\id 2TH - Inga NT -Colombia 2009 (DBL -2013) 
\h 2 TESALONIKAPI CRISTOWA TUKUSKAKUNATA 
\toc1 2 Tesalonikapi Cristowa tukuskakunata 
\toc2 2 Tesalonikapi 
\toc3 2 Ts 
\mt1 TESALONIKA PUIBLUPI CRISTOWA TUKUSKAKUNATA 
\mt2 SAN PABLO ISKAIMA KARTA KACHASKAMANDA 
\c 1  
\p  
\v 1 Nuka Pablo, Silvano i Timo­teo­wa kaspa, kam­kuna Tesa­ló­nika pui­blupi Cristo­wa tukus­ka­kuna­ta­mi kai karta kachai­ki­chita. Kam­kuna, nukan­chipa Taita Dius­wa i Iaia Jesu­cristo­wa sug­lla­pi tukus­ka­mi kan­gi­chi.  
\v 2 Taita Dius i Iaia Jesu­cristo, kam­kunata kuias­pa, suma iuiai­wa kawa­pua­chu. 
\s1 Cristo samu­ura, Taita Diuska jiru rurag­kunata jus­ti­sian­ga­pa kaska­manda 
\p  
\v 3 Taita­kuna i mama­kuna, ima­ura­pas­mi iukan­chi, kam­kuna­manda Taita Diusta: “Pai Siñur” ninga. Kam­kuna Cristo­wa mas suma iuia­ri­na­kug­manda, kam kikin­pura mas sumag­lla kuia­na­kug­manda­mi nukan­chita chaiá, chasa “Pai Siñur” nin­ga­pa.  
\v 4 Kam­kunata piñaspa, unz̈aspa apa­na­kug­pi­pas, kam­kuna Cristo­wa suma iuia­ris­kata mana sakis­pa­lla­mi kan­gi­chi. Kam­kuna chasa kag­manda, nukan­chi kikin, Taita Dius­wa tukus­ka­kuna sug­kunapi kag­kunata alli iuia­chi­lla­mi kam­kuna­manda riman­chi.  
\v 5 Kam­kuna mana alli­lla pasa­na­kus­pa­pas, Cristo­manda mana kunga­rig­manda­mi Taita Dius alli­llapi jus­ti­siai ruran­ga­pa ka. Chasa­waka pudin­kan­gi­chimi, Taita Dius suma man­da­kus­kapi iai­kug­ringa. 
\p  
\v 6 Kam­kunata piñaspa unz̈aspa kag­kuna­taka alli­lla­mi ka, pai­kunata Taita Dius rabia­wa jus­ti­sia­chu;  
\v 7 chasa­lla­ta, kam­kuna mana alli pasa­na­kus­ka­taka nukan­chi­wan­ta tukui chi pasa­na­kus­kata sama­chi­chu. Iaia Jesús iapa iachag anjil­kuna­wa suma luar­manda kawa­rig­samu­ura, chi puncha­mi chasa sama­chig­samun­ga­pa ka. Paika, nina sindi chaug­pi­pi­mi samun­ga­pa ka.  
\v 8 Taita Diusta mana rig­sig­kunata, nukan­chipa Iaia Jesus­manda Alli Willai­ta mana uiag­kunata rabia­wa­mi jus­ti­sian­ga­pa ka.  
\v 9 Chi mana uiag­kuna­taka, mana ima­ura­pas wañu­diru nina­ma­mi sitan­ga­pa ka. Iaia Jesuspa ñawi­manda, paipa suma atun mandadiru tia­kus­ka­manda, karu­ma­mi sitai tukun­ga­pa kan­kuna, mana mas kawa­na­kun­ga­pa.  
\v 10 Chi puncha Iaia Jesús samu­uraka, pai­manda­lla kaug­sag­kunaka paita nin­ga­pa­mi kan­kuna: “Kam, iapa suma atun­mi kangi”. Tukui nukan­chi pai­wa iuia­rig­kuna, suma ujna­rispa, alli iuia­chii­wa­mi paita kawan­ga­pa kan­chi. Kam­kuna­pas, nukan­chi ima willas­kata uias­pa­mi chasa­lla­ta nukan­chi­wa paita nin­ga­pa kan­gi­chi: “Kam, iapa allimi kangi”. 
