\id HOS - Biblica® Open Chhattisgarhi Contemporary Version
\ide UTF-8
\h होसे
\toc1 होसे के किताब
\toc2 होसे
\toc3 होसे
\mt1 होसे
\mt2 के किताब
\c 1
\p
\v 1 यहूदा के राजा उजियाह, योताम, आहाज, अऊ हिजकियाह के सासन के समय, अऊ इसरायल के राजा यहोआस के बेटा यरोबाम के सासन के समय, यहोवा के बचन बेरी के बेटा होसे करा आईस।
\b
\s1 होसे के घरवाली अऊ लइकामन
\p
\v 2 जब यहोवा ह होसे के जरिये गोठियाय के सुरू करिस, त ओह होसे ले कहिस, “जाके एक बेस्या ले बिहाव कर ले, अऊ ओकर ले लइका जनमा, काबरकि एक बेभिचारी घरवाली के सहीं ये देस ह यहोवा ले बिसवासघात करके अपराधी हो गे हवय।” 
\v 3 एकरसेति होसे ह जाके दिबलैम के बेटी गोमेर ले बिहाव कर लीस, अऊ ओह होसे कोति ले देहें म होईस अऊ ओह एक बेटा जनमिस।
\p
\v 4 तब यहोवा ह होसे ले कहिस, “ओकर नांव यिजरेल रख, काबरकि बहुंत जल्दी, मेंह येहू के घराना ला यिजरेल म करे गे मारकाट बर दंड दूहूं, अऊ मेंह इसरायल राज के अन्त कर दूहूं। 
\v 5 ओ दिन मेंह यिजरेल के घाटी म इसरायल के धनुस ला टोरहूं।”
\p
\v 6 गोमेर ह फेर देहें म होईस अऊ एक बेटी ला जनम दीस। तब यहोवा ह होसे ले कहिस, “ओकर नांव लो-रूहामा\f + \fr 1:6 \fr*\fq लो-रूहामा \fq*\ft के मतलब होथे \ft*\fqa मयारू नो हय\fqa*\f* रख, काबरकि मेंह अब इसरायल के घराना ला मया नइं देखावंव, अऊ ओमन ला कोनो किसम ले छेमा नइं करंव। 
\v 7 पर मेंह यहूदा के घराना ला मया देखाहूं; अऊ ओमन ला बचाहूं—ये बचाव न तो धनुस, तलवार या लड़ई के दुवारा, या घोड़ामन अऊ घुड़सवारमन के दुवारा होही, पर में, यहोवा ओमन के परमेसर ओमन ला बचाहूं।”
\p
\v 8 जब गोमेर ह लो-रूहामा के दूध ला छुड़ाईस, तब ओह देहें म होके एक अऊ बेटा ला जनम दीस। 
\v 9 तब यहोवा ह कहिस, “एकर नांव लो-अम्मी\f + \fr 1:9 \fr*\fq लो-अम्मी \fq*\ft के मतलब होथे \ft*\fqa मोर मनखे नो हंय\fqa*\f* रख, काबरकि तुमन मोर मनखे नो हव, अऊ मेंह तुम्हर परमेसर नो हंव।
\p
\v 10 “तभो ले इसरायलीमन के संखिया समुंदर तीर के बालू असन होही, जेमन ला नापे या गने नइं जा सकय। ओ ठऊर जिहां ओमन ला ये कहे गे रिहिस, ‘तुमन मोर मनखे नो हव, ओही जगह म, ओमन ला जीयत परमेसर के संतान कहे जाही।’ 
\v 11 यहूदी अऊ इसरायलीमन एक संग जूरहीं; ओमन इकट्ठा होके अपन बर एक अगुवा ठहिराहीं अऊ देस ले निकल आहीं, काबरकि यिजरेल के ओ दिन ह महान दिन होही।\f + \fr 1:11 \fr*\ft इबरानी म \+xt 1:10, 11\+xt* ला 2:1,2 गने गे हवय\ft*\f*
\c 2
\p \f + \fr 2 \fr*\ft इबरानी म \+xt 2:1‑23\+xt* ला 2:3‑25 गने गे हवय\ft*\f* 
\v 1 “अपन भाईमन ले कहव, ‘मोर मनखे,’ अऊ अपन बहिनीमन ले कहव, ‘मोर मयारू।’
\s1 इसरायल के दंड अऊ पुनरस्थापना
\q1
\v 2 “अपन दाई ला दबकार, ओला दबकार,
\q2 काबरकि ओह मोर घरवाली नो हय,
\q2 अऊ मेंह ओकर घरवाला नो हंव।
\q1 ओह अपन चेहरा ले छिनारीपन
\q2 अऊ अपन छातीमन के बीच ले बिसवासघात ला हटा लेवय।
\q1
\v 3 नइं तो मेंह ओकर ओनहा ला उतारके अइसने नंगरी कर दूहूं
\q2 जइसने ओह अपन जनम के बेरा म रिहिस;
\q1 में ओला मरू-भुइयां असन बना दूहूं,
\q2 ओला सूखा भुइयां म बदल दूहूं
\q2 अऊ ओला पीयास ले मार डारहूं।
\q1
\v 4 ओकर लइकामन बर मेंह अपन मया नइं देखाहूं,
\q2 काबरकि ओमन बेभिचार ले जनमे लइका अंय।
\q1
\v 5 ओमन के दाई ह छिनारी करे हवय
\q2 अऊ ओह ओमन ला कलंक ले अपन गरभ म धारन करिस।
\q1 ओह कहिस, ‘मेंह अपन मया करइयामन के पाछू जाहूं,
\q2 जऊन मन मोला रोटी-पानी,
\q2 मोर ऊन अऊ सन के कपड़ा, मोर जैतून तेल अऊ मोर मंद देथें।’
\q1
\v 6 एकरसेति, मेंह ओकर रद्दा ला कंटिली झाड़ीमन ले घेर दूहूं,
\q2 मेंह ओकर आघू म बाड़ा ठाढ़ कर दूहूं ताकि ओला रसता झन मिलय।
\q1
\v 7 ओह अपन मया करइयामन के पीछा करही पर ओमन ला पकड़ नइं सकही;
\q2 ओह ओमन ला खोजही पर ओमन नइं मिलहीं।
\q1 तब ओह कहिही,
\q2 ‘मेंह पहिले के सहीं अपन घरवाला करा लहुंट जाहूं,
\q2 काबरकि मोर तब के दसा ह अभी के दसा ले बने रिहिस।’
\q1
\v 8 ओह ये बात ला नइं माने हे कि ओह मेंहीच रहेंव
\q2 जऊन ह ओला अनाज, नवां अंगूर के मंद अऊ तेल दीस,
\q1 जऊन ह ओकर ऊपर खुले मन ले सोन अऊ चांदी लुटाईस—
\q2 जेकर उपयोग ओमन बाल देवता बर करिन।
\b
\q1
\v 9 “एकरसेति मेंह अपन अनाज ला ले लूहूं जब ओह पाक जाही,
\q2 अऊ अपन नवां अंगूर के मंद ला ले लूहूं जब ओह तियार हो जाही।
\q1 मेंह अपन ऊन अऊ सन के कपड़ा ला वापिस ले लूहूं,
\q2 जऊन ला मेंह ओकर देहें ला ढांपे बर दे रहेंव।
\q1
\v 10 एकरसेति अब मेंह ओकर फूहड़पन ला
\q2 ओकर मया करइयामन के आघू म उघारहूं;
\q2 अऊ कोनो ओला मोर हांथ ले छोंड़ाय नइं सकहीं।
\q1
\v 11 मेंह ओकर जम्मो उत्सव मनई ला बंद कर दूहूं:
\q2 ओकर हर बछर के तिहार, ओकर नवां चंदा के उत्सव,
\q2 ओकर बिसराम दिनमन ला—ओकर जम्मो ठहिराय तिहारमन ला बंद कर दूहूं।
\q1
\v 12 मेंह ओकर अंगूर के नार अऊ ओकर अंजीर के रूखमन ला बरबाद कर दूहूं
\q2 जेकर बारे म ओह कहिथे कि येह मोर मया करइयामन के दुवारा दिये गे मजदूरी अय;
\q1 मेंह ओमन ला झाड़-झंखाड़ बना दूहूं,
\q2 अऊ जंगली पसुमन ओमन ला चर डारहीं।
\q1
\v 13 मेंह ओला ओ बातमन बर सजा दूहूं
\q2 कि ओह बाल देवतामन बर धूप जलाईस;
\q1 ओह अपनआप ला नथनी अऊ गहनामन ले सजाईस,
\q2 अऊ अपन मया करइयामन के पाछू गीस,
\q2 पर मोला ओह भुला गीस,” यहोवा ह घोसना करत हे।
\b
\q1
\v 14 “एकरसेति, अब मेंह ओला ललचाहूं;
\q2 मेंह ओला सुनसान जगह म ले जाहूं
\q2 अऊ ओकर ले कोमल मन ले गोठियाहूं।
\q1
\v 15 उहां मेंह ओला ओकर अंगूर के बारीमन ला लहुंटा दूहूं,
\q2 अऊ आकोर\f + \fr 2:15 \fr*\fq आकोर \fq*\ft के मतलब होथे \ft*\fqa समस्या\fqa*\f* के घाटी ला आसा के दुवार बना दूहूं।
