\id EZR - Biblica® Open Chhattisgarhi Contemporary Version
\usfm 3.0
\ide UTF-8
\h एजरा
\toc1 एजरा के किताब
\toc2 एजरा
\toc3 एज
\mt1 एजरा
\mt2 के किताब
\c 1
\s1 राजा कुसरू के मदद ले यहूदीमन के घर लहुंटई
\p
\v 1 फारस के राजा कुसरू के राज के पहिला बछर म यहोवा ह फारस के राजा कुसरू के मन ला उभारिस कि यहोवा के जऊन बचन यरमियाह अगमजानी के दुवारा कहे गे रिहिस, ओह पूरा हो जाय, एकरसेति राजा कुसरू ह अपन जम्मो राज म ये परचार करवाईस अऊ लिखवा भी दीस:
\pmo
\v 2 “फारस के राजा कुसरू ह ये कहत हे:
\pm “ ‘यहोवा, स्वरग के परमेसर ह धरती भर के जम्मो राज ला मोला दे हवय, अऊ ओह मोला यहूदा प्रदेस के यरूसलेम म ओकर बर एक मंदिर बनाय बर ठहिराय हवय। 
\v 3 तुम्हर बीच म ले, ओकर जऊन भी मनखे यहूदा के यरूसलेम जाय चाहत हवंय, ओमन जा सकत हें अऊ ओ यहोवा, इसरायल के परमेसर के मंदिर ला बनावंय, जऊन ह यरूसलेम म हवय, अऊ ओमन के परमेसर ह ओमन के संग रहय। 
\v 4 अऊ कोनो भी जगह म जिहां बांचे मनखेमन रहत हवंय, ओ जगह के मनखेमन सोन अऊ चांदी, धन अऊ पसु देके, ओमन के मदद करंय अऊ यरूसलेम म परमेसर के मंदिर बर स्वेच्छा-बलिदान देवंय।’ ”
\p
\v 5 तब यहूदा अऊ बिनयामीन के परिवार के मुखियामन, अऊ पुरोहितमन अऊ लेवीमन—जेमन के मन ला परमेसर ह उभारे रिहिस, ओमन जाके यरूसलेम म यहोवा के भवन ला बनाय बर तियार हो गीन। 
\v 6 ओमन के जम्मो परोसीमन सोन अऊ चांदी, चीज-वस्तु अऊ पसु, अऊ अनमोल भेंट देके, ओमन के मदद करिन; येकर अलावा ओमन स्वेच्छा-बलिदान घलो दीन।
\p
\v 7 फेर राजा कुसरू ह यहोवा के मंदिर के ओ चीजमन ला बाहिर ले आईस, जेला राजा नबूकदनेसर ह यरूसलेम ले लानके अपन देवता\f + \fr 1:7 \fr*\ft या \ft*\fqa देवतामन\fqa*\f* के मंदिर म रखे रिहिस, 
\v 8 ओमन ला फारस के राजा कुसरू ह मिथरदात खजांची के दुवारा निकलवाईस, जऊन ह ओमन ला गनके यहूदीमन के परधान सेसबसर ला सऊंप दीस।
\b
\lh
\v 9 ओ चीजमन के गनती ये रिहिस:
\b
\li1 सोन के बरतन 30;
\li1 चांदी के बरतन 1,000;
\li1 चांदी के परात 29;
\li1
\v 10 सोन के कटोरा 30;
\li1 ओमन सहीं चांदी के कटोरा 410;
\li1 आने किसम के बरतन 1,000;
\b
\lf
\v 11 सोन अऊ चांदी के कुल 5,400 चीजमन रिहिन।
\b
\p ये जम्मो ला सेसबसर ह बंधुवा मनखेमन के संग म लानिस, जब ओमन बेबिलोन ले यरूसलेम आईन।
\c 2
\s1 ओ बंधुवा मनखेमन के सूची जेमन लहुंटके आईन
\lh
\v 1 जेमन ला बेबिलोन के राजा नबूकदनेसर ह बंदी बनाके बेबिलोन ले गेय रिहिस, येमन प्रदेस के ओ मनखे अंय, जेमन बंधुवई ले छूटके आईन (ओमन यरूसलेम अऊ यहूदा के अपन-अपन नगर म लहुंटिन, 
\v 2 येमन जरूब्बाबेल, यहोसू, नहेमियाह, सरायाह, रेलायाह, मोरदकै, बिलसान, मिसपार, बिगवै, रहूम, अऊ बाना के संग आईन):
\b
\lh इसरायली मनखेमन के आदमीमन के सूची:
\li1
\v 3 परोस के संतान 2,172;
\li1
\v 4 सपतयाह के संतान 372;
\li1
\v 5 आरह के संतान 775;
\li1
\v 6 पहत-मोआब के संतान (येहोसू अऊ योआब के बंस म ले) 2,812;
\li1
\v 7 एलाम के संतान 1,254;
\li1
\v 8 जत्तू के संतान 945;
\li1
\v 9 जक्कई के संतान 760;
\li1
\v 10 बानी के संतान 642;
\li1
\v 11 बेबै के संतान 623;
\li1
\v 12 अजगाद के संतान 1,222;
\li1
\v 13 अदोनीकाम के संतान 666;
\li1
\v 14 बिगवै के संतान 2,056;
\li1
\v 15 आदीन के संतान 454;
\li1
\v 16 आतेर के संतान (हिजकियाह के बंस म ले) 98;
\li1
\v 17 बेसै के संतान 323;
\li1
\v 18 योराह के संतान 112;
\li1
\v 19 हासूम के संतान 223;
\li1
\v 20 गिब्बार के संतान 95;
\li1
\v 21 बैतलहम के आदमीमन 123;
\li1
\v 22 नतोपा के आदमीमन 56;
\li1
\v 23 अनातोत के आदमीमन 128;
\li1
\v 24 अजमावेत के आदमीमन 42;
\li1
\v 25 किरयत-यारीम, कपीरा अऊ बेरोत के आदमीमन 743;
\li1
\v 26 रामा अऊ गेबा के आदमीमन 621;
\li1
\v 27 मिकमास के आदमीमन 122;
\li1
\v 28 बेतेल अऊ अई के आदमीमन 223;
\li1
\v 29 नबो के आदमीमन 52;
\li1
\v 30 मगबीस के आदमीमन 156;
\li1
\v 31 दूसर एलाम के आदमीमन 1,254;
\li1
\v 32 हारीम के आदमीमन 320;
\li1
\v 33 लोद, हादीद अऊ ओनो के आदमीमन 725;
\li1
\v 34 यरीहो के आदमीमन 345;
\li1
\v 35 सना के आदमीमन 3,630।
\b
\lh
\v 36 पुरोहितमन:
\li1 यदायाह के संतान (येहोसू के परिवार के जरिये) 973;
\li1
\v 37 इम्मेर के संतान 1,052;
\li1
\v 38 पसहूर के संतान 1,247;
\li1
\v 39 हारीम के संतान 1,017।
\b
\lh
\v 40 लेवीमन:
\li1 येहोसू अऊ कदमीएल के संतान (होदवियाह के बंस के जरिये) 74।
\b
\lh
\v 41 संगीतकारमन:
\li1 आसाप के संतान 128।
\b
\lh
\v 42 मंदिर के दुवारपालमन:
\li1 सल्लूम, आतेर, तलमोन, अक्कूब, हतीता अऊ सोबै के संतान 139।
\b
\lh
\v 43 मंदिर के सेवकमन:
\li1 खाल्हे लिखे मनखेमन के संतानमन—
\li1 सीहा, हसूपा, तब्बाओत,
\li1
\v 44 केरोस, सीअहा, पादोन,
\li1
\v 45 लबाना, हगाबा, अक्कूब,
\li1
\v 46 हागाब, सल्मै, हानान,
\li1
\v 47 गिद्दल, गहर, रायाह,
\li1
\v 48 रसीन, नकोदा, गज्जाम,
\li1
\v 49 उज्जा, पासेह, बेसै,
\li1
\v 50 असना, मूनीम, नेफूसीम,
\li1
\v 51 बकबूक, हकूपा, हरहूर,
\li1
\v 52 बसलूत, महीदा, हरसा,
\li1
\v 53 बरकोस, सीसरा, तेमह,
\li1
\v 54 नसीह, अऊ हतीपा।
\lh
\v 55 राजा सुलेमान के सेवकमन के संतान:
\li1 सोतै, हस्सोपेरेत, परूदा,
\li1
\v 56 याला, दरकोन, गिद्देल,
\li1
\v 57 सपतयाह, हत्तील,
\li1 पोकेरेत-हसेबायीम अऊ आमी के संतान।
\lf
\v 58 मंदिर के सेवक अऊ सुलेमान के सेवकमन के संतान 392 रिहिन।
