\id TIT - Holiya
\ide UTF-8
\h तीतुस
\toc3 तीतुस
\toc2 तीतुस
\toc1 तीतुस उन हेसुर पौलुस प्रेरित उन चिट्ठी
\mt2 तीतुस के नाम पौलुस प्रेरित की पत्री
\mt1 तीतुस उन हेसुर पौलुस प्रेरित उन चिट्ठी
\imt परिचय
\ip तीतुस उन ईद किताब पौलुस उन नाक चिट्ठी गोळ दा टु ऊंद आद यदरी मंडली इन बजाय यातारा मंळसा अक संबोधित माळकु आगतद. दुसरा मुर चिट्ठी गोळ १ तीमुथियुस, २ तीमुथियुस अदिक फिलेमोन ईव हुव. पौलुस तीतुस उक लिखसोन, लेकीन आव ईद भी लिख्सदुन कि ई चिट्ठी सार्वजनिक रूप देल धोळ्द रीति देल वाचुसकु आगतद. नाव ईऊक अरू सकतेव यतिकी आव ऊंद प्रेरित उन रूप दा तान लायकत हेळतान, जो कि पौलुस पयले टु अच जानसोन. पौलुस शायद मसीह अन जनम इन बाद्दा ६३ से ६५ साल इन न्याड्या दा ई चिट्ठी लिखसीदुन.
\ip पौलुस तीतुस उक क्रेते मा जो मंडलीगोळ आव अऊर नेतृत्व माळोद निर्देश कोटीदुन. पौलुस उपदेशकगोळ इक मंडली इन उपदेशगोळ्द चयन शिक्षा मा निर्देश कोळोर साटी ई चिट्ठी इक लिखसीदुन. आव तीमुथियुस उक तान चिट्ठी गोळ दा सारखा निर्देश कोटान. आंदुर चिट्ठी दा वर्णन माळकु आग्याद कि ह्यांग मंडली अन उपदेशकगोळी उच्च मानक इन साटी माळकु आग पायजे. मंडलीगोळ अदिक मंडली इन उपदेशकगोळी ईंद नेतृत्व दा आ लॉकुर साटी जरूरी मानकगोळ मा सावधानी पुर्वक ध्यान कोळ पायजे.
\iot रूप-रेखा
\io1 १. पौलुस यात्रीगोळ इक नियुक्त माळोर साटी तीतुस उक निर्देश कोळतान \ior १:१-१६\ior*
\io1 २. आव लॉकुरी भी ईश्वरीय जीवन जीऊसोर साटी प्रशिक्षित माळोद निर्देश कोळतान \ior २:१–३:११\ior*
\io1 ३. अन्त दा, पौलुस तान थ्वाळासा योजनागोळ इक साजा माळकु अदिक बधाई बातणी कळुकु चिट्ठी खतम माळतान \ior ३:१२-१५\ior*
\c 1
\p
\v 1 पौलुस उन दी टु जो परमेश्वर उन दास अदिक यीशु मसीह अन्द प्रेरित हुन.
\p नाम मंडली इन खरा ग्यान इन अगुवाई माळोर साटी कळकु आग्याद अदिक सच्चाई इन पयचान जो भक्ति इन अनुसार आद, 
\v 2 आ अनन्त जीवन इन आशा मा यदुर्द वादा परमेश्वर, जो ख्वाटा माताळालुन सनातन देल माळ्यान, 
\v 3 लेकीन सही समय मा तान वचन इक आ प्रचार इन द्वारा प्रगट माळदुन, जो नाम उद्धारकर्ता परमेश्वर उन आग्या अन अनुसार नानी सौप्सकु आग्याद.
\p
\v 4 \x + \xo १:४ \xo*\xt २ कुरिन्थि ८:२३; गलातिगोळ २:३; २ तीमुथियुस ४:१०\xt*\x*तीतुस उन हेसुर, जो विश्वास इन सहभागीता अन्द विचार देल नान खरा पार हुन:
\p परमेश्वर आप्प अदिक नाम उद्धारकर्ता मसीह यीशु उन दी टु नीनी अनुग्रह अदिक शांती सिकतेला ईरूल.
