\id 1TI - Inga NT -Colombia 2009 (DBL -2013) 
\h 1 TIMOTEOTA 
\toc1 1 Timoteota 
\toc2 1 Timoteota 
\toc3 1 Ti 
\mt1 TIMOTEOTA 
\mt2 SAN PABLO MUSUGLLA KARTA KACHASKAMANDA 
\c 1  
\p  
\v 1 Jesu­cristo kacha­mus­ka­mi nuka kani, Alli Willai­ta willaspa purin­ga­pa. Taita Dius nukan­chita kispi­chig i nukan­chi suia­na­kuska Jesu­cristomi chasa ni­warka.  
\v 2 Kam Timo­teo­ta­mi kai karta kachaiki. Kam, Jesu­cristo­wa suma iuia­rig­manda­mi nuka kikinpa wam­bra­sina ka­puangi. Taita Dius i nukan­chipa Iaia Jesu­cristo, kamta kuiaspa, lla­kispa, suma iuiai­wa kawa­pua­chu. 
\s1 Llulla­chispa iacha­chig­kunata piñai iukaska­manda 
\p  
\v 3 Nuka Masedonia alpama llug­sin­ga­pa kaspa, kamta Efeso pui­blupi kan­ga­pa­mi mañarkaiki. Chasa kuna­ura­pas chi­lla­pita ka­puangi; chasaka, mana alli­lla iacha­chig­kunata kam upalla­chin­ga­pa.  
\v 4 Ianga par­lu­kunata mana puchu­kan­ga­sina ñug­pa­manda­kunapa wam­bra­kunapa wam­bra­kuna­manda sug­kuna willa­na­kus­kata mana uia­na­ku­chu. Chi par­lu­kuna­waka ianga rima­na­kui­mi tia. Chi­kuna­waka mana alli kan­kuna­chu, Taita Dius ima nis­kata ruran­ga­pa. Pai­wa suma iuia­ris­pa­mi chasa ruran­chi. 
\p  
\v 5 Chasa­paka iacha­chingi, tukuipi suma alli­lla mana jiru iuias­pa­lla, Cris­to­wa sutipa suma iuia­ris­pa­lla tukui pari­juma kuia­na­kuchu.  
\v 6 Sug­kunaka, chasa kuia­na­kun­ga­pa sakispa, ianga piña­chi­ri­na­kus­pa­lla­mi kaug­sa­nakú.  
\v 7 Pai­kuna, sutipa chasa kagta nispa rimas­kata mana iachas­pa­pas, muna­na­kumi, Moisés ima ruran­ga­pa nis­kata iacha­chig taita­kuna tukun­ga­pa. 
\p  
\v 8 Kasa­mi iachan­chi: Moisés nis­kata imasa alli­lla ruraspa kaug­san­ga­pa iacha­chig­pika, suma­mi ka.  
\v 9 Kasa­pas­mi iachan­chi: Moisés niska, alli­lla kaug­sa­na­kus­kata iuia­chin­ga­pa mana kan­chu. Subir­biaspa mana uiag­kuna­manda­mi ka. Chasa­lla­ta, mana Taita Diusta manchag­kuna­manda i tukuipi mana alli­lla rurag­kuna­manda, Taita Diusta mana munag­kuna­manda i paita kami­rig­kuna­manda, taita­ta i mamata wañu­chig­kuna­manda, pi­ta­pas wañu­chin­ga­pa munag­kuna­manda,  
\v 10 kari warmi­wa pan­da­rig­kuna­manda, kari­pura war­mi­wa­sina panda­rig­kuna­manda, runa­kunata randispa katug­kuna­manda, llullag­kuna­manda, llullaspa jurag­kuna­manda i Jesu­cristo­manda alli­lla iacha­chis­kata tukui sug rig­cha sug rig­cha nispa wabutig­kuna­manda­pas­mi ka.  
\v 11 Chi alli­lla iacha­chii, tukuipi alli Taita Dius­pa asku­rinti suma Alli Willai­ta­mi willa­raiá. Chi Alli Willai­ta­mi min­ga­waska ka, nuka willaspa purin­ga­pa. 
\s1 Taita Dius, San Pablo­manda llaki­rispa, suma kawaska­manda 
\p  
\v 12 Nukan­chipa Iaia Jesu­cristomi iapa animu kara­warka. Pai ima nis­kata nuka ruran­ga­pa kagta iachas­pa­mi pai kikin aglla­warka, pai ima nis­kata rurag kan­ga­pa. Chi­manda­mi nuka paita: “Pai Siñur” nini.  
\v 13 Ñug­pata karka­nimi pai­manda mana alli­lla rimaspa kami­dur. Chasa­lla­ta, pai­wa tukus­ka­kunata puchu­kan­ga­pa kal­pa­chi­dur­mi kar­kani. Pai­wa manara iuia­rispa, paita mana alli­lla iachas­pa­mi chasa rura­kur­kani. Chi­manda­mi Taita Dius nuka­manda llaki­ri­puarka.  