\p  
\v 11 Chi­manda, nukan­chipa Taita Diusta kam­kuna­manda ima­ura­pas kasa­mi mañan­chi: imasa­mi pai, kam­kunata agllarka: chasa­lla­ta tukui alli­llapi kawa­puaspa cha­ri­chu. Kasa­pas­mi paita mañan­chi: kam­kuna, pai­wa suma iuia­rii­kuna­wa ima­pas rura­na­kus­kaka, tukui chi­kuna, pai kikin­pa iapa iachai­wa alli­lla tukug­samu­chu.  
\v 12 Chasaka kam­kuna­manda, Iaia Jesús mas suma atun­ia­chii­mi tukun­ga­pa ka. Chasa­lla­ta, kam­kuna­pas pai­wa suma atun­ia­chii­mi tukun­ga­pa kan­gi­chi. Nukan­chipa Taita Dius i Iaia Jesu­cristo, kam­kunata suma kuias­pa­mi chasa cha­ri­puan­ga­pa ka. 
\c 2  
\s1 Iaia Jesús ikuti samun­ga­pa kaska­manda, mas alli­lla iacha­chiska­manda 
\p  
\v 1 Taita­kuna i mama­kuna, nukan­chipa Iaia Jesu­cristo ikuti samu­ura, nukan­chi pai­wa sug­lla­pi kag­rin­ga­pa kas­ka­manda kasa­mi willan­chi.  
\v 2 Sug­kuna ni­chu­kuna: “Iaia Jesús samui puncha, ña­mi chaia­murka”: chasa ni­na­kug­pi­pas, kam­kuna mana sug rig­cha iuian­gi­chi; mana mancha­rin­gi­chi. “Santu Ispi­ri­tu­wa­mi chasa rimani” ni­kug­pi­pas, mai­kan runa chasa rima­kug­pi­pas, mai­kan nukan­chi kartapi kachas­ka­sina chasa iacha­chi­kug­pi­pas,  
\v 3 ¡ujala­lla­pas kam­kunapa suma iuiaita pan­da­chi­chu! Manara chi pun­cha chaia­mug­pi­mi Taita Diusta mana munag­kuna kawa­rig­samun­ga­pa kan­kuna. Dil­tudu­pa chin­gan­ga­pa luarma sitai tukun­ga­pa kag jiru rurag runa­pas­mi kawa­rig­sa­mun­ga­pa ka.  
\v 4 Chi runaka, tukui dius ni­raias­ka­kunata i tukui kun­gu­rii rurag­kunata piñaspa, kal­pa­chispa, llug­si­chispa, tukui­kuna­manda mas atun­mi tukun­ga­pa ka. Taita Dius­pa atun wasi ukupi paipa man­da­dirupi tia­rispa, kikin Taita Dius­sina­mi ni­rin­ga­pa ka. 
\p  
\v 5 ¿Mana­chu iuia­rin­gi­chi, nuka, chara kam­kuna­wa kaspa, chasa­kuna rima­kugta?  
\v 6 Kuna­uraka iachan­gi­chimi, pi chi jiru rurag runata arka­kugta. Chasaka, paipa puncha chaian­kama, manara kawa­rig­samungachu.  
\v 7 Jiru rura­chig, mana pipas iachag­pi­pas, ña­mi kag­samú. Paita arka­kugta anchu­chi­ura­mi chi runa kawa­rig­samun­ga­pa ka.  
\v 8 Ari, chi punchami chi jiru rurag runa kawa­rig­samun­ga­pa ka. Chi­taka Iaia Jesús, kikinpa simi­wa pukus­pa­mi wañu­chig­samun­ga­pa ka. Ari, Iaia Jesús iapa suma kawa­rig­samus­ka­wa­mi chi runata puchu­kag­samun­ga­pa ka. 
