\id HEB  - Ixil, Nebaj NT (ixi) -Guatemala 2010 (DBL -2013) 
\h HEBREOS 
\toc1 Hebreos U uꞌuj uvaꞌ tzꞌibꞌamal kan te unqꞌa tiaal Israel uvaꞌ ni niman u Jesús 
\toc2 Hebreos 
\toc3 Heb 
\mt1 Hebreos U uꞌuj  
\mt2 uvaꞌ tzꞌibꞌamal kan  
\mt1 te unqꞌa tiaal Israel  
\mt2 uvaꞌ ni niman u Jesús  
\c 1  
\s1 Aꞌ u Jesús ni kꞌuchun vitxumbꞌal u Tiixh  
\p
\v 1 Jatpajul kuxh kat yolon u Tiixheꞌ te unqꞌa qꞌesla kubꞌaaleꞌ naꞌytzan taꞌn unqꞌa qꞌajsan tetz viyol Aakeꞌ. As nimal txumbꞌal kat itxakonsa Aak tiꞌ uvaꞌ la pal unqꞌa tenameꞌ tu u yoleꞌ uveꞌ ni tal Aak.   
\m
\v 2 Pet ech koj tu unqꞌa qꞌiieꞌ uvaꞌ at oꞌ stuul cheel, tan kat tal veꞌt Aak isuuchil u yoleꞌ sqe taꞌn viKꞌaoleꞌ. As tukꞌ viKꞌaol Aakeꞌ kat icheesa kan Aak u txꞌavaꞌeꞌ tukꞌ u almikaꞌeꞌ skajayil. As kat ikꞌujbꞌaꞌ veꞌt Aak viKꞌaoleꞌ tiꞌ uvaꞌ aꞌeꞌ la etzin unqꞌa veeꞌ skajayil.   
\m
\v 3 As aꞌ viKꞌaol u Tiixheꞌ ni kꞌuchun uvaꞌ nim talchu veꞌt Aak echeꞌ itxijun u qꞌiieꞌ sqiꞌ. As aꞌ vivatzibꞌal Aakeꞌ viKꞌaoleꞌ sukuvatz. As tukꞌ viyol viKꞌaol Aakeꞌ uvaꞌ at tijleꞌm, ni til isuuchil unqꞌa icheesaꞌm Aakeꞌ skajayil tiꞌ itzojpisataꞌ kam uvaꞌ ni titzꞌa Aak stiꞌ. As tul maꞌt isotzsat viKꞌaol Aakeꞌ kupaav, as kat xonebꞌ veꞌteꞌ tisebꞌal u Tiixheꞌ uvaꞌ nim talcheꞌ uvaꞌ echen tu almikaꞌ.   
\m
\v 4 Estiꞌeꞌ at veꞌt pal u tijleꞌm viKꞌaol u Tiixheꞌ tiꞌ u tijleꞌm unqꞌa ángel. As nim veꞌt talchu vibꞌiieꞌ tiꞌ vibꞌii unqꞌa ángel.   
\s1 At pal u tijleꞌm viKꞌaol u Tiixh tiꞌ unqꞌa ángel  
\p
\v 5 Tan yeꞌl umaj ángel uvaꞌ ech koj kat tal u Tiixh ileꞌ ste:  
\q1 Axheꞌ axh unKꞌaol;  
\q1 As ineꞌ uvaꞌ kat aqꞌon u eejleꞌmeꞌ cheel, tiꞌk koj Aak.  
\m As mitaꞌn te umaj ángel kat talkat Aak umaꞌt u yoleꞌ uvaꞌ ech ni tal ileꞌ:  
\q1 As ineꞌ in Bꞌaala tiꞌ u uxhchileꞌ.  
\q1 As aꞌ u uxhchileꞌ unkꞌaol la ibꞌaneꞌ, tiꞌk koj Aak.   
\m
\v 6 As tul kat ul veꞌt unchꞌiꞌtil viKꞌaol u Tiixheꞌ vatz u txꞌavaꞌeꞌ, as ech kat tal veꞌt Aak ileꞌ stiꞌ:  
\q1 Techal chit la qaaebꞌ unqꞌa ángel uvaꞌ tetz u Tiixheꞌ svatz skajayil, tiꞌk Aak.   
\m
\v 7 As ech ni tal Aak ileꞌ tiꞌ unqꞌa ángel:  
\q1 Ineꞌ ni bꞌanon uvaꞌ ech veꞌt unqꞌa ángel echeꞌ kajiqꞌ.  
\q1 As ech unqꞌa unkꞌameꞌ echeꞌ taqꞌ xamal, tiꞌk Aak tal tiꞌ unqꞌa ángel.   
\m
\v 8 Pet ech koj u yoleꞌ uvaꞌ ni tal Aak tiꞌ viKꞌaoleꞌ, tan ech ni tal Aak ileꞌ stiꞌ:  
\q1 Axh Tiixh. As yeꞌl veꞌt iyaꞌtebꞌal u eejleꞌmeꞌ la ibꞌaneꞌ tiꞌ chit ibꞌeneꞌ.  
\q1 As jik chit axh la abꞌaneꞌ tukꞌ u eejleꞌmeꞌ.   
\q1
\v 9 Nasaꞌ unqꞌa jikla txumbꞌaleꞌ. Pet yeꞌ nasaꞌ unqꞌa vaꞌlexhla txumbꞌaleꞌ.  
\q1 As nim u chiibꞌichileꞌ kat ibꞌan tu u qꞌiieꞌ tul uvaꞌ kat unvaa vaviꞌeꞌ tu aceite,  
\q1 texhlal tetz uvaꞌ kat untxaa axh tiꞌ voksat aqꞌii tiꞌ unqꞌa uxhchileꞌ, tiꞌk u Tiixheꞌ tal tiꞌ viKꞌaoleꞌ.   
\m
\v 10 As ech umaꞌt u yol ileꞌ uvaꞌ ni tal u Tiixheꞌ tiꞌ viKꞌaoleꞌ:  
\q1 UnKꞌaol, kat acheesa u vatz txꞌavaꞌeꞌ tixeꞌtebꞌal u qꞌiisajeꞌ.  
\q1 As tukꞌ vayakꞌileꞌ kat acheesa u almikaꞌeꞌ unpajte.   
\q1
\v 11 Jankꞌal unqꞌa acheesaꞌmeꞌ la sotzeꞌ. Pet ech koj axh, tan at chit axheꞌ tiꞌ chit ibꞌeneꞌ.  
\q1 As kajayil chit unqꞌa acheesaꞌmeꞌ as la pal iyakꞌil echeꞌ nibꞌan unqꞌa oksaꞌmeꞌ.   
\q1
\v 12 As ech la oolbꞌe unqꞌa acheesaꞌmeꞌ echeꞌ ni tulbꞌel umaj oksaꞌm uvaꞌ nibꞌochlik el, tul uvaꞌ yeꞌ nitxakon veꞌteꞌ.  
\q1 As la jalpul unqꞌa acheesaꞌmeꞌ echeꞌ nibꞌanchu te umaj oksaꞌm uvaꞌ nijalpuleꞌ.  
\q1 Pet ech koj axh, tan at chit axheꞌ tiꞌ chit ibꞌeneꞌ.  
\q1 As yeꞌl imoxtebꞌal vayaabꞌeꞌ ati, tiꞌk u Tiixheꞌ tiꞌ viKꞌaoleꞌ.   
\m
\v 13 As yeꞌl umaj ángel uvaꞌ ech koj kat tal u Tiixh ileꞌ ste:  
\q1 Xonebꞌen tu vunsebꞌaleꞌ  
\q1 techanal la vaqꞌ kan unqꞌa uxhchileꞌ jaqꞌ avoj uveꞌ ni chꞌoꞌn taama seeꞌ, tiꞌk koj Aak te umaj ángel.   
\m
\v 14 As ootzimal sqaꞌn uvaꞌ ech unqꞌa ángel echeꞌ u kajiqꞌeꞌ. As aꞌeꞌ ikꞌam u Tiixheꞌ. As chajel tzaneꞌ tiꞌ kulochpeꞌ, jankꞌal oꞌ uvaꞌ la etzin u nimla bꞌaꞌnileꞌ uvaꞌ aqꞌel sqe taꞌn Aak tiꞌ isotzsat Aak u kupaaveꞌ.   
\c 2  
\s1 Nim talcheꞌ u nimla bꞌaꞌnileꞌ uvaꞌ kat ibꞌan u Jesús  
\p
\v 1 Estiꞌeꞌ ni val sete, qitzꞌataj u bꞌaꞌnla yoleꞌ uveꞌ abꞌimal veꞌt sqaꞌn, tan asoj yeꞌ la kunima, as la ibꞌaneꞌ uvaꞌ vaꞌlen veꞌt u kutxumbꞌaleꞌ la kubꞌaneꞌ.   
\m
\v 2 As u tzaqꞌiteꞌ uvaꞌ kat tal kan unqꞌa ángel, as techal chiteꞌ la nimali. As abꞌil uvaꞌ kat ipaasa tzii as yeꞌ kat inima, as tetzik chit veꞌteꞌ uvaꞌ kat ul u kꞌaxkꞌoeꞌ stiꞌ.   
\m
\v 3 ¿As aꞌ kol chit yeꞌ la ibꞌan qꞌa sqe, asoj yeꞌ la qoksa qaama tiꞌ u sotzbꞌal paaveꞌ uveꞌ nim talcheꞌ? As tul aꞌ u Kubꞌaal Jesús kat alon isuuchil u yoleꞌ sqe bꞌaxa. As kat yakꞌinsal veꞌt u yoleꞌ taꞌn unqꞌa uxhchileꞌ, uvaꞌ kat abꞌin viyol Aakeꞌ.   
\m
\v 4 As ech iyakꞌinsat Aakeꞌ viyoleꞌ. Kat ikꞌuch Aak unqꞌa kꞌuchbꞌal tetz viyakꞌileꞌ tukꞌ kaꞌt unqꞌa uveꞌ kat ibꞌan Aak uvaꞌ kat teqꞌo taama unqꞌa tenameꞌ staꞌn. As kat ijatxbꞌen Aak u Tiixhla Espíritu tiꞌ junun unqꞌa uxhchileꞌ uvaꞌ kat niman viyol Aakeꞌ, as kam uvaꞌ kat tal taama Aak tiꞌ taqꞌat ste.   
\s1 Ni taqꞌ u Jesús tijleꞌm unqꞌa niman tetz  
\p
\v 5 As jit tiqꞌabꞌ unqꞌa ángel la oksalkat u akꞌ txꞌavaꞌeꞌ uveꞌ la uli, tiꞌ tilpu isuuchil echeꞌ u yoleꞌ uveꞌ ni qaleꞌ.   
\m
\v 6 As ech ni tal umaꞌl u yol ileꞌ uvaꞌ tal kan umaꞌl u qꞌajsan tetz viyol u Tiixheꞌ:  
\q1 ¿Kam chit tijleꞌm unqꞌa uxhchileꞌ qꞌi tiꞌ uvaꞌ nooksa eebꞌ tilil stiꞌ?  
\q1 ¿As kam chit tijleꞌm unqꞌa uxhchileꞌ qꞌi tiꞌ uvaꞌ la ul alocheꞌ?   
\q1
\v 7 Tan axheꞌ kat bꞌanon uvaꞌ bꞌiit kuxh yeꞌ kat lejon tijleꞌm unqꞌa uxhchileꞌ tiꞌ unqꞌa ángel.  
\q1 As kat ooksa iqꞌii unqꞌa uxhchileꞌ echeꞌ umaj ijlenaal uvaꞌ la jeꞌ koroona tiꞌ iviꞌ;  
\q1 as kat ooksa snimil unpajte.  
\q1 As kat akꞌujbꞌaꞌ veꞌt kan tiꞌ unqꞌa acheesaꞌmeꞌ uveꞌ kat abꞌana.   
\q1
\v 8 As kat aaqꞌ unqꞌa acheesaꞌmeꞌ skajayil te unqꞌa uxhchileꞌ tiꞌ tilat isuuchil, tiꞌk u yoleꞌ.  
\m As u yoleꞌ u vaaꞌ, as aꞌeꞌ ni taleꞌ uvaꞌ kat taqꞌ u Tiixheꞌ unqꞌa icheesaꞌmeꞌ skajayil te unqꞌa uxhchileꞌ tiꞌ tilat isuuchil. As aꞌ ni taleꞌ uvaꞌ ni tal Aak uvaꞌ jankꞌal unqꞌa icheesaꞌm Aakeꞌ, as la til unqꞌa uxhchileꞌ isuuchil. As jitꞌeꞌch nibꞌaneꞌ, tan yeꞌl unqꞌa icheesaꞌm Aakeꞌ skajayil ni til unqꞌa uxhchileꞌ isuuchil tijikil.   
\m
\v 9 Pet ootzimal u Jesús sqaꞌn u ilol tetz isuuchil unqꞌa icheesaꞌm u Tiixheꞌ, uvaꞌ bꞌiil kuxh at kan u tijleꞌmeꞌ tiꞌ unqꞌa ángel tul kat ul vatz txꞌavaꞌ. As tul kat qꞌaav veꞌt Aak tu almikaꞌ, as nim talchu veꞌt Aak kat ibꞌana. As ibꞌaꞌnil kuxh u Tiixheꞌ kat ipalebꞌe u Jesús u kamchileꞌ sqiꞌ. Estiꞌeꞌ kat oksal veꞌt iqꞌii u Jesús. As nim talchu veꞌt Aak cheel.   
\p
\v 10 As u Tiixheꞌ uvaꞌ cheesan tetz unqꞌa cheesaꞌmeꞌ skajayil, as Aak ibꞌaal skajayil. As aꞌ nisaꞌ Aak uvaꞌ nimal unqꞌa tenameꞌ la ok smeꞌal ikꞌaol Aak, aqꞌal uvaꞌ la ilpi uvaꞌ nim talchu veꞌt Aak. Estiꞌeꞌ uvaꞌ bꞌaꞌn veꞌt te Aak uvaꞌ techal kat ipalebꞌe u Jesús unqꞌa kꞌaxkꞌoeꞌ, aqꞌal uvaꞌ aꞌ u Jesús la sotzsan kupaav.   
\m
\v 11 As jankꞌal oꞌ uvaꞌ txaael veꞌt oꞌ tiꞌ qok sitenam u Tiixheꞌ, as umaꞌl kuxh veꞌt Kubꞌaal tukꞌ u Jesús uvaꞌ ni oksan oꞌ sitenam u Tiixheꞌ. Estiꞌeꞌ yeꞌl u Jesús nichꞌixveꞌ tiꞌ talataꞌ uvaꞌ qitzꞌin qatzik veꞌt qibꞌ tukꞌ Aak,   
\m
\v 12 echeꞌ uvaꞌ ni tal umaꞌt u yol uvaꞌ tzꞌibꞌamal kan:  
\q1 La val isuuchil u yoleꞌ seeꞌ te unqꞌa vitzꞌin vatzikeꞌ.  
\q1 As la unbꞌitza veꞌt axh xoꞌl unqꞌa uxhchileꞌ uveꞌ nimol tibꞌ tiꞌ vabꞌiieꞌ, tiꞌk u yoleꞌ.   
\m
\v 13 As ech ni tal umaꞌt u yol ileꞌ:  
\q1 La unkꞌujbꞌaꞌ veꞌt unkꞌuꞌl tiꞌ Aak, tiꞌk u yoleꞌ.  
\m As ni tal unpajte:  
\q1 As il in at in tukꞌ unqꞌa meꞌal ikꞌaol u Tiixheꞌ uvaꞌ kat alpu sve uvaꞌ la vil isuuchil, tiꞌk u yoleꞌ.   
\p
\v 14 Estiꞌeꞌ uvaꞌ echat kat ibꞌan u Jesús echeꞌ oꞌ, tan at kuchiꞌol tukꞌ kukajal as tukꞌ kubꞌajil. As ech Aakeꞌ echeꞌ oꞌ kat ibꞌana tul kat ipalebꞌe Aak u kamchileꞌ tiꞌ itxꞌakon tiꞌ u txꞌiꞌlanajeꞌ uvaꞌ kat toksa tibꞌ sibꞌaalil unqꞌa uxhchileꞌ uvaꞌ yeꞌ ni niman u Tiixheꞌ.   
\m
\v 15 As kat ul u Jesús kamoj tiꞌ iqꞌalpul unqꞌa tenameꞌ vatz u txꞌavaꞌeꞌ uvaꞌ txeyik taꞌn u txꞌiꞌlanajeꞌ, tan nik ixoꞌv unqꞌa tenameꞌ tiꞌ ikameꞌ.   
\m
\v 16 As ootzimal sqaꞌn uvaꞌ jit unqꞌa ángel kat ul iloch u Jesús. Pet oꞌ kat ul iloch oꞌ Aak, oꞌ uvaꞌ oꞌ tiaal u Abraham.   
\m
\v 17 Estiꞌeꞌ uvaꞌ techal chit kat ibꞌensa tibꞌ u Jesús echeꞌ oꞌ, tiꞌ uvaꞌ Aak veꞌt u Nimla oksan tetz kuyol vatz u Tiixheꞌ. As jik chit toksat Aak kuyol, tan nitxum Aak kuvatz. As estiꞌeꞌ kat ichoo Aak u kupaaveꞌ.   
\m
\v 18 As kat ipalebꞌe Aak kꞌaxkꞌo tul kat chukax txumbꞌal tiꞌ Aak uvaꞌ la paavin Aak. As estiꞌeꞌ uvaꞌ ootzimal veꞌt taꞌn Aak kam la tulbꞌe Aak kulochpeꞌ, tul nichukax txumbꞌal sqiꞌ tiꞌ uvaꞌ la paavin oꞌ.   
\c 3  
\s1 Nim talchu u Jesús tiꞌ u Moisés  
\p
\v 1 Estiꞌeꞌ, vitzꞌin vatzik, ex uvaꞌ ex itenam Tiixh, antu veꞌt oꞌ uvaꞌ kat imolo oꞌ u Tiixheꞌ setukꞌ tiꞌ qetzit u nimla bꞌaꞌnileꞌ kꞌatz Aak. As qitzꞌataj setukꞌ tiꞌ u Jesucristo uvaꞌ chajel tzan tiꞌ kulochpeꞌ. As Aakeꞌ u nimla oksan tetz iyol tenam vatz u Tiixheꞌ, echeꞌ uvaꞌ ni tal u yoleꞌ uvaꞌ chusel veꞌt sqaꞌn.   
\m
\v 2 As kꞌujlebꞌal kꞌuꞌl u Jesucristo vatz u Tiixheꞌ uvaꞌ kat ikꞌujbꞌaꞌ kan Aak. As ech kat ibꞌan u Moisés xoꞌl unqꞌa itenam u Tiixheꞌ, tan kꞌujlebꞌal chit kꞌuꞌl u Moisés vatz u tenameꞌ kat ibꞌana.   
\m
\v 3 As at veꞌt pal toksal iqꞌii u Jesús tiꞌ u Moisés, echeꞌ tatin umaj lakol kabꞌal, tan at pal toksal iqꞌii tiꞌ u kabꞌaleꞌ uvaꞌ kat ilaka.   
\m
\v 4 As jankꞌal unqꞌa kabꞌaleꞌ, as at umaꞌl uxhchil lakol tetz. As aꞌ u Tiixheꞌ cheesan tetz skajayil.   
\m
\v 5 As kꞌujlebꞌal kꞌuꞌl u Moisés vatz u Tiixheꞌ kat ibꞌana. As ech veꞌt tatin u Moisés echeꞌ umaj kꞌam tiꞌ ibꞌanataꞌ jankꞌal uvaꞌ kat tal u Tiixheꞌ ste as tiꞌ talat isuuchil kam uvaꞌ la tal u Tiixheꞌ xamtel.   
\m
\v 6 As ech koj u Cristo, tan ech tatin Aakeꞌ xoꞌl vitenameꞌ echeꞌ umaj kꞌaol uvaꞌ ni ilon vikabꞌal vibꞌaaleꞌ. As oꞌeꞌ taꞌ uvaꞌ ech oꞌeꞌ ikabꞌal u Tiixheꞌ, asoj chabꞌamal qatin tiꞌ u nimla bꞌaꞌnileꞌ uvaꞌ nu kutxꞌebꞌeꞌ. As yeꞌ la yaꞌ oꞌ tiꞌ kuchiibꞌ stiꞌ, tul nu kutxꞌebꞌeꞌ.   
