\id 1CH - Huli Bible [hui] -Papua New Guinea 2011 (web version -2013 bd) 
\h 1 BI TE 
\toc1 1 Bi Te 
\toc2 1 Bi Te 
\toc3 1 Bit 
\mt1 1 Bi Te  
\imt1 Mbuga ogoniha gilibu ngarunaga nemandi ogo  
\ip Kini henerunaga Bi Te mbuga mbiraha mendegohabi Samuelenaga mbuga mbiraha mendegohabi Kininaga mbuga mbiraha mendegohabi gilibu wiaruni dege tara marubi dewa wigi bida. Bi Te mbiraore degego mbuga ogo agali gili binidago ibugua irane tara mendenaga gili bini. Mbuga kira ogoni labome bi irane kira latagi ho nga.  
\ib  
\io1 Mbira  
\io1 Isaraele wali agalirume Ngode Datagaliwabe erembira mialu pugu biyaru bilowa Ngode Datagaliwabehanda ti yu wa nahaga hene. Ani nabi howa ibugua Isaraele wali agali tinaga mamaliru baba bulebero lalu Ngode Datagaliwabe ibunime bi lo winiru lola helonaga ti heba mandagi haga wini. Mini ogoni henene tigatiga mo walia halu mbirale bayale damene mbuga ogoniha Kini Debidi ibugua binirubi Kini Solomonohanda binirubi Yahosabada ibugua bialu hene wiarubi Hesagaiahandabi Yosaiahandabi tinaga gime mbirale bayale wigi biaru bialu heneru mbuga kira ogoni laboha howa wáleore mo walia halu gilibu nga.  
\io1 Mende  
\io1 Mbuga ogoni laboha howa tigua Ngode Datagaliwabenaga anda loma bia hene Yarusalemeni howa ibu mitangi buwa lotu bayaleore lalu henerunaga garea lowigi bida. Mbuga kira ogoni labome ledago damene irane ogodagua biyagome tagira ibiya lalu mo walia ka. Ani lalu mendebi nde Libai hameigini loma biniru mo miaga hearu tinaga biabeore ogodagua bulene nga lalu mo walia halu leda.  
\ip Mbuga mbiragoha howa Isaraele wali agalirunaga mamali ogodagua hama ibini lalu bambaore piganengi Adama henegoriaore howa goarialu lama ibaho wialu Kini Solo henegoria lairi ka. Ani bialu Kini Solo Debidila libugua ogodagua bialu hene lowa garea lowialu bida.  
\iot Bu̱lu̱ baga buwa kuni gilibu ngago (1.1–9.44)  
\io1 Malu tara tararu gilibu ngago \ior 1.1–10.14\ior*  
\io1 Kini Solo homenego \ior 11.1–29.30\ior*  
\io1 Debedi ibugua kini henego  
\io2 11.1–22.1  
\io1 Debidi ibu bialu henegonaga te gilibu ngago  
\io2 22.2–29.30  
\io1 Anduane Homogonaga anda bule manda manda binigo  
\c 1  
\p
\v 1-4 Adamani howa hama ibalu Abarahamani hairi henego uru. Adama igini Sede Sede igini Inoso Inoso igini Kenana Kenana igini Mahalalele Mahalalele igini Yarede Yarede igini Inogo Inogo igini Medusela Medusela igini Lamege Lamege igini Noa Noa igini tebira Seme Hama Yabede imaru hene.   
\p
\v 5 Yabede ibu igini ogodagua hene. Gome Magogo Madai imaru Yabana Tubala Mesege Tirasa imaru ti wali agali maha ha aribia hayarume tinaga mamali mini mo hameigini mini henego wiaabo ka.  
\v 6 Ani henego ai Gome ibunaga aguanene Asagenasali Libadali Togamali imaru ti dindi uruninaga wali agali hene.  
\v 7 Yabana ibunaga aguanene Elisali Sebenali Saibarasali Lodesealiru ti dindi uruni wali agali hene.   
\p
\v 8 Hama ibu igini henego uru. Kusuali Iyibiali Libiali Kenanali haga biniru ti wali agali maha ha aribia hayarume mini uruni tinaga mamali mo hameigini mini laga bima ibinigo nga.  
\v 9 Ai Kusu ibu aguanene Sebali Habilali Sabadali Lamali Sabadegaliru hene. Lama ibu aguanene Seba hameiginibi Dedana hameiginibi howa tinaga dindi minibi ogoni labo dege wini.  
\v 10 Kusu igini mbira ha dege binigo ibu mini Nimirodo henego ibu dindi bibahendeha agali pari wayali haguane mbira nahe wiangi piganeore ibu hene.  
\v 11 Iyibinaga aguanene Lidia hameiginirubi Anama hameiginirubi Lehaba hameiginirubi Nabadu hameiginirubi  
\v 12 Padarusu hameiginirubi Kasalu hameiginirubi Kiridi hameiginirubi hene. Pilidia wali agali ti Kiridi hameiginime hono winigo Kiridi aguanene hene.  
\v 13 Kenana igini wahene Saidono igini mende Hedebi libu wali agali maha ha aribia hayarume mini uruni tinaga mamali mo hameigini laga bima ibinigo nga.  
\v 14 Yabusu hameiginibi Amoro hameiginibi Giagisa hameiginibi  
\v 15 Hibi hameiginibi Aga hameiginibi Sini hameiginibi  
\v 16 Abada hameiginibi Semara hameiginibi Hamada hameiginibi ti bibahendenaga mamali Kenana ibu hene.   
\p
\v 17 Seme igini uru hene. Elama Asua Abagasada imaru Ludu Arama Usu imaru Hulu Gedere Mesege imaru ti nde wali agali maha ha aribia hayarume mini uruni tinaga mamali mo hameigini mini laga bima ibinigo nga.  
\v 18 Abagasada igini Sela Sela igini Ebe hene.  
\v 19 Ebe ibu igini kira henego mende mini Pelege hene. Pelege ibu heangi wali agali dindi bibahendeha hearu ti tini headagua hoba migimigi bialu haga haga bini. Ebe igini mendego mini Yogodana hene.  
\v 20-23 Yogodanahanda hono wini ibu aguanene urudagua hene. Alamodadalibi Selebealibi Hasamabedealibi Yaralibi Hadoramalibi Usalalibi Digilalibi Ebalalibi Abimaelealibi Sebalibi Obialibi Habilalibi Yobabalibi uruni bibahendeore Yogodanahanda hono winiru howa ibu aguanene dege bu hene.   
\p
\v 24-27 Hameigini Semenaga aguanene hama ibinigo ti mini uru. Seme igini Abagasada Abagasada igini Sela Sela igini Ebere Ebere igini Pelege Pelege igini Leu Leu igini Serugu Serugu igini Naho Naho igini Tera Tera igini Abarama ibu mini mende Abarahama hene.   
\s1 Isimalenaga igini aguaneneru henego ogo  
\r (Pigane Binigo 25.12-16)  
\p
\v 28-31 Abarahama ibu igini kira Aisaga Isimalela hene. Isimale igini mini uru. Nebaiodo Keda Adabele Mibisama Misima Duma Masa Hadada Tema Yadua Nabisi Kedema imaru hene. Agali homberia (12) uruni ti hameigini homberianaga haguane hene.   
\p
\v 32 Abarahama ibu wali tebone mani dabu binigo mini Kedura berenego ogoni ibu igini mini uru. Simirana Yogosana Medana Midiana Isibaga Sua imaru hene. Yogosana igini kira Seba Dedanala hene.  
\v 33 Midiana ibu igini duria Eba Ebe Hanogo Abida Eleda imaru hene.   
\s1 Isonaga igini aguaneneru henego ogo  
\r (Pigane Binigo 36.1-19)  
\p
\v 34-37 Abarahama igini Aisaga henego ibu igini kira Iso Yagabala hene. Iso igini mini uru. Elibasa Leule Yausu Yalama Korabi imaru hene. Elibasa igini Temana Oma Sebi Gadama Kenasa Timina Amalege imaru hene. Leule igini Nahada Sera Sama Misa imaru haga bini.   
\s1 Sia igini aguaneneru henego ogo  
\r (Pigane Binigo 36.20-30)  
\p
\v 38 Sia ibu igini ogodagua hene. Lodana Sobala Sibeono Ana Disono Ese Disana imaru hene.  
\v 39 Lodana ibu igini Hori Homamala hene. Lodana mbalini mbira mini Timina berene.  
\v 40 Sobala ibu igini ogodagua hene. Alabana Manahada Ebala Sebi Onama imaru hene. Sibeono ibu igini Aia Anala hene.   
\p
\v 41 Ana ibu igini Disono hene. Disono igini henedaruni Hamarana Esebana Idirana Kerana hene.  
\v 42 Ese ibu igini ogodagua. Bilihana Sabana Yagana hameigini tebira uruni hene. Disana ibu igini Usu Aranala hameigini kira hene.   
\s1 Idomo dindiha agali kini haga binigo ogo  
\r (Pigane Binigo 36.31-43)  
\p
\v 43 Isaraele wali agalinaga kini mbira naheangi Idomo dindiha agali uru tigua kini ala hene. Bero igini Bela ibu kini howa Dinihaba tano wiagoria haru hene.  
\v 44 Ani howa Bero homayagola Bosara tanoali Sera igini Yobaba ibu kini ho aribia hene.  
\v 45 Ani howa Yobaba homayagola nde Temanali dindi wiagoha agali Husama henego ibu kini ha aribia hene.  
\v 46 Ani howa Husama homayagola nde Bedada igini Hadada henego ibu kini ha aribia hene. Hadada ibu Moaba dindiha puwa Midianali hearu baba wai bialu ti bo podahana hene. Hadada ibu kini howa Abidi tanoha hene.  
\v 47 Hadada halu homayagola Masarega tanoali Samala henego ibu kini ha aribia hene.   
\p
\v 48 Samala halu homayagola iba Yuberedisi pedago kawareha Lehobodo tanoali Saulu mbira henego ibugua kini ha aribia hene.  
\v 49 Saulu halu homayagola Agabo igini Balahanana mbira henego ibu kini ha aribia hene.  
\v 50 Ani halu Balahanana homayagola Hadada mbira henego ibu kini ha aribia howa Pau tano wiagoria hene. Hadada one mini Mehedebale ibu Maderede wane Mesehaba aguane berene.   
\p
\v 51-54 Hadada halu homayagola Idomo hameigini tale bialu haguane tara tara haru haga hene. Agali haguane haga biniru mini uru. Timina Alaba Yadede Oholibama Ela Pinono Kenasa Temana Mibisa Magadiele Irama imaru hene.   
\c 2  
\s1 Isaraele igini henerunaga mini uru  
\p
\v 1-2 Isaraele iginirunaga mini uru Lubene Simiono Libai Yuda Isaga Sebulunu Dana Yosebe Beniyamini Nabadali Gada Ase hene.   
\s1 Yuda hameigini henerunaga mini uru  
\p
\v 3 Yuda hameigini heneru ti mini Erebi Onanabi Selabi hene. Igiri tebirali uruni ai̱ya mini Badasua ibu Kenana wali berene. Yuda igini wahene mini Ere henego ibugua mana ko biyagola Anduane Homogohanda ibu homelo bo wahene.  
\v 4 Ani bialu Ere homayagola Yuda igini kirabi ha dege binigo mini Sera Peresela hene. Libu ai̱ya dalo berenego mini Tama ibu Yuda imane bereria mani Yuda ibugua dabu bia aribia hene. Ani buwa Yuda igini duria uruni hene.   
\p
\v 5 Agali Perese igini kira mini Heserono Hamulula hene.  
\v 6 Perese hamene Sera ibu igini duria henerunaga mini uru. Simiri Edana Hemana Kalagolo Dada imaru hene.  
\v 7 Agana ibu Kami igini henego ibu Sera aria dege. Ani howa ibugua mbirale Isaraele wali agalime Anduane Homogonaga lalu loma biaho wiaru mo page bini. Ibugua mana ogonidagua binigome Ngode Datagaliwabehanda Isaraele wali agali pani timbuniore nelo mialu mo ko hai hene.\f + \fr 2.7 \ft Agali biago ibunaga mini tene Agana hene. Anigo agali mbuga ogoriani bi gili bialu ibugua mini Aga hangu gili biniyago irane Hiburu bi lalu mini Aga ogoni galone mo ko hagago manda bialu gili bini.\f*\x + \xo 2.7 \xt Yos 7.1\x*   
\p
\v 8 Edana igini mbiraore hangu henego mini Asaraia hene.   
\s1 Kini Debidi mamali hama ibinirunaga te ogo  
\p
\v 9-12 Heserono igini tebira hene. Ti mini Yaramele Lama Kalebe imaru hene. Lama igini Aminadaba Aminadaba igini Nasono henego ibu Yuda wali agalinaga agali haguane mbira hene. Ani bialu Nasono igini Salamono Salamono igini Boasa Boasa igini Obede Obede igini Yasi hene.   
\p
\v 13 Yasi ibu igini kariali hene. Ibu igini wahene Eliaba mende Abinadaba tebone Simea henego ibu mini mende Sama laga hene.  
\v 14 Yasi igini manego Nedanele dauni Ladai hene.  
\v 15 Waragane Oseme halu kanego Debidi hene.  
\v 16 Ani bialu Yasi ibu wanebi kira berenego mini Seruia Abigelela berene. Seruia ibu igini nde tebira henego mini Abisai Yoaba Asahele imaru haga bini.   
\p
\v 17 Agali mbira Isimaele aria mini Yade heagome Abigele dabu binigo ibu igini mbira hangu henego mini Amasa hene.   
\s1 Heserono igini aguanenerunaga mini uru  
\p
\v 18 Heserono igini Kalebehanda wali Asuba bereago dabu bini. Ani biyagola Asubahanda wandari mbira mini Yariodo taba henene. Ani bialu Yariodo ibu igini tebira mini Yaserebi Sobababi Adonobi taba henene.  
\v 19 Asuba homayagola Kalebe ibu Eberada dabu bini. Mani biruwa Eberadahanda igini mbira mini Hua taba henene.  
\v 20 Ani biyagola mani Hua ibu igini Uri henego ibu Besalele aba hene.   
\p
\v 21 Heserono ibunaga mali pira waragaria (60) hayagola agali mbira Magiri henegonaga wane bereago dabu bini. Wali ogoni ibu agali mbira mini Gileada henego mbalini berene. Mani wali ogoni ibugua igiri mbira mini Segubu taba henene.  
\v 22 Segubu ibu Yairi aba hene. Mani Yairi ibugua Gileada dindiha tano pira kirani tebira (23) wiaru handaya ho haga hene.  
\v 23 Anigo Gesua hameigini hearubi Siriali bu hearubi tigua ibalu wai buwa Yairi ibugua tano handaya ho hearubi Kenada tanobi karulalu tano maru kawareni wiarubi karulalu tigua tano pira waragaria (60) uruni karulai haga bini. Tano uruni bibahende Gileada aba Magiri waneigini aguaneru tinaga winigo karulene.  
\v 24 Heserono ibu Kalebe Eberada tanoha homeagola ibu one Abiya ibu wali gali tombeha bere berene. Mani Abiyahanda gali taba hanalu igiri mini Asua wini. Mani Asuahanda Tegoa tano pigane mo wini.   
\s1 Yaramele igini henerunaga mini uru  
\p
\v 25 Heserono igini wahene mini Yaramele henego ibu igini duria hene. Igini wahenego mini Lama maru mini Buna Orene Oseme Ahiya imaru hene.  
\v 26-27 Lama ibu igini tebira mini Masa Yamini Ege imaru hene. Agali Yaramele ibu one mende dabu binigo mini Adara berene. Adarahanda igiri mbira taba henenego mini Onama hene.  
\v 28 Onama ibu iginigo labo mini Samai Yadala hene. Samai ibu igini kira dege henego mini Nada Abisuala hene.   
\p
\v 29 Abisua ibu wali mini Abihaili mbira berenego dabu bini. Ani biyagola Abihailihanda igiri kira Abana Molidila taba henene.  
\v 30 Abisua hamene Nadaba ibu igini kira henego mini Selede Abaimila hene. Selede ibu waneigini mbira nahe heaore homene.  
\v 31 Anigo ai Abaimi ibu igini mbira hangu mini Isi hene. Isi ibu igini mini Sesana hangu hene. Sesana ibu iginibi nde mbiraore dege mini Alai hene.   
\p
\v 32 Samai hamene Yada ibu igini kira henego mini Yadere Yonadanala hene. Ani henego ainde Yadere ibu waneigini mbira nahe heaore homene.  
\v 33 Anigo Yonadana ibu igini kira henego mini Pelede Sasala hene. Agali uruni ti Yaramele aguanene hene.   
\p
\v 34 Sesana ibu igini mbira nahe wandari dege aba hene. Ani bialu Iyibiali mbira ibunaga biabe biahaga henego ibu mini Yara hene.  
\v 35 Ani buwa Sesana wane mbira bereago Yarahanda dabu bini. Ani biyagola libu igini mbira mini Adai hene.  
\v 36-41 Adai ibu igini Nadana hene. Ani bialu Nadana igini Sabada Sabada igini Ebelala Ebelala igini Obede hene. Obede igini Yahu Yahu igini Asiraia Asiraia igini Helese Helese igini Eleasa hene. Ani buwa Eleasa igini Sisimai Sisimai igini Salumu Salumu igini Yagamaia Yagamaia igini Elisama hene.   
\s1 Kalebe igini aguane maru henego uru  
\p
\v 42 Kalebe ibu Yaramele hamene howa ibu igini wahenego mini Mesa hene. Mesa igini Sibi Sibi igini Maresa Maresa igini Heberono hene.  
\v 43 Ainde Heberono ibu igini maria henego mini Kora Tabua Legeme Sema laga biyaru hene.  
\v 44-45 Sema igini Lahama Lahama igini Yogeama hene. Sema hamene Legeme ibu igini Samai Samai igini Maono Maono igini Bedesu hene.   
\p
\v 46 Kalebe ibu one halu mende bereneru aria mbirago mini Eba berene. Eba ibu igini tebira hene uru. Mbira Harana mende Mosa tebone Gasese hene. Ani bialu Harana ibu igini mbira mini Gasese dege hene.\f + \fr 2.46 \ft One halu mende bereneru aria lalu gilibu ngago irane ogo. Bamba agali henerume wali maru dabu nabi berenego ti ibu one biragadagua biruwa agalinaga waneigini taba hanaga berene.\f*   
\p
\v 47 Agali mbira mini Yadai ibu igini waragaria heneru ti mini Legeme Yodama Gesana Pelede Eba Saba imaru haga bini.   
\p
\v 48 Kalebe ibu one halu mende berenedaru aria mende mini Maga berene. Ai wali Maga ogoni ibu igini kira taba henenego mini Sebe Tihanala hene.  
\v 49 Mani ibugua igiri kira taba henenego mini Saba Sebala hene. Ani howa Sabahanda Madamana tano pigane mo wialu Seba ibugua nde Magabena tanobi Gibea tanobi pigane mo wini. Mani Kalebe wane mbira mini Agasa berene.   
\p
\v 50-51 Ani bialu Kalebe ibu waneigini marubi ha dege bini. Kalebe ibu one Eberadala libu igini mbira mini Hua hene. Hua ibu igini ogodagua hene. Mbira mini Sobala ibugua Kiriada Yarimi tano pigane mo wini. Mendego mini Salama ibugua Bedeleheme tano pigane mo wini. Tebone mini Harebe ibuguabi nde Bedegade tano mo wini.   
\p
\v 52 Sobala ibu Kiriada Yarimi tano mo wini biago ibu hameigini Haroebi Menuhodo hameigini marubi tinaga mamali hene.  
\v 53 Sobala aguanene maru Kiriada Yarimi tanoha heneru ti mini Idirabi Pudubi Sumadabi Misirabi uruni ti hene. Ani bialu wali agali Sora tanoha bu hearubi Esedaolo tanoha hearubi ti hameigini uruni aria dege hene.   
\p
\v 54 Ainde wali agali Bedeleheme tanoni hearubi Nedoba tanoha hearubi Adarodo Bedeyoaba dindiha hearubi Manahada hameigini hearu aria maru Soro hameigini laga hearubi ti bibahende Salama aguanene dege hene.   
\p
\v 55 Hameigini tara nde Yabese tanoha henego uruni ti beba gili biaga manda timbunibi hene. Ogoniha hameigini tebira mini Tira Simea Sugada imaru hene. Hameigini uruni ti Keneali howa tinaga mamali Hamada hene. Legaba hameigini tibi nde Hamada aguanene dege hene.   
\c 3  
\s1 Kini Debidi igini mini uru  
\p
\v 1 Debidi ibu Heberono tanoha heangi ibu igini marubi henego tinaga mini uru. Igiri mbira Amanono hene. Amanono ai̱ya Yaserili tano wali mini Ahinoama berene. Ibu igini mende Kamelo tano wali mini Abigele berenego igini mini Daniele hene.  
\v 2 Ibu igini tebone mini Abasalomo hene. Abasalomo ai̱ya ibu Gesu dindiha kini mini Talamai henego wane mini Maga berene. Debidi igini mane mini Adoniya hene. Adoniya ai̱ya Hagida berene.  
\v 3 Debidi igini dauni Sebadaia hene. Ibu ai̱ya Abidala berene. Debidi igini waragane mini Idireama hene. Ibu ai̱ya Egela berenego igini hene.  
\v 4 Debidi ibu Heberono tano mali kariani ege waragaria haru heangi igiri waragaria uruni taba henene.\x + \xo 3.4 \xt 2 Sml 5.4-5, 1 Kin 2.11, 1 Bit 29.27\x*  
\p Ani bialu Yarusalemeni mali pira tebirani tebira (33) haru howa  
\v 5 igiri dewa hono wigi bini.\x + \xo 3.5 \xt 2 Sml 11.3\x*  
\p Amiele wane Badaseba ibu Debidi one biruwa igiri maria taba henenego tinaga mini Simea Sobaba Nadana Solomono imaru hene.   
\p
\v 6-8 Ani heagola Debidi igini dira maha heneru tinaga mini Ibara Elisua Elebelede Noga Nebege Yabia Elisama Eliada Elibelede imaru haga bini.  
\v 9 Debidihanda igiri uruni hono wini. Ani bialu Debidi ibu one halu mende bereneru ariame igiri maru taba hana dege bini. Debidi ibu wane mbira mini Tama berene.   
\s1 Kini Solomono igini aguane henerunaga mini uru  
\p
\v 10-14 Kini Solomono igini aguane henerunaga mini uru. Solomono igini Lehoboama Lehoboama igini Abiya Abiya igini Asa Asa igini Yahosabada Yahosabada igini Yahorama Yahorama igini Ahasaia Ahasaia igini Yoasa Yoasa igini Amasaia Amasaia igini Usia mini mende Asaria laga hene. Usia igini Yodama Yodama igini Ahasa Ahasa igini Hesegaia Hesegaia igini Manase Manase igini Amono Amono igini Yosaia hene.  
\v 15-16 Yosaia ibu igini maria henego tinaga mini uru. Yohanana Yahoiagimi Sedegaia Salumu imaru hene. Salumu ibu mini mende Yoahasa laga hene. Yahoiagimi ibu igini kira Yahoiagini Sedegaiala hene. Yahoiagini ibu mini mende Yagonia laga hene.   
\s1 Yahoiagini igini aguaneru henego ogo  
\p
\v 17-18 Yahoiagini ogoni ibu kini hearia waitigime dindi taraha garabaya bu yalu penego ogoni ibu igini karia uru hene. Seadeli Malagirama Pedaia Senasa Yagamaia Hosama Nedabaia imaru hene.  
\v 19 Pedaia ibu igini kira Serubabele Simaila hene. Ai Serubabele igini kira dege Mesulama Hananaiala ibu wane mbiraore mini Selomidi berene.  
\v 20 Maha Pedaia igini duria henego uru Hasuba Ohele Beregaia Hasadaia Yusabahesede imaru hene.   
\p
\v 21 Hananaia ibu igini kira Peladaia Yasaiala hene. Yasaia ibu igini Lebaia Lebaia igini Anana Anana igini Obadaia Obadaia igini Seganaia.  
\v 22 Seganaia igini mbira Semaia hangu hene. Ai Semaia ibu igini duria ti mini Hadusu Igala Baraia Nearaia Sabada imaru hene.  
\v 23 Nearaia igini tebira Elioenai Hisigaia Asarigama imaru hene.  
\v 24 Ani howa Elioenai ibu igini karia hene mini Hodabaia Eliasibi Pelaia Agubu Yohanana Delaia Anani layaru hene.   
\c 4  
\s1 Yuda hameigini maru henerunaga mini uru  
\p
\v 1 Yuda aguanene maru henego uru. Perese Heserono Kami Hua Sobala imaru hene.  
\v 2 Sobala igini Leaia Leaia igini Yahada Yahada igini kira Ahumai Lahadala hene. Agali uruni ti wali agali Sora tanoha bu henerunaga mamali hene.   
\p
\v 3-4 Kalebe one Ebaradahanda ibu igini wahene mini Hua taba henene. Huahanda Bedeleheme tano pigane mo wini. Hua ibu igini tebira henego uru. Edama Penuele Esere imaru hene. Edama igini tebira Yaserili Isima Idibasa imaru hene. Igiri uruni ti mbalini mini Haseleboni berene. Ai Penuele ibugua Gedo tano pigane mo wini. Ani bialu Esere ibugua nde Husa tano pigane mo wini.   
\p
\v 5 Agali Asu ibugua Tegoa tano pigane mo wiaga biago ibu one kira Hela Narala berene.  
\v 6 Narahanda igiri maria taba henenego uru. Ahusama Hebe Temeni Hahadari layaru hene.  
\v 7 Ai Asu one mende Hela ibugua igiri tebira taba henenego Serede Isiha Edenana layaru hene.   
\p
\v 8 Koso igini kira Anubu Sobebala hene. Koso ibu Harumu igini Ahahele hameigininaga mamali hene.   
\p
\v 9 Agali mini Yabese henego ibugua mana bayaleore biyagome ibu hamenerume bayale biyaru bolangua haihe hene. Anidagua bialu heagola wali agali maru bu hearume ibunaga mini yaraga halu hene. Ibu ai̱yahanda taba hanayangi ai̱ya ibu tandaga timbuniore nalu taba henene lowa ibu mini Yabese wini.\f + \fr 4.9 \ft Hiburu bi lalu mini Yabese ogoni galone tandaga lalu laga.\f*  
\v 10 Horo mbirungi Yabesehanda Isaraele wali agalinaga Ngode Datagaliwabehondo bi lalu, Ngode Datagaliwabe-o í̠na i̱ biamogo bialu dindi dewaore ngibe. Ani bialu mbirale ko tara tara ngarume i̱ mo tandaga nahelo í̠ni i̱ heba mandagi haabo halu handayaho habelo hameledo, lene. Ani layagola Ngode Datagaliwabehanda Yabese ibunaga bi layago hale halu ibunime bia layago ale biai hene.   
\s1 Hameigini maru uru hene  
\p
\v 11-12 Suha hamene Kalebe ibu igini mbira Mehi hene. Mehi igini Esedono Esedono igini tebira henego mini Bederaba Pasea Tehina layaru hene. Tehina ibugua Nahasa tano pigane mo wini. Agali hameigini uruni ti dindi Lega winigonaga abene mbirahayagi hene.   
\p
\v 13 Kenasa ibu igini kira Odoniele Seraiala hene. Odoniele ibu nde igini kira Hadada Meonodaila hene.  
\v 14 Meonodai igini Obora hene. Seraia igini Yoaba henego ibu wali agali dindi ulini mbira mini Agali Biabe Biahaga Dindi Ulini laga wiagoha hearunaga mamali hene. Dindi ogoni mini winidago irane agali dindi ogoniha heago tigua mbirale tara tara wabiai haga mini lene gibiore henegonaga mini ogoni wini.   
\p
\v 15 Yabune igini Kalebe ibu igini tebira henego mini Iru Ela Nama layaru hene. Ani howa Ela igini Kenasa hene.   
\p
\v 16 Agali mini Yahalele ibu igini maria heneru ti mini Sibi Siba Tiria Asarele laga biyaru hene.   
\p
\v 17-18 Ai Esera igini maria henego uru. Yade Merede Ebe Yalono imaru hene. Merede ibu Iyibi kini heago wane mini Bidaia bereago dabu bini. Libu wane mini Miriama berene. Libu igini kira Samai Isibala hene. Isibahanda tano mini Esedemoa pigane mo wini. Ani bialu Merede ibu Yuda wali mbira dabu buwa libu igini tebira mini Yarede Hebe Yagudiele imaru hene. Yaredehanda Gedo tano mo wialu Hebehanda Sogo tano mo wialu Yagudielehanda Sanoa tano mo wialu tigua tano uruni pigane mo wigi bini.   
\p
\v 19 Hodaiahanda Nahama mbalini dabu bini. Libu aguaneneme Garama hameigini Keila tanoni tagira íbu hene. Mende Magada hameigini Esedemoa tanoni tagira íbu halu bini.   
\p
\v 20 Simono ibu igini maria henego mini Amanono Lina Benehanana Tilono imaru hene. Agali mini Isi ibu igini kira Sohede Benesohedela hene.   
\s1 Sela aguanene henego uru  
\p
\v 21-23 Yuda igini heneru mbira mini Sela hene. Sela ibu igini uru hene. Mbira Ere henego ibugua Lega tano pigane mo wialu mende Lada ibugua Maresa tano pigane mo wini. Bedeasabea tanoha hameigini hearu ti labolabo bayaleore wabiaga henego ti Lada aguanene hene. Ani bialu igini tebone mini Yogimi mane Yoasa dauni Saraba layaru hene. Yoasa Sarabala libugua Moaba wali dabu buwa Bedeleheme dindini hene. Ani howa libugua Moaba dindibi Yasubilaheme dindibi handayaho hene. Wali agali Nedaimi tanoha hearubi Gedera tanoha hearubi tigua todobene be dindime wabiaga howa kininaga biabe bialu hene. Bi ogoni agalime bambaore gilibu winiya.   
