\id EPH - Inga NT -Colombia 2009 (DBL -2013) 
\h EFESOPI CRISTOWA TUKUSKAKUNATA 
\toc1 Efesopi Cristowa tukuskakunata 
\toc2 Efesopi 
\toc3 Ef 
\mt1 EFESO PUIBLUPI CRISTOWA TUKUSKAKUNATA 
\mt2 SAN PABLO KARTA KACHASKAMANDA 
\c 1  
\p  
\v 1 Nuka, Taita Dius munaska­manda, Jesu­cristo kacha­mus­ka­mi kani, Alli Willai­ta willaspa purin­ga­pa. Kam­kuna Jesu­cristo­wa iuia­rispa, Taita Dius­pa­lla kaspa, Efeso pui­blupi kaug­sa­na­kus­ka­ta­mi kai karta kachai­ki­chita.  
\v 2 Nukan­chipa Taita Dius i Iaia Jesu­cristo, kam­kunata kuiaspa, suma iuiai­wa kawa­pua­chu. 
\s1 Taita Dius, Cristowa iapa sumag­lla kawaspa kara­muska­manda 
\p  
\v 3 Nukan­chipa Iaia Jesu­cristopa Taita Diusta ni­sun­chi: “Kam, iapa suma atun­mi kangi”. Paimi, Cris­to­wa tukui ima suma luarpi iukaspa, nukan­chita iapa sumag­lla kawaspa, karamú.  
\v 4 Pai­lla­ta­ta­mi, kai alpa mana­ra tiagpita, Cristo­wa nukan­chita agllarka; chasaka nukan­chi, pai­manda­lla kaug­saspa, paipa ñawipi ñi ima­pi­pas mana mapa­sina kan­ga­pa.  
\v 5 Ñugpa­manda­ta nukan­chita kuiaspa agllarka, Jesu­cristo­wa paipa wam­bra­kuna ni­raian­ga­pa. Chasa­mi ñugpa­manda­ta munarka.  
\v 6 Paipa kuiaska wam­bra Jesu­cristo­manda­mi nukan­chita iapa suma kuiarka. Chi­manda­mi Taita Diusta ima­ura­pas nin­chi: “Iapa suma atun­mi kangi”. 
\p  
\v 7 Cristo wañu­chii tukuspa, paipa iawar­wa­mi nukan­chita randirka. Chi­wanka, nukan­chita iapa suma kuiaspa, mana alli­lla rurai­kunata pasin­siarka.  
\v 8 Chasa kuiaspa­mi nukan­chita kara­murka, suma iuiai apispa, suma iachaita iukan­ga­pa.  
\v 9 Chasaka, pai ima munaska pipas mana iachas­ka­ta­mi nukan­chita rigsi­chirka. “Chasa­mi Cristo­wa rurasa” ñugpa­manda­ta nis­ka­ta­mi kawa­chirka.  
\v 10 Pai chasa nis­kata rurai puchukan­ga­pa puncha­kuna chaia­uraka, Cristota churan­ga­pa­mi ka, tukui sug luarpi i kai alpa luarpi kag­kunata sug­lla mandag kan­ga­pa. 
\p  
\v 11 Nukan­chi Cristo­wa tukus­ka­kuna­manda, Taita Dius ñugpa­man­da­ta agllarka, pai ima iukaska nukan­chipapas kan­ga­pa. Chasa­pas­mi pai munarka. Pai imasa munas­ka­sina­mi tukui alli­lla rurá.  
\v 12 Chasa agllaska kaspa­mi nukan­chi ñugpa Cristota iuiag­kuna iukan­chi Taita Diusta: “Iapa suma atun­mi kangi” nispa kaug­sa­na­kunga. 
\p  
\v 13 Kam­kuna­pas, chi kispi­rin­ga­pa kaska­manda Alli Willai­ta uiaspa, Cristo­manda sutipa willas­ka­ta­mi suma iuia­rir­kan­gi­chi. Chi­ura, Santu Ispi­ri­tu­wa­mi siñalai tukur­kan­gi­chi, paipa kagta ni­raian­ga­pa. Santu Ispi­ri­tu­ta­mi ñugpa­manda­ta chasa kara­mun­ga­pa niska karka. 
\p  
\v 14 Santu Ispi­ri­tu­wa­mi nukan­chi kasa iachan­chi: paipa kag­kunata dil­tudupa kispi­chi­ura, pai ima iukas­kata chaskin­ga­pa­mi kan­chi; chasaka tukui­kunaka, Taita Diusta: “Iapa suma atun­mi kangi” nin­ga­pa. 
\s1 Taita Dius­pa suma iachai, Cristowa tukuska­kunata karachu, mañaska­manda 
\p  
\v 15 Kam­kuna Iaia Jesus­wa iuia­ri­na­kus­ka­taka alli­lla­mi iachani; chasa­lla­ta, tukui pai­manda­lla sumag­lla kaug­sag­kunata kuia­na­kug­ta­pas.  
\v 16 Chasa­manda mana saki­ni­chu, kam­kuna­manda Taita Diusta: “Pai Siñur” nin­ga­pa.  
\v 17 Nukan­chipa Iaia Jesu­cristopa iapa suma atun Taita Diusta maña­pui­ki­chi­ta­mi, paipa suma iachai kam­kunata kara­pua­chu; chi­wanka, pai ima iuia­chi­mus­kata kam­kuna iachag­samun­ga­pa; chasa­lla­ta, pai kikinta mas alli­lla rigsin­ga­pa.  
\v 18 Paita maña­pui­ki­chi­ta­mi, kam­kunapa iuiai­kunata punchaia­chi­pua­chu. Chi­wanka, kasa­mi iachan­kan­gi­chi: pai agllas­ka­kuna suma luarpi ima chaskin­ga­pa suia­na­kugta. Tukui ima chipi iapa suma iukaska, Taita Dius­pa­lla kag­kuna­manda­mi ni­raiá. 
