\id 1CO - Holiya
\ide UTF-8
\h १ कुरिन्थि
\toc3 १ कुरिन्थि
\toc2 १ कुरिन्थि
\toc1 कुरिन्थिगोळ्द हेसुर पौलुस प्रेरित उन पयला चिट्ठी
\mt2 कुरिन्थियों के नाम पौलुस प्रेरित की पहली पत्री
\mt1 कुरिन्थिगोळ्द हेसुर पौलुस प्रेरित उन पयला चिट्ठी
\imt परिचय
\ip प्रेरित पौलुस पयला कुरिन्थि ईद चिट्टी यीशु उन जनम इन ५५ साल इन बाद्दा लिख्सदुन. \xt १:१\xt* पौलुस कुरिन्थीवासीगोळी येढ्ढ चिट्टी लिखस्यान पौलुस उन ईद इच्छा ईरोद कि आव मकिदुनिया होगाईन अल होगा समय अदिक वापस बरा समय कुरिन्थिवासीगोळ से मुलाकात माळाईन मकिदुनिया अक होगा से पयले पौलुस ईद चिट्टी लिख्सदुन आग आव इफिसियों दा ईरतोगोन. \xt १६:५-९\xt*
\ip पौलुस उक कुरिन्थिगोळ मंडली दा जो फूट, व्यभिचार, अनैतिकता घाई अलग अलग समस्यागोळ नळव अऊर्द अहवाल आऊक सिकीत ई अहवाल इक प्रतिसाद कोळोर साटी पौलुस ईद चिट्टी लिख्सदुन. कुरिन्थि नगर व्यभिचार घाई अनैतिकता दा प्रसिद्ध ईरोद. इदुरसाटी ईद स्वाभाविक अच ईरोद कि हिंग समस्यागोळ मंडली दा भी प्रवेश माळ्याव. पयला कुरिन्थिगोळ्द ईद चिट्टी दा प्यार इन बारा दा जो सुप्रसिद्ध अध्याय आद, अदुर्द भी समावेश आद. \xt १३\xt*
\iot रूप-रेखा:
\io1 १. पौलुस उन दी टु कुरिन्थीवासीगोळी नमस्कार \ior १:१-९\ior*
\io1 २. कुरिन्थिगोळ्द मंडली दा आगावाळा दलबन्दी इन बारा दा पौलुस उन उत्‍तर \ior १:१०–४:२१\ior*
\io1 ३. लैंगिक अदिक अनैतिकता अन अळचन अदिक आबुर दाबुर न्यायालयीन झगळा \ior ५–६\ior*
\io1 ४. मदा अन समस्या अदिक मुर्तिपुजक चढ़ावा, सामुहिक आराधना, आत्मिक दान अदिक पुनरूत्थान \ior ७–१५\ior*
\io1 ५. व्यावहारिक अदिक व्यक्तिगत मुद्दागोळ बारा दा पौलुस उन सलाह \ior १६\ior*
\c 1
\p
\v 1 पौलुस उन दी टु जो परमेश्वर उन इच्छा देल यीशु मसीह अन्द प्रेरित आगोर साटी कारूकु आत अदिक वार्ट सोस्थिनेस दी टु,
\p
\v 2 \x + \xo १:२ \xo*\xt प्रेरितगोळ १८:१\xt*\x*परमेश्वर उन आ मंडली अन्द हेसुर जो कुरिन्थुस दा आद, मतलब आंदुर हेसुर जो मसीह यीशु दा पवित्र माळकु आग्यार, अदिक पवित्र आगोर साटी कारूकु आग्यार; अदिक आ सप्पा मुंदुर हेसुर भी जो हर जागा दा आंदुर अदिक नाम प्रभु यीशु मसीह अन्द हेसुर देल प्रार्थना माळतार.
\p
\v 3 नाम आप्प परमेश्वर अदिक प्रभु यीशु मसीह अन्द दी टु नीमी अनुग्रह अदिक शांती सिकतेला ईरूल.
\s यीशु मा विश्वास ईटावाळेर मा आशीषगोळ
\p
\v 4 ना नीम्द बारा दा तान परमेश्वर उन धन्यवाद हमेशा माळतीन, इदुरसाटी कि परमेश्वर उन ईद अनुग्रह नीम मा यीशु मसीह दा आत. 
\v 5 कि नीव यीशु मसीह दा ऊंद आगदुर कारण नीव हर मात दा, मतलब सप्पा वचन अदिक सप्पा ग्यान दा धनी माळकु आदीर. 
\v 6 यीशु मसीह अन्द बारा दा बातणी नीम दा पक्‍का होळुल. 
\v 7 इदुरसाटी कि यातोदारा वरदान दा नीमी कमी ना आगुल, ह्यांग नीव नाम प्रभु यीशु मसीह अन्द बरोद हादी नोळतेला ईरतीर. 
\v 8 आव नीमी आखरी ताका पक्‍का भी माळ्यान कि नीव नाम्द प्रभु यीशु मसीह अन्द वापस बरोद दिन दा निर्दोष ठहरूसी. 
\v 9 परमेश्वर विश्वास इन लायक आन, याव नीमी तान पार नाम्द प्रभु यीशु मसीह इन संगत दा कारस्यान.
\s विश्वासीगोळ्द मंडली दा दरार
\p
\v 10 हे वार्टुरा, ना नीम से नाम प्रभु यीशु मसीह अन्द हेसुर देल विनती माळतीन कि नीव सप्पा मुंदुर ऊंद अच मात अनी, अदिक नीम दा फूट बिळबाळुल, लेकीन ऊंद अच मन अदिक ऊंद अच मत आगकु मिलुसकु ईरी. 
\v 11 हे नान वार्टुरा अदिक आकतींगेरा, खलोए अन्द घराना अन्द लॉकुर नानी नीम्द बारा दा हेळदुर कि नीम दा झगळा आगेत्याव. 
\v 12 \x + \xo १:१२ \xo*\xt प्रेरितगोळ १८:२४\xt*\x*नांद अनोद मतलब ईद आद कि नीम दा टु यावारा रा तान तान इक “पौलुस उन,” यावारा “अपुल्लोस उन,” यावारा “कैफा अन,” रा यावारा “मसीह अन्द” अनुयायी अनतार. 
\v 13 येन मसीह अन्द वाटा हिस्सा आगेत? येन पौलुस नीम साटी क्रूस मा येर्सुसकु आदुन? या नीमी पौलुस उन हेसुर मा बपतिस्मा सिक्त?
\p
\v 14 \x + \xo १:१४ \xo*\xt प्रेरितगोळ १८:८; \xt*\xt प्रेरितगोळ १९:२९; रोमियों १६:२३\xt*\x*ना परमेश्वर उन धन्यवाद माळतीन कि क्रिसपुस अदिक गयुस उक बिटकु ना नीम दा टु याऊकु भी बपतिस्मा कोटीदील, 
\v 15 इदुरसाटी हिंग आगबाळुल कि यावारा अनुल कि नीमी नान हेसुर मा बपतिस्मा सिक्त. 
\v 16 \x + \xo १:१६ \xo*\xt १ कुरिन्थि १६:१५\xt*\x*अदिक हा, ना स्तिफनास इन घराना अक भी बपतिस्मा कोट्टीन; इंदरी बिटकु ना जान्सालीन कि ना अदिक यारीक बपतिस्मा कोट्टीन. 
\v 17 यतिकी मसीह नानी बपतिस्मा कोळली ईला, लेकीन खुशखबरी केळ्सली कळुदुन, अदिक ईद भी मंळसा अन्द ग्यान इन आवाजगोळ्द अनुसार ईला, हिंग आगबाळुल कि यीशु मसीह अन्द क्रूस बेकार ठहरूसुल.
\s मसीह परमेश्वर उन ग्यान अदिक सामर्थ्य हुन
\p
\v 18 यतिकी क्रूस इन कात्‍ता नाश आगावाळेर साटी मूर्खता आद, लेकीन नाव उद्धार ताकोमावाळेर साटी परमेश्वर उन सामर्थ्य आद. 
\v 19 यतिकी शास्त्र दा लिख्सकु आद,
\q1 “ना ग्यानवंतगोळ ग्यान इक नाश माळाईन,
\q2 अदिक समझदार गोळ्द समझ इक सब से बेकार माळ बुळाईन.”
\m
\v 20 येल आन ग्यानवान? येल आन नियम इन गुरु? येल आन ई दुनिया अन विवाद माळावाळा? येन परमेश्वर ई दुनिया अन ग्यान इक मूर्खता ठहरूसीदील?
\p
\v 21 यतिकी याग परमेश्वर उन ग्यान इन अनुसार ईद दुनिया तान ग्यान देल परमेश्वर उक जान्स सकिदील, रा परमेश्वर उक ईद वळ्लीद हत कि ई प्रचार इन “मूर्खता” अन्द द्वारा विश्वास माळावाळेर इक उद्धार कोळुल. 
\v 22 यहूदी रा चमत्कार इन चमत्कार चाहासतार, अदिक ग्रीक ग्यान इन खोज दा आर, 
\v 23 लेकीन नाव रा आ क्रूस मा येर्सकु आग्यान आ मसीह अन्द प्रचार माळतेव, जो यहूदीगोळ्द साटी ठोकर इन कारण अदिक गैरयहूदीगोळ साटी मूर्खता आद; 
\v 24 लेकीन जो कारूकु आग्यार, येन यहूदी येन गैरयहूदी, आंदुर हात्‍ती मसीह परमेश्वर उन सामर्थ्य अदिक परमेश्वर उन ग्यान आद. 
\v 25 यतिकी परमेश्वर उन मूर्खता मंळसागोळ्द ग्यान देल ग्यानवान आद, अदिक परमेश्वर उन कमजोरी मंळसागोळ्द ताकत देल हापाळ बलवान आद.
\p
\v 26 हे वार्टुरा अदिक आकतींगेरा, तान कारूकु आगोद मा रा सोची कि ना मय इन अनुसार हापाळ ग्यानवान, अदिक ना हापाळ सामर्थी, अदिक ना हापाळ वळ्लीद घराना टु कारूकु आग्यार. 
\v 27 लेकीन परमेश्वर दुनिया अन मूर्खगोळी नीवळुसदुन कि ग्यानवंतगोळी शर्मिंदा माळुल, अदिक परमेश्वर दुनिया अन कमजोर मंळसागोळी निवळुसदुन कि बलवानगोळी शर्मिंदा माळुल; 
\v 28 अदिक परमेश्वर दुनिया अन नीचगोळी अदिक तुच्छगोळी इक भी जो खुद ईला अन्द बराबर सम्सतार आंदरी भी नीवळुसदुन, ताकी महत्वपुर्ण मातगोळ आंदरी व्यर्थ ठहरूसुल. 
\v 29 परमेश्वर हिंग माळदुन ताकी यातोदु प्राणी आऊन मुंद घमण्ड माळबाळुल. 
\v 30 लेकीन परमेश्वर नामी यीशु मसीह दा ऊंद माळदुन, जो परमेश्वर उन दी टु नाम साटी ग्यान ठहरूस्त. आऊन द्वारा नाव परमेश्वर उन मुंद न्यायी ठहरूसुल, अदिक पवित्र अदिक स्वतंत्र माळकु आदेव; 
\v 31 ताकी ह्यांग शास्त्र दा लिख्सकु आद, हांग अच आगुल, “जो घमण्ड माळ्यान आव प्रभु दा घमण्ड माळुल.”
\c 2
\s क्रूस मा येर्सकु आग्यान मसीह अन्द बारा दा बातणी
\p
\v 1 हे वार्टुरा अदिक आकतींगेरा, याग ना परमेश्वर उन रहस्यमय सच्चाई अदिक भेद केळ्सतेला नीम्द हात्‍ती बंदीन, रा आवाजगोळ या ग्यान इन उत्‍तमता अन्द सांगुळ बंदिदील. 
\v 2 यतिकी ना ईद ठान्स कोंडीदिन कि नीम्द न्याड्या यीशु मसीह बल्‍की क्रूस मा येर्सकु आदुन मसीह अदिक आऊन मृत्यु इक बिटकु यातोदु अदिक मात इक जान्सतीदील. 
\v 3 \x + \xo २:३ \xo*\xt प्रेरितगोळ १८:९\xt*\x*ना कमजोरी अदिक अंज्क इन सांगुळ, अदिक हापाळ नळ्गत-नळ्गत नीम हात्‍ती बंदीन; 
\v 4 अदिक नान वचन, अदिक नान प्रचार दा ग्यान इक लूभावना मातगोळ ईला, बल्‍की आत्मा अदिक सामर्थ्य इन प्रमाण ईरोद, 
\v 5 इदुरसाटी कि नीम्द विश्वास मंळसागोळ्द ग्यान मा ईला, लेकीन परमेश्वर उन सामर्थ्य मा निर्भर ईरूल.
\s परमेश्वर उन ग्यान
\p
\v 6 तरी भी जानकार लॉकुर दा नाव ग्यान केळ्सतेव; लेकीन ई दुनिया अन अदिक ई दुनिया अन नाश आगावाळेर शासकगोळ्द ग्यान ईला; 
\v 7 लेकीन नाव परमेश्वर उन अद होचकु ग्यान, भेद इन रहस्य अन्द वर्णन माळतेव मतलब आ होचकु ग्यान इक यारी परमेश्वर दुनिया माळोद पयले टु ना नाम्द महिमा अन्द साटी ठहरूस्यान, 
\v 8 यारी ई दुनिया अन शासकगोळ दा टु यारू जान्सीदिल, यतिकी अगर आंदुर जान्सायदुर रा महिमा माळावाळा प्रभु उक क्रूस मा ईला येर्सायदुर. 
\v 9 लेकीन ह्यांग लिख्सकु आद,
\q1 “जो मात कण्णगोळ नोळीदील अदिक किवगोळ केळीदील,
\q2 अदिक जो मातगोळ मंळसा अन्द मगज दा तुमीदिल,
\q2 आंदुर अच उर जो परमेश्वर तान प्यार ईटावाळेर साटी तयार माळ्यान.”
\m
\v 10 लेकीन परमेश्वर आंदरी तान आत्मा अन्द द्वारा नाम मा प्रगट माळदुन, यतिकी आत्मा सप्पा मातगोळ, उलटा परमेश्वर उन रहस्यमय मातगोळ भी जाँच तान. 
\v 11 मंळसागोळ दा टु याव यावारा मंळसा अन्द मातगोळी जान्सतान, सिर्फ मंळसा अन आत्मा जो आऊंदा आद? हांग अच परमेश्वर उन मातगोळ भी याऊ जान सकालुन, सिर्फ परमेश्वर उन आत्मा अच जान सकतद. 
\v 12 लेकीन नामी दुनिया अन आत्मा ईला, लेकीन अद आत्मा सिक्याद जो परमेश्वर उन दी टु आद कि नाव आ मातगोळी जान्सेव जो परमेश्वर नामी कोटान.
