\id ZEC ZECHARIAH, Hiri Motu Bible, PNG, 1989, 5/93 
\h SEKARAIA 
\toc1 SEKARAIA 
\toc2 SEKARAIA 
\mt1 SEKARAIA  
\c 1  
\s1 Lohiabada ese iena bese taudia ia boiboi henidia ia dekenai do idia giroa mai  
\p
\v 1 King Dariuse ena king lagani iharuana ena hua namba 8 lalonai, Lohiabada ese inai hereva be peroveta tauna Sekaraia Berekaia, Ido ena tubuna dekenai ia henia.  
\v 2 Siahu Ibounai Lohiabada ese Sekaraia ia hamaoroa, iena hereva taunimanima dekenai do ia gwauraia, ia gwau, “Lau Lohiabada ese emui tamadia lau badu henidia momokani.  
\v 3 To harihari umui dekenai lau gwau: Lau dekenai do umui giroa mai, vadaeni umui dekenai do lau giroa lou.  
\v 4 Emui tamadia, emui sene taudia hegeregerena do umui karaia lasi. Peroveta taudia gunadia ese idia dekenai idia boiboi, idia gwau, ‘Siahu Ibounai Lohiabada ese inai bamona ia hereva noho: Emui dala dikadia bona emui kara dikadia do umui rakatania. To egu hereva idia laloa lasi, bona idia kamonai henia lasi.’ ”   
\p
\v 5 Ma Lohiabada ia gwau, “Hari emui tamadia be idia mase vadaeni, edia peroveta taudia danu be idia mase vadaeni.  
\v 6 To egu hereva bona egu taravatu, egu hesiai peroveta taudia lau oda henidia gaudia ese, emui tamadia edia lalodia idia pidia momokani, ani? Unai dainai gabeai, idia ese edia lalodia idia giroa, idia gwau, ‘Siahu Ibounai Lohiabada ese iseda kara dika hegeregerena davana ita dekenai ia henia vadaeni, ia gwauraia guna vadaeni hegeregerena.’ ”   
\s1 Sekaraia ena mata hanai: hosi bona aneru haida  
\p
\v 7 Dariuse ena king lagani iharuana lalonai, hua namba 11, ladana Sabata, ena dina namba 24 dekenai, Lohiabada ese lau peroveta tauna Sekaraia, Berekaia ena natuna tau, bona Ido ena tubuna dekenai ia hereva.   
\p
\v 8 Hanuaboi lalonai, lau ese mata hanai dekenai Lohiabada ena aneru ta lau itaia, hosi kakakakana dekenai ia guia. Ia be koura lalonai ia gini, palauapalaua kurokuro audia edia huanai. Iena murinai be hosi haida, kakakakadia bona korema sisina, bona kurokurodia. Aneru be inai hosi dekenai idia guia.  
\v 9 Vadaeni aneru ginigunana dekenai lau gwau, “Egu lohia e, inai hosi bona aneru edia anina be dahaka?”  
\p Vadaeni unai aneru ese ia haere, ia gwau, “Unai hosi bona aneru edia anina be oi dekenai lau hedinaraia inai:  
\v 10 Lohiabada ese idia ia siaia lao vadaeni, tanobada ena kahana ibounai do idia itaia totona.”   
\p
\v 11 Unai neganai unai aneru, palauapalaua kurokuro audia edia huanai idia gini noho aneru ese aneru ginigunana dekenai idia hereva, idia gwau, “Ai be tanobada ena kahana ibounai dekenai ai lao vadaeni, bona ai itaia, tanobada noho taudia ibounai be mai noho namo, bona mai maino danu idia noho.”   
\p
\v 12 Vadaeni Lohiabada ena aneru ia gwau, “Siahu Ibounai Lohiabada e, Ierusalema bona Iuda ena hanuadia be lagani 70 lalonai oi badu henidia vadaeni. Ela bona edena negai do oi bogahisihisi henidia lou?”   
\p
\v 13 Lohiabada ese lau danu ai herevahereva noho aneru ia haere henia, mai hanamoa bona lalona hagoadaia hereva danu.  
\v 14 Unai dainai unai aneru ese lau ia hamaoroa, ia gwau, “Inai hereva do oi gwauraia hedinarai, mai boiboi danu, do oi gwau, ‘Siahu Ibounai Lohiabada ese inai bamona ia hereva noho: Ierusalema bona Siona dainai lau laloa momo, bona egu lalona ia hekwarahi noho.  
\v 15 To unai idia noho namonamo mai maino danu besedia dekenai lau badu noho momokani, badina be egu bese taudia lau badu henidia sisina neganai, unai idau bese taudia ese idia hisihisi henidia bada, egu ura hegeregerena lasi.’ ”   
\p
\v 16 Unai dainai Lohiabada ese inai bamona ia hereva, ia gwau, “Ierusalema dekenai lau giroa mai vadaeni, mai egu bogahisihisi danu. Egu Dubu Helaga be do idia haginia lou, Ierusalema ena ruma ibounai danu do idia haginia lou.”   
\p
\v 17 Ma unai aneru ese lau ia hamaoroa, ia gwau, “Do oi gwauraia mai boiboi danu, do oi gwau: Siahu Ibounai Lohiabada ese inai bamona ia hereva, ia gwau: ‘Egu hanua badadia ese edia noho namo ma do idia abia lou, bona lau Lohiabada ese Siona do lau hagoadaia lou, bona lau ese danu Ierusalema ma do lau abia hidi lou, egu hanua korikori.’ ”   
\s1 Sekaraia ese ma ia mata hanai: Doa 4, bona gaukara taudia 4 ia itaia  
\p
\v 18 Ma lau mata hanai lou, bona boromakau tau edia doa ibounai 4 lau itaia.  
\v 19 Vadaeni lau danu ai herevahereva aneru lau nanadaia, lau gwau, “Inai doa 4 edia anina be dahaka?”  
\p Ia haere, ia gwau, “Inai doa edia anina be basileia ibounai 4, idia ese Iuda bona Israela bona Ierusalema idia hadikaia, bona gabu idauidau dekenai idia luludia vadaeni.”   
\p
\v 20 Unai neganai Lohiabada ese auri gaukaralaia taudia 4, ta ta mai edia hama be lau dekenai ia hedinaraia.  
\v 21 Vadaeni lau gwau, “Inai taudia be dahaka do idia karaia totona idia mai vadaeni?”  
\p Lohiabada ia haere, ia gwau, “Idia mai be unai basileia 4, do idia hagaria, bona do idia hadikaia ore totona. Badina be unai basileia 4 ese guna Iuda idia hadikaia momokani, bona Iuda taudia idia lulua gabu idauidau dekenai dainai.”   
\c 2  
\s1 Tau ta mai ena lata tohoa varona  
\p
\v 1 Ma lau mata hanai lou, bona tau ta lau itaia, iena imana dekenai be lata tohoa varona ta.   
\p
\v 2 Lau ese unai tau lau nanadaia, lau gwau, “Oi be edeseni oi lao noho?”  
\p Ia haere, ia gwau, “Ierusalema ena lata bona ena lababa do lau tohoa totona lau lao inai.”   
\p
\v 3 Unai neganai lau danu ai herevahereva aneru tauna lau itaia, ia raka vaira, bona aneru ma ta be ia hedavari totona ia raka mai.  
\v 4 Ia gwau, “Do oi heau lao, unai eregabe tauna, lata tohoa auna ia dogoatao noho tauna do oi hamaoroa, Ierusalema be taunimanima bona ubua gaudia dekenai do ia honu momokani dainai, idia be magu do idia haginia diba lasi.  
\v 5 Lohiabada ese ia gwauhamata vadaeni ia sibona be lahi maguna hegeregerena do ia lao, do ia gimaia totona, bona ia be mai ena hairaina ibounai danu, unai hanua lalonai do ia noho.”   
\s1 Lohiabada ese hesiai mai guia danu Iuda taudia ia boiridia, edia gabu korikori dekenai do idia giroa lou  
\p
\v 6-7 Lohiabada ese iena bese taudia ia hamaoroa, ia gwau, “Guna lau ese umui lau lulua lao gabu idauidau dekenai. To hari, umui hesiai mai guia danu taudia e, Babulonia dekena amo do umui heau mauri, bona Ierusalema dekenai do umui giroa mai.  
\v 8 Badina be umui idia botaia taudia ese, lau Lohiabada lau ura henidia taudia idia botaia noho.”  
