\id 2TI - Inga NT -Colombia 2009 (DBL -2013) 
\h 2 TIMOTEOTA 
\toc1 2 Timoteota 
\toc2 2 Timoteota 
\toc3 2 Ti 
\mt1 TIMOTEOTA 
\mt2 SAN PABLO ISKAIMA KARTA KACHASKAMANDA 
\c 1  
\p  
\v 1 Taita Dius nukata muna­was­ka­manda, Jesu­cristo kacha­mu­was­ka­mi kani; chasaka, paipa suma kaug­saita Jesu­cristo­wa karan­ga­pa nis­ka­manda Alli Willai­ta willaspa purin­ga­pa.  
\v 2 Kam Timo­teo­ta­mi kai karta kachaiki. Kam, nuka­pa ku­iaska wam­bra­sina­mi ka­puangi. Taita Dius i nukan­chipa Iaia Jesu­cristo, kamta kuiaspa, kam­manda lla­kispa, suma iuiai­wa kawa­pua­chu. 
\s1 Cristo­manda willai iukaska­manda 
\p  
\v 3 Nuka, tuta i puncha Taita Diusta mañaspa, kam­manda ima­ura­pas iuia­rispa, Pai Siñurmi nini. Imasa­mi nuka­pa ñugpa­manda tai­ta­kuna, Taita Dius imasa nis­ka­sina rurarka­kuna: chasa­lla­ta­mi nuka­pas, tukuipi suma iuiai­wa pai ima nis­kata ruraspa kaug­sa­kuni.  
\v 4 Nuka kam­bag­manda llugsi­ku­ura, kamba wiki wakas­ka­ta­mi iuia­riwá. Chi­manda­mi asku­rinti muna­kuni, kamta kawan­ga­pa; chasaka, alli iuia­chi­wan­ga­pa.  
\v 5 Kam Cristo­wa sutipa suma iuia­rig­ta­pas­mi iuia­rini. Ñugpaka, kamba achala mama Loida, nis­paka kamba mama Euni­se­mi chasa Cristo­wa suma iuia­rispa karka­kuna. Kam­manda­pas­mi iuiani, pai­kuna­sina­lla­ta­ta Cristo­wa suma iuia­rispa kagta. 
\p  
\v 6 Chasa kaska­manda, kasa­mi nii­ki: kamta nuka maki chura­ura, Taita Dius kara­muska; chi kara­mus­ka­taka mas­mi kamba iuiai­pi kaug­sa­chi­rii iukangi.  
\v 7 Mana sug­kunata manchai­wa kaug­san­ga­pa­mi Taita Dius paipa Ispi­ri­tuta nukan­chita kara­murka. Paipa iapa iachaita iukaspa, tukui­kunata kuiaspa, tukui­kuna­wa alli iuiai­wa kaspa kaug­san­ga­pa­mi Santu Ispi­ri­tuta kara­murka. 
\p  
\v 8 Chasa mana manchas­pa­lla­mi nukan­chipa Iaia­manda iukangi willanga. Nuka pai­manda wichka­raiag­pi­pas, mana mancha­ri­kungi. Chasa­paka, kam­ta­pas Alli Willai­manda llaki­chig­pika, nuka­sina­lla­ta­ta­mi iukangi pasanga. Taita Dius­mi kamta paipa iapa iachaita karanga, ima llakii­kuna­pas cha­iag­pika, alli iuia­chii­wa kan­ga­pa. 
\p  
\v 9 Taita Dius kikin­mi nukan­chita kispi­chispa agllarka, pai­manda­lla kaug­san­ga­pa. Nukan­chita mana agllar­ka­chu, nukan­chi ima alli­lla ruras­ka­manda. Pai kikin imasa munas­ka­sina­mi nukan­chita iapa kuiaspa agllarka. Kai alpa manara tias­ka­ura­manda­ta­mi, Jesu­cristo­manda iuiaspa, nukan­chita iapa kuiarka.  