\s1 Ni talpu te unqꞌa itenam u Tiixh uvaꞌ la ichabꞌa tatineꞌ tiꞌ u kꞌujlebꞌal ikꞌuꞌleꞌ  
\p
\v 7 Estiꞌeꞌ la val sete, tan ech la ebꞌaneꞌ echeꞌ uvaꞌ ni tal u Tiixhla Espíritu, tan ech ni tal ileꞌ:  
\q1 Asoj netabꞌi viyol u Tiixheꞌ cheel,   
\q1
\v 8 as yeꞌ la etiibꞌisa vetaanxelaleꞌ, echeꞌ uvaꞌ kat ibꞌan unqꞌa tenameꞌ,  
\q1 tul uvaꞌ kat ul veꞌt iviꞌ u Tiixheꞌ tiꞌ unqꞌa tenameꞌ tu u tzuukin txꞌavaꞌeꞌ,  
\q1 tan nik isaꞌ tootzitaꞌ ma la ibꞌan Aak moj yeꞌle kam uvaꞌ kat tal Aak.   
\m
\v 9 As estiꞌeꞌ ech kat tal veꞌt Aak ileꞌ:  
\q1 Tzitziꞌ kat isaꞌkat unqꞌa qꞌesla ebꞌaaleꞌ tootzitaꞌ ma an chit u yoleꞌ uvaꞌ kat val ste moj yeꞌle.  
\q1 As kꞌuxh kat til unqꞌa nimla bꞌaꞌnileꞌ uvaꞌ kat unbꞌan stiꞌ tu kaꞌviinqil u yaabꞌeꞌ,  
\q1 as nik isaꞌ tootzitaꞌ ma an chit u yoleꞌ uvaꞌ kat val ste moj yeꞌle.   
\q1
\v 10 As estiꞌeꞌ uvaꞌ kat ul veꞌt unviꞌ tiꞌ unqꞌa tenameꞌ uveꞌ atik tzitziꞌ.  
\q1 As ech kat val veꞌt ileꞌ stiꞌ: «As tzꞌejxinal chit unqꞌa tenameꞌ tukꞌ vitxumbꞌaleꞌ.  
\q1 As yeꞌ nisaꞌ tootzit vuntxumbꞌaleꞌ,» chꞌin kat vala.   
\q1
\v 11 Estiꞌeꞌ kat vala uvaꞌ kat txꞌiꞌtziꞌl tu veꞌt in.  
\q1 As kat unkꞌujbꞌaꞌ veꞌteꞌ uvaꞌ yeꞌ la ok veꞌt unqꞌa uxhchileꞌ tu u txꞌavaꞌeꞌ  
\q1 uvaꞌ kat valtziꞌ ste uvaꞌ la chiibꞌ kat as uvaꞌ yeꞌ la bꞌuchlukat veꞌteꞌ, tiꞌk u Tiixhla Espíritu.   
\p
\v 12 Atoj enachbꞌal, vitzꞌin vatzik, aqꞌal uvaꞌ yeꞌl umaj ex la eteesa kan etibꞌ kꞌatz u islich Tiixheꞌ, as yeꞌ la etoksat etaama tiꞌ u vaꞌlexheꞌ, as tiꞌ iyansal vetxumbꞌaleꞌ tiꞌ u kꞌujlebꞌal ekꞌuꞌleꞌ tiꞌ Aak.   
\m
\v 13 Pet aal la iyakꞌinsa tibꞌ etaama sevatzaj jun qꞌii tiꞌ u kꞌujlebꞌal ekꞌuꞌleꞌ tiꞌ Aak. As ebꞌantaj cheel, aqꞌal uvaꞌ yeꞌl umaj ex la etiibꞌisa etaama taꞌn u paaveꞌ uveꞌ ni tal imaxtibꞌet ex.   
\m
\v 14 Tan asoj chabꞌamal qatin tiꞌ u kꞌujlebꞌal kukꞌuꞌleꞌ tiꞌ u Cristo techal tul Aak unpajte echeꞌ uvaꞌ nik kubꞌan sbꞌaxa, as at veꞌt qokebꞌal tiꞌ unqꞌa nimla bꞌaꞌnileꞌ uvaꞌ la aqꞌax sqe taꞌn Aak.   
\m
\v 15 As estiꞌeꞌ uvaꞌ ech ni tal u yol ileꞌ:  
\q1 Asoj netabꞌi viyol u Tiixheꞌ cheel,  
\q1 as yeꞌ la etiibꞌisa vetaanxelaleꞌ echeꞌ uvaꞌ kat ibꞌan unqꞌa tenameꞌ  
\q1 tul uvaꞌ kat ul iviꞌ u Tiixheꞌ stiꞌ, tiꞌk u yoleꞌ.   
\m
\v 16 As tuk unnachonsa sete uvaꞌ ¿abꞌil kat abꞌin viyol u Tiixheꞌ as yeꞌ kat inima? Tan aꞌ unqꞌa tenameꞌ uveꞌ kat teqꞌo u Moisés bꞌey svatz tiꞌ tel chꞌuꞌl tu u Egipto.   
\m
\v 17 ¿As abꞌil stiꞌ kat ulkat iviꞌ u Tiixheꞌ tu kaꞌviinqil u yaabꞌeꞌ? Aꞌ unqꞌa tenameꞌ uvaꞌ kat ipaasa tzii, as kat kamik kan tu u tzuukin txꞌavaꞌeꞌ.   
\m
\v 18 As unqꞌa uxhchileꞌ uvaꞌ yeꞌ ni niman u yoleꞌ as kat kꞌujbꞌaꞌl veꞌt kan stiꞌ uvaꞌ yeꞌ la ok tu u txꞌavaꞌeꞌ uvaꞌ yeꞌl la bꞌuchlukat.   
\m
\v 19 As nu kupal stuul uvaꞌ yeꞌ kat uch tetzit veꞌt unqꞌa uxhchileꞌ kam uvaꞌ kat taltziꞌ veꞌt Aak ste, tan tiꞌ uvaꞌ yeꞌ kat ikꞌujbꞌaꞌ ikꞌuꞌl tiꞌ Aak.   
\c 4  
\p
\v 1 As echeꞌ uvaꞌ kat ibꞌan unqꞌa tiaal Israel tul kat ok tu u txꞌavaꞌeꞌ uvaꞌ kat taltziꞌ u Tiixheꞌ ste uvaꞌ kat chiibꞌkat. As echat chit nibꞌan cheel, tan tuk chiibꞌoj oꞌ kꞌatz u Tiixheꞌ. As atoj kunachbꞌal tiꞌ uvaꞌ altziꞌmal sqe taꞌn Aak. As yeꞌxhebꞌil la teqꞌo kan tibꞌ tiꞌ Aak, aqꞌal uvaꞌ yeꞌ la itzꞌej kan uvaꞌ altziꞌmal ste taꞌn Aak.   
\m
\v 2 Tan antu veꞌt oꞌ kat alpu u bꞌaꞌnla yoleꞌ sqe echeꞌ uveꞌ kat alpu te unqꞌa tenameꞌ naꞌytzan. Pet kꞌuxh kat tabꞌi veꞌt unqꞌa tenameꞌ viyol Aakeꞌ, as yeꞌ kat txakon veꞌt stiꞌ tan tiꞌ uvaꞌ yeꞌ kat ikꞌujbꞌaꞌ ikꞌuꞌl tiꞌ Aak tul uvaꞌ kat tabꞌi. As yeꞌ kat inima.   
\m
\v 3 Pet ech koj oꞌ uvaꞌ ni niman viyol u Tiixheꞌ tan at veꞌt qokebꞌal kꞌatz Aak. As aqꞌal uvaꞌ yeꞌ la ibꞌan veꞌteꞌ echeꞌ uvaꞌ tal kan Aak:  
\q1 Estiꞌeꞌ kat ul veꞌt unviꞌ.  
\q1 As kat unkꞌujbꞌaꞌ veꞌteꞌ uvaꞌ yeꞌ la ok veꞌt unqꞌa uxhchileꞌ tu u txꞌavaꞌeꞌ  
\q1 uvaꞌ kat valtziꞌ ste uvaꞌ la chiibꞌ kat as yeꞌ la bꞌuchlukat veꞌteꞌ, tiꞌk u Tiixheꞌ.  
\m Jankꞌal oꞌ uvaꞌ at oꞌ vatz u txꞌavaꞌeꞌ   
\m
\v 4 As at umaꞌt u yol uvaꞌ tzꞌibꞌamal kan uvaꞌ ech ni tal ileꞌ tiꞌ ivujpu u qꞌiieꞌ:  
\q1 As tivujpu qꞌii kat olebꞌ u Tiixheꞌ tiꞌ vicheesaꞌmeꞌ skajayil,  
\q1 as kat chiibꞌ veꞌt Aak tiꞌ uveꞌ kat ibꞌan Aak, tiꞌk u yoleꞌ.   
\m
\v 5 As ech ni tal umaꞌt u yol ileꞌ unpajte uvaꞌ tzꞌibꞌamal kan:  
\q1 As kat unkꞌujbꞌaꞌ veꞌteꞌ uvaꞌ yeꞌ la ok veꞌt unqꞌa uxhchileꞌ tu u txꞌavaꞌeꞌ  
\q1 uvaꞌ kat valtziꞌ ste uvaꞌ la chiibꞌ kat as yeꞌ la bꞌuchlukat veꞌteꞌ, tiꞌk Aak.   
\m
\v 6 As ootzimal sqaꞌn uvaꞌ yeꞌ kat tetzi unqꞌa uxhchileꞌ u chiibꞌichileꞌ kꞌatz u Tiixheꞌ uvaꞌ kat alax u bꞌaꞌnla yoleꞌ ste bꞌaxa, tan yeꞌ kat inima u yoleꞌ.   
\m
\v 7 As kat ikꞌujbꞌaꞌ veꞌt kan u Tiixheꞌ umaꞌt u qꞌii cheel unpajte. As aꞌ u David kat tzꞌibꞌan u yoleꞌ taꞌn Aak. As aꞌeꞌ uvaꞌ ni tuch veꞌt cheel:  
\q1 Asoj netabꞌi viyol u Tiixheꞌ cheel,  
\q1 as yeꞌ la etiibꞌisa etaanxelal tiꞌ enimataꞌ, tiꞌk u David.   
\m
\v 8 As kat koj itxꞌol unqꞌa uxhchileꞌ tetzit u chiibꞌichileꞌ kꞌatz u Tiixheꞌ taꞌn u Josué, as yeꞌleꞌxh umaꞌt u qꞌiieꞌ kat ikꞌujbꞌaꞌ kan u Tiixheꞌ.   
\m
\v 9 Estiꞌeꞌ attel u chiibꞌichileꞌ cheel sqiꞌ, oꞌ uvaꞌ oꞌ veꞌt itenam u Tiixheꞌ.   
\m
\v 10 Tan jankꞌal u aqꞌoneꞌ uvaꞌ nukubꞌaneꞌ, as nu kuchiibꞌeꞌ echeꞌ uvaꞌ kat ibꞌan u Tiixheꞌ tul kat olebꞌ Aak tiꞌ icheesat unqꞌa icheesaꞌmeꞌ skajayil.   
\p
\v 11 Qaqꞌtaj yakꞌil setukꞌ tiꞌ u chiibꞌichileꞌ uvaꞌ alel sqe taꞌn u Tiixheꞌ, aqꞌal uvaꞌ yeꞌl umaj oꞌ la yan kutxumbꞌal echeꞌ uveꞌ kat ibꞌan unqꞌa tenameꞌ uvaꞌ naꞌytzan uvaꞌ kat ipaasa tzii.   
\m
\v 12 As aꞌ viyol u Tiixheꞌ ni aqꞌon itiichajil u qaanxelaleꞌ. As at pal iyakꞌil tiꞌ tilat u qaanxelaleꞌ tiꞌ u chꞌichꞌeꞌ uvaꞌ kaꞌvaꞌl tee, tan la palik ok viyol Aakeꞌ tu u qaanxelaleꞌ techal toon xeꞌ qaama echeꞌ tok umaj chꞌichꞌ tu kuchiꞌol. As la chukun ibꞌen tu kubꞌajil. As aꞌ viyol Aakeꞌ la pichꞌun kam uvaꞌ ni tal qaama tukꞌ uvaꞌ ni qitzꞌa.   
\m
\v 13 As yeꞌl umaj vicheesaꞌm Aakeꞌ uvaꞌ yeꞌ koj naꞌl vatz Aak, tan kajayil chiteꞌ unqꞌa veeꞌ naꞌl vatz Aak. As Aakeꞌ uvaꞌ la kuxochoꞌk qibꞌ ste tiꞌ uvaꞌ kam kat kubꞌana.   
\s1 At pal u tijleꞌm u Jesucristo tiꞌ viqꞌesal unqꞌa nachol Tiixh tiꞌ unqꞌa tenam  
\p
\v 14 As yeꞌ la kuyaꞌsa kunimat unqꞌa yoleꞌ tiꞌ u Jesús, viKꞌaol u Tiixheꞌ, tan Aakeꞌ uvaꞌ nimla qꞌesal oksan tetz iyol tenam vatz Tiixh. As echen veꞌt Aak tu almikaꞌ.   
\m
\v 15 As u Jesús, u nimla qꞌesal oksan iyol tenam vatz Tiixheꞌ tiꞌ itxumat kuvatz as tiꞌ ilochat oꞌ Aak vatz u paaveꞌ, tan kat chukax txumbꞌal tiꞌ Aak echeꞌ uvaꞌ ni qulbꞌeleꞌ, tan aꞌ kat alchi uvaꞌ kat koj paavin Aak. As yeꞌl Aak kat paavini.   
\m
\v 16 Estiꞌeꞌ yeꞌ la xoꞌv veꞌt oꞌ tiꞌ kujetzꞌen ok kꞌatz Aak tu uveꞌ xonleꞌlkat Aak tukꞌ u tijleꞌmeꞌ uvaꞌ atkat vibꞌaꞌnil Aakeꞌ. As la itxum Aak kuvatz. As la iloch veꞌt oꞌ Aak tukꞌ vibꞌaꞌnileꞌ, tul la kupalebꞌe unqꞌa kꞌaxkꞌoeꞌ.   
\c 5  
\p
\v 1 As qitzꞌataj kam itxaap unqꞌa iqꞌesal oksan iyol tenam vatz Tiixh, tan txaaeleꞌ nibꞌancheꞌ xoꞌl unqꞌa imooleꞌ. As kꞌujlu veꞌt kan tiꞌ toksal viyol u tenameꞌ vatz u Tiixheꞌ, as tiꞌ toksal unqꞌa txooeꞌ vatz Aak tiꞌ ijajat sotzbꞌal ipaav unqꞌa tenameꞌ.   
\m
\v 2 As aapaav chiteꞌ unqꞌa iqꞌesal oksan iyol tenam vatz Tiixh. Estiꞌeꞌ at itxumbꞌal tiꞌ uvaꞌ la ikꞌuch u nima aamaileꞌ te unqꞌa tenameꞌ uvaꞌ yeꞌl itxumbꞌal ati tiꞌ u tzaqꞌiteꞌ uvaꞌ tzꞌibꞌamal kan.   
\m
\v 3 As tiꞌ uvaꞌ aapaav chajaak, as estiꞌeꞌ nitzꞌeꞌsa veꞌt chajaak unqꞌa txooeꞌ vatz u Tiixheꞌ tiꞌ ijajat sotzbꞌal ipaav as tukꞌ tiꞌ vipaav unqꞌa tenameꞌ.   
\m
\v 4 As yeꞌ la uch toksat jeꞌ tibꞌ umaj uxhchil siqꞌesalil oksan iyol tenam vatz Tiixh. Pet aꞌ kuxh u uxhchileꞌ la oki uveꞌ kat txaapi taꞌn u Tiixheꞌ, echeꞌ uvaꞌ kat ibꞌan u Aarón.   
\m
\v 5 As echat kat ibꞌan u Cristo, tan yeꞌl Aak kat toksa jeꞌ iqꞌii tiꞌ toksat tibꞌ siqꞌesalil oksan iyol tenam vatz Tiixh. Pet aꞌ u Tiixheꞌ kat oksan u Cristo siqꞌesalil unqꞌa nachol Tiixheꞌ. As ech kat tal u Tiixh ileꞌ:  
\q1 Axheꞌ axh unKꞌaol.  
\q1 As ineꞌ uvaꞌ kat aqꞌon u eejleꞌmeꞌ cheel, tiꞌk u Tiixheꞌ tal te u Cristo.   
\m
\v 6 As ech ni tal u Tiixh ileꞌ unpajte tu umaꞌt u uꞌujeꞌ:  
\q1 Axh veꞌt oksan iyol tenam vatz Tiixh tiꞌ chit ibꞌeneꞌ,  
\q1 echeꞌ uvaꞌ kat ibꞌan u Melquisedec, tiꞌk Aak.   
\m
\v 7 As tul atik u Cristo vatz u txꞌavaꞌeꞌ, as taqꞌ jeꞌ Aak tuul iviꞌ tiꞌ inachat Tiixh tukꞌ oqꞌel, tan ootzimal taꞌn Aak uvaꞌ taꞌn u Tiixheꞌ la lochon Aak tiꞌ ipalebꞌet u kamchileꞌ. As kat abꞌil veꞌt viyol u Cristo, tan tiꞌ uvaꞌ kat ixoꞌva Aak u Tiixheꞌ. As niman yol Aak kat ibꞌana.   
\m
\v 8 As kꞌuxh iKꞌaol u Tiixheꞌ u Cristo, as tul uvaꞌ kat ipalebꞌe Aak unqꞌa kꞌaxkꞌoeꞌ, as kat tootzi veꞌt Aak kam inimal viyol u Tiixheꞌ.   
\m
\v 9 As tul maꞌtik inimat veꞌt Aak kajayil uvaꞌ alel kan tiꞌ Aak, as kat ok veꞌt Aak aqꞌol tetz itiichajil u qaanxelaleꞌ kꞌatz u Tiixheꞌ, jankꞌal oꞌ uvaꞌ ni niman veꞌt Aak,   
\m
\v 10 as kat ikꞌujbꞌaꞌ veꞌt kan u Tiixheꞌ viKꞌaoleꞌ siqꞌesalil oksan iyol tenam vatz Tiixh echeꞌ uvaꞌ kat ibꞌan veꞌt u Melquisedec.   
\s1 Nibꞌeyal te unqꞌa tiaal Israel tiꞌ uvaꞌ yeꞌ la iyaꞌsa inimat viyol u Jesús  
\p
\v 11 As nimatel yol la val sete tiꞌ u Melquisedec, uveꞌ ni valeꞌ. As tzaꞌl talax isuuchil u yoleꞌ sete, tan tiꞌ uvaꞌ yeꞌ nepal stuul.   
\m
\v 12 As naꞌytzaneꞌ exeꞌt tiꞌ echusat etibꞌ tiꞌ unqꞌa yoleꞌ. As aꞌ la ebꞌaneꞌ uvaꞌ ex koj veꞌt la chusun ex cheel, uvaꞌ ni valeꞌ. Pet ni vileꞌ uvaꞌ techal la kaꞌpul unqꞌa chusbꞌaleꞌ sete uvaꞌ kat chuspu sete sbꞌaxa, tan echtel kuxh nibꞌan vetxumbꞌaleꞌ tiꞌ unqꞌa chusbꞌaleꞌ echeꞌ nibꞌan umaj tal neꞌ uvaꞌ nitel ichꞌuꞌuneꞌ. As yeꞌ la olebꞌ ex tiꞌ tabꞌil unqꞌa chusbꞌaleꞌ uvaꞌ tii tabꞌileꞌ, tan ech vetxumbꞌaleꞌ echeꞌ umaj neꞌ uvaꞌ yeꞌ echbꞌunoj.   
\m
\v 13 As abꞌil uvaꞌ echtel kuxh vitxumbꞌaleꞌ echeꞌ unqꞌa neꞌeꞌ uvaꞌ nitel kuxh ichꞌuꞌuneꞌ, as yeꞌ nibꞌen ste abꞌiste u vaꞌlexheꞌ, as abꞌiste u bꞌaꞌneꞌ.   
\m
\v 14 Pet ech koj unqꞌa uxhchileꞌ uvaꞌ ech vitxumbꞌaleꞌ echeꞌ unqꞌa qꞌesla aamaeꞌ, tan nichuspu veꞌteꞌ tiꞌ unqꞌa chusbꞌaleꞌ uvaꞌ tii tabꞌileꞌ echeꞌ nibꞌanchu te unqꞌa talaj intxaꞌeꞌ uvaꞌ ni taqꞌpu veꞌt techbꞌubꞌal. As chusel veꞌt staꞌn tiꞌ tootzitaꞌ uvaꞌ abꞌiste u bꞌaꞌneꞌ as abꞌiste u yeꞌ bꞌaꞌneꞌ. As aꞌ u bꞌaꞌneꞌ nibꞌaneꞌ.   
