\id ZEP - Biblica® Open Chhattisgarhi Contemporary Version
\ide UTF-8
\h सपनयाह
\toc1 सपनयाह के किताब
\toc2 सपनयाह
\toc3 सप
\mt1 सपनयाह
\mt2 के किताब
\c 1
\p
\v 1 आमोन के बेटा, यहूदा प्रदेस के राजा योसियाह के सासनकाल म यहोवा के बचन ह सपनयाह करा आईस; सपनयाह ह कूसी के बेटा, कूसी ह गदलयाह के बेटा, गदलयाह ह अमरयाह के बेटा अऊ अमरयाह ह हिजकियाह के बेटा रिहिस:
\b
\s1 यहोवा के दिन जम्मो धरती ऊपर नियाय
\q1
\v 2 “मेंह धरती के
\q2 जम्मो चीज ला नास करहूं,”
\q2 यहोवा ह घोसना करत हे।
\q1
\v 3 “मेंह मनखे अऊ पसु दूनों ला नास कर दूहूं;
\q2 मेंह अकास के चिरई
\q2 अऊ समुंदर के मछरीमन ला नास कर दूहूं—
\q2 अऊ मूरतीमन ला नास कर दूहूं, जेमन दुस्ट मनखे के गिरे के कारन बनथें।”
\b
\q1 “जब में जम्मो मानव-जाति ला
\q2 धरती ले मिटा दूहूं,”
\q2 यहोवा ह घोसना करत हे,
\q1
\v 4 “तब मेंह यहूदा के बिरूध
\q2 अऊ यरूसलेम के जम्मो रहइयामन के बिरूध अपन हांथ बढ़ाहूं।
\q1 मेंह ये ठऊर ले बाल देवता के उपासना करइया जम्मो बांचे मनखेमन ला,
\q2 अऊ मूरती-पूजा करइया जम्मो पुरोहितमन के नांव ला घलो मेटा दूहूं—
\q1
\v 5 जऊन मन अपन घर के छानीमन म
\q2 अकास के तारामन ला गिरके दंडवत करथें,
\q1 जऊन मन झुकके यहोवा के कसम खाथें
\q2 अऊ जऊन मन मोलेक\f + \fr 1:5 \fr*\ft इबरानी म \ft*\fqa मल्काम\fqa*\f* देवता के घलो कसम खाथें,
\q1
\v 6 जेमन यहोवा के पाछू चले बर छोंड़ देथें
\q2 अऊ न तो यहोवा के खोज करथें अऊ न ही ओकर ईछा जाने के कोसिस करथें,
\q2 ओ जम्मो ला मेटा दूहूं।”
\b
\q1
\v 7 परमपरधान यहोवा के आघू म चुपे रहव,
\q2 काबरकि यहोवा के दिन ह लकठा म हवय।
\q1 यहोवा ह एक बलिदान तियार करे हवय;
\q2 ओह ओमन ला पबितर करे हवय, जेमन ला ओह नेवता देय हवय।
\b
\q1
\v 8 “यहोवा के ठहिराय बलिदान के दिन
\q2 मेंह अधिकारीमन ला
\q2 अऊ राजामन के बेटामन ला
\q1 अऊ ओ जम्मो जेमन बिदेसी ओनहा पहिरथें
\q2 ओ जम्मो झन ला सजा दूहूं।
\q1
\v 9 ओ दिन मेंह ओमन ला सजा दूहूं
\q2 जऊन मन मंदिर के दुवार म आय ले बचथें,\f + \fr 1:9 \fr*\ft देखव \+xt 1 समू 5:5\+xt*\ft*\f*
\q1 जऊन मन अपन देवतामन के मंदिर ला
\q2 हिंसा अऊ छल ले भर देथें।
\b
\q1
\v 10 “ओ दिन”
\q2 यहोवा ह घोसना करत हे,
\q1 “मछरी दुवार ले पुकारे के
\q2 अऊ नवां निवास ले बिलाप के
\q2 अऊ पहाड़ीमन ले बहुंत जोर से धमाका के अवाज सुनई दीही।
\q1
\v 11 तुमन, जेमन बजारवाले\f + \fr 1:11 \fr*\ft बेपारीमन के मुख्य ठऊर, जिहां सामान बिसाय अऊ बेचे जावय\ft*\f* इलाका म रहिथव, बिलाप करव;
\q2 तुम्हर सबो बेपारीमन ला,
