\id MRK - Holiya
\ide UTF-8
\h मरकुस
\toc3 मरकुस
\toc2 मरकुस
\toc1 मरकुस उन लिख्सद यीशु मसीह अन बारा दा खुशखबरी
\mt2 मरकुस रचित यीशु मसीह का सुसमाचार
\mt1 मरकुस उन लिख्सद यीशु मसीह अन बारा दा खुशखबरी
\imt परिचय
\ip यीशु उन जीवन इन वर्णन माळोद नाक किताब दा टु ऊंद किताब मतलब मरकुस उन लिख्सद खुशखबरी परिचय ईव नाक किताबगोळी खुशखबरी अनतार यदुर्द सोपा मतलब वळ्लीद कल्याणकारी बातणी या वार्ता आगतद
\ip यीशु उन सोत्‍तुर बाद्दा ईव नाक खुशखबरी अनुक्रम मत्ती मरकुस लूका अदिक यूहन्ना इंदुर लिखस्यार ईव नाकु दा टु मरकुस रचित खुशखबरी सब से स्यांळ्द किताब आद हापाळ ग्यानी लॉकुर्द मान्यता आद कि मरकुस रचित खुशखबरी बाकी नव मुर खुशखबरी इन पयले यीशु उन जनम इन ६५ टु ७० वर्ष इन बाद्दा लिख्सकु आग्याद लिखसोद हिंदळोद कारण मतलब रोम ईलीद मसीह अन मंडली अन्द मनोबल वाढुसोद अदिक प्रोत्साहन माळोर साटी ताकोमकु आत.
\ip ईव मरकुस याव हुन? प्रेरित पौलुस अदिक बरनबास इंदुर्द ईव हारोदव सहकारी ईवा रा यूहन्ना मतलब मरकुस रचित खुशखबरी इन लेखक मरकुस आंदुर सांगुळ पयला मिशनरी यात्रा अन न्याड्या दा अच बिटकु होगदुर देल आऊन प्रतिष्ठा अक ठेस हत \xt प्रेरितगोळ १३:१३\xt* बाद्दा ईवा मरकुस बरनबास उन सांगुळ सेवकाई दा शामिल आग्त कांळ्सदुन. \xt प्रेरितगोळ १५:३७-३९\xt*, अनुसार मरकुस, पतरस ऊंद हात्‍ती नव संगी ईरोन. \xt १ पतरस ५:१३\xt* ग्यानी लॉकुर्द हिंग मान्यता आद कि याग मरकुस यीशु उन जीवन इन अदिक सेवाकार्य अक आमने सामने नोळीदील तरी भी पतरस उन साक्षी अन आधार मा आव आऊंद खुशखबरी लिख्सदुन. ईद मरकुस उन खुशखबरी इन आधार इन मात हुन.
\ip मरकुस रचित खुशखबरी इन येढ्ढ बारा दा मतलब, यीशु उन खरा चेला बनसोद अदिक आखरी इन भविष्य अन बारा दा यीशु उन द्वारा कोळ्द शिक्षा.
\ip मरकुस रचित खुशखबरी दा यीशु उन “विनम्र दास, सेवक” अदिक तान आप्प उन इच्छा पुरा माळोर साटी हमेशा तयार हिंग “परमेश्वर उन प्रिय पार” ईव येढ्ढ रूप दा दरसुस्कु आन. हांग अच मरकुस दा यीशु उन द्वारा माळ्द चमत्कार इन बारा दा यक्कुल से यक्कुल लिख्सकु आग्याद. ईद खुशखबरी इन समापन यीशु उन चेलागोळी कोटकु आत “महान आदेश कोटकु आग्याद.”
\iot रूप-रेखा
\io1 १. बपतिस्मा कोळावाळा यूहन्ना अदिक यीशु उन बपतिस्मा \ior १:१-१३\ior*
\io1 २. यीशु उन द्वारा गलील प्रदेश अदिक परिसर दा चमत्कार माळोद \ior १:१४–९:५०\ior*
\io1 ३. गलील टु यरूशलेम ताका यीशु उन यात्रा अदिक मंदिर दा बरोद \ior १०:१–१२:४४\ior*
\io1 ४. यीशु उन द्वारा भविष्य अन्द बारा दा बातणी कोळोद \ior १३:१-३७\ior*
\io1 ५. यीशु उन मृत्यु अदिक पुनरूत्थान अदिक महान आदेश \ior १४:१–१६:२०\ior*
\c 1
\s यूहन्ना बपतिस्मा कोळावाळा अन्द प्रचार
\r (मत्ती ३:१-१२; लूका ३:१-१८; यूहन्ना १:१९-२८)
\p
\v 1 परमेश्वर उन पार, यीशु मसीह अन्द खुशखबरी\f + \fr १:१ \fr*\ft शुभ बातणी\ft*\f* इन सुरूवात. 
\v 2 जसा यशायाह भविष्यवक्ता\f + \fr १:२ \fr*\ft भविष्य अन्द बारा दा हेळावाळा\ft*\f* अन्द किताब दा लिख्सकु आद, परमेश्वर अंदुन,
\q1 “नोळ, ना नीन मुंद तान बातणी कोळावाळा अक कळुतीन,
\q2 जो नीन साटी हादी तयार माळ्यान.”
\q1
\v 3 आळी दा ऊंद कारावाळा अन्द आवाज केळ बरेत्याद: कि
\q2 “प्रभु उन हादी तयार माळी, अदिक
\q2 आऊक होगोर साटी सळकगोळी सरका माळी.”
\p
\v 4 बपतिस्मा कोळावाळा यूहन्ना आळी दा बंदुन, “जो बपतिस्मा\f + \fr १:४ \fr*\ft नीर दा मुळकुसोद अदिक तेगोद विधी\ft*\f* अन्द प्रचार माळतोगोन, अदिक पापगोळ्द माफ अन्द साठी मन तिर्गुसोद बपतिस्मा कोळतोगोन अदिक अनतोगोन, परमेश्वर नीम पापगोळी माफ माळ्यान.” 
\v 5 पुरा यहूदिया अन्द प्रदेश, अदिक यरूशलेम इन सप्पा ईरावाळेर निवासी होटकु आऊन हात्‍ती होदुर, “अदिक तान पापगोळी मान्सकु यरदन गांगा दा आऊन से बपतिस्मा ताकोंडुर.”
\p
\v 6 यूहन्ना ऊँट इन चुट्टीगोळ्द फळक्या हाक्‍कु अदिक नेळु मा तोगुल इन पट्टा कटकु ईरतोगोन. फाफा\f + \fr १:६ \fr*\ft टिड्डियाँ\ft*\f* अदिक आळी दाकळोद शयद तिनतोगोन, 
\v 7 अदिक हिंग अंद अंदकु प्रचार माळतोगोन कि, “नान बाद्दा आव बरावाळा आन, जो नान से यक्कुल ताकतवर आन, ना रा ई लायक भी हैलेच कि बांगकु आऊन काल ईनव केरू तेगु सकाईन. 
\v 8 ना रा नीमी नीर दा बपतिस्मा कोट्टीन, लेकीन आव नीमी पवित्र आत्मा देल बपतिस्मा कोट्टान.”
\s यीशु उन बपतिस्मा
\r (मत्ती ३:१३–४:११; लूका ३:२१-२२; ४:१-१३)
\p
\v 9 आ दिनगोळ दा हिंग आत कि यीशु गलील इन नासरत नगर टु बंदकु, यरदन गांगा दा बपतिस्मा कोळावाळा यूहन्ना से बपतिस्मा ताकोंडुन. 
\v 10 अदिक याग आव नीर दा टु होटकु म्याकुच बंदुन, रा तुरन्त आव स्वर्ग इक खुल्सत अदिक पवित्र आत्मा अक कबूतर इन घाई तान म्याकुच ईळुतेला नोळदुन. 
\v 11 \x + \xo १:११ \xo*\xt मत्ती ३:१७; १२:१८; मरकुस ९:७; लूका ३:२२\xt*\x*आग स्वर्ग दा टु ईद आकाशवाणी आत कि, “नी नान प्रिय पार हुय, ना नीन देल हापाळ खुश आईन.”
\s यीशु उन परीक्षा
\r (मत्ती ३:१३–४:११; लूका ३:२१; २२; ४:१-१३)
\p
\v 12 आग पवित्र आत्मा तुरन्त यीशु उक आळी दी कळुत. 
\v 13 अदिक चालीस दिन ताका सुनसान जागा दा आऊन परीक्षा, शैतान उन द्वारा आगतेला ईरोद; अदिक आव आळी दाकळव पशुगोळ सांगुळ ईत्‍तुन, अदिक आग स्वर्गदूत बंदकु आऊन स्यावा माळतेला ईत्‍तुर.
\s यीशु उन स्यावा माळोद क्याल्सा अन सुरूवात
\r (मत्ती ४:१२-१७; लूका ४:१४,१५)
\p
\v 14 बपतिस्मा कोळावाळा यूहन्ना अक बंदी माळदुर बाद्दा यीशु गलील दा बंदकु परमेश्वर उन राज्य अन्द खुशखबरी प्रचार माळदुन, 
\v 15 \x + \xo १:१५ \xo*\xt मत्ती ३:२\xt*\x*अदिक अंदुन, “समय पुरा आगेग्याद, ‘अदिक परमेश्वर उन राज्य हात्‍ती होट्ट बंदाद; मन तिर्गुसी अदिक खुशखबरी मा विश्वास माळी.’”
\s यीशु उन द्वारा नाक मेन हुडावाळेर इक कारोद आत
\r (मत्ती ४:१२-२२; लूका ४:१४-१५; ५:१-११)
\p
\v 16 याग यीशु गलील इन झील इन किनारा किनारा होगोन, रा आव शमौन अदिक आऊन वार्ट अन्द्रियास उक झील दा जार हाक्त नोळदुन; यतिकी आंदुर मेन हुडावाळेर ईरोर. 
\v 17 यीशु आंदुर से अंदुन, “नान हिंद बरी; ना नीमी मंळसागोळी परमेश्वर उन हात्‍ती ह्यांग तरतार अद कलसाईन.” 
\v 18 आंदुर तुरन्त जारगोळी बिटकु आऊंद हिंद नळुली कुरतुर.
\p
\v 19 थ्वाळासा मुंद होगदुर मा, आव जब्दी इन पार याकूब, अदिक आऊन वार्ट यूहन्ना अक, ड्वांगा मा कुर्तकु जारगोळी सुधरूसतेला नोळदुन. 
\v 20 ह्यांग यीशु आंदरी नोळदुन हांगा तुरन्त कारदुन; अदिक आंदुर तान आप्प जब्दी इक मजदूरगोळ्द सांगुळ ड्वांगा मा बिटकु, आऊन हिंद होटोदुर.
\s दुष्टआत्मा हतकु मंळसा अक चंगा माळोद
\r (लूका ४:३१-३७)
\p
\v 21 आग आंदुर कफरनहूम नगर दा बंदुर, अदिक आव तुरन्त आराम इन दिन यहूदी लॉकुर्द सभागृह दा होगकु उपदेश कोळली कुरतुन. 
\v 22 \x + \xo १:२२ \xo*\xt मत्ती ७:२८,२९\xt*\x*अदिक लॉकुर आऊन उपदेश केळकु सट्ट आगेदुर; यतिकी आव आंदरी शास्त्रीगोळ्द घाई ईला, लेकीन अधिकारीगोळ्द घाई उपदेश कोळतोगोन.
\p
\v 23 आटोटीका, आंदुर्द यहूदी लॉकुर्द सभागृह दा ऊंद मंळसा ईरोन, यारदा ऊंद दुष्टआत्मा ईरोद. 
\v 24 आव ईद अनकु चिल्ळास कुरतुन, “हे यीशु नासरी, नामी नीन से येन क्याल्सा? येन नी नामी नाश माळली बंद्या? ना नीनी अरूतीन, नी याव हुय? परमेश्वर उन पवित्र जन!”
\p
\v 25 यीशु आऊक दनकुसकु अंदुन, “सुंगा ईर; अदिक आ मंळसा दा टु होटबुळ.”
\p
\v 26 आग दुष्टआत्मा आऊक मुरकुळ्सकु, अदिक धोळ्द आवाज देल चिळ्लासकु आऊन दा टु होट बुळ्त. 
\v 27 इदुर मा सप्पा लॉकुर आश्चर्य माळतेला आपस दा मातचीत माळली कुरतुर, “ईद येन मात आद? ईद रा ऊंद व्हाशोद उपदेश आद! आव अधिकार देल दुष्टआत्मागोळी भी आग्या कोळतान, अदिक दुष्टआत्मा भी आऊन आग्या मान्सताव.”
\p
\v 28 अदिक यीशु उन हेसुर इन बारा दा ईद बातणी तुरन्त गलील इन आसपास इन सप्पा प्रदेश दा फैलुसेत.
\s यीशु हापाळ सा बिमार मंळसागोळी चंगा माळदुन
\r (मत्ती ८:१४-१७; लूका ४:३८-४१)
\p
\v 29 यीशु अदिक आऊन चेलागोळ यहूदी लॉकुर्द सभागृह दा टु होटकु याकूब अदिक यूहन्ना अन्द सांगुळ शमौन अदिक अन्द्रियास उन मान्या बंदुर. 
\v 30 अल शमौन उन आत्‍त मय देल व्हर्स मा बिदकु ईरोर; अदिक आंदुर तुरन्त यीशु उन बारा दा आकी हेळदुर. 
\v 31 आग आव हात्‍ती होगकु आकिन कय हुळकु आक इक येब्सदुन; अदिक आकिन मय तुरन्त ईळदोदव, अदिक आक यीशु अदिक आऊन चेलागोळ्द स्यावा-पानी माळली कुरतुर.
\p
\v 32 द्यावगान होती याग सुर्य मुळकेत रा आग लॉकुर सब बिमारगोळी अदिक आंदरी, यारदा दुष्टआत्मागोळ ईरव, आंदरी भी यीशु उन हात्‍ती तंदुर. 
\v 33 अदिक सप्पा नगर इन लॉकुर शमौन उन मान्ना अन्द दरवाजा मा बंदकु जमा आदुर. 
\v 34 यीशु च्याच मुंदरी जो अलग अलग प्रकार इन बिमारी देल दुखी ईरोर, चंगा माळदुन, हापाळ सा दुष्टआत्मागोळी तेगदुन, अदिक दुष्टआत्मागोळी माताळ गोटीदील, यतिकी अव आऊक अरव.
\s आबना दा यीशु उन प्रार्थना माळोद
\r (लूका ४:४२-४४)
\p
\v 35 अदिक यीशु व्हातुर आगोर से हापाळ पयले, मान्या टु यदकु व्हार्या होटुन, अदिक ऊंद सुनसान जागा दा होगकु प्रार्थना माळली कुरतुन. 
\v 36 आग शमौन अदिक आऊन संगीगोळ यीशु उन खोज दा होदुर. 
\v 37 याग आव सिकदुन, रा आऊक अंदुर, “सप्पा लॉकुर नीनी ढुंढ़सेत्यार.”
\p
\v 38 यीशु आंदुर से अंदुन, “बरी; नाव मात्‍त येल्यारा आसपास इन ऊरगोळ दा होगाता, कि ना अल भी प्रचार माळाईन, यतिकी ना इदुर्दा साटी बंदीन.”
\p
\v 39 \x + \xo १:३९ \xo*\xt मत्ती ४:२३; ९:३५\xt*\x*इदुरसाटी आव पुरा गलील दा यहूदी लॉकुर्द सभागृहगोळ दा होग होगकु प्रचार माळदुन अदिक दुष्टआत्मागोळी तेगुतेला ईत्‍तुन.
\s कोढ़ इन रोग इक चंगा माळोद
\r (मत्ती ८:१-४; लूका ५:१२-१६)
\p
\v 40 ऊंद कोढ़\f + \fr १:४० \fr*\ft कुष्ट रोग\ft*\f* इन रोगी मंळसा यीशु उन हात्‍ती बंदुन, अदिक आऊन मुंद ट्वांगरा टेक्सकु आऊन से विनती माळदुन, कि “अगर नी चाहास्या रा नानी शुद्ध माळ सकत्या.”
\p
\v 41 यीशु आऊन मा तरस तिनकु तान कय वाळुसदुन, अदिक आऊक मुटकु अंदुन, “ना चाहासतीन कि नी शुद्ध आगेग.” 
\v 42 अदिक तुरन्त आऊंद कोढ़ इन बिमारी वळ्लीद आगेत अदिक आव शुद्ध आगेदुन. 
\v 43 आग यीशु आऊक चेतावनी कोटकु तुरन्त सार माळदुन, 
\v 44 अदिक आऊन से अंदुन, “नोळ, यारीकु येनु हेळबाळेत, लेकीन होगकु तान तान इक याजक\f + \fr १:४४ \fr*\ft मंदिर इन भेंट ताकोमावाळा\ft*\f* उक तोर्स, अदिक तान शुद्ध आगोद बारा दा जो येनारा मूसा ठहरूस्यान अदरी भेंट येर्स, कि आंदुर मा गवाही आगुल.”
\p
\v 45 लेकीन आव मंळसा व्हार्या होगकु ईद मात इन हापाळ प्रचार माळली अदिक ईल ताका फैलुस्ली कुरतुन कि यीशु बाक खुलेआम नगर दा ईला होग सकोन, लेकीन व्हार्या आळी दा ईरोन; अदिक नाकु दिकळोर लॉकुर आऊन हात्‍ती बरतेला ईरोर.
\c 2
\s लकवा अन्द रोग इक चंगा माळोद
\r (मत्ती ९:१-८; लूका ५:१७-२६)
\p
\v 1 हापाळ दिन इन बाद्दा यीशु बाक कफरनहूम दा बंदुन, अदिक खबर फैलुस्त कि आव मान्या आन. 
\v 2 बाक ईस लॉकुर जमा आदुर कि दरवाजा अन्द हात्‍ती भी जागा ईला ईरोद; अदिक आव आंदरी वचन केळसोन. 
\v 3 अदिक लॉकुर ऊंद लकवा अन्द रोग इक नाक मंळसागोळ कय देल नेगुकु आऊन हात्‍ती तंदुर. 
\v 4 लेकीन याग आंदुर भीळ इन कारण आऊन हात्‍ती होग सकिदील, रा आंदुर आ छत इक यदुर ल्यालमा आव नीदुरकु ईरोन, खोल्स बुटुर; अदिक याग आंदुर अदरी बिच्छ बुटुर, रा आ व्हर्स इक यदुर मा लकवा अन्द रोगी बिदकु ईरोन, आऊक ल्यालमा ईळ्सदुर अदिक व्हर्स इक हिलगुस बुटुर. 
\v 5 यीशु आंदुर विश्वास नोळकु आ लकवा अन्द रोग इक अंदुन, “हे नान पारा, नीन पाप माफ आदव.”
\p
\v 6 आग हापाळ नियमगोळ गुरु जो अल कुर्तकु ईरोर, आंदुर तान-तान मन दा विचार माळली कुरतुर, 
\v 7 “इव मंळसा येती हिंग अनेत्यान? इव रा परमेश्वर उन अपमान माळीत्यान! परमेश्वर उक बिटकु अदिक याव पाप माफ माळ सकतान?”
\p
\v 8 यीशु तुरन्त खुद तान आत्मा दा ईद जान्स कोंडुन कि आंदुर तान-तान मन दा हिंग विचार माळीत्यार, इदुरसाटी आव आंदुर से अंदुन, “नीव येती तान-तान मन दा ईद मात इन विचार माळेतीर? 
\v 9 आसान येन आद? येन लकवा अन्द रोगी से ईद अनोद कि नीन पाप माफ आदव, या ईद अनोद कि येळ तान व्हर्स नेगुकु नळु अदिक टेटाळ? 
\v 10 ना नीम मुंद साबित माळ बुळाईन, कि मंळसा अन पार उक ईद पृथ्वी मा पाप माफ माळोद भी अधिकार आद.” 
\v 11 यीशु आ लकवा अन्द रोगी से अंदुन, “ना नीन से अनेतीन, येळ, तान व्हर्स नेगु अदिक तान मान्नी होटोग.”
\p
\v 12 बाक आव येद्दुन अदिक तुरन्त तांद व्हर्स नेगुकु सप्पा मुंदुर मुंद टु होटकु ओळेदुन, इदुर मा सप्पा लॉकुर सट्ट आदुर, अदिक परमेश्वर उन बळाई माळकु अनली कुरतुर, “नाव रा हिंग यागलु नोळीदील!”
\s यीशु लेवी इक कारदुन
\r (मत्ती ९:९-१३; लूका ५:२७-३२)
\p
\v 13 यीशु बाक अल टु होटकु क्यार्रा अन्द किनारा मा होदुन, अदिक सप्पा भीळ आऊन हात्‍ती बत्‍त, अदिक आव आंदरी उपदेश कोळली कुरतुन. 
\v 14 अल टु होगावती यीशु हलफई नव पार लेवी इक कर ताकोमोद चौकी मा कुर्तकु नोळदुन, अदिक यीशु आऊन से अंदुन, “नान हिंद आगेग.” अदिक आव यदकु आऊन हिंद आगेदुन.
\p
\v 15 बाक हिंग आत कि याग यीशु तान चेलागोळ सांगुळ आऊन मान्या ऊमली कुरतुन, आग हापाळ मुंदुर कर ताकोमावाळेर अदिक पापी लॉकुर, यीशु अदिक आऊन चेलागोळ सांगुळ ऊमली कुरतुर; यतिकी आंदुर हापाळ मुंदुर ईरोर, अदिक आऊन हिंद आगेगीदुर. 
\v 16 नियम इनोर गुरुगोळ अदिक फरीसीगोळ ईद नोळदुर कि आव रा पापीगोळ अदिक कर ताकोमावाळेर सांगुळ ऊमेत्यान, रा आऊन चेलागोळी अंदुर, “आव रा कर ताकोमावाळेर अदिक पापीगोळ सांगुळ तिनतान-कुडुतान?”
\p
\v 17 ईद केळकु यीशु आंदुर से अंदुन, “भला चंगा मंळसागोळी वैद्यगोळ्द जरवत हैलेच, लेकीन बिमार मंळसागोळी आद: ना न्यायीगोळी ईला, लेकीन पापी लॉकुरी कारूली बंदीन.”
\s उपास इन प्रश्न
\r (मत्ती ९:१४-१७; लूका ५:३३-३९)
\p
\v 18 बपतिस्मा कोळावाळा यूहन्ना अन्द चेलागोळ, अदिक फरीसी लॉकुर चेलागोळ उपास माळतोगोर. अदिक थ्वाळासा लॉकुर बंदकु यीशु से अनली कुरतुर, “यूहन्ना अन्द चेलागोळ अदिक फरीसी नोर चेलागोळ येती उपास ईटतार? लेकीन नीन चेलागोळ येती उपास ईटालुर?”
\p
\v 19 यीशु आंदुर से अंदुन, “येन नीव उम्मीद माळतीर कि ऊंद मदा दा वरातीगोळ बिना ऊंडुर तिंदुर देल होदार? बिलकुल ईला! यागासताका मंळगार आंदुर सांगुळ आन, आगासताका आंदुर उपासा होग सकालुर. 
\v 20 लेकीन अव दिन बंदव याग मंळगार उक आंदुर से अलग माळकु आदीत; अदिक आ दिन आंदुर उपास माळ्यार.”
\p
\v 21 “क्वारा कपळा अन्द थिगर \f + \fr २:२१ \fr*\ft व्हाशोद कपळा अन्द चिट्ठी \ft*\fp थिगर\fp*\f* हाळोद कपळा मा यारू हचालुर. ईलारा अद थिगर अदुर दा टु येनारा जेडु कोंडीत, आग व्हाशोद, हाळोद से, अदिक अद पयले से यक्कुल हरदोदित.” 
\v 22 व्हाशोद अंगुर इन रास्सा अक हाळोद तोगुल इन चिला \f + \fr २:२२ \fr*\ft तोगुल इन चिला दा नीर\ft*\f* दा यारू ईटालुर, ईलारा अंगुर इन रास्सा तोगुल इन चिला अक हर्द बुट्टीत, अदिक अंगुर इन रास्सा अदिक तोगुल इन चिला येढ्ढु नाश आगेदव, “लेकीन व्हाशोद अंगुर इन रास्सा व्हाशोद तोगुल इन चिला दा तुमकु आगतद.” \fig अंगुर इन रास्सा ईटोद चिला|alt="Wineskin bag" src="lb00145c.tif" size="col" copy="Horace Knowles ©" ref="२:२२"\fig*
\s आराम दिन इन प्रश्न
\r (मत्ती १२:१-८; लूका ६:१-५)
\p
\v 23 अदिक हिंग आत कि यीशु आराम इन दिशी केई दी टु आगतेला होगोन; अदिक आऊन चेलागोळ नळुतेला गोदी नव लॉम्बागोळी मुरू कुरतुर. 
