\id JAS - Holiya
\ide UTF-8
\h याकूब
\toc3 याकूब
\toc2 याकूब
\toc1 याकूब उन चिट्ठी
\mt2 याकूब की पत्री
\mt1 याकूब उन चिट्ठी
\imt परिचय
\ip याकूब उन साटी परिचय याकूब उन किताब याकूब हेसुर इनव यातारा मंळसा द्वारा लिख्सकु आगीत. ईव संभव यीशु उन वार्ट याकूब ईरोन, जो सुरूवाती मंडली दा ऊंद अधिकारी ईरोन अदिक यरूशलेम नगर इन हिस्सा ईरोन \xt प्रेरितगोळ १५:१३\xt* प्रेरित पौलुस आऊक \xt गलातिगोळ २:९\xt* दा मंडली इन खंबा भी अंदुन. विधवानगोळ मानसोद भी आद कि याकूब उन किताब मसीह अन जनम इन ५० साल इन बाद्दा लिख्सकु आगीत. यतिकी याकूब यरूशलेम दा मंडली इन अधिकारी ईरोन, इदुरसाटी आव अल ईरतेला शायद किताब लिखसीदुन.
\ip याकूब तान किताब इक “राज्यगोळ न्याड्या बिखरूस्द व्हार्या जनजातीगोळ” इक संबोधित माळदुन \xt १:१\xt* याकूब दा सप्पा च्या सप्पा मसीहगोळ मा लागु आगताव लेकीन “व्हार्या जनजाती” शब्दगोळ उपयोग ईद संभव आगतद कि याकूब सीधा यहूदी मसीहगोळी लिखसोन. यतिकी ईद किताब पाठकगोळ ऊंद व्यापक समुह ताका पोहचुसोर साटी माळीदुन. ईद हापाळ विषयगोळी संबोधित माळ्त. याकूब विश्वास अदिक कार्यगोळ न्याड्या संबंधगोळ मा ध्यान केंद्रित माळतान. खरा आराम कारवाई दा तोर्सकु आदीत \xt २:१७\xt*. आव धनवान लॉकुरी \xt २:१-४\xt* पक्षपात तोरसोर खिलाप भी चेतावनी कोळतान अदिक नामी हेळतान कि नाव येन अनतेव \xt ३:१-१२\xt*
\iot रूप-रेखा
\io1 १. याकूब तान पाठकगोळी धन्यवाद कोळतान. \ior १:१\ior*
\io1 २. ईदुर बाद्दा आव मसीहगोळी सहन माळोर साटी प्रोत्साहित माळतान याग आंदुर बिमार आगतार. \ior १:२-२७\ior*
\io1 ३. बाक आव अनतान कि विश्वासगोळ माध्यम देल विश्वास इन साटी ह्यांग जरूरी आद. \ior २:१-२६\ior*
\io1 ४. अदुर बाद्दा आव अनतान कि यास शक्तिशाली शब्द आग सकताव. \ior ३:१-१२\ior*
\io1 ५. आग याकूब हेळतान कि ह्यांग परमेश्वर उन ग्यान दुनिया अन ग्यान से अलग आद. \ior ३:१३–४:१०\ior*
\io1 ६. ईदुर बाद्दा आव तान पाठकगोळी घमण्डी आगा खिलाप चेतावनी कोळतान. \ior ४:११–५:६\ior*
\io1 ७. याकूब थ्वाळासा साधारण निर्देश कोटकु तान किताब खतम माळतान. \ior ५:७-२०\ior*
\c 1
\p
\v 1 \x + \xo १:१ \xo*\xt मत्ती १३:५५; मरकुस ६:३; प्रेरितगोळ १५:१३; गलातिगोळ १:१९\xt*\x*परमेश्वर उन अदिक प्रभु यीशु मसीह नव दास याकूब उन दी टु आ हन्नेळ गोत्रगोळी जो तितर-बितर आगकु ईरतार नमस्कार पोहचुसुल.
\s विश्वास अदिक बुद्धिमानी
\p
\v 2 हे नान वार्टुरा अदिक आकतींगेरा, याग नीव अलग प्रकार इन परीक्षागोळ दा बिळी, रा इदरी पुरा खुशी इन मात समसी, 
\v 3 ईद जान्सकु कि नीम विश्वास इन परख आगदुर देल धीरज पैदा आगतद. 
