\id 1CO - Inga NT -Colombia 2009 (DBL -2013) 
\h 1 KORINTOPI CRISTOWA TUKUSKAKUNATA 
\toc1 1 Korintopi Cristowa tukuskakunata 
\toc2 1 Korintopi 
\toc3 1 Ko 
\mt1 KORINTO PUIBLUPI CRISTOWA TUKUSKAKUNATA 
\mt2 SAN PABLO MUSUGLLA KARTA KACHASKAMANDA 
\c 1  
\p  
\v 1 Taita Dius nukata muna­was­ka­manda, Jesu­cristo agllaska kacha­mus­ka­mi kani, Alli Willai­ta willaspa purin­ga­pa. Sós­te­nes suti waugki­wa kaspa,  
\v 2 kam­kuna Taita Dius­wa tukus­ka­kuna Korinto pui­blu­pi kaug­sag­kuna­ta­mi kai karta kachai­ki­chita. Kam­kuna, Jesu­cris­to­wa suma iuia­rig­manda­mi Taita Dius­pa­lla kan­gi­chi. Taita Dius­mi kam­kunata agllarka, pai­man­da­lla kaug­san­ga­pa­kuna. Nukan­chi­pa Iaia Jesu­cristo­manda iuia­rispa paita mañag­kuna maipi kas­ka­pi­pas, pai­kuna­ta­pas­mi chasa­lla­ta agllarka. Jesu­cristoka, pai­kunapa i nukan­chipa iaia­mi ka. 
\p  
\v 3 Nukan­chipa Taita Dius i Iaia Jesu­cristo, kam­kunata suma kuiaspa, suma iuiai­wa kawa­puachu. 
\s1 Taita Dius, Jesu­cristowa nukan­chita suma alli­lla kara­muska­manda 
\p  
\v 4 Taita Dius, Jesu­cristo­wa kam­kunata iapa kuiaspa­mi suma alli­lla kara­murka. Chasa­manda­mi nuka, kam­kuna­manda ima­ura­pas nukan­chipa Taita Diusta: “Pai Siñur” nini.  
\v 5 Kam­kunaka Cristo­wa tukus­ka­kuna­manda, Taita Dius tukui­pi­pas­mi suma iuiaipipa alli­llata kara­murka; chasaka kam­kuna, mas suma alli­lla iachaspa, sug­kunata iacha­chin­ga­pa.  
\v 6 Chasa­waka, imasa­mi Cristo­manda willar­kai­ki­chita: chasa­lla­ta­mi tukui­pi alli­lla tukug­sa­murka.  
\v 7 Chasa, Santu Ispí­ritu sug rigcha sug rigcha kara­mui­kunaka mana ima­pas kam­kunata pisig­sa­mun­chu. Chasa sumag­lla kaug­sai­wa­mi suia­na­kun­gi­chi, nukan­chi­pa Iaia Jesu­cristo ikuti samun­kama.  
\v 8 Pai­mi kam­kunata alli­lla­pi cha­ringa, tuku­rii pun­cha­kama. Cha­saka, nukan­chipa Iaia Jesu­cristo samug pun­cha, mana pipas kam­kuna­manda ninga­chu: “Mana alli runa­mi karka”.  
\v 9 Taita Dius ima ruran­ga­pa nis­kata chasa­mi rurag ka. Pai­mi kam­kunata agllarka, paipa wam­bra nukan­chipa Iaia Jesu­cristo­wa sug­lla iuiai­wa tukuspa kaug­sa­na­kun­ga­pa. 
\s1 Korintopi kaug­sag Cristowa tukuskapura, sug rigcha sug rigchama tuku­nakuska­manda 
\p  
\v 10 Taita­kuna i mama­kuna, nukan­chipa Iaia Jesu­cristo­manda­mi kasa mañai­ki­chita: tukui sug­lla iuiai­pi tukug­samui­chi, mana sug rig­cha sug rig­cha rima­na­kus­pa­lla. Tukui­pi sug­lla iuiai­wa sug­lla­pi iuia­rispa kaug­sa­puai­chi.  
\v 11 Pani Kloepa fami­lia­kuna­mi willa­wag­samur­ka­kuna: kam kikin­pura piña­chi­ri­na­kus­pa­si sug rig­cha sug rig­chama tuku­na­kun­gi­chi.  
\v 12 Sug­kuna ni­na­kun­gi­chisi: “Nukan­chi, Pablo­wa­mi kan­chi”. Sug­kunaka ni­na­kun­gi­chisi: “Nukan­chika, Apolos­wa­mi kan­chi”. Ikuti sug­kunaka ni­na­kun­gi­chisi: “Nukan­chika, Pedro­wa­mi kan­chi” i “Nukan­chika, Cristo­wa­mi kan­chi”.  
\v 13 Kam­kuna chasa ni­na­kug­pi­pas, ¿Cristo piti­chis­ka­chu ka? ¿Nuka Pablo­chu kam­kuna­manda krus­pi klabai tukur­ka­ni? ¿Nuka­pa suti­wa­chu kam­kuna baug­ti­sai tukur­kan­gi­chi? Manima.  
\v 14 Kam­kunata ñi pi­ta­pas nuka mana baug­ti­sar­kai­ki­chita­chu. Chi­manda­mi Taita Diusta: “Pai Siñur” nini. Iskai­kuna­lla­ta­mi baug­ti­sar­kani: Krispo i Gaio­lla­ta.  
\v 15 Chi­manda, mana pipas pudin­chu nin­ga­pa: “Pablopa suti­wa­mi baug­ti­sai tukur­kani”.  
\v 16 Kuna­urami iuia­ri­wá: Este­fa­naspa wasi­pi kaug­sa­na­kus­ka­ta­pas­mi baug­ti­sar­kani. Sug­kunata nuka baug­ti­saska, mana iuia­ni­chu.  
\v 17 Cristoka mana kacha­mu­warka­chu baug­ti­san­ga­pa. Alli Willai­ta willan­ga­pa­mi nukata kacha­mu­warka. Mana kacha­mu­warka­chu, iapa ailas­ti­mai­wa iacha­sina iacha­chin­ga­pa. Cristo kruspi wañu­chii tukus­ka­manda iachas­ka­lla­wa­mi muna­ni, pai­wa suma iuia­rig­samu­chu­kuna. 
\s1 Taita Dius tukui pudig i iachag kagta, Cristo kawa­chiska­manda 
\p  
\v 18 Cristo kruspi wañu­chii tukus­ka, chi rimaika, dil­tudupa puchu­ka­rin­ga­pa kag­kuna­taka sug upa rimai­sina­mi pai­kuna­taka uiarí. Ikuti nukan­chi kispi­chii tukun­ga­pa kag­kuna­taka, Taita Dius iapa pudig kag­ta­mi chi rimai uiarí.  
\v 19 Ñugpa­manda librupi, Taita Dius nis­kaka kasa­mi willa­raiá: 
\q1 Iachag­kunapa iachaita 
\q1 nuka­mi puchukan­ga­pa kani. 
\q1 Iuiaiiug­kunapa iuiai­kuna­ta­pas wabutin­ga­pa­mi kani. 
\m  
\v 20 Kai alpa­manda iachai­ku­naka, Taita Dius­pa ñawipi upa­kunapa iuiai­sina­mi ni­raiá. Chi­mandaka iacha­kuna, iacha­chig­kuna i kai alpa­manda iachai­wa sug rigcha sug rigcha rima­na­kugka, ianga­mi ka; ñi imapa mana balin­chu.  
\v 21 Taita Diuska, tukuipi iachaspa, mana sakirkachu, kai alpapi kaug­sag­kuna kikin­kunapa iachai­wa paita rigsin­ga­pa. Chasa­paka munan­mi, Alli Willai­ta willaska­wa, pai­wa suma iuia­rig­kunata kispi­chin­ga­pa, sug­kuna­taka chi Alli Willai­ta upa­kunapa rimai­sina uia­rig­pi­pas. 
\p  
\v 22 Judiu­kuna maña­nakú, pai­kuna mana ima­ura­pas kawas­ka­sina ruras­kata kawan­ga­pa. Mana judíu kag­kuna, suma iachai­wa rima­na­kus­kata uian­ga­pa­mi maska­nakú.  
\v 23 Chasa maska­na­kus­ka­taka, nukan­chimi willa­na­kun­chi, Cristo kruspi wañu­chii tukuska kagta. Chasa willa­uraka, judiu­kuna­taka iapa mana suma­mi uia­rin­kunata. Mana judíu kag­kuna­taka upa­kunapa rimai­sina­mi uia­rin­kunata.  
\v 24 Chasa kag­pi­pas, Taita Dius kikin agllaska judíu i mana judíu kag­kuna­pas, Cristo­manda uiaspa, Taita Dius tukuipi alli­lla pudig i iachag kag­ta­mi nin­chi.  
\v 25 Taita Dius mana iuiai­iug­sina ruras­kata kawa­rig­pi­pas, mai­kan runa­kuna mas iacha ruraska­manda mas alli­lla­mi ka. Chasa­lla­ta, pai mana pudig­sina ianga ruras­kata runa­kunapa ñawipi kawa­rig­pi­pas, mai­kan iacha mas alli­lla pudiska­manda mas alli­lla ruraska­mi ka. 
\p  
\v 26 Taita­kuna i mama­kuna, iuia­ri­puai­chi: kam­kuna, Taita Dius kikin agllas­ka­kuna­mi kan­gi­chi. Kai alpapi tias­ka­kuna­lla­wa iuiag­kunapa ñawipi, mailla­kuna­lla­mi iacha kan­gi­chi. Chasa­lla­ta, mailla­kuna­lla­mi atun i mandag­sina kan­gi­chi.  
\v 27 Kai alpapi tias­ka­kuna­lla­wa iuiag­kunapa ñawipi, upa­kuna­sina­ta­mi Taita Dius agllarka; chasaka, iacha­kunata tuntia­chin­ga­pa. Mana pudig­kuna­sina­ta­mi Taita Dius agllarka; chasaka, pudig­kunata tuntia­chin­ga­pa.  
\v 28 Tukuipi wabu­tis­ka­kuna­sina­ta­mi Taita Dius agllarka. Ari, mana imapapas balig ni­raias­ka­kuna­ta­mi agllarka; chasaka, balig ni­raiag­kuna mana balig­sina tukun­ga­pa.  
\v 29 Chasa­waka, Dius­pa ñawipi ñi pipas mana ninga­chu: “Nuka­mi mas atun kani”.  
\v 30 Pai Taita Dius munag­manda­mi kam­kuna Jesu­cristo­wa tukuska kan­gi­chi. Cristo­wa­mi Taita Dius­pa iachaita nukan­chi chaskin­chi, mana panda­rig ni­raian­chi i kispi­chiska kan­chi, pai­manda­lla kaug­san­ga­pa.  
\v 31 Chasa­manda, imasa ñugpa­manda librupi willa­raias­ka­sina, kasa­mi ni­raiá: “Mai­kan­pas atun tukuspa iuia­rigka iuia­richu: ‘Atun Taita Dius­pa­lla kaspa­mi atun kani’.” 
\c 2  
\s1 Jesu­cristo kruspi wañu­chii tukuska­manda Alli Willai­manda 
\p  
\v 1 Taita­kuna i mama­kuna, nuka kam­kuna­pag­ma­mi rir­kani, Dius­pa Rimaita ñi pipas mana iachas­kata willan­ga­pa. Chi­taka, iapa ailastimai­wa iacha­sina mana willar­kai­ki­chita­chu.  
\v 2 Nuka kam­kuna­wa sug­lla­pi ka­ura, Jesu­cristo­lla­wa­mi iuia­kur­kani, sug rigchaka mana iuias­pa­lla. Ari, Cristota krus­pi wañu­chii tukuska­lla­wa­mi iuia­kur­kani.  
\v 3 Nuka iapa man­chai­wa chug­chuspa i sam­ba­ias­ka­sina­mi kam­kuna­pag­ma chaiag­rir­kani.  
\v 4 Nuka rimai­wa willa­ku­ura, mana iapa iacha­sina iuia­chi­na­kur­kai­ki­chita­chu. Santu Ispi­ri­tu­wa i paipa iapa iachai­wa­mi iuia­chi­na­kur­kai­ki­chita.  
\v 5 Chasaka kam­kuna, mana runa­kunapa iachai­wa Jesu­cristo­wa tukug­samur­kan­gi­chi­chu. Taita Dius­pa iapa iachai­wa­mi Cristo­wa tukug­samur­kan­gi­chi. 
\s1 Santu Ispi­ri­tu­wa, Taita Dius nukan­chita kawa­chiriska­manda 
\p  
\v 6 Alli­lla wiñas­ka­sina Cristo­wa iuia­rig­kuna­ta­mi Taita Dius­pa iachai­ta willan­chi. Chi iachaika, kai alpa­manda­kunapa mana kan­chu. Chasa­lla­ta, kai alpapi mandag­kuna mana chita iachan­kuna­chu. Chi runa­kunapa iachaika, ñami puchu­ka­rin­ga­pa kan­kuna.  
\v 7 Taita Dius­pa iachai­ta­mi nukan­chi willan­chi. Chi iachai­taka, ñi pi ñugpa­manda­kuna­pas manara iachar­ka­kuna­chu. Kai alpa manara tiag­pita, Taita Dius niska karka, chi iachai­wa nukan­chi dil­tudupa suma pun­cha luarpi kag­rin­ga­pa.  
\v 8 Chi iachai­taka, ñi mai­kan kai alpapi man­dag­kuna mana iachar­ka­kuna­chu. Chita iachas­paka, mana­mi suma atun Iaia Jesusta krus­pi klaban­kuna. 
\p  
\v 9 Chasamandami ñugpa­manda librupi willa­raiá, kasa nispa: 
\q1 Ñi pipas mana kawas­ka­sina, 
\q1 uiaskasina i iuia­ris­ka­sina­ta­mi 
\q1 Taita Dius waka­chi­raiá, 
\q1 maikan paita kuias­ka­kunata karan­ga­pa. 
\m  
\v 10 Chi mana pipas iachas­ka­taka, nukan­chi­ta­mi Taita Dius paipa Ispi­ri­tu­wa iacha­chirka. Santu Ispí­ritu, kawa­kuspa, tukui­mi iachá. Taita Dius kikin ima iuia­kus­ka­ta­pas­mi tukui iachá. 
\p  
\v 11 Ñi mai­kan runapas, sug runa ima iuia­kus­kata mana iachan­ga­pa pudin­chu. Chi kikin runapa iuiai ispi­ri­tu­lla­pi­mi iachá. Chasa­lla­ta ñi pipas, Taita Dius ima iuia­kus­kata mana iachan­ga­pa pudin­chi­chu. Dius­pa Ispi­ri­tu­lla­mi iachá.  
\v 12 Nukan­chika, kai alpa­manda­lla iuiai­kunata mana chaskir­kan­chi­chu. Taita Dius kacha­muska Ispi­ri­tu­ta­mi chaskir­kan­chi; chasaka Taita Dius, nukan­chita suma kuiaspa, pai ima kara­mus­ka­kunata iachan­ga­pa.  
\v 13 Chi­kuna­taka kai alpa­pi kaug­sag­kunapa iuiai­manda­lla iacha­chiska rimai­kuna­wa mana willan­chi­chu. Santu Ispí­ritu iacha­chiska rimai­kuna­wa­mi willan­chi. Chasaka, Santu Ispí­ritu ima iuia­chis­kata Santu Ispi­ri­tu­wa kag­kuna­ta­mi willan­chi. 
\p  
\v 14 Mai­kan­pas kai alpapi tias­ka­kuna­lla­wa iuiagka, Dius­pa Ispí­ritu kara­mus­ka­kunata mana chaskin­ga­pa munan­chu. Chi kara­mus­ka­kuna­mandaka “Upa­kuna­pa­mi ka” nispa­mi wabutí. Chi iachai­kuna­taka mana iachan­ga­pa pudin­chu. Santu Ispí­ritu iuia­chiska­lla­wa­mi chi­kunata iachan­ga­pa pudirí.  
\v 15 Santu Ispi­ri­tuta iukagka, tukui­pi­mi kawaspa iachá, alli u mana alli kag­ta­kuna. Ikuti pai­mandaka, ñi pipas kai alpa­manda iuiai­wa mana pudin­kuna­chu ninga, alli u mana alli kagta.  
\v 16 Chasa­lla­ta­mi ñugpa­manda librupi willa­raiá, kasa nispa: 
\q1 Atun Taita Dius­pa iuiaita, 
\q1 ¿pitak rigsí? 
\q1 ¿Pitak paita imapas iacha­chin­ga­pa pudí? Ñi pi. 
\m Chasa willa­raiag­pi­pas, nukan­chika Cristo iuia­chis­ka­ta­mi iuian­chi. 
\c 3  
\s1 Taita Diusta aidag taita­kuna­manda 
\p  
\v 1 Taita­kuna i mama­kuna, nuka mana pudirkai­ki­chitachu, San­tu Ispi­ri­tu­lla­wa iuia­na­kus­ka­taka riman­ga­pa. Runa­kunapa iuiai­lla­wa kag­kunata­sina­mi iukar­kai­ki­chita rimanga. Kam­kuna, Cristo­wa tukuska kas­pa­pas, wawa­kuna­sina mana­ra iachag­kuna­mi kan­gi­chi.  
\v 2 Chi­manda, llu­llu wawa­kunata lichi­lla upia­chig­sina­mi iachai­kuita iacha­chir­kai­ki­chita. Ña atun­kuna miku­diru kag­sina iachai­kunata mana­ra pudir­ka­ni­chu, kam­kunata iacha­chin­ga­pa. Kunan­kama mana­ra pudin­gi­chi­chu, chi iachai­kunata iachan­ga­pa.  
\v 3 Cha­ra­mi runa­kuna­pa iuiai­lla­ta iukan­gi­chi. Chi­manda­mi kam kikin­pura jiru iuiai­wa kawa­na­kuspa i piña­chi­ri­na­kuspa kaug­sa­na­kun­gi­chi. Chasa kaug­sa­na­kus­paka, ¿mana­chu runa­kuna­pa iuiai­lla­wa kaug­sa­na­kun­gi­chi?  