\p  
\v 9 Chi jiru rurag runaka, iaia kukupa iachai­wa­mi samun­ga­pa ka. Iapa iachag kaspa, ñi pipas mana ima­ura­pas kawas­ka­sina ruras­pa­mi llulla­chig­samun­ga­pa ka.  
\v 10 Tukui jiru rurai­kuna­wa, mana ima­ura­pas wañu­diru ninama sitai tukun­ga­pa kag runa­kunata llulla­chis­pa­mi purig­samun­ga­pa ka. Chi runa­kunaka mana munar­ka­kuna, sutipa Alli Willai­ta uian­ga­pa. Mana kag­pika, kispi­rin­kunami.  
\v 11 Chi­manda, Taita Dius­mi pai­kunata sakí, pan­da­chii tukun­ga­pa, llu­lla­chig­kunata uian­ga­pa.  
\v 12 Cha­saka tukui pai­kuna, sutipa Alli Willai­ta mana uiaspa, jiru rurai­kuna­wa alli iuia­chi­ris­ka­kuna­manda­mi dil­tudupa nina­ma sitai tukun­ga­pa kan­kuna. 
\s1 Taita Dius agllaska­kuna, dil­tudupa kispi­chii tukun­ga­pa kaska­manda 
\p  
\v 13 Iaia Jesús kuiaska taita­kuna i mama­kuna, nukan­chika ima­ura­pas­mi iukan­chi, kam­kuna­manda Taita Diusta: “Pai Siñur” ninga. Taita Dius­mi kam­kunata ñugpa agllarka, kispi­chii tukun­ga­pa. Santu Ispi­ri­tu­wa­mi chasa kispi­chirka, kam­kuna pai­manda­lla kaug­san­ga­pa. Kam­kuna sutipa Alli Willai­ta suma iuia­ris­ka­manda­mi kispi­chirka.  
\v 14 Chasa kispi­chin­ga­pa­mi nukan­chi Alli Willai­ta willas­ka­wa kam­kunata kaiarka. Cha­saka, nukan­chipa Iaia Jesu­cristo­wa, paipa suma puncha luar­pi­mi kam­kuna­pas kag­rin­ga­pa kan­gi­chi. 
\p  
\v 15 Chasa­manda, taita­kuna i mama­kuna, nukan­chi kam­kunata rimaspa i karta kachaspa ima iacha­chis­kata mana sakis­pa­lla, mana kun­ga­ris­pa­lla kan­gi­chi.  
\v 16-17 Nukan­chipa Iaia Jesu­cristo kikin i nukan­chipa Taita Dius, kam­kunata alli­lla iuia­chispa cha­ri­pua­chu; chasaka kam­kuna, ima­pi­pas alli­lla rimaspa i ruraspa kaug­san­ga­pa. Pai Taita Dius, nukan­chita suma kuias­pa­mi iuia­chirka, alli suma iuiai­wa kaspa, mana puchuka­ri­diru kaug­saita suian­ga­pa. 
\c 3  
\s1 Nukan­chi­manda Taita Diusta maña­puai­chi, niska­manda 
\p  
\v 1 Kuna­ura mañai­ki­chi­ta­mi, tai­ta­kuna i mama­kuna, nukan­chi­manda Taita Diusta kasa maña­puai­chi: imasa­mi kam­kuna, Iaia Jesus­manda rimaita uiaspa, suma apir­kan­gi­chi: chasa­lla­ta mana unai­lla, chi rimaita tukui­kuna suma uiaspa chas­ki­chu­kuna.  
\v 2 Sug­kunaka, manara Jesus­wa iuia­rin­kuna­chu. Chi­manda, kasa­pas Taita Diusta maña­puai­chi: jiru iuiag runa­kuna­manda, pai nukan­chita kis­pi­chi­chu.  
\v 3 Iaia Jesús ima ruran­ga­pa niska, chasa­mi kanga. Pai­mi kam­kunata alli­llapi cha­rin­ga­pa ka; chasaka, mana pan­da­rispa kaug­san­ga­pa­kuna.  