\p
\v 13 यारी नाव मंळसागोळ्द ग्यान इन कल्सद मातगोळ दा ईला, लेकीन परमेश्वर उन आत्मा अन्द कल्सद मातगोळ मा, यारी परमेश्वर उन आत्मा आद आंदरी आत्मिक मातगोळ केळ्सतेव. 
\v 14 जो मंळसा परमेश्वर उन आत्मा अन्द मातगोळी ग्रहण माळालुन, यतिकी अव आऊन नजर दा मूर्खता नव मातगोळ आव, अदिक ना आव आंदरी जान्स सकतान यतिकी आंदुर जाँच आत्मा अन्द रीति देल आगतद. 
\v 15 यारी परमेश्वर उन आत्मा आद आव मंळसा सप्पा येनारा जाँच तान, लेकीन आव खुद यारदु से जाँच कु आगालुन. 
\v 16 ह्यांग पवित्रशास्त्र दा लिख्सकु आद,
\q1 “याव जान्स सकतान प्रभु उन मन इक?
\q2 याव आऊक सलाह कोळ सकतान?”
\m लेकीन नाम दा मसीह अन्द मन आद.
\c 3
\s परमेश्वर उन सेवक
\p
\v 1 हे वार्टुरा अदिक आकतींगेरा, ना नीम से ई रीति देल मातगोळ माळ सकिदील ह्यांग कि आत्मिक लॉकुर से, लेकीन ह्यांग कि दुनिया अन लॉकुर से, अदिक आंदुर से जो मसीह दा चिकोर आर. 
\v 2 \x + \xo ३:२ \xo*\xt इब्रानिगोळ ५:१२,१३\xt*\x*ना नीमी हाल कुळ्सदीन, अनाज तिनसिदील; यतिकी नीव अदरी पचुस ईला सकीर; सही दा नीव ईगास ताका अदरी पचुस सकालीर, 
\v 3 यतिकी नीव ईगास ताका दुनिया अन लॉकुर घाई आईर. यागासताका नीम दा मतभेद अदिक झगळा आद, रा येन नीव ई दुनिया नोर आल्लच? अदिक येन मंळसा अन्द रीति मा नळालीर? 
\v 4 \x + \xo ३:४ \xo*\xt १ कुरिन्थि १:१२\xt*\x*यतिकी याग पयला अनतान, “ना पौलुस उन हुईन,” अदिक दुसरा अनतान, “ना अपुल्लोस उन हुईन,” रा येन नीव दुनिया अन मंळसागोळ्द घाई जीऊस सकालीर?
\p
\v 5 येन हुन अपुल्लोस? अदिक येन हुन पौलुस? सिर्फ सेवक, याऊन द्वारा नीव विश्वास माळदीर, ह्यांग हर ऊंद मंळसा अक प्रभु सौप्सदुन हांग आंदुर क्याल्सा माळ पायजे. 
\v 6 \x + \xo ३:६ \xo*\xt प्रेरितगोळ १८:४-११; \xt*\xt प्रेरितगोळ १८:२४-२८\xt*\x*ना हचदीन, अपुल्लोस सिचुसदुन, लेकीन परमेश्वर वाळुसदुन. 
\v 7 इदुरसाटी ना हचावाळा येनारा आन अदिक अदरी सिचावाळा, लेकीन परमेश्वर अच सप्पा येनारा आन जो वाळुसावाळा आन. 
\v 8 हचावाळा अदिक सिचावाळा येढ्ढु ऊंद सारखा आर; लेकीन हर ऊंद मंळसा अक तान अच मेहनत इन अनुसार आऊक परमेश्वर आऊन क्याल्सा अन्द अनुसार आऊक मजदूरी कोट्टान. 
\v 9 यतिकी नाव परमेश्वर उन सहकर्मी आयेव; नीव परमेश्वर उन केई
\p अदिक परमेश्वर उन रचना हुईर. 
\v 10 परमेश्वर उन आ अनुग्रह अन्द अनुसार जो नानी कोटकु आग्याद, ना बुद्धिमान राजमिस्त्री इन घाई पायवा हाकदिन, अदिक दुसरा अदुर मा रद्दा मंळ्सतान. लेकीन हर ऊंद मंळसा सावधान ईरूल कि आव आऊन मा ह्यांग रद्दा ईटतान. 
\v 11 यतिकी आ पायवा अक बिटकु जो बिदकु आद, अदिक अद यीशु मसीह हुन, याऊ दुसरा पायवा हाक सकालुन. 
\v 12 अगर यावारा मंळसा ई पायवा मा व्हान्ना, बेळ्ली, बार्र कल्ल, हुळ्ली या काड्डा देल रद्दा मंळस्यान, 
\v 13 रा हर ऊंद मंळसा अन्द क्याल्सा प्रगट आगेदीत; यतिकी न्याय इन अद दिन आऊक हेळीत, इदुरसाटी कि बेक्‍की इन सांगुळ प्रगट आदान अदिक अद बेक्‍की हर ऊंद मंळसा अन्द क्याल्सा परखुसीत कि ह्यांग आद. 
\v 14 याऊन क्याल्सा आ नीव मा माळकु स्थिर ईत्‍तीत, रा आऊक मजदूरी सिक्‍कीत. 
\v 15 अगर यावारा मंळसा अन्द क्याल्सा होतेदित, रा आव घाटा नेगदान; लेकीन आव खुद ऊळदोदान लेकीन व्हत्‍तेला-व्हत्‍तेला.
\p
\v 16 \x + \xo ३:१६ \xo*\xt १ कुरिन्थि ६:१९; २ कुरिन्थि ६:१६\xt*\x*येन नीव जान्सालीर कि नीव परमेश्वर उन मंदिर हुईर, अदिक परमेश्वर उन आत्मा नीम दा वास माळतद? 
\v 17 अगर यावारा मंळसा परमेश्वर उन मंदिर इक नाश माळ्यान रा परमेश्वर आऊक नाश माळ्यान; यतिकी परमेश्वर उन मंदिर पवित्र आद, अदिक अद नीव हुईर.
\p
\v 18 याऊ तान तान इक ध्वाका कोळबाळुल. अगर नीम दा टु यावारा ई दुनिया दा तान तान इक ग्यानी सम्सतान, रा आव मूर्ख बनसुल कि ग्यानी आगेगुल. 
\v 19 यतिकी ई दुनिया अन ग्यान परमेश्वर उन हात्‍ती मूर्खता आद, ह्यांग शास्त्र दा लिख्सकु आद, “आव ग्यानीगोळी आंदुर्द चतुराई दा फसुस कोमतान,” 
\v 20 शास्त्र दा हिंग लिख्सकु आद कि, “प्रभु ग्यानीगोळ्द विचारगोळी इक जान्सतान कि अव व्यर्थ आव.” 
\v 21 इदुरसाटी मंळसागोळ बारा दा यारू घमण्ड माळबाळी, यतिकी सप्पा येनारा नीम दा हुन: 
\v 22 येन पौलुस, येन अपुल्लोस, येन कैफा, येन दुनिया, येन जीवन, येन सायोद, येन वर्तमान, येन भविष्य, सप्पा येनारा नीम्दा हुन: 
\v 23 नीव मसीह नव हुईर, अदिक मसीह परमेश्वर उन हुन.
\c 4
\s मसीह अन्द प्रेरित
\p
\v 1 मंळसा नामी मसीह अन सेवक अदिक परमेश्वर उन मातगोळ्द मुनीम समसुल. 
\v 2 बाक ईल भंडारी दा ईद मात जरूरी आद कि भंडारी देखरेख माळावाळा मुनीम विश्वासलायक ईरूल. 
\v 3 लेकीन नांद नजर दा ईद हापाळ स्यांळ्द मात आद कि नीव या मंळसागोळ्द यावारा न्यायालय नानी न्याय दिलुसुल, बल्‍की ना खुद तान तान इक न्याय दिलुस सकालीन. 
\v 4 यतिकी नांद मन नान न्याय माळाल्द, लेकीन इदुर देल ना निर्दोष ठहरूसालीन, यतिकी नांद जाँच माळावाळा प्रभु आन. 
\v 5 इदुरसाटी यागासताका प्रभु बरालुन, समय टु पयला यातोदु मात इन न्याय माळबाळी: आवा अंधकार इन होचकु मातगोळ ज्योति दा तोरस्यान, अदिक मनगोळ अभिप्रायगोळी इक प्रगट माळ्यान, आग परमेश्वर उन दी टु हर ऊंद मंळसा अन्द प्रशंसा आदीत.
\p
\v 6 हे वार्टुरा अदिक आकतींगेरा, ना ई मातगोळ दा नीम साटी तान अदिक अपुल्लोस उन मातगोळ उदाहरण इन रीति मा माळीन, इदुरसाटी कि नीव नाम द्वारा ईद कली कि जो शास्त्र दा लिख्सकु आद अदुर से मुंद आगबाळेतीर, अदिक ऊंद मंळसा अन्द विरोध दा अदिक दुसरा मंळसा अन्द विरोध दा गर्व माळबाळेतीर. 
\v 7 नीन दा अदिक दुसरा मंळसा दा याव भेद माळतान? अदिक नीन हात्‍ती येन आद जो नीनी परमेश्वर देल सिक्‍कीदील? अदिक याग कि नीनी परमेश्वर देल सिक्याद, रा हिंग घमण्ड येती माळत्या कि मान्सी नानी सिक्‍कीदील?
\p
\v 8 नीव रा संतुष्ट आगीदीर, नीव धनी आगीदीर, नीव नाम बिना राज्य माळदीर; लेकीन भला आगाईत कि नीव राज्य माळायदीर कि नाव भी नीम सांगुळ राज्य माळायदेव. 
\v 9 नान समझ दा परमेश्वर नाव प्रेरितगोळी सब मुंदुर्द बाद्दा आ लॉकुर घाई ठहरूस्यान, यार्द सायोद आग्या आगेग्याद; यतिकी नाव दुनिया अदिक स्वर्गदूतगोळ अदिक मंळसागोळ साटी ऊंद तमाशा ठहरूसकु आयेव. 
\v 10 नाव मसीह अन साटी मूर्ख आयेव, लेकीन नीव मसीह दा बुद्धिमान आईर! नाव कमजोर आयेव, लेकीन नीव बलवान आईर! नीमी आदर सिकतद, लेकीन नाम्द अपमान आगतद! 
\v 11 नाव ई घळी ताका हस्तकु नीरअळ्क अदिक हरकु कपळा हाकतेव, नाम सांगुळ बुरा तरीका देल व्यवहार माळतार अदिक नाव मारा मारा टेटतेव; 
\v 12 \x + \xo ४:१२ \xo*\xt प्रेरितगोळ १८:३\xt*\x*अदिक तान अच कयगोळ देल क्याल्सा माळकु मेहनत माळतेव. लॉकुर नामी बुरा अनतार, नाव आशीष कोळतेव; आंदुर सतुस्तार, नाव सहन माळतेव. 
\v 13 आंदुर बदनाम माळतार, नाव विनती माळतेव. नाव ईंद ताका दुनिया अन मईल अदिक सप्पा वस्तुगोळ्द खात कचरा अन घाई ठहरूसकु आयेव.
\p
\v 14 ना नीमी शर्मिंदा माळोर साटी ईव मातगोळ लिखसालीन, लेकीन नानव प्रिय चिकोर घाई सम्सकु नीमी चेतावनी कोळतीन. 
\v 15 यतिकी अगर मसीह दा नीमी कल्सावाळेर हत्‍त हजार भी ईरायदुर, तरी भी नीमव गुरुगोळ हापाळ सा हैलेच; इदुरसाटी कि मसीह यीशु दा खुशखबरी इन द्वारा ना नीमव आप्प आदीन. 
\v 16 \x + \xo ४:१६ \xo*\xt १ कुरिन्थि ११:१; फिलिप्पिगोळ ३:१७\xt*\x*इदुरसाटी ना नीम से विनती माळतीन कि नीव नान अनुकरण माळी. 
\v 17 ईदा कारण ना तीमुथियुस उक, जो प्रभु दा नानव प्रिय पार अदिक विश्वासयोग्य सेवक आन, नीम हात्‍ती कळुदीन. आव नीमी मसीह दा नान आचरण इन याद माळ्यान, ह्यांग कि ना हर जागा दा, हर ऊंद मंडली अक उपदेश कोळतीन.
\p
\v 18 येनारा लॉकुर घमण्ड देल हिंग बातोग्यार, मान्सी ईग ना नीम हात्‍ती बरातीदील. 
\v 19 लेकीन प्रभु चाहास्यान रा ना नीम हात्‍ती राटनेरी इच बराईन, अदिक आ बातकुगोळ्द मातगोळ इक ईला, लेकीन आंदुर सामर्थ्य इक जान्स कोमाईन. 
\v 20 यतिकी परमेश्वर उन राज्य मातगोळ दा ईला लेकीन सामर्थ्य दा आद. 
\v 21 नीव येन चाहासतीर? येन ना कोल हुळकु नीम हात्‍ती बराईन, या प्यार अदिक नम्रता अन सांगुळ?
\c 5
\s मंडली दा अनैतिकता
\p
\v 1 ईद सही दा केळ सिक्याद कि नीम बीच दा व्यभिचार आगतद, अदिक हिंग व्यभिचार जो गैरयहूदीगोळ दा भी आगाल्द, मतलब ऊंद मंळसा तान आप्प उन हिंग्स उक ईटतान. 
\v 2 पर नीव घमण्ड देल बातोगीर, अदिक नीव इदुर बदला दुख माळालीर, यदुर देल कि हिंग क्याल्सा माळावाळा नीम बीच दा टु तेगुकु आगायदुन. 
\v 3-4 ना रा मय देल दुर ईरीन, लेकीन आत्मा देल नीम सांगुळ आगकु मान्सी उपस्थिती इन दशा दा हिंग क्याल्सा माळावाळेर्द बारा दा ईद आग्या कोटबुट्टीन कि याग नीव अदिक नांद आत्मा, नामव प्रभु यीशु उन सामर्थ्य इन सांगुळ जमा आगुल, रा हिंग मंळसा नामव प्रभु यीशु उन हेसुर देल 
\v 5 रा हिंग मंळसा मय इन विनाश इन साटी भूत इक सौप्सकु आगुल, कि आऊन आत्मा अक प्रभु यीशु उन दिन दा उद्धार सिक्‍कुल.
\p
\v 6 \x + \xo ५:६ \xo*\xt गलातिगोळ ५:९\xt*\x*नीम्द घमण्ड माळोद वळ्लीद ईलच; येन नीव जान्सालीर कि थ्वाळासा खमीर पुरा कालस्कु हीट इक खमीर माळ बुळतद? 
\v 7 हाळोद खमीर तेगुकु तान तान इक शुद्ध माळी कि व्हाशोद कालस्कु हीट आगेगी; मतलब नीव अखमीरी हीट आगेगी ह्यांग नीव सही दा आईर. यतिकी नाम्द भी फसह, जो मसीह आन, आऊन बलिदान आग्याद. 
