\id 1TH - Inga NT -Colombia 2009 (DBL -2013) 
\h 1 TESALONIKAPI CRISTOWA TUKUSKAKUNATA 
\toc1 1 Tesalonikapi Cristowa tukuskakunata 
\toc2 1 Tesalonikapi 
\toc3 1 Ts 
\mt1 TESALONIKA PUIBLUPI CRISTOWA TUKUSKAKUNATA 
\mt2 SAN PABLO MUSUGLLA KARTA KACHASKAMANDA 
\c 1  
\p  
\v 1 Nuka Pablo, Silvano i Timo­teo­wa kaspa, kam­kuna Tesa­ló­nika pui­blupi Cristo­wa tukus­ka­kuna­ta­mi kai karta kachai­ki­chita. Kam­kuna, Taita Dius­wa i Iaia Jesu­cristo­wa sug­lla­pi tukus­ka­mi kan­gi­chi. Taita Dius, kam­kunata kuias­pa, suma iuiai­wa kawa­pua­chu. 
\s1 Tesalonikapi Cristo­wa tukuska­kuna, pai­wa suma iuiarispa kaugsanakuskamanda 
\p  
\v 2 Ima­ura­pas tukui kam­kuna­manda mañaspa, Taita Diusta: “Pai Siñur” nis­pa­mi kan­chi.  
\v 3 Kam­kuna, chituku pai­wa suma iuia­rispa i kuiaspa, alli­lla­mi ruraspa kaug­sa­na­kun­gi­chi. Nukan­chipa Iaia Jesu­cristota iuia­rispa suias­pa­mi kan­gi­chi, mana samba­ias­pa­lla. Nukan­chi, chasa iuia­rispa, nukan­chipa Taita Diusta ima­ura­pas kam­kuna­manda mañas­pa­mi kan­chi.  
\v 4 Taita Dius­pa kuiaska taita­kuna i mama­kuna, iachan­chimi pai kam­kunata agllaska kagta.  
\v 5 Nukan­chi, kam­kunata Alli Willai­ta willaspa, mana rimai­lla­wa iacha­chir­kan­chi­chu. Paipa iapa iachai­wa i Santu Ispi­ri­tu­wa­mi iacha­chir­kan­chi, chi Alli Willai sutipa kagta alli­lla iachaspa. Nukan­chi kam­kuna­wa kan­kama, kam­kunata kuiaspa, sumag­lla­mi kaug­sa­na­kur­kan­chi. Chita, alli­lla­mi iachan­gi­chi. 
\p  
\v 6 Kam­kuna­pas, nukan­chita kawas­paka, nukan­chi­sina i Iaia Jesus­sina­mi sumag­lla kaug­sa­na­kur­kan­gi­chi. Kam­kuna Iaia Jesus­manda achka llakii iukag­pi­pas, Santu Ispi­ri­tu­mi kam­kunata kun­tin­tu­lla kan­ga­pa iuia­chirka. Cha­saka, Dius­pa Rimaita alli iuia­chii­wa­mi uiaspa kar­kan­gi­chi.  
\v 7 Cha­sa­manda, kai Masedonia i Akaia alpa­kunapi tukui Cristo­wa tukus­ka­kunata kam­kunapa suma kaug­sai­mi kawa­chir­kan­gi­chi. Chasaka pai­kuna­pas, mas alli­lla ruras­pa­mi kaug­sai kalla­rir­ka­kuna.  
\v 8 Kam­kuna­pag­manda Iaia Jesus­manda rimaita uia­rig­samurka, kai alpa­kuna­lla­pi, mana. Tukui­ma­mi iacha­rig­samurka imasa kam­kuna, Taita Dius­wa suma iuia­rigta­kuna. Chasaka, nukan­chita mana minis­tin­chu, ima­pas pai­kunata nin­ga­pa.  
\v 9 Pai­kuna­lla­ta­ta­mi nukan­chi­manda riman­kuna, imasa kam­kuna, nukan­chi chaiag­ri­ura, sumag­lla chas­kig­ta­kuna. Riman­kuna­mi imasa kam­kuna, ianga dius kas­ka­kunata sakispa, sutipa Taita Dius­wa tukug­samug­ta­kuna; chasaka, sutipa kaug­sag Taita Dius­manda­lla kaug­san­ga­pa.  
