\id JON - Tuma-Irumu NT+ [iou] -PNG 2011 (DBL 2015) 
\h Jona 
\toc2 Jona 
\toc1 Jona 
\mt1 Jona  
\mt2 Profet kubä Anutu täŋo man buramikta bitnäŋkuk  
\c 1  
\s1 Yawetä Jona piä man iweränkaŋ ämetpeŋ kuŋkuk  
\m
\v 1  \x * \xo 1:1 \xt 2Kin 14:25\x*Yawetä Jona, Amitai täŋo nanaki ŋode iwetkuk;  
\v 2 Eruk gäk yotpärare pähap wäpi Ninive uken ku yäk. Kuŋat-kuŋari gwäjiwani wakiinik yabäŋpäŋ-nadäk täŋkuro unita päŋku kome mähem man kehäromi, komigämän kaŋ yäwet yäk.  
\v 3  \x * \xo 1:3 \xt 1Jo 4:2; Jer 20:7-9; Luk 9:62; 1Ko 9:16\x*Anututä Jona man ude iweränkaŋ Jonatä Yawe täŋo man bitnäŋpeŋ ämetkuk. Ämetpeŋ gäpe terak Tasis yotpärareken kwa yäŋpäŋä Jopa yotpärare gwägu dubiniken kuŋkuk. Uken gäpe kubä Tasis komeken kwayäŋ täŋirän kaŋ-ahäŋkuk. Kaŋ-ahäŋpäŋä Yawe kaŋumuntaŋ käbop irayäŋ nadäŋkaŋ Tasis kwayäŋ gäpe suwaŋpeŋ äroŋkuk. \fig Jona Tasis yotpärareken kwa yäŋkaŋ gäpe suwaŋpeŋ äroŋkuk|alt="Jona paid for a ship to take him to Tasis" src="HK00214B.jpg" size="span" loc="Bottom" copy="Horace Knowles" ref="Jna 1:3" \fig*   
\p
\v 4 Eruk äroŋpeŋ kuŋirän Yawetä mänit pähap peŋ iwet-pewän piäŋirän gwägu wakiinik täŋkuk. Wakiinik täŋpäŋ gäpe imärayäŋ täŋkuk.  
\v 5 Imärayäŋ täŋirän gäpe täŋo piä äma umuntaŋpäŋ anutu iniken iniken uken gera yäŋkuŋ. Täŋpäŋ gäpetä pidäm tawän yäŋpäŋä tuŋum ätu gwägu gänaŋ ureŋ täŋpä äpmoŋkuŋ. Ude täŋ irirä Jona uwä gäpe miyäkiken äpmo däpmon patguŋ taŋkuk.   
\p
\v 6 Patguŋ taŋirän gäpe täŋo mähemitä äpmoŋpäŋ Jona kaŋpäŋ ŋode iwetkuk; Gäk mebäri jideta däpmon ŋo pat itan? Eruk aku! Gäkŋo anutuken gera yä! Yäŋiri butewaki käwep nadäŋ nimiŋpäŋ täŋkentäŋ nimiŋirän nämo paotne yäk.  
\v 7 Ude yäŋirän gäpe täŋo piä ämatä yäŋpäŋ-nadäk täŋpäŋ yäŋkuŋ; Eruk, netä täŋo mebärita imaka umuri pähap ŋo ahäŋ nimitak yäŋ kaŋ-ahäkta kären täŋpäŋ käna yäk. Ude yäŋpäŋ kären täŋirä Jonaken ahäŋkuk.   
\p
\v 8 Jonaken ahäŋirän kaŋpäŋ ŋode iwetkuŋ; Gäk niwet yäk. Imaka ŋo netä täŋo mebäri terak ahäŋ nimitak? Gäk ima piä täk täyan? Gäk de naniktä äbätan? Gäk komeka de nanik? Ba netä täŋo äma äbotken nanik?  
\v 9 Yäŋirä yäwetkuk; Näk Hibru äma yäk. Yawe Anutu kunum gänaŋ nanik kome gwägu pähap yäwän ahäŋkuŋo u oraŋ imik täyat yäk.   
