\id 1PE - Inga NT -Colombia 2009 (DBL -2013) 
\h 1 SAN PEDRO 
\toc1 1 San Pedro 
\toc2 1 San Pedro 
\toc3 1 P 
\mt1 SAN PEDRO 
\mt2 MUSUGLLA KARTA KACHASKAMANDA 
\c 1  
\p  
\v 1 Jesu­cristo kacha­mus­ka­mi nuka kani, Alli Willai­ta willaspa purin­ga­pa. Kam­kuna kikin­pa alpa­manda rispa, kasama chasa­ma purispa, Ponto, Gala­sia, Kapa­do­sia, Asia i Biti­nia suti alpa­kunapi kaug­sa­na­kus­ka­ta­mi kai karta kachai­ki­chita.  
\v 2 Kam­kuna­ta­ka, Taita Dius ñugpa­manda­ta pai imasa muna­kus­ka­sina­mi agllarka. Pai­pa Ispi­ri­tu­wa pai­pa­lla­mi tukug­sa­mur­kan­gi­chi; chasaka, paita suma uiaspa, Jesu­cristopa iawar­wa mai­llaska ni­raian­ga­pa. Taita Dius, kam­kunata kuiaspa, asku­rinti suma iuiai­wa kawa­pua­chu. 
\s1 Suma luarpi kaug­sag­rin­ga­pa iuiai­lla­wa kaug­sa­sun­chi 
\p  
\v 3 Nukan­chipa Iaia Jesu­cristopa Taita Diusta ni­sun­chi: “Kam, iapa suma atun­mi kangi”. Paika, Jesu­cristo wañus­kata kaug­sa­chis­ka­wa, nukan­chi­manda iapa suma lla­ki­rispa, musu kaug­sai­ta­mi kara­murka. Chi­wanka, suia­na­kun­chimi, suma luarpi kaug­sag­rin­ga­pa.  
\v 4 Chi­pika, Taita Dius kam­kunata karan­ga­pa kas­ka­ta­mi waka­chi­raiá. Chi waka­chi­raias­kaka mana tuku­rin­ga­pa kan­chu sug tugtu chaki­rig­sina u ima ismug­sina. 
\p  
\v 5 Kam­kuna Cristo­wa suma iuia­rig­kuna­manda, Taita Dius­pa iapa iachai­wa­mi kam­kunata cha­ri­ku. Chasaka, tuku­rii pun­cha­kuna cha­ia­ura, pai imasa nis­ka­sina­mi kam­kunata dil­tudu­pa kis­pi­chin­ga­pa ka.  
\v 6 Chi­manda­mi iukan­gi­chi kun­tin­tu­lla kan­ga­kuna, kam­kunata achka lla­kii­kuna pasan­ga­pa chaiag­pi­pas. Chika, mana unai­lla­mi ialinga.  
\v 7 Imasa­mi kuri, ninapi rupa­chis­ka­wa alli kagta iachan­kuna: chasa­lla­ta­mi kam­kuna, iapa lla­kii­kuna chaias­ka­wa Cristo­wa suma iuia­rig­kuna kagta kawa­chi­rin­kan­gi­chi. Kuri puchu­ka­rin­mi. Ikuti Cristo­wa suma iuia­rig­kunaka, lla­kii chaiag­pi­pas, kuri­manda­pas mas bali­mi ni­raian­gi­chi. Jesu­cristo kawa­rig­samu­uraka, pai­wa suma iuia­rig­kunata suma atun­ia­chispa, nin­ga­pa­mi ka: “Kam­kuna, suma­mi nuka­wa iuia­rir­kan­gi­chi”. 
\p  
\v 8 Kam­kuna, Jesu­cristota mana kawas­pa­pas, paita kuian­gi­chimi. Mana­ra kawas­pa­pas, pai­wa suma iuia­ris­pa­mi kaug­sa­na­kun­gi­chi. Chasa iuia­ris­pa­mi ñi ima­wa mana rimai pudi­ringa­sina iapa suma alli iuia­chii­wa kan­gi­chi, kasa iachaspa:  
\v 9 pai­wa suma iuia­ris­pa­mi kam­kunapa almata kis­pi­chiska ni­raian­gi­chi. 
\p  
\v 10 Santu Ispi­ri­tu­wa ñugpa­manda rimag­kunaka, Taita Dius kam­kunata suma kuiaspa kis­pi­chin­ga­pa kagta willas­pa­pas, tapu­na­kuspa tapu­na­kus­pa­mi munar­ka­kuna, chi kis­pi­chiita ima ni­ra­ias­kata iachan­ga­pa.  
\v 11 Cristopa Ispi­ri­tu­mi pai­kunata ñugpa­manda­ta iuia­chirka, Cristo kikin iapa lla­kii nanai pasan­ga­pa kagta; nis­paka, sug luar­pi atun suma­ia­chig­rii tukun­ga­pa kagta. Chasa iuia­chi­uraka, pai­kuna tapu­na­kur­kami Cristo pi kan­ga­pa kagta i ima­ura chasa pasa­rin­ga­pa kagta.  
\v 12 Chasa tapu­na­kug­taka, Cristopa Ispi­ri­tu­mi iuia­chirka, pai­kuna kaug­sa­na­kus­ka­man­daka mana willa­na­kugta. Kam­kuna kuna­ura kaug­sa­na­kus­ka­man­da­mi Jesu­cristo­manda chasa willa­na­kurka. Kuna­uraka, chi ñug­pa­manda willas­ka­kuna­lla­ta­ta­mi suma luar­manda kacha­muska Santu Ispi­ri­tu­wa willag­kuna, kam­kunata ña willa­nakú. Chi willai­ta­ka, anjil­kuna­pas­mi munan­tra­kuna iachan­ga­pa. 
