\id 2CO  - Ixil, Nebaj NT (ixi) -Guatemala 2010 (DBL -2013) 
\h 2 CORINTIOS 
\toc1 Ikaꞌv uꞌuj uvaꞌ itzꞌibꞌa bꞌen u Pablo te unqꞌa aa Corinto uvaꞌ ni niman u Jesús 
\toc2 2 Corintios 
\toc3 2 Co 
\mt1 Ikaꞌv uꞌuj  
\mt2 uvaꞌ itzꞌibꞌa bꞌen u Pablo  
\mt1 te unqꞌa aa Corinto  
\mt2 uvaꞌ ni niman u Jesús  
\c 1  
\s1 Ni taqꞌ bꞌen u Pablo itzii  
\p
\v 1 Ineꞌ in Pablo. As in apóstol tetz u Jesucristo, tan echeꞌ uvaꞌ nisaꞌ u Tiixheꞌ. As in tukꞌ u qitzꞌin qatzikeꞌ u Timoteo ni aqꞌon bꞌen u uꞌujeꞌ sete, jankꞌal ex uvaꞌ ex itenam Tiixh uveꞌ echen tu u tenam uvaꞌ Corinto tukꞌ ex uvaꞌ echen ex tu u Acaya skajayil.   
\m
\v 2 Aꞌ u Kubꞌaal Tiixheꞌ tukꞌ u Kubꞌaal Jesucristo la aqꞌon vibꞌaꞌnileꞌ setiꞌaj tiꞌ uvaꞌ bꞌaꞌn etatineꞌ sevatzaj.   
\s1 Ni tal u Pablo tiꞌ unqꞌa kꞌaxkꞌo uvaꞌ nipalebꞌe  
\p
\v 3 Qoksataj iqꞌii u Kubꞌaal Tiixheꞌ, viBꞌaal u Jesucristo, tan Aakeꞌ ni txumun kuvatz. As yeꞌ niyaꞌ Aak tiꞌ iyakꞌinsat u qaanxelaleꞌ.   
\m
\v 4 As tul nu kupalebꞌe unqꞌa kꞌaxkꞌoeꞌ, as niyakꞌinsa Aak u qaanxelaleꞌ, aqꞌal uvaꞌ la kuyakꞌinsa u taanxelal unqꞌa qitzꞌin qatzikeꞌ, tul la ipalebꞌe u kꞌaxkꞌoeꞌ. As kam chit iyakꞌinsat Aak u qaanxelaleꞌ, as echat chit kuyakꞌinsat taanxelal unqꞌa qitzꞌin qatzikeꞌ uveꞌ ni palebꞌen unqꞌa kꞌaxkꞌoeꞌ.   
\m
\v 5 As kꞌuxh nimal unqꞌa kꞌaxkꞌoeꞌ nu kupalebꞌe echeꞌ uvaꞌ kat ipalebꞌe u Cristo, as nimal vibꞌaꞌnil u Cristo nibꞌan sqiꞌ unpajte tiꞌ iyakꞌinsal u qaanxelaleꞌ.   
\m
\v 6 As tul nu kupalebꞌe unqꞌa kꞌaxkꞌoeꞌ, as setiꞌeꞌ la txakonkat. As aꞌeꞌ la yakꞌinsan vetaanxelaleꞌ. As tul niyakꞌinsa Aak u qaanxelaleꞌ, as tiꞌ iyakꞌinsal etaanxelal nibꞌankat Aak, tan aꞌ nisaꞌ Aak uvaꞌ la iloch ex Aak tiꞌ ekuyat unqꞌa kꞌaxkꞌoeꞌ echeꞌ uveꞌ nu kubꞌaneꞌ.   
\m
\v 7 As yeꞌ la kaꞌkabꞌin qaama setiꞌ, tan ootzimal sqaꞌn uvaꞌ nekuy unqꞌa kꞌaxkꞌoeꞌ uvaꞌ nepalebꞌe echeꞌ nu kubꞌaneꞌ tul nu kupalebꞌe unqꞌa kꞌaxkꞌoeꞌ. As niyakꞌin vetaanxelaleꞌ echeꞌ iyakꞌin u qaanxelaleꞌ.   
\p
\v 8 As aꞌ ni qaleꞌ, vitzꞌin vatzik, uvaꞌ la etootzi kam unqꞌa kꞌaxkꞌoeꞌ uveꞌ kat kupalebꞌe tu u Asia, tan tii chit unqꞌa kꞌaxkꞌoeꞌ uveꞌ kat kupalebꞌe. As kat qitzꞌa veꞌteꞌ uvaꞌ yeꞌ la olebꞌ veꞌt oꞌ tiꞌ kukuyat unqꞌa kꞌaxkꞌoeꞌ. As kat qal jeꞌ sqe uvaꞌ kamal la kam veꞌt oꞌ uvaꞌ nik qaleꞌ.   
\m
\v 9 As ech veꞌt oꞌeꞌ echeꞌ umaj uxhchil uvaꞌ ni talax ikameꞌ uvaꞌ nik qal jeꞌ sqe, aqꞌal uvaꞌ yeꞌ la kukꞌujbꞌaꞌ jeꞌ kukꞌuꞌl tiꞌ u kutxumbꞌaleꞌ. Pet la kukꞌujbꞌaꞌ kukꞌuꞌl tiꞌ u Tiixheꞌ, uvaꞌ ni ulsan taama unqꞌa kamnajeꞌ.   
\m
\v 10 As Aakeꞌ kat qꞌalpun veꞌt oꞌ vatz unqꞌa kꞌaxkꞌoeꞌ. As kꞌujleꞌl kukꞌuꞌl tiꞌ Aak uvaꞌ la ikol oꞌ Aak vatz u kamchileꞌ,   
\m
\v 11 asoj la eloch oꞌ tiꞌ enachat Tiixh sqiꞌ. As nimal ex la oksan veꞌt iqꞌii Aak tiꞌ etaqꞌat taꞌntiixh te Aak tul uvaꞌ la etabꞌi uvaꞌ kat iloch veꞌt oꞌ Aak vatz unqꞌa kꞌaxkꞌoeꞌ, tan tiꞌ uvaꞌ nenach Tiixh sqiꞌ.   
\s1 Ni tal u Pablo uvaꞌ kam stiꞌ yeꞌ kat bꞌen tu u Corinto  
\p
\v 12 As nu kutxuqꞌtxuneꞌ, tan ootzimal sqaꞌn uvaꞌ yeꞌl umaj vaꞌlexh kat kubꞌan tiꞌ unqꞌa tenameꞌ, katil uvaꞌ kat palkat oꞌ. As echat kat kubꞌana tul kat pal oꞌ sexoꞌl, tan jik chit kutxumbꞌal kat kubꞌana, tan Tiixh kat aqꞌon u kutxumbꞌaleꞌ. As jit tukꞌ unqꞌa vatz txꞌavaꞌilla txumbꞌaleꞌ kat kubꞌankat unqꞌa jikla txumbꞌaleꞌ sexoꞌl. Pet tukꞌ vibꞌaꞌnil u Tiixheꞌ kat kubꞌankat.   
\m
\v 13 As jankꞌal unqꞌa yoleꞌ uvaꞌ nu kutzꞌibꞌa bꞌen sete, as la uch esikꞌletaꞌ. As la etootzi veꞌt skajayil. As aꞌ ni valeꞌ   
\m
\v 14 uvaꞌ kam chit etootzit unbꞌiil u kutxumbꞌaleꞌ uvaꞌ kat kubꞌan sexoꞌl, as echat etootzit veꞌteꞌ uvaꞌ techal la txuqꞌtxun veꞌt ex sqiꞌ echeꞌ oꞌ, tan la txuqꞌtxun veꞌt oꞌ setiꞌ tu u qꞌiieꞌ uvaꞌ la ul u Kubꞌaal Jesús unpajte.   
\p
\v 15 As kꞌujleꞌl chit unkꞌuꞌl tiꞌ uvaꞌ ech la ibꞌaneꞌ. Estiꞌeꞌ uvaꞌ kat val veꞌt voon sexoꞌl tikaꞌpa, aqꞌal uvaꞌ la chiibꞌ veꞌt ex sviꞌ. As la chiibꞌ veꞌt oꞌ tiꞌ tilat tibꞌ kuvatz unpajte,   
\m
\v 16 tan kat vitzꞌa uvaꞌ la pal vil ex tul la bꞌen in tu u Macedonia. As la qꞌaavik tzan in sexoꞌl unpajte uvaꞌ nik valeꞌ, aqꞌal uvaꞌ la eloch in tiꞌ uvaꞌ kam nisaꞌvit sviꞌ tiꞌ unbꞌen tu u Judea.   
\m
\v 17 As moj tul kat val voon sexoꞌl as yeꞌ kat uch unbꞌeneꞌ, as kamal netaleꞌ uvaꞌ yeꞌ kat vitzꞌa sbꞌaꞌn tiꞌ valat unbꞌeneꞌ. ¿As moj netitzꞌa sviꞌ uvaꞌ vatz txꞌavaꞌilla txumbꞌal kuxh vuntxumbꞌaleꞌ echeꞌ nibꞌan unqꞌa tenameꞌ? ¿As moj netitzꞌa uvaꞌ kat kuxh vala uvaꞌ la bꞌen in? chꞌin kat vala. As kat val veꞌt unpajte, ¿uvaꞌ yeꞌl in la bꞌen in? ¡As nisotz ekꞌuꞌleꞌ bꞌa!   
\m
\v 18 Tan jitꞌeꞌch kutxumbꞌaleꞌ nu kubꞌaneꞌ, as jik chiteꞌ u yoleꞌ uveꞌ ni qal sete. As la pal ex stuul uvaꞌ jik chiteꞌ u Tiixheꞌ as jik chiteꞌ u yoleꞌ uvaꞌ ni qal sete unpajte. As jit aꞌ ni qaleꞌ uvaꞌ an chiteꞌ chaj oꞌ bꞌaxa, as la qal veꞌteꞌ uvaꞌ yeꞌle chaj oꞌ unpajte.   
\m
\v 19 As u Jesucristo, viKꞌaol u Tiixheꞌ, uvaꞌ ni qal isuuchil sete, in tukꞌ u Silvano tukꞌ u Timoteo, as jik chiteꞌ viyol Aakeꞌ. As jitꞌeꞌch iyolon Aakeꞌ uvaꞌ kano, chaj Aak bꞌaxa, as yeꞌle la ibꞌaneꞌ, chaj veꞌt Aak unpajte. Pet ni chit ibꞌan Aak kam uvaꞌ ni tal Aak.   
\m
\v 20 As jankꞌal unqꞌa veeꞌ alel kan sqiꞌ taꞌn u Tiixheꞌ uvaꞌ la taqꞌ Aak sqe, as ni chit ibꞌan Aak taꞌn u Jesucristoeꞌ. As estiꞌeꞌ ni qaleꞌ uvaꞌ an chiteꞌ, chꞌoꞌ ni qaleꞌ tiꞌ qoksat iqꞌii u Tiixheꞌ.   
\m
\v 21 As an chit u Tiixheꞌ ni yakꞌinsan u kꞌujlebꞌal kukꞌuꞌleꞌ setukꞌ tiꞌ u Cristo. As Aakeꞌ kat bꞌanon bꞌaꞌnil sqe.   
\m
\v 22 As kat toksa veꞌt Aak qexhlal uvaꞌ oꞌ veꞌt tetz Aak, tan kat toksa veꞌt Aak u Tiixhla Espíritu tu u qaanxelaleꞌ, texhlal tetz uvaꞌ la chit ibꞌan Aak jankꞌal uvaꞌ alel kan taꞌn Aak uvaꞌ la ibꞌan Aak sqiꞌ.   
\p
\v 23 As aꞌ u Tiixheꞌ ootzin tetz uvaꞌ kam stiꞌ yeꞌ kat oon veꞌt in sexoꞌl unpajte, tan tiꞌ uvaꞌ yeꞌ la bꞌen untxumunsa etaama. As estiꞌeꞌ yeꞌ kat oon in tu u Corinto.   
\m
\v 24 As jit aꞌ ni valeꞌ uvaꞌ oꞌ la alon sete kam la ebꞌaneꞌ tul nimamal u Tiixheꞌ setaꞌn. Pet aꞌ ni valeꞌ uvaꞌ la kuloch ex tiꞌ uvaꞌ la chiibꞌ ex sevatzaj, tan ootzimal svaꞌn uvaꞌ kꞌujleꞌl chit ekꞌuꞌl tiꞌ Aak.   
\c 2  
\p
\v 1 Estiꞌeꞌ kat val veꞌt jeꞌ sve uvaꞌ yeꞌ la bꞌen untxumunsa vetaanxelaleꞌ tul la oon in sexoꞌl unpajte.   
\m
\v 2 Tan asoj la kuxh bꞌen untxumunsa ex, ¿as abꞌil qꞌi la chiibꞌisan veꞌt in? Tan aꞌ ni valeꞌ uvaꞌ ex la chiibꞌisan in.   
\m
\v 3 As tul kat untzꞌibꞌa bꞌen u uꞌujeꞌ sete bꞌaxa, as tii unbꞌiil unqꞌa yoleꞌ uvaꞌ kat val sete, tan aꞌ kat vala uvaꞌ la ejalpu vetxumbꞌaleꞌ. As yeꞌ la etxumunsa vaama tul la oon in sexoꞌl, tan exeꞌ la chiibꞌisan in uveꞌ nik valeꞌ. As kꞌujlik chit unkꞌuꞌl setiꞌ tiꞌ uvaꞌ eela kuchiibꞌ skukajayil la ibꞌaneꞌ.   
\m
\v 4 As tul uvaꞌ kat untzꞌibꞌa bꞌen u bꞌaxa uꞌujeꞌ sete, as tukꞌ chit txumuꞌm tukꞌ chit oqꞌel kat untzꞌibꞌa bꞌen tan yeꞌ vootzalike moj bꞌaꞌn la bꞌen sete moj yeꞌle. As tiꞌ koj etxumunsaleꞌ kat untzꞌibꞌakat bꞌen u yoleꞌ sete, pet tiꞌ uvaꞌ la etootzi uvaꞌ xoꞌn chit veꞌt ex sve.   
\s1 Nisotzsa u Pablo ipaav u uxhchileꞌ uveꞌ ni bꞌanon u vaꞌlexheꞌ ste  
\p
\v 5 As echeꞌ u uxhchileꞌ uvaꞌ kat txumunsan in as jit kuxh ineꞌ kat itxumunsa in, pet at ex kat txumun ex staꞌn unpajte. As jit aꞌ ni valeꞌ uvaꞌ la bꞌanchu umaj vaꞌlexh ste.   
\m
\v 6 Pet kat kuxh ibꞌanlu veꞌteꞌ kam uvaꞌ kat ebꞌan te u uxhchileꞌ tiꞌ ijikbꞌaꞌl vitxumbꞌaleꞌ, tan nimal ex uvaꞌ kat ikꞌul tibꞌ eyol tiꞌ u kꞌaxkꞌoeꞌ uvaꞌ kat ebꞌan ste.   
\m
\v 7 Pet aal la esotzsa veꞌt ipaav cheel. As la eyakꞌinsa taama, aqꞌal uvaꞌ yeꞌ la yan veꞌt u taanxelaleꞌ taꞌn txumuꞌm.   
\m
\v 8 Estiꞌeꞌ ni val veꞌt sete uvaꞌ la ekꞌuch u bꞌaꞌneꞌ te u uxhchileꞌ unpajte, aqꞌal uvaꞌ la bꞌen ste uvaꞌ xoꞌn chit veꞌt sete.   
\m
\v 9 As estiꞌeꞌ uvaꞌ kat untzꞌibꞌa bꞌen u uꞌujeꞌ sete bꞌaxa, tan aꞌ ni valeꞌ uvaꞌ la vootzi ma la enima unqꞌa yoleꞌ uvaꞌ ni val sete moj yeꞌle.   
\m
\v 10 Tan abꞌil uvaꞌ la esotzsa ipaav tiꞌ umaj vaꞌlexh uvaꞌ kat ibꞌan sexoꞌl, as la unsotzsa ipaav unpajte. Asoj an chittuꞌ uvaꞌ kat ibꞌan u uxhchileꞌ umaj vaꞌlexh, as vatz u Jesucristo la unsotzsakat ipaav. Pet tiꞌ elochpeꞌ sekajayil nunbꞌankat,   
\m
\v 11 aqꞌal uvaꞌ yeꞌ la olebꞌ u Satanás tiꞌ iyansat u kutxumbꞌaleꞌ, tan at sukukꞌuꞌl uvaꞌ nichuk u Satanás txumbꞌal sqiꞌ.   