\p
\v 10 Ude yäŋpäŋ Yawe kaŋumuntaŋ ämetkut yäŋ yäweränä äma gäpe gänaŋ itkuŋo unitä umun pähap taŋpäŋ iwetkuŋ; Yäke! Gäk umuri udewani imata täŋkun?  
\v 11 Täŋkaŋ gwägu wakiinik täŋpewän äneŋi iwet yabäŋkuŋ; Jide täŋ gaminapäŋ gwägutä wareŋi nämo pärek?  
\v 12 Yäwäwä Jonatä yäwetkuk; Näk yäpmäŋpäŋ gwägu gänaŋ maŋpä äpmoŋira uyaku gwägu wareŋi nämo pärek yäk. Nadätat, gwägu wakiinik täyak u näka yäŋpäŋ täyak yäk.   
\p
\v 13 Ude yäweränkaŋ Jona täŋo man nämo buramiŋpäŋ gäpe gwägu gägäni käda kwän yäŋpäŋ keritä bumta täŋ-iwatkuŋ. Täŋ-iwatkuŋo upäŋkaŋ gwägu wakiinik-inik täŋkuko unita täŋpä waŋkuŋ.  
\v 14 Täŋpä waŋtäko Yaweken butewaki gera ŋode yäŋkuŋ; O Yawe, äma ŋo gwägu gänaŋ mäna äpmoŋirän, gäk mebäri injinken itak yäŋ niwetkaŋ nibäŋ äwaräkuk täŋiri nämo paotne! Yawe, gäkŋa nadäŋpäŋ täŋkaŋ nintä terak nämo yäwen yäk.  
\v 15 Täŋpäŋ äma unitä Jona yäpmäŋpäŋ gwägu gänaŋ maŋpä äpmoŋirän gwägu wareŋi nämo patkuk.  
\v 16 Täŋirän äma itkuŋo unitä Yaweta bumta umuntaŋpäŋ bänep täŋkwitakta gupe käbäŋi nikek ijiŋ imiŋpäŋ Yaweta watä piä täŋ imineŋta yäŋkehärom taŋkuŋ.   
\p
\v 17  \x * \xo 1:17 \xt Jon 4:6; Mat 12:40, 16:14; Luk 11:30\x*Täŋpäkaŋ Yawetä gwägu tom taŋi pähap kubä iniŋ kireŋpewän Jona kämän äpmoŋkuŋ. Kämän äpmoŋirä Jona gwägu tom pähap u koki gänaŋ kepma bipani yaräkubä ude patkuk.   
\c 2  
\s1 Jonatä Anutu man iwerirän nadäŋ imiŋkuk  
\m
\v 1 Jona tom koki gänaŋ patkaŋ Yawe Anutuni yäŋapik man terak ŋode iwetkuk;   
\q1
\v 2 Näk komi piäken patpäŋ Yawe gäkken gera yäŋira naniŋ yäŋkun.  
\q1 Paotpaot komeken patkaŋ täŋkentäŋ nam yäŋpäŋ gera yäŋira nadäŋ namiŋkun yäk.   
\q1
\v 3 Imata, gäk gwägu pähap gänaŋ pudät mabi baninik, gwägu mebäriken umu äpmoŋkuro unita.  
\q1 Täŋpäŋ gäkŋo gwägu pähaptä näk uwäktäŋ namiŋpäŋ gwägutä taŋi tokätpäŋ nut mabän äpmoŋkut yäk.   
\q1
\v 4 Ude ahäŋ namänpäŋ ŋode nadäŋkut; Näk iŋamka dapunken nanik näwat kireŋkuno upäŋkaŋ ŋode nadätat; Gäkŋo kudupi yotkaken äneŋi api ärowet.   
\q1
\v 5 Ume pähaptä uwäk täŋpipiŋpäŋ nepmaŋpän paorayäŋ täŋkut. Gwägutä näk it gwäjiŋpäŋ gwägu yenitä gwäknaken kwasikotkuŋ.   
\q1
\v 6 Näk gwägu gänaŋ kome mebäriken äpmoŋpäŋ äpmokinik täŋkut.  
\q1 Äpmoŋpäŋ ukädagän itnaŋipäŋ Yawe Anutuna, gäk komi piäken nanikpäŋ wädäŋ tädotpäŋ nepmaŋpi pen api iret yäk.   