\v 4 Sug­kuna ni­na­kun­gi­chisi: “Nuka, Pablo­wa­mi kani”; “Nuka, Apo­los­wa­mi kani”; chasa ni­na­kus­paka, ¿mana­chu runa­kuna­pa iuiai­lla­wa ni­na­kun­gi­chi? 
\p  
\v 5 Pablo i Apoloska, ¿imatak kan­chi? Iaia Jesús ima nis­kata willag­kuna­lla­mi kan­chi. Nukan­chita uias­pa­lla­mi kam­kuna pai­wa iuia­rir­kan­gi­chi. Imasa­mi Iaia Jesús, nukan­chita sug sugta min­garka: chi­kuna­ta­mi ruran­chi.  
\v 6 Nukaka, cha­gra tar­pug­sina­mi ruraspa, Alli Willai­ta willar­kai­ki­chita. Apo­loska, chi tar­pus­ka­sinata iaku talli­chig­sina­mi paipa rimai­wa rurarka. Nukan­chi chasa ruras­kapi, Taita Dius­mi chi rimai­kunata wiña­chí.  
\v 7 Cha­saka, ñi tar­pug ñi iaku talli­chig mana ima­pas kag­sina­mi ni­raian­chi. Taita Dius­mi tukui­pi ka. Paimi chi rimai­kunata wiña­chig ka.  
\v 8 Tar­pug i iaku talli­chigka, iwal­lla­mi Dius­pa ñawipi ni­raian­chi. Imasa­mi sug sug, alli u mana alli rurar­kan­chi: chi­manda­mi imasa cha­ias­ka­sina chas­ki­sun­chi.  
\v 9 Nukan­chika, Taita Diusta aidag­kuna­mi kan­chi. Kam­kunaka, Taita Dius alpapi tar­puspa wiña­chin­ga­pa cha­gra­sina­mi kan­gi­chi. 
\p Chasa­lla­ta, Taita Dius saia­chi­kuska wasi­sina­pas­mi kan­gi­chi.  
\v 10 Taita Dius, suma kuia­waspa, alli iuiai­ta­mi kara­warka. Chi­wanka, alli iachag­sina, wasi­chin­ga­pa kalla­riska rumita chu­rag­sina­mi Alli Willai­ta willar­kai­ki­chita. Sug iacha­chigka, chi kalla­riska rumi awapi wasi saia­chi­kug­sina­mi paipa rimai­wa rura­ku. Sug sug­ta cha­ia­kumi iuia­rispa, alli­lla iacha­chin­ga­pa; chasaka, chi awa­lla wasi­chi­kuska alli­lla kidag­sina tukun­ga­pa. 
\p  
\v 11 Wasita kalla­riska rumi, ña chu­ras­ka­mi ka. Chika, Jesu­cristo kikin­mi ni­raiá. Chi kalla­riska rumi tias­ka­pika mana pudi­rin­chu, sug rumi­pas churan­ga­pa.  
\v 12 Chi kalla­riska rumi awa­pika, kai­kuna­wa­mi wasi saia­chin­ga­pa pudi­rí: kuri­wa, kulki­wa, iapa suma rumi­kuna­wa, kas­pi­kuna­wa, ugsa­wa, wiru­kuna­wa.  
\v 13 Chasa­wa saia­chig­kuna ruras­ka­taka nina­wa rupa­chis­pa­mi iacha­rin­ga­pa ka, mai­kanwa alli­lla ruraska kagta. Chasa­lla­ta, jus­ti­siai pun­cha chaia­ura, sug sug imasa alli­lla u mana alli­lla iacha­chis­ka­kunata nina­lla­wan­ta­mi rupa­chispa iacha­rin­ga­pa ka.  
\v 14 Mai­kan­pas, ima ruraska nina­wa mana rupag­pika, suma luarpi alli­mi tukug­samunga.  
\v 15 Ikuti mai­kan­pas, ima ruraska rupag­pika, ñi ima­pas mana chas­kin­ga­chu. Tukui chin­ga­chis­ka­mi ni­ra­ianga. Chasa kag­pi­pas, pai kikin­ka ninapi ialis­pa­mi kis­pi­rin­ga­pa ka. 
\p  
\v 16 Kam­kuna, Taita Dius kikin kaug­sa­dirumi ni­raian­gi­chi. Paipa Ispi­ri­tu­mi kam­kuna­wa sug­lla­pi kaug­sa­ku. Chita, ¿mana­chu iachan­gi­chi?  
\v 17 Taita Dius kaug­sa­diru, pai­manda­lla­mi ka. Chi kaug­sa­diru, kam kikin­kuna­mi kan­gi­chi. Nig­pika, mai­kan­pas Taita Dius kaug­sa­diru ni­raias­kata paipa mana suma iuiai­wa waglli­chig­pika, chi runata Taita Dius kikin­mi puchu­kan­ga­pa ka. 
\p  
\v 18 Mana pipas panda­rin­gi­chi. Mai­kan­pas kikin­pa iuiaipi iuia­ku­chu: “Nuka, kai alpapi mas iacha­mi kani”: chasa iuia­kugka iukan­mi iuia­ringa: “Dius­pa ñawipi, ñi ima mana iacha­ni­chu”. Chasa iuia­ris­paka, sutipa iachagmi tukun­ga­pa ka.  
\v 19 Kai alpa­manda iachai­ku­naka, Dius­pa ñawipi upa­kunapa iuiai­mi ni­raiá. Chasa­lla­ta­mi ñugpa­manda librupi willa­raiá, kasa nispa: 
\q1 Taita Dius sakinmi, 
\q1 iachagkuna pai kikin­kunapa iachai­wa wangus­ka­sina urman­ga­pa. 
\m  
\v 20 Kasapasmi ni­raiá: 
\q1 Iachagkunapa iuiai­ta­pas, 
\q1 atun Taita Diusmi iachá, 
\q1 ianga kagta. 
\m  
\v 21 Chasa­manda, ñi pipas mana iuia­rin­gi­chi: “Kai runa­wa chi runa­wa puri­kuspa, nuka mas atun­mi kani”. Tukui iacha­chig taita­kuna­mi kam­kunapa kan­chi.  
\v 22 Pablo, Apolos i Pedro, kam­kuna­pa­mi ni­raian­chi. Chasa­lla­ta, kai alpa, kaug­sai i wañui, kuna puncha i samug pun­cha­kuna, tukuimi kam­kuna­manda alli­llapa ni­raiá.  
\v 23 Kam­kuna, Cristo­pa­mi ni­raian­gi­chi. Cristo, Taita Dius­pa­mi ka. 
\c 4  
\s1 Iaia Jesús kachaska runa­kunata, pai ima ruran­ga­pa mingaska­manda 
\p  
\v 1 Nukan­chi­manda kasa iuia­rin­gi­chi: “Pai­kuna, Cristota aidag­lla­mi kan­kuna”. Taita Dius ñugpa­manda­kunata mana willas­kata kuna­ura iacha­chin­ga­pa­mi nukan­chita mingarka.  
\v 2 Kasapas. Mai­kan mingai tukus­ka­kunaka iukan­chimi, nukan­chita ima ruran­ga­pa kacha­mus­kata suma ruranga.  
\v 3 Kam­kuna u mai­kan jus­ti­sia runa­kuna­pas ni­na­ku­chu, nuka mana alli­lla rura­kugta: chasa ni­na­kug­pi­pas, nukata mana llaki­ri­wan­chu. Ñi nuka kikin mana ni­ri­ni­chu, alli­lla u mana alli­lla rura­kugta.  
\v 4 Nuka kikin­manda kun­tra mana ima iuia­chi­ri­wag­pi­pas, chi mana ni­raian­chu, nuka mana pan­da­rig kagta. Iaia Jesus­mi ni­wan­ga­pa ka, nuka alli­lla u mana alli­lla ruraska kagta.  
\v 5 Chi­manda­mi kam­kuna­pas iukan­gi­chi, Iaia Jesús mana­ra samun­kama, mana mai­kan­ta­pas ninga, alli­lla u mana alli­lla kagta. Pai­mi, samuspa, iana tuta­pi­sina ima paka­lla kas­ka­kuna­ta­pas puncha­ia­chig­samun­ga­pa ka. Nukan­chipa iuiai­lla­pi munas­ka­ta­pas, pai­mi kawa­chin­ga­pa ka. Chi­ura­mi Taita Dius kada­unta nin­ga­pa ka, alli­lla u mana alli­lla ruraska kagta. 
\p  
\v 6 Taita­kuna i mama­kuna, nuka­manda i Apolos­manda­mi chasa rimarkai­ki­chita, kam­kuna tukui alli­lla kan­ga­pa. Chasaka kam­kuna, nukan­chita iachai­kuska­waka Dius­pa Rimaita iachaspa, chi­ta­mi ruran­kan­gi­chi, mana ima­pas iapas­pa­lla. Chasaka, mana sug runa­manda atun tukuspa nin­kan­gi­chi­chu: “Paika, mas alli­mi ka”, sug runa­taka wabutispa.  
\v 7 Kam chasa nis­ka­taka, ¿pitak “Sug­kuna­manda mas alli­mi kangi” ni­ku? Kam­ta tukui ima Santu Ispí­ritu kara­mus­kaka, ¿mana­chu Taita Dius kara­muska ka? Pai tukuita kara­muska kag­pika, ¿ima­pa­tak kam kikin ruras­ka­sina iuiaspa, atun tuku­kungi? 
\p  
\v 8 Kam­kuna, ña tukui ima munaska iukaspa­mi, “Santu Ispí­ritu kara­muska­wa iapa iukag­sina­mi kan­chi” iuia­rin­gi­chi. Chasa­waka iuia­rin­gi­chimi, nukan­chita mana minis­tis­pa­lla, “Nukan­chi, Dius­pa suma man­da­kus­ka­pi atun man­dag­sina­mi kan­chi”. ¡Ama­lai Dius­pa suma man­da­kus­ka­pi sutipa man­dag­kuna tukug­samun­tran­gi­chi; chasaka nukan­chi­pas, kam­kuna­wa sug­lla­pi man­dag­kuna kan­ga­pa!  
\v 9 Nuka­pa iuiai­pika, Taita Diuska nukan­chita Cristo kacha­muska runa­kuna­taka kati ladu­mi chu­rarka; imasa nukan­chita wañu­chii tukun­ga­pa ni­raiag­sina: chasa. Nukan­chita chasa pasa­ris­kata, kai alpapi kaug­sag­kuna i anjil­kuna­pas­mi kawa­nakú.  
\v 10 Nukan­chi, Cristo­manda kas­paka, upa­sina­mi ni­raian­chi. Ikuti kam­kunaka, “Cristo­wa­mi iachag kan­chi”, chasa­mi iuia­rin­gi­chi. Nukan­chi, ñi ima­pas mana pudig­sina­mi kan­chi. Ikuti kam­kunaka, “Tukui pudig­mi kan­chi”, chasa­mi iuia­rin­gi­chi. Kam­kuna, “Suma atun­mi kan­chi”, chasa­mi iuia­rin­gi­chi. Ikuti nukan­chika, wabu­tiska kag­ta­mi iuia­rin­chi.  
\v 11 Nukan­chi kunan­kama iar­kai­manda, iaku­nai­manda, mana katan­ga­wa­mi kan­chi. Piai­pas­mi tukun­chi. Wasi­pas­mi mana iukan­chi.  
\v 12 Nukan­chi kikin­kunapa maki­wa­mi sai­kugta tra­ba­jan­chi. Nukan­chita mana munaspa kamig­kunata nin­chimi: “Kam­kunata, Taita Dius iapa kuiaspa kawa­pua­chu”. Nukan­chita puchu­kan­ga­pa munag­kunata mana aini­ris­pa­lla, upa­lla­mi kan­chi.  
\v 13 Nukan­chita jucha­chig­kunata sumag­lla iuia­chis­pa­mi pai­kunata riman­chi. Nukan­chita nin­kunami, kai alpapi ñi imapa mana baligta. Tukui­kuna sitas­ka­mi kunan­kama kan­chi. 
\p  
\v 14 Kam­kunata pingaia­chin­ga­pa, mana chasa nii­ki­chitachu. Nuka­pa kuiaska wam­bra­kunata­sina­mi iuia­chin­ga­pag­lla chasa nii­ki­chita.  
\v 15 Kam­kuna, chunga waranga Cris­to­manda iacha­chig­kunata iukas­pa­pas, achka taita­kunaka mana iukan­gi­chi­chu. Nukami, Alli Willai­ta kam­kunata willaspa, Jesu­cristo­wa iuia­rig­kunapa taita­sina tukur­kani.  
\v 16 Chi­manda­mi mañai­ki­chita: nuka imasa kaug­sa­kus­ka­sina kaug­sa­puai­chi. 
\p  
\v 17 Chasa mañaspa­mi Timoteota kachai­ki­chita. Paika, Iaia Jesus­wa suma iuia­rig kaspa, nuka­pa kuiaska wam­bra­sina­mi ka­puá. Paika, kam­kuna­pagma chaiag­rispa, nuka Jesu­cristo­wa suma iuia­rig kaspa imasa kaug­sa­kus­ka­ta­mi iuia­chig­rin­ga­pa ka. Imasa­mi nuka, mai­pi­pas tukui Cristo­wa tukus­ka­kunata iacha­chini: paipas chasa­lla­ta­mi kam­kunata iacha­chig­rin­ga­pa ka.  
\v 18 Kam kikin­pura sug­kunaka, nuka mana kam­kuna­pagma chaiag­rig­manda, iuia­ri­nakú: “Nuka, mas atun­mi kani”.  
\v 19 Chasa iuia­ri­na­kug­pi­pas, Iaia Jesús munag­pika, nukaka utka­lla­mi kam­kuna­pagma chaiag­rin­ga­pa kani. Chi­uraka, chi atun tukug­kuna ima rima­na­kus­kata mana uiasachu. Pai­kuna ima rurai pudi­na­kus­ka­ta­pas­mi kawag­risa.  
\v 20 Dius suma manda­kus­kaka, mana rimai­lla­wa kawa­chi­rin­chu. Taita Dius tukuipa suma rurai pudig kaska­wa­mi kawachí.  
\v 21 Nuka kam­kuna­pagma chaiag­ri­uraka, ¿imatak munan­gi­chi: asutig­rin­ga­pa u iapa kuiaspa, mana piñas­pa­lla kawag­rin­ga­pa? 
\c 5  
\s1 Sug runa paipa mama ningawa kaug­sa­kugta justi­siaska­manda 
\p  
\v 1 Kam­kuna­pura sug runaka, mama ninga­wa sug­lla­pi kaug­sa­na­kug­ta­mi uiani. Chi atun pan­da­rii­taka, Taita Diusta mana rig­sig­kuna­pas­mi mana munan­kuna.  
\v 2 Kam­kuna­pura chasa jiru ruraspa kaug­sa­na­kug­pika, ¿ima­pa­tak atun tukuspa iuia­na­kun­gi­chi? Chasa­paka iukan­gi­chimi, wañuska­manda lla­kispa, waka­na­kug­sina kanga. Chi jiru ruragta iukan­gi­chimi, kam­kuna­wa kaska­manda llug­si­chinga.  
\v 3 Nukaka, mana kam­kuna­wa chipi kas­pa­pas, nuka­pa iuiai­pika kam­kuna­wa­mi kani. Nuka, mana kam­kuna­wa kas­pa­pas, chi jiru rurag­ta­mi nini, llu­gsi­chu.  
\v 4 Chi­manda kam­kunaka, nukan­chipa Iaia Jesu­cris­topa ñawi­pi iuia­rispa, sug­lla­pi tan­da­rii­chi. Nuka­pa iuiaika, kam­kuna­wa­mi kag­rin­ga­pa ka. Nukan­chipa Iaia Jesuspa iapa iachai­pi­mi tanda­rin­ga­pa kan­gi­chi.  
\v 5 Chi­ura, chi jiru ruragta iaia kukuta kua­puai­chi, pai kuir­puta nana­chin­ga­pa. Chasa­waka pudin­mi, chi jiru ruras­kata sakispa, Iaia Jesus­wa tigra­munga; chi­wanka, pai samu­uraka, kispi­rin­ga­pa. 
\p  
\v 6 Chi jiru ruragpa chaugpipi kaug­saspa, mana iukan­gi­chi­chu atun tukuspa kanga. ¿Mana­chu iachan­gi­chi: imasa­mi asllita liba­du­ra­wa achka muku­ta­pas puch­ku­chí: chasa­lla­ta­mi chi jiru rurag pudí, tukui­kuna­ta­pas wag­lli­chinga?  
\v 7 Mana bali liba­durata sitag­sina rurai­chi. Chi jiru ruraspa kaug­sa­kus­kata llugsi­chii­chi. Chasa llug­si­chis­paka, judiu­kunapa paskua pun­cha miku­diru mana liba­dura­wa musu tanda ruras­ka­sina­mi tukun­kan­gi­chi. Chi paskua puncha cha­ia­urami Taita Diusta karaska Ubija, Cristo ni­raiaska, nukan­chi­manda wañu­chii tukurka.  
\v 8 Chi­manda, pas­kua atun puncha iali­chig­sina, pan­da­rii­wa i jiru iuiai­wa mana kaug­sa­sun­chi. Pan­da­rii­kuna­wa kaug­sa­kugka ni­raian­mi mana bali liba­dura­wa tanda kag­sina. Chasa­paka, tukuipi alli iuiai­wa­mi iukan­chi kaug­sanga, mana llullas­pa­lla. Chasa kaug­sa­kugka ni­raian­mi mana liba­du­ra­wa tanda kag­sina. 
\p  
\v 9 Sug kartapi, kasa­mi nirkai­ki­chita: “Kari war­mi­wa jiru ruraspa kaug­sa­na­kuska­wa mana sug­lla­pi tukui­chi”.  