\v 8 इदुरसाटी बरी, नाव हाब्ब दा खुशी मानसाता, ईदारा हाळोद खमीर टु अदिक ना बुराई अदिक दुष्टता अन खमीर टु, लेकीन सीधाई अदिक सच्चाई इन अखमीरी रोट्टी देल.
\p
\v 9 ना तान चिट्ठी दा नीमी लिख्सीन कि व्यभिचारीगोळ्द संगती माळबाळेत. 
\v 10 ईद ईला कि नीव ई दुनिया अन व्यभिचारीगोळ, या लोभ माळावाळेर, या अंधार माळावाळेर, या मूर्ति इन पुजा माळावाळेर्द संगती माळबाळी; यतिकी ईद दशा दा टु होटबुळोद अच बिळाईत. 
\v 11 पर नान कहना ईद आद कि अगर यावारा वार्ट अंदकु, व्यभिचारी, या लोभ माळावाळा, या मूर्ति इन पुजा माळावाळा, या बोयावाळा, या सारा कुडावाळा, या अंधार माळावाळा हुन, रा आऊन संगती माळबाळेत; उलटा हिंग मंळसा अन्द सांगुळ ऊम भी बाळेतीर.
\p
\v 12 यतिकी नानी व्हार्यावाळेर्द न्याय माळदुर देल येन क्याल्सा? येन नीमी आंदुर्द न्याय माळोद ईलच जो मंडली दा आर? 
\v 13 लेकीन व्हार्यावाळेर्द न्याय परमेश्वर माळतान. इदुरसाटी आ कुकर्मी अक तान बीच दा टु तेगु बुळी.
\c 6
\s मसीहगोळ दा मुकदमेबाजी
\p
\v 1 याग नीम न्याड्या आपस दा झगळा आगतद रा येन नीम दा टु हिंग यावारा आन जो पवित्र लॉकुर हात्‍ती होगोद बदला अविश्वासीगोळ देल न्याय माळसुसोद दुस्साहस माळतान? 
\v 2 येन नीव जान्सालीर कि विश्वासी पवित्र लॉकुर दुनिया अन न्याय माळ्यार? इदुरसाटी याग नीमी दुनिया अन न्याय माळोद आद, रा येन नीव स्यांळ्द से स्यांळ्द झगळागोळ्द भी निर्णय माळोद लायक ईलच? 
\v 3 येन नीव जान्सालीर कि नाव स्वर्गदूतगोळ न्याय माळेव? रा येन सांसारिक मातगोळ्द निर्णय माळतीदील? 
\v 4 अगर नीमी सांसारिक मातगोळ्द निर्णय माळोद ईतीदाद, रा येन आंदरी अक अच कुरसेतीर यार्द मंडली दा येनु भी संबंध ईलच? 
\v 5 ना नीमी शर्मिंदा माळोर साटी ईद अनतीन. येन खराखुरा नीम दा ऊंद भी बुद्धिमान सिकालुन, जो तान वार्टुर निर्णय माळ सकुल? 
\v 6 नीम दा वार्टुर वार्टुर दा मुकदमा आगतद, अदिक अद भी अविश्वासीगोळ मुंद.
\p
\v 7 लेकीन सही दा नीम दा हापाळ दोष रा ईद आद कि आपस दा मुकदमा माळतीर. अन्याय येती सहन माळालीर? तान हानि येती सहन माळालीर? 
\v 8 लेकीन नीव रा खुद अच अन्याय माळतीर अदिक हानि पहुचुसतीर, अदिक अद भी वार्टुरी का. 
\v 9 येन नीव जान्सालीर कि अन्यायी लॉकुर परमेश्वर उन राज्य अन्द वारीस आगसकालुर? ध्वाका तिनबाळी; ना यौन संबंध, ना मूर्ति इन पुजा माळावाळा, ना परस्त्रीगामी, ना गंळ्सगामी, 
\v 10 ना काळ्ल, ना लोभी, ना सारा कुडावाळा, ना बोयावाळा, अदिक ठगुसावाळेर परमेश्वर उन राज्य अन्द वारीस आदार. 
\v 11 अदिक नीम दा टु यास हिंग अच ईरोर, लेकीन नीव प्रभु यीशु मसीह अन्द हेसुर देल अदिक नाम परमेश्वर उन आत्मा देल तोळुकु आदव अदिक पवित्र आदुर अदिक न्यायी ठहरूसदुर.
\s मय परमेश्वर उन महिमा अन्द साटी
\p
\v 12 \x + \xo ६:१२ \xo*\xt १ कुरिन्थि १०:२३\xt*\x*सप्पा वस्तुगोळ नान साटी उचित रा आद, लेकीन सप्पा वस्तुगोळ लाभ इन आलच; सप्पा वस्तुगोळ नान साटी उचित आद, लेकीन ना यार्दु मात इन हात्‍ती आगालीन. 
\v 13 आमली काण्णा व्हाट्टा अन्द साटी, अदिक व्हाट्टा आमली काण्णा अन्द साटी आद, लेकीन परमेश्वर इदरी अदिक अदरी येढ्ढु उक नाश माळ्यान. लेकीन शरीर व्यभिचार इन साटी ईला, बल्‍की प्रभु उन साटी हुन, अदिक प्रभु शरीर इन देखभाल माळोर साटी आन. 
\v 14 परमेश्वर तान सामर्थ्य देल प्रभु उक जित्‍ता माळदुन, अदिक नामी भी जित्‍ता माळ्यान.
\p
\v 15 येन नीव जान्सालीर कि नीम्द मय मसीह अन्द मय इन अंग हुन? रा येन ना मसीह अन्द मय इन अंग हुळकु आंदरी वेश्या अन्द अंग माळाईन? यागलु ईला. 
\v 16 येन नीव जान्सालीर कि जो यावारा वेश्या से संगती माळतान, आव आकिन सांगुळ ऊंद तन आगेगतान? यतिकी शास्त्र दा लिख्सकु आद: “आंदुर येढ्ढु मुंदुर ऊंद तन आदार.” 
\v 17 अदिक जो प्रभु उन संगती दा जोळ्सकु आग्यार, आव आऊन सांगुळ ऊंद आत्मा बनसेगुल.
\p
\v 18 व्यभिचार देल ऊळ्दकु ईरी. यास अन्य पाप मंळसा माळतान अव मय इन व्हार्या आद, लेकीन व्यभिचार माळावाळा तान अच मय इन विरूद्ध पाप माळतान. 
\v 19 \x + \xo ६:१९ \xo*\xt १ कुरिन्थि ३:१६; २ कुरिन्थि ६:१६\xt*\x*येन नीव जान्सालीर कि नीम्द मय पवित्र आत्मा अन्द मंदिर आद, जो नीम दा कुर्तकु आद अदिक नीमी परमेश्वर उन दी टु सिक्याद; अदिक नीव तानव आलच? 
\v 20 यतिकी परमेश्वर नीमी दाम कोटकु कोंडुन, इदुरसाटी तान मय इन द्वारा परमेश्वर उन महिमा माळी.
\c 7
\s मदा से संबंधित प्रश्न
\p
\v 1 आ मातगोळ बारा दा जो नीव लिख्सीर,
\p ईद वळ्लीद आद कि गंळ्स आर्त इक मुठबाळुल. 
\v 2 लेकीन व्यभिचार इन अंज्क देल हर ऊंद गंळ्स उन हिंग्स, अदिक हर ऊंद आर्त इन गांड्ड ईरूल. 
\v 3 गांड्ड तान हिंग्स उन हक्‍क पुरा माळुल; अदिक हांग अच हिंग्स भी तान गांड्ड उन हक्‍क पुरा माळुल. 
\v 4 हिंग्स उक तान मय मा अधिकार हैलेच लेकीन आकिन गांड्ड उन अधिकार आद; हांग अच गांड्ड उक भी तान मय मा अधिकार हैलेच, लेकीन हिंग्स उन आद. 
\v 5 नीव आबुर दाबुरी ई अधिकार देल वंचित माळबाळी, लेकीन सिर्फ आपसी सहमती देल थ्वाळासा समय ताका अलग ईरी कि प्रार्थना अन्द साटी मवका सिक्‍कुल, अदिक बाक ऊंद सांगुळ आगेगी, ईदारा हिंग आगबाळुल कि नीम्द असंयम इन कारण भूत नीम्द परीक्षा ताकोमुल.
\p
\v 6 लेकीन ना इजाजत इन रूप दा ईद अनतीन, आदेश इन रूप दा ईला. 
\v 7 ना ईद चाहासतीन कि ह्यांग ना आईन, हांग अच सप्पा मंळसा ईरूल; लेकीन हर ऊंद मंळसा अक परमेश्वर उन दी टु विशेष विशेष वरदान सिक्याव; यारीकारा यातोदारा प्रकार इन, अदिक यारीकारा यातोदारा अलग प्रकार इन.
\p
\v 8 ईग ना कुवारा अदिक रांड्यागीतेर बारा दा अनतीन कि आंदुर साटी हिंग अच ईरोद वळ्लीद आद, ह्यांग ना आईन. 
\v 9 लेकीन अगर आंदुर संयम ईट सकालुर, रा मदा माळुल; यतिकी मन दा गलत बिचार माळदुर देल मदा माळोद भला आद.
\p
\v 10 \x + \xo ७:१० \xo*\xt मत्ती ५:३२; १९:९; मरकुस १०:११,१२; लूका १६:१८\xt*\x*यार्द मदा आगेग्याद, आंदरी ना ईला, बल्‍की प्रभु आग्या कोळतान कि हिंग्स तान गांड्डुन से अलग आगबाळुल. 
\v 11 अदिक अगर अलग भी आदार, रा दुसरा मदा माळबाळुल हांगा ईरूल; या तान गांड्ड उन से बाक मेल माळ कोमुल, अदिक ना गांड्ड तान हिंग्स उक बिळबाळुल.
\p
\v 12 दुसरा से प्रभु ईला लेकीन ना अच अनतीन, अगर यावारा वार्ट उन हिंग्स विश्वास ईला ईटतीदार अदिक आऊन सांगुळ ईत्‍तुर देल खुश ईतीदार, रा आव आक इक बिळबाळुल. 
\v 13 या आर्त इन गांड्ड अविश्वासी ईतीदान, अदिक आकिन सांगुळ ईत्‍तुर देल खुश ईरूल; रा आक तान गांड्ड उक बिळबाळुल. 
\v 14 यतिकी हिंग गांड्ड जो अविश्वासी ईतीदान, आव हिंग्स उन कारण पवित्र ठहरूस्तान; अदिक हिंग हिंग्स जो विश्वास ईला ईटतीदार, गांड्ड उन कारण पवित्र ठहरूस्तार; ईदारा नीमव चिकोर-चिंळ्गेर अशुध्द ईरायदुर, लेकीन ईग रा पवित्र आर. 
\v 15 लेकीन जो गंळ्स अविश्वास ईतीदान, अगर आव अलग आदान रा अलग आगगोळी, हिंग दशा दा याऊ वार्ट या आकतींग बंधन दा ईला. परमेश्वर नामी मेल मिलाप माळोर साटी कारस्यान. 
\v 16 यतिकी हे आर्त, नी येन जान्सत्या कि नी तान गांड्ड उन उद्धार माळसुस कोंड्या? अदिक हे गंळ्सा, नी येन जान्सत्या कि नी तान हिंग्स उन उद्धार माळसुस कोंड्या?
\s परमेश्वर ह्यांग कारूतान अदुर अनुसार नळी
\p
\v 17 ह्यांग प्रभु हर ऊंद मंळसा अक जीवन कोट्टुन, अदिक ह्यांग परमेश्वर हर ऊंद मंळसा अक कारदुन, हांग अच आव नळुल. ना सप्पा मंडलीगोळ दा हिंग अच कल्सतीन. 
\v 18 येन यावारा खतना अन्द दशा दा कारूकु आग्यान, अदिक परमेश्वर ह्यांग यारी कारस्यान, आव खतनारहित बन्सबाळुल. जो खतनारहित दशा दा कारूकु आग्यान? आव खतना माळबाळुल? 
\v 19 ना खतना येनु आद अदिक ना खतनारहित, लेकीन परमेश्वर उन आग्यागोळ अनुसार नळोद सप्पा येनारा आद. 
\v 20 हर ऊंद मंळसा या दशा दा परमेश्वर कारदान, आव अदा दशा दा ईरूल. 
\v 21 अगर नी दास उन दशा दा कारूकु आगीद्या रा चिन्ता माळबाळ; लेकीन अगर नी आजाद आगोद चाहासत्या, रा हिंग अच क्याल्सा माळ. 
\v 22 यतिकी जो दास उन दशा दा प्रभु दा कारूकु आग्यान, आव प्रभु उन स्वतंत्र माळकु जन हुन. हांग अच जो स्वतंत्रता अन्द दशा दा कारूकु आग्यान, आव मसीह अन्द दास हुन. 
\v 23 नीमी परमेश्वर दाम कोटकु कोंडुन; मंळसागोळ्द दास बन्सबाळी. 
\v 24 हे वार्टुरा अदिक आकतींगेरा, जो यावारा या दशा दा कारूकु आग्यान, आव परमेश्वर उन मुंद ईरूल.
\s बिना मदावळ्त अदिक रांड्यागीतेर
\p
\v 25 कुवारा पोरगोळ बारा दा प्रभु उन यातोदु आग्या नानी सिक्‍कीदील, लेकीन विश्वासयोग्य आगोर साटी ह्यांग दया प्रभु नान मा माळदुन, ना अदुर्दा अनुसार सम्मति कोळतीन.
\p
\v 26 नांद समझ दा ईद वळ्लीद आद कि ईंद नाळ क्लेश इन कारण, मंळसा ह्यांग आन हांग अच ईरूल. 
\v 27 अगर नीन हिंग्स आर, रा आकिन से अलग आगोद प्रयास माळबाळ; अदिक अगर नीन हिंग्स ईलच, रा हिंग्स उन खोज माळबाळ. 
\v 28 लेकीन अगर नी मदा भी माळ्या रा पाप माळाल. अदिक अगर कुवारा पोर मदा माळुल, रा आक पाप माळालुर. तरी भी मदा माळतार आंदरी ई जीवन दा शारीरिक दुख आदीत, अदिक ना नीमी ऊळसोद चाहासतीन.
\p
\v 29 हे वार्टुरा अदिक आकतींगेरा, ना ईद अनतीन कि समय कम माळकु आग्याद, इदुरसाटी ईग टु यार हिंग्स आर आंदुर हिंग ईरी मान्सी कि आंदुर्द हिंग्स ईलच; 
\v 30 अदिक वर्ला वाळेर हिंग ईरूल मान्सी वर्लालुर, अदिक खुशी माळावाळेर हिंग ईरूल मान्सी खुशी माळालुर. अदिक जो पैस्या कोटकु कोमावाळेर आर आंदुर हिंग ईरूल मान्सी आंदुर हात्‍ती येनु हईच ईलच. 