\s1 Ni tal u Pablo uvaꞌ nik ixaan taama tul atik tu u Troas  
\p
\v 12 As tul kat oon veꞌt in tu u tenam uvaꞌ Troas tiꞌ unpaxsat u bꞌaꞌnla yoleꞌ tiꞌ u Cristoeꞌ, as kat vil veꞌteꞌ uvaꞌ aꞌ u Kubꞌaal Tiixheꞌ kat bꞌanon uvaꞌ nik isaꞌ unqꞌa tenameꞌ tabꞌil u bꞌaꞌnla yoleꞌ uvaꞌ nik valeꞌ.   
\m
\v 13 As nikat ixaan veꞌt vaama tul atik in tzitziꞌ, tan yeꞌl u qitzꞌin qatzikeꞌ nik tuleꞌ uvaꞌ Tito. Estiꞌeꞌ uveꞌ kat vaqꞌ veꞌt kan unqꞌa uxhchileꞌ tu u Troas. As kat bꞌen veꞌt in tu u Macedonia tiꞌ unkꞌulat vibꞌ tukꞌ u Tito.\f + \fr 2.13 \ft Kat oon veꞌt u Tito kꞌatz u Pablo tu u Macedonia. As bꞌaꞌn veꞌt u yoleꞌ uvaꞌ bꞌex tal u Tito te u Pablo tiꞌ unqꞌa aa Corinto. As bꞌex tal veꞌt u Tito te u Pablo tiꞌ uvaꞌ kat nimal viyol u Pablo taꞌn unqꞌa aa Corinto. Estiꞌeꞌ nitxuqꞌtxun veꞌt u Pablo tul itzꞌibꞌat Ikaꞌv u uꞌujeꞌ te unqꞌa aa \xt 2 Corintios 2.14-17\ft . As at kaꞌt unqꞌa yol tu capítulo 7.5-16 uvaꞌ kat tal u Pablo tiꞌ u Tito.\f*   
\s1 Ni taqꞌ u Pablo taꞌntiixh te u Tiixheꞌ tiꞌ u bꞌaꞌnla yoleꞌ uvaꞌ nipaxsal tulaj unqꞌa tenameꞌ  
\p
\v 14 As ni vaqꞌ taꞌntiixh te u Tiixheꞌ, tan tukꞌ vibꞌaꞌnil u Cristoeꞌ, as bꞌaꞌn ni qelkat staꞌn. As nitxakonsa oꞌ Aak tiꞌ ipaxsal u bꞌaꞌnla yoleꞌ tulaj unqꞌa tenameꞌ. As tul nu kupaxsa u bꞌaꞌnla yoleꞌ xoꞌl unqꞌa tenameꞌ tiꞌ uvaꞌ la tootzi unqꞌa tenameꞌ u bꞌaꞌnla yoleꞌ, as ech chiteꞌ echeꞌ txꞌumtxꞌulla tzꞌakabꞌal,   
\m
\v 15 tan vatz u Tiixheꞌ as ech oꞌeꞌ echeꞌ txꞌumtxꞌulla tzꞌakabꞌal tul nu kupaxsa u bꞌaꞌnla yoleꞌ tiꞌ u Cristoeꞌ xoꞌl unqꞌa tenameꞌ uvaꞌ ni niman, as tukꞌ xoꞌl unqꞌa tenameꞌ uveꞌ yeꞌ ni niman.   
\m
\v 16 As vatz unqꞌa tenameꞌ uvaꞌ yeꞌ ni niman, as ech kupaxsat u bꞌaꞌnla yoleꞌ svatz echeꞌ umaj kam uvaꞌ vaꞌl ixeval. As yeꞌl itiichajil unqꞌa tenameꞌ kꞌatz u Tiixheꞌ la ibꞌaneꞌ, tan yeꞌ ninima u bꞌaꞌnla yoleꞌ. Pet ech koj unqꞌa tenameꞌ uvaꞌ ni niman, tan ech kupaxsat u bꞌaꞌnla yoleꞌ svatz echeꞌ txꞌumtxꞌulla tzꞌakabꞌal, tan at itiichajil unqꞌa tenameꞌ kꞌatz u Tiixheꞌ staꞌn. As ech nibꞌaneꞌ tul nipaxsal u bꞌaꞌnla yoleꞌ tiꞌ u Cristoeꞌ tulaj unqꞌa tenameꞌ. As yeꞌxh jankꞌal unqꞌa uxhchileꞌ uvaꞌ aqꞌel ste tiꞌ uvaꞌ la ipaxsa u bꞌaꞌnla yoleꞌ. Pet ech koj oꞌ, tan aqꞌel sqe uvaꞌ la kupaxsa u bꞌaꞌnla yoleꞌ,   
\m
\v 17 tan jitꞌeꞌch kupaxsat u bꞌaꞌnla yoleꞌ echeꞌ uveꞌ nibꞌan unjoltu unqꞌa uxhchileꞌ uvaꞌ aꞌ kuxh ni titzꞌa itxꞌakat ipuaj tiꞌ ipaxsal viyol u Tiixheꞌ. Pet jik chit ni qal isuuchil u yoleꞌ vatz u Tiixheꞌ, tan Aakeꞌ kat chajon oꞌ tiꞌ kupaxsataꞌ. As tiꞌ uvaꞌ at veꞌt ok oꞌ kꞌatz u Cristo, as estiꞌeꞌ nu kupaxsa u bꞌaꞌnla yoleꞌ tiꞌ Aak.   
\c 3  
\s1 Aꞌ u Jesús kat kꞌujbꞌaꞌn kan u Pablo tiꞌ talax isuuchil u akꞌ tzaqꞌiteꞌ  
\p
\v 1 Pet jit tiꞌ uvaꞌ la ekꞌul oꞌ ni qalkat unqꞌa yoleꞌ sete unpajte. As jit tzꞌajinal la qeqꞌo tzan umaj uꞌuj tiꞌ uvaꞌ la ekꞌul oꞌ echeꞌ uveꞌ nibꞌan unkaꞌt unqꞌa uxhchileꞌ. As mitaꞌn la kujaj umaj uꞌuj sete tiꞌ uvaꞌ la kꞌulpu veꞌt oꞌ xoꞌl joltu unqꞌa tenameꞌ.   
\m
\v 2 As bꞌenameen ni qulsa ex sukukꞌuꞌl, tan ech u bꞌaꞌneꞌ uvaꞌ nebꞌan sevatzaj echeꞌ umaj uꞌuj uvaꞌ la sikꞌleli taꞌn unjoltu unqꞌa tenameꞌ tiꞌ tootzitaꞌ uvaꞌ jik chit chusel ex tiꞌ u bꞌaꞌnla yoleꞌ tiꞌ u Cristoeꞌ.   
\m
\v 3 As ootzimal ex taꞌn unqꞌa tenameꞌ uvaꞌ nimamal viyol u Cristoeꞌ setaꞌn echeꞌ uvaꞌ kat bꞌex qal sete. As jitꞌeꞌch exeꞌ echeꞌ u tzꞌibꞌeꞌ uvaꞌ tzꞌibꞌamal vatz u lepkin kꞌubꞌeꞌ moj vatz u uꞌujeꞌ. Pet la til ex unqꞌa tenameꞌ uvaꞌ atoꞌk u bꞌaꞌnla yoleꞌ tu vetaanxelaleꞌ taꞌn u Tiixhla Espíritu uvaꞌ aqꞌel sete taꞌn u islich Tiixheꞌ.   
\p
\v 4 As yeꞌ nu kuxoꞌveꞌ tiꞌ qalat unqꞌa yoleꞌ setiꞌ, tan kꞌujleꞌl chit kukꞌuꞌl tiꞌ u Tiixheꞌ taꞌn u Cristo.   
\m
\v 5 As yeꞌ ni qaleꞌ uvaꞌ la olebꞌ oꞌ skujunal tiꞌ ipaxsal u bꞌaꞌnla yoleꞌ tiꞌ u Cristo xoꞌl unqꞌa tenameꞌ. Pet aꞌ u Tiixheꞌ ni aqꞌon kutxumbꞌal stiꞌ.   
\m
\v 6 As Aakeꞌ kat aqꞌon kutxumbꞌal tiꞌ qalat isuuchil u akꞌ tzaqꞌiteꞌ tiꞌ u Cristo. As jit u tzaqꞌiteꞌ ni qal isuuchil uvaꞌ tzꞌibꞌamal kan vatz u lepkin kꞌubꞌeꞌ. Pet tiꞌ u akꞌ txumbꞌaleꞌ as tiꞌ u Tiixhla Espíritu ni qalkat, tan yeꞌ la ibꞌaneꞌ uvaꞌ at kutiichajil kꞌatz u Tiixheꞌ taꞌn u tzaqꞌiteꞌ uvaꞌ tzꞌibꞌamal kan vatz u kꞌubꞌeꞌ. Pet ech koj u Tiixhla Espíritu, tan at kutiichajil kꞌatz u Tiixheꞌ staꞌn.   
\p
\v 7 As u tzaqꞌiteꞌ uvaꞌ tzꞌibꞌamalik kan vatz u kꞌubꞌeꞌ, uvaꞌ nik eqꞌon unqꞌa tenameꞌ tu u kamchileꞌ, as teqꞌo veꞌt taama unqꞌa tenameꞌ stiꞌ. As yeꞌ nik itxꞌak unqꞌa tenameꞌ isajit vilitzꞌkabꞌan vivatz u Moisés, as kꞌuxh qꞌoon kuxh nikat ipal veꞌt ilitzꞌkabꞌan vivatzeꞌ.   
\m
\v 8 Pet nim talcheꞌ u akꞌ tzaqꞌiteꞌ tiꞌ u tzaqꞌiteꞌ uvaꞌ tzꞌibꞌamal kan vatz u kꞌubꞌeꞌ. As ni tok u Tiixhla Espíritu tu u qaanxelaleꞌ taꞌn u akꞌ tzaqꞌiteꞌ.   
\m
\v 9 As u bꞌaxa tzaqꞌiteꞌ, as nik toksal iqꞌii, kꞌuxh yeꞌ kat ok oꞌ jikla aamail staꞌn, tan tiꞌ uvaꞌ yeꞌ ni qolebꞌeꞌ tiꞌ kunimataꞌ. ¿As aꞌ kol yeꞌ nibꞌan u akꞌ tzaqꞌiteꞌ qꞌa? Tan xoꞌvebꞌal talcheꞌ tiꞌ u bꞌaxa tzaqꞌiteꞌ, tan aꞌeꞌ ni oksan oꞌ jikla aamail vatz u Tiixheꞌ.   
\m
\v 10 As kꞌuxh nik toksal iqꞌii u tzaqꞌiteꞌ uvaꞌ tzꞌibꞌamal kan vatz u kꞌubꞌeꞌ, as tul kat ilpu vibꞌaꞌnil u akꞌ tzaqꞌiteꞌ, as kat el veꞌt iqꞌii u bꞌaxa tzaqꞌiteꞌ.   
\m
\v 11 As kꞌuxh nik tosal iqꞌii u bꞌaxa tzaqꞌiteꞌ uvaꞌ kat pal viyakꞌileꞌ, as aal kat ok veꞌt iqꞌii u akꞌ tzaqꞌiteꞌ uvaꞌ yeꞌ la pal viyakꞌileꞌ.   
\p
\v 12 As tiꞌ uvaꞌ ootzimal sqaꞌn uvaꞌ at pal viyakꞌil u akꞌ tzaqꞌiteꞌ tiꞌ u bꞌaxa tzaqꞌiteꞌ, as estiꞌeꞌ yeꞌ nu kuxoꞌveꞌ tiꞌ qalat isuuchil u yoleꞌ sete.   
\m
\v 13 As jitꞌeꞌch nu kubꞌaneꞌ echeꞌ uvaꞌ nik ibꞌan u Moisés tul nik toksa aak umaꞌl u suꞌt jaqꞌ ivatz, tiꞌ uvaꞌ yeꞌ la til unqꞌa tenameꞌ ipal iyakꞌil ilitzꞌkabꞌan vivatzeꞌ.   
\m
\v 14 Pet yeꞌ kat pal unqꞌa tiaal Israel stuul. As echat chit cheel, tan tul nik isikꞌlel tu u Oꞌt Testamento uvaꞌ kꞌujlik kan, as yeꞌ nipal unqꞌa tenameꞌ stuul, tan at umaꞌl u vaaꞌ ni majon vitxumbꞌaleꞌ uvaꞌ echeꞌ u suꞌteꞌ uvaꞌ atik ok jaqꞌ ivatz u Moisés. As yeꞌxhkam eloj. As lanal ok veꞌt unqꞌa tenameꞌ kꞌatz u Cristoeꞌ, as aꞌn la pal veꞌteꞌ stuul.   
\m
\v 15 Pet antel kuxh isikꞌlel unqꞌa yoleꞌ cheel uvaꞌ itzꞌibꞌa kan u Moisés. Pet yeꞌ nipal unqꞌa tenameꞌ stuul, tan majel vitxumbꞌaleꞌ tiꞌ tootzil isuuchil u yoleꞌ echeꞌ u suꞌteꞌ uvaꞌ nik majon ivatz u Moisés vatz unqꞌa tenameꞌ.   
\m
\v 16 Pet tul la ikꞌaxa tibꞌ umaj uxhchil tiꞌ tok kꞌatz u Kubꞌaal Jesús, as aꞌn la pal veꞌt u uxhchileꞌ tisuuchil u yoleꞌ, tan kat el veꞌt u veeꞌ ni majon vitxumbꞌaleꞌ.   
\m
\v 17 As unvatzul kuxh u Kubꞌaal Jesús tukꞌ u Tiixhla Espíritu. As abꞌil at u Tiixhla Espíritu skꞌatz taꞌn u Kubꞌaal Jesús, as maꞌt tel chꞌuꞌl kꞌatz u bꞌaxa tzaqꞌiteꞌ. As ninima veꞌt u akꞌ tzaqꞌiteꞌ.   
\m
\v 18 As jankꞌal oꞌ uvaꞌ jit majel u kutxumbꞌaleꞌ, as niqoksa veꞌt iqꞌii u Jesús. As aal nijalpu veꞌt Aak u kutxumbꞌaleꞌ. As ni taqꞌ veꞌt Aak vitxumbꞌaleꞌ sqe tiꞌ uvaꞌ ech veꞌt u kutxumbꞌaleꞌ echeꞌ vitxumbꞌal Aakeꞌ. As aꞌ u Kubꞌaal Jesús ni bꞌanon, uvaꞌ unvatzul kuxh veꞌt Aak tukꞌ u Tiixhla Espíritu.   
\c 4  
\p
\v 1 As estiꞌeꞌ yeꞌ la kaꞌkabꞌin qaama tiꞌ kupaxsat u bꞌaꞌnla yoleꞌ sexoꞌl, tan kat itxum u Tiixheꞌ kuvatz. As kat taqꞌ Aak u qijleꞌmeꞌ tiꞌ kupaxsat u bꞌaꞌnla yoleꞌ.   
\m
\v 2 As kat qitzꞌa uvaꞌ yeꞌ la kubꞌan unqꞌa vaꞌlexhla txumbꞌaleꞌ uveꞌ nu kuxh ijutxil ibꞌancheꞌ uveꞌ chꞌixubꞌal chit talpeꞌ, tan yeꞌxhebꞌil nu kumaxtibꞌe. As yeꞌl isuuchil u bꞌaꞌnla yoleꞌ nu kujalpu vatz u Tiixheꞌ. Pet jik chit ni qal isuuchil. As nu kukꞌuch veꞌt vatz unqꞌa tenameꞌ uveꞌ jik chit u kutxumbꞌaleꞌ nu kubꞌaneꞌ.   
\m
\v 3 Pet asoj at unqꞌa uxhchileꞌ uvaꞌ yeꞌ paloj tu visuuchil u bꞌaꞌnla yoleꞌ uvaꞌ nu kupaxsa tiꞌ u Cristo, as aꞌ uxhchileꞌ uvaꞌ yeꞌl itiichajil ati kꞌatz u Tiixheꞌ,   
\m
\v 4 tan aꞌ u txꞌiꞌlanajeꞌ uveꞌ ni toksa tibꞌ tiixhil vatz u txꞌavaꞌeꞌ ni sotzsan ikꞌuꞌl unqꞌa uxhchileꞌ uveꞌ yeꞌ ni niman u Tiixheꞌ. Estiꞌeꞌ yeꞌ ni pal veꞌt unqꞌa uxhchileꞌ tu visuuchil u bꞌaꞌnla yoleꞌ tiꞌ toksal iqꞌii u Cristo uvaꞌ la txijun u taanxelal unqꞌa uxhchileꞌ. As tul unvatzul kuxh u Cristo tukꞌ u Kubꞌaal Tiixheꞌ.   
