\id NUM - Biblica® Open Chhattisgarhi Contemporary Version
\usfm 3.0
\ide UTF-8
\h गनती
\toc1 गनती के किताब
\toc2 गनती
\toc3 गन
\mt1 गनती
\mt2 के किताब
\c 1
\s1 इसरायलीमन के पहिली गनती
\p
\v 1 इसरायलीमन के मिसर देस ले निकल जाय के दूसर बछर के दूसर महिना के पहिली दिन, यहोवा ह सीनय के निरजन जगह म, मिलापवाला तम्बू म मूसा ला कहिस: 
\v 2 “इसरायलीमन के जम्मो समाज ओमन के गोत्र अऊ परिवार के मुताबिक, हर एक पुरूस के गनती नांव लिख-लिखके कर। 
\v 3 जतेक इसरायली बीस साल या ओकर ले जादा उमर के हवंय अऊ ओमन सेना म सेवा देय के लईक हवंय, ओ जम्मो के गनती तें अऊ हारून ओमन के दल के मुताबिक करव। 
\v 4 हर एक गोत्र के एक-एक पुरूस, जऊन मन अपन परिवार के मुखिया अंय, ओमन तुम्हर मदद करंय।
\b
\lh
\v 5 “ये ओ पुरूसमन के नांव अय, जऊन मन तुम्हर मदद करहीं:
\b
\li1 “रूबेन के गोत्र ले सदेऊर के बेटा एलीसूर;
\li1
\v 6 सिमोन के गोत्र ले सूरीसद्दाय के बेटा सलूमीएल;
\li1
\v 7 यहूदा के गोत्र ले अमीनादाब के बेटा नहसोन;
\li1
\v 8 इस्साकार के गोत्र ले सूआर के बेटा नतनेल;
\li1
\v 9 जबूलून के गोत्र ले हेलोन के बेटा एलीआब;
\li1
\v 10 यूसुफ के बेटामन ले:
\li2 एपरैम के गोत्र ले अमीहूद के बेटा एलीसामा;
\li2 मनस्से के गोत्र ले पदासूर के बेटा गमलीएल;
\li1
\v 11 बिनयामीन के गोत्र ले गिदोनी के बेटा अबीदान;
\li1
\v 12 दान के गोत्र ले अम्मीसद्दाय के बेटा अहीएजेर;
\li1
\v 13 आसेर के गोत्र ले ओकरान के बेटा पगीएल;
\li1
\v 14 गाद के गोत्र ले दूएल के बेटा एलियासाप;
\li1
\v 15 नपताली के गोत्र ले एनान के बेटा अहीरा।”
\b
\lf
\v 16 येमन समाज के ओ मनखे रिहिन, जेमन ला अपन पुरखा के गोत्रमन ले अगुवा ठहिराय गीस। येमन इसरायल के गोत्रमन के मुखिया रिहिन।
\b
\p
\v 17 जऊन मनखेमन के नांव ऊपर लिखे गे हवय, ओमन ला मूसा अऊ हारून अपन संग लीन, 
\v 18 अऊ ओमन ओ साल के दूसरा महिना के पहिला दिन पूरा समाज ला इकट्ठा करिन। मनखेमन अपन गोत्र अऊ परिवार के मुताबिक अपन बंसावली लिखवाईन, अऊ जतेक झन बीस साल या बीस साल ले जादा उमर के रिहिन, ओमन के नांव एक-एक करके लिखे गीस, 
\v 19 जइसे कि यहोवा ह मूसा ला हुकूम दे रिहिस। ये किसम ले ओह सीनय के सुनसान जगह म ओमन के गनती करिस:
\b
\li1
\v 20 इसरायल के बेटा रूबेन के बंस ले:
\li2 जतेक पुरूस बीस साल या बीस साल ले जादा उमर के रिहिन अऊ सेना म सेवा दे सकत रिहिन, ओमन के नांव ओमन के गोत्र अऊ परिवार के मुताबिक एक-एक करके लिखे गीस। 
\v 21 रूबेन के गोत्र के गनती 46,500 होईस।
\b
\li1
\v 22 सिमोन के बंस ले:
\li2 ओ जम्मो पुरूस, जऊन मन बीस साल या बीस साल ले जादा उमर के रिहिन अऊ सेना म सेवा देय के लईक रिहिन, ओमन के गनती करे गीस अऊ ओमन के नांव ओमन के गोत्र अऊ परिवार के मुताबिक एक-एक करके लिखे गीस। 
\v 23 सिमोन के गोत्र के गनती 59,300 होईस।
\b
\li1
\v 24 गाद के बंस ले:
\li2 ओ जम्मो पुरूस, जऊन मन बीस साल या बीस साल ले जादा उमर के रिहिन अऊ सेना म सेवा देय के लईक रिहिन, ओमन के नांव ओमन के गोत्र अऊ परिवार के मुताबिक लिखे गीस। 
\v 25 गाद के गोत्र के गनती 45,650 होईस।
\b
\li1
\v 26 यहूदा के बंस ले:
\li2 ओ जम्मो पुरूस, जऊन मन बीस साल या बीस साल ले जादा उमर के रिहिन अऊ सेना म सेवा देय के लईक रिहिन, ओमन के नांव ओमन के गोत्र अऊ परिवार के मुताबिक लिखे गीस। 
\v 27 यहूदा के गोत्र के गनती 74,600 होईस।
\b
\li1
\v 28 इस्साकार के बंस ले:
\li2 ओ जम्मो मनखे, जऊन मन बीस साल या बीस साल ले जादा उमर के रिहिन अऊ सेना म सेवा देय के लईक रिहिन, ओमन के नांव ओमन के गोत्र अऊ परिवार के मुताबिक लिखे गीस। 
\v 29 इस्साकार के गोत्र के गनती 54,400 होईस।
\b
\li1
\v 30 जबूलून के बंस ले:
\li2 ओ जम्मो पुरूस, जऊन मन बीस साल या बीस साल ले जादा उमर के रिहिन अऊ सेना म सेवा देय के लईक रिहिन, ओमन के नांव ओमन के गोत्र अऊ परिवार के मुताबिक लिखे गीस। 
\v 31 जबूलून के गोत्र के गनती 57,400 होईस।
\b
\lh
\v 32 यूसुफ के बेटामन ले:
\li1 एपरैम के बंस ले:
\li2 ओ जम्मो पुरूस, जऊन मन बीस साल या बीस साल ले जादा उमर के रिहिन अऊ सेना म सेवा देय के लईक रिहिन, ओमन के नांव ओमन के गोत्र अऊ परिवार के मुताबिक लिखे गीस। 
\v 33 एपरैम के गोत्र के गनती 40,500 होईस।
\li1
\v 34 मनस्से के बंस ले:
\li2 ओ जम्मो पुरूस, जऊन मन बीस साल या बीस साल ले जादा उमर के रिहिन अऊ सेना म सेवा देय के लईक रिहिन, ओमन के नांव ओमन के गोत्र अऊ परिवार के मुताबिक लिखे गीस। 
\v 35 मनस्से के गोत्र के गनती 32,200 होईस।
\b
\li1
\v 36 बिनयामीन के बंस ले:
\li2 ओ जम्मो पुरूस, जऊन मन बीस साल या बीस साल ले जादा उमर के रिहिन अऊ सेना म सेवा देय के लईक रिहिन, ओमन के नांव ओमन के गोत्र अऊ परिवार के मुताबिक लिखे गीस। 
\v 37 बिनयामीन के गोत्र के गनती 35,400 होईस।
\b
\li1
\v 38 दान के बंस ले:
\li2 ओ जम्मो पुरूस, जऊन मन बीस साल या बीस साल ले जादा उमर के रिहिन अऊ सेना म सेवा देय के लईक रिहिन, ओमन के नांव ओमन के गोत्र अऊ परिवार के मुताबिक लिखे गीस। 
\v 39 दान के गोत्र के गनती 62,700 होईस।
\b
\li1
\v 40 आसेर के बंस ले:
\li2 ओ जम्मो पुरूस, जऊन मन बीस साल या बीस साल ले जादा उमर के रिहिन अऊ सेना म सेवा देय के लईक रिहिन, ओमन के नांव ओमन के गोत्र अऊ परिवार के मुताबिक लिखे गीस। 
\v 41 आसेर के गोत्र के गनती 41,500 होईस।
\b
\li1
\v 42 नपताली के बंस ले:
\li2 ओ जम्मो पुरूस, जऊन मन बीस साल या बीस साल ले जादा उमर के रिहिन अऊ सेना म सेवा देय के लईक रिहिन, ओमन के नांव ओमन के गोत्र अऊ परिवार के मुताबिक लिखे गीस। 
\v 43 नपताली के गोत्र के गनती 53,400 होईस।
\b
\lf
\v 44 मूसा अऊ हारून अऊ इसरायल के बारह अगुवा, जेमन अपन-अपन परिवार के मुखिया घलो रिहिन, येमन के गनती करिन। 
\v 45 जम्मो इसरायली, जऊन मन बीस साल ले जादा उमर के रिहिन अऊ इसरायली सेना म सेवा देय के लईक रिहिन, ओमन के गनती परिवार के मुताबिक होईस। 
\v 46 कुल गनती 6,03,550 होईस।
\b
\p
\v 47 पर लेवीमन के पुरखा के गोत्र ला आने मन के संग नइं गने गीस। 
\v 48 यहोवा ह मूसा ला कहे रिहिस: 
\v 49 “लेवी गोत्र ला झन गनबे या ओमन ला आने इसरायलीमन संग गनती म सामिल झन करबे। 
\v 50 पर लेवीमन ला करार के कानून के पबितर-तम्बू म अधिकारी ठहिराबे—ओकर जम्मो सजावट अऊ ओमा के जम्मो चीज ऊपर अधिकारी ठहिराबे। ओमन पबितर-तम्बू अऊ ओमा के जम्मो चीज ला उठावंय; ओमन ओकर देखभाल करंय अऊ ओकर चारों कोति डेरा डाले रहंय। 
\v 51 जब भी पबितर-तम्बू ला आने जगह ले जाय के समय होवय, त लेवीमन ओला उसालंय, अऊ जब भी पबितर-तम्बू ला गाड़े के समय होवय, त लेवीमन ही ओला गाड़ंय। यदि कोनो आने मनखे येकर लकठा म आवय, त ओह मार डारे जावय। 
\v 52 इसरायलीमन दल के मुताबिक अपन तम्बूमन ला गाड़ंय, हर एक जन अपन झंडा के अधीन अपन सिविर म तम्बू गाड़ंय। 
\v 53 पर लेवीमन करार के कानून के पबितर-तम्बू के चारों कोति अपन तम्बू गाड़ंय ताकि मोर कोप ह इसरायली समाज ऊपर झन भड़कय। लेवीमन करार के कानून के पबितर-तम्बू के देखभाल बर जिम्मेदार अंय।”
\p
\v 54 इसरायलीमन जम्मो चीज वइसने ही करिन, जइसने यहोवा ह मूसा ला हुकूम दे रिहिस।
\c 2
\s1 इसरायलीमन के सिविर ब्यवस्था
\p
\v 1 यहोवा ह मूसा अऊ हारून ला कहिस: 
\v 2 “इसरायलीमन मिलापवाला तम्बू के थोरकन दूरिहा म ओकर चारों कोति डेरा डालंय, हर एक जन अपन दल के अधीन अऊ अपन परिवार के झंडा धरे डेरा डालंय।”
\b
\lh
\v 3 पूरब तरफ, सूरज निकले कोति:
\li1 यहूदा के सिविर के दलमन अपन झंडा के अधीन डेरा डालंय। यहूदा के मनखेमन के अगुवा अमीनादाब के बेटा नहसोन होवय। 
\v 4 ओकर दल के गनती 74,600 रिहिस।
\li1
\v 5 ओमन के बाद इस्साकार गोत्र के परधान सूआर के बेटा नतनेल ह डेरा डालही। 
\v 6 ओकर दल के गनती 54,400 रिहिस।
\li1
\v 7 ओकर बाद जबूलून के गोत्र डेरा डालही। जबूलून के मनखेमन के अगुवा हेलोन के बेटा एलीआब होही। 
\v 8 ओकर दल के गनती 57,400 रिहिस।
\lf
\v 9 यहूदा के सिविर बर जतेक आदमी सऊंपे गे रिहिन, ओमन के गनती ओमन के दल के मुताबिक 1,86,400 रिहिस। येमन पहिले निकलहीं।
\b
\lh
\v 10 दक्खिन कोति:
\li1 रूबेन के सिविर के दलमन अपन झंडा के अधीन डेरा डालंय। रूबेन के मनखेमन के अगुवा सदेऊर के बेटा एलीसूर होही। 
\v 11 ओकर दल के गनती 46,500 रिहिस।
\li1
\v 12 ओमन के बाद सिमोन के गोत्र ह डेरा डालही। सिमोन के मनखेमन के अगुवा सूरीसद्दाय के बेटा सलूमीएल होही। 
\v 13 ओकर दल के गनती 59,300 रिहिस।
\li1
\v 14 ओकर बाद गाद के गोत्र डेरा डालही। गाद के मनखेमन के अगुवा दूएल\f + \fr 2:14 \fr*\ft कतको हस्तलिपि म \ft*\fqa रूएल\fqa*\f* के बेटा एलियासाप होही। 
\v 15 ओकर दल के गनती 45,650 रिहिस।
\lf
\v 16 रूबेन के सिविर के जतेक आदमी रिहिन, ओमन के गनती दल के मुताबिक 1,51,450 रिहिस। दूसर बार म येमन बाहिर निकलहीं।
\b
\li1
\v 17 तब मिलापवाला तम्बू अऊ लेवीमन के सिविर ह ले जाय के बेरा सिविरमन के बीच म रहय। ओमन ला ओहीच किसम ले लेय जावंय, जऊन किसम ले ओमन गाड़े जावंय, हर एक अपन झंडा के अधीन अपन-अपन जगह म रहिके चलंय।
\b
\lh
\v 18 पछिम कोति:
\li1 एपरैम के सिविर के दलमन अपन झंडा के अधीन डेरा डालंय। एपरैम के मनखेमन के अगुवा अमीहूद के बेटा एलीसामा होही। 
\v 19 ओकर दल के गनती 40,500 रिहिस।
\li1
\v 20 ओकर बाद मनस्से के गोत्र डेरा डालही। मनस्से के मनखेमन के अगुवा पदासूर के बेटा गमलीएल होही। 
\v 21 ओकर दल के गनती 32,200 रिहिस।
\li1
\v 22 ओकर बाद बिनयामीन के गोत्र डेरा डालही। बिनयामीन के मनखेमन के अगुवा गिदोनी के बेटा अबीदान होही। 
\v 23 ओकर दल के गनती 35,400 रिहिस।
\lf
\v 24 एपरैम के सिविर म जतेक आदमी रिहिन, ओमन अपन दल के मुताबिक 1,08,100 रिहिन। येमन तीसरा नम्बर म निकलहीं।
\b
\lh
\v 25 उत्तर कोति:
\li1 दान के सिविर के दलमन अपन झंडा के अधीन डेरा डालंय। दान के मनखेमन के अगुवा अम्मीसद्दाय के बेटा अहीएजेर होही। 
\v 26 ओकर दल के गनती 62,700 रिहिस।
\li1
\v 27 ओमन के बाद आसेर के गोत्र डेरा डालही। आसेर के मनखेमन के अगुवा ओकरान के बेटा पगीएल होही। 
\v 28 ओकर दल के गनती 41,500 रिहिस।
\li1
\v 29 ओकर बाद नपताली के गोत्र डेरा डालही। नपताली के मनखेमन के अगुवा एनान के बेटा अहीरा होही। 
\v 30 ओकर दल के गनती 53,400 रिहिस।
\lf
\v 31 दान के सिविर के जतेक आदमी रिहिन, ओमन के गनती 1,57,600 रिहिस। आखिरी म येमन अपन झंडा के अधीन निकलहीं।
\b
\lf
\v 32 येमन ओ इसरायली रिहिन, जेमन ला ओमन के परिवार के मुताबिक गने गीस। सिविरमन म जम्मो पुरूस के गनती ओमन के दल के मुताबिक 6,03,550 रिहिस। 
\v 33 पर लेवीमन ला आने इसरायलीमन संग नइं गने गीस, जइसे कि यहोवा ह मूसा ला हुकूम दे रिहिस।
\b
\p
\v 34 इसरायलीमन ओ हर काम करिन, जेकर हुकूम यहोवा ह मूसा ला दे रिहिस; ओ हुकूम के मुताबिक ओमन अपन-अपन झंडा के अधीन डेरा डालंय अऊ हुकूम के मुताबिक ही ओमा के हर एक जन अपन-अपन गोत्र अऊ परिवार के संग निकलंय।
\c 3
\s1 लेवीमन
\p
\v 1 जब यहोवा ह सीनय पहाड़ ऊपर मूसा ले गोठियाईस, ओ समय हारून अऊ मूसा के परिवार के लेखा-जोखा अइसने रिहिस।
\b
\p
\v 2 हारून के बेटामन के नांव: पहिलऊठा नादाब ओकर बाद अबीहू, एलिआजर अऊ ईतामार। 
\v 3 हारून के बेटामन के ये नांव अय, जेमन अभिसिक्त पुरोहित रिहिन अऊ जेमन ला पुरोहिती सेवा बर अभिसेक करे गे रिहिस। 
\v 4 पर नादाब अऊ अबीहू यहोवा के आघू म मर गीन, जब ओमन ओकर आघू म सीनय के सुन्ना जगह म बरजे गय आगी के संग बलिदान चघाईन।\f + \fr 3:4 \fr*\ft देखव \+xt लैव्य 10:1‑7\+xt*\ft*\f* ओमन के कोनो बेटा नइं रिहिस, एकरसेति एलिआजर अऊ ईतामार अपन ददा हारून के समय म पुरोहित के रूप म सेवा करिन।
\p
\v 5 यहोवा ह मूसा ला कहिस, 
\v 6 “लेवी गोत्र के मनखेमन ला बलाके हारून पुरोहित करा लान कि ओमन ओकर मदद करंय। 
\v 7 ओमन पबितर-तम्बू के काम करे के दुवारा मिलापवाला तम्बू म हारून बर अऊ पूरा समाज बर जिम्मेदारी पूरा करंय। 
\v 8 ओमन मिलापवाला तम्बू के जम्मो सामान के देखरेख करंय अऊ पबितर-तम्बू के काम करे के दुवारा इसरायलीमन के काम ला पूरा करंय। 
\v 9 लेवीमन ला लानके हारून अऊ ओकर बेटामन के हांथ म सऊंप दे; येमन ओ इसरायली अंय, जेमन ओला पूरा दे दिये जावंय। 
\v 10 हारून अऊ ओकर बेटामन ला पुरोहित के पद म सेवा करे बर ठहिरा; यदि आने मनखे पबितर-स्थान म जावय, त ओह मार डारे जावय।”
\p
\v 11 यहोवा ह मूसा ला ये घलो कहिस, 
\v 12 “हर एक इसरायली माईलोगन के पहिलांत बेटा के बदला म मेंह इसरायलीमन के बीच ले लेवीमन ला लेय ले हंव। लेवीमन मोर अंय, 
\v 13 काबरकि जम्मो पहिलांतमन मोर अंय। जब मेंह मिसर देस म जम्मो पहिलांतमन ला मार डारेंव, त मेंह इसरायल म हर एक पहिलांत ला अपन बर पबितर कर ले रहेंव, चाहे ओह मनखे होवय या पसु। ओमन मोर होहीं। मेंह यहोवा अंव।”
\p
\v 14 यहोवा ह सीनय के सुनसान जगह म मूसा ला कहिस, 
\v 15 “लेवीमन ला परिवार अऊ गोत्र के मुताबिक गनती कर। एक महिना अऊ जादा उमर के, पुरूसमन ला गन।” 
\v 16 एकरसेति मूसा ह ओमन ला वइसने गनिस, जइसने यहोवा ह ओला हुकूम देय रिहिस।
\b
\li1
\v 17 लेवी के बेटामन के नांव ये अंय:
\li2 गेरसोन, कहात अऊ मरारी।
\li1
\v 18 गेरसोन बंस के नांवमन ये रिहिन:
\li2 लिबनी अऊ सिमी।
\li1
\v 19 कहात बंस के येमन रिहिन:
\li2 अमराम, ईसहार, हेबरोन अऊ उजीएल।
\li1
\v 20 मरारी बंस के येमन रिहिन:
\li2 महली अऊ मूसी।
\b
\lf लेवी के परिवारमन के मुताबिक येमन ओमन के बंस रिहिन।
\b
\lh
\v 21 गेरसोन के बंस म लिबनी अऊ सिमीमन रिहिन; येमन गेरसोनी बंस रिहिन।
\li1
\v 22 एक महिना या जादा उमर के जम्मो पुरूसमन के गनती 7,500 रिहिस।
\li1
\v 23 गेरसोनीमन के बंस ला पछिम कोति, पबितर-तम्बू के पाछू म डेरा डालना रिहिस।
\li1
\v 24 गेरसोनीमन के परिवारमन के अगुवा लाएल के बेटा एलियासाप रिहिस।
\li1
\v 25 मिलापवाला तम्बू म गेरसोन बंस के ऊपर पबितर-तम्बू अऊ तम्बू, ओकर ढपना, मिलापवाला तम्बू के प्रवेस दुवार के परदा, 
\v 26 अंगना के परदा, पबितर-तम्बू अऊ बेदी के चारों कोति अंगना के प्रवेस दुवार के परदा, अऊ रस्सी—अऊ ओमन के उपयोग ले संबंधित हर एक चीज के जिम्मेदारी रिहिस।
\b
\lh
\v 27 कहात ले अमरामी, ईसहारी, हेबरोनी अऊ उजीएलीमन के बंस चलिस; येमन कहातीमन के बंस रिहिन।
\li1
\v 28 ओ जम्मो पुरूस, जऊन मन एक महिना या जादा उमर के रिहिन, ओमन के गनती 8,600\f + \fr 3:28 \fr*\ft कुछू हस्तलिपि म \ft*\fqa 8,300\fqa*\f* रिहिस।
\li1 कहातीमन पबितर-स्थान के देखरेख करंय।
\li1
\v 29 कहात के बंस ला पबितर-तम्बू के दक्खिन कोति डेरा डालना रिहिस।
\li1
\v 30 कहाती बंस के परिवारमन के अगुवा उजीएल के बेटा एलीसापान रिहिस।
\li1
\v 31 ओमन के ऊपर सन्दूक, मेज, दीवट, बेदी, सेवा म उपयोग अवइया पबितर-स्थान के बरतन, परदा, अऊ ओमन के उपयोग ले संबंधित हर एक चीज के जिम्मेदारी रिहिस।
\li1
\v 32 लेवीमन के परधान अगुवा एलिआजर ह हारून पुरोहित के बेटा रिहिस। ओला ओमन के ऊपर ठहिराय गे रिहिस, जऊन मन के ऊपर पबितर-स्थान के देखरेख के जिम्मेदारी रिहिस।
\b
\lh
\v 33 मरारी ले महली अऊ मूसी गोत्र के बंस चलिस; येमन मरारी के बंस रिहिन।
\li1
\v 34 एक महिना या जादा उमर के पुरूसमन गने गीन, ओमन 6,200 रिहिन।
\li1
\v 35 मरारी बंस के परिवारमन के अगुवा अबीहैल के बेटा सूरीएल रिहिस।
\li1 ओमन ला पबितर-तम्बू के उत्तर कोति डेरा डालना रिहिस।
\li1
\v 36 मरारी बंस के ऊपर पबितर-तम्बू के ढांचा, येकर बल्ली, खंभा, आधार, येकर जम्मो सामान, ओमन के उपयोग ले संबंधित हर एक चीज के जिम्मेदारी रिहिस; 
\v 37 अंगना के संग ओमन के आधार के चारों कोति के खंभा, तम्बू के खूंटी अऊ डोरीमन के जिम्मेदारी घलो रिहिस।
\b
\li1
\v 38 मूसा अऊ हारून अऊ ओकर बेटामन ला पबितर-तम्बू के पूरब दिसा म, सूरज निकले कोति, मिलापवाला तम्बू के आघू म डेरा डालना रिहिस।
\li1 ओमन के ऊपर इसरायलीमन कोति ले पबितर-स्थान के देखरेख के जिम्मेदारी रिहिस।
\li1 यदि कोनो आने मनखे पबितर-स्थान करा जावय, त ओह मार डारे जावय।
\b
\lf
\v 39 मूसा अऊ हारून यहोवा के हुकूम ले लेवीमन के ओमन के बंस के मुताबिक गनती करिन, अऊ एक महिना या ओकर ले जादा उमर के पुरूसमन के संखिया 22,000 रिहिस।
\b
\p
\v 40 ओकर बाद यहोवा ह मूसा ला कहिस, “इसरायलीमन के पहिलांत पुरूसमन ला गन, जऊन मन एक महिना या जादा उमर के हवंय ओमन के नांव के एक सूची बना। 
\v 41 मोर बर इसरायलीमन के जम्मो पहिलांत के बदले लेवीमन ला, अऊ इसरायलीमन के पसुमन के जम्मो पहिलांत के बदले लेवीमन के पसुमन ला लेय ले। मेंह यहोवा अंव।”
\p
\v 42 एकरसेति मूसा ह इसरायलीमन के जम्मो पहिलांतमन के गनती, यहोवा के हुकूम के मुताबिक करिस। 
\v 43 जऊन पहिलांत पुरूसमन, एक महिना या ओकर ले जादा उमर के रिहिन, ओमन के लिखे गय नांव के मुताबिक ओमन गनती म 22,273 रिहिन।
\p
\v 44 यहोवा ह मूसा ला ये घलो कहिस, 
\v 45 “इसरायल के जम्मो पहिलांत के बदले लेवीमन, अऊ ओमन के पसुमन के बदले लेवीमन के पसुमन ला लेय ले। लेवीमन मोर अंय। मेंह यहोवा अंव। 
\v 46 इसरायलीमन के ओ 273 पहिलांत, जेमन गनती म लेवीमन ले जादा हवंय, ओमन के छुड़ौती बर, 
\v 47 तें ओ हर एक पुरूस बर पांच सेकेल\f + \fr 3:47 \fr*\ft लगभग 58 ग्राम\ft*\f* जमा कर, येह पबितर-स्थान के सेकेल के मुताबिक होवय, जेकर वजन बीस गेरा होथे। 
\v 48 ये रकम ला उपरहा इसरायलीमन के छुड़ौती बर हारून अऊ ओकर बेटामन ला दे देबे।”
\p
\v 49 एकरसेति मूसा ह ओ मनखेमन ले छोंड़ाय के दाम जमा करिस, जेमन लेवीमन के दुवारा छोंड़ाय गे मनखेमन ले जादा रिहिन। 
\v 50 इसरायलीमन के पहिलांतमन ले ओह पबितर-स्थान के सेकेल के मुताबिक दाम जमा करिस, जेकर वजन 1,365 सेकेल\f + \fr 3:50 \fr*\ft लगभग 16 किलोग्राम\ft*\f* होईस। 
\v 51 मूसा ह हारून अऊ ओकर बेटामन ला छुड़ौती के दाम दीस, जइसे कि ओला यहोवा ह हुकूम दे रिहिस।
\c 4
\s1 कहातीमन
\p
\v 1 यहोवा ह मूसा अऊ हारून ला कहिस: 
\v 2 “लेवीमन के बीच म ले कहातीमन के ओमन के बंस अऊ परिवार के मुताबिक गनती कर। 
\v 3 तीस साल ले लेके पचास साल के उमर के ओ जम्मो आदमीमन के गनती कर, जेमन मिलापवाला तम्बू के काम म सेवा करे बर आथें।
\p
\v 4 “मिलापवाला तम्बू म कहातीमन के काम ये होही: महा पबितर चीजमन के देखरेख। 
\v 5 जब डेरा ह आघू बढ़थे तब हारून अऊ ओकर बेटामन भीतर जाके आड़ करइया परदा ला उतार लेवंय अऊ ओला करार कानून के सन्दूक ऊपर ढांप देवंय। 
\v 6 तब ओमन परदा ला एक टिकाऊ खाल ले ढांप देवंय, अऊ ओकर ऊपर पूरा नीला रंग के कपड़ा ओढ़ा देवंय अऊ डंडामन ला ओमन के जगह म लगावंय।
\p
\v 7 “उपस्थिति के मेज के ऊपर ओमन एक नीला कपड़ा ला फईला देवंय अऊ येकर ऊपर थाली, बरतन अऊ कटोरा, अऊ पेय-बलिदान के सुराहीमन ला रखंय; ओ रोटी, जऊन ह उहां हमेसा रहिथे, ओह उहां रखे रहय। 
\v 8 ओमन एक सिन्दूरी रंग के कपड़ा येमन के ऊपर फईलाके, टिकाऊ खाल ले ढांप देवंय अऊ डंडामन ला ओमन के जगह म लगावंय।
\p
\v 9 “फेर ओमन एक नीला कपड़ा लेके अंजोर करे बर रखे दीवट, ओकर दीया, ओकर बाती ला काटे के कतरनी अऊ बड़े थाली, अऊ जैतून तेल डारे म उपयोग अवइया ओकर जम्मो सुराहीमन ला ढांप देवंय। 
\v 10 तब ओमन येला अऊ ओकर जम्मो सामान ला एक टिकाऊ खाल के ढकना म लपेट देवंय अऊ येला ले जवइया ढांचा म डार देवंय।
\p
\v 11 “सोन के बेदी ऊपर ओमन एक नीला कपड़ा फईला देवंय अऊ ओला टिकाऊ खाल ले ढांप देवंय अऊ डंडामन ला ओकर जगह म लगा देवंय।
\p
\v 12 “ओमन पबितर-स्थान म सेवा बर उपयोग होवइया जम्मो सामान ला लेवंय अऊ ओमन ला एक नीला कपड़ा म लपेटंय, अऊ ओकर ऊपर टिकाऊ खाल ला ढांप देवंय अऊ ओमन ला ले जवइया ढांचा म रख देवंय।
\p
\v 13 “ओमन कांसा के बेदी ले राख ला हटाके ओकर ऊपर एक बैंगनी कपड़ा फईला देवंय। 
\v 14 तब ओमन ओमा बेदी करा सेवा म उपयोग होवइया जम्मो बरतन ला रख देवंय, जेमा करछूल, मांस म उपयोग होवइया कांटा, बेलचा अऊ छिंचे के कटोरामन घलो रहंय। येला ओमन एक टिकाऊ खाल ले ढांप देवंय अऊ डंडामन ला ओकर जगह म लगा देवंय।
\p
\v 15 “जब हारून अऊ ओकर बेटामन पबितर-स्थान अऊ ओकर जम्मो पबितर सामान अऊ पबितर बरतनमन ला ढांप लीहीं, अऊ जब सिविर ह चले बर तियार हो जाही, तब ही कहातीमन आवंय अऊ ओला उठाके ले जावंय। पर जरूरी अय कि ओमन पबितर चीजमन ला झन छुवंय, नइं तो ओमन मर जाहीं। मिलापवाला तम्बू म जऊन सामान रहिथे, कहातीमन ओमन ला उठाके ले जावंय।
\p
\v 16 “हारून पुरोहित के बेटा एलिआजर के देखरेख म ये चीजमन रहंय: दीया जलाय के तेल, खुसबूवाला धूप, नियमित अन्न-बलिदान अऊ अभिसेक के तेल। ओकर ऊपर पूरा पबितर-तम्बू अऊ ओमा के हर एक चीज के जिम्मेदारी रहय, ओमा के पबितर सामान अऊ बरतनमन के घलो जिम्मेदारी।”
\p
\v 17 फेर यहोवा ह मूसा अऊ हारून ला कहिस, 
\v 18 “धियान रहय कि कहाती बंस ह लेवीमन के बीच ले नास झन होवय, 
\v 19 ताकि जब ओमन सबले पबितर चीजमन के लकठा म आवंय, त ओमन जीयत रहंय अऊ झन मरंय, ओमन बर ये करव: हारून अऊ ओकर बेटामन पबितर-स्थान म जावंय अऊ हर एक झन ला ओकर काम के जिम्मेदारी सऊंपंय अऊ बतावंय कि कोन ह का उठाके ले जाही। 
\v 20 पर कहातीमन पबितर चीजमन ला देखे बर बिलकुल ही भीतर झन जावंय, थोरकन देर बर घलो नइं, नइं तो ओमन मर जाहीं।”
\s1 गेरसोनीमन
\p
\v 21 यहोवा ह मूसा ला कहिस, 
\v 22 “गेरसोनीमन के घलो ओमन के परिवार अऊ बंस के मुताबिक गनती कर। 
\v 23 तीस ले लेके पचास साल के ओ जम्मो पुरूसमन के गनती कर, जऊन मन मिलापवाला तम्बू म सेवा करे बर आथें।
\p
\v 24 “सामान ले जवई अऊ ओमन के आने काम म गेरसोनी बंस के मनखेमन के ये सेवा होही: 
\v 25 ओमन पबितर-तम्बू के परदा ला उठाके ले जावंय, येमा मिलापवाला तम्बू, कपड़ा के तोपनी अऊ टिकाऊ खाल के येकर बाहिरी तोपनी, मिलापवाला तम्बू के प्रवेस दुवार म लगे परदामन, 
\v 26 पबितर-तम्बू अऊ बेदी के चारों कोति के अंगना के परदामन, अंगना के प्रवेस दुवार म लगे परदा, तम्बू के सेवा म उपयोग होवइया रस्सी अऊ जम्मो सामानमन होहीं। गेरसोनीमन ये चीजमन ले संबंधित जम्मो काम ला करहीं। 
\v 27 गेरसोनीमन के जम्मो काम, चाहे ओह सामान उठाके ले जवई या आने काम; ये सब हारून अऊ ओकर बेटामन के निरदेसन म करे जावय। ओमन जऊन काम करहीं, येला एक जिम्मेदारी के रूप म तेंह ओमन ला सऊंपबे। 
\v 28 येह मिलापवाला तम्बू म गेरसोनी बंस के सेवा अय। ओमन अपन काम हारून पुरोहित के बेटा ईतामार के निरदेसन म करंय।
\s1 मरारीमन
\p
\v 29 “मरारीमन ला ओमन के बंस अऊ परिवार के मुताबिक गन। 
\v 30 तीस ले लेके पचास साल के ओ जम्मो आदमीमन के गनती कर, जऊन मन मिलापवाला तम्बू म सेवा करे बर आथें। 
\v 31 तम्बू म अपन जम्मो सेवा के भाग के रूप म, ओमन पबितर-तम्बू के ढांचा, येकर डंडा, खंभा अऊ आधारमन ला उठाके ले जावंय, 
\v 32 संगे-संग ओमन अंगना के चारों कोति के खंभामन ला ओमन के आधार सहित, तम्बू के खूंटी, रस्सी, ओमन के जम्मो सामान अऊ ओमन के उपयोग के हर एक चीज ला ले जावंय। हर एक आदमी ला बता कि ओह का चीज ला ले जाही। 
\v 33 हारून पुरोहित के बेटा ईतामार के निरदेसन म मिलापवाला तम्बू म मरारी गोत्र के ये सेवा होही।”
\s1 लेवी गोत्र के गनती
\li1
\v 34 तब मूसा, हारून अऊ समाज के अगुवामन कहातीमन ला ओमन के बंस अऊ परिवारमन के मुताबिक गनती करिन।
\li2
\v 35 तीस ले लेके पचास साल के ओ जम्मो पुरूस, जऊन मन मिलापवाला तम्बू म सेवा करे बर आईन, 
\v 36 बंस के मुताबिक 2,750 रिहिन। 
\v 37 येह कहाती बंस म ओ जम्मो झन के संखिया रिहिस, जऊन मन मिलापवाला तम्बू म सेवा करिन। यहोवा के दुवारा मूसा ला दिये गय हुकूम के मुताबिक मूसा अऊ हारून ओमन के गनती करिन।
\b
\li1
\v 38 गेरसोनीमन ओमन के कुल अऊ परिवारमन के मुताबिक गने गीन।
\li2
\v 39 तीस ले लेके पचास साल के ओ जम्मो पुरूस, जऊन मन मिलापवाला तम्बू म सेवा करे बर आईन, 
\v 40 ओमन के कुल अऊ परिवारमन के मुताबिक ओमन के संखिया 2,630 रिहिस। 
\v 41 येह गेरसोनी कुल म ओ जम्मो झन के संखिया रिहिस, जऊन मन मिलापवाला तम्बू म सेवा करिन। यहोवा के हुकूम के मुताबिक मूसा अऊ हारून ओमन के गनती करिन।
\b
\li1
\v 42 मरारीमन ला ओमन के कुल अऊ परिवार के मुताबिक गने गीस।
\li2
\v 43 तीस ले लेके पचास साल के ओ जम्मो पुरूस, जऊन मन मिलापवाला तम्बू म सेवा करे बर आईन, 
\v 44 ओमन के कुल के मुताबिक ओमन के संखिया 3,200 रिहिस। 
\v 45 येह मरारी बंस के कुल संखिया रिहिस। यहोवा के दुवारा मूसा ला दिये गय हुकूम के मुताबिक मूसा अऊ हारून ओमन के गनती करिन।
\b
\lf
\v 46 मूसा, हारून अऊ इसरायल के अगुवामन जम्मो लेवीमन के ओमन के बंस अऊ परिवार के मुताबिक गनती करिन। 
\v 47 तीस ले लेके पचास साल के ओ जम्मो पुरूस, जऊन मन सेवा के काम करे बर अऊ मिलापवाला तम्बू ला उठाके ले जाय बर आईन, 
\v 48 ओमन के संखिया 8,580 रिहिस। 
\v 49 मूसा ला दिये गय यहोवा के हुकूम के मुताबिक हर एक जन ला ओकर काम सऊंपे गीस, अऊ बताय गीस कि कोन ह का चीज ला उठाके ले जाही।
\b
\p ये किसम ले यहोवा के दुवारा मूसा ला दिये गय हुकूम के मुताबिक ओमन के गनती होईस।
\c 5
\s1 सिविर के सुधता
\p
\v 1 फेर यहोवा ह मूसा ला कहिस, 
\v 2 “इसरायलीमन ला हुकूम दे कि यदि कोनो ला असुध चाम के बेमारी\f + \fr 5:2 \fr*\ft इबरानी सबद \ft*\fq असुध चाम के बेमारी \fq*\ft ला अकसर “कोढ़” अनुवाद करे गे हवय\ft*\f* या देहें ले कोनो चीज निकले, या लास ला छुए से असुध हो गे हवय, ओला सिविर ले बाहिर निकाल दिये जावय। 
\v 3 चाहे पुरूस हो या माईलोगन, ओला निकाल दव; ओमन ला सिविर के बाहिर निकाल दव ताकि ओमन सिविर ला असुध झन करंय, जिहां मेंह ओमन के बीच म रहिथंव।” 
\v 4 इसरायलीमन अइसने ही करिन; ओमन मनखेमन ला सिविर के बाहिर कर दीन। ओमन वइसने ही करिन, जइसने यहोवा ह मूसा ला निरदेस दे रिहिस।
\s1 नुकसान के भरपई
\p
\v 5 फेर यहोवा ह मूसा ला कहिस, 
\v 6 “इसरायलीमन ला कह: ‘जब कोनो पुरूस या माईलोगन कोनो मनखे के संग गलत बरताव करथे अऊ ये किसम ले यहोवा के संग बिसवासघात करके दोसी ठहिरथे, 
\v 7 त ओह अपन करे गे पाप ला जरूर मान लेवय। ओह अपन करे गे दोस के पूरा भरपई करय; नुकसान करे गे चीज के दाम म ओकर पांचवां भाग जोड़के ओह ओ मनखे ला दे देवय, जेकर ओह नुकसान करे हवय। 
\v 8 पर कहूं ओ मनखे के कोनो नजदीकी रिस्तेदार नइं ए, जेला गलत काम के भरपई करे जा सकय, त फेर भरपई ह यहोवा के हो जाही अऊ येला पुरोहित ला ओ मेढ़ा के संग दे दिये जावय, जेकर संग बिसवासघात करइया मनखे ह पछताप करथे। 
