\id AMO - Biblica® Open Chhattisgarhi Contemporary Version
\ide UTF-8
\h आमोस
\toc1 आमोस के किताब
\toc2 आमोस
\toc3 आमो
\mt1 आमोस
\mt2 के किताब
\c 1
\p
\v 1 येह आमोस के बचन अय। ओह तकोआ नगर के चरवाहामन म ले एक झन रिहिस; अऊ भुइंडोल के दू बछर पहिली इसरायल के बारे म ये दरसन देखिस, जब यहूदा प्रदेस के राजा उजियाह रिहिस अऊ इसरायल प्रदेस के राजा यहोआस के बेटा यरोबाम रिहिस।
\b
\b
\p
\v 2 आमोस ह कहिस:
\q1 “यहोवा ह सियोन ले गरजथे,
\q2 अऊ यरूसलेम ले ओकर सबद ह गूंजथे;
\q1 चरवाहामन के चरागनमन सूखा जाथें।
\q2 अऊ करमेल पहाड़ के टीप ह अइला जाथे।”
\s1 इसरायल के परोसीमन के नियाय
\p
\v 3 यहोवा ह ये कहत हे:
\q1 “दमिस्क सहर के तीन पाप,
\q2 बल्कि चार पापमन के कारन मेंह ओमन ला सजा देय बिगर नइं छोड़ंव।
\q1 काबरकि ओह गिलाद ला
\q2 लोहा के दांतवाला हथियार ले दुख दे हवय,
\q1
\v 4 मेंह हजाएल के परिवार ऊपर आगी बरसाहूं,
\q2 अऊ ओ आगी ह बेन-हदद के गढ़मन ला भसम कर दीही।
\q1
\v 5 मेंह दमिस्क के दुवार ला टोर दूहूं,
\q2 मेंह आवेन\f + \fr 1:5 \fr*\fq आवेन \fq*\ft के मतलब होथे \ft*\fqa दुस्टता\fqa*\f* घाटी के राजा
\q1 अऊ बेत-एदेन सहर के राजदंडधारी ला नास कर दूहूं।
\q2 अऊ अराम के मनखेमन कीर देस के बंधुवई म जाहीं,”
\q2 यहोवा ह कहत हे।
\p
\v 6 यहोवा ह ये कहत हे:
\q1 “गाजा सहर के तीन पाप,
\q2 बल्कि चार पापमन के कारन मेंह ओला सजा देय बर नइं छोड़ंव,
\q1 काबरकि ओह पूरा समाज ला कैदी बनाके
\q2 एदोम देस के मनखेमन करा बेच दे हवय,
\q1
\v 7 मेंह गाजा के दीवारमन म आगी बरसाहूं,
\q2 जऊन ह ओकर किलामन ला भसम कर दीही।
\q1
\v 8 मेंह असदोद के राजा अऊ अस्कलोन के राजदंडधारी ला नास करहूं।
\q1 मेंह एकरोन ऊपर अपन हांथ चलाहूं,
\q2 जब तक कि आखिरी पलिस्ती मनखे घलो नइं मार डारे जाही,”
\q2 परमपरधान यहोवा ह कहत हे।
\p
\v 9 यहोवा ह ये कहत हे:
\q1 “सूर सहर के तीन पाप,
\q2 बल्कि चार पाप के कारन मेंह ओला सजा देय बिगर नइं छोड़ंव।
\q1 काबरकि ओह पूरा समाज ला बंधुवा बनाके एदोम करा बेच दीस,
\q2 अऊ भाई-चारा के करार ला नइं मानिस।
\q1
\v 10 मेंह सूर के दीवारमन म आगी बरसाहूं
\q2 जऊन ह ओकर किलामन ला भसम कर दीही।”
\p
\v 11 यहोवा ह ये कहत हे:
\q1 “एदोम के तीन पाप,
\q2 बल्कि चार पाप के कारन मेंह ओला सजा देय बिगर नइं छोड़ंव।
\q1 काबरकि ओह तलवार लेके अपन भाईमन के पीछा करिस
\q2 अऊ देस के माईलोगनमन ला काट डारिस,
\q1 काबरकि ओकर रिस ह लगातार बढ़त गीस
\q2 अऊ ओकर कोरोध ह रूकबे नइं करिस
\q1
\v 12 एकरसेति मेंह तेमान सहर म आगी लगाहूं,
\q2 जऊन ह बोसरा नगर के किलामन ला भसम कर दीही।”
\p
\v 13 यहोवा ह ये कहत हे:
\q1 “अमोन के तीन पाप,
\q2 बल्कि चार पाप के कारन मेंह ओमन ला सजा देय बिगर नइं छोड़ंव।
\q1 काबरकि ओह अपन सिवाना ला बढ़ाय बर
\q2 गिलाद देस के गरभवती माईलोगन के पेट ला चीर डारिस
\q1
\v 14 एकरसेति मेंह रब्बा के दीवारमन म आगी लगाहूं
\q2 जऊन ह लड़ई के दिन लड़ई के ललकार के बीच,
\q1 अऊ आंधी चले के दिन हिंसक गरेर के बीच
\q2 ओकर किलामन ला भसम कर दीही।
\q1
\v 15 ओकर राजा\f + \fr 1:15 \fr*\ft या \ft*\fqa मोलेक\fqa*\f* ह बंधुवई म जाही,
\q2 ओ अऊ ओकर करमचारीमन एक संग बंधुवई म जाहीं,”
\q2 यहोवा ह कहत हे।
\c 2
\p
\v 1 यहोवा ह ये कहत हे:
\q1 “मोआब के तीन पाप
\q2 बल्कि चार पापमन के कारन
\q2 मेंह ओला सजा देय बिगर नइं छोड़ंव।
\q1 काबरकि ओह एदोम के राजा के हाड़ामन ला
\q2 जलाके राख कर दीस,
\q1
\v 2 मेंह मोआब म आगी लगाहूं
\q2 जऊन ह करियोत सहर के किलामन ला जलाके भसम कर दीही।
\q1 मोआब ह बड़े हुल्लड़ म
