\id 1CO  - Ixil, Nebaj NT (ixi) -Guatemala 2010 (DBL -2013) 
\h 1 CORINTIOS 
\toc1 U bꞌaxa uꞌuj uvaꞌ itzꞌibꞌa bꞌen u Pablo te unqꞌa aa Corinto uvaꞌ ni niman u Jesús 
\toc2 1 Corintios 
\toc3 1 Co 
\mt1 U bꞌaxa uꞌuj  
\mt2 uvaꞌ itzꞌibꞌa bꞌen u Pablo  
\mt1 te unqꞌa aa Corinto  
\mt2 uvaꞌ ni niman u Jesús  
\c 1  
\s1 Ni taqꞌ bꞌen u Pablo itzii  
\p
\v 1 Ineꞌ in Pablo, as kat molol in tiꞌ vok apóstolil tiꞌ u Jesucristo, tan aꞌeꞌ nisaꞌ u Tiixheꞌ sviꞌ. As at u qitzꞌin qatzikeꞌ u Sóstenes tzitzaꞌ sunkꞌatz.   
\m
\v 2 As tuk untzꞌibꞌa bꞌen u uꞌujeꞌ sete, jankꞌal ex uveꞌ nemol etibꞌ tiꞌ enachat Tiixh tu u tenameꞌ uvaꞌ Corinto, as ex uvaꞌ txaael veꞌt ex taꞌn Aak, as ekꞌuchtaj veꞌteꞌ uvaꞌ txaael veꞌt ex taꞌn Aak. As jit kuxh sete ni vaqꞌkat bꞌen u uꞌujeꞌ. Pet antu unjoltu unqꞌa qitzꞌin qatzikeꞌ uveꞌ ni niman u Jesucristo, kꞌuxh katil kuxh atkat unqꞌa uxhchileꞌ, tan Aakeꞌ u Kubꞌaaleꞌ. As Aakeꞌ viBꞌaal unqꞌa qitzꞌin qatzikeꞌ skajayil.   
\m
\v 3 Aꞌ u Kubꞌaal Tiixheꞌ tukꞌ u Kubꞌaal Jesucristo la aqꞌon vibꞌaꞌnileꞌ setiꞌaj tiꞌ uvaꞌ bꞌaꞌn etatineꞌ sevatzaj.   
\s1 Ni taqꞌ u Pablo taꞌntiixh te u Tiixheꞌ tiꞌ unqꞌa nimla bꞌaꞌnileꞌ  
\p
\v 4 As ni vaqꞌ taꞌntiixh te u Kubꞌaal Tiixheꞌ setiꞌ sbꞌenameen, as tiꞌ u nimla bꞌaꞌnileꞌ uvaꞌ kat taqꞌ Aak setiꞌ, ex uvaꞌ at veꞌt ok ex kꞌatz u Kubꞌaal Jesucristo.   
\m
\v 5 As ibꞌaꞌnil kuxh Aak as nimal bꞌaꞌnil kat etillu veꞌteꞌ, tan tiꞌ uvaꞌ kat alax veꞌt viyol Aakeꞌ sexoꞌl. As at veꞌt etxumbꞌal staꞌn,   
\m
\v 6 tan kat yakꞌin veꞌt u yoleꞌ tu vetaanxelaleꞌ uvaꞌ kat kuchus sete tiꞌ u Cristoeꞌ.   
\m
\v 7 As tul uvaꞌ yeꞌxnaj ul u Kubꞌaal Jesucristo vatz u txꞌavaꞌeꞌ unpajte, as yeꞌl umaꞌtoj bꞌaꞌnil nisaꞌvit setiꞌ, tan ayaꞌl chit ekꞌuꞌl netxꞌebꞌoneꞌ tiꞌ u tulebꞌal Aakeꞌ.   
\m
\v 8 As Aakeꞌ la lochon ex tiꞌ uvaꞌ kꞌujleꞌl veꞌt ekꞌuꞌl tiꞌ Aak la ibꞌaneꞌ techal la ul Aak unpajte, aqꞌal uvaꞌ yeꞌl epaav la chee vatz Aak tu u qꞌiieꞌ uvaꞌ la ul Aak tiꞌ ibꞌanax isuuchil unqꞌa tenameꞌ skajayil.   
\m
\v 9 As kꞌujlebꞌal kꞌuꞌl chiteꞌ u Tiixheꞌ uvaꞌ kat molon veꞌt ex tiꞌ etok kꞌatz viKꞌaol Aakeꞌ, u Kubꞌaal Jesucristo, tan la chit itzojpisa u Tiixheꞌ kam uvaꞌ kat tal Aak.   
\s1 Niyaan u Pablo tiꞌ uvaꞌ jit eela iyolon unqꞌa niman tetz u Jesús svatzaj  
\p
\v 10 As nunbꞌeya sete, vitzꞌin vatzik, tukꞌ vibꞌii u Kubꞌaal Jesucristoeꞌ, tiꞌ uvaꞌ vatzuloj chit eyoloneꞌ sevatzaj. As yeꞌ kuxh ijatx tibꞌ evatz. Pet eela chit vetxumbꞌaleꞌ sevatzaj la ibꞌaneꞌ kam uvaꞌ la tal etaama.   
\m
\v 11 Pet tuk val sete, vitzꞌin vatzik, uvaꞌ kat ul tal kaꞌl unqꞌa tatin u Cloé sve uvaꞌ jit eela eyolon sevatzaj.   
\m
\v 12 As ni vabꞌi uvaꞌ at unjolol ex ni alon uvaꞌ: «Echen oꞌ kꞌatz u Pablo,» chꞌex netal sviꞌ. As at unjoltu ex ni alon uvaꞌ: «Echen oꞌ kꞌatz u Apolo,» chꞌex netaleꞌ. As at unjoltu ex ni alon uvaꞌ: «Echen oꞌ kꞌatz u Cefas,» chꞌex netaleꞌ. As at ex ni alon uvaꞌ: «Echen oꞌ kꞌatz u Cristo,» chꞌex netaleꞌ.   
\m
\v 13 ¿As jatvaꞌl qꞌi elnal vitenam u Cristo stuul uvaꞌ netaleꞌ? ¿Moj in uvaꞌ kat kam in vatz u kuruseꞌ setiꞌ? As tul kat kuꞌ veꞌt ex xeꞌ aꞌ, ¿as ma tukꞌ vunbꞌiieꞌ kat kuꞌkat ex?   
\m
\v 14 As ni vaqꞌ taꞌntiixh te u Tiixheꞌ uvaꞌ yeꞌl umaꞌtoj ex kat vaqꞌ kuꞌ ex xeꞌ aꞌ. Pet taꞌn kuxh u Crispo tukꞌ u Gayo kat vaqꞌ kuꞌ xeꞌ u aꞌeꞌ.   
\m
\v 15 Estiꞌeꞌ yeꞌl umaj ex la alon uvaꞌ kat vaqꞌ kuꞌ ex xeꞌ u aꞌeꞌ tukꞌ vunbꞌiieꞌ.   
\m
\v 16 As kꞌuxh taꞌn kuxh kat vaqꞌ kuꞌ unqꞌa tatin u Estéfanas xeꞌ u aꞌeꞌ, as yeꞌ ni tul sunkꞌuꞌl asoj kat vaqꞌ kuꞌ umaꞌtoj uxhchil xeꞌ u aꞌeꞌ.   
\m
\v 17 Tan yeꞌl in chajel koj in taꞌn u Cristoeꞌ tiꞌ vaqꞌat kuꞌ unqꞌa uxhchileꞌ xeꞌ aꞌ. Pet kat ichaj in Aak tiꞌ valat u bꞌaꞌnla yoleꞌ xoꞌl unqꞌa tenameꞌ. As tul kat val isuuchil u yoleꞌ sexoꞌl, as jit unqꞌa yoleꞌ uvaꞌ kat val sete uvaꞌ ni tal unqꞌa uxhchileꞌ uvaꞌ at itxumbꞌal, tan vatz unqꞌa uxhchileꞌ as yeꞌl itxaꞌk vikamebꞌal u Cristo vatz u kuruseꞌ.   
\s1 Ni tal u Pablo uvaꞌ aꞌ u Cristo kꞌuchul tetz tijleꞌm u Tiixheꞌ  
\p
\v 18 As yeꞌl kuxh itxaꞌk u yoleꞌ tiꞌ vikamebꞌal u Cristo vatz u kuruseꞌ te unqꞌa uxhchileꞌ uveꞌ ech ibꞌen tu u kꞌaxkꞌoeꞌ. Pet ech koj oꞌ uvaꞌ niqꞌalpu oꞌ u Tiixheꞌ, tan tukꞌ viyakꞌil u yoleꞌ niqꞌalpukat oꞌ Aak.   
\m
\v 19 Tan tzꞌibꞌamal kan umaꞌl u yol uvaꞌ ech ni tal ileꞌ:  
\q1 Tuk unsotzsa veꞌt vitxumbꞌal unqꞌa uxhchileꞌ uveꞌ nijeꞌsa tibꞌ taꞌn vitxumbꞌaleꞌ.  
\q1 As la veesa iqꞌii vitxumbꞌal unqꞌa uxhchileꞌ uveꞌ at itxumbꞌal ni taleꞌ, tiꞌk u yoleꞌ.   
\p
\v 20 ¿As kam kat itxꞌol unqꞌa uxhchileꞌ tukꞌ vitxumbꞌaleꞌ? ¿As kam kat itxꞌol unqꞌa uxhchileꞌ uveꞌ chusel tibꞌ tiꞌ unqꞌa tzaqꞌiteꞌ? ¿As kam kat itxꞌol unqꞌa uxhchileꞌ uvaꞌ ootzin tetz unqꞌa yoleꞌ uvaꞌ ni tuch vatz u txꞌavaꞌeꞌ cheel? Tan kat teesa u Tiixheꞌ iqꞌii unqꞌa vatz txꞌavaꞌilla txumbꞌaleꞌ skajayil uveꞌ bꞌaꞌn te unqꞌa tenameꞌ.   
\m
\v 21 Tan tukꞌ kuxh vitxumbꞌal u Tiixheꞌ as kat tal veꞌt Aak bꞌaxa uvaꞌ yeꞌ la itxꞌol unqꞌa tenameꞌ tootzit veꞌt Aak tukꞌ vitxumbꞌaleꞌ. As kꞌuxh jit kuxh latzꞌ u bꞌaꞌnla yoleꞌ uveꞌ ni talpu tiꞌ u Jesús te unqꞌa tenameꞌ, as bꞌaꞌn te Aak uvaꞌ la qꞌalpul veꞌt unqꞌa tenameꞌ vatz vipaaveꞌ tiꞌ inimat u bꞌaꞌnla yoleꞌ uvaꞌ la paxsal xoꞌl unqꞌa tenameꞌ.   
\m
\v 22 As aꞌ ni tal unqꞌa tiaal Israel uvaꞌ la til chajnaj umaꞌl u kꞌuchbꞌal tetz tijleꞌm u Tiixheꞌ. Pet ech koj unqꞌa jit tiaal Israel, tan aꞌ kuxh u vatz txꞌavaꞌilla txumbꞌaleꞌ nichuk chajnaj uvaꞌ nim talchu vatz chajnaj.   
\m
\v 23 Pet u yoleꞌ uvaꞌ nu kupaxsa, as aꞌeꞌ ni taleꞌ uvaꞌ la ootzil veꞌt u Tiixheꞌ taꞌn u Cristo uvaꞌ kat kam vatz u kuruseꞌ. Ech koj unqꞌa tiaal Israel, tan la yan vitxumbꞌal chajnajeꞌ taꞌn u bꞌaꞌnla yoleꞌ uvaꞌ ni taleꞌ. As jit kuxh yol u yoleꞌ te unqꞌa tenameꞌ uvaꞌ jit tiaal Israel.   
\m
\v 24 Pet ech koj oꞌ, jankꞌal oꞌ uvaꞌ molomal veꞌt oꞌ taꞌn u Tiixheꞌ, kꞌuxh oꞌ tiaal Israel as kꞌuxh jit oꞌ tiaal Israel, tan aꞌ vikamebꞌal u Cristo kꞌuchbꞌal tetz viyakꞌil u Tiixheꞌ. As kꞌuchbꞌal tetz vibꞌaꞌnil vitxumbꞌal Aakeꞌ.   
\m
\v 25 As kꞌuxh yeꞌl itxaꞌk vitxumbꞌal u Tiixheꞌ vatz unqꞌa tenameꞌ, as yeꞌxhkam la txakon stiꞌ uvaꞌ ni taleꞌ, as yeꞌl umaj vatz txꞌavaꞌilla txumbꞌal la lejon tiꞌ vitxumbꞌal Aakeꞌ.   
\p
\v 26 As etitzꞌataj, vitzꞌin vatzik, kam uvaꞌ bꞌanik etaꞌn tul uvaꞌ kat imolo ex u Tiixheꞌ, tan kaꞌlik kuxh ex uveꞌ atik etxumbꞌal tiꞌ u vatz txꞌavaꞌilla txumbꞌaleꞌ. As kaꞌlik kuxh ex uveꞌ atik etijleꞌm xoꞌl unqꞌa emooleꞌ. As kaꞌlik kuxh ex uveꞌ nim eyolbꞌeleꞌ xoꞌl vemooleꞌ.   
\m
\v 27 Pet kat itxaa ex Aak, kꞌuxh yeꞌlik etxumbꞌal vatz unqꞌa tenameꞌ, aqꞌal uvaꞌ la el iqꞌii unqꞌa uxhchileꞌ uvaꞌ at itxumbꞌal uveꞌ ni taleꞌ. As kat itxaa ex Aak uvaꞌ yeꞌl etijleꞌm ati tiꞌ teesal iqꞌii unqꞌa uxhchileꞌ uvaꞌ at tijleꞌm uvaꞌ ni taleꞌ.   
\m
\v 28 As aꞌ unqꞌa uxhchileꞌ uvaꞌ kat itxaa Aak uvaꞌ ni tixvaleꞌ tukꞌ unqꞌa uxhchileꞌ uvaꞌ yeꞌl iqꞌii ni toksaleꞌ tiꞌ teesal iqꞌii unqꞌa uxhchileꞌ uvaꞌ nijeꞌsa tibꞌ,   
\m
\v 29 aqꞌal uvaꞌ yeꞌxhebꞌil la ijeꞌsa veꞌt tibꞌ vatz u Tiixheꞌ.   
\m
\v 30 Tan tukꞌ vibꞌaꞌnil u Tiixheꞌ kat toksakat veꞌt ok oꞌ Aak kꞌatz u Jesucristo. As aꞌ u Jesucristo aqꞌol tetz kutxumbꞌal taꞌn u Tiixheꞌ. As Aak oksan qetz jikla aamail. As yeꞌl veꞌt kupaav at vatz u Kubꞌaal Tiixheꞌ, tan chooel veꞌt u kupaaveꞌ taꞌn u Jesucristo,   
\m
\v 31 aqꞌal uvaꞌ ech la kubꞌaneꞌ echeꞌ uveꞌ ni tal umaꞌt u yol uvaꞌ tzꞌibꞌamal kan uvaꞌ ech ni tal ileꞌ:  
\q1 Abꞌil uvaꞌ la toksa jeꞌ iqꞌii tiꞌ vitxumbꞌaleꞌ  
\q1 as aꞌ la etoksakat veꞌt eqꞌii tiꞌ u Kubꞌaaleꞌ, tiꞌk u yoleꞌ.   
\c 2  
\s1 Ni tal u Pablo uvaꞌ jit tukꞌ vitxumbꞌal kat talkat isuuchil u bꞌaꞌnla yoleꞌ te unqꞌa aa Corinto  
\p
\v 1 Vitzꞌin vatzik, tul kat bꞌex in sexoꞌl tiꞌ valat viyol u Tiixheꞌ sete bꞌaxa, as yeꞌle uvaꞌ achaꞌv koj chit unyoloneꞌ tul kat yolon in. As jit tukꞌ untxumbꞌal kat yolonkat in sexoꞌl.   
\m
\v 2 Pet kat voksa tunviꞌ uvaꞌ taꞌn kuxh u yoleꞌ la val sete tiꞌ u Jesucristo, as tiꞌ uvaꞌ kat kam Aak vatz u kuruseꞌ.   
\m
\v 3 As yeꞌlik kuxh maas vitzꞌabꞌal ati tul uvaꞌ atik in sexoꞌl. As vaꞌlik chit untꞌuntꞌucheꞌ taꞌn xoꞌvichil.   
\m
\v 4 Estiꞌeꞌ uvaꞌ jit tukꞌ vuntxumbꞌaleꞌ kat valkat u yoleꞌ sete. Pet kat ikꞌuch u Tiixhla Espíritu viyakꞌileꞌ tiꞌ valat u yoleꞌ sete,   
\m
\v 5 aqꞌal uvaꞌ jit tukꞌ itxumbꞌal umaj naj la ekꞌujbꞌaꞌkat ekꞌuꞌl tiꞌ u Jesucristo. Pet la ekꞌujbꞌaꞌ ekꞌuꞌl tiꞌ Aak taꞌn u Tiixheꞌ uvaꞌ kat yakꞌinsan etaama.   
\s1 Niyolon u Pablo tiꞌ qootzit isuuchil vibꞌaꞌnil u Tiixheꞌ taꞌn u Tiixhla Espíritu  
\p
\v 6 As tukꞌ txumbꞌal ni valkat u yoleꞌ xoꞌl unqꞌa uxhchileꞌ uveꞌ yakꞌinnal veꞌt u kꞌujlebꞌal ikꞌuꞌleꞌ tiꞌ u Tiixheꞌ. Pet jit unqꞌa vatz txꞌavaꞌilla txumbꞌaleꞌ nuntxakonsa echeꞌ nibꞌan unqꞌa ijlenaaleꞌ tukꞌ vitxumbꞌaleꞌ, tan tuk kuxh sotzoj chajnajeꞌ tukꞌ vitxumbꞌaleꞌ.   
\m
\v 7 Pet aꞌ u txumbꞌaleꞌ ni valeꞌ uvaꞌ tetz u Tiixheꞌ uvaꞌ Aak kuxh ootzinik tetz bꞌaxa. As aꞌ u txumbꞌaleꞌ uvaꞌ alik kan taꞌn Aak tiꞌ ibꞌanat Aak sqiꞌ tiꞌ qootzitaꞌ uvaꞌ nim talchu veꞌt u Aak, tul uvaꞌ yeꞌxnik chee u vatz txꞌavaꞌeꞌ skajayil.   
\m
\v 8 As yeꞌl umaj ijlenaal uvaꞌ at vatz u txꞌavaꞌeꞌ uvaꞌ kat ootzin u vitxumbꞌal u Tiixheꞌ. Tan kat koj pal chajnaj stuul uvaꞌ nim talchu u Jesús, as yeꞌleꞌxh u Jesús kat iyatzꞌ chajnaj vatz u kuruseꞌ.   
\m
\v 9 As kꞌuxh yeꞌ ootzimal u txumbꞌaleꞌ taꞌn unqꞌa ijlenaaleꞌ, pet ech koj oꞌ, tan ootzimal sqaꞌn, echeꞌ ni tal umaꞌt u yol uvaꞌ tzꞌibꞌamal kan uvaꞌ ech ni tal ileꞌ:  
\q1 Yeꞌl umaj uxhchil kat ilon,  
\q1 as yeꞌxhebꞌil kat abꞌin,  
\q1 as mitaꞌn kat itzꞌal u nimla bꞌaꞌnileꞌ uvaꞌ alel kan taꞌn u Tiixheꞌ tiꞌ unqꞌa uxhchileꞌ uvaꞌ la xoꞌnin Aak, tiꞌk u yoleꞌ.   
\m
\v 10 As aꞌeꞌ uveꞌ kat ikꞌuch veꞌt u Tiixheꞌ sqe taꞌn u Tiixhla Espíritu, tan aꞌ u Tiixhla Espíritu ootzin tetz unqꞌa txumbꞌaleꞌ skajayil tukꞌ unqꞌa txumbꞌaleꞌ uvaꞌ taꞌn u Tiixheꞌ ootzin tetz.   
\m
\v 11 Tan yeꞌxhebꞌil ootzin tetz vitxumbꞌal u najeꞌ. Pet aꞌ kuxh u najeꞌ ootzin tetz vitxumbꞌaleꞌ tukꞌ u taanxelaleꞌ. As echat u Tiixheꞌ, tan yeꞌxhebꞌil ootzin tetz vitxumbꞌal Aakeꞌ. Pet taꞌn u Tiixhla Espíritu ootzin tetz.   
\m
\v 12 As echeꞌ aꞌ koj tzaanajkat u kutxumbꞌaleꞌ kꞌatz unqꞌa vatz txꞌavaꞌilla txumbꞌaleꞌ, tan kat taqꞌ u Tiixheꞌ u Tiixhla Espíritu sqe, aqꞌal uvaꞌ la pal oꞌ tu unqꞌa bꞌaꞌnileꞌ uvaꞌ oyamal sqe taꞌn Aak.   
\m
\v 13 As tukꞌ unqꞌa yoleꞌ ni valkat isuuchil unqꞌa bꞌaꞌnileꞌ sete uvaꞌ kat ichus u Tiixhla Espíritu sve. As echeꞌ aꞌ koj unqꞌa yoleꞌ ni valeꞌ uvaꞌ kat unchus tukꞌ untxumbꞌal. Pet aꞌ u Tiixhla Espíritu ni lochon in tiꞌ valat isuuchil u yoleꞌ uvaꞌ tetz u Tiixheꞌ.   
\p
\v 14 As ech koj unqꞌa uxhchileꞌ uveꞌ yeꞌl u Tiixhla Espíritu tu u taanxelaleꞌ, tan jit kuxh latzꞌ viyol u Tiixheꞌ stiꞌ. As yeꞌl kuxh itxaꞌk ste. Estiꞌeꞌ uvaꞌ yeꞌ nipal unqꞌa uxhchileꞌ tu visuuchil u yoleꞌ, tan aꞌ kuxh unqꞌa uxhchileꞌ la ootzin isuuchil u yoleꞌ, abꞌil uvaꞌ at veꞌt ok u Tiixhla Espíritueꞌ tu u taanxelaleꞌ,   
\m
\v 15 tan abꞌil uveꞌ at u Tiixhla Espíritu tu u taanxelaleꞌ as at itxumbꞌal tiꞌ tootzit isuuchil unqꞌa veeꞌ tetz u Tiixheꞌ. Pet abꞌil uvaꞌ yeꞌl u Tiixhla Espíritu atoꞌk tu u taanxelaleꞌ, tan yeꞌ la pal stuul tiꞌ talat isuuchil kam bꞌan taꞌn u uxhchileꞌ uvaꞌ at veꞌt ok u Tiixhla Espíritueꞌ tu u taanxelaleꞌ,   
\m
\v 16 echeꞌ uvaꞌ ni tal umaꞌt u yol uvaꞌ tzꞌibꞌamal kan uvaꞌ ech ni tal ileꞌ:  
\q1 Yeꞌxhebꞌil la chusun u Tiixheꞌ,  
\q1 tan yeꞌxhebꞌil ootzin tetz vitxumbꞌal Aakeꞌ, tiꞌk u yoleꞌ.  
\m Estiꞌeꞌ ni val sete uvaꞌ yeꞌxhebꞌil la pal stuul tiꞌ talat isuuchil kam bꞌan taꞌn u qaanxelaleꞌ, tan at vitxumbꞌal u Kubꞌaal Jesucristo tu u qaanxelaleꞌ.   
\c 3  
\s1 Niyaan u Pablo tiꞌ uvaꞌ ni tok ixoꞌl unqꞌa niman tetz u Jesús  
\p
\v 1 Tuk val sete, vitzꞌin vatzik, tan ech koj unyoloneꞌ sete echeꞌ unyolon te umaj uxhchil uvaꞌ at veꞌt itxumbꞌal tiꞌ u Tiixheꞌ. Pet ech unyoloneꞌ sete echeꞌ unyolon te umaj uxhchil uveꞌ vatz txꞌavaꞌilla txumbꞌal kuxh vitxumbꞌaleꞌ, tan neꞌla txumbꞌaltel kuxh vetxumbꞌaleꞌ tiꞌ viyol u Cristo.   
\m
\v 2 As tul kat chusun in sexoꞌl, as ech unchusat exeꞌ echeꞌ umaj neꞌ uvaꞌ ni taqꞌax ichꞌuꞌ, tan tiꞌ uvaꞌ yeꞌxhkam echbꞌunoj, tan yeꞌ nik epal tu u yoleꞌ. As mitaꞌn yeꞌl ex paloj ex stuul cheel.   
\m
\v 3 As echattel kuxh vetxumbꞌaleꞌ cheel echeꞌ unqꞌa uxhchileꞌ uvaꞌ aꞌ kuxh unqꞌa vatz txꞌavaꞌilla txumbꞌaleꞌ eqꞌomal staꞌn. As yaaibꞌ kuxh nebꞌan sevatzaj, tan yeꞌ nikꞌul tibꞌ veyoleꞌ sevatzaj, tan echattel kuxh vetxumbꞌaleꞌ echeꞌ unqꞌa uxhchileꞌ uvaꞌ aꞌ kuxh unqꞌa vatz txꞌavaꞌilla txumbꞌaleꞌ eqꞌomal staꞌn. As echat nebꞌaneꞌ echeꞌ uveꞌ nibꞌan unqꞌa uxhchileꞌ uvaꞌ yeꞌ ootzin tetz u Tiixheꞌ.   