\s क्रेते दा तीतुस उन कार्य
\p
\v 5 ना इदुरसाटी नीनी क्रेते दा बिटकु बंदिदीन कि नी मिग्द मातगोळ्द सुधारन माळ्या, अदिक नान आग्या अन अनुसार नगर नगर स्याणागोळी नियुक्त माळ्या. 
\v 6 \x + \xo १:६ \xo*\xt १ तीमुथियुस ३:२-७\xt*\x*जो निर्दोष अदिक ऊंदा हिंग्स उन गंळ्स ईरूल, यारोर चिकोर विश्वासी ईरूल, अदिक अनुशासन इन हिनता अन्द दोष आंदुर मा हचकु ईला आग सकुल तथा आंदुर निरंकुश भी ईरबाळुल. 
\v 7 यतिकी मंडली इन अध्यक्ष उक परमेश्वर उन कार्य अन निरीक्षक आगा कारण आव निर्दोष ईर पायजे; आऊक ना हटीला, ना सिट्ट, या कुडावाळा, या झगळेलु, या पैस्या अन लालची ईला ईर पायजे, 
\v 8 लेकीन पाऊनागोळ्द आदर माळावाळा, भलाई इक चाहसावाळा, संयमवाळा, न्याय माळावाळा, पवित्र अदिक सभ्यताशील ईरूल; 
\v 9 आऊक आ विश्वास माळा योग्य अदिक सिद्धांतगोळ मा सयमत आगावाळा बातणी इक मजबूती देल हुडुकु ईर पायजे ई प्रकार आव लॉकुरी सही शिक्षा कोटकु आंदरी प्रोत्साहित माळुल अदिक ईदुर दा सांगुळ जो ईदुर विरोधी आर आंदुर्द खंडन माळ सकुल.
\p
\v 10 यतिकी हापाळ सा लॉकुर निरंकुश, व्यर्थ माताळावाळेर अदिक ध्वाका कोळावाळेर आर; यक्कुल माळकु यहूदी दा टु बंदार. 
\v 11 ईद जरूरी आद कि ईंदुर बाय बंद माळ पायजे. यतिकी ई लॉकुर नीच कमाई साटी अनुचित मातगोळी कल्सकु मान्ना अन्द मान्ना बिगळुस बुळतार. 
\v 12 आंदुर दा टु ऊंद क्रेते नोर अच भविष्यवक्ता, तान लॉकुर बारा दा खुद अंदान, “क्रेते अन निवासी हमेशा ख्वाटा माताळतार आंदुर आळी दाकळोद जनावर आर अदिक आलसी व्हाट्टा तुमावाळेर आर.” 
\v 13 ईद गवाही सत्य आद, इदुरसाटी आंदरी कळकता देल चेतावनी कोळतोग कि आंदुर विश्वास दा पक्‍का आगेगुल, 
\v 14 अदिक यहूदीगोळ्द कहानी कात्‍तागोळ अदिक आ मंळसागोळ्द आग्यागोळ मा मन हचबाळुल, जो सच्चाई इन हादी देल काळदोगतार. 
\v 15 शुद्ध लॉकुर साटी सप्पा वस्तुगोळ शुद्ध आव, लेकीन अशुध्द अदिक अविश्वासीगोळ साटी येनु भी शुद्ध हैलेच, उलटा आंदुर्द बुद्धी अदिक विवेक येढ्ढु अशुध्द आव. 
\v 16 आंदुर अनतार कि नाव परमेश्वर उक अरूतेव, लेकीन तान क्याल्सा देल आऊन इनकार माळतार; यतिकी आंदुर बेकार अदिक आग्या ईला मानसावाळेर उर, अदिक यातोदु वळ्लीद क्याल्सा अन लायक हैलेच.
\c 2
\s आचरण इन साटी सही शिक्षा
\p
\v 1 लेकीन नी ईत्‍ता मातगोळ अनतोग जो सही सिद्धांतगोळ लायक आव. 
\v 2 मतलब हाळाबाट मंळसा शालीन, सचेत अदिक खुद नियंत्रित ईरूल, अदिक विश्वास दा मजबूत, प्यार अदिक धैर्य पुर्ण सहनशील ईरूल. 
