. As jun ichꞌ nivatzin u tzeꞌeꞌ. As kabꞌlapajul ni taqꞌ tzeꞌ ivatz tu umaꞌl yaabꞌ. As unqꞌa ixaj tzeꞌeꞌ, as nibꞌanbꞌeleꞌ tiꞌ vitiichajil unqꞌa tenameꞌ.   
\m
\v 3 As yeꞌl veꞌt umaj vaꞌlexh la ul tiꞌ u tenameꞌ taꞌn u Tiixheꞌ. Pet la toksa veꞌt unqꞌa tenameꞌ iqꞌii u Tiixheꞌ. As la oksal iqꞌii u Kaneeroꞌeꞌ unpajte, tan at veꞌt u nimla xonlebꞌaleꞌ tu u tenameꞌ uvaꞌ xonleꞌlkat u Tiixheꞌ tukꞌ u Kaneeroꞌeꞌ.   
\m
\v 4 As la til veꞌt tibꞌ u tenameꞌ tukꞌ u Tiixheꞌ. As at veꞌt ok vibꞌii Aakeꞌ xoꞌl ipala unqꞌa tenameꞌ.   
\m
\v 5 As yeꞌl veꞌt aqꞌbꞌal la ibꞌaneꞌ. As yeꞌ la txakon veꞌt u qꞌiieꞌ. As mitaꞌn umaj txijubꞌal la txakoni, tan aꞌ veꞌt u Kubꞌaal Tiixheꞌ la txijun veꞌt u tenameꞌ. As at veꞌt tijleꞌm vitenam u Tiixheꞌ la ibꞌaneꞌ tiꞌ chit ibꞌeneꞌ.   
\s1 Ni talpu te u Xhun uvaꞌ najli u tulebꞌal u Cristo  
\p
\v 6 As ech tal veꞌt u ángel ileꞌ sve: —Jankꞌal unqꞌa yoleꞌ uvaꞌ kat aabꞌi as tukꞌ unqꞌa veeꞌ kat eela, as kꞌujlebꞌal kꞌuꞌleꞌ, tan aꞌeꞌ jik chittuꞌ, tan aꞌ u Kubꞌaal Tiixheꞌ uvaꞌ kat alon isuuchil te unqꞌa qꞌajsan tetz viyoleꞌ, as Aakeꞌ kat chajon tzan u ángel uvaꞌ echen kꞌatz Aak tiꞌ ikꞌuchat veꞌt visuuchil unqꞌa yoleꞌ te unqꞌa tenameꞌ uvaꞌ ni niman Aak tiꞌ uvaꞌ kam tuk ibꞌaneꞌ,— tiꞌk veꞌt u ángel tal sve.   
\p
\v 7 As ech ni tal u Jesús ileꞌ: —¡Tan il in vul veꞌteꞌ! ¡As achvebꞌal chit unqꞌa uxhchileꞌ uveꞌ ni niman veꞌt unqꞌa yoleꞌ uveꞌ tzꞌibꞌamal kan tu u uꞌujeꞌ!— tiꞌk Aak.   
\p
\v 8 Ineꞌ in Xhun uvaꞌ kat ilon as kat abꞌin unqꞌa txumbꞌaleꞌ. As tul uvaꞌ kat vabꞌi as kat vila, as kat kuꞌ veꞌt in qaaloj vatz u ángel tiꞌ unnachataꞌ, tan tiꞌ uvaꞌ maꞌtik ikꞌuchat unqꞌa veeꞌ sve skajayil.   
\m
\v 9 As ech tal veꞌt u ángel ileꞌ sve: —¡Yeꞌ qaaebꞌ axh sunvatz! ¡Pet aꞌ u Tiixheꞌ la qaaebꞌ axh svatz! Tan in kuxh ikꞌam Aakeꞌ echeꞌ axh as echeꞌ ibꞌan unjoltu unqꞌa eetzꞌin aatzikeꞌ uvaꞌ nik qꞌajsan viyol u Tiixheꞌ as tukꞌ unqꞌa uxhchileꞌ uvaꞌ ni niman kam uveꞌ tzꞌibꞌamal tu uꞌujeꞌ,— tiꞌk u ángel tala.   
\p
\v 10 As tal u ángel umaꞌt yol sve. Ech tal ileꞌ: —Yeꞌ la amuj unqꞌa yoleꞌ uvaꞌ at tu u uꞌujeꞌ, tan najli veꞌt u qꞌiieꞌ tiꞌ itzojpisat Aak kam uvaꞌ alel taꞌn Aak.   
\m
\v 11 As abꞌil uvaꞌ ni bꞌanon u vaꞌlexheꞌ, as ibꞌaneꞌn u vaꞌlexheꞌ; as abꞌil uvaꞌ niyansa tibꞌ vatz u Tiixheꞌ, as iyansan kuxh tibꞌ; as abꞌil uvaꞌ aꞌ u bꞌaꞌneꞌ nibꞌaneꞌ, as aal la ibꞌan u bꞌaꞌneꞌ; as abꞌil uveꞌ jik chit itxumbꞌal, as aal chit la ijikbꞌaꞌ vitxumbꞌaleꞌ,— tiꞌk u ángel tala.   