\m
\v 4 As at ex ni alon uvaꞌ: «Echen in kꞌatz u Pablo,» chꞌex netaleꞌ. As at kaꞌt ex ni alon uvaꞌ: «Echen in kꞌatz u Apolo,» chꞌex netaleꞌ. As aꞌ texhlal tetz uvaꞌ vatz txꞌavaꞌilla txumbꞌal kuxh vetxumbꞌaleꞌ.   
\p
\v 5 ¿Kam tijleꞌm u Apolo qꞌi? ¿As kam vijleꞌmeꞌ qꞌi? Tan oꞌ kuxh ikꞌam u Tiixheꞌ. As kat kuxh ul kubꞌaneꞌ kam uvaꞌ kat tal Aak sqe. As exeꞌ taꞌ kat ekꞌujbꞌaꞌ veꞌt ekꞌuꞌl tiꞌ Aak taꞌn u kuyoleꞌ,   
\m
\v 6 tan ineꞌ kat xeꞌtisan echuspeꞌ tiꞌ u bꞌaꞌnla yoleꞌ echeꞌ la ibꞌan umaj naj uvaꞌ kat avi. As aꞌ u Apolo kat ilon isuuchil echeꞌ umaj naj uvaꞌ ni aꞌan unqꞌa chikoeꞌ. Pet aꞌ u Kubꞌaal Tiixheꞌ kat yakꞌinsan u yoleꞌ tu vetaanxelaleꞌ.   
\m
\v 7 Estiꞌeꞌ ni val sete uvaꞌ yeꞌ la uch etoksat unqꞌii, kꞌuxh in xeꞌtisan u chusbꞌaleꞌ sexoꞌl. As mitaꞌn la uch etoksat iqꞌii u Apolo uvaꞌ ilon isuuchil u chusbꞌaleꞌ. Pet taꞌn u Tiixheꞌ la etoksa iqꞌii uvaꞌ niyakꞌinsan u yoleꞌ tu vetaanxelaleꞌ,   
\m
\v 8 tan umaꞌl kuxh kutxumbꞌal tiꞌ elochpeꞌ, kꞌuxh jit eela u kutxꞌajaꞌmeꞌ uveꞌ la aqꞌpu sqe tiꞌ uveꞌ kat kubꞌana skujununilaj.   
\m
\v 9 As oꞌ kuxh lochonaaleꞌ kꞌatz u Tiixheꞌ. As ech exeꞌ vatz u Tiixheꞌ echeꞌ umaꞌl u txꞌavaꞌ uvaꞌ avamal chiko stuul.  
\p As ech exeꞌ vatz Aak echeꞌ umaꞌl u nimla kabꞌal uvaꞌ nilakpeꞌ,   
\m
\v 10 tan tukꞌ u nimla ibꞌaꞌnil u Tiixheꞌ uvaꞌ kat ibꞌan Aak sve as ech ineꞌ echeꞌ umaj aqꞌol tetz itxumbꞌal unqꞌa lakol kabꞌaleꞌ. As ech kat unbꞌan sexoꞌl tiꞌ ixeꞌtisal u chusbꞌaleꞌ echeꞌ nibꞌan u aqꞌol tetz itxumbꞌal unqꞌa lakol kabꞌaleꞌ tul nikꞌujbꞌaꞌ veꞌt naj u tzꞌajeꞌ. As ech kat ibꞌan u Apolo tiꞌ ichusun sexoꞌl echeꞌ umaj naj uvaꞌ kat lakon veꞌt jeꞌ kabꞌal tiibꞌa u tzꞌajeꞌ. Pet techal la til veꞌt unqꞌa aqꞌonvileꞌ isuuchil u taqꞌoneꞌ,   
\m
\v 11 tan yeꞌ la uch ikꞌujbꞌaꞌl umaꞌtoj tzꞌaj taꞌn umaꞌt aqꞌonvil tiꞌ uveꞌ kꞌujlu veꞌt kan, tan aꞌ u Jesucristo u tzꞌajeꞌ uvaꞌ kꞌujlu kan.   
\m
\v 12 As tul la lakax veꞌt jeꞌ u kabꞌaleꞌ viꞌ u tzꞌajeꞌ uvaꞌ kꞌujlu veꞌt kan, as at uxhchil uvaꞌ ech u taqꞌoneꞌ la ibꞌaneꞌ echeꞌ bꞌaꞌnla qꞌan chꞌichꞌ. As ati uvaꞌ echeꞌ saj chꞌichꞌ, moj echeꞌ bꞌaꞌnla chaj kꞌubꞌ. As at uxhchil la aqꞌonvu tiꞌ ilakat jeꞌ u kabꞌaleꞌ tukꞌ u taqꞌoneꞌ echeꞌ aqꞌen, moj echeꞌ patzꞌam, pet moj echeꞌ chꞌim.   
\m
\v 13 As la ootzil veꞌt u taqꞌon unqꞌa aqꞌonvileꞌ sijununila, tan la ilej umaꞌl u qꞌii tul la bꞌanax veꞌt isuuchil junun unqꞌa uxhchileꞌ tukꞌ u taqꞌoneꞌ. As la ul umaꞌl u xamal tiꞌ u kabꞌaleꞌ. As la ikꞌuch veꞌteꞌ uvaꞌ abꞌiste u aqꞌoneꞌ uvaꞌ bꞌaꞌn as abꞌiste uvaꞌ yeꞌl itxaꞌk.   
\m
\v 14 Asoj yeꞌ la tzꞌeꞌi taꞌn u xamaleꞌ uvaꞌ kat ibꞌan u uxhchileꞌ, as aꞌ uxhchileꞌ uvaꞌ at itxꞌajaꞌm tiꞌ u taqꞌoneꞌ la ibꞌaneꞌ.   
\m
\v 15 Pet asoj la itzꞌeꞌsa u xamaleꞌ u taqꞌoneꞌ uvaꞌ kat ibꞌana, as aꞌ uxhchileꞌ uvaꞌ yeꞌl itxꞌajaꞌm ati. As kꞌuxh u uxhchileꞌ la qꞌalpi vatz vipaaveꞌ, as ech la ibꞌaneꞌ echeꞌ u uxhchileꞌ uvaꞌ bꞌiit kuxh yeꞌ kat tzꞌeꞌi taꞌn u xamaleꞌ tul kat tzꞌeꞌ u kabꞌaleꞌ.   
\p
\v 16 ¿Ma yeꞌ ootza uvaꞌ aꞌ jejleꞌlkat u Tiixheꞌ tu u aanxelaleꞌ? Tan echen veꞌt u Tiixhla Espíritueꞌ sekꞌatz sejununila.   
\m
\v 17 Asoj abꞌil la yansan umaj uxhchil uvaꞌ at u Tiixheꞌ skꞌatz, as la ipalebꞌe kꞌaxkꞌo taꞌn u Tiixheꞌ. Tan ex veꞌt Tiixhla aama.   
\p
\v 18 As la val sete, yeꞌ la ejeꞌsa etibꞌ, tan abꞌil uvaꞌ at itxumbꞌal ni taleꞌ tiꞌ unqꞌa vatz txꞌavaꞌilla txumbꞌaleꞌ, as aꞌeꞌ la taljeꞌ tibꞌ uvaꞌ yeꞌl itxumbꞌal ati, aqꞌal uvaꞌ nimal txumbꞌal la taqꞌ u Tiixheꞌ ste,   
\m
\v 19 tan yeꞌl kuxh itxaꞌkeꞌ unqꞌa vatz txꞌavaꞌilla txumbꞌaleꞌ vatz u Tiixheꞌ, echeꞌ uvaꞌ ni tal umaꞌt u yol uvaꞌ tzꞌibꞌamal kan uvaꞌ ech ni tal ileꞌ:  
\q1 Tul uvaꞌ ni titzꞌa unqꞌa uxhchileꞌ imaxtibꞌet u Tiixheꞌ tukꞌ vitxumbꞌaleꞌ,  
\q1 as la el iqꞌii unqꞌa uxhchileꞌ uveꞌ nim chit tukꞌ vitxumbꞌaleꞌ ni tal jeꞌ ste.  
\q1 As ech la ibꞌan chajnajeꞌ echeꞌ nibꞌan umaj txoo uvaꞌ nikuꞌ tu kꞌaꞌj, tiꞌk u yoleꞌ.   
\m
\v 20 As ech ni tal umaꞌt u yol ileꞌ;  
\q1 As ootzimal taꞌn u Tiixheꞌ uvaꞌ yeꞌl itxaꞌk vitxumbꞌal unqꞌa uxhchileꞌ uvaꞌ at itxumbꞌal ni tal jeꞌ ste, tiꞌk u yoleꞌ.   
\m
\v 21 Estiꞌeꞌ ni val sete uvaꞌ yeꞌ la etoksa jeꞌ eqꞌii tiꞌ uvaꞌ echen ex kꞌatz umaj uxhchil uvaꞌ netaleꞌ. As jankꞌal unqꞌa ibꞌaꞌnil u Tiixheꞌ uvaꞌ cheesamal staꞌn, as etetzeꞌ skajayil.   
\m
\v 22 As kꞌuxh in Pablo, as moj u Apolo, as moj u Cefas uvaꞌ Luꞌ, as kꞌuxh u vatz txꞌavaꞌeꞌ, as moj u vatz almikaꞌeꞌ, as kꞌuxh isleꞌl ex kꞌatz Aak cheel, as kꞌuxh la kam ex; as etetzeꞌ unqꞌa ibꞌaꞌnil Aakeꞌ skajayil,   
\m
\v 23 tan ex tetz u Cristo. As aꞌ u Tiixheꞌ aqꞌol tzan tetz u Cristo.   
\c 4  
\s1 Niyolon u Pablo tiꞌ u tijleꞌm unqꞌa apóstol  
\p
\v 1 As la pal ex stuul uvaꞌ oꞌ kuxh kꞌameꞌ kꞌatz u Cristo. As aꞌ qijleꞌmeꞌ tiꞌ qalat isuuchil unqꞌa bꞌaꞌnla yoleꞌ uvaꞌ alik kan taꞌn Aak tiꞌ ibꞌanat Aak u nimla bꞌaꞌnileꞌ sqiꞌ uveꞌ Aak kuxh ootzin tetz bꞌaxa.   
\m
\v 2 As la alax te unqꞌa kꞌameꞌ uvaꞌ jik chit itxumbꞌal tiꞌ u taqꞌoneꞌ la ibꞌaneꞌ.   
\m
\v 3 As echeꞌ taꞌ in, tan yeꞌxhkam ni voksa stuul tul nebꞌan unsuuchil. As moj la molol in vatz unqꞌa bꞌanol isuuchil unqꞌa tenameꞌ. As mitaꞌn la unbꞌan jeꞌ unsuuchil.   
\m
\v 4 As kꞌuxh yeꞌxhkam ni tal vaama tiꞌ uvaꞌ kam kat unbꞌana, as jit in la alon moj jik chit vuntxumbꞌaleꞌ nunbꞌaneꞌ tiꞌ u vaqꞌoneꞌ moj yeꞌle. Pet aꞌ u Kubꞌaal Tiixheꞌ la bꞌanon unsuuchil.   
\m
\v 5 Estiꞌeꞌ ni val sete uvaꞌ yeꞌ la ebꞌan isuuchil umaj uxhchil tul uvaꞌ yeꞌxnaj ul u Kubꞌaaleꞌ. Pet lanal ul u Kubꞌaaleꞌ, tan Aakeꞌ tuk aqꞌon veꞌt el tzan unqꞌa txumbꞌaleꞌ skajayil vatz u sajeꞌ uveꞌ yeꞌxhebꞌil ootzin tetz. As Aakeꞌ la kꞌuchun veꞌt el tzan kam uvaꞌ itzꞌamal taꞌn unqꞌa uxhchileꞌ skajayil. As la toksa veꞌt u Tiixheꞌ kuqꞌii skujununilaj jankꞌal oꞌ uvaꞌ qetz chittuꞌ uvaꞌ la ok kuqꞌii.   
\p
\v 6 Vitzꞌin vatzik, ni val unqꞌa yoleꞌ sete sviꞌ tukꞌ tiꞌ u qitzꞌin qatzikeꞌ u Apolo. As la etileꞌ kam uvaꞌ nu kubꞌaneꞌ. As la bꞌen sete uvaꞌ yeꞌ la uch epaasat etibꞌ vatz unqꞌa veeꞌ tzꞌibꞌamal kan. As yeꞌ la ibꞌaneꞌ uvaꞌ la etoksa iqꞌii umaj uxhchil tiꞌ eyansat umaꞌt uxhchil.   
\m
\v 7 ¿As kam veꞌt etijleꞌm tiꞌ uvaꞌ nim veꞌt etalcheꞌ tiꞌ vemooleꞌ? ¿As kam unbꞌooj etetz ati uvaꞌ jit u Tiixheꞌ kat aqꞌon? ¿As kam qꞌi uvaꞌ netoksa veꞌt jeꞌ eqꞌii tiꞌ uvaꞌ kat aqꞌax sete? As echeꞌ uvaꞌ ex koj kat chukun sejunal. Pet eela kuxh stukꞌ uvaꞌ yeꞌxhkam unbꞌooj kat aqꞌax sete.   
\p
\v 8 As yeꞌl umaꞌtoj txumbꞌal nisaꞌvit setiꞌ, tan at veꞌt etxumbꞌal netaleꞌ, as ex veꞌt ijlenaal nenacheꞌ. Pet ech koj oꞌ sevatz, tan yeꞌl qijleꞌm ati. ¡As ech koj chiteꞌ uvaꞌ ex koj chit ijlenaal, as at qijleꞌm sekꞌatz la ibꞌaneꞌ!   
\m
\v 9 Tan ni vitzꞌa uvaꞌ kat ikꞌuch veꞌt oꞌ u Tiixheꞌ vatz unqꞌa tenameꞌ uvaꞌ echen veꞌt oꞌ timoxtel, tan oꞌ unqꞌa apóstol, as ech ni qulbꞌeleꞌ echeꞌ unqꞌa preexhueꞌ uveꞌ ni talax ikameꞌ. As oꞌ chit nikaꞌya veꞌt oꞌ unqꞌa tenameꞌ tukꞌ unqꞌa ángeleꞌ.   
\m
\v 10 As sevatz tan yeꞌl kutxumbꞌal ati tiꞌ ipaxsal viyol u Cristo. Ech koj ex tan at etxumbꞌal netaleꞌ tiꞌ etok kꞌatz u Cristo. As yeꞌl kuxh iyakꞌil u kuyoleꞌ sevatz. Pet ech koj ex, tan at iyakꞌil veyoleꞌ uveꞌ netaleꞌ. As neteesa kuqꞌii. As netoksa jeꞌ eqꞌii.   
\m
\v 11 As antel kuxh kupalebꞌet vaꞌy tukꞌ tzajitziꞌl cheel. Yeꞌl qoksaꞌm ati. As nu kuxh kuqꞌospeꞌ. As yeꞌl kukabꞌal ati.   
\m
\v 12 As nu kukooleꞌ tiꞌ u qaqꞌoneꞌ tukꞌ u kuqꞌabꞌeꞌ. As bꞌaꞌn kuyoloneꞌ te unqꞌa uxhchileꞌ uveꞌ ni yoqꞌon sqiꞌ. As kuyel kuxh sqaꞌn tul nu kutiluleꞌ.   
\m
\v 13 As kꞌuxh kam kuxh ni talpu sqiꞌ tiꞌ icheesal kupaav as tukꞌ bꞌaꞌnla yol nu kukꞌulbꞌekat. As ech oꞌeꞌ vatz unqꞌa tenameꞌ echeꞌ chꞌis as moj echeꞌ chaꞌxkarat.   
\p
\v 14 Yeꞌle uvaꞌ nu kuxh koj untzꞌibꞌa bꞌen u yoleꞌ sete tiꞌ unchꞌixvisat ex. Pet bꞌeyamal nunbꞌan sete tiꞌ vaqꞌat etxumbꞌal, tan ech exeꞌ echeꞌ meꞌal unkꞌaol, tan xoꞌn chit ex sve.   
\m
\v 15 As kꞌuxh at lavoj mil chusul etetz tiꞌ viyol u Cristoeꞌ, as yeꞌle taꞌ uvaꞌ kalabꞌ kuxh koj ebꞌaal ati kꞌatz u Jesucristoeꞌ, tan in kuxheꞌ in ebꞌaal vatz u Cristoeꞌ tiꞌ unchusat ex tiꞌ u bꞌaꞌnla yoleꞌ bꞌaxa.   
\m
\v 16 Estiꞌeꞌ nunbꞌeya veꞌt sete uvaꞌ ech la ebꞌaneꞌ echeꞌ uveꞌ nunbꞌaneꞌ.   
\p
\v 17 Estiꞌeꞌ kat unchaj bꞌen u Timoteo sexoꞌl, tan ech najeꞌ echeꞌ unkꞌaol uvaꞌ xoꞌn chit sve, tan kꞌujleꞌl chit ikꞌuꞌl tiꞌ u Kubꞌaal Jesúseꞌ. As kꞌujleꞌl unkꞌuꞌl tiꞌ naj. As la tulsa naj sekꞌuꞌl uvaꞌ abꞌiste u txumbꞌaleꞌ uveꞌ eqꞌomal svaꞌn kꞌatz u Kubꞌaal Jesucristoeꞌ. As aꞌ u txumbꞌaleꞌ uveꞌ nunchus veꞌt xoꞌl unqꞌa qitzꞌin qatzikeꞌ tu unqꞌa tenameꞌ skajayil.   
\m
\v 18 Pet at kaꞌl ex uvaꞌ netoksa jeꞌ eqꞌii, tan netitzꞌa uvaꞌ yeꞌl in la oon veꞌt in tiꞌ bꞌen unbꞌeyat sete, uveꞌ netaleꞌ.   
\m
\v 19 Asoj la ibꞌan u Kubꞌaal Tiixheꞌ bꞌaꞌnil sve, as la bꞌen vil ex oora. As techal la vootzi ma aꞌ viyakꞌil u Tiixheꞌ netxakonsa. Pet moj etetz kuxh u yoleꞌ uveꞌ netaleꞌ.   
\m
\v 20 As jit kꞌuxh u yoleꞌ tatin u Tiixheꞌ, pet aꞌ u tijleꞌm Aakeꞌ ni kꞌuchun viyakꞌileꞌ.   
\m
\v 21 ¿As kam vooneꞌ la oon in sexoꞌl uvaꞌ netaleꞌ? ¿Ma ech vooneꞌ sexoꞌl echeꞌ umaj uxhchil uvaꞌ eqꞌomal umaj tzꞌuꞌm staꞌn tiꞌ ijikbꞌaꞌl vetxumbꞌaleꞌ? ¿Pet moj aꞌ netaleꞌ uvaꞌ bꞌaꞌnla aama in tul uvaꞌ la bꞌen vil ex tiꞌ unxoꞌnit ex?   
\c 5  
\s1 Niyolon u Pablo tiꞌ umaꞌl u naj uvaꞌ vaꞌlexh kuxh itxumbꞌal nibꞌaneꞌ  
\p
\v 1 Tan ni vabꞌi umaꞌl u yol setiꞌ uvaꞌ atiltel u vaꞌlexhla txumbꞌaleꞌ sexoꞌl. As mitaꞌn kuxh unqꞌa tenameꞌ uveꞌ yeꞌ ootzin tetz viyol u Tiixheꞌ ni bꞌanon u vaꞌlexhla txumbꞌaleꞌ echeꞌ uveꞌ nibꞌanax sexoꞌl, tan at umaꞌl uxhchil uvaꞌ ixqelimal u tixqel vibꞌaaleꞌ staꞌn.   
\m
\v 2 ¡As ayaꞌl kuxh bꞌaꞌn sete, tan yeꞌxhkam netal tiꞌ u najeꞌ! As yeꞌle uvaꞌ kat koj txumun ex tiꞌ uveꞌ nibꞌan naj. As kat koj eteesa el naj sexoꞌl.   
\m
\v 3 As echeꞌ in, tan kꞌuxh yeꞌl in at in sexoꞌl, poro at u vaanxelaleꞌ sekꞌatz. As ileꞌ ni val sete uvaꞌ kat unbꞌanlu veꞌt isuuchil u najeꞌ uveꞌ ni bꞌanon u vaꞌlexheꞌ. As eela kuxh stukꞌ uvaꞌ at in sekꞌatz.   
\m
\v 4 As la val sete, la emol etibꞌ tukꞌ vibꞌii u Kubꞌaal Jesús. As la atin u vaanxelaleꞌ sekꞌatz la ibꞌaneꞌ. As aꞌ u Kubꞌaal Jesús la lochon ex   
\m
\v 5 tiꞌ etaqꞌat veꞌt ok u najeꞌ tiqꞌabꞌ u Satanás, aqꞌal uvaꞌ la kꞌaxbꞌisal vichiꞌol najeꞌ. As tul la ilej veꞌt u qꞌiieꞌ tiꞌ u tulebꞌal u Kubꞌaal Jesús, as yeꞌ la tzꞌejxu veꞌt u taanxelal najeꞌ.   
\p
\v 6 Tan yeꞌ bꞌaꞌneꞌ uvaꞌ la ejeꞌsa veꞌt etibꞌ tul uvaꞌ at unqꞌa vaꞌlexhla txumbꞌaleꞌ sexoꞌl. ¿As ma yeꞌ nibꞌen bꞌa sete uvaꞌ tukꞌ kuxh unbꞌiil u txꞌamla iqꞌotil u paaneꞌ as la txꞌamteꞌ viqꞌotileꞌ skajayil?   
\m
\v 7 As la val sete, la eteesa el u vaꞌlexheꞌ sexoꞌl echeꞌ teesat el unqꞌa tiaal Israel u txꞌamla qꞌotaeꞌ tu unqꞌa ikabꞌaleꞌ tu u nimla qꞌiieꞌ. As ech veꞌt exeꞌ echeꞌ u bꞌaꞌnla qꞌota la ebꞌaneꞌ, tan yeꞌl veꞌt epaav at vatz u Tiixheꞌ. Tan kat yatzꞌpu u Cristo sqiꞌ tiꞌ teesat el u kupaaveꞌ echeꞌ nik tulbꞌel u kaneeroꞌeꞌ tu u nimla qꞌiieꞌ uvaꞌ pascua.   
\m
\v 8 Estiꞌeꞌ uvaꞌ la kubꞌan u bꞌaꞌneꞌ echeꞌ inimal u nimla qꞌiieꞌ. As yeꞌ la kubꞌan u vaꞌlexheꞌ. Pet jik koj chit la kubꞌan u bꞌaꞌneꞌ. As ayaꞌl chit kukꞌuꞌl tiꞌ kubꞌanataꞌ, tan ech oꞌeꞌ echeꞌ u qꞌotaeꞌ uvaꞌ yeꞌl txꞌam at sxoꞌl.   
\p
\v 9 As kꞌuxh maꞌt untzꞌibꞌat bꞌen sete uvaꞌ yeꞌ la emolo etibꞌ tukꞌ unqꞌa uxhchileꞌ uveꞌ eqꞌomal u vaꞌlexhla txumbꞌaleꞌ staꞌn,   
\m
\v 10 as yeꞌle taꞌ uvaꞌ aꞌ koj kat val bꞌen sete uvaꞌ yeꞌ la uch eyolon tukꞌ unqꞌa uxhchileꞌ uveꞌ vaꞌlexh kuxh itxumbꞌal. Echeꞌ unqꞌa uxhchileꞌ uvaꞌ aꞌ kuxh u puajeꞌ atoꞌk taama stiꞌ, as ni teesa puaj tiꞌ vimooleꞌ tukꞌ u chuli yoleꞌ, moj unqꞌa nachol tzeꞌ tiixheꞌ. As ech koj isuuchil u yoleꞌ uvaꞌ kat val bꞌen sete. As techal la eteesa etibꞌ xoꞌl unqꞌa tenameꞌ skajayil.   
\m
\v 11 Pet tu u uꞌujeꞌ tuk untzꞌibꞌakat bꞌen isuuchil u yoleꞌ sete tiꞌ uvaꞌ yeꞌ la emolo etibꞌ tukꞌ unqꞌa uxhchileꞌ uvaꞌ nimamal u Tiixheꞌ staꞌn uvaꞌ ni taleꞌ. As tul nitel ibꞌan u vaꞌlexheꞌ, echeꞌ unqꞌa uxhchileꞌ uvaꞌ aꞌ kuxh u puajeꞌ atoꞌk taama stiꞌ, tukꞌ unqꞌa nachol tzeꞌ tiixheꞌ, tukꞌ unqꞌa uxhchileꞌ uvaꞌ nipaatzineꞌ, tukꞌ unqꞌa qꞌabꞌaꞌmileꞌ, as tukꞌ unqꞌa eesan puajeꞌ tiꞌ vimooleꞌ tukꞌ chuli yol. As jankꞌal unqꞌa uxhchileꞌ uvaꞌ ech vitxumbꞌaleꞌ as yeꞌ la uch etxꞌaꞌn stukꞌ.   