\s1 Tukuipi alli kan­ga­pa, Taita Dius nukan­chita agllaska­manda 
\p  
\v 13 Chasa­manda, alli­chi­rispa, tukui­pi alli iuiai­wa kaug­sa­pua­na­kui­chi. Suia­na­kui­chi, Jesu­cristo kawa­rig­samun­kama. Chi­ura­mi Taita Dius, suma kuiaspa, kam­kunata ima karan­ga­pa kas­kata chas­kin­kan­gi­chi.  
\v 14 Suma uiag wam­bra­kuna­sina, Taita Dius ima nis­kata uiaspa rurai­chi. Paita mana­ra rig­sispa, jiru iuiai munai­kuna­wa­mi kar­kan­gi­chi; chasa ruraspa mana kaug­sa­na­kui­chi.  
\v 15 Chasa­paka, ima­sa­mi Taita Dius kam­kunata agllag, mana panda­rig tukuipi alli ka: kam­kuna­pas chasa­lla­ta tukuipi alli­llapi kaug­sa­puai­chi, mana pan­da­ris­pa­lla.  
\v 16 Chasa­lla­ta­mi Taita Dius ñugpa­manda librupi willarka, kasa nispa: 
\q1 Nuka, mana panda­rig tukuipi alli­mi kani. 
\q1 Chi­manda­mi kam­kuna­pas 
\q1 iukan­gi­chi tukuipi alli kanga, 
\q1 mana panda­ris­pa­lla. 
\p  
\v 17 Kam­kuna, Taita Diusta nin­gi­chimi: “Taita­mi ka­puangi”. Paimi, tukui­kunata imasa alli­lla u mana alli­lla ruras­kata kawaspa, imasa chaias­ka­sina jus­ti­siai rurá. Chi­manda kam­kuna, kai alpapi ialig­kuna­sinalla iuia­rispa kaug­san­kama, paita suma kuiaspa manchai­wa ka­puai­chi.  
\v 18 Kam­kunapa ñugpa­manda taita­kuna, mana Taita Dius­wa iuia­ris­pa­lla­mi kaug­sar­ka­kuna. Pai­kuna­sina mana kaug­san­ga­pa­mi kam­kunata Taita Dius kis­pi­chig­sa­murka. Tuku­ri­diru kulki­wa u kuri­wa mana kis­pi­chig­samur­ka­chu. Chita alli­lla­mi iachan­gi­chi.  
\v 19 Cristo wañu­chii tukuspa, paipa iapa suma iawar­wa­mi kam­kunata kis­pi­chig­sa­murka. Imasa­mi iura ubija ñi ima­pi­pas mana mapa­sina kawa­ris­kata runa­kuna­manda wañu­chii tukú: cha­sa­lla­ta­mi Cristo ñi ima­pi­pas mana mapa­sina kas­kata kam­kuna­manda wañu­chii tukurka.  
\v 20 Kai alpa mana­ra tiag­pi­ta­mi Cristota agllaska karka, chasa wañu­chii tukun­ga­pa. Kai alpa tuku­rin­ga­pa kai­lla­ia­ku­urami kam­kuna­manda kawa­rig­samurka.  
\v 21 Pai Cristo samus­ka­manda­mi kam­kuna Taita Dius­wa suma iuia­rig­samur­kan­gi­chi. Taita Dius kikin­mi, Cristo wañus­kata kaug­sa­chispa, sumag­lla atun­ia­chirka. Chasa­manda­mi kam­kuna Taita Dius­wa suma iuia­rispa suia­na­kun­gi­chi, pai­pag­ma chaiag­rin­ga­pa. 
\p  
\v 22 Sutipa Alli Willai­ta suma uiaspa, kam­kunapa almaka mai­llas­ka­sina­mi ni­raiag­samun­gi­chi; cha­saka, kam kikin­pura sutipa kuia­na­kuspa kaug­san­ga­pa­kuna. Chi­manda­mi iukan­gi­chi, tukui suma iuiai­wa pari­juma iapa kuia­na­kunga.  
\v 23 Kam­kuna mana ni­raian­gi­chi­chu wañu­dur taita­kuna­manda tiag­samugta. Ima­ura­pas kaug­sai iukag mana puchu­ka­rig Dius­pa Rimai­manda­mi musu kaug­sai­ta chas­kiska ni­raian­gi­chi, suma luar­ma rin­ga­pa.  
\v 24 Chasa­lla­ta­mi ñug­pa­manda librupi willa­raiá, kasa nispa: 
\q1 Tukui runa­kuna, 
\q1 ugsa­sina­lla­mi kan­kuna. 
\q1 Maituku suma kaug­sas­ka­kuna­pas, 
\q1 ugsapa tugtu­sina­lla­mi kan­kuna. 
\q1 Ugsa chakiri­ura, 
\q1 tugtu­kuna­pas urman­kunami. 
\q1  
\v 25 Ikuti Atun Taita Dius­pa rimaika 
\q1 ñi ima­ura­pas mana puchu­ka­rin­ga­pa kan­chu. 
\m Chi rimaika, kam­kunata Alli Willai willas­ka­ta­mi ni­raiá. 