\v 4 लेकीन धीरज इक तान सप्पा क्याल्सा माळगोळी कि नीव पुरा अदिक सिद्ध आगेगी, अदिक नीम दा यातोदु मात इन कमी ईरबाळुल.
\p
\v 5 लेकीन नीम दा टु यारीकारा दिमाक इन कमी ईरूल रा परमेश्वर से बेळुल, जो सप्पा मुंदुरी बिना दोष हचकु अनुग्रहपुर्वक कोळतान, अदिक आऊक कोटकु आदीत. 
\v 6 लेकीन विश्वास देल बेळुल, अदिक येनु सक माळबाळुल, यतिकी सक माळावाळा समुद्र अन्द लयर इन घाई आन जो हवा देल वाहुसतद अदिक हारतद. 
\v 7 हिंग मंळसा ईद सम्सबाळुल कि नानी प्रभु उन हाती टु येनारा सिक्‍कीत, 
\v 8 आ मंळसा येढ्ढ चित्‍तवाळा हुन अदिक तान सप्पा मातगोळ दा संची हैलेच.
\s गरीबी अदिक अमीरी
\p
\v 9 गरीब वार्टुरा याग परमेश्वर नीमी धोळ्द पद कोळतान रा खुशी माळी, 
\v 10 अदिक अमीर तान नीच दशा मा; यतिकी आव काड्डा अन्द फूल इन घाई ओळेदान. 
\v 11 यतिकी सुर्य अन होळतेला अच हापाळ बिसुल बिळतद अदिक काड्डा अक वंळ्गास बुळतद, अदिक अदुर्द फूल झळसेगतद अदिक अदुर शोभा नाश आगेगतद. ईदा प्रकार अमीर भी तान हादी मा नळुत-नळुत नाश आगेदान.
\s परख अदिक लालच
\p
\v 12 धन्य आन आ मंळसा जो परीक्षा दा स्थिर ईरतान, यतिकी आव सही होटकु जीवन इंद अद मुकुट हासिल माळ्यान यदुर्द वादा प्रभु तान प्यार माळावाळेर से माळ्यान. 
\v 13 याग यारदारा परीक्षा आगुल, रा आव ईद अनबाळुल कि नान परीक्षा परमेश्वर उन दी टु आगतद; यतिकी ना रा बेकार मातगोळ से परमेश्वर उन परीक्षा आग सकतद, अदिक ना आव यारदारा परीक्षा खुद माळतान. 
\v 14 लेकीन हर ऊंद मंळसा तांद अच बेकार अभिलाषागोळ देल जेडुकु अदिक फसुसकु परीक्षा दा बिळतान. 
\v 15 बाक बेकार अभिलाषा व्हाट्टा दी ईतकु खुद इन निर्माण माळतद अदिक पाप याग पुरा रीति देल वाळुसेगतद रा मृत्यु उक तयार माळतद.
\p
\v 16 हे नान प्रिय वार्टुरा अदिक आकतींगेरा, ध्वाका तिनबाळी. 
\v 17 यतिकी हर ऊंद वळ्लीद दान अदिक हर ऊंद परिपुर्ण उपहार स्वर्ग टु अच आद, अदिक अद आ परमेश्वर उन द्वारा ज्योति याव स्वर्गीय प्रकाश इक माळ्यान ल्यालमा तनकु आगताव, आव हमेशा बदलुस्त सावली घाई बदलुसालुन. 
\v 18 आव तांद अच इच्छा देल नामी सच्चाई अन्द वचन इन द्वारा तयार माळदुन, कि नाव आऊन दुनिया दा जो वस्तुगोळ आव अऊर दा टु ऊंद प्रकार इन पयला काय आदेव.
\s केळोद अदिक माळोद
\p
\v 19 हे नान प्रिय वार्टुरा अदिक आकतींगेरा, ईद मात नीव जान्स कोमी: हर ऊंद मंळसा केळोर साटी तत्पर अदिक माताळदुर दा धीर अदिक सिट्ट दा धीरा ईरूल, 
\v 20 यतिकी मंळसा अन्द सिट्ट परमेश्वर उन न्यायी उद्देश इक प्राप्त माळ सकाल्द. 