\b
\lh
\v 59 ये मनखेमन तेल-मेलह, तेल-हरसा, करूब, अदोन, अऊ इम्मेर ले आईन, पर येमन बता नइं सकिन कि येमन के परिवार के मनखेमन इसरायलीमन के संतान रिहिन:
\li1
\v 60 संतानमन—
\li2 दलायाह, तोबियाह अऊ नकोदा के संतान 652।
\b
\lh
\v 61 अऊ पुरोहितमन के बीच म ले:
\li1 संतानमन—
\li2 होबायाह, हक्कोस अऊ बरजिलै (एक आदमी, जऊन ह गिलादी बरजिलै के एक बेटी ले बिहाव करे रिहिस अऊ ओकर नांव रख ले रिहिस) के संतान।
\lf
\v 62 येमन अपन परिवार के लेखा-जोखा ला खोजिन, पर ओमन ला नइं मिलिस। एकरसेति येमन ला असुध ठहिराके पुरोहित के पद ले अलग रखे गीस। 
\v 63 राजपाल ह ओमन ला हुकूम दीस कि जब तक ऊरीम अऊ तुम्मीम धारन करइया कोनो पुरोहित सेवा नइं करत रहय, तब तक ओमन कोनो परम पबितर जेवन म ले कुछू चीज झन खावंय।
\b
\lf
\v 64 पूरा सभा के संखिया 42,360 रिहिस। 
\v 65 येमन के अलावा येमन के 7,337 पुरूस अऊ महिला गुलाम रिहिन; अऊ येमन के 200 पुरूस अऊ महिला गवइयामन घलो रिहिन। 
\v 66 ओमन करा 736 घोड़ा, 245 खच्चर, 
\v 67 435 ऊंट अऊ 6,720 गदहामन रिहिन।
\b
\p
\v 68 जब ओमन यरूसलेम म यहोवा के घर मेर पहुंचिन, त परिवारमन के कुछू मुखियामन परमेसर के घर ला ओही जगह म फेर बनाय बर अपन ईछा ले दान दीन। 
\v 69 ओमन अपन योग्यता के मुताबिक 61,000 दरकमोन\f + \fr 2:69 \fr*\ft लगभग 500 किलोग्राम\ft*\f* सोन अऊ 5,000 मीना\f + \fr 2:69 \fr*\ft लगभग 3 टन\ft*\f* चांदी अऊ पुरोहितमन के 100 अंगरखा ये काम बर खजाना म दीन।
\p
\v 70 तब पुरोहितमन, लेवीमन, संगीतकारमन, दुवारपालमन, अऊ मंदिर के सेवकमन अपन-अपन नगर म आने कुछू अऊ मनखेमन संग बस गीन, अऊ बाकि इसरायलीमन अपन-अपन नगर म बस गीन।
\c 3
\s1 बेदी के फेर बनई
\p
\v 1 बेबिलोन ले लहुंटे के बाद, जब सातवां महिना आईस, अऊ इसरायलीमन अपन-अपन नगर म बस गीन, त मनखेमन यरूसलेम म एक मन होके जमा होईन। 
\v 2 तब योसादाक के बेटा यहोसू अऊ ओकर संगी पुरोहितमन अऊ सालतीएल के बेटा जरूब्बाबेल अऊ ओकर सहायकमन इसरायल के परमेसर के बेदी ला बनाय के सुरू करिन ताकि ओमा परमेसर के जन मूसा के कानून म लिखे मुताबिक होम-बलिदान चघाय जावय। 
\v 3 अपन आसपास के मनखेमन के डर के बावजूद, ओमन बेदी ला ओकरेच नीव म बनाईन अऊ येमा यहोवा बर हर रोज बिहनियां अऊ सांझकुन होम-बलिदान चघाय लगिन। 
\v 4 तब कानून म लिखे मुताबिक, ओमन पबितर-तम्बूमन के तिहार ला मानिन, अऊ संग म हर दिन जरूरी होम-बलिदानमन ला चघाईन। 
\v 5 ओकर बाद ओमन नियमित होम-बलिदान, नवां चंदा के बलिदान अऊ ठहिराय गय यहोवा के जम्मो पबितर तिहारमन के बलिदान अऊ संग म लाय गय यहोवा बर स्वेच्छा-बलिदान घलो चघाईन। 
\v 6 सातवां महिना के पहिले दिन ले ओमन यहोवा ला होम-बलिदान चघाय लगिन, हालाकि यहोवा के मंदिर के नीव तब तक नइं डारे गे रिहिस।
\s1 मंदिर ला फेर से बनई
\p
\v 7 तब मनखेमन राज-मिसतिरीमन ला अऊ बढ़ईमन ला रूपिया, अऊ सीदोन अऊ सूर के मनखेमन ला खाय-पीये के चीज अऊ तेल दीन, ताकि ओमन फारस के राजा कुसरू के अनुमति के मुताबिक देवदार के लकरी लबानोन ले यापा तक समुंदर के जरिये अमरांय।
\p
\v 8 दूसर बरस के दूसर महिना म परमेसर के भवन यरूसलेम म ओमन के हबरे के पाछू, सालतीएल के बेटा जरूब्बाबेल अऊ योसादाक के बेटा यहोसू अऊ बाकि मनखेमन (पुरोहित अऊ लेवी, अऊ जतेक बंधुवई ले यरूसलेम लहुंटे रिहिन) काम ला सुरू करिन। ओमन बीस बरस अऊ ओकर ले जादा उमर के लेवीमन ला यहोवा के भवन म काम के देखरेख करे बर नियुक्त करिन। 
\v 9 यहोसू अऊ ओकर बेटा अऊ भाईमन, अऊ कदमीएल अऊ ओकर बेटामन (होदवियाह के संतानमन) अऊ हेनादाद के बेटामन अऊ ओमन के बेटा अऊ भाईमन—सबो लेवीमन—परमेसर के भवन म कारीगरमन के काम के देखरेख करे बर एक संग जूरिन।
\p
\v 10 जब भवन के बनइयामन यहोवा के मंदिर के नीव डारिन, तब अपन ओनहा पहिरे, अऊ तुरहीमन ला धरे पुरोहितमन, अऊ लेवीमन (आसाप के बेटामन) झांझमन ला धरके यहोवा के परसंसा करे बर अपन-अपन जगह ले लीन, जइसे कि इसरायल के राजा दाऊद के दुवारा बताय गे रिहिस। 
\v 11 परसंसा अऊ धनबाद के संग यहोवा बर अइसने गीत गाईन:
\q1 “ओह बने अय;
\q2 ओकर मया ह इसरायल बर हमेसा बने रहिथे।”
\m तब जम्मो मनखेमन ये जानके कि यहोवा के भवन के नीव अब रखे जावत हे, अब्बड़ चिचियाके यहोवा के परसंसा करे लगिन। 
\v 12 पर कतको सियान पुरोहित अऊ लेवी अऊ परिवार के मुखियामन, जेमन पहिले के मंदिर ला देखे रिहिन, जब ये मंदिर के नीव ला रखत देखिन, त ओमन फूट-फूटके रोवन लगिन, अऊ कतको आने मनखेमन आनंद के मारे जय-जयकार करे लगिन। 
\v 13 एकरसेति मनखेमन, आनंद के जय-जयकार के सबद ले मनखेमन के रोये के सबद ला अलग पहिचान नइं सकिन, काबरकि मनखेमन बहुंत कोलाहल करत रिहिन। अऊ ओ अवाज ह दूरिहा तक सुनई देवत रिहिस।
\c 4
\s1 मंदिर के फेर बनई के बिरोध
\p
\v 1 जब यहूदा अऊ बिनयामीन के बईरीमन ये सुनिन कि बंधुवई ले लहुंटे मनखेमन यहोवा, इसरायल के परमेसर बर एक मंदिर बनावत हवंय, 
\v 2 त ओमन जरूब्बाबेल अऊ परिवार के मुखिया मनखेमन करा आके ओमन ले कहन लगिन, “हमन ला घलो तुम्हर संग बनाय म मदद करे बर देवव, काबरकि तुम्हर सहीं, हमन घलो तुम्हर परमेसर के खोज म लगे हवन, अऊ अस्सूर के राजा एसरहदोन, जऊन ह हमन ला इहां अमराईस, ओकर दिन ले हमन ओ परमेसर ला बलिदान घलो चघावत हवन।”
\p
\v 3 पर जरूब्बाबेल, यहोसू अऊ इसरायल के परिवारमन के मुखिया मनखेमन ओमन ला जबाब दीन, “हमर परमेसर बर भवन बनाय म, तुम्हर हमर संग कोनो संबंध नइं ए। हमीचमन एक संग मिलके फारस के राजा कुसरू के हुकूम के मुताबिक यहोवा, इसरायल के परमेसर बर येला बनाबो।”
