\id PHP - Holiya
\ide UTF-8
\h फिलिप्पिगोळ
\toc3 फिलिप्पिगोळ
\toc2 फिलिप्पिगोळ
\toc1 फिलिप्पिगोळ हेसुर पौलुस प्रेरित उन चिट्ठी
\mt2 फिलिप्पी के नाम पौलुस प्रेरित की चिट्ठी
\mt1 फिलिप्पिगोळ हेसुर पौलुस प्रेरित उन चिट्ठी
\imt परिचय
\ip पौलुस फिलिप्पी दा विश्वासीगोळ इक यीशु उन जनम इन लगभग ६१ वर्ष इन बाद्दा चिट्ठी लिख्सदुन. आव बंदीगृह दा \xt १:१३\xt* ईरतेला लिख्सदुन, शायद रोम दा. ईद चिट्ठी फिलिप्पी नगर दा स्थित मंडली इक लिख्सकु आगीत. नाव फिलिप्पी इन बारा दा अधिनियमगोळ्द किताब देल थ्वाळासा कलु सकतेव. फिलिप्पी मकिदुनिया प्रांत इन ऊंद राजधानी ईरोद. ईद पयला मंडली ईरोद यदरी मकिदुनिया दा स्थापित माळकु आगीत. पौलुस अदिक सिलास ऊंद सांगुळ मंडली इन सुरूवात माळदुर अदिक ईल ताका कि ऊंद ईळ्लक इन साटी बंदीगृह दा हाक्‍कु आत, याग आंदुर अल ईरोर \xt प्रेरितगोळ १६\xt* ईद चिट्ठी इक लिखसोर दा पौलुस उन कई उद्देश ईर सकताव. आंदुर ईद मवका अन उपयोग मंडली इक आंदुर द्वारा कळुकु आग्याव उपहार इन साटी धन्यवाद कोळोर साटी माळदुर याग आंदुर केळदुर कि आव बंदीगृह दा आन \xt ४:१०-१९\xt* आंदुर बंदीगृह दा आंदुर्द स्थिती मा आंदरी अध्ययन भी माळदुर अदिक मंडली इक तीमुथियुस अदिक एपाफ्रिदितुस उन सिफारीश माळदुर \xt २:१९-३०\xt* ताकी आंदुर आंदुर्द स्वागत माळुल अदिक आंदुर्द नेतृत्व अन्द सम्मान माळुल.
\iot रूप रेखा
\io1 १. फिलिप्प फिलिप्पी दा मंडली इक नमस्कार माळकु चिट्ठी सुरू माळतान. \ior १:१-२\ior*
\io1 २. मुंद आव तान स्थिती इन बारा दा थ्वाळासा जानकारी साझा माळतान अदिक थ्वाळासा चिंतागोळ जो आऊन हात्‍ती आव \ior १:३–२:३०\ior*
\io1 ३. बाक आव ईसाई जीवन जीऊसोर साटी हापाळ व्यावहारिक निर्देश कोळतान \ior ३:१–४:९\ior*
\io1 ४. पौलुस फिलिप्पीया अन्द मंडली इक आंदुर्द उपहार इन साटी धन्यवाद कोटकु अदिक आंदुर्द अभिवादन कळुकु चिट्टी खतम माळतान \ior ४:१०-२३\ior*
\c 1
\p
\v 1 \x + \xo १:१ \xo*\xt प्रेरितगोळ १६:१२\xt*\x*मसीह यीशु उन दास पौलुस अदिक तीमुथियुस उन दी टु, सप्पा पवित्र लॉकुर हेसुर जो यीशु मसीह दा आगकु फिलिप्पी दा, अध्यक्षगोळ अदिक सेवकगोळ सांगुळ ईरतार. \fig फिलिप्पी इन शयर|alt="City of Philippi" src="hk00363c.tif" size="span" copy="Horace Knowles ©" ref="१:१"\fig*
\p
\v 2 नामव आप्प परमेश्वर अदिक प्रभु यीशु मसीह अन दी टु नीमी अनुग्रह अदिक शांती सिकतेला ईरूल.