\v 10 Kasa­pas­mi riman­kuna: kam­kuna suia­na­kun­gi­chisi, Taita Dius­pa wam­bra Jesús suma luar­manda samun­ga­pa kagta. Jesús wañus­ka­ta­mi Taita Dius kaug­sa­chirka. Taita Dius iapa rabia­rispa lla­kii pun­cha, Jesus­mi nukan­chita kispi­chin­ga­pa ka. 
\c 2  
\s1 Tesalonikapi, San Pablo ima ruraska­manda 
\p  
\v 1 Taita­kuna i mama­kuna, kam kikin­kuna­mi iachan­gi­chi: nukan­chi, kam­kuna­pagma ianga mana rir­kan­chi­chu.  
\v 2 Kam­kuna ñami iachan­gi­chi: nukan­chika, Fili­pos pui­blupi mana alli­lla pasaska i kamii tukus­ka­mi kar­kan­chi. Chasa pasag­pi­pas, Taita Dius­mi nukan­chita iuia­chirka, pai­manda Alli Willai­ta kam­kunata willag­rin­ga­pa, achka­kuna kamispa piña­na­kug­pi­pas.  
\v 3 Panda llu­lla rimai­wa u jiru iuiai­wa mana kam­kunata willa­na­kur­kan­chi­chu.  
\v 4 Chasa­paka, imasa­mi Taita Dius, nukan­chita agllaspa min­garka, pai­manda Alli Willai­ta willan­ga­pa: chi­ta­mi nukan­chi willan­chi. Runa­kunata suma kun­tin­ta­chin­ga­pag­lla mana riman­chi­chu. Taita Dius nukan­chipa tukui iuiaita kawagta suma kun­tin­ta­chin­ga­pa­mi riman­chi.  
\v 5 Kam­kuna ña­mi iachan­gi­chi: miski simi­wa mana riman­chi­chu. Chasa­lla­ta, kulki chas­kin­ga­manda mana riman­chi­chu; chi­taka, Taita Dius­mi iachá.  
\v 6 Mana mas­kan­chi­chu, kam­kuna ñi sug runa­kuna nukan­chita nin­ga­pa: “Mas atun­mi kan­gi­chi”.  
\v 7 Nukan­chi, Cristo kikin agllaska runa­kuna kaspa, pudir­kan­chimi, kam­kunata ima­pas mañanga. Nukan­chi chasa pudis­pa­pas, mana chasa ruran­chi­chu. Chasa­paka, ima­sa­mi mama, kikinpa wawa­kunata kuiaspa wiña­chí: chasa­lla­ta­mi nukan­chi, kam­kunata kuian­chi.  
\v 8 Chasa kuias­pa­mi Taita Dius iuia­chiska Alli Willai­ta rimar­kan­chi. Kam­kunata iapa kuiaspa, kam­kuna­manda­pas­mi wañun­tran­chi.  
\v 9 Taita­kuna i mama­kuna, kam­kuna iuia­rin­gi­chimi, imasa nukan­chi sai­kugta sin­chi tra­ba­jag­ta­kuna. Dius­pa Alli Willai­ta kam­kunata rima­na­kun­kama, tukui pun­cha tuta­iagta mana samas­pa­lla­mi tra­ba­jaspa kaug­sa­na­kur­kan­chi; cha­saka, kam­kunata mana ñi ima mañas­pa­lla kaug­san­ga­pa. 
\p  
\v 10 Nukan­chi, kam Cristo­wa iuia­rig­kuna­wa kan­kamaka, alli­lla ruras­pa­mi Taita Dius­manda­lla sumag­lla kaug­sa­na­kur­kan­chi. Cha­saka, ñi pipas mana pudin­kuna­chu, nukan­chi­manda ima­pas ninga. Chi­taka, kam­kuna alli­lla­mi iachan­gi­chi. Taita Dius­pas­mi alli­lla iachá.  
\v 11 Imasa­mi taita­kuna, pai­kunapa wam­bra­kunata suma kawan­kuna: chasa­lla­ta­mi nukan­chi­pas, tukui kam­kunata alli­lla iuia­chir­kan­chi. Chi­ta­pas­mi kam­kuna alli­lla iachan­gi­chi.  