\c 6  
\p
\v 1 Estiꞌeꞌ la val sete, yeꞌ la uchi uvaꞌ jatpuul kuxh la chuspu unqꞌa chusbꞌaleꞌ sqe tiꞌ qatin kꞌatz u Cristo echeꞌ uvaꞌ kat alax sqe sbꞌaxa. Pet aal la kuchus qibꞌ tiꞌ unqꞌa chusbꞌaleꞌ uvaꞌ la yakꞌinsan u kutxumbꞌaleꞌ tiꞌ qatin kꞌatz u Cristo. As jit tzꞌajinaleꞌ la kaꞌpuul unqꞌa chusbꞌaleꞌ tiꞌ kukꞌaxat qibꞌ tiꞌ u vaꞌlexheꞌ uvaꞌ nik kubꞌaneꞌ uvaꞌ laik eqꞌon oꞌ tu u kamchileꞌ, as tiꞌ kukꞌujbꞌaꞌt kukꞌuꞌl tiꞌ u Tiixheꞌ uvaꞌ kat kubꞌan bꞌaxa.   
\m
\v 2 As mitaꞌn la kaꞌpuul unqꞌa chusbꞌaleꞌ uvaꞌ kat alax sqe bꞌaxa tiꞌ kukuꞌ xeꞌ u aꞌeꞌ, as tiꞌ taqꞌat jeꞌ unqꞌa kuqꞌesaleꞌ iqꞌabꞌ tiꞌ kuviꞌ, as tiꞌ u tulebꞌal taama unqꞌa kamnajeꞌ unpajte, as tiꞌ ibꞌanat u Tiixheꞌ kusuuchil.   
\m
\v 3 Asoj la isaꞌ u Tiixheꞌ, as la kuchus qibꞌ tiꞌ unqꞌa chusbꞌaleꞌ tiꞌ uvaꞌ la yakꞌin u kutxumbꞌaleꞌ tiꞌ qatin kꞌatz u Cristoeꞌ.   
\p
\v 4 Tan yeꞌ la uchi uvaꞌ la alpu te unqꞌa uxhchileꞌ uvaꞌ la ikꞌaxa tibꞌ unpajte echeꞌ uvaꞌ kat ibꞌan bꞌaxa, as tul maꞌt taqꞌat u Tiixheꞌ ste uvaꞌ la ootzil veꞌt Aak staꞌn, as maꞌt ikꞌulat veꞌt unqꞌa uxhchileꞌ u bꞌaꞌnileꞌ uvaꞌ ni taqꞌ u Tiixheꞌ ste, as maꞌt tok u Tiixhla Espíritu tu u taanxelaleꞌ,   
\m
\v 5 as maꞌt inachat vibꞌaꞌnil u bꞌaꞌnla yoleꞌ tetz u Tiixheꞌ, as maꞌt tilat unqꞌa nimla bꞌaꞌnileꞌ echeꞌ unqꞌa veeꞌ uvaꞌ tuk ibꞌaneꞌ vatz u txꞌavaꞌeꞌ tul uvaꞌ la ul u Jesúseꞌ unpajte.   
\m
\v 6 Asoj la teesa kan tibꞌ unqꞌa uxhchileꞌ tiꞌ inimat u bꞌaꞌnla yoleꞌ, as yeꞌ la uchi uvaꞌ la ikꞌaxa tibꞌ unpajte echeꞌ uvaꞌ kat ibꞌan bꞌaxa, tan eela kuxh stukꞌ uvaꞌ an chit u uxhchileꞌ ni aqꞌon jeꞌ viKꞌaol u Tiixheꞌ vatz u kuruseꞌ tiꞌ ichꞌixvisaleꞌ unpajte. Pet asoj ech la ibꞌaneꞌ, as an kuxh unqꞌa uxhchileꞌ la eqꞌon tzan u kꞌaxkꞌoeꞌ stiꞌ.   
\m
\v 7 As ech unqꞌa uxhchileꞌ echeꞌ umaꞌl u txꞌavaꞌ, tan tul uvaꞌ ni takꞌ u txꞌavaꞌeꞌ taꞌn u jabꞌaleꞌ uvaꞌ bꞌenameen ni tuleꞌ, as nichꞌii veꞌt unqꞌa chikoeꞌ stuul. As nimal veꞌt ivatz ni taqꞌeꞌ te unqꞌa uxhchileꞌ uveꞌ ni aqꞌonvan u txꞌavaꞌeꞌ. As nikꞌul veꞌt u txꞌavaꞌeꞌ vibꞌaꞌnil u Tiixheꞌ.   
\m
\v 8 Asoj aꞌ kuxh unqꞌa chꞌiꞌxeꞌ la chꞌii tu u txꞌavaꞌeꞌ tukꞌ unqꞌa tzeꞌeꞌ uvaꞌ at ichꞌiꞌxil, as yeꞌl itxaꞌkeꞌ. As at veꞌt tzan u kꞌaxkꞌoeꞌ tiꞌ u txꞌavaꞌeꞌ, tan la tzꞌeꞌsal veꞌt unqꞌa chꞌiꞌxeꞌ skajayil.   
\p
\v 9 Vitzꞌin vatzik uvaꞌ xoꞌn veꞌt ex sve, as kꞌuxh ech u yoleꞌ uvaꞌ ni val sete, tan ootzimal svaꞌn uvaꞌ ech exeꞌ echeꞌ u txꞌavaꞌeꞌ uvaꞌ bꞌaꞌnla chiko ni taqꞌeꞌ, tan eqꞌomal unqꞌa bꞌaꞌnileꞌ setaꞌn uvaꞌ ni kꞌuchun uvaꞌ qꞌalpumal veꞌt ex vatz vepaaveꞌ.   
\m
\v 10 As yeꞌ la isotzsa u Tiixheꞌ unqꞌa bꞌaꞌnileꞌ skꞌuꞌl uveꞌ kat ebꞌan tukꞌ vibꞌii Aakeꞌ, tan jik chit Aakeꞌ. As kat ekꞌucha uvaꞌ xoꞌn veꞌt Aak sete, tul uvaꞌ kat eloch unqꞌa emooleꞌ uvaꞌ ni niman Aak. As antel kuxh elochat cheel.   
\m
\v 11 As aꞌ ni valeꞌ uvaꞌ junun chit ex uvaꞌ ayaꞌl chit ekꞌuꞌl tiꞌ ebꞌanat u bꞌaꞌneꞌ echeꞌ uvaꞌ nebꞌan cheel as techal la ekamebꞌe. As la etetzi unqꞌa nimla bꞌaꞌnileꞌ skajayil uvaꞌ nu kutxꞌebꞌ setukꞌ.   
\m
\v 12 As jit qꞌeꞌay ex la ibꞌaneꞌ tiꞌ u kꞌujlebꞌal ekꞌuꞌleꞌ. Pet aꞌ ni valeꞌ uvaꞌ ech la ebꞌaneꞌ echeꞌ nibꞌan unqꞌa kumooleꞌ uvaꞌ la etzin veꞌt unqꞌa bꞌaꞌnileꞌ uveꞌ alel kan sqe taꞌn u Tiixheꞌ, tan yeꞌ nipal ikꞌuꞌl tiꞌ itxꞌebꞌat unqꞌa bꞌaꞌnileꞌ. As yeꞌ ni taqꞌ kan u kꞌujlebꞌal ikꞌuꞌleꞌ.   
\p
\v 13 As tul uvaꞌ kat tal kan u Tiixheꞌ u yoleꞌ te u Abraham uvaꞌ nimal veꞌt unqꞌa tiaal u Abraham la ibꞌaneꞌ, as yeꞌl umaꞌtoj uxhchil ati uvaꞌ nim talcheꞌ tiꞌ u Tiixheꞌ. As estiꞌeꞌ uvaꞌ an kuxh Aak kat alon tukꞌ vibꞌiieꞌ uvaꞌ techal la ibꞌan Aak kam uvaꞌ kat tal Aak.   
\m
\v 14 As ech tal Aak ileꞌ te u Abraham:  
\q1 As tuk val see uvaꞌ nimal u bꞌaꞌnileꞌ la vaqꞌ tzan see.  
\q1 As nimal unqꞌa aviaaleꞌ la ibꞌaneꞌ taꞌn vunbꞌaꞌnileꞌ, tiꞌk Aak.   
\m
\v 15 As yeꞌ kat pal ikꞌuꞌl u Abraham tiꞌ itxꞌebꞌataꞌ. As kat ikꞌul veꞌt u bꞌaꞌneꞌ uvaꞌ kat tal kan u Tiixheꞌ ste.   
\m
\v 16 As tul ni qal umaj tiila yol uvaꞌ techal chit la kunima. As yeꞌl veꞌt umaꞌtoj yol stiꞌ, tan kꞌujlu veꞌt kan u yoleꞌ uvaꞌ kat qala. As techal la kubꞌaneꞌ, tan tukꞌ vibꞌii u Tiixheꞌ kat qalkat.   
\m
\v 17 As echat kat ibꞌan u Tiixheꞌ tan an kuxh tukꞌ vibꞌii Aakeꞌ kat talkat Aak u yoleꞌ te u Abraham tukꞌ unqꞌa tiaaleꞌ, tiꞌ uvaꞌ la bꞌen ste uvaꞌ techal la ibꞌan u Tiixheꞌ echeꞌ uvaꞌ kat tal Aak. As yeꞌ la uch ijalpuleꞌ.   
\m
\v 18 As tukꞌ vibꞌii Aakeꞌ kat talkat Aak u yoleꞌ tiꞌ ikꞌujbꞌaꞌt Aak kukꞌuꞌl, jankꞌal oꞌ uvaꞌ kꞌujleꞌl kukꞌuꞌl tiꞌ Aak tiꞌ uvaꞌ la iloch oꞌ Aak tiꞌ qetzit u nimla bꞌaꞌnileꞌ uvaꞌ at sqiꞌ. As tiꞌ kaꞌvaꞌl unqꞌa yoleꞌ uvaꞌ kat tal Aak sqiꞌ uvaꞌ yeꞌ la uch ijalpuleꞌ, as estiꞌeꞌ ootzimal sqaꞌn uvaꞌ yeꞌ la uch ichulit Aak yol.   
\m
\v 19 As ech tatin u kꞌujlebꞌal kukꞌuꞌleꞌ tiꞌ viyol u Jesús echeꞌ nibꞌan u chꞌichꞌeꞌ uvaꞌ ancla uvaꞌ ni majon u barco, tiꞌ uvaꞌ yeꞌ la tija u kajiqꞌeꞌ u barco. As tukꞌ u kꞌujlebꞌal kukꞌuꞌleꞌ la oon oꞌ tiꞌoꞌk iqul u nimla ixbꞌuꞌjeꞌ uveꞌ at tu u tabernáculoeꞌ.   
\m
\v 20 As aꞌeꞌ uvaꞌ kat ibꞌan u Jesús tul kat ok veꞌt Aak nimla bꞌooqꞌolil tiꞌ unqꞌa oksan iyol tenam vatz Tiixh, as Aak uvaꞌ kat ok sbꞌaxa sukuvatz tu u tabernáculoeꞌ echeꞌ uvaꞌ alel kan taꞌn u Melquisedec.   
\c 7  
\s1 U oksan iyol tenam vatz Tiixh uvaꞌ Melquisedec  
\p
\v 1 As u Melquisedec uvaꞌ atik ok ijlenaalil tu u tenam uvaꞌ Salem, as aꞌeꞌ uvaꞌ oksan iyol tenam vatz Tiixh uvaꞌ nitoksal iqꞌii. As tul kat qꞌaavik tzan u Abraham tiꞌ ibꞌanat chꞌaꞌo tiꞌ unqꞌa ijlenaaleꞌ, as bꞌex ikꞌul veꞌt u Melquisedec u Abraham. As kat inach veꞌt u Melquisedec Tiixh tiꞌ ijajat bꞌaꞌnil te u Tiixheꞌ tiꞌ u Abraham.   
\m
\v 2 As taqꞌ veꞌt u Abraham umaꞌl xoꞌl chaj laval unqꞌa veeꞌ uvaꞌ kat itxꞌol tu u chꞌaꞌoeꞌ te u Melquisedec. As ech ni tokkat vibꞌii u Melquisedec ileꞌ: Tijlenaal u Salem. As u ijlenaal uvaꞌ bꞌanol tetz u jikeꞌ, as u ijlenaal nibꞌanon uvaꞌ bꞌaꞌn qatin sukuvatzaj.   
\m
\v 3 As yeꞌxhkam ootzimal uvaꞌ abꞌil ibꞌaal as abꞌil itxutx. As mitaꞌn unqꞌa qꞌesla ibꞌaaleꞌ ootzimal. As yeꞌ ni tootzileꞌ kam qꞌiil itzꞌebꞌi as mitaꞌn vikamebꞌaleꞌ. As estiꞌeꞌ uvaꞌ ni talpu tiꞌ u Melquisedec, as aꞌ veꞌteꞌ oksan iyol tenam vatz Tiixh tiꞌ chit ibꞌeneꞌ echeꞌ nibꞌan u Jesús, viKꞌaol u Tiixheꞌ.   
\p
\v 4 As qitzꞌataj setukꞌ, tan nim talcheꞌ u Melquisedec. As kꞌuxh nim talchu u qꞌesla kubꞌaaleꞌ uvaꞌ Abraham, as kat taqꞌ veꞌt u Abraham umaꞌl xoꞌl chaj laval unqꞌa veeꞌ uveꞌ kat itxꞌol tu u chꞌaꞌoeꞌ te u Melquisedec.   
\m
\v 5 As tul kat ikꞌul veꞌt u Melquisedec umaꞌl xoꞌl chaj laval unqꞌa veeꞌ te u Abraham, as eela kuxh stukꞌ uvaꞌ kat ikꞌul veꞌt te unqꞌa tiaal u Abraham skajayil. As echeꞌ unqꞌa tiaal u Leví uvaꞌ at veꞌt ok nachol Tiixhil tiꞌ unqꞌa tenameꞌ. As aꞌeꞌ uvaꞌ alel veꞌt kan stiꞌ taꞌn u tzaqꞌiteꞌ uvaꞌ tzꞌibꞌamal kan uvaꞌ la taqꞌ unqꞌa tenameꞌ umaꞌl xoꞌl chaj laval unqꞌa tetzeꞌ ste. As an kuxh tiaal u Abraham unqꞌa tiaal u Leví.   
\m
\v 6 As kꞌuxh jit tiaal u Leví u Melquisedec, as nim talcheꞌ tiꞌ u Abraham. Estiꞌeꞌ kat taqꞌ veꞌt u Abraham umaꞌl xoꞌl chaj laval unqꞌa veeꞌ ste. As kꞌuxh aꞌ u Abraham uvaꞌ maꞌtik talat u Tiixheꞌ u yoleꞌ ste tiꞌ u bꞌaꞌnileꞌ uvaꞌ la ul stiꞌ taꞌn Aak, as kat inach veꞌt u Melquisedec Tiixh tiꞌ u Abraham.   
\m
\v 7 As ootzimal sqaꞌn uvaꞌ abꞌil uvaꞌ at pal u tijleꞌmeꞌ tiꞌ vimooleꞌ, as aꞌeꞌ uvaꞌ ni nachon Tiixh stiꞌ aqꞌal uvaꞌ la ul u bꞌaꞌneꞌ tiꞌ u uxhchileꞌ.   
\m
\v 8 As jankꞌal unqꞌa tiaal u Leví uvaꞌ ni kꞌulun umaꞌl xoꞌl chaj laval unqꞌa oyeꞌ te unqꞌa tenameꞌ, as nikameꞌ. Pet ech koj u Melquisedec. Tan ni talpu stiꞌ uvaꞌ isleꞌltele.   
\m
\v 9 As la uch qalataꞌ uvaꞌ unqꞌa tiaal u Leví uvaꞌ ni kꞌulun umaꞌl xoꞌl chaj laval unqꞌa oyeꞌ te u tenameꞌ, as aꞌeꞌ kat aqꞌon umaꞌl xoꞌl chaj laval unqꞌa veeꞌ te u Melquisedec. Tan tul uvaꞌ kat taqꞌ u Abraham umaꞌl xoꞌl chaj laval unqꞌa veeꞌ te u Melquisedec, as eela kuxh stukꞌ uvaꞌ antu veꞌt unqꞌa tiaal u Leví kat aqꞌon te u Melquisedec unpajte,   
\m
\v 10 tan atik unqꞌa tiaal u Abraham tu vichiꞌoleꞌ tul bꞌex kꞌulpoj unqꞌa veeꞌ taꞌn u Melquisedec tan yeꞌxnik itzꞌebꞌi.   
\p
\v 11 As u tzaqꞌiteꞌ uvaꞌ tzꞌibꞌamal kan, as aꞌeꞌ kꞌujbꞌaꞌn kan u Aarón uvaꞌ tiaal u Leví tiꞌ toksal unqꞌa oyeꞌ vatz u Tiixheꞌ. As kat koj ok unqꞌa tenameꞌ jikla aamail vatz u Tiixheꞌ staꞌn, as jit tzꞌajinaleꞌ uvaꞌ la ul umaꞌt oksan iyol tenam vatz Tiixh uvaꞌ jit tiaal u Aarón. Pet techal kat ul umaꞌte uvaꞌ eela tukꞌ u Melquisedec.   
\m
\v 12 As tul uvaꞌ kat jalpu veꞌt u tzaqꞌiteꞌ tiꞌ uvaꞌ abꞌil la ok nachol Tiixhil tiꞌ u tenameꞌ, as techal kat ok veꞌt umaꞌt u akꞌ tzaqꞌit.   
\m
\v 13 As u uxhchileꞌ uveꞌ ni talpu stiꞌ uvaꞌ eela tukꞌ u Melquisedec, as aꞌ u Jesús. As aꞌ unqꞌa tiaal u Leví ni ilon isuuchil u atinbꞌaleꞌ uvaꞌ niyatzꞌpukat unqꞌa txooeꞌ, as tul jit tiaal u Leví u Jesús. Pet tiaal umaꞌt ikꞌaol u Israel Aak. As yeꞌ kat ok umaꞌtoj vikꞌaol u Israel tiꞌ inachat Tiixh tiꞌ unqꞌa tenameꞌ.   
\m
\v 14 As ootzimal chiteꞌ sqaꞌn uvaꞌ aꞌ ulkat u Kubꞌaal Jesús xoꞌl unqꞌa tiaal u Judá. As yeꞌxhkam chit unbꞌooj kat tal kan u Moisés tiꞌ uvaꞌ la ok umaj tiaal u Judá snachol Tiixhil.   
\p
\v 15 As u yoleꞌ uvaꞌ ni val sete, tan aal la pal ex stuul, asoj la bꞌen sete uvaꞌ at umaꞌt oksan iyol tenam vatz Tiixh uvaꞌ eela tukꞌ u Melquisedec.   
\m
\v 16 Pet jit tiꞌ u tzaqꞌiteꞌ uvaꞌ kꞌujebꞌkat kan u Jesús nachol Tiixhil sqiꞌ. As jit tiꞌ uvaꞌ tiaal u Leví Aak echeꞌ uvaꞌ ni tal u tzaqꞌiteꞌ. Pet tiꞌ uvaꞌ yeꞌxhebꞌil kat olebꞌ tiꞌ Aak, tan isleꞌl Aak tiꞌ chit ibꞌeneꞌ. As estiꞌeꞌ kat okkat Aak snachol Tiixhil sqiꞌ.   
\m
\v 17 As tiꞌ Aak tzꞌibꞌamalkat kan u yoleꞌ uvaꞌ ech ni tal ileꞌ:  
\q1 Tan axheꞌ oksan iyol tenam vatz Tiixh tiꞌ chit ibꞌeneꞌ  
\q1 echeꞌ uveꞌ kat ibꞌan u Melquisedec, tiꞌk u yoleꞌ.   
\m
\v 18 As kat palyu veꞌt iyakꞌil u tzaqꞌiteꞌ uvaꞌ atik bꞌaxa, tan tiꞌ uvaꞌ yeꞌ kat ok unqꞌa tenameꞌ jikla aamail staꞌn.   