\s पौलुस उन प्रार्थना अदिक धन्यवाद
\p
\v 3 ना याग याग नीमी याद माळतीन, आग आग तान परमेश्वर उन धन्यवाद माळतीन; 
\v 4 अदिक याग यागलु नीम सप्पा अन साटी विनती माळतीन, रा हमेशा खुशी इन सांगुळ विनती माळतीन. 
\v 5 इदुरसाटी कि नीव पयला दिन टु हुडुकु ईंद ताका खुशखबरी बगरूसदुर दा नान सहभागी ईतीर. 
\v 6 नानी ई मात इन भरोसा आद कि याव नीम दा वळ्लीद क्याल्सा सुरू माळ्यान, आवा अदरी यीशु मसीह अन्द दिन ताका पुरा माळ्यान. 
\v 7 उचित आद कि ना नीम सप्पा मुंदुर साटी हिंग अच विचार माळाईन, यतिकी नीव नान मन दा बंदकु बसुसेगीर, अदिक ना शंकलीगोळ देल कैद दा अदिक खुशखबरी इन साटी उत्‍तर अदिक प्रमाण कोळदुर दा नीव सप्पा मुंदुर नान सांगुळ अनुग्रह दा सहभागी आगी. 
\v 8 इदुर दा परमेश्वर नान गवाह आन कि ना मसीह यीशु उन घाई प्यार माळकु नीम सप्पा मुंदुर्द लालसा माळतीन. 
\v 9 ना तरी भी ईद प्रार्थना माळतीन कि नीम प्यार ग्यान अदिक हर प्रकार इन विवेक सांगुळ अदिक यक्कुल वाळुस्त होगुल, 
\v 10 ईल ताका कि नीव वळ्लीद से वळ्लीद मातगोळ्द जाच माळी, अदिक मसीह अन्द दिन ताका खरा बन्सकु ईरी, अदिक ठोकर तिनबाळी; 
\v 11 अदिक आ न्यायीपन इन काय देल जो यीशु मसीह अन्द द्वारा आगताव, यक्कुल आग्त होगी यदुर देल परमेश्वर उन महिमा अदिक स्तुति आग्त ईरूल.
\s पौलुस उन कैद टु खुशखबरी इन उन्नती
\p
\v 12 हे वार्टुरा, ना चाहासतीन कि नीव ईद जान्स कोमी कि नान मा जो घळुस्याद, अदुर देल खुशखबरी वाळुसतेला होग्याद. 
\v 13 \x + \xo १:१३ \xo*\xt प्रेरितगोळ २८:३०\xt*\x*ईल ताका कि कैसर उन राजभवन इन सप्पा पलटन अदिक मिग्द सप्पा लॉकुर मा ईद प्रगट आगेग्याद कि ना मसीह अन्द साटी शंकलीगोळ देल कैद दा आईन; 
\v 14 अदिक प्रभु दा जो वार्टुर आर, आंदुर दा टु यक्कुल मुंदुर नान शंकलीगोळ देल कैद आगदुर कारण, भरोसा माळकु परमेश्वर उन वचन बेधळक केळसोद मात्‍त यक्कुल हिम्मत माळतार.
\p
\v 15 थ्वाळासा रा जलन अदिक झगळा अन्द कारण मसीह अन्द प्रचार माळतार अदिक थ्वाळासा भला इच्छा देल. 
\v 16 हापाळ पुरा रा ईद जान्सकु कि ना खुशखबरी इन साटी उत्‍तर कोळली ठहरूस्कु आगीन, प्यार देल प्रचार माळतार. 