\v 12 Kam­kunata iacha­chir­kan­chimi, Taita Dius­pa wam­bra­kuna­sina sumag­lla kaug­san­ga­pa. Taita Dius­lla­ta­ta­mi kam­kunata agllarka, paipa suma pun­cha man­da­kuska luarpi kam­kuna­pas sug­lla­pi kag­rin­ga­pa. 
\p  
\v 13 Kasa­manda­pas­mi Taita Diusta ima­ura­pas: “Pai Siñur” nin­chi: Dius­pa Rimaita nukan­chi willa­ura, kam­kuna, uias­paka, mana nir­kan­gi­chi­chu: “Kai, runa­kunapa iuiai­lla­wa­mi ka”. “Dius­pa Rimai­mi ka”; chasa­mi nir­kan­gi­chi. Chasa­mi ka. Chi rimai­wa­mi kam­kuna Cris­to­wa iuia­rig­kunata Taita Dius iuia­chispa iachachí. 
\p  
\v 14 Kam taita i mama­kunata, kam kikin­pura kaug­sa­na­kugka piñaspa unz̈as­pa­mi apar­ka­kuna. Chasaka, Taita Dius­wa tukus­ka­kuna Judea alpapi kaug­sa­na­kus­ka­sina­lla­ta­ta­mi pasar­kan­gi­chi. Pai­kuna Jesu­cris­tota kuiag­manda, judiu­kuna kikin­pura kaug­sa­na­kug chasa­lla­ta­mi pai­kuna­ta­pas jiru rurar­ka­kuna.  
\v 15 Judiu­kuna­mi ñugpata Santu Ispi­ri­tu­wa rimag­kunata wañu­chir­ka­kuna. Pai kikin­pura­manda­lla­ta­ta­mi Iaia Jesus­ta­pas wañu­chir­ka­kuna. Pai kikin­kuna­lla­ta­ta­mi nukan­chi­ta­pas kal­pa­chispa llugsi­chir­ka­kuna. Chasa ruras­paka, Taita Diusta mana kun­tin­ta­chir­ka­kuna­chu. Tukui runa­kuna­wa­pas mana alli­lla kaug­san­kuna­chu.  
\v 16 Nukan­chita mana sakin­kuna­chu, mana judíu kag­kunata Dius­pa Rimaita willan­ga­pa; chita uias­paka, pai­kuna­pas kis­pi­rin­ga­pa. Chasa rurag­kuna­mi mas achka panda­rii mira­chi­ri­nakú. Chasa­manda­mi Taita Dius kuna­ura pai­kuna­wa iapa sin­chi llaki­rig­sa­murka. 
\s1 Tesaloni­kama ikuti chaiag­rin­ga­pa, San Pablo muna­kus­ka­manda 
\p  
\v 17 Nukan­chi, kam taita i mama­kuna­pag­manda sug ratu anchu­ris­pa­pas, mana kam­kunata kun­ga­rin­chi­chu. Asku­rintimi muna­na­kun­chi, nukan­chi kam­kunata ikuti kawan­ga­pa.  
\v 18 Chi­manda­mi muna­na­kur­kan­chi, kam­kuna­pagma chaiag­rin­ga­pa. Nuka Pablo, ikuti ikutimi chasa muna­kur­kani. Chasa muna­kug­pi­pas, iaia kukuka nukan­chi­ta­mi arkarka.  
\v 19 ¿Pitak nukan­chita alli iuia­chinga? ¿Imatak suia­na­kun­chi? Nukan­chipa Iaia Jesús samu­uraka, kam kikin­kuna­mi paipa ñawipi kawa­rin­ga­pa kan­gi­chi. Kam­kuna chipi kas­ka­kunata kawas­pa­mi nukan­chita iapa alli iuia­chin­ga­pa ka.  
\v 20 Ari, kam­kuna­mi kan­gi­chi nukan­chita suma alli iuia­chii­wa kan­ga­pa. 
\c 3  
\p  
\v 1-2 Chi­manda nukan­chi, ña mana mas suiai pudispa, iuia­rir­kan­chimi, waugki Timo­teota kam­kuna­pag­ma kachan­ga­pa. Nuka sapa­lla­mi Atenas pui­blupi chi­siar­kani. Pai Timo­teo­mi ka Taita Dius munas­kata alli­lla rurag. Cristo­manda Alli Willai­ta nukan­chi­wa willag­mi ka. Pai­ta­mi kachar­kan­chi, kam­kunata iuia­chig­rin­ga­pa; cha­saka kam­kuna, Cristo­wa mas suma iuia­rii­wa kan­ga­pa.  
