\id GAL - Inga NT -Colombia 2009 (DBL -2013) 
\h GALASIAPI CRISTOWA TUKUSKAKUNATA 
\toc1 Galasiapi Cristowa tukuskakunata 
\toc2 Galasiapi 
\toc3 Gl 
\mt1 GALASIA ALPAPI CRISTOWA TUKUSKAKUNATA 
\mt2 SAN PABLO KARTA KACHASKAMANDA 
\c 1  
\p  
\v 1 Jesu­cristo kacha­mus­ka­mi nuka kani, Alli Willai­ta willaspa purin­ga­pa. Nuka­taka, mana runa­kuna aglla­war­ka­kuna­chu. Jesu­cristo i Taita Dius, pai wañus­kata kaug­sa­chig­mi aglla­warka.  
\v 2 Tukui waugkindi­kuna­wa kaipi kaspa, kam­kuna Gala­sia alpapi tukui Cristo­wa tukus­ka­kuna­ta­mi kai karta kachai­ki­chita.  
\v 3 Nukan­chipa Taita Dius i Iaia Jesu­cristo, kam­kunata kuiaspa, suma iuiai­wa kawa­pua­chu.  
\v 4 Jesu­cristo, nukan­chipa panda­rii­kuna­manda­mi saki­rirka, wañu­chii tukun­ga­pa; chasaka, nukan­chita kai alpapi tukui jiru mana alli kas­ka­kuna­manda kispi­chin­ga­pa. Chasa­mi nukan­chipa Taita Dius munarka.  
\v 5 Pai Taita Diusta ni­sun­chi: “Iapa suma atun­mi kangi, mai­tuku waranga waranga wata­kuna ialig­pi­pas”. Chasa ka­chu. 
\s1 Cristo­manda Alli Willai, suglla tiaska­manda 
\p  
\v 6 Cristo kam­kunata iapa kuiag­manda­mi Taita Dius kam­kunata agllarka. Kam­kuna chi­tuku mana unai­lla paita kunga­ri­na­kug­ta­mi ujna­riwá. Muna­na­kun­gi­chisi, sug rig­cha: “Alli Willai­mi ka” nis­kata kati­chin­ga­pa.  
\v 7 Cristo­manda sug rig­cha Alli Willai mana tian­chu; sug­lla­mi tia. Sug­kunaka, kam­kunata panda­chispa, “Cristo­manda Alli Willai­ta­mi willa­na­kui­ki­chita” nis­pa­mi kam­kunata sug rig­cha kri­chi­nakú. 
\p  
\v 8 Sutipa Alli Willai­ta­mi nukan­chi kam­kunata willar­kan­chi. Chi­manda, nukan­chi kikin­kuna i sug luar­manda anjil, sug rig­cha willai­ta kam­kunata willa­na­kug­pika, mal­di­sis­ka­mi ni­raiá.  
\v 9 Ñugpa­ta­pas chasa­mi rimarkai­ki­chita. Kuna­ura­pas­mi ikuti nii­ki­chita: kam­kuna, sutipa Alli Willai­ta­mi uiaspa chas­kir­kan­gi­chi. Chi­manda, mai­kan sug rig­cha willai­ta kam­kunata willa­na­kug­pika, mal­di­sis­ka­mi ni­raianga­kuna. 
\p  
\v 10 Nuka chasa rimaspa, ¿runa­kuna­wa sumag­lla kan­ga­pachu munani? Manima. Taita Dius­wa­mi munani, sumag­lla kan­ga­pa. ¿Runa­kunata alli iuia­chin­ga­pag­lla­chu muna­ni? Chasa kag­pika, mana­char Cristo­pa lutrin­sina kan­trani. 
\s1 San Pablo imasa Alli Willai­ta willaspa purii kalla­riska­manda 
\p  
\v 11 Taita­kuna i mama­kuna, kasa­pas iachai­chi. Alli Willai­ta nuka willani; chika mana kan­chu runapa iuiai.  
\v 12 Ñi mai­kan runa, mana chita willa­waspa iacha­chi­warkachu. Kikin Jesu­cristomi iuia­chi­waspa iacha­chi­warka. 
\p  
\v 13 Ñugpata, imasa ñugpa­manda judiu­kuna iacha­chi­na­kus­ka­ta­mi nuka kati­chi­kur­kani. Chita, ñachar kam­kuna iachan­gi­chi. Nuka, iapa rabia­wa mana alli­lla iuiai­wa­mi muna­kur­kani, Taita Dius­wa tukus­ka­kunata puchukan­ga­pa. Chi­ta­pas ña­char iachan­gi­chi.  
\v 14 Judiu­kuna imasa Taita Dius­manda iacha­chis­ka­kunata nuka iachai­kuspa, achka nuka­pa kum­pa­ñi­ru­kuna­manda­pas mas achka iachai­kus­ka­mi kar­kani. Chi­wanka, iapa micha­ris­pa­mi kar­kani. Muna­kur­ka­nimi, nuka­pa ñugpa­manda taita­kuna ima iacha­chis­ka­kunata ñi mai­kan judiu­pas mana saki­chu­kuna. 
\p  
\v 15 Nuka chasa kag­pi­pas, manara tiag­samugpi­ta­mi Taita Dius aglla­waska karka. Paipa iapa suma kuiai­wa­mi kaia­warka. Pai muna­ura,  
\v 16 paipa wam­bra­ta­mi rigsi­chi­warka; chasaka, nuka mana judíu kag­kunata Jesu­cristo­manda willaspa purin­ga­pa. 
\p Chi­ura nukaka, mana pi­pag­ma­pas rirka­ni­chu tapun­ga­pa: “¿Ima­sa­tak rurasa?”.  
\v 17 Ñi Jeru­sa­len­ma mana rirka­ni­chu, Cristo agllaska runa­kuna nuka­manda mas ñugpa kas­ka­kuna­wa rima­na­kun­ga­pa. Cha­sa­paka, Arabia suti alpa­ma­mi rir­kani. Chi­mandaka, Da­masko pui­blu­ma­mi kutir­kani. 
\p  
\v 18 Kimsa wata iali­ura­mi Jeru­sa­lenma rir­kani, Pedrota rigsin­ga­pa. Chunga pichka punchami pai­wa kar­kani.  
\v 19 Sug­kuna Jesu­cristo agllas­ka­kuna­taka mana kawar­ka­ni­chu. Iaia Jesuspa waugki San­tia­go­lla­ta­mi kawar­kani.  
\v 20 Taita Dius­pa ñawipi nuka mana llullas­pa­lla­mi chasa willa­na­kui­ki­chita. 