\v 31 अदिक ई दुनिया अन सांगुळ व्यवहार माळावाळेर हिंग ईरूल, मान्सी कि आंदुर आ व्यवहार होचकु हैलेच; यतिकी ई दुनिया अन रीति अदिक व्यवहार खतम आगेगताव.
\p
\v 32 लेकीन ना ईद चाहासतीन कि नीमी चिंता आगबाळुल. बिना मदावाळा गंळ्स प्रभु उन मातगोळ्द चिंता दा इरतान कि प्रभु उक ह्यांग खुश ईटुल. 
\v 33 लेकीन मदावाळा मंळसा दुनिया अन मातगोळ्द चिन्ता दा इरतान कि तान हिंग्स उक याता रीति देल खुश ईटुल. 
\v 34 मदावळ्त अदिक बिना मदावळ्त पोर दा भी भेद आद: बिना मदावळ्त पोर प्रभु उन चिन्ता दा ईरतार कि आक मय अदिक आत्मा येढ्ढु दा पवित्र ईरूल, लेकीन मदावळ्त दुनिया अन चिन्ता दा ईरतार कि तान गांड्ड उक खुश ईटुल.
\p
\v 35 ना ईद मात नीम्दा लाभ साटी अनतीन, ना कि नीम मा बंधन हच्चोर साटी, बल्‍की इदुरसाटी कि ह्यांग शोभा कोळतद हांग अच माळ पायजे, कि नीव ऊंद मगज आगकु प्रभु उन स्यावा दा हतकु ईरी.
\p
\v 36 या सगाई माळ्त ज्वाळा मदा ईला माळोद निर्णय ताकोंडाद, लेकीन अगर आ मंळसा अक हततद, कि आऊन व्यवहार आ कुवारा पोर इन प्रती वळ्लीद हैलेच, अदिक आऊन भावनागोळ हापाळ मजबूत आव अदिक आऊक हततद, कि आंदरी मदा माळकोम पायजे, रा आंदरी जरूर मदा माळ पायजे ह्यांग आव चाहासतान, ईदुर दा येनु पाप हैलेच. 
\v 37 लेकीन याव ईद मामला अक तान दिमाक दा तय माळदुन, जो यातोदारा भी मजबुरी अन हात्‍ती हैलेच, लेकीन तान इच्छा मा काबु ईटतान, अदिक याव कुवारा पोर इन से मदा ईला माळोद तान मन माळ कोंडान, आव मंळसा भी वळ्लीद माळतान. 
\v 38 जो मदा माळतान, आव वळ्लीद माळतान, अदिक जो मदा माळालुन, आव मात्‍त अदिक भी वळ्लीद माळतान.
\p
\v 39 यागासताका यातारा आर्त इन गांड्ड जित्‍ता इरतान, आगासताका आ आर्त आऊन बंधन दा ईरतार; लेकीन अगर आकिन गांड्ड सोतोदान रा यारी चाहस्यार आऊन से मदा माळ सकतार, लेकीन प्रभु दा विश्वासी ईर पायजे. 
\v 40 लेकीन अगर आक बिना मदा माळदुर देल ईरूल, रा नान विचार दा अदिक भी धन्य आर; अदिक ना सम्सतीन कि परमेश्वर उन आत्मा नान दा भी आद.
\c 8
\s मूर्तिगोळी येर्सकु आगोद आमली काण्णा
\p
\v 1 ईग मूर्तिगोळ्द मुंद बली माळ्द भोजन वस्तुगोळ्द बारा दा नाव जान्सतेव कि नाव सप्पा मुंदरी ग्यान आद.
\p ग्यान घमण्ड पैदा माळतद, लेकीन प्यार देल उन्नती आगतद. 
\v 2 अगर यावारा समसुल कि ना येनारा जान्सतीन, रा ह्यांग जान्सोद पायजे हांगा ईग ताका जान्सालुन. 
\v 3 लेकीन अगर यावारा परमेश्वर से प्यार ईटतान, रा परमेश्वर आऊक अरूतान.
\p
\v 4 इदुरसाटी मूर्तीगोळ्द मुंद बली माळ्द वस्तुगोळ्द तिनोद बारा दा नाव जान्सतेव कि मूर्ति इन दुनिया दा येनु अस्तित्व ईलच, अदिक आऊक बिटकु याऊ परमेश्वर ईलच. 
\v 5 इदुरसाटी आकाश दा अदिक पृथ्वी मा हापाळ सा “द्याव” कहलुसतार. ह्यांग कि हापाळ सा द्याव अदिक हापाळ सा “प्रभु” आर. 
\v 6 तौभी नाम साटी रा ऊंद अच परमेश्वर आन: मतलब आप्प याऊन दी टु सप्पा वस्तुगोळ माळकु आग्याव, अदिक नाव आऊन साटी आयेव. अदिक आव ऊंद अच प्रभु आन, मतलब यीशु मसीह याऊन द्वारा सप्पा वस्तुगोळ माळकु आव, अदिक नाव भी आऊन द्वारा माळकु आगेव.
\p
\v 7 लेकीन सप्पा मंळसागोळी ईद ग्यान ईलच, लेकीन येनारा लॉकुर ईग ताका मूर्ति इन संपर्क दा ईत्‍तुर कारण ईग ताका बली कोळ्द वस्तु अक हिंग तिनतार मान्सी खराखुरा मूर्ति इन मुंद बली माळकु आग्याद, अदिक आऊन विवेक निर्बल आगोद कारण अशुध्द आगेगतान. 
\v 8 ऊमोद नामी परमेश्वर उन हात्‍ती पहुचुसाल्द. अगर नाव तिनतीदील रा नाम्द येनु हानि ईलच, अदिक अगर तिनदेव रा येनु लाभ ईलच.
\p
\v 9 लेकीन सावधान! हिंग आगबाळुल कि नीम्द ईद आजादी ईदारा निर्बलगोळ साटी ठोकर इन कारण आगेगुल. 
\v 10 अगर यावारा मंळसा नीन घाई ग्यानी इक मूर्ति इन मंदिर दा ऊमतेला नोळ्यान अदिक आव निर्बल जन आगुल रा येन इदुर देल आऊन विवेक इक मूर्ति इन मुंद बली माळ्द वस्तु तिनोद हिम्मत आगतीदील. 
\v 11 ई रीति देल अपमान ग्यान इन कारण आव निर्बल वार्ट यार्द साटी मसीह सोत्‍तुन, नाश आगेदान. 
\v 12 ई प्रकार वार्टगोळ विरूद्ध अपराध माळदुर देल अदिक आदुर्द निर्बल मन इक दुख पोहचुसदुर देल, नीव मसीह अन्द विरूद्ध अपराध माळतीर. 
\v 13 ई कारण अगर ऊमोद नान वार्ट उक ठोकर तिनसीत, रा ना यागलु यातारा रीति देल मॉदरा तिनतीदील, ना आगुल कि ना तान वार्ट उन साटी ठोकर इन कारण बनसाईन.
\c 9
\s प्रेरितगोळ्द अधिकार अदिक कर्तव्य
\p
\v 1 येन ना आजाद हैलेच? येन ना भी प्रेरित आल्लच? येन ना यीशु उक जो नामव प्रभु हुन, नोळीदील? येन नीव प्रभु दा नांद मेहनत इन प्रतिफल आल्लच. 
\v 2 अगर ना दुसरा अन्द साटी प्रेरित आल्लच, तरी भी नीम साटी रा हुईन; यतिकी ना परमेश्वर उन क्याल्सा माळदीन, नीम प्रभु दा एकता अच नान प्रेरित आगोद प्रमाण आद.
\p
\v 3 जो नानी जाँच तार, आंदुर साटी ईदा नांद उत्‍तर आद. 
\v 4 येन नामी कमाई माळकु तिनोद कुडोद अधिकार ईलच? 
\v 5 येन नामी ईद अधिकार ईलच, कि यातारा मसीह आकतींग इन सांगुळ मदा माळकु आक इक हुळकु टेटेव, ह्यांग दुसरा प्रेरित अदिक प्रभु उन वार्ट अदिक कैफा माळतार? 
\v 6 या सिर्फ नानी अदिक बरनबास उक अच कमाई माळकु तिनोद अधिकार ईलच. 
\v 7 हिंग याव आन जो तांद अच खर्च मा सेना दा स्यावा माळतान? याव आन जो अंगुर इन केई हचकु अदुर्द काय तिनालुन? हिंग याव आन जो म्यांडागोळ्द रखवाली माळकु अऊर्द हाल कुडालुन?
\p
\v 8 येन ना ईव मातगोळ मंळसागोळ्द अच रीति मा अनतीन? यतिकी व्यवस्था अन्द किताब दा ईदा मात लिख्सकु आद. 
\v 9 \x + \xo ९:९ \xo*\xt १ तीमुथियुस ५:१८\xt*\x*येन व्यवस्था ईद अनाल्द? यतिकी मूसा अन्द व्यवस्था दा लिख्सकु आद, “दावन दा नळुतेला वस्ता अन्द बाय कट बाळेतीर.” येन परमेश्वर वस्तागोळ्द अच चिन्ता माळतान? 
\v 10 या विशेष माळकु नाम साटी अनतान. हा नाम साटी अच लिख्सकु आग्याद, यतिकी उचित आद कि नांगर नळसावाळा आशा देल केई नळसुल, अदिक दावन कोळावाळा फसल सिक्‍कोद आशा देल दावनी माळुल. 
\v 11 \x + \xo ९:११ \xo*\xt रोमियों १५:२७\xt*\x*याग नाव नीम्द साटी आत्मिक मातगोळ बोऊसदेव, अदिक अगर नाव आ शारीरिक वस्तुगोळ्द फसल कडुतेव, रा येन अद धोळ्द मात आद. 
\v 12 अगर नीम मा दुसरा लॉकुर अधिकार जतुसतार, रा येन नाम्द नीम मा यक्कुल अधिकार हैलेच?
\p तरी भी नाव ई अधिकार इन इस्तेमाल माळीदिल, लेकीन नाव सब येनारा सहन माळतेव कि नाम्द द्वारा मसीह अन खुशखबरी दा अळचन बरबाळुल. 
\v 13 येन नीव जान्सालीर कि जो मंदिर दा स्यावा माळतार, आंदुर मंदिर दा टु तिनतार; अदिक जो वेदी इन स्यावा माळतार, आंदुर वेद इन भेंट इन सहभागी आगतार? 
\v 14 \x + \xo ९:१४ \xo*\xt मत्ती १०:१०; लूका १०:७\xt*\x*ईदा रीति देल प्रभु भी ठहरूसदुन कि जो लॉकुर खुशखबरी केळ्सतार, आंदुर जीविका खुशखबरी देल आगुल.
\p
\v 15 लेकीन ना इदुर दा टु यातोदारा भी मात इक क्याल्सा दा तंदिदील, अदिक ना ईव मातगोळ इदुरसाटी लिख्सीदिल कि नांद साटी हिंग माळुल, यतिकी इदुर देल रा नांद सायोद अच भला आद कि यावारा नांद घमण्ड इक बेकार ठहरूसुल. 
\v 16 अगर ना खुशखबरी केळसाईन, रा नांद साटी येनु घमण्ड इन मात आलच; यतिकी ईद रा नांद साटी जरूरी आद. अगर ना खुशखबरी ईला केळसाईन, रा नान मा हाय! 
\v 17 यतिकी अगर तान इच्छा देल ईद माळतीन रा मजदूरी नानी सिकतद, अदिक अगर तान इच्छा देल माळालीन तरी भी परमेश्वर नानी ईद सौप्सदुन अदिक ईदा नांद कर्तव्य हुन. 
\v 18 रा नांद मजदूरी येन हुन? ईद कि याग ना खुशखबरी प्रचार माळाईन रा अदरी फुकट दा माळाईन, अदिक खुशखबरी दा जो नान अधिकार आद अदरी पुरा रीति देल उपयोग दा ईला तराईन.
\p
\v 19 यतिकी ना मंळसागोळ से आजाद आईन तरी भी ना तान तान इक सप्पा मुंदुर्द दास माळ कोंडीन कि हापाळ लॉकुरी परमेश्वर उन राज्य दा तर सकुल. 
\v 20 ना यहूदीगोळ साटी यहूदी आदीन कि यहूदीगोळी परमेश्वर उन राज्य दा तर सकुल. जो लॉकुर मूसा अन्द व्यवस्था अन्द हात्‍ती आर आंदुर साटी ना व्यवस्था अन्द हात्‍ती ईला आगदुर मा भी व्यवस्था अन्द हात्‍ती आदीन कि आंदरी जो व्यवस्था अन्द हात्‍ती आर, आंदरी भी परमेश्वर उन राज्य दा तर सकुल. 
\v 21 जो व्यवस्थारहित आर आंदुर साटी ना यीशु मसीह जो परमेश्वर उन व्यवस्था देल रहित आईन, व्यवस्थारहित-सा आगेदीन कि जो व्यवस्थारहित आर आंदरी भी परमेश्वर उन राज्य दा तर सकुल. 
\v 22 ना निर्बलगोळ साटी निर्बल सा आगेदीन कि निर्बलगोळी जिक्सकु तराईन. ना सब मंळसागोळ साटी सब येनारा बन्सदीन कि यातोद ना यातोद रीति देल यावारा ऊंद मंळसा अन्द उद्धार माळसुसाईन.
\p
\v 23 ना ईद सब येनारा खुशखबरी इन साटी माळतीन कि दुसरा अन्द सांगुळ अदुर्द भागी आगेगाईन. 
\v 24 येन नीव जान्सालीर कि दवळ दा रा सप्पा अच वोळतार, लेकीन ईनाम ऊंदा मंळसा वोयतान? नीव भी ई प्रकार देल वोळी कि नीव जीत्स सकी. 
\v 25 आळोद प्रतियोगिता दा भाग ताकोमावाळा हर ऊंद खिलाळी सप्पा प्रकार इन संयम ईटतान. आव रा नाश आगोद हार इन प्राप्ती इन साटी ईद सप्पा येनारा माळतार, लेकीन नाव रा आ मुकुट साटी माळतेव जो मुरझुसाल. 
\v 26 इदुरसाटी ना रा ईदा रीति देल हरूतीन, लेकीन लक्ष्यहीन ईलच; ना भी ईदा रीति देल बुक्‍की देल आळतीन, लेकीन अदुर घाई ईला जो हवा पीट्सतेला आळतान. 
\v 27 लेकीन ना तान मय इक बडुतीन कुटतीन अदिक वश दा तरतीन, यागल्यारा हिंग ना आगबाळुल कि दुसरा अक प्रचार माळकु ना खुद अच यातोदारा रीति देल निकम्मा ठहरूसाईन.