\v 3 Chasa­waka kam­kuna, llakii­wa kag­pi­kuna­pas, ñi pi Cristota mana wasa churan­kan­gi­chi­chu. Kam kikin­kuna ñami iachan­gi­chi: nukan­chita chaian­mi, chasa llakii­wa kan­ga­pa.  
\v 4 Ñug­pata, nukan­chi kam­kuna­wa ka­uraka, willa­na­kurkai­ki­chi­ta­mi nukan­chi llakii­wa kan­ga­pa kagta. Chasa­lla­ta­mi kam­kuna iachas­ka­sina pasa­rirka.  
\v 5 Chasa­manda­mi nuka, mana mas suiai pudispa, Timo­teota kam­kuna­pag­ma kachar­kani; chasaka, kam­kuna imasa iuia­na­kus­kata kati­na­kugta iachan­ga­pa. Iuia­kurka­nimi: ¡ujala­lla­pas iaia kuku, kam­kunata pan­da­rii­kunapi urma­chi­chu; chi­wanka nukan­chi, kam­kunata willaska ianga kan­ga­pa! 
\p  
\v 6 Kuna­uraka Timo­teoka, kam­kuna­pag­manda kuti­mus­paka, nukan­chita suma­mi willag­samurka, kam­kuna Cristo­wa suma iuia­rispa, kam kikin­pura kuia­na­kuspa kaug­sa­na­kugta. Kasa­pas­mi willarka: kam­kuna, nukan­chi­manda ima­ura­pas suma iuia­rispa, muna­na­kun­gi­chisi, ikuti kawa­na­kun­ga­pa; imasa­mi nukan­chi muna­na­kun­chi: chasa.  
\v 7 Chasa­manda, taita­kuna i mama­kuna, nukan­chi tukuipi iapa lla­kii­wa kas­pa­pas, kam­kuna­manda sumag­lla iuia­chii­mi tukun­chi, kam­kuna Cristo­wa suma iuia­riita cha­ri­na­kugta iachaspa.  
\v 8 Kam­kuna Iaia Jesus­wa mana sakis­pa­lla iuia­rig­ta­kuna iachas­paka, mas musu­kuna­sina­mi iuiai­wa kan­chi.  
\v 9 Kam­kuna nukan­chita iapa alli iuia­chis­ka­manda, nukan­chi iukan­chimi, Taita Dius­pa ñugpa ladu kaspa, ima­ura­pas paita: “Pai Siñur” kam­kuna­manda ninga.  
\v 10 Tuta i pun­cha paita asku­rin­ti­mi mañan­chi, kam­kunata kawag­rin­ga­pa; chasaka, ñawi ñawi kawa­na­kuspa, kam­kuna pai­wa iuia­ris­pa­pas, manara iachai­kus­kata iacha­chin­ga­pa.  
\v 11 Ari, nukan­chipa kikin Taita Dius i Iaia Jesús, nukan­chita kam­kuna­pag­ma rin­ga­pa lisin­sia kuachu.  
\v 12 Kam­kuna­taka, Iaia Jesús mas suma kuiai kara­pua­chu. Chasaka, kam kikin­pura i tukui­kuna­wa mas kuia­na­kus­pa­mi sumag­lla kaug­san­kan­gi­chi. Chasa­lla­ta­mi nukan­chi­pas kam­kunata kuian­chi.  
\v 13 Nukan­chipa Iaia Jesuska, tukui pai­pa­lla kag­kuna­wa­mi ikuti samun­ga­pa ka. Pai Jesús, chi pun­cha­kama kam­kunata tukui­pi alli­lla cha­ri­pua­chu. Cha­saka, Taita Dius­pa ñugpa ladu kam­kuna tukuipi alli kawa­rig­ri­ura, ñi pipas mana kam­kuna­manda nin­ga­chu: “Mana alli runa­mi ka”. [Chasa kachu.] 