\p
\v 4 तब ओ देस के मनखेमन यहूदीमन ला निरास करे लगिन अऊ ओमन ला डरवाके मंदिर बनाय म बाधा डारन लगिन। 
\v 5 ओमन फारस के अधिकारीमन ला घूस दीन, ताकि ओमन ये काम म बाधा डालंय, फारस के राजा कुसरू के पूरा सासनकाल ले लेके फारस के राजा दारा के सासनकाल तक ओमन अइसने करते रिहिन।
\s1 बाद म छयर्स अऊ अर्तछयर्स के अगुवई म बिरोध
\p
\v 6 छयर्स के राज के सुरू के दिन म, ओ मनखेमन यहूदा अऊ यरूसलेम के निवासीमन के बिरूध एक दोस-पतर लिखिन।
\p
\v 7 अऊ फारस के राजा अर्तछयर्स के दिन म, बिसलाम, मिथरदात, ताबेल अऊ ओकर सहयोगीमन अर्तछयर्स ला एक ठन चिट्ठी लिखिन। चिट्ठी अरामिक अकछर अऊ अरामिक भासा म लिखे गीस।
\p
\v 8 हुकूम देवइया अधिकारी रहूम अऊ सचिव सिमसै ह यरूसलेम के बिरूध राजा अर्तछयर्स ला ये किसम के चिट्ठी लिखिन:
\pmo
\v 9 हुकूम देवइया अधिकारी रहूम अऊ सचिव सिमसै अऊ ओमन के आने जम्मो सहयोगीमन—फारस, ऊरूक अऊ बेबिलोन के मनखेमन ऊपर नियायधीस, अधिकारी अऊ सासन करइयामन, सूसन के एलामीमन, 
\v 10 अऊ आने मनखेमन, जेमन ला महान अऊ आदरनीय असूरबानीपाल ह बाहिर निकालके सामरिया सहर म अऊ फरात नदी के पार के देस म बसाय रिहिस।
\p
\v 11 (जऊन चिट्ठी ओमन राजा ला भेजिन, ओकर येह नकल अय।)
\pmo राजा अर्तछयर्स के सेवा म,
\pmo तोर ओ सेवकमन ले, जेमन फरात नदी के ओ पार रहिथें:
\pm
\v 12 राजा ला ये मालूम होवय कि जऊन यहूदीमन तोर करा ले हमर इहां आईन, ओमन यरूसलेम गे हवंय अऊ ओमन ओ बिदरोही अऊ दुस्ट सहर ला फेर बनावत हवंय। ओमन दीवारमन ला फेर ठाढ़ करत हवंय अऊ ओकर नीवमन ला मरम्मत करत हवंय।
\pm
\v 13 राजा ला मालूम होवय कि कहूं ओ सहर ह बन गीस अऊ ओकर दीवारमन फेर बन गीन, तब ओमन कर, लगान, अऊ चुंगी फेर नइं दीहीं, अऊ आखिर म राजकर के हानि होही। 
\v 14 काबरकि राजमहल बर हमर जिम्मेदारी हवय अऊ हमर बर येह उचित नो हय कि हमर देखत म राजा के अनादर होवय, एकर खातिर हमन ये चिट्ठी पठोके राजा ला खबर देवत हन, 
\v 15 ताकि तोर पुरखामन के इतिहास के किताब म खोजे जावय। ये इतिहास के किताबमन म तोला मिलही कि ओ सहर ह एक बिदरोही सहर, राजा अऊ राजमन बर दुख देवइया सहर ए, अऊ ये जगह के बिदरोह करे के एक लम्बा इतिहास हवय। एकर खातिर ओ सहर ला नास कर देय गे रिहिस। 
\v 16 हमन राजा ला सूचना देवत हन कि यदि ओ सहर ला बनाय जाथे अऊ ओकर दीवारमन फेर ठाढ़ करे जाथें, त फेर तोर बर फरात नदी के पार कुछू नइं बचही।
\p
\v 17 तब राजा ह ये जबाब भेजिस:
\pmo हुकूम देवइया अधिकारी रहूम अऊ सचिव सिमसै अऊ सामरिया अऊ फरात नदी के पार आने जगह म रहइया ओमन के बाकि सहयोगीमन:
\pmo तुम्हर कल्यान होवय।
\pm
\v 18 जऊन चिट्ठी तुमन हमर करा पठोय हवव, ओला मोर आघू म पढ़के ओकर अनुवाद करे गीस। 
\v 19 मोर हुकूम ले जब खोजे गीस, त पता चलिस कि राजामन के बिरूध ओ सहर के बिदरोह करे के एक पुराना इतिहास हवय अऊ ये जगह म बिदरोह अऊ दंगा होवत आवत हे। 
\v 20 यरूसलेम म सामर्थी राजामन रिहिन, जेमन पूरा फरात नदी के पार तक राज करत रिहिन, अऊ कर, लगान, अऊ चुंगी ओमन ला दिये जावत रिहिस। 
\v 21 एकरसेति अब एक हुकूम दिये जावय कि ओ आदमीमन काम ला बंद करंय अऊ जब तक मोर कोति ले हुकूम नइं मिले, तब तक ओ सहर ला फेर झन बनाय जावय। 
\v 22 सचेत रहव, ये बात म ढिलई झन होवय। राज हित के हानि करे बर ये खतरा काबर बढ़न पाय?
\p
\v 23 जइसे ही राजा अर्तछयर्स के चिट्ठी रहूम अऊ सचिव सिमसै अऊ ओमन के सहयोगीमन ला पढ़के सुनाय गीस, त ओमन तुरते यरूसलेम म यहूदीमन करा गीन अऊ ओमन ऊपर दबाव डालके काम ला रूकवा दीन।
\b
\p
\v 24 ये किसम ले, यरूसलेम म परमेसर के भवन के काम ह रूक गीस, अऊ ये काम ह फारस के राजा दारा के राज के दूसर बरस तक रूके रिहिस।
\c 5
\s1 दारा ला ततनै के चिट्ठी
\p
\v 1 तब हाग्गै अगमजानी अऊ इद्दो के एक संतान, जकरयाह अगमजानी ह यहूदा अऊ यरूसलेम के यहूदीमन बर इसरायल के परमेसर के नांव म अगमबानी करिन, जऊन ह ओमन के ऊपर रिहिस। 
\v 2 तब सालतीएल के बेटा जरूब्बाबेल अऊ योसादाक के बेटा यहोसू, यरूसलेम म परमेसर के भवन ला फेर बनाय के सुरू करिन। अऊ परमेसर के ओ अगमजानीमन ओमन ला सहारा देवत, ओमन के संग रिहिन।
\p
\v 3 ओही बेरा, फरात नदी के पार के राजपाल ततनै, अऊ सतर-बोजनै अऊ ओमन के सहयोगीमन ओमन करा जाके ये पुछन लगिन, “ये मंदिर ला फेर बनाय अऊ ये काम ला पूरा करे के अधिकार तुमन ला कोन दीस?” 
\v 4 ओमन ये घलो पुछिन, “जऊन मन ये भवन ला बनावत हें, ओमन के नांव का अंय?” 
\v 5 पर यहूदीमन के अगुवामन ऊपर परमेसर के नजर रिहिस, एकरसेति जब तक ये बात के चरचा दारा ले नइं करे गीस अऊ ये बिसय म ओकर लिखित जबाब नइं मिलिस, तब तक ओमन ये काम ला नइं रोकिन।
\p
\v 6 जऊन चिट्ठी फरात नदी के पार के राजपाल ततनै अऊ सतर-बोजनै अऊ ओमन के सहयोगी, फरात नदी के पार के अधिकारीमन राजा दारा करा पठोईन, ओकर नकल ये अय। 
\v 7 जऊन खबर ओमन भेजिन, ओमा ये लिखाय रिहिस:
\pmo सेवा म राजा दारा:
\pmo जय जोहार।
\pm
\v 8 राजा ला मालूम होवय कि हमन यहूदा प्रदेस म महान परमेसर के मंदिर म गे रहेंन। मनखेमन ओला बड़े-बड़े पथरा ले बनात हवंय, अऊ ओकर दीवारमन म इमारती लकरी मढ़ात हवंय। ये काम ला बड़े मेहनत से करे जावत हे, अऊ ओमन के निरदेसन म ये काम तेजी से होवत हे।
\pm
\v 9 हमन ओ अगुवामन ले सवाल करके पुछेंन, “ये मंदिर ला फेर बनाय के अऊ ये काम ला पूरा करे के अधिकार तुमन ला कोन दीस?” 