\v 9 ओ जम्मो पबितर चीज के बांटा, जेला इसरायलीमन पुरोहित करा लानथें, ओ सब पुरोहित के होही। 
\v 10 पबितर चीजमन ओमन के मालिक के अंय, पर जऊन चीज ओमन पुरोहित ला देथें, ओह पुरोहित के हो जाही।’ ”
\s1 बिसवासघाती घरवाली के जांच
\p
\v 11 तब यहोवा ह मूसा ला कहिस, 
\v 12 “इसरायलीमन ले बात कर अऊ ओमन ला कह: ‘कहूं कोनो मनखे के घरवाली बदचलन होके ओकर संग बिसवासघात करथे 
\v 13 याने कि कोनो आने मनखे ह ओकर घरवाली संग सुतथे, अऊ ये बात ओकर घरवाला ला मालूम नइं ए अऊ ओकर असुध होय के पता नइं चले हे (काबरकि ओकर बिरूध कोनो सबूत नइं ए अऊ ओह ओ काम म पकड़े नइं गे हवय), 
\v 14 अऊ कहूं ओकर घरवाला के मन म जलन होथे अऊ ओह अपन घरवाली ऊपर संका करथे कि ओह असुध हवय—या फेर ओकर घरवाली के असुध नइं होवत घलो, कहूं ओ मनखे ह ओकर ऊपर जलन अऊ संका करथे— 
\v 15 तब ओह अपन घरवाली ला पुरोहित करा ले जावय। ओह अपन घरवाली कोति ले एक एपा\f + \fr 5:15 \fr*\ft 1.6 किलोग्राम\ft*\f* के दसवां भाग जौ के पीसान घलो चढ़ावा के रूप म ले जावय। ओह ओकर ऊपर जैतून के तेल झन डालय या ओकर ऊपर धूप झन रखय, काबरकि येह जलन बर एक अन्न-बलिदान अय, पाप कोति धियान देय बर एक सुरता-बलिदान ए।
\p
\v 16 “ ‘पुरोहित ह ओ माईलोगन ला लानय अऊ यहोवा के आघू म ओला ठाढ़ करय। 
\v 17 तब पुरोहित ह माटी के सुराही म थोरकन पबितर पानी लेवय अऊ पबितर-तम्बू के फर्स ले कुछू धुर्रा लेके ओ पानी म डाल देवय। 
\v 18 पुरोहित ह ओ माईलोगन ला यहोवा के आघू म ठाढ़ करे के बाद, ओकर बाल ला खोल देवय अऊ ओकर हांथ म जलन के सुरता-बलिदान, अन्न-बलिदान ला रखय, जबकि पुरोहित ह खुद ओ करू पानी ला धरय, जऊन ह सराप लानथे। 
\v 19 तब पुरोहित ह ओ माईलोगन ला कसम खवाके कहय, “अपन घरवाला के संग बिहाव के जिनगी जीयत, यदि कोनो आने पुरूस ह तोला असुध नइं करे हवय अऊ तेंह निरदोस हस, त ये सराप लानेवाला करू पानी ले तोला कोनो हानि नइं होवय। 
\v 20 पर यदि अपन घरवाला के संग बिहाव के जिनगी जीयत, तेंह बदचलनी करे हस अऊ अपन घरवाला के छोंड़ आने पुरूस के संग सुतके अपनआप ला असुध करे हस”— 
\v 21 इहां पुरोहित ह ओ माईलोगन ला ये सराप के अधीन रखय—“त यहोवा ह मनखेमन के बीच म तोला सरापित\f + \fr 5:21 \fr*\ft आने मन देखंय कि तेंह सरापित अस\ft*\f* करय, ओह तोर गरभपात करवा देवय अऊ तोर पेट ह फूल जावय। 
\v 22 ये सराप लानेवाला करू पानी ह तोर देहें भीतर जावय, ताकि तोर पेट ह फूल जावय या तोर गरभ गिर जावय।”
\p “ ‘तब ओ माईलोगन ह कहय, “आमीन। अइसने ही होवय।”
\p
\v 23 “ ‘पुरोहित ह ये सराप ला एक ठन चामपट्टी\f + \fr 5:23 \fr*\fq चामपट्टी \fq*\ft येह चाम या रूख के छाली ले बने पन्ना रहय, जेला लपेटके रखे जावय\ft*\f* म लिख लेवय अऊ तब ओला ओ करू पानी म धो लेवय। 
\v 24 ओकर बाद ओ सराप लानेवाला करू पानी ला ओह ओ माईलोगन ला पीये बर देवय, तब ये सराप लानेवाला पानी ओकर भीतर जाही, जेकर ले करू पीरा होथे। 
\v 25 तब पुरोहित ह जलन के अन्न-बलिदान ला ओ माईलोगन के हांथ ले लेय लेवय, अऊ येला यहोवा के आघू म हलावय अऊ येला बेदी करा लानय। 
\v 26 तब पुरोहित ह यादगार-बलिदान के रूप म ओ अन्न-बलिदान म ले एक मुठा ले लेवय अऊ येला बेदी ऊपर जला देवय; ओकर बाद, ओह ओ माईलोगन ला पानी पीयावय। 
\v 27 यदि ओह अपनआप ला असुध करे होही अऊ अपन घरवाला के संग बिसवासघात करे होही, त फेर ओकर ये हाल होही: जब ओला ओ सराप देवइया अऊ बहुंत पीरा देवइया पानी पीयाय जाही, त येह ओकर देहें भीतर जाके ओकर पेट ला फूला दीही अऊ ओकर गरभ गिर जाही, अऊ ओह अपन मनखेमन के बीच सरापित हो जाही। 
\v 28 पर यदि ओ माईलोगन ह अपनआप ला असुध नइं करे होही, पर साफ होही, त ओह निरदोस ठहिरही अऊ ओकर गरभ धरे म समस्या नइं होही।
\p
\v 29 “ ‘जलन के संबंध म इही ह सही नियम ए, जब कोनो माईलोगन ह अपन घरवाला के संग बिहाव के जिनगी जीयत बदचलनी करथे अऊ अपनआप ला असुध करथे, 
\v 30 या जब कोनो मनखे ऊपर अपन घरवाली बर संका के भावना आथे, त येह जलन के कानून अय। पुरोहित ह ओ माईलोगन ला यहोवा के आघू म ठाढ़ करय अऊ ओकर ऊपर ये जम्मो बिधि पूरा करय। 
\v 31 ओ घरवाला ह गलत काम बर निरदोस ठहिरही, पर ओ माईलोगन ला ओकर पाप के दंड मिलही।’ ”
\c 6
\s1 नाजीर
\p
\v 1 फेर यहोवा ह मूसा ला कहिस, 
\v 2 “इसरायलीमन ले गोठिया अऊ ओमन ला कह: ‘यदि कोनो माईलोगन या पुरूस कोनो बिसेस मन्नत माने के दुवारा अपनआप ला एक नाजीर\f + \fr 6:2 \fr*\ft अलग करे गय या पबितर करे गय मनखे\ft*\f* के रूप म यहोवा ला सऊंप देथे, 
\v 3 त जरूरी अय कि ओह अंगूर के मंद अऊ कोनो आने किसम के मंद अऊ अंगूर के मंद ले बने सिरका या आने किसम के मंद ले अलग रहय। जरूरी अय कि ओह अंगूर के रस झन पीयय या अंगूर या किसमिस झन खावय। 
\v 4 जब तक नाजीर ह मन्नत बर अलग रहिथे, तब तक जरूरी अय कि ओह अंगूर के नार के कोनो चीज ला झन खावय, इहां तक कि अंगूर के छिलका या बीजा ला घलो झन खावय।
\p
\v 5 “ ‘नाजीर के मन्नत माने के पूरा समय ओह अपन मुड़ म उस्तरा झन चलवाय। ओह तब तक अलग रहय। जब तक कि यहोवा ला दिये समय ह खतम नइं हो जावय, तब तक ओह पबितर बने रहय; ओह अपन चुंदी ला लम्बा बाढ़न देवय।
\p
\v 6 “ ‘यहोवा ला अपन दिये गय समय के बीच म नाजीर ह कोनो लास के लकठा म झन जावय। 
\v 7 अऊ त अऊ यदि ओकर खुद के दाई या ददा या भाई या बहिनी घलो मर जावय, तभो ले ओह अपनआप ला ओमन के कारन संस्कार म असुध झन करय, काबरकि अपनआप ला यहोवा ले मन्नत बर सऊंपे के चिनहां ह ओकर मुड़ म हवय। 
\v 8 अपन मन्नत बर ओ पूरा समय म, ओह यहोवा बर पबितर ठहिरथे।
\p
\v 9 “ ‘यदि नाजीर के उहां रहत कोनो मनखे ह अचानक मर जावय, त फेर ओकर बाल ह असुध हो जाथे, जऊन ह कि ओकर मन्नत बर चिनहां अय, ये स्थिति म सातवां दिन याने कि सुध होय के दिन, ओह अपन मुड़ मुड़ा ले। 
\v 10 तब आठवां दिन, ओह मिलापवाला तम्बू के मुंहटा म पुरोहित करा दू ठन पंड़की या दू ठन परेवा पीला लानय। 
\v 11 पुरोहित ह नाजीर बर पछताप करे के खातिर एक ठन ला पाप-बलिदान अऊ आने ला होम-बलिदान के रूप म चघावय, काबरकि ओह लास करा रहे के दुवारा पाप करे हवय। ओहीच दिन ओह अपन मुड़ ला फेर पबितर करय। 
\v 12 ओह फेर अपनआप ला मन्नत बर यहोवा ला सऊंपे अऊ ओह दोस-बलिदान के रूप म एक साल के मेढ़ा-पीला लानय। पहिले के दिनमन ला झन गने जावय, काबरकि ओह अपन मन्नत के दौरान असुध हो गे रिहिस।
\p
\v 13 “ ‘जब नाजीर के मन्नत बर ठहिराय समय ह पूरा हो जाथे, त येह ओकर कानून अय। ओला मिलापवाला तम्बू के मुंहटा करा लाने जावय। 
\v 14 उहां ओह यहोवा बर अपन बलिदान चघावय: होम-बलिदान बर एक साल के निरदोस मेढ़ा-पीला, पाप-बलिदान बर एक साल के निरदोस भेड़ी-पीला, अऊ मेल-बलिदान बर एक ठन निरदोस मेढ़ा, 
\v 15 संग म अपन अन्न-बलिदान अऊ पेय-बलिदान, अऊ एक टुकना अखमीरी रोटी, जऊन ह बढ़िया किसम के पीसान ले बने होवय—मोटहा रोटीमन म जैतून तेल मिले होवय, अऊ पातर रोटीमन के ऊपर जैतून तेल चुपरे होवय।
\p
\v 16 “ ‘पुरोहित ह ये जम्मो चीज ला यहोवा के आघू म लानय अऊ पाप-बलिदान अऊ होम-बलिदान चघावय। 
\v 17 पुरोहित ह अखमीरी रोटी के टोकरी ला लानय अऊ मेढ़ा ला मेल-बलिदान के रूप म यहोवा ला चढ़ावा चघावय, संग म अन्न-बलिदान अऊ पेय-बलिदान ला घलो चघावय।
\p
\v 18 “ ‘तब मिलापवाला तम्बू के मुंहटा म, नाजीर ह अपन ओ बाल ला मुड़ावय, जऊन ह कि ओकर मन्नत बर चिनहां अय। तब ओह ओ बाल ला ले जाके ओ आगी म डार देवय, जऊन ह मेल-बलिदान के चढ़ावा के खाल्हे म होथे।
\p
\v 19 “ ‘जब नाजीर ह बाल ला मुड़वा लेवय, जऊन ह ओकर मन्नत बर चिनहां अय, तब पुरोहित ह ओकर हांथ म मेढ़ा के एक ठन उबले कंधा, अऊ टुकना के एक ठन मोटहा अखमीरी रोटी अऊ एक ठन पातर अखमीरी रोटी रख देवय। 
\v 20 तब पुरोहित ह येमन ला हलाय-बलिदान के रूप म यहोवा के आघू म हलावय; येमन पबितर अंय अऊ पुरोहित के अंय, संग म ओ छाती, जेला हलाय गीस अऊ ओ जांघ जेला चघाय गीस, ओमन घलो पुरोहित के अंय। ओकर बाद, नाजीर ह अंगूर के मंद पी सकथे।
\p
\v 21 “ ‘येह नाजीर के कानून ए, जऊन ह अपन मन्नत के मुताबिक यहोवा ला मन्नत के चढ़ावा चघाथे, येकर अलावा अऊ जऊन कुछू ओह दे सकथे, ओह देवय। येह जरूरी अय कि ओह अपन माने गय मन्नत ला नाजीर के कानून के मुताबिक पूरा करय।’ ”
\s1 पुरोहितमन के आसीस
\p
\v 22 फेर यहोवा ह मूसा ला कहिस, 
\v 23 “हारून अऊ ओकर बेटामन ला कह, ‘ये किसम ले तुमन इसरायलीमन ला आसीस देवव। ओमन ला कहव:
\q1
\v 24 “ ‘ “यहोवा तुमन ला आसीस देवय
\q2 अऊ तुम्हर रकछा करय;
\q1
\v 25 यहोवा ह अपन चेहरा के अंजोर तुम्हर ऊपर चमकाय
\q2 अऊ अनुग्रह करय;
\q1
\v 26 यहोवा ह अपन चेहरा तुम्हर कोति करय
\q2 अऊ तुमन ला सांति देवय।” ’
\p
\v 27 “ये किसम ले ओमन मोर नांव ला इसरायलीमन म रखंय अऊ मेंह ओमन ला आसीस दूहूं।”
\c 7
\s1 परमेसर के पबितर-तम्बू के समरपन के बेरा चढ़ावा
\p
\v 1 जब मूसा ह पबितर-तम्बू ला खड़े कर लीस, त ओह ओला ओकर जम्मो सामान सहित अभिसेक करिस अऊ ओला पबितर करिस। ओह बेदी अऊ ओकर जम्मो बरतनमन ला घलो अभिसेक करिस अऊ पबितर करिस, 
\v 2 तब इसरायल के अगुवामन, परिवारमन के ओ मुखियामन बलिदान चघाईन, जऊन मन ओमन के गोत्र के मुखिया रिहिन, जेमन ला गने गीस। 
\v 3 ओमन यहोवा के आघू म अपन चढ़ावा के रूप म छै ठन ढंपे बईला गाड़ी अऊ बारह ठन बईला लानिन—एक बईला एक अगुवा ले अऊ एक गाड़ी हर दू झन अगुवा ले। येमन ला ओमन पबितर-तम्बू के आघू म भेंट कर दीन।
\p
\v 4 तब यहोवा ह मूसा ला कहिस, 
\v 5 “ये चीजमन ला ओमन ले लेय ले, ताकि येमन के उपयोग मिलापवाला तम्बू के काम म करे जा सकय। लेवीमन ला ओमन के काम के मुताबिक येमन ला देय दे।”
\p
\v 6 तब मूसा ह गाड़ी अऊ बईलामन ला लेके लेवीमन ला दे दीस। 
\v 7 ओह गेरसोन के परिवार ला ओमन के काम के मुताबिक दू ठन गाड़ी अऊ चार ठन बईला दीस, 
\v 8 अऊ मरारीमन ला ओमन के काम के मुताबिक चार ठन गाड़ी अऊ आठ ठन बईला दीस। ओमन जम्मो हारून पुरोहित के बेटा ईतामार के अधीन काम करंय। 
\v 9 पर मूसा ह कहातीमन ला कुछू नइं दीस, काबरकि ओमन पबितर चीजमन ला अपन कंधा म उठाके ले जावंय, अऊ येह ओमन के जिम्मेदारी रिहिस।
\p
\v 10 जब बेदी के अभिसेक करे गीस, तब अगुवामन येकर समरपन बर अपन चढ़ावा ला लानके बेदी के आघू म रखिन। 
\v 11 काबरकि यहोवा ह मूसा ला कहे रिहिस, “बेदी के समरपन बर हर दिन एक अगुवा अपन चढ़ावा ला लानय।”
\b
\lh
\v 12 जऊन ह पहिले दिन चढ़ावा लानिस, ओह यहूदा के गोत्र के अमीनादाब के बेटा नहसोन रिहिस।
\li1
\v 13 ओकर चढ़ावा ये रिहिस:
\li2 पबितर-स्थान के सेकेल के मुताबिक एक सौ तीस सेकेल\f + \fr 7:13 \fr*\ft लगभग 1.5 किलोग्राम\ft*\f* वजन के एक ठन चांदी के थाली अऊ सत्तर सेकेल\f + \fr 7:13 \fr*\ft लगभग 800 ग्राम\ft*\f* वजन के छिंचनेवाला एक ठन चांदी के कटोरा; अन्न-बलिदान के रूप म ये दूनों चीज जैतून तेल ले सने उत्तम पीसान ले भरे रिहिन;
\li2
\v 14 धूप ले भरे दस सेकेल\f + \fr 7:14 \fr*\ft लगभग 115 ग्राम\ft*\f* के एक ठन सोन के धूपदान;
\li2
\v 15 होम-बलिदान बर एक ठन बछवा, एक ठन मेढ़ा अऊ एक साल के एक ठन मेढ़ा-पीला;
\li2
\v 16 पाप-बलिदान\f + \fr 7:16 \fr*\ft सुध होय के बलिदान\ft*\f* बर एक ठन बोकरा;
\li2
\v 17 अऊ मेल-बलिदान के रूप म चघाय बर दू ठन बईला, पांच ठन मेढ़ा, पांच ठन बोकरा अऊ एक-एक साल के पांच ठन मेढ़ा-पीला।
\lf येह अमीनादाब के बेटा नहसोन के चढ़ावा रिहिस।
\b
\lh
\v 18 दूसर दिन इस्साकार गोत्र के अगुवा सूआर के बेटा नतनेल अपन चढ़ावा लानिस।
\li1
\v 19 ओकर चढ़ावा ये रिहिस:
\li2 पबितर-स्थान के सेकेल के मुताबिक एक सौ तीस सेकेल के एक ठन चांदी के थाली अऊ सत्तर सेकेल के एक ठन छिंचनेवाला चांदी के कटोरा; अन्न-बलिदान के रूप म ये दूनों चीज जैतून तेल ले सने उत्तम पीसान ले भरे रिहिन;
\li2
\v 20 धूप ले भरे दस सेकेल के एक ठन सोन के धूपदान;
\li2
\v 21 होम-बलिदान बर एक ठन बछवा, एक ठन मेढ़ा अऊ एक साल के एक ठन मेढ़ा-पीला;
\li2
\v 22 पाप-बलिदान बर एक ठन बोकरा;
\li2
\v 23 अऊ मेल-बलिदान के रूप म चघाय बर दू ठन बईला, पांच ठन मेढ़ा, पांच ठन बोकरा अऊ एक-एक साल के पांच ठन मेढ़ा-पीला।
\lf येह सूआर के बेटा नतनेल के चढ़ावा रिहिस।
\b
\lh
\v 24 तीसर दिन, जबूलून के मनखेमन के अगुवा हेलोन के बेटा एलीआब अपन चढ़ावा लानिस।
\li1
\v 25 ओकर चढ़ावा ये रिहिस:
\li2 पबितर-स्थान के सेकेल के मुताबिक एक सौ तीस सेकेल के एक ठन चांदी के थाली अऊ सत्तर सेकेल के एक ठन छिंचनेवाला चांदी के कटोरा, अन्न-बलिदान के रूप म ये दूनों चीज जैतून तेल ले सने उत्तम पीसान ले भरे रिहिन।
\li2
\v 26 धूप ले भरे दस सेकेल के एक ठन सोन के धूपदान;
\li2
\v 27 होम-बलिदान बर एक ठन बछवा, एक ठन मेढ़ा अऊ एक साल के एक ठन मेढ़ा-पीला;
\li2
\v 28 पाप-बलिदान बर एक ठन बोकरा;
\li2
\v 29 अऊ मेल-बलिदान के रूप म चघाय बर दू ठन बईला, पांच ठन मेढ़ा, पांच ठन बोकरा अऊ एक-एक साल के पांच ठन मेढ़ा-पीला।
\lf येह हेलोन के बेटा एलीआब के चढ़ावा रिहिस।
\b
\lh
\v 30 चौथा दिन, रूबेन के मनखेमन के अगुवा सदेऊर के बेटा एलीसूर अपन चढ़ावा लानिस।
\li1
\v 31 ओकर चढ़ावा ये रिहिस:
\li2 पबितर-स्थान के सेकेल के मुताबिक एक सौ तीस सेकेल के एक ठन चांदी के थाली अऊ सत्तर सेकेल के छिंचनेवाला एक ठन चांदी के कटोरा, अन्न-बलिदान के रूप म ये दूनों चीज जैतून तेल ले सने उत्तम पीसान ले भरे रिहिन;
\li2
\v 32 धूप ले भरे दस सेकेल के एक ठन सोन के धूपदान;
\li2
\v 33 होम-बलिदान बर एक ठन बछवा, एक ठन मेढ़ा अऊ एक साल के एक ठन मेढ़ा-पीला;
\li2
\v 34 पाप-बलिदान बर एक ठन बोकरा;
\li2
\v 35 अऊ मेल-बलिदान चघाय बर दू ठन बईला, पांच ठन मेढ़ा, पांच ठन बोकरा अऊ एक-एक साल के पांच ठन मेढ़ा-पीला।
\lf येह सदेऊर के बेटा एलीसूर के चढ़ावा रिहिस।
\b
\lh
\v 36 पांचवां दिन सिमोन के मनखेमन के अगुवा सूरीसद्दाय के बेटा सलूमीएल अपन चढ़ावा लानिस।
\li1
\v 37 ओकर चढ़ावा ये रिहिस:
\li2 पबितर-स्थान के सेकेल के मुताबिक एक सौ तीस सेकेल के एक ठन चांदी के थाली अऊ सत्तर सेकेल के छिंचनेवाला एक ठन चांदी के कटोरा; अन्न-बलिदान के रूप म ये दूनों चीज जैतून तेल ले सने उत्तम पीसान ले भरे रिहिन;
\li2
\v 38 धूप ले भरे, दस सेकेल के एक ठन सोन के धूपदान;
\li2
\v 39 होम-बलिदान बर एक ठन बछवा, एक ठन मेढ़ा अऊ एक साल के एक ठन मेढ़ा-पीला;
\li2
\v 40 पाप-बलिदान बर एक ठन बोकरा;
\li2
\v 41 अऊ मेल-बलिदान चघाय बर दू ठन बईला, पांच ठन मेढ़ा, पांच ठन बोकरा अऊ एक-एक साल के पांच ठन मेढ़ा-पीला।
\lf येह सूरीसद्दाय के बेटा सलूमीएल के चढ़ावा रिहिस।
\b
\lh
\v 42 छठवां दिन गाद के मनखेमन के अगुवा दूएल के बेटा एलियासाप अपन चढ़ावा लानिस।
\li1
\v 43 ओकर चढ़ावा ये रिहिस:
\li2 पबितर-स्थान के सेकेल के मुताबिक एक सौ तीस सेकेल के एक ठन चांदी के थाली अऊ सत्तर सेकेल के छिंचनेवाला एक ठन चांदी के कटोरा; अन्न-बलिदान के रूप म ये दूनों चीज जैतून तेल ले सने उत्तम पीसान ले भरे रिहिन;
\li2
\v 44 धूप ले भरे, दस सेकेल के एक ठन सोन के धूपदान;
\li2
\v 45 होम-बलिदान बर एक ठन बछवा, एक ठन मेढ़ा अऊ एक साल के एक ठन मेढ़ा-पीला;
\li2
\v 46 पाप-बलिदान बर एक ठन बोकरा;
\li2
\v 47 अऊ मेल-बलिदान चघाय बर दू ठन बईला, पांच ठन मेढ़ा, पांच ठन बोकरा अऊ एक-एक साल के पांच ठन मेढ़ा-पीला।
\lf येह दूएल के बेटा एलियासाप के चढ़ावा रिहिस।
\b
\lh
\v 48 सातवां दिन एपरैम के मनखेमन के अगुवा अमीहूद के बेटा एलीसामा अपन चढ़ावा लानिस।
\li1
\v 49 ओकर चढ़ावा ये रिहिस:
\li2 पबितर-स्थान के सेकेल के मुताबिक एक सौ तीस सेकेल के एक ठन चांदी के थाली अऊ सत्तर सेकेल के छिंचनेवाला एक ठन चांदी के कटोरा; अन्न-बलिदान के रूप म ये दूनों चीज जैतून तेल ले सने उत्तम पीसान ले भरे रिहिन;
\li2
\v 50 धूप ले भरे, दस सेकेल के एक ठन सोन के धूपदान;
\li2
\v 51 होम-बलिदान बर एक ठन बछवा, एक ठन मेढ़ा अऊ एक साल के एक ठन मेढ़ा-पीला;
\li2
\v 52 पाप-बलिदान बर एक ठन बोकरा;
\li2
\v 53 अऊ मेल-बलिदान चघाय बर दू ठन बईला, पांच ठन मेढ़ा, पांच ठन बोकरा अऊ एक-एक साल के पांच ठन मेढ़ा-पीला।
\lf येह अमीहूद के बेटा एलीसामा के चढ़ावा रिहिस।
\b
\lh
\v 54 आठवां दिन मनस्से के मनखेमन के अगुवा पदासूर के बेटा गमलीएल ह अपन चढ़ावा लानिस।
\li1
\v 55 ओकर चढ़ावा ये रिहिस:
\li2 पबितर-स्थान के सेकेल के मुताबिक एक सौ तीस सेकेल के एक ठन चांदी के थाली अऊ सत्तर सेकेल के छिंचनेवाला एक ठन चांदी के कटोरा; अन्न-बलिदान के रूप म ये दूनों चीज जैतून तेल ले सने उत्तम पीसान ले भरे रिहिन;
\li2
\v 56 धूप ले भरे दस सेकेल के एक ठन सोन के धूपदान;
\li2
\v 57 होम-बलिदान बर एक ठन बछवा, एक ठन मेढ़ा अऊ एक साल के एक ठन मेढ़ा-पीला;
\li2
\v 58 पाप-बलिदान बर एक ठन बोकरा;
\li2
\v 59 अऊ मेल-बलिदान चघाय बर दू ठन बईला, पांच ठन मेढ़ा, पांच ठन बोकरा अऊ एक-एक साल के पांच ठन मेढ़ा-पीला।
\lf येह पदासूर के बेटा गमलीएल के चढ़ावा रिहिस।
\b
\lh
\v 60 नौवां दिन बिनयामीन के मनखेमन के अगुवा गिदोनी के बेटा अबीदान ह अपन चढ़ावा लानिस।
\li1
\v 61 ओकर चढ़ावा ये रिहिस:
\li2 पबितर-स्थान के सेकेल के मुताबिक एक सौ तीस सेकेल के एक ठन चांदी के थाली अऊ सत्तर सेकेल के एक ठन छिंचनेवाला चांदी के कटोरा; अन्न-बलिदान के रूप म ये दूनों चीज जैतून तेल ले सने उत्तम पीसान ले भरे रिहिन;
\li2
\v 62 धूप ले भरे दस सेकेल के एक ठन सोन के धूपदान;
\li2
\v 63 होम-बलिदान बर एक ठन बछवा, एक ठन मेढ़ा अऊ एक साल के एक ठन मेढ़ा-पीला;
\li2
\v 64 पाप-बलिदान बर एक ठन बोकरा;
\li2
\v 65 अऊ मेल-बलिदान चघाय बर दू ठन बईला, पांच ठन मेढ़ा, पांच ठन बोकरा अऊ एक-एक साल के पांच ठन मेढ़ा-पीला।
\lf येह गिदोनी के बेटा अबीदान के चढ़ावा रिहिस।
\b
\lh
\v 66 दसवां दिन दान के मनखेमन के अगुवा अम्मीसद्दाय के बेटा अहीएजेर ह अपन चढ़ावा लानिस।
\li1
\v 67 ओकर चढ़ावा ये रिहिस:
\li2 पबितर-स्थान के सेकेल के मुताबिक एक सौ तीस सेकेल के एक ठन चांदी के थाली अऊ सत्तर सेकेल के छिंचनेवाला एक ठन चांदी के कटोरा; अन्न-बलिदान के रूप म ये दूनों चीज जैतून तेल ले सने उत्तम पीसान ले भरे रिहिन;
\li2
\v 68 धूप ले भरे, दस सेकेल के एक ठन सोन के धूपदान;
\li2
\v 69 होम-बलिदान बर एक ठन बछवा, एक ठन मेढ़ा अऊ एक साल के एक ठन मेढ़ा-पीला;
\li2
\v 70 पाप-बलिदान बर एक ठन बोकरा;
\li2
\v 71 अऊ मेल-बलिदान चघाय बर दू ठन बईला, पांच ठन मेढ़ा, पांच ठन बोकरा अऊ एक-एक साल के पांच ठन मेढ़ा-पीला।
\lf येह अम्मीसद्दाय के बेटा अहीएजेर के चढ़ावा रिहिस।
\b
\lh
\v 72 गियारहवां दिन आसेर के मनखेमन के अगुवा ओकरान के बेटा पगीएल अपन चढ़ावा लानिस।
\li1
\v 73 ओकर चढ़ावा ये रिहिस:
\li2 पबितर-स्थान के सेकेल के मुताबिक एक सौ तीस सेकेल के चांदी के एक ठन थाली अऊ सत्तर सेकेल के छिंचनेवाला एक ठन चांदी के कटोरा; अन्न-बलिदान के रूप म ये दूनों चीज जैतून तेल ले सने उत्तम पीसान ले भरे रिहिन;
\li2
\v 74 धूप ले भरे, दस सेकेल के एक ठन सोन के धूपदान;
\li2
\v 75 होम-बलिदान बर एक ठन बछवा, एक ठन मेढ़ा अऊ एक साल के एक ठन मेढ़ा-पीला;
\li2
\v 76 पाप-बलिदान बर एक ठन बोकरा;
\li2
\v 77 अऊ मेल-बलिदान चघाय बर दू ठन बईला, पांच ठन मेढ़ा, पांच ठन बोकरा अऊ एक-एक साल के पांच ठन मेढ़ा-पीला।
\lf येह ओकरान के बेटा पगीएल के चढ़ावा रिहिस।
\b
\lh
\v 78 बारहवां दिन नपताली के मनखेमन के अगुवा एनान के बेटा अहीरा अपन चढ़ावा लानिस।
\li1
\v 79 ओकर चढ़ावा ये रिहिस:
\li2 पबितर-स्थान के सेकेल के मुताबिक एक सौ तीस सेकेल के चांदी के एक ठन थाली अऊ सत्तर सेकेल के छिंचनेवाला चांदी के एक ठन कटोरा; अन्न-बलिदान के रूप म ये दूनों चीज जैतून तेल ले सने उत्तम पीसान ले भरे रिहिन;
\li2
\v 80 धूप ले भरे, दस सेकेल के एक ठन सोन के धूपदान;
\li2
\v 81 होम-बलिदान बर एक ठन बछवा, एक ठन मेढ़ा अऊ एक साल के एक ठन मेढ़ा-पीला;
\li2
\v 82 पाप-बलिदान बर एक ठन बोकरा;
\li2
\v 83 अऊ मेल-बलिदान चघाय बर दू ठन बईला, पांच ठन मेढ़ा, पांच ठन बोकरा अऊ एक-एक साल के पांच ठन मेढ़ा-पीला।
\lf येह एनान के बेटा अहीरा के चढ़ावा रिहिस।
\b
\li1
\v 84 जब बेदी के अभिसेक करे गीस, त ओकर समरपन बर इसरायली अगुवामन के ये चढ़ावा रिहिन:
\li2 चांदी के बारह थाली, छिंचे बर चांदी के बारह कटोरा अऊ सोन के बारह धूपदान। 
\v 85 हर चांदी के थाली के वजन एक सौ तीस सेकेल, अऊ हर छिंचनेवाला कटोरा के वजन सत्तर सेकेल रिहिस। पबितर-स्थान के सेकेल के मुताबिक, जम्मो चांदी के बरतन के वजन दू हजार चार सौ सेकेल\f + \fr 7:85 \fr*\ft लगभग 28 किलोग्राम\ft*\f* रिहिस। 
\v 86 पबितर-स्थान के सेकेल के मुताबिक, धूप ले भरे बारह सोन के धूपदान म ले हर एक के वजन दस सेकेल रिहिस। जम्मो धूपदान के वजन एक सौ बीस सेकेल\f + \fr 7:86 \fr*\ft लगभग 1.4 किलोग्राम\ft*\f* रिहिस।
\li2
\v 87 होम-बलिदान बर पसुमन के कुल संखिया ओमन के अन्न-बलिदान के संग बारह ठन बछवा, बारह ठन मेढ़ा अऊ एक-एक साल के बारह ठन मेढ़ा-पीला रिहिस। पाप-बलिदान बर बारह ठन बोकरा के उपयोग करे गीस।
\li2
\v 88 मेल-बलिदान चघाय बर पसुमन के कुल संखिया चौबीस ठन बईला, साठ ठन मेढ़ा, साठ ठन बोकरा अऊ एक-एक साल के साठ ठन मेढ़ा-पीला रिहिस।
\b
\lf बेदी ला अभिसेक करे के बाद, ओकर समरपन बर येमन ओकर चढ़ावा रिहिन।
\b
\p
\v 89 जब मूसा ह यहोवा ले गोठियाय बर मिलापवाला तम्बू के भीतर गीस, त करार कानून के सन्दूक ला ढंके पछताप ढकना के ऊपर दूनों करूबमन के बीच ले ओला गोठियाय के अवाज सुनाई दीस। ये किसम ले यहोवा ह मूसा ले गोठियाईस।
\c 8
\s1 दीयामन ला मढ़ई
\p
\v 1 फेर यहोवा ह मूसा ला कहिस, 
\v 2 “हारून ले बात कर अऊ ओला कह, ‘जब भी तेंह दीयामन ला मढ़ाथस, त धियान रख कि जम्मो सातों दीया दीवट के सामने कोति अंजोर देवंय।’ ”
\p
\v 3 हारून ह वइसने करिस; ओह दीयामन ला मढ़ाईस कि ओमन दीवट के सामने अंजोर देवंय, जइसे कि यहोवा ह मूसा ला हुकूम दे रिहिस। 
\v 4 ये दीवट ला ये किसम ले बनाय गे रिहिस: येकर आधार ले लेके येकर फूल तक येह हथौड़ी ले पीटे गय सोन के बने रिहिस। दीवट ह बिलकुल ओहीच नमूना म बने रिहिस, जइसे कि यहोवा ह मूसा ला देखाय रिहिस।
\s1 लेवीमन ला अलग करई
\p
\v 5 फेर यहोवा ह मूसा ला कहिस: 
\v 6 “जम्मो इसरायलीमन के बीच ले लेवीमन ला अलग कर अऊ ओमन ला बिधि के मुताबिक सुध कर। 
\v 7 ओमन ला सुध करे बर तेंह अइसने कर: सुध करइया पानी के छिड़काव ओमन ऊपर कर; तब ओमन अपन पूरा देहें म उस्तरा चलवांय अऊ अपन कपड़ा ला धोवंय। अऊ अइसने ओमन अपनआप ला सुध करंय। 
\v 8 तब ओमन जैतून तेल ले सने उत्तम पीसान के अन्न-बलिदान के संग एक ठन बछवा लेवंय, अऊ पाप-बलिदान\f + \fr 8:8 \fr*\ft या \ft*\fqa सुधिकरन-बलिदान\fqa*\f* बर तें एक ठन दूसर बछवा ले। 
\v 9 ओकर बाद लेवीमन ला मिलापवाला तम्बू के आघू म लान अऊ जम्मो इसरायली समाज ला इकट्ठा कर। 
\v 10 तेंह लेवीमन ला यहोवा के आघू म लानबे, अऊ इसरायलीमन ओमन ऊपर अपन हांथ रखंय। 
\v 11 तब हारून ह इसरायलीमन कोति ले लेवीमन ला यहोवा के आघू म एक हलाय-बलिदान के रूप म लानय, ताकि ओमन यहोवा के काम करे बर तियार होवंय।
\p
\v 12 “तब लेवीमन अपन हांथ बछवामन के मुड़ ऊपर रखंय; येमा के एक ठन बछवा के उपयोग यहोवा ला पाप-बलिदान बर अऊ दूसर बछवा के उपयोग लेवीमन के पछताप करे बर होम-बलिदान के रूप म करे जावय। 
\v 13 ओकर बाद लेवीमन ला हारून अऊ ओकर बेटामन के आघू म ठाढ़ कर अऊ तब ओमन ला एक हलाय-बलिदान के रूप म यहोवा ला अरपन कर। 
\v 14 ये किसम ले तेंह लेवीमन ला आने इसरायलीमन ले अलग करबे, अऊ लेवीमन मोर होहीं।
\p
\v 15 “जब तेंह लेवीमन ला सुध करके ओमन ला एक हलाय-बलिदान के रूप म अरपन कर लेबे, तब ओमन मिलापवाला तम्बू म अपन काम करे बर आवंय। 
\v 16 येमन ओ इसरायली अंय, जेमन ला पूरा मोला दिये जावय। मेंह ओमन ला अपन जानके के पहिलांतमन के जगह म याने कि हर एक इसरायली माईलोगनमन के पहिला जनमे लड़का के रूप म लेय ले हंव। 
\v 17 इसरायल म हर पहिला जनमे नर, चाहे ओह मनखे होवय या पसु, ओह मोर अय। मेंह ओमन ला अपन बर पबितर करे हंव, जब मेंह मिसर देस म जम्मो पहिलांतमन ला मार डारेंव। 
\v 18 अऊ मेंह इसरायल म जम्मो पहिलांत बेटामन के जगह म लेवीमन ला लेय ले हंव। 
\v 19 जम्मो इसरायलीमन के बीच ले, मेंह लेवीमन ला एक भेंट के रूप म हारून अऊ ओकर बेटामन ला देय दे हंव कि ओमन इसरायलीमन कोति ले मिलापवाला तम्बू म काम करंय अऊ ओमन बर प्रायस्चित करंय, ताकि जब इसरायलीमन पबितर-स्थान के लकठा म जावंय त ओमन ऊपर कोनो महामारी झन आवय।”
\p
\v 20 मूसा, हारून अऊ पूरा इसरायली समाज ह लेवीमन के संग वइसे ही करिन, जइसे यहोवा ह मूसा ला हुकूम दे रिहिस। 
\v 21 लेवीमन अपनआप ला सुध करिन अऊ अपन ओनहा ला धोईन। तब हारून ह ओमन ला यहोवा के आघू म हलाय-बलिदान के रूप म अरपन करिस अऊ ओमन ला सुध करे बर ओमन बर प्रायस्चित करिस। 
\v 22 ओकर बाद, लेवीमन हारून अऊ ओकर बेटामन के देखरेख म मिलापवाला तम्बू म अपन काम करे बर आईन। ओमन लेवीमन के संग वइसने ही करिन, जइसे यहोवा ह मूसा ला हुकूम दे रिहिस।
\p
\v 23 फेर यहोवा ह मूसा ला कहिस, 
\v 24 “ये नियम लेवीमन ऊपर लागू होथे: पच्चीस साल या ओकर ले जादा उमर के मनखेमन मिलापवाला तम्बू म काम करे बर आवंय, 
\v 25 पर पचास साल के उमर म, ओमन अपन नियमित सेवा ले हट जावंय अऊ फेर काम झन करंय। 
\v 26 येकर बाद ओमन मिलापवाला तम्बू म अपन भाईमन\f + \fr 8:26 \fr*\ft अपन संगी लेवीमन\ft*\f* के काम म मदद कर सकत हें, पर ओमन खुद होके कोनो काम झन करंय। ये किसम ले तेंह लेवीमन ला ओमन के जिम्मेदारी सऊंपबे।”
\c 9
\s1 फसह के तिहार
\p
\v 1 इसरायलीमन के मिसर देस ले निकल आय के दूसरा साल के पहिला महिना म यहोवा ह सीनय के सुन्ना जगह म मूसा ला कहिस, 
\v 2 “इसरायलीमन ठहिराय गे समय म फसह के तिहार मनावंय। 
\v 3 ठहिराय गे समय म, इही महिना के चौदहवां दिन सूरज बुड़े के पाछू, तुमन येला येकर जम्मो नियम अऊ बिधि के मुताबिक मनावव।”
\p
\v 4 तब मूसा ह इसरायलीमन ला फसह के तिहार मनाय बर कहिस, 
\v 5 अऊ ओमन सीनय के सुन्ना जगह म, पहिला महिना के चौदहवां दिन, सूरज बुड़े के पाछू फसह ला मनाईन। इसरायलीमन हर चीज वइसने ही करिन, जइसने कि यहोवा ह मूसा ला हुकूम दे रिहिस।
\p
\v 6 पर ओमा के कुछू झन ओ दिन फसह नइं मना सकिन, काबरकि एक लास के कारन ओमन बिधि के मुताबिक असुध रिहिन। एकरसेति ओहीच दिन ओमन मूसा अऊ हारून करा आईन 
\v 7 अऊ मूसा ला कहिन, “हमन एक लास के कारन असुध हो गे हन, पर ठहिराय गे समय म, यहोवा ला चढ़ावा चघाय बर, आने इसरायलीमन ले हमन ला काबर अलग करे जावथे?”