\s1 Simeono hameigini henego ogo  
\p
\v 24-27 Simeono ibu igini duria henego mini uru. Nemuele Yamini Yaribi Sera Saulubi laga biyaru hene. Saulu igini Salumu Salumu igini Mibisama Mibisama igini Misima Misima igini Hamuele Hamuele igini Sagu Sagu igini Simai Simai ibu igini nguirani mbira (16) halu ibu wane waragaria berene. Anigo ibu hameneru ti waneigini dewa nahonowi hene. Anidagua biyagome Simeono aria Yuda waneigini dewa headagua ndo hene.   
\p
\v 28-31 Simeono hameigini ti Beaseba tanohabi Molada tanohabi Hasasuala tanohabi Biliha tanohabi Eseme tanohabi Tolada tanohabi Beduele tanohabi Homa tanohabi Sigilaga tanohabi Bede Magabodo tanohabi Hasasusimi tanohabi Bedebiri tanohabi Saraimi tanohabi ti bibahende uruniha hai hene. Simeono hameigini uruni ti tano uruniha heane dege Debidi ibu kini hene.\x + \xo 4.28-31 \xt Yos 19.2-8\x*  
\v 32 Ani bialu ti tano duria uruhabi ha dege bini. Edama Aini Limono Togene Asana tano uruniha hene.  
\v 33 Ani bialu dindi emene tano uruniha wiapara para biaruhabi hama pialu Balada tano hama tagira pene. Tano uruniha Simeono ibu waneigini aguaneru dege hene. Ani bialu Simeono hameigini ti mamali hama ibinidagua malu gilibu wigi bini.   
\p
\v 34-39 Simeono hameiginiru aria agali haguane henerunaga mini uru. Mesobaba Yamalege Amasaia igini Yosa Yoele Yosibia igini Yahu uruni hene. Yosibia ibu Seraia igini halu Seraia ibu Asiele igini hene. Elioenai Yagoba Yasohaia Asaia Adiele Yasimiele Benaia Sibi igini Sisa imaru hene. Sibi ibu Alono igini halu Alono ibu mamali Yadaiabi Simiribi Semaiabi hene. Agali haguane uruni ti ho dame bialu dewaore hayagola ainde tinaga nogo bulumaga sibiru tani nelo bayale agoria kabe hondole taya bialu hene. Ani taya bialu tigua dindi ulini biagonaga abene ni tagira ibiragohayagi dindi mbira mini Gedo wiago kawareha taya bima pene.  
\v 40 Ani puwa handalu hearia tani bayale dindi ulini ogoniha andaho hearia hendene. Ani bialu dindi ulini bayale timbuni wuyu peago hendene. Ai ti dindi ogoniha pu heagola ti mo genda holene mbira nawi bayaleore mbira hene. Bamba Hama hameigini dindi ogoniha haga wini.   
\p
\v 41 Hesegaia ibu Yuda dindiha kini heangi Simeono hameigini agali haguane uruni tigua dindi bayale tani anda haga biaga wiaria handa walia hene. Ani hondowa tigua Hama hameigini bababi Meuni hameigini hearu bababi wai bule pene. Ani puwa tigua wali agali bo wahai halu tinaga balai anda bu hearu bo gialo wahai halu mbirale mbira yu wanahe Simeono hameigini tigua dindi ogoni karulo hene.  
\v 42 Ani anda pu howa Simeono hameigini agali handari duria (500) bibahende Idomo dindini Hari Sia hearuha pene. Agali haguane uruni Isi iginiru tigua haru bamba hene. Isi iginidaru ti mini Peladaia Nearaia Lebaia Usiele imaru hene.  
\v 43 Bamba wali agali Amalege hameigini emene maru hangu dindi ogoniha heneyaru ai Isaraele wali agali handalu Idomo dindi Hari Sia hearuha ibida piai hene. Ani pu hearia Isaraele tigua bo wahai halu dindi ti karulo hene.\x + \xo 4.43 \xt 1 Sml 14.48, 15.18\x*   
\c 5  
\s1 Lubene aguaneneru henego ogo  
\p
\v 1 Yagaba ibu mini mende Isaraele ibu igini wahene Lubene hene. Lubene ibu aba one halu mende berenego aria mbira page biyagome igiri waheneme paluni holene winigo wahalu Yosebe ibu ha aribia hene.\x + \xo 5.1 \xt Pig 35.22, 49.3-4\x*  
\v 2 Ani binigoyu Yuda hameigini tigua hameigini maru bolanguahe halu ti bibahendenaga kini mbira tiha howa tagira ibini.\x + \xo 5.2 \xt Pig 49.8-10\x*  
\v 3 Lubene ibu Yagaba igini wahene howa ibu igini maria henego mini Hanogo Palu Heserono Kami imaru hene.   
\p
\v 4-6 Yoele ibu damenego ogodagua hama ibini. Yoele igini Semaia Semaia igini Gogo Gogo igini Simai Simai igini Maiga Maiga igini Leaia Leaia igini Bala Bala igini Bera hene. Bera ibu Lubene hameigininaga agali haguane mbira hearia Asirianaga Kini Tigilada Pilese ibugua ibalu Bera minu garabaya bu yalu Asiria dindi pene.\x + \xo 5.4-6 \xt 2 Kin 15.29\x*   
\p
\v 7-8 Lubene ibu hameigininaga agali haguane henegonaga mini uru. Mbira Yaiele mende Segaraia tebone Bela hene. Bela ibu Asasa igini Asasa ibu Sema igini Sema ibu Yoele igini hene. Bela hameigini uruni ti Aroe tanoha palima pialu Aroe tano abene uyurahayagi Nebo tanobi Balameono tanohabi palima puabo hene.  
\v 9 Ti Gileada dindihayagi howa nogo bulumaga sibiru bayale dewa hinalu hene. Ani biyagola ti maru nde dindi abene ni tagira ibiragohayagi dindi ko iba dalu naibaga Iba Yuberedisi poragoha hapara howa hene.   
\p
\v 10 Solo ibu kini heangi Lubene hameigini uruni tigua Haga hameigini hearu baba wai bialu bo wahai halu dindi ti karulai hene. Dindi ogoni Lubene hameigini dindi wiagonaga abene ni tagira ibiragohayagi Gileada dindiha wini.   
\s1 Gada aguaneneru henego ogo  
\p
\v 11 Gada hameigini ti Lubene hameigininaga dindi abene uyurahayagi Basana dindi wiagoha hene. Tinaga dindi tubari ni tagira ibiragohayagi Salega tano wiagoria wiatagi hene.  
\v 12 Gada hameigini maru ti nde Basana dindiha hene. Hameigini duninigonaga haguane Yoele ibu howa haguane mende Sabama hene. Yanai Sabadala libugua hameigini maru haru haga howa Basana dindiha dege hene.   
\p
\v 13 Ani heagola Gada hameigini maru ha dege binigo tinaga mini uru hene. Maigele Mesulama Seba Yorai Yagana Sia Ebere imaru hene.  
\v 14 Agali uruni ti Huri igini Abihaili henegonaga aguanene hene. Abihaili ibu Huri igini Huri ibu Yaroa igini Yaroa ibu Gileada igini Gileada ibu Maigele igini Maigele ibu Yasisai igini Yasisai ibu Yado igini Yado ibu Busu igini hene.  
\v 15 Ani heagola hameigini uruninaga agali haguane mini Ahi ibu Abadiele igini howa Guni aguane hene.  
\v 16 Hameigini karia uruni ti Gileada dindini tano wiaruhabi Basana dindini tano wiaruhabi howa tinaga nogo bulumaga sibiru tani bayale Sarono dindini heago nalu helene.  
\v 17 Gada hameigini ogodagua hene lalu malu gili binidagoni Yudanaga Kini Yodama ibu heangi Isaraelenaga Kini Yaroboama ibu heangibi gili bu wini.   
\s1 Hameigini tebira Lubene Gada Manase imarume wai bialu wayali henego ogo  
\p
\v 18 Isaraele hameigini tebira Lubene Gada Manase imaru ti Iba Yodana abene ni tagira ibiragohayagi henego uruni tinaga wai biaga ami agali bayaleru daosini pira mariani maria handari kariani pira waragaria (44,760) hene. Tigua wai pialu humbi yuwa ayu tibume agali dibalu danda timumebi agali baga wayali dege dege hene.  
\v 19 Ani howa tigua hameigini maria tara tara Haga hameiginibi Yadu hameiginibi Nabisi hameiginibi Nodaba hameiginirubi baba wai bule pene.  
\v 20 Wai bu pole howa Isaraele hameigini uruni tigua Ngode Datagaliwabeha hana howa ibuhondo biamogo bibe lalu hene. Ani layagola nde Ngode Datagaliwabehanda ti biamogo biaore biyagola tigua waitigi uruni bope hai hene.  
\v 21 Ani bialu Isaraele tigua wayali howa waitiginaga nogo tara tara bu hearu bibahende haru hai hene. Nogo kamele daosini dege pira duria (50,000) haru halu sibi daosini dege handari kirani pira duria (250,000) haru halu nogo dongi daosini kira (2,000) haru hene. Ani bialu waitigi agali daosini dege handari mbira (100,000) minai hene.  
\v 22 Anigo Ngode Datagaliwabe ibunime wai ogoni bilo handaya ho heagome tinaga waitigi dewaore waiha homai hene. Ani bialu Isaraele tigua dindi ogoni ti karulo heane dege waitigi tara mende heago ibalu Isaraele wali agali dindi taraha garabaya bu yu piai hene.   
\s1 Manase hameigini halu mende henego ogo  
\p
\v 23 Manase hameigini halu mende hayadago ti timbuniore hene. Tinaga dindi Basana wiagoria howa wima pialu dindi abene uyurahayagi pialu Balahemono wiagoria puabo halu Hari Seniri mini mende Hari Hemono heagoria tagira pene.  
\v 24 Ti hameigininaga agali haguane uru hene. Ebe Isi Eliele Asariele Yaremaia Hodabaia Yadiele imaru hene. Agali haguane uruni agali bayale mini leneore howa wai biaga ami agali hongohe gibioreru hene.   
\s1 Hameigini Lubene Gada Manase imaru Asiria dindiha garabaya minu yu penego ogo  
\p
\v 25 Hameigini Lubene Gada Manase hameigini halu mende hayadaru tigua mana koore bialu walime ti agalini helalu agali maru bu karu baba kayu bima ibaga biagadagua bialu tinaga mamalirunaga Ngode Datagaliwabe kagonaga bi mo wahalu mana ko bialu hene. Pigane Isaraele hameigini ti dindi ogoriani anda ibiyagola nde Ngode Datagaliwabehanda wali agali dindi ogoni anduane hearu bo taliatagi hai hene. Ani binigo ai Isaraele hameigini uruni tigua wali agali ala henegome mbirale dama mitangi bialu gime wabini wiaruhondo bi pupu wiagadagua wialu hene.  
\v 26 Anidagua bialu heagola Ngode Datagaliwabehanda Asirianaga Kini Pulu mini mende Tigilada Pilese heagonaga miniha mo heya hayagola Asiriali tigua Isaraele baba wai bule ibalu Isaraele bope halu ti wayali hene. Ani bialu Asiriali tigua Isaraele wali agali bibahende garabaya bu yalu puwa dindi maru mini Hala wiagohabi Habo wiagohabi Iba Gosana peago kawarenibi hari mini Hara heago barebare dindi wuyu peagohabi helaga bini. Anidagua bigi binigo áyu haabo ka.\f + \fr 5.26 \ft Haabo ka ledago áyu ina kamangi lalu ndo ala agali bi ogo gili binidangi manda bialu lenegonaga leda.\f*\x + \xo 5.26 \xt 2 Kin 15.19, 15.29, 17.6\x*   
\c 6  
\s1 \w Libai\w* hameigini maru \w loma\w* binigo mo miaga henerunaga mini uru  
\p
\v 1 Libai igini tebira henego mini uru. Gesono Kohada Merari laga biyaru hene.   
\p
\v 2 Kohada igini maria henego Amarama Isiha Heberono Usiele imaru hene.   
\p
\v 3 Amarama igini Arono Mosesela halu wane mbiraore Miriama berene.  
\p Arono igini Nadaba Abihu Eleasa Idama laga biyaru hene.   
\p
\v 4-10 Eleasa igini Piniasa Piniasa igini Abisua Abisua igini Bugi Bugi igini Usi Usi igini Serahaia Serahaia igini Meraiodo Meraiodo igini Amaraia Amaraia igini Ahidubu Ahidubu igini Sadogo Sadogo igini Ahimasa Ahimasa igini Asaraia Asaraia igini Yohanana Yohanana igini Asaraia mende hene. Kini Solomonohanda Ngode Datagaliwabenaga anda Yarusalemeni bialu heangi Asaraia ogoni ibu \w loma\w* binigo mo miaga haguane hene.  
\v 11-14 Asaraia ogoni ibu igini Amaraia Amaraia igini Ahidubu Ahidubu igini Sadogo Sadogo igini Salumu Salumu igini Hiligaia Hiligaia igini Asaraia Asaraia igini Seraia Seraia igini Yahosadaga hene.  
\v 15 Ani henego ainde horo mbirungi Anduane Homogohanda Kini Nebugadanesanaga mini mo heya hayagola Babilono agali hearume ibalu Yudalirubi Yarusalemealirubi garabaya bu yalu Babilono penego ogoningi Yahosadagabi ti heba garabaya bule minu yalu pene.   
\s1 Libai aguanene maru henego mini uru  
\p
\v 16-17 \w Libai\w* igini tebira Gesono Kohada Merari imaru hene. Uruni ti iginibi nde henego mini uru. Mbira Gesono ibu igini Libini Simeila hene.\x + \xo 6.16-17 \xt Har 6.15-19\x*  
\v 18 Kohada ibu igini maria Amarama Isiha Heberono Usiele layaru hene.  
\v 19 Merari ibu igini Mali Musila hene. Agali uruni ti Libai igini aguaneru hene.   
\p
\v 20-21 Gesono igini aguaneru henego urudagua hama ibini. Gesono igini Libini Libini igini Yahada Yahada igini Sima Sima igini Yoa Yoa igini Ido Ido igini Sera Sera igini Yaderai laga biyaru hene.   
\p
\v 22-24 Kohada ibu damene hama ibinigo uru. Kohada igini Aminadaba Aminadaba igini Kora Kora igini Asiri Asiri igini Elegana Elegana igini Ebiasaba Ebiasaba igini Asiri mendego Asiri ogoni igini Tahada Tahada igini Uriele Uriele igini Usia Usia igini Saulu layaru hene.   
\p
\v 25-27 Elegana ibu igini kira Amasai Ahimodola hene. Ahimodo igini Elegana mendego Elegana ogoni igini Sobai Sobai igini Nahada Nahada igini Eliaba Eliaba igini Yarohama Yarohama igini Elegana tebonego Elegana ogoni igini Samuele hene.   
\p
\v 28 Samuele igini kira henego wahene Yoele heyogone Abiyala hene.   
\p
\v 29-30 Libai igini Merari ibunaga igini aguaneru ogodagua hama ibini. Merari igini Mali Mali igini Libini Libini igini Simei Simei igini Usa Usa igini Simea Simea igini Hagia Hagia igini Asaia hene.   
\s1 Anduane Homogonaga andaha iba gana lalu ngida aleru balu henerunaga mini uru  
\p
\v 31 Agali maru Anduane Homogonaga andaha iba gana lalu ngida ale tara tararu balu helonaga Kini Debidi ibugua ti dabo helene. Kini Debidi ibugua Anduane Homogonaga Habo Nalolene Bi lo winigonaga Mbogoyi biago mo yalu Anduane Homogonaga \w Balai\w* Anda Yarusalemeni bu helayagoha ngelole ibiyangi Debidi ibugua agali uruni dabo helene.  
\v 32 Kini Solomono ibugua Yarusalemeni Anduane Homogonaga anda nabi howa Balai Anda hangu bu heangi agali uruni tigua tinaga biabe ogoni biaga hene. Wali agalirume Anduane Homogonaga Balai Anda bu heagoha ngoai hayangi agali uruni tigua ngidaru balu iba ganabi lalu haga hene.  
\v 33-38 Agali tebiralime ngida aleru balu iba gana lelonaga biabe ogoni haru haga helo ti dabo helene. Ani biyagola mani agali uruni ti igini aguanerumebi biabe ogoni dege bialu hene. Kohada hameigini agali haguane hayadago mini Hemana hene. Ibugua iba gana lolene mugube howa iba gana laga agali wabuni mbira heneru haru haga hene. Hemana ibu Yoele igini Yoele ibu Samuele igini Samuele ibu Elegana igini Elegana ibu Yarohama igini Yarohama ibu Eliele igini Eliele ibu Toa igini Toa ibu Subu igini Subu ibu Elegana igini Elegana ibu Mahada igini Mahada ibu Amasai igini Amasai ibu Elegana igini Elegana ibu Yoele igini Yoele ibu Asaraia igini Asaraia ibu Sebanaia igini Sebanaia ibu Tahada igini Tahada ibu Asiri igini Asiri ibu Ebiasaba igini Ebiasaba ibu Kora igini Kora ibu Isiha igini Isiha ibu Kohada igini Kohada ibu Libai igini Libai ibu nde Yagaba igini hene.   
\p
\v 39-43 Debidi ibugua Asaba ibu iba gana lagaru wabuni halu mende haru helo dabo helene. Ibu Hemanala libu biabe mandagi biaga hene. Iba gana lole ngida bolene harangi Asaba ibunaga agali urunime Hemana ibunaga agali biarume gi tigahayagi heyu haga hene. Asaba ibu Beregaia igini Beregaia ibu Simea igini Simea ibu Maigele igini Maigele ibu Basea igini Basea ibu Malagiya igini Malagiya ibu Edeni igini Edeni ibu Sera igini Sera ibu Adaia igini Adaia ibu Edana igini Edana ibu Sima igini Sima ibu Simei igini Simei ibu Yahada igini Yahada ibu Gesono igini Gesono ibu Libai igini hene.   
\p
\v 44-47 Merari hameigini agali haguane mini Edana ibugua iba gana lagaru wabuni halu tebone heneru haru helo Debidihanda dabo helene. Agali uru tigua iba gana lalu ngidaru bole howa Hemana hameiginirunaga gi lehayagi heyu haga hene. Edana ibu Kisi igini Kisi ibu Abadi igini Abadi ibu Malugu igini Malugu ibu Hasabaia igini Hasabaia ibu Amasaia igini Amasaia ibu Hiligaia igini Hiligaia ibu Amasi igini Amasi ibu Bani igini Bani ibu Seme igini Seme ibu Mali igini Mali ibu Musi igini Musi ibu Merari igini Merari ibu Libai igini hene.   
\p
\v 48 Anduane Homogonaga andaha biabe maru bulene wiaru damene bialu helonaga Libai agali maru tigua dabo helaga bini.   
\s1 Arono aguanene henego mini uru  
\p
\v 49 Arono halu ibu igini aguaneru tigua Anduane Homogonaga lomabu delaga dabu wiagoria ira hagua ngabilo inisenesibi nogo tara tara loma biniru dai helonagabi biabe bialu haga hene. Ani bialu anda tamu \w Hobane\w* Loma Bia Heneore biagohabi Anduane Homogo mitangi bialu biabe bialu haga hene. Ani bialu tigua Isaraele wali agalime ko biyaru domo wahelonaga lomabu delaga hene. Tigua biabe uruni bialu howa Anduane Homogonaga biabe biaga Mosesehanda ogodagua bilimu lalu Aronohondo lamiyadagua bialu hene.   
\p
\v 50-53 Arono igini aguaneru uru hene. Arono igini Eleasa Eleasa igini Piniasa Piniasa igini Abisua Abisua igini Bugi Bugi igini Usi Usi igini Serahaia Serahaia igini Meraiodo Meraiodo igini Amaraia Amaraia igini Ahidubu Ahidubu igini Sadogo Sadogo igini Ahimasa hene.   
\s1 \w Libai\w* hameiginiru tihondo tano tu wu migi binigo ogo  
\p
\v 54 Isaraeleali tigua Arono aguanene Kohada hameiginihondo dindi tanobi tu wu minidaru mini uru gilibu nga. Isaraele tigua \w Libai\w* hameigini dindi tu wu mulenaga hameigini emene haga biadagua ago ibu dindi ala mulubadabe hondolenaga ege to̱le̱ emeneni mini gili buwa baraga halu hene. Anidagua biyagola Arono aria hearu ti dindi ala mulene wiaria hendene.  
\v 55 Ani hondowa tigua Heberono tano Yuda dindihayagi wiago ti helo mini. Ani bialu dindi emene Heberono tanobi dindi emene ogonihayagi wiapara hearubi heba Arono aria ti helo mia dege bini. Dindi uruniha tinaga nogo sibi bulumagaru tani nolene bayale andahohe wiaru mini.  
\v 56 Anigo Isaraele tigua Heberono tanoha mabu bayale wiapara hearuni Arono aria hearu nami Yabune igini Kalebe heagohondo mini.  
\v 57-59 Isaraeleali tigua Heberono tano Arono aria hearu mini. Heberono tano ogoni Isaraele tigua agali bo waholilono ibu ibida pialu ha do helonaga tano dabo wini mbirago ogoni wini.\f + \fr 6.57-59 \ft Bi ogoninaga irane Yosuanaga mbuga Be 20 gilibu ngago dagalabe.\f* Ani bialu tigua Arono aguane heneruhondo tano uru mia dege bini. Yadiribi Libinabi Esedemoabi Hilenebi Debiribi Asanabi Bedesemesebi tano uruni migi bini. Dindi emene maru tano uruniha wiapara hene wiaru tinaga nogo bulumaga sibiru tani nalu helo tani bayale anda haga wiaru heba migi bini.  
\v 60 Ani bialu Isaraeleali tigua tano maru Beniyamini hameigini dindi wiagohayagi wiarubi Libai hameiginiru mia dege bini. Tano uruni mini Gebabi Alemedebi Anadodobi wini. Ani bialu tano uruninaga dindi taniru bayale anda haga wiaru heba mia dege bini. Tigua tano haleria (13) bibahende Arono aria tu wu mini.  
\v 61 Ani bialu Isaraeleali tigua ege to̱le̱ dindi walia helonaga lone baraga halu tano pira Kohada hameigini hearunaga tu wiabagi hene. Tano uruni Manase dindiha dindi abene ni paliragohayagi wiaru tu wu migi bini.   
\p
\v 62 Ani bialu tigua tano haleria (13) bibahende Gesono hameigini hearunaga tu wiabagi ho wini. Tano uruni hameigini Isaga dindihabi Ase dindihabi Nabadali dindihabi Manase hameigini halu mende Basana dindiha hearunaga dindihabi tu wu mini.  
\v 63 Ogonidagua tigua Merari hameigini hearuhondo tano hombearia (12) tu wu mini. Tano uruni Lubene dindiha howabi Gada dindiha howabi Sebulunu dindiha howabi tu wu migi bini.  
\v 64 Isaraele agali tigua anidagua bigi bialu Libai hameigini hearuhondo tanobi dindi maru tani bayaleru anda haga wiaru tinaga nogo bulumaga sibiru nelobi tu wu migi bini.  
\v 65 Tano uruni Yuda dindihabi Simeono dindihabi Beniyamini dindihabi howa tu wu migi binigonaga mini gilibu ngaruni tigua dindi walia helonaga ege to̱le̱ emene baraga halu ogonime mo walia haga biyagola tano ogoni dabaga bini.   
\p
\v 66 Tano maru Kohada hameigini ti migi binidaru Eberaimi hameigini dindiha wini.  
\v 67-69 Segeme tano wiago Kohada hameigini tu wu miyadaruni Eberaimi dindi hari bareha wini. Tano ogoni Isaraele tigua agali bo waholilono ibida pialu ha do haga winigo Kohada hameigini mo mini. Tano maru Kohada hameigini minidaru Gesebi Yogomeamabi Bedehoronobi Aiyalonobi Gadarimonobi wigi bini. Tano uruni Kohada hameigini tu wu mialu howa dindi maru tani bayale anda haga nogo bulumaga sibiru nalu holene dindi tano kaware wiaru heba mia dege bini.  
\v 70 Kohada tinaga tano maru Manase hameigini halu mende hearu dindihabi wia dege biniru Ane Bileamabi wini. Tano uruni heba dindi bayale nogo bulumagabi sibirubi tani nolene anda haga wiaru nelonaga mia dege bini.   
\p
\v 71 Tano maru Isaraele tigua Gesono hameiginihondo minidaruni dindi bayale tani anda haga wiaru nogo bulumaga sibirubi nelonaga mini. Manase hameigini halu mende hearu daluhayagi tano wiaru tu wu mini. Basana dindiha tano kira Golana Asadarodola wiagobi mini.   
\p
\v 72-73 Isaga dindiha tano Gedese Daberada Lamodo Aneme winiru migi bini.   
\p
\v 74-75 Ase dindiha tano mini Masala Abadono Hugogo Lehobo winiru migi bini.   
\p
\v 76 Nabadali dindiha tano wiaru mini Kedese Galili dindihayagi wiagobi Hamono Kiriadaimila wiagobi mia dege bini.   
\p
\v 77 Libai aria dege Merari hameigini hearu tano minidaruni dindi tani bayale anda haga wiaru heba tu wu migi bini. Sebulunu dindiha tano Limono Tabola winigo mini.   
\p
\v 78-79 Lubene dindiha tano winidago mini Bese Iba Yodana doma edera ni tagira ibiragohayagi Yarigo tano kaware dege lowa dindi ko iba dalu naibaga wiago mini. Tano Yasa Kedemodo Mebadaru tu wu migi bini.   
\p
\v 80-81 Gada hameigini dindiha tano maru mini Lamodo Gileada dindiha wiagobi Mahanaimi Hesebono Yaseru wigi bini. Anidagua bialu Isaraele tigua tano maru ti helo mialu tano kawareni tinaga nogo bulumaga sibirume nelonaga dindi bayale tani anda haga wiaru heba Merari hameigini tu wu migi bini.   
\c 7  
\s1 Isaga aguaneneru henego ogo  
\p
\v 1 Isaga igini maria henego mini Tola Pua Yasubu Simirono laga biyaru hene.  
\v 2 Tola igini waragaria henego mini Usi Lebaia Yariele Yamai Ibisama Semuele imaru hene. Agali uruni ti ami agali hongoheore howa ti Tola aria hearunaga agali haguane hene. Debidi ibu kini heangi Tola hameigini aguaneneru ti ami agali habehe dege daosini pira kirani kira handari waragaria (22,600) hene.   
\p
\v 3 Usi ibu igini mbiraore dege henego mini Isirahaia hene. Ani howa Isirahaia ibu igini maria henego mini Maigele Obadaia Yoele Isaia laga biyaru hene. Agali uruni ti nde tini hameigininaga agali haguane hene.  
\v 4 Agali uruni ti wali dewa dabu bialu tinaga waneiginibi dewaore henego ti ami agali habeheru dege daosini pira tebirani waragaria (36,000) hene.   
\p
\v 5 Isaga hameigini bibahende daga lamaga halu gilibu wiaru handalu hearia agali ami habeheru dege daosini pira halirani karia (87,000) gilibu wini.   
\s1 Beniyamini aguanene heneru ogo  
\p
\v 6 Beniyamini ibu igini tebira henego mini Bela Bege Yadiaele layaru hene.   
\p
\v 7 Bela ibu igini duria henego mini Esebono Usi Usiele Yarimodo Iri imaru hene. Agali uruni ti hameigini hearunaga haguane dege howa ami agali hongohe mini lene hene. Hameigini uruni tinaga aguanene bibahende daga lamaga howa agali hongohe ami habeheru dege daosini pira kirani kira halu huniane pira tebirani maria (22,034) hene.   
\p
\v 8 Bege ibu igini dira henego mini Semira Yoasa Eliese Eleonai Omori Yaremodo Abiya Anadodo Alemede imaru hene.  
\v 9 Agali uruni ti aguanene heneru daga lamaga howa ami agali habeheru dege daosini pira kirani handari kira (20,200) hene.   
\p
\v 10 Yadiaele ibu igini mbiraore Bilihana hangu hene. Bilihana ibu igini karia henego mini Yausu Beniyamini Ehudu Kenana Sedana Tasisi Ahisaha imaru hene.  
\v 11 Agali uruni ti Yadiaele hameigininaga agali haguane howa ti ami agali hongohe mini leneru hene. Ai ti damene bibahende daga lamaga howa handalu hearia agali hongohe ami habeheru dege daosini pira mbirani kariani handari kira (17,200) hene.  
\v 12 Iri aguanene Subimi hameiginibi Hubimi hameiginibi hene. Ani bialu Ahe aguanene ti Husimi hameigini hene.\f + \fr 7.12 \ft Agali mini Ahe lenego ogoni agali Dana manda bialu leda bada laya.\f*   
\s1 Nabadali igini henego ogo  
\p
\v 13 Nabadali igini maria henego mini Yasiele Guni Yase Salumu layaru hene. Ti wali mini Biliha berenego aguanene hene.\f + \fr 7.13 \ft Biliha ibu Yagaba one halu mende bereneru aria mbira biruwa ibu Dana Nabadalila ai̱ya berene.\f*   
\s1 Manase igini aguaneru henego ogo  
\p
\v 14 Manase igini kira Asariele Magiala hene. Libu ai̱ya Manase one halu mende bereneru aria mbira Aramea wali berene. Magia ibu igini Gileada hene.  
\v 15 Magia ibugua wali mbira Hubimi wali mende Subimi wali dabu bia hene. Magia mbalini mini Maga berene. Magia igini mende mini Selobehada henego ibu igini nahe wandari hangu aba hene.   
\p
\v 16 Ani bialu Magia one mini Maga dege berenego ogoni ibugua igiri kira taba henene. Ibu igini kira Perese Seresela hene. Serese igini kira Ulama Lagemela hene.  
\v 17 Ulama ibu igini mbiraore Bedana hangu hene. Wali agali uruni ti Gileada aguanene dege hene. Gileada ibu Magia igini halu Magia ibu Manase igini hene.   