\p  
\v 21 Chi­ura­mandaka, Siria i Silisia suti alpa­kuna­ma­mi rir­kani.  
\v 22 Ju­dea alpapi Cristo­wa tukus­ka­kunaka, nukata manara rigsi­war­ka­kuna­chu.  
\v 23 Pai­kuna, nuka­manda kasa­si uia­ri­na­kurka: “Ñug­pata nukan­chi Cristo­wa iuiag­kunata lim­piu puchukan­ga­pa muna­kudur, kuna­uraka Cristo­manda Alli Willai­ta­mi willaspa puri­ku”.  
\v 24 Chasa nuka­manda uia­ri­na­kus­paka, Taita Diusta: “Pai Siñur” ni­na­kurka. 
\c 2  
\s1 Iaia Jesús ñugpata agllaska runakuna, San Pablota sumaglla chaskiskamanda 
\p  
\v 1 Chunga chusku wata­pika, waugki Bernabewa ikuti Jeru­sa­lenma rir­kani, Tito suti waug­ki­ta­pas pusaspa.  
\v 2 Taita Dius chasa iuia­chi­wag­manda­mi rir­kani. Chi­pika, Jesu­cristo­wa tukus­ka­kuna­pura taita ni­raias­ka­kuna­lla­wa sug­lla­pi tanda­ris­paka, pai­kunata willar­kani, nuka imasa Alli Willai­ta mana judíu kag­kunata willaspa puri­kug­ta; chasaka iachan­ga­pa: nuka ñugpa­manda­ta Cristo­wa iuia­rispa willaska: ¿alli­lla u mana alli­lla­chu ka?  
\v 3 Titoka, nuka­wa Jeru­sa­lenma ris­kaka, mana judíu kar­ka­chu. Chasa kag­pi­pas, chi taita ni­raias­ka­kunaka mana nir­ka­kuna­chu: “Paita chaian­mi, judiu­kunapa marka churan­ga­pa”.  
\v 4 Ikuti chi­lla­pita sug runa­kunaka, “Cristo­wa­mi kan­chi” llu­llaspa, nukan­chi­manda paka­lla iai­kuspa, muna­na­kurka, Titota chi markata chura­chin­ga­pa. Chi­kunaka, nukan­chita shachin­ga­pa­mi kati­raiar­ka­kuna. Imasa Jesu­cristo­wa tukus­ka­kunaka Moi­sés ima ruran­ga­pa willas­kata libriag­sina kas­kata kawan­ga­pa­mi kati­ra­iar­ka­kuna. Moi­sés ima iacha­chis­kapi nukan­chita ikuti watas­ka­sina cha­rin­ga­pa­mi muna­na­kurka.  
\v 5 Chasa muna­na­kug­pi­pas, ñi sug ratu­lla­pas mana saki­rir­kan­chi­chu, pai­kunapa iuiai­wa kan­ga­pa. Muna­na­kur­kan­chimi, Cristo­manda Alli Willai mana llullas­pa­lla kam­kuna­wa kag­samu­chu. 
\p  
\v 6 Chi taita ni­raias­ka­kuna —taita kag­pi­pas, nuka­manda mana ima­pas ni­raian­chu; Taita Dius­pa ñawi­pika, ñi pipas mana tian­chu sug rig­cha— chi taita ni­raias­ka­kunaka, nuka Alli Willai­ta willas­kata ñi imapi mana iapa­puar­ka­kuna­chu.  
\v 7 Chasa­paka, pai­kuna iuia­rir­ka­kuna: imasa­mi Taita Dius, Pedrota min­garka, judiu­kunata Alli Willai­ta willan­ga­pa: chasa­lla­ta­mi nuka­ta­pas min­ga­warka, mana judiu­kunata Alli Willai­lla­ta­ta willan­ga­pa.  
\v 8 Kikin Taita Dius, imasa­mi Pedrota kacharka, judiu­kunata willag kan­ga­pa: chasa­lla­ta­mi nuka­ta­pas kacha­warka, mana judíu kag­kunata willaspa purig­rin­ga­pa. 
\p  
\v 9 Santiago, Pedro i Juan kar­ka­kunami tukui­kuna­pura atun taita­kuna­sina. Pai­kunaka iuia­rir­ka­kunami, nuka­ta­pas Taita Dius kikin, kuia­waspa, mana judíu kag­kuna­pagma kacha­mu­waska kagta. Nis­paka, nukata i Bernabeta alli maki kuar­ka­kuna; chasaka, pai­kuna­wa nukan­chi sug­lla­sina kagta ni­raian­ga­pa. Kasa­mi nukan­chita nir­ka­kuna: 
\p —Kam­kuna, mana judíu kag­kunata willaspa purig­rii­chi. Ikuti nukan­chika, judiu­kuna­ta­mi willaspa puri­sun­chi. 
\p  
\v 10 Kasa­lla­pas­mi nukan­chita nir­ka­kuna: 
\p —Judea alpapi mana ñi ima iukas­ka­kuna­manda mana kun­ga­rin­gi­chi—. Nuka, pai­kunata aidan­ga­pa­mi tukuipi alli­lla rura­kuni. 
\s1 San Pablo, San Pedrota piñag­sina rimaska­manda 
\p  
\v 11 Chi­ura­manda, Pedro Antio­kia pui­bluma chaiag­ri­uraka, nukaka ñawi ñawimi paita piñag­sina rimar­kani, pai mana judíu kag­kuna­wa tia­kuspa anchu­rig­manda.  
\v 12 San­tiago kachaska judiu­kuna mana­ra chaian­kama, pai Pedro, mana judíu kag­kuna­wa­mi mikuspa tia­kurka. Ikuti chi judiu­kuna chaiag­ri­uraka, paika sakispa anchu­rirka. Nis­paka, judiu­kuna­lla­wa­mi mikun­ga­pa tia­rig­rirka. “Mana judiu­kunata marka churan­ga­pa­mi chaiá” nig­kunata iachas­pa­mi, man­cha­rispa, chasa mana alli­lla rurarka.  
\v 13 Chipi kag judiu­kuna Cris­to­wa iuia­rispa kag­kunaka, Pedro anchu­rigta kawaspa, chasa­lla­ta­mi anchu­rir­ka­kuna. Ber­na­be­pas, chasa­lla­ta­mi panda­chii tukurka. 
\p  
\v 14 Nuka kawarka­nimi, chi anchu­rig judiu­kunaka sutipa Alli Willai­ta ni­raias­kata mana kati­na­kugta. Nuka, chasa kawas­paka, tukui­kunapa ñawi­pi­mi Pedrota nir­kani: 
\p —Uiamui. Kam, judíu kas­pa­pas, ¿mana­chu mana judiu­sina kaug­sa­kur­kangi? Nig­pika, ¿ima­pa­tak mana judíu kag­kuna­taka nin­ga­pa kangi: “Judiu­kuna­sina kaug­san­gi­chi”? 