\c 10
\s इस्त्राएल इन इतिहास देल चेतावनी
\p
\v 1 हे वार्टुरा अदिक आकतींगेरा, ना चाहसालीन कि नीव ई मात देल अनजान ईरी कि नाम सप्पा आप्पुर मुतीगोळ बादल इन ल्यालमा ईरोर, अदिक सप्पा च्या सप्पा समुद्र अन्द न्याड्या टु आप्पाटी होटोदुर; 
\v 2 अदिक सप्पा मुंदुर बादल दा अदिक समुद्र दा, मूसा अन्द बपतिस्मा ताकोंडुर; 
\v 3 अदिक सप्पा मुंदुर ऊंद अच आत्मिक भोजन माळदुर; 
\v 4 अदिक सप्पा मुंदुर ऊंद अच आत्मिक नीर कुळदुर, यतिकी आंदुर आ आत्मिक चट्टान देल कुडोर जो आंदुर सांगुळ-सांगुळ नळोद, अदिक अद चट्टान मसीह ईरोन. 
\v 5 लेकीन परमेश्वर आंदुर दा टु हापाळ सा मंळसागोळ देल खुश आगीदील, इदुरसाटी आंदुर आळी दा सोतकु ढेर आगेदुर.
\p
\v 6 ई मातगोळ नाम साटी उदाहरण ठहरूसदव, कि ह्यांग आंदुर लालच माळदुर, हांग नाव बेकार वस्तुगोळ्द लालच माळतीदील; 
\v 7 अदिक मूर्ति इन पुजा माळावाळेर आगबाळी जसा कि आंदुर दा टु यास मुंदुर आगेगीदुर, ह्यांग शास्त्र दा लिख्सकु आद, “लॉकुर तिनली-कुडुली कुरतुर, अदिक बाद्दा आबुर दाबुर सांगुळ कुकर्म माळली कुरतुर.” 
\v 8 अदिक नाव व्यभिचार माळालेव, ह्यांग आंदुर दा टु यास मुंदुर माळदुर; अदिक ऊंद दिन दा तेवीस हजार मंळसागोळ सोतोदुर. 
\v 9 नामी प्रभु यीशु मसीह अक परीक्षा दा हाक्‍कोद हैलेच, ह्यांग आंदुर दा टु यास मुंदुर माळदुर, जसा कि आंदुर दा टु थ्वाळासा मुंदुर हिंग माळीदुर अदिक आंदुर हावगोळ द्वारा नाश माळकु आदुर. 
\v 10 अदिक नीव कुळकुळुस बाळेतीर, या रीति देल आंदुर दा टु यास कुळकुळुसदुर अदिक स्वर्गदूत उन द्वारा नाश माळकु आदुर.
\p
\v 11 लेकीन ई सप्पा मातगोळ, जो आंदुर मा घळुसदव, उदाहरण इन रीति मा ईरव; अदिक आंदुर नाम चेतावनी इन साटी जो दुनिया अन आखरी समय दा ईरतार लिख्सकु आगीदव.
\p
\v 12 इदुरसाटी जो सम्सतान, “ना स्थिर आईन,” आव सावधान ईरूल कि येल्यारा बिळबाळुल. 
\v 13 नीव यातोदारा हिंग परीक्षा दा बिळबाळी, जो मंळसागोळ्द सहन इन व्हार्या आद. परमेश्वर खरा आन अदिक आव नीमी सामर्थ्य देल व्हार्या परीक्षा दा बिळगोळालुन, बल्‍की परीक्षा अन्द सांगुळ ऊळसोद उपाय भी माळ्यान कि नीव अदरी सहन माळ सक्‍कीर.
\p
\v 14 ई कारण, हे प्रिय नान वार्टुरा अदिक आकतींगेरा, मूर्तिपूजा देल ऊळुकु ईरी. 
\v 15 ना नीमी बुद्धिमान जान्सकु नीम से अनतीन: जो ना अनतीन, अदरी नीव परखुसी. 
\v 16 \x + \xo १०:१६ \xo*\xt मत्ती २६:२६-२८; मरकुस १४:२२-२४; लूका २२:१९,२०\xt*\x*जो प्याला प्रभु भोज दा उपयोग माळतार यदुर दा टु नाव कुडुतेव प्रभु उन धन्यवाद माळतेव; अद रोट्टी यदरी नाव मुरूतेव, येन अद मसीह अन्द मय इन सहभागी ईलच? 
\v 17 इदुरसाटी कि ऊंद अच रोट्टी आद रा नाव भी जो हापाळ आयेव, ऊंद शरीर आयेव: यतिकी नाव सब अदा ऊंद रोट्टी दा भागीदार आगतेव.
\p
\v 18 जो इस्त्राएली आर, आंदरी नोळी: येन बलिदान इन तिनावाळेर परमेश्वर उन वेदी इन सहभागी ईलच? 
\v 19 नांद अनोद मतलब येन आद? येन ईद कि मूर्तीगोळ्द मुंद बली येर्सद वस्तु येनारा दुसरा आद, या मूर्ति येनारा दुसरा आद? 
\v 20 ईला, पर ना ईद अनतीन कि प्रभु उक ईला जान्सावाळेर लॉकुर जो बलिदान माळतार; आंदुर परमेश्वर उन साटी ईला लेकीन दुष्टआत्मागोळ साटी बलिदान माळतार अदिक ना चाहसालीन कि नीव दुष्टआत्मागोळ्द सहभागी आगी. 
\v 21 नीव प्रभु उन प्याला अदिक दुष्टआत्मागोळ्द प्याला येढ्ढु दा टु कुडू सकालीर. नीव प्रभु उन मेज अदिक दुष्टआत्मागोळ्द मेज येढ्ढु मुंदुर सहभागी आग सकालीर. 
\v 22 येन नाव प्रभु उक सिट्ट तरसुसोद चाहसतेव? येन नाव आऊन से ताकतवर आयेव?
\p
\v 23 \x + \xo १०:२३ \xo*\xt १ कुरिन्थि ६:१२\xt*\x*येनारा लॉकुर अनतार, सप्पा वस्तुगोळ्द उपयोग माळोद नान साटी उचित आद, लेकीन सप्पा फायदा अन्द ईलच: लेकीन दुसरा लॉकुर अनतार, “सप्पा वस्तुगोळ नांद साटी सही रा आव.” लेकीन सप्पा वस्तुगोळ देल उन्नती ईलच. 
\v 24 याऊ तान हित इन चिन्ता माळबाळुल लेकीन दुसरा अन्द हित इन चिन्ता माळुल.
\p
\v 25 जो मॉदरा कसाई सात्‍ता दा मारतान, अदरी तिनी, अदिक विवेक इन कारण येनु केळबाळी? कि नीम्द मन नीमी मन इन मन दा अच तिनबाळुल. 
\v 26 यतिकी पवित्रशास्त्र अनतद, पृथ्वी अदिक जो येनारा अदुर दा आद सप्पा प्रभु उन हुन.
\p
\v 27 अगर अविश्वासीगोळ दा टु यावारा नीमी बावस्या कोळुल, अदिक नीव होगोद चाहासीर, रा जो येनारा नीम्द मुंद ईटकु आगुल अदा तिनी; अदिक मन इन कारण येनु केळबाळी. 
\v 28 लेकीन अगर यावारा नीम से अनुल, “ईद रा मूर्ति इक बली माळ्द वस्तु हुन,” रा आवा हेळावाळा अन्द कारण अदिक मन इन कारण तिनबाळी. 
\v 29 नान मतलब नीन मन से हैलेच लेकीन आ दुसरा मंळसा अन्द मन देल आद.
\p “भला नांद,” आजादी आ दुसरा अन्द मन देल येती परखुसकु आदीत. 
\v 30 अगर ना परमेश्वर उक धन्यवाद माळकु सहभागी आगतीन, रा यार मा ना धन्यवाद माळतीन आऊन कारण नान बदनामी येती आगतद?
\p
\v 31 इदुरसाटी नीव चाहे तिनी, चाहे कुडी, चाहे जो येनारा माळी, सप्पा येनारा परमेश्वर उन महिमा अन्द साटी माळी. 
\v 32 नीव ना यहूदीगोळ, ना गैरयहूदीगोळ, अदिक ना परमेश्वर उन मंडली अन्द साटी ठोकर इन कारण बन्सी. 
\v 33 ह्यांग ना भी सप्पा मातगोळ दा सप्पा मुंदुरी खुश ईटतीन, अदिक तान ईला लेकीन हापाळ मुंदुर्द फायदा ढुंढ्सतीन कि आंदरी उद्धार सिकुल.
\c 11
\p
\v 1 \x + \xo ११:१ \xo*\xt १ कुरिन्थि ४:१६; फिलिप्पिगोळ ३:१७\xt*\x*ह्यांग ना मसीह अन्द अनुकरण माळतीन, हांग अच नीव भी नांद अनुकरण माळी.
\s आराधना दा ताल्ला होच्चोद
\p
\v 2 हे वार्टुरा अदिक आकतींगेरा, ना नीम्द बळाई माळतीन कि सप्पा मातगोळ दा नीव नानी याद माळतीर; अदिक जो शिक्षागोळ इक ना नीमी सौप्सदीन, अदुर्द पालन माळतीर. 
\v 3 लेकीन ना चाहासतीन कि नीव ईद जान्स कोमी कि हर ऊंद गंळ्स उन ताल्ला मसीह हुन, अदिक आर्त इन ताल्ला गंळ्स हुन, अदिक मसीह अन्द ताल्ला परमेश्वर हुन. 
\v 4 जो गंळ्स ताल्ला होचकु प्रार्थना या परमेश्वर उन दी टु बातणी कोळतान, आव तान ताल्ला अन्द अपमान माळतान. 
\v 5 लेकीन जो आर्त ताल्ला तेरूकु प्रार्थना या परमेश्वर उन दी टु बातणी कोळतार, आक तान ताल्ला अन्द अपमान माळतार, यतिकी आक हिंग आर्त इन घाई आर आकिन ताल्ला मुंडन माळकु आग्याद. 
\v 6 अगर आर्त ओढ़नी देल शेरग्या हाकालुर रा चुट्टी भी कळ्द बुळुल; अगर आर्त इन साटी चुट्टी कळसुसोद या मुंडन माळसुसोद शरम इन मात आद, रा ओढ़नी देल शेरग्या हाकुल. 
\v 7 हा, गंळ्स उक तान ताल्ला होच्चोद बराबर ईलच, यतिकी आव परमेश्वर उन स्वरूप अदिक महिमा हुन; लेकीन आर्त रा गंळ्स उन महिमा हुळ. 
\v 8 यतिकी गंळ्स आर्तेर देल आगीदील, लेकीन आर्त गंळ्स देल आग्यार; 
\v 9 अदिक गंळ्स आर्त इन साटी माळकु आगीदील, लेकीन आर्त गंळ्स उन साटी माळकु आग्यार. 
\v 10 ई कारण अदिक स्वर्गदूतगोळ्द कारण आर्त इक जरूरी आद कि अधिकार इन चिन्ह सम्सकु तान ताल्ला मा ईटुल. 
\v 11 तरी भी, प्रभु दा एकता अन्द कारण, आर्त बिना गंळ्स उन अलग ईलच अदिक गंळ्स उन बिना आर्त अलग ईलच. 
\v 12 यतिकी ह्यांग आर्त गंळ्स देल आर, हांग अच गंळ्स आर्त इन द्वारा जनम ताकोमतान; लेकीन सप्पा वस्तुगोळ परमेश्वर उन द्वारा बंदाद.
\p
\v 13 नीव खुद अच बिचार माळी, येन आर्त इक बिना शेरग्या देल परमेश्वर से प्रार्थना माळोद शोभा कोळतद? 
\v 14 येन स्वाभाविक रीति देल भी नीव जान्सालीर कि अगर गंळ्स ऊद्द चुट्टी ईटुल, रा आऊन साटी अपमान आद. 
\v 15 लेकीन अगर आर्त ऊद्द चुट्टी ईरूल रा आक इक शोभा कोळतद यतिकी चुट्टी आक इक शेरग्या हाक्‍कोर साटी कोटकु आग्याव. 
\v 16 लेकीन अगर यावारा झगळा माळोद चाहस्यान, रा ईद जान्स कोमुल कि ना नाम्द अदिक ना परमेश्वर उन मंडलीगोळ्द हिंग रीति आद.
\s प्रभु भोज इन बारा दा
\r (मत्ती २६:२६-२९; मरकुस १४:२२-२५; लूका २२:१४-२०)
\p
\v 17 याग नीव परमेश्वर उन आराधना माळोर साटी जमा आगतीर. रा ईद आग्या कोळतेला ना नीम्द ईज्जत माळालीन, इदुरसाटी कि नीम जमा आगदुर देल भलाई आगाल्द, लेकीन नुसक्यान आगतद. 
\v 18 यतिकी पयला रा ना ईद केळतीन, कि याग नीव मंडली दा जमा आगतीर रा नीम दा फूट बिळतद, अदिक ना ईदुर मा थ्वाळा-थ्वाळा विश्वास भी माळतीन. 
\v 19 यतिकी गुटबन्दी भी नीम दा जरूरी ईतीदाद, इदुरसाटी कि जो लॉकुर नीम दा सही आर आंदुर प्रगट आगेगुल. 
\v 20 इदुरसाटी नीव जो ऊंद जागा दा जमा आगतीर रा ईदुर मतलब प्रभु-भोज तिनोर साटी आल्लच, 
\v 21 यतिकी तिनोद समय ऊंद मंळसा दुसरा मंळसा से पयला तान भोज तिन कोमतान, ई प्रकार यावारा रा हस्तकु ईरतान अदिक यावारा मस्त आगेगतान. 
\v 22 येन तिनोद-कुडोद साटी नीम्द मान्ना हैलेच? या परमेश्वर उन मंडली अक तुच्छ जान्सतीर, अदिक यार्द हात्‍ती हैलेच आंदरी शर्मिंदा माळतीर? ना नीम से येन अनाईन? येन ई मात दा नीम्द प्रशंसा माळाईन? ईला, ना प्रशंसा माळालीन.
\p
\v 23 यतिकी ईद शिक्षा नानी जो प्रभु दी टु सिक्त, अदिक ना नीम दी भी पहुचुस बुटीन कि प्रभु यीशु या ईळ्लक आव हुळसुस्कु आगीदुन, रोट्टी ताकोंडुन, 
\v 24 अदिक परमेश्वर उन धन्यवाद माळकु अदरी मुरदुन अदिक अंदुन, “ईद नान शरीर हुन, जो नीम साटी कोटकु आग्याद: नांद याद साटी ईदा माळतेला ईरी.” 