\v 10 Chasa nis­paka, mana munarka­ni­chu nin­ga­pa, manara Iaia Jesusta rigsispa kari war­mi­wa jiru ruraspa kaug­sa­na­kugwa, sug­kunapata muna­rig­kuna­wa, llulla­chispa kulki surkug­kuna­wa i ianga dius­kunata kungu­rispa muchag­kuna­wa sug­lla­pi mana tukun­ga­pa. Pai­kuna­wa mana sug­lla­pi tukun­ga­pa pudi­rig­pika, kai alpapi kaug­sag­kuna­manda anchu­rin­ga­pa­char cha­ian­tra.  
\v 11 Chasa­paka, kasa­mi munar­kani nin­ga­pa: mai­kan­pas, “Jesus­wa tukuska­mi kani” nispa, kari war­mi­wa jiru ruraspa kaug­sag­wa, sug­kunapata muna­rigwa, ianga dius­kunata kungu­rispa muchag­wa, sug­kunata jucha­chigwa, machag­wa, llulla­chispa kulki surkug­wa, chasa kag­kuna­wa mana sug­lla­pi tukui­chi. Ñi mikun­ga­pag­lla­pas mana pai­kuna­wa sug­lla­pi tan­da­rii­chi.  
\v 12 Nukata mana chaia­wa­kun­chu, Iaia Jesusta manara rig­sis­ka­kunata jus­ti­sian­ga­pa. Jesus­wa tukus­ka­kuna­ta­mi iukan­gi­chi jus­ti­sianga.  
\v 13 Ikuti manara paita rigsis­ka­kuna­taka, Taita Dius­mi jus­ti­sianga. Chasa­manda, chi jiru ruragta kam­kuna­wa kaska­manda llugsi­chii­chi. 
\c 6  
\s1 Cristowa tukuska­pura rabia­chi­na­kuska­manda 
\p  
\v 1 Kam kikin­pura ima­pi­pas rabia­chi­na­kuspa kagpi, ¿ima­pa­tak mana Taita Diusta rigsig jus­ti­sia­kunata willa­na­kug­rin­gi­chi? Iukan­gi­chimi Taita Dius­pa­lla kag­kunata willanga­kuna.  
\v 2 ¿Mana­chu iachan­gi­chi, Taita Dius­pa­lla kag­kunaka, kai alpapi tias­ka­kuna­lla­wa iuiag­kunata jus­ti­sian­ga­pa kagta­kuna? Nig­pika, ¿ima­pa­tak mana pudin­gi­chi, chi asllita rabia­chi­na­kus­kata kam kikin­pura pasin­sia­chi­na­kun­ga­pa?  
\v 3 ¿Mana­chu iachan­gi­chi, mana alli anjil­kuna­ta­pas nukan­chi jus­ti­sian­ga­pa kagta­kuna? Chasa jus­ti­sian­ga­pa kas­paka, pudi­sun­chimi kai kaug­sai­pi ima rabia­chi­na­kus­ka­ta pasin­sia­chin­ga­pa.  
\v 4 Chi­manda, kam kikin­pura kai kaug­sai­pi imaj­manda­lla rabia­chi­na­kus­ka­pika, ¿ima­pa­tak Cristo­wa tukus­ka­pura mas uchu­lla ni­raiag­pi­pas jus­ti­sian­ga­pa mana willa­na­kun­gi­chi?  
\v 5 Kam­kunata pinga­ia­chin­ga­pa­mi chasa nii­ki­chita. Kam kikin­pura, ¿mana­chu sug­lla­pas iachag tia, waug­kindi rabia­chi­na­kus­ka­ta pasin­sia­chin­ga­pa?  
\v 6 ¿Ima­pa­tak waug­kindi rabia­chi­na­kus­ka­ta mana Cristota rigsig­kunata jus­ti­sian­ga­pa willa­na­kug­rin­gi­chi? 
\p  
\v 7 Kam kikin­pura chasa rabia­chi­na­kui­wa tiag­mandaka, ima­pi­pas mana alli­lla tukug­samun­chu. Mai­kan kam kikin­pura sug waug­kindita mana alli­lla rurag­pika, ¿ima­pa­tak mana ianga kawan­gi­chi? Mai­kan ima­pas kichug­pika, paita chasa­lla­ta ianga kawai­chi.  
\v 8 Ikuti kam­kunaka, waugkindi­purami mana alli­lla rura­na­kun­gi­chi i kichu­na­kun­gi­chi. 
\p  
\v 9 ¿Mana­chu iachan­gi­chi, Dius suma manda­kus­kapi, mana alli rurag­kuna manima iai­kug­rin­ga­pa kag­ta­kuna? Mana panda­rii­chi. Kari war­mi­wa jiru ruraspa kaug­sag­kuna, ñi ianga dius­kunata kun­gu­rispa muchag­kuna, ñi sugpa war­mi­wa kari­wa siri­rig­kuna, ñi kari­kuna war­mi­sina tukuspa kaug­sag­kuna, ñi kari­pura war­mi­wa­sina pan­da­rig­kuna,  
\v 10 ñi sisai­kuna, ñi sug­kuna­pata kichun­ga­pa muna­rig­kuna, ñi machag­kuna, ñi sug­kunata jucha­chig­kuna, ñi llu­lla­chispa kulki sur­kug­kuna, Dius suma man­da­kus­kapi manima iai­kug­rin­ga­pa kan­kuna­chu.  
\v 11 Kam­kuna­pura mai­kan­kunaka, ñug­pata chasa­mi kaug­sa­na­kur­kan­gi­chi. Chasa kaug­sa­na­kugka, chi pan­da­rii­kunata sakig­manda, ñami mai­lla­ris­ka­sina tukug­samur­kan­gi­chi. Taita Dius­pa­lla­mi kuna­ura kan­gi­chi. Iaia Jesu­cristota iuia­rispa, nukan­chi­pa Dius­pa Ispi­ri­tu­wa mana pan­da­rig­kuna­mi ni­raiag­sa­mur­kan­gi­chi. 
\s1 Iaia Jesusmi ka nukan­chipa kuir­pu­ta­pas mandag 
\p  
\v 12 Mai­kan­kuna, kasami nin­kuna: “Nuka imasa munas­ka­sina ruras­pa­mi kaug­san­ga­pa pudini”. Chasa pudi­rig­pi­pas, tukui ima munaska ruraika mana alli­lla kan­chu. “Nuka imasa munas­ka­sina ruras­pa­mi kaug­san­ga­pa pudini” nig­pi­pas, mana saki­rin­ga­pa cha­ian­chu, ima mana alli rurai­kuna­wa watas­ka­sina tukun­ga­pa.  
\v 13 Kasa­pas­mi nin­kuna: “Mikuika, wig­samanda­mi ka; wigsaka, mikui­manda­mi ka”. Chasa nig­pi­pas, Taita Diusmi iskandi­kunata puchu­kan­ga­pa ka. Chasa­lla­ta, nukan­chipa kuir­puka mana kan­chu, kari war­mi­wa jiru ruraspa kaug­san­ga­pa. Iaia Jesus­manda kaug­san­ga­pa­mi chi kuir­pu ruraska ka. Iaia Jesus­mi ka nukan­chipa kuir­pu­ta­pas mandag.  
\v 14 Imasa­mi Taita Dius, Iaia Jesús wañus­kata kaug­sa­chirka: chasa­lla­ta­mi paipa iapa iachai­wa nukan­chipa kuir­pu­ta­pas kaug­sa­chin­ga­pa ka. 
\p  
\v 15 ¿Mana­chu iachan­gi­chi, kam­kunapa kuir­pu­kuna, Cristopa kuir­pu­manda ni­raiag­sina kagta­kuna? Chi­manda, ¿Cristopa kuir­pu­manda ni­raias­katachu anchu­chispa, kari­sapa war­mi­wa sug­lla tukusa? Ñi ima­ura­pas chasaka manima.  
\v 16 ¿Mana­chu iachan­gi­chi, mai­kan­pas kari­sapa war­mi­wa sug­lla tukugka, sug­lla kuir­pu­sina kagta? Cha­sa­lla­ta­mi ñug­pa­manda libru­pi willa­raiá, kasa nispa: 
\q1 Kari war­mi­wa iskandi­kuna, 
\q1 sug­lla kuir­pu­sina­mi tukun­kuna. 
\m  
\v 17 Ikuti mai­kan­pas Iaia Jesus­wa sug­lla tukug­ka, sug­lla ispi­ri­tu­wa­mi pai­wa tukug­samun­chi. 
\p  
\v 18 Chi­manda, mana iuiai­chi, chi jiru pingaipa ruran­ga­pa. Tukui sug rigcha panda­rii­kunata mana kikin­pa kuir­pupi ruraska ni­raian­chu. Ikuti mai­kan­pas kari war­mi­wa jiru pingaipa panda­ris­kaka, chikar kikin­pa kuir­pu­pi­mi panda­riska rurá.  
\v 19 ¿Mana­chu iachan­gi­chi, kam­kunapa kuir­pu, Santu Ispí­ritu kaug­sa­diru kagta? Santu Ispi­ri­tu­ta­mi Taita Dius kam­kunata kara­murka. Pai Santu Ispi­ri­tu­mi kam­kunapi kaug­sa­ku. Chi­manda, kam kikin­kuna mana kan­gi­chi­chu kam kikin­kuna­manda.  
\v 20 Jesu­cristo wañus­ka­wa­mi Taita Dius kam­kunata iapa bali­manda ran­diska kan­gi­chi. Chi­manda­mi chaiá, kam­kunapa kuir­pu­wapas Taita Diusta suma atun­ia­chispa kaug­san­ga­pa. 
\c 7  
\s1 Kasadu­kuna­manda i mana kasadu­kuna­manda 
\p  
\v 1 Kam­kuna tapun­ga­pa kacha­mur­kan­gi­chi; chi­kuna­taka kuna­ura­mi ainin­ga­pa kai­ki­chita. Kari­kuna mana kasa­ran­ga­pa, alli­lla­mi ka.  
\v 2 Chasa kag­pi­pas, kari war­mi­wa jiru ruraspa kaug­sa­na­kun­ga­pa munai­kuna tiag­manda­mi chaia­ku, kari­kuna, kasa­raspa, kikin­pa war­mi­wa kaug­sa­na­kun­ga­pa; war­mi­kuna­pas, chasa­lla­ta kasa­raspa, kikin­pa kusa­wa kaug­sa­na­kun­ga­pa.  
\v 3 Kusaka, kikin­pa war­mita imasa cha­ias­ka­sina suma kuia­chu. War­mipas cha­sa­lla­ta kusata imasa cha­ias­ka­sina suma kuia­chu.  
\v 4 War­mipa kuir­puka, mana pai kikin­pa kan­chu; kusa­pa­mi ka. Kusapa kuir­pu­pas, mana pai kikin­pa kan­chu; war­mi­pa­mi ka.  
\v 5 Chi­manda, kusa­wa war­min­di­wa mana micha­ri­na­kun­gi­chi. Iskan­di­kuna sug­lla­pi iuia­rispa pudin­gi­chimi, sug puncha­kuna kuia­na­kus­ka­ta sakis­pa, kam­kunapa tukui suma iuiai­wa Taita Diusta ima­pas mañan­ga­kuna. Nis­paka, ikuti­mi iukan­gi­chi sug­lla­pi kuia­na­kunga. Mana kag­pika, iaia kuku pudin­mi, kam­kunata jiru pin­gaipa pan­da­rii­kuna­pi urma­chinga­kunata. 
\p  
\v 6 Nuka chasa niska­wa, mana nii­ki­chitachu: “Kasa­rai­chi”. Iuia­chig­sina­lla­mi nii­ki­chita.  
\v 7 Nuka­pa iuiai­pika nin­trai­ki­chi­ta­mi: tukui­kuna nuka­sina kai­chi, mana kasa­raska. Chasa nig­pi­pas, Taita Diuska kada­unta sug rigcha sug rig­cha kaug­san­ga­pa­mi ni. 
\p  
\v 8 Manara kasa­ras­ka­kunata i sapa­lla kidaska war­mi­kuna­taka kasa­mi nii­ki­chita: kam­kuna nuka­sina mana kasa­raspa kaug­sagpi­kunaka, alli­lla­mi ka.  
\v 9 Chasa kag­pi­pas, kam­kunapa iuiai munai­kunata mana arkan­ga­pa pudig­pika, alli­lla­mi ka kasa­ran­ga­pa. Chi iuiai­lla­wa puchuka­ri­kug­taka mas alli­lla­mi ka kasa­ran­ga­pa. 
\p  
\v 10 Ña kasa­ras­ka­kuna­taka, nuka mana nii­ki­chitachu. Iaia Jesusmi kasa ni: war­mika, kusata mana sita­chu.  
\v 11 Kusa­wa sita­na­kuspa kaug­san­ga­pa chaiag­pika, mana sug kari iuka­chu. Chasa­paka, kikin­pa kusa­wa ikuti kaug­sag­samu­chu. Kusapas chasa­lla­ta mana war­mita sita­chu. 
\p  
\v 12 Ikuti sug­kuna­taka mana Iaia Jesús nis­kata, nuka­mi kasa nii­ki­chita: mai­kan waugkipa war­mi, mana­ra Cristota rigsiska kag­pi­pas, pai­wa kaug­san­ga­pa munag­pika, pudin­mi kaug­sanga­kuna.  
\v 13 Chasa­lla­ta mai­kan war­mipa kusa, manara Cristota rigsiska kag­pi­pas, pai­wa kaug­san­ga­pa munag­pika, pudin­mi kaug­sanga­kuna.  
\v 14 Manara Cristota rigsiska kusaka, pai­wa tukuska war­mi­manda Taita Dius­pa­lla tukus­kami ni­raiá. Chasa­lla­ta manara Cristota rigsiska war­mi­pas, pai­wa tukuska kusa­manda­mi Taita Dius­pa­lla tukuska ni­raiá. Mana chasa kag­pika, wam­bra­kuna­pas mana Cristo­wa tukus­ka­kuna­sina­char ni­raian­tra. Kuna­uraka, Taita Dius­pa­lla­mi ni­raian­kuna.  
\v 15 Chasa kag­pi­pas, mai­kan mana Cristota rigsig warmi u kusa sita­na­kun­ga­pa munag­pika, sita­na­ku­chu. Sitaska waugki u panika, ña mana watas­ka­sina kan­chu. Taita Diuska, kam­kunata agllar­kami, sumag­lla mana piña­chi­na­kus­pa­lla kaug­san­ga­pa.  
\v 16 Kam warmi, ¿imasatak iachan­kangi, kamba kusata Cristo­manda kis­pi­chii tukun­ga­pa kagta? Cha­sa­lla­ta kam kusa­pas, ¿ima­sa­tak iachan­kangi, kam­ba war­mita Cris­to­manda kis­pi­chii tukun­ga­pa kagta? 
\p  
\v 17 Imasa­mi Iaia Jesús, kadaunta kararka: chasa­ta­mi kaug­san­ga­pa chaiá. Taita Dius kam­kunata aglla­ura, imasa­mi kar­kan­gi­chi: chasa­lla­pita kaug­sa­na­kui­chi. Chasa­lla­ta­mi tukui­kunapi Cristo­wa tukus­ka­kunata iacha­chini.  
\v 18 Mai­kan­pas, Taita Dius aglla­ura, ña judiu­kunapa marka churaska kag­ka, chasapi kidachu. Chasa­lla­ta mai­kan­pas, Taita Dius aglla­ura, chi marka mana churaska kagka, mana chu­ra­chi­ri­ku­chu.  
\v 19 Judiu­kunapa marka chu­raska u mana chu­raska, ñi ima mana ni­raian­chu. Taita Dius ima nis­ka­kuna­ta­mi alli­lla ruraspa kaug­san­ga­pa chaiá.  
\v 20 Sug sug, imasa­mi Taita Dius aglla­ura kaug­sa­na­kurka: cha­sa­lla­pita kaug­sa­na­ku­chu. 
\p  
\v 21 Chasa­lla­ta, Taita Dius kamta aglla­ura, lutrin kas­paka, alli iuia­chii­wa kangi. Chasa kas­pa­pas, patrun­manda kacha­ri­chii pudig­pika, mas alli­mi kanga.  
\v 22 Iaia Jesus­wa tukun­ga­pa Taita Dius aglla­ura, lutrinka Iaia Jesus­manda kaug­san­ga­pa­mi kacha­riska tukug­samú. Chasa­lla­ta mai­kan­pas, Taita Dius aglla­ura, mana patrunpa lutrin­sina kagka Iaia Jesuspa lutrin­sina­mi tukug­samú.  
\v 23 Jesu­cristo wañus­ka­wa­mi Taita Dius kam­kunata iapa bali­manda ran­diska kan­gi­chi. Chi­manda, runa­kunapa iuiai­wa watas­ka­sina mana tukug­samui­chi.  
\v 24 Taita­kuna i mama­kuna, sug sug ima­sa­mi Taita Dius aglla­ura kar­kan­gi­chi: cha­sa­lla­pi­ta kaug­sa­na­kui­chi, Taita Dius­manda­lla sumag­lla kaug­saspa. 
\p  
\v 25 Mana kasadu­kuna­mandaka tapun­ga­pa kacha­mur­kan­gi­chi. Iaia Jesús, mana ima­pas ni­warkachu. Chasa kag­pi­pas, Iaia Jesús nukata llaki­ri­waspa, “Alli­lla­mi rurangi” ni­wag­manda­mi nuka mana ianga rimai­ki­chita. Chi­manda, nuka iuia­kus­ka­ta­mi kasa nii­ki­chita.  
\v 26 Nuka­pa iuiaipi nin­trai­ki­chita­char: kai pun­cha­kuna iapa lla­kii­wa kaug­san­ga­pa chaiaska­manda, sug sug imasa kaug­sa­kus­kapi ka­puai­chi.  
\v 27 Kam kari, war­mi­iug kas­paka, mana iuia­kungi sitan­ga­pa. Mana war­mi­iug kas­paka, mana kasa­ran­ga­pa iuia­kungi.  