\v 14 Nispa nukan­chipa atun Taita Dius, iapa suma­mi kawa­warka. Chasa­lla­ta, Jesu­cristo­wa kara­mu­warka, pai­wa iuia­rispa, sumag­lla kuiaspa kaug­san­ga­pa. 
\p  
\v 15 Jesu­cristo, kai alpa­ma­mi samurka, panda­rii iukag­kunata kis­pi­chin­ga­pa. Chasa rimaika, tukuipi sutipa­mi ka. ¡Amalai tukui­kuna, chasa iuian­tran­gi­chi! Tukui­kuna­manda mas panda­rii iukagmi nuka kani.  
\v 16 Nuka chasa kag­pi­pas, Jesu­cristo ñugpa nuka­wa kawa­chirka, pai tukui pasin­sia­wa kagta. Chi­manda­mi Taita Dius nuka­manda llaki­ri­puarka. Chasa­pika, nuka tukug­samurka­nimi, sug­kunata kawa­chig­sina pai iapa pasin­siadu kagta; chasaka pai­kuna­pas, Jesu­cristo­wa suma iuia­rispa, mana puchuka­ri­diru kaug­saita chas­kin­ga­pa.  
\v 17 Sug­lla Taita Dius, ima­ura­pas iaia man­dag­mi ka. Paimi mana kawa­rig i mana wañug ka. Pai nukan­chi­manda iapa llaki­rispa suma kawas­ka­manda, paita ni­sun­chi: “Kam, iapa suma alli­lla atun­mi kangi, maituku waranga waranga wata­kuna ialig­pi­pas”. Chasa kachu. 
\p  
\v 18 Timoteo, nuka­pa wam­bra­sina kag­manda, imasa­mi Santu Ispi­ri­tu­wa rimag­kuna ñugpata kam­manda willar­ka­kuna: chasa­lla­ta­mi kamta minga­kuiki, alli sul­da­du­sina Dius­pa Rimai­manda maka­na­kug­sina kan­ga­pa.  
\v 19 Chasaka, Cristo­wa suma iuia­rispa, tukui alli­lla iuiai­wa imasa chaias­ka­sina ruras­pa­mi kaug­san­kangi. Ikuti sug­kunaka, kikinpa alli iuiaita mana uiaspa, pan­da­rispa, Cristo­wa iuia­ris­ka­kuna­ta­mi wabu­tir­ka­kuna.  
\v 20 Imeneo i Ale­jan­dro­mi chasapi kan­kuna. Pai­kuna­taka iaia kuku­ta­mi karar­kani, Taita Diusta mana kamin­ga­pa iachai­ku­chu­kuna nispa. 
\c 2  
\s1 Imasa Taita Diusta mañai iukaska­manda 
\p  
\v 1 Tukui­manda ñugpa, kasa iacha­chin­ga­pa­mi mañaiki: tukui­kuna­manda Taita Diusta mañaspa i ruaspa, “Pai Siñur” nispa kan­gi­chi.  
\v 2 Atun man­dag­kuna­manda i tukui pai­kuna­wa kag­kuna­manda­pas­mi mañai iukan­gi­chi; chasaka nukan­chi, Taita Diusta iuia­rispa, tukuipi alli iuiai iukaspa, sumag­lla alli­lla kaug­sa­na­kun­ga­pa.  
\v 3 Chasa mañag­pi­kunaka, alli­lla­mi ka. Taita Dius nukan­chita kis­pi­chi­dur­ta­mi suma kun­tin­ta­chi­sun­chi.  
\v 4 Paika munan­mi, tukui­kuna kis­pi­chiska kan­ga­pa. Pai­manda sutipa Alli Willai­ta iacha­chu­kuna­mi muná. 
\p  
\v 5 Suglla Taita Dius­mi tia. Sug­lla runa­mi tia, Taita Dius­wa i runa­kuna­wa pasin­sia­chig. Chi runa kan­mi Jesu­cristo.  
\v 6 Pai kikin­mi saki­rirka, tukui­kuna­manda wañu­chii tukun­ga­pa; chasaka, nukan­chita kispi­chin­ga­pa. Imasa­mi Taita Dius, chi punchapa niska karka: chasa­mi tukug­samurka.  
\v 7 Chi­manda­mi nuka­pas Jesu­cristo agllaska kacha­muska kani; chasaka, Alli Willai­ta willaspa purin­ga­pa. Chasa nukata chaia­wa­ku, mana judíu kag­kuna­ta­pas chi sutipa Alli Willai­ta alli­lla iacha­chin­ga­pa, pai­kuna­pas Cristo­wa iuia­rin­ga­pa. Nuka, mana llu­llas­pa­lla­mi sutipa kas­kata niiki. 
