\id REV - Holiya
\ide UTF-8
\h प्रकाशितवाक्य
\toc3 प्रकाशितवाक्य
\toc2 प्रकाशितवाक्य
\toc1 प्रकाशितवाक्य यूहन्ना अन्द द्वारा
\mt2 प्रकाशितवाक्य यूहन्ना के द्वारा
\mt1 प्रकाशितवाक्य यूहन्ना अन्द द्वारा
\imt परिचय
\ip प्रकाशितवाक्य अन ई किताब व्हाशोद नियम इन आखरी किताब हुन अदिक अद आखरी दा लिख्सकु आग्याद प्रेरित यूहन्ना यीशु उन जनम इन बाद्दा इसवी सन ९५ इन हात्‍तीपास लिख्सकु आग्याद. \xt १:१\xt* अदिक आवा यूहन्ना रचित खुशखबरी अदिक यूहन्ना अन्द किताब १, २, ३ लिखस्यान. ईवा यूहन्ना अक लॉकुर यार मा यीशु उन प्यार ईरोद हिंग माताळकु अरू तोगोर \xt यूहन्ना १३:२३\xt* यीशु मसीह अन खुशखबरी इन पातमा हेसुर इन टापू मा याग सजा कडोन आग आव ईद किताब लिखस्यान. \xt प्रकाशितवाक्य १:९ \xt*
\ip ईद किताब लिखसोद हींद यूहन्ना अन्द ईद उद्देश ईरोद की नानोर वाचुसावाळेर इक यीशु उन सांगुळ विश्वास दा ईरोरसाटी हिम्मत कोळोद अदिक यीशु उन मात्‍त वापस बरोद हात्‍ती ईरोद इदुरसाटी आऊंदा आशा निर्माण माळी. \xt १:३\xt* \xt २२:७\xt* आव सप्पा विश्वासीगोळ इक ईद चिट्ठी लिख्सदुन विशेष माळकु येळ मंडली इक लिख्सदुन यऊर्द उल्लेख अध्याय \xt २\xt* \xt ३\xt* दा सीकतद, यूहन्ना खुद इन लिखावट इक परमेश्वर उन दी टु बंदाद बातणी, भविष्यवाणी हिंग हेळतद. अदिक जो मातगोळ इक आव खुद नोळदुन आ मातगोळ्द वर्णन अद अलंकारी शब्द देल मीलुसतद ईद जो किताब आद ईद हाळोद नियम इन भागगोळ देल मीलता जुलता आद. विशेष माळकु \xt जकर्याह ६:१-८\xt* आयातगोळ से अदुर्द समानता आद हांग अच येळ तुतारी अदिक येळ कटोरा ईव परमेश्वर मिस्त्र दा तंदुन आ दुखगोळ घाई आव. \xt निर्गमन ७:९\xt* प्रकाशितवाक्य आखरी दिनगोळ्द वर्णन माळतद. आखरी दा यीशु विजयी ह्यांग आदान अदिक आऊन मा विश्वास ईटावाळेर आऊन सांगुळ अनन्त काल ताका ह्यांग जीवीत ईत्‍तार हिंग आव हेळतान ईद किताब इन द्वारा नीमी शक्ति सिकुल अदिक यीशु उन दुबारा बरोर साटी नीमी आशा सिकुल.
\iot रूप-रेखा
\io1 १. यूहन्ना सुरूवात दा खुद इन पयचान माळकु आऊक भविष्यवाणी ह्यांग हासिल आत ईद हेळकु सुरूवात माळतान प्रकाशितवाक्य \ior १:१-२०\ior*
\io1 २. यीशु उन दी टु येळ मंडली इक मुंद सिक्द बातणी यूहन्ना कोळतान. \ior प्रकाशितवाक्य १:१–३:२२\ior*
\io1 ३. बाक आव येळ सिक्‍कागोळ्द बारा दा हेळतान \ior प्रकाशितवाक्य ४:१–८:५\ior* अदिक येळ तुतारीगोळ्द वर्णन माळतान. \ior ८:६–११:१९\ior*
\io1 ४. ईदुर बाद्दा यूहन्ना ऊंद स्याण पार येळ ताल्लावाळा हाव सांगुळ ह्यांग लळाई माळतान ईद हेळतान. \ior १२:१–१४:२०\ior*
\io1 ५. ईदुर बाद्दा यूहन्ना सिट्ट इन कटोरा अन बारा दा लिख्सतान \ior १५:१–१६:१८\ior*
\io1 ६. ईदुर बाद्दा परमेश्वर आऊन आकाश दाकळोर दुश्मनगोळ मा ह्यांग विजय हासिल माळतान ईद हेळतान. \ior प्रकाशितवाक्य १७:१–२०:१५\ior*
\io1 ७. जो व्हाशोद स्वर्ग अदिक व्हाशोद पृथ्वी आखरी दा बंदीत अदुर्द वर्णन माळतान. \ior प्रकाशितवाक्य २१:१–२२:२१\ior*
\c 1
\p
\v 1 यीशु मसीह अन्द प्रकाशितवाक्य, जो आऊक परमेश्वर इदुरसाटी कोटान कि तान दासगोळी आ मातगोळ, यऊर्द राटनेरी आगोद जरूरी आद, तोरसुल; अदिक आव तान स्वर्गदूतगोळ इक कळुकु आऊन द्वारा तान दास यूहन्ना अक हेळदुन, 
\v 2 यूहन्ना परमेश्वर उन वचन अदिक यीशु मसीह अन्द गवाही, मतलब जो येनारा आव नोळीदुन अदुर्द गवाही कोट्टुन. 
\v 3 धन्य आन आव जो ई भविष्यवाणी इन वचन इक वाचुसतान, अदिक आंदुर जो केळतार अदिक इदुर दा लिख्सद मातगोळी मान्सतार; यतिकी समय हात्‍ती आद.
\s येळु मंडलीगोळ्द अभिवादन
\p
\v 4 \x + \xo १:४ \xo*\xt प्रकाशितवाक्य ४:५\xt*\x*यूहन्ना अन्द दी टु आसिया अन्द येळ मंडलीगोळ्द हेसुर:
\p आऊन दी टु जो आन अदिक जो ईरोन अदिक जो बरावाळा आन; अदिक आ येळ आत्मागोळ दी टु जो आऊन सिंहासन इन मुंद आन, 
\v 5 अदिक यीशु मसीह दी टु जो विश्वासयोग्य गवाह अदिक सोत्‍तुर दा टु जीत्‍ता आगावाळेर दा पयला अदिक पृथ्वी इन राजागोळव न्यायाधीश हुन, नीमी अनुग्रह अदिक शांती सिकतेला ईरूल.
\p आव नाम से प्यार ईटतान, अदिक आव तान रक्ता अन द्वारा नामी पापगोळ देल बिळसुस्यान, 
\v 6 \x + \xo १:६ \xo*\xt प्रकाशितवाक्य ५:१०\xt*\x*अदिक नामी ऊंद राज्य अदिक तान आप्प परमेश्वर उन साटी याजक भी माळ बुट्टुन; आऊंदा महिमा अदिक पराक्रम हमेशा ईरूल. आमीन.
\p
\v 7 \x + \xo १:७ \xo*\xt मत्ती २४:३०; मरकुस १३:२६; लूका २१:२७; १ थिस्सलुनीकि ४:१७; \xt*\xt यूहन्ना १९:३४,३७; \xt*\xt मत्ती २४:३०\xt*\x*नोळी, आव बादलगोळ सांगुळ बरावाळा आन, अदिक हर ऊंद कण्ण आऊक नोळीत, उलटा यार आऊक छेद केळदीदुर आंदुर भी आऊक नोळ्यार, अदिक पृथ्वी इन सप्पा जाती आऊन कारण याद्दा बळदार. हव. आमीन.
\p
\v 8 \x + \xo १:८ \xo*\xt प्रकाशितवाक्य २२:१३\xt*\x*प्रभु परमेश्वर, जो आन अदिक जो ईरोन अदिक जो बरावाळा आन, जो सर्वशक्तिमान आन, ईद अनतान, “ना अच पयला अदिक आखरी हुईन.”
\s यूहन्ना अक मसीह अन्द दर्शन
\p
\v 9 ना यूहन्ना, जो नीम वार्ट अदिक यीशु उन क्लेश अदिक राज्य अदिक धीरज दा नीम सहभागी आईन, परमेश्वर उन वचन अदिक यीशु उन गवाही इन कारण पतमुस हेसुर इन टापू दा ईरीन. 
\v 10 ना प्रभु उन दिन आत्मा दा होटबंदीन, अदिक तान हिंद तुरही घाई धोळ्द शब्द ईद अनतेला केळदीन, 
\v 11 “जो येनारा नी नोळत्या अदरी किताब दा लिख्सकु येळु मंडलीगोळ्द हात्‍ती कळुबुळ, मतलब इफिसुस, स्मुरना, पिरगमुन, थुआतीरा, सरदीस, फिलदिलफिया, अदिक लौदीकिया अक.” \fig एशिया अन्द येळ मंडलीगोळ्द नक्शा|alt="Map of seven churches in Asia" src="hk00378c.tif" size="span" copy="Horace Knowles ©" ref="१:११"\fig*
\p
\v 12 आग ना आऊक, जो नान से माताळोन, नोळोर साटी तान मार्रा तिर्गुसदीन; अदिक हिंद तिर्गकु ना व्हान्ना अन्द येळ दिंग्या ईटोद जागा ऊंद जागा नोळदीन, 
\v 13 अदिक आ दिंग्या ईटोद जागा अन्द न्याड्या दा मंळसा अन पार उन घाई ऊंद आरी इक नोळदीन, जो काल ताका फळक्या हाक्‍कु, अदिक याद्दा मा व्हान्ना अन्द पट्टा कटकु ईरोन. 
\v 14 आऊन ताल्ला अदिक चुट्टी बिळेव ऊन बल्‍की पाला अन घाई चमकदार ईरव, अदिक आऊन कण्णगोळ बेक्‍की इन ज्वाला अन्द घाई ईरव. 
\v 15 आऊन कालगोळ वळ्लीद पीतळा अन घाई ईरव जसा हिंग हतव कि भट्टी दा सेक्सकु आग्याव, अदिक आऊन शब्द हापाळ नीर इन आवाज इन घाई ईरोद. 
\v 16 आव तान ऊम्मा कय दा येळ तारा हुळकु ईरोन, अदिक आऊन बाय देल तेज येढ्ढ धार इन तलवार होळतोगोद. आऊन मार्रा हिंग प्रज्वलित ईरोद, ह्यांग सुर्य भर बिसुल इन समय चमकुसतद. 
\v 17 \x + \xo १:१७ \xo*\xt प्रकाशितवाक्य २:८; २२:१३\xt*\x*याग ना आऊक नोळदीन रा आऊन कालगोळ मा मुर्दा घाई बिदोदीन. आव नान मा तान ऊम्मा कय ईटकु अंदुन, “अंजबाळ; ना पयला अदिक आखरी अदिक जीवता हुईन; 
\v 18 ना सोतोगीदीन, अदिक ईग नोळ ना हमेशा हमेशा जित्‍ता आईन; अदिक मृत्यु अदिक अधोलोक इन चाबीगोळ नान दा हात्‍ती आव. 
\v 19 इदुरसाटी जो मातगोळ नी नोळ्या अदिक जो मातगोळ आगेत्याव अदिक जो मातगोळ ईदुर बाद्दा आगव आव, अव सप्पा मातगोळी लिख्स कोम. 
\v 20 मतलब आ येळ तारागोळ्द भेद नी अवरी नान ऊम्मा कय दा नोळीद, अदिक आ येळ व्हान्ना अन्द दिंग्या ईटोद जागा अन्द भेद: अव येळ तारा येळु मंडलीगोळव स्वर्गदूत हुव, अदिक अव येळ दिंग्या ईटव जागा येळ मंडलीगोळ हुव.
\c 2
\s इफिसुस उक बातणी
\p
\v 1 “इफिसुस उन मंडली इन स्वर्गदूत उक ईद लिख्स:
\p “जो येळु तारा तान ऊम्मा कय दा हुळकु आन, अदिक व्हान्ना अन्द येळु दिंग्या ईटोद जागा अन्द न्याड्या दा टेटतद, अद ईद अनतद कि 
\v 2 ना नीन क्याल्सा, नीन मयनत, अदिक नीन धीरज इक जान्सतीन; अदिक ईद भी कि नी बेकार लॉकुरी नोळ सकाल, अदिक जो तान तान इक प्रेरित अनतार, अदिक आल्लच, आंदरी नी परखुस्कु ख्वाटा माळ्द. 
\v 3 नी धीरज हुडुत्या, अदिक नान हेसुर इन साटी दुख नेगुत नेगुत थक्सीदील. 
\v 4 लेकीन नानी नीन खिलाप ईद अनोद आद कि नी तान पयला अन्द घाई प्यार बिटबुट्या. 
\v 5 इदुरसाटी याद माळ कि नी यल टु बिद्या, अदिक मन तिर्गुस अदिक पयला अन्द घाई क्याल्सा माळ. अगर नी मन तिर्गुसतिदिल, रा ना नीन हात्‍ती बंदकु नीन दिंग्या ईटोद जागा अक अदुर जागा दा टु सरकुस बुळाईन. 
\v 6 लेकीन हव, नीन दा ईद मात रा आद कि नी नीकुलइयोगोळ्द क्याल्सागोळ देल घृणा माळत्या, आंदुर देल ना भी नफरत माळतीन.
\p
\v 7 \x + \xo २:७ \xo*\xt प्रकाशितवाक्य २२:२\xt*\x*“यार किव ईतीदाव आव केळ कोमुल कि आत्मा मंडलीगोळ से येन अनतद. जो विजय हासिल माळतान, ना आऊक आ जीवन इन मार्र दा टु जो परमेश्वर उन स्वर्गलोक दा आद, काय तिनली कोळाईन.”
\s स्मुरना अक बातणी
\p
\v 8 \x + \xo २:८ \xo*\xt प्रकाशितवाक्य १:१७; २२:१३\xt*\x*“स्मुरना अन्द मंडली इन स्वर्गदूत उक ईद लिख्स:
\p “जो पयला अदिक आखरी आन, जो सोतोगीदुन अदिक ईग जित्‍ता आगेग्यान, आव ईद अनतान कि 
\v 9 ना नीन क्लेश अदिक गरीबी इक जान्सतीन लेकीन नी धनी आय, अदिक जो लॉकुर तान तान इक यहूदी अनतार अदिक आल्लच, लेकीन शैतान उन सभा उर, आंदुर अपमान इक भी जान्सतीन. 
\v 10 जो दुख नीनी झेलसोद बिद्दीत, अऊर देल अंजबाळ. यतिकी नोळी, शैतान नीम दा टु काईक मुंदुरी जेलखाना दा हाकावाळा आन ताकी नीम परख आग सकुल; अदिक नीमी हत्‍त दिन ताका क्लेश नेगोद बिद्दीत. जीव कोळासताका विश्वासी ईर, रा ना नीनी जीवन इन मुकुट कोळाईन.
\p
\v 11 \x + \xo २:११ \xo*\xt प्रकाशितवाक्य २०:१४; २१:८\xt*\x*“यार किव ईतीदाव आव केळ कोमुल कि आत्मा मंडलीगोळ से येन अनतद. जो विजय हासिल माळतान, आऊक दुसरा मृत्यु देल नुकसान आगतीदील.”
\s पिरगमुन उक बातणी
\p
\v 12 “पिरगमुन उन मंडली इन स्वर्गदूत उक ईद लिख्स:
\p “यार हात्‍ती येढ्ढ धार इंद अदिक तेज तलवार आद, आव ईद अनतान कि 
\v 13 ना ईद जान्सतीन कि नी अल ईरत्या यल शैतान उन सिंहासन आद; नी नान हेसुर मा स्थिर ईरत्या, अदिक नान मा विश्वास माळदुर देल आ दिनगोळ दा भी हिंद हटसीदिल यदुर दा नान विश्वासयोग्य गवाह अन्तिपास, नीम न्याड्या आ जागा मा घात माळकु आदुन यल शैतान ईरतद. 
\v 14 लेकीन नानी नीन खिलाप येनारा मातगोळ माताळोव आव, यतिकी नीन अल काईक मुंदुर हिंग आर, जो बिलाम इन शिक्षा अक मान्सतार, याव बालाक उक इस्त्राएलीगोळ्द मुंद ठोकर इन कारण ईटोद कल्सदुन कि आंदुर मूर्तीगोळ मा येर्सद चीजगोळ तिनुल अदिक व्यभिचार माळुल. 
\v 15 हांगा नीन अल काईक हिंग आर, जो नीकुलइयो अन्द शिक्षा अक मान्सतार. 
\v 16 इदुरसाटी मन तिर्गुस, ईलारा ना नीन हात्‍ती राटनेरी बंदकु तान बाय इन तलवार देल आंदुर सांगुळ लळाई माळाईन.