\v 10 Kuna­ura, Jesu­cristo nukan­chita kispi­chig samuska­wa­mi chi kuiaita kawa­chig­samurka. Jesu­cristo­mi wañuita binsig­samurka. Alli Willai­wa willaspa, mana wañu­diru suma kaug­sai­ta­mi iacha­chig­sa­murka, nukan­chipas tarin­ga­pa. 
\p  
\v 11 Chi Alli Willai­ta willaspa purin­ga­pa­mi Jesu­cristo agllaska kacha­muska runa kani. Chasa­mi nukata chaia­wa­ku, chi Alli Willai­ta alli­lla iacha­chin­ga­pa.  
\v 12 Chita willag­manda­mi kaipi llakii­wa pasa­kuni. Chasa kag­pi­pas, nuka iacha­nimi pi­wa iuia­ri­kugta. Chi­manda­mi mana manchai­wa kani. Kasa­pas­mi pai­manda iachani: pai Alli Willai­ta minga­was­kata, pai kikin samun­kama­mi iuká kawanga. 
\p  
\v 13 Imasa­mi nuka, kamta alli­lla rimai­kuna­wa iacha­chirkaiki: chasa­lla­ta kaug­sangi. Jesu­cristo­wa suma iuia­rispa, tukui­kunata kuiaspa kaug­sangi.  
\v 14 Santu Ispí­ritu nukan­chi­wa sug­lla­pi kaug­sagwa, Taita Dius paipa Alli Willai min­gas­kata suma kawangi, mana sug rig­cha tukun­ga­pa. 
\p  
\v 15 Ñami iachangi, Asia alpa­manda tukui nuka­wa kag­kuna nukata saki­wagta­kuna. Pai­pura kan­kunami Fijelo i Ermójenes.  
\v 16 Waugki One­si­foro­lla­mi achka biaji kawa­wag­samurka. Paimi nukata alli iuia­chi­wag­samurka. Chi­manda­mi Iaia Jesusta nini: paipa wasipi kaug­sa­na­kus­kata sumag­lla kawa­pua­chu. Paika, nuka wataska wich­ka­raias­ka­manda iachas­paka, mana ñi ima­pas mancha­rirkachu.  
\v 17 Chasa­paka, Romama chaiag­sa­mun­ga­lla­wa kalla­rirka­mi, mana samas­pa­lla maska­wan­ga­pa, tari­wan­kama.  
\v 18 Tuku­rii puncha chaia­mu­ura, Iaia Jesús pai­manda lla­ki­rispa suma kawa­pua­chu. Ñami iachangi, Efeso pui­blu­pi­pas pai ikuti ikuti nukan­chita aidagta. 
\c 2  
\s1 Jesu­cristopa alli suldadu­sina kaska­manda 
\p  
\v 1 Kam nuka­pa wam­bra­sina kag­manda­mi niiki: Jesu­cristo kamta suma kuia­kuska­wa­mi iukangi sin­chi muruchu tukunga.  
\v 2 Achka­kunapa ñawipi nuka iacha­chis­kata uia­war­kangi; chi iacha­chis­ka­taka Cristo­manda tukuipi alli­lla rurag iacha­chii pudig­kunata ni­puangi, pai­kuna sug­kunata iacha­chi­chu­kuna. 
\p  
\v 3 Kamka, Jesu­cristopa alli sul­da­du­sina kaspa, iukangimi tukui lla­kii­kunata chas­kinga.  
\v 4 Ñi mai­kan sul­dadu tukuska mana iukan­chu, mana suldadu­kunapa iuiaita chapu­ringa. Iukan­mi, paita mandag ima nis­ka­lla­ta ruranga.  
\v 5 Chasa­lla­ta, mai­kan pugllag­pas pug­llan­ga­pa chaias­ka­sina mana pug­llag­pika, pri­miu­ta mana­mi chas­kinga.  
\v 6 Chasa­lla­ta, mai­kan sai­kugta tarpug pudin­mi, ñugpa pallag­ringa.  
\v 7 Chi nuka rimas­ka­taka alli­lla iuia­ri­puai. Iaia Jesus­mi iuiai karanga, kam tukui ima ni­raias­kata iachan­ga­pa. 