\p  
\v 15 Nukan­chi, judiumi tiag­sa­mur­kan­chi. Chi­wa­mi mana judíu panda­rig kag­kuna­sina mana kan­chi.  
\v 16 Chasa kag­pi­pas, kasa­mi iachan­chi: Moi­sés ima nis­kata uiaspa ruras­ka­kuna­lla­waka, pipas mana panda­rii­kunata anchu­chii tukun­chi­chu. Jesu­cristo­wa suma iuia­ris­pa­mi mana panda­rig ni­raian­chi. Chasa iachas­pa­mi nukan­chipas Jesu­cristo­wa iuia­rig­samun­chi. Cha­saka, ñugpata Moi­sés nis­kata uias­pa­lla, manima; Cristo­wa suma iuia­ris­pa­mi mana panda­rig ni­raian­chi. Moi­sés nis­kata uiaspa ruras­ka­kuna­lla­waka, pipas mana panda­rii­kunata anchu­chii tukun­chi­chu. 
\p  
\v 17 Chasaka nin­chimi, Cristo­lla­wa mana panda­rig ni­raian­ga­pa. Chasa nis­pa­pas, iuia­rin­chimi, nukan­chi­pas panda­rii­kuna­wa kag­ta. Chasa iuia­ris­paka, ¿ni­raian­chu Cristo­wa nukan­chi panda­rig kagta­kuna? Manima.  
\v 18 Imasa­mi wasi saia­kus­kata wag­lli­chispa, nis­paka chi­kuna­lla­wan­ta ikuti chi­lla­pita saia­chigpi, mana iuiai­pi­sina ni­raiá: chasa­lla­ta­mi kam­kuna, Moi­sés nis­kata sakispa, ikuti chi­lla­ta­ta kati­chii kalla­rispa, ikuti pan­da­rii­kuna­wa tukug­samun­gi­chi. 
\p  
\v 19 Nuka ñami wañus­ka­sina ni­ra­iani, Moi­sés nis­kata mana uian­ga­pa. Chi niska­lla­wan­ta­mi nuka wañus­ka­sina ni­raiani; chasaka, Taita Dius niska­lla­ta uiaspa, nuka kaug­san­ga­pa. Nuka, Cristo­wa sug­lla­pi kruspi klabas­ka­sina­mi ni­ra­iani.  
\v 20 Chi­wanka, nuka kikin mana kaug­sa­ni­chu. Cristomi nuka­wa sug­lla­pi kaugsá. Nuka, kuna­ura kuir­pupi kaug­sa­kus­pa­pas, Taita Dius­pa wam­bra­wa suma iuia­ris­ka­lla­wa­mi kaug­sa­kuni. Paimi, nukata iapa kuia­waspa, nuka­manda saki­rirka, wañu­chii tukun­ga­pa. 
\p  
\v 21 Chi­manda­mi Taita Dius­pa kuiaita mana munani sakin­ga­pa. Ima Moi­sés nis­kata uiaspa ruras­ka­kuna­lla­wa nukan­chi panda­rii­kunata anchu­chii tukun­tran­chi; nig­pika Cristoka, iangami wañuska ni­raian­tra. 
\c 3  
\s1 Moi­sés ima ruran­ga­pa willaska­manda i Cristowa suma iuia­riska­manda 
\p  
\v 1 ¡Ai, Galasia­manda runa­kuna, iapa upash­kuna­sina­mi kan­gi­chi! Kam kikin­kuna Jesu­cristota kawa­na­kus­ka­sina­mi pai kruspi kla­bai tukuska­manda willar­kan­chi. Nig­pika, ¿pitak kuna­uraka kam­kunapa iuiaita tuntia­chi­ku?  
\v 2 Kai­lla­mi tapu­chin­ga­pa munai­ki­chita: ¿Moi­sés ima nis­kata uiaspa ruras­ka­kuna­wa­chu kam­kuna Santu Ispi­ri­tuta chas­kir­kan­gi­chi? Mana kag­pika, Cristo­manda Alli Willai­ta uiaspa, ¿pai­wa suma iuia­ris­pa­chu chas­kir­kan­gi­chi?  
\v 3 ¿Chi­tuku upash­kuna­chu kan­gi­chi? Kam­kuna Santu Ispi­ri­tu­wa kalla­ris­ka­kuna­taka, kuna­uraka, ¿kam kikin­kunapa iachai­lla­wa­chu muna­na­kun­gi­chi, tukuipi alli iuiag tukun­ga­pa?  
\v 4 Nig­pika kam­kuna, ¿ianga­chu Cristo­manda iapa lla­kii pasar­kan­gi­chi? Munan­tra­nimi, chasaka mana ianga tuku­chu. 
\p  
\v 5 Taita Dius, Santu Ispi­ri­tu­wa mana ima­ura­pas kawas­ka­kunata kam­kunapa ñawipi kawa­chi­mu­ura, ¿Moi­sés nis­kata uiaspa rurag­man­da­chu chasa kawa­chimú? Mana kag­pika, Cristo­manda Alli Willai­ta uiaspa, ¿pai­wa suma iuia­riska­man­da­chu chasa kawa­chimú? 
\p  
\v 6 Chasa­lla­ta­mi ñugpa­manda librupi willa­raiá, kasa nispa: 
\q1 Abrahamka, Taita Dius imasa nis­kata iuia­ris­pa­mi karka: 
\q1 “Chasa­mi tukunga”. 
\q1 Chimandami paika 
\q1 mana panda­rig ni­raiá. 
\m  
\v 7 Chasa willa­raiaska­manda, kasa iachai­chi: Cristo­wa suma iuia­rig­kunaka, chi­kuna­mi Abra­hampa wam­bra­kuna ni­raian­chi. 
\p  
\v 8 Ñugpa­manda­ta­mi Dius­pa Rimaipi kasa ni­raiá: mana judíu kag­kuna Taita Dius­wa iuia­rig­samug­kuna­ta­pas­mi panda­rii­kunata anchuchí. Chasaka Taita Dius, kai Alli Willai­ta Abra­hamta nirka: 
\q1 Kammandami tukui alpa­manda runa­kuna­pas 
\q1 Taita Diuspa iapa kuiaska tukug­samun­ga­pa kan­kuna. 
\m  
\v 9 Chasamandami, Abra­ham Taita Dius­wa suma iuia­rispa kag­manda, Cristo­wa suma iuia­rig­kuna­pas, Abra­ham­wa pariju Taita Dius­pa iapa kuiaska kan­chi. 