\q2 लड़ई के ललकार अऊ तुरही के अवाज के बीच नास हो जाही।
\q1
\v 3 मेंह मोआब के सासन करइया ला अऊ ओकर संग जम्मो अधिकारीमन ला मार डारहूं,”
\q2 यहोवा ह कहत हे।
\p
\v 4 यहोवा ह ये कहत हे:
\q1 “यहूदा के तीन पाप,
\q2 बल्कि चार पापमन के कारन, मेंह ओला सजा देय बिगर नइं छोड़ंव।
\q1 काबरकि ओमन यहोवा के कानून ला नइं मानिन
\q2 अऊ ओकर नियममन के पालन नइं करिन,
\q1 काबरकि ओमन लबरा देवतामन के पाछू चल दीन,
\q2 ओ देवता, जऊन मन के पाछू म ओमन के पुरखामन रेंगंय,
\q1
\v 5 एकरसेति मेंह यहूदा म आगी लगाहूं
\q2 जऊन ह यरूसलेम के किलामन ला भसम कर दीही।”
\s1 इसरायल के ऊपर नियाय
\p
\v 6 यहोवा ह ये कहत हे:
\q1 “इसरायल के तीन पाप,
\q2 बल्कि चार पापमन के कारन, मेंह ओला सजा देय बिगर नइं छोड़ंव।
\q1 ओमन निरदोस ला चांदी बर
\q2 अऊ गरीबमन ला एक जोड़ी जूता खातिर बेच देथें।
\q1
\v 7 ओमन गरीबमन के मुड़ ला अइसन कुचरथें
\q2 जइसन भुइयां के धुर्रा
\q2 अऊ दुखी मनखे के नियाय ला बिगाड़थें।
\q1 ददा अऊ बेटा दूनों एके छोकरी ले संबंध बनाथें
\q2 अऊ मोर पबितर नांव ला अपबितर करथें।
\q1
\v 8 ओमन हर बेदी के बाजू म
\q2 गिरवी म रखे ओनहा ऊपर लेटथें।
\q1 ओमन अपन देवता के घर म
\q2 जुरबाना म लिये गय अंगूर के मंद ला पीथें।
\b
\q1
\v 9 “तभो ले मेंह अमोरीमन ला ओमन के आघू ले नास करेंव,
\q2 हालाकि ओमन देवदार रूख सहीं ऊंचहा
\q2 अऊ बलूत रूख सहीं मजबूत रिहिन।
\q1 मेंह ऊपर ले ओमन के फर
\q2 अऊ खाल्हे ओमन के जरी ला नास कर देंव।
\q1
\v 10 मेंह तुमन ला मिसर देस ले निकाल लानेंव
\q2 अऊ चालीस बछर ले सुनसान जगह म तुम्हर अगुवई करेंव
\q2 ताकि तुमन ला अमोरीमन के देस ला दे दंव।
\b
\q1
\v 11 “मेंह तुम्हर लइकामन के बीच ले अगमजानीमन ला
\q2 अऊ तुम्हर जवानमन के बीच ले नाजीरमन\f + \fr 2:11 \fr*\fq नाजीर \fq*\ft ओ मनखे जऊन ह परमेसर ला बिसेस बचन देवय। जेकर मतलब होथे “कोनो ले अलग होवई।”\ft*\f* ला घलो चुनेंव।
\q1 हे इसरायल के मनखेमन, का येह सच नो हय?”
\q2 यहोवा ह घोसना करत हे।
\q1
\v 12 “पर तुमन नाजीरमन ला अंगूर के मंद पीयाएव
\q2 अऊ अगमजानीमन ला हुकूम देव कि ओमन अगमबानी झन करंय।
\b
\q1
\v 13 “त अब, मेंह तुमन ला अइसन कुचरहूं
\q2 जइसन करपा ले भराय गाड़ी ले दाना ह कुचरे जाथे।
\q1
\v 14 तेजी ले भगोइया घलो नइं बांच पाही,
\q2 अऊ बलवान के ताकत ह कोनो काम नइं आही,
\q2 अऊ सूरबीर ह अपन जिनगी ला नइं बचाय सकही।
\q1
\v 15 धनुसधारी ह मैदान म ठाढ़ नइं हो सकही,
\q2 तेजी ले दऊड़इया सैनिक ह भाग नइं सकही,
\q2 अऊ घुड़सवार ह अपन जिनगी ला नइं बचाय सकही।
\q1
\v 16 इहां तक कि सबले ताकतवर सूरबीरमन घलो
\q2 ओ दिन नंगरा भागहीं,”
\q2 यहोवा ह घोसना करत हे।
\c 3
\s1 इसरायल के बिरूध गवाहमन ला बलाय जाथे
\p
\v 1 हे इसरायलीमन, ये बचन ला सुनव, यहोवा के बचन ह तुम्हर बिरूध कहे हवय—तुम्हर पूरा बंस के बिरूध, जेला मेंह मिसर देस ले निकाल लानेंव:
\q1
\v 2 “सिरिप तुमन अव, जेला मेंह
\q2 धरती के सब बंसमन ले चुने हंव;
\q1 एकरसेति मेंह तुम्हर जम्मो
\q2 पाप के सजा दूहूं।”
\b
\q1
\v 3 का दू झन एक संग रेंगथें
\q2 जब तक ओमन अइसन करे बर राजी नइं हो जावंय?
\q1
\v 4 का सिंह ह बिगर सिकार देखे
\q2 झाड़ी म ले गरजथे?
\q1 का ओह बिगर कुछू धरे
\q2 अपन मांद म गुर्राथे?
\q1
\v 5 का कोनो चिरई भुइयां ऊपर बिगर चारा देखे
\q2 फांदा कोति झपटथे?
\q1 का फांदा ह भुइयां ले अपनआप उचकथे
\q2 जब ओमा कुछू नइं फंसे रहय?
\q1
\v 6 जब कोनो सहर म लड़ई के तुरही बजथे,
\q2 त का मनखेमन डर के मारे नइं कांपंय?
\q1 जब कोनो सहर म बिपत परथे,
\q2 त का येह यहोवा कोति ले नइं होवय?