\m
\v 19 As yeꞌxhebꞌil kat ok jikla aamail tiꞌ inimat u tzaqꞌiteꞌ. Estiꞌeꞌ kat ikꞌujbꞌaꞌ kan u Tiixheꞌ umaꞌt u yoleꞌ uvaꞌ nim talcheꞌ tiꞌ u tzaqꞌiteꞌ. As aꞌ u yoleꞌ tiꞌ u Jesús uvaꞌ kꞌujleꞌl kukꞌuꞌl stiꞌ uvaꞌ ni aqꞌon qokebꞌal kꞌatz u Tiixheꞌ.   
\p
\v 20 As tul kat ok unjoltu unqꞌa uxhchileꞌ nachol Tiixhil tiꞌ unqꞌa tenameꞌ, as yeꞌl umaꞌtoj yol uvaꞌ nim talcheꞌ kat tal Aak stiꞌ. Pet ech koj u Jesús, tan kat tal u Tiixheꞌ uvaꞌ aꞌ u Jesúseꞌ u oksan tetz u kuyoleꞌ vatz u Tiixheꞌ tiꞌ chit ibꞌeneꞌ,   
\m
\v 21 tan aꞌ u Tiixheꞌ kat alon u yoleꞌ tiꞌ toksat Aak u Jesúseꞌ oksan iyol tenam vatz Tiixh, echeꞌ uvaꞌ ni tal umaꞌl u yol uvaꞌ tzꞌibꞌamal kan uvaꞌ ech ni tal ileꞌ:  
\q1 As kat tal u Tiixheꞌ u yoleꞌ tukꞌ vibꞌiieꞌ.  
\q1 As yeꞌxh jatu la ijalpu Aak vitxumbꞌaleꞌ tiꞌ u yoleꞌ, tan ech kat tal Aak ileꞌ:  
\q1 «Tan at veꞌt ok chit axh nachol Tiixhil tiꞌ unqꞌa tenameꞌ tiꞌ chit ibꞌeneꞌ,»\f + \fr 7.21 \ft At tu u Oꞌt Testamento uvaꞌ ech ni tal ileꞌ: «echeꞌ uvaꞌ kat ibꞌan u Melquisedec.»\f* tiꞌk Aak, tiꞌk u yoleꞌ.   
\p
\v 22 As aꞌ u Jesús uvaꞌ nikꞌujbꞌaꞌn kan tiꞌ uvaꞌ la qetzi unqꞌa bꞌaꞌnileꞌ, tan Aakeꞌ kat taqꞌ tibꞌ sqiꞌ tul kat ikꞌujbꞌaꞌ kan Aak u akꞌ tzaqꞌiteꞌ, as Aak kat kam veꞌt sqiꞌ.   
\m
\v 23 As nimal unqꞌa uxhchileꞌ kat oksan iyol tenam vatz Tiixh uvaꞌ tiaal u Leví as kat mox kami. As estiꞌeꞌ uvaꞌ kat mox taqꞌ veꞌt kan u tijleꞌmeꞌ.   
\m
\v 24 Pet ech koj u Jesúseꞌ, tan atoꞌk Aak nachol Tiixhil tiꞌ chit ibꞌeneꞌ, tan yeꞌl Aak la kam veꞌteꞌ.   
\m
\v 25 Estiꞌeꞌ uvaꞌ at tijleꞌm u Jesús tiꞌ chit ibꞌeneꞌ tiꞌ taqꞌat unqꞌa nimla bꞌaꞌnileꞌ sqe tiꞌ kuqꞌalpuleꞌ, jankꞌal oꞌ uvaꞌ at veꞌt qokebꞌal kꞌatz u Tiixheꞌ taꞌn Aak tan isleꞌl chit Aak tiꞌ chit ibꞌeneꞌ. As yeꞌ la iyaꞌsa Aak toksal kuyol te u Tiixheꞌ.   
\p
\v 26 As aꞌ u Jesúseꞌ oksan iyol tenam vatz Tiixh. As Aakeꞌ uvaꞌ nisaꞌvit sqiꞌ. As jik chit itxumbꞌal Aak. As yeꞌl umaj vaꞌlexhla yol la alchu tiꞌ Aak. As jikla aama chit Aak. As jit eela Aak tukꞌ oꞌ tan oꞌ aapaav. As kat ok veꞌt iqꞌii Aak, tul kat oon Aak tu almikaꞌ.   
\m
\v 27 As jitꞌeꞌch kat ibꞌan Aakeꞌ echeꞌ uvaꞌ nibꞌan unjoltu unqꞌa iqꞌesal oksan iyol tenam vatz Tiixh, tan jun qꞌii niyatzꞌ chajnaj unqꞌa txooeꞌ vatz u nachbꞌal Tiixheꞌ tiꞌ ijajat kuybꞌal tiꞌ u paaveꞌ. As bꞌaxel nijaj chajnaj kuybꞌal tiꞌ vipaaveꞌ. As aꞌn nijaj veꞌt chajnaj kuybꞌal tiꞌ vipaav unqꞌa tenameꞌ. Pet ech koj u Jesús, tan yeꞌl ipaav Aak ati. As unpajul kuxheꞌ kat taqꞌ tibꞌ Aak kamoj sqiꞌ as tukꞌ tiꞌ unqꞌa tenameꞌ tiꞌ ichooat Aak u kupaaveꞌ tiꞌ chit ibꞌeneꞌ.   
\m
\v 28 As tiꞌ u tzaqꞌiteꞌ uvaꞌ tzꞌibꞌamal kan taꞌn u Moiséseꞌ ni tokkat unqꞌa najeꞌ siqꞌesalil oksan iyol tenam vatz Tiixh, kꞌuxh aapaav chajnaj. Pet ech koj u Jesús, viKꞌaol u Tiixheꞌ, tan tiꞌ uvaꞌ kat tal u Tiixheꞌ u yoleꞌ tukꞌ vibꞌiieꞌ tul uvaꞌ maꞌtik talat Aak u tzaqꞌiteꞌ uvaꞌ tal Aak bꞌaxa. As estiꞌeꞌ atoꞌk u Jesúseꞌ siqꞌesal oksan iyol tenam vatz Tiixh, tan kꞌujlu kan chiteꞌ u tijleꞌm u Jesúseꞌ tiꞌ chit ibꞌeneꞌ.   
\c 8  
\s1 Nim talcheꞌ u Jesús uvaꞌ atoꞌk tu nachbꞌal Tiixh tu almikaꞌ  
\p
\v 1 As aꞌ isuuchil u yoleꞌ uvaꞌ ni val sete tiꞌ itzaeleꞌ uvaꞌ at veꞌt ok chiteꞌ u Jesús qꞌesalil oksan iyol tenam vatz Tiixh. As xonleꞌl veꞌt Aak tisebꞌal u Tiixheꞌ uvaꞌ nim talcheꞌ tu almikaꞌ.   
\m
\v 2 As Aakeꞌ ni nachon Tiixh sqiꞌ tu u Tiixhla atinbꞌaleꞌ uvaꞌ tabernáculo ibꞌii uvaꞌ kꞌujleꞌl taꞌn u Kubꞌaal Tiixheꞌ. As aꞌeꞌ u atinbꞌaleꞌ uvaꞌ ninachpukat Tiixh tu almikaꞌ uvaꞌ jit umaj uxhchil kat bꞌanon.   
\m
\v 3 As junun unqꞌa iqꞌesal oksan iyol tenam vatz Tiixh as kꞌujlu kan tiꞌ toksal iyol unqꞌa tenameꞌ vatz Tiixh. Estiꞌeꞌ uvaꞌ techal la toksa u Jesús umaj oy vatz u Tiixheꞌ.   
\m
\v 4 Pet attel koj u Jesús cheel, as jit Aak oksan iyol tenam vatz Tiixh la ibꞌaneꞌ vatz u txꞌavaꞌeꞌ, tan at veꞌt unqꞌa oksan iyol tenam vatz Tiixh sukuxoꞌl tiꞌ toksat unqꞌa oyeꞌ vatz u Tiixheꞌ echeꞌ uvaꞌ ni tal u tzaqꞌiteꞌ uvaꞌ tzꞌibꞌamal kan taꞌn u Moisés.   
\m
\v 5 As aꞌ chajnajeꞌ uveꞌ ni oksan unqꞌa oyeꞌ vatz u Tiixheꞌ tu u atinbꞌaleꞌ uvaꞌ tabernáculo ibꞌii uvaꞌ ninachpukat Tiixh. As aꞌeꞌ ni bꞌanon ivaatzil u atinbꞌaleꞌ uvaꞌ tabernáculo uvaꞌ echen tu almikaꞌ echeꞌ uvaꞌ kat tal u Tiixheꞌ te u Moisés, tan ech tal veꞌt Aak ileꞌ te u Moisés tul uvaꞌ aalik ibꞌanat veꞌt u atinbꞌaleꞌ uvaꞌ tabernáculo uvaꞌ nik inachpukat Tiixh: «La chit abꞌaneꞌ kam uveꞌ kat val see viꞌ u vitzeꞌ,» tiꞌk Aak.   
\m
\v 6 As kat aqꞌpu veꞌt te u Jesús uvaꞌ Aak kat oksan iyol tenam vatz u Tiixheꞌ. As echat u akꞌ tzaqꞌiteꞌ uvaꞌ kꞌujlu kan taꞌn u Jesúseꞌ, tan at pal tiꞌ u tzaqꞌiteꞌ uvaꞌ atik bꞌaxa. As nim talcheꞌ unqꞌa yoleꞌ uvaꞌ tal u Tiixheꞌ tiꞌ u Jesúseꞌ.   
\m
\v 7 As jik koj chit kat ibꞌan unqꞌa uxhchileꞌ taꞌn u tzaqꞌiteꞌ uvaꞌ atik bꞌaxa, as yeꞌleꞌxh u kaꞌv tzaqꞌiteꞌ kat kꞌujebꞌi.   
\m
\v 8 Pet kat til u Kubꞌaal Tiixheꞌ uvaꞌ yeꞌ nik ibꞌan unqꞌa tenameꞌ u bꞌaꞌneꞌ. Estiꞌeꞌ uvaꞌ ech kat tal veꞌt Aak ileꞌ stiꞌ:  
\q1 As la ilej veꞌt umaꞌl u qꞌii  
\q1 uvaꞌ la unkꞌujbꞌaꞌ veꞌt umaꞌt u akꞌ tzaqꞌiteꞌ setiꞌ,  
\q1 ex unqꞌa aa Israel  
\q1 tukꞌ ex unqꞌa aa Judá.   
\q1
\v 9 Pet jit eela u akꞌ tzaqꞌiteꞌ tukꞌ u tzaqꞌiteꞌ uvaꞌ kat unkꞌujbꞌaꞌ kan xoꞌl unqꞌa qꞌesla ebꞌaaleꞌ,  
\q1 tul uvaꞌ kat veqꞌo el tzan tu u Egipto.  
\q1 Ech nunbꞌaneꞌ echeꞌ nibꞌan umaj bꞌaala uvaꞌ txeyel iqꞌabꞌ vitalaj intxaꞌeꞌ staꞌn tiꞌ ilochataꞌ.  
\q1 As yeꞌ kat inima unqꞌa qꞌesla ebꞌaaleꞌ u tzaqꞌiteꞌ  
\q1 uvaꞌ kat unkꞌujbꞌaꞌ kan bꞌaxa.  
\q1 Estiꞌeꞌ uvaꞌ yeꞌ kat vabꞌi veꞌt viyol u tenameꞌ.   
\q1
\v 10 As tul maꞌt ipal veꞌt iyakꞌil u txumbꞌaleꞌ uvaꞌ unkꞌujbꞌaꞌ kan te unqꞌa tiaal Israel bꞌaxa,  
\q1 as aꞌ u viꞌlaꞌ uvaꞌ tuk unkꞌujbꞌaꞌ kan stiꞌ, tan ech ni val ileꞌ:  
\q1 «La voksa veꞌt vuntzaqꞌiteꞌ tu vitxumbꞌaleꞌ.  
\q1 As la voksa veꞌt vunyoleꞌ tu u taanxelaleꞌ.  
\q1 As in veꞌt iTiixh;  
\q1 as aꞌeꞌ untenam la ibꞌaneꞌ.   
\q1
\v 11 As jit tzꞌajinal la ichus veꞌt unqꞌa uxhchileꞌ vimooleꞌ.  
\q1 As mitaꞌn ech la tal ileꞌ te u titzꞌin tatzikeꞌ:  
\q1 Qootzitaj u Kubꞌaal Tiixheꞌ setukꞌ, chaj koj la taleꞌ,  
\q1 tan kajayil chit unqꞌa tenameꞌ la ootzin veꞌt in,  
\q1 kꞌuxh at tijleꞌm as kꞌuxh yeꞌl tijleꞌm ati.   
\q1
\v 12 As la unsotzsa veꞌt ipaav unqꞌa uxhchileꞌ.  
\q1 As yeꞌxh jatu la vulsa veꞌt vipaav unqꞌa uxhchileꞌ sunkꞌuꞌl uvaꞌ kat ibꞌana,» tiꞌk u Tiixheꞌ.   
\m
\v 13 As tul uvaꞌ kat tal veꞌt Aak uvaꞌ la ikꞌujbꞌaꞌ kan Aak umaꞌt u akꞌ tzaqꞌit, as aꞌ isuuchileꞌ uvaꞌ nipal veꞌt iyakꞌil u tzaqꞌiteꞌ uvaꞌ atik bꞌaxa. As ileꞌ nisotz veꞌteꞌ.   
\c 9  
\p
\v 1 As ootzimal sqaꞌn uvaꞌ nik tal u bꞌaxa tzaqꞌiteꞌ uvaꞌ kꞌujlik kan tiꞌ talat isuuchil sqe uvaꞌ kam kunachat Tiixh. As nik tal isuuchil sqe tiꞌ u atinbꞌaleꞌ uvaꞌ atik vatz u txꞌavaꞌeꞌ uvaꞌ nik inachpukat Tiixh taꞌn unqꞌa tiaal Israel.   
\m
\v 2 As ech bꞌan taꞌn u tabernáculoeꞌ uvaꞌ nik inachpukat Tiixh, tan atik umaꞌl u bꞌaxa tuul kabꞌal uvaꞌ Txaala atinbꞌal ibꞌii. As tzitziꞌ atikkat tatinbꞌal u matxbꞌaleꞌ uvaꞌ vujvaꞌl iviꞌ ati tukꞌ u meexhaeꞌ uvaꞌ atikkat u paaneꞌ uvaꞌ nik toksal vatz u Tiixheꞌ.   
\m
\v 3 As tiꞌ iqul u kaꞌv ixbꞌuꞌjeꞌ atikkat umaꞌt u tuul tabernáculoeꞌ uvaꞌ Tiixhla atinbꞌal ibꞌii.   
\m
\v 4 As aꞌ atikkat u tatinbꞌal uvaꞌ tzꞌeꞌsabꞌ incienso uvaꞌ lakꞌel ok bꞌaꞌnla qꞌan chꞌichꞌ stiꞌ tukꞌ stuul as tukꞌ u kaaxhaeꞌ uvaꞌ kꞌujlu kan xoꞌl u tenameꞌ taꞌn u Tiixheꞌ. As atik kuꞌ umaꞌl u xhaalo stuul uvaꞌ bꞌaꞌnla qꞌan chꞌichꞌ, uvaꞌ kolikkat u echbꞌubꞌaleꞌ uvaꞌ maná ibꞌii. As atik kuꞌ vibꞌaara u Aarón tu u kaaxhaeꞌ, uvaꞌ maꞌtik ixalmiteꞌ; as atik kuꞌ unqꞌa lepkin kꞌubꞌeꞌ stuul uvaꞌ tzꞌibꞌamalkat u tzaqꞌiteꞌ.   
\m
\v 5 As atik kaꞌvaꞌl unqꞌa vatzibꞌal viꞌ u jupbꞌal itziꞌ u kaaxhaeꞌ uvaꞌ ech tiloneꞌ echeꞌ ángel, kꞌuchbꞌal tetz uvaꞌ ni toksal iqꞌii u Tiixheꞌ uvaꞌ at xoꞌl vitenameꞌ. As atik bꞌen vixichꞌ unqꞌa uvaꞌ echeꞌ ángel tiibꞌa u jupbꞌal itziꞌ u kaaxhaeꞌ, kꞌuchbꞌal tetz uvaꞌ yeꞌl vipaav unqꞌa tenameꞌ nik toksa u Tiixheꞌ stuul. As jit kuxh tzꞌajinal la val veꞌt isuuchil u yoleꞌ skajayil cheel tiꞌ u tabernáculo.   
\p
\v 6 As tul uvaꞌ maꞌtik itzojpu veꞌt u tabernáculo uvaꞌ kaꞌvaꞌl tuul, as jun qꞌii nik tok veꞌt unqꞌa oksan iyol tenam vatz Tiixh tu u bꞌaxa tuul u kabꞌaleꞌ tiꞌ inachat Tiixh.   
\m
\v 7 Pet ech koj nik ibꞌan tu vikaꞌv u tuul u kabꞌaleꞌ uveꞌ Tiixhla atinbꞌal, tan aꞌik kuxh vibꞌooqꞌol unqꞌa oksan iyol tenam vatz Tiixh nik tuch tok tu u atinbꞌaleꞌ, tan umaꞌl kuxh qꞌii tu jun yaabꞌ nik tuch tok tu u atinbꞌaleꞌ. As nik teqꞌo veꞌt ok vikajal unqꞌa avaneꞌ tiꞌ ijajat kuybꞌal tiꞌ vipaaveꞌ as tukꞌ tiꞌ vipaav unqꞌa tenameꞌ uveꞌ yeꞌ nachel ste uvaꞌ nibꞌaneꞌ.   
\m
\v 8 As jankꞌal unqꞌa yoleꞌ uvaꞌ kat val tiꞌ u tabernáculo, as ni taqꞌ u Tiixhla Espíritu kutxumbꞌal tiꞌ u bꞌaxa tuul u atinbꞌaleꞌ, tan tul uvaꞌ atiktele, as yeꞌxnik ikꞌuchat Aak te unqꞌa tenameꞌ uvaꞌ kam la tulbꞌe toon tu u Tiixhla atinbꞌaleꞌ.   
\m
\v 9 As kꞌuchuvatzeꞌ nibꞌan sqe cheel. As ni taqꞌ kutxumbꞌal tiꞌ uvaꞌ yeꞌ ni tolebꞌ unqꞌa oyeꞌ tukꞌ unqꞌa avaneꞌ uvaꞌ ni toksal vatz u Tiixheꞌ tiꞌ ijikbꞌaꞌl u taanxelal unqꞌa uxhchileꞌ.   
\m
\v 10 As aꞌ kuxh nikat itxakonkat u yoleꞌ tul uvaꞌ yeꞌxnik ilejat u qꞌiieꞌ tiꞌ ijalpul u txumbꞌaleꞌ tiꞌ inachpu Tiixh. Tan jankꞌal uvaꞌ nibꞌan unqꞌa uxhchileꞌ tiꞌ inachat Tiixh, as tiꞌ kuxh vichiꞌoleꞌ nitxakonkat, echeꞌ unqꞌa echbꞌubꞌaleꞌ uvaꞌ la uch techbꞌuleꞌ, tukꞌ unqꞌa aꞌeꞌ uvaꞌ la uch tukꞌaleꞌ, as tukꞌ uvaꞌ kam la ulbꞌel ijosqꞌil unqꞌa aqꞌonbꞌaleꞌ. As yeꞌ ni tolebꞌ tiꞌ ijikbꞌaꞌl u taanxelal unqꞌa uxhchileꞌ.   
\p
\v 11 Pet ech koj cheel, tan kat ulyu veꞌt u Cristo. As Aakeꞌ ni aqꞌon u nimla bꞌaꞌnileꞌ sqe uvaꞌ alel kan sqiꞌ taꞌn u Tiixheꞌ, tan aꞌ u Cristo bꞌooqꞌol tiꞌ vibꞌooqꞌol unqꞌa oksan iyol tenam vatz Tiixh. As tetz Aak u tabernáculo uvaꞌ nim talcheꞌ tiꞌ u vatz txꞌavaꞌilla tabernáculo, tan jit umaj naj bꞌanol tetz.   
\m
\v 12 As jit eela kat ibꞌan u Cristo tukꞌ uvaꞌ nibꞌan unqꞌa ibꞌooqꞌol oksan iyol tenam vatz Tiixh, tan unpajul kuxh kat ok u Cristo tu u Tiixhla atinbꞌaleꞌ tiꞌ ichooat u kupaaveꞌ tiꞌ chit ibꞌeneꞌ. As jit vikajal unqꞌa txul tooroꞌeꞌ as mitaꞌn vikajal unqꞌa mam sikꞌeꞌ eqꞌomalik taꞌn Aak, tul kat ok Aak tu u Tiixhla atinbꞌaleꞌ. Pet aꞌ kuxh vikajal Aakeꞌ eqꞌomalik staꞌn. As ech iqꞌalput oꞌ Aak vatz u kupaaveꞌ tiꞌ chit ibꞌeneꞌ.   