\p
\v 17 \x + \xo २:१७ \xo*\xt यूहन्ना ६:४८-५०\xt*\x*“यार किव ईतीदाव आव केळ कोमुल कि आत्मा मंडलीगोळ से येन अनतद. जो विजय हासिल माळतान, आऊक ना गुप्त मन्ना दा टु कोळाईन, अदिक आऊक ऊंद बिळीद कल्ल भी कोळाईन; अदिक आ कल्ल मा ऊंद हेसुर लिख्सकु ईत्‍तीत, अदरी हासिल माळावाळेर्द अलावा अदिक याऊ अदरी अरूतीदील.”
\s थुआतीरा अक बातणी
\p
\v 18 “थुआतीरा अन्द मंडली इन स्वर्गदूत उक ईद लिख्स:
\p “परमेश्वर उन पार यारव कण्णगोळ बेक्‍की इन ज्वाला घाई, अदिक यारव कालगोळ वळ्लीद पीतळा अन्द घाई आव, आव ईद अनतान कि 
\v 19 ना नीन क्याल्सागोळ, नीन प्यार अदिक विश्वास अदिक स्यावा अदिक धीरज, इक जान्सतीन अदिक ईद भी कि नीनव हिंदळोव क्याल्सा पयले से वळ्लेव आव. 
\v 20 लेकीन नानी नीन खिलाप ईद अनोद आद कि नी आ आर्त इजेबेल इक ईरगोळत्या जो तान तान इक भविष्यवक्ता अनतार, अदिक नान दासगोळी व्यभिचार माळली अदिक मूर्तीगोळ मा येर्सद चीजगोळी तिनोद कल्सकु भरमुसतार. 
\v 21 ना आकिक मन तिर्गुसोर साटी मवका कोट्टीन, लेकीन आक तान व्यभिचार देल मन तिर्गुसोद चाहासालुर. 
\v 22 नोळ, ना आकिक व्हर्स मा हाकतीन यल आक रोगशैय्या मा ईरोर; अदिक जो आकिन सांगुळ व्यभिचार माळतार अगर आंदुर भी आकिन घाई क्याल्सागोळ देल मन तिर्गुसतिदिल रा ना आंदरी धोळ्द क्लेश दा हाकाईन. 
\v 23 ना आकिन चिकोर इक कोंद बुळाईन; आग सप्पा मंडली जान्स कोंडीत कि दिल अदिक मन इक अरावाळा ना अच हुईन, अदिक ना नीम दा टु हर ऊंद मंळसा अक आऊन क्याल्सा अन्द अनुसार बदला कोळाईन. 
\v 24 लेकीन नीव थुआतीरा अन्द बाकी लॉकुर से, यास ई शिक्षा अक मान्सालुर अदिक आ मातगोळी यवरी शैतान उन गयरा मातगोळ अनतार जान्सालीर, ईद अनतीन कि ना नीम मा मात्‍त ओझा हाकतिदिल. 
\v 25 लेकीन हव, जो नीम हात्‍ती आद अदरी नान बरासताका ताका रोक्सकु ईटी.
\p
\v 26 “जो विजय हासिल माळुल अदिक नान क्याल्सागोळ्द अनुसार आखरी ताका माळ्त ईरूल, ना आऊक गैर यहूदी लॉकुर मा अधिकार कोळाईन, 
\v 27 अदिक आव लोवा अन्द छळी हुडुकु आंदुर मा राज्य माळ्यान, याता प्रकार गळग्या माळावाळा नव मुण्ण इन बर्तन चकनाचुर आगेगताव: नानी भी हिंगा अधिकार तान आप्प उन हात्‍ती टु सिक्याद; 
\v 28 अदिक ना आऊक व्हातुर इंद तारा कोळाईन. 
\v 29 यार किव ईतीदाव आव केळ कोमुल कि आत्मा मंडलीगोळ से येन अनतद.”
\c 3
\s सरदीस उक बातणी
\p
\v 1 सरदीस उन मंडली इन स्वर्गदूत उक ईद लिख्स:
\p “यार हात्‍ती परमेश्वर उन येळ आत्मागोळ अदिक येळ तारा आव, आव ईद अनतान कि ना नीन क्याल्सागोळी जान्सतीन: नीनी जित्‍ता रा अंदकु आगतद, लेकीन आय नी सोतकु 
\v 2 जागृत आग, अदिक आ चीजगोळी जो मिक्‍केग्याव अदिक अऊर नाश आगली आद, अवरी मजबूत माळ; यतिकी ना नीन यातोदु क्याल्सा अक तान परमेश्वर उन हात्‍ती पुरा आग्त नोळीदील. 
\v 3 \x + \xo ३:३ \xo*\xt मत्ती २४:४३,४४; लूका १२:३९,४०; प्रकाशितवाक्य १६:१५\xt*\x*इदुरसाटी याद माळ कि नी ह्यांग शिक्षा प्राप्त माळीद अदिक केळीद, अदिक अदुर दा बन्सकु ईर अदिक मन तिर्गुस. अगर नी जागृत ईरतीदील रा नी यागलु जान्स सकतीदिल कि ना याता समय नीन मा बंदकु बिळाईन. 
\v 4 लेकीन हव, सरदीस दा नीन अल काईक हिंग लॉकुर आर यार तान तान फळक्यागोळ अशुध्द माळीदिल, आंदुर बिळेव फळक्या हाक्‍कु नान सांगुळ टेट्यार, यतिकी आंदुर ईदुर लायक आर.”
\p
\v 5 \x + \xo ३:५ \xo*\xt प्रकाशितवाक्य २०:१२; \xt*\xt मत्ती १०:३२; लूका १२:८\xt*\x*जो विजय हासिल माळ्यान आऊक हिंगा बिळेव फळक्या हाकसुसकु आदीत, अदिक ना आऊन हेसुर जीवन इन किताब दा टु यातोदु रीति देल कडुतिदिल; लेकीन आऊन हेसुर तान आप्प अदिक आऊन स्वर्गदूतगोळ मुंद मान्स कोमाईन. 
\v 6 यार किव ईतीदाव आव केळ कोमुल कि आत्मा मंडलीगोळ से येन अनतद.
\s फिलदिलफिया अक बातणी
\p
\v 7 “फिलदिलफिया अन्द मंडली इन स्वर्गदूत उक ईद लिख्स:
\p “जो पवित्र अदिक सही आन, अदिक जो दाऊद उन चाबी ईटतान, यार्द तेरदुर बाद्दा याऊ बंद माळ सकालुन अदिक बंद माळदुर बाद्दा याऊ तेरू सकालुन, आव अनतान कि 
\v 8 ना नीन क्याल्सागोळी जान्सतीन; नोळ, ना नीन मुंद ऊंद दरवाजा तेरूकु ईटीन, यदरी याऊ बंद माळ सकालुन; नीन सामर्थ्य थ्वाळासा रा आद, तरी भी नी नान वचन इन पालन माळ्द अदिक नान हेसुर इन इनकार माळीदिल. 
\v 9 नोळ, ना शैतान उन आ सभावाळेर इक नीन वश दा माळ बुळाईन जो यहूदी बन्सकु कुरतोग्यार, लेकीन आल्लच उलटा ख्वाटा माताळतार-नोळ, ना हिंग माळाईन कि आंदुर बंदकु नीनी प्रणाम माळ्यार, अदिक ईद जान्स कोंडार कि ना नीन से प्यार ईटीन. 
\v 10 नी नांद धीरज इन वचन इक हुळद्या, इदुरसाटी ना भी नीनी परीक्षा अन्द आ समय ऊळ्सकु ईटाईन जो पृथ्वी मा ईरावाळेर्द परख माळोर साटी दुनिया मा बरावाळा आद. 
\v 11 ना राटनेरी इच बरावाळा आईन; जो येनारा नीन हात्‍ती आद अदरी हुडुकु ईर कि याऊ नीन मुकुट कसुबाळुल. 
\v 12 \x + \xo ३:१२ \xo*\xt प्रकाशितवाक्य २१:२\xt*\x*जो विजय हासिल माळ्यान आऊक ना तान परमेश्वर उन मंदिर दा ऊंद खंबा माळाईन, अदिक आव बाक यागलु व्हार्या होळतीदिल; अदिक ना तान परमेश्वर उन हेसुर अदिक तान परमेश्वर उन नगर मतलब व्हाशोद यरूशलेम इन हेसुर, जो नान परमेश्वर उन हात्‍ती टु स्वर्ग मा टु ईळोद आद, अदिक तान व्हाशोद हेसुर अदुर मा लिख्साईन. 
\v 13 यार किव ईतीदाव आव केळ कोमुल कि आत्मा मंडलीगोळ से येन अनतद.
\s लौदीकिया अक बातणी
\p
\v 14 “लौदीकिया अन्द मंडली इन स्वर्गदूत उक ईद लिख्स:
\p “जो आमीन अदिक विश्वासयोग्य अदिक खरा गवाह आन, अदिक परमेश्वर उन दुनिया अन मुल कारण हुन, आव अनतान कि 
\v 15 ना नीन क्याल्सागोळी जान्सतीन कि नी रा ना ठंडा आय अदिक ना बिसक्यांड: वळ्लीद आगाईत कि नी ठंडा या बिसक्यांड ईराईद. 
\v 16 इदुरसाटी कि नी क्वामा-क्वामा आय, अदिक ना ठंडा आय ना बिसक्यांड, अनकु ना नीनी तान बाय दा टु तेगदुर मा आईन. 
\v 17 नी अनत्या कि ना धनी आईन अदिक धनवान आगेगिन अदिक नानी यातोदु चीज इन कमी हैलेच; अदिक ईद जान्साल कि नी अभागा अदिक तुच्छ अदिक भिखारी अदिक कुढ्ढ अदिक ऊगळा आय. 
\v 18 इदुरसाटी ना नीनी सम्मती कोळतीन कि बेक्‍की देल शुद्ध माळ्द व्हान्ना नान से कोम कि नी धनी आगेग, अदिक बिळेव फळक्या कोंड कोम कि हाक्‍कु नीनी तान ऊगळापन इंद शरम हतबाळुल, अदिक तान कण्णगोळी हचोर साटी सुरमा कोंडकु रगळुस कि नी नोळली हत्‍तेग. 
\v 19 \x + \xo ३:१९ \xo*\xt इब्रानिगोळ १२:६\xt*\x*ना यार यार से प्यार माळतीन, आ सप्पा मुंदुरी उलाहना अदिक शिक्षा कोळतीन; इदुरसाटी आस्था ईट अदिक मन तिर्गुस. 
\v 20 नोळ, ना दरवाजा मा निदुरकु ठोक्सतिन; अगर यावारा नान शब्द केळकु दरवाजा तेरदान, रा ना आऊन हात्‍ती बुळ्क बंदकु आऊन सांगुळ ऊमाईन अदिक आव नान सांगुळ.
\p
\v 21 “जो विजय हासिल माळ्यान ना आऊक तान सांगुळ तान सिंहासन मा कुरसाईन, ह्यांग ना भी विजय हासिल माळकु तान आप्प उन सांगुळ आऊन सिंहासन मा कुर्तोदिन. 
\v 22 यार किव ईतीदाव आव केळ कोमुल कि आत्मा मंडलीगोळ से येन अनतद.”
\c 4
\s स्वर्ग दा आराधना
\p
\v 1 ई मातगोळ बाद्दा जो ना दृष्टी माळदीन रा येन नोळतीन कि स्वर्ग दा ऊंद दरवाजा तेरकु आद, अदिक यारी ना पयले तुरही इन घाई शब्द देल तान सांगुळ माताळ्त केळीदीन, आवा अनतान, “ईल म्याकुच होटबर; अदिक ना आ मातगोळ नीनी तोरसाईन, यऊर्द ई मातगोळ बाद्दा पुरा आगोद जरूरी आद.” 
\v 2 तुरन्त ना आत्मा दा होटबंदीन; अदिक येन नोळतीन कि ऊंद सिंहासन स्वर्ग दा ईटकु आद, अदिक आ सिंहासन मा यावारा कुर्तकु आन. 
\v 3 जो अदुर मा कुर्तकु आन आव यशब अदिक माणिक्य घाई कांळ्सदुर दा बरतान, अदिक आ सिंहासन इन नाकु दी मरकत घाई ऊंद मेघधनुष कांळ्सतद. 
\v 4 आ सिंहासन इन नाकु दी ईप्पतनाक सिंहासन आव; अदिक ई सिंहासनगोळ मा ईप्पतनाक स्याणा लॉकुर बिळी फळक्या हाक्‍कु कुर्तकु आर, अदिक आंदुर ताल्लागोळ मा व्हान्ना नव मुकुट आव. 
\v 5 \x + \xo ४:५ \xo*\xt प्रकाशितवाक्य ८:५; ११:१९; १६:१८; \xt*\xt प्रकाशितवाक्य १:४\xt*\x*आ सिंहासन दा टु बिजली अदिक गर्जन गुमरान होळतद अदिक सिंहासन इन मुंद बेक्‍की इन येळ दिंग्या होतेत्याव, अव परमेश्वर उन येळ आत्मागोळ हुव, 
\v 6 अदिक आ सिंहासन इन मुंद मान्सी जसा बिल्लौर घाई काँच इन समुद्र आद.
\p सिंहासन इन न्याड्या दा अदिक सिंहासन इन नाकु दी नाक प्राणी आव, यऊर्द हिंद मुंद कण्ण अच कण्ण आव. 
\v 7 पयला प्राणी हुल्ल इन घाई आद, अदिक दुसरा प्राणी गोसी इन पाड्डा घाई आद, तिसरा प्राणी इन बाय मंळसा अन्द घाई आद, अदिक चौथा प्राणी ऊळुसतेला गीधाळ इन घाई आद. 
\v 8 नाकु प्राणीगोळव आर: पिक्का आव, अदिक नाकु दी अदिक बुळ्क कण्ण अच कण्ण आव; अदिक अव ईळ्लक हागुल बिना आराम ताकोम्त ईद अनतेला ईरताव,
\q1 “पवित्र, पवित्र, पवित्र प्रभु परमेश्वर, सर्वशक्तिमान,
\q2 जो ईरोन अदिक जो आन अदिक जो बरावाळा आन.”
\p
\v 9 याग अव प्राणी आऊन जो सिंहासन मा कुर्तकु आन, अदिक जो हमेशा हमेशा जित्‍ता आन, महिमा अदिक आदर अदिक धन्यवाद माळ्याव; 
\v 10 आग ईप्पतनाक इन ईप्पतनाक स्याणा लॉकुर सिंहासन मा कुरावाळेर मुंद बिदोदार; अदिक अदुर्द पुजा माळतार, जो हमेशा हमेशा जीविता आर प्रणाम माळ्यार. अदिक आंदुर तान-तान मुकुट सिंहासन इन मुंद ईद अनतेला हाक्‍क बुट्टार,
\q1
\v 11 “हे नाम प्रभु अदिक परमेश्वर, नी अच महिमा
\q2 अदिक आदर अदिक सामर्थ्य अन्द लायक आय;
\q1 यतिकी नी अच सप्पा चीजगोळी निर्माण माळ्या
\q2 अदिक अव अपमान अच इच्छा देल ईरव अदिक अस्तित्व दा बंदव.”
\c 5
\s मोहरबन्द किताब अदिक म्यांडा अन्द पाड्डा
\p
\v 1 जो सिंहासन मा कुर्तकु ईरोन, ना आऊन ऊम्मा कय दा ऊंद किताब नोळदीन जो बुळ्क अदिक व्हार्या टु लिख्सकु ईरोद, अदिक अद येळ मोहर हचकु बंद माळकु आगीत. 
\v 2 बाक ना ऊंद ताकतवर स्वर्गदूत उक नोळदीन जो धोळ शब्द देल ईद प्रचार माळतोगोन, “ई किताब इक तेरोद अदिक अदुर्द मोहर मुरोद लायक याव आन?” 
\v 3 लेकीन ना स्वर्ग दा, ना पृथ्वी मा, ना पृथ्वी इन ल्यालमा यावारा आ किताब इक तेरोद या अदुर मा दृष्टी हाक्कोद लायक होट्टुन. 
\v 4 आग ना हुदक्या कोट कोटकु वर्ली हतदीन, यतिकी आ किताब इक तेरोद या अदुर मा दृष्टी हाक्‍कोद लायक याऊ सिकिदील. 
\v 5 ईदुर मा आ स्याणागोळ दा टु ऊंद नान से अंदुन, “वर्लबाळ; नोळ, यहूदा अन्द गोत्र नव अद हुल्ल जो दाऊद उन मुल आद, आ किताब इक तेरोद अदिक अदुर्द येळु मोहरगोळ मुरोद साटी जयवन्त आग्याद.”
\p
\v 6 आग ना आ सिंहासन अदिक नाकु प्राणीगोळ अदिक आ स्याणागोळ्द न्याड्या दा, मतलब ऊंद बली कोळ्द म्यांडा अन्द पाड्डा नीदुरकु नोळदीन. अदुर येळ गॉट्टा अदिक येळ कण्णगोळ ईरव; ईव परमेश्वर उन येळु आत्मागोळ हुव, जो सप्पा धरती मा कळुकु आग्याव. 
