\id 1JN - Inga NT -Colombia 2009 (DBL -2013) 
\h 1 SAN JUAN 
\toc1 1 San Juan 
\toc2 1 San Juan 
\toc3 1 Jn 
\mt1 SAN JUAN 
\mt2 MUSUGLLA KARTA KACHASKAMANDA 
\c 1  
\s1 Dius­pa Rimai, Jesús suti Runa Tukuska­manda 
\p  
\v 1 Jesu­cristo­manda nis­pa­mi kam­kunata kai karta kachan­chi. Pai Jesu­cristoka, manara ñi ima tias­ka­ura­manda­ta­mi kaug­sa­kurka. Pai­ta­mi uiar­kan­chi. Nukan­chipa ñawi­wa­mi paita kawar­kan­chi. Paita kawaspa, nukan­chi kikinpa maki­wa­mi llam­kar­kan­chi. Pai­mi ka Dius­pa Rimai, nukan­chita kaug­sai kara­mug.  
\v 2 Pai kaug­sai kara­mug, kai alpa­pi­mi kawa­chi­rig­samurka. Paita kawas­pa­mi nukan­chi pai­manda willa­dur­kuna kan­chi. Mana puchu­ka­ri­diru suma kaug­saita karag­manda­mi kam­kunata willan­chi. Pai, Taita Dius­wa sug­lla­pi kas­paka, nukan­chi­ta­mi kawa­chi­rig­sa­murka.  
\v 3 Nukan­chi ima uiaska kawas­ka­ta­mi kam­kuna­ta­pas willan­chi; chasaka kam­kuna­pas, nukan­chi­wa sug­lla iuiai tukug­sa­mun­ga­pa. Taita Dius­wa i paipa wam­bra Jesu­cristo­wa­pas­mi sug­lla iuiai­wa tukuska kan­chi.  
\v 4 Kai tukui ima­kunata kam­kunata willa­na­kun­chi; chasaka kam­kuna­pas, ima­pi­pas suma alli iuia­chii­wa kan­ga­pa. 
\s1 Taita Dius, mana panda­rii tiag­manda, pun­cha­lla­mi ka 
\p  
\v 5 Jesu­cristo kikin ima nukan­chita iacha­chis­ka­ta­mi uiar­kan­chi. Chasa­lla­ta­mi kam­kuna­ta­pas kasa willan­chi: pai Taita Dius, pun­cha­lla­mi ka, mana panda­rii tiag­manda. Paipa ñawipi, tutaiai mana tian­chu.\f + \fr 1:5 \ft Panda­rii­kuna­mi tuta­sina ka.\f* 
\v 6 Pai­wa sug­lla iuiai­wa tukuska kagta nukan­chi iuia­na­kuspa, mani­ma sutipa alli­lla ruraspa kaug­sa­na­kug­pika, llu­lla­mi ni­raian­chi. Cha­saka, iana tutapi puri­na­kug­sina­mi kan­chi.  
\v 7 Taita Dius, pun­cha­lla­pi kaug­sag­mi ka, mana panda­rii tias­kapi. Nukan­chipas, paipa pun­cha­ia­chii suma iuiai­wa kaug­sa­na­kug­pika, sug­lla iuiai­wa­mi nukan­chi­pura kaug­sa­sun­chi. Chasa kaug­sa­na­kug­pika, paipa wam­bra Jesuspa iawar­wa, tukui nukan­chipa panda­rii­kuna­ta­mi anchu­chí. 
\p  
\v 8 Nukan­chi kikin­kuna ni­sun­chi: “Mana pan­da­rig­kuna­mi kan­chi”; nig­pika, nukan­chi kikin­mi llu­lla­chi­ri­na­kun­chi. Chi­wanka, paipa sutipa Alli Willai­ta nukan­chi mana­char cha­rin­tran­chi.  
\v 9 Ikuti nukan­chi pan­da­ris­ka­kunata willa­rig­pika, Taita Diuska, tukuipi iapa alli kaspa, pai ima nis­kata mana llu­llá; chi­wanka, nukan­chi pan­da­ris­ka­kunata pasin­siaspa, tukui mana alli iuiai­kunata anchu­chispa kis­pi­chin­ga­pa.  
\v 10 Nukan­chi ni­sun­chi: “Mana pan­da­riska kan­chi­chu”; nig­pika, Taita Dius­man­da­pas nin­tran­chimi: “Llu­lla­mi ka”. Chi­wanka, paipa suma rimaita mana­char cha­rin­tran­chi. 