\v 24 आग फरीसीगोळ आऊन से अंदुर, “नोळ, इंदुर आराम इन दिन दा अद क्याल्सा येती माळतार जो नियम इन अनुसार माळोद उचित हैलेच?”
\p
\v 25 यीशु आंदरी उत्‍तर कोट्टुन, येन नीव ईद यागलु वाचुसीदील, कि याग दाऊद उक जरवत ईरोद, याग आव अदिक आऊन संगीगोळ हस्तकु ईरोर, आग आव येन माळीदुन? 
\v 26 “आव ह्यांग अबियातार महायाजक उन समय दा, परमेश्वर उन भवन दा होगकु भेंट इन रोट्टीगोळी तिंदुन, यदुर्द तिनोद याजकगोळी बिटकु अदिक यारीकु भी उचित हैलेच, अदिक तान संगीगोळी भी कोट्टुन?”
\p
\v 27 आग यीशु आंदुर से अंदुन, “आराम इन दिन मंळसागोळ्द साठी माळकु आग्याद, ना कि मंळसा आराम दिन इन साटी. 
\v 28 इदुरसाटी मंळसा अन पार आराम दिन इन भी स्वामी आन.”
\c 3
\s यीशु वंळगींद कयवाळा मंळसा अक चंगा माळदुन
\r (मत्ती १२:९-१४; लूका ६:६-११)
\p
\v 1 अदिक यीशु बाक यहूदी लॉकुर्द सभागृह दा होदुन; अदिक अल ऊंद मंळसा ईरोन यार्द कय वंळ्गेगीत, 
\v 2 अदिक आंदुर यीशु मा दोष हचोर साटी आऊन ताक मा हतकु ईरोर कि नोळाता, आव आराम दिन दा आऊक चंगा माळतान का ईला. 
\v 3 यीशु वंळगींद कयवाळा मंळसा से अंदुन, “येळ, लॉकुर न्याड्या दा नीदरेग.”
\p
\v 4 अदिक यीशु आंदुर से अंदुन, “येन आराम इन दिन दा नियम इन अनुसार भलाई माळोद उचित आद या बुरा माळोद? जीव इक उळसोद उचित आद या कोन्नोद?” लेकीन आंदुर सुंगा ईत्‍तुर. 
\v 5 बाक यीशु आंदुर मन इन कठोरता देल उदास आगकु, आंदरी सिट्ट देल नाकु दी नोळदुन, अदिक आ मंळसा से अंदुन, “तान कय मुंद वाळुस.” आव वाळुसदुन, अदिक आऊंद कय पयले अन्द घाई वळ्लीद आगेत. 
\v 6 आग फरीसीगोळ यहूदी लॉकुर्द सभागृह दा टु व्हार्या होगकु तुरन्त हेरोदियों लॉकुर सांगुळ यीशु उन विरोध दा साठगाठ माळली कुरतुर कि आऊक याता प्रकार देल नाश माळेव.
\s यीशु उन हिंद भीळ इन नळोद
\p
\v 7 बाक यीशु तान चेलागोळ सांगुळ क्यार्रा दी होटोदुन. अदिक गलील दा टु ऊंद धोळ्द भीळ आऊन हिंद नळुली कुर्त, 
\v 8 अदिक यहूदिया, अदिक यरूशलेम, अदिक इदूमिया, अदिक यरदन गांगा अन आप्पाटी, अदिक सूर अदिक सैदा अन्द आसपास टु ऊंद धोळ्द भीळ ईद केळकु आऊन हात्‍ती बंदुर कि, आव ह्यांग अचम्भा अन्द क्याल्सा माळतान. 
\v 9 \x + \xo ३:९ \xo*\xt मरकुस ४:१; लूका ५:१-३\xt*\x*अदिक बाक यीशु तान चेलागोळ से अंदुन, “भीळ इन कारण ऊंद स्यांळ्दतुसा ड्वांगा नान साटी तयार ईरूल ताकी आंदुर नानी वत्‍त ईला सकुल.” 
\v 10 यतिकी आव हापाळ मुंदरी चंगा माळीदुन; इदुरसाटी अल यास लॉकुर रोग देल बिमार ईरोर, आऊक मुट्टोर साटी आऊन मा बिळली आगोर. 
\v 11 अदिक दुष्टआत्मागोळ देल ग्रस्त लॉकुर भी, याग आऊक नोळतोगोर, अरा आऊन मुंद बिळतोगोर, अदिक चिळ्लासकु अनतोगोर कि “नी परमेश्वर उन पार हुय.”
\p
\v 12 यीशु दुष्टआत्मागोळी आदेश कोट्टुन कि अव यारीकु भी ईद हेळतीदील कि आव याव हुन.
\s हन्नेळ चेलागोळी निवळुसोद
\r (मत्ती १०:१-४; लूका ६:१२-१६)
\p
\v 13 बाक यीशु पहाळ मा येरेदुन अदिक यारी आव चाहासोन, आंदरी तान हात्‍ती कारदुन. अदिक आंदुर आऊन हात्‍ती बंदुर. 
\v 14 आग यीशु आंदुर दा टु हन्नेळ मंळसागोळ्द निवळ माळदुन, यारी आव प्रेरितगोळ हेसुर कोट्टुन. अदिक अंदुन, “कि ना नीमी तान सांगुळ ईटोरसाटी नीवळुसदीन, ‘ना नीमी प्रचार माळली व्हार्या कळाईन, 
\v 15 अदिक नीम हात्‍ती दुष्टआत्मागोळी तेगोद अधिकार ईत्‍तीत.’”
\p
\v 16 ई प्रकार देल आव हन्नेळ चेलागोळ्द निवळ माळदुन. शमौन यार्द हेसुर आव पतरस ईटदुन, 
\v 17 अदिक जब्दी इन पार याकूब, अदिक याकूब उन वार्ट यूहन्ना, यार्द हेसुर आव बुअनरगिस मतलब “गर्जन उन पार” ईटदुन, 
\v 18 अदिक अन्द्रियास, फिलिप्पुस, बरतुल्‍मै, मत्ती, थोमा, हलफई इन पार याकूब, तद्दै अदिक शमौन कनानी जो रोमन सरकार उन खिलाप ईरोन. 
\v 19 अदिक यहूदा इस्करियोती, जो यीशु उक ध्वाका देल हुळसुसीदुन.
\s यीशु अदिक बालज़बूल
\r (मत्ती १२:२२-३२; लूका ११:१४-२३; १२:१०)
\p
\v 20 बाक यीशु अदिक आऊन चेलागोळ मान्नी बंदुर; अदिक हिंग भीळ जमा आगेत, कि आंदुर रोट्टी भी तिन सकिदील 
\v 21 याग आऊन मान्यागोळोर लॉकुर ईद केळदुर, रा आंदुर आऊक हुडोर साटी होट्टुर, यतिकी आंदुर अनतोगोर, कि आऊन मन ठिकान मा हैलेच.
\p
\v 22 \x + \xo ३:२२ \xo*\xt मत्ती ९:३४; १०:२५\xt*\x*अदिक शास्त्री भी जो यरूशलेम टु बंदीदुर, ईद अनतोगोर, कि “आऊन दा बालज़बूल\f + \fr ३:२२ \fr*\ft बालज़बूल-दुष्टआत्मागोळव सरदार\ft*\f* शैतान समुस्कु आन, अदिक ईद भी, कि आव दुष्टआत्मागोळव सरदार उन मदत देल दुष्टआत्मागोळी तेगुतान.”
\p
\v 23 इदुरसाटी यीशु आंदरी हात्‍ती कारूकु, आंदुर से उदाहरण दा अनली कुरतुन, “शैतान ह्यांग शैतान उक तेगु सकतान?” 
\v 24 अदिक अगर यातोदारा राज्य दा फूट बिळुल, रा अद राज्य ह्यांग संची ईर सकतद? 
\v 25 अदिक अगर यातोदारा मान्ना दा फूट बिळुल, रा अद मान्ना ह्यांग संची ईर सक्‍कीत? 
\v 26 इदुरसाटी अगर शैतान तान अच राज्य अन्द विरोधी आगकु तान दा फूट केडुल, रा आव तान राज्य अक ह्यांग सुरक्षित ईट सकतान? आऊंद रा अन्त अच आगेदीत.
\p
\v 27 लेकीन यावारा मंळसा यातोवारा ताकतवर मंळसा अन्द मान्या होक्‍कु आऊंद माल हिंग अच कदू सकालुन, पयले आव आ ताकतवर मंळसा अक कट्यान; अदिक आग आ मंळसा आ ताकतवर मंळसा अन्द मान्ना अन्द बुळ्क ईड्द सामान इक कदू सकतान.
\p
\v 28 ना नीम से खरा माताळतीन, कि मंळसागोळ्द औलाद ईनव सप्पा पाप अदिक अपमान जो आंदुर माळतार, माफ माळकु आदव. 
\v 29 \x + \xo ३:२९ \xo*\xt लूका १२:१०\xt*\x*लेकीन जो यावारा पवित्र आत्मा अन्द खिलाप अपमान माळतान, आऊक यागलु माफ माळकु आगतीदील, “यतिकी आव अनन्त पाप इन अपराधी आन.” 
\v 30 यीशु आ लॉकुरी इदुरसाटी ईव सब मातगोळ अंदुन “यतिकी लॉकुर अनतोगोर, कि आऊन दा दुष्टआत्मा आद.”
\s यीशु नोर मोय आकतींग अदिक वार्ट
\r (मत्ती १२:४६-५०; लूका ८:१९-२१)
\p
\v 31 अदिक यीशु उन मोय आकतींग अदिक वार्ट बंदुर अदिक व्हार्या नीदुरकु यीशु उक कारूली कळुदुर. 
\v 32 अदिक भीळ यीशु उन आसपास कुर्तकु ईरोद, अदिक आंदुर आऊन से अंदुर, “नोळ, नीन मोय नीन वार्ट अदिक आकतींग व्हार्या नीनी कारेत्यार.”
\p
\v 33 यीशु आंदरी उत्‍तर कोट्टुन, कि “नान मोय नान वार्ट अदिक नान आकतींग याक हुळ?” 
\v 34 अदिक आव तान आसपास कुर्तकु ईरोर आ लॉकुरी नोळदुन अदिक अंदुन, “नोळी! नान मोय, आकतींग अदिक वार्टुर इंदुरा उर. 
\v 35 यतिकी जो यावारा भी परमेश्वर उन इच्छा मा नळदान, आवा नान वार्ट, आकतींग, अदिक मोय हुळ.”
\c 4
\s बींजा बोऊसावाळा अन्द उदाहरण
\r (मत्ती १३:१-९; लूका ८:४-८)
\p
\v 1 \x + \xo ४:१ \xo*\xt लूका ५:१-३\xt*\x*यीशु बाक झील इन किनारा मा उपदेश कोळली कुरतुन: अदिक हिंग धोळ्द भीळ आऊन हात्‍ती जमा आगेत कि आव झील इन ऊंद ड्वांगा मा येरकु कुरतोदुन अदिक सप्पा भीळ भूमी मा झील इन किनारा मा नीदुरकु ईत्‍त. 
\v 2 अदिक यीशु आंदरी उदाहरणगोळ दा हापाळ सा मात कल्सली कुरतुन, अदिक तान उपदेश दा आंदुर से अंदुन.
\p
\v 3 “केळी! ऊंद घन ऊंद मंळसा ईरोन जो बींजा बोऊसोर साठी होटीदुन. 
\v 4 अदिक आव केई दा बींजा भिटुन आटोटी येनारा बींजा हादी मा बिद्दव, अदिक पक्षीगोळ बंदकु अवरी तिन कोंडोव. 
\v 5 अदिक येनारा बींजा कल्ल इन जागा मा बिद्दव यल अदरी यक्कुल मुण्ण सकिदील. अदिक गहरा मुण्ण ईला सिकदुर देल अव राटनेरी अंकुर हुळदव. 
\v 6 बाक याग सुर्य होळ्त; रा स्याणेव मार्रगोळी होताक बुळ्त; यतिकी जळीगोळ जादा गयरा ईला आगीदव, अदिक मार्रगोळ जल्दी अच वंळ्गेदव. 
\v 7 अदिक थ्वाळासा बींजा मुळ्ल इन झुनकुळ दा बिद्दव, अदिक धोड्डेव आगकु बेळुकु बींजा अक वत्‍त बुट्टव अदिक आ बींजागोळी काय हत सकिदील. 
\v 8 लेकीन थ्वाळासा बींजा वळ्लीद जागा मा बिद्दव, अदिक अव बेळदव अदिक बेळुकु अनाज पैदा माळदव; यातोवारा तीस गुणा, यातोवारा साठ गुणा अदिक यातोवारा सौ गुणा फसल तंदव.”
\p
\v 9 आग यीशु अंदुन, “यार हात्‍ती केळोर साटी किव आव, आव केळ कोमुल.”
\s उदाहरणगोळ्द कारण
\r (मत्ती १३:१०-१७; लूका ८:९,१०)
\p
\v 10 याग यीशु आबना ईरोन, रा याता लॉकुर आऊन उदाहरण केळीदुर, आंदुर दा टु येनारा लॉकुर हन्नेळ चेलागोळ सांगुळ आऊन हात्‍ती बंदुर अदिक आऊक उदाहरण इन मतलब येन आद. 
\v 11 यीशु आंदुर से अंदुन, नीमी परमेश्वर उन राज्य अन्द भेदगोळ्द समझ कोटकु आग्याद, लेकीन व्हार्या नोर लॉकुर साटी, सप्पा मातगोळ उदाहरणगोळ दा अंदकु आग्याद:
\q1
\v 12 यतिकी आंदुर नोळुल अदिक
\q2 नोळतेला अच ईरूल, लेकीन आंदरी येनु सम्सबाळुल,
\q1 केळुल अदिक केळतेला अच ईरूल
\q2 लेकीन येनु सम्सबाळुल.
\q1 हिंग आगबाळुल कि आंदुर मन परमेश्वर उन दी तिर्गुल
\q2 अदिक आंदरी माफ माळकु आगुल.
\s बींजा बोऊसावाळा उदाहरण इन व्याख्या
\r (मत्ती १३:१८-२३; लूका ८:११-१५)
\p
\v 13 बाक यीशु आंदुर से अंदुन, येन नीव ईद उदाहरण समसालीर? रा बाक दुसरा यातोदारा उदाहरणगोळी ह्यांग समसीर? 
\v 14 केईवाळा जो बोऊसतान, अद परमेश्वर उन वचन हुन. 
\v 15 येनारा लॉकुर हादी माकळोर बिदकु बींजा अन्द घाई आर जो परमेश्वर उन वचनगोळी केळतार. रा शैतान तुरन्त बंदकु वचन रूपी बींजा जो आंदुर्दा बोऊस्कु आग्याद नेगुकु वोयतान. 
\v 16 दुसरा लॉकुर बींजागोळ घाई ईरतार जो कलवाळा जागा मा बीळताव. ह्यांग आंदुर बातणी केळतार, आंदुर इदरी खुशी देल ग्रहण माळ कोमतार. 
\v 17 लेकीन तान बुळ्क जळ ईला ईटदुर कारण आंदुर थ्वाळासा अच दिनगोळ साटी ईरतार; इदुर्द बाद्दा याग वचन इन कारण आंदुर मा क्लेश या उपद्रव आगताव, रा आंदुर तुरन्त ठोकर तिनतार. 
\v 18 दुसरा लॉकुर मुळ्लवाला झुनकुळ दा बोऊस्कु बींजा अन घाई आर. इंदुर वचन केळावाळेर उर. 
\v 19 अदिक दुनिया अन चिन्ता, धन इन ध्वाका, अदिक च्याच वस्तुगोळ्द लोभ आंदुर्दा तुमकु वचनगोळी वत्‍त बुळतद. अदिक अद निष्फल ईतोगतार. 
\v 20 लेकीन यारारा लॉकुर वळ्लीद जागा अन्द घाई आर, जो वचन केळकु ग्रहण माळतार अदिक वळ्लीद फसल तरतार, यारारा तीस गुणा, यारारा साठ गुणा, अदिक यारारा सौ गुणा.
\s दिंग्या अन्द उदाहरण
\r (लूका ८:१६-१८)
\p
\v 21 \x + \xo ४:२१ \xo*\xt मत्ती ५:१५; लूका ११:३३\xt*\x*अदिक यीशु आंदुर से अंदुन; येन दिंग्या अक इदुर्दा साटी तरतार कि बर्तन या व्हर्स इन ल्यालमा ईटुल? येन अदरी दीवट\f + \fr ४:२१ \fr*\ft दिंग्या ईटोद जागा\ft*\f* मा ईट सकालुर? 
\v 22 \x + \xo ४:२२ \xo*\xt मत्ती १०:२६; लूका १२:२\xt*\x*जो येनारा भी होचकु आद अदरी व्हार्या तनकु आदीत, अदिक जो येनारा भी कवर माळकु आग्याद, अदरी उजागर माळकु आदीत. 
\v 23 अगर यारोवारा केळव किव आव, रा आव केळ कोमुल.
\p
\v 24 \x + \xo ४:२४ \xo*\xt मत्ती ७:२; लूका ६:३८\xt*\x*बाक यीशु आंदुर से अंदुन, “जो नीव केळतीर अदुर मा ध्यान कोळी. याता नाप देल नीव दुसरा अक आळुतीर अदा नियम देल नीमी भी आळुकु आदीत, अदिक नीम साटी अदुर्दा यक्कुल जोळ्सकु आदीत. 
\v 25 \x + \xo ४:२५ \xo*\xt मत्ती १३:१२; २५:२९; लूका १९:२६\xt*\x*यतिकी यार हात्‍ती आद, आऊक मात्‍त यक्कुल कोटकु आदीत; अदिक यार हात्‍ती हैलेच, आऊन से अद भी जो आऊन हात्‍ती आद, ताकोमकु आदीत.”
\s कोम होळोद बींजा अन्द उदाहरण
\p
\v 26 बाक यीशु अंदुन, “परमेश्वर उन राज्य हिंग आद, जसा यावारा मंळसा तान केई इन भूमी दा बींजा भिळतान, 
\v 27 अदिक आव इळ्लकी मिंगदुन अदिक व्हातर्या येद्दुन अदिक अद बींजा अंकुरीत आगकु हिंग बेळुत, कि आव अरू सकिदील कि ईद ह्यांग आत. 
\v 28 पृथ्वी तान ताना अनाज तरतद. पयले अंकुर, बाक लॉम्बा, अदिक आग अदुर बाद्दा लॉम्बा दा तयार बींजा. 
\v 29 लेकीन याग बींजा हण्ण आगेगतद, आग आव केईवाळा तुरन्त कुळगुल देल कडुली हततान, यतिकी फसल इन कटाई होट्ट बंदाद.”
\s राई इन दाना अन्द उदाहरण
\r (मत्ती १३:३१-३२,३४; लूका १३:१८-१९)
\p
\v 30 बाक यीशु केळदुन, “नाव परमेश्वर उन राज्य ह्यांग आद इदुर उपमा यार देल कोट्टेव. अदिक याता उदाहरण देल आऊन वर्णन माळेव? 
\v 31 आव राई इन दाना अन्द घाई आन याग पृथ्वी मा बोऊस्कु आगतद रा पृथ्वी इन सप्पा बींजागोळ से स्यांळ्द ईरतद. 
\v 32 लेकीन याग बींजा बेळदोगतद, रा बेळुकु सप्पा मारगोळ से धोळ्द आगेगतद, अदिक अदुर्द हिंग धोळ्द डगालगोळ होळताव यल आकाश इन पक्षी अदुर्द सावली दा ग्वादा माळकु ईरताव.”
\p
\v 33 यीशु आंदरी ईत्‍ता प्रकार ईनव हापाळ सा उदाहरण कोट-कोटकु आंदुर्द समझ इन अनुसार यक्कुल से यक्कुल समझ दा बरूल ई प्रकार देल वचन केळ्सतोगोन, 
\v 34 अदिक बिना उदाहरण अंदकु यीशु लॉकुरी येनु ईला कल्सतोगोन. लेकीन आबना दा आव तान निजी चेलागोळी सप्पा मातगोळ्द मतलब हेळतोगोन.
\s यीशु आँधी इक शांत माळदुन
\r (मत्ती ८:२३-२७; लूका ८:२२-२५)
\p
\v 35 अदा दिशी द्यावगा अक, यीशु तान चेलागोळ से अंदुन, “बरी, नाव झील इन आप्पाटी होगाता.” 
\v 36 आंदुर भीळ इक बिट्टुर, याता ड्वांगा दा यीशु ईरोन अदा ड्वांगा मा चेलागोळ भी बंदुर अदिक यीशु उक तान सांगुळ झील इन आप्पाटी ओतुर; अदिक अल आऊन सांगुळ, मात हापाळ सा ड्वांगा भी ईरव. 
\v 37 अचानक आग ऊंद भयानक आँधी बत्‍त, अदिक लयरगोळ ड्वांगा देल टकरूसली हत्‍त ईल ताका कि नीर ड्वांगा दा तुमली हत्‍त. 
\v 38 अदिक यीशु ड्वांगा अन्द हिंदळोद भाग दा ऊसी मा ताल्ला ईटकु मिंगोन. अदिक आंदुर आऊक येब्सदुर अदिक अंदुर, “हे गुरु, येन नीनी चिन्ता हैलेच कि नाव मुळ्केतेव?”
\p
\v 39 आग यीशु यदकु आँधी अक दनकुसदुन, अदिक लयरगोळ से अंदुन, “शांत आगेग, थाम्सेग!” अदिक आँधी थामसेत अदिक नाकु दी हापाळ सन्नाटा आगेत. 
\v 40 अदिक यीशु तान चेलागोळ से अंदुन, “नीव येती अंजेतीर? येन नीमी ईगासताका विश्वास हैलेच?”
\p
\v 41 अदिक चेलागोळ हापाळ अंजेदुर अदिक आपस दा अनली कुरतुर, “ईव मंळसा याव हुन ईल ताका कि आँधी अदिक लयरगोळ भी ईऊन आग्या मान्सताव?”
\c 5
\s दुष्टआत्मा हतकु मंळसा अक चंगा माळोद
\r (मत्ती ८:२८-३४; लूका ८:२६-३९)
\p
\v 1 यीशु अदिक आऊन चेलागोळ झील इन आप्पाटी गिरासेनियागोळ्द प्रदेश दा पोहचुसदुर. 
\v 2 याग यीशु ड्वांगा मा टु ईळदुन रा तुरन्त ऊंद मंळसा जो कि यारदा दुष्टआत्मा हतकु ईरोद, कब्रस्तान दा टु होटकु यीशु से मिलुसदुन. 
\v 3 आव कब्रस्तान दा ईरतोगोन अदिक याऊ आऊक शंकलीगोळ देल भी कटकु ईला ईट सकोन, 
\v 4 यतिकी आऊक बेळीगोळ अदिक शंकलीगोळ देल कटकु आगीत, लेकीन आव हापाळ अनली शंकलीगोळी मुर्द बुटीदुन अदिक बेळीगोळ्द तुकळा-तुकळा माळ कोंडीदुन, अदिक यारू आऊक बस दा ईला माळसकोर. 
\v 5 आव लगातार ईळ्लक-हागुल कब्रस्तान अदिक पहाळीगोळ दा वयाळोन अदिक कीटुरतोगोन, अदिक तान तान इक कलगोळ देल घायल माळतोगोन.
\p
\v 6 आव यीशु उक दुर टु उच नोळदुन, अदिक आव ओळतेला यीशु उन हात्‍ती बंदुन अदिक ट्वांगरा अन्द भार देल बिदकु प्रणाम माळदुन. 
\v 7 अदिक आव धोळ आवाज देल चिळ्लासकु अंदुन, “हे यीशु, महान परमेश्वर उन पारा, नानी नीन से येन क्याल्सा? ना नीनी परमेश्वर उन किर्‍या कोळतीन, कि नी नानी दुख कोळबाळ.” 
\v 8 आव यीशु से इदुरसाटी हिंग अंदुन यतिकी यीशु आऊन से अंदिदुन, “हे दुष्टआत्मा, ई मंळसा अन्द मय दा टु होटबुळ!”
\p
\v 9 यीशु आ दुष्टआत्मा से केळदुन, “नीन येन हेसुर आद?”
\p अद यीशु से अन्त, “नान हेसुर सेना आद; यतिकी नाव हापाळ सा आयेव.” 
\v 10 अदिक दुष्टआत्मा यीशु से च्याच विनती माळकु अन्त, कि नामी ई प्रदेश टु व्हार्या कळुबाळ.
\p
\v 11 हात्‍तीगोळ्द पहाळ इन ढलान मा हंदीगोळ्द ऊंद धोळ्द झुण्ड आळोद. 