\c 2  
\p  
\v 1 Chi­mandami nii­ki­chita: tukui mana alli­lla rurai­kunata sakii­chi. Mana ima­pi­pas llulla­chi­na­kui­chi. Mana kawa­rii­chi alli runa kag­ta, mana kas­pa­pas. Ñi pi­ta­pas mana jiru iuiai­wa kawai­chi. Mana pi­manda­pas wasa rimai­chi.  
\v 2 Imasa­mi uchu­lla wawa­kuna, tiag­samu­ura­manda lichi­lla­ta upian­ga­pa munan­kuna: chasa­lla­ta­mi kam­kuna­pas iukan­gi­chi, Dius­pa Rimai­lla­ta iachan­ga­pa munan­ga­kuna. Chasa­waka, suma wiñag­sina tukus­pa­mi dil­tudu­pa kis­pi­rin­kan­gi­chi.  
\v 3 Iaia Jesús sutipa alli kagta iachag­samus­pa­mi paipa Rimaita chasa munan­ga­pa kan­gi­chi. 
\s1 Cristo, iapa bali rumi kag­sina kaska­manda 
\p  
\v 4 Iaia Jesus­pagma alli iuiai­wa kailla­iai­chi. Pai­mi ka mana tuku­ri­diru suma kaug­saita karag. Ima­sa­mi wasi­chi­na­kus­kapi mana suma rumita wabutin­kuna: chasa­lla­ta­mi chi­ura­manda runa­kuna, Jesusta wabutir­ka­kuna. Pai­taka, Taita Dius kikin­mi agllarka, Taita Dius­pa ñawipi iapa bali rumi kag­sina kan­ga­pa. 
\p  
\v 5 Kam­kuna­pas, musu kaug­saita iukaspa, suma rumi­kuna­sina­mi kan­gi­chi. Imasa­mi achka rumi­kuna­wa sug­lla wasi saia­chin­kuna: chasa­lla­ta saki­chi­rin­gi­chi, Santu Ispí­ritu kam­kunata Cristo­wa sug­lla wasi­sina ruran­ga­pa; chi­wanka, Taita Dius­manda­lla kaug­sag sasir­duti­kuna tukun­ga­pa; chasaka kam kikin­kuna, ima karai rurag­sina paita iuka­chi­rin­ga­pa. Chasa iuka­chi­rig­kuna­taka, Jesu­cristo­wa­mi Taita Dius chas­kinga.  
\v 6 Chasa­lla­ta­mi Taita Dius, ñugpa­manda librupi willarka, kasa Iaia Jesus­manda nispa: 
\q1 Imasami, wasi­chii kalla­rin­ga­pa 
\q1 mas atun rumita churan­ga­pa chaiá: 
\q1 chasa­lla­ta Sión lumapi 
\q1 sug runa­ta­mi churani. 
\q1 Pai­lla­mi ka­puá nuka agllaska iapa bali rumi­sina. 
\q1 Pai­wa suma iuia­rig­kunata 
\q1 mana chaiangachu, 
\q1 ianga suian­ga­pa. 
\m  
\v 7 Kam­kuna pai­wa suma iuia­rig­ku­napa ñawipi, paika iapa bali rumi­sina­mi ni­raiá. Ikuti pai­wa mana iuia­rig­kunaka, paita wabutig­sina­mi ruran­kuna. Ñugpa­manda librupi, kasa­mi pai­manda ni­raiá: 
\q1 Wasi­chig­kuna wabutiska rumi 
\q1 wasita cha­rigmi tukurka. 
\m  
\v 8 Pai­kuna­mandaka kasa­pas­mi ni­raiá: 
\q1 Chi rumipi taka­ris­pa­mi urman­ga­kuna. 
\m Iaia Jesus­manda rimaita iapa mana suma uiag­kuna­mi chi rumipi taka­rig­sina ni­raiá. Pai­kuna­manda­mi Taita Dius chasa tukun­ga­pa nirka. 
\p  
\v 9 Ikuti kam­kunaka, Taita Dius kikin agllaska runa­kuna­mi kan­gi­chi. Iaia mandagpa sasir­duti­kuna­mi ni­raian­gi­chi. Taita Dius­manda­lla kaug­sag runa­kuna­mi kan­gi­chi, pai­pa­lla kan­ga­pa­kuna; chasaka, Taita Dius iapa suma alli ruras­ka­kuna­manda, kam­kuna willaspa kan­ga­pa­kuna. Pai­mi kam­kunata kaiarka, iana tutapi­sina kaug­sa­na­kus­kata sakispa, paipa iapa suma pun­cha­ia­chiska iuiai­wa kaug­san­ga­pa­kuna.  
\v 10 Ñugpa­taka, kam­kuna mana Taita Dius­pa runa­kuna kar­kan­gi­chi­chu. Ikuti kuna­uraka, Taita Dius­pa runa­kuna­mi ni­raian­gi­chi. Ñugpa­taka, kam­kuna­manda ñi pipas mana lla­kii iukar­ka­kuna­chu. Ikuti kuna­uraka, Taita Dius­mi kam­kuna­manda lla­kii iuká. 
\s1 Taita Dius ima nis­kata alli­lla ruras­pa­lla kaug­sa­sun­chi 
\p  
\v 11 Nuka­pa kuias­ka­kuna kai alpapi ialig­kuna­sinalla kaug­sa­na­kus­ka­ta­mi mañai­ki­chita: kam kikin­kunapa jiru iuiai munai­kunata mana ruras­pa­lla kaug­sai­chi. Kam­kunapa jiru iuiai­kuna­wa i alli iuiai­kuna­wa maka­na­kug­sina­mi kan­kuna.  