\p  
\v 8 Jesu­cristo­manda iuia­ringi. Pai­pa ñugpa­manda achala taita, atun mandag David­mi karka. Pai Jesu­cristo wañuspa, pai kikin­mi kaugsa­rirka. Chi pai­manda Alli Willai­ta­mi nuka willa­kuni.  
\v 9 Nuka chasa willa­kus­ka­manda­mi kaipi wataska cha­ri­wa­nakú, wañu­chi­dur­ta­sina. Ikuti Dius­pa Rimaika mana wataska kan­chu.  
\v 10 Chi­manda­mi Taita Dius agllaska runa­kuna­manda tukui llakiita chas­ki­kuni; chasaka pai­kuna­pas, kis­pi­rispa, Jesu­cristo­wa mana puchu­ka­ri­diru suma punchapi cha­iag­rin­ga­pa. 
\p  
\v 11 Kai ni­raiaskaka, sutipa­mi ka: 
\q1 Nukan­chi pai­wa sug­lla­pi wañuska ni­raiag­pika, 
\q1 pai­lla­wan­ta­mi kaugsa­rin­ga­pa kan­chi. 
\q1  
\v 12 Pai­manda llakii iukag­pika, 
\q1 pai­wa sug­lla­pi­mi kag­rin­ga­pa kan­chi, mandan­ga­pa. 
\q1 “Paita mana rigsi­ni­chu” nig­pika, 
\q1 pai­pasmi nukan­chi­manda chasa­lla­ta nin­ga­pa ka. 
\q1  
\v 13 Nukan­chi pai­manda kunga­rig­pi­pas, 
\q1 paika nukan­chi­manda mana kunga­rin­chu. 
\q1 Pai ima niskata, 
\q1 pai kikin mana pudin­chu: 
\q1 “Mana chasa rurasa” nin­ga­pa. 
\s1 Dius­pa ñawipi, alli­lla rurag kawa­riska­manda 
\p  
\v 14 Chi ni­raias­kata iuia­chi­puai. Dius­pa ñawipi ni­puai, ianga rimai ni­raias­ka­kuna­manda mana aini­chi­ri­na­kuchu. Chi aini­chi­ri­na­kus­kaka, ñi imapa manima alli­lla kan­chu. Chi uiag­kuna alli­lla iuia­na­kus­ka­ta­mi pandachí.  
\v 15 Kamka, mana saki­ris­pa­lla­mi sin­chi iuiai iukangi; chasaka, Dius­pa ñawipi alli­lla rurag kawa­rin­ga­pa. Chasa alli­lla ruras­pa­mi ñi ima­pi­pas mana man­cha­ris­pa­lla kan­kangi. Sutipa Suma Rimaita imasa ni­raias­ka­sina alli­lla iacha­chi­puangi. 
\p  
\v 16 Kai alpa­manda­lla ianga par­lu­kunata mana uia­kungi. Chasa rimag­kunaka, mai­lla mai­lla Taita Diusta mana man­chag­mi tukun­kuna.  
\v 17 Chasa pan­da­chispa iacha­chig­kunaka, uiag­kunata ismu­chig­sina­mi ruran­kuna. Chasa iacha­chig­pura kan­kunami Ime­neo i Fileto.  
\v 18 Pai­kunaka, sutipa Alli Willai­ta sakis­pa­mi llu­llaspa ni­nakú: “Cristo­wa tukus­ka­kunaka, ña­mi kaug­sa­riska kan­chi”. Chasa rimai­kuna­wa­mi sug­kuna Cristo­wa iuia­rig­kunata pan­da­chi­nakú.  
\v 19 Chasa ni­na­kug­pi­pas, Taita Dius kikin willas­kaka wasita kalla­riska suma rumipi saia­chis­ka­sina­mi ka, ñi pipas mana kuiu­chin­ga­sina. Chi­pika, kasa­mi willa­raiá: 
\q1 Atun Taita Diuska, 
\q1 paipa kaskakunata 
\q1 alli­lla­mi rigsí. 