\c 2  
\s1 Jesu­cristo, Taita Diusta nukan­chi­manda maña­dur kaska­manda 
\p  
\v 1 Nuka­pa kuiaska wam­bra­kuna, chi rimai­kunata willar­kai­ki­chi­ta­mi, kam­kuna mana pan­da­rin­ga­pa. Mai­kan panda­rig­pika, Taita Diusta nukan­chi­manda maña­dur­mi iukan­chi. Jesu­cristo ima­pi­pas alli kag­mi nukan­chi­manda maña­ku.  
\v 2 Pai­mi nukan­chipa pan­da­rii­kunata anchu­chin­ga­pa wañurka. Nukan­chipa pan­da­rii­kuna­manda­lla, mana; kai alpapi tukui kaug­sag­kunapa pan­da­rii­kuna­manda­pas­mi wañurka. 
\p  
\v 3 Taita Dius ima nis­kata ruras­pa­mi iachan­chi, paita sutipa rig­sigta.  
\v 4 Mai­kan­pas ni­chu: “Nuka­mi Taita Diusta rigsini”: chasa nis­pa­pas, Taita Dius ima nis­kata mana rurag­pika, chika tukuipi llu­lla­mi ka.  
\v 5 Ikuti Taita Dius ima rimas­kata rurag­kunaka, sutipa­mi tukui iuiai­wa paita kuian­kuna. Chasa ruras­pa­mi iachan­chi, nukan­chi pai­wa tukuska kag­ta­kuna.  
\v 6 Mai­kan­pas pai­wa tukuska kagta iuiagka, imasa­mi Jesu­cristo kaug­sarka: chasa­lla­ta­mi pai iuká kaug­sanga. 
\s1 Musu mandai­manda 
\p  
\v 7 Nuka­pa kuias­ka­kuna, mana willa­na­kui­ki­chitachu sug rig­cha rimas­kata ruran­ga­pa. Chi kam­kuna Jesu­cristo­wa iuia­rii kalla­riska­ura­manda­ta rimai iukaska­lla­ta ikutimi iuia­chi­na­kui­ki­chita. Chi ñugpa­manda rimaita ñami uiar­kan­gi­chi.  
\v 8 Chasa kag­pi­pas, musug­lla rimai kag­sina­mi willa­na­kui­ki­chita. Chika, Jesu­cristo­wa i kam­kuna­wapas sutipa­mi tukug­samurka. Dius­pa sutipa alli rimaita apig­kunaka, iana tutapi­sina panda­rii­kunata ñami saki­nakú. Chasaka, pai­kunapa iuiai­pika pun­cha­sina­lla­mi tukug­samun­kunata. 
\p  
\v 9 Mai­kan­pas ni­chu: “Nukaka, pun­cha­sina­lla­pi­mi kani”: chasa nis­pa­pas, waugkindi­kunata mana kuia­chu: chara iana tutapi­sina­mi chi runa ka.  
\v 10 Mai­kan­pas waug­kin­di­kunata kuiag­pika, paipa iuiaika pun­cha­sina­lla­pi­mi ka. Chasa kaug­sag­kuna, sug­kunata pan­da­rii­kunapi mana urma­chin­kuna­chu.  
\v 11 Ikuti waug­kin­di­kunata mana kuiag­kunaka, iana tutapi kaug­sa­na­kug­sina­mi ka. Paipa mana suma iuiai­kuna­wa ñawi tuta­ia­chis­ka­sina tukug­samus­paka, mana iachan­chu maima ri­kugta. 
\p  
\v 12 Kuiaska wam­bra­kuna, kam­kunapa panda­rii­kunata Jesu­cristo­manda­mi pasin­siai tukur­kan­gi­chi; chi­manda­mi rimai­ki­chita.  
\v 13 Taita­kunaka, Jesu­cristo kalla­rii­manda­ta kaug­sagta kam­kuna­mi rig­sin­gi­chi; chi­manda­mi rimai­ki­chita. Musu­kunaka, iaia kukuta kam­kuna­mi miti­ku­chir­kan­gi­chi; chi­manda­mi rimai­ki­chita. 
\p Kuiaska wam­bra­kunaka, Taita Diusta ña rigsin­gi­chi; chi­manda­mi rimai­ki­chita.  
\v 14 Taita­kunaka, Jesu­cristo kalla­rii­manda­ta kaug­sagta kam­kuna­mi rigsin­gi­chi; chi­man­da­mi rimai­ki­chita. Musu­kunaka, kam­kuna, wapu­sina kaspa, Dius­pa Rimaita cha­ri­rispa, iaia kuku­ta­mi miti­ku­chir­kan­gi­chi; chi­man­da­mi rimai­ki­chita. 
\p  
\v 15 Kai alpata mana munan­gi­chi, ñi kai alpapi tias­kata. Mai­kan­pas kai alpata munag­kunaka, Taita Dius­taka mana kuian­kuna­chu.  