\q2 ओ जम्मो ला, जेमन चांदी के बेपार करथें, नास कर दिये जाही।
\q1
\v 12 ओ समय, मेंह दीया धरके यरूसलेम म खोजहूं,
\q2 अऊ ओमन ला दंड दूहूं, जेमन अपनआप म खुस हवंय,
\q2 जेमन पेंदी म छोंड़े गय अंगूर के मंद के मईल कस अंय,
\q1 जेमन ये सोचथें, ‘यहोवा ह कुछू नइं करही,
\q2 न भलई करही अऊ न ही बुरई।’
\q1
\v 13 ओमन के धन-दौलत लूट लिये जाही,
\q2 ओमन के घरमन गिर जाहीं।
\q1 हालाकि ओमन घर बनाहीं,
\q2 पर ओमन ओमा रहे बर नइं पाहीं;
\q1 हालाकि ओमन अंगूर के बारी लगाहीं,
\q2 पर ओमन ओकर ले अंगूर के मंद पीये बर नइं पाहीं।”
\b
\q1
\v 14 यहोवा के भयानक दिन ह लकठा म हवय—
\q2 येह लकठा म हवय अऊ जल्दी आवत हे।
\q1 यहोवा के दिन के रोवई ह भयंकर ए;
\q2 बड़े बीर घलो दुख के मारे चिचियाथे।
\q1
\v 15 ओ दिन ह कोप के दिन होही—
\q2 संकट अऊ पीरा के दिन,
\q3 समस्या अऊ बिनास के दिन,
\q2 अंधियार अऊ उदासी के दिन,
\q3 करिया बादर अऊ अंधियार के दिन होही—
\q2
\v 16 गढ़वाले सहरमन के बिरूध
\q1 अऊ कोनटा के मीनारमन के बिरूध
\q2 ओह तुरही फूंके अऊ लड़ई के ललकार के दिन होही।
\b
\q1
\v 17 “मेंह जम्मो मनखेमन ऊपर अइसन बिपत्ति लानहूं
\q2 कि ओमन अंधरा मनखे कस टमड़हीं,
\q2 काबरकि ओमन यहोवा के बिरोध म पाप करे हवंय।
\q1 ओमन के लहू ला धुर्रा कस
\q2 अऊ ओमन के अंतड़ी ला गोबर कस फटिक दिये जाही।
\q1
\v 18 यहोवा के कोप के दिन
\q2 न तो ओमन के सोन
\q2 अऊ न ही ओमन के चांदी ओमन ला बचा सकही।”
\b
\q1 ओकर जलन के आगी म
\q2 जम्मो धरती ह भसम हो जाही,
\q1 काबरकि ओह ओ जम्मो के अचानक अन्त कर दीही
\q2 जेमन धरती म रहिथें।
\c 2
\s1 आने मनखेमन संग यहूदा अऊ यरूसलेम के नियाय
\s2 यहूदा ला मन-फिराय के बुलावा
\q1
\v 1 हे बेसरम जाति के मनखेमन,
\q2 एक संग जूरव, तुमन एक संग जूरव,
\q1
\v 2 एकर पहिली कि हुकूम ह लागू होवय
\q2 अऊ दिन ह भूंसा कस निकल जावय,
\q1 एकर पहिली कि यहोवा के भयंकर कोरोध ह तुम्हर ऊपर भड़कय,
\q1 एकर पहिली कि यहोवा के कोप के दिन ह
\q2 तुम्हर ऊपर आ जावय।
\q1
\v 3 तुमन जम्मो, जेमन देस के नम्र मनखे अव,
\q2 तुमन जेमन यहोवा के हुकूम ला मानथव, यहोवा के खोज म रहव।
\q1 धरमीपन के खोज म रहव, नम्र बनव;
\q2 सायद यहोवा के कोप के दिन म
\q2 तुमन ला आसरय मिल जावय।
\s2 पलिस्ती
\q1
\v 4 गाजा सहर ला तियाग देय जाही,
\q2 अऊ अस्कलोन सहर ह बरबाद हो जाही
\q1 असदोद सहर ला मंझनियां खाली कर देय जाही,
\q2 अऊ एकरोन सहर ला उखान देय जाही।
\q1
\v 5 तुमन ऊपर हाय, जेमन समुंदर तीर म रहिथव,
\q2 हे करेती मनखेमन, तुमन ऊपर हाय;
\q1 हे कनान, पलिस्तीमन के देस,