\m Kasapasmi willaraiá: 
\q1 Tukuikuna Jesús nuka­pa iaia kagta iuia­rig­kunaka, 
\q1 jiru iuiaikunata saki­chu­kuna. 
\p  
\v 20 Kasapas. Atun wasipi mana tian­chu kurita i kulkita ruraska upia­diru­kunalla. Kaspita i alpata ruras­ka­kuna­pas­mi tia. Chi­kunaka kan­kunami: sug­kunaka, atun pun­cha­kuna­pa­lla; ikuti sug­kunaka, ima­ura­pi­pa­pas.  
\v 21 Nukan­chi atun pun­cha­pa­sina kan­ga­pa chaian­mi, tukui jiru rurai­kunata sakispa kaug­san­ga­pa. Chasaka, Iaia Jesus­pa­lla kaspa, pai­manda­lla alli­pi­mi ka­sun­chi. Tukuipi alli­lla ruran­ga­pa alli­chis­ka­sina­mi ka­sun­chi. 
\p  
\v 22 Musu­kunapa mana alli­lla iuiai munai­kunata anchu­ris­ka­sina kaug­sangi. Alli ruraspa, Cristo­wa suma iuia­rispa, alli kuiaspa, sumag­lla kaug­sangi. Iaia Jesusta tukuipi suma iuiai­wa mañag­kuna­wa sug­lla­pi kangi.  
\v 23 Ianga upa­sina rima­na­kus­kata mana uia­kungi. Ñami iachangi, chasa rima­na­kus­ka­manda piña­chi­na­ku­diru chaia­mu­dur kagta.  
\v 24 Iaia Jesuspa lutrin­sina mana iukan­chu, ñi pi­wa­pas piña­chi­na­kuspa kaug­sanga. Chasa­paka iukan­gimi, tukui­kuna­wa alli kanga, tukui­kunata alli­lla iacha­chinga i tukui­kuna­wa mana piña­na­kus­pa­lla iuiai­wa kanga.  
\v 25 Kamta piñag­kunata riman­ga­pa chaia­ura, mana atun­ia­chi­ris­pa­lla iuia­chin­gi­kunata. Chasa iuia­chig­pika, Taita Diuska pai­kunata pudin­mi karanga, pai­wa tukug­samuspa, sutipa Alli Willai­ta iachag­samun­ga­pa.  
\v 26 Chi­wanka, pai­kuna pudin­kunami, rig­cha­rig­sina tukuspa, iaia kuku ima muna­kus­kata ruran­ga­pa watas­ka­sina tug­lla­manda miti­kunga. 
\c 3  
\s1 Tukurii puncha­kuna, imasa runa­kuna kaug­san­ga­pa kaska­manda 
\p  
\v 1 Kasapas iacha­puai: tuku­rii pun­cha­kuna chaia­mu­uraka, iapa llakii puncha­kuna­mi chaia­mun­ga­pa ka.  
\v 2 Chi puncha­kuna kaug­sa­na­kugka, kikin­kuna­manda­lla iukan­ga­pa iuiai­wa, iapa kul­kita kuiaspa munai­wa­mi kan­ga­pa kan­kuna. Chasa­kunaka, atun­ia­chi­rispa, ni­ris­pa­mi kan­kuna: “Nuka­mi tukui­kuna­manda mas kani”. Taita Diusta kamis­pa­mi riman­ga­pa kan­kuna; taitata i mamata mana uian­ga­pa kan­kuna­chu; mana “Pai” nis­pa­lla­mi kan­ga­pa kan­kuna; Taita Diusta mana man­chan­ga­pa kan­kuna­chu;  
\v 3 ñi pita­pas mana kuian­ga­pa kan­kuna­chu; piña­na­kus­paka, mana kun­ga­rig­kuna­mi kan­ga­pa kan­kuna; ian­ga­mi pita­pas jucha­chispa kan­ga­pa kan­kuna; jiru iuiai­kunata mana arkan­ga­pa pudin­ga­pa kan­kuna­chu; ima kawa­ris­kata puchu­kas­pa­mi rin­ga­pa kan­kuna; tukui alli­lla kas­ka­kuna­ta­pas­mi puchu­kan­ga­pa munan­ga­pa kan­kuna;  
\v 4 pita­pas llu­llaspa api­chis­pa­mi munan­ga­pa kan­kuna; mana iuia­ris­pa­lla­mi ima­pas ruran­ga­pa kan­kuna; atun­ia­chi­rispa iuias­pa­mi kan­ga­pa kan­kuna. Taita Diusta munan­ga­taka, kikin­kuna­manda­lla­mi iuia­rispa kan­ga­pa kan­kuna.  