\p  
\v 10 Mai­kan­pas Moi­sés ima ruran­ga­pa willaska­lla­ta kati­chispa kaug­sag­kunaka, mal­di­sis­ka­mi ni­raian­kuna. Chasa­lla­ta­mi ñugpa­manda librupi willa­raiá, kasa nispa: 
\q1 Maikanpas librupi tukui ima willa­raias­kata 
\q1 mana uias­pa­lla rurag­kuna 
\q1 maldisiskami niraian­kuna. 
\m  
\v 11 Kasa sutipa­mi ka: ñi pipas Moi­sés ima nis­ka­lla­ta kati­chig­kuna, Taita Dius­pa ñawipi tukuipi alli mana kan­kuna­chu. Chasa­lla­ta­mi ñug­pa­manda libru­pi willa­raiá, kasa nispa: 
\q1 Taita Diuspa ñawipi alli kawa­rig runaka, 
\q1 suma iuiarispalla­mi kaug­sanga. 
\m  
\v 12 Taita Dius­wa suma iuia­ris­ka­waka, Moi­sés nis­kata kati­raias­kaka ñi ima mana ni­raian­chu. Tukui ima Moi­sés nis­kata suma alli­lla ruran­ga­pa­mi chaiá. Chasa­lla­ta­mi ñugpa­manda libru­pi willa­raiá, kasa nispa: 
\q1 Tukui ima Moisés willas­kata 
\q1 rurag­kuna­mi kaug­san­ga­kuna. 
\p  
\v 13 Nukan­chi mana tukui chi nis­kata rurag­mandaka, mal­di­sis­ka­mi kar­kan­chi. Nig­pika, Cristo­mi nukan­chita kispi­chig­samurka. Cristo kikin­mi nukan­chi­manda mal­di­sii tukurka. Chasa­lla­ta­mi ñugpa­manda libru­pi willa­raiá: 
\q1 Maikanpas kaspipi wañun­ga­pa warku­chiska, 
\q1 maldisiskami niraiá. 
\m  
\v 14 Jesu­cristo chasa wañus­ka­manda­mi, Taita Dius Abra­hamta ima sumag­lla karan­ga­pa ni­raias­kata, mana judíu kag­kuna­pas chas­kin­kuna. Chi­wanka nukan­chi, Cristo­wa suma iuia­rispa, Taita Dius paipa Ispi­ri­tuta kara­mun­ga­pa nis­ka­ta­mi chaskin­chi. 
\s1 Moisés ima mandaskamanda i Taita Dius Abrahamta ima karangapa niskamanda 
\p  
\v 15 Taita­kuna i mama­kuna, kuna­ura imasa runa­kuna rura­dur kagta­kunami riman­ga­pa kai­ki­chita. Mai­kan runa iskriturapi firmaska kas­kata, mana pipas pudin­chu chita: “Mana alli­lla kan­chu” nin­ga­pa, ñi ima ni­raias­kata iapan­ga­pa.  
\v 16 Taita Dius, Abra­hamta nirka: 
\q1 Kamba wambramanda kati samug wam­bra­ta­mi 
\q1 ima karangapa kani. 
\m Achka wambrakunamanda mana ni­raian­chu. Kamba wam­bra­manda kati samug­lla­ta­mi chasa karan­ga­pa ni­raiá. Chika, Cristo­mi ka.  
\v 17 Kasa­pas­mi nii­ki­chita: chi Taita Dius Abra­hamwa iskri­tu­ra­pi­sina fir­mag­sina rurarka; chi­manda chusku patsa kimsa chunga wata­manda Moi­sés nis­ka­waka mana pudi­rin­chu nin­ga­pa: “Chi Taita Dius­wa Abra­hamwa iskri­tu­ra­sina ruraska mana alli­lla kan­chu”. Iukan­mi, Taita Dius imasa nis­ka­sina­lla kanga.  
\v 18 Moi­sés ima niska­lla­ta rurag­pi­kunaka, Taita Dius karan­ga­pa suia­na­kus­kaka mana­char ni­raian­tra Taita Dius karan­ga­pa nis­kata suia­na­kugta. Ikuti Abra­hamka, Taita Dius ima karan­ga­pa nis­kata chas­kir­kami. 
\p  
\v 19 Chasa kagpika, Moi­sés ima ruran­ga­pa ni­raias­kaka, ¿imapatak balí? Balin­mi ima­kunapi panda­rii­kuna ni­raias­kata iachan­ga­pa. Chi Moi­sés ima ruran­ga­pa willas­ka­taka Abra­hamta karan­ga­pa ni­raias­ka­ma­mi iapa­chig­samurka, ima­ura Taita Dius kacha­mun­ga­pa niska wam­bra samun­kama. Taita Dius ima nis­kata, anjil­kunami Moi­sesta willar­ka­kuna, paika pai­pura­kunata willan­ga­pa. Chasa Taita Diuska, Moi­ses­wa­mi runa­kunata rima­dur karka.  
\v 20 Ikuti iskai­kunalla rima­na­kus­ka­pika mana minis­tin­chu, sug tian­ga­pa. Chasa Abra­ham­taka, Taita Dius­lla­mi rimarka.\f + \fr 3:20 \ft 3.20 \ft griego rimai­wa: Sug­lla Taita Diusmi tia.\f* 
\s1 Moisés ima ruran­ga­pa willas­kaka imapa sakiska­manda 
\p  
\v 21 Chasa kagpika, Moi­sés willas­ka­wa i Taita Dius karan­ga­pa Abra­hamta nis­ka­wa, ¿kun­trachu ni­raian­kuna? Manima. Sug mandai tian­tra, mana dil­tudupa wañun­ga­pa; chasa nis­kata rurag­kunami mana panda­rig ni­raian­tra­kuna.  
\v 22 Chasa­paka, imasa­mi ñugpa­manda librupi willa­raiá: tukui pan­da­ris­ka­kuna wichka­raias­ka­sina­mi ni­raian­chi. Chi­manda­mi Jesu­cristo­wa suma iuia­rig­kunaka, kispi­rispa, Taita Dius ima karan­ga­pa nis­kata chaskin­ga­pa kan­chi. 
\p  
\v 23 Manara Cristo­wa iuia­rin­ga­pa puncha chaia­mug­pika, nukan­chika Moi­sés ima ruran­ga­pa willas­ka­wa­mi wichka­raias­ka­sina kar­kan­chi. Cristo­wa iuia­rin­ga­pa pun­cha­kama­mi suia­na­kur­kan­chi.  