\m
\v 5 As jit oꞌ ni qal qibꞌ uvaꞌ oꞌ veBꞌooqꞌoleꞌ. Pet aꞌ isuuchil u yoleꞌ uveꞌ nu kupaxsa sexoꞌl uvaꞌ aꞌ u Jesucristo u kuBꞌooqꞌoleꞌ. As ni qoksa qibꞌ lochol etetz tiꞌ etootzit isuuchil vibꞌaꞌnil Aakeꞌ.   
\m
\v 6 As u Tiixheꞌ kat alon uvaꞌ la txijun u sajeꞌ tu u toktoeꞌ. As Aakeꞌ u txijun tetz u qaanxelaleꞌ, aqꞌal uvaꞌ la pal oꞌ stuul tiꞌ qoksat iqꞌii u Tiixheꞌ uvaꞌ nikꞌuch u Jesucristo sqe.   
\s1 Ni tal u Pablo uvaꞌ kꞌujleꞌl chit ikꞌuꞌl, kꞌuxh nipalebꞌe u kꞌaxkꞌoeꞌ  
\p
\v 7 As ech qatineꞌ echeꞌ umaj tzꞌaj xhiꞌl uvaꞌ yeꞌ tii ipaxeꞌ, as aqꞌel veꞌt sqe taꞌn u Tiixheꞌ tiꞌ ipaxsal u bꞌaꞌnla yoleꞌ tiꞌ u Cristo uvaꞌ ech veꞌt tatineꞌ echeꞌ umaj kam uvaꞌ nim ijaꞌmil. Estiꞌeꞌ la til veꞌt unqꞌa tenameꞌ uvaꞌ jit oꞌ ni aqꞌon iyakꞌil u yoleꞌ. Pet aꞌ u Tiixheꞌ ni aqꞌon iyakꞌil.   
\m
\v 8 As mamaꞌla kꞌaxkꞌo nu kupalebꞌe. As yeꞌl oꞌ nipal kukꞌuꞌl. As kꞌuxh nixaan qaama taꞌn unqꞌa kꞌaxkꞌoeꞌ, as yeꞌl u kꞌujlebꞌal kukꞌuꞌleꞌ nu kutzꞌejeꞌ.   
\m
\v 9 As nu kutiluleꞌ. As yeꞌl oꞌ ni qelebꞌel kan. As kꞌuxh at uxhchil ni alon kuyatzꞌpeꞌ, as yeꞌ ni tolebꞌ sqiꞌ.   
\m
\v 10 As kꞌuxh katil kuxh echenkat oꞌ, as atoꞌk oꞌ vatz u kamchileꞌ bꞌenameen, echeꞌ uvaꞌ kat ipalebꞌe u Jesús, aqꞌal uvaꞌ la kukꞌucheꞌ uvaꞌ at veꞌt ok Aak sukukꞌatz bꞌenameen, tan isleꞌl Aak sqiꞌ.   
\m
\v 11 As jankꞌal oꞌ uvaꞌ at kutiichajil kꞌatz u Tiixheꞌ, as at veꞌt ok oꞌ vatz u kamchileꞌ sbꞌenameen, tiꞌ uvaꞌ nimamal veꞌt u Jesús sqaꞌn, aqꞌal uvaꞌ la ootzili uvaꞌ at kutiichajil kꞌatz u Tiixheꞌ taꞌn u Jesús.   
\m
\v 12 As setiꞌ nu kupalebꞌekat kꞌaxkꞌo. As bꞌiit kuxh yeꞌ nu kukameꞌ, tiꞌ uvaꞌ la pal ex tisuuchil u yoleꞌ tiꞌ vetiichajileꞌ kꞌatz u Tiixheꞌ.   
\p
\v 13 As techal la qal isuuchil u bꞌaꞌnla yoleꞌ, tan ech ni tal u qaanxelaleꞌ echeꞌ nik tal u taanxelal u tzꞌibꞌan tetz u yoleꞌ uvaꞌ ech ni tal ileꞌ:  
\q1 Kꞌujleꞌl chit unkꞌuꞌl tiꞌ u Tiixheꞌ.  
\q1 Estiꞌeꞌ uvaꞌ kat val veꞌt u yoleꞌ, tiꞌk u yoleꞌ.   
\m
\v 14 As ootzimaleꞌ sqaꞌn uvaꞌ aꞌ u Tiixheꞌ kat ulsan taama u Kubꞌaal Jesús. As echat la ibꞌan Aakeꞌ sqe, tan la tulsa veꞌt Aak qaama unpajte. As la teqꞌo veꞌt oꞌ Aak setukꞌ tu u veeꞌ atkat Aak.   
\m
\v 15 Estiꞌeꞌ ni qal sete, kam kuxh unqꞌa kꞌaxkꞌoeꞌ nu kupalebꞌe, as tiꞌ elochpeꞌ nu kubꞌankat. As nimal chit ex la oksan iqꞌii u Tiixheꞌ tiꞌ u bꞌaꞌnileꞌ uvaꞌ kat ibꞌan Aak sete. As la etoksa veꞌt iqꞌii Aak tukꞌ unqꞌa qitzꞌin qatzikeꞌ xoꞌl joltu unqꞌa tenameꞌ uvaꞌ nipaxsalkat viyol Aakeꞌ.   
\p
\v 16 Estiꞌeꞌ uvaꞌ yeꞌ la pal kukꞌuꞌl tiꞌ kupaxsat u bꞌaꞌnla yoleꞌ tiꞌ u Cristo, tan ootzimal sqaꞌn uvaꞌ kꞌuxh nipal veꞌt iyakꞌil u kuchiꞌoleꞌ, as aal niyakꞌin veꞌt u qaanxelaleꞌ jun qꞌii.   
\m
\v 17 As nu kunacheꞌ uvaꞌ palchimal kuxheꞌ unqꞌa kꞌaxkꞌoeꞌ uveꞌ nu kupalebꞌe cheel vatz u txꞌavaꞌeꞌ. As jit tii nu kunacheꞌ, tan an chit unqꞌa kꞌaxkꞌoeꞌ la lochon oꞌ, tan aꞌeꞌ la eqꞌon oꞌ tu u nimla bꞌaꞌnileꞌ tiꞌ qoksat iqꞌii u Tiixheꞌ.   
\m
\v 18 As yeꞌl qaama atoꞌk tiꞌ unqꞌa veeꞌ uvaꞌ naꞌl vatz u txꞌavaꞌeꞌ, tan palchimal kuxheꞌ unqꞌa veeꞌ skajayil. Pet ech koj u nimla bꞌaꞌnileꞌ uvaꞌ yeꞌ naꞌl, as aꞌeꞌ atoꞌk qaama stiꞌ, tan yeꞌl imoxtel ati.   
\c 5  
\p
\v 1 As ootzimal sqaꞌn uvaꞌ ech kuxh u kuchiꞌoleꞌ echeꞌ umaj tabernáculo uvaꞌ la eꞌpuli. As la taqꞌ u Tiixheꞌ umaꞌt kuchiꞌol tu almikaꞌ uvaꞌ yeꞌl iyaꞌtebꞌal echeꞌ umaj kabꞌal uvaꞌ yeꞌ la eꞌpuli, tan jit umaj naj bꞌanol tetz tukꞌ iqꞌabꞌ.   
\m
\v 2 As aꞌ chit ni tal qaama uvaꞌ oora koj la kukꞌul umaꞌt u kuchiꞌoleꞌ uvaꞌ la aqꞌpu sqe tul la oon oꞌ tu almikaꞌ.   
\m
\v 3 As tuk chit eloj oꞌeꞌ taꞌ tu u kuchiꞌoleꞌ u vaaꞌ, as yeꞌl oꞌeꞌ taꞌ lakoj kaa oꞌ tꞌosli tan tu kukꞌul umaꞌt u kuchiꞌoleꞌ uvaꞌ aꞌ u Tiixheꞌ tuk aqꞌon sqe.   
\m
\v 4 As tul atil oꞌ tu u kuchiꞌoleꞌ uvaꞌ echeꞌ tabernáculo, as nu kupalebꞌe kꞌaxkꞌo tukꞌ txumuꞌm. Pet jit aꞌ ni qaleꞌ uvaꞌ la kam oꞌ echeꞌ teesal umaj oꞌtla oksaꞌm sqiꞌ. Pet aꞌ ni tal qaama uvaꞌ oora koj la kukꞌul umaꞌt u kuchiꞌoleꞌ uvaꞌ echeꞌ umaj akꞌ oksaꞌm, aqꞌal uvaꞌ la sotz u kuchiꞌoleꞌ uvaꞌ echeꞌ lakich pach. As isleꞌl veꞌt oꞌ la ibꞌaneꞌ tukꞌ u kuchiꞌoleꞌ uvaꞌ akꞌnale uvaꞌ yeꞌl veꞌt imoxtebꞌal ati.   
\m
\v 5 As aꞌ u Tiixheꞌ kat cheesan oꞌ tiꞌ uvaꞌ ech la kubꞌaneꞌ. As Aakeꞌ kat oksan u Tiixhla Espíritu tu u qaanxelaleꞌ kꞌuchbꞌal tetz uvaꞌ techal tuk ibꞌan Aak jankꞌal unqꞌa bꞌaꞌnileꞌ uvaꞌ alel kan sqiꞌ taꞌn Aak.   
\p
\v 6 Estiꞌeꞌ uvaꞌ kꞌujleꞌl chit kukꞌuꞌl tiꞌ u Kubꞌaal Jesúseꞌ sbꞌenameen. As ootzimal sqaꞌn uvaꞌ tul atil oꞌ tu u kuchiꞌoleꞌ uvaꞌ echeꞌ tabernáculo, as yeꞌl oꞌ oonoj oꞌ kꞌatz Aak.   
\m
\v 7 As kꞌuxh yeꞌl Aak ni qileꞌ, as kꞌujleꞌl chit kukꞌuꞌl tiꞌ Aak.   
\m
\v 8 As nu kusaꞌ uvaꞌ la qaqꞌ kan u kuchiꞌoleꞌ vatz u txꞌavaꞌeꞌ tiꞌ qatin kꞌatz u Tiixheꞌ, tan tiꞌ uvaꞌ kꞌujleꞌl chit kukꞌuꞌl tiꞌ Aak.   
\m
\v 9 As kꞌuxh yeꞌxnaj qaqꞌat kan u kuchiꞌoleꞌ as moj maꞌt qaqꞌat kan, as ni qok ilil tiꞌ uvaꞌ la chiibꞌ veꞌt Aak sqiꞌ,   
\m
\v 10 tan techal chit la kukꞌuch qibꞌ vatz u Cristoeꞌ tul la ibꞌan Aak kusuuchil kam uvaꞌ kat kubꞌana vatz u txꞌavaꞌeꞌ. As kꞌuxh bꞌaꞌn as moj vaꞌlexh kat kubꞌana, as junun oꞌ la kukꞌul ichꞌexel uveꞌ kat kubꞌana, tul uvaꞌ atiktel oꞌ tu kuchiꞌoleꞌ.   
\s1 Niyolon u Pablo tiꞌ ipaxsal u bꞌaꞌnla yoleꞌ tiꞌ uvaꞌ yeꞌl ixoꞌl unqꞌa uxhchileꞌ tukꞌ u Tiixheꞌ  
\p
\v 11 As ootzimal sqaꞌn uvaꞌ xoꞌvebꞌal talcheꞌ u Kubꞌaaleꞌ. As estiꞌeꞌ nu kubꞌeya veꞌt te unqꞌa tenameꞌ tiꞌ uvaꞌ la inima unqꞌa yoleꞌ uvaꞌ ni qaleꞌ. As kꞌuxh ootzimal veꞌt u kutxumbꞌaleꞌ taꞌn Aak uvaꞌ jik chit ni qal isuuchil u yoleꞌ, as aꞌ ni qaleꞌ uvaꞌ la koj chit pal ex stuul tiꞌ tootzileꞌ.   
\m
\v 12 As aꞌ ni qaleꞌ uvaꞌ la txuqꞌtxun ex sqiꞌ, tan yeꞌl oꞌ ni qoksa kuqꞌii sevatz unpajte. Pet aꞌ ni qaleꞌ uvaꞌ la chee veꞌt eyol tiꞌ ekꞌulbꞌet unqꞌa uxhchileꞌ uvaꞌ ni toksa jeꞌ iqꞌii tiꞌ unqꞌa txumbꞌaleꞌ uveꞌ nibꞌan sevatz. Pet yeꞌ ni titzꞌa uvaꞌ at u vaꞌlexheꞌ tu u taanxelaleꞌ.   
\m
\v 13 Pet asoj nu kupaasa iviꞌ tiꞌ talax isuuchil u bꞌaꞌnla yoleꞌ sete, as tiꞌ qoksat iqꞌii u Tiixheꞌ nu kubꞌankat. Pet asoj jik nu kubꞌaneꞌ, as tiꞌ elochpeꞌ nu kubꞌankat.   
\m
\v 14 As kam uvaꞌ nu kubꞌan sevatz, tan tiꞌ uvaꞌ xoꞌn oꞌ te u Cristo nu kubꞌankat. As ootzimal veꞌt sqaꞌn uvaꞌ kat kam Aak tiꞌ unqꞌa tenameꞌ skajayil. Estiꞌeꞌ uvaꞌ vatz u Tiixheꞌ, as kat ibꞌan u Jesús kuvaatzil skukajayil, tiꞌ kukameꞌ vatz u paaveꞌ.   
\m
\v 15 As kat kam veꞌt Aak tiꞌ unqꞌa tenameꞌ skajayil, aqꞌal uvaꞌ jit u kutxumbꞌaleꞌ la qeqꞌola tetz, jankꞌal oꞌ uvaꞌ at kutiichajil kꞌatz u Tiixheꞌ. Pet aꞌ veꞌt vitxumbꞌal u Jesúseꞌ la qeqꞌola tetz uvaꞌ kat kam sqiꞌ. As kat ul taama Aak unpajte.   
\p
\v 16 Estiꞌeꞌ uvaꞌ jitꞌeꞌch ni qitzꞌa cheel tiꞌ umaj uxhchil echeꞌ uvaꞌ nik qitzꞌa bꞌaxa, tul uvaꞌ yeꞌxnik ok oꞌ kꞌatz u Cristo, tan aꞌ kuxh unqꞌa vatz txꞌavaꞌilla txumbꞌaleꞌ eqꞌomalik sqaꞌn. As kꞌuxh ech nik qitzꞌa tiꞌ u Cristo bꞌaxa, pet ech koj cheel, tan jitꞌeꞌch ni qitzꞌa veꞌteꞌ tiꞌ Aak,   
\m
\v 17 tan abꞌil uvaꞌ at veꞌt ok kꞌatz u Cristo, as akꞌnal veꞌt vitxumbꞌaleꞌ. As kat sotzyu veꞌt vitxumbꞌaleꞌ uvaꞌ eqꞌomalik staꞌn sbꞌaxa. As aꞌ veꞌt u akꞌ txumbꞌaleꞌ eqꞌomal staꞌn cheel.   
\m
\v 18 As u akꞌ txumbꞌaleꞌ uvaꞌ eqꞌomal sqaꞌn cheel, as aꞌ u Tiixheꞌ kat aqꞌon sqe, tan tiꞌ vikamebꞌal u Cristoeꞌ kat ikꞌujbꞌaꞌkat kan u Tiixheꞌ uvaꞌ yeꞌl veꞌt kuxoꞌl tukꞌ Aak. As Aakeꞌ kat aqꞌon veꞌt qijleꞌm tiꞌ kupaxsat u yoleꞌ uvaꞌ kꞌujbꞌaꞌmal kan taꞌn Aak.   