\p
\v 18 Gileada mbalini Hamolegede berenego ibugua igiri tebira taba henenego mini Isihodo Abiese Mala laga biyaru hene.  
\v 19 Semida igini heneru mini Ahiana Segeme Ligi Aniama imaru hene.   
\s1 Eberaimi aguanene heneru ogo  
\p
\v 20-21 Eberaimi aguanene heneru mini uru. Eberaimi igini Sudela Sudela igini Berede Berede igini Tahada Tahada igini Eleada Eleada ogoni igini Tahada dege mende Tahada ogoni igini Sabada Sabada igini Sudela dege mende hene. Eberaimi igini kira mani henego mini Ese Eleadala hene. Ani henego ai horo mbiru libugua hameigini tara Gede hearunaga nogo sibi bo page bule Gede dalu wiagohayagi daliape halu pu hearia Gedeali hearume libu homelo bo wahene.  
\v 22 Ani homayagola libu aba Eberaimihanda dara timbuni howa dugu bialu biraabo heagola ibu damene maru hearu ibalu ibunaga bu miniha mo palia haga bialu hene.  
\v 23 Mani howa Eberaimi one ibu yamu ko biruwa ibugua igiri mbira taba henene. Ani taba hanayagola Eberaimihanda igiri ogoni mini Beraia wini.\f + \fr 7.23 \ft Mini Beraia ogoni Hiburu bi lalu Horo Ko lale howa dege laga. Irane mo ko holene ibu dameneha anda ibiyagonaga mini ogoni wini.\f*   
\p
\v 24 Eberaimi wane mbira mini Seraha berene. Ibuni heba ibu damenerume tano Bedehorono Daliga lagago pigane mo wialu tano mende Bedehorono Dindiha lagago mo wialu Useneseraha tanobi pigane mo wia dege bini.   
\p
\v 25-27 Eberaimi igini mbira mini Leba hene. Leba igini Lesebe Lesebe igini Tela Tela igini Tahana Tahana igini Ladana Ladana igini Amihudu Amihudu igini Elisama Elisama igini Nunu Nunu igini Yosua hene.   
\p
\v 28 Eberaimi tinaga dindiha Bedele tanobi dindi maru wiapara para bini wiarubi dindi bibahende Narana tano ni tagira ibiragohayagi howa wima pialu ni paliragohayagi Gese tano wiagoria wima tagira pialu dindi maru Gese kaware wiapara para bini wiaru bibahende tinaga dege wia. Ani bialu Segeme tano heba dindi maru wiapara para bini wiarubi Aya tano heba dindi emene wiapara para bini wiarubi tinaga dege wia. Ani bialu Aya tano heba dindi wiapara hene wiarubi tinaga dege wini.   
\p
\v 29 Manase aguaneneru tigua Bedesana tanobi Tanaga tanobi Megido tanobi Doro tanobi tano maru dindi emene wiapara hene wiarubi tinaga wini. Ani winigo Yagaba igini Yosebe aguaneneru ti nde dindi uruniha hai haga hene.   
\s1 Ase aguanene heneru ogo  
\p
\v 30 Ase igini maria henego mini uru. Imina Isiba Isibi Beraia layaru hene. Ani bialu Ase wane mbira Sera berene.  
\v 31 Beraia igini kira Hebe Malagielela hene. Malagiele igini Bisaidi hene.   
\p
\v 32 Hebe igini Yabalede Some Hodama imaru halu ibu wane mbira Sua berene.   
\p
\v 33 Yabalede ibu igini tebira henego mini uru Pasaga Bimihala Asabada imaru hene.   
\p
\v 34 Yabalede hamene Some ibu igini tebira dege henego uru Loga Yahuba Arama layaru hene.   
\p
\v 35 Ibu hamene Hodama igini maria henego mini Soba Imina Selese Amala imaru hene.   
\p
\v 36-37 Soba igini uru hene. Sua Hanebe Suala Beri Imira Bese Hodo Sama Silisa Idirana Bera layaru hene.   
\p
\v 38 Yade igini uru hene. Yabune Pisiba Ara layaru hene.  
\v 39 Ula igini uru hene. Ara Haniele Lisia layaru hene.   
\p
\v 40 Agali uruni ti Ase aguaneneru howa tinaga hameigini mbira mbiranaga agali haguane howa ti ami agali hongohe bayaleore mini leneru hene. Ase hameigini bibahende daga lo winigo ami agali hongoheru dege daga lowa ti daosini pira kirani waragaria (26,000) hene.   
\c 8  
\s1 Beniyamini aguaneneru henego mini uru  
\p
\v 1-2 Beniyamini ibu igini duria hene. Bela Asabele Ahara Noha Laba layaru hene.   
\p
\v 3-5 Bela ibu igini mini uru. Ada Gera Abihudu Abisua Namana Ahoa Gera Sebubana Hurama layaru hene.   
\p
\v 6-7 Ehudu igini aguaneru henego uru. Namana Ahiya Gera imaru hene. Agali uruni ti Geba tanoha howa hameigini emene bu hearunaga agali haguane hene. Ti ani heangi Gerahanda ibu hameneru ti waneigini damene heba bo taliatagi haya handala ti pialu Manahada tanoha pu hene. Gera ibu Usa Ahihudula aba hene.   
\p
\v 8-10 Saharaimi ibu Moaba dindiha howa ibu one kira Husimi Barala wahene. Ani buwa mani ibu wali Hodese dabu bu aribia howa ibu igini karia hene. Igiri uruni mini Yobaba Sibia Mesa Malagama Yausu Sagia Mirima imaru hene. Uruni ti tinaga hameigini hearunaga agali haguane hene.   
\p
\v 11 Ala Saharaimi one Husimihanda igiri kira taba henenegobi ha dege bini. Libu mini Abidubu Elebalala hene.   
\p
\v 12 Elebala ibu igini tebira henego uru. Ebe Misama Semede layaru hene. Semede halu ibu damene bu hearu tigua Ono tanobi Lodo tanobi pigane mo wialu dindi emene marubi mo wia dege bini.   
\p
\v 13 Beraia hameigini Sema hameiginibi ti Aiyalono tano wiagoria hene. Libu damene bu hearunaga agali haguane libuni howa Gede tanoha hearu baba wai bialu libugua wali agali ogoniha haga hearu bo batagi hai hene.   
\p
\v 14-16 Beraia igini uru hene. Ahio Sasaga Yaremodo Sebadaia Arada Ede Maigele Isiba Yoha imaru hene.   
\p
\v 17-18 Elebala igini mini uru Sebadaia Mesulama Hisigi Hebe Isimerai Isilia Yobaba layaru hene.   
\p
\v 19-21 Simai igini mini uru. Yagimi Sigiri Sabadi Elienai Siledai Eliele Adaia Beraia Simirada layaru hene.   
\p
\v 22-25 Sasaga igini mini uru. Isibana Ebe Eliele Abadono Sigiri Hanana Hananaia Elama Andodiya Ibidea Penuele imaru hene.   
\p
\v 26-27 Yarohama igini ogodagua hene. Samaserai Seharaia Adalia Yaresaia Elaya Sigiri layaru hene.   
\p
\v 28 Agali uruni Yarusalemeni heangi ti agali timbuni mini leneru howa ti hameigininaga agali haguane haga bini.   
\s1 Kini Solo ibunaga aguaneneru mini gilibu winigo ogo  
\p
\v 29 Yaiele ibugua Gibeono tano pigane mo wialu ibu one Magala libu Gibeono tanoni hene.  
\v 30-32 Ibu igini wahene mini Abadono hene. Ibu igini maru mini Sua Kisi Bala Nere Nadaba Gedo Ahio Segaraia Migilodo layaru hene. Ai Migilodo ibu Simea aba hene. Agali uruni ti Yarusaleme tano kawareni Beniyamini hameigini heagoria dege hene.   
\p
\v 33 Nere igini Kisi Kisi igini Kini Solo hene. Solo ibu igini maria hene. Yonadana Malagisua Abinadaba Esebala henego ibu mini mende Isibosede hene.  
\v 34 Yonadana igini Meribala hene. Meribala ibu mini mende Mebibosede henego ibu igini Maiga hene.   
\p
\v 35-37 Maiga ibu igini maria Pidono Melege Tarea Ahasa imaru hene. Ahasa igini Yahoada Yahoada igini tebira Alemede Asamabede Simiri imaru hene. Simiri igini Mosa Mosa igini Binea Binea igini Laba Laba igini Eleasa Eleasa igini Asele hene.   
\p
\v 38 Asele ibu igini waragaria henego mini Asarigama Bogeru Isimaele Searaia Obadaia Hanana layaru hene.  
\v 39 Asele hamene Esege ibu igini tebira Ulama Yausu Elibelede imaru hene.   
\p
\v 40 Ulama igini ti wai biaga wayali howa danda yandarerume agali baga hene. Ulama igini aguaneru lamaga halu handari mbirani pira duria (150) hene. Agali mini o gilibu ngaru ti bibahende Beniyamini hameigini hene.   
\c 9  
\p
\v 1 Isaraele wali agali bibahende heneru ti hameigini mbira mbira mini lalu mbuga mbira mini Isaraelenaga Kini Henerunaga Bi Te laga ngagoha gilibu nga.  
\s1 Yuda wali agali Babilonoha garabaya biniru tini dindi dai binigo ogo  
\p Wali agali Yuda dindiha hearume mana ko wiaru bialu howa Anduane Homogo erembira mini. Anidagua biyagola Anduane Homogohanda Babilono ami agali ibilalu tigua wali agali uruni minu garabaya bu yalu ti Babilono dindiha piai hene.  
\v 2 Ani penego mani howa wali agali maru garabaya golalu tini dindi wiyagoria dai bini. Isaraele wali agali maru ala dai biyaruni heba \w loma\w* binigo mo miaga hearu ariabi \w Libai\w* aria hearubi wali agali Ngode Datagaliwabenaga andaha biabe bialu haga heneru ariabi dai bigi bini.\x + \xo 9.2 \xt Esr 2.27, Neh 7.73\x*  
\v 3 Wali agali Yuda hameigini ariabi Beniyamini ariabi Eberaimi ariabi Manase ariabi Yarusaleme tanoha daibu hai hene.   
\p
\v 4-6 Yuda hameigini aria handari waragariani pira dira (690) bibahende ibalu Yarusalemeni hene. Tinaga agali haguane mini Udai hene. Udai ibu Amihudu igini Amihudu ibu Omiri igini Omiri ibu Imiri igini Imiri ibu Bani igini hene. Wali agali uruni ti Yuda igini Perese aguaneneru hene. Agali haguane mende mini Asaia hene. Yuda igini wahene Sela aguanene hearunaga agali haguane Asaia hene. Yuda igini Sera henego ibu aguanene bu hearunaga agali haguane Yuele hene.   
\p
\v 7-8 Beniyamini hameigini Yarusalemeni henerunaga agali haguane mbira mini Salu hene. Salu ibu Mesulama igini Mesulama ibu Hodabaia igini Hodabaia ibu Hesenua igini hene. Beniyamini hameigininaga agali haguane mende mini Ibinea hene. Ibinea ibu Yarohama igini Yarohama ibu Ela igini Ela ibu Usi igini Usi ibu Migiri igini hene. Agali haguane tebone mini Mesulama dege mende hene. Mesulama ibu Sebadaia igini Sebadaia ibu Luele igini Luele ibu Ibiniya igini hene.   
\p
\v 9 Beniyamini hameigini bu heneru ti bibahende handari dirani pira duriani huniane waragaria (956) henerunaga agali haguane mini uruni.   
\s1 Loma binigo mo miaga agali Yarusalemeni heneru uru  
\p
\v 10-12 Loma binigo mo miaga hearunaga agali haguane maru haga binigo mini uru. Yadaia Yahoiaribi Yagini Asaraia layaru hene. Asaraia ibu Ngode Datagaliwabenaga anda handayaho haga agali haguane mbira hene. Asaraia ibu Hiligaia igini Hiligaia ibu Mesulama igini Mesulama ibu Sadogo igini Sadogo ibu Meraiodo igini Meraiodo ibu Ahidubu igini hene. Agali haguane mini Adaia henego ibu Yarohama igini Yarohama ibu Pasuru igini Pasuru ibu Malagiya igini hene. Agali haguane mini Masai henego ibu Adiele igini Adiele ibu Yasera igini Yasera ibu Mesulama igini Mesulama ibu Mesilemidi igini Mesilemidi ibu Ime igini hene.   
\p
\v 13 Loma binigo mo miaga daosini mbirani handari kariani pira waragaria (1,760) heneru ti hameigini emene haga haga biyarunaga agali haguane tini hene. Loma binigo mo miaga haguane uruni tigua Ngode Datagaliwabenaga andaha biabe tara tara bulene wiaru bibahende manda biaihe hene.   
\s1 Libai hameigininaga agali haguane haga binigo ogo  
\p
\v 14 Libai agali marume Libai hameigini bu hearunaga agali haguane howa Yarusalemeni hene. Agali haguane mbira Hasubu igini Semaia hene. Hasubu ibu Asarigama igini Asagirama ibu Hasabaia igini hene. Agali uruni ti Merari hameigini dege agali haguane hene.  
\v 15 Agali haguane maru nde uru hene. Bagabaga Herese Galala Madanaia layaru hene. Madanaia ibu Miga igini Miga ibu Sigiri igini Sigiri ibu Asaba igini hene.  
\v 16 Agali haguane mbira mini Obadaia henego ibu Semaia igini Semaia ibu Galala igini Galala ibu Yadudunu igini hene. Agali haguane dege mini Beregaia ibu Elegana aguane howa Asa igini hene. Beregaia ibu dameneru ti Nedoba tano kawareni dindi emene wiagoha hene.   
\s1 Ngode Datagaliwabenaga anda mamage haga henego uru  
\p
\v 17 Wali agali garabaya pu henego golalu dai buwa agali maru Ngode Datagaliwabenaga anda mamage haga heneru aria Yarusaleme dai bu hene. Agali uruni tinaga mini Salumu Agubu Talamono Ahimana imaru ti damene heba biabe mandagi biagaru dai bini. Salumu ibu agali uruninaga haguane hene.  
\v 18 Bamba Yarusaleme tano bo gialabaga nabi wiangi hameigini uruni tigua Ngode Datagaliwabenaga anda biagonaga panga ni tagira ibiragohayagi mini Kininaga Panga Haraba laga heago mamage haga hene. Bambaore howa Isaraele wali agali dindi ko dalu naibaga wiagoha heangi hameigini uruni tigua Libai hameigininaga balai anda bu hearu mamage haga hene.   
\p
\v 19-20 Horo ogoningi Kora hameigini hearu tigua Anduane Homogonaga \w Balai\w* anda haraba wiagoria mamage haga hene. Eleasa igini Piniasa ibugua agali biabe uruni biaga hayadaru handayaho hayangi Anduane Homogo ibu heba hene. Ai Debidi ibu kini heangi Kora hameigini aria agali mbira mini Salumu mende heago heba ibu damenerume Anduane Homogonaga Balai Anda haraba panga heago mamage haga hene. Agali Salumu ogoni ibu Kore igini howa Ebiasaba aguane hene.   
\p
\v 21 Agali mbira Meselemaia igini Segaraia heago ibubi Anduane Homogonaga Balai Anda haraba wiago mamage haga hene.   
\p
\v 22 Agali handari kirani pira mbirani kira (212) hearu tigua Anduane Homogonaga Balai anda pabe haraba wiaru mamage howa biabe ogoni bialu helo dabo helene. Hameigini uruni aria ti dindi mbira mbirani headagua ti mini gilibu wuwa daga lamaga hene. Biabe uruni bilonaga Kini Debidibi agali Anduane Homogonaga bi mana latagi haga Samuelebi libugua biabe ogoni bilo mo mini.  
\v 23 Ani helayagola agali uruni tigua Anduane Homogonaga anda pabe panga harabani mamage haga hene. Mani howa tinaga igini aguanene hearume biabe ogoni dege bialu haga hene.  
\v 24 Agali uruni tigua pabe panga haraba maria uyurahayagi heagobi unurahayagi heagobi ni tagira ibiragohayagibi ni paliragohayagibi bibahende mamage haga hene.  
\v 25 Horo marungi nde ti hamenerume tini dalu wahalu ibalu biabe uruni biamogo bialu ha aribia haga hene. Agali ti hamene biabe biamogo bule ibalu ti horo karu hangu biabe bialu halu tini andaga dai bigi biaga hene.  
\v 26 Anigo Libai hameigini agali mariali henego tigua agali biabe biaga uruni handayaho haga hene. Tigua Anduane Homogonaga andaha hobane tara tara hearubi mbirale tara tara mo wiaga anda hobane hearubi handayaho haga hene.  
\v 27 Agali uruni tigua anda hobane uruni handayaho howa egerebagi gao laragola panga dugua holenaga ti Anduane Homogonaga anda kawareni anda maru hearuha paliaga hene.   
\s1 Libai hameigini marume biabe binigo ogo  
\p
\v 28 Abale Yarusaleme bo gialabaga nabi wiangi Libai hameigini maru hearu tigua belediru ndisirubi Anduane Homogonaga andaha wiaru handayaho haga hene. Anduane Homogo mitangi bialu lotu larangi biabe bulene belediru ndisirubi mbirale uruni mo yu poragola yu dai biragolabi Libai agali o biaruni tigua uruni mbirago ereba nahelo baya hanguore daga lalu handayaho haabo haga hene.  
\v 29 Libai hameigini maru hearu tigua mbirale tara tara Anduane Homogonaga wiabagi ho wiarubi handayaho haga hene. Ani bialu agali uruni tigua balawa wiarubi waini iba hambu wiarubi olibe lininaga weli hambu wiarubi ira hagua nga bilo delagane mini inisenesi wiarubi pauda bayale tara tara wiarubi handayaho haga hene.  
\v 30 Anigo pauda tara tara wiaru biamaga halu mo mbiraore helonaga biabe loma binigo mo miaga hearu ti hangume biaga wini.   
\p
\v 31 Agali mbira mini Madidaia ibu Libai aria Kora hameigini henego ibugua balawa loma bulenaga hiraga biabe biaga hene. Madidaia ibu Salumu igini wahene hene.\f + \fr 9.31 \ft Balawa loma bulenaga ledago balawa olibe lininaga weli heba biamaga halu mbirale emene mbisigedi ale hiruwa Anduane Homogohondo lomabu miaga. Loma Binigo Mo Miaganaga Biabe mbugaha 2.4-6 handabe.\f*  
\v 32 Agali Libai hameigini dege Kohada aria hearu tigua Sabada horo bibahendengi Anduane Homogonaga andaha ibuhondo mberedi lomabu mulenaga mo manda manda bu wiaga hene.\f + \fr 9.32 \ft Mberedi gilibu ngago Sabada horongi Anduane Homogonaga andaha dagia wiagoria mberedi hirini hombearia (12) wiaga hene. Mberedi uruni Anduane Homogohondo lomabu miaga wini. Loma Binigo Mo Miaganaga Biabe mbugaha 24.5-9 handabe.\f*   
\p
\v 33 Libai hameigini aria maru tigua Anduane Homogonaga andaha ngida aleru balu iba gana lalu haru haga hene. Libai hameigini uruninaga agali haguane tigua horo bibahendengi mbiraga horombebi biabe biaabo haga howa ti Anduane Homogonaga anda heago kawareni anda maru hearuha paliaga hene. Tinaga biabe tara mende bulene nawi mbiraore ogoni dege biaga hene.   
\p
\v 34 Libai aria agali garabaya golalu dai binidaru maru ti hameigini headagua agali haguane howa Yarusalemeni hene.\f + \fr 9.34 \ft Hobane ogoria agali maru garabaya golalu dai binigo agali haguane ledago tinaga mini 9.14-17 ogoriani gilibu ngaruni.\f*   
\s1 Kini Solo ibunaga aguaneneru mini gilibu winigo ogo  
\r (1 Bi Te 8.29-38)  
\p
\v 35 Yaiele ibugua Gibeono tano pigane mo wialu ibu one Magala libu Gibeono tanoni hene.  
\v 36-38 Ibu igini wahene mini Abadono igini maru mini Sua Kisi Bala Nere Nadaba Gedo Ahio Segaraia Migilodo layaru hene. Ai Migilodo ibu Simea aba hene. Agali uruni ti Yarusaleme tano kawareni Beniyamini hameigini heagoria dege hene.   
\p
\v 39 Nere igini Kisi Kisi igini Solo hene. Solo ibu igini maria hene. Yonadana Malagisua Abinadaba Esebala henego ibu mini mende Isibosede hene.  
\v 40 Yonadana igini Meribala hene. Meribala ibu mini mende Mebibosede henego ibu igini Maiga hene.   
\p
\v 41-43 Maiga ibu igini maria Pidono Melege Tarea Ahasa imaru hene. Ahasa igini Yara Yara igini tebira Alemede Asamabede Simiri imaru hene. Simiri igini Mosa Mosa igini Binea Binea igini Lebaia Lebaia igini Eleasa Eleasa igini Asele hene.   
\p
\v 44 Asele ibu igini waragaria henego mini Asarigama Bogeru Isimaele Searaia Obadaia Hanana layaru hene.   
\c 10  
\s1 Solo ibu iginiru heba homenego ogo  
\r (1 Samuele 31.1-13)  
\p
\v 1 Pilidiali amime Isaraeleali baba Hari Giliboa heagoria wai biyagola Isaraeleali dewa homene. Maru Solobi ibunaga igini biarubi heba ibida purogo lene.  
\v 2 Ani purogo layagola Pilidiali ami abale talima ibalu Solo igini tebira biaru Yonadana Abinadaba Malagisua imaru minalu bai hene.  
\v 3 Ani bialu Solo heagoria wai hongoheore minama minama anda ibalu waitigi hearunaga timume Solo bila hene.  
\v 4 Ani biyagola ibugua igiri wai biaga humbi yandarerubi yu heagohondo lalu, Pilidiali Ngode Datagaliwabe mitangi nabiaga nai ibirarume i̱ boligo í̠naga ayu tibu yidegonime i̱ homoliya abale ba, lene. Ani layagola igiri biagome ani bolene gi timbuni howa nabe wahene. Ani biyagola Solo ibuninaga wai biaga ayu tibu biago yamuwa deneni ibunime pili paga halu homene.  
\v 5 Ani biyagola igiri biago ibula ibaga bu haribigo ibu nde ibuninaga wai biaga ayu tibu yu hayago yamuwa deneni ibuni pili paga halu Solo homayadagua dege homa palu bini.  
\v 6 Ani bialu Solo ibunibi ibunaga igini tebirarubi homai hayagola mani ibunaga aguanene heneru mbiralime kini nahene.  
\v 7 Ani biyagola Isaraelealiru ti Yaserili dindi guagua wiagoria hearume Isaraeleali ami ibida purogo layagobi Solobi ibu iginirubi homaya layagobi hale halu tinaga dindi andabi wahalu ibida pene. Ani biyagola Pilidiali biaru ibalu dindi karulene.   
\p
\v 8 Mani wai ogoni biai howa horo mbira peagola Pilidiali biaru puwa Isaraeleali balu homene biarunaga mbirale dabudabu yu wahalu pene wiaru ti mo yalu pene. Ani bialu howa handalu hearia Solobi ibunaga igini tebira biarubi tinaga tingini uyu Hari Giliboa wiagoha bo paya bu wiaria handa walia hene.  
\v 9 Ani bu wiaria hondowa tigua Solonaga haguane pugualu ibunaga wai bulenaga aeane karuleago ti golowa agali maru hearuhondo mialu bi baya mbira yidama lalu Pilidialinaga mbirale dama mitangi bialu bi pupu wule gime wabiniruhondobi wali agalihondobi lamule pudaba lene.  
\v 10 Ani lowa tigua Solo ibuninaga wai biagane timu humbi yandare uruni mo yalu puwa tinaga dama mitangi bialu mbirale gime wabini anda heagoha mo wialu Solonaga haguane biago tinaga dama mini Dagononaga bi pupu wiaga anda heago tamuha gerela ho wini.  
\v 11 Yabese wali agalime Gileada dindini howa hale halu hearia Pilidiali biaru tigua Solo ogodagua biya lalu layago hale hene.  
\v 12 Ogoni hale howa agali pari wayali elahe hearume abale gerai lalu puwa tigua Solobi ibu igini tebira biarunaga tinginiru mo yalu Yabese dindini dai buwa ira bai ale mbira heago teneha hora halu tini dara howa horo karu tomo mbira nane dugu bialu haabo hene.   
\p
\v 13 Solo ibu homayago irane ibu Anduane Homogo mo tene nahe wahalu homenenaga dinini mo bila hayagome ibuni homene.\x + \xo 10.13 \xt LBM 19.31, 20.6, 1 Sml 13.8-14, 15.1-24, 28.7-8\x*  
\v 14 Ibugua Anduane Homogohondo i̱na agi buabe lalu hale naheyagola Anduane Homogo ibugua Solo bo wahalu Isaraele wali agalinaga kini helo Yasi igini Debidi dabo aribia ho helene.   
\c 11  
\s1 Debidi ibu Yudanagabi Isaraelenagabi kini ibu hangu henego ogo  
\r (2 Samuele 5.1-10)  
\p
\v 1 Mani Isaraeleali hearume Kini Debidi Heberono tanoha hearia hondo ibini. Ibuwa tigua Debidihondo lalu, Ina wali agali bibahende í̠naga damene hangu darama mbiraore kama.  
\v 2 Abale Solo ibu kini heangibi ibu ani helalu dege í̠na inanaga ami agaliru haru halu wai bule piaga harigoni. Ani birigola Anduane Homogo í̠naga Ngode Datagaliwabehanda bi lo wialu í̠na ibunaga wali agaliru haru habelo helarogola í̠ Isaraele wali agalirunaga kini helolebero layagoni, lene.  
\v 3 Ani lowa Isaraele wali agalirunaga agali haguane hearu bibahende Heberono tanoni Kini Debidi heagoria íbu ngoai hene. Íbu ngoai heagola ibugua Anduane Homogonaga deni howa bi hongohe mbira lowini. Ani lowiyagola tigua Debidinaga haguaneni ira olibe lininaga weli odo wuwa ibu Isaraele wali agalinaga kini helene. Ani biyagome ala Samueleha howa Anduane Homogohanda bi layadagua bini.   
\p
\v 4 Horo mbirungi Debidibi Isaraelealiru bibahendebi tigua Yarusalemeha hearu baba wai bule pene. Yarusaleme Yabusuali hameiginirunaga dindi winigo tano ogoninaga mini Yabusu wini.\x + \xo 11.4 \xt Yos 15.63, Hgn 1.21\x*  
\v 5 Ani wu howa Yabusuali hearume Kini Debidihanda tinaga tano nakarulolebira manda buwa tongoyungu bi lalu hene. Tigua bi anidagua layagoyu mani Debidihanda ibunaga ami biaru haru pialu wai buwa bo podalu tano hongohe biagoni karulene. Tano ogoni mini Saiono winigo mani Debidihanda wai bialu karulayagola dindi ogoni mini Debidinaga Tano laga wini.  
\v 6 Debidihanda ami agali biaruhondo lalu, Tí mbiralime Yabusuali pigane bo waharago ibu ami agali bibahendenaga haguane helolebero, lene. Ani layagola wali mini Seruia igini Yoaba ibugua bamba halu wai bialu wayali hayagola ami agali bibahendenaga haguane ibu hene.  
\v 7 Tano ogoriani Debidi ibu hole piyagola wali agalime tano mini Debidinaga Tano laga wini.  
\v 8 Debidihanda ibunaga agali biaruhondo tano ogoninaga lene leneni anda bu mabu bidaba layagola tigua dindi ulini mbira winigoria dindi duguwa mogo bialu mo dondelene wiagoria anda pigane bialu hene. Ani bialu Yoaba ibugua tano ogoni mendehayagi mo tiga bialu hene.  
\v 9 Anduane Homogo Hongo Haiheore kago ibugua horo bibahendengi Debidila haru mandagi hayagome Debidi ibu kininaga hongo holene mia tago haabo hama iraga halu hene.   
\s1 Debidinaga ami agali hongohe mini lenebi henegonaga mini uru  
\r (2 Samuele 23.8-39)  
\p
\v 10 Debidinaga ami agali hongohe mini lene heneru ti mini uru. Isaraele wali agalirumebi agali hongohe mini lene biarumebi ti bibahende Debidi biamogo biyagola Debidi ibu kini hongohe hene. Ani biyago Anduane Homogohanda bi layago lola hene.   
\p
\v 11 Agali mbirago Hagamono hameigini Yasobeama ibu ami agali hongohe mini lene tebira heneru aria mbira haguane ibu hene. Horo mbirungi ibugua yandare hangume agali handari tebira (300) baba wai bialu agali uruni bibahende bo wahai halu wayali hene.  
\v 12 Dodo igini Eleasa ibu Ahoho hameigini agali mini lene tebira henedaruni aria haguane mendego ibu hene.  
\v 13 Horo mbirungi Eleasa ibu Debidi heba Isaraelealirubi ti Pasadamimi dindi hemiria Pilidialirume wai bule amuna tidiyu hearia hendene. Ani hondowa Isaraeleali uruni tigua widi ale mini bali mabuha anda íbu hearia Pilidialirume wai hapara haya handala Isaraeleali maru ti gi halu ibida piai hene.  
\v 14 Maru ani ibida piyagola Eleasa ibubi ibunaga agalirubi hangu mabuha hongo ho howa tigua Pilidiali dewaore bo wahai hene. Horo ogoningi Anduane Homogo ibugua biamogo timbuniore biyagola ti wayali hene.   
\p
\v 15 Debidinaga ami agaliru haru haga agali hongohe pira tebira (30) hene. Horo mbirungi Debidi ibu Adulama dindiha egeanda mbira heagoha hearia ami agali hongohe pira tebira (30) uruni aria tebiralime ibu hondo pene. Ogoningi dege Pilidialirume Lebaimi dindi ulini wiagoha íbu howa balai anda bu hene.  