\v 17 अदिक हापाळ मुंदुर रा सरका ईला लेकीन मतलब देल मसीह अन्द कात्‍ता केळ्सतार, ईद विचार माळकु कि ना शंकलीगोळ देल कैद दा आईन नान साटी क्लेश पैदा माळुल. 
\v 18 रा येन आत? सिर्फ ईद कि हर प्रकार देल, या बहाना देल या सच्चाई देल, मसीह अन्द कात्‍ता केळ्सकु आगतद, अदिक ना ईदुर देल खुश आईन अदिक खुश भी ईराइन. 
\v 19 यतिकी ना जान्सतीन कि नीम विनती इन द्वारा, अदिक यीशु मसीह अन्द आत्मा अन्द दान इन द्वारा, इदुर्द प्रतिफल नान उद्धार आदीत. 
\v 20 ना रा ईदा हापाळ लालसा अदिक आशा ईटतीन कि ना यातोदु मात दा लज्जित आगतीदील, लेकीन ह्यांग नान प्रबल हिम्मत इन कारण मसीह अन्द बळाई नान मय इन द्वारा हमेशा आग्त ईताद, हांग अच ईग भी आगुल, चाहे ना जित्‍ता ईराइन या सोतोगाईन. 
\v 21 यतिकी नान साटी जित्‍ता ईरोद मसीह हुन, अदिक सोतोगोद फायदा हुन. 
\v 22 लेकीन अगर मय दा जित्‍ता ईरोद अच नान क्याल्सा साटी फायदा मंद आद रा ना जान्सालीन कि यदुर्द चुनाव माळाईन. 
\v 23 यतिकी ना येढ्ढु चीज इन न्याड्या अधर दा हिलगुसकु आईन; जीव रा चाहासतद कि होगकु मसीह अन्द हात्‍ती ईराइन, यतिकी ईद रा हापाळ वळ्लीद आद, 
\v 24 लेकीन मय दा ईरोद नीम कारण मात्‍त यक्कुल जरूरी आद. 
\v 25 इदुरसाटी कि नानी इदुर्द भरोसा आद इदुरसाटी ना जान्सतीन कि ना जित्‍ता ईराइन, उलटा नीम सप्पा मुंदुर सांगुळ ईराइन यदुर देल नीव विश्वास दा मजबूत आग्त होगी अदिक अदुर दा खुश ईरी; 
\v 26 अदिक जो घमण्ड नीव नान बारा दा माळतीर, अद नांद मात्‍त नीम हात्‍ती बंदुर देल मसीह यीशु दा यक्कुल वाळुसेगुल.
\p
\v 27 सिर्फ ईट माळी कि नीम चाल-चलन मसीह अन्द खुशखबरी इन लायक ईरूल कि चाहे रा ना बंदकु नीमी नोळाईन, चाहे रा बर भी तिदिल, नीम बारा दा नानी ईदा केळ सिकुल कि नीव ऊंद अच अंतरात्मा दा जित्‍ता आईर, अदिक ऊंद मन आगकु खुशखबरी इन विश्वास इन साटी मयनत माळ्त ईरतीर. 
\v 28 अदिक यातोदारा मात दा विरोध माळावाळेर से अंज्क तुमालीर. ईद आंदुर साटी विनाश इन स्पष्ट चमत्कार हुन, लेकीन नीम साटी उद्धार इन अदिक ईद परमेश्वर उन दी टु आद. 
\v 29 यतिकी मसीह अन्द कारण नीम मा ईद अनुग्रह आत कि ना सिर्फ आऊन साटी भरोसा कोळी लेकीन आऊन साटी दुख भी नेगी; 
\v 30 \x + \xo १:३० \xo*\xt प्रेरितगोळ १६:१९-४०\xt*\x*अदिक नीमी हांग अच मयनत माळोद आद, ह्यांग नीव नानी माळतेला नोळीर, अदिक ईग भी केळतीर कि ना हांग अच माळतीन.