\v 24 Chi Moi­sés willas­ka­waka nukan­chi, wam­bra iachai­ku­na­kug­sina­mi kar­kan­chi, Cristo samun­kama; pai samuska­ura­mandaka, pai­wa suma iuia­riska­manda mana panda­rig ni­raian­ga­pa.  
\v 25 Nig­pika, Cristo­wa iuia­rin­ga­pa puncha­kunaka ñami chaia­murka. Chi­wanka, Moi­sés willas­kata iachai­kug wam­bra­sina mana kan­chi­chu. 
\p  
\v 26 Tukui kam­kuna, Jesu­cristo­wa suma iuia­ris­paka, Taita Dius­pa wam­bra­kunami ni­raian­gi­chi.  
\v 27 Tukui baug­ti­sa­ris­ka­kuna, Cris­to­wa tukuspa, Cristopa iuiaita chura­ris­ka­sina­mi kan­gi­chi.  
\v 28 Kuna­ura, judíu i mana judíu kag­pi­pas, Taita Dius­pa ñawipi sug­lla­sina­mi kan­gi­chi. Chasa­lla­ta, lutrin i patrun, kari i warmi kag­pi­pas, tukui­kunami, Jesu­cristo­wa tukuspa, sug­lla­sina kan­gi­chi.  
\v 29 Chasa Cristopa kag­man­da­mi Abra­hampa wam­bra­manda kati samug wam­bra­kuna ni­raian­gi­chi. Chi­manda­mi, Taita Dius ima sumag­lla karan­ga­pa ni­raias­kata kam­kuna­pas chas­kin­ga­pa kan­gi­chi. 
\c 4  
\p  
\v 1 Kasa­mi nii­ki­chita: mai­kan ima saki­kus­kata chaskin­ga­pa chaia­kug­pika, uchulla wam­bra kan­kama lutrin­sina­lla­ta­ta­mi ni­raiá, pai­pa tukui ni­raiag­pi­pas.  
\v 2 Chi uchu­lla­manda, mai­kan paita kawag­kuna i chari­pug­kuna­mi iuká tianga, paipa taita niska pun­cha cha­ian­kama.  
\v 3 Chasa­lla­ta­mi nukan­chi­pas, uchu­lla wam­bra­kuna­sina kar­kan­chi. Kai alpapi iuiai­kuna­lla­wa­mi watas­ka­sina kar­kan­chi. 
\p  
\v 4 Taita Dius niska pun­cha chaia­mu­uraka, paipa wam­brata kai alpa­ma­mi kacha­murka. Sug war­mi­man­da­mi tiag­samurka. Moi­sés ima nis­ka­sina alli­lla ruran­ga­pa­mi samurka.  
\v 5 Moi­sés ima willas­kata rura­na­kus­kata kispi­chin­ga­pa­mi samurka; chasaka nukan­chi, Taita Dius­pa wam­bra­kuna ni­raiag­samun­ga­pa. 
\p  
\v 6 Kam­kuna­pas paipa wam­bra tukuska kag­manda­mi Taita Diuska paipa wam­brapa Ispi­ri­tuta kacha­murka, kam­kuna­wa sug­lla­pi kaug­san­ga­pa. Paipa Ispi­ri­tu­wa­mi Taita Diusta nin­gi­chi: “Tai­tiku”.  
\v 7 Chasa­manda, kuna­ura lutrin­sina mana kan­gi­chi­chu. Taita Dius kuiag­manda, paipa wam­bra­kunami ni­ra­ian­gi­chi. Paipa wam­bra­kuna ni­ra­iag­manda, tukui ima karan­ga­pa niska, kam­kuna­pa­mi ni­raiá. 
\s1 Cristo­wa tukus­ka­kuna sug rig­cha iuiai­kunapi ri­chu­kuna manchakuska­manda 
\p  
\v 8 Ñugpata, kam­kuna manara Taita Diusta rigsi­uraka, ianga dius kag­kunata iuiaspa, chi­kunapa lutrin­sina­mi kar­kan­gi­chi.  
\v 9 Ikuti kuna­uraka, sutipa Taita Dius­ta­mi rigsin­gi­chi. Chasa kag­pi­pas, Taita Diuska kam­kunata ñugpa­man­da­ta­mi alli­lla rigsirka. Nig­pika kam­kuna, ¿imapatak ikuti muna­na­kun­gi­chi, chi ñi imapapas mana balig dius ni­raias­ka­kuna­wa tigran­ga­pa; chasaka, ikuti pai­kunapa lutrin­kuna­sina tukun­ga­pa?  
\v 10 Cha­ra­mi kam­kunaka, puncha­kunata, killa­kunata, wata­kunata i sug pun­cha­kuna­ta­pas judiu­kuna­sina war­dan­gi­chi.  
\v 11 Man­cha­wa­kumi, nuka kam­kunata iacha­chiska ianga kida­pua­chu. 
\p  
\v 12 Taita­kuna i mama­kuna, nuka, kam­kuna­sina­mi tukur­kani. Chi­manda­mi mañai­ki­chita: kam­kuna­pas, nuka­sina tukui­chi. Kam­kuna, nukata ñi ima­pi­pas jiru mana rura­waska kan­gi­chi­chu.  
\v 13 Kam­kuna ñami iachan­gi­chi: nuka, ungug kas­pa­mi musug­lla Alli Willai­ta willar­kai­ki­chita.  
\v 14 Nuka chi jiru ungui­wa kag­pi­pas, kam­kuna, mana wabu­ti­was­pa­lla ñi wasa chura­was­pa­lla­mi uia­war­kan­gi­chi. Taita Dius kacha­muska anjilta­sina­mi sumag­lla chas­ki­war­kan­gi­chi. Kikin Jesu­cristo kagta­sina­mi kaia­war­kan­gi­chi.  
\v 15 Nuka kam­kuna­wa chi pun­cha­kuna ka­ura, alli iuia­chii­wa­mi kar­kan­gi­chi. Ikuti kuna­uraka, ¿imapatak mana alli iuia­chii­wa kan­gi­chi? Kam­kuna­manda kasa­mi alli­lla iuia­rispa nii­ki­chita: pudi­rig­pika, nukata di­kuiai kam kikin­kunapa ñawi muru­ta­pas­char sur­ku­rispa kua­wan­tran­gi­chi.  
\v 16 Nig­pika kuna­ura, kam­kunata sutipa kas­kata rimag­manda, ¿kam­kuna­wa kun­tra­chu tukuska kani? Manima. 
\p  
\v 17 Chi sug iacha­chig­kunaka, kam­kuna­wa muna­na­kug­sina kas­pa­pas, mana alli iuiai­wa­mi kam­kunata muna­nakú. Kam­kunata muna­na­kumi, nukan­chipa iuiai­wa mana sug­lla­pi ka­chu­kuna; chasaka kam­kuna, pai­kuna­lla­wa iuia­rispa kan­ga­pa­kuna.  