\p  
\v 19 Kasa­pas­mi iachan­kan­gi­chi: paipa iachaika, asku­rinti iapa atun­mi ka. Chi iapa iachai­wa­mi nukan­chi­ta­pas pai­wa suma iuia­rig­samú. Chi iapa atun iachai­lla­wan­ta­mi,  
\v 20 Cristo wañus­kata kaug­sa­chispa, suma luarpi paipa alli ladu tia­ri­chig­rirka.  
\v 21 Chi­pika, man­dag­kuna­manda, atun­ia­chiska kag­kuna­manda, awa wairapi iapa pudi mandag­kuna­manda, tukui­kuna­manda­pas mas awapi mandag kan­ga­pa­mi tia­ri­chig­rirka. Kuna pun­cha ima tias­ka­kunata, paimi man­dag ka. Kati samug puncha­kuna ima tian­ga­pa kas­ka­kuna­ta­pas­mi chasa­lla­ta mandag kan­ga­pa ka.  
\v 22 Taita Dius, tukui­kuna­ta­mi churarka Cristopa chaki uku­ma kag­sina, pai ima nis­kata ruran­ga­pa. Pai­taka chu­rar­kami, uma kag­sina, pai­wa tukui tukus­ka­kunapa iaia kan­ga­pa.  
\v 23 Cristo­wa tukus­ka­kuna ni­raian­mi pai kikinpa kuir­pu. Cristo­wa i pai­wa tukus­ka­kuna­wa, sug­lla kuir­pu­sina­mi tukú, ñi ima manima pisi. Pai­mi ka tukui jun­dai­pi junda, ñi ima­pas mana pisi. 
\c 2  
\s1 Taita Dius­pa suma kuiai­manda, nukan­chi kispi­chii tukuska­manda 
\p  
\v 1 Kam­kunaka, ñugpata mana alli­lla ruraspa kaug­sa­na­kuspa, wañus­ka­kuna­sina­mi ni­raiar­kan­gi­chi.  
\v 2 Kai alpapi tias­ka­kuna­lla­wa iuiaspa kaug­sa­na­kur­kan­gi­chi, iaia kuku wairapi mandag munas­kata ruras­pa­lla. Chi iaia kuku, Taita Dius ima nis­kata mana uiag­kuna­ta­mi jiru ruran­ga­pa iuiachí.  
\v 3 Tukui­kuna­mi ñugpata chasa­lla­ta kaug­sa­na­kur­kan­chi, imasa munas­ka­sina jiru ruraspa. Nukan­chipa aicha jiru munai­kunata i sug rig­cha sug rig­cha iuiai­kunata, chasa­kunata ruras­pa­mi kaug­sa­na­kur­kan­chi. Chasa kaug­sa­na­kug­mandaka, Taita Dius, asku­rinti rabia­rispa, sug­kuna­ta­sina nukan­chi­ta­pas dil­tudu­pa nina­ma kachan­ga­pa karka.  
\v 4 Chasa kag­pi­pas, Taita Diuska, nukan­chi­manda iapa llakispa kawas­pa­mi nukan­chita suma kuiarka.  
\v 5 Chasaka, nukan­chi kikin mana alli­lla ruras­ka­kuna­manda Dius­pa ñawi­pi wañuska kas­pa­pas, kaug­sa­chis­ka­mi ni­raian­chi, Cristo­wa sug­lla­pi kan­ga­pa. Taita Dius­pa suma kuiai­manda­mi kispi­chii tukur­kan­gi­chi.  
\v 6 Nukan­chita kaug­sa­chis­paka, suma luarpi tia­ri­chig­sina­mi ni­raian­chi, Jesu­cris­to­wa sug­lla­pi kan­ga­pa.  
\v 7 Cha­saka, mana puchu­ka­ri­diru pun­cha­kuna chaia­ura, paika, iapa suma lla­kispa, nukan­chita Jesu­cristo­wa asku­rinti iapa suma kuiag­ta­mi kawa­chin­ga­pa ka. 
\p  
\v 8 Taita Dius suma kuiag­man­da­mi, kam­kuna, pai­wa suma iuia­rispa, kispi­chiska tukur­kan­gi­chi. Mana kispi­rir­kan­gi­chi­chu kam kikin­kunapa iuiai­lla­wa. Taita Dius kikin karaska­lla­wa­mi kispi­chii tukur­kan­gi­chi.  
\v 9 Kam kikin­kuna alli­lla ruras­ka­manda mana kispi­rir­kan­gi­chi­chu; chasaka, ñi pipas mana atun­ia­chi­rispa nin­ga­pa: “Nuka kikin­lla­mi kispi­rir­kani”.  
\v 10 Taita Dius­mi nukan­chita chasa rurarka. Jesu­cristo­wa­mi tiag­sa­mur­kan­chi; chasaka, alli rurai­kunata nukan­chi ruraspa kaug­sag­sa­mun­ga­pa. Chi rurai­kunaka, ñugpa­manda­ta­mi nukan­chi­manda alli­chiska suia­kurka, nukan­chi chasa alli­lla ruraspa kaug­sag­samun­ga­pa. 
\s1 Cristo, tukui­kunawa pasin­sia­chig kag­manda 
\p  
\v 11 Chi­manda kam­kuna mana judíu kag­kunaka, imasa ñugpata kas­kata iuia­rii­chi. Judiu­kuna kuir­pupi marka churag­kunaka, kam­kuna­manda nin­kunami, mana marka churaska kagta­kuna.  
\v 12 Kam­kuna, ñugpata mana Cris­to­wa­mi kar­kan­gi­chi. Israel­manda runa­kuna­wa mana­ra sug­lla­pi kar­kan­gi­chi­chu. Taita Dius ima karan­ga­pa niska­ta­pas, kam­kuna mana­ra chaskin­ga­pa ni­raiar­kan­gi­chi­chu. Ñi ima mana suias­pa­lla, mana Taita Dius­wa iuia­ris­pa­lla­mi kai alpapi kaug­sa­na­kur­kan­gi­chi.  
\v 13 Taita Dius­pag­manda karupi kaug­sag­sina­mi ñug­pata kar­kan­gi­chi. Ikuti kuna­uraka, Jesu­cristo­wa­mi Taita Dius­pag­ma kailla­iar­kan­gi­chi. Cristo kruspi wañuska iawar­manda­mi chasa kai­lla­iar­kan­gi­chi. 