\v 25 ईदा रीति देल आव कटोरा भी हुळदुन अदिक अंदुन, “ईद कटोरा नांद खुन दा व्हाशोद वादा हुन: जब यागल्यारा कुडी, रा नांद याद साटी ईदा माळतेला ईरी.” \fig यीशु तान चेलागोळ सांगुळ आखरी भोज तिनतेला|alt="Jesus eating the Passover meal with his disciples" src="lb00320c.tif" size="span" copy="Horace Knowles ©" ref="११:२३"\fig*
\p
\v 26 यतिकी जब यागलु नीव ईद रोट्टी तीनतीर अदिक ई कटोरा दा टु कुडुतीर, रा प्रभु उन मृत्यु इक यागासताका आव बरालुन, प्रचार माळतेला ईरी. 
\v 27 इदुरसाटी जो यावारा अनुचित रीति देल प्रभु उन रोट्टी तिनुल या आऊन कटोरा दा टु कुडुल, आव प्रभु उन मय अदिक खुन उन पापी ठहरूस्यान. 
\v 28 इदुरसाटी मंळसा तान तान इक जाँच कोमुल अदिक ईदा रीति देल ई रोट्टी दा टु तिनुल, अदिक ई कटोरा दा टु कुडुल. 
\v 29 यतिकी जो तिनोद-कुडोद समय प्रभु उन मय इक अरालुन, आव ई तिनोद अदिक कुडोर देल तान म्याकुच दण्ड तरतान. 
\v 30 ईदा कारण नीम दा हापाळ सा निर्बल अदिक रोगी आर, अदिक हापाळ सा सोतोग्यार. 
\v 31 अगर नाव तान तान इक जाँचायदेव रा दण्ड ईला सिकाईत. 
\v 32 लेकीन प्रभु नामी दण्ड कोटकु नाम्द न्याय माळतान, इदुरसाटी कि नाव दुनिया अन सांगुळ दोषी ईला ठहरूसुल.
\p
\v 33 इदुरसाटी, हे नांद वार्टुरा अदिक आकतींगेरा, याग नीव प्रभु भोज तिनोर साटी जमा आगतीर रा आबुर दाबुर साटी थाम्सी. 
\v 34 अगर यावारा हस्तकु ईरूल रा तान मान्या तिनुल, यदुर देल नीम्द जमा आगोद दण्ड इन कारण आगबाळुल. मिकदव मातगोळी ना बंदकु वळ्लीद माळाईन.
\c 12
\s आत्मिक वरदान
\p
\v 1 हे वार्टुरा अदिक आकतींगेरा, ना चाहसालीन कि नीव पवित्र आत्मा अन्द वरदानगोळ बारा दा अनजान ईरी. 
\v 2 नीव जान्सतीर कि याग नीव खरा परमेश्वर उक अरालीर, हापाळ मुक्‍का मूर्तीगोळ्द पुजा माळकु अदिक अवरी मान्सोर अदिक अऊर हिंद नळोर. 
\v 3 इदुरसाटी ना नीमी चेतावनी कोळतीन कि जो यावारा परमेश्वर उन आत्मा अन्द अगुवाई देल माताळतान, आव अनालुन कि यीशु स्रापित आन; अदिक ना यावारा पवित्र आत्मा अन बिना अन सकतान कि यीशु प्रभु आन.
\p
\v 4 \x + \xo १२:४ \xo*\xt रोमियों १२:६-८\xt*\x*वरदान रा हापाळ प्रकार इन आव, लेकीन पवित्र आत्मा ऊंद अच आद; 
\v 5 अदिक स्यावा भी हापाळ प्रकार इन आव, लेकीन प्रभु ऊंद अच आन; 
\v 6 अदिक प्रभावशाली क्याल्सा हापाळ प्रकार ईनव आव, लेकीन परमेश्वर ऊंद अच आन, जो सब दा हर प्रकार इन प्रभाव पैदा माळतान. 
\v 7 लेकीन सप्पा मुंदरी लाभ पहुचुसोर साटी हर ऊंद इक परमेश्वर उन पवित्र आत्मा अन प्रगट आगोद. 
\v 8 यतिकी ऊंद अक आत्मा अन्द द्वारा बुद्धी इन मातगोळ कोटकु आगतव, अदिक दुसरा अक अदा आत्मा अन्द अनुसार ग्यान इन मातगोळ. 
\v 9 यावारा अक अदा आत्मा देल विश्वास, अदिक यावारा अक अदा ऊंद आत्मा देल चंगा माळोद वरदान कोटकु आगतद. 
\v 10 बाक यावारा अक सामर्थ्य अन्द क्याल्सा माळोद शक्ति, अदिक यावारा अक परमेश्वर उन वचन कोळोद दान कोट्टुन, अदिक यावारा अक परमेश्वर उन आत्मा अन्द दान इक परखुशोर साटी, अदिक यावारा अक अनेक प्रकार इन भाषा माताळोर साटी, अदिक यारीकारा अग्यात भाषागोळ्द अर्थ हेळोर साटी. 
\v 11 लेकीन ईव सप्पा प्रभावशाली क्याल्सा अदा ऊंद अच परमेश्वर उन पवित्र आत्मा माळसुसतद, अदिक यारी जो चाहासतान अद वाट्स कोमतान.
\s मय ऊंद: अंग हापाळ
\p
\v 12 \x + \xo १२:१२ \xo*\xt रोमियों १२:४,५\xt*\x*यतिकी या प्रकार शरीर रा ऊंद आद अदिक अदुरव अंग हापाळ सा आव, अदिक आ ऊंद शरीर इन सप्पा अंग हापाळ आगदुर मा भी सप्पा मिलुसकु ऊंद अच शरीर आद, अदा प्रकार मसीह अन्द मय भी आद. 
\v 13 यतिकी नाव सप्पा मुंदुर येन यहूदी आगुल येन गैरयहूदी, येन दास आगुल येन स्वतंत्र, ऊंद अच आत्मा अन्द द्वारा ऊंद शरीर आगोर साटी बपतिस्मा ताकोंडेव, अदिक नाव सप्पा मुंदरी ऊंद अच परमेश्वर उन आत्मा कोटकु आग्याद.
\p
\v 14 इदुरसाटी कि शरीर दा ऊंद अच अंग ईला लेकीन हापाळ सा आव. 
\v 15 अगर काल अनुल, “ना कय आलच, इदुरसाटी शरीर इन आलच,” रा येन अद ई कारण शरीर इन आलच? 
\v 16 अदिक अगर किव अनुल, “ना कण्ण आलच, इदुरसाटी शरीर इन आलच,” रा येन अद ई कारण शरीर इन आलच? 
\v 17 अगर पुरा शरीर कण्ण अच आगाईत रा केळोद यल टु आगाईत? अगर पुरा शरीर किव अच आगाईत, रा सूँघसोद यल टु आगाईत? 
\v 18 लेकीन परमेश्वर अंगगोळी तान इच्छा अन्द अनुसार ऊंद ऊंद माळकु मय दा ईट्यान. 
\v 19 अगर आंदुर सप्पा ऊंद अच अंग ईरायदुर, रा मय यल ईराईत? 
\v 20 लेकीन ईग अंग रा हापाळ सा आव, लेकीन मय ऊंद अच आद.
\p
\v 21 कण्ण कय देल अन सकाल्द, “नानी नींद जरवत हैलेच,” अदिक ना ताल्ला कालगोळ देल अन सकतद, “नानी नीम्द जरवत हैलेच.” 
\v 22 लेकीन मय इन आ अंग जो दुसरागोळ देल निर्बल हतताव, हापाळ अच जरवत आद; 
\v 23 अदिक मय इन या अंगगोळी इक यदरी तोर्सोर देल नामी शरम बरतद हिंग अंगगोळी नाव वळ्लीद तरीका देल मुचतेव. अदरी नाव आदर इन योग्य समसालेव आंदरी अक अच नाव यक्कुल आदर कोळतेव; अदिक नामव जंग अंग अदिक भी हापाळ सुंदर आगेगताव. 
\v 24 तरी भी नाम्द सुंदर अंगगोळी इक इदुर जरवत हैलेच. लेकीन परमेश्वर मय इक हिंग माळ कोंडुन कि या अंग इक आदर इन कमी ईरोद अदरी का अदिक भी हापाळ आदर सिकतद. 
\v 25 ताकी मय दा फूट बिळ बाळुल, लेकीन अंग इन अवयव आबुर दाबुर बराबर चिन्ता माळुल. 
\v 26 इदुरसाटी अगर ऊंद अंग इन हिस्सा अक दुख सिकतद, रा सब अंगगोळ हिस्सा अक अदुर सांगुळ दुख सिकताव; अदिक अगर ऊंद अंग इनव हिस्सा अन बळाई आगतद, रा अदुर सांगुळ सब अंग आनन्द माळताव.
\p
\v 27 ई प्रकार नीव सब मिलुसकु मसीह इन मय हुईर, अदिक अलग अलग आऊनव अंग हुईर; 
\v 28 \x + \xo १२:२८ \xo*\xt इफिसिगोळ ४:११\xt*\x*अदिक परमेश्वर मंडली दा अलग अलग मंळसागोळ्द निवळ माळदुन: पयला प्रेरित, दुसरा भविष्यवक्ता, तिसरा गुरु, बाक सामर्थ्य इन क्याल्सा माळावाळेर, बाक चंगा माळावाळेर, अदिक उपकार माळावाळेर, अदिक व्यवस्था अन वरदान माळावाळेर, अदिक अग्यात प्रकार इन भाषा माताळावाळेर. 
\v 29 येन सब प्रेरित आर? येन सब भविष्यवक्ता आर? येन सब शिक्षा कोळावाळा गुरु हुन? येन सब सामर्थ्य अन्द क्याल्सा माळावाळेर आर? 
\v 30 येन सप्पा मुंदरी चंगा माळोद वरदान सिक्याद? येन सप्पा मुंदुर अग्यात प्रकार इन भाषा माताळतार? येन सप्पा मुंदुर अग्यात भाषा अन्द अनुवाद माळ सकतार? 
\v 31 नीव धोळ से धोळ वरदानगोळ्द लालसा ईटतीर. लेकीन ना नीमी अदिक भी सब से वळ्लीद हादी हेळतीन.
\c 13
\s प्यार-सब से वळ्लीद हादी
\p
\v 1 अगर ना मंळसागोळ अदिक स्वर्गदूतगोळ्द भाषागोळ माताळाईन अदिक प्यार ईटालीन, रा ना ठनठनासकु पीतल इन धोळ घंटी अदिक झनझनासकु झाँझ हुईन. 
\v 2 \x + \xo १३:२ \xo*\xt मत्ती १७:२०; २१:२१; मरकुस ११:२३\xt*\x*अदिक अगर ना परमेश्वर उन दी टु बरावाळा बातणी इन प्रचार माळ सकाईन, अदिक सब भेदगोळ अदिक सब प्रकार इन ग्यान इक समसाईन, अदिक नानी ईल ताका पुरा विश्वास आगेदीत कि ना पहाळगोळी सरकुस बुळाईन, लेकीन प्यार ईटालीन, रा ना येनु अच हैलेच. 
\v 3 अगर ना तान पुरा धन संपत्‍ती कंगालगोळी तिन्स बुळाईन, या तान मय होताकोर साटी कोट बुळाईन, अदिक प्यार ईटालीन, रा नानी येनु अच लाभ हैलेच.
\p
\v 4 प्यार धीरजवन्त आद, अदिक कृपालु आद; प्यार जलन माळाल्द; प्यार तान बळाई माळाल्द, अदिक बायाल्द, 
\v 5 अद अनरीति नळाल्द, अद तान भलाई चाहसाल्द, चिळुसाल्द, प्यार दुसरा अन्द बुरा मातगोळ लेखा ईटाल्द. 
\v 6 अन्याय देल खुश आगाल्द, लेकीन सच्चाई देल खुश आगतद. 
\v 7 आव सप्पा मातगोळ सहन माळतान, सप्पा मातगोळ मा विश्वास माळतान, सप्पा मातगोळ्द आशा ईटतान, सप्पा मातगोळ दा धीरज ईटतान.
\p
\v 8 प्यार यागलु खतम आगाल्द; परमेश्वर उन दी टु बरावाळा बातणी खतम आगेदव; अग्यात भाषागोळ दा सिक्‍कावाळा दान आगुल रा होगतेला ईत्‍तव; ग्यान आगुल, रा मिटसेदाव. 
\v 9 यतिकी नाम्द ग्यान अधूरा आद, अदिक परमेश्वर उन दी टु बरावाळा बातणी अधूरा आद; 
\v 10 लेकीन याग परमेश्वर सप्पा पुरा माळ्यान, रा अधूरा पन मिटसेदित.
\p
\v 11 याग ना चिग्द ईरीन, रा ना चिगदुरगोळ घाई माताळीन, चिगदुरगोळ घाई मन ईरोद, चिगदुर घाई समझ ईरोद; लेकीन याग समझदार आगेदीन रा स्यानपनी नव मातगोळ बिट बुटीन. 
\v 12 ईग नामी आरसा दा धुँधला सा कांळ्सतद, लेकीन आ समय आमने सामने नोळेव; ई समय नांद ग्यान अधूरा आद, लेकीन आ समय हिंग पुरा रीति देल अराईन, ह्यांग नानी परमेश्वर अरतुन.
\p
\v 13 पर ईग विश्वास, आशा, प्यार ईव मुरू नाम सांगुळ आव, पर इऊर दा सब से धोळ्द प्यार आद.
\c 14
\s पवित्र आत्मा अन्द वरदान इन बारा दा यक्कुल शिक्षागोळ
\p
\v 1 प्यार इन अनुकरण माळोर साटी कोशिश माळी, अदिक आत्मिक वरदानगोळ्द भी धुन दा ईरी, खास माळकु परमेश्वर उन दी टु बरावाळा बातणी इन दान माळी. 
\v 2 यतिकी जो अग्यात भाषा दा मातगोळ माळतान आव मंळसागोळ से ईला लेकीन परमेश्वर से मातगोळ माळतान; इदुरसाटी कि आऊन मातगोळी याऊ समसालुन, यतिकी आव भेद इन मातगोळ पवित्र आत्मा अन्द सामर्थ्य दा आगकु माताळतान. 
\v 3 लेकीन जो परमेश्वर उन बातणी वाळस्तान, आव मंळसागोळ से उन्नती अदिक उपदेश अदिक दिलासा अन्द मातगोळ माताळतान. 
\v 4 जो अग्यात भाषा दा मातगोळ माळतान, आव तांद अच उन्नती माळतान; लेकीन जो भविष्यवाणी माळतान, आव मंडली अन्द उन्नती माळतान.
\p
\v 5 ना चाहासतीन कि नीव सप्पा मुंदुर अग्यात भाषागोळ दा मातगोळ माळी लेकीन इदुर से यक्कुल ईद चाहासतीन कि परमेश्वर उन दी टु बरावाळा बातणी इन मातगोळ माळी: यतिकी अगर अग्यात भाषा माताळावाळा मंडली अन्द उन्नती इन साटी अनुवाद माळबाळुल रा परमेश्वर उन दी टु बरावाळा बातणी अग्यात भाषा टु वाळुसकु आद. 