\v 18 Alli­lla­mi ka, sug­kuna­wa­pas suma iuiai­wa muna­na­kun­ga­pa; chasaka, pai­kuna­wa­pas alli­lla kan­ga­pa. Chasa kag­pi­pas, nuka kam­kuna­wa kan­kama­lla, mana; muna­nimi, ima­ura­pas tukui­kuna alli­lla muna­na­kuspa kaug­san­ga­pa. 
\p  
\v 19 Nuka­pa wam­britu­kuna, ima­sa­mi sug ungu­rin­ga­pa warmita nanai­kuna chaiá, wam­bra tian­ga­pa: chasa­lla­ta­mi nuka­pas, llakii ikuti ikuti iukani, kam­kuna Cristo­sina tukun­kama.  
\v 20 ¡Amalai nuka, kuna­ura kam­kuna­wa sug­lla­pi kan­trani; chasaka, sug rig­cha kam­kunata riman­ga­pa! Mana iacha­ri­wan­chu, kam­kuna­manda ima iuianga. 
\s1 Agar i Sara suti warmi­kuna­manda iacha­chiska­manda 
\p  
\v 21 Kam­kuna Moi­sés ima nis­kata ruraspa kaug­san­ga­pa muna­na­kug­ka, kasa willa­wai­chi: ¿mana­chu iachar­kan­gi­chi chi nis­kapi ima willa­raiagta?  
\v 22 Kasa­mi chi ñugpa­manda librupi willa­raiá: Abra­ham, iskai wam­bra­kuna iukagta. Sug wam­bra iukarka sug warmi randis­kapi. Ikuti sug wam­braka, pai kikinpa warmi­pi­mi iukarka. Paipa warmika, ñi pita mana randiska karka.  
\v 23 Chi warmi ran­dis­kaka, kari munas­ka­manda­lla­mi wawita iukarka. Ikuti mana ran­diska war­mika, imasa Taita Dius nis­ka­sina kag­manda­mi wawita iukarka. 
\p  
\v 24 Chasa willa­raias­ka­waka nukan­chita kasa­mi iacha­chi­ku: chi iskai warmi­kunaka ni­raian­mi Taita Dius­wa i runa­kuna­wa sug sug iuia­rin­ga­pa. Sug iuia­ri­diru­taka, Sinaí suti luma­pi­mi Taita Dius rima­murka. Chi iuia­ri­diruwa tiag­samug­kunaka, watas­ka­sina­mi kaug­sa­nakú. Agar suti randiska war­mi­pi­mi chasa kagta ni­raiá.  
\v 25 Agar ni­raian­mi Sinaí luma. Chi luma, Ara­bia suti alpa­pi­mi ka. Chi Sinaí luma ni­raian­mi kai alpapi tiaska Jeru­salén pui­blu. Chi pui­blu i chi­manda kag­kuna­pas, Moi­sés ima nis­kata rurai iukaspa, watas­ka­sina­mi ni­raian­kuna.  
\v 26 Ikuti suma luarpi tiaska Jeru­salén pui­blu­manda kag­kunaka ni­raian­mi ñi pita mana ran­dis­ka­kuna kagta. Chi pui­blu, nukan­chipa mama­sina­mi ni­raiá. 
\p  
\v 27 Chasa­lla­ta­mi ñugpa­manda librupi willa­raiá, kasa nispa: 
\q1 Chusa warmi mana wam­bra iuka­dur, suma kun­tin­ta­rii. 
\q1 Mana ima­ura­pas uchulla wawita iukag, alli iuia­chi­rii­wa kapa­rig­samui. 
\q1 Sitai tukuska warmika, 
\q1 kusawa warmi kaug­sa­na­kus­ka­manda­pas mas achka wam­brami iukanga. 
\m  
\v 28 Taita­kuna i mama­kuna, kam­kuna­ka Abra­hampa kikin war­min­dipa wam­bra Isaak suti­sina­mi ni­raian­gi­chi. Taita Dius kikin Abra­hamta nis­ka­ta­mi paipa wam­bra­kuna ni­raian­gi­chi. 
\p  
\v 29 Chasa kagpi­pas, ñugpata imasa­mi kari munaska­mandalla tiag­samuska wam­bra, Santu Ispi­ri­tu­wa tiag­samuska wam­brata jiru ruran­ga­pa muna­kurka: chasa­lla­ta­mi kuna­ura­pas pasa­ri­ku.  
\v 30 Chasa pasa­ri­kug­pi­pas, ¿imasatak ñugpa­manda librupi willa­raiá? Kasa­mi willa­raiá: 
\q1 Randiska warmita 
\q1 paipa wam­bra­wan­ta 
\q1 kaimanda llugsi­chii. 
\q1 Chi randiska warmipa wam­bra mana pudin­chu, 
\q1 mana randiskapa wam­bra­waka 
\q1 taita ima sakin­ga­pa kas­kata 
\q1 chaugpi chaugpi parti­na­kun­ga­pa. 
\m  
\v 31 Taita­kuna i mama­kuna, nukan­chika, randiska warmipa wam­bra­kuna mana ni­raian­chi­chu. Mana randiska warmipa wam­bra­kuna­mi nukan­chi ni­raian­chi. 
\c 5  
\s1 Mana ikuti sakiri­sun­chi, Moi­sés ima nis­ka­wa watas­ka­kuna­sina tukun­ga­pa 
\p  
\v 1 Cristomi nukan­chita libria­chig­samurka, Moi­sés ima ruran­ga­pa willas­kata sakispa, mana watas­ka­kuna­sina kaug­san­ga­pa. Chi­manda, mana watai tukus­ka­sina kaug­sa­na­kun­gi­chi. Mana ikuti saki­rin­gi­chi, Moi­sés ima nis­ka­wa watas­ka­kuna­sina tukun­ga­pa. 
\p  
\v 2 Uia­wai­chi. Nuka Pablo, kasa­mi kam­kunata nii­ki­chita: kam­kuna judiu­kunapa marka chura­chi­rigpi­kunaka, Cristoka mana imapapas bali­pun­ga­pa kan­gi­chitachu.  
\v 3 Kasa­pas­mi nii­ki­chita: mai­kan­pas marka chura­chi­rig­kunata chaian­mi, Moi­sés tukui ima nis­kata ruraspa kaug­san­ga­pa.  
\v 4 Kam­kuna, Moi­sés ima nis­kata ruras­ka­kuna­lla­wa mana pan­da­rig ni­raiai iuiag­kunaka, Cris­to­pag­manda anchu­ris­ka­sina­mi ni­raian­gi­chi. Taita Dius­pa kuiaita mana munag­sina­mi kan­gi­chi. 