\q2 यहोवा के बचन ह तोर बिरूध हवय।
\q1 ओह कहिथे, “मेंह तुमन ला नास कर दूहूं,
\q2 कोनो नइं बांचय।”
\q1
\v 6 समुंदर तीर के भुइयां ह चरागन हो जाही,
\q2 जिहां चरवाहामन बर कुआं
\q2 अऊ पसु के झुंड बर बाड़ा होही।
\q1
\v 7 ओ देस ह यहूदा के घराना के
\q2 बांचे मनखेमन के देस होही;
\q2 उहां ओमन ला चरागन मिलही।
\q1 सांझ के बेरा, ओमन अस्कलोन के
\q2 घरमन म लेटके अराम करहीं।
\q1 यहोवा ओमन के परमेसर ह उहां ओमन के देखरेख करही;
\q2 ओह ओमन के धन-दौलत ला घलो लहुंटाही।\f + \fr 2:7 \fr*\ft या \ft*\fqa बंधुवई म गय ओमन के मनखेमन ला लहुंटा लानही\fqa*\f*
\s2 मोआब अऊ अमोन
\q1
\v 8 “मेंह मोआबीमन के बेजत्ती के बात
\q2 अऊ अमोनीमन के ताना ला सुने हंव,
\q1 ओमन मोर मनखेमन के बेजत्ती करिन
\q2 अऊ ओमन के देस ला छीन लेय के धमकी दीन।
\q1
\v 9 एकरसेति, मोर जिनगी के सपथ,”
\q2 सर्वसक्तिमान यहोवा,
\q2 इसरायल के परमेसर ह घोसना करत हे,
\q1 “सही म मोआब ह सदोम कस,
\q2 अऊ अमोनीमन अमोरा कस हो जाहीं—
\q1 येमन कांदी-कचरा के ठऊर अऊ नून के खंचवामन हो जाहीं,
\q2 येमन हमेसा बर उजड़ जाहीं।
\q1 मोर बांचे मनखेमन ओमन ला लूट लीहीं;
\q2 मोर जाति के बांचे मनखेमन ओमन के देस ऊपर अधिकार कर लीहीं।”
\b
\q1
\v 10 ओमन के घमंड करे अऊ सर्वसक्तिमान यहोवा के मनखेमन के
\q2 अपमान करे अऊ हंसी उड़ाय के
\q2 ओमन ला ये परतिफल मिलही।
\q1
\v 11 यहोवा के भय ओमन म पईदा होही
\q2 जब यहोवा ह धरती के जम्मो देवतामन ला नास कर दीही।
\q1 दूरिहा-दूरिहा के जाति-जाति के जम्मो मनखेमन अपन-अपन देस म
\q2 यहोवा ला झुकके दंडवत करहीं।
\s2 कूस
\q1
\v 12 “हे कूसी मनखेमन,\f + \fr 2:12 \fr*\ft नील नदी के ऊपरी इलाका के मनखेमन\ft*\f* तुमन घलो
\q2 मोर तलवार ले मारे जाहू।”
\s2 अस्सूर
\q1
\v 13 यहोवा ह उत्तर दिग के बिरूध अपन हांथ बढ़ाही
\q2 अऊ अस्सूर देस ला नास कर दीही,
\q1 अऊ नीनवे सहर ला पूरा उजारके
\q2 मरू-भुइयां सहीं सूखा छोंड़ दीही।
\q1
\v 14 गरूवा-बईला अऊ भेड़-बकरीमन
\q2 अऊ जम्मो किसम के जीव-जन्तुमन उहां अराम करहीं।
\q1 ओकर खंभामन म मरू-भुइयां के उल्लू
\q2 अऊ चिचियानेवाला उल्लूमन बसेरा करहीं।
\q1 खिड़कीमन ले ओ उल्लूमन के अवाज सुनई दीही,
\q2 पथरा के कुटामन ले कपाट के रसतामन भर जाहीं,
\q2 देवदार लकरी के बल्लामन उघर जाहीं।
\q1
\v 15 येह ओ चहल-पहल वाले सहर के स्थिति अय
\q2 जऊन ह एक समय सुरकछित रिहिस।
\q1 ओह अपनआप ला कहय,
\q2 “मेंह अकेला अंव! मोला छोंड़ अऊ कोनो दूसरा नइं ए।”
\q1 अब ओह कइसन उजर गे हवय,
\q2 जंगली पसुमन के एक मांद बन गे हवय!