\v 3 हांगा हाळामुंड आर्तेर्द चाल-चलन पवित्र लॉकुर घाई ईरूल; आंदुर निंदक आगबाळुल तथा अंगुर शयद या याल्ला अन्द लत आंदरी ईरबाळुल लेकीन वळ्लीद मातगोळ कल्सावळ्तेर ईरूल. 
\v 4 ताकी आंदुर हारोदोर आर्तेर इक चेतावनी कोळ्त ईरूल कि तान गांडुर से अदिक चिकोर से प्यार ईटुल; 
\v 5 अदिक खुद नियंत्रित, पवित्र, अदिक मान्ना अन्द वळ्लीद व्यवस्था माळावळ्त, अदिक तान गांड्ड उन हात्‍ती ईरावळ्त ईरूल, ताकी यावारा भी परमेश्वर उन दी टु बरावाळा वचन इन अपमान ईला माळुल.
\p
\v 6 हिंग अच हारोदोर मंळसागोळी भी समझुसतोग कि खुद नियंत्रित आगुल. 
\v 7 सप्पा मातगोळ दा तान तान इक वळ्लीद आचरण इन नमुना माळ. नीन शिक्षा दा सफाई, गंभीरता, 
\v 8 अदिक हिंग सच्चाई सिकुल कि यावारा अदुर्द आलोचना माळ सकबाळुल, ताकी नीन विरोधी लज्जित आगुल यतिकी आंदुर हात्‍ती नीन विरोध दा अनली येनु ईरतीदील.
\p
\v 9 दासगोळी समजुस कि तान-तान स्वामी इन सांगुळ ईरूल, अदिक सप्पा मातगोळ दा आंदरी खुश ईटुल, अदिक तिर्गकु जवाब कोळबाळुल; 
\v 10 काळ्लपनी अदिक चालाकी माळबाळुल, लेकीन हर प्रकार देल पुरा विश्वासी होळुल कि आंदुर सप्पा मातगोळ दा नाम उद्धारकर्ता परमेश्वर उन बारा दा शिक्षा अन शोभा वाळुसुल.
\p
\v 11 यतिकी परमेश्वर उन अद अनुग्रह प्रगट आद, जो सप्पा मंळसागोळ्द उद्धार इन कारण आद, 
\v 12 अदिक अद अनुग्रह नामी कल्सतद कि नाव अभक्ति इन जीवन अदिक सांसारिक अभिलाषागोळी त्याग्स बुटेव अदिक खुद नियंत्रित, अदिक पवित्र अदिक भक्तिमय जीवन ईद दुनिया दा माळेव. 
\v 13 अदिक धन्य आर आ आशा अन्द मतलब तान महान परमेश्वर अदिक उद्धारकर्ता यीशु मसीह अन्द महिमा अन्द प्रगट आगोद हादी काईत ईरूल. 
\v 14 \x + \xo २:१४ \xo*\xt १ पतरस २:९\xt*\x*याव तान तान इक नाम साटी कोट बुट्टुन कि नामी सप्पा प्रकार इन अन्याय देल बीळसुस बुळुल, अदिक नामी आऊंदा पवित्र लॉकुर माळुल अदिक वळ्लेव-वळ्लेव क्याल्सागोळ दा ईरूल.
\p
\v 15 तान पुरा अधिकार इन सांगुळ ई मातगोळ कल्स, ह्यांग नी तान विरोधीगोळी दनकुसत्या अदिक प्रोत्साहित माळत्या. ताकी याऊ नीनी तुच्छ सम्सबाळुल.
\c 3
\s मसीह चाल-चलन
\p
\v 1 लॉकुरी याद तोर्स कि शासक अदिक अधिकारीगोळ हात्‍ती ईरूल, अदिक आंदुर्द आग्या मानसुल, अदिक हर ऊंद वळ्लीद क्याल्सा साटी तयार ईरूल, 
\v 2 आंदरी हेळ कि यारदु बारा दा बुरा अनबाळुल, लेकीन शांती प्रिय अदिक संगीभाव देल ईरूल, अदिक सप्पा मुंदुर सांगुळ हमेशा शालीन व्यवहार ईटुल. 