\v 12 Taita Diusta mana­ra rigsig­kunapa ñawi­pi­pas alli­lla ruraspa kaug­sai­chi. Chasa kaug­sag­pi­kunaka, pai­kuna, kam­kuna­manda “Jiru rurag­kuna­mi kan­kuna” nig­pi­pas, kam­kuna alli­lla ruras­ka­kuna­ta­mi kawan­ga­kuna. Nis­paka, jus­ti­siai pun­cha chaia­ura, Taita Diusta nin­ga­kuna­mi: “Kam, iapa suma atun­mi kangi”. 
\p  
\v 13 Kai alpapi tukui mandag­kuna imasa nis­ka­sina ruran­gi­chi, Iaia Jesusta kun­tin­ta­chin­ga­pa. Iaia man­dag imasa nis­ka­sina ruran­gi­chi, tukui­kuna­manda mas atun ni­raiag­manda.  
\v 14 Chasa­lla­ta, iaia mandag chu­raska mandag­kuna imasa nis­ka­sina­pas ruran­gi­chi. Mai­kan­kuna jiru ruras­ka­kunata jus­ti­sian­ga­pa­mi chu­raska kan­kuna. Ikuti alli­lla rurag­kuna­taka: “Sumag­lla ruras­pa­mi kan­gi­chi” nin­ga­pa­mi chu­raska kan­kuna.  
\v 15 Kam­kuna alli­lla ruraspa kan­ga­pa­mi Taita Dius muná. Chasa ruras­ka­kuna­wa­mi Taita Dius muná, upa­kuna i mana alli­lla iuiag­kunaka kam­kuna­manda mana ima­pas jucha­chi­na­kun­ga­pa. 
\p  
\v 16 Taita Dius­pa ñawipi, ñi pipa lutrin­sina mana ni­raian­gi­chi­chu. “Kacha­ris­ka­sina­mi kani, nuka imasa munas­ka­sina ruraspa kaug­san­ga­pa” iuia­ris­pa­pas, mana iukan­gi­chi­chu, jiru rurai­kunata rura­na­kunga. Chasa­paka, Taita Dius­pa lutrin­sina­kuna iuia­rispa, tukuipi alli­lla ruraspa kaug­san­gi­chi.  
\v 17 Tukui­kuna­wa sumag­lla alli­lla kan­gi­chi. Cristo­wa iuia­rig waug­kin­di­sina kuia­na­kuspa kaug­san­gi­chi. Taita Diusta suma kuiaspa man­chan­gi­chi. Iaia man­dagta suma uian­gi­chi. 
\s1 Cristo, nukan­chi­manda iapa llakii pasaspa, chasa­lla­ta kaugsangapa iuia­chiska­manda 
\p  
\v 18 Lutrin­kuna, kam­kunapa patrun­kunata tukuipi suma man­chai­wa uian­gi­chi. Alli patrun­kuna­lla­ta, mana; mana alli patrun­kuna­ta­pas­mi iukan­gi­chi suma uianga.  
\v 19 Mai­kan­pas, ianga asutii tukus­paka, Taita Dius­manda iuia­rispa mana piña­ris­pa­lla pasag­pi­kunaka, pai­taka, Taita Dius­mi iapa kuianga.  
\v 20 Kam­kuna jiru ruras­ka­manda asu­ti­ura, mana piña­ris­pa­lla kag­pi­kunaka, ñi ima primiu mana tian­ga­pa kan­chu. Ikuti kam­kuna tukui­pi alli­lla rura­na­kug­manda ianga asu­tig­pika, mana piña­ris­pa­lla kag­pi­kunaka, Taita Dius­pa ñawi­pika alli­mi ka. 
\p  
\v 21 Taita Dius, kam­kunata agllar­kami, chasa lla­kii­kuna pasan­ga­pa, mana piña­ris­pa­lla. Cristo, kam­kuna­manda­mi iapa lla­kii pasarka. Chasa pasas­paka, kam­kunata kawa­chir­kami, pai­sina chasa­lla­ta kaug­san­ga­pa­kuna.  
\v 22 Pai Cristo, ñi ima panda­riipas mana ruraska kar­ka­chu. Ñi pi­ta­pas mana llu­lla­chiska kar­ka­chu.  
\v 23 Paita kami­na­ku­ura, chasa­lla­ta mana aini­dur kar­ka­chu. Paita nana­chi­na­ku­ura, mana randi­chin­ga­pa rima­ri­kur­ka­chu. Chasa­paka, kasa iuiai­lla­wa­mi karka: “Tukuipi alli­lla jus­ti­siai rurag Taita Dius­pa maki­pi­mi kani”.  
\v 24 Pai kikinpa kuir­pupi nukan­chipa pan­da­rii­kunata apa­rig­sina­mi krus­pi kla­bai tukurka; chasa­waka nukan­chi, jiru iuiai­kunata sakispa, wañus­ka­sina tukuspa, mana ima­pi­pas panda­rin­ga­pa i alli­lla ruraspa kaug­san­ga­pa­kuna. Paita kruspi kla­baspa nana­chis­ka­wa­mi kam­kuna ambi­riska tukug­samur­kan­gi­chi.  