\m
\v 19 As aꞌ u yoleꞌ uvaꞌ tiꞌ vikamebꞌal u Cristo, as an kuxh u Tiixheꞌ kat bꞌanon uvaꞌ la uch tok unqꞌa tenameꞌ kꞌatz Aak. As yeꞌl ixoꞌl unqꞌa tenameꞌ tukꞌ Aak la ibꞌaneꞌ. As la uchi uvaꞌ yeꞌl veꞌt ipaav unqꞌa tenameꞌ la toksa veꞌt Aak stuul. As Aakeꞌ kat aqꞌon kan sqe tiꞌ uvaꞌ la bꞌen kupaxsa u yoleꞌ, aqꞌal uvaꞌ la uch tok unqꞌa tenameꞌ kꞌatz Aak.   
\m
\v 20 As oꞌ bꞌanol ivatz u Cristoeꞌ. As tul ni qal u yoleꞌ, as eela kuxh stukꞌ uvaꞌ aꞌ u Tiixheꞌ niyoloneꞌ. Estiꞌeꞌ tukꞌ vibꞌii u Cristoeꞌ ni qal sete, enimataj u bꞌaꞌnla yoleꞌ tiꞌ u Cristoeꞌ, tiꞌ uvaꞌ yeꞌl exoꞌl tukꞌ u Tiixheꞌ la ibꞌaneꞌ,   
\m
\v 21 tan kat ibꞌan u Tiixheꞌ uvaꞌ kꞌuxh yeꞌl ipaav u Cristoeꞌ ati, as Aakeꞌ kat eqꞌon u kupaaveꞌ, tiꞌ uvaꞌ la toksa veꞌt oꞌ u Tiixheꞌ jikla aamail taꞌn u Cristoeꞌ, jankꞌal oꞌ uvaꞌ at veꞌt ok oꞌ kꞌatz Aak.   
\c 6  
\p
\v 1 Estiꞌeꞌ ni qal sete, oꞌ uvaꞌ oꞌ lochonaal kꞌatz u Tiixheꞌ, uvaꞌ yeꞌ la etixva kan vibꞌaꞌnil Aakeꞌ uvaꞌ kat ibꞌan Aak setiꞌ,   
\m
\v 2 tan ech kat tal kan Aak ileꞌ:  
\q1 Tul uvaꞌ kat eetzꞌa veꞌt in, as kat vabꞌi vayoleꞌ uvaꞌ kat aal sve.  
\q1 As tul uvaꞌ kat ajaj sve uvaꞌ la unloch axh, as kat unloch axh, tiꞌk Aak.  
\m Estiꞌeꞌ ni qal sete uvaꞌ la etitzꞌa Aak cheel. As cheel at veꞌt vibꞌaꞌnil Aakeꞌ setiꞌ tiꞌ isotzsal epaav.   
\p
\v 3 As yeꞌl umaj vaꞌlexh nu kubꞌaneꞌ uvaꞌ la kaꞌkabꞌin taama unqꞌa uxhchileꞌ staꞌn, tiꞌ uvaꞌ yeꞌ la eesal iqꞌii uveꞌ nu kubꞌaneꞌ tiꞌ ipaxsal viyol u Tiixheꞌ.   
\m
\v 4 As nu kukꞌucheꞌ uvaꞌ oꞌ lochonaal kꞌatz u Tiixheꞌ, tan kam kuxh unqꞌa kꞌaxkꞌoeꞌ nu kupalebꞌe. As yeꞌ nipal kukꞌuꞌl tiꞌ kukuyat unqꞌa kꞌaxkꞌoeꞌ. As ati uvaꞌ nixaansan qaama.   
\m
\v 5 As kat qꞌospu veꞌt oꞌ. Kat oksal oꞌ tu u kaarsa. As kat kukuy unqꞌa sikꞌiꞌmeꞌ uveꞌ nikat ibꞌan unqꞌa tenameꞌ, tul nik tul iviꞌ sqiꞌ. As chajpuul yeꞌ nu kuvat taꞌn u qaqꞌoneꞌ. As kat kukuy kuvaꞌy unpajte.   
\m
\v 6 As jik chit kutxumbꞌal kat kubꞌana, tan ootzimal vibꞌaꞌnil u Tiixheꞌ sqaꞌn. Kat kukuy unqꞌa uxhchileꞌ uvaꞌ kat xeꞌt sqiꞌ. As aꞌ u bꞌaꞌneꞌ kat kubꞌan sexoꞌl. As nu kukꞌucheꞌ uvaꞌ at u Tiixhla Espíritu sukukꞌatz, tan tukꞌ chit qaanxelal nu kuxoꞌni ex.   
\m
\v 7 As jik chit nu kuyoloneꞌ tukꞌ viyakꞌil vibꞌaꞌnil u Tiixheꞌ. As tukꞌ chit jikla aamail nu kutxakonsa viyol u Tiixheꞌ echeꞌ umaj sol uvaꞌ bꞌanel tucheꞌ tiꞌ ikolat tibꞌ vatz umaj chꞌaꞌo as moj tiꞌ ibꞌen ibꞌanat chꞌaꞌo.   
\m
\v 8 As kꞌuxh ni toksal kuqꞌii moj ni teesal kuqꞌii, as kꞌuxh bꞌaꞌn kuyolbꞌeleꞌ as moj yeꞌle, as yeꞌ la yaꞌ oꞌ tiꞌ ipaxsal viyol u Tiixheꞌ. As kꞌuxh la alpu sqiꞌ uvaꞌ oꞌ chulin yol, as jik chit nu kuyoloneꞌ.   
\m
\v 9 As kꞌuxh ni talpeꞌ uvaꞌ yeꞌ ootzimal oꞌ, as tul ootzimal oꞌ taꞌn unqꞌa uxhchileꞌ. As kꞌuxh at uxhchil ni alon uvaꞌ bꞌiit kuxh yeꞌ nu kukameꞌ, as isleꞌltel oꞌ. As kꞌuxh nu kukꞌaxbꞌisaleꞌ, as yeꞌl oꞌ nu kukameꞌ.   
\m
\v 10 As kꞌuxh nu kutxumuneꞌ, as at veꞌt chiibꞌichil tu u qaanxelaleꞌ sbꞌenameen. As kꞌuxh oꞌ meebꞌaꞌ, as nimal unqꞌa uxhchil ni qal u bꞌaꞌnla yoleꞌ ste. As ech veꞌt tatin unqꞌa uxhchileꞌ echeꞌ txꞌioliqꞌii nibꞌan taꞌn unqꞌa yoleꞌ. As kꞌuxh yeꞌl qetz ati, as qetzeꞌ vibꞌaꞌnil u Tiixheꞌ skajayil.   
\p
\v 11 As tukꞌ chit qaanxelal kat qal isuuchil unqꞌa yoleꞌ sete, vitzꞌin vatzik, ex aa Corinto. As tukꞌ chit qaanxelal kat kuxoꞌni ex.   
\m
\v 12 As yeꞌl ex ni qixva ex. Pet ex ni ixvan oꞌ.   
\m
\v 13 As ech kuyoloneꞌ sete echeꞌ iyolon umaj bꞌaala te unqꞌa meꞌal ikꞌaoleꞌ tiꞌ kujajat bꞌaꞌnil sete. Ebꞌantaj bꞌaꞌnil sqe. As ayaꞌloj chit ekꞌuꞌl la exoꞌni oꞌ echeꞌ uvaꞌ nu kubꞌan sete.   
\s1 Jit eela itxumbꞌal unqꞌa niman tetz u Jesús tukꞌ unqꞌa uxhchileꞌ uvaꞌ yeꞌ ni niman Aak  
\p
\v 14 As yeꞌ la ibꞌaneꞌ uvaꞌ unvatzul kuxh etxumbꞌal tukꞌ unqꞌa uxhchileꞌ uvaꞌ yeꞌ ni niman u Jesús, tan yeꞌl tokebꞌal u jikla txumbꞌaleꞌ kꞌatz unqꞌa vaꞌlexhla txumbꞌaleꞌ uvaꞌ nibꞌan unqꞌa uxhchileꞌ. As unqꞌa uxhchileꞌ uvaꞌ txijumal u taanxelaleꞌ taꞌn u bꞌaꞌneꞌ, as yeꞌ la ibꞌaneꞌ uvaꞌ la ikꞌul tibꞌ iyol tukꞌ unqꞌa uxhchileꞌ uvaꞌ echen u taanxelaleꞌ tu u toktoeꞌ tiꞌ ibꞌanat u vaꞌlexheꞌ,   
\m
\v 15 tan yeꞌ la uch ikꞌulat tibꞌ viyol u Cristoeꞌ tukꞌ u txꞌiꞌlanajeꞌ. As echat kuxh unqꞌa niman tetz u Cristoeꞌ tukꞌ unqꞌa uxhchileꞌ uveꞌ yeꞌ ni niman Aak.   
\m
\v 16 As yeꞌ la uch qatin kꞌatz unqꞌa tzeꞌ tiixheꞌ, tan oꞌ tatinbꞌal u islich Tiixheꞌ echeꞌ uvaꞌ ni tal Aak, tan ech tal kan Aak ileꞌ:  
\q1 La jejebꞌ in kꞌatz vuntenameꞌ. As la xaan in xoꞌl vuntenameꞌ.  
\q1 As ineꞌ viTiixheꞌ. As aꞌeꞌ vuntenameꞌ, tiꞌk Aak.   
\m
\v 17 As ech ni tal umaꞌt u yol ileꞌ:  
\q1 Estiꞌeꞌ ni val sete: «Elojtaj chꞌuꞌl ex xoꞌl unqꞌa uxhchileꞌ. As ejetzꞌtaj el etibꞌ skꞌatz.  
\q1 As ebꞌanak unqꞌa veeꞌ alel svaꞌn uvaꞌ yeꞌ la uch ebꞌanataꞌ.\f + \fr 6.17 \ft Aꞌ isuuchil u yoleꞌ tu yolbꞌal griego: as at isuuchil junun unqꞌa yoleꞌ uvaꞌ ech ni tal ileꞌ: «Ekanak unqꞌa veeꞌ alel svaꞌn uvaꞌ yeꞌ la uch ekanataꞌ.»\f*  
\q1 As la unkꞌul veꞌt ok ex sunkꞌatz.   
\q1
\v 18 As ineꞌ in veBꞌaaleꞌ;  
\q1 as exeꞌ ex meꞌal unkꞌaol,»  
\q1 tiꞌk u Tiixheꞌ uvaꞌ nim talcheꞌ.   
\c 7  
\p
\v 1 As la qal sete, vitzꞌin vatzik uvaꞌ xoꞌn chit ex sve: As sqiꞌeꞌ kat talkat kan u Tiixheꞌ unqꞌa yoleꞌ. Estiꞌeꞌ qeesataj qibꞌ vatz u vaꞌlexheꞌ uvaꞌ la yansan u kuchiꞌoleꞌ tukꞌ u qaanxelaleꞌ. As kuyaꞌlutaj qibꞌ tiꞌ uvaꞌ jik chit u kutxumbꞌaleꞌ la ibꞌan vatz Tiixheꞌ tiꞌ kuxoꞌvat Aak.   
\s1 Nichiibꞌ u Pablo tiꞌ uvaꞌ kat ijalpu unqꞌa aa Corinto vitxumbꞌaleꞌ  
\p
\v 2 As ekꞌultaj ok oꞌ tukꞌ etaanxelal, tan yeꞌl umaj ex nu kubꞌan vaꞌlexh sete. As yeꞌl umaj ex nu kuyansa etxumbꞌal. As yeꞌl ex nu kumaxtibꞌe ex.   
\m
\v 3 As echeꞌ in uvaꞌ in Pablo, as yeꞌle uvaꞌ epaav koj nunchukeꞌ tul ni val u yoleꞌ sete, tan alel chiteꞌ svaꞌn uvaꞌ xoꞌn chit ex sve, tan unvatzul kuxh veꞌt in setukꞌ tiꞌ u Cristo, kꞌuxh eela kukameꞌ as moj tul isleꞌl oꞌ.   
\m
\v 4 As kꞌujleꞌl chit unkꞌuꞌl setiꞌ. As nivoksa veꞌt unqꞌii setiꞌ. As aal chit niyakꞌin u vaanxelaleꞌ. As kꞌuxh nu kupalebꞌe unqꞌa kꞌaxkꞌoeꞌ setukꞌ, as yeꞌl iyaꞌtebꞌal u chiibꞌichileꞌ tu vaanxelaleꞌ setaꞌn.   
\p
\v 5 As tul kat ul veꞌt in tzitzaꞌ tu u Macedonia tukꞌ unqꞌa unmooleꞌ, as yeꞌ kat iꞌl vunchiꞌoleꞌ. As kalabꞌ kuxh kꞌaxkꞌo kat unpalebꞌe taꞌn unqꞌa uxhchileꞌ uvaꞌ yeꞌ ni niman u Jesús. As nikat ixaan veꞌt vaama setiꞌ unpajte.   
\m
\v 6 As aꞌ u Tiixheꞌ uvaꞌ ni yakꞌinsan u qaanxelaleꞌ tul uvaꞌ nixaan qaama, as Aakeꞌ kat yakꞌinsan u qaanxelaleꞌ tukꞌ unqꞌa unmooleꞌ, tul uvaꞌ kat kukꞌul qibꞌ tukꞌ u Tito.   
\m
\v 7 As jit kuxh tiꞌ kukꞌulat qibꞌ tukꞌ u Tito kat yakꞌinkat qaama. Pet tiꞌ uvaꞌ kat ul tal u Tito sqe uvaꞌ ayaꞌl chit ekꞌuꞌl nesaꞌ etilat unvatz unpajte, as kat eyakꞌinsa veꞌt vaama. As kat tal u Tito sve unpajte uvaꞌ vaꞌlik chit etxumuneꞌ tiꞌ unqꞌa vaꞌlexheꞌ uvaꞌ ni tuch sexoꞌl. As nik etoksa etaama tiꞌ enimat unqꞌa yoleꞌ uvaꞌ kat val sete. As tul kat vabꞌi unqꞌa yoleꞌ, as aal chit kat chiibꞌ veꞌt in staꞌn.   
\p
\v 8 As tul uvaꞌ kat vabꞌi uvaꞌ kat untxumunsa veꞌt etaama taꞌn u yoleꞌ uvaꞌ kat untzꞌibꞌa bꞌen sete bꞌaxa, as kat unkꞌaxa veꞌteꞌ tiꞌ uvaꞌ kat unbꞌana. Pet ech koj cheel, tan yeꞌ nunkꞌaxa veꞌteꞌ tiꞌ untzꞌibꞌat bꞌen unqꞌa yoleꞌ sete,   
\m
\v 9 tan tul kat esikꞌle unqꞌa yoleꞌ, as kat txumun ex taꞌn vepaaveꞌ. As kat ekꞌaxa veꞌt etibꞌ. Estiꞌeꞌ uvaꞌ nuntxuqꞌtxun veꞌteꞌ. As jit tiꞌ uvaꞌ kat untxumunsa etaama taꞌn unqꞌa yoleꞌ uvaꞌ kat untzꞌibꞌa bꞌen sete. Pet nunchiibꞌeꞌ tiꞌ uvaꞌ kat txumun ex taꞌn vepaaveꞌ. As kat ekꞌaxa veꞌt etibꞌ. Estiꞌeꞌ ni val sete uvaꞌ jit umaj vaꞌlexh kat unbꞌan sete tukꞌ vunyoleꞌ,   
\m
\v 10 tan tul uvaꞌ kat txumun ex taꞌn vepaaveꞌ echeꞌ uvaꞌ nisaꞌ u Tiixheꞌ uvaꞌ la ebꞌaneꞌ, as aꞌeꞌ kat lochon ex tiꞌ uvaꞌ la ekꞌaxa etibꞌ vatz Aak. As kat isotzsa veꞌt Aak vepaaveꞌ. As yeꞌl in nuntxumun veꞌteꞌ tiꞌ uvaꞌ kat untxumunsa etaama, tan kat ekꞌaxal veꞌt etibꞌ tiꞌ vepaaveꞌ. As aal nunchiibꞌ stiꞌ cheel. Pet ech koj nibꞌan unqꞌa uxhchileꞌ uvaꞌ vatz txꞌavaꞌilla txumbꞌal kuxh vitxumbꞌaleꞌ, tan aꞌ kuxh nitxumeꞌ kam uvaꞌ nipalebꞌe taꞌn vipaaveꞌ. As yeꞌl itiichajil at kꞌatz u Tiixheꞌ, tan yeꞌ nikꞌaxa tibꞌ tiꞌ vipaaveꞌ.   