\v 28 Kasa­ras­paka, mana pan­da­rin­gi­chu. Cha­sa­lla­ta, mai­kan sipas kasa­ras­paka, mana pan­da­rin­chu. Chasa kag­pi­pas, kasa­rag­kunaka lla­kii­mi iukan­ga­pa kan­kuna, kaug­san­kama. Chasa lla­kii­kuna mana iukan­ga­pa­mi chasa iuia­chi­na­kui­ki­chita. 
\p  
\v 29 Taita­kuna i mama­kuna, kasa­mi nii­ki­chita: sug ratu­lla­mi kai alpapi kaug­san­ga­pa kan­chi. Chi­manda, kuna­ura­manda kusa­kunata chaiá, mana war­mi­iug kag­sina kaug­san­ga­pa; chasaka, Iaia Jesús ima nis­kata tukui iuiai­wa ruran­ga­pa.  
\v 30 Llakii­wa wakag­kuna­pas, mana llakii­wa kag­sina kaug­san­ga­pa­mi chaiá. Atun puncha kusi­kuspa sumag­lla iali­chig­kuna­pas, mana chasa kag­sina kan­ga­pa­mi chaiá. Randig­kuna­pas, mana kikin­pa kag­sina iuiaspa­mi kan­ga­pa chaiá.  
\v 31 Chasa­lla­ta, kai alpapi mai­tuku ima iukaskapas, ñi ima mana iukag­sina iuiaspa­mi kan­ga­pa chaiá. Kai alpapi imasa kawa­ris­ka­kuna, ñami tuku­rispa ri­ku. 
\p  
\v 32 Kam­kunata munai­ki­chi­ta­mi: mana llakii­lla­wa sumag­lla kaug­san­tran­gi­chi. Mana kasa­raska kari, Iaia Jesus­lla­wa iuia­rispa, paita kun­tin­ta­chin­ga­pag­lla­mi kaug­san­ga­pa chaiá.  
\v 33 Ikuti kasa­raska karika, kai alpapi ima tiaska­manda iuia­rispa, paipa war­mi­ta­pas kun­tin­ta­chin­ga­pa­mi kaugsá.  
\v 34 Chi­wa iskandima —Iaia Jesus­manda i war­mindi­manda­pas— iuia­ris­pa­mi kaug­san­ga­pa chaiá. Chasa­lla­ta, mana kasa­raska warmi u sipas, Iaia Jesus­lla­wa iuia­rispa kaug­san­ga­pa­mi chaiá. Cha­saka, paipa kuir­pu i ispí­ritu, Taita Dius­pa­lla­mi kanga. Ikuti kasa­raska war­mika, kai alpapi ima tiaska­manda iuia­rispa, paipa kusa­ta­pas kun­tin­ta­chin­ga­pa­mi kaugsá. 
\p  
\v 35 Chasa nis­paka, piñai mana piñai­ki­chitachu. Kam­kuna alli­lla kaug­san­ga­pa­mi chasa iuia­chii­ki­chita; chasaka, Iaia Jesus­manda tukui iuiai­wa alli­lla kaug­san­ga­pa. 
\p  
\v 36 Mai­kan­pas, paita animu­riska war­mi­manda iuia­kuspa ni­chu: “Ña wata­kuna iukas­paka, alli­lla­mi ka, nukan­chi kasa­ran­ga­pa”: chasa iuia­ris­paka, alli­lla­mi ka kasa­ran­ga­pa. Kasa­ras­ka­pika, ñi ima panda­riipas mana tian­chu.  
\v 37 Ikuti mai­kan­pas, suma iuia­rispa, kikinlla ni­chu: “Nukata mana minis­ti­wan­chu animuska­wa kasa­ran­ga­pa”: chi runaka, kikin­pa iuiai­wa chasa munag­pika, alli­lla­mi ka.  
\v 38 Chasaka, mai­kan­pas paita animu­riska­wa kasa­ragka alli­lla­mi rurá. Mai­kan­pas mana kasa­ragka, mas alli­lla­mi rurá. 
\p  
\v 39 Kusaiug war­mika, kusa kaug­san­kama, pai­wa watas­ka­sina­mi ni­raiá. Kusa wañug­pika, ña mana watas­ka­sina kaspa, pudin­mi mai­kan munaska­wa kasa­ranga. Iaia Jesus­wa tukuska runa­lla­wan­ta­mi chaiá kasa­ran­ga­pa.  
\v 40 Nuka chasa nig­pi­pas, nuka­pa iuiai­pika, mana ikuti kasa­rag­pika, mas alli­lla­mi kaug­saipa. Nuka­pas, Dius­pa Ispi­ri­tu­wa kagta iuiaspa­mi chasa nii­ki­chita. 
\c 8  
\s1 Ianga dius­kunata kamariku karaska aicha­manda 
\p  
\v 1 Kuna­uraka, ianga dius­kunata kama­riku karaska aicha­man­da­mi willan­ga­pa kai­ki­chita. Sutipa­mi tukui­kuna alli­lla iachan­chi, ianga dius mana ima­pas ni­ra­iagta. Chasa iachai­waka atun­ia­chis­ka­sina­mi iuia­rispa tukun­chi; chika mana alli­lla kan­chu. Pari­juma kuia­na­kui­wa­mi Cristo­wa suma iuia­rig wiñag­sina tukug­samun­chi.  
\v 2 Mai­kan­pas ña alli­lla iachag kagta iuia­ris­pa­pas, imasa alli­lla iachan­ga­pa cha­ias­ka­taka manara alli­lla iachan­chu.  
\v 3 Ikuti mai­kan­pas Taita Diusta kuiagka, Taita Dius­pa rig­sis­ka­mi ni­raiá. 
\p  
\v 4 Chasa­manda, ianga dius­kunata kama­riku karaska aichata mikun­ga­pa kaska­manda kasa­mi nii­ki­chita: kai alpapi ianga dius­kunaka, mana ima­pas ni­raian­chu. Sug­lla Taita Dius tiag­ta­mi iachan­chi.  
\v 5 Sug­kuna ni­chu­kuna: “Sug luarpi i kai alpa luarpi achka dius­kuna i achka iaia­kunasi tia”:  
\v 6 chasa ni­na­kug­pi­pas, nukan­chi­mandaka sug­lla Taita Diusmi tia. Paika, tukui rurag­mi ka. Nukan­chipas, pai­pa­mi kan­chi. Chasa­lla­ta, sug­lla Iaia Jesu­cristomi tia. Pai­manda­mi tukui ima­pas tiag­samú. Nukan­chipas, pai­man­da­mi kaug­san­chi. 
\p  
\v 7 Chasa willas­ka­kunata, tukui­kuna manara iachan­kuna­chu. Mai­kan­kuna, ianga diusta kun­gu­rispa muchag kas­ka­kuna, aicha mikuspa, iuian­kuna: “Sug diusta kama­riku karaska aicha­ta­mi miku­ni”. Chasa mikus­paka, manara Cristo­ta alli­lla rigsispa­mi pai­kunapa iuiai­kunata mapaia­chig­sina rura­rin­kuna.  
\v 8 Chasa rura­rig­pi­pas, Taita Diuska mana chaskig­sina ruran­chu nukan­chi ima mikus­kata. Chi aichata mikugpi u mana mikug­pika, paipa ñawi­pika mana ni­raian­chu mas alli u mana alli.  
\v 9 Chi aichata mikun­ga­pa pudi­rig­pi­pas, ¡ujala Cristota mana­ra alli­lla rigsig­kuna, kamta chasa kawaspa, chasa­lla­ta mikuspa, sug diusta muchag­sina rurag­kunata iuia­rispa pan­da­ri­chu­kuna!  
\v 10 Kam, alli­lla iachag kaspa, ianga diusta iuia­ri­diru uku­pi miku­kug­pika, Cristota manara alli­lla rig­sig­ka, kamta chipi kawaspa, ¿mana­chu pai­pas muna­ringa, ianga diusta kama­riku karaska aicha­ta mikun­ga­pa? Cha­saka pai­pas, ianga diusta iuia­rig­sina­mi ruranga.  
\v 11 Chi­wanka kam, alli­lla iachag kaspa, chi manara Cristota alli­lla rig­sig­ta puchu­kag­sina­mi rurangi, Cristo pai­manda wañu­chii tukuska kag­pi­pas.  
\v 12 Cristota manara alli­lla rig­sig­kunata chasa pan­da­chispa, pai­kunata mana alli­lla­mi rurangi. Chasa ruras­paka, Cristo­ta­mi pan­da­ringi.  
\v 13 Chi­manda, nuka ima mikus­ka­wa nuka­pa waug­kin­dita pan­da­chig­pika, nuka ñi ima­ura­pas mana mas chi aichata miku­sa­chu. Chasa kawas­paka, paika mana panda­ri­puangachu. 
\c 9  
\s1 Iaia Jesús kachaska­kuna, ima sug­kunata mañan­ga­pa pudiska­manda 
\p  
\v 1 ¿Manachu pudini, nuka ima munas­ka­sina ruran­ga­pa? ¿Mana­chu nukan­chipa Iaia Jesús kikin kacha­mu­waska runa kani? ¿Mana­chu nukan­chipa Iaia Jesusta kawar­ka­ni? ¿Mana­chu kam­kuna, pai­manda nuka rura­kus­kata alli­lla kawa­chi­puag kan­gi­chi?  
\v 2 Sug­kunaka, nuka­manda ni­chu­kuna: Iaia Jesús mana kacha­mu­was­ka­si kani. Ikuti kam­kunaka, nuka­manda alli­lla­mi iacha­puan­gi­chi. Kam­kuna Iaia Jesus­wa tukus­pa­mi kawa­chi­puan­gi­chi, Iaia Jesús kikin kacha­mu­waska kagta. 
\p  
\v 3 Wasa rima­wag­kuna­taka kasa­mi ainini:  
\v 4 nukan­chi Alli Willai­ta willaspa purig­kunaka, ¿mana­chu pudin­chi, mikui i upiai chaskispa kaug­sanga?  
\v 5 ¿Mana­chu pudin­chi, Jesus­wa tukuska war­mi­wa kasa­raspa pusan­ga­pa; imasa­mi sug­kuna Iaia Jesús kikin kachas­ka­kuna, paipa waugkindi­kuna i Pedro, war­mindita pusan­kuna: chasa?  
\v 6 ¿Ber­nabé i nuka­lla­chu iukan­chi tra­ba­jaspa kaug­sa­na­kunga? Mani­ma. 
\p  
\v 7 Ñi mai­kan sul­dadu tukuspa, mana kikin­pa kul­ki­wa kaug­san­ga­pa kan­chu. Pipas ubas u ima mikui tar­puspa iukas­kata, ¿mana­chu puku­ura pallaspa mikun­ga­pa pudí? Ubija­kuna iukag­pas, ¿mana­chu lichi kapispa upian­ga­pa pudí?  
\v 8 ¿Nuka kikin­pa iuiai­lla­wa­chu nuka chasa rima­kuni? ¿Mana­chu Moi­sés iskri­biska sakis­ka­pi­pas cha­sa­lla­ta willa­raiá?  
\v 9 Kasa­mi Moi­sés niska libru­pi willa­raiá: 
\q1 Triguta saruspa iskug wagrata 
\q1 mana simita watangi. 
\m Taita Diuska, mana wagra­kuna­manda­lla chasa willar­ka­chu.  
\v 10 ¿Mana­chu nukan­chi­manda chasa willarka? Ari, nukan­chi alli­lla kan­ga­pa­mi chasa willarka. Chasaka, tar­pun­ga­pa alpata alli­chig i tri­guta isku­chig­pas, ima rasiun­pas chas­kin­ga­pa iuias­pa­mi chasa tra­ba­jan­kuna.  
\v 11 Chasa­manda, nukan­chi kam­kunapa umapi tar­pug­sina Alli Willai­ta willas­paka, ¿mana­chu iukan­chi, pallag­sina kai alpapi ima minis­tis­ka­kuna­manda kam­kunata chas­kinga?  
\v 12 Sug iacha­chig­kuna kam­kunata ima­pas chas­kii pudig­pi­kunaka, nukan­chika, ¿mana­chu mas­pas pudin­tran­chi chas­kin­ga­pa? 
\p Nukan­chi chasa pudis­pa­pas, mana ima­pas mañan­chi­chu. Cha­sa­paka, ima lla­kii­wa kas­pa­pas, upa­lla­mi kan­chi; cha­saka, Cristo­manda Alli Willai­ta mana ima­pi­pas arkag­sina ruran­ga­pa.  
\v 13 ¿Mana­chu iachan­gi­chi, Taita Dius­pa atun wasipi aidag­kuna, chi wasima ima kama­riku apas­ka­kunata mikuspa kaug­sa­na­kugta? Altarpi aidag­kuna­pas, chi altarma ima mikui apas­ka­kunata mikus­pa­mi kaug­sa­nakú.  
\v 14 Iaia Jesuska chasa­lla­ta­mi nirka: Alli Willai­ta willag­kuna, chi Willai­manda ima mikui karas­ka­wa­mi kaug­sa­na­kunga.  
\v 15 Chasa kag­pi­pas, nukaka, Alli Willai­ta willas­ka­manda, ñi pi­ta­pas mana ima­pas maña­ku­ni­chu. Kuna­ura­pas, mana chasa nii­ki­chita­chu, kam­kuna ima­pas kara­wan­ga­pa. Nuka manara pi­ta­pas mañas­pa­lla­mi munan­trani wañun­ga­pa; chi­wanka, chi Willai­manda ñi ima mana mañas­pa­lla kaspa, alli iuia­chii­lla­wa wañun­ga­pa. 
\p  
\v 16 Alli Willai­ta nuka willa­kus­kaka, mana kan­chu nuka kikin atun­ia­chi­rin­ga­pa. Nukata chaia­wan­mi, tukui­kunata willaspa purin­ga­pa. Alli Willai­ta nuka mana willas­paka, ¡ai, imachar pasa­ri­wan­tra!  
\v 17 Nuka­pa iuiai­lla­wa Alli Willai­ta willa­kug­pika, iukan­tra­ni­mi ima­pas kam­kunata mañanga. Nukata chaia­wag­manda­mi, Taita Dius min­ga­was­ka­lla­ta willa­kuni.  
\v 18 Chasa willaspa puriska­manda, ¿ima­tak mañaspa kani? Mana ima­pas mañas­pa­lla­mi willaspa purini. Alli Willai­ta willaspa puris­ka­manda, ima mañan­ga­pa pudis­pa­pas, mana ima­pas maña­ni­chu. 
\p  
\v 19 Nuka, ñi pipa lutrin mana ka­ni­chu. Chasa kas­pa­pas, tukui­kuna­pa lutrin­sina­mi tukuspa puri­ni; chasa­waka achka runa­kuna, nuka Cristo­manda rimas­kata uia­waspa, pai­wa tukun­ga­pa­kuna.  
\v 20 Judiu­kuna­wa nuka ka­uraka, judiu­sina­mi tukuni, pai­kuna Cristo­wa tukun­ga­pa­kuna. Chasa­lla­ta, Moisés ima ruran­ga­pa willas­kata uiag­kuna­wa nuka ka­uraka, nuka chi willa­ra­ias­ka­wa mana kaug­sas­pa­pas, chi willas­kata uiag­sina­mi tukuni; chasaka pai­kuna­pas, Cristo­wa tukun­ga­pa­kuna.  
\v 21 Moisés nis­kata mana iukag­kuna­wa nuka ka­uraka, pai­kuna­sina­mi tukuni; chasaka pai­kuna­pas, Cristo­wa tukun­ga­pa­kuna. Nuka chasa tukus­pa­pas, Taita Dius ima ruran­ga­pa nis­ka­ta­mi iuiai apani. Chi­wanka, Cristo ima nis­ka­ta­mi ruraspa kaug­sani.  
\v 22 Cristota manara alli­lla rigsig­kuna­wa nuka ka­ura, pai­kuna­sina­mi purini; chasaka pai­kuna­pas, Cristo­wa tukun­ga­pa­kuna. Mai­kanwa nuka ka­ura­pas, pai­kuna­sina­mi tukuspa purini; chasaka, imasa­pi­pas mai­kan­kuna­lla­pas kispi­rispa, Cristo­wa tukun­ga­pa­kuna.  
\v 23 Imasa puris­pa­pas, Alli Willai­ta willaspa­mi puri­kuni; chasaka, Taita Dius ima karan­ga­pa nis­kata nuka­pas chas­kig­rin­ga­pa. 
\p  
\v 24 ¿Mana­chu iachan­gi­chi: kalpa­na­kug­pura pugllaipi, achka­kuna kalpa­na­kuska­manda sug­lla­mi pri­miuta chaskí? Chi­manda kam­kuna­pas, primiuta chaskin­ga­pa kalpa­na­kug­sina kaug­sai­chi.  
\v 25 Mai­kan pugllan­ga­pa alli­chi­ri­kugta chaia­kumi, tukui ima mana chaia kas­kata sakin­ga­pa. Chasa­waka, alli­lla llugsig­pika, pudin­mi tuku­ri­diru primiuta chas­kinga. Ikuti nukan­chika, mana tuku­ri­diru pri­miuta chaskin­ga­pa­mi kal­pa­na­kug­sina kaug­san­chi.  
\v 26 Chi­manda­mi nukaka, maima chaiag­rin­ga­pa mana rigsis­pa­lla kal­pa­kug­sina mana rura­kuni. Cha­sa­lla­ta, nuka maka­na­kus­kapi wai­ra­lla­ta pia­kug­sina mana rura­ku­ni­chu.  
\v 27 Chasa­paka, nuka kikin­pa kuir­pu­ta­mi asu­tis­pa­sina cha­ri­ni, mana panda­rin­ga­pa. Chasaka, nuka ima alli­lla munas­ka­ta­mi rurasa. Mana kag­pika, pudi­nimi, sug­kunata alli­lla iuia­chi­kus­pa­pas, nuka kikinka ñi ima pri­miu­ta­pas mana chaskinga. 