\v 12 दुष्टआत्मागोळ यीशु से विनती माळकु अंदव, “नामी आ हंदीगोळ्द झुण्ड दा कळुबुळ कि नाव आंदुर बुळ्क होक्‍केव.” 
\v 13 इदुरसाटी यीशु आंदरी आग्या कोटुन अदिक दुष्टआत्मा आ मंळसा दा टु होटकु हंदीगोळ्द बुळ्क होकदव अदिक झुण्ड, जो लगभग येढ्ढ हजार इन ईरोद, ढलान मा टु घसरूस्कु झील दा होगकु बित्‍त. अदिक अल्या मुळ्ककु सोत्‍तव.
\p
\v 14 हंदीगोळी आळसावाळेर ओळकु नगर अदिक ऊरगोळ दा ईद खबर केळ्सदुर, अदिक जो आगीत, लॉकुर अदरी नोळली बंदुर. 
\v 15 यीशु उन हात्‍ती लॉकुर बंदकु, आ मंळसा अक नोळदुर यारदा दुष्टआत्मागोळ ईरव, मतलब सेना समुस्कु ईरोद, कपळा हाक्‍कु अदिक गुमसुम कुर्त नोळकु अंजेदुर. 
\v 16 या लॉकुर ईद घटना अक पयले नोळीदुर रा हेळदुर कि नोळावाळेर आऊन, यारदा दुष्टआत्मागोळ ईरव, अदिक हंदीगोळ्द पुरा हाल आंदरी अंदकु हेळदुर.
\p
\v 17 आग लॉकुर यीशु से विनती माळकु अनली कुरतुर कि नाम प्रदेश दा टु होटोग.
\p
\v 18 अदिक याग यीशु ड्वांगा मा येरली कुरतुन रा आव यारदा पयले दुष्टआत्मागोळ ईरव, यीशु से विनती माळली कुरतुन, “नानी तान सांगुळ ईरगोळ.”
\p
\v 19 लेकीन यीशु आऊक आग्या कोटीदील, अदिक आऊन से अंदुन, “तान मान्या होगकु तान परिवार इक हेळ कि नीन मा दया माळकु प्रभु नीन साटी ह्यांग धोड्डेव क्याल्सा माळ्यान.”
\p
\v 20 बाक आव होगकु दिकापुलिस\f + \fr ५:२० \fr*\ft हत्‍त नगरगोळ्द धोळ्द शयर\ft*\f* दा ई मातगोळी हेळली कुरतुन कि यीशु नान साठी ह्यांग धोड्डेव क्याल्सा माळ्यान; अदिक सप्पा लॉकुर ईद केळकु चकित आदुर.
\s सोत्‍त पोर अदिक ऊंद रोगी आर्त
\r (मत्ती ९:१८-२६; लूका ८:४०-५६)
\p
\v 21 याग यीशु बाक ड्वांगा देल झील इन आप्पाटी होदुन, रा ऊंद धोळ्द भीळ आऊन हात्‍ती बंदकु जमा आगेत. आव झील इन किनारा मा का ईरोन. 
\v 22 याईर हेसुर ईनव ऊंद यहूदी मंळसा, जो यहूदी लॉकुर्द सभागृह अन्द सरदारगोळ दा टु ऊंद सरदार बंदुन, अदिक यीशु उक नोळकु आऊन कालगोळ मा बिदोदुन, 
\v 23 अदिक ईद अंदकु यीशु से हापाळ विनती माळदुन, “नान स्याण पोर सायापरी आगेग्यार: नी बंदकु आकिन मा कय ईट कि आक वळ्लीद आगकु जित्‍ता ईरूल.”
\p
\v 24 आग यीशु आऊन सांगुळ नळदुन अदिक ऊंद धोळ्द भीळ आऊन हिंद आगेत, ईल ताका कि लॉकुर आऊन मा बिळली आगोर.
\p
\v 25 अल्या ऊंद आर्त ईरोर, आक इक हन्नेळ वर्ष टु खुन होगोद रोग ईरोद. 
\v 26 आ आर्त हापाळ परेशान ईरोर आक हापाळ वैद्यगोळ से तान ईलाज माळीदुर तरी भी यक्कुल दुखी आगेगीदुर. अदिक तान सप्पा धन लुट्सदुर बाद्दा भी आकी येनु आराम सिकिदील, लेकीन मात यक्कुल रोगी आगेगीदुर. 
\v 27 आक यीशु उन बारा दा चर्चा केळीदुर, अनकु “भीळ दा हिंदु टु बंदकु आऊन कपळा अन्द किनारा अक मुटदुर.” 
\v 28 यतिकी आक मन मन दा अच अनतोगोर, “अगर ना आऊन कपळा अक मुटाईन, रा वळ्लीद आगेगाईन.”
\p
\v 29 आग आक यीशु उन कपळा अक मुटदुर अदिक तुरन्त आकिन खुन होगोद बंद आगेत, अदिक आ आर्त तान शरीर दा ईद जान्स कोंडुर कि ना तान आ बिमारी देल वळ्लेर आगेदीन. 
\v 30 यीशु तुरन्त तान मन दा जान्स कोंडुन कि नान दा टु ईद सामर्थ्य होटाद. अदिक आव भीळ दा हिंद तिर्गकु केळदुन, “नान कपळा अक यार मुटदुर?”
\p
\v 31 आग आऊन चेलागोळ आऊक अंदुर, नी नोळत्या कि भीळ नीन मा बिळली इक आगतद, अदिक नी अनत्या कि यार नानी मुटदुर?
\p
\v 32 लेकीन यीशु आक इक नोळोर साठी नाकु दी कण्ण नेगुकु नोळदुन, कि यार नानी मुटदुर. 
\v 33 आग आ आर्त जो आकिन सांगुळ आगीत आक ईद जान्सकु कि नान ह्यांग भलाई आग्याद, अंज्त अदिक नळ्गतेला बंदुर, अदिक आऊन कालगोळ मुंद ट्वांगरा टेक्सकु आऊक सब हाल खरा-खरा हेळ बुटुर. 
\v 34 यीशु आकिन से अंदुन, “हे पोरी, नीन विश्वास नीनी वळ्लीद माळ्याद: खुशी देल होग, अदिक तान ईद बिमारी देल ऊळ्दकु ईर.”
\p
\v 35 यीशु ईद अनतेला अच ईरोन कि यहूदी लॉकुर्द सभागृह अन्द सरदार उन मान्या टु थ्वाळासा लॉकुर बंदकु अंदुर, “नीन पोर रा सोतोग्यार, ईग गुरु उक येतरी दुख कोळत्या?”
\p
\v 36 लेकीन जो मात आंदुर अनोर, अदरी यीशु केळदुन पर ध्यान कोटीदील, यहूदी लॉकुर्द सभागृह अन्द सरदार से अंदुन, “अंजबाळ, सिर्फ विश्वास ईट.” 
\v 37 अदिक यीशु पतरस अदिक याकूब अदिक आऊन वार्ट यूहन्ना अक बिटकु, दुसरा यारीकु तान सांगुळ बर गोटीदील. 
\v 38 याग आंदुर सप्पा मुंदुर यहूदी लॉकुर्द सभागृह अन्द सरदार उन मान्या बंदुर, रा यीशु नोळदुन कि अल खलबली मचुसकु आद. अदिक लॉकुरी हापाळ वर्लतेला अदिक चिल्ळासतेला नोळदुन. 
\v 39 आग यीशु मान्या अन्द बुळ्क होक्‍कु आंदुर से अंदुन, “नीव येतरी खलबली मचुसतीर अदिक वर्लेतीर? पोर सायलिका आर, लेकीन मिंगेत्यार.”
\p
\v 40 आंदुर यीशु उन मज्याक हार्सली कुरतुर, लेकीन आव सप्पा मुंदरी तेगुकु पोर इन मोय-आप्प अदिक तान मुर चेलागोळ सांगुळ बुळ्क यल पोर बिदकु ईरोर, अल होदुर. 
\v 41 अदिक आव पोर इन कय हुळकु आकिन से अंदुन, “तलीता कुमी!” यदुर्द मतलब आद, “हे पोरी, ना नीन से अनतीन, येळ.”
\p
\v 42 अदिक आ स्याण पोर तुरन्त यदकु नळुली अदिक वयाळली कुरतुर; यतिकी आक हन्नेळ वर्ष इनोर ईरोर. इदुर मा लॉकुर हापाळ सट्ट आगेदुर. 
\v 43 बाक यीशु आंदरी चेतावनी कोटकु आग्या कोटुन कि ईद मात यारू जान्स ईला पायजे, अदिक आव अंदुन “पोर इक येनारा तिनली कोळी.”
\c 6
\s नासरत ऊर दा यीशु उन अनादर
\r (मत्ती १३:५३-५८; लूका ४:१६-३०)
\p
\v 1 अल टु होटकु यीशु तान प्रदेश दा बंदुन; अदिक आऊन चेलागोळ भी आऊन हिंद बंदुर. 
\v 2 आराम इन दिशी आव यहूदी लॉकुर्द सभागृह दा उपदेश कोळली होदुन, अल हापाळ सा लॉकुर ईरोर, याग लॉकुर आऊन मातगोळ केळदुर, रा आंदुर सट्ट आगेदुर अदिक अनली कुरतुर, “ईऊक ईव मातगोळ यल टु होटबंदव? अदिक ईद याता ग्यान हुन जो ईऊक कोटकु आग्याद? आव चमत्कार ह्यांग माळतान? 
\v 3 येन ईव व्हर्स हुळ्ली माळावाळा अन पार आलच, जो मरियम उन पार, अदिक याकूब, योसेस, यहूदा, अदिक शमौन उन वार्ट हुन? येन आऊन आकतींगेर ईल नाम न्याड्या दा ईरालुर?” इदुरसाटी लॉकुर आऊंद इनकार माळ बुटुर.
\p
\v 4 \x + \xo ६:४ \xo*\xt यूहन्ना ४:४४\xt*\x*यीशु आंदुर से अंदुन, “भविष्यवक्ता अन्द तान नगर, तान परिवार, अदिक तान मान्या मान सम्मान आगाल लेकीन दुसरा लॉकुर आंदुर्द मान सम्मान माळतार.”
\p
\v 5 अदिक यीशु अल येनु सामर्थ्य इन क्याल्सा माळीदील, सिर्फ थ्वाळासा बिमार लॉकुर मा कय ईटकु आंदरी चंगा माळदुन.
\s यीशु हन्नेळ चेलागोळी प्रचार माळली कळुदुन
\r (मत्ती १०:५-१५; लूका ९:१-६)
\p
\v 6 अदिक यीशु उक आंदुर्द अविश्वास मा हापाळ आश्चर्य आत, अदिक आव नाकु दाकळव ऊरगोळ दा उपदेश कोळतेला वयाळदुन.
\p
\v 7 यीशु तान हन्नेळ चेलागोळी तान हात्‍ती कारदुन अदिक आंदरी दुष्टआत्मागोळी तेगोद अधिकार कोट्टुन. अदिक येढ्ढ-येढ्ढ माळकु नगर दा कळुदुन 
\v 8 अदिक आंदरी आग्या कोट्टुन, “हादी इन साठी कोल इक बिटकु अदिक येनु हुडुबाळी; ना रा रोट्टी, ना झ्वारा, अदिक ना नीम खिसा दा पैस्या, 
\v 9 लेकीन केरू हाकी अदिक यातोदारा दुसरा कुळता ओयबाळी.” 
\v 10 अदिक यीशु चेलागोळ से अंदुन, “येल्यारा नीम्द यारदारा मान्या स्वागत आत, रा यागासताका अल टु सार आगालीर आगासताका अदा मान्या दा रूक्सकु ईरी. 
\v 11 \x + \xo ६:११ \xo*\xt प्रेरितगोळ १३:५१\xt*\x*\x + \xo ६:११ \xo*\xt लूका १०:४-११\xt*\x*अगर नीव ऊंद ईत्‍ता नगर दा होगतीर येल लॉकुर नीम्द स्वागत माळालुर या नीम मातगोळी केळालुर, रा अदरी बिट बुळी अदिक तान कालगोळ्द धुळा झाळ्स कोमी. ईद आंदुर साटी ऊंद चेतावनी आदीन.”
\p
\v 12 आग आंदुर अल टु होटोदुर. अदिक आंदुर होगकु प्रचार माळदुर, तान पापगोळी बिळी अदिक परमेश्वर उन दी तिर्गी. 
\v 13 \x + \xo ६:१३ \xo*\xt याकूब ५:१४\xt*\x*आंदुर हापाळ सा दुष्टआत्मागोळी तेगदुर, अदिक हापाळ सा बिमार मंळसागोळ मा जैतून इन याण्णा अन्द मालिस माळकु आंदरी चंगा माळदुर.
\s यूहन्ना बपतिस्मा कोळावाळा अक कोन्नोद
\r (मत्ती १४:१-१२; लूका ९:७-९)
\p
\v 14 \x + \xo ६:१४ \xo*\xt मत्ती १६:१४; मरकुस ८:२८; लूका ९:१९\xt*\x*हेरोदेस राजा भी यीशु उन चर्चा केळदुन, यतिकी आऊन हेसुर हापाळ फैलुसेगित, अदिक येनारा लॉकुर अंदुर, “यूहन्ना बपतिस्मा कोळावाळा सोत्‍तुर दा टु जित्‍ता आग्यान, इदुरसाटी आऊन से इव सामर्थ्य ईनव क्याल्सा प्रगट आगताव.”
\p
\v 15 दुसरा लॉकुर अंदुर, “इव एलिय्याह हुन.”
\p लेकीन यारारा दुसरा लॉकुर अंदुर, “इव भविष्यवक्ता हुन, हाळोद जमाना अन भविष्यवक्तागोळ घाई ऊंद.”
\p
\v 16 ईद केळकु हेरोदेस राजा अंदुन, “आव बपतिस्मा कोळावाळा यूहन्ना हुन. यार्द ताल्ला ना कळसुसीदीन, आवा सोत्‍तुर दा टु जित्‍ता आग्यान!” 
\v 17 \x + \xo ६:१७ \xo*\xt लूका ३:१९,२०\xt*\x*हेरोदेस राजा तान सिपाईगोळी कळुकु यूहन्ना अक हुळसुसदुन अदिक संकलीगोळ देल कटकु जयल दा हाक बुटीदुन. ईद हेरोदियास इन कारण हेरोदेस हिंग माळदुन, यतिकी हेरोदेस तान वार्ट फिलिप्पुस उन हिंग्स हेरोदियास इन सांगुळ मदा माळ कोंडीदुन. 
\v 18 बपतिस्मा कोळावाळा यूहन्ना घळी घळी हेरोदेस राजा से अनतेला ईत्‍तुन, “नीन साटी तान वार्ट उन हिंग्स उन से मदा माळोद उचित हैलेच.”
\p
\v 19 इदुरसाटी हेरोदियास बपतिस्मा कोळावाळा यूहन्ना से दुश्मनी ईटतोगोर अदिक ईद चाहासोर कि आऊक ह्यांगारा भी कोन्सुस बुळाईन; लेकीन हेरोदेस राजा अन्द कारण देल हिंग माळ सकिदील. 
\v 20 हेरोदेस यूहन्ना से अंजतोगोन. यतिकी हेरोदेस जान्सतोगोन कि बपतिस्मा कोळावाळा यूहन्ना ऊंद न्यायी अदिक पवित्र मंळसा आन, इदुरसाटी हेरोदेस आऊक ऊळस्कु ईटतोगोन, अदिक यागल्यारा भी आव यूहन्ना अन्द मातगोळ केळतोगोन रा हापाळ अंजेगतोगोन, लेकीन खुशी देल आऊन मातगोळ भी केळतोगोन.
\p
\v 21 आखरी दा हेरोदियास इक हेरोदेस उन जनम दिन मा वळ्लीद मौका सिक्त. अदिक आंदुर प्रधानगोळी, सेनापतीगोळी, अदिक गलील इन धोळ धोळ लॉकुरी ऊमली कार्सदुर. 
\v 22 रा हेरोदियास इन पोर बुळ्क बंदुर, अदिक कुणुकु हेरोदेस उक अदिक आऊन सांगुळ जो कुर्तकु पावनागोळ ईरोर आंदरी खुश माळदुर. रा राजा आ पोर इन से अंदुन, “नी जो चाहास्या अद नान से बेळ, ना नीनी कोळाईन.” 
\v 23 अदिक आव किर्‍या तिनकु आकी वचन कोट्टुन, कि नी जो भी नान से बेळ्या अद ना नीनी कोळाईन, ईल ताका कि नांद आरधा राज्य भी.
\p
\v 24 आग आ पोर व्हार्या होगकु तान मोय इन से केळदुर, “ना येन बेळाईन?” रा आक इन मोय हेरोदियास माताळदुर,
\p “यूहन्ना बपतिस्मा कोळावाळा अन्द ताल्ला.”
\p
\v 25 आक तुरन्त राजा हेरोदेस उन हात्‍ती बुळ्क बंदुर अदिक आऊन से विनती माळदुर, “ना चाहासतीन, कि नी ईगल्या बपतिस्मा कोळावाळा यूहन्ना अन्द ताल्ला ऊंद टाटी दा नानी कारस्कु कोळ.”
\p
\v 26 इदुर देल हेरोदेस राजा हापाळ उदास आदुन, लेकीन आव तान सप्पा पाऊनागोळ्द मुंद वादा माळीदुन अदिक किर्‍या तिंदीदुन. ई कारण देल आकी मना माळ सकिदील. 
\v 27 इदुरसाटी राजा तुरन्त ऊंद सिपाही इक आग्या कोटकु कळुदुन कि बपतिस्मा कोळावाळा यूहन्ना अन ताल्ला कळकु तंदान, आग जल्लाद जेलखाना दा होगकु आऊन ताल्ला कळदुन. 
\v 28 अदिक ऊंद टाटी दा ईटकु तंदुन अदिक आ पोर इक कोट्टुन, अदिक पोर तान मोय इक कोट्टुर. 
\v 29 ईद केळकु यूहन्ना नोर चेला बंदुर, अदिक आऊन लाश इक ओतुर अदिक कब्र दा ईटदुर.
\s हन्नेळ प्रेरितगोळ्द वापसी
\r (मत्ती १४:१३-२१; लूका ९:१०)
\p
\v 30 आग प्रेरितगोळ वापस बंदुर अदिक यीशु से सिकदुर, अदिक जो भी आंदुर माळीदुर अदिक कलसीदुर, सब यीशु अक हेळदुर. 
\v 31 यीशु आंदुर से अंदुन, “नळी अदिक अलग येल्यारा सुनसान जागा दा नळुकु आराम माळी.” यतिकी अल हापाळ लॉकुर होगोद-बरोद माळतोगोर, अदिक आंदरी ऊमोद मवका भी ईला सिकतोगोद. 
\v 32 इदुरसाटी आंदुर ड्वांगा मा येरकु, सुनसान जागा दा अलग होटोदुर.
\s यीशु भीळ इक भोजन तिन्सदुन
\r (मत्ती १४:१५-२१; लूका ९:११-१७; यूहन्ना ६:१-१४)
\p
\v 33 हापाळ मुंदुर आंदरी होग्त नोळदुर अदिक ऊंद घन दा अर्त कोंडुर कि आंदुर यार उर; अदिक सप्पा लॉकुर नगरगोळ दा टु जमा आगकु अल पैदल हरदुर अदिक यीशु अदिक आऊन चेलागोळ से पयले होगकु पोहचुसदुर. 
\v 34 \x + \xo ६:३४ \xo*\xt मत्ती ९:३६\xt*\x*याग यीशु ड्वांगा दा टु व्हार्या होट्टुन रा ऊंद धोळ्द भीळ नोळदुन, अदिक आऊक आंदुर मा दया होट्ट बत्‍त, यतिकी आंदुर आ म्यांडागोळ घाई ईरोर, यार्द यारू रखवाला ईरालुर; इदुरसाटी यीशु आंदरी हापाळ सा मातगोळी कल्सली कुरतुन. 
\v 35 याग द्याव हापाळ मुळकेत, रा आऊन चेलागोळ आऊन हात्‍ती बंदकु अनली कुरतुर, “ईद सुनसान जागा आद, अदिक द्याव हापाळ मुळ्केग्याद. 
\v 36 लॉकुरी सार माळ कि नाकु दाकळव ऊरगोळ अदिक मोहल्ला दा होगकु, ताम साटी येनारा तिनली कोंड कोमुल.”
\p
\v 37 लेकीन यीशु आंदरी उत्‍तर कोट्टुन, “नीवा आंदरी येनारा तिनली कोळी.”
\p चेलागोळ यीशु से अंदुर, “नाव येढ्ढ सौ दीनार\f + \fr ६:३७ \fr*\ft दीनार-ऊंद चाँदी इन सिक्‍का याने ऊंद दिन इन रोजी \ft*\f* इन रोट्टीगोळी कोंडेव, अदिक आंदरी तिनसेव?”
\p
\v 38 इदुरसाटी यीशु आंदुर से अंदुन, “होगकु नोळी नीम हात्‍ती यास रोट्टीगोळ आव?”
\p आंदुर मालूम माळकु अंदुर, “अईद रोट्टीगोळ अदिक येढ्ढ मेन.”
\p
\v 39 आग यीशु तान चेलागोळी आग्या कोटुन, कि सब मुंदरी हसीद काड्डा मा पंगत पंगत दा कुर्स बुळी. 
\v 40 आग आंदुर सौ सौ अदिक पचास पचास माळकु पंगत पंगत दा कुरतोदुर. 
\v 41 आव आ अईद रोट्टीगोळी अदिक येढ्ढ मेनगोळी हुळदुन, अदिक स्वर्ग दी नोळकु परमेश्वर उक धन्यवाद माळदुन, अदिक रोट्टीगोळ मुरू-मुरूकु चेलागोळी कोळतोदुन कि आंदुर लॉकुरी वाळसुल, अदिक अव येढ्ढ मेनगोळ भी आ सब मुंदुर दा वाळ्स बुट्टुन. 
\v 42 अदिक सब मुंदुर तिनकु संतुष्ट आगेदुर. 
\v 43 अदिक चेलागोळ मिक्‍कु रोट्टीगोळ अदिक मेनगोळ्द तुकळा देल हन्नेळ फुट्टीगोळ तुमकु नेगदुर. 
\v 44 यार रोट्टीगोळी तिंदुर, आंदुर्दा सिर्फ मंळसागोळ्द संख्या अईद हजार ईरोद.
\s यीशु उन नीर मा नळोद
\r (मत्ती १४:२२-३३; यूहन्ना ६:१५-२१)
\p
\v 45 आग यीशु तुरन्त तान चेलागोळी ड्वांगा मा कुरोर साटी मजबुर माळदुन कि आंदुर आऊन से पयले झील इन आप्पाटी बैतसैदा नगर इक होटोगुल, कि आव आगासताका लॉकुरी सार माळ्यान. 
\v 46 लॉकुरी सार माळकु यीशु पहाळी मा प्रार्थना माळली होटोदुन. 
\v 47 याग द्याव मुळकेत, रा आग ड्वांगा झील इन न्याड्या दा ईरोद, अदिक यीशु आबना क्यार्रा अन्द भूमी इन किनारा मा ईरोन. 
\v 48 याग यीशु नोळदुन कि आंदुर ड्वांगा नळ्स नळ्सकु घबरूसेग्यार, यतिकी आँधी ड्वांगा अन्द ऊलट ईरोद, रा ईळ्लक इन मुर अदिक आर पहर इन हात्‍ती आव झील मा नळुतेला आंदुर हात्‍ती बंदुन; अदिक आंदुर से मुंद होटबुळोद चाहासोन. 
\v 49 लेकीन आंदुर आऊक झील मा नळुतेला नोळकु रा सम्सदुर कि ईद ऊंद भूत हुन, अदिक चिल्ळास कुरतुर;
\p
\v 50 यतिकी सप्पा मुंदुर आऊक नोळकु अंजेगीदुर. लेकीन यीशु तुरन्त आंदुर से मात हेळदुन अदिक अंदुन, “हिम्मत ईटी: ना हुईन; अंजबाळी!” 
\v 51 आग आव आंदुर हात्‍ती ड्वांगा मा बंदुन, अदिक हवा रूकसेत: अदिक आंदुर हापाळ अच आश्चर्य माळली कुरतुर. 
\v 52 आ चेलागोळ अईद हजार लॉकुरी रोट्टीगोळ तिनसोद मात सम्स ईला सकीदुर, यतिकी आंदुर अव मन कट्टर आगेगीदव.
\s गन्नेसरत दा यीशु रोगीगोळी चंगा माळदुन
\r (मत्ती १४:३४-३६)
\p
\v 53 यीशु अदिक आऊन चेलागोळ आप्पाटी ईळुकु गन्नेसरत इन भूमी मा पोहचुसदुर, अदिक ड्वांगा घाट इन किनारा मा हचदुर. 