\p  
\v 8 Chasa­manda­mi munani: kari­kuna, maipi kaska­pi­pas, Taita Diusta suma iuia­rispa mañaspa kan­gi­chi, awa­sinama maki chu­raspa. Tukuipi alli iuiai­wa mañaspa kan­gi­chi, mana piña­chi­ri­na­kus­pa­lla, mana aini­ri­na­kus­pa­lla. 
\p  
\v 9 Chasallatami munani: war­mi­kuna­pas, mana iapa awapi i mana achka kulki­wa randiska katan­ga­kuna chura­ri­chu­kuna. Uma­manda agcha­kuna­ta­pas mana iapa suma­ia­chi­chu­kuna. “Suma­ia­sami” iuia­rispa, iapa bali katan­ga­kuna, kurita pir­la­kunata ruraska u ima­kuna­pas mana chu­ra­rispa kaug­sa­chu­kuna.  
\v 10 Chasa­paka, ima­sa­mi Taita Diusta iuia­rispa warmi­kuna iukan­kuna kaug­sanga: chasa­lla­ta tukuipi alli­lla ruraspa kaug­sa­na­ku­chu. 
\p  
\v 11 Warmikuna, tukui ima iacha­chi­kus­kata upa­lla uiaspa iachai­ku­chu­kuna.  
\v 12 Warmi­kunata mana saki­ni­chu, kari­kunata iacha­chispa, man­dag kan­ga­pa. Pai­kuna iukan­kunami, ima iacha­chi­kus­kata upa­lla uia­na­kunga.  
\v 13 Adan­ta­mi Taita Dius ñugpa wiña­chirka; nis­paka Evata.  
\v 14 Chasa­lla­ta, Adán mana ñugpa llu­lla­chii tukur­ka­chu. War­mi­mi ñugpa llu­lla­chii tukurka. Chi­manda­mi pan­da­rig tukug­samurka.  
\v 15 Chasa tukug­samus­pa­pas, war­mi­kunaka alli mama kas­pa­mi kis­pi­rin­ga­pa kan­kuna, tukui­kuna­wa alli­lla iuiai­wa kaspa, Cristo­wa suma iuia­rispa, tukui­kunata kuiaspa i Taita Dius­manda­lla kaug­saspa. 
\c 3  
\s1 Cristowa tukuska­kuna­pura iacha­chig taita­kuna, imasa kaug­sai iukaska­kuna­manda 
\p  
\v 1 Kasa sutipa­mi niiki: mai­kan­pas Cristo­wa tukus­ka­kuna­pura iacha­chig taita kan­ga­pa munag, alli­lla ruran­ga­pa­mi muna­ku.  
\v 2 Chi­manda­mi iacha­chig taitata chaiá, ñi ima­pi­pas mana piñai tukun­ga­sina kan­ga­pa. Sug warmi­lla­wa kaug­sachu. Mana iapa urdi­mal kachu. Tukui­wa alli­lla iuiai­wa, sumag­lla kuiai tukug, wasima pipas chaiag­ris­kata: “Iai­kui” ni­dur ka­chu. Alli­lla iacha­chin­ga­pa pudi ka­chu.  
\v 3 Mana kachu machan­gi­chu, pi­wa­pas piña­chi­ri­na­kug, kul­ki­man­da­lla iuiaspa kaug­sag. Pilia­rin­ga­taka, pasin­sialla iuiai­wa kachu.  
\v 4 Kikin­pa wasi­pi­pas sumag­lla kaug­san­ga­pa iacha­chi­chu, paipa wam­bra­kuna sumag­lla kuiaspa uia kan­ga­pa­kuna.  
\v 5 Mai­kan­pas kikinpa wasi­pi kaug­sa­na­kus­kata sumag­lla kaug­sa­na­kun­ga­pa mana iacha­chii pudig­pika, ¿ima­sa­tak Taita Dius­wa tukus­ka­kunata pudí, sumag­lla kawaspa iacha­chin­ga­pa?  
\v 6 Cristo­wa iuia­rin­ga­pa musug­lla kalla­ri­kug­sina mana kachu. Pai­wa musug­lla iuia­rig kag­pika, pudin­mi atun kagta iuia­ringa. Chi­wanka, ima­sa­mi iaia kuku, urmaspa, jus­ti­siai tukurka: chasa­lla­ta­mi jus­ti­siai tukunga.  
\v 7 Cris­to­wa manara iuia­rig­kuna­pas pai­manda: “Alli­lla­mi kaugsá” iuia­rispa kawa­na­ku­chu. Mana chasa kag­pika, pudin­mi chi iaia kukupa tug­lla­pi­sina urmaspa, tukui wag­llinga. 
\s1 Cristowa tukuska­kunata aidag­kuna, imasa kaug­sai iukaska­kuna­manda 
\p  
\v 8 Cristowa tukus­ka­kunata aidag­kuna­ta­pas chasa­lla­ta­mi chaiá, ñi ima­pi­pas mana piñai tukunga­sina kan­ga­pa; chasaka, suma iuiai­wa kawa­chu­kuna. Pai­kuna rimaska mana ianga ka­chu­kuna; mana machangichu ka­chu­kuna; chasa­lla­ta, imasa­pi­pas kulki mira­chin­ga­pa iuiai­lla­wa mana ka­chu­kuna.  