\q1 उहां ओह अइसने जबाब दीही, जइसने ओह अपन जवानी के दिन म देवत रिहिस,
\q2 याने कि जइसने ओह मिसर देस ले निकलके आय के बेरा देवत रिहिस।”
\b
\q1
\v 16 यहोवा ह घोसना करत हे,
\q2 “ओ दिन, तेंह मोला ‘मोर घरवाला’ कहिबे;
\q2 तेंह मोला फेर कभू ‘अपन मालिक’ नइं कहिबे।
\q1
\v 17 मेंह ओकर मुहूं ले बाल देवतामन के नांव ला मिटा दूहूं;
\q2 ओमन के नांव फेर कभू नइं लिये जाही।
\q1
\v 18 ओ दिन मेंह ओमन बर
\q2 जंगली जानवर, अकास के चिरई
\q2 अऊ भुइयां म रेंगइया जन्तुमन के संग एक करार करहूं।
\q1 धनुस अऊ तलवार अऊ लड़ई ला
\q2 मेंह देस ले खतम कर दूहूं,
\q2 ताकि मनखेमन निडर होके अराम करंय।
\q1
\v 19 मेंह तोला हमेसा के खातिर बिहाव के बचन दूहूं;
\q2 मेंह तोला धरमीपन अऊ नियाय,
\q2 मया अऊ करूना के संग बिहाव के बचन दूहूं।
\q1
\v 20 में तोला सच्चई के संग बिहाव के बचन दूहूं,
\q2 अऊ तेंह यहोवा ला जान लेबे।”
\b
\q1
\v 21 यहोवा ह घोसना करत हे—
\q2 “ओ दिन मेंह जबाब दूहूं,
\q1 मेंह अकास-मंडल ला जबाब दूहूं,
\q2 अऊ ओमन धरती ला जबाब दीहीं;
\q1
\v 22 अऊ धरती ह अनाज,
\q2 नवां अंगूर के मंद अऊ जैतून के तेल ला जबाब दीही,
\q2 अऊ ओमन यिजरेल\f + \fr 2:22 \fr*\fq यिजरेल \fq*\ft के मतलब होथे \ft*\fqa परमेसर ह लगाथे\fqa*\f* ला जबाब दीहीं।
\q1
\v 23 मेंह ओला अपन बर देस म लगाहूं;
\q2 मेंह ओकर ऊपर अपन मया देखाहूं, जऊन ला मेंह अपन मयारू नइं कहंव।
\q1 ओ मनखे जऊन मन मोर नइं कहे जावंय, ओमन ला मेंह कहिहूं, ‘तुमन मोर मनखे अव’;
\q2 अऊ ओमन कहिहीं, ‘तेंह हमर परमेसर अस।’ ”
\c 3
\s1 होसे के अपन घरवाली के संग समझौता
\p
\v 1 यहोवा ह मोर ले कहिस, “जा अऊ अपन मया अपन घरवाली ला फेर देखा, हालाकि ओला कोनो अऊ मनखे ह मया करथे अऊ ओह एक छिनार अय। ओकर ले अइसन मया कर, जइसन यहोवा ह इसरायलीमन ले करथे, हालाकि इसरायलीमन आने देवतामन कोति जाके पबितर किसमिस के टिकियामन ले मया करथें।”
\p
\v 2 एकरसेति मेंह ओला चांदी के पंदरह सेकेल\f + \fr 3:2 \fr*\ft लगभग 170 ग्राम\ft*\f* अऊ लगभग एक होमेर अऊ एक लेथेक\f + \fr 3:2 \fr*\ft एक होमेर अऊ एक लेथेक लगभग 195 किलोग्राम होथे\ft*\f* जौ देके बिसा लेंव। 
\v 3 तब मेंह ओला कहेंव, “तोला मोर संग बहुंत दिन तक रहना हे; तोला बेस्या नइं बनना हे या कोनो मनखे के संग सारीरिक संबंध नइं बनाना हे, अऊ मेंह घलो तोर संग अइसनेच बरताव करहूं।”
\p
\v 4 काबरकि इसरायलीमन बहुंत दिन तक बिगर राजा या हाकिम, बिगर बलि या पबितर पथरा, बिगर एपोद या घर-देवता के रहिहीं। 
\v 5 ओकर बाद इसरायलीमन लहुंटहीं अऊ यहोवा, अपन परमेसर अऊ अपन राजा, दाऊद ला खोजहीं। ओमन आखिरी के दिनमन म कांपत यहोवा करा अऊ ओकर आसीस पाय बर आहीं।
\c 4
\s1 इसरायल के ऊपर आरोप
\q1
\v 1 हे इसरायलीमन, यहोवा के बचन ला सुनव,
\q2 काबरकि तुमन, जऊन मन ये देस म रहिथव
\q2 तुम्हर ऊपर यहोवा ह एक आरोप लगइया हवय:
\q1 ये देस के रहइयामन म परमेसर बर
\q2 न तो कुछू बिसवासयोग्यता, न कुछू मया अऊ न ही परमेसर ला माने के कुछू बात हवय।
\q1
\v 2 इहां सिरिप सराप देवई, लबारी बात, हतिया करई,
\q2 चोरी-चकारी अऊ बेभिचार हवय;
\q1 ओमन जम्मो कानून ला टोरथें,
\q2 अऊ खून के ऊपर खून करत रहिथें।
\q1
\v 3 एही कारन अय कि ये देस ह सूखा जाथे,
\q2 अऊ येमा जम्मो रहइयामन बेकार हो जाथें;
\q1 भुइयां के पसु, अकास के चिरई
\q2 अऊ समुंदर के मछरीमन नास हो जाथें।
\b
\q1
\v 4 “पर कोनो मनखे दोस झन लगावय,
\q2 न ही कोनो मनखे आने ऊपर आरोप लगावय,
\q1 काबरकि तोर मनखेमन ओमन के सहीं अंय
\q2 जऊन मन पुरोहितमन ऊपर दोस लगाथें।
\q1
\v 5 तेंह रात-दिन ठोकर खाथस,
\q2 अऊ तोर संग अगमजानीमन घलो ठोकर खाथें।
\q1 एकरसेति मेंह तोर दाई ला नास कर दूहूं—
\q2
\v 6 मोर मनखेमन गियान के कमी के कारन नास होथें।
\b
\q1 “काबरकि तेंह गियान ला अस्वीकार करे हस,
\q2 एकरसेति मेंह घलो तोला अपन पुरोहित के रूप म अस्वीकार करत हंव;
\q1 काबरकि तेंह अपन परमेसर के कानून ऊपर धियान नइं दे हवस,
\q2 त मेंह घलो तोर लइकामन ऊपर धियान नइं दूहूं।
\q1
\v 7 जतेक जादा पुरोहित रिहिन,
\q2 ओतेक जादा ओमन मोर बिरूध म पाप करिन;
\q2 ओमन अपन महिमामय परमेसर के बदला म कलंकित चीज ला अपना लीन।
\q1
\v 8 पुरोहितमन मोर मनखेमन के पाप के कमई ला खाथें
\q2 अऊ ओमन मोर मनखेमन के दुस्टता के मजा लेथें।
\q1
\v 9 अऊ येह अइसने होही: जइसने मनखेमन के दसा, वइसने पुरोहितमन के दसा।
\q2 मेंह ओ दूनों ला ओमन के चालचलन के सजा दूहूं,
\q2 अऊ ओमन ला ओमन के काम के बदला दूहूं।
\b
\q1
\v 10 “ओमन खाना तो खाहीं, पर ओमन करा परयाप्त खाना नइं होही;
\q2 ओमन बेस्यागमन करहीं, पर बाढ़हीं नइं,
\q1 काबरकि ओमन यहोवा ला छोंड़ दे हवंय
\q2
\v 11 ताकि ओमन बेस्यागमन कर सकंय;
\q1 पुराना मंद अऊ नवां मंद
\q2 ओमन के समझ ला भ्रस्ट कर देथे।
\q1
\v 12 मोर मनखेमन कठवा के एक मूरती ले सलाह लेथें,
\q2 अऊ अगम बतइया के लउठी ओमन के अगम के बात ला बताथे।
\q1 बेभिचार के एक आतमा ह ओमन ला बहका देथे;
\q2 ओमन अपन परमेसर के संग बिसवासघात करथें।
\q1
\v 13 ओमन पहाड़ के टीप म बलिदान चघाथें
\q2 अऊ पहाड़ीमन ऊपर,
\q1 बलूत रूख, चिनार रूख अऊ एला रूखमन के खाल्हे म, जिहां बने छइहां होथे,
\q2 उहां होम-बलिदान चघाथें।
\q1 ये खातिर तुम्हर बेटीमन छिनारी करे बर जाथें
\q2 अऊ तुम्हर बहुमन बेभिचार करथें।
\b
\q1
\v 14 “जब तुम्हर बेटीमन छिनारी करे बर जाहीं
\q2 त में ओमन ला सजा नइं दूहूं,
\q1 अऊ न ही तुम्हर बहुमन ला सजा दूहूं,
\q2 जब ओमन बेभिचार करहीं,
\q1 काबरकि आदमीमन खुद बेस्यामन के संग रहिथें
\q2 अऊ देवालय के बेस्यामन संग बलि चघाथें—
\q2 नासमझ मनखेमन नास हो जाहीं!