\p  
\v 5 Ikuti nukan­chika, Cristo­wa suma iuia­ris­ka­wa Santu Ispi­ri­tu­wa suia­na­kun­chimi, mana panda­rig ni­raian­ga­pa.  
\v 6 Nukan­chi Jesu­cristo­wa tukug­kuna, judiu­kunapa marka chu­raska u mana churaska kag­pi­pas, ñi ima mana ni­raian­chu. Cris­to­wa suma iuia­rispa, kuiaspa kaug­sai­wa­mi alli­lla ni­raiá. 
\p  
\v 7 Kam­kuna, alli­lla­mi kaug­sa­na­kur­kan­gi­chi. Nig­pika, ¿ima­wan­tak kuna­ura sutipa Alli Willai­ta mana iuiaspa kaug­sa­na­kun­gi­chi?  
\v 8 Taita Dius mana kam­kunata agllar­ka­chu, sug rig­cha iuia­na­kun­ga­pa.  
\v 9 Imasa­mi asllita liba­du­ra­wa achka mukuta puch­ku­chí: ¡ujala­lla­pas chasa­lla­ta kam­kuna, chi jiru iuiai­kuna­wa wag­lli­chi­rin­gi­chi!  
\v 10 Nuka, Iaia Jesus­manda iuia­rispa, kasa­mi suma iuiani: kam­kuna, nuka­sina alli iuia­rispa kaug­san­tran­gi­chi. Chi kam­kunata pan­da­chispa puri­dur, pi kag­pi­pas, dil­tudu­pa nina­ma­mi sitai tukun­ga­pa ka. 
\p  
\v 11 Taita­kuna i mama­kuna, nuka chara judiu­kunapa marka chu­ra­chin­ga­pa iacha­chi­kug­pika, judiu­kunaka mana­char jiru rura­wan­ga­pa muna­wa­na­kun­tra. Chi­wanka, Cristo kruspi wañuska­manda rimai­taka mana­char wabu­tin­tra­kuna.  
\v 12 Chi kam­kunata pan­da­chispa puri­dur­kunaka, ¡ama­lai kikin kapai rura­rin­tra­kuna! 
\p  
\v 13 Ari, taita­kuna i mama­kuna, Taita Dius, kam­kunata agllarkami, mana watas­ka­kuna­sina kaug­sa­na­kun­ga­pa. Chasa kag­pi­pas, ¡ujala­lla­pas kam­kuna iuia­na­kun­gi­chi, imasa munas­ka­sina ruraspa kaug­san­ga­pa! Chasa­paka, kam kikin­pura kuia­na­kuspa, lutrin­sina aida­na­kuspa pari­juma kan­gi­chi. 
\p  
\v 14 Kasa­mi ñugpa­manda librupi ni­raiá: 
\q1 Kam kikintasinami iukangi, 
\q1 tukui runa­kuna­ta­pas kuianga. 
\m Chi suglla niraiaskata alli­lla ruraspa, tukui ima willa­raias­kata rurag­sina­mi ni­raian­ga­pa ka.  
\v 15 Ikuti kam kikin­pura rabia­wa kani­na­kuspa miku­na­kug­sina kaug­sa­na­kug­pika, ¡ujala­lla­pas pari­juma puchu­ka­ri­na­kun­gi­chi! 
\s1 Santu Ispí­ritu ima iuia­chis­kaka, jiru iuiai­waka kuntrami ka 
\p  
\v 16 Chi­manda­mi kasa nii­ki­chita: San­tu Ispí­ritu imasa iuia­chis­ka­sina ruraspa kaug­sa­na­kun­gi­chi. Chasa kaug­sa­na­kug­pika, kam kikin­kunapa jiru iuiai­wa mana ruran­ga­pa kan­gi­chi­chu.  
\v 17 Kai alpa­manda jiru iuiai­wa kag­kunaka, Santu Ispi­ri­tu­wa kun­tra­mi kan­kuna. Chasa­lla­ta Santu Ispí­ritu ima iuia­chis­kaka, jiru iuiai­waka kun­tra­mi ka. Ari, jiru iuiai­wa i Santu Ispi­ri­tupa iuia­chii­wa kun­tra­mi kan­kuna. Chi­manda­mi kam­kuna mana iukan­gi­chi, ima jiru munas­kata ruranga.  
\v 18 Santu Ispí­ritu imasa iuia­chis­kata ruras­paka, ña Moi­sés ima ruran­ga­pa willas­ka­waka mana watas­ka­sina kan­gi­chi­chu. 
\p  
\v 19 Jiru iuiai­wa kag­kunaka, kawa­rii­lla­mi ruran­kuna: kari war­mi­wa­mi panda­rin­kuna; mana chaia ima millai­kuna­ta­pas­mi ruran­kuna;  
\v 20 ianga dius­kuna­ta­mi muchan­kuna; mana alli iacha pukus­pa­mi ruran­kuna; pari­juma piña­chi­ri­na­kuspa, aini­chi­ri­na­kuspa i rabia­chi­ri­na­kus­pa­mi kaug­san­kuna; sug­kunata mana alli­lla iuiai­wa­mi kawan­kuna; pai kikin­kuna­manda­lla­mi tukui munan­kuna; sug­kunaka sumag­lla kaug­sa­na­kus­kata chaug­pi­rig­sina tukuspa, sug rig­cha sug rig­cha­mi iacha­chin­kuna;  
\v 21 sug­kuna­pa­ta­mi muna­rin­kuna; wañu­chin­kunami; machaspa i iapa mikus­pa­mi kaug­san­kuna; chasa­lla­ta sug rig­cha­pas­mi jiru ruran­kuna. Kam­kunata tim­pu­mi willaska kai­ki­chita; chita ikuti­mi nii­ki­chita: chasa ruraspa kaug­sa­na­kugka, Taita Dius suma manda­kus­ka­pika manima iai­kug­rin­ga­pa kan­kuna­chu. 
\p  
\v 22 Ikuti Santu Ispi­ri­tu­wa kaug­sag­kunaka, kasa­mi ruran­kuna: kuia­na­kumi; alli iuia­chii­wa­mi kan­kuna; sumag­lla­mi kaug­sa­nakú; mana piñas­pa­lla, sug­kuna­manda llakis­pa­mi kawa­nakú, tukuipi alli­lla­mi ruran­kuna; suma rurai­kunata mana kunga­rin­kuna­chu;  
\v 23 mana atun­ia­chi­rig­sina iuian­kuna­chu; ima mana alli­lla iuia­rispa munai apig­pi­pas, chita mana ruran­kuna­chu. Chasa alli­lla rura­na­kuska­mandaka ñi mai­kan man­dai­kuna­pi­pas mana michan­chu.  