\m
\v 11 As kat pal ex stuul uvaꞌ kam ibꞌaꞌnil u txumuneꞌ uvaꞌ kat ibꞌan veꞌt sete taꞌn u Tiixheꞌ, tan aal kat ok veꞌt ex ilil tiꞌ elochat in, tan kat txumun veꞌt ex as kat chꞌixvu veꞌt ex taꞌn u vaꞌlexheꞌ uveꞌ nik ebꞌaneꞌ. As kat ejaj veꞌt sotzbꞌal epaav, as ayaꞌl chit veꞌt ekꞌuꞌl nesaꞌ uvaꞌ vatzul veꞌt oꞌ setukꞌ la ibꞌaneꞌ. Tan kat xoꞌv veꞌt ex taꞌn u yoleꞌ uvaꞌ kat untzꞌibꞌa bꞌen sete. As kat ekꞌucha uvaꞌ yeꞌl etaama netoksa tiꞌ u vaꞌlexheꞌ.   
\m
\v 12 As la val sete, tul kat untzꞌibꞌa bꞌen unqꞌa yoleꞌ sete, as jit tiꞌ unyaat bꞌen u uxhchileꞌ uveꞌ kat bꞌanon u vaꞌlexheꞌ. As mitaꞌn tiꞌ unbꞌanat isuuchil u uxhchileꞌ uvaꞌ kat bꞌanax u vaꞌlexheꞌ ste. Pet vatz u Tiixheꞌ kat untzꞌibꞌakat bꞌen unqꞌa yoleꞌ sete, tiꞌ uvaꞌ la pal ex stuul uvaꞌ atoꞌk qaama setiꞌ.   
\p
\v 13 As niyakꞌin veꞌt qaama, tan ni qabꞌi uvaꞌ nenima veꞌt unqꞌa yoleꞌ uvaꞌ kat untzꞌibꞌa bꞌen sete. As jit kuxh tiꞌ enimat unqꞌa yoleꞌ niyakꞌinsan qaama. Pet vaꞌlik chit kutxuqꞌtxun veꞌteꞌ, tul kat qil itxuqꞌtxun veꞌt u Tito, tan kat eyakꞌinsa taama tul kat oon sexoꞌl.   
\m
\v 14 As maꞌtik valat te u Tito uvaꞌ nunchiibꞌ veꞌt setiꞌ, tan nunkꞌujbꞌaꞌ unkꞌuꞌl setiꞌ. As kat ebꞌana echeꞌ uveꞌ kat val te u Tito. As yeꞌl chuli yol nunbꞌaneꞌ. Pet isuuchil u yoleꞌ ni val sbꞌenameen. As echat kat unbꞌana tul kat val u yoleꞌ setiꞌ te u Tito, tan kat bꞌex til u Tito uvaꞌ jik chit u yoleꞌ uvaꞌ kat val te aak setiꞌ.   
\m
\v 15 As aal chit xoꞌn veꞌt ex te u Tito, tul uvaꞌ ni tulsa ex skꞌuꞌl, tan achaꞌv ikꞌulpu aak kat ebꞌana, tul kat oon sexoꞌl. As yeꞌl iqꞌii aak kat eteesa.   
\m
\v 16 As nuntxuqꞌtxun veꞌt setiꞌ, vitzꞌin vatzik, tan ootzimal svaꞌn uvaꞌ la uch unkꞌujbꞌaꞌt unkꞌuꞌl setiꞌ.   
\c 8  
\s1 Ni tal u Pablo isuuchil u yoleꞌ tiꞌ u puajeꞌ uvaꞌ nimolpeꞌ  
\p
\v 1 As la val sete, vitzꞌin vatzik, tiꞌ u bꞌaꞌnileꞌ uvaꞌ nibꞌan u Tiixheꞌ xoꞌl unqꞌa qitzꞌin qatzikeꞌ uveꞌ ni niman u Jesúseꞌ tu unqꞌa tenameꞌ tu u Macedonia.   
\m
\v 2 Tan kꞌuxh mamaꞌla kꞌaxkꞌo nipalebꞌe unqꞌa qitzꞌin qatzikeꞌ, as kat chiibꞌ veꞌteꞌ tiꞌ taqꞌat unqꞌa lochbꞌaleꞌ. As kꞌuxh meebꞌaꞌ chittuꞌ, as tul ni taqꞌ veꞌt u lochbꞌaleꞌ, as eela kuxh stukꞌ uvaꞌ nimal ipuaj ati.   
\m
\v 3 As la val sete uvaꞌ kat taqꞌ veꞌt unqꞌa qitzꞌin qatzikeꞌ jankꞌal u lochbꞌaleꞌ uvaꞌ kat itxꞌol taqꞌataꞌ. As jit kuxheꞌ. Pet nimal kat taqꞌ veꞌteꞌ tiꞌ uveꞌ kat uch svatz,   
\m
\v 4 tan vaꞌlik chit ijajat chajaak bꞌaꞌnil sve tiꞌ uvaꞌ la vaqꞌ tokebꞌal tiꞌ ilochat unqꞌa qitzꞌin qatzikeꞌ uvaꞌ meebꞌaꞌ chittuꞌ tu u Judea uvaꞌ ni niman u Jesús.   
\m
\v 5 As jit kuxh taꞌn u lochbꞌaleꞌ kat ibꞌan unqꞌa qitzꞌin qatzikeꞌ tu u Macedonia uvaꞌ nik qaleꞌ uvaꞌ la ibꞌaneꞌ. Pet bꞌaxel kat toksa taama tiꞌ inimal u Kubꞌaal Jesús, echeꞌ uvaꞌ ni tal u Tiixheꞌ sqe uvaꞌ la kubꞌaneꞌ. As aꞌn kat inima veꞌt unqꞌa yoleꞌ uvaꞌ kat qal ste tiꞌ u lochbꞌaleꞌ.   
\m
\v 6 Estiꞌeꞌ uvaꞌ kat unjaj bꞌaꞌnil te u Tito tiꞌ uvaꞌ kam ixeꞌtisat u Tito tiꞌ imolpu u nimla lochbꞌaleꞌ uvaꞌ la aqꞌpu te unqꞌa qitzꞌin qatzikeꞌ, as echat itzojpisataꞌ.   
\m
\v 7 As at veꞌt kꞌujlebꞌal ekꞌuꞌl tiꞌ u Jesúseꞌ. As netootzi veꞌt isuuchil viyol u Tiixheꞌ. As echat veꞌt eyoloneꞌ. As ayaꞌl chit ekꞌuꞌl tiꞌ ebꞌanataꞌ kam uvaꞌ nisaꞌ u Tiixheꞌ setiꞌ, as tiꞌ exoꞌnit oꞌ. Estiꞌeꞌ ni qal sete uvaꞌ ayaꞌloj chit ekꞌuꞌl tiꞌ etaqꞌat u lochbꞌaleꞌ tetz unqꞌa qitzꞌin qatzikeꞌ.   
\p
\v 8 As jit bꞌekꞌel ex nunbꞌaneꞌ. Pet aꞌ ni valeꞌ uvaꞌ la etootzi uvaꞌ ayaꞌl chit ikꞌuꞌl unqꞌa qitzꞌin qatzikeꞌ tiꞌ taqꞌat u lochbꞌaleꞌ. As aꞌ ni valeꞌ uvaꞌ echat koj la ebꞌaneꞌ. As aꞌeꞌ kꞌuchbꞌal tetz uvaꞌ xoꞌn unqꞌa qitzꞌin qatzikeꞌ sete uvaꞌ echen tu u Judea.   
\m
\v 9 As ootzimal vibꞌaꞌnil u Kubꞌaal Jesucristo setaꞌn, tan Aak ibꞌaal unqꞌa veeꞌ skajayil. As ech veꞌt Aakeꞌ meebꞌaꞌ kat ibꞌana tiꞌ kulochpeꞌ, aqꞌal uvaꞌ nim veꞌt vibꞌaꞌnil Aakeꞌ la taqꞌ sqiꞌ. As ech veꞌt qatineꞌ echeꞌ txꞌioliqꞌii kat ibꞌana.   
\p
\v 10 As tuk val etxumbꞌal tiꞌ uvaꞌ ni vitzꞌa setiꞌ, tan exeꞌ kat itzꞌan bꞌaxa umaꞌx veꞌt yaabꞌ tiꞌ imolpu unqꞌa lochbꞌaleꞌ tetz unqꞌa qitzꞌin qatzikeꞌ. As exeꞌ kat xeꞌtisan tiꞌ imolpeꞌ bꞌaxa.   
\m
\v 11 As la val sete cheel, emoltaj veꞌt unqꞌa lochbꞌaleꞌ uvaꞌ kat exeꞌtisa bꞌaxa. As etaqꞌtaj jankꞌoj uvaꞌ la uch sevatz. As kam chit uvaꞌ kat ok xeꞌ etaama bꞌaxa tiꞌ etaqꞌataꞌ, as echat la ebꞌaneꞌ tul la etzojpisa,   
\m
\v 12 tan jankꞌal uvaꞌ la uch etaqꞌataꞌ, as la kꞌulpeꞌ tibꞌaꞌnil, asoj ayaꞌl chit ekꞌuꞌl tul la etaqꞌeꞌ. Pet yeꞌ la etaqꞌeꞌ, asoj yeꞌxhkam at sexeꞌ, tan yeꞌxhkam ni tal u Tiixheꞌ uvaꞌ techal la qaqꞌeꞌ, asoj yeꞌxhkam ati.   
\p
\v 13 As jit aꞌ ni valeꞌ uvaꞌ la kaa veꞌt ex meebꞌaꞌil tiꞌ elochat unqꞌa qitzꞌin qatzikeꞌ. Pet aꞌ ni valeꞌ uvaꞌ eela veꞌt ex la ibꞌan tukꞌ unqꞌa qitzꞌin qatzikeꞌ.   
\m
\v 14 As la txakon unbꞌooj unqꞌa etetzeꞌ tiꞌ unqꞌa qitzꞌin qatzikeꞌ. As elochtaj, tan xamtel as jit kuxh nim la chee veꞌt tetz unqꞌa qitzꞌin qatzikeꞌ. As aꞌeꞌ la lochon veꞌt ex unpajte. As eela kuxh elochat veꞌt etibꞌ la ebꞌaneꞌ tukꞌ unqꞌa qitzꞌin qatzikeꞌ   
\m
\v 15 echeꞌ ni tal umaꞌl u yol uvaꞌ tzꞌibꞌamal kan:  
\q1 Yeꞌ kat yaꞌlan kan unqꞌa tetz unqꞌa uxhchileꞌ uveꞌ nimal kat imola.  
\q1 As kat tzꞌaj tetz unqꞌa uxhchileꞌ uveꞌ bꞌiil kuxh kat imola, tiꞌk u yoleꞌ.   
\p
\v 16 Estiꞌeꞌ ni vaqꞌ taꞌntiixh te u Tiixheꞌ, tan Aakeꞌ kat oksan veꞌt vitxumbꞌaleꞌ tu u taanxelal u Tito tiꞌ tok ilil setiꞌ echeꞌ uveꞌ nunbꞌaneꞌ.   
\m
\v 17 As tul kat qal te u Tito tiꞌ bꞌen tilat ex, as ayaꞌl chit ikꞌuꞌl kat bꞌeni, tan kat chee tu u taanxelal tiꞌ bꞌen tilat ex unpajte.   
\m
\v 18 As kat unchaj bꞌen umaꞌt u qitzꞌin qatzikeꞌ tiꞌ u Tito uvaꞌ ootzimal veꞌt setaꞌn, as ootzimal tu unjoltu unqꞌa tenameꞌ, tan nilochoneꞌ tiꞌ ipaxsal u bꞌaꞌnla yoleꞌ.   
\m
\v 19 As antu unqꞌa qitzꞌin qatzikeꞌ tulaj unqꞌa tenameꞌ kat txaaon veꞌt naj tiꞌ ibꞌen veꞌt sqiꞌ tul uvaꞌ la bꞌen qaqꞌ unqꞌa lochbꞌaleꞌ te unqꞌa qitzꞌin qatzikeꞌ tu u Jerusalén tiꞌ toksal iqꞌii u Jesúseꞌ. As la kukꞌucheꞌ uvaꞌ ayaꞌl chit kukꞌuꞌl tiꞌ kulochat unqꞌa qitzꞌin qatzikeꞌ.   
\m
\v 20 As aꞌ ni valeꞌ uvaꞌ yeꞌl umaj yol la chee sqiꞌ tiꞌ unqꞌa nimla lochbꞌaleꞌ uveꞌ nimolpeꞌ. As jik chit la qil isuuchil tiꞌ iqꞌajsaleꞌ xoꞌl unqꞌa qitzꞌin qatzikeꞌ,   
\m
\v 21 tan jit kuxh vatz u Tiixheꞌ la kubꞌankat. Pet sevatz as vatz unqꞌa qitzꞌin qatzikeꞌ unpajte.   
\p
\v 22 As kat unchaj bꞌen umaꞌt u qitzꞌin qatzik tiꞌ chajaak uvaꞌ ootzimal sqaꞌn uvaꞌ bꞌaꞌn chit itxumbꞌal nibꞌaneꞌ tiꞌ elochpeꞌ tiꞌ inimal viyol u Tiixheꞌ. As ayaꞌl chit ikꞌuꞌl tiꞌ bꞌen ilochat ex, tan kꞌujleꞌl chit ikꞌuꞌl setiꞌ.   
\m
\v 23 As u Tito uvaꞌ la oon sexoꞌl unpajte, as unmool chit vibꞌ stukꞌ, tan niloch in tiꞌ ipaxsal u bꞌaꞌnla yoleꞌ tiꞌ u Cristo. As unqꞌa qitzꞌin qatzikeꞌ uvaꞌ xekel stiꞌ, as aꞌeꞌ ni bꞌanon ivatz unqꞌa qitzꞌin qatzikeꞌ tu unqꞌa tenameꞌ. As ni toksa chajaak iqꞌii u Cristo tukꞌ vitxumbꞌaleꞌ.   
\m
\v 24 Estiꞌeꞌ la val sete, achaꞌv ekꞌulat unqꞌa qitzꞌin qatikeꞌ uveꞌ la ooni. As bꞌaꞌn etxumbꞌal la ebꞌaneꞌ tiꞌ exoꞌnit chajaak, aqꞌal uvaꞌ la tootzi chajaak uvaꞌ an chit u yoleꞌ uvaꞌ kat val te chajaak setiꞌ tiꞌ uvaꞌ kat chiibꞌ in setiꞌ. As ech tootzit unqꞌa qitzꞌin qatzikeꞌ unpajte uvaꞌ echen tulaj unqꞌa tenameꞌ.   
\c 9  
\p
\v 1 As jit tzꞌajinal la untzꞌibꞌa bꞌen kaꞌtoj yol sete tiꞌ imolpu unqꞌa lochbꞌaleꞌ tetz unqꞌa qitzꞌin qatzikeꞌ uvaꞌ ni niman u Jesúseꞌ tu u Judea,   
\m
\v 2 tan ootzimal svaꞌn uvaꞌ ayaꞌl chit ekꞌuꞌl tiꞌ etaqꞌat u lochbꞌaleꞌ, jankꞌal ex uveꞌ echen ex tu u Acaya. As umaꞌx tzan yaabꞌeꞌ kat xeꞌt ex tiꞌ emolat u lochbꞌaleꞌ. Estiꞌeꞌ uvaꞌ tukꞌ chit chiibꞌichil ni voksa eqꞌii vatz unqꞌa qitzꞌin qatzikeꞌ tzitzaꞌ tu u Macedonia. As tul kat tabꞌi chajaak uvaꞌ ayaꞌl chit ekꞌuꞌl nebꞌaneꞌ, as nimal chajaak kat ok veꞌt xeꞌ taama tiꞌ ilochon unpajte.   
\m
\v 3 Estiꞌeꞌ nunchaj bꞌen unqꞌa qitzꞌin qatzikeꞌ sexoꞌl, aqꞌal uvaꞌ yeꞌ la eesal iqꞌii unqꞌa yoleꞌ uvaꞌ kat val setiꞌ te unqꞌa qitzꞌin qatzikeꞌ tu unjoltu unqꞌa tenameꞌ, tan alel veꞌt te unqꞌa qitzꞌin qatzikeꞌ svaꞌn uvaꞌ bꞌanel veꞌt tuch unqꞌa lochbꞌaleꞌ setaꞌn, tul uvaꞌ la oon chajaak sexoꞌl.   