\m
\v 13 As echeꞌ vikajal unqꞌa txul tooroꞌeꞌ, tukꞌ vikajal unqꞌa mam sikꞌeꞌ, as tukꞌ vitzaꞌajil u txul bꞌaakaeꞌ uvaꞌ yuel tibꞌ tukꞌ aꞌ uvaꞌ nitzikul bꞌen vatz u nachbꞌal Tiixheꞌ, as tiꞌ kuxh vichiꞌol unqꞌa uxhchileꞌ uvaꞌ yeꞌ nik tuch tok vatz u nachbꞌal Tiixheꞌ nitxakonkat unqꞌa avaneꞌ tiꞌ uvaꞌ bꞌaꞌn veꞌt unqꞌa uxhchileꞌ la ibꞌaneꞌ.   
\m
\v 14 Asoj nitxakon vikajal unqꞌa avaneꞌ tukꞌ vitzaꞌajileꞌ, ¿as aꞌ kol chit yeꞌ la ibꞌan vikajal u Cristo qꞌa? Tan nim talcheꞌ vikajal Aakeꞌ tiꞌ vikajal unqꞌa avaneꞌ. As tukꞌ vibꞌaꞌnil u Tiixhla Espíritu, as kat toksa ok tibꞌ u Cristo vatz u Tiixheꞌ echeꞌ tok umaj avan vatz Aak. As tul yeꞌl ipaav u Cristo ati. As kat taqꞌ tibꞌ Aak kamoj sqiꞌ tiꞌ teesat el unqꞌa vaꞌlexhla txumbꞌaleꞌ uvaꞌ laik eqꞌon oꞌ tu u kamchileꞌ, aqꞌal uvaꞌ la kunima veꞌt u islich Tiixheꞌ.   
\p
\v 15 As tul kat taqꞌ tibꞌ u Cristo kamoj sqiꞌ, as kat kuꞌ Aak xoꞌl u tenameꞌ tukꞌ u Tiixheꞌ. Estiꞌeꞌ Aakeꞌ kꞌujbꞌaꞌn kan tetz umaꞌt u akꞌ tzaqꞌit tiꞌ ikꞌulat tibꞌ iyol u tenameꞌ tukꞌ u Tiixheꞌ. As tul atik u bꞌaxa tzaqꞌiteꞌ, as atiktel iyakꞌil u paaveꞌ. Pet tul kat kam u Cristo, as kat ul u akꞌ tzaqꞌiteꞌ, as kat isotzsa veꞌt Aak u paaveꞌ. As abꞌil uvaꞌ kat imolo u Tiixheꞌ, as la ikꞌul unqꞌa uvaꞌ kat tal tzii u Tiixheꞌ ste uvaꞌ yeꞌl iyaꞌtebꞌal.   
\m
\v 16 As la val umaꞌl u yol sete, echeꞌ la ibꞌan umaj uxhchileꞌ uveꞌ kat tzaqꞌtik kan techanal la kami, as aꞌn la tootzi veꞌt unqꞌa uxhchileꞌ u tetzeꞌ uveꞌ kat tal kan   
\m
\v 17 As tul maꞌt ikam veꞌt u uxhchileꞌ, as kat tootzi veꞌt unqꞌa uxhchileꞌ u tetzeꞌ kam uvaꞌ kat tal kan. Asoj isleꞌltel u uxhchileꞌ as yeꞌ la uch tootzit unqꞌa uxhchileꞌ u tetzeꞌ.   
\m
\v 18 As ech kat ibꞌan u txumbꞌaleꞌ uvaꞌ kꞌujlu veꞌt kan taꞌn u Tiixheꞌ tukꞌ u tenameꞌ bꞌaxa, tan techal kat kam veꞌt unqꞌa avaneꞌ tiꞌ tel ikajal.   
\m
\v 19 As tul maꞌtik talat kan u Moiséseꞌ unqꞌa tzaqꞌiteꞌ skajayil te unqꞌa tenameꞌ, as kat itxey veꞌt unbꞌiil vixiꞌl u kaneeroꞌeꞌ uvaꞌ kajuxike tukꞌ umaꞌt u qꞌabꞌ tzeꞌ uvaꞌ hisopo ibꞌii. As kat ichiqꞌ veꞌt kuꞌ xeꞌ u aꞌeꞌ uvaꞌ yuel tibꞌ tukꞌ vikajal unqꞌa tooroꞌeꞌ as tukꞌ vikajal unqꞌa mam sikꞌeꞌ. As kat itziku veꞌt bꞌen tiꞌ u uꞌujeꞌ uvaꞌ tzꞌibꞌamalkat u tzaqꞌiteꞌ as tukꞌ tiꞌ unqꞌa tenameꞌ skajayil.   
\m
\v 20 As ech tal veꞌt u Moisés ileꞌ: «Aꞌ vikajal unqꞌa avaneꞌ nijejon kan u txumbꞌaleꞌ uveꞌ kꞌujlu kan taꞌn u Tiixheꞌ,» tiꞌk u Moisés.   
\m
\v 21 As kat itziku veꞌt bꞌen u Moisés u kajeꞌ tiꞌ u tabernáculo as tukꞌ tiꞌ unqꞌa aqꞌonbꞌaleꞌ uveꞌ nik ibꞌanbꞌeleꞌ tiꞌ inachpu Tiixh.   
\m
\v 22 As nimal unqꞌa veeꞌ uvaꞌ kat ibꞌan veꞌt bꞌaꞌn taꞌn vikajal unqꞌa avaneꞌ, echeꞌ uvaꞌ ni tal u tzaqꞌiteꞌ. As yeꞌ koj kat el ikajal umaj uxhchil tiꞌ ikameꞌ as tiꞌ ichooat u paaveꞌ, as yeꞌl ipaav unqꞌa tenameꞌ la sotzi.   
\s1 Aꞌ vikajal u Cristo kat el vatz u kurus as aꞌeꞌ ni sotzsan u paaveꞌ  
\p
\v 23 As echeꞌ u vatz txꞌavaꞌilla tabernáculo tukꞌ unqꞌa veeꞌ nik itxakonsaleꞌ tiꞌ inachpu Tiixh, tan kꞌuchuvatz kuxheꞌ nik ibꞌaneꞌ tiꞌ unqꞌa veeꞌ tu almikaꞌ. As kat oksal ok unqꞌa avaneꞌ tzitziꞌ. As kat tzikul veꞌt vikajaleꞌ tiꞌ unqꞌa veeꞌ uvaꞌ atik tzitziꞌ tiꞌ teesal u vaꞌlexheꞌ stiꞌ. Pet ech koj uvaꞌ kat ibꞌan tu almikaꞌ, tan techal kat toksa ok tibꞌ umaꞌl u uxhchil uvaꞌ at pal u tijleꞌmeꞌ tiꞌ unqꞌa avaneꞌ, tiꞌ isotzsal ipaav unqꞌa tenameꞌ.   
\m
\v 24 As u tabernáculo uvaꞌ kat ibꞌan unqꞌa uxhchileꞌ, tan aꞌeꞌ ni bꞌanon ivaatzil u nachbꞌal Tiixheꞌ tu almikaꞌ. As yeꞌl u Cristo kat ok stuul tiꞌ toksat tibꞌ vatz u Tiixheꞌ sqiꞌ. Pet aꞌ kat okkat Aak tu almikaꞌ tiꞌ ijajat kuybꞌal sqiꞌ te u Kubꞌaal Tiixheꞌ.   
\m
\v 25 As yeꞌl uvaꞌ jatpajul kuxh koj kat ok u Cristo tu almikaꞌ tiꞌ toksat tibꞌ sqiꞌ, echeꞌ uveꞌ nibꞌan vibꞌooqꞌol unqꞌa oksan iyol tenam vatz Tiixh, tan jun yaabꞌ ni tokeꞌ tu u Tiixhla atinbꞌaleꞌ tukꞌ vikajal unqꞌa txooeꞌ uveꞌ jit tetz.   
\m
\v 26 As jun yaabꞌ koj ni tok u Cristo tu u Tiixhla atinbꞌaleꞌ, as ayaꞌx tzan ixeꞌt Aakeꞌ tiꞌ ikameꞌ tul sichee u vatz txꞌavaꞌeꞌ. Pet jitꞌeꞌch kat ibꞌan Aak, tan tu unqꞌa qꞌiieꞌ uvaꞌ at oꞌ stuul cheel, as unpajul kuxheꞌ kat ul Aak kamoj sqiꞌ tiꞌ chit ibꞌeneꞌ tiꞌ isotzsat el Aak u paaveꞌ.   
\m
\v 27 As ech kat ibꞌaneꞌ echeꞌ uvaꞌ nibꞌan unqꞌa uxhchileꞌ, tan kꞌujlu veꞌt kan uvaꞌ pajul kuxh la kam umaj uxhchil. As aꞌn la bꞌanchu veꞌt isuuchileꞌ.   
\m
\v 28 As ech kat ibꞌan u Cristo, tan unpajul kuxh kat taqꞌ tibꞌ Aak kamoj. As nimal unqꞌa tenameꞌ kat isotzsa Aak ipaav. As tul la ul u Jesús unpajte tikaꞌpa, as jit veꞌt u kupaaveꞌ tul ichoo Aak. Pet tiꞌ teesat oꞌ Aak kꞌatz uveꞌ nijatxon kuxoꞌl tukꞌ u Tiixheꞌ.   
\c 10  
\p
\v 1 As u tzaqꞌiteꞌ uvaꞌ tzꞌibꞌamal kan taꞌn u Moisés, as ivaatzil unqꞌa nimla bꞌaꞌnileꞌ nibꞌaneꞌ uvaꞌ la uli. As jit u nimla bꞌaꞌnileꞌ u tzaqꞌiteꞌ, tan jit u tzaqꞌiteꞌ la jikbꞌaꞌn itxumbꞌal unqꞌa tenameꞌ, kꞌuxh yeꞌ niyaꞌsa unqꞌa tenameꞌ toksat ok unqꞌa avaneꞌ vatz u Tiixheꞌ tu jun yaabꞌ tiꞌ ijajat sotzbꞌal ipaav.   
\m
\v 2 As at koj sotzbꞌal ipaav unqꞌa tenameꞌ tiꞌ inimat u tzaqꞌiteꞌ, as la iyaꞌsa veꞌt unqꞌa tenameꞌ toksat ok unqꞌa avaneꞌ vatz u Tiixheꞌ. Tan asoj josqꞌimal veꞌt u taanxelal unqꞌa tenameꞌ tiꞌ chit ibꞌeneꞌ, as la inach veꞌt jeꞌ unqꞌa tenameꞌ ste uvaꞌ yeꞌl veꞌt ipaav vatz Aak.   
\m
\v 3 Pet jitꞌeꞌcheꞌ, tan tul ni toksa ok unqꞌa tenameꞌ unqꞌa avaneꞌ vatz u Tiixheꞌ tu jun yaabꞌ, as ni tulsa unqꞌa tenameꞌ skꞌuꞌl uvaꞌ at ipaav vatz Aak,   
\m
\v 4 tan yeꞌ ni tolebꞌ vikajal unqꞌa txul tooroꞌeꞌ tukꞌ vikajal unqꞌa mam sikꞌeꞌ tiꞌ isotzsal ipaav unqꞌa tenameꞌ.   
\p
\v 5 Estiꞌeꞌ uvaꞌ ech tal veꞌt u Cristo ileꞌ te u Tiixheꞌ, tul kat ul Aak vatz u txꞌavaꞌeꞌ:  
\q1 «As yeꞌ nasaꞌ unqꞌa avaneꞌ tukꞌ unqꞌa oyeꞌ uvaꞌ ni toksal ok savatz.  
\q1 Pet kat aaqꞌ vunchiꞌoleꞌ tiꞌ uvaꞌ la unnima tukꞌ vunchiꞌoleꞌ kam uvaꞌ la aal sve.   
\q1
\v 6 As yeꞌ kat ibꞌan see tiꞌ unqꞌa avaneꞌ uveꞌ nitzꞌeꞌsal ok savatz tiꞌ ijajat unqꞌa tenameꞌ sotzbꞌal ipaav.  
\q1 As mitaꞌn kat ibꞌan unqꞌa oyeꞌ see uvaꞌ ni toksal ok savatz.   
\q1
\v 7 Estiꞌeꞌ uvaꞌ ech kat val veꞌt ileꞌ see: –Il in ilaꞌ, Tiixh.  
\q1 As kat ul in tiꞌ ul unbꞌanataꞌ kam uvaꞌ ni tal aama sviꞌ,  
\q1 echeꞌ uvaꞌ tzꞌibꞌamal kan sviꞌ tu u uꞌujeꞌ,– » tiꞌk u Cristo.   
\m
\v 8 As kꞌuxh kꞌujlu veꞌt kan u tzaqꞌiteꞌ tiꞌ uvaꞌ la tzꞌeꞌsal ok unqꞌa avaneꞌ vatz u Tiixheꞌ, as ech kat tal u Cristo ileꞌ:  
\q1 As yeꞌ nasaꞌ unqꞌa avaneꞌ tukꞌ unqꞌa oyeꞌ uveꞌ ni toksa unqꞌa tenameꞌ savatz tiꞌ ijajat sotzbꞌal ipaav.  
\q1 As yeꞌ kat ibꞌan see, tiꞌk Aak tal te u Tiixheꞌ.   
\m
\v 9 As ech tal Aak ileꞌ unpajte:  
\q1 Il in ilaꞌ, Kubꞌaal Tiixh.  
\q1 As kat ul in tiꞌ ul unbꞌanataꞌ kam uvaꞌ ni tal aama sviꞌ, tiꞌk Aak.  
\m As tul kat tal Aak u yoleꞌ, as kat teesa veꞌt u Tiixheꞌ u tzaqꞌiteꞌ uvaꞌ atik bꞌaxa. As kat ikꞌujbꞌaꞌ veꞌt kan Aak umaꞌt u tzaqꞌiteꞌ.   
\m
\v 10 As kat toksa veꞌt oꞌ u Tiixheꞌ jikla aamail taꞌn u Jesucristoeꞌ, tan echeꞌ uvaꞌ ni tal taama u Tiixheꞌ sqiꞌ. As unpajul kuxh kat taqꞌ tibꞌ u Jesucristoeꞌ kamoj sqiꞌ tiꞌ chit ibꞌeneꞌ.   
\p
\v 11 As ootzimal sqaꞌn uvaꞌ jun qꞌii ni taqꞌonvu oksan iyol tenam vatz Tiixh tiꞌ toksat ok unqꞌa avaneꞌ vatz u Tiixheꞌ. As jatpajul kuxh ni toksa ok chajaak unqꞌa avaneꞌ vatz Aak, kꞌuxh yeꞌ ni tolebꞌeꞌ tiꞌ isotzsal ipaav unqꞌa tenameꞌ.   
\m
\v 12 Pet ech koj u Cristoeꞌ, tan unpajul kuxh kat toksa ok tibꞌ Aak vatz u Tiixheꞌ tiꞌ chit ibꞌeneꞌ tiꞌ isotzsat Aak u kupaaveꞌ. As aꞌn kat xonebꞌ veꞌt Aakeꞌ tisebꞌal u Tiixheꞌ.   
\m
\v 13 As nitxꞌebꞌon Aak tiꞌ u qꞌiieꞌ uvaꞌ techal la el iqꞌii\f + \fr 10.13 \ft Aꞌ isuuchil u yoleꞌ tu yolbꞌal griego: as at isuuchil junun unqꞌa yoleꞌ uvaꞌ ech ni tal ileꞌ: u qꞌiieꞌ uvaꞌ techal la aqꞌax kan unqꞌa uxhchileꞌ jaqꞌ toj Aak.\f* unqꞌa uxhchileꞌ skajayil uvaꞌ nichꞌoꞌn taama tiꞌ Aak.   
\m
\v 14 As tukꞌ vibꞌaꞌnil u Jesucristo uvaꞌ unpajul kuxh kat toksa ok tibꞌ vatz u Tiixheꞌ tiꞌ isotzsat Aak u kupaaveꞌ, as kat toksa veꞌt oꞌ Aak jikla aamail vatz u Tiixheꞌ tiꞌ chit ibꞌeneꞌ, jankꞌal oꞌ uvaꞌ txaael veꞌt oꞌ taꞌn u Tiixheꞌ tiꞌ qok sitenam Aak.   
\m
\v 15 As echat ni tal u Tiixhla Espíritueꞌ sqiꞌ, tan ech kat tal ileꞌ bꞌaxa:   
\q1
\v 16 Ni tal u Kubꞌaal Tiixheꞌ uvaꞌ:  
\q1 «Tul maꞌt ipal veꞌt unqꞌa qꞌiieꞌ, as ech veꞌt u txumbꞌal ileꞌ la unkꞌujbꞌaꞌ kan xoꞌl vuntenameꞌ:  
\q1 As la voksa veꞌt vunyoleꞌ tu u taanxelaleꞌ tukꞌ tu vitxumbꞌaleꞌ,» tiꞌk Aak.   
\q1
\v 17 As ech ni tal umaꞌt u yol ileꞌ uvaꞌ tal kan Aak:  
\q1 «As la unsotzsa veꞌt ipaav vuntenameꞌ sunkꞌuꞌl tukꞌ u paasan tziileꞌ uveꞌ nibꞌaneꞌ, taqꞌ Aak,» tiꞌk u Tiixhla Espíritu.   
\m
\v 18 As tul uvaꞌ kat sotz veꞌt u kupaaveꞌ tukꞌ u kupaasan tziileꞌ, as yeꞌl veꞌt umaꞌtoj kam la oksal veꞌt ok vatz u Tiixheꞌ tiꞌ isotzsal u kupaaveꞌ.   
\p
\v 19 Estiꞌeꞌ ni val sete, vitzꞌin vatzik, uvaꞌ ibꞌaꞌnil kuxh u Jesucristoeꞌ uvaꞌ kat el vikajaleꞌ sqiꞌ, as at veꞌt qokebꞌal tu u Tiixhla atinbꞌaleꞌ tu almikaꞌ,   
\m
\v 20 tan kat taqꞌ veꞌt u Jesucristo qokebꞌal tiꞌ uvaꞌ at veꞌt kutiichajil kꞌatz u Tiixheꞌ. As ech kat ibꞌan Aakeꞌ sqiꞌ tul kat yatzꞌax Aak vatz u kuruseꞌ. As kat qꞌixmik kuꞌ tzan u ixbꞌuꞌjeꞌ uvaꞌ atik ok tu u tostiixheꞌ, texhlal tetz uvaꞌ kat taqꞌ veꞌt Aak qokebꞌal tu u Tiixhla atinbꞌaleꞌ tu almikaꞌ.   
\m
\v 21 As aꞌ u Jesucristo u nimla qꞌesal oksan tetz kuyol vatz Tiixh, jankꞌal oꞌ uvaꞌ oꞌ imeꞌal ikꞌaol u Tiixheꞌ.   
\m
\v 22 Estiꞌeꞌ uvaꞌ ayaꞌloj chit kukꞌuꞌl la kujetzꞌe ok qibꞌ kꞌatz u Tiixheꞌ. As yeꞌ la kaꞌkabꞌin qaama tiꞌ kukꞌujbꞌaꞌt kukꞌuꞌl tiꞌ Aak, tan eesamal veꞌt u vaꞌlexheꞌ tu u qaanxelaleꞌ taꞌn Aak. As nu kunacheꞌ uvaꞌ sotzsamal veꞌt u kupaaveꞌ. As kat kuꞌ oꞌ xeꞌ u aꞌeꞌ, texhlal tetz uvaꞌ josqꞌimal veꞌt u qaanxelaleꞌ taꞌn Aak.   
\m
\v 23 As kuchabꞌata kukꞌujbꞌaꞌt kukꞌuꞌl tiꞌ Aak. As yeꞌ la kaꞌkabꞌin qaama tiꞌ kutxꞌebꞌat u nimla bꞌaꞌnileꞌ uvaꞌ kꞌujleꞌl kukꞌuꞌl stiꞌ echeꞌ uvaꞌ ni qal te unqꞌa tenameꞌ, tan la chit ibꞌan Aakeꞌ kam uvaꞌ altziꞌmal kan sqiꞌ taꞌn Aak.   