\m
\v 12 As yeꞌ vokebꞌal tiꞌ unbꞌanat isuuchil unqꞌa uxhchileꞌ uvaꞌ jit kumool qibꞌ stukꞌ tiꞌ inimal u Tiixheꞌ. ¿As ma yeꞌ nibꞌen sete uvaꞌ exeꞌ la bꞌanon isuuchil unqꞌa uxhchileꞌ uveꞌ at sukuxoꞌl?   
\m
\v 13 Tan Tiixheꞌ la bꞌanon isuuchil unqꞌa uxhchileꞌ uveꞌ jit kumool qibꞌ stukꞌ tiꞌ inimal Aak. Estiꞌeꞌ ni val sete uvaꞌ: Eteesataj u uxhchileꞌ sexoꞌl uveꞌ ni bꞌanon u vaꞌlexheꞌ.   
\c 6  
\s1 Niyolon u Pablo tiꞌ uvaꞌ yeꞌ la bꞌen ixoch tibꞌ unqꞌa niman tetz u Jesús vatz unqꞌa bꞌanol isuuchil u tenameꞌ  
\p
\v 1 Asoj at umaj ex uvaꞌ neyaa etibꞌ tukꞌ umaꞌt etitzꞌin etatzik uvaꞌ niman tetz u Jesús, as yeꞌ la uchi uvaꞌ la bꞌen exochoꞌk etibꞌ vatz unqꞌa uxhchileꞌ uvaꞌ yeꞌ ni niman Aak. Pet aꞌ la bꞌen etalkat ok etibꞌ te unqꞌa qitzꞌin qatzikeꞌ uvaꞌ ni ilon esuuchil.   
\m
\v 2 As ootzimal setaꞌn uvaꞌ oꞌ la bꞌanon isuuchil unqꞌa tenameꞌ skajayil, jankꞌal oꞌ uvaꞌ at veꞌt ok oꞌ niman tetz u Jesús. As ex la bꞌanon isuuchil unqꞌa tenameꞌ uveꞌ at vatz u txꞌavaꞌeꞌ. Estiꞌeꞌ uvaꞌ at veꞌt etxumbꞌal tiꞌ ebꞌanat isuuchil unqꞌa yaaibꞌeꞌ uveꞌ ni tuch sexoꞌl.   
\m
\v 3 ¿As ma yeꞌ ootzimal setaꞌn uvaꞌ oꞌ la bꞌanon isuuchil unqꞌa ángel? ¿As aꞌ kol chit yeꞌ la kutxꞌol kubꞌanat isuuchil unqꞌa yoleꞌ qꞌa tiꞌ u qatineꞌ tzitzaꞌ vatz u txꞌavaꞌeꞌ?   
\m
\v 4 Asoj at umaj yaaibꞌ sexoꞌl, ¿as kam stiꞌ qꞌi uvaꞌ nekꞌujbꞌaꞌ umaj uxhchil tiꞌ ibꞌanat esuuchil uvaꞌ yeꞌl tijleꞌm at sexoꞌl?   
\m
\v 5 As ni val u yoleꞌ sete tiꞌ unchꞌixvisat ex, tan ¿yeꞌl kol umaj uxhchil qꞌa sexoꞌl uvaꞌ at itxumbꞌal tiꞌ ibꞌanat esuuchil?   
\m
\v 6 ¡Pet jitꞌeꞌch nebꞌaneꞌ! Tan neyaa etibꞌ sevatzaj. As pal chit iviꞌ nebꞌaneꞌ, tan netex exoch etibꞌ vatz unqꞌa uxhchileꞌ uveꞌ yeꞌ ni niman u Jesús.   
\p
\v 7 As la val sete, tan tul uvaꞌ at u yaaibꞌeꞌ sexoꞌl, as kꞌuchbꞌal tetzeꞌ uvaꞌ elnal veꞌt eqꞌii taꞌn u vaꞌlexheꞌ. As aal bꞌaꞌneꞌ kat koj kuxh ekuy u vaꞌlexheꞌ uveꞌ ni bꞌanax sete.   
\m
\v 8 ¡Pet ech koj uveꞌ nebꞌaneꞌ, tan an kuxh ex ni bꞌanon u vaꞌlexheꞌ sevatzaj, tan antu veꞌt ex netelqꞌa veꞌt tibꞌ etetz! ¡As tul etitzꞌin etatzik etibꞌ sevatzaj!   
\p
\v 9 ¿As ma yeꞌ etootza uvaꞌ jankꞌal unqꞌa uxhchileꞌ uveꞌ vaꞌlexh kuxh nibꞌaneꞌ, as yeꞌl tokebꞌal xoꞌl u tenameꞌ uvaꞌ at jaqꞌ u tijleꞌm u Tiixheꞌ? As yeꞌ la etaqꞌ etibꞌ subꞌloj, tan ootzimal sqaꞌn uvaꞌ jankꞌal unqꞌa uxhchileꞌ uvaꞌ niyansa tibꞌ tukꞌ umaꞌt uxhchil, tukꞌ unqꞌa uxhchileꞌ uvaꞌ nichuk tixoj, tukꞌ unqꞌa najeꞌ uveꞌ niyansa tibꞌ tukꞌ umaꞌt naj, tukꞌ unqꞌa nachol tzeꞌ tiixheꞌ,   
\m
\v 10 as tukꞌ unqꞌa elqꞌomeꞌ, as yeꞌl tokebꞌal xoꞌl u tenameꞌ uvaꞌ at jaqꞌ u tijleꞌm u Tiixheꞌ. As mitaꞌn unqꞌa uxhchileꞌ uveꞌ atoꞌk chit taama tiꞌ u puajeꞌ, tukꞌ unqꞌa qꞌabꞌaꞌmileꞌ, tukꞌ unqꞌa uxhchileꞌ uveꞌ ni paatzin te vimooleꞌ, as tukꞌ unqꞌa uxhchileꞌ uveꞌ ni eesan puaj tiꞌ vimooleꞌ tukꞌ chuli yol.   
\m
\v 11 Tan at kaꞌl ex uvaꞌ echik vetxumbꞌaleꞌ tul yeꞌxnik enima viyol u Tiixheꞌ. Pet ech koj cheel, tan josqꞌimal veꞌt vetaanxelaleꞌ. As yeꞌl veꞌt epaav at vatz u Kubꞌaal Tiixheꞌ. As jikla aama veꞌt ex vatz Aak tukꞌ vibꞌii u Kubꞌaal Jesucristo as taꞌn u Tiixhla Espíritu uvaꞌ aqꞌel sqe taꞌn u Tiixheꞌ.   
\s1 Niyolon u Pablo tiꞌ u yansaibꞌ vatz u Tiixheꞌ  
\p
\v 12 As ni talpu umaꞌl u yol sukuxoꞌl uvaꞌ ech ni tal ileꞌ: «Kam uvaꞌ ni tal qaama uvaꞌ la kubꞌaneꞌ as la uch kubꞌanataꞌ,» tiꞌk u yoleꞌ. As an chiteꞌ uveꞌ ni taleꞌ. As ati uvaꞌ jit bꞌaꞌn la bꞌen ibꞌan sqe. As kꞌuxh ni talpeꞌ uvaꞌ: «Kam kuxh ni tal qaama uvaꞌ la kubꞌaneꞌ as la uch kubꞌanataꞌ,» tiꞌk u yoleꞌ, as yeꞌl in la vaqꞌ vibꞌ tiꞌ unbꞌanat u vaꞌlexheꞌ.   
\m
\v 13 As at uxhchil ni alon uvaꞌ: «Tetz u quuleꞌ u echbꞌubꞌaleꞌ; as tetz u echbꞌubꞌaleꞌ u quuleꞌ,» uveꞌ ni tal unqꞌa uxhchileꞌ. As an chiteꞌ. As la ilej umaꞌl u qꞌii uvaꞌ mitaꞌn unqꞌa echbꞌubꞌaleꞌ as mitaꞌn u quuleꞌ la txakon veꞌt sqiꞌ taꞌn u Kubꞌaal Tiixheꞌ. As jit tiꞌ u yansaibꞌeꞌ tukꞌ umaꞌtoj uxhchil kat icheesakat u Kubꞌaal Tiixheꞌ u kuchiꞌoleꞌ. Pet aꞌeꞌ la oksan iqꞌii Aak. As Aakeꞌ la bꞌanon u nimla bꞌaꞌnileꞌ te u kuchiꞌoleꞌ,   
\m
\v 14 tan echeꞌ uvaꞌ kat ibꞌan Aak te vichiꞌol u Kubꞌaal Jesús tul kat tulsa Aak taama tukꞌ viyakꞌil vibꞌaꞌnileꞌ, as echat tuk ibꞌan Aakeꞌ sqe tul la tulsa Aak qaama unpajte.   
\m
\v 15 ¿As ma yeꞌ etootza bꞌa uvaꞌ tetz u Cristo u kuchiꞌoleꞌ? Estiꞌeꞌ yeꞌxhkam kuxh umaj vaꞌlexh la ebꞌan tukꞌ vechiꞌoleꞌ, tan jitꞌeꞌch kat ibꞌan u Cristo tukꞌ vichiꞌioleꞌ. As yeꞌ la uchi uvaꞌ la ok ex kꞌatz umaj ixoj uvaꞌ yanaꞌs.   
\m
\v 16 ¿As ma yeꞌxhkam ootzimal setaꞌn uvaꞌ abꞌil uvaꞌ la ikꞌul tibꞌ tukꞌ umaj ixoj uvaꞌ yanaꞌs, as umaꞌl kuxh veꞌt vichiꞌol u najeꞌ tukꞌ u ixojeꞌ la ibꞌaneꞌ? Tan ech ni tal umaꞌl u yol uvaꞌ tzꞌibꞌamal kan uvaꞌ ech ni tal ileꞌ:  
\q1 Umaꞌl kuxh veꞌt u najeꞌ tukꞌ u ixojeꞌ la ibꞌaneꞌ tukꞌ vichiꞌoleꞌ, tiꞌk u yoleꞌ.   
\m
\v 17 Pet abꞌil uvaꞌ atoꞌk kꞌatz u Kubꞌaal Jesús as unvatzul veꞌt u taanxelaleꞌ tukꞌ Aak.   
\m
\v 18 Estiꞌeꞌ ni val sete, eteesataj etibꞌ vatz u yansaibꞌeꞌ tukꞌ umaꞌtoj uxhchil, tan yeꞌl umaꞌtoj paav ati uveꞌ ni yansan veꞌt u kuchiꞌoleꞌ. As abꞌil uvaꞌ niyansa tibꞌ tukꞌ umaꞌtoj uxhchil, as aꞌ vichiꞌoleꞌ niyansa.   
\m
\v 19 ¿As ma yeꞌ ootzimal setaꞌn uvaꞌ ikabꞌal u Tiixhla Espíritu vechiꞌoleꞌ? Tan aꞌ u Tiixheꞌ kat aqꞌon u Tiixhla Espíritu sete uvaꞌ jejleꞌl tu vetaanxelaleꞌ. Estiꞌeꞌ jit ex ibꞌaal vechiꞌoleꞌ,   
\m
\v 20 tan loqꞌel veꞌt ex taꞌn u Jesús tul kat el vikajal Aakeꞌ setiꞌ. Estiꞌeꞌ ni val sete, etoksataj iqꞌii Aak tukꞌ vechiꞌoleꞌ.   
\c 7  
\s1 Niyolon u Pablo tiꞌ tatin u najeꞌ tukꞌ u tixqeleꞌ  
\p
\v 1 As cheel tuk vaqꞌ bꞌen ichꞌexel unqꞌa yoleꞌ uveꞌ kat echꞌoti tzan sve, tul kat etaqꞌ tzan u uꞌujeꞌ sve. As: «Aal bꞌaꞌneꞌ uvaꞌ yeꞌ la titzꞌa umaj naj ichukat tixqel,» chꞌex netaleꞌ.   
\m
\v 2 As tiꞌ uvaꞌ yeꞌ saach unqꞌa najeꞌ ni yansa veꞌt tibꞌ tukꞌ unqꞌa ixojeꞌ, estiꞌeꞌ ni val sete uvaꞌ junun unqꞌa najeꞌ la ichuk tixqel. As junun unqꞌa ixojeꞌ la ichuk itzumel.   
\m
\v 3 As la chit inima tibꞌ u najeꞌ tukꞌ u tixqeleꞌ, tul la iqꞌiila tibꞌ skaabꞌil. As echat chit la ibꞌan u ixojeꞌ te vitzumeleꞌ,   
\m
\v 4 tan jit u ixojeꞌ etzin tetz vichiꞌoleꞌ sijunal. Pet aꞌ vitzumel ixojeꞌ etzin tetz vichiꞌol ixojeꞌ. As echat chit u najeꞌ tan jit najeꞌ etzin tetz vichiꞌoleꞌ sijunal, pet aꞌ u tixqel najeꞌ etzin tetz vichiꞌol najeꞌ.   
\m
\v 5 As yeꞌ kuxh la epiꞌu etibꞌ sevatzaj. Pet asoj la ikꞌul tibꞌ eyol tiꞌ etoksat etaama tiꞌ enachat Tiixh kaꞌvoꞌj qꞌii, as tul la tzojpu enachat Tiixh, as la ekꞌul veꞌt tibꞌ eyol unpajte, aqꞌal uvaꞌ yeꞌ la etaqꞌ tokebꞌal u Satanáseꞌ tiꞌ ekuꞌ tu u paaveꞌ tukꞌ umaꞌtoj uxhchil.   
\m
\v 6 As aꞌ ni valkateꞌ uvaꞌ la pal ex stuul, pet jit txꞌiel ex nunbꞌaneꞌ tiꞌ uvaꞌ ni val sete.   
\m
\v 7 As aꞌ ni valeꞌ uvaꞌ ech koj chit nibꞌan unqꞌa najeꞌ kajayil echeꞌ uveꞌ nunbꞌaneꞌ, tan yeꞌl vixqel ati. As at oꞌ uvaꞌ la kuchuk qixqel. As at oꞌ uvaꞌ yeꞌle. Pet aꞌ u Tiixheꞌ aqꞌol tetz sqe.   
\p
\v 8 Estiꞌeꞌ ni val sete, ex txakay naj as ex txakay ixoj, aal bꞌaꞌneꞌ uvaꞌ ech la ebꞌaneꞌ echeꞌ uveꞌ nunbꞌaneꞌ tiꞌ uvaꞌ yeꞌ la echuk ekꞌulel unpajte.   
\m
\v 9 Asoj yeꞌ aqꞌel sete taꞌn u Tiixheꞌ tiꞌ ikuypeꞌ uvaꞌ yeꞌl ekꞌulel as echuktaj ekꞌulel, tan aal bꞌaꞌneꞌ uvaꞌ at ekꞌulel. As yeꞌl ex la eyansa etibꞌ tukꞌ u tachaꞌv vechiꞌoleꞌ.   
\p
\v 10 Pet jankꞌal ex uvaꞌ at ekꞌulel, as tuk val u yolaꞌ sete. As jit vetzeꞌ u yoleꞌ, pet tetz u Kubꞌaal Jesúseꞌ u yoleꞌ uvaꞌ yeꞌ la taqꞌ kan u ixojeꞌ vitzumeleꞌ.   
\m
\v 11 Pet asoj at umaj ixoj uvaꞌ kat ijatx tibꞌ tukꞌ vitzumeleꞌ, as yeꞌ la uch ichukat ixoj umaꞌt naj, pet la kuxh atin veꞌt ixoj. As moj la isotzsa tibꞌ ipaav chaꞌma svatzaj, as aꞌn la qꞌaav veꞌt ixoj tiꞌ vitzumeleꞌ unpajte. As echat chit u najeꞌ, tan yeꞌ la uch taqꞌat kan naj u tixqeleꞌ.   
\p
\v 12 As tuk val kaꞌt unqꞌa yoleꞌ sete. As ineꞌ ni alon, tan yeꞌxhkam alel kan taꞌn u Kubꞌaaleꞌ stiꞌ. Asoj at umaj qitzꞌin qatzik uvaꞌ at tixqel uvaꞌ yeꞌ nikꞌujbꞌaꞌ ikꞌuꞌl tiꞌ u Kubꞌaal Jesús as yeꞌ la taqꞌ kan naj ixoj, asoj bꞌaꞌn kuxh te ixoj uvaꞌ eqꞌon tibꞌ ixoj tukꞌ naj.   
\m
\v 13 As echat la ibꞌan umaj ixoj uvaꞌ at itzumel uvaꞌ yeꞌ nikꞌujbꞌaꞌ ikꞌuꞌl tiꞌ u Kubꞌaal Jesús as yeꞌ la taqꞌ kan ixoj vitzumeleꞌ, asoj bꞌaꞌn kuxh te naj uvaꞌ eqꞌon tibꞌ naj tukꞌ ixoj.   
\m
\v 14 Tan u najeꞌ uveꞌ yeꞌ nikꞌujbꞌaꞌ ikꞌuꞌl tiꞌ u Jesús as antu naj ni teesal kꞌatz u vaꞌlexheꞌ taꞌn u tixqeleꞌ. As u ixojeꞌ uveꞌ yeꞌ nikꞌujbꞌaꞌ ikꞌuꞌl tiꞌ u Jesús, as antu u ixojeꞌ ni teesal kꞌatz u vaꞌlexheꞌ taꞌn vitzumeleꞌ. As ech chit tuk ibꞌaneꞌ uveꞌ ni val sete, asoj jitꞌeꞌch la ibꞌaneꞌ, as vaꞌlexh itxumbꞌaleꞌ unqꞌa etalaj intxaꞌeꞌ la ibꞌaneꞌ. Pet antu veꞌt chiintxaꞌ kat el vatz u vaꞌlexheꞌ taꞌn u kꞌujlebꞌal ikꞌuꞌl u txutx ibꞌaaleꞌ.   
\m
\v 15 Asoj at umaj ixqela moj umaj tzumela uvaꞌ yeꞌ nikꞌujbꞌaꞌ ikꞌuꞌl tiꞌ u Jesús, asoj la tal ijatxat tibꞌ tukꞌ vikꞌuleleꞌ, as la uch ijatxat tibꞌeꞌ, tan yeꞌle uvaꞌ techal koj chit la ikuy veꞌt u qitzꞌin qatzikeꞌ teqꞌot tibꞌ tukꞌ vikꞌuleleꞌ, tan kat imolo oꞌ Aak tiꞌ uvaꞌ achaꞌv chit qatineꞌ sukuvatzaj la ibꞌaneꞌ.   
\m
\v 16 As ex ixqela uvaꞌ kꞌujleꞌl ekꞌuꞌl tiꞌ u Jesús, ¿ma yeꞌ ootzimal setaꞌn uvaꞌ yeꞌ kuxh naꞌl uvaꞌ la qꞌalpu vetzumeleꞌ setaꞌn? As echat ex tzumela, ¿ma yeꞌ ootzimal setaꞌn uvaꞌ yeꞌ kuxh naꞌl uvaꞌ la qꞌalpu vetixqeleꞌ setaꞌn?   
\p
\v 17 As la val sete echeꞌ uvaꞌ ni val tulaj unqꞌa tostiixheꞌ tu unqꞌa tenameꞌ skajayil. Kꞌuxh kam kuxh bꞌanel taꞌn etatineꞌ, as aꞌ la ebꞌaneꞌ sejununilaj echeꞌ uvaꞌ kat ikꞌujbꞌaꞌ kan u Kubꞌaal Tiixheꞌ setiꞌ tukꞌ vibꞌaꞌnileꞌ. As kam etatineꞌ tul uvaꞌ kat imolo ex Aak as echat kuxh etatineꞌ la ebꞌaneꞌ.   
\m
\v 18 As jankꞌal ex uveꞌ maꞌtik tel unbꞌiil vechiꞌoleꞌ tul uvaꞌ kat imolo ex Aak, as ech kuxh la kaakat exeꞌ echeꞌ u veeꞌ. As jankꞌal ex uveꞌ yeꞌl unbꞌiil vechiꞌoleꞌ elnalike tul uvaꞌ kat imolo ex Aak, as etaqꞌak veꞌt vechiꞌoleꞌ uvaꞌ la eesal unbꞌooj.   
\m
\v 19 As kꞌuxh kat el unbꞌiil vechiꞌoleꞌ as kꞌuxh yeꞌ kat eli, as yeꞌl tetzeꞌ tiꞌ uveꞌ kat ebꞌana. Pet aꞌ etetzeꞌ uvaꞌ la enima u bꞌaꞌnla yoleꞌ uvaꞌ alel kan taꞌn u Tiixheꞌ.   
\m
\v 20 Estiꞌeꞌ ni val sete, kam kuxh bꞌanik etaꞌn sejununilaj, tul uvaꞌ kat imolo ex u Tiixheꞌ, as la kuxh kaa veꞌt ex echeꞌ u veeꞌ.   
\m
\v 21 Asoj atik ok ex skꞌamil xeꞌ umaj uxhchil tul uvaꞌ kat imolo ex Aak, as exaansak kuxh etaama stiꞌ. Pet asoj la uchi uvaꞌ la eteesa el tzan etibꞌ, as echuktaj txumbꞌal tiꞌ eteleꞌ.   
\m
\v 22 As abꞌiste ex uvaꞌ atik ok ex skꞌamil tul uvaꞌ kat imolo ex u Kubꞌaal Tiixheꞌ, as aꞌ exeꞌ uvaꞌ qꞌalpumal veꞌt ex tiꞌ uvaꞌ la enima u Kubꞌaaleꞌ. As abꞌiste ex uvaꞌ yeꞌl ex atik ok ex skꞌamil xeꞌ umaj uxhchil tul uvaꞌ kat imolo ex Aak, as aꞌ exeꞌ uvaꞌ atoꞌk veꞌt ex skꞌamil kꞌatz u Cristo.   
\m
\v 23 As loqꞌel veꞌt oꞌ setukꞌ taꞌn u Kubꞌaal Jesús tul kat el vikajal Aakeꞌ sqiꞌ. Estiꞌeꞌ ni val sete uvaꞌ yeꞌ la etoksa etaama tiꞌ enimat unqꞌa yoleꞌ uvaꞌ la alpu sete taꞌn unqꞌa uxhchileꞌ tiꞌ eteesal tu bꞌey.   
\m
\v 24 As aꞌ ni valeꞌ, vitzꞌin vatzik, uvaꞌ kam uvaꞌ bꞌanik etaꞌn tul uvaꞌ kat imolo ex u Tiixheꞌ, as la kuxh kaa veꞌt ex echeꞌ u veeꞌ vatz Aak.   
\p
\v 25 As tuk val bꞌen kaꞌt u yol sete tiꞌ unqꞌa qꞌopo ixojeꞌ. As kꞌuxh yeꞌl umaj yol kat tal kan u Kubꞌaal Jesús tiꞌ unqꞌa qꞌopo ixojeꞌ poro tuk val sete kam uvaꞌ ni vitzꞌa, tan kat itxum Aak unvatz. Estiꞌeꞌ uvaꞌ kꞌujlebꞌal chit kꞌuꞌl u yoleꞌ uvaꞌ tuk val sete.   
\m
\v 26 As tuk val sete uvaꞌ kꞌaxkꞌo veꞌt u qatineꞌ cheel. Estiꞌeꞌ ni valeꞌ uvaꞌ kam chit etatineꞌ cheel as echat kuxh la kaakat ex sejununilaj.   
\m
\v 27 Asoj at etixqel, as yeꞌ la echuk txumbꞌal tiꞌ ejatxat etibꞌ. Asoj yeꞌl eexqel ati, as yeꞌ kuxh oojela eebꞌ tiꞌ achukat eexqel.   
\m
\v 28 Pet asoj la teqꞌo etibꞌ tukꞌ etixqel, as jit paaveꞌ la ebꞌaneꞌ. Asoj la teqꞌo tibꞌ u qꞌopo ixojeꞌ tukꞌ itzumel, as jit paaveꞌ la ibꞌan ixoj. Pet la val sete, tan abꞌil uveꞌ at itzumel, as la ipalebꞌe unqꞌa kꞌaxkꞌoeꞌ. Pet yeꞌ nunsaꞌ uvaꞌ la epalebꞌe u kꞌaxkꞌoeꞌ.   
\p
\v 29 Vitzꞌin vatzik, aꞌ isuuchil u yoleꞌ uvaꞌ ni val sete uvaꞌ unbꞌiitoj kuxheꞌ ilejat u qꞌiieꞌ uvaꞌ la ul u Kubꞌaal Jesucristo unpajte. Estiꞌeꞌ ni val sete uvaꞌ abꞌiste ex uvaꞌ at veꞌt etixqel, as la etoksa etaama tiꞌ inimal u Kubꞌaal Jesús echeꞌ nibꞌan u najeꞌ uvaꞌ yeꞌl tixqel ati.   
\m
\v 30 As abꞌiste ex uvaꞌ vaꞌl etoqꞌeꞌ taꞌn txumuꞌm as ejalpuk etxumbꞌal taꞌn u txumuꞌmeꞌ. As abꞌiste ex uvaꞌ vaꞌl echiibꞌeꞌ as ejalpuk etxumbꞌal taꞌn u chiibꞌichileꞌ. As abꞌiste ex uvaꞌ kam kuxh etetz kat eloqꞌlaꞌ, as eela kuxh stukꞌ uvaꞌ yeꞌl etetz kat eloqꞌa.   