\v 16 Kai alpata munag­kuna ni­raian­mi imasa kikinpa mana alli­lla iuiai­wa munaspa kaug­san­ga­pa, ñawi­wa mana alli­kunata kawaspa muna­rin­ga­pa i ima iukas­ka­kuna­wa atun tukuska iuian­ga­pa. Chi­kunaka mana ni­raian­chu Taita Dius­pa munai­kuna. Kai alpapi tias­ka­kuna­lla­wa iuiag­kunapa munai­kuna­mi ni­raiá.  
\v 17 Kai alpa tuku­ri­kumi. Tukui kai alpapi mana alli munai­kuna­pas­mi tuku­ri­ku. Ikuti mai­kan­pas Taita Dius ima munas­kata rurag­kunaka, dil­tudu­pa­mi kaug­san­ga­pa kan­kuna. 
\s1 Llulla i mana llulla kag­manda 
\p  
\v 18 Wam­bra­kuna, ñami tuku­rii pun­cha­kuna chaia­murka. Kam­kuna ñami uiar­kan­gi­chi, Cristota mana munag chaia­mun­ga­pa kagta. Sutipa­mi iapa achka paita mana munag­kuna ña tukug­samur­ka­kuna. Chasa­manda­mi iachan­chi, tuku­rii pun­cha­kuna ña chaia­muska kagta. 
\p  
\v 19 Chi Cristota mana munag­kuna, nukan­chi­wa kas­ka­manda­mi llug­sir­ka­kuna. Chi llug­sig­kuna, nukan­chipa iuiai­wa mana kar­ka­kuna­chu. Nukan­chipa iuiai­wa kag­pi­kunaka, nukan­chi­lla­wa­mi kan­kuna. Pai­kuna llug­sig­mandaka, alli­lla­mi kawar­kan­chi, nukan­chi­pura mana tukui­kuna nukan­chipa iuiai­wa kagta­kuna. 
\p  
\v 20 Ikuti kam­kunaka, Cristo kara­muska Santu Ispi­ri­tu­ta­mi chas­kir­kan­gi­chi. Chi­wanka, tukui­kuna­mi suma iachaita iukan­gi­chi.  
\v 21 Nuka mana willai­ki­chitachu, sutipa Alli Willai­ta mana rigsigta­kuna­sina. Kam­kuna alli­lla rigsig­man­da­mi willai­ki­chita. Ñami iachan­gi­chi: Dius­pa sutipa alli Rimaipi, mana ima llullaipas tian­chu. 
\p  
\v 22 ¿Pitak llulla ka? Mai­kan Jesus­manda ni­dur­kuna, mana Taita Dius agllaska Cristo kagta. Chasa ni­dur­kuna­mi Cristota mana munag kan­kuna. Chasa­kuna, Taita Diusta i paipa wam­bra­ta­mi piña­ri­nakú.  
\v 23 Mai­kan­pas Taita Dius­pa wam­brata piña­rig­kuna, Taita Dius kikin­ta­pas­mi piña­rin­kuna. Ikuti mai­kan­pas Jesús Taita Dius­pa wam­bra kagta rigsig­kunaka, Taita Dius­ta­mi iukan­kuna. 
\p  
\v 24 Kam­kuna ima kalla­riska­ura­manda­ta uias­kata cha­ri­raian­gi­chi. Kam­kuna kalla­riska­ura­manda­ta uias­kata cha­ri­raiag­pi­kunaka, Taita Dius­pa wam­bra­wa i kikin Taita Dius­wa­mi sug­lla iuiai iukan­kan­gi­chi.  
\v 25 Chi­manda­mi nirka, mana puchu­ka­ri­diru suma kaug­saita nukan­chita kara­mun­ga­pa. 
\p  
\v 26 Kam­kunata panda­chin­ga­pa muna­na­kug­manda­mi chasa willai­ki­chita.  
\v 27 Chasa willag­pi­pas, kam­kunaka ñi pi iacha­chig­ta­pas mana minis­tin­gi­chi­chu. Jesu­cristo Santu Ispi­ri­tuta kara­mus­ka­mi kam­kuna­wa ka. Santu Ispí­ritu kikin­mi tukui­manda kam­kunata iacha­chí. Tukui pai ima iacha­chis­kaka, sutipa­mi ka, mana llu­llas­pa­lla. Chasa­manda, imasa­mi Santu Ispí­ritu, kam­kunata iacha­chirka: chasa­lla­ta Cristo­wa sug­lla iuiai­wa kan­gi­chi. 