\b
\q1
\v 7 सही म, परमपरधान यहोवा ह
\q2 अपन सेवक अगमजानीमन ऊपर
\q2 अपन योजना ला परगट करे बिगर कुछू नइं करय।
\b
\q1
\v 8 जब सिंह ह गरजथे—
\q2 त कोन ए, जऊन ह नइं डरावय?
\q1 परमपरधान यहोवा ह कहे हवय—
\q2 कोन ए, जऊन ह अगमबानी नइं करही?
\b
\q1
\v 9 असदोद नगर के किलामन म
\q2 अऊ मिसर देस के किलामन म हांका पारव:
\q1 “सामरिया के पहाड़मन म जूर जावव;
\q2 अऊ देखव कि ओकर भीतर म कइसन असांति
\q2 अऊ ओकर मनखेमन के बीच म कइसन अतियाचार होवत हवय।”
\b
\q1
\v 10 “ओमन सही काम करे बर नइं जानंय,” यहोवा ह घोसना करत हे,
\q2 “ओमन के लूटे अऊ छीने गय धन ला
\q2 कोन ह ओमन के किलामन म संकेलके रखथे।”
\p
\v 11 एकरसेति परमपरधान यहोवा ह ये कहत हे:
\q1 “एक बईरी ह तुम्हर देस ला घेर लीही,
\q2 तुम्हर गढ़मन ला गिरा दीही,
\q2 अऊ किलामन ला लूट लीही।”
\p
\v 12 यहोवा ह ये कहत हे:
\q1 “जइसन चरवाहा ह सिंह के मुहूं ले
\q2 सिरिप दू ठन टांग या कान के एक ठन कुटा ला छोंड़ाय पाथे,
\q1 वइसन सामरिया म रहइया इसरायलीमन बचाय जाहीं,
\q2 सिरिप दसना के मुड़सरिया,
\q2 अऊ खटिया के बिछौना के एक कुटा के संग बचाय जाहीं।”
\p
\v 13 “येला सुनव अऊ याकूब के संतानमन के बिरूध गवाही दव,” परभू, यहोवा सर्वसक्तिमान परमेसर ह घोसना करत हे।
\q1
\v 14 “जऊन दिन मेंह इसरायल ला ओकर पापमन के सजा दूहूं,
\q2 ओ दिन बेतेल नगर के बेदीमन ला नास कर दूहूं;
\q1 बेदी के सींगमन ला काट डारे जाही
\q2 अऊ भुइयां म गिरा दिये जाही।
\q1
\v 15 मेंह जड़काला के भवन के संग
\q2 घमनी के भवन ला टोरके गिरा दूहूं;
\q1 हाथी-दांत ले सजाय घरमन ला नास करे जाही
\q2 अऊ महलमन ला गिरा दिये जाही,”
\q2 यहोवा ह घोसना करत हे।
\c 4
\s1 परमेसर करा इसरायल ह नइं लहुंटिस
\q1
\v 1 हे सामरिया के पहाड़ ऊपर रहइया बासान के गायमन\f + \fr 4:1 \fr*\fq गायमन \fq*\ft सामरिया के अगुवा \ft*\fqa माईलोगनमन\fqa*\f*, ये बचन ला सुनव,
\q2 हे माईलोगनमन, तुमन जऊन गरीब ला सताथव अऊ जरूरतमंद ला कुचर देथव
\q2 अऊ अपन घरवाला ला कहिथव, “हमर पीये बर कुछू लेके आ!”
\q1
\v 2 परमपरधान यहोवा ह अपन पबितरता के किरिया खाके कहत हवय:
\q2 “अइसन समय जरूर अवइया हवय,
\q1 जब तुमन ला गरी ले,
\q2 आखिरी तक बांचे ला घलो मछरी फंसाय के गरी ले फंसाके ले जाय जाही।
\q1
\v 3 तुमन म के जम्मो झन
\q2 सहर के दीवार के फाटे म ले सीधा बाहिर निकलहू।
\q1 तुमन ला हरमोन कोति फटिक दिये जाही,”
\q2 यहोवा ह घोसना करत हे।
\q1
\v 4 “बेतेल नगर म जाके पाप करव;
\q2 अऊ गिलगाल नगर म जाके अऊ जादा पाप करव।
\q1 अपन बलिदान ला रोज बड़े बिहनियां
\q2 अऊ अपन दसमांस ला हर तीसरा साल\f + \fr 4:4 \fr*\ft या \ft*\fqa दिन\fqa*\f* लाने करव।
\q1
\v 5 धनबाद-बलिदान के रूप म खमीर मिले रोटी ला जरोवव
\q2 अऊ अपन स्वेच्छा-बलिदान के बारे डींग मारव—
\q1 हे इसरायलीमन, ओमन के बारे म घमंड करव,
\q2 काबरकि तुमन ला अइसने करई ह बने लगथे,”
\q2 परमपरधान यहोवा ह घोसना करत हे।
\b
\q1
\v 6 “मेंह हर सहर म तुमन ला भूखन पेट रखेंव
\q2 अऊ हर नगर म जेवन के घटी करेंव,
\q1 तभो ले तुमन मोर कोति नइं लहुंटेव।”
\q2 यहोवा ह घोसना करत हे।
\b
\q1
\v 7 “जब फसल लुवई ह तीन महिना बांचे रिहिस
\q2 तब मेंह बरसा ला रोक दे रहेंव।
\q1 में एक नगर म पानी गिरांय,
\q2 पर दूसर नगर म नइं गिरांय।
\q1 एक खेत म बारिस होईस;
\q2 अऊ दूसर म नइं होईस अऊ ओह सूखा गीस।
\q1
\v 8 मनखेमन एक सहर ले दूसर सहर म पानी बर भटकिन
\q2 पर पीये बर भरपूर पानी नइं पाईन,
\q1 तभो ले तुमन मोर कोति नइं लहुंटेव,”
\q2 यहोवा ह घोसना करत हे।
\b
\q1
\v 9 “कई बार मेंह तुम्हर बारी अऊ अंगूर के बारी म फसल नइं होवन दें,
\q2 ओमन ला रोग अऊ फफूंदी ले बरबाद कर देंव।
\q1 फांफामन तुम्हर अंजीर अऊ जैतून के रूख ला खा डारिन,
\q2 तभो ले तुमन मोर कोति नइं लहुंटेव,”
\q2 यहोवा ह घोसना करत हे।
\b
\q1
\v 10 “मेंह तुम्हर बीच म महामारी पठोंय
\q2 जइसन मेंह मिसर देस म पठोय रहेंव।
\q1 मेंह लूटे गय घोड़ामन के संग
\q2 तुम्हर जवानमन ला तलवार ले मार डारेंव।