\c 4  
\s1 Imasa Taita Diusta suma kun­tin­ta­chispa kaug­san­ga­pa chaiagta 
\p  
\v 1 Kasa­pas­mi kam taita i mama­kunata Iaia Jesús imasa nis­ka­sina nukan­chi mañaspa nin­chi. Ima­sa­mi nukan­chi, kam­kunata iacha­chir­kan­chi, Taita Diusta suma kun­tin­ta­chispa kaug­san­ga­pa; imasa­mi kuna­ura kaug­sa­na­kun­gi­chi: kuna­ura­manda chasa­lla­ta sumag­lla kaug­sa­na­kun­gi­chi. 
\p  
\v 2 Iaia Jesús imasa nis­ka­sina­mi kam­kunata iacha­chir­kan­chi. Chi iacha­chis­ka­kunata, kam­kuna ñami iachan­gi­chi.  
\v 3 Kasa­mi Taita Dius kam­kuna­manda muná: pai­manda­lla suma kaug­san­gi­chi, kari warmi­wa mana panda­ris­pa­lla.  
\v 4 Tukui kari­kuna, sug warmi­lla­wa sumag­lla kuia­na­kuspa, Taita Dius­manda­lla kaug­sa­na­kun­gi­chi.  
\v 5 Mana­ra Taita Diusta rigsig­sina jiru iuiai­wa, kam­kunaka mana kaug­sa­na­kun­gi­chi.  
\v 6 Ñi pipas, sug waug­kin­dita llu­llaspa, paipa war­mita kichug­sina mana ruran­gi­chi. Ña­mi kam­kunata willar­kan­chi: chasa rurag­kuna­taka, Iaia Jesús iapa rabia­wa lla­ki­ris­pa­mi jus­ti­sianga.  
\v 7 Taita Dius, nukan­chita mana agllar­ka­chu, jiru ruraspa kaug­sa­na­kun­ga­pa. Pai­manda­lla­mi suma kaug­san­ga­pa nukan­chita agllarka.  
\v 8 Chasa­manda, mai­kan­pas chi iacha­chis­ka­kunata wabu­tig, mana runa­lla­ta wabu­tin­chu. Taita Dius paipa Santu Ispi­ri­tuta karas­ka­ta­mi wabutí. 
\p  
\v 9 Kam­kuna­pura kuia­na­kus­ka­taka, nuka mana iuka­ni­chu ñi ima ninga. Taita Dius­mi kam­kunata iuia­chispa iachachí, pari­juma kuia­na­kun­ga­pa.  
\v 10 Sutipa­mi Mase­donia alpapi tukui Jesus­wa tukus­ka­kuna­wa kuia­na­kuspa kaug­sa­na­kun­gi­chi. Chasa kuia­na­kug­pi­pas, kam taita i mama­kunata nin­chimi: mas­pas kuia­na­kui­chi.  
\v 11 Nukan­chi imasa kam­kunata min­gas­ka­sina, kam kikin­kunapa maki­kuna­wa tra­ba­jaspa, mana sug­kuna­pata kawas­pa­lla sumag­lla kaug­sa­na­kun­gi­chi.  
\v 12 Kam­kunata chasa kawas­paka, manara Cristota rig­sig­kuna­pas ñi ima­pi­pas mana unz̈ai pudin­ga­kuna­chu. Chasa­lla­ta­mi ñi ima­pas kam­kunata mana pisinga. 
\s1 Iaia Jesús imasa ikuti samun­ga­pa kaska­manda 
\p  
\v 13 Taita­kuna i mama­kuna, nukan­chi munan­chimi, kam­kuna alli­lla iachan­ga­pa, wañus­ka­kuna imasa kaugsa­rin­ga­pa kagta­kuna. Chasa iachas­paka, kam­kuna mana llakis­pa­lla­mi kaug­san­kan­gi­chi. Sug­kunaka mana iachan­kuna­chu, kaugsa­rin­ga­pa kagta­kuna. Chi­wa­mi llakis­pa­lla kaug­sa­nakú.  
\v 14 Nukan­chi iachan­chimi, Jesús wañuspa, kaugsa­rig­samugta. Chi­manda­mi kasa­pas iachan­chi: ima­sa­mi Taita Dius, Jesusta kaug­sa­chirka: chasa­lla­ta­mi pai­wa tukuspa wañus­ka­kuna­ta­pas kaug­sa­chin­ga­pa ka. 
\p  
\v 15 Iaia Jesús nukan­chita iuia­chis­ka­ta­mi kasa kam­kunata nin­chi: Iaia Jesús samun­ga­pa puncha­kama nukan­chi kaug­sa­na­kug­pika, wañus­ka­kuna­manda ñugpaka mana sug luarma rin­ga­pa kan­chi­chu.  