\v 7 आव बंदकु आऊन ऊम्मा कय देल जो सिंहासन मा कुर्तकु ईरोन, आ किताब हुळ्द कोंडुन. 
\v 8 याग आव किताब हुळ्द कोंडुन, रा अव नाकु प्राणी अदिक ईप्पतनाक इन ईप्पतनाक स्याणा लॉकुर आ म्यांडा अन्द पाड्डा अन्द मुंद बिदोदुर. आंदुर दा टु हर ऊंद जन उन कय दा वीणा अदिक ऊदबत्‍ती, जो पवित्र लॉकुर्द प्रार्थनागोळ हुव, देल तुमकु व्हान्ना नव कटोरा ईरव. 
\v 9 आंदुर ईद व्हाशोद हाळ हाळली कुरतुर,
\q1 “नी ई किताब इक हुडोद, अदिक ईदुर्द मोहरगोळ
\q2 तेरोद लायक आय;
\q1 यतिकी नी बली आगकु तान रक्ता देल
\q2 हर ऊंद कुल अदिक भाषा अदिक लॉकुर अदिक
\q1 जाती दा टु
\q2 परमेश्वर उन साटी लॉकुरी कोंड्या, 
\v 10 \x + \xo ५:१० \xo*\xt प्रकाशितवाक्य १:६\xt*\x*अदिक आंदरी नाम परमेश्वर उन साटी ऊंद
\q1 राज्य अदिक याजक माळ्द;
\q2 अदिक आंदुर धरती मा राज्य माळतार.”
\p
\v 11 याग ना नोळदीन, रा आ सिंहासन अदिक आ प्राणीगोळ अदिक आ स्याणागोळ नाकु दी हापाळ सा स्वर्गदूतगोळ्द शब्द केळदीन, यार गिनती लाखों अदिक करोळो अन्द ईरोद, 
\v 12 अदिक आंदुर धोळ शब्द देल अनतोगोर,
\q1 “बली कोळ्द म्यांडा अन्द पाड्डा अच
\q2 सामर्थ्य अदिक धन अदिक ग्यान अदिक ताकत अदिक आदर
\q2 अदिक महिमा अदिक धन्यवाद इन लायक आद!”
\p
\v 13 बाक ना स्वर्ग दा अदिक धरती मा अदिक धरती इन ल्यालमा अदिक समुद्र अन्द सप्पा माळ्द वस्तुगोळी,
\q1 अदिक सप्पा येनारा जो अऊर दा आव, ईद अनतेला केळदीन,
\q2 “जो सिंहासन मा कुर्तकु आन आऊन अदिक म्यांडा अन्द पाड्डा अन्द धन्यवाद
\q2 अदिक आदर अदिक महिमा अदिक राज्य हमेशा ईरूल!”
\p
\v 14 अदिक नाकु प्राणीगोळ आमीन अंदव, अदिक स्याणागोळ बांगकु दण्डवत माळदुर.
\c 6
\s येळ मोहरगोळ्द तेरूकु आगोद
\p
\v 1 बाक ना नोळदीन कि म्यांडा अन्द पाड्डा आ येळ मोहरगोळ दा टु ऊंद मोहर इक तेरूत; अदिक आ नाकु प्राणीगोळ दा टु ऊंद प्राणी इंद गर्जन घाई शब्द केळदीन, “बर!” 
\v 2 ना दृष्टी माळदीन, अदिक नोळी, ऊंद बिळी घ्वाळा आद, अदिक अदुर सवारी माळावाळा बाण हुडुकु आन; अदिक आऊक ऊंद मुकुट कोटकु आत, अदिक आव जय जयकार माळ्त होट्टुन कि मात्‍त यक्कुल जय हासिल माळुल.
\p
\v 3 याग अद दुसरा मोहर तेरूत, रा ना दुसरा प्राणी इक ईद अनतेला केळदीन, “बर!” 
\v 4 बाक मात्‍त ऊंद घ्वाळा होळ्त जो क्याचांद रंग इन ईरोद; अदुर सवारी माळावाळा अक ईद अधिकार कोटकु आत कि धरती मा टु मेल मिलाप नेग्द बुळ, ताकी लॉकुर आबुर दाबुर इक कोनुल; अदिक आऊक ऊंद धोळ्द तलवार कोटकु आत.
\p
\v 5 याग अद तिसरा मोहर तेरूत, रा ना तिसरा प्राणी इक ईद अनतेला केळदीन, “बर!” ना दृष्टी माळदीन, अदिक नोळी, ऊंद करीद घ्वाळा आद, अदिक अदुर सवारी माळावाळा अन्द कय दा ऊंद तराजू आद; 
\v 6 अदिक ना आ नाकु प्राणीगोळ न्याड्या दा टु ऊंद शब्द ईद अनतेला केळदीन, “दीनार इन सेर तीम गोदी, अदिक दीनार इन मुर सेर जऊस, लेकीन याण्णा अदिक अंगुर इन रास्सा अन्द नुकसान माळबाळेतीर.”
\p
\v 7 याग अद चौथा मोहर तेरूत, रा ना चौथा प्राणी इन शब्द ईद अनतेला केळदीन, “बर!” 
\v 8 ना दृष्टी माळदीन, अदिक नोळी, ऊंद पिवळा रंग घाई घ्वाळा आद; अदिक अदुर मा सवारी माळावाळा अन्द हेसुर मृत्यु आद, अदिक अधोलोक आऊन हिंद हिंद आद; अदिक आंदरी धरती इन ऊंद चौथाई भाग मा ईद अधिकार कोटकु आत कि तलवार, अदिक अकाल, अदिक मरी, अदिक धरती इन आळी दाकळव पशुगोळ द्वारा लॉकुरी कोंदबुळुल.
\p
\v 9 याग अद पाचवा मोहर तेरूत, रा ना वेदी इन ल्यालमा आंदुर जीवगोळी नोळदीन जो परमेश्वर उन वचन इन कारण अदिक आ गवाही इन कारण जो आंदुर कोटीदुर बली येर्सकु आगीदव. 
\v 10 आंदुर धोळ शब्द दा कारूकु अंदुर, “हे स्वामी, हे पवित्र अदिक सत्य; नी यागासताका न्याय माळ्या? अदिक धरती मा ईरावाळेर से नाम रक्ता अन बदला यागासताका ताकोंड्या?” 
\v 11 आंदुर दा टु हर ऊंद जन उक बिळी फळक्या कोटकु आत, अदिक आंदुर से अंदकु आत कि मात्‍त घळी तिम आराम माळी, यागासताका कि नीम संगी दास अदिक वार्टुर जो नीम घाई बली येर्सकु आगावाळेर आर आंदुर भी गिनती पुरा आगेगाल.
\p
\v 12 \x + \xo ६:१२ \xo*\xt प्रकाशितवाक्य ११:१३; १६:१८; \xt*\xt मत्ती २४:२९; मरकुस १३:२४,२५; लूका २१:२५\xt*\x*याग अद सहावा मोहर तेरूत, रा ना नोळदीन कि ऊंद धोळ्द भूकम्प आत, अदिक सुर्य धुसा घाई करीद अदिक पुरा बेळदिंग रक्ता अन घाई आगेत. 
\v 13 आकाश इन तारागोळ धरती मा हिंग बिद्दव जसा धोळ्द आंधी देल आळगाळकु अंजीर इन मार्र मा टु कच्चा काय झळ्सताव. 
\v 14 \x + \xo ६:१४ \xo*\xt प्रकाशितवाक्य १६:२०\xt*\x*आकाश हिंग सरकुसेत जसा चिट्टी गुंळ्सदुर देल सरकुसेगतद; अदिक हर ऊंद पहाळी, अदिक टापू तान तान जागा मा टु सरकुसेदव. 
\v 15 आग धरती इन राजा, अदिक प्रधान, अदिक सरदार, अदिक धनवान अदिक सामर्थी लॉकुर, अदिक हर ऊंद दास अदिक हर ऊंद स्वतंत्र पहाळीगोळ्द गुफागोळ दा अदिक चट्टानगोळ दा होगकु होचकोंडव, 
\v 16 \x + \xo ६:१६ \xo*\xt लूका २३:३०\xt*\x*अदिक पहाळीगोळ अदिक चट्टानगोळ देल अनली हतदव, “नाम मा बिळी; अदिक नामी आऊन बाय देल जो सिंहासन मा कुर्तकु आन, अदिक म्यांडा अन्द पाड्डा अन्द प्रकोप देल होच्सकोम बुळी. 
\v 17 यतिकी आंदुर प्रकोप इन भयानक दिन होट बंदाव, ईग याव ऊंजेर सकतान?”
\c 7
\s इस्त्राएल इन 1,44000 लॉकुर
\p
\v 1 इदुर बाद्दा ना पृथ्वी इन नाकु क्वाना मा नाक स्वर्गदूत नीदुरकु नोळदीन. आंदुर पृथ्वी इन नाकु हवा अक रोक्सकु ईरोर ताकी पृथ्वी या समुद्र या यातोदु मार्र मा हवा नळु बाळुल. 
\v 2 बाक ना मात्‍त ऊंद स्वर्गदूत उक जित्‍ता परमेश्वर उन मोहर हुडुकु पूर्व टु म्याकुच बर्त नोळदीन; आव आ नाकु स्वर्गदूतगोळ देल यवरी पृथ्वी अदिक समुद्र अन्द नुकसान माळोद अधिकार कोटकु आगीत, धोळ शब्द देल कारूकु अंदुन, 
\v 3 “यागासताका नाव तान परमेश्वर उन दासगोळ ह्याणा मा मोहर हच कोमालेव, आगासताका पृथ्वी अदिक समुद्र अदिक मार्रगोळी नुकसान पोहचुस बाळेतीर.” 
\v 4 यार मा मोहर कोटकु आत ना आंदुर गिनती केळदीन, मतलब इस्त्राएल इन औलादगोळ्द सप्पा गोत्र दा टु ऊंद लाख चौवालीस हजार मा मोहर कोटकु आत: 
\v 5 यहूदा अन्द गोत्र दा टु हन्नेळ हजार मा मोहर कोटकु आत; रूबेने अन्द गोत्र दा टु हन्नेळ हजार मा, गाद इन गोत्र दा टु हन्नेळ हजार मा. 
\v 6 आशेर इन गोत्र दा टु हन्नेळ हजार मा, नप्ताली इन गोत्र दा टु हन्नेळ हजार मा, मनश्शिह अन्द गोत्र दा टु हन्नेळ हजार मा, 
\v 7 शमौन उन गोत्र दा टु हन्नेळ हजार मा, लेवी इन गोत्र दा टु हन्नेळ हजार मा, इस्साकार इन गोत्र दा टु हन्नेळ हजार मा, 
\v 8 जबूलून उन गोत्र दा टु हन्नेळ हजार मा, यूसुफ उन गोत्र दा टु हन्नेळ हजार मा, अदिक बिन्यामीन उन गोत्र दा टु हन्नेळ हजार मा मोहर कोटकु आत.
\s ऊंद धोळ्द भीळ
\p
\v 9 इदुर बाद्दा ना नजर तिर्गुसदिन, अदिक नोळी, हर ऊंद जाती अदिक कुल अदिक लॉकुर अदिक भाषा दा टु ऊंद हिंग धोळ्द भीळ, यदरी याऊ आळु ईला सकोन, बिळी फळक्या हाक्‍कु अदिक तान कयगोळ दा खजुर इन डगालगोळ हुडुकु सिंहासन इन मुंद अदिक म्यांडा अन्द पाड्डा अन्द मुंद निदुरकु आद, 
\v 10 अदिक धोळ्द शब्द देल कारूकु अनतद, “उद्धार इन साटी नाम परमेश्वर उन, जो सिंहासन मा कुर्तकु आन, अदिक म्यांडा अन्द पाड्डा अन्द जय-जयकार आगुल!” 
\v 11 अदिक सप्पा स्वर्गदूत आ सिंहासन अदिक स्याणागोळ अदिक नाकु प्राणीगोळ नाकु दी निदुरकु आर; बाक आंदुर सिंहासन इन मुंद बाय इन भार देल बिदोदुर अदिक परमेश्वर उक दण्डवत माळकु अंदुर, 
\v 12 “आमीन! नाम परमेश्वर उन स्तुति अदिक महिमा अदिक ग्यान अदिक धन्यवाद अदिक आदर अदिक सामर्थ्य अदिक ताकत हमेशा हमेशा बन्सकु ईरूल. आमीन!”
\p
\v 13 इदुर मा स्याणागोळ दा टु ऊंद नान से अंदुन, “ई बिळी फळक्यागोळ हाक्‍कु यार उर? अदिक यल टु बंदार?”
\p
\v 14 \x + \xo ७:१४ \xo*\xt मत्ती २४:२१; मरकुस १३:१९\xt*\x*ना आंदुर से अंदीन, “हे स्वामी, नी अच जान्सत्या.”
\p आव नान से अंदुन, “ईंदुर आंदुर उर, जो आ महाक्लेश दा टु होटकु बंदार; इंदुर तान-तान फळक्या म्यांडा अन्द पाड्डा अन्द रक्ता दा तोळकु बिळेव माळ्यार. 
\v 15 ईदा कारण आंदुर परमेश्वर उन सिंहासन इन मुंद आर, अदिक आऊन मंदिर दा ईळ्लक-हागुल आऊन स्यावा माळतार, अदिक जो सिंहासन मा कुर्तकु आन, आव आंदुर म्याकुच तान तम्बू तानस्यान. 
\v 16 आंदुर बाक उपासा अदिक नीरअळ्क देल ईरतीदील; अदिक ना आंदुर मा यागल्यारा बिसुल बिद्दीत. 
\v 17 यतिकी म्यांडा अन्द पाड्डा जो सिंहासन इन न्याड्या दा आद आंदुर जागनी माळीत, अदिक आंदरी जीवन रूपी नीर इन डोबन इन हात्‍ती ओतीत; अदिक परमेश्वर आंदुर कण्णगोळी बाक यागलु वर्लगोळतिदिल.
\c 8
\s सातवा मोहर अदिक व्हान्ना अन्द ऊदबत्‍ती दान
\p
\v 1 “याग आव सातवा मोहर तेरदुन, रा स्वर्ग दा आर्धा घंटा ताका सन्नाटा आगेत. 
\v 2 आग ना आ येळु स्वर्गदूतगोळ इक नोळदीन जो परमेश्वर उन मुंद निदुरकु ईरतार, अदिक आंदरी येळ तुरहीगोळ कोटकु आत.”
\p
\v 3 बाक मात्‍त ऊंद स्वर्गदूत व्हान्नोद ऊदबत्‍ती दान हुडुकु बंदुन, अदिक वेदी इन हात्‍ती निदुरदुन; अदिक आऊक हापाळ ऊदबत्‍ती कोटकु आत कि सप्पा पवित्र लॉकुर्द प्रार्थनागोळ सांगुळ व्हान्ना अन्द आ वेदी मा, जो सिंहासन इन मुंद आद येर्सुल. 
\v 4 आ ऊदबत्‍ती इन धुंगा पवित्र लॉकुर्द प्रार्थना सहित स्वर्गदूत उन कय दा टु परमेश्वर उन मुंद पोहचुसेत. 
\v 5 \x + \xo ८:५ \xo*\xt प्रकाशितवाक्य ११:१९; १६:१८\xt*\x*आग स्वर्गदूत ऊदबत्‍ती दान हुडुकु अदुर दा वेदी इन बेक्‍की तुमदुन अदिक धरती मा हाक बुट्टुन; अदिक गर्जन अदिक शब्द अदिक बिजलीगोळ अदिक भूकम्प आगली कुरतव.
\s येळ तुरहीगोळ
\p
\v 6 आग आ येळु स्वर्गदूत यार हात्‍ती येळ तुरहीगोळ ईरव अवरी ऊरूली तयार आदुर.
\p
\v 7 पयला स्वर्गदूत तुरही ऊरूदुन, अदिक रक्ता देल मिलुसकु क्यांडागोळ अदिक बेक्‍की तयार आत, अदिक धरती मा हाक्‍कु आत; अदिक धरती इन ऊंद तिहाई भाग होत्‍तेत, अदिक मार्रगोळ्द ऊंद तिहाई भाग होत्‍तेत, अदिक सप्पा हिवरा काड्डा भी होत्‍तेत.
\p
\v 8 दुसरा स्वर्गदूत तुरही ऊरदुन, रा बेक्‍की घाई होत्‍ततेला ऊंद धोळ्द पहाळी समुद्र दा हाक्‍कु आत; अदिक समुद्र अन्द ऊंद तिहाई भाग रक्ता आगेत, 
\v 9 अदिक समुद्र अन्द ऊंद तिहाई जीव सोतोदव, अदिक ऊंद तिहाई जहाज नाश आगेदव.
\p
\v 10 तिसरा स्वर्गदूत तुरही ऊरदुन, अदिक ऊंद धोळ तारा जो मशाल घाई होत्‍तोगोद स्वर्ग दा टु मुरूत, अदिक गांगागोळ्द ऊंद तिहाई मा अदिक नीर इन डोबनगोळ मा बंदकु बित्‍त. 