\c 10  
\s1 “Ianga dius­kunata mana iuia­rin­gi­chi” 
\p  
\v 1 Taita­kuna i mama­kuna, mana kunga­rin­gi­chi nukan­chipa ñugpa­manda achala taita­kunata ima pasa­ris­kata. Tukui pai­kuna, Taita Dius pusa­kuska puiu uku­pi­mi ri­na­kurka. Chasa­lla­ta tukui­kuna, Puka Kucha suti kas­ka­pi­mi ialir­ka­kuna.  
\v 2 Chi puiu­wa i iakupi ialis­pa­mi tukui­kuna baug­ti­saska ni­raiar­ka­kuna, Moises­wa tukun­ga­pa.  
\v 3 Tukui­kuna­mi Taita Dius kacha­muska mikuita mikur­ka­kuna.  
\v 4 Chasa­lla­ta tukui­kuna­mi Taita Dius kacha­muska upiaita upiar­ka­kuna. Pai­kuna chusa sitaska alpapi puri­na­kus­kapi, sug atun rumi­sina kawa­rimi pai­kuna­wa puri­kurka. Chika, kikin Cristo­lla­ta­ta­mi karka. Chi rumi­manda­mi iaku llug­sirka, tukui­kuna upian­ga­pa.  
\v 5 Chasa kag­pi­pas, ñalla tukui­kuna­mi Taita Diusta mana kun­tin­ta­chir­ka­kuna. Chi­manda­mi, chi chusa sitaska alpapi puri­na­kuspa, ña­lla­pas tukui wañur­ka­kuna. 
\p  
\v 6 Chasami pai­kunata pasa­rirka, nukan­chi chasapi alli­lla iuia­rin­ga­pa. Pai­kuna, mana alli­llata munar­ka­kuna; ¡ujala­lla­pas nukan­chita chasa­lla­ta muna­rig­samu­chu!  
\v 7 Pai­pura sug­kuna, ianga dius­kunata iuia­rir­ka­kuna; ¡ujala­lla­pas kam­kuna, chasa­lla­ta iuia­ri­na­kun­gi­chi! Kasa­mi pai­kuna­manda willa­raiá: 
\q1 Pai­kuna, mikun­ga­pa i upian­ga­pa­mi tia­rir­ka­kuna. 
\q1 Nispa ata­rir­ka­kuna, 
\q1 jiru pugllai­kuna pugllan­ga­pa. 
\m  
\v 8 Pai­pura sug­kuna, kari war­mi­wa pan­da­rir­ka­kuna; ¡ujala­lla­pas nukan­chi, chasa­lla­ta pan­da­ri­na­ku­sun­chi! Chasa pan­da­rig­kunaka, sug pun­cha­lla­mi iskai chunga kimsa waranga wañur­ka­kuna.  
\v 9 Sug­kunaka, Taita Diusta ni­na­kurka: “Abir: ¿pudin­gi­chu?”; ¡ujala­lla­pas nukan­chi, chasa­lla­ta Cristota ni­na­ku­sun­chi! Chasa ñug­pata nig­kuna­taka, kuli­bra­kuna kanis­pa­mi wañu­chii tukur­ka­kuna.  
\v 10 Sug­kunaka, Taita Dius­manda mana alli­lla rima­na­kurka. Chasa rima­na­kus­ka­taka, sug wañu­chig anjil­mi puchu­kag­sa­mur­ka­kunata. ¡Ujala­lla­pas kam­kuna, ima­pi­pas chasa rima­na­kun­gi­chi! 
\p  
\v 11 Nukan­chipa ñugpa­manda achala taita­kunata chasa­mi pasa­rirka, nukan­chi chasapi alli­lla iuia­rin­ga­pa. Chasa ñugpa­manda libru­pi­mi willa­raiá, nukan­chi kai tuku­rii puncha­kuna kaug­sag­kuna, chasa pasa­ris­kata iachas­paka, mana panda­rin­ga­pa.  
\v 12 Chi­manda mai­kan­pas “Nuka, alli­mi kani” iuia­rispa kag, ¡ujala­lla­pas ima­pi­pas pan­da­ri­chu!  
\v 13 Kam­kunata ima pan­da­riipi urma­chin­ga­pa iuiai­kuna cha­iag­pika, chi­kunata nukan­chi runa­kuna, Taita Dius­pa iapa iachai­wa­mi pudin­chi binsinga. Taita Diuska, pai tukui ima nis­ka­ta­mi rurá. Paika mana sakin­ga­pa kan­chu, mana binsinga­sina jiru iuiai­kuna chaian­ga­pa. Kam­kunata ima jiru iuiaipas chaia­ura, pai­lla­ta­ta­mi sumag­lla iuiai­ta­pas iuia­chin­ga­pa ka; chi­wanka, jiru iuiai­kunata binsin­ga­pa. 
\p  
\v 14 Chi­manda, nuka kuias­ka­kuna, sakii­chi, ianga dius­kunata iuia­rin­ga­pa.  
\v 15 Alli­lla iuiai­iug­kuna­ta­mi rima­na­kui­ki­chita. Nuka ima rima­kus­ka­taka, kam kikin­kunami iukan­gi­chi iuia­ringa­kuna.  
\v 16 Bindi­saska kupa­manda, “Pai Siñur” Taita Dius­ta­mi nin­chi. Chi kupa­pi upiaspa, ¿mana­chu Cristopa iawar­wa sug­lla tukug­sina ni­raian­chi? Chasa­lla­ta, tandata chaugpi chaugpi piti­chispa, nukan­chi mikuska, ¿mana­chu Cristopa kuir­pu­wa sug­lla tukug­sina ni­raian­chi?  
\v 17 Nukan­chi, mai­tuku achka­kuna kas­pa­pas, sug­lla tandata tukui­kuna mikuspa, sug­lla tukug­sina­mi ni­ra­ian­chi. 
\p  
\v 18 Israel­manda runa­kuna ima ruras­ka­kuna­manda iuia­rii­chi. Taita Diusta kama­riku­sina karaska animal­kunapa aichata mikug­kunaka, ¿mana­chu chi kama­ri­ku­wa sug­lla tukug­sina ni­raian­kuna?  
\v 19 Chasa nis­paka, mana nii­ki­chita­chu ianga dius­kuna ima ni­ra­iagta, ñi chi dius­kunata kama­riku karaska aichaka, sug aicha­kuna­man­da­pas mas bali kagta.  
\v 20 Kasa­mi nii­ki­chita: Taita Diusta manara rig­sig­kuna, ianga diusta kama­riku karas­kaka, kuku waira­kuna­ta­mi karan­kuna. Chasa kag­manda­mi mana munani, kam­kuna chasa ruraspa, kuku waira­kuna­wa sug­lla tukun­ga­pa­kuna.  
\v 21 Mana iukan­gi­chi­chu, kuku waira­kuna­wa sug­lla tukug­sina kan­ga­pa kupapi upianga­kuna; nis­paka, ikuti Iaia Jesus­wa sug­lla tukug­sina ni­raian­ga­pa kupa­pi­pas upianga­kuna. Chasa­lla­ta, mana iukan­gi­chi­chu, kuku waira­kuna­wa sug­lla tukug­sina ni­raian­ga­pa mikunga­kuna; nis­paka, ikuti Iaia Jesus­wa sug­lla tukug­sina ni­raian­ga­papas mikunga­kuna.  
\v 22 Chasa iskandima rura­na­kug­mandaka, ¿munan­chi­chu Iaia Jesusta rabia­chin­ga­pa? ¿Nukan­chi pai­manda mas pudig­kuna­chu kan­chi? Manima. 
\s1 Tukuipi Taita Diusta atun­ia­chii iukas­ka­kuna­manda 
\p  
\v 23 Mai­kan­kuna, kasami nin­kuna: “Nuka imasa munas­ka­sina ruras­pa­mi kaug­san­ga­pa pudini”. Chasa pudi­rig­pi­pas, tukui ima munaska ruraika mana alli­lla kan­chu. “Nuka imasa munas­ka­sina ruras­pa­mi kaug­san­ga­pa pudini” nig­pi­pas, tukui ima munaska rurai­ka, nukan­chi­manda alli­lla­pa mana kan­chu.  
\v 24 ¡Ujala­lla­pas kam kikin­kuna­manda­lla ima ruras­pa­pas kaug­san­gi­chi! Sug­kuna­manda­pas­mi iukan­gi­chi alli­lla ruraspa kaug­sa­na­kunga. 
\p  
\v 25 Aicha katu­dirupi randiska aicha­ta mikui­chi, mana ima­pas iuia­ris­pa­lla i tapus­pa­lla.  
\v 26 Kai alpa i tukui ima alpapi tias­ka­pas, atun Taita Dius­pa kaska­manda­mi pudin­gi­chi tukui mikunga.  
\v 27 Mai­kan mana­ra Cristota rigsig mikun­ga­pa kun­bi­dag­pika, rii­chi. Ima karas­kata mikun­gi­chi, mana ima­pas iuia­ris­pa­lla i tapus­pa­lla.  
\v 28 Ikuti “Kai aicha, sug diusta kama­riku karas­ka­mi ka” mai­kan nig­pika, chita mana mikun­gi­chi. Chasa willag­manda i pai­pa iuiai­manda­mi mana iukan­gi­chi mikunga­kuna.  
\v 29 Kam kikin­pa iuiai­mandaka mana chasa nii­ki­chitachu. Chi willag iuia­kumi, chi aichata mikuspa, sug diusta iuia­rig­sina ruragta; chi­manda­mi chasa nii­ki­chita. 
\p Chasa kag­pi­pas, sugka ni­chu: “Nuka ima rurai muna­kus­ka­taka, ¿ima­pa­tak mana chasa rurai pudini, sug runa sug rigcha iuia­kug­manda?  
\v 30 Nuka Taita Diusta: ‘Pai Siñur’ nispa mikug­pika, ¿ima­pa­tak nuka mikus­ka­manda pipas piña­wanga?”.  
\v 31 Kam­kuna ima mikuspa, upiaspa u ruraspa, tukuipi Taita Diusta: “Pai Siñur; iapa suma atun­mi kangi” nispa kan­gi­chi.  
\v 32 Kasa­pas­mi iukan­gi­chi kaug­sanga: mana ima­pi­pas pan­da­chis­pa­lla judiu­kunata, ñi mana judíu kag­kunata ñi Taita Dius­wa tukus­ka­kunata.  
\v 33 Chasa munas­pa­mi nuka kaug­sani, tukui­kunata tukuipi kun­tin­ta­chispa kan­ga­pa. Nuka­mandalla mana ima­pas ruraspa kaug­sa­ku­ni­chu. Tukui sug­kuna­manda­mi alli­lla ruraspa kaug­sa­kuni; chasaka pai­kuna­pas, Cristo­wa tukuspa, kispi­rin­ga­pa. 
\c 11  
\nb  
\v 1 Imasa­mi nuka, Cristo­sina alli­lla kaug­saspa kani: chasa­lla­ta kam­kuna­pas, nukata kawa­waspa, alli­lla kaug­san­gi­chi. 
\s1 Warmi­kuna, umapi katari­chu­kuna, niska­manda 
\p  
\v 2 Kam­kuna ima­pi­pas iuia­ri­wa­na­kuska­manda i nuka willaspa iacha­chis­ka­kunata kati­chi­na­kuska­manda, nii­ki­chi­ta­mi: “Alli­lla­mi rura­na­kun­gi­chi”.  
\v 3 Chasa nis­pa­pas, muna­ni­mi kam­kunata kasa iacha­chin­ga­pa: Cristoka, tukui kari­kunapa iaia­mi ka, uma kag­sina. Chasa­lla­ta, imasa­mi Taita Dius, Cristopa iaia ka: chasa­lla­ta kusa­pas, paipa war­mipa iaia­mi ka.  
\v 4 Mai­kan kari­pas, Taita Diusta maña­kuspa u Santu Ispí­ritu iuia­chis­kata willa­kuspa, paipa umata ima katan­ga­pas chura­rispa kag­pika, Cristota unz̈ag­sina­mi rurá.  
\v 5 Mai­kan war­mi­pas, Taita Diusta maña­kuspa u Santu Ispí­ritu iuia­chis­kata willa­kuspa, paipa umata mana kata­ris­paka, chasa­lla­ta paipa kusata unz̈ag­sina­mi rurá. Paipa umata mana kata­ris­kaka, agcha rutus­ka­sina­mi ni­raiá.  
\v 6 Mai­kan warmi umata mana kata­rig­pika, tukui agchata rutu­chi­chu. Mai­kan war­mita agcha lim­piu rutus­kaka, pin­gai­pa­mi kawa­rí. Chi­manda, umapi ima­wa­pas kata­ri­chu.  
\v 7 Karika, Taita Dius­sina ñalla rig­cha kaspa, pai suma atun kagta kawa­chig­manda, umata mana ima­pas tapa­ri­chu. Ikuti war­mika, kusa suma atun kag­ta­mi kawa­chí.  
\v 8 Taita Diuska, ñugpa karita mana war­mi­manda sur­kuspa rurar­ka­chu. Ñugpa war­mi­ta­mi kari­manda sur­kuspa rurarka.  
\v 9 Chasa­lla­ta Taita Diuska, ñugpa karita mana war­mi­manda alli­llapa rurarka­chu. War­mi­ta­mi kari­manda alli­llapa rurarka.  
\v 10 Chi­manda­mi warmi iuká, umapi kata­riska kanga; chasaka, kusa iaia kagta ni­raian­ga­pa. Anjil­kuna­pas tiag­manda­mi umapi kata­riska iuká kanga. 
\p  
\v 11 Chasa kag­pi­pas, Iaia Jesus­pa ñawipi mana tian­chu kari mana war­mi­wa, ñi warmi mana kari­wa.  
\v 12 Imasa­mi ñugpa warmi, kari­manda sur­kui tukuspa tiag­sa­murka: chasa­lla­ta­mi kuna­ura­kuna kari­pas, war­mi­manda tiag­samú. Chasa kag­manda­mi tukui iskan­di­kuna Taita Dius­pa maki­manda tiag­samun­kuna. 
\p  
\v 13 Kam kikin­kuna iuia­rii­chi: warmi Taita Diusta maña­kuspa, uma­pi mana kata­riska kag­pika, ¿alli­lla­chu ka u mana alli­llachu ka?  
\v 14 Kari pai­pa agchata suni wiña­chi­rig­pika, pingai­pa­mi kawa­rí. Chita, ¿mana­chu iuia­rin­gi­chi, pin­gai­pa mana alli­lla kagta?  
\v 15 Ikuti war­mika, paipa agchata suni wiña­chiska iukag­pika, sumag­lla­mi kawa­rí. Chi suni agchata, Taita Dius­mi kara­murka; chi­wanka, umata kata­riska kan­ga­pa.  
\v 16 Mai­kan­pas nuka iacha­chis­kata wabu­tig­ka, kasa iuia­richu: ñi nukan­chi ñi Taita Dius­wa tukus­ka­kuna sug­nigta kaug­sag­kuna­pas, mana sug rigcha kaug­san­chi­chu. 
\s1 Iaia Jesusta iuia­rin­ga­pa tanda­ri­na­kus­kapi, jiru rura­na­kuska­manda 
\p  
\v 17 Nuka kuna­ura nin­ga­pa kaska­mandaka mana nii­ki­chitachu: “Alli­lla­mi rura­na­kun­gi­chi”. Kam­kuna sug­lla­pi tanda­riska kas­ka­pika, alli­lla ruranga­taka, tanda­rin­gi­chimi, mana alli­lla ruran­ga­pag­lla.  
\v 18 Tukui­manda ñugpaka, kasa­mi uiani: kam­kuna, Taita Diusta iuia­rin­ga­taka, kalla­rin­gi­chisi, sug rig­cha sug rigcha rimaspa ach­kama tuku­na­kunga. Chi­taka, sug mailla sutipa kag­ta­mi iuiani.  
\v 19 Sug rigcha sug rigcha iuiai­kunami tian­ga­pa ka; chasa­waka, kam kikin­pura mai­kan­kuna Cristo­wa suma iuia­rig kag­kuna kawa­rin­ga­pa.  
\v 20 Kam­kuna, mana sug­lla iuiai­wa tanda­rin­gi­chi­chu. Chi­wa­mi kam­kuna mana miku­na­kun­gi­chi, Iaia Jesusta alli­lla iuia­rispa.  
\v 21 Kam­kuna mikun­ga­pa tan­da­ri­uraka, sug sug kikin­pa mikuita mikui­mi kalla­rin­gi­chi, sug­kunata mana sug­lla­pi kan­ga­pa suias­pa­lla. Chasa­pika sug­kuna, iarkai­manda­mi kan­kuna. Ikuti sug­kunaka, machag­ta­mi upian­kuna.  
\v 22 Chasa rura­na­kus­paka, ¿mana­chu Taita Dius­wa tukus­ka­kunata wasa churag­sina rura­na­kun­gi­chi? ¿Mana­chu mana mikui iukag­kunata pinga­ia­chig­sina rura­na­kun­gi­chi? ¿Mana­chu wasi iukan­gi­chi, chi­pika mikun­ga­pa i upian­ga­pa? ¿Ima­tak ni­sa­ki­chita? ¿Nisa­ki­chita­chu: “Alli­lla­mi rura­na­kun­gi­chi”? Chasa rura­na­kus­kata nii­ki­chi­ta­mi: “Mana alli­lla rura­na­kun­gi­chi­chu”. 
\p  
\v 23 Iaia Jesús ima nukata willa­was­ka­ta­mi kam­kuna­ta­pas kasa iacha­chig­samurkai­ki­chita. Iaia Jesus­ta apin­ga­pa tuta ka­ura, paika, tanda­ta makipi cha­ri­rispa,  
\v 24 “Pai Siñur” Taita Diusta nispa, tanda­ta­mi piti­chirka, kati­raiag­kunata kasa nispa: “Kai, nuka­pa kuir­pu­mi ka, kam­kuna­manda karaska kan­ga­pa. Nuka­manda iuia­rispa, chasa­lla­ta ruran­gi­chi”.  