\v 16 Tigua Debidi handalu minabe nahe wiagoha ha do heagola Pilidiali uruni tigua Bedeleheme tano bo podama anda ibalu ti karulo hene.  
\v 17 Ani karulo heagola Debidi ibugua Bedelehemeha iba bayale nagane winiru mitangibu dai buwa lalu, Daraore nde biaruago ainde Bedeleheme tanonaga ubaandatagi biaga harabani iba hambiaga uli biagoha iba bayale biago hambu nedole nde i̱ turuho koleda, lene.  
\v 18 Ani layagola hale howa ami agali hongohe hearu aria tebirali biaru ti heyalu Bedeleheme anda puwa Pilidiali iba hambiaga uli biagoria bu hearuni helowa Debidi ibu iba noaba layagohaore bereago hambu yalu dai bialu Debidi nelo mini. Ani miyagola ibugua iba ogoni nane wahalu Anduane Homogohondo lomabu mialu dindini odo wahene. \fig ... ami agali hongohe biaru ti Bedeleheme anda puwa Pilidiali iba hambiaga uli biagoria ... iba hambu yalu dai bialu Debidi nelo mini.|src="LEAR 054.tif" size="2" ref="(11.18)" \fig*  
\v 19 Ani buwa ibugua lalu, Anduane Homogo-o i̱na iba ogoni nanolebero. Ani larogoni irane agali o karu ti iba ogo hambu piyagola bo wa kaleda. Ani bo wa kagola i̱na tinaga darama porago naradagua buledago nane waharogoni, lene. Ani lalu Debidi ibugua iba ogoni nane waore hene. Ami agali tebirali uruni tigua gibi bibe nahe mbira o binidagoni.   
\p
\v 20 Yoaba hamene Abisai ibu ami agali hongohe pira tebira (30) henedarunaga haru haga haguane hene. Horo mbirungi Abisai ibugua yandare hangume waitigi agali handari tebira (300) balu homelai hene.  
\v 21 Ani buwa ibubi nde ami agali hongohe mini lene pira tebira (30) biarunaga haguane ibu hene. Anigo ibu agali tebirali dabene mini lene daliga hayagobi ndo howa mini lene dege hene.   
\p
\v 22 Kabasele tanoali Yahoiada igini Benaia mbira henego ibubi nde ami agali hongohe uruni aria dege mbirago hene. Ibugua wai biraha wai hongo howa taraore mbira biaga howa ibugua horo mbirungi Moabali ami agali hongohe kira bo palu bini. Horo mbirungi nde Benaia ibugua dege Isaraele dindiha dindiguni ibira halu dagare biaga wiangi egeandaha gundu uli mbira wiagoha anda puwa gabua mbira budi ale timbuni mini laiono hearia handa walia halu bo wahene.  
\v 23 Horo mbirungi nde ibugua dege Iyibiali mbira timbuni luore magi mida kira heago balu homelene. Iyibiali ogoni ibu yandare timbuni mbira yu heagola Benaia ibu kango hangu yu henego yalu hapara howa libu baga baga bialu howa Benaia ibugua agali biago ibuninaga yandare yiago gingila muwa ibuni yandare ogonime nogoba hayagola homene.  
\v 24 Benaia ibu Yahoiada igini howa ibugua nabibehe maru urunidagua bigi binigome ibubi nde agali hongohe mini lene tebirali biarubi dege hene.  
\v 25 Ani howa ibu ami agali hongohe mini lene pira tebira (30) biaruni yu wahalu ibu bolanguahe hene. Anigo ibu agali tebirali dabene mini lene daliga hayagobi ndo howa ibu mini lene dege hene. Ani heagola Debidihanda Benaia ibugua ami agali kini ibuni mamage haga hearu haru haga helo dabo helene.   
\p
\v 26-47 Ami agali hongohe henedaruni marunaga mini uru. Yoaba hamene Asahelebi Bedeleheme tanoali Dodo igini Elehananabi hene. Ani bialu Harodo dindiha howa ibini Samodo Pelede tanoha howa ibini Helese Tegoa tano howa ibini Igese igini Ira imaru hene. Anadodo tanoali Abiesebi Husa dindiha howa ibini Sibegaibi Ahoho hameigini aria mbira Ilaibi Maharai Heledela libu Nedoba tanoha howa ibinigo libubi hene. Helede ogoni ibu Bana igini hene. Ani bialu Beniyamini hameiginiru daluha Gibea tano wiagoha howa ibini Libai igini Idaibi Piradono tanoali Benaiabi hari Gasaha wiagoha kaware dege dindi ulini mbira wiagoha howa ibini Hurai imaru hene. Ani bialu Araba tanoali Abielebi Bahurumu dindiha howa ibini Asamabedebi Salabono tanoali Eliababi Gisono dindiha howa Hasemebi Hara dindiha howa ibini Sagi igini Yonadanabi Saga igini Ahiamabi hene. Ani bialu Uru igini Elibala ibini Megera dindiha howa Hebebi Pelono dindiha howa Ahiyabi Kamelo tanoali Heserobi Esebai igini Narai imaru haga bini. Nadana hamene Yoelebi Hagari igini Mebihabi Amonoali dindihayagi howa ibini mbira nde Selege mbira henego ibubi Berodo tanoali Yoabanaga yandare timuru yahaga Naharai mbira henegobi Yadiri hameigini aria kirali Ira Garebela henego labobi hene. Hidiali mbira Uraiabi Ahalai igini Sabadabi Sisa igini Adinabi ibu Lubene hameigini howa amiali pira tebira (30) haru henegobi Maga igini Hananabi Midanali Yosabadabi Asaderali Usiabi Aroe tanoha howa Hodama igini Sama Yailela ibinirubi Simiri igini Yadiele Yohala Tisi tanoha howa ibinirubi Mahaba dindiali Elielebi Elenama igini Yaribai Yosabiala libubi Moaba dindiali Idimabi Sobali Eliele Obede Yasiele tibi uruni bibahende ami agali hongohe mini lene hene.   
\c 12  
\s1 Beniyamini hameigini maru Debidinaga ami agali henego ogo  
\p
\v 1 Kisi igini Solohanda Debidi bo wahole talima ibaga bialu heangi Debidi ibu ibida puwa Sigilaga tanoha ha do hene. Ani ha do hearia ami agali hongohe marume Debidinaga wai bia hole ibini.  
\v 2 Tigua danda timume bolenebi ege to̱le̱ emene pume yuwa bolenebi gi tigame balu gi lemebi baga mugubeore heneya. Agali uruni ti Beniyamini hameigini Solo ibu aria dege heneya.   
\p
\v 3-7 Tinaga ami agali haru haga Ahiesebi ibu hamene Yoasabi libu kirabali Gibea tanoali Sema henego igini hene. Ami agali maru henedarunaga mini uru. Asamabede igini Yasiele Peledela libubi Anadodo tanoali Beraga Yahula libubi Gibeono tanoali Isimaiabi hene. Isimaia ibu Debidinaga ami agali hongoheore mini leneru pira tebira (30) hearunaga haru haga agali haguane hene. Beniyamini hameigini agali maru mini Yaremaia Yahasiele Yohanana Yosabada imaru uruni ti Gedera tanoali hene. Agali maru Elusai Yarimodo Bealaia Semaraia Sebadaia imaru ti Haribiali hene. Kora hameigini Elegana Isaia Asarele Yoese Yasobeama imaru hene. Yoelabi Sebadaiabi libu Gedo dindiali Yarohama igini hene.   
\s1 Gada hameigini maru Debidinaga ami agali henego ogo  
\p
\v 8 Debidi ibu dindi ko iba dalu naibaga wiagoha ha do hole pu hearia ami agali hongoheore Gada hameigini maru hearu Solo helalu ibini. Agali uruni ti ami agali hongohe gibiore howa ti humbi yandarebi yuwa wai biaga pari wayali hene. Tigua wai pora birangi tinaga dengui nogo gabua laiono ale hiriribi gibiore howa wai biaga. Ani buwa gerai ledaha agali gerai ndo aube toba pialu biango dudu hari bareha hagame dai laradagua biaga hene.   
\p
\v 9-13 Agali uruni ti mini uru. Agali haguane mini mbira Ese mende Obadaia tebone Eliaba mane Misimana dauni Yaremaia waragane Adai kane Eliele halini Yohanana dini Elesabada pini Yaremaia mende beane Magabanai layaru hene.   
\p
\v 14 Gada hameigini agali uruni ti ami agali bayale dege hene. Ani howa ti maru wai biaga mandabi hearume wai bialu agali mbira hangume ami agali daosini mbira (1,000) haru haga hene. Maru wai bulene bayuwa manda nabi hearume ti ami agali handari mbira (100) haru haga howa wayali habehe dege hene.  
\v 15 Mali mbiranaga ege mbira layagola Iba Yodana li timbuni daligaore wiangi agali uruni tigua Iba Yodana domaede halu puwa wali agali iba doma edeyagi dindi ulini panda panda wiagoha abene ni tagira ibiragohayagibi ni paliragohayagibi hearu baba wai bialu bibahende bo taliatogo layagola ibida pugu pugu bini.   
\s1 Yuda hameiginibi Beniyamini hameiginibi maru Debidi heba hamaga henego ogo  
\p
\v 16 Horo mbirungi Yuda hameigini marubi Beniyamini hameigini marubi ti Debidi ibu dindi ko dalu naibaga wiagoha ha do hearia ibini.  
\v 17 Debidihanda ti lola ho puwa tihondo lalu, Tí nenegeme ibagadagua ibalu i̱ biamogo bule ibirimiyagua nde i̱ tínaga nenege holene turuho kogoni. Ani ndo tígua i̱ waitigi karuhondo mini mule ibirimiyagua nde bi ogo tíhondo heneneore larogo hale halimu. I̱na tí mo ko holene mbira nabiore kogola i̱hondo ko ogoni bule ibirimiyagua ina mamalirunaga Ngode Datagaliwabe kago ibugua manda bu howa tí ko beremi lowa pani ngulebira, lene.   
\p
\v 18 Ani layagola agali mbira mini Amasai heagoha Ngode Datagaliwabenaga dinini karula hayagola Amasaihanda Debidihondo lamialu lalu, Yasi igini Debidi-o ina í̠ aria kamagoni. Í̠naga Ngode Datagaliwabehanda í̠ biamogo bialu handayaho kagome agali í̠ heba haga karu tígua wai bialu wayali haabo halimulo hameledo, lene. Ani layagola Debidihanda agali uruni ibunaga ami agali haguane helo helai hene. Mani howa Amasai ibu Debidinaga ami agali hongoheore pira tebira (30) hearunaga haguane helo dabo helene.   
\s1 Manase hameigini maru Debidinaga ami agali hole ibinigo ogo  
\p
\v 19 Debidi ibu Pilidialiru heba Solo baba wai bule piyagola Solonaga ami agali Manase hameigini maru hearu Debidi baba hamaga halu pene. Anigo ai Pilidialinaga kini hearume Debidi ti heba napole layagola wahene. Anidagua layadago irane Debidi ibu abale Solonaga biabe biahaga hayago Pilidiali ti manda buwa Debidi ti heba Solo baba wai bule piyagua Debidihanda beregeda dai bialu Pilidiali ti baba wai bulubada lo manda bialu waha lene. Pilidiali kini hearu tigua bi dindiha ohowa lo mbira halu Debidi ibu Sigilaga dindini daibilene.  
\v 20 Debidi ibu Sigilaga dai bialu howa Manase hameigini ami agali biaru ti haru mandagi dai bini. Agali o piyadaruni mini Adana Yosabada Yadiele Maigele Yosabada mende Elihu Siledai imaru pene. Ami agali uruni Manase dindiha howa ti hangu hangume ami agali daosini mbira mbira (1,000) haru haga henego Debidi hearia ibugu bini.  
\v 21 Agali uruni ti ami agali bayale hongohe heago hondowa Debidihanda ti ibunaga ami agali haru haga helo helaga bini. Debidihanda agali pagebibi wai biaga hearu baba wai bule piyangi ami agali uruni tigua Debidi biamogo bialu wai bule pene.  
\v 22 Horo bibahendengi agali mbira mbira ibugu bialu Debidinaga ami agali hole ibaabo hene. Ani biyagola Debidinaga ami agali dewaore hene.   
\s1 Isaraeleali bibahendeme Debidi kini helo biamogo bule manda binigo ogo  
\p
\v 23 Debidi ibu Heberono tanoha hearia ami agali dewaore ibalu Anduane Homogohanda layadagua tigua Debidi Solo henegoria kini ha aribia helo dabo helole ibini. Ti ibalu wai biagane ale bibahende mo yai halu ibini. Ti ibinidaruni daga ogodagua.\x + \xo 12.23 \xt 2 Sml 5.1-3\x*   
\p
\v 24 Yuda hameigini ami agali daosini dege waragariani handari halirame (6,800) wai humbi yandareru yalu ibini.   
\p
\v 25 Ani bialu Simeono hameigini ami agali daosini kariani handari mbira (7,100) ibini. Agali uruni ti ami agali hongo howa wai biagane mana baya hangu manda biaihe ibini.   
\p
\v 26-27 Libai hameigini daosini mariani handari waragaria (4,600) ami agali dege anda ibini. Ti heba Arono aria Yahoiada ibu agali haguane henego ibu aria ami agali daosini tebirani handari karia (3,700) ibini.   
\p
\v 28 Ani bialu igiri daliahe mbira mini Sadogo ibu Libai hameigini dege howa ami agali hongohe henego ibu heba ibu aria agali pira kirani kira (22) haru ibalu ti ami agali haru haga hongoheru dege ibini.   
\p
\v 29 Solo ibuni aria Beniyamini hameigini hearubi ami agali dege daosini tebira (3,000) anda ibini. Abale howa agali uruni ti Solo baba haganego wahalu Debidi hearia ibini.   
\p
\v 30 Eberaimi hameigini ami agali daosini dege pira kirani handari halira (20,800) anda ibini. Agali uruni tini dindiha howa ti dameneme ti agali hongoheore heago de hendene.   
\p
\v 31 Manase hameigini halu mende ni paliragohayagi hagaru ti daosini pira mbirani halira (18,000) ibini. Agali uruni ti dameneme dabalu Debidi kini helole Heberono pudaba laya handala ibini.   
\p
\v 32 Isaga hameigini handari kira (200) ti ami agali haru haga dege howa tinaga ami agali tini andaneha haga hearu bibahende haru ibini. Ami agali haru haga uruni mini gigabiwi howa tigua Isaraelealime bilonaga hariga mo walia holene ti mandabi hene.   
\p
\v 33 Sebulunu hameigini ami agali daosini pira duria (50,000) ti hongoheore hangu ibini. Tigua wai biagane aleru bibahende mo yai halu mini mbiraore halu Debidi pele muleore eberemagoni lalu ibini.   
\p
\v 34 Nabadali hameigini ami agali haru haga haguane dege daosini mbira (1,000) ibalu tinaga ami agali daosini dege pira tebirani karia (37,000) haru ibini. Tigua wai humbi yandarerubi mo yai halu ibini.   
\p
\v 35 Dana hameigini ami agali daosini dege pira kirani halira handari waragaria (28,600) ibini. Agali uruni ti wai bule manda mandabu haabo haga hene.   
\p
\v 36 Ami agali Ase hameiginiru daosini pira maria (40,000) ibini. Agali uruni tibi nde wai bule manda manda bu hagago dege ibini.   
\p
\v 37 Lubene hameiginibi Gada hameiginibi Manase hameigini halu mende biarubi ti Iba Yodana ni tagira ibiragohayagi haga hearu bibahende wai biagane danda timu yandareru mo yai halu ami agali daosini dege handari mbirani pira kira (120,000) ibini.   
\p
\v 38 Ami agali uruni tigua wai biagaru ale mo yai halu Heberono tanoha íbu ngoai hene. Ti bibahendeme mini mbiraore howa Debidi ibu Isaraele wali agali bibahendenaga kini helolenego dege mandabu yalu ibini. Isaraele wali agali maru hearume nde ani dege manda biaiho hene.  
\v 39 Agali uruni ti Debidi heba horo tebiru Heberononi hene. Ani heagola tinaga wali agali bu hearume tomo dewa dawa manda manda biyagola tigua tomo uruni nalu hene.  
\v 40 Anidagua bialu heagola Isaraele wali agali bibahendeore hameigini uyura paliamaro bini Isaga dindiha hearubi Sebulunu dindiha hearubi amuraore Nabadali dindiha hearubi bibahendeoreme turu timbuni halu tigua tomo tara tara yalu Heberono tanoni íbu ngoai hene. Tigua balawa bayalerubi gerebi lini do gembe bu winirubi poge lini ale do gembe bu winirubi waini ibabi olibe lininaga welibi dewaore yalu ibugu bini. Tigua tomo uruni nogo dongi kamele bulumagarunaga erekunini mo pagaho ngelowa yalu ibugu bini. Ani bialu nogo sibi bulumagaru wali agali ti bo dawa nelo haru íbu dege bini.   
\c 13  
\s1 Habo Nalolene Bi Lo winigonaga Mbogoyi Yarusaleme mo yalu ibinigo ogo  
\r (2 Samuele 6.1-11)  
\p
\v 1 Debidihanda ami agali ti marume ami agali daosini mbira (1,000) haru haga hearubi handari mbira (100) haru haga hearubi bibahende mo ngoai hene.  
\v 2 Ani íbu heagola Debidihanda tihondo lalu, I̱na bi larogo hale howa tí bibahendeme e̱ laramiyaguabi Anduane Homogo inanaga Ngode Datagaliwabe ibugua hame layaguabi ina Isaraele wali agalihondobi \w loma\w* binigo mo miagahondobi \w Libaiali\w* tihondobi ti bibahende ina kamaria ibai helo bi lo pelami̱ya.  
\v 3 Ti ani ibai howa Ngode Datagaliwabenaga Habo Nalolene Bi lo winigonaga Mbogoyi Solo ibu kini heangi nagaloneda lowa harimago ogoni ai iname mo mali̱ya, lene.  
\v 4 Ani layagola hale howa wali agali bibahendeme turu halu, Ani bimi̱ya, lalu lai hene.   
\p
\v 5 Debidihanda Habo Nalolene Bi lo winigonaga Mbogoyi Kiriada Yarimi dindi wiaria Yarusaleme tanoni yalu ibilo ibugua Isaraele wali agali iba Siho peago Iyibi dindi tubari unugohayagi henerubi Hamada dindi uyugohayagi henerubi mo ngoai hene.\x + \xo 13.5 \xt 1 Sml 7.1-2\x*  
\v 6 Ani íbu heagola Debidihanda wali agali uruni bibahende haru halu Yuda dindinaga Bala tano wiagoria Ngode Datagaliwabenaga Habo Nalolene Bi lo winigonaga Mbogoyi biago ogoniha wiagola mo yu dai bule pene. Mbogoyi ogoni Anduane Homogonaga laga wini. Mbogoyi ogoninaga daligahayagi dahuliyali handalehe kira wabu helowa ogoni Anduane Homogo ibuni handame ho howa biragane dagia ogoni laga wini.\x + \xo 13.6 \xt Har 25.22\x*  
\v 7 Anigo ti Abinadaba anda heagoria pialu Anduane Homogonaga Mbogoyi biago wiaria hendene. Hondowa tigua Mbogoyi biago nogo bulumaga kirame gili laga garo ale mini karisi gahenge mbira wiagoria yalu pole mo paga hene. Mo paga halu harigani yalu pialu howa Abinadaba igini kirali Usa Ahiolame gili laga garo ale karisi biago haru halu pene.  
\v 8 Debidibi Isaraele wali agali bibahendebi turu howa mali lialu ngida ale balu tabagabi balu ngi̱li̱nge̱le̱ laga bilonaga mbirale tara tara wiarubi mo ema bia halu mbelo biguli ale pulalu iba gana lama garo ale karisi biago heba mandagi pialu Anduane Homogonaga mini yaraga hama pialu hene.   
\p
\v 9 Ani bima pialu widi lini ibira halu aeane puyabume yu pelonaga bo taulaga agali mbira mini Kidononaga anda heagoria tagira pene. Dindi ogoriani nogo bulumaga biago labome Anduane Homogonaga Mbogoyi biago mo ema biyagola ibira habehe wini. Ani ibira hole biyagola Usahanda Mbogoyi biago abale yania hene.  
\v 10 Usahanda Anduane Homogonaga Habo Nalolene Bi lo winigonaga Mbogoyi biago bame mo yo hondowa yania hayagola Anduane Homogohanda keba timbuniore howa Usa bayagola abale ogoriani homo ibira hene.  
\v 11 Ani biyagola Debidi ibugua Anduane Homogohanda ogoni biyago hondowa keba hene. Horo keba hayadangi howa dindi ogoni mini Perese Usa laga winigo nga.\f + \fr 13.11 \ft Dindi mini Perese Usa ogoni inanaga bi lalu, Anduane Homogohanda Usa Bo wahene, laga winigo nga. Mini ani wiyadagoni áyu ina kamangi manda bialu ndo abale agali mbuga ogo gili binidangi howa manda bialu leda.\f*   
\p
\v 12 Debidi ibugua ogoningi Anduane Homogohondo gi howa lalu, Anduane Homogonaga Habo Nalolene Bi lo winigonaga Mbogoyi ogo i̱na aguaore ngelo hole mo yalu poliyadabe, lene.  
\v 13 Ani lowa Debidi ibugua Anduane Homogonaga Mbogoyi biago ibunaga tano Yarusaleme nayupe wahalu hariga mendeha yu pubagi halu pene. Puwa tano mbira mini Gede winigo ogoniali mbira mini Obededomo henego ogoni ibunaga anda mo ngelene.  
\v 14 Agali Obededomo biagonaga andaha ngelo heane ege tebira pene. Ani ngelo heagola Anduane Homogohanda Obededomobi ibunaga waneigini damenerubi bibahende mo bayale hai hene.\x + \xo 13.14 \xt 1 Bit 26.4-5\x*   
\c 14  
\s1 Kini Debidi ibu Yarusaleme howa bialu henego ogo  
\r (2 Samuele 5.11-16)  
\p
\v 1 Taianaga Kini Hiramahanda ibunaga agali maru Debidi hearia ibilene. Ani ibilowa ibugua ira tamia bayale dibu yalu agali anda biaga mandabi maru ege to̱le̱ podaga mandabi marubi tihondo lalu, Tígua Kini Debidinaga anda timbuni mbira bule pudaba, lene.  
\v 2 Urunidagua biyago hondowa Kini Debidi ibugua manda bialu hearia Anduane Homogohanda i̱ heneneore Isaraele wali agalinaga kini helenego kogoni lo manda bini. Ani manda buwa Debidi ibugua Anduane Homogohanda ibunaga Isaraele wali agalirubi biamogo bulenaga biabe hongohe timbuni ogoni biyadalo manda bia dege bini.  
\v 3 Debidi ibu Heberono tano wahalu Yarusaleme hole piyangi howa ibugua wali maru dabu bialu waneigini dewa halu bini. Ibu one maru ala dabu biniru ti bira dege buwa uruni ti haru bibahende Yarusaleme mandagi pu berene. Ani pu biruwa ibu one urunime Yarusalemeni waneigini dewa dege taba henene.  
\v 4-7 Debidi igini Yarusalemeni taba henenedaruni tinaga mini uru Samua Sobaba Nadana Solomono Ibihara Elisua Elebelede Noga Nebege Yabia Elisama Beliada Elibelede imaru hene.   
\s1 Debidihanda Pilidiali bo podahana halu wayali henego ogo  
\r (2 Samuele 5.17-25)  
\p
\v 8 Pilidia wali agali hearume hale halu hearia Isaraele wali agalime Debidi tinaga kini heleda layago hale hene. Ani hale howa tinaga ami agali hearume wai bialu Debidi minule pene. Ibu minule ibira layago hale howa Debidi ibu Pilidiali baba wai bule pene.  
\v 9 Pilidia ami biaru abale ibalu Lebaimi dindi ulini wiagoria anda ibuwa mbirale bibahende wiaruni ti mo yai hene.  
\v 10 Ani anda íbu heagola Debidihanda Anduane Homogohondo hale halu lalu, I̱na Pilidiali uruni baba wai bule poabe. Wai bule piruyagua i̱na ti bai halu wayali holiya í̠na i̱ biamogo buleberebe, lalu hale hene.  
\p Ani hale hayagola Anduane Homogohanda ladai bialu lalu, Karulapego i̱na í̠ wayali habelo waitigi uruni í̠naga giha minu ya holeberogo wai bule pu, lene.  
\v 11 Ani laya handala Debidi ibu Bala Perasimini dindi puwa Pilidiali biaru baba wai bialu wayali hene. Wayali howa Debidihanda lalu, Anduane Homogohanda iba li hongohe poradagua bialu i̱ waitigi hearu bo gialo yaga bima yupe hayagoni, lene. Anidagua binidagonaga dindi ogoni mini Anduane Homogohanda Bo Gialo Wahene laga wini.  
\v 12 Pilidiali biaru ti ibida pialu tinaga dama mitangi bialu bi pupu wulenaga gime wabini yu heneyaru yu wahalu piyiyagola Debidi halu ibunaga ami biaru tigua mo yuwa irani delai hene.   
\p
\v 13 Ani bialu pu heagola Pilidia ami biaru Lebaimi dindi ulini biagoria wai taya lone dai buwa mbirale wiaru mo yalu hene.  
\v 14 Ani heagola Debidi ibugua Anduane Homogohondo hale halu lalu, I̱na agua buabe, lene. Ani layagola Anduane Homogohanda lalu, Tígua wai bule pudaba. Pialu howa waitigi kagoha abale pogolape halu napilimu. Ohalu ti erembira ngagohayagi puwa amu ira mini balasama kagoha wai bule manda manda bu halimu.  
\v 15 Ani howa hale halu kamiria agali maru uyu ira manemaneha tidiyu howa wai dagia ale balu haruane hale holeberemi. Anidagua balu haruane hale harimiyagua Pilidialiru baba wai bule i̱ni ala bamba halu piarua lo manda bialu tígua wai bule gerai pialu wai bilimu, lene.  
\v 16 Ani laya handala Debidi ibu Anduane Homogohanda layadagua bialu puwa Isaraeleali ami biarume Pilidiali ami biaru mo ko howa bo podama pialu Gibeono tanoni bo podahana halu amuraore Gese tano puabo hene.  
\v 17 Dindi tara taraha hameigini tara hearume Debidihanda biyagoni hale hayagola Anduane Homogohanda ti mo gi hene.   
\c 15  
\s1 Habo Nalolene Bi lo winigonaga Mbogoyi Yarusaleme yalu ibule mo penego ogo  
\p
\v 1 Debidihanda ibunaga anda dewa Yarusalemeni binigo ai Yarusaleme Debidinaga tano laga wini. Ani bialu ibugua Ngode Datagaliwabenaga Habo Nalolene Bi lo winigonaga Mbogoyi biago wulene dindi henge mo manda manda buwa ogoriani balai anda bu helene.  
\v 2 Ani buwa Debidi ibugua lalu, Anduane Homogohanda \w Libai\w* hameigini dabowa ti hangume Habo Nalolene Bi lo winigonaga Mbogoyi ogoni mo yulenebi tigua ibunaga biabe bialu haabo holenebi nga laya, lene.\x + \xo 15.2 \xt Man 10.8\x*  
\v 3 Ani lowa Debidihanda Isaraele wali agali bibahende olo mogo buwa Habo Nalolene Bi lo winigonaga Mbogoyi ogoni ibugua henge mo manda manda bu wiyagoria ngelo mo yu pudaba lole olene.  
\v 4 Ani bialu ibugua \w loma\w* binigo mo miaga Arono aria bu hearubi Libaiali hearubi mo ngoai hene.  
\v 5 Libaiali uruni tinaga mini uru. Kohada hameigini Uriele henego ibu haguane howa ibugua agali ibuni aria handari mbirani pira kira (120) haru haga hene.  
\v 6 Ani bialu Merari hameigini Asaia henego ibu haguane howa ibugua agali ibuni aria handari kirani pira kira (220) haru haga hene.  
\v 7 Gesono hameigini Yoele henego ibu haguane howa ibugua agali ibuni aria handari mbirani pira tebira (130) haru haga hene.  
\v 8 Elisabana hameigini Semaia henego ibu haguane howa agali ibuni aria handari kira (200) haru haga hene.  
\v 9 Heberono hameigini Eliele henego ibu haguane howa ibugua agali ibuni aria pira halira (80) haru haga hene.  
\v 10 Usiele hameigini Aminadaba henego ibu haguane howa ibugua agali ibuni aria handari mbirani hombearia (112) haru haga hene.   
\p
\v 11 Ani bialu Debidihanda loma binigo mo miaga Sadogobi Abaiadabi heba Libai hameigininaga agali haguane waragaria Uriele Asaia Yoele Semaia Eliele Aminadaba biaru bibahende ibilo olene.  
\v 12 Ibiyagola ibugua tihondo lamialu lalu, Libai hameigini agali haguane kamiru tíni heba tí aria bu karuni bibahende Anduane Homogonaga deni tíni dodo nahe hole biaga mana ngadagua bilimu. Anidagua biai howa Anduane Homogo Isaraelenaga Ngode Datagaliwabe kagonaga Habo Nalolene Bi lo winigonaga Mbogoyi biago Yarusalemeni dindi i̱na mo manda manda bidogoria ngelo mo yalu ibalimu.  
\v 13 Ai iname pigane mo pirimangi tí baba mandagi mo pu nabirimagoni ndobe. Iname mo yu ibalu howa Anduane Homogo inanaga Ngode Datagaliwabehondo agua yalu ibuleberemabe lalu hale nahe howa mana tigabi bulene wiadagua nabi bame yu ibalu hemaria ibugua inahondo keba halu minu baya, lene.   
\p
\v 14 Ani layagola Libai hameigini hearumebi loma binigo mo miaga hearumebi Anduane Homogo Isaraele wali agalinaga Ngode Datagaliwabe ibunaga Habo Nalolene Bi lo winigo Mbogoyi biago mo yule howa tini Anduane Homogo deni dodo nahe holenaga mana biaga winigo bini.  