\q1 मेंह तुम्हर छावनी के बदबू ले तुम्हर नाक ला भर देंव,
\q2 तभो ले तुमन मोर कोति नइं फिरेव।
\q2 यहोवा ह घोसना करत हे।
\b
\q1
\v 11 “मेंह जइसन सदोम अऊ अमोरा सहरमन ला नास करेंव
\q2 वइसन ही मेंह तुमन म ले कुछू झन ला नास कर देंव।
\q1 तुमन आगी ले निकाले बरत लकरी कस रहेव,
\q2 तभो ले तुमन मोर कोति नइं फिरेव,”
\q2 यहोवा ह घोसना करत हे।
\b
\q1
\v 12 “एकरसेति हे इसरायल, मेंह तोर संग अइसन करहूं,
\q2 हे इसरायल, काबरकि मेंह तोर संग अइसन करहूं,
\q2 त तेंह अपन परमेसर ले भेंट करे बर तियार हो जा।”
\b
\q1
\v 13 ओ, जऊन ह पहाड़मन ला बनाथे,
\q2 जऊन ह हवा ला सिरजथे,
\q2 अऊ जऊन ह मानव-जाति ऊपर अपन बिचार ला परगट करथे,
\q1 जऊन ह बिहान ला अंधियार कर देथे,
\q2 अऊ जऊन ह धरती के ऊंचहा ठऊरमन म रेंगथे—
\q2 ओकर नांव यहोवा सर्वसक्तिमान परमेसर अय।
\c 5
\s1 एक बिलापगीत अऊ पछताप करे बर बुलावा
\p
\v 1 हे इसरायल, ये बचन ला सुन, तोर बारे म मेंह ये बिलापगीत सुनावत हंव:
\q1
\v 2 “कुंवारी इसरायल ह गिर गे हे,
\q2 ओह फेर कभू नइं उठय,
\q1 ओला ओकर खुद के देस म तियाग दिये गे हे,
\q2 अऊ ओला उठइया कोनो नइं एं।”
\p
\v 3 परमपरधान यहोवा ह इसरायल ले ये कहत हे:
\q1 “तोर सहर, जेमा ले एक हजार बीर योद्धा निकलथें
\q2 ओमा सिरिप एक सौ ही बांचहीं;
\q1 तोर नगर, जेमा ले एक सौ बीर निकलथें
\q2 ओमा सिरिप दस झन ही बांचहीं।”
\p
\v 4 यहोवा ह इसरायल ले ये कहत हे:
\q1 “मोला खोजव अऊ जीयत रहव;
\q2
\v 5 बेतेल ला झन खोजव,
\q1 गिलगाल झन जावव,
\q2 बेरसेबा के यातरा झन करव;
\q1 काबरकि गिलगाल ह जरूर बंधुवई म जाही,
\q2 अऊ बेतेल ह सुनसान हो जाही,”
\q1
\v 6 यहोवा ला खोजव अऊ जीयत रहव,
\q2 नइं तो ओह यूसुफ के गोत्र ऊपर आगी सहीं भड़कही;
\q1 येह ओमन ला भसम कर दीही,
\q2 अऊ बेतेल म ओ आगी ला बुतइया कोनो नइं होहीं।
\b
\q1
\v 7 अइसन मनखेमन हवंय, जेमन नियाय ला करूवाहट म बदल देथें,
\q2 अऊ धरमीपन ला माटी म मिला देथें।
\b
\q1
\v 8 जऊन ह नछत्र-पुंज अऊ मिरगासिरा ला बनाईस,
\q2 जऊन ह मंझ रथिया ला बिहनियां म
\q2 अऊ दिन ला रथिया म बदल देथे,
\q1 जऊन ह महासागर के पानी ला बलाथे
\q2 अऊ ओला भुइयां ऊपर गिरा देथे—
\q2 ओकर नांव यहोवा अय।
\q1
\v 9 ओह किला ला मिटकी मारते ही नास कर देथे
\q2 अऊ गढ़वाले सहर ला खंडहर कर देथे।
\b
\q1
\v 10 अइसन मनखेमन हवंय, जेमन अदालत म नियाय पसंद करइयामन ले घिन करथें
\q2 अऊ सच बात कहइयामन ले घलो घिन करथें।
\b
\q1
\v 11 तुमन गरीबमन ले भूंसा बर घलो चुंगी लेथव
\q2 अऊ ओमन के अनाज ऊपर घलो कर लगाथव।
\q1 एकरसेति, हालाकि तुमन पथरा के महल बनाय हव,
\q2 पर तुमन ओमा नइं रहे बर पाहू;
\q1 हालाकि तुमन रसीला अंगूर के बारी लगाय हव,
\q2 पर तुमन ओमन के मंद नइं पीये सकहू।
\q1
\v 12 काबरकि मेंह जानत हंव कि तुम्हर अपराध कतेक जादा हवय
\q2 अऊ तुम्हर पापमन कतेक बड़े हवंय।
\b
\q1 अइसन मनखे हवंय, जेमन निरदोस ऊपर अतियाचार करथें अऊ घूस लेथें
\q2 अऊ अदालत म गरीबमन के नियाय ला बिगाड़थें।
\q1
\v 13 एकरसेति, अइसन समय म समझदार ह चुप रहय,
\q2 काबरकि समय ह खराप हवय।
\b
\q1
\v 14 बुरई के नइं, पर भलई के खोज करव,
\q2 ताकि तुमन जीयत रहव।
\q1 तभे यहोवा सर्वसक्तिमान परमेसर ह तुम्हर संग रहिही,
\q2 जइसन कि तुमन कहिथव कि ओह तुम्हर संग हवय।
\q1
\v 15 बुरई ले घिन करव, अऊ भलई ले मया;
\q2 कचहरी म नियाय ला बनाय रखव।
\q1 सायद यहोवा सर्वसक्तिमान परमेसर ह
\q2 यूसुफ के बांचे मनखेमन ऊपर दया करय।
\p
\v 16 एकरे बर परभू, यहोवा, सर्वसक्तिमान परमेसर ह ये कहत हे:
\q1 “सब गलीमन म बिलाप करे जाही
\q2 अऊ सबो चऊकमन म दुख अऊ पीरा के अवाज सुनई दीही।
\q1 किसानमन ला रोय बर
\q2 अऊ बिलाप करइयामन ला बिलाप करे बर बलाय जाही।
\q1
\v 17 अंगूर के सब बारीमन म बिलाप होही,
\q2 काबरकि ओ बेरा मेंह तुम्हर बीच ले होके जाहूं,”
\q2 यहोवा ह कहत हे।
\s1 यहोवा के दिन
\q1
\v 18 हाय तुम्हर ऊपर,
\q2 जऊन मन यहोवा के दिन\f + \fr 5:18 \fr*\ft या \ft*\fqa यहोवा के नियाय के दिन\fqa*\f* के ईछा करथव!