\p  
\v 14 Cristo­mi ka tukui­kuna­wa pasin­sia­chig. Paimi judiu­kuna­wa mana judíu kag­kuna­wa piña­chi­ri­na­kuska­ta­pas pasin­sia­chig­sa­murka. Ima arka­raias­kata anchu­chig­sina­mi rurarka; chi­wanka, iskan­di­kuna sug­lla­sina tukun­ga­pa.  
\v 15 Pai kruspi wañus­ka­wa­mi Moi­sés tukui ima ruran­ga­pa nis­kata lim puchu­karka. Chasa ruras­paka, pai kikinwa judiu­kunata i mana judíu kag­kuna­ta­pas sug­lla­sina­mi musuia­chig­samurka. Chi­wanka, iskan­dima piña­chi­ri­na­kus­ka­ta­mi pasin­sia­chirka.  
\v 16 Pai kikin, kruspi wañus­pa­mi, iskan­dima piña­chi­ri­na­kus­kata pasin­sia­chispa, sug­lla kuir­pu­sina rurarka. Chasa iskan­di­kuna pasin­sia­chii tukuspa, Taita Dius­wa­pas­mi sumag­lla tukur­ka­kuna. 
\p  
\v 17 Pai Cristo, samuspa, chi suma pasin­siaita tukui­kuna­ta­mi willag­samurka. Kam­kuna Taita Dius­pag­manda karupi kas­ka­kunata, judiu­kuna mana karupi kas­ka­kuna­ta­pas­mi chasa willarka.  
\v 18 Judíu i mana judíu kas­pa­pas, tukui­kunami Cristo­wa pudin­chi, sug­lla Santu Ispi­ri­tu­wa Taita Dius­pagma kailla­ianga.  
\v 19 Chi­manda, kuna­uraka kam­kuna mana sug karu alpa­manda samus­ka­sina kan­gi­chi­chu. Taita Dius­pa­lla kag­pura­mi tukui­kuna kan­gi­chi. Taita Dius­pa wam­bra­kuna­pas­mi kan­gi­chi.  
\v 20 Kam­kuna, sug atun wasi­sina­mi kan­gi­chi. Jesu­cristo kikin agllaska runa­kuna i Santu Ispi­ri­tu­wa rimag­kunaka, chi wasi kalla­riska rumi­kuna­sina­mi kan­kuna. Pai­kunapa awa­lla saia­chis­ka­sina­mi kan­gi­chi. Kikin Jesu­cris­toka, chi wasita cha­rig rumi kag­sina­mi ni­raiá.  
\v 21 Chasa pai­wa sug­lla­pi, chi intiru wasika, alli alli saia­rispa, sug­lla suma wasi­sina­mi tukug­samú; chasaka, Iaia Jesus­wa Taita Dius­pa­lla kaska wasi­sina tukug­samun­ga­pa.  
\v 22 Kam­kuna­pas chasa­lla­ta Cristo­wa sug­lla­sina­mi tuku­na­kun­gi­chi. Chasaka, Dius­pa Ispí­ritu kaug­sa­diru wasi­sina­mi tukug­samu­na­kun­gi­chi. 
\c 3  
\s1 Mana judíu kag­kunata Alli Willai­ta willaspa purin­ga­pa, San Pablo mingai tukuska­manda 
\p  
\v 1 Chi­manda­mi nuka Pablo, Jesu­cristo­manda Alli Willai­ta kam­kuna mana judíu kag­kunata willas­ka­manda kai karsilpi wichka­ra­iani.  
\v 2 Ñami iachan­gi­chi: Taita Dius, nuka­ta­mi minga­warka, paipa suma kuiai­manda willan­ga­pa; cha­saka, kam­kuna alli­llapi kan­ga­pa.  
\v 3 Mana pipas iachas­ka­ta­mi Taita Dius nukata iuia­chi­warka. Chita ña­mi sug kartapi mailla willar­kai­ki­chita.  
\v 4 Chi kartata kawas­paka, pudin­gi­chimi, chi Cristo­manda mana pipas iachas­kata nuka iachagta iachag­samun­ga­pa­kuna.  
\v 5 Chi ñi mai­kan ñugpa­manda­kuna­ta­pas mana iacha­chis­kata, Taita Dius­mi kuna­ura, paipa Ispi­ri­tu­wa, pai­pa­lla kag agllaska runa­kunata i Santu Ispi­ri­tu­wa rimag­kunata willag­samurka.  
\v 6 Kasa­mi kuna­ura willarka: tukui mana judiu­kuna­pas Alli Willai­ta uiag­kunaka, suma luarpi tukui ima iukaska, kam­kuna­pa­pas­mi ni­raiá. Kam­kuna­pas, Cris­topa kuir­pu­sina­lla­ta­ta­mi ni­ra­ian­gi­chi. Chasa­lla­ta Jesu­cristo­wa, Taita Dius ima karan­ga­pa nis­ka­ta­mi kam­kuna­pas chaskig­rin­ga­pa kan­gi­chi. 
\p  
\v 7 Nukaka, chi Alli Willai­ta willan­ga­pa­mi mingai tukur­kani. Taita Dius, suma kuia­waspa, paipa iapa iachai­wa­mi chasa minga­warka.  
\v 8 Nuka ka­nimi Cristo­wa tukui tukus­ka­kuna­manda­pas mas uchu­lla. Nuka chasa kag­pi­pas, Taita Dius iapa kuia­waspa­mi min­ga­warka, mana judíu kag­kuna­ta­pas Cris­to­manda willan­ga­pa. Cristo, nukan­chi­manda ni­raian­mi suma luarpi iapa achka mana kuin­tan­ga­sina iukag kagta.  
\v 9 Kai alpa mana­ra tiaska­ura­manda­ta, Taita Dius ima ruran­ga­pa nis­kata mana pipas iachar­ka­chu; chi­ta­mi kuna­ura nukata minga­warka, tukui­kunata willan­ga­pa. Pai Taita Dius­mi tukui rurag ka.  