\v 24 Cristo­wa tukuska kag­kuna, tukui mana alli iuiai muna­na­kus­kata kruspi wañu­chis­ka­sina­mi sakir­kan­chi.  
\v 25 Santu Ispi­ri­tu­wa kaug­sa­na­kug­pika, Santu Ispi­ri­tu­lla­ta­ta nukan­chita iuia­chi­chu, imasa sumag­lla ruraspa kaug­san­ga­pa.  
\v 26 Mana ka­sun­chi atun­ia­chi­ri­na­kuspa, ñi kikin­pura rabia­chi­ri­na­kuspa ñi sug­kuna iukas­kata muna­rispa. 
\c 6  
\s1 Nukan­chi kikin­pura aida­na­ku­sun­chi 
\p  
\v 1 Taita­kuna i mama­kuna, mai­kan­pas panda­ri­kuspa api­rig­pika, kam­kuna Santu Ispi­ri­tu­wa kag­kunaka, mana atun tukus­pa­lla iuia­rispa, paita: “Mana chasa rura­kui” nin­gi­chi. Chasa nis­paka, alli­lla iuia­rin­gi­chi, kam kikin­kuna­pas mana chasa pan­da­rii­kunapi urman­ga­pa.  
\v 2 Kam kikin­pura ima lla­kii iukas­kata iuia­chi­ri­na­kui­chi kun­ga­rin­ga­pa. Chasa iuia­chi­ri­na­kus­paka, Cristo ima nis­ka­ta­mi rura­na­kun­gi­chi. 
\p  
\v 3 Mai­kan­pas, atun tukuspa, iuia­rispa ni­chu: “Nuka, atun­mi kani”: chi runaka, mana chasa kas­paka, kikin­lla­ta­ta­mi panda­ri­ku.  
\v 4 Sug sug, kikin imasa ruraspa kaug­sa­kus­kata iuia­rispa tapu­rin­gi­chi: “¿Alli­lla u mana alli­lla­chu kaug­sa­kuni?”. Chasa alli­lla kagta iuia­ris­paka, kikin­manda­lla­mi alli iuia­chi tukun­kan­gi­chi, mana pi­ta­pas kawas­pa­lla.  
\v 5 Sug sugmi Dius­pa ñawipi kawa­chin­kan­gi­chi, kai luarpi imasa ruraska. 
\p  
\v 6 Mai­kan­pas Dius­pa Rimaita iacha­chigta iachai­kug­kunaka iukan­gi­chimi, tukui ima iukas­kata kam­kunata iacha­chigwa rasiu­na­ringa­kuna. 
\p  
\v 7 Mana panda­rin­gi­chi. Ñi pipas, Taita Diusta llulla­chin­ga­pa mana pudi­rin­chu. Imasa­mi tarpun­chi: chasa­lla­ta­mi palla­sun­chi.  
\v 8 Mai­kan­pas jiru iuiai­kunata tarpug­sina rurag­kunaka, chasa iuiaita ruras­paka, dil­tudupa wañui­ta­mi pallan­ga­kuna. Chasa­lla­ta, mai­kan­pas Santu Ispi­ri­tupa iuia­chii­kunata tar­pug­sina rurag­kunaka, chasa iuia­chiita ruras­paka, dil­tudu­pa suma kaug­sai­ta­mi pallan­ga­kuna.  
\v 9 Chi­mandaka, alli­lla ruraspa kaug­sag­kuna mana sam­ba­ia­sun­chi. Chasa ruran­ga­pa mana sakig­kunaka, pallan­ga­pa pun­cha chaia­ura, chi dil­tudu­pa kaug­sai­ta­mi chas­ki­sun­chi.  
\v 10 Chasa kag­manda, ima­ura pudi­ri­ura, tukui­kuna­manda alli­lla ruraspa ka­sun­chi. Cristo­wa iuiag­kuna­manda­mi mas iukan­chi, alli­lla ruraspa kanga. 
\s1 Kaiakama, niskamanda 
\p  
\v 11 Kawai­chi. Kaituku atun litra­kuna­wa­mi nuka kikinpa maki­wa iskribii­ki­chita.  
\v 12 Chi kam­kunata judiu­kunapa marka chura­chin­ga­pa iacha­chig­kuna muna­na­kumi, sug­kunapa ñawipi alli­lla kan­ga­pag­lla. Pai­kuna Cristo kruspi wañus­ka­man­da­lla willa­na­kug­pika, pai­kuna­pas­mi kalpa­chii tukun­tra­kuna.  
\v 13 Ñi mai­kan marka chura­chii tukug­kuna­pas mana pudin­kuna­chu, Moi­sés tukui ima nis­kata ruraspa kaug­sa­na­kunga. Kasa­manda­lla­mi kam­kunata marka chura­chin­ga­pa muna­nakú: kam­kunapa kuir­pupi chi marka chura­chis­ka­wa pai kikin­kuna mas atun tukun­ga­pa. 
\p  
\v 14 Ikuti nukaka, ñi ima­wapas mana atun tukun­ga­pa muna­ni­chu. Nukan­chipa Iaia Jesu­cristo kruspi wañuska­manda­lla­mi alli iuia­chii­wa kani. Cristo kruspi wañug­manda­mi kai alpapas nuka­manda wañus­ka­sina tuku­puá; nuka­pas, kai alpa­manda wañus­ka­sina­mi tukuni. 
\p  
\v 15 Judiu­kunapa marka churaska u mana churaska, ñi ima mana ni­raian­chu. Nukan­chi sug rig­cha musu kaug­sai­wa­mi alli­lla ni­raiá.  
\v 16 Tukui ima nuka iacha­chis­kata ruraspa kaug­sa­na­kugmi ni­raiá, Taita Dius­pa sutipa Israel­manda runa­kuna kagta. Tukui chasa kaug­sa­na­kug­manda Taita Dius llaki­ri­chu, pai­kuna sumag­lla kaug­sa­na­kun­ga­pa. 
\p  
\v 17 Kuna­ura­manda mana pipas nukata uma nana­chi­waspa ka­chu­kuna. Iaia Jesus­manda nuka willas­ka­manda­mi nuka­pa kuir­pupi nana­chi­war­ka­kuna. Chi nana­chi­was­ka­kuna­wa­mi ni­raiani nuka Jesuspa kagta. 
\p  
\v 18 Taita­kuna i mama­kuna, Iaia Jesu­cristo, tukui kam­kunata sumag­lla kawa­pua­chu. Chasa ka­chu.