\v 21 इदुरसाटी सप्पा मईलपन अदिक दुश्मनी भाव इन बळती इक दुर माळकु, आ वचन इक नम्रता देल ग्रहण माळकोमी जो मन दा बोऊस्कु आत अदिक जो नीम उद्धार माळ सकतद. 
\v 22 सिर्फ केळावाळेर अच ईला जो तान तान इक ध्वाका कोळतार, लेकीन वचन मा नळावाळेर बन्सी. 
\v 23 यतिकी जो यावारा वचन इन केळावाळा ईरूल अदिक अदुर मा नळावाळा ईला आगुल, रा आव आ मंळसा अन्द घाई आन जो तान स्वाभाविक मार्रा आरसा दा नोळतान. 
\v 24 आव तान तान इक नोळकु होटोगतान अदिक तुरन्त मारतोगतान कि ना ह्यांग ईरीन. 
\v 25 लेकीन जो मंळसा स्वतंत्रता अन्द सिद्ध व्यवस्था मा ध्यान माळतान, आऊक परमेश्वर आऊन क्याल्सा दा इदुरसाटी आशीष कोट्टान कि केळकु मारालुन लेकीन हांग अच क्याल्सा माळतान. 
\v 26 येन नीम दा टु यावारा तान तान इक न्यायी सम्सतान? अगर नीव तान ल्यालग्या अक वश दा माळ सकालीर रा नीव तान तान इक ध्वाका कोळतीर अदिक नीम न्यायीपन बेकार आद. 
\v 27 नाम परमेश्वर अदिक आप्प उन हात्‍ती शुद्ध अदिक निर्मल भक्ति ईद आद कि अनाथगोळ अदिक रांड्यागोळ्द क्लेश दा आऊन सुधी ताकोमुल, अदिक तान तान इक दुनिया से निष्कलंक ईटुल.
\c 2
\s पक्षपात इन खिलाप चेतावनी
\p
\v 1 हे नान वार्टुरा अदिक आकतींगेरा, नाम महिमायुक्त प्रभु यीशु मसीह मा नीम विश्वास पक्षपात इन सांगुळ आगबाळुल. 
\v 2 समसी अगर ऊंद धनवान मंळसा व्हान्ना अन्द छल्ला अदिक सुंदर फळक्या हाक्‍कु नीम सभा दा बरूल, अदिक ऊंद गरीब मंळसा भी रेंदुसदव फळक्या हाक्‍कु बरूल, 
\v 3 अदिक नीव आ सुंदर फळक्यावाळा अन्द चेहरा नोळकु अंदीर, “नी अल वळ्लीद जागा दा कुर,” अदिक आ गरीब मंळसा से अंदीर, “नी ईल निदुरकु ईर,” या “नान कालगोळ हात्‍ती कुर.” 
\v 4 रा येन नीव आपस दा भेद-भाव माळीदिल अदिक बेकार उद्देश देल न्याय माळावाळेर ठहरूसीदील? 
\v 5 हे नान प्रिय वार्टुरा अदिक आकतींगेरा, केळी. येन परमेश्वर ई दुनिया अन्द गरीबगोळ्द चुनाव माळीदिल कि विश्वास दा धनी अदिक आ राज्य अन्द अधिकारी आगुल, यदुर्द वादा आव आंदुर से माळ्यान जो आऊन से प्यार ईटतार? 
\v 6 लेकीन नीव गरीब उन अपमान माळदीर. अदिक आंदुर यार उर जो नीम मा अत्याचार माळतार अदिक नीमी कचेरीगोळ दा जेडु जेडुकु ओयतार?
\p
\v 7 येन आंदुर ईंदुर आल्लच जो मसीह अन वळ्लीद हेसुर इंद अपमान माळतार? जो नीमी कोटकु आग्याद. 
\v 8 तरी भी अगर नीव पवित्रशास्त्र अन्द ई वचन इन अनुसार कि “नी तान मान्ना हातळोर वाळेर से तान घाई प्यार ईट” खराखुरा आ राज व्यवस्था अक पुरा माळतीर, रा वळ्लीद अच माळतीर. 