\q1 तुमन काबर यहोवा के दिन के ईछा करथव?
\q2 ओह अंधियार के दिन होही, अंजोर के नइं।
\q1
\v 19 ओ दिन ह अइसन होही मानो कोनो मनखे ह सिंह ले बांचे बर भागथे
\q2 अऊ ओकर सामना भालू ले हो जाथे,
\q1 या ओह घर के भीतर जाथे
\q2 अऊ अराम बर भीथी ऊपर हांथ मढ़ाथे अऊ सांप ह ओला चाब देथे।
\q1
\v 20 का यहोवा के दिन ह अंजोर के बदले अंधियार के नइं होही—
\q2 बिरबिट अंधियार, एकोकनी अंजोर नइं?
\b
\q1
\v 21 “मेंह घिन करथंव, मेंह तुम्हर धारमिक तिहारमन ला तुछ समझथंव;
\q2 तुम्हर सभामन मोर बर बदबू सहीं अंय।
\q1
\v 22 भले ही तुमन मोर बर होम-बलिदान अऊ अन्न-बलिदान लानव,
\q2 पर मेंह ओमन ला गरहन नइं करंव।
\q1 भले ही तुमन मनपसंद मेल-बलिदान लानव,
\q2 पर मेंह ओमन के आदर नइं करंव।
\q1
\v 23 अपन गीतमन के कंझट ला मोर ले दूरिहा रखव!
\q2 मेंह तुम्हर बीना के संगीत ला नइं सुनंव।
\q1
\v 24 पर नियाय ला नदी कस,
\q2 अऊ धरमीपन ला कभू नइं सूखइया सोता सहीं बोहावन दव!
\b
\q1
\v 25 “हे इसरायल के मनखेमन, निरजन जगह म चालीस साल तक
\q2 का तुमन मोर बर बलिदान अऊ भेंट लानेव?
\q1
\v 26 तुमन अपन राजा के देव-स्थल,
\q2 अपन मूरतीमन के गोड़ के पीढ़ा,
\q2 अपन देवता के तारा ला हांथ म उठाय हव—
\q2 जऊन मन ला तुमन खुद अपन बर बनाय हवव।
\q1
\v 27 एकरसेति मेंह तुमन ला दमिस्क नगर ले बाहिर बंधुवई म पठो दूहूं,”
\q2 यहोवा ह ये कहत हे, जेकर नांव सर्वसक्तिमान परमेसर अय।
\c 6
\s1 आत्म-संतुस्ट मनखेमन ला धिक्कार
\q1
\v 1 हाय तुमन ऊपर, जेमन सियोन म संतुस्ट हवव,
\q2 हाय तुमन ऊपर, जेमन सामरिया नगर के पहाड़ म अपनआप ला सुरकछित मानथव,
\q1 तुमन, जेमन सबले उत्तम देस के नामी आदमी अव,
\q2 जेमन करा इसरायल के मनखेमन आथें!
\q1
\v 2 कलने नगर जाके ओला देखव;
\q2 उहां ले हमात नांव के बड़े सहर म जावव,
\q2 अऊ तब खाल्हे पलिस्ती के गत नांव के सहर म जावव।
\q1 का येमन तुम्हर दूनों राजमन ले जादा बढ़िया हवंय?
\q2 का तुम्हर देस ले ओमन के देस ह बड़खा हवय?
\q1
\v 3 तुमन संकट के दिन ला दूरिहा कर देथव,
\q2 अऊ आतंक के राज ला लकठा म ले आथव।
\q1
\v 4 तुमन हाथी-दांत ले सजे पलंग ऊपर लेटथव
\q2 अऊ अपन सोफा म अराम करथव।
\q1 तुमन मनपसंद भेड़
\q2 अऊ चरबीदार बछवामन ला खाथव।
\q1
\v 5 तुमन दाऊद सहीं अपन बीना ला बजाथव
\q2 अऊ बाजामन ला तुरते बजाथव।
\q1
\v 6 तुमन कटोरा भरके अंगूर के मंद पीथव
\q2 अऊ सबले बढ़िया तेल ला देहें म चुपरथव,
\q2 पर तुमन यूसुफ के बरबादी बर दुखी नइं होवव।
\q1
\v 7 एकरसेति तुमन सबले पहिली बंधुवई म जाहू;
\q2 तुम्हर भोज खवई अऊ मऊज करई ह बंद हो जाही।
\s1 यहोवा ह इसरायल के घमंड ले घिन करथे
\p
\v 8 परमपरधान यहोवा ह अपनेच कसम खाय हवय—यहोवा सर्वसक्तिमान परमेसर ह घोसना करत हे:
\q1 “मेंह याकूब के घमंड ले घिन करथंव
\q2 अऊ ओकर किलामन ले घलो घिन करथंव;
\q1 मेंह सहर अऊ ओमा के जम्मो चीज ला
\q2 बईरी के हांथ म कर दूहूं।”
\p
\v 9 कहूं एक घर म दस मनखे घलो बांचे रहिहीं, त ओमन घलो मर जाहीं। 
\v 10 कहूं कोनो रिस्तेदार ह ओमन के देहें ला जराय खातिर घर ले बाहिर ले जाय बर आथे अऊ उहां कोनो लुकाय मनखे ले पुछथे, “इहां तोर संग म कोनो अऊ हवंय?” अऊ ओह कहिथे, “नइं,” तब ओह ये कहिही, “चुपे रह! हमन ला यहोवा के नांव नइं लेना हवय।”
\q1
\v 11 काबरकि यहोवा ह हुकूम देय हवय,
\q2 अऊ ओह बड़े घर ला फोरके कुटा-कुटा
\q2 अऊ छोटे घर ला चूर-चूर कर दीही।
\b
\q1
\v 12 का घोड़ामन ठाढ़ चट्टान म दऊड़थें?