\v 9 Cristo­manda iuia­riska mana pipas ñugpata iachas­kata cha­ri­ri­chu­kuna, tukuipi alli­lla iuiai­wa tukuspa.  
\v 10 Kasapas. Pai­kunata cha­ia­kumi, ñugpa kawaspa, imasa kag­ta­kuna iachan­ga­pa. Nis­paka, tukuipi alli kagta kawa­rig­pi­kunaka, pudin­ga­kunami, Cristo­wa tukus­ka­kunata aidag kan­ga­pa. 
\p  
\v 11 Warmikunatapas chasa­lla­ta­mi chaiá, ñi ima­pi­pas mana piñai tukun­ga­sina kan­ga­pa; chasaka, suma iuiai­wa kawa­chu­kuna. Mana ka­chu­kuna wasa rimag­kuna i iapa urdi­mal­kuna. Suma rurai­kunata mana kun­ga­ri­chu­kuna. 
\p  
\v 12 Cristowa tukus­ka­kunata aidag runa­kunaka, sug warmi­lla­wa kaug­saspa, pai­kunapa wam­bra­kunata i wasipi kaug­sag­kunata sumag­lla kaug­san­ga­pa iacha­chi­chu­kuna.  
\v 13 Chi aidag­kuna­taka, alli­lla ruras­ka­manda, suma iuiai­wa­mi kawan­ga­kuna. Chasaka pai­kuna, Jesu­cristo­wa suma iuia­ris­ka­manda mana man­chas­pa­lla­mi willan­ga­kuna. 
\s1 Nukan­chi Cristo­manda iuia­riska iachaika, asku­rinti suma­mi ka 
\p  
\v 14 Kam­bagma utkalla chaiag­rin­ga­pa iuia­kus­pa­pas, kai karta­ta­mi kachaiki.  
\v 15 Chi­wanka, nuka una­iag­pika, kam iachan­kangimi, Dius­pa wasi­manda­pura imasa kaug­sa­na­kugta. Dius­pa wasi­man­da­kunaka ni­raian­mi Taita Dius ima­ura­pas kaug­sagwa tukus­ka­kuna. Imasa­mi wasita pilar­kuna­wa rumi­kuna­wa sin­chi charí: chasa­lla­ta­mi Cristo­wa tukus­ka­kuna, sutipa Alli Willai­ta cha­rig kan­kuna.  
\v 16 Sutipa­mi kasa niiki: nukan­chi Cristo­manda iuia­riska mana pipas iachas­kata iachaika, asku­rinti suma­mi ka. Kuna­ura, kasa­mi iachan­chi: 
\q1 Cristoka, runa tukuspami kawa­rig­samurka. 
\q1 Santu Ispiritumi kawachirka, 
\q1 kaugsaipi wañuipipas, pai ñi ima mana panda­rig kagta. 
\q1 Anjilkunatami pai kawarirka. 
\q1 Mana judíu kagkunatapasmi 
\q1 paimanda willai uia­rig­rirka. 
\q1 Kai tukui alpapimi 
\q1 chi paimanda Alli Willai­ta 
\q1 iuia­rin­ga­pa tukug­samurka. 
\q1 Paika, sug luarmami apai tukurka, 
\q1 suma punchapi kag­rin­ga­pa. 
\c 4  
\s1 Cristowa iuia­ris­kata sakig­kuna­manda 
\p  
\v 1 Santu Ispí­ritu, allita willaspa, kasa­mi ni: “Tuku­rii puncha­kuna ña chaia­muku­ura, sug­kunaka, Cristo­wa iuia­rii­kunata sakispa, llu­lla­chig kuku waira­kuna­wa iacha­chig­kuna­ta­mi uian­ga­pa kan­kuna.  
\v 2 Chi iacha­chig­kunaka, miski simi­mi iukan­ga­pa kan­kuna. Tukuipi llu­llas­pa­mi kan­ga­pa kan­kuna. Jiru ruras­ka­manda­mi pai­kunapa alli iuiaita wañu­chii tukus­ka­sina kan­ga­pa kan­kuna.  
\v 3 Chi llullaspa iacha­chig­kuna­mi nin­ga­kuna mana kasa­ran­ga­pa; mai­kan mikuita mikun­ga­pa, sug mikui­kuna­taka sakin­ga­pa”. Chi mikui­kuna­taka, Taita Dius­mi ruraska ka; chasaka, pai­manda sutipa Alli Willai­ta iuia­rispa kag­kuna, paita: “Pai Siñur” nispa, mikuspa ka­chu­kuna.  
\v 4 Taita Dius ima ruras­kaka, tukui alli­lla­mi ka. Chi­manda, ñi ima­ta­pas mana wabu­tii chaian­chu. Sumag­lla “Pai Siñur” nis­pa­mi miku­diru ka.  