\v 15 Ani buwa Libai hameiginidarume Mbogoyi ogoni mo yalu ibule howa tigua bamba Anduane Homogohanda Mosesehondo lalu, Habo Nalolene Bi lo winigonaga Mbogoyi ogoni mo yule howa mana ogodagua bilimu, lalu lowinigo bialu mo yule pene. Tigua Mbogoyi ogoni iraho yulenaga ira helagago payani yalu pene.\x + \xo 15.15 \xt Har 25.14\x*   
\p
\v 16 Ani bialu Debidihanda agali Libai aria biaruhondo lamialu, Agali marume Habo Nalolene Bi lo winigonaga Mbogoyi mo yalu ibalu howa ngida aleru balu iba ganaru lama mo yalu ibalimu, lalu lamini. Tígua ngida aleru hongo howa balu pilipe hongo howa pulalu ngi̱li̱nge̱le̱ lagane beledi boronosime wabini ngaru hongo howa balu tí turu timbuni kamigo walia halu lama ibalimu, lene.  
\v 17-21 Ai agali haguane biaru tigua agali mbira mini Yoele igini Hemana dabalu ibu damene Beregaia igini Asababi Kusaia igini Edanabi ti dabene. Agali uruni tigua iba ganaru lalu beledi boronosime wabiniru ngi̱li̱nge̱le̱ lagane belo dabene. Ani biyagola Libaiali marume agali tebirali uruni biamogo bialu tigua ngida ale tara bi daliga ladaga haga wiaru belo dabene. Agali ngida uruni ale baga biaru ti mini Segaraiabi Yasielebi Semiramodobi Yahielebi Unibi Eliababi Maseabi Benaiabi dabo helene. Ani bialu agali marume ngida ale tara bi dindihaore ladali haga wiago belo dabene. Agali uruni ti mini Madidaiabi Elibelehubi Miginaiabi Asasaiabi dabalu Obededomo Yaelela libu agali Anduane Homogonaga anda haraba wiago mamage haga biagobi dabene.   
\p
\v 22 Agali mbira mini Kenanaia heago ibu iba gana lolenebi ngida ale tara tara bolenebi manda biaihe henego ibugua Libaiali uruni bibahende biabe ogoni bayuwa bilo handayaho haabo helo dabo helene.  
\v 23-24 Ani dabalu agali mariali Beregaiabi Eleganabi Obededomobi Yahaiabi tigua Habo Nalolene Bi lo winigonaga Mbogoyi handaya howa mamage helo dabo helene. Loma binigo mo miaga marume Mbogoyi yalu poragola ti bamba halu biguli pu lama pelo dabo heleneru ti mini uru. Sebanaia Yosabada Nedanele Amasai Segaraia Benaia Eliesa laga biyaru hene.   
\s1 Anduane Homogonaga Habo Nalolene Bi lo winigonaga Mbogoyi Yarusaleme yalu ibinigo ogo  
\r (2 Samuele 6.12-22)  
\p
\v 25 Mani howa Kini Debidi ibubi Isaraele agali haguanerubi ami haru hagarubi ti bibahende Obededomo andaga puwa Anduane Homogonaga Mbogoyi biago Yarusalemeni mo yu dai bule pene. Anidagua yalu ibiyagola wali agalime turu timbuniore hene.  
\v 26 Ngode Datagaliwabehanda Libaiali Mbogoyi biago mo yalu piyaru biamogo biyagonaga tigua nogo bulumaga wangabe kariabi sibi dalua haba tigi kariabi ibuhondo loma bialu bo delene.  
\v 27 Debidi ibunibi Libaiali Mbogoyi biago yu hayarubi iba gana lalu hagarubi tinaga haru haga agali mini Kenanaia ibubi aga pele taraore mbira mbira karulaga bini. Debidi ibu aga mende loma binigo mo miaga agalinaga aga mini ebodi karulowa turu halu Anduane Homogonaga mini yaraga halu turu hama pene.\f + \fr 15.27 \ft Aga mini ebodi Har 25.7 garea lo ngago handabe.\f*  
\v 28 Ti ogonidagua bialu Anduane Homogonaga Habo Nalolene Bi lo winigonaga Mbogoyi biago Debidibi Isaraele wali agalibi tigua Yarusaleme mo yalu pene. Tigua turu timbuni howa ga̱ lalu ngida ale tara tara balu pilipe ale pulalu bigulibi pu lama pene.   
\p
\v 29 Tigua Mbogoyi biago Debidinaga tano biagoria yu anda ibiyagola Solo wane Migala ibu andaga windoha handatagi halu hearia ibu agalini Kini Debidi ibu turu howa mali lima pogoladaga haga bima ibalu hearia hendene. Anidagua biyago hondowa Migala ibugua turu nahe howa Debidihondo keba howa yo hondo berene.   
\c 16  
\p
\v 1 Tigua Mbogoyi biago yalu puwa Debidihanda balai anda mbira ala bu manda mandabu helenegoha mo ngelene. Ani ngelowa tigua loma biniru irame dai helo bo delalu Anduane Homogola ho gimbu bulenaga loma binirubi bo mialu bini.  
\v 2 Loma uruni delai howa Debidihanda wali agali bu hearuhondo lalu, Anduane Homogo kago ibugua tí mo bayale helo, lene.  
\v 3 Ani lowa Debidihanda wali agali uruni tomo nelo mini. Debidi ibugua tihondo mberedi mbira mbira ta halu nogo bo hiririmigonaga mbirinibi gerebi lini maru do gembe bu wiarubi wali agali hearu mbira mbira ta halu nai helo miyagola nalu tini andaga pugu pugu bini.   
\p
\v 4 Debidi ibu \w Libaiali\w* maru ti Habo Nalolene Bi lo winigonaga Mbogoyi wiagohayagi puwa Anduane Homogo Isaraele wali agalinaga Ngode Datagaliwabe mini mo yaraga halu iba gana lelo dabo helene.  
\v 5 Asaba ibu haguane howa haru helobi Segaraia ibu biamogo bilobi dabo helalu agali maru Yaiele Semiramodo Yahiele Madidaia imaru Eliaba Benaia Obededomo Yaiele imaru ti nde ngida ale baga helobi Asaba ibu ngi̱li̱nge̱le̱ lagane beledi boronosime wabini balu helobi dabo helaga bini.  
\v 6 Ani buwa Habo Nalolene Bi lo winigonaga Mbogoyi wiagohayagi puwa \w loma\w* binigo mo miaga Benaia Yahasielela libu biguli pulalu helo Debidihanda dabo helene.  
\v 7 Debidi ibugua biabe uruni pigane Asababi Libaiali marubi ti Anduane Homogonaga mini yaraga haga bilo dabo helene.   
\s1 Anduane Homogo mini yaraga halu iba gana lenego ogo  
\r (Iba Gana 105.1-15, 96.1-13, 106.1,47-48)  
\q1
\v 8 Iname Anduane Homogohondo turu howa ka̱i̱ lalu  
\q2 ibu daliga gibiore ka lalu lamiai hami̱ya.  
\q1 Wali agali hameigini dindi tara tarani paluyu pedaru ti bibahendehondo ibugua gibiore uruale biya laga bialu  
\q2 hale hai helo loyogo laga bimi̱ya.   
\q1
\v 9 Iname ibunaga mini mo yaraga halu iba gana lalu hami̱ya.  
\q1 Ibugua mbirale bayale bigi biyarunaga bibahende hale hai helo laraga halu lamiai hami̱ya.   
\q1
\v 10 Anduane Homogo ibu mini tigabiore kago  
\q2 ina ibunaga kamago iname ibuhondo turu hami̱ya.  
\q1 Wali agali Anduane Homogohanda hame ledadagua biaga kamaru ina turuho holene nga.   
\q1
\v 11 Anduane Homogohanda ina biamogo bilonaga ibu karia puabo hami̱ya.\x + \xo 16.11 \xt Iba 24.6\x*  
\q1 Iname Anduane Homogo ibu kagoha kaware haparaho haabo hami̱ya.   
\q1
\v 12-13 Anduane Homogonaga biabe bia hagane Abarahama aguanene kamirubi  
\q1 Anduane Homogo ibunime dabene Yagabanaga aguanene kamirubi  
\q1 tígua Anduane Homogohanda manane tara tara agalime nabiagane ale bigi biyarubi  
\q2 wali agali ko biaga hearuhondo pani migi biyarubi mitangiore biaabo halimu.   
\q1
\v 14 Anduane Homogo ibu inanaga Ngode Datagaliwabe kagoni.  
\q1 Ibunaga mana lo ngaruni wali agali dindi bibahendeha bu karume bilonaga lo nga.   
\q1
\v 15 Ibugua habo nalolene bi lowinigo ngaruni wia ai̱ ai̱ore bulebira.  
\q1 Ibugua bi lo wialu ogoale bulebero laga bialu lo ngaruni  
\q2 mani hama porarume handaga bialu karia wia ai̱ ai̱ore bulebira.   
\q1
\v 16 Ibugua Abarahamala habo nalolene bi lo wialu\x + \xo 16.16 \xt Pig 12.7, 26.3\x*  
\q1 Aisagahondo ogoale bulebero lenegobi heneneore bulebira.   
\q1
\v 17 Anduane Homogo ibugua Isaraelehondo habo nalolene bi lowinigo\x + \xo 16.17 \xt Pig 28.13\x*  
\q2 ogoni wali agalirume bialu haabo helonaga lowini.   
\q1
\v 18 Anduane Homogo ibugua Isaraelehondo lalu,  
\q1 I̱na tíhondo Kenana dindi karulalimulo ngulebero.  
\q2 Dindi ogoni tíbi tínaga waneigini mani holebirarubi  
\q1 tíninaga dindi ogoniore halimulo ngulebero, lene.   
\b  
\q1
\v 19 Ala Ngode Datagaliwabenaga wali agali ti dewa ndo henedaruni  
\q1 ti emene mbira hangu Kenana dindini hene.  
\q1 Ti dindi tene ndo mendeali dindini bame igiri yango pu haradagua bini.   
\q1
\v 20 Ti dindi mbirani baya hangu ho dambolo hene ndo.  
\q1 Ti togolo yalu pialu dindi wiaruni bibahendeha ge hai haga hene.  
\q1 Kini mbiragonaga dindiha puwa emene tigimandi dege halu lone hili yalu pialu  
\q2 kini mende heagonaga dindiha pu halu ani bigi bialu hene.   
\q1
\v 21 Ti ani bu ha heagolabi hameigini maru hongohe hearume ibunaga wali agali uruni hengedope holilono\x + \xo 16.21 \xt Pig 20.3-7\x*  
\q2 Ngode Datagaliwabe ibugua ti mamage hene.  
\q1 Mamage howa ibugua kini hearu talialu  
\q2 ibunaga wali agali urunihondo kagua mbira bulumini lalu lamini.   
\q1
\v 22 Ibugua lalu, I̱naga biabe biahaga i̱nime dabene karu mo ko holemini.\x + \xo 16.22 \xt Iba 105.15\x*  
\q2 I̱naga mana latagi haga karuore mbira ela nahalimu, lene.   
\b  
\q1
\v 23 Anduane Homogohondo iba gana gahenge lolene nga.  
\q1 Ibugua ina haru dai bialu pele ngiyagoni lalu  
\q2 horo bibahendengi wali agali bibahendeme hale hai helo lamiaaboore halimu.   
\q1
\v 24 Ibu daliga gibiore ka lalu hameigini bibahende paluyu pedaru hale hai helo lamilimu.  
\q1 Ibugua biabe timbuni bayale bima piyarunaga wali agali lamiai halimu.   
\b  
\q1
\v 25 Anduane Homogo ibu daliga gibiore kagoni.  
\q1 Iname ibunaga mini uyura mo yaraga haabo halu hami̱ya.  
\q2 Mbirale wali agalime dama mitangi bialu gime wabini ngaru hondowa ina gi holene nawi.  
\q1 Anduane Homogo ibu dege daliga gibi kago  
\q2 iname ibu hondowa dege giho holene nga.   
\q1
\v 26 Wali agali hameigini tara tarame mbirale dama mitangi bialu tini gime wabiniruhondo bi pupu wiagaru\x + \xo 16.26 \xt LBM 19.4\x*  
\q2 uruni bibahende ke̱ howa hangu bialu kagoni.  
\q1 Inanaga Anduane Homogo ibugua hari daligabi  
\q2 mbirale bibahende hariha karubi ngarubi wabinigo  
\q1 ibuni hangu daliga gibiore kagoni.   
\q1
\v 27 Anduane Homogo ibu kini howa wá holenebi mini mo yaraga holenebi ibunaga hangu ngagoni.  
\q1 Ibunaga anda lomabu heleneni mbirale bu ngarume  
\q1 Anduane Homogo ibuni hongohe howa ibuni baya buruguleore agi loabe tobahe kagobi walia ho nga.   
\b  
\q1
\v 28 Wali agali dindini bu kamiru bibahendeme Anduane Homogonaga mini mo yaraga halimu.  
\q1 Ibunaga wá holenebi hongo holenebi daliga gibiore nga lalu ibunaga miniore yaraga halimu.   
\q1
\v 29 Anduane Homogo ibunaga mini timbuni daligaore ngago mo yaraga halimu.  
\q1 Anduane Homogohondo mbirale mbira lomabu migi bule yalu  
\q2 ibunaga andaha anda ibugu bilimu.  
\q1 Wali agali bibahende kamiru  
\q1 Anduane Homogo ibu baya buruguleore kagoria ibalu  
\q2 bulu palialu ibunaga lotu lalu halimu.   
\q1
\v 30 Ibu gibiore kago hondowa tí duru ala lalu halimu.  
\q1 Dindi timbuni o ngagoni ibunime wabu winidagua  
\q2 ema bialu girigurabi mbira nabuleore ngagoni.   
\q1
\v 31 Dindi timbuni ogo í̠bi hari li kego í̠bi libu nde turu halibu.  
\q1 Wali agali tara tara bibahende bu hama pedaru lamialu,  
\q2 Anduane Homogo ibu kini ka, lalimu.   
\q1
\v 32 Iba solowara í̠ nde tigitugu lalu í̠ninaga bi dalimu labe.  
\q1 Mbirale iba solowaraha biru ngamiru tí nde bi ladagadaga bialu tíninaga bi ladaba.  
\q1 Mabu wima pedamirubi mbirale mabuni andaho hama pedamirubi tí bibahende turu timbuniore ho halimu.   
\q1
\v 33 Anduane Homogo ibuni dindi ogo bibahende handagimbu buwa haru hole ibulene tu harangi  
\q1 ira teha ira bu karume turu gibiore howa tininaga bi lalu bi dalimu lagalaga bulebira.   
\b  
\q1
\v 34 Anduane Homogohanda mana bayale biaabo haga kagonagabi\x + \xo 16.34 \xt 2 Bit 5.13, 7.3, Esr 3.11, Iba 100.5, 106.1, 107.1, 118.1, 136.1, Yar 33.11\x*  
\q2 ibunaga gubalini holene ha ho wiaabo haga kagonagabi  
\q1 iname ibuhondo ka̱i̱ lalu hami̱ya.   
\q1
\v 35 Iname Ngode Datagaliwabe inanaga Pele Ngiaga kagohondo bi ogodagua lami̱ya.  
\q1 Í̠na ina bibahende mo mogo bialu  
\q2 waitigi karunaga giha howa yamialu  
\q1 inanaga dindini lone holoma̱ya haru dai bu helabe.  
\q1 Iname í̠hondo turu halu ka̱i̱ lalu  
\q2 í̠naga mini baya buruguleore yaraga halu holoma̱ya í̠na ani bibe larama.   
\q1
\v 36 Anduane Homogo Isaraele wali agalinaga Ngode Datagaliwabe kago ibu mini yaraga hami̱ya.  
\q1 Áyubi maniore howabi ibunaga mini yaraga haaboore hami̱ya.  
\q1 Wali agali bibahendeme ani lowa tigua, Henene aniore bilo.  
\q1 Anduane Homogonaga mini yaragaore hama, lalu hene.   
\s1 Yarusalemehabi Gibeonohabi Anduane Homogo mitangi bialu lotu lolene winigo ogo  
\p
\v 37 Kini Debidi ibugua Anduane Homogonaga Habo Nalolene Bi lo winigonaga Mbogoyi wiaria agali mini Asababi \w Libaiali\w* marubi ti lotu lolene haru haabo helo dabo helene. Horo bibahendengi ti biabe ogoni bulene ngadagua biaabo helo helene.  
\v 38 Yadudunu igini Obededomobi ibu hameigini pira waragariani halirabi (68) tigua Asaba biamogo bilo Debidihanda ti dabo helene. Hosa Obededomola libugua panga haraba mamage haga hene.   
\p
\v 39 Debidihanda loma binigo mo miaga Sadogobi ibu ariabi tigua Gibeono tanoha Anduane Homogo mitangi bialu lotu lolenaga haru helo dabo helene.  
\v 40 Anduane Homogohanda mana lo wialu Isaraele wali agalihondo minigodagua tigua horo bibahendengi egerebagi alendobi nogo bulumaga sibiru lomabu delaga dabu heagoriani nogo bo delai haga wini.  
\v 41 Agali uruni heba Hemana Yadudunula agali maru hearubi ti nde ala Debidihanda Anduane Homogo gubalini haabo hagagonaga mitangi bialu ibu mini yaraga halu iba gana lalu helo dabeneru ti hene.  
\v 42 Hemana Yadudunula libugua biguli alebi ngi̱li̱nge̱le̱ lagane belede boronosime wabu wiarubi bi lagane marubi iba gana lalu Anduane Homogo mini yaraga halu howa baga heneru bibahende haru haga hene. Yadudunu hameigini hearume Anduane Homogonaga anda panga haraba wiagoriani mamage haga hene.   
\p
\v 43 Ani biaiore halu wali agali bibahende andaga pugupugu bini. Debidi ibubi nde ibu one waneiginiru Anduane Homogohanda ti mo bayale helo lowa ibuni andaga hama pene.\x + \xo 16.43 \xt 2 Sml 6.19-20\x*   
\c 17  
\s1 Anduane Homogonaga bi mana latagi haga Nadanahanda Debidihondo bi laminigo ogo  
\r (2 Samuele 7.1-17)  
\p
\v 1 Debidi ibu ibuni andagaha howa mani ibugua Anduane Homogonaga bi mana latagi haga Nadanahondo lalu, I̱ni anda ira tamia bayalegome binigoha bedogodago Anduane Homogonaga Habo Nalolene Bi lo winigonaga Mbogoyi biago dege balai anda biagoha wiaruago tiga nabida, lene.   
\p
\v 2 Ani layagola Nadanahanda ladai bialu lalu, Anduane Homogo ibu í̠la mandagi haabo kagoni. Í̠na mbirale mbira bule manda bidedagua nde bibe laro, lene.   
\p
\v 3 Anigo horo ogoningi mbiraga Anduane Homogohanda Nadanahondo lalu,  
\v 4 Í̠na i̱naga biabe biahaga Debidi karia puwa i̱na bi o larogo ibuhondo lamibe. Debidi-o í̠ agali anda i̱ holiyanaga bia helo dabo heledogo ndo ke.  
\v 5 I̱ anda timbuniha nahaga kogoni. Bamba Isaraele wali agali Iyibi dindiha howa haru tagira pirugongi howabi maruha pu íbu bialubi i̱ balai andaha dege haga harugoni ko.  
\v 6 I̱ni Isaraele wali agali ti haru mandagi dindi dewani ibagabu haabo harimago howa tinaga agali haguane i̱na dabalu helarurunihondo lalu, Ira tamia bayale karume i̱naga anda mbira bia nahe kamigo agibe, lalu hale naharuligoni, lene.   
\p
\v 7 Anduane Homogohanda Nadanahondo laabo halu lalu, I̱naga biabe biahaga Debidihondo au labe, Anduane Homogo Hongo Haiheore kago ibugua í̠hondo bi ogodagua layago hale habe. Í̠ bamba nogo sibi haru haga heria i̱nime í̠ dabalu í̠na Isaraele wali agali haru habelo agali haguane dabo helarugoni ke.  
\v 8 Dindi bibahende í̠ ibaga bialu piriruniha i̱ni iya haru mandagi ibagabu haabo haribagoni. Ani howa i̱nime dege waitigi ibiyaru wai bialu bo podahana haga birugola í̠ wayali harigoni. Ai i̱nime í̠ agali mini lene timbuni dindi maruha karubi dege habelo i̱na í̠ mo yaraga holebero, laya.  
\v 9-10 I̱naga Isaraele wali agali tí bayaleore halimulonaga dindi hobane bayale mbira tínaga mo wia ko. Bambaore agali ko bu hearume tí mo ko haabo hayadagua mani tí mo ko naholebira. Tínaga mamalirume dindi ogo pigane karulayangi howa bialu henego bima ibalu i̱na tínaga agali haguaneru dabo helaga birugolabi tinaga waitigime ti mo ko haabo haya, laya. Ani biyago áyu i̱na uruni ti mo batara harogola urunidagua nabi tínaga dindi ogobi lone mo ko naholebira. Ani kamigola i̱na í̠ dameneru baya hanguore hai helarogola tigua í̠naga aguaneru dewaore helo hono wigi bulebira, laya.  
\v 11 Í̠ homaregola í̠naga mamaliru hora henegoha dege hora kangi í̠ igini mbira kini ha aribia helo dabo helolebero. Ani berogola ibu kini hongoheore mbiralime ibu bope habe nahe holebira.  
\v 12 Kini ogoni ibugua wali agali i̱ni koria kaware ibilonaga i̱naga anda bulebira. Ani biragola i̱na maninaga ibu igini aguanerume dege kini haabo helolebero.  
\v 13 Ani helowa ibu aba i̱ni kogola ibu i̱ igini holebira. I̱na ala Solonaga henge wiago í̠hondo ngule ibu erembira mirugodagua í̠ iginihondo ani nabi gubalini haho wiaabo helolebero.\x + \xo 17.13 \xt 2 Bit 6.18, Hi 1.5\x*  
\v 14 Ani helowa ibunaga waneigini aguaneru halu ereba nahe kini ha aribia haga bima puabo helolebero, laya lalu Debidi lamibe, lalu Anduane Homogohanda Nadanahondo lene.   
\p
\v 15 Anduane Homogohanda bi ogonidagua lamiyaruni Nadana ibugua hale howa Debidi lamiai hene.   
\s1 Debidihanda Anduane Homogohondo bi lalu ka̱i̱ lenego ogo  
\r (2 Samuele 7.18-29)  
\p
\v 16 Nadana ibugua Anduane Homogohanda bi anidagua laya lalu lamiyagola Debidi ibugua hale halu Balai Anda Anduane Homogo ibuni heagoha pu biruwa lalu, Anduane Homogo Bibahende Haru Haame Haga-o í̠na i̱hondo bayale dewaore birida. Ani bialu i̱nibi i̱naga waneigini damene bu karubi ina bayale ndo hemaria anidagua biridagoni.  
\v 17 Anduane Homogo Bibahende Haru Haame Ho Haga-o í̠na i̱hondo bialu hariruni bibahende bayale dege biaabo harigo ai uruni emene degeyane mbirale bayale áyu uruni lone biatago harida. Anduane Homogo-o í̠na i̱ damene mani holebirarubi mo bayale holebero larigo ai i̱ agali nagaloneore kogoni ndobe. Ani ha holiya dege í̠na i̱hondo mbirale bayale timbuni i̱hondo bule ngeru walia harida.  
\v 18 Í̠na urunidagua biridagonaga i̱na í̠hondo bi agua loabe. Í̠naga biabe biahaga agali i̱ kogoni í̠ni manda bide.  
\v 19 Ani manda buwa í̠na bi lo wirigonagabi í̠nime bule hame ledegonagabi áyu i̱hondo í̠naga mana bayale biaga ngego i̱ mo walia kegoni.  
\v 20 Anduane Homogo-o í̠ duniniore kegonigo í̠ ale mende naheore. Ngode Datagaliwabe í̠ hangu kegoni lalu ina mamalirume langigi biyane hale harima.  
\v 21 Ina Iyibi dindiha garabaya hemaria í̠na Isaraele wali agali bibahende garabaya golalu haru tagira ibuwa í̠ninaga wali agali holoma̱ya helarigoni. Ani helowa wali agali maru ina kamarubi naheore. Ina dindi áyu kamagoria ibuluma̱ya í̠na mbirale bayale tara tara nahendene ale wiarubi biai harigola inanaga dindi ogoria ibinigo kamagoni. Wali agali dindi ogoriani ala hene hearu í̠na bo batagi hai halu tinaga dama mitangi bialu gime wabini wiaruni bo gialo wahai harigola dindi dabulu wiaru mo ngirigola karulo kamagoni. Anidagua birigola wali agali dindi bibahendeha karume í̠ mini lene taraore ke lowa í̠naga mini yaraga halu ka.  
\v 22 Anduane Homogo-o ina Isaraele wali agali kamaru í̠ninagaore holoma̱ya dabo helowa ina ani haabo holoma̱ya helarigoni. Í̠nibi nde inanaga Ngode Datagaliwabe haabo ho kegoni.   
\p
\v 23 Anduane Homogo-o áyu í̠na i̱naga dameneruhondobi í̠naga biabe biahaga i̱nihondobi buleore lalu bi lo wiriruni biaaboore habelo hameledo. Í̠na bulebero lo wiridagua bibe laro.  
\v 24 Wali agali bu karume í̠na inahondo anidagua berego hondowa tigua í̠naga mini yaraga helo ani bibe laro. Ani beregola tigua lalu, Anduane Homogo Hongo Haiheore Kago ibu Isaraele wali agalinaga Ngode Datagaliwabe kagoni, lalu í̠naga mini yaraga holebira. Ani lalu kagola í̠na i̱naga aguane holebiraruha howa dege kini helo dabaga bialu haabo holebira.  
\v 25 I̱naga Ngode Datagaliwabe-o í̠naga biabe biahaga i̱hondo lalu, Í̠naga aguaneneru bayale helonaga mo hongo holebero, lalu langirigonaga í̠naga biabe biahaga i̱ni kogome í̠hondo gi nahe howa bi ogoni langerogoni.  
\v 26 Anduane Homogo í̠ni hanguore Ngode Datagaliwabe kegoni. Í̠na mbirale mbira bule lalu lo werego biaore biaga kegoni. Ani biagaore kegome áyu howa i̱hondo heneneore mbirale mbira bule lalu bi lo wirigoni.  
\v 27 Ani bule lalu lo wiridagua bialu i̱naga damene mani holebirarubi í̠ni andaneha howa bayale haabo helo helabe laro. Anduane Homogo-o í̠na bi ogoni heneneore lo wirigome turu howa biamogo buleneru i̱naga aguaneneruha wiaabo holebira manda bido, lalu Debidihanda Anduane Homogohondo bi anidagua lene.   
\c 18  
\s1 Debidibi ibunaga amirubi ti wai bialu wayali henego ogo  
\r (2 Samuele 8.1-18)  
\p
\v 1 Mani emene howa Debidibi ibunaga ami agalirubi tigua Pilidialiru baba wai bini. Ani buwa tigua Pilidialiru bo poda hana hayagola Pilidialirume Gede tanobi tano emene maru kawareni wiarubi handayaho haga winiru wahalu pene.  
\v 2 Ani piyagola Debidibi ibunaga ami agali biarubi tigua Moabaliru baba wai bialu urunibi bo poda hana hene. Ani bialu Moabali uruni minu garabaya buwa ti ibu dagisi migi bialu helo helene.   
\p
\v 3 Ani helowa mani Debidibi ibunaga ami agalirubi tigua Siria dindi mbira mini Soba wiagoha Kini Hadadese heagola wai bule pene. Ogoningi Hadadesehanda ibunaga amiru haru halu dindi mbira iba Yuberedisi poragohayagi waitigime karulo henego ogoni mo yu dai bule wai bu pene. Ani pu heagola Debidibi ibunaga ami agali biarubi tigua harigani lola howa  
\v 4 ti wai bialu Debidi ibu wayali hene. Ani buwa Debidi ibugua Hadadesenaga ami agali dindi dindi piaga daosini dege pira kira (20,000) minu wialu nogo hosini biruwa wai biaga agali daosini mbirani handari karia (1,700) minu wini. Ani bialu nogo hosime gili laga karisi handari mbira (100) mo wini. Ani buwa Debidi ibugua nogo hosi maru karisi handari mbira (100) gili lalu polenaga helalu marunaga ge bo polaga biyagola ge hongo halu pobe nahe hene.   
\p
\v 5 Ogoningi Siriali maru Damasaga dindiha hearu tigua Kini Hadadese biamogo bialu wai bule pene. Ani piyagola Debidibi ibunaga ami agali biarubi tigua wai bialu Sirianaga ami agali biaru daosini dege pira kirani kira (22,000) bo wahai hene.  
\v 6 Ani bo wahai howa Debidihanda ibunaga ami agali maru Sirialime lone heyalu wai ibulilono Siria dindi wiyadagoha mamage hai helene. Ani heleagola Siria wali agali ti Debidi andaneha howa tinibi ibu dagisi migi bialu hene. Dindi mbira mbiraha Debidi wai bule pugu biyagola Anduane Homogohanda ibu biamogo biyagola ibugua waitigi bope halu ibuni wayali haabo hene.  
\v 7 Wai bialu howa Debidihanda Kini Hadadesenaga ami agali haguane hearume humbi ngolome wabini yu haga biniyaru mialu Yarusalemeha yalu pudaba laga bini.  
\v 8 Ani bialu Debidi ibugua ege to̱le̱ boronosi dewaore Hadadesenaga tano kira Tibihada Kunulaha wiaria mo yini. Mani Solomonohanda boronosi ogonime iba dangebi anda gene luni kirabi mbirale tara tara Anduane Homogonaga andaha wiagarubi wabini.\x + \xo 18.8 \xt 1 Kin 7.40-47, 2 Bit 4.11-18\x*   
\p
\v 9 Ani bialu heagola Hamada dindinaga Kini Toi ibu hale halu hearia Debidihanda Kini Hadadesenaga ami agali bu hearu bibahende bope haya layago hale hene.  