\b
\q1
\v 15 “हे इसरायल, हालाकि तेंह बेभिचार करथस,
\q2 पर यहूदा ला दोसी झन होवन दे।
\b
\q1 “न तो गिलगाल जावव;
\q2 अऊ न ही ऊपर बेत-आवेन\f + \fr 4:15 \fr*\fq बेत-आवेन \fq*\ft के मतलब होथे \ft*\fqa दुस्टता के घर; (बेतेल बर एक अपमानित नांव अऊ बेतेल के मतलब होथे \fqa*\fqa परमेसर के घर)\fqa*\f* ला जावव।
\q2 अऊ न ही ये कसम खावव, ‘यहोवा के जिनगी के कसम।’
\q1
\v 16 इसरायलीमन जिद्दी बछरू
\q2 असन जिद्दी अंय।
\q1 तब यहोवा ह ओमन ला चरागन म
\q2 मेढ़ा-पीलामन सहीं कइसे चरा सकत हे?
\q1
\v 17 एपरैम ह मूरतीमन के संगवारी हो गे हवय;
\q2 ओला अकेला छोंड़ दव!
\q1
\v 18 अऊ त अऊ जब ओमन के मंद ह खतम हो जाथे,
\q2 तब घलो ओमन बेस्यागमन करत रहिथें;
\q2 ओमन के सासन करइयामन लज्जा के काम ले मया करथें।
\q1
\v 19 बवंडर ह ओमन ला उड़ाके ले जाही,
\q2 अऊ ओमन के बलिदानमन के खातिर ओमन ला सरमिंदा होना पड़ही।
\c 5
\s1 इसरायल के बिरूध नियाय
\q1
\v 1 “हे पुरोहितमन, ये बात ला सुनव!
\q2 हे इसरायलीमन, धियान देवव!
\q1 हे राज-घराना, सुनव!
\q2 ये नियाय ह तुम्हर बिरूध हवय:
\q1 तुमन मिसपा म एक फांदा बन गे हवव,
\q2 तुमन ताबोर पहाड़ म बिछाय एक जाल अव।
\q1
\v 2 बिदरोहीमन घोर हतिया करे हवंय।
\q2 में ओ जम्मो झन के ताड़ना करहूं।
\q1
\v 3 मेंह एपरैम के जम्मो बात ला जानत हंव;
\q2 इसरायल के बात मोर ले छिपे नइं ए।
\q1 हे एपरैम, तेंह अब बेस्यागमन म लग गे हवस;
\q2 इसरायल ह भ्रस्ट हो गे हवय।
\b
\q1
\v 4 “ओमन के काम ओमन ला
\q2 ओमन के परमेसर कोति फिरन नइं देवय।
\q1 बेस्यागमन के आतमा ओमन के दिल म हवय;
\q2 ओमन यहोवा ला नइं मानंय।
\q1
\v 5 इसरायल के घमंड ह ओमन के बिरूध म गवाही देवत हे;
\q2 इसरायलीमन, अऊ त अऊ एपरैम घलो अपन पाप म लड़खड़ावत हवंय;
\q2 यहूदा घलो ओमन के संग लड़खड़ावत हे।
\q1
\v 6 जब ओमन अपन भेड़-बकरी अऊ गाय-बईलामन के झुंड ला लेके
\q2 यहोवा के खोज म जाथें,
\q1 त यहोवा ह ओमन ला नइं मिलय;
\q2 काबरकि ओह अपनआप ला ओमन ले अलग कर ले हवय।
\q1
\v 7 ओमन यहोवा के संग बिसवासघात करे हवंय;
\q2 ओमन अवैध लइका जनमाथें।
\q1 जब ओमन नवां चंदा के भोज के उत्सव मनाहीं,
\q2 त ओह ओमन के खेतमन ला नास कर दीही।\f + \fr 5:7 \fr*\ft या \ft*\fqa ओमन के नवां चंदा के भोज ह ओमन ला खा जाही\fqa*\f*
\b
\q1
\v 8 “गिबा नगर म तुरही ला बजावव,
\q2 अऊ रामा नगर म नरसिंगा फूंकव।
\q1 बेत-आवेन नगर म लड़ई बर ऊंचहा अवाज म ललकारव;
\q2 हे बिनयामीन, हमर अगुवई कर।
\q1
\v 9 हिसाब करे के दिन
\q2 एपरैम ह उजड़ जाही।
\q1 इसरायल के गोत्रमन के बीच
\q2 मेंह ओही बात के घोसना करहूं, जेकर होना निस्चित ए।
\q1
\v 10 यहूदा के अगुवामन ओमन के जइसे अंय
\q2 जऊन मन सीमना के पथरामन ला हटाथें।
\q1 मोर कोरोध ह ओमन ऊपर
\q2 पानी के बाढ़ सहीं भड़कही।
\q1
\v 11 एपरैम ला सताय जाथे,
\q2 ओला नियाय म कुचरे गे हवय,
\q2 काबरकि ओह मूरतीमन के पाछू जाय बर ठान ले हवय।
\q1
\v 12 मेंह एपरैम बर एक कीरा के असन,
\q2 अऊ यहूदा के मनखेमन बर सड़ाहट के असन अंव।
\b
\q1
\v 13 “जब एपरैम ह अपन रोग,
\q2 अऊ यहूदा ह अपन घाव ला देखिस,
\q1 तब एपरैम ह अस्सूर कोति गीस,
\q2 अऊ बड़े राजा ले मदद बर बिनती करिस।
\q1 पर ओह तुमन ला न तो चंगा कर सकथे,
\q2 अऊ न ही तुम्हर घावमन ला ठीक कर सकथे।
\q1
\v 14 काबरकि मेंह एपरैम बर एक सिंह,
\q2 अऊ यहूदा बर एक बड़े सिंह सहीं हो जाहूं।
\q1 मेंह ओमन ला चीरके कुटा-कुटा कर दूहूं अऊ चले जाहूं;
\q2 मेंह ओमन ला उठाके ले जाहूं, अऊ ओमन ला बचानेवाला कोनो नइं होहीं।
\q1
\v 15 जब तक ओमन अपन अपराध ला मान नइं लीहीं
\q2 अऊ मोर करा लहुंटके नइं आहीं
\q2 मेंह अपन ठऊर म नइं लहुंटहूं—
\q1 अपन दुरगति के बेरा
\q2 ओमन मन लगाके मोर खोज करहीं।”
\c 6
\s1 पछताप नइं करइया इसरायल
\q1
\v 1 “आवव, हमन यहोवा कोति लहुंटन।
\q1 ओह हमन ला चीरके कुटा-कुटा कर दे हवय
\q2 पर ओह हमन ला चंगा करही;
\q1 ओह हमन ला चोट पहुंचाय हवय
\q2 पर ओहीच ह हमर घावमन म मरहम पट्टी करही।
\q1
\v 2 दू दिन के बाद ओह हमन म सुधार लानही;
\q2 अऊ तीसर दिन ओह हमन ला पहिले सहीं कर दीही,
\q2 ताकि हमन ओकर आघू म बने रहन।
\q1
\v 3 आवव, हमन यहोवा ला मान लेवन;
\q2 आवव, हमन ओला जाने बर कोसिस करन।
\q1 जइसन कि सूरज के निकलई ह निस्चित अय,
\q2 वइसने ही ओह घलो निस्चय परगट होही;
\q1 ओह हमर करा ठंड के बरसात सहीं,
\q2 बसन्त रितु के ओ बरसात सहीं आही, जऊन ह धरती ला पलोथे।”
\b
\q1
\v 4 “हे एपरैम, मेंह तोर बर का कर सकत हंव?