\v 54 याग आंदुर ड्वांगा मा टु ईळदुर, रा लॉकुर तुरन्त यीशु उक अर्त कोंडुर. 
\v 55 आसपास इन पुरा प्रदेश दा हरदुर, अदिक बिमारगोळी व्हर्स मा मिंग्सकु, येल येल समाचार केळदुर कि आव हुन, अल अल हरूतेला वयाळदुर. 
\v 56 अदिक येल्यारा यीशु ऊरगोळ, नगरगोळ या मोहल्ला दा होगतोगोन, रा लॉकुर बिमारगोळी सात्‍तागोळ दा ईटकु आऊन से विनती माळतोगोर, कि आव आंदरी तान कपळा अन्द पल्लाक अच मुट गोळुल: अदिक यास आऊक मुटतोगोर, आंदुर सब चंगा आगेगोर.
\c 7
\s पुर्वजगोळ्द परंपरा अन्द प्रश्न
\r (मत्ती १५:१-९)
\p
\v 1 आग फरीसी अदिक थ्वाळासा शास्त्री जो यरूशलेम टु बंदीदुर, यीशु उन आसपास जमा आदुर, 
\v 2 आंदुर नोळदुर कि फरीसीगोळ्द शिक्षा अन्द अनुसार अशुध्द मतलब बिना कय तोळ्द आऊन चेलागोळ रोट्टीगोळ तिनेत्यार.
\p
\v 3 यतिकी फरीसी अदिक सप्पा यहूदी, तान पुर्वजगोळ्द परंपरा मा नळुतार, अदिक आंदुर आगासताका ऊमालुर यागासताका वळ्लीसा कय तोळ्द कोमालुर. 
\v 4 सात्‍ता टु तर्त यातोदु चिज इक बिना तोळ्द तिनालुर, अदिक हिंग हापाळ सा दुसरा मातगोळ आव, जो पुर्वजगोळ्द शिक्षा अन्द अनुसार आंदुर हात्‍ती मानसोर साठी पोहचुस्कु आग्याद, जसा कटोरा, अदिक गळु, व्हर्स अदिक तांबा नव बरतनगोळी तोळोद.
\p
\v 5 इदुरसाटी आ फरीसी अदिक नियम इन शास्त्रीगोळ आऊन से केळदुर, “नीनोर चेलागोळ येती पुर्वजगोळ्द परंपरा अन्द पालन माळालुर, अदिक बिना कय तोळ्द रोट्टी तिनतार?”
\p
\v 6 यीशु आंदुर से अंदुन, यशायाह नीम कपटीगोळ्द बारा दा खरा अच भविष्यवाणी माळीदुन; ह्यांग लिख्सकु आद;
\q1 ई लॉकुर टुटगोळ देल रा नान आदर माळतार,
\q2 लेकीन इंदुर मन नान से दुर ईरतद.
\q1
\v 7 इंदुर बेकार अच नान उपासना माळतार,
\q2 यतिकी इंदुर खुद इन नियमगोळी
\q2 परमेश्वर उन नियम माळकु कल्सतार.
\p
\v 8 यतिकी नीव परमेश्वर उन आग्या अक टाल्सकु मंळसागोळ्द रीतीगोळी मान्सतीर.
\p
\v 9 यीशु आंदुर से अंदुन, नीव परमेश्वर उन आग्या अक टाल्सदुर दा बळा चतुर आगेगीर, कि तान परंपरागोळ्द स्थापना माळ सक्‍कीर. 
\v 10 यतिकी मूसा अंदान, तान आप्प अदिक तान मोय इन आदर माळी अदिक जो यावारा भी तान आप्प या मोय इक बुरा भला अनुल, रा आऊक जरूर कोंद बुळी. 
\v 11 लेकीन नीव अनतीर कि अगर यावारा तान आप्प या मोय से अनुल, जो येनारा नीनी नान से लाभ आग सकोद, अद ना पयले टु उच परमेश्वर उक अर्पित माळ बुटीन. 
\v 12 रा नीमी आऊन आप्प या आऊन मोय इन स्यावा ईला माळोद बहाना सिक्‍केगतद. 
\v 13 ई प्रकार देल नीव लॉकुर तान परंपरागोळ देल, नियम ठहरूस्तीर, अदिक परमेश्वर उन वचन टाल्स बुळतीर; अदिक हिंग हापाळ सा मातगोळ माळतीर.
\s मंळसागोळी अशुध्द माळव मातगोळ
\r (मत्ती १५:१०-२०)
\p
\v 14 आग यीशु लॉकुरी तान हात्‍ती कारूकु आंदुर से अंदुन, “नीव सब नान मातगोळ केळी, अदिक समसी. 
\v 15 हिंग रा यातोद भी वस्तु ईलच जो मंळसा दा व्हार्या टु बुळ्क बंदकु आऊक अशुध्द माळीत लेकीन जो वस्तुगोळ मंळसा अन्द बुळ्क टु व्हार्या होळताव अव अच रा मंळसा अक अशुध्द माळताव. 
\v 16 \f + \fr ७:१६ \fr*\ft अगर यारोवारा केळव किव आव रा केळ कोमुल\ft*\f*अगर यारोवारा केळव किव आव रा केळ कोमुल.”
\p
\v 17 याग यीशु भीळ इन हात्‍ती टु मान्या होदुन, रा आऊन चेलागोळ ईद उदाहरण इन बारा दा आऊन से केळकु समझुसली हेळदुर. 
\v 18 यीशु आंदुर से अंदुन, येन नीव भी हिंग नासमज आईर? येन नीव समसालीर कि जो वस्तु व्हार्या टु मंळसा अन्द बुळ्क होगतद, अद आऊक अशुध्द माळ सकाल? 
\v 19 यतिकी अद आऊन मन दा ईला, लेकीन आऊन व्हाट्टा दा होगतद अदिक थाळ्लकु दा टु व्हार्या होट्ट बुळतद! ईद अनकु आव सप्पा भोजन वस्तुगोळी शुद्ध ठहरूसदुन.
\p
\v 20 बाक यीशु अंदुन, “जो मंळसा अन मन दा टु होळतद, अदा मंळसा अक अशुध्द माळतद. 
\v 21 यतिकी बुळ्क टु, मतलब कि मंळसा अन मन दा टु, बेकार-बेकार विचार, व्यभिचार, दुष्टता, काळ्लपनी, कोन्नोद, परस्त्रीगमन, 
\v 22 लोभ, छल-कपट, लुचपन, बुरानजर, ईर्ष्या, अपमान, अभिमान, अहंकार अदिक मूर्खता होळतद. 
\v 23 ई सप्पा बुरा मातगोळ मन इन बुळ्क टु होळताव अदिक मंळसा अक अशुध्द माळताव.”
\s गैरयहूदी आर्त इन विश्वास
\r (मत्ती १५:२१-२८)
\p
\v 24 बाक यीशु अल टु यदकु सूर इन आसपास इन प्रदेश दा बंदुन; अदिक ऊंद मान्या होदुन अदिक आव ईला चाहासोन कि यारीकु पता नळुल; कि आव अल आन लेकीन तरी भी आव होचकोम सकिदील. 
\v 25 अदिक तुरन्त ऊंद आर्त यार्द स्यांळ्द पोर इन दा दुष्टआत्मा ईरोद, आऊन बारा दा केळकु, अदा घनी आऊन हात्‍ती बंदुर अदिक आऊन कालगोळ मा बिदोदुर. 
\v 26 ई आर्त गैरयहूदी ईरोर अदिक सीरिया अन्द फिनीकी दा पैदा आगीदुर. आक यीशु से विनती माळदुर कि नान पोर इन दा टु दुष्टआत्मा तेगुकोळ. 
\v 27 यीशु आकिन से अंदुन, “पयले पारगोळी संतुष्ट आगगोळ, यतिकी पारगोळ्द रोट्टी हुळकु नायगोळ्द मुंद हाक्‍कोद उचित हैलेच.”
\p
\v 28 लेकीन आ आर्त यीशु उक उत्‍तर कोट्टुर, “खरा आद प्रभु; तरी भी नायगोळ भी रा मेज इन ल्यालमा चिकोर्द रोट्टी इन चुराचारा तिन कोमताव.”
\p
\v 29 इदुरसाटी यीशु आ आर्त इन से अंदुन, “ई उत्‍तर इन कारण देल होटोग; दुष्टआत्मा नीन पोर इन मय दा टु होटबुटाद.”
\p
\v 30 अदिक आक तान मान्नी बंदकु नोळदुर कि पोर व्हर्स मा मिंगकु आर, अदिक दुष्टआत्मा आकिन मय दा टु होटबुटाद.
\s यीशु बयरा अदिक तोतळा मंळसा अक चंगा माळदुन
\p
\v 31 बाक यीशु सूर हेसुर इन प्रदेश टु होटकु सैदा टु आगतेला गलील इन क्यार्रा मा बंदकु आव दिकापुलिस ताका बंदुन. 
\v 32 रा लॉकुर ऊंद बयरा अक जो तोतळा भी ईरोन, यीशु उन हात्‍ती तंदकु आंदुर आऊन से विनती माळदुर कि तान कय आऊन मा ईटुल. 
\v 33 आग यीशु आऊक भीळ टु अलग आबना दा ओतुन, अदिक तान बेळ्लगोळी आऊन किव दा हाकदुन, अदिक ऊगुळकु आऊन ल्यालग्या अक मुटदुन; 
\v 34 अदिक स्वर्ग इन दी नोळकु लंबा सास ताकोंडुन, अदिक आऊन से अंदुन, “इप्फत्‍तह!” मतलब “तेरदोग!”
\p
\v 35 अदिक आऊन अव किव तेरदोदव, अदिक आऊन ल्यालग्या अन्द गाठ भी तेरदोत, अदिक आव साफ साफ माताळली कुरतुन. 
\v 36 आग यीशु आंदरी चेतावनी कोट्टुन कि यारीकु हेळबाळी; लेकीन याट आव आंदरी चेतावनी कोटीदुन आट अच आंदुर मात प्रचार माळली कुरतुर. 
\v 37 आंदुर हापाळ अच आश्चर्य चकित आगकु अनली कुरतुर, “यीशु याट वळ्लीद तरीका देल ई सब येनारा माळतान; आव बयरागोळी भी केळोद, अदिक मुक्‍कागोळी माताळोद शक्ति कोळतान.”
\c 8
\s नाक हजार लॉकुरी ऊमली कोळोद
\r (मत्ती १५:३२-३९)
\p
\v 1 आ दिनगोळ दा याग धोळ्द भीळ जमा आत, अदिक आंदुर हात्‍ती तिनली येनु ईला ईरोद, रा यीशु तान चेलागोळी हात्‍ती कारूकु आंदुर से अंदुन, 
\v 2 “नानी ई भीळ मा हापाळ दया बरेत्याद यतिकी इंदुर मुर दिन टु बराबर नान सांगुळ आर, अदिक इंदुर हात्‍ती तिनली येनु हैलेच! 
\v 3 अगर ना आंदरी उपासी मान्या कळाईन, रा हादी मा थक्सकु बिदोदार; यतिकी आंदुर दा टु यार यारारा हापाळ दुर टु बंदार.”
\p
\v 4 यीशु उन चेलागोळ आऊक उत्‍तर कोट्टुर, “ईल आळी दा ईस रोट्टी यारारा यल टु तर सकतार कि इंदुर संतुष्ट आगुल?”
\p
\v 5 यीशु आंदुर से केळदुन, “नीम हात्‍ती यास रोट्टीगोळ आव?”
\p आंदुर अंदुर, “येळ.”
\p
\v 6 आग यीशु भीळ इक ल्यालमा कुरोद आदेश कोट्टुन, अदिक आ येळ रोट्टीगोळी हुळदुन, अदिक परमेश्वर उक धन्यवाद माळकु मुरदुन, अदिक अवरी तान चेलागोळी कोट्टुन कि आंदुर आ मंळसागोळ मुंद ईटुल, अदिक आंदुर लॉकुर मुंद वाळ्स बुटुर! 
\v 7 आंदुर हात्‍ती थ्वाळासा स्याणेव मेनगोळ भी ईरव. आव अऊर मा परमेश्वर उक धन्यवाद माळकु अवरी भी लॉकुर दा वाळ्सली अंदुन. 
\v 8 आंदुर तिनकु संतुष्ट आगेदुर अदिक चेलागोळ जो मिग्द तुकळागोळ येळ फुट्टी तुमकु नेगदुर! 
\v 9 अदिक लॉकुर नाक हजार इन हात्‍तीपास ईरोर. यीशु आंदरी विदा माळदुन, 
\v 10 अदिक आव तुरन्त तान चेलागोळ सांगुळ ड्वांगा मा येरकु दलमनुता प्रदेश इक होटोदुन.
\s फरीसीगोळ यीशु उक चमत्कार माळली अंदुर
\r (मत्ती १२:३८-४२; १६:१-४)
\p
\v 11 \x + \xo ८:११ \xo*\xt मत्ती १२:३८; लूका ११:१६\xt*\x*बाक फरीसी बंदकु यीशु से बैसबाजी माळली कुरतुर, अदिक आऊन परीक्षा ताकोमोर साटी आंदुर आऊन से ऊंद स्वर्गीय चमत्कार बेळदुर! 
\v 12 \x + \xo ८:१२ \xo*\xt मत्ती १२:३९; लूका ११:२९\xt*\x*आव तान आत्मा दा आह तुमकु अंदुन, “ई समय इन लॉकुर योना अन्द चमत्कार येती ढुंढ्सतार? ना नीम से खरा-खरा अनतीन कि ई समय इन लॉकुरी येनु चमत्कार कोटकु आगतीदील.”
\p
\v 13 अदिक यीशु आंदरी बिटकु ड्वांगा मा येरेदुन अदिक दुसरा किनारा मा होटोदुन.
\s फरीसीगोळ अदिक हेरोदेस उन खमीर
\r (मत्ती १६:५-१२)
\p
\v 14 चेलागोळ रोट्टी हुडोद मारतोगीदुर, अदिक ड्वांगा मा आंदुर हात्‍ती ऊंद अच रोट्टी ईरोद! 
\v 15 \x + \xo ८:१५ \xo*\xt लूका १२:१\xt*\x*यीशु आंदरी चेतावनी कोटकु अंदुन, “नोळी, फरीसी नव खमीर\f + \fr ८:१५ \fr*\ft खमीर-फरीसीगोळ्द गलत शिक्षा\ft*\f* अदिक हेरोदेस ईनव खमीर देल सावधान ईरी.”
\p
\v 16 आंदुर आपस दा मातचीत माळली कुरतुर, कि “नाम हात्‍ती रोट्टी हैलेच अनकु आव हिंग अनेत्यान.”
\p
\v 17 ईद जान्सकु यीशु आंदुर से अंदुन, “नीव आपस दा येती ईद विचार माळेतीर कि नाम हात्‍ती रोट्टी ईलच? येन नीम मन कट्टर आगेग्याव? 
\v 18 \x + \xo ८:१८ \xo*\xt मरकुस ४:१२\xt*\x*येन कण्ण ईतकु भी नीव नोळ सकालीर? अदिक किव ईतकु भी केळ सकालीर? अदिक येन नीमी याद ईलच?”
\p
\v 19 कि याग ना अईद हजार लॉकुर साटी अईद रोट्टी मुरदिदीन रा नीव तुकळा गोळ्द यास फुट्टी तुमकु नेगदिदीर? आंदुर यीशु से अंदुर, “हन्नेळ फुट्टीगोळ.”
\p
\v 20 अदिक येन नीमी याद हैलेच कि “याग ना नाक हजार लॉकुर साटी येळ रोट्टी मुरदिदीन रा नीव तुकळा गोळ्द यास फुट्टी तुमकु नेगदिदीर?”
\p आंदुर आऊन से अंदुर, येळ फुट्टीगोळ.
\p
\v 21 बाक यीशु आंदुर से केळदुन, “येन नीव ईगासताका समसीदील?”
\s यीशु बैतसैदा दा ऊंद कुढ्ढ मंळसा अक चंगा माळदुन
\p
\v 22 आंदुर बैतसैदा दा बंदुर; अदिक लॉकुर ऊंद कुढ्ढ मंळसा अक आऊन हात्‍ती तंदुर अदिक यीशु उन से विनती माळदुर कि आऊक मुट्ट. 
\v 23 आव कुढ्ढ मंळसा अन्द कय हुळकु आऊक ऊर इन व्हार्या ओतुन, अदिक आऊन कण्णगोळ मा उगुळकु आऊन मा कय ईटदुन, अदिक आऊन से केळदुन, “येन नीनी येनारा कांळ्सतद?”
\p
\v 24 आव कण्ण नेगुकु अंदुन, “ना मंळसागोळी नोळ सकतीन; आंदुर नानी मार्रगोळ आसपास नळुतेला कांळ्सीत्यार.”
\p
\v 25 आग यीशु दुबारा आऊन कण्णगोळ मा कय ईटदुन, अदिक आ कुढ्ढ मंळसा ध्यान देल नोळदुन. आव चंगा आगेदुन, अदिक सब साफ-साफ नोळली कुरतुन. 
\v 26 यीशु आऊक ईद अनकु मान्नी कळुदुन, “ईद ऊर इन बुळ्क टु आगकु होगबाळ सीधा तान मान्नी होग.”
\s पतरस उन यीशु उक मसीह स्वीकार माळोद
\r (मत्ती १६:१३-२०; लूका ९:१८-२१)
\p
\v 27 यीशु अदिक आऊन चेला कैसरिया फिलिप्पी इन ऊरगोळ दा होटोदुर! हादी मा आव तान चेलागोळ से केळदुन, “लॉकुर नान बारा दा येन अनतार कि ना याव हुईन?”
\p
\v 28 \x + \xo ८:२८ \xo*\xt मरकुस ६:१४,१५; लूका ९:७,८\xt*\x*आंदुर उत्‍तर कोट्टुर, ईव “यूहन्ना बपतिस्मा कोळावाळा; पर यारारा ईव एलिय्याह अदिक यारारा ईव भविष्यवक्तागोळ दा टु यावारा ऊंद हुन.”
\p
\v 29 \x + \xo ८:२९ \xo*\xt यूहन्ना ६:६८,६९\xt*\x*यीशु आंदुर से केळदुन, “लेकीन नीव नानी येन अनतीर?”
\p पतरस आऊक उत्‍तर कोट्टुन, “नी मसीह उध्दारक हुय.”
\p
\v 30 आग आव आंदरी आग्या कोटकु अंदुन कि नान बारा दा यारीकु हेळबाळेतीर!
\s तांद मृत्यु अदिक पुनरूत्थान इन बारा दा यीशु उन भविष्यवाणी
\r (मत्ती १६:२१-२८; लूका ९:२२-२७)
\p
\v 31 आग यीशु तान चेलागोळी कल्सली कुरतुन कि मंळसा अन पार उन साटी जरूरी आद कि आव हापाळ दुख नेगदान, अदिक स्याणा अदिक प्रधान याजक, अदिक नियम शास्त्रीगोळ द्वारा ठहरूसकु आगकु आऊक तुच्छ सम्सकु कोंदबुटार, लेकीन आव मुर दिन इन बाद्दा जित्‍ता आगेदान. 
\v 32 आव ईद मात आंदुर से साफ-साफ अंद बुट्टुन. इदुर मा पतरस आऊक दनकुसकु अंदुन हिंग आगसकाल. 
\v 33 लेकीन यीशु तिर्गकु तान चेलागोळ दी नोळदुन, अदिक पतरस उक दनकुसकु अंदुन, “हे शैतान, नान मुंद टु दुर आग; यतिकी नी परमेश्वर उन मात मा ईला, लेकीन मंळसा अन मातगोळ मा मन हचत्या.”
\p
\v 34 \x + \xo ८:३४ \xo*\xt मत्ती १०:३८; लूका १४:२७\xt*\x*यीशु भीळ इक तान चेलागोळ सांगुळ हात्‍ती कारूकु आंदुर से अंदुन, “जो यावारा नान हिंद बरोद चाहासतान, आव तान खुद इन इनकार माळुल अदिक आऊक दुख नेगोद बिद्दीत अदिक सायोद बिद्दीत आवा, तान क्रूस\f + \fr ८:३४ \fr*\ft क्रूस-दुख इन प्रतिक\ft*\f* नेगुकु, नान हिंद आगुल. 
\v 35 \x + \xo ८:३५ \xo*\xt मत्ती १०:३९; लूका १७:३३; यूहन्ना १२:२५\xt*\x*यतिकी जो यावारा तान जीव ऊळसोद चाहास्यान आव अदरी खोऊस्यान, लेकीन जो यावारा नान अदिक खुशखबरी इन साटी तान जीव खोऊस्यान, आव अदरी ऊळस्यान. 
\v 36 अगर मंळसा पुरा दुनिया अक हासिल माळुल अदिक तान जीव इन नुकसान आगगोळुल, रा आऊक येन लाभ आदीत? 
\v 37 मंळसा तान जीव इन बदला दा येन कोट्टान? 
\v 38 जो यावारा ईद व्यभिचारी अदिक पापी जाती इन न्याड्या नान से अदिक नान मातगोळ देल लाजुस्यान, ना मंळसा अन पार याग पवित्र स्वर्गदूतगोळ सांगुळ तान आप्प उन महिमा अन्द सांगुळ बराईन, आग आव नान से भी लाजुस्यान आंदरी भी ना अपनुसाईन.”
\c 9
\p
\v 1 यीशु आऊन से अंदुन, “ना नीम से खरा-खरा अनतीन कि जो ईल नीदुरकु आर, आंदुर दा टु यारारा-यारारा हिंग आर, कि यागासताका परमेश्वर उन राज्य अक सामर्थ्य सहित बर्त नोळकोमालुर, आगासताका आंदुर सायतीदील.”
\s यीशु उन रूप बदलुसोद
\r (मत्ती १७:१-१३; लूका ९:२८-३६)
\p
\v 2 \x + \xo ९:२ \xo*\xt २ पतरस १:१७,१८\xt*\x*आर दिन इन बाद्दा यीशु, पतरस, याकूब अदिक यूहन्ना अक सांगुळ हुळदुन, अदिक आबना अन दा ऊंद धोळ्द पहाळी मा ओतुन. अल आंदुर मुंद आऊन रूप बदलुसेत, 
\v 3 अदिक आऊन कपळा हिंग चमकुसली हतदव अदिक ईल ताका उजुळ आत, कि पृथ्वी मा यातोवारा धोबी भी हांग उजुळ माळ सकालुन. 
\v 4 अदिक आंदरी मूसा अन्द सांगुळ एलिय्याह कांळ्सदुन; आंदुर यीशु उन सांगुळ मात माळतोगोर! 
\v 5 इदुर मा पतरस यीशु से अंदुन, “हे गुरु, नाम ईल ईरोद वळ्लीसा आद: इदुरसाटी नाव मुर हांद्रा माळाता; ऊंद नीन साटी, ऊंद मूसा साटी, अदिक ऊंद एलिय्याह अन्द साठी.” 
\v 6 पतरस ईला जानसोन कि येन उत्‍तर कोळाईन, इदुरसाटी कि आंदुर हापाळ अंजेगीदुर!
\p
\v 7 \x + \xo ९:७ \xo*\xt मत्ती ३:१७; मरकुस १:११; लूका ३:२२\xt*\x*आग ऊंद बादल आंदरी घेर्सकोम्त, अदिक आ बादल दा टु ईद आवाज होळ्त, इव नान प्रिय पार हुन, ईऊन केळी. 
\v 8 आग आंदुर अचानक नाकु दी नजर माळकु नोळदुर, अदिक यीशु उक बिटकु तान सांगुळ अदिक यारीकु नोळीदील.
\p
\v 9 पहाळी मा टु ईळा होती यीशु आंदरी आग्या कोट्टुन कि यागासताका ना मंळसा अन पार सोत्‍तुर दा टु जित्‍ता आगालीन, आगासताका जो येनारा नीव नोळीर अद यारीकु हेळबाळेतीर.
\p
\v 10 आंदुर आऊन आग्या अक मान्सदुर; अदिक आपस दा चर्चा माळली हतदुर, “सोत्‍तुर दा टु जित्‍ता आगोद येन मतलब आद?” 
\v 11 \x + \xo ९:११ \xo*\xt मत्ती ११:१४\xt*\x*अदिक आंदुर आऊन से केळदुर, “बाक शास्त्री यती अनतार कि एलिय्याह अन्द पयले बरोद जरूरी आद?”
\p
\v 12 आव आंदरी उत्‍तर कोट्टुन, “एलिय्याह खराखुरा पयले बंदकु सब येनारा सुधार्सली बंदान, लेकीन मंळसा अन पार उन बारा दा ईद येती लिख्सकु आद कि आव हापाळ दुख नेगदान, अदिक ठुकरूस्कु आदान? 
