\id PSA - Huli Bible [hui] -Papua New Guinea 2011 (web version -2013 bd) 
\h IBA GANA 
\toc1 Iba Gana 
\toc2 Iba Gana 
\toc3 Iba 
\mt1 Iba Gana  
\imt1 Mbuga ogoha gilibu ngarunaga nemandi ogo  
\ip Isaraele wali agalime Ngode Datagaliwabe mitangi bialu iba gana lolenebi ibuhondo bi lolenebi mbuga ogoniha gilibu winigo nga. Tigua Yarusalemeha ngoai holene wiangi harigani pialu howa iba gana lagabi Anduane Homogonaga andaha lotu lalu howa iba gana lagabi hene. Wali agalime turu howabi genda howabi iba gana lalu haga hene. Mali mbiraore ndo mali dewaore howa wali agali maru hearume iba gana gilibu yu ngoai howa mbuga mbiraoreni gilibu winigo nga. Iba gana tara tara gilibu ngaru Ngode Datagaliwabehondo iba gana lolenebi ibuhondo bi lolenebi uru.  
\ib  
\ip Ngode Datagaliwabenaga mini yaraga halu lolenebi  
\ip Ko birimaru lapani halu domabe lolenebi  
\ip Kini gahenge dabobagi helolene horongi bi lolenebi  
\ip Ina gi ho kamangi mamage holenagabi mini dunubia holenenagabi bi lolenebi  
\ip Turu howa ka̱i̱ lolenebi  
\ip Waitigi ibiragola pani mulenaga bi lolenebi  
\ip Wali agalime mana bayaleore mo tene holenaga bi lolenebi uruni nga.  
\ib  
\ip Iba gana uruni ina dindi holene hariga baya gibiore walia halu mo hongo haga nga. Yasuhanda iba gana mbuga ogoniha howa mana lawai haga hene. Keriso hamewaneigini pigane henerumebi hama ibalu áyu kamarumebi iba gana mbuga ogoni mo tene halu laga henego kama.  
\ip Ngode Datagaliwabehondo iba gana lolenebi bi lolenebi gilibu ngaruni ina wali agalime lolenenaga lo nga. Ina kamagoria horo marungi keba holene wialu horo marungi turu holene wiaga. Horo marungi wandari igiri bayale hongohe holene wialu horo marungi wali agali wahe holene horo wigi biaga. Iba gana mbugani howabi gilibu ngago wali agali holene áyu kamagoria ngolo be lo nga. Iba gana urunime Ngode Datagaliwabenaga wali agali bamba heneru biamogo bialu mini mo hongo hama ibaho winigo áyu inabi ogonidagua dege biaga.  
\iot Bu̱lu̱ baga buwa kuni gilibu ngago  
\ip Mbuga ogoniha iba gana mbira mbira lamaga halu handari mbirani pira duria (150) gilibu nga. Uruni tale buwa wabuni duria tu urubi wigi bida.  
\io1 Mbuga Mbira  
\io1 Iba Gana 1-41  
\io1 Mbuga Mende  
\io1 Iba Gana 42-72  
\io1 Mbuga Tebone  
\io1 Iba Gana 73-89  
\io1 Mbuga Mane  
\io1 Iba Gana 90-106  
\io1 Mbuga Dauni  
\io1 Iba Gana 107-150  
\c 1  
\ms1 Mbuga Mbira  
\mr (Iba Gana 1-41)  
\s1 Turu henene holenenaga ogo  
\q1
\v 1 Mbirali mana ko biaga karume ko bia larago hale halu nabiagabi\x + \xo 1.1 \xt Iba 26.4, Min 14.15, Yar 15.17\x*  
\q1 tigua ko biradagua nabiagabi  
\q1 Ngode Datagaliwabe deni habane nabuleneme mege bialu bedagoria nabiragabi kago  
\q2 ibu turu ho ka.   
\q1
\v 2 Ani nabi ibugua Anduane Homogohanda bi ledadagua bulenegoha  
\q1 turu holene ngaria handa walia howa  
\q2 mbiraga horombebi daga lalu mitangi biaabo haga ka.\x + \xo 1.2 \xt Yos 1.8, Iba 119.1, 119.35, 119.47, 119.92\x*   
\q1
\v 3 Ira iba angeni bu karu anda halu  
\q2 lini dolenengi dalu  
\q2 yuniru gau nalagadagua  
\q1 ibugua mbirale bigi birago bayale haga bulebira.\x + \xo 1.3 \xt Ais 3.10, Yar 17.8, Ese 47.12\x*   
\b  
\q1
\v 4 Ai ko biaga kago ibu ogonibi ndo ka.  
\q2 Ibu puyabume abalu hilu yalu piaganego ale ka.   
\q1
\v 5 Ani bidago Ngode Datagaliwabehanda godi larangi  
\q2 ko biaga karu tí koore biaga kamigoni lalu  
\q1 ibuninaga wali agali karu heba mandagi habe nahedagola  
\q1 ti dabo bagi holebira.   
\q1
\v 6 Mini tigabiwi karu Anduane Homogohanda ti haru howa mamage haga.\x + \xo 1.6 \xt Nah 1.7, Yo 10.14, 2 Ti 2.19\x*  
\q2 Ko biaga karume hariga pialu karu homoleneni tagira pole pora.   
\c 2  
\s1 Ngode Datagaliwabehanda Kini Dabo helenego ogo  
\q1
\v 1 Hameigini tara tara palu ngarume\x + \xo 2.1 \xt Iba 46.6\x*\x + \xo 2.1 \xt Ab 4.25-26\x*  
\q2 handabe manga hami̱ya lalu lo manda bialu kago aginagabe.  
\q1 Wali agali urunime aguaore bami̱ya lalu ndi nde lalu karu irane aginagabe.   
\q1
\v 2 Anduane Homogohondobi mbirali kini helo ibugua dabayagohondobi  
\q2 wali agali tinaga kinirume wai bule manda bu ka.  
\q1 Haru hagarumebi mandagi mo mogobu biruwa handabe manga halu ti hoba mialu kagoni.   
\q1
\v 3 Wali agali o biarume lalu,  
\q1 Libugua ina haru hole dariba hayago hado wahami̱ya, lalu ka.  
\q2 Libugua ina haru nahelo yu wahami̱ya, lalu ka.   
\b  
\q1
\v 4 Anidagua lalu kagoni.\x + \xo 2.4 \xt Iba 37.13, 59.8, Min 1.26\x*  
\q2 Anduane Homogo ibu dahuliya andaga ibuninaga dagiani handadaliho biruwa  
\q2 ti hondo oba halu ka.  
\q1 Tigua ni lo manda biraruni  
\q2 bame de gangabi henene halu buluba ndodagola  
\q2 ibugua mo yo hondo ka.   
\q1
\v 5 Ani bialu ti bayale bidabani keba holeneme  
\q2 ti mini wilo mo gi halu ka.   
\q1
\v 6 Ibugua keba howa lalu,  
\q1 I̱naga Hari Saiono loma bini ngagoria  
\q2 i̱naga kini ibu ogoriani tagira íbu heledo, lene.   
\b  
\q1
\v 7 Kini ogoni ibugua agua lolebira.\x + \xo 2.7 \xt Ab 13.33, Hi 1.5, 5.5\x*  
\q1 Anduane Homogohanda ledadagua latagi halu larogo.  
\q2 Ibugua i̱hondo lalu, Í̠ i̱ igini kegoni.  
\q2 Áyu i̱ í̠ aba harogoni.   
\q1
\v 8 Wali agali hameigini tara tara palu ngaru bibahende\x + \xo 2.8 \xt Iba 72.8, Dan 7.13-14, Yo 17.4-5\x*  
\q2 i̱na haru hoabe lariyagua ani bia lolebero.  
\q1 Dindi bibahendebi mbirale bibahende ngarunibi  
\q2 í̠naga dege holebira.   
\q1
\v 9 Uruni bibahende í̠na kangome bo podolebere.\x + \xo 2.9 \xt Iba 89.23, Mo 2.26-27, 12.5, 19.15\x*  
\q1 Mbodoli be gingiru laradagua  
\q2 bibahende bo gingirulo paya paya bulebere.   
\b  
\q1
\v 10 Bi hiriribi urunibi lene ngago manda buwa  
\q2 dindini kini harimidaru tíni tiga bialu halimu.  
\q1 Haru haga bibahende harimidaru tíbi hale halu bayuwa manda bilimu.   
\q1
\v 11-12 Gi howa Anduane Homogonaga biabe bialu halimu.\x + \xo 2.11-12 \xt Pb 2.12, Hi 12.28\x*\x + \xo 2.11-12 \xt Yo 5.23, 1 Pi 2.6\x*  
\q1 Duru lalu ma podope halu ibu igini mitangi bialu lotu lalimu.  
\q1 Ibu abale keba haragola tí homo tongolodaga holigo  
\q2 tí mini wialu ogonidagua bilimu.  
\q1 Ibuha mo humbi howa ha do ho karu ti turubioreni ka.   
\c 3  
\s1 Debidi ibu mo hongo helo egerebagi Anduane Homogohondo bi lenego ogo  
\q1
\v 1 Anduane Homogo-o i̱naga waitigi dewaore bu kagoni.\x + \xo 3.1 \xt 2 Sml 15.13–17.22\x*  
\q1 Tigua i̱ bole manda mandabu kagoni.   
\q1
\v 2 Tigua i̱ lo guralu howa lalu,  
\q2 Ngode Datagaliwabehanda í̠ biamogo nabulebira, lalu ka.   
\b  
\q1
\v 3 Ti ani laragoyu Anduane Homogo-o í̠ i̱naga wai humbi ale howa\x + \xo 3.3 \xt Iba 62.7\x*  
\q2 i̱ ho hangai haga kegoni.  
\q1 Í̠nime i̱ wayali holiya biamogo biaga ke.  
\q1 Í̠nime i̱naga genda bu ngago mo wahalu  
\q2 i̱ mo hongo haga kegoni.   
\q1
\v 4 I̱na Anduane Homogohondo, I̱ biamogo bia, lalu olaruli.\x + \xo 3.4 \xt Iba 4.3, 43.3\x*  
\q1 Ibuninaga hari loma biahene biagoria howa  
\q2 ibugua i̱na bi larogo ladai biaga ka.   
\b  
\q1
\v 5 Mbiraga i̱ paliahondo kogola  
\q2 Anduane Homogohanda i̱ handayaho haga ka.   
\q1
\v 6 Ami agali daosini pira agimame (10,000) i̱ ho hagira biragola\x + \xo 3.6 \xt Iba 23.4, 27.3, 118.10-13\x*  
\q2 i̱na ti hondowa gi naholebero.   
\b  
\q1
\v 7 Anduane Homogo-o í̠ ibabe.\x + \xo 3.7 \xt Yob 16.10, Iba 22.21, 57.4, 58.6\x*  
\q1 I̱naga Ngode Datagaliwabe-o i̱ biamogo bule ibabe.  
\q1 I̱naga waitigi karu baba wai biaga í̠ kegoni.  
\q1 Agali ko karume i̱ mo ko nahelo  
\q2 tinaga ne bo hondaga kegoni.   
\q1
\v 8 Anduane Homogo í̠ni hangume í̠naga wali agali karu haru dai biaga kegoni.\x + \xo 3.8 \xt Iba 28.8, 29.11\x*  
\q2 Ti bayale helo í̠na biamogo bibelo hamelo ko.   
\c 4  
\s1 Debidi ibuni mo hongo helo mbiraga bi lenego ogo  
\q1
\v 1 Ngode Datagaliwabe-o í̠na i̱ mo wayali haga kegoni.\x + \xo 4.1 \xt Iba 17.6, 18.6, 18.18-19\x*  
\q2 I̱na í̠ olarogola í̠na i̱naga bi larogo hale habe.  
\q1 Bamba i̱naga miniha genda yu hewagola  
\q2 í̠na i̱naga genda mo wahai harigoni.  
\q1 Í̠na áyubi i̱ dara holene irane nawini howa  
\q2 i̱naga bi hale halu biamogo bibe.   
\b  
\q1
\v 2 Agali bu kamiru tígua i̱naga mini mo ko haga bialu  
\q2 horo agiru holeberemibe.  
\q1 Ko ngaru hangu mo tene halu  
\q2 mana henene bulene ngaru nabi  
\q2 horo agiru holeberemibe.   
\b  
\q1
\v 3 Tígua bi ogoninaga irane manda bilimu.\x + \xo 4.3 \xt Iba 6.8-9, 50.5, 135.4\x*  
\q1 Wali agali Anduane Homogonaga andaneha haga karu  
\q2 ti ibuninagaore helo dabene ka.  
\q1 Horo bibahendengi i̱na ibuhondo olalu haabo kogola  
\q2 ibugua i̱na olarogo hale haga ka.   
\b  
\q1
\v 4 Tígua mana ko bialu kamigo wahalu\x + \xo 4.4 \xt Iba 77.6, 119.11, Eb 4.26\x*  
\q2 Anduane Homogohondo gi ho holene nga.  
\q1 Tígua dagiani paluwa bi maru nale  
\q2 mana ogoni baya hangu manda bilimu.   
\q1
\v 5 Tígua Anduane Homogo ibugua hame laga aleru ibunihondo lomabu milimu.\x + \xo 4.5 \xt Man 33.19, Iba 51.19, 62.8\x*  
\q2 Ibunihondo tí mini mbiraore wu halimu.   
\b  
\q1
\v 6 Wali agali dewalime lalu,\x + \xo 4.6 \xt Dag 6.26, Yob 7.7, 9.25\x*  
\q2 Anduane Homogo-o í̠naga mo bayale holene ngibelo.  
\q2 Í̠na ina dara halu biamogo bibelo hamelo kama, lalu lagane ka.   
\q1
\v 7 Tomo widi \w gerebi\w* liniru dewa andaho kagola\x + \xo 4.7 \xt Iba 97.11-12, 119.14, 119.72\x*  
\q2 mabu anduane karume ti turuho haga.  
\q1 Anigoyu í̠na i̱ha turu holene wia harigome  
\q2 tinaga turu holene bolangua heneore ngirigoni.   
\b  
\q1
\v 8 Anduane Homogo-o í̠nimeore i̱ handayaho kegome\x + \xo 4.8 \xt Yob 11.19, Iba 16.9\x* i̱ bayaleore kogoni.  
\q2 I̱ dagiani palialu howa mbirale mbirahondo gi nahe  
\q2 miniha dungulo howa paliahondo haruli.   
\c 5  
\s1 Anduane Homogohanda ibu handayaho helonaga bi lenego ogo  
\q1
\v 1 Anduane Homogo-o i̱na gendaore howa  
\q2 í̠hondo bi larogo hale habe.   
\q1
\v 2 I̱naga Ngode Datagaliwabebi Kinibi í̠ni hanguore kego mitangi bialu  
\q2 í̠na i̱ biamogo bibelo í̠hondo bi ogoni larogo bayuwa hale habe.\x + \xo 5.2 \xt Iba 3.4, 65.2\x*   
\q1
\v 3 Anduane Homogo-o egerebagi bibahendengi i̱na í̠hondo bi laruli.\x + \xo 5.3 \xt Iba 30.5, 88.13, 130.6\x*  
\q2 Ni dolene tu haragolabi i̱na í̠hondo bi laabo haruli.  
\q1 I̱na bi larugo ladai bibelo i̱ hondo kogoni.   
\b  
\q1
\v 4 Ngode Datagaliwabe-o wali agalime mana ko birago hondowa  
\q2 í̠na turu nahagaore kegoni.  
\q1 Wali agali mana ko biaabo haga karu  
\q2 ti í̠ kegoria haparaho habe naheore ka.   
\q1
\v 5 Wali agali mine haga bu karu\x + \xo 5.5 \xt Hab 1.13\x*  
\q2 ti í̠naga deni helo turu nahaga ke.  
\q1 Wali agali ko biaga karu  
\q2 tihondo handabe manga haga ke.   
\q1
\v 6 Wali agali ke̱ howa bi laga karu\x + \xo 5.6 \xt Iba 55.23, Mo 21.8\x*  
\q2 í̠na ti bo wahaga ke.  
\q1 Darama hangu noa haga karubi  
\q2 bi nagalone ngago lo payapaya biaga karubi  
\q1 í̠na urunihondo handabe manga haga kegoni.   
\b  
\q1
\v 7 Í̠na i̱hondo gubalini timbuni ho kegonaga\x + \xo 5.7 \xt 1 Kin 8.29-30, Iba 132.7, 138.2\x*  
\q2 i̱na í̠naga anda kegoha ibulebero.  
\q1 Í̠naga anda loma biahene kagoria howa  
\q2 i̱na ge duli hangaho biruwa  
\q2 í̠ mitangi bialu lotu lalu birulebero.   
\q1
\v 8 Anduane Homogo-o i̱naga waitigi dewaore kagonigo\x + \xo 5.8 \xt Iba 24.4-5, 27.11\x*  
\q2 i̱na í̠naga bi mana bayale ngagoria talialu holiya  
\q2 í̠na i̱ haru habe.  
\q1 I̱ ibagabu kogoha í̠na hariga bayale tigabi ngago mo walia habe.   
\b  
\q1
\v 9 I̱naga waitigi bu karu tiha henene lolenego nawi howa\x + \xo 5.9 \xt Iba 62.4, Lg 11.44, Lm 3.13\x*  
\q2 tigua agali ta nabi karu bo waholene hangu manda bu kagoni.  
\q1 Tinaga ne hariga homaliha homa ngu ale bialu helo howa  
\q2 tigua agali maru karu mana ko bulene ngago bilo  
\q2 bime ladebodebo biaga ka.   
\q1
\v 10 Ngode Datagaliwabe-o í̠na agali uruni tini ko biragonaga\x + \xo 5.10 \xt 2 Sml 15.31, 17.14, 17.23\x* pani nelo mibe.  
\q2 Tinaga mini wu kago mo wahabe.  
\q1 Tigua í̠ handabe manga howa mana ko ngaru bialu kago  
\q2 agali ko uruni ti í̠ kegoha nahelo  
\q2 kaundiaha bo batagi ho helabe.   
\b  
\q1
\v 11 Wali agali maru í̠na ti handayaho habelo haga karume\x + \xo 5.11 \xt Ais 65.13\x*  
\q2 ti turu timbuniore ho holebira.  
\q1 Tinaga bu miniha turu holene to̱lai ho howa  
\q2 tigua iba gana turu halu lolebira.  
\q1 Í̠na wali agali í̠ gubalini haga karu  
\q2 ti baya hangu handayaho habe.  
\q1 Tigua í̠ bayale kegonaga turu timbuni ho howa  
\q2 í̠naga mini yaraga holebira.   
\q1
\v 12 Anduane Homogo-o wali agali í̠naga bi mana taluwa bialu haga karu\x + \xo 5.12 \xt Iba 115.13\x*  
\q2 tihondo mana bayale biaga kegoni.  
\q1 Í̠naga gubalini holeneme wai humbi ale howa  
\q2 ti ho ge haga kegoni.   
\c 6  
\s1 Genda íbu wiagola biamogo bilo Anduane Homogohondo bi lenego ogo  
\q1
\v 1 Anduane Homogo-o í̠naga keba ho kegome\x + \xo 6.1 \xt Iba 38.1, Yar 10.24\x*  
\q2 i̱hondo keba nahabe.  
\q1 Í̠ miniha keba ho kegonigo  
\q2 i̱ pani nolene na mo ngibe.   
\q1
\v 2 Anduane Homogo-o i̱ hongo nahe kogo\x + \xo 6.2 \xt Iba 41.4, Hos 6.1\x*  
\q2 í̠na i̱ dara howa biamogo bibe.  
\q1 I̱naga hongo biba halu ereba hayago  
\q2 í̠nime i̱ lone mo hongo habe.   
\q1
\v 3 I̱ miniha genda timbuniore ho kogo  
\q2 Anduane Homogo-o ai agua bidebe.  
\q1 I̱ genda yu agiru holiya karulapedabe.\x + \xo 6.3 \xt Iba 90.13\x*   
\b  
\q1
\v 4 Anduane Homogo-o í̠na i̱ biamogo bialu gi mibe.  
\q2 I̱ nahomoliya í̠na dara howa abale pele ngibe.   
\q1
\v 5 Homene dindiha karume í̠ mitangi nabiagaya\x + \xo 6.5 \xt Iba 88.11, 118.17, Ais 38.18\x*  
\q1 Tini haga haga bidagoha howa  
\q2 í̠naga mini yaraga nahagaya.   
\b  
\q1
\v 6 I̱na olalu haabo kogola  
\q2 i̱naga hongo biba hai haya.  
\q1 Mbiraga bibahendengi i̱naga de ibame dagia goba ho wiaga.  
\q1 I̱na dugu bialu haabo kogola  
\q2 i̱naga haguanda de ibame goba ka.   
\q1
\v 7 I̱naga waitigi dewaore bu kagola\x + \xo 6.7 \xt Yob 17.7, Iba 38.10, Dug 5.17\x*  
\q2 i̱na dugu bialu haabo kogome  
\q2 i̱naga de to howa mbirale mbira bayuwa handabe nahe kogoni.   
\b  
\q1
\v 8 Anduane Homogo ibugua i̱na dugu berogo hale ho kagoni.\x + \xo 6.8 \xt Iba 119.115, Md 7.23, Lg 13.27\x*  
\q1 Wali agali mana ko biaga kamiru  
\q2 tí i̱ kogoria hapara nahe purogo ladaba.   
\q1
\v 9 I̱na Anduane Homogo olalu i̱ biamogo bia larogola  
\q2 ibugua hale halu i̱ biamogo biaga ka.   
\q1
\v 10 I̱naga waitigi bu karu  
\q2 ti genda timbuni yu holebira.  
\q1 Gi timbuniore howa ti taga timbuni ho holebira.  
\q1 Tigua i̱ abale yu wahalu puwa  
\q2 tini pu luluya hama ibaga bulebira.   
\c 7  
\s1 Debidi ibu genda yu howa Anduane Homogohondo bi laminigo ogo  
\q1
\v 1 Anduane Homogo i̱naga Ngode Datagaliwabe-o\x + \xo 7.1 \xt Iba 31.1, 31.15, 71.1\x*  
\q2 waitigi bu karume i̱ handa walia nahelo  
\q2 í̠niha ha do hole eberogoni.  
\q1 Agali i̱ minule talima ibalu karume  
\q2 i̱ bo wa nahelo biamogo bialu  
\q2 i̱ mo ko nahelo í̠na i̱ pele ngibe.   
\q1
\v 2 Laiono gabuame wali agali bo budabaga biagadagua  
\q2 i̱naga waitigi karume i̱ bo budabagabu waholani.  
\q1 Tigua dindi ko mbirali i̱ biamogo bulene nahe ngagoha  
\q2 minu waholigo i̱ pele ngibe.   
\b  
\q1
\v 3 Anduane Homogo i̱naga Ngode Datagaliwabe-o\x + \xo 7.3 \xt 1 Sml 24.11\x*  
\q2 i̱ha biako hene mbira wiaguabi  
\q2 i̱na mbirali kagohondo ko mbira bini wiaguabi   
\q2
\v 4 i̱na i̱naga nenege mendeali kago ndelene wiaguabi\x + \xo 7.4 \xt 1 Sml 24.7, 26.7, Iba 109.4-5\x*  
\q2 waitigi karuhondo bame ko biaede hene wiaguabi  
\q1 urunidagua i̱na bini wiagua nde   
\q2
\v 5 waitigime i̱ minilo wahabe laro.  
\q1 Tigua i̱ bo hengedo wahalu  
\q2 i̱naga tingini bo budabaga bialu  
\q2 dindini bame baa̱i̱ halu pelo wahabe.   
\b  
\q1
\v 6 Anduane Homogo-o í̠nime keba howa heyabelo hamelo ko.\x + \xo 7.6 \xt Iba 35.23, 94.2, 138.7\x*  
\q1 I̱naga waitigime i̱la wai hongo howa bialu karu  
\q2 ti mo ko halu bai habe.  
\q1 Í̠na mana tigabi hangu biaga kegoni ndobe.  
\q1 Ani kego ai í̠na abale ibalu i̱ biamogo bibe.   
\q1
\v 7 Í̠ni dahuliya andaga biragane dagia ngegoriani biruwa\x + \xo 7.7 \xt Iba 22.27\x*  
\q2 í̠na wali agali bibahende karu í̠ni kegoha mo ngoai halu  
\q2 handame ho habe.   
\q1
\v 8 Anduane Homogo-o í̠na wali agali bibahendeme mana ko birago mo tale bialu dabaga ke.\x + \xo 7.8 \xt Iba 26.1, 43.1, 98.9\x*  
\q1 I̱na mana bayale tigabi wiago bialu haabo halu harugo manda buwa  
\q2 í̠nime i̱ dababe.   
\q1
\v 9 Ngode Datagaliwabe-o í̠ bayale tigabi biaga kegoni.\x + \xo 7.9 \xt Iba 34.21, 40.2, 94.23, Mo 2.23\x*  
\q1 Í̠na wali agali bibahendenaga bu miniha manda buwa  
\q2 mo tale bialu dabaki biaga kegoni.  
\q1 Wali agali mini kowi karume mana ko biraru  
\q2 í̠nime mo wahai habe.  
\q1 Dabaki bialu wali agali tigabi karu ti bayale helo  
\q2 í̠na ti biamogo bigi bibe.   
\b  
\q1
\v 10 Ngode Datagaliwabe ibu i̱naga haru hagaore kagoni.\x + \xo 7.10 \xt Iba 18.2, 18.30, 97.10-11\x*  
\q2 Ibugua wali agali mana tigabi biaga karu biamogo biaga kagoni.   
\q1
\v 11 Ngode Datagaliwabe ibu mana tigabi ngadagua\x + \xo 7.11 \xt Iba 50.6, 90.9\x*  
\q2 tigatigaore mo tale bialu dabaga ka.  
\q1 Wali agali mana ko biaga karu  
\q2 ibugua ti bope haabo haga ka.   
\q1
\v 12 Wali agali ko biaga karu tigua mana ko wahai halu\x + \xo 7.12 \xt Man 32.41-42, Iba 64.7\x*  
\q2 mini beregeda nabi heagua nde  
\q1 Ngode Datagaliwabe ibugua ibunaga wai biagane ayu tibu baya hangu nage wialu ne holebira.  
\q1 Ibugua ibunaga danda ngago wai bule  
\q2 manda manda bu wulebira.   
\q1
\v 13 Ibugua wali agali uruni bo waholenaga\x + \xo 7.13 \xt Iba 18.14, 45.5\x*  
\q2 manda manda bialu timu edaho kagoni.   
\b  
\q1
\v 14 Wali agali ko biaga karume ogobi ka manda bidaba.\x + \xo 7.14 \xt Yob 15.35, Ais 59.4, Ya 1.15\x*  
\q1 Tigua mana ko ngaru bulenaga buleore lalu  
\q2 miniha hongo haga ka.  
\q1 Tigua mana ko ngaru hangu bialu haabo holenaga  
\q2 ke̱ haabo haga kagoni.   
\q1
\v 15 Agali mende kago minule lowa\x + \xo 7.15 \xt Iba 57.6\x*  
\q2 gundu uli tombo wu haga ka.  
\q1 Uli ogoni tombo wu kagoha  
\q2 tini pu aribia holebira.   
\q1
\v 16 Anidagua dege ko tigua biyagome  
\q2 tiniha wiadambi hai holebira.  
\q1 Agali mende kagola keba howa lai lalu gungu bule mandabu heagua nde  
\q2 o biagohondo bule mandabu kago tiniha biadai bulebira.\x + \xo 7.16 \xt Iba 140.9-11\x*   
\b  
\q1
\v 17 Anduane Homogo ibugua tigabiore bialu haabo haga kagonaga  
\q2 i̱na ibuhondo ka̱i̱ lalu ko.  
\q1 Anduane Homogo Daligaorene Daliga kagonaga mini yaraga halu  
\q2 i̱na iba gana bayaleru laga bialu holebero.   
\c 8  
\s1 Ngode Datagaliwabe ibuni daligaore gibi howa wali agalibi daliga dege helo wabinigo ogo  
\q1
\v 1 Anduane Homogo inanaga Anduane-o\x + \xo 8.1 \xt Iba 113.4, 148.13\x*  
\q1 wali agali dindi bibahendeni bu karume  
\q2 í̠ hongohe gibiore panigi ke lowa manda biai kagoni ndobe.  
\q1 Mbirale í̠nime wabiriru bibahendeme í̠naga mini mo yaraga haragoni ibalu  
\q2 dahuliya andaga í̠ni kegoria anda ibirane hale ho kegoni.   
\q1
\v 2 Wandari igiri emenemebi gali andu nalu karumebi heba\x + \xo 8.2 \xt Iba 44.16, Md 21.16, 1 Ko 1.27\x*  
\q2 í̠naga mini dege yaraga halu iba gana lo ngialu kagoni.  
\q1 Í̠naga waitigi karu í̠ kegoria naanda ibilonaga  
\q2 wai pabe ndo gibiorego payatagi howa í̠ni handatagi ho kegoni.  
\q1 Mbirali mbirame í̠na bigi berego ha hangai halu  
\q2 í̠la waitigi hole manda biyagua ogoni bulilono hapai haga kegoni.   
\b  
\q1
\v 3 I̱na hari daliga í̠na wabini li kagoni de handadaga howa handarogola\x + \xo 8.3 \xt Iba 111.2\x*  
\q2 egebi yakundibi li bu karubi helo  
\q2 í̠nime helenedagoriaore li bu karia hendedogoni.   
\q1
\v 4 Ani hondowa nde mitangi bialu koria\x + \xo 8.4 \xt Yob 7.17-18, Iba 144.3, Hi 2.6-8\x*  
\q2 ai ina wali agali nde emene ko bameore handini o bu kamarunidago  
\q2 í̠na mitangi halu handayaho habe nahego  
\q1 nde agiorenaga ina mitangiho haruadabe lo manda bigi biruli.   
\q1
\v 5 Nde abule emene bame ogonibiore kamagoni manda buwa dege  
\q2 ina wali agali í̠ni ale degegoyu  
\q2 ina emeneore nira holoma̱ya wabu heledegoni.  
\q1 Ani wabu helowa í̠ninaga wá holenemebi mini yaraga holenemebi  
\q2 í̠nani manda karulo haradagua karulaho heledegoni.   
\q1
\v 6 Ina wali agalime í̠na mbirale bibahende wabini dameneru\x + \xo 8.6 \xt Pig 1.26-28, 1 Ko 15.27, Eb 1.22, Hi 2.8\x*  
\q2 hondo halu ina haguane holoma̱ya heledegoni.   
\q1
\v 7 Nogo sibi bulumagabi hinini damenego bibahendebi  
\q2 gabua tagiraha haga damene bibahendebi   
\q2
\v 8 ega damene bibahendebi wenabi ibaha biraga damene bibahendeorebi  
\q1 uruni bibahendeore wali agalime hondo hai helo heledegoni.   
\b  
\q1
\v 9 Nde aniore bidegome Anduane Homogo inanaga Anduane-o í̠naga hongo holene gibiorehe panigi ke lowa  
\q2 wali agali dindi bibahendeni karume manda biaho kagoni ndobe.   
\c 9  
\s1 Anduane Homogo ibuni tigabi biaga kagonaga ka̱i̱ lenego ogo  
\q1
\v 1 Anduane Homogo-o i̱naga bu miniha  
\q2 i̱na í̠hondo ka̱i̱ timbuniore lo kogoni.  
\q1 Í̠na baya taraore bialu harigonaga  
\q2 i̱na wali agali bu karu lamigi bulebero.   
\q1
\v 2 I̱na í̠ mitangi bialu turu ho holebero.\x + \xo 9.2 \xt Iba 5.11, 83.18\x*  
\q1 Anduane Homogo Daligaorene Daliga kego  
\q2 i̱na í̠ mini yaraga halu iba gana lolebero.   
\b  
\q1
\v 3 Agali i̱ baba waitigi hayaru í̠ de handalu ti ibida piai haya.  
\q2 Ti pilalu homai haya.   
\q1
\v 4 Í̠na dabagane dagiani biruwa mana mo tale biagadagua  
\q2 tigatiga hangu mo tale biaga kegoni.  
\q1 I̱na bialu hewaru hondowa í̠na mo tale bialu heria  
\q2 i̱ tigabi bolanguahe hewaria handari.   
\b  
\q1
\v 5 Wali agali í̠ mitangi nahaga hearu í̠na ti mo dabaki harigoni.\x + \xo 9.5 \xt Man 9.14, Min 10.7\x*  
\q1 Wali agali ko biaga  
\q2 o biaru ti abogo ogoria hene lalu mani te mbira nalelo  
\q2 í̠na bo wahai harigoni.   
\q1
\v 6 Ngode Datagaliwabe í̠na inanaga waitigi uruni bo wahai halu  
\q2 tinaga tano wiaru bibahende bo gialo wahai harigoni.  
\q1 Uruni bibahende mo ko hene wiaabobo bu ngago  
\q2 manibi mitangi bulene mbira naholebiraore.   
\b  
\q1
\v 7 Anduane Homogo ibu kiniore haluhe haabo ka.\x + \xo 9.7 \xt Iba 102.12, 102.26, Hi 1.11\x*  
\q2 Ibugua godi hale hole dagiani birule manda manda bu ka.   
\q1
\v 8 Ibugua mana tigabiore biaga halu\x + \xo 9.8 \xt Iba 96.13, 98.9\x*  
\q2 wali agali bibahende handayaho howa haru hai ka.  
\q1 Ibugua mana tigabiore ngagoria howa  
\q2 hameigini tara tara karume bialu hayaru bibahende  
\q2 mo talebuki bulebira.   
\b  
\q1
\v 9 Anduane Homogo ibuniore anda hongohe kaligobi kagoni.\x + \xo 9.9 \xt Iba 37.39, 46.1, 91.2\x*  
\q1 Mbirali ibunaga waitigime bole taliragola  
\q2 ibu kagoha pu holebira.  
\q1 Genda tagira ibirangi ibu kagoha pialu ha do holebira.   
\q1
\v 10 Anduane Homogo-o wali agali í̠ni keria ibiraru\x + \xo 9.10 \xt Man 31.6-8, Iba 37.25, 70.4, 91.14\x*  
\q2 erembira mialu napiaga kegoni.  
\q1 Í̠ ogonibi kegonigo wali agali í̠ mini manda bu karume í̠hondo mini mbiraore wu holebira.   
\b  
\q1
\v 11 Anduane Homogo ibu Saiono tanoni kini kago\x + \xo 9.11 \xt Iba 107.22\x* ibunaga mini yaraga halu  
\q2 ibuhondo iba gana lolene nga.  
\q1 Ibugua biabe hongohe tara biyarunaga  
\q2 wali agali hameigini tara tara karume hale hai helo bi loyogo lolene nga.   
\q1
\v 12 Wali agali genda yu karu\x + \xo 9.12 \xt 2 Sml 4.11, Iba 9.18, 10.17, 22.24, 37.25, Ais 49.14-15, Hi 13.5\x*  
\q2 Anduane Homogo ibugua ti mitangi ho haga kagoni.  
\q1 Ibugua wali agalime dugu bialu karu  
\q2 helalu handa tara nahaga kagoni.  
\q1 Wali agali uruni mo ko haga karu  
\q2 ibugua ti pani nelo miaga ka.   
\b  
\q1
\v 13 Anduane Homogo-o í̠na i̱ dara habe.  
\q2 Genda tandagala i̱ waitigime mo ngirago í̠na de handabe.  
\q1 I̱ homolene kaware wiagoria pu hewaria  
\q2 í̠na i̱ haru dai bialu mo wirigoni.   
\q1
\v 14 Í̠na uruni bibahende biai haga kegonaga\x + \xo 9.14 \xt Iba 13.5, 20.5, 35.9\x*  
\q2 i̱na bi te loyogo lai halu  
\q2 í̠naga mini mo yaraga holebero.  
\q1 I̱na Saiono tanonaga pabe haraba ngagoria heyu howa  
\q2 í̠na biriru bibahende latagi halu  
\q2 i̱ mo wirigonaga turuho holebero.   
\b  
\q1
\v 15 Wali agali hameigini tara tara í̠ mitangi nahaga karume\x + \xo 9.15 \xt Iba 7.15, 94.23, Min 5.22, 26.27\x*  
\q2 I̱ uli pelonaga uli tombo wu hearia  
\q2 habolo puwa tini ogoniha pilaya.  
\q1 Tigua wena nuha minule nu wiaho hearia  
\q2 tini nu ogoniha do wiya.   
\q1
\v 16 Anduane Homogohanda manani tigatiga mo tale birangi\x + \xo 9.16 \xt Har 14.31, Min 5.22\x*  
\q2 ibunaga mini tigabi ngago mo walia haga ka.  
\q1 Wali agali ko biaga bu karume maru mo ko hole lowa  
\q2 wai hanalu bu karu  
\q2 mo habo lalu tini mo ko henego polebira.   
\b  
\q1
\v 17 Wali agali hameigini tara tara mana ko biagaru\x + \xo 9.17 \xt Yob 8.13, Iba 50.22\x*  
\q2 Ngode Datagaliwabe erembira miaga bu karu  
\q2 ti bibahende humbirini andaga pu hai holebira.   
\q1
\v 18 Ngode Datagaliwabehanda wali agali yagibano bu karu\x + \xo 9.18 \xt Iba 12.5, Min 23.18, 24.14\x*  
\q2 embeda nahe mitangi biaabo haga ka.  
\q1 Genda yu karu Ngode Datagaliwabehanda ti biamogo bilo  
\q2 ibuhondo mini dunu biaho kagola  
\q2 ibugua ti genda yuwa lu helowa naholebira.   
\b  
\q1
\v 19 Anduane Homogo-o dindini wali agali bu karume  
\q2 í̠hondo ngui higi buyu helo wanahe  
\q2 í̠ni abale heyalu ibabe.  
\q1 Wali agali hameigini tara tara í̠ mitangi nabiaga karu  
\q2 ti í̠naga deni íbu helowa  
\q1 í̠ni manani tigatiga mo dabaki habe.   
\q1
\v 20 Anduane Homogo-o í̠na wali agali uruni mo gi hai habe.\x + \xo 9.20 \xt Iba 62.9, Ais 31.3, Ese 28.2\x*  
\q1 Wali agali hameigini tara tara bu karu  
\q2 tini habane nabulene kamarunida lo manda bilo helabe.   
\ms1 MBUGA MANE  
\mr (Iba Gana 90-106)  
\c 10  
\s1 Anduane Homogohanda biamogo bilonaga bi lenego ogo  
\q1
\v 1 Anduane Homogo-o irane aginaga ina helalu í̠ kaundia kebe.  
\q2 Ko ina kamaria íbu ngagola í̠ ha do ho kego irane agibe.   
\q1
\v 2 Wali agali mini kowi karume mine halu  
\q2 wali agali yagibano karu mo ko hole talima ibaga bialu ka.  
\q1 Tigua uli tombo wuwa maru uli pelo ngaria  
\q2 habo lalu tini uli ogoniha uli pelo hame ledo.\x + \xo 10.2 \xt Iba 7.16, 9.15, Min 5.22\x*   
\b  
\q1
\v 3 Wali agali ko biagarume tinaga miniha mana ko hame lararunaga mine haga ka.  
\q1 Mbiralime mbirale bu ngaru dimagoli hai haga karume  
\q2 Anduane Homogohondo bi ko lalu erembira miaga ka.\x + \xo 10.3 \xt Iba 94.4, Lm 1.32\x*   
\q1
\v 4 Wali agali ko karume Anduane Homogo mitangi nabiaga ka.  
\q1 Tigua mine howa lalu,  
\q2 Ngode Datagaliwabe ibugua i̱ ko birugonaga pani nangulebira, laga ka.\x + \xo 10.4 \xt Iba 14.1-2, 53.1\x*   
\b  
\q1
\v 5 Mini kowi karume biraru damene bibahende mbirale dewa mo mogo biaga ka.  
\q2 Anduane Homogo-o í̠naga mini wu kego ti manda nabiore kagoni.  
\q1 Tigua tinaga waitigi karu mege biaga ka.\x + \xo 10.5 \xt Iba 12.5, Ais 26.11\x*   
\q1
\v 6 Tigua hangu hangu mitangi bialu,  
\q2 I̱ hongoheore kogoni.  
\q2 Mbirale tara tara ngarume i̱ bope naholebiraore.  
\q2 I̱ kogoha genda mbira anda naibulebira,  
\q1 lo mitangi biaga ka.\x + \xo 10.6 \xt Ais 56.12, Mo 18.7\x*   
\q1
\v 7 Bibahendengi tigua bi ko laabo halu maru karu ha haga ka.  
\q1 Ke̱ howa mendeali kago mo gi hole bi laabo haga ka.  
\q1 Mana ko bulenenaga bi ko ngaru  
\q2 tigua abale yamialu lo pebe bialu haga ka.\x + \xo 10.7 \xt Yob 20.12, Iba 12.2, Lm 3.14\x*   
\b  
\q1
\v 8 Wali agali ko ogonidagua biaga karume  
\q2 wali agali maru bayale kago bo wahole  
\q2 ohowa harigani bira do haga.  
\q1 Mbirali hongo nahe kago mo ko hole  
\q2 ohowa harigani bira do haga ka.\x + \xo 10.8 \xt Iba 17.11, Hab 3.14\x*   
\q1
\v 9 Laionome ibu nagane ale ibirago balu nole  
\q2 ohowa yu biragadagua ti biraga ka.  
\q1 Wali agali yagibano porago minule  
\q2 harigani ohowa yu biraga ka.  
\q1 Ibalu karia gono wiyagoha do ngaria  
\q2 abale hado yalu piaga ka.\x + \xo 10.9 \xt Iba 17.12, Mai 7.2\x*   
\b  
\q1
\v 10 Tigua hendore oho biruwa  
\q2 tinaga hongo timbuni daligaorehe kagome  
\q2 mbirali hongo nahe kago abale mo ko haga ka.   
\q1
\v 11 Wali agali ko urunibi karu tigua lo manda bialu,  
\q2 Mana i̱na berogo Ngode Datagaliwabe ibu mitangi nabiaga kagoni.  
\q2 Ibu de muguliho kagonigo  
\q2 i̱na berogo de nahondolebira ndobe,  
\q1 laga biaga kagoni.\x + \xo 10.11 \xt Yob 22.13, Iba 94.7, Ese 9.9\x*   
\b  
\q1
\v 12 Anduane Homogo-o í̠na ko biaga karu bole  
\q2 í̠naga gi yaraga howa nende biaho habe.  
\q1 Ngode Datagaliwabe-o í̠na hongo nahe karu biamogo bule embeda nahabe.   
\q1
\v 13 Wali agali ko biaga karume  
\q2 Ngode Datagaliwabe í̠ mege bialu erembira ngiaga kagoni.  
\q1 Tinaga miniha lo manda bialu,  
\q2 I̱na ko berogonaga pani nangulebira, laga biaga kagoni ndobe.  
\q1 Mini urunibi wiaga karuni í̠na bo wahai habe nahedane kebe.   
\b  
\q1
\v 14 Í̠na wali agali ko biaga urunime mana biaga ngago\x + \xo 10.14 \xt Iba 68.5, 2 Ti 1.12, 1 Pi 4.19\x*  
\q2 manda biaiho ke.  
\q1 Ko urunibi kagome wali agali maru bu karu genda mo miaga ngago damene  
\q2 í̠ manda biaiho kegoni.  
\q1 Í̠na wali agali genda uruni yu karu biamogo biaga kegoni.  
\q1 Wali agali hongo nahe karubi  
\q2 waneigini aba ai̱yala homene karubi  
\q2 í̠na ti biamogo biaga kego manda buwa ti í̠niha hanaho kagoni.   
\q1
\v 15 Wali agali mana ko biaga urunime ko birago mani nabilo  
\q2 tinaga hongo kago bo podai habe.   
\b  
\q1
\v 16 Anduane Homogo ibu kini haluheore kagoni.\x + \xo 10.16 \xt Iba 145.13, Yar 10.10, Dan 4.34, 1 Ti 1.17\x*  
\q1 Wali agali hameigini tara tara bibahende ibu mitangi nabiaga karu  
\q2 ibunaga dindi ngagoria howa bo taliatagi halu ereba hai helolebira.   
\b  
\q1
\v 17 Anduane Homogo-o í̠na wali agali í̠ni andaneha karume bi larago hale howa  
\q2 tinaga bu mini mo hongo harili.\x + \xo 10.17 \xt Har 22.23, Iba 9.12\x*   
\q1
\v 18 Waneigini aba ai̱yala homene karumebi  
\q1 wali agali genda yu karumebi  
\q2 dugu bialu í̠hondo bi lalu karu hale harili.  
\q1 Tinaga godi tigabi lolene ngadagua lelo  
\q2 í̠na ti biamogo bulebere.  
\q1 Í̠na ogonidagua beregola  
\q2 dindiali karume ti lone mo ko holene mbira nawulebira.\x + \xo 10.18 \xt Iba 82.3, Ais 11.4\x*   
\c 11  
\s1 Anduane Homogohondo mini mbiraore hongohe wu kago ogo  
\q1
\v 1 Anduane Homogohanda i̱ handayaho holebiragonaga\x + \xo 11.1 \xt Iba 2.12, 121.1\x*  
\q2 mini mbiraore wu ko.  
\q1 Egame agali ibirago handalu ibida piagadagua  
\q2 tígua i̱hondo, Hari bare ngaruha ha do hole ibida pu, laga kamiruni  
\q2 tí lulu mini nawi be tobaheda.   
\q1
\v 2 Tígua lalu, Agali ko biagome agali bayale kago bole\x + \xo 11.2 \xt Iba 7.12, 37.14, 64.3-4\x*  
\q2 ibu aruma kagoha howa timu edaho kagoni.   
\q1
\v 3 Wali agali bibahendeme mana tigabi ngago nabiaga heagua nde\x + \xo 11.3 \xt Iba 87.1, 119.152\x*  
\q2 mbirali tigabi kago ibugua ago bulene wiaruabe, lalu kami.   
\b  
\q1
\v 4 Anduane Homogo ibu ibunaga anda lomabia heneha kagoni.\x + \xo 11.4 \xt Mai 1.2, Md 5.34\x*  
\q1 Ibu dahuliya andaga kini howa  
\q2 ibugua wali agali bibahende bu karu de handaiore ka.  
\q1 Wali agalime bialu karuni ibu manda biaiore kagoni.   
\q1
\v 5 Anduane Homogo ibugua wali agali ko biaga bayale biagabi manda bu ka.\x + \xo 11.5 \xt Pig 22.1, Iba 34.19, Ya 1.12\x*  
\q1 Ibugua wali agali mana lo ngaru wahaga karu handabe manga haga ka.   
\b  
\q1
\v 6 Wali agali ko biaga bu kagoha\x + \xo 11.6 \xt Iba 75.8, Yar 4.11-12, Ese 38.22\x*  
\q2 ibugua ira hungubi ege to̱le̱ ambuabi mini soloba dedaore hedope holebira.  
\q1 Puyabu pobo timbuniorebi ibilalu ti pani nalu holebira.   
\q1
\v 7 Irane Anduane Homogo ibuni mini tigabi howa\x + \xo 11.7 \xt Iba 7.9-11, 16.11, 33.5\x*  
\q2 mana bayale tigabi biraru hondowa turuho haga ka.  
\q1 Wali agali mana bayale tigabi biaga karu  
\q2 tigua ibuninaga wanakui hondolebira.   
\c 12  
\s1 Anduane Homogohanda biamogo bilonaga bi lenego ogo  
\q1
\v 1 Anduane Homogo-o í̠na i̱ biamogo bibe.\x + \xo 12.1 \xt Ais 57.1, Mai 7.2\x*  
\q1 Mbirali bayale mbira naheorego.  
\q2 Tigabi biaga mbira karia nahondolebere.   
\q1
\v 2 Wali agali bibahendeme ke̱ dege haga ka.\x + \xo 12.2 \xt Iba 41.6, Yar 9.8, Lm 16.18\x*  
\q2 Tigua mendeali kago mo guya halu bi ladebodebo biaga ka.   
\b  
\q1
\v 3 Anduane Homogo-o wali agali bi ladebodebo biaga karunaga ne harigabi  
\q2 mine haga karunaga hégebi  
\q2 bibahende bo ndibu lai habe.   
\q1
\v 4 Wali agali ko biaga uruni tigua lalu,  
\q2 Inanaga hégeme wayali holeberama.  
\q2 Inanaga ne hambu anduane aibe.  
\q1 Ina handayaho haruago aibe, laga biaga ka.   
\b  
\q1
\v 5 Anduane Homogo ibugua lalu,\x + \xo 12.5 \xt Iba 10.18, 34.6, 35.10, Ais 33.10\x*  
\q1 Ko biaga bu karume yagibano karu hengedape hayadago hondowabi  
\q2 burupale karu ti dugu biaruago hale howabi  
\q2 i̱ni abale ibulebero.  
\q1 Tini bayale holenenaga maliaho karu  
\q2 i̱na ti ogoriani mo helolebero, laya.   
\b  
\q1
\v 6 Anduane Homogonaga bi lo winigo bibahende heneneore lo nga.\x + \xo 12.6 \xt Iba 119.140, Min 30.5\x*  
\q1 Ibunaga bi bayaleore laganego  
\q2 siliba irani ka halu delene ngarale ngaligobiore ngagoni.   
\b  
\q1
\v 7 Anduane Homogo-o í̠nime ina bu kamaru\x + \xo 12.7 \xt Iba 37.28, 97.10\x*  
\q2 baya hangu de handayaho habe.  
\q1 Ko biaga karume ina mo ko holigo  
\q2 í̠na ina baya hangu mamageho haabo habe.   
\q1
\v 8 Ko biaga karu tigua dindi bibahendeha mine halu ibaga biame haga ka.\x + \xo 12.8 \xt Iba 55.10-11\x*  
\q1 Wali agali bibahende karume mana ko bulenego hame lowa  
\q2 mana ogoni bayaleda mitangi biaga ka.   
\c 13  
\s1 Anduane Homogohanda biamogo bilo bi lenego ogo  
\q1
\v 1 Anduane Homogo-o í̠na i̱ angi mitangi bule kebe.\x + \xo 13.1 \xt Yob 13.24, Iba 88.14, Ais 59.2\x*  
\q1 Í̠na i̱ embeda halu yu waore haribe.  
\q1 Í̠naga dengui lone hondoliya  
\q2 i̱hondo angi mo walia holeberebe.   
\q1
\v 2 I̱ genda yu kogonigo angi mo waholeberebe.  
\q1 I̱ miniha tandaga ngelo koruni  
\q2 horombe mbiragabi agiru hondo holeberebe.  
\q1 I̱ waitigi karunaga andaneha naholiya  
\q2 í̠na i̱ angi biamogo buleberebe.   
\b  
\q1
\v 3 Anduane Homogo i̱naga Ngode Datagaliwabeore-o\x + \xo 13.3 \xt Yar 51.39\x*  
\q2 Í̠na i̱ mitangi halu i̱naga bi larogo hale habe.  
\q1 I̱ nahomoliya i̱naga de mo ngalalu lone mo hongo habe.   
\q1
\v 4 I̱ homaruyagua i̱naga waitigime lalu,\x + \xo 13.4 \xt Iba 25.2, 35.19, 38.16\x*  
\q2 Iname ibu bope harimadagoni, loligo nalelo.  
\q1 Tigua i̱ pilarogo hondowa turu holigo nahelo.   
\b  
\q1
\v 5 Ani lolebiragoyu í̠na i̱ gubalini holebeda lo manda bialu  
\q2 mini mbiraore wu kogoni.  
\q1 Í̠na i̱ pele ngiaabo holeberegonaga  
\q2 i̱ turu timbuniore ho kogoni.   
\q1
\v 6 Anduane Homogo í̠na i̱hondo bayale dege biaabo harigonaga\x + \xo 13.6 \xt Iba 116.7, 119.17\x*  
\q2 i̱na í̠naga mini yaraga halu  
\q2 iba gana laga bialu holebero.   
\c 14  
\s1 Wali agali mini kowinaga mana ogo  
\r (Iba Gana 53)  
\q1
\v 1 Wali agali mitangi yole biaga karume tini miniha mandabu donge halu\x + \xo 14.1 \xt Iba 10.4, 53.1\x*\x + \xo 14.1 \xt Lm 3.10-12\x*  
\q2 Ngode Datagaliwabe ogoni nahe laga ka.  
\q1 Wali agali mini urunibi wu karuni tini ko ngubi habane nabuleneore howa  
\q2 ko tara tara ngaru bima polenaga ani lalu ka.  
\q1 Mana tigabi hangu biaga mbirali naheore.   
\b  
\q1
\v 2 Anduane Homogohanda dahuliya andaga howa handadali halu\x + \xo 14.2 \xt Iba 33.13, 102.19\x*  
\q1 wali agali bibahende bu karu de handame howa  
\q2 mbirali miniwi galone manda biagabi  
\q2 Ngode Datagaliwabe kalo manda bu hagabi  
\q1 au haga bidabe hondole handadali ho ka.   
\q1
\v 3 Ani handalu karia mbirali bayale naheore  
\q2 ti bibahende ko biai hene ogobi dege dege hoyu pedaria hendeda.  
\q1 Hariga tigatiga polene wiadaguaore pene mbirali naheore  
\q2 bibahende putagi halu piai hene dege hearia hendene.  
\q1 Mana tigabi hangu biaga mbira naheore.  
\q1 Mbiraoreorebi mbira naheore lama agini.   
\b  
\q1
\v 4 Anduane Homogohanda lalu,\x + \xo 14.4 \xt Ais 64.7, Yar 10.25, Amo 8.4\x*  
\q1 Wali agali ko biaga uruni ti mini nawidabe.  
\q1 Ti galone mbira manda nabiagadabe.  
\q1 Wali agali ko biaga urunime  
\q2 i̱naga wali agali bameore ti tomo naradagua budu nalu kagoni.  
\q1 Ani bialu howa tigua tinaga bu minime i̱hondo bi mbira nalagaore kagoni, lalu ka.   
\b  
\q1
\v 5 Ani bialu ha kagoyu Ngode Datagaliwabe ibuni  
\q2 wali agali ibugua bi larago hale halu biaga karu baba howa  
\q2 biamogo bigi birago hondowa  
\q1 ti gi timbuniore howa duru ala lalu holebira.   
\b  
\q1
\v 6 Wali agali ko biaga karume\x + \xo 14.6 \xt Iba 9.9, 142.5\x*  
\q2 wali agali maru abogo ka nalene karunaga minime mbirale bule mandabu wigi bidaru  
\q2 mo pere laga biaga ka.  
\q1 Ani bia biyaguabi wali agali abogo ka nalene uruni  
\q2 tinaga ha do holene Anduane Homogoha ngagome ti bayale holebira.   
\b  
\q1
\v 7 I̱na Isaraele wali agali bibahende pele ngialu haru dai biai helo\x + \xo 14.7 \xt Yob 42.10, Iba 53.6, 126.1\x*  
\q2 Ngode Datagaliwabehanda mbirali Saiono howa ibi nalara.  
\q1 Anduane Homogohanda ibunaga wali agali biamogo biragola  
\q2 ti bayuwa ho dungulo halu  
\q1 tigua mbirale bigi biraru bayale hangu haga birago hondowa  
\q2 tini turuore nde au holobadabe.   
\c 15  
\s1 Ngode Datagaliwabehanda iname mana buluma̱ya hame ledago ogo  
\q1
\v 1 Anduane Homogo-o mbirali í̠naga andaha anda ibabehe ai kabe.\x + \xo 15.1 \xt Iba 23.6, 24.3, 27.4, 61.4\x*  
\q1 Mbirali Hari Saiono wali agali ge nahaga  
\q2 í̠ni dege haga ngegoria íbu howa  
\q2 í̠ mitangi bialu í̠hondo bi labehe ai kabe.   
\b  
\q1
\v 2 Mbirali Ngode Datagaliwabehanda bibe ledadaguaore hale howa biai halu\x + \xo 15.2 \xt Ais 33.15, Seg 8.16, Eb 4.25\x*  
\q1 mana tigabi bulene ngadaguaore bialu  
\q2 ibugua bi larago henene hangu lalu  
\q1 ibu bu miniha ke̱ holene mbira nawi kago ibuore anda pobehe ka.   
\q1
\v 3 Tindule mbiralinaga mini mo ko hole ndinde lowa\x + \xo 15.3 \xt Har 23.1, Iba 28.3, 50.20\x*  
\q2 agua laya laya lama ibaga nabiaga kago  
\q2 ibu anda pobehe ka.  
\q1 Mbirali ogonibi kago ibugua ibunaga damenehondo kagua nabiaga ka.  
\q2 Wali agali mendeali lo guralu diburibu lama ibaga nabiaga ka.   
\q1
\v 4 Ani bialu wali agali maru Ngode Datagaliwabehanda handabe manga halu erembira mini karu\x + \xo 15.4 \xt Yos 9.18-20, Hgn 11.35, Ab 28.10\x*  
\q2 mbirali ogoni ibuguabi handabe manga halu erembira dege mulebira.  
\q1 Anduane Homogo ibugua bibe ledadagua hale halu biaga karu hondowa  
\q2 ibu turu halu wali agali uruninaga mini mo yaraga haga ka.  
\q1 Ibugua mbirale mbira buleore lalu lo winiyagua  
\q2 o lenedagoni gendabi bibe naheoreyaguabi tanabi biaore bulebira.   
\q1
\v 5 Mbiralime ibuhondo mbirale mbira dano habiya ngibe layagua mialu\x + \xo 15.5 \xt Man 16.19, Ese 18.8\x*  
\q2 danoali biagome yadai biragola nde huniane mbira pu helowa ndo  
\q2 ibugua miyagobiore yadai bia lowa mo yulebira.  
\q1 Marume ibuhondo dange hana howa  
\q2 mendeali kagua nabini tigabi kago ndelo ngibe layagua  
\q2 ibu ani nabiaga ka.  
\b  
\q1 Mana bayale urunibi biaga karu ti ema nabi haabo holebira.   
\c 16  
\s1 Mbirali ibu Ngode Datagaliwabehondo mini mbiraore wuwa miniha dungulo howa ibuhondo bi lenego ogo  
\q1
\v 1 Ngode Datagaliwabe-o i̱ í̠ha ha doho howa bayale holebero manda buwa\x + \xo 16.1 \xt Iba 7.1, 17.8\x*  
\q2 í̠ kegoria eberogo í̠na i̱ de hondo habe.   
\q1
\v 2 I̱na Anduane Homogohondo au laro.  
\q2 Í̠ i̱naga Anduane kegoni.  
\q1 Mbirale bayale bayale o bu ngoruni  
\q2 í̠naga gini howa ibini hangu o bu ngoruni laro.   
\b  
\q1
\v 3 Anduane Homogonaga wali agali mini bilinahe karu\x + \xo 16.3 \xt Iba 101.6, 119.63\x*  
\q2 ti wali agali bayaore bu kagoni.  
\q1 I̱ ti heba mandagi howa turu timbuniore ho haga biruli.   
\b  
\q1
\v 4 Wali agali maru mbirale gime wabiniru tinaga bi pupu wiagane ogoni lowa\x + \xo 16.4 \xt Yos 23.7, Iba 32.10, 106.37-38\x*  
\q2 uruni hendehende gerai piaga karu  
\q2 tigua genda yulene dewaore bu wulebira.  
\q1 I̱na ti heba mandagi howa  
\q2 bi pupu wiagane urunihondo mbirale bo lomabu miradagua namulebero.  
\q1 Mbirale gime wabini uruni tinaga bi pupu wiagane ogoni lowa  
\q2 uruninaga mini mo yaraga haradaguabi i̱ naholebero.   
\b  
\q1
\v 5 I̱ mbirale galone yu haradagua bu kogo\x + \xo 16.5 \xt Iba 23.5, 119.57, 125.3, Dug 3.24\x*  
\q2 Anduane Homogo í̠bi í̠naga bi manabi ogoni dege galone yido lowa yu kogoni.  
\q1 I̱ mbirale buru pado alego í̠na ngiaiore hariligoni.  
\q1 I̱ mani hama polobodagoni í̠na haru holebere lowa  
\q2 í̠ha hanaho kogoni.   
\q1
\v 6 Í̠na i̱hondo mbirale bayale bayaleru turu halu ngigi birigoni.\x + \xo 16.6 \xt Yar 3.19\x*  
\q1 Í̠na o ngigi biriyaruni nde baya taraore ngigi biriyago hondowa i̱ turuore ho kogoni.   
\b  
\q1
\v 7 Anduane Homogo ibugua i̱ mo tiga bialu haru haganegonaga\x + \xo 16.7 \xt Iba 73.24, 77.6\x*  
\q2 i̱na ibunaga mini mo yaraga haro.  
\q1 I̱ mbiraga padoria i̱naga bu miniha howa bi langiaga.   
\q1
\v 8 Anduane Homogo ibuni kawareore i̱ heba o kagonida lo manda buore haabo haruli.\x + \xo 16.8 \xt Iba 27.8, 73.23\x*\x + \xo 16.8 \xt Ab 2.25-28\x*  
\q1 Ibuni kaware i̱ heba howa i̱ mo hongo haga kago manda buwa  
\q2 i̱ gi halu mogo nale holebero.   
\b  
\q1
\v 9 Anigo i̱ turu howa i̱naga bu miniha dunguore lowa\x + \xo 16.9 \xt Iba 13.5, 30.12, 108.1\x*  
\q2 mbirale mbira hondowa gi naholeore kogoni.   
\q1
\v 10 I̱ homolene winigoria howa\x + \xo 16.10 \xt Iba 49.15, 86.13, Ab 13.35\x*  
\q2 homanaga hongome yani nahelonaga í̠na i̱ gi miriligoni.  
\q1 I̱na í̠naga biabe bialu mini bilina ho harugonaga  
\q2 í̠na i̱ humbirini andaga homa dinini bu karu baba holiya wahalu  
\q2 yupe naholebere lo manda bido.   
\b  
\q1
\v 11 Í̠nime i̱hondo haabo holene hariga ogodagua lalu\x + \xo 16.11 \xt Iba 36.7-8, 43.4\x*  
\q2 walia holebere lo manda bido.  
\q1 Í̠ni i̱ heba kegome i̱ miniha turu bialu dunguore laragola  
\q2 turuho haabo haruli.   
\c 17  
\s1 Debidi ibu mini tigabi howa Anduane Homogohondo bi lenego ogo  
\q1
\v 1 Anduane Homogo-o í̠na i̱naga bi larogo hale habe.  
\q1 I̱ tigabi ibaga bu henego  
\q2 ai i̱naga genda ngaru í̠ keria mo yalu eberogoni.  
\q1 I̱na í̠hondo bi ke̱ howa ndo larogo hale habe.   
\q1
\v 2 Í̠na i̱ biamogo beregome  
\q2 i̱na godi lalu wayali holebero.  
\q1 Í̠na mana bayale ogo nga de handabelo hame ledogoni.   
\b  
\q1
\v 3 I̱naga miniha ngogo í̠ manda biaiho ke.\x + \xo 17.3 \xt Iba 16.7, Seg 13.9, Mal 3.2-3, 1 Pi 1.7\x*  
\q1 Í̠na mbiraga ibuwa i̱ ba handariyagua  
\q2 mini ko i̱ha mbira ngaria handa nabulebere ndobe.  
\q1 I̱na i̱ninaga ne harigaha howa bi ko nalolebero lo wirugoni.   
\q1
\v 4 Agali maru karume bi ko lagadagua i̱ nalaga kogoni.  
\q1 I̱na í̠naga bi lowini ngago hongo howa yu halu  
\q2 keba holenebi wai bulene ngarubi bibahende erembira miai harugoni.   
\q1
\v 5 I̱na í̠naga hariga ngagoria pialu kogome\x + \xo 17.5 \xt Iba 119.133\x*  
\q2 i̱naga geme hariga mendeha pubagi nahene kogoni.   
\b  
\q1
\v 6 Ngode Datagaliwabe-o i̱na í̠hondo bi larogola í̠ hale harili.  
\q1 Ani kego manda bialu  
\q2 i̱na í̠hondo bi áyu larogo haleore habe.   
\q1
\v 7 Í̠naga gubalini holene timbuniore ngego\x + \xo 17.7 \xt Iba 31.21\x*  
\q2 ina kamagohondo mo walia habe.  
\q1 Í̠na í̠naga gi tigame ina yania haga kegonigo  
\q2 ina waitigi hondoligo í̠ni andaneha ha do kama.   
\b  
\q1
\v 8 Í̠ninaga deore baya hangu handayaho harilidagua\x + \xo 17.8 \xt Man 32.10, Iba 91.1, 91.4, Seg 2.8, Md 23.37\x*  
\q2 i̱ handayaho habe.  
\q1 Ega angibunime ibu igini babaganeme dambi hagadagua  
\q2 i̱ mo do howa handayaho habe.   
\q1
\v 9 Agali ko karume i̱ mo ko nahelobi  
\q2 i̱naga waitigi ho mabu bupe karume i̱ bo wa nahelobi  
\q2 ani handayaho habe.   
\b  
\q1
\v 10 Tigua agali mende kago dara nahagaore ka.\x + \xo 17.10 \xt 1 Sml 2.3, Yob 15.27, Iba 73.7\x*  
\q1 Tigua bi hongo howa laabo halu  
\q2 tininaga mini hangu yaraga halu bi laga kagoni.   
\q1
\v 11 Tigua i̱ ge porogoha talima ibaga bialu  
\q2 i̱ ho mabu bupe haiho kagoni.  
\q1 Tigua i̱ gi dolaho yu ibaga bialu  
\q2 i̱ bope hole manda mandabu ka.   
\q1
\v 12 Ti laiono gabua ale howa  
\q2 mbirale ema bialu porago minu bo nole lowa ha do haga ka.  
\q1 Laiono daluame mbira bo nole yu bira do ho hagadagua  
\q2 i̱ bo wahole manda manda bu hai ka.   
\b  
\q1
\v 13 Anduane Homogo-o í̠ ibalu  
\q2 waitigi bu karu baba wai bialu ti bope hai habe.  
\q1 Í̠naga ayu tibu ne gadele biago yu ibalu  
\q2 waitigi karu bo wahai habe.  
\q1 Agali ko uruninaga giha howa  
\q2 i̱ mo wialu haru dai bibe.   
\q1
\v 14 Anduane Homogo-o  
\q2 agali ko uruni ti dindini wini ngaru hangu mo tene haga bu karu  
\q2 tinaga giha koria í̠naga hongome i̱ mo wialu biamogo bibe.  
\q1 Wali agali í̠ hame nalaga ho karu  
\q2 ti pani karulape nelo mibe.  
\q1 Tinaga waneigini aguanene maha holebiraruhondobi  
\q2 pani mia dege bibelo hameledo.   
\b  
\q1
\v 15 Ai i̱ni agali tigabiore kogodago\x + \xo 17.15 \xt Iba 4.6-7, 16.11, 1 Yo 3.2\x*  
\q2 mani í̠ninaga denguiore hondolebero.  
\q1 De ngalalu heyu howa í̠ kegobi hondowa  
\q2 i̱ turu timbuniore holebero.   
\c 18  
\s1 Anduane Homogohanda biamogo biragola ina wayali holeberema lenego ogo  
\r (2 Samuele 22.1-51)  
\q1
\v 1 Anduane Homogo-o í̠na i̱ mo hongo haga kegoni.  
\q2 I̱na í̠hondo gubaliniore ho kogoni.   
\b  
\q1
\v 2 Anduane Homogo ibuni i̱naga wai pabe hongoheore kagoni.\x + \xo 18.2 \xt Hi 2.13\x*  
\q1 Ibu ege to̱le̱ ale howa i̱ ho gehalu  
\q2 waitigirunaga giha howa i̱ mo wiaga.  
\q1 Ibu i̱naga humbi ale howa ibugua i̱ hapai haga ka.  
\q2 Ibugua i̱ mo wialu handayaho holene hongo karulapeore kagoni.   
\q1
\v 3 Anduane Homogonaga mini yaraga hami̱ya.  
\q1 I̱na ibu olalu haruli.  
\q1 Ibugua hale halu i̱ biamogo bialu  
\q2 i̱naga waitigirunaga giha howa i̱ mo wiaga kagonaga  
\q1 iname ibunaga mini yaraga holene nga.   
\b  
\q1
\v 4 I̱ homolene kawareni harugoni.\x + \xo 18.4 \xt Iba 116.3\x*\x + \xo 18.4 \xt Yna 2.5-7\x*  
\q2 Homolene pume dariba haradagua i̱ dariba hayagoni.  
\q1 Iba li hongoheme ibalu dambi haradagua  
\q2 agali ko bu karume i̱ bo wahole ani biyagoni.   
\q1
\v 5 Homolene dameneme i̱ mabu bupe howa pume dariba haradagua biyagoni.  
\q2 Homalime i̱ minule mandabu hayagoni.   
\q1
\v 6 I̱naga miniha genda ho howa Anduane Homogo olalu harugoni.  
\q2 I̱naga Ngode Datagaliwabehondo i̱ biamogo bia lalu harugoni.  
\q1 Ibuni andaga howa i̱naga bi hale haya.  
\q2 Ibuhondo i̱ biamogo bia larugo hale hayagoni.   
\b  
\q1
\v 7 Ngode Datagaliwabe ibugua keba timbuniore howa  
\q2 dindi mo dumbirumbi bilaya.  
\q2 Dindi hari timbuni wearu mo emabia hayagola ema bia gimbu biya.   
\q1
\v 8 Ibunaga ngui harigaha howa ira hagua tagira ibalu  
\q2 ibunaga ne harigaha howa ira hungu datagitagi biyagome  
\q1 mbirale wiaru bibahende do mundu laya.   
\q1
\v 9 Ibugua hari daliga buda edene bialu daliape haya.  
\q2 Daliape hayagola hari beraliba mindibi ibu geha hai haya.   
\q1
\v 10 Ibunaga dahuliyali mbiranaga erekunini biralu yagalalu daliape haya.\x + \xo 18.10 \xt Iba 104.3\x*  
\q2 Puyabu ega babagane aleheme ibu yalu abaleore daliape haya.   
\q1
\v 11 Aruma holeneme ibu dambi hai haya.  
\q2 Hari beraliba mindibigome ibuni ho ge hayagoni.   
\q1
\v 12 Hari daba timbuni ibu heagoha bialu  
\q2 kulu megelalu wá timbuni hama ibu mo bamba halu piya.  
\q1 Iramebi dalu dindi kunimebi beraliba mindibi biago bo haealabaga bialu ibira helaya.   
\b  
\q1
\v 13 Anduane Homogo ibuni hari daligaha howa bi hongo howa hari kilikulu laradagua biayua.  
\q2 Anduane Homogo Daligaorene Daliga kagonaga bi layuago hale hene.   
\q1
\v 14 Ibugua ibunaga timu edalu ba amunana biyagome waitigi purogo laya.  
\q2 Hari dabame waitigi bu hearu bayagola ti ibida bilibulu lalu piai haya.   
\q1
\v 15 Anduane Homogo í̠na waitigi hearuhondo keba harigome  
\q2 í̠naga ngui harigaha buhe̱ tagira ibiyagome puyabu hongohe pulo yu purogo laradagua biya.  
\q1 Iba solowara timbuni bereago hundiai hayagola  
\q2 dindi andaneha gene wiyago bame ha pana ho haya.   
\b  
\q1
\v 16 Anduane Homogo ibu daligaha howa gi yupe halu i̱ minu yania haya.  
\q2 Iba solowara timbuni bereagome i̱ dambi hewaria ibugua i̱ gini miya.   
\q1
\v 17 I̱naga waitigi hongoheore hearunaga giha hewaria ibugua ibuninaga gime i̱ mo wiya.  
\q1 Agali marume i̱ handabe manga ho hearu i̱na ti bo podabe nahe hewariabi  
\q2 ibugua i̱ mo wialu haru dai biya.   
\q1
\v 18 Bamba i̱ha genda ngelo hewangi tigua i̱la wai bule ibiya.  
\q2 Ani ibiyagoyu Anduane Homogohanda i̱ handayaho haabo hayagoni.   
\q1
\v 19 I̱ homolene wiagoha kaware hewaria ibugua i̱ biamogo biya.  
\q2 Ibugua i̱ gubaliniore ho kagome i̱ gini minigo ko.\x + \xo 18.19 \xt Iba 31.8, 118.5\x*   
\b  
\q1
\v 20 I̱na mana bayale tigabi wiaru talialu bialu hewago hondowa\x + \xo 18.20 \xt 1 Sml 24.19\x*  
\q2 Anduane Homogohanda i̱hondo bayaleore biaga.  
\q1 I̱na mana ko mbira nabi hewago hondowa ibugua i̱hondo mana bayale biaabo haga ka.   
\q1
\v 21 Anduane Homogonaga mana tigabi ngaru i̱na taluwa bialu harugoni.  
\q2 I̱na i̱naga Ngode Datagaliwabe erembira mialu mana ko wiaru nabi bayale harugoni.   
\q1
\v 22 Ibunaga bi mana lo ngaru i̱na baya hangu talialu bialu haru.  
\q2 Ibugua bia layadagua i̱na mo wa nahe biaabo harugoni.   
\q1
\v 23 I̱na ibu deni howa ko mbira nabiore ibu mandabu ka.  
\q2 I̱na mana ko mbira buli lowa i̱ni ibagabu harugoha mamage haluore haruli.   
\q1
\v 24 Ibugua i̱na mana bayale tigabi wiaru talialu bialu hewago hondowa\x + \xo 18.24 \xt 1 Sml 26.23\x*  
\q2 i̱na mana ko mbira nabi hewago hondowabi  
\q1 Anduane Homogohanda i̱hondo bayaleore biaga.   
\b  
\q1
\v 25 Anduane Homogo-o mbiralime í̠ wahalu nape talima ibalu heagua  
\q2 í̠nabi nde ogoni ibu yu wahalu napiaga ke.\x + \xo 18.25 \xt Iba 25.10, 31.23, 37.28, 40.11, 89.24\x*  
\q2 Mbiralime ko mbira nabiaga howa ibuha ko nawi heagua nde  
\q2 í̠nabi ogoni ibuhondo mana bayale biadai biaga kegoni.   
\q1
\v 26 Mbiralime mana tigabi dege biaga heagua  
\q2 í̠nabi nde ogoni ibuhondo mana tigabi dege biadai biaga ke.  
\q2 Anigo mbiralime mana ko biaabo haga heagua  
\q2 í̠na ibuhondo handabe manga haga kegoni.   
\q1
\v 27 Wali agali tini mo dindiha haga karu  
\q2 í̠na ti biamogo bialu haru dai biaga ke.\x + \xo 18.27 \xt Iba 101.5, Min 6.17\x*  
\q2 Wali agali maru tini mo dunini howa mine haga karu  
\q2 í̠na ti mo dindiha haga kegoni.   
\b  
\q1
\v 28 Anduane Homogo i̱naga wá hagane haleore í̠ kegoni.\x + \xo 18.28 \xt Yob 29.3\x*  
\q2 I̱ arumaha kogola í̠na aruma holene mo wahaga kegoni.   
\q1
\v 29 I̱na waitigi bu karu bope halu wayali holiya í̠na i̱ hongo ngiaga ke.  
\q1 I̱na waitiginaga tano ngaruha ege pabe hongohe timbuni karu pogola anda poliya  
\q2 í̠na i̱ hongo timbuniore ngiaga kegoni.   
\b  
\q1
\v 30 Ngode Datagaliwabe ogoni ibunaga mana baya buruguleore biai haga ka.\x + \xo 18.30 \xt Iba 17.7, 119.140, Dan 4.37\x*  
\q2 Ibugua bi laragobi heneneore dege laga ka.  
\q1 Ibunime wali agali waitigi handalu ibida porarunaga humbi kago  
\q2 ti bibahende ibuha hage hai haga ka.   
\q1
\v 31 Anduane Homogo ibuni hangu Ngode Datagaliwabeore kagoni.\x + \xo 18.31 \xt Man 32.31, 32.39, 1 Sml 2.2, Ais 45.5\x*  
\q2 Inanaga ha do holene anda ege to̱le̱ ale hongohe Ngode Datagaliwabe ibuni hanguore ka.   
\q1
\v 32 Ibugua i̱naga ha do anda hongoheore kagonigo\x + \xo 18.32 \xt Iba 91.2\x*  
\q2 i̱ ibaga bu koria ibugua hariga bayale mo tiga biaga ka.   
\q1
\v 33 Ibugua i̱ nogo gabua mini dia ibagabu poralidagua pialu holiya i̱ handayaho haga ka.\x + \xo 18.33 \xt Man 32.13, 2 Sml 2.18, Hab 3.19\x*  
\q2 Hari nene ngaruha pialu koria ibugua handayaho kagome i̱ pi nalaga ko.   
\q1
\v 34 Ibugua i̱ wai bulene biawai haragome  
\q2 danda boronosime wabini hongoheore hibule ngago  
\q2 i̱na edalu babehe kogoni.   
\b  
\q1
\v 35 Anduane Homogo-o i̱naga waitigi hearunaga giha hewaria  
\q2 í̠naga humbi i̱ ngirigola i̱ wayali harugoni.  
\q2 Í̠na i̱ biamogo birigome i̱ wali agali karunaga deni agali mini leneore kogoni.   
\q1
\v 36 Hariga i̱ polene wiagoha í̠na handayaho kegome waitigime i̱ mina nabi.\x + \xo 18.36 \xt Min 4.12\x*  
\q1 Í̠na hariga bayale mo wirigome  
\q2 i̱ porogoha i̱naga ge gondo lalu pi nale bayale kogoni.   
\q1
\v 37 I̱na waitigi hearu talima pialu minu yania hai haruli.  
\q2 I̱na ti talima pugupugu bialu ti baiore hole wahalu dai nabi haruligoni.   
\q1
\v 38 I̱na ti bogaiore hewagola homo ibira hai haga.  
\q2 Ibira halu i̱naga geha wiai howa lone heyabe nahe wiaga.   
\q1
\v 39 I̱na waitigi baba wai buliya í̠nime hongo ngirigoni.  
\q2 Í̠na i̱ biamogo birigome i̱naga waitigi hearu i̱na ti bo podahana hai harugoni.   
\q1
\v 40 I̱ waitigi biaru i̱ handalu ibida purogo lelo í̠na mo bia hari.  
\q2 I̱na i̱ handabe manga haga hayaru bo wahai harugoni.   
\q1
\v 41 Tigua mbiralime ti biamogo bilo ga̱ lalu hayagoyu ti biamogo bulene mbira ai kabe.  
\q2 Mbirali naheore ndobe.  
\q1 Tigua ti biamogo bilo Anduane Homogo olayagoyu  
\q2 ibugua tinaga bi hale nahaya.   
\q1
\v 42 I̱na ti bo tagadabaga biwagola ti bame be abalu ale wialu  
\q2 puyabume yu purogo labehe hayagoni.  
\q1 Ba dege bialu bo hengeda halu hariga teneni waru wiraligobi haya.   
\b  
\q1
\v 43 Wali agali ko hearume i̱ bo waholilono í̠ni abale ibalu i̱ biamogo biri.  
\q2 Í̠na wali agali hameigini tara tara bu hearu handayaho holiya í̠na i̱ dabo helarida.  
\q2 Wali agali tara tara i̱na nahendene hearu áyu i̱ andaneha íbu hai ka.   
\q1
\v 44 Wali agali dindi taraha howa íbu hene karume i̱naga wanakuiha ibalu ge duli hanga haga ka.  
\q2 Tigua i̱na bi larugola abale hale halu i̱ talima ibaga.   
\q1
\v 45 Tinaga hongo ibira howa  
\q2 tigua tano wai pabe hongohe hearu wahalu  
\q2 tini duru lagalaga bima i̱ koria ibaga.   
\b  
\q1
\v 46 Anduane Homogo ibu haluheore kagoni.  
\q1 Ibu i̱naga ege to̱le̱ ale hongohe kago  
\q2 ibunaga mini mo yaraga hami̱ya.  
\q1 Ngode Datagaliwabe hongoheore ogoni ibu i̱ pele ngiaga kagonigo  
\q2 ibunaga mini timbuni yaraga haabo hami̱ya.   
\q1
\v 47 Ibugua i̱ biamogo bialu waitigi hearu bope halu i̱ mo wayali haga ka.\x + \xo 18.47 \xt Iba 94.1\x*  
\q2 Wali agali hameigini dindi tara tarani hearu i̱ andaneha helai haga ka.   
\q1
\v 48 Ibugua i̱naga waitigiru giha hewaria  
\q2 i̱ biamogo bialu i̱ bayale mo wiaga ka.  
\b  
\q1 Anduane Homogo-o í̠na i̱ pele ngialu i̱naga waitigiru mo dindiha helalu  
\q2 i̱ mo wayali helarigoni.  
\q2 Í̠na agali bo wahaga bu hearume i̱ bo wahole biyaria i̱ biamogo birigoni.   
\q1
\v 49 Anidagua birigonaga i̱na wali agali hameigini tara tara karunaga deni howa  
\q2 í̠naga mini yaraga holebero.\x + \xo 18.49 \xt Lm 15.9\x*  
\q2 I̱na í̠naga mini yaraga halu iba gana lolebero.   
\b  
\q1
\v 50 Anduane Homogohanda Debidi i̱ kini dabo helayago  
\q2 i̱naga waitigiru bope holiya ibugua i̱ mo wayali helaga ka.  
\q2 Ibugua i̱niore kini dabo helene kogohondo gubaliniore haabo haga ho kagoni.  
\q2 I̱naga waneigini aguanene mani holebiraru tihondobi ibugua gubalini ho haabo holebira.   
\c 19  
\s1 Ngode Datagaliwabehanda mbirale wabu heledarume ibuninaga mini mo yaraga holene walia kago ogo  
\q1
\v 1 Hari daligani li bigi biragome\x + \xo 19.1 \xt Iba 8.1, 50.6, Lm 1.19-20\x*  
\q2 Ngode Datagaliwabe ibuninaga mini mo yaraga holene  
\q2 inahondo bayuwaore walia haga bialu kagoni.  
\q1 Mbirale li harini bu karu bibahendeme  
\q2 Ngode Datagaliwabe ibugua bayaore wabiniyaru  
\q2 panigiore mo walia haga bidagoni.   
\q1
\v 2 Horo mbira mbira haga beramago bibahendeme inahondo\x + \xo 19.2 \xt Iba 74.16, 139.12\x*  
\q2 Ngode Datagaliwabe ibugua mbirale wabini harini li bu karunaga lalu langigi bialu ka.  
\q1 Mbiragabi mbi mbira mbira bibahendengi bi langialu dege kagoni.   
\q1
\v 3 Horobi mbibi libuni ne hariga nawi bi nalabehe kagoni.  
\q2 Ogoni labo libugua bi mbira lararia hale naharamaligoni.   
\q1
\v 4 Bi hale naharamaligoyu horola mbila libugua bigi biragome\x + \xo 19.4 \xt Lm 10.18\x*  
\q2 wali agali bibahendeme de handalu manda bilonaga lamialu kagoni.  
\q1 Libunaga bi ogoni dindi bibahendeni pume haragola  
\q2 wali agali bibahende hale haiho kagoni.  
\q1 Ngode Datagaliwabehanda li harini hona ni ibu palelonaga  
\q2 balai anda mbira bu heledagoni.   
\q1
\v 5 Igiri mbirame wandari dabu buwa ibu andaga haru pialu  
\q2 igiri ibu turu hama piagadagua  
\q2 ni ibu egerebagi turuho yalu tagira ibugu biaga.  
\q1 Agali gerai lagame gerai lo yalu hariga pu bola galo nabi  
\q2 tiga tigaore polene ngadagua  
\q2 ni ibu hariga ibuni piaga ngadaguaore turu halu piaga.   
\q1
\v 6 Ni ibu lirayagi howa tagira ibalu nairayagi anda piaga.\x + \xo 19.6 \xt Iba 113.3\x*  
\q1 Ani biagago mbirale mbira ni ibunaga tandaga biragome daba nahelo  
\q2 mo do habe nahe nga.   
\s1 Anduane Homogonaga bi lowini ngago ogo  
\q1
\v 7 Anduane Homogonaga bi lowini ngago\x + \xo 19.7 \xt Iba 119.130\x*  
\q2 baya gibi tigabiore lowini ngagoni.  
\q1 Ibunaga bi ogonime wali agali holene gahenge ngialu  
\q2 ina mo hongo hodai biaga.  
\q1 Anduane Homogonaga bi lo ngaru ina hanaho habehe kama.  
\q1 Wali agali mini nawi karu  
\q2 ibunaga bi ogonime mini gigabi mo wia haga.   
\q1
\v 8 Anduane Homogonaga bi lowigi bidaru tigabiore lowigi bidagoni.\x + \xo 19.8 \xt Iba 12.6, 36.9, 119.128\x*  
\q2 Bi uruni hale halu biaga karu ti turuho haga ka.  
\q1 Anduane Homogonaga bi lo ngaru duniniore lo ngagoni.  
\q2 Bi urunime ina manda bayale bulene ngiaga nga.   
\q1
\v 9 Anduane Homogohondo giho holenego mana bayaleore ogoni.\x + \xo 19.9 \xt Iba 119.138, 119.142\x*  
\q1 Ibuhondo giho holenego mana ogoni  
\q2 wali agalime bialu haho wiaaboore holebira.  
\q1 Anduane Homogohanda bi o langiradaruni  
\q2 henenebi tigabiorebi langiaabo haga ka.   
\q1
\v 10 Anduane Homogonaga biore baya duniniore\x + \xo 19.10 \xt Iba 119.72, 119.103, 119.127\x*  
\q2 wali agalime hame loabi muni ngolo dindiha lowa nga.  
\q1 Muni ngolo uruni koda lowa  
\q2 ibunaga bi ogoni baya gibiore ngago iname gubaliniore howa hame lolene nga.  
\q1 Anduane Homogonaga biore dendebi tombehe  
\q2 mone ibane dendebiore mbaria ngaru magubida lowa  
\q2 bi ogoni dende taraorebi ngagoni.   
\q1
\v 11 Anduane Homogo í̠naga bi lowigi bidegome\x + \xo 19.11 \xt Iba 17.4\x*  
\q2 i̱ í̠naga biabe biaga kogoni mana lalu mo tiga bigi biaga.  
\q1 I̱na í̠naga bi lo ngegodagua hale halu bigi berogola  
\q2 í̠na nde i̱hondo turu halu i̱ buru pado alego tiga handalu ngiaiore hariligoni.   
\b  
\q1
\v 12 Mbiralime ibuninaga ko biyago ibunime handabe nahe ka.\x + \xo 19.12 \xt Iba 40.12, 51.1-2, 90.8\x*  
\q1 Mana ko mbira bigi buwa  
\q2 i̱nime bu dambiho ko lo manda nabi koyagua  
\q2 mana ko o birudarunigo í̠na domai habe.  
\q1 Ani beregola í̠naga deni i̱ dodo nahe holebero.   
\q1
\v 13 Mana ko mbira i̱na bero lalu buligobi\x + \xo 19.13 \xt Iba 18.32, 25.11, 119.133\x*  
\q2 í̠na i̱ yaniho habe.  
\q1 Ko bulene tara tara ngarume i̱ mo pila haabo haragola  
\q2 i̱ ko andaneha haabo holigo í̠na i̱ gi mibe.  
\q1 Ani beregola i̱ ko mbira para nahe tigabiore holebero.   
\b  
\q1
\v 14 Anduane Homogo-o í̠ i̱naga ha do haganebi i̱ gi miaganebi kegoni.\x + \xo 19.14 \xt Iba 18.2, 31.5, 104.34\x*  
\q1 I̱na bi larogobi mitangi berogobi  
\q2 í̠naga deni karulape helo hame ledo.   
\c 20  
\s1 Wayali holenaga Anduane Homogohondo bi lenego ogo  
\q1
\v 1 Í̠ genda yu kengi Anduane Homogohanda biamogo bilo.  
\q2 Yagabanaga Ngode Datagaliwabehanda í̠ handayaho helo.   
\q1
\v 2 Ibugua ibuni anda Saiononi kagoria howa  
\q2 í̠ baya hangu handayaho halu  
\q2 mo hongo helobi hamelo ko.   
\q1
\v 3 Ibugua í̠na lomabu mererubi  
\q2 loma irani dai helo bu delaregobi  
\q2 bibahende hondowa turuho helo.   
\q1
\v 4 Í̠ mbirale hamelo keru bibahende ibunime ngilo.\x + \xo 20.4 \xt Iba 21.2\x*  
\q1 Biabe maru biaore bule lalu miniha mandabu keru  
\q2 ibugua í̠ biamogo bilo hamelo ko.   
\q1
\v 5 Í̠na wai bialu wayali harengi iname turu hai howa\x + \xo 20.5 \xt Iba 9.14, 60.4\x*  
\q2 inanaga Ngode Datagaliwabe kagonaga mini yaraga holeberema.  
\q1 Anduane Homogo ibunime í̠naga bi lareru bibahende hale hai helo hamelo ko.   
\b  
\q1
\v 6 Anduane Homogohanda mbirali ibunime dabo helene kago  
\q2 biamogo biagago i̱ manda bu kogoni.  
\q1 Ibuni dahuliya andaga bayale ngagoria howa  
\q2 ibugua i̱naga bi larogo hale hagaore ka.  
\q1 Hale howa ibuninaga hongomeore i̱ pele ngiragola  
\q2 i̱na wai bialu wayali haruli.   
\q1
\v 7 Hameigini maru bu karume wai biaga garo ale ngagoria\x + \xo 20.7 \xt Iba 33.16-17, Min 21.31, Ais 31.1\x*  
\q2 tinaga mini hanaho haga ka.  
\q1 Marume wai biaga nogo hosi karunaga hongoni  
\q2 mini hanaho haga ka.  
\q1 Iname nde Anduane Homogo inanaga Ngode Datagaliwabe kagonaga minini hanaho haga kamagoni.   
\q1
\v 8 Agali uruni ti ibira halu ereba hai holebiragoyu  
\q2 iname heyalu hongohe ho aribia holeberema.   
\b  
\q1
\v 9 Anduane Homogo-o í̠na inanaga kini kago wayali helo mo hongo habe.  
\q2 Iname í̠ olalu kamangi í̠na hale howa biamogo bibe.   
\c 21  
\s1 Kini ibu wayali hayagonaga Anduane Homogo mini yaraga henego ogo  
\q1
\v 1 Anduane Homogo-o í̠na kini kago mo hongo harigonaga ibu turuho kagoni.  
\q1 Biamogo bialu wayali helarigonaga  
\q2 ibugua í̠hondo turu timbuniho kagoni.   
\q1
\v 2 Í̠na ibunaga bu miniha hamelo heago ale miai hariya.  
\q1 Ibu wayali holenaga pele ngi layagola hale halu  
\q2 í̠na nangule nale miaore birigoni.   
\b  
\q1
\v 3 Í̠na ibu mo bayale hagane aleru ibu hearia ibilariyagoni.  
\q1 Kininaga manda ngolome wabini wiago  
\q2 ibunaga haguaneni í̠na mo karula hariya.   
\q1
\v 4 Ibugua holene bayale ngibe lalu hale hayagola\x + \xo 21.4 \xt Iba 61.5-6, 91.16\x*  
\q2 í̠na anidagua miriya.  
\q1 Ibu dindi ogoriani holene luore helo  
\q2 mo wia hariya.   
\b  
\q1
\v 5 Í̠na ibu biamogo birigome  
\q2 ibu agali mini lene mbira ka.  
\q1 Ibuha hongo holenebi mini lenebi kago  
\q2 í̠nime mirigoni.   
\q1
\v 6 Í̠na ibuhondo bayale holeneru wiaabo helo mirigoni.\x + \xo 21.6 \xt Iba 16.11, 45.7, Ab 2.28\x*  
\q1 Í̠ni ibu heba kaware haabo kegome  
\q2 ibu mo turu haabo haga ke.   
\b  
\q1
\v 7 Kini ibugua Anduane Homogohondo mini mbiraore hongohe wu kagoni.\x + \xo 21.7 \xt Iba 16.8\x*  
\q1 Anduane Homogo Daligaorene Daliga kago  
\q2 ibugua kini gubalini ho haabo haga kagome  
\q2 ibu hongohe ha ho wiaabo holebira.   
\q1
\v 8 Kini ibugua waitigi bu karu bibahende minu yania hai holebira.  
\q1 Agali ibu handabe manga haga karu hondowa  
\q2 ibugua garabaya helai holebira.   
\q1
\v 9 Ibuni hamani hapani ho howa\x + \xo 21.9 \xt Iba 18.8, Ais 26.11, Mal 4.1\x*  
\q2 ibugua irame bo dalu mbirale ngaru dai hagadagua  
\q2 waitigi karu bo wahai holebira.  
\b  
\q1 Anduane Homogohanda ti baba keba halu bope haragola  
\q2 ti bibahende irame dalu do amo lai holebira.   
\q1
\v 10 Kini ibugua tinaga waneigini bu karu bo wahai holebira.  
\q1 Tinaga waneigini aguanene mani holebirarubi  
\q2 mbira naheore ereba halu amo lai holebira.   
\q1
\v 11 Tigua kini ibu mo ko hole lowa\x + \xo 21.11 \xt Iba 2.1\x*  
\q2 dindiha hendore ndi lama ibaga bialu howabi  
\q2 tigua mo henene halu ibu bope naholebira.   
\q1
\v 12 Kini ibugua danda tege lalu ti kagoha timu baede haragola  
\q2 tigua gi halu ibida piai holebira.   
\b  
\q1
\v 13 Anduane Homogo-o í̠ hongo haabo holene taraore kego inaha ibilariligo  
\q2 ina í̠naga mini yaraga holeberema.  
\q2 Iname iba gana lalu í̠naga mini yaraga holeberema.   
\c 22  
\s1 Tandaga howa dugu binigobi ka̱i̱ lalu iba gana lenegobi ogo  
\q1
\v 1 I̱naga Ngode Datagaliwabe-o\x + \xo 22.1 \xt Iba 10.1, Md 27.46, Mg 15.34\x*  
\q1 I̱naga Ngode Datagaliwabe-o  
\q2 í̠na i̱ aginaga wahalu piribe.  
