\id 2JN - Inga NT -Colombia 2009 (DBL -2013) 
\h 2 SAN JUAN 
\toc1 2 San Juan 
\toc2 2 San Juan 
\toc3 2 Jn 
\mt1 SAN JUAN 
\mt2 ISKAIMA KARTA KACHASKAMANDA 
\c 1  
\p  
\v 1 Nuka, Jesus­wa tukuska­pura iacha taita kaspa, Taita Dius agllaska mama panita i kamba wam­bra­kuna­ta­mi kai karta kachai­ki­chita. Sutipa­mi kam­kunata suma kuiai­ki­chita. Mana nukalla kuiai­ki­chitachu. Sutipa Alli Willai­ta tukui rigsig­kuna­pas­mi kam­kunata kuian­kuna.  
\v 2 Nukan­chi sutipa Alli Willai­ta iuiaipi cha­ris­pa­mi kam­kunata kuiai­ki­chita. Chi sutipa Alli Willaika, dil­tudu­pa­mi nukan­chi­wa kan­ga­pa ka.  
\v 3 Taita Dius i Jesu­cristo, Taita Dius­pa wam­bra kaspa, kam­kuna­manda lla­ki­rispa, kam­kunata kuiaspa, suma iuiai­wa kawa­pua­chu; chasaka, sutipa Alli Willai­ta cha­rispa, kuia­na­kuspa kaug­san­ga­pa. 
\s1 Sumag­lla kikin­pura kuia­na­kuspa kaug­san­ga­pa iacha­chiska­manda 
\p  
\v 4 Kamba mai­kan wam­bra­kuna, Taita Dius imasa nis­ka­sina sutipa Alli Willai­ta cha­rispa, alli­lla kaug­sa­na­kugta kawas­paka, asku­rintimi alli iuia­chi­warka.  
\v 5 Kuna­uraka, mama pani, mañaikimi, nukan­chi­pura kuia­na­kuspa kaug­san­ga­pa. Chasa nis­ka­waka, musu mandaika mana ni­raian­chu. Chi mandai­taka kalla­riska­ura­manda­ta­mi iukar­kan­chi.  
\v 6 Kuia­na­kuika ni­raian­mi Taita Dius imasa nis­ka­sina ruraspa kaug­sa­na­kun­ga­pa. Kam­kuna imasa ñugpa­manda­ta uias­ka­sina ni­raias­kata iukan­gi­chimi kuia­na­kuspa kaug­sa­na­kunga. 
\s1 Llullaspa iacha­chig­kuna­manda 
\p  
\v 7 Ikuti llullaspa iacha­chig­kunaka, achka­kuna­mi kai alpapi puri­nakú. Pai­kunaka, llullaspa nin­kunami: “Jesu­cristoka, aicha­iug runa tukuspa mana kai alpama samur­ka­chu”. Chasa nig­kunaka, Cristo­manda llullaspa, paita mana munag­mi kan­kuna.  
\v 8 Kam­kuna suma iuia­ri­puan­gi­chi, kam­kuna alli rurai­kuna­manda apa­mu­na­kus­kata mana kichui tukun­ga­pa. Chasaka, Taita Dius ima karan­ga­pa kas­kata, tukui­mi chas­kin­kan­gi­chi. 
\p  
\v 9 Mai­kan­pas Cristo ima iacha­chis­kata sug rig­chata ialigta iacha­chig­kunaka, Taita Dius­wa mana kan­kuna­chu. Ikuti Cristo ima iacha­chiska­lla­ta katig­kunaka, Taita Dius­wa i paipa wam­bra­wa­pas­mi sug­lla­sina kan­chi.  
\v 10 Mai­kan­pas kam­kuna­pagma chaiag­rispa, Cristo ima iacha­chiska­lla­ta mana iacha­chig­pika, mana chas­kin­gi­chi. Mana paita: “Puangi” nin­gi­chi.  
\v 11 Mai­kan­pas chi llullaspa iacha­chig­kunata: “Puangi” nig­pika, chi llullag­kuna­wa­mi tukug­samú. 
\s1 Kaia­kama, niska­manda 
\p  
\v 12 Kam­kunata achka nin­ga­pa iuia­kus­pa­pas, mana munai­ki­chitachu iskribin­ga­pa. Chasa­paka, iuia­ku­nimi kam­kuna­pagma chaiag­rispa, ñawi ñawi rima­na­kun­ga­pa; chasaka, nukan­chi tukuipi suma alli iuia­chii­wa kan­ga­pa. 
\p  
\v 13 Taita Dius agllaska kamba ñañapa wam­bra­kuna­pas, kam­ta­mi: “Puangi” ni­nakú.