\p
\v 8 मूसा ह ओमन ला जबाब दीस, “मेंह पता लगात हंव कि तुम्हर बारे म यहोवा के का हुकूम अय, तब तक तुमन ठहिरे रहव।”
\p
\v 9 तब यहोवा ह मूसा ला कहिस, 
\v 10 “इसरायलीमन ला बता: ‘जब तुमन म ले कोनो या तुम्हर संतान म के कोनो मनखे कोनो लास के कारन असुध हवय या कोनो काम ले बाहिर गे हवय, तब भी ओह यहोवा के फसह ला मना सकत हे, 
\v 11 पर ओह दूसरा महिना के चौदहवां दिन बेर बुड़े के बाद येला मनावय। ओह मेढ़ा के मांस ला अखमीरी रोटी अऊ करू साग के संग खावय। 
\v 12 ओह बिहनियां होवत तक कुछू ला झन छोंड़य या येकर कोनो हाड़ा ला झन टोरय। जब ओह फसह तिहार ला मनावय, त ओह जम्मो बिधि के पालन करय। 
\v 13 पर यदि बिधि के मुताबिक सुध हवय अऊ यातरा म नइं ए, पर फसह के तिहार ला नइं मनाथे, त ओला अपन मनखेमन ले अलग करे जाय, काबरकि ओह ठहिराय गे समय म यहोवा ला चढ़ावा के अरपन नइं करिस। ओह अपन पाप के दुख भोगही।
\p
\v 14 “ ‘यदि कोनो परदेसी तुम्हर बीच म रहत हवय, त ओह घलो नियम अऊ बिधि के मुताबिक यहोवा के फसह ला मनावय। देस म जनमे मनखे अऊ परदेसी दूनों बर फसह माने के तुम्हर ओहीच बिधि होवय।’ ”
\s1 पबितर-तम्बू के ऊपर बादर
\p
\v 15 जऊन दिन पबितर-तम्बू, करार कानून के तम्बू ला खड़े करे गीस, ओ दिन बादर ह येला ढांप लीस। सांझ ले लेके बिहनियां तक बादर ह पबितर-तम्बू ऊपर आगी सहीं दिखिस। 
\v 16 अऊ हर दिन अइसने ही होईस; बादर ह येला ढांपय, अऊ रथिया के बेरा येह आगी सहीं दिखय। 
\v 17 जब भी बादर ह तम्बू के ऊपर ले उठय, त इसरायलीमन आघू बढ़ंय, अऊ जिहां भी बादर ह ठहर जावय, उहां इसरायलीमन डेरा डालंय। 
\v 18 यहोवा के हुकूम ले इसरायलीमन आघू बढ़िन, अऊ ओकर हुकूम ले ही ओमन डेरा डालिन। जब तक बादर ह पबितर-तम्बू के ऊपर रहय, ओमन डेरा डाले रहंय। 
\v 19 जब बादर ह पबितर-तम्बू के ऊपर बहुंत दिन तक बने रहय, त इसरायलीमन यहोवा के हुकूम ला मानंय अऊ आघू नइं बढ़ंय। 
\v 20 कभू-कभू बादर ह पबितर-तम्बू ऊपर सिरिप कुछू दिन बर रहय; यहोवा के हुकूम ले ओमन डेरा डालंय, अऊ तब ओकर हुकूम ले ही ओमन आघू बढ़ंय। 
\v 21 कभू-कभू बादर ह सिरिप सांझ ले बिहनियां तक रहय, अऊ जब येह बिहनियां उठय, त ओमन आघू बढ़ जावंय। चाहे दिन हो या रथिया, जब भी बादर ह उठ जावय, ओमन आघू बढ़ जावंय। 
\v 22 जब भी बादर ह पबितर-तम्बू ऊपर दू दिन या एक महिना या एक साल बर ठहिरय, त इसरायलीमन डेरा म रहंय अऊ आघू नइं बढ़ंय; पर जब येह उठ जावय, त ओमन आघू बढ़ंय। 
\v 23 यहोवा के हुकूम ले ओमन डेरा डालंय, अऊ यहोवा के हुकूम ले ही ओमन आघू बढ़ंय। ओमन यहोवा के हुकूम मानंय, जेला ओह मूसा के जरिये ओमन ला देवय।
\c 10
\s1 चांदी के तुरहीमन
\p
\v 1 फेर यहोवा ह मूसा ला कहिस: 
\v 2 “चांदी ला पीटके दू ठन तुरही बना, अऊ ओमन के उपयोग समाज ला एक संग जूरे बर अऊ सिविर के आघू बढ़े बर कर। 
\v 3 जब दूनों तुरही बजाय जावंय, त पूरा समाज मिलापवाला तम्बू के दुवार म तोर आघू म जूर जावय। 
\v 4 अऊ यदि सिरिप एक ठन ला बजाय जावय, त अगुवामन—इसरायल के गोत्र के मुखियामन तोर आघू म जूर जावंय। 
\v 5 जब तुरही ला एक बार जोर से फूंके जावय, त पूरब दिसा म डेरा डाले गोत्र के मन आघू बढ़ंय। 
\v 6 तुरही ला दूसर बार जोर से फूंके जावय, त दक्खिन कोति डेरा डाले मनखेमन आघू बढ़ंय। तुरही ला जोर से फूंकई ह आघू बढ़े के संकेत होही। 
\v 7 समाज ला इकट्ठा करे बर तुरहीमन ला फूंके जावय, पर येमा आघू बढ़े के संकेत झन होवय।
\p
\v 8 “हारून के बेटा, पुरोहितमन तुरही ला फूंकंय। येह हमेसा के बिधि होवय अऊ अवइया पीढ़ीमन म घलो येकर पालन करे जावय। 
\v 9 जब तुमन अपन ही देस म कोनो बईरी के बिरूध लड़े बर निकलव, जऊन ह तुम्हर ऊपर अतियाचार करत हे, त तुरहीमन ला एक बार जोर से बजावव। तब यहोवा तुम्हर परमेसर ह तुमन ला सुरता करही अऊ तुम्हर बईरीमन ले बचाही। 
\v 10 अपन आनंद मनाय के बेरा—तुम्हर ठहिराय गय तिहार अऊ नवां चंदा के जेवनार के बेरा, तुमन होम-बलिदान अऊ मेल-बलिदान चढ़ावा के समय तुरहीमन ला फूंकव, अऊ ओह तुम्हर बर परमेसर के आघू म एक सुरता करइया होही। मेंह यहोवा तुम्हर परमेसर अंव।”
\s1 इसरायलीमन के सीनय पहाड़ ले आघू बढ़ई
\p
\v 11 इसरायलीमन के मिसर देस ले निकले के दूसरा साल के दूसरा महिना के बीसवां दिन बादर ह करार के कानून के पबितर-तम्बू के ऊपर ले उठ गीस। 
\v 12 तब इसरायलीमन सीनय के सुन्ना जगह ले आघू बढ़िन अऊ जगह-जगह होवत ओमन आघू बढ़त गीन जब तक कि बादर ह पारान के सुन्ना जगह म ठहर नइं गीस। 
\v 13 ओमन पहिली बार, मूसा के जरिये यहोवा के हुकूम के मुताबिक आघू बढ़िन।
\p
\v 14 पहिले यहूदा के सिविर के दलमन अपन झंडा के अधीन आघू बढ़िन। अमीनादाब के बेटा नहसोन ओमन के अगुवा रिहिस। 
\v 15 इस्साकार गोत्र के दल के अगुवा सूआर के बेटा नतनेल, 
\v 16 अऊ जबूलून के गोत्र के दल के अगुवा हेलोन के बेटा एलीआब रिहिस। 
\v 17 तब पबितर-तम्बू ला उसाले गीस, अऊ गेरसोनी अऊ मरारीमन येला उठाके आघू बढ़िन।
\p
\v 18 ओकर बाद, रूबेन के सिविर के दलमन अपन झंडा के अधीन आघू बढ़िन। सदेऊर के बेटा एलीसूर ओमन के अगुवा रिहिस। 
\v 19 सिमोन के गोत्र के दल के अगुवा सूरीसद्दाय के बेटा सलूमीएल, 
\v 20 अऊ गाद के गोत्र के दल के अगुवा दूएल के बेटा एलियासाप रिहिस। 
\v 21 तब कहातीमन पबितर चीजमन ला उठाके आघू बढ़िन। ओमन के हबरे के पहिले पबितर-तम्बू ला गाड़े जावय।
\p
\v 22 ओकर बाद एपरैम के सिविर के दलमन अपन झंडा के अधीन बढ़िन। अमीहूद के बेटा एलीसामा ह ओमन के अगुवा रिहिस। 
\v 23 मनस्से के गोत्र के दल के अगुवा पदासूर के बेटा गमलीएल, 
\v 24 अऊ बिनयामीन के गोत्र के दल के अगुवा गिदोनी के बेटा अबीदान रिहिस।
\p
\v 25 आखिरी म, जम्मो दल बर पाछू के पहरेदार के रूप म, दान के सिविर के दलमन अपन झंडा के अधीन आघू बढ़िन। अम्मीसद्दाय के बेटा अहीएजेर ओमन के अगुवा रिहिस। 
\v 26 आसेर के गोत्र के दल के अगुवा ओकरान के बेटा पगीएल, 
\v 27 अऊ नपताली के गोत्र के दल के अगुवा एनान के बेटा अहीरा रिहिस। 
\v 28 इसरायलीमन जब भी आघू बढ़ंय, त ओमन के दलमन के क्रम अइसने ही रहय।
\p
\v 29 मूसा ह अपन ससुर रूएल, जऊन ह मिदयानी रिहिस, ओकर बेटा होबाब ला कहिस, “हमन ओ जगह म जावत हन, जेकर बारे म यहोवा ह कहे हवय, ‘मेंह ओ जगह तुमन ला दूहूं।’ तें घलो हमर संग आ अऊ हमन तोर बने धियान रखबो, काबरकि यहोवा ह इसरायल बर बने चीजमन के वायदा करे हे।”
\p
\v 30 होबाब ह जबाब दीस, “नइं, में नइं जावंव; मेंह अपन देस अऊ अपन मनखेमन करा वापिस जावत हंव।”
\p
\v 31 पर मूसा ह कहिस, “हमन ला झन छोंड़। तेंह जानथस कि सुन्ना जगह म हमन ला कहां डेरा डालना चाही, अऊ तें हमर बर आंखी\f + \fr 10:31 \fr*\fq आंखी \fq*\ft या \ft*\fqa डहार दिखइया\fqa*\f* सहीं अस। 
\v 32 यदि तेंह हमर संग आबे, त जऊन भी बने चीज यहोवा ह हमन ला दीही, ओला हमन तोर संग बांटबो।”
\p
\v 33 तब इसरायलीमन यहोवा के पहाड़ ले आघू बढ़िन अऊ तीन दिन तक चलते रिहिन। ओ तीन दिन के दौरान, यहोवा के करार के सन्दूक ह ओमन बर एक ठन अराम के जगह के खोज म ओमन के आघू-आघू बढ़ते रिहिस। 
\v 34 जब ओमन डेरा ले आघू बढ़ंय, त दिन के बेरा यहोवा के बादर ह ओमन के ऊपर बने रहय।
\p
\v 35 जब भी सन्दूक ह आघू बढ़य, त मूसा ह कहय,
\q1 “हे यहोवा, उठ!
\q2 तोर बईरीमन तितिर-बितिर हो जावंय;
\q2 तोर बईरीमन तोर आघू ले भाग जावंय।”
\p
\v 36 जब भी सन्दूक ह ठहर जावय, त मूसा ह कहय,
\q1 “हे यहोवा, इसरायल के
\q2 हजारों-हजार मनखेमन करा लहुंट आ।”
\c 11
\s1 यहोवा ले आगी निकलई
\p
\v 1 अब इसरायलीमन यहोवा के सुनत म अपन तकलीफ के सिकायत करे लगिन, अऊ जब ओह ओमन के बात ला सुनिस, त ओकर गुस्सा भड़क उठिस। तब ओमन के बीच यहोवा के आगी बरिस अऊ सिविर के कुछू बाहिरी भाग ला जलाके भसम कर दीस। 
\v 2 जब मनखेमन मूसा करा आके गोहार पारिन, त ओह यहोवा ले पराथना करिस अऊ आगी ह बुता गीस। 
\v 3 एकरसेति ओ जगह ला तबेरा\f + \fr 11:3 \fr*\fq तबेरा \fq*\ft के मतलब होथे \ft*\fqa आगी बरई या जलई\fqa*\f* कहे गीस, काबरकि यहोवा के आगी ह ओमन के बीच बरे रिहिस।
\s1 यहोवा कोति ले बटेर चिरई
\p
\v 4 ओकर बाद ओमन के संग के हल्ला मचानेवालामन आने जेवन खाय के लालसा करे लगिन, अऊ फेर इसरायलीमन बिलाप करत कहिन, “कास हमर करा खाय बर मांस होतिस! 
\v 5 हमन ला मिसर के मछरी के सुरता आवत हे, जेला मुफत म खावत रहेंन—खीरा, कलिंदर, कांदा, गोंदली, अऊ लहसुन घलो। 
\v 6 पर अब हमर भूख ह खतम हो गे हवय; हमन ला ये मन्ना के छोंड़ अऊ कुछू नइं दिखय!”
\p
\v 7 मन्ना ह धनियां के बीजा सहीं रिहिस अऊ रंग ह मोती सहीं दिखय। 
\v 8 मनखेमन आसपास जाके ओला संकेलंय, अऊ तब ओला जांता म पीसंय या ओखली म कुटंय। ओमन ओला एक बरतन म रांधंय या ओकर रोटी बनांय। अऊ येकर सुवाद ह जैतून तेल ले बने कुछू चीज सहीं लगय। 
\v 9 जब रथिया सिविर म ओस पड़य, त संग म मन्ना घलो गिरय।
\p
\v 10 मूसा ह हर परिवार के मनखेमन ला अपन-अपन तम्बू के दुवार म रोवत सुनिस। यहोवा ह बहुंत गुस्सा करिस, अऊ मूसा ह परेसान हो गीस। 
\v 11 तब मूसा ह यहोवा ले पुछिस, “तेंह अपन सेवक ऊपर ये समस्या काबर लाने हस? मेंह अइसने का काम करके तोला दुखी करेंव कि ये जम्मो मनखेमन के बोझ मोर ऊपर डाल दे हस? 
\v 12 का ये जम्मो मनखेमन मोर गरभ म रिहिन? का येमन ला में जनमांय? तेंह मोला काबर कहिथस कि जइसने एक धाई ह छोटे लइका ला अपन कोरा म पाके चलथे, वइसने येमन ला ओ देस म लेके जा, जेला देय के वायदा तेंह येमन के पुरखामन ले कसम खाके करे रहय? 
\v 13 मेंह ये जम्मो झन बर मांस कहां ले लानंव? येमन लगातार रो-रोके मांगत रहिथें, ‘हमन ला खाय बर मांस दे!’ 
\v 14 मेंह एके झन ये जम्मो मनखेमन के भार नइं उठा सकंव; येह मोर बर भारी हे। 
\v 15 यदि ये किसम ले तोला मोर संग बरताव करना हे, त आघू बढ़ अऊ मोला मार डार—यदि तोर दया के नजर मोर ऊपर हवय, त मोला अपन खुद के दुरदसा ला झन देखा।”
\p
\v 16 यहोवा ह मूसा ला कहिस: “मोर करा इसरायल के सत्तर अइसने अगुवामन ला लान, जेमन ला तेंह मनखेमन के अगुवा अऊ अधिकारी के रूप म जानथस। ओमन ला मिलापवाला तम्बू करा ले आ कि ओमन उहां तोर संग ठाढ़ होवंय। 
\v 17 तब मेंह खाल्हे उतरके उहां तोर ले गोठियाहूं, अऊ जऊन आतमा के सक्ति तोर म हवय, ओमा ले कुछू सक्ति लेके मेंह ओमन म डार दूहूं। ओमन तोर संग मिलके मनखेमन के ये बोझा ला उठाहीं, ताकि तोला एके झन येला उठाना झन पड़य।
\p
\v 18 “मनखेमन ला कह: ‘कल के तियारी म अपनआप ला पबितर करव, कल तुमन ला मांस खाय बर मिलही। काबरकि यहोवा ह तुम्हर ओ बात ला सुन ले हवय, जब तुमन बिलाप करके कहेव, “कास हमन ला मांस खाय बर मिलतिस! मिसर देस म ही हमर दसा बने रिहिस!” अब यहोवा ह तुमन ला मांस दीही, अऊ तुमन ओला खाहू। 
\v 19 तुमन ओला सिरिप एक दिन, या दू दिन, या पांच, दस या बीस दिन नइं, 
\v 20 पर पूरा एक महिना तक खाहू—जब तक कि येह तुम्हर नाक ले निकले नइं लगे अऊ येकर ले तुमन ला घिन नइं हो जावय—काबरकि तुमन यहोवा ला तुछ जाने हव, जऊन ह तुम्हर बीच म हवय, अऊ तुमन ओकर आघू म ये कहिके बिलाप करे हव, “हमन काबर मिसर देस ला छोंड़के आ गेंन?” ’ ”
\p
\v 21 पर मूसा ह कहिस, “इहां मेंह छै लाख पैदल चलइया मनखेमन के बीच हवंव, अऊ तेंह कहिथस, ‘मेंह पूरा एक महिना येमन ला खाय बर मांस दूहूं!’ 
\v 22 यदि पसु अऊ चिरईमन के झुंड घलो काटे जाय, त का येमन ला पूरही? यदि समुंदर के जम्मो मछरी ला घलो येमन बर पकड़े जावय, त का येमन ला पूरही?”
\p
\v 23 यहोवा ह मूसा ला जबाब दीस, “का यहोवा के हांथ अतेक छोटे हवय? अब तेंह देखबे कि जऊन बात मेंह तोला कहे हंव, ओह सच होथे कि नइं।”
\p
\v 24 तब मूसा ह बाहिर निकलिस अऊ मनखेमन ला यहोवा के कहे बात ला बताईस। ओह ओमन के सत्तर अगुवामन ला इकट्ठा करिस अऊ ओमन ला तम्बू के लकठा म ठाढ़ करिस। 
\v 25 तब यहोवा ह बादर म होके खाल्हे उतरिस अऊ मूसा ले गोठियाईस, अऊ जऊन आतमा के सक्ति मूसा म रिहिस, ओमा ले कुछू सक्ति लेके, ओह ओ सत्तर अगुवामन म डार दीस। जब ओ आतमा ओमन म आईस, त ओमन अगमबानी करे लगिन—पर एकर बाद ओमन फेर दूबारा नइं करिन।
\p
\v 26 पर दू झन मनखे सिविर म रह गीन, जेमा के एक झन के नांव एलदाद अऊ दूसर के नांव मेदाद रिहिस। ओमन के नांव अगुवामन के सूची म रिहिस, पर ओमन बाहिर तम्बू करा नइं गीन। तभो ले आतमा ह ओमन म आईस, अऊ ओमन घलो सिविर म अगमबानी करे लगिन। 
\v 27 एक जवान ह दऊड़के गीस अऊ मूसा ला बताईस, “एलदाद अऊ मेदाद सिविर म अगमबानी करत हें।”
\p
\v 28 नून के बेटा यहोसू, जऊन ह अपन जवानी के समय ले मूसा के सहायक रिहिस; ओह मूसा ला कहिस, “हे मोर मालिक, मूसा, ओमन ला मना कर!”
\p
\v 29 पर मूसा ह जबाब दीस, “का मोर कारन तोला जलन होवत हे? बने होतिस कि यहोवा के जम्मो मनखेमन अगमजानी होतिन अऊ यहोवा ह अपन आतमा ओमन म डार देतिस!” 
\v 30 तब मूसा अऊ इसरायल के ओ अगुवामन डेरा म वापिस चल दीन।
\p
\v 31 यहोवा कोति ले एक गरेर चलिस अऊ ये गरेर ह समुंदर ले बटेर चिरईमन ला ले आईस। येह बटेरमन ला दू क्यूबीट\f + \fr 11:31 \fr*\ft लगभग 3 फीट या 90 सेन्टीमीटर\ft*\f* ऊंचई तक डेरा के चारों कोति, हर दिसा म एक दिन के रसता तक बगरा दीस। 
\v 32 ओ पूरा दिन अऊ रथिया अऊ दूसर दिन घलो मनखेमन बाहिर जाके बटेरमन ला संकेलिन। कम से कम बटोरनेवाला घलो दस होमेर\f + \fr 11:32 \fr*\ft लगभग 1006 किलोग्राम\ft*\f* ले कम नइं बटोरिस। तब ओमन ओ बटेरमन ला सिविर के चारों कोति बगरा दीन। 
\v 33 पर खाय के बेरा जब मांस ह ओमन के मुहूं म ही रिहिस अऊ येकर पहिले कि ओमन ओला चबाके लीलतिन, यहोवा के कोरोध ह ओमन ऊपर भड़क उठिस अऊ ओह ओमन के बीच बड़े महामारी फईला दीस। 
\v 34 एकरसेति ओ जगह के नांव किबरोत-हतावा\f + \fr 11:34 \fr*\fq किबरोत-हतावा \fq*\ft के मतलब होथे \ft*\fqa लालसा के कबर\fqa*\f* पड़िस, काबरकि उहां ओमन ओ मनखेमन ला माटी दे रिहिन, जेमन आने जेवन के लालसा करे रिहिन।
\p
\v 35 ओकर बाद किबरोत-हतावा ले मनखेमन हसेरोत गीन अऊ उहां रूक गीन।
\c 12
\s1 मिरियम अऊ हारून मूसा के बिरोध करथें
\p
\v 1 मूसा ह एक कूसी माईलोगन ले बिहाव कर ले रिहिस, त मिरियम अऊ हारून ओकर कूसी घरवाली के कारन ओकर बिरूध गोठियाय लगिन। 
\v 2 ओमन कहिन, “का यहोवा ह सिरिप मूसा के दुवारा ही बात करे हवय? का ओह हमर दुवारा घलो बात नइं करे हवय?” अऊ यहोवा ह ये बात ला सुनिस।
\p
\v 3 (मूसा ह एक बहुंत नम्र सुभाव के मनखे रिहिस, धरती म ओकर ले जादा अऊ कोनो नम्र मनखे नइं रिहिन।)
\p
\v 4 तुरते यहोवा ह मूसा, हारून अऊ मिरियम ला कहिस, “तुमन तीनों झन बाहिर मिलापवाला तम्बू करा आवव।” त ओ तीनों झन बाहिर आ गीन। 
\v 5 तब यहोवा ह बादर के एक खंभा म खाल्हे आईस; ओह तम्बू के दुवार करा ठाढ़ हो गीस अऊ हारून अऊ मिरियम ला बलाईस। जब ओ दूनों झन आघू आईन, 
\v 6 त यहोवा ह कहिस, “मोर बात ला सुनव:
\q1 “जब तुम्हर बीच म कोनो अगमजानी होथे,
\q2 त में, यहोवा अपनआप ला ओकर करा दरसन म परगट करथंव,
\q2 मेंह ओकर ले सपना म गोठियाथंव।
\q1
\v 7 पर ये बात मोर सेवक मूसा बर लागू नइं होवय;
\q2 ओह मोर जम्मो घर\f + \fr 12:7 \fr*\ft या \ft*\fqa इसरायली\fqa*\f* म बिसवासयोग्य ए।
\q1
\v 8 ओकर संग मेंह आमने-सामने,
\q2 अऊ साफ-साफ गोठियाथंव, पहेलीमन म नइं गोठियावंव;
\q2 ओह यहोवा के स्वरूप ला देखथे।
\q1 तब तुमन काबर मोर सेवक मूसा के बिरूध
\q2 गोठियाय बर नइं डरेव?”
\p
\v 9 तब यहोवा के कोरोध ओमन ऊपर भड़किस, अऊ ओह ओमन ला छोंड़के चल दीस।
\p
\v 10 जब बादर ह तम्बू के ऊपर ले उठ गीस, त मिरियम ला कोढ़ के बेमारी हो गीस अऊ ओह बरफ सहीं सफेद हो गीस। हारून ह ओकर कोति मुड़िस अऊ देखिस कि ओला असुध करइया चाम-रोग हो गे हे, 
\v 11 अऊ ओह मूसा ला कहिस, “हे मोर मालिक, मेंह बिनती करत हंव कि हमर ओ पाप ला झन धर, जेला हमन बहुंत मुरूख होके करे हवन। 
\v 12 ओला दाई के गरभ ले निकलत आधा गले देहेंवाले लइका सहीं झन रहन दे।”
\p
\v 13 तब मूसा ह यहोवा ले गोहारिस, “हे परमेसर, किरपा करके ओला बने कर दे!”
\p
\v 14 यहोवा ह मूसा ला जबाब दीस, “यदि ओकर ददा ह ओकर चेहरा म थूक दे होतिस, त का ओह सात दिन तक कलंक म नइं रहितिस; ओला सात दिन तक सिविर के बाहिर रखव; ओकर बाद ओला वापिस लाने जावय।” 
\v 15 तब मिरियम ला सात दिन तक सिविर के बाहिर रखे गीस, अऊ मनखेमन आघू नइं बढ़िन जब तक कि ओला वापिस नइं लाने गीस।
\p
\v 16 ओकर बाद, मनखेमन हसेरोत ले आघू बढ़िन अऊ पारान के सुन्ना जगह म डेरा डालिन।
\c 13
\s1 कनान देस के बारे म खोजबीन करई
\p
\v 1 यहोवा ह मूसा ला कहिस, 
\v 2 “कुछू मनखेमन ला कनान देस के खोजबीन करे बर भेज, जेला मेंह इसरायलीमन ला देनेवाला हंव। हर पुरखा के गोत्र म ले एक-एक झन अगुवा ला भेज।”
\p
\v 3 तब यहोवा के हुकूम पाके मूसा ह ओमन ला पारान के सुन्ना जगह ले पठो दीस। ओ जम्मो झन इसरायलीमन के अगुवा रिहिन।
\b
\lh
\v 4 ओमन के नांव ये अंय:
\b
\li1 रूबेन के गोत्र ले जक्कूर के बेटा सम्मू;
\li1
\v 5 सिमोन के गोत्र ले होरी के बेटा सापात;
\li1
\v 6 यहूदा के गोत्र ले यपुन्ने के बेटा कालेब;
\li1
\v 7 इस्साकार के गोत्र ले यूसुफ के बेटा इगाल;
\li1
\v 8 एपरैम के गोत्र ले नून के बेटा होसे;
\li1
\v 9 बिनयामीन के गोत्र ले राफू के बेटा पलती;
\li1
\v 10 जबूलून के गोत्र ले सोदी के बेटा गदीएल;
\li1
\v 11 मनस्से के गोत्र ले (यूसुफ के एक गोत्र) सूसी के बेटा गद्दी;
\li1
\v 12 दान के गोत्र ले गमली के बेटा अमीएल;
\li1
\v 13 आसेर के गोत्र ले मिकाएल के बेटा सतूर;
\li1
\v 14 नपताली के गोत्र ले वोपसी के बेटा नहबी;
\li1
\v 15 गाद के गोत्र ले माकी के बेटा गूएल।
\b
\lf
\v 16 ये ओ मनखेमन के नांव ए, जेमन ला मूसा ह देस के खोजबीन करे बर पठोईस। (मूसा ह नून के बेटा होसे के नांव यहोसू रखिस।)
\b
\p
\v 17 जब मूसा ह ओमन ला कनान देस के खोजबीन करे बर पठोईस, त ओह कहिस, “तुमन नेगेव राज\f + \fr 13:17 \fr*\fq नेगेव \fq*\ft या \ft*\fqa कनान के दक्खिनी भाग\fqa*\f* म होवत पहाड़ी देस म जावव। 
\v 18 देखव कि ओ देस ह कइसे हवय अऊ जऊन मनखेमन उहां रहिथें, ओमन बलवान हें कि कमजोर, संखिया म कम हवंय कि जादा। 
\v 19 कइसे हवय ओ देस, जेमा ओमन रहिथें? बने कि खराप? रहे के नगरमन कइसे हवंय? ओ नगरमन खुला हवंय कि चारों कोति दीवार बने हवय? 