\m
\v 4 As yeꞌ nunsaꞌ uvaꞌ tul la oon veꞌt in tukꞌ unqꞌa aa Macedonia, as tul yeꞌl unqꞌa lochbꞌaleꞌ molel setaꞌn. As chꞌixubꞌal veꞌt oꞌ vatz chajaak la ibꞌaneꞌ. As tul kꞌujleꞌl unkꞌuꞌl setiꞌ uvaꞌ maꞌt emolat u lochbꞌaleꞌ.   
\m
\v 5 Estiꞌeꞌ kat vitzꞌa veꞌteꞌ uvaꞌ techal chit la bꞌaxik bꞌen unqꞌa qitzꞌin qatzikeꞌ tiꞌ bꞌen iqꞌelut ex, as tiꞌ bꞌen talat sete tiꞌ itzojpisal imolpu unqꞌa lochbꞌaleꞌ uvaꞌ alel veꞌt setaꞌn. Tan asoj bꞌanel veꞌt tuch unqꞌa lochbꞌaleꞌ setaꞌn tul la oon oꞌ, as aꞌ la ekꞌuchkateꞌ uvaꞌ ayaꞌl chit ekꞌuꞌl tiꞌ etaqꞌataꞌ. As yeꞌ kat ebꞌan kaꞌl ekꞌuꞌl stiꞌ.   
\p
\v 6 As tuk vulsa sekꞌuꞌl uvaꞌ abꞌil uvaꞌ bꞌiil kuxh iia la tava, as unbꞌiil kuxh ivatz la imoleꞌ. Pet abꞌil uvaꞌ nimal iia la tava, as nimal ivatz la imoleꞌ.   
\m
\v 7 Estiꞌeꞌ ni val sete uvaꞌ yeꞌ la kaꞌkabꞌin etaama tiꞌ etaqꞌat unqꞌa lochbꞌaleꞌ. As jit yaꞌlumal ex stiꞌ. Pet junun ex la aqꞌon jankꞌoj uvaꞌ la chee tetaanxelal tiꞌ etaqꞌataꞌ, tan abꞌil uvaꞌ tukꞌ chit chiibꞌichil la taqꞌ u lochbꞌaleꞌ, as aꞌeꞌ nichiibꞌ u Tiixheꞌ stiꞌ.   
\m
\v 8 As nim talcheꞌ u Tiixheꞌ. As yeꞌ la yaꞌ Aak tiꞌ taqꞌat vibꞌaꞌnileꞌ setiꞌ, kꞌuxh kam kuxh la epalebꞌe. As yeꞌ la yaꞌ ekꞌulat vibꞌaꞌnil Aakeꞌ, tan la chee veꞌt etetz, jankꞌal uvaꞌ la saꞌvit setiꞌ. As yeꞌ la yaꞌ veꞌt ex tiꞌ elochoneꞌ,   
\m
\v 9 tan ech ni tal u yol ileꞌ uvaꞌ tzꞌibꞌamal kan:  
\q1 Abꞌil uvaꞌ ni niman u Tiixheꞌ, as niloch unqꞌa meebꞌaꞌeꞌ.  
\q1 As yeꞌ nisotzsa Aak skꞌuꞌl tiꞌ u jikeꞌ uveꞌ nibꞌaneꞌ, tiꞌk u yoleꞌ.   
\m
\v 10 As u Tiixheꞌ uvaꞌ ni aqꞌon unqꞌa iiaeꞌ uvaꞌ ni tavaleꞌ tukꞌ unqꞌa echbꞌubꞌaleꞌ uvaꞌ ni techbꞌuleꞌ, as Aakeꞌ la aqꞌon sete jankꞌal uvaꞌ la saꞌvit setiꞌ. As la inaꞌsa veꞌt Aak jankꞌal unqꞌa etetzeꞌ uvaꞌ ati, aqꞌal uvaꞌ yeꞌ la yaꞌ ebꞌanat u bꞌaꞌneꞌ tiꞌ elochoneꞌ.   
\m
\v 11 As nimal bꞌaꞌnileꞌ la ibꞌan Aak setiꞌ, aqꞌal uvaꞌ ayaꞌl chit ekꞌuꞌl la eloch unqꞌa qitzꞌin qatzikeꞌ. As tul la bꞌen qaqꞌ u lochbꞌaleꞌ ste, as la taqꞌ veꞌt unqꞌa qitzꞌin qatzikeꞌ taꞌntiixh te u Tiixheꞌ, tan tiꞌ uvaꞌ ayaꞌl chit ekꞌuꞌl kat elocha.   
\m
\v 12 As u lochbꞌaleꞌ uvaꞌ la etaqꞌeꞌ, as aꞌeꞌ bꞌaꞌn vatz u Tiixheꞌ. As jit kuxh tiꞌ ilochpu unqꞌa qitzꞌin qatzikeꞌ tiꞌ uvaꞌ kam nisaꞌvit stiꞌ. Pet nimal taꞌntiixh la taqꞌ veꞌt chajaak te u Tiixheꞌ tiꞌ u lochbꞌaleꞌ uvaꞌ la ebꞌaneꞌ.   
\m
\v 13 As tul uvaꞌ la ikꞌul unqꞌa qitzꞌin qatzikeꞌ u lochbꞌaleꞌ, as la toksa veꞌt chajaak iqꞌii u Kubꞌaal Tiixheꞌ tiꞌ uvaꞌ nenima u bꞌaꞌnla yoleꞌ tiꞌ u Cristo, as tiꞌ uvaꞌ ayaꞌl chit ekꞌuꞌl tiꞌ elochat chajaak as tiꞌ elochat unqꞌa qitzꞌin qatzikeꞌ skajayil.   
\m
\v 14 As tul la inach veꞌt chajaak Tiixh setiꞌ, as ayaꞌl chit ikꞌuꞌl chajaak la isaꞌ tootzit veꞌt ex, tiꞌ tilat vibꞌaꞌnil u Tiixheꞌ uveꞌ aqꞌel veꞌt sete taꞌn Aak.   
\m
\v 15 ¡Estiꞌeꞌ qaqꞌtaj taꞌntiixh te u Tiixheꞌ tiꞌ vinimla bꞌaꞌnileꞌ! As yeꞌl umaꞌtoj txumbꞌal ati uvaꞌ kam la qulbꞌe tiꞌ qaqꞌat taꞌntiixh te Aak tiꞌ u nimla bꞌaꞌnileꞌ uvaꞌ kat ibꞌan Aak sqe.   
\c 10  
\s1 Niyolon u Pablo tiꞌ unqꞌa uxhchileꞌ uveꞌ nu kuxh toksa tibꞌ apóstolil  
\p
\v 1 As tukꞌ u mutxkin aamaileꞌ tukꞌ u nimla bꞌaꞌnileꞌ uvaꞌ aqꞌel sve taꞌn u Cristoeꞌ, as tuk unjaj bꞌaꞌnil sete, in uvaꞌ in Pablo. Tan at kaꞌl unqꞌa uxhchil sexoꞌl uvaꞌ ni alon uvaꞌ nunxoꞌveꞌ tiꞌ unbꞌeyat sete tul uvaꞌ at in sexoꞌl. Pet tul uvaꞌ yeꞌl in sexoꞌl, tan tii veꞌt unyoloneꞌ, uveꞌ ni tal unqꞌa uxhchileꞌ.   
\m
\v 2 As nunjaj bꞌaꞌnil sete tiꞌ uvaꞌ la enima vunyoleꞌ, aqꞌal uvaꞌ jit tii unyoloneꞌ tul uvaꞌ la oon in sexoꞌl. As yeꞌ la xoꞌv in tiꞌ unbꞌeyat sete, ex uvaꞌ ni alon sviꞌ uvaꞌ ech vuntxumbꞌaleꞌ echeꞌ unqꞌa uxhchileꞌ uvaꞌ eqꞌomal unqꞌa vatz txꞌavaꞌilla txumbꞌaleꞌ staꞌn. Pet asoj yeꞌ la enima vunyoleꞌ, as tii unyoloneꞌ la unbꞌan sete.   
\m
\v 3 As kꞌuxh in vatz txꞌavaꞌilla aama, as jit unqꞌa vatz txꞌavaꞌilla txumbꞌaleꞌ nuntxakonsa tiꞌ untxꞌakat vibꞌ tukꞌ unqꞌa uxhchileꞌ uvaꞌ yeꞌ ni niman u yoleꞌ uvaꞌ ni valeꞌ,   
\m
\v 4 tan jit eela unqꞌa yoleꞌ uvaꞌ ni valeꞌ tukꞌ unqꞌa yoleꞌ uvaꞌ ni tal unqꞌa uxhchileꞌ uvaꞌ eqꞌomal u vatz txꞌavaꞌilla txumbꞌaleꞌ staꞌn. As at iyakꞌil u yoleꞌ uvaꞌ ni valeꞌ taꞌn u Tiixheꞌ tiꞌ tolebꞌ tiꞌ teesal iqꞌii unqꞌa vaꞌlexhla txumbꞌaleꞌ uveꞌ nibꞌan unqꞌa uxhchileꞌ.   
\m
\v 5 As kam kuxh yolil ni talpeꞌ as kam kuxh jeꞌsaibꞌil nibꞌancheꞌ tiꞌ uvaꞌ yeꞌ la inima unqꞌa uxhchileꞌ u Tiixheꞌ, uveꞌ ni taleꞌ. Pet ech koj u yoleꞌ uveꞌ ni qaleꞌ, tan ni tolebꞌ tiꞌ teesal iqꞌii unqꞌa yoleꞌ uvaꞌ ni tal unqꞌa uxhchileꞌ tukꞌ unqꞌa jeꞌsaibꞌeꞌ. As jankꞌal unqꞌa vaꞌlexhla txumbꞌaleꞌ, as ni qeesa iqꞌii, aqꞌal uvaꞌ la inima veꞌt unqꞌa uxhchileꞌ viyol u Cristoeꞌ.   
\m
\v 6 As tul la oon oꞌ sexoꞌl, as la qil veꞌteꞌ moj ni chit enima viyol u Cristoeꞌ. As tul uvaꞌ la qootzi veꞌteꞌ uvaꞌ nenima viyol Aakeꞌ, as ayaꞌl chit kukꞌuꞌl la kubꞌan veꞌt isuuchil unqꞌa uxhchileꞌ sexoꞌl uvaꞌ yeꞌ ni niman.   
\p
\v 7 As la val sete, etootzitaj isuuchil unqꞌa txumbꞌaleꞌ uvaꞌ ni tuch sexoꞌl, tan unqꞌa uxhchileꞌ uvaꞌ at sexoꞌl uvaꞌ ni toksa tibꞌ sikꞌam u Cristoeꞌ, as paloj uveꞌ stuul uvaꞌ oꞌ ikꞌam u Cristoeꞌ unpajte.   
\m
\v 8 As kꞌuxh nunpaasa vibꞌ tiꞌ voksat jeꞌ unqꞌii tiꞌ u vijleꞌmeꞌ, as yeꞌl in nunchꞌixveꞌ, tan aꞌ u Kubꞌaal Jesúseꞌ kat aqꞌon veꞌt sve tiꞌ iyakꞌinsal vetaanxelaleꞌ. Pet jit tiꞌ iyansal vetaanxelaleꞌ nunbꞌaneꞌ.   
\m
\v 9 As jit exoꞌvisaleꞌ nunbꞌaneꞌ tul nuntzꞌibꞌa bꞌen unqꞌa uꞌujeꞌ sete.   
\m
\v 10 As jitꞌeꞌch nunbꞌaneꞌ echeꞌ uvaꞌ ni tal unqꞌa uxhchileꞌ sviꞌ uvaꞌ at sexoꞌl, tan ech ni tal ileꞌ: «Tii chit iyolon u Pablo, tul uvaꞌ nitzꞌibꞌa tzan unqꞌa yoleꞌ tu uꞌujeꞌ. Pet tul uvaꞌ at naj sukuxoꞌl, as yeꞌl chit itxaꞌk vitxumbꞌal najeꞌ tul niyoloneꞌ,» taqꞌ unqꞌa uxhchileꞌ ni taleꞌ.   
\m
\v 11 Pet la val te unqꞌa uxhchileꞌ uvaꞌ la toozi uvaꞌ kam vuntxumbꞌaleꞌ tul uvaꞌ yeꞌl in at in sexoꞌl tul nuntzꞌibꞌa bꞌen unqꞌa uꞌujeꞌ sete, as echat vuntxumbꞌaleꞌ la bꞌen unbꞌaneꞌ, tul uvaꞌ la oon in sexoꞌl, tan tii unyoloneꞌ la bꞌen unbꞌaneꞌ, tul la oon in.   
\p
\v 12 As in tukꞌ unqꞌa unmooleꞌ, as yeꞌ la uch qalataꞌ uvaꞌ eela u kutxumbꞌaleꞌ tukꞌ vitxumbꞌal unqꞌa uxhchileꞌ uveꞌ ni toksa jeꞌ iqꞌii sexoꞌl, aqꞌal uvaꞌ la kꞌulpu veꞌt setaꞌn, tan an kuxh unqꞌa uxhchileꞌ ni alon uvaꞌ kam vitxumbꞌaleꞌ la ibꞌaneꞌ. As ni taqꞌ tibꞌ tijleꞌm svatzaj. As ech ikꞌuchateꞌ uvaꞌ yeꞌl itxumbꞌal ati.   
\m
\v 13 Pet ech koj oꞌ, tan yeꞌ la kupaasa qibꞌ tiꞌ uvaꞌ alel kan taꞌn u Jesús tiꞌ qoksat kuqꞌii, tan aꞌ u Tiixheꞌ kat kꞌujbꞌaꞌn kan oꞌ tiꞌ uvaꞌ katil la oonkat oꞌ tukꞌ u qijleꞌmeꞌ. As Aakeꞌ kat alon uvaꞌ kat oon oꞌ sexoꞌl.   
\m
\v 14 Estiꞌeꞌ yeꞌl oꞌ nu kupaasa qibꞌ tiꞌ uvaꞌ katil kat ichajkat oꞌ u Tiixheꞌ, tan Aakeꞌ kat chajon oꞌ tiꞌ qoon sexoꞌl bꞌaxa tiꞌ ipaxsal u bꞌaꞌnla yoleꞌ tiꞌ u Cristoeꞌ.   
\m
\v 15 As yeꞌ la kupaasa qibꞌ tiꞌ qoksat kuqꞌii tiꞌ taqꞌon umaꞌt uxhchil. Pet aꞌ ni qaleꞌ uvaꞌ tul la yakꞌin veꞌt u kꞌujlebꞌal ekꞌuꞌleꞌ, as la eloch oꞌ aqꞌal uvaꞌ latel kupaxsa u bꞌaꞌnla yoleꞌ tiꞌ u Cristoeꞌ xoꞌl unjoltu unqꞌa tenameꞌ, echeꞌ uvaꞌ kat kubꞌan sexoꞌl.   
\m
\v 16 As la bꞌen kupaxsa u bꞌaꞌnla yoleꞌ tulaj unqꞌa tenameꞌ uveꞌ jit echen sekꞌatz uvaꞌ yeꞌ oonojkat itzibꞌlal u Cristo. As yeꞌ nu kusaꞌ uvaꞌ la kubꞌaneꞌ echeꞌ uvaꞌ nibꞌan unqꞌa uxhchileꞌ uvaꞌ aꞌ ni texkat uvaꞌ maꞌt ipaxsalkat itzibꞌlal u Cristo, tan aꞌ nisaꞌ unqꞌa uxhchileꞌ uvaꞌ la oksal iqꞌii taꞌn unqꞌa tenameꞌ.   
\m
\v 17 As la val sete:  
\q1 Asoj aꞌ nisaꞌ umaj uxhchil uvaꞌ la oksal iqꞌii,  
\q1 As aꞌ u Kubꞌaal Tiixheꞌ la oksan iqꞌii, tiꞌk u yoleꞌ.   
\m
\v 18 Tan jit u uxhchileꞌ la kꞌulpi uvaꞌ ni toksa jeꞌ iqꞌii. Pet aꞌ u uxhchileꞌ uvaꞌ ni toksal iqꞌii taꞌn u Tiixheꞌ.   
\c 11  
\p
\v 1 As aꞌ ni valeꞌ uvaꞌ la ekuy unbꞌooj in tiꞌ kaꞌt unqꞌa yoleꞌ uvaꞌ tuk val bꞌen sete tiꞌ u vijleꞌmeꞌ uveꞌ at setiꞌ, as kamal yeꞌxhkam la etoksa stuul.   