\c 2
\s मसीह अन्द दीनता अदिक महानता
\p
\v 1 इदुरसाटी अगर मसीह दा थ्वाळासा शांती, अदिक प्यार देल हिम्मत, अदिक आत्मा अन्द प्रोत्साहन, अदिक थ्वाळासा करूणा अदिक संगती आद, 
\v 2 रा नान ईद खुशी पुरा माळी कि ऊंद मन आगकु ईरी, अदिक ऊंद अच प्यार, ऊंद अच चित्त, अदिक ऊंद अच मनसा ईटी. 
\v 3 मतलब देल या ख्वाटा बळाई साटी येनु माळबाळी, लेकीन दीनता देल आबुर दाबुर इक तान से वळ्लेर समसी. 
\v 4 हर ऊंद तान हित इन ईला, उलटा दुसरा अन्द हित इन भी चिन्ता माळुल. 
\v 5 ह्यांग मसीह यीशु उन विचार ईरव हांग अच नीम भी विचार ईरूल;
\p
\v 6 याव परमेश्वर उन स्वरूप दा ईतकु भी
\q2 परमेश्वर उन तुल्य आगली तान वश दा ईटोद वस्तु समसीदील.
\p
\v 7 उलटा तान तान इक हिंग शुन्य माळ बुट्टुन,
\q2 अदिक दास उन रूप धारण माळदुन,
\q1 अदिक मंळसा अन्द समानता दा आगेदुन.
\p
\v 8 अदिक मंळसा अन्द रूप दा प्रगट आगकु तान तान इक दीन माळदुन,
\q2 अदिक ईल ताका आग्याकारी ईत्‍तुन कि मृत्यु, हव, क्रूस इन मृत्यु भी सहन माळदुन.
\p
\v 9 ई कारण परमेश्वर आऊक हापाळ महान भी माळदुन,
\q2 अदिक आऊक अद हेसुर कोट्टुन जो सप्पा हेसुरगोळ से श्रेष्ट आद,
\p
\v 10 कि जो स्वर्ग दा अदिक पृथ्वी मा अदिक पृथ्वी इन ल्यालमा आद,
\q2 अव सप्पा यीशु उन हेसुर मा ट्वांगरा टेकसुल;
\p
\v 11 अदिक परमेश्वर आप्प उन महिमा साटी हर ऊंद ल्यालग्या अंगीकार माळ कोमुल
\q2 कि यीशु मसीह अच प्रभु हुन.
\s दुनिया दा ज्योति इन घाई चमकुसी
\p
\v 12 इदुरसाटी हे नान प्रियगोळा, ह्यांग नीव हमेशा टु आग्या मान्सतेला बंदीर, हांग अच ईग भी ना सिर्फ नान सांगुळ ईरा होती लेकीन जरूर माळकु ईग नान दुर ईत्‍तुर मा भी अंज्क अदिक नळ्गतेला तान तान उद्धार इन क्याल्सा पुरा माळ्त होगी; 
\v 13 यतिकी परमेश्वर अच हुन याव तान खुद इन इच्छा अन्द कारण नीम मन दा इच्छा अदिक क्याल्सा, येढ्ढु मातगोळ्द माळोद प्रभाव हाक्यान.
\p
\v 14 सप्पा क्याल्सा बिना बळबळ अदिक बिन बाय कय मुर्सद माळतोगी, 
\v 15 कि नीव निर्दोष अदिक भोला आगकु वाकळा अदिक जिद्दी लॉकुर न्याड्या परमेश्वर उन निष्कलंक औलाद बन्सकु ईरी, यार न्याड्या दा नीव जीवन इन वचन हुडुकु दुनिया दा होतकु दिंग्यागोळ घाई कांळ्सतीर, 
\v 16 कि मसीह अन्द दिशी नान हात्‍ती कारण ईरूल कि ना नान जित्‍ता इरोद अदिक ना नांद घमण्ड माळोद बेकार आत. 