\p  
\v 28 Kuna­ura, kuiaska wam­bra­kuna, Cristo­wa sug­lla iuiai­wa kai­chi; chasaka, pai ikuti kawa­rig­sa­mu­ura, nukan­chi pai­wa sug­lla kag­sina iuian­ga­pa; chi­wanka, pai samu­ura, mana manchas­pa­lla paipa ñawipi kawa­rig­rin­ga­pa.  
\v 29 Ñami iachan­gi­chi, Jesu­cristo tukuipi iapa alli kagta. Kasapas iachai­chi: mai­kan­pas alli­lla ruraspa kaug­sag­kuna, Taita Dius­pa wam­bra­kuna­mi ni­raian­gi­chi. 
\c 3  
\s1 Taita Dius­pa wam­bra tukus­ka­kuna­manda 
\p  
\v 1 Iuia­rii­chi imasa Taita Dius, nukan­chita iapa kuiagta. Chi­wa­mi nukan­chita nirka: “Nuka­pa wam­bra­kuna­mi kan­gi­chi”. Chasa­mi kan­chi. Kai alpapi tias­ka­kuna­lla­wa iuiag­kunaka, Taita Diusta mana rig­sis­pa­mi mana nukan­chita rig­sin­kuna, Taita Dius­pa wam­bra­kuna kagta. 
\p  
\v 2 Nuka­pa kuias­ka­kuna, nukan­chi­kar ñami Taita Dius­pa wam­bra­kuna kan­chi. Mana­ra­mi kawa­chi­mú, nukan­chi imasa kipa­ma kan­ga­pa kagta­kuna. Kasa­mi iachan­chi: Jesu­cristo ikuti kawa­rig­samu­ura, paita imasa kagta kawas­pa­mi pai­sina­lla­tata tukug­samun­ga­pa kan­chi.  
\v 3 Mai­kan chasa paita suma iuiaspa suiag­kuna, pan­da­rii­kuna­manda anchu­chi­ris­pa­mi lim­piu­lla tukug­samun­ga­pa kan­chi; imasa­mi Jesu­cristo mana pan­da­rig ka: chasa. 
\p  
\v 4 Mai­kan­pas ima panda­rii­kunata rurag­kuna, kikin­kuna­mi Taita Dius ima ruran­ga­pa nis­kata wabutin­kuna. Ima panda­rii­kuna­wa ni­raian­mi Taita Dius ima nis­kata wabutig.  
\v 5 Ñami iachan­gi­chi: Jesu­cristoka, panda­rii­kunata anchu­chin­ga­pa­mi samurka. Pai kikin ni­raian­mi mana panda­rig kagta.  
\v 6 Chi­mandaka, mai­kan­pas Jesu­cris­to­wa sug­lla iuiai­wa kag­kuna mana panda­rin­kuna­chu. Ikuti mai­kan­pas panda­rispa kaug­sag­kunaka, paita mana kawaspa rigsig­sina­mi kan­kuna. 
\p  
\v 7 Kuiaska wam­bra­kuna, ¡ujala­lla­pas kam­kunata pipas panda­chi­chu­kuna! Imasa­mi Jesu­cristo alli ka: chasa­lla­ta­mi mai­kan alli ruraspa kaug­sa­na­kugpas alli kan­kuna.  
\v 8 Ikuti mai­kan­pas panda­rispa kaug­sag­kunaka, iaia kuku­wa­mi kan­kuna. Chi iaia kukuka, kalla­rii­manda­ta­mi panda­riilla ka. Taita Dius­pa wam­bra Jesu­cristoka, chi iaia kuku mana alli ruras­ka­kunata puchu­kan­ga­pa­mi samurka. 
\p  
\v 9 Taita Dius­pa wam­bra ni­ra­ias­ka­kuna, Taita Dius­pa kaug­saita cha­ri­raias­pa­mi mana pan­da­rispa kaug­san­kuna. Taita Dius­pa wam­bra ni­raias­pa­mi mana pudin­kuna panda­riipi urman­ga­pa.  
\v 10 Taita Dius­pa wam­bra ni­raias­ka­kuna i iaia kukupa kag­kuna, kasa­pi­mi rigsirí. Mai­kan­pas jiru rurag­kuna, mana Taita Dius­wa kagta ni­raian­chu. Chasa­lla­ta, mai­kan­pas waugkindi­kunata mana kuiag­kuna, Taita Dius­wa kagta mana ni­raian­chu. 
\s1 Nukan­chi kikin­pura kuia­na­ku­sun­chi 
\p  
\v 11 Kasami kalla­riska­ura­manda­ta uiar­kan­gi­chi: nukan­chi kikin­pura kuia­na­kuspa kaug­san­ga­pa.  