\p Unai dainai Siahu Ibounai Lohiabada ese lau ia siaia, iena bese taudia idia hadikaia taudia dekenai inai sisiba hereva do lau henidia totona, vadaeni Lohiabada ena hereva lau gwauraia inai:  
\v 9 “Bema umui ese egu bese taudia umui hadikaia neganai, lau Lohiabada sibona ese, umui do ia tuari henia, bona emui hesiai taudia gunadia ese umui emui kohu do idia kokia lao ore.”  
\p Inai kara do idia vara neganai, taunimanima do idia diba Siahu Ibounai Lohiabada ese lau ia siaia vadaeni.   
\p
\v 10 Lohiabada ia gwau, “Siona dekenai umui noho taudia e, mai moale bada danu ane do umui abia. Lau be umui emui huanai do lau noho totona lau mai noho inai!”   
\p
\v 11 Unai dina dekenai, bese idauidau momo be Lohiabada dekenai do idia mai, bona idia danu be iena bese taudia korikori do idia lao. Lohiabada be umui ibounai emui huana dekenai do ia noho, bona umui be do umui diba Siahu Ibounai Lohiabada ese lau ia siaia vadaeni umui dekenai.  
\v 12 Unai neganai Lohiabada ese Iuda be do ia abia, iena gabu korikori, iena tano helagana lalonai. Bona Ierusalema be ma do ia abia hidi lou, iena lalokau gabuna momokani.   
\p
\v 13 Taunimanima ibounai e, mai regena lasi, Lohiabada ena vairana dekenai do umui noho, badina ia be iena noho gabuna helagana dekena amo ia raka mai noho inai.   
\c 3  
\s1 Sekaraia ena mata hanai ma ta: Hahelagaia Tauna Badana  
\p
\v 1 Ma lau mata hanai lou, bona Lohiabada ese Hahelagaia Tauna Badana, Iosua, lau dekenai ia hedinaraia, inai bamona: Lohiabada ena aneru ena vairanai Iosua ia gini noho, lau itaia. Bona unuseni, Iosua ena badibadinai, be Satani danu ia gini. Ia ese Iosua ia samania henia gwauraia.  
\v 2 Vadaeni Lohiabada ese Satani ia hereva henia, ia gwau, “Satani e, lau Lohiabada ese harihari oi lau gwau henia inai, badina lau ese Ierusalema lau abia hidi, bona lau lalokau henia noho. Inai tau Iosua bona Ierusalema be lau bogahisihisi henidia noho, idia be audia, lahi dekena amo lau veria mauri gaudia bamona.”   
\p
\v 3 Unai tau Iosua be aneru ena vairanai ia gini, mai ena dabua mirodia momokani danu.  
\v 4 Aneru ese unuseni idia gini taudia ia hamaoroa, ia gwau, “Inai dabua mirodia be ia dekena amo do umui kokia.”  
\p Bona aneru ese Iosua ia hereva henia, ia gwau, “Kamonai, oiemu kara dika be oi dekena amo lau kokia vadaeni, dabua mai edia hairai danu be oi dekenai do lau atoa.”   
\p
\v 5 Unai neganai lau gwau, “Mani, Iosua ena kwarana dekenai kwara kumia gauna do umui atoa.” Vadaeni kwara kumia gauna goevagoevana be iena kwarana dekenai idia atoa, bona dabua goevadia danu ia dekenai idia atoa. Unai neganai Lohiabada ena aneru be unai gabu dekenai ia gini noho.   
\p
\v 6 Vadaeni Lohiabada ena aneru ese Iosua ia sisiba henia, ia gwau,  
\v 7 “Siahu Ibounai Lohiabada ese inai bamona ia hereva noho, ia gwau: Bema egu dala dekenai oi raka, bona egu oda hereva oi badinaia neganai, egu ruma, Dubu Helaga, do oi biagua, bona egu magudia ese idia hagegea gabudia ibounai do oi naria, unai neganai lau ese oiemu guriguri do lau kamonai, egu vairanai idia noho aneru edia guriguri lau kamonai noho hegeregerena.   
\p
\v 8 “Hahelagaia Tauna Badana, Iosua e, harihari egu hereva do oi kamonai, oi bona oiemu turana hahelagaia taudia, ese vaira neganai do idia vara gaudia namodia edia toa badana do umui lao, toa be inai: Lau ese egu hesiai tauna, iena ladana be Rigi, do lau mailaia.  
\v 9 Umui itaia, lau ese Iosua ena vairanai nadi ta lau atoa vadaeni, inai nadi be mai ena matana ibounai 7. Lau, Siahu Ibounai Lohiabada ese unai nadi latanai do lau torea, bona inai tano ena kara dika do lau kokia dina tamona lalonai.  
\v 10 Unai dina ia ginidae neganai, umui ta ta ibounai ese emui badibadinai noho taudia do umui boiria mai, emui vain audia bona fig audia edia henunai do umui helai hebou, mai maino danu. Lau Siahu Ibounai Lohiabada, lau hereva inai.”   
\c 4  
\s1 Golo lamepa ibounai 7, bona olive audia rua  
\p
\v 1 Vadaeni lau danu ai herevahereva aneru be ia mai, lau ia hanogaia, mahuta dekena amo bema lau noga bamona.  
\v 2 Vadaeni ia ese lau ia nanadaia, ia gwau, “Dahaka oi itaia noho?”  
\p Lau haere, lau gwau, “Lamepa dogoatao gauna ta, golo gauna, lau itaia noho. Ena ataiai be uro ta, olive ena oela atoa totona gauna. Unai uro dekena amo paipa 7 idia daekau lao, bona paipa ta ta edia duduna dekenai lamepa ta ia noho, lamepa ibounai 7.  
\v 3 Unai lamepa ena badibadinai be olive audia rua idia gini noho, ta be uro ena idiba kahanai bona ta be ena lauri kahanai.”   
\p
\v 4 Vadaeni lau ese aneru lau nanadaia, lau gwau, “Lohia e, inai gaudia edia anina be dahaka?”   
\p
\v 5 Aneru ia haere, ia gwau, “Inai gaudia edia anina oi diba lasi, a?”  
\p Lau haere, “Lohia e, lau diba lasi.”   
\s1 Dirava ese gavana tauna Serubabele dekenai ia gwauhamata  
\p
\v 6 Vadaeni aneru ese lau ia hamaoroa, ia gwau, “Inai be Lohiabada ena hereva Serubabele dekenai, Siahu Ibounai Lohiabada ia gwau: Goada dekena amo lasi, bona siahu dekena amo lasi, to egu Lauma dekena amo do oi kwalimu.  
\v 7 Oiemu gaukara koua gwauraia gaudia, hekwarahi bona hekwakwanai momo do idia vara, edia bada be ororo bamona, to idia be oiemu vairana dekenai do idia boio ore. Oi ese Dubu Helaga do oi haginia lou, bona gaukara do oi haorea totona nadina, be iena gabu dekenai oi atoa vadaeni neganai, taunimanima be do idia boiboi, do idia gwau, ‘Dirava ena hariharibada bona ena hanamoa be inai Dubu Helaga ena latanai do ia noho!’ ”   
\p
\v 8 Unai neganai Lohiabada ese lau dekenai ma ia hereva, ia gwau,  
\v 9 “Serubabele ese inai Dubu Helaga ena badina nadi ia atoa vadaeni, bona ia ese unai gaukara do ia haorea danu. Unai bamona ia vara neganai, egu bese taudia be do idia diba lau Siahu Ibounai Lohiabada ese idia dekenai oi lau siaia vadaeni.   
\p
\v 10 “Dubu haginia gaukara idia hamatamaia dina dekenai gaukara maragina sibona idia karaia dainai do umui badu henidia lasi. Badina idia ese Serubabele ena imana dekenai ena ginimaoro levolo idia itaia neganai, do idia moale bada noho.”  
\s1 Aneru ese Sekaraia dekenai lamepa bona olive audia rua edia anina ia hamaoroa  
\p Aneru ese lau dekenai ia gwau, “Unai lamepa 7 edia anina be Lohiabada ena matana, tanobada ena kahana ibounai dekenai idia itaia noho.”   
\p
\v 11 Bona aneru lau nanadaia lou, lau gwau, “Inai olive audia ruaosi, lamepa patana ena idiba kahanai bona lauri kahanai edia anina be dahaka?”   