\q1 ओ जम्मो, जेमन उहां ले होके जाथें,
\q2 ओमन एकर हंसी उड़ाथें अऊ अपन हांथ ला झटकारथें।
\c 3
\s2 यरूसलेम
\q1
\v 1 दुख देवइया, बिदरोही
\q2 अऊ असुध मनखेमन के सहर ऊपर हाय!
\q1
\v 2 ओह काकरो बात ला नइं मानय,
\q2 अऊ न ही काकरो सलाह ला स्वीकार करय।
\q1 ओह यहोवा ऊपर भरोसा नइं करय,
\q2 ओह अपन परमेसर के लकठा म नइं आवय।
\q1
\v 3 ओकर अधिकारीमन ओकर भीतर
\q2 दहाड़त सेर कस,
\q1 अऊ ओकर सासन करइयामन सांझ के बेरा सिकार करइया ओ भेड़ियामन कस अंय,
\q2 जेमन बिहनियां बर कुछू ला नइं बचांय।
\q1
\v 4 ओकर अगमजानीमन सही मनखे नो हंय;
\q2 ओमन बिसवासघाती अंय।
\q1 ओकर पुरोहितमन पबितर-स्थान ला अपबितर करथें
\q2 अऊ ओमन कानून ला टोरथें।
\q1
\v 5 यहोवा, जऊन ह ओकर भीतर हवय, ओह धरमी अय;
\q2 ओह कोनो गलत काम नइं करय।
\q1 रोज बिहनियां ओह अपन नियाय ला परगट करथे,
\q2 अऊ कोनो दिन ओह कोनो बात म नइं चुकय,
\q2 तभो ले अधरमीमन ला लाज नइं आवय।
\s2 यरूसलेम के मनखेमन पछताप नइं करिन
\q1
\v 6 “मेंह जाति-जाति के मनखेमन ला नास करे हंव;
\q2 अऊ ओमन के गढ़मन ला गिरा देय गे हवय।
\q1 मेंह ओमन के गलीमन ला सुन्ना कर दे हंव,
\q2 अऊ ओ गलीमन ले होके कोनो नइं जावंय।
\q1 ओमन के सहरमन उजर गे हवंय;
\q2 ओमन ला छोंड़ देय गे हवय अऊ ओमन खाली हवंय।
\q1
\v 7 यरूसलेम के बारे म मोर ये बिचार रिहिस,
\q2 ‘तेंह जरूर मोर भय मानबे
\q2 अऊ मोर सलाह ला मानबे!’