\q1 I̱ biamogoore bibelonaga dugu bialu bi larugolabi  
\q2 hale nahole í̠ kaundia uyuraore haruago irane aginagabe.   
\q1
\v 2 I̱naga Ngode Datagaliwabe-o i̱na horombe olalu kogo\x + \xo 22.2 \xt Iba 42.3, 88.1\x*  
\q2 í̠na ladai nabi ke.  
\q1 Mbiragabi nde olaabo halu kogoyu  
\q2 í̠na i̱naga genda mo wanahe haabo kegoni.   
\b  
\q1
\v 3 Anigoyu í̠ Ngode Datagaliwabe Kini Loma Bia Hene howa haru kegoni.  
\q2 Í̠ Kini kegola Isaraele wali agalime í̠naga mini mo yaraga haga.   
\q1
\v 4 Inanaga mamali heneyarume í̠ni hanaho haga biniya.\x + \xo 22.4 \xt Iba 78.53, 107.6\x*  
\q2 Tigua í̠ ani hanaho hemiria í̠na ti pele migi biniya.   
\q1
\v 5 Tini kooreni howa í̠ olaga biyagome  
\q2 tinaga waitigirunaga giha howa yo pialu pugu biniya.  
\q1 Tigua í̠ni hanaho haga biniyangi  
\q2 ti heagoria buru pale mbira nawi heneya.   
\b  
\q1
\v 6 Áyu wali agali bu karu bibahendeme\x + \xo 22.6 \xt Yob 25.6, Iba 31.11, Ais 41.14, 49.7\x*  
\q2 i̱ore handabe manga halu kerekere lalu ka.  
\q1 Tigua ani lalu kagome i̱ agali abale haruligobi ndo  
\q2 áyu ngoe dindini pialu ngaligobi ko.   
\q1
\v 7 I̱ handaya haga biraru bibahendeme i̱ mege bialu\x + \xo 22.7 \xt Ais 53.3, Md 27.39, Mg 15.29, Lg 23.35\x*  
\q2 tinaga ngui yogo bialu i̱hondo hége doma bigi biaga ka.   
\q1
\v 8 Anidagua bigi bialu howa tigua i̱hondo lalu,\x + \xo 22.8 \xt Md 27.43\x*  
\q1 Í̠ Anduane Homogoni hanaho hegodago  
\q2 ibugua í̠ genda yu keruni yamogo nabiradago aginagabe, laga.  
\q1 Anduane Homogo ibugua í̠ kalo manda bidayagua  
\q2 í̠ biamogo nabiradago aginagabe, laga.   
\b  
\q1
\v 9 I̱ pigane i̱ ai̱yahanda taba hanayangi howa\x + \xo 22.9 \xt Iba 71.5-6\x*  
\q2 í̠naga gi habeni halu anda harugo kogoni.   
\q1
\v 10 I̱ pigane hono wiyangi í̠naga gi habeni honope henego\x + \xo 22.10 \xt Ais 46.3, 49.1\x*  
\q2 i̱naga Ngode Datagaliwabe í̠ni hanaho halu dege anda harugo áyu o kogoni ndobe.   
\q1
\v 11 Ai gendabi tara tara i̱ kogoria hapara kago\x + \xo 22.11 \xt 2 Kin 14.26, Iba 72.12, Ais 63.5\x*  
\q2 i̱ biamogo bulene mbirali nahego í̠ dege ke lo kogoni.   
\b  
\q1
\v 12 Waitigi dewa bulumaga gabua agali hayaga alerume  
\q2 ho mabu bupe kagola i̱ dombeneha ko.  
\q1 Bulumaga wangabe gabua hongohe hiriribiore  
\q2 Basana dindini bu heane hendene  
\q2 ogobioreme i̱ ho mabu bupe kane ko.   
\q1
\v 13 Laiono gabuame agali bo tidu bagabu nole  
\q2 ne ha̱la howa ngororo lagadagua  
\q2 tigua i̱ bo nole ogonidagua bialu ka.   
\b  
\q1
\v 14 I̱naga hongo holene ereba haya.\x + \xo 22.14 \xt Iba 73.26, Dan 5.6\x*  
\q1 Iba dindini odo paya bini pu ereba hagadagua  
\q2 i̱naga hongo bibahende ereba hai halu pirilipe haya.  
\q1 I̱naga kuni damenego bibahende hibi habo lai halu  
\q2 i̱naga gubalini nira nama anda piarua.   
\q1
\v 15 I̱naga kembobe yobi abalu ale halu\x + \xo 22.15 \xt Iba 38.10\x*  
\q2 i̱naga hégene dugu tagi halu ne hambuni dugu bandalape ka.  
\q1 Anduane-o ani bidago i̱ durumbu o ngagoha homo tongolo muliya ngeledegoni.   
\b  
\q1
\v 16 Agali ko biagaru biango dudu tidiyu haradagua  
\q2 tidiyu howa i̱ ho mabu bupe ka.  
\q1 Tinaga ne tandagabigome i̱naga gi geru hayama iri dali bialu  
\q2 tinaga neme i̱ haya bolomogo bida.   
\q1
\v 17 Tigua i̱naga kuniru panaga karia hondowa  
\q2 i̱ yo handalu bame kuni hanguore o kagonida lowa handayaho ka.   
\q1
\v 18 Tigua i̱naga aga ti mo tale bialu\x + \xo 22.18 \xt Md 27.35, Mg 15.24, Lg 23.34, Yo 19.24\x*  
\q2 aga luni mbira daliga biagane wiwago  
\q2 ti ái ibu harabe hondole tadu bira.   
\b  
\q1
\v 19 Anduane Homogo-o í̠na i̱ hangu helo wanahabe.\x + \xo 22.19 \xt Iba 22.11, 70.5\x*  
\q1 I̱ biamogo bulene í̠ dege kegonigo  
\q2 i̱ biamogo bule abale íbu.   
\q1
\v 20 I̱naga waitigi karume ayu tibume i̱ ma puguligo pele ngibe.  
\q1 Biango ale o bu karume i̱ bo homa boligo  
\q2 í̠na i̱ abale pele ngi.   
\q1
\v 21 Laiono o bu karume i̱ bo nabeheore halu\x + \xo 22.21 \xt Iba 34.4, 118.5\x*  
\q2 bulumaga wangabe gabua o bu karumebi i̱ bayagua  
\q2 i̱ yo pialu pobe naheore kogonigo i̱ gini mia.   
\b  
\q1
\v 22 Í̠na gi mialu i̱ biamogo ogodagua biya lalu\x + \xo 22.22 \xt Iba 40.10, Hi 2.12\x*  
\q2 i̱na i̱naga wali agali karu hale helo loyogo loliya.  
\q1 Ti mo ngoai ho bedagoria howa  
\q2 i̱na í̠naga mini yaraga holebero.   
\q1
\v 23 I̱na ogodagua lolebero.  
\q1 Anduane Homogonaga biabe biahaga kamirume  
\q2 ibunaga mini yaraga hadaba.  
\q1 Yagabanaga waneigini kamirume  
\q2 Anduane Homogohondo ka̱i̱ ladaba.  
\q1 Isaraele hameigini kamirume  
\q2 Anduane Homogo ibu mitangi bialu lotu ladaba.   
\q1
\v 24 Ibugua yagibano karu biamogo bulene ha do waha\x + \xo 22.24 \xt Iba 31.22, 69.17, 69.33, Hi 5.7\x*  
\q2 tigua tandaga nalu karu hondowa nahende tingiha nabiaga kagoni.  
\q1 Ani nabi howa tinime biamogo bia lalu olaragola  
\q2 ibugua hale halu biamogo biaga ka, lolebero.   
\b  
\q1
\v 25 Bibahendeore ngoai ho kagoria í̠na birirunaga lalu\x + \xo 22.25 \xt Iba 35.18, 40.9-10, 61.8\x*  
\q2 i̱na í̠naga mini yaraga holebero.  
\q1 Í̠hondo turu halu mbirale bo ngulebero lalu lo wirugo  
\q2 wali agali í̠hondo gihe biru ngaru bibahendenaga deni howa ngulebero.   
\q1
\v 26 Yagibano damene íbu ngoai ho bedaru\x + \xo 22.26 \xt Iba 40.16, 69.32\x*  
\q2 bibahendeme ti noabiradagua nendebu nolebira.  
\q1 Anduane Homogo mitangi bule íbu ngoai ho bedaru bibahendeme  
\q2 ibunaga mini yaraga holebira.  
\q1 Wali agali uruniore bayale hangu hama puabo helo  
\q2 aniore bilo laro.   
\b  
\q1
\v 27 Wali agali hameigini tara tara paluyu pedaru\x + \xo 22.27 \xt Iba 2.8, 82.8, 86.9\x*  
\q2 bibahendeme Anduane Homogo ka manda bialu  
\q2 ibu karia ibalu ibu mitangi bialu lotu lai holebira.   
\q1
\v 28 Anduane Homogo ibu kini howa\x + \xo 22.28 \xt Iba 47.7-8, Seg 14.9\x*  
\q2 hameigini tara tara paluyu pedaru bibahende  
\q2 ibugua handame ho kagoni.   
\b  
\q1
\v 29 Wali agali minehe dindini holene mo tene ho karu bibahende ibalu\x + \xo 22.29 \xt Iba 89.48, Ais 10.16\x*  
\q2 Anduane Homogonaga geha bulu paliai holebira.  
\q1 Homalu dindi tago bulebirago manda buwa  
\q2 bibahendeme ani biai holebira.   
\q1
\v 30 Mani dabane hama porarume Anduane Homogonaga biabe bia holebira.\x + \xo 22.30 \xt Iba 102.18, 102.28\x*  
\q1 Tigua Anduane Homogo lalu maha anda ho aribia hene karu lamulebira.   
\q1
\v 31 Maha taba honolebiraru tibi lamialu,\x + \xo 22.31 \xt Iba 71.18, 78.6\x*  
\q2 Anduane Homogohanda ibunaga wali agali pele miya, lalu lamulebira.   
\c 23  
\s1 Anduane Homogo ibu inanaga haru haga kago ogo  
\q1
\v 1 Anduane Homogo ibu i̱naga haru haga kagoni.\x + \xo 23.1 \xt Iba 34.9-10, Ais 40.11, Yo 10.11, 1 Pi 2.25\x*  
\q1 Ani kagome i̱ buru pale mbira ngagola ibunime karulape ngulebira. \fig Anduane Homogo ibu i̱naga haru haga kago ... i̱ buru pale mbira ngagola ibunime karulape ngulebira.|src="HK 5d.tif" size="1" ref="(23.1)" \fig*   
\q1
\v 2 Ibugua i̱ tani gahenge kagoriabi  
\q2 iba gagahe bedagoriabi\x + \xo 23.2 \xt Iba 36.8, 65.11-13, Ese 34.14, Mo 7.17\x*  
\q2 ema nabi biruliya haru haga ka.   
\q1
\v 3 Ibugua hongo gahenge i̱ ngiaga.\x + \xo 23.3 \xt Iba 5.8, 19.7, 85.13\x*  
\q1 Ibugua ala bulebero lalu lo wiyadagua  
\q2 i̱ hariga tigabini haru piaga ka.   
\b  
\q1
\v 4 I̱ homolene ngagoria kaware pu haruyaguabi  
\q2 i̱ gi naholebero.\x + \xo 23.4 \xt Iba 16.8, 27.1, Ais 43.2, Mai 7.14\x*  
\q1 Anduane Homogo-o í̠ore i̱ heba haabo haga kegoni.  
\q1 Í̠naga kango halimbubi yidegome i̱ biamogo biaga.   
\b  
\q1
\v 5 I̱naga waitigi karu handaya ho helowa\x + \xo 23.5 \xt Iba 78.19, 92.10, Lg 7.46\x*  
\q2 í̠na i̱ tomo karulapeore noliya manda manda bu ngiaabo harili.  
\q1 Agali haguaneru tomo nabiya ibabe lowa bulenedagua  
\q2 habane nabuleneore i̱ kogohondo biaga ke.  
\q1 I̱naga iba beha iba hambu to̱la tagiore howa ngiaga ke.   
\q1
\v 6 Í̠naga gubalini haho wiaabo holenebi  
\q2 dara howa biamogo bulenebi\x + \xo 23.6 \xt Iba 25.7, 25.10, 27.4-6, 2 Ko 5.1\x*  
\q2 i̱ porodagua mandagi ibagabu haaboore holebiralo manda bido.  
\q1 I̱na Anduane Homogo í̠ andagaha haabo holebero.   
\c 24  
\s1 Anduane Homogo ibu dindi bibahendenaga kini kagonigo ogo  
\q1
\v 1 Dindi bibahendebi mbirale dindini karubi ngarubi\x + \xo 24.1 \xt Har 19.5, Man 10.14, Iba 50.12, 1 Ko 10.26\x*  
\q2 bibahendeore Anduane Homogo ibunaga hangu nga.  
\q1 Wali agalibi mbirale tara tara dindini ema bialu piaga damenerubi  
\q2 bibahendeore Anduane Homogo ibunaga hangu ka.   
\q1
\v 2 Anduane Homogohanda iba andaneha berelowa\x + \xo 24.2 \xt Iba 104.5, 136.6, 2 Pi 3.5\x*  
\q2 dindi ogo daliga wabu ngeleda.  
\q1 Dindi ogonaga gene dunini iba solowara timbuni bedago andaneha wa namu lowa  
\q2 dindi ogo pagaho ngeleda.   
\b  
\q1
\v 3 Mbirali Anduane Homogo mitangi halu hari nene kagoria\x + \xo 24.3 \xt Iba 15.1\x*  
\q2 iraga halu polene karulape ai kabe.  
\q1 Anduane Homogonaga anda lomabia hene hari neneni kago  
\q2 ge nahaga ogoniha ge yaanda halu polene karulape ai kabe.   
\q1
\v 4 Mbirali ibu gime mana ko mbira nabiagabi\x + \xo 24.4 \xt Iba 15.4, Ais 33.15-16, Md 5.8, 1 Ti 2.8\x*  
\q2 ibu bu minime mana ko mbira mitangi nabiagabi  
\q2 mbirale gime wabiniru mitangi nabiagabi  
\q2 tindule ogoale buliya lowa lahondo nahagabi  
\q1 uruniale nabiaga kago ibuni iraga halu polene karulape ka.   
\q1
\v 5 Wali agali urunibi karu  
\q2 Anduane Homogohanda ti pele mialu mo bayale holebira.  
\q1 Ngode Datagaliwabe ibugua tíha ko mbira nawi tí tigabiore kamigoni lolebira.   
\q1
\v 6 Wali agali urunibi karume\x + \xo 24.6 \xt Iba 27.8, 105.4\x*  
\q2 Ngode Datagaliwabe mitangi bialu ibu kagoria ibaga.  
\q1 Yagabanaga Ngode Datagaliwabe kago mitangi bialu  
\q2 ibuni kagoria kaware ibugu biaga.   
\b  
\q1
\v 7 Kini gibi kago ibu anda ibilo.\x + \xo 24.7 \xt Ais 26.2, Hag 2.7, Mal 3.1, 1 Ko 2.8\x*  
\q2 Panga payapai kamiruni amura dugu amu nana bidaba.  
\q1 Panga haraba bambaore howa payaho wiaabo hene karuni dugupe hadaba.  
\q1 Kini gibi biago ibilo ani bidaba.   
\q1
\v 8 Kini gibi ogoni ibu ai kabe.  
\q1 Kini ogoni ibu Anduane Homogo hongo gibihe biago kagoni.  
\q1 Anduane Homogo ogoni ibu wai bialu wayali haga gibi biagoni ka.   
\b  
\q1
\v 9 Kini gibi kago ibu anda ibilo.  
\q2 Panga payapai kamiruni amura dugu amu nana bidaba.  
\q1 Panga haraba bambaore howa payaho wiaabo hene karuni dugupe hadaba.  
\q1 Kini gibi biago ibilo ani bidaba.   
\q1
\v 10 Kini gibi ogoni ibu ai kabe.  
\q1 Anduane Homogo Bibahendeore Haru Haame Ho Haga biago  
\q2 ibuniore Kini gibi ogoni kagoni.   
\c 25  
\s1 Anduane Homogohondo handayaho habe lalu bi lenego ogo  
\q1
\v 1 Anduane Homogo-o i̱na i̱naga miniha mitangibu kogonaga\x + \xo 25.1 \xt Iba 86.4, 143.8\x*  
\q2 í̠hondo bi larogoni.   
\q1
\v 2 Í̠ i̱naga Ngode Datagaliwabeore kegoni.\x + \xo 25.2 \xt Iba 31.1, 41.11\x*  
\q1 I̱na í̠hondo mini mbiraore wu kogoni.  
\q1 I̱ wai wayali naharogonaga taga pani nanelabe.  
\q1 Waitigi karume i̱ bope halu wayali howa  
\q2 i̱ hondo oba nahelabe.   
\q1
\v 3 Wali agali í̠hondo mini mbiraore wialu mini dunubiahe karu\x + \xo 25.3 \xt Ais 21.2, 49.23, Hab 1.13\x*  
\q2 ti wai wayali naharagonaga taga naholebira.  
\q1 Wali agali mine halu mana ko biaga karu  
\q2 tini dari halu taga holebira.   
\b  
\q1
\v 4 Anduane Homogo-o í̠naga mana bayale ngeru i̱ lawai halu\x + \xo 25.4 \xt Iba 27.11, 86.11\x*  
\q2 hariga tigabini pialu holiya mo walia habe.   
\q1
\v 5 Í̠na bi mana henene lo ngego talialu bialu holiya i̱ lawai habe.\x + \xo 25.5 \xt Iba 40.1, 43.3, 79.9\x*  
\q1 Ngode Datagaliwabe í̠na i̱ haru dai bialu pele ngiaga kegonaga  
\q2 i̱na ani bibe laro.  
\q1 Horo bibahendengi í̠na i̱ biamogo bibelo  
\q2 mini dunubiaho haruligo kogoni.   
\b  
\q1
\v 6 Anduane Homogo-o í̠naga dara holenebi gubalini holenebi\x + \xo 25.6 \xt Iba 98.3, 103.17\x*  
\q2 irane nawini haga kego mitangi bibe.  
\q1 Í̠naga mana ogoni bambaore howa wiaga biago áyu wiaabo kagoni.   
\q1
\v 7 Anduane Homogo-o i̱ igiri daliahe hewangi\x + \xo 25.7 \xt Yob 13.26, Iba 31.19, 51.1\x*  
\q2 ko dewa bialu harugobi  
\q2 mine harugobi mitangi nahabe.  
\q1 Anduane Homogo-o í̠ bayaleore haabo kegonigo  
\q2 í̠naga gubalini holeneme i̱ dara halu mitangi bibe.   
\b  
\q1
\v 8 Anduane Homogo ibu bayale tigabiore kagoni.\x + \xo 25.8 \xt Iba 32.8, 86.5, 92.15\x*  
\q1 Wali agali mana ko biaga bu karume  
\q2 mini beregedalu mana bayale bialu helo  
\q2 ibugua biawai haga ka.   
\q1
\v 9 Ibugua wali agali tini mini mo dindi haga karu\x + \xo 25.9 \xt Iba 23.3, 27.11\x*  
\q2 bayuwa haru haga ka.  
\q1 Tigua ibunaga mana tigabi ngaru hangu bialu helo  
\q2 ibugua biawai haga ka.   
\q1
\v 10 Anduane Homogohanda ibunaga habo nalolene bi lowini ngagobi\x + \xo 25.10 \xt Iba 40.11, 103.18\x*  
\q2 ibunaga mana ngagobi wali agali talialu biaga karu  
\q1 ibugua tihondo gubalinibi mini bilinahebi howa  
\q2 ti hariga tigabini haru haabo haga ka.   
\b  
\q1
\v 11 Anduane Homogo-o í̠ni mini tigabi howa bule lalu lo wiridagua\x + \xo 25.11 \xt Har 34.9, Iba 79.9\x*  
\q2 mana ko bialu harugo domo wahabe.  
\q1 I̱na ko timbuniore biruru nde í̠na domo wahaiore habe.   
\q1
\v 12 Wali agali Anduane Homogo mitangi bialu  
\q2 mogolo haga karu aibe.  
\q1 Uruni ti mana bayale dabalu bialu helo  
\q2 ibugua hariga tigabi mo walia halu holebira.   
\q1
\v 13 Wali agali urunibi karu ti bayale halu\x + \xo 25.13 \xt Iba 69.36, Min 1.33, Yar 23.6\x*  
\q2 tinaga waneigini aguanenerubi dindi ogoria howa bayale holebira.   
\q1
\v 14 Anduane Homogo ibugua wali agali ibuni andaneha karu nenegeore haga kagoni.\x + \xo 25.14 \xt Pig 17.1, Yob 29.4, Min 3.32\x*  
\q1 Ibugua ibunaga habo nalolene bi lowini ngaru  
\q2 tihondo lawai haga kagoni.   
\b  
\q1
\v 15 I̱na horo bibahendengi Anduane Homogohanda i̱ biamogo bilo\x + \xo 25.15 \xt Iba 123.2, 124.7\x*  
\q2 ibuhondo mini dunubia ho haga kogoni.  
\q1 I̱ mo ko holene bu ngagoria kogola  
\q2 ibugua i̱ pele ngialu mo wiaga kagoni.   
\q1
\v 16 Anduane Homogo-o i̱ni hangu howa i̱naga hongo ereba hayadago  
\q2 í̠na i̱ dara halu biamogo bule abale ibabe.\x + \xo 25.16 \xt Iba 69.16, 143.4\x*   
\q1
\v 17 I̱ hendore holene ngadagua holiya\x + \xo 25.17 \xt Iba 40.12, 107.6\x*  
\q2 i̱ha genda bu ngelo koruni í̠na mo wahabe.  
\q1 Mini tumutumu bulene ngarume i̱ bope nahelo  
\q2 í̠na i̱ abale biamogo bibe.   
\q1
\v 18 I̱ha genda tandagaru ngelo koru mitangi bialu\x + \xo 25.18 \xt Iba 31.7, 103.3\x*  
\q2 i̱na ko bini ngoru bibahende í̠na domo wahai habe.   
\b  
\q1
\v 19 I̱naga waitigi dewaore bu karu de handa.\x + \xo 25.19 \xt Iba 3.1-2, 9.13\x*  
\q1 Tigua i̱ handabe manga timbuni kagobi de handabe.   
\q1
\v 20 I̱naga waitigi karume i̱ bo wanahelo  
\q2 í̠na i̱ handayaho halu pele ngibe.  
\q1 Tigua i̱ mo taga nahelo  
\q2 i̱na í̠ kegoha ha do hole ibulebero.   
\q1
\v 21 I̱na í̠hondo mini mbiraore wu kogo\x + \xo 25.21 \xt Iba 41.12\x*  
\q2 i̱naga mana bayale tigabi bulene ngorume  
\q2 i̱ haru haabo helo hamelo kogoni.   
\b  
\q1
\v 22 Ngode Datagaliwabe-o í̠naga Isaraele wali agali bu karunaga genda tara tara ngarume\x + \xo 25.22 \xt Iba 130.8\x*  
\q2 ti bo hengeda nabilo  
\q2 í̠na ti pele mialu haru dai bibe.   
\c 26  
\s1 Wali agali tigabi karume bi lolenego ogo  
\q1
\v 1 Anduane Homogo-o i̱na í̠hondo mini mbiraore wu haabo howa\x + \xo 26.1 \xt 2 Kin 20.3, Iba 28.7, Min 20.7\x*  
\q2 mana tigabi hangu bialu harugo  
\q2 í̠na i̱ bayale ka labe.   
\q1
\v 2 Anduane Homogo-o i̱na bialu haga ngoru\x + \xo 26.2 \xt Iba 17.3, 139.23, Seg 13.9\x*  
\q2 í̠na bibahendeni howa i̱ ba handabe.  
\q1 I̱naga bu minibi baya hangu dabo handaga bigi bibe.   
\q1
\v 3 Í̠naga dara halu gubalini holeneme i̱ handayaho haga kegoni.\x + \xo 26.3 \xt 2 Kin 20.3\x*  
\q1 Í̠ mini bilinahe kegome  
\q2 i̱ poleberogoha pu bamba halu í̠na i̱ yu wahalu napiaga kegoni.   
\b  
\q1
\v 4 I̱ agali ko biaga karu heba naharuli.  
\q1 Agali tombene hondokihe karu baba i̱ nenege nahaga kogoni.\x + \xo 26.4 \xt Iba 1.1, Yar 15.17\x*   
\q1
\v 5 I̱ agali mini kowi karu baba ibaga bibe manga howa\x + \xo 26.5 \xt Iba 1.1, 31.6, 139.21-22\x*  
\q2 mana ko biaga karu helalu habagi ho haruli.   
\b  
\q1
\v 6 Anduane Homogo-o i̱ha ko mbira nawiore kogo walia halu\x + \xo 26.6 \xt Iba 73.13, 1 Ti 2.8\x*  
\q2 i̱na i̱naga gi wayawaya bo waharogoni.  
\q1 I̱ í̠naga lomabu delaga dabu bu kagoria pu mabu bialu howa  
\q2 i̱na í̠ mitangi bialu lotu lalu kogoni.   
\q1
\v 7 I̱na anidagua bialu howa  
\q2 í̠hondo ka̱i̱ lalu iba ganaru larogoni.  
\q1 Í̠na mbirale bayale bialu hariruni  
\q2 wali agali bibahendeme hale helo i̱na lamiai harogoni.   
\b  
\q1
\v 8 Anduane Homogo-o í̠naga anda í̠ni kegoha kago i̱ hame timbuni ledo.  
\q1 Í̠ mini timbunibi wá holenebi haabohe ngagoria kego  
\q2 i̱naga gubalinime hame timbuni lo kogoni.   
\q1
\v 9 Mana ko biaga karu heba í̠na i̱ bo wanahabe.\x + \xo 26.9 \xt 1 Sml 25.29, Iba 28.3\x*  
\q1 Mendeali homelo bo wahaga karu í̠na ti bo waharengi  
\q2 i̱ ti heba homoliya ba nabi helabe.   
\q1
\v 10 Uruni tigua mana ko ngubiore ngaru biaabo haga kagoni.\x + \xo 26.10 \xt Man 16.19, 1 Sml 8.3, Ais 33.15\x*  
\q1 Tigua wali agali bayale kago mo ko halu  
\q2 agali tara karume bame bo wahelo  
\q2 ohowa muni hana haga kagoni.   
\b  
\q1
\v 11 Anigoyu i̱nime mana bayaleore ngaru taluwa bialu haga kogonigo  
\q2 í̠na i̱ dara howa biamogo bialu haru dai bibe.   
\b  
\q1
\v 12 I̱ mana tigabi yani ho howa hongoheore haga kogo\x + \xo 26.12 \xt Iba 22.22, 27.11, 40.2, 107.32\x*  
\q2 mbirale mbirame i̱ mo ko habe nahe.  
\q1 Wali agali Anduane Homogo mitangi bialu lotu lole ngoaiho bedagoria howa  
\q2 i̱na ibunaga mini yaraga halu holebero.   
\c 27  
\s1 Anduane Homogonaga mini yaraga halu bi lolene ogo  
\q1
\v 1 I̱naga wá holenebi i̱ pele ngulenebi Anduane Homogo ibuni hangu kagoni.  
\q2 Ani kagola i̱ mbirali hondowa gi naholebero.\x + \xo 27.1 \xt Iba 118.14, Ais 33.2, 60.20, Mai 7.8\x*  
\q1 Anduane Homogo ibugua mbirali gibi ale bu ngarunaga howa  
\q2 i̱ mo wiaga kagola i̱na mbiralihondo gi naholebero.   
\b  
\q1
\v 2 Agali ko i̱naga waitigi karume\x + \xo 27.2 \xt Iba 9.3, 14.4\x*  
\q2 i̱ de handaya halu bo wahole manda biyagua  
\q2 tiniha dai bulebira.   
\q1
\v 3 Agali wai tidiyu henego bibahendeoreme i̱ore bole lowa  
\q2 ho mabubupe ho kayaguabi i̱ gi naholebero.  
\q1 I̱naga waitigi karume i̱ baba wai kama layaguabi ti ani lo helo  
\q1 i̱ Anduane Homogohondo mini mbiraore wiaabo howa  
\q2 miniha dungulo holebero.\x + \xo 27.3 \xt Yob 4.6, Iba 3.6\x*   
\b  
\q1
\v 4 I̱ Anduane Homogohondo bi lalu mbirale mbira hangu bulene hamelo ko lalu lamiru.\x + \xo 27.4 \xt Iba 18.6, 23.6, 90.17\x*  
\q1 Ogonigo i̱ dére emabu kongi  
\q2 Anduane Homogo ibu andagani haabo holene hame ledo lalu lamiru.  
\q1 Ani lowa Anduane Homogonaga biamogo bulenebi  
\q2 baya turubini bulenebi  
\q2 mana bayale uruni alego bayuwaore handa tiga bialu  
\q1 i̱ hama polenego ogodagua hama pobe lalu bi langigi bilo hame laru.   
\q1
\v 5 Gendabi mini burugule wigi bidangi ibugua i̱ bira do helolebira.  
\q2 Ibugua ibuninaga andaha i̱ bayale holiya mo do holebira.  
\q1 Ani bialu ibugua i̱ taba muwa  
\q2 ege to̱le̱ hari wedagoria neneoreni bo iraga holene tobaheni minu berelolebira.\x + \xo 27.5 \xt Iba 17.8, 31.20, 40.2, 50.15\x*   
\q1
\v 6 Anidagua bigi biragola i̱na i̱naga waitigiru bope halu\x + \xo 27.6 \xt Iba 3.3, 107.22\x*  
\q2 i̱ wayali holebero.  
\q1 I̱na turu howa ali iwaru lalu  
\q2 Anduane Homogonaga andaha ibunaga lomaru bo delolebero.  
\q1 I̱na Anduane Homogonaga mini yaraga halu iba gana lolebero.   
\b  
\q1
\v 7 Anduane Homogo-o i̱na í̠ olarogola hale halu ladai bibe.\x + \xo 27.7 \xt Iba 4.3, 13.3, 61.1\x*  
\q1 Í̠na i̱ dara nahabehe kogoni harugo  
\q2 i̱ dara halu bi larogo hale halu ladai bibe.   
\q1
\v 8 Í̠na i̱hondo lalu,\x + \xo 27.8 \xt Iba 34.4, 105.4, Amo 5.6\x*  
\q1 I̱ mitangi bialu lotu lole i̱ kogoria ibabe, larigola  
\q2 i̱na, E̱ Anduane Homogo-o ibulebero, lalu ladai birugoni.   
\q1
\v 9 Anduane Homogo í̠na i̱hondo manga halu erembira nguleni.\x + \xo 27.9 \xt Iba 6.1, 40.17, 69.17, 94.14\x*  
\q1 Anduane Homogo-o i̱ í̠naga biabe biahaga harugonigo  
\q2 í̠na i̱hondo keba halu erembira ngialu poleni.  
\q1 I̱naga Ngode Datagaliwabe i̱naga Pele Ngiaga-o  
\q2 i̱ biamogo biaga í̠ harigonigo  
\q2 i̱ helalu erembira ngialu poleni laro.   
\q1
\v 10 I̱ aba ai̱yalame i̱ handabe manga halu bo batagi hayaguabi\x + \xo 27.10 \xt Ais 40.11, 49.15, Yo 16.32, 2 Ti 4.16-18\x*  
\q2 Anduane Homogo ibugua i̱ ibunaga adogeha yamuwa de hondo holebira.   
\b  
\q1
\v 11 Anduane Homogo-o i̱naore bialu holiya\x + \xo 27.11 \xt Iba 5.8, 25.4, 86.11\x*  
\q2 í̠na manda bu ngedagua i̱hondo walia habe.  
\q1 I̱naga waitigi dewa bu karume i̱ boligo  
\q2 i̱ hariga gibi hiriribini haru nape hariga tigabini haru pobe.   
\q1
\v 12 I̱naga waitigi i̱ bolene kagoria i̱ hangu helo wahalu poleni.\x + \xo 27.12 \xt Man 19.18, Md 26.60, Ab 9.1\x*  
\q1 Tigua tindule i̱ nabinigobi bame dibade halu  
\q2 i̱ mo gi̱la halu bi lai damene haragola ti bime i̱ bo ngoai haga kago  
\q1 Anduane Homogo í̠na i̱ yu wahalu poleni laro.   
\b  
\q1
\v 13 Anduane Homogo ibunaga mana baya gibiore  
\q2 áyu ina kamangi bigi birago i̱ hondole holebero manda bido.\x + \xo 27.13 \xt Iba 31.19, Yar 11.19\x*   
\q1
\v 14 Anduane Homogohanda biamogo bulebira manda bialu\x + \xo 27.14 \xt Iba 62.5, Min 20.22, Ais 25.9\x*  
\q2 ibuhondo mini mbiraore wu halimu.  
\q1 Bu miniha genda nahe hongo ho halimu.  
\q1 Anduane Homogohanda biamogo bulebira manda bialu  
\q2 ibuhondo mini mbiraore wu halimu.   
\c 28  
\s1 Anduane Homogohondo biamogo bia lalu bi lenego ogo  
\q1
\v 1 Anduane Homogo-o í̠ ege to̱le̱ ale hongohe kego\x + \xo 28.1 \xt Iba 83.1, 88.4, 143.7\x*  
\q2 í̠na i̱ biamogo bibelo olalu kogoni.  
\q1 I̱na í̠ olarogo haleore habe.  
\q1 Í̠na i̱naga bi larogo hale halu i̱ biamogo nabiriyagua nde  
\q2 i̱ agali homene dindiha pu karu ale holeberodalo manda bido.   
\q1
\v 2 I̱na i̱ biamogo bia lalu í̠ olalu kogola\x + \xo 28.2 \xt Iba 5.7, 138.2\x*  
\q2 í̠na i̱naga bi hale habe.  
\q1 I̱na í̠ninaga anda loma bia heneha í̠ keria i̱naga gi yaraga halu  
\q2 í̠hondo bi lalu kogola hale habe laro.   
\q1
\v 3 Í̠na mini kowi karu heba i̱ bope nahabe.\x + \xo 28.3 \xt Iba 26.9, 55.21, Yar 9.8\x*  
\q1 Uruni tigua mana ko biaga howa  
\q2 bi bayale dege lalu  
\q2 miniha handabe manga holene ngaru doho haga kago  
\q1 i̱ ti heba mo ko hamaga nahabe.   
\b  
\q1
\v 4 Tigua ko uruni biyagonaga pani nelo mibe.\x + \xo 28.4 \xt 2 Ti 4.14, Mo 18.6, 22.12\x*  
\q1 Ko biaganego pani nelo mo mibe.  
\q1 Tinime mana ko bibahende biyarunaga  
\q2 tini biyagobi pani nelo migi bibe.   
\q1
\v 5 Agali ko uruni tigua Anduane Homogohanda biabe timbuni bini ngaru mitangi nahagabi\x + \xo 28.5 \xt Yob 34.27, Ais 5.12\x*  
\q2 bibahende wabini ngaru mitangi nahagabi ka.  
\q1 Tigua ani bialu kagonaga pani mialu  
\q2 ibugua ti bo wahaiore holebira.   
\b  
\q1
\v 6 Anduane Homogohanda i̱na dugu bialu biamogo bia lalu olalu harugola  
\q2 ibugua hale hayagonaga i̱na ibunaga mini yaraga harogoni.   
\q1
\v 7 Anduane Homogo ibugua i̱ handaya howa\x + \xo 28.7 \xt Iba 13.5, 18.2, 22.4\x*  
\q2 i̱naga humbi ale kagoni.  
\q1 Ibu karulapeore kago mitangi bialu  
\q2 i̱ ibuha hanaho kogoni.  
\q1 Ibugua i̱ biamogo biaga kago  
\q2 i̱na turu halu iba ganaru lalu  
\q2 ibunaga mini yaraga halu kogoni.   
\b  
\q1
\v 8 Anduane Homogohanda ibunaga wali agaliru baya hangu handayaho haga.  
\q2 Ibugua agali kini helo ibunime dabo helayagobi  
\q2 biamogo bialu mamage ho haga ka.   
\q1
\v 9 Anduane Homogo-o í̠naga wali agali pele mialu\x + \xo 28.9 \xt 1 Kin 8.51-53, Iba 78.1\x*  
\q2 ti í̠ninagaore helo dabo helarigo  
\q2 í̠nime bayuwa biamogo bibe.  
\q1 Nogo sibi haru haga ale howa  
\q2 í̠na wali agali uruni tinaga haru haganeore í̠ni howa  
\q2 ti bayuwa handaya halu haru haabo habe.   
\c 29  
\s1 Anduane Homogohanda dalu puyaburuha howa bi latagi hagago ogo  
\q1
\v 1 Dahuliyali kamiru-o\x + \xo 29.1 \xt Iba 96.7-9\x*  
\q1 Anduane Homogo kagonaga mini mo yaraga hadaba.  
\q1 Wá taraore holenebi hongo holenebi  
\q2 ibuni hangu kago turu timbuni hadaba.   
\q1
\v 2 Anduane Homogo ibuni baya buruguleore kagonaga mini yaraga hadaba.\x + \xo 29.2 \xt 2 Bit 20.21\x*  
\q1 Ibu mitangi bialu ibunaga wanakuihayagi bulupalialu  
\q2 ibunaga mini yaraga halu lotu ladaba.   
\b  
\q1
\v 3 Anduane Homogonaga bi larago  
\q2 iba solowara bedarume hale hai haga.  
\q1 Ngode Datagaliwabe ibuni mini leneore kagome  
\q2 ibunaga bi hari kulu laradagua biayua.  
\q1 Iba solowara berearuha daligani  
\q2 ibunaga bi timbu hari kili kulu laradagua biayuagoni.   
\q1
\v 4 Anduane Homogonaga bi hongohe gibi taraore layuagoni.  
\q1 Wali agali bibahende bu hearume ibunaga bi laragola  
\q2 hale howa mogo lalu gi hai haga.   
\b  
\q1
\v 5 Anduane Homogo ibunaga bime  
\q2 ira tamia hearu bo dangia lahole biagaya.  
\q1 Ira tamia Lebanono dindi hene heaguabi aniore biagaya.   
\q1
\v 6 Anduane Homogohanda Lebanono dindiha hari timbuni wearu mo emabia haragola  
\q2 nogo bulumaga iginime pogoladagadaga biagadagua bilaga ka.  
\q1 Hari Hemono wedago nogo bulumaga wangabe daluame  
\q2 pogoladagadaga biradagua ani bilaga ka.   
\b  
\q1
\v 7 Anduane Homogohanda bi laragola  
\q2 hari daba migimege lalu wá timbuni hagimbu biagaya.   
\q1
\v 8 Ibunaga bi laragome dindi ko wali agali nahaga ngaru  
\q2 mo birila gimbu biagaya.  
\q1 Kedese dindi ko iba dalu naibaga ngaru  
\q2 mo birila gimbu biagaya.   
\q1
\v 9 Anduane Homogohanda bi hongo howa laragola  
\q2 nogo gabua karume hale halu mogolo puwa  
\q2 igini abale wupe hagaya.  
\q1 Ibugua bi hongo howa laragome  
\q2 ira yuni karu gilopaya bilagaya.  
\q1 Ibunaga anda kagoha wali agali bibahendeme lalu,  
\q2 Ngode Datagaliwabe ibu mini leneore ka, lagaya.   
\b  
\q1
\v 10 Anduane Homogo ibugua iba solowara timbuni bedaru handameho haga.\x + \xo 29.10 \xt Pig 6.17, Yob 38.8, 38.25, Iba 28.8\x*  
\q2 Ibu Kini timbuniore howa hondo haabo haga kagoni.   
\q1
\v 11 Anduane Homogohanda ibunaga wali agali bu karu  
\q2 mo hongo haabo haga kagoni.  
\q1 Ibugua ti mo bayale heledagola  
\q2 ti mo palia holene karulo haabo haga ka.   
\c 30  
\s1 Anduane Homogohondo ka̱i̱ lalu bi lenego ogo  
\q1
\v 1 Anduane Homogo-o í̠na i̱ waitigi hearume i̱ bo hengedalu turu nahelo  
\q2 i̱ pele ngialu haru dai birigonaga  
\q1 i̱na turu timbuniore howa  
\q2 í̠naga mini yaraga halu kogoni.   
\q1
\v 2 Anduane Homogo-o í̠ i̱naga Ngode Datagaliwabeore kegonigo\x + \xo 30.2 \xt Iba 6.2, 88.13, 103.3\x*  
\q2 i̱na í̠hondo biamogo bia lalu olarugola hale hari.  
\q1 Hale howa í̠na i̱ biamogo bialu mo dabi ho helarigo ko.   
\q1
\v 3 Anduane Homogo-o i̱ homene ale hewaria\x + \xo 30.3 \xt Iba 28.1, 86.13\x*  
\q2 í̠na i̱ lone mo heya harigoni.  
\q1 I̱ homene dininiru pu hagaha hewaria  
\q2 í̠na i̱ha holene karula halu ngia dai birigoni.   
\b  
\q1
\v 4 Anduane Homogonaga wali agali mini bilinaheore kamiru-o\x + \xo 30.4 \xt Har 3.15, Iba 135.13, 149.1\x*  
\q2 tígua ibu mini yaraga halu iba gana lalu hadaba.  
\q1 Mbirali mini Baya Buruguleore kago  
\q2 ibunime tíhondo mbirale bigi biyarunaga mitangi bialu  
\q2 ibunihondo ka̱i̱ lalu hadaba.   
\q1
\v 5 Ibugua keba tigimandi hangu ho haga kagoyu\x + \xo 30.5 \xt Iba 103.9, Ais 26.20, 2 Ko 4.17\x*  
\q2 ina dindini kamangi ina mitangitangi bialu  
\q2 biamogo biaabo haga kagoni.  
\q1 Mbiraga de iba ibalu palu heyalu  
\q2 horo mendengi turu ha aribia holebira.   
\b  
\q1
\v 6 I̱ni hangu mitangi bialu lalu,\x + \xo 30.6 \xt Yob 29.18, Iba 10.6, 62.2, 62.6\x*  
\q1 I̱ karulapeore kogo i̱naga waitigi karume  
\q2 i̱ mo para nahabehe ko, laru.   
\q1
\v 7 Anduane Homogo-o í̠na i̱hondo bayale bialu haabo kegoni.  
\q1 Í̠na anda hongohe hari neneni hagagobi howa  
\q2 i̱ helarigo kogoni.  
\q1 Ani birigoyu i̱ helalu pialu í̠ ha do harigola  
\q2 i̱ha gi holene timbunime bo hengeda dambi haga biya.   
\b  
\q1
\v 8 I̱na Anduane Homogo í̠ olarugoni.  
\q1 I̱ dara howa biamogo bia, hongo howa lalu harugoni.   
\q1
\v 9 I̱ homaruyagua nde  
\q2 i̱ha howa bayale mbira agi tagira ibulubadabe.  
\q1 I̱ homaliha piruyagua nde  
\q2 bayale agi bia tagi holobadabe.  
\q1 Homenerume í̠naga mini yaraga holobadabe.  
\q1 Í̠na bayale biaabo haga kegonaga  
\q2 tigua latagi agua holobadabe.   
\q1
\v 10 Anduane Homogo-o í̠na i̱naga bi larogo hale howa dara habe.  
\q1 Anduane Homogo-o í̠na i̱ biamogo bibe laro.   
\b  
\q1
\v 11 Í̠na i̱ha genda wiwaru bibahende mo wahai harigola\x + \xo 30.11 \xt Aga 3.4, Ais 20.2, Yar 31.13\x*  
\q2 turu howa mali lulene wia aribia helarigoni.  
\q1 Abale i̱ mbirali homaragola daraho hagagobi hewaria  
\q2 í̠na i̱ha dara holene uruni mo wahai halu  
\q2 i̱naga bu miniha turu holene mo wia aribia helarigoni.   
\q1
\v 12 Ainde i̱na í̠hondo bi nale holebero ndo  
\q2 i̱na í̠naga mini yaraga halu iba ganaru lalu holebero.  
\q1 Anduane Homogo-o í̠ i̱naga Ngode Datagaliwabeore kegonaga  
\q2 i̱na í̠hondo ka̱i̱ lalu haabo holebero.   
\b  
\c 31  
\s1 Anduane Homogohondo mini mbiraore wuwa bi lenego ogo  
\q1
\v 1 Anduane Homogo-o i̱na í̠ kegoha ha do hole eberogoni.\x + \xo 31.1 \xt Iba 22.5, 71.1, Ais 49.23\x*  
\q2 I̱ waitigi karume i̱ bope nahelo í̠na biamogo bibe.  
\q1 Í̠naga mini tigabiore kegonigo i̱ pele ngibe laro.   
\q1
\v 2 I̱naga bi larogo hale habe.\x + \xo 31.2 \xt Iba 71.2\x*  
\q1 Í̠na i̱ pele ngule abale ibabe.  
\q1 I̱ ha do holene egeanda ale í̠ kegoni.  
\q1 I̱naga waitigirume i̱ bope holigo  
\q2 í̠na i̱ ho hagira bu habe.   
\b  
\q1
\v 3 Heneneore í̠ i̱naga ha do anda ale howa\x + \xo 31.3 \xt Iba 18.2, 23.3, 25.11\x*  
\q2 i̱ baya hangu handayaho kegoni.  
\q1 I̱ hariga polene ngagoria pialu kogola  
\q2 í̠na haru holebero lalu abale lo wiridagua  
\q2 i̱ haru halu bamba habe.   
\q1
\v 4 Waitigi karume i̱ gonoha delo  
\q2 gono wiaho ngagoria pialu do wuligo  
\q2 í̠ i̱naga ha do anda kegonigo í̠na handayaho habe.   
\q1
\v 5 I̱ni í̠ha ya harogoni.\x + \xo 31.5 \xt Lg 23.46, Ab 7.59\x*  
\q1 Anduane Homogo-o í̠ Ngode Datagaliwabe mini bilinaheore kegonigo  
\q2 i̱ pele ngialu haru dai bulebere.   
\b  
\q1
\v 6 Wali agali dama mitangi bialu  
\q2 gime wabini ngagohondo bi pupu wiaga karu hondowa  
\q2 í̠ turu nahaga kegoni.  
\q1 I̱na nde í̠hondo mini mbiraore wu haga kogoni.   
\q1
\v 7 Í̠na i̱ gubaliniho haabo haga kegonaga  
\q2 i̱na í̠hondo turu timbuni ho kogoni.  
\q1 I̱ genda yu kogo í̠ hendede.  
\q1 Mo ko holene íbu ngago í̠ manda bu kegoni.   
\q1
\v 8 Waitigi bu karume i̱ minu garabaya bilo\x + \xo 31.8 \xt Iba 18.19\x*  
\q2 í̠na i̱ yupe nahe  
\q2 handayaho haabo harigola i̱ bayale kogoni.   
\b  
\q1
\v 9 Anduane Homogo-o i̱ genda timbuniore yu kogo  
\q2 í̠na i̱ dara halu biamogo bibe.  
\q1 I̱na dugu bialu haabo hewaria i̱naga de tohe kogoni.  
\q2 I̱naga hongo bibahende pirilape haya.   
\q1
\v 10 I̱ miniha genda yu kogome\x + \xo 31.10 \xt Iba 32.3, 102.3\x*  
\q2 i̱naga holene mo tubagi holobada.  
\q1 I̱na dugu hongo howa bialu haabo kogome  
\q2 i̱ dindini lu haabo naholeda.  
\q1 I̱ha genda timbuniore ngelo kogome  
\q2 i̱naga hongo ibira halu ereba haya.  
\q1 I̱naga kunibi gedaore haragoni.   
\b  
\q1
\v 11 Waitigi bu karume i̱ mege bialu ka.  
\q1 I̱ damene karume i̱hondo bi ko lalu kagoni.  
\q2 I̱ mandabi karume i̱ hondowa gi hara.  
\q1 I̱ harigani pialu koria wali agali lola haga birarume  
\q2 i̱ handalu ti ibida pugupugu biaga.   
\q1
\v 12 Wali agali bu karume agali homenego embeda ho wahagadagua\x + \xo 31.12 \xt Iba 88.4-5\x*  
\q2 tigua i̱ embeda hai haya.  
\q1 I̱ iba be pambulo wahene ngaligobi harudane hendedo.   
\q1
\v 13 Waitigi dewa karume i̱ mege timbuni bialu hearia hale haru.  
\q1 Tigua i̱ mo gibia timbuniore hole haragoni.  
\q1 Tigua mo ngoai howa i̱ mo ko hole manda bialu  
\q2 i̱ bo waholenaga bi pongo balu ka.\x + \xo 31.13 \xt Yar 6.25, 20.3, 20.10, Md 27.1\x*   
\b  
\q1
\v 14 Anigo uruni bialu helowa  
\q2 Anduane Homogo-o i̱na í̠hondo mini mbiraore wu ko.  
\q1 I̱naga Ngode Datagaliwabeore í̠ kegoni, lalu ko.   
\q1
\v 15 Horo bibahendengi í̠naga giha i̱ haabo kogoni ndobe.  
\q1 Í̠na i̱ waitigi karunaga giha koria  
\q2 agali i̱ mo ko hole talima ibaga bu karunaga giha koriabi i̱ yamibe.   
\q1
\v 16 Í̠naga biabe biahaga agali kogo hondowa i̱ dara habe.\x + \xo 31.16 \xt Dag 6.25-26, Iba 4.6, 67.1\x*  
\q1 Í̠na gubalini timbuni haga kegome i̱ pele ngibe.   
\q1
\v 17 Anduane Homogo-o i̱na í̠ olalu kogonigo\x + \xo 31.17 \xt 1 Sml 2.9, Iba 25.2, 115.17\x*  
\q2 waitigi bu karume i̱ bope helo yupe nahabe.  
\q1 Agali ko uruni tini mo ko hai helabe.  
\q1 Ti homenerunaga dinini pu hagaha pialu  
\q2 tinaga ne harigaha bi nalelo mo ereba habe.   
\q1
\v 18 Agali uruni tigua mine halu mege bialu\x + \xo 31.18 \xt 1 Sml 2.3, Iba 12.3, Yu 15\x*  
\q2 agali tigabi karuhondo bi ko laga kagoni.  
\q1 Tigua ke̱ holene bi ngaru dege laabo haga ka.  
\q1 Tinaga ne harigaha bi lagadaru ereba helo ti bo wahai habe.   
\b  
\q1
\v 19 Wali agali í̠ni andaneha karu bayale helonaga\x + \xo 31.19 \xt Ais 64.4, 1 Ko 2.9\x*  
\q2 í̠na baya hanguore bialu kegoni.  
\q1 Wali agali í̠nihondo mini mbiraore wu haga karu  
\q2 í̠na baya hangu handayaho haga kegoni.  
\q1 Wali agali bibahende bu karume de handai helo  
\q2 í̠na ani bialu kegoni.   
\q1
\v 20 Wali agali maru bo wahole manda bialu karume\x + \xo 31.20 \xt Yob 5.21, Iba 27.5, 32.7\x*  
\q2 ti gingila mialu babe nahe helo  
\q2 í̠na í̠naga wali agali í̠ninaga gubaliniha mo do ho kegoni.  
\q1 Tinaga waitigi karume ti mege bialu bope nahelo  
\q2 í̠na wali agali uruni í̠ni andaneha bayaleore helo  
\q2 mo do ho kegoni.   
\b  
\q1
\v 21 Anduane Homogonaga mini yaraga holene nga.\x + \xo 31.21 \xt 1 Sml 23.7, Iba 17.7\x*  
\q1 I̱naga waitigi karume i̱ bo wahole ho mabu bu heagola  
\q2 ibugua i̱ gubalini howa ibunaga hongome i̱ biamogo biya.   
\q1
\v 22 Bamba i̱ gi timbuni ho howa\x + \xo 31.22 \xt Ais 38.11-12, Yna 2.4\x*  
\q2 í̠ni kegoria naholiyanaga í̠na i̱ bo taliatagi harida lo manda biru.  
\q1 Ani bu howa i̱na í̠hondo i̱ biamogo bia lalu dugu bialu hewaria  
\q2 í̠na hale halu biamogo birigoni.   
\b  
\q1
\v 23 Anduane Homogonagaore wali agali mini bilinaheore kamiru-o  
\q2 tígua ibunihondo gubalini hoore halimu.  
\q1 Wali agali ibu talima pialu mini bilinahe karu  
\q2 ibugua ti handayaho haga ka.  
\q1 Wali agali mine haga karu  
\q2 ibugua ti pani tini biyagobi nelo mo miaga ka.   
\q1
\v 24 Wali agali Anduane Homogohondo mini dunubiaho kamiru-o\x + \xo 31.24 \xt Iba 27.14\x*  
\q2 tí gi nahe elahe howa hongo haabo ho halimu.   
\c 32  
\s1 Ko binigo latagi holenebi Ngode Datagaliwabehanda domo waholenenagabi ogo  
\q1
\v 1 Mbirali ibunaga ko biniru Anduane Homogohanda domo wahalu\x + \xo 32.1 \xt Iba 85.2, 103.3\x*  
\q2 mana liahe biniru mo wahene kago  
\q2 ibu turubiore ka.   
\q1
\v 2 Mbirali Anduane Homogohanda ko bira lene nabiagabi\x + \xo 32.2 \xt Yo 1.47, 2 Ko 5.19\x*  
\q2 ibuni miniha mo hondo holene mbira nawiore kagobi  
\q2 ogoni ibu baya turubiore ka.\x + \xo 32.2 \xt Lm 4.7-8\x*   
\b  
\q1
\v 3 I̱na ko biruru ogo biru lalu lapani nahe donge ho howa\x + \xo 32.3 \xt Iba 31.10, 38.8, 39.2-3\x*  
\q2 mbiraga horombebi miniha u̱lu̱ lalu haabo hewaria  
\q2 i̱naga tingini bia ko halu homabeheore haru.   
\q1
\v 4 Anduane Homogo-o mbiraga horombebi í̠na i̱ pani ngiaabo hari.  
\q1 Ani birigome i̱naga hongo bibahendeore pirilipe hai haya.  
\q1 Dadimba tanini bereneru gaeangi poboyogo biragome yo biaganedagua  
\q2 i̱naga hongo ogonidagua biya.   
\b  
\q1
\v 5 Ani biyagola i̱na ko biniru Anduane Homogo í̠ langirugoni.\x + \xo 32.5 \xt LBM 26.40, 2 Sml 12.13, Yob 31.33, Iba 103.12, 1 Yo 1.9\x*  
\q1 Ko mbira do nahe howa binirubi tigatiga langiai harugoni.  
\q1 Ko biruru Anduane Homogo í̠hondo lapaniore hole lo manda bu henegobi  
\q2 lapani hai harugoni.  
\q1 Ani birugola í̠na ko biruruni domo wahai harigoni.   
\b  
\q1
\v 6 Ani biaga kago manda buwa\x + \xo 32.6 \xt Iba 46.1-3, 69.1, 69.13\x*  
\q1 Anduane Homogo í̠naga wali agali mini bilinahe karu  
\q2 bibahendeme ti burupale kangi í̠hondo bi lolene nga.  
\q1 Genda timbuni iba li ale ti kagoria anda íbu ngangi í̠hondo bi layagua  
\q2 genda timbuni ogoni ti namu nalolebira.   
\q1
\v 7 I̱naga ha do anda í̠ kegoni.\x + \xo 32.7 \xt Hgn 5.1-31, Iba 31.20, 91.1, 121.7\x*  
\q1 Gendabi ngangi í̠na i̱ biamogo birili.  
\q1 I̱ homedolego ibugua ogodagua mo wiya lalu  
\q2 maru hale helo iba gana dalimu lalu lamulebero.  
\q1 Í̠na i̱ mo wiriligonaga ani lolebero.   
\b  
\q1
\v 8 Anduane Homogohanda lalu,\x + \xo 32.8 \xt Iba 25.8, 33.18\x*  
\q1 Í̠ hariga pobelogo i̱na walia haga bulebero.  
\q1 I̱na í̠ handaya ho howa  
\q2 ogodagua bia ogodagua nabibe laga bialu langulebero.   
\q1
\v 9 Nogo hosi dongirume mini nawi howa piagadagua pialu keria  
\q2 í̠ hariga polene ngadagua pobelo  
\q2 ege pu ne hanganeha magui howa  
\q2 pume hende howa haru poliya holeni, lalu leda.   
\b  
\q1
\v 10 Mini kowi karu ti tandaga timbuni nalu haga.\x + \xo 32.10 \xt Iba 16.4, Min 13.21, Lm 2.9\x*  
\q1 Anigo Anduane Homogoha hanaho haga karu  
\q2 ti ibunaga gubalini holenehayagi howa yo pialu pugu biaga.   
\q1
\v 11 Anduane Homogohanda bigi biyago mitangi bialu mini tigabiwi kamiru\x + \xo 32.11 \xt Iba 7.10, 64.10, 97.12\x*  
\q2 ti gubaliniha turuore halimu.  
\q1 Ibugua bi ledadagua bialu kamiru  
\q2 tí turuore howa ga̱ lalu ladaga halimu.   
\c 33  
\s1 Anduane Homogonaga mini yaraga halu iba gana lenego ogo  
\q1
\v 1 Tí mini tigabiwi kamiru bibahendeme  
\q2 Anduane Homogohanda bigi biyagonaga turuore howa ga̱ lalu ladaga halimu.  
\q1 Tí Anduane Homogohanda ledadagua hale halu biaga kamirume  
\q2 ibunaga mini yaraga halimu.  
\q1 Wali agali mini tigabiwi karume mana ogonibi bulene nga.   
\q1
\v 2 Ga̱wa̱ hiliyularume Anduane Homogonaga mini yaraga halu  
\q2 ibuhondo iba gana lo milimu. \fig Ga̱wa̱ hiliyularume Anduane Homogonaga mini yaraga halu ibuhondo iba gana lo milimu.|src="HK 61i.tif" size="2" ref="(33.2)" \fig*   
\q1
\v 3 Iba gana gahenge wabuwa Anduane Homogohondo lo mialu howa  
\q2 hiliyula ga̱wa̱ru lagane mugubeoreme lalu  
\q2 turuore halu hongo howa ladaga halimu.   
\b  
\q1
\v 4 Anduane Homogonaga bi damenego bibahende henene hanguore lo nga.  
\q1 Ibugua mbirale galone bigi bulebero ledagobi heneneore bulebira lowa  
\q2 ibuha hanaho habehe kama.   
\q1
\v 5 Anduane Homogo ibu mana tigabi bulenebi henene lolenebi gubalini haga ka.\x + \xo 33.5 \xt Iba 11.7, 37.28, 119.64\x*  
\q1 Ibunaga gubalini haabo holeneme dindi bibahendeha to̱lai ka.   
\b  
\q1
\v 6 Anduane Homogohanda hari daliga li kagoni\x + \xo 33.6 \xt Pig 1.6, 2.1, Iba 104.30, Hi 11.3\x*  
\q2 ibunaga bime ani ha lowa  
\q1 ni ege yakundiru li bu karunibi ani hadaba layagola heneru ka.   
\q1
\v 7 Ibugua iba dameneru mbiraore hanguni mo mogo buwa berelene.\x + \xo 33.7 \xt Har 15.8, Yos 3.16, Iba 78.13\x*  
\q1 Iba solowaranaga guru kuyama  
\q2 uli gibiruha panga payanda ho ngelama poradagua bini.   
\b  
\q1
\v 8 Dindi bibahendeni bu kamirume Anduane Homogo mitangi halu  
\q2 ibunaga mini yaraga hadaba.  
\q1 Wali agali dindi bibahendeni kamirume ibu daligaore ka manda bialu  
\q2 ibunaga mini yaraga hai hadaba.   
\q1
\v 9 Ogoni irane ibugua bi hangu layagola\x + \xo 33.9 \xt Iba 148.5\x*  
\q2 mbirale bibahende dindini ngaruni íbu helene.  
\q1 Ibunaga bime mbirale ogoale tagira íbu ha laga biyagola  
\q2 tagira íbu haga bini nga.   
\b  
\q1
\v 10 Dindini hameigini tara tara paluyu pedarume\x + \xo 33.10 \xt Iba 2.1-3, Ais 8.10, 19.3\x*  
\q2 mbirale nagalone bule mandamanda bu wigi bidaru nabilonaga  
\q2 Anduane Homogohanda mo pere laga.  
\q1 Tigua bule miniha manda bu yidaru bualono burugu lelo  
\q2 ibugua mini yaniho haga.   
\q1
\v 11 Anigo Anduane Homogo ibugua bule manda bu winiru\x + \xo 33.11 \xt Yob 23.13, Iba 40.5, Min 19.21, Ais 55.8\x*  
\q2 mbira ereba nahe wiaabo holebira.  
\q1 Ibugua bule manda bu yinigo  
\q2 mbirale mbirame mo ereba habe nahe hongoheore wiaabo holebira.   
\q1
\v 12 Hameigini mbira tinaga Ngode Datagaliwabe mende nahe\x + \xo 33.12 \xt Man 7.6, Iba 28.9, 144.15\x*  
\q2 Anduane Homogo ibuni hangu ka lowa yu tigabu karu  
\q2 ti turubiore ka.  
\q1 Wali agali Anduane Homogohanda ibuninagaore helo lowa dabene karu  
\q2 ti turubiore ka.   
\b  
\q1
\v 13 Anduane Homogohanda dahuliya andaga howa de handadali halu  
\q2 wali agali bibahende bu kamaruni handai ho ka.\x + \xo 33.13 \xt Yob 28.24, Iba 11.4, 14.2\x*   
\q1
\v 14 Ibugua kini howa haru kagoria howa de handadali halu\x + \xo 33.14 \xt 1 Kin 8.39, 8.43, Iba 102.19\x*  
\q2 ina dindini wali agali bu kamaruni de handai ka.   
\q1
\v 15 Wali agali damene bibahendenaga mitangi bulene pigane ibugua mo wia howa\x + \xo 33.15 \xt 2 Bit 16.9, Yob 10.8, Iba 119.73\x*  
\q2 tigua birago damene bibahende ibuni manda biai ho ka.   
\q1
\v 16 Kini ibunaga ami hongohe kago hangume agalila wai bialu ibu wayali haga ndo.\x + \xo 33.16 \xt Iba 44.6, 60.11\x*  
\q1 Wai biaga ami agali mbira ibu wai bialu wayali haganego  
\q2 ibuninaga hongo hangume ndo.   
\q1
\v 17 Wai biagane agalime nogo hosini biruwa wai biyaguabi wayali naholebira.\x + \xo 33.17 \xt Iba 20.7, 147.10, Min 21.31\x*  
\q1 Hosi uruninaga hongo gibi ha kagome agali pele mia nabulebira.   
\b  
\q1
\v 18 Anduane Homogohanda wali agali ibugua bia ledadagua hale halu biaga karu  
\q2 ibunime bayuwa de handayaho ka.  
\q1 Ibugua ti gubalini haho wiaabo haga ka manda buwa  
\q2 ibuhondo mini mbiraorewu karu  
\q2 ibugua mamage halu handayaho haga ka.\x + \xo 33.18 \xt Yob 36.7, Iba 32.8-10, 1 Pi 3.12\x*   
\q1
\v 19 Wali agali urunibi karu homolilono\x + \xo 33.19 \xt Yob 5.20, Iba 37.19, Ab 12.11\x*  
\q2 ibugua ti pele miaga ka.  
\q1 Hina gari timbuni porangi  
\q2 ti tomo karulape nalu helo mulebira.   
\b  
\q1
\v 20 Iname Anduane Homogoha hana howa\x + \xo 33.20 \xt Iba 62.1, 115.9, Ais 8.17\x*  
\q2 ibuni mini dunu bia ho kamagoni.  
\q1 Inanaga pabe tigibi ina biamogo biagabi  
\q2 Anduane Homogo ibuni hangu kagoni.   
\q1
\v 21 Ibu kagome ina ibuha hanaho howa  
\q2 turuho baya kamagoni.  
\q1 Ibunaga mini baya buruguleore hongohe ngagoria  
\q2 ina hanaho kamagoni.   
\b  
\q1
\v 22 Anduane Homogo-o ina í̠ni mini dunu bia ho kamagonigo  
\q2 í̠na ina gubalini haho wiaaboore habelo hamelo kama.   
\c 34  
\s1 Anduane Homogo ibu baya gibiore biaga kagonaga ibuhondo ka̱i̱ lenego ogo  
\q1
\v 1 I̱na Anduane Homogohondo ka̱i̱ore laabo halu holebero.\x + \xo 34.1 \xt 1 Sml 21.13-15\x*\x + \xo 34.1 \xt Eb 5.20, 1 Te 5.18, 2 Te 1.3, 2.13\x*  
\q1 I̱na ibunaga mini yaraga nahe naholebero.   
\q1
\v 2 Ibugua bigi biyarunaga i̱na ibunaga mini mo yaraga halu holebero.  
\q1 Wali agali marume hengedope haragola genda ho haga kamiru  
\q2 tí i̱na bi o larogoni hale howa turu halimulonaga laro.   
\q1
\v 3 Tíbi i̱bi ina Anduane Homogo ibu daliga gibiore ka lama.\x + \xo 34.3 \xt Iba 69.30, Lg 1.46\x*  
\q1 Ibunaga mini ina haru mandagi mo yaraga hama.   
\b  
\q1
\v 4 I̱na Anduane Homogohondo bi larugola\x + \xo 34.4 \xt Iba 18.6, Md 7.7, Lg 11.9\x*  
\q2 ibugua hale halu ladai biya.  
\q1 I̱ gi bulene tara tarame daribaho wiaria  
\q2 ibugua i̱ golope haya.   
\q1
\v 5 Marume hengedope haragola miniha gendaho haga karu  
\q2 ti Anduane Homogo ibugua biamogo birago hondowa turu haga.  
\q1 Anigo ti miniha genda howa turu nahe mbira naholebiraore.   
\q1
\v 6 Hongo nahe karume Anduane Homogo olaragola\x + \xo 34.6 \xt Iba 3.4, 34.17-19\x*  
\q2 ibugua hale halu biamogo biagaore ka.  
\q1 Ti genda tara tara yu haga bidaria  
\q2 ibugua ti pele miaga ka.   
\q1
\v 7 Wali agali Anduane Homogohanda laradagua hale halu biaga karu\x + \xo 34.7 \xt 2 Kin 6.17, Dan 6.22, Seg 9.8, Hi 1.14\x*  
\q2 ibunaga dahuliyalime mamage helaga biaga.  
\q2 Uruni ti kagoria gendabi hiriribiru íbu wigi bidagoria howa  
\q2 ti ibunime gi miaga ka.   
\b  
\q1
\v 8 Anduane Homogo baya gibiore ka laramagoni\x + \xo 34.8 \xt Iba 2.12, 1 Pi 2.3\x*  
\q2 heneneore leneda lole í̠nime manda bialu handabe.  
\q1 Ibuha ha doho karu ti bayale holene handa walia howa turuho ka.   
\q1
\v 9 Anduane Homogonaga wali agali kamiru bibahendeme\x + \xo 34.9 \xt Iba 31.23\x*  
\q2 ibunaga andaneha halimu.  
\q1 Ibugua bia laradagua hale halu biaga karu  
\q2 ti mbirale mbira buru palia nabi karulapeore holebira.   
\q1
\v 10 Tomo garibilo habe nahe laiono hongoheru heba mbiru garibilo hagagoyu\x + \xo 34.10 \xt Yob 4.10-11, Iba 84.11\x*  
\q2 wali agali Anduane Homogohanda bia laradagua biaga karu  
\q2 ti mbirale bayale damenego mbira buru palu naholebira.   
\b  
\q1
\v 11 I̱ nenege kamiru-o i̱na bi larogo hale hole ibidaba.  
\q1 Tí Anduane Homogonaga andaneha halimulonaga bulene  
\q2 i̱na lawai holiya ibidaba.   
\q1
\v 12 Tí turu ho holene hamelo kamibe.\x + \xo 34.12 \xt 1 Pi 3.10-12\x*  
\q1 Tí luore bayale halu hodagua holene hamelo kamibe.   
\q1
\v 13 Anidagua holene hamelo kamiyagua\x + \xo 34.13 \xt 1 Pi 2.22\x*  
\q2 tínaga ne harigaha howa  
\q2 bi ko nale tindule ke̱bi naheore halimu.   
\q1
\v 14 Ko bulene ngaru erembira mialu  
\q2 mana bayale bialu halimu.\x + \xo 34.14 \xt Ais 1.16-17, Lm 12.18, Hi 12.14\x*  
\q1 Tínaga gubalinioreme mbirale mo palia howa bigi bulenego dabalu bialu halimu.   
\b  
\q1
\v 15 Wali agali mini tigabiwi karu\x + \xo 34.15 \xt Yob 36.7, Iba 34.6, 34.17\x*  
\q2 Anduane Homogo ibunime de handaya howa mamage haga ka.  
\q1 Tigua genda yu howa ibu olaga biragola  
\q2 ibunime hale halu biamogo biaga ka.   
\q1
\v 16 Mana ko biaga karu hondowa\x + \xo 34.16 \xt Min 10.7, Yar 44.11, Amo 9.4\x*  
\q2 Anduane Homogo ibu turu nahaga ka.  
\q1 Ko biagaru homaragola  
\q2 wali agalime uruni ti abaleore embedaho waholebira.   
\q1
\v 17 Mini tigabiwi karume Anduane Homogo olaragola\x + \xo 34.17 \xt Iba 34.6, 34.15, 34.19, 145.19-20\x*  
\q2 ibugua hale halu ladai biaga ka.  
\q1 Ti genda tara tara yu howa ibu olaga biragola  
\q2 ibugua hale halu biamogo bigi biaga ka.   
\q1
\v 18 Wali agali mini dege dindi howa turu nahe karu\x + \xo 34.18 \xt Iba 51.17, Ais 57.15, 66.2\x*  
\q2 Anduane Homogo ibu ti kagoria kaware ka.  
\q1 Miniha hanaho holene mbira nawioredagola  
\q2 agini hanaho hoabe tobaho karu ibugua pele miaga ka.   
\b  
\q1
\v 19 Mbirali mini tigabiwi kago ibu tandaga nolenebi genda yulenebi handalu holebira.  
\q1 Ibu ani tandaga nalu kariabi genda yu kariabi  
\q2 Anduane Homogo ibunime ibu pele mulebira.\x + \xo 34.19 \xt Min 24.16, 2 Ti 3.11-12\x*   
\q1
\v 20 Anduane Homogo ibunime mbirali mini tigabiwi kago hondo haga ka.\x + \xo 34.20 \xt Yo 19.36\x*  
\q1 Ibunaga kuni emeneorebi mbira bu lolani handalu ibunime yaniho holebira.   
\q1
\v 21 Ko bulene bibahende ngarume  
\q2 wali agali ko biaga karu bo home lolebira.  
\q1 Wali agali mini tigabiwi karuhondo handabe manga haga karu  
\q2 Anduane Homogohanda ti pani mulebira.   
\b  
\q1
\v 22 Anduane Homogohanda ibuninaga wali agali pele mulebira.\x + \xo 34.22 \xt 2 Sml 4.9, 1 Kin 1.29, Iba 103.4\x*  
\q1 Ibuha ha do hole ibu karia poraru ti bayale holebira.   
\c 35  
\s1 Anduane Homogohondo biamogo bia lalu bi lenego ogo  
\q1
\v 1 Anduane Homogo-o agali i̱la manga halu hoba migimigi bu karu  
\q2 í̠na tihondo manga halu hoba mu habe.  
\q1 I̱naga waitigi bu karu baba  
\q2 í̠na nde ti baba wai bialu habe.   
\q1
\v 2 Í̠na wai biagane ale ngeru mo karulalu humbi mo yalu  
\q2 i̱ biamogo bule ibabe.   
\q1
\v 3 I̱ bo wahole talima ibiraru hondowa  
\q2 í̠na ayu yandarebi mo yalu  
\q2 i̱ pele ngule abale ibabe.  
\q1 Í̠na i̱hondo lalu,  
\q2 Í̠ biamogo biaga i̱ kogoni, labe.   
\b  
\q1
\v 4 Agali uruni tigua i̱ bo wahole kagola\x + \xo 35.4 \xt Iba 40.14, 70.2, 129.5\x*  
\q2 í̠na ti bope halu mo taga habe.  
\q1 Tigua i̱ bo waholenaga wai hanalu kago  
\q2 í̠na agali uruni talima pialu mo luluya habe.   
\q1
\v 5 Anduane Homogo-o  
\q2 í̠naga dahuliyalime agali ko uruni bo talia togolalu  
\q2 puyabume datani pulo waharadagua bilabe.   
\q1
\v 6 Í̠naga dahuliyalime ti bama talima pialu kagola  
\q2 agali ko biagarunaga hariga poragoria  
\q2 aruma helalu mo ko habelo hameledo.   
\b  
\q1
\v 7 I̱na ti mo ko naheore hewaria  
\q2 tigua i̱ gonoha delo gono wia do ho kagoni.  
\q1 I̱ pilo ngelo gundu uli tombo wiaho ka.   
\q1
\v 8 Tigua ani bu kagoyu tini nahende kaore  
\q2 mo ko holene abale íbu ngelabe.  
\q1 Gono i̱ delo wiyadagoha tini da aribia helabe.  
\q1 I̱ uli pelo gundu uli tombo wiyadagoha  
\q2 tini uli pelo hameledo.   
\b  
\q1
\v 9 Anduane Homogo í̠na anidagua beregola  
\q2 i̱ turu timbuni ho holebero.  
\q1 Í̠na i̱ pele ngeregola  
\q2 i̱naga bu miniha dungulo holebero.   
\q1
\v 10 I̱na Anduane Homogohondo ka̱i̱ lalu,  
\q1 Anduane Homogo-o í̠ ale mende ai kabe.  
\q1 Í̠na wali agali yagibano karu biamogo bialu  
\q2 agali hongohe karunaga giha howa biamogo bialu mo wirili.  
\q1 Agali homogo hongohe karume yagibano karu mo ko holilono  
\q2 í̠na pele mialu mamage ho harili.   
\b  
\q1
\v 11 Agali ke̱ haga bu karume i̱hondo bi laede halu  
\q2 i̱na mana ko nabinigo tigua i̱na ko biya laga ka.   
\q1
\v 12 I̱na tihondo mana bayale bialu kogola\x + \xo 35.12 \xt Iba 38.20, Yar 18.20, Yo 10.32\x*  
\q2 tigua i̱hondo ko biadai biaga ka.  
\q1 Anidagua bialu haragome  
\q2 i̱naga bu miniha genda ho kogoni.   
\q1
\v 13 Ti warago timbuni bo ngangi i̱na ti dara halu\x + \xo 35.13 \xt Yob 30.25, Md 10.13, Lg 10.6\x*  
\q2 i̱ni mo dindiha howa dara holene aga karulalu tomo nane haruli.  
\q1 Tomo nane howa i̱na Anduane Homogohondo tinaga bi la halu harugoni.   
\q1
\v 14 I̱na i̱ni aba hamene haniniru baba miniha gendaho hagadagua  
\q2 ti dara halu gendaho ibaga bialu harugoni.  
\q1 I̱ agali darabi ai̱ya homene igini haradagua buwa  
\q2 dugu bialu i̱naga bu miniha genda yu harugoni.   
\b  
\q1
\v 15 I̱ genda yu hewangi  
\q2 ti mo mogo buwa i̱ hondo oba halu turu haga biya.  
\q1 Tigua i̱ mo ko holenaga mo ngoai ho hayagoni.  
\q1 Agali maru i̱ de nahendene hearume  
\q2 i̱ mo ko holenaga bi ko lalu i̱ baabo haya.   
\q1
\v 16 Tigua i̱ mege biaabo halu haya.  
\q1 Tigua i̱ handabe manga halu  
\q2 ngui higi bu yu ibagabu hayagoni.   
\b  
\q1
\v 17 Anduane Homogo-o tigua agira halu ogonidagua bialu haabo helo heloleberebe.  
\q1 Tigua i̱ mo ko nahelo tinaga giha howa  
\q2 í̠na i̱ pele ngibe.  
\q1 Ti laiono gabua ale howa i̱ bo wahole kago  
\q2 tinaga giha kongi í̠na i̱ mo wibe.   
\q1
\v 18 Í̠na i̱ biamogo birigonaga  
\q2 i̱na wali agali dewa ngoaiho karia howa  
\q2 ti hale helo í̠hondo ka̱i̱ lolebero.  
\q1 Wali agali dewaliore bu karunaga deni howa  
\q2 í̠naga mini yaraga halu holebero.   
\b  
\q1
\v 19 Agali maru i̱la waitigi bame irane nawini ho karume\x + \xo 35.19 \xt Iba 69.5, Yo 15.25\x*  
\q2 i̱ mege bialu bope helo nahelabe.  
\q1 Tigua i̱ bameore handabe manga ho karume  
\q2 i̱ hondo oba halu mini ko wialu mine helo nahelabe.   
\b  
\q1
\v 20 Agali uruni tigua mendeali karu baba  
\q2 bayale holenenaga bi nalaga ka.  
\q1 Tigua wali agali bayale karu baba karia  
\q2 ko mbira nabini kago mo yapara howa  
\q2 bo wahole bi lalu haga ka.   
\q1
\v 21 Tigua i̱hondo bi hongo howa ladagadaga bialu lalu,  
\q2 Heneneore í̠na ko birigo ina handarima, lalu haga ka.   
\q1
\v 22 Anduane Homogo-o tigua ani biyaruni í̠ de handarigo  
\q2 í̠na bi nale nahabe.  
\q1 Anduane Homogo í̠na i̱ helalu kaundiaha nahabe laro.   
\q1
\v 23 Anduane Homogo-o í̠ore abale heyalu  
\q2 i̱ biamogo bule ibabe.  
\q1 I̱naga Ngode Datagaliwabe-o í̠ heyalu  
\q2 i̱na bi lalu koru mo hongo halu lahabe.   
\q1
\v 24 Anduane Homogo-o í̠ mini tigabiore kego\x + \xo 35.24 \xt Iba 26.1, 43.1\x*  
\q2 í̠na i̱ mana mbira ko nabini kogo latagi habe.  
\q1 Waitigi karume manda bilo  
\q2 i̱ biamogo bialu i̱naga bi lahabe.  
\q1 Agali uruni tigua i̱ hondo oba halu  
\q2 bi ko lalu mine helo nahelabe laro.   
\q1
\v 25 Tigua tini lo mitangi bialu lalu,  
\q1 Mbirale bilo hamelo harimago ai tagira piyagoni.  
\q1 Agali o biago iname mo ko ho waharimagoni, nalelo  
\q2 í̠na i̱ handayaho habe laro.   
\b  
\q1
\v 26 I̱ha genda ibiyagonaga turuho haga karu  
\q2 í̠na ti taga helo mo luluya ho helabe.  
\q1 Tigua i̱ bope halu tininaga mini yaraga haga karu  
\q2 í̠na ti bope halu mo taga ho helabe.   
\b  
\q1
\v 27 Í̠na i̱ agali tigabi ka labelo hamelo karu  
\q2 tigua turu ho howa tinaga bu miniha dungulo helo helabe.  
\q1 Horo bibahendengi tigua lalu,  
\q1 Anduane Homogo ibu dunini heneneore mbira ka.  
\q1 Ibugua ibunaga biabe biahaga kago bayale helo hame laabo haga ka, lolebira.   
\q1
\v 28 I̱na í̠ mana bayale bialu mini tigabi kego lalu\x + \xo 35.28 \xt Iba 51.14, 71.15, 71.24\x*  
\q2 horo bibahendengi howa latagi halu  
\q2 í̠naga mini yaraga halu haabo holebero.   
\c 36  
\s1 Wali agalime mana ko biaganego ogo  
\q1
\v 1 Mana kome mini kowi karunaga bu miniha bi lamiaga.\x + \xo 36.1 \xt Lm 3.18\x*  
\q1 Mana ko biaga karume Ngode Datagaliwabehondo gi nahaga howa  
\q2 erembira mialu yo handaga ka.   
\q1
\v 2 Ko biaga uruni tigua mine howa tini lalu,  
\q1 I̱ duniniore mbirago kogoni, laga ka.  
\q1 Ngode Datagaliwabehanda tigua ko biyaru handa walia halu  
\q2 dabaki nabulebiralo manda biaga ka.   
\q1
\v 3 Horo bibahendengi ogoni ale biaga karume  
\q2 mana ko bulenenaga bi mo tene howa  
\q2 ke̱ halu bi laabo haga ka.  
\q1 Mana bayale bulenenaga mini bayale mbira tiha nawiore kagoni ndobe.   
\q1
\v 4 Dagiani u paluwa mana ko bulenenaga  
\q2 miniha mitangitangi bialu paliaga ka.  
\q1 Tigua mana ko bulenego bibe manga nahaga howa  
\q2 ko bulene ngagoha haabo haga ka.   
\s1 Ngode Datagaliwabenaga mana bayale ngago ogo  
\q1
\v 5 Anduane Homogo-o í̠naga gubalini haabo holene emene ndoore\x + \xo 36.5 \xt Iba 57.10, 108.4\x*  
\q2 hari daliga elahe wu kegoni.  
\q1 Í̠naga mini bilinahe ngego timbuni yangale howa  
\q2 hari mindini elahe wu kegoni.   
\q1
\v 6 Í̠naga mini tigabi timbuniore ngego  
\q2 dindi hari ngaru bolanguahe ngegoni.  
\q1 Í̠naga mana tigabiore mo dabaki haga ngegobi  
\q2 ina kamarume manda biai habe nahe kama.  
\q1 Ogoni iba solowara uli unuraore ngaligobi nge.  
\q1 Anduane Homogo-o í̠nime wali agalibi  
\q2 ema bialu piaga bedarubi nogo tara tarabi  
\q2 handayaho hai haga kegoni.   
\b  
\q1
\v 7 Ngode Datagaliwabe-o í̠naga gubalini haabo holene baya buruguleore ngegoni\x + \xo 36.7 \xt Lud 2.12, Iba 17.8, 31.19, 91.4\x*  
\q2 i̱ hame timbuni lo ko.  
\q1 Í̠ ogonibi kego wali agali bu karu tanabi ti í̠ni kegoha kaware ibiragola  
\q2 ega angibuninaga babaganeme igini dambiho paliagadagua  
\q2 í̠na ti dambiho haga kegoni.   
\q1
\v 8 Í̠ andaga tomo dewa bu payabu ngegome\x + \xo 36.8 \xt Yob 20.17, Iba 16.11, Mo 22.1\x*  
\q2 wali agali tomo garibi nale haga ka.  
\q1 Í̠naga turu holene iba bayale timbuni duguaragobi ngego  
\q2 wali agalime nelo miaga kegoni.   
\q1
\v 9 Ina bibahendenaga holene tene Anduaneore í̠ kegoni.\x + \xo 36.9 \xt Yar 2.13, Yo 4.10, 4.14, 1 Pi 2.9\x*  
\q1 Í̠ni wá taraore holene Anduane kegome  
\q2 í̠niha howa ina wá bayaleore de hondo kamagoni larama.   
\b  
\q1
\v 10 Wali agali í̠ mandabi karu  
\q2 í̠na ti gubalini ho haabo habe.  
\q1 Wali agali mini tigabi karu ti bayale haabo helo  
\q2 í̠nime ti biamogo bialu habe.   
\q1
\v 11 Agali mine haga bu karume  
\q2 i̱ bo hengedope holani handabe.  
\q1 Mini kowi bu karume i̱ bo batagi holani handabe.   
\b  
\q1
\v 12 Agali ko biaga biaru ebere pilo ngaruni de handa.  
\q1 Ti lone heyabe naheore ngagoni.   
\c 37  
\s1 Mini kowi bayalewibi kirabalinaga hamaro bulenego ogo  
\q1
\v 1 Mini kowi karume birago hondowa tí mini dege dindi nahalimu.\x + \xo 37.1 \xt Iba 73.3, Min 23.17, 24.1, 24.19\x*  
\q1 Tigua bira larago hale howabi ti biradagua bua nahalimu.   
\q1
\v 2 Irane ti tani gau laralidagua emene howa gau lolebira.\x + \xo 37.2 \xt Iba 90.5-6\x*  
\q1 Uruni ti gaeangi tomo gau laralidaguaore gau lalu ereba holebira.   
\b  
\q1
\v 3 Anduane Homogoni hanaho howa mana bayale bialu halimu.  
\q1 Ani birimiyagua tínaga pabe tigila Anduane Homogo ibuni kagola  
\q2 tí ibuha bayale holeberemi.   
\q1
\v 4 Turu holene Anduane Homogohayagi hai bialu halimu.\x + \xo 37.4 \xt Ais 58.14\x*  
\q1 Ani birimiyagua ibugua tínaga gubalinime hameledami aleru ngulebira.   
\b  
\q1
\v 5 Í̠ni Anduane Homogoha hanaho habe.\x + \xo 37.5 \xt Min 16.3, Md 6.25, Lg 12.22, 1 Pi 5.7\x*  
\q1 Ani kegola ibugua í̠ biamogo bulebira.   
\q1
\v 6 Í̠na mini tigabiwi howa mana bayale bigi bereruni\x + \xo 37.6 \xt Yob 11.17, Mai 7.9\x*  
\q2 wali agalime de handai helo  
\q1 horombe hanuni ni dedagola  
\q2 wá haame haralidagua helo wále  
\q1 ibugua ani mo helolebira.   
\b  
\q1
\v 7 Anduane Homogo ibugua bule ngago bilo\x + \xo 37.7 \xt Iba 62.1, Ais 30.15, Yar 12.1\x*  
\q2 í̠ ema nabi hondo habe.  
\q1 Maru ti ho timbu halu ho yanga laragola  
\q2 í̠ mini dege dindi nahabe.  
\q1 Mini kowi karume ko bule lo manda bu heneru bigi birago hondowa  
\q2 í̠ mini dege dindi nahabe.   
\b  
\q1
\v 8 Mini dege dindi holene ngagolabi keba holene ngagolabi mogo nalabe.\x + \xo 37.8 \xt Iba 73.3, Eb 4.26\x*  
\q2 Urunime genda dege yu anda ibaga.   
\q1
\v 9 Mini kowi karu ti bo batagi halu\x + \xo 37.9 \xt Yob 27.13-14, Ais 57.13\x*  
\q2 Anduane Homogoni hanaho karume dindi karulolebira.   
\b  
\q1
\v 10 Emene howa mini kowi karu ereba haiore holebira.\x + \xo 37.10 \xt Yob 20.9, Hi 10.36-37\x*  
\q1 Ti kabe hondole hagadagoria hai birimiyaguabi  
\q2 handa walia nahe ereba ho waore holebira.   
\q1
\v 11 Tini mo dindiha howa deme handagabu karume dindi ogoni karulolebira.\x + \xo 37.11 \xt Md 5.5\x*  
\q1 Mo palia holene ti karula howa  
\q2 mbirale dewa turuho wu holebira.   
\b  
\q1
\v 12 Mini kowi karume mini tigabiwi karu mo ko holenaga ndi nde lalu  
\q2 handabe manga howa ne gengero lalu ka.   
\q1
\v 13 Ani bialu helowa  
\q2 Anduane Homogohanda mini kowi uruni handaya howa  
\q2 oba halu ka.  
\q1 Tinaga homo ereba holene horo hapara harago hondowa  
\q2 ibu oba halu ka.   
\b  
\q1
\v 14 Mini kowi karume yagibanorubi buru pale darabi karubi dibule  
\q2 ayu tibu gililomi bogole danda edaha bira.  
\q1 Mana tigabi biaga karu bo wahole ani bialu ka.   
\q1
\v 15 Tigua ani bialu karia tininaga ayu tibu yidago yamuwa  
\q2 tini bo wahalu danda edaho ngaru minu podo waholebira.   
\b  
\q1
\v 16 Mini kowi karume dabudabu dewa bu hombedo wu karuni galone nabulene lowa\x + \xo 37.16 \xt Min 15.16, 16.8, 1 Ti 6.6\x*  
\q2 mini tigabiwi karume mbirale emene wu kago baya galoneore wu ka.   
\q1
\v 17 Ogoni irane Anduane Homogo ibugua mini kowi karunaga hongo mo ereba hai halu  
\q2 mini tigabiwi karu ibunime handaya ho holebira.   
\b  
\q1
\v 18 Anduane Homogo ibugua ibunaga bi larago hale halu biaga karu  
\q2 ibunime handaya ho haabo halu  
\q2 dindi ogoni tinagaore wiaabo helolebira.   
\q1
\v 19 Mo ko holene wigi bidangi ti tandaga nanolebira.  
\q2 Hina gari birangibi ti nolene karulape wulebira.   
\q1
\v 20 Ani wulebiragoyu mini kowi karu ti homolebira.  
\q1 Anduane Homogonaga waitigi karu  
\q2 balawaya minana anda hene mbira dedaligobi dowa  
\q2 gilope halu ereba haralidagua ti ereba holebira.  
\q1 Ira hagua pu ereba haralidagua ereba holebira.   
\b  
\q1
\v 21 Mini kowi kagome mbirale dano howa  
\q2 yadai nabi nalu puabo haga.  
\q1 Bayale biaga kagome ibunaga mbirale ngaru  
\q2 habua nabi mo guaila howa tale biaga.   
\q1
\v 22 Anduane Homogohanda mo turu hene karume  
\q2 dindi karulolebira.  
\q1 Ibugua ha hene karu ti bo batagi holebira.   
\b  
\q1
\v 23 Anduane Homogohanda wali agali hangu hanguhondo\x + \xo 37.23 \xt 1 Sml 2.9, Min 16.9\x*  
\q2 hariga ogodagua pobe lalu walia haga.  
\q1 Ibu turu helo hangu biaga kagonaga pabe tigila  
\q2 Anduane Homogo ibuni holebira.   
\q1
\v 24 Uruni ti pilope hayaguabi  
\q2 pilo ibiraho wiaabo naholebira.  
\q1 Anduane Homogo ibunime ti gini mialu  
\q2 lone mo heya ho helolebira.   
\b  
\q1
\v 25 I̱ igirini howa hama ibalu\x + \xo 37.25 \xt Iba 37.28, 59.15, 109.10\x*  
\q2 ai áyu agali waheore kogoni.  
\q1 Henego manda berogola  
\q2 áyu agima ndogo luore haruda manda bido.  
\q1 O hama ibiwadagoriani howa handalu hewaria  
\q2 wali agali mini tigabiwi hearu mbira  
\q2 Anduane Homogohanda yu wanahayane handaru.  
\q1 Tinaga waneiginibi ti hina noa howa  
\q2 mendeali hina nayago tagamini handadeho heariabi heba nahende dege haru.   
\q1
\v 26 Tigua tinaga mbirale karulape wuwa  
\q2 maru buru pale haga bidaru turu halu talebu migi biaga.  
\q1 Ti waneigini baya bu karu hondowabi  
\q2 ibuni turu ho haga biaga.   
\b  
\q1
\v 27 Ko bulene erembira mialu mana bayale bilimu.  
\q1 Ani birimiyagua tínaga aguanenerume dindini luore haabo holebira.   
\q1
\v 28 Anduane Homogo ibu mana bayale bulene gubalini haga kagome\x + \xo 37.28 \xt Iba 11.7, Min 2.22, Ais 14.20\x*  
\q2 wali agali ibuhondo mini bilinahe karu yu wanahaga ka.  
\q1 Tinaga pabe tigila ibuni haabo holebira.  
\q1 Mini kowi karu tinaga aguaneneru bo batagi holebira.   
\q1
\v 29 Mini tigabiwi karume dindi karulalu  
\q2 ogoriani haho wiaabo holebira.   
\b  
\q1
\v 30 Mbirali mini tigabiwi kagonaga ne harigaha howa  
\q2 bi latagi hararu mini gigabiwi howa bi laga.  
\q1 Ibunaga hégeme mana tigabi bulene dege bi latagi haga.   
\q1
\v 31 Ngode Datagaliwabenaga \w mana\w* lowinigo\x + \xo 37.31 \xt Man 6.6, Iba 40.8, 119.98, Ais 51.7\x*  
\q2 ibunaga bu miniha mo hengedagome  
\q2 ibu ge gundu lalu pi nalaga.   
\b  
\q1
\v 32 Mini kowi kagome mini tigabiwi kago ma yu howa  
\q2 bo wahole manda biaga.   
\q1
\v 33 Ani biagagoyu bo wahelo  
\q2 Anduane Homogohanda yupe naholebira.  
\q1 Godi lalu kariabi  
\q2 ibugua ko bini mbira ngaria handa walia naholebira.   
\b  
\q1
\v 34 Anduane Homogoha mini dunu bia ho howa  
\q2 ibugua bibe ledadagua bialu habe.  
\q1 Ani biriyagua ibugua í̠ mo yaraga halu  
\q2 dindi í̠ karulabelo ngulebira.  
\q1 Ani biragola mini kowi karu pani narago  
\q2 í̠ deme handa a̱i̱ ho holebere.   
\b  
\q1
\v 35 Bamba mbiru agali mini kowiore ibuni hangu hongohe karulape ko mitangi howa\x + \xo 37.35 \xt Yob 5.3\x*  
\q2 wali agali mo gi halu  
\q2 ge pera bai haga mbira heane hendewane.  
\q1 Lebanono dindini ira tamia mbira luni panigi pudagaho hagadagua  
\q2 agali ogonime maru hearu hengedope howa  
\q2 ibuore pudagaho heane hendewane.   
\q1
\v 36 Mani halu mbiru dindi odagoriani lone bolangua halu pialu hewaria  
\q2 agali odagoni naheya.  
\q1 Kabe hondole i̱na hai bialu hewariabi  
\q2 ibu nahe erebaore hayiya.   
\b  
\q1
\v 37 Wali agali mana bayale biaga karu handalimu.\x + \xo 37.37 \xt Ais 32.17, 57.2\x*  
\q1 Mini tigabiwi karume mana bayale bigi birago handawa bilimu.  
\q1 Mo palia haga karu  
\q2 ti aguanene dewa ho dame bulebira.   
\q1
\v 38 Ko biaga karu aria bibahende homai halu  
\q2 tinaga aguanene bibahendeore homa mundulanda holebira.   