\v 10 Ani hale howa Kini Toi ibugua Debidihanda o biyadagoni turu howa ibu igini Yorama Debidi hearia puwa, Í̠na bayuwaore birida lole pu, lene. Kini Hadadesehanda Kini Toi ibu bibahendengi bope haabo haga henego ai Debidihanda Hadadese bope hayadagonaga turu howa ani lene. Ani pu laya handala Yorama ibugua yári tara tara ngolomebi silibamebi boronosimebi wabini wiaru mo yaga binigo uruni Debidi mo turu halu bame migi bini.  
\v 11 Debidi ibugua mbirale uruni yamialu Anduane Homogonaga loma biaho wigi bini. Ibugua dindi maruha wai bialu ngolo silibaru mo yalu dai bigi bini wiarubi loma biaho ngelaga dege bini. Ani bialu ibugua ngolo siliba uruni minidaru Idomo Moaba Amono Pilidia Amalege dindi uruniha howa mo yu ibugu biyaruni loma dege bini.   
\p
\v 12 Ani bialu henego Abisai ibu ai̱ya Seruia berenego ibu ami agaliru haru halu tigua Idomoali hearu baba wai bule dindi mbira mini Dindi Ulini Ibi Wiaga laga wiagoria pene. Ani puwa tigua Idomoali ami dege daosini pira mbirani halira (18,000) bo wahai hene.\x + \xo 18.12 \xt Iba 60\x*  
\v 13 Debidi ibunaga ami agali maru dabalu Idomo dindiha handayaho helo helene. Ani heleagola Idomo wali agali ti Debidi andaneha hene. Dindi bibahendeha Debidi ibu baba wai bialu heagola Anduane Homogohanda Debidi ibugua wai buwa waitigi hearu bo podalu bai helo biamogo biaabo halu hene.   
\p
\v 14 Debidi ibugua Isaraele dindi bibahende handame ho howa ibunaga wali agaliru baba mana bayale tigabi bulene wiadagua dege bialu haga hene.  
\v 15 Ani bialu heangi agali mini Yoaba ibu ai̱ya Seruia berenego igini ibugua ami agaliru haru bamba haga hene. Ahiludu igini Yahosabada ibu beba gili bia dagala biaga howa ibugua gabumanenaga mbugaru handayaho haga haguane mbira hene.  
\v 16 Ahidubu igini Sadogola Abaiada igini Ahimelegela libu Anduane Homogonaga \w loma\w* binigo mo miaga hene. Seraia ibugua kininaga beba gili bia dagala biaga hene.  
\v 17 Ani bialu Yahoiada igini Benaia ibu nde ami agali maru Kini Debidinaga mamage haga Keredeali Peledeali bu hearu haru helo dabo helene. Debidi iginiru ti kininaga biabe hondo haga hene.   
\c 19  
\s1 Debidihanda Amonoali Sirialila bo podenego ogo  
\r (2 Samuele 10.1-19)  
\p
\v 1 Amonoalinaga Kini Nahasa homayagola ibu igini Hanunuhanda ibu aba henegoria Amono dindini kini ha aribia hene.  
\v 2 Ani heagola Debidi ibugua lalu, Hanunu aba Nahasahanda i̱hondo mana bayale bialu hagadagua i̱nabi nde Hanunuhondo bayale dege bialu holebero, lene. Ani lowa Debidihanda agali maruhondo lalu, Hanunu karia puwa ibu aba homayadagonaga duguanda pialu daraba lole pudaba, lene.  
\p Ani laya handala ti Amono dindiha anda pialu Hanunu hearia ibiyagola  
\v 3 Amonoali agali haguane bu hearume Hanunuhondo lamialu lalu, Í̠na mandabu handalu keria Debidihanda agali o pu layadaruni heneneore í̠ aba dara halu ibunaga mini yaraga hole pudaba lene ibiyadalo manda bidebe. Ani ndoyago. Mani ibunaga ami agaliru haru halu ibuwa ina baba wai bulenaga áyu agali urunime inanaga dindi ngamago abidabe diri hondo wule pudaba lenego íbu ka, lene.   
\p
\v 4 Ani layago hale howa Kini Hanunu ibugua agali Debidihanda bi yalu pudaba lene biaru minu yania howa tinaga angari hearu podo wahene. Ani bialu agali uruninaga aga luni biagimbu biaruni podo tubagi howa here panahe heagola tini dalu dai bilene.  
\v 5 Anigo agali biaru ti nde taga timbuni howa tini dalu dai bibe nahe hene. Anidagua biya layago Debidi ibu hale howa ibugua agali biaruhondo bi lo pelalu lalu, Tigua o biyadagoninaga Yarusaleme dai bulenego taga nahalimu. Abale ibalu Yarigo tanoha tínaga angari lone ibilonaga emene hondo halimu. Mani tínaga angari bayale ibidagola nde Yarusaleme dai bilimu, lalu Debidihanda lawia hene.   
\p
\v 6 Ani binigo Kini Hanunubi Amonoali biarubi tigua mandabu handalu hemiria mana lehe o birimagonime Debidihanda ina baba keba helonaga mo tandaga harimadalo mandabu hene. Ani manda bialu tigua agali maru Siria dindiha hearu Mesobodemia dindiha bu hearu bababi agali maru Soba tanoha hearu bababi bi pongo bo wule pene. Dindi uruniha hearu tigua muni siliba kilogarama daosini dege pira tebirani duria (35,000) Mesobodemiali tihondobi Siriali tihondobi wia halu lalu wai biagane garo ale nogo hosime gili lagabi ami agalibi wai bule ibilelonaga bi yalu pelene.  
\v 7 Ani bialu tigua Amonoali uruni biamogo bialu wai biagane garo ale mini karisi daosini dege pira tebirani kirabi (32,000) Kini Maganaga amibi tigua Medeba tano kawareni ibuwa balai anda bu hene. Ani bialu Amonoali tiguabi tinaga ami agali haru halu wai bule anda ibini.   
\p
\v 8 Ogonidagua bialu wai bule agali mo mogo bialu ka layago hale howa Debidi ibugua ami haru bamba haga haguane Yoababi Isaraelenaga ami agali bibahendebi wai bule pudaba lene.  
\v 9 Ani piyagola Amonoali ami biaru tibi nde Laba tano wiagonaga pabe kawareni handayaho hene. Ani heagola tinaga kiniru wai mogo ibiyadaruni ti nde naina dangi wiagoria tidiyu hene. Ani buwa ti bibahendeme Isaraele ami agaliru baba wai bulenaga dege ona tidiyu haga haga bini.   
\p
\v 10 Yoaba ibugua handalu hearia Isaraele baba wai bule ami agali tidiyu haga haga biaru hondowa wai hama kirani talebu ki howa wai bibeheyane hendene. Ani hondowa ibugua Isaraeleali hongoheru maru tale bialu amu dangi wiagoria tidiyu hearu baba wai bule handayaho helowa ibunime haru hene.  
\v 11 Ibu hamene Abisaihandabi nde Isaraele ami agali hearu halu mende haru howa Amonoali hearu baba dege wai bule tidiyu naina handayaho hene.  
\v 12 Ani heagola Yoaba ibugua Abisaihondo lalu, Wai bialu howa handalu keria Sirialirume ina bope habeheyane handarimiyagua nde tígua ina mo hongo halu wai bule abale ibalimu. Iname handalu kamaria Amonoalirume tí bope habeheyagua nde inamebi abale ibalu tí biamogo buleberema.  
\v 13 Ani bimi̱yago tígua wai bialu howa gi nahe hongoho halimu. Iname wai bialu howa inanaga wali agali waneigini andaga bu karubi inanaga tano Anduane Homogohanda ina ngini ngamarubi mitangi bialu wai hongo howaore bimi̱ya. Anduane Homogohanda nde ibunime hame ledadagua bilo laro, lene.   
\p
\v 14 Ani lalu Yoababi ibunaga ami biarubi tigua Siriali bu hearu baba wai bule hapara halu piyagola Sirialiru ti ibida pene.  
\v 15 Amonoali biaru tigua handalu hearia Siriali biaru ibida piyago hondowa Amonoali tibi nde Abisaibi ami agali biarubi ibiya handala ti ibida piai halu tanonaga wai pabe tamuha ha do hai hene. Ani biya handala Yoaba ibugua Amonoali uruni ani helo wahalu ibunaga ami agali biaru haru halu Yarusaleme dai bini.   
\p
\v 16 Siriali biaru tigua handalu hemiria Isaraele agalirume ti bope hayiyane hondowa tinaga ami agali hearu mo mogo bini. Ani buwa tigua agali maruhondo, Siria ami agali maru iba Yuberedisi ange ni tagira ibiragohayagi wai biaga hearu damu pudaba, layagola damu pialu bibahende haru daibu howa tidiyu hene. Ti bibahende íbu ngoaiho heagola Kini Hadadesenaga ami haru haga agali haguane mbira mini Sobaga heagome ami agali uruni haru hene.  
\v 17 Siriali biaru ti ogonidagua tidiyu íbu ka layago hale howa Debidi ibugua ibunaga Isaraele ami agali bu hearu abale olo ngoai hene. Íbu ngoai heagola Iba Yodana doma ede halu Helama dindini ti wai bule pene. Ani piyagola Siriali biaru tigua ho dugu bialu Isaraele baba wai bini.  
\v 18 Ani biyagola Isaraele ami biarume wai hongo howaore bialu Siriali bo badai bini. Horo ogoningi Debidibi ibunaga ami agalidarubi tigua Siria ami agali karisini heyu howa wai biaga hearu daosini karia (7,000) bo wahalu nogo hosini biruwa wai biaga daosini dege pira maria (40,000) bo wahene. Ani bialu Sirianaga ami haru haga agali haguane Sobagabi wai hamani bope hayaore abale tongolo mini.  
\v 19 Abale kini maru Sirianaga Kini Hadadese andaneha haga henerume handalu hearia Isaraeleali ti hongoheore howa Siriali bope hayago hondowa tigua Isaraeleali baba wai palialu ti Debidinaga andaneha hene.  
\p Ani buwa Siriali biaru tigua Isaraelealiru hondowa gi timbuni halu tigua Amonoaliru lone biamogo bulene manda nabi wahene.   
\c 20  
\s1 Debidihanda wai bialu Laba tano karulenego ogo  
\r (2 Samuele 12.26-31, 21.15-22)  
\p
\v 1 Mali bibahendengi dalu dagarebi ereba haragola ami agali wai bu piaga wini. Mali mbira howa ani bu piaga winingi dege ami haru haga agali haguane Yoabahanda ami haru howa Amonoalirunaga tano timbuni Laba wiagoria wai hongo howa bialu bo podama anda pialu karulene. Debidi ibu dege wai nabupe Yarusalemeni hondo hene. Ami biaru tigua ho mabu buwa wai bialu Laba tano bo haealabaga bini.\x + \xo 20.1 \xt 2 Sml 11.1\x*  
\v 2 Ani anda puwa Amonoali kini heagonaga manda ngolome wabini karulo bereago Debidi ibunioreme golo yini. Manda ogoni ngolome wabinigo genda magi kilogarama pira tebirani duria (35) agima wini. Manda ogoni to̱le̱ baya tara mbira muni dewaoreme yolo biaga wiagome yári bia heneyago Isaraeleali ami biarume Debidinaga haguaneni mo karula hene. Ani bialu Debidi ibugua tano ogoniha howa muni mbiraleru dewaore mo yalu pene.  
\v 3 Ani buwa ibugua wali agali Laba tano ogoniha heneyaru bibahende minalu biabe tara tara dindi aluenerubi ayume bulene wiarubi some podolene wiarubi biai helo mo ta hai hene. Amono dindiha tano wiaru bibahendeni wali agali bu hearume ogonidagua biai hene. Ani biai halu mani emene howa Debidibi ibunaga ami biarubi ti Yarusaleme dai bini.   
\s1 Isaraelealime Pilidiali lu timbuni hearu baba wai binigo ogo  
\r (2 Samuele 21.15-22)  
\p
\v 4 Emene howa Pilidiali Isaraelealila wai bialu howa Debidibi ibunaga ami agalirubi ti Pilidialiru baba wai bule tidiyu pene. Ti Gese tano kaware puwa Isaraele agali mbira mini Sibegai ibu Husa tanoali howa ibugua wai bialu Pilidiali lu timbuni ala henerunaga aguanene mbira mini Sibai heago bo wahene. Ani bo wahalu Isaraeleali ti wayali hene.   
\p
\v 5 Wai halu mende biyangi Isaraelealiru tigua Pilidialiru baba wai bialu howa Bedelehemeali Yairi igini Elehanana ibugua Pilidiali mbira Gede tanoali mini Lami ibu Golaidi hamene heago bo wahene. Agali o biago ibunaga yandare endene timbuniore kuluba ale mbira yu haga henego bene.\x + \xo 20.5 \xt 1 Sml 17.4-7\x*   
\p
\v 6 Gede tanoha dege wai mende bialu hene. Horo ogoningi agali timbuni gibi mbira luoreni ibunaga gi hondone waragaria labolabo halu ge hondonebi waragaria degehe hene. Gi hondonebi ge hondonebi lamaga halu pira kirani mariahe (24) hene. Ibu agali lu timbuni ala henerunaga aguanene hene.  
\v 7 Agali ogoni ibugua Isaraele wali agali mege bialu heagola Debidi hamene Sama igini Yonadanahanda agali ogoni bene.   
\p
\v 8 Agali lu timbuni tebira uruni Pilidiali Gede dindiha bamba heneru aria hearia Debidibi ibunaga agali biarubi tigua bo wahene.   
\c 21  
\s1 Debidihanda Isaraele wali agali bibahende dagalai henego ogo  
\r (2 Samuele 24.1-25)  
\p
\v 1 Isaraele wali agaliru mo ko holene hamelowa dama Heyolabeme Debidi mo manda bia halu Debidihanda Isaraele wali agalibi Yuda wali agalibi bibahende daga lolene manda bini.  
\v 2 Ani manda buwa Debidi ibugua ibunaga ami haru hagane agali haguane Yoabahondo lamialu lalu, Í̠na ami agali haguane maru hayaruni haru tígua Isaraele wali agaliore bibahende dagalai hole pudaba. Pigane dindi gibuni uyurayagi Dana tano howa dagalama pialu dindi gibuni unurayagi Beaseba tanoni daga lairi halimu. Wali agali agira palirimadabe hondoliya anidagua bilimu, lalu lamini.   
\p
\v 3 Ani layagola Yoabahanda Debidihondo ladai bialu lalu, Kini-o ai inanaga Anduane Homogo Ngode Datagaliwabe ibugua wali agali áyu kamarubi ndo mo dewaore helo. Wali agali uruni bibahendeore ti í̠ninaga andaneha hai kagoni. Anigo iname wali agali daga lolene ogoni inanaga biabe ndo ngagoria í̠na irane aginaga daga lolene hamelo kebe, lene.  
\v 4 Ani layagola kini ibugua Yoababi ami agali haguane maru biarubi tihondo bi hongo howa lamialu, I̱na o bule pudaba larudaguaore bilimu, lene. Ani layago hale halu ami haru haga biaru ti Isaraele dindiha puame halu wali agali bibahende hearu dagalai howa Yarusaleme dai bini.   
\p
\v 5 Tigua dai buwa Yoaba ibugua bialu henedaru bibahende ogodagua birima lalu kini hale helo lamialu lalu, Isaraeleali ami habeheru miliono mbirani daosini dege handari mbira (1,100,000) halu Yudali daosini dege handari mariani pira karia (470,000) hearia daga larima, lene.  
\v 6 Yoaba ibu Debidihanda wali agali dagalolenenaga te layago hame nale howa ibugua Libai hameiginibi Beniyamini hameiginibi daga nale hene.   
\p
\v 7 Ngode Datagaliwabehanda Debidi ibugua ko timbuniore biyago hondowa ibugua Isaraele wali agali pani mialu mo ko hene.  
\v 8 Ogonidagua biyagonaga Debidi ibuni bu miniha genda timbuni yu howa ibugua Anduane Homogohondo bi lalu howa lalu, I̱na mini nawi ale howa agali daga larudagome i̱na mana ko timbuniore bu haruda. Ani birudago ai Anduane Homogo-o i̱na ko birudago mo wahabe, lene.   
\p
\v 9 Ani layagola horo ogoningi dege Anduane Homogohanda agali bi mana latagi halu mbiwia haga mini Gadahondo lalu,  
\v 10 I̱na bi o larogo í̠na Debidi lamibelonaga langero. I̱ Anduane Homogo i̱naore hariga tebira mo ngerogo í̠nime mbira ogo karulape lalu dababe. Í̠nime ogo bia lalu i̱hondo langerego i̱na í̠hondo buliya langibe, lene.  
\v 11 Anduane Homogohanda bi ogoni layago hale howa Gada ibugua egerebagi Debidi ibu heyu bereria Anduane Homogohanda ogodagua laya lalu lamule pene. Ibugua puwa Debidihondo lamialu lalu, Anduane Homogohanda í̠na bi tebira uru mbirago bilonaga e̱ labelo hameledo laya.  
\v 12 Ai mali tebirani hina gari timbuniore Isaraele dindini tagira ibilo hameledebe be tí waitiginaga amirume wai bima lole ibiragola ege tebirani tí ibida pialu ha do holene hameledebe be horo tebiru Anduane Homogohanda ibunaga wai bulene ayu tibu aleme tí balu ibunaga dahuliyalime tínaga dindi bibahendeha warago timbuni tagira mo ibilelo hame ledebe. Ai bi ogoni bayuwa mandaore buwa mbira ogo bilo larego Anduane Homogo ibunihondo lamule poliya langi, lene.   
\p
\v 13 Ani layagola Debidi ibugua Gadahondo lalu, Í̠na bi áyu langiriruni hale howa genda timbuniore yu bedogoni. Ani bidogo ainde Anduane Homogo ibunime ogoale bule lalu ibugua bule hameledadagua o inahondo bilo waha. Irane ibunime ina dara hai haga kagodago agalime ina mo ko halu belo hame naledo, lene.   
\p
\v 14 Ani layagola Anduane Homogohanda warago ko timbuniore horo ogoningi howa Isaraele dindi bibahendeha ibilene. Ani ibilayagola warago timbuni ogonime Isaraele wali agali daosini dege pira karia (70,000) homai hene.  
\v 15 Ani bialu dahuliyali mbira wali agali bo wahama ibiyadagoni Yarusaleme tanoha wali agali bo wahole anda ibini. Ani ibalu hearia Anduane Homogohanda wali agali mo ko hene bu hearu hondowa dara howa dahuliyali biagohondo lalu, Ai karulapego waha, lene. Ani laya handala dahuliyali biago ibu wahalu widi iranela bo taulalu lini aeanela tale biaga wiagoria hene. Dindi ogoni Yabusu hameigini agali Arauna mbira henegonaga wini.   
\p
\v 16 Dahuliyali ogoni ibu dindi harila dombeneha howa ibugua ayu tibu yiagome Yarusaleme bolenaga gi dogolo hearia hondowa Debidibi Isaraeleali wahe miniwirubi tigua dara howa biagane aga wiaru bu howa dindini bulu palu ibira hene.  
\v 17 Ani bu wuwa Debidihanda Anduane Homogohondo lalu, I̱nime wali agali daga ladaba lalu mana koore ogoni birugome ai áyu pani noloma̱ya ngirigonida. Anigo wali agali darabi uruni tigua ko mbira agi biyagonaga ti pani nelo miribe. Ai tihondo pani merego wahalu i̱bi i̱ one waneiginirubi inanehondo pani ngia nabiridago, lene.\x + \xo 21.17 \xt 2 Sml 24.17, Iba 74.1\x*   
\p
\v 18 Ani lalu hearia Anduane Homogonaga dahuliyali biagome mana latagi haga Gadahondo lalu, Í̠na Debidi karia puwa ibuhondo ogodagua lamibe, Áyu ogoni Yabusuali Araunanaga widi gandulo ngelowa bo taulalu lini aeanela mo tale biaga ngagoria puwa Anduane Homogonaga lomabu delaga dabu mbira bia hole pobe, lalu lamibe, lene.  
\v 19 Ani laya handala Debidi ibu heyalu Anduane Homogohanda bibe laya lalu Gadahanda lamiyadagua bule dindi podene mbira widi lini do ngelowa lini aeanela mo tale biaga wiagoha pole pene.  
\v 20 Araunabi ibu igini maria biarubi biabe bialu haga wiagoria howa handape halu hearia dahuliyali mbira hearia hondowa mogo lalu ibu igini maria biaru ibida pialu bira do hene.  
\v 21 Araunahanda Kini Debidi ibiyago de hondowa ibu lola hole puwa ge duli hanga howa kininaga mini yaraga halu ma podope hene.  
\v 22 Ani buwa Debidi ibugua Araunahondo lalu, I̱na í̠naga dindi podene mbira widi biabe biaga o ngegoni yolo bulebero. Wali agali warago hongoheore áyu balu karuni bibahende Anduane Homogohanda mo wahelonaga i̱na ibunaga lomabu delaga dabu mbira dindi ogoriani bulene hameledo, lene.   
\p
\v 23 Ani layagola Araunahanda Debidihondo lalu, Kini-o dindi ogoni yolo bibelo hame naledogo bame í̠ habelo ngero. Mbirale mbira lomabu mule hameledego alebi nogo bulumaga o kagobi lomabu mialu irani dai helo bo delabe. Ani bialu ira widi lini bo tanda laga ngagobi ira nogo bulumaga dariba homagamaga biaga ngagobi bibahende gabuwa lomabu mialu ira ogonime delo delalu widi lini ngarubi Anduane Homogohondo miaiore habe. Kini-o i̱na mbirale uruni bibahende í̠hondo ngiai harogoni, lene.   
\p
\v 24 Ani layagola kini ibugua ibuhondo lalu, I̱na mbirale i̱nime erekui biabe bialu mini ndogo Anduane Homogohondo lomabu mia nabulebero. Ani buleneore hame naledogo ai í̠naga mbirale uruni i̱na yolo buleore bero, lene.  
\v 25 Anidagua lalu Debidi ibugua Araunanaga dindibi nogo bulumagabi bibahende muni siliba kina handari duria (500) aleme yolo bini.  
\v 26 Ani buwa Debidi ibugua lomabu delaga dabu mbira dindi ogoriani bia howa loma biniru irani dai helonaga bo delalu Anduane Homogola ho gimbu bulenenaga loma biniru bo delalu Anduane Homogohondo bi lalu hene. Ani biyagola Anduane Homogohanda loma uruni dai helo hariha howa ira hedope hene.   
\p
\v 27 Ani buwa Anduane Homogohanda dahuliyalihondo lalu, Í̠naga ayu tibu yaganeha yabe, lalu lamiyagola dahuliyalime hale howa ani yini.  
\v 28 Ani biyago hondowa Debidi ibugua Anduane Homogohondo i̱na bi larugo hale halu ladai biyadalo manda bini. Ani manda buwa Debidihanda Arauna dindini lomabu delaga dabu wabiyagoria ogonidagua nogo tara tara Anduane Homogohondo loma bialu bo migi bini.   
\p
\v 29 Ogoni biyangi Anduane Homogonaga Balai Andabi lomabu delaga dabubi Mosesehanda dindi ko iba dalu naibagaha howa wabinigo yalu ibalu Gibeono tanoni mo ngelenego wiaabo hene.  
\v 30 Ani winigo Debidi ibu Anduane Homogonaga dahuliyalime ayu tibu yu hayago mitangi bialu gi timbuniore howa ibugua Gibeono dindini Anduane Homogo mitangi bialu lotu lolenaga pobe nahe hene.   
\c 22  
\p
\v 1 Ani bialu Debidi ibu Arauna dindini haabo howa ibugua lalu, Iname Anduane Homogo Ngode Datagaliwabenaga anda ogoria bimi̱ya. Ani bialu lomaru delolene dabu ogoria dege bu helalu bimi̱ya. Ani beremagola Isaraeleali tigua dindi ogoria ibalu lomaru bu delaga bilonaga ani bu helami̱ya, lene.   
\s1 Anduane Homogohanda, Solomono ibugua i̱naga anda bulebira, lenego ogo  
\p
\v 2 Agali tara tara Isaraele wali agali baba íbu haga heneru Debidihanda ti bibahendeore íbu ngoai howa ti biabe bilo mo mini. Marume ege to̱le̱ some podelo dabo helowa tihondo lamialu lalu, Tíguaore Ngode Datagaliwabenaga anda biago bule ege to̱le̱ baya hangu some podalu mo tigabu wigi bilimu, lene.  
\v 3 Ani bialu Debidihanda ege to̱le̱ aeane dewaore mili wabulenebi panga irame wabiniru mo hongo holene aeane marubi mo manda mandabu wiai hene. Ani bialu ege to̱le̱ boronosi dewaore agalime genda magi handabe naheore dewa mo manda manda bini.  
\v 4 Ani bialu Taia dindiha howabi Saidono dindiha howabi ira tamia anda ogoni bilonaga Debidi hearia dibu yalu ibinigo dewaore mbiralime daga labe naheore yalu ibini.  
\v 5 Debidi ibu nahome heangi Anduane Homogonaga anda bulene mbirale bibahende mo manda mandabu wiai hene. Ibugua lalu, I̱ igini Solomono ibu igiri daliahe howa biabe tara tara bulene ngago manda biai nahe dege ka. Anigo ainde Solomono ibugua Anduane Homogonaga anda ogoni bayaleore biragola wali agali dindi tara tara ngaruha bu karume ibalu anda bayale ogoni de hondowa ti turu timbuni halu tigua ibunaga mini yaraga helo hameledo, lalu Debidihanda lene.   
\p
\v 6 Debidihanda ibu igini Solomono íbu olowa ibugua ibuhondo lalu, Í̠na Anduane Homogo Isaraele wali agalinaga Ngode Datagaliwabe kagonaga anda ogoni bibe, lalu lamini.  
\v 7 Ibugua Solomonohondo lalu, I̱ igini-o ainde Isaraele wali agalime Anduane Homogo i̱naga Ngode Datagaliwabe mini yaraga helo i̱na ibunaga anda mbira bule hamelo harugoni.\x + \xo 22.7 \xt 2 Sml 7.1-16, 1 Bit 17.1-14\x*  
\v 8 Ani hame larugoyu Anduane Homogohanda i̱hondo lalu, Debidi-o í̠na wai biaabo halu agali dewa bo waharigo ai i̱naga anda ogoni í̠na bule mandabu kego nabibelo hameledo.\x + \xo 22.8 \xt 1 Kin 5.3, 1 Bit 28.3\x*  
\v 9 Í̠ igini mbira ibu kini harangi ibugua haru howa mbirale bayaleru wali agalihondo bialu kagola i̱na hameigini dindi tara taraha padarume ibu baba waitigi nahelolebero. Í̠ igini ogoni ngule larogo haragola ibu mini Solomono wibe. Mini Solomono larogo irane ibu kini kangi i̱na Isaraele wali agali bu miniha mo palia howa bayale holene ibiloleberogo manda bialu laro.\f + \fr 22.9 \ft Solomono mini ogoni tene Hiburu bi mbira Salomo winigo inanaga bi lalu, Bu miniha mo palia howa bayale holene, laga.\f*  
\v 10 Wali agalime i̱naga mini yaraga hole i̱ni koria kaware ibilonaga anda ogoni Solomono ibugua bulebira. Ibu i̱ igini kagola i̱ nde ibu aba holebero. Ibu igini aguaneneru hangume kini helaabo holebero, lalu Anduane Homogohanda ani laya, lalu Debidihanda lene.   
\p
\v 11 Debidi ibugua Solomonohondo laabo halu lalu, Ai i̱ igini-o Anduane Homogo kago ibugua í̠ heba haabo helo hameledo. Ibugua bi ogoni lenedadagua ibunime í̠ biamogo bialu Anduane Homogo í̠naga Ngode Datagaliwabe kagonaga anda layago í̠na bayaleore mbira bulebere. \fig Debidi ibugua Solomonohondo lalu, Ai i̱ igini-o Anduane Homogo ibugua ... í̠ biamogo bialu í̠naga Ngode Datagaliwabenaga anda í̠na bayaleore mbira bulebere, lene.|src="LEAR 055.tif" size="2" ref="(22.11)" \fig*  
\v 12 Anduane Homogo ibunime í̠ kini helarangi í̠na ibunaga mana lo ngaru baya hangu taluwa bialu howa Isaraele wali agali tigatigaore haru habelo í̠hondo mini gigabi wulenebi manda timbuni bulenebi ngilo hameledo.  
\v 13 Solomono-o Anduane Homogohanda mana bayale bibahende Isaraele wali agalime bilo Mosesehondo lamiyaru í̠na bayuwa talialu bialu hariyagua nde mbirale í̠na berego damene bibahende bayale hangu holebira. Í̠ gi nahe hongo ho haabo habe. Mbirale tara tara ngaru hondowa gi halu mogo nale habe.\x + \xo 22.13 \xt Yos 1.6-9\x*  
\v 14 I̱na biabe erekuibiore bialu muni ngolo dewaore genda magi timbuni tono dege daosini tebirani handari duria (3,500) wialu muni siliba genda magi timbuni tono dege daosini pira tebirani duria (35,000) ngogo ogonime Anduane Homogonaga anda ogoni bulenaga mo ngo. Ani bialu boronosibi aeanebi dewaore agalime genda magi manda bibe naheore mo ngo. Ani bialu irabi ege to̱le̱bi dewaore mo ngogo ainde maru í̠nime mo tago holene wulebira.  
\v 15 Í̠naga agali biabe biaganebi dewa dege bu kagoni. Agali maru ege to̱le̱ podagabi maru ege to̱le̱mebi iramebi anda biaga mandabi karubi marume biabe tara tara bulene ngago damene bibehe kagoni.  