\q2 हे यहूदा, मेंह तोर बर का कर सकत हंव?
\q1 तुम्हर मया ह बिहनियां के कुहरा के असन,
\q2 बड़े बिहनियां पड़नेवाला ओ ओस असन अय, जऊन ह गायब हो जाथे।
\q1
\v 5 ये खातिर मेंह तुमन ला अपन अगमजानीमन के दुवारा काटके कुटा-कुटा कर डारेंव,
\q2 मेंह अपन मुहूं के बात ले तुमन ला मार डारेंव—
\q2 तब मोर नियाय ह सूरज के सहीं आघू बढ़थे।
\q1
\v 6 काबरकि मेंह बलिदान ले नइं, पर दया ले,
\q2 अऊ होम-बलिदान के बदला परमेसर ला माने ले खुस होथंव।
\q1
\v 7 पर आदम\f + \fr 6:7 \fr*\ft या \ft*\fqa मानव-जाति\fqa*\f* असन, ओमन करार ला टोर दे हवंय;
\q2 ओमन उहां मोर संग बिसवासघात करे रिहिन।
\q1
\v 8 गिलाद दुस्ट काम करइयामन के एक सहर अय,
\q2 उहां लहू ले भरे मनखेमन के चले के निसान हवय।
\q1
\v 9 जइसने लुटेरामन अपन सिकार बर लुकाके घात म रहिथें,
\q2 वइसनेच पुरोहितमन के दल ह करथे;
\q1 ओमन अपन दुस्ट योजना ला पूरा करत
\q2 सकेम सहर के रद्दा म हतिया करथें।
\q1
\v 10 इसरायल म मेंह एक भयानक चीज देखे हंव:
\q2 उहां एपरैम ला बेस्यागमन बर दिये जाथे,
\q2 अऊ इसरायल ह असुध होथे।
\b
\q1
\v 11 “हे यहूदा, तोर बर घलो
\q2 कटनी के एक समय ठहिराय गे हवय।
\b
\q1 “जब मेंह अपन मनखेमन के बने दिनमन ला लहुंटा लाहूं,
\c 7
\q2
\v 1 जब भी मेंह इसरायल ला चंगा करहूं,
\q1 त एपरैम के पापमन ला बताय जाही
\q2 अऊ सामरिया के अपराधमन परगट होहीं।
\q1 ओमन धोखा देय के काम करथें,
\q2 चोरमन घरमन म चोरी करथें,
\q2 लुटेरामन गलीमन म लूटमार करथें;
\q1
\v 2 पर ओमन ये नइं समझंय
\q2 कि में ओमन के जम्मो दुस्ट काममन ला सुरता रखथंव।
\q1 ओमन के पापमन ओमन ला पूरा खा जाथें;
\q2 ओमन के काम हमेसा मोर नजर म बने रहिथें।
\b
\q1
\v 3 “ओमन राजा ला अपन दुस्टता,
\q2 अऊ हाकिममन ला अपन लबारी बातमन ले खुस रखथें।
\q1
\v 4 ओमन जम्मो के जम्मो बेभिचारी अंय,
\q2 एक बरत चूल्हा के सहीं
\q1 जेकर आगी ला रोटी बनइया ह तब तक तेज नइं करय
\q2 जब तक कि ओह पीसान ला सानके पकाय बर तियार नइं कर लेवय।
\q1
\v 5 हमर राजा के तिहार के दिन
\q2 हाकिममन मंद पीके चूर हो जाथें,
\q2 अऊ ओह ठट्ठा करइयामन संग सामिल हो जाथे।
\q1
\v 6 ओमन के मन ह चूल्हा सहीं अय;
\q2 ओमन ओकर करा सडयंत्र रचके जाथें।
\q1 ओमन के लालसा रात भर सुलगत रहिथे;
\q2 अऊ बिहनियां आगी के लपट सहीं धधकथे।
\q1
\v 7 ओमन जम्मो के जम्मो चूल्हा असन गरम हवंय;
\q2 ओमन अपन सासन करइयामन ला भसम कर देथें।
\q1 ओमन के जम्मो राजामन मारे जाथें,
\q2 अऊ ओमा के कोनो घलो मोला नइं पुकारंय।
\b
\q1
\v 8 “एपरैम ह देस-देस के मनखेमन संग घुल-मिल जाथे;
\q2 एपरैम एक सपाट रोटी सहीं अय, जऊन ला पलटे नइं गे हवय।
\q1
\v 9 परदेसीमन ओकर ताकत के सोसन करथें,
\q2 पर ओह ये बात ला नइं समझय।
\q1 ओकर चुंदी ह पाकत हवय,
\q2 पर ओह येला धियान नइं देवय।
\q1
\v 10 इसरायल के अहंकार ह ओकर बिरूध म गवाही देथे,
\q2 पर ये जम्मो बात के बावजूद
\q1 ओह यहोवा अपन परमेसर करा लहुंटके नइं आवय
\q2 या ओला नइं खोजय।
\b
\q1
\v 11 “एपरैम ह एक पंड़की चिरई असन अय,
\q2 जऊन ह आसानी से धोखा खाथे अऊ निरबुद्धि अय—
\q1 ओमन मदद बर मिसर ला बलात हें,
\q2 अब अस्सूर कोति जावत हें।
\q1
\v 12 जब ओमन जाहीं, त मेंह ओमन ऊपर अपन जाल डारहूं;
\q2 मेंह ओमन ला अकास के चिरईमन ला गिराय सहीं खाल्हे म गिरा दूहूं।
\q1 जब मेंह सुनहूं कि ओमन एक संग झुंड म जूरथें, त मेंह ओमन ला पकड़ लूहूं।
\q1
\v 13 ओमन ऊपर हाय,
\q2 काबरकि ओमन मोर ले अलग हो गे हवंय!
\q1 ओमन के सतियानास होवय,
\q2 काबरकि ओमन मोर बिरूध बिदरोह करे हवंय!
\q1 मेंह ओमन ला छोंड़ाय के ईछा करथंव
\q2 पर ओमन मोर बारे म झूठ बोलथें।
\q1
\v 14 ओमन मोला अपन पूरा मन ले नइं पुकारंय
\q2 पर अपन बिस्तर म पड़े बिलाप करथें।
\q1 अनाज अऊ नवां अंगूर के मंद बर
\q2 ओमन अपन देवतामन ले बिनती करत अपनआप ला घायल करथें,
\q2 पर ओमन मोर ले दूरिहा रहिथें।
\q1
\v 15 मेंह ओमन ला सिकछा देंव अऊ ओमन के हांथ ला मजबूत करेंव,
\q2 पर ओमन मोर बिरूध सडयंत्र करथें।
\q1
\v 16 ओमन सर्वोच्च परमेसर कोति नइं फिरंय;
\q2 ओमन अइसन धनुस असन अंय, जऊन म दोस हवय।
\q1 ओमन के अगुवामन घमंड ले भरे बात के कारन
\q2 तलवार ले मारे जाहीं।
\q1 एकरे कारन ओमन ला मिसर देस म
\q2 ठट्ठा म उड़ाय जाही।
\c 8
\s1 इसरायल के फर भोगई
\q1
\v 1 “तुरही ला अपन ओंठ म रखव!