\b  
\q1
\v 39 Wali agali mini tigabiwi karu  
\q2 Anduane Homogohanda ti pele mulebira.  
\q1 Gendabi timbuni ngangi ti ibida pialu  
\q2 ha do hagane Anduane Homogo ibuni holebira.   
\q1
\v 40 Anduane Homogohanda ti biamogo bialu gi miaga.\x + \xo 37.40 \xt 1 Bit 5.20, Ais 31.5, Dan 3.17, 3.28, 6.23\x*  
\q1 Mini kowi karume ti mo ko hole ibirangi  
\q2 ti ibu karia ibida poragola ibugua ti mo wiaga.   
\c 38  
\s1 Tandaga handalu howa Anduane Homogohondo bi lenego ogo  
\q1
\v 1 Anduane Homogo-o í̠na keba ho kegonigo  
\q2 i̱hondo keba howa i̱ minu boleni.   
\q1
\v 2 Í̠na í̠naga timume i̱ bogalu  
\q2 í̠naga gime i̱ bope ho heledegoni.   
\b  
\q1
\v 3 Í̠na i̱hondo keba harigola\x + \xo 38.3 \xt Yob 33.19, Iba 32.4, 102.10, Ais 1.6\x*  
\q2 i̱naga tingini tandaga timbuni handalu kogoni.  
\q1 I̱na ko bini ngogome  
\q2 i̱ha warago timbuni balu ngogoni.   
\q1
\v 4 Ko i̱ha ngagome i̱ bo dambi hai haragola\x + \xo 38.4 \xt Esr 9.6, Iba 40.12\x*  
\q2 nu gendabi ale howa yu habe nahe kogoni.   
\b  
\q1
\v 5 I̱ni mini nawi howa mana liaheore birugome  
\q2 i̱naga tinginini dere bidaru  
\q2 ibane timbuni tuguda tagitagi bialu ngu taraore biragoni.   
\q1
\v 6 I̱ miniha genda timbuni yu kogome  
\q2 i̱ni handa dindi ho bedogoni.  
\q1 Horo bibahendengi dara howa  
\q2 dugu biaabo halu kogoni.   
\q1
\v 7 I̱naga tinginiha poboyogo timbuni bialu  
\q2 irame daradagua bidagola i̱ warago timbuniore balu kogoni.   
\q1
\v 8 Mbirale tara mbirame i̱ bo hengedaradagua bidagome  
\q2 i̱ hongo nahe kogoni.  
\q1 I̱naga miniha mo ko henego  
\q2 tandaga howa ya lalu ngogoni.   
\b  
\q1
\v 9 Anduane Homogo-o í̠na i̱naga hame hongohe ngelo kogoni\x + \xo 38.9 \xt Iba 6.6, 10.17, 102.5\x*  
\q2 manda biai kegoni.  
\q1 I̱naga bu miniha dugu bialu koru mbira do naheore  
\q2 í̠na haleme hale hai ho kegoni.   
\q1
\v 10 I̱naga bu hongo howa ala duguaga bialu  
\q2 i̱naga hongo pirilape ka.  
\q1 I̱naga de aruma hai kagome  
\q2 mbirale mbira handabe naheore kogoni ndobe.   
\q1
\v 11 I̱ tinginini dere ko ngubi bidarume  
\q2 i̱naga damene nenegeru i̱ni kogoria ibua nahaya.  
\q1 I̱ one waneiginirubi ti kaundianiore haruruni ndobe.   
\q1
\v 12 I̱naga waitigi bu karume  
\q2 i̱ gonoha delonaga gono wu kagoni ndobe.  
\q1 Agali i̱ mo ko halu bole karume  
\q2 i̱ bo wahami̱ya laga bialu ka.  
\q1 Horo bibahendengi tigua  
\q2 i̱hondo mana ko hangu bulene manda bialu haga kagoni.   
\b  
\q1
\v 13 I̱ hale tuluhe ale howa  
\q2 tigua bi lararu hale habe nahe ko.  
\q1 I̱naga bi ndibulo wahene ale howa  
\q2 ne hariga ha̱ lalu bi labe nahe ko.   
\q1
\v 14 I̱ agali hale tuluhe haraligobi howa  
\q2 tigua bi lararu i̱na ladai bibe naheore kogoni.   
\b  
\q1
\v 15 Anduane Homogo-o i̱na í̠hondo mini mbiraore wu kogoni.  
\q1 Anduane Homogo i̱naga Ngode Datagaliwabeore-o  
\q2 í̠na i̱naga bi larogo ladai biaga kegoni.   
\q1
\v 16 Waitigi bu karume wai hanalu i̱ bope holenaga  
\q2 mine bi lelo nahelabe.  
\q1 I̱ emene pilope harogola  
\q2 ti turu helo nahelabe laro.   
\q1
\v 17 I̱ tandaga timbuni handaabo halu kogome  
\q2 i̱ pilolene kawareore ngagoni.   
\b  
\q1
\v 18 I̱na ko bialu haruru í̠hondo latagi hai harugoni.\x + \xo 38.18 \xt Iba 32.5, 2 Ko 7.9-10\x*  
\q1 I̱ni mana liahe birudarunaga dara timbuniore ho kogoni.   
\q1
\v 19 I̱ waitigi dewaore hongo gibihe bu ka.  
\q1 I̱ bame handabe manga haga karu  
\q2 ti dewaore daga labenahe ka.   
\q1
\v 20 I̱na mana bayale hangu bialu kogola  
\q2 tigua i̱hondo mana ko biadai biaga kagoni.  
\q1 I̱na mana bayale ngago talialu bialu kogola  
\q2 tigua i̱ baba bameore mo waitigi haga kagoni.   
\b  
\q1
\v 21 Anduane Homogo-o í̠na i̱ yu wanahabe laro.\x + \xo 38.21 \xt Iba 22.19, 35.22\x*  
\q1 I̱naga Ngode Datagaliwabe-o i̱ helo wahalu kaundia nahabe.   
\q1
\v 22 Anduane Homogo-o i̱ Pele Ngiaga í̠ni hanguore kego  
\q2 i̱ biamogo bule abaleore ibabe.   
\c 39  
\s1 Agali mbira ibuha genda yu howa bi lenego  
\q1
\v 1 I̱na bi lo wirugo ogo,\x + \xo 39.1 \xt Iba 141.3, Kl 4.5, Ya 3.2\x*  
\q1 I̱nime bi ko loligo  
\q2 mana berogobi baya hangu mamage howa bialu holebero.  
\q1 Agali mana ko biaga i̱ koria kaware kangi  
\q2 i̱na ti baba bi mbira nalolebero, larugoni.   
\q1
\v 2 I̱na i̱naga ne hariga ndibulo howa  
\q2 bi mbira nale haru.  
\q1 Bi bayalenaga lalubi mbira nale dege harugoni.  
\q1 Anigoyu i̱ha genda timbuniore ngelo hene.   
\q1
\v 3 I̱na mini tumutumu bu harugoni.  
\q1 I̱na mitangitangi bialu haabo hewagola  
\q2 i̱naga miniha mo ko haiore hene.  
\q1 Ai i̱na i̱naga ne hariga ndibu lowa ndo  
\q2 i̱na bi lolebero manda biru.   
\q1
\v 4 I̱na Anduane Homogohondo hale halu lalu,\x + \xo 39.4 \xt Iba 90.12\x*  
\q2 Anduane Homogo-o i̱naga holeneha i̱ mali agira agima holeberobe.  
\q1 I̱ angi homoliyadabe.  
\q2 I̱ dindini holene tubagi dege wiaruabe be ludabe  
\q2 i̱ni langibe, laru.   
\b  
\q1
\v 5 I̱naga holene tigimandi hangu ngeledegonida.\x + \xo 39.5 \xt Iba 62.9, 90.4, 144.4\x*  
\q1 Í̠naga deni i̱naga holene emene ogoni  
\q2 nagaloneoredane hendede.  
\q1 Wali agali bibahendenaga holene lu ndo  
\q2 mbiralime ne harigaha buhe̱ halu mbira hangu latagi hagagobi dege nga.   
\q1
\v 6 Ni daragola ina mbiralinaga munini ale kama.  
\q1 Dindini mbirale bayale wini ngaru mule biabe erekuibi bia bialu howa  
\q2 bame nagalone bialu haga.  
\q1 Iname mbirale dewaore mo mogo bialu kamagoyu  
\q2 ái ibu holebirabe manda nabi kama.   
\b  
\q1
\v 7 Ai Anduane Homogo-o i̱na agilenaga mini dunubia ho holiyabe.  
\q1 Í̠na hangu i̱ biamogo bibelo lowa  
\q2 i̱na í̠nihondo mini dunubia ho kogoni.   
\q1
\v 8 Í̠na i̱ pele ngialu i̱na ko biruru domo wahabe.  
\q1 Agali ko mini nawi ale karume  
\q2 i̱ hondo oba halu mege bialu helo nahelabe.   
\q1
\v 9 I̱na i̱naga ne hariga ndibu lowa  
\q2 bi mbira nale holebero.  
\q1 Ogonaga irane i̱na tandaga uruni narogo  
\q2 í̠nime i̱hondo ibilaridagonaga bi nalolebero.   
\q1
\v 10 Ainde i̱ lone nababe laro.  
\q1 Í̠na i̱ pani ngirigome  
\q2 ai homabeheore kogoni ndobe.   
\q1
\v 11 Wali agalime mana ko birarunaga í̠na pani mirili.  
\q1 Bombome aga labolabo nalu budabaga biagadagua  
\q2 í̠na inanaga mbirale hameledamaru mo wahai haga kegoni.  
\q1 Heneneore larogo wali agali bibahendenaga ne harigaha buhe̱ halu mbira hangu  
\q2 latagi hagagobi dege ka.   
\b  
\q1
\v 12 Anduane Homogo-o i̱naga bi larogo hale habe.  
\q1 I̱na bi lalu kogoni baya hangu hale ho habe.  
\q1 I̱na dugu bialu koria de iba ibirago hondowa  
\q2 í̠na i̱ biamogo bibe.  
\q1 I̱naga mamaliru ti nde dindi ogoria tigi mbira hangu halu homayadagua  
\q2 i̱nibi nde dindi ogoria tigimandi hangu holeberogo  
\q2 í̠ manda biaiho kegoni.   
\q1
\v 13 I̱ lone mo tandaga nahe  
\q2 emene hangu nde i̱naga bu miniha dungulo holiya helabe laro.  
\q1 Mani i̱ homalu nde dindi ogo wahalu poliyadago  
\q2 ani helabe laro.   
\c 40  
\s1 Anduane Homogonaga mini yaraga halu iba gana lenego ogo  
\q1
\v 1 Anduane Homogo ibugua i̱ biamogo bilonaga  
\q2 i̱ mini dege dindi nahe ema nabi haru.  
\q1 Ani hewaria nde  
\q2 ibugua i̱na bi larugo hale halu biamogo biya.   
\q1
\v 2 I̱ gundu uli gibi hiriribiha pilo wiwaria\x + \xo 40.2 \xt Iba 27.5, 69.2, Yar 38.6, 38.10-13\x*  
\q2 ibugua hale halu gililo miya.  
\q1 Uli unuraore lumburaha homole yupe halu hewaria  
\q2 ibugua i̱ gililo miya.  
\q1 Ibugua i̱ gililo muwa ege to̱le̱ni mo heya ho helalu  
\q2 i̱ yo pialu poliya ani biya.   
\q1
\v 3 Ibugua i̱na iba gana gahenge mbira\x + \xo 40.3 \xt Iba 32.7, 33.3, 64.9\x*  
\q2 i̱nanaga Ngode Datagaliwabe kagonaga mini yaraga halu loliya lawai haya.  
\q1 Ani biyaego hondowa wali agali dewaoreme mini wialu  
\q2 ti Anduane Homogohondo mini mbiraore wulebira.   
\b  
\q1
\v 4 Wali agali Anduane Homogohondo mini mbiraore wuwa\x + \xo 40.4 \xt Iba 84.12, 125.5\x*  
\q2 mbirale tara gime wabiniru mitangi nahe  
\q2 mbirale uruniale mitangi haga karume biagadagua nabiaga karu  
\q1 ti turuho ka.   
\q1
\v 5 Anduane Homogo inanaga Ngode Datagaliwabe-o\x + \xo 40.5 \xt Iba 71.15, 139.17-18, Ais 55.8-9\x*  
\q2 í̠na inanaga mbirale dewaore gibi bia haga birigoni.  
\q1 Í̠ aleore mende nahe manda bidama.  
\q1 Iname bima lama hama polomadagonaga dewaore  
\q2 í̠naga miniha magoyu kegoni.  
\q1 Hama ibirimahayagibi walia hama ibirigoni.  
\q1 Í̠na inanaga bia hama ibirigoni manda bialu howa  
\q2 ina daga au loabe tobahe gibiore bia harigoni mandabu kama.   
\b  
\q1
\v 6 Ogoni bia harigonaga iname í̠hondo turu halu mbirale lomabu ngulenegobi\x + \xo 40.6 \xt Ais 1.11, Yar 6.20, Mai 6.6-8\x*\x + \xo 40.6 \xt Hi 10.5-7\x*  
\q2 mbirale homa hende loma delagane dabuni bo delo ngulenegobi  
\q2 uruni alego í̠ hame nalagayagoni.  
\q1 Inanaga ko domabelo lowa mbirale mbira bo delo ngulenegobi  
\q2 í̠ hame nalaga degeyagoni.  
\q1 I̱na í̠naga bi larego hale halu buliyanaga  
\q2 í̠na i̱naga hale kira wabuwa dugua ho heledegoni.   
\q1
\v 7 Í̠na ani bidego manda buwa i̱na buliya damenego  
\q2 í̠naga mbugani \w mana\w* lo ngegonidagua  
\q2 i̱na bule kogoni laru.   
\q1
\v 8 I̱naga Ngode Datagaliwabe-o\x + \xo 40.8 \xt Iba 37.31, 2 Ko 3.3\x*  
\q2 i̱na í̠na hame ledegodaguaore bule turuho kogoni.  
\q1 Í̠naga bi mana lo ngeru  
\q2 i̱na i̱naga bu habaneha mo hengedogoni.   
\b  
\q1
\v 9 Anduane Homogo í̠naga wali agali mo ngoaiho bereagoria  
\q2 i̱na ina kamaru pele ngiaga í̠ kego lalu  
\q2 bi baya turubi ogoni ti hale hai helo lamiru.  
\q1 I̱na bi ogoni dege lalu kone lairi naholeberogo í̠ manda bidegoni.   
\q1
\v 10 Anduane Homogo í̠na wali agali pele miaga kegonaga bi te\x + \xo 40.10 \xt Iba 89.1, Ab 20.20, 20.27\x*  
\q2 ogoniore i̱ni yu donge nahe lamiru.  
\q1 Í̠na biamogo biaabo hariligonagabi  
\q2 í̠ mini bilinahe kegonagabi wali agali lamiaabo haru.  
\q1 Í̠naga wali agali bibahende mo ngoaiho bereagoria  
\q2 Anduane Homogohanda ina handaya haho wiaabo halu  
\q2 gubalini haho wiaabo haga ka lalu  
\q2 i̱na yu donge nahe lamiaiore haru.   
\b  
\q1
\v 11 Anduane Homogo-o í̠na i̱ dara howa biamogo bulene nawi howa  
\q2 dara howa biamogo biaabo hariligoni.  
\q2 Ogoninaga biairi naholebeda lo manda bido.  
\q1 Í̠naga gubalini holenemebi mini bilinahe holenemebi  
\q2 i̱ yani ho wiaabo kegola  
\q2 i̱ bayale karulapeore holoboda lo manda bido.   
\s1 Ngode Datagaliwabehanda biamogo bilonaga bi lenego ogo  
\r (Iba Gana 70)  
\q1
\v 12 Genda bulene tara tara dewaore\x + \xo 40.12 \xt Iba 18.5, 38.4, 65.3\x*  
\q2 i̱ kogoria bu payabu ngagola kogoni.  
\q1 Genda bulene dewaore wu mabu bupe kagola  
\q2 i̱ dombeneha kogoni.  
\q1 Genda bulene uruni daga aulole nalabehe dewaore ngagoni.  
\q1 Mana ko i̱na bigi birurume  
\q2 i̱ni bope henego kogoni.  
\q1 I̱ni ko uruni birugome i̱ mininaga de au henego  
\q2 mbirale bayuwa handabe nahe kogoni.  
\q1 I̱na ko biruruni dagalabe nahe  
\q2 i̱ninaga haguaneni mandari li bu karubi ndo gibiore birugoni.  
\q1 I̱naga miniha hongo mbira naheore pirilipe ho wahenego kogoni.   
\q1
\v 13 Ani bidane kogo Anduane Homogo-o í̠na i̱ pele ngibe.  
\q1 Áyu ogoniore i̱ mo wia.   
\q1
\v 14 Agali marume i̱ bo wahole manda bialu karu  
\q2 í̠na ti bope halu tinaga miniha mo talola howa  
\q2 mini burugulo helabelo hamelo kogoni.  
\q1 I̱ genda timbuni yu kogo hondowa  
\q2 wali agali maru ti turu haga ka.  
\q1 Wali agali urunibi biaga karu  
\q2 í̠na bo badai bialu tinaga mini ti taga ho helo  
\q2 bope habelo hamelo ko.   
\q1
\v 15 Wali agali urunime i̱naga mini lahiralu i̱ mege biaga karuore  
\q2 í̠na ti mo taga haho wiaabo habelo hameledo.  
\q1 Í̠na ani berego handalu tini taga halu  
\q2 tini mana bialu hayadago mitangi budai bilo  
\q2 mo taga habelo hamelo kogoni.   
\b  
\q1
\v 16 Wali agali maru í̠ keria ibiraru  
\q2 ti bibahende turuho helo hameledo.  
\q1 Í̠na ti pele mirigonaga turu howa ka̱i̱ lalu karume  
\q2 Anduane Homogo ibu gibi daligaore ka lai helo hameledo.   
\b  
\q1
\v 17 Anduane Homogo-o i̱ ko yagibanoni hongo naheore kogoni.  
\q1 Í̠ ani kogonigoyu  
\q2 í̠na i̱ embeda nahe mitangi bu kegoni.  
\q1 Í̠ i̱naga Ngode Datagaliwabebi i̱naga pele ngiagabi kegonigo  
\q2 i̱ pele ngule áyu ogoni abale ibabe laro.   
\c 41  
\s1 Agali mbira warago bo wuwa Anduane Homogohondo bi lenego ogo  
\q1
\v 1 Yagibano karu mitangi bialu biamogo biaga karu\x + \xo 41.1 \xt Min 14.21\x*  
\q2 ti turubiore holebira.  
\q1 Uruni tiha genda timbuni tagira ibirangi  
\q2 Anduane Homogohanda ti biamogo bulebira.   
\q1
\v 2 Anduane Homogohanda ti biamogo bialu\x + \xo 41.2 \xt Iba 27.12\x*  
\q2 handayaho holebira.  
\q1 Ibugua ti dindini turu ho helo  
\q2 baya hangu handayaho holebira.  
\q1 Tinaga waitigi karume mo ko helo  
\q2 ibugua ti yupe naholebira.   
\q1
\v 3 Wali agali uruni ti warago timbuni bo ngangi  
\q2 Anduane Homogo ibugua handayaho haabo holebira.  
\q1 Anduane Homogohanda ti warago bararu mo dabi halu  
\q2 bayale helo mo hongo holebira.   
\b  
\q1
\v 4 I̱na bi ogodagua laru.  
\q1 Anduane Homogo-o i̱na í̠hondo ko timbuniore birugoni.  
\q1 I̱na ani birugo í̠na i̱ dara howa biamogo bialu  
\q2 i̱ha warago timbuni ngago mo dabi habe.   
\q1
\v 5 I̱naga waitigi karume i̱hondo bi tandagabi lalu kagoni.  
\q1 Tigua lalu, Ibu abale homa nabirago  
\q2 ina embedaho wahami̱ya, laga bialu ka.   
\q1
\v 6 Agali i̱ warago bo ngoria de hondo ibirarume  
\q2 dara hetingi howa hondo ibaga.  
\q1 I̱ warago ko timbuni bo ngogonaga te hale holene hame laga.  
\q1 Hale halu tagira puwa bibahendeha  
\q2 i̱naga warago ogoninaga te loyogo laga.   
\q1
\v 7 I̱ handabe manga haga karume  
\q2 i̱ warago ogoninaga hagarere bi lagalaga bialu haga.  
\q1 Tigua mitangi bialu  
\q2 ko timbuniore mbirame i̱ mo ko haragonida lo mitangi biaga.   
\b  
\q1
\v 8 Tigua lalu,  
\q1 Warago ko tara mbirame minidagonigo  
\q2 ibu lone heyulene nawi homolebira, laga bialu kagoni.   
\q1
\v 9 I̱naga nenegeore mbira henego\x + \xo 41.9 \xt 2 Sml 15.12, Iba 55.12-13, 55.20, Yar 20.10, Md 26.23, Mg 14.20, Lg 22.21, Yo 13.18\x*  
\q2 iya haru mandagi ibagabu halu  
\q2 tomobi mandagi nalu biraga henego ogoni ibuguabi nde  
\q2 i̱ handabe manga dege halu handa tara haya.   
\b  
\q1
\v 10 Anduane Homogo-o ainde í̠na i̱ dara howa biamogo bialu  
\q2 i̱naga warago ngogo mo dabi habe.  
\q1 I̱naga waitigi biarume i̱hondo biyarunaga pani  
\q2 i̱na biadai buliya ani bibe.   
\q1
\v 11 Waitigi bu karume i̱ bope nahayagua nde  
\q2 í̠na i̱ gubaliniore ho kedalo mandabu holebero.   
\q1
\v 12 I̱na mbirale beroru tigabi bialu koria de hondowa  
\q2 í̠na i̱ biamogo bulebere.  
\q1 I̱ í̠niha haparaho holiya  
\q2 í̠na i̱ handayaho haabo holebere.   
\b  
\q1
\v 13 Anduane Homogo Isaraele wali agalinaga Ngode Datagaliwabe kago  
\q2 ibunaga mini áyu ogoni yaraga holene nga.\x + \xo 41.13 \xt Iba 106.48\x*  
\q1 Wali agali mani hama polobadarumebi  
\q2 ani dege bialu haabo helo.  
\q1 Aniore bilo laro.   
\ms1 MBUGA MENDE  
\mr (Iba Gana 42-72)  
\c 42  
\s1 Agali mbira dindi taraha haru pu henegome Ngode Datagaliwabehondo bi lenego ogo  
\q1
\v 1 Nogo meme ale mini dia gabuame iba noa howa hége lebola ho yalu\x + \xo 42.1 \xt Iba 119.131\x* \fig Nogo meme ale mini dia gabuame iba noa howa ... iba libule porago ... piaganedagua Ngode Datagaliwabe-o i̱ í̠ kegoria ha paraho hole ibulene hameore lo ko.|src="HK 2f.tif" size="2" ref="(42.1)" \fig*  
\q2 iba libule porago hendehende gerai piaganedagua  
\q1 Ngode Datagaliwabe-o i̱ í̠ kegoria haparaho hole ibulene hameore lo ko.   
\q1
\v 2 Ngode Datagaliwabe í̠ holenehe kegoni.\x + \xo 42.2 \xt Iba 42.11, 43.5, 63.1, 143.6, Yar 10.10, Dan 6.26, Md 26.63, Lm 9.26\x*  
\q1 Iba noa biradagua i̱naga minime í̠ kegoria haparaho holeneore hamelo kogoni.  
\q1 I̱na í̠ kego de handalu  
\q2 í̠naga mini yaraga hole angi ibuliyadabe.   
\q1
\v 3 Mbiraga horombebi i̱ dugu biaabo halu\x + \xo 42.3 \xt Iba 80.5\x*  
\q2 tomo nane tomo i̱ninaga de iba no paliruli.  
\q1 Horo bibahendengi wali agali i̱naga waitigi karume i̱hondo,  
\q2 Í̠naga Ngode Datagaliwabe hayuagoni agoha kabe, laabo haga.   
\b  
\q1
\v 4 Ala bialu haruligo mitangi budai berodagua nde\x + \xo 42.4 \xt 1 Sml 1.15, Yob 30.16, Iba 95.2, 100.4, Ais 30.29\x*  
\q2 i̱naga gubaliniha tandagaore bialu habe naharagola haruli.  
\q1 Wali agali maru heba wabuni Ngode Datagaliwabenaga andaha pole poramaligobi  
\q2 ti maha ibilo i̱na haru bamba haruligobi nde  
\q2 mitangiore halu ko.  
\q1 Wali agali turuhe damene wabuni buyu pialu  
\q2 iba ganaru lagalaga bialu  
\q2 Ngode Datagaliwabenaga mini yaraga hagahaga bima ibunaga andaha pole poramaligoore  
\q2 mitangi haabo halu ko.   
\q1
\v 5 Ai nde áyu i̱ore miniha turu naheore haabo kogoni aginagadabe.\x + \xo 42.5 \xt Iba 9.1, 38.6, Md 26.38\x*  
\q1 I̱naga miniha genda bialu lungulungu biaruagoni agiorenagadabe.  
\q1 Ani biaruagoni bilo  
\q2 i̱na i̱naga Ngode Datagaliwabeni mini hanaho holebero.  
\q1 I̱naga Pele Ngiagabi i̱naga Ngode Datagaliwabebi kagonaga mini  
\q2 i̱na lone mo yaraga holebero.   
\q1
\v 6-7 I̱ i̱ninaga dindini hewaria bo ba tagi haya handala dindi taraha o pu kogoni koria\x + \xo 42.6-7 \xt Iba 69.1-2, 88.7, Yna 2.3\x*  
\q2 i̱naga gubaliniha tandagaore bialu tumbudu biragola kogoni.  
\q1 Ani biragola i̱naga mitangi mo tiga bialu  
\q2 Ngode Datagaliwabe kagohayagi pelaruli.  
\q1 Ibugua dara bulenego iba yaribu bu yu ibilaradagua  
\q2 i̱naga mini dara buleneme bu dambi haga.  
\q1 Genda tara tara bulenego Hari Hemono howabi Hari Misa howabi  
\q2 iba dugutagi halu ue lama Yodanaha pugulupebe biradagua biragola  
\q2 birama iralu i̱ namu labehe kogoni.   
\q1
\v 8 Ani kogonigo Anduane Homogo gubalini haho wiaabo haga kago\x + \xo 42.8 \xt Iba 16.7, 57.3, 63.6, 149.5\x*  
\q2 ibugua horongi ibunaga gubalini holene ogoni walia helo hameledo.  
\q1 Ibugua ani birago hondowa  
\q2 i̱na mbiraga iba gana lo mialu  
\q2 i̱ holene ngiagane tene Ngode Datagaliwabe kago  
\q2 ibuhondo bi ogoni lolene hameledo.   
\b  
\q1
\v 9 I̱naga waitigirume bolilono i̱naga mo wiaga Ngode Datagaliwabe kagohondo,  
\q1 Í̠na i̱ aginaga embedaho waharibe, laro.  
\q1 I̱naga waitigi karume i̱ bo hengedo waharagola  
\q2 tandaga narogo naabo holiya kego aginagabe.   
\q1
\v 10 Tigua i̱hondo, Í̠naga Ngode Datagaliwabe hayuago agoha kabe, lalu  
\q2 mege biaabo haragome i̱ore hengedope haabo haragola kogoni.   
\b  
\q1
\v 11 Ai nde áyu i̱ore miniha turu naheore haabo kogoni aginagadabe.  
\q1 I̱naga miniha genda bialu lungulungu biaruagoni agiorenagadabe.  
\q1 Ani biaruagoni bilo  
\q2 i̱na i̱naga Ngode Datagaliwabeni mini hanaho holebero.  
\q1 I̱na i̱naga Pele Ngiagabi i̱naga Ngode Datagaliwabebi kagonaga mini  
\q2 i̱na lone mo yaraga holebero.   
\c 43  
\s1 Agali mbira dindi taraha haru pu henegome Ngode Datagaliwabehondo bi lenego ogo  
\q1
\v 1 Ngode Datagaliwabe-o í̠ erembira ngialu piaga karume\x + \xo 43.1 \xt 1 Sml 24.15, Iba 5.6, 26.1, 38.12\x*  
\q2 i̱ bope hole manda bialu ka.  
\q1 Tini koore howa tinaga bi ke̱ halu la hole bialu kago  
\q2 i̱na mana tigabi bialu kogo tigua hendelo  
\q1 í̠na mo walia habe.  
\q1 Í̠na i̱ biamogo bialu agali ko uruninaga giha howa yamibe laro.   
\q1
\v 2 Í̠nime hangu i̱ handayaho haga kegonigo  
\q2 irane aginaga í̠na i̱ mo embedaho kebe.  
\q1 I̱naga waitigi bu karume i̱ bope halu  
\q2 i̱naga mini mo ko haga kagonaga  
\q2 i̱ tandaga haabo haruligo irane agibe.   
\b  
\q1
\v 3 I̱ heyalu Hari Saiono í̠ninaga hari loma bia hene wedagoria  
\q2 tigatiga puabo halu poliyabi\x + \xo 43.3 \xt Iba 36.9\x*  
\q2 í̠ninaga anda í̠ kegoria ibuliyabi  
\q1 í̠na í̠ninaga wá holenemebi henene lolenemebi i̱ haru haabo habelo hameledo.   
\q1
\v 4 Ngode Datagaliwabe-o í̠ninaga lomabu delaga dabu bu heledagoria polebero.  
\q1 Í̠na i̱ mo turu halu miniha dungulo helariligodago  
\q2 anidagua bibe laro.  
\q1 I̱naga Ngode Datagaliwabe í̠ore kegoni.  
\q1 I̱na ngida ale balu í̠naga mini yaraga halu  
\q2 iba ganaru lalu holebero.   
\b  
\q1
\v 5 Ai nde áyu i̱ore miniha turu naheore haabo kogoni aginagadabe.  
\q1 I̱naga miniha genda bialu lungulungu biaruagoni agiorenagadabe.  
\q1 Ani biaruagoni bilo  
\q2 i̱na i̱naga Ngode Datagaliwabeni mini hanaho holebero.  
\q1 I̱na i̱naga Pele Ngiagabi  
\q1 i̱naga Ngode Datagaliwabebi kagonaga mini  
\q2 i̱na lone mo yaraga holebero.   
\c 44  
\s1 Isaraele wali agalime ti biamogo bia lalu Ngode Datagaliwabehondo bi lenego ogo  
\q1
\v 1 Ngode Datagaliwabe-o í̠na biabe hongoheore bialu harigo  
\q2 inanaga haleme hale harimagoni.\x + \xo 44.1 \xt Har 12.26-27, Iba 78.3\x*  
\q1 Ina mamali ala dindini heneyarume bamba heneyangi  
\q2 í̠ni binigo te inahondo langiya.   
\q1
\v 2 Í̠na dindi aba ala ogoria hene hearu bo taliatagi halu\x + \xo 44.2 \xt Iba 78.55, 80.8\x*  
\q2 inanaga mamaliru dindi ogoriani haru íbu helariya.  
\q1 Wali agali tara tara bu hearume biyagonaga í̠na ti pani mialu  
\q2 inanaga mamaliru biamogo bialu mo dewa halu bayale helo helariya.   
\q1
\v 3 Inanaga mamaliru tigua wai bialu howa  
\q2 tininaga wai biaganeme dindi ogo karulene ndo.\x + \xo 44.3 \xt Man 8.17, Yos 24.12\x*  
\q1 Tininaga hongome wai buwa wayali hene ndoore.  
\q1 Í̠nime ti gubalini ho howa  
\q2 í̠naga wá holene helarigomebi  
\q2 í̠naga hongoni howa ti wayali ho hene.   
\b  
\q1
\v 4 I̱naga Kinibi i̱naga Ngode Datagaliwabebi í̠ore kegoni.  
\q1 Í̠nime bi ledegola Yagabanaga hameigini karume wai bialu wayali haga.   
\q1
\v 5 Í̠naga hongoni howa iname waitigi bu karu bo batagitagi beramali.  
\q1 Ina í̠naga minini howa waitigi bope halu wayali haramali.   
\q1
\v 6 I̱naga danda timu yandareru wia ngogo\x + \xo 44.6 \xt Iba 33.16, Hos 1.7\x*  
\q2 urunime i̱na wai bialu wayali harodalo manda nabiore kogoni.  
\q1 Wai bialu ayu tibu yu ha kogonigo  
\q2 ogonimebi i̱ wayali holiyanaga biamogo nabiaga manda bidogoni.   
\q1
\v 7 Mbirale urunime ndo í̠na ina biamogo birigola  
\q2 waitigi bope harima.  
\q1 Waitigime ina handabe manga ho hearia  
\q2 í̠na ti bope haga bialu mo taga harigoni.   
\q1
\v 8 I̱name Ngode Datagaliwabe í̠ninaga mini dege yaraga halu  
\q2 í̠na birigonaga ka̱i̱ lalu haabo holeberema.   
\b  
\q1
\v 9 Ani birigoyu ai í̠na ina mo nagalone halu erembira ngirigoni.  
\q1 Inanaga ami agaliru heba í̠ wai nape.  
\q2 Anidagua bialu kego irane aginagabe.   
\q1
\v 10 Í̠na ogonidagua birigome inanaga waitigiru ibiyagola  
\q2 ina ibida pirimagoni.  
\q1 Ibida pirimagola tigua inanaga mbirale wimaru  
\q2 mo yalu piai haya.   
\q1
\v 11 Tigua nogo sibi bo wahagadagua  
\q2 ina bo homelelo ale helarigoni.  
\q1 Inane dindini hemaria í̠na ina bo taliatagi halu  
\q2 wali agali dindi tara tarani bu hearu  
\q2 ti dege dombeneha hama pelarigoni ndobe.   
\q1
\v 12 Í̠naga wali agali biaru wali agali dindi tara tarani bu hearunaga garabaya biabe ale bialu helo pelarigoni.  
\q1 Dindi tarani hearu tigua í̠ yolo emene hangu bigi biyagome  
\q2 í̠na muni timbuni namo yi kegoni.   
\b  
\q1
\v 13 Í̠na ogonidagua birigola  
\q2 wali agali ina baba mandagi haga karume  
\q2 ina hondo mege bialu ka.  
\q1 Wali agali bu hama pedarume inahondo oba haga birago  
\q2 í̠na ina mo taga helo birigoni.   
\q1
\v 14 Í̠na wali agali dindi tara taraha karu mo heya harigola  
\q2 tigua ina mini lalu mo taga halu ka.  
\q1 Inaha mbirale mbira biragola  
\q2 tigua ina hondo oba halu kagoni.   
\q1
\v 15-16 Agalime i̱hondo mege bialu bi koru lalu kagola  
\q2 i̱ tagabi howa handa dindi ho kogoni.  
\q1 I̱naga waitigirubi agali i̱ handabe manga haga karubi  
\q2 i̱na ti handarodagua i̱naga miniha mo ko halu  
\q2 i̱ taga timbuni ho kogoni ndobe.   
\b  
\q1
\v 17 Ngode Datagaliwabe-o iname í̠ embeda nahe howa  
\q2 í̠naga habo nalolene bi lowini biagobi  
\q2 mo habo nale kama.  
\q1 Ani birimagola mbirale genda uruni inaha anda ibiragoni.   
\q1
\v 18 Iname í̠ erembira ngialu pu nabi\x + \xo 44.18 \xt Yob 23.11\x*  
\q2 í̠naga harigani polenegobi yu wanahe kamagoni ndobe.   
\q1
\v 19 Ina ani bialu kamagoyu í̠na ina gabua tara tara haga ngagoha helowa\x + \xo 44.19 \xt Iba 23.4\x*  
\q2 arumaha homolene ngagoria helaridagoni.   
\b  
\q1
\v 20-21 Iname inanaga Ngode Datagaliwabe kago erembira mialu puwa\x + \xo 44.20-21 \xt Iba 139.1, Yar 17.10\x*  
\q2 mbirale gime wabini ngaruhondo bi pupu wialu henedale nde  
\q2 í̠nime manda bidele.  
\q1 Ina bu kamarunaga miniha wia do hene ngamaru bibahende  
\q2 í̠ni manda biai ho kegonigo í̠ ani manda bidele.   
\q1
\v 22 Ina í̠ninaga wali agaliore kamagonaga\x + \xo 44.22 \xt Lm 8.36\x*  
\q2 tigua ina bo wahalu haabo kagoni.  
\q1 Tigua ina handalu karia  
\q2 nogo sibi ale dege bo waholene ale kamaria hendedagoni.   
\b  
\q1
\v 23 Anduane Homogo-o í̠ abale heyabe.  
\q1 Aguanaga paliahondo kebe.  
\q1 Ina wahalu erembira ngialu puabo nahabe.\x + \xo 44.23 \xt Iba 35.23, 78.65\x*   
\q1
\v 24 Irane aginaga ha do ho kebe.  
\q1 Agali bu karume ina mo ko haragola  
\q2 ina tandaga timbuni halu genda dewaore yu kamago embeda nahabe.   
\b  
\q1
\v 25 Ina dindini pilo ibira halu  
\q2 inanaga tingini homene ale dindi himuni wima pedemagoni ndobe.   
\q1
\v 26 Ngode Datagaliwabe-o abale heyalu  
\q2 ina biamogo bule ibabe.  
\q1 Í̠naga gubalini haabo holene ngegome ina mitangi bialu  
\q2 ina homoligo abale pele ngibe laro.   
\c 45  
\s1 Kini ibu wali dabu biyangi iba gana la henego ogo  
\q1
\v 1 Bi bayale maru i̱naga miniha yu ko.  
\q1 I̱na iba gana ogoni podo yuwa kini kagohondo mulene manda bido.  
\q1 Beba bayale gili biaganaga peni ale howa  
\q2 i̱naga hégeme bi bayale lalu ko.   
\b  
\q1
\v 2 Í̠ agali bayaore kegoni.  
\q1 Agali mende í̠ ale naheore.  
\q2 Í̠na bi laga biriligo baya tigabiore larili.  
\q2 Ngode Datagaliwabehanda í̠ mo bayale halu haabo kagome  
\q2 í̠ ogonibi kegoni.   
\q1
\v 3 Í̠ kini timbuni hongoheore kegoni.  
\q2 Í̠ baya burugule tara howa mini lene timbuni kegoni.  
\q1 Í̠naga wai biagane ayu tibu yaganeha yuwa  
\q2 wai bule manda manda bu habe.   
\b  
\q1
\v 4 Í̠ kini dunini mbira mini leneore kegoni.  
\q2 Í̠na henene lolene ngagobi  
\q2 mana tigabi dege bulene ngagobi  
\q1 ogoni wayali helonaga wai bule í̠naga nogo hosini biralu pobe.  
\q1 Í̠na wai hongo howa beregome í̠ni wayali holebere.   
\q1
\v 5 Í̠naga timu de bi̱a̱o̱le ngerume  
\q2 waitigi bu karunaga gubalinini bolomogo biaga ngegoni.  
\q1 Í̠na dindi tara taranaga hameigini karu baba wai bialu  
\q2 bope haregola ti í̠ andaneha hai holebira.   
\b  
\q1
\v 6 Ngode Datagaliwabe-o í̠ kini haluhe haabo haga kegoni.\x + \xo 45.6 \xt Iba 93.2, 98.9\x*\x + \xo 45.6 \xt Hi 1.8-9\x*  
\q2 Wali agali í̠na hondo hene karu  
\q2 mana tigabi ngagoria helo haru haga kegoni.   
\q1
\v 7 Í̠ mana tigabi bulene ngago hamelowa\x + \xo 45.7 \xt Iba 11.7\x*  
\q2 mana ko ngago manga haga kegoni.  
\q1 Irane ogoninaga í̠naga Ngode Datagaliwabe ibugua í̠ dabo helene.  
\q1 Dabo helalu kini maru karu turu hagadagua ndo  
\q2 ti bolangua halu í̠naga haguaneni weli odo wiyagola  
\q2 í̠ mo turu taraore ho helene.   
\q1
\v 8 Í̠naga aga bayale luni biagimbu bu kegoni  
\q2 nga baya taraore mini \w muwe\w* kasiala ngabini mbauleda.  
\q1 Kini andagaru nogo elebeninaga ne gayaneme mo yáribia halu  
\q2 anda uruniha tigua í̠ mo turu holenaga ngida aleru lalu kagoni.   
\q1
\v 9 Kini waneru wali mini lene berearu heba í̠ andagaha biru hayua.  
\q2 Í̠naga gi tigahayagi kuini wali ibu bedagoni.  
\q2 Ibu ngolo Obira dindi tawame yári wabini ngaru karulo beda.   
\b  
\q1
\v 10 Kini one wandari mabuage-o  
\q2 i̱na bi o larogo hale halu manda bibe.  
\q1 Í̠ damene bu karubi wali agali maru bu karubi mitangi budai nabibe.   
\q1
\v 11 Í̠na ogonidagua bialu í̠ wandari bayaleoreda de hondowa  
\q2 kini ibugua í̠ gubalini timbuni ho holebira.  
\q1 Ibu í̠naga agali haguane ka manda buwa  
\q2 í̠na ibunaga bi larago hale halu birulene nga.   
\q1
\v 12 Taia wali agali bu karume  
\q2 í̠ mo turu holene aleru yalu ibulebira.  
\q1 Wali agali homogo karumebi í̠ mo turu holene marubi yalu ibalu  
\q2 í̠hondo mulebira.   
\b  
\q1
\v 13 Kininaga wandari mabuage biago kini andaga tamu hobaneha bedago  
\q2 ibu baya gibiore mbira bedagoni.  
\q1 Ibu aga baya taraore pu ngolo aleme wabini mo karulo bedagoni.   
\b  
\q1
\v 14 Wandari o biago ibu aga baya taraore ogoni karula howa  
\q2 tigua ibu kini berearia haru halu piya.  
\q1 Wandari maru ibu baba biraga berearubi  
\q2 ti haru kini andaga pole haru piya.   
\q1
\v 15 Tigua turu timbuni halu bu miniha dungulo howa  
\q2 kini andaga anda piai haya.   
\b  
\q1
\v 16 Kini-o í̠ igini dewaore holebiraru  
\q2 tigua í̠ mamaliru henedagoria kini ha aribia holebira.  
\q1 Í̠na ti mini leneore helowa  
\q2 tigua wali agali dindi bibahendeha karu haru helo helolebere.   
\q1
\v 17 Í̠ mini lene timbuni kego lalu i̱na iba gana ogoni latagi harogola\x + \xo 45.17 \xt Iba 138.4, Mal 1.11\x*  
\q2 wali agali mani holobadarume  
\q2 í̠ mitangi biaabo holebira.  
\q1 Ani mitangi bialu wali agali bibahende bu karume  
\q2 í̠naga mini yaraga ho haabo holebira.   
\c 46  
\s1 Ngode Datagaliwabe ibuni ina heba kagonigo ogo  
\q1
\v 1 Ngode Datagaliwabe ibu inanaga ha do hagabi ina hongo ngiagabi ka.\x + \xo 46.1 \xt Iba 62.7-8, 91.2, 142.5\x*  
\q1 Gendabi tara tara handaga beremangi  
\q2 ina biamogo bule ibu hapara howa  
\q2 manda mandabuore haga kagoni.   
\q1
\v 2 Ibu ani kago manda buwa ina gi naholeberema.  
\q1 Dindi dumbirumbi biyaguabi hari wedaruninaga pinipodo baga bialu  
\q2 iba solowara hanunini podopai hayaguabi  
\q2 ina gi naholeberema.   
\q1
\v 3 Iba solowararume iba tangu bahalu togo layaguabi\x + \xo 46.3 \xt Iba 93.3-4, Yar 5.22, Md 7.25\x*  
\q2 iba ue timbuni lagimbu biyaguabi  
\q2 iba hai ngoda timbuni wiame hayaguabi  
\q2 ina gi naholeberema.  
\q1 Iba yaribu bu yu puíbu bialu hari wedaru mo emabi haga biyaguabi  
\q2 ina gi naholeberema.   
\b  
\q1
\v 4 Ibaore mbira porago iba ogonime\x + \xo 46.4 \xt Iba 48.1, 48.8\x*  
\q2 Ngode Datagaliwabenaga tano Yarusaleme mo turu halu  
\q2 Ngode Datagaliwabe Daligaorene Daliga kago ibuni hangu haga  
\q2 anda loma buwa habagi ho helene kagobi  
\q2 mo turu haga iba ogoni pora.   
\q1
\v 5 Ngode Datagaliwabe ibu tano odagoniha kagome\x + \xo 46.5 \xt Yol 2.27, Seb 3.15, Seg 8.3\x*  
\q2 tano ogoni mo ko halu bo ereba naholeorebira.  
\q1 Egabi lole muna biraore ibunime ibalu  
\q2 tano ogoni biamogo bulebira.   
\q1
\v 6 Hameigini tara tara paluyu pedarume\x + \xo 46.6 \xt Yos 2.9, 2.24, Iba 2.1\x*  
\q2 gi gibi howa duru ala lalu holebira.  
\q1 Handame haga kini bu karubi  
\q2 wali agali tigua haru haga karubi  
\q2 bibahende bo purogo lelolebira.  
\q1 Ngode Datagaliwabehanda bi timbuni hari kulu laradagua laragola  
\q2 dindi bibahendeni wali agali bibahende bu karuni  
\q2 bo haeala baga bialu ereba hai helolebira.   
\b  
\q1
\v 7 Anduane Homogo Hongo Haiheore kago ibuni ina heba ka.  
\q1 Yagabanaga Ngode Datagaliwabe ibuni inanaga ha do hagane kagoni.   
\b  
\q1
\v 8 Anduane Homogohanda bigi biyadago de handami̱ya  
\q2 bibahende ibai hadaba.  
\q1 Anduane Homogo ibugua dindi bibahendeni mbirale mogolo handabehe binidaru  
\q2 de handadaba.   
\q1
\v 9 Dindi bibahendeni wai bialu karu  
\q2 ibugua mo hundia haga kagoni.  
\q1 Agalinaga danda minu podaki halu  
\q2 yandare podo gingirulo baga bialu  
\q2 humbi yiniyaru yamuwa irani mo delaga kagoni.   
\q1
\v 10 Ibugua lalu, Wai nabilimu.\x + \xo 46.10 \xt Man 4.35, 1 Kin 18.36-39, Ais 2.11, 2.17\x*  
\q2 Ngode Datagaliwabe i̱ore kogonigo manda bilimu, lalu ka.  
\q1 Dindi bibahendeoreha wali agali paluyu pedarume i̱naga mini tini kaha howa  
\q2 mo yaraga hagahaga bialu kagola kogoni  
\q2 tíni manda bilimu, lalu kagoni.   
\b  
\q1
\v 11 Anduane Homogo Hongo Haiheore kago ibuni ina heba ka.  
\q1 Yagabanaga Ngode Datagaliwabe ibuni inanaga ha do hagane kagoni.   
\c 47  
\s1 Ngode Datagaliwabe ibu haru haga daligaore kagonigo ogo  
\q1
\v 1 Wali agali bu kamiru bibahendeme  
\q2 Ngode Datagaliwabehondo turu halu gi habe bo midaba.  
\q1 Turu howa ibunaga mini mo yaraga halu  
\q2 iba gana dalimu lo midaba.   
\q1
\v 2 Anduane Homogo Daligaorene Daliga gibiore kagohondo  
\q2 iname gi habehe kamagoni.  
\q1 Ibu kini timbuni gibiore howa  
\q2 wali agali dindi bibahendeni bu kamaru de handa gimbu buwa haru kagoni.   
\q1
\v 3 Iname wali agali maru karu bope halu  
\q2 wayali holoma̱ya ibugua ina mo wayali helaya.  
\q1 Hameigini tara tara palu ngaru  
\q2 iname de hondo howa haru holoma̱ya helayagoni.   
\q1
\v 4 Ina dindi kamagonibi ibugua dege, Tí ogoria hadaba, lalu  
\q2 mo ngiyagoria bu kama.  
\q1 Ibugua ina gubalini howa ani mo ngiyagome  
\q2 ina nde dindi bayaore ogoriani howa  
\q2 miniha turu halu yangalo kamagoni.   
\b  
\q1
\v 5 Ngode Datagaliwabe ibu handame haga kini howa  
\q2 ibuninaga biragane dagiani birule iraga haragoni.  
\q1 Anduane Homogo ibu ani iraga harago hondowa  
\q2 wali agalime turuore gibi howa  
\q2 bi timbuni ga̱ lowa ladaga daga bialu mbelo biguliru bibe̱ laga biragoni.   
\q1
\v 6 Ngode Datagaliwabenaga mini yaraga halu  
\q2 ibuhondo iba gana lo midaba.  
\q1 Inanaga kini ibu hangu kago ibunaga mini yaraga halu  
\q2 iba gana lo midaba.   
\q1
\v 7 Ngode Datagaliwabe ibu wali agali dindi bibahendeni bu karunaga kini kago  
\q2 ibunaga mini mo yaraga halu iba gana laga bialu halimu.   
\b  
\q1
\v 8 Ngode Datagaliwabe ibu kini kago howa kininaga biragane dagia loma bia heneni biruwa  
\q2 ibugua mana tigabi dege lalu biraga.  
\q1 Ogoriani biruwa ibugua hameigini tara tara dindi bibahendeni bu kamaru haru haga kagoni.   
\q1
\v 9 Hameigini bibahende dindi tara tarani karunaga haru haga dameneru bibahendebi  
\q2 Abarahamanaga Ngode Datagaliwabe hene kago ogoni ibunaga wali agali bu karubi heba  
\q2 ti mandagi mo ngoaiho haga.  
\q1 Ngode Datagaliwabe ibu ami hongohe dindini bu karubi ndo  
\q2 hongo gibiorehe howa haru haga ka.  
\q1 Ibu haru haga hongohe daligaore kagoni.   
\c 48  
\s1 Saiono tano Ngode Datagaliwabenaga winigo ogo  
\q1
\v 1 Anduane Homogo ibu mini leneore kagonigo  
\q2 ibunaga mini yaraga holene nga.  
\q1 Ngode Datagaliwabenaga tano ngagoria anda puwa  
\q2 ibunaga hari loma bia hene ngagoria  
\q2 ibunaga mini yaraga hami̱ya.   
\q1
\v 2 Ngode Datagaliwabenaga hari loma bia hene ogoni\x + \xo 48.2 \xt Md 5.35\x*  
\q2 daliga timbuniore bayale nga.  
\q1 Dindi abene uyurahayagi Saiono tano ogoni kini dunini kagonaga ngago lalu  
\q2 wali agali dindi bibahendeha karume turu timbuni ho kagoni.   
\q1
\v 3 Ngode Datagaliwabenaga tano ogoniha wai anda ibiragola  
\q2 ibugua wali agali ibu heba haga karu abale biamogo bialu  
\q2 ti bayale haga ka.   
\b  
\q1
\v 4 Bamba kini tara tara bu hearume mo mogo bialu  
\q2 Saiono tanoha hearu baba wai bule ibiya.   
\q1
\v 5 Ti ibalu tano biago de hondowa mogolo handaya.  
\q2 Mogolo hondowa gi halu ibida pugupugu biai haya.   
\q1
\v 6 Ti mogo timbuni lalu walime gali taba honole\x + \xo 48.6 \xt Har 15.15, Hos 13.13\x*  
\q2 tandaga timbuniore hagagobi hayagoni.   
\q1
\v 7 Puyabu timbuniore ni tagira ibiragohayagi howa ibiragome  
\q2 Tasisi tanonaga iba sibi timbuni bu ngaru bo gingirulo wahai hagadagua  
\q2 Ngode Datagaliwabe ibugua waitigi uruni bo amo lai hayagoni.   
\b  
\q1
\v 8 Ngode Datagaliwabehanda bamba biniyago  
\q2 ina haleme hale ho harimagoni.  
\q1 Anduane Homogo Hongo Haiheore kagome  
\q2 ibuninaga tanoha mbirale uruni biniyago  
\q2 ai ina deme handai harima.  
\q1 Ibugua ibunaga tano ogoni mo hongo haragome  
\q2 bayale wiaabo holebira.   
\b  
\q1
\v 9 Ngode Datagaliwabe-o ina í̠naga andaha biruwa  
\q2 í̠naga gubalini haabo holene mana ngego mitangi bialu bedema.   
\q1
\v 10 Wali agali dindi bibahendeha bu karume  
\q2 í̠naga mini yaraga halu kagoni.  
\q1 Í̠ mini leneore kegonaga dindi bibahendeha  
\q2 wali agali karume loyogo leda.  
\q1 Í̠na í̠naga mana tigabi ngegome  
\q2 wali agali bu karu handayaho haga kegoni.   
\q1
\v 11 Hari Saiononi wali agali bu karu  
\q2 ti bibahende turu hai helo helabe.  
\q1 Wali agali tinime mana biragobi  
\q2 í̠na tigatiga ngadaguaore mo tale biaga kegoni.  
\q1 Yuda dindiha tano ngaruha karu ti bibahende turu hai helo helabe.   
\b  
\q1
\v 12 Ngode Datagaliwabenaga wali agaliru  
\q2 tígua Hari Saiono kagoria tanonaga ege pabe kadagua pu mabu bilimu.  
\q1 Pu mabu bialu pabe daligani mamagealinaga anda lu bima iraga halu bu heledaru  
\q2 bibahende dagalai halimu.   
\q1
\v 13 Tígua Saiononaga ege pabe kagobi anda hongohe bu karubi  
\q2 bayuwa handa kia bu helalimu.  
\q1 Wali agali mani holobadaru te lamulenaga baya hanguore handalimu.   
\q1
\v 14 Tígua mani holobadaruhondo ogodagua lamilimu.\x + \xo 48.14 \xt Ais 58.11\x*  
\q1 Ngode Datagaliwabe ibu inanagaore kagoni.  
\q1 Ibu inanaga Ngode Datagaliwabeore haluhe haabo holebira.  
\q1 Horo bibahendengi ibugua bamba halu  
\q2 ina hariga poloma̱yago walia halu  
\q2 haaboboore holebira, lalu lamilimu.   
\c 49  
\s1 Wali agali munihabi dabudabuhabi minipe karu ti mini nawi kago ogo  
\q1
\v 1 Wali agali bibahendeme bi o larogo hale halimu.  
\q1 Tí wali agali dindini bu kamiru bibahendeoreme  
\q2 i̱na bi larogo hale hole hale miaho halimu.   
\q1
\v 2 Wali agali timbuni mini lenebi mini nalenebi  
\q2 homogobi yagibanobi tí bibahendeme  
\q2 i̱na bi o larogo baya hanguore hale halimu.   
\q1
\v 3 I̱naga bu miniha mitangi bulene bayale hangu palu to̱ledago.  
\q1 I̱na mini gigabiwi holenenaga bi loleberogo  
\q2 ogoni tí wále helonaga lolebero.   
\q1
\v 4 I̱na pigane bi yobage lowa ala lolebero.  
\q1 Lalu howa ngida balu iba ganabi lalu  
\q2 bi yobage larugonaga irane mo walia halu langulebero.   
\b  
\q1
\v 5 Mbirale gibi hiriribi wigi bidangi\x + \xo 49.5 \xt Yob 31.24, Iba 52.7, Mg 10.24\x*  
\q2 i̱ gi naharuli.  
\q1 Waitigime i̱ bole lowa hoyu mabu biyaguabi  
\q2 i̱ gi naharuli.   
\q1
\v 6 Agali ko biaga karume dindi dabudabu dewa wuwa mine halu lalu,  
\q1 Ai homogo karulapeore kogoda, lowa  
\q2 dindi dabudabu urunini hanaho howa  
\q2 tininaga mini mo yaraga haga karume  
\q2 i̱ bole manda biaga ka.  
\q1 Ti ani bialu kago helowa i̱ ti hondowa gi naharuli.   
\q1
\v 7 Mbirali mbirame ibuninaga holenego munime yolo bibe nahe ngagoni manda bidama.\x + \xo 49.7 \xt Yob 36.18-19\x*  
\q1 Ibugua muni wiyadagome Ngode Datagaliwabehondo  
\q2 i̱ nahome holego í̠ muni ngerogo  
\q2 labe nahe ka manda bidama.  
\q1 Ani nabibeheore nga.   
\q1
\v 8 Ani bibe nahedagoni irane\x + \xo 49.8 \xt Iba 16.10, 22.29, 89.48\x*  
\q2 wali agalinaga holene buhe̱naga yolo gibi daligaorene daligago  
\q2 yolo bibe naheore nga.  
\q1 Ibugua Ngode Datagaliwabe yolo mule manda bulubadagoni nakarulapeore holebira.   
\q1
\v 9 Ibu homa nabi dére haaboore holego lalu  
\q2 Ngode Datagaliwabe munime yolo nabibeheore holebira.   
\b  
\q1
\v 10 Wali agali mbirale mandabi mini gigabiwi karubi  
\q2 homaga birane hendedama.  
\q1 Mini nawibi lulu alebi bibahende homa dege birane hendedama.  
\q1 Tigua mbirale dindini howa ilu wialu hayaruni  
\q2 tinaga aguanene holebiraru ti helo ngelalu  
\q2 tini homaga birane hendedamagoni.   
\q1
\v 11 Ala dindini hayangi tininaga dindini hayagonigo  
\q2 ai homalu pialu howa tinaga dindi anda tene homali biago bu hinalu  
\q2 homali biagoniha haaboore holebira.   
\q1
\v 12 Mbirali mini lene timbuni heneyaguabi  
\q2 homa anda ibidangi yo pialu pobe nahe holebira.  
\q1 Ani nabibeheore nga.  
\q1 Homa anda ibidangi nogo biango homagadagua homolebira.   
\b  
\q1
\v 13 Wali agali tini hangu howa karulape kama manda bialu karu  
\q2 tihondo agi birabe handami̱ya.  
\q1 Tininaga mbirale ngagoria mini hanaho karu homolebirago de handami̱ya.   
\q1
\v 14 Wali agali urunibi karu ti nogo sibi homagadagua homalu  
\q2 Homa ibu tinaga haru haga haguane holebira.  
\q1 Ti homaragola tinaga tingini abale togo bialu  
\q2 tinaga dindi haraligo yu wahalu  
\q2 tinaga dinini kaundiaore humbirini andaha polebira.  
\q1 Anidagua bigi birago hondowa  
\q2 wali agali mini tigabiwi karu ti turu halu holene nga.   
\q1
\v 15 Anigo Ngode Datagaliwabehanda i̱ gini mulebira.\x + \xo 49.15 \xt Iba 16.10-11, 73.24, Hos 13.14\x*  
\q1 Ibugua homolenenaga hongome i̱ yani nahelo  
\q2 pele ngulebira.   
\b  
\q1
\v 16 Wali agali mbirali ibunaga dabudabu dewa wiatago halu ibu homogo hayagua  
\q2 ogonidagua biragonaga í̠ mini dege dindi ho nahabe.   
\q1
\v 17 Ibu homalu ibunaga mbirale wiyadaruni\x + \xo 49.17 \xt Iba 17.14, 1 Ti 6.7\x*  
\q2 ibuni yalu napolebira.  
\q1 Dabudabu ilu wiyadarume  
\q2 tinaga anduane homaliha anda poradagua  
\q2 tibi homaliha dege anda porama nalolebira.   
\q1
\v 18 Ibu dindini kangi ibu turu howa dungulo kayaguabi  
\q2 ibu erekui biabe bialu mbirale dewa mo wiragola  
\q2 marume ibunaga mini yaraga halu ibu bayaore awadaga handalu kayaguabi   
\q1
\v 19 mbirali homogo ogoni ibubi homalu  
\q2 ibunaga mama mamali ala homalu peneru aruma haho wiaabo hagaha kadagua  
\q2 ibunibi ogoniha dege pu holebira.   
\q1
\v 20 Mbirali mini lene timbuni heneyaguabi  
\q2 homa anda ibidangi yo pialu ibida pobe nahe holebira.  
\q1 Ani nabibeheore nga.  
\q1 Homa anda ibidangi nogo biango homagadagua dege homolebira.   
\c 50  
\s1 Ngode Datagaliwabehanda wali agali dabaki bulebirago ogo  
\q1
\v 1 Ngode Datagaliwabe Hongo Haiheore Anduane Homogo kago  
\q2 ibugua bi laragoni.  
\q1 Wali agali ni tagira ibiragohayagi karubi  
\q2 ni paliragohayagi karubi dindi bibahendeha  
\q2 ibugua ti olalu kagoni.   
\q1
\v 2 Ngode Datagaliwabe ibu Saiono tano dunini dindi bayaleoreni howa  
\q2 ibugua ibunaga wá holene taraore biago  
\q2 wá haame halu kagoni.   
\b  
\q1
\v 3 Inanaga Ngode Datagaliwabe o ibaruagoni.  
\q1 Ibu ebero lalu panigi ibaruagoni.  
\q1 Mbirale ngaru dai helonaga ira dene ala bamba halu  
\q2 puyabu timbuni iba dalu dindi guni heba  
\q2 ibuha ho mabu bialu ibarua.   
\q1
\v 4 Ibugua dindibi hari daligabi olowa  
\q2 libuhondo lamialu lalu,  
\q1 I̱naga wali agalime bialu hayarunaga dabaki berogo  
\q2 hondole ibidaba, laruagoni.   
\q1
\v 5 Ngode Datagaliwabehanda lalu,  
\q1 I̱naga wali agali i̱nihondo mini mbiraorewi karu  
\q2 tigua i̱hondo nogo bo lomabu delalu howa  
\q2 i̱nila habo nalolene bi lo wiyaru  
\q2 ti i̱ni heba mandagi holoma̱ya mo mogo bialu ibidaba, laruagoni.   
\q1
\v 6 Hari daligame latagi halu lalu,\x + \xo 50.6 \xt Iba 75.7, 97.6\x*  
\q1 Ngode Datagaliwabe ibu tigabiore ka.  
\q1 Ibugua tigatiga dabaki biaga ka leda.   
\b  
\p
\v 7 Ngode Datagaliwabehanda lalu,  
\q1 I̱naga wali agali bu kamiru-o  
\q2 bi loleberogo bayuwa hale halimu.  
\q1 Isaraele wali agaliru-o  
\q2 i̱na tíhondo bi lolene yidogo  
\q2 tígua ko birimiru latagi holebero.  
\q1 I̱ni hangu Ngode Datagaliwabe howa  
\q2 tínaga Ngode Datagaliwabeore kogoni.   
\q1
\v 8 I̱na tígua lomabu yalu ibirimigonaga ndo dago bero.  
\q1 Horo bibahendengi tígua loma irani dai helaga bialu kamigoni  
\q2 i̱nime de hondo kogoni.   
\q1
\v 9 I̱na tínaga nogo pabeha nogo bulumaga memeru wangabe kago  
\q2 i̱ yamulenego burupalia nabi kogoni.   
\q1
\v 10 Nogo gabua irabuha haga karubi  
\q2 dindi hari daosini dewaore daga labe nahe ngaruha nogo bulumaga karubi  
\q2 bibahendeore i̱ninaga kago ndobe.   
\q1
\v 11 Ega gabua bedaru bibahendebi  
\q2 dindi bibahendeni ema bialu piaga bedarubi  
\q2 uruni bibahende ininagaore beda.   
\b  
\q1
\v 12 I̱ tomo garibilo koyagua\x + \xo 50.12 \xt Iba 24.1, 1 Ko 10.26\x*  
\q2 tíhondo mbira ngi nalolebero.  
\q1 Dindi bibahende ngagobi ogoniha wini ngarubi  
\q2 bibahende i̱ninagaore wiai ka.   
\q1
\v 13 I̱ bulumaga wangabenaga mbirini naga kobe  
\q2 be nogo memenaga darama naga kobe.  
\q1 Uruni ale i̱ nanagaore ndobe.   
\q1
\v 14 Tígua i̱hondo ka̱i̱ore lalu lolene nga.  
\q1 Uruniale tígua i̱nihondo lomabu ngulene karulape nga.  
\q1 Ngode Datagaliwabe Daligaorene Daliga kogo  
\q2 i̱nihondo mbirale mbira ngule lalubi lo wirimigo damene  
\q2 nguleneore ngagoni.   
\q1
\v 15 Tígua tíniha genda tagira ibirangi\x + \xo 50.15 \xt Iba 91.15, 107.6, 107.13, 107.19, Seg 13.9\x*  
\q2 i̱ni abale olalimu.  
\q1 Olaramigola i̱na hale halu tí biamogo bulebero.  
\q1 I̱na tí biamogo berogola  
\q2 tígua i̱naga mini yaraga halu holeberemi, lalu layagoni.   
\b  
\q1
\v 16 Ngode Datagaliwabehanda wali agali mana ko biaga karuhondo bi ogodagua laragoni.  
\q1 Tígua i̱naga mana lo wini ngoru bame lo payapaya bialu  
\q2 habo nalolene bi lo ngagonaga tebi lalu kamigo aginaga laramibe.   
\q1
\v 17 I̱na tí mo tiga buliya ha nabi\x + \xo 50.17 \xt Neh 9.26, Lm 2.21-22\x*  
\q2 tígua i̱naga bi mo wahalu haabo kamigoni.   
\q1
\v 18 Tígua agali page biaga karu lola howa  
\q2 abale mo nenege haga kami.  
\q1 Wali agali kayu yama ibaga biaga karu baba  
\q2 mandagi ibagabu haga kami.   
\b  
\q1
\v 19 Tígua ne harigaha howa ke̱ holene lalu  
\q2 bi ko dege lalu haabo haga kamigoni ndobe.   
\q1
\v 20 Tí damene bu karu baba godi lalu  
\q2 tí ai̱ya igini bameore mege bialu kamigoni.   
\q1
\v 21 Tígua anidagua bialu kamigonaga\x + \xo 50.21 \xt Iba 90.8, Ais 55.8-9, 57.11, Lm 2.4\x*  
\q2 i̱na bi mbira nale harugoni ndobe.  
\q1 I̱ ani hewagola tígua mandabu handalu hemiria  
\q2 i̱ nde tí ale dege kabe toba harimi.  
\q1 Ani birimigonaga i̱na tí dago berogoni.  
\q1 I̱na tí panigi handalimulo ko birimiru latagi holebero.   
\b  
\q1
\v 22 Wali agali i̱hondo erembira ngiaga kamiru  
\q2 tí bi o larogo hale hadaba.  
\q1 Tígua hale naharimiyagua nde tíha mo ko holene anda ibiragola  
\q2 tí biamogo bulene mbirali naholebiraore.   
\q1
\v 23 Mbiralime i̱hondo ka̱i̱ lalu lomabu ngialu kago\x + \xo 50.23 \xt Iba 27.6\x*  
\q2 ibugua i̱naga mini yaraga halu haga kagoni.  
\q1 Wali agali i̱naga bi hale halu i̱ andaneha haga karu  
\q2 ti i̱na pele mulebero, laragoni.   
\c 51  
\s1 Ko binigo domo wahelonaga Ngode Datagaliwabehondo bi lenego ogo  
\q1
\v 1 Ngode Datagaliwabe-o gubalini haho wiaabo haga kego\x + \xo 51.1 \xt 2 Sml 12.1-15\x*\x + \xo 51.1 \xt Iba 109.26, Ais 43.25, Ab 3.19, Kl 2.14\x*  
\q2 í̠na i̱ore dara howa biamogo bibe.  
\q1 Í̠na wali agali dara nahabeheorego dara hagayagodago  
\q1 i̱ dara halu ko biruru domo wahabe.   
\q1
\v 2 I̱na ko biruru bibahende domo wahalu\x + \xo 51.2 \xt Ais 1.16, Yar 4.14, Hi 9.14\x*  
\q2 i̱ dodo nahe helabe.   
\b  
\q1
\v 3 Ko ngubiore birulo manda bialu\x + \xo 51.3 \xt Ais 59.12\x*  
\q2 miniha tagaore biaabo haragola haruli.   
\q1
\v 4 I̱na ko biruruni í̠hondo birugoni.\x + \xo 51.4 \xt 2 Sml 12.13, Lg 15.21, Lm 3.4\x*  
\q1 Mendealihondo biru lole ndo í̠hondoore birugoni.  
\q1 Í̠naga deni ko ngubiore birugoni.  
\q1 Ani birugonaga í̠na i̱hondo i̱ mana pugualu  
\q2 ko birigo pani nolene nga larego nde  
\q2 tigatiga labehedaguaore larego  
\q2 i̱ balolene henge nawiore manda bido.   
\q1
\v 5 I̱ pigane i̱ ai̱yahanda taba hanayangi howa\x + \xo 51.5 \xt Yob 15.14, Eb 2.3\x*  
\q2 ko hangu bialu haho winigo áyubi bialu dege kogoni.  
\q1 I̱ ai̱yanaga tombeha biruwabi mini kowi dege biraru.   
\b  
\q1
\v 6 Í̠na henene hangu lagabi  
\q2 miniha ko do nahebi kago hondowa turu haga kegoni.\x + \xo 51.6 \xt Iba 15.2, Min 2.6, Ya 1.5\x*  
\q1 Ani biaga kego í̠naga mini giga buleneme  
\q2 i̱naga miniha to̱lotagi helabe.   
\q1
\v 7 Dodo nahe holiya ko biruru domo wahabe.\x + \xo 51.7 \xt Dag 19.18, Ais 1.18, Hi 9.19\x*  
\q2 Bu miniha peweleore holiya i̱ wayawaya bia habe.   
\q1
\v 8 Bi baya turubiru halu mbira hale holiyanaga henge ngialu\x + \xo 51.8 \xt Iba 35.10, Ais 35.10, Yol 1.16\x*  
\q2 i̱na ko biruru domo wahabe.  
\q1 Í̠na i̱ hengedo mbaralo wahalu  
\q2 i̱naga kuniru minu bu̱ larigoyu  
\q2 i̱ lone heyalu turuho holebero.   
\q1
\v 9 I̱na ko ngubi biruruni í̠ de handa tara howa\x + \xo 51.9 \xt Yar 16.17\x*  
\q2 í̠na bibahendeore domo wahai habe.   
\b  
\q1
\v 10 Ngode Datagaliwabe-o i̱naga bu habaneha mini gahenge wabu wia habe.\x + \xo 51.10 \xt Iba 78.37, Md 5.8, Ab 15.9, Eb 2.10\x*  
\q1 Í̠naga bi larego hale halu bua holenego gahenge i̱ha wabu wia habe.   
\q1
\v 11 Í̠na i̱ kodago wahalu pu lowa bo batagi holeni.\x + \xo 51.11 \xt 2 Kin 13.23, Ais 63.10-11, Yar 7.15\x*  
\q2 Í̠naga Dinini tigabi i̱ha heledego tagira peloleni.   
\q1
\v 12 Pele ngini kogoni manda buwa turu ho haruligo\x + \xo 51.12 \xt Iba 13.5\x*  
\q2 turu biagoni ereba hayago lone ngiadai bibe.  
\q1 Bi larego hale halu biaga holiya biamogo bibe.   
\q1
\v 13 Ani beregola i̱na ko biaga karuhondo\x + \xo 51.13 \xt Iba 22.27, Ab 9.21-22\x*  
\q2 í̠naga bi lo ngedagua tihondo lawai holiya.  
\q1 Lawai harogola hale halu  
\q2 tigua í̠ni keria dai bulebirago bilo.   
\b  
\q1
\v 14 I̱na ko birurunaga homolenego hame naledogo\x + \xo 51.14 \xt 2 Sml 12.9, Iba 35.28, 71.15\x*  
\q2 Ngode Datagaliwabe-o i̱ pele ngibe.  
\q1 Ani beregola i̱na turu halu  
\q2 í̠ tigabi biaga ke lalu wali agali bi mana lamuliya.   
\q1
\v 15 I̱na í̠naga bi mana loliyabi  
\q2 Anduane Homogo í̠nime lamogo bibe.\x + \xo 51.15 \xt Har 4.15, Iba 9.14\x*  
\q1 Ani berego handalu i̱na í̠naga mini mo yaraga holebero.   
\b  
\q1
\v 16 Í̠na mbirale bo lomabu ngilo hame lagadale  
\q2 i̱na bo lomabu ngidolego\x + \xo 51.16 \xt Iba 40.6\x*  
\q2 ai í̠ hame nalagayago.  
\q1 Mbirale ngabi í̠ nga habelo lowa  
\q2 bo lomabu delaga dabuni delarogomebi  
\q2 í̠ mo turu nahagaya.  
\q1 Aniyagodago i̱na í̠hondo loma ngiradagua i̱ni í̠hondo ngerogoni.   
\q1
\v 17 Ngode Datagaliwabe-o í̠naga bi larego hale halu biaore bule lalu\x + \xo 51.17 \xt Iba 34.18\x*  
\q2 i̱ni áyu ngerogoni.  
\q1 I̱ni mo yadindi halu bu mini henene beregedalu i̱ni ngerogola  
\q2 í̠na nayamia nabulebere manda buwa áyu ngerogoni.   
\b  
\q1
\v 18 Ngode Datagaliwabe-o Saiono tano podope hayadago  
\q2 wali agali karu dara halu biamogo bibe.  
\q1 Yarusaleme wai pabe biago podo bagabu ibira ho ngago  
\q2 waitigi anda ibuligo  
\q1 í̠na ege pabe ogoni lone biadai bibe.   
\q1
\v 19 Anidagua bu howa mbirale bo lomabu ngulene ngadagua ngirimayaguabi  
\q2 mbirale bo lomabu delaga dabuni delarimayaguabi  
\q2 í̠ turu holebere.  
\q1 Nogo bulumaga wangaberubi í̠naga bo lomabu delaga dabuni bo deloleberema.   
\c 52  
\s1 Mana ko ngago hondowa turu haga karu ti lulu ale kago ogo  
\q1
\v 1 Agali timbuni hongohe tingiho kego\x + \xo 52.1 \xt 1 Sml 22.9-10\x*  
\q2 í̠nime mana ko bialu kegonaga turu howa mine haabo harego irane aginagabe.  
\q1 Ogonibi biaga kego  
\q2 Ngode Datagaliwabenaga deni í̠ koorene ko biaga kegoni.  
\q1 Ngode Datagaliwabe ibu mini bilinahe howa  
\q2 wali agali urunibihondo dara haabo haga kagoni.   
\q1
\v 2 Í̠na horo bibahendengi mendeali kago mo ko holene hangu manda bialu haga kegoni.\x + \xo 52.2 \xt Iba 50.19, 59.7, 64.3\x*  
\q1 Í̠naga hége leda ne gadele ale howa  
\q2 wali agali mende kago podaga kegoni ndobe.  
\q1 Ke̱ howa lolene hangu wai hanalu haabo harili.   
\q1
\v 3 Í̠na mana ko bulenego hame lalu  
\q2 mana bayale bulenego manga halu haga ke.  
\q1 Ke̱ holene damenego turu haga howa  
\q2 bi henene lolenego manga haga kegoni.   
\q1
\v 4 Í̠ ke̱ hagaore kegoni.  
\q1 Í̠na bi ko laregome  
\q2 wali agali karu mo tandaga haabo haga kegoni.   
\b  
\q1
\v 5 Ngode Datagaliwabehanda í̠ni andagaha bederia  
\q2 mo ko howa bo gililo batagi holebira.  
\q1 Ibugua í̠ wali agali dindi ogoria karu baba  
\q2 nahabelo bo waholebira.   
\q1
\v 6 Wali agali bayale tigabi bu karume  
\q2 í̠ha mbirale uruni birago hondowa  
\q2 ti gi timbuni ho holebira.  
\q1 Tigua í̠ hondo oba halu lalu,   
\q1
\v 7 Agali o kagome Ngode Datagaliwabehanda ibu biamogo bialu\x + \xo 52.7 \xt Iba 49.6\x*  
\q2 mo hongo helo ibuha hana nahe ka.  
\q1 Ibugua ibunaga muni mbirale ngaru hangu mo teneho howa  
\q2 mana ko bialu kogome i̱ biamogo biragola  
\q2 karulape holebero lo manda biaga kago de handa, lolebira.   
\b  
\q1
\v 8 Anigo i̱ ogonibi ndo kogoni.  
\q1 I̱ Ngode Datagaliwabenaga anda haneni  
\q2 ira olibe haradagua bidogoni.  
\q1 Ngode Datagaliwabe ibugua i̱ gubalini ho haabo haga kagonaga  
\q2 i̱na ibuhondo mini mbiraore wu haabo kogoni.   
\q1
\v 9 Ngode Datagaliwabe-o í̠na i̱ biamogo bialu haga kegonaga  
\q2 i̱na í̠hondo ka̱i̱ laabo holebero.  
\q1 Í̠naga wali agalirunaga deni howa  
\q2 i̱na í̠naga mini yaraga halu  
\q2 Ngode Datagaliwabehanda bayaleore biaga kagoni lalu latagi halu holebero.   
\c 53  
\s1 Wali agali mini kowinaga mana ogo  
\r (Iba Gana 14)  
\q1
\v 1 Wali agali mitangi yole biaga karume\x + \xo 53.1 \xt Iba 10.4, 14.1\x*\x + \xo 53.1 \xt Lm 3.10-12\x*  
\q2 tini miniha mandabu donge halu  
\q1 Ngode Datagaliwabe ogoni nahe laga ka.  
\q1 Wali agali mini urunibi wu karuni  
\q2 tini ko ngubi habane nabuleneore howa  
\q2 ko tara tara ngaru bima polenaga ani lalu ka.  
\q1 Mana tigabi hangu biaga mbirali naheore.   
\b  
\q1
\v 2 Ngode Datagaliwabehanda dahuliya andaga howa handadali halu\x + \xo 53.2 \xt 2 Bit 15.2, 19.3, Iba 33.13\x*  
\q2 wali agali bibahende bu karu de handai howa  
\q1 mbirali miniwi galone manda biagabi  
\q1 Ngode Datagaliwabe kalo manda bu hagabi  
\q2 au haga bidabe hondole handadali ho ka.   
\q1
\v 3 Ani handalu hearia mbirali naheore  
\q2 ti bibahende ko biai hene ogobi dege dege hoyu pearia hendeda.  
\q1 Hariga tigatiga polene wiadagua pene mbirali naheore  
\q2 bibahende putagi halu piai hene dege hearia hendene.  
\q1 Mana tigabi hangu biaga mbira naheore.  
\q1 Mbiraorebi mbira naheoreya.   
\b  
\q1
\v 4 Ngode Datagaliwabehanda lalu,  
\q1 Wali agali ko biaga uruni ti mini nawidabe.  
\q1 Ti galone mbira manda nabiagadabe.  
\q1 Wali agali ko biaga urunime  
\q2 i̱naga wali agali bameore ti tomo naradagua budu nalu kagoni.  
\q1 Ani bialu howa tigua i̱hondo bi mbira nalagaore kagoni, laragoni.   
\b  
\q1
\v 5 Ani bialu ha kagoyu Ngode Datagaliwabe ibugua  
\q2 ti mo gi timbuni taraore holebira.  
\q1 Abale ti gi ogonibi nahenedagua gi ho helo  
\q2 irane ibugua tínaga waitigi karu bo wahai halu  
\q2 tinaga kuni dindini hora nahe bu payapayabu ngelolebira.  
\q1 Ibugua wali agali uruni ti erembira miai hayagome  
\q2 ai ti mo ko howa bo wahai holebira.   
\b  
\q1
\v 6 I̱na Isaraele wali agali bibahende pele ngialu haru dai biai helo  
\q2 Ngode Datagaliwabehanda mbirali Saiono howa ibi nalara.  
\q1 Ngode Datagaliwabe ibugua ibunaga wali agali biamogo biragola  
\q2 ti bayuwa ho dungulo halu  
\q1 tigua mbirale bigi biraru bayale hangu haga birago hondowa  
\q2 tini turuore au holobadabe.   
\c 54  
\s1 Mbiralime Ngode Datagaliwabehanda biamogo bilonaga bi lenego ogo  
\q1
\v 1 Ngode Datagaliwabe-o í̠naga hongome\x + \xo 54.1 \xt 1 Sml 23.19, 26.1\x*  
\q2 i̱ pele ngialu gi mibe.  
\q1 Í̠naga hongo timbunihe kegome  
\q2 i̱ golope hene holiya golope habe.   
\q1
\v 2 Ngode Datagaliwabe-o í̠na i̱naga bi larogo hale habe.  
\q1 I̱na bi larogo hale habelo hame ledogoni.   
\q1
\v 3 Agali minehe karu tigua i̱la wai bule íbu kagoni ndobe.  
\q1 Agali uruni ti wali agali maru bo wahole hamelo kagoni.  
\q1 Agali ko biaga uruni tigua Ngode Datagaliwabe  
\q2 í̠ nagalonedalo manda biaga kagoni.   
\b  
\q1
\v 4 Ngode Datagaliwabe ibunime i̱ biamogo biagaore kagoni ndobe.  
\q1 Anduane Homogo ibunime i̱ mo wialu  
\q2 hotali wiagane humbi ale haradagua biaga kagoni.   
\q1
\v 5 Ngode Datagaliwabehanda i̱naga waitigirume mana ko i̱hondo bialu hayaru  
\q2 tiniha daibu wiai helo.  
\q1 Ngode Datagaliwabe í̠ mini bilinahe kegome  
\q2 i̱naga waitigi karuni bo wahai habe.   
\b  
\q1
\v 6 Anduane Homogo-o i̱na í̠hondo turu howa  
\q2 mbirale ngoru lomabu ngule kogoni.  
\q1 Í̠ bayaleore kegonaga i̱na ka̱i̱ timbuniore larogoni.   
\q1
\v 7 I̱ha genda timbuni anda ibiyagola\x + \xo 54.7 \xt Iba 59.10\x*  
\q2 í̠na i̱ biamogo bialu harigoni.  
\q1 Í̠na i̱naga waitigi hearu bo waharigo  
\q2 i̱ de handarugoni.   
\c 55  
\s1 Mbiralime ibunaga nenege heagome ibu nde lenegonaga Ngode Datagaliwabehondo bi lenego ogo  
\q1
\v 1 Ngode Datagaliwabe-o í̠na i̱naga bi larogo hale habe.  
\q1 I̱na dugu bialu bi larogo hale naholenaga hale pai nahabe.   
\q1
\v 2 Aiore i̱naga bi larogo baya hangu hale howa ladai bibe.  
\q2 Genda i̱ha ngagome i̱ni bope holene tiga birane hendedo.   
\q1
\v 3 Waitigi bu karume i̱ mo ko holenaga  
\q2 bi hongo howaore lalu kagoni ndobe.  
\q1 Agali ko karu tigua i̱ bopeore hole kagola  
\q2 i̱naga bu miniha mo ko henego kogoni.  
\q1 Tigua keba timbuni haragome  
\q2 i̱ha genda dewaore mo wiaga.   
\b  
\q1
\v 4 I̱ ti hondowa gi timbuni halu\x + \xo 55.4 \xt Iba 18.4-5, 116.3\x*  
\q2 i̱ni miniha homolenenaga gi holene íbu ngagoni.   
\q1
\v 5 I̱ ani giho kogola i̱naga tingini duru laragoni.  
\q2 Gi holene timbunime i̱ bope kagola kogoni ndobe.   
\q1
\v 6 Anigo i̱na ogodagua laro,\x + \xo 55.6 \xt Yob 3.13\x*  
\q1 Ainde i̱ babagane halu polene ega aleore hoa ho kogoni.  
\q1 I̱ ogonibi kole i̱na yagalo yu pialu  
\q2 mini ibilo dindi mbiraha ha̱lo birule manda bidole.   
\q1
\v 7 Yagalo yu pialu dindi kaundiaha  
\q2 wali agali mbira nahaga ngagoha puwa  
\q2 haabo hole manda bidole ndobe.   
\q1
\v 8 Iba dalu puyaburu hongoheore ibiragola  
\q2 i̱ abale yagalalu puwa bira do ho kole.   
\b  
\q1
\v 9 Anduane Homogo-o i̱na tanoha agali maru gungu bialu karia hendedogo  
\q2 í̠na tinaga bi larago mo luluya halu  
\q2 ti bo ereba hai habe.   
\q1
\v 10 Mbiraga horombebi tigua tanonaga ege pabe bidagoria  
\q2 daligani puíbu bialu haga ka.  
\q1 Wali agali tano ogoniha bu karume  
\q2 mana ko dewa mo ko holene ngaru biaabo haga kagoni.   
\q1
\v 11 Tano ogoniha wali agali bu karume  
\q2 tini bagabaga bialu mbirale ngarubi mo ko haga ka.  
\q1 Hariga gebage ngagoriabi ngoai haga hamanibi  
\q2 wali agali bu karume mendeali kago bame bime bope haga bialu  
\q2 tinaga mbirale yu kago yamule mo hondo haga bialu ka.   
\b  
\q1
\v 12 I̱ waitigi mbira kagome i̱hondo bi ko laede hayagua  
\q2 i̱na bi uruni lelo wahabehe ko.  
\q1 I̱ handabe manga haga kagome i̱ hondo oba halu mege biyagua  
\q2 i̱na ibu i̱ nahendelo bira do habehe kogoni.   
\q1
\v 13 Ai ani ndo o biyaruni í̠na birigoni.\x + \xo 55.13 \xt 2 Sml 15.12, Iba 41.9\x*  
\q1 Í̠ i̱naga nenegeore howa  
\q2 i̱la haabo haga kegoni ndobe.  
\q1 Iya haru haabo haga berebali ndobe.   
\q1
\v 14 Bamba iyane haru mandagi ibagabu halu te bayaleru lalu  
\q2 wali agali maru heba Ngode Datagaliwabenaga anda biago heagoria mandagi haribagoni ndobe.   
\q1
\v 15 I̱naga waitigi bu karunaga minihabi ti andagahabi  
\q2 mana ko dewaore wu to̱leda.  
\q1 Ti homolene tu ndo wene kaore abale homalu  
\q2 homene dininiru pu hagagoha piai helo hamelo kogoni.   
\b  
\q1
\v 16 I̱na Anduane Homogo i̱ninaga Ngode Datagaliwabehanda biamogo bilonaga olalu haabo kogoni.  
\q2 Ibugua i̱ pele ngialu mo wulebira.   
\q1
\v 17 Gendame i̱ bo hengedalu haabo kagonaga\x + \xo 55.17 \xt Iba 92.2, Ab 10.3, 10.30\x*  
\q2 i̱na egerebagi horombe mbiragabi ibuhondo dugu bu mialu haabo haruli.  
\q1 I̱na bi larogola ibugua hale holebira.   
\q1
\v 18 Waitigi dewaoreme i̱la wai bialu haga karu helowa  
\q2 ibunime i̱ bayale mo wialu haru dai bigi bulebira.   
\q1
\v 19 Tigua ibuhondo gi nahaga howa  
\q2 ko biyarunaga mini beregedolene manga haga ka.  
\q1 Ngode Datagaliwabe ibu kini henego áyubi haabo kagoni howa  
\q1 ibugua i̱naga bi lamerogo hale halu  
\q2 waitigi karu bope hai howa wayali holebira.   
\b  
\q1
\v 20 I̱naga nenege ala henego ogoni  
\q2 ibugua ibuninaga nenege bu karu baba wai bialu haya.  
\q1 Ibu baba buleore lalu bi abale lo wiyaru mo habolaya.   
\q1
\v 21 Ibunaga ne harigaha bi bayale dendebi lalu\x + \xo 55.21 \xt Iba 12.2, 28.3, 59.7, Min 5.3-4\x*  
\q2 miniha i̱la waitigi haya.  
\q1 Ibunaga bime i̱ miniha dungulo helaga biyagoyu  
\q2 bi ogoni ayu tibu ne gadeleore ale howa bo podaga nga.   
\b  
\q1
\v 22 Í̠ genda yu keruni bibahende\x + \xo 55.22 \xt Iba 15.5, 37.5, 1 Pi 5.7\x*  
\q2 Anduane Homogo ibunaga giha mo yaholene nga.  
\q1 Ibugua í̠naga genda uruni mo yalu  
\q2 í̠ mo hongo holebira.  
\q1 Anduane Homogo ibugua agali ko bu karume  
\q2 mana tigabi biaga karu bibahende mo ko helo yupe naholebira.   
\b  
\q1
\v 23 Ngode Datagaliwabe-o í̠na agali ko mendeali homelo bo wahaga bu karubi  
\q2 ke̱ halu mo hondo haga karubi  
\q1 ti holene ha maro nabi hongohe kaore dege  
\q2 homaliha ereba hai helo bo talu pelai habe laro.  
\q1 I̱ nde í̠hondo mini mbiraore hongohe wu haabo holebero.   
\c 56  
\s1 Agali mini mbiraorewime Ngode Datagaliwabehondo bi lenego ogo  
\q1
\v 1 Ngode Datagaliwabe-o í̠na i̱ dara howa biamogo bibe.\x + \xo 56.1 \xt 1 Sml 21.13-15\x*  
\q1 Agali bu karume i̱ talima ibaga bialu bo wahole kagoni.  
\q1 Waitigime i̱ mo ko hole manda bialu haabo kagoni.   
\q1
\v 2 Waitigi karume egerebagi howa i̱ bole bialu heane  
\q2 alendo haga bialu haabo kagoni ndobe.  
\q1 Ti dewalioreme i̱ baba waitigi ho ka.   
\q1
\v 3 Anduane Homogo Daligaorene Daliga kego-o\x + \xo 56.3 \xt 1 Sml 30.6, 2 Bit 20.3\x*  
\q2 i̱ha gi holene anda ibirangi  
\q2 i̱na í̠hondo mini mbiraore wialu haabo haruli.   
\q1
\v 4 I̱na Ngode Datagaliwabehondo mini mbiraore wu kogome\x + \xo 56.4 \xt Iba 118.6, Ais 31.3, Hi 13.6\x*  
\q2 mbirale ngaru hondowa i̱ gi naharuli.  
\q1 I̱na ibunaga bi henene lo ngaru mitangi bialu  
\q2 ibunaga mini yaraga haabo halu kogoni.  
\q1 Agali karume i̱hondo bulene mbira nawigo agi bulubadabe.   
\b  
\q1
\v 5 I̱na mbira bule kogola  
\q2 waitigi karume mo ko hole manda biaabo haga ka.  
\q1 Tigua i̱ mo tandaga hole hariga taya bialu haabo ka.   
\q1
\v 6 Ti mo ngoai halu ha do howa  
\q2 i̱na mbira bule bialu koria de yu howa  
\q2 tigua i̱ bo wahole hamelalu ani biaabo haga ka.   
\q1
\v 7 Ngode Datagaliwabe-o tigua mana ko bialu kagonaga pani nelo mibe.  
\q1 Í̠na tihondo keba timbuni howa bope habe.   
\b  
\q1
\v 8 I̱naga genda yu kogobi bu miniha mo ko hene kogobi  
\q2 í̠ manda bu kegoni.  
\q1 I̱na dugu birugonaga de iba ibiyago  
\q2 í̠na í̠naga iba beha berelo kegoni.  
\q1 Í̠na uruni mitangi bu haabo howa  
\q2 í̠naga mbugaha gilibu ngegoni.   
\q1
\v 9 I̱na í̠ olarongi i̱naga waitigi ibida piai holebira.\x + \xo 56.9 \xt Iba 56.4, Lm 8.31\x*  
\q1 Ngode Datagaliwabe-o ti ani biragola  
\q2 i̱na mbira manda bidogoore ogo  
\q2 í̠na i̱hayagi haabo kegoni mandabu kogoni.   
\q1
\v 10 I̱na Ngode Datagaliwabenaga bi henene lo ngaru mitangi bialu  
\q2 ibu mini yaraga halu kogoni.  
\q1 I̱na Anduane Homogonaga bi lo ngarunaga  
\q2 ibu mini yaraga halu kogoni.   
\q1
\v 11 I̱na ibuhondo mini mbiraore wu kogome\x + \xo 56.11 \xt Iba 56.4\x*  
\q2 mbirale ngaru hondowa gi naholebero.  
\q1 Agali uruni tigua i̱hondo mbira bulene nawigo agi bulubadabe.   
\b  
\q1
\v 12 Ngode Datagaliwabe-o i̱na mbira bule lalu í̠hondo lo wirugoni biaore bulebero.  
\q1 I̱na í̠hondo turu howa  
\q2 ka̱i̱ lolenaga loma mbira ngulebero.   
\q1
\v 13 Irane i̱ homole hewaria í̠na pele ngialu mo wirigonagabi  
\q2 waitigirume i̱ bope nahelo i̱ handaya halu biamogo birigonagabi  
\q1 i̱na loma ogoni ani ngulebero.  
\q1 Ngode Datagaliwabe-o í̠ heba ibagabu kogome  
\q2 i̱na í̠naga wá holene ngegoria í̠naga deni haaboore holebero.   
\c 57  
\s1 Ngode Datagaliwabehondo biamogo bia lalu bi lenego ogo  
\q1
\v 1 Ngode Datagaliwabe-o í̠na i̱hondo dara howa biamogo bibe.\x + \xo 57.1 \xt 1 Sml 22.1, 24.3\x*\x + \xo 57.1 \xt Iba 56.1, 63.7, Ais 26.20\x*  
\q1 Í̠na i̱ handayaho habelo í̠ni keria eberogoni.  
\q1 Ega bawalime igini babaganeha tongo bidagola bayale biragadagua  
\q2 i̱ í̠niha kogola bayale holebero.  
\q1 Dalu puyabubi timbuniore ibagadagua  
\q2 i̱ mo ko holene íbu ngago ereba hai helonaga  
\q2 i̱ í̠ni andaneha haabo holebero.   
\b  
\q1
\v 2 I̱na Ngode Datagaliwabe Daligaorene Daliga kagohondo  
\q2 i̱ biamogo bia lole olalu haabo haruli.  
\q1 Ibugua mbirale bibahende i̱ha tubagiho kogo damene ngiai haga ka.\x + \xo 57.2 \xt Iba 38.8\x*   
\q1
\v 3 Ibugua dahuliya andagaha howa i̱naga bi larogo hale halu i̱ pele ngulebira.  
\q1 Ibugua agali i̱ mo ko hole karu bope hai holebira.  
\q1 Ngode Datagaliwabehanda ibunaga gubalini haabo holenebi  
\q2 mini bilinahe holenebi i̱ walia halu  
\q2 ibugua i̱ yu wahalu napolebiraore.   