\v 3 यतिकी नाव भी पयले निर्बुद्धी, अदिक आग्या ईला मान्सावाळेर, अदिक गलत ईरेव. अदिक अलग अलग प्रकार इन अभिलाषागोळ अदिक सुखविलास इन गुलामी दा ईरेव, अदिक दुश्मनी भाव, अदिक जलनखोरी माळदुर दा जीवन व्यतीत माळतोगेव, अदिक बेकार ईरेव, अदिक आबुर दाबुर से दुश्मनी ईटतोगेव. 
\v 4 लेकीन याग नाम उद्धारकर्ता परमेश्वर उन करूणा अदिक प्यार प्रगट आत, 
\v 5 रा आव नाम उद्धार माळदुन; अदिक ईद वळ्लेव कर्मगोळ वजह देल ईला, जो नाव खुद माळेव, लेकीन आऊन दया देल नामी उळ्सदुन पवित्र आत्मा अन द्वारा, जो नामी व्हाशोद जनम कोळतान अदिक शुद्ध माळकु व्हाशोद जीवन कोळतान. 
\v 6 परमेश्वर नाम मा पवित्र आत्मा अक उद्धारकर्ता यीशु मसीह अन द्वारा भरपुरी देल कोटान. 
\v 7 इदुरसाटी परमेश्वर नामी तान अनुग्रह अन द्वारा आऊन सांगुळ न्यायी ठहरूस्यान ताकी यार्द आशा नाव माळेव आ अनन्त जीवन इन उत्‍तराधिकारी इक हासिल माळ सक्केव.
\p
\v 8 ईद सही अनकु आग्याद, अदिक ना चाहासतीन कि नी ई मातगोळ्द बारा दा हिम्मत देल माताळ इदुरसाटी कि यार परमेश्वर मा विश्वास माळ्यार, आंदुर वळ्लीद-वळ्लीद क्याल्सागोळ दा हतकु ईरोद ध्यान ईटुल. ई मातगोळ वळ्लेव अदिक मंळसागोळ्द फायदा नव आव. 
\v 9 लेकीन मूर्खपन इंद विवादगोळ अदिक वंशावलीगोळ, अदिक विरोध अदिक झगळागोळ देल जो व्यवस्था अन्द बारा दा आद, रा ऊळ्दकु ईर; यतिकी अव निष्फल अदिक व्यर्थ आव. 
\v 10 यावारा फूट हाकावाळा मंळसा अक कम से कम येढ्ढ घन चेतावनी कोळ, अदिक बाक आऊन सांगुळ ज्यादा येनु माळबाळ. 
\v 11 यतिकी नीव जान्सतीर कि ईत्‍ता लॉकुर भ्रष्ट आगेग्यार अदिक आंदुर पाप आंदुर्द गलत आगोद प्रमाण कोळताव.
\s व्यक्तिगत निर्देश अदिक अभिवादन
\p
\v 12 \x + \xo ३:१२ \xo*\xt प्रेरितगोळ २०:४; इफिसिगोळ ६:२१,२२; कुलुस्सिगोळ ४:७,८; २ तीमुथियुस ४:१२\xt*\x*याग ना नीन हात्‍ती अरतिमास या तुखिकुस उक कळाईन रा नान हात्‍ती निकुपुलिस नगर दा बरोद कोशिश माळेत, यतिकी ना अल्या सोळ कडोद तय माळीन. 
\v 13 \x + \xo ३:१३ \xo*\xt प्रेरितगोळ १८:२४; १ कुरिन्थि १६:१२\xt*\x*जेनास व्यवस्थापक अदिक अपुल्लोस उक कोशिश माळकु मुंद पोहचुस बुळ, अदिक नोळ कि आंदरी यातोदु चिज इन कमी आगबाळुल. 
\v 14 नाम लॉकुर भी वळ्लेव क्याल्सा माळोर साटी समय तेगोद कलु पायजे ताकी जो जरूरी आद अदुर्द पुर्ती आग सकुल ताकी आंदुर बेकार इन जीवन जीऊस बाळुल.
\p
\v 15 नान सप्पा साथीगोळ्द नीनी नमस्कार. जो विश्वास इन कारण नाम से प्यार ईटतार, आंदरी नमस्कार.
\p नीम सप्पा मुंदुर मा परमेश्वर उन अनुग्रह आग्त ईरूल.