\q2 एक गिधवा ह यहोवा के घर ऊपर हवय
\q1 काबरकि मोर मनखेमन मोर करार ला टोरे हवंय
\q2 अऊ मोर कानून के बिरूध बिदरोह करे हवंय।
\q1
\v 2 इसरायल ह मोला पुकारके कहत हे,
\q2 ‘हे हमर परमेसर, हमन तोला मानथन!’
\q1
\v 3 पर इसरायल ह भलई ला अस्वीकार करे हवय;
\q2 एक बईरी ह ओकर पीछा करही।
\q1
\v 4 ओमन मोर बिगर सहमती के राजामन ला ठहिराथें,
\q2 ओमन बिगर मोर सहमती के हाकिममन ला चुनथें।
\q1 ओमन अपन सोन अऊ चांदी ले
\q2 अपन बिनास बर
\q2 मूरतीमन ला बनाथें।
\q1
\v 5 हे सामरिया, अपन बछवा के मूरती ला बाहिर फटिक दे!
\q2 मोर गुस्सा ओमन ऊपर भड़कत हे।
\q1 ओमन कब तक सुध होय के काबिल नइं होहीं?
\q2
\v 6 ओमन इसरायल के अंय!
\q1 ये बछवा—एक कारीगर ह येला बनाय हवय;
\q2 येह परमेसर नो हय।
\q1 सामरिया के ओ बछवा ला
\q2 कुटा-कुटा कर दिये जाही।
\b
\q1
\v 7 “ओमन हवा ला बोथें,
\q2 अऊ बवंडर रूपी फसल लूथें।
\q1 फसल के डंठल म बाली नइं ए;
\q2 येमा ले पीसान नइं मिलय।
\q1 कहूं येकर ले अनाज पईदा होतिस,
\q2 त परदेसीमन ओला खा जातिन।
\q1
\v 8 इसरायल ला लील लिये गे हवय;
\q2 अब ओह जाति-जाति के मनखेमन के बीच म अइसन हवय
\q2 जऊन ला कोनो पसंद नइं करंय।
\q1
\v 9 काबरकि ओमन एक भटके जंगली गदहा सहीं
\q2 अस्सूर देस चले गे हवंय।
\q2 एपरैम ह अपनआप ला मयारूमन के हांथ म बेच दे हवय।
\q1
\v 10 हालाकि ओमन अपनआप ला जाति-जाति के मनखेमन के बीच म बेच दे हवंय,
\q2 तभो ले मेंह अब ओमन ला एक संग इकट्ठा करहूं।
\q1 सक्तिसाली राजा के सताव के कारन
\q2 ओमन नास होय लगहीं।
\b
\q1
\v 11 “हालाकि एपरैम ह पाप-बलिदान बर बहुंत अकन बेदीमन ला बनाईस,
\q2 पर ये बेदीमन ओकर पाप करे के कारन बन गे हवंय।
\q1
\v 12 मेंह ओमन बर अपन कानून के बहुंत बात लिखेंव,
\q2 पर ओमन ओ बातमन ला बाहिर के समझिन।
\q1
\v 13 हालाकि ओमन भेंट के रूप म बलिदान चघाथें,
\q2 अऊ हालाकि ओमन मांस खाथें,
\q2 पर यहोवा ह ओमन ले खुस नइं ए।
\q1 अब ओह ओमन के दुस्टता के काममन ला सुरता करही
\q2 अऊ ओमन के पाप खातिर सजा दीही:
\q2 ओमन मिसर देस ला लहुंटहीं।
\q1
\v 14 इसरायल ह अपन बनानेवाला ला भुला गे हवय
\q2 अऊ महलमन ला बनाय हवय;
\q2 यहूदा ह बहुंते नगरमन ला किलाबंदी करे हवय।
\q1 पर मेंह ओमन के सहरमन म आगी लगा दूहूं
\q2 जेकर ले ओमन के गढ़मन जलके भसम हो जाहीं।”
\c 9
\s1 इसरायल ला सजा
\q1
\v 1 हे इसरायल, आनंद झन मना;
\q2 आने देसमन सहीं आनंद म मगन झन हो।
\q1 काबरकि तेंह अपन परमेसर के संग बिसवासघात करे हवस;
\q2 तेंह हर एक कोठार म
\q2 बेस्यागमन के कमई ला पसंद करथस।
\q1
\v 2 कोठार अऊ अंगूर के रसकुंडमन ले मनखेमन ला खाना नइं मिलय;
\q2 नवां अंगूर के मंद घलो ओमन ला नइं मिलही।
\q1
\v 3 ओमन\f + \fr 9:3 \fr*\ft या \ft*\fqa इसरायल के मनखेमन\fqa*\f* यहोवा के देस म रहे बर नइं पाहीं;
\q2 एपरैम ह मिसर देस ला लहुंट जाही
\q2 अऊ अस्सूर म ओमन असुध चीजमन ला खाहीं।
\q1
\v 4 ओमन यहोवा ला अंगूर के मंद के भेंट नइं चघाहीं,
\q2 अऊ न ही ओमन के बलिदान ले परमेसर ह खुस होही।
\q1 ओ किसम के बलिदान ओमन बर सोक करइयामन के रोटी सहीं अय;
\q2 ओला खवइया जम्मो झन असुध हो जाहीं।
\q1 ये जेवन ह ओमन के खुद बर होही;
\q2 येला यहोवा के मंदिर म नइं लाय जाही।
\b
\q1
\v 5 तुमन अपन ठहिराय तिहारमन के दिन,
\q2 यहोवा के भोजमन के दिन म का करहू?
\q1
\v 6 कहूं ओमन बिनास के दिन बच निकलथें,
\q2 त मिसर देस ह ओमन ला इकट्ठा करही,
\q2 अऊ मेमफीस\f + \fr 9:6 \fr*\fq मेमफीस \fq*\ft येह पुराना मिसर देस के उत्तरी राजधानी रिहिस\ft*\f* के निवासीमन ओमन ला माटी दीहीं।
\q1 कंटिली झाड़ीमन ओमन के चांदी के चीजमन ला ले लीहीं,
\q2 अऊ ओमन के तम्बूमन म कांटामन उगहीं।
\q1
\v 7 सजा के दिनमन आवत हवंय,
\q2 बदला लेय के दिनमन लकठा म हवंय।
\q2 ये बात ला इसरायल जान लेवय।
\q1 काबरकि तुम्हर पापमन बहुंत हवंय
\q2 अऊ तुम्हर बईरता बहुंत जादा हवय,
\q1 अगमजानी ला मुरूख,
\q2 अऊ आतमा ले उकसाय मनखे ला बइहा समझे जाथे।
\q1
\v 8 अगमजानी ह मोर परमेसर के संग
\q2 एपरैम के ऊपर पहरेदार हवय,
\q1 तभो ले ओकर जम्मो रद्दा म फांदा लगे हवय,
\q2 अऊ ओकर परमेसर के घर म बईरता हवय।
\q1
\v 9 ओमन गिबा के समय के सहीं
\q2 बहुंत भ्रस्टाचार म पड़े हवंय।
\q1 परमेसर ह ओमन के दुस्ट काममन ला सुरता करही
\q2 अऊ ओमन के पाप बर ओमन ला सजा दीही।
\b
\q1
\v 10 “मेंह इसरायल ला अइसने पायेंव,
\q2 जइसने कोनो ला निरजन जगह म अंगूर मिलथे;
\q1 जब मेंह तुम्हर पुरखामन ला देखेंव,
\q2 त येह अंजीर के रूख म लगे सुरूआती फर ला देखे सहीं रिहिस।
\q1 पर जब ओमन बाल-पेओर पहाड़ म आईन,
\q2 त ओमन ओ लज्जा के मूरती बर अपनआप ला पबितर करिन
\q2 अऊ ओमन ओतेक दुस्ट हो गीन, जतेक ओमन ओ चीजमन\f + \fr 9:10 \fr*\ft या \ft*\fqa मूरतीमन\fqa*\f* ले मया करत रिहिन।
\q1
\v 11 एपरैम के गौरव ह चिरई असन उड़ जाही—
\q2 न तो काकरो जनम होही, न कोनो देहें म होही, अऊ न ही कोनो ला गरभ ठहिरही।
\q1
\v 12 चाहे ओमन अपन लइकामन के पालन-पोसन करंय, त घलो,
\q2 मेंह हर एक ला ओमन ले लेय लूहूं।
\q1 ओमन ऊपर हाय
\q2 जब मेंह ओमन ले दूरिहा हो जावंव!