\b  
\q1
\v 4 Laiono gabuame wali agali bo nole nendebu hagadagua\x + \xo 57.4 \xt Iba 55.21, 64.3, Min 30.14\x*  
\q2 i̱ koria waitigirume ho mabu bu kagoni.  
\q1 Tinaga ne timu yandareru ale taraore ho ka.  
\q1 Tinaga hége wai biaga ayu tibu ne gadele ale ho ka.   
\b  
\q1
\v 5 Ngode Datagaliwabe-o í̠ni timbuniore dunini kego  
\q2 wali agali handai helo  
\q2 hari daligani mo walia habe.  
\q1 Dindi bibahendeha í̠naga wá holenebi mini lene holenebi  
\q2 panigi mo walia ho ngelabe.   
\b  
\q1
\v 6 Waitigi bu karume i̱ delo gono wia do ho kagome  
\q2 i̱ genda timbuni yu kogoni.  
\q1 Tigua hariga i̱ polenego uli tombo wu kagoha  
\q2 gabua pilagadagua i̱ pilelo winigo  
\q2 uli ogoniha tini pilai haya.   
\b  
\q1
\v 7 Ngode Datagaliwabe-o i̱na mini bilinahe howa\x + \xo 57.7 \xt Iba 108.1\x*  
\q2 í̠hondo mini mbiraore hongohe wu kogonigo  
\q2 i̱na iba ganaru lalu í̠naga mini yaraga halu holebero.   
\q1
\v 8 I̱ni padogoria heyuwa  
\q2 i̱na ngida aleru barogome  
\q2 ni tagira ibilo mo heya holebero.   
\q1
\v 9 Anduane Homogo-o i̱na dindi tara tara ngaruha pu howa  
\q2 í̠hondo ka̱i̱ laabo holebero.  
\q1 Hameigini tara tarabu karuha pialu  
\q2 i̱na í̠naga mini yaraga hama polebero.   
\q1
\v 10 Anduane Homogo-o í̠naga gubalini haabo holene emene ndoore\x + \xo 57.10 \xt Iba 36.5, 103.11, 108.4\x*  
\q2 hari daliga elahe wu kegoni.  
\q1 Í̠naga mini bilinahe ngego timbuni yangale howa  
\q2 hari mindini elahe wu kegoni.   
\q1
\v 11 Ngode Datagaliwabe-o í̠ni timbuniore dunini kego  
\q2 wali agalime handai helo  
\q2 hari daligani mo walia habe.  
\q1 Dindi bibahendeha í̠naga wá holenebi mini lene holenebi  
\q2 panigi mo walia ho ngelabe.   
\c 58  
\s1 Ko biaga karu pani mibe lalu Ngode Datagaliwabehondo bi lenego ogo  
\q1
\v 1 Agali haguane bu kamiru-o tígua godi hale halu howa  
\q2 bi tigabi lolene ngadagua laramilibe.  
\q1 Tígua wali agali bibahende tigatiga dabaki biaga kamibe.   
\q1
\v 2 Ani ndoore. Tínaga miniha ko bulene hangu wu to̱latagi ho kamigoni ndobe.  
\q1 Tígua dindi bibahendeha wali agali bu karu homelo  
\q2 bo wahaga biaga kamigoni.   
\b  
\q1
\v 3 Mini kowi karume dindini ibagabu kangi  
\q2 ko dege biaabo haga kagoni.  
\q1 Ti ai̱yahanda ti taba hanayangi howa  
\q2 ke̱ dege halu henego áyubi anidagua dege bialu haabo ka.   
\q1
\v 4 Tinaga bi larago damene bibahende nogombi taranaga tomia ale ka.  
\q1 Tinaga hale tuluho wahene nogombi ale howa  
\q2 bi larago mbira hale habe nahe ka.   
\q1
\v 5 Agali maru manda timbunibi karume  
\q2 nogombi heyalu mali lilonaga iba gana laragola  
\q2 nogombime hale nahagadagua ko biaga uruni ti hale nahaga ka.  
\q1 Agali manda timbunibirume nogombi heyalu mali lilonaga pilipe laragola hale nahagdagua  
\q2 agali uruni ti hale nahagaore ka.   
\b  
\q1
\v 6 Ngode Datagaliwabe-o agali ko uruni bo wahai habe.  
\q1 Anduane Homogo-o agali uruni ti laiono gabua kebahe agali hayaga ale kago  
\q2 tinaga ne bo gingirulo baga bialu ne bibahende dugu wahai habe.   
\q1
\v 7 Iba dindini ibira haragola abale yo bialu ereba hagadagua  
\q2 agali ko uruni ereba hai helabe.  
\q1 Datani gahenge harigani anda harago geme hengedaragola gaulai hagadagua  
\q2 agali ko uruni bo hengedai habe.   
\q1
\v 8 Gangade dindiha biralu homaragola ngu biagadaguabi\x + \xo 58.8 \xt Yob 3.16\x*  
\q2 waneigini gali ai̱ya tombeha bedaore homenego  
\q2 taba hanaragola wá nahende  
\q2 arumaha dege biralu homaraligobi  
\q2 agali ko uruni homai helabe.   
\q1
\v 9 Agalime ira emene karu dibu waharadagua  
\q2 Ngode Datagaliwabehanda agali ko uruni abale bo wahai holebira.  
\q1 Ti homa nabi kaore  
\q2 Ngode Datagaliwabehanda tihondo keba timbuni halu  
\q2 durumbu hilo waharadagua bulebira.   
\b  
\q1
\v 10 Ngode Datagaliwabehanda ko biaga karu bo waharangi  
\q2 mini tigabi karume turu timbuniore ho holebira.  
\q1 Turu howa tigua ko biaga uruninaga daramame  
\q2 tininaga ge wayawaya bulebira.   
\q1
\v 11 Wali agali bu karume lalu,\x + \xo 58.11 \xt Iba 67.4, 92.7\x*  
\q1 Heneneore Ngode Datagaliwabehanda  
\q2 wali agali mini tigabi howa bayale biaga karuhondo bayale dege biaga ka.  
\q1 Heneneore Ngode Datagaliwabe kago ibuguaore  
\q2 wali agali godini howa manani tigatiga dabaga ka, lolebira.   
\c 59  
\s1 Waitigime mo ko nahelonaga Ngode Datagaliwabehondo bi lenego ogo  
\q1
\v 1 I̱naga Ngode Datagaliwabe-o waitigi karunaga giha howa\x + \xo 59.1 \xt 1 Sml 19.11\x*  
\q2 i̱ mo wialu biamogo bibe.  
\q1 Tigua i̱ bo wanahelo  
\q2 í̠na i̱ baya hangu handayaho habe.   
\q1
\v 2 Agali ko karume i̱hondo ko nabilo  
\q2 í̠na i̱ biamogo bialu mo wibe.  
\q2 Ti darama hangu noa haga karunaga giha howa  
\q2 i̱ gingila mialu mo wibe.   
\b  
\q1
\v 3 Agali uruni tigua i̱ bo wahole bira do haga bidagoni de handa.  
\q1 I̱na ko mbira birugonaga ndo tigua i̱la bame wai bule kagoni.   
\q1
\v 4 Anduane Homogo-o i̱na ko mbira nabi biako henebi nawi kogoyu  
\q2 tigua i̱la wai bialu bo waholeore abale íbu hapara ho kagoni.   
\b  
\q1
\v 5 Anduane Homogo Hongo Haiheore Ngode Datagaliwabe-o  
\q2 í̠na i̱ biamogo bule abale ibabe.  
\q1 Í̠ Isaraele wali agalirunaga Ngode Datagaliwabeore kego  
\q2 í̠na agali o karu de handabe.  
\q1 Í̠ni abale ibalu agali bu karuni pani mibe.  
\q1 Í̠na ti dara holeni nahabe.  
\q1 Wali agali mana bayale bule kama lalu ha howa  
\q2 tigua mana ko bule mitangi bialu kago manda bibe.   
\b  
\q1
\v 6 Mbiraga agali uruni tigua tanoha dai bialu  
\q2 wai pabe gibuni gibuni ibagabu howa  
\q2 biangome gi̱gau̱ laradagua lama ibagabu ka.   
\q1
\v 7 Uruni tigua bi ko lalu mege biraru hale habe.  
\q1 Tinaga bi nehe howa wai biaga ayu tibu ale laga ka.  
\q1 Tigua bi ko laga bialu,  
\q1 Iname bi laramago aiwa hale holebirabe, lalu ka.   
\b  
\q1
\v 8 Anigo Anduane Homogo-o í̠na ti hondowa oba haga ke.  
\q1 Dindi tara taranaga hameigini bibahende karu  
\q2 í̠na ti mege biai haga kegoni.   
\q1
\v 9 Í̠na hangu i̱ mo hongo halu handayaho haga kegoni.\x + \xo 59.9 \xt Iba 9.9, 18.17\x*  
\q1 Ngode Datagaliwabe-o í̠ni kegoha ibalu i̱ bira do haruli.   
\q1
\v 10 I̱naga Ngode Datagaliwabe ibunime i̱ gubalini timbuni ho howa  
\q2 ibugua i̱ biamogo bule ibulebira.  
\q1 Ibugua i̱naga waitigi karu bope halu howa  
\q2 i̱ni de hondoliya walia holebira.   
\b  
\q1
\v 11 Ngode Datagaliwabe-o i̱naga wali agalirume mbirale uruni embedaho waholigo  
\q2 waitigi biaru homelo bo waholene nakarulapeda.  
\q1 Anduane Homogo-o í̠ ina wali agali haru haga kego  
\q2 í̠naga hongome waitigi bu karu bo waratagi halu bope hai habe.   
\q1
\v 12 Tigua mana ko bulene hangu mo tene halu  
\q2 tinaga ne hambuni howa bi ko dege lalu haabo haga kagoni ndobe.  
\q1 Tigua í̠naga mini mo ko howa bi ko ngaru lalu  
\q2 ke̱ howa bi dewa lalu haga kagonaga  
\q2 í̠na ti mine halu kagoria tini pani nelo ngelabe.   
\q1
\v 13 Í̠na bi ko laga karunihondo keba howa  
\q2 ti bo waholene karulape nga.  
\q2 Agali ko uruni bo wahaiore habe.  
\q1 Anidagua beregola wali agali bu karu bibahendeme manda bialu  
\q1 Ngode Datagaliwabe í̠nioreme Isaraele wali agalirunaga haru haga kegoni manda bulebira.  
\q2 Wali agali dindi bibahendeha karubi í̠na dindi bibahendeni haru kegonigo  
\q2 tigua manda biai helo lo yanga lolebira.   
\b  
\q1
\v 14 Mbiraga i̱naga waitigi tigua tanoha dai bialu  
\q2 wai pabe gibuni gibuni ibagabu howa  
\q2 biangome gi̱gau̱ laradagua lama ibagabu ka.   
\q1
\v 15 Tigua puíbu bialu nolene taya bialu haabo howa  
\q2 tinaga tombeha tomo noa biaabo hayagua nde ti ngiriningerene lalu haga ka.   
\b  
\q1
\v 16 Ti ani biagagoyu i̱na í̠naga hongo timbuni ngegonaga iba gana lalu holebero.\x + \xo 59.16 \xt 2 Sml 22.3, Iba 46.1, 88.13\x*  
\q1 I̱na egerebagi bibahendengi  
\q2 í̠na i̱hondo gubalini ho haabo haga kego mitangi bialu  
\q2 iba gana hongo howa lalu holebero.  
\q1 Abale i̱ha genda tara tara ibiyagola  
\q2 í̠na i̱ handayaho haabo howa i̱naga wai pabe ale harigonaga  
\q2 i̱na iba gana ani lolebero.   
\q1
\v 17 I̱naga hongo holene í̠niore kegoni ndobe.\x + \xo 59.17 \xt Iba 59.9-10\x*  
\q1 Í̠ ani kegonaga i̱na í̠naga mini yaraga halu iba gana lolebero.  
\q1 Ngode Datagaliwabe-o i̱naga wai pabe hongoheore í̠ni howa  
\q2 í̠na i̱ gubalini ho haabo haga kegoniore laro.   
\c 60  
\s1 Ngode Datagaliwabehanda pele milo bi lenego ogo  
\q1
\v 1 Ngode Datagaliwabe-o í̠na ina bo taliatagi halu\x + \xo 60.1 \xt 2 Sml 8.13, 1 Bit 18.12\x*  
\q2 inanaga waitigime bo podahana helo  
\q2 yu wahai harigoni ndobe.  
\q1 Í̠na inahondo keba timbuniore ho harigonigo  
\q2 áyu ina kamagoha abale dai bialu ina pele ngibe.   
\q1
\v 2 Í̠na inanaga dindi wiago mo dumbirumbi bia halu  
\q2 gai buki bilalu dindi hadene biyagola  
\q2 uli timbuni wupe helarigoni.  
\q1 Ai áyu dindi mo ko hai habehe ngago  
\q2 í̠na lone motiga bibe.   
\q1
\v 3 Í̠naga wali agali bu kamaru  
\q2 í̠nime genda timbuniore mo ngidegoni.  
\q1 Í̠na \w waini\w* iba timbuni hambu ngidegola no howa  
\q2 ina luluyu ibagabu haradagua bidamagoni ndobe.   
\q1
\v 4 Wali agali í̠ni andaneha karume waitigi ibira handala\x + \xo 60.4 \xt Ais 5.26, 11.10-12\x*  
\q2 ti abale í̠ni kegoha hole ibilo walia holenaga  
\q2 í̠na hagua delagadagua delalu walia harigoni.   
\q1
\v 5 Í̠na ina gubalini timbuni ho haga kegonigo bayale hai holoma̱ya  
\q2 i̱naga bi larogo hale habe.  
\q1 Í̠naga hongo timbuni ho kegome ina pele ngibe laro.   
\b  
\q1
\v 6 Ngode Datagaliwabehanda ibuni andaga howa lalu,  
\q1 I̱na wai bialu bo podahana hai halu wayali harugo  
\q2 Segeme dindibi Sugodo dindiha dindi ulini bugubugu wuyu pedarubi  
\q2 dindi uruni i̱naga wali agaliru ti helo  
\q2 i̱na ti tuwu ta hai holebero.   
\q1
\v 7 Gileada dindibi Manase dindibi i̱ninagaore nga.  
\q2 Eberaimi ibu i̱naga ege manda ale nga.  
\q2 Yuda ibu kininaga haru haga gewa ale nga.   
\q1
\v 8 Moaba dindi i̱naga wayawaya bulene ndisibe ale wialu  
\q2 Idomo dindi i̱nagaore ngo lalu i̱na i̱naga ge su golowa  
\q2 dindi ogoriani ba amu holebero.\f + \fr 60.8 \ft Ludi 4.8 de handabe.\f*  
\q1 I̱na Pilidialiru balu wayali howa  
\q2 turu halu ga̱ lalu harogoni, laya.   
\b  
\q1
\v 9 Ngode Datagaliwabe-o ege pabe hongohe bu mabubi tano ngagoha  
\q2 i̱ aiwa haru anda polobadabe.  
\q1 Idomo dindiha i̱ aiwa haru polobadabe.   
\q1
\v 10 Ngode Datagaliwabe í̠na ina erembira ngiribe.  
\q1 Í̠na inanaga ami agali karu biamogo nabuleorebe.   
\q1
\v 11 Agalinaga hongome ina biamogo bulene nakarulapego\x + \xo 60.11 \xt Iba 118.8, 146.3\x*  
\q2 iname waitigi bu karu baba wai buluma̱ya  
\q2 í̠nioreme ina biamogo bibe.   
\q1
\v 12 Ngode Datagaliwabe ibu ina heba kayagua nde  
\q2 iname wai bialu wayali holeberema.  
\q1 Ibunime waitigi karu bope hai holebira.   
\c 61  
\s1 Ngode Datagaliwabehanda handayaho helonaga bi lenego ogo  
\q1
\v 1 Ngode Datagaliwabe-o i̱na í̠ olarogo hale habe.  
\q1 I̱na bi larogo baya hangu hale habe.   
\q1
\v 2 I̱ dindi kaundiaha pu koria\x + \xo 61.2 \xt Iba 18.2, 42.6, 77.3, 94.22\x*  
\q2 i̱naga miniha genda timbuni yu kogo  
\q2 í̠na i̱ biamogo bibelonaga í̠ olalu kogoni.  
\q1 Waitigi bu karume i̱ bo wanahelo  
\q2 i̱ ha do holiya bayuwa haru pu helabe.   
\q1
\v 3 Í̠nime i̱ handayaho haga kegonigo ani bibe laro.\x + \xo 61.3 \xt Min 18.10\x*  
\q1 Í̠ i̱naga wai pabe hongoheore kego  
\q2 waitigirume ibalu i̱ bo wanaholebira.   
\b  
\q1
\v 4 Í̠naga anda kegoha i̱ bayale haabo halu homolene\x + \xo 61.4 \xt Iba 17.8, 27.4, 91.4\x*  
\q2 hame timbuni lo kogoni.  
\q1 Ega bawali iginime ti angibuni babaganeha bayale bira do hagadagua  
\q2 i̱ í̠ni andaneha bayale holene hamelo kogoni.   
\q1
\v 5 Ngode Datagaliwabe-o i̱na í̠hondo ogoale bule lalu lowigi birugo bibahende  
\q2 í̠ hale hai harigoni.  
\q1 Wali agali í̠naga mini yaraga haga karuhondo migi biaga birilidagua  
\q2 í̠na i̱bi karulape ngiaga kegoni.   
\b  
\q1
\v 6 Kini ibu dindini tubagi helo ndo mali dewaore helo helabe.  
\q2 Ibu dindini luore helo helabe.   
\q1
\v 7 Ngode Datagaliwabe-o kini ibu í̠naga deni luore haabo helo helabe.  
\q2 Í̠na gubaliniore ho haabo haga kegome  
\q2 ibu baya hangu handayaho haabo habe.   
\b  
\q1
\v 8 I̱na bamba í̠hondo ogoale buleore lalu bi lowirugo damene\x + \xo 61.8 \xt Iba 56.12\x*  
\q2 horo bibahendengi i̱na talialu bialu  
\q2 í̠naga mini yaraga halu iba ganaru lalu haabo holebero.   
\c 62  
\s1 Ngode Datagaliwabe ibugua ina handayaho haabo ka lenego ogo  
\q1
\v 1 I̱naga Ngode Datagaliwabe mbiraore kago\x + \xo 62.1 \xt Iba 37.39, 59.9\x*  
\q2 ibugua i̱ pele ngilo hondo ko.  
\q1 I̱na ibu hanguniore hanaho haga kogoni.   
\q1
\v 2 I̱ haru hagabi pele ngiagabi ibuni hanguore kagoni.\x + \xo 62.2 \xt Iba 62.6, 89.26\x*  
\q1 Ibu hangu i̱naga wai pabe ale hongohe kagoni.  
\q1 I̱na wai bialu koria waitigirume i̱ bope habe naheore holebero.   
\b  
\q1
\v 3 Tígua i̱ mo ko halu bo waholenaga  
\q2 horo agiru wai bialu holeberemibe.  
\q1 Paberu gialohole bialu dindini podo ibiraho wiagadagua  
\q2 i̱ mo ko helo hamelo kamibe.   
\q1
\v 4 I̱ mini leneore kogodago  
\q2 tígua i̱naga mini mo ko hole bialu kamigoni.  
\q1 Tígua ke̱ halu mo hondo holene mana hamelo kami.  
\q1 Tínaga ne harigaha howa bi lalu Ngode Datagaliwabehanda i̱ mo bayale helo lalu kamigoyu  
\q2 tínaga bu miniha Ngode Datagaliwabehanda i̱ mo ko hayagua karulapeoreda  
\q2 lo mitangi bialu kamigoni ndobe.   
\b  
\q1
\v 5 I̱naga Ngode Datagaliwabe mbiraore kago\x + \xo 62.5 \xt Iba 62.1\x*  
\q2 i̱na ibuni hanguni hanaho howa  
\q2 mini dunubia ho kogoni.   
\q1
\v 6 I̱ haru hagabi pele ngiagabi ibuni hanguore kagoni.  
\q1 Ibu hangu i̱naga wai pabe ale hongohe kagoni.  
\q1 I̱na wai bialu koria waitigirume i̱ bope habe naheore holebero.   
\q1
\v 7 I̱ pele ngiagabi i̱ mini lene ka lelobi  
\q2 Ngode Datagaliwabe ibuni hanguha hanaho haruli.  
\q1 Ibu i̱naga haru haga hongohe ka.  
\q1 Ibuni i̱naga wai pabe ale hongohe kagola  
\q2 waitigirume ibalu i̱ babe nahe holebira.\x + \xo 62.7 \xt Iba 46.1, 85.9\x*   
\b  
\q1
\v 8 I̱naga wali agali bu kamiru tígua Ngode Datagaliwabehondo mini mbiraore wu haabo halimu.\x + \xo 62.8 \xt 1 Sml 1.15, Iba 52.8, Ais 26.4\x*  
\q1 Genda howa tí mini dege dindi ho kamiru bibahende  
\q2 ibuhondo lamiai halimu.  
\q1 Ibu inanaga ha do haga kago  
\q2 ina ibuha howa bayale haabo holeberema.   
\b  
\q1
\v 9 Wali agali bibahende bu karuni  
\q2 ne harigaha howa buhe̱ bame latagi hagagobi hangu bu kagoni.  
\q1 Wali agali mini lene bu karubi emene karubi  
\q2 habane nabulene bame dege bu ka.  
\q1 Wali agaliru ti holenenaga galone mbira ngabe nawi hondole magi handarimayagua  
\q2 tinaga galone nawi bame dege ka.  
\q1 Ti bibahendenaga galone magi handalu  
\q2 genda magi emeneore ne harigaha buhe̱ laraligobi bameore nagalone dege ka.   
\q1
\v 10 Tígua mitangi bialu howa  
\q2 wai beremagome ina biamogo biaga lalu\x + \xo 62.10 \xt Ais 61.8, Ese 22.29, Lg 12.15, 1 Ti 6.10\x*  
\q2 mbirale mo page bini ngamaru urunimebi ina mo homogo holobadalo  
\q2 mitangi nabilimu.  
\q1 Tínaga muni dabudaburu dewaore wu hemiyagua nde  
\q2 urunime tí hongo karulape ngulubadalo  
\q2 ogoriani mini hanaho nahalimu.   
\b  
\q1
\v 11 Ngode Datagaliwabehanda lalu,  
\q1 I̱ hongo daligahe i̱ ale mende nahe i̱ni hanguore kogoni,  
\q2 lenego hale haabo harugoni.   
\q1
\v 12 Ibugua lalu, I̱naga wali agali karu gubalini haabo haga kogoni,\x + \xo 62.12 \xt Yob 34.11, Iba 103.8, Yar 17.10, Md 16.27, Lm 2.6, 1 Ko 3.8, Mo 2.23\x*  
\q2 lalu hayuago i̱ hale haabo haru.  
\q1 Anduane Homogo-o wali agali bibahendeme biabe bialu harimadagua  
\q2 í̠na ina hangu hanguhondo emena karulape ngiadai biaga kegoni.   
\c 63  
\s1 Mbirali ibu Ngode Datagaliwabe heba hole hameore lowa iba gana lenego ogo  
\q1
\v 1 Ngode Datagaliwabe-o í̠ i̱naga Ngode Datagaliwabe kegoni.\x + \xo 63.1 \xt 1 Sml 23.14\x*\x + \xo 63.1 \xt Iba 42.2, 84.2, 143.6\x*  
\q1 I̱na í̠ handa walia hole lowa  
\q2 miniha hongo howaore hai bialu kogoni.  
\q1 I̱naga minimebi tinginimebi  
\q2 í̠ hebaore hole hame timbuniore lo kogoni.  
\q1 Wali agalime dindi koore yobi iba nabereni howa  
\q2 iba noa timbuni halu hége lebolaho hagadagua  
\q2 i̱ni í̠ hebaore hoa howa hame timbuniore lo kogoni.   
\q1
\v 2 Í̠ í̠ninaga anda loma biahene kagoha haga kego  
\q2 í̠ kegoniore i̱ de hondoa ho kogoni.  
\q1 I̱na í̠naga hongo holene gibiore ngegobi  
\q2 í̠naga wá holene tara baya agiore loabe tobahe ngegobi  
\q2 de hondoleore hameledo.   
\q1
\v 3 Dindini holiyanaga holene ngirigo yuwa bayale dege turuho kogoyu  
\q2 ogoni goyane lowa í̠na i̱ gubalini haho wiaabo hariligo baya daligaore ngegoni.  
\q1 Í̠ ani biaga kegonaga i̱na í̠naga mini mo yaraga holebero.   
\q1
\v 4 I̱ dindini emabu kongi í̠hondo ka̱i̱ lalu  
\q2 í̠naga mini mo yaraga haabo halu kone dege i̱ni homalu waholebero.  
\q1 I̱naga gi í̠hondo yaraga halu bi lolebero.   
\q1
\v 5 Tomo bayaleru karulapeore nowa tombe howa dungu lo holenedagua  
\q2 i̱naga dininime dinini tomo karulapeore nowa dunguore lowa holebero.  
\q1 Ani bialu i̱na iba gana baya turubiru turuore howa  
\q2 í̠naga mini mo yaraga halu lolebero.   
\b  
\q1
\v 6 I̱ mbiraga tamuni paluwa í̠ore mitangi biruli.\x + \xo 63.6 \xt Iba 42.8, 119.55, 149.5\x*  
\q1 Mbiraga lu biagoniha i̱naga minime í̠ hangu mitangitangi biruli.   
\q1
\v 7 Ani mitangitangi biaabo haruligo irane\x + \xo 63.7 \xt Iba 61.4\x*  
\q2 í̠na i̱ biamogo biaaboore hariligonaga  
\q2 i̱na ani mitangitangi biruli.  
\q1 Ega angibunime ibu iginiru ibuninaga babaganeme minu tongo biagadagua  
\q2 í̠naga babagane andane gumba kagoha howa  
\q2 i̱ turu halu iba gana turubiru laruli.   
\q1
\v 8 I̱na í̠ni yu paraguabu ngogola\x + \xo 63.8 \xt Ais 26.9\x*  
\q2 í̠naga gime i̱ baya hanguore yaniho haga kegoni.   
\b  
\q1
\v 9 Agali marume i̱ bo waholeore manda bialu karuni  
\q2 tini homalu humbirini andaga homene dinini pu haga ngagoha pu holebira.   
\q1
\v 10 Agali odaruni waiangi agali waime homelo bo yongobu wahalu pedaria  
\q2 biango dudurume ti buduyu pugu pugu bulebira.   
\q1
\v 11 Ani bulebiragoyu ai i̱ kini kogoni howa wai bigi berongi\x + \xo 63.11 \xt Man 6.13, Ais 45.23\x*  
\q2 Ngode Datagaliwabehanda i̱ wayali holiya biamogo biaganegonaga  
\q2 i̱ turu ho holebero.  
\q1 Wali agali maru Ngode Datagaliwabenaga mini lalu,  
\q1 Í̠ore talima ibule, laga karume  
\q2 turu halu í̠naga mini mo yaraga holebira.  
\q1 Wali agali ke̱ haga karunaga ne hariga í̠na mo ndibu lolebere.   
\c 64  
\s1 Ngode Datagaliwabehondo handayaho habe lalu bi lenego ogo  
\q1
\v 1 Ngode Datagaliwabe-o i̱na genda timbuniore howa  
\q2 í̠hondo bi larogo hale habe.  
\q1 I̱ waitigi karu hondowa gi ho kogoni.  
\q1 Tigua i̱ bo waholigo í̠na i̱ handayaho habe laro.   
\q1
\v 2 Agali ko biaga karume ndelalu hariga tai bialu  
\q2 i̱ bo wahole mo mogobu kagoni.  
\q1 Tigua i̱ mo ko nahelo í̠na i̱ handayaho habe.   
\q1
\v 3 Tinaga hége ayu tibu ne gadelehe ale howa  
\q2 tigua bi ko lararume i̱ timume bogole edaho hagadagua kagoni.   
\q1
\v 4 Tigua ha do ho howa agali bayale kagoha  
\q2 timu bo pelagadagua ndelalu kagoni.  
\q1 Agali urunime gi nahaga howa ke̱ gibi hararume  
\q2 timu ala baga biagadagua balu kagoni.   
\q1
\v 5 Tigua mana ko uruni bulenaga\x + \xo 64.5 \xt Iba 10.11, 59.7, Min 1.11\x*  
\q2 tini mo hongo hagahaga bialu ka.  
\q1 Agali bayale karu gonoha delonaga  
\q2 tigua gono ogoha wimi̱ya laga bialu kagoni.  
\q1 Tigua gono wuwa lo mitangi bialu,  
\q2 O beremagoni mbiralime nahondolebira, laga ka.   
\q1
\v 6 Mana ko ngaru bule tigua pongo bo wialu howa lalu,  
\q2 Iname mana ko gibiore mbira bulene hariga handa walia harimagoni, lalu ka.  
\q1 Agalinaga bu habaneha mini wia do ho kago o gibihego  
\q2 iname handabe naheore kamagoni.   
\b  
\q1
\v 7 Agali korume bi ogonibi laragoyu Ngode Datagaliwabehanda ibunaga timume ti baragola  
\q2 ti abale ibira holebira.   
\q1
\v 8 Tigua agali maru karu bo wahole layagonaga  
\q2 Ngode Datagaliwabehanda tini bo wahai holebira.  
\q1 Wali agali maru karume ti de handaya howa  
\q2 mege bialu tinaga ma bonge laga bulebira.   
\q1
\v 9 Wali agali bibahendeme Ngode Datagaliwabehondo gi hai holebira.  
\q1 Tigua Ngode Datagaliwabehanda biyarunaga te laga bialu howa  
\q2 mitangi bu haabo holebira.   
\q1
\v 10 Wali agali tigabi biaga karume\x + \xo 64.10 \xt Iba 32.11, 58.10, 68.3\x*  
\q2 Anduane Homogohanda biyarunaga turu holebira.  
\q1 Tigua ibuha ha do ho howa bayale holebira.  
\q1 Wali agali mini bayale karume  
\q2 Ngode Datagaliwabenaga mini yaraga haabo helo laro.   
\c 65  
\s1 Ngode Datagaliwabenaga mini mo yaraga halu ka̱i̱ lenego ogo  
\q1
\v 1-3 Ngode Datagaliwabe-o iname Saiono tanoni í̠naga mini yaraga holene karulapeore nga.  
\q1 Iname í̠hondo bi laramago hale halu ladai biaga kegonaga  
\q2 í̠hondo buleore lalu lo wirimaru biaore buleberama.  
\q1 Wali agali dindi tara tarani karume ko bigi biyarunaga  
\q2 í̠ keria ibugu bulebira.  
\q1 Iname ko beremarume inane bope haga biragola kamaria  
\q2 í̠na domo wahaga biriligoni.   
\q1
\v 4 Wali agali í̠nime dabaga bialu\x + \xo 65.4 \xt Iba 33.12, 36.8, 84.4\x*  
\q2 í̠naga andaha í̠ni kegoria helo dabaga bereru  
\q2 ti turuore ho ka.  
\q1 Í̠na ti haru anda eberegola mbirale bayale tara tara damene  
\q2 í̠naga anda loma binigo kagoha bu ngaru hondowa  
\q2 ina miniha hina ale tombe howa dungulo holeberema.   
\b  
\q1
\v 5 Ngode Datagaliwabe-o iname í̠hondo bi laramago hale halu  
\q2 í̠na gi migi biriligoni.  
\q1 Í̠na ina pele ngulenaga mbirale baya tara tara nahendene aleru bigi biriligoni.  
\q1 Wali agali dindi bibahendeni paluyu pedarubi  
\q2 iba solowara domalu dindi kaundiani bu karubi  
\q1 ti bibahendeme í̠hondo mini mbiraore wialu í̠ha mini hana ho haga ka.   
\q1
\v 6 Í̠ hongo gibihe kegome dindi hari gibi wa yu pedaruni  
\q2 í̠na wene wedagoni.  
\q1 Í̠naga hongo timbuni ngego mo walia halu ani wedagoni.   
\q1
\v 7 Iba solowarame bi timbuni tigi tugua lararubi  
\q2 yaribu bialu lararubi mo hundia halu  
\q2 wali agalime bi timbuni awa lalu ladagadaga bialu karu mo hundia haga kegoni.   
\q1
\v 8 Í̠na gibi urunidagua bigi bialu kego hondowa  
\q2 ina wali agali dindi bibahendeni bu hama pedamarunaga bi nawidagola  
\q2 í̠na bigi berego dege hondole bame ne angala howa de handaya ho hama pedamagoni.  
\q1 Í̠na bigi berego handalu turu halu ogodagua biya lalu loyogo laramagola  
\q2 wali agali pali maro bidarumebi heba bi ladagadaga bialu holebira.   
\b  
\q1
\v 9 Í̠na wali agali palu ngamaru handaya ho ko lalu  
\q2 hariha howa dalu ngialu\x + \xo 65.9 \xt Man 32.2, Iba 46.4, 72.6, 104.13, 104.24, 147.8, 147.14\x*  
\q2 inanaga dindiru mo baya halu mo ibane berela halu kegoni.  
\q1 Iba nagane gendo ngamaruha iba duguaho wiaabo helalu  
\q2 iba maru piagaru hundia nabi pia ho wiaabo heledagoni.  
\q1 Inanaga tomo hengedamarubi baya gumbile wiaabo heledegola  
\q2 bu dawalu naabo haramagolabi  
\q2 tene haho wiaabo kagoni.  
\q1 Urunidagua bialu kegome ina wali agali dara howa biamogo bule handaya ho ko lalu walia halu kegoni.   
\q1
\v 10 Tomo hongole howa dindi alu ngamaria  
\q2 hariha howa daluore ngigi birili.  
\q2 Dalu ibilaregome dindi damiai haga.  
\q1 Dalu emene haburalu ibilaga biriligomebi  
\q2 dindi ibane biralu mo gomba haga beregola  
\q2 tomo hengedamaru bayuwa anda haga.   
\q1
\v 11 Í̠na ani bigi beregome tomo au lolebe tara gibi bu ngaria bu hono puwa dawaga beramali.  
\q1 Í̠na biamogo berego damene bibahende ani biai haregola  
\q2 tomo nolene bu payabu wiaabo haga.   
\q1
\v 12 Nogo sibi bulumagaru hagaha nogo wabuni haabo halu  
\q2 dindi hombenerunaga wá hondo holene bayaore ngagoni.   
\q1
\v 13 Tagira nogo sibiru tanini bu haame halu  
\q2 dindi ulini guagua ngaruha tomo tara tara anda halu gumbilo tagiho ngagoni.  
\q1 Uruni bibahendeore inahondo ngiridarumebi  
\q2 wali agali bibahendemebi í̠hondo turu timbuniore howa  
\q2 iba gana dalimu ladaga halu í̠hondo lo ngeremagoni.   
\c 66  
\s1 Ngode Datagaliwabehondo turu howa ka̱i̱ lalu iba gana lenego ogo  
\q1
\v 1 Wali agali dindi bibahendeni bu kamiru-o  
\q2 tí turu halu hongo howa ladaga halu\x + \xo 66.1 \xt Iba 100.1\x*  
\q2 Ngode Datagaliwabenaga mini yaraga halimu.   
\q1
\v 2 Iba ganaru lalu ibu mini leneore kago lalu  
\q2 latagi holene nga.  
\q1 Ibunaga mini timbuni ngago mo yaragaore holene nga.   
\q1
\v 3 Tígua Ngode Datagaliwabehondo lamialu lalu,  
\q1 Mbirale í̠na biagago damene bibahende  
\q2 dunini hangu biai haga kegoni.  
\q1 Í̠ hongo timbuni daligaore kego hondowa  
\q2 í̠naga waitigi bu karume mogo lalu  
\q2 í̠ wanakuihayagi ibalu bulupaligi bialu haga ka.   
\q1
\v 4 Wali agali dindi bibahendeha bu karume\x + \xo 66.4 \xt Iba 67.3, 96.1-2, 117.1\x*  
\q2 í̠ mitangi bialu lotu lalu ka.  
\q1 Tigua í̠hondo iba ganaru lalu  
\q2 í̠naga mini yaraga halu ka, lalu lamilimu.   
\b  
\q1
\v 5 Ngode Datagaliwabehanda biyadaru tí de hondole ibidaba.\x + \xo 66.5 \xt Iba 46.8\x*  
\q1 Wali agali bu hearu dombeneha howa  
\q2 tarale timbuni biyadaru de handadaba.   
\q1
\v 6 Ibugua iba solowara timbuni bereago hundiai helalu\x + \xo 66.6 \xt Har 14.21, Yos 3.14-17\x*  
\q2 dindi mo yobia haya.  
\q1 Dindi yobialu pani helayagola  
\q2 inanaga mamaliru ti geni dindi dindi ibiyagoni.  
\q1 Ibugua biyagonaga iname ogoriani ibuhondo turu timbuni hene.   
\q1
\v 7 Ngode Datagaliwabe ibu hongo gibihe howa  
\q2 ibu kini haluhe haabo haga ka.  
\q1 Ibugua hameigini tara tara hama pedaru bibahende  
\q2 ibunaga deme de handa amu haga ka.  
\q1 Wali agali maru ibunaga mana hale howa doga haga karu  
\q2 ti mini timbuni bolanguahe kama loligo henge namilimu.   
\q1
\v 8 Wali agali hameigini tara tarani palima pedemiru  
\q2 tí bibahendeme inanaga Ngode Datagaliwabe kagonaga mini yaraga hadaba.  
\q1 Wali agali bibahendeme hale hai helo  
\q2 tígua ibunaga mini mo yaraga hai hadaba.   
\q1
\v 9 Ina koha pi naloloma̱ya  
\q2 ibunimeore baya hangu handayaho hayagome\x + \xo 66.9 \xt Iba 121.3\x*  
\q2 ina homa nabi bayale kamagoni.   
\b  
\q1
\v 10 Ngode Datagaliwabe í̠nime ina ba handarigoni.\x + \xo 66.10 \xt Iba 17.3, Ais 48.10, Seg 13.9, 1 Pi 1.6-7\x*  
\q1 Agalime siliba dodo para kago do taulo wahelonaga  
\q2 irani deledagola baya tara wiagadagua  
\q2 í̠na ina kamaruhondo ani biridagoni.   
\q1
\v 11 Í̠nime ina wena nu aleha minu hanarigoni.  
\q1 Inanaga erembirani genda timbuni mo ya harigoni.   
\q1
\v 12 Waitigi bu hearume ina bo hengedelo waharigoni.  
\q1 Ina ira deagoriabi iba li timbuni peagohabi  
\q2 ibagabu harimagoni.  
\q1 Í̠na ani birigoyu ai ina dindi bayale ngagoria  
\q2 haru íbu heledegoni.   
\b  
\q1
\v 13-14 Bamba genda i̱ha tagira ibiyangi  
\q2 i̱na í̠hondo loma mbira irani dai helo bo delole lalu bi lo wirugoni.  
\q1 I̱na bi ogoni larugo mitangi bialu  
\q2 ai loma uruni bu yalu ibulebero.  
\q1 I̱na nogoru í̠naga andaha haru ibalu  
\q2 irani bo delolebero.   
\q1
\v 15 Nogo sibi habatigiru i̱na í̠nihondo lomabu ngialu irani bo delolebero.  
\q1 I̱na bulumaga wangabe karubi meme wangabe karubi  
\q2 í̠hondo loma bialu irani bo delolebero.  
\q1 Uruni delarogola nga bayale birago í̠ nga ho holebere.   
\b  
\q1
\v 16 Wali agali Ngode Datagaliwabe andaneha haga bu kamiru-o  
\q2 tí i̱na bi larogo hale hole ibidaba.  
\q1 Ngode Datagaliwabehanda i̱ biamogo biyaru bibahende  
\q2 langiai holiya ibidaba.   
\q1
\v 17 I̱na ibuhondo i̱ biamogo bia lalu olalu harugoni.  
\q1 Ibunaga mini yaraga halu i̱na iba ganarubi larugoni.   
\q1
\v 18 Mana ko birugo bu donge ho kole nde\x + \xo 66.18 \xt Ais 1.15, Yo 9.31, Ya 4.3\x*  
\q2 Anduane Homogohanda i̱naga bi larugo hale nakale.   
\q1
\v 19 Ngode Datagaliwabehanda i̱na ibuhondo bi larugo haleore haya.\x + \xo 66.19 \xt Iba 116.1-2\x*  
\q1 Ibugua i̱naga bi larugo heneneore hale howa ladai biya.   
\b  
\q1
\v 20 Ngode Datagaliwabehanda i̱ erembira nangi.  
\q1 Ibugua i̱naga bi larugo hale halu  
\q2 i̱ gubalini hayago wanahe haabo hayagonaga  
\q2 i̱na ibu mini yaraga harogoni.   
\c 67  
\s1 Ngode Datagaliwabehondo ka̱i̱ lalu lenego ogo  
\q1
\v 1-2 Ngode Datagaliwabe-o í̠na ina dara nahabehego\x + \xo 67.1-2 \xt Dag 6.25, Iba 31.16, 119.135\x*  
\q2 harugo lowa dara halu biamogoore bibe.  
\q1 Ina de hondo halu pele ngulene ngadagua pele ngibe.  
\q1 Ani beregola wali agali dindi bibahendeni karumebi  
\q2 í̠naga hame ogobi wiyada manda bilo ani bibe.  
\q1 Hameigini tara tara paluyu pedaru bibahendemebi  
\q2 í̠na ti pele mirida manda bilonaga ani bibe.   
\b  
\q1
\v 3 Ngode Datagaliwabe-o wali agali karume  
\q2 í̠naga mini mo yaraga helo hameledo.  
\q1 Wali agali bibahendeoreme í̠naga mini mo yaragaore helo hameledo.   
\b  
\q1
\v 4 Hameigini tara tara paluyu pedarume\x + \xo 67.4 \xt Iba 96.10, 96.13, 98.9\x*  
\q2 tinaga miniha turu halu yanga lowa iba gana lelo.  
\q1 Í̠na wali agali tale nabi bibahendehondo ogobi dege dege biaga kegonaga ani lelo.  
\q1 Dindi bibahendeni hameigini paluyu pedamaru  
\q2 í̠na bayuwaore haru hariligonaga iba gana lo ngilo hameledo.   
\b  
\q1
\v 5 Ngode Datagaliwabe-o wali agali karume  
\q2 í̠naga mini mo yaraga helo hameledo.  
\q1 Wali agali bibahendeoreme  
\q2 í̠naga mini mo yaragaore helo hameledo.   
\b  
\q1
\v 6 Dindini tomo hangaramaru damene bibahende anda haragola nalu kamagoni.\x + \xo 67.6 \xt LBM 26.4, Iba 85.12\x*  
\q1 Ngode Datagaliwabe inanaga Ngode Datagaliwabeore kago  
\q2 ibugua ina mo gumbila hayagome  
\q2 ina turu halu dungulo kamagoni.   
\b  
\q1
\v 7 Ngode Datagaliwabehanda inahondo turu howa mo gumbila halu kagoni.  
\q1 Wali agali ona kaware karumebi dindi lene leneha paluyu pedarumebi  
\q2 bibahendeme ibunaga mini mo yaraga haiore helo hameledo.   
\c 68  
\s1 Isaraele wali agali ti Ngode Datagaliwabehanda biamogo biyagonaga turu halu iba gana lenego ogo  
\q1
\v 1 Ngode Datagaliwabe ibuni abale heyalu ibunaga waitigi bu karu talia togo laragoni.  
\q2 Ibuhondo handabe manga haga karu ti ibida piai haragoni.   
\q1
\v 2 Puyabume hagua pulo yalu purogo lagadagua dege  
\q2 Ngode Datagaliwabehanda waitigi bu karu bo taliatogo lai haragoni.  
\q1 Wagaya ira dene hondowa elalu ereba hagadagua  
\q2 wali agali ko karu Ngode Datagaliwabenaga deni howa mo ko hai haga.   
\q1
\v 3 Wali agali mini tigabi karu ti dege turubiore howa  
\q2 Ngode Datagaliwabenaga deni miniha dungulo halu ti turu timbuni ho haga.   
\b  
\q1
\v 4 Ngode Datagaliwabehondo iba gana ladaba.  
\q2 Ibunaga mini yaraga halu iba ganaru lalu holene nga.  
\q1 Ibu hari beralibani biralu piaga kago ibilo  
\q2 hariga mo tiga bia holene nga.  
\q1 Ibunaga mini Anduane Homogo ka.  
\q1 Iname ibunaga deni howa turu hami̱ya.   
\b  
\q1
\v 5 Ngode Datagaliwabe ibu ibuni andagaha howa\x + \xo 68.5 \xt Iba 10.14, 10.18, 146.9\x*  
\q2 ibugua waneigini aba ai̱yala homene karubi  
\q2 wali dalo agalini homene bedarubi  
\q2 ti bibahende handayaho haga ka.   
\q1
\v 6 Wali agali tini hangu haga karu\x + \xo 68.6 \xt 1 Sml 2.5, Iba 107.10, 107.34, Ab 12.6\x*  
\q2 ti anda mo migi bialu bayale berelaga ka.  
\q1 Wali agali garabaya bu helene karu ti golope howa  
\q2 ibugua tini daluha haru dai bialu ti turu ho helo helaga biaga.  
\q1 Agali doga haga bu karu ti dindi ko yobi iba dalu naibaga ngagoha  
\q2 pu haabobo bu holebira.   
\b  
\q1
\v 7 Ngode Datagaliwabe-o bamba í̠na í̠naga wali agali haru tagira ibalu  
\q2 ti dindi ko wali agali nahaga wiagoha haru halu ibirigoni.   
\q1
\v 8 Horo ogoningi Ngode Datagaliwabe ibu Hari Sainai ala íbu hariligoria áyu íbu kegoni.\x + \xo 68.8 \xt Har 19.18\x*  
\q1 Isaraele wali agalinaga Ngode Datagaliwabe í̠ni ibirigola dindi dumbirumbi bialu  
\q2 hari daligaha howa iba dalu timbuniore ibiniya.   
\q1
\v 9 Ngode Datagaliwabe í̠nime í̠naga dindini iba dalu timbuniore ibilarigola  
\q2 dindi ala ko wiyago lone mo bayale harigoni.   
\q1
\v 10 Í̠naga wali agali ti dindi ogoni karulayagoni.\x + \xo 68.10 \xt Man 26.5, 26.9, Iba 74.19\x*  
\q1 Í̠ baya gibiore kegome  
\q2 wali agali burupale hearuhondo tomo dabudaburubi migi birigoni.   
\b  
\q1
\v 11 Anduane Homogohanda bi layagola  
\q2 wali dewa biru wiarume bi te uruni lamima piyagoni.   
\q1
\v 12 Bi te lamima piyadagoni ogodagua,  
\q2 Kini karu heba tinaga ami bu karubi bibahende ibida piai haragoni.  
\q1 Agali tigua wai labuha howa mbirale mo yalu ibiyaru  
\q2 wali andaga berearu baba talebu ta haga biya.   
\q1
\v 13 Ega malibu ale silibame wabiniru babagane ngolome hoai laradaguabi wiaru  
\q2 tigua mo tale bigi bini.  
\q1 Ainde irane agome agali maru wai nape  
\q2 pabeha nogo sibi heba hayabe, laga biya.   
\q1
\v 14 Ngode Datagaliwabe Hongo Haiheore kagome  
\q2 Hari Salamono ogoniha kini hearu bo taliatagi halu purogo lelowa  
\q2 ibugua dalu dindi guni timbuni hari ogoniha ibilaya.   
\b  
\q1
\v 15 Hari Basananaga ibu hari timbuniore weda.  
\q1 Hari ogoninaga hombene bolebolene dalidali bigi bida.   
\q1
\v 16 Hari timbuni hombene dewa bolebolene hagahagabi kego-o  
\q2 í̠na hari emene Ngode Datagaliwabe ibuni birulenaga dabo heledago de hondowa  
\q2 irane aginaga henge larebe.  
\q1 Anduane Homogo ibu hari ibuni dabenego ogoniha haabobo bu holebira.   
\b  
\q1
\v 17 Anduane Homogo ibuni Hari Sainai wahalu  
\q2 ibuni anda loma bia hene biagoha íbu kagoni ndobe.  
\q1 Ibunaga ami agaliru wai biaga garo ale nogo hosime gililo yalu piaga mini karisiru  
\q2 daosini dagalabe nahe dewaoreni hagahaga bialu ti haru ibiyagoni.   
\q1
\v 18 Ngode Datagaliwabe ibu ibunaga hari daligaore wiagoria iraga halu\x + \xo 68.18 \xt Eb 4.8\x*  
\q2 agali dewaore minalu haru halu piya.  
\q1 Agali dogahe wai biaga hearume  
\q2 ibu mo turu halu mbirale migi biyaru mo yaya.  
\q1 Anduane Homogo Ngode Datagaliwabe ibuni hari daligaore ogoniha haabo holebira.   
\b  
\q1
\v 19 Iname Anduane Homogonaga mini yaraga hami̱ya.\x + \xo 68.19 \xt Iba 55.22, 65.5, Ais 46.4\x*  
\q1 Ibugua inanaga genda ngelo kamaru  
\q2 horo bibahendengi ya haga kagoni.  
\q1 Ina pele ngialu mo wiaga Ngode Datagaliwabe ibuni hanguore kagoni ndobe.   
\q1
\v 20 Inanaga Ngode Datagaliwabe ibunime ina pele ngialu haabo kagome\x + \xo 68.20 \xt Man 32.39, Iba 49.15, 56.13, 106.43\x*  
\q2 ina bayale kamagoni.  
\q1 Anduane Homogo ibu inanaga Anduane Homogo kago  
\q2 ibugua ina homa nabi bayale holoma̱yanaga pele ngiaga kagoni.   
\b  
\q1
\v 21 Ngode Datagaliwabehanda ibula waitigi haga karubi  
\q2 mana ko ngaru hangu mo tene haga karubi  
\q2 ti bibahende bo wahai holebira.   
\q1
\v 22 Anduane Homogohanda lalu,  
\q2 Tínaga waitigi amu Basana dindini bu karu minu yudai bulebero.  
\q1 Ti unuraore iba solowara timbuni bedago andanehaore heaguabi  
\q2 harugo lowa i̱na minu yudaiore bulebero.   
\q1
\v 23 Tínaga waitigi uruni baiore howa tí bu miniha dungulo halimulo  
\q2 tínaga biango bu karume waitigi uruninaga darama na dege bialu no karulapelobi  
\q1 i̱na ani minu yudai bulebero, laya.   
\b  
\q1
\v 24 I̱naga Ngode Datagaliwabe-o í̠na wai bialu wayali harigo de hondowa  
\q2 manda bu kama.  
\q1 Ngode Datagaliwabe i̱naga kini kego  
\q2 í̠ninaga anda loma bia heneha turu halu anda porego  
\q2 ina bibahendeme de handai ho kama.   
\q1
\v 25 Iba gana lagarume bamba halu  
\q2 ngida ale lagaru ti maha ibiragoni.  
\q1 Wandarime irabitele ale maru yuwa tigua bama dombeni ibiragoni.   
\q1
\v 26 Tigua iba gana laraga halu howa lalu,  
\q1 Wali agali íbu ngoaiho kamarume  
\q2 inanaga Ngode Datagaliwabenaga mini yaraga hama.  
\q1 Ina Isaraele wali agali bu kamarume  
\q2 Anduane Homogonaga mini mo yaraga hama, lama ibiragoni.   
\q1
\v 27 Beniyamini hameigini emene hayaru tigua mo bamba hara.  
\q1 Yuda hameigininaga agali haguane bu hearu  
\q2 tigua Beniyamini hameigini erembiraha pora.  
\q1 Sebulunu hameiginibi Nabadali hameigini tinaga haguane bu hearubi  
\q2 tigua o piyaru mama talima poragoni.   
\b  
\q1
\v 28 Ngode Datagaliwabe-o í̠ninaga hongo inahondo mo walia habe.  
\q1 Bamba í̠naga hongo ogonime ina mo wirigonigo áyu walia habe.   
\q1
\v 29 Í̠ni anda Yarusalemeha kagoria  
\q2 kini tara tara bu hearume í̠ mo turu hole  
\q2 mbirale mbirale bame í̠hondo ngule mo yalu ibiragoha howa  
\q1 í̠na í̠naga hongo walia habe.   
\q1
\v 30 Nogo gabua timbuni iba puguaha haga biago hongo howa talibe.\f + \fr 68.30 \ft Agali marume mitangibu handalu hearia nogo gabua iba puguaha haga layadagoni Iyibi dindihondo lene bada lomanda biya.\f*  
\q1 Nogo bulumaga wangaberu bulumaga igini heba haradagua helaga karubi  
\q2 hongo howa talibe.  
\q1 Tinaga muni siliba yu karu í̠hondo ngialu í̠ni kegoha ibalu  
\q2 bulupalialu ge duli hanga helonagaore  
\q2 í̠na hongo howa talibe.  
\q1 Hameigini tara tara wai bule hamelo karu  
\q2 ibida bilibulu purogo lelo bo taliatagi hai habe.   
\q1
\v 31 Iyibinaga kinime ibunaga agali haguane bu karu ti  
\q2 í̠naga bi larego hale helo Yarusalemeni ibilaga bulebira.  
\q1 Idiobialirume gi yaragaho howa í̠hondo bi lolebira.   
\b  
\q1
\v 32 Wali agali dindi tara tarani bu kamiru aibe.  
\q1 Tígua Ngode Datagaliwabehondo iba ganaru lagalaga bidaba.  
\q2 Anduane Homogonaga mini yaraga halu iba gana ladaba.   
\q1
\v 33 Mbirali ibu hari daligaha beralibani ge halu piaga kago  
\q2 ibunaga mini yaraga hadaba.  
\q1 Ibunaga bi hongo howa hari kulu laradagua biaruago hale hadaba.   
\q1
\v 34 Wali agali bu kamiruni bibahendeme  
\q2 Ngode Datagaliwabenaga hongo timbuni kago lalu latagi halu hadaba.  
\q1 Isaraele wali agalirunaga kini daligaore ibu kagoni.  
\q1 Ibunaga hongo taraore hari daligani walia harane de hondo kama.   
\q1
\v 35 Ngode Datagaliwabe-o í̠ tara baya burugule gibiore howa  
\q2 í̠ninaga anda loma bia heneha kegoni.  
\q1 Isaraele wali agalirunaga Ngode Datagaliwabe ibugua  
\q2 ibunaga wali agali bu karuhondo hongo miaga ka ndobe.  
\q1 Ina Ngode Datagaliwabe mini yaraga hai hami̱ya.   
\c 69  
\s1 Mbiralime Ngode Datagaliwabehondo biamogo bia lalu bi lenego ogo  
\q1
\v 1 Ngode Datagaliwabe-o i̱ gi mibe.\x + \xo 69.1 \xt Iba 69.2, 69.14-15, Yna 2.5\x*  
\q1 Iba birama irayagola ai ibame namu lelo ma paho kogonigo gi mibe.   
\q1
\v 2 Waru lumburani hewaria unura waruha yalu anda porane kogoni.\x + \xo 69.2 \xt Iba 40.2\x*  
\q1 Ge hade holene dindi giambe mbira nawida.  
\q1 Iba uli bereagoha ge hape halu ko.  
\q1 Ani bialu koria iba yaribu bu yu ibalu i̱ bu dambi haragola  
\q2 iba nalu homole kogoni.   
\q1
\v 3 Ai homaore biruda handala Ngode Datagaliwabe-o  
\q2 í̠na i̱ biamogo bibelonaga i̱na í̠ o dege lalu hewane ai i̱naga kembobe pu kagoni.  
\q1 Í̠ eberebe hondole lowa  
\q2 de handayaho wia dege biwane  
\q2 ai i̱naga de tandaga bialu hongo bibahende pirilipe kagoni.   
\b  
\q1
\v 4 Wali agalime irane nawioreni i̱ bame handabe manga haga karu  
\q2 ti dewaore daga labe nahe kagoni.  
\q1 I̱naga haguaneni mandari li bu karuni goyane lowa  
\q2 ti dewaore daga labe nahe kagoni.  
\q1 I̱naga waitigi urunime tindule i̱na agua biya lalu ti bi degeme mo para halu kagoni.  
\q1 Tigua hongo gibi howa i̱ bo waore hole manda bialu kagoni.  
\q1 Ti bi degeme i̱ kayu nabini wiwago tindule, Í̠ kayu biri, lalu ka.  
\q1 Ti bime mo para hayagola mbirale i̱naga wiwago irane nawini bameore ti mirugoni.   
\q1
\v 5 Ngode Datagaliwabe-o i̱na i̱ ko nabiaga kogoni lalu ndo laro.  
\q1 I̱ ko biaga dege ha kogonigoyu nde i̱na ko biruruni mbira í̠ deni wia do hene nawi  
\q2 tigatiga binigobi lapani hai harugoni ndobe.  
\q1 I̱ mini nawi howa birurubi í̠ manda biai ho kegoni.   
\q1
\v 6 Anduane Homogo í̠ Hongo Haiheore howa Bibahende Haru Haame Ho Haga kegoni.  
\q1 I̱na mana ko mbira berogome wali agali í̠ni hana ho karu taga helo mbira buligo  
\q2 í̠naga gime i̱ yaniore habe.  
\q1 Isaraele wali agalinaga Ngode Datagaliwabe í̠ kegonigo  
\q2 i̱na mana ko berorume wali agali í̠ mitangi bialu lotu laga karu  
\q2 taga halu de handa dindi hai helo i̱na mbira buligo  
\q2 í̠na i̱ mamage habe.   
\q1
\v 7 I̱na í̠ talima ibalu kogonaga wali agalime i̱ lo guralu mege bialu i̱ mo taga halu kagoni.   
\q1
\v 8 I̱ninaga hameneorerume i̱ kogoni agali tara dindi tarali ka manda bidagola kogoni.  
\q1 I̱ninaga aba ai̱ya hamene mbalinirume i̱ kogoni tiha howa tagira peneda ndo  
\q2 agali tara mbira dindi kaundiali íbu kagoni ledaha kogoni.   
\b  
\q1
\v 9 Í̠naga anda bayale haabo helo i̱na hame timbuni lalu kogome\x + \xo 69.9 \xt Yo 2.17, Lm 15.3\x*  
\q2 i̱naga bu habaneha ira daradagua biragola haruli.  
\q1 Wali agali karume í̠ mege bialu bi laga biragoni i̱ni laba halu kagoni.   
\q1
\v 10 Í̠naga deni i̱nime i̱ni mo dindiha halu \w tomo\w* nane haruli.  
\q1 Ani berogola wali agalime hondowa i̱ mege bialu lo guraga.   
\q1
\v 11 Dara howa duguanda howa aga biaganedagua bu kogola  
\q2 tigua i̱ hondo oba halu lo guraga.   
\q1
\v 12 Ti hariga hariga mo mogobu kago howa i̱ kedalu dege lalu kagoni.  
\q1 Lulu iba nowa tibaga lowa karumebi  
\q2 ti ne harigaha howa iba gana ende haga bialu laga birago  
\q2 i̱ lo guralu hangu laga biragoni.   
\b  
\q1
\v 13 Ti ani lo helowa i̱na Anduane Homogo í̠hondo bi lolebero.  
\q1 Ani larogo hale halu Ngode Datagaliwabe-o í̠nime ogoangi ladai bule lo manda bidengi ladai bibe.  
\q1 Í̠na hale halu ladai bulebeda lo manda bidogo irane  
\q2 í̠na i̱ gubalini timbuniore ho kego manda bidogome.  
\q1 Ani bialu í̠ ke̱ nahagaore kego manda buwa  
\q2 heneneore i̱ pele ngulebereda lo manda bu kogoni.   
\q1
\v 14 Waru lumburani kogola ge namulai halu i̱ni waruha anda piai habehe bu hinarago  
\q2 í̠na i̱ gi mibe.  
\q1 I̱naga waitigirume i̱ bo waholigo  
\q2 í̠na i̱ de hondo habe.  
\q1 Iba uli ngagoha i̱ ibaha namulai holigo  
\q2 í̠na i̱ de hondo habe.   
\q1
\v 15 Iba li timbuni ibiragome i̱ namu lalu hilu yalu poligo  
\q2 í̠na i̱ de hondo habe.  
\q1 Iba uli bedagoha i̱ namu lolani  
\q2 í̠na i̱ de hondo habe.  
\q1 Homalime i̱ mo mbedogo buligo í̠na i̱ de hondo habe laro.   
\b  
\q1
\v 16 Anduane Homogo í̠na i̱ horo bibahendengi gubalini haho wiaaboore haga kegome  
\q2 i̱na bibe larogo hale halu ladai bibe.  
\q1 Í̠naga gubalini haho wiaabo holene ogoni mana bayaore gibi ogoniya.  
\q1 Í̠naga dara holene gibi ngegome i̱ handaya halu  
\q2 i̱na bibe larogo hale halu ladai bibe.   
\q1
\v 17 Í̠naga biabe bia haga o kogo ko handala í̠ ha do nahabe.  
\q1 I̱ genda timbuniore yu kogonigo  
\q2 i̱na bi larogo hale halu áyu ogoni abale ladai bibe.   
\q1
\v 18 Áyu ogoni i̱ kogoria kaware ibalu i̱ gini mibe.  
\q1 I̱naga waitigi karume ibalu i̱ yani nakaore  
\q2 í̠na abale ibalu i̱ gini mibe.   
\b  
\q1
\v 19 Agali bu karume i̱ mege bialu lo guralu karu í̠ mandabide.  
\q1 Tigua i̱ mo taga halu mo yo hondo wahalu ti ge waraha heledagoni í̠ de hendedegoni.  
\q1 I̱naga waitigi bibahende karu í̠ de handaiore ho kegoni.   
\q1
\v 20 Tigua i̱ mege biyago mitangi bialu hewaria\x + \xo 69.20 \xt Yob 16.2, Iba 142.4, Ais 63.5\x*  
\q2 i̱naga miniha genda gibi halu i̱naga gubaliniore tumbudu bidagoni.  
\q1 Hongo mbira hole ndo aiore hongo pirilipe haiho kogoni.  
\q1 Ai i̱ darahe mbiraorebi nde holebira lo manda biwaria mbira naholeoreya.  
\q1 I̱naga mini mo dungulo dai bulene bi lolene mbira holebirabe toba hewaria  
\q2 mbiraoreorebi mbira naholeoreyane handaru.   
\q1
\v 21 I̱ tomo garibilo hewaria tomo kaubi tara mbira na lalu ngiya.\x + \xo 69.21 \xt Md 27.48, Mg 15.36, Lg 23.26, Yo 19.28-29\x*  
\q1 Iba noaho harugola \w waini\w* iba ko kaubi na lalu hambu ngiya.   
\b  
\q1
\v 22 Ani biyago ti turu halu tomo timbuni dawa payabu nalu bedaria tini ogoningi homai nahara.\x + \xo 69.22 \xt Lm 11.9-10\x*  
\q1 Turu ogoriani hairi halu tomo loma bini ngaru narolo manda bidaria  
\q2 bibahende homa hilai nahara.   
\q1
\v 23 Uruni bibahende arumaha luluyu helo ti bibahendenaga de mo ndibulai habe.  
\q1 Ti bibahende ere pode ulahe helo  
\q2 tinaga erene kuni mo gedaore haabo habe.   
\q1
\v 24 Í̠na tihondo keba timbuniore halu ti mini wilo mana halu mbira labe.  
\q1 Í̠naga keba holeneme ti bo ereba hai helabe.   
\q1
\v 25 Ti balai anda karuha mbiraorebi mbira yu waheloleni.\x + \xo 69.25 \xt Ab 1.20\x*  
\q1 Bibahende bo mburi labe.  
\q1 Balai andaru ti haradago bame dabulu ngelabe.   
\q1
\v 26 Agali maru ti ala ko biyagola í̠na ti pani mini hayaruni  
\q2 ai agali ko biaga karume agali o biaruni lone áyu mo tandaga halu ka.  
\q1 Ani bialu agali maru ala ko biyagola  
\q2 í̠na ti pani mialu tinginini motudu wilarigo  
\q2 agali biaruni áyu agali ko biaga karu tigua lone mege bialu mo tandaga halu ka.   
\q1
\v 27 Agali ko biaga uruni tigua ko biraru bibahende  
\q2 í̠na baya hangu de hondo howa ilu wigi bibe.  
\q1 Ko biaga uruni mbiraligo í̠naga waneigini pele miniyi karuhayagi anda ibulani.   
\q1
\v 28 Ko biaga uruni tinaga mini haabo holenenaga mbugani gilibu wulani domo wahabe.\x + \xo 69.28 \xt Har 32.32, Mo 3.5, 13.8, 17.8\x*  
\q1 Í̠naga wali agali mini tigabiwi karunaga mini gilibu ngegoria  
\q2 ko biaga uruninaga miniore mbira mbuga ogoriani gilibu wulani.   
\b  
\q1
\v 29 Ai i̱ genda timbuniore yuwa tandaga nalu kogoni.  
\q1 Ngode Datagaliwabe-o í̠na i̱ gini mialu lone mo heyu helabe.   
\q1
\v 30 I̱na iba gana mbira lalu Ngode Datagaliwabenaga mini mo yaraga holebero.  
\q1 I̱na ibuhondo ka̱i̱ lalu ibu timbuni daligaore gibi ogobi ka lalu maru lamulebero.   
\q1
\v 31 Ogonidagua berogo hondowa Anduane Homogo ibu turuore holebira.  
\q1 Nogo bulumaga dewaru bo lomabu merogo hondowa turu hagadagua ndo  
\q2 ibugua turu timbuniore holebira.  
\q1 Bulumaga wangabe habaheore timbunigo bo lomabu mialu delaruyaguabi hondowa  
\q2 ibugua turu emene holebirago  
\q2 o larogodaguaore biruyagua turu timbuniore holebira.   
\q1
\v 32 Wali agali gendayu karume ogonidagua berogo hondowa ti turu holebira.  
\q1 Wali agali Ngode Datagaliwabe dunini kago mitangi bialu lotu laga karu  
\q2 ti turu halu miniha elahe holebira.   
\q1
\v 33 Anduane Homogo ibugua wali agali mbirale buru pale karume  
\q2 ibuhondo bi larago hale halu biamogo biaga ka.  
\q1 Ibugua ibunaga waneigini garabaya andaha karubi embeda nahaga ka.   
\b  
\q1
\v 34 Hari daligabi dindibi iba solowarabi mbirale iba solowaraha bedarubi  
\q2 tí bibahendeme Ngode Datagaliwabenaga mini mo yaraga hai halimu.   
\q1
\v 35 Ngode Datagaliwabehanda ibunaga Yarusaleme wali agali pele mialu  
\q2 Yudanaga tano mo ko hene ngaru lone bia aribia holebiragonaga  
\q2 tigua ibunaga mini mo yaraga holene nga.  
\q1 Ibunaga wali agali ti turu halu tano odaruniha ho halu  
\q2 dindi ogoni ti karulalu tinagaore holebira.   
\q1
\v 36 Ibunaga biabe biaga karunaga waneigini aguane mani hararume  
\q2 dindi ogoni karulolebira.  
\q1 Wali agali ibu gubalini heneneore haga karume  
\q2 dindi ogoni karulowa haabo holebira.   
\c 70  
\s1 Ngode Datagaliwabehanda biamogo bilonaga bi lenego ogo  
\r (Iba Gana 40.13-17)  
\q1
\v 1 Ngode Datagaliwabe-o ainde i̱ore pele ngibe.\x + \xo 70.1 \xt Iba 40.17, 141.1\x*  
\q1 Anduane Homogo-o í̠na áyu ogoni i̱ biamogo bule íbu.   
\q1
\v 2 Agali marume i̱ homelo bo wahole karu tiore taga halu pelo  
\q2 í̠na ti bope halu mo luluya habe.  
\q1 Agali marume i̱ genda yu kogonaga turuho karu  
\q2 í̠na ti taliai halu tinaga mini bope halu mo dindiha ho helabe.   
\q1
\v 3 Agali i̱ mege bima ibaga bialu karuni  
\q2 mana tinime bialu karu nagalone bialu harimada lowa mogolo hendelo  
\q2 í̠na ti mo taga habe.   
\b  
\q1
\v 4 Wali agali í̠ keria ibaga karu  
\q2 ti dege turubi howa í̠niha mini hanaho helo.  
\q1 Wali agali í̠nime pele mirigonaga turu haga karu  
\q2 uruni tigua bibahendengi laabo halu lalu,  
\q2 Ngode Datagaliwabe ibu duniniore ka, lalu helo.   
\b  
\q1
\v 5 Ngode Datagaliwabe-o i̱ninaga hongo nakarulape kogonigo  
\q2 i̱ koria abale ibabe.  
\q1 I̱naga Anduane Homogobi Pele Ngiagabi í̠niore kego  
\q2 i̱ biamogo bule emene handayaha nabi abaleore ibabe.   
\c 71  
\s1 Agali waheme bi lenego ogo  
\q1
\v 1 Anduane Homogo-o i̱ í̠la mandagi haabo kogola\x + \xo 71.1 \xt Iba 31.1-3\x*  
\q2 waitigi karume i̱ mo ko habe nahe ko.  
\q1 Tigua i̱ bope halu wayali helo yupe nahabe.   
\q1
\v 2 Í̠ tigabiore kegonigo  
\q2 i̱ waitigirunaga giha koria pele ngialu haru dai bibe.  
\q1 I̱na bi larogo hale halu i̱ pele ngibe.   
\q1
\v 3 I̱naga wai pabe hongohe alebi anda hongohe alebi í̠ habe.\x + \xo 71.3 \xt Iba 18.2, 42.8, 90.1, 91.9\x*  
\q1 I̱ ibida pialu í̠ha dege ha do hole eberogola handayaho habe.  
\q1 Í̠nime dege i̱ baya hangu handayaho kegola i̱ bayale holebero.   
\b  
\q1
\v 4 I̱naga Ngode Datagaliwabe-o agali mini kowi karunaga giha koria  
\q2 i̱ haru dai bibe.  
\q1 Agali hongoheore tara howa mana koorene ko ngago biaga karunaga giha kogola pele ngibe.   
\q1
\v 5 Anduane Homogo Bibahende Haru Hame Ho Haga-o  
\q2 i̱ í̠ha mini dunubia ho kogoni.  
\q1 I̱na igiri daliaheni howa í̠hondo mini mbiraore wu henego kogoni.   
\q1
\v 6 Bibahendengi i̱na í̠ha hanaho harugo kogoni.  
\q1 I̱ ai̱yahanda taba hanayangi howa í̠na i̱ handayaho haabo harigoni.  
\q1 Ani harigonaga i̱na í̠naga mini yaraga halu haabo holebero.   
\b  
\q1
\v 7 Wali agali bu hearu dewalime i̱ de hondowabi  
\q2 í̠na i̱hondo biriru hondowabi  
\q2 í̠na i̱ hongo howaore handayaho kagonida lomanda biai ho ka.   
\q1
\v 8 Horo bibahendengi i̱na wali agali bu karu hendelo í̠naga mini yaraga halu  
\q2 í̠ mini leneore kegoni latagi halu haabo haruli.   
\q1
\v 9 Áyu i̱ agali waheore howa hongo hodai bule ndo biru ngogo\x + \xo 71.9 \xt Iba 92.14, Ais 46.4\x*  
\q2 í̠na i̱ erembira ngialu yu waholeni nahabe laro.   
\q1
\v 10 I̱ waitigi bu hearu tigua i̱ bo waholenaga  
\q2 mo mogobu howa ndelalu kagoni.   
\q1
\v 11 Tigua lalu, Ngode Datagaliwabehanda agali ogoni yu wahayadago abale minami̱ya.  
\q1 Ibu biamogo bulene mbira naheoredago  
\q2 iname abale talima pugupugu bialu minu yania hami̱ya,  
\q1 laga bialu kagoni.   
\b  
\q1
\v 12 Ngode Datagaliwabe-o i̱ hangu helalu í̠ kaundia nahabe.\x + \xo 71.12 \xt Iba 22.11, 38.21-22, 70.5\x*  
\q1 I̱naga Ngode Datagaliwabe-o í̠na i̱ biamogo bule abale ibabe.   
\q1
\v 13 Agali i̱hondo bi laedede bialu karuni  
\q2 í̠nime ti bope halu ereba hai helabe.  
\q1 Tigua i̱ mo ko hole wai hanalu kago  
\q2 ai tini taga helo mo ko hai halu mo luluya ho helabe.   
\q1
\v 14 Anigo í̠na i̱ biamogo bibelonaga í̠hondo mini dunubia ho kogoni.\x + \xo 71.14 \xt Iba 130.7\x*  
\q1 I̱na í̠naga mini yaragaore haabo holebero.   
\q1
\v 15 Í̠na mana tigabi bigi biriruni wali agali bu karu lamialu holebero.  
\q1 Í̠na pele ngialu haru dai biriruninaga tene i̱ manda biai nahego  
\q2 nde harugo lowa te ogoni horo bibahendengi tihondo lamiaabo holebero.   
\q1
\v 16 Anduane Homogo Ngode Datagaliwabe kego í̠ hongo timbuniore kegonaga  
\q2 i̱na í̠naga mini yaraga halu holebero.  
\q1 Í̠ni hangu mana bayale tigabiore biaga kego lalu  
\q2 i̱na latagi halu holebero.   
\b  
\q1
\v 17 Ngode Datagaliwabe-o i̱ bamba igiri emeneni hewangi  
\q2 í̠na i̱ lawai haabo hariligoni.  
\q1 Áyubi nde í̠na mbirale bayale tara tara bererunaga  
\q2 i̱na latagi halu haabo kogoni.   
\q1
\v 18 Ainde i̱ agali waheore halu i̱naga mandariru daguame be duguame haradagua biyadago\x + \xo 71.18 \xt Iba 22.31, 78.4-6\x*  
\q2 Ngode Datagaliwabe-o í̠na i̱ yu wanahabe laro.  
\q1 I̱na wali agali mani holobadaruhondo í̠naga hongo timbuni ogobiore ka lalu lamigi buliya  
\q2 í̠ni i̱la haabo habe.   
\b  
\q1
\v 19 Ngode Datagaliwabe-o í̠na mana bayale tigabi biriruni  
\q2 wali agali bibahendenaga deni panigi wiai ka.  
\q1 Í̠na biabe hongohe timbuniore bini ngegoni ndobe.  
\q1 Agali dindini hene karu í̠ ale mbira nahe  
\q2 í̠ni hangu bolangua haiheore kegoni.   
\q1
\v 20 Í̠na i̱ha genda tandagabi tara tara ibilaga birigoni.  
\q1 Í̠nime i̱ lone mo hongo holebere lo manda bu kogoni.  
\q1 I̱ homaliha ngoria í̠nime i̱ lone mo heya holebere.   
\q1
\v 21 Í̠na i̱ mini lene winigo mo yaragaore ho ngelalu  
\q2 i̱naga bu miniha mo palia holebere.   
\b  
\q1
\v 22 I̱naga Ngode Datagaliwabe-o í̠naga mini bilinahe haabo kegonaga  
\q2 i̱na ngida ale balu í̠naga mini yaraga halu iba gana lolebero.  
\q1 Isaraele wali agalinaga Ngode Datagaliwabe baya buruguleore kego  
\q2 i̱na ngida ale balu í̠naga mini yaraga halu iba ganaru lalu holebero. \fig Ngode Datagaliwabe ... i̱na ngida ale balu í̠naga mini yaraga halu iba ganaru lalu holebero.|src="Lear 045.tif" size="1" ref="(71.22)" \fig*   
\q1
\v 23 I̱na lalu howa turu timbuniore halu bi hongo howa ladaga holebero.  
\q1 Í̠na i̱ pele ngialu mo wirigonaga  
\q2 i̱na ne hariga hangume ndo  
\q2 i̱naga minimebi gubalinimebi í̠hondo iba gana lalu latagi holebero.   
\q1
\v 24 Agalime i̱ mo ko hole wai hanalu henego  
\q2 ai tini ko halu mo taga hai hayagonaga  
\q2 i̱na horo bibahendengi í̠naga mana bayale tigabi biaga kego lalu  
\q2 wali agali bu karuhondo lamiai holebero.   
\c 72  
\s1 Kini kagonaga Ngode Datagaliwabehondo bi lahenego ogo  
\q1
\v 1 Ngode Datagaliwabe-o kini kagome í̠naga mana tigabi bulene ngeru bayuwa manda bilo biawai habe.  
\q1 Mana tigabi bulenego bayuwa manda buwa wali agalime godi lararu  
\q2 ibugua hale howa tigabiore dabaki bilo biawai habe.  
\q1 Í̠na tigabiore dabaga kedagua kini ibuguabi wali agalinaga godi larago hale halu  
\q2 tigabi dege dabaga helo biawai habe.   
\q1
\v 2 Í̠na biawai haregola ibugua mana tigabi bulene manda buwa  
\q2 í̠naga wali agali karu ibugua bayuwa hondo helo.  
\q1 Wali agali yagibano darabi karu agali hongohe karume hengedope haragola  
\q2 dindiha haga karuhondo mana tigabi bialu haru helo.   
\q1
\v 3 Wali agali tinime mbirale bigi birago bayale helobi  
\q2 tinaga mini dungulo haabo helobi biamogo bibe.  
\q1 Tigua mana tigabi hangu bigi bigi bialu haabo helo helabe.   
\q1
\v 4 Kini kagome wali agali yagibano darabi karunaga genda yu karu handalu yamogo bialu  
\q2 yagibanorume buru pale ka aleru biamogo bialu mo milo hameore ledo.  
\q1 Wali agali yagibano darabi uruni hengedope haga agali ko karuni tinde kini agali ibugua warape halu hengedo mbaralo wahelo hameore ledo.   
\q1
\v 5 Ni dedago dalu kaore ege dedagobi dalu wá kaore  
\q2 í̠naga wali agali bu karume í̠ mo dunini halu mitangi bialu lotu laabo helo hameledo.   
\q1
\v 6 Kini ibugua mana bayale biragome dalu ibuwa mabuni tomo hengedaru damume haragola tomo bayale anda hagadagua  
\q2 wali agali bu karu ibunaga maname anda helo í̠na kini kago mo bayale habe.   
\q1
\v 7 Ibu kini kangi wali agali bu karuha mana tigabi bulene dungume halu anda helo.  
\q1 Ege dalu kangi mbirale bigi birago lini dalu bayale haga bilo biamogo bibe.   
\b  
\q1
\v 8 Kini ibugua handame howa haru holenego  
\q2 wali agali iba solowara biru paluyu pedaru bibahendeoreyagi howa paluyu pialu\x + \xo 72.8 \xt Seg 9.10\x*  
\q2 solowara ange ederayagi karu bibahende ibugua handairi holebira.  
\q1 Wali agali dindini paluyu pedarubi bibahende iba Yuberedisi duguaragoria howa paluyu pialu  
\q2 dindi wia maroha wali agali palumaro bidagoria handairi holebira.   
\q1
\v 9 Wali agali dindi ko ege kelekele wini haga karume  
\q2 kini ogonihondo bulu palialu ti kini ogoni ibu andaneha holebira.  
\q1 Kini ogoni ibunaga waitigi karu tinime dindini mbala puwa mo ko howa palipe holebira.   
\q1
\v 10 Sebenanaga kini kagomebi kini maru iba solowara biruyu mabu bilowa dindi dombeneha ngarunaga karumebi  
\q2 tigua kini ogonihondo mbirale debene maru ibu mo turu halu mulebira.  
\q1 Arebia dindinaga kini kagomebi Idiobia dindinaga kini kagomebi  
\q2 libugua mbirale debeneru mo mogobu yalu ibuwa kini ogoni dege mulebira.   
\q1
\v 11 Kini bibahendeore karume ibu wanakuiha tinaga ge duli podalu bulu paliai holebira.  
\q1 Hameigini tara tara dindi bibahendeni hoyu pedaru bibahendeoreme  
\q2 kini ogoni ibunaga biabe bia hai holebira.   
\b  
\q1
\v 12 Ani bulebirago irane wali agali yagibano darabi karume kini ogoni olaragola  
\q2 ibugua tinaga bi hale halu biamogo biagaore ka.  
\q1 Wali agali maru buru paleore marume namiaga hondo wahene karu  
\q2 kini ogoni ibunime de handalu migi biaga ka.   
\q1
\v 13 Kini ogoni ibugua wali agali hongo naheru mbirale nawi yagibano darabi karu daraore halu  
\q2 ibunime ti biamogo biaga ka.  
\q1 Wali agali mbirale nawi buru paleore karu  
\q2 ibunime ti gi miaga ka.   
\q1
\v 14 Maru mini kowi karume wali agali darabi urunibi karu hengedope halu mo ko hole bialu karia\x + \xo 72.14 \xt Iba 116.15\x*  
\q2 kini ogoni ibunime ti gini miaga ka.  
\q1 Kini ibugua wali agali uruni gubalini timbuniore ho kagome ti ani biamogo biaga ka.   
\b  
\q1
\v 15 Ani biaga kago manda buwa kini baya ogoni ibuore ha ho wiaaboore helo hameledo.  
\q1 Muni ngoloru Arebia tawego kini ogoni turu halu milo hameore ledo.  
\q1 Wali agali bu karume kini ogoninaga Ngode Datagaliwabehondo bi la helo hameledo.  
\q1 Kini ogoni biamogo biaabo helonaga wali agali karume habe lalu lamulebira.  
\q1 Ani larago hale halu Ngode Datagaliwabe ibugua kini ogonihondo bayale dege bialu  
\q2 ibu bayale helo biamogo bilo hameledo.   
\q1
\v 16 Dindi bibahende ngaruha widi balirubi tomo nema maru alebi anda hagahaga bialu  
\q2 dindi bare bare ngaruni nema hangume andaho namu lelo.  
\q1 Lebanono dindiha mbira tomo anda haga ngadagua anda heloore hameledo.  
\q1 Tano ngaruha wali agali dewa palu to̱ lalu bo dene ngagoria  
\q2 dangi anda hagahagadagua anda halu to̱lotagi helo hameledo.   
\q1
\v 17 Wali agali bu karume kini baya ogoninaga miniore embeda nahelo.\x + \xo 72.17 \xt Pig 22.18, Yar 4.2, Lg 1.48\x*  
\q1 Ibunaga mana baya biaga kini ogoni ka lalu lolenego lairi nahe  
\q2 honani li harini daho ngadagua  
\q2 wali agalime kini ogoninaga mini mo yaraga haho wiaaboore helo hameledo.  
\q1 Ani bialu wali agali dindi tara tarani palu ngarume Ngode Datagaliwabehondo bi lamialu,  
\q1 Kini biagohondo bayale dege bialu bu anda helo mo bayale hiridagua  
\q2 inabi nde bayale holoma̱ya mo bayale habe,  
\m lalu lamigi bilo hameledo.   
\b  
\q1
\v 18 Anduane Homogo Isaraele wali agalinaga Ngode Datagaliwabe kago ibunaga mini mo yaragaore halimu.  
\q1 Ibuni hangume mbirale bayaleore turubi o laruruni bigi biaga kagoni.   
\q1
\v 19 Ngode Datagaliwabe ibunaga mana bayaore gibi biaga kago  
\q2 ibunaga mini baya taraore ogoni mo yaraga haho wiaaboboore wilo.  
\q1 Ibunaga mini mo yaraga holenemebi  
\q2 ibunaga wá holenemebi  
\q2 dindi bibahendeha dungume halu to̱lotagi heloore hameledo.  
\q1 Henene aniore bilo bi labe.   
\b  
\q1
\v 20 Yasi igini Debidihanda Ngode Datagaliwabehondo bi laga binigo ai lairi ogoni.   
\b  
\ms1 MBUGA TEBONE  
\mr (Iba Gana 73-89)  
\c 73  
\s1 Ko biaga karu mini wilo Ngode Datagaliwabenaga mana laga kago ogo  
\q1
\v 1 Ngode Datagaliwabehanda Isaraele wali agalihondo bayaore gibi turubini hangu biaga kagoni.  
\q1 Ibugua wali agali tinaga bu habaneha mana ko mbira nawi tigabiore karuhondo  
\q2 baya turubiniore bigi biaga kagoni.   
\q1
\v 2 Ibugua ani biaga kagoyu ai i̱ore mana ko bialu pilalu penego habo laru.  
\q1 I̱ ge gundu lalu pilope halu mini mbiraore wu harugoni  
\q2 hadogoea lowa yu wahalu tagira pobehe haru.   
\q1
\v 3 Ani harudagoni irane i̱na handalu hewaria  
\q2 wali agali mini kowi hearu tigua mbirale bigi biyaru bayale haga bialu\x + \xo 73.3 \xt Iba 37.1, Yar 12.1\x*  
\q2 ti homogo hama piyago hondowa ani haru.  
\q1 Tigua biyago handarugola tinaga wiago degeni i̱naga miniha i̱ nayido agini henge lolenego hongohe tagira ibiya.  
\q1 Ani biyagome i̱ mini mbiraore wu harugoni yu wahalu tagira pobehe haru.   
\b  
\q1
\v 4 Ani handalu hewariabi wali agali ko biaga uruni ti warago bolenebi tandaga nolenebi mbira nahende  
\q2 tinaga tinginibi bayaore hongohe hearia handaru.   
\q1
\v 5 Wali agali maru karume tandaga nalu kadagua  
\q2 wali agali ko biaga uruni ti kagoria tandaga nane kane handaga biruli.  
\q1 Wali agali maru kagoria genda bulene tara tara íbu wigi biagadagua  
\q2 wali agali ko biaga uruni ti kagoria naíbu wiraya.   
\q1
\v 6 Ti genda mbira nahende howa mine timbuni halu tinaga tingini ganini wialu balagala hama ibaga biaga ka.  
\q1 Ani bialu tigua wali agali maru karu bame irane nawinini motudu wini balu mo ko haga ka.   
\q1
\v 7 Tinaga bu miniha mana ko ngubi tara tara buleneru hangu wai hanalu  
\q2 tinaga bu habaneha ko buleneme to̱lotagihe ka.   
\q1
\v 8 Tigua wali agali maru karu mege bialu hondo oba halu  
\q2 bi ko tara tara biaga ka.  
\q1 Tigua mine gibiore halu wali agali maru karu hengedope halu  
\q2 mo tandaga holenego agua habehedabe hondole hariga hai bialu haga ka.   
\q1
\v 9 Ani bialu tigua Ngode Datagaliwabe dahuliya andaga kago lalubi lo guralu haga ka.  
\q1 Tininaga mini mo yaraga halu  
\q2 tigua hame ledadagua hangu wali agali marume bilo  
\q2 bidaba lalu hongo howa lamiaga ka.   
\q1
\v 10 Anidagua lamiragola nde Ngode Datagaliwabenaga wali agali karumebi heba mini kowi urunime bi larago hale halu  
\q2 turu howa yu tiga biaga ka.   
\q1
\v 11 Agali ko urunime bi urudagua laga ka.  
\q1 Iname mbirale bigi beremaruni Ngode Datagaliwabe ibu manda nabulebira.  
\q1 Ngode Datagaliwabe Daligaorene Daliga kago ibugua iname beremarubi laramarubi goarialu  
\q2 handa walia holenego hariga nawiore laga ka.   
\q1
\v 12 Wali agali mini kowi karu tigua mana urunibi bigi biaga ka.  
\q1 Tinaga mbirale dewa bu payabu wia ngagoyu  
\q2 uruni ngelowa dege maru lone mo te dege bule hai bialu kagoni.   
\b  
\q1
\v 13 Ko biaga uruni ti ani bialu kagodago ai i̱ mana ko mbira nabiore  
\q2 i̱nime i̱ni mini haru halu ko nabi tigabi harugoni o kogoni.  
\q1 Ai ti ko biyadagua i̱ nde bua nale hogoralebu harudagoni nde irane nawini aginaga haruyabe.   
\q1
\v 14 Ngode Datagaliwabe-o í̠na mbiraga horombebi i̱ tandaga dege ngiaho wialu  
\q2 egerebagi bibahendengi í̠na i̱ minu baho ngegoni irane aginagabe.   
\b  
\q1
\v 15 Wali agali mini kowi biaru tigua layadagua i̱na mbira lenedale  
\q2 i̱na í̠naga wali agalime lolenedagua ndo ledole.   
\q1
\v 16 Ko biaga uruni tigua mbirale bigi biragonaga teneorego agidabe hondole lowa  
\q2 handalu hewaria i̱na handa walia habe nahe erekuibioreyane handaru.   
\q1
\v 17 Mitangi bialu tenego minime daba dege bialu howa handa walia nahe henego\x + \xo 73.17 \xt Iba 27.4, 37.38, 77.13\x*  
\q2 maniore Ngode Datagaliwabe í̠naga andaha anda pirugola tenego handa walia haru.  
\q1 Í̠naga andaha anda pirugola i̱naga mini biagoni wá layagola mbirale bayuwa manda bibehe haru.  
\q1 Wali agali ko biaga uruni tibi nde mani ogobini tagira polobada lalubi  
\q2 mitangi tagira íbu dege biya.   
\b  
\q1
\v 18 Ngode Datagaliwabe í̠na wali agali mini kowi uruni ti hariga gindigunduleore ngarunaga pelo pelolebere.  
\q1 Hariga gindigundule uruninaga pialu karia ge kundu lowa  
\q2 mo paraho pilope halu homo tongolo milolebere.   
\q1
\v 19 Ti abaleore homo tongolo mu daga holebira.  
\q1 Agali homaradagua ndo mo koore howa homolebira.   
\q1
\v 20 Anduane Homogo-o ko biaga uruni ti bame mbiraga emaga andaha mbaria dange harigi yu haganedagua yu kago  
\q2 egerebagi gao laragola ereba haganedagua yu karu ereba hai holebira.   
\b  
\q1
\v 21 I̱naga miniha tandaga bialu  
\q2 tinibi toga layagola   
\q1
\v 22 i̱ bu habaneha keba dege dindi halu nogo gabua mini nawi hagadagua howa  
\q2 í̠ mitangi bulene ereba halu  
\q2 i̱na mana biruru í̠ deni ogonibi bialu harugoni.   
\q1
\v 23 Ani bialu howa dege i̱na Ngode Datagaliwabe í̠ yu wanahe  
\q2 í̠ hegoha kaware haparaho harugola  
\q2 í̠na nde i̱naga gini yaniho hariligoni.   
\q1
\v 24 Í̠na i̱ aguaore habe lalu í̠naga bi mana bayaoreru langialu mo tiga bialu kegoni.\x + \xo 73.24 \xt Iba 48.14, 49.15, 58.11\x*  
\q1 Ani mo tiga bialu howa i̱ hamaro berongi nde í̠na i̱hondo turu halu habiya íbu lole kegoni.   
\q1
\v 25 I̱ de handayaho haga dahuliya andagani mende ai kabe.\x + \xo 73.25 \xt Iba 16.2\x*  
\q1 Mendeali nahe Ngode Datagaliwabe í̠ hangu kegoni.  
\q1 Í̠ hangu kego manda buwa i̱na í̠ gubalini timbuniore ho kogoni.  
\q1 Mbirale dindini bu payabu ngaru gubalini holene agi ngabe.  
\q1 I̱na í̠ore gubaliniho kogoni.   
\q1
\v 26 I̱naga minibi tinginibi hongo nahe gedaore hayaguabi\x + \xo 73.26 \xt Iba 16.5, 40.12, 84.2\x*  
\q2 Ngode Datagaliwabe í̠ i̱naga hongo holene tene kegome  
\q2 i̱ karulapeore haabo holebero.   
\b  
\q1
\v 27 Ngode Datagaliwabe í̠ yu wahalu piaga karu ti pu erebaho wahalu homolebira.  
\q1 Wali agali ala í̠hondo mini mbiraore wuwa í̠ talima ibaga howa  
\q2 áyu í̠ erembira ngialu tagira pu karu heneneore pani mialu ereba hai helolebere.   
\q1
\v 28 Uruni ani buleberegoyu i̱ dege Ngode Datagaliwabe í̠ kegoha hapara ho kogome\x + \xo 73.28 \xt Iba 14.6, 40.5, Hi 10.22, Ya 4.8\x*  
\q2 bayaore turubi i̱ hoale ngagoria kogoni.  
\q1 Anduane Homogo Bibahende Haru Haame Ho Haga-o  
\q2 i̱naga pabe tigila í̠ni kegome kogoni howa  
\q2 mbirale í̠na bigi biriru agua biri lalu latagi hai holebero.   
\c 74  
\s1 Isaraele wali agaliru biamogo bibe lalu Ngode Datagaliwabehondo bi lenego ogo  
\q1
\v 1 Ngode Datagaliwabe-o í̠na inahondo erembira ngialu kego irane agibe.  
\q1 Í̠naga wali agali bu kamaruhondo keba ho haabo holeberebe.   
\q1
\v 2 Í̠na í̠naga wali agali bu kamaru mitangi bibe.  
\q1 Bambaore howa í̠na í̠ninaga wali agaliore ina holoma̱ya dabo helarigoni.  
\q1 Í̠nime ina haru dai birigome í̠naga wali agaliore kamagoni ndobe.  
\q1 Hari Saiono í̠ni hene biago mitangi bibe.   
\q1
\v 3 Ina waitigi bu hearume í̠naga anda hayago mo ko hai hayagoni.  
\q1 Mbirale mo ko hayadaruni í̠ni hondole ibabe.   
\b  
\q1
\v 4 Í̠la waitigi biarume í̠naga anda í̠ ina baba lola haga biagoha howa  
\q2 wai bi dalimu lalu mambolo balu mbirale wiaruni mebia haya.  
\q1 Í̠naga mbirale wiruni mo batagi halu tininaga mbirale wiaru wia aribia ka.   
\q1
\v 5 Agalime irabuha ayume ira dibu paya biagadagua  
\q2 tigua í̠naga andaha ani biyagoni.   
\q1
\v 6 Ira pelo mbaraleni giligili bialu kau wuwa  
\q2 anda ogoniha mo yaribiaho helaga bini hearuni  
\q2 waitigi biaru tigua ayume diba hamame bo giala bigi biya.   
\b  
\q1
\v 7 Tigua í̠naga anda biago giala baga bialu irame heda haya.  