\v 16 Kikin Iaia Jesusmi suma luar­manda urai­ku­mun­ga­pa ka. Sin­chi rimai­wa man­das­pa­mi urai­ku­mun­ga­pa ka. Chi­ura­lla­ta­ta­mi iaia anjil kapa­ri­mun­ga­pa ka. Taita Dius­pa bututu­sina­pas­mi uia­rig­samun­ga­pa ka. Chi­uraka Cristo­wa tukuspa wañus­ka­kuna, ñugpa­mi kaugsa­rig­samun­ga­pa kan­kuna.  
\v 17 Chi­ura­manda nukan­chi chara kaug­sa­na­kugka, pai­kuna­wan­ta puiu­pi­mi apai tukun­ga­pa kan­chi, Iaia Jesus­wa awapi tari­na­kun­ga­pa. Chi­ura­manda, dil­tudu­pa­mi Iaia Jesus­wa sug­lla­pi kag­rin­ga­pa kan­chi.  
\v 18 Chasa iachas­paka, chi iacha­chis­ka­wa kam kikin­pura sumag­lla iuia­chi­ri­na­kuspa kaug­sa­na­kun­gi­chi. 
\c 5  
\p  
\v 1 Ima puncha, ima ura Iaia Jesús samun­ga­pa kag­taka, mana minis­ti­rin­chu, kam taita i mama­kunata willan­ga­pa.  
\v 2 Kam kikin­kuna alli­lla­mi iachan­gi­chi: ima­sa­mi sisai, tuta mana willas­pa­lla samú: chasa­lla­ta­mi Iaia Jesuspas, mana iuia­na­ku­ura chaiag­samun­ga­pa ka.  
\v 3 Sug runa­kuna, kun­gas­ka­mi ni­na­kun­ga­pa ka: “Alli sumag­lla­mi kaug­sa­na­kun­chi”. Chasa kun­gaska ka­ura, chi puchu­ka­rii pun­cha di­ul­pi­lla­mi chaia­mun­ga­pa ka. Ima­sa­mi ungu­rin­ga­pa war­mita nanai chaiá: chasa­lla­ta­mi chi pun­cha, pai­kunata chaia­mun­ga­pa ka. Chi­taka, ñi pi mana kis­pi­rin­ga­pa kan­kuna­chu. 
\p  
\v 4 Ikuti kam taita­kuna i mama­kuna­ka, iana tutapi­sina mana kaug­sa­na­kun­gi­chi­chu. Chi­manda Iaia Jesús, sisai­sina mana willas­pa­lla samug­pi­pas, kam­kunata mana kungaska shachin­ga­pa kan­chu.  
\v 5 Tukui kam­kunapa iuiai pun­cha­pi­sina­mi alli­lla kaug­sa­na­kun­gi­chi. Nukan­chipa iuiai, iana tuta­pi­sina ñi amsa­pi­sina mana kan­chi­chu.  
\v 6 Chi­wanka, sug­kuna puñu­na­kus­ka­sina mana kaug­sa­na­ku­sun­chi. Chasa­paka, rig­cha­ris­ka­lla mana machas­ka­sina kaug­sa­na­ku­sun­chi.  
\v 7 Tuta­mi puñug­kuna puñun­kuna. Machag­kuna chasa­lla­ta tuta­mi machan­kuna.  
\v 8 Ikuti nukan­chika, pun­cha­pi­sina kaspa, mana machas­ka­sina kaug­sa­sun­chi. Tukui jiru iuiai­kunata kis­pi­rin­ga­paka, iukan­chimi kuia­na­kuspa, Cristo­wa suma iuia­rispa, tukuipi alli­lla kanga. Chasa­lla­ta, umapi ima michag chura­ris­ka­sina kas­paka, iukan­chimi dil­tudu­pa kis­pi­rin­ga­pa iuiaita cha­ringa.  
\v 9 Taita Dius mana nukan­chita agllar­ka­chu, pai rabia­wa jus­ti­sian­ga­pa. Nukan­chipa Iaia Jesu­cristo­manda kis­pi­chii tukun­ga­pa­mi nukan­chita agllarka.  