\v 20 उहां के माटी कइसे हवय? उपजाऊ हे या बंजर? उहां रूखमन हवंय कि नइं? ओ देस म ले कुछू फर लाने के पूरा कोसिस करव।” (येह पाके अंगूर के पहिली-फसल के मौसम रिहिस।)
\p
\v 21 त ओमन गीन अऊ सीन के सुन्ना जगह ले लेके लेबो-हमात कोति रहोब नगर तक ओ देस के खोजबीन करिन। 
\v 22 ओमन नेगेव कोति ले होवत हेबरोन आ गीन, जिहां अनाक के बंसज अहीमन, सेसै अऊ तलमै रहत रिहिन। (हेबरोन सहर ह मिसर के सोअन ले सात साल पहिले बन गे रिहिस।) 
\v 23 जब ओमन एसकोल\f + \fr 13:23 \fr*\fq एसकोल \fq*\ft के मतलब होथे \ft*\fqa गुच्छा\fqa*\f* के घाटी म हबरिन, त ओमन अंगूर के एक नार ला काट लीन, जेमा अंगूर के सिरिप एके ठन गुच्छा रिहिस। ओमा के दू झन येला कुछू अनार अऊ अंजीर के संग एक ठन लउठी म लटकात बोहके ले चलिन। 
\v 24 ओ जगह ला एसकोल के घाटी कहे गीस काबरकि उहां इसरायलीमन अंगूर के एक गुच्छा ला काटे रिहिन। 
\v 25 चालीस दिन के बाद ओमन ओ देस के खोजबीन करके लहुंट आईन।
\s1 खोजबीन के लेखा-जोखा
\p
\v 26 ओमन पारान के सुन्ना जगह के कादेस नगर म मूसा अऊ हारून अऊ जम्मो इसरायली समाज करा वापिस आईन। ओमन उहां ओमन ला अऊ जम्मो इसरायली सभा ला लेखा-जोखा दीन अऊ ओ देस के फर ओमन ला देखाईन। 
\v 27 ओमन मूसा ला बताईन: “हमन ओ देस म गेंन, जिहां तेंह हमन ला पठोय रहय, ओ देस म दूध अऊ मंधरस बहुंत हवय! हमन उहां ले ये कुछू फर लेके आय हन। 
\v 28 पर उहां के मनखेमन बलवान अंय, सहरमन के चारों कोति किला हे अऊ सहरमन बहुंत बड़े हवंय। अऊ त अऊ हमन उहां अनाक के संतानमन ला घलो देखेंन। 
\v 29 अमालेकीमन नेगेव म रहिथें; हित्ती, यबूसी अऊ अमोरी पहाड़ी इलाका म रहिथें; अऊ कनानीमन समुंदर के लकठा म, यरदन नदी के तीरे-तीर रहिथें।”
\p
\v 30 तब कालेब ह मूसा के आघू म मनखेमन ला चुप कराईस अऊ कहिस, “हमन ला जाके ओ देस ऊपर अधिकार कर लेना चाही, काबरकि हमन खचित अइसने कर सकत हन।”
\p
\v 31 पर जऊन मनखेमन ओकर संग गे रिहिन, ओमन कहिन, “हमन ओमन ऊपर हमला नइं कर सकन; काबरकि ओमन हमर ले जादा बलवान हें।” 
\v 32 अऊ ओमन इसरायलीमन के बीच म ओ देस के बारे म एक खराप बात फईला दीन, जिहां ओमन गे रिहिन। ओमन कहिन, “जऊन देस के हमन भेद लेके आय हन, ओ देस ह उहां के निवासीमन ला खा जाथे। उहां जम्मो मनखेमन बड़े डीलडौल के हवंय। 
\v 33 हमन उहां नेफिलीम\f + \fr 13:33 \fr*\fq नेफिलीम \fq*\ft बड़े डीलडौलवाला मनखे; \ft*\fqa दानव\fqa*\f* देखेंन (अनाक के संतानमन नेफिलीम के बंस ले आथें)। हमन अपन नजर म ओमन के आघू म फांफा सहीं लगत रहेंन, अऊ अइसने ही हमन ओमन ला दिखत रहेंन।”
\c 14
\s1 मनखेमन बिदरोह करथें
\p
\v 1 ओ रथिया समाज के जम्मो झन अपन अवाज ऊंचहा करिन अऊ जोर-जोर से रोईन। 
\v 2 जम्मो इसरायलीमन मूसा अऊ हारून के बिरूध बड़बड़ाय लगिन, अऊ पूरा सभा ह ओमन ला कहिस, “बने होतिस कि हमन मिसर म मर गे होतेंन! या ये सुन्ना जगह म मर जातेंन! 
\v 3 तलवार ले मारे जाय बर ही यहोवा ह हमन ला ये देस म काबर लानत हे? हमर घरवाली अऊ लइकामन ला लूट के सामान सहीं ले लिये जाही। का येह बने नइं होही कि हमन मिसर देस वापिस चले जावन?” 
\v 4 अऊ ओमन एक-दूसर ला कहिन, “आवव, हमन अपन बर एक अगुवा चुनके वापिस मिसर देस चल देवन।”
\p
\v 5 तब उहां जूरे सबो इसरायली समाज के आघू म मूसा अऊ हारून मुहूं के बल गिरिन। 
\v 6 नून के बेटा यहोसू अऊ यपुन्ने के बेटा कालेब दुखी होके अपन कपड़ा चीरिन; ये दूनों ओ दल म रिहिन, जेमन ओ देस के पता लगाय गे रिहिन। 
\v 7 ये दूनों इसरायलीमन के पूरा सभा ला कहिन, “जऊन देस म हमन गे रहेंन अऊ खोजबीन करके आय हन, ओह बहुंत ही बने देस अय। 
\v 8 यदि यहोवा ह हमन ले खुस हवय, त ओह हमन ला ओ देस म ले जाही, जिहां दूध अऊ मंधरस के भरमार हे, अऊ ओह ओ देस हमन ला दीही। 
\v 9 यहोवा के बिरूध बिदरोह झन करव। अऊ ओ देस के मनखेमन ले झन डरव, काबरकि हमन ओमन ला नास कर देबो। ओमन के सुरकछा ह हट गे हवय, पर यहोवा ह हमर संग हवय। ओमन ले झन डरावव।”
\p
\v 10 पर पूरा सभा के मनखेमन ओमन ला पथरवाह करे के बात करत रिहिन। तब मिलापवाला तम्बू करा जम्मो इसरायलीमन ऊपर यहोवा के महिमा परगट होईस। 
\v 11 यहोवा ह मूसा ला कहिस, “कब तक ये मनखेमन मोर संग अपमान के बरताव करत रहिहीं? मोर दुवारा येमन के बीच म ये जम्मो चिनहां देखाय के बाद भी, येमन कब तक मोर ऊपर बिसवास नइं करहीं? 
\v 12 मेंह महामारी लानके ओमन ला नास कर दूहूं, पर मेंह तोर दुवारा एक बड़े जाति बनाहूं, जऊन ह येमन ले घलो बड़े अऊ सक्तिसाली होही।”
\p
\v 13 मूसा ह यहोवा ला कहिस, “तब तो मिसर देस के मनखेमन येकर बारे म सुनहीं! तेंह अपन सामर्थ ले ये इसरायलीमन ला ओमन के बीच ले निकाल लाने हस। 
\v 14 अऊ ओमन ये देस के निवासीमन ला येकर बारे म बताहीं। ओमन ये बात ला सुने हवंय कि तें यहोवा ये मनखेमन के संग रहिथस अऊ ये कि तें यहोवा आमने-सामने दिखथस, कि तोर बादर ह येमन के ऊपर ठहिरे रहिथे, अऊ ये घलो कि तेंह दिन के बेरा बादर के एक खंभा के रूप म अऊ रथिया आगी के एक खंभा के रूप म येमन के आघू-आघू रेंगथस। 
\v 15 यदि तेंह ये जम्मो मनखेमन ला मार डारबे, कोनो ला नइं छोंड़बे, त ओ जाति के मनखेमन, जऊन मन येला सुने हवंय, ओमन कहिहीं, 
\v 16 ‘यहोवा ह ये इसरायलीमन ला ओ देस म नइं लाने सकिस, जेकर वायदा ओह येमन ले कसम खाके करे रिहिस, एकरसेति ओह येमन ला सुन्ना जगह म मार डारिस।’
\p
\v 17 “पर अब परभू के सक्ति ह परगट होवय, जइसे कि तेंह घोसना करे हस: 
\v 18 ‘यहोवा ह कोरोध करे म धीमा, मया ले भरपूर अऊ पाप अऊ बिदरोह ला छेमा करइया ए। फेर दोसी ला ओह निरदोस नइं छोंड़य; ओह दाई-ददा के पाप बर ओमन के लइकामन ला तीसरा अऊ चौथा पीढ़ी तक दंड\f + \fr 14:18 \fr*\ft \+xt निर 34:6\+xt*\ft*\f* देथे।’ 
\v 19 तोर महान मया के मुताबिक, ये मनखेमन के पाप ला छेमा कर, जइसे कि तेंह येमन ला मिसर देस ले निकल आय के समय ले लेके अब तक छेमा करत आय हस।”
\p
\v 20 यहोवा ह जबाब दीस, “तोर बिनती के मुताबिक मेंह येमन ला छेमा कर दे हंव। 
\v 21 तभो ले, मोर जिनगी के कसम अऊ जब तक पूरा धरती ह यहोवा के महिमा ले भरे हवय, 
\v 22 ओ जम्मो झन, जऊन मन मोर महिमा अऊ चिनहांमन ला मिसर अऊ सुन्ना जगह म देखिन, ओमा के जऊन मन भी मोर बात ला नइं मानिन अऊ दस बार मोला जांचिन-परखिन— 
\v 23 ओमन कोनो भी ओ देस ला देखे नइं पाहीं, जेकर वायदा मेंह ओमन के पुरखामन ले कसम खाके करे रहेंव। मोर अपमान करइयामन कभू ओ देस ला देखे नइं पाहीं। 
\v 24 पर काबरकि मोर सेवक कालेब करा एक अलग आतमा हवय अऊ ओह पूरा मन से मोर पाछू चलथे, एकरसेति मेंह ओला उहां ले जाहूं, जिहां ओह गे रिहिस, अऊ ओकर संतानमन ओ देस ऊपर अधिकार करहीं। 
\v 25 काबरकि अमालेकीमन अऊ कनानीमन ओ घाटीमन म रहत हें, एकरसेति कल तुमन वापिस लहुंटव अऊ लाल-समुंदर\f + \fr 14:25 \fr*\ft या \ft*\fqa नरकटमन के समुंदर\fqa*\f* के तीरे-तीर रसता ले सुन्ना जगह कोति आघू बढ़व।”
\p
\v 26 तब यहोवा ह मूसा अऊ हारून ला कहिस: 
\v 27 “ये दुस्ट समाज के मनखेमन कब तक मोर बिरूध बड़बड़ावत रहिहीं? मेंह ये बड़बड़ानेवाले इसरायलीमन के सिकायत ला सुने हंव। 
\v 28 एकरसेति ओमन ले कह, ‘यहोवा अपन जिनगी के कसम खाके घोसना करत हे, जऊन बात तुमन मोर सुनत म कहे हव, में तुम्हर संग वइसने ही करहूं। 
\v 29 ये सुन्ना जगह म ही तुम्हर लास पड़े रहिही—ओ जम्मो, जऊन मन बीस साल या जादा उमर के हवंय, जेमन के गनती हो चुके हवय अऊ जेमन मोर बिरूध बड़बड़ाय हवंय। 
\v 30 यपुन्ने के बेटा कालेब अऊ नून के बेटा यहोसू के छोंड़, तुमन म ले कोनो ओ देस म जाय नइं सकहू, जेला तुम्हर घर बनाय बर मेंह हांथ उठाके कसम खाय रहेंव। 
\v 31 जहां तक तुम्हर लइकामन के बात ए, जेमन के लूट म जाय के बारे म तुमन कहे रहेव, मेंह ओमन ला ओ देस म आनंद करे बर लानहूं, जेला तुमन ठुकरा दे हव। 
\v 32 पर जहां तक तुम्हर बात अय, तुमन ये सुन्ना जगह म मर जाहू। 
\v 33 तुम्हर बिसवासघात के कारन, तुम्हर लइकामन चालीस बछर तक दुख भोगत इहां चरवाहा होके रहिहीं, जब तक कि तुम्हर आखिरी जन ये सुन्ना जगह म मर नइं जाही। 
\v 34 तुमन चालीस दिन तक ओ देस के खोजबीन करे रहेव—एक दिन के पाछू एक साल याने कि चालीस साल तक तुमन अपन पाप के दुख भोगहू, तब तुमन जानहू कि मोर बिरूध होय के मतलब का होथे।’ 
\v 35 में, यहोवा ये बात ला कहे हवंव, अऊ मेंह खचित ये पूरा दुस्ट समाज के संग अइसने ही करहूं, जेमन मोर बिरूध म एक जुट हो गे हवंय। ये सुन्ना जगह म येमन के आखिरी समय बीतही; इहां ओमन मर जाहीं।”
\p
\v 36 ओ मनखे जेमन ला मूसा ह ओ देस के खोजबीन करे बर पठोय रिहिस, ओमन लहुंटके ओ देस के बारे म गलत बात कहिके मूसा के बिरूध जम्मो समाज ला बड़बड़ाय बर उभारे रिहिन— 
\v 37 ये मनखे जेमन ओ देस के बारे म गलत बात फईलाय बर जिम्मेदार रिहिन, ओ जम्मो के जम्मो मार डारे गीन अऊ यहोवा के आघू म एक महामारी ले मर गीन। 
\v 38 जऊन मनखेमन ओ देस के खोजबीन करे बर गे रिहिन, ओमा ले सिरिप नून के बेटा यहोसू अऊ यपुन्ने के बेटा कालेब बांचिन।
\p
\v 39 जब मूसा ह जम्मो इसरायलीमन ला ये बात बताईस, त ओमन बहुंत सोक मनाईन। 
\v 40 दूसर दिन बड़े बिहनियां ये कहिके ओमन पहाड़ी देस के चोटी कोति आघू बढ़िन, “खचित हमन पाप करे हन! पर अब हमन ओ देस म जाय बर तियार हन, जेकर वायदा यहोवा ह करे हवय।”
\p
\v 41 पर मूसा ह कहिस, “तुमन काबर यहोवा के हुकूम ला नइं मानत हव? तुम्हर ये काम सफल नइं होवय! 
\v 42 तुमन ऊपर झन जावव, काबरकि यहोवा ह तुम्हर संग नइं ए। तुमन अपन बईरीमन ले हार जाहू, 
\v 43 अमालेकीमन अऊ कनानीमन उहां तुम्हर सामना करहीं। काबरकि तुमन यहोवा के रसता ले हट गे हव, एकरसेति ओह तुम्हर संग नइं रहय अऊ तुमन तलवार ले मार डारे जाहू।”
\p
\v 44 तभो ले, ओमन अपन ढिठई म पहाड़ी देस के चोटी कोति आघू बढ़िन, पर न तो मूसा अऊ न ही यहोवा के करार के सन्दूक ह सिविर ले आघू बढ़िस। 
\v 45 तब अमालेकीमन अऊ कनानीमन, जेमन ओ पहाड़ी देस म रहत रिहिन, ओमन खाल्हे उतरके इसरायलीमन ऊपर हमला कर दीन अऊ ओमन ला होरमा सहर तक मारत चले गीन।
\c 15
\s1 पूरक-बलिदान
\p
\v 1 यहोवा ह मूसा ला कहिस, 
\v 2 “इसरायलीमन ले बात कर अऊ ओमन ला कह: ‘जब तुमन ओ देस म हबरव, जेला मेंह तुम्हर घर के रूप म देवत हंव 
\v 3 अऊ तुमन यहोवा ला सुख-देवइया खुसबू के रूप म भेड़-बकरी या गाय-बईला के झुंड ले जेवन-बलिदान चघावव—चाहे होम-बलिदान या चढ़ावा होवय, बिसेस मन्नत या स्वेच्छा-बलिदान या तिहार-बलिदान होवय— 
\v 4 त जऊन मनखे ह चढ़ावा लानथे, ओह यहोवा ला जैतून तेल के एक हीन\f + \fr 15:4 \fr*\ft लगभग 1 लीटर\ft*\f* के चौथा भाग म सनाय उत्तम पीसान के एक एपा\f + \fr 15:4 \fr*\ft लगभग 1.6 किलोग्राम\ft*\f* के दसवां भाग के एक अन्न-बलिदान चघावय। 
\v 5 होम-बलिदान या चढ़ावा बर हर एक मेढ़ा-पीला के संग पेय-बलिदान के रूप म अंगूर के मंद के एक हीन के चौथा भाग\f + \cat dup\cat*\fr 15:5 \fr*\ft लगभग 1 लीटर\ft*\f* तियार करव।
\p
\v 6 “ ‘एक मेढ़ा-पीला के संग जैतून तेल के एक हीन के तीसरा भाग\f + \fr 15:6 \fr*\ft लगभग 1.3 लीटर\ft*\f* म सनाय उत्तम पीसान के एक एपा के दू-दसवां भाग\f + \fr 15:6 \fr*\ft लगभग 3.2 किलोग्राम\ft*\f* के एक अन्न-बलिदान, 
\v 7 अऊ पेय-बलिदान बर अंगूर के मंद के एक हीन के तीसरा भाग ला, यहोवा ला सुख-देवइया सुगंध के रूप म चघावव।
\p
\v 8 “ ‘जब तुमन यहोवा बर एक होम-बलिदान या चढ़ावा, एक बिसेस मन्नत या मेल-बलिदान के चढ़ावा बर एक बछवा तियार करथव, 
\v 9 त बछवा के संग जैतून तेल के आधा हीन\f + \fr 15:9 \fr*\ft लगभग 1.9 लीटर\ft*\f* ले सनाय उत्तम पीसान के एक एपा के तीन-दसवां भाग\f + \fr 15:9 \fr*\ft लगभग 5 किलोग्राम\ft*\f* के एक अन्न-बलिदान लानव, 
\v 10 अऊ पेय-बलिदान के रूप म आधा हीन अंगूर के मंद\f + \fr 15:10 \fr*\ft लगभग 2 लीटर\ft*\f* घलो लानव। येह यहोवा ला महकत सुख-देवइया एक जेवन-बलिदान होही। 
\v 11 हर बछवा या मेढ़ा, हर मेढ़ा-पीला या छेरी-पीला ला इही तरीका ले तियार करे जावय। 
\v 12 हर एक बलिदान के तियारी बर, तुमन इही तरीका अपनावव।
\p
\v 13 “ ‘हर एक मनखे, जऊन ह उहां देस म जनमे हवय, ओह ये चीजमन ला ये किसम ले करय, जब ओह यहोवा ला महकत सुख-देवइया एक जेवन-बलिदान चघाथे। 
\v 14 अवइया पीढ़ी-पीढ़ी तक, जब कोनो परदेसी या कोनो अऊ मनखे, जऊन ह तुम्हर बीच म रहत हे, यदि ओह यहोवा ला महकत सुख-देवइया जेवन-बलिदान चघाथे, त ओह वइसने ही करय जइसने तुमन करथव। 
\v 15 तुम्हर बर अऊ तुम्हर बीच रहइया परदेसी बर समाज के ओहीच नियम होवय; येह अवइया पीढ़ी-पीढ़ी तक हमेसा के बिधि ठहिरय। तुमन अऊ परदेसीमन यहोवा के आघू म एक समान होहू: 
\v 16 ओहीच कानून अऊ बिधि तुम्हर अऊ तुम्हर बीच रहइया परदेसी दूनों बर लागू होही।’ ”
\p
\v 17 फेर यहोवा ह मूसा ला कहिस, 
\v 18 “इसरायलीमन ले बात कर अऊ ओमन ला कह: ‘जऊन देस म मेंह तुमन ला ले जावत हंव, जब तुमन उहां हबरव 
\v 19 अऊ ओ देस के जेवन ला खावव, त ओकर एक भाग यहोवा ला बलिदान के रूप म चघावव। 
\v 20 अपन भुइयां के ऊपज के पहिली भाग के रूप म एक रोटी चघावव अऊ येला कोठार के बलिदान के रूप म चघावव। 
\v 21 अवइया पीढ़ी-पीढ़ी तक तुमन ला अपन भुइयां के पहिली ऊपज ले यहोवा ला ये बलिदान चघाना हे।
\s1 अनजाने म करे गे पाप के बलिदान
\p
\v 22 “ ‘यदि समाज के रूप म तुमन अनजाने म, यहोवा के मूसा ला दिये कोनो हुकूम के पालन करे म असफल होथव— 
\v 23 यहोवा दुवारा मूसा के जरिये तुमन ला दिये कोनो हुकूम, जेह पीढ़ी-पीढ़ी ले चले आवत हे— 
\v 24 अऊ यदि येह अनजाने म समाज के बिगर जानकारी म होथे, तब पूरा समाज ह यहोवा ला एक महकत सुख-देवइया होम-बलिदान बर एक बछवा चघावय, अऊ संग म येकर बताय गे अन्न-बलिदान अऊ पेय-बलिदान, अऊ एक ठन बोकरा पाप-बलिदान\f + \fr 15:24 \fr*\ft या \ft*\fqa सुधिकरन-बलिदान\fqa*\f* बर चघावय। 
\v 25 पुरोहित ह पूरा इसरायली समाज बर प्रायस्चित करय, अऊ ओमन के पाप छेमा हो जाही, काबरकि ये पाप ह जानबूझके नइं करे गे रिहिस अऊ ओमन यहोवा ला अपन गलती बर जेवन-बलिदान अऊ पाप-बलिदान चघाय हवंय। 
\v 26 पूरा इसरायली समाज अऊ ओमन के बीच रहइया परदेसीमन के पाप छेमा हो जाही, काबरकि ओ जम्मो झन अनजाने म करे गे गलती म सामिल रिहिन।
\p
\v 27 “ ‘पर यदि एक मनखे ह अनजाने म पाप करथे, त ओ मनखे ह पाप-बलिदान बर एक साल के बकरी लानय। 
\v 28 पुरोहित ह यहोवा के आघू म ओ मनखे बर प्रायस्चित करय, जऊन ह अनजाने म पाप करे हवय, अऊ जब प्रायस्चित कर लिये जाथे, त ओ मनखे के पाप छेमा हो जाही। 
\v 29 ओहीच कानून हर ओ मनखे ऊपर लागू होथे, जऊन ह अनजाने म पाप करथे, चाहे ओह देस म जनमे कोनो इसरायली हो या फेर तुम्हर बीच म रहइया कोनो परदेसी।
\p
\v 30 “ ‘पर ओ मनखे, जऊन ह जानबूझके पाप करथे, अऊ यहोवा के निन्दा करथे, चाहे जनमजात देसी हो या परदेसी, ओला इसरायलीमन ले जरूर अलग करे जावय। 
\v 31 काबरकि ओह यहोवा के बचन ला तुछ समझिस अऊ ओकर हुकूम ला टोरे हवय, ओला खचित अलग कर दिये जावय; ओकर दोस ओकर ऊपर बने रहिथे।’ ”
\s1 बिसराम दिन के नियम टोरइया मार डारे जावय
\p
\v 32 जब इसरायलीमन सुन्ना जगह म रिहिन, त एक मनखे मिलिस, जऊन ह बिसराम दिन म लकड़ी बीनत रहय। 
\v 33 जेमन ला ओह लकड़ी बीनत मिलिस, ओमन ओला मूसा अऊ हारून अऊ जम्मो सभा के आघू म लानिन, 
\v 34 अऊ ओमन ओला हिरासत म रखिन, काबरकि अइसे मनखे के संग का करे जावय, ये बात ह साफ नइं रिहिस। 
\v 35 तब यहोवा ह मूसा ला कहिस, “ओ मनखे के मरना जरूरी ए। सिविर के बाहिर पूरा सभा ह ओला पथरवाह करय।” 
\v 36 तब सभा ह ओला सिविर के बाहिर ले गीस अऊ पथरवाह करके मार डारिस, जइसे कि यहोवा ह मूसा ला हुकूम दे रिहिस।
\s1 कपड़ा म झालर
\p
\v 37 फेर यहोवा ह मूसा ला कहिस, 
\v 38 “इसरायलीमन ले बात कर अऊ ओमन ला कह: ‘अवइया पीढ़ी-पीढ़ी तक तुमन अपन कपड़ा के छोर म झालर लगाय करव, अऊ हर झालर ह नीला रंग के डोरी ले बने रहय। 
\v 39 ये झालरमन ला जब भी तुमन देखहू, त येह तुमन ला यहोवा के ओ जम्मो हुकूम ला सुरता कराही, जेकर पालन तुमन ला करना हे अऊ तुमन अपन मन अऊ आंखी के लालसा म पड़के अपनआप से बेभिचार नइं करहू। 
\v 40 तब तुमन मोर जम्मो हुकूम ला पालन करे बर सुरता करहू अऊ अपनआप ला अपन परमेसर बर पबितर करहू। 
\v 41 मेंह यहोवा तुम्हर परमेसर अंव, जऊन ह तुम्हर परमेसर होय बर तुमन ला मिसर देस ले निकाल लानिस। मेंह यहोवा तुम्हर परमेसर अंव।’ ”
\c 16
\s1 कोरह, दातान अऊ अबीराम
\p
\v 1 कोरह, जेह लेवी के परपोता, कहात के पोता अऊ ईसहार के बेटा रिहिस, अऊ कुछू रूबेनी—जेमा एलीआब के बेटा दातान अऊ अबीराम, अऊ पेलेत के बेटा ओन—उदंड हो गीन 
\v 2 अऊ येमन आके मूसा के बिरूध हो गीन। ओमन के संग 250 इसरायली मनखे घलो सामिल हो गीन, जेमन समाज के नामी अगुवा अऊ समिति के सदस्य घलो चुने गे रिहिन। 
\v 3 ओमन मूसा अऊ हारून के बिरोध करे बर एक दल के रूप म आईन अऊ ओमन ला कहिन, “तुमन अति कर दे हवव! पूरा समाज ह पबितर हे; येमा के हर एक जन पबितर हे, अऊ यहोवा ह ओमन के संग हवय। तब तुमन अपनआप ला यहोवा के सभा के ऊपर काबर ठहिराथव?”
\p
\v 4 मूसा ह येला सुनके, दुख म मुहूं-भरसा गिरिस। 
\v 5 तब ओह कोरह अऊ ओकर जम्मो दल ला कहिस: “कल बिहनियां यहोवा ह देखाही कि कोन ह ओकर अय अऊ कोन ह पबितर हवय, अऊ ओह ओ मनखे ला अपन लकठा म आवन दीही। जऊन मनखे ला ओह चुनही, ओला ओह अपन लकठा म लानही। 
\v 6 हे कोरह, तें अऊ तोर पाछू चलइया मनखेमन ये काम करव: धूपदानमन ला लेवव 
\v 7 अऊ कल यहोवा के आघू म ओमा कोइला के अंगरा अऊ धूप डालव। जऊन मनखे ला यहोवा ह चुनही, ओह पबितर अय। तुम लेवीमन अति कर दे हवव!”
\p
\v 8 मूसा ह कोरह ला ये घलो कहिस, “हे लेवीमन, तुमन सुनव! 
\v 9 का येह तुम्हर बर परयाप्त नो हय कि इसरायल के परमेसर ह तुमन ला बाकि इसरायली समाज ले अलग करे हवय अऊ तुमन ला अपन लकठा म लाने हवय कि तुमन यहोवा के पबितर-तम्बू म सेवा करव अऊ समाज के आघू म ठाढ़ होके ओमन के सेवा करव? 
\v 10 ओह तोला अऊ तोर जम्मो संगी लेवीमन ला अपन लकठा म लाने हवय, पर अब तेंह पुरोहित के पद ला घलो पाय के कोसिस करत हस। 
\v 11 ये काम ह यहोवा के बिरूध अय कि तें अऊ तोर जम्मो मंडली एक संग जूरे हव। हारून ह कोन ए कि तेंह ओकर बिरूध म बड़बड़ावत हस?”
\p
\v 12 तब मूसा ह एलीआब के बेटा दातान अऊ अबीराम ला बुलवाईस, पर ओमन कहिन, “हमन नइं आवन! 
\v 13 का येह परयाप्त नो हय कि तेंह दूध अऊ मंधरस के भरमार वाले देस ले हमन ला ये सुन्ना जगह म मारे बर ले आय हस? अऊ अब हमर ऊपर मालिक बने चाहत हस! 
\v 14 येकर छोंड़, तेंह हमन ला अइसन देस म नइं लाने, जिहां दूध अऊ मंधरस के भरमार हे अऊ न ही हमन ला खेत अऊ अंगूर के बारीमन के उत्तराधिकार दे हस। का ये मनखेमन संग गुलाम सहीं बरताव करे चाहथस\f + \fr 16:14 \fr*\ft का तें ये \ft*\fq मनखेमन \fq*\ft के \ft*\fqa आंखी ला निकाल देय चाहथस\fqa*\f*? नइं, हमन नइं आवन!”
\p
\v 15 तब मूसा ह बहुंत गुस्सा होईस अऊ यहोवा ला कहिस, “ओमन के भेंट ला गरहन झन कर। मेंह ओमन ले एक गदहा तक नइं ले हंव, अऊ न ही ओमन के कुछू हानि करे हंव।”
\p
\v 16 मूसा ह कोरह ले कहिस, “तें अऊ तोर जम्मो मंडली ला कल यहोवा के आघू म आना हे—तें अऊ तोर संगीमन अऊ हारून। 
\v 17 हर मनखे अपन धूपदान ला लेवय अऊ ओमा धूप डालय—कुल मिलाके 250 धूपदान—येला यहोवा के आघू म अरपन करव। तें अऊ हारून घलो अपन धूपदान ला अरपन करव।” 
\v 18 तब ओमन के हर एक जन अपन-अपन धूपदान ला लीन, ओमा कोइला के अंगरा अऊ धूप डालिन, अऊ मिलापवाला तम्बू के मुंहटा म मूसा अऊ हारून के संग ठाढ़ हो गीन। 
\v 19 जब कोरह ह अपन जम्मो पाछू चलइयामन ला मिलापवाला तम्बू के मुंहटा म ओमन के बिरोध म इकट्ठा कर लीस, त यहोवा के महिमा ह जम्मो सभा ऊपर परगट होईस। 
\v 20 यहोवा ह मूसा अऊ हारून ला कहिस, 
\v 21 “अपनआप ला ये सभा ले अलग करव, ताकि मेंह तुरते येमन ला खतम कर दंव।”
\p
\v 22 पर मूसा अऊ हारून दुख म मुहूं-भरसा गिरिन अऊ गोहार पारके कहिन, “हे परमेसर, तेंह जम्मो जीयत परानीमन ला सांस देथस, त का सिरिप एक आदमी के पाप करे के कारन पूरा सभा ऊपर गुस्सा करबे?”
\p
\v 23 तब यहोवा ह मूसा ला कहिस, 
\v 24 “इसरायली सभा ला कह, ‘कोरह, दातान अऊ अबीराम के तम्बू ले हट जावव।’ ”
\p
\v 25 मूसा ह उठिस अऊ दातान अऊ अबीराम करा गीस, अऊ इसरायल के अगुवामन ओकर पाछू-पाछू गीन। 
\v 26 ओह इसरायली सभा ला चेताईस, “ये दुस्ट मनखेमन के तम्बू ले दूरिहा हट जावव! ओमन के कुछू भी चीज ला झन छुवव, नइं तो ओमन के जम्मो पाप के कारन तुमन खतम हो जाहू।” 
\v 27 तब ओमन कोरह, दातान अऊ अबीराम के तम्बू ले दूरिहा हट गीन। दातान अऊ अबीराम बाहिर निकलके अपन-अपन घरवाली, लइका अऊ छोटे लइकामन संग अपन-अपन तम्बू के दुवार म खड़े रिहिन।
\p
\v 28 तब मूसा ह कहिस, “ये किसम ले तुमन जान लूहू कि यहोवा ह ये जम्मो काम करे बर मोला पठोय हवय अऊ येह मोर उपाय नो हय। 
\v 29 यदि ये मनखेमन सुभाविक मऊत मरके जम्मो मानव-जाति सहीं दुख भोगथें, तब यहोवा ह मोला नइं पठोय हे। 
\v 30 पर यदि यहोवा ह कुछू एकदम नवां चीज करथे, अऊ धरती ह अपन मुहूं फारथे अऊ येमन ला येमन के जम्मो चीज के संग लील लेथे, अऊ येमन जीयत खाल्हे अधोलोक\f + \fr 16:30 \fr*\fq अधोलोक \fq*\ft या \ft*\fqa मरे मनखेमन के लोक\fqa*\f* म चले जावंय, तब तुमन जान लूहू कि ये मनखेमन यहोवा के अपमान करे हवंय।”
\p
\v 31 मूसा के ये बात खतम होते ही, ओमन के खाल्हे भुइयां ह दू भाग म फट गीस 
\v 32 अऊ धरती ह अपन मुहूं ला फारिस अऊ ओमन ला अऊ ओमन के घर के सामान अऊ कोरह के संग के जम्मो मनखे अऊ ओमन के सामान ला लील लीस। 
\v 33 ओमन जीते जी खाल्हे अधोलोक म अपन सामान सहित हमा गीन; ओमन के हमाय के बाद, धरती फेर जस के तस हो गीस, अऊ ओमन नास होके समाज के बीच ले मिटा गीन। 
\v 34 ओमन के चिल्लई सुनके, ओमन के आसपास के जम्मो इसरायलीमन ये चिचियावत भागिन, “धरती ह हमन ला घलो लीलनेवाला हे!”
\p
\v 35 तब यहोवा ले आगी निकलिस अऊ ओ 250 आदमी ला भसम कर दीस, जऊन मन धूप चढ़ात रिहिन।
\p
\v 36 तब यहोवा ह मूसा ला कहिस, 
\v 37 “हारून पुरोहित के बेटा एलिआजर ला कह कि ओह आगी म ले धूपदानमन ला हटा ले अऊ बरत कोइला ला कुछू दूरिहा म बगरा दे, काबरकि ओ धूपदानमन पबितर अंय— 
\v 38 ओ मनखेमन के धूपदान, जऊन मन पाप के बदले अपन परान गंवाय हें। ओ धूपदानमन ला पीटके चद्दर बना दव, ताकि ओह बेदी म मढ़े जावय, काबरकि ओमन यहोवा ला चढ़ाय गे रिहिन अऊ पबितर हो गे हवंय। येमन इसरायलीमन बर एक चिनहां ठहिरंय।”
\p
\v 39 तब एलिआजर पुरोहित ह ओ कांसा के धूपदानमन ला संकेलिस, जेला ओमन लाने रिहिन, जेमन जलके मर गीन, अऊ ओह ओमन ला बेदी ऊपर मढ़े बर पीट-पीटके चद्दर बना दीस, 
\v 40 जइसे कि यहोवा ह ओला मूसा के दुवारा निरदेस देय रिहिस। अइसने इसरायली सभा ला सुरता कराय बर करे गीस, ताकि हारून के संतानमन ला छोंड़ अऊ कोनो आने मनखे आके यहोवा के आघू म धूप झन जलावय, नइं तो ओह कोरह अऊ ओकर संगवारीमन सहीं हो जाही।
\p
\v 41 ओकर दूसर दिन पूरा इसरायली समाज ह मूसा अऊ हारून के बिरूध ये कहिके बड़बड़ाय लगिस, “तुमन यहोवा के मनखेमन ला मार डारेव।”
\p
\v 42 पर जब ओ सभा ह मूसा अऊ हारून के बिरोध म जूरिस अऊ मिलापवाला तम्बू कोति मुड़िस, त अचानक बादर ह तम्बू ला ढांप लीस अऊ यहोवा के महिमा परगट होईस। 
\v 43 तब मूसा अऊ हारून मिलापवाला तम्बू के सामने गीन, 
\v 44 अऊ यहोवा ह मूसा ला कहिस, 
\v 45 “ये सभा ले दूरिहा चल दे ताकि मेंह अभीच येमन ला खतम कर दंव।” अऊ मूसा अऊ हारून दुख म मुहूं-भरसा गिरिन।
\p
\v 46 तब मूसा ह हारून ला कहिस, “अपन धूपदान ला ले अऊ ओमा बेदी के बरत कोइला लेके ओमा धूप डाल, अऊ बिगर देरी करे सभा के मनखेमन करा जा अऊ ओमन बर पछताप कर। यहोवा के कोप ह भड़के हवय; अऊ महामारी ह सुरू हो गे हवय।” 
\v 47 हारून ह वइसने ही करिस, जइसने मूसा ह कहिस, अऊ ओह सभा के बीच म दऊड़के गीस। महामारी ह मनखेमन के बीच सुरू हो गे रिहिस, पर हारून ह धूप चढ़ाईस अऊ ओमन बर पछताप करिस। 
\v 48 ओह मरे अऊ जीयत मनखेमन के बीच ठाढ़ होईस, अऊ महामारी ह रूक गीस। 
\v 49 पर 14,700 मनखे महामारी ले मर गीन; येह ओमन ला छोंड़के आय, जेमन कोरह के कारन मरे रिहिन। 
\v 50 तब हारून ह मिलापवाला तम्बू के दुवार म मूसा करा लहुंट आईस, काबरकि महामारी ह खतम हो गे रिहिस।\f + \fr 16:50 \fr*\ft इबरानी म \+xt 16:36‑50\+xt* ला 17:1‑15 गने गे हवय\ft*\f*
\c 17
\s1 हारून के लउठी म अंकुर निकलई
\p \f + \fr 17 \fr*\ft इबरानी म \+xt 17:1‑13\+xt* ला 17:16‑28 गने गे हवय\ft*\f* 
\v 1 फेर यहोवा ह मूसा ला कहिस, 
\v 2 “इसरायलीमन ले गोठिया अऊ ओमन ले बारह ठन लउठी ले, ओमन के पुरखा के गोत्र के हर अगुवा ले एक ठन लउठी। हर एक अगुवा के नांव ओकर लउठी म लिख। 
\v 3 लेवी के लउठी म हारून के नांव लिख, काबरकि हर गोत्र के मुखिया के नांव म एक लउठी होना चाही। 
\v 4 ओ लउठीमन ला मिलापवाला तम्बू म करार कानून के सन्दूक के आघू म रख, जिहां मेंह तुम्हर ले मिलथंव। 
\v 5 तब ओ मनखे जेला मेंह चुनहूं, ओकर लउठी म पीका निकलही, अऊ इसरायलीमन तोर बिरूध म जऊन लगातार बड़बड़ावत हें, ओकर ले मेंह अपनआप ला अलग कर लूहूं।”
\p
\v 6 त मूसा ह इसरायलीमन ले बात करिस, अऊ ओमन के अगुवामन ओला बारह ठन लउठी दीन, ओमन के पुरखा के गोत्र के हर अगुवा बर एक ठन लउठी, अऊ हारून के लउठी घलो ओमा रिहिस। 
\v 7 मूसा ह लउठीमन ला करार कानून के तम्बू म यहोवा के आघू म रखिस।
\p
\v 8 ओकर दूसर दिन मूसा ह तम्बू के भीतर गीस, त ओह देखिस कि लेवी गोत्र के हारून के लउठी म सिरिप पीका ही नइं निकले रिहिस, पर ओमा कली निकलके, फूल फूटके ओमा बादाम फर भी लगे रिहिस। 
\v 9 तब मूसा ह जम्मो लउठी ला यहोवा के आघू ले निकालके इसरायलीमन करा ले आईस। ओमन लउठीमन ला देखिन, अऊ हर एक अगुवा ह अपन-अपन लउठी ला ले लीस।
\p
\v 10 तब यहोवा ह मूसा ला कहिस, “हारून के लउठी ला करार कानून के सन्दूक के आघू म वापिस रख दे, ताकि येह बिदरोहीमन बर एक चिनहां के रूप म रहय। येह मोर बिरूध ओमन के बड़बड़ई ला खतम कर दीही, अऊ ओमन नइं मरहीं।” 
\v 11 मूसा ह वइसे ही करिस, जइसे यहोवा ह ओला हुकूम दे रिहिस।
\p
\v 12 इसरायलीमन मूसा ले कहिन, “हमन मर जाबो! हमन भटक गे हन, हमन जम्मो झन भटक गे हन! 