\v 5 Taita Dius­wa kag­sina­mi kawa­rin­ga­pa kan­kuna. Nig­pika, kikin­kunapa rurai­kuna­waka mana chasa kagta kawa­chin­kuna­chu. 
\p Chasa­kuna­taka sakingi, anchu­ringi, ianga kawangi, pai­kuna­wa mana kangi.  
\v 6 Pai­pura­manda sug­kuna, wasi­kunama llu­lla­chispa iai­kuspa, mana iuiai­iug pan­da­rii iukaska warmi­kuna­ta­mi mas­kan­kuna; chi war­mi­kunaka, sug rig­cha sug rig­cha jiru munai­wa aliui tukus­ka­sina kaspa,  
\v 7 iachai­kui iachai­kui apa­kug­pi­pas, sutipa Alli Willai­ta mana ima­ura­pas iachag­samun­ga­pa kan­kuna­chu.  
\v 8 Imasa­mi Janes i Jam­bres, jiru iacha­kuna kaspa, mana munarka­kuna Moi­sesta uian­ga­pa: chasa­lla­ta­mi chi llu­lla­chig runa­kuna, sutipa Alli Willai­ta mana uian­ga­pa muna­nakú. Iapa jiru iuiai­kuna­mi iukan­kuna. Taita Dius­wa kag­sina kawa­ris­pa­pas, ianga sug rig­cha­mi iuia­ri­nakú.  
\v 9 Chasa pan­da­chig­kuna, mana iapa una­ian­ga­pa kan­kuna­chu. Ima­sa­mi chi Moi­sesta iskai mana munag­kuna, upa­sina kawa­chi­rirka­kuna: chasa­lla­ta­mi chi pan­da­chig­kuna, tukui­kunapa ñawipi upa­sina kawa­chi­rin­ga­pa kan­kuna. 
\s1 Timoteota ima ruran­ga­pa, San Pablo mingaska­manda 
\p  
\v 10 Kamka, alli­lla­mi iachangi, nuka imasa iacha­chi­kus­kata, imasa kaug­sa­kus­kata, imasa iuia­kus­kata, imasa Cristo­wa suma iuia­rispa kas­kata, imasa sug­kuna­wa mana piña­na­kus­pa­lla kas­kata, imasa sug­kunata kuiaspa kas­kata, imasa alli­llata cha­ri­rig kas­kata,  
\v 11 imasa jiru iuiai­wa kalpa­chii tukus­kata; imasa iapa llakii­kuna iukaska­ta­pas­mi alli­lla iachangi. Kammi iachangi, imasa­mi Antio­kia, Ikonio i Lis­tra pui­blu­kunapi nuka iapa lla­kii­kuna iukaspa, kalpa­chii tukur­kani. Tukui chi­kuna­manda, Iaia Jesus­mi kispi­chi­warka.  
\v 12 Jesu­cristo­manda­lla sumag­lla kaug­san­ga­pa munag­kunata, tukui­kuna­ta­mi jiru ruran­ga­pa munan­ga­pa kan­kuna.  
\v 13 Chi jiru pan­da­chispa rurag­kunaka, mas jiru mas jiru­mi ruras­pa­lla kan­ga­pa kan­kuna. Sug­kuna­ta­mi pan­da­chin­ga­pa kan­kuna. Pai­kuna­ta­pas, sug­kuna­mi pan­da­chin­ga­pa kan­kuna. 