\v 10 हमन ओमन के नांव घलो पुछेंन ताकि हमन ओमन के अगुवामन के नांव लिखके तोला बता सकन।
\pm
\v 11 ओमन हमन ला ये जबाब दीन:
\b
\pm हमन तो अकास अऊ धरती के परमेसर के सेवक अन, अऊ ओ भवन ला बनात हन, जेह बहुंत साल पहिले बने रिहिस, जेला इसरायल के एक बड़े राजा ह बनाके तियार करे रिहिस। 
\v 12 पर जब हमर पुरखामन स्वरग के परमेसर ला कोरोध दिलाईन, तब ओह ओमन ला बेबिलोन के कसदी राजा नबूकदनेसर के हांथ म कर दीस, जऊन ह ये भवन ला नास कर दीस अऊ मनखेमन ला बंदी बनाके बेबिलोन ले गीस।
\pm
\v 13 तभो ले, बेबिलोन के राजा कुसरू के पहिले बरस म, ओही कुसरू राजा ह परमेसर के इही भवन ला बनाय के हुकूम दीस। 
\v 14 परमेसर के भवन के जऊन सोन अऊ चांदी के बरतन नबूकदनेसर यरूसलेम के मंदिर म ले निकलवाके बेबिलोन के मंदिर म ले गेय रिहिस, ओमन ला राजा कुसरू ह बेबिलोन के मंदिर\f + \fr 5:14 \fr*\ft या \ft*\fqa महल\fqa*\f* म ले निकलवाके सेसबसर नांव के एक मनखे ला सऊंप दीस, जेला ओह राजपाल ठहिराय रिहिस। 
\v 15 राजा ह ओकर ले कहिस, ये बरतनमन ला ले अऊ जाके येमन ला यरूसलेम के मंदिर म जमा कर दे। अऊ परमेसर के ओ भवन ला अपन जगह म फेर बना।
\pm
\v 16 “तब सेसबसर ह आईस अऊ यरूसलेम म परमेसर के भवन के नीव डारिस। तब ले लेके अब तक येह बनत हवय, पर अब तक येह पूरा नइं बने हवय।”
\b
\pm
\v 17 अब यदि राजा ला बने लगे, त बेबिलोन के राज-भंडार म ये बात के खोज करे जावय कि राजा कुसरू ह सही म यरूसलेम म, परमेसर के भवन ला फेर बनाय के हुकूम देय रिहिस या नइं। तब राजा ह ये बिसय म अपन निरनय हमन ला बतावय।
\c 6
\s1 राजा दारा के हुकूम
\p
\v 1 तब राजा दारा ह हुकूम दीस, अऊ ओमन बेबिलोन के खजाना म रखे राज-भंडार म खोज करिन। 
\v 2 मादै प्रदेस म एकबतना नगर के राजगढ़ म एक चामपट्टी\f + \fr 6:2 \fr*\fq चामपट्टी \fq*\ft येह चाम या रूख के छाली ले बने पन्ना रहय, जेला लपेटके रखे जावय\ft*\f* मिलिस, जेमा ये लिखाय रिहिस:
\pmo सुरता करइया चिट्ठी:
\pm
\v 3 राजा कुसरू ह अपन राज के पहिली बरस म, यरूसलेम म परमेसर के मंदिर के बारे म ये हुकूम दीस:
\b
\pm बलिदान चघाय के जगह के रूप म मंदिर ला फेर बनाय जावय, अऊ ओकर नीव डाले जावय, ओकर ऊंचई साठ क्यूबीट\f + \fr 6:3 \fr*\ft लगभग 90 फीट\ft*\f* अऊ चौड़ई साठ क्यूबीट के होवय, 
\v 4 ओमा बड़े-बड़े पथरा के तीन परत अऊ लकड़ीमन के एक परत होवय। अऊ एकर खरचा साही खजाना ले दिये जावय। 
\v 5 अऊ परमेसर के भवन के जऊन सोन अऊ चांदी के चीजमन ला नबूकदनेसर ह यरूसलेम के मंदिर म ले निकलवाके बेबिलोन ले गेय रिहिस, ओमन ला लहुंटाके यरूसलेम के मंदिर म ओमन के जगह म रख दिये जावय; ओमन ला परमेसर के भवन म जमा करे जावय।
\b
\pm
\v 6 त अब हे फरात नदी के पार के राजपाल, ततनै, अऊ हे सतर-बोजनै अऊ ओ प्रदेस के आने अधिकारीमन, तुमन उहां ले दूरिहा रहव। 
\v 7 परमेसर के ये मंदिर के काम म बाधा झन डालव। यहूदीमन के राजपाल अऊ यहूदीमन के अगुवामन ला परमेसर के ओ भवन ला ओही जगह म बनावन दव।
\pm
\v 8 येकर अलावा, मेंह हुकूम देवत हंव कि तुमन ला यहूदीमन के ओ अगुवामन बर परमेसर के मंदिर बनाय म का करना हे:
\pm ओमन के पूरा खरचा ह साही खजाना, फरात नदी के पार के मालगुजारी ले देय जावय, ताकि काम ह झन रूकय। 
\v 9 जऊन भी चीज के जरूरत हवय—स्वरग के परमेसर ला होम-बलिदान चघाय बर बछवा, मेढ़ा, मेढ़ा-पीला, अऊ यरूसलेम म पुरोहितमन के दुवारा मांगे गय गहूं, नून, अंगूर के मंद अऊ जैतून तेल—ये जम्मो चीज ओमन ला बिगर भूले रोज दिये जावय, 
\v 10 ताकि ओमन स्वरग के परमेसर ला सुख-देवइया बलिदान चघा सकंय अऊ राजा अऊ ओकर बेटामन के भलई बर पराथना कर सकंय।
\pm
\v 11 मेंह ये हुकूम भी देवत हंव कि यदि कोनो ये हुकूम ला नइं मानही, त ओकर घर म ले एक बल्ला खींचके निकाले जावय अऊ ओमा ओला टांग दिये जावय। अऊ ओकर ये अपराध के कारन ओकर घर ला कचरा के घूरवा बना दिये जावय। 
\v 12 परमेसर, जेह उहां अपन नांव के निवास ठहिराय हवय, ओह ओ राजा या मनखे ला नास करय, जऊन ह ये हुकूम ला बदले के कोसिस करथे या यरूसलेम म ये मंदिर ला नास करे बर हांथ बढ़ाथे।
\pm में, दारा ह ये हुकूम देवत हंव। धियान से येकर पालन करे जावय।
\s1 मंदिर बनई के पूरा होवई अऊ समरपन
\p
\v 13 तब, राजा दारा के हुकूम देय के कारन, ततनै, फरात नदी के पार के राजपाल, अऊ सतर-बोजनै अऊ ओमन के सहयोगीमन धियान देके ओ हुकूम के पालन करिन। 
\v 14 तब यहूदीमन के अगुवामन मंदिर ला फेर बनाय के काम ला जारी रखिन अऊ हाग्गै अगमजानी अऊ इद्दो के एक संतान जकरयाह के अधीन काम करत ओमन उन्नति करत गीन। ओमन इसरायल के परमेसर के हुकूम मुताबिक अऊ फारस के राजा कुसरू, दारा, अऊ अर्तछयर्स के हुकूम के मुताबिक मंदिर बनाय के काम ला पूरा करिन। 
\v 15 मंदिर के काम ह राजा दारा के राज के छठवां बछर के अदार महिना के तीसरा दिन म पूरा होईस।
\p
\v 16 तब इसरायल के मनखेमन—पुरोहित, लेवी अऊ आने जतेक बंधुवई ले आय रिहिन, ओ जम्मो आनंद के साथ परमेसर के ओ भवन के समरपन के उत्सव मनाईन। 
\v 17 परमेसर के ये भवन के समरपन म, ओमन एक सौ बईला, दू सौ मेढ़ा, चार सौ मेढ़ा-पीला चघाईन अऊ जम्मो इसरायल के हित बर पाप-बलिदान\f + \fr 6:17 \fr*\ft या \ft*\fqa सुधिकरन-बलिदान\fqa*\f* के रूप म बारह ठन बोकरा याने कि इसरायल के हर एक गोत्र बर एक-एक ठन बोकरा चघाईन। 