\v 11 आ तारा अन्द हेसुर नागदौना आद; अदिक ऊंद तिहाई नीर नागदौना घाई केय आगेत, अदिक हापाळ सा मंळसागोळ आ नीर इन केय आगदुर देल सोतोदुर.
\p
\v 12 चौथा स्वर्गदूत तुरही ऊरदुन, अदिक सुर्य अन्द ऊंद तिहाई भाग, अदिक बेळदिंग्या अन्द ऊंद तिहाई अदिक तारागोळ्द ऊंद तिहाई भाग मा आपत्ति बत्‍त, ईल ताका कि अऊर्द ऊंद तिहाई भाग अंधार आगेत अदिक दिन इन ऊंद तिहाई भाग दा ऊजुळ ईतीदील, अदिक हांगा ईळ्लक दा भी.
\p
\v 13 याग ना मात्‍त नोळदीन, रा आकाश इन न्याड्या दा गीधाळ इक ऊळुसतेला अदिक धोळ शब्द दा ईद अनतेला केळदीन, “आ मुर स्वर्गदूतगोळ्द तुरही इन शब्दगोळ कारण, यार्द ऊरोद ईगल्या मिक्‍कु आद, धरती नोर ईरावाळेर मा हाय, हाय, हाय!”
\c 9
\p
\v 1 याग पाचवा स्वर्गदूत तुरही ऊरदुन, रा ना स्वर्ग टु पृथ्वी मा ऊंद तारा बिळतेला नोळदीन, अदिक अदरी अथाह अधोलोक इंद चाबी कोटकु आत. 
\v 2 अद अथाह अधोलोक इक तेरूत, अदिक कुंड दा टु धोळ्द भट्टी घाई धुंगा येळ्त, अदिक कुंड इन धुंगा देल सुर्य अदिक वायु अंधारकाय आगेदव. 
\v 3 आ धुंगा दा टु पृथ्वी मा हत्‍तीफाफा होट्टव, अदिक अवरी पृथ्वी इन चेळगोळ घाई शक्ति कोटकु आत. 
\v 4 अऊर से अंदकु आत कि ना पृथ्वी इन काड्डा अक, ना यातोदारा हरयाली इक, ना यातोदारा मार्र इक नुकसान पोहचुसेत, सिर्फ आ मंळसागोळी नुकसान पोहचुसेत यार ह्याणा मा परमेश्वर उन मोहर हैलेच. 
\v 5 अवरी लॉकुरी कोंद बुळोद रा ईला लेकीन अईद तिंगुळ ताका पीळा कोळोद अधिकार कोटकु आत: अदिक आंदुर पीळा हिंग ईरोद ह्यांग चेळ उन डंक होळदुर देल मंळसा अक आगतद. 
\v 6 आ दिनगोळ दा मंळसागोळ मृत्यु उक ढुंढस्यार अदिक आंदरी मृत्यु सिकतीदील; अदिक सायोद लालसा माळ्यार, अदिक मृत्यु आंदुर से दुर ओळीत.
\p
\v 7 आ हत्‍तीफाफागोळ्द आकार लळाई इन साटी तयार माळ्द घ्वाळागोळ घाई ईरव, अदिक अऊर ताल्लागोळ मा व्हान्ना अन्द मुकुट ईरव; अदिक अऊर मार्रगोळ मंळसागोळ घाई ईरव. 
\v 8 अऊर चुटगोळ आर्तेर चुटगोळ घाई अदिक हल्ल हुल्ल इन हल्लगोळ घाई ईरव. 
\v 9 अव लोवा घाई झिलम हाक्‍कु ईरव; अदिक अऊर पिक्‍कागोळ्द शब्द हिंग ईरोद जसा रथ अदिक हापाळ सा घ्वाळागोळ्द जो लळाई दा ओळताव. 
\v 10 अऊर्द पुसटी चेळगोळ घाई ईरव अदिक अऊर दा डंक ईरव, अदिक अवरी अईद तिंगुळ ताका मंळसागोळी दुख पोहचुसोद जो शक्ति सिकीत, अद अऊर्द पुसटीगोळ दा ईरोद. 
\v 11 अथाह अधोलोक इन स्वर्गदूत अऊर मा राजा ईरोन; आऊन हेसुर इब्रानी दा अबद्दोन, अदिक यूनानी दा अपुल्लयोन आद.
\p
\v 12 पयला विपत्‍ती नष्ट आगेत, नोळी, ईग इदुर बाद्दा येढ्ढ परेशानीगोळ मात्‍त बरव आव.
\p
\v 13 याग सहावा स्वर्गदूत तुरही ऊरूदुन रा व्हान्ना अन्द वेदी जो परमेश्वर उन मुंद आद अदुर गॉट्टागोळ दा टु ना हिंग शब्द केळदीन, 
\v 14 मतलब यावारा सहावा स्वर्गदूत से, यार हात्‍ती तुरही ईरोद, अनेत्यान, “आ नाकु स्वर्गदूतगोळ इक जो धोळ गांगा फुरात इन हात्‍ती कटकु आर, खोल्स बुळ.” 
\v 15 आ नाकु स्वर्गदूत खोल्सकु आदुर जो आ समय, अदिक दिन, अदिक तिंगुळ, अदिक साल इन साटी मंळसागोळ्द ऊंद तिहाई भाग इक कोंद बुळली तयार माळकु आगिदुर. 
\v 16 अऊर्द फौज इन सवारगोळ्द गिनती ईप्पत करोळ ईरोद; ना अऊर्द गिनती केळदीन. 
\v 17 नानी ई दर्शन दा घ्वाळागोळ अदिक अऊर्द हिंग सवार कांळ्सदुर यार झिलमगोळ बेक्‍की, अदिक धूम्रकान्त, अदिक गन्धक घाई ईरोद, अदिक आ घ्वाळागोळ्द ताल्ला हुल्ल इन ताल्ला घाई ईरव; अदिक अऊर बाय दा टु बेक्‍की, धुंगा अदिक गन्धक होळतोगोद. 
\v 18 ई मुरू महामारीगोळ्द मतलब बेक्‍की अदिक धुंगा अदिक गन्धक देल, जो अऊर बाय दा टु होळतोगोद मंळसागोळ्द ऊंद तिहाई कोंदकु आत. 
\v 19 यतिकी आ घ्वाळागोळ्द सामर्थ्य अऊर बाय अदिक पुसटीगोळ दा ईरोद; इदुरसाटी कि अऊर पुसटीगोळ हावगोळ घाई ईरव, अदिक आ पुसटीगोळ्द ताल्ला भी ईरव अदिक ईऊर देला अव दुख पोहचुसतोगव.
\p
\v 20 मिग्द मंळसागोळ जो आ मरी देल सायली ईरोर, तान कयगोळ्द क्याल्सा देल, मन तिर्गुसदुर, कि दुष्टआत्मागोळ्द, अदिक व्हान्ना अदिक बेळ्ली अदिक पीतळा अदिक कल्ल अदिक हुळ्ली इन मूर्तीगोळ्द पुजा माळबाळुल जो ना नोळ सकताव, ना केळ सकताव, ना नळु सकताव; 
\v 21 अदिक जो रक्ता, अदिक जादू टोना, अदिक व्यभिचार, अदिक काळ्लपनी आंदुर माळीदुर, अदुर देल मन तिर्गुसिदिल.
\c 10
\s स्वर्गदूत अदिक स्यांळ्द किताब
\p
\v 1 बाक ना मात्‍त ऊंद ताकतवर स्वर्गदूत उक आकाश होच्त स्वर्ग टु ईळुत नोळदीन. आऊन ताल्ला मा मेघधनुष ईरोद. आऊन बाय सुर्य अन्द घाई अदिक आऊन कालगोळ बेक्‍की इन खंबा घाई ईरव. 
\v 2 आऊन कय दा ऊंद स्यांळ्दतुसा किताब तेरूकु ईरोद. आव तान ऊम्मा काल समुद्र मा अदिक डाक्या काल पृथ्वी मा ईटदुन, 
\v 3 अदिक हिंग धोळ्द शब्द देल चिल्ळासदुन, ह्यांग हुल्ल गरजुसतद; अदिक याग आव चिल्ळासदुन रा गर्जन इन सांगुळ शब्द केळ बंदव. 
\v 4 याग येळु गर्जन इनव शब्द केळकु आगेदव, रा ना लिख्सदुर मा ईरीन, लेकीन ना स्वर्ग टु ईद शब्द केळदीन, “जो मातगोळ गर्जन इन आ येळ शब्दगोळ से केळ्या अवरी गुप्त ईट, अदिक लिख्सबाळ.”
\p
\v 5 याता स्वर्गदूत उक ना समुद्र अदिक पृथ्वी मा निदुर्त नोळीदिन, आव तान ऊम्मा कय स्वर्ग दी नेगदुन, 
\v 6 अदिक जो हमेशा हमेशा जित्‍ता आन, अदिक याव स्वर्ग इक अदिक जो येनारा अदुर दा आद, अदिक पृथ्वी इक अदिक जो येनारा अदुर दा आद, अदिक समुद्र अक अदिक जो येनारा अदुर दा आद सजुस्कु, अऊर्दा किर्‍या तिनकु अंदुन, “ईग रा मात्‍त समय आगतीदील. 
\v 7 बल्‍की सातवा स्वर्गदूत उन तुरही ऊरदुर मा जो आगव आव शब्द इन दिनगोळ दा परमेश्वर उन गुप्त मनोरथ आ खुशखबरी इन अनुसार जो आव तान दास भविष्यवक्तागोळी कोट्टुन, पुरा आदीत.”
\p
\v 8 याता शब्द अक ना स्वर्ग टु माताळ्त केळीदीन, अद मात्‍त नान सांगुळ मात हेळली कुर्त, “होग, जो स्वर्गदूत समुद्र अदिक पृथ्वी मा निदुरकु आन, आऊन कय दाकळोद अद किताब हुडु कोम जो तेरकु आद.”
\p
\v 9 ना स्वर्गदूत उन हात्‍ती होगकु अंदीन, “ईद स्यांळ्द किताब नानी कोळ.” आव नान से अंदुन, “हुडु, इदरी तिन कोम; ईद नीन व्हाट्टा केय रा माळीत, लेकीन नीन बाय दा सयद घाई सय हत्‍तीत.”
\p
\v 10 अत: ना अद स्यांळ्द किताब आ स्वर्गदूत उन कय दा टु हुडुकु तिंद बुटीन. अद नान बाय दा सयद घाई सय रा हत, लेकीन याग ना अदरी नुंग बुट्टीन, रा नान व्हाट्टा केयजोर आगेत. 
\v 11 आग नान से ईद अंदकु आत, “नीनी हापाळ सा लॉकुर, अदिक जातीगोळ, अदिक भाषागोळ अदिक राजागोळ्द बारा दा मात्‍त भविष्यवाणी माळोद बिद्दीत.”
\c 11
\s येढ्ढ गवाह
\p
\v 1 बाक नानी आळोर साटी ऊंद सरकंडा कोटकु आत, अदिक यारारा अंदुर, “येळ, परमेश्वर उन मंदिर अदिक वेदी, अदिक अदुर दा उपासना माळावाळेर इक आळ्द कोम. 
\v 2 \x + \xo ११:२ \xo*\xt लूका २१:२४\xt*\x*लेकीन मंदिर इन व्हार्या अन्द आंगुळ बिट बुळ; अदरी आळुबाळ यतिकी अद गैरयहूदी इक कोटकु आग्याद, अदिक आंदुर पवित्र नगर इक ब्यालीस दिन ताका काल दिशी मेट्ट्यार. 
\v 3 ना तान येढ्ढ गवाहगोळी ईद अधिकार कोळाईन कि टाट होदुकु ऊंद हजार येढ्ढ सौ साठ दिन ताका भविष्यवाणी माळुल.
\p
\v 4 “ईव अवा जैतुन इन येढ्ढ मार्र अदिक येढ्ढ दिंग्या ईटव जागा हुव, जो पृथ्वी इन प्रभु उन मुंद निदुरकु ईतार. 
\v 5 अगर यावारा आंदरी नुकसान पोहचुसोद चाहासतान, रा आंदुर बाय दा टु बेक्‍की होटकु आंदुर दुश्मनगोळी भसम माळतद; अदिक अगर यावारा आंदरी नुकसान पोहचुसोद चाहास्यान, रा जरूर ईत्‍ता रीति देल कोन्सुसकु आदान. 
\v 6 आंदरी अधिकार आद कि आकाश इक बंद माळुल, कि आंदुर्द भविष्यवाणी इन दिनगोळ दा सयद बरसुसबाळुल; अदिक आंदरी सप्पा नीरनळी मा अधिकार आद कि अदरी रक्ता माळुल, अदिक याग याग चाहास्यार आग आग पृथ्वी मा हर प्रकार इंद विपत्‍ती तरूल.”
\p
\v 7 \x + \xo ११:७ \xo*\xt प्रकाशितवाक्य १३:५-७; १७:८\xt*\x*याग आंदुर्द गवाही कोटकु आगेदीत, रा अद पशु जो अथाह अधोलोक दा टु होट्टीत, आंदुर से लळाई माळकु अवरी जीतुसित अदिक आंदरी कोंद बुट्टीत. 
\v 8 आंदुर लाश आ धोळ्द नगर इन चौक दा बिदकु ईत्‍ताव, यदरी आत्मिक रूप देल सदोम अदिक मिस्त्र अंदकु आगतद, यल आंदुर प्रभु भी क्रूस मा येर्सकु आगिदुन. 
\v 9 सप्पा लॉकुर अदिक कुलगोळ अदिक भाषागोळ अदिक जातीगोळ्द लॉकुर आंदुर मुर्दागोळी इक साढ़े मुर दिन ताका नोळतेला ईत्‍तार, अदिक आंदुर मुर्दागोळ इक कब्र दा ईट कोळतीदील. 
\v 10 धरती मा ईरावाळेर आंदुर सोत्‍तुर देल खुश अदिक मग्न आदार, अदिक आबुर दाबुर हात्‍ती भेंट कळ्यार, यतिकी ई दिनगोळ दा भविष्यवक्तागोळ धरती मा ईरावाळेर इक सतुस्यार. 
\v 11 लेकीन साढ़े मुर दिन इन बाद्दा परमेश्वर उन दी टु जीवन इन श्वास आंदुर दा होक्त, अदिक आंदुर तान कालगोळ ताकत देल निदरेदुर, अदिक आंदुर नोळावाळेर मा धोळ्द अंज्क तुम्मेत. 
\v 12 आग आंदरी स्वर्ग टु ऊंद धोळ्द शब्द केळ बत्‍त, “ईल म्याकुच बरी!” ईद केळकु आंदुर बादल मा सवार आगकु तान दुश्मनगोळ नोळतेला अच स्वर्ग मा येरेदुर. 
\v 13 \x + \xo ११:१३ \xo*\xt प्रकाशितवाक्य ६:१२; १६:१८\xt*\x*बाक आ घळी ऊंद धोळ्द भूकम्प आत, अदिक नगर इन दहावा भाग बिदोत; अदिक आ भूकम्प देल येळ हजार मंळसागोळ सोतोदुर, अदिक बाकी नोर जो ऊळ्दकु ईरोर आंदुर अंजेदुर अदिक स्वर्ग इन परमेश्वर उन महिमा माळली कुरतुर.
\p
\v 14 दुसरा परेशानी बितसेत; नोळी, तिसरा परेशानी जल्दी बरावाळा आद.
\s सातवा दूत उन द्वारा तुरही ऊरकु आत
\p
\v 15 याग सातवा स्वर्गदूत तुरही ऊरदुन, रा स्वर्ग दा ई बारा दा धोड्डेव-धोड्डेव शब्द आगली कुरतव: “दुनिया अन राज्य नामव प्रभु उन अदिक आऊन मसीह अन्द आगेत, अदिक आव हमेशा हमेशा राज्य माळ्यान.” 
\v 16 आग चौबीसा स्याणा लॉकुर जो परमेश्वर उन मुंद तान तान सिंहासन मा कुर्तकु ईरोर, बाय इन भार देल बिदकु परमेश्वर उक प्रणाम माळकु 
\v 17 ईद अनली कुरतुर,
\q1 “हे सर्वशक्तिमान प्रभु परमेश्वर, जो आन अदिक जो ईरोन,
\q1 नाव नीन धन्यवाद माळतेव कि नी तान धोळ्द सामर्थ्य
\q2 इक क्याल्सा दा तनकु राज्य माळ्या.
\q1
\v 18 अन्य जातीगोळ सिट्ट दा तुमकु ईरोर,
\q2 लेकीन नींद प्रकोप बंदकु बित्‍त,
\q2 अदिक अद समय बंदाद कि जो सोत्‍तुर आंदुर्द न्याय माळकु आगुल,
\q1 अदिक नीनोर दास परमेश्वर उन बातणी केळसावाळेर
\q2 अदिक पवित्र लॉकुरी अदिक आ स्याण धोड्डेर इक जो नींद हेसुर देल अंजतार
\q2 बदलुस्कु आगुल,
\q1 अदिक पृथ्वी इक बिगळुसा वाळेर इक नष्ट माळकु आगुल.”