\v 9 लेकीन अगर नीव लॉकुर्द बाहरी पहराव नोळकु व्यवहार माळतीर, रा नीव पापी आईर, अदिक व्यवस्था नीमी नियम मुरावाळा ठहरूसतद. 
\v 10 यतिकी जो यावारा सप्पा व्यवस्था अन्द पालन माळतान लेकीन ऊंद अच मात दा चुकसेगुल रा आव सप्पा मातगोळ दा दोषी ठहरूसकु आग्यान. 
\v 11 याव ईद अंदुन, “नी व्यभिचार माळबाळेत,” आवा ईद भी अंदिदुन, “नी हत्या माळबाळेत,” इदुरसाटी अगर नी व्यभिचार रा माळीदिल लेकीन हत्या माळ्द तरी भी नी व्यवस्था अन्द उल्लंघन माळावाळा ठहरूस्द. 
\v 12 नीव आ लॉकुर घाई वचन माताळी अदिक क्याल्सा भी माळी, यार्द न्याय आ व्यवस्था अन्द अनुसार आदीत जो नामी स्वतंत्र माळतद. 
\v 13 इदुरसाटी जो दयालु हैलेच आऊन साटी परमेश्वर उन न्याय भी बिना दया अन्द अच आदीत लेकीन दया न्याय मा विजयी आद.
\s विश्वास अदिक कर्म
\p
\v 14 हे नान वार्टुरा अदिक आकतींगेरा, अगर यावारा अनुल कि नानी विश्वास आद लेकीन आव कर्म माळालुन, रा इदुर से येन फायदा? येन ईत्‍ता विश्वास यागल्यारा आऊन उद्धार माळ सकतद? 
\v 15 अगर यावारा वार्टुरा या आकतींग इन हाती जंग कपळा ईरूल अदिक आंदरी हर रोज भोजन इंद कमी ईरूल, 
\v 16 अदिक नीम दा टु यावारा आंदुर से अनुल, “शांती देल होगी, नीमी पर्याप्त कपळा सिकुल अदिक नीव वळ्लीद खाना तीनकु संतुष्ट ईरी,”
\p लेकीन जो वस्तुगोळ मय इन साटी जरूरी आव अव आंदरी ईला कोळुल रा येन फायदा? 
\v 17 हांग अच, अगर विश्वास भी कर्म सहित हैलेच रा तान स्वभाव दा सोतकु आद.
\p
\v 18 अगर यावारा अनतान, “नीनी विश्वास आद अदिक कर्म ना माळतीन.” नी तान विश्वास नानी कर्म इन बिना रा तोर्स; अदिक ना तान विश्वास तान कर्मगोळ्द द्वारा तोरसाईन. 
\v 19 येन नीनी विश्वास आद कि ऊंद अच परमेश्वर आन? नी वळ्लीद माळत्या. दुष्टआत्मा भी विश्वास ईटताव, अदिक नळ्गताव. 
\v 20 लेकीन हे निकम्मा मंळसा, येन नी ईद भी अरू सकाल कि कर्म इन बिना विश्वास व्यर्थ आद? 
\v 21 याग नाम पुर्वज अब्राहम तान पार इसहाक उक वेदी मा यर्सदुन, रा येन आव कर्मगोळ देल न्यायी ईला ठहरूसीदुन? 
\v 22 इदुरसाटी नी नोळ कोंड कि विश्वास आऊन क्याल्सागोळ सांगुळ मिलुसकु प्रभाव हाक्याद, अदिक कर्मगोळ देल विश्वास सिद्ध आत, 
\v 23 \f + \fr २:२३ \fr*\ft उत्पत्ति १५:६ \ft*\f*अदिक पवित्रशास्त्र अन्द ईद वचन पुरा आत: “अब्राहम परमेश्वर उन विश्वास माळदुन, अदिक ईद आऊन साटी न्यायी आळुकु आदुन,” अदिक आऊक परमेश्वर उन संगी अंदकु आत. 
\v 24 ई प्रकार नीव नोळ कोंडीर कि मंळसा सिर्फ विश्वास देल अच ईला, उलटा कर्मगोळ देल भी न्यायी ठहरूसकु आगतान. 