\v 18 तब जइसने मूसा के किताब म लिखाय हवय, वइसनेच ओमन यरूसलेम म परमेसर के सेवा बर अपन-अपन बिभाग म पुरोहितमन ला अऊ अपन-अपन दल म लेवीमन ला नियुक्त करिन।
\s1 फसह के तिहार
\p
\v 19 बंधुवई ले लहुंटे के बाद पहिला महिना के चौदहवां दिन, ओमन फसह तिहार मानिन। 
\v 20 पुरोहित अऊ लेवीमन अपन ला सुध करे रिहिन अऊ संस्कारिक रूप ले ओ जम्मो झन सुध रिहिन। लेवीमन बंधुवई ले लहुंटे जम्मो झन बर, ओमन के रिस्तेदार पुरोहितमन बर अऊ अपनआप बर फसह के मेढ़ा-पीला के बलि करिन। 
\v 21 तब बंधुवई ले लहुंटे इसरायलीमन ओ जम्मो झन के संग येला खाईन, जेमन अपनआप ला अपन आनजात परोसी के असुध काम ले अलग कर ले रिहिन, ताकि ओमन यहोवा, इसरायल के परमेसर के खोज करंय। 
\v 22 ओमन अखमीरी रोटी के तिहार ला सात दिन तक आनंद के साथ मनाईन, काबरकि यहोवा ह अस्सूर के राजा के मन ला ओमन कोति करके ओमन ला आनंदित करे रिहिस, जेकर कारन राजा ह परमेसर, इसरायल के परमेसर के भवन के काम म ओमन के मदद करिस।
\c 7
\s1 एजरा के यरूसलेम अवई
\p
\v 1 ये घटनामन के बाद, फारस के राजा अर्तछयर्स के राज के समय, एजरा ह आईस। एजरा ह सरायाह के बेटा, सरायाह ह अजरयाह के बेटा, अजरयाह ह हिलकियाह के बेटा, 
\v 2 हिलकियाह ह सल्लूम के, सल्लूम ह सादोक के, सादोक ह अहीतूब के, 
\v 3 अहीतूब ह अमरयाह के, अमरयाह ह अजरयाह के, अजरयाह ह मरायोत के, 
\v 4 मरायोत ह जरहयाह के, जरहयाह ह उज्जी के, उज्जी ह बुक्की के, 
\v 5 बुक्की ह अबीसू के, अबीसू ह पीनहास के, पीनहास ह एलिआजर के अऊ एलिआजर ह हारून मुखिया पुरोहित के बेटा रिहिस। 
\v 6 येहीच एजरा ह बेबिलोन ले आईस। ओह एक गुरूजी रिहिस अऊ मूसा के ओ कानून के बने जानकार रिहिस, जेला यहोवा, इसरायल के परमेसर ह देय रिहिस। यहोवा ओकर परमेसर के हांथ ओकर ऊपर रिहिस, जेकर कारन राजा ह ओला ओ जम्मो चीज देय रिहिस, जेकर मांग ओह करिस। 
\v 7 कुछू इसरायली अऊ संग म कुछू पुरोहित, लेवी, संगीतकार, दुवारपाल अऊ मंदिर के सेवकमन घलो राजा अर्तछयर्स के राज के सातवां बरस म यरूसलेम आईन।
\p
\v 8 एजरा ह राजा के सासनकाल के सातवां बरस के पांचवां महिना म यरूसलेम हबरिस। 
\v 9 ओह बेबिलोन ले ओ सातवां बछर के पहिला महिना के पहिला दिन अपन यातरा सुरू करे रिहिस, अऊ ओह पांचवां महिना के पहिला दिन यरूसलेम हबर गीस, काबरकि ओकर परमेसर के अनुग्रहकारी हांथ ओकर ऊपर रिहिस। 
\v 10 एजरा ह यहोवा के कानून के अध्ययन करे बर अऊ ओकर अनुसार चले बर, अऊ इसरायल म ओकर बिधि अऊ कानून ला सिखाय बर अपन मन ला लगाय रिहिस।
\s1 राजा अर्तछयर्स के चिट्ठी एजरा बर
\p
\v 11 येह ओ चिट्ठी के नकल अय, जेला राजा अर्तछयर्स ह एजरा पुरोहित ला देय रिहिस, जऊन ह कानून के एक गुरू, अऊ इसरायलीमन बर यहोवा के हुकूम अऊ बिधिमन के एक बने जानकार रिहिस:
\pmo
\v 12 महाराजाधिराज, अर्तछयर्स कोति ले
\pmo एजरा पुरोहित के नांव, जऊन ह स्वरग के परमेसर के कानून के गुरू अय:
\pmo तोर कल्यान होवय।
\pm
\v 13 मेंह ये हुकूम देवत हंव कि मोर राज ले जतेक इसरायली अऊ ओमन के संग जतेक पुरोहित अऊ लेवीमन अपन ईछा ले यरूसलेम जाय चाहत हें, ओमन तोर संग जा सकत हें। 
\v 14 तोला राजा अऊ ओकर सातों सलाहकारमन कोति ले एकरसेति पठोय जावत हे कि अपन परमेसर के कानून के बात जऊन ह तोर करा हवय, यहूदा प्रदेस अऊ यरूसलेम सहर के बारे म मालूम कर, 
\v 15 अऊ तेंह ओ सोन अऊ चांदी ला ले जा, जेला राजा अऊ ओकर सलाहकारमन अपन ईछा से इसरायल के परमेसर ला देय हवंय, जेकर निवास यरूसलेम म हवय, 
\v 16 अऊ जतेक सोन अऊ चांदी पूरा बेबिलोन प्रदेस म तोला मिलही, अऊ संग म ओ स्वेच्छा-बलिदानमन ला घलो ले जा, जऊन ला मनखे अऊ पुरोहितमन यरूसलेम के ओमन के परमेसर के मंदिर बर देथें। 
\v 17 ये धन ले सावधानी के संग बईला, मेढ़ा अऊ मेढ़ा-पीलामन के संग ओमन के अन्न-बलिदान अऊ पेय-बलिदान के चीजमन ला बिसा लेबे, अऊ ओमन ला यरूसलेम म तोर परमेसर के मंदिर के बेदी ऊपर चघाबे।
\pm
\v 18 तब जऊन सोन अऊ चांदी बांच जाही, ओकर उपयोग तें अऊ तोर संगी इसरायलीमन जइसे उचित जान पड़ही, अपन परमेसर के ईछा के मुताबिक कर सकत हव। 
\v 19 ओ जम्मो चीज यरूसलेम के परमेसर ला दे देवव, जेमन ला तोर परमेसर के मंदिर म अराधना करे बर तोला सऊंपे जावत हवंय। 
\v 20 यदि तोर परमेसर के मंदिर बर अऊ कोनो चीज के जरूरत होही, जेकर पूरती करे के जिम्मेदारी तोर अय, त ओला तेंह साही खजाना म ले देय सकत हस।
\pm
\v 21 में, राजा अर्तछयर्स, ये हुकूम देवत हंव कि फरात नदी के पार के जम्मो खजांचीमन धियान देके ओ जम्मो चीज ला देवंय, जेकर मांग एजरा पुरोहित, स्वरग के परमेसर के कानून के गुरू ह करथे— 
\v 22 याने सौ टेलेन्ट\f + \fr 7:22 \fr*\ft लगभग पौने 4 टन\ft*\f* तक चांदी, सौ कोर\f + \fr 7:22 \fr*\ft लगभग 18 टन\ft*\f* तक गहूं, सौ बत\f + \fr 7:22 \fr*\ft लगभग 2,200 लीटर\ft*\f* तक अंगूर के मंद, सौ बत\f + \cat dup\cat*\fr 7:22 \fr*\ft लगभग 2,200 लीटर\ft*\f* तक जैतून तेल, अऊ नून जतेक चाही ओतेक देय जावय। 
\v 23 जऊन भी हुकूम स्वरग के परमेसर कोति ले मिले हवय, ओला धियान देके स्वरग के परमेसर के मंदिर बर पूरा करे जावय। राजा अऊ ओकर राजकुमारमन के राज ऊपर परमेसर के कोरोध काबर भड़कय? 