\v 10 Chasa­mi min­ga­warka, suma luarpi iapa pudig man­dag­kunata kuna­ura tukui Cristo­wa tukus­ka­kuna­wa kawa­chin­ga­pa: Taita Dius, ima­pi­pas iapa iacha­mi ka.  
\v 11 Taita Dius, kai alpa mana­ra tias­ka­ura­manda­ta chasa kawa­chin­ga­pa­mi niska karka. Nukan­chipa Iaia Jesu­cristo­wa­mi chasa tukui rurarka. 
\p  
\v 12 Cristo­wa suma iuia­rispa­mi nukan­chi pudin­chi, pai­wa sug­lla tukuspa, Taita Diusta mana man­chas­pa­lla riman­ga­pa, ima­pas mañaspa.  
\v 13 Chasa­manda­mi mañai­ki­chita: nuka kam­kuna­manda kai kar­silpi iapa llakii pasa­kug­pi­pas, kam­kuna mana sam­ba­ian­gi­chi. Kam­kuna alli­lla kan­ga­pa­mi chasa pasa­kuni. 
\s1 Cristo, nukan­chita maituku kuiag kaska­manda 
\p  
\v 14 Chasa­manda, Taita Dius­pa ñawi­pi­mi kungu­rini, kam­kuna­manda mañan­ga­pa.  
\v 15 Pai Taita Dius kag­manda, sug luarpi i kai alpa luarpi tukui­kunaka paipa wam­bra­kuna­mi ni­raian­chi.  
\v 16 Taita Dius iapa suma achka iukag­manda­mi paita maña­pui­ki­chita, paipa Santu Ispi­ri­tu­wa kam­kunapa iuiaita paipa iapa iachai kara­muchu.  
\v 17 Chi­wanka, kam­kuna pai­wa suma iuia­rig­manda­mi Cristo kam­kunapa iuiaipi kaug­sanga. Chasa­mi kam­kuna, Taita Dius­pa suma kuiai­pi angu­kuna­wa muruchu­iaska sacha­sina kan­kan­gi­chi.  
\v 18 Chasa­waka, kam­kuna i tukui Cristo­wa tukus­ka­kuna­pas alli­lla­mi pudin­kan­gi­chi iachanga, Cristo nukan­chita mai­tuku kuiagta. Paipa kuiai­ka, ñi ima­pi­pas mana puchu­ka­rin­chu. Ñi ima­wa­pas mana pudi­rin­chu, paipa kuiaita tupun­ga­pa.  
\v 19 Ñi pipas mana iachan­chi­chu, pai nukan­chita mai­tuku kuiagta. Kasa­pas­mi Taita Diusta maña­pui­ki­chita: kam­kuna, chi kuiaita iachaspa, Taita Dius­pa­lla tukui­pi kan­ga­pa­kuna. 
\p  
\v 20 Taita Diuska, nukan­chi ima maña­na­kuska­manda mas achkami pudí kara­munga, mana iuia­na­kus­ka­sina. Nukan­chipa iuiaipi kaug­sa­kug iapa iachai­wa­mi chasa kara­mun­ga­pa pudí.  
\v 21 Tukui Jesu­cristo­wa tukus­ka­kuna Taita Diusta ni­sun­chi: “Kam, ima­ura­pas iapa suma atun­mi kangi. Chasa­mi dil­tu­du­pa kamta ni­na­kun­ga­pa kan­chi, mai­tuku waranga waranga wata­kuna ialig­pi­pas. Chasa kachu”. 
\c 4  
\s1 Santu Ispi­ri­tu­wa, suglla iuiai­wa kaug­sa­na­ku­sun­chi 
\p  
\v 1 Chasa­manda nuka Pablo, Iaia Jesus­manda kaipi wichka­ra­iaspa, kam­kunata kasa­mi mañai­ki­chita. Imasa­mi Taita Dius, kam­kunata kaiarka, ima­pi­pas alli­lla kan­ga­pa: chita uiaspa, Taita Dius­manda­lla sumag­lla kaug­sa­na­kun­gi­chi.  
\v 2 Ima­pi­pas tukui­wa sumag­lla mana atun­ia­chi­rispa kan­gi­chi. Kam kikin­pura kuia­na­kuspa, sumag­lla llaki­na­kuspa, mana piña­chi­ri­na­kus­pa­lla kaug­san­gi­chi.  
\v 3 Taita Dius­pa pasin­sia­chii­wa kam­kuna sug­lla ni­ra­iaspa, Santu Ispi­ri­tu­wa sug­lla iuiai­wa kaug­sa­na­kun­gi­chi. 
\p  
\v 4 Tukui Cristo­wa tukus­ka­kuna, sug­lla kuir­pumi ni­raian­chi. Santu Ispi­ri­tupas, sug­lla­mi ka. Chasa­lla­ta Taita Dius, tukui kam­kunata suma luar­ma­mi kaiarka, sug­lla iuiai­wa suia­na­kun­ga­pa.  
\v 5 Sug­lla Iaia Man­dag­mi tia. Chaian­mi, sug­lla iuiai­wa Jesu­cristo­wa iuia­rin­ga­pa. Baug­ti­sai­pas, sug­lla­mi tia.  
\v 6 Sug­lla Taita Diusmi tia. Paimi tukui­kunapa Taita ni­raiá. Paimi tukui­kunata mandag ka; tukui­kuna­wa rurá; tukui­kunapi kaugsá. 
\p  
\v 7 Chasa kaspa­pas, Taita Diuska, suma kuiaspa, Cristo imasa kara­mun­ga­pa iuia­kus­ka­sina­mi tukui nukan­chita sug sug kara­murka, tukui­kuna alli­lla kan­ga­pa.  
\v 8 Chi­manda­mi ñugpa­manda libru­pi kasa willa­raiá: 
\q1 Tukui apii tukuska runa­kunata pusaspa­mi 
\q1 awama sikarka. 
\q1 Runa­kuna­taka kara­murkami, 
\q1 tukui­kuna alli­lla kan­ga­pa. 