\v 13 जऊन ह यहोवा के पबितर-तम्बू के लकठा म भी आही, ओह मर जाही। का हमन जम्मो के जम्मो मर जाबो?”
\c 18
\s1 पुरोहित अऊ लेवीमन के काम
\p
\v 1 यहोवा ह हारून ला कहिस, “तें, तोर बेटामन अऊ तोर परिवार, पबितर-स्थान ले संबंधित अपराध के काम के जिम्मेदारी लेवंय, अऊ तें अऊ तोर बेटामन पुरोहित के पद ले संबंधित अपराध के जिम्मेदारी लेवंय। 
\v 2 तोर पुरखा के गोत्र के तोर लेवी संगीमन ला अपन संग लेय ले, ताकि जब तें अऊ तोर बेटामन करार कानून के तम्बू के आघू म सेवा करव, त ओमन तुम्हर मदद करंय। 
\v 3 ओमन तोर बर जिम्मेदार होवंय अऊ तम्बू के जम्मो काम करंय, पर ओमन पबितर-स्थान के चीजमन के लकठा म या बेदी करा झन जावंय। नइं तो ओमन अऊ तें दूनों मर जाहू। 
\v 4 ओमन तोर संग काम करहीं अऊ मिलापवाला तम्बू के देखरेख बर जिम्मेदार होहीं—तम्बू के जम्मो काम बर—पर कोनो आने मनखे तोर लकठा म झन आवय।
\p
\v 5 “पबितर-स्थान अऊ बेदी के देखरेख बर तें जिम्मेदार होबे, ताकि मोर कोप ह इसरायलीमन ऊपर फेर झन भड़के। 
\v 6 मेंह इसरायलीमन के बीच ले तोर संगी लेवीमन ला चुने हवंव; येमन मिलापवाला तम्बू म काम करे बर यहोवा ला समरपित तोर बर एक भेंट के सहीं अंय। 
\v 7 पर सिरिप तें अऊ तोर बेटामन ही पुरोहित के रूप म बेदी ले संबंधित हर काम अऊ परदा के भीतर के काम करहू। मेंह तोला पुरोहित के पद ला एक भेंट के रूप म देवत हंव। यदि कोनो आने मनखे पबितर-स्थान के लकठा म आथे, त ओह मार डारे जावय।”
\s1 पुरोहित अऊ लेवीमन बर भेंट
\p
\v 8 तब यहोवा ह हारून ला कहिस, “मोला चघाय गे बलिदानमन के जिम्मेदारी मेंह खुद तोला देवत हंव; ओ जम्मो पबितर बलिदान, जेला इसरायलीमन मोला देथें, ओमन ला मेंह तोला अऊ तोर बेटामन ला तुम्हर भाग, तुम्हर हमेसा के भाग के रूप म देवत हंव। 
\v 9 सबले पबितर बलिदानमन, जेला आगी ले अलग रखे जाथे, ओमन तोर होहीं। ओ जम्मो भेंट म ले, जेला ओमन मोर करा सबले पबितर बलिदान के रूप म लानथें, चाहे ओह अन्न या पाप\f + \fr 18:9 \fr*\ft या \ft*\fqa सुधिकरन\fqa*\f* या दोस-बलिदान होवय, ओ भाग ह तोर अऊ तोर बेटामन के होही। 
\v 10 येला सबले पबितर चीज समझके खाय करव; हर एक पुरूस येला खावय। येला तेंह पबितर समझबे।
\p
\v 11 “येह घलो तोर अय: कोनो भी चीज, जेला इसरायलीमन के जम्मो हलाय-बलिदान के भेंट म ले अलग रखे जाथे। मेंह ये चीज तोला अऊ तोर बेटा अऊ बेटीमन ला तोर हमेसा के भाग के रूप म देवत हंव। तोर घर-परिवार के हर ओ मनखे जऊन ह रीति-बिधि से सुध हे, ओह येला खा सकथे।
\p
\v 12 “मेंह तोला ओ जम्मो बढ़िया जैतून तेल अऊ बढ़िया नवां अंगूर के मंद अऊ अनाज देवत हंव, जेला ओमन यहोवा ला अपन फसल के पहिली फर के रूप म देथें। 
\v 13 देस के ओ जम्मो पहिली-फसल, जेला ओमन यहोवा करा लानथें, ओह तोर होही। तोर घर-परिवार के हर ओ मनखे जऊन ह रीति-बिधि से सुध हे, ओह येला खा सकथे।
\p
\v 14 “इसरायल म कोनो भी चीज यहोवा ला अरपित करे जाथे, ओह तोर अय। 
\v 15 हर परानी के पहिलांत, चाहे ओह मनखे हो या पसु, जेला यहोवा ला अरपन करे जाथे, ओह तोर अय। पर जरूरी अय कि हर पहिलांत बेटा अऊ असुध पसु के हर पहिलांत नर ला दाम लेके छोंड़ देबे। 
\v 16 जब ओमन एक महिना के हो जाथें, त तेंह पबितर-स्थान के सेकेल के मुताबिक ठहिराय गे छुटकारा के दाम चांदी के पांच सेकेल\f + \fr 18:16 \fr*\ft लगभग 58 ग्राम\ft*\f* लेके ओमन ला छोंड़ देबे, येह वजन म बीस गेरा\f + \fr 18:16 \fr*\ft तऊले के सबले छोटे वजन\ft*\f* होथे।
\p
\v 17 “पर तेंह कोनो गाय, भेड़ या बकरी के पहिलांत ला दाम लेके झन छोंड़बे; येमन पबितर पसु अंय। ओमन के खून ला बेदी ऊपर छिड़कबे अऊ ओमन के चरबी ला यहोवा ला महकत सुख-देवइया एक जेवन-बलिदान के रूप म जलाबे। 
\v 18 ओमन के मांस ह तोर होवय, जइसे कि हलाय-बलिदान के छाती अऊ जेवनी जांघ ह तोर होथे। 
\v 19 जऊन पबितर बलिदान इसरायलीमन यहोवा ला चघाथें, ओमा ले अलग रखे गे कोनो भी चीज मेंह तोला अऊ तोर बेटा अऊ बेटीमन ला तोर हमेसा के भाग के रूप म देवत हंव। येह तोर अऊ तोर संतानमन बर यहोवा के आघू म हमेसा बर नून के करार ए।”
\p
\v 20 फेर यहोवा ह हारून ला कहिस, “ओमन के देस म तोर कोनो उत्तराधिकार नइं होही, अऊ न ही ओमन के बीच तोर कोनो भाग होही; इसरायलीमन के बीच म, मेंह तोर भाग अऊ उत्तराधिकार अंव।
\p
\v 21 “मिलापवाला तम्बू म लेवीमन सेवा के जऊन काम करथें, ओकर बदले म, मेंह इसरायल म ओमन ला उत्तराधिकार के रूप म जम्मो दसमांस देवत हंव। 
\v 22 अब के बाद, इसरायलीमन मिलापवाला तम्बू के लकठा म झन जावंय, नइं तो ओमन अपन पाप के परतिफल भोगहीं अऊ मर जाहीं। 
\v 23 येमन लेवी अंय, जेमन मिलापवाला तम्बू म काम करहीं अऊ येकर बिरूध करे गे कोनो अपराध के जिम्मेदारी ओमन ऊपर होही। येह अवइया पीढ़ी-पीढ़ी तक एक बिधि ठहिरय। इसरायलीमन के बीच म, ओमन के कोनो उत्तराधिकार नइं होही। 
\v 24 बदले म, मेंह लेवीमन ला ओमन के उत्तराधिकार के रूप म ओ दसमांस ला देवत हंव, जेला इसरायलीमन यहोवा करा एक बलिदान के रूप म चघाथें। एकरे कारन मेंह ओमन के बारे म कहेंव: ‘इसरायलीमन के बीच म ओमन के कोनो उत्तराधिकार नइं होही।’ ”
\p
\v 25 यहोवा ह मूसा ला कहिस, 
\v 26 “लेवीमन ले बात कर अऊ ओमन ला कह: ‘जब तुमन ला इसरायलीमन ले दसमांस मिलथे, जेला मेंह तुमन ला तुम्हर उत्तराधिकार के रूप म देथंव, त तुमन ओ दसमांस के दसवां भाग यहोवा ला भेंट के रूप म चघावव। 
\v 27 तुम्हर भेंट के हिसाब तुम्हर बर कोठार के अनाज के रूप म या अंगूर के रसकुंड के रस के रूप म करे जाही। 
\v 28 ये किसम ले तुमन घलो ओ जम्मो दसमांस म ले यहोवा ला एक भेंट चघाहू, जेह तुमन ला इसरायलीमन ले मिलथे। अऊ येह जरूरी अय कि ये दसमांस म ले यहोवा के भाग ला तुमन हारून पुरोहित ला देवव। 
\v 29 तुमन ला जऊन चीज भी दिये जाथे, ओ हर चीज के सबले बने अऊ पबितर भाग ला यहोवा के भाग मानके भेंट चघावव।’
\p
\v 30 “लेवीमन ला कह: ‘जब तुमन सबले बने भाग ला चघाथव, त येला तुम्हर बर कोठार के अनाज या अंगूर के रसकुंड के रस सहीं हिसाब करे जाही। 
\v 31 तुमन अपन परिवार सहित बांचे चीज ला कहूं मेर खा सकत हव, काबरकि येह तुम्हर मिलापवाला तम्बू म काम करे के मजदूरी अय। 
\v 32 येकर सबले बने भाग ला चघाय के दुवारा तुमन ये बात म दोसी नइं ठहिरहू; तब तुमन इसरायलीमन के पबितर बलिदानमन ला असुध नइं करहू, अऊ तुमन नइं मरहू।’ ”
\c 19
\s1 सुध करइया पानी
\p
\v 1 यहोवा ह मूसा अऊ हारून ला कहिस: 
\v 2 “येह कानून के एक जरूरत अय, जेकर हुकूम यहोवा ह दे हवय: इसरायलीमन ला कह कि ओमन एक लाल रंग के बछिया बिगर दोस के लानंय, जेकर ऊपर जुड़ा कभू नइं रखे गे हवय। 
\v 3 येला एलिआजर पुरोहित ला दे दव; येला सिविर के बाहिर लाने जावय अऊ ओकर आघू म मारे जावय। 
\v 4 तब एलिआजर पुरोहित ह एकर कुछू खून ला अपन अंगठी म लेवय अऊ येला मिलापवाला तम्बू के सामने कोति सात बार छिंचय। 
\v 5 ओकर बाद ओकर देखत म, ओ बछिया ला जला दिये जावय—ओकर चाम, मांस, लहू अऊ पोटा ला। 
\v 6 पुरोहित ह कुछू देवदार लकड़ी, जूफा अऊ सिन्दूरी रंग के ऊन लेवय अऊ ये चीजमन ला ओ बरत बछिया के ऊपर फटिक देवय। 
\v 7 ओकर बाद, जरूरी अय कि पुरोहित ह अपन ओनहा ला धोवय अऊ खुद नहावय। तब ओह सिविर म आवय, पर ओह बिधि के रूप म सांझ तक असुध रहिही। 
\v 8 जऊन मनखे ह येला जलाथे, ओह घलो अपन ओनहा ला जरूर धोवय अऊ नहावय, अऊ ओह घलो सांझ तक असुध रहिही।
\p
\v 9 “ओ मनखे जऊन ह सुध हे, ओह ओ बछिया के राख ला इकट्ठा करय अऊ ओला सिविर के बाहिर बिधि के रूप म सुध करे गे एक जगह म रख देवय। इसरायली समाज ह पानी ला सुध करे म येकर उपयोग करय; येह पाप ले सुध होय बर अय। 
\v 10 जऊन मनखे ह बछिया के राख ला इकट्ठा करथे, ओह घलो अपन ओनहा ला जरूर धोवय, अऊ ओह घलो सांझ तक असुध रहिही। येह इसरायली अऊ ओमन के बीच रहइया परदेसी दूनों बर हमेसा-हमेसा के एक बिधि ठहिरही।
\p
\v 11 “जऊन मनखे कोनो मनखे के लास ला छूही, त ओह सात दिन तक असुध रहिही। 
\v 12 जरूरी अय कि ओह तीसरा दिन अऊ सातवां दिन अपनआप ला पानी ले सुध करय; तब ओह सुध होही। पर यदि ओह तीसरा अऊ सातवां दिन अपनआप ला सुध नइं करय, त ओह सुध नइं होही। 
\v 13 यदि ओह कोनो मनखे के लास ला छूए के बाद अपनआप ला सुध नइं करय, त ओह यहोवा के पबितर-तम्बू ला असुध करथे। अइसे मनखे ला इसरायल ले अलग कर दिये जावय। ओह असुध हवय, काबरकि ओकर ऊपर सुध करइया पानी छिंचे नइं गे हवय; ओकर असुधता ओकर ऊपर बने रहिथे।
\p
\v 14 “ये कानून ह तब लागू होथे, जब कोनो मनखे कोनो तम्बू म मर जाथे: कोनो मनखे ओ तम्बू के भीतर जाथे या जऊन ह ओ तम्बू म हवय, ओह सात दिन तक असुध रहिही, 
\v 15 अऊ ओ तम्बू म हर एक खुला बरतन, जेला ढकना ले ढांपे नइं गे हवय, ओह असुध होही।
\p
\v 16 “जऊन मनखे ह बाहिर खुला मैदान म तलवार ले मारे गे मनखे या सुभाविक मिरतू ले मरे मनखे या मनखे के हाड़ा या कोनो कबर ला छू लेथे, त ओह सात दिन तक असुध रहिही।
\p
\v 17 “असुध मनखे बर, ओ जलाय गे सुध करइया पाप-बलिदान म ले कुछू राख लेके एक बरतन म रखव अऊ ओकर ऊपर ताजा पानी डारव। 
\v 18 तब बिधि के मुताबिक कोनो सुध मनखे ह कुछू जूफा लेवय अऊ येला पानी म बोरके तम्बू अऊ जम्मो सामान अऊ ओ मनखेमन ऊपर छिंचय, जेमन उहां हवंय। ओह ओ मनखे के ऊपर घलो छिंचय, जऊन ह कोनो मनखे के हाड़ा या कोनो कबर या कोनो मारे गे मनखे या कोनो सुभाविक मिरतू ले मरे मनखे ला छू ले हवय। 
\v 19 ओ मनखे जऊन ह सुध हे, ओह असुध मनखे ऊपर तीसरा अऊ सातवां दिन छिंचय, अऊ सातवां दिन ओह ओला सुध करय। जेमन ला सुध करे जाथे, ओमन अपन कपड़ा ला जरूर धोवंय अऊ नहावंय, अऊ ओ सांझ के बेरा ओमन सुध हो जाहीं। 
\v 20 पर जऊन मनखेमन असुध हवंय अऊ यदि अपनआप ला सुध नइं करंय, त ओमन ला समाज ले अलग कर दिये जावय, काबरकि ओमन यहोवा के पबितर-स्थान ला असुध करे हवंय। सुध करइया पानी ह ओमन ऊपर छिंचे नइं गे हवय, अऊ ओमन असुध हवंय। 
\v 21 येह ओमन बर हमेसा के बिधि ठहिरय।
\p “जऊन मनखे ह सुध करइया पानी ला छिंचथे, ओह घलो अपन ओनहा ला जरूर धोवय, अऊ जऊन ह सुध करइया पानी ला छूथे, ओह सांझ तक असुध रहिही। 
\v 22 जऊन भी चीज ला ओ असुध मनखे छूथे, ओह असुध हो जाथे, अऊ जऊन मनखे ओ चीज ला छूथे, ओह सांझ तक असुध हो जाथे।”
\c 20
\s1 चट्टान ले पानी
\p
\v 1 पहिला महिना म, जम्मो इसरायली समाज के मनखेमन सीन के सुन्ना जगह म हबरिन, अऊ ओमन कादेस नगर म डेरा डालिन। उहां मिरियम ह मर गीस अऊ ओला उहां माटी दिये गीस।
\p
\v 2 उहां समाज के मनखेमन बर पानी नइं रिहिस, अऊ मनखेमन मूसा अऊ हारून के बिरोध म जूर गीन। 
\v 3 ओमन मूसा ले झगरा करे लगिन अऊ कहिन, “बने होतिस कि हमन घलो अपन संगी इसरायलीमन संग, यहोवा के आघू म मर गे रहितेंन! 
\v 4 तेंह काबर यहोवा के समाज ला ये सुन्ना जगह म लाने कि हमन अऊ हमर पसुमन इहां मर जावन? 
\v 5 तेंह काबर हमन ला मिसर देस ले बाहिर निकालके ये भयानक जगह म ले आय? इहां न तो अनाज या अंजीर, अऊ न ही अंगूर के नार या अनार हवय। अऊ इहां पीये बर पानी घलो नइं ए!”
\p
\v 6 मूसा अऊ हारून सभा ले निकलके मिलापवाला तम्बू के दुवार करा गीन अऊ निरासा म मुहूं-भरसा गिरिन, अऊ यहोवा के महिमा ओमन ऊपर परगट होईस। 
\v 7 यहोवा ह मूसा ला कहिस, 
\v 8 “ओ लउठी ला ले अऊ तें अऊ तोर भाई हारून इसरायली सभा ला एक जगह इकट्ठा करव। अऊ ओमन के देखत म ओ चट्टान ले बात कर अऊ येह अपन म ले पानी निकालही। तेंह समाज बर ये चट्टान म ले पानी निकालबे ताकि ओमन अऊ ओमन के पसु पानी पी सकंय।”
\p
\v 9 तब मूसा ह यहोवा के हुकूम के मुताबिक ओकर आघू म ओ लउठी ला ले लीस। 
\v 10 अऊ मूसा अऊ हारून चट्टान के आघू म समाज ला इकट्ठा करिन अऊ मूसा ह ओमन ला कहिस, “हे बिदरोह करइयामन, सुनव! का हमन ला ये चट्टान म ले तुम्हर बर पानी निकाले बर पड़ही?” 
\v 11 तब मूसा ह अपन हांथ उठाईस अऊ अपन लउठी ले ओ चट्टान ला दू बार मारिस। तब ओमा ले पानी बहे लगिस, अऊ पूरा समाज अऊ ओमन के पसुमन ओ पानी ला पीईन।
\p
\v 12 पर यहोवा ह मूसा अऊ हारून ला कहिस, “काबरकि तुमन इसरायलीमन के नजर म मोर ऊपर न तो परयाप्त भरोसा रखेव, न ही पबितर मानके आदर देव, एकरसेति तुमन ये समाज ला ओ देस म नइं ले जा सकहू, जेला मेंह ओमन ला दे हंव।”
\p
\v 13 येमन मरीबा\f + \fr 20:13 \fr*\fq मरीबा \fq*\ft के मतलब होथे \ft*\fqa झगरा करई\fqa*\f* पानी के सोतामन रिहिन, जिहां इसरायलीमन यहोवा ले झगरा करिन अऊ जिहां ओह ओमन के बीच म पबितर ठहिराय गीस।
\s1 इसरायल के यातरा ला एदोम के इनकार
\p
\v 14 मूसा ह एदोम के राजा करा कादेस ले संदेसियामन ला ये कहिके पठोईस:
\pm “तोर भाई इसरायल ह ये कहत हे: तेंह हमर ऊपर आय ओ जम्मो मुसीबत ला जानत हस। 
\v 15 हमर पुरखामन मिसर देस ला गीन, अऊ हमन उहां बहुंत साल रहेंन। मिसर के मनखेमन हमर अऊ हमर पुरखामन संग बुरा बरताव करिन, 
\v 16 पर जब हमन यहोवा ले गोहारेंन, त ओह हमर गोहार ला सुनिस अऊ एक स्वरगदूत पठोके हमन ला मिसर देस ले बाहिर निकालिस।
\pm “अब हमन इहां कादेस नगर म हन, जऊन ह तोर राज के तीर म हवय। 
\v 17 किरपा करके तोर देस म ले होके हमन ला जावन दे। हमन कोनो खेत या अंगूर के बारी म ले होके नइं जावन, अऊ न ही कोनो कुआं के पानी पीयन। हमन राजा के राजमार्ग म ही जाबो अऊ जब तक तोर राज ले निकल नइं जाबो तब तक न तो जेवनी मुड़बो अऊ न ही डेरी।”
\p
\v 18 पर एदोम ह जबाब दीस:
\pm “तुमन इहां ले होके नइं जा सकव; यदि कोसिस करहू, त हमन बाहिर निकलके तलवार से तुम्हर ऊपर हमला करबो।”
\p
\v 19 तब इसरायलीमन ये जबाब दीन:
\pm “हमन सिरिप मुख्य सड़क म जाबो, अऊ यदि हमन या हमर पसुमन तुम्हर कोनो पानी ला पीहीं, त हमन ओकर दाम चुकाबो। हमन सिरिप पैदल जाय चाहथन—अऊ कुछू नइं।”
\p
\v 20 फेर ओह ये जबाब दीस:
\pm “तुमन इहां ले होके नइं जा सकव।”
\p तब एदोम ह ओमन के बिरूध एक बड़े अऊ सक्तिसाली सेना लेके निकलिस। 
\v 21 एदोम ह ओमन ला अपन राज म ले होके जाय बर मना करिस, त इसरायल ह उहां ले मुड़के चल दीस।
\s1 हारून के मिरतू
\p
\v 22 पूरा इसरायली समाज ह कादेस ले चलके होर पहाड़ करा आईस। 
\v 23 एदोम के सीमना के लकठा म, होर पहाड़ म, यहोवा ह मूसा अऊ हारून ला कहिस, 
\v 24 “हारून ह अपन पुरखा संग हमेसा बर सुत जाही। ओह ओ देस म नइं जा सकही, जेला मेंह इसरायलीमन ला दे हंव, काबरकि तुमन दूनों मरीबा के सोता करा मोर हुकूम के बिरूध बिदरोह करे रहेव।\f + \fr 20:24 \fr*\ft देखव \+xt ब्यव 32:50\+xt*\ft*\f* 
\v 25 हारून अऊ ओकर बेटा एलिआजर ला लेके होर पहाड़ के ऊपर जा। 
\v 26 हारून के पुरोहिती कपड़ा ला उतारके ओला ओकर बेटा एलिआजर ला पहिरा, काबरकि हारून ह अपन मनखेमन संग मिल जाही; ओह उहां मर जाही।”
\p
\v 27 मूसा ह यहोवा के हुकूम के मुताबिक करिस: ओमन जम्मो समाज के देखत म होर पहाड़ ऊपर गीन। 
\v 28 मूसा ह हारून के पुरोहिती कपड़ामन ला उतारिस अऊ ओ कपड़ा ला हारून के बेटा एलिआजर ला पहिरा दीस। अऊ हारून ह उहां पहाड़ के टीप म मर गीस। तब मूसा अऊ एलिआजर पहाड़ ले खाल्हे उतरिन, 
\v 29 अऊ जब पूरा समाज ला पता चलिस कि हारून ह मर गे हवय, त जम्मो इसरायलीमन ओकर बर तीस दिन तक बिलाप करिन।
\c 21
\s1 अराद ह नास हो जाथे
\p
\v 1 जब नेगेव\f + \fr 21:1 \fr*\fq नेगेव \fq*\ft या \ft*\fqa कनान के दक्खिनी निरजन प्रदेस\fqa*\f* म रहइया अराद के कनानी राजा ये सुनिस कि इसरायल ह अतारीम के सड़क के रसता ले आवत हे, त ओह इसरायलीमन ऊपर हमला करिस अऊ ओमा के कुछू झन ला बंदी बना लीस। 
\v 2 तब इसरायल ह यहोवा ले ये मन्नत मानिस: “यदि तेंह ये मनखेमन ला हमर हांथ म कर देबे, त हमन ओमन के सहरमन ला पूरा नास कर देबो।” 
\v 3 यहोवा ह इसरायल के बिनती ला सुनिस अऊ कनानीमन ला ओमन के अधीन कर दीस। इसरायलीमन ओमन ला अऊ ओमन के नगरमन ला पूरा नास कर दीन, एकरसेति ओ जगह के नांव होरमा\f + \fr 21:3 \fr*\fq होरमा \fq*\ft के मतलब \ft*\fqa बिनास \fqa*\ft होथे\ft*\f* पड़िस।
\s1 कांसा के सांप
\p
\v 4 ओमन होर पहाड़ ले आघू बढ़िन अऊ एदोम देस के बाहिर-बाहिर लाल-समुंदर के रसता ला धरिन। पर रसता म मनखेमन के धीरज खतम होय लगिस; 
\v 5 ओमन परमेसर अऊ मूसा के बिरूध गोठियाय लगिन, अऊ कहिन, “तेंह काबर हमन ला मिसर देस ले निकालके ये सुन्ना जगह म मरे बर ले आय? इहां न तो रोटी हवय न पानी! अऊ हमन ला ये बेकार के जेवन ले घिन हो गे हवय!”
\p
\v 6 तब यहोवा ह ओमन के बीच जहरिला सांप पठोईस; ओमन मनखेमन ला चाबिन अऊ कतको इसरायलीमन मर गीन। 
\v 7 तब मनखेमन मूसा करा आके कहिन, “हमन यहोवा अऊ तोर बिरूध बात करके पाप करे हन। पराथना कर कि यहोवा ह ये सांपमन ला हमर करा ले हटा ले।” तब मूसा ह मनखेमन बर पराथना करिस।
\p
\v 8 यहोवा ह मूसा ला कहिस, “सांप के एक मूरती बनाके खंभा के ऊपर टांग दे; सांप के चाबे मनखे ह ओला देखके जीयत रहिही।” 
\v 9 त मूसा ह कांसा के एक ठन सांप के मूरती बनाईस अऊ ओला एक खंभा के ऊपर रख दीस। तब सांप के चाबे जऊन भी मनखे ओ कांसा के सांप ला देखय, त ओह बच जावय।
\s1 मोआब के यातरा
\p
\v 10 इसरायलीमन आघू बढ़िन अऊ ओबोत नांव के जगह म डेरा डालिन। 
\v 11 तब ओमन ओबोत ले कूच करके इये-अबारीम के सुन्ना जगह म डेरा डालिन, जऊन ह मोआब के सामने पूरब कोति हवय। 
\v 12 उहां ले ओमन आघू बढ़िन अऊ जेरेद के घाटी म डेरा डालिन। 
\v 13 ओमन उहां ले बढ़त गीन अऊ अरनोन के तीर म डेरा डालिन, जऊन ह सुन्ना जगह म हवय अऊ अमोरी राज के सीमना तक फईले हवय। अरनोन ह मोआब के सीमना अय, मोआब अऊ अमोरीमन के बीच म। 
\v 14 एकरसेति यहोवा के लड़ई नांव के किताब म ये लिखे हवय:
\q1 “सूपा म जाहब\f + \fr 21:14 \fr*\ft इबरानी म \ft*\fqa वाहेब\fqa*\f* अऊ घाटीमन,
\q2 अरनोन 
\v 15 अऊ घाटीमन के ढलान
\q1 जऊन ह आर के इलाका तक जाथे
\q2 अऊ मोआब के सीमना तक फईले हवय।”
\m
\v 16 उहां ले ओमन आघू बढ़िन अऊ बीर नांव कुआं करा हबरिन, जिहां यहोवा ह मूसा ला कहे रिहिस, “मनखेमन ला एक जगह म इकट्ठा कर अऊ मेंह ओमन ला पानी दूहूं।”
\p
\v 17 तब इसरायल ह ये गीत गाईस:
\q1 “हे कुआं, पानी ले भर जा!
\q2 ये गीत गावव,
\q1
\v 18 ओ कुआं के बारे म जेला हाकिममन कोड़िन,
\q2 जेला परभावसाली मनखेमन कोड़िन—
\q2 परभावसाली मनखेमन राजदंड अऊ लउठी ले कोड़िन।”
\m तब ओमन सुन्ना जगह ले मत्ताना करा गीन, 
\v 19 मत्ताना ले नहलीएल, नहलीएल ले बामोत, 
\v 20 अऊ बामोत ले मोआब के घाटी करा, जिहां पिसगा पहाड़ के टीप ह बीरान भुइयां ले ऊंच हवय।
\s1 सीहोन अऊ ओग के हार
\p
\v 21 इसरायल ह अमोरीमन के राजा सीहोन करा संदेसियामन ला ये कहे बर पठोईस:
\pm
\v 22 “हमन ला तोर देस म ले होके जावन दे। हमन कोनो खेत या अंगूर के बारी कोति नइं जावन, न ही कोनो कुआं के पानी पीयन। जब तक तोर राज ले निकल नइं जाबो, तब तक हमन राजा के राजमार्ग म ही जाबो।”
\p
\v 23 पर सीहोन ह इसरायल ला अपन देस म ले होके जावन नइं दीस। ओह अपन पूरा सेना ला इकट्ठा करिस अऊ इसरायल के बिरूध सुन्ना जगह करा गीस। जब ओह यहस नगर करा हबरिस, त उहां ओह इसरायल के संग लड़िस। 
\v 24 पर इसरायल ह ओला तलवार ले मार डारिस अऊ अरनोन नदी ले लेके यब्बोक नदी तक ओकर देस म अधिकार कर लीस, पर सिरिप उहां तक, जिहां अमोनीमन रिहिन, काबरकि ओमन के सीमना ला किलाबंदी करे गे रिहिस। 
\v 25 इसरायल ह अमोरीमन के जम्मो सहर ऊपर कब्जा करके ओमन ऊपर अधिकार कर लीस, जेमा हेसबोन सहर अऊ ओकर आसपास के नगर अऊ बस्तीमन घलो रिहिन। 
\v 26 हेसबोन ह अमोरीमन के राजा सीहोन के सहर रिहिस, जऊन ह मोआब के पहिले के राजा के बिरूध लड़े रिहिस अऊ ओकर ले अरनोन तक ओकर जम्मो देस ला लेय ले रिहिस।
\p
\v 27 एकरे कारन कबिमन कहिथें:
\q1 “हेसबोन म आवव अऊ येला फेर बनावव;
\q2 सीहोन के सहर ह फेर पहिले सहीं हो जावय।
\b
\q1
\v 28 “हेसबोन ले आगी,
\q2 अऊ सीहोन के सहर ले जुवाला निकलिस।
\q1 येह मोआब के आर नगर ला,
\q2 अरनोन के ऊंच जगह के मनखेमन ला भसम कर दीस।
\q1
\v 29 हे मोआब, तोर ऊपर हाय!
\q2 हे कमोस देवता के मनखेमन, तुमन नास हो गेव!
\q1 ओह अपन बेटामन ला सरनार्थी के रूप म
\q2 अऊ अपन बेटीमन ला कैदी के रूप म
\q2 अमोरीमन के राजा सीहोन ला दे दीस।
\b
\q1
\v 30 “पर हमन ओमन ला गिरा दे हन;
\q2 हेसबोन सहर के राज ह दीबोन नगर तक नास हो गे हवय।
\q1 हमन ओमन ला नोपह नगर तक उजाड़ दे हन
\q2 जऊन ह मेदबा नगर तक फईले हवय।”
\p
\v 31 ये किसम ले इसरायल ह अमोरीमन के देस म बस गीस।
\p
\v 32 मूसा के याजेर सहर म भेदियामन ला पठोय के बाद, इसरायलीमन ओकर आसपास के इलाका म कब्जा कर लीन अऊ जऊन अमोरीमन उहां रिहिन, ओमन ला भगा दीन। 
\v 33 तब ओमन मुड़के सड़क म होवत बासान कोति गीन, अऊ बासान के राजा ओग अऊ ओकर पूरा सेना ओमन के संग लड़ई करे बर निकलके एदरेई नगर करा आईन।
\p
\v 34 यहोवा ह मूसा ला कहिस, “ओकर ले झन डर, काबरकि मेंह ओला ओकर पूरा सेना अऊ ओकर देस सहित तोर हांथ म कर देवत हंव। ओकर संग वइसने ही कर, जइसने तेंह अमोरीमन के राजा सीहोन के संग करय, जऊन ह हेसबोन म राज करत रिहिस।”
\p
\v 35 तब इसरायलीमन राजा ओग अऊ ओकर बेटामन ला पूरा सेना सहित मार डारिन; ओमा के एको झन घलो नइं बचिन। अऊ इसरायलीमन ओकर देस ऊपर अधिकार कर लीन।
\c 22
\s1 बालाक ह बिलाम ला बुलवाथे
\p
\v 1 तब इसरायलीमन मोआब के मैदान म हबरिन अऊ यरीहो के सामने यरदन नदी के तीर म डेरा डालिन।
\p
\v 2 सिप्पोर के बेटा बालाक ह ओ जम्मो ला देखिस, जेला इसरायल ह अमोरीमन संग करे रिहिस, 
\v 3 अऊ मोआब ह डरा गीस, काबरकि इसरायलीमन बहुंत बड़े संखिया म रिहिन। वास्तव म, मोआब ह इसरायलीमन के कारन भयंकर डरा गीस।
\p
\v 4 मोआबीमन मिदयानीमन के अगुवामन ला कहिन, “ये उपदरवी दल ह हमर चारों कोति के जम्मो चीज ला चट कर डारही, जइसे बईला ह खेत के घांस ला चट कर जाथे।”
\p ओ समय सिप्पोर के बेटा बालाक ह मोआब के राजा रिहिस; 
\v 5 ओह बेओर के बेटा बिलाम ला बलाय बर संदेसियामन ला भेजिस, जऊन ह फरात नदी के लकठा म अपन जनम भुइयां पतोर सहर म रिहिस। बालाक ह कहिस:
\pm “मिसर ले अब्बड़ मनखेमन आय हवंय; अऊ मोर बाजू म बस गे हवंय ओमन ले पूरा भुइयां ह ढंक गे हवय। 
\v 6 त तेंह आ अऊ ये मनखेमन ला सराप दे, काबरकि येमन मोर ले बहुंत सक्तिसाली हें। तब सायद में येमन ला हराय सकहूं अऊ देस ले बाहिर भगाय सकहूं। काबरकि मेंह जानत हंव कि जेला तें आसीस देथस, ओह आसीस पाथे, अऊ जेला तें सराप देथस, ओह सरापित हो जाथे।”
\p
\v 7 तब मोआब अऊ मिदयान के अगुवामन अगम बिचारे के दाम लेके चल दीन। जब ओमन बिलाम करा हबरिन, त ओला बालाक के कहे बात ला बताईन।
\p
\v 8 बिलाम ह ओमन ला कहिस, “आज रथिया इहां रूक जावव, अऊ जऊन बात यहोवा ह मोला कहिही, ओकर मुताबिक मेंह तुमन ला जबाब दूहूं।” त मोआब के अधिकारीमन ओकर संग रूक गीन।
\p
\v 9 परमेसर ह बिलाम करा आईस अऊ पुछिस, “तोर संग ये मनखेमन कोन अंय?”