\v 25 Ñug­pa­taka kam­kuna, sug ubija chin­gaska puri­na­kug­sina­mi kaug­sa­na­kur­kan­gi­chi. Ikuti kuna­uraka, Cris­to­wa­mi tukug­samur­kan­gi­chi. Pai­mi ka ubija­kunata suma kawag­sina. Kam­kunata suma kawag­mi ka. 
\c 3  
\s1 Kusandi warmindi imasa kaug­sa­na­kui iukaska­manda 
\p  
\v 1 Chasa­lla­ta, warmi­kuna, kam kikin­kunapa kusata suma uiaspa kaug­san­gi­chi. Chasaka, Dius­pa Rimaita mana­ra uian­ga­pa munag kusapas, paipa warmita alli­lla ruragta kawas­paka, pudingami chi Rimaita uiag­samun­ga­pa, kam mana willag­pi­pas.  
\v 2 Kam­kuna tukui­pi sumag­lla uiaspa ruraspa kag­man­da­mi pai pudinga Cristo­wa tukug­sa­mun­ga­pa.  
\v 3 Kam warmi­kuna, “Suma­ia­sami” iuia­rispa, iapa bali katan­ga­kuna i kurita ruras­ka­kuna chura­rispa mana kaug­san­gi­chi. Uma­manda agcha­ta­pas mana iapa suma­ia­chin­gi­chi; chasaka, suma kawa­rin­ga­pa iuias­pa­lla.  
\v 4 Cha­sa­paka, kam­kunapa tukui iuiai­kunata suma­ia­chii­chi. Chi iuiaita suma­ia­chigka, tukui­wa sumag­lla kaug­sai­mi iukan­ga­pa ka. Chi suma­ia­chis­kaka, ñi ima­ura­pas mana puchu­ka­rin­ga­pa kan­chu. Chasa kag­kuna, Dius­pa ñawipi iapa alli­mi kan­kuna.  
\v 5 Taita Dius­manda­lla kaug­sag ñugpa­manda warmi­kuna­pas, chasa­lla­ta alli iuiai­ta­mi suma­ia­chi­rir­ka­kuna. Pai­kunaka, “Taita Dius­wa­mi kani” iuia­rispa, kikin­kunapa kusata suma­mi uia­dur kar­ka­kuna.  
\v 6 Sara suti Abra­hampa war­mi­mi chasa karka. Paipa kusa ima nis­kata ruraspa, iachar­kami paita ninga: “Nuka­pa iaia­mi ka­puangi”. Kam­kuna­pas, alli­lla ruraspa, mana iukan­gi­chi­chu ñi ima man­chai­pas iukan­ga­kuna. Chasaka, Sara­sina­lla­ta­ta­mi tukug­samun­kan­gi­chi. 
\p  
\v 7 Kusa­kuna­pas, chasa­lla­ta, kam­kunapa warmi­wa iukan­gi­chimi, tukuipi sumag­lla kaug­san­ga­kuna. Iuia­rii­chi, warmi­kunaka kari­sina mana wapu kagta­kuna. Taita Dius, kam­kunata i pai­kunata suma kuiaspa, iskandi­kuna­ta­mi nirka, dil­tudu­pa kaug­saita karan­ga­pa. Chasa­manda, kam­kunapa warmita nii­chi: “Suma kuiaska, alli­mi kangi”. Chasaka, kam­kuna Taita Diusta maña­ku­ura, chi mañai­kuna mana ima­pi­pas arkai tukungachu. 
\s1 Alli rurag­kuna, llakii pasan­ga­pa kaska­manda 
\p  
\v 8 Nigpika chaia­kumi, tukui­kuna, sug­lla kag­sina iuia­rispa, alli iuiai­kuna­wa sumag­lla kaug­sa­na­kun­ga­pa. Kuia­na­kuspa, pari­juma lla­ki­na­kuspa, mana atun­ia­chi­rispa iuiai­wa kan­gi­chi.  
\v 9 Kam­kunata ima jiru rurag­pi­pas, mana chasa­lla­ta ran­di­chin­gi­chi. Kam­kunata kamig­pi­pas, mana chasa­lla­ta kuti­chin­gi­chi. Chasa­paka, mai­kan jiru ruraspa rimagta: “Taita Dius, kamta iapa kuiaspa kawa­pua­chu” nin­gi­chi. Taita Dius, kam­kunata iapa kuiaspa kawan­ga­pa­mi agllarka.  
\v 10 Cha­sa­lla­ta­mi ñugpa­manda librupi willa­raiá, kasa nispa: 
\q1 Mai­kan­pas unai suma kun­tin­tu­lla kaug­san­ga­pa munag 
\q1 iukan­mi kikinpa kallu­wa mana jiru rimanga; 
\q1 chasa­lla­ta, kikinpa simi­wa mana llullanga; 
\q1  
\v 11 tukui mana alli­lla rurai­kunata sakispa, 
\q1 tukui alli­lla­taka ruranga; 
\q1 tukui­kunawa sumag­lla kaug­san­ga­pa iuia­ris­pa­lla kanga. 
\q1  
\v 12 Atun Taita Dius, 
\q1 alli­lla ruraspa kaug­sa­na­kus­kata suma­mi kawá. 
\q1 Pai­kuna mañaska­ta­pas uian­mi. 
\q1 Ikuti jiru rurag­kuna­taka, 
\q1 atun Taita Dius mana munan­chu. 
\p  
\v 13 Kam­kuna ima­ura­pas alli­lla ruras­pa­lla kag­pi­kunaka, ¿pitak kam­kunata mana alli­lla ruran­ga­pa pudin­ga­kuna? Ñi pipas manima.  