\v 13 लेकीन ना नीम से अनतीन, कि एलिय्याह रा होटबंदुन, अदिक जसा आऊन बारा दा लिख्सकु आद, आंदुर ह्यांग चाहासदुर हांग अच आऊन सांगुळ माळदुर.”
\s यीशु दुष्टआत्मा हतकु पार उक चंगा माळदुन
\r (मत्ती १७:१४-२१; लूका ९:३७-४३)
\p
\v 14 याग यीशु चेलागोळ हात्‍ती बंदुन, रा नोळदुन कि आंदुर्द नाकु दी धोळ्द भीळ हतकु आद, अदिक नियम इन शास्त्री आंदुर सांगुळ विवाद माळीत्यार. 
\v 15 आऊक नोळतेला अच सप्पा लॉकुर हापाळ आश्चर्य माळली कुरतुर, अदिक ह्यांग आंदुर यीशु उक नोळदुर रा आऊन दी ओळकु आऊक नमस्कार माळदुर. 
\v 16 यीशु आ चेलागोळ से केळदुन, “नीव इंदुर से येन बहस माळेतीर?”
\p
\v 17 भीळ दा टु ऊंद मंळसा यीशु उक उत्‍तर कोट्टुन, “हे गुरु, ना तान पार उक, यारदा मुक्‍की आत्मा समुस्याद, अदिक आव माताळ सकालुन नीन हात्‍ती तंदिदीन. 
\v 18 आक आऊक येल्यारा भी हुडूतार, अल्या पटकुस बुळतार: अदिक आव बाय दा फेस तरतान, अदिक हल्ल कचतान, अदिक वंळ्गतेला होगतान. ना नीन चेलागोळ से अंदीन कि नीव आ दुष्टआत्मा अक तेगी, लेकीन आंदुर तेगु सकिदील.”
\p
\v 19 ईद केळकु यीशु चेलागोळी उत्‍तर कोटकु अंदुन, “हे अविश्वासी लॉकुरा, ना यागासताका नीम सांगुळ ईराइन? अदिक यागासताका नीम्द सहन माळाईन? आ पार उक नान हात्‍ती तरी.”
\p
\v 20 आग आंदुर आ पार उक आऊन हात्‍ती तंदुर: अदिक याग आव आऊक नोळदुन, रा अद आत्मा तुरन्त आऊक मुरकुळस्त; अदिक आव जागा मा बिद्दुन, अदिक बाय दा टु फेस तेगुतेला गळबळी तिनली कुरतुन.
\p
\v 21 यीशु आऊन आप्प उन से केळदुन, “ईऊंद हिंग दशा यागी टु आद?” आव अंदुन, “बचपन टु. 
\v 22 आ दुष्टआत्मा ईऊक कोन्नोर साटी यागलु बेक्‍की दा अदिक यागलु नीर दा केडुकु कोन्नोद कोशिश माळतद; लेकीन अगर नी येनारा माळ सकत्या रा, नाम मा तरस तिनकु नाम सहायता माळ.”
\p
\v 23 यीशु आऊन से अंदुन, “अगर नी माळ सकत्या? रा विश्वास माळ. यतिकी विश्वास माळावाळेर साटी सब येनारा आग सकतद.”
\p
\v 24 पार उन आप्प तुरन्त गिळगिळास्कु अंदुन, “हे प्रभु, ना विश्वास माळतीन, लेकीन नान विश्वास काफी हैलेच नांद अविश्वास इन उपाय माळ.”
\p
\v 25 याग यीशु नोळदुन कि लॉकुर ओळकु भीळ जमा माळीत्यार, रा आव दुष्टआत्मा अक ईद अनकु दनकुसदुन, “हे मुक्‍की अदिक दुश्मन दुष्टआत्मा, ना नीनी आग्या कोळतीन, आऊन दा टु होळबुळ, अदिक आऊन दा बाक यागलु प्रवेश माळबाळेत.”
\p
\v 26 आग दुष्टआत्मा चिळ्लासकु अदिक आऊक हापाळ मुरकुळ्सकु, होट्ट बुळ्त; अदिक पार सोत्‍तुर घाई आगेदुन, ईल ताका कि हापाळ लॉकुर अंदुर, “आव सोतोदुन.” 
\v 27 लेकीन यीशु आऊन कय हुळकु आऊक येब्सदुन. अदिक आव पार नीदरेदुन.
\p
\v 28 याग यीशु मान्नी बंदुन, रा आऊन चेलागोळ आबना दा आऊन से केळदुर, “नाव आ दुष्टआत्मा अक आ पार उन दा टु यती तेगु सकिदील?”
\p
\v 29 आव आंदुर से अंदुन, “ईद प्रार्थना अन्द अलावा अदिक दुसरा उपाय देल होळ सकाल.”
\s तान सायोद बारा दा यीशु उन मात्‍त: भविष्यवाणी
\r (मत्ती १७:२२-२३; लूका ९:४३-४५)
\p
\v 30 बाक यीशु अदिक आऊन चेला अल टु होटकु, गलील टु आग्त होगोर. आव ईला चाहासोन कि यारीकु भी पता आगुल कि ना ईल आईन, 
\v 31 यतिकी आव तान चेलागोळी उपदेश कोळोन अदिक आंदुर से अनतोगोन, “ना मंळसा अन पार, मंळसा अन कयदेला हुळसुस्कु आगाईन, अदिक आंदुर नानी कोंद बुट्टार; अदिक ना सोतकु मुर दिन इन बाद्दा जित्‍ता आगाईन.”
\p
\v 32 पर ईद मात आंदुर्द समझ दा बंदिदील, अदिक चेलागोळ यीशु उक केळोर से अंजतोगोर.
\s सब से धोड्डेव याव?
\r (मत्ती १८:१-५; लूका ९:४६-४८)
\p
\v 33 बाक आंदुर कफरनहूम दा बंदुर; अदिक मान्ना दा बंदकु यीशु चेलागोळ से केळदुन, “हादी मा नीव याता मात मा बहस माळीर?”
\p
\v 34 \x + \xo ९:३४ \xo*\xt लूका २२:२४\xt*\x*लेकीन आंदुर सुंग्गा ईत्‍तुर, यतिकी हादी मा आंदुर आपस दा ईद बहस माळीदुर कि नाम दा टु धोड्डेव याव आन. 
\v 35 \x + \xo ९:३५ \xo*\xt मत्ती २०:२६,२७; २३:११; मरकुस १०:४३,४४; लूका २२:२६\xt*\x*आग यीशु कुर्तकु हन्नेळ चेलागोळी कारदुन अदिक आंदुर से अंदुन, “अगर यावारा धोड्डेव आगोद चाहासतान, रा आव सब से स्याणेव अदिक सप्पा मुंदुर्द सेवक आगुल.” 
\v 36 अदिक आव ऊंद पार उक हुळकु आंदुर्द न्याड्या दा नीदरूसदुन, अदिक आऊक मोगुल दा हुळकु आंदुर से अंदुन, 
\v 37 \x + \xo ९:३७ \xo*\xt मत्ती १०:४०; लूका १०:१६; यूहन्ना १३:२०\xt*\x*“जो यावारा नान हेसुर देल ईत्‍ता पारगोळ दा टु यातोवारा ऊंद पार उक ग्रहण माळतान, आव नानी ग्रहण माळतान; अदिक जो यावारा नानी ग्रहण माळतान, आव नानी ईला, लेकीन नानी याव कळ्यान आव आऊक ग्रहण माळतान.”
\s जो विरोध दा ईरोन, आव पक्ष दा आदुन
\r (लूका ९:४९-५०)
\p
\v 38 आग यूहन्ना यीशु से अंदुन, “हे गुरु, नाव ऊंद मंळसा अक नीन हेसुर देल दुष्टआत्मागोळी तेगुतेला नोळदेव अदिक नाव आऊक मना माळली कुरतेव, यतिकी आव नाम समुह दाकळव ईला ईरोन.”
\p
\v 39 यीशु अंदुन, “आऊक मना माळबाळी; यतिकी हिंग यारू हैलेच जो नान हेसुर देल सामर्थ्य इन क्याल्सा माळुल, अदिक राटनेरी नानी बुरा अन सकुल, 
\v 40 \x + \xo ९:४० \xo*\xt मत्ती १२:३०; लूका ११:२३\xt*\x*यतिकी आव नाम्द विरोध दा हैलेच, आव नाम्द सांगुळ आन. 
\v 41 \x + \xo ९:४१ \xo*\xt मत्ती १०:४२\xt*\x*जो यावारा नीमी ऊंद वाटी नीर, इदुरसाटी कुळसुल कि नीव मसीह नोर हुईर, रा ना नीम से खरा माताळतीन कि आव तान प्रतिफल यातोदारा भी रीति देल खोऊसतिदिल.”
\s पाप माळावाळेरी इशारा
\r (मत्ती १८:६-९; लूका १७:१-२)
\p
\v 42 “जो यावारा भी स्याणेर दा टु नान मा विश्वास माळतार अदिक आंदरी यारारा ठोकर तिनस्यार रा आऊन साटी वळ्लीद ईद आद कि ऊंद धोळ्द चक्‍की इन पट्टा आऊन कुतक्या दा लटकुसकु आगुल अदिक आव समुद्र दा हाक्‍कु आगुल. 
\v 43 \x + \xo ९:४३ \xo*\xt मत्ती ५:३०\xt*\x*अगर नीन कय नीन पाप माळोद कारण बन्सतद रा वळ्लीद आद कि अदरी कळ्द बुळ. डुण्डा आगकु जीवन दा प्रवेश माळेत, नीन साटी इदुर से भला आद कि येढ्ढ कय ईतकु नी, नरक इन बेक्‍की दा हाक्‍कु आद्या जो यागलु नुनाल्द. 
\v 44 येल किळा सायाल्द अदिक बेक्‍की नुनाल्द. 
\v 45 अगर नीन काल पाप माळोद कारण आगुल रा अदरी कळ्द बुळ. लंगळा आगकु जीवन दा प्रवेश माळोद नीन साठी इदुर से वळ्लीद आद कि नी येढ्ढ काल ईतकु नरक दा हाक्‍कु आद्या! 
\v 46 येल किळा सायाल्द अदिक बेक्‍की नुनाल्द!\f + \fr ९:४६ \fr*\ft ईद वचन हाळोद नियम दा लिख्सकु हैलेच\ft*\f* 
\v 47 \x + \xo ९:४७ \xo*\xt मत्ती ५:२९\xt*\x*अगर नीन कण्ण नीनी ठोकर तिन्सतद रा, अदरी तेगुकु भीळ. वळ्लीद आद कि कुढ्ढ आगकु परमेश्वर उन राज्य दा प्रवेश माळ. अपेक्षा इदुर्द कि नी येढ्ढ कण्णगोळ ईतकु नरक दा हाक्‍कु आद्या! 
\v 48 यल किळा शाय्याल अदिक बेक्‍की नुनाल्द.”
\p
\v 49 यतिकी हर ऊंद मंळसा अक बेक्‍की देल शुद्ध माळकु आदीत? ह्यांग बलिदान उक ऊप्प देल शुद्ध माळकु आगतद?
\p
\v 50 \x + \xo ९:५० \xo*\xt मत्ती ५:१३; लूका १४:३४,३५\xt*\x*“ऊप्प रा वळ्लीसा आद; लेकीन अगर ऊप्प इन स्वाद ओळेत, रा अदरी मात नमकीन ह्यांग माळीर?”
\p ताम जीवन इक शुद्ध ईटी, जसा यातोदारा वस्तु ऊप्प देल शुद्ध माळकु आगतद, अदिक आपस दा संगीपना माळकु ईटी अदिक शांती देल ईरी.
\c 10
\s छोळ चिट्ठी इन बारा दा यीशु उन शिक्षा
\r (मत्ती १९:१-१२; लूका १६:१८)
\p
\v 1 बाक यीशु अल टु होटकु यहूदिया अन्द प्रदेश टु आगतेला यरदन गांगा अन क्षेत्र अन्द आप्पाटी बंदुन. अदिक भीळ मात्‍त आऊन हात्‍ती बंदकु जमा आगेत, अदिक आव तान रीति अन्द अनुसार आंदरी मात्‍त उपदेश कोळली कुरतुन.
\p
\v 2 आग थ्वाळासा फरीसीगोळ आऊन हात्‍ती बंदुर अदिक आऊक फसुशोर कोशिश दा आऊन से केळदुर, नामी हेळ “येन ईद नियम इन अनुसार सही आद कि यावारा मंळसा अन साटी ईद उचित आद कि आव तान हिंग्स उक छोळ चिट्ठी कोळुल?”
\p
\v 3 यीशु आंदरी उत्‍तर कोट्टुन, “मूसा नीमी यातोद नियम कोटान?”
\p
\v 4 \x + \xo १०:४ \xo*\xt मत्ती ५:३१\xt*\x*आंदुर यीशु उक अंदुर, मूसा इजाजत कोटान कि ऊंद मंळसा छोळचिट्टी लिख्सकु तान हिंग्स उक बिळ सकतान.
\p
\v 5 यीशु आंदुर से अंदुन, “मूसा नीम साटी ईद नियम लिखस्यान यतिकी नीमी कलसोद हापाळ मुश्किल आद. 
\v 6 लेकीन ह्यांग शास्त्र दा लिख्सकु आद, सुरूवात दा परमेश्वर आंदरी गंळ्स अदिक आर्त इन रूप दा माळदुन.” 
\v 7 ईद कारण देल ऊंद मंळसा तान मोय-आप्प उक बिटकु तान हिंग्स उन सांगुळ ईत्‍तान. 
\v 8 अदिक आंदुर येढ्ढु मुंदुर ऊंद तन आदार; इदुरसाटी आंदुर ईग येढ्ढ ईला पर ऊंद तन आर. 
\v 9 इदुरसाटी आंदुर ईग येढ्ढ ईला, लेकीन ऊंद तन आर. इदुरसाटी यारीक परमेश्वर जोळस्यान, अदरी यावारा भी मंळसा अलग माळबाळुल.
\p
\v 10 याग आंदुर बाक मान्या वापस बंदुर आग चेलागोळ इदुर बारा दा यीशु उक मात्‍त केळदुर. 
\v 11 \x + \xo १०:११ \xo*\xt मत्ती ५:३२; १ कुरिन्थि ७:१०,११\xt*\x*आव आंदुर से अंदुन, ऊंद मंळसा जो तान पयला हिंग्स उक छोळ चिट्ठी कोळतान अदिक दुसरा आर्त इन से मदा माळतान, रा आव तान पयला हिंग्स उन खिलाप व्यभिचार माळतान. 
\v 12 अदुर्दा घाई, ऊंद आर्त तान गांड्ड उक छोळ चिट्ठी कोळतार, अदिक दुसरा मंळसा से मदा माळतार रा आक तान पयला गांड्ड उन खिलाप व्यभिचार माळतार.
\s यीशु उन चिकोरगोळी आशिर्वाद
\r (मत्ती १९:१३-१५; लूका १८:१५-१७)
\p
\v 13 बाक लॉकुर चिकोरी यीशु उन हात्‍ती तरली कुरतुर कि आव आंदुर मा कय ईटुल, पर चेलागोळ लॉकुरी दनकुसदुर. 
\v 14 याग यीशु ईद नोळदुन रा सिट्टी बंदुन अदिक तान चेलागोळ से अंदुन, “चिकोरी नान हात्‍ती बरगोळी आंदरी मना माळबाळी, यतिकी परमेश्वर उन राज्य इंदुर्दा हुन. 
\v 15 \x + \xo १०:१५ \xo*\xt मत्ती १८:३\xt*\x*ना नीम से खरा अनतीन कि जो यावारा परमेश्वर उन राज्य चिकोर घाई हासिल माळालुन, रा आव परमेश्वर उन राज्य दा यागलु उच दाखल आग सकालुन.” 
\v 16 आग यीशु आ चिकोरी क्वारा दा हुळदुन, अदिक आंदुर मा तान कय ईटकु आंदरी आशिर्वाद कोट्टुन.
\s धनी मंळसा
\r (मत्ती १९:१६-३०; लूका १८:१८-३०)
\p
\v 17 याग यीशु अल टु होटकु हादी मा टु होगोन, रा ऊंद मंळसा आऊन हात्‍ती ओळतेला बंदुन, अदिक आऊन मुंद ट्वांगरा टेक्सकु आऊन से केळदुन, “हे वळ्लेव गुरु, अनन्त जीवन हासिल माळोर साटी नानी येन माळोद बिद्दीत?”
\p
\v 18 यीशु आ धनी मंळसा से अंदुन, “नी नानी वळ्लेव येती अनत्या? परमेश्वर उन अलावा यारू वळ्लेव हैलेच. 
\v 19 नी परमेश्वर उन आग्यागोळी जान्सत्या: ‘यारीकु कोन्न बाळी, व्यभिचार माळबाळी, चोरी माळबाळी, यारदारा खिलाप ख्वाटा गवाही कोळबाळी, बयमानी माळबाळी, तान आप्प अदिक तान मोय इन आदर माळी.’”
\p
\v 20 आ मंळसा यीशु से अंदुन, “हे गुरु, ना रा स्याणपणी टु ईव सप्पा मातगोळ्द पालन माळतेला बंदीन.”
\p
\v 21 यीशु आऊक प्यार देल नोळदुन अदिक अंदुन, “नीन दा ईग भी ऊंद मात इन कमी आद जो येनारा नीन हात्‍ती आद, अदरी मारकु अव पैस्या गरीब लॉकुर दा वाट्स बुळ. नीनी स्वर्ग दा धन सिक्‍कीत, अदिक बंदकु नान हिंद आगेग.” 
\v 22 याग आ मंळसा ई मातगोळी केळदुन रा आऊन मार्रा अन्द नीर हारेत अदिक आव उदास आगेदुन, यतिकी आव हापाळ धनी ईरोन.
\p
\v 23 यीशु नाकु दी नोळकु तान चेलागोळ से अंदुन, “आ लॉकुर साटी, यार्द हात्‍ती धन आद, आंदरी परमेश्वर उन राज्य दा प्रवेश माळोद याट कठिन आद!”
\p
\v 24 चेलागोळ आऊन मातगोळ देल अचम्भित आदुर. इदुर मा यीशु मात्‍त आंदरी अंदुन, “हे चिकोरगोळा, जो धन मा भरोसा ईटतार, आंदुर साटी परमेश्वर उन राज्य दा प्रवेश माळोद याट कठिन आद! 
\v 25 परमेश्वर उन राज्य दा धनवान उन प्रवेश माळदुर देल ऊँट इन मुग्ग दा टु चुजी होटबुळोद आसान आद!” \fig शयर इन दिवार अदिक दरवाजा अन व्हार्या व्यापारी ऊँट इक हादी तोर्सतान|alt="Merchant leading a camel outside a city wall and gate" src="hk00041c.tif" size="col" copy="Horace Knowles ©" ref="१०:२५"\fig*
\p
\v 26 इदुर मा चेलागोळ हापाळ चकित आगेदुर अदिक आबुर दाबुर से केळली कुरतुर, “रा बाक यार्द उद्धार आग सकतद?”
\p
\v 27 यीशु आंदुर दी नोळकु अंदुन, “ईद मंळसागोळ साटी असंभव आद, लेकीन परमेश्वर उन साटी सब येनारा सम्भव आद; यतिकी परमेश्वर से सब येनारा आग सकतद.”
\p
\v 28 आग पतरस यीशु उक अनली कुरतुन, “नोळ, नाव रा सप्पा येनारा बिटकु नीन हिंद आगेगेव.”
\p
\v 29 यीशु अंदुन, “ना नीम से खरा अनेतीन कि हिंग यारू हैलेच, जो नान साटी अदिक खुशखबरी इन साटी मान्ना या वार्टुरी या आकतींगेरी या मोय या आप्प या चिकोर-चिंळ्गेर या केईगोळी बिट बुटीदान, 
\v 30 ई वर्तमान युग दा यक्कुल हापाळ हासिल माळ्यार. आंदुर सौ गुणा यक्कुल मान्ना, वार्टुर, आकतींगेर, मोयगोळ, चिकोर अदिक केईगोळी हासिल माळ्यार. अदिक अऊर सांगुळ हापाळ दुखगोळी भी, अदिक बरावाळा युग दा आंदुर अनन्त जीवन हासिल माळ्यार. 
\v 31 \x + \xo १०:३१ \xo*\xt मत्ती २०:१६; लूका १३:३०\xt*\x*पर हापाळ सा लॉकुर जो पयला आर, आंदुर हिंदळोर आदार; अदिक जो हिंदळोर आर, आंदुर पयला आदार.”
\s तान सायोद बारा दा यीशु उन तिसरा भविष्यवाणी
\r (मत्ती २०:१७-१९; लूका १८:३१-३४)
\p
\v 32 यीशु अदिक आऊन चेलागोळ ईग यरूशलेम इक होगोद हादी मा ईरोर. यीशु तान चेलागोळ से मुंद-मुंद होगोन, चेलागोळ घबरूसकु ईरोर अदिक जो लॉकुर आऊन हिंद-हिंद नळोर आंदुर अंजकु ईरोर. ऊंद घन मात्‍त यीशु तान हन्नेळ चेलागोळी अलग वोतकु आंदुर से अव मातगोळी अनली कुरतुन, जो आऊन सांगुळ आगव ईरव. 
\v 33 आव आंदुर से अंदुन, “केळी, नाव यरूशलेम इक होगेतेव, अदिक मंळसा अन पार प्रधान याजकगोळ अदिक नियम उन शास्त्रीगोळ कय दा कोटकु आदान, अदिक आंदुर आऊक कोन्नोर साटी आऊन मा दोष हच्यार, अदिक आंदुर आऊक गैरयहूदीगोळ कय दा कोट्टार. 
\v 34 आंदुर आऊन मज्याक हारस्यार, आऊन मा ऊगळ्यार, आऊक क्वाळागोळ देल बळदार, आऊक जान देल कोंद बुट्टार, अदिक मुर दिन इन बाद्दा आव जित्‍ता आदान.”
\s याकूब अदिक यूहन्ना अन्द विनती
\r (मत्ती २०:२०-२८)
\p
\v 35 आग जब्दी इन पार याकूब अदिक यूहन्ना यीशु उन हात्‍ती बंदुर अदिक अंदुर, “हे गुरु, नाव चाहासतेव कि जो येनारा नाव नीन से बेळेव, अद नी नाम साटी माळेत.”
\p
\v 36 यीशु आंदुर से अंदुन, “नीव येन चाहासतीर कि ना नीम साटी माळाईन?”
\p
\v 37 आंदुर यीशु से अंदुर, “नामी ईद अधिकार कोळ कि नीन महिमा दा याग नी सिंहासन मा कुरत्या, रा नाव चाहासतेव कि नाम दा टु ऊंद नीन ऊमा कय दी अदिक दुसरा अपमान डाक्या कय दी कुरूल.”
\p
\v 38 \x + \xo १०:३८ \xo*\xt लूका १२:५०\xt*\x*लेकीन यीशु आंदुर से अंदुन, “नीव जान्सालीर कि नीव येन बेळेतीर. जो दुख इन प्याला ना कुडावाळा आईन, येन नीव कुडू सकतीर? अदिक जो बपतिस्मा ना ताकोमावाळा आईन येन नीव ताकोम सकतीर?”
\p
\v 39 आंदुर आऊन से अंदुर, “नाम से आग सकतद.” यीशु आंदुर से अंदुन, जो दुख इन प्याला ना कुडावाळा आईन,
\p नीव कुळदीर अदिक जो बपतिस्मा ना ताकोमावाळा आईन अदरी ताकोंडीर. 
\v 40 लेकीन नान अधिकार दा ईलच कि याव नान ऊमा कय दी अदिक डाक्या कय दी कुरतान. परमेश्वर यार साटी ईद तयार माळदुन, आंदरी बिटकु अदिक यारीकु तान ऊमा कय दी अदिक तान डाक्या कय दी कुरसोद नान क्याल्सा आलच.
\p
\v 41 दुसरा हत्‍त चेलागोळ ईद केळदुर रा आंदुर याकूब अदिक यूहन्ना देल नाराज आदुर! 
\v 42 \x + \xo १०:४२ \xo*\xt लूका २२:२५,२६\xt*\x*इदुरसाटी यीशु आ सप्पा मुंदरी हात्‍ती कारूकु आंदुर से अंदुन, नीव जान्सालीर कि जो गैर यहूदीगोळव शासक सम्सतार इंदुर आंदुर मा प्रभुता माळतार; अदिक आंदुर्दा जो धोड्डेर आर, आंदुर मा अधिकार जतुसतार, ईद नीव जान्सालीर. 
\v 43 \x + \xo १०:४३ \xo*\xt मत्ती २३:११; मरकुस ९:३५; लूका २२:२६\xt*\x*पर नीम दा हिंग हैलेच, जो यावारा नीम दा धोड्डेव आगोद चाहासतान, रा नीमी बाकी लॉकुर्द सेवक आग पायजे; 
\v 44 अदिक जो यावारा नीम दा प्रधान आगोद चाहासतान, आव नीम सप्पा मुंदुर दास आगुल. 