\p
\v 12 Ma lau nanadaia lou, lau gwau, “Inai olive audia rigidia ruaosi, golo paipa ruaosi edia badibadinai noho gaudia, bona unai paipa dekena amo olive ena oela idia bubua noho. Inai danu edia anina be dahaka?”   
\p
\v 13 Aneru ia gwau, “Inai gaudia edia anina be oi diba lasi, a?”  
\p Lau gwau, “Lohia e, lau diba lasi.”   
\p
\v 14 Vadaeni ia gwau, “Inai be tau rua, Dirava ese idia ruaosi ia abia hidi vadaeni, bona olive ena dehoro dekenai ia hahelagadia vadaeni. Idia ese tanobada ena kahana ibounai ena Lohiabada ena hesiai gaukara do idia karaia.”   
\c 5  
\s1 Ia lokua vadaeni buka be ataiai ia roho lao noho  
\p
\v 1 Ma lau mata hanai lou, bona ia lokua vadaeni buka ta lau itaia, ia roho lao noho.  
\v 2 Aneru ese lau ia nanadaia, ia gwau, “Oi itaia gauna be dahaka?”  
\p Lau haere, lau gwau, “Lau itaia, ia lokua vadaeni buka be ataiai ia roho lao noho. Iena lata be 9 mita bona iena lababa be 4.5 mita.”   
\p
\v 3 Aneru ese ma lau ia hamaoroa, ia gwau, “Unai buka ena latanai be Dirava ese kara dika davana ia henia hereva idia torea, tanobada ena kahana ibounai totona. Unai buka ena kahana ta latanai ia gwau, henaoa taudia ibounai be tano dekena amo do idia lulua lao ore. Ma buka ena kahana ta latanai ia gwau, gwauhamata koikoi taudia ibounai danu be tano dekena amo do idia lulua lao ore.  
\v 4 Siahu Ibounai Lohiabada ese inai bamona ia hereva, ia gwau: Lau ese inai davana dika gauna do lau siaia lao, bona ia be henaoa taudia ta ta ibounai edia ruma lalonai do ia vareai, bona egu ladana dekenai idia gwauhamata koikoi taudia ibounai edia ruma lalonai danu. Ia be unai ruma edia lalonai do ia noho, bona ia ese idia do ia hadikaia ore momokani.”   
\s1 Bosea lalonai hahine ta ia helai  
\p
\v 5 Unai aneru be ma ia hedinaraia lou, ia gwau, “Oi itaia, gau ma ta ia mai noho inai!”   
\p
\v 6 Lau nanadaia, lau gwau, “Unai be dahaka?”  
\p Ia gwau, “Unai be bosea ta, bona iena anina be tanobada taudia ibounai edia kara dika.”   
\p
\v 7 Unai bosea ena koua gauna be auri metauna. Vadaeni lau itaia noho, imana ta ese unai koua gauna ia abia isi, bona bosea lalonai hahine ta ia helai noho!   
\p
\v 8 Aneru ia gwau, “Inai hahine be kara dika ena toana.” Vadaeni aneru ese hahine ia doria diho lou bosea lalonai, bona koua gauna ma ia atoa diho, bosea ia koua lou.   
\p
\v 9 Unai neganai egu matana be ataiai lau negea, hahine rua mai hanidia danu lau itaia, lau dekenai idia roho mai noho. Edia hanidia be boge manu badadia edia hanidia bamona. Vadaeni inai hahine ruaosi ese bosea idia abia isi, bona mai bosea danu, ataiai dekenai idia roho lao.   
\p
\v 10 Lau ese aneru lau nanadaia, lau gwau, “Unai bosea be edeseni idia abia lao noho?”   
\p
\v 11 Aneru ia haere, “Babulonia dekenai. Unuseni idia ese bosea totona dubu ta do idia haginia. Idia haginia ore neganai, bosea be dubu lalonai do idia atoa, do idia tomadiho henia totona.”   
\c 6  
\s1 Kariota 4  
\p
\v 1 Ma lau mata hanai lou. Bona kariota 4 lau itaia, idia be ororo rua edia huanai dekena amo idia heau mai noho. Inai ororo ruaosi be auri laboralabora gaudia.  
\v 2 Kariota ginigunana be hosi kakakakadia ese idia veria noho. Kariota iharuana be hosi koremadia ese idia veria noho.  
\v 3 Kariota ihatoina be hosi kurokurodia ese idia veria. Bona kariota namba 4 be hosi, korema sisina gaudia ese idia veria noho.  
\v 4 Lau ese aneru lau nanadaia, lau gwau, “Lohia e, unai kariota edia anina be dahaka?”   
\p
\v 5 Aneru ia haere, “Inai hosi be guba ena lauma 4, idia be harihari sibona tanobada ena kahana ibounai ena Lohiabada idia rakatania, bona ia dekena amo idia mai noho inai.   
\p
\v 6 “Hosi koremadia idia veria noho kariota be mirigini kahana do ia lao, Babulonia dekenai. Hosi kurokurodia idia veria noho gauna be dina ia diho kahana do ia lao. Unai korema sisina hosi ese idia veria kariota be diho kahana do ia lao, bona hosi kakakaka idia veria gauna be dina ia daekau kahana do ia lao.”   
\p
\v 7 Unai hosi mai edia kala idauidau ese idia ginidae neganai, idia ura bada karaharaga tanobada kahana ibounai dekenai do idia heau lao. Vadaeni aneru ia gwau, “Umui lao, tanobada ena kahana ibounai dekenai do umui lao.” Vadaeni tanobada gabu ibounai itaia totona idia heau lao.   
\p
\v 8 Unai neganai aneru ese lau ia boiboi henia, ia gwau, “Oi itaia, mirigini kahana, Babulonia dekenai idia heau noho hosi bona kariota, ese Lohiabada ena badu unai gabu dekenai idia hakerua vadaeni.”   
\s1 Tau ta ena ladana be Rigi  
\p
\v 9 Lohiabada ese inai hereva lau dekenai ia henia.  
\v 10 Ia gwau, “Unai Babulonia dekenai guna idia noho, unuseni hesiai mai guia danu idia noho taudia, Heledai, bona Tobaisa bona Iedaia dekena amo harihari gaudia do oi abia, bona maoromaoro Iosaia Sepanaia ena ruma dekenai do oi lao. Inai taudia ibounai ese Babulonia dekena amo idia giroa mai vadaeni.  
\v 11 Idia ese oi dekenai idia henia siliva bona golo dekena amo korona ta do oi karaia, bona Hahelagaia Tauna Badana, Iosua Iehosadaka, ena kwarana dekenai do oi atoa.   
\p
\v 12 “Iosua do oi hamaoroa, lau, Siahu Ibounai Lohiabada ese inai bamona lau gwau, ‘Tau ta, ena ladana be Rigi, harihari do oi itaia, badina ia be iena gabu dekenai do ia tubu, bona ia ese Lohiabada ena Dubu Helaga do ia haginia.  
\v 13 Ia ese Lohiabada ena Dubu Helaga do ia haginia, vadaeni taunimanima ese ia do idia matauraia, king bamona. Iena terona dekenai do ia helai, bona ia ese iena taunimanima do ia biagua. Bona iena terona ena badibadinai be hahelagaia tauna ta do ia gini, bona ruaosi edia laloa do idia tamona, mai edia maino danu.’  
\v 14 Unai korona be Lohiabada ena Dubu Helaga lalonai do ia noho, Heledai, Tobaisa, Iedaia bona Iosaia Sepanaia edia kara namo taunimanima ese do idia laloa lou totona.”   
\p
\v 15 Gabu daudau dekenai idia noho taudia be do idia mai, Lohiabada ena Dubu Helaga haginia gaukara do idia durua. Unai neganai umui be do umui diba, Siahu Ibounai Lohiabada ese lau ia siaia vadaeni umui dekenai. Inai bamona do ia vara bema Lohiabada emui Dirava umui kamonai henia namonamo neganai.   
\c 7  
\s1 Lohiabada ia ura kota maoromaoro bona bogahisihisi kara, to aniani lasi taravatu ia ura sisina sibona  
\p
\v 1 King Dariuse ena lohia lagani namba 4 lalonai, hua namba 9, hua ladana Kisileve ena dina namba 4 dekenai Lohiabada ese lau Sekaraia dekenai ma ia hereva.   