\q2 का कोनो मनखे बईलामन ले समुंदर म नांगर जोतथे?
\q1 पर तुमन नियाय ला जहर म
\q2 अऊ धरमीपन के फर ला करूवाहट म बदल दे हवव—
\q1
\v 13 तुमन, जेमन लो-देबार\f + \fr 6:13 \fr*\fq लो-देबार \fq*\ft के मतलब होथे \ft*\fqa कुछू घलो नइं\fqa*\f* ला अपन बस म करके आनंदित होथव
\q2 अऊ कहिथव, “हमन का अपन बल म करनेम\f + \fr 6:13 \fr*\fq करनेम \fq*\ft के मतलब होथे \ft*\fqa सींग \fqa*\ft जऊन ह इहां ताकत के प्रतीक के रूप म आय हवय\ft*\f* ला नइं जीत ले हन?”
\b
\q1
\v 14 काबरकि यहोवा सर्वसक्तिमान परमेसर ह घोसना करत हे,
\q2 “हे इसरायल, मेंह तोर बिरूध म एक जाति ला भड़काहूं,
\q1 जऊन ह तुम्हर ऊपर लेबो-हमात ले लेके
\q2 अराबा के घाटी तक अतियाचार करही।”
\c 7
\s1 फांफा, आगी अऊ एक ठन साहुल
\p
\v 1 परमपरधान यहोवा ह मोला ये देखाईस: जब राजा के हिस्सा के फसल ह लुआ गे रिहिस अऊ बाद के फसल ह आवत रिहिस, तब ओह फांफामन के दल ला तियार करत रिहिस। 
\v 2 जब फांफामन सब फसल ला खाके खेत ला साफ कर दीन, तब मेंह पराथना म पुकारेंव, “हे परमपरधान यहोवा, छेमा कर! याकूब ह कइसे जीयत रह सकत हे? ओह बहुंत छोटे हवय!”
\p
\v 3 तब यहोवा ह नरम पड़िस अऊ कहिस, “अब अइसन नइं होवय।”
\p
\v 4 परमपरधान यहोवा ह मोला ये देखाईस: परमपरधान यहोवा ह आगी के दुवारा नियाय करे बर बलावत रिहिस; ओ आगी ह महासागर ला सूखा दीस अऊ भुइयां ला नास कर दीस। 
\v 5 तब मेंह पुकारके कहेंव, “हे परमपरधान यहोवा, मेंह तोर ले बिनती करत हंव, येला रोक दे! याकूब ह कइसे जीयत रह सकत हे? ओह बहुंत छोटे हवय!”
\p
\v 6 तब यहोवा ह नरम पड़िस।
\p “अब येह घलो नइं होवय,” परमपरधान यहोवा ह कहिस।
\b
\p
\v 7 ओह मोला ये देखाईस: परभू ह एक ठन भीथी के तीर म ठाढ़े रिहिस, जऊन ह साहुल के भार सहीं बनाय गे रिहिस, अऊ ओकर हांथ म एक ठन साहुल रिहिस। 
\v 8 अऊ यहोवा ह मोर ले पुछिस, “हे आमोस, तोला का दिखत हवय?”
\p मेंह जबाब देंव, “एक ठन साहुल।”
\p तब परभू ह कहिस, “देख, मेंह अपन मनखे इसरायलीमन के बीच एक साहुल लगावत हंव; मेंह ओमन ला अब नइं छोड़ंव।
\q1
\v 9 “इसहाक के ऊंचहा ठऊरमन ला नास करे जाही
\q2 अऊ इसरायल के पबितर-स्थानमन खंडहर करे जाहीं;
\q2 मेंह अपन तलवार लेके राजा यरोबाम के घराना के बिरूध ठाढ़ होहूं।”
\s1 आमोस अऊ अमसयाह
\p
\v 10 तब बेतेल के पुरोहित अमसयाह ह इसरायल के राजा यरोबाम करा एक संदेस पठोईस: “आमोस ह इसरायल के बीच म तोर बिरूध एक सडयंत्र करत हे। ये देस ह ओकर बातमन ला सहे नइं सकय। 
\v 11 काबरकि आमोस ह ये कहत हे:
\q1 “ ‘यरोबाम ह तलवार ले मारे जाही,
\q2 अऊ इसरायल ह अपन जनम भुइयां ले दूरिहा,
\q2 जरूर बंधुवई म चले जाही।’ ”
\p
\v 12 तब अमसयाह ह आमोस ले कहिस, “हे अगम-दरसी, इहां ले निकल जा! यहूदा प्रदेस ला वापिस चले जा। उहां कमाके खा अऊ उहां अपन अगमबानी कर। 
\v 13 बेतेल म फेर कभू अगमबानी झन करबे, काबरकि येह राजा के पबितर-स्थान अऊ राज के मंदिर अय।”
\p
\v 14 आमोस ह अमसयाह ला उत्तर दीस, “मेंह न तो अगमजानी रहेंव अऊ न ही कोनो अगमजानी के बेटा, पर मेंह तो एक चरवाहा रहेंव, अऊ मेंह डूमर रूखमन के देखरेख घलो करेंव। 
\v 15 पर यहोवा ह मोला पसुमन ला चराय के काम बर बलाईस अऊ मोला कहिस, ‘जा, मोर मनखे इसरायलीमन ला अगमबानी कर।’ 
\v 16 एकरसेति अब यहोवा के बचन ला सुन। तेंह कहिथस,
\q1 “ ‘इसरायल के बिरूध म अगमबानी झन कर,
\q2 अऊ इसहाक के संतानमन के बिरूध म परचार करई ला बंद कर।’
\p
\v 17 “एकरसेति यहोवा ह ये कहत हे:
\q1 “ ‘तोर घरवाली ह सहर म एक बेस्या हो जाही,
\q2 अऊ तोर बेटा अऊ बेटीमन तलवार ले मारे जाहीं।
\q1 तोर भुइयां ला नापे जाही अऊ बांट दिये जाही,
\q2 अऊ तेंह खुद मूरती-पूजा करइयामन\f + \fr 7:17 \fr*\ft इबरानी म \ft*\fqa असुध\fqa*\f* के एक देस म मरबे।
\q2 अऊ इसरायल ह अपन जनम भुइयां वाले देस ले दूरिहा,
\q2 जरूर बंधुवई म चले जाही।’ ”
\c 8
\s1 पाके फरमन के एक टुकनी
\p
\v 1 तब परमपरधान यहोवा ह मोला पाके फरमन के एक ठन टुकनी देखाईस, 
\v 2 अऊ ओह मोर ले पुछिस, “हे आमोस, तोला का दिखत हे?”