\m  
\v 9 Chi “awama sikaska”, ¿imatak ni­raiá? Ni­raian­mi, Cristo ñugpa kai alpa ukuma urai­kugta.  
\v 10 Urai­kus­paka, Cristo­lla­tata tukui sug luar­manda mas awa­ma­mi sikarka; chasaka pai kikin, tukui jun­dai­pi junda mana ñi ima­pas pisi kan­ga­pa.  
\v 11 Awama sikas­paka, kikin­mi kara­murka: 
\m sug­kunaka, pai kikin kachaska runa­kuna tukun­ga­pa, Alli Willai­ta willaspa purin­ga­pa; 
\m sug­kunaka, Santu Ispi­ri­tu­wa rimag­kuna tukun­ga­pa; 
\m sug­kunaka, Diuspa Rimaita willaspa purin­ga­pa; 
\m sug­kunaka, Cris­towa tukus­ka­kunata iacha­chispa, suma kawag­kuna kan­ga­pa. 
\m  
\v 12 Chasaka, paipalla kag­kunata alli­chirkami, pai­manda alli­lla ruraspa, Cris­topa kuirpu ni­raias­ka­kunata wiña­chig­sina tukun­ga­pa.  
\v 13 Chasa­waka tukui nukan­chi, Taita Dius­pa wam­bra­wa sug­lla suma iuiai­wa kaspa, paita alli­lla­mi rigsi­sun­chi. Chasa­pi­mi wiña­chis­ka­sina alli iuiaipi tuku­sun­chi. Cristo­sina­mi tuku­sun­chi, ñi ima­pi­pas mana pan­da­ris­pa­lla.  
\v 14 Chi­ura, mana ka­sun­chi­chu uchu­lla wam­bra­kuna­sina, ima sug rig­cha sug rig­cha iacha­chis­kata uiag­kuna. Chasa llu­lla iacha­chig­kuna, waira aliuspa apag­sina­mi ruran­kuna, uia­na­kus­kata miski simi­wa pan­da­chin­ga­pa.  
\v 15 Chasa­paka nukan­chika, sutipa Alli Willai­ta kuiai­wa rima­na­kuspa, Iaia Cristo uma ni­raiag­sina­wa tukui­pi­mi wiña­na­kun­chi.  
\v 16 Imasa­mi nukan­chipa kuir­pupi, maki, chaki, tukui kuir­pu angu­kuna­wa suma watas­ka­sina ka: chasa­lla­ta­mi tukui Cristo­wa kag­kuna, pai­wa sug­lla kuir­pu­sina kan­chi. Chasa kas­paka, tukui­kuna, sug sug imasa chaias­ka­sina pari­juma alli­lla ruraspa, kuiai­wa alli­lla­pi­mi sug­lla kuir­pu­sina wiña­na­kun­chi. 
\s1 Cristowa musuia­chig­sina iuiai­kuna iuka­sun­chi 
\p  
\v 17 Chasa­manda, Iaia Jesús imasa nis­ka­sina, kasa­mi kam­kunata mingaspa ni­na­kui­ki­chita. Mana mas kaug­sai­chi Taita Diusta mana rigsig­kuna­sina. Pai­kunaka, mana Taita Dius tiag­sina­mi kaug­sa­nakú, mana alli­lla iuia­ris­pa­lla.  
\v 18 Uma tun­tia­chiska iuiai­wa­mi kaug­sa­nakú. Pai­kunapa iuiai iana tutapi­sina tukus­pa­mi Taita Diusta mana rig­sin­kuna. Chi­wanka, paipa kaug­saita kara­mus­ka­manda anchu­ris­ka­mi kan­kuna.  
\v 19 Pai­kunapa alli iuiai­kunata wañu­chig­sina ruraspa, kalla­rir­ka­kunami, tukui jiru i mana alli­lla­kunata kusi­kuspa ruran­ga­pa.  
\v 20 Kam­kuna chasa kaug­san­ga­paka, Cristo mana iacha­chirkachu.  
\v 21 Sutipa­mi kam­kuna, pai­manda uiaspa, tukuipi sutipa Alli Willai­ta iachai­kur­kan­gi­chi.  
\v 22 Kasa­mi kam­kuna iachai­kur­kan­gi­chi: ñug­pa­manda mana alli kaug­saita sakin­ga­pa. Chasa kaug­sag­kuna, tukui jiru munai iuiai­kuna­wa pan­da­rispa, ismus­ka­sina­mi ni­raiá.  
\v 23 Chi mana alli­lla kaug­saita sakis­paka, tukuipi suma iuiaita apii­chi. Chasaka, musu­ia­chiska iuiai­kuna­mi iukan­kan­gi­chi.  
\v 24 Chi musu kaug­saita chas­kii­chi; cha­saka, Taita Dius­sina alli tukun­ga­pa. Chi kaug­saita sutipa chas­kiska kag­kuna, Taita Dius­pa­lla kaspa, ima­pi­pas alli­lla ruras­pa­mi kaug­san­kan­gi­chi. 
\p  
\v 25 Chasaka, mana mas llulla­chin­gi­chi. Tukui­kuna, sug­lla kuir­pu­sina ni­raiaspa, iukan­gi­chimi ñi ima mana llullas­pa­lla sutipa kas­ka­lla­ta rima­na­kunga. 
\p  
\v 26 Rabiawa kaspa­pas, mana pan­da­rin­gi­chi. Intiru puncha chi­siagta mana rabia­wa kan­gi­chi.  
\v 27 Cha­saka, mana saki­rin­kan­gi­chi­chu, iaia kuku kam­kunata iuia­chin­ga­pa. 
\p  
\v 28 Mai­kan sisai kag, kuna­ura­manda mana mas sisan­gi­chi. Chasa­paka, kam kikin­kunapa maki­wa trabajai kalla­rin­gi­chi. Chasa alli­lla trabajas­paka, pudin­gi­chimi, minis­tis­ka­kunata mailla mai­lla­lla­pas karanga. 
\p  
\v 29 Jiru rimai­kunata mana riman­gi­chi. Sumag­lla imasa alli­lla chaias­ka­sina rimai­kunata riman­gi­chi. Chasaka, mai­kan uias­paka, sumag­lla iuia­rispa, wiña­chis­ka­sina­mi kanga. 