\v 25 हांगा राहाब वेश्या भी, याग आक स्वर्गदूतगोळी तान मान्या ईळ्सदुर अदिक दुसरा हादी देल विदा माळदुर, रा येन आक कर्मगोळ देल न्यायी ठहरूसदुर? 
\v 26 हांगा ह्यांग मय आत्मा अन्द बिना सोतकु आद, हांग अच विश्वास भी कर्म इन बिना सोतकु आद.
\c 3
\s ल्यालग्या अक वश दा माळोद
\p
\v 1 हे नान वार्टुरा अदिक आकतींगेरा, नीम दा टु हापाळ सा लॉकुर शिक्षा कोळावाळेर बन्सबाळुल, यतिकी जान्सतीर कि नाव शिक्षा कोळावार्ळेद यक्कुल गंभीरता देल न्याय माळकु आदीत. 
\v 2 इदुरसाटी कि नाव सप्पा मुंदुर हापाळ घन चुकसेगतेव; लेकीन अगर यावारा माताळदुर दा यातोदारा भी गलती माळतीदील रा आव ऊंद सिद्ध मंळसा आन अदिक सप्पा मय मा भी नियंत्रण ईट सकतान. 
\v 3 याग नाव तान आग्या मानसुसोर साटी घ्वाळा अन्द बाय दा लगाम हचतेव, रा नाव अदरी बाक यल चाहे अल तिर्गुस सकतेव. 
\v 4 जहाज भी, हिंग धोड्डेव ईरताव अदिक प्रचंड हवा देल नळ्सकु आगताव, तरी भी ऊंद स्यांळ्दतुसा सा पतवार इन द्वारा माँझी इन इच्छा अन्द अनुसार तिर्गुसकु आगताव. 
\v 5 हांग अच ल्यालग्या भी ऊंद स्यांळ्दतुसा सा हिस्सा आद अदिक अद धोळ्द-धोळ्द डींग होडुतद. जरासा सोची, थ्वाळासा बेक्‍की देल याट धोळ्द आळी दा बेक्‍की हत्‍तेगतद. 
\v 6 ल्यालग्या भी ऊंद बेक्‍की हुन; ल्यालग्या नाम मय इन हिस्सा दा अन्याय इन दुनिया हुन, अदिक सप्पा मय मा कलंक हचतद, अदिक जीवन-गति मा बेक्‍की हच बुळतद, अदिक नरक कुण्ड इन बेक्‍की देल होत्‍त ईरतद. 
\v 7 यतिकी सप्पा प्रकार इन आळी, पशु, पक्षी, अदिक रेंगसावाळा जन्तु, अदिक नीर इन जीव जन्तु रा मंळसा जाती इन वश दा आग सकताव अदिक आगेग्याव भी, 
\v 8 लेकीन ल्यालग्या अक मंळसागोळ दा टु याऊ वश दा माळ सकालुन; अद ऊंद हिंग बला आद जो यागलु अच रूकसाल, अद जीव नाशक जयर देल तुमकु आद. 
\v 9 इदुर देल अच नाव प्रभु अदिक आप्प उन स्तुती माळतेव, अदिक इदुर देल अच मंळसागोळी जो परमेश्वर उन स्वरूप दा पैदा आग्यार शराप कोळतेव. 
\v 10 ऊंद अच बाय देल धन्यवाद अदिक शराप येढ्ढु होळताव. हे नान वार्टुरा अदिक आकतींगेरा, हिंग ईला आग पायजे. 
\v 11 येन नीर इन सोता अन्द ऊंद अच बाय देल सय अदिक डवला नीर येढ्ढु होळताव? 
\v 12 हे नान वार्टुरा, येन अंजीर इन मार्र मा जैतून, या अंगुर इन केई मा अंजीर हत सकताव? हांग अच डवला नीर इन सोता टु सय नीर होळ सकाल. \fig घ्वाळा मा सवार|alt="Rider on a horse" src="lb00035c.tif" size="col" copy="Horace Knowles ©" ref="३:३"\fig*
\s स्वर्गीय बुद्धी
\p
\v 13 नीम दा बुद्धिमान अदिक समझदार याव आन? जो हिंग आन आव तान क्याल्सागोळी वळ्लीद चाल चलन देल आ नम्रता सहित प्रगट माळुल जो ग्यान देल पैदा आगतद. 