\v 24 तुमन ला ये घलो मालूम होवय कि तुमन ला परमेसर के ओ भवन के कोनो पुरोहित, लेवी, संगीतकार, दुवारपाल, मंदिर के सेवक या आने काम करइयामन ले कर, लगान, या चुंगी लेय के कोनो अधिकार नइं ए।
\pm
\v 25 अऊ हे एजरा! तोर परमेसर के बुद्धि के मुताबिक, जऊन ह कि तोर म हवय, तें जिलाधीस अऊ नियायधीसमन ला नियुक्त कर, जेमन फरात नदी के पार के जम्मो मनखेमन ऊपर नियाय के संग सासन करंय—ओ जम्मो जेमन तोर परमेसर के कानून ला जानथें। अऊ यदि कोनो ये कानूनमन ला नइं जानत हे, त तें ओला ये कानून सिखा। 
\v 26 जऊन कोनो तोर परमेसर के कानून अऊ राजा के कानून ला नइं मानही, त ओला खचित परानदंड, देस निकाला, ओकर माल जपत करई, या कैद के सजा देय जावय।
\p
\v 27 यहोवा, हमर पुरखामन के परमेसर के परसंसा होवय, जऊन ह राजा के मन म ये बात डालिस कि ये किसम ले यरूसलेम म यहोवा के भवन बर आदर के काम होवय 
\v 28 अऊ जऊन ह राजा अऊ ओकर सलाहकार अऊ राजा के जम्मो बड़े अधिकारीमन के आघू म मोर बर बड़े दया देखाय हवय। काबरकि यहोवा मोर परमेसर के हांथ मोर ऊपर रिहिस, एकरसेति मेंह हिम्मत करंय, अऊ इसरायल के अगुवामन ला मोर संग जाय बर इकट्ठा करंय।
\c 8
\s1 एजरा संग लहुंटइया मुखियामन के सूची
\lh
\v 1 येह परिवारमन के मुखिया अऊ ओमन के संग लिखे गय मनखेमन के नांव के सूची अय, जेमन राजा अर्तछयर्स के राज म बेबिलोन ले मोर संग यरूसलेम गीन:
\b
\li1
\v 2 पीनहास के बंस म ले:
\li2 गेरसोम;
\li1 ईतामार के बंस म ले:
\li2 दानिएल;
\li1 दाऊद के बंस म ले:
\li2 हतूस 
\v 3 सेकनयाह के बंस के;
\li1 परोस के बंस म ले:
\li2 जकरयाह, अऊ ओकर संग 150 आदमीमन के नांव लिखे गे रिहिस;
\li1
\v 4 पहत-मोआब के बंस म ले:
\li2 जरहयाह के बेटा एलिहोएनै, अऊ ओकर संग 200 आदमी;
\li1
\v 5 जत्तू के बंस म ले:
\li2 यहजीएल के बेटा सेकनयाह, अऊ ओकर संग 300 आदमी;
\li1
\v 6 आदीन के बंस म ले:
\li2 योनातन के बेटा एबेद, अऊ ओकर संग 50 आदमी;
\li1
\v 7 एलाम के बंस म ले:
\li2 अतलयाह के बेटा येसायाह, अऊ ओकर संग 70 आदमी;
\li1
\v 8 सपतयाह के बंस म ले:
\li2 मिकाएल के बेटा जबदयाह, अऊ ओकर संग 80 आदमी;
\li1
\v 9 योआब के बंस म ले:
\li2 यहीएल के बेटा ओबदयाह, अऊ ओकर संग 218 आदमी;
\li1
\v 10 बानी के बंस म ले:
\li2 योसिवियाह के बेटा सलोमीत, अऊ ओकर संग 160 आदमी;
\li1
\v 11 बेबै के बंस म ले:
\li2 बेबै के बेटा जकरयाह, अऊ ओकर संग 28 आदमी;
\li1
\v 12 अजगाद के बंस म ले:
\li2 हक्कातान के बेटा योहानान, अऊ ओकर संग 110 आदमी;
\li1
\v 13 अदोनीकाम के बंस म ले:
\li2 आखिरी के मनखेमन, जेमन के नांव एलीपेलेत, यूएल, अऊ समायाह, अऊ ओमन के संग 60 आदमी;
\li1
\v 14 बिगवै के बंस म ले:
\li2 ऊतै अऊ जक्कूर, अऊ ओमन के संग 70 आदमी।
\s1 यरूसलेम लहुंटई
\p
\v 15 मेंह येमन ला नहर मेर इकट्ठा कर लेंव, जऊन ह अहवा सहर कोति बहथे, अऊ उहां हमन तीन दिन तक डेरा डाले रहेंन। अऊ मेंह मनखे अऊ पुरोहितमन के बीच जांच करेंव, त मोला उहां कोनो लेवी नइं मिलिन। 
\v 16 एकरसेति मेंह एलिएजेर, अरीएल, समायाह, एलनातान, यारीब, एलनातान, नातान, जकरयाह अऊ मसुल्लाम ला जऊन मन अगुवा रिहिन, अऊ योयारीब अऊ एलनातान ला, जेमन गियानी रिहिन, बुलवा लेंव, 
\v 17 अऊ मेंह ओमन ला कासिपिया म अगुवा, इद्दो मेर जाय के हुकूम देंव। मेंह ओमन ला समझा देंव कि कासिपिया म इद्दो अऊ ओकर संगी लेवी, मंदिर के सेवकमन ले का कहना हे, ताकि ओमन हमर करा हमर परमेसर के भवन बर सेवकमन ला लेके आवंय। 
\v 18 काबरकि हमर परमेसर के अनुग्रहकारी हांथ हमर ऊपर रिहिस, ओमन सेरेबियाह, एक योग्य मनखे, महली के संतान ला हमर करा लानिन; महली ह लेवी के बेटा अऊ लेवी ह इसरायल के बेटा रिहिस; सेरेबियाह के बेटा अऊ भाईमन, सब मिलाके 18 झन; 
\v 19 अऊ हसबियाह, अऊ ओकर संग मरारी के संतान म ले येसायाह, अऊ ओकर भाई अऊ भतीजामन, सब मिलाके 20 झन। 
\v 20 ओमन 220 मंदिर के सेवकमन ला घलो लानिन—एक समूह जेकर स्थापना दाऊद अऊ अधिकारीमन करे रिहिन, ताकि ये समूह ह लेवीमन के मदद करय। ये जम्मो के नांव सूची म लिखाय रिहिस।
\p
\v 21 उहां, अहवा नहर के तीर म, मेंह उपास रखे के घोसना करेंव, ताकि हमन अपनआप ला हमर परमेसर के आघू म दीन करन; अऊ ओकर ले यातरा के दौरान अपन अऊ अपन लइका अऊ अपन जम्मो संपत्ति बर सुरकछा के पराथना करन। 
\v 22 रसता के बईरीमन ले सुरकछा पाय बर राजा ले सैनिक अऊ घुड़सवारमन के मांग करे म मोला संकोच होवत रिहिस, काबरकि हमन राजा ले ये कहे रहेंन, “हमर परमेसर के अनुग्रहकारी हांथ ओ हर एक मनखे ऊपर हवय, जऊन ह ओला खोजथे, पर ओकर भयंकर कोरोध ओ जम्मो ऊपर भड़कथे, जेमन ओला तियाग देथें।” 
\v 23 एकरसेति हमन उपास करेंन अऊ येकर बारे म हमन अपन परमेसर ले पराथना करेंन, अऊ ओह हमर पराथना के जबाब दीस।
\p
\v 24 तब मेंह अगुवा पुरोहितमन म ले बारह झन ला अलग करेंव, अऊ येमन सेरेबियाह, हसबियाह अऊ येमन के दस भाईमन रिहिन, 
\v 25 अऊ मेंह ओमन ला ओ सोन अऊ चांदी अऊ ओ जम्मो चीजमन ला तऊलके दे देंव, जेला राजा, ओकर सलाहकार, ओकर अधिकारी अऊ उहां उपस्थित जम्मो इसरायलीमन हमर परमेसर के भवन बर भेंट म देय रिहिन। 
\v 26 मेंह ओमन ला तऊलके 650 टेलेन्ट\f + \fr 8:26 \fr*\ft लगभग 24 टन\ft*\f* चांदी, 100 टेलेन्ट\f + \fr 8:26 \fr*\ft लगभग पौने 4 टन\ft*\f* चांदी के सामान, 100 टेलेन्ट सोन, 