\p  
\v 30 Taita Dius­pa Santu Ispi­ri­tuta mana llaki­chin­gi­chi. Pai Ispi­ri­tu­wa­mi siñalai tukun­gi­chi, ima­ura dil­tudupa kispi­chii puncha chaia­mun­kama.  
\v 31 Chi­mandaka, tukui mana alli iuiai­kunata, piñaspa rabia­rii­kunata, rabia­rispa kapa­rii­kunata, mana alli kamispa rimai­kunata, tukui mana alli rurai­kuna­ta­pas sakii­chi.  
\v 32 Kam kikin­pura tukui sumag­lla alli aida­chi­ri­na­kuspa kaug­san­gi­chi. Imasa­mi Taita Dius, Cristo­wa kam­kunapa pan­da­rii­kunata pasin­siarka: chasa­lla­ta­mi kam kikin­pura iukan­gi­chi pasin­sia­na­kunga. 
\c 5  
\s1 Taita Dius­pa wam­bra­kuna, imasa kaug­sai iukaska­kuna­manda 
\p  
\v 1 Chi­manda, Taita Dius­pa kuiaska wam­bra­kuna kaspa, pai­sina­lla­tata tukuipi sumag­lla kaug­sa­na­kun­gi­chi.  
\v 2 Imasa­mi Cristo, nukan­chita suma kuiarka: chasa­lla­ta kam kikin­pura­pas sumag­lla kuia­na­kuspa kaug­san­gi­chi. Pai kikin­mi saki­rirka, nukan­chi­manda wañu­chii tukun­ga­pa. Ima­sa­mi judiu­kuna Taita Dius­manda ubijata wañu­chispa rupa­chi­ura, kusni­sina suma asná: chasa­lla­ta­mi Cristo wañu­chii tukug­manda, Taita Dius­pa ñawipi sumag­lla tukug­samurka. 
\p  
\v 3 Kam­kunaka, ña Taita Dius­pa­lla­mi kan­gi­chi. Chi­mandaka, kari warmi­wa panda­riska­manda, sug rigcha jiru panda­ris­ka­kuna­manda i sug­kunapata muna­ris­ka­kuna­manda kam­kuna­pura mana iacha­ri­chu.  
\v 4 Millai, jiru, upa parlu­kuna­ta­pas mana rima­na­kun­gi­chi. Chasa parlu­kuna, mana kam­kunata chaian­chu riman­ga­pa. Chasa­paka, Taita Diusta: “Pai Siñur” nis­pa­lla­mi iukan­gi­chi kaug­sa­na­kunga.  
\v 5 Kasa­mi iachan­gi­chi: mai­kan kari warmi­wa panda­rig, sug rigcha jiru panda­rii­kuna­pas rurag, sug­kuna iukas­kata muna­rig, Cristo i Taita Dius suma manda­kus­kapi mana pudin­ga­kuna­chu iai­kug­rin­ga­pa. Chasa muna­rig­kunaka, ianga dius­kunata kungu­rig­sina­mi ruran­kuna. 
\p  
\v 6 ¡Ujala­lla­pas ianga rimai­kuna­wa llulla­chispa, kam­kunata panda­chi­chu­kuna! Chasa jiru ruras­ka­kuna­mandaka, Taita Dius, pai ima nis­kata mana rurag­kuna­wa asku­rin­ti­mi rabia­rig­samun­ga­pa ka.  
\v 7 Chi­manda kam­kuna, mana pai­kuna­wa iuia­na­kun­gi­chi, chasa jiru rura­na­kun­ga­pa. 
\p  
\v 8 Kam­kuna, ñugpata iana tutapi­sina­mi kaug­sa­na­kur­kan­gi­chi. Ikuti kuna­uraka, Iaia Jesus­wa kas­paka, punchapi kaug­sag­sina­mi kan­gi­chi. Chi­manda­mi kam­kuna­pas sug­kunata punchaia­chig­sina kaug­sai iukan­gi­chi.  
\v 9 Chasa kaug­sag­kunami, sug­kunata tukuipi alli­lla sumag­lla ruraspa, ñi ima­pi­pas mana llullas­pa­lla kaug­san­kuna.  
\v 10 Iaia Jesús ima muna­kus­kata iuia­rispa, tukui alli­lla ruran­gi­chi. 
\p  
\v 11 Iana tutapi­sina kaug­sag­kuna, Dius­pa ñawipi ñi imapa mana bali­mi ruran­kuna. Mana pai­kuna­wa sug­lla­pi­sina jiru ruraspa kaug­sa­na­kun­gi­chi. Pai­kuna jiru rura­na­kus­ka­manda, piñaspa iuia­chin­gi­chi.  
\v 12 Pai­kuna ima pakalla rura­na­kus­ka­manda iachaspa rimag­pika, pin­gai­mi tukug­samun­ga­kunata.  
\v 13 Chi pakalla jiru rura­na­kus­ka­manda puncha­ia­chig kawa­chi­ura, tukui­mi iacha­rig­samun­ga­pa ka.  
\v 14 Cristo kikin puncha­ia­chig­samu­uraka, tukui­mi puncha­ia­chii tukun­ga­pa kan­kuna. Chi­manda­mi kasa ni­raiá: 
\q1 Kam puñukug, rigcharii. 
\q1 Wañuskasina kaspa, atarii. 
\q1 Cristomi kamba iuiai­kunata 
\q1 punchaiachigsamungapa ka. 
\m  
\v 15 Chi­manda, alli­lla iuia­rii­chi, ima­sa­mi iukan­gi­chi kaug­sanga. Upa­kuna­sina mana kaug­sa­na­kui­chi. Chasa­paka, tukuipi alli iachag­sina kaug­sa­na­kun­gi­chi.  
\v 16 Kaug­san­kama iukan­gi­chimi, tukuipi alli­lla ruraspa chisia­na­kunga. Nukan­chita chaia­kumi, mana alli rura­na­kug kas­kapi kaug­san­ga­pa.  