\p  
\v 14 Kamka, ima Cristo­manda iachai­kuspa iuia­kus­kata mana sakis­pa­lla kaug­sangi. Alli­lla­mi iachangi: pi­kuna­mi kamta iacha­chirka­kuna.  
\v 15 Wawa ka­ura­man­da­ta­mi Dius­pa tukuipi iapa alli Rimai­ta iachai­kuska kangi. Paipa Rimai­wa pudi­rin­mi, alli­lla iachai­kuspa, Jesu­cristo­wa suma iuia­rispa, kispi­ringa.  
\v 16 Tukui chi rimai­kuna, Taita Dius kikin iuia­chis­ka­wa ruras­ka­mi ka. Paipa Rimai­wa alli­lla­mi ka iacha­chin­ga­pa i mana alli rurag­kunata iuia­chin­ga­pa; chasaka, mana alli­lla rurai­kunata saki­chu­kuna. Chasa­lla­ta­mi alli ka iacha­chin­ga­pa, Taita Dius ima munas­kata ruraspa kaug­sa­na­kun­ga­pa.  
\v 17 Chasaka Taita Dius­pa runa­kuna, suma iuia­chiska i alli­lla iacha­chis­ka­mi kan­ga­kuna, tukuipi alli­lla ruraspa kaug­san­ga­pa. 
\c 4  
\p  
\v 1 Taita Dius­pa ñawipi i Iaia Jesu­cristopa ñawi­pi­mi kasa niiki. Pai Jesu­cristomi samun­ga­pa ka, kaug­sa­kunata i wañus­ka­kuna­ta­pas ima ruras­ka­kuna­manda iuia­chispa kawa­chin­ga­pa.  
\v 2 Dius­pa Rimai­ta alli­lla iuia­chispa, muna­na­kus­kata i mana muna­na­kuska­ta­pas willangi. Ima­ura­pas iacha­chingi, mana piñas­pa­lla. Mana alli­lla ruras­ka­kunata sumag­lla iuia­chingi. Mana samba­ias­pa­lla, tukui­kunata rimangi, alli­lla kaug­sa­chu­kuna.  
\v 3 Alli­lla iacha­chii­kunata mana uian­ga­pa puncha­kuna, ña­lla­mi chaia­mun­ga­pa ka. Chi mana uiag­kunaka, kikin­kuna imasa munas­ka­sina achka iacha­chig­kuna­ta­mi mas­kan­ga­kuna, pai kikin­kuna ima munas­ka­lla­ta iachai­kun­ga­pa.  
\v 4 Sutipa Alli Willai­ta mana uiaspa, munan­ga­pa­mi kan­kuna, ianga par­lu­kuna­lla­ta uian­ga­pa.  
\v 5 Ikuti kamka, mana iapa urdi­mal kangi. Ima lla­kii chaiag­pika, upa­lla kangi. Alli Willai­ta willas­pa­lla kangi. Kam tukui ruran­ga­pa chaias­kata alli­lla ruraspa kangi. 
\p  
\v 6 Nukata wañu­chi­wan­ga­pa pun­cha ñami chaia­muku, chi­ura Taita Diusta karag­sina tukuspa, paita alli iuia­chin­ga­pa.  
\v 7 Alli Willai­ta willaspa, alli suldadu­sina­mi kunan­kama kani. Kalpa­kus­ka­sina­pi chaian­ga­pa kaska­ma ñami chaia­kuni. Jesus­wa suma iuia­ris­kata mana sakis­pa­lla­mi kunan­kama kaug­sa­kuni.  
\v 8 Chasa alli­lla kaug­sa­kus­ka­manda, ñami llaugtu alli­chiska suia­wa­ku. Chi llaug­tu­taka, Iaia Jesus­mi, pai samug pun­cha iuka­chi­wag­samun­ga­pa ka. Pai­mi ka imasa chaias­ka­sina jus­ti­siai rurag. Chi llaug­tu­taka mana nuka­lla­ta kara­wag­samun­ga­pa kan­chu. Mai­kan pai samun­ga­pa pun­cha chaian­ga­pa suia­na­kuska­ta­pas­mi chasa­lla­ta karag­samun­ga­pa ka. 