\v 17 अगर नानी नीम विश्वास रूपी बलिदान अदिक स्यावा अन्द सांगुळ तान रक्ता भी वाहुसोद बिळुल, तरी भी ना खुश आईन अदिक नीम सप्पा मुंदुर सांगुळ खुशी माळतीन. 
\v 18 हांग अच नीव भी खुश ईरी अदिक नान सांगुळ खुशी माळी.
\s तीमुथियुस अदिक इपफ्रुदीतुस
\p
\v 19 नानी प्रभु यीशु दा आशा आद कि ना तीमुथियुस उक नीम हात्‍ती तुरन्त कळाईन, ताकी नीम दशा केळकु नानी खुशी सिकुल. 
\v 20 यतिकी नान हात्‍ती हिंग स्वभाव इनव याऊ हैलेच जो शुद्ध मन देल नीम चिन्ता माळुल. 
\v 21 यतिकी सप्पा मुंदुर तान स्वार्थ इन खोज दा ईरतार, ना कि यीशु मसीह अन्द. 
\v 22 लेकीन आऊक रा नीव परकुसदीर अदिक जान्स भी कोंडीर कि ह्यांग पार आप्प उन सांगुळ माळतान, हांग अच आव खुशखबरी इक फैलुसदुर दा नान सांगुळ स्यावा माळदुन. 
\v 23 इदुरसाटी नानी आशा आद कि ह्यांग नानी समझ दा बंदीत कि नान येन दशा आदीन, हांग अच ना आऊक तुरन्त कळु बुळाईन. 
\v 24 अदिक नानी प्रभु दा भरोसा आद कि ना खुद भी राटनेरी बराईन.
\p
\v 25 लेकीन ना इपफ्रुदीतुस उक जो नान वार्ट अदिक सहकर्मी अदिक संगी योद्धा अदिक नीम स्वर्गदूत, अदिक जरूरी मातगोळ दा नान स्यावा टहल माळावाळा हुन, नीम हात्‍ती कळोद जरूरी सम्सदीन. 
\v 26 यतिकी आऊन लालसा नीम सप्पा मुंदुर दा हतकु ईरोद, ई कारण आव व्याकुल ईरतोगोन यतिकी नीव आऊन बिमारी इन बारा दा केळीदीर. 
\v 27 निश्चय आव बिमार रा आगेगिदुन ईल ताका कि सायोर मा ईरोन, लेकीन परमेश्वर आऊन मा दया माळदुन, अदिक सिर्फ आऊन मा अच ईला लेकीन नान मा भी कि नानी शोक मा शोक सिकबाळुल. 
\v 28 इदुरसाटी ना आऊक कळोद मात्‍त यक्कुल कोशिश माळदीन कि नीव आऊक मात्‍त नोळकु खुश आगेगी अदिक नान भी दुख गोर्त आगेगुल. 
\v 29 इदुरसाटी नीव प्रभु दा आऊन से हापाळ खुशी इन सांगुळ मुलाकात माळेतीर, अदिक ईत्‍तोर्द आदर माळतोगेतीर. 
\v 30 यतिकी आव मसीह अन्द क्याल्सा साटी तान जीव इक जोखिम दा हाक्‍कु मृत्यु उन हात्‍ती होट बंदीदुन ताकी जो कमी नीम दी टु नान स्यावा दा आत अदरी पुरा माळुल.
\c 3
\s सही न्यायीपन
\p
\v 1 इदुरसाटी हे नान वार्टुरा, प्रभु दा खुश ईरी. अव अच मातगोळ नीमी घळी घळी लिख्सली नानी रा येनु तकलीफ आगाल, अदिक ईदुर दा नीम कुशलता आद, 
\v 2 नायगोळ से सावधान ईरी, आ बेकार क्याल्सा माळावाळेर से सावधान ईरी, आ काट कूट माळावाळेर से सावधान ईरी. 