\p
\v 2 Unai neganai Betele taudia ese Saresere bona Regeme Meleka, mai edia taudia haida Siahu Ibounai Lohiabada ena Dubu Helaga dekenai idia siaia lao,  
\v 3 idia ese hahelagaia taudia bona peroveta taudia dekenai inai henanadai do idia nanadaia totona: “Dubu Helaga idia hadikaia dainai, ai ese hua namba 5 ibounai aniani ania lasi taravatu do ai karaia noho, mai taitai danu, lagani gunadia momo lalonai ai karaia vadaeni hegeregerena, o lasi?”   
\p
\v 4 Siahu Ibounai Lohiabada ese lau dekenai hereva ia henia gauna be inai:  
\v 5 Lohiabada ia gwau, “Inai tano taudia bona edia hahelagaia taudia danu do oi hamaoroa, do oi gwau, ‘Unai lagani 70 lalonai, hua namba 5 bona hua namba 7 lalonai umui taitai bona aniani lasi taravatu umui karaia neganai, unai be lau hanamoa totona umui karaia, a? Lasi momokani.  
\v 6 Bona umui aniani bona umui inuinu neganai, umui sibona hanamoa totona umui aniani bona inuinu, lau dekenai umui laloa lasi, ani?’ ”   
\p
\v 7 Nega gunadia lalonai, Lohiabada ese peroveta taudia edia ududia dekena amo sisiba ia henia, ia gwau unai bamona kara ese umui do ia hadikaia diba, ani? Unai be Ierusalema bona iena hanua maragidia, bona ena diho kahana, bona tano palaka gabudia dekenai be taunimanima momo idia noho mai maino danu neganai.   
\s1 Lohiabada kamonai henia lasi kara ena davana be dika  
\p
\v 8 Siahu Ibounai Lohiabada ese Sekaraia dekenai ma ia hereva, ia gwau,  
\v 9 “Lau ese guna egu bese taudia inai bamona lau oda henidia, lau gwau, ‘Kota maoromaoro do umui karaia, bona umui ta ta dekenai kara namo bona bogahisihisi do umui henia.  
\v 10 Vabu, bona tamana sinana lasi maragidia, idau bese taudia emui huanai idia noho taudia, bona ogogami taudia do umui hisihisi henidia lasi. Bona umui ta ese iena tadikakana hadikaia dalana do ia tahua lasi.’   
\p
\v 11 “To idia ura lasi unai oda idia kamonai, edia laloa idia koua egu oda dekenai.  
\v 12 Edia kudoudia idia ha-aukaia masemase, nadi bamona. Lau, Siahu Ibounai Lohiabada, egu Lauma ese peroveta taudia gunadia dekena amo ia siaia taravatu bona hereva gaudia idia kamonai lasi. Unai dainai lau, Siahu Ibounai Lohiabada be lau badu maragi lasi momokani.   
\p
\v 13 “Lau ese idia lau hereva henia neganai idia kamonai henia lasi hegeregerena, idia ese lau dekenai idia boiboi henia neganai, lau danu lau kamonai lasi. Lau, Siahu Ibounai Lohiabada ese lau hereva noho inai.  
\v 14 Unai dainai lai guba badana bamona, lau ese idia lau lulua lao gabu idauidau dekenai. Idia diba lasi besedia ibounai edia huana dekenai lau atodia. Unai dainai, idia rakatania tano be anina lasi gabuna ia lao, tau ta unuseni ia raka lao, o raka mai diba lasi. Unai dala dekenai idia ese edia tano namona idia hadikaia.”   
\c 8  
\s1 Lohiabada ese Ierusalema do ia haginia lou  
\p
\v 1 Siahu Ibounai Lohiabada ese lau Sekaraia dekenai ia hereva lou, ia gwau,  
\v 2 “Siona do lau durua totona egu lalona ia hekwarahi bada noho, badina be Ierusalema lau lalokau henia bada noho. Inai lalokau ia goada dainai, lau ese Siona idia hadikaia gwauraia taudia lau badu henidia noho.”   
\p
\v 3 Lohiabada ese inai bamona ia hereva, ia gwau, “Siona dekenai do lau giroa lou, Ierusalema, egu hanua helagana, ena huana dekenai do lau noho. Unai neganai Ierusalema ena ladana do idia atoa, Abidadama Ena Hanua, bona Siahu Ibounai Lohiabada ena ororo, be do idia gwauraia, Ororo Helagana.”   
\p
\v 4 Siahu Ibounai Lohiabada ma ia gwau, “Tau burukadia bona hahine burukadia be Ierusalema hanua ariara lalonai ma do idia helai, idia ta ta mai edia raka audia, idia buruka herea vadaeni dainai.  
\v 5 Bona unai hanua ariara be memero bona kekeni ese do idia hahonua, ariara edia lalonai do idia gadara.”   
\p
\v 6 Siahu Ibounai Lohiabada ia gwau, “Sedira umui momo lasi, do mauri noho taudia be umui gwau, ‘Inai bamona kara be ia vara diba lasi,’ to lau be lau diba inai kara be momokani do ia vara.  
\v 7 Lau ese unuseni idia noho tano idauidau dekena amo egu bese taudia do lau hamauria lou.  
\v 8 Dina daekau kahana, bona dina diho kahana dekena amo idia do lau mailaia lou, Ierusalema dekenai do idia noho. Idia be egu bese taudia do idia lao, bona lau be edia Dirava do lau lao. Idia do lau biagua, mai laloa maoromaoro bona kara momokani danu.”   
\s1 Dirava ena bese taudia be hanamoa toana do idia lao  
\p
\v 9 Siahu Ibounai Lohiabada ia gwau, “Do umui laloa goada bona gini goada noho. Inai egu Dubu ena badina nadi umui atoa neganai peroveta taudia edia hagoadaia hereva, be do umui laloa noho, bona do umui gaukara namonamo, egu Dubu haorea totona.   
\p
\v 10 “Dubu Helaga do umui haginia hamatamaia lasi neganai, emui taunimanima edia gaukara be davana lasi, bona boromakau tau edia gaukara danu be davana lasi. Tau ta be ruma dekena amo ia raka lao, o raka mai diba lasi, taunimanima hadikaia taudia idia noho dainai. Badina be lau ese emui lalodia lau hadikaia, vadaeni taunimanima ta ta ibounai ese edia badibadinai tauna hadikaia dalana idia tahua noho.  
\v 11 To harihari lau ese inai bese lalonai do mauri noho taudia dekenai kara idauna do lau karaia, guna lau karaia bamona lasi. Lau, Siahu Ibounai Lohiabada lau hereva noho inai.   
\p
\v 12 “Emui uhe be do idia tubu namo herea, emui vain ese huahua momo do idia atoa, emui tano ese uiti anina momo do ia havaraia, bona guba dekena amo medu namo herea do ia diho. Inai gau namodia ibounai be inai egu bese, do mauri noho taudia dekenai do lau henia.  
\v 13 Iuda taudia bona Israela taudia e, guna umui be bese idauidau edia huanai, umui be dika havaraia gauna bamona, to lau ese umui do lau hamauria, vadaeni umui be namo havaraia gauna do umui lao. Unai dainai do umui goada, bona do umui gari lasi.”   
\p
\v 14 Siahu Ibounai Lohiabada ia gwau, “Nega gunadia lalonai emui sene taudia ese lau idia habadua neganai, lau ese idia do lau hadikaia dalana lau palania, bona egu laloa lau giroa lasi, lau karaia momokani.  
\v 15 Unai bamona danu, harihari lau ese Ierusalema bona Iuda taudia do lau hanamoa dalana do lau palania noho, bona egu laloa do lau giroa lasi. Unai dainai do umui gari lasi.   
\p
\v 16 “Inai karadia do umui karaia: Umui ta ta dekenai hereva momokani sibona do umui gwauraia, bona emui kota lalonai kota maoromaoro, bona mai momokani danu do umui karaia. Unai bamona kota dekena amo, maino do umui havaraia.  
\v 17 Umui ta ta ese emui badibadinai noho taudia do umui hadikaia dalana do umui tahua lasi, bona Lohiabada ena ladana dekenai hereva koikoi do umui gwauraia lasi. Lau Lohiabada ese unai kara ibounai dekenai lau badu henia noho momokani.”   
\p
\v 18 Siahu Ibounai Lohiabada ese inai hereva Sekaraia dekenai ia henia:  
\v 19 “Unai aniani ania lasi taravatu naria karadia, hua namba 4, hua namba 5, hua namba 7, bona hua namba 10 lalonai umui karaia noho gaudia, be Iuda taudia edia moale aria negadia do umui halaoa. Unai dainai, hereva momokani bona maino do umui ura henia.”   