\p
\v 19 \x + \xo ११:१९ \xo*\xt प्रकाशितवाक्य ८:५; १६:१८; \xt*\xt प्रकाशितवाक्य १६:२१\xt*\x*आग परमेश्वर उन जो मंदिर स्वर्ग दा आद अद तेरकु आत, अदिक आऊन मंदिर दा आऊंदा वाचा अन्द संदुक कांळ्सत; अदिक बिजलीगोळ अदिक शब्द अदिक गर्जन अदिक भूकम्प आदव अदिक धोड्डेव ओला बिद्दव.
\c 12
\s आर्त अदिक अजगर
\p
\v 1 बाक स्वर्ग दा ऊंद धोळ्द चिन्ह कांळ्सत, मतलब ऊंद आर्त जो सुर्य होदुकु ईरोर, अदिक बेळदिंग आकिन काल दिशी ईरोद, अदिक आकिन ताल्ला मा हन्नेळ तारागोळ्द मुकुट ईरोद. 
\v 2 आक व्हाट्या दी आदुर, अदिक किटरोर, यतिकी आक प्रसव इन दुख दा ईरोर.
\p
\v 3 ऊंद अदिक चिन्ह स्वर्ग दा कांळ्सत; अदिक नोळी, ऊंद धोळ्द क्याचांद अजगर ईरोद, अदरी येळ ताल्ला अदिक हत्‍त गॉट्टा ईरव, अदिक अदुर्द ताल्ला मा येळ राजमुकुट ईरव. 
\v 4 अदुर पुसटी आकाश इन तारा अन्द ऊंद तिहाई इक जेडुकु पृथ्वी मा हाक कोम्त. अद अजगर येनारा ईरोर आ आर्त इन मुंद ईरोद, निदुर्त कि याग आक चिग्द हाळदार रा आ चिग्द उक नुंग कोमुल. 
\v 5 आक पार हाळदुर जो लोवा अन्द छळी इक ताकोमकु सप्पा जातीगोळ मा राज्य अन्द साटी बंदीदुन, अदिक आव पार एकाएक परमेश्वर उन हात्‍ती अदिक आऊन सिंहासन इन हात्‍ती नेगुकु पोहचुस्कु आदुन; 
\v 6 अदिक आ आर्त आ आळी दा ओळतेला होदुर यल परमेश्वर उन दी टु आकिन साटी ऊंद जागा तयार माळकु आगीत कि अल आक ऊंद हजार येढ्ढ सौ साठ दिन ताका सालकु आगुल.
\p
\v 7 \x + \xo १२:७ \xo*\xt यहूदा १:९\xt*\x*बाक स्वर्ग दा लळाई आत, मीकाईल अदिक आऊन स्वर्गदूत अजगर इन सांगुळ लळाई माळली होट्टुर; अदिक अजगर अदिक अदुर दूत आऊन सांगुळ लळुसदव. 
\v 8 लेकीन प्रबल आगीदील, अदिक स्वर्ग दा आंदुर साटी बाक जागा ईतीदील. 
\v 9 \x + \xo १२:९ \xo*\xt लूका १०:१८\xt*\x*आग अद धोळ्द अजगर, मतलब अदा हाळोद हाव जो इब्लीस अदिक शैतान कहलुसतद अदिक पुरा दुनिया अक भरमुसावाळा हुन, पृथ्वी मा केळसुस्कु आत, अदिक अदुर दूत अदुर सांगुळ केळसुस्कु आदव. 
\v 10 बाक ना स्वर्ग टु ईद धोळ्द शब्द बरतेला केळदीन,
\q2 “ईग नाम परमेश्वर उन उद्धार अदिक सामर्थ्य
\q2 अदिक राज्य
\q1 अदिक आऊन मसीह अन्द अधिकार प्रगट आग्याद,
\q2 यतिकी नाम वार्टुर मा दोष हचावाळा,
\q1 जो ईळ्लक हागुल नाम परमेश्वर उन मुंद
\q2 आंदुर मा दोष हचतोगोन केळसुस्कु आदुन.”
\q1
\v 11 “आंदुर म्यांडा अन्द पाड्डा अन कारण
\q2 अदिक तान गवाही इन वचन इन कारण
\q1 आऊन मा जयवन्त आदुर,
\q2 अदिक आंदुर तान जीव इक प्रिय जानसीदिल,
\q2 ईल ताका कि मृत्यु भी सहन माळ कोंडुर.”
\q1
\v 12 “ई कारण हे स्वर्गगोळा अदिक अदुर्दा ईरावाळेरा,
\q2 मग्न ईरी; हे पृथ्वी, अदिक समुद्र, नीम मा हाय!
\q1 यतिकी शैतान बळा सिट्ट इन सांगुळ नीम हात्‍ती ईळुकु बंदुन,
\q2 यतिकी जान्सत्या कि थ्वाळासा अच समय अदिक बाकी आद.”
\p
\v 13 याग अजगर नोळ्त कि ना पृथ्वी मा केडुकु आगेदीन, रा आ आर्त इक जो पार हाळीदुर, सतुस्त. 
\v 14 लेकीन आ आर्त इक धोळ गीधाळ इन येढ्ढ पिक्‍का कोटकु आगीदव कि हाव उन मुंद टु ऊळुसकु आळी दा आ जागा दा होटोगुल, यल अद ऊंद समय अदिक समयगोळ, अदिक आर्धा समय ताका पालस्कु आगुल. 
\v 15 अदिक हाव आ आर्त इन हिंद तान बाय देल गांगा अन्द घाई नीर वाहुस्त कि आकी ई गांगा देल वाहुस बुळुल. 
\v 16 लेकीन पृथ्वी आ आर्त इन सहायता माळ्त, अदिक तान बाय खोल्सकु आ गांगा अक जो अजगर तान बाय देल वाहुसीदुन कळुत. 
\v 17 आग अजगर आर्त मा गुस्सा आत्त, अदिक आकिन बाकी नव चिकोर देल, जो परमेश्वर उन आग्यागोळ इक मानसोर अदिक यीशु उन गवाही कोळदुर मा स्थिर आर, लळाई माळली होत्त. 
\v 18 अदिक अद समुद्र अन्द धुळा मा होगकु नीदुरकु ईत्त.
\c 13
\s येढ्ढ पशु
\p
\v 1 \x + \xo १३:१ \xo*\xt प्रकाशितवाक्य १७:३,७-१२\xt*\x*आग ना ऊंद पशु उक समुद्र दा टु होळ्त नोळदीन, यदुर्द हत्‍त गॉट्टा अदिक येळ ताल्ला ईरव. अदुर गॉट्टागोळ मा हत्‍त राजमुकुट अदिक अदुर ताल्लागोळ मा परमेश्वर उन निन्दा नव हेसुर लिख्सकु ईरव. 
\v 2 जो पशु ना नोळदीन अद चिता अन्द घाई ईरोद; अदिक अदुर कालगोळ भालू घाई, अदिक बाय हुल्ली इन घाई ईरोद. अद अजगर तान सामर्थ्य अदिक तान सिंहासन अदिक धोळ्द अधिकार अदरी कोट बुळ्त. 
\v 3 ना अऊर्द ताल्लागोळ दा टु ऊंद मा हिंग भयंकर घाव हतकु नोळदीन कि हिंग हतुल कि अद सायदुर मा आद, बाक अदुर्द प्राणघातक घाव वळ्लीद आगेत, अदिक सप्पा धरती इन लॉकुर आ पशु उन हिंद-हिंद अचम्भा माळतेला नळदुर. 
\v 4 लॉकुर अजगर इन पुजा माळदुर, यतिकी अद पशु उक तान अधिकार कोट बुटीत, अदिक ईद अनकु पशु उन पुजा माळदुर, “ई पशु उन घाई याव आन? याव ईदुर से लळाई माळ सकतान?”
\p
\v 5 बळा बोल माताळली अदिक अपमान माळोर साटी अदरी ऊंद बाय कोटकु आग्याद, अदिक अदरी ब्यालीस तिंगुळ ताका क्याल्सा माळोद अधिकार कोटकु आग्याद. 
\v 6 आव परमेश्वर उन अपमान माळोर साटी बाय तेरदुन कि आऊन हेसुर अदिक आऊन तम्बू मतलब स्वर्ग इन ईरावाळेर इन अपमान माळुल. 
\v 7 आऊक ईद भी अधिकार कोटकु आग्याद कि पवित्र लॉकुर सांगुळ लळाई माळुल अदिक आंदुर मा जय सिकुल, अदिक आऊक हर ऊंद कुल अदिक लॉकुर अदिक भाषा अदिक जाती मा अधिकार कोटकु आग्याद. 
\v 8 धरती मा ईरावाळेर आंदुर सप्पा, यार हेसुर आ म्यांडा अन्द पाड्डा अन्द जीवन इन किताब दा लिख्सकु आगीदील जो दुनिया अन उत्पत्ति इन समय टु घात आग्याद, आ पशु उन पुजा माळ्यार.
\p
\v 9 यार किव आव आव केळुल. 
\v 10 यारी कैद दा बिळोद आद, आव कैद दा बिद्दान; जो तलवार देल कोंदान, जरूरी आद कि आव तलवार देल कोंदकु आदान. पवित्र लॉकुर्द धीरज अदिक विश्वास ईदुर दा आद.
\p
\v 11 बाक ना ऊंद अदिक पशु उक पृथ्वी दा टु होळतेला नोळदिन, अदुर्द म्यांडा अन्द पाड्डा अन्द घाई येढ्ढ गॉट्टा ईरव, अदिक अद अजगर इन घाई माताळोद. 
\v 12 अद आ पयला पशु उन पुरा अधिकार अदुर मुंद क्याल्सा दा तरोद; अदिक पृथ्वी अदिक अदुर्द ईरावाळेर देल आ पयला पशु उन, यदुर्द जीव घातक घाव वळ्लीद आगेगीत, पुजा माळसुसोद. 
\v 13 अद धोळ-धोळ चिन्ह तोर्सोन, ईल ताका कि मंळसागोळ्द मुंद स्वर्ग टु पृथ्वी मा बेक्‍की बरसुस बुळोन. 
\v 14 आ चिन्हगोळ्द कारण, यारी आ पशु उन मुंद तोरसोद अधिकार अदरी कोटकु आगीत, अद पृथ्वी इन ईरावाळेर इक भरमुसोद अदिक पृथ्वी इन ईरावाळेर देल अनोद कि या पशु उक तलवार हतीत अद जित्‍ता आग्याद, अदुर्द मूर्ति माळी. 
\v 15 अदरी आ पशु उन मूर्ति दा जीव हाक्कोद अधिकार कोटकु आग्याद कि पशु उन मूर्ति माताळली हतुल, अदिक यास लॉकुर आ पशु उन मूर्ति इन पुजा माळतीदील, आंदरी कोन्सुस बुळुल. 
\v 16 आव स्यांळ्द-धोळ, धनी-कंगाल, स्वतंत्र-दास सप्पा मुंदुर ऊम्मा कय दी या आंदुर मस्तक मा ऊंद ऊंद छाप माळ बुट्टुन, 
\v 17 कि अदरी बिटकु याऊन मा छाप मतलब आ पशु उन हेसुर या अदुर हेसुर इन अंक ईरूल, दुसरा यावारा लेन-देन माळ ईला सकुल.
\p
\v 18 ग्यान ईदुर दा आद: यारी बुद्धी आद आव ई पशु उन अंक जोळ्स कोमुल, यतिकी अद मंळसा अन्द अंक हुन, अदिक अदुर अंक आर सौ छैसठ आद.
\c 14
\s मेमना अदिक अदुर लॉकुर
\p
\v 1 \x + \xo १४:१ \xo*\xt प्रकाशितवाक्य ७:३\xt*\x*बाक ना नजर माळदीन, अदिक नोळी, आ म्यांडा अन्द पाड्डा सिय्योन पहाळ मा नीदुरकु आद, अदिक अदुर सांगुळ ऊंद लाख चौवालीस हजार मुंदुर आर, यार ह्याणा मा आऊन अदिक आऊन आप्प उन हेसुर लिख्सकु आद. 
\v 2 अदिक स्वर्ग टु नानी ऊंद हिंग शब्द केळ बत्‍त जो नीर इन हापाळ धारागोळ अदिक बळा गर्जन इन शब्द ईरोद, अदिक जो शब्द ना केळदीन अद हिंग ईरोद मान्सी वीणा मुरसावाळेर वीणा मुरसेत्यार. 
\v 3 आंदुर सिंहासन इन मुंद अदिक नाकु प्राणीगोळ अदिक स्याणागोळ्द मुंद ऊंद व्हाशोद हाळ हाळोर. आ ऊंद लाख चौवालीस हजार लॉकुरी बिटकु, जो पृथ्वी मा टु कोंडकु आगीदुर, यारू आ हाळ इक कलु ईला सकोर. 
\v 4 इंदुर आंदुर उर जो आर्तेर सांगुळ अशुध्द आगीदील, पर कुवारा आर; इंदुर आंदुरा उर कि येल्यारा म्यांडा अन्द पाड्डा होगतद, अऊर आऊन हिंद आगेगतार; इंदुर रा परमेश्वर उन निमित्त पयला फल आगोर साटी मंळसागोळ दा टु कोंडकु आग्यार. 
\v 5 आंदुर बाय दा टु यागलु ख्वाटा मात होटीदिल, आंदुर निर्दोष आर.
\s मुर स्वर्गदूत
\p
\v 6 बाक ना ऊंद अदिक स्वर्गदूत उक आकाश इन न्याड्या दा उळुसतेला नोळदीन, यार हात्‍ती पृथ्वी माकळोर ईरावाळेर्द हर ऊंद जाती, अदिक कुल, अदिक भाषा, अदिक लॉकुरी केळसोर साटी अनन्त खुशखबरी ईरव. 
\v 7 स्वर्गदूत धोळ शब्द देल अंदुन, “परमेश्वर से अंजी, अदिक आऊन महिमा माळी, यतिकी आऊन न्याय माळोद समय होट बंदाद; अदिक आऊन भजन माळी, याव स्वर्ग अदिक पृथ्वी अदिक समुद्र अदिक नीर इन झरना माळ्यान.”
\p
\v 8 \x + \xo १४:८ \xo*\xt प्रकाशितवाक्य १८:२\xt*\x*बाक इदुर बाद्दा ऊंद मात्‍त, दुसरा, स्वर्गदूत ईद अनतेला बंदुन, “बित्त, आ धोळ बेबीलोन बित्त, यार तान व्यभिचार इन कोपमय सारा पुरा जातीगोळी इक कुळस्याद.”
\p
\v 9 बाक इंदुर बाद्दा ऊंद मात्‍त, तीसरा, स्वर्गदूत धोळ शब्द देल ईद अनतेला बंदुन, “जो यावारा आ पशु अदिक अदुर्द मूर्ति इन पुजा माळुल, अदिक तान ह्याणा या तान कय मा अदुर्द छाप ताकोमुल 
\v 10 अद परमेश्वर उन प्रकोप इन निरी सारा, जो आऊन सिट्ट इन कटोरा दा हाक्‍कु आग्याद, कुळदान अदिक पवित्र स्वर्गदूतगोळ्द मुंद अदिक म्यांडा अन्द पाड्डा अन्द मुंद बेक्‍की अदिक गन्धक इन पीळा दा बिद्दान. 
\v 11 आदुर्द पीळा अन्द धुंगा हमेशा हमेशा येळतेला ईत्‍तीत, अदिक जो आ पशु अदिक अदुर्द मूर्ति इन पुजा माळतार, अदिक जो अदुर हेसुर इन छाप ताकोमतार, आंदरी ईळ्लक हागुल चैन सिकतीदील.”
\p
\v 12 पवित्र लॉकुर्द धीरज इदुर दा आद, जो परमेश्वर उन आग्यागोळ इक मान्सतार अदिक यीशु मा विश्वास ईटतार.
\p
\v 13 बाक ना स्वर्ग टु ईद शब्द केळदीन, “कि लिख्स: जो मुर्दा प्रभु दा सायतान, आंदुर ईग टु धन्य आर.”
\p आत्मा अनतद, “हव, यतिकी आंदुर तान पुरा मेहनत देल आराम ताकोंडार, अदिक आंदुर कार्य आंदुर सांगुळ ईत्‍ताव.”
\s कटाई
\p
\v 14 ना दृष्टी माळदीन, अदिक नोळी, नान मुंद ऊंद बिळीद ढग आद, अदिक आ ढग मा मंळसा अन पार उन घाई यावारा कुर्तकु आन, आऊन ताल्ला मा व्हान्ना अन्द मुकुट अदिक कय दा पन्यार कुळगुल आद. 
\v 15 बाक ऊंद अदिक स्वर्गदूत मंदिर दा टु होटकु आऊन से, जो ढग मा कुर्तकु ईरोन, धोळ शब्द देल कारूकु अंदुन, “तान कुळगुल हचकु कटाई माळ, यतिकी कटाई इन समय होट बंदान, इदुरसाटी कि पृथ्वी इन केई इन फसल हण्ण आगेग्याद.” 