\v 25 Ña mikuska­ura­mandaka, sug binu kupata chasa­lla­ta cha­ri­rispa, kasa­mi nirka: “Kai binu kupa, nuka­pa iawar­mi ka, Taita Dius­wa i runa­kuna­wa ikuti pasin­sia­chi­rispa sumag­lla tukun­ga­pa. Ima­ura­pas chasa­lla­ta upias­paka, nuka­manda iuia­rispa ruran­gi­chi”.  
\v 26 Chasa­manda kam­kuna, ima­ura­pas chasa­lla­ta tanda mikuspa, kupa binu upias­paka, Iaia Jesús wañuska­manda­mi willan­gi­chi, pai ikuti samun­kama. 
\p  
\v 27 Chasa kaska­mandaka, mai­kan­pas Iaia Jesús “Mikui­chi” niska tandata mana suma iuia­ris­pa­lla mikug­pika, “Upiai­chi” niska kupa binuta mana suma iuia­ris­pa­lla upiag­pika, Iaia Jesuspa kuir­puta i iawarta sarug­sina­mi rurá. Pai­taka, Taita Diusmi jus­ti­sian­ga­pa ka.  
\v 28 Chi­manda­mi, manara tandata mikuspa i binuta upias­pa­lla, iukan­gi­chi iuia­ringa, kikin­pa iuiaipi alli­lla u mana alli­lla kagta.  
\v 29 Mai­kan­pas Iaia Jesuspa kuir­pu kas­kata mana suma iuia­ris­pa­lla mikuchu upiachu: kikin jus­ti­siai tukun­ga­pa­mi mikú i upiá.  
\v 30 Chi­manda­mi kam kikin­pura achka­kuna, ungug i samba­iaska tian­gi­chi. Sug­kuna, chasa­manda­mi wañuska kan­kuna.  
\v 31 Nukan­chi kikin­kuna alli­lla iuia­rispa kagpi­kunaka, mana­char chasa llakii­kuna iukan­tran­chi.  
\v 32 Chi llakii­kuna­wa­mi Iaia Jesús nukan­chita iuiachí; chasaka, kai alpapi jiru ruraspa kaug­sa­na­kug­sina mana tukuspa, dil­tudupa ninama sitai tukun­ga­pa. 
\p  
\v 33 Chi­manda, taita­kuna i mama­kuna, sug­lla­pi mikun­ga­pa tanda­rin­ga­pa chaia­ura, suia­na­kun­gi­chi, tukui­kuna chaian­kama.  
\v 34 Sutipa iarkai­manda kag­kunaka, kikin­pa wasipi mikug­ri­chu­kuna. Chasaka, Taita Dius mana jus­ti­sianga­kunatachu. Sug ima­kunaka, nuka kam­kuna­pagma chaiag­rispa­mi alli­lla iacha­chisa­ki­chita. 
\c 12  
\s1 Santu Ispi­ri­tupa sug rigcha sug rigcha kara­mui­kuna­manda 
\p  
\v 1 Taita­kuna i mama­kuna, San­tu Ispi­ri­tupa sug rigcha sug rigcha kara­mui­kuna­mandaka muna­nimi, kam­kunata kasa iacha­chin­ga­pa. 
\p  
\v 2 Ñami iachan­gi­chi: kam­kuna, manara Cristota rigsig­kuna kas­paka, saki­rir­kan­gi­chimi, mana rimag ianga dius­kuna­pagma sug­lla­pi tukuspa rin­ga­pa.  
\v 3 Chi­manda­mi munani, kam­kuna kasa iachan­ga­pa: ñi pipas Dius­pa Ispi­ri­tu­wa rimagka mana pudin­chu ninga: “Jesús, mal­di­siska ka­chu”. Santu Ispi­ri­tu­lla­wa­mi mai­kan­pas Jesusta nin­ga­pa pudí: “Nuka­pa iaia­mi kangi”. 
\p  
\v 4 Santu Ispí­ritu, nukan­chita sugta sug rigcha, sugta sug rigcha­mi karamú, suma iuiai­wa ruran­ga­pa. Chasa kara­mus­pa­pas, sug­lla Ispi­ri­tumi tia.  
\v 5 Iaia Jesus­manda sug rig­cha sug rig­cha­mi alli­lla ruran­chi. Chasa rurag­pi­pas, sug­lla Iaia Jesus­mi tia.  
\v 6 Chasa­lla­ta, sug rigcha sug rigcha­mi pudin­chi alli­lla ruran­ga­pa. Chasa pudi­rig­pi­pas, sug­lla Taita Dius­mi tia. Pai­mi tukui­kunata karamú, tukuipi alli­lla ruran­ga­pa. 
\p  
\v 7 Tukui­kuna­ta­mi Taita Dius paipa Ispi­ri­tuta karamú, nukan­chi­wa kagta kawa­chin­ga­pa; chasaka, tukui­kuna pari­juma aida­na­kun­ga­pa.  
\v 8 Mai­kan­kuna­taka pai­pa Ispi­ri­tu­wa kara­mun­mi, paipa iachai­wa riman­ga­pa. Chasa­lla­ta sug­kuna­taka paipa Ispi­ri­tu­lla­wan­ta­mi karamú, paipa suma iuiai­wa iacha­chin­ga­pa.  
\v 9 Ikuti sug­kuna­taka paipa Ispi­ri­tu­wa­mi iuia­chí, ima kag­pi­pas, pai ima nis­kata suma iuia­rin­ga­pa. Sug­kuna­taka sug­lla Santu Ispi­ri­tu­wa­mi karamú, ungug­kunata ambin­ga­pa.  
\v 10 Chasa­lla­ta kara­mun­mi, sug­kunaka ima­ura­pas mana kawas­ka­sina ruran­ga­pa, i sug­kunaka paipa Ispí­ritu iuia­chis­kata willan­ga­pa. Sug­kuna­taka kara­mun­mi, paipa alli Ispi­ri­tu­wa u mana alli kuku waira­wa rima­na­kus­kata rig­sin­ga­pa. Chasa­lla­ta sug­kuna­taka iuia­chin­mi, mana iachaska rimai­kuna­wa riman­ga­pa i chi rimai­kuna­wa rimaska ima ni­raias­kata alli­lla willan­ga­pa.  
\v 11 Kikin sug­lla Santu Ispi­ri­tu­mi tukui chasa iuia­chispa kara­mú. Pai imasa munas­ka­sina­mi tukui­kunata sugta sug rig­cha, sugta sug rig­cha chi suma iuiai­kunata kara­mú. 
\s1 Tukui nukan­chi, Cristopa sug­lla kuir­pu tukuska ni­raiaska­manda 
\p  
\v 12 Sug­lla kuir­pupi, chaki, maki, uma, ima­pas­mi iukan­chi. Chasa achka iukas­pa­pas, tukui sug­lla kuir­pu­mi kan­chi. Chasa­lla­ta Cristo­wa tukus­ka­kunaka, sug­lla kag­sina­mi ni­raian­chi.  
\v 13 Tukui nukan­chi baug­ti­sas­ka­kuna, judíu i mana judíu kag­kuna­pas, patrun­kuna i lutrin­kuna­pas, sug­lla Santu Ispi­ri­tu­wa kag­manda­mi sug­lla kuir­pu­sina ni­raian­chi. Tukui nukan­chi, chi sug­lla Ispi­ri­tuta chaskig­kunami tukur­kan­chi. 
\p  
\v 14 Nukan­chipa kuir­pupi mana sug­lla suti tian­chu; achkami tia.  
\v 15 Chaki, kasa nin­tra: “Nuka, maki mana ka­ni­chu. Chi­manda mana kuir­pu­manda ka­ni­chu”; chasa nig­pi­pas, kuir­pu­manda kan­ga­pa mana sakin­chu.  
\v 16 Chasa­lla­ta, rinri nin­tra: “Nuka, ñawi mana ka­ni­chu. Chi­manda mana kuir­pu­manda ka­ni­chu”; chasa nig­pi­pas, kuir­pu­manda kan­ga­pa mana sakin­chu.  
\v 17 Tukui kuir­pu ñawilla kag­pika, mana­char uian­ga­pa pudi­rin­tra. Chasa­lla­ta, tukui kuir­pu rinrilla kag­pika, mana­char asnan­ga­pa pudi­rin­tra.  
\v 18 Kuirpupi, Taita Dius tukui­mi churarka, imasa munas­ka­sina chaia kan­ga­pa.  
\v 19 Kuirpupi sug­lla suti tiag­pika, mana­char kuir­pu kan­tra.  
\v 20 Achka suti tiag­pi­pas, sug­lla kuir­pumi ni­raiá. 
\p  
\v 21 Chi­manda ñawi, makita mana pudí nin­ga­pa: “Kamta mana minis­tiikichu”. Chasa­lla­ta uma, chaki­kunata mana pudí nin­ga­pa: “Kam­kunata mana minis­tii­ki­chita­chu”.  
\v 22 Kasapas. Kuirpupi mana balinga­sina kag­kuna pudin­mi, mas minis­tiska kanga­kuna.  
\v 23 Kuirpupi tiaska mana munas­ka­kuna­pas­mi mas suma kuiaska kan­kuna. Chasa­lla­ta, nukan­chipa pingai­kunata alli­lla­mi kilpa­chi­rin­chi.  
\v 24 Ikuti mana pingai­kuna­taka mana­pas kilpa­chi­rii chaian­chu. Chasa kuir­pupi, Taita Dius tukui­pi­mi alli­lla rurarka; chasaka, mana munaska kag­kuna­pas mas suma kuiaska kan­ga­pa.  
\v 25 Chasa­pika, mana sug rigcha sug rig­cha iuiai­kuna tiangachu. Kuirpu­pi tukui tias­ka­kuna­wa alli­lla iuia­rispa aida­na­kuspa kan­ga­pa­mi Taita Dius chasa rurarka.  
\v 26 Kasa­pas. Kuirpupi ima­pas nanag­pika, tukui kuir­pu­pi­mi nanai sinti­rí. Ima­pi­pas suma kuias­ka­sina kag­pika, tukui­mi alli iuia­chi­rí. 
\p  
\v 27 Imasa­mi nirkai­ki­chita: chasa kam­kuna­pas, Cristopa sug­lla kuirpu tukuskami ni­raian­gi­chi. Pai­pa kuir­pu­manda imasa chaias­ka­sina­mi tukui­kuna kan­gi­chi. 
\pi1  
\v 28 Cristo­wa tukui tukus­ka­kuna­pura­manda, Taita Dius ñug­paka chu­rar­kami, Cristo kikin kacha­muska runa­kuna tian­ga­pa; pai­kunaka, Alli Willai­ta willaspa purin­ga­pa; 
\pi1 iskaimaka, paipa Santu Ispí­ritu iuia­chis­kata willag­kuna tian­ga­pa; 
\pi1 kimsamaka, paipa Suma Rimaita iacha­chig­kuna tian­ga­pa; 
\pi1 chi­mandaka, mana ima­ura­pas kawas­kata rurag­kuna tian­ga­pa; 
\pi1 chi­mandaka, ungug­kunata suma ambig­kuna, sug­kunata suma aidag­kuna, Cristo­wa tukus­ka­kunata mandag­kuna i mana iachaska rimai­wa rimag­kuna tian­ga­pa. 
\pi1  
\v 29 Mana tukui­kuna, Cristo kikin kacha­muska runa kan­kuna­chu. 
\pi1 Mana tukui­kuna, Santu Ispí­ritu iuia­chis­kata willag kan­kuna­chu. 
\pi1 Chasa­lla­ta, mana tukui­kuna, iacha­chig­kuna i mana ima­ura­pas kawas­kata rurag kan­kuna­chu. 
\pi1  
\v 30 Ikuti chasa­lla­ta, mana tukui­kuna, ungug­kunata suma ambig, i mana iachaska rimai­wa rimag i chi rimai­wa rimaska ima ni­raias­kata alli­lla willag kan­kuna­chu. 
\m  
\v 31 Chi­manda, Taita Diusta mañai­chi kara­muchu, chasa­kuna­manda mas alli­lla rurag­kuna tian­ga­pa. Chasa tiag­pi­pas, imasa asku­rinti mas alli­lla kaug­san­ga­pa kag­ta­mi kuna­ura iacha­chin­ga­pa kai­ki­chita. 
\c 13  
\s1 Sug­kunata kuiai­manda 
\p  
\v 1 Tukui runa­kunapa i anjil­kunapa rimai­ta­pas nuka rimaspa, mana sug­kunata kuiaspa kag­pika, sug iru u platillu “Chilin Chilin” uia­chi­rig­sina­lla­char kan­trani.  
\v 2 Santu Ispí­ritu iuia­chis­kata nuka willan­trani, i tukui­manda mana pipas iachaska­wan­ta iachan­trani, i Taita Dius ima nis­kata suma iuia­rispa, luma­kunata anchu­chispa, sugma iali­chin­ga­pa pudin­tra­ni; chasa kag­pi­pas, sug­kunata mana kuiaspa kag­pika, ñi ima­pa­char mana balin­tra­ni.  
\v 3 Mana ñi ima­pas iukas­ka­kunata tukui ima nuka iukas­kata karan­tra­ni, i nuka kikin­pa kuir­puta Cristo­manda kuan­tra­ni rupa­chi­wan­ga­pa; chasa kag­pi­pas, sug­kunata mana kuiaspa kag­pika, ianga­lla­char chasa ruran­trani. 
\p  
\v 4 Sug­kunata kuiai ni­raian­mi ima minis­tiska kas­ka­kunata aidan­ga­pa i pai­kuna­wa mana piña­chi­ri­na­kus­pa­lla kaug­san­ga­pa; pai­kunata jiru iuiai­wa mana kawan­ga­pa; chi­manda, mana atun­ia­chi­rig­sina iuia­rispa kan­ga­pa; “Sug­kuna­manda mas­mi kani; iapa bali­mi kani”: chasaka mana iuia­rin­ga­pa.  
\v 5 Sug­kunata kuiai ni­raian­mi mana imaj­manda­lla subirbiaspa i rabia­rispa kan­ga­pa; mana kikin­manda­lla iuiaspa ima iukas­ka­ta­pas kan­ga­pa; i mai­kan jiru ruraspa rabia­chis­ka­kunata mana iuia­rin­ga­pa.  
\v 6 Sug­kunata kuiai ni­raian­mi mai­kan­ta­pas ima llakii pasa­ris­kata iachas­paka, mana kun­tin­ta­rin­ga­pa; ikuti mai­kanta ima alli­lla pasa­ris­kata iachas­paka, “Alli­lla­mi ka” iuia­rispa kun­tin­ta­rin­ga­pa.  
\v 7 Chasa kuiag ni­raian­mi Taita Dius ima nis­kata ima­pi­pas suma iuia­rispa suian­ga­pa; cha­saka sug­kuna, pai­wa tukun­ga­pa­kuna; chi­mandaka, mana pi­wa­pas lla­ki­chi­ri­na­kus­pa­lla, ima lla­kii­wa kaspa, upa­lla kan­ga­pa. 
\p  
\v 8 Kuia­na­kuika, ima­ura­pas­mi mana tuku­ris­pa­lla tian­ga­pa ka. Ikuti Santu Ispí­ritu iuia­chis­kata willag­kunaka tuku­rin­ga­pa­mi kan­kuna. Mana iachaska rimai­wa rimag­kuna i Dius­pa iachai­wa rimag­kuna­pas­mi chasa­lla­ta tuku­rin­ga­pa kan­kuna.  
\v 9 Kuna­ura, ima­kuna­ta­pas mailla­lla­mi iachan­chi. Chasa­lla­ta, Santu Ispí­ritu iuia­chis­kata chara mai­lla­mi willan­chi.  
\v 10 Tukui tukui alli­lla iacha­rig­samu­uraka, chi mailla iachaika tuku­rin­ga­pa­mi ka. 
\p  
\v 11 Nuka uchulla ka­ura, imasa rimaspa, iuiaspa, iachaspa, uchulla­sina­mi iuiaspa kar­kani. Ikuti ña atun wiñaska ka­uraka, uchulla­sina iuiai­kunata sakirka­nimi.  
\v 12 Chasa­lla­ta, kuna­ura mana suma ispi­ju­pi kawa­rig­sina­mi Taita Diusta iuiai­pi kawan­chi. Mas nispa­mi ñawi ñawi pai­wa kawa­na­ku­sun­chi. Kuna­ura, mailla­lla­mi iachani. Mas nis­paka, imasa­mi Taita Dius, nukata rig­siwá: chasa­lla­ta­mi nuka­pas, alli­lla rigsii­wa i iachai­wa paita kawasa. 
\p  
\v 13 Taita Dius ima nis­kata suma iuia­rii­kuna, paita suma suiai­kuna i suma kuia­na­kui, ima­ura­pas tian­ga­llami. Chi kimsandi­manda mas minis­tis­kaka kan­mi kuia­na­kui. 
\c 14  
\s1 Mana iachaska rimai­kuna­wa rimag­kuna­manda i Santu Ispí­ritu iuia­chis­kata willag­kuna­manda 
\p  
\v 1 Ima­ura­pas kuia­na­kuspa kaug­san­gi­chi. Chasa­lla­ta munan­gi­chi, Santu Ispí­ritu kara­mu­chu, alli­lla rurag­kuna tian­ga­pa. Santu Ispí­ritu iuia­chis­kata willan­ga­pa masmi iukan­gi­chi munanga.  
\v 2 Mai­kan­pas mana iachaska rimai­wa rimag­ka, sug runa­kunata mana riman­chu. Taita Dius­lla­ta­mi rimá. Santu Ispi­ri­tu­wa chasa rimag­pi­pas, paita uiag­kunaka mana ima­pas iachan­ga­pa pudin­kuna­chu.  
\v 3 Ikuti Santu Ispí­ritu iuia­chis­kata willag­ka, sug­kunata alli suma iuia­chin­ga­pa­mi willá.  
\v 4 Mana iachaska rimai­wa rimag­ka, kikin­lla­ta­mi alli suma iuiai iuia­chi­rí. Ikuti Santu Ispí­ritu iuia­chis­kata willag­ka, Cristo­wa tukus­ka­kuna­ta­mi alli suma iuiai iuia­chí. 