\q1
\v 13 मेंह एपरैम ला सूर के सहीं
\q2 मनभावन जगह म बसे हुए देखे हंव।
\q1 पर एपरैम ह अपन लइकामन ला
\q2 बध करइया करा ले आही।”
\b
\q1
\v 14 हे यहोवा, ओमन ला दे—
\q2 तेंह ओमन ला का देबे?
\q1 ओमन ला अइसन गरभ दे, जेकर ले गरभपात हो जाथे
\q2 अऊ अइसन थन दे, जेकर ले दूध नइं आवय।
\b
\q1
\v 15 “गिलगाल सहर म ओमन के जम्मो दुस्ट काम के कारन,
\q2 उहां मेंह ओमन ले घिन करेंव।
\q1 ओमन के पापमय काममन के खातिर,
\q2 मेंह ओमन ला अपन घर ले निकाल दूहूं।
\q1 मेंह ओमन ले अब मया नइं रखहूं;
\q2 ओमन के जम्मो अगुवामन बिदरोही अंय।
\q1
\v 16 एपरैम ला बेमारी लग गे हवय,
\q2 ओमन के जरी ह सूखा गीस,
\q2 ओमन म फर नइं लगय।
\q1 चाहे ओमन लइकामन ला जनमांय घलो,
\q2 तभो ले मेंह ओमन के पाले-पोसे लइकामन ला मार डारहूं।”
\b
\q1
\v 17 मोर परमेसर ह ओमन ला स्वीकार नइं करही
\q2 काबरकि ओमन ओकर बात ला नइं माने हवंय;
\q2 ओमन जाति-जाति के मनखेमन के बीच म भटकत फिरहीं।
\b
\c 10
\q1
\v 1 इसरायल ह एक ठन बढ़त अंगूर के नार रिहिस;
\q2 ओह अपन बर फर देवत रिहिस।
\q1 जइसन-जइसन ओकर फरमन बढ़त गीन,
\q2 ओह अऊ जादा बेदीमन\f + \fr 10:1 \fr*\ft या \ft*\fqa मूरती-पूजा के बेदीमन\fqa*\f* ला बनाईस;
\q1 जइसन-जइसन ओकर देस उन्नति करत गीस,
\q2 ओह अपन पबितर पथरामन ला सजाईस।
\q1
\v 2 ओमन के मन ह धोखेबाज ए,
\q2 अऊ अब ओमन अपन अपराध के सजा जरूर पाहीं।
\q1 यहोवा ह ओमन के बेदीमन ला गिरा दीही
\q2 अऊ ओमन के पबितर पथरामन ला नास कर दीही।
\b
\q1
\v 3 तब ओमन कहिहीं, “हमर कोनो राजा नइं एं
\q2 काबरकि हमन यहोवा के आदर नइं करेंन।
\q1 पर कहूं हमर कोनो राजा होतिस घलो,
\q2 त ओह हमर बर का करतिस?”
\q1
\v 4 ओमन बहुंत अकन वायदा करथें,
\q2 झूठा किरिया खाथें
\q2 अऊ करार करथें;
\q1 ये खातिर नांगर जोते खेत म उगे
\q2 जहरिला कांदी सहीं मुकदमामन होय लगथें।
\q1
\v 5 जऊन मनखेमन सामरिया सहर म रहिथें
\q2 ओमन बेत-आवेन के बछवा के मूरती के कारन डरात हवंय।
\q1 एकर मनखेमन एकर बर बिलाप करहीं,
\q2 अऊ अइसने ही एकर मूरती-पूजा करइया पुरोहितमन घलो करहीं,
\q1 जऊन मन कि पहिले एकर वैभव ऊपर आनंद मनात रिहिन,
\q2 काबरकि येला ओमन ले छीनके बंधुवई म ले लिये गे हवय।
\q1
\v 6 येला बड़े राजा ला भेंट के रूप म देय बर
\q2 अस्सूर देस ला ले जाय जाही।
\q1 एपरैम ला लज्जित करे जाही;
\q2 इसरायल घलो बाहिरी मनखेमन संग अपन नाता के कारन लज्जित होही।
\q1
\v 7 सामरिया के राजा ला अइसन नास करे जाही,
\q2 जइसन रूख के एक छोटे डारा ह पानी के बहाव म नास हो जाथे।
\q1
\v 8 बुरई के ऊंच ठऊरमन नास करे जाहीं—
\q2 येह इसरायल के पाप अय।
\q1 कांटावाले पऊधा अऊ झाड़ीमन उगहीं
\q2 अऊ ओमन के बेदीमन ला ढांप लीहीं।
\q1 तब ओमन पहाड़मन ले कहिहीं, “हमन ला ढांप लेवव!”
\q2 अऊ पहाड़ीमन ले कहिहीं, “हमर ऊपर गिर जावव!”
\b
\q1
\v 9 “हे इसरायल, तेंह गिबा के समय ले पाप करत आय हवस,
\q2 अऊ तेंह अभी घलो ओहीच म बने हवस।
\q1 का दुस्ट काम करइयामन गिबा म
\q2 फेर लड़ई म नइं फंसहीं?
\q1
\v 10 जब मोर ईछा होही, तब मेंह ओमन ला दंड दूहूं;
\q2 आनजातमन, ओमन के दू गुना पाप के कारन
\q2 ओमन ला बंधन म डारे बर ओमन के बिरूध म इकट्ठा होहीं।
\q1
\v 11 एपरैम ह एक सिखोय गय बछिया अय
\q2 जऊन ला अनाज मिंजई बने लगथे;
\q1 एकरसेति मेंह ओकर सुघर घेंच म
\q2 एक ठन जुड़ा ला रखहूं।
\q1 मेंह एपरैम ला चलाहूं,
\q2 यहूदा ला नांगर जोतना जरूरी अय,
\q2 अऊ जरूरी अय कि याकूब ह ढेला फोरय।
\q1
\v 12 अपन बर धरमीपन के बीजा ला बोवव,
\q2 निस्कपट मया के फसल काटव,
\q1 अऊ बिगर जोताय खेत के माटी ला फोरव;
\q2 काबरकि येह यहोवा के खोज म रहे के समय ए,
\q1 जब तक कि ओह आके
\q2 तुम्हर ऊपर धरमीपन के बारिस नइं करय।
\q1
\v 13 पर तुमन दुस्टता के बीजा लगाय हवव,
\q2 अऊ बुरई के फसल काटे हवव,
\q2 तुमन धोखा के फर ला खाय हवव।
\q1 काबरकि तुमन अपन खुद के सक्ति
\q2 अऊ अपन बहुंत अकन योद्धामन ऊपर भरोसा रखे रहेव।
\q1
\v 14 तुम्हर मनखेमन के बिरूध लड़ई के ललकार होही,
\q2 ताकि तुम्हर जम्मो गढ़मन ला नास कर दिये जावय—
\q1 जइसन कि लड़ई के दिन, सलमन ह बेथ-आरबेल ला नास करिस,
\q2 जब दाईमन ला ओमन के लइकामन के संग भुइयां म पटकके मार डारे गे रिहिस।
\q1
\v 15 हे बेतेल, तोर संग घलो अइसनेच होही,
\q2 काबरकि तेंह बहुंत दुस्ट काम करे हवस।
\q1 जब बिहनियां होही,
\q2 इसरायल के राजा ला पूरा नास कर दिये जाही।
\c 11
\s1 इसरायल बर परमेसर के मया
\q1
\v 1 “जब इसरायल ह लइका रिहिस, त मेंह ओला मया करेंव,
\q2 अऊ मिसर देस ले मेंह अपन बेटा ला बलांय।
\q1
\v 2 पर जतेक जादा ओमन ला बलाय गीस,
\q2 ओतेक जादा ओमन मोर ले दूरिहा होवत गीन।
\q1 ओमन बाल देवतामन बर बलि चघाईन
\q2 अऊ ओमन मूरतीमन के आघू म धूप जलाईन।
\q1
\v 3 ओह में रहेंव, जऊन ह एपरैम ला
\q2 हांथ धरके रेंगे बर सिखोईस;
\q1 पर ओमन ये बात ला नइं जानिन
\q2 कि ओह मेंहीच रहेंव, जऊन ह ओमन ला चंगा करिस।
\q1
\v 4 मेंह मानव रूपी दया के डोरी ला,
\q2 मया के बंधन म गुंथके ओमन के अगुवई करेंव।
\q1 ओमन बर मेंह अइसने रहेंव,
\q2 जइसने कोनो छोटे लइका ला गाल तक ऊपर उठाथे,
\q2 अऊ मेंह खाल्हे निहरके ओमन ला जेवन करायेंव।
\b
\q1
\v 5 “का ओमन मिसर देस नइं लहुंटहीं
\q2 अऊ का अस्सूर के राजा ओमन ऊपर राज नइं करही
\q2 काबरकि ओमन पछताप करे नइं चाहंय?