\v 14 लेकीन नीव तान-तान मन दा जलन, कळवाहट अदिक स्वार्थीपन ईटतीर, रा बुद्धी मा घमण्ड माळकु सच्चाई इन विरोध दा पाप माळबाळी. 
\v 15 ईद ग्यान अद आल्लच जो स्वर्ग टु ईळुतद, उलटा सांसारिक, अदिक शारीरिक, अदिक शैतानी आद. 
\v 16 यतिकी यल जलन अदिक स्वार्थीपन ईरतद, अल अव्यवस्थापन अदिक सप्पा प्रकार इन बेकार मातगोळ आगताव. 
\v 17 लेकीन जो ग्यान स्वर्ग टु बरतद अद पयले रा पवित्र ईरतद बाक मिलनसार, मुलायम अदिक शांतीमय अदिक दया अदिक वळ्लीद काय देल लटालोम अदिक पक्षपात अदिक कपट रहित ईरतद. 
\v 18 शांती प्रस्थापित माळावाळेर लॉकुरी अच न्यायी जीवन इन काय प्राप्त आदीत अगर अदरी शांतीपूर्ण वातावरण दा बोऊस्कु आग्याद.
\c 4
\s दुनिया से संगीपना
\p
\v 1 नीम दा लळाई झगळागोळ यल टु होटबंदव? येन ईद नीम इच्छागोळ देल आगाल्द जो नीम मय दा लळाई-झगळा माळताव? 
\v 2 नीव चाहासतीर, लेकीन नीमी सिकाल; इदुरसाटी नीव हत्या माळतीर. नीव पुरा रीति देल इच्छा ईटतीर, अदिक येनु हासिल माळ सकालीर; इदुरसाटी नीव लळाई अदिक झगळा माळतीर. जो नीव चाहासतीर नीमी सिकाल यतिकी नीव परमेश्वर से बेळालीर. 
\v 3 नीव बेळतीर लेकीन नीमी सिकाल, इदुरसाटी कि बेकार इच्छा माळकु बेळतीर, कि तान भोग-विलास दा हार्स बुळी. 
\v 4 हे विश्वासहीन लॉकुरा, येन नीव जान्सालीर कि दुनिया से संगीपना माळोद परमेश्वर से दुश्मनी माळोद हुन? जो यावारा दुनिया अन्द संगी आगोद चाहासतान, आव तान तान इक परमेश्वर उन दुश्मन माळतान. 
\v 5 येन नीव ईद सम्सतीर कि पवित्रशास्त्र बेकार अनतद, “याता आत्मा अक आव नाम बुळ्क घळुस्यान, येन अद हिंग लालसा माळतद यदुर्द प्रतिफल इर्ष्या आगुल?” 
\v 6 आव रा मात्त यक्कुल अनुग्रह कोळतान; ई कारण ईद शास्त्र दा लिख्सकु आद, “परमेश्वर अभिमानीगोळ्द विरोध माळतान लेकीन गरीबगोळ मा अनुग्रह माळतान.” 
\v 7 इदुरसाटी परमेश्वर उन हात्‍ती आगेगी; अदिक शैतान उन सामना माळी, रा अद नीम्द हात्‍ती टु ओळकु होदित. 
\v 8 परमेश्वर उन हात्‍ती बरी रा आव भी नीम्द हात्‍ती बंदान. हे पापीगोळा, तान कय तोळ कोमी; अदिक हे पाखंडी लॉकुरा, तान मन इक शुद्ध माळी. 
\v 9 दुखी आगी, अदिक शोक माळी, अदिक वर्ली. नीम्द नेग्गोद शोक दा, अदिक नीम्द खुशी उदासी दा बदलुसुल. 
\v 10 प्रभु उन मुंद नम्र बन्सी रा आव नीमी म्याकुच नेगदान.