\s1 Siahu Ibounai Lohiabada Ierusalema dekenai  
\p
\v 20 Siahu Ibounai Lohiabada ese ia hereva inai, ia gwau: “Nega ia mai noho, taunimanima be hanua badadia momo dekena amo Ierusalema dekenai do idia mai.  
\v 21 Vadaeni hanua ta taudia ese ma hanua ta taudia dekenai do idia lao, do idia gwau, ‘Ai ese Siahu Ibounai Lohiabada do ai tomadiho henia totona do ai lao, bona do ai noia, ia ese ai do ia hanamoa. Ai danu do umui mai, do ita lao hebou!’  
\v 22 Bese momo, bona basileia mai goadadia taudia do idia mai Ierusalema dekenai. Idia ese Siahu Ibounai Lohiabada do idia tahua, bona Lohiabada do idia noia, ia ese idia do ia hanamoa.”   
\p
\v 23 Ma Siahu Ibounai Lohiabada ia gwau, “Unai dinadia lalonai tau ibounai 10, gado idauidau ibounai besedia dekena amo, ese Iuda tauna ta dekenai do idia mai, iena dabua do idia dogoatao, do idia noia, do idia gwau, ‘Mani emu kara, oi danu do ita lao, badina be ai be ai kamonai vadaeni, Dirava be oi dekenai ia noho.’ ”   
\c 9  
\s1 Lohiabada ese Israela idia hadikaia gwauraia besedia do ia hadikaia  
\p
\v 1 Lohiabada ena hereva be inai:  
\q1 Lohiabada ia gwau Haderaka tano,  
\q1 bona Damaseko hanua edia dika davana do ia henia,  
\q1 badina be Israela ena iduhu ibounai sibona lasi,  
\q1 to Suria ena hanua ibounai danu be Lohiabada ena.   
\q1
\v 2 Hamata danu, Haderaka ena hetoana dekenai ia noho,  
\q1 be Lohiabada ena.  
\q1 Turo bona Sidono mai edia aonega taudia danu be iena.   
\q1
\v 3 Turo ese magu aukana ta ia haginia vadaeni.  
\q1 Turo ese danu siliva ia haboua vadaeni,  
\q1 tano ena kahu bamona,  
\q1 bona golo danu,  
\q1 ariara ena momoru bamona.   
\q1
\v 4 To Lohiabada ese,  
\q1 Turo ena gau ibounai do ia kokia,  
\q1 bona ena kohu be davara dekenai do ia negea ore.  
\q1 Unai neganai lahi ese Turo hanua do ia gabua ore.   
\q1
\v 5 Asakelona hanua taudia ese unai kara do idia itaia,  
\q1 bona do idia gari.  
\q1 Gasa hanua taudia danu do idia itaia,  
\q1 bona hisihisi bada do idia abia.  
\q1 Ekarona hanua taudia danu ese,  
\q1 Turo hadikaia kara do idia itaia,  
\q1 bona guna Turo ena goada dekenai idia abidadama henia kara,  
\q1 be do ia doko momokani.  
\q1 Gasa hanua ena king be do ia boio,  
\q1 bona Asakelona hanua dekenai,  
\q1 taunimanima ta do ia noho lasi.   
\q1
\v 6 Pilistia bese lasi taudia,  
\q1 be Asadoda hanua lalonai do idia noho.  
\q1 Lohiabada ia gwau,  
\q1 “Inai Pilistia taudia ibounai edia hekokoroku do lau hadokoa.   
\q1
\v 7 Idia ese vamu mai ena rara danu do idia ania lou lasi,  
\q1 bona lau taravatua vadaeni aniani do idia ania lasi.  
\q1 Unai dika dekena amo do mauri noho Pilistia taudia,  
\q1 be lau Lohiabada ese,  
\q1 egu bese taudia edia kahana ta,  
\q1 idia do lau halaoa.  
\q1 Idia be Iuda ena iduhu ta hegeregerena do lau halaoa.  
\q1 Bona Ekarona hanua taudia,  
\q1 be egu bese taudia edia huanai do idia noho,  
\q1 gunaguna Iebusu taudia idia karaia hegeregerena.   
\q1
\v 8 Bona egu ruma, Dubu Helaga,  
\q1 do lau naria bona gimaia,  
\q1 vadaeni tuari taudia do lau koua,  
\q1 idia ese egu tano dekenai do idia raka vareai lasi,  
\q1 bona egu tano dekenai do idia kamepa lou lasi.  
\q1 Dagedage taudia be iniseni do idia mai lou lasi.  
\q1 Idia ese egu bese taudia do idia hisihisi henia lou lasi,  
\q1 badina be harihari lau sibona egu matana dekena amo,  
\q1 idia lau itaia noho.”   
\s1 King ta dohore ia mai  
\q1
\v 9 Umui Ierusalema dekenai noho taudia e,  
\q1 do umui moale, mai boiboi danu do umui moale.  
\q1 Umui itaia, emui King be umui dekenai ia mai noho.  
\q1 Ia be mai ena hamauria kara danu.  
\q1 Ia ese ia dekenai idia tuari henia taudia ia halusia momokani.  
\q1 To ia be mai manau danu,  
\q1 bona doniki dekenai ia guia.  
\q1 Doniki ena natuna ena latanai ia guia lao.   
\q1
\v 10 Lohiabada ia gwau,  
\q1 “Lau ese tuari kariota Israela dekena amo do lau kokia,  
\q1 bona hosi be Ierusalema dekena amo do lau abia lao.  
\q1 Tuari totona idia gaukaralaia peva do lau hamakohia.  
\q1 Oiemu King ese bese idauidau edia huanai maino do ia karaia,  
\q1 bona ia ese tanobada kahana ibounai taudia do ia gunalaia,  
\q1 kone ta dekena amo ela bona kone ta,  
\q1 bona Euperate Sinavai dekena amo,  
\q1 ela bona tanobada dokona momokani.”   
\s1 Dirava ese iena bese taudia do ia haginia lou  
\q1
\v 11 Lohiabada ia gwau,  
\q1 “Lauegu gwauhamata taravatuna umui emui Iuda sene taudia danu,  
\q1 be boubou ena rarana ese ia hamomokania.  
\q1 Inai rarana dainai,  
\q1 lau ese emui bese edia hesiai mai guia danu dekena amo do lau ruhaia.  
\q1 Edia hesiai mai guia be dika herea,  
\q1 ranu ia noho lasi guri dobuna lalonai idia noho bamona,  
\q1 to lau ese unai guia dekena amo idia do lau kokia.   
\q1
\v 12 Umui guia taudia e,  
\q1 hari umui diba momokani Dirava ese umui do ia durua.  
\q1 Unai dainai emui noho gabuna namona dekenai do umui giroa lou.  
\q1 Umui ese hisihisi bada umui abia vadaeni,  
\q1 to hari, lau ese umui dekenai namo do lau henia.  
\q1 Inai namo ena bada ese,  
\q1 emui hisihisi ena bada do ia hanaia nega rua.   
\q1
\v 13 Lau ese Iuda taudia do lau gaukaralaia,  
\q1 tuari tauna ena peva bamona,  
\q1 bona lau ese Israela taudia do lau gaukaralaia,  
\q1 tuari dibadia bamona.  
\q1 Lau ese Siona taudia do lau gaukaralaia tuari kaia bamona,  
\q1 Helene taudia do lau tuari henia totona.”   
\s1 Lohiabada ese iena siahu do ia hedinaraia  
\q1
\v 14 Lohiabada be iena bese taudia edia ataiai dekenai do ia hedinarai.  
\q1 Iena diba do ia pidia, kevaru bamona.  
\q1 Lohiabada Dirava ese kibi do ia hiriria.  
\q1 Ia ese diho kahana dekena amo,  
\q1 medu bada lalonai do ia raka mai.   
\q1
\v 15 Siahu Ibounai Lohiabada ese iena bese taudia do ia naria,  
\q1 bona idia ese, idia dekenai tuari henia taudia do idia hadikaia ore.  
\q1 Idia ese tuari lalonai, kekero taudia bamona do idia boiboi,  
\q1 bona idia ese idia dekenai tuari henia taudia,  
\q1 be do idia alaia momokani,  
\q1 ela bona edia rarana ia bubua kava momo,  
\q1 boubou ena rarana dekenai uro idia hahonua,  
\q1 bona unai rara be boubou patana dekenai idia bubua momo bamona.   