\v 12 Mana rura­sun­chi Kaín suti kari­sina. Chi karika, iaia kuku­wa kas­pa­mi paipa waugkindita wañu­chirka. ¿Imapatak wañu­chirka? Kaín kikin mana alli­lla rurag kaspa, paipa waugki alli­lla rurag kag­man­da­mi wañu­chirka. 
\p  
\v 13 Taita­kuna i mama­kuna, kai alpapi tias­ka­kuna­lla­wa iuiag­kuna kam­kunata piñag­pi­kunaka, mana ujna­rin­gi­chi.  
\v 14 Nukan­chi, wañus­ka­sina kaug­saita sakispa, sutipa kaug­sai­ta­mi iukan­chi. Nukan­chipa waugkindi­kunata kuias­pa­mi chasa iachan­chi. Ikuti mai­kan­pas mana waugkindi­kunata kuiag­kunaka, chara wañus­ka­sina kaug­sai­ta­mi iukan­kuna.  
\v 15 Mai­kan­pas waug­kin­di­kunata mana munaspa kaug­sa­na­kugka, wañu­chi­dur­sina­mi kan­kuna. Ñami iachan­gi­chi: ñi mai­kan wañu­chi­dur, dil­tudu­pa suma kaug­saita mana iukan­chu.  
\v 16 Kasa­mi rigsin­chi, sug­kunata kuiai imasa kagta. Jesu­cristo, nukan­chi­manda­mi di­kuiai saki­rirka wañu­chii tukun­ga­pa. Chasa­lla­ta­mi nukan­chi­pas iukan­chi, waug­kin­di­kuna­manda lla­kii iukanga, wañun­ga­pa chaiag­pi­pas.  
\v 17 Mai­kan­pas, kai alpapi iukag kaspa, sug waug­kindi ñi ima mana iukas­kata kawas­pa­pas, mana aidag­pika, ¿imasa­sik Taita Dius­pa kuiaita paipa sun­gupi cha­ri­kugta nin­tra?  
\v 18 Nuka­pa kuiaska wam­bra­kunata nii­ki­chi­ta­mi: mana rimai­lla­wa ni­sun­chi: “Nukaka kuiai­ki­chi­tami”. Iukan­chimi, alli rurai­kuna­wa chi kuiaita kawa­chinga. 
\s1 Dius­pa ñawipi, imasa mana manchas­pa­lla kaska­manda 
\p  
\v 19 Chasaka iacha­sun­chimi, nukan­chi mana llullag Taita Dius­pa kagta­kuna, paipa ñawipi mana ima­manda­pas manchas­pa­lla.  
\v 20 Nukan­chi kikin panda­ris­ka­kunata iuia­rig­pi­pas, Taita Diuska, nukan­chita pasin­siaspa, nukan­chipa iuiai­wan­ta­mi alli­lla kawá. Pai­mi tukui iachá. 
\p  
\v 21 Nuka­pa kuias­ka­kuna, nukan­chipa iuiaipi ñi ima­pas mana jucha­chi­rig­pika, Taita Dius­pa ñawi­pi mana manchas­pa­lla­mi ka­sun­chi.  
\v 22 Pai ima niska i munas­kata nukan­chi rurag­pi­kunaka, tukui ima mañas­ka­ta­mi nukan­chita karanga.  
\v 23 Nukan­chita kasa­mi ni: paipa wam­bra Jesu­cristo­wa suma iuia­rispa kan­ga­pa; chasa­lla­ta, tukui­kuna pari­juma kuia­na­kuspa kaug­san­ga­pa. Chasa­mi Jesu­cristo nirka.  
\v 24 Pai ima nis­kata alli­lla rurag­kunaka, pari­juma pai­lla­wan­ta sug­lla kaug­sai iukagmi ni­raian­chi. Paipa Santu Ispi­ri­tu­ta­mi nukan­chita kara­murka. Santu Ispi­ri­tu­wa­mi iachan­chi, pai nukan­chipi kaug­sagta. 
\c 4  
\s1 Taita Dius­pa Ispi­ri­tu­manda i llullag kuku waira­manda 
\p  
\v 1 Nuka­pa kuias­ka­kuna, achka llulla­chig­kuna­mi kai alpapi puri­nakú, “Santu Ispi­ri­tu­wa rimag­mi kani” nispa. Mana tukui chasa nig­kuna­wa suma iuia­rin­gi­chi. Cha­sa­paka, pai­kunata tapu­chin­gi­chi: ¿sutipa­chu Dius­pa Ispi­ri­tu­wa rimag­kuna ka?  
\v 2 Kasa­manda­mi iachan­kan­gi­chi, pi­kuna Dius­pa Ispi­ri­tu­wa rima­na­kugta. Mai­kan­pas ni­na­ku­chu: “Jesu­cristo, sutipa Runa Tukus­ka­mi samurka”: chi­kuna­mi Dius­pa Ispi­ri­tu­wa rima­nakú.  