\p मेंह जबाब देंव, “पाके फरमन के एक ठन टुकनी।”
\p तब यहोवा ह मोला कहिस, “मोर मनखे इसरायलीमन के अन्त के समय आ गे हवय; मेंह ओमन ला अब नइं छोड़ंव।”
\p
\v 3 परमपरधान यहोवा ह घोसना करत हे, “ओ दिन, मंदिर के गीतमन बिलाप म बदल जाहीं। कतको लासमन एती-ओती पड़े होहीं! अऊ सुनसान हो जाही!”
\q1
\v 4 ये बात ला सुनव, तुमन, जऊन मन जरूरतमंदमन ला कुचरथव
\q2 अऊ गरीबमन ला देस ले नास करत,
\p
\v 5 ये कहिथव,
\q1 “नवां चंदा के उत्सव कब खतम होही
\q2 कि हमन अनाज बेच सकन,
\q1 अऊ बिसराम दिन ह कब सिराही
\q2 कि हमन गहूं बेच अऊ बिसो सकन?”—
\q1 कम चीजमन ला तराजू म तऊलके,
\q2 दाम ला बढ़ा देवन
\q2 अऊ लेवइयामन ला बेईमानी के तराजू ले ठगन,
\q1
\v 6 अऊ गरीबमन ला चांदी के सिक्का ले,
\q2 अऊ जरूरतमंदमन ला एक जोड़ी चप्पल म बिसोवन,
\q2 अऊ त अऊ कचरा-कुढ़ा ला घलो गहूं म मिलाके बेच देवन।
\p
\v 7 यहोवा जऊन ह याकूब के घमंड अय, ओह खुद के सपथ खाके कहे हवय: “ओमन जऊन कुछू घलो करे हवंय, ओला में कभू नइं भुलावंव।
\q1
\v 8 “का येकर बर भुइयां ह नइं कांपही,
\q2 अऊ जेमन येमा रहिथें, ओमन सोक नइं करहीं?
\q1 पूरा देस ह नील नदी कस उफनही;
\q2 येह मिसर देस के नदी सहीं उफनही
\q2 अऊ तब सांत हो जाही।”
\p
\v 9 परमपरधान यहोवा ह घोसना करत हे,
\q1 “ओ दिन, मेंह सूरज ला मंझन के बेरा बुड़ो दूहूं
\q2 अऊ मंझन के बेरा धरती ला अंधियार कर दूहूं।
\q1
\v 10 मेंह तुम्हर धारमिक तिहारमन ला सोक म
\q2 अऊ तुम्हर जम्मो गीतमन ला रोवई म बदल दूहूं।
\q1 मेंह तुमन जम्मो झन ला बोरा के ओनहा\f + \fr 8:10 \fr*\ft या \ft*\fqa सोक के ओनहा\fqa*\f* पहिराहूं
\q2 अऊ तुम्हर मुड़मन ला मुड़ा दूहूं।
\q1 मेंह ओ समय ला अइसन सोकित कर दूहूं, जइसन कि एकलऊता बेटा मरे ले होथे
\q2 अऊ ओकर अन्त ला एक दुख के दिन कस करू कर दूहूं।”
\b
\q1
\v 11 परमपरधान यहोवा ह घोसना करत हे, “ओ दिनमन आवत हवंय,
\q2 जब मेंह देस भर म दुकाल पठोहूं—
\q1 ये दुकाल ह जेवन-पानी के नइं,
\q2 पर येह यहोवा के बचन सुने के दुकाल होही।
\q1
\v 12 मनखेमन ये समुंदर ले ओ समुंदर तक
\q2 अऊ उत्तर ले लेके पूरब तक भटकत
\q1 यहोवा के बचन ला खोजहीं,
\q2 पर ओमन ओला नइं पाहीं।
\p
\v 13 “ओ दिन,
\q1 “सुघर मुटियारी छोकरीमन अऊ मजबूत जवान छोकरामन
\q2 पीयास के मारे बेहोस हो जाहीं।
\q1
\v 14 जऊन मन सामरिया के पाप के कसम खाके कहिथें—
\q2 ‘हे दान, तोर देवता के जिनगी के कसम,’
\q2 या, ‘बेरसेबा के देवता के कसम’—
\q2 ओमन अइसन गिरहीं कि फेर कभू नइं उठहीं।”
\c 9
\s1 इसरायल के बिनास होवई
\p
\v 1 मेंह दरसन म परभू ला बेदी के तीर म ठाढ़े देखेंव, अऊ ओह कहिस:
\q1 “खंभामन के टीप ला मार
\q2 कि दुवारमन डोल जावंय।
\q1 ओमन ला जम्मो मनखेमन के मुड़ म गिरा दे;
\q2 जऊन मन बांच जाहीं, ओमन ला मेंह तलवार ले मार डारहूं।
\q1 ओमन म के एको झन घलो भाग नइं सकंय,
\q2 कोनो घलो बच नइं सकंय।
\q1
\v 2 चाहे ओमन खंचवा खनके बहुंत गहरई म चले जावंय,
\q2 उहां ले मोर हांथ ह ओमन ला ले आही।
\q1 चाहे ओमन अकास के ऊपर घलो चघ जावंय,
\q2 उहां ले मेंह ओमन ला खाल्हे ले आहूं।