\q1
\v 7 Iritna jirupmirayäŋ täŋirän Yawe, gäka nadäŋpäŋ gerana gäkŋo kudupi yotkaken ahäŋkuk.   
\b  
\q1
\v 8  \x * \xo 2:8 \xt Sam 31:6\x* Täŋpäkaŋ ämawebe yäwik pukpuki oraŋ yämik täkaŋ uwä gäka nadäŋ gamikinik tänaŋipäŋ mäde ut gamik täkaŋ.   
\q1
\v 9 Täŋ nähä bänepnatä kap teŋoret gamiŋpäŋ ärawa api täŋ gamet. Täŋpäŋ yäŋkehäromtak man gäwetkuro u täkinik api täŋpet.  
\q1 Yäke! Paotpaotken nanikpäŋ yämagurani mähemi u Yawe ubayäŋ!   
\m
\v 10 Täŋpäkaŋ Yawetä gwägu tom iwet-pewän gwägu tomtä Jona gwägu gägäniken aŋeŋ maŋpän kuŋkuk.   
\c 3  
\s1 Ninive kome mähemitä bänepi äyäŋutkuŋ  
\m
\v 1 Täŋpäkaŋ Yawetä Jona äneŋi ŋode iwetkuk;   
\p
\v 2 Eruk, gäk Ninive yotpärareken ku yäk. Kuŋkaŋ manbiŋam gäwerayäŋ täyat u kaŋ yäwet.  
\v 3 Ude yäŋirän Jonatä mani buramiŋpäŋ Ninive yotpärareken kuŋkuk. Ninive uwä yotpärare taŋiinik, kukŋi ŋonitä kukŋi udude kweno uwä edap yaräkubä tärewek.  
\v 4  \x * \xo 3:4 \xt Mat 12:41; Luk 11:32\x* Eruk, Jona yotpärare gägäniken yäput peŋpäŋ kepma kubä kuŋpäŋ yotpärare bämopiken itkaŋ gera terak ŋode yäŋahäŋkuk; Edap 40 ude täreŋirän Ninive yotpärare api peŋ awähurek! yäk. \fig Jonatä Ninive nanik ämawebe bänepi äyäŋutta man yäwetkuk|alt="Jona preaches repentance to Ninevites" src="CO01420B.jpg" size="col" loc="Close" copy="D.C.Cook" ref="Jon 3:4" \fig*   
\p
\v 5 Jonatä ude yäŋirän eruk, Ninive mähemitä Anutu täŋo man nadäwä bureni täŋkuk. Nadäwä bureni täŋpäpäŋ mominita nadäwätäk täŋpäŋ, nak jop irit kadäni peŋpäŋ tek waki-wakipäŋ täŋkuŋ. Ekäni iroŋi kudup udegän täŋkuŋ.  
\v 6 Täŋirä Ninive nanik täŋo intäjukun ämatä biŋam u nadäŋkaŋ akuŋpäŋ tek täga yäŋopmäŋpäŋ peŋpäŋ tek waki-wakipäŋ täŋpäŋ päŋku kädäkut gänaŋ maŋit itkuk.   
\p
\v 7 Täŋkaŋ Ninive ämawebe kuduptagäntä nadäkta manbiŋam ŋode pewän kuŋkuk; Intäjukun ämakät epän ämaniyetä ŋode peŋ täwetkaŋ, Kubätä ketem kubä nämoinik näŋpek. Äma ba yawak, ketem ume nämoinik näneŋ yäk.  
\v 8 Nämo! Äma ba yawak imaka, tek waki-wakipäŋ täŋput. Täŋpäŋ ämawebe kuduptagäntä Anutuken yäŋapik man kehäromi yäneŋ. Täŋpäŋ kuŋat-kuŋari waki u ba ämik täktäk täk täkaŋ u peneŋ! yäk.  
\v 9 Ude täŋirä Anututä butewaki käwep nadäŋ nimiŋpäŋ ninta kokwawak nadätak u peŋirän nämo paotne yäk.   