\v 27 सोन के 20 कटोरा, जेमन के कीमत 1,000 दरकमोन\f + \fr 8:27 \fr*\ft लगभग 8.4 किलोग्राम\ft*\f* रिहिस, अऊ सोन के सहीं कीमती चमकत कांसा के दू ठन सुघर सामान देंव।
\p
\v 28 मेंह ओमन ले कहेंव, “तुमन अऊ संग म ये सामान घलो यहोवा बर पबितर करे गे हवंव। ये सोन अऊ चांदी यहोवा, तुम्हर पुरखामन के परमेसर बर एक स्वेच्छा-बलिदान अंय। 
\v 29 एकरसेति धियान देके येमन के पहरेदारी करव, जब तक कि तुमन ये चीजमन ला यरूसलेम म अगुवा पुरोहित अऊ लेवी अऊ इसरायल के परिवार के मुखियामन के आघू म यहोवा के भवन के कोठरीमन म तऊलके नइं दे दव।” 
\v 30 तब पुरोहित अऊ लेवीमन सोन अऊ चांदी अऊ ओ पबितर सामान ला तऊलके ले लीन ताकि ओमन ला यरूसलेम म हमर परमेसर के भवन म अमरा देवंय।
\p
\v 31 पहिला महिना के बारहवां दिन, हमन अहवा नहर ले यरूसलेम जाय बर निकलेंन। हमर परमेसर के हांथ हमर ऊपर रिहिस, अऊ ओह रसता म हमन ला बईरी अऊ डाकूमन ले बचाईस। 
\v 32 आखिर म हमन यरूसलेम हबरेंन अऊ उहां तीन दिन अराम करेंन।
\p
\v 33 उहां हबरे के चऊथा दिन, हमर परमेसर के भवन म, हमन ओ सोन अऊ चांदी अऊ पबितर चीजमन ला तऊलके उरियाह के बेटा मरेमोत पुरोहित के हांथ म देंन। ओकर संग पीनहास के बेटा एलिआजर रिहिस, अऊ वइसने ही ओमन के संग लेवीमन याने येहोसू के बेटा योजाबाद अऊ बिन्नूई के बेटा नोअदियाह घलो रिहिन। 
\v 34 ओ जम्मो चीजमन गने अऊ तऊले गीन, अऊ ओमन के पूरा वजन ओ बेरा लिख लिये गीस।
\p
\v 35 तब जेमन बंधुवई ले लहुंटके आय रिहिन, ओमन इसरायल के परमेसर बर होम-बलिदान चघाईन: जम्मो इसरायल बर बारह ठन बछवा, छियानबे मेढ़ा अऊ सतहत्तर मेढ़ा-पीला, अऊ पाप-बलिदान बर बारह ठन बोकरा। ये जम्मो यहोवा बर एक होम-बलिदान रिहिस। 
\v 36 ओमन राजा के हुकूम घलो फरात नदी के पार के साही हाकिम अऊ राजपालमन ला दीन, जेमन तब इसरायली मनखेमन ला अऊ संग म परमेसर के भवन बर मदद करिन।
\c 9
\s1 दिगर-जात बिहाव के बारे म एजरा के पराथना
\p
\v 1 ये बातमन के पूरा होय के बाद, अगुवामन मोर करा आके कहिन, “इसरायल के मनखेमन, संग म पुरोहित अऊ लेवीमन अपनआप ला परोसी मनखे कनानी, हित्ती, परिज्जी, यबूसी, अमोनी, मोआबी, मिसरी अऊ अमोरीमन के घिनित काममन ले अलग नइं रखे हवंय। 
\v 2 येमन ओमन के कुछू बेटीमन ला अपन अऊ अपन बेटामन के घरवाली बना ले हवंय, अऊ पबितर जाति ला अपन आसपास के मनखेमन संग मिला ले हवंय। अऊ अगुवा अऊ करमचारीमन ये बिसवासघात के काम म अगुवई करे हवंय।”
\p
\v 3 जब मेंह ये बात ला सुनेंव, त मेंह निरासा म अपन कपड़ा अऊ बागा ला चीरेंव, अपन मुड़ के बाल अऊ दाढ़ी ला चीथेंव अऊ निरास होके उहां खाल्हे बईठ गेंव। 
\v 4 तब बंधुवई म ले आय मनखेमन के ये बिसवासघात के कारन ओ मनखे जेमन इसरायल के परमेसर के बचन ला सुनके कांप गे रिहिन, ओमन मोर चारों कोति जमा हो गीन। अऊ मेंह निरास होके सांझ के बलिदान के समय तक उहां बईठे रहेंव।
\p
\v 5 तब, सांझ के बलिदान के बेरा, मेंह अपन खुद के बेजत्ती के दसा ले उठेंव, मोर कपड़ा अऊ बागा फटे रहंय, अऊ मेंह माड़ी टेकके अपन हांथमन ला यहोवा अपन परमेसर कोति उठांय 
\v 6 अऊ ये पराथना करेंव:
\pm “हे मोर परमेसर, मेंह अतेक अपमानित अऊ कलंकित महसूस करत हंव कि मेंह तोर कोति अपन चेहरा नइं कर सकंव, काबरकि हमर पापमन हमर मुड़ के घलो ऊपर चले गे हवंय अऊ हमर अपराध ह अकास तक हबर गे हवय। 
\v 7 हमर पुरखामन के समय ले लेके अब तक, हमन घोर अपराध करे हन। हमर पाप के कारन, हमन अऊ हमर राजा अऊ हमर पुरोहितमन ला आने राजामन के तलवार, बंधुवई, लूट अऊ अपमान के सामना करे पड़िस, जइसे कि आज घलो दिखत हे।
\pm
\v 8 “पर अब, कुछू समय बर, यहोवा हमर परमेसर ह हमन ला मनखेमन के एक बांचे भाग अऊ पबितर-स्थान म एक इस्थिर जगह देय के दुवारा हमर ऊपर अनुग्रह करे हवय, अऊ ये किसम ले हमर परमेसर ह हमर आंखी ला अंजोर अऊ हमर बंधुवई म हमन ला थोरकन मदद देय हवय। 
\v 9 हालाकि हमन गुलाम अन, पर हमर परमेसर ह हमन ला हमर बंधुवई म नइं तियागे हवय। ओह फारस के राजामन के नजर म हमर ऊपर दया देखाय हवय: ओह हमन ला नवां जिनगी देय हवय कि हमन अपन परमेसर के घर ला फेर बनावन अऊ येकर खंडहरमन ला सुधारन, अऊ ओह हमन ला यहूदा अऊ यरूसलेम म सुरकछा के एक दीवार देय हवय।
\pm
\v 10 “पर हे हमर परमेसर, अब हमन येकर बाद का कह सकथन? काबरकि हमन तोर ओ हुकूममन ला नइं माने हन, 
\v 11 जेला तेंह अपन सेवक अगमजानीमन के जरिये देय रहय जब तेंह कहय: ‘जऊन देस ला तुमन अपन अधिकार म लेय बर जावत हव, ओ देस ह उहां के मनखेमन के भ्रस्टाचार के काम के कारन दूसित हो गे हवय। ओमन घिनौना काम करके देस के एक छोर ले लेके दूसर छोर तक अपन असुधता ले भर देय हवंय। 
\v 12 एकरसेति, अपन बेटीमन के बिहाव ओमन के बेटामन संग झन करव अऊ ओमन के बेटीमन ला अपन बेटामन बर झन लानव। ओमन के संग कभू भी संगी-यारी के समझौता झन करव, ताकि तुमन बलवान बनव अऊ ओ देस के बने-बने चीज तुमन ला खाय बर मिलय अऊ येला तुमन अपन लइकामन बर हमेसा के उत्तराधिकार के रूप म छोंड़ सकव।’
\pm
\v 13 “हमर ऊपर जऊन कुछू होय हवय, ओह हमर दुस्ट काम अऊ बड़े अपराध के परिनाम ए; पर तभो ले, हे हमर परमेसर, तेंह हमन ला हमर पाप के मुताबिक कम सजा दे हस अऊ हमन ला ये किसम के एक बांचे भाग दे हस। 
\v 14 त का हमन तोर हुकूममन ला फेर टोरन अऊ ओ मनखेमन संग अंतर-जात बिहाव करन, जऊन मन अइसने घिनौना काम करथें? का तेंह बहुंत गुस्सा होके हमर बर बिगर बांचे भाग छोंड़े या बिगर जीयत मनखे छोंड़े, हमन ला नास नइं कर देबे? 