\v 5 Dius­pa Rimai­manda i paita: “Pai Siñur” nis­ka­kuna­manda­pas­mi chi mikui­kuna mana mapa kag­sina ni­raiag­samú. 
\s1 Jesu­cristopa alli lutrin­sina­manda 
\p  
\v 6 Nuka ima ni­kus­kata Jesu­cristo­wa tukus­ka­kunata kam iacha­chig­pika, paipa alli lutrin­sina­mi kan­kangi. Chi Alli Willai­kunata nuka iacha­chis­kata kam uiaspa kati­chi­kug­pika, alli mikui miku­kug­sina­mi kan­kangi.  
\v 7 Kasa­pas­mi niiki: kai alpa­manda­lla ianga parlu­kuna­ta­pas mana uia­kungi. Chasa­paka, Taita Diusta iuia­ris­pa­lla kangi.  
\v 8 Pugllai­kuna iachai­kuika, mailla alli­mi ka. Ikuti Taita Diusta iuia­riika, tukui­manda mas alli­mi ka. Kaipi kaug­sai­manda i sug luar­manda­pas­mi alli ka.  
\v 9 Chasa rimaika, tukuipi sutipa­mi ka. ¡Amalai tukui­kuna, chasa iuian­tran­gi­chi!  
\v 10 Chi­manda­mi nukan­chi, sin­chi trabaju pasaspa ruran­chi. Mas iapa llakii­kuna pasa­na­kus­pa­pas, Taita Dius ima­ura­pas kaug­sagta suma suias­pa­mi chasa mana saki­rin­chi. Paika, tukui­kunata kispi­chig­mi ka. Pai­wa suma iuia­rig­kuna­ta­mi mas kispi­chin­ga­pa muná. 
\p  
\v 11 Nuka ima ni­kus­kata ruran­ga­pa­mi iukangi suma iuia­chispa iacha­chinga.  
\v 12 Mana pipas kamta wasa chura­chu­kuna, “Musu­mi kangi” nispa. Chasa­paka, iukangimi tukuipi alli kanga: rimas­kapi, suma kaug­sas­kapi, kuias­kapi i iuias­kapi, tukui jiru iuiai­kunata sakispa; chasaka, Cristo­wa suma iuia­rig­kunata imasa kaug­sa­na­kun­ga­pa chaiagta kawa­chin­ga­pa.  
\v 13 Nuka manara chaiag­rin­kama, Dius­pa Rimai iskribi­raias­kata uia­chispa, suma iuia­chispa, alli­lla iacha­chispa kangi.  
\v 14 Cristo­wa tukuska­pura iacha taita­kuna, Santu Ispi­ri­tu­wa rimaspa, kamta maki chura­ura, Taita Dius karaska; chi­ta­pas mana kun­ga­ris­pa­lla iuia­kungi. 
\p  
\v 15 Tukui chi­kunata ruran­ga­paka, tukuipi suma iuia­rispa kangi. Chasaka, tukui­kuna­mi kawan­ga­kuna, kam alli­lla iachaita mas iachai­ku­kugta.  
\v 16 Kam kikin iuia­ringi, alli iuiai­wa kan­ga­pa. Kam kikin iacha­chi­kus­ka­ta­pas kawangi, alli­lla­chu ka. Tukuipi mana sakis­pa­lla kangi. Chasa rurag­pika, kam kikin kispi­rin­kangimi. Kamta uiag­kuna­pas­mi kispi­rin­ga­kuna. 
\c 5  
\s1 Imasa sug­kunawa kaug­sai iukaska­manda 
\p  
\v 1 Achala runa­kunata mana sin­chi rimangi. Kamba taita­ta­sina­mi iukangi suma iuia­chinga. Musu­kuna­ta­pas chasa­lla­ta waug­kin­dita­sina suma iuia­chingi.  
\v 2 Acha­la warmi­kuna­taka mama­ta­sina suma iuia­chingi. Sipas­kuna­taka, mana jiru iuias­pa­lla, panin­di­ta­sina suma iuia­chingi. 
\p  
\v 3 Mana iukag sapalla kidaska warmi­kuna­taka ima minis­tis­ka­kunata aidangi.  
\v 4 Mai­kan biudapas wam­bra­kuna i wam­bra­kunapa wam­bra­kuna iukag­pika, chi wam­bra­kunata ñugpa iacha­chingi, pai kikin­pura suma llaki­rispa, ima­kuna­pi­pas mamata i taitata: “Pai Mamita, Pai Siñur” nispa aida­na­ku­chu. Chasa rurag­kuna­mi Taita Diusta suma kun­tin­ta­chin­kuna.  
\v 5 Ikuti sapa­lla kidaska war­mika iukan­mi, tuta pun­cha­pas Taita Diusta iuia­ris­pa­lla mañaspa, paita iuias­pa­lla kanga.  