\p
\v 10 बिलाम ह परमेसर ला कहिस, “सिप्पोर के बेटा, मोआब के राजा बालाक ह मोला ये संदेस भेजे हवय: 
\v 11 ‘मिसर देस ले निकलके आय मनखेमन के एक दल ले भुइयां ह ढंक गे हवय। अब तें आ अऊ मोर बर ओमन ला सराप दे। तब सायद में ओमन संग लड़ सकहूं अऊ ओमन ला भगाय सकहूं।’ ”
\p
\v 12 पर परमेसर ह बिलाम ला कहिस, “ओमन के संग झन जा। तें ओ मनखेमन ला सराप झन दे, काबरकि ओमन मोर आसीसित मनखे अंय।”
\p
\v 13 ओकर दूसर दिन बिहनियां बिलाम ह उठके बालाक के अधिकारीमन ला कहिस, “तुमन अपन देस वापिस जावव, काबरकि यहोवा ह मोला तुम्हर संग जाय बर मना करे हवय।”
\p
\v 14 तब मोआब के अधिकारीमन बालाक करा लहुंटके कहिन, “बिलाम ह हमर संग आय बर मना कर दीस।”
\p
\v 15 तब बालाक ह आने अधिकारीमन ला पठोईस, जऊन मन संखिया म पहिले से अधिक अऊ जादा आदर योग्य रिहिन। 
\v 16 ओमन बिलाम करा आईन अऊ कहिन:
\pm “सिप्पोर के बेटा बालाक ह ये कहिथे: तोला मोर करा आय ले कोनो चीज झन रोकय, 
\v 17 काबरकि में तोला बहुंत बढ़िया ईनाम दूहूं अऊ जऊन कुछू तें कहिबे, ओला करहूं। आ मोर बर ये मनखेमन ला सराप दे।”
\p
\v 18 पर बिलाम ह ओमन ला जबाब दीस, “अऊ त अऊ यदि बालाक ह अपन महल के जम्मो सोन अऊ चांदी मोला देय दे, तभो ले मेंह यहोवा मोर परमेसर के हुकूम के बाहिर जाके छोटे या बड़े कुछू काम नइं कर सकंव। 
\v 19 पर तुमन आज रथिया इहां रूकव, ताकि मेंह पता लगा सकंव कि यहोवा ह मोला का कहत हे।”
\p
\v 20 रथिया परमेसर ह बिलाम करा आके कहिस, “जब ये मनखेमन तोला ले जाय बर आय हवंय, त ओमन के संग जा, पर सिरिप वइसने ही करबे, जइसने मेंह तोला कहिहूं।”
\s1 बिलाम के गदही
\p
\v 21 बिलाम ह बिहनियां उठिस, अपन गदही म काठी बांधिस अऊ मोआब के अधिकारीमन संग चल दीस। 
\v 22 पर परमेसर ह बहुंत गुस्सा होईस, जब बिलाम ह ओमन के संग गीस, अऊ यहोवा के स्वरगदूत ह ओकर बिरोध करे बर सड़क म ठाढ़ हो गीस। बिलाम ह अपन गदही म चघके जावत रिहिस, अऊ दू झन सेवकमन ओकर संग रिहिन। 
\v 23 जब ओ गदही ह यहोवा के स्वरगदूत ला अपन हांथ म तलवार लिये देखिस, त ओह सड़क ला छोंड़के खेत कोति उतर गीस। तब बिलाम ह गदही ला फेर सड़क म लाने बर ओला मारिस।
\p
\v 24 तब यहोवा के स्वरगदूत ह अंगूर के बारीमन के संकरा रसता म ठाढ़ हो गीस, जेकर दूनों कोति दीवार रहय। 
\v 25 जब गदही ह यहोवा के स्वरगदूत ला देखिस, त ओह दीवार ले संट गीस, जेकर ले बिलाम के गोड़ ह दीवार ले रगड़ा गीस। त ओह फेर गदही ला मारिस।
\p
\v 26 तब यहोवा के स्वरगदूत ह आघू बढ़िस अऊ संकरा जगह म ठाढ़ हो गीस, जिहां न तो जेवनी अऊ न ही डेरी कोति हटे के जगह रिहिस। 
\v 27 जब गदही ह यहोवा के स्वरगदूत ला देखिस, त ओह बिलाम ला लेके बईठ गीस; तब बिलाम ह गुस्सा होईस अऊ गदही ला अपन लउठी ले मारे लगिस। 
\v 28 तब यहोवा ह गदही के मुहूं ला खोल दीस अऊ गदही ह बिलाम ला कहिस, “मेंह तोर का करे हंव कि तीन बार हो गीस, तेंह मोला मारत हस?”
\p
\v 29 त बिलाम ह गदही ला जबाब दीस, “तेंह मोला मुरूख बना दे हस! कहूं मोर हांथ म तलवार होतिस, त अभीच मेंह तोला मार डारतेंव।”
\p
\v 30 ओ गदही ह बिलाम ला कहिस, “का मेंह तोर खुद के गदही नो हंव, जेमा तेंह हमेसा आज तक सवारी करत आय हस? का मेंह तोर संग कभू अइसने करे रहंय?”
\p ओह कहिस, “नइं।”
\p
\v 31 तब यहोवा ह बिलाम के आंखी ला खोल दीस, अऊ ओह यहोवा के स्वरगदूत ला तलवार लेके सड़क म खड़े देखिस। तब ओह झुकिस अऊ मुहूं के भार गिरके दंडवत करिस।
\p
\v 32 यहोवा के स्वरगदूत ह ओकर ले पुछिस, “तेंह अपन गदही ला ये तीन बार ले काबर मारय? मेंह इहां तोर बिरोध करे बर आय हंव, काबरकि जऊन काम तेंह करत हस, ओह मोर आघू म सही नो हय। 
\v 33 गदही ह मोला देखिस अऊ तीन बार मोर ले दूरिहा घुंचिस। यदि ओह नइं घुंचे रहितिस, त खचित मेंह अब तक तो तोला मार डारे रहितेंव, पर गदही ला छोंड़ देतेंव।”
\p
\v 34 बिलाम ह यहोवा के स्वरगदूत ला कहिस, “मेंह पाप करे हंव। मोला पता नइं रिहिस कि तेंह मोर सामना करे बर सड़क म खड़े हस। यदि तेंह ये बात ले नाखुस हस, त मेंह वापिस चल दूहूं।”
\p
\v 35 यहोवा के स्वरगदूत ह बिलाम ला कहिस, “ओ मनखेमन संग जा, पर जऊन बात में बताहूं, ओही बात ला कहिबे।” तब बिलाम ह बालाक के अधिकारीमन संग चल दीस।
\p
\v 36 जब बालाक ह सुनिस कि बिलाम ह आवत हे, त ओह बिलाम ले मिले बर अरनोन के सीमना म मोआबी नगर करा गीस, जऊन ह ओकर इलाका के तीर म हवय। 
\v 37 बालाक ह बिलाम ला कहिस, “का मेंह तोला जरूरी बात बर नइं बलाय रहेंव? तेंह मोर करा काबर नइं आवत रहय? का मेंह तोला आदर देय के लईक नो हंव?”
\p
\v 38 बिलाम ह बालाक ला जबाब दीस, “देख, अब तो में तोर करा आ गे हंव, पर मेंह अपन मन से कुछू नइं कहंव। जेला परमेसर मोर मुहूं म डारही, सिरिप ओहीच बात कहिहूं।”
\p
\v 39 तब बिलाम ह बालाक के संग किरयत-हुसोत नगर म गीस। 
\v 40 उहां बालाक ह पसु अऊ भेड़मन के बलि चघाईस, अऊ कुछू भाग बिलाम अऊ अधिकारीमन ला दीस, जेमन ओकर संग रिहिन। 
\v 41 ओकर दूसर दिन बिहनियां बालाक ह बिलाम ला ऊपर बामोत-बाल करा ले गीस, अऊ उहां ले ओह इसरायलीमन के डेरा के बाहिरी भाग ला देखिस।
\c 23
\s1 बिलाम के पहिला संदेस
\p
\v 1 बिलाम ह बालाक ला कहिस, “इहां मोर बर सात ठन बेदी बनवा, अऊ सात-सात ठन बछवा अऊ मेढ़ा बलिदान करे बर तियार कर।” 
\v 2 बालाक ह बिलाम के कहे मुताबिक करिस, अऊ दूनों झन हर एक बेदी म एक-एक ठन बछवा अऊ मेढ़ा चघाईन।
\p
\v 3 तब बिलाम ह बालाक ला कहिस, “तेंह इहां अपन बलि करा ठाढ़े रह; मेंह थोरकन दूरिहा जावत हंव। हो सकथे यहोवा ह मोर ले मिले बर आवय। जऊन कुछू ओह मोर ऊपर परगट करही, मेंह तोला बताहूं।” तब ओह एक उजाड़ पहाड़ी ऊपर गीस।
\p
\v 4 परमेसर ह ओकर ले मिलिस, त बिलाम ह कहिस, “में सात ठन बेदी तियार करे हंव, अऊ हर बेदी म एक ठन बछवा अऊ एक ठन मेढ़ा चघाय हंव।”
\p
\v 5 यहोवा ह बिलाम के मुहूं म एक ठन बात डालिस अऊ कहिस, “तें बालाक करा वापिस जा अऊ ओला ये बात कह।”
\p
\v 6 तब बिलाम ह बालाक करा वापिस गीस अऊ ओला जम्मो मोआब के अधिकारीमन के संग अपन चढ़ावा के बाजू म खड़े पाईस। 
\v 7 तब बिलाम ह अपन संदेस दीस:
\q1 “बालाक ह मोला अराम देस ले लानिस,
\q2 मोआब के राजा, पूरब के पहाड़ीमन ले।
\q1 ओह कहिस, ‘आ अऊ मोर बर याकूब ला सराप दे;
\q2 आ अऊ इसरायल के निन्दा कर।’
\q1
\v 8 ओमन ला मेंह कइसे सराप दंव
\q2 जेमन ला परमेसर ह सराप नइं दीस?
\q1 ओमन के निन्दा कइसे करंव
\q2 जेमन के निन्दा यहोवा ह नइं करिस?
\q1
\v 9 चट्टानमन के ऊपर ले मेंह ओमन ला देखत हंव,
\q2 ऊंचई ले ओमन मोला दिखत हें।
\q1 मेंह अइसे मनखेमन ला देखत हंव, जेमन अलग रहिथें
\q2 अऊ अपनआप ला आने जातमन सहीं नइं समझंय।
\q1
\v 10 कोन ह याकूब के धुर्रा सहीं संतानमन ला
\q2 या इसरायल के एक चौथाई ला घलो गन सकथे?
\q1 बने होही कि मेंह एक धरमी के सहीं मरंव,
\q2 अऊ मोर अन्त ह ओमन सहीं होवय!”
\p
\v 11 बालाक ह बिलाम ला कहिस, “तेंह मोर संग का करय? मेंह तोला मोर बईरीमन ला सराप दे बर लानेंव, पर तेंह ओमन ला सिरिप आसीस देय के अलावा कुछू नइं करे हस!”
\p
\v 12 ओह जबाब दीस, “जऊन बात यहोवा ह मोला कहे हवय, का ओही ला नइं बतावंव?”
\s1 बिलाम के दूसरा संदेस
\p
\v 13 तब बालाक ह ओला कहिस, “तेंह मोर संग आने जगह म आ, जिहां ले तें ओमन ला देख सकबे; तेंह जम्मो झन ला नइं, सिरिप ओमन के सिविर के बाहिर ला देख सकबे। अऊ उहां ले, तें मोर बर ओमन ला सराप दे।” 
\v 14 त ओह बिलाम ला पिसगा पहाड़ के ऊपर सोपीम के खेत म ले गीस, अऊ उहां ओह सात ठन बेदी बनवाईस अऊ हर बेदी म एक बछवा अऊ एक मेढ़ा चघाईस।
\p
\v 15 बिलाम ह बालाक ला कहिस, “तें इहां अपन चढ़ावा के बाजू म रूक अऊ मेंह जाके उहां यहोवा ले मिलत हंव।”
\p
\v 16 यहोवा ह बिलाम ले मिलिस अऊ ओकर मुहूं म अपन बात डालके कहिस, “बालाक करा वापिस जा अऊ ओला ये बात कह।”
\p
\v 17 तब बिलाम ह बालाक करा गीस अऊ ओला मोआब के अधिकारीमन के संग अपन चढ़ावा के बाजू म खड़े पाईस। बालाक ह ओकर ले पुछिस, “यहोवा ह का कहिस?”
\p
\v 18 तब बिलाम ह अपन संदेस दीस:
\q1 “हे बालाक, सिप्पोर के बेटा उठ अऊ सुन;
\q2 मोर बात ला सुन।
\q1
\v 19 परमेसर ह मनखे नो हय, कि ओह लबारी मारय,
\q2 ओह मनखे नो हय, कि ओह अपन मन ला बदलय।
\q1 का ओह बोलथे अऊ वइसने नइं करय?
\q2 का ओह वायदा करथे अऊ ओला पूरा नइं करय?
\q1
\v 20 मोला आसीस देय के हुकूम मिले हवय;
\q2 ओह आसीस दे हवय, अऊ येला मेंह नइं बदल सकंव।
\b
\q1
\v 21 “याकूब म कोनो अनर्थ,
\q2 अऊ इसरायल म कोनो दुरगति नइं दिखत हे।
\q1 यहोवा ओमन के परमेसर ह ओमन के संग हवय;
\q2 ओमन के बीच म राजा के जय-जयकार होथे।
\q1
\v 22 परमेसर ह ओमन ला मिसर ले लेय आईस;
\q2 ओमन करा जंगली बईला के ताकत हवय।
\q1
\v 23 याकूब के बिरूध म न कोनो अपसकुन हवय,
\q2 न इसरायल के बिरूध म कोनो खराप सकुन-बिचार।
\q1 अब याकूब अऊ इसरायल के बारे म कहे जाही,
\q2 ‘देखव, परमेसर ह का अद्भूत काम करे हवय!’
\q1
\v 24 ये मनखेमन सेरनी सहीं निकलथें;
\q2 ओमन एक सिंह सहीं ठाढ़ होथें
\q1 ओमन तब तक अराम नइं करंय, जब तक कि अपन सिकार ला खा नइं लेवंय
\q2 अऊ ओकर खून ला पी नइं लेवंय।”
\p
\v 25 तब बालाक ह बिलाम ला कहिस, “तें ओमन ला न तो कोनो सराप दे अऊ न ही कोनो आसीस!”
\p
\v 26 बिलाम ह बालाक ला जबाब दीस, “का मेंह तोला नइं कहे रहेंव कि यहोवा जइसने कहिही, वइसने करहूं?”
\s1 बिलाम के तीसरा संदेस
\p
\v 27 तब बालाक ह बिलाम ला कहिस, “आ, तोला एक आने जगह म ले चलत हंव। सायद येह परमेसर ला बने लगय कि उहां ले ओह तोला मोर बर इसरायलीमन ला सराप देवन दे।” 
\v 28 अऊ बालाक ह बिलाम ला पेओर पहाड़ के चोटी ऊपर ले, उजाड़ जगह ला देखा दीस।
\p
\v 29 बिलाम ह बालाक ला कहिस, “इहां मोर बर सात ठन बेदी बनवा, अऊ सात ठन बछवा अऊ सात ठन मेढ़ा तियार कर।” 
\v 30 बिलाम के कहे मुताबिक बालाक ह करिस, अऊ हर बेदी म एक बछवा अऊ एक मेढ़ा चघाईस।
\c 24
\p
\v 1 जब बिलाम ह देखिस कि इसरायल ला आसीस देवई ह यहोवा ला बने लगथे, त ओह पहिले के सहीं सकुन-बिचार करे म मन नइं लगाईस, पर अपन चेहरा ला सुन्ना जगह कोति करिस। 
\v 2 जब बिलाम ह देखिस कि इसरायल ह गोत्र-गोत्र के मुताबिक डेरा डाले हवय, त परमेसर के आतमा ओकर ऊपर आईस 
\v 3 अऊ बिलाम ह अपन संदेस दीस:
\q1 “बेओर के बेटा बिलाम के अगमबानी,
\q2 ओ मनखे के अगमबानी, जेकर आंखी ह साफ-साफ देखथे,
\q1
\v 4 ओ मनखे के अगमबानी, जऊन ह परमेसर के बचन ला सुनथे,
\q2 जऊन ह सर्वसक्तिमान परमेसर ले एक दरसन पाथे,
\q2 जऊन ह सास्टांग दंडवत करथे, अऊ जेकर आंखीमन खुला हवंय:
\b
\q1
\v 5 “हे याकूब, का ही सुघर हवंय तोर तम्बूमन,
\q2 हे इसरायल, तोर निवासमन!
\b
\q1
\v 6 “ओमन घाटीमन सहीं फईले हवंय,
\q2 नदी के तीर म बगीचा सहीं,
\q1 यहोवा दुवारा लगाय मुसब्बर,
\q2 अऊ पानी तीर म लगे देवदार रूखमन सहीं हवंय।
\q1
\v 7 ओमन के बाल्टीमन ले पानी ह बहते रहिही;
\q2 ओमन के बीजा ला बहुंत पानी मिलही।
\b
\q1 “ओमन के राजा ह अमालेकी राजा अगाग ले घलो महान होही;
\q2 ओमन के राज ह बढ़ते ही रहिही।
\b
\q1
\v 8 “परमेसर ह ओमन ला मिसर देस ले निकाल लानिस;
\q2 ओमन करा जंगली बईला के ताकत हवय।
\q1 जेमन बिरोधी देसमन ला नास करके
\q2 ओमन के हाड़ा ला कुटा-कुटा कर देथें;
\q2 अऊ अपन तीरमन ले बिरोधीमन ला छेद डारथें।
\q1
\v 9 सिंह सहीं ओमन लेटके अराम करथें,
\q2 सिंहनी सहीं—ओमन ला छेड़े के हिम्मत कोन करय?
\b
\q1 “जऊन मन तोला आसीस देथें, ओमन आसीस पावंय
\q2 अऊ जऊन मन तोला सराप देथें, ओमन सरापित होवंय!”
\p
\v 10 तब बालाक के कोप बिलाम ऊपर भड़किस। ओह अपन दूनों हांथ ला ठोंकके बिलाम ला कहिस, “मेंह अपन बईरीमन ला सराप दे बर तोला बुलवाय हंव, पर तेंह तीन बार ओमन ला आसीस दे हस। 
\v 11 अब तें तुरते इहां ले भाग अऊ अपन घर जा! मेंह कहे रहेंव कि मेंह तोला बने ईनाम दूहू, पर यहोवा ह तोला ओ ईनाम ले दूरिहा रखे हवय।”
\p
\v 12 बिलाम ह बालाक ला कहिस, “का मेंह तोर संदेसियामन ला ये नइं कहे रहेंव, 
\v 13 ‘यदि बालाक ह मोला अपन महल के जम्मो सोन अऊ चांदी ला घलो दे दीही, तभो ले मेंह अपन ईछा ले यहोवा के हुकूम के बाहिर बने या खराप कुछू नइं कर सकंव—अऊ सिरिप ओहीच बात कहिहूं, जऊन बात यहोवा ह कहिही?’ 
\v 14 अब सुन, मेंह अपन मनखेमन करा वापिस जावत हंव, पर मेंह तोला चेतात हंव कि अवइया समय म ये इसरायली मनखेमन तोर मनखेमन संग का करहीं।”
\s1 बिलाम के चौथा संदेस
\p
\v 15 तब ओह अपन संदेस दीस:
\q1 “बेओर के बेटा बिलाम के अगमबानी,
\q2 ओ मनखे के अगमबानी, जेकर आंखी ह साफ-साफ देखथे,
\q1
\v 16 ओ मनखे के अगमबानी, जऊन ह परमेसर के बचन ला सुनथे,
\q2 जेला सर्वोच्च परमेसर ले गियान मिले हवय,
\q1 जऊन ह सर्वसक्तिमान परमेसर के दरसन देखथे,
\q2 जऊन ह सास्टांग दंडवत करथे, अऊ जेकर आंखीमन खुला हवंय:
\b
\q1
\v 17 “मेंह ओला देखथंव, पर अभी नइं;
\q2 मेंह ओला देखथंव, पर लकठा ले नइं।
\q1 याकूब ले एक तारा निकलके आही;
\q2 इसरायल ले एक राजदंड के उदय होही।
\q1 ओह मोआब के माथा ला कुचरही,
\q2 सेत के जम्मो मनखेमन\f + \fr 24:17 \fr*\ft या \ft*\fq जम्मो \fq*\fqa दंगा करइया घमंडी\fqa*\f* के खोपड़ी ला कुचरही।
\q1
\v 18 एदोम के ऊपर जय मिलही;
\q2 ओकर बईरी सेईर के ऊपर जीत मिलही,
\q2 पर इसरायल ह ताकतवर होवत जाही।
\q1
\v 19 याकूब ले एक सासन करइया निकलही
\q2 अऊ सहर के बांचे मनखेमन ला नास कर दीही।”
\s1 बिलाम के पांचवां संदेस
\p
\v 20 तब बिलाम ह अमालेक ला देखिस अऊ अपन संदेस दीस:
\q1 “अमालेक ह जातिमन म पहिले रिहिस,
\q2 पर ओमन के अन्त ह बहुंत बिनासकारी होही।”
\s1 बिलाम के छठवां संदेस
\p
\v 21 तब बिलाम ह केनीमन ला देखिस अऊ अपन संदेस दीस:
\q1 “तुम्हर निवास स्थान ह सुरकछित हवय,
\q2 तुम्हर बसेरा ह चट्टान म हवय;
\q1
\v 22 तभो ले केनी मनखेमन, तुमन नास हो जाहू
\q2 जब अस्सूर ह तुमन ला बंधुवई म ले जाही।”
\s1 बिलाम के सातवां संदेस
\p
\v 23 तब बिलाम ह अपन ये संदेस दीस:
\q1 “हाय! जब परमेसर ह अइसने करही, त कोन ह बचही?
\q2
\v 24 कित्ती\f + \fr 24:24 \fr*\fq कित्ती \fq*\ft संभवतः \ft*\fqa साइप्रस दीप\fqa*\f* के समुंदर तीर ले पानी जहाजमन आहीं;
\q1 ओमन अस्सूर अऊ एबेर ला अपन अधीन कर लीहीं,
\q2 पर आखिर म ओमन घलो नास हो जाहीं।”
\p
\v 25 तब बिलाम ह उठिस अऊ अपन घर वापिस चल दीस, अऊ बालाक घलो अपन रसता म चल दीस।
\c 25
\s1 मोआब ह इसरायल ला बहकाथे
\p
\v 1 जब इसरायल ह सित्तीम म रूके रिहिस, तब कुछू इसरायली मनखेमन मोआब के माईलोगनमन संग कुकरम करे लगिन। 
\v 2 अऊ ये माईलोगनमन अपन देवता ला बलिदान चघाय के बेरा म ओमन ला नेवता देय लगिन। ये मनखेमन ओ बलि चघाय जेवन खाके ये देवतामन ला दंडवत करे लगिन। 
\v 3 ये किसम ले इसरायलीमन बाल-पेओर देवता के संग जुड़ गीन। अऊ यहोवा के कोप ओमन के बिरूध भड़किस।
\p
\v 4 यहोवा ह मूसा ला कहिस, “ये मनखेमन के जम्मो अगुवामन ला ले, अऊ ओमन ला मारके दिन-दुपहरी म यहोवा के आघू म खुला रख दे, ताकि यहोवा के भयंकर कोरोध ह इसरायल ले हट जावय।”
\p
\v 5 तब मूसा ह इसरायल के नियायीमन ला कहिस, “तुमन ले हर एक जन अपन ओ मनखेमन ला मार डारव, जेमन अपनआप ला बाल-पेओर के अधीन कर दे हवंय।”
\p
\v 6 जब इसरायलीमन मिलापवाला तम्बू के प्रवेस दुवार म रोवत रिहिन, तब एक इसरायली मनखे ह मूसा अऊ जम्मो सभा के देखत म एक मिदयानी माईलोगन ला सिविर म ले आईस। 
\v 7 जब हारून पुरोहित के पोता, एलिआजर के बेटा पीनहास ह येला देखिस, त ओह सभा ले उठके गीस अऊ अपन हांथ म एक ठन बरछी लीस 
\v 8 अऊ ओ इसरायली मनखे के पाछू-पाछू तम्बू म गीस। ओह ओ इसरायली मनखे अऊ मिदयानी माईलोगन के पेट ला बरछी ले बेध दीस। तब इसरायलीमन के बिरूध फईले महामारी ह रूक गीस; 
\v 9 पर जेमन महामारी ले मरिन, ओमन 24,000 रिहिन।
\p
\v 10 यहोवा ह मूसा ला कहिस, 
\v 11 “हारून पुरोहित के पोता, एलिआजर के बेटा पीनहास ह इसरायलीमन के बिरूध मोर कोरोध ला सांत कर दे हवय। ओह ओमन के बीच मोर आदरमान बर अइसने जलन रखिस, जइसने मेंह रखथंव, एकर कारन मेंह अपन उत्साह म ओमन के अन्त नइं करेंव। 
\v 12 अब ओला बतावव कि मेंह ओकर संग अपन सांति के करार करत हंव। 
\v 13 ओह अऊ ओकर संतानमन बर हमेसा के पुरोहित के पद के एक करार होही, काबरकि ओला अपन परमेसर के आदरमान बर जलन होईस अऊ ओह इसरायलीमन बर पछताप करिस।”
\p
\v 14 जऊन इसरायली ह मिदयानी माईलोगन के संग मारे गीस, ओह सिमोनी गोत्र के एक अगुवा सालू के बेटा जिमरी रिहिस। 
\v 15 अऊ जऊन मिदयानी माईलोगन ह मारे गीस, ओकर नांव कोजबी रिहिस, जऊन ह एक मिदयानी परिवार के गोत्र के एक मुखिया सूर के बेटी रिहिस।
\p
\v 16 फेर यहोवा ह मूसा ला कहिस, 
\v 17 “मिदयानीमन के संग बईरी के सहीं बरताव करत ओमन ला मार डार। 
\v 18 काबरकि ओमन तुम्हर संग बईरी के सहीं बरताव करिन, जब ओमन अपन बहिनी, एक मिदयानी अगुवा के बेटी कोजबी ला सामिल करके पेओर के मामला म तुमन ला धोखा दीन, ओ माईलोगन ह मारे गीस, जब ओ घटना के कारन महामारी आईस।”
\c 26
\s1 इसरायलीमन के दूसर बार गनती करई
\p
\v 1 महामारी के बाद यहोवा ह मूसा अऊ हारून पुरोहित के बेटा एलिआजर ला कहिस, 
\v 2 “जम्मो इसरायली समाज के गनती परिवार के मुताबिक करव—जेमन बीस साल या जादा उमर के हवंय अऊ इसरायल के सेना म सेवा दे सकत हें।” 
\v 3 तब मूसा अऊ एलिआजर पुरोहित, यरीहो के ओ पार यरदन नदी के तीर, मोआब के मैदान म इसरायलीमन ले बात करिन अऊ कहिन, 
\v 4 “बीस साल या ओकर ले जादा उमर के मनखेमन के गनती करव, जइसने यहोवा ह मूसा ला हुकूम दे हवय।”
\b
\lh येमन ओ इसरायली रिहिन, जेमन मिसर देस ले निकलके आय रिहिन:
\b
\li1
\v 5 इसरायल के पहिलांत बेटा रूबेन के संतान:
\li2 हनोक के जरिये हनोकी गोत्र;
\li2 पल्लू के जरिये पल्लूयी गोत्र;
\li2
\v 6 हेसरोन के जरिये हेसरोनी गोत्र;
\li2 करमी के जरिये करमी गोत्र।
\lf
\v 7 येमन रूबेनी गोत्र के रिहिन; जेमन के गनती, 43,730 रिहिस।
\li2
\v 8 पल्लू के बेटा एलीआब रिहिस, 
\v 9 अऊ एलीआब के बेटामन नमूएल, दातान अऊ अबीराम रिहिन। इही दातान अऊ अबीराम समाज के करमचारी रिहिन अऊ येमन मूसा अऊ हारून के बिरूध बिदरोह करिन अऊ येमन कोरह के ओ अनुयायीमन के संग रिहिन, जब ओमन यहोवा के बिरूध बिदरोह करिन। 
\v 10 धरती ह अपन मुहूं फारिस अऊ ओमन ला कोरह के संग लील लीस; ओकर पाछू चलइयामन मर गीन, जब आगी ह 250 मनखे ला भसम कर दीस। अऊ ओमन चेतउनी के एक चिनहां होईन। 
\v 11 तभो ले कोरह के बंस ह खतम नइं होईस।
\b
\li1
\v 12 सिमोन के संतान ओमन के गोत्र के मुताबिक:
\li2 नमूएल के जरिये नमूएली गोत्र;
\li2 यामीन के जरिये यामीनी गोत्र;
\li2 याकीन के जरिये याकीनी गोत्र;
\li2
\v 13 जेरह के जरिये जेरही गोत्र;
\li2 साऊल के जरिये साऊली गोत्र।
\lf
\v 14 येमन सिमोन गोत्र के रिहिन; जेमन के गनती, 22,200 रिहिस।
\b
\li1
\v 15 गाद के संतान ओमन के गोत्र के मुताबिक:
\li2 सपोन के जरिये सपोनी गोत्र;
\li2 हाग्गी के जरिये हाग्गी गोत्र;
\li2 सूनी के जरिये सूनी गोत्र;
\li2
\v 16 ओजनी के जरिये ओजनी गोत्र;
\li2 एरी के जरिये एरी गोत्र;
\li2
\v 17 अरोद के जरिये अरोदी गोत्र;
\li2 अरेली के जरिये अरेली गोत्र।
\lf
\v 18 येमन गाद गोत्र के रिहिन; जेमन के गनती 40,500 रिहिस।
\b
\lh
\v 19 यहूदा के बेटा एर अऊ ओनान रिहिन, पर ओमन कनान देस म मर गीन।\f + \fr 26:19 \fr*\ft देखव \+xt उत 38:3‑4\+xt* अऊ \+xt 7:8\+xt*\ft*\f*
\li1
\v 20 यहूदा के संतान ओमन के गोत्र के मुताबिक:
\li2 सेलह के जरिये सेलानी गोत्र;
\li2 पेरेस के जरिये पेरेसी गोत्र;
\li2 जेरह के जरिये जेरही गोत्र।
\li2
\v 21 पेरेस के संतान येमन रिहिन:
\li3 हेसरोन के जरिये हेसरोनी गोत्र;
\li3 हामूल के जरिये हामूली गोत्र।
\lf
\v 22 येमन यहूदा गोत्र के रिहिन; जेमन के गनती 76,500 रिहिस।
\b
\li1
\v 23 इस्साकार के संतान ओमन के गोत्र के मुताबिक:
\li2 तोला के जरिये तोलायी गोत्र;
\li2 पुआ के जरिये पुवी गोत्र;
\li2
\v 24 यासूब के जरिये यासूबी गोत्र;
\li2 सिमरोन के जरिये सिमरोनी गोत्र।
\lf
\v 25 येमन इस्साकार गोत्र के रिहिन; जेमन के गनती 64,300 रिहिस।
\b
\li1
\v 26 जबूलून के संतान ओमन के गोत्र के मुताबिक:
\li2 सेरेद के जरिये सेरेदी गोत्र;
\li2 एलोन के जरिये एलोनी गोत्र;
\li2 यहलेल के जरिये यहलेली गोत्र।
\lf
\v 27 येमन जबूलूनी गोत्र के रिहिन; जेमन के गनती, 60,500 रिहिस।
\b
\lh
\v 28 यूसुफ के संतान, जेमन गोत्र के मुताबिक मनस्से अऊ एपरैम के जरिये होईन:
\lh
\v 29 मनस्से के संतान:
\li2 माकीर के जरिये माकीरी गोत्र (माकीर ह गिलाद के ददा रिहिस);
\li2 गिलाद के जरिये गिलादी गोत्र।
\li2
\v 30 गिलाद के संतान येमन रिहिन:
\li3 ईएजेर के जरिये ईएजेरी गोत्र;
\li3 हेलेक के जरिये हेलेकी गोत्र;
\li3
\v 31 असरीएल के जरिये असरीएली गोत्र;
\li3 सकेम के जरिये सकेमी गोत्र;
\li3
\v 32 समीदा के जरिये समीदायी गोत्र;
\li3 हेपेर के जरिये हेपेरी गोत्र।
\li3
\v 33 (हेपेर के बेटा सलोफाद के कोनो बेटा नइं रिहिन; ओकर सिरिप बेटीमन रिहिन, जेमन के नांव महला, नोआ, होगला, मिलका अऊ तिरसा रिहिस।)
\lf
\v 34 येमन मनस्से के गोत्र रिहिन; जेमन के गनती 52,700 रिहिस।
\li1
\v 35 एपरैम के संतान ओमन के गोत्र के मुताबिक येमन रिहिन:
\li2 सूतेलह के जरिये सूतेलही गोत्र;
\li2 बेकेर के जरिये बेकेरी गोत्र;
\li2 तहान के जरिये तहानी गोत्र।
\li2
\v 36 सूतेलह के संतान येमन रिहिन:
\li3 एरान के जरिये एरानी गोत्र।
\lf
\v 37 येमन एपरैम के संतान रिहिन; जेमन के गनती, 32,500 रिहिस।
\lf येमन गोत्र के मुताबिक यूसुफ के संतान रिहिन।
\b
\li1
\v 38 बिनयामीन के संतान ओमन के गोत्र के मुताबिक:
\li2 बेला के जरिये बेलायी गोत्र;
\li2 असबेल के जरिये असबेली गोत्र;
\li2 अहीराम के जरिये अहीरामी गोत्र;
\li2
\v 39 सूपाम\f + \fr 26:39 \fr*\ft या \ft*\fqa सपूपाम\fqa*\f* के जरिये सूपामी गोत्र;
\li2 हूपाम के जरिये हूपामी गोत्र।
\li2
\v 40 बेला के संतान अर्द अऊ नामान के जरिये:
\li3 अर्द के जरिये अर्दी गोत्र;
\li3 नामान के जरिये नामानी गोत्र।
\lf
\v 41 येमन बिनयामीन के गोत्र रिहिन; जेमन के संखिया 45,600 रिहिस।
\b
\li1
\v 42 दान के संतान ओमन के गोत्र के मुताबिक येमन रिहिन:
\li2 सूहाम के जरिये सूहामी गोत्र।
\lf येमन दान के गोत्र रिहिन: 
\v 43 येमा के जम्मो झन सूहामी गोत्र के रिहिन; जेमन के संखिया 64,400 रिहिस।
\b
\li1
\v 44 आसेर के संतान ओमन के गोत्र के मुताबिक:
\li2 यिमना के जरिये यिमनी गोत्र;
\li2 इसवी के जरिये इसवी गोत्र;
\li2 बरीया के जरिये बरीयी गोत्र;
\li2
\v 45 अऊ बरीया के संतान के जरिये:
\li3 हेबेर के जरिये हेबेरी गोत्र;
\li3 मलकीएल के जरिये मलकीएली गोत्र।
\lf
\v 46 आसेर के सेरह नांव के एक बेटी रिहिस।
\lf
\v 47 येमन आसेर के गोत्र रिहिन; जेमन के गनती 53,400 रिहिस।
\b
\li1
\v 48 नपताली के संतान ओमन के गोत्र के मुताबिक:
\li2 यहसेल के जरिये यहसेली गोत्र;
\li2 गूनी के जरिये गूनी गोत्र;
\li2
\v 49 येसेर के जरिये येसेरी गोत्र;
\li2 सिल्लेम के जरिये सिल्लेमी गोत्र।
\lf
\v 50 येमन नपताली गोत्र के रिहिन; जेमन के गनती 45,400 रिहिस।
\b
\lf
\v 51 इसरायल के पुरूसमन के कुल संखिया 6,01,730 रिहिस।
\b
\p
\v 52 यहोवा ह मूसा ला कहिस, 
\v 53 “नांव के गनती के आधार म ओमन के बीच म भुइयां ला ओमन के उत्तराधिकार के रूप म बांटना हे। 
\v 54 बड़े दल ला बड़े भाग दे, अऊ छोटे दल ला छोटे भाग; सूची म ओमन के गनती के मुताबिक हर एक ला ओकर उत्तराधिकार मिलय। 
\v 55 येकर धियान रखबे कि भुइयां ला चिट्ठी के जरिये बांटे जावय। हर एक दल ला जऊन भाग मिलथे, ओह ओकर पुरखा के गोत्र के नांव के मुताबिक होवय। 
\v 56 हर उत्तराधिकार ला चिट्ठी के दुवारा बड़े अऊ छोटे दलमन के बीच बांटे जावय।”
\b
\li1
\v 57 ये लेवीमन रिहिन, जेमन के गनती ओमन के गोत्र के मुताबिक होईस:
\li2 गेरसोन के जरिये गेरसोनी गोत्र;
\li2 कहात के जरिये कहाती गोत्र;
\li2 मरारी के जरिये मरारी गोत्र।
\li1
\v 58 लेवी गोत्र के येमन घलो रिहिन:
\li2 लिबनी गोत्र,
\li2 हेबरोनी गोत्र,
\li2 महली गोत्र,
\li2 मूसी गोत्र,
\li2 कोरही गोत्र।
\li2 (कहात ह अमराम के पुरखा रिहिस; 
\v 59 अमराम के घरवाली के नांव योकेबेद रिहिस, जऊन ह लेवी के एक संतान रिहिस, अऊ मिसर म लेवी बंस म जनमे रिहिस। अमराम कोति ले ओह हारून, मूसा अऊ ओमन के बहिनी मिरियम ला जनम दीस। 
\v 60 हारून ह नादाब, अबीहू, एलिआजर अऊ ईतामार के ददा रिहिस। 
\v 61 पर नादाब अऊ अबीहू मर गीन, जब ओमन यहोवा के आघू म बिगर अधिकार वाले आगी ले एक बलिदान चघाईन।)\f + \fr 26:61 \fr*\ft देखव \+xt लैव्य 10:1‑7\+xt*\ft*\f*
\b
\lf
\v 62 जम्मो लेवी पुरूस, जेमन एक महिना अऊ जादा उमर के रिहिन, गनती म 23,000 रिहिन। येमन ला आने इसरायलीमन संग नइं गने गीस, काबरकि येमन ला ओमन के बीच उत्तराधिकार नइं मिले रिहिस।
\b
\p
\v 63 मूसा अऊ एलिआजर पुरोहित के दुवारा येमन ला गने गीस, जब ओमन यरीहो के ओ पार यरदन नदी के तीर मोआब के मैदान म इसरायलीमन के गनती करिन। 