\b  
\q1
\v 16 Unai dina do ia ginidae neganai,  
\q1 Lohiabada ese iena bese taudia do ia hamauria,  
\q1 mamoe naria tauna ese,  
\q1 iena mamoe be dika dekena amo ia hamauria bamona.  
\q1 Bona iena bese taudia be Lohiabada ena tano dekenai,  
\q1 unuseni do idia noho namo herea,  
\q1 hegeregere king ena kwara gauna dekenai idia noho nadi namodia bamona,  
\q1 davana bada herea nadidia.   
\q1
\v 17 Inai tano be do ia namo momokani,  
\q1 bona mai ena toana namona!  
\q1 Uiti namona be uhau taudia ese do idia ania,  
\q1 bona goada do idia davaria.  
\q1 Ma uaina matamata ese kekeni taudia do ia hagoadaia.   
\c 10  
\s1 Dirava ese ia gwauhamata iena bese taudia do ia hamauria  
\p
\v 1 Uma ena anina ia tubu gwauraia neganai, Lohiabada do umui noia, ia ese medu do ia siaia. Vadaeni Lohiabada ese ori koremana do ia siaia, bona medu do ia hadihoa, vadaeni uma anina gaudia be taunimanima totona do idia vara.  
\v 2 Taunimanima be dirava koikoi edia durua totona idia noinoi, idia ese meamea taudia danu idia henanadaia noho. To edia haere be koikoi bona kavakava sibona. Tau haida ese nihi edia anina idia gwauraia noho, to idia ese taunimanima idia hakaua kerere, edia hagoadaia hereva be anina lasi.  
\p Unai dainai taunimanima be idia boio, mamoe bamona idia loaloa kava noho. Bona kerere momo idia davaria, badina edia gunalaia tauna be lasi dainai.   
\p
\v 3 Lohiabada ia gwau, “Unai idau bese taudia, idia ese lauegu bese idia gunalaia noho, be lau badu henidia noho, bona lau ese do lau panisidia. Iuda taudia be egu bese, bona lau, Lohiabada Dirava ese idia do lau naria. Idia be lauegu tuari hosi mai siahudia do idia lao.  
\v 4 Iuda taudia edia huanai dekena amo, ruma ena kona nadi badana do ia mai. Iuda bese dekena amo lohia taudia, tuari biagudia, bona gunalaia taudia ibounai do idia mai.  
\v 5 Iuda taudia be do idia kwalimu. Idia be hegeregere tuari taudia ese idia dekenai idia tuari henia taudia, be kopukopu lalonai idia moia diho bamona. Do idia tuari, badina Lohiabada be idia dekenai ia noho. Idia ese hosi guia tuari taudia danu do idia halusia.”   
\b  
\q1
\v 6 Ma Lohiabada ia gwau,  
\q1 “Lau ese Iuda taudia do lau hagoadaia.  
\q1 Lau ese Israela taudia do lau hamauria.  
\q1 Lau ese idia do lau bogahisihisi henia,  
\q1 bona edia tano korikori dekenai do lau mailaidia lou.  
\q1 Idia do lau hanamoa,  
\q1 bona lau do negedia lasi bamona,  
\q1 be do idia noho lou.  
\q1 Lau be Lohiabada, edia Dirava,  
\q1 lau ese edia guriguri do lau kamonai.   
\q1
\v 7 Israela taudia be tuari taudia goadadia bamona do idia lao,  
\q1 bona idia be do idia moale,  
\q1 uaina idia inua tatau bamona.  
\q1 Idia edia tubuna taudia ese,  
\q1 edia kwalimu do idia laloaboio lasi.  
\q1 Lohiabada ese ia karaia vadaeni gaudia dainai do idia moale.   
\b  
\q1
\v 8 “Lau ese egu bese taudia do lau boiria, do lau haboua mai.  
\q1 Lau ese idia do lau hamauria,  
\q1 bona idia do lau durua,  
\q1 bese badana ma do idia lao,  
\q1 gunaguna idia noho hegeregere.   
\q1
\v 9 Momokani bese idauidau taudia edia huanai,  
\q1 egu bese taudia lau luludia lao vadaeni,  
\q1 to unai daudau gabudia lalonai,  
\q1 idia ese lau dekenai do idia laloa lou.  
\q1 Idia, bona edia natudia be do idia mauri,  
\q1 bona edia gabu korikori dekenai do idia giroa mai hebou.   
\q1
\v 10 Aigupito bona Asuria dekena amo,  
\q1 lau ese idia do lau hakaua mai lou,  
\q1 bona edia tano korikori dekenai,  
\q1 lau ese idia do lau atoa, idia noho.  
\q1 Gileada bona Lebanona dekenai danu,  
\q1 lau ese do lau atodia, idia noho.  
\q1 Edia tano ibounai be taunimanima dekenai do ia honu momokani.   
\q1
\v 11 Lau hakaudia mai neganai,  
\q1 bema Aigupito bona Asuria ese,  
\q1 davara ena hurehure bada bamona,  
\q1 egu bese edia dala idia koua gwauraia,  
\q1 lau ese hurehure do lau botaia.  
\q1 Vadaeni Aigupito ena goada do ia ore,  
\q1 Naila Sinavai ena ranu be ia kaukau neganai bamona.  
\q1 Asuria ena hekokoroku danu do lau atoa diho,   
\q1
\v 12 Lau ese egu bese taudia do lau hagoadaia.  
\q1 Idia ese lau do idia tomadiho henia,  
\q1 bona lau do idia kamonai henia.  
\q1 Lau Lohiabada, lau hereva inai.”   
\c 11  
\s1 King taudia be do idia moru  
\q1
\v 1 Lebanona e,  
\q1 oiemu iduara do oi kehoa,  
\q1 vadaeni lahi ese oiemu sida audia do ia gabua diba.   
\q1
\v 2 Saipresi audia e, do umui tai bada!  
\q1 Sida audia idia moru vadaeni.  
\q1 Unai au namodia, mai hairaidia bada,  
\q1 be idia hadikaia vadaeni.  
\q1 Basana dekenai umui noho ouki audia e, do umui tai bada!  
\q1 Idia ese uda badana idia utua diho vadaeni!   
\q1
\v 3 King taudia ibounai be mai lalohisihisi danu idia boiboi noho.  
\q1 Edia ladana badana be idia ore vadaeni!  
\q1 Kamonai!  
\q1 Laiona idia boiboi noho inai,  
\q1 badina edia noho gabuna,  
\q1 Ioridane ena uda badana,  
\q1 ese dika ia davaria vadaeni.   
\s1 Parabole: Mamoe naria taudia rua  
\p
\v 4 Lohiabada, egu Dirava, ese lau Sekaraia ia hamaoroa, ia gwau, “Alaia totona idia abia hegaegae noho mamoe, edia naria gaukara do oi karaia, bona inai mamoe do oi naria.  
\v 5 Inai mamoe edia biaguna taudia ese mamoe idia alaia noho, bona lau ese lau panisidia lasi. Idia ese mamoe edia vamu idia hoia lao, bona idia gwau, ‘Ita be mai iseda moni momo, Lohiabada do ita hanamoa!’ Ma mamoe naria taudia danu ese edia mamoe idia bogahisihisi henidia lasi.”   
\p
\v 6 Ma Lohiabada ia gwau, “Lau ese tanobada dekenai noho taudia do lau bogahisihisi henia lou lasi. Lau ese taunimanima ibounai be edia lohia taudia edia siahu henunai do lau atodia. Inai lohia taudia ese inai tanobada, bona ena taudia do idia hadikaia ore, mamoe edia biagudia ese mamoe idia alaia ore bamona. Bona inai lohia taudia edia siahu dekena amo lau ese tanobada taudia do lau hamauria lasi.”   
\p
\v 7 Vadaeni lau ese mamoe naria gaukara lau abia, bona lau ese idia hisihisi noho mamoe, do idia alaia totona gaudia lau naria. Lau ese au maragidia rua lau abia. Au ta ena ladana lau atoa, “Bogahisihisi,” bona ma ta ena ladana lau atoa, “Haboua Tamona.” Bona mamoe ibounai lau ubua bona naria.  
\v 8 To mamoe naria taudia toi ese lau dekenai idia badu henia, vadaeni hua tamona lalonai lau aladia mase, edia kara dekenai lau hesiku dainai.   