\v 6 Mai­kan biu­da­pas kikin­manda­lla alli iuia­chi­rispa kaug­sagka, wañus­ka­sina­mi ni­raiá. 
\p  
\v 7 Nuka ima ni­kus­kata ruran­ga­paka, alli­lla iacha­chingi. Chasa­waka uiaspa rurag­kunata, ñi pipas mana piñai pudin­ga­kunata­chu.  
\v 8 Ikuti mai­kan­pas pai­pura­kuna­manda i mas­pas kikin­pa wasipi kaug­sa­na­kus­ka­manda kuidan­ga­pa kun­ga­rig­ka, chi Alli Willai­ta uias­kata piña­rig­mi ni­raiá. Taita Diusta mana uiag­kuna­manda mas pan­da­rig­mi ni­raiá. 
\p  
\v 9 Sapalla kidaska warmi­kunata aidan­ga­pa willa­raiaska libru­pika chu­rangi sugta chunga iali wata­iug i sug­lla kusa iukas­ka­kuna­lla­ta.  
\v 10 Iukangimi, pai­kuna alli­lla ruraspa kag­kunata kasa rigsinga: wam­bra­kunata alli wiña­chis­pa­chu ka; paipa wasima chaiag­ris­ka­kunata sumag­lla­chu chaskí; Taita Dius­pa­lla kag­kunata chaki­kunata mai­llas­pa­chu ka; ima llakii iukas­ka­kuna­ta­pas sumag­lla­chu aidan­ga­pa kawá; ni­sun­chi: tukui ima­pi­pas alli­lla ruraspa kagta, chasa­kunata chi libru­pi churangi aidan­ga­pa­kunata. 
\p  
\v 11 Ikuti mas sipas biuda­kunapa suti­kuna­taka mana chi librupi chu­rangi. Pudin­kunami, pai­kunapa iuiaska munaita mana sakin­ga­pa pudispa, Cristota wasa churag­sina ruras­paka, ikuti kasaran­ga­pa muna­na­kunga.  
\v 12 Chasa ruras­paka, pai­kuna mana imasa Cristota nis­ka­sina rurag­manda­mi panda­rig tukug­samun­kuna.  
\v 13 Kasa­pas­mi tukug­samun­kuna: killa wangu tukuspa, wasi wasi­lla­mi purin­ga­pa munan­kuna. Mana killa wangulla tukun­kuna­chu. Chankual­kuna tukuspa, tukuipi rima­ris­pa­mi purin­kuna. Imasa mana chaiaska par­lu­kuna wasa rimai­kuna rimas­pa­lla­mi purin­kuna.  
\v 14 Chi­manda­mi munan­trani: sipas biuda­kunaka ikuti kasaran­tra­kuna, wawita iuka­chu­kuna; alli­lla wiña­chi­chu­kuna; kikinpa wasipi tukui alli­lla ruraspa kaug­sa­chu­kuna. Cha­saka, iaia kukuka mana pudin­ga­chu, ñi ima jucha­chinga.  
\v 15 Mai­kan biuda­kuna, ñami Cristo­wa iuia­ris­kata sakispa, iaia kukuta kati­chi­nakú. 
\p  
\v 16 Kasapas. Maikan [warmi] Cristo­wa iuia­rig, sug biuda pai­pura iukag­pika, chi biu­data sumag­lla kawaspa, ima minis­tis­ka­kunata aida­chu­kuna. Chasaka, tukui Cris­to­wa tukus­ka­kunata mana chaian­ga­chu paita kawan­ga­pa. Chi­wanka, pai­kuna pudin­ga­kunami, sapa­lla warmi kidas­ka­kunata aidan­ga­pa. 
\p  
\v 17 Cristowa tukuska­pura iacha taita­kunata iukangimi, iskai biaji “Pai Siñur” nispa munanga. Dius­pa Rimaita willaspa iacha­chis­pa­lla kag­kuna­taka masmi chaia­ku kulki karanga.  
\v 18 Chasa­lla­ta­mi ñugpa­manda librupi willa­raiá, kasa nispa: 
\q1 Triguta saruspa iskug wagrata 
\q1 mana simita watangi. 
\m Chasa­lla­ta­mi ni­raiá: 
\q1 Maikan trabajag­kuna­ta­pas chaian­mi, 
\q1 trabajaskamanda paganga. 
\p  
\v 19 Cristowa tukuska­pura iacha taita­kuna­manda pipas ni­na­kuchu: “Mana alli­lla ruran­chu”: iskai u kimsa kawas­ka­kuna mana chasa­lla­ta willag­pi­kunaka, kam mana ñi ima­pas uia­kungi.  
\v 20 Mai­kan­pas ikuti ikuti panda­rig­taka tukui­kunapa ñawipi iuia­chispa piñangi. Chasa kawas­paka, sug­kunaka, mancha­rispa, mana chasa panda­rii­kunata ruran­ga­kuna­chu.  