\v 17 Chi­manda, upa­kuna­sina mana kan­gi­chi. Iaia Jesús ima ruran­ga­pa muna­kus­kata iachai­kuspa, chita ruraspa kan­gi­chi. 
\p  
\v 18 Mana machan­gi­chi. Machaska purig­kunaka, tukui­pi­mi mana alli­lla ruran­kuna. Chasa­paka Santu Ispí­ritu, kam­kunapa iuiaipi jundag­samu­chu.  
\v 19 Taita Diusta tukui sug rig­cha sug rig­cha suma kantu­kuna bir­siaspa, kam kikin­pura sumag­lla iuia­chi­ri­na­kuspa kan­gi­chi. Tukui iuiai­wa­mi iukan­gi­chi, Iaia Jesusta kantaspa, “Iapa alli­mi kangi” nispa kan­ga­kuna.  
\v 20 Ima­ura­pas tukui­manda “Pai Siñur” Taita Diusta nispa kan­gi­chi, nukan­chipa Iaia Jesu­cristota iuia­rispa. 
\s1 Cristowa tukus­ka­kuna, imasa sug­kunawa kaug­sa­na­kui iukaska­manda 
\p  
\v 21 Cristota suma manchaspa, kam kikin­pura pari­juma sumag­lla uia­na­kuspa kaug­san­gi­chi. 
\p  
\v 22 Warmi­kunata nii­ki­chi­ta­mi: 
\m imasa­mi Iaia Jesusta uian­gi­chi: chasa­lla­ta kam­kunapa kusata sumag­lla uian­gi­chi.  
\v 23 Imasa­mi Cristo, uma kag­sina, tukui pai­wa tukus­ka­kunapa iaia ka: chasa­lla­ta­mi kam­kunapa kusapas, war­mipa iaia ka. Cristo kikin­mi ka tukui pai­wa tukus­ka­kunata kispi­chig. Tukui pai­wa tukus­ka­kunaka, paipa kuir­pumi ni­raian­chi.  
\v 24 Ima­sa­mi Cristo­wa tukus­ka­kuna, paita uian­chi: chasa­lla­ta­mi warmi­kuna­pas iukan­gi­chi, kam­kunapa kusata ima­pi­pas uianga. 
\p  
\v 25 Kusa­kunata nii­ki­chi­ta­mi: 
\m imasa­mi Cristo, tukui pai­wa tukus­ka­kunata kuiaspa, nukan­chi­manda wañurka: chasa­lla­ta kusa­kuna­pas, kam­kunapa warmita sumag­lla kuiaspa kaug­san­gi­chi.  
\v 26 Nukan­chi­manda Cristo wañurka; chasaka, Dius­pa Rimaita uiaspa, iaku­wa baug­ti­sa­rispa, Taita Dius­manda­lla kaug­san­ga­pa;  
\v 27 chasaka tukui Cristo­wa tukus­ka­kuna, paipa ñawipi ima­pi­pas alli­lla sumag­lla kawa­rig­rin­ga­pa, ñi ima­pi­pas mana mapa­sina kaspa, paipalla kan­ga­pa. 
\p  
\v 28 Imasa­mi kusa­kuna, kam kikin­kunapa kuir­puta kuida­rin­gi­chi: chasa­lla­ta­mi iukan­gi­chi, kam­kunapa warmita sumag­lla kuiaspa kanga. Mai­kan­pas kikinpa warmita sumag­lla kuiag­pika, kikin­lla­tata kuiag­sina­mi ni­raiá.  
\v 29 Ñi pipas pai kikinpa kuir­pu­waka mana rabia­rin­chu. Chasa­paka, mikui karaspa, sumag­lla kuidaspa­mi kuir­puta charí. Chasa­lla­ta­mi Cristo, tukui pai­wa tukus­ka­kunata sumag­lla kawaspa charí.  
\v 30 Cristo­wa tukus­ka­kunaka, paipa kuir­pumi ni­raian­chi. 
\p  
\v 31 Kasami Taita Dius ñugpata nirka: 
\q1 Chimandami kari, 
\q1 paipa taitata maman­dita sakispa, 
\q1 paipa warmiwa iskan­di­kuna 
\q1 sug­lla­sina tukug­samun­ga­pa kan­kuna. 
\m  
\v 32 Chi rimaita, iapa atun kag­manda, ñi pipas mana iachag­samun­ga­pa kan­chu. Chasa kag­pi­pas, nuka kasa­mi nii­ki­chita: Cristo i tukui pai­wa tukus­ka­kuna­wa sug­lla kag­ta­mi ni­raiá.  
\v 33 Kasa­pas­mi ni­raiá: tukui kusa­kuna, imasa­mi kam kikin­kuna kuiaspa kuida­rin­gi­chi: chasa­lla­ta­mi iukan­gi­chi, kam­kunapa warmi­ta­pas kuianga. Warmi­kunaka, kam­kunapa kusata sumag­lla uian­gi­chi. 
\c 6  
\p  
\v 1 Wam­bra­kunata nii­ki­chi­ta­mi: 
\p Iaia Jesusta kuiaspa, kam­kunapa taita i mama tukui ima nis­kata alli­lla ruran­gi­chi. Chasa ruras­paka, alli­lla­mi ka.  
\v 2 “Kam­ba tai­tata maman­dita sumag­lla kuiangi”; chi ñugpa man­dai­wa­mi chasa uiag­kunata, Taita Dius kasa kara­mun­ga­pa nirka: 
\q1  
\v 3 Kam chasa kuiag­pika, 
\q1 tukuipimi alli kan­kangi; 
\q1 kai alpapi unaimi kaug­san­kangi. 
\p  
\v 4 Taita­kunata i mama­kunata nii­ki­chi­ta­mi: 
\m kam­kunapa wam­bra­kunata mana lla­ki­chin­gi­chi. Cha­sa­paka, Iaia Jesuspa kuiai­wa pai­kunata iuia­chispa, suma asu­tispa wiña­chin­gi­chi. 
\p  
\v 5 Lutrin­kunata nii­ki­chi­ta­mi: 
\m imasa­mi Cristota manchaspa uian­tran­gi­chi: chasa­lla­ta kam­kunapa kai alpapi patrun ni­raias­ka­kuna tukui ima nis­kata alli­lla ruran­gi­chi.  