\m
\v 31 As abꞌiste ex uvaꞌ at emeebꞌaꞌl as eela kuxh stukꞌ uvaꞌ jit etetz vemeebꞌaꞌleꞌ, tan palchil chiteꞌ u vatz txꞌavaꞌeꞌ.   
\p
\v 32 As aꞌ ni valeꞌ uvaꞌ yeꞌ koj la exaansa etaama tiꞌ vetatineꞌ vatz u txꞌavaꞌeꞌ. As u qitzꞌin qatzikeꞌ uveꞌ yeꞌl tixqel ati as aꞌeꞌ nibꞌaneꞌ kam uvaꞌ ni tal u Kubꞌaal Jesús. As nititzꞌa naj kam uvaꞌ la ibꞌan naj, aqꞌal la chiibꞌ u Kubꞌaal Jesús stiꞌ.   
\m
\v 33 Pet ech koj u qitzꞌin qatzikeꞌ uveꞌ at tixqel, tan ni titzꞌa naj vimeebꞌaꞌleꞌ tiꞌ uvaꞌ la txuqꞌtxun u tixqel najeꞌ.   
\m
\v 34 As echat unqꞌa ixojeꞌ uveꞌ at itzumel tukꞌ u ixojeꞌ uveꞌ qꞌoponaleꞌ, tan jit eela itxumbꞌal chaꞌma, tan ni toksa u qꞌopo ixojeꞌ taama tiꞌ ibꞌanataꞌ kam uvaꞌ ni tal u Kubꞌaal Jesús. As aꞌ nisaꞌ ixoj uvaꞌ bꞌaꞌn ixoj vatz u Tiixheꞌ tukꞌ vichiꞌoleꞌ tukꞌ u taanxelaleꞌ. Pet ech koj u ixojeꞌ uveꞌ at itzumel, tan ni titzꞌa ixoj vimeebꞌaꞌleꞌ tiꞌ uvaꞌ la txuqꞌtxun vitzumel ixojeꞌ.   
\m
\v 35 Ni val unqꞌa yoleꞌ sete tiꞌ unlochat veꞌt ex. As jit tiꞌ unmajat evatz. Pet aꞌ u bꞌaꞌneꞌ ni vil bꞌen setiꞌ, tan aꞌ ni valeꞌ uvaꞌ jik chit etatineꞌ vatz u Kubꞌaaleꞌ. As ayaꞌl chit ekꞌuꞌl la etoksa etaama tiꞌ enimat Aak.   
\p
\v 36 Asoj at umaj chelem la alon uvaꞌ: «Techal chiteꞌ la teqꞌo tibꞌ tukꞌ u qꞌopo ixojeꞌ, tan kat tzꞌajyu veꞌt iyaabꞌ ixoj,» taqꞌ u chelemeꞌ ni taleꞌ. As bꞌaꞌneꞌ uveꞌ ni titzꞌa. Asoj la teqꞌo tibꞌ tukꞌ tixqel. As jit paaveꞌ uvaꞌ la ibꞌaneꞌ.   
\m
\v 37 Pet asoj at ex uvaꞌ ayaꞌl chit veꞌt ekꞌuꞌl uvaꞌ kat ok veꞌt tu vetaanxelaleꞌ uvaꞌ yeꞌ la echuk etixqel, as exeꞌ la alon kam veꞌt bꞌaꞌn sete. As bꞌaꞌn kuxheꞌ uveꞌ yeꞌ la eteqꞌo etibꞌ tukꞌ umaj ixoj.   
\m
\v 38 Estiꞌeꞌ ni val sete uvaꞌ abꞌiste ex uveꞌ la echuk ekꞌulel as bꞌaꞌneꞌ uveꞌ nebꞌaneꞌ. As abꞌiste ex uveꞌ yeꞌ la echuk ekꞌulel as aal chit bꞌaꞌneꞌ uveꞌ nebꞌaneꞌ.   
\p
\v 39 Asoj at umaj ixoj uvaꞌ at itzumel, as yeꞌ la uch ichukat ixoj umaꞌt itzumel asoj isleꞌltel naj. Pet asoj la kam naj, as la uch ichukat ixoj umaꞌt naj uvaꞌ nimamal u Kubꞌaal Tiixheꞌ staꞌn.   
\m
\v 40 As aꞌ ni valeꞌ uvaꞌ aal bꞌaꞌneꞌ uvaꞌ yeꞌl itzumel ixoj la ichukeꞌ. As nunnima uvaꞌ at u Tiixhla Espíritu tu vaanxelaleꞌ setukꞌ.   
\c 8  
\s1 Niyolon u Pablo tiꞌ unqꞌa echbꞌubꞌaleꞌ uveꞌ nik toksal vatz unqꞌa tzeꞌ tiixheꞌ  
\p
\v 1 As cheel tuk untzaqꞌbꞌe bꞌen umaꞌt u yoleꞌ uveꞌ kat echꞌoti sve tiꞌ unqꞌa echbꞌubꞌaleꞌ uveꞌ ni toksal vatz unqꞌa tzeꞌ tiixheꞌ. Tan ootzimaleꞌ sqaꞌn uvaꞌ: «At veꞌt kutxumbꞌal,» chꞌex netaleꞌ. As jeꞌsaibꞌ kuxheꞌ nebꞌaneꞌ tukꞌ vetxumbꞌaleꞌ. Pet aal la kuloch qibꞌ tiꞌ kukꞌujbꞌaꞌt kukꞌuꞌl tiꞌ u Tiixheꞌ tiꞌ kuxoꞌnit qibꞌ sukuvatzaj.   
\m
\v 2 Tan asoj at umaj uxhchil la ijeꞌsa tibꞌ tiꞌ uvaꞌ at veꞌt itxumbꞌal ni taleꞌ, as aꞌeꞌ uveꞌ bꞌiil kuxh itxumbꞌal ati.   
\m
\v 3 Pet abꞌil uvaꞌ ni xoꞌnin u Tiixheꞌ, as aꞌeꞌ uvaꞌ at veꞌt ok taꞌn Aak xoꞌl vitenameꞌ.   
\p
\v 4 As estiꞌeꞌ uvaꞌ tuk val sete tiꞌ unqꞌa echbꞌubꞌaleꞌ uveꞌ kat oksal vatz unqꞌa tzeꞌ tiixheꞌ: Tan ootzimal sqaꞌn uvaꞌ umaꞌl kuxh Tiixh ati. As yeꞌl kuxh itxaꞌk unqꞌa tzeꞌ tiixheꞌ vatz u txꞌavaꞌeꞌ.   
\m
\v 5 As at unqꞌa kameꞌ uvaꞌ ni toksa unqꞌa tenameꞌ sitiixh, as moj unqꞌa veeꞌ uvaꞌ at vatz u almikaꞌeꞌ as moj unqꞌa veeꞌ uvaꞌ at vatz u txꞌavaꞌeꞌ, tan an chiteꞌ uvaꞌ nimal kuxh unqꞌa tiixheꞌ ati uveꞌ ni talpeꞌ tukꞌ unqꞌa bꞌooqꞌoleꞌ unpajte.   
\m
\v 6 Pet ech koj oꞌ, tan umaꞌl kuxh kuTiixh ati. As aꞌeꞌ u Kubꞌaaleꞌ uveꞌ cheesan tetz unqꞌa veeꞌ skajayil. As estiꞌeꞌ at veꞌt oꞌ vatz u txꞌavaꞌeꞌ tiꞌ kunimat Aak. As umaꞌl kuxh u kuBꞌooqꞌol ati. As aꞌeꞌ u Kubꞌaal Jesucristo uvaꞌ taꞌn vibꞌaꞌnileꞌ as at veꞌt unqꞌa veeꞌ skajayil. As at veꞌt kutiichajil taꞌn Aak unpajte.   
\p
\v 7 As jit kajayil unqꞌa uxhchileꞌ ootzin tetz uvaꞌ umaꞌl kuxh Tiixh ati, tan at unqꞌa uxhchileꞌ uvaꞌ chiannal ste tiꞌ toksat iqꞌii unqꞌa tzeꞌ tiixheꞌ. As nitel kuxh techbꞌu unqꞌa echbꞌubꞌaleꞌ uveꞌ kat oksal vatz unqꞌa tzeꞌ tiixheꞌ. Pet ni tal jeꞌ vitxumbꞌaleꞌ ste uvaꞌ vaꞌlexh nibꞌaneꞌ, tan yeꞌxh yakꞌinoj u kꞌujlebꞌal ikꞌuꞌleꞌ.   
\m
\v 8 Pet ech koj oꞌ, tan at sukukꞌuꞌl uvaꞌ jit tiꞌ qechbꞌut umaj echbꞌubꞌal kat okkat oꞌ kꞌatz u Tiixheꞌ. As kꞌuxh ni qechbꞌu as moj yeꞌle, poro yeꞌl tokebꞌal tiꞌ qok kꞌatz u Tiixheꞌ.   
\m
\v 9 Pet la val sete, kꞌuxh la uch etechbꞌut unqꞌa echbꞌubꞌaleꞌ, as atoj sekꞌuꞌl uvaꞌ at kaꞌt unqꞌa qitzꞌin qatzikeꞌ uvaꞌ yeꞌxh yakꞌinoj u kꞌujlebꞌal ikꞌuꞌleꞌ. As yeꞌ la uchi uvaꞌ la kuꞌ tu paav taꞌn uveꞌ nebꞌaneꞌ.   
\m
\v 10 Tan asoj la til umaj qitzꞌin qatzik etechbꞌut u echbꞌubꞌaleꞌ tu u atinbꞌaleꞌ uvaꞌ atkat umaj tzeꞌ tiixh, as la ok xeꞌ taama tiꞌ techbꞌut unqꞌa echbꞌubꞌaleꞌ uvaꞌ maꞌt toksal vatz unqꞌa tzeꞌ tiixheꞌ. As tul yeꞌxnaj yakꞌin u kꞌujlebꞌal ikꞌuꞌleꞌ.   
\m
\v 11 As tiꞌ kuxh vatxumbꞌaleꞌ taꞌ uveꞌ naaleꞌ la tzꞌejxukat u qitzꞌin qatzikeꞌ uveꞌ kat kam u Cristoeꞌ stiꞌ.   
\m
\v 12 Tan eyansa veꞌt itxumbꞌal u qitzꞌin qatzikeꞌ uvaꞌ yeꞌ yakꞌinnal u kꞌujlebꞌal ikꞌuꞌleꞌ, as la paavin ex vatz u qitzꞌin qatzikeꞌ as vatz u Cristo unpajte.   
\m
\v 13 Estiꞌeꞌ ni val sete, tan asoj la yan itxumbꞌal umaj qitzꞌin qatzik tiꞌ vechbꞌut chibꞌ as yeꞌl unpajtoj la vechbꞌu veꞌt chibꞌ, aqꞌal uvaꞌ yeꞌ la paavin veꞌt u qitzꞌin qatzikeꞌ svaꞌn.   
\c 9  
\s1 Ni tal u Pablo isuuchil u tijleꞌmeꞌ  
\p
\v 1 As la etabꞌi umaꞌt u yol uvaꞌ tuk val sete, tan in apóstol tetz u Kubꞌaal Jesucristo. As yeꞌl in atoꞌk in skꞌamil kꞌatz umaj uxhchil. Pet in ikꞌam Aak, tan kat vil Aak. As estiꞌeꞌ at veꞌt ok ex kꞌatz Aak taꞌn u vaqꞌoneꞌ uveꞌ kat unbꞌan setiꞌ tukꞌ vibꞌii Aakeꞌ.   
\m
\v 2 As kꞌuxh at uxhchil ni alon uvaꞌ jit in apóstol, poro ech koj ex tan ootzimal setaꞌn uvaꞌ in apóstol. As exeꞌ ni kꞌuchun uvaꞌ in apóstol, tan tiꞌ uvaꞌ at veꞌt ok ex kꞌatz u Kubꞌaal Jesús taꞌn u yoleꞌ uvaꞌ kat val sete.   
\p
\v 3 As ech tuk val ileꞌ te unqꞌa uxhchileꞌ uveꞌ ni alon uvaꞌ jit in apóstol:   
\m
\v 4 As echeꞌ yeꞌ koj la uch unjajat vechbꞌubꞌal sete tukꞌ unqꞌa uvaꞌ nisaꞌvit sviꞌ tul uvaꞌ at in sexoꞌl.   
\m
\v 5 As echeꞌ yeꞌ koj la uchi uvaꞌ la qeqꞌo qixqel sqiꞌ uvaꞌ ni niman u Jesús echeꞌ nibꞌan unjoltu unqꞌa apóstol tukꞌ unqꞌa titzꞌin u Kubꞌaal Jesús as tukꞌ u Cefas uvaꞌ Luꞌ.   
\m
\v 6 As echeꞌ uvaꞌ yeꞌ koj la uch kujajat qechbꞌubꞌal sete, in tukꞌ u Bernabé, echeꞌ nibꞌan unjoltu unqꞌa alol tetz viyol u Tiixheꞌ.   
\m
\v 7 Tan echeꞌ nibꞌan umaj sol, tan jit najeꞌ ni choon unqꞌa techbꞌubꞌaleꞌ tukꞌ unkaꞌt unqꞌa veeꞌ nisaꞌvit stiꞌ. As echeꞌ nibꞌan u najeꞌ uvaꞌ ni avan unqꞌa chikoeꞌ, tan la techbꞌu naj vivatz unqꞌa ichikoeꞌ uveꞌ kat tava. As echeꞌ nibꞌan umaj naj uvaꞌ nichik tavan, tan la uch tukꞌat naj u taꞌl ichꞌuꞌ txooeꞌ. As la ucheꞌ uvaꞌ ech la kubꞌaneꞌ.   
\p
\v 8 As etalaki uvaꞌ iyol kuxh umaj naj u yoleꞌ uveꞌ ni val sete, tan at veꞌt kan u yoleꞌ tu unqꞌa uꞌujeꞌ uvaꞌ tzꞌibꞌamal kan taꞌn u Moisés,   
\m
\v 9 as ech ni tal u yol ileꞌ uvaꞌ tzꞌibꞌamal kan:  
\q1 Ooksak u sameꞌ viꞌ ijuꞌ u vaakaxheꞌ, tul uvaꞌ nipachꞌ txoo u trigo tiꞌ teesal tuul, tiꞌk u yoleꞌ.  
\m As jit kuxh u vaakaxheꞌ ni tal u Tiixheꞌ tukꞌ u yoleꞌ.   
\m
\v 10 Pet sqiꞌeꞌ tzꞌibꞌamalkat kan u yoleꞌ, tan ech oꞌeꞌ echeꞌ umaj naj uveꞌ ni aqꞌonvan u txꞌavaꞌeꞌ as umaꞌt naj uveꞌ ni pitxꞌoneꞌ, tan aꞌ ni titzꞌa chajnaj uvaꞌ la til chajnaj ivatz u taqꞌoneꞌ.   
\m
\v 11 As oꞌeꞌ kat lochon ex tiꞌ iyakꞌinsal u bꞌaꞌnla yoleꞌ tu vetaanxelaleꞌ. As echeꞌ vaꞌlexh koj uvaꞌ la kujaj bꞌaꞌnil sete tiꞌ u qechbꞌubꞌaleꞌ tukꞌ uvaꞌ nisaꞌvit sqiꞌ.   
\m
\v 12 As la ucheꞌ uvaꞌ la kujaj bꞌaꞌnil sete tiꞌ u qechbꞌubꞌaleꞌ echeꞌ nibꞌan unjoltu unqꞌa alol tetz viyol u Tiixheꞌ. As tul kat kupaxsa u bꞌaꞌnla yoleꞌ sexoꞌl, as yeꞌ kat kujaj sete kam uvaꞌ nisaꞌvit sqiꞌ.  
\p Pet kat kukuya, tan aꞌ nik qitzꞌa uvaꞌ yeꞌ la yan etxumbꞌal sqiꞌ tukꞌ tiꞌ unqꞌa bꞌaꞌnla yoleꞌ tiꞌ u Cristo.   
\m
\v 13 As ootzimal setaꞌn uvaꞌ jankꞌal unqꞌa uxhchileꞌ uveꞌ ni taqꞌonveꞌ tu u tostiixheꞌ, as tiꞌ unqꞌa oyeꞌ nitxꞌaꞌnkat chajnaj uveꞌ ni toksal vatz u Tiixheꞌ. As echat unqꞌa uxhchileꞌ uveꞌ ni ilon isuuchil u atinbꞌaleꞌ uvaꞌ niyatzꞌpukat unqꞌa txooeꞌ, as ni taqꞌax unbꞌiil u chibꞌeꞌ te chajnaj tiꞌ uvaꞌ la techbꞌu chajnaj.   
\m
\v 14 As estiꞌeꞌ uvaꞌ tal kan u Kubꞌaal Jesús uvaꞌ abꞌil uveꞌ ni paxsan u bꞌaꞌnla yoleꞌ tiꞌ Aak, as aꞌ la txꞌaꞌnkat stiꞌ.   
\p
\v 15 Pet yeꞌ kat unbꞌana kam uvaꞌ ni taleꞌ. As jit tiꞌ unlochpeꞌ nuntzꞌibꞌakat bꞌen sete, tan achaꞌv chit sve uvaꞌ yeꞌxhkam kat unjaj sete. Estiꞌeꞌ uvaꞌ aal bꞌaꞌneꞌ la kam in tiꞌ uvaꞌ la eesal u chiibꞌichileꞌ tu vaanxelaleꞌ, tan asoj la eloch veꞌt in, as la eteesa veꞌt u chiibꞌichileꞌ tu u vaanxelaleꞌ.   
\m
\v 16 As jit uvaꞌ aꞌ koj ni valeꞌ uvaꞌ la ok unqꞌii tiꞌ unpaxsat u bꞌaꞌnla yoleꞌ tiꞌ u Jesús. Pet at tzan chiteꞌ sviꞌ tiꞌ unpaxsat u yoleꞌ. ¡As oyebꞌ chit unvatz, asoj yeꞌ la unpaxsa u bꞌaꞌnla yoleꞌ!   
\p
\v 17 Tan asoj in kuxh ni alon jeꞌ sve uvaꞌ la unpaxsa u bꞌaꞌnla yoleꞌ, as la uchi uvaꞌ la lochpu veꞌt in stiꞌ. Pet tiꞌ uvaꞌ ijoꞌximal veꞌt svaꞌn, tan Aak ni alon. As aꞌeꞌ nunbꞌaneꞌ kam uvaꞌ alel veꞌt sve taꞌn Aak.   
\m
\v 18 As at veꞌt untxꞌajaꞌmeꞌ stiꞌ. As aꞌeꞌ u chiibꞌichileꞌ uvaꞌ at tu vaanxelal, tan tiꞌ uvaꞌ yeꞌl lochbꞌal vetz kat unjaj sete, tul uvaꞌ kat unpaxsa u bꞌaꞌnla yoleꞌ sexoꞌl. Tan kꞌuxh vetzeꞌ uvaꞌ la lochpu veꞌt in setaꞌn tiꞌ unpaxsat u bꞌaꞌnla yoleꞌ sexoꞌl, as yeꞌ kat unjaj sete.   
\p
\v 19 As la val sete, tan yeꞌl in uvaꞌ atoꞌk koj in skꞌamil xeꞌ umaj uxhchil. Pet kat voksa veꞌt vibꞌ skꞌamil tiꞌ unqꞌa tenameꞌ skajayil, tiꞌ uvaꞌ la inima viyol u Cristo, jankꞌal uvaꞌ la isaꞌ inimataꞌ.   
\m
\v 20 As tul uvaꞌ at in xoꞌl unqꞌa unmooleꞌ uvaꞌ tiaal Israel, as ech vuntxumbꞌaleꞌ nunbꞌaneꞌ echeꞌ chajnaj. As kꞌuxh ootzimal svaꞌn uvaꞌ yeꞌ veꞌt tetz u tzaqꞌiteꞌ sviꞌ uvaꞌ itzꞌibꞌa kan u Moisés as ni voksa xeꞌ vaama tiꞌ unnimataꞌ echeꞌ nibꞌan chajnaj, aqꞌal uvaꞌ la pal chajnaj stuul kam uvaꞌ ni tal viyol u Cristo. As la inima chajnaj.   
\m
\v 21 As tul uvaꞌ at in xoꞌl unqꞌa uxhchileꞌ uveꞌ jit u tzaqꞌiteꞌ ninima uvaꞌ itzꞌibꞌa kan u Moisés, as ech vuntxumbꞌaleꞌ nunbꞌaneꞌ echeꞌ chajnaj. (As jit uvaꞌ yeꞌ koj tokebꞌal u tzaqꞌiteꞌ uvaꞌ tzꞌibꞌamal kan sviꞌ, tan techal la unnima vitzaqꞌit u Cristo.) As ech nunbꞌaneꞌ echeꞌ uvaꞌ nibꞌan chajnaj, aqꞌal uvaꞌ la pal chajnaj stuul tiꞌ viyol u Cristo. As la inima.   
\m
\v 22 As tul uvaꞌ at in xoꞌl unqꞌa uxhchileꞌ uveꞌ yeꞌ yakꞌinoj u taanxelaleꞌ tiꞌ viyol u Cristo, as nunbꞌaneꞌ echeꞌ uveꞌ nibꞌaneꞌ. As kam vitxumbꞌal unqꞌa uxhchileꞌ as ech vuntxumbꞌaleꞌ nunbꞌaneꞌ, tan nunchuk txumbꞌal tiꞌ uvaꞌ la pal unqꞌa uxhchileꞌ stuul tiꞌ viyol u Cristo. As la inima veꞌteꞌ.   
\m
\v 23 As aꞌ nunbꞌankat tiꞌ ipaxsal itzibꞌlal u bꞌaꞌnla yoleꞌ tiꞌ u Cristo, aqꞌal uvaꞌ la ikꞌul unqꞌa tenameꞌ skajayil vibꞌaꞌnil u Tiixheꞌ uvaꞌ alel kan taꞌn Aak echeꞌ uvaꞌ alel veꞌt sve taꞌn Aak.   
\p
\v 24 Ateꞌ taꞌ sekꞌuꞌl uvaꞌ tul ni toojeꞌl veꞌt unqꞌa uxhchileꞌ tiꞌ itxꞌakat umaj itxꞌajaꞌm, as kꞌuxh ni toojeꞌl skajayil, as umaꞌl kuxheꞌ u uxhchileꞌ la txꞌakoni. As ech la ebꞌaneꞌ tiꞌ enimat viyol u Cristo echeꞌ uveꞌ kat ibꞌan u uxhchileꞌ uveꞌ ayaꞌl chit ikꞌuꞌl kat oojeꞌli, as kat txꞌakoni.   
\m
\v 25 Tan jankꞌal unqꞌa uxhchileꞌ uveꞌ ni toojeꞌleꞌ tiꞌ itxꞌakat umaj itxꞌajaꞌm as ayaꞌl chit ikꞌuꞌl nibꞌan tucheꞌ. As nichus tibꞌ bꞌaxa. As tiꞌ kuxh itxꞌakat umaj tetz uvaꞌ la pal iyakꞌil niyaꞌlukat tibꞌ. Pet ech koj oꞌ, tan tiꞌ umaꞌl u txꞌajaꞌm nu kuyaꞌlukat qibꞌ uvaꞌ yeꞌ la pal iyakꞌil.   
\m
\v 26 Estiꞌeꞌ ayaꞌl chit unkꞌuꞌl tiꞌ unnimat viyol u Cristoeꞌ. As jitꞌeꞌch nunbꞌaneꞌ echeꞌ nibꞌan umaj uxhchil uvaꞌ yeꞌ kuxh tootzaj kam stiꞌ ni toojeꞌlkat. As jitꞌeꞌch nunbꞌaneꞌ echeꞌ nibꞌan umaj naj uvaꞌ nu kuxh iqꞌosoneꞌ sijunal as yeꞌxhebꞌil at svatz.   
\m
\v 27 Pet nunyaꞌlu vibꞌ tiꞌ uvaꞌ yeꞌ la unbꞌaneꞌ kam uvaꞌ ni tal vunchiꞌoleꞌ, tan ech u tachaꞌv vunchiꞌoleꞌ echeꞌ umaꞌtoj uxhchil uvaꞌ la unbꞌan chꞌaꞌo stukꞌ. As la unqꞌoseꞌ. As techal la unbꞌaneꞌ tukꞌ vunchiꞌoleꞌ kam uvaꞌ ni tal u Tiixheꞌ, aqꞌal uvaꞌ yeꞌ la el unqꞌii tiꞌ valat isuuchil u bꞌaꞌnla yoleꞌ sete tukꞌ te unqꞌa tenameꞌ.   
\c 10  
\s1 Nibꞌeya u Pablo te unqꞌa niman tetz u Jesús tiꞌ uvaꞌ yeꞌ la nimal unqꞌa tzeꞌ tiixheꞌ  
\p
\v 1 As aꞌ ni valeꞌ, vitzꞌin vatzik, uvaꞌ yeꞌ la sotz sekꞌuꞌl tiꞌ uvaꞌ kat ibꞌan unqꞌa qꞌesla bꞌaalaeꞌ naꞌytzan, tan nikat ixaan veꞌt jaqꞌ u suutzꞌeꞌ. As kajayil chit kat pal tu u mar taꞌn u Tiixheꞌ.   