\p
\v 10 Täŋpäkaŋ manbiŋam pewän kuŋkuko u nadäŋpäŋ buramiŋpäŋ ämawebe kudup wakiwaki mäde ut imiŋirä Anututä yabäŋkuk. Yabäŋpäŋä nadäk iŋitkuko u yäpmäŋ äyäŋutpäŋ kowata pewän ahäŋ yämikta nadäŋkuko u peŋkuk.   
\c 4  
\s1 Anututä Jona bänep äyäŋutta man iwetkuk  
\m
\v 1 Anututä ude täŋirän Jona u kawän nämo tägawäpäŋ kokwawak taŋi nadäŋkuk.   
\p
\v 2  \x * \xo 4:2 \xt Kis 34:6\x* Kokwawak nadäŋpäŋ yäŋapik man terak Yawe ŋode iwetkuk; Yawe, jide? Näk komenaken itkaŋ gäk ude api täŋpen yäŋ nämo yäŋkut? Bureni, ude api täŋpen yäŋ nadäŋkuro unita Tasis komeken ämetpeŋ kuŋkut yäk. Mebärika ŋode nadäŋkut; Gäk Anutu orakorak mähemi. Gäk bänep ironka nikek. Kokwawakka bäräŋek nämo ahäk täyak. Butewaki nadäk-nadäkka u ärowani. Täŋpäŋ bänepka äyäŋutpäŋ äma täŋo momi peŋ yämikta pidäm tak täyan.  
\v 3  \x * \xo 4:3 \xt 1Kin 19:4\x* Unita Yawe, gäk nabä kätäŋiri kaŋ kumba yäk. Näk kumäkta gäripi nadäŋkaŋ, itta gaŋani nadätat yäk.   
\p
\v 4  \x * \xo 4:4 \xt Mat 20:11-15\x* Ude yäwänä Yawetä ŋode iwetkuk; Kokwawak nadätan u täga täyan? Nämo!  
\v 5 Yawetä ude iweränkaŋ Jona yotpärare gägäniken edaptä abani käda kuŋkuk. Ukäda päŋku yottaba kubä täŋpäŋ äyuŋken maŋit itkuk. Yotpärare u jide ahäŋ imän kawa yäŋkaŋ itkuk.  
\v 6 Irirän Yawe Anututä nadäŋirän päya keräpi kubä tädotpäŋ bäräŋek tägaŋkuk, u Jonata äyuŋ täŋ imiŋpäŋ edap täŋo komi yäpmäŋ äpäkta. Täŋirän Jonatä päya unita gäripi pähap nadäŋkuk.  
\v 7 Täŋpäkaŋ patkuko yäŋeŋirän tamimaŋ Anututä gwak kubä iwet-pewän äbäŋpäŋ päya u mebäri näŋ täkŋeŋpewän kubit taŋkuk.  
\v 8 Eruk edap bämop tawänä Anututä nadäŋirän mänit kädäp ikek piäŋkuk. Piäŋirän edaptä Jona gwäkiken iŋpewän kehäromini paorirän ini kumba yäŋ nadäŋpäŋ yäŋkuk; Näk itta gaŋani nadäŋpäŋ kumäkta täga nadätat yäk.   
\p
\v 9 Ude yäwänä Anututä iwetkuk; Gäk päyata kokwawak nadätan u täga täyan? Ude yäwänä Jonatä yäŋkuk; Ei, kokna waŋirä tägatak! Kokwawak taŋi nadäk täyat unita kumäkta gäripi nadätat yäk.   
\p
\v 10 Yäwänä Yawetä kowata ŋode iwetkuk; Gäk päya unita piäni kubä nämo täŋkun yäk. Ba watäni iriri nämo äroŋpäŋ tägaŋkuk. Päya u bipani kubäken ahäŋkaŋ bipani kubäken paorako unita imata butewaki nadäŋ imitan?  
\v 11  \x * \xo 4:11 \xt Sam 145:8-9,15-16; Mat 18:33; Luk 15:29-32\x* Täŋ nähä Ninive yotpärare pähap unita butewaki täga nämo nadäwet? Yotpärare uken ämawebe 120 tausen ude bumik it täkaŋ. U kädet täga iwatta guŋtak täkaŋ. Ba yawak imaka bumta itkaŋ. Unita imata butewaki täga nämo nadäŋ yämet?