\m
\v 24 As kuchuktaj txumbꞌal tiꞌ kulochat qibꞌ sukuvatzaj, as tiꞌ kuxoꞌnit qibꞌ sukuvatzaj, as tiꞌ kubꞌanat u bꞌaꞌneꞌ.   
\m
\v 25 As yeꞌ la kubꞌan qetz echeꞌ nibꞌan unqꞌa uxhchileꞌ uvaꞌ yeꞌ ni tex tu u atinbꞌaleꞌ tetz nachbꞌal Tiixh. Pet aal la kuyakꞌinsa qibꞌ sukuvatzaj tiꞌ uvaꞌ la kubꞌan u bꞌaꞌneꞌ, tan ootzimal sqaꞌn uvaꞌ bꞌiit kuxh ilejat u qꞌiieꞌ uvaꞌ la ul u Jesús unpajte.   
\s1 Nibꞌeyal te unqꞌa uxhchil tiꞌ uvaꞌ yeꞌ la paavini  
\p
\v 26 Tan asoj tzaa chit veꞌt sqe uvaꞌ la paavin oꞌ tul uvaꞌ maꞌt qootzit isuuchil u yoleꞌ uvaꞌ aꞌ u Jesucristo kat choon u kupaaveꞌ, as yeꞌl veꞌt umaꞌtoj kam la uch kubꞌanataꞌ tiꞌ ichooax u kupaaveꞌ.   
\m
\v 27 Pet xoꞌvebꞌal chit uvaꞌ nitxꞌebꞌon sqiꞌ tul la ibꞌan u Tiixheꞌ kusuuchil. As at umaꞌl u xamal uvaꞌ xoꞌvebꞌal chittuꞌ nitxꞌebꞌon tiꞌ unqꞌa uxhchileꞌ tiꞌ isotzsal ivatz uvaꞌ ni ixvan u Tiixheꞌ.   
\m
\v 28 As ni val sete tan xoꞌvebꞌal chit tatin u uxhchileꞌ uvaꞌ ni ixvan u Tiixheꞌ, tan abꞌil uvaꞌ yeꞌ kat niman u tzaqꞌiteꞌ uvaꞌ tzꞌibꞌamal kan taꞌn u Moisés, as techal la kami, asoj at kaꞌvoꞌj moj oxvoꞌj uxhchil uvaꞌ la alon isuuchil vipaav u uxhchileꞌ vatz u bꞌanol isuuchil unqꞌa tenameꞌ.   
\m
\v 29 Pet nim chiteꞌ u kꞌaxkꞌoeꞌ la ul tiꞌ unqꞌa uxhchileꞌ uvaꞌ ni ixvan viKꞌaol u Tiixheꞌ tiꞌ uvaꞌ kat ul tiꞌ unqꞌa tenameꞌ uvaꞌ naꞌytzan, tan antu veꞌt viKꞌaol u Tiixheꞌ ni tixva u uxhchileꞌ. As nikꞌuch u uxhchileꞌ tukꞌ vitxumbꞌaleꞌ uvaꞌ yeꞌl itxaꞌk vikajal viKꞌaol u Tiixheꞌ uvaꞌ kat kꞌujbꞌaꞌn kan u akꞌ tzaqꞌiteꞌ tiꞌ toksal unqꞌa uxhchileꞌ jikla aamail. Techal la ul u kꞌaxkꞌoeꞌ tiꞌ u uxhchileꞌ, tan niyoqꞌon tiꞌ u Tiixhla Espíritu uvaꞌ ni aqꞌon vibꞌaꞌnil u Tiixheꞌ stiꞌ.   
\m
\v 30 As ootzimaleꞌ sqaꞌn uvaꞌ ech kat tal u Tiixh ileꞌ:  
\q1 Ineꞌ la bꞌanon ichꞌexel te unqꞌa uxhchileꞌ uveꞌ ni bꞌanon u vaꞌlexheꞌ.  
\q1 As ineꞌ la aqꞌon ichꞌexel ste, tiꞌk Aak.  
\m As ech tal Aak ileꞌ unpajte:  
\q1 Ineꞌ la bꞌanon isuuchil vuntenameꞌ, tiꞌk Aak.   
\m
\v 31 ¡As xoꞌvebꞌal chiteꞌ u kꞌaxkꞌoeꞌ uvaꞌ la ul taꞌn u islich Tiixheꞌ tiꞌ u uxhchileꞌ uvaꞌ ni bꞌanon u vaꞌlexheꞌ!   
\p
\v 32 As la val sete, yeꞌ la kaꞌkabꞌin etaama. As etulsataj sekꞌuꞌl kam unqꞌa kꞌaxkꞌoeꞌ uvaꞌ kat epalebꞌe bꞌaxa, tul aꞌn nalik kuxh ijalpu etxumbꞌal, tan kꞌuxh mamaꞌla kꞌaxkꞌo kat epalebꞌe, as kat ekuy veꞌteꞌ.   
\m
\v 33 As at ex uvaꞌ vatz chit unqꞌa tenameꞌ kat yoqꞌpukat ex taꞌn unqꞌa uxhchileꞌ uveꞌ nichꞌoꞌn taama setiꞌ. As kat tilul ex. As atix ibꞌana uvaꞌ antu veꞌt ex kat palebꞌen u kꞌaxkꞌoeꞌ tukꞌ unqꞌa emooleꞌ, tul uvaꞌ kat ipalebꞌe unqꞌa kꞌaxkꞌoeꞌ.   
\m
\v 34 As kat etxum veꞌt ivatz unqꞌa emooleꞌ tul kat ok tu u kaarsa. As tul kat maap veꞌt unqꞌa etetzeꞌ, as yeꞌ kat txumun veꞌt ex. Pet aal kat chiibꞌ veꞌt ex, tan at sekꞌuꞌl uvaꞌ at etetz tu almikaꞌ uvaꞌ aal bꞌaꞌn tiꞌ uveꞌ at vatz u txꞌavaꞌeꞌ. As aꞌeꞌ yeꞌ la pal iyakꞌil.   
\m
\v 35 Estiꞌeꞌ uvaꞌ ni val sete, ejalpuk etxumbꞌal tiꞌ u kꞌujlebꞌal ekꞌuꞌleꞌ tiꞌ u Tiixheꞌ, tan tiꞌ u kꞌujlebꞌal ekꞌuꞌleꞌ la aqꞌpukat vetxꞌajaꞌmeꞌ.   
\m
\v 36 As techal chiteꞌ uvaꞌ yeꞌ la pal ekꞌuꞌl tiꞌ ekuyat unqꞌa kꞌaxkꞌoeꞌ, tan tul maꞌt ekuyat unqꞌa kꞌaxkꞌoeꞌ echeꞌ uvaꞌ nisaꞌ u Tiixheꞌ setiꞌ, as la aqꞌpu veꞌt u txꞌajaꞌmeꞌ sete uvaꞌ alel kan taꞌn Aak.   
\m
\v 37 As ech ni tal viyol u Tiixh ileꞌ uvaꞌ tzꞌibꞌamal kan:  
\q1 As bꞌiit kuxh ilejat veꞌt u qꞌiieꞌ uvaꞌ la ul u uxhchileꞌ uvaꞌ alel kan u tulebꞌaleꞌ.  
\q1 As yeꞌ la bꞌalaxi tiꞌ u tulebꞌaleꞌ.   
\q1
\v 38 As abꞌil uvaꞌ kꞌujleꞌl ikꞌuꞌl sviꞌ as jik itxumbꞌal nibꞌaneꞌ,  
\q1 as at itiichajil sunkꞌatz.  
\q1 Pet asoj ech vitxumbꞌaleꞌ la ibꞌaneꞌ echeꞌ uvaꞌ nik ibꞌan bꞌaxa,  
\q1 as yeꞌl in la chiibꞌ in stiꞌ, tiꞌk u Tiixheꞌ.   
\m
\v 39 Pet ech koj oꞌ, tan jitꞌeꞌch la kubꞌaneꞌ echeꞌ nibꞌan kaꞌt unqꞌa uxhchileꞌ uvaꞌ niqꞌaav tiꞌ inimataꞌ kam uvaꞌ nik ibꞌan bꞌaxa. As aꞌ unqꞌa uxhchileꞌ uvaꞌ yeꞌ la sotz ipaav. Pet ech koj oꞌ, tan kꞌujleꞌl kukꞌuꞌl tiꞌ viKꞌaol u Tiixheꞌ. As at veꞌt u kutiichajileꞌ kꞌatz u Kubꞌaal Tiixheꞌ.   
\c 11  
\s1 U kꞌujlebꞌal ikꞌuꞌl unqꞌa qꞌesla chaj txutx bꞌaala uvaꞌ naꞌytzan  
\p
\v 1 As aꞌ isuuchil u kꞌujlebꞌal kꞌuꞌleꞌ uvaꞌ techal la bꞌanchu u bꞌaꞌnileꞌ uvaꞌ nu kutxꞌebꞌeꞌ. As kꞌuxh yeꞌ naꞌl sukuvatz cheel, as ootzimal sqaꞌn uvaꞌ nitxꞌebꞌon veꞌt sqiꞌ.   
\m
\v 2 As echeꞌ uvaꞌ kat ibꞌan unqꞌa qꞌesla chaj txutx bꞌaalaeꞌ, tan tiꞌ uvaꞌ kꞌujlik chit ikꞌuꞌl chajaak tiꞌ u Tiixheꞌ, as bꞌaꞌn veꞌt iyolbꞌel chajaak taꞌn u Tiixheꞌ.   
\m
\v 3 As tiꞌ uvaꞌ kꞌujleꞌl chit kukꞌuꞌl tiꞌ u Tiixheꞌ, as ni qootzi veꞌteꞌ uvaꞌ tukꞌ kuxh viyol Aakeꞌ as kat chee u almikaꞌeꞌ tukꞌ u vatz txꞌavaꞌeꞌ skajayil. As jankꞌal unqꞌa veeꞌ uvaꞌ ni qileꞌ, as aꞌ kat tzaakat xoꞌl unqꞌa veeꞌ uvaꞌ yeꞌ naꞌlike.   
\p
\v 4 As echeꞌ uvaꞌ kat ibꞌan u Abel tan kꞌujlik chit ikꞌuꞌl tiꞌ u Tiixheꞌ, as kat toksa u oyeꞌ uvaꞌ nim talcheꞌ tiꞌ u tetz u Caíneꞌ vatz u Tiixheꞌ. As bꞌaꞌn veꞌt iyolbꞌel u Abeleꞌ taꞌn Aak, tan kat ikꞌul Aak u oyeꞌ uvaꞌ kat toksa u Abeleꞌ vatz Aak. As kꞌuxh kamnal veꞌt u Abel, as nitel ichus oꞌ cheel tiꞌ kukꞌujbꞌaꞌt kukꞌuꞌl tiꞌ u Tiixheꞌ.   
\p
\v 5 As echat kat ibꞌan u Enoc, tan tiꞌ uvaꞌ kꞌujleꞌl ikꞌuꞌl tiꞌ u Tiixheꞌ, as yeꞌ kat pal tu u kamchileꞌ. As yeꞌxhebꞌil kat ilon veꞌteꞌ, tan maꞌtik teqꞌol veꞌt taꞌn u Tiixheꞌ. As tul yeꞌxnik eqꞌol u Enoc, as bꞌaꞌnik veꞌt iyolbꞌeleꞌ taꞌn Aak.   
\m
\v 6 Asoj yeꞌ la ikꞌujbꞌaꞌ umaj uxhchil ikꞌuꞌl tiꞌ u Tiixheꞌ, as yeꞌl Aak la txuqꞌtxun stiꞌ. Tan abꞌil uvaꞌ la isaꞌ toksat tibꞌ kꞌatz Aak, as techal la inima uvaꞌ at Tiixh as la taqꞌ Aakeꞌ itxꞌajaꞌm u uxhchileꞌ uveꞌ la toksa taama tiꞌ Aak.   
\p
\v 7 As tiꞌ uvaꞌ kꞌujleꞌl ikꞌuꞌl u Noé tiꞌ u Tiixheꞌ, as kat ibꞌan veꞌt umaꞌl u arca tiꞌ ikolat tibꞌ vatz u kꞌaxkꞌoeꞌ tukꞌ unqꞌa tatineꞌ. As tul kat tal veꞌt u Tiixheꞌ ste kam uvaꞌ la uli, as kat ixoꞌva veꞌt u Noé u Tiixheꞌ. As kꞌuxh yeꞌ atixoj til u Noé kam uvaꞌ tal u Tiixheꞌ ste uvaꞌ la uli, as kat inima veꞌt u Noé. As kat ok veꞌt jikla aamail taꞌn u Tiixheꞌ. As tukꞌ u kꞌujlebꞌal ikꞌuꞌl u Noé, as kat tal veꞌt isuuchil te unqꞌa tenameꞌ uvaꞌ techal la ul u kꞌaxkꞌoeꞌ tiꞌ unqꞌa tenameꞌ uvaꞌ yeꞌ ni niman u Tiixheꞌ.   
\p
\v 8 As tiꞌ uvaꞌ kꞌujlik chit ikꞌuꞌl u Abraham tiꞌ u Tiixheꞌ, as kat inima veꞌt yol tul uvaꞌ kat imolo veꞌt u Tiixheꞌ u Abrahameꞌ tiꞌ tel chꞌuꞌl tu u tenameꞌ uvaꞌ atikkat. As kꞌuxh yeꞌ tootzaj u Abraham u txꞌavaꞌeꞌ uvaꞌ la oonkat, as kat bꞌen veꞌteꞌ tiꞌ uvaꞌ la tetzi veꞌt u txꞌavaꞌeꞌ taꞌn u Tiixheꞌ.   
\m
\v 9 As tiꞌ uvaꞌ kꞌujlik ikꞌuꞌl u Abrahameꞌ, as kat bꞌex jejebꞌoj tu u txꞌavaꞌeꞌ uvaꞌ kat taltziꞌ u Tiixheꞌ ste. As kat atin tu unqꞌa lakich pacheꞌ, texhlal tetz uvaꞌ ech veꞌteꞌ echeꞌ umaj ulnaj tzaanaj kat bꞌex ibꞌana. As echat kat ibꞌan u Isaac tukꞌ u Jacob, tan echat kuxh u yoleꞌ kat tal Aak ste.   
\m
\v 10 As aꞌ nik itxꞌebꞌ u Abrahameꞌ ikꞌujbꞌaꞌl u bꞌaꞌnla tenameꞌ uvaꞌ yeꞌ la eꞌpi, echeꞌ umaj kabꞌal uvaꞌ chabꞌamal ikꞌujebꞌeꞌ viꞌ u tzꞌajeꞌ, tan aꞌ u Tiixheꞌ la kꞌujbꞌaꞌn, tan Aakeꞌ cheesan tetz.   
\m
\v 11 As tiꞌ uvaꞌ kꞌujlik chit ikꞌuꞌl u Sara tiꞌ u Tiixheꞌ, as kꞌuxh maꞌtik iqꞌesbꞌu veꞌteꞌ as kꞌuxh yeꞌ nik talaneꞌ, poro kat yakꞌin veꞌt vichiꞌoleꞌ taꞌn u Tiixheꞌ.\f + \fr 11.11 \ft As jalel tibꞌ unqꞌa yoleꞌ tu u Oꞌt Testamento tiꞌ u Abraham tukꞌ u tixqeleꞌ uvaꞌ Sara as tiꞌ uvaꞌ abꞌiste chajaak kat chee iyakꞌil vichiꞌoleꞌ, tan ati uvaꞌ ech ni tal ileꞌ: «As tiꞌ uvaꞌ kꞌujleꞌl ikꞌuꞌl u Sara tiꞌ u Tiixheꞌ, as kꞌuxh maꞌtik iqꞌesbꞌu veꞌteꞌ as yeꞌ nik talaneꞌ, as kat yakꞌin veꞌt vichiꞌoleꞌ taꞌn u Tiixheꞌ,» tiꞌk u yoleꞌ.\f* As kat itzꞌebꞌ veꞌt umaꞌl u tal u Sara, tan nik inima u Sara tukꞌ u Abraham uvaꞌ la chit ibꞌan u Tiixheꞌ kam uvaꞌ altziꞌmal kan ste taꞌn Aak.   
\m
\v 12 As tul bꞌiitik kuxh ikam veꞌt u Abrahameꞌ, as tukꞌ u kꞌujlebꞌal ikꞌuꞌleꞌ as kat nitxaꞌin veꞌteꞌ. As ech veꞌt tachul unqꞌa tiaaleꞌ echeꞌ tachul unqꞌa txꞌumileꞌ uvaꞌ at tu almikaꞌ as tukꞌ unqꞌa sanabꞌeꞌ uveꞌ at tziꞌ u mar uvaꞌ yeꞌxhebꞌil la olebꞌ tiꞌ tachpeꞌ.   
\p
\v 13 As jankꞌal unqꞌa uxhchileꞌ uveꞌ kat kuyolbꞌelaꞌ, as kꞌujlik chit ikꞌuꞌl tiꞌ u Tiixheꞌ. As kat kami. As ech kat tal veꞌt ileꞌ: «Ulnaj tzaanaj kuxh oꞌeꞌ vatz u txꞌavaꞌeꞌ,» tiꞌke, tan jit ikꞌul u nimla bꞌaꞌnileꞌ uvaꞌ altziꞌmal kan taꞌn u Tiixheꞌ. As ech veꞌt unqꞌa nimla bꞌaꞌnileꞌ vatz unqꞌa uxhchileꞌ echeꞌ umaj kam uvaꞌ naach kuxh ni tilkat bꞌen. As nitxuqꞌtxun veꞌt stiꞌ.   
\m
\v 14 As tul uvaꞌ kat tal unqꞌa uxhchileꞌ echeꞌ u veeꞌ, as ni tal isuuchil sqe uvaꞌ nik ichuk umaꞌl u tatinbꞌal uvaꞌ la atinkat.   
\m
\v 15 As kat koj titzꞌa iqꞌaavik bꞌen tu vitxꞌavaꞌeꞌ uveꞌ elkat chꞌuꞌl, as la uch iqꞌaavik bꞌeneꞌ tu vitxꞌavaꞌeꞌ.   
\m
\v 16 Pet jitꞌeꞌch kat ibꞌana, tan aꞌ nik isaꞌ uvaꞌ la bꞌen jejebꞌoj tu umaꞌt u atinbꞌal uvaꞌ nim talcheꞌ tiꞌ uvaꞌ atikkat. As bꞌaꞌnik vatz u Tiixheꞌ tiꞌ uvaꞌ la tal unqꞌa uxhchileꞌ uvaꞌ Tiixh Aak. As kat ibꞌan veꞌt Aak tuch tatinbꞌal unqꞌa uxhchileꞌ.   
\p
\v 17 As tiꞌ uvaꞌ kꞌujlik ikꞌuꞌl u Abraham tiꞌ u Tiixheꞌ, as kat inima tul uvaꞌ kat tal u Tiixheꞌ ste uvaꞌ la toksa ok vikꞌaoleꞌ vatz Aak, kꞌuxh taꞌn chiteꞌ unchꞌiꞌtil. As aalik chit iyatzꞌat veꞌt u Abraham vikꞌaoleꞌ, kꞌuxh maꞌtik ichiibꞌ u Abraham tiꞌ unchꞌiꞌtil vikꞌaoleꞌ uvaꞌ Isaac ibꞌii.   
\m
\v 18 As kꞌuxh ech maꞌtik talat u Tiixh ileꞌ te u Abrahameꞌ: «Kꞌatz vakꞌaoleꞌ uvaꞌ Isaac la elkat chꞌuꞌl unqꞌa aviaaleꞌ,» tiꞌk Aak ste, as inima u Abraham viyol Aakeꞌ,   
\m
\v 19 tan kat titzꞌa veꞌt u Abraham uvaꞌ kꞌuxh laik iyatzꞌ vikꞌaoleꞌ vatz u Tiixheꞌ, as at iyakꞌil u Tiixheꞌ tiꞌ tulsat taama vikꞌaoleꞌ unpajte. As vatz u Abraham as eela kuxh stukꞌ uvaꞌ kat kam vikꞌaoleꞌ as kat ul taama unpajte.   
\m
\v 20 As tiꞌ uvaꞌ kꞌujlik chit ikꞌuꞌl u Isaac tiꞌ u Tiixheꞌ, as taqꞌ veꞌt kan u Isaac u bꞌaꞌnileꞌ tiꞌ unqꞌa ikꞌaoleꞌ, u Jacob tukꞌ u Esaú. As kat tal veꞌt u Isaac isuuchil te chajnaj tiꞌ uvaꞌ kam la til chajnaj uvaꞌ xamtel.   