\m
\v 2 As unvatzul kuxh veꞌt unqꞌa tenameꞌ tukꞌ u Moisés kat ibꞌana, tan eela kuxh stukꞌ uvaꞌ kat kuꞌ unqꞌa tenameꞌ xeꞌ u aꞌeꞌ, tul uvaꞌ kat ijaj tibꞌ u mar. As kat pal veꞌt unqꞌa tenameꞌ sxoꞌl. As atik u suutzꞌeꞌ stiibꞌa.   
\m
\v 3 As kajayil chit unqꞌa tenameꞌ kat echbꞌun u maná uveꞌ kat taqꞌ kuꞌ tzan u Tiixheꞌ tu almikaꞌ.   
\m
\v 4 As kajayil chit unqꞌa tenameꞌ kat ukꞌan u aꞌeꞌ uvaꞌ kat el chꞌuꞌl tu u sivaneꞌ taꞌn u Tiixheꞌ, tan xekelik veꞌt u Cristo tiꞌ u tenameꞌ. As ech veꞌt tatin u Cristo sxoꞌl echeꞌ tatin u sivaneꞌ uvaꞌ kat el chꞌuꞌl u aꞌeꞌ stuul.   
\m
\v 5 As kꞌuxh ech kat ibꞌan unqꞌa tenameꞌ, as nimal unqꞌa tenameꞌ uvaꞌ yeꞌl u Tiixheꞌ kat chiibꞌ stiꞌ. Estiꞌeꞌ uvaꞌ yeꞌ saach unqꞌa tenameꞌ kat palebꞌen u kꞌaxkꞌoeꞌ tu u tzuukin txꞌavaꞌeꞌ. As kat kam veꞌteꞌ.   
\p
\v 6 As jankꞌal unqꞌa veeꞌ uvaꞌ kat ibꞌan unqꞌa qꞌesla kubꞌaaleꞌ as kꞌuchuvatzeꞌ nibꞌan kan sukuvatz, aqꞌal uvaꞌ yeꞌ la qitzꞌa kubꞌanat unqꞌa vaꞌlexheꞌ echeꞌ uveꞌ kat ibꞌan unqꞌa tenameꞌ naꞌytzan.   
\m
\v 7 As etoksak iqꞌii unqꞌa tzeꞌ tiixheꞌ echeꞌ uveꞌ kat ibꞌan unqꞌa tenameꞌ naꞌytzan, tan ech ni tal u yoleꞌ uvaꞌ tzꞌibꞌamal kan:  
\q1 Kat xonebꞌ veꞌt unqꞌa tenameꞌ tiꞌ itxꞌaꞌneꞌ as tiꞌ tukꞌaꞌeꞌ vatz u tzeꞌ tiixheꞌ.  
\q1 As tul kat bꞌaꞌnxi as kat txakpu veꞌteꞌ tiꞌ ibꞌanat u vaꞌlexeꞌ svatzaj, tiꞌk u yoleꞌ.   
\m
\v 8 As yeꞌ la kuyansa qibꞌ sukuvatzaj echeꞌ uveꞌ kat ibꞌan unjoltu unqꞌa tenameꞌ, tan kat iyansa tibꞌ unqꞌa najeꞌ tukꞌ unqꞌa ixojeꞌ. As tu kuxh umaꞌl qꞌii as vinaj oxvaꞌl mil (23,000) unqꞌa tenameꞌ uvaꞌ kat kam taꞌn u Tiixheꞌ.   
\m
\v 9 As yeꞌ la uch qulsat iviꞌ u Kubꞌaal Tiixheꞌ echeꞌ uveꞌ kat ibꞌan unjoltu unqꞌa tenameꞌ naꞌytzan, tan kat kam veꞌteꞌ taꞌn unqꞌa txꞌiꞌlatxooeꞌ.   
\m
\v 10 As yeꞌ la etal u vaꞌlexhla yol tiꞌ u Tiixheꞌ echeꞌ uvaꞌ kat ibꞌan unjoltu unqꞌa tenameꞌ naꞌytzan, tan kat ul veꞌt umaꞌl u ángel tiꞌ iyatzꞌat veꞌteꞌ.   
\m
\v 11 As jankꞌal unqꞌa veeꞌ uvaꞌ kat ibꞌan unqꞌa qꞌesla kubꞌaaleꞌ naꞌytzan, as kꞌuchuvatzeꞌ kat ibꞌan kan sukuvatz, tan tzꞌibꞌamal kan tiꞌ ibꞌeyal sqe jankꞌal oꞌ uvaꞌ nik ilon vibꞌaꞌnil u Jesucristo.   
\m
\v 12 Estiꞌeꞌ ni val sete, as echabꞌataj chit ekꞌujbꞌaꞌt etibꞌ jankꞌal ex uvaꞌ ni alon uvaꞌ yeꞌ la ebꞌaneꞌ echeꞌ uveꞌ kat ibꞌan unqꞌa qꞌesla kubꞌaaleꞌ, as la chit etil jeꞌ etibꞌ tiꞌ uvaꞌ yeꞌ la paavin ex.   
\m
\v 13 Tan jankꞌal uveꞌ ni tul setiꞌ tiꞌ uvaꞌ la paavin ex staꞌn, as echeꞌ unqꞌa veeꞌ ni tul tiꞌ unjoltu unqꞌa tenameꞌ tiꞌ uvaꞌ la paavini. Pet kꞌujlebꞌal kꞌuꞌleꞌ u Tiixheꞌ. Tan tul uvaꞌ la ul u vaꞌlexheꞌ setiꞌ uvaꞌ la aqꞌon kuꞌ ex tu paav as yeꞌ la olebꞌ ex stiꞌ nenacheꞌ. As Aakeꞌ la lochon ex tiꞌ etel vatz u paaveꞌ, aqꞌal uvaꞌ yeꞌ la olebꞌ u paaveꞌ setiꞌ.   
\p
\v 14 Estiꞌeꞌ ni val sete, vitzꞌin vatzik, uvaꞌ xoꞌn ex sve. Eteesataj etibꞌ kꞌatz unqꞌa tzeꞌ tiixheꞌ.   
\m
\v 15 As ni val unqꞌa yoleꞌ sete uvaꞌ jankꞌal ex uvaꞌ at etxumbꞌal. As etitzꞌataj jeꞌ etibꞌ tiꞌ u yoleꞌ uveꞌ ni val sete.   
\m
\v 16 As kꞌuchu vatzeꞌ nibꞌan u vino echeꞌ u bꞌaꞌneꞌ uveꞌ ni tal u Tiixheꞌ sqe. As ech u vino echeꞌ vikajal u Cristoeꞌ, tan aꞌ vikajal Aakeꞌ ni bꞌanon uvaꞌ vatzul veꞌt oꞌ sukuvatzaj. As ni qaqꞌ veꞌt taꞌntiixh te u Tiixheꞌ stiꞌ. As u paaneꞌ uvaꞌ kat kujatx sukuxoꞌl, as kꞌuchu vatzeꞌ nibꞌaneꞌ echeꞌ uvaꞌ kat ibꞌan vichiꞌol Aakeꞌ tul kat kꞌaxbꞌisali. Estiꞌeꞌ uvaꞌ unvatzul veꞌt oꞌ sukuvatzaj.   
\m
\v 17 As umaꞌl kuxh u paaneꞌ nu kujatx sukuxoꞌl. As umaꞌl kuxh veꞌt qatin kꞌatz u Cristo, kꞌuxh nimaleen kuxaaneꞌ, tan umaꞌl kuxh veꞌt u paaneꞌ nu kutxꞌaꞌeꞌ.   
\p
\v 18 As qitzꞌataj setukꞌ kam uvaꞌ nibꞌan unqꞌa tiaal Israel, tan unvatzul chit itxumbꞌal unqꞌa uxhchileꞌ svatzaj tul uvaꞌ ni techbꞌul unbꞌiil vichibꞌil unqꞌa txooeꞌ uveꞌ maꞌt ikameꞌ vatz u atinbꞌaleꞌ uvaꞌ niyatzꞌpukat unqꞌa txooeꞌ.   
\m
\v 19 As jit aꞌ ni valeꞌ uvaꞌ at iyakꞌil unqꞌa ichibꞌil unqꞌa txooeꞌ uvaꞌ ni toksal vatz umaj tzeꞌ tiixh. As jit aꞌ ni valeꞌ uvaꞌ Tiixh unqꞌa tzeꞌ tiixheꞌ.   
\m
\v 20 As jankꞌal unqꞌa veeꞌ ni toksal vatz unqꞌa tzeꞌ tiixheꞌ taꞌn unqꞌa uxhchileꞌ uveꞌ yeꞌ ootzin tetz u Tiixheꞌ, as aꞌ unqꞌa subꞌuleꞌ ninima. As jit u Tiixheꞌ ninima. As la val sete uvaꞌ yeꞌ nunsaꞌ uvaꞌ la ikꞌul tibꞌ vetxumbꞌaleꞌ tukꞌ unqꞌa subꞌuleꞌ.   
\m
\v 21 As yeꞌ la uchi uvaꞌ la etukꞌa u vino uveꞌ at tu u koopa tiꞌ toksal iqꞌii u Kubꞌaal Jesús, as tul la etukꞌa u vino uvaꞌ at tu umaꞌt u koopa tiꞌ toksal iqꞌii unqꞌa subꞌuleꞌ. As yeꞌ la uchi uvaꞌ la txꞌaꞌn ex viꞌ u meexha tiꞌ toksal iqꞌii u Kubꞌaal Jesús, as tul la txꞌaꞌn ex viꞌ umaꞌt meexha tiꞌ toksal iqꞌii unqꞌa subꞌuleꞌ.   
\m
\v 22 ¿Pet moj aꞌ netaleꞌ uvaꞌ la qulsa iviꞌ u Kubꞌaal Jesús, tul la kunima unqꞌa subꞌuleꞌ? ¿As la kol olebꞌ oꞌ qꞌa tiꞌ kukolat qibꞌ vatz Aak?   
\s1 Niyolon u Pablo tiꞌ uvaꞌ la oksal iqꞌii u Tiixheꞌ  
\p
\v 23 As ech ni tal u yol ileꞌ: «Kam uvaꞌ ni tal qaama uvaꞌ la kubꞌaneꞌ, as la uch kubꞌanataꞌ,» tiꞌk u yoleꞌ. As ati uvaꞌ jit u bꞌaꞌneꞌ la taqꞌ sqe. As kꞌuxh ech ni tal u yoleꞌ. Pet jit kajayil la lochon oꞌ tiꞌ iyakꞌin u kutxumbꞌaleꞌ tiꞌ u qatineꞌ kꞌatz u Tiixheꞌ.   
\m
\v 24 Estiꞌeꞌ ni val sete uvaꞌ jit kuxh u qetzeꞌ la qitzꞌa, pet la kuchuk txumbꞌal tiꞌ kubꞌanat bꞌaꞌnil te unqꞌa tenameꞌ.   
\m
\v 25 As u chibꞌeꞌ uvaꞌ nikꞌayileꞌ tu unqꞌa kꞌayibꞌ chibꞌeꞌ as la uch etechbꞌutaꞌ. As yeꞌxhkam la etitzꞌa stiꞌ. Pet eloqꞌtaj. As etechbꞌutaj,   
\m
\v 26 tan ech ni tal umaꞌt u yol ileꞌ:  
\q1 Tetz u Kubꞌaal Tiixheꞌ u txꞌavaꞌeꞌ tukꞌ unqꞌa veeꞌ skajayil, tiꞌk u yoleꞌ.   
\p
\v 27 Asoj la tal umaj uxhchil uvaꞌ yeꞌ ni niman u Tiixheꞌ uvaꞌ la bꞌen ex txꞌaꞌon tikabꞌal, as kam u echbꞌubꞌaleꞌ la taqꞌ sete as etechbꞌutaj skajayil. As yeꞌxhkam la etitzꞌa stiꞌ.   
\m
\v 28 Pet asoj la alpu sete uvaꞌ: «Kat oksal u echbꞌubꞌaleꞌ vatz u tzeꞌ tiixheꞌ,» chaj chꞌelel ex, as yeꞌ la etechbꞌu aqꞌal uvaꞌ yeꞌ la eyansa itxumbꞌal unqꞌa uxhchileꞌ uveꞌ kat ilon u vaꞌlexheꞌ, kꞌuxh ootzimal setaꞌn uvaꞌ tetz u Kubꞌaal Tiixheꞌ u vatz txꞌavaꞌeꞌ skajayil tukꞌ unqꞌa echbꞌubꞌaleꞌ.   
\m
\v 29 As tiꞌ u uxhchileꞌ uvaꞌ kat alon u yoleꞌ ni valkat u yoleꞌ sete, aqꞌal uvaꞌ yeꞌ la yan etxumbꞌal. Pet kamal la etal jeꞌ sete uvaꞌ: «¿Kam qꞌi uveꞌ nibꞌanchu kusuuchil tiꞌ vitxumbꞌal umaꞌt u uxhchileꞌ?» kamal chaj ex la etaleꞌ.   
\m
\v 30 As: «Ni qaqꞌ veꞌt taꞌntiixheꞌ te u Tiixheꞌ tiꞌ u echbꞌubꞌaleꞌ. ¿As kam qꞌi uvaꞌ la kuxh iyol veꞌt oꞌ umaj uxhchil tiꞌ qechbꞌut u echbꞌubꞌaleꞌ uvaꞌ kat qaqꞌ taꞌntiixh te u Tiixheꞌ stiꞌ?» chaj ex la etaleꞌ.   
\p
\v 31 Pet la val sete, tan kam uvaꞌ la etechbꞌu moj kam uvaꞌ la etukꞌa as moj kam umaꞌtoj la ebꞌaneꞌ, as ebꞌantaj skajayil tiꞌ etoksat iqꞌii u Tiixheꞌ.   
\m
\v 32 As yeꞌl umaj txumbꞌal la ebꞌaneꞌ uvaꞌ la yansan itxumbꞌal unqꞌa tiaal Israel tukꞌ unqꞌa jit tiaal Israel as tukꞌ unqꞌa qitzꞌin qatzikeꞌ uvaꞌ itenam Tiixh.   
\m
\v 33 As echeꞌ uveꞌ nunbꞌaneꞌ, tan nunyaꞌlu vibꞌ tiꞌ uvaꞌ la chiibꞌ veꞌt unqꞌa tenameꞌ skajayil tiꞌ unqꞌa txumbꞌaleꞌ uvaꞌ nunbꞌaneꞌ. As jit kuxh vuntxumbꞌaleꞌ ni voksa. Pet nunchuk txumbꞌal tiꞌ unbꞌanat u bꞌaꞌneꞌ te unqꞌa tenameꞌ skajayil, tiꞌ uvaꞌ la eesal unqꞌa uxhchil vatz vipaaveꞌ.   
\c 11  
\p
\v 1 As eteesataj etexhlabꞌal tiꞌ uveꞌ nunbꞌaneꞌ, tan aꞌ ni veesakat vexhlabꞌal tiꞌ u Cristo.   
\s1 Ni tal u Pablo uvaꞌ kam itxumbꞌal unqꞌa ixojeꞌ la ibꞌan tu u atinbꞌaleꞌ tetz nachbꞌal Tiixh  
\p
\v 2 Vitzꞌin vatzik, ni voksa eqꞌii, tan bꞌenameen netulsa in sekꞌuꞌl. As nenima unqꞌa chusbꞌaleꞌ uveꞌ kat unchus sete. As yeꞌxhkam nejalpu isuuchil.   
\m
\v 3 U Tiixheꞌ aꞌeꞌ ibꞌooqꞌol u Cristoeꞌ, as u Cristoeꞌ aꞌeꞌ ibꞌooqꞌol u najeꞌ, as u najeꞌ aꞌeꞌ ibꞌooqꞌol u ixojeꞌ.   
\m
\v 4 Asoj la ibꞌaju umaj naj iviꞌ tul uvaꞌ ninach naj Tiixh tu u atinbꞌaleꞌ tetz nachbꞌal Tiixh moj la tal naj umaj yol uveꞌ aꞌ tzaanajkat xeꞌ u Tiixheꞌ, as la teesa najeꞌ iqꞌii u Cristo.   
\m
\v 5 Pet ech koj u ixojeꞌ tan asoj yeꞌl iviꞌ ixoj la ibꞌaju tul uvaꞌ ninach ixoj Tiixh pet moj tul la tal ixoj umaj yol uvaꞌ aꞌ tzaanajkat xeꞌ u Tiixheꞌ, as la teesa ixoj iqꞌii vitzumeleꞌ, tan eela kuxh stukꞌ uvaꞌ kat tzokꞌpik el u xiꞌl iviꞌ ixojeꞌ.   
\m
\v 6 Tan asoj yeꞌ la ibꞌaju ixoj viviꞌeꞌ, as aal bꞌaꞌneꞌ uvaꞌ la tzokꞌpik el u xiꞌl iviꞌ ixojeꞌ. Pet asoj chꞌixubꞌal te ixoj uvaꞌ la tzokꞌpu veꞌt u xiꞌl iviꞌ ixojeꞌ, as ibꞌaju ixoj viviꞌeꞌ.   
\m
\v 7 As yeꞌ la ibꞌaneꞌ uvaꞌ la ibꞌaju u najeꞌ viviꞌeꞌ tan ivatzibꞌal u Tiixheꞌ u najeꞌ. Tan ni toksa naj iqꞌii u Tiixheꞌ. Pet ech koj u ixojeꞌ, tan aꞌ vitzumel ixojeꞌ la toksa iqꞌii.   
\m
\v 8 Tan tul uvaꞌ kat icheesa veꞌt u Tiixheꞌ u bꞌaxa najeꞌ tukꞌ u bꞌaxa ixojeꞌ, as yeꞌle uvaꞌ aꞌ koj kat elkat chꞌuꞌl u najeꞌ kꞌatz u ixojeꞌ. Pet aꞌ kat elkat chꞌuꞌl u ixojeꞌ kꞌatz u najeꞌ.   
\m
\v 9 As yeꞌ kat icheesa u Tiixheꞌ u najeꞌ tiꞌ ilochat u ixojeꞌ. Pet kat icheesa Aak u ixojeꞌ tiꞌ ilochat u najeꞌ.   
\m
\v 10 Estiꞌeꞌ techal chit la ibꞌaju u ixojeꞌ viviꞌeꞌ texhlal tetz uvaꞌ ninima veꞌt ixoj vitzumeleꞌ, tan aꞌeꞌ bꞌaꞌn vatz unqꞌa ángel.   
\m
\v 11 Pet sukuvatz, jankꞌal oꞌ uvaꞌ at veꞌt ok oꞌ kꞌatz u Kubꞌaal Jesúseꞌ, as yeꞌl koj u najeꞌ, as yeꞌle u ixojeꞌ ati. As yeꞌl koj u ixojeꞌ, as yeꞌle u najeꞌ ati,   
\m
\v 12 Echeꞌ taꞌ u ixojeꞌ tan u Tiixheꞌ taꞌ kat cheesan ixoj taꞌn vimelekꞌ\f + \fr 11.12 \ft Chuk tu u Oꞌt Testamento \xt Génesis 2.22\ft .\f* u najeꞌ. As u najeꞌ aꞌ ni titzꞌebꞌ kat naj kꞌatz u ixojeꞌ. As kajayil kuxheꞌ taꞌ tzaanaj xeꞌ u Tiixheꞌ.   
\p
\v 13 As qitzꞌataj setukꞌ, ¿ma bꞌaꞌn kuxhtuꞌ uvaꞌ la inach veꞌt unqꞌa ixojeꞌ Tiixh tu u atinbꞌaleꞌ tetz nachbꞌal Tiixh, as tul yeꞌl viviꞌ chaꞌmaeꞌ bꞌajumal?   
\m
\v 14 As chiannal veꞌt sqe uvaꞌ nitzokꞌpik el u xiꞌl iviꞌ unqꞌa najeꞌ, tan chꞌixubꞌaleꞌ uvaꞌ yeꞌ la tzokꞌpik el u xiꞌl iviꞌ u najeꞌ.   
\m
\v 15 Pet ech koj u ixojeꞌ, tan tetz chit ixojeꞌ uvaꞌ la ichꞌiisa ixoj u xiꞌl iviꞌeꞌ. Tan aꞌ u Tiixheꞌ kat aqꞌon te ixoj uvaꞌ nim u xiꞌl iviꞌ ixojeꞌ, tan aꞌ u xiꞌl iviꞌ ixojeꞌ ni bꞌajun viviꞌ ixojeꞌ.   
\m
\v 16 Asoj abꞌil yeꞌ la niman u yoleꞌ uveꞌ ni valeꞌ, as la val sete uvaꞌ chiannal sqe uvaꞌ ech chit nu kubꞌaneꞌ. As echat nibꞌan unqꞌa qitzꞌin qatzikeꞌ tulaj unjoltu unqꞌa tenameꞌ.   
\s1 Ni paasa tibꞌ unqꞌa uxhchileꞌ tiꞌ u txꞌaꞌoꞌm uvaꞌ ijej kan u Jesúseꞌ  
\p
\v 17 As tuk untzꞌibꞌa bꞌen kaꞌt unqꞌa yoleꞌ sete, vitzꞌin vatzik. Pet yeꞌ la uch valataꞌ uvaꞌ bꞌaꞌn nebꞌaneꞌ, tan jit u bꞌaꞌneꞌ nebꞌaneꞌ tul uvaꞌ nemol etibꞌ. Pet aꞌ u vaꞌlexheꞌ nebꞌaneꞌ,   
\m
\v 18 tan kat vabꞌi yol setiꞌ tiꞌ uvaꞌ tul nemol etibꞌ sekajayil tiꞌ enachat Tiixh, as jit eela etxumbꞌal. Pet jalel tibꞌ vetxumbꞌaleꞌ. As nunnima unbꞌiil uvaꞌ an chit u yoleꞌ uveꞌ ni vabꞌi,   
\m
\v 19 tan ni vitzꞌa uvaꞌ techal chit la ibꞌaneꞌ uvaꞌ jit eela vetxumbꞌaleꞌ tiꞌ uvaꞌ la ootzili uvaꞌ abꞌiste ex uveꞌ ex tetz u Tiixheꞌ.   
\m
\v 20 Tan tul uvaꞌ nemol etibꞌ as echeꞌ tetzkoj u Jesús u txꞌaꞌoꞌmeꞌ uveꞌ nebꞌaneꞌ.   
\m
\v 21 Tan tul uvaꞌ netxꞌaꞌneꞌ, as at ex uvaꞌ bꞌaxel netechbꞌu vetetzeꞌ vatz vemooleꞌ. Estiꞌeꞌ uvaꞌ at ex uveꞌ nu kuxh ekuy veꞌt evaꞌy. As tul at kaꞌt ex uveꞌ qꞌabꞌaꞌm nebꞌan veꞌteꞌ.   
\m
\v 22 ¿As yeꞌl kol ekabꞌal qꞌa ati uvaꞌ la txꞌaꞌnkat ex as la ukꞌaꞌkat ex? ¿As ma yeꞌ nibꞌen sete uvaꞌ ni teesa tibꞌ eqꞌii sevatzaj tiꞌ echꞌixvisat unqꞌa qitzꞌin qatzikeꞌ uveꞌ yeꞌl tetz ati? As tul molomal ex sekajayil taꞌn u Tiixheꞌ. ¿Kam la val qꞌi tiꞌ uveꞌ nebꞌaneꞌ? ¿Ma netaleꞌ uvaꞌ la voksa eqꞌii stiꞌ? ¡Yeꞌle taꞌ!   
\s1 Nichusun u Pablo tiꞌ umaꞌl u txꞌaꞌoꞌm uvaꞌ ijej kan u Jesús  
\p
\v 23 As u chusbꞌaleꞌ uveꞌ kat unkꞌul taꞌn u Kubꞌaal Jesús, as aꞌeꞌ kat unchus sete. As ech ni tal ileꞌ: Tan tu u aqꞌbꞌaleꞌ uvaꞌ kat aqꞌax ok u Kubꞌaal Jesús tiqꞌabꞌ unqꞌa iqꞌesal unqꞌa tenameꞌ as tul yeꞌxnik itxey chajnaj Aak, as itxey veꞌt Aak u paaneꞌ.   
\m
\v 24 As tul maꞌt taqꞌat Aak taꞌntiixh stiꞌ, as ijatx veꞌt Aak u paaneꞌ. As ech tal veꞌt Aak ileꞌ: «Etxeytaj; as etxꞌaꞌtaj, tan aꞌeꞌ vunchiꞌoleꞌ uveꞌ tuk vaqꞌ kꞌaxbꞌisaloj setiꞌ. As chajpaj chit etxꞌaꞌat u paaneꞌ echeꞌ uvaꞌ nu kubꞌan cheel, as la etulsa in sekꞌuꞌl,» tiꞌk Aak.   