\v 6 इदुरसाटी हे वार्टुरा अदिक आकतींगेरा, अगर ना नीम हात्‍ती बंदकु अग्यात भाषागोळ दा मातगोळ माळाईन, रा नान से नीनी येन लाभ आदीत. अदिक ऊजुळ या ग्यान या परमेश्वर उन दी टु बरावाळा बातणी या उपदेश इन मातगोळ माळाईन, रा नीमी यक्कुल फायदा आदीत,
\p
\v 7 ईदा प्रकार अगर निर्जीव वस्तुगोळ भी यदुर देल आवाज होळतद, जसा कोळ्ल या बीन, अगर अऊर्द स्वरगोळ दा भेद ईरतीदील रा जो कोळ्ल ऊयकु या बिन मुर्सकु आगतद, आ हाळ इक ह्यांग अरूकु आदीत? 
\v 8 अदिक अगर तुरही इन आवाज साफ ईरतीदील, रा याव लळाई इन साटी तयारी माळ्यान? 
\v 9 हिंग अच नीव भी अगर ल्यालग्या देल साफ मातगोळ अनतीदिल, रा जो येनारा अंदकु आगतद अद ह्यांग सम्सकु आदीत? नीव रा हवा देल मातगोळ हेळावाळेर ठहरूसीर. 
\v 10 दुनिया दा यासारा अच प्रकार इन भाषागोळ येती ईला इतिदाव, लेकीन अऊर दा टु यातोदारा भी बिना मतलब इन ईला ईतीदाद. 
\v 11 इदुरसाटी अगर ना यातोदारा भाषा अन्द मतलब समसालीन, रा माताळावाळा अन्द नजर दा ना परदेशी ठहरूसाईन अदिक माताळावाळा नान नजर दा परदेशी ठहरूस्यान. 
\v 12 इदुरसाटी नीव भी याग आत्मिक वरदानगोळ्द धुन दा आईर, रा हिंग कोशिश माळी कि या वरदानगोळ देल मंडली अन्द उन्नती आगतद. आ वरदानगोळ्द कोशिश माळी. \fig संगीत मुरसोद सामाईन|alt="musical instruments" src="hk00188c.tif" size="col" copy="Horace Knowles ©" ref="१४:७"\fig*
\p
\v 13 ई कारण जो अग्यात भाषा माताळुल, आव दान सिक्‍कोद साटी प्रार्थना माळुल कि अदुर्द अनुवाद भी माळ सकुल. 
\v 14 इदुरसाटी अगर ना अग्यात भाषा दा प्रार्थना माळाईन, रा नान आत्मा प्रार्थना माळतद लेकीन नान दिमाक क्याल्सा कोळाल. 
\v 15 इदुरसाटी येन माळ पायजे? ना आत्मा देल भी प्रार्थना माळाईन, अदिक दिमाक देल भी प्रार्थना माळाईन; ना आत्मा देल भी हाळाईन, अदिक दिमाक देल भी हाळाईन. 
\v 16 ईलारा अगर नी आत्मा देल अच धन्यवाद माळ्या, रा बाक लॉकुर नीन धन्यवाद मा आमीन अनकु सहमत ह्यांग आदार? यतिकी आव रा अरालुन कि नी येन अनत्या? 
\v 17 नी रा सही देल धन्यवाद माळत्या, लेकीन दुसरा अन्द उन्नती आगाल.
\p
\v 18 ना तान परमेश्वर उन धन्यवाद माळतीन, कि ना नीम सप्पा मुंदुर से यक्कुल अग्यात भाषागोळ दा माताळतीन. 
\v 19 लेकीन मंडली दा अग्यात भाषा दा हत्‍त हजार मातगोळ माताळदुर देल नानी ईद वळ्लीद सम्सतद, कि दुसरा मंळसागोळी कलसोर साटी दिमाक देल अईद अच मातगोळ अनाईन.
\p
\v 20 हे वार्टुरा अदिक आकतींगेरा, नीव समझदारी दा चिकोर घाई आगबाळी: बुराई दा रा चिकोर घाई अनजान ईरी, लेकीन समझदारी दा स्याणा मंळसा घाई आगी. 
\v 21 व्यवस्था दा लिख्सकु आद कि प्रभु अनतान,
\q1 “ना अपरिचित भाषा माताळावाळेर्द द्वारा,
\q2 अदिक पराया बाय देल माताळावाळेर लॉकुर द्वारा
\q1 ई लॉकुर से मातगोळ माळाईन
\q2 तरी भी आंदुर नांद केळतीदिल.”
\m
\v 22 इदुरसाटी अग्यात भाषागोळ माताळोद वरदान विश्वासीगोळ साटी ईला, लेकीन अविश्वासीगोळ साटी चमत्कार इन चमत्कार हुन; लेकीन परमेश्वर उन दी टु बरावाळा बातणी अविश्वासीगोळ साटी ईला, लेकीन विश्वासीगोळ साटी चमत्कार इन चमत्कार हुन.
\p
\v 23 इदुरसाटी अगर मंडली ऊंद जागा दा जमा आगुल, अदिक सप्पा च्या सप्पा मुंदुर अग्यात भाषागोळ माताळुल, अदिक व्हार्यावाळेर या अविश्वासी लॉकुर बुळ्क होट बरूल रा येन आंदुर नीमी पागल अनतीदिल? 
\v 24 लेकीन अगर सप्पा मुंदुर परमेश्वर उन दी टु सिकावाळा बातणी कोळली हत्यार, अदिक यावारा अविश्वासी या व्हार्यावाळा मंळसा बुळ्क होट बरूल, रा सप्पा मुंदुर आऊक दोषी ठहरूस बुट्टार अदिक जाँच कोंडार कि आव पापी आन; अदिक आव जान्स कोंडान कि आऊक पश्चाताप इन जरवत आद. 
\v 25 अदिक आऊन मन इन भेद प्रगट आगेदव, अदिक आग आव बाय इन भार देल बिदकु परमेश्वर उक दण्डवत माळ्यान, अदिक कबुल माळ कोंडान कि खराखुरा परमेश्वर नाम न्याड्या आन.
\s मंडली दा आराधना अन्द अनुशासन
\p
\v 26 इदुरसाटी हे वार्टुरा अदिक आकतींगेरा, येन माळ पायजे? याग नीव जमा आगतीर, रा हर ऊंद मंळसा अन्द मन दा हाळ या उपदेश या अग्यात भाषा या प्रकाशक या अग्यात भाषा अन्द अर्थ हेळोद ईरतद. सप्पा येनारा मंडली अन्द उन्नती इन साटी आग पायजे. 
\v 27 अगर अग्यात भाषा दा मातगोळ माळोद आद रा येढ्ढ या हापाळ मुंदुर ईरूल रा मुर मुंदुर पारी-पारी देल माताळुल, अदिक ऊंद मंळसा अनुवाद माळुल. 
\v 28 लेकीन अगर अनुवाद माळावाळा हैलेच, रा अग्यात भाषा माताळावाळा मंडली दा सुंगा ईरूल, अदिक तान मन देल परमेश्वर से मातगोळ माळुल. 
\v 29 परमेश्वर उन दी टु बरावाळा बातणी इक माताळावाळेर दा टु येढ्ढ या मुर मुंदुर माताळुल, अदिक बाकी लॉकुर आंदुर वचन इक परखुसुल. 
\v 30 लेकीन जो कुर्तकु आन अगर आऊन मा, येनारा मय उन दी टु बातणी प्रगट आत. रा आव पयला मंळसा सुंगा आगेगुल. 
\v 31 यतिकी नीव सप्पा मुंदुर ऊंद ऊंद माळकु परमेश्वर उन दी टु सिक्‍कावाळा बातणी इक कल्स सकतार, ताकी सप्पा मुंदुर कलुल अदिक सप्पा मुंदुरी शांती सिकुल. 
\v 32 यतिकी परमेश्वर उन दी टु बातणी कोळावाळा अन्द आत्मा बातणी कोळावाळा अन्द वश दा आद. 
\v 33 यतिकी परमेश्वर अव्यवस्था अन्द ईला, लेकीन शांती इन परमेश्वर हुन.
\p ह्यांग पवित्र लॉकुर्द सप्पा मंडलीगोळ दा हिंग अच आगतद. 
\v 34 आर्तेर मंडली अन्द सभा दा सुंगा ईरूल, यतिकी आंदरी मातगोळ माळोद आग्या हैलेच, लेकीन आंदुर हात्‍ती ईरोद आग्या आद, ह्यांग व्यवस्था दा लिख्सकु आद. 
\v 35 अगर आंदुर येनारा कलोद चाहसतार, रा मान्या तान तान मान्नावाळा से केळुल, यतिकी आर्त इन मंडली अन्द सभा दा मातगोळ माळोद नाच्क इन मात आद.
\p
\v 36 येन परमेश्वर उन वचन नीम दा टु होटाद? या सिर्फ नीम ताका अच पोहचुस्याद? 
\v 37 अगर यावारा मंळसा तान तान इक परमेश्वर उन दी टु बरावाळा बातणी कोळावाळा सम्सुल या आऊन हात्‍ती पवित्र आत्मा अन्द वरदान आद, रा ईद अर्त कोमुल कि जो मातगोळ ना नीमी लिख्सतीन, अव प्रभु उन आग्यागोळ हु. 
\v 38 लेकीन अगर यावारा ईद स्वीकार माळालुर, रा आंदरी भी स्वीकार माळकु आगतीदील.
\p
\v 39 इदुरसाटी हे वार्टुरा अदिक आकतींगेरा, परमेश्वर उन दी टु बरावाळा बातणी इन धुन दा ईरी अदिक अग्यात भाषा माताळदुर देल मना माळबाळी; 
\v 40 पर सप्पा मातगोळ क्रम देल अदिक व्यवस्थित रूप देल माळकु आगुल.
\c 15
\s यीशु उन सोत्‍तुर दा टु जित्‍ता आगोद
\p
\v 1 हे वार्टुरा अदिक आकतींगेरा, ईग ना नीमी याद दिलुसोद चाहसतीन अदा खुशखबरी केळ्सतीन जो पयला केळ्स बुटीन, यारी नीव अंगीकार भी माळदीर अदिक यदुर दा नीव स्थिर भी आईर. 
\v 2 अदुर्दा द्वारा नीम्द उद्धार भी आगतद, अगर आ खुशखबरी इक जो ना नीमी केळ्सीदिन ध्यान दा ईटतीर; ईदारा नीम विश्वास माळोद बेकार आत.
\p
\v 3 ईदा कारण ना सब से पयले नीमी अदा मात पहुचुसदीन, जो नान हात्‍ती पहुचुसीत ईद पयला महत्वपुर्ण हुन कि पवित्रशास्त्र अन वचन इन अनुसार यीशु मसीह नाम पापगोळ साटी सोतोदुन, 
\v 4 \x + \xo १५:४ \xo*\xt मत्ती १२:४०; प्रेरितगोळ २:२४-३२\xt*\x*अदिक नळ्सकु आदुन, अदिक पवित्रशास्त्र अन अनुसार तिसरा दिशी जित्‍ता भी आदुन, 
\v 5 \x + \xo १५:५ \xo*\xt लूका २४:३४; \xt*\xt मत्ती २८:१६,१७; मरकुस १६:१४; लूका २४:३६; यूहन्ना २०:१९\xt*\x*आव कैफा अक अदिक हन्नेळ प्रेरितगोळी कांळ्सदुन. 
\v 6 बाक आव अईद सौ से यक्कुल विश्वासी वार्टुरी सांगुळल्या कांळ्सदुन, यारदा टु हापाळ सा ईगासताका जित्‍ता आर पर येनारा मंळसा सोतोग्यार. 
\v 7 बाक आव याकूब उक कांळ्सदुन आग सप्पा प्रेरितगोळी कांळ्सदुन.
\p
\v 8 \x + \xo १५:८ \xo*\xt प्रेरितगोळ ९:३-६\xt*\x*सप्पा मुंदुर बाद्दा नानी भी कांळ्सदुन, जो मान्सी समय इन पयला पैदा आगीदान. 
\v 9 \x + \xo १५:९ \xo*\xt प्रेरितगोळ ८:३\xt*\x*यतिकी ना प्रेरितगोळ दा सब से स्याणेव आईन, बल्‍की प्रेरित अनोद योग्य भी हैलेच, यतिकी ना परमेश्वर उन मंडली इक सतुसीदीन. 
\v 10 लेकीन ना जो येनारा भी आईन, परमेश्वर उन अनुग्रह देल आईन. आऊन अनुग्रह जो नान मा आत, अद बेकार आगीदील; लेकीन ना आ सप्पा मुंदुर से वाळुसकु मेहनत भी माळदीन: तरी भी ईद नान दी टु आगीदील लेकीन परमेश्वर उन अनुग्रह देल जो नान मा ईरोद. 
\v 11 इदुरसाटी चाहे बाक ना आगुल, चाहे बाक आंदुर आगुल, नाव सब ईदा प्रचार माळतेव, अदिक इदुर मा नीव भी विश्वास माळदीर.
\s नाम जित्‍ता आगोद
\p
\v 12 इदुरसाटी याग भी यीशु मसीह अन्द ईद प्रचार माळकु आगतद कि आव सोत्‍तुर दा टु जित्‍ता आग्यान, रा नीम दा टु यास मुंदुर ह्यांग अनतार कि सोत्‍तकु मंळसा जित्‍ता आग अच सकालुन? 
\v 13 अगर सोत्‍तुर मंळसा अन्द जित्‍ता आगोद अच ईलच, रा मसीह भी जित्‍ता आगीदील; 
\v 14 अदिक अगर मसीह जित्‍ता आगीदील, रा नाम्द प्रचार माळोद भी बेकार आद, अदिक नीम्द विश्वास भी बेकार आद. 
\v 15 इदुर से भी वाळुसकु नाव परमेश्वर उन ख्वाटा गवाह ठहरूसेव; यतिकी नाव परमेश्वर उन बारा दा ईद गवाही कोट्टेव कि आव मसीह इक जित्‍ता माळदुन, लेकीन सोतकु मंळसा सही दा जित्‍ता माळ सकालुर रा आव मसीह अक भी जित्‍ता माळीदील. 
\v 16 अदिक अगर मुर्दा जित्‍ता आगालव, रा मसीह भी जित्‍ता आगीदील; 
\v 17 अदिक अगर मसीह जित्‍ता आगीदील, रा नीम्द विश्वास बेकार आद, अदिक नीव ईग ताका तान पापगोळ्द भागीदार आईर. 
\v 18 बल्‍की जो मसीह मा विश्वास माळतार आंदुर भी सोतोग्यार. 
\v 19 अगर नाव सिर्फ ईदा जीवन दा मसीह देल आशा ईटतेव रा नाव सब मंळसागोळ देल यक्कुल अभागा आयेव.