\s मसीह वार्टुर मा दोष हचोद
\p
\v 11 हे वार्टुरा अदिक आकतींगेरा, आबुर दाबुर अपमान माळबाळी. जो तान मसीह वार्ट उन अपमान माळतान या मसीह वार्टुन मा दोष हचतान, आव व्यवस्था अन्द अपमान माळतान अदिक व्यवस्था मा दोष हचतान; अदिक अगर नी व्यवस्था मा दोष हचत्या, रा नी व्यवस्था मा नळावाळा ईला पर अदुर मा न्याय माळावाळा ठहरुस्द. 
\v 12 व्यवस्था कोळावाळा अदिक न्याय माळावाळा रा ऊंद अच परमेश्वर आन, आव आबना अच ऊळ्स सकतान या नाश माळ सकतान. नीव याव आगतीर तान मान्ना हातळोर न्याय माळावाळेर?
\s घमण्ड इन विरूद्ध चेतावनी
\p
\v 13 केळी, नीव जो ईद अनतीर, “ईंद या नाळ नाव यातोदारा अदिक नगर दा होगकु अल ऊंद वर्ष बितुसेव, अदिक व्यापार माळकु पैस्या कमुसेव.” 
\v 14 अदिक ईद जान्सालेव कि नाळ येन आदीत. केळ रा कोमी, नीम्द जीवन आद अच येन? नीव रा भाप इन घाई आईर, जो घळीतीम कांळ्सतद बाक गायब आगेगतद. 
\v 15 इदुर उलटा नीमी ईद अनली पायजे, “अगर प्रभु चाहास्यान रा नाव जित्‍ता ईत्‍तेव, अदिक ईद क्याल्सा या अद क्याल्सा भी माळेव.” 
\v 16 लेकीन ईग नीव तान डींग होडुतीर अदिक घमण्ड माळतीर; हिंग सप्पा घमण्ड बेकार आगतद. \fig कोमावाळा अदिक व्यापारी तान सामाईन सांगुळ|alt="Customer, merchant with his wares" src="hk00172c.tif" size="col" copy="Horace Knowles ©" ref="४:१३"\fig*
\p
\v 17 इदुरसाटी जो यावारा भलाई माळोद जान्सतान लेकीन माळालुन, आव पाप इन दोषी आन.
\c 5
\s धनवानगोळी चेतावनी
\p
\v 1 हे अमीरगोळा, केळ रा कोमी, नीव तान बरावाळा विपत्‍तीगोळ मा वर्ली अदिक ऊँचा स्वर देल विलाप माळी. 
\v 2 \x + \xo ५:२ \xo*\xt मत्ती ६:१९\xt*\x*नीम धन हुळतोग्याद अदिक नीम फळक्यागोळी उदई हत्‍तेग्याद. 
\v 3 नीम व्हान्ना-बेळ्ली दा जंग हत्‍तेग्याद; अदिक अद जंग नीम मा गवाही कोट्टीत, अदिक बेक्‍की घाई नीम मास तिंद बुट्टीत. नीव आखरी दुनिया दा धन जमा माळीर. 
\v 4 नोळी, याता क्याल्सावाळेर नीम केई दा मजदूरी माळदुर, आंदुर्द अद मजदूरी जो नीव ध्वाका कोटकु ईट बुट्टीर किटरेत्याद, अदिक कडावाळेर्द आक्रोश सर्वशक्तिमान प्रभु उन किव ताका ओळेग्याद. 
\v 5 नीव पृथ्वी मा भोग-विलास दा हतकु ईत्‍तीर अदिक हापाळ सुख भोग्सदिर; नीव ई वध इन दिन इन साटी तान मन इंद पालन-पोषण माळकु खुद इक मोटा-तरोताजा माळदीर. 
\v 6 नीव न्यायी मंळसा अक दोषी ठहरूसकु कोंद बुट्टीर, आव नीम सामना ईला माळायदुन.
\s धीरज अदिक प्रार्थना
\p
\v 7 इदुरसाटी हे वार्टुरा अदिक आकतींगेरा, प्रभु उन आगमन ताका धीरज ईटी. नोळी, किसान पृथ्वी इन किमती फसल इन आशा ईटतेला पयला अदिक आखरी माळ बिळास ताका धीरज ईटतान. 