\v 64 जऊन इसरायलीमन ला मूसा अऊ हारून पुरोहित, सीनय के सुन्ना जगह म गने रिहिन, ओमा के एको झन घलो अभी गने गय मनखेमन के बीच नइं रिहिन। 
\v 65 काबरकि यहोवा ह ओ इसरायलीमन ला कहे रिहिस कि ओमन खचित सुन्ना जगह म मर जाहीं, अऊ सिरिप यपुन्ने के बेटा कालेब अऊ नून के बेटा यहोसू ला छोंड़ ओमा के एको झन घलो नइं बांचिन।\f + \fr 26:65 \fr*\ft देखव \+xt गन 14:29‑35\+xt*\ft*\f*
\c 27
\s1 सलोफाद के बेटीमन
\p
\v 1 मनस्से के बेटा माकीर, माकीर के बेटा गिलाद, गिलाद के बेटा हेपेर, हेपेर के बेटा सलोफाद, सलोफाद ले ओकर बेटीमन रिहिन; येमन यूसुफ के बेटा मनस्से के गोत्र के रिहिन। सलोफाद के बेटीमन के नांव महला, नोआ, होगला, मिलका अऊ तिरसा रिहिस। एक दिन ओमन आईन 
\v 2 अऊ मिलापवाला तम्बू के प्रवेस दुवार करा मूसा, एलिआजर पुरोहित, अगुवामन अऊ जम्मो सभा के आघू म ठाढ़ होके कहिन, 
\v 3 “हमर ददा ह सुन्ना जगह म मर गीस। ओह कोरह के मनखेमन के संग नइं रिहिस, जेमन मिलके यहोवा के बिरोध करिन, पर हमर ददा ह अपन खुद के पाप के कारन मर गीस अऊ ओकर कोनो बेटा नइं ए। 
\v 4 ओकर कोनो बेटा नइं होय के कारन ओकर नांव ह गोत्र ले काबर खतम हो जावय? एकरसेति हमर ददा के रिस्तेदारमन के बीच म हमन ला घलो संपत्ति देवव।”
\p
\v 5 तब मूसा ह ओमन के ये बात ला यहोवा ला कहिस, 
\v 6 अऊ यहोवा ह मूसा ला कहिस, 
\v 7 “सलोफाद के बेटीमन जऊन बात कहत हें, ओह सही अय। जरूरी ए कि तें ओमन ला ओमन के ददा के रिस्तेदारमन के बीच उत्तराधिकार के रूप म संपत्ति दे अऊ ओमन के ददा के उत्तराधिकार ओमन ला दे।
\p
\v 8 “इसरायलीमन ला कह, ‘यदि कोनो मनखे बिगर बेटा के मर जाथे, त ओकर उत्तराधिकार ओकर बेटी ला दिये जावय। 
\v 9 यदि ओकर कोनो बेटी नइं ए, त ओकर भाईमन ला उत्तराधिकार दिये जावय। 
\v 10 यदि ओकर कोनो भाई नइं ए, त ओकर उत्तराधिकार ओकर ददा के भाईमन ला दिये जावय। 
\v 11 यदि ओकर ददा के भाई नइं ए, त उत्तराधिकार ओकर गोत्र के सबले नजदीकी रिस्तेदार ला मिलय, संपत्ति ला ओह ले लेवय। ये कानून ला इसरायलीमन के बीच म कड़ई से माने जावय, जइसने कि यहोवा ह मूसा ला हुकूम दे हवय।’ ”
\s1 यहोसू ह मूसा के जगह लेथे
\p
\v 12 तब यहोवा ह मूसा ला कहिस, “ये पहाड़\f + \fr 27:12 \fr*\ft या \ft*\fqa नबो पहाड़\fqa*\ft ; देखव \+xt ब्यव 32:49\+xt*\ft*\f* के अबारीम छेत्र म ऊपर जा अऊ ओ देस ला देख, जेला मेंह इसरायलीमन ला दे हंव। 
\v 13 येला देखे के बाद, तेंह घलो अपन भाई हारून सहीं अपन मनखेमन के संग हमेसा बर सुत जाबे, 
\v 14 काबरकि जब समाज ह सीन के सुन्ना जगह म पानी के सोता करा बिदरोह करिस, त तुमन दूनों मोर हुकूम ला नइं मानके ओमन के नजर म मोर पबितरता के अनादर करेव।” (येमन सीन के सुन्ना जगह म मरीबा-कादेस के पानी के सोतामन रिहिन।)
\p
\v 15 मूसा ह यहोवा ले बिनती करिस, 
\v 16 “यहोवा, परमेसर जऊन ह जम्मो जीयत चीजमन ला सांस देथे, ओह ये समाज के ऊपर कोनो ला ठहिरावय 
\v 17 जऊन ह ओमन के आघू म आवय-जावय, जऊन ह ओमन के अवई अऊ जवई म अगुवई करय, ताकि यहोवा के समाज बिगर चरवाहा के भेड़मन सहीं झन होवय।”
\p
\v 18 तब यहोवा ह मूसा ला कहिस, “नून के बेटा यहोसू ला ले अऊ ओकर ऊपर अपन हांथ रख; ओह एक अइसे मनखे अय, जेमा अगुवई करे के आतमा हवय। 
\v 19 ओला एलिआजर पुरोहित अऊ जम्मो सभा के आघू म ठाढ़ कर अऊ ओमन के आघू म ओला अधिकार दे। 
\v 20 ओला तोर कुछू अधिकार दे ताकि पूरा इसरायली समाज ओकर बात मानय। 
\v 21 ओह एलिआजर पुरोहित के आघू म ठाढ़ होवय, जऊन ह यहोवा के आघू म ऊरीम के पुछताछ के दुवारा ओकर बर परमेसर के ईछा मालूम करय। ओकर हुकूम ले ओह अऊ पूरा इसरायली समाज जावंय अऊ ओकर हुकूम ले ओमन आवंय।”
\p
\v 22 मूसा ह वइसने ही करिस, जइसने यहोवा ह ओला हुकूम दे रिहिस। ओह यहोसू ला लीस अऊ ओला एलिआजर पुरोहित अऊ जम्मो सभा के आघू म ठाढ़ करिस। 
\v 23 तब मूसा ह यहोसू के ऊपर अपन हांथ रखके ओला अधिकार दीस, जइसे यहोवा ह मूसा ला हुकूम दे रिहिस।
\c 28
\s1 हर दिन के बलिदान
\p
\v 1 फेर यहोवा ह मूसा ला कहिस, 
\v 2 “इसरायलीमन ला ये हुकूम देके कह: ‘धियान रहय कि ठहिराय गे समय म मोला महकत सुख-देवइया जेवन-बलिदान चघावव।’ 
\v 3 ओमन ला कह: ‘तुमन यहोवा ला ये जेवन-बलिदान चघावव: हर दिन होम-बलिदान के रूप म एक-एक बछर के दू ठन निरदोस मेढ़ा-पीला चघाय जावय। 
\v 4 एक ठन मेढ़ा-पीला ला बिहनियां अऊ एक ठन ला सांझ के चघावव, 
\v 5 संग म एक एपा उत्तम पीसान के दसवां भाग\f + \fr 28:5 \fr*\ft लगभग 1.6 किलोग्राम\ft*\f* ला चढ़ावा चघावव, जेमा पेरके निकाले गय एक हीन जैतून तेल के चौथा भाग\f + \fr 28:5 \fr*\ft लगभग 1 लीटर\ft*\f* मिले रहय। 
\v 6 येह यहोवा ला चघाय जानेवाला महकत सुख-देवइया एक जेवन-बलिदान सीनय पहाड़ म ठहिराय गे नियमित होम-बलिदान ए। 
\v 7 संग म हर मेढ़ा-पीला के संग एक हीन के एक चौथाई\f + \cat dup\cat*\fr 28:7 \fr*\ft लगभग 1 लीटर\ft*\f* मंद के पेय-बलिदान रहय। पेय-बलिदान ला पबितर-स्थान म यहोवा बर ढार दव। 
\v 8 दूसर मेढ़ा-पीला ला सांझ के बेरा चघावव; संग म ओहीच किसम के अन्न-बलिदान अऊ पेय-बलिदान के चढ़ावा घलो चघाय जावय, जइसे कि तुमन बिहनियां के बेरा चघाथव। येह यहोवा ला एक महकत सुख-देवइया जेवन-बलिदान अय।
\s1 बिसराम दिन के बलिदान
\p
\v 9 “ ‘बिसराम दिन म, एक-एक साल के दू ठन निरदोस मेढ़ा-पीला के चढ़ावा चघावव; संग म येकर पेय-बलिदान अऊ एक एपा के दू-दसवां भाग\f + \fr 28:9 \fr*\ft लगभग 3.2 किलोग्राम; \+xt पद 12|link-href="NUM 28:12"\+xt*, \+xt 20|link-href="NUM 28:20"\+xt* अऊ \+xt 28|link-href="NUM 28:28"\+xt* म घलो\ft*\f* जैतून तेल म सने उत्तम पीसान के एक अन्न-बलिदान चघावव। 
\v 10 नियमित रूप से चघाय जानेवाला होम-बलिदान अऊ येकर पेय-बलिदान के अलावा येह हर बिसराम दिन बर होम-बलिदान अय।
\s1 मासिक-बलिदान
\p
\v 11 “ ‘हर महिना के सुरू म, दू ठन बछवा, एक ठन मेढ़ा अऊ एक-एक साल के सात ठन निरदोस मेढ़ा-पीला यहोवा ला एक होम-बलिदान के रूप म चघाय करव। 
\v 12 हर बछवा के संग तेल ले सने उत्तम पीसान के एक एपा के तीन-दसवां भाग\f + \fr 28:12 \fr*\ft लगभग 5 किलोग्राम\ft*\f* अन्न-बलिदान के रूप म चघावव; मेढ़ा-पीला के संग तेल ले सने उत्तम पीसान के एक एपा के दू-दसवां भाग अन्न-बलिदान के रूप म चघावव; 
\v 13 अऊ हर एक मेढ़ा-पीला के संग तेल ले सने उत्तम पीसान के एक एपा के दसवां भाग\f + \fr 28:13 \fr*\ft लगभग 1 किलोग्राम\ft*\f* अन्न-बलिदान के रूप म चघावव। येह यहोवा बर चघाय जानेवाला एक होम-बलिदान, एक महकत सुख-देवइया जेवन-बलिदान अय। 
\v 14 हर एक बछवा के संग आधा हीन\f + \fr 28:14 \fr*\ft लगभग 1.9 लीटर\ft*\f* अंगूर के मंद; मेढ़ा के संग एक हीन\f + \fr 28:14 \fr*\ft लगभग 1.3 लीटर\ft*\f* के तीसरा भाग; अऊ हर एक मेढ़ा-पीला संग एक हीन के चौथा भाग पेय-बलिदान के रूप म चघाय जावय। येह साल भर हर नवां चंदा के दिन चघाय जानेवाला मासिक होम-बलिदान अय। 
\v 15 नियमित होम-बलिदान के संग येकर पेय-बलिदान के अलावा एक ठन बोकरा पाप-बलिदान\f + \fr 28:15 \fr*\ft या \ft*\fqa सुधिकरन-बलिदान\fqa*\ft ; \+xt पद 22|link-href="NUM 28:22"\+xt* म घलो\ft*\f* के रूप म यहोवा ला चघाय जावय।
\s1 फसह तिहार
\p
\v 16 “ ‘हर साल पहिला महिना के चौदहवां दिन यहोवा के फसह माने जावय। 
\v 17 ये महिना के पंदरहवां दिन एक तिहार होवय; काबरकि सात दिन बिगर खमीर के बने रोटी खावव। 
\v 18 पहिली दिन एक पबितर सभा करव अऊ ओ दिन तुमन रोजमर्रा के काम झन करव। 
\v 19 यहोवा ला एक जेवन-बलिदान चघावव, जेह दू ठन बछवा, एक ठन मेढ़ा-पीला अऊ एक-एक साल के सात ठन निरदोस मेढ़ा-पीला के होम-बलिदान ले बने होवय। 
\v 20 हर एक बछवा के चढ़ावा के संग तेल ले सने उत्तम पीसान के एक एपा के तीन-दसवां भाग; मेढ़ा के संग दू-दसवां भाग एक अन्न-बलिदान के रूप म चघावव; 
\v 21 अऊ सात मेढ़ा-पीला के हर एक के संग एक-दसवां भाग। 
\v 22 अपन पछताप करे बर एक ठन बोकरा पाप-बलिदान के रूप म मिलावव। 
\v 23 हर बिहनियां के होम-बलिदान के अलावा येमन ला चघावव। 
\v 24 ये किसम ले हर एक दिन सात दिन तक यहोवा ला एक महकत सुख-देवइया जेवन-बलिदान चघावव; नियमित होम-बलिदान अऊ येकर पेय-बलिदान के अलावा ये बलिदान चघाय जावव। 
\v 25 सातवां दिन एक पबितर सभा करव अऊ ओ दिन रोजमर्रा के काम झन करव।
\s1 हप्तामन के तिहार
\p
\v 26 “ ‘पहिली-फसल के दिन, जब तुमन हप्तामन के तिहार के समय नवां अनाज के बलिदान यहोवा ला चघावव, त एक पबितर सभा करव अऊ कोनो रोजमर्रा के काम झन करव। 
\v 27 दू ठन बछवा, एक ठन मेढ़ा अऊ एक-एक बछर के सात ठन निरदोस मेढ़ा-पीला के एक होम-बलिदान यहोवा बर महकत सुख-देवइया चढ़ावा के रूप म चघावव। 
\v 28 हर एक बछवा के चढ़ावा संग तेल ले सने उत्तम पीसान के एक एपा के तीन-दसवां भाग; मेढ़ा के संग दू-दसवां भाग; 
\v 29 अऊ हर सात मेढ़ा-पीला के संग एक-दसवां भाग। 
\v 30 अपन पछताप करे बर एक ठन बोकरा मिलावव। 
\v 31 नियमित होम-बलिदान अऊ येकर अन्न-बलिदान के अलावा येमन ला एक संग ओमन के पेय-बलिदान के संग चघावव। ये बात के धियान रहय कि पसुमन निरदोस होवंय।
\c 29
\s1 तुरही के तिहार
\p
\v 1 “ ‘हर साल सातवां महिना के पहिला दिन एक पबितर सभा करव अऊ ओ दिन नियमित काम झन करव। येह तुम्हर बर तुरही बजाय के दिन अय। 
\v 2 यहोवा ला एक महकत सुख-देवइया चढ़ावा के रूप म एक ठन बछवा, एक ठन मेढ़ा अऊ एक-एक साल के सात ठन निरदोस मेढ़ा-पीला के होम-बलिदान चघावव। 
\v 3 बछवा के चढ़ावा के संग जैतून तेल ले सने उत्तम पीसान के एक एपा के तीन-दसवां भाग\f + \fr 29:3 \fr*\ft लगभग 5 किलोग्राम\ft*\f*; मेढ़ा के संग दू-दसवां भाग\f + \fr 29:3 \fr*\ft लगभग 3.2 किलोग्राम\ft*\f*; 
\v 4 अऊ हर सातों मेढ़ा-पीला संग एक-दसवां भाग चघावव।\f + \fr 29:4 \fr*\ft लगभग 1.6 किलोग्राम\ft*\f* 
\v 5 अपन पछताप करे बर ओमा पाप-बलिदान\f + \fr 29:5 \fr*\ft सुध होय के बलिदान\ft*\f* बर एक ठन बोकरा घलो मिला लेवव। 
\v 6 बताय गे मासिक अऊ हर दिन के होम-बलिदान के संग ओमन के अन्न-बलिदान अऊ पेय-बलिदान के अलावा ये बलिदानमन ला चघाय जावय। येमन यहोवा ला एक महकत सुख-देवइया चघाय गे जेवन-बलिदान अंय।
\s1 पछताप के दिन
\p
\v 7 “ ‘ये सातवां महिना के दसवां दिन एक पबितर सभा करव। तुमन अपनआप के इनकार करव\f + \fr 29:7 \fr*\ft या \ft*\fqa उपास करव\fqa*\f* अऊ काम झन करव। 
\v 8 यहोवा ला एक महकत सुख-देवइया चढ़ावा के रूप म एक ठन बछवा, एक ठन मेढ़ा अऊ एक-एक साल के सात ठन निरदोस मेढ़ा-पीला के होम-बलिदान चघावव। 
\v 9 बछवा के चढ़ावा संग तेल ले सने उत्तम पीसान के एक एपा के तीन-दसवां भाग; मेढ़ा के संग दू-दसवां भाग; 
\v 10 अऊ सातों मेढ़ा-पीलामन के हर एक के संग एक-दसवां भाग चघावव। 
\v 11 पछताप करे बर पाप-बलिदान अऊ नियमित होम-बलिदान के संग येकर अन्न-बलिदान, अऊ ओमन के पेय-बलिदान के अलावा, पाप-बलिदान के रूप म एक ठन बोकरा मिलावव।
\s1 पबितर-तम्बूमन के तिहार
\p
\v 12 “ ‘सातवां महिना के पंदरहवां दिन एक पबितर सभा करव अऊ ओ दिन नियमित काम झन करव। सात दिन तक यहोवा बर तिहार मनावव। 
\v 13 यहोवा ला एक महकत सुख-देवइया चढ़ावा के रूप म एक जेवन-बलिदान चघावव, जेमा तेरह ठन बछवा, दू ठन मेढ़ा अऊ एक-एक साल के चौदह ठन निरदोस मेढ़ा-पीला होम-बलिदान के होवंय। 
\v 14 तेरह बछवा म ले हर एक बछवा के चढ़ावा संग तेल ले सने उत्तम पीसान के एक एपा के तीन-दसवां भाग; दूनों मेढ़ा म ले हर एक के संग दू-दसवां भाग; 
\v 15 अऊ चौदह मेढ़ा-पीलामन के हर एक के संग म एक-दसवां भाग चघावव। 
\v 16 नियमित होम-बलिदान के संग येकर अन्न-बलिदान अऊ पेय-बलिदान के अलावा, एक ठन बोकरा पाप-बलिदान के रूप म मिलावव।
\p
\v 17 “ ‘दूसरा दिन बारह ठन बछवा, दू ठन मेढ़ा अऊ एक-एक साल के चौदह ठन निरदोस मेढ़ा-पीला चघावव। 
\v 18 बछवा, मेढ़ा अऊ मेढ़ा-पीला के संग बताय गे संखिया के मुताबिक ओमन के अन्न-बलिदान अऊ पेय-बलिदान चघावव। 
\v 19 नियमित होम-बलिदान के संग येकर अन्न-बलिदान, अऊ ओमन के पेय-बलिदान के अलावा, एक ठन बोकरा पाप-बलिदान के रूप म मिलावव।
\p
\v 20 “ ‘तीसरा दिन गियारह ठन बछवा, दू ठन मेढ़ा अऊ एक-एक साल के चौदह ठन निरदोस मेढ़ा-पीला चघावव। 
\v 21 बछवा, मेढ़ा अऊ मेढ़ा-पीला के संग बताय गे संखिया के मुताबिक ओमन के अन्न-बलिदान अऊ पेय-बलिदान चघावव। 
\v 22 नियमित होम-बलिदान के संग येकर अन्न-बलिदान अऊ पेय-बलिदान के अलावा, एक ठन बोकरा पाप-बलिदान के रूप म मिलावव।
\p
\v 23 “ ‘चौथा दिन दस ठन बछवा, दू ठन मेढ़ा अऊ एक-एक साल के चौदह ठन निरदोस मेढ़ा-पीला चघावव। 
\v 24 बछवा, मेढ़ा अऊ मेढ़ा-पीला के संग बताय गे संखिया के मुताबिक ओमन के अन्न-बलिदान अऊ पेय-बलिदान चघावव। 
\v 25 नियमित होम-बलिदान के संग येकर अन्न-बलिदान अऊ पेय-बलिदान के अलावा, एक ठन बोकरा पाप-बलिदान के रूप म मिलावव।
\p
\v 26 “ ‘पांचवां दिन नौ ठन बछवा, दू ठन मेढ़ा अऊ एक-एक साल के चौदह ठन निरदोस मेढ़ा-पीला चघावव। 
\v 27 बछवा, मेढ़ा अऊ मेढ़ा-पीला के संग बताय गे संखिया के मुताबिक ओमन के अन्न-बलिदान अऊ पेय-बलिदान चघावव। 
\v 28 नियमित होम-बलिदान के संग येकर अन्न-बलिदान अऊ पेय-बलिदान के अलावा, एक ठन बोकरा पाप-बलिदान के रूप म मिलावव।
\p
\v 29 “ ‘छठवां दिन आठ ठन बछवा, दू ठन मेढ़ा अऊ एक-एक साल के चौदह ठन निरदोस मेढ़ा-पीला चघावव। 
\v 30 बछवा, मेढ़ा अऊ मेढ़ा-पीला के संग बताय गे संखिया के मुताबिक ओमन के अन्न-बलिदान अऊ पेय-बलिदान चघावव। 
\v 31 नियमित होम-बलिदान के संग येकर अन्न-बलिदान अऊ पेय-बलिदान के अलावा, एक ठन बोकरा पाप-बलिदान के रूप म मिलावव।
\p
\v 32 “ ‘सातवां दिन सात ठन बछवा, दू ठन मेढ़ा अऊ एक-एक साल के चौदह ठन निरदोस मेढ़ा-पीला चघावव। 
\v 33 बछवा, मेढ़ा अऊ मेढ़ा-पीला के संग बताय गे संखिया के मुताबिक ओमन के अन्न-बलिदान अऊ पेय-बलिदान चघावव। 
\v 34 नियमित होम-बलिदान के संग येकर अन्न-बलिदान अऊ पेय-बलिदान के अलावा, एक ठन बोकरा पाप-बलिदान के रूप म मिलावव।
\p
\v 35 “ ‘आठवां दिन एक बिसेस समापन सभा करव अऊ ओ दिन नियमित काम झन करव। 
\v 36 यहोवा ला एक महकत सुख-देवइया चढ़ावा के रूप म एक जेवन-बलिदान चघावव, जेमा एक ठन बछवा, एक ठन मेढ़ा अऊ एक-एक साल के सात ठन निरदोस मेढ़ा-पीला के एक होम-बलिदान होवय। 
\v 37 बछवा, मेढ़ा अऊ मेढ़ा-पीला के संग बताय गे संखिया के मुताबिक ओमन के अन्न-बलिदान अऊ पेय-बलिदान चघावव। 
\v 38 नियमित होम-बलिदान के संग येकर अन्न-बलिदान अऊ पेय-बलिदान के अलावा, एक ठन बोकरा पाप-बलिदान के रूप म मिलावव।
\p
\v 39 “ ‘अपन मन्नत अऊ अपन स्वेच्छा-बलिदान के चढ़ावा के अलावा, तुम्हर ठहिराय गे तिहार म यहोवा ला ये घलो चघावव: तुम्हर होम-बलिदान, अन्न-बलिदान, पेय-बलिदान अऊ मेल-बलिदान।’ ”
\p
\v 40 यहोवा के जम्मो हुकूम ला मूसा ह इसरायलीमन ला बता दीस।\f + \fr 29:40 \fr*\ft इबरानी अनुवाद म ये पद (\+xt 29:40\+xt*) ला अधियाय 30:1 के रूप म गने गे हवय\ft*\f*
\c 30
\s1 मन्नत
\p \f + \fr 30 \fr*\ft इबरानी म \+xt 30:1‑16\+xt* ला 30:2‑17 गने गे हवय\ft*\f* 
\v 1 मूसा ह इसरायल के गोत्रमन के मुखियामन ला कहिस: “यहोवा के ये हुकूम अय: 
\v 2 जब कोनो मनखे यहोवा के मन्नत मानथे या अपनआप परन करके सपथ खावय, त ओह अपन बचन ले झन मुकरय, पर अपन कहे हर बात ला पूरा करय।
\p
\v 3 “जब कोनो जवान नोनी अपन ददा के घर म रहत यहोवा के मन्नत मानथे या अपनआप कोनो परन करथे 
\v 4 अऊ ओकर ददा ओकर मन्नत या परन ला सुनथे, पर ओला कुछू नइं कहय, त ओ जवान नोनी के जम्मो मन्नत अऊ ओकर करे गे हर परन ह लागू होथे। 
\v 5 पर यदि ओकर ददा ह ओकर मन्नत या ओकर बचन देवई ला सुनके ओला मना कर देथे, त ओकर दुवारा माने गय कोनो मन्नत या परन ह लागू नइं होवय; यहोवा ह ओला छोंड़ दीही, काबरकि ओकर ददा ह ओला मना कर दे हवय।
\p
\v 6 “यदि ओह कोनो परन करे के बाद या अपनआप बिगर सोचे-बिचारे कोनो मन्नत के बाद बिहाव कर लेथे 
\v 7 अऊ जब ओकर घरवाला ह येकर बारे म सुनथे, पर ओला कुछू नइं कहय, त फेर ओकर मन्नत या अपनआप करे गे परन करई ह लागू होथे। 
\v 8 पर यदि ओकर घरवाला ह मन्नत के बारे म सुनके ओला मना कर देथे, त ओह ओकर घरवाली के परन या बिगर सोचे-बिचारे अपनआप करे गे मन्नत ला खतम कर देथे, अऊ यहोवा ह ओला छेमा कर दीही।
\p
\v 9 “यदि बिधवा या तलाकसुदा माईलोगन कोनो मन्नत मानथे या बचन देथे, त ओह ओकर ले बंधे रहिथे।
\p
\v 10 “यदि कोनो माईलोगन अपन घरवाला के संग रहत कोनो मन्नत मानथे या सपथ खाके कोनो परन करथे 
\v 11 अऊ ओकर घरवाला येला सुनके ओला कुछू नइं कहय अऊ ओला मना नइं करय, त ओकर माने गे जम्मो मन्नत या ओकर दुवारा करे गे जम्मो परन लागू होथे। 
\v 12 पर यदि ओकर घरवाला ह ओ मन्नत या बचन ला सुनके खतम कर देथे, तब ओ माईलोगन के दुवारा माने गे मन्नत या बचन लागू नइं होवय। ओकर घरवाला ह ओमन ला रद्द कर दे हवय, एकरसेति यहोवा ह ओला छेमा कर दीही। 
\v 13 ओकर घरवाला ह ओकर दुवारा माने गे कोनो मन्नत या करे गय सपथ ला लागू कर सकथे या ओला खतम घलो कर सकथे। 
\v 14 पर यदि ओकर घरवाला दिन-प्रतिदिन ओकर बारे म ओला कुछू नइं कहय, त येकर मतलब ये अय कि ओह ओकर दुवारा करे गय जम्मो मन्नत या परन ला सहमती देथे। ओह सुनके ओला कुछू नइं कहे के दुवारा ओकर मन्नत या बचन बर सहमती देथे। 
\v 15 पर यदि ओह ओ मन्नत या बचन ला सुनके कुछू समय बाद ओमन ला खतम कर देथे, तब ओह अपन घरवाली के दोस के भार उठाही।”
\p
\v 16 एक मनखे अऊ ओकर घरवाली के बीच, अऊ एक ददा अऊ ओकर कुंवारी बेटी के बीच जऊन ह अभी भी घर म रहिथे, ओमन के संबंध के बारे म येमन बिधि अंय, जेला यहोवा ह मूसा ला दीस।
\c 31
\s1 मिदयानीमन ले बदला लेवई
\p
\v 1 यहोवा ह मूसा ला कहिस, 
\v 2 “इसरायलीमन बर मिदयानीमन ले बदला ले। ओकर बाद, तेंह मरके अपन पुरखामन संग हमेसा बर मिल जाबे।”
\p
\v 3 तब मूसा ह मनखेमन ला कहिस, “मिदयानीमन के बिरूध लड़ई करे बर अपन कुछू मनखेमन ला तियार होय बर कहव, ताकि ओमन मिदयानीमन ले यहोवा के बदला लेवंय। 
\v 4 इसरायल के हर गोत्र म ले एक-एक हजार पुरूसमन ला लड़ई म भेजव।” 
\v 5 हर गोत्र म ले एक-एक हजार, कुल बारह हजार हथियारबंद पुरूस लड़ई बर इसरायल के बंस ले तियार होईन। 
\v 6 मूसा ह हर गोत्र म ले एक-एक हजार पुरूस लड़ई म भेजिस; संग म एलिआजर पुरोहित के बेटा पीनहास ला पठोईस, जऊन ह अपन संग पबितर-स्थान के चीज अऊ फूंकके इसारा करे बर तुरहीमन ला धरे रिहिस।
\p
\v 7 यहोवा के मूसा ला दिये हुकूम के मुताबिक ओमन मिदयानीमन के बिरूध लड़के जम्मो मिदयानी पुरूस ला मार डारिन। 
\v 8 मारे गे मनखेमन के बीच मिदयानीमन के पांच राजा—एवी, रेकेम, सूर, हूर अऊ रेबा रिहिन। ओमन बेओर के बेटा बिलाम ला घलो तलवार ले मार डारिन। 
\v 9 इसरायलीमन मिदयानी माईलोगन अऊ लइकामन ला बंदी बना लीन अऊ मिदयानीमन के जम्मो गरूवा-बईला, भेड़-बकरी के झुंड अऊ सामान ला लूट लीन। 
\v 10 ओमन मिदयानीमन के बसे जम्मो नगर अऊ ओमन के जम्मो सिविरमन ला नास कर दीन। 
\v 11 ओमन जम्मो लूट के सामान, मनखे अऊ पसुमन ला ले लीन, 
\v 12 अऊ बंदीमन ला अऊ लूट के सामान ला मूसा अऊ एलिआजर पुरोहित अऊ इसरायली सभा करा मोआब के मैदान म डारे ओमन के डेरा म ले आईन, जऊन ह यरीहो के ओ पार यरदन नदी के तीर म रिहिस।
\p
\v 13 मूसा, एलिआजर पुरोहित अऊ समाज के जम्मो अगुवामन ओमन ले मिले बर सिविर के बाहिर गीन। 
\v 14 मूसा ह लड़ई ले लहुंटे सेना के ओ अधिकारीमन ले नराज होईस, जेमन हजारों अऊ सैकड़ों सैनिक के ऊपर सेनापति ठहिराय गे रिहिन।
\p
\v 15 मूसा ह ओमन ले पुछिस, “का तुमन जम्मो माईलोगन ला जीयत छोंड़ दे हव?” 
\v 16 येमन ओ माईलोगन रिहिन, जेमन पेओर के घटना म बिलाम के सलाह मानिन अऊ यहोवा के संग बिसवासघात करे बर इसरायली समाज ला बहकाईन, जेकर ले यहोवा के मनखेमन ऊपर एक महामारी फईलिस। 
\v 17 अब जम्मो लड़कामन ला मार डारव। अऊ हर ओ माईलोगन ला मार डारव, जऊन ह पुरूस के संग सुते हवय, 
\v 18 पर हर ओ लड़की ला अपन बर बचाके रखव, जेह पुरूस के संग कभू नइं सुते हे।
\p
\v 19 “जऊन मनखे ह कोनो मनखे ला मार डारे हे या कोनो मारे गे मनखे ला छुए हे, त ओ मनखे ह सात दिन तक डेरा ले बाहिर रहय। तीसरा अऊ सातवां दिन तुमन अपनआप ला अऊ अपन बंदीमन ला सुध करव। 
\v 20 हर एक कपड़ा अऊ संग म चाम के बने हर चीज ला सुध करव, बोकरा के रूआं हो या लकड़ी।”
\p
\v 21 तब एलिआजर पुरोहित ह ओ सैनिकमन ला कहिस, जऊन मन लड़ई म गे रिहिन, “यहोवा के दुवारा मूसा ला दिये गे कानून के मुताबिक ये काम करे के जरूरत हे: 
\v 22 सोन, चांदी, कांसा, लोहा, टीन, सीसा 
\v 23 अऊ जऊन कुछू चीज आगी म नइं जलय, ओमन ला आगी म डालके निकालव, अऊ तब ये चीजमन सुध हो जाहीं। पर येमन ला सुध करइया पानी ले घलो सुध करना जरूरी ए। अऊ जऊन कुछू चीज आगी म ठहर नइं सकय, ओला ओ पानी म डालके निकालव। 
\v 24 सातवां दिन अपन कपड़ामन ला धोवव अऊ तुमन सुध हो जाहू। तब तुमन डेरा म आ सकत हव।”
\s1 लूट के सामान के बंटवारा
\p
\v 25 फेर यहोवा ह मूसा ला कहिस, 
\v 26 “तें अऊ एलिआजर पुरोहित अऊ समाज के परिवार के मुखियामन बंदी बनाय गे जम्मो मनखे अऊ पसुमन के गनती करव। 
\v 27 लूट के सामान ला लड़ई म गय सैनिक अऊ समाज के बाकि मनखेमन के बीच बरोबर-बरोबर बांट दव। 
\v 28 जऊन सैनिकमन लड़ई म गे रिहिन, ओमा ले हर पांच सौ के पाछू एक झन ला यहोवा बर राजकर के रूप म अलग रखव; चाहे ओमन मनखे, पसु, गदहा या भेड़मन होवंय। 
\v 29 ओमन के आधा भाग म ले ये राजकर ला लेय ले अऊ येला यहोवा बर एलिआजर पुरोहित ला भेंट देय दे। 
\v 30 इसरायलीमन के आधा भाग म ले, हर पचास के पाछू एक झन ला अलग रख; चाहे ओमन मनखे, पसु, गदहा, भेड़ या आने पसुमन होवंय। ये भाग ला ओ लेवीमन ला देय दे, जेमन के ऊपर यहोवा के पबितर-तम्बू के देखरेख के जिम्मेदारी हवय।” 
\v 31 मूसा अऊ एलिआजर पुरोहित मूसा ला दिये गय यहोवा के हुकूम के मुताबिक करिन।
\p
\v 32 सैनिकमन के दुवारा लूटे गय सामान म ले ये बचे रिहिस 6,75,000 भेड़, 
\v 33 72,000 पसु 
\v 34 61,000 गदहा 
\v 35 32,000 माईलोगन जेमन कभू कोनो पुरूस संग नइं सुते रिहिन।
\b
\lh
\v 36 जेमन लड़ई म गे रिहिन, ओमन के आधा भाग ये रिहिस:
\b
\li1 3,37,500 भेड़, 
\v 37 जेमा ले यहोवा के राजकर 675 ठन भेड़ रिहिन;
\li1
\v 38 36,000 पसु, जेमा ले यहोवा के राजकर 72 ठन पसु रिहिन;
\li1
\v 39 30,500 गदहा, जेमा ले यहोवा के राजकर 61 ठन गदहा रिहिन;
\li1
\v 40 16,000 मनखे, जेमा यहोवा बर ठहिराय राजकर के रूप म 32 झन मनखे रिहिन।
\b
\p
\v 41 मूसा ह एलिआजर पुरोहित ला यहोवा के बांटा के रूप म राजकर दीस, जइसे कि यहोवा ह मूसा ला हुकूम दे रिहिस।
\p
\v 42 मूसा ह सैनिकमन ले लूट के आधा सामान ला इसरायलीमन बर अलग रखिस; 
\v 43 समाज के आधा भाग 3,37,500 भेड़, 
\v 44 36,000 पसु, 
\v 45 30,500 गदहा, 
\v 46 अऊ 16,000 मनखे। 
\v 47 इसरायलीमन के आधा भाग म ले, मूसा ह हर पचास मनखे अऊ पचास पसु के पाछू एक-एक मनखे अऊ पसु ला अलग करिस, जइसे कि यहोवा ह ओला हुकूम दे रिहिस, अऊ ओला लेवीमन ला दे दीस, जेमन यहोवा के पबितर-तम्बू के देखरेख करत रिहिन।
\p
\v 48 तब सेना के हर दल के ऊपर ठहिराय गय अधिकारीमन—हजारों सैनिकमन अऊ सैकड़ों सैनिकमन ऊपर ठहिराय गय सेनापतिमन मूसा करा गीन 
\v 49 अऊ मूसा ला कहिन, “तोर सेवकमन हमर अधीन रहे सैनिकमन के गनती करे हवंय, अऊ ओमा ले एको झन भी नइं छूटे हवंय। 
\v 50 हमन म ले हर एक जन सोन के जऊन चीजमन ला अपन अधिकार म ले हन—बाजूबंद, कंगन, मुंदरी, कान के बाली अऊ माला—येला हमन यहोवा बर चढ़ावा के रूप म लाने हन, ताकि यहोवा के आघू म हमन पछताप कर सकन।”
\p
\v 51 तब मूसा अऊ एलिआजर पुरोहित ओमन ले तरासके बनाय गे सोन के जम्मो चीजमन ला ले लीन। 
\v 52 हजारों सैनिक अऊ सैकड़ों सैनिक के सेनापति दुवारा दिये गय जम्मो सोन ला, मूसा अऊ एलिआजर यहोवा ला भेंट म चघाईन, ओकर वजन 16,750 सेकेल\f + \fr 31:52 \fr*\ft लगभग 190 किलोग्राम\ft*\f* रिहिस। 
\v 53 हर एक सैनिक अपन बर लूट के सामान लेय ले रिहिन। 
\v 54 मूसा अऊ एलिआजर पुरोहित हजारों अऊ सैकड़ों सैनिकमन के सेनापति ले ओ सोन ला स्वीकार कर लीन अऊ ओ सोन ला मिलापवाला तम्बू म ले आईन, ताकि ओह यहोवा के आघू म इसरायलीमन बर एक सुरता करइया चीज ठहिरे।
\c 32
\s1 गोत्र
\p
\v 1 रूबेनी अऊ गादीमन करा गरूवा-बईला अऊ भेड़-बकरी के बड़े-बड़े झुंड रिहिन। जब ओमन देखिन कि याजेर अऊ गिलाद पसु-धन बर उचित छेत्र अंय, 
\v 2 त ओमन मूसा अऊ एलिआजर पुरोहित अऊ समाज के अगुवामन करा आईन अऊ कहिन, 
\v 3 “अतारोत, दीबोन, याजेर, निमराह, हेसबोन, एलाले, सबाम, नबो अऊ बोन नगरमन ला 
\v 4 यहोवा ह इसरायली समाज के मनखेमन के आघू म जीत लीस; ये नगरमन पसु-धन बर सही अंय, अऊ तुम्हर सेवकमन करा पसु-धन हवय। 
\v 5 यदि तुम्हर किरपा के नजर हमर ऊपर हवय, त ये देस ला तुम्हर सेवकमन के अधिकार म दिये जावय। हमन ला यरदन नदी के ओ पार झन जावन दव।”
\p
\v 6 तब मूसा ह गादी अऊ रूबेनीमन ला कहिस, “का तुम्हर संगी इसरायलीमन लड़ई करे बर जावंय, जब तुमन इहां बईठे रहव? 