\q1 Dindi andabi í̠ni holene lomabia ho wini biago  
\q2 tigua mebia hai haya.   
\q1
\v 8 Urunime ina bopeore holene mitangi bialu anidagua biya.  
\q1 Ina dindiha Ngode Datagaliwabe mitangi bialu lotu lolenaga loma biahene bibahende hearu anidagua biya.   
\b  
\q1
\v 9 Iname í̠ mitangi bulenaga manane waliaho wini biaru bibahende mo wahai haya.  
\q1 Í̠naga bi mana \w latagi\w* haga agali mbira áyu nahe kamagoni ndobe.  
\q1 Ina ogonibi dege kamaore genda uruni angi ereba holobadabe  
\q2 ina kamarume manda bibe nahe kamagoni ndobe.   
\q1
\v 10 Ngode Datagaliwabe-o waitigi uruni tigua í̠ hondo oba halu lu agua holobadabe.  
\q1 Tigua í̠naga mini lo mege bialu bi ko lalu haabo holebirabe.   
\q1
\v 11 Í̠na ina biamogo nabi kego irane agibe.  
\q1 Í̠ bame bira dege bidego agibe.   
\b  
\q1
\v 12 Anigo Ngode Datagaliwabe-o bambaore howa í̠ inanaga kini henego haabo kegoni.  
\q1 Í̠na pele ngiaabo harigola ina waime ba nabi harimagoni.   
\q1
\v 13 Í̠ninaga hongo timbuni gibihegome iba solowara timbuni bereagoha\x + \xo 74.13 \xt Har 14.21\x*  
\q2 hanuni ina poloma̱yanaga iba bira migimigi bilarigoni.  
\q1 Iyibi agali wena timbuni solowaraha biraraligobi hearia bo wahai hari.   
\q1
\v 14 Ani bialu í̠na abagua ale timbuni mini Lebiadananaga\f + \fr 74.14 \ft ogoni mbuga maruha ibu abagua ale nga lalu gilibu nga. Maruha ibu iba ibia ale gibi hiriribi beda lalu gilibu nga. Hobane ogoni gilibu ngago bi yobage ale lalu ibu Iyibinaga agali haguane hearu mitangi bialu leda. Ais 27.1, Ese 29.3, Yob 41.1 de handabe.\f* haguaneru bo tagadaga birigoni.\x + \xo 74.14 \xt Yob 41.1, Iba 104.26, Ais 27.1\x*  
\q1 Ibunaga tingini dindi ko iba dalu naibaga wiagoha  
\q2 nogo gabua hearu nelo mirigoni.   
\q1
\v 15 Í̠na iba dindiha howa ibilarigola dugualu pugu biya.  
\q1 Iba timbuni pialu hearu hundu tegelope helaga birigoni.   
\q1
\v 16 Í̠na mbiraga horombela tu wialu\x + \xo 74.16 \xt Pig 1.14\x*  
\q2 ni egela hari daligaha helaga biriya.   
\q1
\v 17 Í̠na iba dindila tubari ngelalu bigi biriyagoni.\x + \xo 74.17 \xt Pig 8.22, Ab 17.26\x*  
\q1 Mali bibahendenaga gaea bulene horobi dalu ibulene horobi  
\q2 tuwu ngelariyagoni.   
\b  
\q1
\v 18 Anduane Homogo-o í̠na ani birigola í̠la waitigi bu karume  
\q2 í̠ hondo oba halu karuni mitangi bibe.  
\q1 Tini mini nawi kariane tigua mitangi bialu  
\q2 í̠ kego bame degeda lomanda bialu mege biaga ka.   
\q1
\v 19 Í̠naga wali agaliru hongo nahe bu kamagonigo  
\q2 waitigi bu karume ina bope halu mo ko holigo  
\q2 í̠na ina yu wa nahabe.  
\q1 Waitigi karume í̠naga wali agali kamaru mo ko halu kago  
\q2 í̠na erembira nangi ina mitangibu haabo habe laro.   
\b  
\q1
\v 20 Inanaga dindi lenelene ngamaru bibahendeha  
\q2 waitigime wai mo ko howaore biaga kago manda bialu  
\q2 í̠na habo nalolene bi ina baba lo wirigoni manda bibe.   
\q1
\v 21 Agali ko karume wali agali hongo nahe bo hengedene karu  
\q2 í̠na ti yu wanahabe.  
\q1 Wali agali yagibano burupale bu karume  
\q2 í̠naga mini mo yaraga halu helo í̠nime ti biamogo bigi bibe.   
\b  
\q1
\v 22 Ngode Datagaliwabe-o í̠nime abale ibalu  
\q2 waitigi karuhondo bi hongo howa labe.  
\q1 Agali ko minehe bu karume  
\q2 í̠ mege bialu hondo oba haabo haga kago mitangi bibe.   
\q1
\v 23 Í̠ waitigi bu karume bi ko hongo howa lalu í̠ mege bialu kagoni.  
\q1 Tigua ga̱ lama ibaga bialu haabo haga kago  
\q1 Ngode Datagaliwabe-o  
\q2 tigua ani bialu karu hondo donge nahabe.   
\c 75  
\s1 Ngode Datagaliwabehanda wali agali tigatiga dabaki biagago ogo  
\q1
\v 1 Ngode Datagaliwabe-o iname í̠hondo ka̱i̱ lalu kama.  
\q1 Í̠hondoore iname ka̱i̱ laabo halu kamagoni.  
\q1 Iname í̠ mini leneore kego latagi halu  
\q2 mbirale bayale tara tara í̠na biriru te lalu kamagoni.   
\b  
\q1
\v 2 Ngode Datagaliwabehanda lalu,  
\q1 Godi lolene horo mbira daba bagiho ngeledo.  
\q1 I̱na godi larogo tigabiore lalu  
\q2 wali agali ta nabihondo ogobi dege dege laruli.   
\q1
\v 3 Wali agalibi nogo tara tarabi dindini bu karuni bibahende gi hai howa duru layaguabi  
\q2 dindibi dumbirumbi bialu ema biyaguabi  
\q1 i̱na dindinaga gene dunini karu yania ho kogola hongohe wiaabo holebira.   
\q1
\v 4 I̱na wali agali mana ko biaga hearuhondo,  
\q2 Tíore mine nahe halimu, lalu  
\q1 wali agali balagala haga hearuhondo,  
\q1 Tíninaga mini yaraga nahe halimu.   
\q1
\v 5 Tígua tíni mandabi tingi howa mine nahalimu, lalu laragoni.   
\b  
\q1
\v 6 Wali agalime bialu karu manani dabaki bule  
\q2 ni tagira ibiragohayagi howabi ni paliragohayagi howabi  
\q2 uyurahayagi howabi unurahayagi howabi ndo ibaga.   
\q1
\v 7 Ngode Datagaliwabe ibunimeore daba ki biaga ka.\x + \xo 75.7 \xt 1 Sml 2.7, Iba 50.6, 147.6, Dan 2.21\x*  
\q1 Ibugua agali mendego mo dindiha halu mendego mo yaraga haga ka.   
\q1
\v 8 Anduane Homogohanda ibunaga gini gabo be mbira yu haga.  
\q2 Gabo be ogoniha ibunaga keba holene \w waini\w* iba ale biru to̱leda.  
\q1 Ibunime odope haragola wali agali ko biaga karume naiore haga.   
\b  
\q1
\v 9 I̱na horo bibahendengi Yagabanaga Ngode Datagaliwabe kagonaga mini lalu howa  
\q2 ibunaga mini yaraga halu iba gana lalu haabo holebero.   
\q1
\v 10 Ibugua wali agali ko biaga karunaga hongo bo ereba halu  
\q2 wali agali tigabi karunaga hongo holene ibugua mo tago halu timbuniore helolebira.   
\c 76  
\s1 Ngode Datagaliwabehanda wai bialu wayali haga ka lenego ogo  
\q1
\v 1 Yuda dindiha karu tigua Ngode Datagaliwabe ibu kaore lalu manda biai ho ka.  
\q1 Isaraele dindiha karubi tigua ibu mini leneore ka lalu mo yaraga haga ka.   
\q1
\v 2 Ibunaga anda Yarusalemeha ka.  
\q1 Ibu Hari Saiono kagoha haabo haga kagoni.   
\q1
\v 3 Ibu ogoniha howa ibugua waitigirunaga danda timuru bo gingirulo wahaya.  
\q2 Yandarerubi humbibi wai biagane ale dameneru bibahendeore  
\q2 ibugua bo gingirulo wahai haya.   
\b  
\q1
\v 4 Ngode Datagaliwabe-o í̠ wá holene taraore kegoni.  
\q1 Í̠ mini lene howa kini duniniore kegoni.  
\q1 Í̠ daligaore howa hari mini lene timbuni wedaru dindiha lowa  
\q2 í̠ bolanguahe daligaore kegoni.  
\q1 Hari uruniha howa í̠na waitigi baba wai bialu wayali halu dai bu kegoni.   
\q1
\v 5 Tigua ti baba wai bialu wayali hayarume  
\q2 ami agali hongohe hearunaga wai biagane mbirale karulo hayaru  
\q2 yu wahai hayiya.  
\q1 Ani bialu ti homaiore hayiya.  
\q1 Tinaga hongobi wai bulenaga mugube yu hayarubi  
\q2 bameore habane nabulene haya.   
\q1
\v 6 Yagabanaga Ngode Datagaliwabe-o í̠na tihondo bi hongo howa larigola  
\q2 tinaga nogo hosibi agali nogo hosini berearubi  
\q2 ti bibahende homai halu tingini dindini wima piyiya.   
\b  
\q1
\v 7 Anigo Ngode Datagaliwabe-o ina bibahende í̠hondo giore haga bu kamaruni ndobe.  
\q1 Í̠ keba ho kegola mbirali ai ibugua í̠naga deni íbu holobadabe.  
\q1 Mbirali naholebira ndobe.   
\q1
\v 8 Í̠ dahuliya andagaha howa wali agali ko birimi lalu latagi harigola  
\q2 ti bibahendeore hearume gi timbuni howa  
\q2 bi nale ema nabi haya.   
\q1
\v 9 Horo ogoningi wali agali marume mo ko hene hearu  
\q2 í̠na biamogo bule heyu hariya.   
\b  
\q1
\v 10 Agali keba timbuni haragome\x + \xo 76.10 \xt Har 18.11, Iba 65.7\x*  
\q2 wali agali maru karu tigua í̠naga mini mo yaraga helo haga.  
\q1 Agali waiha homa nabi karume  
\q2 í̠ mitangi bialu lotu lolene ngadagua lalu holebira.   
\b  
\q1
\v 11 Tígua Anduane Homogo tínaga Ngode Datagaliwabehondo  
\q2 mbirale mbira mule lalu lo wirimidagua  
\q2 ibuhondo miaore bilimu.  
\q1 Wali agali tara tara dindi kawareni kamiru  
\q2 tíguabi ibuhondo mbiraleru turu halu milimu.  
\q1 Ngode Datagaliwabehanda wali agali ibuhondo gi helo mo gi haga ka.   
\q1
\v 12 Ibugua kini mine haga karu mo dindiha halu  
\q2 kini maru dindi tara tarani karubi ibugua ti mo gi haga ka.   
\c 77  
\s1 Genda íbu wiyagola Ngode Datagaliwabe olenego ogo  
\q1
\v 1 I̱na Ngode Datagaliwabehondo hongo howa olalu kogoni.\x + \xo 77.1 \xt Iba 3.4, 142.1\x*  
\q1 I̱na ibuhondo bi larogo hale habe lalu olalu kogoni.   
\q1
\v 2 Genda anda ibirangi i̱na Anduane Homogohondo bi laruli.  
\q1 Mbiraga bibahendengi i̱na gi yaraga halu Anduane Homogohondo bi laruligoyu  
\q2 i̱ha mo palia holene nawi dege kogoni.   
\q1
\v 3 I̱na Ngode Datagaliwabe mitangi biaabo halu koria  
\q2 i̱naga bu miniha dugu bialu haruli.  
\q1 I̱na mitangitangi bialu mini hurula bialu kogola  
\q2 i̱naga miniha genda dege dindi ho haruli.   
\b  
\q1
\v 4 Ibugua i̱ palia hondo nahe mo yangayangabu helaga kagoni.  
\q1 I̱naga bu miniha genda yu kogome bi labe naheore kogoni.   
\q1
\v 5 Ainde i̱ni bamba bayale hama ibiniru mitangibu dai bialu haruli.  
\q1 Mali ala bolangua halu peneru mitangiore bialu haruli.   
\q1
\v 6 Mbiraga paluwa i̱na mitangitangi dege biruli.\x + \xo 77.6 \xt Iba 4.4, 42.8\x*  
\q1 I̱naga miniha mini hurula bu howa i̱nihondo bi ogobi laruli,   
\q1
\v 7 Anduane Homogohanda inahondo erembira ngialu haabo holebiradabe.  
\q1 Inahondo turu lone naholobadabe.   
\q1
\v 8 Ibugua ina dara howa gubalini haraligo hairi áyu kagonidabe.  
\q1 Ibugua buleore lalu bi lo wiyaru habo layadabe.   
\q1
\v 9 Ngode Datagaliwabehanda ina dara howa biamogo bulene embeda hayabe tobaheda.  
\q1 Ibunaga dara holene winigo ai keba holene wia aribia hayadabe, lo mitangi bu harugoni.   
\q1
\v 10 I̱na urunidagua mitangibu howa lalu, Ngode Datagaliwabe Daligaorene Daliga kago  
\q2 ibugua ina áyu pele ngulenego manga hayada.  
\q1 Ibu ogonibi haruada mitangi bialu  
\q2 i̱naga bu miniha tandaga timbuniore ho kogoni ndobe, larugoni.   
\b  
\q1
\v 11 Anduane Homogo-o biabe timbuni í̠na biriruni mitangibu dai bulebero.  
\q2 Bambaore í̠na mbirale tara nahendene ale bigi biriru mitangi budai bulebero.   
\q1
\v 12 Biabe bibahendeore í̠na biriru damene mitangi biaiore holebero.  
\q2 Í̠na biabe hongohe taraore bigi biriruni mitangi biai holebero.   
\b  
\q1
\v 13 Ngode Datagaliwabe-o í̠na bigi biriligo bibahende bayale tigabiore birili.  
\q1 Mbirale bi pupu wule dama mitangi bialu gime wabini ngaruni  
\q2 bibahendeore í̠ ale mbira nawiore.  
\q1 Í̠na uruni bolangua haihe kegoni.   
\q1
\v 14 Ngode Datagaliwabe-o mbirale nahendene ale agalime bibe nahe ngaru  
\q2 biai haga í̠ni hanguore kegoni.  
\q1 Bamba í̠na wali agali dindi tara tarani bu hearuhondo  
\q2 í̠ninaga hongo timbuni walia harigoni.   
\q1
\v 15 Yagaba Yosebelanaga aguanene  
\q2 í̠ninaga wali agali mani andaho aribia hene hearu  
\q2 í̠ninaga hongooreme pele mialu haru dai birigoni.   
\b  
\q1
\v 16 Ngode Datagaliwabe-o bamba iba berearume í̠ hondowa gi hai haya.  
\q1 Iba solowara timbuni berearumebi duru lalu biraya.   
\q1
\v 17 Beralibame iba dalu timbuniore ibira halu  
\q2 hari kilikulu timbuniore layuagobi  
\q2 hari daba migimege laga bialubi uruni bibahende biai haya.   
\q1
\v 18 Humbirini wai biyago dombeneha howa hari kilikulu timbuni lelarigoni.  
\q1 Hari daba migimege lelarigome dindi bibahendeha wá hagimbu biyagola  
\q2 dindi ogo mogo lalu dumbirumbi biagimbu biya.   
\q1
\v 19 Iba yaribu biyagoria í̠ni iba daligani pirigoni.  
\q1 Iba solowara timbuni bereagoha hariga bo wialu pirigoni.  
\q1 Í̠ penegoha ge ngane nahandabeheya.   
\q1
\v 20 Í̠ni haru haganeore howa bamba halu pirigola  
\q2 í̠naga wali agali í̠ talima ibagaya.  
\q1 Mosese Aronola haru haga helarigome  
\q2 libugua wali agaliru haru howa handayaho hayagoni.   
\c 78  
\s1 Ngode Datagaliwabe ibunaga wali agaliru baba bi lenego ogo  
\q1
\v 1 I̱naga wali agaliru-o i̱na tíhondo bi lawai harogo  
\q2 tígua bayuwa hale haiore halimu.  
\q1 I̱na bi larogo hale dugua halu baya hangu hale halimu.   
\q1
\v 2 I̱na bi yobageru hangu lolebero.\x + \xo 78.2 \xt Md 13.35\x*  
\q1 Mbirale nahendene ale tara tara bamba wia do ho winiru  
\q2 i̱na áyu garea lalu manane walia halu langulebero.   
\q1
\v 3 Bamba ina mamalirume te uruni inahondo langiyagola  
\q2 iname hale howa mandabu harima.   
\q1
\v 4 Iname nde bi uruni ina waneiginiruhondo lamia nabi ya do holene nakarulapeore.  
\q1 Anduane Homogonaga hongo timbuniorehe kagonagabi  
\q2 biabe hongohe damene binigonagabi agalime nabiaga ale bigi binigonagabi  
\q2 iname ina waneigini aguanene mani holebiraru lamuleberema.   
\b  
\q1
\v 5 Ibugua ibunaga bi mana lowinigo  
\q2 Isaraele wali agaliruhondo lamigi bini.  
\q1 Ibunaga mana bulene winigo Yagaba aguanenerume taluwa bialu helo lamini.  
\q1 Ibugua bamba ina mamaliruhondo lalu,  
\q2 Tígua tínaga waneiginihondo i̱naga bi mana ogoni lawai halimu, lalu lamini.   
\q1
\v 6 Tí waneigini aguaneru mani holobadarume hale halu lo manda bilo.  
\q2 Tigua ti waneiginiru maniore hama polobadaru lawai hama puabo haragola ti manda biai helobi lawai halimu, lene.   
\q1
\v 7 Tigua anidagua lawai hama puabo hayagua nde  
\q2 mani holobadaru tigua Ngode Datagaliwabehondo mini mbiraore wu halu  
\q2 ibugua biabe hongohe bialu henedaru embeda nahe yu haabo holebira.  
\q1 Yu haabo howa tigua ibunaga mana bulene ngaru taluwa bialu haabo holebira.   
\q1
\v 8 Tinaga mamalime ala bialu henedagua naholebira.  
\q1 Tinaga mamalime doga haga howa Ngode Datagaliwabenaga bi mo wahalu  
\q2 ibuhondo mini mbiraore hongo howa nawi halu  
\q2 mini bilina nahe hene.   
\b  
\q1
\v 9 Bamba Eberaimi hameigini tigua danda timu yandarerume  
\q2 wai hongo howa bule pialu hearia baya handala ibida piai hene.   
\q1
\v 10 Ngode Datagaliwabehanda habo nalolene bi lowinigo tigua habo lalu  
\q2 ibunaga bi mana bulene winirubi talialu bia nabi hene.   
\q1
\v 11 Ibugua tininaga deniore howa mbirale biyaru damenebi  
\q2 agalime nabiagane ale biyaru bibahendebi  
\q2 tigua embeda hai heneya.   
\q1
\v 12 Tinaga mamaliru Iyibi dindiha dindi emene mbira mini Soana wiagoria heagola\x + \xo 78.12 \xt Har 7.8–12.32\x*  
\q2 ti de hendeaore dege Ngode Datagaliwabehanda agalime nabiagane ale dewa biniya.   
\q1
\v 13 Ibugua iba solowara timbuni bereago mo bira li ni bilowa\x + \xo 78.13 \xt Har 14.21-22\x*  
\q2 Isaraele wali agaliru dombeni haru pene.  
\q1 Iba bira li ni biyagola iba ibuni bira amu nana bialu pabe ale hene.   
\q1
\v 14 Horombe ibuni hari beraliba mbiraha howa ti haru bamba halu\x + \xo 78.14 \xt Har 13.21-22\x*  
\q2 mbiraga ibuni ira hungu mbiraha howa ti haru halu pu bamba haga biniya.   
\q1
\v 15 Ibugua dindi ko iba naibaga wiagoria howa ege to̱le̱ bayagola\x + \xo 78.15 \xt Har 17.1-7, Dag 20.2-13\x*  
\q2 iba duguatagi helayagola wali agali ti iba ogoni nalu hene.   
\q1
\v 16 Ibugua ege to̱le̱ha howa iba ibilayagola  
\q2 iba timbuni piagagobi pupe halu piya.   
\b  
\q1
\v 17 Ibugua ani biyagolabi tigua Ngode Datagaliwabe kagohondo mana ko hangu bialu haabo haya.  
\q1 Dindi ko iba dalu naibaga wiagoha howa  
\q2 tigua Daligaorene Daliga kagohondo mine halu doga haabo haya.   
\q1
\v 18 Tigua Ngode Datagaliwabe ba handalu\x + \xo 78.18 \xt Har 16.2-15, Dag 11.4-23, 11.31-35\x*  
\q2 tomo ti hame timbuni layaru ibuhondo hongo howa ngi lalu haya.   
\q1
\v 19 Tigua Ngode Datagaliwabe mege bialu lalu,  
\q1 Ngode Datagaliwabehanda ina dindi ko ogoria kamagoha  
\q2 tomo dewa ngia ngulebadabe, lalu heneya.   
\q1
\v 20 Ibugua abale heneneore ege to̱le̱ bayagola  
\q2 iba bayale timbuni tagira ibilayagodago  
\q1 ai dindi ko ogoriabi nogo ega mberediru ngulene karulapedabe, laga bialu hene.   
\b  
\q1
\v 21 Tigua bi ogoni lalu heago hale howa  
\q2 Anduane Homogo ibu keba ho hene.  
\q1 Ibugua keba halu Yagaba aguane biaru bu heagoha ira hedope hene.  
\q2 Ani buwa ibugua keba ala hayago timbuniore ho hene.   
\q1
\v 22 Keba henedagoni irane tigua ibuhondo mini mbiraore nawiyagonaga ibu keba hene.  
\q1 Ti bayale holenaga ibuhondo ina pele ngi lalubi  
\q2 mini mbiraorebi nawiore hene.   
\q1
\v 23 Uruni biyadaruni waha lowa ibugua hari li kagohondo bi layagola  
\q2 hari haedene bialu henge winiya.   
\q1
\v 24 Ibugua hariha howa tomo ibira helayagola\x + \xo 78.24 \xt Yo 6.31\x*  
\q2 tomo ogoni dahuliya andaga tawe mini \w mena\w* ti nelo mini.   
\q1
\v 25 Tigua dahuliyalinaga tomo ogoni mialu nene.  
\q1 Ngode Datagaliwabehanda tihondo tomo dewaore miyagola  
\q2 ti nalu no karula pene.   
\q1
\v 26 Mani ibugua puyabu hongohe ni tagira ibiragohayagi howa puloyu ibilene.  
\q1 Ibunaga hongome dege puyabu dindi abene unurahayagi howa puloyu ibilene.   
\q1
\v 27 Ibugua ega dewaore be abalu dugupe haradagua bialu  
\q2 iba angeni iba mu wiradagua bialu  
\q2 ti heagoria odo ibira ibira bilene.   
\q1
\v 28 Ngode Datagaliwabehanda ega uruni ti heagoria ibira helalu  
\q2 ti balai anda bu hemigoha manda manda tagira wiaru bibahendeha biru mabu bilene.   
\q1
\v 29 Wali agali tigua tomo uruni nalu no karula pene.  
\q1 Mbirale uruni ngi lalu wali agalime dugu bialu hayaruni  
\q2 Ngode Datagaliwabehanda mini.   
\q1
\v 30 Tigua tomo uruni na nalu hayagoyu  
\q2 tinaga noa holene hame ereba nahe tomo na dege bialu heaore   
\q1
\v 31 Ngode Datagaliwabehanda tihondo keba timbuniore ho howa  
\q2 Isaraeleali miniwi hongohe bu hearubi  
\q2 igiri daliahe hearubi bibahende bo wahaiore hene.   
\b  
\q1
\v 32 Ngode Datagaliwabehanda tihondo agalime nabiagane ale uruni biyago hondowa  
\q2 wali agali bu hearume mana ko dege bialu haya.  
\q1 Tigua ibuhondo mini mbiraore nawi dege haya.   
\q1
\v 33 Tigua ani bialu heagola ibugua ti abaleore ne harigaha howa  
\q2 buhe̱ latagi haradagua bialu bo wahaiore hene.  
\q1 Ibugua ti heagoria ko gibi anda ibilayagome  
\q2 ti dindini holene winigo abaleore mo ereba ho wahai hene.   
\q1
\v 34 Ngode Datagaliwabehanda maru ani bo wahai hayago de hondowa  
\q2 maru hearume ibu mitangibu dai bialu tinaga mini beregedalu  
\q2 mini mbiraore wiai halu ibuhondo bi hongo howaore lalu hene.   
\q1
\v 35 Ngode Datagaliwabe ibunime ti haru hagaore howa\x + \xo 78.35 \xt Har 15.13, Man 7.8, Ais 41.14, 63.9\x*  
\q2 tigua ibu tinaga humbi ale ka lo mandabu hene.  
\q1 Ibu Daligaorene Daliga kago ibugua ti biamogo biagaore kalo  
\q2 manda bu hai hene.   
\q1
\v 36 Tigua ani manda biyagoyu  
\q2 tinaga ne harigaha howa ibuhondo bi henene ndo bame bi degeme lalu hene.   
\q1
\v 37 Tinaga bu miniha ibula mini hana haga nabi hene.\x + \xo 78.37 \xt Ab 8.21\x*  
\q1 Tigua ibunaga habo nalolene bi lo wiyaru  
\q2 pugualu ha dege bini.   
\b  
\q1
\v 38 Ani biyago bialu helowa Ngode Datagaliwabe ibugua ti dara howa  
\q2 tinaga ko wiago domo wahai halu ti bo wa nahe helene.  
\q1 Tigua ko biyago hondowa ibugua keba ho donge howa  
\q2 ibunaga mini haru haga bialu wahaga bini.   
\q1
\v 39 Ibugua mitangi budai bialu ti wali agali ha kagonigo\x + \xo 78.39 \xt Iba 103.14-16, Yo 3.6-8, Ya 4.14\x*  
\q2 ti bame puyabu mbira abaleore ibalu pu bolangua hagagobi dege kagonidalo mitangi bini.   
\b  
\q1
\v 40 Horo bibahendengi tigua dindi ko iba dalu naibaga wiagoha howa  
\q2 ibunaga bi mo wahalu ti doga haga hene.  
\q1 Tigua halu dewaore ibu mo genda haga bialu hene.   
\q1
\v 41 Tigua Ngode Datagaliwabe ba handalu haabo haga hene.  
\q1 Isaraelealinaga Ngode Datagaliwabe mini tigabi baya burugule kago  
\q2 tigua mo genda haga bini.   
\q1
\v 42 Tigua ibu hongo gibihe kago embeda halu  
\q2 ibugua ti waitigi giha hearia haru dai biyagobi mitangi nabi hene.   
\q1
\v 43 Ogoningi ibugua Iyibi dindiha dindi emene mini Soana wiagoria  
\q2 agalime nabiagane ale dewaore bialu hayagobi ti embeda hene.   
\q1
\v 44 Iba bibahende peago ibugua mo darama bume hai helayagola\x + \xo 78.44 \xt Har 7.17-21\x*  
\q2 Iyibi wali agali hearume iba nolene nawini.   
\q1
\v 45 Bunguna tawalina dewa ibilayarume ti hayaga bini.\x + \xo 78.45 \xt Har 8.1-6, 8.20-24\x*  
\q1 Yago dewabi ibilayagola yago biarume  
\q2 tinaga mabuha tomo hengearu mo ko hai hene.   
\q1
\v 46 Ngode Datagaliwabehanda pagaya ale tara dewa ti hearia ibilayagola\x + \xo 78.46 \xt Har 10.12-15\x*  
\q2 Iyibi wali agalirunaga mabuni tomo hengearu damene nai hene.   
\q1
\v 47 Ibugua dalu dindiguni timbuni ibilayagome\x + \xo 78.47 \xt Har 9.22-25\x*  
\q2 tinaga pu mbira lini daga mini \w gerebi\w* hearu  
\q2 bibahende bo gindulo wahaiore helene.  
\q1 Ira poge ale bu hearubi kewaro ibirahayagome  
\q2 bo gilo wahai helene.   
\q1
\v 48 Dalu dindiguni timbuni ibilayagome tinaga nogo bulumaga bo homelalu  
\q2 hari daba ibilalu nogo sibi damenerubi bo wahaiore helene.   
\q1
\v 49 Ibugua Iyibi wali agali biaruhondo keba timbuniore ha ho wiaabo halu  
\q2 dahuliyalirume ti mo ko holene tara tara ibilaga bini.   
\q1
\v 50 Ibugua ibunaga keba holene wanahe  
\q2 tiha warago timbuni mbira ibilayagome  
\q2 wali agali homa dege dindi hene.   
\q1
\v 51 Iyibi wali agalinaga igiri wahene damene bibahende bu hearu\x + \xo 78.51 \xt Har 12.29\x*  
\q2 ibugua homelo bo wahai hene.   
\b  
\q1
\v 52 Mani ibugua ibuni nogo sibi haru haga ale howa\x + \xo 78.52 \xt Har 13.17-22\x*  
\q2 ibunaga wali agali biaru haru tagira pialu  
\q1 dindi ko iba dalu naibaga wiagoha howa ibuni bamba halu  
\q2 hariga walia hama pene.   
\q1
\v 53 Ibugua ti haru halu piyagola\x + \xo 78.53 \xt Har 14.26-28\x*  
\q2 tiha gi holene mbira nawi howa bayaleore hene.  
\q1 Ti waitigi biaru dege iba solowarame bo nai helene.   
\q1
\v 54 Ibugua ti ibunaga dindi loma biaho wiagoha haru halu ibini.\x + \xo 78.54 \xt Har 15.17, Yos 3.14-17\x*  
\q1 Dindi ogoni dindi hari ibuninaga hongomeore mo wini.   
\q1
\v 55 Ibunaga wali agaliru haru ibalu howa\x + \xo 78.55 \xt Yos 11.16-23\x*  
\q2 wali agali tara tara dindi ogoriani hene bu hearu bo talia togolene.  
\q1 Dindi ogoni Isaraele hameigini bibahendehondo tu wa tahalu  
\q2 ibugua dindi andabi ti helo mo migi bini.   
\b  
\q1
\v 56 Ibugua ogoni biai hayagola\x + \xo 78.56 \xt Hgn 2.11-15\x*  
\q2 Isaraele wali agali tigua Ngode Datagaliwabe Daligaorene Daliga kagohondo doga howa  
\q2 ibu ba hendene.  
\q1 Tigua ibunaga mana bulene winigo talia nabi dege hene.   
\q1
\v 57 Tinaga mamalirume bamba bialu henedagua tiguabi nde doga howa  
\q2 ibunaga bi mo wahaga bialu hene.  
\q1 Wali agali uruni ti tiga nabiore timu yole ngaligobi hene.   
\q1
\v 58 Dama mitangi bialu mbirale gime wabini wiaruhondo bi pupu wulenaga anda bu helaga biyagome  
\q2 Ngode Datagaliwabe mo keba haya.  
\q1 Tigua dama mitangi bialu mbirale bi pupu wulenaga gime wabigi biyagome  
\q2 Ngode Datagaliwabe mo keba ha haya.   
\q1
\v 59 Ngode Datagaliwabehanda tigua mana bialu hearu hondowa  
\q2 ibu keba timbuniore ho howa  
\q2 Isaraele wali agali erembira mialu wahene.   
\q1
\v 60 Ibugua ibunaga \w Balai\w* Anda Silo tanoni heagobi wahene.\x + \xo 78.60 \xt Yos 18.1, Yar 7.12-14, 26.6\x*  
\q1 Anda ogoniha howa ibu wali agali dege dombeneha haabo haga henego  
\q2 wa dege hene.   
\q1
\v 61 Ina baba waitigi hearume ibunaga Habo Nalolene Bi lo winigonaga Mbogoyi biago\x + \xo 78.61 \xt 1 Sml 4.4-22\x*  
\q2 mo yalu pelo wahene.  
\q1 Mbogoyi ogoriani howa ibunaga hongo holenebi wá holenebi timbuniore  
\q2 tihondo walia haga wini.   
\q1
\v 62 Ibunaga wali agaliru baba keba timbuniho howa  
\q2 ti waitigime ibalu bo wahai helo yupe ho hene.   
\q1
\v 63 Igiri daliahe hearu waime bo wahai hayagola  
\q2 wandari mabuage berearu ti dabu bulene igiri mbira nahene.   
\q1
\v 64 Agali \w loma\w* binigo mo miaga hearu bo wahai hayagola  
\q2 ti oneme dara howa dugu bialu birulene henge nawini.   
\b  
\q1
\v 65 Aniore biagola Anduane Homogo ibu agali dagiani palene heyaradagua bialu  
\q2 agali hongoheme \w waini\w* iba dewa nalu bi hongo howa lagadagua lalu biya.   
\q1
\v 66 Ibugua waitigi hearu baba wai bialu ti bo talia dai bini.  
\q1 Ti bopeore hayagola tigua taga timbuni halu  
\q2 wai lone bibe nahe hene.   
\q1
\v 67 Yosebe aguanene bu hearu erembira mialu  
\q2 ibugua Eberaimi hameigini hearu ariabi mbira dabo hela nabi wahene.   
\q1
\v 68 Ti wahalu ibugua Yuda hameigini aria dabo helalu  
\q2 hari ibuniore gubalini ho haga Saiono biagobi dabene.   
\q1
\v 69 Hari hombene ogoriani ibugua ibunaga anda Dahuliya andagaha kagobi bini.  
\q1 Ibunaga anda ogoni hongohe  
\q2 dindi ogo hongohe ngagobi haabo helo  
\q2 ibugua bu helene.   
\b  
\q1
\v 70 Ngode Datagaliwabehanda ibunaga biabe biahaga helo Debidi dabaya.\x + \xo 78.70 \xt 1 Sml 16.11-12, 2 Sml 7.8, 1 Bit 17.7\x*  
\q1 Ibugua Debidi nogo sibiru haru haga hearia dabo helayiya.   
\q1
\v 71 Ngode Datagaliwabehanda Debidi ibu Isaraele wali agaliru haru haga kini helo dabo helayiya.   
\q1
\v 72 Debidi ibu mini tigabi howa wali agaliru haru haga hene.\x + \xo 78.72 \xt 1 Kin 9.4\x*  
\q1 Ibugua haru holene mugube yu howa  
\q2 ti baya hangu haru halu handayaho hayiya.   
\c 79  
\s1 Isaraele wali agali biamogo bilo Ngode Datagaliwabehondo bi la henego ogo  
\q1
\v 1 Ngode Datagaliwabe-o wali agali tara tara í̠ mitangi nabiaga karume\x + \xo 79.1 \xt 2 Kin 25.8-10, 2 Bit 36.17-19, Yar 52.12-14\x*  
\q2 í̠naga dindi wai bialu karulole íbu ka.  
\q1 Tigua anda í̠nagaore helo loma biaho helarigoha anda puwa mebia haya.  
\q1 Yarusalemebi mo ko halu bo gialo wahai haya.   
\q1
\v 2 Tigua í̠naga wali agali bo wahalu ega bodo hariawe aleme nelo  
\q2 tinaga tingini ngelalu pene.  
\q1 Í̠naga biabe biahaga wali agali hearu bo wahai hayagola  
\q2 nogo gabua bu hearume tinaga tingini nalu kagoni ndobe.   
\q1
\v 3 Waitigi biarume í̠naga wali agali biaru bo wahayagola  
\q2 uruninaga darama Yarusaleme tanoha iba poradagua pialu kagoni.  
\q1 Homayaru mo horo holene agali mbira naheoreya.   
\q1
\v 4 Hameigini tara tara ina kamagoria kaware bu karume  
\q2 ina mege buwa hondo oba halu bi koru laga bialu ka.   
\q1
\v 5 Anduane Homogo í̠na inahondo keba ho haabo holeberebe.\x + \xo 79.5 \xt Iba 85.5, Ese 38.19\x*  
\q1 Í̠naga kebago hongohe ira hungu ale dalu hundia nabulene kebe be agua bidebe.   
\q1
\v 6 Hameigini tara tara í̠ mitangi bialu lotu nalagabi í̠nihondo bi nalagabi karu  
\q2 tihondo keba hariyagua nde karulapeda.   
\q1
\v 7 Wali agali uruni tigua í̠naga wali agali hearu bo wahai halu  
\q2 í̠naga dindi andaru mo ko halu mo labu hai haya.   
\b  
\q1
\v 8 Inanaga mamalirume mana ko bialu hayagonaga pani nolene winigo  
\q2 inahondo nguleni nangibe.  
\q1 Ina mini dege dindi ho kamago hondowa dara halu  
\q2 inanaga mini mbiraore ngamago mo hongo habe.\x + \xo 79.8 \xt Iba 106.6, Ais 64.9\x*   
\q1
\v 9 Ngode Datagaliwabe-o ina pele ngiaga í̠ore kegoni.\x + \xo 79.9 \xt 2 Bit 14.11, Iba 25.11, 31.3\x*  
\q1 Í̠ mini leneore kegome ina mitangi bialu biamogo bibe.  
\q1 Iname ko birimaru domo wahalu ina haru dai bibe.   
\q1
\v 10 Hameigini tara tara bu karume lalu,  
\q2 Tínaga Ngode Datagaliwabe agoha kabe, laga bialu kago  
\q2 irane aginaga í̠na ti ani leledebe.  
\q1 Hameigini tara tara uruni tigua wali agali í̠naga biabe biahaga bu hearu  
\q2 bo wahai halu tinaga darama piyadagua tininaga darama ani pelo  
\q1 í̠na tini bo waharego ina hondole hamelo kama.   
\b  
\q1
\v 11 Garabaya andaha bu karume dugu biaruago hale habe.  
\q1 Waitigi bu karume inanaga wali agali garabaya karu  
\q2 ti homelo bolene nga layago nahomelo  
\q2 í̠ninaga hongo timbuni ngegome ti haru dai bibe.   
\q1
\v 12 Anduane Homogo-o waitigi agali uruni tigua í̠hondo bi ko laabo hayagonaga  
\q2 í̠na tihondo pani ka halu miadai bibe.   
\q1
\v 13 Í̠na ani beregola ina nogo sibi ale howa í̠naga wali agali bu kamarume  
\q2 í̠hondo ka̱i̱ laabo holeberema.  
\q1 Inanaga waneigini aguaneneru mani hama polobadaru tiguabi  
\q2 í̠naga mini yaraga halu hadege bulebira.   
\c 80  
\s1 Isaraele wali agalime Ngode Datagaliwabehondo bi lalu ti lone hongo howa holoma̱ya biamogo bibe lenego ogo  
\q1
\v 1 Isaraele wali agalinaga Haru Haga-o iname bi langeremaru hale habe.\x + \xo 80.1 \xt Har 25.22\x*  
\q1 Ina nogo sibi ale bu kamarunaga haru haga í̠ni kegonigo  
\q2 iname dugu bialu laramaru hale habe.  
\q1 Dahuliyali babaganehe kirali kago labo dindiha helowa  
\q2 í̠ni de handape howa handayaho kegoni.   
\q1
\v 2 Ina Eberaimi hameiginibi Beniyamini hameiginibi Manase hameiginibi bu kamaruhondo í̠ni mo walia halu  
\q2 í̠naga dara holene ogoni inahondo mo walia habe.  
\q1 I̱naga hongo holene timbuniore ngegoni mo walia halu  
\q2 ina bayale holoma̱ya biamogo bibe.   
\q1
\v 3 Ngode Datagaliwabe-o ina lone í̠ni keria haru dai bibe.  
\q1 Ina bayuwa holoma̱ya í̠naga dara holene walia halu  
\q2 ina biamogo bibe.   
\b  
\q1
\v 4 Anduane Homogo Ngode Datagaliwabe Hongo Haiheore-o  
\q2 i̱naga wali agali kamarume í̠hondo bi laramago hale howa  
\q2 í̠ dara nahe handa taraho kegoni dege  
\q2 keba haho wiaaboore hole kebe.   
\q1
\v 5 Dara holene ngirigo tomo ale nalu de iba ngirigo iba ale nalu kamagoni.   
\q1
\v 6 Hameigini tara tara ina baba mandagi handa a̱i na̱i palearume anda ibalu  
\q2 inanaga dindi wimago ti i̱ hole lowa garere bilo  
\q2 í̠na mo garere bia harigoni.  
\q1 Ani biyago handayagola inanaga waitigi bu hearume  
\q2 inanaga dongone hondo wahalu mege bialu hondo oba hayagoni.   
\b  
\q1
\v 7 Ani biyago Ngode Datagaliwabe Hongo Haiheore-o  
\q2 í̠naga dara holene walia halu ina lone haru dai bibe.  
\q1 Í̠na ina dara halu lone pu ereba naholoma̱ya haru daibu helabe.   
\b  
\q1
\v 8 Pu mbira lini daga mini \w gerebi\w* mbira Iyibi dindini hearia egene dogodo yalu ibuwa\x + \xo 80.8 \xt Ais 5.1-7\x*  
\q2 maru dindi ogoriani hene hearu dugu ba tagitagi buwa  
\q2 gerebi lini daga pu ogoni dugu ba tagi hariru henedagoria hongo aribia harigoni.   
\q1
\v 9 Gerebi lini daga pu ogoni ibu bayuwa anda helonaga hama ba a̱i̱ na̱i̱ buwa hangarigoni.  
\q1 Hengegola pu o biagoni anda halu  
\q2 pini dindiha unuraore dalipe halu bayaore anda hayagoni.  
\q1 Pu biagonaga yuni maganeru yulume hayagola  
\q2 dindi bibahende namulai hayagoni.   
\q1
\v 10 Ibunaga maganerume hari wiaru angua hai halu  
\q2 ibunaga maganeme ira tamia timbuni gibi hearu angua hai hayagoni.   
\q1
\v 11 Gerebi lini daga pu ogoni ibunaga magane yulu yalu pialu  
\q2 amu iba solowara mini Medidereniana bedagoria dogolo paga hayagoni.  
\q1 Ani bialu hoyulo yalu pialu puni Iba Yuberedisi poragoria yulu paga hayagoni.   
\q1
\v 12 Bayaore ani anda hayagoyu  
\q2 ai gerebi lini mabu ogoninaga pabe ho mabu biago aginaga podope haribe.  
\q1 Pabe biagoni podope hariyagome  
\q2 ai wali agali ti hariga o biagoniha pume halu  
\q2 gerebi lini do wiaruni bame gi dege palia habehe ngagoni.   
\q1
\v 13 Nogo gabua bu karume geme hengedo ngagola  
\q2 ema bialu piaga ale karume nama aribia halu kagoni.   
\b  
\q1
\v 14 Ani bidago Ngode Datagaliwabe Hongo Haiheore-o  
\q2 ainde lone mini wiadai bialu ina darabi o bu kamagoni  
\q2 lone daraho dai bibe.  
\q1 Í̠na Dahuliya andagani kegoni howa ina kamago de handadali halu  
\q2 ina biamogo bule ibabe.  
\q1 Irane ina í̠naga pu gerebi lini daga ale í̠nime hangarigo kamagoni.   
\q1
\v 15 Pu mbira lini daga mini gerebi biago í̠ninaga hongome hangarigoni  
\q2 ina o bu kamagonigo ina pele ngule ibabe.  
\q1 Pu o biagoni áyu dege hongone hongo halu anda helo  
\q2 mo anda harigonibi kamagoni.   
\b  
\q1
\v 16 Inanaga waitigi hearume gerebi lini daga pu biagoni dibupe howa ira bo delalu kagoni.  
\q1 Tigua ani bialu kago  
\q2 Ngode Datagaliwabe í̠na inanaga waitigi uruni handabe manga halu  
\q2 bibahendeore bo mburilai habe.   
\q1
\v 17 Uruni ani bo mburi lalu ina í̠ninaga waneigini holoma̱ya dabene biago kamaruni  
\q2 ina mo anda halu mo hongo harigoni kamago  
\q2 ai áyu ina de hondo halu biamogoore bibe.   
\q1
\v 18 Í̠na ani biamogo biriyagua iname í̠ helo wahalu lone napoleore beremagoni.  
\q1 Ani buleberemago í̠na ina hongohe helabe.  
\q1 Í̠na ani heledegola iname í̠naga mini mo yaraga halu haabo holeberema.   
\b  
\q1
\v 19 Anduane Homogo Ngode Datagaliwabe Hongo Haiheore-o  
\q2 í̠na í̠ni keria ina haru dai bibe.  
\q1 Ina nahome yo pialu poloma̱ya  
\q2 ina dara halu biamogo bibe.   
\c 81  
\s1 Turu halu mandagi ngoai howa lotu lolene horongi iba gana lenego ogo  
\q1
\v 1 Ina mo hongo haga Ngode Datagaliwabe kagohondo turu howa bi dalimu lama.  
\q1 Yagabanaga Ngode Datagaliwabe kagonaga mini yaraga halu  
\q2 iba gana lami̱ya.   
\q1
\v 2 Irabitele kilingele lalu bayuwa bami̱ya.  
\q1 Ga̱wa̱ ale yugulelerubi baya hangu hibu howa mo bila hama.   
\q1
\v 3 Ege pigane ngabu laragolabi ege do hanuni haragolabi\x + \xo 81.3 \xt Dag 10.10\x*  
\q2 turu halu mandagi ngoai howa lotu lolene horo tagira ibiragonaga  
\q2 biguliru pu lolene nga.   
\q1
\v 4 Ina Isaraele wali agalime mana bulene ngago ogoni.  
\q1 Yagabanaga Ngode Datagaliwabe ibunime mana ogoni bulene inahondo nginigo  
\q2 anidagua bulene nga.   
\q1
\v 5 Horo mbiru Ngode Datagaliwabe ibugua Iyibiali baba wai bu piyangi mana ogoni tehinuwa  
\q2 ina Isaraele wali agali kamaruhondo ngiya.  
\b  
\q1 Mbiralime bi mbira laruago hale kogo aiwa laruabe i̱ manda nabi ko.   
\q1
\v 6 Bi laruagome lalu,  
\q1 Tínaga payani mbirale gendabi yu harimiruni i̱na mo wahai haru.  
\q1 Tígua erekui biabe timbuni biaga kamiru  
\q2 dindini ibiraho ngeladaba laru.   
\q1
\v 7 Tígua genda yu howa i̱ olarimingi i̱na tí biamogo birugoni.\x + \xo 81.7 \xt Har 17.7, Dag 20.13\x*  
\q1 Hari kilikulu larago dombeneha howa  
\q2 i̱na tínaga bi larimigo hale haru.  
\q1 Bamba tí Meriba iba bereagoria hemingi  
\q2 i̱na tí ba handarugoni.   
\q1
\v 8 I̱naga wali agaliru-o i̱na tíhondo bi hongohe mbira langerogo hale halimu.  
\q1 Isaraele wali agaliru-o tígua i̱naga bi larogo hale halimulo hamelo kogoni.   
\q1
\v 9 Wali agali tara tara bu karunaga dama mitangi bialu mbirale gime wabini ngaru\x + \xo 81.9 \xt Har 20.2-3, Man 5.6-7, 32.12, Iba 44.20, Ais 43.12\x*  
\q2 tígua talima napilimu.  
\q1 Mbirale uruni alehondo bi pupubi nawilimu larogoni.   
\q1
\v 10 Anduane Homogo tínaga Ngode Datagaliwabe i̱ni hangu kogoni.\x + \xo 81.10 \xt Har 20.2, Iba 37.4, 107.9\x*  
\q1 Tí Iyibi dindiha hemiria i̱nioreme haru tagira ibirugoni.  
\q1 Tínaga ne harigaha tomo yaanda haga buliya ai ne ha̱ladaba larugoni.   
\b  
\q1
\v 11 I̱na bi larugola i̱naga wali agalime hale habe manga haya.  
\q1 Isaraele wali agali tigua i̱na bi larugo talialu bia nabi haya.   
\q1
\v 12 Tigua ani bialu heagola\x + \xo 81.12 \xt Yob 8.4, Ab 7.42, Lm 1.24-26\x*  
\q2 i̱na ti mini giambe haabo hayagola helo waharu.  
\q1 Wali agali urunime tini hameleago ale bialu helo  
\q2 yupe ho waharugoni.   
\q1
\v 13 I̱naga wali agali bu karume i̱naga bi hale helo i̱ hameore ledo.  
\q1 Isaraele wali agali tigua i̱na hameledogo talialu bilo hamelo kogoni.   
\q1
\v 14 Tigua anidagua bidale nde i̱na ti waitigi karu abaleore bope hai kole.  
\q2 Ti waitigi bibahende karu baba wai bialu bopeore hai kole.   
\q1
\v 15 Wali agali i̱ handabe manga haga karume i̱hondo gi timbuni howa  
\q2 i̱naga buha ibalu bulu palialu ge duli hanga ho bedale.  
\q1 Tigua ko biyarunaga pani nelo mirugoni nalu haabo kale.   
\q1
\v 16 I̱na tíhondo ladi ale mini widi bayaleore nalu halimulo ngialu  
\q2 irabuha mone tara dedarunaga ibanerubi nalu halimulo ngia dege berogola  
\q1 tígua karulapeore nalu kamile,  
\m lalu layuane hale haru.   
\c 82  
\s1 Ngode Datagaliwabe ibu Haguane Duniniore kago ogo  
\q1
\v 1 Dahuliya andagani dahuliyali hondo hagaru ngoai ho bedagoria  
\q2 Ngode Datagaliwabe ibuni duniniore howa haru ka.  
\q1 Ibugua dahuliyali o biarume bi lararu hale howa  
\q2 tinaga bi dabaki bialu lamiaga ka.   
\q1
\v 2 Ibugua lalu, Tígua godi dabaramiligo  
\q2 tigatiga ndo ke̱ howa daba ko haramiligo nahalimu.  
\q1 Tígua agali ko biaga karunaga laharamiligo wahalimu.   
\q1
\v 3 Tígua wali agali yagibano karubi waneigini ti ai̱ya abala homene karubi  
\q2 biamogo bialu halimu.  
\q1 Wali agali maru genda yu howa hako karubi hongo nahe karubi  
\q2 ti mitangi bialu tihondo mana bayale bialu halimu.   
\q1
\v 4 Wali agali uruni mbirale burupale howa  
\q2 ti agali ko biaga karunaga giha karia haru daibu helalimu.   
\b  
\q1
\v 5 Tí mini nawi howa manda nabiore bu kamigoni.\x + \xo 82.5 \xt Iba 11.3, 75.3\x*  
\q1 Tí ko biaga howa arumaha ibagabu kamigola  
\q2 wali agalime mana tigabi talialu bulene ngago nabiaga ka.   
\q1
\v 6 Tí dahuliyali howa\x + \xo 82.6 \xt Yo 10.34\x*  
\q2 Daligaorene Daliga i̱ kogonaga iginiore kamigoni ndobe laro.   
\q1
\v 7 Tí ani kamigoyu  
\q2 wali agali dindini karu homagadagua dege homoleberemi.  
\q1 Kini waneiginiru homagadagua dege tíbi homoleberemi, lene.   
\b  
\q1
\v 8 Ngode Datagaliwabe-o dindi bibahendeni wali agali bu karu  
\q2 handameho hole í̠ abale ibabe.  
\q1 Wali agali hameigini tara tara padaru bibahende í̠naga dege kagoni.   
\c 83  
\s1 Ngode Datagaliwabehanda Isaraele wali agali baba waitigi karu bope helo bi lenego ogo  
\q1
\v 1 Ngode Datagaliwabe-o í̠naga ne ndibulo nahabe.  
\q1 Í̠ore bi nale nahabe. Í̠ ema nabi nahabe.   
\q1
\v 2 Í̠ waitigi biarume í̠la wai bule kagoni de handa.  
\q1 Agali í̠ handabe manga haga karume í̠hondo doga halu kagoni.   
\q1
\v 3 Tigua bira do howa í̠naga wali agali mo ko holenaga  
\q2 ohowa ndindelalu kagoni.  
\q1 Í̠naga wali agali uruni í̠na handayaho haga kego  
\q2 mo ko hole miniha magoyu kagoni ndobe.   
\q1
\v 4 Tigua lalu, Isaraele wali agali bu karuni  
\q2 mani holobadarume abogo hene lalu manda nabilo bo wahai hami̱ya, lalu ka.   
\b  
\q1
\v 5 Tigua ogonidagua bulenaga mini mo mbiraore ho ka.  
\q1 Ti mandagiore howa í̠ bope hole kagoni.   
\q1
\v 6 Urunidagua bule haruaruni  
\q2 Idomoalirubi Isimaelealirubi  
\q2 Moabalirubi Hagarialirubi   
\q1
\v 7 Gebalailirubi Amonoalirubi  
\q2 Amalegealirubi Pilidialirubi  
\q2 Taialibi uruni bibahendeme í̠ bope hole kagoni.   
\q1
\v 8 Asiria wali agali tibi nde uruni baba hamagamagabu dege ka.  
\q1 Hameigini hongohe uruni tigua Lode aguanene Amonoalibi Moabalibi  
\q2 biamogo bule hamagamagabu ka.   
\b  
\q1
\v 9 Tigua anidagua bule kago í̠na uruni pani mialu\x + \xo 83.9 \xt Hgn 4.6-22, 7.1-23\x*  
\q2 bamba Midianalihondo biridaguabi  
\q2 Sisera Yabinialilahondo Iba Kisono poragoria howa biridaguabi bialu  
\q2 ti bo wahai habe.   
\q1
\v 10 Í̠na ogoningi Endoni tano howa agali bo wahai harigola  
\q2 tinaga tingini dindini wu togo bialu ngu biai haya.   
\q1
\v 11 Tinaga ami agali haru haga bu karuhondo\x + \xo 83.11 \xt Hgn 7.25, 8.12\x*  
\q2 í̠na abale agali Orebe Sebelahondo biridagua bibe.  
\q1 Tinaga agali haguane bu karuhondo í̠na Seba Salamunala bo waharidagua bo wahabe.   
\q1
\v 12 Agali uruni tigua lalu, Iname Ngode Datagaliwabenaga dindi ogo  
\q2 inanaga dindi dege ngelo karulami̱ya, layago bo waharigoni.   
\b  
\q1
\v 13 I̱naga Ngode Datagaliwabe-o agali uruni bo purogo lelalu  
\q2 be abalu taulotogo laradaguabi  
\q2 puyabume widi aeane yuniru pu lo yu purogo laradaguabi  
\q2 bialu bo taliatogo lelabe.   
\q1
\v 14 Irame irabu ngaru bo dai hagadaguabi  
\q2 dindi hombeneni dangi bu karu bo dagadaguabi   
\q1
\v 15 agali o bu karuni ti gi halu ibida purogo lelo  
\q2 í̠na iba dalu timbuni ibilalu  
\q2 puyabu hongohe ti kagoha pelo pelabe.   
\q1
\v 16 Anduane Homogo-o tigua í̠naga hongo hondowa taga halu  
\q2 í̠ni kegoha dai bilo í̠na ti bope hai habe.   
\q1
\v 17 Tigua í̠hondo gi timbuni ho haabo helo  
\q2 í̠na ti bope habelo hamelo kogoni.  
\q1 Tigua taga timbuni halu tini homade helo hameledogoni.   
\q1
\v 18 Í̠ni hanguore Anduane Homogo howa Daligaorene Daligabi kego manda bilobi\x + \xo 83.18 \xt Har 6.3, Iba 59.13, 92.8\x*  
\q2 í̠na dindi bibahendeha handameho howa  
\q2 í̠ni hanguore heneda lomanda biai helobi  
\q1 hame timbuni lo kogoni.   
\c 84  
\s1 Mbirali ibu Ngode Datagaliwabenaga andani hole hameore lenego ogo  
\q1
\v 1 Anduane Homogo Hongo Haihe-o i̱na í̠naga andaore gubalini timbuniore ho kogoni.   
\q1
\v 2 Í̠naga anda ogoniha i̱ ho palu holeneore hame timbuni lo kogoni.\x + \xo 84.2 \xt Iba 42.2, 63.1\x*  
\q1 I̱ mbirale marunaga hame nawigo  
\q2 Anduane Homogo í̠naga andaha holenegoorenaga hame bibahende ogoniha piai helowa kogoni.  
\q1 I̱naga minimebi tinginimebi bibahendeme i̱na turuore halu  
\q2 iba gana turubiru bibahendeorenaga holene tene  
\q2 Ngode Datagaliwabe haluhe kagohondo lo mialu kogoni.   
\q1
\v 3 Anduane Homogo í̠ Hongo Haihe i̱naga kinibi i̱naga Ngode Datagaliwabebi í̠ hangu kegoni.  
\q1 Ngode Datagaliwabe í̠naga andaha bo lomabu miaga dabu ngagoria  
\q2 ega emene yatagoberu anda bia para howa tini palu ngagoni.  
\q1 Tinaga iginiru ogoniha palelonaga ma palia kagoni. \fig Ngode Datagaliwabe í̠naga andaha bo lomabu miaga dabu ngagoria ega emene yatagoberu anda bia para howa tini palu ngagoni.|src="HK 7a.tif" size="1" ref="(84.3)" \fig*   
\q1
\v 4 Wali agali í̠naga andaha haga karu ti baya turubiore kagoni.  
\q1 Tigua turu howa í̠naga mini yaraga halu iba ganaru laabo halu kagoni.   
\b  
\q1
\v 5 Wali agali Hari Saiono kagoria pole turu howa kulo karu\x + \xo 84.5 \xt Iba 81.1, 86.11, 122.1, Yar 31.6\x*  
\q2 tinaga hongo holene tene í̠ kegonigo lowa  
\q2 uruni ti turu haaboho holebira.   
\q1
\v 6 Ti Hari Saiono pole pialu Baga dindi ulini iba nabere mbira ngagoria tagira poragola  
\q2 dindi yobi iba nabere wiyagoni ndo iba tagira ibulebira.  
\q1 Dindi ulini ngarunaga iba birumaga ladaga halu  
\q2 iba gendo ngarunaga iba dugutagi hagahaga bulebira.   
\q1
\v 7 Ti iba ani bedaria nama pialu ti hongo ho yalu polebira.\x + \xo 84.7 \xt Iba 42.2, Ais 40.31, Yo 1.16, 2 Ko 3.18\x*  
\q1 Ti Hari Saiono anda pialu howa Ngode Datagaliwabe karia hondolebira.  
\q1 Ngode Datagaliwabe ibu wali agalime bi pupu wule mbirale gime wabini heledaru ale ndo  
\q2 ibu daligaore gibi henedane ti hondolebira.   
\b  
\q1
\v 8 Anduane Homogo Hongo Haihe Ngode Datagaliwabe-o  
\q2 i̱na í̠hondo bi larogo hale habe.  
\q1 Yagabanaga Ngode Datagaliwabe-o  
\q2 i̱na bi larogo bayuwaore hale habe.   
\q1
\v 9 Ngode Datagaliwabe-o í̠nime inanaga kini helo dabo helene kagoni  
\q2 ibugua ina de hondo mamage haga kago  
\q2 í̠na ibuhondo bayuwa turubini dege bigi bibe.   
\b  
\q1
\v 10 Í̠naga andaha horo mbiru hangu andapu harogome\x + \xo 84.10 \xt 1 Bit 23.5, Iba 27.4\x*  
\q2 horo daosini mbira tagira maruha haroruni bolangua hai holebira.  
\q1 Ai wali agali mini kowi karu baba mandagi ti andagani palu holenego i̱ hame nale kogoni.  
\q1 I̱naga Ngode Datagaliwabenaga anda panga harabaniore heyu haabo hole hamelo kogoni.   
\q1
\v 11 Anduane Homogo Ngode Datagaliwabe ibu inanaga mamage haganebi inanaga kini howa wá haganebi kagoni.\x + \xo 84.11 \xt Iba 34.10, 85.9, Ais 60.19-20, Mal 4.2\x*  
\q1 Ibugua inahondo bayale turubini dege bigi bialu ina mo yaraga halu kagoni.  
\q1 Ibunaga deni wali agali mana tigabi hangu bialu haga karuhondo  
\q2 ibugua mbirale bayale ngaru mbira nangule nalaga kagoni.   
\q1
\v 12 Anduane Homogo Hongo Haiheore-o wali agali í̠hondo mini mbiraore wuwa  
\q2 í̠ni hanaho karu ti turuoreho kagoni.   
\c 85  
\s1 Ngode Datagaliwabehanda Isaraeleali haru dai bilonaga bi lenego ogo  
\q1
\v 1 Anduane Homogo-o í̠ninaga dindi ngago hondowa  
\q2 dara halu biamogo birigoni.  
\q1 Isaraele wali agali bayaleore helo  
\q2 í̠na ti mo bayale hodai bilarigoni.   
\q1
\v 2 Tiha ko wiaru domo wahalu  
\q2 tigua mana ko biyarubi domo wahai harigoni.   
\q1
\v 3 Bamba í̠na tihondo keba timbuni ho harigo wahalu  
\q2 í̠na tandagaore ala harigobi ai nahe kegoni.   
\b  
\q1
\v 4 Ngode Datagaliwabe-o inanaga Pele Ngiaga í̠ kego  
\q2 ina haru dai bibe.  
\q1 Inahondo kebaore holeni nahabe.   
\q1
\v 5 Inahondo keba ho haabo holeberebe.  
\q1 Í̠ keba ho kegoni ereba naholebirabe.   
\q1
\v 6 Ina wali agali kamaru turu holoma̱ya\x + \xo 85.6 \xt Hab 3.2\x*  
\q2 inanaga holene mo hongo habe.  
\q1 Í̠na ani beregola iname í̠naga mini yaraga halu holeberema.   
\q1
\v 7 Anduane Homogo-o í̠nime ina gubalini ho haabo kego  
\q2 hondoloma̱ya walia habe.  
\q1 Ina bayale holoma̱yabi í̠na pele ngialu haru dai bibe.   
\b  
\q1
\v 8 Anduane Homogo Ngode Datagaliwabehanda bi larago  
\q2 i̱na hale ho haga kogoni.  
\q1 Iname mana ko ala bialu harimadagua lone biadai nabi harimayagua  
\q2 ibugua ibunaga wali agali ina kamaruhondo mo paliaho holene ngialu  
\q2 bayale holoma̱ya helolebira.   
\q1
\v 9 Wali agali ibunaga mini mo dunini ho haga karu  
\q2 ibugua ti pele mialu haru dai buleore mandabu kagoni ndobe.  
\q1 Ibugua ina haru dai bialu inanaga dindi ngagoria  
\q2 ibunaga pele mulene ina heba mandagi wiaabo holebira.   
\b  
\q1
\v 10 Horo ogoningi Anduane Homogonaga gubalini holenebi mini bilinahe holenebi  
\q2 lola halu hogimbu bialu mbiraore holebira.  
\q1 Anduane Homogonaga mini tigabi wulenebi mo palia holenebi  
\q2 biamaga howa tiha wulebira.   
\q1
\v 11 Wali agali Anduane Homogohondo mini bilina ho haragome  
\q2 dindini howa hama iraga holebira.  
\q1 Ngode Datagaliwabenaga mini tigabiwi kagome  
\q2 dahuliya andaga howa handadali holebira.   
\q1
\v 12 Anduane Homogohanda ina mo bayale ho helaragola  
\q2 mbirale iname beremaru bayale hai holebira.  
\q1 Inanaga dindiha tomoru bayale andaho hai holebira.   
\q1
\v 13 Wali agali tigua mana tigabi biragome Anduane Homogo ibilonaga  
\q2 hariga mo manda mandabu wulebira.   
\c 86  
\s1 Anduane Homogohanda biamogo bilo bi lenego ogo  
\q1
\v 1 Anduane Homogo-o i̱na bi larogo hale howa ladai bibe.  
\q1 I̱ hongo nahe howa i̱ni biamogo bibe naheore kogo  
\q2 í̠na i̱ biamogo bibelo hamelo ko.   
\q1
\v 2 I̱na í̠ talima ibalu haga kogonigo i̱ homoligo  
\q2 pele ngialu abale gi mibe.  
\q1 I̱ í̠naga biabe biahaga howa í̠hondo mini mbiraore wu kogonigo  
\q2 í̠nime i̱ pele ngibe laro.   
\b  
\q1
\v 3 I̱naga Anduane Homogo í̠ni hangu kego  
\q2 í̠na i̱ dara howa biamogo bia habe laro.  
\q1 Egerebagi alendobi bibahendengi howa i̱na í̠hondo bi laabo haruli.   
\q1
\v 4 Anduane Homogo-o i̱na í̠hondo bi laabo haga kogonigo  
\q2 í̠naga biabe biahaga i̱ kogo mo turu habe.   
\q1
\v 5 Í̠ni bayale biaga howa iname ko birimaru domo wahaga ke.\x + \xo 86.5 \xt Neh 9.17, Iba 25.8, Yol 2.13, Yna 4.2\x*  
\q1 Wali agali í̠hondo bi laga karu  
\q2 tihondo í̠na gubalini timbuni haabo ho kegoni.   
\b  
\q1
\v 6 Anduane Homogo-o i̱naga bi larogo bayuwa hale haore bibe.  
\q1 I̱ biamogo bia lalu í̠ olalu kogo hale habe.   
\q1
\v 7 I̱ biamogo bia larogola í̠na i̱ biamogo biaga kego mitangi bialu\x + \xo 86.7 \xt Iba 17.6, 50.15, 77.2\x*  
\q2 i̱ genda yu kongi biamogo bia lalu í̠nihondo bi laruli.   
\b  
\q1
\v 8 Anduane Homogo-o í̠ni ale mende naheore bibahende bolangua haiheore kegoni.\x + \xo 86.8 \xt Man 3.24, 2 Sml 7.22, Yar 10.6\x*  
\q1 Biabe í̠na biriligodagua bulene agali mbira naheore.   
\q1
\v 9 Hameigini tara tara í̠nime wabu helariru bibahendeme\x + \xo 86.9 \xt Iba 66.4, Ais 66.23, Mo 15.4\x*  
\q2 í̠nihondo ge duli hanga hole ibuwa  
\q2 tigua í̠ timbuniore kego lalu í̠ninaga mini yaraga halu holebira.   
\q1
\v 10 Í̠ni hanguore hongo timbunihe howa\x + \xo 86.10 \xt Iba 72.18, Ais 44.6-8, Mg 12.29\x*  
\q2 mbirale baya gibi tara tara ngaru í̠nime biaga kegoni.  
\q1 Ngode Datagaliwabe henene í̠ni hanguore kegoni.   
\b  
\q1
\v 11 Anduane Homogo-o mana i̱na bialu holiya hamelo kego biawai habe.\x + \xo 86.11 \xt Iba 25.5, Yar 32.39\x*  
\q1 I̱na horo bibahendengi mini bilinahe howa  
\q2 í̠na laredagua bialu holiya ani biawai habe.  
\q1 I̱naga mini í̠ha paga howa í̠naga biabe biaabo halu holiyabi  
\q2 í̠na i̱ biamogo bigi bibe.   
\q1
\v 12 Anduane Homogo i̱naga Ngode Datagaliwabe-o i̱naga miniha howa  
\q2 í̠naga mini yaraga haabo holebero.  
\q1 Ngode Datagaliwabe í̠ timbuniorebi mini lenebi kego, lalu  
\q2 i̱na wali agali karuhondo lamiaabo holebero.   
\q1
\v 13 Bibahendengi í̠na i̱hondo gubalini ho haabo kegoni.  
\q1 Í̠nime i̱ homolilono pele ngialu haru dai birigome  
\q2 i̱ homalu humbirini andaga nape kogoni.   
\q1
\v 14 Ngode Datagaliwabe-o wali agali minehe bu karume  
\q2 i̱la wai bule íbu kagoni ndobe.  
\q1 Agali ko mendeali kago dara nahaga karume  
\q2 i̱ homelo bo wahole bialu kagoni.  
\q1 Uruni tigua í̠naga bi hale habe manga haga kagoni.   
\q1
\v 15 Tigua ani biagagoyu Anduane Homogo í̠na dara holene irane nawini  
\q2 dara holene timbuni í̠ha to̱ledagome keba abale nahaga kegoni.  
\q1 Í̠na ina gubalini timbuniore ho howa  
\q2 bi ledego lone lo iriari nabiagaore í̠ mini bilinahe kegoni.   
\q1
\v 16 Í̠na i̱ koria dai bialu dara habe.  
\q1 I̱ ai̱yahanda biabe biaga wiyadagua bialu kogonigo  
\q2 i̱ mo hongo halu pele ngibe.   
\q1
\v 17 Anduane Homogo-o í̠naga mana bayaleore biaga ngego  
\q2 i̱hondo walia habe.  
\q1 I̱ waitigi bu karume manane ogoni de hondowa  
\q2 í̠nime i̱ biamogo bialu mo hongo ho heledagonida lo manda bialu  
\q2 tini taga timbuniore ho holebirago helo ani bibe.   
\c 87  
\s1 Yarusaleme tano mo yaraga halu iba gana lenego ogo  
\q1
\v 1 Anduane Homogo ibugua ibuninaga tano mbira hari hombene loma bini winigoria bini.   
\q1
\v 2 Ibugua Isaraelenaga dindi maru bu ngaru gubalini ho kagobi ndo  
\q2 Yarusaleme tanoore gubalini timbuniore ho kagoni.   
\q1
\v 3 Ngode Datagaliwabenaga tano odagoriani wali agali bu kamiru-o  
\q2 Ngode Datagaliwabe ibugua tí lalu bi baya turubioreru mbira laga birago hale halimu.   
\b  
\q1
\v 4 Ngode Datagaliwabe ibugua ogodagua laya.  
\q1 Wali agali i̱naga bi larogo hale halu biaga karu damenego dagalama porongi  
\q2 i̱na Iyibi wali agalibi Babilonia wali agalibi dagalamaga dege holebero, leda.  
\q1 Pilidia wali agalibi Taia wali agalibi Idiobia wali agalibi  
\q2 uruni tibi Yarusaleme wali agali heba dege dagalamaga holebero, leda.   
\b  
\q1
\v 5 Yarusaleme tano lalu agua lolebira.  
\q1 Hameigini tara tara paluyu pedaru  
\q2 ti bibahendenaga dindi duniniore ogoni holebira, leda.  
\q1 Ngode Datagaliwabe Hongo Haiheore kagome Yarusaleme heyu helalu  
\q2 dindi ogoni hongoheore helo mo hongoho helolebira.   
\q1
\v 6 Anduane Homogo ibugua wali agali maru dindi tara tarani karunaga minibi gili buwa  
\q2 Yarusaleme wali agalinaga minibi heba gilibumaga howa daga lamaga holebira.   
\q1
\v 7 Yarusaleme wali agali bu karume turuore howa iba gana lalu,  
\q1 Iname mbirale bayale bayale yu kamarunaga tene Yarusalemeha ngagoni, lalu holebira.   
\c 88  
\s1 Ngode Datagaliwabehondo biamogo bia lalu olenego ogo  
\q1
\v 1 Anduane Homogo Ngode Datagaliwabe-o i̱naga pele ngiagaore í̠ni kegoni.  
\q1 Horo bibahendengi i̱ biamogo bia lalu olaabo haruli.  
\q1 Mbiraga ngagoha howabi í̠hondo bi laabo haruli.   
\q1
\v 2 I̱naga bi larogo hale ha.  
\q1 I̱ pele ngi lowa olalu kogoni hale habe.   
\b  
\q1
\v 3 I̱ha genda damene dewaore íbu ngagome  
\q2 i̱ homolene kawareni pu kogoni ndobe.   
\q1
\v 4 I̱naga hongo holene ereba hai halu  
\q2 i̱ agali áyu dege homole bu karu ale homole kogonida.   
\q1
\v 5 Tigua i̱ yu wahayagola agali homeneru baba mandagi kogonida.  
\q2 I̱ agali marume bo wahalu pene ale howa  
\q2 homaliha wiradagua bidogoni.  
\q1 Agali mbira mbirali abogo lalu embedaho wahene  
\q2 biamogo bibe nahe aibe tobahe hagadagua i̱ haruda laro.   
\q1
\v 6 Í̠na i̱ gundu uli timbuni unuraore arumahe wiagoha bape ho waharigonida.   
\q1
\v 7 Í̠naga keba holene timbuni wigome i̱ dambi halu  
\q2 iba solowara timbuni bedagome dambi haradagua bu heledegonida.   
\b  
\q1
\v 8 Í̠na i̱naga nenegerume i̱ erembira ngialu piai heledegonida.  
\q1 Í̠na i̱ mo koorene ko howa hiriri bini heledegola  
\q2 tigua i̱ handa tara haga ka.  
\q1 Í̠na ani bidegome i̱ dariba ho heledegola  
\q2 hadalu pobe nahe kogoni.   
\q1
\v 9 I̱ genda yu kogome i̱naga de ko halu au hara.  
\q1 Anduane Homogo-o i̱na horo bibahendengi i̱naga gi yaraga howa í̠ olalu  
\q2 i̱ biamogo bia lalu haabo kogoni.   
\b  
\q1
\v 10 Í̠na wali agali homene ngaru mo heya halu  
\q2 agalime nabiagane aleru birilibe.  
\q2 Wali agali homenerume lone heyu howa í̠naga mini yaraga hagabe.   
\q1
\v 11 Wali agali homaliha ngarume, Í̠na gubaliniore ho kegoni, lagabe.  
\q2 Dindi mo ko heneha karume, Í̠ mini bilinahe kego, lagabe.   
\q1
\v 12 Arumaha karume í̠na agalime nabiaga ale biriliru de handagabe.  
\q2 Dindi ina embedaho waheneha pu karume  
\q2 í̠na mana bayale tigabi bereru de handagabe.   
\b  
\q1
\v 13 Anduane Homogo-o í̠na i̱ biamogo bibelo í̠ olalu ko.  
\q2 Egerebagi bibahendengi i̱na í̠hondo bi lalu haabo haruli.   
\q1
\v 14 Bi ani laruligo Anduane Homogo í̠na irane aginaga i̱ erembira ngialu kebe.  
\q1 Í̠na irane aginaga i̱ handa tara halu ha do kebe.   
\q1
\v 15 Bamba i̱ igiri emeneni hewangi genda dege yama ibalu henego  
\q2 áyu nde homolene kawareni haabo kogoni.  
\q1 Í̠na i̱ pani ngirirume i̱naga hongo holene bo pirilape henego kogoni ndobe.   
\q1
\v 16 Í̠naga keba holene timbuni ngegome  
\q2 i̱ bo dambi henego kogoni.  
\q1 Í̠na i̱hondo pani ngirigo nguwa dege babi bo baulo waharigoni ndobe.   
\q1
\v 17 Horombe mbiragabi urunidagua biaabo harigola  
\q2 iba li timbuni ibalu bibahende dambi hai hagadagua kome i̱ bo dambi helarigoni.  
\q1 Dindi bibahendeha howa waitigime i̱ bole ho mabu bu hagadagua  
\q2 ko dewa uruni i̱ koria ibaabo haga.   
\q1
\v 18 I̱naga nenegealiore hearume i̱ erembira ngialu í̠na piai helarigola  
\q2 ainde i̱naga nenege aruma holene dege ngeledegonida.   
\c 89  
\s1 Isaraele wali agali ti dindiha íbu ngangi tigua iba gana laga winigo ogo  
\q1
\v 1 Anduane Homogo-o í̠na ina gubalini haho wiaaboore haga kegonaga\x + \xo 89.1 \xt 1 Kin 4.31\x*\x + \xo 89.1 \xt Iba 101.1\x*  
\q1 i̱na iba ganaru lalu laaboore holebero.  
\q1 Í̠na mbirale mbira bigi bulebero lalu lowirigo pugua nabi biaiore haga kegonaga lalubi  
\q2 i̱na latagi halu laaboore holebero.   
\q1
\v 2 Í̠naga wali agali gubaliniho haga kegoni haho wiaaboore holebira manda bido.  
\q1 Í̠na bi lo wigi bideruni mbira lo aribia halu mendeale nalagaore  
\q2 hari ema bibe nahe li de hendedemagobi hongohe wiaabo ho ngagoni.   
\q1
\v 3 Í̠na lalu, I̱na agali mbira dabenego ogoni ibula habo nalolene bi mbira lowinigo ngo, lariyagoni.  
\q1 I̱naga biabe biahaga Debidihondo bi lowirigo pugua nabulebiraore lalu lamido, lariyagoni.   
\q1
\v 4 Isaraele wali agalinaga kini maha hama polebiraru bibahendeore  
\q2 Debidi í̠ha howa tagira pene hangume haga bulebira.\x + \xo 89.4 \xt 2 Sml 7.12-16, 1 Bit 17.11-14, Iba 132.11, Ab 2.30\x*  
\q1 Hameigini mendeme hapugua nabulebiraore, lamiriyagoni.   
\b  
\q1
\v 5 Ani laga biriyago Anduane Homogo-o dahuliyali dahuliya andagani bu karume  
\q2 í̠na mbirale baya gibi hangu bigi biriligonaga laga bialu  
\q2 turu howa iba ganame í̠naga mini mo yaraga halu kagoni.  
\q1 Anduane Homogo í̠ mini bilinahe howa mbira bulebero lo ngego biagaore kegonaga lalu  
\q2 iba ganaru tigua laga bialu kagoni.   
\q1
\v 6 Anduane Homogo-o dahuliya andagani bu karuni í̠ ale mbira nahe.\x + \xo 89.6 \xt Iba 40.5, 86.8, 113.5\x*  
\q1 Dahuliyali bu karunibi í̠ ale mbira naheore.   
\q1
\v 7 Dahuliyali haguane tini dege dege ngoaiho biruwabi  
\q2 tigua Anduane Homogo í̠ hondowa gi timbuniore haga ka.  
\q1 Dahuliyali Anduane Homogo í̠ ho mabubu haga karu  
\q2 tibi nde gi timbuni howa pandi hinu haga kagoni.   
\b  
\q1
\v 8 Anduane Homogo Ngode Datagaliwabe Hongo Haiheore-o  
\q2 hongo gibiorehe í̠ kegobi mbirali naheore.  
\q1 Anduane Homogo-o í̠na mbirale mbira bule ledego lo beregeda nabi biaore biaga howa í̠ mini bilinahe kegoni.   
\q1
\v 9 Iba solowara hongohe bedaru í̠na de hondo haga kegoni.  
\q1 Iba solowara ibu yaribu hongohe bialu bi lalu li̱le̱ laragola  
\q2 bi nale ema nabi berelo í̠na mo palia haga kegoni.   
\q1
\v 10 Iyibi wali agalinaga hongo holene tene gibi biago bo podalu  
\q2 bibahende mo ko haiore harigoni.  
\q1 Í̠naga hongo holene gibime í̠naga waitigi hearu bibahende bope hai harigoni.   
\q1
\v 11 Dahuliya andagabi dindi bibahendebi í̠ninaga dege nga.\x + \xo 89.11 \xt 1 Bit 29.11, Iba 24.1-2, 50.12\x*  
\q1 Í̠nime dindi timbuni ogo wabialu mbirale bibahendeore dindini wilo wabu wiriyarunibi  
\q2 í̠ninaga dege o bu ngaruni.   
\q1
\v 12 Mbirale uyurayagi ngarubi karubi unurayagi ngarubi karubi bibahendeore í̠nime wabini nga.  
\q1 Hari Tabo Hari Hemonolame Anduane Homogo í̠hondo turuore gibi halu iba gana lo ngiragoni.   
\q1
\v 13 Anduane Homogo í̠ hongo gibiorehe kegoni nde aguada.  
\q1 Í̠naga hongo holenego magi manda bibe nahe hongo gibiorehe kegoni aguadabe.   
\q1
\v 14 Í̠ kini howa wali agali bibahende haru kegonigo  
\q2 mana tigabi bulenenibi mana tigatiga dabolenenibi  
\q2 tiagaho biruwa haru kegoni.  
\q1 Í̠na mbirale bibahende bigi beregoria  
\q2 í̠naga gubalini holenebi mini bilinahe howa bulebero laridagua bulenegobi  
\q2 walia haabo halu haga kegoni.   
\b  
\q1
\v 15 Wali agalime í̠ duniniore kego mitangi bialu í̠hondo iba gana lo ngiaga karu  
\q2 ti í̠naga dara halu biamogo buleneni ibagabu ka.  
\q1 Wali agali uruni ti wá holeneha ibagabu haradagua bidago ti turuore au ho haruadabe.   
\q1
\v 16 Anigo í̠na tihondo baya turubini dege bigi bialu kegonaga  
\q2 tigua egerebagibi alendobi mbiragabi  
\q2 bibahendengi í̠naga mini mo yaraga halu haabo kagoni.   
\q1
\v 17 Inanaga hongo holene tene í̠ kegonaga iname í̠hondo turu timbuniore ho kama.  
\q1 Inanaga waitigi karu baba wai bialu kamaria  
\q2 í̠na ina gubalini halu dara howa  
\q2 wai buluma̱ya mo hongo haregola  
\q2 inanaga waitigiru bope halu ina wayali haga beremali.   
\q1
\v 18 Anduane Homogo-o í̠na waitigime bolilono ina mamage holene mbira í̠nime dabo helariya.  
\q1 Í̠ mana bayale tigabiorego hangu biaga ina Isaraele wali agalinaga Ngode Datagaliwabe baya buruguleore kegoni.  
\q1 Inanaga kini mbira ina haru helogo í̠nime ngirigoni.   
\b  
\s1 Ngode Datagaliwabehanda Debidihondo buleore lalu bi lowinigo ogo  
\q1
\v 19 Ala bambaore í̠na í̠naga biabe biahaga mini bilinaheore heago  
\q2 de gandeba mbira hendelo mialu  
\q2 de gandeba ogoniha howa í̠na bi ogodagua lariya.  
\q1 Wai biagane ami agali mini lene mbira i̱na dabaru.  
\q2 Wali agali bu hearu helowa ibu hangu dabalu  
\q2 ibunaga haguaneni kininaga manda mo karula haru.  
\q1 Karula howa haru haga kininaga dagiani berelaru, lariya.   
\q1
\v 20 I̱naga biabe biahaga Debidi hearia hondowa\x + \xo 89.20 \xt 1 Sml 13.14, 16.12, Ab 13.22\x*  
\q2 i̱na ibu tinaga kini helo dabo helalu  
\q2 weli loma binime ibu haguaneni odo wiru.   
\q1
\v 21 I̱na ani buwa i̱naga hongo holene ibu heba haaboore helolebero.  
\q2 I̱naga gime ibu mo hongo harogola ibu hongoheore haabo holebira.   
\q1
\v 22 Ani berogola ibunaga waitigirume ibu baba wai bialu  
\q2 ibu bope halu mo taga habe nahe holebira.  
\q1 Wali agali mini kowi karumebi ibu minupe habe naheore holebira.   
\q1
\v 23 I̱na ibunaga waitigi karuni geme hengedo mbaraho wahalu  
\q2 i̱naga kini ogoni handabe manga haga karuni bibahende homelo bo wahai holebero.   
\q1
\v 24 I̱na ibu gubalini timbuniore halu ibu heba haho wiaaboore holebero.  
\q1 Ibugua ibunaga waitigiru baba wai bigi birangi  
\q2 ibu wayali hangu haabo helolebero.   
\q1
\v 25 Dindi iba solowara mini Medidereniana bedagoria howa wima pialu  
\q2 iba timbuni mini Yuberedisi poragoria wiape kagoni  
\q2 bibahendeore Kini Debidi ibunaga halu ibugua handa gimbu bilo mulebero.   
\q1
\v 26 I̱na ani berogola ibugua i̱hondo ogodagua lolebira.  
\q2 I̱naga ababi i̱naga Ngode Datagaliwabebi í̠ kegoni.  
\q1 I̱ de handayaho howa mamage hagabi  
\q2 i̱naga pele ngiagabi í̠ hangu kegoni, lolebira.   
\q1
\v 27 I̱na ibu i̱ igini wahene helolebero.\x + \xo 89.27 \xt Mo 1.5\x*  
\q2 Kini maru karubi ndo ibu mo duniniore helolebero.   
\q1
\v 28 I̱naga gubalini haho wiaabo kogome ibu yu wa naholebero.  
\q2 I̱na ibula habo nalolene bi lo wuleberogo  
\q2 bi ogoni pugua nabi wiaabobo bu wilonaga lo wulebero.   
\q1
\v 29 Bibahendengi ibu damene hangume kini haabo holebira.  
\q1 Isaraelenaga kini hameigini mendeme ha pugua nabi  
\q2 Debidi ibuniha howa tagira pene hangume ho aribia haga biaabo holebira.  
\q2 Hari damindini haabo hene li kadagua haaboore hama polebira.   
\b  
\q1
\v 30 Ani ani bulebirago ai mani Debidi ibunaga aguanene hama porarume  
\q2 i̱na mana lo ngogo hale halu bia nabi mo wahalu  
\q2 i̱na bilimu lalu bi ledodagua nabiyaguabi   
\q1
\v 31 i̱na bi laga berogo hale howa mo yo handaga bialu  
\q2 tigua i̱naga erembira ngialu puguabo hayaguabi   
\q1
\v 32 nde i̱na tigua ko biraruni ilu wu ha dege buwa pani mulebero.  
\q2 Tigua mana liahe dewaore biyagonaga tandaga nalu howa manda bilo  
\q2 i̱na gewa tibume mana lalu bolebero.   
\q1
\v 33 Ani ba boleberogoyu  
\q2 i̱na Debidi gubaliniho kogoni nde ogoningibi gubalini haho wiaaboore holebero.  
\q1 I̱na ibu yu wanahe ibuhondo habo nalolene bi lo wirugobi pugua nabulebero.   
\q1
\v 34 I̱na ibula habo nalolene bi lo wirugobi napugulebero.\x + \xo 89.34 \xt Dag 23.19, Man 7.9, Yar 33.20-21\x*  
\q1 Bulebero lalu lo wirugo ariabi mbiraore hangubi habo nalolebero.   
\b  
\q1
\v 35 I̱ Ngode Datagaliwabe mana bayale tigabioreru hangu biaga kogo howa  
\q2 habo nalolene bi ogoni lo wirugoni.  
\q1 I̱na bi halu mbira hangu lo ngogoni mani wia ai̱ai̱ bilonaga lo ngeledogoni.  
\q1 I̱na Debidihondo bi lowirugo ke̱ halu habole naloleberoore.   
\q1
\v 36 Debidinaga aguanene ti ho tawe hama puaboore holebira.  
\q1 Kini Debidinaga haru holene ngagoria  
\q2 ibunaga aguanene maha hararu mbiragome mia aribia haga bima piaho ngane  
\q2 honani dalu haho ngadagua  
\q2 tigua wali agali haru haho wiaaboore holebira.  
\q1 Ti ani haru helonaga i̱na handayaho holebero.   
\q1
\v 37 Kini Debidi ibu ariame dege wali agali haru haho ngane  
\q2 ege mbiraga tagira ibuwa dalu wáho kalidagua haru haaboore holebira.  
\q1 Ege li harini kagonime mbirale bibahende de handai ho howa  
\q2 wali agali bibahendehondo i̱na bi lo ngoruni  
\q2 henene hanguore leda lalu lo pana haga ege ibu li harini kagoni.   
\b  
\s1 Kininaga waitigirume ibu bope hayagola dugu binigo ogo  
\q1
\v 38 Anigo áyu í̠naga kini í̠nime dabo helarigo ibula kebaho kegoni.  
\q2 Kini ibuni hangu helo wahalu í̠ erembira mialu pedegoni.   
\q1
\v 39 Í̠naga biabe biahaga biagola habo nalolene bi lo wirigoni í̠nime puguarigoni.  
\q2 Pugualu kininaga manda golo muwa waruha ba horo helarigome  
\q2 ai kininaga manda biagoni mebia halu angu to̱lobu wahayagoni.   
\q1
\v 40 Ibunaga tanonaga ege pabe biaruni gialo payabu waharigome  
\q2 ai ibunaga anda hongohe bu helearuni bibahende mo ko hai hayada.   
\q1
\v 41 Ani bidagola ibunaga dabudabu panigi bu payabu ngaria  
\q2 wali agali hariga puíbu birarume mo page yalu pugu bira.  
\q2 Wali agali ibula mandagi handa ai̱ na̱i padarume ani birago handaragola  
\q2 ibuhondo mege bialu oba halu kagoni.   
\q1
\v 42 Í̠na ibunaga waitigirume kini biagoni balu bope helalu  
\q2 waitigi biaru ti miniha turu halu mambolo bama pelariyagoni.   
\q1
\v 43 Kini biagonaga wai biagane ami agali hayarunaga hongobi  
\q2 tinaga wai biagane ale wiaru bibahendenaga hongobi  
\q2 pirilipe hai helariya.  
\q1 Ibu wai bialu hearia bope helalu dari helariyagoni.   
\q1
\v 44 Ani helalu ibu kini howa wali agali haru haga hayagoni ogoningi hairi helalu  
\q2 ibuni dindiha minupeho berelariyagoni.   
\q1
\v 45 Í̠na ibunaga mali gadia dai bialu ibuni abaleore mo agali wahe helarigome  
\q2 ibu mo taga holene gibioreme dambiho heledegoni.   
\b  
\s1 Ngode Datagaliwabehanda ibu gi milo ibuhondo bi lenego ogo  
\q1
\v 46 Anduane Homogo-o í̠ ha do ho kegoni nde ani haaboore hole kebe.  
\q1 Í̠naga keba holene gibi  
\q2 ira daradagua dalu kagoni dairi agoangi holebirabe.   
\q1
\v 47 Anduane Homogo-o ina wali agali dindini bu kamaruni  
\q2 nde lu ndo emene tigimandi hangu halu  
\q2 homaga kamagonidago manda bibe laro.  
\q1 Í̠na ina bu kamaruni wabiriyago  
\q2 áyu nde ina bibahende bu kamaruni mini homa biago kamago  
\q2 homalu ereba hai hole kamagonidago manda bibe.   
\q1
\v 48 Mbirali nahome haho wiaaboore holego ai kabe.  
\q2 Mbogoyi heba uliha yaanda haragola i̱ mangabago  
\q2 heyalu poro labehe mbirali ai kabe.   
\b  
\q1
\v 49 Anduane Homogo-o ainde agua berebe.  
\q1 Ai áyu ina gubalini naheore kebe.  
\q2 Debidihondo habo nalolene bi lo wialu  
\q2 ogoale bulebero lo wigi biriruni agua buleberebe.   
\q1
\v 50 Anduane Homogo-o í̠naga biabe biahaga o kogo nde mitangi bibe.  
\q2 Wali agali í̠ mitangi nabiaga bu karume i̱ mege bialu kagoni.  
\q1 Tigua i̱hondo bi ko tara tara lalu  
\q2 tandaga ngiragola i̱ genda yu howa dongeho haruli.   
\q1
\v 51 Anduane Homogo-o í̠na i̱ kini holiya dabo helarigoni kogola  
\q2 í̠naga waitigi karume i̱hondo bi ko lalu ka.  
\q1 I̱ porogoha bayale mbira nawi  
\q2 i̱ mege bialu mo ko haga karia dege iraga haga bialu kogoni.   
\b  
\q1
\v 52 Iname Anduane Homogonaga mini mo yaraga haaboore halu hami̱ya hameledo.  
\q1 Ani bilo. Aniore bilo laro.   
\c 90  
\s1 Mbiralime Ngode Datagaliwabehondo bi lenego ogo  
\q1
\v 1 Anduane Homogo-o í̠ inanaga andaore haradagua bidegoni.\x + \xo 90.1 \xt Man 33.27\x*  
\q1 Inanaga mamali heneyaru tibi í̠ha dege howa heneyago  
\q2 ai áyu inabi í̠ha dege howa bu kamagoni.   
\q1
\v 2 Dindini hari wedarubi nawe howa mbirale bibahende dindini ngarubi nawabi howa\x + \xo 90.2 \xt Min 8.25-26\x*  
\q2 Ngode Datagaliwabe í̠niore ala haabo heneyago  
\q2 áyubi haabo kego manibi haho wiaaboore hole kegoni.   
\b  
\q1
\v 3 Wali agali bu kamaruni homalu lone dindi tagobi lelariligoni.  
\q1 Í̠na inahondo, Dindi wali agali bu kamiruni tí dindime wabinigo homalu  
\q2 lone dindiho dai bilimu, lalu kegoni.   
\q1
\v 4 Iname mali daosini (1,000) mbira bolangua hayago lu laramaligo\x + \xo 90.4 \xt 2 Pi 3.8\x*  
\q2 í̠na ogoni lu ndo bame abe harimago handaradagua birili.  
\q1 Mbiraga agalime mamage ho ariari bialu  
\q2 mbiraoregome mamage tigimandi haraligobi tigimandidane handaga kegoni.   
\q1
\v 5 Iba li ibalu wali agali hiliyalu poragola iba nalu homagadagua  
\q2 í̠na wali agali hiliyalu pirili.  
\q1 Ina emene tigimandi hanguni emaga handaradagua bialu halu homaramali.  
\q1 Ina egerebagi tani mbira áyu dege delatagi howa   
\q1
\v 6 ala anda haga bialu lini dalu  
\q2 ni handaragola yo bialu  
\q2 alendo gaulo daga hagadagua ina ani bialu kamagoni.   
\b  
\q1
\v 7 Í̠na inahondo handabe mangaho kegonaga  
\q2 iname í̠ hondowa gi timbuniore ho kamagoni.  
\q1 Í̠naga keba holeneme ina handayaho kegome  
\q2 ina bibahende do ereba hai haramagoni.   
\q1
\v 8 Inanaga mana ko tara tara beramaliruni  
\q2 bibahendeore í̠ de handaiho kegoni.  
\q1 Mana ko maru ohowa bia do hene birimarubi  
\q2 bibahendeore í̠ deni panigi mo ngelowa kegoni.   
\b  
\q1
\v 9 Ina wali agali dindini lu holenego í̠naga keba holeneme mo tubagi halu  
\q2 inanaga bu̱he bame halu mbira hangu laradagua abaleore lalu bolangua haragoni.   