\p  
\v 5 Tukui kam­kuna, mana iachaska rimai­kuna­wa rima­na­kun­tran­gi­chi; nuka masmi munan­tra­ni, kam­kuna, Santu Ispí­ritu iuia­chis­kata willan­tran­gi­chi. Santu Ispí­ritu iuia­chis­kata willag, mana iachaska rimai­wa rimag­manda mas alli­lla­mi ka. Mana iachaska rimai­wa rimaska ima ni­raias­kata willachu, Cristo­wa tukus­ka­kunata alli suma iuiai iuia­chin­ga­pa: chipas, alli­lla­mi rurá.  
\v 6 Cha­saka, taita­kuna i mama­kuna, nuka kam­kuna­pagma chaiag­rispa, mana iachaska rimai­kuna­wa rimag­pika, ñi ima­pas mana kam­kuna­manda alli­lla tukun­chu. Ikuti imasa Taita Dius mus­kui uku­pi­sina kawa­chi­was­kata u alli­lla iachas­kata iacha­chispa, paipa Ispí­ritu iuia­chi­was­kata willag­pika, kam­kuna­manda mas alli­mi tukú. 
\p  
\v 7 Flaugta, arpa i sug rigcha uia­chi­diru­kuna, tukui­kuna sug­lla­sina uia­ri­na­kug­pika, mana iacha­rin­tra­chu mai­kanta uianga.  
\v 8 Chasa­lla­ta, sug pui­blu­wa sug pui­blu­wa wañu­chi­na­kuima llugsin­ga­pa bututu mana sin­chi pukui uia­rig­pika, ñi pipas mana­char alli­chi­rin­tra­kuna, chi wañu­chi­na­kuima rin­ga­pa.  
\v 9 Cha­sa­lla­ta kam­kuna­pas, uiag­kuna mana iachaska rimai­wa rima­na­kug­pika, ¿imasatak iachanga­kuna ima ni­raiagta? Ianga­lla­mi wairata rimag­sina kan­tra. 
\p  
\v 10 Kai alpapi mai­tuku rimai­kuna­pas­mi tia. Ñi mai­kan rimai­pas, ianga mana pudí tianga.  
\v 11 Chasa tiag­pi­pas, mai­kan mana nuka iachaska rimai­wa rima­wag­pika, chi rimai­ka ima ni­raias­kata nuka mana iachas­paka, sug alpa­manda kag­sina­mi pari­juma kan­tran­chi.  
\v 12 Chasa kaska­manda, kam­kuna, Santu Ispí­ritu kara­mus­ka­kuna­wa alli­lla rurag­kuna tian­ga­pa munas­paka, iukan­gi­chimi mas munan­ga­kuna, Cristo­wa tukus­ka­kunata alli suma iuiai iuia­chispa iuiai­kuna­wa kan­ga­pa. 
\p  
\v 13 Mai­kan­pas mana iachaska rimai­wa rimagka, Taita Diusta maña­chu, chi rimaita ima ni­ra­ias­kata alli­lla iachan­ga­pa.  
\v 14 Mana iachaska rimai­wa Taita Diusta nuka maña­kuspa kag­pika, nuka­pa ispi­ri­tu­lla­wa­mi maña­kuni; nuka­pa iuiaika, nuka­wa mana kag­sina­mi ka.  
\v 15 Chasa kag­pika, ¿ima­tak iukani ruranga? Iuka­nimi, nuka­pa ispi­ri­tu­wa Taita Diusta maña­ku­ura, nuka­pa iuiai­wapas sug­lla­pi kanga. Chasa­lla­ta nuka­pa ispi­ri­tu­wa kanta­ku­ura, iuka­nimi nuka­pa iuiai­wapas sug­lla­pi kan­ta­kunga.  
\v 16 Kamba ispi­ri­tu­lla­wa Taita Diusta: “Pai Siñur” nispa kag­pika, mana iachagka, kam chasa ni­kus­kata uiaspa, ¿imasatak pudinga kamwa nin­ga­pa: “Chasa ka­chu”?  
\v 17 Taita Diusta: “Pai Siñur” kam sumag­lla nig­pi­pas, chi sugka, uias­pa­pas, mana iachas­paka, ¿ima­sa­tak alli suma iuiai iuia­chii tukunga?  
\v 18 Nukaka, tukui kam­kuna­manda­pas mas mana iachaska rimai­kuna­wa rimag­manda­mi Taita Diusta: “Pai Siñur” nini.  
\v 19 Chasa nis­pa­pas, Cristo­wa tukus­ka­kuna­wa nuka tan­da­riska ka­ura, pai­kuna mana iachaska rimai­wa chunga waranga rima­ris­kata rimai pudis­pa­pas, muna­nimi, pai­kuna iachaska rimai­waka pichka rimai­lla­ta riman­ga­pa; chasaka, pai­kuna­pas iachai­kun­ga­pa. 
\p  
\v 20 Taita­kuna i mama­kuna, mana wam­bra­kuna­sina iuiai­chi. Chara uchulla kag­sina kai­chi, ñi ima jiru ruran­ga­pa mana iuias­pa­lla. Ikuti Santu Ispi­ri­tupa kara­mus­ka­waka ña wiñai puchu­kaska runa­sina iuiai­chi.  
\v 21 Isaías sakiska librupi, kasa­mi willa­raiá: 
\q1 Atun Taita Diusmi ni: 
\q1 “Mana iachaska rimai­kuna­wa 
\q1 i sug alpa­manda­kuna­wa­mi 
\q1 kai alpapi kaug­sag­kunata rimasa. 
\q1 Chasa rimagpi­pas, 
\q1 mana uia­wan­ga­pa kan­kuna­chu”. 
\m  
\v 22 Chasaka, mana iachaska rimai­kuna­wa riman­ga­pa, mana balin­chu Cristo­wa iuia­rig­kunata iuia­chin­ga­pa. Paita manara rigsig­kunata iuia­chin­ga­pa­mi ni­raiá. Ikuti Santu Ispí­ritu iuia­chis­kata willan­ga­paka, mana balin­chu manara Cristota rigsig­kunata. Balin­mi, pai­wa iuia­rig­kunata alli suma iuiai iuia­chin­ga­pa. 
\p  
\v 23 Cristo­wa tukus­ka­kuna sug­lla­pi tanda­riska ka­ura, tukui­kuna mana iachaska rimai­kuna­wa rima­na­kug­pika, mai­kan Cristo­manda manara iachag u paita manara rig­sig iai­kuspa uiag­pika, ¿mana­chu ninga: “Kam­kuna, upa­mi tukur­kan­gi­chi”?  
\v 24 Ikuti tukui kam­kuna Santu Ispí­ritu iuia­chis­kata willa­na­kug­pika, mai­kan Cristota manara rigsig u pai­manda manara iachag iai­kuspa, tukui­kuna ima willa­na­kus­kata uias­paka, pai kikin panda­rig kag­ta­mi iuia­ringa. Jus­ti­siai tukun­ga­pa kag­ta­pas­mi iachanga.  
\v 25 Paipa iuiai­pi ima tias­ka­ta­pas­mi iuia­ringa. Chi­wanka, Taita Dius­ta­mi kun­gu­rispa kumu­ringa, “Sutipa­mi Taita Dius kam­kuna­wa ka” nispa. 
\p  
\v 26 Nigpika, kam taita­kuna i mama­kuna sug­lla­pi tanda­riska ka­uraka, kasa ruran­gi­chi. Kam­pura sug­kuna ima suma kantu birsia­chu, ima iacha­chi­chu, ima muskui ukupi­sina Taita Dius kawa­chiska willa­chu, mana iachaska rimai­wa ima rima­chu, chi rimas­kaka ima ni­raias­kata iachaspa willachu: chasa ima ruras­pa­pas, tukui­kuna mas alli suma iuiai iuia­chi­na­kun­ga­pa ka­chu.  
\v 27 Mana iachaska rimai­wa rima­na­kug­pika, iskai u kimsa­kunallaka sug sug­lla suiu­manda­ta rima­chu­kuna. Chasa rima­na­kus­kata ima ni­raiagta iachan­ga­paka, sugka tiachu, uiaspa willan­ga­pa.  
\v 28 Chasa rima­na­kus­kata ima ni­raiagta ñi pipas mana willai pudig­pika, chi rimai­kuna­wa mana rima­na­kuchu. Kikin­manda­lla iuia­rispa, Taita Dius­lla­ta upa­lla rima­chu­kuna.  
\v 29 Chasa­lla­ta, Santu Ispí­ritu iuia­chis­kata willag­kunaka, iskai u kim­sa­kuna­lla willa­chu­kuna. Sug­kunaka, uiaspa, iuia­ri­chu­kuna: “¿Sutipa­cha Santu Ispí­ritu iuia­chis­kata willa­ku?”.  
\v 30 Chipi tia­na­kus­kata willa­ku­ura, Santu Ispí­ritu sug runata iuia­chig­pika, ñugpa willag­ka upa­lla kachu.  
\v 31 Chasaka, tukui­kuna­mi sug sug pudin­kan­gi­chi, Santu Ispí­ritu iuia­chis­kata willan­ga­pa; chi­wanka tukui­kuna, uiaspa, iachai­kuspa, sumag­lla pari­juma iuia­chi­na­kuspa kaug­san­ga­pa.  
\v 32 Santu Ispí­ritu iuia­chis­kata willa­kug pudin­mi, pai kikin rima­kus­kata upa­lla­chi­ringa.  
\v 33 Taita Diuska mana munan­chu, killa­chi­na­kui tian­ga­pa. Sumag­lla tukui­pi kaug­sa­na­kun­ga­pa­mi muná. 
\p Imasami Taita Dius­wa tukus­ka­kuna mai­pi­pas tanda­riska kas­kapi,  
\v 34 war­mi­kunaka upalla kan­kuna: chasa­lla­ta kam­kuna tanda­riska kas­ka­pi­pas upalla ka­chu­kuna. Mana pai­kunata sakiska kan­chu, tan­da­ris­ka­kunata riman­ga­pa. Pai­kunapa kusata suma uia­chu­kuna. Chasa­lla­ta­mi Moisés sakiska librupi willa­raiá.  
\v 35 Ima iachan­ga­pa munas­paka, kikin­pa kusata wasipi tapu­chu­kuna. Cristo­wa tukus­ka­kuna sug­lla­pi tanda­riska ka­ura, mana alli­lla kan­chu, war­mi­kuna riman­ga­pa. 
\p  
\v 36 Kasapas iuia­rii­chi: Dius­pa Rimaita willan­ga­paka, mana kam­kuna­wa kalla­rirkachu. Mana kam­kuna­manda­lla chaiarkachu.  
\v 37 Mai­kan­pas iuiachu: “Santu Ispí­ritu iuia­chis­kata willag u pai­wa iuiag­mi kani”: chi runaka, kasa iacha­pua­chu: Iaia Jesús kikin nis­ka­ta­mi nuka Pablo willa­na­kui­ki­chita.  
\v 38 Mai­kan­pas nuka ima willa­kus­kata mana munag­pika, pai­ta­pas­mi mana chaia­ku munan­ga­pa. 
\p  
\v 39 Chi­manda, taita­kuna i mama­kuna, muna­puai­chi, Santu Ispí­ritu iuia­chis­kata willan­ga­pa. Mana iachaska rimai­wa rimag­kuna­taka sakii­chi riman­ga­pa.  
\v 40 Tukuipi alli­lla ima­pi­pas suiu­manda­ta ima ruran­ga­pa chaias­kata rurai­chi. 
\c 15  
\s1 Jesu­cristo kaugsa­riska­manda 
\p  
\v 1 Taita­kuna i mama­kuna, Alli Willai timpu willas­ka­ta­mi iacha­chii­ki­chita. Chi Alli Willai­ta uias­paka, kunan­kama mana kunga­ris­pa­lla­mi kaug­sa­na­kun­gi­chi.  
\v 2 Chi Alli Willai­ta suma iuia­rispa­mi mana sakis­pa­lla kag­kuna kis­pi­chiska ni­raian­gi­chi. 
\p  
\v 3 Nuka kikin ñugpa iachai­kus­ka­ta­mi kam­kunata kasa iacha­chir­kai­ki­chita. Imasa ñugpa­manda libru­pi willa­raias­ka­sina­mi tukurka: Cris­toka, nukan­chipa pan­da­rii­kuna­manda­mi wañu­chii tukurka.  
\v 4 Wañus­kata pambaska kaspa, ikuti imasa ñug­pa­manda willa­ra­ias­ka­sina, kimsa pun­cha­pi­mi kaug­sa­rirka.  
\v 5 Ña kaug­sa­riska­ura­man­daka, Pedro­ta­si ñugpa kawa­rirka. Nis­paka, pai kikin chunga iskai agllas­ka­kuna­ta­pas­si kawa­rirka.  
\v 6 Chi­ura­mandaka, pichka patsa iali kati­raiag­kunata sug­lla­pi kas­ka­kuna­ta­pas­si kawa­rirka. Chi runa­kuna, mai­lla­kuna­mi wañuska kan­kuna. Cha­ra­mi sug­kunaka kaug­sa­nakú.  
\v 7 Chi­ura­mandaka, San­tia­go­ta­si kawa­rirka. Nis­paka, tukui pai kikin agllaska runa­kuna­ta­pas­si kawa­rirka. 
\p  
\v 8 Tukui­kuna­manda katimakar, nuka­ta­pas­mi kawa­ri­warka. Nuka sug sulluska tiag­samuska kag­sina­ta­pas­mi Jesús kawa­ri­warka.  
\v 9 Sug­kunata Cristo kikin agllas­ka­kuna­manda mas uchulla­sina­mi nuka kani. Taita Dius­wa kag­kunata nuka puchukan­ga­pa kalpa­chi­dur kag­manda, nuka mana iukar­ka­ni­chu, Cristo kikin agllaska runa tukug­samunga.  
\v 10 Chasa kag­pi­pas, Taita Dius nukata iapa kuia­wag­manda­mi kuna­ura Cristo kacha­muska kani. Taita Dius chasa kuia­waspa, tukui kara­was­ka­kuna mana ianga tukur­ka­chu. Tukui sug­kuna Cristo kachas­ka­kuna­manda mas­mi Alli Willai­ta willaspa puri­kuni. Chasa puris­pa­pas, nuka kikin­pa iuiai­lla­wa mana willa­ku­ni­chu. Taita Dius kikin nukata iapa kuia­waspa iuia­chi­wag­manda­mi chasa willaspa puri­kuni.  
\v 11 Nuka i sug­kuna Cristo kachas­ka­kuna willaska, chi­lla­ta­ta­mi tukui­kuna willan­chi. Chi willas­ka­ta­mi kam­kuna, uiaspa, suma iuia­rin­gi­chi. 
\s1 Wañuska­kuna, ikuti kaugsa­rin­ga­pa kaska­kuna­manda 
\p  
\v 12 Cristo wañuspa, kaugsa­riska kag­ta­mi nukan­chi willan­chi. Nig­pika, ¿ima­pa­tak kam­kuna­pura sug­kuna ni­nakú: “Wañus­ka­kuna mana mas kaugsa­rin­ga­pa kan­kuna­chu”?  
\v 13 Wañus­ka­kuna mana kaugsa­rin­ga­pa kag­pika, Cristo­paschar mana kaugsa­riska kan­tra.  
\v 14 Cristo mana kaugsa­riska kag­pika, nukan­chi Alli Willai­ta willaska iangachar kan­tra. Chasa­lla­ta kam­kuna­pas, iangachar paita iuia­rispa kan­tran­gi­chi.  
\v 15 Cristo mana kaugsa­riska kag­pika, nukan­chi nin­tran­chi: “Taita Diusmi Cristo­ta kaug­sa­chirka”; chasa nispa, Taita Dius­manda llu­lla­mi kan­tran­chi. Wañuska runa­kuna mana kaugsa­rin­ga­pa kag­pika, Taita Dius mana­char Cristota kaug­sa­chiska kan­tra.  
\v 16 Wañus­ka­kuna mana kaugsa­rin­ga­pa kagpi­kunaka, Cristo­pas­char mana kaugsa­riska kan­tra.  
\v 17 Cristo mana kaugsa­riska kag­pika, kam­kuna iangachar paita iuia­rispa kan­tran­gi­chi. Kam­kunapa pan­da­rii­kunata mana­ra­char anchu­chiska kan­tran­gi­chi.  
\v 18 Chasa­lla­ta Cristo­wa iuia­rispa wañus­ka­kuna­pas, dil­tudu­pa puchu­ka­ris­ka­char kan­tra­kuna.  
\v 19 Nukan­chi­pas, kai alpapi kaug­sa­na­kun­kama­lla Cris­tota iuia­rispa kag­pika, tukui­kuna­manda mas lla­kinga­sina­char kan­tran­chi. 
\p  
\v 20 Cristo, wañus­pa­pas, sutipa­mi kaugsa­rirka. Pai tukui­kuna­manda ñugpa kaugsa­riska­manda­mi sug wañus­ka­kuna­pas ikuti kaugsa­rin­ga­pa kan­kuna.  
\v 21 Imasa­mi sug­lla runa­manda kai alpapi wañui chaia­murka: chasa­lla­ta­mi, sug­lla runa wañuspa kaugsa­riska­manda, tukui wañus­ka­kuna kaugsa­rin­ga­pa kan­kuna.  
\v 22 Imasa­mi Adan­manda, tukui­kuna wañun­ga­pa ni­raian­chi: chasa­lla­ta­mi Cristo­manda, tukui­kuna kaug­sa­chii tukug­samun­ga­pa kan­chi. 
\p  
\v 23 Imasa kadaunta chaias­ka­sina­mi kaug­sa­chii tukun­ga­pa kan­chi. Cris­to­mi tukui­kuna­manda ñugpa kaugsa­rirka. Kipama, Cristo kai alpama ikuti samu­uraka, pai­wa tukuska kag­kuna­mi kaugsa­rin­ga­pa kan­chi.  