\q1
\v 6 ओमन के सहरमन म एक तलवार चमकही;
\q2 ओह ओमन के लबरा अगमजानीमन ला मार डारही
\q2 अऊ ओमन के योजनामन ला खतम कर दीही।
\q1
\v 7 मोर मनखेमन मोर ले दूरिहा होय के ठान ले हवंय।
\q2 हालाकि ओमन मोला सर्वोच्च परमेसर कहिथें,
\q2 तभो ले मेंह ओमन के कोनो किसम ले परसंसा नइं करहूं।
\b
\q1
\v 8 “हे एपरैम, मेंह तोला कइसे छोंड़ सकत हंव?
\q2 हे इसरायल, मेंह तोला कोनो अऊ ला कइसे सऊंप दंव?
\q1 मेंह तोर संग अदमा नगर असन बरताव कइसे कर सकत हंव?
\q2 मेंह तोला सबोईम नगर के असन कइसे बना सकत हंव?
\q1 मोर हिरदय ह मोर भीतर म बदल गे हवय;
\q2 मोर जम्मो करूना जाग गे हवय।
\q1
\v 9 मेंह अपन भयंकर कोरोध ला भड़कन नइं दंव,
\q2 न ही मेंह एपरैम ला फेर नास करहूं।
\q1 काबरकि मेंह मनखे नइं, परमेसर अंव—
\q2 तुम्हर बीच एक पबितर जन।
\q2 मेंह ओमन के सहरमन के बिरूध नइं आवंव।
\q1
\v 10 ओमन यहोवा के पाछू चलहीं;
\q2 ओह एक सिंह सहीं गरजही।
\q1 जब ओह गरजही,
\q2 त ओकर लइकामन कांपत पछिम दिग ले आहीं।
\q1
\v 11 ओमन मिसर देस ले,
\q2 गौरइया चिरईमन सहीं कांपत,
\q2 अऊ अस्सूर देस ले पंड़की असन पांखी फड़फड़ावत आहीं।
\q1 मेंह ओमन ला ओमन के घरमन म बसाहूं,”
\q2 यहोवा ह घोसना करत हे।
\s1 इसरायल के पाप
\q1
\v 12 एपरैम ह मोर चारों कोति लबारी के,
\q2 अऊ इसरायल ह धोखा के कुढ़ा लगा दे हवय।
\q1 अऊ यहूदा ह उदंड होके परमेसर के बिरूध हवय,
\q2 अऊ त अऊ ओह बिसवासयोग्य पबितर जन के बिरूध हवय।\f + \fr 11:12 \fr*\ft इबरानी म ये पद (\+xt 11:12\+xt*) ला 12:1 म गने गे हवय\ft*\f*
\c 12
\q1
\v 1 एपरैम\f + \fr 12:1 \fr*\ft इसरायली मनखे\ft*\f* ह हवा ला खाथे;
\q2 ओह पूरा दिन पूरब के हवा के पीछा करथे
\q2 अऊ अपन लबारी गोठ अऊ हिंसा ला बढ़ावत रहिथे।
\q1 ओह अस्सूर देस के संग करार करथे
\q2 अऊ मिसर देस ला जैतून के तेल पठोथे।
\q1
\v 2 यहूदा के बिरूध यहोवा के आरोप हे;
\q2 ओह याकूब\f + \fr 12:2 \fr*\fq याकूब \fq*\ft के मतलब होथे \ft*\fqa ओह एड़ी ला धरथे, \fqa*\ft या \ft*\fqa ओह फायदा उठाथे \fqa*\ft या \ft*\fqa ओह धोखा देथे\fqa*\f* ला ओकर चालचलन के मुताबिक सजा दीही
\q2 अऊ ओकर काममन के मुताबिक ओला बदला दीही।
\q1
\v 3 अपन दाई के कोख ही म, ओह अपन भाई के एड़ी ला पकड़ ले रिहिस;
\q2 एक मनखे के रूप म ओह परमेसर के संग लड़िस।\f + \fr 12:3 \fr*\ft देखव \+xt उत 25:26; 32:24\+xt*\ft*\f*
\q1
\v 4 ओह स्वरगदूत के संग लड़िस अऊ स्वरगदूत ऊपर जय पाईस;
\q2 ओह रोईस अऊ ओकर ले किरपा करे बर बिनती करिस।
\q1 बेतेल म ओह परमेसर ले मिलिस
\q2 अऊ उहां ओह ओकर ले गोठियाईस—
\q1
\v 5 यहोवा, सर्वसक्तिमान परमेसर,
\q2 यहोवा ओकर नांव अय।
\q1
\v 6 पर ये जरूरी अय कि तें अपन परमेसर करा लहुंट आ;
\q2 मया अऊ नियाय के काम करते रह,
\q2 अऊ हमेसा अपन परमेसर ऊपर भरोसा रख।
\b
\q1
\v 7 बेपारी ह नाप-तौल म बेईमानी करथे
\q2 अऊ छल-कपट करई ओला बने लगथे।
\q1
\v 8 एपरैम ह ये घमंड करथे,
\q2 “मेंह बहुंत धनवान अंव, मेंह धनी हो गे हवंव।
\q1 मोर जम्मो संपत्ति के संग ओमन
\q2 मोर म कोनो अपराध या पाप नइं पाहीं।”
\b
\q1
\v 9 “जब ले तेंह मिसर देस ले निकलके आय
\q2 में यहोवा तोर परमेसर अंव;
\q1 मेंह फेर तोला तम्बूमन म बसाहूं,
\q2 जइसन कि तुम्हर ठहिराय तिहार के दिनमन म होवत रिहिस।
\q1
\v 10 मेंह अगमजानीमन ले गोठियांय,
\q2 ओमन ला कतको दरसन देखांय
\q2 अऊ ओमन के जरिये पटंतर कहेंव।”
\b
\q1
\v 11 का गिलाद सहर ह दुस्ट ए?
\q2 येकर मनखेमन बेकार अंय!
\q1 का ओमन गिलगाल म बईलामन के बलिदान करथें?
\q2 ओमन के बेदीमन जोते गय खेत म
\q2 पथरामन के ढेर सहीं होहीं।
\q1
\v 12 याकूब ह अराम देस ला भाग गीस;
\q2 इसरायल ह एक घरवाली पाय बर सेवा करिस,
\q2 अऊ ओकर दाम चुकाय बर ओह भेड़मन ला चराईस।
\q1
\v 13 यहोवा ह इसरायल ला मिसर ले निकाले बर एक अगमजानी के उपयोग करिस,
\q2 एक अगमजानी के दुवारा ओह ओकर खियाल रखिस।
\q1
\v 14 पर एपरैम ह यहोवा के कोरोध ला बहुंत भड़काय हवय;
\q2 ओकर परभू ह ओकर दुवारा करे गय खून के दोस ओकरे ऊपर रहन दीही
\q2 अऊ ओकर अनादर करे के कारन ओकर ले बदला लीही।
\c 13
\s1 इसरायल के बिरूध यहोवा के कोरोध
\q1
\v 1 जब एपरैम ह गोठियावय, त मनखेमन कांपंय;
\q2 ओह इसरायल म बड़े आदमी रिहिस।
\q2 पर ओह बाल देवता के अराधना करे के दोसी होईस अऊ मर गीस।
\q1
\v 2 अब ओमन अऊ जादा पाप करत हें;
\q2 ओमन अपन चांदी ले अपन बर मूरती बनाथें,
\q1 मूरतीमन म बुद्धिमानी से कारीगरी करे गे हवय,
\q2 ये जम्मो सिल्पकारमन के काम अय।
\q1 ये मनखेमन के बारे म कहे जाथे,
\q2 “ओमन मानव बलि चघाथें!