\q1
\v 10 Ina wali agali dindini mali pira karia hangu haramali.  
\q1 Hongohe harimayagua nde mali pira halira haramali.  
\q1 Anigo áyu o haramadagoniha genda bulene erekui biabe bulenela dege ngaria handalu haramali.  
\q1 Mali podo nginidadagua hai halu bialu  
\q2 inane abaleore pu ereba haramali.   
\b  
\q1
\v 11 Í̠naga keba holenenaga hongo gibi ngegoni de handai hene ai kabe.  
\q1 Wali agalime mana ko biraru hondowa í̠na handabe mangaho kegola  
\q2 wali agalinaga bu miniha gi timbuni bulene tagira ibaganego aiwa manda bidabe.   
\q1
\v 12 Ina dindini lu ndo emene tigimandi hangu hole harimada manda buluma̱ya\x + \xo 90.12 \xt Iba 39.4\x*  
\q2 í̠na lawaiha biawaiha bibe.  
\q1 Inanaga horo dagalo wia heneni harimada manda bialu  
\q2 miniwi holoma̱ya í̠naga mini dingi dangia lolenego inanaga bu habaneha wia habe.   
\b  
\q1
\v 13 Anduane Homogo-o í̠na inahondo kebaho haabo kegoni agoangi hairi hole kebe.\x + \xo 90.13 \xt Har 32.12-13\x*  
\q1 Ina í̠naga biabe biahaga kamaru hondowa dara habe.   
\q1
\v 14 Ina horo bibahendengi dindini hama poramangi  
\q2 miniha turu halu dungu lowa iba gana lalu haabo holoma̱ya  
\q2 í̠na egerebagi bibahendengi í̠naga gubalini haho wiaabo holeneme inaha to̱lotagiho helaga bibe.   
\q1
\v 15 Í̠na mali dewani ina genda yu dindihaore warapeho helarigonigo  
\q2 ai áyu ina lone mo turuho helabe.  
\q1 Ina genda yu hemane mali piyago daga lowa  
\q2 mali o biagoni taheni turuho hama poloma̱ya ina mo turu habe.   
\q1
\v 16 Í̠na biabe hongohe gibi beredaru í̠naga biabe biahaga kamaru ina hondoloma̱ya walia habe.  
\q2 Inanaga waneigini maha hararu tibi í̠naga hongo holene baya tara tara ngeru hendelo mo walia habe.   
\q1
\v 17 Anduane Homogo inanaga Ngode Datagaliwabe-o  
\q2 iname í̠ duniniore ke mitangi bialu haramaligo\x + \xo 90.17 \xt Iba 27.4, Ais 26.12\x*  
\q2 í̠na inahondo dara halu baya turubini bigi bibe.  
\q1 Iname mbirale bigi beramaru bayale haga bialu  
\q2 lini daga bilo buluma̱ya mo hongo habe.   
\c 91  
\s1 Anduane Homogo ibu inanaga mamage haga kagonigo ogo  
\q1
\v 1 Mbirali Anduane Homogo Daligaorene Daliga kagoha ha do hole porago\x + \xo 91.1 \xt Iba 31.20, 121.5, Ais 25.4, 32.2\x*  
\q2 ibu Anduane Homogo Bibahende Hongo Haiheore kagonaga tuha puwa  
\q2 baya turubini pu holebira.   
\q1
\v 2 Anduane Homogonaga tuha howa ibugua ibuhondo ogodagua lolebira.\x + \xo 91.2 \xt Iba 14.6, 18.2, 56.4, Yar 16.19\x*  
\q2 Í̠na i̱ bu dambi halu i̱naga pabe tigila í̠ howa i̱ baya hangu handayaho hariligoni.  
\q1 I̱naga Ngode Datagaliwabe í̠ kegoni.  
\q2 I̱na í̠ni hanaho kogoni, lolebira.   
\q1
\v 3 Heneneore Ngode Datagaliwabe ibugua í̠ baya hangu handayaho halu mamage holebira.\x + \xo 91.3 \xt 1 Kin 8.37, Iba 124.7, Min 6.5\x*  
\q2 Damame agalimeyaguabi gono wia do hene ngaruha í̠ do wia nabulebere.  
\q1 Warago hiriribi tara tara wali agali bo home laganeale ngarumebi í̠ ela naholebira.   
\q1
\v 4 Ega angibunime ibunaga babaganeme ibu igini bu dambi hagadagua\x + \xo 91.4 \xt Iba 36.7, 40.11, 63.7, Ais 51.16\x*  
\q2 Anduane Homogo ibugua í̠ bu dambiho holebira.  
\q1 Ani biragola í̠ ibunaga tuha howa bayaleore holebere.  
\q1 Anduane Homogohanda bule ledago biaga mini bilinahe kago  
\q2 ibugua í̠naga humbi howa ibu erembiraha mo ngelowa hatali wu holebira.   
\q1
\v 5 Mbirale mbira mbiraga bulubada lowa í̠ miniha gigi howa palulene nawi.\x + \xo 91.5 \xt Yob 5.19-23, Iba 23.4, 27.1, 64.4\x*  
\q1 Horombe howabi í̠ nahende keria abale ibuwa í̠ balu polobada lowa  
\q2 í̠ gigi howabi holene nawi.   
\q1
\v 6 Dama ko tara tara bu karume mbiraga horombebi wali agali bo wahama ibaga bialu kago\x + \xo 91.6 \xt 2 Kin 19.35, Yob 5.22\x*  
\q2 í̠na dama uruni hondowabi gi holene nawi.   
\b  
\q1
\v 7 Áyu dege í̠ deni wali agali daosini mbira (1,000) bibahende homa hilayaguabi\x + \xo 91.7 \xt Yos 14.10\x*  
\q2 daosini pira (10,000) í̠ kegohayagi homai hayaguabi  
\q2 í̠ ela naholebirago giho holene nawi.   
\q1
\v 8 Anduane Homogohanda wali agali ko biaga karume mana ko biyagonaga pani mirago\x + \xo 91.8 \xt Iba 37.34, 58.10\x*  
\q2 í̠ni deme handalu hondolebere.   
\b  
\q1
\v 9 Í̠na Anduane Homogo í̠naga mamage haga helalu  
\q2 í̠naga Ngode Datagaliwabe Daligaorene Daliga kago hatali wiagane humbi helarigoni.   
\q1
\v 10 Ani helo waharigome mo ko holene tara tara ngarume í̠ kegoria anda naibulebira.  
\q1 Warago ko tara tara gendabi ngarubi í̠ andagani anda naibulebira.   
\q1
\v 11 Ngode Datagaliwabe ibugua ibunaga dahuliyaliru lamialu\x + \xo 91.11 \xt Iba 34.7, Md 4.6, Lg 4.10\x*  
\q2 í̠ ibagabu kegoha, Tí mamage hama ibagabu hole pudaba, lalu lamulebira.   
\q1
\v 12 Ege to̱le̱ ngagome í̠naga ge nabehedagola  
\q2 dahuliyali uruni tinaga gime í̠ taba yaraga holebira.\x + \xo 91.12 \xt Md 4.6, Lg 4.11\x*   
\q1
\v 13 Í̠naga geme laionobi nogombibi\x + \xo 91.13 \xt Hgn 14.6, Dan 6.22, Lg 10.19\x*  
\q2 laiono hungubaluabi puya tomia palebi  
\q2 bibahende hengeda hai holebere.   
\b  
\q1
\v 14 Ngode Datagaliwabehanda ogodagua larago,\x + \xo 91.14 \xt Iba 9.10, 59.1, 145.20\x*  
\q1 Wali agali i̱ gubalini heneneore ho karu  
\q2 i̱nime ti haru dai bialu pele mulebero.  
\q1 I̱ tinaga Anduane Homogo ka lowa henene yu tigabu karu  
\q2 tinaga hatali wiaga humbi i̱nime holebero.   
\q1
\v 15 Tigua i̱ olaragola i̱na tinaga bi larago hale halu ladai bulebero.\x + \xo 91.15 \xt 1 Sml 2.30, Yob 12.4, Yo 12.26\x*  
\q2 Ti kagoria gendabi íbu ngangi i̱ni ti heba haabo holebero.  
\q2 Ina ti gi mialu haru dai bialu ti mo yaragaho helolebero.   
\q1
\v 16 Tinaga holene lu hama pelo tinaga mali mo tago holebero.  
\q2 Tigua bima ibiyagonaga yolo uruni mulebero.  
\q2 Ina ti pele mialu i̱ni ti heba haabo holebero, lene.   
\c 92  
\s1 Anduane Homogonaga mini yaraga halu iba gana lenego ogo  
\q1
\v 1 Anduane Homogo-o í̠hondo ka̱i̱ lolene bayaleoreda.  
\q1 Í̠ Ngode Datagaliwabe Daligaorene Daliga kegoni lalu  
\q2 í̠ mini yaraga halu iba gana lolene bayaleore ngagoni.   
\q1
\v 2 Egerebagi bibahendengi í̠na i̱ gubalini ho haabo kegonaga lolene karulape ogoni.  
\q1 Mbiraga bibahendengi i̱na í̠ mini bilinahe kegonaga lolebero.   
\q1
\v 3 I̱na ngida ale tara tararu balu í̠naga mini yaraga holebero.   
\q1
\v 4 Anduane Homogo-o í̠na biabe hongohe biriru mitangi bialu i̱ turuho kogoni.  
\q1 Í̠na bayaleore dewa birigonaga  
\q2 i̱na turuore halu iba ganaru lolebero.   
\b  
\q1
\v 5 Anduane Homogo-o í̠na biabe biriliru timbuniore hongohe biaga ke.\x + \xo 92.5 \xt Iba 139.17, Ais 28.29, 55.8-9, Lm 11.33-34\x*  
\q1 Í̠naga miniha mitangi bideru iname manda bibe nahe kamagoni.   
\q1
\v 6 Wali agali mini nawi karumebi mini giga nabi karumebi  
\q2 mbirale uru manda nabibehe ka.   
\q1
\v 7 Wali agali mini kowi bu karu ti datani bu hagagobi ka.  
\q2 Ko biaga bu karume mbirale ngago damene yu howa homogo ha holebira.  
\q1 Ani bulebiragoyu ti mo ko hai halu erebaore holebira.   
\q1
\v 8 Anduane Homogo-o í̠ni kini haluhe haabobo hagaore kegome ti ani bulebira.   
\b  
\q1
\v 9 Agali í̠la waitigiho karu ti homalu  
\q2 agali mini kowi karu bope hai holeberego ina mandabu kamagoni.   
\q1
\v 10 Í̠na nogo bulumaga wangabe gabuanaga hongo kaligobi i̱ha hongo timbuni helari.  
\q1 Í̠na i̱hondo bayale birigonaga turuore ho kogoni.   
\q1
\v 11 I̱ waitigi bu hearu mo ko hai harigo de handalu  
\q2 agali ko hearu yiya lalu dugu biayuago hale haru.   
\b  
\q1
\v 12 Wali agali mini tigabi bu karu ti ayage timbuni andaho karubi holebira.\x + \xo 92.12 \xt Iba 1.3, 52.8, Ais 65.22, Hos 14.5-6\x*  
\q2 Ti Lebanono irabuha ira tamia bayale timbuni bu karubi holebira.   
\q1
\v 13 Ti Anduane Homogonaga anda haneni ira hengene mbira haradagua bida.\x + \xo 92.13 \xt Iba 100.4, 135.2\x*  
\q1 Inanaga Ngode Datagaliwabe ibunaga andaha howa ti bayaleore holebira.   
\q1
\v 14 Ti lu ho waheneore heaguabi lini bayale daabo haga kagoni.\x + \xo 92.14 \xt Iba 1.3, Yo 15.2\x*  
\q2 Tinaga yuniru gahenge halu  
\q2 ti hongohe haabo howa gabu nahaga ka.   
\q1
\v 15 Ti ogonibi kagome Anduane Homogo ibu mini tigabiore kago hendelo mo walia ka.  
\q2 I̱naga hapai haga kago ibuha lehe mbira nawiore.   
\c 93  
\s1 Anduane Homogo ibu kini kagonigo ogo  
\q1
\v 1 Anduane Homogo ibu kini kagoni.  
\q1 Ibunaga mini mo yaraga holenebi hongo gibihe holenebi karulowa kagoni.  
\q1 Dindi timbuni o ngagoni ibunime wabu winiyadagua  
\q2 ema bialu girigurabi mbira bule ndoore ngagoni.   
\q1
\v 2 Anduane Homogo-o bambaore mbirale bibahende nawiangi\x + \xo 93.2 \xt Iba 45.6, 90.2, Dug 5.19\x*  
\q2 í̠na handame ho haabo hene kegoni.  
\q1 Í̠ ala henerunagabi áyu kamarunagabi  
\q2 mani holebirarunagabi kini haluhe haabo kegoni.   
\b  
\q1
\v 3 Anduane Homogo-o iba solowararu uli unuraoreha berenerume  
\q2 ai áyu bi timbuniore hongo howa tilitula lalu la ho nga.   
\q1
\v 4 Anduane Homogo í̠na mbirale bibahende dahuliya andagani ngagoni  
\q2 í̠naga hongo gibihe kegome yani howa handayaho kegoni.  
\q1 Iba solowara tilitula lalu kadu bararaga bialu karuni  
\q2 hongo emene bamedago lowa í̠ hongo gibiorehe kegoni.  
\q1 Iba solowara yaribu buyu ibalu iba angeni hongo howa haealo bade haga bialu karuni  
\q2 emene bamedago lowa í̠ hongo gibiorehe kegoni.   
\b  
\q1
\v 5 Anduane Homogo í̠naga mana lo ngeruni bibahendeore wialu wiaabobore bulebira.\x + \xo 93.5 \xt Iba 19.7, 29.2, 96.9, 1 Ko 3.17\x*  
\q2 Í̠naga anda loma biniore kagoni ibu haho wiaaboore holebira.   
\c 94  
\s1 Anduane Homogohanda wali agali ko biagabi bayale biagabi tigatiga dabolebirago ogo  
\q1
\v 1 Anduane Homogo í̠ Ngode Datagaliwabeore howa\x + \xo 94.1 \xt Ais 35.4, Nah 1.2, Lm 12.19\x*  
\q2 wali agali mana ko biaga karume biyarunaga pani nelo mirili.  
\q2 Áyu í̠naga lembo holene ngego tihondo mo walia habe.   
\q1
\v 2 Wali agali bibahende í̠naga deni íbu hai helolebere.  
\q2 Wali agali mine haga karume mana ko biyarunaga pani nelo abale mule ibabe.   
\q1
\v 3 Mana ko biaga bu karume mana ko bialu turuho helo henge agua agima muleberebe.\x + \xo 94.3 \xt Yob 20.5, Iba 13.2\x*  
\q2 Anduane Homogo-o tinaga henge agira ngabe.   
\q1
\v 4 Agali ko biaga karume mana ko biyagonaga turu haga bialu  
\q2 mine ho helo horo agiru heloleberebe.   
\b  
\q1
\v 5 Anduane Homogo-o uruni tigua í̠naga wali agali bo hengedape halu  
\q2 genda timbuni mo mialu kagoni ndobe.   
\q1
\v 6 Wali dalo berearubi waneigini ai̱ya abala homene karubi  
\q2 tigua bo wahai haga ka.  
\q2 Wali agali dindi taraha howa inanaga dindini íbu hene karu  
\q2 homelo bo wahai halu biaga.   
\q1
\v 7 Tigua lalu, Anduane Homogohanda ina de nahendeda.  
\q2 Isaraele wali agalinaga Ngode Datagaliwabehanda iname bialu kamarunaga manda nabi  
\q2 bame kago waha, laga ka.   
\b  
\q1
\v 8 I̱naga wali agaliru-o tígua mana ko dege biaabo halu kamigo agua beremibe.  
\q2 Tí wali agali mini nawi lulu ale kamigo angi mini wiadai buleberemibe.   
\q1
\v 9 Ngode Datagaliwabehanda inanaga hale wabu helenego  
\q2 ibu bi hale habe nahe kabe.\x + \xo 94.9 \xt Har 4.11, Min 20.12\x*  
\q2 Ibugua inanaga de wabinigo  
\q2 ai ibu de handabe nahedabe.   
\q1
\v 10 Hameigini tara tara dindi bibahendeha karume ko biragola\x + \xo 94.10 \xt Yob 35.11, Iba 44.2, Ais 28.26\x*  
\q2 ibugua ti mo tiga bialu pani namulebirabe.  
\q2 Ibugua wali agali lawai haga kago ibuha manda mbira nawi kabe.   
\q1
\v 11 Anduane Homogo ibugua wali agalinaga miniha bibahende ngaru manda biaiho ka.\x + \xo 94.11 \xt Yob 11.11, 1 Ko 3.20\x*  
\q2 Tigua ogoale bule lomanda manda bu kago hondowa  
\q2 ibugua mbirale uruni bibahende tagira napolebira mandabu ka.   
\b  
\q1
\v 12 Anduane Homogo-o í̠na wali agali mo tiga biriru ti turuho ka.\x + \xo 94.12 \xt Yob 5.17, Min 3.11, 1 Ko 11.32, Hi 12.5\x*  
\q2 Í̠naga mana lowini ngego lawai hene karu tibi turuho ka.   
\q1
\v 13 Í̠na ogonidagua bini karu ti miniha dungulo kane dege  
\q2 agali ko biaga karu ti homai halu homaliha piai helo  
\q2 í̠ maliaho haga ke.   
\q1
\v 14 Anduane Homogohanda ibunaga wali agali yu wa nahaga ka.\x + \xo 94.14 \xt 1 Sml 12.22, Lm 11.1-2\x*  
\q2 Heneneore ibugua ibunaga wali agali bu karu  
\q2 erembira mialu yu wanahagaore ka.   
\q1
\v 15 Mani howa agali godi lararume tigatiga dege lolebira.  
\q2 Ani laragola hale howa wali agali tigabi karume  
\q2 bi ogoni talialu bialu holebira.   
\b  
\q1
\v 16 Mbiralime i̱ biamogo bialu agali ko hearu bope hayago aibe.  
\q1 Mbirali i̱la mandagi howa agali ko biaga hearu ko nabilonaga  
\q2 i̱ biamogo biyago aiwabe.   
\q1
\v 17 Anduane Homogohanda i̱ biamogo nabinidale  
\q2 nde i̱ homene dininiru piagagoha abale pu kole.   
\q1
\v 18 I̱na lomanda bialu koria i̱ ge harogoria gondo lalu i̱ pilarogonigo laru.\x + \xo 94.18 \xt Iba 38.16\x*  
\q2 Ai Anduane Homogo-o í̠naga gubalini haabo hariligome  
\q2 í̠naga gime yania harigola i̱ pi nale bayale kogoni.   
\q1
\v 19 Horo i̱ genda ho kongi howabi ko ngarunaga mini dege dindiho hewagolabi  
\q2 í̠nime i̱naga mini mo palia halu i̱ turuho helarigoni.   
\b  
\q1
\v 20 Agali haguane tigabi ndo ko dabaga karu baba  
\q2 í̠ biabe mandagi nabiaga kegoni.  
\q2 Agali ko uruni tigua wali agalime mana ko biraru hondowa  
\q2 karulape dege bira lalu ani bialu helo wahaga ka.   
\q1
\v 21 Tigua wali agali ko nabi bayale biaga karu mo ko hole ndinde laga ka.  
\q2 Wali agali tiha ko nawi karu homelo bo wahole  
\q2 ko biaga urunime manani helalu kagua dabaga ka.   
\q1
\v 22 Anigo Anduane Homogohanda hongoheore howa i̱ biamogo biaga ka.\x + \xo 94.22 \xt Iba 59.9, 62.2, 62.6\x*  
\q2 I̱naga Ngode Datagaliwabehanda i̱ baya hanguore handayaho haga kagoni.   
\q1
\v 23 Tigua mana ko dewaore biyagonaga ibugua emena ko ngaru tihondo mo mulebira.  
\q2 Tinaga ko biyaru mitangi bialu tini homelo ibugua ti bo wahai holebira.  
\q1 Anduane Homogo inanaga Ngode Datagaliwabehanda ti bo wahaiore holebira.   
\c 95  
\s1 Anduane Homogonaga mini mo yaraga halu iba gana lenego ogo  
\q1
\v 1 Uru-o ti ibidaba.  
\q1 Anduane Homogonaga mini mo yaraga halu iba gana lami̱ya ibidaba.  
\q1 Ngode Datagaliwabe ibugua ibunaga hongome ina haru dai bialu pele ngiyago mitangi bialu  
\q2 ibuhondo turu halu iba gana lo mimi̱ya ibidaba.   
\q1
\v 2 Iname ibu kagoria kaware hapara howa ibuhondo ka̱i̱ lo mali̱ya ibidaba.  
\q2 Iba gana baya turubiru ibunaga mini mo yaraga halu  
\q2 ibuhondo lo mimi̱ya ibidaba.   
\q1
\v 3 Anduane Homogo ibu Ngode Datagaliwabe hongohe kagoni.  
\q2 Ibu kini hongo gibihe howa  
\q2 dama mitangi bialu wali agali gime wabini karubi ndo  
\q2 ibu daligaore gibi kagoni.   
\q1
\v 4 Ibugua gundu uli unura wiape karuha howa  
\q2 handame hama iralu hari daligaore wedarunaga neneni handairi howa  
\q2 dindi bibahendeha handame ho kagoni.   
\q1
\v 5 Ibugua wabini iba solowara bedarubi dindi bibahende ngarubi  
\q2 bibahende ibunime dege handame ho kagoni.   
\b  
\q1
\v 6 Uru-o ti ibidaba.  
\q1 Iname inanaga ma podope halu Anduane Homogo ibu duniniore kago mitangi bialu ibuhondo lotu lami̱ya.  
\q1 Anduane Homogo ibu ina Wabiaga kago  
\q2 iname ibu kagoria kaware ibuwa ge duli hangaho biruwa  
\q2 ibu mitangi bialu lotu lami̱ya ibidaba.   
\q1
\v 7 Ibu inanaga Ngode Datagaliwabe kagoni.\x + \xo 95.7 \xt Iba 80.1, 100.3\x*\x + \xo 95.7 \xt Hi 3.15, 4.7\x*\x + \xo 95.7 \xt Hi 3.7-11\x*  
\q2 Ibugua ibunaga wali agali bu kamaru nogo sibi haru haradagua haru haga kagoni.  
\q2 Ina tomo noloma̱ya ibugua ngiaga kagoni.  
\q1 Ibugua áyu bi o larago hale hadaba.   
\b  
\q1
\v 8-9 Ngode Datagaliwabehanda tihondo bi lamialu lalu,\x + \xo 95.8-9 \xt Dag 14.22, Man 6.16\x*\x + \xo 95.8-9 \xt Har 17.1-7, Dag 20.2-13\x*  
\q2 Tinaga mamali ala henerume i̱naga bi hale howa nahe tingi halu  
\q2 tinaga bu miniha anda polani hondowa i̱la waitigi ho hene.  
\q1 Tigua dindi ko wali agali nahaga mini Meriba Masala wiagoria  
\q2 i̱na ti biamogo timbuni birugo de hendene.  
\q1 Ani anigo i̱na ti haru halu hewagola  
\q2 tigua i̱naga hongo ba handalu hene.  
\q2 Ti ani binigo i̱na bi larogo tígua áyu hale howa tínaga mamali binidagua bulemini nabilimu.   
\q1
\v 10 Dindi ko o biagoria mali pira mariani (40) i̱na ti haru howa bima ibiruru  
\q2 bibahende handai dege howa tigua i̱ abi haruabe hondole ba handalu hene.  
\q1 Wali agali urunime horo bibahendengi hariga koha pialu haabo halu  
\q2 i̱naga bi lo wirugoni hale halu bibe manga haga karunida lowa   
\q1
\v 11 i̱na tihondo lemboore howa bi hongohe mbira bule lalu lo wirugo ogo.\x + \xo 95.11 \xt Dag 14.20-23, Man 1.34-36, 12.9-10, Hi 4.3-5\x*  
\q2 Wali agali uruniore i̱na ti mini íbu ha̱lo birulene muleberogoria anda napolebiraore,  
\m lalu Ngode Datagaliwabehanda ani lene.   
\c 96  
\s1 Ngode Datagaliwabe ibu kini daligaore howa bibahende handame ho kago ogo  
\q1
\v 1 Anduane Homogohondo iba gana gahenge lo mulene nga.  
\q1 Dindi bibahendeni bu kamirume Anduane Homogohondo iba gana lo mulene nga.   
\q1
\v 2 Anduane Homogohondo iba gana lo mialu ibunaga mini mo yaraga halimu.  
\q2 Ibugua ina haru dai bialu pele ngiyagoni lalu  
\q2 horo bibahendengi wali agali bibahendeme hale hai helo lamiaaboore halimu.   
\q1
\v 3 Ibu daliga gibiore ka lalu  
\q2 hameigini bibahende paluyu pedaru hale hai helo lamilimu.  
\q1 Ibugua biabe timbuni bayale bima piyarunaga lalu  
\q2 wali agali bibahende lamiai halimu.   
\b  
\q1
\v 4 Anduane Homogo ibu daliga gibiore kagoni.  
\q2 Iname ibunaga mini uyura mo yaraga haabo halu hami̱ya.  
\q2 Mbirale wali agalime dama mitangi bialu gime wabini ngaru hondowa  
\q2 ina gi holene nawi.  
\q1 Anduane Homogo ibu dege daliga gibi kago  
\q2 iname ibu hondowa dege giho holene nga.   
\q1
\v 5 Wali agali hameigini tara tarame mbirale dama mitangi bialu tini gime wabiniruhondo bi pupu wiagaru  
\q2 uruni bibahende ke̱ howa hangu bialu kagoni.  
\q1 Inanaga Anduane Homogo ibugua hari daligabi mbirale bibahende hariha karubi ngarubi wabinigo  
\q2 ibuni hangu daliga gibiore kagoni.   
\q1
\v 6 Anduane Homogo ibu kini howa wá holenebi mini mo yaraga holenebi ibunaga hangu ngagoni.  
\q1 Ibunaga anda lomabu heleneni mbirale bu ngarume  
\q2 Anduane Homogo ibuni hongohe howa ibuni baya buruguleore gibi  
\q2 agi loabe tobahe kagobi walia ho nga.   
\b  
\q1
\v 7 Wali agali dindini bu kamiru bibahendeme\x + \xo 96.7 \xt Iba 29.1-2\x*  
\q2 Anduane Homogonaga mini mo yaraga halimu.  
\q1 Ibunaga wá holenebi hongo holenebi daliga gibiore nga lalu  
\q2 ibunaga miniore mo yaraga halimu.   
\q1
\v 8 Anduane Homogonaga mini timbuni daligaore ngago mo yaraga halimu.  
\q2 Ibuhondo mbirale mbira lomabu migi bule giha yaga bialu  
\q2 ibunaga andaha anda ibugu bilimu.   
\q1
\v 9 Wali agali bibahende kamiru Anduane Homogo ibu baya buruguleore kagoria ibalu\x + \xo 96.9 \xt 2 Bit 20.21, Iba 33.8, 93.5, 114.7\x*  
\q2 bulu palialu ibunaga lotu lalu halimu.  
\q2 Wali agali dindi bibahendeni kamiru tígua ibu gibiore kago hondowa duru ala lalu halimu.   
\b  
\q1
\v 10 Wali agali hameigini tara tara bibahende bu hama pedaru lamialu,\x + \xo 96.10 \xt Iba 9.8, 67.4, 93.1, 98.9\x*  
\q2 Anduane Homogo ibu kini ka, lalimu.  
\q2 Dindi timbuni o ngagoni ibunime wabu winidagua  
\q2 ema bialu girigurabi mbira nabuleore ngagoni.  
\q1 Ani kago howa mani ibugua ibalu  
\q2 wali agali bibahende baba godi lalu tigatigaore dabolebira, lalu lamilimu.   
\q1
\v 11 Dindi timbuni ogo í̠bi hari li kego í̠bi libu nde turu halibu.  
\q1 Iba solowara í̠nde tigitugu lalu í̠ninaga bi dalimu labe.  
\q1 Mbirale iba solowaraha biru ngamiru tínde bi ladagadaga bialu tíninaga bi ladaba.   
\q1
\v 12-13 Mabu wima pedamirubi mbirale mabuni andaho hama pedamirubi\x + \xo 96.12-13 \xt Iba 98.9\x*  
\q2 tí bibahende turu timbuniore ho halimu.  
\q1 Anduane Homogo ibuni dindi ogo bibahende handagimbu buwa  
\q2 haru hole ibulene tu harangi mbirale urunime bi urunidagua lagalaga bulebira.  
\q2 Ira teha ira bu karume turu gibiore howa  
\q2 tininaga bi lalu bi dalimu lagalaga bulebira.  
\q2 Ibugua dindini wali agali bu kamaru mana tigabiore buleneni haru holebira.  
\q1 Bi heneneore loleneni howa ti dabolebira.   
\c 97  
\s1 Anduane Homogo ibu kiniore kago ogo  
\q1
\v 1 Anduane Homogo ibu kiniore howa handame ho ka.  
\q1 Dindi o ngego í̠na turu holene nga.  
\q2 Dindi iba dege dombeneha ngamiru tíguabi turu haga bidaba.   
\q1
\v 2 Beraliba arumalame ibu ho mabu bida.  
\q2 Ibugua wali agali ta nabi karu mana tigabi ngagome haru howa handaya ho haga ka.   
\q1
\v 3 Ira hungu bamba halu puwa  
\q2 waitigi ho mabu bidaru dai helaga ka.   
\q1
\v 4 Ibugua hari daba migimege lalu  
\q2 dindi bibahende ngago wá hame helaga ka.  
\q1 Dindi ngarume uruni hondowa duru laga.   
\q1
\v 5 Anduane Homogo ibu dindi bibahende ngarunaga Anduane ka.  
\q2 Dindi hari ngarume Anduane Homogonaga deni wagaya do elagadagua  
\q2 do elai haga nga.   
\q1
\v 6 Hari daliga li karume ibunaga mini tigabiore nga lalu latagi ka.  
\q1 Hameigini tara tara dindi bibahendeni karume  
\q2 ibunaga wá taraore harago de handai haga ka.   
\b  
\q1
\v 7 Wali agali mbirale dama mitangi bialu gime wabini ngaruhondo bi pupu wiaga karu\x + \xo 97.7 \xt Har 20.4, Man 5.8, 27.15, Yar 10.14, Hi 1.6, Ya 2.19\x*  
\q2 ti mo taga timbuniore holebira.  
\q1 Gime wabini ngarume Anduane Homogo hondowa bulu paliai holebire.   
\q1
\v 8 Anduane Homogo-o í̠naga mana tigabi hangu ngegome wali agali dabaga kego manda buwa  
\q2 wali agali Saiononi karubi Yuda dindiha tano dewa wima pedaruha bu karubi  
\q2 ti bibahendeme í̠hondo turu halu miniha dungulo haga ka.   
\q1
\v 9 Anduane Homogo Hongo Haiheore-o  
\q2 í̠na dindi bibahende handameho kegoni.\x + \xo 97.9 \xt Har 18.11, Iba 83.18, 95.3, 96.4\x*  
\q1 Í̠ore mini lene daligaorene daliga howa  
\q2 bi pupu wulenaga gime wabu ngaru bibahende bolangua haihe kegoni.   
\b  
\q1
\v 10 Anduane Homogohanda wali agali mana ko ngaru hame nalaga karu  
\q2 tihondo gubalini ho haga ka.  
\q1 Ibunaga wali agali karu handayaho haga ka.  
\q1 Ibugua ti agali ko biaga karunaga giha karia gingila mialu  
\q2 haru dai biaga ka.   
\q1
\v 11 Anduane Homogonaga wá holeneme wali agali mini tigabi karuni wá hadali haga ka.  
\q1 Turu holeneme wali agali bayale biaga karu  
\q2 tinaga bu miniha mo turuho helaga ka.   
\q1
\v 12 Wali agali mini tigabiwi kamiru tí turu ho hadaba.  
\q1 Tígua Anduane Homogohanda bayale biyarunaga turuho hadaba.  
\q1 Ngode Datagaliwabe ibu mini baya buruguleore kago  
\q2 ibugua uruni biyaru mitangi bialu tígua ibuhondo turu halu ka̱i̱ ladaba.   
\c 98  
\s1 Anduane Homogo ibu wali agali bibahende handame ho haga kago ogo  
\q1
\v 1 Anduane Homogohondo iba gana gahenge lama.\x + \xo 98.1 \xt Har 15.6, Iba 33.3, 40.5, Ais 52.10\x*  
\q1 Ibugua mbirale baya tara tara biai hayagoni.  
\q1 Ibuninaga hongo timbuni kagomebi ibunaga mana baya burugule ngagomebi  
\q2 ibugua waitigi bope hai hayagoni.   
\q1
\v 2 Anduane Homogohanda wai buwa i̱na wayali haru lalu latagi haya.  
\q1 Ibugua Isaraele wali agaliru pele mialu haru dai bulenaga  
\q2 hongo timbuni wali agali tara tara bu hearuhondo walia hayagoni.   
\q1
\v 3 Ibugua ibunaga bi lowiniru mitangi bialu\x + \xo 98.3 \xt Iba 22.27, Lg 1.54, 1.72\x*  
\q2 Isaraele wali agalihondo gubalini haabo halu ti yu wanaheore heneya.  
\q1 Inanaga Ngode Datagaliwabehanda ina waitigi bope halu ina haru dai biyago  
\q2 wali agali dindi bibahendeha bu hearume hale halu manda biaiore haya.   
\b  
\q1
\v 4 Wali agali dindi bibahendeni kamiru  
\q2 tígua Anduane Homogohondo turu halu iba gana ladaba.  
\q1 Bu miniha dungulo holenaga iba gana turu howa dalimu lalu  
\q2 ibunaga mini yaraga hadaba.   
\q1
\v 5 Anduane Homogonaga mini yaraga halu iba gana ladaba.  
\q1 Ngida aleru baya hangu balu bi bayaleru lelo badaba.   
\q1
\v 6 Pilipe biguliru pu lalu bi hongo howa ladaga halu  
\q1 Anduane Homogo ibuni inanaga kini kago lalu  
\q2 ibunaga mini yaraga hadaba.   
\b  
\q1
\v 7 Iba solowara bedego í̠bi ibaha wena tara tara bedamirubi  
\q2 tígua bi hongo howa ladaga hadaba.  
\q1 Dindi í̠bi wali agali dindini kamirubi  
\q2 tí bibahendeme iba gana ladaba.   
\q1
\v 8 Iba timbuni poramiru tíguabi nde gi habe badaba.  
\q1 Dindi hari wedemiru tíguabi nde turu howa  
\q2 Anduane Homogonaga deni iba ganaru ladaba.   
\q1
\v 9 Irane ibugua dindi bibahendeni handameho howa haru hole ibiragonaga ani bidaba.  
\q1 Ibugua ibunaga mini bayale tigabi ngagome  
\q2 wali agali bibahende haru haabo holebira.   
\c 99  
\s1 Anduane Homogo ibu kini duniniore kago ogo  
\q1
\v 1 Anduane Homogo ibu kiniore howa handame ho ka.\x + \xo 99.1 \xt Har 25.22\x*  
\q1 Wali agalirume ibuhondo gi howa duru lalu haga.  
\q1 Dahuliyali babaganehe kirali kago labo dindiha helowa  
\q2 ibu de handape howa handayaho kagola  
\q2 dindi dumbirumbi bialu haga.   
\q1
\v 2 Anduane Homogo ibu Saiononi howa hongo timbunihe kagoni.  
\q2 Ibugua hameigini tara tara dindi bibahendeha karu  
\q2 handame howa haru hai ka.   
\q1
\v 3 Wali agali bibahendeme ibu kini duniniore howa mini lene ka lalu  
\q2 ibunaga mini yaraga holebira.  
\q1 Ibu mini tigabi baya buruguleore kagoni.   
\b  
\q1
\v 4 Kini hongo haiheore-o í̠ mana bayale tigabi ngago dege hame laga kegoni.  
\q2 Í̠na mana bayale tigabi lo ngegoni  
\q2 ina Isaraele wali agalirume bialu haabo holoma̱ya ngirigoni.  
\q1 Wali agali tara karume biraru hondowa  
\q2 iname tigatiga mo tale bialu holoma̱ya mo walia hari.   
\q1
\v 5 Anduane Homogo inanaga Ngode Datagaliwabe kagonaga mini yaraga holene nga.  
\q2 Ibuni kagoha hapara howa ibu mitangi bialu lotu lalimu.  
\q2 Ibu mini tigabi baya buruguleore kagoni.   
\b  
\q1
\v 6 Mosese Aronola libu Anduane Homogonaga \w loma\w* binigo mo miaga agali hene.  
\q2 Samuele ibugua ibuhondo bi laga hene.  
\q1 Uruni tigua Anduane Homogo olayagola  
\q2 ibugua tinaga bi hale haga hene.   
\q1
\v 7 Ibuni hari beraliba timbuni heagoha howa\x + \xo 99.7 \xt Har 33.9\x*  
\q2 ibugua tihondo bi lamigi bini.  
\q2 Ibugua ibunaga mana bulene winiru ti lamigi biyagola  
\q2 tigua hale halu biai haga hene.   
\b  
\q1
\v 8 Anduane Homogo inanaga Ngode Datagaliwabe-o\x + \xo 99.8 \xt Dag 14.20, Man 9.20, Yar 46.28, Seb 3.7\x*  
\q2 í̠naga wali agalirume í̠hondo bi layaru hale halu ladai birigoni.  
\q1 Tigua mana ko birarunaga pani nelo miaga kego howa dege  
\q2 í̠ni Ngode Datagaliwabeore howa ko uruni domo wahai haga kego ti walia harigoni.   
\q1
\v 9 Anduane Homogo inanaga Ngode Datagaliwabe kagonaga mini yaraga hama.  
\q1 Ibunaga hari loma bini kagoria howa ibu mitangi bialu lotu lama.  
\q1 Anduane Homogo inanaga Ngode Datagaliwabe ibu tigabi howa baya buruguleore kagoni.   
\c 100  
\s1 Anduane Homogonaga mini mo yaraga halu iba gana lalu lenego ogo  
\q1
\v 1 Wali agali dindi bibahendeni paluyu pedamirume  
\q2 Anduane Homogohondo turu howa iba gana lo milimu.   
\q1
\v 2 Turu howa iba gana turubiru lama lama  
\q2 ibu mitangi bialu lotu lole ibunaga wanakuini íbu halimu.   
\b  
\q1
\v 3 Anduane Homogo ibu Ngode Datagaliwabeore ka manda bilimu.\x + \xo 100.3 \xt Iba 79.13, 95.7, Ese 34.30-31, Eb 2.10\x*  
\q1 Ibugua ina wabinigo ina ibunagaore kama.  
\q1 Ibunaga wali agali howa ina ibunaga nogo sibi kamagoni.  
\q1 Anigo ibugua nogo sibi haru hagadagua ina haru haga ka.   
\b  
\q1
\v 4 Ibunaga anda loma bia henegonaga harabani anda ibalu  
\q2 ibuhondo ka̱i̱ lalu iba ganaru lama lama anda mali̱ya.  
\q1 Ibunaga mini yaraga hama hama anda tamuha anda mali̱ya.  
\q2 Ibuhondo ka̱i̱ lalu ibunaga mini mo yaraga hami̱ya.   
\b  
\q1
\v 5 Anduane Homogo ibu bayaore gibi kago ibunaga gubalini holene ngagome\x + \xo 100.5 \xt 1 Bit 16.34, 2 Bit 5.13, 7.3, Esr 3.11, Iba 106.1, 107.1, 118.1, 136.1, Yar 33.11\x*  
\q2 ina gubalini haho wiaabo kagoni.  
\q1 Ibugua ibunaga wali agaliruhondo,  
\q1 Bulebero, lowiniru mbira mo habo nale  
\q2 ibu mini bilinahe howa biaiore haga kago  
\q2 ibunaga mini yaraga hami̱ya.   
\c 101  
\s1 Kini Debidi ibugua buleore lalu bi lowinigo ogo  
\q1
\v 1 Anduane Homogo-o i̱na iba gana lalu bi lo wirugo buleore lalu larudaguabi  
\q2 í̠naga mana tigabi bulene ngadagua bulebi  
\q2 i̱na í̠ mitangi bialu iba gana ogo í̠hondo lalu kogoni.   
\q1
\v 2 I̱na mana ko nabi bayale dege bialu holeberogo  
\q2 Anduane Homogo-o í̠na biamogo bule i̱ koria angi ibuleberebe.  
\q1 I̱ damenerunaga deni howa mana tigabi dege biaabo holebero.   
\b  
\q1
\v 3 I̱na mana ko bulene ngago bibe mangaore holebero.\x + \xo 101.3 \xt Man 15.9, Iba 5.5, 40.4\x*  
\q2 Wali agali Ngode Datagaliwabehondo erembira mialu haga karuhondo  
\q2 turu naheore kogoni.  
\q1 I̱ ti heba mandagi ibagabu naholebero.   
\q1
\v 4 Ke̱ hagane mana biaga ngagobi i̱na nabulebero.  
\q2 Agalime mana ko biaga ngagobi mitangi naholebero.   
\q1
\v 5 Wali agali mendeali ndelalu haga karu i̱na ti bope holebero.\x + \xo 101.5 \xt Iba 18.27, 50.20, Yar 9.4\x*  
\q2 Mine haga karubi i̱na handabe manga holebero.   
\b  
\q1
\v 6 Ngode Datagaliwabehondo mini bilinahe karu tihondo i̱na turu haabo holebero.\x + \xo 101.6 \xt Iba 119.1\x*  
\q2 Mana bayale bialu henene laga karu  
\q2 ti degeme i̱naga biabe biaga helo i̱ andagaha helolebero.   
\b  
\q1
\v 7 Wali agali ke̱ haga bu karu\x + \xo 101.7 \xt Iba 43.1, 52.2-5\x*  
\q2 ti i̱naga anda timbuni kagoha naholebira.  
\q1 Wali agali tombene hondokihe karu ti i̱la naholebiraore.   
\q1
\v 8 Horo bibahendengi i̱naga dindi ngagoha ko biaga karu  
\q2 i̱na mo ko halu bo batagi haga bulebero.  
\q1 Wali agali ko biaga karu damene  
\q2 Anduane Homogonaga tano ngagoria nahelo  
\q2 i̱na ti bo talu pelai holebero.   
\c 102  
\s1 Igiri daliaheme genda yu howa bi lenego ogo  
\q1
\v 1 Anduane Homogo-o i̱na í̠hondo bi larogo hale habe.  
\q1 Í̠na i̱ biamogo bibelonaga í̠ olalu kogo hale habe.   
\q1
\v 2 I̱ genda timbuni yu kongi  
\q2 í̠na i̱ yu wahalu napobe.  
\q1 I̱na í̠ olarogola bi larogo hale halu abale biamogo bibe.   
\b  
\q1
\v 3 I̱naga holene emene tigi mbira hangu ira hagua bialu abaleore pu ereba hagagobi kogoni ndobe.  
\q1 I̱naga tingini poboyogo bialu  
\q2 ira timbuni dedagola poboyogo biraligobi bialu helo kogoni ndobe.   
\q1
\v 4 Datani gaule agalime hengedalu piagadagua  
\q2 Ngode Datagaliwabehanda i̱ hengedo wahenego kogoni.  
\q2 I̱naga tiniha tomo nolene garibi nale ko.   
\q1
\v 5 I̱ tandaga timbuni howa e̱ lalu ngogoni.  
\q2 I̱naga tingini timbuni nahe yólalu kuni hangu haragonida.   
\q1
\v 6 I̱ mo ko henego koore  
\q2 dindi ko wali agali nahaga ngagoha ega e̱wa̱tia biragagobi  
\q2 dindi labu ngagoha ega halengau biragagobi bedogonida.   
\q1
\v 7 I̱ dagiani palia padogoyu  
\q2 ai i̱ paliahondo nahe yangayanga bu wiaabo kogoni ndobe.  
\q1 Ega warakuli anda dangini hangu biragadagua  
\q2 i̱ni hanguore bedogonida.   
\q1
\v 8 Mbiraga horombebi waitigi bu karume  
\q2 i̱hondo bi ko dege lalu haabo ka.  
\q1 Tigua i̱ mini lowa mege bialu ha haga bialu ka.   
\b  
\q1
\v 9-10 Í̠na i̱hondo keba timbuni ho kegome  
\q2 i̱ nde beru dugu nalu  
\q2 de iba pugulope halu  
\q2 gabo beha iba biraradagua bedago nalu bedogonida.  
\q1 Í̠na i̱ minalu mbirale ko ngaru mo wahagadagua  
\q2 mo wahenego bedogonida.   
\q1
\v 11 I̱ dindini lu holene nawi  
\q2 tubagiore alendo halu ni dadai biraligobi kogoni.  
\q2 Datani gaule ngaligobi bedogonida.   
\b  
\q1
\v 12 I̱ ogonibigoyu nde Anduane Homogo-o í̠ kini haluheore kegoni.  
\q1 Wali agali maha ho aribia holebirarume  
\q2 í̠ manda biai holebiragoni ndobe.   
\q1
\v 13 Í̠na Saiono tano ngago mitangi bialu dara holeberego manda bido.  
\q2 Í̠na dara howa biamogo bulene horo biagoni abale tagira ibiyada.  
\q2 Horo ogoni áyu ngagoniore ndobe.   
\q1
\v 14 Saiono tano bo gialabagabu wahayago  
\q2 í̠naga biabe biahaga karume tano ogoni mitangi timbuni bialu hamelo ka.  
\q2 Áyu tano ogoni mo ko hai hene ngagoyu  
\q2 tigua dara ho haabo ka.   
\b  
\q1
\v 15 Hameigini tara tara dindi bibahendeni palima pedarume  
\q2 Anduane Homogohondo gi hai holebira.  
\q1 Dindi bibahendeni kini karume  
\q2 ibunaga hongo timbuni kago hondowa  
\q2 ti gi hai holebira.   
\q1
\v 16 Mani howa Anduane Homogohanda Saiono tano lone biadai birangi  
\q2 ibunaga hongo ogobi lalu walia holebira.   
\q1
\v 17 Ibugua ibunaga wali agali yu wahene karume olaragola hale holebira.  
\q2 Tigua ibuhondo bi lararu hale howa erembira mialu napolebira.   
\b  
\q1
\v 18 Anduane Homogohanda mbirale áyu inahondo biraruni  
\q2 ina waneigini aguanene mani holobadarume hendelo mbugani gilibu widaba.  
\q1 Wali agali mani holebirarume Anduane Homogohanda biniru te hale howa  
\q2 ibunaga mini yaraga halu holebira.   
\q1
\v 19 Iname bi ogodagua gilibu wimi̱ya.  
\q1 Anduane Homogo ibuni haga daligaoreha howa handape haya.  
\q2 Ibu dahuliya andagani howa dindiha handadaliho haya.   
\q1
\v 20 Wali agali garabaya bini hearume  
\q2 tandaga nalu howa dugu biayuago hale haya.  
\q2 Hale howa ibugua agali godi hale hagame bo waholene nga lene hearu  
\q2 ti homa nabilonaga biamogo bialu golope haya, lalu gili bulene nga.   
\q1
\v 21 Ibugua ani biyago hale howa Saiono dindini wali agali bu karume  
\q2 Anduane Homogonaga mini latagi halu  
\q2 Yarusalemeni howa ibunaga mini yaraga halu holebira.   
\q1
\v 22 Hameigini tara tara dindi bibahendeni palima pedarubi tinaga kini karubi  
\q2 ti bibahendeme Anduane Homogo mitangi bialu  
\q2 lotu lole íbu ngoai harangi ani lalu holebira.   
\b  
\q1
\v 23 I̱ wene igiri daliahe dege hewaria  
\q2 Anduane Homogohanda i̱naga hongo bope ho heledagonida.  
\q2 Ibugua i̱ dindi ogoriani lu naholiya  
\q2 i̱naga holene mo tubagi ho heledagoni ndobe.   
\q1
\v 24 I̱naga Ngode Datagaliwabe-o í̠ haluhe haabobo bu kegoni.\x + \xo 102.24 \xt Yob 36.26, Iba 90.2, Ais 38.10, Hab 1.12\x*  
\q2 I̱ agali wahe ndo wene igiri daliahe dege kogonigo  
\q2 í̠na i̱ áyu ogoni yamia nabibe.   
\q1
\v 25 Bambaore í̠na dindi bibahende wabiniyagoni.\x + \xo 102.25 \xt Hi 1.10-12\x*  
\q1 Í̠ninaga gimeore hari daliga li kago wabialu  
\q2 mbirale karubi ngarubi bibahende wabiai hariya.   
\q1
\v 26 Aga labolaboru goba halu budahole biagadagua  
\q2 dindi harila mo ko holebiragoyu  
\q2 í̠ni hangu haabobo bu haga kegoni.  
\q1 Agalime aga labolabo goba haragola wahagadagua  
\q2 dindi harila ereba hai haragola lone nahondoleberemaore.   
\q1
\v 27 Í̠naga holene ala henegobi dege haho wiaabo haga kegoni.\x + \xo 102.27 \xt Ais 43.10, Mal 3.6, Ya 1.17\x*   
\q1
\v 28 Í̠ ani kegoni howa inanaga waneiginiru ti bayale helo  
\q2 í̠na handaya ho holebere.  
\q1 Tinaga aguanene maniore hama polobadarubi  
\q2 ti í̠ni andaneha bayale haabo holebira.   
\c 103  
\s1 Anduane Homogohanda ibunaga wali agali gubalini haga kago ogo  
\q1
\v 1 I̱na Anduane Homogonaga mini mo yaraga holebero.  
\q1 I̱naga minimebi tinginimebi mbirale i̱ha kago damenego  
\q2 bibahendeme ibunaga mini baya buruguleore kago mo yaraga haabo holebero.   
\q1
\v 2 I̱na Anduane Homogonaga mini mo yaraga holebero.  
\q1 Ibugua i̱hondo turu halu bayale dege bigi biaga kago embeda naholeorebero.   
\q1
\v 3 Ibugua i̱na ko beroru bibahendeore domo wahai haga ka.\x + \xo 103.3 \xt Ais 33.24, Yar 17.14\x*  
\q2 I̱ni warago tara tara anda íbu wigi bidangi  
\q2 mo dabi haga kagoni.   
\b  
\q1
\v 4 Anduane Homogo ibugua i̱ore homoliya yupe nahe haru dai biaga ka.\x + \xo 103.4 \xt Iba 34.22, 56.13\x*  
\q2 Haru dai bialu ibugua i̱ gubalini halu dara timbuni haga kagoni.   
\q1
\v 5 I̱ ani ho ko lalu walia halu i̱ dindini kongi\x + \xo 103.5 \xt Ais 40.31\x*  
\q2 ibugua mbirale bayale dewa bu hombedo ngiragola  
\q2 i̱ karulapeore wu haabo haruli.  
\q1 Ibugua ani bigi biragome i̱ lone igiriho dai bialu  
\q2 hongohe ega bodo hariawe ale haruli.   
\b  
\q1
\v 6 Wali agali darabi dindiha haga karu maru karume ti hengedope haragola  
\q2 Anduane Homogohanda tinaga bi tigatiga lahaga ka.  
\q2 Ibugua ti mo yaraga halu ti holene ngadagua helolebira.   
\q1
\v 7 Anduane Homogo ibugua Isaraele wali agali biamogo bulenenaga  
\q2 ibu miniha manda manda bu yu heago damenego Mosese walia hene.  
\q1 Walia halu Anduane Homogo ibugua biabe hongohe bigi biyaru  
\q2 Isaraele wali agali ti de hendelene.   
\q1
\v 8 Anduane Homogo ibugua ina dara howa biamogo biagabi\x + \xo 103.8 \xt Ya 5.11\x*  
\q2 gubalini timbuniore hagabi ka.  
\q1 Ibu keba ala awane nahaga howa  
\q2 ibugua ibunaga gubalini haho wiaabo holeneme  
\q2 ina yaniho wiaabo helowa haga kagoni.   
\q1
\v 9 Iname mana ko liahebi beramarunaga  
\q2 Anduane Homogo ibugua ina ba talia bia biaganegoyu  
\q2 ani bialu haabo nahaga.  
\q1 Ibugua ibunaga wali agalihondo handabe manga howa  
\q2 keraho haabo nahaga kagoni.   
\q1
\v 10 Iname mana ko gibi dewaore bidamaria\x + \xo 103.10 \xt Esr 9.13\x*  
\q2 ko birimarunaga pani ogonibi tahe ngulene ngadagua ndo  
\q2 ibugua pani emene hangu ngiaga kagoni.  
\q1 Iname mana ko liahebi birimarunaga pani timbuniore nabehegoyu  
\q2 ibugua ina yopialu pelaga bialu kagoni.   
\q1
\v 11 Hari daliga li kagome dindi bibahende ngagoni dambi hai kadagua\x + \xo 103.11 \xt Iba 57.10, Eb 3.18\x*  
\q2 Anduane Homogo ibugua wali agali ibuhondo mitangi bialu giho haga karu  
\q2 ibunaga gubalini holene timbuniore ogonibime ti gubalini ho kagoni.   
\q1
\v 12 Uyu ni tagira ibagagoha howa namu ni paliagagoha polenego\x + \xo 103.12 \xt Ais 43.25, Mai 7.18\x*  
\q2 kaware ndo kaundiaore gibi ngagoni.  
\q1 Ani ngadagua Anduane Homogohanda iname ko birimaru bu wu kamaria  
\q2 ibugua domalu hiliyalu pialu  
\q2 kaundiaore gibi namura ona agima ndooreni yalu pu wahaga kagoni.   
\q1
\v 13 Abame ibunaga waneigini gubalini howa baya hanguore handayaho hagadagua\x + \xo 103.13 \xt Mal 3.17\x*  
\q2 Anduane Homogohanda wali agali ibuhondo mitangi bialu giho haga karu  
\q2 baya hangu ogonidaguaore gubalini howa ibuni handayaho haga kagoni.   
\q1
\v 14 Ibugua ina ogo aleme wabirugo ni bu karuni lalu ibuni manda bidagoni.\x + \xo 103.14 \xt Pig 3.19, Iba 78.39, Aga 12.7\x*  
\q2 Bame dindi dugualu wabirugo ni bu kagoni lalu ibuni manda bu kagoni.   
\b  
\q1
\v 15 Ina wali agali bu kamaruni inanaga holenego\x + \xo 103.15 \xt Yob 14.1-2, Ya 1.10-11, 1 Pi 1.24\x*  
\q2 emene tubagi tigimandi hangu tani mbuambua andaho kalidagua kamagoni.  
\q1 Tani mbuambua minalu anda howa lini do haganedagua ina bu kamagoni.   
\q1
\v 16 Tani mbuambua lini biago dedaria puyabume pulo ba haragola  
\q2 dindini dogolope haga.  
\q1 Dindini dogolope hayagua o piyagoni haga.  
\q2 Dogolope henego lone dene biagoria dodai bidaria nahandaga.   
\q1
\v 17 Ani biagagoyu ai wali agali Anduane Homogo andaneha howa\x + \xo 103.17 \xt Lg 1.50\x*  
\q2 ibuhondo mitangi bialu giho haga karu  
\q2 ibugua ti dara halu gubalini haho wiaaboore haga kagoni.  
\q1 Uruni tinaga waneigini dabane mani hama polebirarubi  
\q2 ibugua ti gubalini halu tihondo bayale dege biaabo halu holebira.   
\q1
\v 18 Anduane Homogonaga habo nalolene bi lo winidagua bialu karu  
\q2 ibugua bia lenedagua hale halu birarubi  
\q2 nde tihondo bayale dege biaabo halu holebira.   
\b  
\q1
\v 19 Anduane Homogo ibu dahuliya andagani kini biruwa  
\q2 mbirale bibahende ibugua handame ho kagoni.   
\q1
\v 20 Dahuliyali hongo gibihe kamiru  
\q2 Anduane Homogo ibugua bi larago baya hanguore hale halu bia larago biaga kamiruni  
\q2 tíbi turuore gibi halu Anduane Homogonaga mini mo yaraga hadaba.   
\q1
\v 21 Dahuliya andaga howa Anduane Homogohanda laradagua hale halu  
\q2 ibunaga biabe biahaga kamiru tiguabi  
\q2 turuore halu Anduane Homogonaga mini mo yaraga hadaba.   
\q1
\v 22 Mbirale bibahendeore Anduane Homogo ibuni wabini ngamirubi kamirubi  
\q2 tí bibahendeorenaga kini ibuni howa ibugua tí handame ho kago  
\q2 tígua turuore halu ibunaga mini mo yaraga hadaba.  
\q1 Ani bidaba.  
\q1 I̱nabi Anduane Homogonaga miniore mo yaraga holebero.   
\c 104  
\s1 Ngode Datagaliwabehanda bibahende wabiai henego iname ibunaga mini mo yaragaore holene ngago ogo  
\q1
\v 1 I̱na Anduane Homogonaga mini mo yaraga holebero.  
\q1 Anduane Homogo i̱naga Ngode Datagaliwabe-o í̠ daliga gibiore kegoni.  
\q1 Í̠ kini daliga gibiore howa mini mo yaraga holenebi duniniore holenebi  
\q2 aga karularadagua karulo kegoni.   
\q1
\v 2 Wá holene gibioreme í̠ni aga karu laradagua karulo howa haru kegoni.\x + \xo 104.2 \xt Ais 40.22, Dan 7.9\x*  
\q1 Agalime balai anda dungume howa anda biagadagua  
\q2 í̠na hari daliga li kagoni wabuwa dungume ho heledegoni.   
\q1
\v 3 Ani buwa í̠ninaga andaga iba bedago yarali howa uyuraore daligani bu kegoni.\x + \xo 104.3 \xt Iba 18.10\x*  
\q1 Í̠ hari beraliba ngarunaga biralu eberegola  
\q2 puyabume í̠ yalu ibirayagoni.   
\q1
\v 4 Puyaburume í̠naga bi yalu ina kamaria pu lareya.\x + \xo 104.4 \xt Hi 1.7\x*  
\q1 Hari daba biralirubi í̠naga biabe dege bia ha lareya.   
\b  
\q1
\v 5 Dindi timbuni ogo í̠nime wabuwa winiyagobiore hongohe ngagoni.  
\q2 Dindi ogo imi ema emene mbira nabi girigurabi mbira nabulebiraore.   
\q1
\v 6 Iba solowarame dindi timbuni ogo bibahende bu dambi haiho winiya.  
\q2 Iba ogonime hari hearubi bibahende biru namulaiho winiya.   
\q1
\v 7 Ani dambi haiho wiaria í̠naga bi hongoheme iba solowara taliriya.  
\q2 Taliri handala iba ibu gerai ibida puabo hayiya.  
\q1 Iba solowara ibu í̠naga bi hongohe biago hale halu  
\q2 bia laridagua bialu ibida piyiya.   
\q1
\v 8 Ibida pialu hari hearu yu wahalu porabu pebe bialu  
\q2 dindi ulini wiaruha í̠nime tini berelo wabu winiyarunaga pu birayiya.   
\q1
\v 9 Iba uruni biru bolangua nahelonaga  
\q2 í̠nime tu winiyagoriani iba áyu ogoriani birairi kagoni.  
\q1 Áyu ibame ala bibahende namulaiho winiyadagua  
\q2 lone namulai naholebira.\x + \xo 104.9 \xt Yar 5.22\x*   
\b  
\q1
\v 10 Dindi uliniruha howa iba dugutagi helalu  
\q2 hari labo dombeneruha howa iba duguaga duguaga bilalu  
\q2 unura pugulu pebe biledegoni.   
\q1
\v 11 Ani biledegoria nogo gabua tara tara karume  
\q2 iba uruni naga naga bialu kagoni.  
\q1 Nogo dongi gabua karumebi iba noa howa  
\q2 hége lebolaho henedagobi karulapeore nalu kagoni.   
\q1
\v 12 Iba uruni angeni ira bu karuha egarume tininaga anda bigi bigi bialu biruwa  
\q2 iba ganaru turu howa laga laga bialu biru ngagoni.   
\b  
\q1
\v 13 Hariha howa dalu hari hombene ngarunaga dalipe helaga bialu kegoni.  
\q1 Ani bigi beregome dindini mbirale bayale bayale bu paya bu ngagoni.   
\q1
\v 14 Nogo bulumagarume nelo tani mo anda helalu  
\q2 ina wali agalime nalu holoma̱yanaga  
\q2 tomo inaneme hengedamaru mo anda haga beregola nalu kamagoni.   
\q1
\v 15 Ani bialu iname ina mabuni pu mbira lini daga mini \w gerebi\w* hangalu  
\q2 linime pingidowa \w waini\w* iba wabu nalu  
\q2 ina miniha turuore halu dungu lo kamagoni.  
\q1 Ira olibe lininaga ibane hambuwa denguinibi haguanibi haiho kamagola  
\q2 inanaga dengui haihe wále bu kamagoni.  
\q1 Widi hangalu dowa mberedi wabuwa  
\q2 dawa no kamagola ina tinginiha hongo ngidagola kamagoni.   
\b  
\q1
\v 16 Lebanono dindini ira tamia bu karuni  
\q2 hariha howa dalu ibaabo haragome damiaabo haga kagoni.  
\q2 Ira tamia uruni Anduane Homogo ibugua bamba hengenego  
\q2 ibuninaga ira bu kagoni.   
\q1
\v 17 Ira tamia uruniha egarume tininaga anda bigi bigi biaga beda.  
\q1 Ai ega ma luhe mbira bedarume tinaga anda ira guraya ale karuha biaga bedagoni.   
\q1
\v 18 Meme gabua karu ti hari timbuni wedarunaga neneni ibagabu haga kagoni.  
\q2 Tia amala horia ale bedaru ti egeandaha bira do haga bedagoni.   
\b  
\q1
\v 19 Harini ege wabu helariyagome tagira ibuwa ngoaho haga bialu  
\q2 mali mbiragonaga ege biagoni ogoaleneda lalu ibuni langialu kagoni.  
\q1 Ai ni ibu nde ogoangi anda pialu dadai bialu  
\q2 palue ibuni manda bu kagoni.   
\q1
\v 20 Í̠na aruma helaregola mbiraga nogo ega gabua tara tara  
\q2 ti bibahende tagira ibuwa ibaga bu haga kagoni.   
\q1
\v 21 Laiono hungubaluarume tomo taya bialu howa  
\q2 ne noani bi hongo howa ladaga halu larayagoni.  
\q1 Ngode Datagaliwabe í̠na tomo ti nelo mereyago  
\q2 ogoni mbira agini ngabe hondole taya bialu howa bi ani larayagoni.   
\q1
\v 22 Ti ani bialu howa ni dara handala  
\q2 uliha tini paliradagoha palima dai biaga.   
\q1
\v 23 Ani pedaha wali agali ti heyalu biabe bu puwa  
\q2 biabe bialu kane dege alendo ni palira handala ti andaga piaga.   
\b  
\q1
\v 24 Anduane Homogo-o í̠na mbirale dewaore wabiriyagoni.  
\q2 Í̠ mini gigabiwi gibiore kegome  
\q2 mbirale uruni bibahende í̠nime wabiriyagoni.  
\q1 Dindi timbuni ogoni mbirale tara tara í̠ni wabiriyarunime  
\q2 wu to̱lotagi kagoni.   
\q1
\v 25 Iba solowara timbuniore gibi bedagoni.  
\q2 Iba o bedagoniha wena timbuniore gibirubi  
\q2 wena emenebi dewa daga labenaheore biralu  
\q2 mbirale marualebi ogoniha dege biru ngagoni.   
\q1
\v 26 Iba solowara daligani iba sibi puíbu daibu biaga.\x + \xo 104.26 \xt Yob 41.1, Iba 74.14, Ais 27.1\x*  
\q2 Iba unura dindiha wena gibi hiriribi bamba í̠ni wabu berelene  
\q2 o bedagome gini biaga bedagoni.\f + \fr 104.26 \ft Iba Gana 74.14 de handabe\f*   
\b  
\q1
\v 27 Uruni bibahendeme ti tomo noa biaruangi  
\q2 í̠na dege mibelo í̠naga gi handayaho biraga bedagoni.   
\q1
\v 28 Í̠na ti tomo nolene meregola ti naga.  
\q2 Ti tomo merego karulapeore nalu tombeore hara handala piaga.   
\q1
\v 29 Í̠na ti erembira meregola ti giho haga.  
\q2 Í̠naga buhe̱ tiha helarigo yameregola  
\q2 ti homo tongolo daga halu lone dindi tago biaga.   
\q1
\v 30 Í̠na ti buhe̱ lolene meregola ti emabu haga.  
\q2 Í̠na dindini mbirale bibahende gahenge hangu tagira íbu helaga bialu kegoni.   
\b  
\q1
\v 31 Anduane Homogonaga hongo holenebi  
\q2 ibunaga wá holenebi wiaaboore helo hame ledo.  
\q1 Anduane Homogo ibugua mbirale ibunime wabu helaga biyadaru handaga bialu  
\q2 ibuni turuore helo hame ledogoni.   
\q1
\v 32 Anduane Homogo ibugua dindi timbuni o ngagoni de handaya haragola  
\q2 dindi ogoni duru laga.  
\q1 Ibunaga gime hari karuni ela haragola  
\q2 hari karuni hagua hungula bulebira.   
\b  
\q1
\v 33 I̱ dindini emabu kongi  
\q2 i̱na Anduane Homogohondo iba ganaru lo mulebero.  
\q1 I̱na i̱naga Ngode Datagaliwabe kagonaga mini mo yaraga halu iba ganaru laho ngoore dege  
\q2 i̱ni homalu lairi holebero.   
\q1
\v 34 Anduane Homogo ibugua i̱ mo turu haga biragola haruligo  
\q2 i̱na iba gana lo meroruore ibu hale halu turuore helo hame ledo.   
\q1
\v 35 Anduane Homogo-o wali agali mana ko biaga bu karuniore  
\q2 dindini nahelo balu bo ereba habelo hame ledo.  
\q2 Wali agali ko ngubiore uruni ereba hai helo hame ledo.  
\q1 I̱na Anduane Homogonaga miniore mo yaraga holebero.  
\q2 Anduane Homogonaga mini mo yaraga hama.   
\c 105  
\s1 Anduane Homogo ibunaga wali agali pele minigo ogo  
\r (1 Bi Te 16.8-22)  
\q1
\v 1 Iname Anduane Homogohondo turu howa ka̱i̱ lalu  
\q2 ibu daliga gibiore ka lalu lamiai hami̱ya.  
\q1 Wali agali hameigini dindi tara tarani paluyu pedaru  
\q2 ti bibahendehondo ibugua gibiore uruale biya laga bialu  
\q2 hale hai helo loyogo laga bimi̱ya.   
\q1
\v 2 Iname ibunaga mini mo yaraga halu iba gana lalu hami̱ya.  
\q1 Ibugua mbirale bayale bigi biyarunaga  
\q2 bibahende hale hai helo laraga halu lamiai hami̱ya.   
\q1
\v 3 Anduane Homogo ibu mini tigabiore kago  
\q2 ina ibunaga kamago iname ibuhondo turu hami̱ya.  
\q1 Wali agali Anduane Homogohanda hame ledadagua biaga kamaru  
\q2 ina turuho holene nga.   
\q1
\v 4 Anduane Homogohanda ina biamogo bilonaga ibu karia puabo hami̱ya.  
\q1 Iname Anduane Homogo ibu kagoha kaware haparaho haabo hami̱ya.   
\q1
\v 5-6 Abarahama aguanene Anduane Homogonaga biabe bia hagane kamirubi  
\q2 Yagabanaga aguanene Anduane Homogo ibunime dabene kamirubi  
\q2 tígua Anduane Homogohanda manane tara tara agalime nabiagane ale bigi biyarubi  
\q2 wali agali ko biaga hearuhondo pani migi biyarubi  
\q2 mitangiore biaabo halimu.   
\b  
\q1
\v 7 Anduane Homogo ibu inanaga Ngode Datagaliwabe kagoni.  
\q2 Ibunaga mana lo ngaruni wali agali dindi bibahendeha bu karume bilonaga lo nga.   
\q1
\v 8 Ibugua habo nalolene bi lowinigo ngaruni wia ai̱ ai̱ore bulebira.  
\q2 Ibugua bi lo wialu ogoale bulebero laga bialu lo ngaruni  
\q2 mani hama porarume handaga bialu karia wia ai̱ ai̱ore bulebira.   
\q1
\v 9 Ibugua Abarahamala habo nalolene bi lo wialu\x + \xo 105.9 \xt Pig 12.7, 17.8, 26.3\x*  
\q2 Aisagahondo ogoale bulebero lenegobi heneneore bulebira.   
\q1
\v 10 Anduane Homogo ibugua Isaraelehondo habo nalolene bi lowinigo\x + \xo 105.10 \xt Pig 28.13\x*  
\q2 ogoni wali agalirume bialu haabo helonaga lowini.   
\q1
\v 11 Anduane Homogo ibugua Isaraelehondo lalu,  
\q2 I̱na tíhondo Kenana dindi karulalimulo ngulebero.  
\q1 Dindi ogoni tíbi tínaga waneigini mani holebirarubi  
\q2 tíninaga dindi ogoniore halimulo ngulebero, lene.   
\b  
\q1
\v 12 Ala Ngode Datagaliwabenaga wali agali dewa ndo henedaruni  
\q2 ti emene mbira hangu Kenana dindini hene.  
\q1 Ti dindi tene ndo mendeali dindini bame igiri yango pu haradagua bini.   
\q1
\v 13 Ti dindi mbirani baya hangu ho dambolo hene ndo.  
\q1 Ti togolo yalu pialu dindi wiaruni bibahendeha ge hai haga hene.  
\q1 Kini mbiragonaga dindiha puwa emene tigimandi dege halu  
\q2 lone hili yalu pialu kini mende heagonaga dindiha pu halu  
\q2 ani bigi bialu hene.   
\q1
\v 14 Ti ani bu ha heagolabi  
\q2 hameigini maru hongohe hearume ibunaga wali agali uruni hengedope holilono\x + \xo 105.14 \xt Pig 20.3-7\x*  
\q2 Ngode Datagaliwabe ibugua ti mamage hene.  
\q1 Mamage howa ibugua kini hearu talialu  
\q2 ibunaga wali agali urunihondo kagua mbira bulumini lalu lamini.   
\q1
\v 15 Ibugua lalu, I̱naga biabe bia haga i̱nime dabene karu mo ko holemini.  
\q2 I̱naga mana \w latagi\w* haga karuore mbira ela nahalimu, lene.   
\b  
\q1
\v 16 Anduane Homogohanda ti dindini tomo wiago damene bibahende mo yu ereba hai halu\x + \xo 105.16 \xt Pig 41.53-57\x*  
\q2 hina gariore gibi tagira pelene.   
\q1
\v 17 Ani ibilole howa dege ti maha ibilonaga\x + \xo 105.17 \xt Pig 37.28, 45.5\x*  
\q2 ibugua Yosebe ala bamba halu Iyibi dindi pu helene.  
\q1 Ibu hamene biarume Yosebe ti muni tagu wialu agali maru hearu  
\q2 tinaga garabaya biabe ale bia haga helo minu mini.   
\q1
\v 18 Tigua ibunaga ge kirabali pu senime minu huba biagola\x + \xo 105.18 \xt Pig 39.20–40.23\x*  
\q2 ge tandaga timbuni hene.  
\q1 Ani bialu aeane gendabi mbira ibunaga mani hende hene.   
\q1
\v 19 O biyadaruni Anduane Homogo ibugua ala Yosebehondo emagaha howa bulebira lamiyadagua  
\q2 henene tagira pene.   
\q1
\v 20 Ani biyagola Iyibi dindinaga kini heagome Yosebe gololenaga\x + \xo 105.20 \xt Pig 41.14\x*  
\q2 agali mbira heagome lama pu lene.  
\q1 Iyibi dindinaga kini wali agali dewaore haru haga heagome Yosebe golope hene.   
\q1
\v 21 Golope howa kini biagome ibunaga gabumane agali haguane helo\x + \xo 105.21 \xt Pig 41.39-41\x*  
\q2 Yosebe dabo helene.  
\q1 Dabi helowa Yosebe ibu Iyibi dindi bibahende hearunaga haguane helo helene.   
\q1
\v 22 Kininaga gabumane haru haga hearubi  
\q2 kinihondo mitangi talebu miaga hearubi  
\q2 uruni bibahende de hondowa haru holene hongo ibugua Yosebehondo mini.   
\b  
\q1
\v 23 Mani Yagaba ibu Iyibi dindi pialu\x + \xo 105.23 \xt Pig 46.6, 47.11\x*  
\q2 ogoriani ho ibira howa hene.   
\q1
\v 24 Ibu ani hearia Anduane Homogohanda Yagaba hameigini biamogo bialu\x + \xo 105.24 \xt Har 1.7-14\x*  
\q2 ti waneigini dewa tagira íbu helene.  
\q1 Yagaba hameigini uruni ti hongoheore helalu  
\q2 tinaga waitigi hearunaga hongo dindiha helo helene.   
\q1
\v 25 Anduane Homogo ibugua Iyibi wali agalime ibunaga wali agali handabe manga helo helene.  
\q1 Ani helayagola Iyibi wali agali tigua Anduane Homogonaga biabe biahaga hearu mo hondo hole  
\q2 henge taya bialu helo helene.   
\b  
\q1
\v 26 Mani Anduane Homogohanda ibunaga biabe biahaga ala dabene Mosesebi Aronobi heba libu haru Iyibi dindi pelene.\x + \xo 105.26 \xt Har 3.1–4.17\x*   
\q1
\v 27 Puwa libugua Iyibi dindini howa Ngode Datagaliwabenaga biabe hongoheore bialu  
\q2 manane tara tara agalime nabiagane ale dewa bialu hene.   
\q1
\v 28 Ngode Datagaliwabehanda aruma holeneme Iyibinaga dindi bu dambi hayagola\x + \xo 105.28 \xt Har 10.21-23\x*  
\q2 wali agali hearu ti arumaha hene.  
\q1 Iyibi wali agali arumaha hayagoyu tigua Ngode Datagaliwabehanda bidaba layadagua nabi  
\q2 ibunaga bi mo wahene.   
\q1
\v 29 Ibugua tinaga iba berearuni mo darama biai halu\x + \xo 105.29 \xt Har 7.17-21\x*  
\q2 wena ibaha berearuni bibahende bo homelai hene.   
\q1
\v 30 Yago dewaore gibi tidi yalu ibilalu  
\q2 tinaga dindini yago dege birame helalu\x + \xo 105.30 \xt Har 8.1-6\x*  
\q2 kininaga andaga hearuhabi heba yago degeme to̱lotagi helene.   
\q1
\v 31 Ngode Datagaliwabehanda bungunabi hinabibi alebi tidi yalu pudaba layagola\x + \xo 105.31 \xt Har 8.16-17, 8.20-24\x*  
\q2 ti tidi yalu puwa Iyibi dindi damenego pedegone mbira wuwa nahe  
\q2 bibahendeoreha to̱lotagi hene.   
\q1
\v 32 Ibugua tinaga dindini dalu ibuni ibi nale\x + \xo 105.32 \xt Har 9.22-25\x*  
\q2 dalu dindi kunibi hari dababi gibiore ibilene.   
\q1
\v 33 Ogoni ibiyagome Iyibi wali agalinaga mabuni pu mbira lini daga mini \w gerebi\w* hongo wiarubi podai halu  
\q2 poge ira hearubi podai halu  
\q2 ti dindini ira hearu damenego bibahendeore podai hene.   
\q1
\v 34 Ibugua bi hangu layagola pagaya ale dewaore gibi daga labe nahe tidi yalu tagira ibini.\x + \xo 105.34 \xt Har 10.12-15\x* \fig ... pagaya ale dewaore gibi daga labe nahe tidi yalu tagira ibini.|src="HK 8f.tif" size="2" ref="(105.34)" \fig*   
\q1
\v 35 Tagira ibuwa tigua dindini tomo bibahende hengearu damenegonaga yuni tugu naiore halu  
\q2 mbirale andaho hearu damene tene heba na anda hene.   
\q1
\v 36 Ngode Datagaliwabe ibugua Iyibi wali agalinaga igini wahene damenego bibahende\x + \xo 105.36 \xt Har 12.29\x*  
\q2 homelo bo wahai hene.   
\b  
\q1
\v 37 Mani ibugua Isaraele wali agali Iyibi dindi yu wahalu haru tagira pene.\x + \xo 105.37 \xt Har 12.33-36\x*  
\q2 Tinaga giha muni ngoloru silibaru yalu tagira pene.  
\q2 Isaraele wali agali ti bibahendeore bayale hongohe hangu tagira pene.   
\q1
\v 38 Iyibi wali agalime Isaraele wali agali hondowa giho henego  
\q2 Isaraele wali agali tagira pialu piyagola  
\q2 ti turuore halu dungulo daibu hene.   
\q1
\v 39 Ngode Datagaliwabehanda hari daligani ibunaga wali agali hearu tigatiga hari beraliba mbira ngelowa\x + \xo 105.39 \xt Har 13.21-22\x*  
\q2 ibunaga wali agali uruni andaneha helene.  
\q1 Mbiraga harini ira hangu delayagola  
\q2 ogonime wá hadali hayagola Isaraele wali agali ti wáni bayale hene.   
\q1
\v 40 Tigua Ngode Datagaliwabehondo tomo noa kama layagola\x + \xo 105.40 \xt Har 16.2-15\x*  
\q2 ibugua ti nelo hariha howa ega de̱wa̱re ale ibilayagola  
\q2 ti ega uruni balu nene.  
\q1 Ti tomo nelonaga ibugua dahuliya andaga howa mberedi dalilayagola  
\q2 ti karulapeore nowa tombeho hene.   
\q1
\v 41 Ti iba nelonaga to̱le̱ timbuni mbiraha howa iba tagira pelene.\x + \xo 105.41 \xt Har 17.1-7, Dag 20.2-13\x*  
\q2 Dindi ko dalu naibagaha iba timbuni biagoni tayandaha dugutagi haradagua bialu  
\q2 o biagoriani gerai yupe helene.   
\q1
\v 42 Anduane Homogo ibugua ala bamba howa habo nalolene bi hongohe mbira  
\q2 ibunaga biabe biahaga Abarahamahondo lowinigo  
\q2 ogoningi mitangi bini.   
\b  
\q1
\v 43 Anduane Homogo ibugua anidagua bialu  
\q2 ibunaga wali agali dabeneru haru halu tagira pene.  
\q1 Haru tagira piyagola ti turu hama iba gana ladaga halu mambolo bama pene.   
\q1
\v 44 Anduane Homogo ibugua wali agali hameigini tara maru hearunaga dindi wiaru muwa\x + \xo 105.44 \xt Yos 11.16-23\x*  
\q2 ibunaga wali agali uruni mo mini.  
\q1 Wali agali tara uruninaga mabu wiarubi muwa  
\q2 ibunaga wali agali uruni ti karulelene.   
\q1
\v 45 Ibugua ogonidagua binidagoni irane  
\q2 Anduane Homogohanda bi lenedarubi  
\q2 ibunaga mana lowinidarubi bibahende  
\q2 Isaraele wali agalime talialu biai helonaga ani bini.  
\q1 Anduane Homogonaga mini mo yaragaore hama.   
\c 106  
\s1 Anduane Homogohanda ibunaga wali agalihondo mana bayale biaga ka lenego ogo  
\q1
\v 1 Anduane Homogonaga mini yaraga hama.\x + \xo 106.1 \xt 1 Bit 16.34, 2 Bit 5.13, 7.3, Esr 3.11, Iba 100.5, 107.1, 118.1, 136.1, Yar 33.11\x*  
\q1 Ibugua mana bayale biaabo haga kagonagabi  
\q2 ibunaga gubalini holene ha ho wiaabo haga kagonagabi  
\q2 iname Anduane Homogohondo ka̱i̱ lama.   
\q1
\v 2 Ibugua mbirale timbuni bigi binirunaga garealalu aiwa lai habehedabe.  
\q2 Mana bayale biniru mitangi bialu  
\q2 ibunaga mini yaraga karulapeore hai habehe aiwadabe.   
\q1
\v 3 Wali agali ibunaga bi hale halu bia laradagua biaga karubi  
\q2 mana tigabi ngaru biaga karubi  
\q2 ti turu ho holene nga.   
\b  
\q1
\v 4 Anduane Homogo-o í̠naga wali agali biamogo berengi  
\q2 i̱bi nde mitangi bibe.  
\q1 Í̠na ti pele mialu haru dai berengi  
\q2 i̱bi nde haru dai bibelo hameledo.   
\q1
\v 5 Í̠naga wali agali ti bayale howa mbirale bayale damene ngaru mo wuwa  
\q2 tigua turu haga bialu kadagua  
\q2 i̱bi nde ti heba turu hamaga ho holeneore hamelo ko.  
\q1 Ina turu holene ogoni irane ina í̠ninaga wali agaliore henene kamagome  
\q2 mini mbiraore halu mandagi howa turu haga bu holeberama.   
\b  
\q1
\v 6 Bamba ina mamalirume mana ko bialu heneyadagua  
\q2 inamebi nde mana ko tara tara dewa wiaru bialu harimagoni.   
\q1
\v 7 Inanaga mamalirume Iyibi dindini heangi\x + \xo 106.7 \xt Har 14.10-12\x*  
\q2 í̠na biabe nahendene ale biriruni ti manda nabi haya.  
\q1 Í̠na í̠naga gubalini holene walia halu ti biamogo biriruni  
\q2 tigua embeda hai halu  
\q2 iba solowara Daramabi bereagoria heangi  
\q2 tigua Anduane Homogo Hongo Haiheore haabo kego í̠ni erembira ngiya.   
\q1
\v 8 Tigua ani biyagoyu Anduane Homogohanda ibunaga hongo timbuni winigo mo walia halu  
\q2 ibugua ti biamogo bule lalu bi lowinidagua pele mialu gi mini.   
\q1
\v 9 Ibugua iba solowara Daramabi bereagohondo bi lamiyagola\x + \xo 106.9 \xt Har 14.21-31\x*  
\q2 iba biagome bira migimigi bialu dindi pani hene.  
\q2 Pani hayagola ibugua wali agali haru halu ti iba biraga biagoria  
\q2 bame dindi hanguni poradagua bini.   
\q1
\v 10 Agali ti handabe manga haga hearume ti mo ko holebiyaria  
\q2 ibugua ti pele mini.  
\q2 Ti waitigi hearunaga giha hearia  
\q2 ibugua pele mialu haru dai bini.   
\q1
\v 11 Iba solowara timbuni biagome waitigi biaru bo tangu dambi hai halu ibame nai helene.  
\q2 Mbiraoreli hangubi mbira pora bialu napene.   
\q1
\v 12 Anduane Homogohanda anidagua biyagola ibunaga wali agali biarume\x + \xo 106.12 \xt Har 15.1-21\x*  
\q2 ibugua buleore lalu lowigi biniru heneneore biragonida manda bini.  
\q2 Manda bialu ibuhondo mini mbiraore wiai halu  
\q2 tigua ibunaga mini yaraga halu iba ganaru lalu hene.   
\b  
\q1
\v 13 Ibugua ani biyago bilowa dege  
\q2 tigua uruni biyaru abaleore embeda hai hene.  
\q2 Tigua mbirale bule manda biyaria Anduane Homogohondo haleha nabi  
\q2 tini miniha tagira ibiyaru ale dege bialu hene.   
\q1
\v 14 Dindi ko iba dalu naibaga wiagoria howa tinaga miniha tomo noa dege halu\x + \xo 106.14 \xt Dag 11.4-34\x*  
\q2 tigua Ngode Datagaliwabe ba hendene.   
\q1
\v 15 Tigua ibuhondo bi haya halu ngi laabo hayagola  
\q2 ibugua ngi layago mialu tiha warago timbunibi tagira ibilene.   
\b  
\q1
\v 16 Ti dindi ko iba dalu naibaga wiagoria howa tigua Mosesebi\x + \xo 106.16 \xt Dag 16.1-35\x*  
\q2 Anduane Homogonaga biabe biahaga helo loma bia hene Aronobi  
\q2 libuhondo henge lalu hene.   
\q1
\v 17 Ti ani bialu hemigola dindi mo gaibuki hayagola  
\q2 gundu uli timbuni mbira o biagoria wu pehene.  
\q1 Ani biyagola Dadanabi Abiramabi libu one waneigini damene bu hearubi  
\q2 bibahendeore gundu uli o biagoha uli piai hene.  
\q2 Uli piai hayagola dindi ibunime lone mo gegebu dambi hene.   
\q1
\v 18 Wali agali maru ko biaga biaru talima pialu hearuni  
\q2 ira hedo ibira halu ti dai helene.   
\b  
\q1
\v 19 Tigua Hari Horebe wiagoria howa nogo bulumaga ale mbira ngolome wabu ngelowa\x + \xo 106.19 \xt Har 32.1-14\x*  
\q2 dama ogonida lowa bi pupu wialu hene.   
\q1
\v 20 Tigua Ngode Datagaliwabe ibu duniniore mini lene kago mitangi bialu lotu laga henego wahalu  
\q2 nogo bulumaga datani nalu haga heago ale wabu ngelowa  
\q2 ogoni mitangi bia aribia halu ibuhondo bi pupu wialu hene.   
\q1
\v 21 Ngode Datagaliwabehanda ti Iyibi dindini hearia  
\q2 ibugua nahendene ale tara tara bialu  
\q2 Isaraele wali agali Iyibialirunaga giha hearia mo wini.  
\q1 Ibugua ani biyagoyu Isaraele wali agalirume ibu mo embeda ho hene.   
\q1
\v 22 Ngode Datagaliwabehanda Iyibi dindini agalime nabiagane ale timbuni dunini wiaru bialu  
\q2 iba solowara Daramabi bereagoria ibugua nahendene ale tara tara biyagola  
\q2 wali agali tigua mogolo hendene.   
\q1
\v 23 Ngode Datagaliwabehanda ibunaga wali agaliru bo wahole layagola  
\q2 ibunaga biabe biahaga helo dabo helene Mosese ibugua Ngode Datagaliwabenaga deni heyu howa  
\q2 Isaraele wali agali biamogo bialu Ngode Datagaliwabehanda bo wanahelo  
\q2 ibunaga keba holene wiago ha pai hayagola  
\q2 Ngode Datagaliwabehanda ibunaga wali agali ba nabi wahene.   
\b  
\q1
\v 24 Ngode Datagaliwabehanda bulebero lalu lowiyago tigua yu tiga nabi howa\x + \xo 106.24 \xt Dag 14.1-35\x*  
\q2 dindi bayale ibugua ti ngulebero layago mo waho hene.   
\q1
\v 25 Tigua tinaga balai andaha ho palu howa bi gomogomo lalu  
\q2 Anduane Homogohanda tihondo bi layago talialu bia nabi wahene.   
\q1
\v 26 Ti ani heagola Ngode Datagaliwabehanda tihondo bi hongohe lalu,  
\q2 Tí dindi ko ege to̱le̱ hangu wiaga ngagoha i̱na tí home lelolebero.   
\q1
\v 27 Tínaga waneigini aguanene mani holobadaru ti dindi taratara ngaruha talia togo lelarogola\x + \xo 106.27 \xt LBM 26.33\x*  
\q2 ti hameigini tara tara Anduane Homogo manda nabi bu karu heba howa  
\q2 dindi tara ogoniha halu homolebira, lene.   
\b  
\q1
\v 28 Mani tigua Peo dindini howa dama mitangi bialu gime wabu wini mini Balahondo bi pupu wialu hene.\x + \xo 106.28 \xt Dag 25.1-13\x*  
\q2 Tigua mbirale ema nabulene bi nalaga ogonihondo lomabu mini tomo wiaru nalu hene.   
\q1
\v 29 Tigua mana ogonidagua bialu hayagome Anduane Homogo mo keba hayagola  
\q2 ibugua warago koore mbira tiha anda ibilaya.   
\q1
\v 30 Warago ogoni ibilayagola Piniasahanda heyuwa mana ko bialu hearu bibahende minu baga biyagola  
\q2 warago timbuni biago ereba haya.   
\q1
\v 31 Piniasahanda mbirale o binidaruni bayale biya lalu wali agalime mitangi biaho kadagua  
\q2 maniore wali agali holebirarumebi anidagua dege mitangi biaabo holebira.   
\b  
\q1
\v 32 Isaraele wali agalime iba Meriba peagoria howa\x + \xo 106.32 \xt Dag 20.2-13\x*  
\q2 Anduane Homogo mo keba halu heneya.  
\q2 Tigua ani biyagome pani tini nolene winigo  
\q2 genda ogoni Mosesehanda tinaga yu aribia heneya.   
\q1
\v 33 Tigua Mosese mo tandaga timbuni hayagola  
\q2 ibugua bayuwa mitangi nabi howa bi bayale ndo mbira lene.   
\b  
\q1
\v 34 Anduane Homogohanda tihondo wali agali tara karu homelo bo wahai halimu lalu lamiyago\x + \xo 106.34 \xt Hgn 2.1-3, 3.5-6\x*  
\q2 tigua nabe wahene.   
\q1
\v 35 Isaraeleali tigua wali tara berearu dabu bigi buwa  
\q2 tinaga mana ko wiago taluwa bialu haga heneya.   
\q1
\v 36 Tigua dama mitangi bialu gime wabu wiaruhondo bi pupu wialu hayagome  
\q2 Ngode Datagaliwabehanda tini mo ko helo helene.   
\q1
\v 37 Tigua dama mitangi bialu gime wabini Kenana dindini wiaruhondo\x + \xo 106.37 \xt 2 Kin 17.17\x*  
\q2 tinaga waneiginiru bu hearu bo lomabu miaga heneya.   
\q1
\v 38 Ti waneigini urunime ko bini mbira nawioregoyu\x + \xo 106.38 \xt Dag 35.33\x*  
\q2 tigua bameore homelo beneyago  
\q2 waneigininaga daramame Ngode Datagaliwabenaga deni dindi ogoni mebiahe winiya.   
\q1
\v 39 Tigua mana ko ogonidagua biyagome  
\q2 tini Ngode Datagaliwabenaga deni dodohe halu  
\q2 ibu erembira mialu ibuni talima nape wahene.   
\b  
\q1
\v 40 Anduane Homogohanda ibunaga wali agali urunihondo keba timbuni howa  
\q2 ibugua ti handabe mangaore heneya.\x + \xo 106.40 \xt Hgn 2.14-18\x*   
\q1
\v 41 Anduane Homogohanda Isaraele wali agali yupe howa  
\q2 ti hameigini tara tara hearunaga giha helene.  
\q2 Ani biyagola ti waitigi biarunaga andaneha hene.   
\q1
\v 42 Waitigi urunime ti genda dewaore mo ya heagola  
\q2 ti waitiginaga andaneha haabo hene.   
\q1
\v 43 Anduane Homogohanda ibunaga wali agali biamogo biaabo hayagoyu  
\q2 ti doga howa ibugua bi layago mo wahalu mana ko dewaore bialu hene.   
\q1
\v 44 Tigua ani biaabo hayago helowa Anduane Homogo olalu ibuhondo bi layagola  
\q2 ibugua hale howa tiha genda wiago de handalu ti dara haga biniya.   
\q1
\v 45 Ibugua tihondo dara timbuni halu habo nalolene bi ala lowiyago mitangi biniya.  
\q2 Ibugua tihondo gubalini haabo hayagome lone mitangi bialu ti dara heneya.   
\q1
\v 46 Anduane Homogohanda ti waitigi bu hearunaga miniha mo wála hayagola  
\q2 tigua Isaraeleali hondowa daraho dai bini.   
\b  
\q1
\v 47 Anduane Homogo inanaga Ngode Datagaliwabe kego  
\q2 í̠na ina waitigi karunaga giha howa yamialu  
\q2 inanaga dindini lone holoma̱ya haru dai bu helabe.  
\q1 Í̠na anidagua beregola iname í̠hondo turu halu ka̱i̱ lalu  
\q2 í̠naga mini baya buruguleore yaraga halu haabo holeberema.   
\b  
\q1
\v 48 Anduane Homogo Isaraele wali agalinaga Ngode Datagaliwabe kago  
\q2 ibu mini yaraga hami̱ya.  
\q1 Áyubi maniore howabi ibunaga mini yaraga haaboore hami̱ya.  
\q1 Ina wali agali bibahendeme lalu,  
\q1 Heneneore Anduane Homogonaga mini yaragaore hama, lalu  
\q2 aniore laabo hami̱ya.   
\ms1 MBUGA DAUNI  
\mr (Iba Gana 107-150)  
\c 107  
\s1 Anduane Homogo ibu bayale gibiore biaga kagonaga mini mo yaraga henego ogo  
\q1
\v 1 Anduane Homogo ibugua inahondo baya gibi dege bigi biaga ka.\x + \xo 107.1 \xt 1 Bit 16.34, 2 Bit 5.13, 7.3, Esr 3.11, Iba 100.5, 106.1, 118.1, 136.1, Yar 33.11\x*  
\q2 Ibugua ina gubalini haho wiaaboore haga kagoni.  
\q2 Ibugua ani biaga kagonaga iname ibuhondo ka̱i̱ lolene nga.   
\q1
\v 2 Ala tínaga waitigi hearunaga gime tí minu yaniho hearia  
\q2 Anduane Homogohanda gingila mialu haru dai bini kamiru  
\q2 tígua i̱na larodagua dege lalu  
\q2 ina haru Anduane Homogonaga mini mo yaraga hami̱ya.   
\q1
\v 3 Tí dindi haluni taraha hemiria ibugua haru dai biyagoni.  
\q2 Dindi tara tara ni tagira ibiragohayagibi ni paliragohayagibi  
\q2 uyurahayagibi unurahayagibi dindi uruni bibahendeni hemiria  
\q2 ibugua tí haru dai biai hayagoni.   
\b  
\q1
\v 4 Wali agali maru dindi ko wali agali nahaga wiagoha pupe halu pene.  
\q2 Piyago puwa hariga nawiaha pu lulu yuwa  
\q2 wali agali pale andahe mbira nawiaha iraga howa pu taluaho hene.   