\v 8 नीव भी धीरज ईटी; अदिक तान आशा अक माळकु ईटी, यतिकी प्रभु उन आगमन हात्‍ती होट बंदाद. 
\v 9 हे वार्टुरा अदिक आकतींगेरा, आबुर दाबुर प्रती सिकायत माळबाळी ताकी परमेश्वर नीम न्याय माळबाळुल; नोळी, न्यायाधीश प्रगट आगदुर मा आन. 
\v 10 हे वार्टुरा अदिक आकतींगेरा, याता भविष्यवक्तागोळ प्रभु उन हेसुर देल मात माळदुर, आंदरी दुख नेगोद समय आंदुर धैर्य अक ऊंद आदर्श समसी. 
\v 11 नोळी, नाव आ भविष्यवक्तागोळी यार धीरज ईटदुर धन्य अनतेव. नीव अय्यूब उन धीरज इन बारा दा रा केळदीर अच, अदिक प्रभु उन दी टु जो अदुर्द प्रतिफल आत अदरी भी अर्त कोंडीर, यदुर देल प्रभु उन यक्कुल करूणा अदिक दया प्रगट आगतद.
\p
\v 12 \x + \xo ५:१२ \xo*\xt मत्ती ५:३४-३७\xt*\x*लेकीन हे नान वार्टुरा अदिक आकतींगेरा, सब से धोळ मात ईद आद कि किर्‍या ईला तिनोद, ना आकाश इन, ना धरती इन, ना यातोवारा दुसरा चिज इन; लेकीन नीम मातकात हव इन हव, अदिक ईला अन्द ईला ईरूल, कि परमेश्वर उन न्याय नीम मा बरबाळुल.
\p
\v 13 अगर नीम दा यावारा विपत्‍ती दा बिदान? रा आंदरी प्रार्थना माळ पायजे. येन नीम दा यावारा खुश आन? रा आंदरी स्तुति अन्द भजन हाळ पायजे. 
\v 14 \x + \xo ५:१४ \xo*\xt मरकुस ६:१३\xt*\x*येन नीम दा यावारा रोगी आन? रा आंदरी पायजे कि मंडली इन स्याणा गवाहगोळी कारूल, कि आंदुर आंदुर साटी प्रार्थना माळुल अदिक आंदुर मा प्रभु उन हेसुर देल जैतून इन याण्णा हचुल. 
\v 15 अदिक विश्वास इन प्रार्थना अन्द द्वारा रोगी ऊळस्यान अदिक प्रभु आऊक मात्‍त स्वस्थ मय प्रदान माळ्यान; अदिक अगर आव पाप भी माळीदान, रा अव भी माफ आगेदव. 
\v 16 इदुरसाटी नीव आपस दा आबुर दाबुर मुंद तान-तान पापगोळी मान्स कोमी, अदिक आबुर दाबुर साटी प्रार्थना माळी, यदुर देल चंगा आगेगी: न्यायी जन इन प्रार्थना प्रभावशाली अदिक परिणाम कारक आगतद. 
\v 17 \f + \fr ५:१७ \fr*\ft १ राजा १७.१; १८.१\ft*\f* एलिय्याह भी रा नाम घाई दुख-सुख भोगसावाळा मंळसा ईरोन; अदिक आव गिळगिळास्कु प्रार्थना माळदुन कि माळ बरबाळुल; अदिक साढ़े मुर वर्ष ताका पृथ्वी मा माळ बंदिदील. 
\v 18 बाक आव प्रार्थना माळदुन, रा आकाश टु माळ बत्‍त, अदिक पृथ्वी फलवन्त आत्‍त. 
\v 19 हे नान वार्टुरा, अगर नीम दा टु यावारा सत्य अन हादी टु भटकुस्यान अदिक यावारा आऊक हादी मा तरूल, 
\v 20 \x + \xo ५:२० \xo*\xt १ पतरस ४:८\xt*\x*रा आव ईद जान्स कोमुल कि जो यावारा यातोदारा भटकुस्त पापी इक हादी मा तंदान, आव ऊंद जीव इक सोत्‍तुर देल ऊळस्यान अदिक अनेक पापगोळ मा परदा हाक्यान.