\v 21 Taita Dius­pa, Jesu­cristopa i agllaska anjil­kunapa ñawi­pi­mi kai ni­raias­kata mingaiki: nuka ima kamta niska iuia­chis­ka­kunata rurangi, ñi pi­ta­pas mana agllas­ka­sina iuias­pa­lla.  
\v 22 Manara alli­lla rigsispa kawas­pa­lla, kamba maki mana pi­ta­pas chura­kungi, Cristo­wa tukuska­pura iacha taita kan­ga­pa. Mana kag­pika, pai­kuna mana alli­lla rurag­pi­kuna, kam pan­da­ri­kug­sina­mi tukunga. Ima­kuna­pi­pas sumag­lla iuiaipi kangi. 
\p  
\v 23 Kam ikuti ikuti wigsa nanai ungug kaspa, kuna­ura­manda nii­kimi: mana iakulla upiangi. Aslla aslla binu­ta­mi iukangi upianga. 
\p  
\v 24 Sug­kuna panda­ris­ka­manda ñami iacharí, manara kabilduma chaiag­rigpita. Ikuti sug­kuna panda­ris­ka­kuna­mandaka mas nis­pa­mi iacharí.  
\v 25 Chasa­lla­ta, ima alli­lla ruras­ka­kuna­manda ñami iacharí. Ikuti manara iacha­ris­kaka, mana pakalla kidan­chu. Ima­ura­pas­mi iacharí. 
\c 6  
\p  
\v 1 Mai­kan lutrinpas, kikinpa patrunta tukuipi suma iuiai­wa uia­chu­kuna. Chasaka, Taita Dius i pai­manda ima iacha­chis­ka­kuna mana kami­ris­pa­lla ka­chu­kuna.  
\v 2 Cris­to­wa iuia­rig patrun iukag­kunaka mana ni­chu­kuna: “Nuka­pa patrun, nuka­wa waug­kin­di­sina­mi ña kan­chi. Chi­wanka, paita mana uiasa”. Chasa­paka iuia­ri­chu­kuna, chi patrun­kuna Cristo­wa iuia­rig kuiaska waug­kin­di­sina kagta­kuna. Chasa iuia­ris­paka, mas alli­lla rura­chu­kuna. Chi nis­ka­kuna­ta­mi iukangi, sin­chi iuia­chispa iacha­chinga. 
\s1 Taita Dius­wa suma iuia­ris­paka, iapa iukag­sina­mi kan­chi 
\p  
\v 3 Mai­kan­pas, Iaia Jesu­cristopa alli suma rimai­kuna­wa i Taita Dius­wa iuia­rin­ga­pa iacha­chis­ka­kuna­wa iuia­ringa­taka, sug rigcha iacha­chig­kunaka,  
\v 4 atun tukuspa, “Iacha­mi kani” iuia­rispa, ñi imapi alli­lla iuiaita mana iukan­kuna­chu. Chi runa­kunaka, ima rimai­pi­pas mas­ka­rin­kunami, sug­kuna­wa aini­chi­ri­na­kuspa nin­ga­pa: “Kam rimas­kaka, mana alli­lla kan­chu”. Chi­manda­mi kasa mana alli­lla tukug­samú: sug­kunata jiru iuiai­wa kawan­ga­pa; piña­chi­ri­na­kun­ga­pa; kami­na­kun­ga­pa; mana alli­lla sug­kuna­manda iuia­na­kun­ga­pa;  
\v 5 sutipa kas­kata sakispa, jiru iuiag­pura piña­chi­ri­na­kun­ga­pa, mana tuku­rin­kama. Chasa­kuna iuian­kunami, Taita Dius­wa iuia­ris­paka, iapa kulki iukag tukug­samun­ga­pa kag­ta­kuna. Pai­kuna­pag­mandaka anchu­ringi.  
\v 6 Taita Dius­wa suma iuia­ris­paka, mana ñi ima iukas­pa­pas, iapa iukag­sina­mi kan­chi. Chasaka, Taita Dius ima karas­ka­lla­wa alli­lla­mi kaug­sa­sun­chi.  
\v 7 Nukan­chi tiag­samu­ura, ñi ima­wa mana chaiag­samur­kan­chi­chu. Chasa­lla­ta, wañu­ura, ñi ima­pas mana apaspa rin­ga­pa kan­chi­chu.  
\v 8 Mikun­ga­pa i katanga chura­rin­ga­pa tia­chu: chi­kuna­lla­wa­mi iukan­chi kun­tin­ta­rispa kanga.  
\v 9 Ikuti iapa iukan­ga­pa iuia­rispa munag­kunaka, mana­mi pudin­ga­pa kan­kuna, chasa iuiai­kunata sakin­ga­pa. Tug­lla­pi­sina urmaspa, wag­lli­chi­rin­kunami. Iapa upa­sina, tukui iukan­ga­pa­mi munag­samun­kuna. Chasa iuiai­lla­wa kas­ka­kuna, dil­tudu­pa­mi waglli­rispa puchuka­rin­kuna.  