\v 16 Agali uruni tigua ngolo silibarumebi boronosimebi aeanemebi biabe tara tara biaga mandabi kagoni. Anduane Homogo ibuni í̠ heba mandagi haabo holebirago ai í̠na biabe ogoni bibe, lalu Debidihanda Solomonohondo lene.   
\p
\v 17 Debidihanda bi uruni lai howa mani Isaraele wali agali tigua Solomono biamogo bilimu lalu lamini.  
\v 18 Ibugua tihondo lamialu lalu, Anduane Homogo tínaga Ngode Datagaliwabe ibu tí heba haabo kagoni. Ibugua wali agali tara dindi ogoniha haga heneru bope holiya yupe hayagola i̱na ti bope harugoni. Ani birugola wali agali uruni ti Anduane Homogo andanehabi tí andanehabi kagoni. Anidagua bialu tíha holene bayale mo ngiyagola waitigime tí baba wai bibe nahe kagoni ndobe.  
\v 19 Anidagua biyago manda bialu áyu tígua Anduane Homogo tínaga Ngode Datagaliwabe ibuni hameledago tí bu minimebi hongomebi bua timbuni halu baya hanguore bialu haabo halimu. Anidagua bule ai tígua Anduane Homogonaga anda ogoni áyu howa bidaba. Ani biai howa mani wali agali tigua anda ogoniha ibuni karia kaware ibalu ibu mitangi bialu lotu lelonaga Habo Nalolene Bi lo winigonaga Mbogoyi biagobi mbirale tara tara biabe ogoni bulenaga wiabagi ho ngaru mo yalu ibalu anda ogoniha ngelalimu, lalu Debidihanda lene.   
\c 23  
\p
\v 1 Debidi ibuni waheore heangi ibugua ibu igini Solomono Isaraele wali agalinaga kini helo dabo helene.\x + \xo 23.1 \xt 1 Kin 1.1-40\x*   
\s1 Debidihanda Libaiali biabe bilo mo minigo ogo  
\p
\v 2 Kini Debidihanda Isaraeleali agali haguane hearubi \w loma\w* binigo mo miaga hearubi \w Libaiali\w* hearubi bibahende mo mogo bini.  
\v 3 Ani buwa ibugua, Libai agali bu hearu bibahende daga ladaba, lene. Tigua Libaiali mali pira tebira (30) bolangua hene hearu bibahende daga lalu hearia ti daosini dege pira tebirani halira (38,000) hene.  
\v 4 Ani biyagola Debidihanda agali uruni aria daosini dege pira kirani maria (24,000) hearume Anduane Homogonaga anda biabe bulene wiago damene bibahende handayaho hai helo dabene. Daosini waragaria (6,000) hearume beba gili bia dagala bialu helobi godi hale haga helobi dabo helene.  
\v 5 Ani bialu Libaiali dege daosini maria (4,000) hearu tigua Anduane Homogonaga anda mamage helo dabo helalu daosini maria (4,000) halu mende hearume Anduane Homogonaga mini mo yaraga halu ngida aleru balu piliperu lalu iba gana laga helo dabo helene. Ani helowa Debidi ibugua tihondo ngida ale boleneru pilipe lolenerubi uruni bibahende ti ani bilonaga miai hene.   
\p
\v 6 Libaialiru ti hameigini tebira henego mini Gesonobi Kohadabi Meraribi uruni tigua biabe bilonaga Debidi ibugua mo ta haga bini.   
\p
\v 7 Ai Gesono ibu igini kira Ladana Simaila hene.  
\v 8 Ladana ibu igini tebira Yahiele Sedama Yoele laga biyaru hene.  
\v 9 Agali tebira uruni ti Ladana hameigini hayadarunaga agali haguane hene. Simai igini tebira henegonaga mini Selomodo Hasiele Harana layaru hene.  
\v 10-11 Simai igini maria henego tinaga mali hayadagua ti mini uru. Yahada Sina ibu mini mende Sisa Yausu Beria layaru hene. Yausu Beriala libu aguanene palia timbu nahe emene dege hayagola libunaga hameigini mo mbiraore ho hene.   
\p
\v 12 Kohada igini maria henegonaga mini uru Amarama Isiha Heberono Usiele layaru hene.  
\v 13 Wahene Amarama ibu igini Arono Mosesela hene. Anduane Homogohanda Aronobi ibu igini aguanenerubi tigua mbirale tara tara Anduane Homogonaga lowa wiabagi ho winigo handayaho haabo howa biabe ogoni bialu helo dabo helene. Ani helayagola tigua Anduane Homogo mitangi bialu lotu lalu howa bibahendengi ira hagua nga bilo inisenesi lomabu delaga howa Anduane Homogonaga biabe bia haga hene. Ani bialu tigua Anduane Homogonaga minini howa wali agali bu hearu biamogo bilo lalu la haga hene.\x + \xo 23.13 \xt Har 28.1\x*  
\v 14-15 Anigo Ngode Datagaliwabenaga agali Mosese ibu igini kira henego Gesomo Eliesela libu Libaiali maru hearubi dege helene.  
\v 16 Gesomo igini wahene Sebuele hene.  
\v 17 Eliese ibu igini mbiraore hangu henego mini Lehabia hene. Lehabia ibu aguanene dewaore hene.  
\v 18 Kohada igini mende Isiha ibu igini Selomidi hene. Selomidi ibu agali haguane hene.  
\v 19 Kohada igini tebone Heberono henego ibu igini maria Yaraia Amaraia Yahasiele Yagameama layaru hene.  
\v 20 Ani bialu Kohada igini mane Usiele henego ibu igini kira Maiga Isaiala hene.   
\p
\v 21 Merari ibu igini kira Mali Musila hene. Ai Mali igini kira dege Eleasa Kisila hene.  
\v 22 Eleasa ibu igini mbira nahe wandari dege aba halu homene. Ani buwa wandari uruni ti agali Kisi igini tini damene dege bu hearume dabu biai hene.  
\v 23 Merari igini mende Musi ibu igini tebira henego Mali Edere Yaremodo layaru hene.   
\p
\v 24 Agali uruni ti bibahende Libai aguanene howa ti Libai hameigini emene emene headagua mbira mbiranaga agali haguane haga bini. Libaiali bu hearu agali mbira mbirago tini hama ibinidadaguaore dabo wabia howa daga lalu mini gilibu wigi bini. Libaiali o biaruni ariago tinaga mali pira kira (20) bolangua henego ti Anduane Homogonaga andaha biabe bialu haga hene.   
\p
\v 25 Debidi ibugua lalu, Anduane Homogo Isaraele wali agalinaga Ngode Datagaliwabe kago ibugua ibunaga wali agali holene bayaleni helowa ibuni Yarusalemeni haabobo bu holebira.  
\v 26 Anidagua buwa ainde Libaiali tigua Anduane Homogonaga Balai Andabi ibu mitangi bialu lotu lolenaga mbirale tara tara wiarubi ala mo yalu ibaganego áyu biabe ogoni bulene nawulebira, lene.\x + \xo 23.26 \xt Man 10.8\x*  
\v 27 Ani leagola mani Debidihanda layadagua tigua Libai agali bibahende daga lai halu mini gilibu wini. Walime igiri taba hanayaru tinaga mali pira kira (20) bolangua haga biyagola agali uruni ti Anduane Homogonaga andaha Libaialime biabe bulene wiago bialu helo dabo helaga bini.  
\v 28 Libaiali tinaga biabe bulene winigo ogo. Tigua Arono aguanene loma binigo mo miaga hearu biamogo bialu Anduane Homogonaga andaha biabe bulene winidagua bialu hene. Anda tamuha hobane haga haga bidarubi wali agali ngoaiho biraga pabe andaneha Anduane Homogonaga anda heagoria kaware wiagonibi handayaho haga hene. Mbirale tara tara Anduane Homogonagaore lowa wiabagi ho wiaru mbirago Anduane Homogo deni dodohe wiagua nde Libaiali uruni tigua mbirale uruni dodo nahe bayale ngelonaga bulene mana winidagua bialu mo bayale haga wini. Ani bialu Anduane Homogonaga andaha tinaga biabe bulene maru wia dege bini.\x + \xo 23.28 \xt Dag 3.5-9\x*  
\v 29 Tinaga biabe maru mberedi Anduane Homogo lomabu mulene wiago handayaho halu balawa lomabu delolene wiagobi handayaho halu mbisigedi yidi nahe howa hirini wiaru loma bialu iraha delolene wiarubi balawa maru olibe lininaga weli odo biamaga hene wiarubi bibahende handayaho haga hene. Ani bialu mbirale Anduane Homogohondo lomabu mulene damenego bibahende mo tale bigi bialu genda magi hondo ngelaga bialu haga hene.  
\v 30 Ani bialu tinaga biabe buleneore horo bibahendenaga egerebagi alendobi tigua Anduane Homogonaga andaha pialu ibuhondo turu halu ibunaga mini yaraga haga bialu hene.  
\v 31 Ani bialu horo Sabadangibi horo timbuni maru ege pigane ngabulo kagolabi mbirale Anduane Homogohondo lomabu delolenebi horo maru lotu lolene ngangibi tigua mana ogonidagua dege bialu hene. Biabe uruni bulenego Libaiali bibahendeme horo mbira mbiranaga agali ogodaguame bilo lalu mana winidagua talialu biaga wini. Horo bibahendengi Libaiali tinaga biabe Anduane Homogo mitangi bialu lotuore laabo haga wini.  
\v 32 Libaiali tinaga biabe Anduane Homogonaga Balai Anda heago handayaho holenebi Anduane Homogonaga anda heagobi handayaho haga wini. Ani bialu tigua tini damene Arono aguanene loma binigo mo miaga maru hearu biamogo bialu Anduane Homogonaga andaha biabe biaabo haga wini.   
\c 24  
\s1 \w Loma\w* binigo mo miaga biabe tara tara bilo tale bu helaga binigo ogo  
\p
\v 1 Arono igini aguaneneru ogodagua talebu helene. Arono igini maria mini Nadaba Abihu Eleasa Idama layaru hene.  
\v 2 Anigo Nadaba Abihula libu aba Arono homa nabi heangi libu waneigini mbira nahe howa homene. Ani biyagola Arono igini Eleasa Idamala libu dege \w loma\w* binigo mo miaga hene.\x + \xo 24.2 \xt LBM 10.1-2\x*  
\v 3 Ani henego ai Debidi ibu kini heangi ibugua loma binigo mo miaga hearu tinaga biabe bulene wiago bilonaga ti hangu hangu mo tahaga bini. Ani bialu Debidi ibugua Eleasa aguane Sadogobi Idama aguane Ahimelegebi libugua Debidi biamogo bilo dabo helene.  
\v 4 Tigua ani bialu hemiria Eleasa aguaneneru agali haguane dewa heago hondowa ti aria wabuni pira mbirani waragaria (16) helene. Ani buwa Idama aguanene agali haguane dewa naheyagola ti aria wabuni halira helene.  
\v 5 Eleasa aguanenerubi Idama aguanenerubi tinaga aria maru loma binigo mo miagarubi maru Anduane Homogonaga andaha biabe biagarubi hene. Ti ani heago hondowa Debidi ibugua biabe bulene winigo aiwa buledabe Anduane Homogonaga hame hale holenaga ege to̱le̱ emeneni mini gili bialu badaga halu mini walia hayadagua dabo helaga bini.  
\v 6 Agali Eleasa aguanenerubi Idama aguanene biarubi ti bibahende agali dabo iriari bialu loma binigo mo miaga helo dabo helaga bini. Libaiali mbira Nedanele igini Semaia ibu beba gilibia dagala bialu haga henego ibugua agali mini wia pani hayaru bibahendenaga mini gilibu wini. Ani gilibu wialu hearia Kini Debidi ibubi ibunaga haru haga agali bu hearubi loma binigo mo miaga Sadogobi Abaiada igini Ahimelege heagobi Libai hameigini hearubi loma binigo mo miaga maru hearubi ti bibahende de hondo heaore Semaiahanda mini uruni gilibu wini.   
\p
\v 7-18 Tigua ege to̱le̱ emene uruni mini gili bialu baraga howa handalu hearia Yahoiaribi aria ala dabene. Ani bialu halu mende Yadaia aria hearu dabalu tebone Harimi aria dabalu mane Seorimi aria dabene. Ani bialu dauni Malagaia aria dabalu waragane Miyamini aria dabalu kane Hagoso aria dabalu halini Abiya aria dabene. Ani bialu dini Yasua aria dabalu pini Seganaia aria dabalu pira mbirani mbira (11) Eliasibi aria dabalu pira mbirani mende (12) Yagimi aria dabene. Ani bialu pira mbirani tebone (13) Huba aria dabalu pira mbirani mane (14) Yasebeaba aria dabalu pira mbirani dauni (15) Biliga aria dabalu pira mbirani waragane (16) Ime aria dabene. Ani bialu pira mbirani kane (17) Hesiri aria dabalu pira mbirani halini (18) Habisese aria dabalu pira mbirani dini (19) Pedahia aria dabalu pira mende (20) Yasegele aria dabalu bini. Ani bialu pira kirani mbira (21) Yagini aria dabene. Pira kirani mende (22) Gamulu aria dabalu pira kirani tebone (23) Delaia aria dabalu pira kirani mane (24) Masia aria dabene.   
\p
\v 19 Loma binigo mo miaga uruni ti dabalu tinaga mamali Aronohanda Anduane Homogonaga andaha biabe bialu henedagua bialu helo helene. Bamba Anduane Homogo Isaraele wali agalinaga Ngode Datagaliwabehanda Aronohondo ani bulene nga layadagua tigua ani bialu hene.   
\s1 \w Libai\w* hameigini maru henego uru  
\p
\v 20 Libai hameigini agali haguane maru henegonaga mini uru. Yadeaia ibu Amarama hameigini Sebuele ibu mini mende Subaele henego aguanene hene.   
\p
\v 21 Lehabaia aguanene Isihia hene.   
\p
\v 22 Yahada ibu Isara hameigini Selomidi henego aguanene hene.   
\p
\v 23 Ani bialu Heberono igini maria heneru Yaraia Amaraia Yahasiele Yagameama layaru ti agali haguane dege dege hene.   
\p
\v 24 Samiri ibu Usiele hameigini Maiga henego aguanene hene.   
\p
\v 25 Maiga hamene Segaraia ibu Usiele hameigini Isaia henego aguanene hene.   
\p
\v 26-27 Merari igini Mali Musila hene. Merari igini dege mbira Yasaia henego ibu igini maria Beno Sohama Saguru Ibiri layaru ti hene.  
\v 28-29 Mali igini kira Eleasa Kisila hene. Eleasa ibu igini mbira nahe hene. Kisi igini Yaramele hene.  
\v 30 Musi igini tebira Mali Edere Yaremodo layaru hene. Uruni ti Libaiali dege hene.   
\p
\v 31 Libaiali agali haguane uruni hearubi ti hamene heyogone hearubi ti hameigini Arono aguaneneru loma binigo mo miaga biarume ti biabe agi bilodabe hondolenaga ege to̱le̱ emeneni mini gili buwa baraga halu dabayadagua agali uruni tibi ani bini. Ani bialu hearia Kini Debidibi Sadogobi Ahimelegebi loma binigo mo miaga hearunaga agali haguane hearubi Libaiali agali haguane hearubi ti de handayaho hene.   
\c 25  
\s1 Libaiali marume Anduane Homogonaga andaha ngida aleru beledi aleru balu helo Debidihanda dabeneru ogo  
\p
\v 1 Debidibi Libaiali agali haguane hearubi tigua Libai hameigini marume Anduane Homogonaga andaha lotu lolenaga biabe bulene damene wiaru handaya howa haru haga helo dabenego uru. Asaba ariabi Hemanabi Yadudunubi hameigini emene uruni tigua biabe uruni bilo dabo helene. Tigua Anduane Homogonaga bi mana wali agalihondo lamialu helo dabo helalu ngida ale tara tara wiaru balubi ngi̱li̱nge̱le̱ lagane beledi ale wiaru balubi helo ani dabo helene. Agali biabe biaga uruninaga minibi tinaga biabe ogoale biagabi gilibu wini.   
\p
\v 2 Asaba igini maria henego tinaga mini Sagu Yosebe Nedanaia Asarela layaru hene. Asaba ibunime ti haru howa kinihanda Anduane Homogonaga bi mana lamidaba laradagua lamiaga hene.   
\p
\v 3 Yadudunu igini waragaria henego mini Gedalaia Seri Yasaia Simai Hasabaia Madidaia layaru hene. Ti aba Yadudunuhanda ti haru halu tigua Anduane Homogonaga mana latagi haga hene. Tigua ngida aleru balu howa Anduane Homogohondo ka̱i̱ lalubi ibunaga mini yaraga halubi iba gana laga hene.   
\p
\v 4 Hemana igini pira mbirani maria (14) henego mini Bugaia Madanaia Usiele Sebuele Yarimodo Hananaia Hanani Eliada Gidaladi Lomamadiese Yosobegasa Malodi Hodiri Mahasiodo layaru hene.  
\v 5 Hemana ibugua kinihondo Anduane Homogonaga bi mana latagi haga heagola Ngode Datagaliwabehanda Hemana biamogo bialu mo timbu halu ibuhondo bayale buleore lalu lo winidagua ibu igini pira mbirani maria (14) uruni mialu wandaribi tebira mini.  
\v 6 Hemana igini uruni bibahende tigua Anduane Homogonaga andaha Ngode Datagaliwabe mitangi bialu lotu larangi ngida ale tara tararu balu ngi̱li̱nge̱le̱ lagane beledi aleru baga baga bialu iba gana laga hene. Ani bialu heagola ti abahanda handayaho howa haru haga hene. Debidihanda Asababi Yadudunubi Hemanabi urunihondo bidaba layadagua tigua ani bialu haga hene.   
\p
\v 7 Agali pira kirani maria (24) uruni ti manda timbunibi hene. Libaiali biaru tigua iba gana lolenebi ngida ale bolenebi uruni ale tara tara manda biaiorehe hene. Agali uruni daga lamaga halu ti handari kirani pira halirani halira (288) hene.   
\p
\v 8 Bibahende ani dabo helai howa biabe ala ai ibugua pigane bibehedabe hondolenaga ege to̱le̱ emeneni mini gili bialu baraga hene. Agali uruni igiri daliahe heaguabi waheore heaguabi tinaga biabe iba gana lolenebi ngida ale bolenebi manda biaihe heaguabi manda biai nahe wene manda bialu heaguabi tanabiore ege to̱le̱ baraga hayagola karulape lalu dabarago ibugua biabe pigane bilo helaga wini.   
\p
\v 9 Agali handari kirani pira halirani halira (288) uruni ti igini damenerubi tini headagua agali pira mbirani kira (12) dege dege dabo helalu ti wabuni bibahende agali pira kirani maria (24) hene. Tigua ege to̱le̱ baraga hayago handalu hemiria Asaba igini Yosebe ibu igini damenerubi pigane dabene. Mende dabayago Gedalaia ibu iginiru damenerubi dabene.  
\v 10 Tebone dabayago Saguru halu ibu iginiru damenerubi dabene.  
\v 11 Mane dabayago Seri ibu mini mende Isiri halu ibu iginibi damenerubi dabene.  
\v 12 Dauni dabayago Nedanaia halu ibu igini damenerubi dabene.  
\v 13 Waragane dabayago Bugaia halu ibu igini damenerubi dabene.  
\v 14 Kane dabayago Asarela ibu mini mende Yasarela henego ibu igini dameneru dabene.  
\v 15 Halini dabayago Yasaia igini damenerubi dabene.  
\v 16 Dini dabayago Madanaia ibu igini damenerubi dabene.  
\v 17 Pini dabayago Simai igini damenerubi dabene.  
\v 18 Pira mbirani mbira (11) dabayago Usiele ibu mini mende Asarele henego igini damenerubi dabene.  
\v 19 Pira mbirani mende (12) dabayago Hasabaia igini damenerubi dabene.  
\v 20 Pira mbirani tebone (13) dabayago Sebuele ibu mini mende Subaele henego igini damenerubi dabene.  
\v 21 Pira mbirani mane (14) dabayago Madidaia igini damenerubi dabene.  
\v 22 Pira mbirani dauni (15) dabayago Yarimodo igini damenerubi dabene.  
\v 23 Pira mbirani waragane (16) dabayago Hananaia igini damenerubi dabene.  
\v 24 Pira mbirani kane (17) dabayago Yosobegasa igini damenerubi dabene.  
\v 25 Pira mbirani halini (18) dabayago Hanani igini damenerubi dabene.  
\v 26 Pira mbirani dini (19) dabayago Malodi igini damenerubi dabene.  
\v 27 Pira kira (20) Eliada igini damenerubi dabene.  
\v 28 Pira kirani mbira (21) dabayago Hodiri igini damenerubi dabene.  
\v 29 Pira kirani mende (22) dabayago Gidaladi igini damenerubi dabene.  
\v 30 Pira kirani tebone (23) dabayago Mahasiodo igini damenerubi dabene.  
\v 31 Daba maro pira kirani mane (24) dabayago Lomamadiese igini damenerubi dabene.   
\c 26  
\s1 Anduane Homogonaga anda mamage haga helenego ogo  
\p
\v 1 \w Libaiali\w* maru Anduane Homogonaga anda mamage haga helene. Agali maru ti Kora hameigini howa Kore igini Meselemaia henego ibu Asaba damene hene.  
\v 2-3 Meselemaia ibu igini karia henego mini uru. Segaraia Yadiele Sebadaia Yadaniele Elama Yahohanana Elioenai layaru hene.   
\p
\v 4-5 Agali mbira Obededomo henego Ngode Datagaliwabehanda ibu mo turu halu biamogo biyagola ibu igini halira henegonaga mini uru. Igiri wahene Semaia howa maru Yahosabada Yoa Saga Nedanele Amiele Isaga Peuledai layaru hene.\x + \xo 26.4-5 \xt 2 Sml 6.11, 1 Bit 13.14\x*   
\p
\v 6 Obededomo igini wahene Semaia ibu igini waragaria henego ti bibahende agali bayale mandabi howa ti hameigini hearunaga agali haguane hene.  
\v 7 Agali uruninaga mini Odoni Labaele Obede Elesabada Elihu Semagaia layaru hene. Elihu Semagaiala libu mbirale tara tara buleneru mugube gibi yu hene.   
\p
\v 8 Obededomo ariaru daga lamaga howa pira waragariani kira (62) hearu tibi ti igini aguaneru damenerubi bibahende mamage holene biabe ogoni manda biaihe hene.   
\p
\v 9 Meselemaia damene ti agali pira mbirani halira (18) howa tigua biabe bulene wiago manda biaihe hene.   
\p
\v 10 Merari hameigini howa agali mini Hosa ibu igini maria henegonaga mini uru. Simiri henego ibu Hosa igini wahene ndogoyu ibu abahanda ibu agali haguane helo helene.  
\v 11 Hosa igini maru Hiligaia Tebalaia Segaraia imaru hene. Hosa ibu damene dege pira mbirani tebira (13) heneru ti bibahende Anduane Homogonaga anda mamage haga hene.   
\p
\v 12 Agali uruni ti Libaiali maru hearume Anduane Homogonaga andaha biabe bialu helo ti damene tale bialu wabuni mbira mbira headagua tigua Anduane Homogonaga anda mamage holene biabe bilo tibi tale bialu wabuni mbira mbira helalu biabe uruni bialu hene.  
\v 13 Agali uruni tigua Anduane Homogonaga anda panga haraba ago ai ibugua handayaho holobadabe hondolenaga ege to̱le̱ baraga halu daba hendene. Ti damene mbira mbira headagua mbirago dewa heaguabi mbirago emene heaguabi harugo lowa biabe tinagaore talebu mini.  
\v 14 Tigua ege to̱le̱ biaru baraga halu ai dameneme anda panga ni tagira ibiragoha heago handaya holobadabe handalu hemiria Selemaia ariame handayaho helo dabene. Mani Segaraiahanda panga abene uyurahayagi heago handayaho holene wiaria hendene. Segaraia ibu Selemaia igini howa ibugua mini manda bayaleru talebu miaga hene.  
\v 15 Ani bialu mani ege to̱le̱ biaru baraga howa handalu hemiria Obededomohanda panga abene unurahayagi heago handayaho halu ibu iginiru tigua tamu hobane dabudabu wiaga heagoha handayaho helo dabayayane hendene.  
\v 16 Ani buwa mani Subimi Hosala libugua anda panga ni paliragohayagi heago handayaho halu panga mende mini Salegede laga heago handayaho helo dabo helene. Panga Salegede ogoni hariga irigi halu piaga wiago kaware dege hene. Agali uruni damene bibahende headagua biabe bulene mbira mbira dabo helalu ti iriari bialu maru tigua bu aribia halu panga uruni handayaho iriari biaga hene.  
\v 17 Horo bibahendengi Libaiali uruni waragarialime panga haraba ni tagira ibiragohayagi heago mamage haga hene. Agali mariame panga haraba abene uyurahayagi heago mamage halu maria mendeme panga abene unurahayagi heago mamage halu bini. Ani bialu maria dege teboneme anda tamu hobane dabudabu wiaga heago mamage hene. Anda tamu hobane mbira heago kirame mamage halu hoba mende heago agali kira mendeme mamage hene.  
\v 18 Ani bialu agali waragariame panga haraba ni paliragohayagi mamage halu kirame anda heago mamage heagola mariame hariga wiago mamage haga hene.  
\v 19 Libaiali uruni ti Kora hameiginibi Merari hameiginibi dege howa mamage holene biabe ogoni bialu hene.   
\s1 Libaiali Anduane Homogonaga andaha biabe maru bilo mo mia dege binigo ogo  
\p
\v 20 Agali maru hearu Libaiali dege howa tigua Anduane Homogonaga andaha muni wiagane wiago handayaho howa dabudabu bayale wali agalime Ngode Datagaliwabenaga lomabu mini wiarubi handayaho haga hene.  
\v 21-22 Agali mbira mini Ladana henegonaga aguanene Gesono hameigini mini Yahiele henego ibu igini kira Sedama Yoelela heba uruni tinaga biabe Anduane Homogonaga andaha muni wiagane hobanebi dabudabu tara tara wiaga hobanebi heago handayaho haga hene.   
\p
\v 23 Ani bialu hameigini maru Amarama Isiha Heberono Usiele heneru ti aguanene hearume biabe bulene wia dege bini.  
\v 24 Agali mbira mini Sebuele ibu Mosese igini Gesomo hameigini mbira henego ibu Anduane Homogonaga andaha muni wiagane hobane heago handayaho haga agali haguane hene.  
\v 25 Sebuele ibu Gesomo hamene Eliese aguanene howa ibu Selomidi damene hene. Eliese igini Lehabaia Lehabaia igini Yasaia Yasaia igini Yorama Yorama igini Sigiri Sigiri igini Selomidi hene.  
\v 26 Selomidi ibu damene hearu tigua dabudabu mbirale bayale damene Ngode Datagaliwabenaga lomabia ho wiaru handayaho haga hene. Mbirale bayale uruni Kini Debidihandabi hameigini mbira mbiranaga agali haguane bu hearumebi ami haru haga agali haguane hearumebi tigua Anduane Homogonaga loma bialu wiabagiho wini.  
\v 27 Tigua wai bialu bo podama anda puwa tigua waitiginaga dabudabu bayale tara tara wiaru mo yalu dai bigi buwa mbirale bayale uruni Anduane Homogonaga lalu loma bia howa Anduane Homogonaga andaha biabe bulene wiago bilonaga mo wigi biaga hene.  
\v 28 Mbirale bayale uruni ale Anduane Homogonaga andaha wiaru bibahende Selomidibi ibu damene hearubi tigua handayaho haga hene. Abale howa Anduane Homogonaga bi mana latagi haga Samuelebi Kini Solobi Nere igini Abanebi Seruia igini Yoababi agali uruni tigua mbirale bayale uruni bibahende Ngode Datagaliwabenaga lowa lomabu minigo wini.   
\p
\v 29 Isiha aguanene bu hearu aria Kenanaiabi ibu igini bu hearubi tigua gabumane biabe bilo dabo helene. Uruni ti marume beba gili bia dagala biaga helalu marume Isaraele wali agalinaga godi hale haga hene.   
\p
\v 30 Heberono aguanene bu hearu Hasabaiabi ibu damene agali daosini mbirani handari karia (1,700) hearubi tigua Isaraele dindiha abene Iba Yodana ni paliragohayagi gabumane biabe bulene winigo handayaho haga hene. Agali uruni ti biabe bulene wiaru damene manda biaihe howa tigua kini heagonaga biabe bulene wiagobi Anduane Homogonaga biabe bulene wiagobi handayaho haga hene.  
\v 31 Heberono aguanene agali mbira mini Yaraia henego ibu tinaga agali haguane hene. Debidi ibu kini dege heane mali pira maria (40) pene lowa Heberono hameigini lenego bibahende hearu mandabi ai kabe hondole taya bialu hene. Ani taya bialu hemiria hameigini ogoni aria agali dewaore Gileada dindihayagi Yase tano wiagoha hearia handa walia hene. Agali uruni ti wai wayali haga hongoheore hene.  
\v 32 Ani heago hondowa Kini Debidi ibugua Yaraia aria agali haguane hearu daosini kirani handari karia (2,700) bibahende dabo helene. Ti agali bayale tigabiore howa ti Isaraele dindiha Lubene hameiginibi Gada hameiginibi Manase hameigini halu mende hearubi Iba Yodana ni tagira ibiragohayagi hearu tigua Ngode Datagaliwabenaga biabe bulene wiarubi kini heagonaga biabe bulene wiarubi bibahende handayaho helo helene.   
\c 27  
\s1 Ami haru haga haguanerubi wali agali hameigini hearunaga haguanerubi henegonaga mini uru  
\p
\v 1 Agali mini ogoha gilibu ngaruni Isaraele wali agali bibahendenaga haguane henerunaga minibi hameigini mbira mbiranaga agali haguane minibi ami haru haga haguane henerunaga minibi gilibu nga. Agali uruni tigua biabe biaga agali tale buwa wabuni pira mbirani kira (12) dege dege helene. Agali wabuni mbira mbirani ti ege mbira mbirani biabe biaga hene. Wabuni mbira mbiraha agali biabe biaga daosini pira kirani maria (24,000) dege dege hene.   