\v 3 Ikuti mai­kan­pas Jesu­cristo­manda mana chasa ni­na­kugka, mana Dius­pa Ispi­ri­tu­wa rima­na­kun­chu. Cristota mana munaspa kuku wairapa iuiai­ta­mi iukan­kuna. Ñami uiar­kan­gi­chi, chi Cristota mana munag ña chaia­mun­ga­pa kagta. Nii­ki­chi­tami: tim­pu­mi kai alpapi kag­samú. 
\p  
\v 4 Kam nuka­pa kuiaska wam­bra­kunaka, Taita Dius­pa­mi kan­gi­chi. Pai kam­kuna­wa sug­lla­pi kag, pai, iaia kuku kai alpapi tias­ka­kuna­lla­wa iuia­chig­manda­pas mas iapa iacha­mi ka. Chi­mandaka kam­kuna, chi llulla­chig­kunata ña bin­sis­ka­mi kan­gi­chi.  
\v 5 Chi llulla­chig­kunaka, kai alpapi tias­ka­kuna­lla­wa­mi iuian­kuna. Chi­mandaka, kai alpapi tias­ka­kuna­manda­lla­mi riman­kuna. Chasa rimag­kuna­ta­mi kai alpapi tias­ka­kuna­lla­wa iuiag­kuna uian­kuna.  
\v 6 Nukan­chika, Taita Dius­pa­mi kan­chi. Mai­kan­pas Taita Diusta rigsig­kuna, nukan­chi­ta­mi uian­kuna. Ikuti mai­kan­pas mana Taita Dius­pa kag­kunaka, mana nukan­chita uian­kuna­chu. Chasa­pi­mi rig­sirí, mai­kan­kuna sutipa alli Santu Ispi­ri­tu­wa rimag­kuna i mai­kan­kuna llu­llag kuku waira­wa rimag­kuna. 
\s1 Taita Dius, sutipa iapa kuiagmi ka 
\p  
\v 7 Nuka­pa kuias­ka­kuna, nukan­chi kikin­pura kuia­na­ku­sun­chi. Taita Dius­mi nukan­chita iuia­chimú, kuia­na­kuspa kaug­san­ga­pa. Tukui kuia­na­kuspa kaug­sag­kuna, Taita Dius­pa wam­bra­kuna­mi ni­ra­ian­chi. Nis­paka, pai­ta­mi rig­sin­chi.  
\v 8 Ikuti mana kuia­na­kuspa kaug­sag­kunaka, mana Taita Diusta rigsin­kuna­chu. Taita Dius, sutipa iapa kuiag­mi ka. 
\p  
\v 9 Kasami Taita Dius kawa­chig­sa­murka, nukan­chita sutipa kuiag kagta: pai kikinpa sug­lla wam­bra­ta­mi kai alpama kacha­murka; cha­saka nukan­chi­pas, mana puchu­ka­ri­diru suma kaug­saita pai­wa iukan­ga­pa.  
\v 10 Nukan­chi mana kar­kan­chi­chu Taita Diusta ñugpa kuiag. Pai­mi nukan­chita ñugpa kuiarka. Nis­paka, di­kuiai­mi kikinpa wam­brata kacha­murka, kikin wañug­samuspa, nukan­chi pan­da­ris­kata anchu­chin­ga­pa. Chasa­wa­mi kawa­chig­samurka, sutipa kuiagta. 
\p  
\v 11 Nuka­pa kuias­ka­kuna, chi­tuku­mi Taita Dius nukan­chita iapa kuiarka. Chasa­manda­mi nukan­chi kikin­pura iukan­chi kuia­na­kunga.  
\v 12 Ñi ima­ura­pas Taita Diusta ñi pi mana kawaska kan­chu. Chasa kag­pi­pas, nukan­chi kikin­pura kuia­na­kug­pika, pai kikin, nukan­chi­wa sug­lla­pi­mi ka. Chasa kuia­na­kus­pa­mi nukan­chi tukuipi alli­lla kawa­chin­chi Taita Dius kuiag kagta.  
\v 13 Taita Dius, pai kikinpa Ispi­ri­tu­ta­mi nukan­chita kara­murka. Chasa­man­da­mi iachan­chi, pari­juma nukan­chi­wa Taita Dius­wa sug­lla kaug­sai iukag ni­raiagta. 
\p  
\v 14 Kasapas. Nukan­chi, kawaspa, sutipa­mi willan­chi: Taita Dius, kikin­pa wam­bra­ta­mi kacha­murka, kai alpa­manda runa­kunata kis­pi­chig­samun­ga­pa.  