\v 24 Chi­ura­manda­mi puchu­ka­rii puncha chaia­mun­ga­pa ka. Chi­ura Cristoka, tukui mandag­kunata, tukui iachag­kunata i tukui jus­ti­siag­kunata anchu­chis­paka, pai kikin, tukui­pi mandag tukun­ga­pa ka. Tukui chi mandai­kuna­taka paipa Taita Dius­ta­mi iali­chin­ga­pa ka.  
\v 25 Pai Cristo, mandag­mi kan­ga­pa ka, “ima­ura tukui paita mana munag­kunata apag­rispa, paipa chaki saru­diru ukuma churan­kama”.  
\v 26 Tukui paita mana munag­kunata chasa rura­uraka, wañui­ta­pas­mi puchu­kan­ga­pa ka, mana mas wañui tian­ga­pa. 
\p  
\v 27 Taita Diusmi, tukui­kunata kun­gu­ri­chispa, paipa saru­diru uku­ma churarka. Chasa tukui­kunata chu­raska kag­pi­pas, kun­gu­ri­chig Taita Dius kikin­ka Cristo­pa ñugpa ladu mana kun­gu­rin­ga­pa kan­chu.  
\v 28 Cha­sa­paka, tukui­kuna Cris­tota kun­gu­ri­uraka, pai kikin Taita Dius­pa wam­bra­pas, paipa Taita Dius­pa ñugpa ladu­mi kun­gu­rin­ga­pa ka —Taita Dius­mi ka tukui­kunata Cris­topa ñugpa ladu kun­gu­ri­chig— chasa­waka Taita Dius, tukui­kunata tukuipi man­dag iaia kan­ga­pa. 
\p  
\v 29 Kasapas. Wañus­ka­kuna mana mas kaugsa­rin­ga­pa kag­pika, ¿ima­pa­tak sug­kuna, wañus­ka­kuna­pa kuinta baug­ti­sa­ri­nakú? Chasa baug­ti­sa­ris­paka, iangachar ruran­tra­kuna.  
\v 30 Nukan­chipas chasa­lla­ta mana ikuti kaugsa­rin­ga­pa kas­paka, ¿ima­pa­tak ima­ura­pas puri­na­kun­chi, wañu­chi­wan­ga­pa muna­na­kugta iuia­rispa?  
\v 31 Taita­kuna i mama­kuna, tukui puncha­kunami wañuita manchai­wa nuka puri­kuni. Imasa­mi kam­kuna nukan­chipa Iaia Jesu­cristo­wa tukus­ka­manda, nuka sutipa iapa alli iuia­chii­wa kani: chasa­lla­ta­mi sutipa kas­kata willa­na­kui­ki­chita.  
\v 32 Nukaka Cristo­manda Efeso pui­blu­pi rabiag sachu­ku­manda ani­mal­kuna­sina­wa maka­na­kur­ka­ni; kai alpapi tias­ka­kuna­lla­wa iuiaspa chasa maka­na­kug­pika, ñi imapa mana balig­sina­mi ka. Wañus­ka­kuna mana kaugsa­rin­ga­pa kag­pika, imasa­mi sug­kuna nin­kuna: “Mikuspa upiaspa kusi­ku­sun­chi; sug pun­cha­kuna ñami wañu­sun­chi”. 
\p  
\v 33 Mana panda­rin­gi­chi. “Mana alli­lla iacha­chig­kuna­wa kam­kuna sug­lla­pi tukug­pika, alli kaug­sai­ta­mi pai­kuna panda­chinga­kuna”.  
\v 34 Suma iuiai­wa tukug­samui­chi. Mana mas panda­rii­chi. Kam­kuna­pura sug­kunaka, Taita Dius­manda mana ima­pas iachan­gi­chi­chu. Kam­kunapa pingaipa kag­manda­mi chasa nii­ki­chita. 
\s1 Wañuska­kuna, imasa kaugsa­rin­ga­pa kaska­manda 
\p  
\v 35 Sug tapuchu: “Wañus­ka­kunaka, ¿imasatak kaugsa­rin­ga­pa kan­kuna? ¿Ima kuir­pu­watak tukug­samun­ga­pa kan­kuna?”.  
\v 36 Chasa tapugka, upa­sina­mi rimá. Kam tarpuska ima simi­lla­pas ismuska­ura­manda­mi, panga­kuna llugsispa, wiñai kallarí.  
\v 37 Ima­pas ña wiñaska atun­taka mana tarpungichu. Trigu u mai­kan simi­lla­ta­mi tarpungi.  
\v 38 Chi­ura­manda­mi Taita Diuska, pai imasa munas­ka­sina wiñachí; sug sug similla­kuna­mandaka sug rig­cha sug rig­cha­mi wiñá: chasa. 
\p  
\v 39 Tukui kuir­pu­kuna­pas, mana sug­lla rig­cha kawa­rin­kuna­chu. Cha­sa­paka, runa­kunapa kuir­puka, sug rig­cha­mi kawarí; animal­kunapa kuir­puka, ikuti sug rig­cha; pisku­kuna­paka, ikuti sug rig­cha; chalwa­kuna­paka, ikuti sug rig­cha.  
\v 40 Cha­sa­lla­ta, awa luarpi i kai alpapi kuir­pu­kuna tiag­pi­pas, awa luarpi tiag­kunaka, sug rig­cha­mi suma kan­kuna. Kai alpapi tiag­kunaka, ikuti sug rig­cha­mi suma kan­kuna.  
\v 41 Indika, sug rig­cha­mi suma pun­cha­iá. Killaka, ikuti sug rig­cha­mi suma pun­cha­iá. Istrilla­kunaka, ikuti sug rig­cha­mi suma pun­cha­ian­kuna. Istrilla­pura­pas, sug rig­cha sug rig­cha­mi suma pun­cha­ian­kuna. 
\p  
\v 42 Wañuska­kuna kaugsa­riipas, chasa­lla­ta­mi ka. Alpa ukuma pam­ba­raias­kaka ismun­mi. Ikuti kaug­sa­ris­kaka, mana mas ismun­ga­pa kan­chu.  
\v 43 Pamba­raias­kaka, millai­mi kawarí. Ikuti kaug­sa­ris­kaka, suma­iaska­mi kawa­rin­ga­pa ka. Pam­ba­ra­ias­kaka mana ima­pas pudin­chu kuiu­rin­ga­pa. Ikuti kaug­sa­rigka, tukui saludu i ani­mu­wa­mi kan­ga­pa ka.  
\v 44 Kai alpa­lla­ta ruraska kuir­pu­mi pam­ba­raiá. Ikuti chi kuirpu kaug­sa­ris­kaka, ispi­ri­tu­sina­mi sug luar­manda kan­ga­pa ka. Imasa­mi kai alpa­lla­ta ruraska kuirpu tia: chasa­lla­ta­mi ispi­ri­tu­sina sug luar­manda kuir­pu­pas tia. 
\p  
\v 45 Kasami ñugpa­manda librupi willa­raiá: 
\q1 Ñugpa ruraska runa, Adán suti, 
\q1 kaug­sai alma­wa­mi Taita Dius wiña­chirka. 
\m Ikuti Cristo kati­ma Adán ni­raiagka, dil­tudupa kaug­sai Ispí­ritu iukas­ka­ta­mi kara­mú.  
\v 46 Ispi­ri­tu­sina sug luar­manda kuirpu, mana ñugpa tukug­samuska kan­chu. Alpa­lla­ta ruraska kuir­pu­mi ñugpa ruraska ka. Chi­ura­man­da­mi ispi­ri­tu­sina sug luar­manda kuir­puka tukug­sa­mun­ga­pa ka.  
\v 47 Ñugpa runa alpata ruraska kag, kai alpa­man­da­lla­mi ka. Ikuti kati­ma Runa Tukuska tiag­sa­mus­kaka, suma luar­man­da­mi samurka.  
\v 48 Imasa­mi chi ñugpa runa, alpata ruraska karka: chasa­lla­ta­mi kai alpapi kaug­sag­kuna­pas, kai alpa­manda ni­raian­chi. Imasa­mi Cris­toka, suma luar­manda ni­raiá: chasa­lla­ta­mi nukan­chi­pas, pai­wa kaspa, suma luarpi pai­lla­wan­ta kag­rin­ga­pa kan­chi.  
\v 49 Imasa­mi nukan­chi, chi ñugpa runa alpata ruras­ka­sina rig­cha kan­chi: chasa­lla­ta­mi Cristo suma luar­manda ni­raiag­sina rig­cha­pas tukug­rin­ga­pa kan­chi. 
\p  
\v 50 Taita­kuna i mama­kuna, kasa­mi nii­ki­chita: nukan­chi kai kuir­pu­pi kaug­san­kama, manara pudin­chi­chu, Dius suma manda­kus­ka­pi kag­rin­ga­pa. Chasa­lla­ta, nukan­chi ismunga kuir­pupi kaug­san­kama, manara pudin­chi­chu, mana ima­ura­pas ismunga­sina karan­ga­pa tias­kata chaskig­rin­ga­pa.  
\v 51 Kuna­ura­mi pipas mana iachas­kata willan­ga­pa kai­ki­chita. Mana tukui­kuna wañun­ga­pa kan­chi­chu. Chasa kag­pi­pas, tukui­kuna­mi sug rig­cha kawa­ri tukug­sa­mun­ga­pa kan­chi.  
\v 52 Mana unai­lla, ñawich­ka­rig­lla­pi, katima bututu uia­rig­samu­ura­mi sug rigcha kawa­ri tukug­sa­mun­ga­pa kan­chi. Chi bututu uia­rig­lla­pi­mi wañus­ka­kuna kaug­sa­rii kalla­rin­ga­pa kan­kuna, ima­ura­pas mana mas wañun­ga­pa. Chi­ura­lla­ta­ta­mi nukan­chi sug rig­cha kawa­ri tukug­samun­ga­pa kan­chi.  
\v 53 Kai ismunga kuir­pu, ñi ima­ura­pas mana ismug­mi tukun­ga­pa ka. Chasa­lla­ta kai wañunga kuir­pu, ñi ima­ura­pas mana wañug­mi tukun­ga­pa ka. 
\p  
\v 54 Kai ismunga kuir­pu, mana ismug tukuska ka­ura, mana mas wañun­ga­pa; chi­urami ñugpa­manda librupi willa­raias­ka­sina pasa­rin­ga­pa ka, kasa nispa: 
\q1 Wañuita puchukas­paka, 
\q1 tukui binsig­samuskami ni­raiá. 
\q1  
\v 55 Kuna­ura, kam wañuika, 
\q1 ¿maipitak tia­pungi, 
\q1 kam binsin­ga­pa iuia­kuska? 
\q1 ¿Maipitak kam tugsispa wañu­chi­diru tia­pungi? 
\m  
\v 56 Nukan­chi panda­riska­kuna­man­da­mi wañuika tugsispa wañu­chig­sina tiag­samú. Moisés ima nis­kata nukan­chi mana alli­lla ruras­ka­man­da­mi panda­ris­ka­kuna ni­raian­chi.  
\v 57 Chasa kag­pi­pas, Taita Dius kikin­mi Iaia Jesu­cristo­wa pai­pa iapa iachaita nukan­chita kara­mú; chasa­waka, wañuita binsii pudin­ga­pa. Chi­manda, paita ni­sun­chi: “Pai Siñur”. 
\p  
\v 58 Chasa­manda, nuka­pa kuias­ka taita­kuna i mama­kuna, Iaia Jesus­wa suma iuia­rispa kan­gi­chi, mana kunga­ris­pa­lla. Pai ima kam­kunata ruran­ga­pa nis­kata ima­ura­pas mas animu­wa alli­lla ruraspa kan­gi­chi. Kasa­pas­mi kam­kuna alli­lla iachan­gi­chi: Iaia Jesus­wa tukuska kaspa, mana iangalla ruraspa kan­gi­chi­chu. 
\c 16  
\s1 Ministiska­kuna­manda kulki tanda­chiska­manda 
\p  
\v 1 Taita Dius­pa­lla kag­kuna­pag­ma kachan­ga­pa kulki tan­da­chin­ga­paka, ñami imasa Gala­sia alpapi Cristo­wa tukus­ka­kunata iacha­chir­kani: chasa­lla­ta­mi kam­kuna­pas iukan­gi­chi ruranga­kuna.  
\v 2 Tukui simana kalla­rii u dumingu puncha­kuna chaia­ura, mai­lla mai­lla­pas kulki ganas­kata waka­chin­gi­chi. Chasaka, nuka cha­iag­ri­ura, mana mañai iuka­sa­chu.  
\v 3 Nuka kam­kuna­pag­ma cha­iag­ris­paka, kam­kuna agllaska runa­kuna­ta­mi kar­ta­kuna­wa kacha­sa, kam­kuna karaska kul­ki­ta Jeru­salén pui­blu­ma apan­ga­pa.  
\v 4 Nukata rin­ga­pa chaia­wag­pika, pai­kuna nuka­wa­mi Jeru­sa­lenma ringa­kuna. 
\s1 Sugma sugma rin­ga­pa, San Pablo iuia­kuska­manda 
\p  
\v 5 Masedonia alpata ialig­rispa­mi kam­kuna­pagma chaiag­risa. Chaia­wa­kumi, Masedoniata ialig­rin­ga­pa.  
\v 6 Sug puncha­kuna u tamia ialin­kama­mi kam­kuna­wa kan­ga­pa chaia­wanga. Chi­ura­mandaka, kam­kuna pudin­kan­gi­chimi aida­wanga, nuka maima rii iukaska­ma chaiag­rin­ga­pa.  
\v 7 Nuka mana muna­ku­ni­chu, kam­kunata ñawi­wa kawas­pa­lla ialin­ga­pa. Iaia Jesús saki­wag­pika, muna­ku­nimi achka pun­cha­kuna kam­kuna­pag­pi una­ian­ga­pa.  
\v 8 Chasa muna­kus­pa­pas, Pen­te­cos­tés atun pun­cha­kama­mi kai Efeso pui­blu­pi chi­sian­ga­pa kani.  
\v 9 Suma alpa­sina tar­pun­ga­pa­mi kaipi tarir­ka­ni; cha­sa­pika, Alli Willai­ta nuka achka­kunata umapi tar­pug­sina willan­ga­pa. Nukata mana muna­wag­kuna­pas­mi achka­kuna kan­kuna. 
\p  
\v 10 Waugki Timoteo kam­kuna­pagma chaiag­rig­pika, suma kaiaspa chaski­puan­gi­chi; chasaka, kam­kuna­wa iacha­ridu­sina iuia­rispa kan­ga­pa. Paipas, nuka­sina Iaia Jesus­manda willag­mi ka.  
\v 11 Chi­manda, ñi pipas paita mana wasa chura­puan­gi­chi. Chasa­paka, paita aida­puan­gi­chi; chasaka, nuka­pag­ma sumag­lla chaiag­samun­ga­pa. Paita sug waugki­kuna­wan­ta­mi suia­kuni. 
\p  
\v 12 Waugki Apolos­taka sumag­lla­mi mañar­kani, sug waugki­kuna­wa kam­kuna­pagma richu. Chasa mañag­pi­pas, kuna­ura mana munar­ka­chu rin­ga­pa. Pai ima­ura pudi­ura­si kam­kuna­pagma chaian­ga­pa rin­ga­pa ka. 
\s1 Kaia­kama, niska­manda 
\p  
\v 13 Rigcha­raiag­sina kai­chi, kam­kuna Cristo­wa suma iuia­ris­kata mana sakis­pa­lla. Sin­chi saia­ris­ka­sina kai­chi, mana ñi ima­ta­pas man­cha­ris­pa­lla.  
\v 14 Tukui ima rura­na­kus­ka­pi­pas, suma kuiai­wa kuiaspa ruran­gi­chi. 
\p  
\v 15 Kam taita­kuna i mama­kuna iachan­gi­chimi, waugki Estefanaspa wasipi kaug­sag­kuna, Akaia alpapi tukui­manda ñugpa Alli Willai­ta sumag­lla chaskigta­kuna. Pai­kunaka, Taita Dius­pa­lla kag­kunata aidaspa­mi kaug­sa­nakú. Chi­manda­mi mañai­ki­chita:  
\v 16 pai­kunata sumag­lla uia­puai­chi; chasa­lla­ta, tukui pai­kuna­wa alli­lla rura­na­kus­ka­ta­pas. 
\p  
\v 17 Estéfanas, Fortunato i Akaiko nuka­pagma samus­ka­kuna­manda­mi iapa alli iuia­chiwá. Pai­kunata kawas­paka, kam­kuna karupi kas­kata kawa­kug­sina­mi iapa alli iuia­chi­wag­samurka.  
\v 18 Pai­kunaka, nuka­pa llakii­kunata anchu­chispa, sumag­lla­mi iuia­chi­wag­samur­ka­kuna. Chasa­lla­ta­mi kam­kuna­ta­pas sumag­lla iuia­chinga­kuna. Pai­kuna­taka iukan­gi­chimi, “Pai Siñur” nin­ga­kuna. 
\p  
\v 19 Asia alpapi Cristo­wa tukus­ka­kuna­mi kam­kunata: “Puangi” ni­nakú. Waugki Akila, war­mindi Priska i pai­kunapa wasipi sug­lla­pi tanda­rispa Cristo­wa tukus­ka­kuna­pas­mi, Iaia Jesus­manda iuia­ris­pa­lla, “Puangi” ni­nakú.  
\v 20 Tukui waug­ki­kuna i pani­kuna kaipi kag­kuna­pas­mi, “Puangi” ni­nakú. Kam kikin­pura Taita Dius­wa iuia­rispa mucha­na­kuspa, “Puangi” ni­na­kui­chi. 
\p  
\v 21 Nuka Pablo, nuka kikin­pa maki­wa­mi iskribiska, kai saludaita kachai­ki­chita. 
\p  
\v 22 Mai­kan­pas Iaia Jesusta mana kuiagka, maldisiska kachu. Nukan­chi­wa utkalla samui, Iaia Jesús. 
\p  
\v 23 Nukan­chipa Iaia Jesu­cristo, kam­kunata suma kuiai­wa kawa­puachu.  
\v 24 Tukui­kuna­ta­mi Jesu­cristo­wa sug­lla­pi kuiai­ki­chita.