\q1
\v 3 चाहे ओमन करमेल पहाड़ के टीप म लुका जावंय,
\q2 मेंह उहां ले ओमन ला खोजके खाल्हे ले आहूं अऊ बंदी बना लूहूं।
\q1 चाहे ओमन मोर ले नजर बचाके समुंदर के पेंदी म लुका जावंय,
\q2 उहां मेंह सांप ला ओमन ला डसे के हुकूम दूहूं।
\q1
\v 4 चाहे ओमन बईरीमन के दुवारा बंधुवई म ले जाय जाहीं,
\q2 उहां मेंह तलवार ला हुकूम देके ओमन ला कटवा दूहूं।
\b
\q1 “मेंह ओमन ऊपर अपन नजर
\q2 ओमन के भलई करे बर नइं, पर ओमन के हानि करे बर रखहूं।”
\b
\q1
\v 5 परभू, सर्वसक्तिमान यहोवा—
\q1 ओह धरती ला छूथे अऊ ओह टघल जाथे,
\q2 अऊ ओमा रहइया जम्मो झन बिलाप करथें;
\q1 जम्मो देस ह नील नदी कस उफनथे,
\q2 अऊ तब मिसर के नदी कस सूखा जाथे;
\q1
\v 6 ओह अकास म अपन ऊंचहा महल ला बनाथे,
\q2 अऊ ओकर नीव धरती म रखथे;
\q1 ओह समुंदर के पानी ला बलाथे
\q2 अऊ ओला भुइयां ऊपर ढार देथे—
\q2 यहोवा ओकर नांव ए।
\b
\q1
\v 7 “का तुमन इसरायली नो हव
\q2 का मोर बर कूसीमन\f + \fr 9:7 \fr*\ft या \ft*\fqa ऊपरी नील नदी के इलाका के मनखेमन\fqa*\f* सहीं नो हव?”
\q2 यहोवा ह घोसना करत हे।
\q1 “का मेंह इसरायलीमन ला मिसर ले,
\q2 पलिस्तीमन ला कपतोर ले
\q2 अऊ अरामीमन ला कीर ले निकालके नइं लानेंव?
\b
\q1
\v 8 “सही म परमपरधान यहोवा के नजर ह
\q2 पाप ले भरे राज ऊपर लगे हवय।
\q1 मेंह येला धरती के ऊपर ले
\q2 नास कर दूहूं।
\q1 तभो ले मेंह याकूब के संतानमन ला
\q2 पूरा नास नइं करंव,”
\q2 यहोवा ह घोसना करत हे।
\q1
\v 9 “काबरकि मेंह हुकूम दूहूं,
\q2 अऊ मेंह इसरायल के मनखेमन ला
\q2 जम्मो जाति के मनखेमन के बीच म अइसन हलाहूं
\q1 जइसन छननी म अन्न ला हलाय जाथे,
\q2 अऊ भुइयां म एको ठन गोटी नइं गिरय।
\q1
\v 10 मोर मनखेमन के बीच ले जम्मो पापीमन
\q2 तलवार ले मारे जाहीं,
\q1 ओ जम्मो, जेमन ये कहिथें,
\q1 ‘न तो हमर ऊपर बिपत्ति आही अऊ न ही बिपत्ति ले हमर सामना होही।’
\s1 इसरायलीमन के फेर स्थापित होवई
\p
\v 11 “ओ दिन म,
\q1 “मेंह दाऊद के गिरे आसरय ला फेर ठीक कर दूहूं—
\q2 मेंह येकर टूटे भीथीमन के मरम्मत करहूं,
\q2 अऊ येकर खंडहरमन ला फेर बनाहूं—
\q2 अऊ येला पहिले के सहीं फेर बना दूहूं,
\q1
\v 12 ताकि ओमन एदोम के बांचे मनखेमन ला
\q2 अऊ मोर नांव लेवइया जम्मो जातिमन ला अपन अधीन कर लेवंय,”
\q2 ओ यहोवा ह घोसना करत हे, जऊन ह ये चीजमन ला करही।
\p
\v 13 “अइसन दिनमन आवत हवंय।” यहोवा ह घोसना करत हे,
\q1 “जब नांगर जोतइया ह लुवइया ले,
\q2 अऊ अंगूर खुंदइया ह अंगूर के नार लगइया ले आघू बढ़ जाही।
\q1 नवां अंगूर के रस ह पहाड़मन ले थिपही
\q2 अऊ जम्मो पहाड़ीमन ले बोहा जाही,
\q2
\v 14 अऊ मेंह अपन मनखे इसरायलीमन ला बंधुवई ले वापिस ले आहूं।
\b
\q1 “ओमन उजड़े सहरमन ला फेर बनाहीं अऊ ओमा रहे लगहीं।
\q2 ओमन अंगूर के बारी लगाहीं अऊ ओमा के मंद ला पीहीं;
\q2 ओमन बारी लगाहीं अऊ ओकर फर ला खाहीं।
\q1
\v 15 मेंह इसरायलीमन ला ओमन के निज देस म बसाहूं,
\q2 अऊ ओमन फेर कभू ओ देस ले निकाले नइं जाहीं,
\q2 जऊन ला मेंह ओमन ला देय हवंव,”
\m यहोवा तुम्हर परमेसर ह कहत हे।