\v 16 इदुरसाटी जो ढग मा कुर्तकु ईरोन आव पृथ्वी मा तान कुळगुल हचदुन, अदिक पृथ्वी इन केई इन कटाई माळदुन.
\p
\v 17 बाक ऊंद अदिक स्वर्गदूत आ मंदिर दा टु होट्टुन जो स्वर्ग दा आन, अदिक आऊन हात्‍ती भी पन्यार कुळगुल ईरोद.
\p
\v 18 बाक ऊंद अदिक स्वर्गदूत, यारी बेक्‍की मा अधिकार ईरोद, वेदी दा टु होट्टुन, अदिक यार हात्‍ती पन्यार कुळगुल ईरोद आऊन से धोळ शब्द देल अंदुन, “तान पन्यार कुळगुल हचकु पृथ्वी इन अंगुर इन केई इन काय इन गुच्छा कडुकोम, यतिकी अद अंगुर इन काय हण्ण आगेग्याद.” 
\v 19 आग आ स्वर्गदूत पृथ्वी मा तान कुळगुल हचदुन अदिक पृथ्वी इन अंगुर इन गुच्छा अन्द काय कडुकु तान परमेश्वर उन प्रकोप इन धोळ रसकुण्ड दा हाक्‍क बुट्टुन; 
\v 20 \x + \xo १४:२० \xo*\xt प्रकाशितवाक्य १९:१५\xt*\x*अदिक नगर इन व्हार्या आ रसकुण्ड दा अंगुर मेटकु आदव, अदिक रसकुण्ड दा टु ईट रक्ता होळ्त कि घ्वाळा अन्द लगामगोळ ताका पहुचुस्त, अदिक मुर सौ किलोमीटर ताका वाहुसेत.
\c 15
\s आखरी परेशानीगोळ सांगुळ स्वर्गदूत
\p
\v 1 बाक ना स्वर्ग दा ऊंद अदिक धोळ अदिक अदभुत चिन्ह नोळदीन, मतलब येळ स्वर्गदूत यार हात्‍ती येळु आखरी परेशानीगोळ ईरव, यतिकी अदुर खतम आगदुर मा परमेश्वर उन प्रकोप इन अन्त आद.
\p
\v 2 आग ना बेक्‍की दा मिलुसकु काँच इन घाई ऊंद समुद्र नोळदीन; अदिक जो लॉकुर आ पशु मा अदिक अदुर्द मूर्ति मा अदिक अदुर हेसुर इन अंक मा जयवन्त आगीदुर, आंदरी आ काँच इन समुद्र अन्द हात्‍ती परमेश्वर उन वीणागोळ इक हुळकु नीदुरकु नोळदुर. 
\v 3 आंदुर परमेश्वर उन दास मूसा अन्द हाळ, अदिक म्यांडा अन्द पाड्डा अन्द हाळ, हाळ हाळकु अनतोगोर,
\q1 “हे सर्वशक्तिमान प्रभु परमेश्वर,
\q2 नीन कार्य महान अदिक अदभुत आव;
\q1 हे युगयुग इन राजा,
\q2 नीन चाल वळ्लीद अदिक खरा आद.”
\q1
\v 4 “हे प्रभु, याव नीन से अंजतीदील
\q2 अदिक नीन हेसुर इन महिमा माळतीदील?
\q2 यतिकी सिर्फ नी आबना अच पवित्र आय.
\q1 पुरा द्याश इन लॉकुर बंदकु
\q2 नीन मुंद दण्डवत माळ्यार,
\q2 यतिकी नीन न्याय इन क्याल्सा प्रगट आगेग्याव.”
\p
\v 5 इदुर बाद्दा ना नोळदीन कि स्वर्ग दा गवाही इन तम्बू उन मंदिर खोल्सकु आग्याद; 
\v 6 अदिक आंदुर येळु स्वर्गदूत यार हात्‍ती येळु परेशानीगोळ ईरव, मलमल इन शुद्ध अदिक चमकदार कपळा हाक्‍कु अदिक याद्दा मा व्हान्ना अन्द पट्टागोळ कटकु मंदिर टु होट्टुर. 
\v 7 आग आ नाकु प्राणीगोळ दा टु ऊंद आ येळ स्वर्गदूतगोळी परमेश्वर, जो हमेशा हमेशा जित्‍ता आन, आऊन प्रकोप देल तुमकु व्हान्ना अन्द येळ कटोरा कोट्टुर; 
\v 8 अदिक परमेश्वर उन महिमा अदिक आऊन सामर्थ्य अन कारण मंदिर धुंगा देल तुम्मेत, अदिक यागासताका आ येळु स्वर्गदूतगोळ्द येळु परेशानीगोळ खतम आगीदील आगासताका याऊ मंदिर दा होग सकिदील.
\c 16
\s परमेश्वर उन प्रकोप इन येळ कटोरा
\p
\v 1 बाक ना मंदिर दा यारीकारा ऊँचा शब्द देल आ येळु स्वर्गदूतगोळ देल ईद अनतेला केळदिन, “होगी, परमेश्वर उन प्रकोप इन येळु कटोरागोळ इक पृथ्वी मा पलटुस बुळी.”
\p
\v 2 इदुरसाटी पयले स्वर्गदूत होगकु तान कटोरा पृथ्वी मा पलटुस बुट्टुन. आग आ मंळसागोळ्द, यार मा पशु उन छाप ईरव अदिक जो अदुर्द मूर्ति इन पुजा माळोर, ऊंद प्रकार इन बुरा अदिक दुखदाई फ्वाळा होळ्त.
\p
\v 3 दुसरा स्वर्गदूत तान कटोरा समुद्र मा उलटुस बुट्टुन, अदिक आव सोतकु मंळसा अन्द रक्ता घाई बन्सेदुन, अदिक समुद्र दाकळव हर ऊंद जीवधारी सोतोदव.
\p
\v 4 तीसरा स्वर्गदूत तान कटोरा गांगागोळ अदिक नीर इन झरनागोळ मा पलटुस बुट्टुन, अदिक आंदुर रक्ता बन्सदुर. 
\v 5 आग ना नीर इन स्वर्गदूत उक ईद अनतेला केळदीन, “हे पवित्र, जो आद अदिक जो ईरोद, नी न्यायी आय अदिक नी ईद न्याय माळ्द. 
\v 6 यतिकी आंदुर पवित्र लॉकुर अदिक भविष्यवक्तागोळ्द रक्ता वाहुसीदुर, अदिक नी आंदरी रक्ता कुळ्सद; यतिकी आंदुर ईदा योग्य आर.” 
\v 7 बाक ना वेदी टु ईद शब्द केळदीन, “हव, हे सर्वशक्तिमान प्रभु परमेश्वर, नीन निर्णय वळ्लीद अदिक खरा आद.”
\p
\v 8 चौथा स्वर्गदूत तान कटोरा सुर्य मा उलटुस बुट्टुन, अदिक आऊक मंळसागोळ इक बेक्‍की देल झुलसुसोद अधिकार कोटकु आत. 
\v 9 मंळसा हापाळ बिसुल देल झुलसुसदुर, अदिक परमेश्वर उन हेसुर इन यारी ई परेशानीगोळ मा अधिकार आद, अपमान माळदुन लेकीन आऊन महिमा माळोर साटी मन तिर्गुसिदील. आऊन महानता अन्द प्रशंसा माळतार.
\p
\v 10 पाचवा स्वर्गदूत तान कटोरा आ पशु उन सिंहासन मा पलटुस बुट्टुन, अदिक आऊन राज्य मा अंधार छासेत. लॉकुर दुख इन मारा तान तान ल्यालग्या कचली हतदुर, 
\v 11 अदिक तान पीळागोळ अदिक फ्वाळागोळ्द कारण स्वर्ग इन परमेश्वर उन अपमान माळदुर; लेकीन तान तान क्याल्सागोळ देल मन तिर्गुसिदील.
\p
\v 12 सहावा स्वर्गदूत तान कटोरा महागांगा फुरात मा पलटुस बुट्टुन, अदिक अदुर्द नीर वंळगेत कि पूर्व दिशा अन्द राजागोळ्द साटी हादी तयार आगेगुल. 
\v 13 बाक ना आ अजगर इन बाय देल, अदिक आ पशु उन बाय देल अदिक आ ख्वाटा भविष्यवक्ता अन्द बाय देल मुर अशुध्द आत्मागोळ इक भ्याबकागोळ्द रूप दा होळतेला नोळदिन. 
\v 14 ईव चिन्ह तोर्सावाळेर दुष्टआत्मागोळ हुव, जो पुरा दुनिया अन राजागोळ्द हात्‍ती होटकु इदुरसाटी होगताव कि आंदरी सर्वशक्तिमान परमेश्वर उन आ धोळ दिन इन लळाई इन साटी जमा माळुल.
\p
\v 15 \x + \xo १६:१५ \xo*\xt मत्ती २४:४३,४४; लूका १२:३९,४०; प्रकाशितवाक्य ३:३\xt*\x*“नोळ, ना काळ्ल उन घाई बरतीन; धन्य आव आन जो जागस्तेला ईरतान, अदिक तान कपळागोळ्द सावधानी माळतान कि ऊगळा वयाळबाळुल, अदिक लॉकुर आऊन ऊगळापन नोळबाळुल.”
\p
\v 16 अदिक आंदुर आंदरी आ जागा दा जमा माळदुर जो इब्रानी दा हर-मगिदोन कहलुसतद.
\p
\v 17 सातवा स्वर्गदूत तान कटोरा हवा मा उलटुसदुन, अदिक मंदिर इन सिंहासन टु ईद धोळ शब्द आत, “आगेग्याद!” 
\v 18 \x + \xo १६:१८ \xo*\xt प्रकाशितवाक्य ८:५; ११:१३,१९\xt*\x*बाक बिजलीगोळ चमकुसदव, अदिक शब्द अदिक गर्जन आत, अदिक ऊंद हिंग धोळ भूकम्प बत्‍त कि यागी टु मंळसा अन्द उत्पत्ति पृथ्वी मा आत, आगी टु हिंग धोळ भूकम्प यागलु बंदिदील. 
\v 19 इदुर देल आ धोळ नगर इन मुर तुकळा आगेदव, अदिक गैर यहूदीगोळव नगर बिद्दव; अदिक धोळ बेबीलोन इन याद परमेश्वर उन अल आत कि आव तान सिट्ट इन जलजलाहट इन सारा आऊक कुळसुल. 
\v 20 \x + \xo १६:२० \xo*\xt प्रकाशितवाक्य ६:१४\xt*\x*अदिक हर ऊंद टापू तान जागा टु टलुसेत, अदिक पहाळगोळ्द पता हतीदील. 
\v 21 \x + \xo १६:२१ \xo*\xt प्रकाशितवाक्य ११:१९\xt*\x*आकाश टु मंळसागोळ मा मन-मन तुमकु धोळ गारगोटी बिद्दव, अदिक इदुरसाटी कि ईद विपत्‍ती हापाळ अच भारी ईरोद, लॉकुर गारगोटी इन विपत्‍ती इन कारण परमेश्वर उन अपमान माळदुर.
\c 17
\s धोळ वेश्या
\p
\v 1 या येळ स्वर्गदूतगोळ्द हात्‍ती अव येळ कटोरा ईरव, आंदुर दा टु ऊंद बंदकु नान से ईद अंदुन, “ईल बर, ना नीनी आ धोळ वेश्या अन्द दण्ड तोर्साईन, जो हापाळ सा नीर मा कुर्तकु आर, 
\v 2 यार सांगुळ पृथ्वी इन राजागोळ व्यभिचार माळदुर; अदिक पृथ्वी इन ईरावाळेर आऊन व्यभिचार इन सारा देल मतवाला आगेगीदुर.”
\p
\v 3 \x + \xo १७:३ \xo*\xt प्रकाशितवाक्य १३:१\xt*\x*आग आव नानी आत्मा दा आळी दी ओतुन, अदिक ना क्याचांद पशु मा, जो अपमान इन हेसुरगोळ देल तुमकु ईरोद अदिक यार येळ ताल्ला अदिक हत्‍त गॉट्टा ईरव, ऊंद आर्त इक कुर्तकु नोळदिन. 
\v 4 ई आर्त जाभळा रंग इन अदिक क्याचांद रंग इन कपळा हाक्‍कु ईरोर, अदिक व्हान्ना अदिक किमती मणिगोळ अदिक मोतिगोळ देल सजुस्कु ईरोर, अदिक आकिन कय दा ऊंद व्हान्ना अन्द कटोरा ईरोद जो बेकार वस्तुगोळ देल अदिक आकिन व्यभिचार इन अशुध्द वस्तुगोळ देल तुमकु ईरोद. 
\v 5 आकिन ह्याणा मा ई हेसुर लिख्सकु ईरोद, “भेद-धोळ बेबीलोन पृथ्वी इन वेश्यागोळ अदिक बेकार वस्तुगोळ्द मोय.” 
\v 6 ना आ आर्त इक पवित्र लॉकुर्द रक्ता अदिक यीशु उन गवाहगोळ्द रक्ता कुळदुर देल मतवाला नोळदीन;
\p आकी नोळकु ना चकित आगेदीन. 
\v 7 आग आ स्वर्गदूत नान से अंदुन, “नी येती चकित आद? ना ई आर्त अदिक आ पशु उक, यदुर मा आक सवार आर अदिक यार येळ ताल्ला अदिक हत्‍त गॉट्टा आव, नीनी भेद हेळतीन.
\p
\v 8 \x + \xo १७:८ \xo*\xt प्रकाशितवाक्य ११:७\xt*\x*“जो पशु नी नोळया, अद पयला रा ईरोद पर ईग ईल्लच, अदिक अथाह अधोलोक दा टु होटकु विनाश दा बिद्दीत; अदिक पृथ्वी इन ईरावाळेर यार हेसुर दुनिया अन उत्पत्ति इन समय टु जीवन इन किताब दा लिख्सकु आगीदील, ई पशु उन ईद दशा नोळकु कि पयला ईरोद अदिक ईग ईल्लच अदिक बाक होट बंदीत, अचम्भा माळ्यार. 
\v 9 आ बुद्धी इन साटी यारदा ग्यान आद, ईदा मवका आद: अव येळु ताल्ला येळ पहाळ हुव यार मा आ आर्त कुर्तकु आर. आंदुर येळ राजा भी उर. 
\v 10 अव येळ राजा भी हुव, अईद रा आगेग्याव, अदिक ऊंद ईग आन, अदिक ऊंद ईग ताका बरली आन, अदिक याग बंदान रा येनारा समय ताका अदुर्द ईरोद भी जरूरी आद. 
\v 11 जो पशु पयला ईरोन, अदिक ईग ईल्लच, आव खुद आठवा हुन अदिक आ येळु दा टु पैदा आदुन, अदिक विनाश दा बिद्दान. 
\v 12 जो हत्‍त गॉट्टा नी नोळ्द अव हत्‍त राजा हुव यारी ईग ताका राज्य सिक्‍कीदील, पर आ पशु उन सांगुळ घळी तीमोर साटी राजागोळ घाई अधिकार सिक्‍कीत. 
\v 13 ईव सप्पा ऊंद मन आदार, अदिक अव तान तान सामर्थ्य अदिक अधिकार आ पशु उक कोट्टार. 
\v 14 अव मेमनागोळ देल लळाई माळ्याव, अदिक म्यांडा अन्द पाड्डा अऊर मा जय पाऊस्याव, यतिकी आव प्रभुगोळ प्रभु अदिक राजागोळ राजा हुव, अदिक जो कारूकु आग्याव अदिक निवळुस्कु आग्याव अदिक विश्वासी आव अव आऊन सांगुळ आव; आंदुर भी जय पाऊस्याव.”
\p
\v 15 बाक आव नान से अंदुन, “जो नीर नी नोळ्द, यदुर मा वेश्या कुर्तकु आर, आंदुर रा लॉकुर अदिक भीळ अदिक जातीगोळ अदिक भाषागोळ हुव. 
\v 16 जो हत्‍त गॉट्टा नी नोळ्द, अव अदिक पशु आ वेश्या देल दुश्मनी ईट्याव, अदिक आकी लाचार अदिक नंगा माळ बुट्टाव, अदिक आकिन मास तीन बुट्टाव, अदिक आकी बेक्‍की दा होताक बुट्टाव. 
\v 17 यतिकी परमेश्वर आंदुर मन दा ईद हाक्यान कि आंदुर आऊन मनसा पुरा माळुल, अदिक यागासताका परमेश्वर उन वचन पुरा आगाल्द आगासताका ऊंद मन आगकु तान तान राज्य पशु उक कोटबुळी. 
\v 18 आ आर्त, यारी नी नोळ्द, अद धोळ नगर हुन जो पृथ्वी इन राजागोळ मा राज्य माळतद.”
\c 18
\s बेबीलोन इन पतन
\p
\v 1 इदुर बाद्दा ना ऊंद स्वर्गदूत उक स्वर्ग टु ईळुतेला नोळदीन, यारी धोळ अधिकार प्राप्त ईरोद; अदिक पृथ्वी आऊन तेज देल चमकुसकु येळ्त. 