\v 15 हे यहोवा, इसरायल के परमेसर, तेंह धरमी अस! हमन आज एक बांचे भाग के रूप म छोंड़ दिये गे हन। इहां हमन अपन अपराध के संग तोर आघू म हन, हालाकि ये अपराध के कारन हमन ले कोनो तोर आघू म ठाढ़ नइं हो सकन।”
\c 10
\s1 मनखेमन के पाप स्वीकार करई
\p
\v 1 जब एजरा ह परमेसर के भवन के आघू म रोवत, मुहूं-भरसा गिरके पराथना करत अऊ पाप ला मानत रिहिस, तब इसरायली आदमी, माईलोगन अऊ लइकामन के एक बड़े भीड़ ओकर चारों कोति जमा हो गीस, अऊ मनखेमन घलो बिलख-बिलखके रोवन लगिन। 
\v 2 तब यहीएल के बेटा सेकनयाह, जऊन ह एलाम के संतान म ले रिहिस, एजरा ले कहिस, “हमन हमर आसपास के मनखेमन ले परदेसी माईलोगनमन ले बिहाव करके अपन परमेसर के संग बिसवासघात करे हन। पर अतेक होय के बाद घलो, अभी भी इसरायल बर आसा हवय। 
\v 3 अब हमन हमर परमेसर के आघू म ये करार बांधन कि हमन हमर मालिक अऊ जेमन हमर परमेसर के हुकूम के भय मानथें, ओमन के सलाह मुताबिक ये जम्मो माईलोगन अऊ ओमन के लइकामन ला दूरिहा कर देवन। ये काम कानून के मुताबिक करे जावय। 
\v 4 उठ; ये बात ह तोर हांथ म हवय। हमन तोर संग हवन, एकरसेति हिम्मत बांधके ये काम ला कर।”
\p
\v 5 तब एजरा ह उठिस, अऊ अगुवा पुरोहित अऊ लेवी अऊ जम्मो इसरायलीमन ला दिये गय सलाह के मुताबिक काम करे बर सपथ खवाईस। अऊ ओमन सपथ खाईन। 
\v 6 तब एजरा ह परमेसर के भवन के आघू ले उठिस अऊ एलियासीब के बेटा यहोहानान के कमरा म गीस। जब तक ओह उहां रिहिस, ओह न तो रोटी खाईस, अऊ न पानी पीईस, काबरकि ओह बंधुवई म ले आय मनखेमन के बिसवासघात के कारन सोक मनात रिहिस।
\p
\v 7 तब ओमन यहूदा अऊ यरूसलेम म रहइया बंधुवई म ले आय जम्मो मनखेमन बर एक घोसना करवाईन कि ओमन यरूसलेम म जूरंय। 
\v 8 जऊन कोनो तीन दिन के भीतर नइं आही, ओकर पूरा संपत्ति ला अधिकारी अऊ अगुवामन के फैसला के मुताबिक जपत कर लिये जाही अऊ ओला बंधुवई ले आय सभा ले निकाल दिये जाही।
\b
\p
\v 9 तब तीन दिन के भीतर, यहूदा अऊ बिनयामीन के जम्मो आदमीमन यरूसलेम म जूर गीन। अऊ नौवां महिना के बीसवां दिन, जम्मो मनखेमन परमेसर के भवन के आघू, चऊक म ओ बिसय के कारन अऊ बारिस के कारन बहुंत दुखी बईठे रिहिन। 
\v 10 तब एजरा पुरोहित ह ठाढ़ होके ओमन ले कहन लगिस, “तुमन बिसवासघात करे हवव; तुमन परदेसी माईलोगनमन ले बिहाव करे हव, अऊ इसरायल के दोस ला बढ़ाय हव। 
\v 11 एकरसेति अब यहोवा, अपन पुरखामन के परमेसर के आदर करव,\f + \fr 10:11 \fr*\ft या \ft*\fqa अपन पाप ला मान लेवव\fqa*\f* अऊ ओकर ईछा ला पूरा करव। अपन आसपास के आनजात मनखेमन ले अऊ अपन परदेसी घरवालीमन ले अपनआप ला अलग करव।”
\p
\v 12 तब पूरा सभा के मनखेमन चिचियाके जबाब दीन: “तेंह सही कहत हस! तेंह जइसने कहत हस, हमन ला वइसने करना जरूरी ए। 
\v 13 पर इहां बहुंत मनखेमन हवंय अऊ येह बारिस के बेरा अय; एकरसेति हमन बाहिर ठाढ़ नइं रह सकन। एकर अलावा, ये काम ला एक या दू दिन म नइं करे जा सकय, काबरकि हमन ये बात म बड़े पाप करे हवन। 
\v 14 जम्मो सभा के सेति हमर अधिकारीमन काम करंय। तब हमर नगरमन के हर ओ आदमी, जऊन ह कोनो परदेसी माईलोगन ले बिहाव करे हवय, हर नगर के अगुवा अऊ नियायीमन के संग ठहिराय गय समय म आवय, जब तक हमर परमेसर के भड़के कोरोध ह ये बिसय म हमर ले दूरिहा नइं हो जावय।” 
\v 15 सिरिप असाहेल के बेटा योनातन अऊ तिकवा के बेटा यहजयाह अऊ संग म मसुल्लाम अऊ सब्बतै लेवी ये बात के बिरोध करिन।
\p
\v 16 तब बंधुवई ले आय मनखेमन वइसे करिन, जइसे एजरा ह सलाह देय रिहिस। तब एजरा पुरोहित ह ओ आदमीमन ला चुनिस, जेमन परिवार के मुखिया रिहिन, हर एक परिवार के दल ले एक झन, अऊ ओ जम्मो झन ला नांव के दुवारा ठहिराय गीस। दसवां महिना के पहिला दिन, ओमन ये मामला के जांच-पड़ताल करे बर बईठिन, 
\v 17 अऊ पहिला महिना के पहिला दिन तक, ओमन ओ जम्मो मनखेमन के जांच पूरा कर लीन, जेमन ह परदेसी माईलोगनमन ले बिहाव करे रिहिन।
\s1 अंतर-जात बिहाव के दोसी आदमीमन
\lh
\v 18 पुरोहितमन के संतानमन ले, येमन परदेसी माईलोगनमन ले बिहाव करे रिहिन:
\li1 योसादाक के बेटा यहोसू के संतानमन ले, अऊ ओकर भाईमन ले:
\li2 मासेयाह, एलिएजेर, यारीब अऊ गदलयाह। 
\v 19 (ओमन अपन हांथ देके अपन घरवालीमन ला छोंड़ देय के सपथ खाईन, अऊ अपन दोस बर ओमन बरदी म ले एक-एक ठन मेढ़ा दोस-बलिदान के रूप म चघाईन।)
\li1
\v 20 इम्मेर के संतान म ले:
\li2 हनानी अऊ जबदयाह।
\li1
\v 21 हारीम के संतान म ले:
\li2 मासेयाह, एलियाह, समायाह, यहीएल अऊ उजियाह।
\li1
\v 22 पसहूर के संतान म ले:
\li2 एलयोएनै, मासेयाह, इसमायल, नतनेल, योजाबाद अऊ एलासा।
\b
\lh
\v 23 लेवीमन म ले:
\li2 योजाबाद, सिमी, केलायाह (जऊन ह कलीता कहाथे), पतहियाह, यहूदा अऊ एलिएजेर।
\li1
\v 24 संगीतकारमन ले:
\li2 एलियासीब।
\li1 दुवारपालमन ले:
\li2 सल्लूम, तेलेम अऊ ऊरी।
\b
\lh
\v 25 अऊ आने इसरायलीमन ले:
\li1 परोस के संतान म ले:
\li2 रमयाह, यिजियाह, मलकियाह, मियामीन, एलिआजर, मलकियाह अऊ बनायाह।
\li1
\v 26 एलाम के संतान म ले:
\li2 मतनयाह, जकरयाह, यहीएल, अब्दी, यरेमोत अऊ एलियाह।
\li1
\v 27 जत्तू के संतान म ले:
\li2 एलयोएनै, एलियासीब, मतनयाह, यरेमोत, जाबाद अऊ अजीजा।
\li1
\v 28 बेबै के संतान म ले:
\li2 यहोहानान, हननयाह, जब्बै अऊ अतलै।
\li1
\v 29 बानी के संतान म ले:
\li2 मसुल्लाम, मल्लूक, अदायाह, यासूब, साल अऊ यरेमोत।
\li1
\v 30 पहत-मोआब के संतान म ले:
\li2 अदना, कलाल, बनायाह, मासेयाह, मतनयाह, बसलेल, बिन्नूई अऊ मनस्से।
\li1
\v 31 हारीम के संतान म ले:
\li2 एलिएजेर, यिसियाह, मलकियाह, समायाह, सिमोन, 
\v 32 बिनयामीन, मल्लूक अऊ समरयाह।
\li1
\v 33 हासूम के संतान म ले:
\li2 मत्तनै, मतता, जाबाद, एलीपेलेत, यरेमै, मनस्से अऊ सिमी।
\li1
\v 34 बानी के संतान म ले:
\li2 मादै, अमराम, ऊएल, 
\v 35 बनायाह, बेदयाह, कलूही, 
\v 36 वनियाह, मरेमोत, एलियासीब, 
\v 37 मतनयाह, मत्तनै, यासू;
\li1
\v 38 बानी बिन्नूई के संतान म ले:
\li2 सिमी, 
\v 39 सेलेमियाह, नातान, अदायाह, 
\v 40 मकनदबै, सासै, सारै, 
\v 41 अजरेल, सेलेमियाह, समरयाह, 
\v 42 सल्लूम, अमरयाह अऊ यूसुफ।
\li1
\v 43 नबो के संतान म ले:
\li2 येइल, मत्तितियाह, जाबाद, जबीना, यद्दई, योएल अऊ बनायाह।
\b
\lf
\v 44 ये जम्मो झन परदेसी माईलोगनमन ले बिहाव करे रिहिन, अऊ ओमा के कुछू झन के ये घरवालीमन ले लइकामन घलो पईदा होय रिहिन।