\v 45 यतिकी ना मंळसा अन पार इदुरसाटी बंदिदील कि नान स्यावा माळुल, पर ना इदुरसाटी बंदीन कि नीम्द सप्पा मुंदुर्द स्यावा माळाईन, अदिक लॉकुर अव पापगोळ छुटकारा अन्द साटी तान जीवन कोळ सकाईन!
\s कुढ्ढ बरतिमाई इक कण्ण इन ज्योत कोळोद
\r (मत्ती २०:२९-३४; लूका १८:३५-४३)
\p
\v 46 बाक यीशु अदिक आऊन चेलागोळ यरीहो दा बंदुर, अदिक याग आव अदिक आऊन चेलागोळ ऊंद धोळ्द भीळ इन सांगुळ यरीहो दा टु होगोर, आग ऊंद कुढ्ढ भिखारी, यार्द हेसुर तिमाई नव पार बरतिमाई ईरोद, सळक इन किनारा मा कुर्तकु ईरोन. 
\v 47 आव ईद केळकु कि यीशु नासरी हुन, कारू-कारूकु अनली कुरतुन, “हे दाऊद उन पारा यीशु नान मा दया माळ!”
\p
\v 48 आग हापाळ मुंदुर आऊक दनकुसदुर कि सुंगा ईर. पर आव यक्कुल जोर देल कारूली कुरतुन, “हे दाऊद उन पारा नान मा दया माळ!”
\p
\v 49 आग यीशु निदुरकु अंदुन, “आऊक कारी.” अदिक लॉकुर आ कुढ्ढ मंळसा अक कारूकु आऊन से अंदुर.
\p हिम्मत ईट, येळ! आव नीनी कारेत्यान!
\p
\v 50 आव तान कपळा भिटकु तुरन्त येद्दुन, अदिक यीशु उन हात्‍ती बंदुन.
\p
\v 51 इदुर मा यीशु आऊन से अंदुन, “नी येन चाहासत्या कि ना नीन साटी माळाईन?”
\p कुढ्ढ मंळसा आऊन से अंदुन, “हे गुरु, ना पयले घाई नोळोद चाहासतीन.”
\p
\v 52 यीशु आऊन से अंदुन, “होटोग, नीन विश्वास नीनी वळ्लीद माळबुटाद.”
\p आव तुरन्त नोळली कुरतुन, अदिक हादी मा आऊन हिंद आगेदुन.
\c 11
\s यरूशलेम दा विजय-प्रवेश
\r (मत्ती २१:१-११; लूका १९:२८-४०; यूहन्ना १२:१२-१९)
\p
\v 1 बाक याग आंदुर यरूशलेम इन हात्‍ती, जैतून पहाळी मा बैतफगे अदिक बैतनिय्याह अन्द हात्‍ती बंदुर रा यीशु तान चेलागोळ दा टु येढ्ढ मुंदरी ईद सुझाव कोटकु कळुदुन, 
\v 2 “कि मुंदळोद ऊर दा होगी, अदिक अदुर दा पोहचुसतेला अच ऊंद गधा अन पाड्डा, अदुर मा यागलु यारू कुरतीदील, अद नीमी कटकु सिक्‍कीत. अदरी बिटकु तरी. 
\v 3 अगर नीम से यारारा केळ्यार, ‘ईद येती माळतीर?’ रा अनेतीर, प्रभु उक इदुर्द जरवत आद, अदिक आव तुरन्त अदरी बाक ईल वापस कळु बुटान.”
\p
\v 4 आंदुर होगकु आ गधा अन पाड्डा अक व्हार्या द्वारा इन हात्‍ती चौक दा कटकु नोळदुर, अदिक अदरी बिळली कुरतुर. 
\v 5 थ्वाळासा लॉकुर जो अल नीदुरकु ईरोर, यारारा यारारा अनली कुरतुर, ईद येन माळेतीर, गधा अन पाड्डा अक येतरी बिळतीर?
\p
\v 6 अदिक यीशु ह्यांग हेळीदुन आंदुर हांग अच आंदुर से अंद बुटुर; आग लॉकुर आंदरी आ पाड्डा अक वोयगोटुर. 
\v 7 आंदुर पाड्डा अक यीशु उन हात्‍ती तनकु अदुर मा तान कपळा हाकदुर अदिक यीशु अदुर मा कुरतुन. 
\v 8 आग हापाळ सा लॉकुर तान कपळा हादी मा हासदुर अदिक हापाळ मुंदुर केईगोळ दा टु खजुर इन डगाली कळ-कळकु हादी मा हासदुर. 
\v 9 जो आऊन मुंद-मुंद होगोर अदिक जो हिंद-हिंद नळुतेला बरोर, कारू-कारूकु अनतेला होगतोगोर, “परमेश्वर उन स्तुती आगुल! जो प्रभु उन हेसुर देल बरतान! 
\v 10 नाम आप्प दाऊद उन बरावाळा राज्य इक परमेश्वर आशीष कोळुल अदिक परमेश्वर उन स्तुति आगुल!”
\p
\v 11 यीशु यरूशलेम पोहचुस्कु मंदिर दा बंदुन; अदिक नाकु दी सप्पा वस्तुगोळी नोळकु हन्नेळ चेलागोळ सांगुळ बैतनिय्याह होदुन, यतिकी द्याव मुळकेगीत.
\s यीशु अंजीर इन मार्र इक श्राप कोट्टुन
\r (मत्ती २१:१८-१९)
\p
\v 12 दुसरा दिशी याग यीशु अदिक आऊन चेलागोळ बैतनिय्याह टु वापस बरोर रा आऊक हसु हत्‍त. 
\v 13 अदिक याल्ला देल तुमकु ऊंद अंजीर इन मार्र इक दुर टु नोळकु, यीशु अदुर हात्‍ती होदुन कि अल येनारा तिनली सिक्‍केदित. अल पोहचुस्कु याल्ला गोळी बिटकु अदिक येनु ईला ईरोद, यतिकी काय हत्‍तोद मौसम ईला ईरोद.
\p
\v 14 आग यीशु आ मार्र से अंदुन, “ईगी टु यारू नींद काय यागलु तिनतीदील.” अदिक आऊन चेलागोळ केळोर.
\s यीशु मंदिर इन शुद्धीकरण माळदुन
\r (मत्ती २१:१२-१७; लूका १९:४५-४८; यूहन्ना २:१३-२२)
\p
\v 15 बाक यीशु यरूशलेम दा बंदुन अदिक आव मंदिर दा होगकु अल लेन-देन माळावाळेरी तेगुली कुरतुन, अदिक सावकारगोळ्द पांळ्सी अदिक कबूतर मारावाळेर्द चौकीगोळी ऊलटुसदुन; 
\v 16 अदिक आव यारीकु भी मंदिर दा टु आगकु सामान वयोद आग्या कोटीदील. 
\v 17 अदिक आव आंदरी उपदेश कोळली कुरतुन, “येन ईद शास्त्र दा लिख्सकु हैलेच, ‘कि नांद मान्ना सप्पा राष्ट्र अन साटी प्रार्थना अन्द मान्ना कहलुसीत?’ पर नीव अदरी डाकूगोळ्द हड्डा माळकु ईटीर.”
\p
\v 18 प्रधान याजकगोळ अदिक नियम इन गुरुगोळ ईद केळदुर, रा आंदुर यीशु उक कोन्नोर साटी मवका ढुंढ्सली कुरतुर, यतिकी आंदुर आऊन से अंजतोगोर, इदुरसाटी कि सप्पा लॉकुर आऊन उपदेश देल चकित ईरोर.
\p
\v 19 अदिक द्यावगा आगतेला अच, यीशु अदिक आऊन चेला नगर टु व्हार्या होटोदुर.
\s वंळगींद अंजीर इन मार्र टु शिक्षा
\r (मत्ती २१:२०-२२)
\p
\v 20 बाक दुसरा दिशी व्हातर्या का याग आंदुर हादी मा टु होगोर रा आ अंजीर इन मार्र इक म्याकुच टु जळ ताका वंळगींद नोळदुर. 
\v 21 पतरस उक अद मात याद बत्‍त, अदिक आव यीशु से अंदुन, “हे गुरु, नोळ! ईद अंजीर इन मार्र यदरी नी श्राप कोटीद, वंळ्गेग्याद.”
\p
\v 22 यीशु आंदरी उत्‍तर कोट्टुन, “परमेश्वर मा विश्वास ईटी. 
\v 23 \x + \xo ११:२३ \xo*\xt मत्ती १७:२०; १ कुरिन्थि १३:२\xt*\x*ना नीम से खरा अनतीन कि जो यावारा ई पहाळी से अंदान, ‘नी अल टु कित्‍तेग, अदिक समुद्र दा होगकु बिळ,’ अदिक तान मन दा संक्या ईट बाळुल, लेकीन विश्वास माळुल कि जो अनतीन अद आगेदीत, रा आऊन साठी हांग अच आदीन. 
\v 24 इदुरसाटी ना नीम से अनतीन, कि जो येनारा नीव प्रार्थना माळकु बेळीर, रा विश्वास माळकोमी कि अद नीमी सिक्‍केत, अदिक अद नीम्द आगेत. 
\v 25 \x + \xo ११:२५ \xo*\xt मत्ती ६:१४,१५\xt*\x*अदिक याग यागलु नीव नीदुरकु प्रार्थना माळतीर रा अगर नीम मन दा यारदारा प्रती येनारा विरोध आद, रा माफ माळी, इदुरसाटी कि नीम स्वर्गीय आप्प परमेश्वर भी निमोव अपराध माफ माळुल. 
\v 26 \f + \fr ११:२६ \fr*\ft ईद वचन हाळोद नियम दा हैलेच\ft*\f*अदिक अगर नीव माफ माळतीदील रा नीम आप्प भी जो स्वर्ग दा आन नीम अपराध माफ ईला माळ्यान.”
\s यीशु उन अधिकार मा प्रश्न
\r (मत्ती २१:२३-२७; लूका २०:१-८)
\p
\v 27 आंदुर मात्‍त ऊंद घन यरूशलेम दा बंदुर, अदिक याग यीशु मंदिर दा वयाळोन रा प्रधान याजक अदिक नियम इन गुरु अदिक स्याणागोळ आऊन हात्‍ती बंदकु केळली कुरतुर, 
\v 28 “नी ईद क्याल्सा याता अधिकार देल माळत्या? अदिक ईद अधिकार नीनी याव कोटान कि नी ईद क्याल्सा माळत्या?”
\p
\v 29 यीशु आंदुर से अंदुन, “ना भी नीम से ऊंद प्रश्न केळतीन; नानी उत्‍तर कोळी रा ना नीमी हेळाईन कि ना ईद क्याल्सा यातोद अधिकार देल माळतीन. 
\v 30 यूहन्ना अक बपतिस्मा कोळोद अधिकार स्वर्ग इन दी टु ईरोद या मंळसागोळ दी टु ईरोद. नानी उत्‍तर कोळी.”
\p
\v 31 आग आंदुर आपस दा मातगोळ माळली कुरतुर कि अगर नाव अंदेव स्वर्ग इन दी टु, रा आव अंदान, बाक नीव यूहन्ना मा विश्वास येती माळीदील? 
\v 32 अदिक अगर नाव अंदेव, मंळसागोळ दी टु, रा लॉकुर नाम मा अच सिट्ट माळ्यार आंदुर नियम इन गुरु लॉकुर से हापाळ अंजतोगोर यतिकी सप्पा लॉक ईद मानसोर कि यूहन्ना वास्तव दा ऊंद भविष्यवक्ता आन.
\p
\v 33 इदुरसाटी आंदुर यीशु उक उत्‍तर कोट्टुर, “नाव जानसालेव.” यीशु आंदुर से अंदुन, “ना भी नीमी हेळालीन कि ईद क्याल्सा ना याता अधिकार देल माळतीन.”
\c 12
\s ठ्याका देल कोळ्द अंगुर इन केई इन उदाहरण
\r (मत्ती २१:३३-४६; लूका २०:९-१९)
\p
\v 1 बाक यीशु उदाहरणगोळ दा आंदुर से मात माळली कुरतुन; ऊंद घन ऊंद मंळसा ईरोन याव ऊंद अंगुर इन केई हचदुन, अदिक बेली इन नाकु दी ज्वाळा कटदुन, अदिक रास्सा अन्द गड्डा अगुळदुन, अदिक मचान माळदुन; अदिक दुसरा केईवाळेरी आ अंगुर इन केई अन्द ठ्याका कोटकु दुसरा द्याश दा होटोदुन. 
\v 2 बाक काय इन मौसम दा आव केईवाळेर हात्‍ती ऊंद दास उक कळुदुन, कि आ केईवाळेर से अंगुर इन केई इन फसल इन हिस्सा ताकोमुल. 
\v 3 लेकीन आंदुर आ दास उक हुळकु बळदुर अदिक आऊक खाली कय कळु बुटुर! 
\v 4 मालिक मात्‍त ऊंद दास उक आंदुर हात्‍ती कळुदुन; आंदुर आऊन ताल्ला ओळ्द बुटुर अदिक आऊन अपमान माळदुर! 
\v 5 बाक मालिक ऊंद दास उक अदिक कळुदुन; आंदुर आऊक कोंद बुटुर. अदिक आंदुर हापाळ लॉकुर सांगुळ हांगा व्यवहार माळदुर, आंदुर दा टु आंदुर यारीकारा बळदुर, अदिक यारीकारा कोंद बुटुर! 
\v 6 ईग ऊंदा ईरोन, जो आऊन प्रिय पार ईरोन; आखरी दा आव आऊक भी आंदुर हात्‍ती ईद सोचकु कळुदुन कि आंदुर नान पार उन आदर माळ्यार. 
\v 7 लेकीन आ केईवाळेर आबुर दाबुर से अंदुर, ईवा रा वारीस हुन; बरी, नाव ईऊक कोंद बुळाता, अदिक आऊन धन दौलत नाम्द आदीत! 
\v 8 इदुरसाटी आंदुर आ पार उक हुळ कोंडुर अदिक आऊक कोंद बुटुर, अदिक अंगुर इन केई इन व्हार्या भीट बुटुर!
\p
\v 9 इदुर मा यीशु से केळदुर अंगुर इन केई इन “स्वामी येन माळ्यान? आव बंदकु केईवाळेर्द नाश माळ्यान अदिक अंगुर इन केई दुसरा अक कोट बुटान.” 
\v 10 येन नीव शास्त्र दा ईद वचन वाचुसीदील:
\q1 “याता कल्ल इक कारीगरीगोळ बेकार मान्सीदुर,
\q2 अदा क्वाना अन्द महत्वपुर्ण कल्ल बनसेत;
\q1
\v 11 ईद प्रभु अन्द दी टु आत,
\q2 अदिक नाम नजर दा अदभुत आद.”
\p
\v 12 आग नियम इन गुरुगोळ आऊक हुडोद चाहासदुर; यतिकी समसेगिदुर कि यीशु नाम विरोध दा ईद उदाहरण अंदान. लेकीन आंदुर लॉकुर से अंजोर, अदिक आऊक बिटकु होटोदुर.
\s सरकार उक कर कोळोद
\r (मत्ती २२:१५-२२; लूका २०:२०-२६)
\p
\v 13 आग आंदुर आऊक मातगोळ दा फसुसोरसाटी येनारा फरीसीगोळ अदिक हेरोदेस राजा अन्द पक्ष इन येनारा लॉकुरी यीशु उन हात्‍ती कळुदुर. 
\v 14 अदिक आंदुर बंदकु आऊन से अंदुर, “हे गुरु, नाव जान्सतेव, कि नी खरा आय, अदिक यारदु परवा माळाल; यतिकी नी मंळसागोळ्द बाय नोळकु मात माळाल, लेकीन परमेश्वर उन खरा हादी कल्सत्या! रा येन सरकार उक कर कोळोद उचित आद का ईला?”
\p
\v 15 आव आंदुर्द कपट जान्सकु आंदुर से अंदुन, “नानी येती फसुसोद कोशिश माळेतीर? ऊंद दीनार नान हात्‍ती तरी, कि ना अदरी नोळाईन.”
\p
\v 16 आंदुर ऊंद चाँदी इन सिक्‍का आऊन हात्‍ती तंदुर, अदिक आव आंदुर से अंदुन, “ईद छाप अदिक हेसुर यार्द हुन?”
\p आंदुर अंदुर, “रोमन राजा अन्द हुन.”
\p
\v 17 अदिक यीशु आंदुर से अंदुन, “जो रोमन राजा अन्द हुन अद रोमन राजा अक कोळी, अदिक जो परमेश्वर उन आद अद परमेश्वर उक कोळी.”
\p अदिक आंदुर यीशु नव मात केळकु चकित आगेदुर.
\s दुबारा मात्‍त मदा माळोद
\r (मत्ती २२:२३-३३; लूका २०:२७-४०)
\p
\v 18 \x + \xo १२:१८ \xo*\xt प्रेरितगोळ २३:८\xt*\x*बाक सदूकीगोळ भी, जो अनतार कि सोत्‍त मंळसागोळ्द जित्‍ता आगोद हई हैलेच, यीशु उन हात्‍ती बंदकु आऊन से केळ कुरतुर, 
\v 19 आंदुर अंदुर, “हे गुरु, आंदुर यीशु उक अंदुर, मूसा इजाजत कोटान कि ऊंद मंळसा छोळ चिट्ठी लिख्सकु तान हिंग्स उक तलाक कोळ सकतान. नाम साटी लिखस्यान कि अगर यारदारा वार्ट बिना औलाद पैदा माळ्त सोतोदान अदिक आऊनोर हिंग्स ईतोदार, रा आऊन वार्ट आऊन हिंग्स उन से मदा माळ कोमुल, अदिक तान वार्ट उन साठी वंश पैदा माळुल. 
\v 20 ऊंद जागा दा येळ वार्टुर ईरोर. पयला वार्ट मदा माळकु बिना औलाद सोतोदुन; 
\v 21 आग दुसरा वार्ट आ आर्त से मदा माळ कोंडुन अदिक आव भी बिना औलाद सोतोदुन; अदिक हांग अच तिसरा भी माळदुन. 
\v 22 अदिक येळु वार्टुर्द ऊंद भी औलाद आगीदील. सप्पा मुंदुर हिंद आ आर्त भी सोतोदुर. 
\v 23 इदुरसाटी पुनरूत्थान आगदुर बाद्दा आक आंदुर दा टु यारोर हिंग्स आदार? यतिकी आक रा येळु मुंदुर हिंग्स आगेगीदुर.”
\p
\v 24 यीशु आंदुर से अंदुन, “नीव रा शास्त्र अक जान्सतीर, अदिक ना ही परमेश्वर उन सामर्थ्य इक इदुरसाटी नीव गलती माळतीर? 
\v 25 यतिकी याग आंदुर सोत्‍तुर दा टु जित्‍ता आदार, रा आंदुर ना मदा माळ्यार अदिक ना मदा दा कोटकु आदार, लेकीन स्वर्ग दा स्वर्गदूतगोळ घाई आदार. 
\v 26 सोत्‍तुर दा टु जित्‍ता आगोद बारा दा येन नीव मूसा अन्द किताब दा होत्‍त झाळी इन कात्‍ता दा वाचुसीदील कि परमेश्वर आऊन से अंदुन, ‘ना अब्राहम उन परमेश्वर, अदिक इसहाक उन परमेश्वर, अदिक याकूब उन परमेश्वर हुईन?’ 
\v 27 परमेश्वर जो सोत्‍तुर आंदुरव ईला उलटा जित्‍तागोळोव परमेश्वर हुन; इदुरसाटी नीव पुरा पुरा तरीका देल ख्वाटा आईर.”
\s सब से धोळ्द आग्या
\r (मत्ती २२:३४-४०; लूका १०:२५-२८)
\p
\v 28 आग शास्त्रीगोळ दा टु ऊंद बंदकु आंदरी विवाद माळ्त केळदुन, अदिक ईद जान्सकु कि यीशु सदूकीगोळी वळ्लीद रीति देल उत्‍तर कोट्टुन, आऊन से केळदुन, “सब से मुख्य आग्या यातोद आद?”
\p
\v 29 यीशु आऊक उत्‍तर कोट्टुन, सब आग्यागोळ दा टु ईद मुख्य आद: “हे इस्त्राएल इन लॉकुरा केळी! प्रभु नामव परमेश्वर ऊंदा प्रभु आन, 
\v 30 अदिक नी प्रभु तान परमेश्वर से तान पुरा मन देल, अदिक तान पुरा जीव देल, अदिक तान पुरा बुद्धी देल, अदिक तान पुरा ताकत देल प्यार ईटेत.” 
\v 31 अदिक दुसरा आग्या ईद आद, “नी तान मान्ना हातळोर से तांदा घाई प्यार ईटेत. ईव येढ्ढ आग्यागोळी बिटकु दुसरा यातु धोळ्द आग्या ईलच.”
\p
\v 32 नियमगोळ गुरु यीशु से अंदुन, “हे गुरु,” हापाळ वळ्लीद! नी खरा अन्द कि परमेश्वर ऊंदा आन, अदिक आऊक बिटकु अदिक याऊ दुसरा परमेश्वर हैलेच. 
\v 33 अदिक आऊन से पुरा मन, अदिक पुरा बुद्धी, अदिक पुरा जीव, अदिक पुरा ताकत देल प्यार ईटेत; अदिक बाजुवाळेर से तान घाई प्यार ईटेत, पुरा अग्नि-बलिगोळ्द अदिक पशु-बलिगोळ से यक्कुल आद.
\p
\v 34 \x + \xo १२:३४ \xo*\xt लूका १०:२५-२८\xt*\x*याग यीशु नोळदुन कि आव समझदारी देल उत्‍तर कोटुन, रा आऊन से अंदुन, “नी परमेश्वर उन राज्य टु दुर हैलेच.”
\p अदिक यारीकु बाक आऊन से येनु केळोद हिम्मत आगीदील.
\s मसीह दाऊद उन पार हुन?
\r (मत्ती २२:४१-४६; लूका २०:४१-४४)
\p
\v 35 बाक यीशु मंदिर दा उपदेश माळतेला ईद अंदुन, “नियम इन गुरुगोळ अंदुर कि मसीह ह्यांग दाऊद उन औलाद आग सकतान?” 
\v 36 दाऊद तान पवित्र आत्मा अन्द सामर्थ्य देल हिंग अंदुन:
\q1 प्रभु परमेश्वर नान प्रभु से अंदुन,
\q2 “नान ऊमा कय मा कुरूल,
\q2 यागासताका कि ना नीनोर दुश्मनगोळी अपमान काल दिशी तरालिन.”
\p
\v 37 दाऊद रा खुद अच आऊक प्रभु अनतान, बाक आव आऊन पार ह्यांग आदुन?
\s नियम इन गुरुगोळ से सावधान ईरी
\r (मत्ती २३:१-३६; लूका २०:४५-४७)
\p अदिक भीळ दाकळोर लॉकुर आऊंद मात खुशी देल केळतोगोर. 
\v 38 यीशु तान उपदेश दा आंदुर से अंदुन, “शास्त्रीगोळ से सावधान ईरी, सम्मान सिक्‍कोर साटी आंदुर ऊद्द-ऊद्द च्वांगा हाक्‍कु वयाळतार अदिक सात्‍तागोळ दा खुद इक नमस्कार माळसुसोद आंदरी वळ्लीद हततद. 
\v 39 अदिक यहूदी लॉकुर्द सभागृहगोळ दा मुख्य आसन अदिक भोज दा मुख्य जागा भी चाहास्तार. 
\v 40 आंदुर रांड्यागोळ्द मान्नागोळ इक तिंद बुळतार, अदिक लॉकुरी दिखावा साटी हापाळ होत्त ताका प्रार्थना माळतेला ईरतार. इंदरी यक्कुल से यक्कुल दण्ड सिक्‍कीत.”
\s कंगाल रांड्या अन्द दान
\r (लूका २१:१-४)
\p
\v 41 यीशु मंदिर इन दानपेटी इन मुंद कुर्तकु नोळतोगोन कि लॉकुर मंदिर इन दानपेटी दा याता प्रकार देल पैस्या हाकतार; अदिक यक्कुल पैस्यावाळेर लॉकुर भी हापाळ येनारा हाकदुर. 
\v 42 इटुर दा ऊंद कंगाल रांड्यागीत बंदकु तांबा अन्द येढ्ढ स्याण-स्याणेव सिक्‍का हाकदुर यदुर किमत ईतु आतुटु ऊंद पैस्या अन्द बराबर ईतीदाद, हाकदुर. 