\v 2 \x + \xo १८:२ \xo*\xt प्रकाशितवाक्य १४:८\xt*\x*आव धोळ शब्द देल कारूकु अंदुन, “बिद्दोत, धोळ बेबीलोन बिद्दोत! अद दुष्टआत्मागोळ्द निवास, अदिक हर ऊंद अशुध्द आत्मा अन्द हड्डा, अदिक हर ऊंद अशुध्द अदिक बेकार पक्षी इन हड्डा आगेत. 
\v 3 यतिकी आऊन व्यभिचार इन भयानक सारा अन्द कारण सब जातीगोळ बिदव, अदिक पृथ्वी इन राजागोळ आऊन सांगुळ व्यभिचार माळदुर, अदिक पृथ्वी इन व्यापारी आऊन सुख-विलास इन बहुतायत इन कारण धनवान आदुर.”
\p
\v 4 बाक ना स्वर्ग टु ऊंद अदिक शब्द केळदीन, “हे नान लॉकुरा, आऊन दा टु होटबुळी कि नीव आऊन पापगोळ दा भागी आगबाळी, अदिक आऊन वित्तिगोळ दा टु याऊ नीम मा बरबाळुल. 
\v 5 यतिकी आऊन पापगोळ्द ढेर स्वर्ग ताका पहुचुसेत, अदिक आऊन अपराध परमेश्वर उक याद होट बंदाव. 
\v 6 ह्यांग आव नीमी कोट्टुन हांग अच आऊक कोळी, अदिक आऊन क्याल्सागोळ्द अनुसार आऊक येढ्ढ गुणा ज्यादा कोळी; या कटोरा दा आव तुमकु कोटीदुन अदुर दा आऊन साटी येढ्ढ गुणा तुमकु कोळी.” 
\v 7 याट आव तान बळाई माळदुन अदिक सुखविलास माळदुन, आट आऊक दुख अदिक शोक कोळी; यतिकी अद तान मन दा अनतद, “ना रानी आगकु कुर्तीन, रांड्यागीत ईला; अदिक शोक दा यागलु बिळतीदील.” 
\v 8 ई कारण ऊंद अच दिन दा आकी मा परेशानीगोळ होट बंदाव, मतलब सायोद, अदिक शोक, अदिक अकाल, अदिक आक बेक्‍की दा भसम माळकु आदार, यतिकी आकिन न्यायी प्रभु परमेश्वर शक्तिमान आन.
\p
\v 9 “पृथ्वी इन राजा यार आऊन सांगुळ व्यभिचार अदिक सुख-विलास माळदुन, याग आऊन होत्‍तोद धुंगा नोळ्यार, रा आऊन साटी वर्लेयार अदिक याद्दा पीटस्यार.” 
\v 10 आऊन पीळा अन्द अंज्क इन मारा आंदुर बळा दुर नीदुरकु अंदार, “हे धोळ नगर, बेबीलोन! हे मजबूत नगर, हाय! हाय! घळीतीम दा अच नीनी दण्ड सिकेग्याद.”
\p
\v 11 “पृथ्वी इन व्यापारी आऊन साटी वर्लेयार अदिक कलपुस्यार, यतिकी ईग याऊ आंदुर माल कोम सकालुन; 
\v 12 मतलब व्हान्ना, बेळ्ली, रत्न, मोती, अदिक मलमल, अदिक जांभळा, रेशमी, अदिक क्याचांद रंग इन कपळा, अदिक हर प्रकार इन सुगन्धित हुळ्ली अदिक हत्ती इन हल्ल इन हर प्रकार इन वस्तुगोळ, अदिक किमती काठ अदिक पीतळा अदिक लोवा अदिक संगमरमर इन सब प्रकार इन वस्तुगोळ, 
\v 13 अदिक ब्याळा चाकरा, मसाला, धूप, अत्‍तर, लुबान, सारा, जैतुन इन याण्णा, मैदा, गोदी, गोसी-वस्ता, म्यांडा-आळगोळ, घ्वाळा रथ, अदिक दास, अदिक मंळसागोळ्द जीव. 
\v 14 ईग नीन मन भाऊसावाळा काय नीन हात्‍ती टु होगतेला ईत्‍तव, अदिक स्वादिष्ट अदिक भळकीला वस्तुगोळ नीन से दुर आगेग्याव, अदिक अव बाक यागलु सिकतीदील.” 
\v 15 ई वस्तुगोळ व्यापारी जो आऊन द्वारा धनवान आगीदुर, आऊन पीळा अन्द अंज्क इन मारा दुर नीदुरकु ईत्‍तार, अदिक वर्लतेला अदिक कलपुस्तेला अंदार, 
\v 16 “हाय! हाय! ईद धोळ नगर जो मलमल, अदिक जाभळा रंग इन अदिक क्याचांद रंग इन कपळा हाक्‍कु ईरोन, अदिक व्हान्ना अदिक रत्नगोळ अदिक मोतिगोळ देल सजुस्कु ईरोन; 
\v 17 घळीतीम दा अच आऊन हिंग भारी धन नाश आगेत.” हर ऊंद माँझी अदिक यात्री अदिक मल्लाह, अदिक याट समुद्र टु कमुसतार, सब दुर नीदुरदुर, 
\v 18 अदिक आऊन होत्‍तोद धुंगा नोळकु कारूकु अंदार, “यातोद नगर ई धोळ नगर इन घाई आद?” 
\v 19 अदिक तान तान ताल्लागोळ मा धुळा हाक्यार, अदिक वर्लतेला अदिक कलपुस्तेला चिल्लास चिळ्‍लासकु अंदार, “हाय! हाय! ईद धोळ नगर यदुर्द सम्पत्ति इन द्वारा समुद्र अन्द सब जहाजवाळेर धनी आगेगीदुर, घळीतीम दा अच ऊजळुसेत.”
\p
\v 20 हे स्वर्ग, अदिक हे पवित्र लॉकुरा, अदिक प्रेरितगोळा, भविष्यवक्तागोळ, आऊन मा आनन्द माळी, यतिकी परमेश्वर न्याय माळकु आऊन से नीम्द बदला ताकोंडुन!
\p
\v 21 बाक ऊंद बलवान स्वर्गदूत बळा चक्‍की इन पट्टा अन्द घाई ऊंद कल्ल नेगदुन, अदिक ईद अनकु समुद्र दा भीट बुट्टुन, धोळ नगर बेबीलोन हिंग अच धोळ ताकत देल केडुकु आदीत, अदिक बाक यागलु अदुर पता हततिदील. 
\v 22 वीणा मुरसावाळेर, अदिक गायकगोळा, अदिक कोळ्ल मुरसावाळेरा, अदिक तुरही ऊयावाळेर्द शब्द बाक यागलु नीन दा केळ बरतीदील; अदिक यावारा उद्घम उन यावारा कारीगर भी बाक यागलु नीन दा मिलुसतीदील; अदिक जाता अन्द नळोद आवाज बाक यागलु नीन दा केळ बरतीदील; 
\v 23 अदिक दिंग्या अन्द ऊजुळ बाक यागलु नीन दा चमकुसतीदील, अदिक मंळगार अदिक मंळगीत इन शब्द बाक यागलु नीन दा केळ बरतीदील; यतिकी नीन व्यापारी पृथ्वी इन प्रधान ईरोर, अदिक नीन टोना देल सब जातीगोळ भरमुसकु आगीदव.
\p
\v 24 भविष्यवक्तागोळ अदिक पवित्र लॉकुर, अदिक पृथ्वी मा सब घात माळकु आदुर आंदुर्द रक्ता आऊन दा सिक्याद.
\c 19
\p
\v 1 इदुर बाद्दा ना स्वर्ग दा मान्सी धोळ भीळ इक ऊँचा शब्द देल ईद अनतेला केळदीन, “हल्लिलूय्याह! उद्धार अदिक महिमा अदिक सामर्थ्य नाम्द परमेश्वर उन अच हुन. 
\v 2 यतिकी आऊन निर्णय खरा अदिक ठीक आव. आव आ धोळ वेश्या अन्द, जो तान व्यभिचार देल पृथ्वी इक भ्रष्ट माळोर, न्याय माळदुन अदिक आकिन से तान दासगोळ्द रक्ता अन बदला ताकोंडुन.” 
\v 3 बाक दुसरा बार आंदुर अंदुर, “हल्लिलूय्याह! आऊन होत्‍तोद धुंगा हमेशा हमेशा येळतेला ईत्‍तीत.” 
\v 4 आग चोवीस स्याणागोळ अदिक नाक प्राणीगोळ बिदकु परमेश्वर उक प्रणाम माळदुर, जो सिंहासन मा कुर्तकु ईरोन, अदिक अंदुन, “आमीन! हल्लिलूय्याह!”
\s मेमना अन्द मदा
\p
\v 5 आग सिंहासन दा टु ऊंद शब्द होळ्त, “हे नामव परमेश्वर देल सब अंजावाळेर दासगोळा, येन स्याणेव, येन धोड्डेव; नीव सब आऊन स्तुति माळी.” 
\v 6 बाक ना धोळ भीळ इन घाई अदिक हापाळ नीर इन घाई शब्द, अदिक गर्जन इन घाई धोळ शब्द केळदीन: “हल्लिलूय्याह! यतिकी प्रभु नाम्द परमेश्वर सर्वशक्तिमान राज्य माळतान. 
\v 7 बरी, नाव आनन्दित अदिक मग्न आगाता, अदिक आऊन स्तुति माळाता, यतिकी म्यांडा अन्द पाड्डा अन्द मदा होट बंदाद, अदिक आऊन मंळगीत तान तान इक तयार माळ कोंडुर. 
\v 8 आऊक शुद्ध अदिक चमकदार महीन मलमल हाक्‍कोद अधिकार कोटकु आग्याद.” यतिकी आ साफ मलमल इन मतलब पवित्र लॉकुर्द न्याय इन क्याल्सा आद.
\p
\v 9 \x + \xo १९:९ \xo*\xt मत्ती २२:२,३\xt*\x*आग स्वर्गदूत नान से अंदुन, “ईद लिख्स कि धन्य आंदुर आर, जो म्यांडा अन्द पाड्डा अन्द मदा अन्द भोज दा कारूकु आग्यार.” बाक आव नान से अंदुन, “ई वचन परमेश्वर उन सत्य वचन हुन.”
\p
\v 10 आग ना आऊक प्रणाम माळोर साटी आऊन कालगोळ मा बिद्दीन. आव नान से अंदुन, “नोळ, हिंग माळबाळ, ना अपमान अदिक नीन वार्टुरगोळ्द संगी दास हुईन जो यीशु उन गवाही कोळदुर मा स्थिर आन. परमेश्वर उक अच प्रणाम माळ.” यतिकी यीशु उन गवाही भविष्यवाणी इन आत्मा हुन.
\s बिळीद घ्वाळा मा कुरावाळा
\p
\v 11 बाक ना स्वर्ग इक तेरूकु नोळदीन, अदिक नोळतीन कि ऊंद बिळीद घ्वाळा आद; अदिक अदुर मा ऊंद सवार आन, जो विश्वासयोग्य अदिक सत्य कहलुस्तान; अदिक आव न्याय इन सांगुळ न्याय अदिक लळाई माळतान. 
\v 12 आऊन कण्णगोळ बेक्‍की इन ज्वाला आव, अदिक आऊन ताल्ला मा हापाळ सा राजमुकुट आव. आऊन मा ऊंद हेसुर लिख्सकु आद, यारी आऊक बिटकु अदिक याऊ जान्सालुन. 
\v 13 आव रक्ता सिप्सकु कपळा हाक्‍कु आन, अदिक आऊन हेसुर परमेश्वर उन वचन हुन. 
\v 14 स्वर्ग इन सेना बिळीद घ्वाळागोळ मा सवार अदिक बिळीद अदिक शुद्ध मलमल कपळा हाक्‍कु आऊन हिंद हिंद आर. 
\v 15 \x + \xo १९:१५ \xo*\xt प्रकाशितवाक्य १४:२०\xt*\x*जाती जाती इक बडोर साटी आऊन बाय देल ऊंद तेज धार इन तलवार होळतद. आव लोवा अन्द छळी हुळकु आंदुर मा राज्य माळ्यान, अदिक सर्वशक्तिमान परमेश्वर उन भयानक प्रकोप इन जलजलाहट इन सारा अन्द कुंड दा अंगुर मेट्यान. 
\v 16 आऊन कपळा अदिक जांघ मा ईद हेसुर लिख्सकु आद: “राजागोळ राजा अदिक प्रभुगोळ प्रभु.”
\p
\v 17 बाक ना ऊंद स्वर्गदूत उक सुर्य मा नीदुरकु नोळदीन. आव धोळ शब्द देल कारूकु आकाश इन न्याड्या दा टु ऊळुसावाळेर सब पक्षीगोळ देल अंदुन, “बरी, परमेश्वर उन धोळ भोज इन साटी जमा आगेगी, 
\v 18 यदुर देल नीव राजागोळ्द मास, अदिक सरदारगोळ्द मास, अदिक शक्तिमान गंळ्सगोळ्द मास, अदिक घ्वाळागोळ्द अदिक अऊर मा सवार आगतार आंदुर मास, अदिक येन स्वतंत्र येन दास, येन स्याणेव येन धोड्डेव, सब लॉकुर्द मास तिनी.”
\p
\v 19 बाक ना आ पशु, अदिक पृथ्वी इन राजागोळ इक अदिक आंदुर्द सेनागोळ इक आ घ्वाळा अन्द सवार अदिक आऊन सेना से लळाई माळोर साटी जमा नोळदीन. 
\v 20 \x + \xo १९:२० \xo*\xt प्रकाशितवाक्य १३:१-१८\xt*\x*अद पशु, अदिक अदुर सांगुळ आव ख्वाटा भविष्यवक्ता हुळकु आदुन याव आऊन मुंद हिंग चिन्ह तोर्सीदुन यदुर द्वारा आव आंदरी भरमुसदुन यदुर मा आ पशु उन छाप ईरोद अदिक जो अदुर मूर्ति इन पुजा माळतोगोर. ईव येढ्ढु जित्‍ता जीव आ बेक्‍की इन झील दा, जो गन्धक देल होततद, हाक्‍कु आदुर. 
\v 21 बाकी नोर लॉकुर आ घ्वाळा अन्द सवार इन तलवार देल, जो अदुर बाय देल होळतोगोद, कोंदकु आदुर; अदिक सब पक्षी आंदुर मास देल संतुष्ट आगेदुर.
\c 20
\s हजार वर्ष इन राज्य
\p
\v 1 बाक ना ऊंद स्वर्गदूत उक स्वर्ग टु ईळुतेला नोळदीन, याऊन कय दा अथाह-अधोलोक इन कुंजी अदिक ऊंद धोळ शंकली ईरोद. 
\v 2 आव आ अजगर, मतलब हाळोद हाव इक, जो इब्लीस अदिक शैतान आन, हुडुकु हजार वर्ष इन साटी कट बुट्टुन, 
\v 3 अदिक अदरी अथाह-अधोलोक दा हाक्‍कु बंद माळ बुट्टुन अदिक अदुर मा मोहर हच बुट्टुन कि अद हजार वर्ष इन पुरा आगासताका गैर यहूदी लॉकुरी बाक भरमुस बाळुल. इदुर बाद्दा जरूरी आद कि अद घळी तीम साटी बाक खोल्सकु आगुल.
\p
\v 4 बाक ना सिंहासन नोळदीन, अदिक अऊर मा लॉकुर कुरतुर, अदिक आंदरी न्याय माळोद अधिकार कोटकु आत. ना आंदुर आत्मागोळ इक भी नोळदीन, यार ताल्ला यीशु उन गवाही कोळोद अदिक परमेश्वर उन वचन इन कारण कडुकु आगीदव, अदिक यार ना आ पशु उन, अदिक ना अदुर मूर्ति इन पुजा माळीदुर, अदिक ना अदुर छाप तान ह्याणा अदिक कयगोळ मा ताकोंडीदुर. आंदुर जित्‍ता आगकु मसीह अन्द सांगुळ हजार वर्ष ताका राज्य माळतेला ईरूल. 
\v 5 यागासताका ईव हजार वर्ष पुरा आगीदील आगासताका बाकी नोर सोतकु मंळसा जित्‍ता आगीदील. ईद रा पयला पुनरूत्थान हुन. 
\v 6 धन्य अदिक पवित्र आव आन, जो ई पयला पुनरूत्थान इन भागी आर. हिंगुर मा दुसरा मृत्यु उन यातोदु अधिकार हैलेच, पर आंदुर परमेश्वर अदिक मसीह अन्द याजक आदार अदिक आऊन सांगुळ हजार साल ताका राज्य माळ्यार.
\s शैतान उन विनाश
\p
\v 7 याग हजार साल पुरा आगेदव रा शैतान कैद टु बिळसुस्कु आगेदान. 
\v 8 अद आ जातीगोळी जो धरती इन नाकु दी ईत्‍तीत, मतलब गोग अदिक मागोग इक यऊर्द गिनती समुद्र अन्द गागरा अन्द बराबर ईत्‍तीत, भरमुसकु लळाई इन साटी जमा माळली होट्टीत. 