\m
\v 25 As echat chit ibꞌan Aak tukꞌ u koopa tan tul uvaꞌ kat tzojpu veꞌt itxꞌaꞌn chajnaj, as itxey veꞌt Aak u koopa. As ech tal Aak ileꞌ: «As u aꞌeꞌ uvaꞌ at kuꞌ tu u koopa, as aꞌeꞌ u akꞌ tzaqꞌiteꞌ uveꞌ la kꞌujebꞌ kan taꞌn vunkajaleꞌ. As chajpaj chit etukꞌat u vino tu u koopa echeꞌ uvaꞌ nu kubꞌan cheel, as la etulsa in sekꞌuꞌl,» tiꞌk Aak.   
\p
\v 26 Estiꞌeꞌ ni val sete, tan chajpaj chit etxꞌaꞌat u paaneꞌ as chajpaj chit etukꞌat u vino uveꞌ at tu u koopa, as aꞌ vikamebꞌal u Kubꞌaal Jesús la etulsa sekꞌuꞌl sevatzaj techal la ul Aak tikaꞌpa.   
\s1 Ni taqꞌ u Pablo itxumbꞌal unqꞌa niman tetz u Jesús tiꞌ u txꞌaꞌoꞌm uvaꞌ ijej kan u Jesús  
\p
\v 27 Estiꞌeꞌ ni val sete, abꞌil ex uvaꞌ la txꞌaꞌon u paaneꞌ as la etukꞌa u vino tu u koopa as tul yeꞌ bꞌaꞌn etatineꞌ sevatzaj, as ech exeꞌ echeꞌ unqꞌa uxhchileꞌ uvaꞌ kat eesan iqꞌii u Kubꞌaaleꞌ. Tul kat kꞌaxbꞌu vichiꞌol Aakeꞌ, as kat el vikajal Aakeꞌ vatz u kuruseꞌ.   
\m
\v 28 Estiꞌeꞌ ni val sete, etitzꞌataj jeꞌ etibꞌ sejununila. As aꞌn la etxꞌaꞌ u paaneꞌ. As la etukꞌa u vino uvaꞌ at tu u koopa.   
\m
\v 29 Tan asoj la etxꞌaꞌ u paaneꞌ. As la etukꞌa u vino uvaꞌ at tu u koopa as tul yeꞌ kat etitzꞌa jeꞌ etibꞌ sevatzaj, as aꞌ u kꞌaxkꞌoeꞌ la eteqꞌo tzan setiꞌ.   
\m
\v 30 As nimal unqꞌa qitzꞌin qatzik at sexoꞌl uvaꞌ aachꞌoꞌm. As ati uvaꞌ yaabꞌ kuxh vichiꞌoleꞌ. As ati uvaꞌ kamnalu veꞌteꞌ.   
\m
\v 31 As kat koj qitzꞌa jeꞌ qibꞌ, as yeꞌ la bꞌanchu kusuuchil taꞌn u Kubꞌaaleꞌ.   
\m
\v 32 Pet tul nibꞌan u Kubꞌaaleꞌ kusuuchil, as nu kupalebꞌe u kꞌaxkꞌoeꞌ taꞌn Aak, aqꞌal uvaꞌ yeꞌ la bꞌen oꞌ tu u choobꞌal paaveꞌ tukꞌ unqꞌa tenameꞌ uveꞌ yeꞌ ni niman Aak.   
\p
\v 33 Estiꞌeꞌ ni val veꞌt sete, vitzꞌin vatzik, tul uvaꞌ la emol etibꞌ tiꞌ u txꞌaꞌoꞌmeꞌ, as etxꞌebꞌtaj etibꞌ sekajayil tiꞌ etxꞌaꞌneꞌ.   
\m
\v 34 Asoj at ex uvaꞌ vaꞌy ni bꞌanon ex, as txꞌaꞌnoj ex tekabꞌal, aqꞌal uvaꞌ yeꞌ la ul u kꞌaxkꞌoeꞌ setiꞌ tiꞌ u vaꞌlexheꞌ uveꞌ nebꞌaneꞌ tul nemol etibꞌ sevatzaj.  
\p Atil chit kaꞌt u yol uveꞌ la vil isuuchil. As oonnal veꞌt in sexoꞌl unpajte.   
\c 12  
\s1 Nichusun u Pablo tiꞌ u tijleꞌm unqꞌa niman tetz u Jesús uvaꞌ ni taqꞌ u Tiixhla Espíritu ste  
\p
\v 1 Aꞌ ni valeꞌ, vitzꞌin vatzik, uvaꞌ la etootzi isuuchil unqꞌa qijleꞌmeꞌ uveꞌ ni taqꞌ u Tiixhla Espíritu sqe.   
\m
\v 2 Tan ateꞌ sekꞌuꞌl uvaꞌ tul yeꞌxnik ekꞌujbꞌaꞌt ekꞌuꞌl tiꞌ u Kubꞌaaleꞌ, as nik kuxh etaqꞌ etibꞌ subꞌloj tiꞌ etoksat iqꞌii unqꞌa tzeꞌ tiixheꞌ uveꞌ yeꞌ ni tiineꞌ.   
\m
\v 3 Estiꞌeꞌ ni val sete uvaꞌ yeꞌ la uch teesat umaj uxhchil iqꞌii u Jesús, asoj aꞌ u Tiixhla Espíritu la aqꞌon itxumbꞌal tiꞌ talat u yoleꞌ. As yeꞌxhebꞌil la alon uvaꞌ: «Aꞌ u Jesúseꞌ u kuBꞌooqꞌoleꞌ,» chaj la taleꞌ, asoj yeꞌl u Tiixhla Espíritu at tu u taanxelaleꞌ.   
\p
\v 4 As jit eela unqꞌa qijleꞌmeꞌ uveꞌ ni taqꞌ u Tiixhla Espíritu sqe. As umaꞌl kuxheꞌ u Tiixhla Espíritu uveꞌ ni aqꞌon sqe.   
\m
\v 5 As jit eela unqꞌa aqꞌoneꞌ uveꞌ nu kubꞌaneꞌ tiꞌ toksal iqꞌii u Tiixheꞌ. As umaꞌl kuxh u kuBꞌooqꞌoleꞌ uveꞌ ni aqꞌon u qaqꞌoneꞌ.   
\m
\v 6 As jit eela unqꞌa bꞌaꞌnileꞌ uveꞌ at kan sukuxoꞌl. As umaꞌl kuxheꞌ u Tiixheꞌ uveꞌ ni bꞌanon unqꞌa bꞌaꞌnileꞌ skajayil sukuxoꞌl.   
\m
\v 7 As ni taqꞌ u Tiixhla Espíritu vibꞌaꞌnileꞌ sqe skujununilaj, tiꞌ uvaꞌ la kuloch veꞌt qibꞌ sukuvatzaj.   
\m
\v 8 Tan at unqꞌa qitzꞌin qatzikeꞌ uvaꞌ aqꞌel itxumbꞌal taꞌn u Tiixhla Espíritu. As ati uvaꞌ ni taqꞌ u Tiixhla Epíritueꞌ itxumbꞌal tiꞌ talat isuuchil u yoleꞌ uvaꞌ kat ikꞌuch Aak ste.   
\m
\v 9 As ati uvaꞌ at kꞌujlebꞌal ikꞌuꞌl taꞌn u Tiixhla Espíritu tiꞌ ikꞌuchat u nimla bꞌaꞌnileꞌ uvaꞌ tetz u Tiixheꞌ. As ati uvaꞌ ni txꞌolon ibꞌaꞌnxisat unqꞌa aachꞌoꞌmeꞌ taꞌn u Tiixhla Espíritu.   
\m
\v 10 As ati uveꞌ kat taqꞌ u Tiixhla Espíritu itxumbꞌal tiꞌ ibꞌanat unqꞌa kꞌuchbꞌal tetz vibꞌaꞌnil u Tiixheꞌ uvaꞌ xoꞌvebꞌal chittuꞌ. As ati uvaꞌ at itxumbꞌal tiꞌ talat isuuchil viyol u Tiixheꞌ taꞌn u Tiixhla Espíritu. As ati uvaꞌ kat taqꞌ u Tiixhla Espíritu itxumbꞌal tiꞌ ipal stuul ma tetz Tiixh u yoleꞌ uvaꞌ ni talpeꞌ moj yeꞌle. As ati uvaꞌ kat taqꞌ u Tiixhla Espíritu tiꞌ iyolbꞌet kaꞌt yolbꞌal. As ati uvaꞌ kat taqꞌ u Tiixhla Espíritu itxumbꞌal tiꞌ talat isuuchil unqꞌa yoleꞌ uvaꞌ ni talpu tu umaꞌt yolbꞌal.   
\m
\v 11 As jankꞌal unqꞌa bꞌaꞌnileꞌ uveꞌ aqꞌel te unqꞌa qitzꞌin qatzikeꞌ, as umaꞌl kuxh u Tiixhla Espíritu ni aqꞌon ste. As Aakeꞌ ni jatxon unqꞌa tijleꞌmeꞌ xoꞌl unqꞌa qitzꞌin qatzikeꞌ tukꞌ vitxumbꞌaleꞌ. As Aak kuxheꞌ ootzin tetz abꞌil la taqꞌ Aak ste.   
\p
\v 12 Tan echeꞌ bꞌan taꞌn u kuchiꞌoleꞌ, tan umaꞌl kuxh u kuchiꞌoleꞌ. As nimal chit tatineꞌ skajayil. As echat chit bꞌan qaꞌn oꞌ uvaꞌ oꞌ niman tetz u Cristo,   
\m
\v 13 tan unvatzul kuxh qatineꞌ sukuvatzaj taꞌn u Tiixhla Espíritu, kꞌuxh oꞌ tiaal Israel as kꞌuxh jit oꞌ tiaal Israel. As kꞌuxh atoꞌk oꞌ skꞌamil kꞌatz umaj naj pet moj yeꞌle as unvatzul veꞌt qatineꞌ sukuvatzaj, tan tiꞌ uvaꞌ umaꞌl kuxh u Tiixhla Espíritu at tu u qaanxelaleꞌ.   
\p
\v 14 As echeꞌ u kuchiꞌoleꞌ tan yeꞌle uvaꞌ umaꞌl kuxh koj ni taqꞌonvukat. Pet kalabꞌ kuxh taqꞌon ati.   
\m
\v 15 Tan echeꞌ u qojeꞌ tan la koj uchi uvaꞌ ech la tal ileꞌ: «Echeꞌ in koj qꞌabꞌ. Estiꞌeꞌ yeꞌl vokebꞌal tiꞌ u chiꞌoleꞌ,» chaj koj la taleꞌ. As echeꞌ yeꞌ koj txeyel tibꞌ u qojeꞌ tukꞌ u kuchiꞌoleꞌ.   
\m
\v 16 As echeꞌ u kuxikineꞌ tan la koj uch talataꞌ uvaꞌ: «Jit in bꞌaqꞌ vatz. Estiꞌeꞌ yeꞌl vokebꞌal tiꞌ u chiꞌoleꞌ,» chaj koj la taleꞌ. As echeꞌ yeꞌ koj txeyel tibꞌ u kuxikineꞌ tukꞌ u kuchiꞌoleꞌ.   
\m
\v 17 Tan asoj taꞌn kuxh u bꞌaqꞌ kuvatzeꞌ at tiꞌ u kuchiꞌoleꞌ, as echeꞌ la koj uch qabꞌin veꞌteꞌ. Asoj taꞌn kuxh u kuxikineꞌ at tiꞌ u kuchiꞌoleꞌ, as echeꞌ la koj uch kusijon veꞌteꞌ.   
\m
\v 18 As Tiixh kat kꞌujbꞌaꞌn kan uvaꞌ abꞌiste u taqꞌon u kuchiꞌoleꞌ nibꞌan sijununila, echeꞌ uvaꞌ nisaꞌ Aak.   
\m
\v 19 Tan asoj umaꞌl kuxh ni taqꞌonvukat u kuchiꞌoleꞌ skajayil, as vaꞌlen veꞌt tiloneꞌ u kuchiꞌoleꞌ la ibꞌaneꞌ.   
\m
\v 20 As kꞌuxh kalabꞌ kuxh taqꞌon u kuchiꞌoleꞌ ati, as umaꞌl kuxheꞌ u kuchiꞌoleꞌ.   
\p
\v 21 Estiꞌeꞌ uvaꞌ yeꞌ la uch talat u bꞌaqꞌ kuvatzeꞌ te u kuqꞌabꞌeꞌ uvaꞌ: «Yeꞌl atxaꞌkeꞌ sviꞌ,» chaj koj la taleꞌ. As mitaꞌn u kuviꞌeꞌ la alon te u qojeꞌ uvaꞌ: «Yeꞌl atxaꞌkeꞌ sviꞌ,» chaj koj la taleꞌ.   
\m
\v 22 Pet jitꞌeꞌcheꞌ tan abꞌiste u tetz u kuchiꞌoleꞌ uvaꞌ bꞌiil kuxh ni taqꞌonveꞌ uvaꞌ ni qileꞌ, as aꞌeꞌ uveꞌ pal chit itxakon sqiꞌ.   
\m
\v 23 As unqꞌa tatin u kuchiꞌoleꞌ uveꞌ yeꞌl kuxh iqꞌii sukuvatz, as aꞌeꞌ uveꞌ nu kubꞌaju. As unqꞌa tatin u kuchiꞌoleꞌ uvaꞌ yeꞌ bꞌaꞌn sqe uvaꞌ la ilpi, as aꞌeꞌ uveꞌ ni chit kuxoꞌni.   
\m
\v 24 Pet ech koj unqꞌa tatin u kuchiꞌoleꞌ uvaꞌ la uch tilpeꞌ, tan yeꞌxhkam ni titzꞌal stiꞌ. Pet at kuxhtuꞌ. As ech kat ibꞌan veꞌt u Tiixheꞌ tiꞌ ikꞌujbꞌaꞌt unqꞌa tatin u kuchiꞌoleꞌ svatzaj, tan kat toksa veꞌt Aak iqꞌii u kuchiꞌoleꞌ uveꞌ yeꞌl kuxh itxaꞌk sqiꞌ.   
\m
\v 25 Aqꞌal uvaꞌ yeꞌ la tal umaj u kuchiꞌoleꞌ teesat tibꞌ kꞌatz unqꞌa imooleꞌ. Pet eela chit la el u kuchiꞌoleꞌ svatzaj tiꞌ ilochat tibꞌ skajayil.   
\m
\v 26 Tan asoj ni palebꞌe unbꞌooj u kuchiꞌoleꞌ umaj kꞌaxkꞌo, as kajayil chit u kuchiꞌoleꞌ ni nachon u chꞌoꞌmeꞌ. Asoj la ikꞌul unbꞌooj u kuchiꞌoleꞌ umaj bꞌaꞌnil, as kajayil chit u kuchiꞌoleꞌ nichiibꞌ veꞌteꞌ.   
\p
\v 27 Estiꞌeꞌ ni val sete, tan ech qatineꞌ kꞌatz u Cristoeꞌ echeꞌ bꞌan taꞌn u kuchiꞌoleꞌ, tan unvatzul kuxh qatineꞌ sukuvatzaj tukꞌ u Cristo.   
\m
\v 28 Pet kat taqꞌ veꞌt u Tiixheꞌ qijleꞌm, oꞌ uvaꞌ oꞌ niman tetz Aak. As at oꞌ uvaꞌ oꞌ apóstol. As at oꞌ uvaꞌ oꞌ qꞌajsan tetz viyol u Tiixheꞌ. As at oꞌ uvaꞌ oꞌ chusunaal. As at oꞌ uvaꞌ ni kꞌuchun unqꞌa nimla bꞌaꞌnileꞌ uvaꞌ tetz u Tiixheꞌ uveꞌ nim talcheꞌ. As at oꞌ uvaꞌ ni bꞌaꞌnxisan unqꞌa aachꞌoꞌmeꞌ. As at oꞌ uvaꞌ at kutxumbꞌal tiꞌ kulochat u kumooleꞌ. As at oꞌ uvaꞌ ni ilon isuuchil unqꞌa qitzꞌin qatzikeꞌ. As at oꞌ uvaꞌ nu kuyolon tu umaꞌt yolbꞌal.   
\m
\v 29 Pet jit kajayil oꞌ uvaꞌ oꞌ apóstol. As jit kajayil oꞌ uvaꞌ oꞌ qꞌajsan tetz viyol u Tiixheꞌ. As jit kajayil oꞌ uvaꞌ oꞌ chusunaal. As jit kajayil oꞌ uvaꞌ oꞌ kꞌuchul tetz vinimla bꞌaꞌnil u Tiixheꞌ uvaꞌ nim talcheꞌ.   
\m
\v 30 As jit kajayil oꞌ uvaꞌ nu kubꞌaꞌnxisa unqꞌa aachꞌoꞌmeꞌ. As jit kajayil oꞌ nu kuyolon tu umaꞌt yolbꞌal. As jit kajayil oꞌ ni alon isuuchil umaꞌt yolbꞌal.   
\m
\v 31 Pet la val sete, okoj ex tilil tiꞌ ejajat te u Tiixheꞌ tiꞌ uvaꞌ la taqꞌ Aak etijleꞌm uvaꞌ techal la txakon sexoꞌl.  
\p As cheel tuk unchus veꞌt ex tiꞌ umaꞌt txumbꞌal uvaꞌ at pal tiꞌ unqꞌa txumbꞌaleꞌ skajayil.   
\c 13  
\s1 Ni tal u Pablo uvaꞌ at pal u xoꞌniibꞌeꞌ tiꞌ unjoltu unqꞌa txumbꞌaleꞌ skajayil  
\p
\v 1 Tan kꞌuxh la untxꞌol unjoltu unqꞌa yolbꞌaleꞌ uveꞌ niyolbꞌe unqꞌa tenameꞌ as tukꞌ unqꞌa yolbꞌaleꞌ uveꞌ niyolbꞌe unqꞌa ángel, as tul yeꞌ la unxoꞌni u vitzꞌin vatzikeꞌ, as yeꞌxhkam la untxꞌol stukꞌ, tan ech kuxh ineꞌ echeꞌ umaj chꞌichꞌ uvaꞌ la kuxh chꞌeneꞌnani.   
\m
\v 2 As kꞌuxh at vijleꞌm tiꞌ valat isuuchil unqꞌa yoleꞌ tetz u Tiixheꞌ, as kꞌuxh la pal in tu vitxumbꞌal u Tiixheꞌ uveꞌ yeꞌ nik ipal unqꞌa uxhchileꞌ stuul naꞌytzan, as kꞌuxh at untxumbꞌal tiꞌ unqꞌa veeꞌ skajayil, as kꞌuxh kꞌujleꞌl unkꞌuꞌl tiꞌ uvaꞌ la val iqꞌajsal bꞌen umaj vitz tiꞌ ibꞌen ikꞌujbꞌaꞌt tibꞌ tu umaꞌt atinbꞌal, as tul yeꞌ nunxoꞌni u vitzꞌin vatzikeꞌ, as yeꞌl kuxh itxaꞌkeꞌ uveꞌ nunbꞌaneꞌ.   
\m
\v 3 As kꞌuxh la voya unqꞌa unmeebꞌaleꞌ skajayil te unqꞌa meebꞌaꞌeꞌ, as kꞌuxh la vaqꞌ vas unchiꞌoleꞌ tzꞌeꞌsaloj tiꞌ valat viyol u Tiixheꞌ, as yeꞌ nunxoꞌni unqꞌa vitzꞌin vatzikeꞌ, as yeꞌl itxaꞌkeꞌ uveꞌ nunbꞌaneꞌ.   
\p
\v 4 Tan asoj la kuxoꞌni veꞌt u qitzꞌin qatzikeꞌ tukꞌ vibꞌaꞌnil u Tiixheꞌ, as la kukuy unqꞌa qitzꞌin qatzikeꞌ. As la kubꞌan bꞌaꞌnil ste. As yeꞌ la chꞌoꞌn qaamaeꞌ stiꞌ. As yeꞌ la kujeꞌsa qibꞌ vatz unqꞌa qitzꞌin qatzikeꞌ. As yeꞌ la qoksa jeꞌ kuqꞌii svatz.   
\m
\v 5 As sula aama oꞌ la ibꞌan vatz u qitzꞌin qatzikeꞌ. As jit kuxh u qetzeꞌ la qitzꞌa. As yeꞌ la qaqꞌ tokebꞌal u ulchil viꞌeꞌ. As yeꞌ la qaqꞌ ipaav u qitzꞌin qatzikeꞌ tu u qaanxelal.   
\m
\v 6 As yeꞌ la txuqꞌtxun oꞌ tiꞌ u vaꞌlexheꞌ. Pet aꞌ la txuqꞌtxunkat oꞌ tiꞌ u jikla txumbꞌaleꞌ.   
\m
\v 7 Asoj la kuxoꞌni u qitzꞌin qatzikeꞌ, as kꞌuxh kam kuxh la kupalebꞌe as la kukuyeꞌ. As la kuxh kunima qibꞌ. As kꞌujleꞌl chit kukꞌuꞌl tiꞌ u Tiixheꞌ uvaꞌ aꞌ u bꞌaꞌneꞌ nibꞌan Aak te u qitzꞌin qatzikeꞌ. As la kukuy qibꞌ sukuvatzaj.   
\p
\v 8 As yeꞌl iyaꞌtebꞌal u xoꞌniibꞌeꞌ. Pet ech koj u tijleꞌm unqꞌa uxhchileꞌ tiꞌ talat isuuchil viyol u Tiixheꞌ, tan tuk motxojeꞌ. As tuk palojeꞌ u tijleꞌm unqꞌa uxhchileꞌ tiꞌ talat veꞌt kaꞌt unqꞌa yolbꞌaleꞌ. As tuk palojeꞌ u tijleꞌm unqꞌa uxhchileꞌ uvaꞌ at itxumbꞌal tiꞌ talat isuuchil unqꞌa yoleꞌ uvaꞌ kat ikꞌuch Aak ste.   
\m
\v 9 Tan atil vitxumbꞌal u Tiixheꞌ uvaꞌ yeꞌ ootzimal sqaꞌn cheel. As atil isuuchil viyol u Tiixheꞌ uvaꞌ yeꞌ ootzimal sqaꞌn tiꞌ uvaꞌ la qal te u kumooleꞌ.   
\m
\v 10 As tul la ilej veꞌt u qꞌiieꞌ uvaꞌ la tzojpu veꞌt unqꞌa veeꞌ uvaꞌ itzꞌamal kan taꞌn u Tiixheꞌ, as jankꞌal unqꞌa txumbꞌaleꞌ uveꞌ bꞌiil kuxh ootzimal sqaꞌn cheel as la sotz veꞌteꞌ.   
\m
\v 11 As tul uvaꞌ inik tal xaak, as echik unyoloneꞌ echeꞌ umaj tal xaak, as echik untxumbꞌalineꞌ echeꞌ umaj tal xaak. Pet tul kat ok veꞌt in najil, as kat vaqꞌ veꞌt kan unqꞌa neꞌla chaj txumbꞌaleꞌ.   
\m
\v 12 As ech u kutxumbꞌaleꞌ cheel echeꞌ tilat tibꞌ umaj uxhchil tu umaj ilonbꞌal uvaꞌ tokix kuxh tiloneꞌ. Pet la ilej veꞌt umaꞌl u qꞌii uvaꞌ la til veꞌt tibꞌ kuvatz tukꞌ u Jesús. As atil vitxumbꞌal Aakeꞌ uvaꞌ yeꞌ ootzimal sqaꞌn cheel. As tul la ilej u qꞌiieꞌ, as la qootzi veꞌt vitxumbꞌal u Jesús echeꞌ tootzit oꞌ Aak.   
\p
\v 13 As oxvaꞌl unqꞌa txumbꞌaleꞌ ati uvaꞌ yeꞌ la pali. As aꞌeꞌ u kꞌujlebꞌal kukꞌuꞌleꞌ, tukꞌ u bꞌaꞌnileꞌ uvaꞌ nu kutxꞌebꞌeꞌ, tukꞌ u xoꞌniibꞌeꞌ. Pet aꞌ u xoꞌniibꞌeꞌ uvaꞌ nim talcheꞌ tiꞌ kaꞌt unqꞌa txumbꞌaleꞌ.   
\c 14  
\s1 Niyolon u Pablo tiꞌ unqꞌa uxhchileꞌ uveꞌ at tijleꞌm tiꞌ talat kaꞌt yolbꞌal  
\p
\v 1 Estiꞌeꞌ ni val sete, eyaꞌlutaj etibꞌ tiꞌ exoꞌnit etibꞌ sevatzaj. As okojtaj ex ilil tiꞌ ejajat te u Tiixheꞌ tiꞌ uvaꞌ la taqꞌ Aak etijleꞌm taꞌn u Tiixhla Espíritu. As la ejaj te Aak uvaꞌ at ex la taqꞌ Aak etijleꞌm tiꞌ etalat isuuchil viyol Aakeꞌ xoꞌl unqꞌa qitzꞌin qatzikeꞌ.   
\m
\v 2 Tan abꞌil uveꞌ la yolon tu umaꞌt yolbꞌal as echeꞌ te koj unqꞌa qitzꞌin qatzikeꞌ ni yolonkat, pet te u Tiixheꞌ ni yolonkat. As kꞌuxh aꞌ u Tiixhla Espíritu la aqꞌon u tijleꞌmeꞌ tiꞌ talat isuuchil umaj yol uvaꞌ yeꞌxhebꞌil ootzin tetz, as yeꞌxhebꞌil la pal tu u yoleꞌ uveꞌ kat alpi.   