\p
\v 21 As tiꞌ uvaꞌ kꞌujlik chit ikꞌuꞌl u Jacob tiꞌ u Tiixheꞌ, as tul unbꞌiitik kuxh ikam veꞌteꞌ, as taqꞌ veꞌt kan u Jacob vibꞌaꞌnileꞌ tiꞌ junun vikꞌaol u Xhuꞌleꞌ. As tul bꞌaꞌnxi, as ixiꞌa veꞌt tibꞌ tiꞌ vikarooteeꞌ. As toksa veꞌt iqꞌii u Tiixheꞌ.   
\m
\v 22 As tiꞌ uvaꞌ kꞌujlik chit ikꞌuꞌl u Xhuꞌleꞌ tiꞌ u Tiixheꞌ, as tul unbꞌiitik kuxh ikam veꞌteꞌ, as tal veꞌt kan te unqꞌa titzꞌin tatzikeꞌ uvaꞌ la chit ilej umaꞌl u qꞌii uvaꞌ la el veꞌt chꞌuꞌl unqꞌa tiaaleꞌ tu u Egipto. As tal veꞌt kan u Xhuꞌleꞌ unpajte uvaꞌ la eqꞌol el vibꞌajileꞌ tu u Egipto.   
\p
\v 23 As tiꞌ uvaꞌ kꞌujlik chit ikꞌuꞌl u txutx ibꞌaal u Moisés tiꞌ u Tiixheꞌ, as oxvaꞌl ichꞌ uvaꞌ imuj veꞌt chajaak u Moisés tul neꞌnalike, tan til chajaak uvaꞌ achaꞌvik chit u Moisés tul itzꞌebꞌi. As yeꞌ kat xoꞌv chajaak tiꞌ u yoleꞌ uvaꞌ alel taꞌn u ijlenaaleꞌ tiꞌ uvaꞌ la mox yatzꞌax unqꞌa neꞌeꞌ.   
\m
\v 24 As tul ok veꞌt u Moisés najil, as kꞌujlik chit ikꞌuꞌl tiꞌ u Tiixheꞌ. As yeꞌ nik isaꞌ uvaꞌ la tal unqꞌa tenameꞌ stiꞌ uvaꞌ itxutx u Moisés vimeꞌal u ijlenaaleꞌ.   
\m
\v 25 Pet aꞌ nik isaꞌ u Moisés uvaꞌ eela tixvaleꞌ tukꞌ unqꞌa imooleꞌ uvaꞌ tiaal Israel uvaꞌ itenam Tiixh. As yeꞌ nik isaꞌ u Moisés ipaavineꞌ tiꞌ tatin kꞌatz u ijlenaaleꞌ tu u Egipto tiꞌ u chiibꞌichileꞌ uvaꞌ palchil kuxhtuꞌ,   
\m
\v 26 tan aꞌik u txꞌajaꞌmeꞌ uveꞌ la taqꞌ u Tiixheꞌ ste, as aꞌeꞌ uvaꞌ nik titzꞌa u Moisés. Estiꞌeꞌ uvaꞌ kat tixva veꞌt kan unqꞌa nimla txꞌiibꞌal qꞌiieꞌ uvaꞌ laik tetzi tu u Egiptoeꞌ. As aal bꞌaꞌnik ste uvaꞌ la ipalebꞌe u kꞌaxkꞌoeꞌ tukꞌ unqꞌa imooleꞌ, tan atik skꞌuꞌl uvaꞌ la ul u Jesús uvaꞌ alel kan u tulebꞌaleꞌ taꞌn u Tiixheꞌ.   
\m
\v 27 As tiꞌ uvaꞌ kꞌujlik chit ikꞌuꞌl u Moisés tiꞌ u Tiixheꞌ, as kat taqꞌ veꞌt kan u Moisés u Egipto. As yeꞌ kat xoꞌv veꞌteꞌ tul kat ul iviꞌ u ijlenaaleꞌ stiꞌ. As yeꞌ kat kaꞌkabꞌin taama, tan eela kuxh stukꞌ uvaꞌ nik til u Moisés u Tiixheꞌ, kꞌuxh yeꞌ naꞌlik Aak svatz.   
\m
\v 28 As tiꞌ uvaꞌ kꞌujlik chit ikꞌuꞌl u Moisés tiꞌ u Tiixheꞌ, as kat inima veꞌt u Moiséseꞌ u yoleꞌ tiꞌ uvaꞌ la kolax vitenam u Tiixheꞌ vatz u kamchileꞌ tul kat tzikul ok vikajal unqꞌa avaneꞌ tziꞌaj vikabꞌaleꞌ, aqꞌal uvaꞌ yeꞌ la kam unqꞌa bꞌaxa ikꞌaol unqꞌa itenam u Tiixheꞌ taꞌn u yatzꞌol aamaeꞌ.   
\m
\v 29 As tiꞌ uvaꞌ kꞌujlik chit ikꞌuꞌl unqꞌa itenam u Tiixheꞌ, as kat icheesa Aak bꞌey tu u mar tul kat pal veꞌt unqꞌa tenameꞌ tu u mar uvaꞌ Kaj Mar ibꞌii. Pet ech koj unqꞌa aa Egipto, tan tul kat tal ipal tu u mar, as kat ijup veꞌt tibꞌ u mar stiꞌ. As kat kam veꞌteꞌ.   
\p
\v 30 As tiꞌ uvaꞌ kꞌujlik chit ikꞌuꞌl unqꞌa itenam u Tiixheꞌ, as vujvaꞌl qꞌii isuturit tibꞌ tiꞌ u tenameꞌ uvaꞌ Jericó. As kat eꞌp veꞌt unqꞌa tzꞌajeꞌ uvaꞌ atik veꞌt ok tiꞌ u tenameꞌ.   
\m
\v 31 As u yanaꞌsla ixoj uvaꞌ Rahab, as ikꞌujbꞌaꞌ veꞌt ixoj ikꞌuꞌl tiꞌ u Tiixheꞌ, as yeꞌ kat kam veꞌteꞌ tul uvaꞌ kat kam unqꞌa paasan tziieꞌ uveꞌ atik tu u Jericó, tan tiꞌ uvaꞌ kat ibꞌan ixoj bꞌaꞌnil te unqꞌa uxhchileꞌ uvaꞌ kat bꞌex ilon kam bꞌan taꞌn u tenameꞌ uvaꞌ Jericó.   
\p
\v 32 As bꞌiit kuxh u yoleꞌ la val sete tiꞌ kaꞌt unqꞌa uxhchileꞌ, tan nimatel kuxh la teqꞌo tiꞌ valat isuuchil u yoleꞌ tiꞌ uvaꞌ kam kat ibꞌan u Gedeón, tukꞌ u Barac, tukꞌ u Sansón, tukꞌ u Jefté, tukꞌ u David, tukꞌ u Samuel, as tukꞌ unjoltu unqꞌa qꞌajsan tetz viyol u Tiixheꞌ.   
\m
\v 33 As tiꞌ uvaꞌ kꞌujlik chit ikꞌuꞌl vitenam u Tiixheꞌ uvaꞌ naꞌytzan, as ati kat txꞌakoni tiꞌ kaꞌt unqꞌa tenameꞌ tu u chꞌaꞌoeꞌ; as ati uvaꞌ jik chit itxumbꞌal kat ibꞌana tul atik jaqꞌ u tijleꞌm u Tiixheꞌ. As kat tetzi veꞌt uvaꞌ alel kan taꞌn u Tiixheꞌ. As at uxhchil uvaꞌ tul kat oksal xoꞌl unqꞌa bꞌalameꞌ, as kat juplu veꞌt itziꞌ txoo taꞌn u Tiixheꞌ, aqꞌal uvaꞌ yeꞌl txoo la chiꞌon veꞌteꞌ.   
\m
\v 34 As ati uvaꞌ kat oksal veꞌt tu mam xamal. As yeꞌ kat tzꞌeꞌi. As ati uvaꞌ kat alax iyatzꞌpeꞌ taꞌn chꞌichꞌ. As yeꞌ kat olebꞌ unqꞌa uxhchileꞌ tiꞌ iyatzꞌpeꞌ. As ati uvaꞌ unbꞌiil kuxh iyakꞌil vichiꞌoleꞌ kat ibꞌana. As kat yakꞌinsal veꞌteꞌ taꞌn u Tiixheꞌ. As at unqꞌa uxhchileꞌ uvaꞌ atik veꞌt iyakꞌil taꞌn Aak tul kat ibꞌan chꞌaꞌo tiꞌ umaꞌt tenam. As ati uvaꞌ kat olebꞌ tiꞌ itilut el visol unjoltu unqꞌa tenameꞌ uvaꞌ nik ibꞌan chꞌaꞌo stukꞌ.   
\m
\v 35 As at ixoj uvaꞌ kat kam unqꞌa tatineꞌ. As kat ul taama unpajte taꞌn u Tiixheꞌ.  
\p Pet ech koj unjoltu unqꞌa uxhchileꞌ, tan ati uvaꞌ kat qꞌospi techal kat kami. As yeꞌ kat isaꞌ uvaꞌ la eesal vatz u kꞌaxkꞌoeꞌ, tan aꞌ nik isaꞌ uvaꞌ bꞌaꞌn veꞌt tatineꞌ la ibꞌaneꞌ tul la ul taama unpajte taꞌn u Tiixheꞌ.   
\m
\v 36 As at uxhchil uvaꞌ mamaꞌla yoqꞌoꞌm kat alpu ste; as ati kat qꞌospi taꞌn tzꞌuꞌm; as ati kat kꞌalpi taꞌn kateena; as ati kat oksal tu u kaarsa;   
\m
\v 37 as ati uvaꞌ kat yatzꞌpu veꞌt taꞌn kꞌubꞌ; as ati kat quxpi taꞌn chꞌichꞌ. As kaꞌvaꞌl kat el stuul. As nik ichukax txumbꞌal stiꞌ tiꞌ uvaꞌ la iyaꞌsa inimat u Tiixheꞌ, tan ati kat yatzꞌpu taꞌn chꞌichꞌ. As ati uvaꞌ katil kuxh kat vatkat veꞌteꞌ. As ati uvaꞌ visaleꞌyil unqꞌa kaneeroꞌeꞌ tukꞌ visaleꞌyil unqꞌa sikꞌeꞌ nik toksa tan meebꞌaꞌik chittuꞌ. As nik ipalebꞌe kꞌaxkꞌo, tan nik itiluleꞌ. As nik ikꞌaxbꞌisaleꞌ.   
\m
\v 38 As ati uvaꞌ kat kuxh xaan veꞌteꞌ tulaj kaanaj txꞌavaꞌ, as tulaj txꞌakabꞌeꞌn, as tulaj jul, as xoꞌlaj vitz uvaꞌ kꞌaxkꞌo chit tatineꞌ, tan aꞌ nik tal unqꞌa uxhchileꞌ uvaꞌ ni ixvan u Tiixheꞌ uvaꞌ yeꞌ la uch tatin unqꞌa niman tetz u Tiixheꞌ xoꞌl chajnaj. As tul nim talcheꞌ unqꞌa niman tetz u Tiixheꞌ tiꞌ unqꞌa uxhchileꞌ.   
\p
\v 39 As kꞌuxh kꞌujlik chit ikꞌuꞌl tiꞌ u Tiixheꞌ, as yeꞌ kat ikꞌul chajaak u nimla bꞌaꞌnileꞌ uvaꞌ altziꞌmal kan taꞌn u Tiixheꞌ.   
\m
\v 40 As aꞌ u bꞌaꞌneꞌ nisaꞌ u Tiixheꞌ sqiꞌ, tan Tiixh kat bꞌanon uvaꞌ at veꞌt u bꞌaꞌnileꞌ sqiꞌ tukꞌ tiꞌ unqꞌa qꞌesla kubꞌaaleꞌ, aqꞌal uvaꞌ eela kukꞌulat veꞌt u bꞌaꞌnileꞌ tukꞌ chajaak.   
\c 12  
\s1 Nibꞌeyal te unqꞌa tiaal Israel tiꞌ uvaꞌ la ichabꞌa ikꞌujbꞌaꞌt ikꞌuꞌl tiꞌ u Jesús  
\p
\v 1 Estiꞌeꞌ ni val sete, vitzꞌin vatzik: Oꞌ uvaꞌ nimal unqꞌa kꞌuchbꞌal tetz u kꞌujlebꞌal ikꞌuꞌl unqꞌa qꞌesla kubꞌaaleꞌ kat ikꞌuch kan sukuvatz, as kubꞌantaj echeꞌ uvaꞌ kat ibꞌan chajaak. As qaqꞌtaj kan unqꞌa paaveꞌ uvaꞌ ni majon kuvatz tiꞌ kukꞌujbꞌaꞌt kukꞌuꞌl tiꞌ u Jesús, echeꞌ umaj uxhchil uvaꞌ yeꞌxhkam ni majon ivatz tiꞌ toojeꞌleꞌ tiꞌ itxꞌakat umaj txꞌajaꞌm. As kukuytaj kupalebꞌet unqꞌa kꞌaxkꞌoeꞌ, jankꞌal uveꞌ aqꞌel sqe taꞌn Aak tiꞌ uvaꞌ la kupalebꞌe.   
\m
\v 2 As yeꞌ la kuyaꞌsa qitzꞌat u Jesús, tan Aakeꞌ kat kꞌuchun bꞌaxa tiꞌ uvaꞌ kam kukꞌujbꞌaꞌt kukꞌuꞌl tiꞌ u Tiixheꞌ. As Aakeꞌ kat aqꞌon qokebꞌal kꞌatz u Tiixheꞌ taꞌn u kꞌujlebꞌal kukꞌuꞌleꞌ. As tul kat aqꞌax jeꞌ Aak vatz u kuruseꞌ tiꞌ ikameꞌ, as kat ikuy Aak u kꞌaxkꞌoeꞌ. As yeꞌ kat toksa Aak stuul uvaꞌ kat chꞌixvisal Aak, tan atik skꞌuꞌl Aak uvaꞌ tul maꞌt ipalebꞌet Aak u kꞌaxkꞌoeꞌ vatz u kuruseꞌ, as la txuqꞌtxun veꞌt Aak tiꞌ u nimla bꞌaꞌnileꞌ uvaꞌ la taqꞌ Aak sqe. As nim veꞌt talchu Aak tul kat xonebꞌ veꞌt Aak tisebꞌal u bꞌaꞌnla xonlebꞌaleꞌ uvaꞌ xonleꞌlkat u Tiixheꞌ.   
\p
\v 3 As etitzꞌataj uvaꞌ kat ibꞌan u Jesúseꞌ, aqꞌal uvaꞌ yeꞌ la pal ekꞌuꞌl as yeꞌ la txumun etaama tul uvaꞌ la yoqꞌpu veꞌt ex, tan mamaꞌla kꞌaxkꞌo kat ipalebꞌe Aak tul uvaꞌ kat yoqꞌpu veꞌt Aak taꞌn unqꞌa bꞌanol vaꞌlexheꞌ.   
\m
\v 4 As echeꞌ ex, kꞌuxh nepalebꞌe unqꞌa kꞌaxkꞌoeꞌ taꞌn unqꞌa uxhchileꞌ uvaꞌ ni bꞌanon u vaꞌlexheꞌ sete, as yeꞌl umaj ex kamoj ex taꞌn u kꞌaxkꞌoeꞌ.   
\m
\v 5 As kat esotzsal u yoleꞌ sekꞌuꞌl uvaꞌ tzꞌibꞌamal kan uvaꞌ ni aqꞌon etxumbꞌal echeꞌ ibꞌeyat umaj bꞌaala te ikꞌaol. As ech ni tal u yol ileꞌ:  
\q1 Unkꞌaol, as yeꞌ la ibꞌaneꞌ uvaꞌ jit kuxh latzꞌ unqꞌa yoleꞌ seeꞌ,  
\q1 tul la ibꞌeya u Kubꞌaal Tiixheꞌ see.  
\q1 As mitaꞌn la kaꞌkabꞌin aama, tul uvaꞌ la iyaa axh Aak,   
\q1
\v 6 tan nibꞌeya Aak te unqꞌa uxhchileꞌ uvaꞌ xoꞌn te Aak.  
\q1 As abꞌil uvaꞌ ni toksa veꞌt Aak smeꞌal ikꞌaolil,  
\q1 as nijikbꞌaꞌ Aak tiꞌ uvaꞌ la ibꞌan u bꞌaꞌneꞌ, tiꞌk u yoleꞌ.   
\m
\v 7 As u kꞌaxkꞌoeꞌ uvaꞌ nepalebꞌe as nekuyeꞌ, as ech nebꞌaneꞌ echeꞌ nibꞌan umaj meꞌal kꞌaol, tul uvaꞌ nibꞌeyal ste taꞌn vibꞌaaleꞌ. As echat ni tulbꞌe ex u Tiixheꞌ, aqꞌal uvaꞌ jik etxumbꞌal la ibꞌaneꞌ.   
\m
\v 8 Pet asoj yeꞌ la bꞌeyal sete taꞌn u Tiixheꞌ echeꞌ nibꞌan Aak te unqꞌa meꞌal ikꞌaoleꞌ skajayil, as jit ex meꞌal ikꞌaol Aakeꞌ bꞌa. Pet ech exeꞌ echeꞌ umaj uxhchil uvaꞌ yeꞌ ootzimal ibꞌaal staꞌn.   
\m
\v 9 As tul uvaꞌ nik ijikbꞌaꞌ u kubꞌaaleꞌ u kutxumbꞌaleꞌ uvaꞌ at vatz txꞌavaꞌ, as nu kunima u kubꞌaaleꞌ. ¿As aꞌ kol yeꞌ la kunima veꞌt u Tiixheꞌ qꞌa uvaꞌ aqꞌol tetz u qaanxelaleꞌ, tiꞌ uvaꞌ at veꞌt kutiichajil kꞌatz Aak?   
\m
\v 10 As u kubꞌaaleꞌ uvaꞌ at vatz txꞌavaꞌ, as yeꞌxh jatvaꞌl qꞌii kat ibꞌeya chajaak sqe tiꞌ uvaꞌ la kubꞌaneꞌ abꞌiste u bꞌaꞌneꞌ uvaꞌ nisaꞌ chajaak sqiꞌ. As ech koj u Tiixheꞌ tan tul nibꞌeya Aak sqe, as sqiꞌeꞌ la txakonkat, aqꞌal uvaꞌ ech veꞌt u kutxumbꞌaleꞌ echeꞌ vitxumbꞌal Aakeꞌ.   
\m
\v 11 As yeꞌ nu kusaꞌ tul nibꞌeyal sqe, tan yeꞌ bꞌaꞌn sqe. Pet asoj la kunima tul la bꞌeyal sqe, as bꞌaꞌn la bꞌen ibꞌan sqe. As jik veꞌt u kutxumbꞌaleꞌ la ibꞌan staꞌn. As bꞌaꞌn qatin sukuvatzaj la ibꞌaneꞌ.   
\s1 Yeꞌ la ixval vibꞌaꞌnil u Tiixh  
\p
\v 12 As etaqꞌtaj yakꞌil tiꞌ inimal u Jesúseꞌ, echeꞌ taqꞌat umaj uxhchil yakꞌil tiꞌ ixaaneꞌ uvaꞌ yeꞌ veꞌt iyakꞌil viqꞌabꞌeꞌ tukꞌ u tojeꞌ ninacheꞌ.   
\m
\v 13 As ekꞌajtaj etibꞌ tiꞌ u jikla txumbꞌaleꞌ echeꞌ ikꞌajat tibꞌ umaj koꞌx tu umaj jikla bꞌey, tiꞌ uvaꞌ yeꞌ la itxiknisa u tojeꞌ uvaꞌ kꞌaxbꞌinale. Pet aal la txani tu u bꞌaꞌnla bꞌeyeꞌ.   
\m
\v 14 As bꞌaꞌnoj etatineꞌ tukꞌ unqꞌa tenameꞌ skajayil. As ayaꞌloj chit ekꞌuꞌl tiꞌ ebꞌanat u bꞌaꞌneꞌ tiꞌ uvaꞌ ex veꞌt tetz u Tiixheꞌ, tan abꞌil uvaꞌ jit ayaꞌl ikꞌuꞌl tiꞌ ibꞌanat u bꞌaꞌneꞌ, as yeꞌ la til tibꞌ tukꞌ u Tiixheꞌ.   