\v 3 यतिकी खतनावाळेर रा नाव अच हुयेव जो परमेश्वर उन आत्मा अन्द अगुवाई देल उपासना माळतेव, अदिक मसीह यीशु मा घमण्ड माळतेव, अदिक मय मा भरोसा ईटालेव. 
\v 4 लेकीन ना रा मय मा भी भरोसा ईट सकतीन. अगर यारारा दुसरा अक मय मा भरोसा ईटोद विचार आगुल, रा ना आऊन से यक्कुल ईट सकतीन. 
\v 5 \x + \xo ३:५ \xo*\xt रोमियों ११:१; \xt*\xt प्रेरितगोळ २३:६; २६:५\xt*\x*आठवा दिशी नान खतना आत, इस्त्राएल इन वंश अदिक बिन्यामीन इन गोत्र नव हुईन; इब्रानिगोळव इब्रानी हुईन; व्यवस्था अन्द बारा दा अगर अंदीर रा फरीसी हुईन. 
\v 6 \x + \xo ३:६ \xo*\xt प्रेरितगोळ ८:३; २२:४; २६:९-११\xt*\x*उत्साह अन्द बारा दा अगर अंदीर रा मंडली इन सतुसावाळा; अदिक व्यवस्था अन्द न्यायीपन इन बारा दा अगर अंदीर रा निर्दोष ईरीन. 
\v 7 लेकीन जो जो मातगोळ नान फायदा नव ईरव, अवरीका ना मसीह अन्द कारण नुकसान सम्स कोंडीन. 
\v 8 उलटा ना तान प्रभु यीशु मसीह अन्द पयचान इन उत्‍तमता अन्द कारण सप्पा मातगोळी नुकसान सम्सतीन. यदुर कारण ना सप्पा वस्तुगोळ्द नुकसान नेगदीन, अदिक अवरी काळी कचरा सम्सतीन, यदुर से ना मसीह अक हासिल माळाईन 
\v 9 अदिक अदुर दा ना सिक्कु आगुल; ना कि तान अद न्यायीपन इन सांगुळ, जो व्यवस्था देल आद, उलटा आ न्यायीपन इन सांगुळ जो मसीह मा विश्वास माळदुर कारण आद अदिक परमेश्वर दी टु विश्वास माळदुर मा सिकतद; 
\v 10 ताकी ना अदरी अदिक अदुर्द मृत्युंजय इन सामर्थ्य अक, अदिक अदुर सांगुळ दुखगोळ दा सहभागी आगोद मर्म इक जान्साईन, अदिक आऊन मृत्यु उन समानता अक हासिल माळाईन. 
\v 11 कि ना यातोदारा भी रीति देल सोत्‍तुर दा टु जित्‍ता आगोद पद ताका पोहचुसाईन.
\s निशाना दी ओळोद
\p
\v 12 ईद मतलब हैलेच कि ना ईग हासिल माळ कोंडीन, या सिद्ध आगेगिन; लेकीन आ पदार्थ अक हुडोर साटी ओळ्त होगतीन, यदुर साटी मसीह यीशु नानी हुळदिदुन. 
\v 13 हे वार्टुरा, नान ईद भावना हैलेच कि ना हासिल माळ कोंडीन; लेकीन सिर्फ ऊंद क्याल्सा माळतीन कि जो मातगोळ हिंद ईतोग्याव अवरी मारूकु, मुंदळव मातगोळ दी वाळुसतेला, 
\v 14 निशाना दी ओळ्त होगतीन, ताकी अद ईनाम हासिल माळाईन यदुर साटी परमेश्वर नानी मसीह यीशु दा म्याकुच कारदान. 
\v 15 नाम दा टु यास सिद्ध आर, ईदा विचार ईटुल, अदिक अगर यातोदारा मात दा नीम दुसरा अच विचार ईरूल रा परमेश्वर अदरी भी नीम मा प्रगट माळ बुट्टान. 