\p
\v 9 Vadaeni mamoe dekenai lau hereva, lau gwau, “Lau ese umui do lau naria lou lasi. Mamoe, do idia mase gaudia, be do idia mase namo. Mamoe, haida ese do idia hadikaia ore gaudia, be do idia hadikaia ore namo. Idia do mase lasi gaudia be sibodia ta ta dekenai do idia heatu noho, bona idia alaia gaudia edia hidiona do idia ania noho.”   
\p
\v 10 Vadaeni lauegu au maragina ladana “Bogahisihisi” lau abia, lau makohia. Unai dekena amo egu gwauhamata, bese ibounai dekenai lau henia gwauhamata, be lau utua.  
\v 11 Unai dainai, unai dina dekenai, gwauhamata be ia utua vadaeni. Mamoe orea, ogogami bona hisihisi gaudia, bona mamoe idia hoia taudia ese lau idia itaia noho, bona idia diba momokani, lauegu kara dekena amo, Lohiabada ese hadibaia hereva ia gwauraia noho.   
\p
\v 12 Vadaeni idia dekenai lau hamaoroa, lau gwau, “Bema umui ura neganai, lauegu gaukara davana lau dekenai do umui henia. Bema lasi neganai, moni do umui dogoatao.” Idia ese egu gaukara davana, siliva moni 30 lau dekenai idia henia.   
\p
\v 13 Lohiabada ese lau ia hamaoroa, ia gwau, “Inai moni be uro karaia tauna dekenai do oi henia.” Vadaeni inai moni be Dubu Helaga dekenai lau abia lao, uro karaia tauna dekenai lau henia. To unai siliva 30 sibona be hegeregere lasi egu gaukara davana totona!   
\p
\v 14 Vadaeni au maragina iharuana ladana “Haboua Tamona” lau makohia, bona unai neganai Iuda bona Israela edia haboua tamona be lau ese lau utua.   
\p
\v 15 Lohiabada ma lau dekenai ia hereva, ia gwau, “Oi ese mamoe naria tauna gaukara bamona ma do oi karaia lou, to inai neganai mamoe naria tauna momokani lasi do oi lao.  
\v 16 Badina be, lau ese egu mamoe edia naria tauna ta lau atoa vadaeni, to ia ese mamoe ia durua lasi. Idia be kahirakahira dika idia davaria neganai, ia ese idia ia durua lasi, o idia boio neganai ia tahudia lasi, o bero idia abia neganai ia hanamodia lasi, o do idia mauri noho gaudia ia ubua lasi. Lasi momokani. Ia ese mamoe, mai digara gaudia ia ania, bona ia ese edia aena kahaudia ia kokia.   
\p
\v 17 “Inai bamona mamoe naria tauna ese dika momokani do ia davaria! Ia ese iena mamoe orea ia rakatania vadaeni. Iena siahu ibounai be tuari ese do ia hadikaia ore momokani. Iena imana be do ia mase momokani, bona iena matana idibana be do ia kepulu.”   
\c 12  
\s1 Dirava ese nega gabeai Ierusalema do ia hamauria  
\p
\v 1 Inai be Lohiabada ena hereva, Israela totona. Lohiabada ese guba bona tanobada ia karaia, bona taunimanima dekenai mauri ia henia. Lohiabada ia gwau:  
\v 2 “Lau ese Ierusalema hanua, be uaina ena kapusi bamona do lau halaoa. Bona Israela idia hagegea tanodia ese do idia inua, bona do idia raka kerere kerere, inua kekero taudia bamona. Unai tanodia taudia ese tuari dekenai Ierusalema do idia koua hagegea neganai, idia ese Iuda ena hanua ibounai do idia koua hagegea danu.   
\p
\v 3 “To unai neganai lau ese Ierusalema be nadi metauna bamona do lau halaoa. Bona bema bese ta ese Ierusalema ia kokia gwauraia neganai, unai bese ese hisihisi bona dika do ia davaria. Tanobada ena bese ibounai do idia haboua tamona, Ierusalema do idia tuari henia.  
\v 4 Unai neganai lau ese edia hosi ibounai do lau hagaria, bona hosi guia taudia do lau hakavakavadia. Lau ese Iuda taudia do lau naria namonamo, to idia dekenai tuari henia taudia edia hosi edia matana do lau hadikaia.  
\v 5 Unai neganai Iuda taudia be idia sibodia dekenai do idia gwau: ‘Lohiabada, Siahu Ibounai ena Dirava ese iena bese, Ierusalema dekenai idia noho taudia, ia hagoadaia noho.’   
\p
\v 6 “Unai neganai lau Lohiabada ese Iuda bese taudia lahi bamona do lau halaoa, idia be uda ia gabua, o kurukuru kaukau ia gabua lahi bamona. Bona inai Iuda taudia ese unai Iuda tano idia hagegea bese taudia do idia hadikaia ore. Unai kara dainai, Ierusalema noho taudia be hanua lalonai do idia noho namonamo, mai maino danu.   
\p
\v 7 “Lau, Lohiabada, ese Iuda taudia dekenai kwalimu do lau henia guna. Unai dekena amo Davida ena tubuna taudia bona Ierusalema taudia ese idia abia mataurai, be Iuda taudia ese idia abia mataurai do ia hanaia lasi.  
\v 8 Unai nega lalonai, lau Lohiabada ese Ierusalema noho taudia do lau naria, bona edia goada lasi taudia danu, be goada do idia abia, Davida ena goada hegeregerena. Bona Davida ena tubuna taudia ese Ierusalema taudia do idia gunalaia, Lohiabada ena aneru bamona, oibe, Dirava sibona ese idia ia gunalaia bamona.  
\v 9 Unai neganai danu, Ierusalema idia tuari henia gwauraia bese taudia ibounai do lau hadikaia ore.   
\p
\v 10 “Davida ena tubuna taudia, bona Ierusalema taudia ibounai danu do lau hanamoa. Vadaeni idia ese bogahisihisi ena lauma bona guriguri ena lauma dekenai do idia honu. Vadaeni lau, idia ese idia gwadaia mase tauna do idia itaia, bona idia be ia dainai do idia tai, tau ta, iena natuna tamona sibona ia mase neganai ia tai bamona. Oibe, do idia tai dikadika, idia ese edia vara guna natuna ia mase neganai bamona.  
\v 11 Unai neganai Ierusalema taudia edia taitai be bada herea, edia taitai Hadada Rimono totona, Megido ena tano palaka dekenai bamona.   
\p
\v 12 “Iuda tano taudia edia famili ta ta ibounai be sibona mai lalohisihisi danu do idia tai. Hahine taudia be sibodia do idia tai, tatau danu be sibodia do idia tai. Idia tai famili be inai: Davida ena tubuna taudia, mai edia hahine taudia. Natana ena tubuna taudia, mai edia hahine taudia.  
\v 13 Levi ena tubuna taudia, mai edia hahine taudia. Simei ena tubuna taudia, mai edia hahine taudia.  
\v 14 Bona Iuda ena famili ta ta ibounai danu, mai edia hahine taudia, idia ta ta ibounai do idia taitai karaia.”   
\c 13  
\p
\v 1 Siahu Ibounai Lohiabada ma ia gwau, “Unai neganai danu, lau ese ranu guri ta do lau kehoa. Inai ranu be Davida ena tubuna taudia bona Ierusalema noho taudia edia kara dika bona edia dirava koikoi tomadiho kara do ia hagoevaia totona.”   
\p
\v 2 Siahu Ibounai Lohiabada ma ia gwau, “Unai dina dekenai lau ese dirava koikoi edia ladana ibounai inai tano dekena amo do lau kokia. Bona tau ta ese edia ladana do ia laloa lou lasi. Bona peroveta koikoi taudia danu be inai tano dekena amo do lau kokia. Taunimanima idia ura henia dirava koikoi dekenai, inai kara danu do lau hadokoa.  
\v 3 Bona bema tau ta ese ia peroveta koikoi noho neganai, iena tamana bona sinana ese ia dekenai do idia gwau, ‘Oi be do oi mase, badina be Lohiabada ena ladana dekenai hereva koikoi oi gwauraia dainai.’ Bona bema ia ese peroveta hereva ma ia gwauraia neganai, iena tamana bona sinana ese kaia dekena amo do idia gwadaia mase.   
\p
\v 4 “Unai nega dekenai danu peroveta taudia ibounai ese edia mata hanai karadia totona do idia hekokoroku lasi. Bona idia ese peroveta taudia edia dabua aukana do idia karaia lasi, taunimanima do idia koia totona.  