\q1 तब ओकर सरन-स्थान ला न तो नास करे जातिस,
\q2 अऊ न ही मोर कोनो दंड ओमन ऊपर आतिस,
\q1 पर ओमन तब भी अपन जम्मो काम म
\q2 उत्सुक होके बुरई के काम करे लगिन।
\q1
\v 8 एकर कारन मोर बर ओ दिन के इंतजार करव,” यहोवा ह घोसना करत हे,
\q2 “जब मेंह गवाही देय बर ठाढ़ होहूं।
\q1 मेंह ठान ले हंव कि मेंह जाति-जाति के मनखे,
\q2 अऊ राज-राज के मनखेमन ला इकट्ठा करहूं
\q1 अऊ ओमन ऊपर अपन कोप परगट करहूं—
\q2 मोर पूरा भयानक गुस्सा।
\q1 मोर जलन के कोरोध के आगी ले
\q2 पूरा संसार ह जलके नास हो जाही।
\s1 इसरायल के बांचे भाग के फेर स्थापित होवई
\q1
\v 9 “तब में मनखेमन के ओंठ ला सुध करहूं,
\q2 ताकि ओमन जम्मो झन यहोवा के नांव ला पुकारंय
\q2 अऊ कंधा ले कंधा मिलाके ओकर सेवा करंय।
\q1
\v 10 कूस के नदीमन के ओ पार ले
\q2 मोर अराधना करइया, मोर तितिर-बितिर होय मनखेमन
\q2 मोर बर चढ़ावा लानहीं।
\q1
\v 11 हे यरूसलेम, ओ दिन, तोला मोर बिरूध करे गय
\q2 खराप काम के कारन लज्जित होय बर नइं पड़य,
\q1 काबरकि मेंह तोर बीच ले
\q2 तोर जिद्दी घमंडी मनखेमन ला निकाल दूहूं।
\q1 अऊ तेंह मोर पबितर पहाड़ी ऊपर
\q2 फेर कभू घमंड नइं करबे।
\q1
\v 12 पर मेंह तुम्हर बीच म
\q2 सिरिप नम्र अऊ दीन मनखेमन ला रहन दूहूं।
\q1 इसरायल के बांचे मनखेमन
\q2 यहोवा के नांव म भरोसा करहीं।
\q1
\v 13 ओमन कोनो गलत काम नइं करहीं;
\q2 ओमन लबारी नइं मारहीं।
\q1 ओमन के मुहूं ले
\q2 कोनो छल के बात नइं निकलही।
\q1 ओमन खाहीं अऊ अराम करहीं
\q2 अऊ कोनो ओमन ला नइं डराहीं।”
\b
\q1
\v 14 हे बेटी सियोन, गा;
\q2 हे इसरायल, जय-जयकार कर!
\q1 हे बेटी यरूसलेम,
\q2 खुसी रह अऊ अपन पूरा मन से आनंद मना!
\q1
\v 15 यहोवा ह तोर दंड ला दूरिहा कर दे हवय,
\q2 ओह तोर बईरीमन ला हटा दे हवय।
\q1 यहोवा, इसरायल के राजा ह तोर संग हवय;
\q2 फेर कभू तोला कोनो हानि के डर नइं होही।
\q1
\v 16 ओ दिन
\q2 ओमन यरूसलेम ले कहिहीं,
\q1 “हे सियोन, झन डर;
\q2 तोर हांथ ह दुरबल झन होवय।
\q1
\v 17 यहोवा, तोर परमेसर ह तोर संग हवय,
\q2 ओह बड़े सूरबीर अय, जऊन ह तोला बचाथे।
\q1 ओह तोर कारन बहुंत आनंदित होही;
\q2 अपन मया म ओह तोला फेर कभू नइं डांटही,
\q2 पर तोर कारन ओह गीत गावत आनंदित होही।”
\b
\q1
\v 18 “मेंह ओ सबो झन ला तोर बीच ले हटा दूहूं
\q2 जऊन मन तोर ठहिराय तिहारमन के हट जाय के कारन दुखी हवंय,
\q2 जऊन ह तोर बर एक बोझा अऊ कलंक अय।
\q1
\v 19 ओ समय मेंह ओ जम्मो झन ले लेखा लूहूं
\q2 जेमन तोला दुख देय रिहिन।
\q1 मेंह खोरवा मनखे ला बचाहूं;
\q2 अऊ बंधुवामन ला संकेलहूं।
\q1 मेंह ओमन ला हर ओ देस म महिमा अऊ आदर दूहूं
\q2 जिहां ओमन लज्जित होवत रिहिन।
\q1
\v 20 ओ समय मेंह तुमन ला संकेलहूं;
\q2 ओ समय मेंह तुमन ला घर ले आनहूं।
\q1 मेंह धरती के जम्मो मनखेमन के बीच
\q2 तुमन ला आदर अऊ महिमा दूहूं
\q1 जब मेंह तुम्हर आंखी के आघू म
\q2 तुम्हर खुसहाली जिनगी ला लहुंटा लानहूं,”\f + \fr 3:20 \fr*\ft या \ft*\fqa तुम्हर बंधुवामन ला लहुंटाके ले आनहूं\fqa*\f*
\q2 यहोवा ह कहत हे।