\v 7 तुमन काबर इसरायलीमन ला यरदन के ओ पार के देस म जाय बर हतास करत हव, जेला कि यहोवा ह ओमन ला दे हवय? 
\v 8 तुम्हर पुरखामन घलो अइसने ही करिन, जब मेंह ओमन ला कादेस-बरने ले ओ देस ला देखे बर पठोंय। 
\v 9 जब ओमन एसकोल के घाटी म हबरिन अऊ उहां ले ओ देस ला देखिन, त ओमन इसरायलीमन ला ओ देस म जाय बर हतास करिन, जेला यहोवा ह ओमन ला दे रिहिस। 
\v 10 तब ओ दिन यहोवा के कोप ह भड़किस अऊ ओह ये सपथ खाईस: 
\v 11 ‘काबरकि ओमन पूरा मन से मोर पाछू नइं चलिन, एकरसेति मिसर ले निकले के बेरा जतेक झन बीस साल या ओकर ले जादा उमर के रिहिन, ओमा के कोनो भी ओ देस ला देखे नइं सकहीं, जेला देय के परतिगियां मेंह अब्राहम, इसहाक अऊ याकूब ले सपथ खाके करे रहेंव— 
\v 12 सिरिप कनजी यपुन्ने के बेटा कालेब अऊ नून के बेटा यहोसू ही ओ देस ला देखे सकहीं, काबरकि ओमन पूरा मन से यहोवा के पाछू चले हवंय।’ 
\v 13 त यहोवा के कोप इसरायल ऊपर भड़किस अऊ ओह ओमन ला सुन्ना जगह म चालीस साल तक भटकाईस, जब तक कि ओ पूरा पीढ़ी खतम नइं हो गीस, जेमन ओकर नजर म दुस्ट काम करे रिहिन।
\p
\v 14 “अऊ तुमन इहां, पापीमन के संतान, अपन पुरखामन के जगह म खड़े हव अऊ इसरायल बर यहोवा ला अऊ गुस्सा देवात हव। 
\v 15 यदि तुमन ओकर पाछू चलई बंद कर दूहू, त ओह फेर ये जम्मो मनखेमन ला सुन्ना जगह म छोंड़ दीही, अऊ तुमन ओमन के बिनास के कारन होहू।”
\p
\v 16 तब गादी अऊ रूबेनीमन मूसा करा आके कहिन, “हमन इहां अपन पसुमन बर थान अऊ हमर माईलोगन अऊ लइकामन बर सहर बसाय चाहत हन। 
\v 17 पर हमन खुद लड़ई बर हथियार धरबो अऊ इसरायलीमन के आघू-आघू जाबो, जब तक कि हमन ओमन ला ओमन के जगह म अमरा नइं देबो। इही दौरान हमर माईलोगन अऊ लइकामन ये देस के निवासीमन ले बचे बर गढ़वाले सहर म रहिहीं। 
\v 18 हमन तब तक अपन घर नइं लहुंटन, जब तक कि हर एक इसरायली अपन उत्तराधिकार ला नइं पा लीही। 
\v 19 हमन यरदन के ओ पार ओमन के संग कोनो उत्तराधिकार नइं लेवन, काबरकि हमर उत्तराधिकार हमन ला यरदन के पूरब कोति मिल गे हवय।”
\p
\v 20 तब मूसा ह ओमन ला कहिस, “यदि तुमन ये करहू—यदि तुमन खुद यहोवा कोति ले लड़ई बर हथियार धरहू 
\v 21 अऊ यदि तुमन जम्मो, जऊन मन हथियार धरहू अऊ परभू के आघू यरदन के ओ पार जाहू अऊ यहोवा ह अपन आघू ले अपन बईरीमन ला निकाल दीही— 
\v 22 तब जब देस ह यहोवा के आघू म जीत लिये जाही, त तुमन लहुंट सकत हव अऊ यहोवा बर अऊ अपन संगी इसरायलीमन बर अपन जिम्मेदारी ले छूट सकत हव। अऊ ये देस ह यहोवा के आघू म तुम्हर अधिकार म हो जाही।
\p
\v 23 “पर यदि तुमन ये काम करे म असफल होहू, त तुमन यहोवा के बिरूध पाप करहू, अऊ तुमन ये बात ला खचित जान लव कि तुमन ला तुम्हर पाप लगही। 
\v 24 अपन माईलोगन अऊ लइकामन बर सहर अऊ अपन पसुमन बर थान बनावव, अऊ अपन करे गे परतिगियां ला पूरा करव।”
\p
\v 25 गादी अऊ रूबेनीमन मूसा ला कहिन, “हमन तोर सेवकमन, जइसे हमर मालिक ह हुकूम देवत हे, वइसे करबो। 
\v 26 हमर लइका अऊ घरवाली, हमर गरूवा-बईला अऊ भेड़-बकरी के झुंड इहां गिलाद के सहरमन म रहिहीं। 
\v 27 पर तोर सेवकमन, हर ओ मनखे जऊन ह लड़ई बर हथियार धरे हवय, यहोवा के आघू म लड़ई करे बर ओ पार जाही, जइसे कि हमर मालिक ह कहत हे।”
\p
\v 28 तब मूसा ह ओमन के बारे म एलिआजर पुरोहित अऊ नून के बेटा यहोसू अऊ इसरायली गोत्र के परिवार के मुखियामन ला हुकूम दीस। 
\v 29 मूसा ह ओमन ला कहिस, “यदि गादी अऊ रूबेनीमन के लड़ई बर हथियार धरे हर एक पुरूस यहोवा के आघू म तुम्हर संग यरदन के ओ पार जाथें, अऊ तब जब ओ देस ह तुम्हर अधिकार म आ जाथे, त तुमन गिलाद के देस ला ओमन के अधिकार म दे दूहू। 
\v 30 पर यदि ओमन हथियार धरके तुम्हर संग ओ पार नइं जाहीं, त ओमन ला कनान म ही अपन भाग स्वीकार करना पड़ही।”
\p
\v 31 गादी अऊ रूबेनीमन जबाब दीन, “तोर सेवकमन वइसने ही करहीं, जइसने यहोवा ह कहे हवय। 
\v 32 हमन हथियार धरके यहोवा के आघू म ओ पार कनान देस म जाबो, पर उत्तराधिकार के रूप म हमर संपत्ति यरदन के इही पार रहय।”
\p
\v 33 तब मूसा ह गाद, रूबेन अऊ यूसुफ के बेटा मनस्से के आधा गोत्र ला अमोरीमन के राजा सीहोन के राज अऊ बासान के राजा ओग के राज ला दे दीस—पूरा देस, येकर सहरमन अऊ ओमन के चारों कोति के इलाका ला दे दीस।
\p
\v 34 गादीमन दीबोन, अतारोत, अरोएर, 
\v 35 अतरोत-सोपान, याजेर, योगबहा, 
\v 36 बेत-निमरा अऊ बेत-हारान ला गढ़वाले नगर बना दीन, अऊ अपन पसुमन बर थान बनाईन। 
\v 37 अऊ रूबेनीमन हेसबोन, एलाले, अऊ किरयातैम, 
\v 38 अऊ संग म नबो अऊ बाल-मेओन (ये नांवमन ला बदल दिये गीस) अऊ सिबमा ला फेर बनाईन। ओमन फेर बनाय गे सहरमन के नांव रखिन।
\p
\v 39 मनस्से के बेटा माकीर के संतानमन गिलाद जाके ओला अपन कब्जा म कर लीन अऊ जऊन अमोरीमन उहां रहत रिहिन, ओमन ला भगा दीन। 
\v 40 तब मूसा ह मनस्से के संतान माकीर ला गिलाद के इलाका दे दीस, अऊ ओमन उहां बस गीन। 
\v 41 मनस्से के एक संतान याईर ह गिलाद के नगरमन ऊपर कब्जा कर लीस अऊ ओमन के नांव हव्वोत-याईर\f + \fr 32:41 \fr*\ft या \ft*\fqa याईर के बस्तीमन\fqa*\f* रखिस। 
\v 42 अऊ नोबह ह कनात अऊ ओकर आसपास के बस्तीमन ऊपर कब्जा कर लीस अऊ ओला अपन ही नांव नोबह दीस।
\c 33
\s1 इसरायल के यातरा म पड़ाव
\p
\v 1 जब इसरायलीमन मूसा अऊ हारून के अगुवई म दल बना-बनाके मिसर देस ले बाहिर निकलिन, त येमन ओमन के यातरा के पड़ाव रिहिन। 
\v 2 यहोवा के हुकूम ले मूसा ह ओमन के यातरा के पड़ावमन के लेखा रखिस। पड़ावमन के मुताबिक येह ओमन के यातरा रिहिस:
\b
\pi1
\v 3 पहिला महिना\f + \fr 33:3 \fr*\ft इबरीमन के पहिला महिना संभवतः मध्य मार्च ले लेके मध्य अप्रेल तक होथे\ft*\f* के पंदरहवां दिन, याने कि फसह तिहार के बाद दूसर दिन इसरायलीमन रामसेस सहर ले आघू बढ़िन। ओमन जम्मो मिसरीमन के देखत म बड़े निडरता से निकलिन; 
\v 4 ओ समय मिसरीमन अपन पहिलांतमन ला माटी देवत रिहिन, जेमन ला यहोवा ह मार डारे रिहिस; काबरकि यहोवा ह ओमन के देवतामन ला दंड देय रिहिस।
\pi1
\v 5 इसरायलीमन रामसेस ले चलके सुक्कोत नांव के जगह म डेरा डालिन।
\pi1
\v 6 फेर सुक्कोत ले आघू बढ़के एताम म डेरा डालिन, जऊन ह सुन्ना जगह के तीर म हवय।
\pi1
\v 7 ओमन एताम ले पाछू लहुंटके पी-हाहीरोत गीन, जऊन ह बाल-सपोन के पूरब म हवय, अऊ उहां मिगदोल के लकठा म डेरा डालिन।
\pi1
\v 8 तब ओमन पी-हाहीरोत ले चलके समुंदर ले होवत सुन्ना जगह म आईन, अऊ एताम के सुन्ना जगह म तीन दिन के रसता तय करिन, अऊ मारा नांव के जगह म डेरा डालिन।
\pi1
\v 9 ओमन मारा ले चलके एलीम म आईन, जिहां बारह ठन पानी के सोता अऊ सत्तर ठन खजूर के रूख रिहिन, अऊ ओमन उहां डेरा डालिन।
\pi1
\v 10 ओमन एलीम ले चलके लाल-समुंदर\f + \fr 33:10 \fr*\ft या \ft*\fqa नरकटमन के समुंदर\fqa*\f* के तीर म डेरा डालिन।
\pi1
\v 11 ओमन लाल-समुंदर ले चलके सीन के सुन्ना जगह म डेरा डालिन।
\pi1
\v 12 फेर ओमन सीन के सुन्ना जगह ले दोपका म डेरा डालिन।
\pi1
\v 13 ओमन दोपका ले चलके आलूस म डेरा डालिन।
\pi1
\v 14 फेर ओमन आलूस ले चलके रपीदीम म डेरा डालिन, जिहां मनखेमन के पीये बर पानी नइं रिहिस।
\pi1
\v 15 तब ओमन रपीदीम ले चलके सीनय के सुन्ना जगह म डेरा डालिन।
\pi1
\v 16 फेर ओमन सीनय के सुन्ना जगह ले चलके किबरोत-हतावा म डेरा डालिन।
\pi1
\v 17 तब ओमन किबरोत-हतावा ले चलके हसेरोत म डेरा डालिन।
\pi1
\v 18 फेर ओमन हसेरोत ले चलके रितमा म डेरा डालिन।
\pi1
\v 19 ओमन रितमा ले चलके रिम्मोन-पेरेस म डेरा डालिन।
\pi1
\v 20 ओमन रिम्मोन-पेरेस ले चलके लिबना म डेरा डालिन।
\pi1
\v 21 ओमन लिबना ले चलके रिस्सा म डेरा डालिन।
\pi1
\v 22 ओमन रिस्सा ले चलके कहेलाता म डेरा डालिन।
\pi1
\v 23 तब ओमन कहेलाता ले चलके सेपेर पहाड़ करा डेरा डालिन।
\pi1
\v 24 फेर ओमन सेपेर पहाड़ ले चलके हरादा म डेरा डालिन।
\pi1
\v 25 तब ओमन हरादा ले चलके मखेलोत म डेरा डालिन।
\pi1
\v 26 फेर ओमन मखेलोत ले चलके तहत म डेरा डालिन।
\pi1
\v 27 तब ओमन तहत ले चलके तेरह म डेरा डालिन।
\pi1
\v 28 फेर ओमन तेरह ले चलके मितका म डेरा डालिन।
\pi1
\v 29 तब ओमन मितका ले चलके हसमोना म डेरा डालिन।
\pi1
\v 30 फेर ओमन हसमोना ले चलके मोसेरोत म डेरा डालिन।
\pi1
\v 31 तब ओमन मोसेरोत ले चलके बेने-जाकन म डेरा डालिन।
\pi1
\v 32 फेर ओमन बेने-जाकन ले चलके होर-हग्गीदगाद म डेरा डालिन।
\pi1
\v 33 तब ओमन होर-हग्गीदगाद ले चलके योतबाता म डेरा डालिन।
\pi1
\v 34 फेर ओमन योतबाता ले चलके अबरोना म डेरा डालिन।
\pi1
\v 35 ओमन अबरोना ले चलके एसियोन-गेबेर म डेरा डालिन।
\pi1
\v 36 फेर ओमन एसियोन-गेबेर ले चलके सीन के सुन्ना जगह कादेस म डेरा डालिन।
\pi1
\v 37 तब ओमन कादेस ले चलके एदोम के सीमना म होर पहाड़ करा डेरा डालिन। 
\v 38 यहोवा के हुकूम ले हारून पुरोहित ह होर पहाड़ ऊपर गीस, जिहां ओह मर गीस; ओकर मिरतू इसरायलीमन के मिसर देस ले निकले के चालीसवां साल के पांचवां महिना के पहिला दिन होईस। 
\v 39 जब हारून के मिरतू होर पहाड़ म होईस, त ओकर उमर एक सौ तेईस साल रिहिस।
\pi1
\v 40 इही समय कनान के नेगेव म रहइया अराद के कनानी राजा ला पता चलिस कि इसरायलीमन आवत हें।
\pi1
\v 41 इसरायलीमन होर पहाड़ ले चलके सलमोना म डेरा डालिन।
\pi1
\v 42 ओमन सलमोना ले चलके पुनोन म डेरा डालिन।
\pi1
\v 43 ओमन पुनोन ले चलके ओबोत म डेरा डालिन।
\pi1
\v 44 फेर ओमन ओबोत ले चलके मोआब के सीमना म इये-अबारीम करा डेरा डालिन।
\pi1
\v 45 फेर इये-अबारीम ले चलके दीबोन-गाद म डेरा डालिन।
\pi1
\v 46 फेर ओमन दीबोन-गाद ले चलके अलमोन-दिबलातैम म डेरा डालिन।
\pi1
\v 47 तब ओमन अलमोन-दिबलातैम ले चलके नबो के लकठा म अबारीम के पहाड़मन म डेरा डालिन।
\pi1
\v 48 फेर ओमन अबारीम के पहाड़मन ले चलके यरीहो के ओ पार यरदन नदी के तीर मोआब के मैदान म डेरा डालिन। 
\v 49 उहां ओमन यरदन नदी के तीर बेत-यसीमोत ले लेके आबेल-सित्तीम तक मोआब के मैदान म डेरा डालिन।
\b
\p
\v 50 यरीहो के ओ पार यरदन नदी के तीर मोआब के मैदान म यहोवा ह मूसा ला कहिस, 
\v 51 “इसरायलीमन ले बात कर अऊ ओमन ला कह: ‘जब तुमन यरदन नदी ला पार करके कनान देस म जावव, 
\v 52 त अपन आघू ले ओ देस के जम्मो निवासी ला भगा दव। ओमन के गढ़े, अऊ ढालके बनाय गय जम्मो मूरती ला नास कर दव, अऊ ओमन के जम्मो ऊंचहा जगहमन ला गिरा दव। 
\v 53 ओ देस ला अपन अधिकार म ले लव अऊ उहां बस जावव, काबरकि मेंह ओ देस तुमन ला अधिकार करे बर दे हवंव। 
\v 54 अपन गोत्र के मुताबिक चिट्ठी निकालके ओ देस ला बांट लेवव। बड़े दल ला बड़े भाग अऊ छोटे दल ला छोटे भाग देवव। चिट्ठी के मुताबिक जऊन भाग ओमन ला मिलथे, ओह ओमन के होही। अपन पुरखा के गोत्रमन के मुताबिक येला बांटव।
\p
\v 55 “ ‘पर यदि तुमन ओ देस के निवासीमन ला निकाल नइं सकव, त ओमन म ले जेमन ला तुमन रहे बर दूहू, ओमन तुम्हर आंखीमन म कचरा अऊ तुम्हर पंजरामन म कांटा सहीं हो जाहीं। ओमन तुम्हर बर ओ देस म समस्या खड़े करहीं, जिहां तुमन रहिहू। 
\v 56 अऊ मेंह तुम्हर संग वइसने करहूं, जइसने ओमन बर करे के ठाने हंव।’ ”
\c 34
\s1 कनान देस के सीमना
\lh
\v 1 यहोवा ह मूसा ला कहिस, 
\v 2 “इसरायलीमन ला हुकूम देके कह: ‘जब तुमन कनान देस म जावव, त जऊन भुइयां तुमन ला उत्तराधिकार के रूप म दिये जाही, ओकर ये सीमना होवय:
\b
\li1
\v 3 “ ‘तुम्हर दक्खिन कोति सीन के सुन्ना जगह के कुछू भाग घलो होही, जऊन ह एदोम के सीमना ए। तुम्हर दक्खिनी सीमना ह पूरब म मिरतू सागर के दक्खिनी छोर ले सुरू होही, 
\v 4 अऊ अकरबीम चढ़ई के दक्खिन के पार सीन कोति आही अऊ कादेस-बरने नगर के दक्खिन तक जाही। तब येह हाजार-अद्दार तक जाके असमोन तक जाही, 
\v 5 असमोन ले मुड़के मिसर के नरवा म जुड़ जाही अऊ भूमध्य सागर म खतम होही।
\li1
\v 6 तुम्हर पछिमी सीमना ह भूमध्य सागर के किनारा होही। येह पछिम म तुम्हर सीमना होही।
\li1
\v 7 अपन उत्तरी सीमना बर, भूमध्य सागर ले होर पहाड़ तक एक लकीर खींचव 
\v 8 अऊ होर पहाड़ ले लेबो-हमात सहर तक ये लकीर जाही। तब सीमना ह सेदाद नगर तक जाही, 
\v 9 अऊ जिपरोन तक बढ़के हसर-एनान करा खतम होही। येह उत्तर म तुम्हर सीमना होही।
\li1
\v 10 अपन पूरब के सीमना बर, हसर-एनान ले सपाम तक एक लकीर खींचव। 
\v 11 सीमना ह सपाम ले खाल्हे ऐन के पूरब कोति रिबला तक जाही अऊ ढलान म बढ़त गलील\f + \fr 34:11 \fr*\ft इबरानी म \ft*\fqa किन्नेरेत\fqa*\f* समुंदर के पूरब तक जाही। 
\v 12 तब सीमना ह खाल्हे यरदन के तीरे-तीर जाही अऊ मिरतू सागर करा खतम होही।
\b
\lf “ ‘चारों कोति अपन सीमना के संग येह तुम्हर देस होही।’ ”
\b
\p
\v 13 मूसा ह इसरायलीमन ला हुकूम दीस: “चिट्ठी डारके ये देस ला बांटव, अऊ ओमन ला उत्तराधिकार के रूप म दे दव। यहोवा के हुकूम अय कि ये देस साढ़े नौ गोत्रमन ला दिये जावय, 
\v 14 काबरकि रूबेन के गोत्र, गाद के गोत्र अऊ मनस्से के आधा गोत्र के परिवारमन अपन उत्तराधिकार पा गे हवंय। 
\v 15 ये ढाई गोत्र के मनखेमन सूरज निकले के दिसा म, यरीहो के ओ पार, यरदन के पूरब म अपन उत्तराधिकार पा गे हवंय।”
\p
\v 16 फेर यहोवा ह मूसा ला कहिस, 
\v 17 “एलिआजर पुरोहित अऊ नून के बेटा यहोसू ओ मनखेमन के नांव अय, जेमन के ऊपर ये देस ला बांटके तुमन ला उत्तराधिकार म देय के जिम्मेदारी हवय। 
\v 18 अऊ हर एक गोत्र ले एक अगुवा ठहिरा, जेमन ये देस ला बांटे म मदद करहीं।
\b
\lh
\v 19 “ओमन के नांव ये अय:
\b
\li1 “यहूदा के गोत्र ले, यपुन्ने के बेटा कालेब;
\li1
\v 20 सिमोन के गोत्र ले, अमीहूद के बेटा समूएल;
\li1
\v 21 बिनयामीन के गोत्र ले, किसलोन के बेटा एलीदाद;
\li1
\v 22 दान के गोत्र ले, योगली के बेटा बुक्की ह अगुवा रिहिस;
\li1
\v 23 यूसुफ के बेटा मनस्से के गोत्र ले, एपोद के बेटा हन्नीएल ह अगुवा रिहिस;
\li1
\v 24 यूसुफ के बेटा एपरैम के गोत्र ले, सिपतान के बेटा कमूएल ह अगुवा रिहिस;
\li1
\v 25 जबूलून के गोत्र ले, परनाक के बेटा एलीसापान ह अगुवा रिहिस;
\li1
\v 26 इस्साकार के गोत्र ले, अज्जान के बेटा पलतीएल ह अगुवा रिहिस;
\li1
\v 27 आसेर के गोत्र ले, सलोमी के बेटा अहीहूद ह अगुवा रिहिस;
\li1
\v 28 अऊ नपताली के गोत्र ले, अमीहूद के बेटा पदहेल ह अगुवा रिहिस।”
\b
\lf
\v 29 येमन ओ मनखे अंय, जेमन ला यहोवा ह कनान देस म इसरायलीमन ला उत्तराधिकार बांटे के हुकूम दीस।
\c 35
\s1 लेवीमन ला दिये गे नगर
\p
\v 1 यरीहो के ओ पार, यरदन नदी के तीर, मोआब के मैदान म यहोवा ह मूसा ला कहिस, 
\v 2 “इसरायलीमन ला हुकूम दे कि ओमन अपन उत्तराधिकार म पाय नगरमन ले कुछू नगर लेवीमन ला देवंय। अऊ ओमन ला नगर के चारों कोति के चरागन घलो देवंय। 
\v 3 तब ओमन करा रहे बर नगर अऊ गाय-बईला, भेड़-बकरी अऊ ओमन के आने जम्मो पसु बर चरागन होही।
\p
\v 4 “नगरमन के चारों कोति जऊन चरागन तेंह लेवीमन ला देबे, ओ चरागनमन के फईलाव नगर के दीवार ले एक हजार क्यूबीट\f + \fr 35:4 \fr*\ft लगभग 450 मीटर\ft*\f* तक होवय। 
\v 5 नगर के बाहिर, पूरब कोति दू हजार क्यूबीट\f + \fr 35:5 \fr*\ft लगभग 900 मीटर\ft*\f*, दक्खिन कोति दू हजार क्यूबीट, पछिम कोति दू हजार क्यूबीट अऊ उत्तर कोति दू हजार क्यूबीट नापव अऊ नगर ह मांझा म रहय। ओमन करा ये जगह नगर म चरागन के रूप म होही।
\s1 सरन लेय के सहर
\p
\v 6 “लेवीमन ला तेंह जऊन सहरमन ला देबे, ओमा के छै ठन सहरमन सरन लेय के सहर होहीं, अऊ येमा ओ मनखे ह भागके जा सकथे, जऊन ह कोनो ला मार डारे हवय। येकर छोंड़, ओमन ला अऊ बियालीस सहर देबे। 
\v 7 तेंह लेवीमन ला कुल मिलाके अड़तालीस ठन नगर ओमन के चरागन सहित देबे। 
\v 8 इसरायलीमन के अधिकार के देस म ले जऊन नगर तेंह लेवीमन ला देबे, ओ नगरमन गोत्र के मुताबिक उत्तराधिकार के अनुपात म दिये जावंय: जऊन गोत्र के जादा नगर हवंय, ओकर ले जादा, पर जऊन गोत्र के कम नगर हवंय, ओकर ले कम नगर लेबे।”
\p
\v 9 तब यहोवा ह मूसा ला कहिस: 
\v 10 “इसरायलीमन ले बात कर अऊ ओमन ला कह: ‘जब तुमन यरदन पार करके कनान देस म जावव, 
\v 11 तब कुछू नगरमन ला अपन सरन लेय के नगर के रूप म चुनव, जिहां ओ मनखे ह भागके जा सकथे, जऊन ह कोनो ला अनजाने म मार डारे हवय। 
\v 12 ओ नगरमन बदला लेवइया मनखे ले सरन के जगह होहीं, ताकि सभा के आघू म जांच होय के पहिली ओला झन मार डारे जावय। 
\v 13 ये छै ठन नगर जेला तुमन दूहू, येमन तुम्हर सरन लेय के सहर होहीं। 
\v 14 तीन सहर यरदन के ये पार अऊ तीन सहर कनान देस म सरन लेय के सहर के रूप म दव। 
\v 15 ये छै नगर इसरायली अऊ ओमन के बीच रहइया परदेसीमन बर सरन लेय के जगह होहीं, ताकि कोनो मनखे अनजाने म कोनो आने मनखे ला मार डारथे, त ओह उहां भागके जा सकय।
\p
\v 16 “ ‘यदि कोनो मनखे आने मनखे ला लोहा के चीज ले अइसे मारथे कि ओह मर जाथे, त ओ मनखे ह हतियारा अय; अऊ ओ हतियारा ला मार डारे जावय। 
\v 17 या यदि कोनो मनखे पथरा लेके कोनो आने मनखे ला अइसे चोट पहुंचाथे कि ओह मर जाथे, त ओ मनखे ह हतियारा अय; ओला मार डारे जावय। 
\v 18 या कोनो मनखे ह लकड़ी के कोनो चीज धरे हवय अऊ ओकर ले कोनो आने मनखे ला अइसे मारथे कि ओह मर जाथे, त ओ मनखे ह हतियारा अय; ओला मार डारे जावय। 
\v 19 खून के बदला लेवइया ह ओ हतियारा ला मार डारय; जब भी बदला लेवइया ह हतियारा ला देखथे, त ओ बदला लेवइया ह हतियारा ला मार डारय। 
\v 20 यदि कोनो मनखे जलन के कारन कोनो आने मनखे ला ढकेल देथे या जानबूझके ओकर ऊपर कोनो चीज फेंकथे, जेकर से ओह मर जाथे 
\v 21 या यदि बईरता के कारन एक मनखे ह कोनो आने मनखे ला मुक्का मारथे, जेकर से ओह मर जाथे, त ओ मुक्का मारनेवाला मनखे ह मार डारे जावय; ओ मनखे ह एक हतियारा अय। जब भी खून के बदला लेवइया ह हतियारा ले मिलय, त ओ बदला लेवइया ह ओला मार डारय।
\p
\v 22 “ ‘पर यदि बिगर बईरता के कोनो मनखे कोनो ला धक्का देथे या अनजाने म ओकर ऊपर कुछू चीज ला फेंकथे 
\v 23 या ओला बिगर देखे ओकर ऊपर कोनो भारी पथरा गिरा देथे, जेकर से आने मनखे ह मर जाथे, त जब ओ आने मनखे ह कोनो बईरी नइं रिहिस अऊ चोट पहुंचाय के कोनो इरादा नइं रिहिस, 
\v 24 तब सभा ह ये मामला म मारइया अऊ खून के पलटा लेवइया के बीच ये नियम के मुताबिक नियाय करय। 
\v 25 सभा ह हतिया के दोसी मनखे ला खून के पलटा लेवइया मनखे ले बचावय अऊ दोसी मनखे ला सरन लेय के सहर म वापिस पठो दे, जिहां ओह भागके गे रिहिस। दोसी मनखे ह उहां तब तक रहय, जब तक कि पबितर तेल ले अभिसेक करे गय ओ समय के महा पुरोहित के मिरतू न हो जाय।
\p
\v 26 “ ‘पर यदि दोसी मनखे ह ओ सरन लेय के सहर के सीमना ले बाहिर जाथे, जिहां ओह भागके गे हवय 
\v 27 अऊ खून के बदला लेवइया ह ओला नगर के बाहिर पाथे, त खून के बदला लेवइया ह दोसी मनखे ला मार सकथे अऊ हतिया के दोसी नइं होवय। 
\v 28 जरूरी अय कि दोसी मनखे ह महा पुरोहित के मिरतू तक सरन लेय के सहर म रहय; सिरिप महा पुरोहित के मिरतू के बाद ही ओह अपन खुद के संपत्ति म लहुंट सकथे।
\p
\v 29 “ ‘जिहां कहूं भी तुमन रहव, येह तुम्हर पीढ़ी-पीढ़ी तक कानून बने रहय।
\p
\v 30 “ ‘जऊन मनखे ह कोनो आने मनखे ला मार डारथे, त ओह सिरिप गवाहमन के गवाही के आधार म ही हतियारा के रूप म मार डारे जावय। पर कोनो भी मनखे एक गवाह के गवाही के आधार म झन मार डारे जावय।
\p
\v 31 “ ‘कोनो हतियारा, जऊन ह मिरतू के दोसी हवय, ओकर जिनगी के बदले कोनो किसम के धन झन लेवव। ओह मार डारे जावय।
\p
\v 32 “ ‘जऊन ह सरन लेय के सहर म भाग गे हवय, ओकर बर कोनो किसम के छुड़ौती के धन स्वीकार झन करव कि ओह महा पुरोहित के मिरतू के पहिले वापिस जाके अपन देस म रह सकय।
\p
\v 33 “ ‘ओ देस ला असुध झन करव, जिहां तुमन रहत हव। खून करई ह देस ला असुध कर देथे, अऊ ओ देस बर पछताप नइं करे जा सकय, जिहां खून बहाय गे हवय; पछताप सिरिप ओ मनखे के खून के दुवारा होथे, जऊन ह खून बहाय हवय। 
\v 34 ओ देस ला असुध झन करव, जिहां तुमन रहिथव अऊ जिहां मेंह रहिथंव, काबरकि में यहोवा ह इसरायलीमन के बीच रहिथंव।’ ”
\c 36
\s1 सलोफाद के बेटीमन के उत्तराधिकार
\p
\v 1 तब गिलाद, जऊन ह माकीर के बेटा अऊ मनस्से के पोता रिहिस, ओकर गोत्र के परिवार के मुखियामन यूसुफ के संतानमन के गोत्र म ले रिहिन; ये मुखियामन आईन अऊ मूसा अऊ अगुवामन के आघू म याने कि इसरायली परिवार के मुखियामन के आघू म कहे लगिन, 
\v 2 “जब यहोवा ह हमर मालिक ला चिट्ठी के दुवारा इसरायलीमन ला देस म उत्तराधिकार देय के हुकूम दीस, त ओह ये हुकूम देय रिहिस कि हमर भाई सलोफाद के उत्तराधिकार ओकर बेटीमन ला दिये जावय।\f + \fr 36:2 \fr*\ft \+xt गन 27:1‑11\+xt*\ft*\f* 
\v 3 यदि ओमन कोनो आने इसरायली गोत्र के मनखे ले बिहाव करथें, त फेर ओमन के उत्तराधिकार ह हमर पुरखामन के भाग ले, ले लिये जाही अऊ ओ गोत्र म मिला दिये जाही, जेमा ओमन के बिहाव होही। अऊ ये किसम ले हमन ला मिले उत्तराधिकार के एक भाग ह ले लिये जाही। 
\v 4 जब इसरायलीमन के जुबली बछर ह आही, त ओमन\f + \fr 36:4 \fr*\ft ओमन \ft*\fqa सलोफाद के बेटीमन\fqa*\f* के उत्तराधिकार ह ओ गोत्र म मिला दिये जाही, जेमा ओमन के बिहाव होथे, अऊ ओमन के संपत्ति ह हमर पुरखामन के गोत्र के उत्तराधिकार ले लेय लिये जाही।”
\p
\v 5 तब यहोवा ले हुकूम पाके मूसा ह इसरायलीमन ला ये हुकूम दीस: “यूसुफ के संतान के गोत्र के मनखेमन जऊन बात कहत हें, ओह सही ए। 
\v 6 सलोफाद के बेटीमन के बारे म यहोवा ह ये हुकूम दे हवय: ओमन अपन ईछा ले अपन ददा के गोत्र म ले ही कोनो पुरूस ले बिहाव कर सकथें। 
\v 7 इसरायल म कोनो भी उत्तराधिकार एक गोत्र ले आने गोत्र म झन जावय, काबरकि हर एक इसरायली ह अपन पुरखा के गोत्र के उत्तराधिकार ला बनाय रखही। 
\v 8 हर ओ बेटी, जऊन ह कोनो इसरायली जाति म उत्तराधिकार पाथे, त ओकर बर जरूरी अय कि ओह अपन ददा के जाति के गोत्र के कोनो पुरूस ले ही बिहाव करय, ताकि हर एक इसरायली ह अपन पुरखामन के उत्तराधिकार बनाय रखय। 
\v 9 कोनो भी उत्तराधिकार एक गोत्र ले आने गोत्र म झन जावय, काबरकि हर एक इसरायली ह उत्तराधिकार म मिले भाग ला बनाय रखय।”
\p
\v 10 सलोफाद के बेटीमन मूसा ला दिये गय यहोवा के हुकूम मुताबिक ही करिन। 
\v 11 सलोफाद के बेटीमन के नांव महला, तिरसा, होगला, मिलका अऊ नोआ रिहिस अऊ येमन अपन चचेरा-भाईमन ले बिहाव कर लीन। 
\v 12 ओमन यूसुफ के बेटा मनस्से के संतान के गोत्र म बिहाव करिन, अऊ ओमन के उत्तराधिकार ह ओमन के ददा के जाति अऊ गोत्र म बने रिहिस।
\b
\p
\v 13 येमन ओ हुकूम अऊ नियम अंय, जेला यहोवा ह मूसा के जरिये इसरायलीमन ला यरीहो के ओ पार यरदन नदी के तीर मोआब के मैदान म दीस।