\q2 ओमन बछवा के मूरतीमन ला चूमथें!”
\q1
\v 3 ये खातिर ओमन बिहनियां के कुहरा,
\q2 बड़े बिहनियां पड़े ओस सहीं अंय, जऊन ह अइसन गायब होथे,
\q2 जइसन कोठार ले भूंसी ह हवा म उड़ियाथे,
\q2 जइसन खिड़की ले धुआं बाहिर निकल जाथे।
\b
\q1
\v 4 “पर मेंह तब ले यहोवा तोर परमेसर अंव,
\q2 जब ले तें मिसर देस ले निकलके आय।
\q1 तें मोर छोंड़ कोनो अऊ ला परमेसर करके झन मानबे,
\q2 मोला छोंड़ कोनो अऊ उद्धार करइया नइं ए।
\q1
\v 5 मेंह उजाड़ निरजन जगह म,
\q2 गरमी ले तपत देस म तोर खियाल रखेंव।
\q1
\v 6 जब मेंह ओमन ला जेवन करांय, त ओमन खाके अघा गीन;
\q2 जब ओमन खाके अघा गीन, त ओमन घमंडी हो गीन;
\q2 तब ओमन मोला बिसरा दीन।
\q1
\v 7 एकरसेति मेंह ओमन बर एक सिंह असन होहूं;
\q2 एक चीतवा के असन मेंह ओमन के रद्दा म घात म रहिहूं।
\q1
\v 8 मेंह ओ माई भालू सहीं बनहूं, जेकर लइकामन ला छीन लिये गे हवय,
\q2 मेंह ओमन ऊपर हमला करहूं अऊ ओमन ला फाड़ डालहूं;
\q1 एक सिंह असन ओमन ला फाड़ डालहूं—
\q2 एक जंगली पसु ह ओमन ला फाड़के अलग-अलग कर दीही।
\b
\q1
\v 9 “हे इसरायल, तोर बिनास होईस,
\q2 काबरकि तेंह मोर बिरूध, अपन मददगार के बिरूध हवस।
\q1
\v 10 तोर राजा कहां हवय, कि ओह तोला बचावय?
\q2 कहां हवंय तोर जम्मो नगरमन के सासन करइयामन,
\q1 जेमन के बारे म तेंह कहे रहे,
\q2 ‘मोला एक राजा अऊ हाकिम दे’?
\q1
\v 11 एकरसेति कोरोध म आके मेंह तोला एक राजा देंव,
\q2 अऊ अपन कोरोध म ही मेंह ओला हटा देंव।
\q1
\v 12 एपरैम के अपराध बहुंत हो गे हवय,
\q2 ओकर पाप के हिसाब-किताब रखाय हवय।
\q1
\v 13 ओला एक माईलोगन के लइका जनमाय सहीं पीरा होही,
\q2 पर ओह बिगर बुद्धि के एक लइका ए;
\q1 जब जनमे के बेरा होथे,
\q2 त ओला गरभ ले बाहिर आय के गियान नइं रहय।
\b
\q1
\v 14 “मेंह ये मनखेमन ला कबर के सक्ति ले छुटकारा दूहूं;
\q2 मेंह ओमन ला मिरतू ले बचाहूं।
\q1 हे मिरतू, कहां हवय तोर महामारीमन?
\q2 हे कबर, कहां हवय तोर बिनास?
\b
\q1 “मेंह कुछू करूना नइं करंव,
\q2
\v 15 चाहे एपरैम ह अपन भाईमन के बीच म उन्नति करे।
\q1 एक पूरब के हवा यहोवा कोति ले
\q2 मरू-भुइयां ले आही;
\q1 ओकर सोता ले पानी निकलई बंद हो जाही
\q2 अऊ ओकर कुआं ह सूखा जाही।
\q1 ओकर गोदाम म रखे
\q2 जम्मो कीमती चीजमन ला लूट लिये जाही।
\q1
\v 16 जरूरी अय कि सामरिया के मनखेमन अपन अपराध के दंड भोगंय,
\q2 काबरकि ओमन अपन परमेसर ले बिदरोह करे हवंय।
\q1 ओमन तलवार ले मारे जाहीं;
\q2 ओमन के छोटे लइकामन ला भुइयां म पटक दिये जाही,
\q2 अऊ ओमन के गरभवती माईलोगनमन के पेट ला चीर दिये जाही।”\f + \fr 13:16 \fr*\ft इबरानी म ये पद (\+xt 13:16\+xt*) ला 14:1 म गने गे हवय\ft*\f*
\c 14
\s1 आसीस पाय बर पछताप
\q1 \f + \fr 14 \fr*\ft इबरानी म \+xt 14:1‑9\+xt* ला 14:2‑10 गने गे हवय\ft*\f* 
\v 1 हे इसरायल, यहोवा अपन परमेसर करा लहुंट आ।
\q2 तोर पापमन तोर पतन होय के कारन अंय!
\q1
\v 2 यहोवा के बातमन ला मान
\q2 अऊ ओकर मेर लहुंट आ।
\q1 ओकर ले बिनती करके कह:
\q2 “हमर जम्मो पापमन ला छेमा कर
\q1 अऊ अनुग्रह के संग हमन ला गरहन कर,
\q2 कि हमन अपन मुहूं ले धनबाद रूपी भेंट चघा सकन।
\q1
\v 3 अस्सूर ह हमर उद्धार नइं कर सकय;
\q2 हमन लड़ई के घोड़ामन ऊपर सवार नइं होवन।
\q1 हमन अपन हांथ ले बनाय मूरतीमन ला
\q2 फेर कभू नइं कहन ‘हमर देवता’,
\q2 काबरकि अनाथ ला तोर ले ही करूना मिलथे।”
\b
\q1
\v 4 यहोवा ह कहिथे, “मेंह ओमन के हठी सुभाव ला ठीक करहूं
\q2 अऊ खुला रूप ले ओमन ले मया करहूं,
\q2 काबरकि मोर कोरोध ह ओमन के ऊपर ले हट गे हवय।
\q1
\v 5 मेंह इसरायल बर ओस असन होहूं;
\q2 ओह कुमुदिनी फूल असन खिलही।
\q1 लबानोन के देवदार रूख असन
\q2 ओकर जरीमन खाल्हे गहिरा म जाहीं;
\q2
\v 6 ओकर कोअंर पीकामन बाढ़हीं।
\q1 ओकर सोभा एक जैतून रूख सहीं होही,
\q2 अऊ ओकर खुसबू लबानोन के देवदार रूख सहीं होही।
\q1
\v 7 मनखेमन फेर ओकर छइहां म निवास करहीं;
\q2 ओमन अनाज के असन बाढ़हीं,
\q1 ओमन अंगूर के नार असन फूलहीं-फरहीं—
\q2 इसरायल के खियाती ह लबानोन के अंगूर के मंद कस होही।
\q1
\v 8 हे एपरैम, मूरतीमन ले अब मोर का काम?
\q2 मेंह ओला जबाब दूहूं अऊ ओकर खियाल रखहूं।
\q1 मेंह बाढ़त सनोवर के रूख असन अंव;
\q2 तोर म फर धरई ह मोर कारन होथे।”
\b
\q1
\v 9 बुद्धिमान कोन ए? ओमन ला ये बातमन के अनुभव करन दव।
\q2 समझदार कोन ए? ओमन ला समझन दव।
\q1 यहोवा के रद्दामन सही अंय;
\q2 धरमीमन ओमा चलथें,
\q2 पर बिदरोही मनखेमन ओमा ठोकर खाके गिरथें।