\m
\v 12 Tan ech ni tal veꞌt u Jesús ileꞌ: —¡Il in vul veꞌteꞌ! As eqꞌomal veꞌt vetxꞌajaꞌmeꞌ svaꞌn tiꞌ vaqꞌat sete sejununilaj tiꞌ u bꞌaꞌneꞌ uvaꞌ kat ebꞌana.   
\m
\v 13 As ineꞌ vixeꞌtebꞌaleꞌ; as ineꞌ vimoxtebꞌaleꞌ; as ineꞌ xeꞌtisan tetz; as ineꞌ tzojpisan tetz,— tiꞌk Aak.   
\p
\v 14 Ech tal veꞌt u ángel ileꞌ sve: —As achvebꞌal chit unqꞌa uxhchileꞌ uveꞌ ni txꞌaaon unqꞌa toksaꞌmeꞌ, tan at veꞌt tokebꞌal kꞌatz u tzeꞌeꞌ uvaꞌ ni aqꞌon itiichajil kꞌatz u Tiixheꞌ. As at veꞌt tokebꞌal tiꞌ tok tu kabꞌlaval unqꞌa itziꞌ u tapiaaleꞌ uvaꞌ atoꞌk tiꞌ u tenameꞌ.   
\m
\v 15 Pet ech koj unqꞌa uxhchileꞌ uvaꞌ ni bꞌanon u txꞌiꞌlaꞌmileꞌ, tukꞌ unqꞌa uvaꞌ niyansa tibꞌ tukꞌ umaꞌt uxhchil, tukꞌ unqꞌa yatzꞌol aamaeꞌ, tukꞌ unqꞌa uvaꞌ ni nachon unqꞌa tzꞌeꞌ tiixheꞌ, as tukꞌ unqꞌa uxhchileꞌ uveꞌ taama chit u chuli yoleꞌ, as aꞌeꞌ la kaa tiꞌeꞌl u tenameꞌ echeꞌ ni tulbꞌel unqꞌa txꞌiꞌeꞌ uvaꞌ nikaa tiꞌeꞌl kabꞌal,— tiꞌk u ángel.   
\p
\v 16 As ech ni tal u Jesús ileꞌ: —Ineꞌ u Jesús uvaꞌ kat chajon u ángel uvaꞌ vetz tiꞌ talat isuuchil unqꞌa yoleꞌ sete, ex uvaꞌ niman vetz tulaj unqꞌa tenameꞌ. As ineꞌ in iBꞌaal u David; as ineꞌ in tiaal unpajte. As ech ineꞌ echeꞌ u nimla txꞌumileꞌ uvaꞌ aaQꞌanaꞌl,— tiꞌk u Jesús.   
\p
\v 17 As ech ni tal u Tiixhla Espíritu ileꞌ, tukꞌ u tixqel u Kaneeroꞌeꞌ: «¡Siꞌunaj!» taqꞌeꞌ ni taleꞌ. As abꞌil uvaꞌ ni abꞌin as: «¡Siꞌunaj!» chaj unpajte. As abꞌiste ex uvaꞌ nitzaj etziꞌ, as uloj etukꞌa u aꞌeꞌ uvaꞌ ni aqꞌon etiichajil, tan oy kuxh taqꞌax sete.   
\p
\v 18 As tuk val sete, jankꞌal ex uvaꞌ ni abꞌin unqꞌa yoleꞌ uvaꞌ tzꞌibꞌamal tu u uꞌujeꞌ, tan abꞌil uvaꞌ la oksan itzꞌaꞌj u yoleꞌ, as aꞌ u Tiixheꞌ la aqꞌon tzan unqꞌa kꞌaxkꞌoeꞌ stiꞌ uveꞌ tzꞌibꞌamal tu u uꞌujeꞌ.   
\m
\v 19 As abꞌil uvaꞌ la eesan umaj viyol u Tiixheꞌ uvaꞌ tzꞌibꞌamal tu u uꞌujeꞌ, as yeꞌ la til veꞌt u uxhchileꞌ unqꞌa bꞌaꞌnileꞌ uvaꞌ tzꞌibꞌamal tu u uꞌujeꞌ. As yeꞌl veꞌt tetz kꞌatz u tzeꞌeꞌ uvaꞌ la aqꞌon itiichajil kꞌatz u Tiixheꞌ la ibꞌaneꞌ. As yeꞌl veꞌt tokebꞌal u uxhchileꞌ tiꞌ tok tu u tenameꞌ uvaꞌ atkat vitenam u Tiixheꞌ.   
\p
\v 20 As u Jesucristo uvaꞌ ni alon isuuchil unqꞌa yoleꞌ, as ech ni tal Aak ileꞌ: —¡An chiteꞌ, il in vul veꞌteꞌ!— tiꞌk Aak.  
\p As ech qaltaj veꞌt ileꞌ, jankꞌal oꞌ uvaꞌ oꞌ niman tetz Aak: An chiteꞌ. Ech la ibꞌaneꞌ. ¡Ulen veꞌteꞌ, Kubꞌaal Jesús!   
\p
\v 21 As aꞌ vibꞌaꞌnil u Jesucristo la kaa veꞌt setiꞌaj sekajayil. An chiteꞌ.