\q1
\v 5 Pu taluaho howa hina gari gibiore bialu  
\q2 iba noa howa hége lebolaho daga hayagola  
\q2 ai tongoore lole ogonida lo manda bini.   
\q1
\v 6 Tini darabi ogonibiore howa Anduane Homogo olayagola  
\q2 ibugua ti biamogo bigi bialu  
\q2 genda yu hearuni yamuwa mo wahaga bini.   
\q1
\v 7 Ani bialu ibugua ti hariga tigabini pelo haru pialu  
\q2 tano mbira ti holene winiyagoria haru pu helene.   
\q1
\v 8 Anduane Homogohanda ti gubalini haho wiaabo halu  
\q2 tinaga mbirale baya gibi turubini hangu bia haga bialu hayagonaga  
\q2 tigua Anduane Homogohondo ka̱i̱ore lolene nga.   
\q1
\v 9 Wali agali iba noa howa hége yobu karu iba nelo ibugua miragola\x + \xo 107.9 \xt Iba 34.10, Lg 1.53\x*  
\q2 ti iba karulapeore nowa dungulo helo miaga ka.  
\q2 Wali agali tomo noaho karu nelo tomo dewaore miragola  
\q2 ti haruore nowa tombe to̱lo haga kagoni.   
\b  
\q1
\v 10 Wali agali maru arumaore dumbiliniha howa\x + \xo 107.10 \xt Yob 36.8, Ais 9.2, 42.16, Lg 1.79\x*  
\q2 pu senime gi ge minu hubabu wiagola  
\q2 garabayaore howa gendaho hene.   
\q1
\v 11 Ti ogonibiha henedagoni irane  
\q2 tinime Ngode Datagaliwabe Hongo Haiheore kagome  
\q2 ogoale bibe nabibe lalu laga biyagola  
\q2 tigua ibunaga bi erembira mialu piyagome tini ogonibiha pu hene.   
\q1
\v 12 Pu howa ti erekui biabe biadege bialu  
\q2 hongo bibahende pirilipe hai hayagola hene.  
\q2 Hongo bibahende ereba hai halu dindini pilo ibira haga biyagola  
\q2 ti gi mulene mbirali nahene.   
\q1
\v 13 Tini darabi ogonibiore howa Anduane Homogo olayagola  
\q2 ibugua ti biamogo bigi bialu genda yu hearuni yamuwa mo wahaga bini.   
\q1
\v 14 Anduane Homogohanda ti arumaha mini burugule ogoniha hearia\x + \xo 107.14 \xt Iba 68.6, 146.7, Ab 12.7\x*  
\q2 pu seni biaru hadape halu  
\q2 ti garabaya hayago lone hodai nabilo golope halu pelene.   
\q1
\v 15 Anduane Homogohanda ti gubalini haho wiaabo halu  
\q2 tinaga mbirale baya gibi turubini hangu bia haga bialu hayagonaga  
\q2 tigua Anduane Homogohondo ka̱i̱ore lolene nga.   
\q1
\v 16 Ibugua aeane hongohe mini boronosime panga payadaruni duanialu  
\q2 aeaneme garabaya anda hobanda karuni podo gingirulo bagabu ibira ibira bile laga ka.   
\b  
\q1
\v 17 Wali agali maru ti kedange howa tinime mana ko tara tara dewa bigi biyagome  
\q2 warago balu tandaga nalu hene.   
\q1
\v 18 Ti tomo noa nahe magu gibi halu tomoore de handaya haga biyagola  
\q2 tongolo mialu dai bigi bini.   
\q1
\v 19 Tini darabi ogonibiore howa Anduane Homogo olayagola  
\q2 ibugua ti biamogo bigi bialu genda yu hearuni yamuwa mo wahaga bini.   
\q1
\v 20 Anduane Homogo ibunaga bime ogoale bia layagola  
\q2 tinaga tingini biaruni lone mo dabiho dai bialu  
\q2 homalihaore anda pole biyaria  
\q2 ibugua ti gililo mu yudai bigi biyagoni.   
\q1
\v 21 Anduane Homogohanda ti gubalini haho wiaabo halu  
\q2 tinaga mbirale baya gibi turubini hangu bia haga bialu hayagonaga  
\q2 tigua Anduane Homogohondo ka̱i̱ore lolene nga.   
\q1
\v 22 Tigua Anduane Homogohondo ka̱i̱ lalu  
\q2 mbirale ibuhondo bo lomabu mulene nga.  
\q1 Tigua iba gana turu halu lalu wali agali maru karu hale helo  
\q2 Anduane Homogohanda mana bayaore bigi biyarunaga mo yaraga halu lamiaga bulene nga.   
\b  
\q1
\v 23 Agali maru ti iba sibini palu howa  
\q2 iba solowara angeni gago taguape hama ibaga bialu  
\q2 dindi ngagoha ibaga biai halu  
\q1 tinde muni biabe ogoni biaga hene.   
\q1
\v 24 Agali iba sibini biabe bialu haga uruni tiguabi  
\q2 Anduane Homogohanda bigi biyago handaga bini.  
\q1 Anduane Homogo ibugua iba solowarani mbirale bayaore bigi biyago handaga bini.   
\q1
\v 25 Anduane Homogo ibugua ani bia layagola  
\q2 puyabu hongoheore pu lalu iba solowara yaribu gibiore bini.   
\q1
\v 26 Ani biyagome iba sibiru uyura daligaore mo baraga halu  
\q2 lone unura mo baraliore haga bini.  
\q1 Hiriribi ogonidagua bigi biyago handayagola  
\q2 agali iba sibini biabe biaga biarume  
\q2 aiore áyu homarimadagoni manda buwa gi timbuniore ho hene.   
\q1
\v 27 Tinaga mini bibahende puguai halu homolene anda ibiyagola  
\q2 lulu iba nowa mini ereba howa sibaga lo haradagua  
\q2 ti iba sibi biagoriani ibagabu hene.   
\q1
\v 28 Tini darabi ogonibiore howa Anduane Homogo olayagola  
\q2 ibugua ti biamogo bigi bialu  
\q2 genda yu hearuni yamuwa mo wahaga bini.   
\q1
\v 29 Anduane Homogo ibugua puyabu hongohe pu layagoni pulairi helalu  
\q2 iba yaribu gibiore biyagoni mo hundia halu  
\q2 iba solowara ema nabi bayale berelene.   
\q1
\v 30 Iba solowarame ema nabi bayaore birape hayago hondowa  
\q2 agali biaru ti turuore halu hene.  
\q1 Anduane Homogo ibugua ti bayuwa haru pialu  
\q2 iba sibi anda pu wiaga wiagoria ubandaho ngelene.   
\q1
\v 31 Anduane Homogohanda ti gubalini haho wiaabo halu  
\q2 tinaga mbirale baya gibi turubini hangu bia haga bialu hayagonaga  
\q2 tigua Anduane Homogohondo ka̱i̱ore lolene nga.   
\q1
\v 32 Uruni tigua Ngode Datagaliwabenaga wali agali mandagi ngoaiho bedagoria  
\q2 Anduane Homogo ibu daligaore gibi kagoni lalu  
\q2 bibahende hale hai helo lope holene nga.  
\q1 Agali haguane dege dege ngoaiho bedarubi hale hai helo  
\q2 ogoriani ibunaga mini laraga holene nga.   
\b  
\q1
\v 33 Anduane Homogo ibugua iba poraruni hundilai helalu  
\q2 iba dindiha howa dugualu karuni bibahende hundi tege lelaga hene.   
\q1
\v 34 Dindi bene bere mbirale anda holene ngaruni mo beregedowa  
\q2 mbirale mbira anda habe nahe koore ibi dindi kuni panaho ngelaga hene.  
\q1 Ogonidagua biaganego irane wali agali dindi ogoriani hearume ko gibiore biyagola  
\q2 ti genda ogoni yilo Anduane Homogo ibugua miaga hene.   
\q1
\v 35 Dindi ko mbirale mbira anda nahaga ngarunaga iba goroyane tagira íbu berelalu  
\q2 dindi yobu dagahe ngarunaga iba dugutagi helaga bini.   
\q1
\v 36 Ibugua dindi bene bere ogoriani wali agali ala tomo nolene nawi buru palu haga hearu  
\q2 dindi ogoriani haru ibalu tigua anda bu hene.   
\q1
\v 37 Ti ogoriani hope ho howa ti mabuni tomo hangalu  
\q2 pu mbira lini daga mini \w gerebi\w* dewa hongo wini.  
\q1 Hongowa tomo dewaore ti mabuni bu ngaria bialu  
\q2 gerebi lini dewaorebi daga hene.   
\q1
\v 38 Anduane Homogo ibugua ibunaga wali agalihondo baya gibiore bialu  
\q2 ti mo gumbila hayagola  
\q2 tinaga waneigini dewaore hene.  
\q1 Ibugua tinaga nogo tara tara hearubi dewaore ho dame bilene.   
\b  
\q1
\v 39 Anduane Homogonaga wali agali biaru tinaga waitigi hearume bo hengedalu  
\q2 mo taga hayagola tandaga nalu dindihaore darabi hearia hondowa   
\q1
\v 40 ibugua ibunaga wali agali biaru bope haga agali haguane hearu mo habane nabulene helalu  
\q2 ti dindi ko hariga nawi wiagoha luluyu ibagabu helo helene.   
\q1
\v 41 Ani biyagoyu wali agali yagibano darabi ha ko howa hearu  
\q2 ibunime ti biamogo bigi bini.  
\q1 Tinaga waneigini dewaore nogo sibi ale tagira íbu helo biamogo bini.   
\q1
\v 42 Wali agali mini tigabiwi karume  
\q2 Anduane Homogohanda baya turubi urunibi bigi biaga kago hondowa  
\q2 ti turuore halu miniha dunguore lo haga ka.  
\q1 Wali agali mini kowi karu tinaga bi mbira lolenego nawioredagola  
\q2 ti bame ne hambu ndibu lowa hama pedagoni.   
\b  
\q1
\v 43 Anigo ai wali agali mini gigabiwi karume bi o laruruni damenego bibahendeore  
\q2 baya hangu mitangi biai helo hameledo.  
\q1 Anduane Homogo ibugua ti gubalini gibiore haho wiaabo haga kago  
\q2 ogoninaga laluore maru karu hale hai helo hameledo.   
\c 108  
\s1 Ngode Datagaliwabehanda ibunaga wali agali biamogo bilonaga bi lenego ogo  
\r (Iba Gana 57.7-11, 60.5-12)  
\q1
\v 1 Ngode Datagaliwabe-o i̱ mini bilinahe howa  
\q2 í̠hondo mini mbiraore hongohe wu kogonigo  
\q2 i̱na iba ganaru lalu  
\q2 í̠naga mini yaraga halu holebero.   
\q1
\v 2 I̱ni padogoria heyuwa i̱na ngida aleru barogome  
\q2 ni tagira ibilo mo heya holebero.   
\q1
\v 3 Anduane Homogo-o i̱ dindi tara tara ngaruha pu howa  
\q2 í̠hondo ka̱i̱ laabo holebero.  
\q1 Hameigini tara tarabu karuha pialu  
\q2 i̱na í̠naga mini yaraga hama polebero.   
\q1
\v 4 Anduane Homogo-o í̠naga gubalini haabo holene emene ndoore  
\q2 hari daliga elahe wu kegoni.  
\q1 Í̠naga mini bilinahe ngego timbuni yangale howa  
\q2 hari mindini elahe wu kegoni.   
\b  
\q1
\v 5 Ngode Datagaliwabe-o í̠ni timbuniore dunini kego wali agalime handai helo  
\q2 hari daligani mo walia habe.  
\q1 Dindi bibahendeha í̠naga wá holenebi mini lene holenebi  
\q2 panigi mo walia habe.   
\q1
\v 6 Í̠na ina gubalini timbuni ho haga kegonigo  
\q2 bayale hai holoma̱ya i̱naga bi larogo hale habe.  
\q1 Í̠naga hongo timbuni ho kegome ina pele ngibe laro.   
\b  
\q1
\v 7 Ngode Datagaliwabehanda ibuninaga andaha howa lalu,  
\q1 I̱na wai bialu bo podahana hai halu wayali harugo  
\q2 Segeme dindibi Sugodo dindiha dindi ulini bugubugu wuyu pedarubi  
\q2 dindi uruni i̱naga wali agaliru ti helo  
\q1 i̱na ti tu wu ta hai holebero.   
\q1
\v 8 Gileada dindibi Manase dindibi i̱ninagaore nga.  
\q2 Eberaimi ibu i̱naga ege manda ale nga.  
\q2 Yuda ibu kininaga haru haga halimbu ale nga.   
\q1
\v 9 Moaba dindi i̱naga wayawaya biaga ndisibe ale wialu  
\q2 Idomo dindi i̱nagaore ngo lalu i̱na i̱naga ge su golowa  
\q2 dindi ogoriani ba amu holebero.  
\q1 I̱na Pilidialiru balu wayali howa  
\q2 turu halu ga̱ lalu harugoni, laya.   
\b  
\q1
\v 10 Ngode Datagaliwabe-o pabe hongohe bu mabubi tano ngagoha  
\q2 i̱ aiwa haru anda polobadabe.  
\q1 Idomo dindiha i̱ aiwa haru polobadabe.   
\q1
\v 11 Ngode Datagaliwabe í̠na ina erembira ngiribe.  
\q2 Í̠na inanaga ami agali karu biamogo nabuleorebe.   
\q1
\v 12 Agalinaga hongome ina biamogo bulene emene nakarulapego  
\q2 ina waitigi bu karu baba wai buluma̱ya  
\q2 í̠nioreme ina biamogo bibe.   
\q1
\v 13 Ngode Datagaliwabe ibu ina heba kayagua nde  
\q2 iname wai bialu wayali holeberema.  
\q2 Waitigi karu ibunime bope hai holebira.   
\c 109  
\s1 Agalime genda yu howa Anduane Homogo olenego ogo  
\q1
\v 1 Ngode Datagaliwabe-o i̱na í̠naga mini yaraga halu  
\q2 bi larogo haleore howa ladai bibe.   
\q1
\v 2 Agali ko bu karumebi ke̱ hagane bu karumebi i̱ handabe manga howa  
\q2 ke̱ halu i̱ mege bialu kagoni ndobe.   
\q1
\v 3 Tigua i̱ mini lalu ke̱ howa bi koore lalu ka.  
\q1 Tigua irane mbira nayi howa bi ko ogoni lalu ka.   
\q1
\v 4 I̱na nde ti gubalini ho howa Anduane Homogohondo tinaga bi lahalu kogoni.  
\q1 I̱na ani berogo bilowa tigua nde i̱ handabe manga haga ka.   
\q1
\v 5 I̱na tihondo mana bayaleru bialu kogola  
\q2 tigua i̱hondo mana ko biadai biaga ka.  
\q1 I̱na tihondo gubalini ho kogola  
\q2 tigua i̱hondo gubalini nahe handabe manga haga ka.   
\b  
\q1
\v 6 I̱ waitigi kagonaga bi larago mo tale bilonaga  
\q2 agali ko mbira dabo helabe.  
\q1 Ibuninaga waitigi kagome ibuni godini haru pu helelo helabe.   
\q1
\v 7 Agali godi hale haga kagome agali godini pu kagola  
\q2 ko bini mbira ngane handalu garabaya helelo hameledo.  
\q1 Agali ogonime Ngode Datagaliwabehondo bi laradagobi  
\q2 ko dege bini lalu walia holebira.   
\q1
\v 8 Ibu dindini lu nahe abale homelo hameledo.\x + \xo 109.8 \xt Ab 1.20\x*  
\q1 Biabe ibugua bialu haga ngaru  
\q2 agali mendealime bia aribia halu helo hameledo.   
\q1
\v 9 Agali ogoninaga waneigini ti aba nahe helo  
\q2 ibu onebi wali dalo berelo hame ledogoni.   
\q1
\v 10 Ibunaga waneiginiore tinaga anda mbira nahe yagibanoore howa  
\q2 ibaga hangu bialu ngi ngi laabo haga helo hamelo kogoni.  
\q1 Ti anda koha palu karia agali marume ibalu  
\q2 ti bo taliatagi helo hamelo kogoni.   
\q1
\v 11 Waitigi agali ogoni ibu baba agali maru dano ho heneme  
\q2 ibunaga dindibi mbirale wiyadarubi ti karulai helo hameledo.  
\q1 Agali dindi taraha howa íbu hene karume  
\q2 ibunaga biabe bialu hayagonaga yolo ti mo nelo hameledo.   
\q1
\v 12 Maru karume agali ogoni biamogo nabilo  
\q2 ibu waneigini helalu homeneru mbiralime dara howa biamogobi nabilo hamelo kogoni.   
\q1
\v 13 Ibunaga waneigini aguanenerubi homai halu  
\q2 dabane mani holebirarume ibunaga mini embedaho wahelo hamelo kogoni.   
\q1
\v 14 Anduane Homogohanda agali biagonaga mamali bamba henerume  
\q2 ko biyaru mitangi bu wiaabo halu  
\q2 ibu ai̱yahanda ko biyarubi domo wanahelo hameledo.   
\q1
\v 15 Anduane Homogo ibugua urunime ko bibahende biyaru mitangi bu wiaabo halu  
\q2 marume ti hameigini heneru embeda ho wahelo hameledo.   
\b  
\q1
\v 16 Agali o biago ibugua mendeali kago  
\q2 dara holene mitangi nabiaga hene.  
\q1 Ibugua yagibano hearubi mbirale nayi burupale hearubi  
\q2 hongo nahe genda yu hearubi ti mo tandaga halu bo wahaga hene.   
\q1
\v 17 Bamba ibugua agali maru hearu mo ko helonaga ha haga hene.  
\q2 Áyu marume nde ibuni ha helo hameledo.  
\q1 Ibugua Ngode Datagaliwabehondo agali mende kago  
\q2 biamogo bibe lalu bi laholene mangaho haga hene.  
\q1 Ibuni nde maru karume turu howa biamogo nabilo hameledo.   
\q1
\v 18 Horo bibahendengi ibugua aga karulo haabo hagadagua  
\q2 ibu mendeali kago ha holene mugube hene.  
\q1 Ibugua maruhondo ha haragome ibuni tinginiha iba ale anda pialu  
\q2 ibu kuniha weli ale anda pelo hameledo.   
\q1
\v 19 Ha holene bi ogonime ibuni tingini aga biadambi haradagua bialu  
\q2 ibuni mandibu wu haradagua bilo hameledo.   
\b  
\q1
\v 20 Anduane Homogo-o waitigime i̱hondo bi ko ogonibi laga kago  
\q2 tini ko helo pani ogonidagua nelo mibe.   
\q1
\v 21 I̱naga Anduane Homogo Bibahende Haru Hame Ho Haga-o  
\q2 í̠na i̱ biamogo bulebero lalu lo wiridagua  
\q2 biamogo bibelo hamelo kogoni.  
\q1 Í̠naga gubalini holenemebi bayaleore bulenemebi  
\q2 i̱ pele ngialu haru dai bibelo hamelo kogoni.   
\q1
\v 22 I̱ bu miniha genda tandagabi yu haabo kogome  
\q2 i̱ yagibano howa burupale kogoni.   
\q1
\v 23 Alendo ni anda poragola ni munini biago abale ereba haralidagua  
\q2 i̱ abale pu wahole kogoni ndobe.  
\q1 I̱ore bame hinabibi ale bedoria  
\q2 puyabume pulo wahabehe kogoni ndobe.   
\q1
\v 24 I̱ tomo nane kogome i̱naga ge duli hongo nahe kogoni.  
\q1 I̱ni obu wahalu i̱naga kuni bibahende pirilape hai ka.   
\q1
\v 25 Wali agali i̱ de handararume i̱ hondo oba halu\x + \xo 109.25 \xt Md 27.39, Mg 15.29\x*  
\q2 mege bialu ma tandalaga bialu kagoni ndobe.   
\b  
\q1
\v 26 Anduane Homogo i̱naga Ngode Datagaliwabe-o i̱ biamogo bibe.  
\q1 Í̠na i̱hondo gubalini timbuni ho haabo haga kegome  
\q2 i̱ pele ngibe.   
\q1
\v 27 I̱ waitigi bu karume i̱ pele ngiaga í̠ni kegonida  
\q2 manda bilo walia habe.   
\q1
\v 28 Tigua i̱ Ngode Datagaliwabehanda mo ko helo laga bialu ha holebiragoyu  
\q2 í̠na i̱ biamogo biaabo haga kegoni.  
\q1 Agali i̱ mo tandaga haga karu  
\q2 tini mo tandaga habelo hamelo kogoni.  
\q1 Í̠naga biabe biahaga i̱ kogo  
\q2 i̱naga miniha dungulo holiya mo dungula habe.   
\q1
\v 29 I̱ waitigi biaru ti taga pani timbuni nalu helo hameledo.  
\q2 Tigua aga lu biagimbubi karulagadagua  
\q2 ti taga harago wali agali karume hendelo  
\q2 í̠na taga holeneme ti karulagimbu bu helabelo hamelo kogoni.   
\b  
\q1
\v 30 I̱na bi hongo howa ladaga halu Anduane Homogohondo turu howa  
\q2 ka̱i̱ timbuni lalu holebero.  
\q1 Wali agali dewali Anduane Homogo mitangi bialu lotu lole ngoai ho kagoria  
\q2 i̱na Anduane Homogonaga mini yaraga holebero.   
\q1
\v 31 Ibugua wali agali yagibano karu biamogo biaga ka.  
\q2 Wali agali marume godi deni haru tagira puwa uruni ti bo waholene nga nalelobi  
\q2 ibugua ti handayaho halu tinaga lahaga ka.   
\c 110  
\s1 Anduane Homogola kini mbira ibunime dabenegola iba gana lenego ogo  
\q1
\v 1 Anduane Homogohanda i̱naga Anduane Homogo kinihondo ogodagua laya.\x + \xo 110.1 \xt Md 22.44, Mg 12.36, Lg 20.42-43, Ab 2.34-35, 1 Ko 15.25, Eb 1.20-22, Kl 3.1, Hi 1.13, 8.1, 10.12-13\x*  
\q1 Í̠ waitigi karu í̠naga geme hengedai habelo i̱na mo heloliya  
\q2 í̠ i̱naga gi tigahayagi ogoria birabe, laya.   
\q1
\v 2 Anduane Homogo ibugua í̠na handayaho habelo  
\q2 Saiono howa dindi dewaore mo tago holebira.  
\q1 Ibugua ogodagua lalu,  
\q1 Í̠na í̠ waitigi karuni í̠ andaneha í̠na handayaho habe, leda.   
\q1
\v 3 Í̠na í̠ waitigi karu bo pole wai tagira porengi  
\q2 í̠naga wali agali karume wai í̠ha anda ibalu  
\q2 tini hameme wai ina haru bu ma lolebira.  
\q1 Mbiraga dadimba ibiragome tanini damiragola  
\q2 tani ibuha hongo gahenge anda ibagadagua dege  
\q2 í̠naga igiri daliaheru tiha hongo holene gahenge anda ho howa  
\q1 Ngode Datagaliwabenaga hari kago iraga halu í̠ keria ibulebira.   
\b  
\q1
\v 4 Anduane Homogohanda í̠hondo bulebero lowialu mbira ogodagua layagoni.\x + \xo 110.4 \xt Hi 5.6, 6.20, 7.17, 7.21\x*  
\q1 \w Loma\w* binigo mo miaga mbirali Ngode Datagaliwabehondo loma binigo mo miaga Melegesedege heneyagobi dege  
\q2 í̠ haho wiaabo holebere, lalu lowini.  
\q1 Anduane Homogohanda bi ogoni heneneore henene ledago  
\q2 ibugua bi ogoni lone mende ale lo aribia naholebira.   
\b  
\q1
\v 5 Anduane Homogo ibugua í̠naga gi tigahayagi mo hongo holenaga  
\q2 ibuni í̠ heba hapara ho kagoni.  
\q1 Ibu keba harangi ibugua kini tara tara karu balu bope hai holebira.   
\q1
\v 6 Ibugua wali agali dindi tara tarani bu karume  
\q2 ko biyarunaga pani tini nelo dabo mulebira.  
\q1 Ani bialu wai biagane wai hamani  
\q2 agali dewaore homene bo payapaya bulebira.  
\q1 Dindi bibahendenaga kini hama pedaruni bibahende  
\q2 ibugua bope hai holebira.   
\q1
\v 7 Ani bialu kini ogoni ibu agali balu pialu  
\q2 iba kaware hariga teneni poragoni dalipe howa hambu nolebira.  
\q1 Ani bigi biyarume kini ibu hongohe halu  
\q2 wai bigi biragola wayali haabo holebira.   
\c 111  
\s1 Iname Anduane Homogonaga mini yaraga hami̱ya lalu lenego ogo  
\q1
\v 1 Anduane Homogonaga mini yaraga hami̱ya.  
\q1 I̱na ibunaga wali agali ngoaiho kagoria pialu  
\q2 ibuhondo gubalini timbuni howa ka̱i̱ lalu holebero.   
\q1
\v 2 Anduane Homogohanda biabe nahendene ale gibiore biaga ka.  
\q2 Wali agalime biabe uruni birago hondowa turuho haga bu karu  
\q2 tigua biabe uruni bayuwa manda bule begelo handaga ka.   
\q1
\v 3 Ibugua biabe biraru damene bibahendeme  
\q2 ibu mini leneorebi  
\q2 ibu haru haga kiniorebi ka lalu walia haga nga.  
\q1 Ibunaga mana tigabi ngagoni wiaabobo bu wulebira.   
\b  
\q1
\v 4 Anduane Homogo ibunime mbirale biniru damene wali agalime mitangi biaabo helo  
\q2 ibugua tinaga miniha mo wála halu haabo haga ka.  
\q1 Ibugua inahondo dara holene nawi howa  
\q2 ina dara halu bayale biamogo biaabo haga ka.   
\q1
\v 5 Ibugua wali agali ibu mo dunini ho karuhondo tomo nelo miaabo haga ka.  
\q1 Ibugua wali agalihondo habo nalolene bi bamba lowinigo embeda nahagaore ka.   
\q1
\v 6 Ibugua i̱ hongo ogobi ko lalu walia halu  
\q2 wali agali maru bu hearunaga dindi wiaru  
\q2 ibunaga wali agaliruhondo mo mini.   
\b  
\q1
\v 7 Ibugua mana biaga ngaru damene bibahende mini bilinahe howa  
\q2 tigabiore biai haga ka.  
\q1 Ibugua mana bulene nga leneru  
\q2 iname mo dunu bia howa talialu bulene nga.   
\q1
\v 8 Anduane Homogo ibugua bi mana urunibi lo wiyaru  
\q2 ibu heneneorebi bayale tigabibi howa lowiyago  
\q2 bi uruni wiaabobo bu wulebira.   
\q1
\v 9 Ibunaga wali agaliru ibunime golope halu haru dai bialu  
\q2 tihondo habo nalolene bi wiaaboore helo lowini.  
\q1 Anduane Homogo ibu baya burugule mini leneore ka.   
\q1
\v 10 Mbirali ibu mini bayale gigabiwi hoa hayagua\x + \xo 111.10 \xt Yob 28.28, Min 1.7, 9.10\x*  
\q2 ala Anduane Homogo gibiore ka lalu ibu mo dunini holene nga.  
\q1 Wali agalime ibuni hamelo kago bialu kane hendedagohondo  
\q2 ibugua mini bayale gigabi wuleneru talebu miaga ka.  
\q1 Ibu ogonibi ka manda bialu  
\q2 ibunaga mini yaraga haaboore holene nga.   
\c 112  
\s1 Wali agali bayale bu karume turu holene ngago ogo  
\q1
\v 1 Anduane Homogonaga mini yaraga holene nga.  
\q1 Mbirali ibu Anduane Homogo mitangi bialu mo dunini haga kago  
\q2 ibu turuore ho haga ka.  
\q1 Anduane Homogonaga bi mana talialu bulene hamelo haga kago  
\q2 ibu turuore ho ka.   
\q1
\v 2 Agali bayale biaga kagonaga waneiginiru  
\q2 ti wali agali maru bu karuha howa mini lene haga bulebira.  
\q1 Agali ogoninaga aguane holebiraru  
\q2 Ngode Datagaliwabehanda ti biamogo bialu bayale biaabo holebira.   
\q1
\v 3 Ibu damene ti muni mbiraleru dewawi howa  
\q2 ibu homogo bayale haabo holebira.   
\b  
\q1
\v 4 Arumaho ngagoha wali agali bayaleru\x + \xo 112.4 \xt Yob 11.17, Iba 97.11\x*  
\q2 biamogo bulenaga wá holene tagira ibaga.  
\q1 Wali agali mendeali dara howa biamogo biagabi  
\q2 maruhondo bayale biagabi tigatiga hangu biagabi  
\q2 ti kagoha wá haabo holebira.   
\q1
\v 5 Mbirali ibu mbirale dewawi kagome ibunaga mbirale ngaru  
\q2 maru karume dano helo turu howa miagabi  
\q2 ibunaga biyinaya birago tigabi hangu biagabi howa  
\q2 ibu turubiore haga ka.   
\q1
\v 6 Wali agali bayale biaga kago ibu pinale mini bilinahe kagola  
\q2 wali agali marume ibu embeda nahe mitangi bu haabo holebira.   
\b  
\q1
\v 7 Genda timbuni mbira yu anda ibira larago hale howa\x + \xo 112.7 \xt Iba 57.7, 64.10\x*  
\q2 ogoni ibugua gi nahe haga ka.  
\q1 Ibugua Anduane Homogohondo mini mbiraore hongo ho wu haga ka.   
\q1
\v 8 Ibugua mbirale biraru hondowa mogolalu gi nahaga ka.  
\q1 Waitigi ibirarume wai bialu wayali nahe  
\q2 bame degedane ibu de hondolebira.   
\q1
\v 9 Ibugua yagibano karuhondo mbirale dewa talebu miaga ka.\x + \xo 112.9 \xt 2 Ko 9.9\x*  
\q2 Ibugua wali agali maru dara howa biamogo biagago wiaaboore holebira.  
\q1 Ibu dindini mini lene mbira kagola  
\q2 wali agalime ibunaga mini yaraga halu holebira.   
\q1
\v 10 Wali agali ko biaga karume bayale biaga o biago hondowa  
\q2 ti keba ho holebira.  
\q1 Tigua wali agali bayale o biagobi handabe manga haragome  
\q2 mani tinibi mo ko holebira.  
\q1 Ko biaga karu ti mbirale bayale mo yule hamelo hayaruni  
\q2 nayi dege howa pu ereba holebira.   
\c 113  
\s1 Wali agalime Anduane Homogohanda tihondo bayale biyagonaga turu henego ogo  
\q1
\v 1 Anduane Homogonaga mini yaraga holene nga.  
\q1 Ibunaga biabe biahaga kamiru  
\q2 tígua Anduane Homogonaga mini yaraga hadaba.   
\q1
\v 2 Ibunaga mini áyubi manibi yaraga haaboore holene nga.   
\q1
\v 3 Ni tagira ibiragohayagi howabi ni paliragohayagi howabi  
\q2 wali agali bibahendeme Anduane Homogonaga mini yaraga holene nga.   
\q1
\v 4 Anduane Homogohanda hameigini tara tara dindi bibahendeni karu  
\q2 handayaho howa haru haame haga kagoni.  
\q1 Ibunaga wá holene hari daliga bolangua howa daligaorene daliga kagoni.   
\b  
\q1
\v 5 Mbirali Anduane Homogo inanaga Ngode Datagaliwabe ale mbira naheore.  
\q2 Ibu daligaorene daligaha kagoni.   
\q1
\v 6 Ibu de handadali halu  
\q2 hari daligabi dindibi handape haga kagoni.   
\q1
\v 7 Ibugua yagibano dindiha karu mo yaraga halu  
\q2 wali agali maru burupale karu ti gendayu karia  
\q2 mo heyu howa bayale helaga ka.   
\q1
\v 8 Ibugua wali agali urunibi mini lene helalu  
\q2 ibunaga wali agali haguane karu baba mandagi helo helaga biaga ka.   
\q1
\v 9 Wali waneigini nataba hanaga bedaru biamogo buwa  
\q2 ibugua wali urunibi turuore ho berelo waneigini dewaore miaga ka.  
\q1 Anduane Homogonaga mini yaraga hama.   
\c 114  
\s1 Isaraele wali agalime Iyibi dindi wahalu tagira piyangi iba gana lenego ogo  
\q1
\v 1 Bamba Isaraele wali agalime Iyibi dindi wahalu tagira pene.\x + \xo 114.1 \xt Har 12.51\x*  
\q1 Yagaba aguaneru ti dindi tarani howa wahalu tagira pene.   
\q1
\v 2 Ogonidagua piyangi Yuda wali agali ti Anduane Homogonaga helo dabo helene.  
\q2 Isaraele wali agali tibi nde ibunaga wali agaliore helene.   
\b  
\q1
\v 3 Iba solowara Daramabi bereagome de hondowa ibida pene.\x + \xo 114.3 \xt Har 14.21, Yos 3.16\x*  
\q2 Iba Yodana ibu ema bialu pu nabi berene.   
\q1
\v 4 Dindi hari timbuni wearume nogo memerume pogolama ibaga biradagua bialu  
\q2 hari emene wearume nogo sibi iginime pogo laradagua bini.   
\b  
\q1
\v 5 Iba solowara Daramabi-o í̠ agua biyane ibida piribe.  
\q2 Iba Yodana í̠bi nde agua biyagola pu nabi biraribe.   
\q1
\v 6 Hari timbuni wedemiru-o  
\q2 tígua nogo memerume pogolama ibaga biradagua bialu harimigo irane agibe.  
\q2 Hari emene wedemiru-o  
\q2 tíbi nogo sibi iginime pogo laradagua bialu harimigo aginagabe.   
\b  
\q1
\v 7 Dindi-o Anduane Homogo áyu o ibiragonigo  
\q2 í̠ gi howa duru lalu wia.  
\q1 Yagabanaga Ngode Datagaliwabe o ibiragoni hondowa  
\q2 í̠ duru lalu ema bialu wulene nga.   
\q1
\v 8 Ibugua ege to̱le̱ timbuni ngago mo iba hambiaga goriane berelalu\x + \xo 114.8 \xt Har 17.1-7, Dag 20.2-13\x*  
\q2 dindi hariha ege to̱le̱ timbuni kago mo iba timbuni pelaga kagoni.   
\c 115  
\s1 Ngode Datagaliwabe mbiraore howa ibuni hangu heneneore kagoni ogo  
\q1
\v 1 Anduane Homogo-o í̠na ina horo bibahendengi gubalini haho wiaaboore halu  
\q2 mini bilinahe howa ina yu wanahagaore kegoni.  
\q1 Í̠ aniore biaga kegonaga iname inanenaga mini mo yaraga holene nawiore.  
\q2 Iname í̠naga mini hanguore mo yaraga haabo holene nga.   
\b  
\q1
\v 2 Wali agali hameigini tara tara paluyu pedarume inahondo hale halu,  
\q1 Tínaga Ngode Datagaliwabe hayuagoni agoha kabe,  
\q2 lalu kagoni irane aginagadabe.   
\q1
\v 3 Inanaga Ngode Datagaliwabe ibu dahuliya andagani kagoni.  
\q2 Ibu hongo haihe howa  
\q2 ibuni mbirale mbira bule manda biyagua  
\q2 ta nabi biai habehe kagoni.   
\q1
\v 4 Wali agali tara tara karume muni ngolomebi silibamebi\x + \xo 115.4 \xt Iba 135.15-18, Yar 10.5, Mo 9.20\x*  
\q2 mbirale mbira gime wabuwa tinaga bi pupu wiagane uruni laga ka.  
\q1 Bame wali agali tini degeme wabu helene urunihondo  
\q2 tinaga bi pupu wiagane laga kagoni.   
\q1
\v 5 Mbirale gime wabini uruni  
\q2 ti ne hariga wia ngagoyu bi nalabehe.  
\q2 De kagoyu tinaga deme nahandabehe.   
\q1
\v 6 Tinaga hale kagoyu hale nahabehe.  
\q2 Ngui hariga ngagoyu nguime nga nahabehe.   
\q1
\v 7 Tinaga gi kagoyu ema bialu mbirale mbira ela nahabehe.  
\q2 Ge kagoyu ibaga bialu pobe nahe.  
\q2 Tinaga ne harigaha howa bi mbira latagi habe nahe kagoni.   
\q1
\v 8 Wali agali uruni wabiaga karumebi mo dunini haga karu tinibi  
\q2 mbirale tini wabini urunibi dege helo hame ledo.   
\b  
\q1
\v 9 Isaraele wali agali kamiru  
\q2 tí Anduane Homogohondo mini pagaho halimu.  
\q2 Ibugua tí biamogo bialu de handayaho haga kagoni.   
\q1
\v 10 Ngode Datagaliwabenaga \w loma\w* binigo mo miaga Arono aria kamiru  
\q2 tí Anduane Homogohondo mini pagaho halimu.  
\q2 Ibugua ti biamogo bialu de handayaho haga kagoni.   
\q1
\v 11 Wali agali ibu mitangi bialu lotu laga kamiru  
\q2 tí Anduane Homogohondo mini pagaho halimu.  
\q2 Ibugua ti biamogo bialu de handayaho haga kagoni.   
\b  
\q1
\v 12 Anduane Homogo ibugua ina mbirale burupale kama aleru mitangi bialu biamogo biaga kagoni.  
\q2 Ibugua Isaraele wali agalibi  
\q2 Ngode Datagaliwabenaga loma binigo mo miaga karu ariabi  
\q2 ibunime ti mo gumbila holebira.   
\q1
\v 13 Anduane Homogo ibugua wali agali emene timbunibi\x + \xo 115.13 \xt Mo 11.18, 19.5\x*  
\q2 ibu mitangi bialu ibu andaneha haga karu  
\q2 ibunime ti mo gumbila holebira.   
\b  
\q1
\v 14 Anduane Homogo ibugua tíhondo waneigini dewaore ngialu  
\q2 tinaga waneigini mani hama poraru tihondobi  
\q2 waneigini dewaore milo hamelo kogoni.   
\q1
\v 15 Anduane Homogo dindibi hari daligabi bibahende wabini kagome  
\q2 tí mo gumbilaore helo hamelo kogoni.   
\b  
\q1
\v 16 Hari daliga bibahende Anduane Homogo ibuni hangunaga ngagonigo  
\q2 ai dindi timbuni o ngagoni ina wali agali holoma̱yanaga ngini.   
\q1
\v 17 Wali agali homalu dinini humbirini andaga pugu biyagoni  
\q2 tigua humbirini andaga pu howa Anduane Homogonaga mini mo yaraga nahaga.   
\q1
\v 18 Ai ina wali agali dindini dére emabu kamaru  
\q2 iname Anduane Homogonaga mini mo yaraga halu ibuhondo ka̱i̱ lami̱ya.  
\q1 Áyu kamangibi manibi ka̱i̱ laaboore hami̱ya.  
\q1 Anduane Homogonaga mini mo yaragaore haabo holene nga.   
\c 116  
\s1 Homolene wiagoria howa gi miyagola yo pialu peneme Ngode Datagaliwabenaga mini yaraga henego ogo  
\q1
\v 1 I̱na Anduane Homogohondo bi larugo ibugua hale halu biaga kagonaga  
\q2 i̱na ibuhondo gubalini ho kogoni.  
\q2 I̱na ibuhondo bi larogo haleore haga ka.   
\q1
\v 2 I̱na ibu olarongi ta nabi haleore halu biaga ka.\x + \xo 116.2 \xt Iba 17.6, 40.1\x*  
\q2 Ibu ani biagagodago i̱ dére emabu kongi ibu olaho wiaabo holebero.   
\q1
\v 3 I̱ homoleneore gi biyagome mo dombe wia hayagola dombeneha haru.\x + \xo 116.3 \xt Iba 18.4-6\x*  
\q1 Homaliha horo heago hondowa homali hondowabi  
\q2 gi ogonibi dege biyagola haru.  
\q2 Miniha gi dege dindiho mini tumutumu bu ho wiru.   
\q1
\v 4 I̱ aniore howa nde i̱na Anduane Homogo olalu,  
\q1 Anduane Homogo-o homaore bidogo gi mia, lalu olaru.   
\b  
\q1
\v 5 Anduane Homogo ibugua i̱na dara nahabehego  
\q2 dara howa biamogo biagabi bayaore bigi biagabi ka.  
\q2 Inanaga Ngode Datagaliwabe ibu wali agali dara hagaore kagoni.   
\q1
\v 6 Wali agali ko hongo nahe paipai biadai bibe nahe karu  
\q2 Anduane Homogo ibugua ti biamogo biaga ka.  
\q2 I̱ homolene wiagoria hewaria ibugua i̱ gi miya.   
\q1
\v 7 Ai i̱ de dege dindiho naholebero.  
\q2 Miniha dungulo dai buwa bu ibira ho holebero.  
\q2 Anduane Homogohanda i̱hondo bayaore biyago manda bialu ani holebero.   
\b  
\q1
\v 8 Anduane Homogohanda i̱ homolene wiagoria hewaria  
\q2 gi mialu i̱naga de iba domaya.  
\q2 I̱ pilole hewaria ibugua i̱ gini yani ho haya.   
\q1
\v 9 Ibugua ani binigome ai áyu i̱ Anduane Homogonaga deni howa  
\q2 wali agali maru dére karu kadagua mandagi kamagoni.   
\q1
\v 10 I̱ homolene kawareore wiago hondowa\x + \xo 116.10 \xt 2 Ko 4.13\x*  
\q2 aiore nde homaruda manda buwa dege  
\q2 i̱na Anduane Homogohondo mini mbiraore wiaaboore haru.   
\q1
\v 11 Homolene giore halu  
\q2 wali agali bu harimaruni mbiraligomebi i̱ pele ngulenego mbira nahayuago, lalu  
\q2 hanguore i̱ homoleda manda buwa dege  
\q2 Anduane Homogohondo mini mbiraore wiaaboore haru.   
\b  
\q1
\v 12 Anduane Homogohanda i̱hondo bayale dege bima ibiyagonaga  
\q2 i̱na ibuhondo agi muledabe.   
\q1
\v 13 I̱ homoleore kaware hewaria gi miyagonaga ka̱i̱ lalu  
\q2 i̱na \w waini\w* iba lomabu mule ibu karia hambu yalu ibulebero.   
\q1
\v 14 Ibunaga wali agaliru mo mogobu biru ngagoria puwa  
\q2 i̱na ibuhondo mulebero lalu lowirugo miaore bulebero.   
\b  
\q1
\v 15 Anduane Homogo ibugua ibunaga wali agali mbirago homaga biragola\x + \xo 116.15 \xt Iba 72.14\x*  
\q2 ibu miniha tandaga haore biaga ka.   
\q1
\v 16 Anduane Homogo-o i̱ í̠naga biabe biahaga kogoni.  
\q2 I̱ ai̱yahanda í̠naga biabe biahalu bereneyadagua  
\q2 áyu i̱na í̠naga biabe biahalu ko.  
\q2 I̱ homoleore hewaria í̠na i̱ gini mialu bayale heledagoni.   
\q1
\v 17 I̱na í̠hondo ka̱i̱ore lalu mbirale mbira lomabu ngialu  
\q2 í̠hondo bi lolebero.   
\q1
\v 18-19 Yaruseleme í̠naga anda ngagoria anda puwa  
\q2 í̠naga wali agali bibahende íbu ngoai ho bedaria  
\q2 i̱na í̠hondo, Ngulebero, lalu lowirugo lomabu ngiaore bulebero.  
\q1 Anduane Homogonaga mini mo yaragaore holene nga.   
\c 117  
\s1 Anduane Homogonaga mini yaraga holene nga lenego ogo  
\q1
\v 1 Wali agali hameigini tara tara bu kamiru\x + \xo 117.1 \xt Lm 15.11\x*  
\q2 tí bibahendeme Anduane Homogonaga mini yaraga hadaba.  
\q1 Wali agali dindi tara tara bibahendeha bu kamiru  
\q2 tígua ibunaga mini yaraga hadaba.   
\q1
\v 2 Ibugua ina gubalini timbuniore ho haabo haga kagoni.  
\q2 Ibugua bi lowiyago habo nale mini bilinaho haabo haga kagoni.  
\q1 Iname ibunaga mini yaraga hama.   
\c 118  
\s1 Ngode Datagaliwabehanda biamogoore biyagonaga ibuhondo ka̱i̱ lenego ogo  
\q1
\v 1 Iname Anduane Homogohondo ka̱i̱ore lalu hami̱ya.\x + \xo 118.1 \xt 1 Bit 16.34, 2 Bit 5.13, 7.3, Esr 3.11, Iba 100.5, 106.1, 107.1, 136.1, Yar 33.11\x*  
\q1 Ibugua inahondo mana bayale hangu bigi biyagonaga ani lalu hami̱ya.  
\q2 Ibugua ina gubalini ho kago haho wiaaboore hole kagonaga  
\q2 ibuhondo ka̱i̱ore lalu hami̱ya.   
\q1
\v 2 Isaraele wali agali kamirume,  
\q1 Anduane Homogo ibugua horo bibahendengi  
\q2 ina gubalini ho kago haho wiaaboore haga kagoni, lalimulo hameledo.   
\q1
\v 3 Ngode Datagaliwabenaga \w loma\w* binigo mo miaga kamirume,  
\q1 Anduane Homogo ibugua horo bibahendengi  
\q2 ina gubalini ho kago haho wiaaboore haga kagoni, lalimulo hameledo.   
\q1
\v 4 Wali agali Anduane Homogo mitangi halu lotu laga kamirume,  
\q1 Anduane Homogo ibugua horo bibahendengi  
\q2 ina gubalini ho kago haho wiaaboore haga kagoni, lalimulo hameore ledo.   
\b  
\q1
\v 5 I̱ genda gibiore yu hewangi Anduane Homogo olarugola\x + \xo 118.5 \xt Iba 18.19, 120.1\x*  
\q2 ibugua hale halu i̱naga genda yu hewagoni mo wahalu i̱ golope hayagoni.   
\q1
\v 6 Anduane Homogo ibu i̱ heba hapara ho haabo haga kagonigo\x + \xo 118.6 \xt Iba 56.4, 56.11, Ais 51.12, Hi 13.6\x*  
\q2 i̱ gi naholebero.  
\q1 Wali agalime i̱hondo mbirale mbira agi bulubadabe.   
\q1
\v 7 I̱ biamogo biaga Anduane Homogo ibuni kagoni.  
\q1 Ibu ani kagome i̱naga waitigi karu Anduane Homogo ibugua bope haragola  
\q2 i̱ de hondolebero.   
\q1
\v 8 Wali agali tini dege dege hanaho holenego goyane lowa  
\q2 Anduane Homogoniore hanaho holenego duniniore nga.   
\q1
\v 9 Dindini haru haga karubi agali haguane karubi  
\q2 tini hanaho holenego goyane dege lowa  
\q2 Anduane Homogoni hanaho holenego duniniore nga.   
\b  
\q1
\v 10 I̱naga waitigi dewaoreme i̱ bole homabu bupe hearia  
\q2 Anduane Homogonaga hongome i̱na uruni bibahende bope hai haru.   
\q1
\v 11 Ti bibahendeme i̱ bole ho mabu bupe howa i̱ mo dombe wia hearia  
\q2 Anduane Homogonaga hongome i̱na uruni bibahende bope hai haru.   
\q1
\v 12 Mone tidu yalu ibiradagua waitigi bibahende tidu yalu ibuwa i̱ni mbulupe hayagoyu  
\q2 o biaruni irame gaeangi bo daradagua bialu bibahende bo mburi lai haya.  
\q1 Anduane Homogonaga hongome i̱na uruni bibahende bope hai haru.   
\q1
\v 13 Tigua i̱ bole anda ibalu mo ko howaore bayagola i̱ bope habehegoyu  
\q2 Anduane Homogo ibugua i̱ biamogo biya.   
\q1
\v 14 Anduane Homogo ibugua i̱ mo hongo helagaore ka.\x + \xo 118.14 \xt Har 15.2, Ais 12.2\x*  
\q2 Ibunime i̱ gi mialu biamogo biyagoni.   
\b  
\q1
\v 15 Ngode Datagaliwabenaga wali agali karume agali balu ibuwa  
\q2 tinaga balai anda tamuha tini wai mambolo baruago hale hadaba.  
\q1 Anduane Homogonaga hongo gibigome ina mo hongo hayagola  
\q2 bibahende bai harimagoniyago, lalu biraruago hale hadaba.   
\q1
\v 16 Anduane Homogonaga hongo gibi biagome ina biamogo biyagola  
\q2 ina wai bialu wayali harimagoni.   
\b  
\q1
\v 17 I̱ ala awane nahomolebero.  
\q2 Nahome howa dére emabu kongi  
\q2 Anduane Homogohanda bigi biyaru ogodagua biya lalu  
\q2 te laga bulebero.   
\q1
\v 18 Anduane Homogo ibugua i̱ mini wuliya mana lalu  
\q2 pani hiriribiore ngia nguwa i̱ bo home nalayagoni.   
\b  
\q1
\v 19 I̱ Anduane Homogonaga mini mo yaraga halu ibuhondo ka̱i̱ lo poleberogo  
\q2 ibunaga anda panga karuni dugupe hadaba.   
\b  
\q1
\v 20 Anduane Homogonaga anda anda pole panga haraba o kagoni.  
\q1 Wali agali mini tigabiwi karu hangume  
\q2 panga o duguaho ngagoniha anda pobehe ka.   
\q1
\v 21 Anduane Homogo-o í̠na i̱na bi larugo hale halu biamogo birigome  
\q2 i̱ wayali ho kogoni.  
\q1 Biamogo birigonaga i̱na í̠naga mini mo yaraga holebero.   
\b  
\q1
\v 22 Ege to̱le̱ mbira anda biagame galone nabibehedago lowa dabo wahenego\x + \xo 118.22 \xt Lg 20.17, Ab 4.11, 1 Pi 2.7\x*\x + \xo 118.22 \xt Md 21.42, Mg 12.10-11\x*  
\q2 ege to̱le̱ ogoniore mo timbuni duniniore ho heleda.   
\q1
\v 23 Ogoni Anduane Homogo ibunioreme mo yu daibu helenego  
\q2 iname de handalu handawa bu kamagoni.   
\q1
\v 24 Áyu ogoni Anduane Homogohanda inanaga waitigi bope hayagonaga  
\q2 iname ibuhondo turu gibiore halu bi te lalu mitangi biaabo hami̱ya.   
\q1
\v 25 Anduane Homogo-o ina gi mialu haru dai bia, larama.\x + \xo 118.25 \xt Md 21.9, Mg 11.9, Yo 12.13\x*  
\q1 Iname mbirale bigi beremago damene bibahendeore  
\q2 bayale halu lini daga bilo buluma̱ya  
\q2 Anduane Homogo-o biamogo bibe, larama.   
\b  
\q1
\v 26 Mbirali Anduane Homogonaga minini howa ibirago\x + \xo 118.26 \xt Md 21.9, 23.39, Mg 11.9, Lg 13.35, 19.38, Yo 12.13\x*  
\q2 Ngode Datagaliwabehanda ogoni ibuhondo turu halu bayale bilo larama.  
\q2 Anduane Homogonaga andani howa iname ibunaga mini mo yaraga harama.   
\q1
\v 27 Anduane Homogo ibu hangu Ngode Datagaliwabe heneneore kagoni.  
\q2 Ibugua ina baya hanguore de hondo hayagoni.  
\q1 Ira magane giha podo yagayaga bialu  
\q2 bo lomabu miaga dabu ngagoria pu mabu bidaba.   
\b  
\q1
\v 28 Í̠ i̱naga Ngode Datagaliwabe kegonigo  
\q2 i̱na í̠hondo ka̱i̱ore lalu ko.  
\q1 Í̠ i̱naga Ngode Datagaliwabe kegonigo  
\q2 i̱na í̠ timbuniore kego wali agali lamialu  
\q2 í̠naga miniore mo yaraga holebero.   
\b  
\q1
\v 29 Iname Anduane Homogohondo ka̱i̱ore lalu hami̱ya.  
\q2 Ibugua inahondo mana bayale hangu bigi biyagonaga ani lalu hami̱ya.  
\q2 Ibugua ina gubalini ho kago haho wiaaboore hole kagonaga  
\q2 ibuhondo ka̱i̱ore lalu hami̱ya.   
\c 119  
\s1 Anduane Homogonaga bi mana bayale lo ngago ogo  
\q1
\v 1 Wali agali tiha ko mbira nawiore howa tigatigaore ibaga bu karu\x + \xo 119.1 \xt Iba 128.1\x*  
\q2 ti turu ho haga ka.  
\q1 Tigua Anduane Homogonaga bi mana lo ngadagua bialu haga kago  
\q2 ti turuore haga kagoni.   
\q1
\v 2 Wali agali ti Anduane Homogohanda mana urubi bulene nga lene ngaru  
\q2 minime talialu bialu haga karu  
\q2 ti turuore ho haga ka.   
\q1
\v 3 Wali agali urunidagua biaga karu tigua mana ko ngaru nabiaga howa  
\q2 Anduane Homogonaga mana lo ngaru hangu biaga ka.   
\q1
\v 4 Anduane Homogo-o í̠nime inahondo í̠naga bi mana damenego langiai halu lalu,  
\q2 I̱naga bi uruni bayuwa taluwa biaabo halu halimu, larigoni.   
\q1
\v 5 I̱naore mini bilinahe howa í̠naga bi mana ogoni taluwa  
\q2 bialu haabo holenego hamelo ko.   
\q1
\v 6 I̱na í̠naga bi mana taluwa bialu haabo haruyagua  
\q2 i̱ha taga holene emeneorebi mbira nawulebira lo manda bido.   
\q1
\v 7 I̱na í̠naga mana bayale tigabi ngego manda bialu kongi  
\q2 i̱naga bu miniha ko mbira nawi howa  
\q2 í̠naga mini yaraga halu holebero.   
\q1
\v 8 Í̠naga bi mana debene bibahende ngeru taluwa bialu holebero.  
\q2 I̱na ani bialu holiyago í̠na i̱ yu wanahabe.   
\s1 Anduane Homogonaga bi mana lo ngadagua hale halu bulenego ogo  
\q1
\v 9 Wandari igiri daliaherume tini mo dodo nahe tigabiore agua habehebe.  
\q1 Í̠na ogo bibe lalu laga birigo hale halu bigi biyagua  
\q2 ti tigabi ogonibi holebira.   
\q1
\v 10 I̱naga gubalinioreme Anduane Homogo í̠naga biabe bule bialu ko.\x + \xo 119.10 \xt Iba 119.2, 119.21, 119.118, 119.145\x*  
\q2 Í̠naga bi mana lo ngego mbira i̱na puguligo haru habe.   
\q1
\v 11 I̱na í̠ deni ko mbira nabulenaga  
\q2 í̠naga bi mana lo ngegoni i̱naga gubalinini mo hengedo.   
\q1
\v 12 Anduane Homogo-o í̠naga mini mo yaraga harogo  
\q2 í̠naga hame ngego i̱hondo biawai habe.   
\q1
\v 13 Í̠naga bi mana lo ngego bibahende lone loyane bialu laho wiaabo holebero.   
\q1
\v 14 Dindi daburabu dewaore wu howa turu holenego emene lowa  
\q2 turu timbuniore holenego í̠naga bi lo ngedagua hale halu  
\q2 bulenegoha ngaria handaga bialu ko.   
\q1
\v 15 Ogodaguaore bibe lalu lo ngego bayuwa lo manda biruli.  
\q1 Í̠naga bi mana lawai haragobi mo yule lowa  
\q2 bayuwaore hale halu mitangi bialu haruli.  
\v 16 Í̠naga bi mana bayale lo ngeru hondowa\x + \xo 119.16 \xt Iba 119.35, 119.70, 119.92-93, 119.174\x*  
\q2 i̱ turu halu daga laruli.  
\q1 Ogo ale bibe lalu lo ngeru  
\q2 i̱na embeda naholebero.   
\s1 Anduane Homogonaga bi mana ngago manda bialu miniha dungulo henego ogo  
\q1
\v 17 Anduane Homogo í̠naga biabe biahaga i̱ kogo  
\q2 í̠na i̱ biamogo bibelo hamelo kogoni.  
\q1 Irane i̱ homa nabi howa í̠naga bi mana ngego  
\q2 baya hangu talialu bialu holiyanaga ani bibe laro.   
\q1
\v 18 Í̠naga mana lowini ngegoha bi bayale heneneore ngago manda biai holiya  
\q2 i̱naga miniha de mo ngala habe.   
\q1
\v 19 I̱ nde dindi ogoriani lu haho wule ndo kogo manda bialu  
\q2 í̠naga bi mana bayale lo ngego i̱naga deni mo do nahabe.   
\q1
\v 20 Horo bibahendengi i̱naga bu minime í̠naga bi mana bayale lo ngeru  
\q2 i̱na talialu buaore howa homalu kogoni ndobe.   
\q1
\v 21 Wali agali mine haga bu karu  
\q2 í̠na ti talialu mo tiga bigi birili.  
\q1 Í̠naga bi mana lowini ngego erembira mialu  
\q2 tinime hameledago ale bima piaga karume ti koha polebira.   
\q1
\v 22 I̱na í̠naga bi mana debene lo ngeru taluwa bialu kogonaga  
\q2 tigua i̱hondo mege bialu bi koru lalu helo nahelabe.   
\q1
\v 23 Agali haguane bu karume mo mogobu howa  
\q2 i̱ bo waholenaga hariga tai bialu karuni helowa  
\q2 i̱na í̠naga bi mana tigabi bayale ngego hangu mitangi bialu lo manda biaabo holebero.   
\q1
\v 24 Í̠naga bi mana tigabi ngeru hangume  
\q2 i̱ mo turu halu haru haabo haga kagoni.  
\q1 Í̠naga bi mana urunime i̱ lawai halu haabo haga.   
\s1 Anduane Homogonaga bi mana buaore howa bialu holiya lenego ogo  
\q1
\v 25 Tigua i̱ bope hayagola dindi abaluha padogoni ndobe.  
\q2 Í̠nime bulebero lalu bi lo wiridagua  
\q2 i̱ lone heyuliya mo hongo habe.   
\q1
\v 26 I̱na mana biruru bibahende í̠hondo langiai harugola  
\q2 í̠na nde i̱hondo bi ladai birigoni.  
\q1 Í̠naga mana ngeruni bibahende i̱ lawai habe.   
\q1
\v 27 Í̠naga bi mana ngeruni i̱na manda buliya biamogo beregola  
\q2 i̱na í̠naga bi mana bayale uruni bibahende mitangi biaabo halu holebero.   
\q1
\v 28 I̱naga miniha genda yidogome i̱ dambi kagola kogoni.  
\q2 Í̠nime mo hongo holebero lalu abale langiridagua  
\q2 i̱ mo hongo habe.   
\q1
\v 29 Í̠naga hariga ngego wahalu i̱ pu tara holigo  
\q2 baya hangu handayaho habe.  
\q1 Í̠na i̱hondo mana bayale bialu  
\q2 í̠naga mana tigabi ngeru i̱ lawai habe.   
\q1
\v 30 I̱na í̠naga bi lo ngego taluwa bialu hole lalu bi lo wirugoni.  
\q2 Horo bibahendengi í̠naga bi mana hangu hale halu mitangi bu kogoni.   
\q1
\v 31 Anduane Homogo-o í̠na bi langiriruni talialu biaabo haruli.  
\q2 Mbirale mbirame i̱ mo taga helo nangelabe.   
\q1
\v 32 Í̠na manda bulene dewaore i̱hondo ngirigome\x + \xo 119.32 \xt 1 Kin 4.29, Ais 60.5, 2 Ko 6.11-13\x*  
\q2 i̱na í̠naga bi lareru buaore howa bialu holebero.   
\s1 Anduane Homogohondo manda bulene ngilonaga bi lenego ogo  
\q1
\v 33 Anduane Homogo-o i̱na í̠naga bi mana taluwa bialu holiya  
\q2 í̠na mana ogoni irane ngaru baya hangu i̱ mo wála habe.   
\q1
\v 34 Í̠naga bi mana baya hangu taluwa bialu holiya\x + \xo 119.34 \xt Iba 119.73, Min 2.6, Ya 1.5\x*  
\q2 galone ngago i̱ garealo ngialu lawai habe.  
\q1 I̱naga miniha í̠nime mo heya haregola  
\q2 i̱na bi mana lo ngago bibahende buaore howa taluwa bialu holebero.   
\q1
\v 35 I̱ í̠naga bi mana taluwa bialu howa turu haga kogonigo  
\q2 ainde í̠naga bi mana bulene hariga pedadagua pialu holiya  
\q2 i̱naga ge baya hangu haru habe.   
\q1
\v 36 I̱naga miniha mbirale ngaru dimagoli ho holiya ndo\x + \xo 119.36 \xt Mg 7.21-22, 1 Ti 6.10-11, Hi 13.5\x*  
\q2 í̠naga bi lo ngego i̱na talialu buaore holiyanaga hame lolene ngibe.   
\q1
\v 37 Mbirale ko habane nabulene ngaru erembira mialu holiyanaga  
\q2 i̱ biamogo bibe.  
\q1 Í̠nime i̱hondo bayale bule lalu abale bi lo wiridagua  
\q2 i̱ biamogo bibe.   
\q1
\v 38 Í̠ni mitangi bialu mbirali í̠na bia laredagua biaga karuhondo  
\q2 bayale buleore lalu bi hongohe lo wiaga kegoni.  
\q1 Í̠na bi hongoheore ogoni bulebero lalu lowirigo  
\q2 í̠naga biabe biahaga i̱ kogohondo biai habelo hamelo kogoni.   
\q1
\v 39 I̱hondo bi ko lalu kago bibahende giho kogonigo  
\q2 bi ko urunime i̱ bope holigo í̠na i̱ biamogo bibe.  
\q1 Í̠naga bi mana tigabi ngeru baya gibiore ngegoni.   
\q1
\v 40 Í̠naga bi mana damenego  
\q2 i̱na talialu bialu hole hamelo kogoni.  
\q1 Í̠na mana tigabiore biaga kego  
\q2 i̱hondo holene gahenge ngibe.   
\s1 Anduane Homogonaga mana lowinigo yu tigabu henego ogo  
\q1
\v 41 Anduane Homogo-o í̠na i̱ gubalini ho kego i̱ walia habe.  
\q2 Í̠nime i̱ mo wialu pele ngulebero lalu bi lo wiridagua bibe.   
\q1
\v 42 Í̠na bi heneneore larigo manda buwa\x + \xo 119.42 \xt Iba 102.8, 119.39, Min 27.11\x*  
\q2 i̱na í̠hondo mini mbiraore wu kogome  
\q1 wali agali i̱hondo bi ko lararu ladai buliya  
\q2 í̠na i̱ pele ngulebere.   
\q1
\v 43 Í̠na bi tigabiore larigonaga i̱na mini dunubia ho kogome  
\q2 i̱na bi heneneore hangu wali agali karuhondo latagi haabo holiya  
\q2 i̱ mo hongo habe.   
\q1
\v 44 Í̠naga bi mana lo ngego i̱na taluwa bialu haabo holebero.   
\q1
\v 45 Í̠naga bi ledegoore i̱na talialu bule bialu kogonigo  
\q2 mbirale ngarume hapai nahelo hameledo.   
\q1
\v 46 I̱na í̠naga mana lamulene nga lariruni kini bu karu lamule  
\q2 i̱ taga nahe howa lamulebero.   
\q1
\v 47 I̱na í̠naga bi mana lowini ngego hame timbuni lo howa\x + \xo 119.47 \xt Iba 119.16, 119.97, 119.127, 119.159\x*  
\q2 talialu buaore ho kogoni.   
\q1
\v 48 Í̠naga bi mana uruni bayaleoreda lo manda bu howa  
\q2 i̱na hame timbuni lo kogoni.  
\q1 I̱na bi mana debene tigabi uruni bia laridagua bialu haabo holebero.   
\s1 Anduane Homogonaga bi mana ngago galoneore nga lowa mini mbiraore winigo ogo  
\q1
\v 49 Bamba í̠nime ogoaleore bule lalu  
\q2 í̠ninaga biabe biahaga i̱hondo lo wirigo mitangi bibe.  
\q2 Í̠na ogoni biaore buleberedalo manda buwa  
\q2 i̱ mini dunubia ho kogoni.   
\q1
\v 50 I̱ha gendaru anda ibugu biyangi í̠na bulebero lalu bi lo wirigome  
\q2 i̱ mo dengalaho helarigola homa nabi halu  
\q2 i̱naga bu miniha mo palia holene karulo haru.   
\q1
\v 51 Wali agali mine haga bu karume i̱ mege bialu karu helowa  
\q2 i̱na í̠naga bi mana lowini ngago erembira mialu napiruli.   
\q1
\v 52 Anduane Homogo-o í̠na i̱hondo bi ala langigi biriruni mitangi budai bigi berogome  
\q2 i̱ mo hongo haga biaga.   
\q1
\v 53 Wali agali ko biaga karume í̠naga bi mana lo ngego puguarago hondowa  
\q2 i̱ bu miniha keba timbuni haruli.   
\q1
\v 54 I̱ni dindi ogoriani kogoni howa  
\q2 i̱na í̠naga mana ngegonaga iba gana minime manda bialu laabo holebero.   
\q1
\v 55 Anduane Homogo-o mbiraga í̠ mitangi bialu  
\q2 i̱na í̠naga mana ngago lo manda biruli.   
\q1
\v 56 Í̠naga mana bibahende i̱na taliai halu bialu kogola  
\q2 i̱naga miniha dungulo haruli.   
\s1 Anduane Homogonaga mana ngago mo dunini holene hamelo henego ogo  
\q1
\v 57 Anduane Homogo-o í̠ore hamelo kogoni.\x + \xo 119.57 \xt Iba 16.5\x*  
\q2 Í̠naga mana ngeru taluwa biaiore hole lalu bi lo werogoni.   
\q1
\v 58 Í̠na i̱hondo dara howa biamogo bulebero lalu bi lo wirigodago  
\q2 i̱ dara holene irane nawigoria nde harugo i̱ dara howa biamogo bibe laro.   
\q1
\v 59 I̱nime bialu harudaru manda biaiho howa\x + \xo 119.59 \xt Mg 14.72, Lg 15.17\x*  
\q2 i̱na í̠na bia laredagua talialu biai hole lalu  
\q2 í̠hondo bi lo wero.   
\q1
\v 60 I̱na awe buliya lalu hondo ha nabi  
\q2 abaleore í̠naga bi ledego talialu bulebero.   
\q1
\v 61 Agali ko bu karume i̱ bialu kogoha hapai howa  
\q2 tinaga mana ngagoha i̱ haru pubagi holenaga bialu ka.  
\q1 Tigua ani bialu kagoyu  
\q2 i̱na í̠naga bi mana lowini ngego embeda nahe ko.   
\q1
\v 62 Mbi hanuniore i̱ heyu biruwa  
\q2 í̠na bi mana tigabiore ngadagua lope haga kegonaga  
\q2 i̱na í̠naga mini yaraga haruli.   
\q1
\v 63 Agali í̠naga biabe biahaga howa  
\q2 í̠naga mana ngago talialu haga karu  
\q2 i̱ ti baba ibagabu haruli.   
\q1
\v 64 Anduane Homogo-o wali agali dindi bibahendeni bu karuha  
\q2 í̠naga gubalini holene to̱ledago  
\q1 í̠naga mana ngego damene manda buliya i̱ lawai habe.   
\s1 Anduane Homogonaga bi mana galone duniniore nga lenego ogo  
\q1
\v 65 Anduane Homogo-o í̠naga biabe biahaga  
\q2 i̱hondo mana bayaleore birigoni ndobe.  
\q1 Í̠na buleore lalu bi abale lo wiridagua biaore birida.   
\q1
\v 66 Í̠naga mana lo ngego mitangi bialu mini mbiraore wu kogo  
\q2 í̠na mini bayale gigabi wulenebi manda bayale bulenebi  
\q2 i̱hondo ngibelo hameledo.   
\q1
\v 67 Í̠na i̱ abale pani ngia nabi heha í̠naga harigani polene winigo wahalu\x + \xo 119.67 \xt Iba 119.71, Yar 31.18, Hi 12.10-11\x*  
\q2 i̱ pubagi harugoyu  
\q2 ai áyu i̱na í̠naga bi mana bayaleore ngeru bialu kogoni.   
\q1
\v 68 Í̠ bayaleore howa i̱ dara habe naheoreni dara haga kegoni.  
\q2 Í̠naga bi mana bayaleore lo ngeru i̱ lawai habe.   
\q1
\v 69 Wali agali mine haga bu hearume  
\q2 i̱ mini lalu ke̱ halu bi ko dewa layagoyu  
\q2 i̱na í̠naga bi mana dege talima pialu  
\q2 bu miniha buaore howa biaabo halu kogoni.   
\q1
\v 70 Wali agali uruni tiha mini bayale wia aribia holene nawiore kagoyu  
\q2 i̱na nde í̠naga mana lo ngeru hangu hamelo kogoni.   
\q1
\v 71 Í̠na i̱hondo pani ngialu minu barigoni bayaleore birida.  
\q2 Ogoni birigome i̱na í̠naga bi mana bayuwa lo manda birugoni.   
\q1
\v 72 Muni bu ngaru gubalini holenego dindiha lowa  
\q2 í̠naga mana lo ngeru galone duniniore lo mitangi bu haruli.   
\s1 Anduane Homogonaga bi mana tigabiore lo ngago ogo  
\q1
\v 73 Í̠nime i̱ o kogobi wabuwa baya hangu handayaho haga kegoni.  
\q2 Í̠naga mana lo ngego bayuwa lomanda biai holiya  
\q2 i̱ha manda bayale bulene ngibe.   
\q1
\v 74 Í̠na bulebero lalu lowiriru i̱na talialu bialu kogo hondowa  
\q2 wali agali í̠ mo dunini ho karume turu ho holebira.   
\q1
\v 75 Anduane Homogo-o í̠naga bi mana ngeru  
\q2 tigabiore wiai kegoni i̱ manda bido.  
\q1 Í̠ mini bilinaheore kegome  
\q2 i̱na mana lehe birugonaga i̱hondo genda mo ngiridalo manda bu kogoni.   
\q1
\v 76 Í̠naga biabe biahaga i̱ kogonigo  
\q2 í̠na i̱hondo gubalini ho haabo holebero lo wirigodagua  
\q2 gubalini halu i̱naga bu mini mo hongo habe.   
\q1
\v 77 I̱na í̠naga bi mana lo ngeru bialu howa i̱ turuore ho kogonigo  
\q2 í̠na i̱ dara howa biamogo biriyagua  
\q2 i̱ha holene bayale yu holebero.   
\q1
\v 78 Wali agali mine haga bu karu  
\q2 ti ke̱ howa i̱ bame godini íbu helaga biaga kagonigo  
\q2 ti mo taga habelo hameledo.  
\q2 I̱na nde í̠naga mana lowini ngeru mitangi biaabo halu holebero.   
\q1
\v 79 Wali agali í̠ mitangi bialu mo dunini howa  
\q2 í̠naga mana ngeru mandabi karu ti i̱ koria ibilo hamelo kogoni.   
\q1
\v 80 Í̠na mana bulene nga larigoni  
\q2 mbira wanahe i̱na biaiore holiya biamogo bibe.  
\q2 I̱na mana bulene ngago mbira nabi koria taga pani noligo  
\q2 í̠naga mana damene ngeru bayuwa bialu hole hamelo ko.   
\s1 Anduane Homogohanda biamogo bilo ibuhondo bi lenego ogo  
\q1
\v 81 Anduane Homogo-o í̠na i̱ pele ngibelo ha dege biwane  
\q2 i̱naga bu miniha genda timbuni bialu i̱naga hongo ereba haya.  
\q1 I̱na í̠naga bi mana lowini ngego mitangi bialu  
\q2 mini mbiraore hongohe wu kogoni.   
\q1
\v 82 Í̠na buleore lalu lo wiriruni berebe hondole dege handayaho hewagola  
\q2 ai i̱naga de tandaga bida.  
\q1 Ai ogonidagua bidago  
\q2 í̠na i̱ angi biamogo buleberebe lalu kogoni.   
\q1
\v 83 I̱ mo ko henego ai nogo meme dongoneha \w waini\w* iba hambu berelaganego  
\q2 ko haragola budubagabu wahene ngaligobiore kogoni.  
\q1 I̱ ogonibi kogo howa í̠naga bi mana lowini ngeru embeda nahe kogoni.   
\q1
\v 84 Mali ege horobi agira i̱ maliaho holedabe.  
\q2 Agali i̱ mo ko halu karu ti pani angi nelo muleberebe.   
\q1
\v 85 Wali agali mine hagabi í̠naga bi mana lo ngeru nabiagabi karu  
\q2 tigua i̱ gonoha do ngogola minulenaga mana maru ohowa bialu ka.   
\q1
\v 86 Í̠naga bi mana bibahende lo ngeru heneneore lo ngego  
\q2 iname mini mbiraore wiai habehe kama.  
\q2 Agali maru karume i̱ hondowa ke̱ halu bi ko lararume  
\q2 i̱ mo tandaga halu ka.  
\q1 Tigua ani bialu kago i̱ biamogo bibelo hamelo kogoni.   
\q1
\v 87 Tigua i̱ bo waholebiyaria habo layago  
\q2 i̱na í̠naga bi mana wanahe yu tiga bu kogoni.   
\q1
\v 88 I̱na í̠naga bi mana bibahende lo ngeru taluwa biai holiya  
\q2 í̠na gubalini haabo ho kego i̱ bayale holiya handayaho habe.   
\s1 Anduane Homogonaga mana lowini ngagoria mini mbiraore wu henego ogo  
\q1
\v 89 Anduane Homogo-o í̠naga bi mana ngego\x + \xo 119.89 \xt Ais 40.8, 1 Pi 1.25\x*  
\q2 hari daligaha mbirale bibahende hongo ho wiaabo kadagua wiaabo holebira.   
\q1
\v 90 Í̠ni mini bilinahe kegome  
\q2 bi ledegoore áyu manibi wiaabobo bu wulebira.  
\q2 Í̠na dindi o wabu ngego ibuni wuleneore ngagoria wilalu  
\q2 wia amu nana nabi wiaabo haga ngagoni.   
\q1
\v 91 Mbirale ngaruni bibahende aniore wiai helo lalu  
\q2 í̠nime laridagua wiaabo henego ngagoni.  
\q2 Irane mbirale urunime í̠ninaga biabe biai hagago  
\q2 ani wiai henego nga.   
\q1
\v 92 I̱naga turu holene tene í̠naga bi mana ngagoha nawidale  
\q2 í̠nime i̱ genda tandagala mo ngirigome i̱ homedoleda.   
\q1
\v 93 I̱na í̠naga bi mana lo ngego yu wanaholeberogo  
\q2 irane i̱na mana ogoni taluwa bialu kogome  
\q2 i̱ homa nabi bayale heledegoni.   
\q1
\v 94 I̱ í̠nagaore kogonigo ai í̠na i̱ pele ngibe.  
\q2 I̱na í̠naga bi mana lo ngeru talialu bu manda biaabo haga kogoni.   
\q1
\v 95 Agali ko bu karume i̱ bo wahole bira do haga bida.  
\q2 Tigua ani bule kagoyu  
\q2 i̱na í̠naga bi mana lo ngeru bibahende mitangi bialu haabo holebero.   
\q1
\v 96 Mbirale bibahende ngaru wiaabo nahagayane handarugoyu  
\q2 í̠naga bi lo ngeruni dege duniniore baya burugule wiaabo holebira manda bu ko.   
\s1 Anduane Homogonaga bi mana lo ngago gubalini ho henego ogo  
\q1
\v 97 Anduane Homogo í̠naga bi mana lo ngeruni  
\q2 i̱na gubalini timbuniore ho kogoni.  
\q1 I̱na í̠naga bi mana lo ngeruni mbiraga horombebi mitangi biaabo haruli.   
\q1
\v 98 Í̠naga bi mana lo ngerunime i̱ heba haabo howa  
\q2 i̱hondo manda bulene dewaore ngiaga.  
\q1 Í̠naga bi mana lo ngerume i̱ manda bulene gibiore ngiragola  
\q2 i̱naga waitigi karunaga manda bidarubi ndo  
\q2 i̱ manda bu bolanguahe holiya biamogo biaga.   
\q1
\v 99 Horo bibahendengi í̠naga bi mana lo ngeruni mitangitangi bialu  
\q2 i̱naga miniha mo pehaga bialu haabo kogoni.  
\q1 I̱ ani bialu kogome i̱naga miniha manda bulene bayaore anda ibiragola  
\q2 i̱naga lawai haga karume manda bidagobi ndo i̱ manda daligabi kogoni.   
\q1
\v 100 Í̠na bibe lededagua bialu kogome  
\q2 i̱naga manda bulenego agali wahe karume manda bidagobi ndo  
\q2 i̱ mini gigabi wulene bolanguahe kogoni.   
\q1
\v 101 Í̠naga bi mana lo ngedagua hangu bulenaga\x + \xo 119.101 \xt Min 1.15\x*  
\q2 i̱na mana ko bulenego bibahendehondo igilaga bialu wandialu kogoni.   
\q1
\v 102 Anduane Homogo i̱naga lawai haga í̠ kegoni howa  
\q2 í̠nime i̱ lawai haga bialu kegoni.  
\q1 Anigo í̠na bi lawai haga bereruni  
\q2 i̱na mbira hale howa mo wanahe kogoni.   
\q1
\v 103 Anduane Homogo í̠naga bi mana baya dendebiore ngagoni.\x + \xo 119.103 \xt Iba 19.10, Min 8.11\x*  
\q2 Mone ibane mbira narogola neha dende gibi biaganego goyane lowa  
\q2 Anduane Homogo í̠naga bi mananaga dendeore gibi biaga ngagoni.   
\q1
\v 104 Anduane Homogo í̠naga bi mana lo ngegome  
\q2 i̱hondo mitangi bulene baya gibiore ngiaga ngagoni.  
\q1 Ani ngiagagome i̱ mana ko bulene damenego  
\q2 i̱na bibahendeore manga bialu magu biragola haruli.   
\s1 Anduane Homogonaga bi mana lo ngagome wá holene ngiaga ngago ogo  
\q1
\v 105 Anduane Homogo í̠naga bi mana lamu hale ale ngagome\x + \xo 119.105 \xt Min 6.23\x*  
\q2 i̱ hariga tigabini poliya biamogo bialu haru haga ngagoni.  
\q2 I̱ hariga polenego ogodagua pu lalu ge mugu mo wá hagane hale ale ngagoni.   
\q1
\v 106 Anduane Homogo í̠naga bi tigabiore lo wigi bideruni handalu langeredagua  
\q2 i̱na hale halu biaore bule lalu lo ngogoni.  
\q2 Bi lo wirugo ogoni pugua nabuleorebero.   
\q1
\v 107 Anduane Homogo-o i̱ tandaga gibiore hiriribi nalu kogonigo  
\q2 tandaga nalu homa nabuliya  
\q2 í̠na i̱ biamogo bulebero laridagua biamogoore bibe.   
\q1
\v 108 Anduane Homogo-o i̱na í̠hondo bi lalu turuore halu ka̱i̱ larogoni.  
\q2 I̱na í̠hondo ka̱i̱ larogoni yamialu  
\q2 í̠naga bi lo ngeruni i̱hondo bayuwaore biawai habe.   
\q1
\v 109 Horo bibahendengi i̱ homolene kawareore ngagoria pu haga biruligoyu  
\q2 í̠naga mana lo ngeruni embeda naharuli.   
\q1
\v 110 Agali mini kowi hearume i̱ do wuliyanaga gono weneyago de handarugoyu  
\q2 i̱na Anduane Homogo í̠naga bi lo wiriyaruni mbira pugua nabi kogoni.   
\q1
\v 111 I̱naga dabudabu wia ai̱ ai̱ore bulenego  
\q2 Anduane Homogo í̠naga bioreda manda bialu  
\q2 í̠naga biore hongo howa yaniho kogoni.  
\q1 Ani yaniho kogola í̠naga bigome i̱ore mo turu gibiore haga.   
\q1
\v 112 Anduane Homogo í̠naga bi mana lo ngedagua\x + \xo 119.112 \xt Iba 119.33, 119.36\x*  
\q2 i̱na bialu mbira mo wanahe  
\q2 bia dege bialu kone homaluore wahole kogoni manda bu ko.   
\s1 Anduane Homogonaga mana ngagome ina mo bayale haga nga lenego ogo  
\q1
\v 113 Wali agali karume ke̱ howa í̠ talima ibaga tingi haga karu  
\q2 i̱na ti handabe manga ho kogoni.  
\q2 I̱na í̠naga bi mana ngeru mitangi bialu hame timbuni lo kogoni.   
\q1
\v 114 Í̠ni hangu i̱ handayaho haga howa i̱naga humbi ale kegoni.\x + \xo 119.114 \xt Iba 32.7, 91.1\x*  
\q2 Í̠na buleore lalu bi lo wigi biriruni manda bialu  
\q2 i̱na mini dunubia ho kogoni.   
\q1
\v 115 Wali agali mana ko biaga kamiru tí i̱ kogoria nahe pudaba.  
\q2 I̱naga Ngode Datagaliwabe bi mana ngago taluwa bialu holebero.   
\q1
\v 116 Í̠na mo hongo holebero lalu lo wirigonidagua  
\q2 i̱ mo hongo habe.  
\q2 Mo hongo hariyagua i̱ homa nabi bayale holebero.  
\q2 I̱na í̠hondo mini dunubia ho kogoni bame mo hole buligo  
\q2 í̠naga hongo ogoni ngibe.   
\q1
\v 117 I̱ bayale holiya i̱naga gini yaniho habe.  
\q2 Í̠na bi larego i̱na hale halu bialu holebero.   
\q1
\v 118 Wali agali í̠naga bi mana mo wahaga karuhondo  
\q2 erembira mialu haga kegoni.  
\q2 Tigua ke̱ howa mana bule ngaru bame habane nabulene wialu  
\q2 ereba hai holebira.   
\q1
\v 119 Í̠na wali agali mana ko biaga karu ko ngubi nagalone dege kagoni lo mandabu kegoni.  
\q2 I̱na í̠naga bi mana ngeru hameore lo kogoni.   
\q1
\v 120 I̱na í̠ gibiore kego manda buwa i̱ gi halu duru lalu kogoni.  
\q2 Í̠naga godi tigabiore lole ngego mitangi bialu i̱ giho kogoni.   
\s1 Anduane Homogonaga bi mana lo ngaru talialu bulene ngago ogo  
\q1
\v 121 I̱na mana bayale tigabi ngaru dege bialu haru.  
\q2 Waitigi bu karume i̱ mo ko helo í̠na i̱ yu wa nahabelo hameledo.   
\q1
\v 122 Í̠naga biabe biahaga kogonigo  
\q2 í̠na i̱ biamogo buleore lalu bi lowibe.  
\q2 Wali agali mine haga karume i̱ mo genda nahelo hameledo.   
\q1
\v 123 Bamba í̠na i̱ bayale holiya biamogo buleore lalubi  
\q2 i̱ pele ngialu haru dai buliya lalu lo wirigodagua bibelobi  
\q2 i̱ í̠ha maliaho haabo kogome i̱naga de tandaga biragoni.   
\q1
\v 124 Í̠naga gubalini holeneme i̱ dara howa biamogo bialu  
\q2 í̠naga bi mana debene ngeru i̱ lawai habe.   
\q1
\v 125 I̱ í̠naga biabe biahaga kogonigo  
\q2 í̠naga bi mana baya hangu manda buliya mini bayaleru talebu ngibe.   
\q1
\v 126 Anduane Homogo-o wali agalime í̠naga bi mana ngeru angua halu piagaya.  
\q2 Tigua ani bialu karunaga í̠na ti pani nelo mulene tu áyu ogoni.   
\q1
\v 127 I̱na í̠naga bi mana gubaliniore ho ko.  
\q2 I̱na ngolo bayale ngago hameledogobi emene dindiha lowa  
\q2 ogoni bolangua howa í̠naga bi mana ngeru i̱na gubalini timbuniore ho kogoni.   
\q1
\v 128 I̱na í̠naga bi mana ngeru bibahendeore talialu biaiore haruli.  
\q1 Hariga í̠ kegohayagi ndo  
\q2 mendeha pubagi halu polene hame naleore kogoni.   
\s1 Anduane Homogonaga bi mana lo ngadaguaore bua holene ngago ogo  
\q1
\v 129 Anduane Homogo í̠naga bi mana lo ngeru bayaore gibi lo wigi bidegoni.  
\q2 Anidane hondowa i̱na i̱naga gubalinioreme turu howa  
\q2 í̠na bibe lededagua bialu kogoni.   
\q1
\v 130 Í̠nime í̠naga bi mana lo ngeruninaga galonego mo walia halu kegome\x + \xo 119.130 \xt Iba 19.7, Min 1.4\x*  
\q2 wali agali tinaga miniha wá laga biragola bu kagoni.  
\q1 wali agali mini timbuni nawi karu  
\q2 í̠naga bi maname mini mo dingi dangia lenego  
\q2 ai miniwi bogabi bu kagoni.   
\q1
\v 131 Í̠naga bi mana lo ngeru gubalini gibiore ho kogome  
\q2 í̠na mbira i̱hondo bia lare alego bia dege bulenaga  
\q2 i̱na i̱naga bu miniha heyuwa manda manda bu kogoni.   
\q1
\v 132 Anduane Homogo í̠na wali agali í̠ gubalini haga karu dara howa biamogo birilidagua  
\q2 i̱ de handaya halu i̱bi dara howa biamogo bibe.   
\q1
\v 133 I̱ mana ko bialu pilolilono de handayaho halu  
\q2 mamage holebero lo wiridagua  
\q2 í̠na i̱ mamage habelo hameledo.  
\q1 Ko buleneme i̱ bope holigo í̠na i̱ yaniho habe.   
\q1
\v 134 Í̠naga bi lo ngerudagua hale halu biaiore holiyanaga  
\q2 wali agali mini kowi karume i̱ hengedope halu mo ko holigo  
\q2 í̠na i̱ yaniho habe.   
\q1
\v 135 Í̠ i̱ kogoria kaware hapara howa\x + \xo 119.135 \xt Iba 4.6, 119.12, 119.26\x*  
\q2 í̠naga bi mana lo ngeru i̱hondo lawai halu  
\q2 í̠na i̱ mo gumbila habe.   
\q1
\v 136 Wali agalime Anduane Homogo í̠naga bi mana lo ngedagua nabi puguabo halu kagonaga  
\q2 i̱ dugu dege beroria i̱naga deha deiba iba ale dugualu haabo kogoni.   
\s1 Anduane Homogonaga bi mana tigabiore ngago ogo  
\q1
\v 137 Anduane Homogo-o í̠ tigabiore kegoni howa  
\q2 í̠naga bi mana lo ngeruni damenego bibahendeore tigabiore lo ngegoni.   
\q1
\v 138 Í̠na inahondo bi mana ngideruni damenego bibahendeore tigabiorebi bayaorebi hangu ngagoni.   
\q1
\v 139 I̱naga waitigi karume í̠naga bi lo ngeruni ti mitangi nabiagaore kagoni.  
\q2 Ti ani kago handarodagua i̱naga bu habane nigoniha keba gibiore ira daradagua biragola haruli.   
\q1
\v 140 Anduane Homogo í̠na bulebero laga bialu bi lo wigi bideruni heneneore biagayane  
\q2 i̱na haruore handama ibido.  
\q2 Bulebero lo ngedagua heneneore bigi birigo hondowa  
\q2 turuore howa yaniho kogoni.   
\q1
\v 141 I̱ agali mbira abogo ka nalene  
\q2 emene ko dindihaore howa marume i̱ mege biaga kogoyu  
\q2 i̱na Anduane Homogo í̠naga bi mana dege ha do wanaharuli.   
\q1
\v 142 Anduane Homogo í̠naga mana tigabi bulenego wia ai̱ ai̱ bialu  
\q2 í̠naga bi mana lo ngeruni henene hanguore lo wigi bidegoni.   
\q1
\v 143 I̱ kogoria genda bulenebi mini dege dindi holenebi dewaore íbu wia ngagoyu  
\q2 i̱na í̠naga bi lo ngeru hondowa nde turuore bigi biragola haruli.   
\q1
\v 144 Í̠naga bi lo ngeruni tigabi hanguore wia ai̱ ai̱ binigo lo ngegoni.  
\q2 Í̠naga bi lo ngedagua biruyagua i̱ haabo holeberogo  
\q2 lededaguaore baya hangu manda bialu buliyanaga biamogoore bibe.  
\q1 Í̠na ani beregola i̱ bayale dunguleore holebero.   
\s1 Anduane Homogohondo biamogo bia lalu bi lenego ogo  
\q1
\v 145 Anduane Homogo-o i̱na í̠ hongo howaore olarogoni.  
\q2 Í̠na mana bulene nga lalu lo ngeru i̱na talialu holiya  
\q2 i̱na í̠hondo bi larogo hale habe.   
\q1
\v 146 I̱na í̠ olalu kogoni.  
\q1 Í̠naga bi mana lo ngego taluwa bialu holiya  
\q2 i̱ pele ngialu haru dai bibe laro.   
\q1
\v 147 I̱na gao naledaha i̱ biamogo bibelo í̠ olaruli.  
\q2 Í̠na buleore lalu bi lo wigi birirunaga  
\q2 i̱na mini dunubia ho kogoni ndobe.   
\q1
\v 148 Mbiraga i̱ dengala ho wialu  
\q2 í̠naga bi mana debene lo ngeru dege mitangi biaabo haruli.   
\q1
\v 149 Anduane Homogo-o í̠ gubalini haabo ho hariligo  
\q2 i̱naga bi hale habe.  
\q2 Í̠na dara howa biamogo biriligo walia halu  
\q2 i̱ homa nabi bayale holiya handayaho habe.   
\q1
\v 150 Agali marume mini ko wu howa i̱ bo wahole bialu hayaru  
\q2 í̠naga mana mo tene nahaga karubi  
\q2 tini kaware o ibiragoni ndobe.   
\q1
\v 151 Anduane Homogo-o í̠naga bi mana bibahende henene wiaabo haga ngelowa  
\q2 í̠ni i̱ kogoha kaware haabo kegoni.   
\q1
\v 152 Bambaore howa í̠naga bi mana lowiriru mandabi harugoni ndobe.  
\q2 Í̠na bi uruni lo wialu wiaabo helo nge.   
\s1 Anduane Homogohondo, I̱ biamogo bia, lalu bi lenego ogo  
\q1
\v 153 I̱na í̠naga bi mana lo ngeru embeda nahe kogo  
\q2 í̠na i̱ha genda timbuni ngaru de hondowa i̱ biamogo bibe.   
\q1
\v 154 Í̠nime pele nguleore lalu lo wiridagua i̱ pele ngibe.  
\q2 Godi lalu koria i̱ bo waholene nga loligo í̠na i̱naga lahabe.   
\q1
\v 155 Ko biaga karu tigua í̠naga bi mana lo ngeru talialu nabiagaore kago  
\q2 í̠na ti pele mialu haru dai nabule kegoni.   
\q1
\v 156 Anduane Homogo-o í̠naga dara holene timbuniore ngegome  
\q2 í̠na dara howa biamogo bulebero lalu bi lo wiridagua  
\q2 áyu ogoni i̱ biamogo bibelo hameledo.   
\q1
\v 157 Waitigi dewaoreme i̱ baba waitigi ho halu mo ko haga bidagoyu  
\q2 ainde i̱na í̠naga bi mana galoneore lo ngeru yu wahalu nape kogoni.   
\q1
\v 158 Agali ko biaga biarume í̠na mana bayale bulene nga lo wiriruni nabiaga karu hondowa  
\q2 i̱na tihondo turu nahe handabe manga timbuni ho haruli.   
\q1
\v 159 Anduane Homogo-o í̠naga bi mana bulene nga larigo  
\q2 i̱na gubaliniore howa bua haabo kogoni manda bibe.  
\q2 Í̠naga gubalini holene ho haabo haga kegonigo  
\q2 ainde i̱ dara halu pele ngibe.   
\q1
\v 160 Í̠naga bi mana ngerunaga irane henene lolene dege lo nge.\x + \xo 119.160 \xt Iba 119.89, 119.142, 119.152\x*  
\q2 Í̠naga bi mana lo ngeruni tigabiore wiaabobo bu wiaga nga.   
\s1 Anduane Homogonaga bi mana lo ngaru hame lalu gubaliniore ho henego ogo  
\q1
\v 161 Irane nawini agali haguane bu karume i̱ mo ko halu kagoyu  
\q2 i̱na í̠naga bi mana lo ngeru mitangiore bu haga kogoni.   
\q1
\v 162 Mbiralime ngolo dewa handa walia howa turu hagadagua  
\q2 í̠na buleore lalu lo wigi birirunaga mitangi bialu  
\q2 i̱ turu timbuniore ho kogoni.   
\q1
\v 163 Ke̱ hagane mana koorene ko ngago i̱ mangaore ho kogoyu  
\q2 i̱na í̠naga bi mana lo ngeru hangu gubalini timbuniore ho kogoni.   
\q1
\v 164 Í̠na mana tigabini howa bi lolene ngadagua laga kegonaga  
\q2 i̱na horo bibahendengi í̠hondo kahalu ka̱i̱ laruli.   
\q1
\v 165 Wali agali í̠naga bi mana gubalini ho haga karu ti bayale halu\x + \xo 119.165 \xt Ais 32.17\x*  
\q2 mbirale mbirame ti mo pila holene nawulebira.   
\q1
\v 166 Anduane Homogo-o í̠na i̱ pele ngialu haru dai bibelo maliaho howa  
\q2 mana í̠nime bibe lalu lo wirigo i̱na bialu kogoni.   
\q1
\v 167 Í̠naga bi mana lo ngeru i̱na taluwa bialu hagaore kogoni.  
\q2 Bi mana uruni gubaliniore howa bua timbuni ho kogoni ndobe.   