\v 6 Mana kawa­na­kug­manda­lla alli­lla ruraspa kan­gi­chi, “Suma­mi rura­kungi ni­wa­chu­kuna” iuias­pa­lla. Imasa­mi Cristo ima nis­kata alli­lla ruran­tran­gi­chi: chasa­lla­ta­mi iukan­gi­chi, kam­kunapa patrun ima nis­kata tukui iuiai­wa alli­lla ruran­ga­kuna. Cha­sa­mi Taita Dius muná.  
\v 7 Runa­kuna ima nis­kata rurag­sinaka mana iuian­gi­chi. Iaia Jesús ima nis­kata rurag­sina­mi iukan­gi­chi, tukuipi ima­pas alli­lla ruran­ga­kuna.  
\v 8 Kasa­pas­mi iachan­gi­chi: tukui lutrin u patrun­kuna alli­lla ruragpi­kunaka, Iaia Jesuska imasa kada­unta chaias­ka­sina­mi karag­samun­ga­pa ka. 
\p  
\v 9 Patrun­kuna­pas, chasa­lla­ta kamba lutrin­kuna­wa alli kan­gi­chi. Mana mancha­chin­gi­chi, “Asutin­ga­pa­mi kaiki” nispa. Iuia­rii­chi, pai­kunata i kam­kunata mandag Taita Dius suma luarpi kagta. Paipa ñawipi, ñi pipas mana tian­chu sug rigcha. 
\s1 Taita Dius kara­muska tukui katanga­sinata chura­ri­sun­chi 
\p  
\v 10 Kuna­uraka, kasa­pas­mi nii­ki­chita: Iaia Jesus­wa i pai tukui rurag iachai­wa­mi sin­chi wapu iukan­gi­chi tukunga.  
\v 11 Taita Dius kara­muska tukui katanga­sinata chura­rii­chi; chasaka, iaia kukupa llulla­chii­kunata kispi­rin­ga­pa.  
\v 12 Aicha­iug iawar­iug runa­kuna­waka nukan­chi mana maka­na­kun­chi­chu. Kai iana tutaias­ka­sina alpapi iapa pudi mandag i atun­ia­chi­rispa kuku waira­kuna­wa, awa wairapi iapa pudig kuku waira­kuna­wa­mi maka­na­kug­sina kan­chi.  
\v 13 Chi­manda, Taita Dius kara­muska tukui katanga­sinata chura­rii­chi; chasaka, mana alli puncha­kuna chaia­mu­ura, chi kuku­kuna­wa maka­na­kuipi wapu­lla saia­rispa miti­ku­chin­ga­pa­kunata. 
\p  
\v 14 Chasa pai­kunata miti­ku­chin­ga­paka, sutipa Alli Willai­ta alli­lla chumbillis­ka­sina kai­chi. Alli rurai­lla­wa kaug­sas­paka, pichupi iru katanga chura­ris­ka­sina­mi tukun­gi­chi.  
\v 15 Chakipi chura­raias­ka­sina­ka ni­raian­mi sumag­lla kaug­sai­manda Alli Willai­ta willai.  
\v 16 Ima­ura­pas Cris­to­wa suma iuia­ris­pa­lla kai­chi; cha­saka, micha­diruta makipi chari­ris­ka­sina kan­ga­pa. Chasa iuia­ris­paka, iaia kuku tukui kachaska fli­cha sindi­sina millai iuiai­kunata kis­pi­rin­ga­pa­mi kan­gi­chi.  
\v 17 Cristo kam­kunata dil­tudupa kispi­chin­ga­pa iuia­rispa kai­chi; chi­wanka, micha­diruta umapi chura­raias­ka­sina kan­ga­pa. Santu Ispí­ritu kara­muska makana­sinaka ni­raian­mi Dius­pa Rimai.  
\v 18 Santu Ispí­ritu iuia­chiska rimai­kuna­wa ima­ura­pas Taita Diusta mañan­gi­chi i ruan­gi­chi. Chasa ruran­ga­paka, sumag­lla iuiai­wa alli­chi­ris­ka­sina kai­chi, mana sam­ba­ias­pa­lla. Tukui Dius­pa­lla kag­kuna­manda paita maña­pui­chi. 
\p  
\v 19 Nukamandapas chasa­lla­ta Taita Diusta maña­puai­chi, tukuipi nuka sumag­lla riman­ga­pa; chasaka, pita­pas mana man­chas­pa­lla, Alli Willai­ta mana pipas iachas­kata nuka willan­ga­pa.  
\v 20 Kikin Taita Dius­mi nukata kacha­mu­warka, chi willai­ta tukui­kunata willan­ga­pa. Chi willai­lla­tata nuka willas­ka­manda­mi kuna­ura kaipi wataska wich­ka­raiani. Taita Diusta maña­puai­chi, nuka riman­ga­pa chaia­ura, mana man­chas­pa­lla Alli Willai­ta willan­ga­pa. 
\s1 Kaiakama, niskamanda 
\p  
\v 21 Nukan­chipa kuiaska waugki Tíkiko, Iaia Jesus­manda tukuipi alli rurag­mi ka. Paika, kam­kuna­pagma chaiag­rispa, nuka imasa kaska­manda tukui ima rura­kus­ka­ta­mi willag­ringa.  
\v 22 Kasa­manda­mi paita kam­kuna­pagma kacha­kuni: nukan­chi kaipi imasa kaska­manda willag­rin­ga­pa. Chasaka, kam­kuna mana sam­ba­ian­kan­gi­chi­chu. 
\p  
\v 23 Taita Dius i Iaia Jesu­cristoka, kam taita i mama­kunata sumag­lla kaug­saita karaspa, kuiaspa, iuia­chi­pua­chu, pai­wa suma iuia­rispa kan­ga­pa.  
\v 24 Mana tuku­rig kuiai­wa, nukan­chipa Iaia Jesu­cristota tukui kuiag­kunata, Taita Dius sumag­lla kawa­pua­chu.