\v 4 Iaia Jesus­manda iuia­ris­pa­mi iachan­chi, nukan­chi imasa nis­ka­sina kam­kuna rura­na­kugta i chasa­lla­ta ruran­ga­pa kagta­kuna.  
\v 5 Iaia Jesús kam­kunata iuia­chi­chu, Taita Diusta kuian­ga­pa i kikin Jesu­cristo­wa ima­pi­pas alli­lla ruran­ga­pa, mana sakis­pa­lla. 
\s1 Mana killas­pa­lla kaug­sa­sun­chi 
\p  
\v 6 Kam taita i mama­kunata, nukan­chipa Iaia Jesu­cristo imasa nis­ka­sina­mi kasa nin­chi: mai­kan waugki, killas­pa­lla, nukan­chi imasa iacha­chis­ka­sina mana kaug­sa­na­kus­ka­pag­manda anchu­rii­chi.  
\v 7 Kam­kuna alli­lla­mi iachan­gi­chi: imasa­mi nukan­chi, kam­kuna­wa kan­kama, mana killas­pa­lla tra­ba­jaspa kaug­sar­kan­chi: chasa­lla­ta­mi kam­kuna­pas kaug­sai iukan­gi­chi.  
\v 8 Ran­dis­pa­lla­mi mikur­kan­chi. Tukui puncha tutaiagta mana samas­pa­lla­mi sin­chi jumbigta tra­ba­jaspa kaug­sar­kan­chi; chasaka, kam­kunata mana mañas­pa­lla kan­ga­pa.  
\v 9 Nukan­chi, kam­kunata iacha­chig tai­ta­kuna kaspa, pudir­kan­chimi, kam­kunata: “Aida­wai” nin­ga­pa. Chasa pudis­pa­pas, kam­kunata kawa­chin­ga­pa­mi sin­chi jum­bigta tra­ba­jar­kan­chi. Chi­wanka, kam­kuna­pas iukan­gi­chimi chasa­lla­ta kaug­sanga.  
\v 10 Nukan­chi, kam­kuna­wa kan­kama, kasa­mi nir­kan­chi: “Mai­kan mana tra­ba­jan­ga­pa munag mana miku­chu”.  
\v 11 Nig­pika uia­na­kun­chimi: sug­kunaka, wasi wasi­lla­si puri­na­kun­gi­chi, ñi ima mana ruras­pa­lla.  
\v 12 Chasa kaug­sa­na­kus­ka­ta­mi iuia­chispa nin­chi: Jum­bispa sai­kugta tra­ba­jas­pa­mi iukan­gi­chi mikunga. Iaia Jesu­cris­to­mi chasa muná. 
\p  
\v 13 Taita­kuna i mama­kuna, mana samba­ian­gi­chi, alli­lla ruran­ga­pa.  
\v 14 Mai­kan­pas nukan­chi kai kar­tapi ima iacha­chis­kata mana uiag­taka kawai­chi: pi­mi ka. Chi­kuna­waka mana sug­lla­pi kan­gi­chi. Chasaka, sitas­ka­kuna­sina kag­ta­mi iuia­rin­ga­kunata.  
\v 15 Chasa kag­pi­pas, pai­kunata mana cha­rii­chi kun­tra­kuna kag­sina. Waugkindita­sina­mi iukan­gi­chi sumag­lla iuiai­wa kawanga. 
\s1 Kaia­kama, niska­manda 
\p  
\v 16 Iaia Jesús kikin sumag­lla kaug­saita karag, ima­pi­pas ima­ura­pas kam­kunata sumag­lla kaug­saita kara­pua­chu. Iaia Jesús, tukui kam­kuna­wa kachu. 
\p  
\v 17 Nuka Pablo, nuka kikinpa maki­wa­mi iskribiska, kai saludaita kachai­ki­chita. Tukui nuka kachaska karta­kuna­pi­mi chasa­lla­ta iskri­bini.  
\v 18 Nukan­chipa Iaia Jesu­cristo, tukui kam­kunata sumag­lla kawa­pua­chu.