\v 5 To idia ese inai bamona do idia hereva, do idia gwau, ‘Lau be peroveta tauna lasi, to lau be biru tauna. Lau ese egu mauri dinadia ibounai lalonai tano lau birulaia vadaeni.’   
\p
\v 6 “Bona bema tau ta ese unai tau ia nanadaia, ia gwau, ‘Unai bero oiemu kemena dekenai be dahaka?’ Vadaeni unai tau ese inai bamona do ia haere, ‘Inai bero be lauegu turana ena ruma dekenai lau davaria.’ ”   
\s1 Dirava ese oda ia gwauraia, iena mamoe naria tauna do idia alaia mase  
\p
\v 7 Siahu Ibounai Lohiabada ia gwau, “Tuari kaia e, oi noga, bona mamoe naria tauna, lau totona ia gaukara noho tauna, do oi tuari henia. Do oi alaia mase, vadaeni mamoe be gabu idauidau do idia heau boio. Lau ese egu bese taudia do lau heatu henia.  
\v 8 Inai tano ena taunimanima do lau haria kahana toi, bona edia huanai dekena amo, kahana rua do idia mase.  
\v 9 Bona unai kahana tamona, idia do noho taudia, be lau ese do lau tohoa. Lau ese idia dekenai lahi do lau atoa, idia do lau hagoevaia, siliva be lahi dekenai idia hagoevaia bamona. Ma lau ese lahi dekenai idia do lau tohoa, golo idia tohoa bamona. Unai neganai idia ese lau dekenai do idia guriguri henia, bona lau ese edia guriguri do lau kamonai. Lau ese idia do lau hamaoroa, do lau gwau, ‘Umui be lauegu bese taudia,’ bona idia be do idia gwau, ‘Oi, Lohiabada, be aiemai Dirava.’ ”   
\c 14  
\s1 Lohiabada ese Ierusalema durua totona idau bese taudia do ia tuari henia  
\p
\v 1 Lohiabada ese kara ta do ia karaia ena dina be ia mai noho. Unai neganai idau bese taudia ese Ierusalema do idia tuari henia, bona kohu momo do idia abia. Unai kohu be emui vairana dekenai do idia haria karaia.  
\v 2 Lohiabada ese bese idauidau taudia ibounai do ia haboua, bona idia ese Ierusalema do idia tuari henia. Idia ese Ierusalema do idia abia, ruma edia kohu do idia dadia, bona hahine do idia sihari henia, bona hadikaia. Hanua taudia kahana be do idia guia, do idia abia lao, idau tano dekenai hesiai gaukara do idia karaia. To hanua dekenai do noho taudia kahana be hanua dekena amo do idia siaia lao lasi.   
\p
\v 3 Unai neganai Lohiabada be do ia toreisi, unai bese idauidau taudia do ia tuari henia, guna neganai ia tuari bamona.  
\v 4 Inai neganai, Lohiabada be Olive Ororo ena latanai do ia gini, Ierusalema ena dina daekau kahanai. Unai neganai Olive Ororo be do ia parara, kahana kahana do ia lao, dina daekau kahana ela bona dina diho kahana. Inai parara gabuna dekenai koura badana do ia vara. Ororo ena kahana ta be mirigini kahana do ia marere lao, bona ororo ena kahana ta be diho kahana do ia marere lao.   
\p
\v 5 Inai parara gabuna, unai ororo ena kahana rua edia huanai ia noho koura, dekena amo do umui heau mauri. Umui be do umui heau, tano mareremarere neganai emui sene taudia idia heau bamona, king Usaia ese Iuda ia gunalaia neganai. Vadaeni Lohiabada, lauegu Dirava be do ia mai. Iena aneru helagadia ibounai be ia danu do idia mai.   
\p
\v 6 Unai dina ia ginidae neganai, keru bona aisi, hanuaboi ia moru gauna, be do ia vara lou lasi.  
\v 7 Dibura danu be do ia vara lasi. Diari be do ia noho nega ibounai, hanuaboi neganai danu. Inai bamona kara do ia vara negana be Lohiabada sibona ia diba.   
\p
\v 8 Bona unai dina ia ginidae neganai, ranu namona be Ierusalema dekena amo do ia bubua lao, kahana be Mase Davara dekenai do ia heau diho lao, ma kahana be Davara Badana dekenai do ia heau diho lao. Inai ranu ruaosi be do idia heau noho hanaihanai, medu neganai, bona medu lasi neganai danu.  
\v 9 Bona Lohiabada be tanobada ibounai ena King do ia lao. Taunimanima ibounai ese ia dekenai do idia tomadiho henia, edia Dirava. Unai dina neganai Lohiabada be do ia tamona, bona iena ladana danu be do ia tamona.   
\p
\v 10 Ierusalema kahirakahira ia noho tano ibounai be palaka gabuna do ia lao, Geba, mirigini kahana dekena amo ela bona Rimono, Ierusalema ena diho kahana dekenai. To Ierusalema sibona be unai tano ena ataiai do ia noho. Ierusalema ena hetoa maka be Beniamina ena Iduara dekena amo ela bona Kona ena Iduara, ia be magu iduara gunana ta. Ma ena hetoa maka danu be Hananele Kohoro dekena amo ela bona king ena uaina karaia rumana.  
\v 11 Taunimanima be Ierusalema dekenai do idia noho namonamo, idia be hadikaia gauna ta dekenai do idia gari henia lou lasi.   
\p
\v 12 Vadaeni unai bese idauidau taudia, Ierusalema idia tuari henia bese taudia, be Lohiabada ese gorere dikana dekena amo do ia hadikadia. Inai gorere ena dika be inai: Idia mauri noho neganai edia kopina be do ia bodaga lao. Edia matana bona edia malana danu be edia kwarana lalonai do idia bodaga lao.   
\p
\v 13 Unai dina dekenai, Lohiabada ese unai bese idauidau tuari taudia do ia hagaridia, bona idia dekenai daradara do ia havaraia. Vadaeni tuari taudia ta ta ese iena turana tuari tauna do ia dogoatao, bona do ia heatu henia.  
\v 14 Iuda taudia be Ierusalema taudia durua totona Ierusalema dekenai do idia mai, do idia tuari. Idia ese bese idauidau taudia edia kohu do idia abia, golo, siliva, bona dabua momo herea.   
\p
\v 15 Ma bese idauidau taudia edia kamepa lalonai, edia hosi, doniki badadia, kamelo, bona doniki maragidia, bona boromakau idauidau ibounai ese gorere dikana momokani do idia davaria.   
\p
\v 16 Iuda taudia do idia kwalimu murinai, bese idauidau taudia, tuari dekena amo idia do mauri noho taudia, be lagani ta ta ibounai Ierusalema dekenai do idia lao, Siahu Ibounai Lohiabada, edia King, do idia tomadiho henia totona. Au Raurau Ruma Maragidia Aria ena tomadiho kara danu do idia badinaia.  
\v 17 Bema bese ta taudia ese Siahu Ibounai Lohiabada, edia King totona do idia tomadiho henia lasi neganai, medu be edia tano dekenai do ia diho lasi.   
\p
\v 18 Bona bema Aigupito taudia ese Au Raurau Ruma Maragidia Aria do idia badinaia lasi, idia ese gorere dikana momokani do idia davaria. Bona bese haida danu, bema Au Raurau Ruma Maragidia Aria badinaia totona idia lao lasi, Lohiabada ese unai gorere dikana idia edia latanai danu do ia siaia.  
\v 19 Inai bamona kerere davana be Aigupito bona idau bese taudia danu do idia davaria, bema Au Raurau Ruma Maragidia Aria idia badinaia lasi neganai.   
\p
\v 20 Bona unai neganai, Lohiabada hanamoa totona, hosi edia aiona dekenai gaba gaudia maragidia edia latanai inai bamona do idia torea: “Helaga, Lohiabada ena.” Ma Dubu Helaga dekenai idia noho nadua urodia edia helaga, be boubou patana ena uro edia helaga hegeregerena.   
\p
\v 21 Uro ibounai Ierusalema dekenai bona Iuda dekenai be do idia helaga, edia biagudia ese unai uro do idia makaia, Siahu Ibounai Lohiabada tomadiho henia karadia totona. Unai dainai taunimanima ese boubou totona idia mailaia vamu, be inai uro edia lalonai vamu do idia nadua.  
\p Bona unai neganai danu, hoihoi tauna ta be Siahu Ibounai Lohiabada ena Dubu Helaga lalonai do ia noho lou lasi, lasi momokani.