\m
\v 3 As abꞌil uvaꞌ la alon veꞌt isuuchil viyol u Tiixheꞌ te unqꞌa qitzꞌin qatzikeꞌ, niyoloneꞌ tiꞌ iyakꞌinsal taama, tiꞌ ichiibꞌisal taama as tiꞌ toksal xeꞌ taama tiꞌ inimal viyol Aakeꞌ.   
\m
\v 4 As abꞌil uveꞌ at tijleꞌm tiꞌ iyolon tu umaꞌt yolbꞌal as an kuxheꞌ niyakꞌinsa taama. Pet abꞌil uveꞌ at tijleꞌm tiꞌ talat isuuchil viyol u Tiixheꞌ xoꞌl unqꞌa qitzꞌin qatzikeꞌ, as niyakꞌinsa taama unqꞌa qitzꞌin qatzikeꞌ skajayil uveꞌ ni niman u Jesús.   
\m
\v 5 As aꞌ ni valeꞌ uvaꞌ kajayil koj chit ex at etijleꞌm tiꞌ eyolon tu umaꞌt yolbꞌal. Pet aal bꞌaꞌneꞌ uvaꞌ at etijleꞌm tiꞌ etalat isuuchil viyol u Tiixheꞌ xoꞌl unqꞌa qitzꞌin qatzikeꞌ, tan aal bꞌaꞌneꞌ uvaꞌ la pal unqꞌa qitzꞌin qatzikeꞌ skajayil tu u yoleꞌ. As la yakꞌin taama tiꞌ viyol u Tiixheꞌ. Estiꞌeꞌ ni val sete uvaꞌ asoj yeꞌxhebꞌil la alon isuuchil u yoleꞌ uvaꞌ kat alpu tu umaꞌt yolbꞌal, as nim talcheꞌ uvaꞌ la alpu isuuchil viyol Aakeꞌ tiꞌ uvaꞌ la alpu tu umaꞌt yolbꞌal.   
\p
\v 6 As echeꞌ taꞌ in, vitzꞌin vatzik, tan asoj tu umaꞌt yolbꞌal la yolonkat in sete tul la bꞌen vil ex, as yeꞌ la pal exeꞌ stuul. As yeꞌl kuxh itxaꞌkeꞌ u yoleꞌ setiꞌ. Pet aal bꞌaꞌneꞌ la bꞌen val isuuchil u yoleꞌ sete uvaꞌ ootzimal setaꞌn, aqꞌal uvaꞌ la pal ex tu u txumbꞌaleꞌ as u chusbꞌaleꞌ uveꞌ tetz u Tiixheꞌ.   
\m
\v 7 As echeꞌ unqꞌa qꞌoobꞌeꞌtzeꞌ tan asoj eela kuxh u tuul iviꞌ unqꞌa qꞌoobꞌeꞌtzeꞌ echeꞌ u suꞌeꞌ uveꞌ ni xulileꞌ tukꞌ u jiichꞌeꞌ uveꞌ niqꞌoopeꞌ, as yeꞌ la bꞌen sqe uvaꞌ kam qꞌoobꞌeꞌtzil nibꞌanbꞌeleꞌ.   
\m
\v 8 As echeꞌ umaj trompeta tan asoj yeꞌ la oqꞌsal tijikil tiꞌ imolpu unqꞌa soleꞌ tiꞌ ibꞌen tu chꞌaꞌo, as yeꞌ la ibꞌan chajnaj tucheꞌ tiꞌ ibꞌen tu u chꞌaꞌoeꞌ.   
\m
\v 9 Echat chit nibꞌan sexoꞌl tan asoj yeꞌ la uch tabꞌil isuuchil u yolbꞌaleꞌ uvaꞌ niyolbꞌel sexoꞌl, ¿as kam qꞌi la etulbꞌe etootzit u yoleꞌ uveꞌ ni talpu sexoꞌl? As la kuxh teqꞌo u kajiqꞌeꞌ u yoleꞌ.   
\m
\v 10 Tan nimal kuxheꞌ unqꞌa yolbꞌaleꞌ at vatz u txꞌavaꞌeꞌ as at isuuchil sijununil uveꞌ niyolbꞌe unqꞌa uxhchileꞌ.   
\m
\v 11 Asoj yeꞌl in la pal in tu visuuchil umaj yolbꞌal, as ech ineꞌ vatz unqꞌa uxhchileꞌ uvaꞌ niyolbꞌen u yolbꞌaleꞌ echeꞌ umaj uxhchil uvaꞌ vaꞌlen tenam tzajnajkat. As echat unqꞌa uxhchileꞌ sunvatz echeꞌ unqꞌa uxhchileꞌ uvaꞌ echen tu umaꞌt tenam. As yeꞌ la tabꞌi tibꞌ kuyol sukuvatzaj.   
\m
\v 12 As echat kuxh bꞌanel etaꞌn vitzꞌin vatzik, tan netachva uvaꞌ la taqꞌ u Tiixhla Espíritu etijleꞌm. Pet aꞌ ni valeꞌ uvaꞌ aal bꞌaꞌneꞌ la taqꞌ Aak vetijleꞌmeꞌ tiꞌ elochat unqꞌa qitzꞌin qatzikeꞌ tiꞌ iyakꞌinsal taama kꞌatz u Tiixheꞌ.   
\p
\v 13 Estiꞌeꞌ ni val sete, abꞌil uvaꞌ at tijleꞌm tiꞌ iyolon tu umaꞌt yolbꞌal uvaꞌ vaꞌlen yolbꞌalil, as la ijaj bꞌaꞌnil te u Tiixheꞌ. As la taqꞌ Aak tijleꞌm tiꞌ talat isuuchil u yoleꞌ uvaꞌ kat tal xoꞌl unqꞌa qitzꞌin qatzikeꞌ.   
\m
\v 14 Tan asoj la unnach Tiixh tu umaꞌt yolbꞌal uvaꞌ yeꞌ ootzimal svaꞌn, as tukꞌ kuxh u vaanxelaleꞌ la unnachkat Tiixh. Pet ech koj vuntxumbꞌaleꞌ, tan yeꞌ nipal tu u yoleꞌ uveꞌ kat vala.   
\m
\v 15 ¿As kam qꞌi la unbꞌaneꞌ? Tan tul la unnach Tiixh tukꞌ vaanxelal, as la pal in tu u yoleꞌ kam uveꞌ ni valeꞌ. As tul la bꞌitz in tukꞌ vaanxelal, as la pal in tu uveꞌ nunbꞌitza.   
\m
\v 16 Pet asoj la etoksa iqꞌii u Tiixheꞌ tukꞌ etaanxelal tu umaꞌt yolbꞌal, ¿as kam la ibꞌan umaj uxhchil qꞌi uveꞌ la abꞌin veyoleꞌ? Tan tul la etaqꞌ taꞌntiixh te u Tiixheꞌ as yeꞌ la uch talat u uxhchileꞌ uvaꞌ «An chiteꞌ,» chaj la taleꞌ, tan tiꞌ uvaꞌ yeꞌ ni pal tu u yoleꞌ uveꞌ kat etala.   
\m
\v 17 As kꞌuxh bꞌaꞌn sete kam uvaꞌ netaleꞌ tul netaqꞌ taꞌntiixh te u Tiixheꞌ, as yeꞌ la yakꞌin taanxelal u uxhchileꞌ, tan yeꞌ nipal tu u yoleꞌ.   
\m
\v 18 As ni vaqꞌ taꞌntiixh te u Tiixheꞌ tiꞌ uvaꞌ unyolon setiꞌ tu kaꞌt yolbꞌal taꞌn u Tiixhla Espíritu.   
\m
\v 19 Pet tul molel qibꞌ setukꞌ tu u atinbꞌaleꞌ tetz nachbꞌal Tiixh tiꞌ viyol u Tiixheꞌ, as aal bꞌaꞌneꞌ uvaꞌ oꞌvaꞌl kuxh yol la val sexoꞌl uvaꞌ la pal ex stuul tiꞌ vaqꞌat etxumbꞌal, tiꞌ uvaꞌ kꞌuxh lavoj mil yol la val tu umaꞌt yolbꞌal uvaꞌ yeꞌ la pal ex stuul.   
\p
\v 20 Vitzꞌin vatzik, echoj vetxumbꞌaleꞌ talaj intxaꞌ, poro yeꞌ la etitzꞌa uvaꞌ kam chit nibꞌan unqꞌa talaj intxaꞌeꞌ. Pet echoj chit etxumbꞌaleꞌ echeꞌ qꞌesla aama.   
\m
\v 21 Tan ech tal viyol u Tiixh ileꞌ uvaꞌ tzꞌibꞌamal kan:  
\q1 «La untxakonsa unqꞌa tenameꞌ uvaꞌ ulnaj tzaanaj as uvaꞌ vaꞌlen veꞌt viyolbꞌaleꞌ tiꞌ talat veꞌt vunyoleꞌ te vuntenameꞌ.  
\q1 As mitaꞌn la pal u tenameꞌ tu vunyoleꞌ,» tiꞌk u Tiixheꞌ.   
\m
\v 22 Estiꞌeꞌ tan asoj la yolon oꞌ tu kaꞌt unqꞌa yolbꞌaleꞌ, as la pal unqꞌa uxhchileꞌ stuul uvaꞌ yeꞌ ni niman u Tiixheꞌ. As kꞌuchbꞌal tetz uvaꞌ Tiixh niyolon te unqꞌa uxhchileꞌ. As jit unqꞌa niman tetz Aakeꞌ. Pet asoj at umaj uxhchil la alon umaj yol sqe uvaꞌ Tiixh kat alon ste, as la iyakꞌin veꞌt qaama staꞌn as jit te unqꞌa uxhchileꞌ uveꞌ yeꞌ ni niman.   
\m
\v 23 As tul uvaꞌ la emol veꞌt etibꞌ tu u atinbꞌaleꞌ tetz nachbꞌal Tiixh, as jolol chit ex la yolon ex tu umaꞌt yolbꞌal. As jit kuxh nim la ok umaj uxhchil sexoꞌl uvaꞌ yeꞌ ni niman viyol u Tiixheꞌ, ¿as yeꞌ kol la tal qꞌa uvaꞌ chꞌuꞌjil elnallukat ex?   
\m
\v 24 Pet asoj jolol chit ex la alon isuuchil viyol u Tiixheꞌ as jit kuxh nim la ok umaj uxhchil sexoꞌl uvaꞌ yeꞌ ni niman Aak uvaꞌ yeꞌ nipal tu viyol Aakeꞌ, as la tzꞌeꞌ tok u yoleꞌ tiviꞌ setaꞌn. As la bꞌen veꞌt ste kam uvaꞌ nibꞌaneꞌ,   
\m
\v 25 tan la tootzi veꞌteꞌ uvaꞌ aꞌ u vaꞌlexheꞌ uvaꞌ atoꞌk tu u taanxelaleꞌ. As la ibꞌaneꞌ uvaꞌ la kuꞌ veꞌt qaaloj vatz u Tiixheꞌ tiꞌ toksat veꞌt iqꞌii Aak. As ech la tal veꞌt ileꞌ: «¡Ateꞌ vil u Tiixheꞌ sexoꞌl!» chaj la taleꞌ.   
\p
\v 26 As la val sete, vitzꞌin vatzik, tan tul la emol etibꞌ tiꞌ etoksat iqꞌii u Tiixheꞌ, as at ex la bꞌitzan umaj bꞌitz; as at ex uvaꞌ la chusun ex; as at ex uvaꞌ la alon isuuchil umaj yol uvaꞌ kat tal u Tiixheꞌ; as at ex uvaꞌ la alon umaj yol tu umaꞌtoj yolbꞌal uvaꞌ yeꞌ ootzimal setaꞌn; as at ex la alon isuuchil u yoleꞌ uveꞌ kat alpu tu umaꞌt u yolbꞌaleꞌ. As kam uvaꞌ la ebꞌaneꞌ as ebꞌantaj tiꞌ iyakꞌinsal etaanxelal sevatzaj.   
\m
\v 27 Asoj at ex uvaꞌ la yolon ex tu umaꞌt yolbꞌal, as kaꞌvoꞌj ex moj oxvoꞌj ex la yolon ex. As junun eyoloneꞌ tul la yolon ex. As at ex la alon isuuchil unqꞌa yoleꞌ sexoꞌl uvaꞌ kat alpu tu umaꞌt yolbꞌal.   
\m
\v 28 Pet asoj yeꞌl umaj uxhchil at tu u atinbꞌaleꞌ tetz nachbꞌal Tiixh uvaꞌ la alon isuuchil u yoleꞌ uvaꞌ la alpu tu umaꞌt yolbꞌal, as yeꞌ la uch talpeꞌ. Pet tu kuxh taanxelal u uxhchileꞌ la yolonkat tukꞌ u Tiixheꞌ.   
\m
\v 29 As ex uveꞌ ex qꞌajsan tetz viyol u Tiixheꞌ, as kaꞌvoꞌj ex moj oxvoꞌj ex la yolon ex tu u atinbꞌaleꞌ tetz nachbꞌal Tiixh. As la kuxh tabꞌi kaꞌt unqꞌa qitzꞌin qatzikeꞌ tiꞌ ipal stuul ma tetz u Tiixhla Espíritu u yoleꞌ uvaꞌ ni talpeꞌ moj yeꞌle.   
\m
\v 30 As la yaꞌ ex tiꞌ eyoloneꞌ asoj la ikꞌuch u Tiixheꞌ umaj yol te umaꞌtoj qitzꞌin qatzik uveꞌ xonleꞌle.   
\m
\v 31 As junun eyoloneꞌ tul la yolon ex, aqꞌal uvaꞌ la chee itxumbꞌal unqꞌa qitzꞌin qatzikeꞌ. As la yakꞌin veꞌt u taanxelaleꞌ taꞌn u yoleꞌ.   
\m
\v 32 As ex uvaꞌ ex qꞌajsan tetz viyol u Tiixheꞌ as la enima etibꞌ sevatzaj tul la yolon ex,   
\m
\v 33 tan yeꞌ nisaꞌ u Tiixheꞌ uvaꞌ la sotz ikꞌuꞌl unqꞌa qitzꞌin qatzikeꞌ tiꞌ tabꞌit u yoleꞌ. Pet aꞌ ni tal Aak uvaꞌ achaꞌv u qatineꞌ sukuvatzaj tu u atinbꞌaleꞌ tetz nachbꞌal Tiixh tiꞌ qabꞌit viyol Aakeꞌ.  
\p As ech la ebꞌaneꞌ echeꞌ nibꞌan unkaꞌt unqꞌa qitzꞌin qatzikeꞌ tu unqꞌa atinbꞌaleꞌ tetz nachbꞌal Tiixh tu unjoltu unqꞌa tenameꞌ,   
\m
\v 34 tan yeꞌ la veqꞌelkabꞌan unqꞌa ixojeꞌ tul la emol etibꞌ tu u atinbꞌaleꞌ tetz nachbꞌal Tiixh. As yeꞌ la uchi uvaꞌ la yolon unqꞌa ixojeꞌ svatzaj. Pet la inima chaꞌma u qitzꞌin qatzikeꞌ uvaꞌ ni alon viyol u Tiixheꞌ, tan ech ni tal u tzaqꞌiteꞌ uvaꞌ tzꞌibꞌamal kan.   
\m
\v 35 Asoj at umaj yol nisaꞌ chaꞌma tootzitaꞌ as tu kabꞌal la ichꞌotikat chaꞌma te vitzumeleꞌ, tan yeꞌ la ibꞌaneꞌ uvaꞌ la kuxh veqꞌelkabꞌan chaꞌma tu u atinbꞌaleꞌ tetz nachbꞌal Tiixh.   
\m
\v 36 As la val sete, jit tukꞌ vetxumbꞌaleꞌ kat etootzikat viyol u Tiixheꞌ. As jit kuxh exeꞌ sejunal uveꞌ kat alpu isuuchil viyol Aakeꞌ sete.   
\p
\v 37 As at ex uvaꞌ netoksa jeꞌ eqꞌii tiꞌ uvaꞌ at etijleꞌm taꞌn u Tiixhla Espíritu as moj tiꞌ etalat isuuchil viyol u Kubꞌaal Tiixheꞌ. Pet la etootzi veꞌteꞌ uvaꞌ jankꞌal unqꞌa yoleꞌ uvaꞌ nuntzꞌibꞌa bꞌen sete, as itzaqꞌit u Kubꞌaal Jesús.   
\m
\v 38 Pet asoj yeꞌ la enima unqꞌa yoleꞌ uvaꞌ nuntzꞌibꞌa bꞌen sete, as yeꞌ la nimal ex uvaꞌ at etijleꞌm.   
\m
\v 39 Estiꞌeꞌ ni val sete, vitzꞌin vatzik, ejajtaj te u Tiixheꞌ tiꞌ uvaꞌ la taqꞌ Aak etijleꞌm tiꞌ etalat isuuchil viyol Aakeꞌ taꞌn u Tiixhla Espíritu. As yeꞌ la emaj ivatz umaj qitzꞌin qatzik uveꞌ la yolon tu umaꞌtoj yolbꞌal.   
\m
\v 40 As kam uveꞌ la ebꞌaneꞌ tu u atinbꞌaleꞌ tetz nachbꞌal Tiixh, as tukꞌ chit ijikil la ebꞌaneꞌ. As yeꞌl ex la veqꞌelkabꞌan ex.   
\c 15  
\s1 Nichusun u Pablo tiꞌ tulebꞌal taama unqꞌa kamnajeꞌ uvaꞌ niman tetz u Jesús  
\p
\v 1 As la vulsa sekꞌuꞌl, vitzꞌin vatzik, tiꞌ u bꞌaꞌnla yoleꞌ uvaꞌ kat bꞌex unpaxsa sexoꞌl, tan aꞌeꞌ uvaꞌ kat enima. As chabꞌamal tatin veꞌt tetaanxelal.   
\m
\v 2 As tukꞌ vibꞌaꞌnil u bꞌaꞌnla yoleꞌ uvaꞌ kat bꞌex val sexoꞌl. As qꞌalpumal veꞌt ex vatz vepaaveꞌ, asoj chabꞌamal tatin u bꞌaꞌnla yoleꞌ tu vetaanxelaleꞌ. Pet asoj yeꞌl u bꞌaꞌnla yoleꞌ chabꞌamal tatin tu vetaanxelaleꞌ, as yeꞌl ex la el ex tibꞌaꞌnil tukꞌ uveꞌ kat enima.   
\p
\v 3 As aꞌ u yoleꞌ uvaꞌ kat bꞌex unchus sexoꞌl uvaꞌ nim talcheꞌ tiꞌ unjoltu unqꞌa yoleꞌ skajayil. As an chit u yoleꞌ uvaꞌ kat alax isuuchil sve: Tan kat kam u Cristo tiꞌ ichoop u kupaaveꞌ echeꞌ uvaꞌ ni tal viyol u Tiixheꞌ uvaꞌ tzꞌibꞌamal kan.   
\m
\v 4 As mujlu veꞌt Aak. As ul taama Aak titoxvu qꞌii echeꞌ uvaꞌ ni tal viyol u Tiixheꞌ uvaꞌ tzꞌibꞌamal kan.   
\m
\v 5 As ikꞌuch veꞌt tibꞌ Aak vatz u Luꞌeꞌ uvaꞌ Cefas chꞌelel. As ikꞌuch veꞌt tibꞌ Aak vatz kabꞌlavat unqꞌa apóstol.   
\m
\v 6 As xamtik stuul as ikꞌuch veꞌt tibꞌ Aak vatz vinaj oꞌl kꞌalal (500) unqꞌa qitzꞌin qatzikeꞌ. As nimatel uxhchil uvaꞌ isleꞌltele. As ati uvaꞌ kamnalu veꞌteꞌ.   
\m
\v 7 As xamtik veꞌt stuul as ikꞌuch veꞌt tibꞌ Aak vatz u Santiago. As xamtik stuul, as ikꞌuch veꞌt tibꞌ Aak vatz unqꞌa apóstol skajayil.   
\m
\v 8 As timoxtel ikꞌuch veꞌt tibꞌ Aak sunvatz, tan ech ineꞌ echeꞌ umaj tal neꞌ uvaꞌ yeꞌ kuxh itzibꞌlal kat itzꞌebꞌi.\f + \fr 15.8 \ft As aꞌ isuuchil u yoleꞌ, uvaꞌ yeꞌ kuxh itzibꞌlal kat inima veꞌt u paav u Jesús.\f*   
\m
\v 9 Tan ineꞌ umaꞌl u apóstol uvaꞌ jit vetz uvaꞌ la oksal unqꞌii tiꞌ uvaꞌ in apóstol. As jitik vetzeꞌ uvaꞌ la ok in xoꞌl tachul unqꞌa apóstol, tan nikat untilu unqꞌa niman tetz u Tiixheꞌ.   
\m
\v 10 Pet ibꞌaꞌnil kuxh u Tiixheꞌ uvaꞌ in veꞌt apóstol cheel. As yeꞌle uvaꞌ yeꞌ koj kat txakon vibꞌaꞌnil Aakeꞌ sviꞌ, tan nunyaꞌlu vibꞌ tiꞌ talax viyol Aakeꞌ. As nimal veꞌt kat unbꞌana tiꞌ kaꞌt unqꞌa apóstol. Pet jit tukꞌ vuntxumbꞌaleꞌ kat unbꞌankat. Pet tukꞌ vibꞌaꞌnil u Tiixheꞌ uveꞌ ni taqꞌ sve.   
\m
\v 11 As kꞌuxh in as kꞌuxh umaꞌtoj apóstol kat alon u bꞌaꞌnla yoleꞌ sete, as taꞌn yoleꞌ uvaꞌ kat alpu veꞌt isuuchil u yoleꞌ sete. As aꞌeꞌ uvaꞌ nimamal veꞌt setaꞌn.   
\p
\v 12 ¿As kam qꞌi uvaꞌ at ex ni alon uvaꞌ yeꞌl taama unqꞌa kamnajeꞌ la uli? As tul ileꞌ nipaxsal veꞌt sexoꞌl uvaꞌ kat ul taama u Cristo.   
\m
\v 13 Pet asoj yeꞌ la ul taama unqꞌa kamnajeꞌ, as yeꞌleꞌxh u Cristo kat ul taama.   
\m
\v 14 Asoj yeꞌl u Cristo kat ul taama, as yeꞌ la txakoneꞌ u qaqꞌoneꞌ tiꞌ kupaxsat u bꞌaꞌnla yoleꞌ xoꞌl unqꞌa tenameꞌ. As yeꞌ la txakoneꞌ bꞌa u kꞌujlebꞌal ekꞌuꞌleꞌ tiꞌ Aak.   
\m
\v 15 Tan asoj yeꞌl taama unqꞌa kamnajeꞌ la uli, as ech veꞌt oꞌeꞌ chulin yol vatz u Tiixheꞌ tul kat qal sete uvaꞌ kat ul taama u Cristo.   
\m
\v 16 Tan asoj yeꞌ ni tul taama unqꞌa kamnajeꞌ, as mitaꞌn u Cristo kat ul taama.   
\m
\v 17 Asoj yeꞌ kat ul taama u Cristo, as yeꞌl kuxh itxaꞌkeꞌ bꞌa u kꞌujlebꞌal ekꞌuꞌleꞌ tiꞌ Aak. As atil kuxh ex bꞌa tu u paaveꞌ.   
\m
\v 18 Asoj echeꞌ, as yeꞌl ipaav unqꞌa qitzꞌin qatzikeꞌ skajayil la sotzi uveꞌ kꞌujleꞌl chit ikꞌuꞌl tiꞌ u Cristo tul kat kami.   
\m
\v 19 Pet asoj at kꞌujlebꞌal kukꞌuꞌl tiꞌ u Cristo tiꞌ kuxh ibꞌanat Aak bꞌaꞌnil sqe tul uvaꞌ atil kutiichajil vatz u txꞌavaꞌeꞌ, as ¡oyebꞌ kuxh kuvatzeꞌ bꞌa tiꞌ unqꞌa uxhchileꞌ skajayil!   
\p
\v 20 Pet ech kojeꞌ, vitzꞌin vatzik, tan kat ulyu veꞌt taama u Cristo. As Aakeꞌ uveꞌ bꞌaxel kat ul taama kꞌuchbꞌal tetz uvaꞌ la ul qaama skukajayil, jankꞌal oꞌ uvaꞌ oꞌ niman tetz Aak.   
\m
\v 21 Tan ipaav kuxh umaꞌl u bꞌaxa uxhchil uvaꞌ kat ok veꞌt u kamchileꞌ tiꞌ unqꞌa tenameꞌ skajayil vatz u txꞌavaꞌeꞌ. As ibꞌaꞌnil umaꞌt uxhchil uvaꞌ la ul taama unqꞌa kamnajeꞌ unpajte.   
\m
\v 22 As techal la kam oꞌ skukajayil, tan tiꞌ uvaꞌ oꞌ tiaal u Adán. As techal la mox ul qaama unpajte, jankꞌal oꞌ uvaꞌ at veꞌt ok oꞌ kꞌatz u Cristo.   