\v 14 Chasa kag­pi­pas, kam­kuna alli­lla ruraspa, lla­kii pasaspa kag­manda, Taita Dius­pa iapa kuias­ka­mi kan­kan­gi­chi. Kam­kunata piñag­kuna ima rimag­pi­pas, mana pai­kunata mancha­rin­gi­chi.  
\v 15 Chasa­paka, Cristo kam­kunapa iaia kag­manda, paita kam­kunapa iuiai­wa nin­gi­chi, tukuipi mas alli kagta. Mai­kan­pas kam­kunata tapu­chu­kuna, kasa nispa: “¿Pi­watak iuia­rin­gi­chi, chi­tuku kun­tin­tu­lla suia­na­kun­ga­pa?”: chasa tapu­uraka, kam­kuna suma iuia­rispa kan­gi­chi, imasa alli­lla ainin­ga­pa.  
\v 16 Tukui­pi suma ainin­gi­chi, mana atun­ia­chi­ris­pa­lla. Tukuipi alli­lla ruraspa kaug­san­gi­chi. Chasaka, mana kam­kunapa iuiai­pi ñi ima jiru ruraska kawa­rin­ga­chu. Chasa kawas­paka, kam­kuna Cris­to­wa alli­lla ruraspa purig­kuna­manda mana suma rimag­kuna, kikin­kuna­mi pin­gaipa pasan­ga­kuna.  
\v 17 Kam­kuna jiru ruran­ga­taka, alli­lla ruras­ka­manda lla­ki­chig­pi­kunaka, Taita Dius chasa munag­manda, paipa ñawipi mas allimi ni­raian­kan­gi­chi. 
\p  
\v 18 Jesu­cristo kikin­mi tukui­kunapa panda­rii­kuna­manda sug bia­ji­lla wañurka. Pai tukuipi alli­lla rurag, nukan­chi mana alli­lla rurag­kuna­manda­mi wañurka; chasaka, nukan­chita Taita Dius­pagma pusan­ga­pa. Paipa kuir­pumi wañurka. Ikuti paipa Ispi­ri­tuka, kaug­sa­lla­mi ka.  
\v 19 Paipa Ispi­ri­tu­lla­ta­ta­mi wichka­raiaska alma­kunata willag­rirka.\f + \fr 3:19 \ft Sug­kunaka iuian­kunami chi wichka­raiaska alma­kunaka, limbo sutipi Iaia Jesusta suia­na­kuska kagta.\f* 
\v 20 Chi alma­kuna, ñug­pa­manda taita Noé kai alpapi willa­ku­ura, mana paita uiaska kar­ka­kuna. Pai­kuna mana uiag­pi­kuna­pas, Taita Dius mana piñas­pa­lla­mi suia­kurka, Noé atun barkuta puchu­kan­kama. Pusag runa­kuna­lla­mi chi barkupi iakupi wañun­ga­pa kis­pi­rir­ka­kuna. 
\p  
\v 21 Chi iaku, baug­ti­sa­diru iakuta kawa­chig­sina­mi karka. Chasa­man­da­mi kuna­ura baug­ti­sa­ris­kapi nukan­chi kis­pi­rin­chi. Baug­ti­sa­ri­ura, mana kan­chu kuir­puta mapa anchu­chin­ga­pa. Baug­ti­sa­ris­kapi, Taita Dius­ta­mi mañan­chi, nukan­chipa iuiai tukuipi alli tukug­samun­ga­pa. Jesu­cristo kaugsa­ris­ka­man­da­mi Taita Dius nukan­chita kis­pi­chí.  
\v 22 Pai Jesu­cristo, suma luar­ma sikaspa, Taita Dius­pa alli ladu­mi tia­ku. Anjil­kuna, tukui sug luarpi man­dag­kuna i iapa pudig­kuna­pas, pai ima nis­ka­ta­mi iukan­kuna ruranga. 
\c 4  
\p  
\v 1 Chi­manda, imasa­mi Cristo, pai­pa kuir­pupi nanai­kuna i lla­kii­kuna iukarka: chasa­lla­ta­mi kam­kuna­pas iukan­gi­chi, nanai i lla­kii iukanga; chasaka, Cristo­lla­wa iuiai­pi kan­ga­pa­kuna. Mai­kan­pas Cris­to­manda kikinpa kuir­pupi nanai i lla­kii pasagka, mana alli­lla rurai­kuna­ta­mi sakinga;  
\v 2 chasaka, kaug­san­kama, runa­kunapa jiru iuiai­ta­mi sakinga; Taita Dius imasa muna­kus­ka­sina­mi ruraspa kaug­sanga. 
\p  
\v 3 Unai­mi kam­kuna, Taita Diusta mana­ra rig­sispa, jiru munai­wa ruraspa kaug­sa­na­kur­kan­gi­chi. Ñug­pa­taka, imasa munas­ka­sina­mi tukuipi jiru ruraspa kaug­sa­na­kur­kan­gi­chi. Iapa machaspa, ialigta mikuspa i upias­pa­mi kar­kan­gi­chi. Millan­ga­sina ianga dius­kuna­ta­mi kun­gu­rispa mucha­na­kur­kan­gi­chi.  
\v 4 Ikuti kuna­uraka, Taita Diusta rig­sig­kuna­wa kam­kuna tukug­sa­muspa, chi jiru rurag­kuna­waka mana kag­man­daka, pai­kuna, ujna­rispa, kam­kuna­manda kamis­pa­mi rima­nakú.  