\m
\v 2 Tan an chit u Tiixheꞌ kat aqꞌon u vijleꞌmeꞌ tukꞌ vuntxumbꞌaleꞌ tiꞌ voksat vaama setiꞌ. As alel veꞌteꞌ setiꞌ svaꞌn uvaꞌ taꞌn kuxh u Cristoeꞌ la etoksa etaama stiꞌ, aqꞌal uvaꞌ yeꞌl veꞌt epaav tul la oon ex vatz u Cristo, echeꞌ toon umaj qꞌopo ixoj xeꞌ itzumel.   
\m
\v 3 As nitxumun vaama setiꞌ, vitzꞌin vatzik. As aꞌ ni valeꞌ uvaꞌ yeꞌ la ebꞌan etetz echeꞌ uveꞌ kat ibꞌan u Evaeꞌ tul kat maxtibꞌeli taꞌn u txꞌiꞌlanajeꞌ uvaꞌ kat ibꞌensa tibꞌ txꞌiꞌlatxooil. As echenik ebꞌaneꞌ, tan jit kuxh nim la yansal vetxumbꞌaleꞌ uvaꞌ kꞌujleꞌl tiꞌ u Cristo, tan aꞌ ni valeꞌ uvaꞌ jik chit kꞌujleꞌl ekꞌuꞌl tiꞌ Aak.   
\m
\v 4 As tul ni toon umaj uxhchil sexoꞌl as nekꞌuleꞌ tiꞌ talat umaꞌtoj yol sete, kꞌuxh jit u Jesúseꞌ ni tal u uxhchileꞌ echeꞌ uvaꞌ kat qal sete. As kꞌuxh jit u Tiixhla Espíritueꞌ ni tal u uxhchileꞌ sete, as mitaꞌn u bꞌaꞌnla yoleꞌ ni taleꞌ uvaꞌ kat enima bꞌaxa, pet yeꞌxhkam kuxh netal stiꞌ.   
\m
\v 5 As kꞌuxh ni toksa tibꞌ chajnaj nimla apóstolil, as yeꞌl chajnaj at pal koj vitxumbꞌaleꞌ sviꞌ.   
\m
\v 6 As kꞌuxh jit bꞌaꞌn unyoloneꞌ, as at untxumbꞌal taꞌn u Tiixheꞌ. As ootzimal chit setaꞌn, tan jatpajul kuxh kat unkꞌuch sete uvaꞌ at untxumbꞌal taꞌn Aak.   
\p
\v 7 As ex la alon moj vaꞌlexh kat unbꞌana, tul kat unpaxsa u bꞌaꞌnla yoleꞌ tiꞌ u Tiixheꞌ sexoꞌl, tan yeꞌ kat voksa unqꞌii tiꞌ unjajat umaj lochbꞌal sete. Pet aal kat voksa eqꞌii tiꞌ unlochat ex.   
\m
\v 8 As aal kat unkꞌul puaj te unqꞌa qitzꞌin qatzikeꞌ tu unjoltu unqꞌa tenameꞌ tiꞌ uvaꞌ la unpaxsa u bꞌaꞌnla yoleꞌ sexoꞌl.   
\m
\v 9 As kam uvaꞌ nikat isaꞌvit sviꞌ tul uvaꞌ atik in sexoꞌl, as yeꞌxhkam kat unjaj sete, tan tul kat ul iqꞌelu in unqꞌa qitzꞌin qatzikeꞌ uvaꞌ kat tzaa tu u Macedonia, as chajaakeꞌ kat ul aqꞌon sve kam uvaꞌ nik isaꞌvit sviꞌ. Estiꞌeꞌ yeꞌl umaj lochbꞌal kat unjaj sete. As echattel kuxh tuk unbꞌaneꞌ.   
\m
\v 10 As ootzimal svaꞌn uvaꞌ aꞌ isuuchil u jikla yoleꞌ tiꞌ u Cristo uvaꞌ at veꞌt tu u vaanxelaleꞌ. As ootzimal svaꞌn unpajte uvaꞌ yeꞌl umaj ex uvaꞌ eyen ex tu u Acaya la eesan u chiibꞌichileꞌ uvaꞌ at tu u vaanxelaleꞌ tan tiꞌ uvaꞌ yeꞌxhkam kat unjaj sete, tul uvaꞌ atik in sexoꞌl.   
\m
\v 11 As yeꞌle uvaꞌ ex koj yeꞌ nunsaꞌ ex tul ni val unqꞌa yoleꞌ tiꞌ uvaꞌ yeꞌ la unkꞌul umaj lochbꞌal vetz sete. ¡Pet ootzimaleꞌ taꞌn u Tiixheꞌ uvaꞌ xoꞌn chit ex sve!   
\p
\v 12 As latel chit unbꞌaneꞌ uvaꞌ yeꞌl lochbꞌal vetz la unjaj sete, aqꞌal uvaꞌ yeꞌ la chee iyol unqꞌa uxhchileꞌ uveꞌ ni toksa jeꞌ iqꞌii tiꞌ ibꞌanat tibꞌ eela tukꞌ u vijleꞌmeꞌ.   
\m
\v 13 Pet nu kuxh toksa jeꞌ tibꞌ unqꞌa uxhchileꞌ apóstolil tiꞌ u Cristoeꞌ. As kꞌuxh ni toksa tibꞌ chajnaj lochol etetz, pet nu kuxh ichuli tibꞌ chajnaj tukꞌ u tijleꞌmeꞌ.   
\m
\v 14 As yeꞌ la sotz veꞌt ekꞌuꞌl stiꞌ, tan echat nibꞌan u Satanás, tan ni toksa tibꞌ naj echeꞌ umaj u ángel.\f + \fr 11.14 \ft Aꞌ isuuchil u yoleꞌ tu yolbꞌal griego: umaj u ángel tetz u sajeꞌ.\f*   
\m
\v 15 Estiꞌeꞌ uvaꞌ yeꞌ la sotz ekꞌuꞌl tul uvaꞌ ni toksa tibꞌ unqꞌa uxhchileꞌ bꞌaꞌnla aamail uvaꞌ ni bꞌanon u vaꞌlexheꞌ. As aꞌ uxhchileꞌ uvaꞌ la ul u kꞌaxkꞌoeꞌ stiꞌ.   
\s1 Niyolon u Pablo tiꞌ u kꞌaxkꞌoeꞌ uveꞌ nipalebꞌe  
\p
\v 16 As aꞌ ni valeꞌ uvaꞌ yeꞌ la etal sviꞌ uvaꞌ yeꞌl untxumbꞌal ati. As kꞌuxh at uxhchil ni alon sviꞌ uvaꞌ yeꞌl untxumbꞌal ati, pet ekꞌultaj kuxh in tijikil, aqꞌal uvaꞌ la uch unjeꞌsat unbꞌooj vibꞌ tiꞌ u vijleꞌmeꞌ.   
\m
\v 17 As ootzimaleꞌ svaꞌn uvaꞌ yeꞌl kuxh itxaꞌk u jeꞌsaibꞌeꞌ uveꞌ ni valeꞌ, tan aꞌeꞌ nibꞌan unqꞌa uxhchileꞌ uvaꞌ yeꞌl itxumbꞌal ati. As jitꞌeꞌch ni tal u Kubꞌaal Tiixheꞌ uvaꞌ ech la kubꞌaneꞌ.   
\m
\v 18 Pet yeꞌ saach unqꞌa uxhchileꞌ uvaꞌ nijeꞌsa tibꞌ tukꞌ vichiꞌoleꞌ uveꞌ nibꞌaneꞌ. Estiꞌeꞌ antu veꞌt in la unjeꞌsa veꞌt vibꞌ tiꞌ u vijleꞌmeꞌ, echeꞌ uveꞌ nibꞌan unqꞌa uxhchileꞌ.   
\m
\v 19 As kꞌuxh at etxumbꞌal netal jeꞌ sete, ¡as nekuy unqꞌa uxhchileꞌ uveꞌ at sexoꞌl uveꞌ vaꞌlexh kuxh itxumbꞌal!   
\m
\v 20 As nekuy unqꞌa uxhchileꞌ uvaꞌ kam kuxh ni tulbꞌe ex, tan at uxhchil ni oksan ex tiꞌ enimat unqꞌa itxumbꞌal chajnajeꞌ. As kam kuxh nijaj chajnaj sete. As nimaxtibꞌe ex chajnaj. As nim chit ni toksakat tibꞌ chajnaj tiꞌ ijeꞌsat tibꞌ. As niyoqꞌ ex chajnaj eela kuxh stukꞌ uvaꞌ evatz nitzꞌichpu taꞌn qꞌabꞌ.   
\m
\v 21 Pet esotzsataj unpaav, tan tiꞌ uvaꞌ yeꞌl iyakꞌil vunyoleꞌ uvaꞌ kat val sete echeꞌ uvaꞌ ni tal chajnaj sete.  
\p Pet ech koj tuk unbꞌan cheel, tan la unjeꞌsa veꞌt vibꞌ echeꞌ uvaꞌ nibꞌan chajnaj, kꞌuxh ech unyoloneꞌ echeꞌ umaj uxhchil uvaꞌ yeꞌl itxumbꞌal ati.   
\m
\v 22 As kꞌuxh hebreo chajnaj, as echat in. As tiaal Israel chajnaj. As echat in, tan in tiaal Israel. As tiaal Abraham chajnaj. As echat in, tan in tiaal Abraham unpajte.   
\m
\v 23 Asoj ikꞌam u Cristo chajnaj, as echat in, tan in ikꞌam u Cristo. As at pal u vijleꞌmeꞌ tiꞌ chajnaj. (¡As vaꞌlen kuxh nunbꞌaneꞌ nunnacheꞌ, tiꞌ unjeꞌsat vibꞌ!) As yeꞌ nilejon uveꞌ nibꞌan chajnaj tiꞌ uveꞌ nunbꞌaneꞌ, tan jatpajul kuxh kat oksal in tu u kaarsa tiꞌ unpaxsat u bꞌaꞌnla yoleꞌ tiꞌ u Cristo. As jatpajul kuxh kat qꞌospu veꞌt in taꞌn tzꞌuꞌm; jatpajul kuxhtuꞌ uvaꞌ bꞌiit kuxh yeꞌ kat kam in tiꞌ uvaꞌ nimamal u Cristo svaꞌn,   
\m
\v 24 tan oꞌpajuul kat qꞌospu veꞌt in taꞌn tzꞌuꞌm taꞌn unqꞌa tiaal Israeleꞌ uvaꞌ ni ixvan u Jesúseꞌ. As vinaj bꞌelelaval (39) qꞌosbꞌeꞌm kat bꞌanax sve chajpaj.   
\m
\v 25 As oxpajul kat qꞌospu veꞌt in taꞌn tzeꞌ. As unpajte kat sutil kꞌubꞌ sviꞌ. Oxpajte uvaꞌ kat ok in tu u barco, as kat bꞌen in xeꞌ u mar. As ibꞌan unpajul umaꞌl qꞌii as umaꞌt aqꞌbꞌal kat kaa in viꞌ u mar.   
\m
\v 26 As tul nikat unxaan tulaj unqꞌa tenameꞌ as tul nikat unqꞌaxi unqꞌa nimla aꞌeꞌ tiꞌ ipaxsal u bꞌaꞌnla yoleꞌ, as yeꞌ saach unqꞌa kꞌaxkꞌoeꞌ nikat unpalebꞌe taꞌn unqꞌa elqꞌomeꞌ, tukꞌ unjoltu unqꞌa tiaal Israel as tukꞌ kaꞌt unqꞌa jit tiaal Israel. As kꞌuxh tu u tenam, as kꞌuxh tu umaj atinbꞌal uvaꞌ yeꞌl uxhchil at stuul as moj viꞌ u mar, as mamaꞌla kꞌaxkꞌo kat unpalebꞌe. As kat unpalebꞌe kꞌaxkꞌo taꞌn unqꞌa uxhchileꞌ uvaꞌ nu kuxh toksa tibꞌ niman tetz u Jesúseꞌ.   
\m
\v 27 As nikat unpalebꞌe kꞌaxkꞌo taꞌn unqꞌa aqꞌoneꞌ, tan kat kool in staꞌn. As jatpajul kuxh yeꞌ kat vat in. Nikat unkuy vaꞌy tukꞌ tzajitziꞌl tiꞌ uvaꞌ yeꞌlik vechbꞌubꞌal atike. Jatpajul kuxh nikat unkuy cheꞌv, tan nikat isaꞌvit oksaꞌm sviꞌ.   
\p
\v 28 As jit kuxh taꞌneꞌ nunpalebꞌe, tan jun qꞌii nixaan veꞌt vaama tiꞌ vitzꞌat unqꞌa qitzꞌin qatzikeꞌ uveꞌ ni niman u Jesús tulaj unqꞌa tenameꞌ skajayil,   
\m
\v 29 tan tul uvaꞌ ninach umaj qitzꞌin qatzik uvaꞌ yeꞌl chit iyakꞌil u taanxelaleꞌ ati, as texh in nunnacheꞌ, tul uvaꞌ ni vabꞌi u yoleꞌ stiꞌ. As tul uvaꞌ nimaxtibꞌel umaj qitzꞌin qatzik tiꞌ ipaavineꞌ, as ni tul unviꞌ tiꞌ uveꞌ nibꞌanax ste.   
\p
\v 30 As ni vileꞌ uvaꞌ techal chit la unjeꞌsa vibꞌ. As aꞌ la unjeꞌsakat vibꞌ tiꞌ unqꞌa veeꞌ yeꞌ nuntxꞌol unbꞌanat sunjunal.   
\m
\v 31 As aꞌ u Tiixheꞌ, viBꞌaal u Kubꞌaal Jesucristoeꞌ uveꞌ ni toksal iqꞌii tiꞌ chit ibꞌeneꞌ, as ootzimal taꞌn Aak uvaꞌ yeꞌl yol nunchuli.   
\m
\v 32 As tul uvaꞌ atik in tu u tenam uvaꞌ Damasco, as tal veꞌt u bꞌanol ivatz u ijlenaaleꞌ uvaꞌ Aretas, ixeep unqꞌa bꞌeyeꞌ tu u tenameꞌ skajayil tiꞌ untxeypeꞌ.   
\m
\v 33 As kat aqꞌax kuꞌ in tu umaꞌl u nimla xuꞌk tiꞌ vel chꞌuꞌl tu umaꞌl u tokebꞌal saj, tan atik ok tapiaal tiꞌ u tenameꞌ. As kat aqꞌax kuꞌ tzan in taꞌn ijvil tu txꞌavaꞌ. As kat ooj veꞌt in. As yeꞌ kat txeypu veꞌt in taꞌn u bꞌanol ivatz u ijlenaaleꞌ.   
\c 12  
\s1 Niyolon u Pablo tiꞌ umaꞌl u kꞌaxkꞌo uvaꞌ echeꞌ vokkin chꞌiꞌx  
\p
\v 1 As kꞌuxh yeꞌxhkam kuxh la untxꞌak tukꞌ unyoloneꞌ, as techal chit tuk unjeꞌsa bꞌiitoj vibꞌ. As tuk val sete tiꞌ unqꞌa veeꞌ uvaꞌ kat ikꞌuch tibꞌ sve, as tiꞌ unqꞌa txumbꞌaleꞌ uveꞌ kat ikꞌuch u Kubꞌaal Jesúseꞌ sve.   
\m
\v 2 As kat ibꞌanlu kaalaval yaabꞌ vootzit umaꞌl u qitzꞌin qatzik uvaꞌ nimamal u Cristoeꞌ staꞌn. As kat eqꞌol jeꞌ tu toxvu almikaꞌ. Yeꞌ vootzaj moj tukꞌ vichiꞌoleꞌ as moj jit tukꞌ vichiꞌoleꞌ kat bꞌenkat, pet taꞌn kuxh u Tiixheꞌ ootzin tetz.   
\m
\v 3 As vootzajleꞌ u najeꞌ taꞌn kuxheꞌ tan yeꞌ vootza moj tukꞌ vichiꞌoleꞌ as moj jit tukꞌ vichiꞌoleꞌ taꞌn kuxh u Tiixheꞌ ootzin tetz.   
\m
\v 4 As kat eqꞌol jeꞌ u najeꞌ tu almikaꞌ, as kat tabꞌi veꞌt naj kaꞌl unqꞌa achvebꞌalla yol uvaꞌ yeꞌxhebꞌil la txꞌakon talpeꞌ.   
\m
\v 5 As nuntxꞌuktxun tiꞌ u najeꞌ, ech koj veꞌt in tan la voksa veꞌt unqꞌii tiꞌ unqꞌa veeꞌ yeꞌ nuntxoleꞌ.   