\s1 Timoteo ima rurai iukaska­manda 
\p  
\v 9 Imasa ruras­pa­pas, utkalla samui, nukata kawa­wan­ga­pa.  
\v 10 Waugki Demaska, sita­was­pa­mi rirka Tesalónika pui­bluma. Kai alpa­pi tias­ka­kuna­lla­ta­mi pai mas muna­rirka. Waugki Kreskenteka, Gala­sia alpa­ma­mi rirka. Waugki Tito­ka, Dalmasia alpa­ma­mi rirka.  
\v 11 Waugki Lucas­lla­mi nuka­wa ka. Kam samu­ura, waugki Marcosta pusamu­wangi. Paipas alli­lla­mi tuku­wanga, nuka­wa Alli Willai­ta willan­ga­pa.  
\v 12 Waugki Tikiko­taka Efeso pui­blu­ma­mi kachar­kani.  
\v 13 Kam samu­ura, Troas pui­blupi waugki Karpopa wasipi nuka sakiska chura­ri­diruta i libru­kunata apa­mu­wangi. Chi­mandaka, iskribi­raiaska kara­kunata mana kun­ga­ris­pa­lla apa­mu­wangi. 
\p  
\v 14 Alejandro iruta ima­pas rurag­ka, nukata jirumi rura­warka. Pai ima ruras­ka­manda, Iaia Jesus­mi lla­ki­ri­puanga.  
\v 15 Paimi nukan­chi rimas­kata: “Chasaka mana kan­chu” sin­chi ni­kurka. Chi­manda kam­pas, paita mana rimangi. 
\p  
\v 16 Nukata jus­ti­sia­pagma musug­lla apa­wa­uraka, ñi pipas mana tiar­ka­chu, nuka­manda rima­puan­ga­pa. Tukui­kuna­mi, nukata saki­waspa, rirka­kuna. Nuka ninimi: pai­kuna­taka, Taita Dius mana ima­pas piña­pua­chu.  
\v 17 Iaia Jesus­mi, nuka­wa sug­lla­pi kaspa, tukuipi animu kara­warka. Chasa­wa­mi Alli Willai­ta nuka alli­lla willar­kani, tukui mana judíu kag­kuna­pas uian­ga­pa. Chi pun­cha, wañu­chi­wan­ga­pa ni­na­kus­ka­manda­mi Iaia Jesús nukata kis­pi­chi­warka.  
\v 18 Tukui mana alli runa­kuna­manda­pas­mi kis­pi­chi­wan­ga­pa ka. Micha­wan­ga­pa­mi ka, sug luarpi pai suma man­da­kus­kapi nuka chaiag­rin­kama. Pai Jesusta ima­ura­pas ni­sun­chi: “Kam, iapa suma atun­mi kangi, mai­tuku waranga waranga wata­kuna ialig­pi­pas”. Chasa kachu. 
\s1 Kaiakama, niska­manda 
\p  
\v 19 Pani Pris­kata, paipa kusa Aki­lata i waugki Onesiforopa wasipi tukui kaug­sa­na­kus­kata: “Puangi” ni­puai.  
\v 20 Waugki Erastoka, Korinto pui­blu­pi­mi chisia­ku. Waugki Tro­fi­mo­taka Mileto pui­blupi ungug­mi sakir­kani.  
\v 21 Kamka, utka­lla samui, manara tamia pun­cha­kuna chaia­mugpi. Eubulo, Pudente, Lino, Klau­dia, tukui sug waug­kin­di­kuna i pani­kuna­pas­mi kamta: “Puangi” ni­nakú. 
\p  
\v 22 Iaia Jesús, kamwa kachu. Taita Dius, kamwa kag­kunata sumag­lla kawa­pua­chu.