\v 5 Chasa rima­na­kug­pi­pas, kaug­sa­kunata i wañus­ka­kunata jus­ti­sian­ga­pa pun­cha ña­mi chaia­muku. Taita Dius­ta­mi chi­ura pai­kuna willa­rin­ga­pa kan­kuna.  
\v 6 Kasa­man­da­mi wañus­ka­kuna­ta­pas Alli Willai­ta willai tukur­ka­kuna: pai­kuna, kai alpapi kuir­pupi jus­ti­siai tukus­pa­pas, pai­kunapa ispi­ri­tuka, Alli Willai­ta uiaspa, Taita Dius­pa ñawipi kaug­san­ga­pa­kuna. 
\s1 Tukurii pun­cha­kuna imasa kaug­san­ga­pa chaiagta 
\p  
\v 7 Tukui ima tias­ka­kuna tuku­rin­ga­pa pun­chaka, ñami chaia­muku. Chi­manda, tukui­kuna­wa alli iuiai­wa kaspa, Taita Diusta maña­na­kun­gi­chi, mana kunga­ris­pa­lla.  
\v 8 Tukui­manda ñugpaka, kam kikin­pura alli­llata kuia­na­kuspa kaug­sai­chi. Chasa kuiagka, achka mana alli­lla rurag­kunata pasin­siag­mi ka.  
\v 9 Mai­kan kam kikin­pura wasima chaiag­riska­ta­pas kaian­gi­chi, mana ñi ima­pas rima­ris­pa­lla.  
\v 10 Imasa­mi Taita Dius, sug sugta min­garka, kikin­pura suma alli rura­na­kun­ga­pa: chasa­lla­ta­mi iukan­gi­chi pari­ju­ma alli­lla rura­na­kunga.  
\v 11 Ima­ura mai­kan­ta­pas riman­ga­pa chaiag­pika, Taita Dius iuia­chiska rimai­kuna­lla­ta riman­gi­chi. Mai­kan­pas sug­kuna­manda allita ruran­ga­pa chaiag­pika, Taita Dius karaska ani­mu­wa ruran­gi­chi. Tukui ima rura­kus­kapi, Jesu­cristo­manda­lla iuia­rispa ruran­gi­chi; chasaka, Taita Diusta: “Kam, iapa suma atun­mi kangi” nin­ga­pa­kuna. Paita ni­sun­chi: “Kam, ima­ura­pas iapa suma atun tukui pudig­mi kangi, mai­tuku waranga waranga wata­kuna ialig­pi­pas. Chasa kachu”. 
\s1 Cristowa suma iuia­rispa llakii pasaska­manda 
\p  
\v 12 Nuka­pa kuias­ka­kuna, kam­kuna Cristo­wa suma iuia­rig­kuna kas­kata kawan­ga­pa­mi lla­kii­kuna nanai­kuna chaiamú; mas ima kag­pi­pas, mana ujna­rin­gi­chi. Chasa pasa­rig­pi­pas, iuia­rii­chi ñi ima mana pasa­rig­sina.  
\v 13 Chasa­paka, kam­kunapa lla­kii iukaspa, kun­tin­tu­lla kan­gi­chi, Cristopa lla­kii­wa sug­lla­pi kam­kuna­pas kag­manda. Chasa iukas­paka, pai asku­rinti sumag­lla kawa­rig­samu­ura, chi­ura­mi iapa kun­tin­ta­rin­kan­gi­chi.  
\v 14 Kam­kunata Cristo­manda kamig­pi­kunaka, Taita Dius­pa iapa kuias­ka­mi kan­gi­chi. Chika ni­raian­mi Taita Dius­pa iapa suma Ispí­ritu, kam­kuna­wa sug­lla­pi kagta.  
\v 15 Kam­kunapa lla­kii mana kachu mai­kanta wañu­chig­manda, ñi sisai­manda, ñi jiru rurai­manda ñi sug­kuna imasa kaug­sa­na­kus­kata kawaspa purig­manda.  
\v 16 Cristo­wa kag­manda piñaspa kamispa lla­ki­chig­pi­kunaka, mana iuiai­chi: “Pin­gai­sina­mi ka”. Chasa­paka, chi lla­kii­kuna­manda “Pai Siñur” Taita Diusta nin­gi­chi. 
\p  
\v 17 Taita Dius jus­ti­sian­ga­pa pun­chaka ñami chaiarka. Taita Dius­wa tukus­ka­kuna mai­pi­pas kas­ka­kuna­ta­mi jus­ti­siai kalla­ri­ku. Nukan­chita chasa jus­ti­siai kalla­rig­pika, Taita Dius­manda Alli Willai­ta mana uiag­kunaka, ¿ima­char pasan­ga­kuna? 
\q1  
\v 18 Alli­lla rurag­kuna, 
\q1 mailla­manda­lla­mi 
\q1 kis­pi­rin­ga­kuna. 
\q1 Taita Diusta mana man­chaspa panda­rig­kunaka, 
\q1 ¿ima­sik pasan­ga­kuna? 
\m  
\v 19 Chasa­manda, Taita Dius imasa lisin­sias­ka­sina pai­kunata piñaspa kamispa lla­ki­chii tukug­kunaka iukan­kunami, alli ruraita mana sakis­pa­lla apa­na­kunga i Taita Dius nukan­chita wiña­chigpa makipi alma­ta­pas mingan­ga­kuna. Pai ima niska mana llullan­chu. 