\v 43 आग यीशु तान चेलागोळी हात्‍ती कारूकु आंदुर से अंदुन, “ना नीम से खरा खरा अनतीन, कि मंदिर इन दानपेटी दा हाक्‍कावाळेर दा टु ई कंगाल रांड्यागीत सप्पा मुंदुर से यक्कुल हाकदुर; 
\v 44 यतिकी सप्पा मुंदुर तान बळोतरी दा टु हाक्यार, लेकीन इक तांद कमी दा टु जो येनारा आकिन ईरोद, इदुर मतलब तांद पुरा जीविका हाक्‍क बुटार.”
\c 13
\s मंदिर इन विनाश इन भविष्यवाणी
\r (मत्ती २४:१-२; लूका २१:५-६)
\p
\v 1 याग यीशु मंदिर टु होळोन, रा आऊन चेलागोळ दा टु ऊंद चेला आऊन से अंदुन, “हे गुरु, नोळ, ह्यांग धोड्डेव कल्ल अदिक ह्यांग भव्य भवन आव!”
\p
\v 2 यीशु आऊन से अंदुन, “येन नीव इव धोड्डेव-धोड्डेव भवन नोळतीर: ईल कल्ल मा कल्ल भी ऊळ्दकु ईरतीदील जो ढाऊस्कु आगतीदील.”
\s यीशु परेशानी अदिक सताव इन बारा दा हेळदुन
\r (मत्ती २४:३-१४; लूका २१:७-१९)
\p
\v 3 याग यीशु जैतून इन पहाळ मा मंदिर इन मुंद कुर्तकु ईरोन, रा पतरस अदिक याकूब अदिक यूहन्ना अदिक अन्द्रियास अलग होगकु आऊन से केळदुर, 
\v 4 “नामी हेळ कि ईव मात याग आदव? अदिक याग ईव सब मात पुरा आग्त होदव आ समय इन येन चिन्ह ईत्‍तीत?”
\p
\v 5 यीशु आंदुर से अनली कुरतुन, सावधान ईरी कि यारू नीमी भरमुस बाळुल. 
\v 6 अनेक नान हेसुर देल ईद अनतेला बंदार, “ना मसीह हुईन!” अदिक आंदुर हापाळ मुंदरी भरमुस्यार. 
\v 7 याग नीव लळाईगोळ मातचीत केळीर अदिक लळाईगोळ्द बारा दा अफवाह केळीर, रा घबरूस बाळेतीर; यतिकी अव मातगोळ्द ईरोद जरूरी आद, लेकीन आ समय दा अन्त आगतीदील. 
\v 8 यतिकी द्याश मा द्याश, अदिक राज्य मा राज्य चढ़ाई माळ्यार. हर जागा दा भूकम्प आदव, अदिक अकाल बिद्दव. ईद रा भयानक दुख इन सुरूवात आदीत.
\p
\v 9 \x + \xo १३:९ \xo*\xt मत्ती १०:१७-२०; लूका १२:११,१२\xt*\x*“लेकीन नीव तान बारा दा सावधान ईरी; यतिकी लॉकुर नीमी महासभागोळ दा सोपस्यार अदिक नीव पंचायतगोळ दा बळ्सकोंडीर, अदिक नान कारण न्यायाधीशगोळ अदिक राजागोळ मुंद निदरूसकु आदीर, ताकी नीम साटी खुशखबरी केळसोर साटी मौका आदीत.” 
\v 10 पर जरूरी आद कि पयला खुशखबरी सब जातीगोळ्दा प्रचार माळकु आगुल. 
\v 11 याग आंदुर नीमी हुळकु न्यायालय दा ओतार, रा पयले टु चिंता माळबाळेतीर कि नाव येन अंदेव; पर जो येनारा नीमी आटोटीका हेळकु आदीत अदा अनेतीर; यतिकी अनावाळेर नीव आलच, लेकीन पवित्र आत्मा हुन. 
\v 12 वार्ट उक वार्ट ध्वाका कोट्टान, अदिक आप्प तान पार उक कोनोर साटी निदर्‍यान, अदिक पार तान आप्प उक बडोर साटी निदर्‍यान अदिक चिकोर तान मोय आप्पुर खिलाप यदकु आंदरी कोन्सुस बुट्टार. 
\v 13 \x + \xo १३:१३ \xo*\xt मत्ती १०:२२\xt*\x*अदिक नान हेसुर इन कारण पुरा लॉकुर नीम से दुश्मनी माळ्यार; लेकीन जो आखरी ताका आऊन मा विश्वास ईट्यार, आंदुर्दा उद्धार आदीत.
\s महासंकट-काल
\r (मत्ती २४:१५-२८; लूका २१:२०-२४)
\p
\v 14 लेकीन याग नीव अद बरबाद माळावाळा बेकार वस्तु उक यल उचित ईलच अल नीदुरकु नोळीर, वाचुसावाळा समसेगुल आग जो लॉकुर यहूदिया दा आर आंदुर पहाळी मा ओळेगुल; 
\v 15 \x + \xo १३:१५ \xo*\xt लूका १७:३१\xt*\x*जो छत मा आर, आव तान मान्ना टु येनारा ताकोमोर साटी ल्यालमा ईळुबाळुल अदिक बुळ्क होगबाळुल; 
\v 16 अदिक आंदुर जो केई दा आर, आव तान कपळा तरोरसाटी हिंद होगबाळुल. 
\v 17 आ दिनगोळ दा जो व्हाट्या दी ईरोर अदिक जो चिग्द ऊरी हाल कुळ्सतेला ईतीदार, आंदुर साटी आ दिन याट भयानक ईत्‍तव! 
\v 18 अदिक परमेश्वर से प्रार्थना माळतेला ईरी कि ईद सोळ इन दिनगोळ दा आगबाळुल. 
\v 19 \x + \xo १३:१९ \xo*\xt प्रकाशितवाक्य ७:१४\xt*\x*यतिकी आ दिन हिंग बरबाद ईनव ईत्‍तव कि दुनिया अन्द सुरूवात टु, जो परमेश्वर रच्यान, ईगासताका ना रा आग्याव अदिक ना बाक यागलु आदव. 
\v 20 अगर प्रभु आ दिनगोळी ईला घटुसायदुन, रा यातोदु प्राणी भी ईला ऊळाईत; लेकीन आ निवळुस्कु आग्यार आ लॉकुर कारण यारी आव निवळुसदुन, आ दिनगोळी गोर्त माळ्यान.
\p
\v 21 आ समय दा अगर यावारा नीम से अंदान; नोळी, मसीह ईल आन, या नोळी, अल आन, रा विश्वास माळबाळेतीर; 
\v 22 यतिकी ख्वाटा मसीह अदिक ख्वाटा भविष्यवक्ता यदकु निदर्‍यार, अदिक हिंग-हिंग चमत्कार अदिक अदभुत क्याल्सा तोरस्यार कि अगर आग सकुल रा निवळुस्कु आग्यार आ लॉकुरी भी बैकुश बुळुल. 
\v 23 लेकीन नीव सावधान ईरी: नोळी, ना नीमी सप्पा मात पयले टु ना हेळ बुटीन.
\s मंळसा अन पार यीशु उन दुबारा बरोद
\r (मत्ती २४:२९-३१; लूका २१:२५-२८)
\p
\v 24 \x + \xo १३:२४ \xo*\xt प्रकाशितवाक्य ६:१२\xt*\x*“आ दिन दा, आ बरबाद इन बाद्दा दा सुरज अंधार आगेदीत, अदिक चन्द्रमा उजुळ कोळतीदील; 
\v 25 \x + \xo १३:२५ \xo*\xt प्रकाशितवाक्य ६:१३\xt*\x*अदिक आकाश टु तारागन बिळली हत्‍तेव; अदिक आकाश ईनव शक्तिगोळी हालुसेदव.” 
\v 26 \x + \xo १३:२६ \xo*\xt प्रकाशितवाक्य १:७\xt*\x*आग लॉकुर ना मंळसा अन पार उक धोळ्द सामर्थ्य अदिक महिमा अन्द सांगुळ बादल दा बरतेला नोळ्यार. 
\v 27 आ समय आव तानव स्वर्गदूतगोळी कळुकु, पृथ्वी इन ईद भाग टु हुळकु आ भाग ताका, नाकु दिशा दी टु परमेश्वर तान निवळुस्द लॉकुरी जमा माळ्यान.
\s अंजीर इन मार्र इन उदाहरण
\r (मत्ती २४:३२-३५; लूका २१:२९-३३)
\p
\v 28 “अंजीर इन मार टु ईद उदाहरण कली: याग अदुर्द डगाली मुलायम आगताव, अदिक याल्ला होळली हतताव; रा नीव जान्स कोमतीर कि बिसुल इन दिन हात्‍ती आव.” 
\v 29 ईदा प्रकार याग नीव ईव मातगोळी आगतेला नोळीर, रा जान्स कोमी कि नान बरोद समय हात्‍ती आद. 
\v 30 ना नीम से खरा अनतीन कि यागासताका इव सप्पा मातगोळ पुरा आगालव, आगासताका ई पीढ़ी नोर लॉकुर सायतीदील. 
\v 31 आकाश अदिक पृथ्वी टलुसेदित, लेकीन नान मात्‍तगोळ यागलु टलुसतीदिल.
\s जाग्सतेला ईरी
\r (मत्ती २४:३६-४४)
\p
\v 32 \x + \xo १३:३२ \xo*\xt मत्ती २४:३६\xt*\x*“आ दिन या आ घळी अन्द बारा दा यारू जान्सालुर, ना स्वर्ग ईनव स्वर्गदूत अदिक ना मंळसा अन पार; लेकीन सिर्फ आप्प जान्सतान. 
\v 33 नोळी, सावधान ईरी अदिक जाग्सतेला ईरी; यतिकी नीव जान्सालीर कि अद घळी याग बंदीत. 
\v 34 \x + \xo १३:३४ \xo*\xt लूका १२:३६-३८\xt*\x*ईद आ मंळसा अन्द ह्यांग दशा आद, जो यात्रा दा होगाहोती तान मान्ना बिटकु होगुल, अदिक तान दासगोळी अधिकार कोळुल: अदिक हर ऊंद मंळसा अक आऊंद क्याल्सा हेळबुळुल, अदिक चौकीदार उक जाग्सतेला ईरोद आग्या कोळुल.” 
\v 35 इदुरसाटी जाग्सतेला ईरी, यतिकी नीव जान्सालीर कि मान्ना नव मालिक याग बंदान, द्यावगा या आरधा ईळ्लकी, या हुंज कुगतद आ घळी या व्हातुर आगोर से पयले. 
\v 36 हिंग आगबाळुल कि आव अचानक बंदकु नामी मिंगतेला नोळबाळुल. 
\v 37 अदिक जो ना नीम से अनेतीन, अदा सप्पा मुंदुर से अनतीन: “जाग्सतेला ईरी!”
\c 14
\s यीशु उक कोन्नोद योजना
\r (मत्ती २६:१-५; लूका २२:१-२; यूहन्ना ११:४५-५३)
\p
\v 1 येढ्ढ दिन इन बाद्दा फसह अदिक अखमीरी रोट्टी अन्द हाब्ब आगोद ईरोद. प्रधान याजक अदिक नियम इन गुरु ईद मात इन खोज दा ईरोर कि आऊक ह्यांग कपट देल हुळकु कोनदेव; 
\v 2 लेकीन अनतोगोर, “हाब्ब इन रोज हिंग ईला, ईलारा लॉकुर दा झगळा आगेदीत.”
\s बैतनिय्याह नगर दा यीशु उन अत्‍तर देल स्वागत
\r (मत्ती २६:६-१३; यूहन्ना १२:१-८)
\p
\v 3 \x + \xo १४:३ \xo*\xt लूका ७:३७,३८\xt*\x*याग यीशु बैतनिय्याह दा शमौन कोढ़ी यारी कोढ़ इन रोग ईरोद आऊन मान्या ऊमली कुर्तकु ईरोन, आग ऊंद आर्त संगमरमर इन बाटुल दा जटामांसी अन्द बार्र शुद्ध अत्‍तर हुळकु बंदुर; अदिक बाटुल इक मुरूकु अत्‍तर इक यीशु उन ताल्ला मा लपटुसदुर. 
\v 4 लेकीन यारारा यारारा तान मन दा कुळकुळुस्कु अनली कुरतुर, “ईद अत्‍तर इन येती सत्यानाश माळकु आत? 
\v 5 इदुर मा यीशु अंदुन येती ईद अत्‍तर इक मुर सौ दीनार\f + \fr १४:५ \fr*\ft मुर सौ चाँदी नव सिक्‍का ऊंद वर्ष इन रोजी\ft*\f* से यक्कुल बार्र दा मारकु कंगालगोळ दा वाटस्कु आग सकोद.” अदिक आंदुर आक इक दनकुस्ली कुरतुर. \fig संगमरमर इन बाटुल दा जटामांसी अन्द किमती शुद्ध अत्‍तर|alt="Jars with spikenard" src="hk00117c.tif" size="col" copy="Horace Knowles ©" ref="१४:३"\fig*
\p
\v 6 यीशु अंदुन, “आकी बिट्ट बुळी; आकी येती सतुसतीर? आक रा नान सांगुळ भलाई माळदुर. 
\v 7 कंगाल नीम सांगुळ हमेशा ईरतार, अदिक नीव याग चाहासीर आग आंदुर से भलाई माळ सकतीर; पर ना नीम सांगुळ हमेशा ईरतीदील. 
\v 8 जो येनारा आक माळसकोर, आक माळदुर; आक नान नळसोद तयारी दा पयले टु ना नांद शरीर मा अत्‍तर मलुस्यार. 
\v 9 ना नीम से खरा माताळतीन कि पुरा दुनिया दा येल्यारा भी खुशखबरी प्रचार माळदुर दा बंदीत, अल आक इन ईद क्याल्सा अन्द चर्चा भी आक इन याद दा माळकु आदीत.”
\s यीशु उन विश्वासघात माळोर साटी यहूदा अन्द सहमती
\r (मत्ती २६:१४-१६; लूका २२:३-६)
\p
\v 10 आग यहूदा इस्करियोती जो हन्नेळ चेलागोळ दा टु ऊंद ईरोन, प्रधान याजकगोळ हात्‍ती होदुन कि यीशु उक आंदुर्द कय देल हुळसुसकु आंदरी सौप्स बुळुल. 
\v 11 आंदुर ईद केळकु खुश आदुर, अदिक आऊक पैस्या कोळोद स्वीकार माळदुर; अदिक आव मवका नोळोन कि आऊक ह्यांगारा भी प्रकार देल हुळसुसकु आंदुर्द कय दा सौप्स बुळुल.
\s चेलागोळ सांगुळ फसह अन्द आखरी भोज
\r (मत्ती २६:१७-२५; लूका २२:७-१४; २१–२३; यूहन्ना १३:२१-३०)
\p
\v 12 अखमीरी रोट्टी इन हाब्ब इन पयला दिन, यदुर्दा आंदुर फसह दा म्यांडा अन्द पाड्डा अन्द बलिदान माळतोगोर, यीशु उन चेलागोळ आऊक केळदुर, “नी येन चाहासत्या कि नाव होगकु नीन साटी फसह तिनोद तयारी माळेव?”
\p
\v 13 यीशु तान चेलागोळ दा टु येढ्ढ मुंदरी ईद अनकु कळुदुन, “नगर दा होगी, अदिक ऊंद मंळसा नीर इन माळका नेगुत नीमी सिक्यान, आऊंद हिंद आगेगेतीर; 
\v 14 अदिक आव याता मान्या होदान, आ मान्ना अन्द मालिक से अनेतीर, ‘गुरु अनतान कि पाऊनागोळ्द ईरोद जागा पाऊनागोळ्द कमरा यल आद यदुर्दा ना तान चेलागोळ सांगुळ फसह तिनाईन अद जागा यल आद?’ 
\v 15 आव नीमी ऊंद सजुस्कु सजुस्द, अदिक तयार माळ्द धोळ्द म्याकळोद ठिकान तोरस्यान, अल नाम साटी फसह तिनोद तयारी माळेतीर.”
\p
\v 16 चेलागोळ अल टु होट्टकु नगर दा बंदुर, अदिक ह्यांग यीशु आंदुर से अंदिदुन, हांग अच सिक्त; अदिक आंदुर फसह तिनोद तयारी माळदुर.
\p
\v 17 याग द्याव आत, रा आव हन्नेळ चेलागोळ सांगुळ बंदुन. 
\v 18 याग आंदुर कुर्तकु ऊमोर, रा यीशु चेलागोळ से अंदुन, “ना नीम से खरा अनतीन कि नीम दा टु ऊंद, जो नान सांगुळ ऊमेत्यान, आव नानी ध्वाका देल हुळसुसकु दुश्मनगोळ कय दा सौप्स कोंडान.”
\p
\v 19 अदिक चेलागोळ मा उदासी छासेत अदिक आंदुर ऊंद ऊंद माळकु यीशु उक अनली कुरतुर, “येन आव ना हुईन?”
\p
\v 20 यीशु आंदुर से अंदुन, “आंदुर नीम हन्नेळ दा टु ऊंद आन, जो नान सांगुळ तंळग्या दा कय हाकतान. 
\v 21 यतिकी ना मंळसा अन पार, ह्यांग नान बारा दा लिख्सकु आग्याद, लेकीन आ मंळसा अन मा हाय याऊन द्वारा ना मंळसा अन पार उक हुळसुसकु आदीत अदिक सौप्सकु आदीत! अगर आ मंळसा अन्द जनम अच ईला आगाईत, रा आऊन साटी भला आगाईत.”
\s प्रभु-भोज
\r (मत्ती २६:२६-३०; लूका २२:१४-२०; १ कुरिन्थि ११:२३-२५)
\p
\v 22 याग यीशु अदिक आऊन चेलागोळ ऊमतेला अच ईरोर, आव रोट्टी ताकोंडुन, अदिक परमेश्वर उक धन्यवाद कोटकु मुरदुन, अदिक आव चेलागोळी भी कोट्टुन, अदिक अंदुन, “हुडी, ईद नान शरीर हुन.”
\p
\v 23 बाक यीशु कटोरा हुळकु परमेश्वर उक धन्यवाद माळदुन, अदिक आंदरी कोट्टुन; अदिक आंदुर सप्पा मुंदुर अदुर दा टु कुळदुर. 
\v 24 अदिक यीशु चेलागोळ से अंदुन, “अद नान खुन हुन, जो हापाळ मुंदुर साटी वाहुसकु आगतद,” ईद प्रमाणित माळतद कि परमेश्वर अदिक मंळसा अन न्याड्या व्हाशोद वाचा अक दर्शुसतद. 
\v 25 “ना नीम से खरा अनतीन कि अंगुर इन रास्सा आ दिन ताका बाक यागलु कुडुतीदील, यागासताका परमेश्वर उन राज्य दा ना व्हाशोद अंगुर इन रास्सा ना कुडुतीदील.”
\p
\v 26 बाक आंदुर भजन हाळ हाळकु व्हार्या जैतून पहाळी मा होदुर.
\s पतरस उन इनकार इन भविष्यवाणी
\r (मत्ती २६:३१-३५; लूका २२:३१-३४; यूहन्ना १३:३६-३८)
\p
\v 27 आग यीशु चेलागोळ से अंदुन, “नीव नानी बिटकु ओळीर, यतिकी शास्त्र हिंग अच अनतद: ‘ना रखवाला अक कोनाईन, अदिक म्यांडा तितर-बितर आगेदव.’ 
\v 28 \x + \xo १४:२८ \xo*\xt मत्ती २८:१६\xt*\x*लेकीन ना तान जित्‍ता आगदुर बाद्दा नीम से पयले गलील इक होगाईन.”
\p
\v 29 पतरस आऊन से अंदुन, “अगर सब नीनी बिट्टार रा बिट्टार, पर ना नीनी बिटकु होगालीन.”
\p
\v 30 यीशु आऊन से अंदुन, “ना नीन से खरा अनतीन कि ईंदल्या ईदा ईळ्लक इक हुंज इन येढ्ढ घन कुग्गोर से पयले, नी मुर घन नान इनकार माळ्या.”
\p
\v 31 बाक पतरस अदिक जोर कोटकु अंदुन, “अगर नानी नीन सांगुळ सायोद भी बिद्दीत, तरी ना नीन इनकार यागलु माळतीदील.”
\p ईदा प्रकार देल अदिक सप्पा मुंदुर भी अंदुर.
\s गतसमनी दा प्रार्थना
\r (मत्ती २६:३६-४६; लूका २२:३९-४६)
\p
\v 32 बाक यीशु अदिक आऊन चेलागोळ गतसमनी हेसुर इन ऊंद जागा दा बंदुर, अदिक आव तान चेलागोळ से अंदुन, “ईल कुर्तकु ईरी, आगासताका ना प्रार्थना माळतीन.” 
\v 33 अदिक आव पतरस अदिक याकूब अदिक यूहन्ना अक तान सांगुळ ओतुन; अदिक च्याच दुखी अदिक व्याकुल आगली कुरतुन, 
\v 34 अदिक आंदुर से अंदुन, “नान मन च्याच उदास आद, ईल ताका कि ना सायोर मा आईन: नीव ईल रूकसी, अदिक जाग्सतेला ईरी.”
\p
\v 35 बाक आव थ्वाळासा मुंद होदुन अदिक धरती मा बिदकु प्रार्थना माळली कुरतुन कि अगर आग सकुल रा ईद घळी नान मा टु टल्सेगुल, 
\v 36 अदिक अंदुन, “हे बाबा, हे आप्पा, नीन से सप्पा येनारा आग सकतद; ईद दुख इन कटोरा अक नान हाती टु हटुसबुळ: तौभी ह्यांग ना चाहासतीन हांग ईला, पर जो नी चाहासत्या अदा आगुल.”
\p
\v 37 बाक यीशु वापस बंदुन अदिक नोळदुन कि मुरू चेलागोळ मिंगेग्यार ईद नोळकु पतरस से अंदुन, “हे शमौन, नी मिंगेत्या? येन नी ऊंद तास भी जाग्स सकिदील? 
\v 38 जाग्सतेला अदिक प्रार्थना माळतेला ईरी कि नीव परीक्षा दा बिळबाळी. आत्मा अन्द रा इच्छा आद, पर मय कमजोर आद.”
\p
\v 39 अदिक यीशु बाक ओळेदुन अदिक अवा शब्दगोळ्दा प्रार्थना माळली कुरतुन. 
\v 40 बाक यीशु बंदकु आंदरी मिंगत नोळदुन, यतिकी आंदुर अव कण्णगोळ जप देल तुमकु ईरव; अदिक ईला जान्सोर कि आऊक येन उत्‍तर कोट्टेव.
\p
\v 41 बाक यीशु तिसरा गन बंदकु आंदुर से अंदुन, “ईग भी नीव मिंगेतीर अदिक आराम माळेतीर? नोळी, घळी होट्ट बंदाद; नोळी ना मंळसा अन पार पापीगोळ्द कय देल हुळकु सौप्सकु आगाईन. 
\v 42 येळी, होगाता! नोळी, नानी ध्वाका देल हुळसुस्कु सौप्सावाळा नान हात्‍ती होट्ट बंदान!”
\s यीशु उन ध्वाका देल हुळकु सौप्सकु आगोद
\r (मत्ती २६:४७-५६; लूका २२:४७-५३; यूहन्ना १८:३-१२)
\p
\v 43 यीशु ईद अनतेला अच ईरोन कि यहूदा जो हन्नेळ चेलागोळ दा टु ऊंद ईरोन, आऊन हात्‍ती बंदुन. अदिक तान सांगुळ प्रधान याजक अदिक शास्त्रीगोळ अदिक स्याणागोळ्द द्वारा ऊंद धोळ्द भीळ कळुकु आगीत, जो तलवार अदिक कोलगोळ हुळकु बंदीदुर. 
\v 44 यीशु उक हुळसुस्कु सौप्सावाळा आंदरी ईद पता कोटीदुन कि याऊक ना चुम्मा ताकोमाईन आवा मंळसा हुन, आऊक हुळकु शंकलीगोळ देल कटकु सावधानी देल वयेतीर ताकी आव ओळ बाळुल.
\p
\v 45 यहूदा बंदुन, अदिक तुरन्त यीशु उन हात्‍ती होगकु अंदुन, “हे गुरु!” अदिक आऊन चुम्मा ताकोंडुन. 
\v 46 आग आंदुर यीशु मा कय हाक्‍कु आऊक हुडुकोंडुर अदिक कठ कोंडुर. 
\v 47 आंदुर दा टु जो हात्‍ती नीदुरकु ईरोर, ऊंद मंळसा तलवार जेळकु महायाजक उन सेवक मा नळ्सदुन, अदिक आऊंद किव हार्स बुट्टुन. 
\v 48 यीशु आंदुर से अंदुन, “येन ना यावारा अपराधी हुईन, जो नानी हुडोर साटी तलवार अदिक कोलगोळ हुळकु बंदीर? 