\v 16 इदुरसाटी यल ताका नाव पोहचुसेव, अदुर्दा अनुसार नळदेव. 
\v 17 \x + \xo ३:१७ \xo*\xt १ कुरिन्थि ४:१६; ११:१\xt*\x*हे वार्टुरा, नीव सप्पा मुंदुर मिलुसकु नान घाई व्यवहार माळी, अदिक आंदरी पयचान दा ईटी जो ई रीति मा नळुतार यदुर उदाहरण नीव नाम दा नोळतीर; 
\v 18 यतिकी हापाळ सा हिंग व्यवहार माळतार, यार्द चर्चा ना नीम से घळी घळी माळीन, अदिक ईग भी वर्ल वर्लकु अनतीन कि आंदुर तान चाल-चलन देल मसीह अन्द क्रूस देल दुश्मनी माळावाळेर उर. 
\v 19 आंदुर अन्त विनाश आद, आंदुर मय व्हाट्टा हुन, आंदुर तान शरम इन मातगोळ मा विचार माळतार अदिक पृथ्वी इन वस्तुगोळ मा महिमा हचकु ईरतार. 
\v 20 लेकीन नाम स्वदेश स्वर्ग मा आद; अदिक नाव ऊंद उद्धारकर्ता प्रभु यीशु मसीह अन्द अल टु बरोद हादी कायेतेव. 
\v 21 आव तान शक्ति इन आ प्रभाव इन अनुसार यदुर द्वारा आव सप्पा वस्तुगोळी तान वश दा माळ सकतान, नाम दीन-हीन मय इन रूप बदलुसकु, तान महिमा अन्द मय इन अनुकूल माळ बुट्टान.
\c 4
\s निर्देश
\p
\v 1 इदुरसाटी हे नान प्रिय वार्टुरा, यदुर दा नान जीव हतकु ईरतद, जो नान खुशी अदिक मुकुट हुईर, हे प्रिय वार्टुरा, प्रभु दा हिंगा हादी कायतेला स्थिर ईरी.
\p
\v 2 ना यूओदिया अक भी विनती माळतीन अदिक सुन्तुखे अक भी, कि आंदुर प्रभु दा ऊंद विचार आगकु ईरूल. 
\v 3 हे खरा सहकर्मी, ना नीन से भी विनती माळतीन कि नी आ आर्तेर मदत माळ, यतिकी आंदुर नान सांगुळ खुशखबरी प्रचार माळदुर दा, क्लेमेंस अदिक नान दुसरा सहकर्मीगोळ सांगुळ मयनत माळदुर, यार्द हेसुर जीवन इन किताब दा लिख्सकु आव. 
\v 4 प्रभु दा हमेशा खुश ईरी; ना मात्‍त अनतीन, खुश ईरी. 
\v 5 नीम कोमलता सप्पा मंळसागोळ मा प्रगट आगुल. प्रभु हात्‍ती आन. 
\v 6 यातोदु मात इन चिन्ता माळबाळी; लेकीन हर ऊंद मात दा नीम निवेदन, प्रार्थना अदिक विनती इन द्वारा धन्यवाद इन सांगुळ परमेश्वर उन मुंद उपस्थित माळकु आगुल. 
\v 7 आग परमेश्वर उन शांती, जो सप्पा मुंदुर समझ इन व्हार्या आद, नीम मन अदिक नीम विचारगोळी मसीह यीशु दा सुरक्षित ईट्टीत. 
\v 8 इदुरसाटी हे वार्टुरा, जो जो मातगोळ सच्चाई आव, अदिक जो जो मातगोळ आदरणीय आव, अदिक जो जो मातगोळ उचित आव, अदिक जो जो मातगोळ पवित्र आव, अदिक जो जो मातगोळ सुहावनी आव, अदिक जो जो मातगोळ मनभावनी आव, मतलब जो भी सदगुण अदिक प्रशंसा अन्द मातगोळ आव अऊर मा ध्यान हचतोगी. 