\v 15 Mai­kan­pas willa­chu­kuna: “Jesús, Taita Dius­pa wam­bra­mi ka”: chasa willag­kuna­mi pari­juma Taita Dius­wa sug­lla kaug­sai iukag ni­raian­kuna. 
\p  
\v 16 Chasapimi iuiaspa iachan­chi, Taita Dius nukan­chita kuiag kagta. Taita Dius­mi ka sutipa suma kuiag. Kuia­na­kuspa kaug­sag­kuna­mi pari­juma Taita Dius­wa sug­lla kaug­sai iukag ni­raian­kuna. 
\p  
\v 17 Nukan­chi, Taita Dius munas­ka­sina tukuipi kuia­na­kuspa kag­pika, Jesu­cristo­sina­mi kai alpapi kaug­saspa ka­sun­chi. Chasa­man­daka, jus­ti­siai pun­cha chaia­mu­ura, mana man­chas­pa­lla­mi kag­ri­sun­chi.  
\v 18 Taita Dius­pa kuiai­wa kaug­sa­na­kus­ka­pika, mana manchai tian­chu. Tukuipi kuia­na­kuspa kaug­sai­pika, man­chaika anchu­rin­mi. Man­chai­wa kag­kuna, jus­ti­siai tukun­ga­pa­mi suia­nakú. Chasa­manda mai­kan­pas man­chai­wa kaug­sag­kuna, manara tukuipi Taita Dius munas­ka­sina kuia­na­kuspa kaug­sa­na­kun­chu. 
\p  
\v 19 Taita Dius nukan­chita ñugpa kuias­ka­manda­mi nukan­chi­ta­pas chaiá, kuia­na­kuspa kaug­san­ga­pa.  
\v 20 Mai­kan­pas kikin ni­richu: “Nuka, Taita Diusta kuia­nimi”; nig­pika, waugkindita mana kuiachu: chika, sug llu­lla­mi ka. Waugkindita alli­lla kawa­na­kus­pa­pas, mana kuiag­pika, ¿imasa­sik mana kawaska Taita Dius­taka kuianga?  
\v 21 Kikin Jesu­cristo­mi nukan­chita kasa nirka: mai­kan­pas Taita Diusta kuiagka iukan­mi, chasa­lla­ta waug­kin­di­kunata kuiaspa kaug­sa­kunga. 
\c 5  
\s1 Kai alpapi jiru munai i rurai­kunata sakispa binsis­ka­kuna­manda 
\p  
\v 1 ¿Iuia­rin­gi­chi­chu, Jesús, Taita Dius agllaska Cristo kagta? Tukui chasa iuia­rig­kuna­mi Taita Dius­pa wam­bra tukug­samuska kan­chi. Taitata kuiagka iukan­mi, pai­pa wam­bra­ta­pas kuianga.  
\v 2 Taita Diusta kuiaspa, pai ima nis­kata rurag­kuna ni­raian­mi, Taita Dius­pa wam­bra­kuna­ta­pas kuiag kag­ta­kuna.  
\v 3 Taita Diusta kuian­ga­pa chaia­kumi, pai ima nis­kata ruraspa kan­ga­pa. Chasa ruraspa kan­ga­paka, pudi­rin­ga­sina­lla­mi ka. 
\p  
\v 4 Taita Dius­pa wam­bra tukug­sa­mus­ka­kuna, tukui­kuna kai alpapi mana alli munai i rurai­kuna­ta­mi sakispa binsin­chi. Jesus­wa suma iuia­ris­ka­wa­mi chi mana alli munai i rurai­kunata sakispa binsin­chi.  
\v 5 Jesús Taita Dius­pa wam­bra kagta suma iuia­rig­kuna­lla­mi chi mana alli munai i rurai­kunata sakispa binsin­chi. 
\s1 Taita Dius­pa wam­bra kagta willag­kuna­manda 
\p  
\v 6 Jesu­cristo samuspa, iaku­wa­mi baug­ti­sa­rirka. Nis­paka, kruspi wañu­kuspa, paipa iawar­wa­mi kawa­chirka. Pai sutipa samus­kata mana iaku­lla­wa kawa­chir­ka­chu. Iaku­wa i iawar­wa­pas­mi kawa­chirka pai kikin samuska kagta, nukan­chi iachan­ga­pa. Chita willag, kikin Santu Ispi­ri­tu­mi ka. Santu Ispí­ritu mana llullan­chu. [  
\v 7 Suma luar­pika, kimsa willag­kuna­mi tian­kuna: Taita Dius, Dius­pa Rimai i Santu Ispí­ritu. Chi kimsandi, sug­lla­mi ka.  