\v 9 अव सप्पा धरती मा फैलुसकु पवित्र लॉकुर्द छावनी अदिक प्रिय नगर इक घेर्स बुट्टाव; अदिक बेक्‍की स्वर्ग टु ईळुकु आंदरी भसम माळीत. 
\v 10 आंदुर्द भरमुसावाळा शैतान बेक्‍की अदिक गन्धक इन आ झील दा, यदुर दा आ पशु अदिक ख्वाटा भविष्यवक्ता भी ईत्‍तान, हाकसुसकु आदार; अदिक आंदुर ईळ्लक हागुल हमेशा हमेशा दुख दा तळपुळस्त ईत्‍तार.
\s आखरी न्याय
\p
\v 11 बाक ना ऊंद धोळ बिळीद सिंहासन अदिक आऊक, जो अदुर मा कुर्तकु आन, नोळदीन; आऊन मुंद टु पृथ्वी अदिक आकाश ओळेदव, अदिक आंदुर साटी जागा सिकिदील. 
\v 12 बाक ना स्याणेर धोड्डेर सब सोतकु मंळसागोळ इक सिंहासन इन मुंद नीदुरकु नोळदीन, अदिक किताबगोळ खोल्सकु आदव; अदिक बाक ऊंद मात्‍त किताब खोल्सकु आत, मतलब जीवन इन किताब; अदिक ह्यांग आ किताबगोळ दा लिख्सकु ईरोद, हांग अच आंदुर क्याल्सागोळ्द अनुसार सोतकु मंळसागोळ्द न्याय माळकु आत. 
\v 13 समुद्र आ सोतकु मंळसागोळ इक जो अदुर दा ईरव कोट बुळ्त, अदिक मृत्यु अदिक अधोलोक आ सोतकु मंळसागोळ इक जो अदुर दा ईरव कोट बुळ्त; अदिक आंदुर दा टु हर ऊंद मंळसा अक आंदुर क्याल्सागोळ अन्द अनुसार आंदुर न्याय माळकु आत. 
\v 14 मृत्यु अदिक अधोलोक बेक्‍की इन झील दा हाक्‍कु आदव. ईद बेक्‍की इन झील दुसरा मृत्यु हुन; 
\v 15 अदिक यारदारा हेसुर जीवन इन किताब दा लिख्सकु सिकतीदील, आव बेक्‍की इन झील दा हाक्‍कु आदुन.
\c 21
\s व्हाशोद आकाश अदिक व्हाशोद पृथ्वी
\p
\v 1 \x + \xo २१:१ \xo*\xt २ पतरस ३:१३\xt*\x*बाक ना व्हाशोद आकाश अदिक व्हाशोद पृथ्वी इक नोळदीन, यतिकी पयला आकाश अदिक पयला पृथ्वी होगतेला ईरोद, अदिक समुद्र भी ईतीदील. 
\v 2 \x + \xo २१:२ \xo*\xt प्रकाशितवाक्य ३:१२\xt*\x*बाक ना पवित्र नगर व्हाशोद यरूशलेम इक स्वर्ग टु परमेश्वर उन हात्‍ती टु ईळुतेला नोळदीन. अद आ मंळगीत इन घाई ईरोद जो तान गांड्ड उन साटी सिंगार माळकु आर. 
\v 3 बाक ना सिंहासन दा टु यावारा अक धोळ शब्द देल ईद अनतेला केळदीन, “नोळ, परमेश्वर उन ड्यारा मंळसागोळ्द न्याड्या दा आद. आव आंदुर सांगुळ ड्यारा माळ्यान, अदिक आंदुर आऊन लॉकुर आदार, अदिक परमेश्वर खुद आंदुर सांगुळ ईत्‍तान अदिक आंदुर परमेश्वर आदान. 
\v 4 आव आंदुर कण्णगोळ देल सप्पा नीर सिट्ट कोंडान; अदिक इदुर बाद्दा मृत्यु ईला ईत्‍तीत, अदिक न शोक, न विलाप, न पीळा ईत्‍तीत; पयला मातगोळ होगतेला ईत्‍तव.”
\p
\v 5 जो सिंहासन मा कुर्तकु ईरोन, आव अंदुन, “नोळ, ना सब येनारा व्हाशोद माळकु कोळतीन.” बाक आव अंदुन, “लिख्स कोम, यतिकी ईव वचन विश्वास इन योग्य अदिक सत्य आव.” 
\v 6 बाक आव नान से अंदुन, “ईव मातगोळ पुरा आगेग्याव. ना अल्फा अदिक ओमेगा, पयला अदिक आखरी हुईन. ना प्यासा अक जीवन इन नीर इन झरना दा टु फुकट दा कुडोद अधिकार कोळाईन. 
\v 7 जो विजय आदान आवा ई वस्तुगोळ्द वारीस आदान, अदिक ना आऊन परमेश्वर आगाईन अदिक आव नान पार आदान. 
\v 8 लेकीन डरपोकगोळा, अदिक अविश्वासीगोळा, अदिक नीच हरकत माळावाळेरा, अदिक हत्या माळावाळेरा अदिक व्यभिचारीगोळा, अदिक जादू टोना माळावाळेरा, अदिक मूर्ति इन पुजा माळावाळेरा, अदिक सब ख्वाटा मातगोळ्द भाग आ झील दा सिक्‍कीत जो बेक्‍की अदिक गन्धक देल होततेला ईरतद: ईद दुसरा मृत्यु हुन.”
\s व्हाशोद यरूशलेम
\p
\v 9 बाक आ येळ स्वर्गदूतगोळ हात्‍ती येळ आखरी परेशानी देल तुमकु येळ कटोरागोळ ईरव, आंदुर दा टु ऊंद नान हात्‍ती बंदुन, अदिक नान सांगुळ मातगोळ माळकु अंदुन, “ईल बर, ना नीनी मंळगीत मतलब म्यांडा अन्द पाड्डा अन्द हिंग्स तोर्साईन.” 
\v 10 आग आव नानी आत्मा दा ऊंद धोळ अदिक ऊँचा पहाळ मा ओतुन, अदिक पवित्र नगर यरूशलेम इक स्वर्ग टु परमेश्वर उन हात्‍ती टु ईळुतेला तोर्सदुन. 
\v 11 परमेश्वर उन महिमा आंदुर्दा ईरोद, अदिक आऊन ज्योति हापाळ अच किमती कल्ल, मतलब बिल्लौर इन घाई यशब उन घाई स्वच्छ ईरोद. 
\v 12 आऊन दिवार शयरपनाह धोळ ऊँचा ईरोद, अदिक आऊन हन्नेळ फाटक अदिक फाटकगोळ मा हन्नेळ स्वर्गदूत ईरोर; अदिक आ फाटकगोळ मा इस्त्राएलीगोळ्द हन्नेळ गोत्रगोळ्द हेसुर लिख्सकु ईरव. 
\v 13 पूर्व दिशा अन दी मुर फाटक, उत्‍तर दिशा अन दी मुर फाटक, दक्षिण दिशा अन दी मुर फाटक, अदिक पश्चिम दिशा अन दी मुर फाटक ईरव. 
\v 14 नगर इन दिवार इन शयरपनाह अन्द हन्नेळ नींवगोळ ईरव, अदिक अदुर मा म्यांडा अन्द पाड्डा अन्द हन्नेळ प्रेरितगोळ्द हन्नेळ हेसुर लिख्सकु ईरव. 
\v 15 जो नान सांगुळ मातगोळ माळोन आऊन हात्‍ती नगर अदिक आऊन फाटकगोळ अदिक आऊन शयरपनाह अक आळोर साटी ऊंद व्हान्ना अन्द गज ईरोद. 
\v 16 अद नगर वर्गाकार बसुस्कु ईरोद अदिक अदुर्द लंबाई, चौळाई इन बराबर ईरोद; अदिक आव आ गज देल नगर इक आळदुन, रा साढ़े येळ सौ कोस इन होळ्त: अदुर्द लंबाई अदिक चौळाई अदिक ऊँचाई बराबर ईरोद. 
\v 17 आव आऊन शयरपनाह अक मंळसा अन्द मतलब स्वर्गदूत उन नाप देल आळदुन, रा ऊंद सौ चौवालीस कय होळ्त. 
\v 18 आऊन शयरपनाह यशब इन बन्सकु ईरोद, अदिक नगर हिंग शुद्ध व्हान्ना अन्द ईरोद जो स्वच्छ काँच इन घाई ईरूल. 
\v 19 आ नगर इन नींवगोळ हर प्रकार इन किमती कल्लगोळ देल सवारस्कु ईरोद; पयला पायवा यशब देल, दुसरा नीलमणी देल, तीसरा लालळी देल, चौथा मरकत देल, 
\v 20 पाचवा गोमेदक देल, सहावा माणिक्य देल, सातवा पीतमणी देल, आठवा पेरोज देल, नववा पुखराज देल, दसवा लहसनिए देल, ग्यारवा धूम्रकान्त देल, अदिक बारवा चन्द्रकाँत मणी देल बन्सकु ईरोद. 
\v 21 हन्नेळु फाटक हन्नेळ मोतीगोळ्द ईरव; ऊंद ऊंद फाटक ऊंद ऊंद मोती इन माळकु ईरोद. नगर इन सळक स्वच्छ काँच इन घाई शुद्ध व्हान्ना अन्द ईरोद.
\p
\v 22 ना अदुर्दा यातोदु मंदिर नोळीदील, यतिकी सर्वशक्तिमान प्रभु परमेश्वर अदिक म्यांडा अन्द पाड्डा अदुर्द मंदिर आद. 
\v 23 आ नगर दा सुर्य अदिक चंद्रमा अन्द ऊजुळ इन जरवत हैलेच, यतिकी परमेश्वर उन तेज देल अदुर्दा ऊजुळ आगेत्याद, अदिक म्यांडा अन्द पाड्डा आऊन दिंग्या हुन. 
\v 24 जाती-जाती इन लॉकुर आऊन ज्योति दा नळुकु वयाळ्यार, अदिक पृथ्वी इन राजा तान तान तेज इन सामाईन अदुर दा तंदार. 
\v 25 आऊन फाटक हागुल इक यागलु बंद आगतीदील, अदिक ईळ्लक अल आगतीदील. 
\v 26 लॉकुर जाती जाती इन तेज अदिक वैभव इन सामाईन अदुर दा तंदार. 
\v 27 लेकीन अदुर्दा यातोदु अपवित्र वस्तु या बेकार क्याल्सा माळावाळा, या ख्वाटा मात्‍तगोळ गढुसावाळा यातोदु रीति देल प्रवेश माळ सकालुन, पर सिर्फ आ लॉकुर यार हेसुर म्यांडा अन्द पाड्डा अन्द जीवन इन किताब दा लिख्सकु आव.
\c 22
\p
\v 1 बाक आव नानी बिल्लौर इन घाई झलकुसतेला, जीवन इन नीर इन गांगा तोर्सदुन, जो परमेश्वर अदिक म्यांडा अन्द पाड्डा अन्द सिंहासन टु होटकु 
\v 2 आ नगर इन सळक इन न्याड्या वाहुसोद. गांगा अन ईप्पाटी अदिक आप्पाटी जीवन इन मार्र ईरोद; अदुर्दा हन्नेळ प्रकार इन काय हत्तव, अदिक अदरी हर तिंगुळ काय हत्तव; अदिक आ मार्र इन याल्लागोळ देल गैर यहूदी लॉकुर चंगा आगतोगोर.
\p
\v 3 बाक श्राप आगतीदील, अदिक परमेश्वर अदिक म्यांडा अन्द पाड्डा अन्द सिंहासन आ नगर दा ईत्‍तीत अदिक आऊन दास आऊन स्यावा माळ्यार. 
\v 4 आंदुर आऊन बाय नोळ्यार, अदिक आऊन हेसुर आंदुर ह्याणागोळ मा लिख्सकु ईत्‍तीत. 
\v 5 बाक ईळ्लक आगतीदील, अदिक आंदरी दिंग्या अदिक सुर्य अन्द ऊजुळ इन जरवत बिळतीदील, यतिकी प्रभु परमेश्वर आंदरी ऊजुळ कोट्टान, अदिक आंदुर हमेशा हमेशा राज्य माळ्यार.
\s यीशु उन दुबारा बरोद
\p
\v 6 बाक आव नान से अंदुन, “ईव मातगोळ विश्वास इन योग्य अदिक सही आव. प्रभु, जो भविष्यवक्तागोळ आत्मागोळ्द परमेश्वर हुन, तान स्वर्गदूत उक इदुरसाटी कळुदुन कि तान दासगोळी अव मातगोळ, यदुर राटनेरी पुरा आगोद जरूरी आद, तोरस्यार.”
\p
\v 7 “नोळ, ना राटनेरी बरावाळा आईन! धन्य आन आव, जो ई किताब इन भविष्यवाणी इन मातगोळ मान्सतान.”
\p
\v 8 ना आवा यूहन्ना हुईन, जो ईव मातगोळ केळीन अदिक नोळतोगीन. याग ना केळदीन अदिक नोळदीन, रा जो स्वर्गदूत नानी ईव मातगोळ तोर्सतोगोन, ना आऊन कालगोळ मा प्रणाम माळोर साटी बिद्दीन. 
\v 9 लेकीन आव नान से अंदुन, “नोळ, हिंग माळबाळ; यतिकी ना नीन, अदिक नीन वार्ट भविष्यवक्तागोळ, अदिक ई किताब इन मातगोळ इक मान्सावाळेर्द संगी दास हुईन. परमेश्वर उक अच प्रणाम माळ.” 
\v 10 बाक आव नान से अंदुन, ई किताब इन भविष्यवाणी इन मातगोळी बंद माळबाळ; यतिकी समय हात्‍ती आद. 
\v 11 जो अन्याय माळतान, आव अन्याय अच माळतेला ईरूल; अदिक जो मलिन आन, आव मलिन बन्सकु ईरूल; अदिक जो न्यायी आन, आव न्यायी बन्सकु ईरूल; अदिक जो पवित्र आन; आव पवित्र बन्सकु ईरूल.
\p
\v 12 “नोळ, ना राटनेरी बरावाळा आईन; अदिक हर ऊंद मंळसा अन्द क्याल्सा अन्द अनुसार मोहबदला कोळोर साटी प्रतिफल नान हात्‍ती आद. 
\v 13 \x + \xo २२:१३ \xo*\xt प्रकाशितवाक्य १:८; \xt*\xt प्रकाशितवाक्य १:१७; २:८\xt*\x*ना अल्फा अदिक ओमेगा, पयला अदिक आखरी, पयले टु अदिक अन्त हुईन.
\p
\v 14 “धन्य आंदुर आर, जो तान कपळा ओगु कोमतार, यतिकी आंदरी जीवन इन मार्र इन हात्‍ती बरोद अधिकार सिक्‍कीत, अदिक आंदुर फाटकगोळ देल आगकु नगर दा प्रवेश माळ्यार. 
\v 15 लेकीन नायगोळ, अदिक टोना माळावाळेर, अदिक व्यभिचारी, अदिक खुनीगोळ अदिक मूर्ति इन पुजा माळावाळा, अदिक हर ऊंद ख्वाटपन इक चाहसावाळा अदिक घळुसावाळा व्हार्या ईत्‍तान.
\p
\v 16 “नानी यीशु तान स्वर्गदूत उक इदुरसाटी कळुदुन कि नीम मुंद मंडलीगोळ्द बारा दा ई मातगोळ्द गवाही कोळुल. ना दाऊद उन मुल अदिक वंश, अदिक व्हातुर इन चमकुसतेला तारा हुईन.”
\p
\v 17 आत्मा अदिक मंळगीत येढ्ढु अंतार, “बर!”
\p अदिक केळावाळा भी अंदान, “बर!”
\p जो नीरळ्कु ईतीदान आव बरूल, अदिक जो यावारा चाहासतान आव जीवन इन नीर फुकट दा ताकोमुल.
\s समापन
\p
\v 18 ना हर ऊंद मंळसा अक, जो ई किताब इन भविष्यवाणी इन मातगोळ केळतान, गवाही कोळतीन: अगर यावारा मंळसा ई मातगोळ दा येनारा वाळुस्यान रा परमेश्वर आ परेशानीगोळ इक, जो ई किताब दा लिख्सकु आव, आऊन मा वाळुस्यान. 
\v 19 अगर यावारा ई भविष्यवाणी इन किताब इन मातगोळ दा टु येनारा तेगु कोंडान, रा परमेश्वर आ जीवन इन मार्र अदिक पवित्र नगर दा टु, यदुर्द वर्णन ई किताब दा आद, अदुर भाग तेगु कोंडान.
\p
\v 20 जो ईव मातगोळ्द गवाही कोळतान आव ईद अनतान, “हव, ना जल्दी बरावाळा आईन.” आमीन.
\p हे प्रभु यीशु बर!
\p
\v 21 प्रभु यीशु उन अनुग्रह पवित्र लॉकुर्द सांगुळ ईरूल. आमीन.