\p
\v 20 लेकीन सही दा मसीह सोत्‍तुर दा टु जित्‍ता आग्यान, अदिक जो सोतोग्यार आंदुर भी जित्‍ता आदार ईद पयला प्रमाण हुन. 
\v 21 यतिकी याग ऊंद मंळसा अन्द द्वारा मृत्यु बत्‍त, रा ऊंद मंळसा अन्द अच द्वारा सोत्‍तुर मंळसा अन्द पुनरूत्थान भी बत्‍त. 
\v 22 अदिक ह्यांग आदम सब मा मृत्यु तंदुन, हांग अच मसीह भी विश्वास ईटावाळेर इक जित्‍ता माळ्यान, 
\v 23 लेकीन हर ऊंद तान तान पारी देल: पयला मसीह जित्‍ता आदुन, बाक मसीह अन्द वापस बंदुर देल आऊन मा विश्वास माळावाळेर लॉकुर जित्‍ता आदार. 
\v 24 इदुर बाद्दा अन्त आदीत. आ समय सब प्रधान माळावाळा दुष्टआत्मा अदिक पुरा अधिकार. अदिक सामर्थ्य अन्द मसीह अन द्वारा अन्त माळकु आदीत अदिक राज्य अक परमेश्वर आप्प उन कय दा सौप्स कोंडान. 
\v 25 यतिकी यागासताका आव तान दुश्मनी ईटावाळेरी तान काल इन ल्यालमा तरतीदील, आगासताका मसीह अन्द राज्य माळोद जरूरी आद. 
\v 26 सब से आखरी दुश्मनी माळावाळा जो नाश माळकु आदान, अद मृत्यु हुन. 
\v 27 यतिकी पवित्र शास्त्र अनतद, “परमेश्वर सप्पा येनारा आऊन काल इन ल्यालमा माळ कोंडुन,” लेकीन याग आव अनतान कि सप्पा येनारा मसीह अन्द हात्‍ती माळकु आग्याद रा प्रत्यक्ष आद कि यार आऊन हात्‍ती माळ कोंडुन, परमेश्वर खुद अलग ईत्‍तुन. 
\v 28 अदिक याग सप्पा हात्‍ती आगेदार, रा पारा खुद अच परमेश्वर उन हात्‍ती आगेदान, याव सप्पा येनारा आऊन हात्‍ती माळ कोंडुन, यदुर देल कि परमेश्वर सब वस्तुगोळ मा पुरा तरीका देल राज्य माळ्यान.
\p
\v 29 ईदारा जो लॉकुर सोतकु मंळसा अन्द साटी बपतिस्मा ताकोमतार आंदुर येन माळ्यार? अगर सोतकु मंळसा जित्‍ता आगालुर रा बाक येती आंदुर साटी बपतिस्मा ताकोमतार? 
\v 30 अदिक नाव भी येती हर घळी जोखिम दा बिदकु ईरतार? 
\v 31 हे वार्टुरा अदिक आकतींगेरा, नानी आ घमण्ड इन किर्‍या जो नाम्द मसीह यीशु दा ना नीम्द बारा दा माळतीन कि ना हर दिन सायतीन. 
\v 32 अगर ना मंळसा अन्द रीति मा इफिसुस दा आळी अन पशुगोळ घाई लळाई आळदीन रा नानी येन लाभ आत? अगर मुर्दा जित्‍ता माळकु आगालव, “रा बरी, तिनी-कुडी, यतिकी नाळ रा सायोद अच आद.”
\p
\v 33 ध्वाका तिनबाळी, “बुरा संगत वळ्लीद चरित्र अक बिगळुस बुळतद.” 
\v 34 सही विचार माळोद सुरू माळी अदिक पाप इक बिट बुळी; यतिकी येनारा हिंग आर जो परमेश्वर उक जान्सालुर, ना नीमी शर्मिंदा माळोर साटी ईद अनतीन.
\s पुनरूत्थान इन मय
\p
\v 35 ईग यावारा ईद अंदान, “मुर्दा या रीति देल जित्‍ता आगताव, अदिक ह्यांग मय इन सांगुळ बरताव?” 
\v 36 हे निर्बुद्धी! जो येनारा नी बोऊसत्या, यागासताका आव सायालुन जित्‍ता माळकु आगालुन. 
\v 37 अदिक जो नी बोऊसत्या, ईद अद मार्र आलच जो वाळुसावाळा आद, लेकीन सिर्फ दाना हुन, चाहे गोदी इन चाहे यातोदु अदिक अनाज इन. 
\v 38 लेकीन परमेश्वर तान इच्छा अन्द अनुसार आऊक मय कोळतान, अदिक हर ऊंद बींजा अक अदुर्द विशेष मय.
\p
\v 39 सब मय ऊंद घाई ईलच: मंळसागोळ्द मय अलग आद, पशुगोळ्द मय अलग आद; पक्षीगोळ्द मय अलग आद; मेनगोळ्द मय अलग आद.
\p
\v 40 स्वर्गीय मय आद अदिक अलग पार्थिव मय भी आद लेकीन स्वर्गीय मयगोळ्द तेज अलग आद, अदिक पार्थिव इन अलग. 
\v 41 सुर्य अन्द तेज अलग आद, चंद्रमा अन्द तेज अलग आद, अदिक तारागनगोळ्द तेज अलग आद, यतिकी ऊंद तारा से दुसरा तारा अन्द तेज दा फरक आद.
\p
\v 42 मुर्दागोळ्द जित्‍ता आगोद भी हिंग अच आद. मय नाशवान दशा दा बोऊस्कु आगतद अदिक अविनाशी रूप दा जित्‍ता आगतद. 
\v 43 अद अपमान इन सांगुळ बोऊस्कु आगतद, अदिक तेज इन सांगुळ जित्‍ता आगतद; निर्बलता अन्द सांगुळ नळ्सकु आगतद. अदिक सामर्थ्य इन सांगुळ जित्‍ता आगतद. 
\v 44 स्वाभाविक मय नळ्सकु आगतद, अदिक आत्मिक मय जित्‍ता आगतद: जब कि स्वाभाविक मय आद, रा आत्मिक मय भी आद. 
\v 45 हिंग अच शास्त्र दा लिख्सकु आद, कि “पयला मंळसा मतलब आदम जित्‍ता प्राणी आदुन” अदिक आखरी आदम, जीवनदायक आत्मा आदुन. 
\v 46 लेकीन पयला आत्मिक मय ईला ईरोद पर स्वाभाविक ईरोद, इदुर बाद्दा आत्मिक आत. 
\v 47 पयला मंळसा आदम पृथ्वी टु मतलब मुण्ण इन ईरोन; दुसरा स्वर्गीय आन. 
\v 48 ह्यांग आव मुण्ण इनव ईरोन, हांग अच आंदुर भी आर जो मुण्ण इनोर आर; अदिक ह्यांग आव स्वर्गीय आन, हांग अच आंदुर भी आर जो स्वर्गीय आर. 
\v 49 अदिक ह्यांग नाव आऊन मय धारण माळदेव जो मुण्ण इन ईरोद हांग अच आ स्वर्गीय अन्द मय भी धारण माळेव.
\p
\v 50 हे वार्टुरा अदिक आकतींगेरा, ना ईद अनतीन कि मास अदिक खुन परमेश्वर उन राज्य दा प्रवेश माळ सकालव, अदिक ना नाशवान अविनाशी इन प्रवेश आग सकतद.
\p
\v 51 \x + \xo १५:५१ \xo*\xt १ थिस्सलुनीकि ४:१५-१७\xt*\x*नोळी, ना नीम से भेद इन मात अनतीन: नाव सप्पा मुंदुर सायालेव, लेकीन सब बदलुसेव, 
\v 52 अदिक ईद क्षण भर दा, पतनी होडुतेला अच आखरी तुरही ऊएतेला अच ईतीदान. यतिकी तुरही ऊयकु आदीत अदिक मुर्दा अविनाशी दशा दा नेगुकु आदाव, अदिक नाव बदलुसेदव. 
\v 53 यतिकी जरूरी आद कि ईद नाशवान मय अविनाश इक हाक्‍क कोमुल, अदिक ईद मरनहार मय अमरता अक हाक्‍क कोमुल. 
\v 54 याग अद वचन जो शास्त्र दा लिख्सकु आद पुरा आगेदीत: अदिक याग ईद नाशवान अविनाश इक हाक्‍क कोंडीत, अदिक ईद मरनहार अमरता अक हाक्‍क कोंडीत, मृत्यु इन अन्त आत अदिक विजय प्राप्त आत.
\q1
\v 55 हे मृत्यु, अपमान जय यल ईत्‍त?
\q2 हे मृत्यु, अपमान डंक यल ईत्‍त?
\m
\v 56 मृत्यु इन डंक पाप आद, अदिक पाप इन बल मूसा अन्द नियम शास्त्र टु बरतद. 
\v 57 लेकीन परमेश्वर उन धन्यवाद आगुल, जो नाम्द प्रभु यीशु मसीह अन्द द्वारा नामी जयवन्त माळतान.
\p
\v 58 इदुरसाटी हे नान प्रिय वार्टुरा अदिक आकतींगेरा, मजबूत अदिक अटल ईरी, अदिक प्रभु उन क्याल्सा दा सदा वाळुसतेला होगी, यतिकी ईद जान्सतीर कि नीम्द मेहनत प्रभु दा बेकार हैलेच.
\c 16
\s विश्वासीगोळ साटी दान
\p
\v 1 \x + \xo १६:१ \xo*\xt रोमियों १५:२५,२६\xt*\x*ईग आ चन्दा अन्द बारा दा जो परमेश्वर उन पवित्र यहूदा लॉकुर साटी माळकु आगोद, ह्यांग आग्या ना गलातिया अन्द मंडलीगोळ इक कोट्टीन, हांग अच नीव भी माळी. 
\v 2 हप्ता अन्द पयला दिन नीम दा टु हर ऊंद तान आमदनी अन्द अनुसार येनारा तान हात्‍ती ईटकु ईरूल कि नान बंदुर मा चन्दा माळोद बिळबाळुल. 
\v 3 अदिक याग ना बराईन, रा यारी नीव चाहासीर आंदरी ना चिट्ठी गोळ कोटकु कळु बुळाईन कि नीम्द दान यरूशलेम पहुचुस बुळुल. 
\v 4 अगर नांद भी होगोद उचित आत, रा आंदुर नांद सांगुळ होदार.
\s पौलुस उन यात्रा अन्द कार्यक्रम
\p
\v 5 \x + \xo १६:५ \xo*\xt प्रेरितगोळ १९:२१\xt*\x*ना मकिदुनिया आगकु नीम्द हात्‍ती बराईन, यतिकी नानी मकिदुनिया आगकु होगोद अच आद. 
\v 6 लेकीन संभव आद कि ना नीम्द सांगुळ ठहरूसाईन अदिक सोळी इन मौसम दा भी नीम्द सांगुळ ईल कढाईन, आग या दिशा दी नांद होगोद आगुल आ दिशा दी नीव नानी पहुचुस बुळेतीर. 
\v 7 यतिकी ना ईग हादी दा नीम से भेंट माळोद चाहसालीन; लेकीन नानी आशा आद कि अगर प्रभु चाहस्यान रा येनारा समय ताका नीम्द सांगुळ ईराइन.
\p
\v 8 \x + \xo १६:८ \xo*\xt प्रेरितगोळ १९:८-१०\xt*\x*लेकीन ना पिन्तेकुस्त इन हाब्ब ताका इफिसुस दा ईराइन, 
\v 9 नान साटी अल ऊंद धोळ अदिक उपयोगी दरवाजा तेरकु आद, अदिक विरोधी हापाळ सा आर.
\p
\v 10 \x + \xo १६:१० \xo*\xt १ कुरिन्थि ४:१७\xt*\x*अगर तीमुथियुस होट बंदान, रा नोळेतीर कि आऊक नीम्द अल सम्मान सिकुल; यतिकी आव नान घाई प्रभु उन क्याल्सा माळतान. 
\v 11 इदुरसाटी याऊ आऊक बेकार सम्सबाळी, लेकीन अदरी खुशी देल ईपाटी पोहचुस बुळी कि नान हात्‍ती होट बरूल; यतिकी ना आऊंद हादी नोळेतीन कि आव वार्टुर सांगुळ बरूल.
\p
\v 12 वार्ट अपुल्लोस से ना हापाळ विनती माळदीन कि नीम्द हात्‍ती वार्टगोळ सांगुळ होगाता; लेकीन आव ई समय होगोद येनु भी इच्छा माळीदिल, लेकीन याग मवका सिक्‍कीत आग होट बंदान.
\s आखरी आदेश अदिक अभिवादन
\p
\v 13 जागस्तेला ईरी, विश्वास दा स्थिर ईरी, हिम्मत ईटी, अदिक बलवन्त आगी. 
\v 14 जो येनारा माळतीर प्यार देल माळी.
\p
\v 15 \x + \xo १६:१५ \xo*\xt १ कुरिन्थि १:१६\xt*\x*हे वार्टुरा, नीव स्तिफनास उन घराना अक जान्सतीर कि आंदुर अखाया अन्द पयला विश्वासी उर, अदिक परमेश्वर उन पवित्र लॉकुर्द स्यावा अन्द साटी तयार ईरतार. 
\v 16 इदुरसाटी ना नीम से विनती माळतीन कि हिंग माळावाळेर्द हात्‍ती ईरी, अदिक हर ऊंद मंळसा अन्द जो ई क्याल्सा दा मेहनती अदिक सहकर्मी आन.
\p
\v 17 ना स्तिफनास अदिक फूरतूनातुस अदिक अखईकुस उन बंदुर देल खुश आईन, यतिकी आंदुर नीम्द घट इक पुरा माळदुर. 
\v 18 आंदुर नानी अदिक नीम्द आत्मागोळ इक चैन कोट्टुर, इदुरसाटी हिंग माळावाळेर इक मान्सी.
\p
\v 19 \x + \xo १६:१९ \xo*\xt प्रेरितगोळ १८:२\xt*\x*आसिया इन मंडलीगोळ्द दी टु नीमी नमस्कार; अक्विला अदिक प्रिस्का अन्द अदिक आंदुर्द मान्ना अन्द मंडली अन्द भी नीमी प्रभु दा हापाळ हापाळ नमस्कार! 
\v 20 सप्पा विश्वासी वार्टुर्द नीमी नमस्कार.
\p पवित्र चुम्मा आबुर दाबुर इक कुतक्या अक हचकु आपस दा नमस्कार माळी.
\p
\v 21 ना पौलुस उन तान कय देल लिख्सकु ईरोद नमस्कार.
\p
\v 22 अगर यावारा प्रभु से प्यार ईला ईटुल रा आऊन मा हाय.
\p हे नाम प्रभु, बर!
\p
\v 23 प्रभु यीशु उन अनुग्रह नीम मा आगतेला ईरूल.
\p
\v 24 नांद प्यार मसीह यीशु दा नीव सप्पा मुंदुर सांगुळ ईरूल. आमीन.