\v 49 \x + \xo १४:४९ \xo*\xt लूका १९:४७; २१:३७\xt*\x*ना रा हर रोज मंदिर दा नीम सांगुळ ईतकु उपदेश कोळतोगीन, अदिक आग नीव नानी हुळदीदिल: लेकीन ईद इदुरसाटी आग्याद कि शास्त्र अन्द मात पुरा आगुल.”
\p
\v 50 इव मातगोळ केळकु आऊन सप्पा चेलागोळ आऊक आबना बिटकु वोळेदुर.
\p
\v 51 ऊंद हारोदव पार तान दंगदंगा मय मा लुंगी होदुकु यीशु उन हिंद-हिंद होगोन; अदिक लॉकुर आऊक हुडोद कोशिश माळदुर. 
\v 52 अदिक आव लुंगी बिटकु नंगा ओळेदुन.
\s यहूदीगोळ्द महासभा अन्द मुंद यीशु उक तरोद आत
\r (मत्ती २६:५७-६८; लूका २२:५४,५५,६३-७१; यूहन्ना १८:१३-१४; १९:२४)
\p
\v 53 बाक आंदुर यीशु उक महायाजक उन मान्नी तंदुर; अदिक सब प्रधान याजक अदिक स्याणा अदिक नियम इन गुरु आऊन मान्या जमा आगेदुर. 
\v 54 पतरस दुर दुर टु आऊंद हिंद-हिंद महायाजक उन आंगुळ इन बुळ्क ताका होदुन, अदिक आव पहरेदारगोळ सांगुळ कुर्तकु बेक्‍की सेक्सली कुरतुन. 
\v 55 प्रधान याजक अदिक सप्पा यहूदीगोळ्द महासभा यीशु उक कोंद बुळोरसाठी आऊंद विरोध दा गवाही इन खोज दा ईरोर, पर आऊंद विरोध दा यातोद भी सबुत सिकिदील. 
\v 56 यतिकी हापाळ सा लॉकुर यीशु उन विरोध दा ख्वाटा गवाही कोळोर, पर आंदुर्द गवाही ऊंद सारखा ईला ईरोद.
\p
\v 57 आग येनारा लॉकुर यदकु यीशु उन खिलाप ईद ख्वाटा गवाही कोळली कुरतुर, 
\v 58 \x + \xo १४:५८ \xo*\xt यूहन्ना २:१९\xt*\x*“नाव ईऊक ईद अन्त केळेव, ना ईद मंळसागोळ्द कय देल माळ्द ईद मंदिर इक केळ्द बुळाईन, अदिक मुर दिन दा दुसरा माळाईन, जो मंळसागोळ्द कय देल माळकु ईरतीदील.” 
\v 59 ईदुर मा भी आंदुर्द गवाही ऊंद सारखा होटीदिल.
\p
\v 60 आग महायाजक न्याड्या दा नीदुरकु यीशु से केळदुन, “नी येनु उत्‍तर कोळाल? ई लॉकुर नीन विरोध दा येन गवाही कोळतार?”
\p
\v 61 लेकीन यीशु सुंगा ईत्‍तुन, अदिक आव येनु उत्‍तर कोटीदील. महायाजक आऊन से मात्‍त केळदुन, “येन नी आ परमधन्य परमेश्वर उन पार मसीह हुय?”
\p
\v 62 यीशु अंदुन, हाव “ना हुईन: अदिक नीव मंळसा अन पार उक सर्वशक्तिमान इन ऊम्मा कय दी कुर्त, अदिक आकाश इन बादल इन सांगुळ बर्त नोळीर.”
\p
\v 63 आग महायाजक तानव फळक्या हरकु अंदुन, “ईग नामी यक्कुल गवाहगोळ्द येन जरवत आद?”
\p
\v 64 “येन नीव केळीदील, कि ईव परमेश्वर उन अपमान माळतान. ईग नीम्द येन राय आद?” आ सप्पा लॉकुर आऊक अपराधी ठहरूसतेला अंदुर, कि ईऊक जीव दण्ड सीक पायजे.
\p
\v 65 आग यारारा आऊन मा उगुळली कुरतुर, अदिक यारारा आऊन कण्णगोळ मा पट्टी कटकु आऊक बुक्‍का बडुली कुरतुर, अदिक आऊन से अनली कुरतुर, “भविष्यवाणी माळ.” नीनी यार बळदुर, अदिक पहरेदारगोळ आऊक हुळकु क्याबरा बळदुर.
\s पतरस उन यीशु उक इनकार माळोद
\r (मत्ती २६:६९-७५; लूका २२:५६-६२; यूहन्ना १८:१५-१८,२५-२७)
\p
\v 66 याग पतरस ल्यालमा आंगुळ दा ईरोन, रा महायाजक इन दासीगोळ दा टु ऊंद दासी अल बंदुर. 
\v 67 अदिक आ दासीगीत पतरस उक बेक्‍की सेक्सत नोळकु आऊक टकटकी हचकु नोळदुर अदिक अनली कुरतुर, “नी भी रा आ नासरी यीशु उन सांगुळ ईर्या.”
\p
\v 68 अदिक आव बदलुसेदुन, अदिक अंदुन, “ना जान्सालीन अदिक ना सम्सालीन कि नी येन अनेत्या.” बाक आव अल टु दरवाजा ताका होदुन; अदिक आटा होती हुंज कुग्त.
\p
\v 69 आ दासी आऊक नोळकु आंदुर से अंदुर जो आऊन हात्‍ती नीदुरकु ईरोर, “ईव मंळसा आंदुर दा टु ऊंद हुन.”
\p
\v 70 लेकीन आव मात्‍त बदलुसेदुन. घळी तिमुर बाद्दा दा आंदुर जो हात्‍ती नीदुरकु ईरोर मात्‍त पतरस से अंदुर, “खरा दा नी आंदुर दा टु ऊंद हुय; यतिकी नी गलीली भी हुय.”
\p
\v 71 आग आव इनकार माळकु अनली कुरतुन कि ना किर्‍या तिनकु खरा अनतीन, “ना आ मंळसा अक, यार्द नीव मातचीत माळेतीर, ना अरालीन.”
\p
\v 72 बाक तुरन्त दुसरा घन हुंज कुग्त. अदिक पतरस उक अद मात जो यीशु आऊन से अंदिदुन याद बत्‍त: “हुंज इन येढ्ढ घन कुग्गोर से पयले नी मुर घन नान इनकार माळ्या.” अदिक आव ईद मात इक सोचकु आव वर्लली कुरतुन.
\c 15
\s पिलातुस उन मुंद यीशु
\r (मत्ती २७:१-२; ११:१४; लूका २३:१-५; यूहन्ना १८:२८-३८)
\p
\v 1 व्हातुर आगतेला अच तुरन्त प्रधान याजकगोळ, स्याणागोळ, अदिक शास्त्रीगोळ उलटा सप्पा यहूदी महासभा आपस दा सलाह माळकु यीशु उक कट्सुसदुर, अदिक आऊक वोतकु पिलातुस उन कय दा सौप्सदुर.
\p
\v 2 पिलातुस आऊन से केळदुन, “येन नी यहूदीगोळ्द राजा हुय?” यीशु आऊक उत्‍तर कोट्टुन, हव “ह्यांग नी खुद अच अनत्या.”
\p
\v 3 प्रधान याजक आऊन मा हापाळ मात ईनव दोष हच्चोर. 
\v 4 पिलातुस यीशु से मात्‍त केळदुन, “येन नी येनु उत्‍तर कोळाल? नोळ इंदुर नीन मा यास मात ईनव दोष हचीत्यार!”
\p
\v 5 यीशु फिर भी येनु उत्‍तर कोटीदील; ईल ताका कि पिलातुस उक बळा आश्चर्य आत.
\s मृत्यु-दण्ड इन आग्या
\r (मत्ती २७:१५-२६; लूका २३:१३-२५; यूहन्ना १८:३९; १९:१६)
\p
\v 6 हर ऊंद फसह हाब्ब इन घळी दा पिलातुस यावारा भी ऊंद कैदी इक यारी यहूदी लॉकुर चाहासतोगोर, आऊक आंदुर साठी बिट्टबुळ तोगोन. 
\v 7 बरअब्बा हेसुर ईनव ऊंद मंळसा ईरोन जो आ विद्रोह इन सांगुळ कैदी ईरोन, जो रोमन सरकार उन खिलाप विद्रोह दा हत्या माळीदुर. 
\v 8 अदिक भीळ म्याकुच होगकु पिलातुस से विनती माळली कुर्त, कि ह्यांग नी नाम साटी माळतेला बंद्या हांग अच माळ. 
\v 9 पिलातुस आंदरी उत्‍तर कोट्टुन, “येन नीव चाहासतीर कि ना नीम साटी यहूदीगोळ राजा अक बिट बुळाईन?” 
\v 10 यतिकी पिलातुस जानसोन कि प्रधान याजकगोळ आऊक सिट्ट देल सौप्सीदुर.
\p
\v 11 लेकीन प्रधान याजकगोळ लॉकुरी येर्सदुर कि आव बरअब्बा अक अच आंदुर साठी बीटबुळुल. 
\v 12 ईद केळकु पिलातुस आंदुर से मात्‍त केळदुन, “रा यारी नीव यहूदीगोळव राजा अनतीर, आऊक ना येन माळाईन?”
\p
\v 13 आंदुर मात्‍त चिळ्लासदुर, अदिक अंदुर “आऊक क्रूस मा येर्सबुळी!”
\p
\v 14 पिलातुस आंदुर से अंदुन, “येती ईव येन बुराई माळ्यान?”
\p लेकीन आंदुर मात्‍त अदिक चिल्ळासदुर, “आऊक क्रूस मा येर्सबुळी!”
\p
\v 15 आग पिलातुस भीळ इक खुश माळोद इच्छा देल, बरअब्बा अक आंदुर साठी बिट्ट बुटुन, अदिक यीशु उक कोळागोळ देल बळकु सौप्सदुर कि क्रूस मा येरसुल.
\s सैनिकगोळ द्वारा यीशु उन अपमान
\r (मत्ती २७:२७-३१; यूहन्ना १९:२-३)
\p
\v 16 सैनिकगोळ यीशु उक किला अन्द बुळ्क राज्यपाल उन मान्ना अन्द आंगुळ दा ओतुर जो प्रीटोरियुम कहलुसतद, अदिक बाकी नोर रोमी सिपाईगोळी कारूकु तंदुर. 
\v 17 आग आंदुर आऊक जांभळा रंग इन कपळा हाक्सुसदुर अदिक मुळ्ल इन मुकुट माळकु आऊन ताल्ला मा मंळ्सदुर, 
\v 18 अदिक ईद अनकु आऊक नमस्कार माळली कुरतुर, “हे यहूदीगोळ राजा, नीन जय आगुल!” 
\v 19 आंदुर आऊन ताल्ला मा सरकण्डा बडोर, अदिक आऊन मा ऊग्ळोर, अदिक ट्वांगरा टेक्सकु आऊक प्रणाम माळतेला ईत्‍तुर. 
\v 20 याग आंदुर आऊंद मज्याक हार्सकोंड्डुर, रा आऊन मय मा कळ्व जाभळा रंग इन फळक्या ईळ्सकु आऊन अवा कपळा मात हाक्सुसदुर; अदिक आग आऊक क्रूस मा येरसोर साठी व्हार्या ओतुर.
\s यीशु उन क्रूस मा येरसोद
\r (मत्ती २७:३२-४४; लूका २३:२६-४३; यूहन्ना १९:१७-२७)
\p
\v 21 \x + \xo १५:२१ \xo*\xt रोमियों १६:१३\xt*\x*आंदरी कुरेन ईनव ईरावाळा शमौन हेसुर ईनव मंळसा, हादी मा सिकदुन. आव ऊरी टु बरोन. अदिक आव सिकन्दर अदिक रूफुस उन आप्प ईरोन. सिपाहीगोळ आऊन मा जबरदस्ती दबाव हाकदुर कि आव यीशु उन क्रूस नेगुकु नळदान. 
\v 22 आंदुर यीशु उक गुलगुता हेसुर इन जागा मा तंदुर, यदुर मतलब खोपळी इन जागा हुन. 
\v 23 अल यीशु उक केय मसाला मीसळुस्द अंगुर इन रास्सा कोळली कुरतुर, लेकीन आव ताकोंडीदील. 
\v 24 आग आंदुर आऊक क्रूस मा येर्सदुर अदिक आऊन कपळा मा चिट्ठी गोळ हाक्‍कु, कि यारीक येन सिक्‍कीत, अवरी वाट्स बुटुर. 
\v 25 याग आंदुर आऊक क्रूस मा येर्सदुर रा व्हातरी नव ऊंम्बत मुरदिदव. 
\v 26 अदिक आऊन दोषपत्र लिख्सकु क्रूस मा आऊंद ताल्ला अन्द म्याकुच चिपकुस बुटुर “यहूदीगोळ राजा.” 
\v 27 आंदुर आऊन सांगुळ येढ्ढ डाकूगोळी भी क्रूस मा येर्सदुर, ऊंद डाकू उक ऊमा कय दी अदिक दुसरा डाकू उक डाक्या कय दी क्रूस मा येर्सदुर. 
\v 28 आग पवित्रशास्त्र अन्द अद वचन कि आऊक अपराधीगोळ सांगुळ आळुकु आदीत, पुरा आत.\f + \fr १५:२८ \fr*\ft ईद वचन हाळोद शास्त्र दा लिख्सकु हैलेच\ft*\f*
\p
\v 29 \x + \xo १५:२९ \xo*\xt मरकुस १४:५८; यूहन्ना २:१९\xt*\x*अदिक हादी मा टु होगावाळेर ताल्ला हालु-हालुस्कु अदिक ईद अन-अनकु आऊंद अपमान माळतोगोर, “वाह. मंदिर इक केळावाळा, अदिक मुर दिन दा माळावाळा! 
\v 30 तान तान इक ऊळ्स अदिक क्रूस मा टु ईळुकु बा.”
\p
\v 31 ईदा रीति देल प्रधान याजक भी, शास्त्रीगोळ सांगुळ, आपस दा आऊंद मज्याक हार्सकु अनतोगोर, “ईव रा दुसरा अक ऊळस्यान,” लेकीन तान तान इक ऊळ्स सकालुन.
\p
\v 32 इस्त्राएल इन राजा, मसीह, ईग क्रूस मा टु ईळ्दकु बर कि नाव नोळकु विश्वास माळेव. अदिक जो आऊन सांगुळ क्रूस मा येर्सकु आगीदुर, आंदुर भी आऊन नीम्दा माळतोगोर.
\s यीशु उन जीव त्यागसोद
\r (मत्ती २७:४५-५६; लूका २३:४४-४९; यूहन्ना १९:२८-३०)
\p
\v 33 याग दुसरा पहर आत रा पुरा द्याश दा अंधार आगेत अदिक मुर मुरास ताका हांग अच ईत्‍त. 
\v 34 अदिक मुर मुरा दी यीशु हापाळ धोळ्द शब्द दा चिल्ळास्कु अंदुन, “इलोई, इलोई, लमा शबक्तनी?” यदुर्द मतलब हुन, “हे नान परमेश्वर, हे नान परमेश्वर, नी नानी येती बिटबुट?”
\p
\v 35 आग जो आऊन हात्‍ती ईरोर आंदुर दा टु आरधा लॉकुर ईद केळकु अनली कुरतुर, “नोळी, आव एलिय्याह अक कारेत्यान.” 
\v 36 अदिक ऊंद मंळसा ओळकु स्पंज इक सिरके दा नेनाकदुन, अदिक सरकण्डे मा ईटकु आऊक नेक्सदुन अदिक अंदुन, “थाम्सेगी, नोळाता एलिय्याह आऊक ईळसोर साटी बरतान का ईला.”
\p
\v 37 आग यीशु धोळ्द शब्द दा चिल्ळास्कु जीव बिट बुटुन.
\p
\v 38 अदिक मंदिर इन परदा म्याकुच टु ल्यालमा ताका हरूकु येढ्ढ तुकळा आगेत. 
\v 39 जो सुबेदार आऊन मुंद नीदुरकु ईरोन, याग आऊक हिंग चिल्ळास्कु जीव बीळतेला नोळदुन, रा आव अंदुन, “खरा ई आद ईव मंळसा, परमेश्वर उन पार ईरोन!”
\p
\v 40 \x + \xo १५:४० \xo*\xt लूका ८:२,३\xt*\x*हापाळ आर्तेर भी दुर टु नोळतोगोर: आंदुर्दा मरियम मगदलीनी, स्याणेव याकूब अदिक योसेस उन मोय मरियम, अदिक सलोमी ईरोर. 
\v 41 याग आव गलील दा ईरोन रा इंदुर आऊंद हिंद आगेगोर; अदिक आऊंद स्यावा टहल माळतोगोर; अदिक दुसरा हापाळ आर्तेर भी ईरोर, जो आऊन सांगुळ यरूशलेम दा बंदीदुर.
\s यीशु उक नळसोद
\r (मत्ती २७:५७-६१; लूका २३:५०-५६; यूहन्ना १९:३८-४२)
\p
\v 42 याग द्याव मुळकेत रा इदुरसाटी कि तयार इन दिन ईरोद, जो आराम इन ऊंद दिन पयले ईरतद, 
\v 43 अरिमतिया नव ईरावाळा यूसुफ बंदुन, जो महासभा दव सदस्य ईरोन अदिक तावा परमेश्वर उन राज्य अन्द हादी कायोन. आव हिम्मत माळकु पिलातुस उन हात्‍ती होगकु यीशु उन लाश बेळदुन. 
\v 44 पिलातुस उक आश्चर्य आत कि आऊंद जीव ईट जल्दी होटोत; अदिक आव सुबेदार उक कारूकु केळदुन, “येन आव सोतोग्यान?” 
\v 45 याग आव सुबेदार उन बाय देल हाल केळदुन, रा लाश यूसुफ उक बेळ कोट्टुन. 
\v 46 आग आव मलमल इन ऊंद चादर कोंडुन, अदिक लाश इक ईळ्सकु आ चादर दा गुंळ्सदुन, अदिक ऊंद कब्र दा जो चट्टान दा अगुळकु आगीत ईटदुन, अदिक कब्र अन्द दरवाजा मा ऊंद कल्ल ढकलुसदुन. 
\v 47 मरियम मगदलीनी अदिक योसेस उन मोय मरियम नोळतोगोर कि आऊक येल ईटकु आग्याद.
\c 16
\s यीशु उन पुनरूत्थान
\r (मत्ती २८:१-८; लूका २४:१-१२; यूहन्ना २०:१-१०)
\p
\v 1 याग आराम इन दिन बितसेत, रा मरियम मगदलीनी, अदिक याकूब उन मोय मरियम, अदिक सलोमी सुगन्धित अत्‍तर कोंडुर अदिक बंदकु यीशु उन लाश मा हच्चेव. 
\v 2 यहूदीगोळ्द अनुसार हप्ता अन्द पयला दिन आयत्यार इन व्हातर्या अन्द आर मुरा याग सुर्य होळ्त, आंदुर कब्र मा बंदुर, 
\v 3 अदिक आपस दा अनतोगोर, “नाम साटी कब्र अन्द दरवाजा मा टु कल्ल याव ढकलुस्यान?” 
\v 4 कल्ल हापाळ धोळ्द ईरोद. याग आंदुर कण्ण नेगुकु नोळदुर रा कल्ल कब्र टु हटुस्कु ईरोद. 
\v 5 आ आर्तेर याग कब्र अन्द बुळ्क होदुर रा आंदुर ऊंद स्वर्गदूत उक हारोदव मंळसा अन घाई बिळेव कपळा मा ऊमा कय दी कुर्तकु नोळदुर, अदिक हापाळ अंजेदुर.
\p
\v 6 स्वर्गदूत आंदुर से अंदुर, “अंजबाळी, नीव नासरत इन यीशु उक ढुंढ़सेतीर, याऊक क्रूस मा येर्सकु आगीत. आव जित्‍ता आग्यान, ईल हैलेच; नोळी, ईदा अद जागा हुन, यल आंदुर आऊक ईटीदुर. 
\v 7 \x + \xo १६:७ \xo*\xt मत्ती २६:३२; मरकुस १४:२८\xt*\x*लेकीन नीव होगी, अदिक आऊन चेलागोळ अदिक पतरस से अनी कि आव नीम से पयले गलील इक होदान. ह्यांग आव नीम से अंदिदुन, नीव अल्या आऊक नोळीर.” 
\v 8 अदिक आ आर्तेर होटकु कब्र टु वोळेदुर; यतिकी थरथराहट अदिक घबराहट आंदुर मय दा तुम्मेगीत; अदिक आंदुर यारदारा से येनु अंदिदील, यतिकी आंदुर हापाळ अंजकु ईरोर.
\s मरियम मगदलीनी इक यीशु उन कांळ्सोद
\r (मत्ती २८:९-१०; यूहन्ना २०:११-१८)
\p
\v 9 आयत्यार इक व्हातुर आगतेला अच यीशु जित्‍ता आगकु पयले मरियम मगदलीनी इक कांळ्सदुन. आकिन दा टु आव येळ दुष्टआत्मागोळ तेगदीदुन. 
\v 10 आक होगकु यीशु उन संगीगोळी जो शोक दा मुळ्ककु ईरोर अदिक वोरलोर, ईद समाचार कोट्टुर. 
\v 11 आंदुर ईद केळदुर कि यीशु जित्‍ता आन अदिक मरियम मगदलीनी आऊक नोळ्यार, रा आंदुर आकिन मातगोळ मा विश्वास माळीदील.
\s येढ्ढ चेलागोळी यीशु उन कांळ्सोद
\r (लूका २४:१३-३५)
\p
\v 12 ईदुर बाद्दा दा यीशु दुसरा रूप दा आंदुर दा टु येढ्ढ चेलागोळी याग आंदुर ऊर इन दी होगोर, कांळ्सदुन. 
\v 13 आंदुर भी होगकु दुसरा चेलागोळी ईद समाचार कोट्टुर, लेकीन आंदुर फिर भी आंदुर्द मातगोळ मा विश्वास माळीदील.
\s हन्हुंद चेलागोळी यीशु उन कांळ्सोद
\r (मत्ती २८:१६-२०; लूका २४:३६-४९; यूहन्ना २०:१९-२३; प्रेरितगोळ १:६-८)
\p
\v 14 यीशु आ हनुन चेलागोळी भी कांळ्सदुन, याग आंदुर ऊमली कुर्तीदुर, कांळ्सदुन, अदिक आंदुर्द अविश्वास अदिक मन इन कठोरता मा आंदरी दनकुसदुन, यतिकी यार आऊंद जित्‍ता आगदुर बाद्दा आऊक नोळीदुर, आंदुर आऊंद विश्वास माळीदिल. 
\v 15 \x + \xo १६:१५ \xo*\xt प्रेरितगोळ १:८\xt*\x*अदिक यीशु चेलागोळ से अंदुन, “नीव पुरा दुनिया दा होगकु पुरा दुनिया अन लॉकुरी खुशखबरी प्रचार माळी. 
\v 16 जो विश्वास माळ्यार अदिक बपतिस्मा ताकोंडार आऊंदा उद्धार आदीत, लेकीन जो विश्वास माळतीदील आऊंद न्याय आदीत अदिक आऊक दोषी ठहरूस्कु आदीत; 
\v 17 विश्वास माळावाळेर दा ईव चिन्ह ईत्‍ताव कि आंदुर नान हेसुर देल दुष्टआत्मागोळी तेगदार, अदिक व्हासा व्हासा भाषा माताळ्यार, 
\v 18 अदिक आंदुर हाव इक नेगु कोंडार, अदिक अगर आंदुर जयर भी कुडु कोंडार रा आंदरी येनु नुकस्‍यान आगतीदील; आंदुर बिमारगोळ मा कय मंळस्यार, अदिक बिमार चंगा आगेदार.”
\s यीशु उक स्वर्ग दा नेगुकु आगोद
\r (लूका २४:५०-५३; प्रेरितगोळ १:९-११)
\p
\v 19 \x + \xo १६:१९ \xo*\xt प्रेरितगोळ १:९-११\xt*\x*प्रभु यीशु आंदुर से माताळदुर बाद्दा दा स्वर्ग मा नेगुकु आदुन, अदिक परमेश्वर उन ऊम्मा कय दी कुरतुन. 
\v 20 अदिक आंदुर होटकु हर जागा मा प्रचार माळदुर, अदिक प्रभु आंदुर सांगुळ क्याल्सा माळतेला ईत्‍तुन, अदिक आ चिन्ह अन्द द्वारा जो सांगुळ सांगुळ आगतोगोव, वचन इक मजबूत माळतेला ईरोन. आमीन.\f + \fr १६:२० \fr*\ft इव आयतगोळ हस्त लिखीत हाळोद शास्त्र दा सिक्‍कीदील\ft*\f*