\q1
\v 168 I̱na í̠naga mana lo ngerubi bulene nga lalu bi lederubi  
\q2 bibahendeore talialu biai halu kogoni.  
\q2 I̱na mana ogoni bialu koria í̠ de handai ho kegoni.   
\s1 Anduane Homogohanda biamogo bilo ibuhondo bi lenego ogo  
\q1
\v 169 Anduane Homogo-o i̱ biamogo bia lalu olalu kogo hale habe.  
\q2 Abale howa í̠na i̱hondo manda bulene nguleore lalu bi lo wiridagua  
\q2 i̱ manda bulene timbuni mo ngibe.   
\q1
\v 170 Ainde i̱na í̠hondo bi larogo baya hangu hale halu  
\q2 í̠na pele ngialu haru dai bule laridagua áyu i̱ pele ngibe.   
\q1
\v 171 Í̠na í̠naga mana lo ngeru i̱ lawai haabo haga kegonaga  
\q2 i̱na í̠naga mini yaraga haabo halu holebero.   
\q1
\v 172 Í̠naga bi mana damenego bayale tigabi dege ngegonaga\x + \xo 119.172 \xt Iba 51.14, 119.138\x*  
\q2 i̱na mana ogoni lalu iba gana la halu holebero.   
\q1
\v 173 Í̠naga bi mana damenego bibahende talialu bialu kogonigo  
\q2 ai nde í̠na i̱ biamogo bule manda bu haabo habe.   
\q1
\v 174 Anduane Homogo-o i̱ pele ngialu haru dai bibelonaga ha dege biwane  
\q2 i̱naga bu miniha tandaga bialu i̱ hongo ereba haragoni.  
\q2 Í̠naga bi mana lo ngegome i̱ mo turu haga biaga ngagoni.   
\q1
\v 175 Í̠naga mini yaraga halu holiya í̠na i̱ha holene bayaleore ngibe.  
\q2 Í̠naga bi lo ngegome i̱ biamogo bia helo hameledo.   
\q1
\v 176 I̱ hariga bayale yu wahalu pu tara howa\x + \xo 119.176 \xt Ais 53.6, Yar 50.6, Md 18.12, Lg 15.4\x*  
\q2 i̱ nogo sibi pu ereba hene ale ko.  
\q2 I̱na í̠naga bi mana lowini ngeru yu wanahagaore kogo manda buwa  
\q1 í̠na í̠naga biabe biahaga i̱ kogonigo i̱ taya bibe.   
\c 120  
\s1 Anduane Homogohondo, Biamogo bia, lalu bi lenego ogo  
\q1
\v 1 I̱ha genda timbuni anda ibiyangi i̱na Anduane Homogo olarugola\x + \xo 120.1 \xt Iba 118.5, Yna 2.2\x*  
\q2 ibugua i̱ biamogo biya.   
\q1
\v 2 I̱na Anduane Homogohondo bi lalu,  
\q1 Anduane Homogo-o agali ke̱ haga karume  
\q2 i̱ mo hondo holigo i̱ biamogo bibe, larugoni.   
\b  
\q1
\v 3 Ke̱ haga bu kamiru tíhondo Anduane Homogohanda agua bulubadabe.  
\q2 Tí pani nalimulo aguaore ngulubadabe.   
\q1
\v 4 Ibugua tí aminaga yandarerume nogoba halu  
\q2 ira hedope halu tí delolebira.   
\b  
\q1
\v 5 I̱ tí dege dombeneha kogoni Mesege dindibi Keda dindibi  
\q2 wali agali ko biaga karu baba haradagua bidogoni.   
\q1
\v 6 Agali maru wali agali bu karu baba mandagi habe manga haga karu  
\q2 i̱ ti heba mandagi luore haabo haruda.   
\q1
\v 7 I̱na mo palia holenenaga bi lalu koria  
\q2 tigua wai bule dege manda biaga kagoni ndobe.   
\c 121  
\s1 Anduane Homogo ibu inanaga mamage hagane kago ogo  
\q1
\v 1 I̱na hari wedaruha de handadaga berogoni.\x + \xo 121.1 \xt Iba 87.1, 123.1\x*  
\q2 I̱ ani bia berogonigoyu  
\q2 mbirali i̱ biamogo bule ibulubadago agohayagi howa ibulubadabe.   
\q1
\v 2 Anduane Homogo ibugua hari daligabi dindi timbuni o kamagobi wabinigo\x + \xo 121.2 \xt Iba 115.15, 124.8\x*  
\q2 ibunime dege i̱ biamogo biaga kagoni.   
\q1
\v 3 Ibugua í̠ pilope nahabelo handayaho holebira.\x + \xo 121.3 \xt Iba 41.2, 66.9, 127.1\x*  
\q2 Ibu u napaliaga howa í̠ mamage kaore dege halu egabi laga biaga kagoni.   
\b  
\q1
\v 4 O larogo bayuwa hale habe.  
\q1 Anduane Homogo ibu Isaraele wali agalinaga mamage haga kago howa  
\q2 ibu u emene mbira napaliagaore ka.  
\q2 Ibu umubi heba nalagaore kagoni.   
\q1
\v 5 Anduane Homogo ibugua í̠ kegoha kaware haparaho howa  
\q2 í̠ mamage haabo haga kagoni.  
\q2 Ibu ani kagola í̠ ibu gumbaha howa bayaleore dungulo holebere.   
\q1
\v 6 Horombe ni tandagabi daragome í̠ daba halu mo ko naholebira.\x + \xo 121.6 \xt Ais 49.10, Mo 7.16\x*  
\q2 Mbiraga ege daragomebi í̠ mo ko naholebira dege.   
\b  
\q1
\v 7 Mbirale ko hiriribi tara tara ngarume í̠ mo ko mbira holilono\x + \xo 121.7 \xt Iba 91.10-12\x*  
\q2 Anduane Homogo ibugua í̠ handayaho mamage holebira.   
\q1
\v 8 Í̠ í̠ni andagani palialu tagira pu haregoriani\x + \xo 121.8 \xt Iba 113.2, 115.18\x*  
\q2 ibugua mamage hama ibagabu holebira.  
\q2 Í̠ andagani daibu paleregolabi  
\q2 ibugua dege mamage holebira.  
\q1 Áyubi awebi ibugua ani biaabo holebira.   
\c 122  
\s1 Yarusaleme tano mitangi bialu ka̱i̱ lenego ogo  
\q1
\v 1 Tigua i̱hondo, Anduane Homogonaga anda mali̱ya ma íbu, layagola i̱ turuore haru.\x + \xo 122.1 \xt Ais 2.3, Seg 8.21\x*   
\q1
\v 2 Ani layagola ina pialu  
\q2 ai áyu Yarusaleme anda puwa pabe tamuha o kamagoni handadaba.   
\q1
\v 3 Yarusaleme tano biagoni lone bu aribia hene  
\q2 baya gibiore de hondoabi kagoni.   
\q1
\v 4 Isaraele hameigini tara tara palu ngaru  
\q2 ti bibahendeme Anduane Homogo ibuhondo ka̱i̱ lole ogoriani íbu ngoai halimu lenedagua  
\q2 ka̱i̱ lole ibugu biaga kagoni.   
\q1
\v 5 Dindi ogoriani godi anda kago ogoniha Isaraele wali agalinaga kinirume biruwa  
\q2 godi hale halu mo tiga biaga kagoni.   
\b  
\q1
\v 6 Yarusaleme dindini gendabi mbira nawi mo paliaho wilo  
\q2 Anduane Homogohondo bi ogodagua lalu halimu.  
\q1 Wali agali Yarusaleme tano mitangi timbuni ho karu  
\q2 ti bayaleore helo biamogo bibe.   
\q1
\v 7 Wali agali Yarusaleme tanonaga pabe tamuhayagi bu kamiru  
\q2 tí tíni dege dege ngeke̱ nale gungu nabi bayuwaore mo paliaho helo biamogo bibe.  
\q1 Kinibi ibunaga agali haguane karubi uruni andagahayagi haga karu  
\q2 tibi turuho mo paliaho dege helo biamogo bibe, lalu ani laga bilimu.   
\q1
\v 8 I̱ damenebi i̱ ariabi igiri yangobi Yarusalemeni íbu karu mitangi bialu  
\q2 bi ogo Yarusalemeni kamiru tíhondo larogoni,  
\q1 Tí ngeke̱ nale gungu nabi bayuwaore mo paliaho halimu, laro.   
\q1
\v 9 I̱na Anduane Homogo inanaga Ngode Datagaliwabe kago  
\q2 ibunaga anda kagoore i̱na mitangi timbuni ho kogoni.  
\q2 Ngode Datagaliwabehanda Yarusaleme wali agaliore biamogo bialu  
\q2 mo bayale helonaga ibuhondo bi lahalu kogoni.   
\c 123  
\s1 Anduane Homogohanda dara howa biamogo bilonaga bi lenego ogo  
\q1
\v 1 Anduane Homogo-o í̠ni dahuliya andaga haru kegoha\x + \xo 123.1 \xt Iba 121.1\x*  
\q2 i̱na handa daga halu í̠hondo bi lalu kogoni.   
\q1
\v 2 Biabe biahaga agali kagome ibunaga anduane kagoha mini hana ho hagadaguabi\x + \xo 123.2 \xt Iba 25.15, Mal 1.6\x*  
\q2 biabe biahaga wali bedagome ibunaga anduane bedagoha mini hanaho biragadaguabi  
\q2 Anduane Homogo inanaga Ngode Datagaliwabe-o  
\q2 í̠na dara howa biamogo bibelo ina í̠ha hanaho holeberema.   
\b  
\q1
\v 3 Anduane Homogo-o ina de hondowa dara habe.  
\q1 Wali agali bu karume ina mo ko hayago  
\q2 ai í̠na daraore howa biamogo bibe.   
\q1
\v 4 Agali homogo mbirale dewawi hearume  
\q2 ina mege bialu haabo haya.  
\q1 Agali mine haga hearume  
\q2 ina bope halu haabo haga kagoni.   
\c 124  
\s1 Anduane Homogo ibugua ibunaga wali agali biamogo biaga kago ogo  
\q1
\v 1 Anduane Homogohanda ina biamogo nabinidale ina nde abiore kamaledabe.  
\q1 Bi o larogoniore Isaraele wali agali tígua bi ogodagua ladai bidaba-o.   
\b  
\q1
\v 2 Inanaga waitigi hearume ina bo anda ibiyangi  
\q2 Anduane Homogo ibugua ina mo wialu biamogo nabinidale   
\q1
\v 3 inanaga waitigi biarume tinaga keba holeneme ina bibahende mo ko howaore bo wahai kale.   
\q1
\v 4 Iba li ibalu mbirale ibame hilu dambiho yalu puabo hagadagua  
\q2 inanaga waitigirume ina bamba bo mburi lalu erebaho wa heledale ndobe.   
\q1
\v 5 Iba li hongoheore ibiyagome ina bibahende mbelelo yalu pialu  
\q2 yu ereba kagola homai kamale ndobe.  
\q1 Homabehego nahome yopene harimago kamagoni, lalu ladai bilimu.   
\b  
\q1
\v 6 Inanaga waitigi bu hearume ina bibahende bo mburi laihe nale  
\q2 Anduane Homogo ibunime ina bibahende hatali wu haabo hayagonaga  
\q2 iname ibuhondo ka̱i̱ laaboore hami̱ya.   
\q1
\v 7 Agalime ega gono wedaria ega mbira gono dagoha da puda halu kundulo mialu  
\q2 ibida porayadagua ina pirimagoni kamagoni.  
\q1 Ina gono wearuha do ngamalego Anduane Homogo ibugua gono kundulupe helaga biyagome  
\q2 ina yo pialu pene kamagoni.   
\q1
\v 8 Anduane Homogo ibugua hari daligabi dindi timbuni o kamagobi wabinigo  
\q2 ibunime dege ina biamogo biaga kagoni.   
\c 125  
\s1 Anduane Homogohanda ibunaga wali agali handayaho haga kago ogo  
\q1
\v 1 Wali agali Anduane Homogoha mini mbiraore wu karu\x + \xo 125.1 \xt Iba 121.8, Seg 2.5\x*  
\q2 ti Hari Saiono ale imiema nabi durubi nalaga hongo haabo haga ka.   
\q1
\v 2 Hari wedarume Yarusaleme ho hagira bu kadagua  
\q1 Anduane Homogohanda ibunaga wali agali handayaho howa  
\q2 ho mabu bu haabo holebira.   
\b  
\q1
\v 3 Wali agali ko biaga karume wali agali mana tigabi biaga karu  
\q2 handayaho haabo naholebira.  
\q1 Tigua handayaho haabo hayagua nde wali agali tigabi karume  
\q2 tibi nde mana ko biaga holobada.   
\q1
\v 4 Anduane Homogo-o wali agali bayale í̠naga mana ngeru taluwa bialu haga karu  
\q2 tihondo í̠na mana bayale biadai bibe.   
\q1
\v 5 Í̠na wali agali ko biaga karunaga pani nelo mialu howa  
\q2 wali agali maru í̠naga mana ngeru mo wahalu piaga karubi  
\q2 ti bibahende pani nelo miai habe laro.  
\b  
\q1 Isaraele wali agaliru tiha mo palia holene wia helo hameledo.   
\c 126  
\s1 Isaraele wali agalime Anduane Homogohanda ti biamogo bilonaga ibuhondo bi lenego ogo  
\q1
\v 1 Anduane Homogohanda ina dindi taraha garabaya hemaria haru dai bialu  
\q2 Yarusalemeni lone helayagoni\x + \xo 126.1 \xt Ab 12.9\x*  
\q1 Ibugua ani biyagonaga  
\q2 iname ogoni henene ndo emaga handarimabe toba harimaya.   
\q1
\v 2 Ina Yarusalemeni daibu howa turuore gibi halu  
\q2 oba hangu haho wiaabo halu  
\q2 turu howa iba ganaru podaga podaga bialu gibiore laho wiaabo harimagoni.  
\q1 Ina ani birimago hondowa wali agali hameigini tara tara paluyu pearume  
\q2 tini dege dege lade̱le̱ bialu au laya.  
\q1 Anduane Homogohanda ibunaga Isaraele wali agali biamogo bule  
\q2 gibiore nabibehe wiagoni biya hendedemini, laya.   
\q1
\v 3 Ogoni heneneore ndobe.  
\q1 Anduane Homogohanda ina biamogo bulenaga biabe gibiore biyagoni.  
\q2 Ibugua ani biyagonaga ina turuore gibi halu  
\q2 ina miniha dunguore lo harimagoni.   
\b  
\q1
\v 4 Anduane Homogo-o ina ala turuho dunguore lo haramalidagua holoma̱ya hela dai bibe.  
\q1 Iba hundiragola gana iba piagagoha yobu ngaria dalu lone ibiragola iba piaga wiyadagua lone piaga.  
\q2 Ogonidagua Anduane Homogo í̠na ina áyu kamaru lone mo gumbilo dai bibe.   
\q1
\v 5 Wali agali deiba ibalu howa tomo hangalu karume\x + \xo 126.5 \xt Yar 31.9\x*  
\q2 mani tomo hangaragoni bu ngaria turuore halu bu hanaga bilo hameledo.   
\b  
\q1
\v 6 Wali agali dugu bialu tomo egene hongole yalu pialu hangayarume  
\q2 mani tomo uruni bu ngaria bu hombedo hanalu  
\q2 turu hama iba gana lamalama andaga dai bulebira.   
\c 127  
\s1 Anduane Homogo ibu baya gibiore biaga kagonaga ka̱i̱ lenego ogo  
\q1
\v 1 Anda biaga gabendame anda bialu karuni\x + \xo 127.1 \xt Iba 121.4\x*  
\q2 Anduane Homogo ibunime bialu kaha ndo tini hangu hongome bialu kayagua  
\q2 ti bame biabe bu wahole bialu kagoni.  
\q1 Mamage haga agalime tano handayaho karuni  
\q2 Anduane Homogo ibugua mamage kaha ndo  
\q2 tini hangunaga hongome kayagua ti bame irane nawini mamage halu egabi lo kagoni.   
\q1
\v 2 Egabiore lara handala heyalu  
\q2 munibi tomobi mitangi bialu biabe bule tagira poramali.  
\q2 Biabe bialu ne lo wákaha mbiraga andaga dai bialu u palia puda haramali.  
\q1 Urunidagua bialu kamaruni nde irane nawini dege  
\q2 bame hongo bibaho bialu kamagoni.  
\q1 Irane Anduane Homogo ibugua wali agali ibuni gubalini ho karu ti mbiraga u padaha  
\q2 ibunime ti tomo nolenebi mbirale wu holenebi  
\q2 manda mandabu wia haga kagoni.   
\b  
\q1
\v 3 Anduane Homogo ibugua inahondo baya turubini bialu waneigini ngidaruni  
\q2 turu halu mbirale bame ngiradagua bidagoni.  
\q2 Waneigini bu karuni ibugua ina mo gumbila halu inahondo ngidagoni.   
\q1
\v 4 Agali daliaheme ibu igini igiri hono wu haga bidago  
\q2 ogoni wai biagane agalime ibu giha timu ayagu yu hagadagua yu ka.   
\q1
\v 5 Timu ayagu ogoniale dewaore wu kago ibu baya turubiore ka.  
\q2 Ibunaga waitigi karu baba bi godi laga birangi  
\q2 ibu igini dewa urunime lamogo biragola  
\q2 ibunaga waitigidarume ibu godi lo wini labe naheore holebira.   
\c 128  
\s1 Anduane Homogohanda ibunaga bi mana hale haga karu mo bayale holebero lenego ogo  
\q1
\v 1 Wali agali Anduane Homogohanda hame ledadagua bialu karu  
\q2 ibunaga bi mana lo ngadagua bialu hagabi karu  
\q2 ti turuore ho ka.   
\b  
\q1
\v 2 Í̠ ogonibi keyagua í̠naga biabe bereruha howa karulape mo ngialu  
\q2 mbirale burupale keru yu holebere.  
\q1 Mbirale í̠na bereru damene bibahende bayale hai haragola  
\q2 í̠ni turubiore holebere.   
\q1
\v 3 Í̠ one ibu nde \w gerebi\w* lini dewaore daga kaligobi birulebira.  
\q2 Ira olibe hongone dewa ira teneha anda ho mabu biralidagua  
\q2 í̠naga waneiginiru ti í̠naga andagani ira dedagoria biru mabu bulebira.   
\q1
\v 4 Heneneore mbirali Anduane Homogonaga bi ledago taluwa biaga kago  
\q2 ibuha mo turu holene ogonibi migi bulebira.   
\b  
\q1
\v 5 Anduane Homogo ibugua Saionoha howa í̠ mo bayale helo.  
\q2 Í̠ dindini homa nabi wene keore Yarusalemeni mbirale uruni heneneore biaabo halu kane handabelo hameledo.   
\q1
\v 6 Í̠ dindi ogoria luore haabo howa  
\q2 í̠naga waneigini aguaneru de handabelo hameledo.  
\b  
\q1 Isaraele wali agaliru tiha mo palia holene wia helo hameledo.   
\c 129  
\s1 Isaraelealirume waitigi bu hearu mo ko helonaga Anduane Homogohondo bi lenego ogo  
\q1
\v 1 Isaraelealiru-o bambaore howa tí waitigirume pigane hemingi howa  
\q2 mo ko hama ibalu haabo henego te langibe.   
\b  
\q1
\v 2 I̱na í̠hondo langialu lalu,  
\q1 I̱ daliahe dege hewangi  
\q2 waitigime mo ko hama ibalu haabo henego áyu kogoni.  
\q2 Tigua ani binigoyu i̱ bope nahe kogoni.   
\q1
\v 3 Tigua i̱ pu payini tibume minu bayagola  
\q2 i̱naga tingini erembiraha poda gaibu baga biya.  
\q2 I̱naga tingini bayago dere tibu bene wiadagua luni biagimbu bigi bialu  
\q2 iba ganarua ale pupe haga biya.   
\q1
\v 4 Tigua ani biyagoyu Anduane Homogo ibu tigabiore kagome  
\q2 i̱ biamogo bialu waitigi biarunaga garabaya biabe ale bialu haga ndo  
\q2 i̱ golope hene ko, lalu langerogoni.   
\b  
\q1
\v 5 Waitigirume Saiono handabe manga haga bu karu  
\q2 tini daluha bo taliadai bimi̱ya hamelo ko.   
\q1
\v 6 Tiore anda dangini gondo anda ho hagadagua hayagua bayaleda.  
\q2 Mbiralime gondo ogoni dugu wanahe kaore minalu abale gau laga.   
\q1
\v 7 Gondo anda dangini anda hene ogoni  
\q2 mbiralime gandu lowa mo kabubu yalu napiaga ndobe.   
\q1
\v 8 Wali agali kaware bolangua halu porarume tihondo ogodagua lalu,  
\q1 Anduane Homogohanda tí mo bayale helo.  
\q1 Iname nde Anduane Homogonaga minini howa tí mo bayale helo hameledama, lalu nalolebira ndobe.   
\c 130  
\s1 Mbirali ibu Anduane Homogohondo biamogo bia lalu lenego ogo  
\q1
\v 1 Anduane Homogo-o i̱naga bu miniha gendaore gibi ho howa í̠hondo bi larogoni.\x + \xo 130.1 \xt Dug 3.55, Yna 2.2\x*   
\q1
\v 2 Anduane-o i̱na í̠hondo duguore bialu bi larogoni hale habe.  
\q2 Í̠na i̱ biamogo bia lalu olarogoni hale habe.   
\q1
\v 3 Í̠na iname ko birimaruni damenego bibahendeore mo ilu wiai ho kele\x + \xo 130.3 \xt Iba 143.2, Lm 3.20, 3.23-24\x*  
\q2 ina kamaruni mbira pani nane yo pialu ai pedalebe.   
\q1
\v 4 Ina mbiraorebi yo napobeheore kamalegoyu\x + \xo 130.4 \xt Yar 33.8-9\x*  
\q2 í̠na iname ko beramaru domo wahaga kegoni.  
\q2 Iname í̠ hondowa giho holoma̱yanaga  
\q2 ko beremaru í̠na domo wahaga bialu kegoni.   
\b  
\q1
\v 5 I̱ore Anduane Homogohanda biamogo bilo lowa ibuha hana howa miniha didiho haruli.\x + \xo 130.5 \xt Iba 33.20, 40.1, Ais 8.17, 30.18\x*  
\q2 Ibugua biamogo bulebero lalu ibunaga bi lo wiyagoria yaniho haabo haruli.   
\q1
\v 6 I̱ore Anduane Homogohanda biamogo bulebira lowa miniha didiore howa haruli.\x + \xo 130.6 \xt Iba 63.6, 119.147\x*  
\q2 Mbiraga mamageali mbira egabi ala la lowa hale gogabu haradagua ndo  
\q2 i̱ miniha didi gibiore biyagola dugudaga howa yangayangabu haruli.   
\b  
\q1
\v 7 Isaraele wali agaliru-o Anduane Homogo ibugua ina gubalini gibiore haho wiaabo haga kago manda bialu  
\q2 iname ibuhondo mini mbiraore wialu ibuha hanaho holene nga.  
\q2 Ina mbira mo ko holani handalu ibugua biamogo biaga kagoni.   
\q1
\v 8 Ibugua Isaraele wali agali ibuninaga ka lalu\x + \xo 130.8 \xt Md 1.21, Ta 2.14\x*  
\q2 tigua ko binidaru domo wahai halu  
\q2 ti gi mialu haru dai biai haga kagoni.   
\c 131  
\s1 Mbiralime mini mbiraore wu howa Anduane Homogohondo bi lenego ogo  
\q1
\v 1 Anduane Homogo-o i̱na mine halu haruligo wahalu  
\q2 i̱ni bayale kogo mitangi bialu balagala haruligobi waharu.  
\q1 I̱na mana timbuni i̱ manda bibe nahe ngarubi  
\q2 mbirale nahendene ale bulene taibiore ngarubi  
\q2 uruni i̱ mitangi nabi holebero.   
\q1
\v 2 I̱na ani nabi howa ai i̱ karulape í̠naga mo palia holeneha bedogoni.  
\q2 Waneigini gali ti ai̱ya bani bayale paliagadagua  
\q2 i̱naga miniha nde hadape howa dungulo kogoni.   
\q1
\v 3 Isaraele wali agaliru-o tígua Anduane Homogohondo mini mbiraore hongohe  
\q2 áyu ogoni howa wu haabo ho halimu.   
\c 132  
\s1 Anduane Homogonaga anda mitangi bialu ka̱i̱ lenego ogo  
\q1
\v 1 Anduane Homogo-o Debidihanda erekui biabe ndelaheore bialu hayagoni mitangi bialu  
\q2 í̠na ibuore embeda holeni.   
\q1
\v 2 Anduane Homogo-o Debidi ibugua ogo ale buleore lalu  
\q2 Isaraele wali agalinaga Ngode Datagaliwabe Hongo Gibihe kego í̠hondo bi lo wigi biyagoni  
\q2 í̠na mitangi budai bibe.   
\q1
\v 3 Ibugua bi ogodagua lo wigi biyagoni.  
\q1 I̱na i̱ andaga napolebero dagianibi u napaluebero.   
\q1
\v 4 Ha̱lo birabi mbirale mbirani malia howa paliabi nabulebero.   
\q1
\v 5 Isaraele wali agalinaga Ngode Datagaliwabe Hongo Gibihe kagonaga andaore mbira bu heore lolego buwa  
\q2 Anduane Homogo ibu anda ogoniha kagola i̱ i̱ni andaga u palue polebero, lalu  
\q1 Debidihanda bi uruni leanego mitangi bibe.   
\b  
\q1
\v 6 Anduane Homogonaga Habo Nalolene bi lo winigonaga Mbogoyi biagoni dindi ogoha nga lalu\x + \xo 132.6 \xt 1 Sml 7.1-2, 1 Bit 13.5\x*\x + \xo 132.6 \xt 2 Bit 6.41-42\x*  
\q2 ina Bedelehemeni hemaria langiyane hale harima.  
\q1 Mbogoyi biagoni Yarimu dindini wiaria handa walia harima.   
\q1
\v 7 Handa walia howa iname lalu, Ai Mbogoyi ogo mo yalu Anduane Homogonaga andani ma nalarami, larima.  
\q1 Anduane Homogonaga biragane dagia ngagoria kaware hapara howa  
\q2 ina bulu palialu ibunaga mini mo yaraga halu lotu lami̱ya ma, lalu larima.   
\b  
\q1
\v 8 Anduane Homogo-o í̠naga Mbogoyi biagoni heba í̠ninaga andani haabo hole íbu habe.  
\q2 Mbogoyi ogonime Anduane Homogo í̠ hongo gibihe kego walia halu manane ogoni ngagoni.   
\q1
\v 9 Í̠naga \w loma\w* binigo mo miaga agali karu tiguabi mana tigabi hangu bilo hameledo.  
\q2 Í̠naga wali agali bu karume turuore gibi howa bi ladagadaga bilo hamelo kogoni.   
\b  
\q1
\v 10 Anduane Homogo-o í̠naga biabe bia haga Debidiore mitangi bibe.  
\q2 Kini í̠nime dabene ogonihondo handa tara halu erembira muleni.   
\q1
\v 11 Anduane Homogo-o ala í̠na bi hongoheore mbira Debidihondo lo wiriyagoni pugua nabuleore kegoni.\x + \xo 132.11 \xt 2 Sml 7.12-16, 1 Bit 17.11-14, Iba 89.4-5, Ab 2.30\x*  
\q1 Ala í̠na Debidihondo ogodagua lariyagoni,  
\q2 Debidi í̠ni halu homedeha mani í̠ igini hararu aria mbirago kini í̠ pani ho aribia helo dabo helolebero, lariyagoni.   
\q1
\v 12 Í̠na Debidihondo laabo halu lalu,  
\q1 Í̠naga igini hararume i̱na habo nalolene bi pongo bo wirudagua bialu  
\q2 ogoale bilimu ogo ale nabilimu lalu lamerodagua biyagua nde  
\q2 mani í̠naga aguane hararu ti iginime kini dege halu  
\q2 í̠naga dagia í̠niha tagira pene degeme mia aribia haga bulebira, lalu lo wiriyagoni.   
\b  
\q1
\v 13 Anduane Homogohanda Saiono tano ibuninagaore helo ibunime dabene.  
\q2 Ibu Saionooreni ho teneho hole hameleda.   
\q1
\v 14 Ibugua lalu, I̱ tano ogoriani haho wiaaboore holebero.  
\q2 I̱na dindi ogoriani howa i̱ni kini howa haru holenaga dindi ogoni dabedo.   
\q1
\v 15 I̱na Saiono tanoni wali agali bu karu buru pada ale dewaore bu hombedo mulebero.  
\q2 Ogoniha wali agali yagibano tomo noanoalo bu karu tibi tomo karulapeore nelo mulebero.   
\q1
\v 16 Saiononi loma binigo mo miaga karume  
\q2 i̱naga wali agali gi mialu haru dai bulene biabe bayale bilo biamogo bulebero.  
\q2 Saiononi wali agali bu karu ti turu halu iba gana lalu bi ladagadaga bu holebira.   
\q1
\v 17 I̱na dindi ogoriani howa Debidi ibuha howa tagira pene mbira kago  
\q2 kini gibiorene gibi helo dabo helolebero.\x + \xo 132.17 \xt 1 Kin 11.36\x*  
\q1 Kini ogoni lamu hale daabo hagadagua  
\q2 ibugua wali agali handame holene ereba nahe wiaaboboore holebira.   
\q1
\v 18 Kini ogoninaga waitigi karu i̱na ti mo taga halu  
\q2 taga pani timbuniore nelolebero.  
\q1 Ai wali agali kini ogoni ibugua handayaho hene karu  
\q2 i̱na ho timbu hama baya hama puabo helolebero, lalu  
\q1 Anduane Homogohanda ani lene.   
\c 133  
\s1 Ngode Datagaliwabenaga wali agali mo palia howa mandagi holene turubiore ngago ogo  
\q1
\v 1 Ngode Datagaliwabenaga wali agali ti baya hangu mini mo mbiraore howa mandagi hayagua nde\x + \xo 133.1 \xt Pig 13.8\x*  
\q2 mana ogoni bayaleore halu ti miniha dungulo holebira.   
\q1
\v 2 Tigua mana ogonidagua bulenego bayaore  
\q2 olibe lini ibaneme weli baya tara wabini mbira  
\q2 Arononaga haguaneni odo wiyagola pugulalu ibunaga angarini pora bialu  
\q2 aga lu biagoria pugulope hayagobi holebira.   
\q1
\v 3 Mini mo mbiraore holene mana ogoni Hari Hemononi dadimba mbiraga ibira haraligobi halu  
\q2 Saiononaga hari bu karuha ibira hagagobi holebira.  
\q1 Dindi ogoniha Anduane Homogohanda wali agali mini mo mbiraore ho karu  
\q2 tihondo bayale dege bialu holebero lo winigo nga.  
\q1 Bi lowinigo ogo, Tí haabo holene yu halimulonaga ngulebero, lene.   
\c 134  
\s1 Anduane Homogonaga mini yaraga hama lenego ogo  
\q1
\v 1 Anduane Homogonaga andaha mbiraga biabe biahaga kamiru  
\q2 ibunaga mini yaraga hole ibidaba.   
\q1
\v 2 Tígua ibunaga andaha howa gi yaraga halu  
\q2 Anduane Homogohondo bi lalu ibunaga mini yaraga hadaba.   
\b  
\q1
\v 3 Anduane Homogo ibu hari daligabi dindi o kamagonibi wabini kago  
\q2 ibugua Saionoha howa tí mo bayaleore helo laro.   
\c 135  
\s1 Anduane Homogonaga mini yaraga halu iba gana lenego ogo  
\q1
\v 1 Anduane Homogonaga mini yaraga hami̱ya.  
\q1 Anduane Homogonaga biabe biahaga kamiru  
\q2 tígua ibunaga mini yaraga hadaba.   
\q1
\v 2 Tí Anduane Homogo inanaga Ngode Datagaliwabenaga anda pabe timbuni kago tamuha haga kamiru  
\q2 tígua ibunaga mini yaraga hadaba.   
\q1
\v 3 Ibu bayaleore kagonaga iname ibunaga mini yaraga hami̱ya.  
\q2 Ibugua inahondo dara howa bayale biaabo haga kagonaga  
\q2 iname ibunaga mini yaraga halu iba ganaru lami̱ya.   
\q1
\v 4 Anduane Homogohanda Yagaba ibunaga helo dabenedagua  
\q2 ibugua Isaraele wali agali ibuninagaore helo dabo helene ka.   
\b  
\q1
\v 5 Anduane Homogo ibu mini leneore howa  
\q2 dama mitangi bialu bi pupu wulenaga gime wabini ngaruni  
\q2 ibugua bolangua haiheore kago i̱ manda bidogoni.   
\q1
\v 6 Anduane Homogohanda mbirale ibunime bule hame ledadagua  
\q2 hari daligahabi dindinibi biaga ka.  
\q1 Iba solowarahabi iba andanehabi bibahendeoreni  
\q2 ibugua bua biradagua biai haga ka.   
\q1
\v 7 Ibugua harini ginu dindi bibahendeha wiame helalu  
\q2 hari daba bilaragola howa iba dalu ibilalu  
\q2 puyabu tara tara ibuni andagaha wia do ho winiru mo heya halu  
\q2 dindi bibahendeha pulame helo pelaga ka.   
\b  
\q1
\v 8 Iyibi dindini Iyibialinaga igini wahene bibahende bo wahai halu  
\q2 tinaga nogo igini pigane wini hearubi bibahende bo wahai hene.\x + \xo 135.8 \xt Har 12.29\x*   
\q1
\v 9 Iyibi dindiha dege ibugua kinibi ibunaga agali haguane hearubi bibahende pani nelo mialu  
\q2 agalime nabiagane alebi nahendene ale dewaorebi bialu hene.\x + \xo 135.9 \xt Har 7.14–10.29\x*   
\q1
\v 10 Anduane Homogohanda hameigini tara tara dindi dewaoreni hearu bo wahaga bialu  
\q2 kini hongohe bu hearunibi bo wahai haga bini.   
\q1
\v 11 Ibugua Amoro wali agalinaga Kini Sihono bo wahalu\x + \xo 135.11 \xt Dag 21.21-35, Yos 12.7-24\x*  
\q2 Basana wali agalinaga Kini Oga bo wahalu  
\q2 Kenana dindiha kini dewa bu hearubi bo wahai halu bini.   
\q1
\v 12 Ibugua dindi uruni ibunaga wali agaliruhondo mini.  
\q2 Isaraele wali agali hearu tihondo dindi uruni bibahende miai hene.   
\b  
\q1
\v 13 Anduane Homogo-o wali agali bibahendeme í̠ Ngode Datagaliwabeore kagonida lalu latagi haabo holebira.  
\q2 Wali agali mani holebirarubi ti bibahendeme í̠ ogonibiore ke lalu manda bulebira.   
\q1
\v 14 Anduane Homogohanda ibunaga wali agali handayaho haabo holebira.  
\q2 Ibugua dara holene nawi howa ibunaga biabe biahaga karu dara haabo holebira.   
\b  
\q1
\v 15 Hameigini dindi tara taraha bu hearume dama mitangi bialu\x + \xo 135.15 \xt Iba 115.4-8, Mo 9.20\x*  
\q2 mbirale bi pupu wulenaga ngolo silibarume wabu helaga biaga.  
\q2 Mbirale uruni tininaga gi degeme wabigi bini.   
\q1
\v 16 Mbirale uruni wabu helayaru tinaga ne hariga ngagoyu bi nalaga nga.  
\q2 Tinaga de heledagoyu mbirale deme nahandaga nga.   
\q1
\v 17 Tinaga hale wabu heledagoyu bi hale nahagabi  
\q2 tiha bu he̱bi nalagabi nga.   
\q1
\v 18 Mbirale uruni ale wabu helayarubi  
\q2 uruni yu tiga biaga agali karubi  
\q2 tini nde mbirale urunibi dege helo hamelo kogoni.   
\b  
\q1
\v 19 Isaraele wali agaliru-o Anduane Homogonaga mini yaraga hadaba.  
\q2 Anduane Homogonaga \w loma\w* binigo mo miaga kamiru tíguabi ibunaga mini yaraga hadaba.   
\q1
\v 20 \w Libai\w* agali kamiru tíguabi Anduane Homogonaga mini yaraga hadaba.  
\q2 Wali agali Anduane Homogo mitangi bialu lotu laga kamiru tí bibahendeme  
\q2 ibunaga mini yaraga hadaba.   
\q1
\v 21 Anduane Homogo ibunaga dalu Saiono Yarusalemeha howa wali agali bu kamiru  
\q2 tígua ibunaga mini yaraga hai hadaba.   
\c 136  
\s1 Anduane Homogohondo ka̱i̱ lalu iba gana lenego ogo  
\q1
\v 1 Anduane Homogohanda inahondo bayale bialu haga kagonaga\x + \xo 136.1 \xt 1 Bit 16.34, 2 Bit 5.13, 7.3, Esr 3.11, Iba 100.5, 106.1, 107.1, 118.1, Yar 33.11\x*  
\q2 iname ibuhondo ka̱i̱ timbuni lolene nga.  
\q2 Ibugua ina gubalini ha ho wiaaboore haga kagoni.   
\q1
\v 2 Anduane Homogo ibu mbirale bi pupu wulenaga gime wabini ngaru bolangua haihe kago  
\q2 iname ibuhondo ka̱i̱ lama.  
\q2 Ibugua ina gubalini ha ho wiaaboore haga kagoni.   
\q1
\v 3 Anduane Homogo ibu dindini haguane hene karu bolangua haihe kago  
\q2 iname ibuhondo ka̱i̱ lama.  
\q1 Ibugua ina gubalini ha ho wiaaboore haga kagoni.   
\b  
\q1
\v 4 Agalime nabiagane aleru ibugua dege biaga ka.  
\q2 Ibugua ina gubalini ha ho wiaaboore haga kagoni.   
\q1
\v 5 Hari daliga li karuni ibunaga mini bayale gigabi wiagome wabini.\x + \xo 136.5 \xt Pig 1.1\x*  
\q2 Ibugua ina gubalini ha ho wiaaboore haga kagoni.   
\q1
\v 6 Ibugua iba andaneha berelowa dindi daliga wabu ngeleda.\x + \xo 136.6 \xt Pig 1.2\x*  
\q2 Ibugua ina gubalini ha ho wiaaboore haga kagoni.   
\q1
\v 7 Ibugua ni egebi wabini.\x + \xo 136.7 \xt Pig 1.16\x*  
\q2 Ibugua ina gubalini ha ho wiaaboore haga kagoni.   
\q1
\v 8 Ibugua nime horombe wá halu hondo helo heleda.  
\q2 Ibugua ina gubalini ha ho wiaaboore haga kagoni.   
\q1
\v 9 Ibugua egebi yakundirubi urunime mbiraga dalu hondo helo heledagoni.  
\q2 Ibugua ina gubalini ha ho wiaaboore haga kagoni.   
\b  
\q1
\v 10 Ibugua Iyibi wali agalinaga igini wahene bo wahai hene.\x + \xo 136.10 \xt Har 12.29\x*  
\q2 Ibugua ina gubalini ha ho wiaaboore haga kagoni.   
\q1
\v 11 Ibugua Isaraele wali agali Iyibi wahalu haru tagira pene.\x + \xo 136.11 \xt Har 12.51\x*  
\q2 Ibugua ina gubalini ha ho wiaaboore haga kagoni.   
\q1
\v 12 Ibunaga hongo timbuniore heagome ti ani haru tagira pene.  
\q2 Ibugua ina gubalini ha ho wiaaboore haga kagoni.   
\q1
\v 13 Ibugua iba solowara Daramabi laga bereago bira migimigi bilene.\x + \xo 136.13 \xt Har 14.21-29\x*  
\q2 Ibugua ina gubalini ha ho wiaaboore haga kagoni.   
\q1
\v 14 Ibuni bamba halu ibunaga wali agali haru halu iba solowara Daramabi domaede hene.  
\q2 Ibugua ina gubalini ha ho wiaaboore haga kagoni.   
\q1
\v 15 Ibugua ani biyagoyu Iyibinaga kinibi ibunaga ami agali hearubi iba ogoniha iba nalu homai helene.  
\q2 Ibugua ina gubalini ha ho wiaaboore haga kagoni.   
\b  
\q1
\v 16 Ibugua dindi ko wali agali nahaga wiagoria ibuni bamba halu ibunaga wali agali haru halu pene.\x + \xo 136.16 \xt Har 13.18, 15.22\x*  
\q2 Ibugua ina gubalini ha ho wiaaboore haga kagoni.   
\q1
\v 17 Ibugua kini hongohe hearu bo wahai hene.  
\q2 Ibugua ina gubalini ha ho wiaaboore haga kagoni.   
\q1
\v 18 Ibugua kini mini lene hearubi bo wahai hene.  
\q2 Ibugua ina gubalini ha ho wiaaboore haga kagoni.   
\q1
\v 19 Ibugua Amoro wali agalinaga Kini Sihono bo wahene.\x + \xo 136.19 \xt Dag 21.21-30\x*  
\q2 Ibugua ina gubalini ha ho wiaaboore haga kagoni.   
\q1
\v 20 Basana wali agalinaga Kini Ogabi bo wahene.\x + \xo 136.20 \xt Dag 21.31-35\x*  
\q2 Ibugua ina gubalini ha ho wiaaboore haga kagoni.   
\q1
\v 21 Kini uruninaga dindi wiaru ibunaga wali agaliruhondo mini.  
\q2 Ibugua ina gubalini ha ho wiaaboore haga kagoni.   
\q1
\v 22 Ibugua dindi uruni ibunaga biabe biahaga Isaraelealiruhondo mini.  
\q2 Ibugua ina gubalini ha ho wiaaboore haga kagoni.   
\b  
\q1
\v 23 Waitigime ina bopeore hayagola ibugua ina embeda nahene.  
\q2 Ibugua ina gubalini ha ho wiaaboore haga kagoni.   
\q1
\v 24 Ina waitiginaga giha hemaria ibugua ina mo wialu haru dai biya.  
\q2 Ibugua ina gubalini ha ho wiaaboore haga kagoni.   
\q1
\v 25 Ibugua wali agalibi ema bialu piaga damene bibahendebi tomo karulape nelo miaga ka.  
\q2 Ibugua ina gubalini ha ho wiaaboore haga kagoni.   
\b  
\q1
\v 26 Ngode Datagaliwabe dahuliya andaga kagohondo iname ka̱i̱ lami̱ya.  
\q2 Ibugua ina gubalini ha ho wiaaboore haga kagoni.   
\c 137  
\s1 Isaraele wali agali dindi taraha garabaya pu howa tininaga dindi mitangi bialu iba gana darabi lenego ogo  
\q1
\v 1 Babilono dindini iba piyarunaga angeni ina bira bigi bu harima.\x + \xo 137.1 \xt Neh 1.4\x*  
\q2 Ogoriani biruwa nde inanenaga dindi Saionoore mitangi harima.  
\q1 Iname dindi biago mitangiore harimadagua nde  
\q2 daraore howa inane dindinaga duguore bu wia harima.   
\q1
\v 2 Iname inanaga ngida ga̱wa̱ hiliyularu iba angeni ira hiribi ale hearunaga maganeni derela ho ngelowa  
\q2 ina labe manga biyagola nale bame biru wirima.   
\q1
\v 3 Agali ina garabaya biaga biarume inahondo lalu,  
\q2 Tígua iba gana maru ina mo turu holenaga laga bidaba.  
\q2 Tíninaga dindi Saionoore lalu ka̱i̱ laga bialu mbira ina hale holoma̱ya la handadaba, laga biya.   
\b  
\q1
\v 4 Ti ani laga biyagoyu ina dindi taraha garabaya pu howa  
\q2 ina Anduane Homogonaga iba ganago bame laholo au bulebe.  
\q1 Ani nabuleore ndobe.   
\q1
\v 5 Yarusaleme-o i̱na í̠ embeda haruyagua  
\q2 o ngidaru lone aginaga bole ndodago nabolebero.   
\q1
\v 6 Yarusaleme-o i̱na í̠ embeda halu  
\q2 i̱naga turu holene tene  
\q1 Yarusaleme mitangi harogome tagira ibaga manda bidogobi heba embeda dege haruyagua  
\q2 o i̱ iba gana lone mani nalolego i̱naga bi mo pu helabe laro.   
\b  
\q1
\v 7 Anduane Homogo-o Babilonoalime Yarusaleme bo gialo paya bialu bayangi  
\q2 Edomoali ti wai Babilonoha anda puwa tigua bi laga biyagoore bayuwa mitangi bibe.  
\q1 Tigua ogodagua laga biyagoni.  
\q1 Weagua tira dindi hangu ibira helo bibahende bo gialo bagabu wahadaba, lalu  
\q2 laga biyagoni í̠ hale harigoni.   
\b  
\q1
\v 8 Babilono-o bi o larogo hale habe.\x + \xo 137.8 \xt Mo 18.6\x*  
\q1 Í̠ nde bo mburi lolebirago lelo ani habe.  
\q2 Í̠na inahondo koore birigonaga paipai mbirali ibugua í̠hondo bulebirago handabe.  
\q2 Mbirali inanaga paipai bia haga kago ibu turu holene nga.   
\q1
\v 9 Agali inanaga wai puhaga haruago ibugua ibalu Babilono í̠naga waneigini emene hono yu hama pederuni yamuwa  
\q2 ege to̱le̱ni embone tuguduki haga bulebirago ani bilo hono yu habe.   
\c 138  
\s1 Anduane Homogohondo ka̱i̱ lenego ogo  
\q1
\v 1 Anduane Homogo-o i̱ninaga miniha hongo timbuniore howa  
\q2 í̠hondo ka̱i̱ larogoni.  
\q1 I̱na mbirale dama mitangi bialu gime wabini ngagoria howa  
\q2 í̠naga mini yaraga halu iba gana lalu kogoni.   
\q1
\v 2 Í̠naga anda loma bia hene kago handade halu i̱na ge duli hanga ho biruwa  
\q2 í̠naga mini yaraga halu kogoni.  
\q2 Í̠naga gubalini holene wiaabo kegonagabi  
\q2 í̠ mini bilinahe kegonagabi i̱na ani lalu kogoni.  
\q1 Í̠naga minibi í̠na mana ogo bulene nga lenerubi duniniore nga lalu  
\q2 inahondo mo walia harigonaga i̱na iba gana ogo lalu kogoni.   
\q1
\v 3 I̱na í̠ olarugola í̠na i̱naga bi hale howa  
\q2 í̠ninaga hongo timbuniore kegome i̱ mo hongo haabo harigola kogoni.   
\b  
\q1
\v 4 Kini dindini bu karu bibahendeme í̠na bi lowiriru hale howa  
\q2 tigua í̠naga mini yaraga holebira.   
\q1
\v 5 Tigua í̠na bibahende birirunaga iba ganabi  
\q2 í̠ mini timbuni lene kegonaga iba ganabi lalu holebira.   
\q1
\v 6 Anduane Homogo-o í̠ daliga duniniore kegoni howa\x + \xo 138.6 \xt Ais 57.15, Ya 4.6, 1 Pi 5.5\x*  
\q2 wali agali mini mo dindiha haga karu mitangi bu haga ke.  
\q2 Wali agali mine haga karu ti nde í̠naga deni ha do habe nahe ka.   
\b  
\q1
\v 7 I̱ha genda íbu mabu biragola\x + \xo 138.7 \xt Iba 23.3-4\x*  
\q2 í̠nime i̱ handayaho halu pele ngiaga kegoni.  
\q2 Waitigi bu karume i̱hondo keba haragola  
\q2 í̠na i̱ pele ngialu í̠ninaga hongome i̱ bayuwa mo wiaga kegoni.   
\b  
\q1
\v 8 Anduane Homogo-o mbirale i̱hondo bulebero lalu lo wiriruni  
\q2 biaiore holebere lo manda bido.  
\q2 Í̠naga gubalini holene wiaabo haga kegoni.  
\q2 Í̠na biabe bule biriruni bibahende bu maro bibelo hameledo.   
\c 139  
\s1 Ngode Datagaliwabe ibugua ina manda biai halu de hondo kago ogo  
\q1
\v 1 Anduane Homogo-o í̠na i̱ ba handalu ai ogobiore kalo manda biaiore kegoni.\x + \xo 139.1 \xt Iba 17.3, Yar 12.3\x*   
\q1
\v 2 I̱na mbirale bigi berogo bibahendeore í̠ manda biaiore ke.\x + \xo 139.2 \xt 2 Kin 19.27, Md 9.4, Yo 2.24-25\x*  
\q2 Í̠ kaundiaore uyura howabi i̱naga miniha mitangi berogo damene bibahendeore manda biai kegoni.   
\q1
\v 3 I̱ biabe bialu koyaguabi o ha̱lo bedoyaguabi\x + \xo 139.3 \xt Iba 17.3, Yar 12.3\x*  
\q2 í̠na i̱ handaya kegola dege bialu kogoni.  
\q2 I̱na bigi berogo damene bibahendeore manda biai ho kegoni.   
\q1
\v 4 Bi mbira naledoore ogo ale lolebira lowa\x + \xo 139.4 \xt Hi 4.13\x*  
\q2 í̠ abale manda bu bolangua kegoni.   
\q1
\v 5 Í̠na i̱ homabu bupe halu  
\q2 í̠naga hongome i̱ pabe tigila haradagua bidegola kogoni.   
\q1
\v 6 Í̠na i̱ ogobiore kagoni lowa baya hanguore bilibele lo manda biai ho kegoni.  
\q2 Manda bulene daligaore ogonibi i̱na mandabu mibe naheoreda.   
\b  
\q1
\v 7 Í̠ ke handala i̱ ibida pole pialu ha do hole ani pobehe kobe.\x + \xo 139.7 \xt Yar 23.24, Yna 1.3\x*  
\q2 Í̠ nahego mbira dindi agohayagi ngabe.   
\q1
\v 8 Dahuliya anda iraga halu ibiruyagua í̠ ebere ke.  
\q2 Humbirini andaga dalipe halu  
\q2 ni bu karu baba bia tagoho hole yupe haruyaguabi  
\q2 í̠ niguniha ha dege bulebere.   
\q1
\v 9 Yagalo yalu pialu ni tagira ibagahayagi ha do hole piruyaguabi  
\q2 o ndo ni paliagahayagi pu haruyaguabi   
\q1
\v 10 dindi gibuni gibuni urunihabi í̠ ha dege bulebere.  
\q2 Í̠na i̱ biamogo bulebi haru holebi ha dege bulebere.   
\q1
\v 11 Aruma holeneme i̱ budambi heladaba lalu  
\q2 wá emeneore mbira nahe aruma dumbilinioreha ha do hole lalu manda biruyaguabi  
\q2 í̠ ha dege bulebere.   
\q1
\v 12 Í̠na i̱ arumaha ndo koria hondolebere.\x + \xo 139.12 \xt Yob 34.22, Dan 2.22, Hi 4.13\x*  
\q2 Mbiraga dumbilini mbauleyaguabi  
\q2 í̠na i̱ horombe hau hanunini koria handaradagua hendede.  
\q2 Handalu keria wá arumala tu nangaria hendede.  
\q2 Mbiragabi horombeni handaradagua dege hendede.   
\b  
\q1
\v 13 I̱naga tingini gi gebi embone minibi tara tara hama pedaruni  
\q2 í̠na wabu helene kogoni.  
\q2 Í̠na i̱ ai̱ya tombeha i̱ mo gimbu bialu berelariyagoni.   
\q1
\v 14 Í̠na mbirale bigi berego taraore bigi biagayagonagabi  
\q2 í̠ timbuni gibi baya buruguleore howa i̱ manda biai ho kegonagabi  
\q2 i̱na í̠naga mini mo yaraga haro.  
\q1 Ina wali agalime í̠ hondowa mo yo handabe nahe kamagoni.   
\q1
\v 15 I̱ ai̱ya tombeha biruwa i̱naga kuni dameneru wene hole mo gimbu gimbu bigi bialu heagola\x + \xo 139.15 \xt Yob 10.8-9, Aga 11.5\x*  
\q2 i̱ tombeha bira do howa anda haga bialu hewago  
\q2 í̠ manda bu harigo kegoni.   
\q1
\v 16 I̱ ai̱yahanda i̱ taba nahene tombeha berewago í̠ handarigoni.  
\q2 Í̠na ani bialu nde i̱ dindini howa mali ogodagua holebira ogoangi homolebira lalu manda buwa  
\q2 í̠naga mbugani gilibu wu kegoni.  
\q1 I̱ ai̱yahanda i̱ taba naheneha abogo ibu lu ogodagua helo lalu  
\q2 mali podo manda bu winigo í̠naga mbugani gilibu wiai kegoni.   
\q1
\v 17 Anigo Ngode Datagaliwabe-o í̠naga mitangi bulene daligaore tara  
\q2 i̱ aleme manda bibe nahedagolabi daga labe nahedagolabi  
\q2 i̱ mogolo kogoni.   
\q1
\v 18 Daga laruyagua iba angeni iba mu ngaru emene karulape lowa  
\q2 í̠naga mitangi bulene daga nalabeheore la dege bialu  
\q2 lo umulowa paliahondo howabi dengala howabi í̠ heba dege halu  
\q2 i̱na í̠ manda biai habe naheore kogoni.   
\b  
\q1
\v 19 Ngode Datagaliwabe-o wali agali mini kowi bu karuore homelo bowaore ha nabira lalu kogoni.  
\q2 Wali agali bame irane nawini bo wahama ibaga biaga karu  
\q2 ti baba i̱ mandagi habe mangabago  
\q2 tiore erebaha nabira lalu kogoni.   
\q1
\v 20 Ko biaga uruni tigua í̠ lalu bi ko laga bialu  
\q2 í̠naga mini mo ko hole lalu lo guraga bialu ka.   
\q1
\v 21 Anduane Homogo-o í̠ handabe manga haga karu  
\q2 i̱na uruniore handabe manga ho ko.  
\q2 Í̠hondo waitigi ho karu  
\q2 i̱na ti mo yo hondowa de handape ho kogoni.   
\q1
\v 22 I̱na ti handabe manga timbuniore ho ko.  
\q2 Ti i̱ waitigi ka lo kogoni.   
\b  
\q1
\v 23 Ngode Datagaliwabe-o í̠na i̱naga bu habanehabi minihabi hai bialu\x + \xo 139.23 \xt Yob 31.6, Iba 26.2\x*  
\q2 ko mbira ngabe hondole mitangihabi tayabume halu manda bibe.   
\q1
\v 24 Í̠na ani taya bialu mana ko mbira i̱ha au ngabe handalu\x + \xo 139.24 \xt Iba 5.8, 143.10\x*  
\q2 í̠naga haabo holene harigani puabo holiya i̱ haru habe.   
\c 140  
\s1 Anduane Homogohanda handayaho helo bi lenego ogo  
\q1
\v 1 Anduane Homogo-o wali agali ko biaga karume i̱ mo ko holigo pele ngibe.  
\q2 Agali bo wahaga karume i̱ baba waitigi nahelo biamogo bibe.   
\q1
\v 2 Tigua mana ko bulenaga ndindi laabo halu  
\q2 wali agali bu karu tini keba haga haga bilo mo keba haga ka.   
\q1
\v 3 Tinaga hége ne gadele puyanaga ne ale howa\x + \xo 140.3 \xt Lm 3.13\x*  
\q2 tigua bi lararume nogombi ko tomia pale ngagonaga tomia ale  
\q2 tinaga ne hambuni ngagoni.   
\b  
\q1
\v 4 Anduane Homogo-o agali ko karunaga hongome i̱ bope nahelo  
\q2 í̠na i̱ handayaho habe.  
\q2 Agali bo wahaga karume i̱ mo ko holenaga bi ndindi lalu kago  
\q2 i̱ ba nabilo hapai habe.   
\q1
\v 5 Mine haga bu karume i̱ gonoha doliya gono wu kagoni.  
\q2 Tigua gono ogoni pu payini timbuni mbirame i̱naga geni do ngelonaga  
\q2 i̱ hariga poleberogoha gono wia do ka.   
\b  
\q1
\v 6 I̱na Anduane Homogohondo lamialu lalu,  
\q2 I̱naga Ngode Datagaliwabeore í̠ni kegoni.  
\q2 Anduane Homogo-o i̱na biamogo bia lalu olalu kogo hale habe.   
\q1
\v 7 Anduane Homogo Bibahende Haru Haame Ho Haga-o  
\q2 i̱ haru dai biaga hongoheore í̠ kegoni.  
\q2 I̱na waitigiru baba wai bialu hewangi  
\q2 í̠na i̱ handayaho harigoni.   
\q1
\v 8 Anduane Homogo-o agali mini kowi karume bule hameledaru buligo nabilabe.  
\q2 Tigua ko bulenaga bi pongo balu karuni biatagi nahelabe.   
\b  
\q1
\v 9 Waitigi bu karume i̱ bope halu balagala howa ibaga bu nahelabe.  
\q2 Tigua i̱ bo waholenaga mo gi halu karuni tiniha biadai bilabe.   
\q1
\v 10 Ira dedaore tinaga haguaneni ibira helolene karulapeda.  
\q2 Ti gundu uli ngagoha uli pu wiaabo helo minu bape habe.   
\q1
\v 11 Agali ko urunime ke̱ howa wali agali maru karu bame godi deni heledago  
\q2 tigua godi lalu bolangua nahelabe.  
\q1 Agali bo wahaga bu karu tiha mo ko holene mbira ibilalu  
\q2 ti bo ereba hai helabelo hamelo kogoni.   
\b  
\q1
\v 12 Anduane Homogo-o wali agali ko urunibi karume  
\q2 wali agali yagibano karu mo ko holebiragola  
\q2 í̠na yagibano karu biamogo biaga kegoni.  
\q2 Wali agali burupale karu tihondobi bayale bulene ngadagua biriligo  
\q2 i̱ manda bu kogoni.   
\q1
\v 13 Wali agali mana tigabi biaga karume í̠naga mini yaraga halu  
\q2 í̠ni kegoha haabo holebira.   
\c 141  
\s1 Mbiraga Anduane Homogohondo bi lenego ogo  
\q1
\v 1 Anduane Homogo-o i̱na í̠ olarogo áyu ogoniore i̱ biamogo bibe.  
\q2 I̱na í̠ olalu kogola í̠na i̱naga bi haleore habe.   
\q1
\v 2 I̱naga bi í̠hondo larogoni ira hagua ngabi mini \w inisenesinaga\w* hagua irigi haragola\x + \xo 141.2 \xt Mo 5.8\x*  
\q2 nga halu turu harilidagua turu halu hale habe.  
\q2 Mbiraga í̠hondo mbirale lomabu delene yamirilidagua  
\q2 i̱naga gi yaraga halu í̠hondo bi larogo yamibe.   
\b  
\q1
\v 3 Anduane Homogo-o i̱naga ne hariga howa bi latagi haroru mamage habe.\x + \xo 141.3 \xt Iba 34.13, Ya 1.26, 3.8\x*  
\q2 I̱naga ne hambuni bi loleberoru damene handayaho habe.   
\q1
\v 4 Mana ko ngago bulenaga i̱naga bu miniha heyuligo mamage habe.  
\q1 Wali agali ko biaga karume mana ko biradagua  
\q2 i̱ ti heba howa ko biamaga halu holigo i̱ nahelabe.  
\q2 Ti dawe halu tomo nalu bedagoha  
\q2 i̱ ti heba mandagi naberelabe.\x + \xo 141.4 \xt Min 23.6\x*   
\b  
\q1
\v 5 Wali agali mini tigabi kagome i̱ dara howa mo tiga bialu  
\q2 pani ngiyagua nde ogoni karulape.  
\q2 Wali agali ko karume i̱naga mini yaraga holene manda biyagua i̱ mangaba lolebero.  
\q2 Irane i̱na í̠hondo lalu wali agali ko karume ko biyagonaga pani mibe laabo haruligonaga i̱ manga holebero.   
\q1
\v 6 Agali marume wali agali ko uruni mo ko howa minu baragola  
\q2 tigua Anduane Homogonaga bi layago heneneoreda lo manda bulebira.   
\q1
\v 7 Agalime ira kambulalu dangialabaga biagadagua bialu  
\q2 agali uruninaga kuni gingirulobaga buwa homali ngagoha waholebira.   
\b  
\q1
\v 8 Anduane Homogo Bibahende Haru Haame Ho Haga-o\x + \xo 141.8 \xt 2 Bit 20.12, Iba 25.15, 123.1-2\x*  
\q2 i̱na í̠hondo mini mbiraore wu haabo kogoni ndobe.  
\q2 I̱na í̠ha ha do kogonigo i̱ nahome helabe.   
\q1
\v 9 Agali ko karume gono ngagoha i̱ do wuligo handayaho halu  
\q2 í̠nime i̱ baya hangu pabe bu habe.   
\q1
\v 10 Agali ko uruni tininaga gono ngagoha tini do nga handala  
\q2 i̱ poleberogoha mo pila holene mbira nawi howa  
\q2 bayale yo pialu poliya helabe.   
\c 142  
\s1 Anduane Homogohanda biamogo bilo bi lenego ogo  
\q1
\v 1 Anduane Homogohanda i̱ biamogo bilonaga i̱na ibu olalu kogoni.\x + \xo 142.1 \xt 1 Sml 22.1, 24.3\x*  
\q1 I̱na i̱ biamogo bia lalu haya howa bi lalu kogoni.   
\q1
\v 2 I̱ha genda ngangi i̱na ibu karia genda ogoni yalu piruli.  
\q2 I̱ mini burugulo koru bibahende ibuhondo lamiai haruli.   
\q1
\v 3 I̱ mini dege dindi halu homolene kawareda lo manda bu kongi\x + \xo 142.3 \xt Iba 77.3, 140.5, 143.4\x*  
\q2 Anduane Homogo ibugua i̱ ogoale bulene ngalo mandabu kagoni.  
\q1 Waitigi karume i̱ gonoha do wuliya hariga poleberogoha gono wia ho ka.   
\q1
\v 4 I̱ni kogoria kaware handa ai nai bialu koria\x + \xo 142.4 \xt Yob 11.20, Iba 88.8, 88.18\x*  
\q2 mbirali i̱ biamogo bulene mbira naheda.  
\q2 Agali ko karume i̱ bo waholilono  
\q2 mbirali i̱ handayaho howa mamage holenebi naheoreda.  
\q2 I̱ dara howa biamogo bulenebi mbira naheoredane hendedo.   
\b  
\q1
\v 5 Anduane Homogo-o í̠na i̱ biamogo bibelo olalu kogoni.  
\q2 Í̠ni hanguore i̱ handayaho haga kegoni.  
\q2 I̱ homa nabi kongi í̠nila habiya hamelo kogoni.   
\q1
\v 6 I̱na biamogo bia lowa í̠ olalu kogonigo hale habe.  
\q2 I̱naga bu miniha mini dege dindi ho howa lalu kogoni.  
\q1 Agali i̱ mo ko hagadaruni ti hongo timbuniorehe kago  
\q2 i̱na ti bope habe naheore kogoni ndobe.  
\q1 I̱ tinaga giha koria í̠na gi mialu yamibe.   
\q1
\v 7 Gendaru íbu ngagoha kogo bayaleore holiya í̠na i̱ biamogo bia laro.\x + \xo 142.7 \xt Iba 13.6, 143.11, 146.7\x*  
\q2 Í̠naga wali agali ngoai ho kagoria  
\q2 i̱na tinaga deni í̠naga mini yaraga halu holebero.  
\q1 Í̠na i̱hondo bayale birigonaga i̱na ani bulebero.   
\c 143  
\s1 Anduane Homogohondo biamogo bia lalu bi lenego ogo  
\q1
\v 1 Anduane Homogo-o i̱na í̠hondo bi larogo hale habe.  
\q1 Í̠ mini tigabiorebi mini bilinahebi kegome  
\q2 i̱na biamogo bia lalu koru hale habe.   
\q1
\v 2 Í̠na godi larengi í̠naga biabe biahaga i̱ kogo godini heloleni nahelabe.\x + \xo 143.2 \xt Lm 3.20, Ga 2.16\x*  
\q2 Í̠naga deni mbirali ibuha ko nawi mbira naheore ndobe.   
\b  
\q1
\v 3 Waitigi bu karume i̱ talima ibaga bialu i̱ bopeore henego ko.  
\q2 Tigua i̱ arumaha minu dariba ho wiradagua bidagola  
\q2 i̱ wali agali bamba homo gialo wahene ngaligobi kogoni ndobe.   
\q1
\v 4 I̱ ani bidagome i̱ mini tumutumu bialu  
\q2 mini dege dindi ho kogoni.   
\b  
\q1
\v 5 Bambaore biniru i̱na lone mitangibu dai bero.\x + \xo 143.5 \xt Iba 77.5, 77.10-11\x*  
\q2 Mbirale bayale damene bibahende í̠na biriruni mitangi bialu  
\q2 biabe bayale birirubi mitangibu dai berogoni.   
\q1
\v 6 I̱na i̱naga gi yaraga halu í̠hondo bi lalu kogoni.  
\q2 Wali agalime iba noa howa kembobe lebola haradagua  
\q2 i̱naga dininime í̠naga bi mana lo ngeru noa halu hame timbuniore lo kogoni.   
\b  
\q1
\v 7 Anduane Homogo-o i̱na mini dunubia ho harugo ereba harago  
\q2 ainde i̱na bi larogo áyu ogoni abale hale habe.  
\q1 I̱ abale homalu homene dininiru piagane ngagoha poligo  
\q2 í̠ ha do nahabe.   
\q1
\v 8 I̱na í̠hondo mini mbiraore wu kogonigo\x + \xo 143.8 \xt Iba 5.8, 25.1, 46.5\x*  
\q2 egerebagi bibahendengi í̠naga gubalini holene ngegoni i̱ mo mitangi biaabo helabe.  
\q1 I̱na í̠hondoore bi lalu haga kogonigo  
\q2 ai hariga i̱na pialu holiyago í̠nime mo walia habe.   
\b  
\q1
\v 9 Anduane Homogo-o í̠na i̱ handayaho habelo í̠ni keria eberogoni.  
\q2 Waitigi bu karunaga giha koria i̱ mo wialu haru dai bibe.   
\q1
\v 10 I̱naga Ngode Datagaliwabe í̠niore kego\x + \xo 143.10 \xt Iba 31.14, 119.12, 139.24\x*  
\q2 i̱na í̠naga hame ngego hangu taluwa bialu holiya i̱ lawai habe.  
\q1 Í̠na i̱hondo bayale bialu  
\q2 i̱ tigabi holene ngagoria ibagabu holiya haru habelo hamelo kogoni.   
\b  
\q1
\v 11 Anduane Homogo-o í̠nime bule lalu abale lo wiridagua  
\q2 i̱ mo wialu bayuwa haru dai bibe.  
\q2 Í̠ bayaleore biaga kegome i̱ha genda bibahende íbu ngagoria kogola  
\q2 í̠nime i̱ pele ngibe.   
\q1
\v 12 I̱ í̠ninaga biabe biahaga kogo manda buwa  
\q2 í̠na i̱hondo gubaliniore ho haga kegonigo i̱ waitigi bu karu homelo babe.  
\q2 I̱ bope haga karu bibahendeorebi bo wahai habe.   
\c 144  
\s1 Kini mbirame ibu wayali henegonaga Anduane Homogohondo ka̱i̱ lenego ogo  
\q1
\v 1 I̱na Anduane Homogonaga mini yaraga harogoni.  
\q1 I̱ biamogo biaga hongo timbunihe ibu kagoni.  
\q1 Ibugua i̱ wai buliya baya hangu biawai halu  
\q2 i̱ mo manda mandabu helaga kagoni.   
\q1
\v 2 Ibugua i̱ handayaho haga howa ibunime i̱ ho hagira bu haga ka.  
\q2 I̱naga humbi alebi pele ngiagabi ibu hanguore kagonigo  
\q2 i̱na ibuha mini mbiraore wu kogome  
\q2 ibugua i̱ mo wialu haru dai biaga kagoni.  
\q1 Ibugua hameigini tara tara dindi bibahendeha karu i̱ andaneha hai helaga kagoni.   
\b  
\q1
\v 3 Anduane Homogo-o ina wali agali agi ale kamagola\x + \xo 144.3 \xt Yob 7.17-18, Iba 8.4\x*  
\q2 í̠na mitangi ho haga kebe.  
\q2 Ina bame nahabane mbira kamagonidago  
\q2 ainde í̠na irane aginaga ina mo galone harilibe.   
\q1
\v 4 Ina wali agali bameore ne harigaha buhe̱ halu  
\q2 mbira hangu tagira pialu ereba hagagobi kamagoni ndobe.  
\q1 Inanaga dindini holene tubagiore  
\q2 bame ni daragola munini emene howa abale ereba haraligobi kamagoni.   
\b  
\q1
\v 5 Anduane Homogo-o hari li kagoni kambulaki bialu abale dalia.  
\q2 Í̠naga gime dindi hari wedaru ela hariyagua ira hagua timbuni tagira ibulebira.   
\q1
\v 6 Hari daba mo bia halu waitigi bu karuni bo purogo lela.  
\q2 Ti gerai lalu ibida purogo lelo í̠naga timume bo pelabe.   
\q1
\v 7 Í̠na hari daligaha howa gi dogolape halu  
\q2 i̱ iba andaneha bedogo wahalu tagira ibuliya gini yamia.  
\q2 Agali dindi tarani howa ibini bu karunaga andaneha koria  
\q2 í̠na i̱ abale mo wialu golope habe.   
\q1
\v 8 Agali uruni tiha henene lolene mbira nawiore howa  
\q2 tigua gi doladaga halu henene larama lowa ke̱ dege hagane ka.   
\b  
\q1
\v 9 Ngode Datagaliwabe-o i̱na iba gana gahenge wabialu í̠hondo lolebero.  
\q2 I̱na ngida ale balu í̠hondo iba gana lolebero.   
\q1
\v 10 Í̠na kinirume wai bialu wayali helo biamogo biaga howa  
\q2 í̠naga biabe biahaga Debidi i̱nibi nde biamogo bialu haru dai biaga kegoni.   
\b  
\q1
\v 11 Waitigi i̱ bope haga bu karunaga giha koria haru dai bibe.  
\q2 Agali dindi taraha howa ibini bu karunaga andaneha koria  
\q2 í̠na i̱ abale mo wialu golope habe.  
\q1 Agali uruni tiha henene lolene mbira nawiore howa  
\q2 tigua gi doladaga halu henene larama lowa ke̱ dege hagane ka.   
\b  
\q1
\v 12 Ina igini igiri daliahe kaore  
\q2 ira hongone karu hongohe anda hagagobi helo hamelo kamagoni.  
\q1 Ina wane bedarubi baya dege halu kini andaga kagoha  
\q2 mo yári bia hene ngagobi berelo hamelo kamagoni.   
\q1
\v 13 Inanaga tomo wiaga andaha tomo bayale dewaore wu to̱latagi helo hamelo kama.  
\q1 Inanaga dindini nogo sibi karume igini daosini dewaore honoyu helo hamelo kama.   
\q1
\v 14 Nogo bulumaga bu karumebi igini dewa honoyu kagola  
\q2 mo ko nahelobi maru homa nabilobi hamelo kamagoni.  
\q1 Inanaga hariga polene ngagoria  
\q2 wali agaliyaguabi waneiginiyaguabi mbiragome  
\q2 ibuha genda tandagaru tagira ibiragola  
\q2 dugu bima pelo hame naledema.   
\b  
\q1
\v 15 Dindi mbiraha wali agali bayale urunibi bu karu ti turu ho ka.\x + \xo 144.15 \xt Iba 33.12\x*  
\q2 Wali agali Ngode Datagaliwabe ibuni tinaga Anduane Homogo ka lalu haga karu  
\q2 tibi turuore ho kagoni.   
\c 145  
\s1 Anduane Homogonaga mini mo yaraga halu iba gana lenego ogo  
\q1
\v 1 I̱naga Ngode Datagaliwabebi i̱naga kinibi í̠ kegonigo  
\q2 i̱na wali agali bibahendehondo í̠ daliga gibiore ka lalu lamulebero.  
\q1 I̱na í̠hondo ka̱i̱ lalu laaboore holebero.   
\q1
\v 2 Horo bibahendengi i̱na í̠hondo turu halu ka̱i̱ laabo halu holebero.  
\q2 I̱na í̠naga mini mo yadagadaga haabo haluore holebero.   
\q1
\v 3 Anduane Homogo ibu mini lene daliga gibiore kago  
\q2 bibahendeme ibunaga mini mo yaraga holene nga.  
\q1 Ibu daliga gibiore haruagoni  
\q2 iname ogobiore ka lowa manda biai habe nahe kama.  
\q2 Inanaga manda bulenego emene ko tubagi kamagoni.   
\b  
\q1
\v 4 Í̠naore mbirale bigi biriruni wali agali áyu karume agua bigi biya lalu í̠naga mini mo yaraga halu ka.  
\q1 Wali agali dabane mani hararu tiguabi nde  
\q2 tinaga waneigini lamiragola uruni tiguabi nde  
\q2 í̠naga mini mo yaraga halu dege holebira.  
\q1 Tigua í̠na biabe hongoheore gibi bigi biriruni agua bigi biya lalu  
\q2 bi te lalili bima puabo holebira.   
\q1
\v 5 Wali agalime í̠naga hongo baya gibi holenenaga lalubi  
\q2 í̠ kini gibi kego lalubi bite laabo holebira.  
\q2 Í̠na biabe hongohe gibiorebi agalime nabibeheru bigi birigonaga  
\q2 i̱na miniha mitangidangi bialu haabo holebero.   
\q1
\v 6 Í̠naga hongo gibioreme biabe bigi birigonaga wali agali tigua bite laga bulebira.  
\q2 I̱nabi nde í̠ daligaore gibi kagoni lalu maru karu lamulebero.   
\q1
\v 7 Tigua í̠naga mana baya gibiore biaga kegonaga maru lamialubi  
\q2 í̠naga dara holene ngegonaga garea lalubi iba ganaru lalu holebira.   
\q1
\v 8 Anduane Homogo ibugua ina gubalini timbuniore hagabi dara howa biamogo biagabi ka.  
\q2 Ibu keba abale tungulope nahaga howa  
\q2 ibugua ibunaga gubalini haho wiaabo holeneme ina yaniho wiaabo helowa haga kagoni.\x + \xo 145.8 \xt Dag 14.18, Iba 103.8\x*   
\q1
\v 9 Ibugua wali agali bibahendehondo mana bayale ogobi degedege bialu mbirago bume hembome nalagaore kagoni.  
\q1 Mbirale tara tara ibunime wabiniru bibahendeore dara howa ibuni handayaho haga kagoni.   
\b  
\q1
\v 10 Anduane Homogo-o mbirale mbirale ema bialu piaga í̠ni wabini karu  
\q2 bibahendeoreme í̠ninaga mini mo yaraga haiore holebira.  
\q1 Í̠naga wali agali bibahendeoreme í̠nihondo turu halu ka̱i̱ lalu lai holebira.   
\q1
\v 11 Í̠na dindi bibahende de handame howa baya buruguleore haru kegonaga tigua maru hale helo lamialu  
\q2 í̠naga hongo holene gibiore ngegonagabi lalu lamulebira.   
\q1
\v 12 Wali agali karu bibahendeme Anduane Homogo í̠na biabe hongohe gibi bigi biriruni manda biai helo ani lamulebira.  
\q1 Í̠ kini baya buruguleore hongohe howa  
\q2 í̠naga mini daliga gibiore ngegoni manda biai helobi ani loyogo lalu holebira.   
\q1
\v 13 Í̠naga handame holene wiaaboore howa  
\q2 wali agali bibahende haru haho wiaaboboore haga kini holebere.  
\b  
\q1 Anduane Homogo ibugua mbirale mbira bulebero laga bialu lo wigi binigo  
\q2 mbira pugua nabi lo beregedabi nabi  
\q2 ibu mini bilinahe howa bulebero lenedagua biaiore haga kagoni.  
\q1 Ibugua ina dara gibi haga howa mbirale bigi biraru ina biamogo bulenaga dege bigi biaga kagoni.   
\q1
\v 14 Wali agali genda yu howa mini burugulo karu bibahende biamogo bialu  
\q2 wali agali yangoneme hengedope haragola dindiha haga karubi  
\q2 ibunime ti mo yaragaho helolebira.   
\b  
\q1
\v 15 Mbirale dindini emabu bedaru damene bibahendeme í̠naga gi hangu hondole hanaho beda.  
\q1 Ti tomo noa harangi í̠na ti karulape nelo miaga kegoni.   
\q1
\v 16 Í̠na ti bibahende tomo karulapeore nelo mialu  
\q2 ti mbirale maru buru pada alebi mulene ngadagua miaga kegoni.   
\b  
\q1
\v 17 Anduane Homogo ibu mini tigabiore howa ibugua mbirale bigi biraru damene tigabi bialu  
\q2 ina daraore howa biamogo bigi biaga kagoni.   
\q1
\v 18 Wali agalime ti miniha tigabi howa heneneorenaga Anduane Homogo olalu karu  
\q2 ibuni ti kagoria kawareore íbu haga kagoni.   
\q1
\v 19 Wali agali Anduane Homogohondo giho haga karu  
\q2 ti burupale ngaru ibunime tiga handaga haga.  
\q1 Ti genda yu howa ibuhondo bi laragola ibunime hale halu gi miaga ka.   
\q1
\v 20 Wali agali Anduane Homogo ibuore gubalini haga karu  
\q2 ibunime ti baya hanguore handayaho halu mamage haga ka.  
\q2 Wali agali mana ko biaga karu ibugua ti bibahende bo mburi lai holebira.   
\b  
\q1
\v 21 I̱na Anduane Homogonaga mini mo yaraga haabo holebero.  
\q1 Ibugua mbirale ema bialu piaga ibuni wabini karu bibahendeoreme  
\q2 ibunaga mini baya buruguleore kago mo yaraga haaboore holene nga.   
\c 146  
\s1 Anduane Homogo ibu Pele Ngiaga ka lalu mini yaraga halu bi lenego ogo  
\q1
\v 1 Anduane Homogonaga mini yaraga hama.  
\q1 I̱ni bu miniha howa ibunaga mini yaraga harogoni.   
\q1
\v 2 I̱ dindini kogoni howa ibunaga mini yaraga haabo holebero.  
\q2 I̱na i̱naga Ngode Datagaliwabe mini yaraga halu  
\q2 iba gana laabo halu kone dege i̱ni homalu waholebero.   
\b  
\q1
\v 3 Dindini agali haguane karuha mini hanaho nahabe.  
\q2 Agali dindini hene bu karu  
\q2 tigua í̠ pele ngialu haru dai nabibehe kagoni.   
\q1
\v 4 Agali uruni ti homarangi lone dindi dege hodai bulebira.  
\q2 Ti homarangi mbirale ogoale bule lalu lo wiyaruni budai nabulebiraore.   
\b  
\q1
\v 5 Wali agali ti Yagabanaga Ngode Datagaliwabe kagome ti biamogo bilonaga ibuhondo mini mbiraore wu karume  
\q2 ti turu ho haga ka.  
\q1 Uruni tigua Anduane Homogo tinaga Ngode Datagaliwabehondo mini dunubia ho kagome  
\q2 ti turuore ho kagoni.   
\q1
\v 6 Ngode Datagaliwabe ogoni ibugua hari daligabi dindibi iba solowarabi wabialu uruniha karubi ngarubi wabiai henego\x + \xo 146.6 \xt Iba 115.15, 117.2, Ab 4.24, 14.15\x*  
\q2 ibugua mbirale ibuni buleore lalu bi lowiniru bibahende biaiore haga ka.   
\q1
\v 7 Wali agali maru ti waitigi andaneha bope ho karu  
\q2 Anduane Homogo ibunime ti biamogo biaga ka.  
\q2 Maru tomo nane garibilo karuhondo ibugua ti tomo nelo miaga.  
\q1 Anduane Homogo ibugua maru garabayaha karu ti golope haga biaga.   
\q1
\v 8 Ibugua wali agali de kohe karu de hendelo mo ngala halu  
\q2 wali agali gendame bo dambi karu genda mo wahai halu mo hongo haga ka.  
\q1 Anduane Homogohanda ibunaga wali agali bayale tigabi karu gubalini ho haga ka.   
\q1
\v 9 Wali agali dindi taraha howa ina dindini íbu hene karubi ibugua handayaho haga ka.  
\q2 Wali dalo bedarubi waneigini ai̱ya abala homene karubi ibugua ti baya hanguore handayaho haga ka.  
\q1 Ibugua ani biagagoyu agali ko biaga karume mana ko bule manda bialu karu mo libilabala halu mo luluya haga ka.   
\b  
\q1
\v 10 Anduane Homogo ibu kini haluhe haabo kagoni.  
\q2 Saiono wali agaliru-o tínaga Ngode Datagaliwabe ibu kiniore haabobo bu ka.  
\q1 Iname Anduane Homogonaga mini yaraga hami̱ya.   
\c 147  
\s1 Anduane Homogo Hongo Haiheore kagonaga mini yaraga halu iba gana lenego ogo  
\q1
\v 1 Anduane Homogonaga mini yaraga hami̱ya.  
\q1 Iname inanaga Ngode Datagaliwabe mini yaraga halu  
\q2 ibuhondo iba ganaru lolene bayaleore ogoni.  
\q2 Iname ibunaga mini yaraga holene bayale tigabiore nga.   
\q1
\v 2 Anduane Homogohanda Yarusaleme lone mo heya ho helowa  
\q2 ibunaga wali agali dindi taraha garabaya pu haga bini hearu haru dai biragoni.   
\q1
\v 3 Wali agali tini bu miniha genda timbuni yu haga bidaru\x + \xo 147.3 \xt Iba 51.17, Ais 57.15, 61.1, Lg 4.18\x*  
\q2 ibugua mo karulape helaga ka.  
\q2 Ibugua tinaga dere bidaru dabi helo kabu bia haga kagoni.   
\b  
\q1
\v 4 Ibugua yakundi hari daligani bu karuni bibahende daga lai howa\x + \xo 147.4 \xt Pig 15.5, Ais 40.26\x*  
\q2 ti mbira mbiranaga mini lai haga ka.   
\q1
\v 5 Inanaga Anduane Homogo ibu mini leneore howa hongo haiheore ka.  
\q2 Ibunaga mini gigabi ngago iname manda biai habe nahe kama.   
\q1
\v 6 Ibugua wali agali tini mo dindiha haga karu mo yaraga hagago  
\q2 nde wali agali ko biaga karu ti dindiha hengedape haga ka.   
\b  
\q1
\v 7 Anduane Homogonaga mini yaraga halu ibuhondo iba ganaru lolene nga.  
\q1 Inanaga Ngode Datagaliwabehondo ngida ale balu  
\q2 bi bayale mo bila howa bayale bolene nga.   
\q1
\v 8 Ibugua hari daligaha beraliba helame haga.  
\q2 Iba dalu dindini ibilaragola  
\q2 hari bare bare ngaruha datani bayale anda helaga biaga ka.   
\q1
\v 9 Ibugua ema bialu piaga karubi bedarubi tomo nelo mialu  
\q2 ega igini bedarume tomo noa halu bi laragola hale howa  
\q2 ibugua ti tomo nelo mia dege biaga ka.   
\b  
\q1
\v 10 Anduane Homogohanda nogo hosinaga hongobi\x + \xo 147.10 \xt Iba 33.16-18, Hos 1.7\x*  
\q2 ami agalinaga hongobi hondowa turu haga ndo ka.   
\q1
\v 11 Wali agali ibu mitangi bialu mo dunini howa  
\q2 ibunaga gubalini holene wiaabo ka manda bialu  
\q2 ibuhondo mini mbiraore wiaga karu ti hondowa ibugua turuho haga ka.   
\b  
\q1
\v 12 Yarusaleme wali agaliru-o Anduane Homogonaga mini yaraga hadaba.  
\q2 Saiono wali agaliru-o tínaga Ngode Datagaliwabenaga mini yaraga holene nga.   
\q1
\v 13 Ibugua Yarusalemenaga pabe panga kago mo hongo howa  
\q2 wali agali bu karu bayaleore biamogo bialu haga ka.   
\q1
\v 14 Ibugua tínaga dindi tubari handayaho halu  
\q2 widi bayaleru tí mabuha anda haga biledagola  
\q2 tígua widi lini dewaore nalu tombeho haga kamigoni.   
\b  
\q1
\v 15 Ibugua bi mbira dindihondo laragola  
\q2 bi ogoni hale halu abaleore biai haga.   
\q1
\v 16 Ibugua dindiguni timbunirume dindini dungume helalu  
\q2 puyabume abalu pulo yalu piagadagua pibiya pulo yu purogo lelaga ka.   
\q1
\v 17 Iba angeni iba mu wiame kadagua  
\q2 ibugua dalu ibilaragola dindiguni wiame helaga biaga.  
\q2 Ibugua dindini dagare ogonibi ibilaragola  
\q2 mbiralime dagare bidago bilowa dagare nahe tingi halu donge ho habe naheore ka.   
\q1
\v 18 Mani howa ibugua bi laragola dindiguni ngaru mo iba bu hinilaga.  
\q2 Ibugua puyabu ibilaragome iba bedago mo ema bia halu pelaga ka.   
\b  
\q1
\v 19 Ibugua ibunaga bi lowiniru Yagabahondo lamini.  
\q2 Ibunaga bi mana Isaraele wali agaliruhondo mini.   
\q1
\v 20 Ogonidagua ibugua hameigini tara tara dindi bibahendeha karuhondo nalami.  
\q2 Tigua ibunaga bi mana lo ngago manda nabi ka.  
\b  
\q1 Iname Anduane Homogonaga mini yaraga hami̱ya.   
\c 148  
\s1 Hari daligahabi dindihabi karu bibahendeoreme Anduane Homogonaga mini mo yaraga hai holene ngago ogo  
\q1
\v 1 Anduane Homogonaga mini mo yaraga hadaba-o.  
\q2 Tí hari daligaha kamiru bibahendeme Anduane Homogonaga miniore mo yaraga hadaba.   
\q1
\v 2 Ibunaga dahuliyali kamiru tí bibahendeme ibunaga miniore mo yaraga hadaba.  
\q2 Dahuliya andaganaga ami kamiru bibahendeme ibunaga mini mo yaraga hai hadaba.   
\b  
\q1
\v 3 Ni egela li kabigo libugua ibunaga mini mo yaraga hadaba.  
\q2 Yakundi harini li ngiringaralo bu kamiru tíguabi ibunaga mini mo yaraga hadaba.   
\q1
\v 4 Dahuliya andaga da habaneoreha kamiru tínime ibunaga mini mo yaraga hadaba.  
\q2 Hari daliga yarali howa iba uyura bedamirumebi ibunaga mini mo yaraga hadaba.   
\b  
\q1
\v 5 Mbirale uruni bibahendeore Anduane Homogo ibunaga bime tagira íbu hadaba laga biyagola  
\q2 tagira íbu haga binigo ka.  
\q1 Ibugua ani binigo uruni bibahendeoreme ibunaga mini mo yaraga hai holene nga.   
\q1
\v 6 Ibunaga bime ti hangu hangu abogo ogoria ha laga biyadagua haabo henego ka.\x + \xo 148.6 \xt Yob 38.33, Yar 33.20, 33.25\x*  
\q2 Ti mbiragome ibunaga bi mo wahabe nahe kagoni.   
\b  
\q1
\v 7 Dindini kamirumebi iba solowara guru kuyama unura bedarumebi  
\q2 wena gibiore wialuwiore unura bedamirumebi   
\q1
\v 8 hari dabamebi dalu dindigunimebi pibiyamebi hari beralibamebi  
\q2 puyabu hongoheore Anduane Homogonaga bi larago hale haga kamirumebi  
\q2 tí bibahendeoreme ibunaga mini mo yaraga haiore hadaba.   
\b  
\q1
\v 9 Dindi hari timbuni wedamirumebi dindi hari emene wedamirumebi  
\q2 ira lini nagane ale daga kamirumebi irabu ira kamirumebi   
\q1
\v 10 nogo hinini dambole kamirumebi nogo gabua tagira hope hene kamirumebi  
\q2 mbirale tombeme piaga ngamirumebi ega bibahende bedamirumebi  
\q2 ti bibahendeoreme Anduane Homogonaga mini mo yaraga haiore hadaba.   
\b  
\q1
\v 11 Kini kamirumebi wali agali bibahende bu kamirumebi gabumane kamirumebi agali haguane kamirumebi   
\q1
\v 12 igiri daliahe bu kamirumebi wandari daliahe bedamirumebi  
\q2 wali agali wahe kamirumebi wandari igiri emene kamirumebi  
\q2 tí bibahendeoreme Anduane Homogonaga mini mo yaraga haiore hadaba.   
\b  
\q1
\v 13 Ti bibahendeme Anduane Homogonaga mini mo yaraga haiore holene nga.  
\q1 Wali agali marunaga mini ngagobi ndo ibunaga mini daligaore ngagoni.  
\q2 Ibunaga mini baya burugule daliga gibiore ibu ale mende naheorego  
\q2 dahuliya andaga angua hai halu dindi bibahendebi angua hai kago  
\q2 ibu hangunaga mini mo yaraga haiore holene nga.   
\q1
\v 14 Anduane Homogo ibugua ibunaga Isaraele hameigini gubaliniore halu yabu howa mo hongo hayagola  
\q2 tigua ibunaga mini mo yaraga haga kagoni.  
\b  
\q1 Anduane Homogonaga miniore mo yaraga hai hadaba-o.   
\c 149  
\s1 Anduane Homogonaga mini yaraga halu iba gana lenego ogo  
\q1
\v 1 Anduane Homogonaga mini yaraga hama.  
\q2 Ibuhondo iba gana gahengeru lami̱ya.  
\q1 Wali agali ibuhondo mini bilinahe haga kamiru  
\q2 tígua ibu mitangi bialu lotu lole ngoai ho kamigoria ibunaga mini yaraga hadaba.   
\q1
\v 2 Isaraele wali agaliru-o ibugua tínaga Wabiaga ka mitangi bialu turuho hadaba.  
\q2 Saiono wali agaliru-o tínaga kini ibu kagonaga turu timbuni ho hadaba.   
\q1
\v 3 Tígua mali lialu ibunaga mini yaraga hadaba.  
\q2 Tabageru balubi ngida ale balubi ibunaga mini yaraga hadaba.   
\b  
\q1
\v 4 Anduane Homogohanda ibunaga wali agaliruhondo gubalini ho kagoni.  
\q2 Ibugua wali agali tini mo dindiha haga karunaga mini yaraga halu  
\q2 wai bialu wayali helo biamogo biaga ka.   
\q1
\v 5 Ngode Datagaliwabenaga wali agali tí wayali harimigonaga turuho holene nga.\x + \xo 149.5 \xt Yob 35.10\x*  
\q2 Mbiraga tíninaga dagiani biruwa tígua turu halu iba ganaru laabo holene nga.   
\q1
\v 6 Tigua Ngode Datagaliwabenaga mini yaraga halu bi dalimu lalu  
\q2 wai biagane ayu tibu ne gadeleru tíni gime yu howa ga̱ ladagadaga bialu turu ho holene nga.   
\q1
\v 7 Tígua ayu tibu yu howa hameigini tara tara dindi bibahendeha karu baba wai bialu  
\q2 wali agali Anduane Homogo manda nabi karu ti ko biyarunaga pani mialu  
\q2 bo wahai holene nga.   
\q1
\v 8 Waitiginaga kinibi agali haguane bu karubi  
\q2 pu seni aeaneme wabini ngagome tinaga gi geru minu dabaho helolene nga.   
\q1
\v 9 Ngode Datagaliwabehanda hameigini tara tara dindi bibahendeha bu karu  
\q2 pani mulene nga layadagua tígua milimu.  
\q1 Ngode Datagaliwabenaga wali agali kagome wayali ogonibi holebira.  
\b  
\q1 Anduane Homogonaga mini yaraga hami̱ya.   
\c 150  
\s1 Anduane Homogonaga mini mo yaragaore holene ngago ogo  
\q1
\v 1 Anduane Homogonaga miniore mo yaraga hai hami̱ya.  
\q2 Ngode Datagaliwabe ibu ibunaga andaha kago  
\q2 ibu mini mo yaraga hami̱ya.  
\q1 Dahuliya andagani ibu hongo gibiore ho kago  
\q2 ibunaga miniore mo yaraga hami̱ya. \fig Biguliru tabageru irabitele aleru ngi̱li̱nge̱le̱ lagane haeagobi ngaru ... tilitola lalu balu howa Anduane Homogonaga mini mo yaraga hami̱ya.|src="HK 62c, HK62d, HK 61d, HK 62f (as in Pisin Bible p 837).tif" size="2" ref="(150.3-5)" \fig*   
\q1
\v 2 Ibugua biabe hongohe gibiore bigi biyarunaga  
\q2 iname ibunaga mini mo yaragaore hami̱ya.  
\q2 Dunini gibi daligaorego ibuni hangu kago manda bialu  
\q2 ibu hangunaga mini mo yaraga hami̱ya.   
\q1
\v 3 Mbelo biguli pu lalu  
\q2 ibunaga mini mo yaraga hami̱ya.  
\q2 Ngida aleru balu mbirale kelengele laga irabitele aleru balu  
\q2 ibunaga mini mo yaraga hami̱ya.   
\q1
\v 4 Tabageru balu gi geru ema bialu mali lialu  
\q2 Anduane Homogonaga miniore mo yaraga hami̱ya.  
\q2 Ngida aleru balu pilipe aleru lalu howa  
\q2 ibunaga mini mo yaraga hami̱ya.   
\q1
\v 5 Mbirale ngi̱li̱nge̱le̱ lagane haeagobi ngaru hongo howa tilitola lalu balu howa  
\q2 Anduane Homogonaga mini mo yaraga hami̱ya.   
\q1
\v 6 Mbirale dindini emabu bu kamiru damenego bibahendeoreme  
\q2 Anduane Homogonaga mini mo yaraga hai halimu.  
\b  
\q1 Anduane Homogonaga mini mo yaraga haaboore hami̱ya.