\v 10 Jesu­cris­toka, nukan­chi­manda­mi wañurka; chasaka nukan­chi, pai samu­ura wañuska u kaug­sa kas­pa­pas, pai­wa sug­lla­pi kaug­sag­rin­ga­pa.  
\v 11 Chi­manda, kam kikin­pura mas alli suma iuia­chi­na­kuspa kaug­san­gi­chi; ima­sa­mi kuna­ura alli­lla ruraspa kan­gi­chi: chasa. 
\s1 Cristowa tukuska­kunata iuia­chiska­manda 
\p  
\v 12 Kam taita i mama­kunata kasa­mi mañai­ki­chita: Iaia Jesus­manda alli­lla ruraspa, kam­kunata iacha­chispa, iuia­chispa kag­kunata alli­lla uia­puan­gi­chi.  
\v 13 Pai­kuna alli­lla rura­na­kus­ka­mandaka, sumag­lla kuiaspa cha­ri­puan­gi­chi. Kam kikin­pura sumag­lla kaug­sa­na­kun­gi­chi. 
\p  
\v 14 Kasa­pasmi mañai­ki­chita, taita­kuna i mama­kuna: killa wangu­kunata piña­puan­gi­chi. Llakii­wa kas­ka­kunata sumag­lla rima­puan­gi­chi. Mana alli­lla iachai­kus­ka­kunata sumag­lla iuia­chispa iacha­chi­puan­gi­chi. Tukui­kuna­wa mana piña­na­kus­pa­lla kaug­sa­puan­gi­chi.  
\v 15 Mai­kan­pas kam­kunata jiru ruras­kata mana chasa­lla­ta ran­di­chin­gi­chi. Chasa­paka, iukan­gi­chimi ima­ura­pas alli­lla ruranga, kikin­pura u mana kikin­pura kag­pi­pas. 
\p  
\v 16 Ima­ura­pas suma kun­tin­tu­lla kan­gi­chi.  
\v 17 Taita Diusta ima­ura­pas iuia­rispa mañaspa kan­gi­chi.  
\v 18 Tukui ima pasa­rig­pi­pas, “Pai Siñur” nispa kaug­san­gi­chi. Chasa­mi Taita Dius muná, kam­kuna, Jesu­cristo­wa tukuspa, “Pai Siñur” nispa kaug­san­ga­pa­kuna. 
\p  
\v 19 ¡Ujala­lla­pas Santu Ispí­ritu iuia­chis­ka­kunata kunga­rin­gi­chi!  
\v 20 Mana wabutin­gi­chi mai­kan­pas Santu Ispi­ri­tu­wa ima willa­kus­kata.  
\v 21 Tukui ima willa­kus­kata iukan­gi­chimi iuia­ringa: “¿Sutipacha Santu Ispi­ri­tu­wa willa­wa­ku?”. Alli­lla kas­ka­ta­mi iukan­gi­chi kati­chinga.  
\v 22 Ikuti mana alli­lla rurai­kuna­mandaka tukuipi anchu­rin­gi­chi. 
\p  
\v 23 Kikin Taita Dius sumag­lla kaug­saita karag, kam­kunata cha­ri­pua­chu, tukuipi pai­manda­lla kaug­san­ga­pa. Kam­kunapa alma, iuiai i kuir­pu­wan­ta suma cha­ri­pua­chu; chasaka kam­kuna, mana jiru ruras­pa­lla kaug­san­ga­pa, nukan­chipa Iaia Jesu­cristo samun­kama.  
\v 24 Taita Dius kam­kunata agllag­ka, mana llu­lla kan­chu. Pai­lla­ta­ta­mi nuka imasa mañas­ka­sina ruran­ga­pa ka. 
\s1 Kaia­kama, niska­manda 
\p  
\v 25 Taita­kuna i mama­kuna, nukan­chi­manda­pas Taita Diusta maña­puan­gi­chi.  
\v 26 Cristo­wa tukui tukus­ka­kunata Taita Dius­manda iuia­rispa, “Puangi” muchaspa ni­puai­chi.  
\v 27 Iaia Jesús imasa nis­ka­sina­mi nii­ki­chita: Cristo­wa tukui tukus­ka­kunata kai kartata uia­chi­puai­chi.  
\v 28 Nukan­chipa Iaia Jesu­cristopa suma kuiai, tukui kam­kuna­wa kachu.