\v 9 जो मातगोळ नीव नान हात्‍ती टु कलतीर, अदिक ग्रहण माळदीर, अदिक केळदीर, अदिक नांदुर्दा नोळदीर, अऊर्दा पालन माळतोगी, आग परमेश्वर जो शांती नव सोता आन नीम सांगुळ ईत्‍तान.
\s दान इन साटी धन्यवाद
\p
\v 10 ना प्रभु दा हापाळ खुश आईन कि ईग ईस दिनगोळ बाद्दा नीम चिन्ता नान बारा दा मात्‍त जागृत आग्याद; निश्चय नीमी सुरूवात दा भी इदुर्द विचार ईरोद, लेकीन नीमी मवका सिकिदील. 
\v 11 ईद ईला कि ना तान कमी इन कारण ईद अनतीन यतिकी ना ईद कलतीन कि याता दशा दा आईन; अदा दशा दा संतुष्ट ईराइन. 
\v 12 ना दीन आगोद भी जान्सतीन अदिक वाळुसोद भी जान्सतीन; हर ऊंद मात अदिक सप्पा दशागोळ दा ना संतुष्ट आगोद, उपास ईरोद, अदिक वाळुसोद-घटुसोद कलतीन. 
\v 13 जो नानी सामर्थ्य कोळतद अदुर दा ना सप्पा येनारा माळ सकतीन.
\p
\v 14 तरी भी नीव वळ्लीद माळदीर कि नान क्लेश दा नान सहभागी आदीर. 
\v 15 हे फिलिप्पिगोळा, नीव खुद भी जान्सतीर कि खुशखबरी प्रचार इन सुरूवात दा, याग ना मकिदुनिया टु विदा आदीन, आग नीमी बिटकु मात्‍त यातोदु मंडली लेन देन इन बारा दा नान सहायता माळीदिल. 
\v 16 \x + \xo ४:१६ \xo*\xt प्रेरितगोळ १७:१\xt*\x*\x + \xo ४:१६ \xo*\xt २ कुरिन्थि ११:९\xt*\x*ईदा प्रकार याग ना थिस्सलुनीके दा ईरीन, आग भी नीव नान कमी पुरा माळोर साटी ऊंद घन येन उलटा येढ्ढ घन येनारा कळीदिर. 
\v 17 ईद ईला कि ना दान बेळोद चाहासतीन लेकीन ना हिंग काय चाहासतीन जो नीम फायदा साटी वाळुस्त होगुल. 
\v 18 नान हात्‍ती सप्पा येनारा आद, उलटा हापाळ पुरा भी आद; जो वस्तुगोळ नीव इपफ्रुदीतुस उन कय देल कळीदिर अवरी प्राप्त माळकु ना संतुष्ट आगेगिन, अद रा सुखदायक सुगन्ध, ग्रहण माळा लायक बलिदान आद, जो परमेश्वर उक वळ्लीद हततद. 
\v 19 नान परमेश्वर भी तान आ धन इन अनुसार जो महिमा सांगुळ मसीह यीशु दा आद, नीम हर ऊंद कमी इक पुरा माळीत. 
\v 20 नाम परमेश्वर अदिक आप्प उन महिमा हमेशा हमेशा आगतेला ईरूल. आमीन.
\s आखरी नमस्कार
\p
\v 21 हर ऊंद पवित्र जन उक, जो यीशु मसीह दा आन नमस्कार अनी. जो वार्ट नान सांगुळ आन, नीमी नमस्कार अनतार. 
\v 22 सप्पा पवित्र लॉकुर, विशेष माळकु जो कैसर उन घराना नोर उर, नीमी नमस्कार अनतार.
\p
\v 23 नाम प्रभु यीशु मसीह अन्द अनुग्रह नीम आत्मा अन्द सांगुळ ईरूल.