\c 5  
\s1 Cristowa tukus­ka­kunata iuia­chiska­manda 
\p  
\v 1 Kuna­uraka, kam­kuna­pura iacha taita­kunata iuia­chin­ga­pa­mi munani. Nuka­pas, kam­kuna­sina iacha taita­mi kani. Cristo imasa nanai­wa lla­kii­wa kagta kawas­kata willag­mi kani. Paipa suma atun pun­cha kawa­rig­samu­ura, nuka­pas kam­kuna­wa sug­lla­pi­mi kawa­rig­rin­ga­pa kan­chi.  
\v 2 Kasa­mi nii­ki­chita: Taita Dius kam­kunata min­gaska ubija­kuna­sinata suma kawa­puai­chi. Taita Dius imasa muna­kus­ka­sina alli iuiai­wa­mi iukan­gi­chi pai­kunata suma kawanga. Mana kawa­puai­chi, mai­kan “Kasa rurai” nig­manda­lla ñi “Kulki­mi kua­wanga” iuia­ris­pa­lla. Mana killas­pa­lla tukuipi kawa­puai­chi.  
\v 3 Kam­kunata mingas­ka­kunata mana iukan­gi­chi­chu, imasa munas­ka­sina pai­kunata ruranga. Iukan­gi­chimi, pai­kuna imasa suma kaug­saita kawaspa iachai­kun­ga­sina suma kaug­san­ga­kuna.  
\v 4 Chasa kaug­sag­kunaka, ubija­kuna­sinata iaia kawag Cristo kawa­rig­samu­ura, mana ima­ura­pas waglli­rig llaugtu­sinata chas­kispa, suma­ia­chiimi tukun­ga­pa kan­gi­chi. 
\p  
\v 5 Chasa­lla­ta, musu­kuna, iacha taita­kunata suma uiai­chi. Tukui­kuna iukan­gi­chimi, kam kikin­pura mana atun­ia­chi­ris­pa­lla, ima iacha­chi­na­kus­kata suma uian­ga­kuna. Chasa­lla­ta­mi ñugpa­manda librupi willa­raiá, kasa nispa: 
\q1 Mai­kan atun­ia­chi­riska iuiai­wa kag­kunata, 
\q1 Taita Dius­mi pai­kunata wabutí. 
\q1 Ikuti mana atun­ia­chi­ris­pa­lla iuiai­wa kag­kuna­taka 
\q1 alli iuiai­kuna­ta­mi kará; 
\q1 chasaka, pai­kuna sumag­lla kaug­san­ga­pa. 
\m  
\v 6 Chasa kag­mandaka, tukui pudig Taita Dius­pa ñawipi, “Uchulla­sina­mi kani” iuia­rii­chi; chasaka, pai niska pun­cha chaia­mu­uraka, suma atun­ia­chiska kan­ga­pa.  
\v 7 Taita Diuska, kam­kunata suma kawag­mi ka. Chi­manda, tukui lla­kii­kunata iuiai­kunata paipa makipi churai­chi. 
\p  
\v 8 Imasami liun, pi­ta­pas mikun­ga­pa maskaspa, sin­chi wakaspa purí: chasa­lla­ta­mi kam­kunata piñag iaia kukuka, pi­ta­pas puchu­kan­ga­pa maskaspa puri­ku. Chi­manda, alli iuiai­wa rig­cha­raiag­sina ka­puai­chi.  
\v 9 Jesu­cristo­wa suma iuia­rispa, chi iaia kuku­manda micha­rii­chi. Iachan­gi­chimi, tukui alpa­kunapi kam­kunapa waugki i pani­kuna­pas chasa­lla­ta lla­ki­na­kugta.  
\v 10 Kam­kuna chi lla­kii­kunata sug ratu­lla pasaska­ura­mandaka, iapa suma kuiag Taita Dius kikin­mi, kam­kunata tukui allipi ruraspa, tukuipi alli­lla cha­rin­ga­pa ka, mana pai­pag­manda llug­si­chii tukun­ga­pa. Pai­mi nukan­chita agllarka, Jesu­cris­to­wa paipa suma pun­cha luarpi dil­tudu­pa kaug­sag­rin­ga­pa.  
\v 11 Paita ni­sun­chi: “Kam, ima­ura­pas tukui pudig­mi kangi, mai­tuku waranga waranga wata­kuna ialig­pi­pas. Chasa kachu”. 
\s1 Kaia­kama, niska­manda 
\p  
\v 12 Waugki Silvano­wa­mi kai uchu­lla kartata iskribirkai­ki­chita. Pai­ka, Cristo­wa suma iuia­rig waug­ki­mi ka­puá. Kam­kunata suma iuia­chin­ga­pa­mi nirkai­ki­chita, Taita Dius sutipa kam­kunata suma kuiagta willan­ga­pa. Chi kuiai­manda mana kunga­rin­gi­chi. 
\p  
\v 13 Cristo­wa tukus­ka­kuna Babi­lo­nia ni­raias­kapi kas­ka­kuna, kam­kuna­sina Taita Dius agllaska kag­kuna­mi, “Puangi” ni­nakú. Nuka­pa wam­bra­sina Marcos­pas­mi, “Puan­gi” kam­kunata ni­ku.  
\v 14 Kam kikin­pura Taita Dius­pa kuiai­wa iuia­rispa mucha­na­kuspa, “Puangi” ni­na­kui­chi. Cristo­wa tukui tukus­ka­kuna, sumag­lla kaug­sa­puai­chi.