\v 8 Kai alpa­pi­pas chasa­lla­ta] kimsa siñal­kuna­mi kawa­chi­rig­samurka: Santu Ispí­ritu, iaku i iawar. Tukui chi kimsandi, Jesu­cristo samus­ka­manda­mi chasa­lla­ta willan­kuna. 
\p  
\v 9 Runa­kuna ima kawaspa willas­ka­ta­mi chas­kin­chi. Nig­pika, ¿ima­wan­tak Taita Dius paipa wam­bra­manda willas­kata mana chas­ki­sun­chi?  
\v 10 Mai­kan­pas Taita Dius­pa wam­bra­wa suma iuia­rig­kuna, kikinpa iuiai­pi­mi chi willai­ta cha­ri­nakú. Ikuti mai­kan­pas mana Taita Dius­wa iuia­rig­kunaka, Taita Dius­manda nig­sina­mi kan­kuna: “Pai, llu­lla­mi ka”. Taita Dius paipa wam­bra­manda willas­kata ña mana munan­kuna­chu uian­ga­pa. 
\p  
\v 11 Kasami Taita Dius willá: mana puchu­ka­ri­diru suma kaug­sai­ta­mi nukan­chita kara­muska ka. Chi kaug­saita paipa wam­bra­wa­mi kara­muska ka.  
\v 12 Chi­wa, mai­kan­pas Taita Dius­pa wam­bra­wa sug­lla iuiai cha­ri­raiag, chi kaug­sai­ta­pas­mi iuká. Ikuti mai­kan­pas mana Taita Dius­pa wam­bra­wa sug­lla iuiai cha­ri­ra­iag­pika, mani­ma chi kaug­saita iukan­chu. 
\s1 Tukuchiska­manda 
\p  
\v 13 Nuka willas­kata kacha­na­kui­ki­chitami, kam­kuna kasa iachan­ga­pa: kam­kuna Taita Dius­pa wam­bra­wa suma iuia­rig­kuna, mana puchu­ka­ri­diru suma kaug­sai­ta­mi iukan­gi­chi. 
\p  
\v 14 Taita Dius­manda­mi kasa alli­lla iachan­chi: pai imasa munas­ka­sina nukan­chi ima­pas mañag­pika, pai mana piña­ris­pa­lla­mi nukan­chita uiá.  
\v 15 Kasa­pas­mi iachan­chi: pai tukui nukan­chi maña­na­kus­kata alli­lla uiagta; chi­manda­mi iachan­chi, tukui nukan­chi ima maña­na­kus­kata kara­mun­ga­pa kagta. 
\p  
\v 16 Mai­kan waugki sug panda­riska mana wañuima apai tukun­ga­pa panda­ri­kus­kata kawas­paka, Taita Diusta maña­pui­chi pasin­sia­chu. Chasa­pika Taita Dius kikin, pasin­siaspa, ikuti suma kaug­sai­ta­mi paita kara­munga. Mana wañui­ma apai tukun­ga­pa pan­da­rii­kuna­man­da­mi rimai­ki­chita. Dil­tudu­pa wañui­ma apai tukun­ga­pa pan­da­rii­pas­mi tia. Chasa pan­da­rig­kuna­manda, mana nii­ki­chita­chu, Taita Diusta maña­pun­ga­pa.  
\v 17 Tukui mana alli rurai­kuna, pan­da­rii­mi kan­kuna. Chasa kag­pi­pas, mana wañui­ma apag pan­da­rii­kuna­mi tia. 
\p  
\v 18 Kasami iachan­chi: mai­kan­pas Taita Dius­pa wam­bra tukug­sa­muska kag­kuna mana panda­rispa kaug­san­kuna­chu. Pai­kunata, Taita Dius­pa wam­bra kikin­mi cha­ri­ku. Chi­manda­mi iaia kuku mana pudí, pai­kunata ima­pas ruranga. 
\p  
\v 19 Iachan­chimi, nukan­chi, Taita Dius­pa­kuna kagta. Ikuti tukui kai alpaka, iaia kukupa maki­pi­mi ka. 
\p  
\v 20 Iachanchimi, Taita Dius­pa wam­bra samuska kagta i pai nukan­chita suma alli iuiaita kara­muska kagta; chi­wanka, sutipa alli Taita Diusta rigsin­ga­pa. Nukan­chi, sutipa alli Taita Dius­wa i paipa wam­bra Jesu­cristo­wa­mi sug­lla kaug­saita iukan­chi. Paimi sutipa alli Dius­lla­tata ka. Pai­mi ka mana puchu­ka­ri­diru suma kaug­saita karag. 
\p  
\v 21 Kuiaska wam­bra­kuna, mana saki­rin­gi­chi, sug rig­cha dius ni­raias­ka­kuna­wa iuian­ga­pa.