\m
\v 6 As kꞌuxh la unjeꞌsa vibꞌ tiꞌ unqꞌa veeꞌ kat vila, as jit vaꞌlexheꞌ uvaꞌ la valeꞌ, tan an chiteꞌ u yoleꞌ uvaꞌ la valeꞌ. Pet yeꞌ la unbꞌaneꞌ, tan yeꞌ nunsaꞌ uvaꞌ la oksal unqꞌii tiꞌ unqꞌa vaaꞌ kat unbꞌan tukꞌ uvaꞌ kat vala.   
\m
\v 7 As tiꞌ uvaꞌ yeꞌ la unpaasa vibꞌ tiꞌ uvaꞌ kam kat bꞌex vila, as estiꞌeꞌ nunpalebꞌe unqꞌa kꞌaxkꞌoeꞌ uvaꞌ echeꞌ umaj chꞌiꞌx uvaꞌ kat ok tiꞌ vunchiꞌoleꞌ. As yeꞌ niteleꞌ. As aꞌ u Satanáseꞌ kat aqꞌon tzan u kꞌaxkꞌoeꞌ sviꞌ, tiꞌ uvaꞌ yeꞌ la unpaasa vibꞌ tiꞌ unjeꞌsat vibꞌ.   
\m
\v 8 As oxpajul kat unjaj kuybꞌal te u Kubꞌaal Jesúseꞌ uvaꞌ la teesa Aak u kꞌaxkꞌoeꞌ sviꞌ.   
\m
\v 9 As ech kat tal Aak ileꞌ sve: «Kꞌujbꞌaꞌ akꞌuꞌl tiꞌ vunbꞌaꞌnileꞌ uvaꞌ at sakꞌatz, tan aꞌ nunkꞌuchkat vunyakꞌileꞌ te unqꞌa uxhchileꞌ uvaꞌ nipal stuul uvaꞌ yeꞌxhkam nitxꞌol ibꞌanat sijunal,» tiꞌk Aak tal sve. Estiꞌeꞌ uvaꞌ la unjeꞌsa vibꞌ tiꞌ unqꞌa veeꞌ uvaꞌ yeꞌ nuntxꞌol unbꞌanat sunjunal, tan tul uvaꞌ ech nunbꞌaneꞌ, as nikꞌuch u Cristo viyakꞌileꞌ sve tiꞌ ilochat in Aak.   
\m
\v 10 Estiꞌeꞌ vaꞌl untxuqꞌtxuneꞌ, tul uvaꞌ nunnacheꞌ uvaꞌ yeꞌ la untxꞌoleꞌ, as tul uvaꞌ nunyoqꞌpeꞌ, as nunpalebꞌe kꞌaxkꞌo, as moj nixaansal vaama. As kam kuxh itzaꞌlalil nunpalebꞌe tiꞌ u Cristo, as tul uvaꞌ nunnacheꞌ uvaꞌ yeꞌ la untxꞌoleꞌ, as Aak ni aqꞌon iyakꞌil u vaanxelaleꞌ.   
\p
\v 11 As ech unyoloneꞌ sete echeꞌ iyolon umaj uxhchil uvaꞌ yeꞌl itxumbꞌal ati. As eqꞌaqꞌal kuxhtuꞌ uvaꞌ ech kat unbꞌaneꞌ, tan aal bꞌaꞌneꞌ uvaꞌ ex koj kat alon u yoleꞌ sviꞌ te unqꞌa uxhchileꞌ tiꞌ etoksat unqꞌii. As jit koj in kat alon, tan at paleꞌ u vijleꞌmeꞌ tiꞌ unqꞌa uxhchileꞌ uveꞌ ni toksa jeꞌ tibꞌ apóstolil, kꞌuxh yeꞌxhkam nuntxꞌol unbꞌanat sunjunal.   
\m
\v 12 As tul atik in sexoꞌl, as kat unkꞌuch u vijleꞌmeꞌ sete uvaꞌ in apóstol, tan kat etil unbꞌanat unqꞌa kꞌuchbꞌal tetz u tijleꞌm u Tiixheꞌ tukꞌ unqꞌa veeꞌ uvaꞌ kat unbꞌana uvaꞌ kat teqꞌo etaama staꞌn. As nim vaama kat unbꞌana tul atik in sexoꞌl.   
\m
\v 13 Asoj vaꞌlexh kat unbꞌan sevatz, as esotzsataj unpaav, tan jitꞌeꞌch kat vulbꞌe exeꞌ echeꞌ kat ibꞌan unjoltu unqꞌa qitzꞌin qatikeꞌ, tan kat unjaj lochbꞌal vetz te chajaak. Pet tul uvaꞌ atik in sexoꞌl, as yeꞌl lochbꞌal vetz kat unjaj sete. Asoj kat yan etaama sviꞌ tiꞌ uvaꞌ yeꞌ kat unjaj u lochbꞌaleꞌ sete, as ¡esotzsataj unpaav stiꞌ!   
\s1 Ni tal u Pablo iqꞌelut unqꞌa aa Corinto titoxpa  
\p
\v 14 As nunbꞌan veꞌt vucheꞌ tiꞌ bꞌen unqꞌelut ex titoxpa. As tul la oon in sexoꞌl, as yeꞌ la etitzꞌa unlochpeꞌ, tan jit u txꞌiibꞌal eqꞌiieꞌ ni vileꞌ. Pet exeꞌ ni vitzꞌa ex, tan ech etatineꞌ sunkꞌatz echeꞌ tatin unqꞌa talaj intxaꞌeꞌ kꞌatz ibꞌaal, tan jit unqꞌa talaj intxaꞌeꞌ ni kꞌuulan vibꞌaaleꞌ. Pet aꞌ u bꞌaalaeꞌ kꞌujleꞌle tiꞌ ikꞌuulat unqꞌa italaj intxaꞌeꞌ.   
\m
\v 15 As ayaꞌl chit unkꞌuꞌl la vaqꞌ u txꞌiibꞌal unqꞌiieꞌ skajayil tiꞌ unlochat ex. As ayaꞌl chit unkꞌuꞌl la vaqꞌ vibꞌ setiꞌ tukꞌ vuntiichajileꞌ. As maas chit xoꞌn ex sve. ¿As kam qꞌi uvaꞌ jit ayaꞌl ekꞌuꞌl nexoꞌni in?   
\p
\v 16 As yeꞌxhkam unbꞌooj kat vitzꞌa uvaꞌ la etaqꞌ sve. Pet at ex ni alon sviꞌ uvaꞌ kat kuxh unmaxtibꞌe ex tukꞌ vunpasan tziilla txumbꞌaleꞌ tiꞌ veesat unbꞌooj puaj teqꞌabꞌ.   
\m
\v 17 As yeꞌl ex kat unmaxtibꞌe ex, tul kat unchaj bꞌen unqꞌa qitzꞌin qatzikeꞌ sexoꞌl.   
\m
\v 18 ¿As moj kat bꞌex imaxtibꞌe ex u Tito, tul kat unchaj bꞌen sexoꞌl tukꞌ umaꞌt u qitzꞌin qatzikeꞌ? As ootzimal setaꞌn uvaꞌ eela kuxh itxumbꞌal u Tito kat ibꞌana tukꞌ vuntxumbꞌaleꞌ tul uvaꞌ atik sexoꞌl.   
\p
\v 19 ¿As ma aꞌ netitzꞌa uveꞌ tiꞌ kuxh unqꞌalat vibꞌ vatz unqꞌa yoleꞌ uvaꞌ nitalpu sviꞌ nuntzꞌibꞌakat bꞌen unqꞌa yoleꞌ sete? As jit stiꞌeꞌ nuntzꞌibꞌakat bꞌen sete. Pet vatz u Tiixheꞌ ni valkat unqꞌa yoleꞌ sete, tan umaꞌl kuxh kuyol tukꞌ u Cristoeꞌ setukꞌ. Estiꞌeꞌ, vitzꞌin vatzik uvaꞌ xoꞌn chit veꞌt ex sve. As kam kuxh unqꞌa veeꞌ nu kubꞌan sexoꞌl tukꞌ u Tito, as aꞌ nu kusaꞌ uvaꞌ la yakꞌin veꞌt vetaanxelaleꞌ kꞌatz u Tiixheꞌ.   
\m
\v 20 Pet nitxumun vaama setiꞌ, tan ni vitzꞌa uvaꞌ tul la oon in sexoꞌl, as jitꞌeꞌch vetxumbꞌaleꞌ la ibꞌaneꞌ echeꞌ uvaꞌ ni vitzꞌa. As mitaꞌn vuntxumbꞌaleꞌ la ibꞌan sevatz echeꞌ uvaꞌ nesaꞌ sviꞌ, tan ni vitzꞌa uvaꞌ kamal at exoꞌl sevatzaj. As moj nichꞌoꞌnsa tibꞌ etaama; as moj ni tul eviꞌ; as moj netixva etibꞌ sevatzaj; as moj ni teesa tibꞌ eqꞌii sevatzaj; as moj nechij yolineꞌ; as moj nejeꞌsa etibꞌ; as moj aꞌ kuxh nebꞌaneꞌ uvaꞌ yeꞌ nibꞌancheꞌ.   
\m
\v 21 As ni vitzꞌa uvaꞌ tul la oon in sexoꞌl unpajte, as la chꞌixvu veꞌt in vatz u Tiixheꞌ. As la oqꞌ veꞌt in taꞌn txumuꞌm, tan tiꞌ uvaꞌ at ex uvaꞌ antel kuxh epaavineꞌ vatz Aak. As yeꞌl ex nekꞌaxa etibꞌ tiꞌ u vaꞌlexheꞌ uvaꞌ nebꞌaneꞌ tiꞌ ebꞌanataꞌ kam uvaꞌ nisaꞌ vechiꞌoleꞌ as tiꞌ eyansat etibꞌ tukꞌ umaꞌt uxhchil.   
\c 13  
\p
\v 1 As itoxpa unqꞌelut veꞌt exeꞌ u vaaꞌ. As ech la ibꞌan kaꞌvoꞌj moj oxvoꞌj uxhchil tiꞌ bꞌen talat isuuchil umaj yol, echeꞌ uvaꞌ ni tal u yoleꞌ uvaꞌ tzꞌibꞌamal kan:  
\q1 Tukꞌ iyol kaꞌvoꞌj uxhchil moj oxvoꞌj uxhchil uveꞌ la alon isuuchil tiꞌ ixochoneꞌ, as la nimali, tiꞌk u yoleꞌ.   
\m
\v 2 As echat chit la ibꞌaneꞌ tul la oon in sexoꞌl, tan alel veꞌteꞌ sete svaꞌn uvaꞌ la oon in sexoꞌl unpajte. As kꞌuxh yeꞌl in at in sexoꞌl cheel, as la chit val veꞌt sete unpajte: Tul uvaꞌ la oon in sexoꞌl titoxpa, as techal la voksa vepaaveꞌ stuul tiꞌ unbꞌanat esuuchil, jankꞌal ex uveꞌ kat paavin ex naꞌytzan as tukꞌ unjoltu ex uvaꞌ yeꞌ neyaꞌsa epaavin cheel,   
\m
\v 3 tan at ex ni alon uvaꞌ la unkꞌuch sete uvaꞌ aꞌ u Cristoeꞌ ni aqꞌon u vijleꞌmeꞌ tiꞌ valat unqꞌa yoleꞌ sete. As yeꞌle uvaꞌ yeꞌl koj iyakꞌil viyol Aakeꞌ uvaꞌ kat alpu sete. Pet at viyakꞌil Aakeꞌ sexoꞌl.   
\m
\v 4 As kꞌuxh kat eesal iqꞌii u Cristoeꞌ, tul kat yatzꞌax Aak vatz u kuruseꞌ, as ech koj cheel, tan isleꞌl Aak taꞌn viyakꞌil u Tiixheꞌ. As echat in, tan kꞌuxh ni teesal unqꞌii echeꞌ uvaꞌ kat ulbꞌel Aak, as tukꞌ viyakꞌil u Tiixheꞌ as isleꞌl in sexoꞌl tukꞌ u vijleꞌmeꞌ, echeꞌ u tijleꞌm u Cristo.   
\p
\v 5 As ebꞌantaj teviꞌ ma nimamal u bꞌaꞌnla yoleꞌ tiꞌ u Cristo setaꞌn, pet moj yeꞌle. As etitzꞌataj etibꞌ. ¿Moj yeꞌ ootzimal setaꞌn uveꞌ at veꞌt u Jesucristoeꞌ sekꞌatz? Asoj nimamal u bꞌaꞌnla yoleꞌ setaꞌn, as aꞌeꞌ ni kꞌuchun uvaꞌ at Aak sekꞌatz. Pet asoj yeꞌ nesaꞌ enimataꞌ, as yeꞌl Aak at sekꞌatz.   
\m
\v 6 As nunsaꞌ uvaꞌ la etootzi uvaꞌ at veꞌt u Jesucristo sukukꞌatz.   
\m
\v 7 As nu kunach Tiixh setiꞌaj, aqꞌal uvaꞌ yeꞌ la etoksa etibꞌ tiꞌ enimat unqꞌa vaꞌlexheꞌ. As jit tiꞌ uvaꞌ la ilpu veꞌteꞌ uvaꞌ at veꞌt u Cristoeꞌ sukukꞌatz uvaꞌ nu kunachkat Tiixh setiꞌ. Pet tiꞌ uvaꞌ la enima u bꞌaꞌneꞌ, kꞌuxh la alpu sqiꞌ uvaꞌ yeꞌl u Cristo at sukukꞌatz.   
\m
\v 8 As yeꞌ la uchi uvaꞌ la kumaj ex tiꞌ ebꞌanat u jikeꞌ. Pet aal la kuloch ex tiꞌ enimataꞌ.   
\m
\v 9 As tul uvaꞌ nebꞌan u jikeꞌ, as nu kuchiibꞌeꞌ. As jit tzꞌajinal la kuyaa ex tukꞌ u qijleꞌmeꞌ. Estiꞌeꞌ nu kunach Tiixh setiꞌ tiꞌ uvaꞌ bꞌaꞌn etatineꞌ la ibꞌaneꞌ.   
\m
\v 10 As nuntzꞌibꞌa bꞌen u uꞌujeꞌ sete bꞌaxa tul uvaꞌ yeꞌxnaj bꞌen vilat ex unpajte, aqꞌal uvaꞌ yeꞌ la unkꞌaxbꞌisa ex tukꞌ u vijleꞌmeꞌ, tul la oon in sexoꞌl, tan kat taqꞌ u Kubꞌaal Jesús u vijleꞌmeꞌ tiꞌ eyakꞌinsaleꞌ sevatzaj. As jit tiꞌ eyansaleꞌ.   
\s1 Nitzojpisa u Pablo itzꞌibꞌat bꞌen u uꞌujeꞌ tu u Corinto  
\p
\v 11 Tuk untzojpisa veꞌt unyolon sete, vitzꞌin vatzik. Yeꞌ txumun ex. Pet echuktaj txumbꞌal tiꞌ uvaꞌ bꞌaꞌn etatineꞌ sevatzaj tiꞌ enimat unqꞌa yoleꞌ uveꞌ ni val sete. As unvatzuloj vetxumbꞌaleꞌ sevatzaj. As la atin u Tiixheꞌ sexoꞌl uveꞌ ni xoꞌnin oꞌ, tan Aakeꞌ ni aqꞌon sqe uvaꞌ bꞌaꞌn qatin sukuvatzaj.   
\m
\v 12 As ayaꞌl chit ekꞌuꞌl la etiixhi etibꞌ tan ex veꞌt niman tetz u Tiixheꞌ.\f + \fr 13.12 \ft Aꞌ isuuchil u yoleꞌ tu yolbꞌal griego: Tul la etiixhi etibꞌ, as la itzꞌubꞌ tibꞌ txala etziꞌ sevatzaj.\f*   
\m
\v 13 Ni taqꞌ bꞌen unqꞌa qitzꞌin qatzikeꞌ itzii sete uvaꞌ at sunkꞌatz.   
\p
\v 14 Aꞌ vibꞌaꞌnil u Kubꞌaal Jesucristo la atin setiꞌaj. As aꞌ u Tiixheꞌ la txumun evatz, tan xoꞌn chit ex te Aak. As aꞌ u Tiixhla Espíritueꞌ la lochon ex, aqꞌal uvaꞌ unvatzul kuxh vetxumbꞌaleꞌ la ibꞌan sevatzaj. An chiteꞌ.