\m
\v 15 As etiltaj etibꞌ sevatzaj, aqꞌal uvaꞌ yeꞌl umaj ex la kaaik kan ex tiꞌ vibꞌaꞌnil u Tiixheꞌ as yeꞌl umaj uxhchil la chee sexoꞌl uvaꞌ la eesan ex tiꞌ enimat u Jesúseꞌ, tan nimal ex uvaꞌ la yan veꞌt vetxumbꞌaleꞌ as la bꞌen veꞌt ex tu u vaꞌlexheꞌ staꞌn.   
\m
\v 16 As etiltaj etibꞌ sevatzaj, aqꞌal uvaꞌ yeꞌl umaj ex la ebꞌan etetz echeꞌ uvaꞌ kat ibꞌan u Esaú uvaꞌ kat iyansa tibꞌ vatz u Tiixheꞌ, tan yeꞌlik itxumbꞌal. As kꞌuxh atzika u Esaú, as tiꞌ kuxh umaꞌl u echbꞌubꞌal, as kat ikꞌayi veꞌt ok unqꞌa tetzeꞌ te u titzꞌineꞌ uvaꞌ Jacob.   
\m
\v 17 As ootzimaleꞌ setaꞌn uvaꞌ xamtel kat tal veꞌt u Esaú te vibꞌaaleꞌ uvaꞌ la taqꞌ aak u bꞌaꞌnileꞌ stiꞌ. As kꞌuxh mamaꞌla oqꞌel kat ibꞌan u Esaú tul kat ijaj u bꞌaꞌnileꞌ te vibꞌaaleꞌ, as yeꞌ kat uch ijalput aak viyoleꞌ, tan maꞌtik taqꞌat aak te u itzꞌinaeꞌ.   
\p
\v 18 As ni val sete uvaꞌ jitꞌeꞌch kat ebꞌana tul kat etoksa etibꞌ tiꞌ enimat u akꞌ txumbꞌaleꞌ echeꞌ kat ibꞌan unqꞌa qꞌesla ebꞌaaleꞌ uvaꞌ naꞌytzan. As yeꞌ kat ejetzꞌe ok etibꞌ kꞌatz umaj vitz uvaꞌ la uch ikanpeꞌ uvaꞌ nik toypu xamal stiꞌ uvaꞌ atikkat u toktoeꞌ tukꞌ u mam kajiqꞌeꞌ.   
\m
\v 19 As yeꞌ kat etabꞌi veꞌt toqꞌ umaj trompeta. As mitaꞌn umaj tuul viꞌ kat etabꞌi echeꞌ uvaꞌ kat abꞌil naꞌytzan. As jankꞌal unqꞌa tenameꞌ uvaꞌ kat abꞌin u tuul viꞌeꞌ, as tukꞌ chit xoꞌvichil kat ijaj veꞌt bꞌaꞌnil tiꞌ uvaꞌ yeꞌl veꞌt kaꞌtoj yol la alpu ste,   
\m
\v 20 tan tiꞌ uvaꞌ yeꞌ nik itxꞌak veꞌt unqꞌa tenameꞌ u yoleꞌ uvaꞌ ech nik tal ileꞌ:  
\q1 Abꞌil uvaꞌ la pachꞌon u vitzeꞌ as kꞌuxh avan,  
\q1 as la sutil veꞌt taꞌn kꞌubꞌ. As techal la kami, tiꞌk u yoleꞌ.   
\m
\v 21 As xoꞌvebꞌal chit uveꞌ kat ikꞌuch tibꞌ viꞌ u vitzeꞌ. Estiꞌeꞌ uveꞌ ech tal veꞌt u Moisés ileꞌ: «Vaꞌl chit untꞌuntꞌuch veꞌteꞌ taꞌn xoꞌvichil,» tiꞌk u Moiséseꞌ.   
\m
\v 22 Pet ech koj ex, vitzꞌin vatzik, tan aꞌ kat okkat ex kꞌatz u vitzeꞌ uvaꞌ Sion tu u tenameꞌ uvaꞌ Jerusalén uvaꞌ echen tu almikaꞌ, vitenam u islich Tiixheꞌ uvaꞌ atkat unqꞌa ángel uvaꞌ yeꞌl tachul ati uvaꞌ molel tibꞌ tukꞌ mam chiibꞌichil.   
\m
\v 23 As kat ok ex xoꞌl vitenam u Tiixheꞌ uvaꞌ bꞌaxel kat niman u Jesús. As aꞌeꞌ uvaꞌ tzꞌibꞌamal veꞌt vibꞌiieꞌ tu almikaꞌ. As kat ok ex kꞌatz u Tiixheꞌ uvaꞌ la bꞌanon isuuchil unqꞌa tenameꞌ skajayil vatz u txꞌavaꞌeꞌ, as kꞌatz unqꞌa qꞌesla chaj bꞌaalaeꞌ uvaꞌ kat kꞌulun u nimla bꞌaꞌnileꞌ taꞌn u Jesúseꞌ.   
\m
\v 24 As kat ok veꞌt ex kꞌatz u Jesúseꞌ, tan aꞌ Jesúseꞌ uvaꞌ at xoꞌl u tenameꞌ tukꞌ u Tiixheꞌ. As ibꞌaꞌnil kuxh u Jesúseꞌ uvaꞌ kat kꞌujebꞌ veꞌt u akꞌ tzaqꞌiteꞌ tiꞌ ikꞌulat tibꞌ iyol u tenameꞌ tukꞌ u Tiixheꞌ. As aꞌ vikajal u Jesúseꞌ uvaꞌ kat el sqiꞌ vatz u kuruseꞌ, as nim talcheꞌ tiꞌ vikajal u Abel uvaꞌ kat yatzꞌpi.   
\p
\v 25 As etixvak unqꞌa yoleꞌ uvaꞌ ni tal u Tiixheꞌ sete. As ebꞌanak etetz echeꞌ uvaꞌ kat ibꞌan unqꞌa tenameꞌ naꞌytzan, tan yeꞌ nik isaꞌ tabꞌit u yoleꞌ uvaꞌ nik ibꞌeyal ste taꞌn unqꞌa uxhchileꞌ uvaꞌ atik vatz u txꞌavaꞌeꞌ. As estiꞌeꞌ kat ul u kꞌaxkꞌoeꞌ stiꞌ. Asoj techal kat ul u kꞌaxkꞌoeꞌ tiꞌ unqꞌa tenameꞌ tan tiꞌ uvaꞌ yeꞌ kat inima, ¿as aꞌ kol oꞌ qꞌa yeꞌ la ul u kꞌaxkꞌoeꞌ sqiꞌ, asoj yeꞌ la kunima u yoleꞌ uvaꞌ ni tal u Tiixheꞌ sqe uveꞌ echen tu almikaꞌ?   
\m
\v 26 As tul kat yolon u Tiixheꞌ te unqꞌa tenameꞌ naꞌytzan, as kat tiin veꞌt u txꞌavaꞌeꞌ. Pet ech ni tal veꞌt umaꞌt u yol ileꞌ uvaꞌ alel taꞌn Aak:  
\q1 La ilej veꞌt umaꞌl u qꞌii uvaꞌ la untiinsa veꞌt u txꞌavaꞌeꞌ unpajte.  
\q1 As antu veꞌt u almikaꞌeꞌ la tiin svaꞌn, tiꞌk Aak.   
\m
\v 27 As tul ni tal Aak u yoleꞌ tiꞌ uvaꞌ la itiinsa veꞌt Aak u txꞌavaꞌeꞌ unpajte, as aꞌ isuuchileꞌ uvaꞌ la teesa veꞌt el Aak unqꞌa icheesaꞌmeꞌ abꞌiste uvaꞌ la tal Aak teleꞌ. Estiꞌeꞌ uvaꞌ aꞌ unqꞌa veeꞌ la kaa veꞌteꞌ uvaꞌ yeꞌ la isaꞌ Aak teesat el.   
\m
\v 28 Qaqꞌtaj taꞌntiixh te u Kubꞌaal Tiixheꞌ, tan kat toksa veꞌt ok oꞌ Aak xoꞌl u tenameꞌ uvaꞌ at jaqꞌ u tijleꞌm u Tiixheꞌ. As kunimataj Aak tiꞌ qaqꞌat taꞌntiixh te Aak tiꞌ u bꞌaꞌnileꞌ uvaꞌ ni taqꞌ Aak sqe. As kuxoꞌvataj Aak, tiꞌ uvaꞌ yeꞌ la kubꞌan u vaꞌlexheꞌ vatz Aak,   
\m
\v 29 tan ech Aakeꞌ echeꞌ umaj xamal uvaꞌ la tzꞌeꞌsan unqꞌa veeꞌ skajayil uvaꞌ yeꞌ bꞌaꞌn.   
\c 13  
\s1 Kam itxumbꞌal u meꞌal ikꞌaol u Tiixh la ibꞌaneꞌ  
\p
\v 1 Eyaꞌsak exoꞌnit etibꞌ sevatzaj, ex uvaꞌ ex meꞌal ikꞌaol u Tiixh.   
\m
\v 2 As eyaꞌsak etaqꞌat ivatbꞌal unqꞌa uxhchileꞌ uvaꞌ la oon tekabꞌal, tan at unqꞌa kumooleꞌ uvaꞌ yeꞌ kat bꞌen ste uvaꞌ antu veꞌt unqꞌa ángeleꞌ kat aqꞌax ivatbꞌal.   
\m
\v 3 As yeꞌ la esotzsa unqꞌa qitzꞌin qatzikeꞌ sekꞌuꞌl uveꞌ atoꞌk tu u kaarsa, tukꞌ uveꞌ ni yoqꞌpeꞌ. As eela kuxh stukꞌ uvaꞌ antu veꞌt ex ni palebꞌen u kꞌaxkꞌoeꞌ echeꞌ uveꞌ nipalebꞌe.   
\m
\v 4 As unqꞌa najeꞌ uvaꞌ at tixqel as moj unqꞌa ixojeꞌ uvaꞌ at itzumel, as jikoj chit la ibꞌaneꞌ tukꞌ vikꞌuleleꞌ. Tan la ibꞌan u Tiixheꞌ isuuchil u najeꞌ uveꞌ nichuk tixoj, as u ixojeꞌ uveꞌ nimoolineꞌ, as echat la ibꞌan Aak te unqꞌa uxhchileꞌ uveꞌ yeꞌl ikꞌulel ati, as nu kuxh ipaavineꞌ tukꞌ umaꞌt uxhchil.   
\m
\v 5 As yeꞌ kuxh etoksa etaama tiꞌ u puajeꞌ. Pet txuqꞌtxunoj kuxh ex tiꞌ vetetzeꞌ jankꞌal uveꞌ ati, tan ech ni tal u Tiixh ileꞌ:  
\q1 Yeꞌxh jatueꞌ la vaqꞌ kan ex sejunal.  
\q1 Pet at chit ineꞌ setiꞌ tiꞌ chit ibꞌeneꞌ, tiꞌk Aak.   
\m
\v 6 Estiꞌeꞌ yeꞌ la kuxaansa qaama. Pet la kukꞌujbꞌaꞌ kukꞌuꞌl tiꞌ Aak, tul ech la qal ileꞌ:  
\q1 Kꞌuxh kam kuxh la ibꞌan unqꞌa uxhchileꞌ sqe, as yeꞌl oꞌ la xoꞌv oꞌ,  
\q1 tan aꞌ u Kubꞌaal Tiixheꞌ la lochon oꞌ, chaj oꞌ la qaleꞌ.   
\p
\v 7 As la etitzꞌa uvaꞌ kam itxumbꞌal unqꞌa qitzꞌin qatzikeꞌ nik ibꞌan sexoꞌl uveꞌ ni ilon isuuchil vitenam u Tiixheꞌ, tan ech nibꞌaneꞌ echeꞌ unqꞌa xeen txooeꞌ. As etitzꞌataj kam ikuyat chajaak unqꞌa veeꞌ uvaꞌ kat ipalebꞌe. As eteesataj etexhlabꞌal tiꞌ u kꞌujlebꞌal ikꞌuꞌl chajaakeꞌ.   
\p
\v 8 As kꞌuxh yeꞌl chajaak cheel, as at chit veꞌt u Jesucristo sqiꞌ. As Aakeꞌ tixeꞌtebꞌal u qꞌii sajeꞌ. As an kuxh Aak cheel tiꞌ chit ibꞌeneꞌ.   
\m
\v 9 As yeꞌ la etaqꞌ tokebꞌal umaj vaꞌlexhla chusbꞌal uvaꞌ jit eela tukꞌ u jikla chusbꞌaleꞌ. As aal bꞌaꞌneꞌ uvaꞌ la yakꞌin veꞌt u qaanxelaleꞌ taꞌn vibꞌaꞌnil u Jesúseꞌ. Pet jit taꞌn unqꞌa echbꞌubꞌaleꞌ uvaꞌ tetz u bꞌaxa tzaqꞌiteꞌ, tan yeꞌxhkam nitxakon tiꞌ unqꞌa uxhchileꞌ tiꞌ iyakꞌin u taanxelaleꞌ.   
\p
\v 10 As at umaꞌl u uxhchil uvaꞌ kat kam sqiꞌ uvaꞌ ech tatineꞌ echeꞌ unqꞌa avaneꞌ uvaꞌ niyatzꞌax tu u tabernáculo taꞌn oksan iyol tenam vatz Tiixh. As aꞌeꞌ u Jesucristo. As jit umaj avan uvaꞌ kat kami tiꞌ uvaꞌ la echbꞌul vichiꞌoleꞌ.   
\m
\v 11 As ni teqꞌo ok viqꞌesal oksan iyol tenam vatz Tiixh vikajal unqꞌa avaneꞌ tu u Tiixhla atinbꞌaleꞌ tu jun yaabꞌ tiꞌ ijajat kuybꞌal tiꞌ vipaav unqꞌa tenameꞌ. Pet nitzꞌeꞌsal vichiꞌol unqꞌa avaneꞌ tiꞌeꞌl u tenameꞌ.   
\m
\v 12 As echat chit kat ibꞌan u Jesús, tan kat bꞌex yatzꞌpoj el Aak tiꞌeꞌl u tenameꞌ. As kat toksa veꞌt oꞌ Aak sitenam u Tiixheꞌ taꞌn vikajaleꞌ uvaꞌ kat el sqiꞌ, tiꞌ uvaꞌ yeꞌl veꞌt tetz u paaveꞌ sqiꞌ.   
\m
\v 13 As kat bꞌex yatzꞌpoj el u Cristo tiꞌeꞌl u tenameꞌ tiꞌ ichooat u kupaaveꞌ. Estiꞌeꞌ ni val sete, xekebꞌoj chit oꞌ tiꞌ u Cristoeꞌ. As yeꞌ la xekebꞌ oꞌ tiꞌ iyatzꞌax ok unqꞌa avaneꞌ tu u nachbꞌal Tiixheꞌ, kꞌuxh la eesal kuqꞌii taꞌn unqꞌa tenameꞌ echeꞌ uvaꞌ kat ulbꞌel Aak,   
\m
\v 14 tan tzitzaꞌ vatz u txꞌavaꞌeꞌ as yeꞌl qatinbꞌal ati uvaꞌ tiꞌ chit ibꞌeneꞌ. Pet aꞌ u qatinbꞌaleꞌ ni qil bꞌen uvaꞌ la atinkat oꞌ tiꞌ chit ibꞌeneꞌ.   
\m
\v 15 Estiꞌeꞌ uvaꞌ aꞌ u Jesucristoeꞌ la lochon oꞌ tiꞌ qoksat iqꞌii u Tiixheꞌ tiꞌ chit ibꞌeneꞌ tukꞌ unqꞌa yoleꞌ uvaꞌ ni tel chꞌuꞌl tu kutziꞌ, tan aꞌeꞌ ni bꞌanon ivaatzil kuyatzꞌat ok unqꞌa avaneꞌ vatz u Tiixheꞌ, oꞌ uvaꞌ oꞌ niman tetz Aak.   
\p
\v 16 As yeꞌ la eyaꞌsa ebꞌanat u bꞌaꞌneꞌ sevatzaj. As la etaqꞌ unbꞌooj vetetzeꞌ tiꞌ elochat unqꞌa uxhchileꞌ uvaꞌ yeꞌl tetz ati. As aꞌ u bꞌaꞌneꞌ uvaꞌ nisaꞌ u Tiixheꞌ uvaꞌ la ebꞌaneꞌ, tan aꞌ veꞌt ivaatzileꞌ tiꞌ iyatzꞌax ok unqꞌa avaneꞌ tu u nachbꞌal Tiixheꞌ.   
\m
\v 17 As enimataj unqꞌa eqꞌesaleꞌ uvaꞌ ni ilon isuuchil vitenam u Tiixheꞌ, tan at tijleꞌm chajaak tiꞌ tilat esuuchil. As at skꞌuꞌl chajaak uvaꞌ la ilej umaꞌl u qꞌii uvaꞌ tuknal tal chajaak isuuchil te u Tiixheꞌ tiꞌ uvaꞌ kam kat ibꞌan chajaak sexoꞌl. Estiꞌeꞌ uvaꞌ enimataj chit chajaak, aqꞌal uvaꞌ la chiibꞌ chajaak tiꞌ u taqꞌoneꞌ uvaꞌ nibꞌan vatz u Tiixheꞌ. As yeꞌ la inach chajaak ikꞌaxkꞌoil u aqꞌoneꞌ uvaꞌ nibꞌaneꞌ. As la txakon u taqꞌon chajaakeꞌ setiꞌ.   
\p
\v 18 As ebꞌantaj bꞌaꞌnil. As enachtaj chit Tiixh sqiꞌ, tan ootzimal sqaꞌn uvaꞌ bꞌaꞌn kuxh kutxumbꞌal vatz u Tiixheꞌ, tan aꞌ chit ni qaleꞌ uvaꞌ aꞌ koj chit u bꞌaꞌneꞌ la kubꞌan vatz Aak.   
\m
\v 19 As nunjaj bꞌaꞌnil sete uvaꞌ la chit enach Tiixh sviꞌ tiꞌ uvaꞌ yeꞌ la bꞌalax in tiꞌ bꞌen vilat ex.   
\s1 Itzojpebꞌal u yol  
\p
\v 20 U Tiixheꞌ ni bꞌanon uvaꞌ bꞌaꞌn qatin sukuvatzaj, as Aak kat ulsan taama u Jesucristo uvaꞌ ech tatineꞌ sqiꞌ echeꞌ umaj xeen kaneeroꞌ. As aꞌ vikajal u Jesúseꞌ uvaꞌ kat kꞌujbꞌaꞌn kan u akꞌ tzaqꞌiteꞌ uvaꞌ yeꞌl iyaꞌtebꞌal.   
\m
\v 21 As tiꞌ vikajal u Jesúseꞌ la taqꞌ kat u Tiixheꞌ etxumbꞌal tiꞌ ebꞌanat u bꞌaꞌneꞌ uvaꞌ nisaꞌ Aak. As ibꞌaꞌnil kuxh Aak as nebꞌaneꞌ kam uvaꞌ nisaꞌ Aak. Estiꞌeꞌ la qoksa veꞌt iqꞌii u Jesucristoeꞌ. An chiteꞌ.   
\p
\v 22 Kaꞌl kuxh unqꞌa yoleꞌ kat untzꞌibꞌa bꞌen sete, vitzꞌin vatzik. As nunjaj bꞌaꞌnil sete tiꞌ uvaꞌ la ekuy in tiꞌ unqꞌa yoleꞌ uvaꞌ kat untzꞌibꞌa bꞌen tiꞌ iyakꞌinsat etaama.   
\p
\v 23 As la val sete uvaꞌ kat chajpul veꞌt u qitzꞌin qatzikeꞌ u Timoteo. Asoj yeꞌ tuk bꞌalaxtoj aak tiꞌ tul sunkꞌatz, as la bꞌen qil ex tukꞌ aak.   
\p
\v 24 As la unjaj bꞌaꞌnil sete tiꞌ uvaꞌ la etaqꞌ untzii te unqꞌa qitzꞌin qatzikeꞌ uvaꞌ ni ilon isuuchil vitenam u Tiixheꞌ, as tukꞌ te kaꞌt unqꞌa qitzꞌin qatzikeꞌ. As unqꞌa qitzꞌin qatzikeꞌ uvaꞌ echen tzitzaꞌ tu u Italia, as ni taqꞌ bꞌen itzii sete unpajte.   
\p
\v 25 As aꞌ vibꞌaꞌnil u Tiixheꞌ la atin setiꞌaj sekajayil. An chiteꞌ.