\v 10 Kulkita iapa kuiaspa munag, tukui mana alli­llapi urma­chig­mi ka. Sug­kunaka, kul­ki­lla­wa iapa iuiaspa, Cristo­wa iuia­ris­kata sakispa, sug mana alli ñambi­ta­mi rig­sina ruran­kuna. Chasaka, iapa lla­kii iukas­pa­lla­mi kaug­san­kuna. 
\s1 Timoteo ima rurai iukaska­manda 
\p  
\v 11 Kamka, Taita Dius­pa runa kaspa, tukui chi jiru iuiai­kuna­manda anchu­rispa kaug­sangi. Taita Dius ima munas­kata ruraspa, paita suma iuia­rispa, Cristo­wa tukui iuia­ris­kata mana sakis­pa­lla kaug­sa­kungi. Chasa­lla­ta, tukui­kunata kuiaspa, mana piña­na­kus­pa­lla, mana atun­ia­chi­ris­pa­lla iuiaipi kangi.  
\v 12 Cristo­manda­lla iuia­rispa tukuipi binsispa kangi. Mana puchu­ka­ri­diru suma kaug­saita, ¡ujala­lla­pas kichui tukungi! Chi kaug­sai­ta iukan­ga­pa­mi Taita Dius kamta kaiarka. Chasa­manda­mi, achka­kunapa ñugpa ladu, kam Cristo­wa tukus­kata alli­lla willar­kangi. 
\p  
\v 13 Taita Dius tukuita kaug­sai karag­pa ñawipi i Jesu­cristopa ñawipi kasa­mi niiki. (Kikin Jesu­cris­to­pas, Pon­sio Pila­tospa ñawipi kikin­manda tapu­chi­ura, alli­lla­mi willarka.)  
\v 14 Nuka ima nis­kata alli­lla ruraspa kaug­sangi, mana pan­da­ris­pa­lla. Chasa kaug­sag­pika, kamta mana chaian­ga­chu, ñi ima­pi­pas piñai tukun­ga­pa. Chasa ruraspa kaug­sangi, nukan­chipa Iaia Jesu­cristo ikuti samun­kama. 
\p  
\v 15 Taita Dius kikin munaska pun­cha­mi Jesu­cristota ikuti kacha­munga. Pai Taita Dius­mi ka sug­lla, tukuipi iapa suma pudig. Atun mandag­kuna­manda i iaia mandag­kuna­manda­pas mas iaia­mi ka.  
\v 16 Pai­lla­mi ñi ima­ura­pas mana wañun­ga­pa ka. Mana pipas chaian­ga­sina puncha­pi­mi kaugsá. Paita, ñi mai­kan runa mana kawaska kan­chu. Pai, ñi ima mana kawa­rig­mi ka. Tukui­kuna ima­ura­pas paita kuiaspa ni­sun­chi: “Kam, dil­tudu­pa tukui­kuna­manda mas atun man­dag­mi kangi”. Chasa kachu. 
\s1 Iapa iukag­kunata iuia­chiska­manda 
\p  
\v 17 Kai alpapi iapa iukag runa­kunata ni­puai, mana iapa atun­ia­chi­riska iuia­na­kuchu; kaipi tuku­rig iukas­ka­kuna­lla­wa mana iuia­ri­na­kuchu; kaug­sag Taita Dius­lla­ta iuia­rispa kaug­sa­na­kuchu. Taita Dius­mi tukui puchugta kará; chi­kuna­waka, nukan­chi alli­lla kaug­san­ga­pa.  
\v 18 Chi iapa iukag­kuna, tukuipi alli­lla rura­chu­kuna. Chi ruras­ka­kuna­wa­mi, Taita Dius­pa ñawipi iapa iukag­sina ni­raian­ga­kuna. Mana michas­pa­lla, ima iukas­kata karaspa ka­chu­kuna.  
\v 19 Chasa rurag­kunaka, saia­chin­ga­pa wasi muru­chu rumi­kuna kag­sina­mi suma luarpi iukan­ga­kuna. Chi­wanka, sutipa mana puchu­ka­ri­diru suma kaug­sai­ta­mi tarin­ga­kuna. 
\s1 Kaiakama, niska­manda 
\p  
\v 20 Timoteo, kamta mingas­kata alli­lla kawangi. Kai alpa­manda­lla ianga parlu­kunata mana uiangi. Chasa­lla­ta, llullaspa alli iachai kagta sug rigcha sug rigcha iacha­chis­ka­kunata mana tupa­ringi.  
\v 21 Sug­kunaka, chi iacha­chis­ka­kunata katispa, Cristo­wa iuia­ris­kata sakispa, sug mana alli ñambi­ta­mi rig­sina ruran­kuna. 
\p Taita Dius, kamwa kag­kunata sumag­lla kawa­pua­chu.