\p
\v 2 Agali haguane o henedarunaga mini uru. Ege mbirani Sabadiele igini Yasobeama ibugua agali daosini pira kirani maria (24,000) biabe bilo haru hene.  
\v 3 Yasobeama ibu Yudali howa ibu Perese hameigini aria hene.   
\p
\v 4 Ege mendeni Ahohi aguanene aria Dodaihanda agali daosini pira kirani maria (24,000) halu mende hearu biabe bilo haru ha aribia howa handayho hene. Agali mbira mini Migilodo henego ibugua Dodai haru hamogo bialu biabe handayaho haga mende ibu hene.   
\p
\v 5 Ege teboneni agali \w loma\w* binigo mo miaga Yahoiada henego igini Benaia ibugua agali biabe biaga daosini pira kirani maria (24,000) halu tebone hearu haru hene.  
\v 6 Benaia ogoni ibu Debidinaga ami agali hongohe dege dege pira tebira (30) heneru aria mbira howa ibugua ami agali uruni haru haga hene. Anigo ibu igini Amisabada ibu agali biabe biaga halu tebone biaru ibugua haru ha aribia hene.   
\p
\v 7 Ege maneni Yoaba hamene Asahele ibugua agali biabe biaga daosini pira kirani maria (24,000) ma halu hearu haru hene. Mani howa ibu igini Sebadaiahanda ibu aba Asahelenaga henegoria ha aribia halu haru haga hene.   
\p
\v 8 Ege daunini Isiha aguanene Samahuduhanda agali biabe biaga daosini pira kirani maria (24,000) dau halu hearu haru hene.   
\p
\v 9 Ege waraganeni Tegoali Igese igini Ira ibugua agali biabe biaga daosini pira kirani maria (24,000) waraga halu hearu haru hene.   
\p
\v 10 Ege kaneni Eberaimi hameigini aria mbira Pelonoali Helese ibugua agali biabe biaga daosini pira kirani maria (24,000) ka halu hearu haru hene.   
\p
\v 11 Ege halinini Husa dindiali mini Sibegai ibugua agali biabe biaga daosini pira kirani maria (24,000) hali halu hearu haru hene. Sibegai ibu Yudali howa Sera hameigini aria hene.   
\p
\v 12 Ege dinini Anadodo tanoali Abiese ibugua agali biabe biaga daosini pira kirani maria (24,000) dini halu hearu haru hene. Abiese ibu Beniyamini hameigini aria hene.   
\p
\v 13 Ege pinini Nedoba tanoali Maharai ibugua agali biabe biaga daosini pira kirani maria (24,000) pini halu hearu haru hene. Maharai ibu Sera hameigini aria hene.   
\p
\v 14 Ege beaneni Piradono tanoali Benaia ibugua agali biabe biaga daosini pira kirani maria (24,000) beane halu hearu haru hene. Benaia ibu Beniyamini hameigini aria hene.   
\p
\v 15 Ege hombeaneni Nedoba tanoali Heledai ibugua agali biabe biaga daosini pira kirani maria (24,000) hombeane halu hearu haru hene. Heledai ibu Odoniele aguanene hene.   
\s1 Isaraele hameigini mbira mbira hearunaga agali haguane heneru uru  
\p
\v 16 Isaraele hameigini mbira mbira henerunaga handayaho haga agali mini uru. Lubene hameigini hearu Sigiri igini Eliesehanda handaya ho haga hene. Simeono hameigini hearu Maga igini Sebadaia ibugua handayaho haga hene.  
\v 17 Libai hameigini hearu Kemuele igini Hasabaiahanda handayaho haga hene. Arono aria hearu Sadogohanda handayaho haga hene.  
\v 18 Yuda hameigini hearu Debidi hamene mbira mini Elihu henego ibugua ti handayaho haga hene. Isaga hameigini hearu Maigele igini Omirihanda handayaho haga hene.  
\v 19 Sebulunu hameigini hearu Obadaia igini Isimaia ibugua ti handayaho haga hene. Nabadali hameigini hearu Asariele igini Yaremodohanda handayaho haga hene.  
\v 20 Eberaimi hameigini hearu Asasaia igini Hosea ibugua ti handayaho haga hene. Manase hameigini halu mbira ni paliragohayagi hearu Pedaia igini Yoelehanda handayaho haga hene.  
\v 21 Manase hameigini halu mende ni tagira ibiragohayagi Gileada dindiha hearu Segaraia igini Ido ibugua handayaho haga hene. Beniyamini hameigini hearu Abane igini Yasielehanda handayaho haga hene.  
\v 22 Dana hameigini hearu Yarohama igini Asarele ibugua ti handayaho haga hene. Agali haguane urunime Isaraele hameigini bibahende handayaho haga hene.   
\p
\v 23 Anduane Homogohanda buleore lalu lo wialu Isaraele wali agali dewaore harini yakundi daga labe nahe bu karubi helo mo dewa holebero lalu lowinigo manda buwa Debidi ibugua agali mali pira kira (20) bolangua nahe hearu daga nalene.\x + \xo 27.23 \xt Pig 15.5, 22.17, 26.4\x*  
\v 24 Wali mbira mini Seruia berenego ibu igini Yoaba ibugua Isaraeleali bibahende daga lai hole bialu hearia daga lamaro nabini. Ngode Datagaliwabehanda Isaraeleali daga lelo hame nale heagola tigua daga lalu hemiria hondowa ibugua Isaraeleali bibahende pani nelo mini. Ani binigome mbuga mbira Kini Debidihanda bialu henegonaga te gilibu wini ngagoha agali daga lamaga henegonaga gilibu wiai nahe winigo nga.\x + \xo 27.24 \xt 2 Sml 24.1-15, 1 Bit 21.1-14\x*   
\s1 Kininaga dabudabu wiaru handayaho haga agali henerunaga mini uru  
\p
\v 25 Adiele igini Asamabedehanda kininaga anda hobane hearuha tomo dabudabubi wiaru handayaho haga hene. Usia igini Yonadanahanda tomo mbirale tara tararu wiagane anda Isaraele dindi bibahendeha tanoni heagobi tagiraha dindi emeneha heagobi wai mamage haga anda lu hongohe bu heagoha mbirale wiarubi bibahende ibugua handayaho haame haga hene.  
\v 26 Kelubu igini Eseri ibugua agali mabuha biabe biaga hearu bibahende handameho haga hene.  
\v 27 Kininaga pu mbira lini daga mini \w gerebi\w* mabu Lama tanoali Simai henego ibugua handayaho haga hene. Sebama tanoali mini Sabadi ibugua \w waini\w* iba wabulenaga gerebi lini do wiarubi waini iba hambu berelo wiaganebi anda hobane heago handayaho haga hene.  
\v 28 Gedere tanoali Balahanana ibugua dindi abene ni paliragohayagi dindi hombene bare bare wiaruha ira oliberu ira maru mini sigamo poge ale hearu handayaho haga hene. Yoasa ibugua olibe lininaga weli hambu wiaga anda hobane heago handayaho haga hene.  
\v 29 Sarono yu dindi wiagoria Saronoali Sidiraihanda nogo bulumaga bibahende dindi ogoniha bu hearu handayaho haga hene. Adalai igini Sabada ibugua dindi guagua wiaruha nogo bulumaga hearu handayaho haga hene.  
\v 30 Isimaele hameigini aria Obili ibugua kininaga nogo kamele hearu handayaho haga hene. Meronodoali Yadeaia ibugua kininaga nogo dongi hearu handayaho haga hene. Hagara hameigini hearu aria Yasisi ibugua kininaga nogo sibi memeru handayaho haga hene.  
\v 31 Agali uruni ti Kini Debidinaga mbirale tara tara wiarubi hearubi handayaho hagarunaga haguane hene.   
\s1 Debidi mini gigabi wulenebi manda bayale bulenebi talebu miaga agali henego uru  
\p
\v 32 Debidi aba hamene Yonadana ibu mini gigabiwiore howa mbirale bayuwaore manda biaihe howabi ibugua mini manda bayaleru Kini Debidi talebu miaga hene. Yonadana ogoni ibula Hagamoni igini Yahielela libugua kini igini bu hearu mana tara tara wiaru lawai haga hene.  
\v 33 Ahidobele ibugua kini mini giga bulene manda bayaleru talebu miaga hene. Aga dindiali Husai ibu kininaga nenegeore howa ibugua ogo bulene bayaleda ogo bayale ndoda lalu Debidi lamiaga hene.  
\v 34 Mani Ahidobele homayagola Abaiadabi Benaia igini Yahoiadabi libu Ahidobele henegoria ha aribia hene. Ani bialu Yoaba ibu kininaga ami agali bu hearu bibahende haru haga haguane hene.   
\c 28  
\s1 Debidihanda Anduane Homogonaga anda ogodagua bilimu lalu lenego ogo  
\p
\v 1 Kini Debidihanda Isaraeleali agali haguane bu hearu bibahendeore Yarusalemeni ngoai hadaba lene. Ani layago hale howa Isaraele wali agali hearunaga haru haga haguane bibahendebi kininaga biabe bulene wiaru handayaho haga bu hearubi hameigini mbira mbira hearunaga agali haguane bu hearubi kinibi ibu igini bu hearunaga dabudabu wiarubi nogo bulumaga sibi bu hearubi handayaho haga hearu tibi kini andaga mamage haga hearubi ami agali haru haga hearubi agali haguane mini lene hearubi bibahende Yarusalemeni íbu ngoai hene.   
\p
\v 2 Ani íbu ngoaiho hai heagola Debidihanda heyu howa tihondo lamialu lalu, I̱ hamenerubi i̱naga wali agali bu kamirubi tíhondo i̱na bi áyu larogo baya hangu hale halimu. Inanaga Anduane Homogo anda bayaleore mbira Habo Nalolene Bi lo winigonaga Mbogoyi biago ogoniha mo ngelolenaga bule i̱na mandabu haru. Mbogoyi ogoni inanaga Ngode Datagaliwabe kagonaga ge wilonaga wini. I̱na anda ogoni bulenaga mbirale bibahende mo manda mandabu wiai haru.\x + \xo 28.2 \xt 2 Sml 7.1-16, 1 Bit 17.1-14\x*  
\v 3 Anidagua mandabu hewaria dege Anduane Homogohanda i̱hondo langialu lalu, Debidi-o i̱naga wali agali i̱ni koria íbu ngoai holene anda ogoni bulene í̠ ndo dabaru. Irane í̠ ami agali howa í̠na agali dewaore homelo bo wahai halu darama pelarigoni ndobe, laya.  
\v 4 Anigo Anduane Homogo ina Isaraele wali agalinaga Ngode Datagaliwabe kago ibugua i̱bi i̱ igini aguanene holebirarubi inane hangume Isaraele wali agali handayaho howa haru haabo holoma̱ya dabaya. Pigane Yuda hameigini hangume Isaraele wali agalinaga haguane howa haru helo Anduane Homogohanda dabene. Ani binigo ai Yuda hameiginiha howa ibugua i̱ ababi ibu damenerubi tigua haru helo dabaya. Ani bialu mani Anduane Homogo ibunime bulene hame leadagua bialu ibugua i̱ hamene bu hearu ti dombeneha i̱ hewaria dabalu Isaraele bibahendenaga kini holiya dabo helene kogoni.  
\v 5 Ani bialu i̱hondo igiri dewaore ngiyaru mbira Solomono dabo helayago Anduane Homogonaga Isaraele wali agali ibuni handameho hagaha Solomono ibugua haru helo dabo helaya.   
\p
\v 6 Ani buwa Anduane Homogohanda i̱hondo langialu lalu, Í̠ igini Solomono ibugua i̱naga anda ogoni bialu ege pabe hongoheme anda ogoni bu mabu bulebira. Anidagua bulebirago irane ibu i̱ iginiore helo dabarugo i̱ni nde ibu abaore holebero.  
\v 7 Ibugua áyu bialu kadagua i̱naga mana lowini ngogobi i̱naga bi larogobi hale howa talialu biaabo hayagua nde ibu igini aguaneneru hangume kini helo dabo helaabo holebero, lalu Anduane Homogohanda laya lene.   
\p
\v 8 Ani lowa Debidihanda laabo halu lalu, Ai Anduane Homogo deni howabi ibunaga Isaraele wali agali bu kamiru tínaga deni howabi tí bibahendeore kamiruhondo i̱na bi hongo howa laro. Inanaga Anduane Homogo ibugua bi mana bayaleore iname bialu halimu lalu langiyaru baya hangu taluwa bialu haabo halimu. Tígua anidagua bialu haabo harimiyagua nde tí dindi bayale o ngagoria haabo halu tínaga aguanene mani holebirarunagabi wiaabo holebira, lene.   
\p
\v 9 Ani lowa ibu igini Solomonohondo bi hongo howa ogodagua laya. I̱ iginiore-o í̠na biabe bulenego mini ogoriani dunubia howa í̠ abanaga Ngode Datagaliwabe kago ibu andaneha haabo hole manda bu habe. Ani bialu ibunaga hame ngago talialu haabo holenenaga biabe bulene ngago hongo howa bialu haabo habe. Anduane Homogohanda inanaga mini ngamarubi hame ngamarubi bibahende manda biaiho kagoni. Ibu ogonibi kago manda buwa í̠na ibunaga hame ngago buleore hongo haabo hariyagua nde í̠na ibuni bayaleore ogobi ka handa walia holebere. Anigo í̠na ibu erembira mialu piriyagua nde ibugua í̠ taliatagi howa erembira ngialu haabo holebira.\x + \xo 28.9 \xt 1 Sml 16.7, Iba 139.2, Yar 9.24\x*  
\v 10 Ai áyu baya hangu hale habe. Anduane Homogohanda í̠ dabalu wali agali íbu ngoai howa ibu mitangi bialu ibunihondo lotu lelonaga anda ibunaga loma biahene ogoni í̠na bibelo dabaya. Anidagua biyago ai í̠na biabe ogoni hongo howa bialu biai habe, lalu Debidihanda lene.   
\p
\v 11 Debidihanda bi ogoni lai halu Solomonohondo anda biagane mana damenego ogodagua bibe lowa mo walia hai halu mbirale maru tara tara bulene damenego bigiya mo walia hai halu bini. Ani bialu ogoale bibe lalu bi gilibu manda manda bu wiyadago Solomono mo mini. Anda haneni hobane helobi mbirale dabudabu wulenenaga anda hobane helaga bulenedarubi hobane emene emene maru daligahayagi helolenerubi hobane timbuni dindiha helolenedarubi \w Hobane\w* Loma Bia Heneore ogoniha Habo Nalolene Bi lo winigonaga Mbogoyi biago mo wulenegobi bibahende bigiya wabu manda manda buwa gilibu winigo mo mini. Habo Nalolene Bi lo winigonaga Mbogoyi ogoriani howa Ngode Datagaliwabehanda wali agalinaga ko domo wahaga wini.  
\v 12 Ani bialu mbirale anda ogoniha ogoale bibe lalu Ngode Datagaliwabenaga Dinini ibugua Debidihondo mo walia halu wali agali ngoaiho holene hama Anduane Homogonaga anda kawareni ogobi wibe lalubi tamu hobane dewa wali agali ngoai haga ogoniha bu mabu bia holenebi ogodagua bibe lalu walia hene. Ani bialu Ngode Datagaliwabenaga andaha muni wulene tamu hobane helolenebi wali agalime mbirale bayale damene Anduane Homogonaga loma bialu wia bagiho ngelene wiaru mo wulene tamu hobanebi helabe lalu uruni bibahende gilibu wigi biniru mo walia hai hene.  
\v 13 Ani bialu \w Libaiali\w* hearubi \w loma\w* binigo mo miaga hearubi tinaga biabe ogoale bilo lalu bebani gilibu mandabu winidarubi Anduane Homogonaga andaha biabe ogodagua bulene lalu mana gilibu winidarubi mo walia dege hene. Ani bialu Anduane Homogonaga andaha mbirale tara tara biabe bulenaga wabulene mana mo walia hene.  
\v 14 Ani bialu gabo belediru wabulenaga ngolo silibaru ogodaguame karulape lalu mo walia ha dege bini.  
\v 15-16 Ani bialu lamu hale wabulenebi lamu hale mo wiagane bu helolenebi dagia silibame wabulenebi Anduane Homogonaga mberedi loma bia hene wiagane dagia ngolome wabu wulenebi lamiai hene.  
\v 17 Ani bialu ngolo bayale daga ogodaguame mbirale kanogo ale tomo dugulene dehe wabulenebi ndisi be wabulenebi gabo be wabulenebi ani bialu ngolo silibabi ogodaguame ndisi be maru wabulenebi mo walia halu lamini.  
\v 18 Daga gilibu wiyadagoha ngolo bayale ogodaguame ira hagua nga bilo delaga inisenesi lomabu delolene dabu wabulenebi lamialu ngolo ogodaguame dahuliyali handalehe kira wabuwa libunaga babaganeme Anduane Homogonaga Habo Nalolene Bi lo winigonaga Mbogoyi biago yabula dambiho helole wabilonaga ngolo dagabi lamini. Dahuliyali handalehe ogonilabo libu Anduane Homogo ibuninaga karisi laga wabu wini.   
\p
\v 19 Ani lamiai howa Kini Debidihanda lalu, Bigiya beba ogoniha wabu wirudaruni Anduane Homogo ibunime i̱ mo walia hayadagua bibahende wabu wiai haru, lene.  
\v 20 Ani lowa ibugua ibu igini Solomono lamialu lalu, I̱naga Anduane Homogo Ngode Datagaliwabe kago ibugua í̠ heba mandagi haabo holebirago í̠na biabe uruni bulene gendame í̠ bope haragola mini dege dindi holeni gi nahe hongo howa bialu habe. Í̠na Anduane Homogonaga anda ogoni biamaro bibelo ibugua í̠ wahalu nape biamogo bialu haabo holebira.  
\v 21 Iname loma binigo mo miaga karubi Libaiali karubi tigua Anduane Homogonaga andaha biabe tara tara bigibigi bialu helo dabo helaiore kamagoni. Biabe tara tara ngago damene bigibigi bulene agali mugubeyi dewaore í̠ biamogo bulene manda mandabu hai heledema. Ani bialu hameigini mbira mbiranaga agali haguane karubi wali agali bibahendebi í̠naga bi larego hale halu buleore manda mandabu hai kagoni, lalu Debidihanda Solomonohondo lamiai hene.   
\c 29  
\s1 Anduane Homogonaga anda bilonaga wali agalime mbirale mbirale bame migi binigo ogo  
\p
\v 1 Kini Debidihanda wali agali bibahende bu hearu lamialu lalu, Ngode Datagaliwabehanda ibunaga anda bilonaga i̱ igini Solomono dabenego ai Solomono ibugua anda ogoni bulenaga manda dewa nabi wene dege kagoni. Anduane Homogo Ngode Datagaliwabenaga anda ogoni bulenego bame agalime kininaga anda biagadagua bule ndo biabe erekuibi ndelaheore bialu bulene ngagoni.\x + \xo 29.1 \xt 1 Bit 22.5\x*  
\v 2 Ani bulene ngago ai i̱na ngolo silibabi boronosi aeanebi ira bayalerubi bibahende Anduane Homogonaga anda ogoni bule ala mo manda manda bu harugoni. Ani buwa ege to̱le̱ bayale tara tara muni dewaoreme yolo miaga ngarubi mo wia dege birugoni.  
\v 3 Uruni mo tago halu i̱na ngolo siliba maru ngorunibi ngia dege biru. Ani birudagoni irane i̱na Anduane Homogonaga anda bu helo hame timbuniore lowa anidagua bule lowa manda manda birugoni.  
\v 4 Ngolo bayale i̱na wirudarunaga genda magi timbuni kilogarama daosini handari mbira (100,000) silibabi genda magi timbuni dege kilogarama daosini handari kirani pira maria (240,000) ngogo ogonime Anduane Homogonaga anda ogoni tamuha anda hái yári bule ngo.  
\v 5 Ani bialu anda biaga agali mandabi karume anda ogoni bigiya wabu ngarunaga silibame mo yári bia holene ngarubi ngolome mo yári bia holene ngarubi bulene ngadagua bigi bilonaga ngogoni. Ai uruni bulenaga turu halu Anduane Homogohondo loma bialu mbirale bame migi bule ái dege kamibe.   
\p
\v 6 Kini Debidihanda bi ogoni layago hale howa Isaraele hameigini mbira mbiranaga agali haguane hearubi ami agali daosini agima haru haga agali haguane hearubi ami agali handari agima haru haga agali haguane hearubi kininaga mbirale wiaru handayaho haga hearubi bibahendeoreme anda ogoni bulenaga mbirale bame mule turu timbuni howa tinaga bu miniha dunguloore hene.  
\v 7 Ani howa tigua ngolo dewaore genda magi kilogarama daosini dege handari mbirani pira karia (170,000) bolangua howa wialu siliba kilogarama daosini dege handari tebirani pira maria (340,000) bolangua howa wini. Ani wialu boronosibi nde kilogarama daosini dege handari waragariani pira kira (620,000) wialu aeanenaga genda magi timbuniore kilogarama milini tebirani daosini dege handari maria (3,400,000) wini.  
\v 8 Ani buwa wali agali bu hearume ege to̱le̱ tara tara muni timbunime yolo bialu miaga wigi biniru Anduane Homogonaga anda muni wiaga wiagoha ngelo mo migi bini. Gesono hameigini agali mbira mini Yahiele henego ogoni ibugua anda hobaneha muni wiaga ogoni handayaho haga hene.  
\v 9 Wali agali tigua handalu hemiria tinaga agali haguane bu hearume uruni damenego wule turu howa wialu heago de hondowa tibi nde turu timbuni ho hene. Kini Debidi ibunibi nde uruni hondowa turu timbuniore ho hene.\x + \xo 29.9 \xt 2 Ko 9.7\x*   
\s1 Debidihanda Anduane Homogonaga mini yaraga henego ogo  
\p
\v 10 Wali agali bibahende íbu ngoai ho hearunaga deni howa Debidi ibugua Anduane Homogonaga mini mo yaraga halu lalu, Anduane Homogo-o í̠ore ina mamali Yagabanaga Ngode Datagaliwabe kego wali agali bibahende bu kamarume í̠naga mini yaraga haabobo halu holene nga.  
\v 11 Í̠ bibahendenaga hongo haihebi wá holenebi baya buruguleorebi mini lene daliga timbuniorebi kegoni. Mbirale dindini ngarubi karubi dahuliya andagaha ngarubi karubi bibahende í̠naga hangu hai kegoni. Ai mbirale uruni bibahendenaga kini dunini timbuniore howa í̠ni handame ho kegoni.\x + \xo 29.11 \xt Md 6.13\x*  
\v 12 Í̠ni hangume bibahende bayale ngaru inahondo ngiai howa í̠nime bibahende haru hai ho kegoni. Í̠ hanguore bibahendenaga hongo bolangua haihe howa í̠nime dindini wali agali bu karu mo hongo ho helowa mini leneore helaga kegoni.  
\v 13 Inanaga Ngode Datagaliwabe-o iname í̠ bayaleore lalu í̠naga mini yaraga halu ka̱i̱ larama.   
\p
\v 14 I̱naga wali agali bu karumebi i̱nimebi mbirale bibahende áyu í̠hondo ngeremarunaga anduane inane howa ngerema labe naheore kama. Inaha galone mbira nahe howa mbirale uruni inanenaga labe naheore kamagoni. Mbirale uruni bibahende í̠ninaga hangu wiaiore ka. Ala mbirale uruni í̠nime inahondo ngiriruni áyu iname í̠nihondo lone ngiadai berema.  
\v 15 Anduane Homogo-o áyu wali agali dindini bu kamaruni bibahende ina dindi mbirani baya hangu ho dungulo haga ndo inanaga mamali heneru ti bamba dindi mbira mbirani palia edede dege bima ibaga bialu hagadagua haga kamago í̠ manda bu kegoni. Ani howa inanenaga holene minu yania habe naheore howa balawaya dowa daabo nahe abale do gilopebe biraligobi kama.  
\v 16 Anduane Homogo inanaga Ngode Datagaliwabe-o iname mbirale bibahende áyu ngelo bedamaruni í̠naga mini timbuniore lene kegoni lalu anda bulenaga mo mogo buwa ngelo kamagoni. Anigo mbirale uruni bibahendeore í̠niha howa ibini í̠ninaga hangu wiai ka.  
\v 17 Í̠na wali agali bu karu bibahendenaga bu miniha agi winidabe hondole bahandai halu mbirali ibu mana tigabi bialu kago hondowa í̠naga bu miniha turuho haga kegoni. I̱na uruni mitangi bialubi mende í̠ mini leneore kego mitangi bialubi í̠naga miniha mbirale mbirale uruni í̠hondo ngua timbuniore howa ngero. Ai áyu anidagua dege í̠naga wali agali bu karu tiguabi nde mbirale uruni í̠hondo turu halu nguaore howa ngiragoni. Tigua ani ngirago hondowa i̱naga bu miniha turu timbuni ho kogoni.  
\v 18 Ai Anduane Homogo-o í̠ ina mamali Abarahama Aisaga Yagaba imarunagabi inanagabi Ngode Datagaliwabeore kego í̠nime í̠naga wali agali bu kamarume biabe urunidagua buluma̱ya inanaga bu miniha mo hongo haabo habe. Ani bialu wali agali uruninaga bu mini í̠niha hana ho haabo helo helabe.  
\v 19 I̱ igini Solomono ibugua í̠naga bi laregobi mana lowini ngagobi talialu anda ogoni bilo mini mandaru bayale bulene talebu mibe, lalu Debidihanda Anduane Homogohondo lene.   
\p
\v 20 Ani lowa Debidihanda wali agali bu hearuhondo lamialu lalu, Anduane Homogo tínaga Ngode Datagaliwabe mini yaraga hai hadaba, lene. Ani layago hale howa wali agali bu hearume ge duli hanga howa dindini bulu paluwa Anduane Homogo tinaga mamali ala hama ibinirunaga Ngode Datagaliwabenaga mini yaraga halu Debidinaga minibi yaraga halu bini.  
\v 21 Ani bialu horo mendengi wali agali tigua nogo bulumaga wangabe daosini mbira (1,000) sibi wangabe daosini mbira (1,000) sibi igini hungubalua nde daosini mbira (1,000) dege lowa uruni bibahende Anduane Homogohondo loma buwa irani bo delai hene. Ani buwa waini ibabi loma bialu odo dela dege bini. Ani bialu Isaraele wali agali bibahendenaga loma marubi bo dela dege bini.  
\v 22 Horo ogoningi wali agali ti tomo ibabi loma binidaruni nalu tinaga bu miniha Anduane Homogonaga deni ti turu timbuni ho hene.  
\p Anidagua bialu howa horo ogoningi dege tigua Anduane Homogonaga deni howa Solomono ibu tinaga kini helo halu mende lowa ibunaga haguaneni weli odo wini. Ani bialu agali mbira mini Sadogo heagobi \w loma\w* binigo mo miaga helo dabo helalu bini.  
\v 23 Ani bialu Solomono ibu kini halu ibu aba Debidi kini henegoria ha aribia howa kininaga biragane Anduane Homogohanda helenegoria biruwa ibugua wali agali bu hearu handame ho hene. Ani howa ibugua biabe biyaru bayale dege biyagola Isaraele wali agali bu hearu bibahendeme ibunaga bi hale halu ibu andaneha hai hene.\x + \xo 29.23 \xt 1 Kin 2.12\x*   
\p
\v 24 Ani howa kininaga biabe biaga agali haguane bu hearubi ami agali haguane hongohe bu hearubi heba Debidi igini maru bu hearubi ti bibahendeme Kini Solomono andaneha hai hole lalu bi hongohe lo wiai hene.  
\v 25 Anduane Homogohanda Isaraele wali agali bu hearunaga deni Solomononaga mini yaraga halu mo duniniore ho helene. Ani bialu Solomono ibu kini mini leneore howa Isaraele dindiha kini ala henedaru bolanguahe timbuniore hene.   
\s1 Debidi homenego ogo  
\p
\v 26 Yasi igini Debidi ibu Isaraele dindi bibahendenaga kini howa  
\v 27 ibugua mali pira mariani (40) haru hene. Ibugua Heberono dindini mali kariani kini halu Yarusalemeni howa mali pira tebirani tebira (33) haru hene.\x + \xo 29.27 \xt 2 Sml 5.4-5, 1 Bit 3.4\x*  
\v 28 Ibu wali agali bibahendenaga deni mini lene timbuniore halu ibunaga munirubi dabudabu tara tarabi dewaorewi hene. Ani wi howa ibu waheore biru wialu homene. Homayagola ibu igini Solomono ibunime ibu aba hayadagua kini ha aribia hene.  
\v 29 Debidi ibu kini pigane henedangi howa bima ibalu homayangi maro binigonaga te Samuelenaga mbuga ngagohabi mbuga mende Anduane Homogonaga bi mana \w latagi\w* haga Nadananaga mbugahabi gilibu wialu Gadanaga mbugahabi gilibu wigi bida.\f + \fr 29.29 \ft Mbuga tebira uruni bamba Anduane Homogonaga bi mana latagi haga agali hearume gilibu winiyago ai áyu iname handa nabi kamagoni irane mbuga uruni bamba ereba heneya.\f*  
\v 30 Mbuga uruniha howa Debidihanda biabe hongoheore wiaru bialu henegobi ibuni kiniore kagonida lo manda bialu Isaraele dindi baya hanguore handayaho henegobi te uruninaga gilibu wigi bida. Ani bialu nde mana ibugua bialu hene maru wiarubi Isaraele wali agali baba biabe bialu hene wiarubi dindi maru Isaraele dindiha wia mabu bialu wia parapara biaru baba biabe bialu hene wiarunaga te lo wigi bida.