\m
\v 23 As la ul veꞌt taama unqꞌa kamnajeꞌ skajayil, tan bꞌaxel kat ul taama u Cristo. Kꞌuchbꞌal tetz uvaꞌ la ul qaama unpajte. As la ul veꞌt qaama tul uvaꞌ la ul u Cristo tikaꞌpa, jankꞌal oꞌ uvaꞌ at veꞌt ok oꞌ kꞌatz Aak.   
\m
\v 24 As aꞌn la tzojpu veꞌt skajayil uvaꞌ alel kan taꞌn u Tiixheꞌ, tan la toksa veꞌt u Cristo u tijleꞌmeꞌ tiqꞌabꞌ u Kubꞌaal Tiixheꞌ tul maꞌt teesat veꞌt Aak iqꞌii unqꞌa ijlenaaleꞌ tukꞌ unqꞌa subꞌuleꞌ as tukꞌ unqꞌa veeꞌ skajayil uvaꞌ at tijleꞌm.   
\m
\v 25 Estiꞌeꞌ at veꞌt ok u Cristo tiꞌ u tijleꞌmeꞌ tiꞌ tilax isuuchil skajayil, techal la olebꞌ Aak tiꞌ teesal iqꞌii skajayil jankꞌal uvaꞌ nichꞌoꞌn taama tiꞌ Aak.   
\m
\v 26 As timoxtel as la isotza veꞌt Aak iqꞌii u kamchileꞌ,   
\m
\v 27 echeꞌ uvaꞌ tzꞌibꞌamal kan tu umaꞌt u yol uvaꞌ ech ni tal ileꞌ:  
\q1 Tan kat oksal veꞌt unqꞌa veeꞌ skajayil jaqꞌ u tijleꞌmeꞌ,\f + \fr 15.27 \ft Aꞌ isuuchil junun unqꞌa yoleꞌ uvaꞌ ech ni tal ileꞌ: Jaqꞌ toj Aak.\f*  
\m tiꞌk u yoleꞌ. As ni tal u yoleꞌ uveꞌ kajayil kat oksal jaqꞌ u tijleꞌm u Cristo. Pet la qootzi veꞌteꞌ uvaꞌ jit antu u Tiixheꞌ kat ok jaqꞌ u tijleꞌm u Cristo, tan aꞌ u Kubꞌaal Tiixheꞌ oksan unqꞌa veeꞌ skajayil jaqꞌ u tijleꞌm Aakeꞌ.   
\m
\v 28 As tul at veꞌt ok unqꞌa veeꞌ skajayil jaqꞌ u tijleꞌm viKꞌaol u Tiixheꞌ uvaꞌ Cristo as la toksa veꞌt tibꞌ u Cristo jaqꞌ u tijleꞌm u Tiixheꞌ, tan Aakeꞌ kat oksan ok unqꞌa veeꞌ skajayil jaqꞌ u tijleꞌm viKꞌaoleꞌ bꞌaxa. As umaꞌl kuxh veꞌt Bꞌooqꞌol la ibꞌaneꞌ tiꞌ unqꞌa veeꞌ skajayil. As aꞌeꞌ u Tiixheꞌ.   
\p
\v 29 As la val sete unpajte tiꞌ u tulebꞌal taama unqꞌa kamnajeꞌ: As at uxhchil ni alon uvaꞌ yeꞌ la ul taama unqꞌa kamnajeꞌ. Asoj ech la ibꞌaneꞌ ¿As kam qꞌi uvaꞌ at unqꞌa uxhchileꞌ uvaꞌ nikuꞌ xeꞌ u aꞌeꞌ tiꞌ ibꞌanat ivaatzil unqꞌa kamnajeꞌ? Asoj echeꞌ uveꞌ netaleꞌ uvaꞌ yeꞌ umaj kamnaj la ul taama, ¿as kam qꞌi uveꞌ kat kuxh kuꞌ ex xeꞌ u aꞌeꞌ stiꞌ?   
\m
\v 30 Asoj yeꞌl unqꞌa kamnajeꞌ la ul taama, ¿as kam qꞌi uvaꞌ kꞌaxkꞌo kuxh qatin sbꞌenameen?   
\m
\v 31 Tan jun qꞌii ni tal unqꞌa uxhchileꞌ unkameꞌ, tiꞌ kuxh uvaꞌ nival u bꞌaꞌnla yoleꞌ. As an chiteꞌ u yoleꞌ uvaꞌ ni val sete unpajte, tan nuntxuqꞌtxun veꞌt setiꞌ as tiꞌ uvaꞌ at veꞌt ok ex kꞌatz u Kubꞌaal Jesucristo.   
\m
\v 32 Asoj yeꞌl unqꞌa kamnajeꞌ la ul taama, ¿as kam qꞌi la untxꞌakeꞌ tiꞌ unbꞌanat chꞌaꞌo tukꞌ unqꞌa uxhchileꞌ uvaꞌ nichꞌoꞌn taama sviꞌ? Tan ech vitxumbꞌal u uxhchileꞌ echeꞌ txokop uvaꞌ vaꞌl ichiꞌoneꞌ. As ech kojeꞌ, as aal bꞌaꞌneꞌ uvaꞌ ech la unbꞌaneꞌ echeꞌ nibꞌan unqꞌa uxhchileꞌ uvaꞌ ech ni tal ileꞌ:  
\q1 «Txꞌaꞌnoj oꞌ; as ukꞌaꞌoj oꞌ,  
\q1 tan qꞌejal la kam veꞌt oꞌ,» tiꞌk unqꞌa uxhchileꞌ.   
\p
\v 33 Pet tuk val sete, ¡etaqꞌak etibꞌ subꞌloj! Tan an chiteꞌ umaꞌt u yol uvaꞌ ech ni tal ileꞌ: «Asoj la emolo etibꞌ tukꞌ unqꞌa uxhchileꞌ uveꞌ vaꞌlexh kuxh vitxumbꞌaleꞌ, as la iyansaeꞌ u bꞌaꞌnla txumbꞌaleꞌ uveꞌ chiannal sete,» tiꞌk u yoleꞌ.   
\m
\v 34 ¡Etitzꞌataj jeꞌ etibꞌ sejununilaj! ¡As ebꞌantaj u bꞌaꞌneꞌ! ¡As yeꞌ paavin veꞌt ex! Tan ni val unqꞌa yoleꞌ sete tiꞌ uvaꞌ la chꞌixvu veꞌt ex, tan at ex uvaꞌ yeꞌ nepal stuul kam u bꞌaꞌneꞌ uvaꞌ nisaꞌ u Tiixheꞌ setiꞌ.   
\p
\v 35 As kamal at ex la alon uvaꞌ: «¿Kam la ibꞌan unqꞌa kamnajeꞌ, tul la ul taama?» as: «¿Kam veꞌt chiꞌolil eqꞌomal staꞌn, tul la ul taama?» kamal chꞌex netaleꞌ.   
\m
\v 36 ¡Ex chiteꞌ yeꞌ nepal unbꞌooj stuul! Tan ech nibꞌan unqꞌa kamnajeꞌ tul la ul taama echeꞌ umaj iia. Tan tul ni taval tu txꞌavaꞌ, as echeꞌ kamchil nibꞌaneꞌ. As aꞌn kat bꞌuuqꞌ veꞌteꞌ.   
\m
\v 37 Pet jit eela u iiaeꞌ uvaꞌ ni tavaleꞌ tukꞌ uveꞌ nibꞌuuqꞌ veꞌteꞌ, kꞌuxh trigo as moj kam kuxh umaꞌtoj iiail.   
\m
\v 38 As aꞌ u Tiixheꞌ kat aqꞌon uvaꞌ kam tiloneꞌ sijununila echeꞌ uvaꞌ kat tal taama Aak, tan jalel tibꞌ tiloneꞌ taꞌn Aak.   
\m
\v 39 As echat bꞌan taꞌn u kuchiꞌoleꞌ unpajte, tan jit eela tilon u kuchiꞌoleꞌ tukꞌ vichiꞌol unqꞌa txokopeꞌ. Tan vaꞌlen vichiꞌol unqꞌa tzꞌikineꞌ. As vaꞌlen vichiꞌol unqꞌa txayeꞌ.   
\m
\v 40 As vaꞌlen tilon unqꞌa uvaꞌ at vatz u almikaꞌeꞌ tiꞌ uvaꞌ at vatz u txꞌavaꞌeꞌ. As achaꞌv tiloneꞌ uveꞌ at vatz u almikaꞌeꞌ, tukꞌ uveꞌ at vatz u txꞌavaꞌeꞌ, as jalel tibꞌeꞌ skaabꞌil.   
\m
\v 41 Echeꞌ bꞌan taꞌn unqꞌa txijun qetzeꞌ tu almikaꞌ, tan vaꞌlen tilon u qꞌiieꞌ tiꞌ u ichꞌeꞌ. As jit eela tilon unqꞌa txꞌumileꞌ, tukꞌ u qꞌiieꞌ, tukꞌ u ichꞌeꞌ. As jalel tibꞌ tilon unqꞌa txꞌumileꞌ svatzaj.   
\p
\v 42 As echat chit la ibꞌaneꞌ tul la ul taama unqꞌa kamnajeꞌ. Tan vichiꞌoleꞌ uvaꞌ kat mujax tu txꞌavaꞌ, as la qꞌee veꞌteꞌ. Pet ech koj vichiꞌoleꞌ uvaꞌ la aqꞌax ste tul la ul taama, tan yeꞌ la qꞌee veꞌteꞌ.   
\m
\v 43 As u kuchiꞌoleꞌ uvaꞌ ech imujleꞌ echeꞌ taval umaj iia, tan ni qꞌee veꞌteꞌ as nitesal iqꞌii. Pet ech koj u kuchiꞌoleꞌ uvaꞌ la aqꞌpu sqe tul la ul qaama, tan la oksal iqꞌii. As nipal iyakꞌil u kuchiꞌoleꞌ uvaꞌ nimujleꞌ. Pet ech koj u kuchiꞌoleꞌ uvaꞌ la aqꞌpu sqe tul la ul qaama, tan yeꞌ la pal iyakꞌil.   
\m
\v 44 As chibꞌ kuxheꞌ u kuchiꞌoleꞌ uvaꞌ ech imujleꞌ echeꞌ taval umaj iia. Pet ech koj u kuchiꞌoleꞌ uvaꞌ la aqꞌax sqe tul la ul veꞌt qaama, tan Tiixhla chiꞌol veꞌteꞌ.   
\m
\v 45 Tan ech ni tal umaꞌt u yol ileꞌ uvaꞌ tzꞌibꞌamal kan:  
\q1 As u bꞌaxa najeꞌ uvaꞌ Adán, as isleꞌl veꞌt vichiꞌoleꞌ kat ibꞌana taꞌn u Tiixheꞌ.  
\q1 Pet ech koj u Cristo uvaꞌ ikaꞌv u Adán, tan Tiixhla aamaeꞌ. As aꞌeꞌ ni aqꞌon kutiichajil, tiꞌk u yoleꞌ.   
\m
\v 46 As jit u kuchiꞌoleꞌ bꞌaxel kat aqꞌax sqe uvaꞌ Tiixhla chiꞌol. Pet kat aqꞌax u chiꞌoleꞌ sqe bꞌaxa uvaꞌ chibꞌ kuxhtuꞌ. As xamtel la aqꞌax veꞌt u Tiixhla chiꞌoleꞌ sqe,   
\m
\v 47 tan vatz txꞌavaꞌilla aama kuxh u bꞌaxa Adán, tan tukꞌ kuxh unbꞌiil u txꞌavaꞌ cheesalkat. Pet ech koj vikaꞌv u Adán uvaꞌ Cristo tan aꞌ tzaanajkat tu almikaꞌ.   
\m
\v 48 As ech tatin unqꞌa vatz txꞌavaꞌilla aamaeꞌ echeꞌ tatin u bꞌaxa najeꞌ uvaꞌ Adán. Pet ech qatineꞌ, oꞌ uvaꞌ tzaanaj u kutiichajileꞌ tu almikaꞌ echeꞌ tatin u Jesús uvaꞌ kat tzaa tu almikaꞌ.   
\m
\v 49 As echik qatineꞌ echeꞌ tatin u Adán bꞌaxa. Pet ech koj cheel, tan la pal veꞌt oꞌ stuul uvaꞌ eqꞌomal vitxumbꞌal u Cristo sqaꞌn uvaꞌ tzaanaj tu almikaꞌ.   
\m
\v 50 Estiꞌeꞌ ni val sete, vitzꞌin vatzik, tan yeꞌ la uch tok u tachaꞌv u vatz txꞌavaꞌilla chiꞌoleꞌ xoꞌl unqꞌa tenameꞌ uveꞌ at jaqꞌ u tijleꞌm u Tiixheꞌ. As yeꞌ la uch tok u chiꞌoleꞌ uveꞌ la qꞌeei tu u atinbꞌaleꞌ uvaꞌ yeꞌ la qꞌeekat.   
\p
\v 51 As tuk val umaꞌl u yol sete uvaꞌ kat taqꞌ Aak ootziloj sqe uvaꞌ yeꞌxhebꞌil ootzinik tetz: Tan jit kajayil oꞌ la kam oꞌ. Pet kajayil oꞌ la jalpul u kuchiꞌoleꞌ.   
\m
\v 52 As yeꞌ kuxh nacheleꞌ taꞌ sqe, tan yup vatz kuxheꞌ la jalpukat u kuchiꞌoleꞌ tul la oqꞌsal vimoxtel u trompeta. As tul la oqꞌsal u trompeta, as la ul veꞌt taama unqꞌa kamnajeꞌ. As yeꞌl unpajtoj la kam veꞌteꞌ. As aꞌn la jalpul veꞌt u kuchiꞌoleꞌ.   
\m
\v 53 Tan u kuchiꞌoleꞌ uveꞌ niqꞌeeeꞌ as la bꞌensal veꞌteꞌ umaꞌt chiꞌol uvaꞌ yeꞌ la qꞌee veꞌteꞌ. As u kuchiꞌoleꞌ uveꞌ la kami, as la bꞌensal veꞌteꞌ umaꞌt chiꞌol uvaꞌ yeꞌ la kam veꞌteꞌ.   
\m
\v 54 As tul maꞌt ijalpul u kuchiꞌoleꞌ uvaꞌ yeꞌ la qꞌee veꞌteꞌ as tul maꞌt ijalpul u kuchiꞌoleꞌ uvaꞌ nikameꞌ tukꞌ umaꞌt u chiꞌol uvaꞌ yeꞌ la kam veꞌteꞌ, as la bꞌen ibꞌan veꞌt umaꞌt u yol uvaꞌ tzꞌibꞌamal kan uvaꞌ ech ni tal ileꞌ:  
\q1 Kat sotzyu veꞌt iqꞌii u kamchileꞌ taꞌn u Tiixheꞌ, tiꞌk u yoleꞌ.   
\m
\v 55 As,  
\q1 ¿kam kat ibꞌan viyakꞌil u kamchileꞌ qꞌi uveꞌ ni yatzꞌon unqꞌa tenameꞌ? tiꞌk u yoleꞌ,   
\m
\v 56 tan aꞌ u paaveꞌ ni aqꞌon iyakꞌil u kamchileꞌ tiꞌ iyatzꞌax unqꞌa tenameꞌ. As tul ni tabꞌi veꞌt unqꞌa tenameꞌ u tzaqꞌiteꞌ uvaꞌ tzꞌibꞌamal kan, as nipal veꞌt stuul uvaꞌ yakꞌinnal veꞌt u paaveꞌ skꞌatz.   
\m
\v 57 ¡As taꞌntiixh te u Tiixheꞌ! Tan Aakeꞌ kat eesan u kamchileꞌ sqiꞌ tukꞌ vibꞌaꞌnil u Kubꞌaal Jesucristo.   
\p
\v 58 Estiꞌeꞌ ni val sete, vitzꞌin vatzik uvaꞌ xoꞌn veꞌt ex sve: As echabꞌataj ekꞌujbꞌaꞌt ekꞌuꞌl tiꞌ u Kubꞌaal Jesús. As yeꞌ la kaꞌkabꞌin etaama tiꞌ Aak. Pet etoksataj etaama tiꞌ ebꞌanat uvaꞌ nisaꞌ u Kubꞌaal Jesús setiꞌ, tan ootzimaleꞌ setaꞌn uvaꞌ yeꞌl u bꞌaꞌneꞌ la tzꞌejxi uveꞌ nebꞌan taꞌn vibꞌaꞌnil Aakeꞌ.   
\c 16  
\s1 Ni tal u Pablo isuuchil tiꞌ imolpu unqꞌa puajeꞌ tu u atinbꞌaleꞌ tetz nachbꞌal Tiixh  
\p
\v 1 As tuk untzaqꞌbꞌe bꞌen umaꞌt u yoleꞌ uvaꞌ kat echꞌoti tzan sve tiꞌ imolpu unqꞌa puajeꞌ lochbꞌal tetz unqꞌa qitzꞌin qatzikeꞌ uvaꞌ niman tetz u Jesús. As ech la ebꞌaneꞌ echeꞌ uveꞌ kat val kan te unqꞌa qitzꞌin qatzikeꞌ skajayil tu u nimla tenameꞌ u Galacia.   
\m
\v 2 As tu bꞌaxa qꞌii tu jun xhemaana la etxaa kan unbꞌooj u puajeꞌ xoꞌl uvaꞌ kat ekꞌul tu umaꞌl xhemaana. As junun ex la kolon kan, aqꞌal uvaꞌ yeꞌxhkam la etitzꞌa veꞌteꞌ tiꞌ imolpeꞌ, tul uvaꞌ la oon in sexoꞌl.   
\m
\v 3 As oonnal veꞌt in sexoꞌl. As la vaqꞌ umaꞌl u uꞌuj te unqꞌa qitzꞌin qitzikeꞌ uvaꞌ txaael veꞌt setaꞌn, tan aꞌ chajaakeꞌ la vaqꞌ bꞌen tu u Jerusalén tukꞌ u puajeꞌ uvaꞌ molel setaꞌn tiꞌ ilochax unqꞌa qitzꞌin qatzikeꞌ tzitziꞌ.   
\m
\v 4 As la bꞌen chajaak sviꞌ, asoj la uch sunvatz uvaꞌ la bꞌen in.   
\s1 Ni tal u Pablo uvaꞌ kam la ibꞌaneꞌ tiꞌ toon tu u Corinto  
\p
\v 5 As tul la bꞌen vil ex, as bꞌaxel la pal in tu u Macedonia, tan techal la pal in tzitziꞌ. As aꞌn la oon veꞌt in sexoꞌl tiꞌ bꞌen vilat ex.   
\m
\v 6 As jit kuxh nim la kaaik kan in tzitziꞌ sexoꞌl tiꞌ untxꞌebꞌat ipal u qꞌalaeꞌ. As tul la bꞌen veꞌt in, as la eloch veꞌt unbꞌooj in tiꞌ unbꞌen veꞌteꞌ katil uveꞌ la bꞌenkat in.   
\m
\v 7 As yeꞌ nunsaꞌ uvaꞌ yaklu pal kuxh in. Pet asoj la ibꞌan u Kubꞌaal Jesús bꞌaꞌnil, as la atin unbꞌooj in sexoꞌl.   
\m
\v 8 Pet la kaa in tzitzaꞌ tu u Éfeso. As lanal pal veꞌt u nimla qꞌiieꞌ uvaꞌ Pentecostés, as aꞌn la bꞌen ineꞌ,   
\m
\v 9 tan nimal uxhchil tzitzaꞌ ni saꞌon tabꞌit u bꞌaꞌnla yoleꞌ uvaꞌ ni valeꞌ. As yeꞌ saach unqꞌa uxhchileꞌ nichꞌoꞌn taama sviꞌ.   
\p
\v 10 Pet asoj la oon u Timoteo sexoꞌl, as la unjaj bꞌaꞌnil sete tiꞌ uvaꞌ la ekꞌul veꞌt naj tibꞌaꞌnil, tan antu ni taqꞌonveꞌ tiꞌ ipaxsal u bꞌaꞌnla yoleꞌ tiꞌ u Kubꞌaal Jesús echeꞌ uveꞌ nunbꞌaneꞌ.   
\m
\v 11 As yeꞌxhebꞌil la ixvan. Pet la elocheꞌ, aqꞌal uvaꞌ achaꞌv iqꞌaavik tzan sunkꞌatz. Tan il oꞌ nu kutxꞌebꞌoneꞌ tukꞌ unqꞌa qitzꞌin qatzikeꞌ.   
\p
\v 12 As echeꞌ u qitzꞌin qatzik u Apolo tan jatpax kuxh unbꞌeya ste tiꞌ bꞌen iqꞌelut ex tukꞌ kaꞌt unqꞌa qitzꞌin qatzikeꞌ, as yeꞌ kat isaꞌ ibꞌeneꞌ tul uvaꞌ kat val ste. As la etil tooneꞌ jatu uvaꞌ la uch svatz.   
\s1 Ni taqꞌ bꞌen u Pablo itzii te unqꞌa niman tetz u Jesús tu u Corinto  
\p
\v 13 As atoj chit enachbꞌal. As kaꞌkabꞌiniꞌk etaama tiꞌ u kꞌujlebꞌal ekꞌuꞌleꞌ. As tioj chit etaama la ebꞌaneꞌ as eyaꞌlutaj etibꞌ.   
\m
\v 14 As kam uveꞌ la ebꞌaneꞌ as tukꞌ chit xoꞌniibꞌ la ebꞌankat.   
\p
\v 15 As ootzimaleꞌ setaꞌn, vitzꞌin vatzik, uvaꞌ aꞌ unqꞌa tatin u Estéfanas kat niman u Jesús bꞌaxa tu u Acaya. As aꞌeꞌ uvaꞌ ayaꞌl chit ikꞌuꞌl kat lochon unqꞌa qitzꞌin qatzikeꞌ uvaꞌ ni niman u Jesús.   
\m
\v 16 Estiꞌeꞌ nunjaj bꞌaꞌnil sete tiꞌ uvaꞌ ech etxumbꞌaleꞌ la ebꞌaneꞌ echeꞌ uvaꞌ nibꞌan chajaak tukꞌ kaꞌt unqꞌa qitzꞌin qatzikeꞌ uvaꞌ ech itxumbꞌal echeꞌ chajaak. As tukꞌ unqꞌa qitzꞌin qatzikeꞌ skajayil uvaꞌ ni lochoneꞌ tiꞌ ipaxsal u bꞌaꞌnla yoleꞌ.   
\m
\v 17 As vaꞌl chit untxuqꞌtxuneꞌ tiꞌ uvaꞌ kat ul u Estéfanas tukꞌ u Fortunato tukꞌ u Acaico uveꞌ tzaa sexoꞌl, tan chajaakeꞌ ni bꞌanon evatz sunkꞌatz tzitzaꞌ tiꞌ unlochpeꞌ.   
\m
\v 18 Tan kat ul iyakꞌinsa chajaak vaama echeꞌ uvaꞌ kat ibꞌan chajaak sete. As aꞌ chajaakeꞌ la ootzil vibꞌaꞌnileꞌ sexoꞌl tukꞌ kaꞌt unqꞌa qitzꞌin qatzikeꞌ uvaꞌ eela vitxumbꞌaleꞌ tukꞌ chajaakeꞌ.   
\p
\v 19 Jankꞌal unqꞌa qitzꞌin qatzikeꞌ uvaꞌ at tu unqꞌa atinbꞌaleꞌ tetz nachbꞌal Tiixh uvaꞌ tzitzaꞌ tu u Asia as ni taqꞌ bꞌen itzii sete. As ni taqꞌ bꞌen u Aquila itzii sete tukꞌ u Priscila as tukꞌ unqꞌa qitzꞌin qatzikeꞌ uveꞌ ni mol tibꞌ tu vikabꞌaleꞌ.   
\m
\v 20 As ni taqꞌ bꞌen unqꞌa qitzꞌin qatzikeꞌ itzii sete skajayil. As ayaꞌl chit ekꞌuꞌl la etiixhi etibꞌ, tan ex niman tetz u Tiixheꞌ.\f + \fr 16.20 \ft Aꞌ isuuchil u yoleꞌ tu yolbꞌal griego: Tul la etiixhi etibꞌ, as la itzꞌubꞌ tibꞌ txala etziꞌ sevatzaj.\f*   
\p
\v 21 Ineꞌ in Pablo, nuntzꞌibꞌa bꞌen untzii sete tukꞌ vunqꞌabꞌeꞌ.   
\m
\v 22 Asoj at umaj uxhchil uvaꞌ yeꞌ xoꞌn u Kubꞌaal Jesús ste, as la ul u kꞌaxkꞌoeꞌ stiꞌ. ¡As il u Kubꞌaal Jesús ileꞌ tul veꞌteꞌ!   
\p
\v 23 As aꞌ vibꞌaꞌnil u Kubꞌaal Jesucristo la kaa setiꞌ.   
\m
\v 24 As xoꞌn veꞌt ex sve sekajayil taꞌn vibꞌaꞌnil u Jesucristo.  
\p An chiteꞌ. An chiteꞌ.