\id NUM NUMBERS, Hiri Motu BIBLE, [1986], PNG, rl /92 \h NUMERA \toc1 NUMERA \toc2 NUMERA \mt1 NUMERA \c 1 \s1 Israela besena duahia gaukara \p \v 1 Israela taudia ese Aigupito idia rakatania murinai lagani iharuana, ena hua iharuana, bona hua ena dina ginigunana dekenai Lohiabada ese Mose dekenai ia hereva, Sinai ena taunimanima noho lasi gabuna dekenai, Palai Dubu lalonai. Lohiabada ia gwau, \v 2 “Oi bona Arona ese Israela besena ibounai do umui duahia, edia iduhu ta ta, bona ta ta edia tamana edia ruma edia lalonai. Tau ibounai edia ladana do umui torea, \v 3 edia mauri lagani 20, bona 20 idia hanaia tatau ibounai, Israela tuari taudia totona idia lao diba taudia ibounai. \p \v 4 “Iduhu gunalaia taudia do umui abia hidi, iduhu ta ta dekena amo tau ta ta do umui abia hidi, idia ese inai duahia gaukara do idia durua.” \p \v 5 Inai duahia gaukara totona Mose bona Arona do idia durua taudia be inai: \b \q1 Rubena iduhu: Elisuru Sedeuru \q1 \v 6 Simeona iduhu: Selumiele Surisadai \q1 \v 7 Iuda iduhu: Nasona Aminadaba \q1 \v 8 Isakara iduhu: Netanele Suara \q1 \v 9 Sebuluno iduhu: Eliaba Helona \q1 \v 10 Eparaima, Iosepa ena iduhu: Elisama Amihuda \q1 Manase, Iosepa ena iduhu: Gamaliela Pedasuru \q1 \v 11 Beniamina iduhu: Abidana Gideoni \q1 \v 12 Dano iduhu: Ahiesere Amisadai \q1 \v 13 Asere iduhu: Pagiele Okarana \q1 \v 14 Gado iduhu: Eliasapa Reuele \q1 \v 15 Napatali iduhu: Ahira Enana \b \p \v 16 Inai taudia be edia iduhu huana dekenai idia abia hidi vadaeni, edia tamadia edia iduhu gunalaia taudia. Idia be Israela edia iduhu kwarana taudia. \p \v 17 Unai taudia be Mose bona Arona ese idia abidia, \v 18 bona hua iharuana ena dina ginigunana dekenai idia ese Israela oreana ibounai idia haboua. Unai neganai taunimanima ibounai edia ladana, edia iduhu bona edia bese ladana idia torea. Tatau ibounai, edia mauri lagani be 20 idia hanaia taudia edia ladana idia torea, bona idia duahia, \v 19 Lohiabada ese ia oda hegeregerena. Sinai tano, taunimanima idia noho lasi gabuna dekenai Mose ese taunimanima edia ladana ia torea. \p \v 20-45 Tatau ibounai, edia mauri lagani 20 idia hanaia, edia ladana, edia iduhu, bona edia goada be hegeregere tuari taudia do idia lao taudia edia bese be Mose ese ia torea. Iakobo ena natuna vara guna, Rubena ena iduhu dekenai be inai duahia gaukara idia hamatamaia. Iduhu ibounai bona edia tatau edia momo be inai: \b \q1 Rubena iduhu: 46,500 \q1 Simeona iduhu: 59,300 \q1 Gado iduhu: 45,650 \q1 Iuda iduhu: 74,600 \q1 Isakara iduhu: 54,400 \q1 Sebuluno iduhu: 57,400 \q1 Eparaima iduhu: 40,500 \q1 Manase iduhu: 32,200 \q1 Beniamina iduhu: 35,400 \q1 Dano iduhu: 62,700 \q1 Asere iduhu: 41,500 \q1 Napatali iduhu: 53,400 \q1 \v 46 Tuari dekenai idia lao diba tatau ibounai be 603,550 \b \p \v 47 To idia ese Levi iduhu taudia be iduhu haida danu idia duahia lasi. \v 48 Badina be Lohiabada ese Mose ia hamaoroa, ia gwau, \v 49 “Levi iduhu taudia be Israela taudia danu do oi duahia hebou lasi, bona edia ladana do oi torea hebou lasi. \p \v 50 “Levi taudia do oi abia hidi, idia ese lau noho ena toana, Palai Dubu, mai ena kohu ibounai do idia naria. Idia ese Palai Dubu mai ena kohu ibounai do idia huaia, bona idia sibona ese Dubu lalonai do idia gaukara, bona idia kamepa neganai, Palai Dubu, be edia palai ruma dekena amo do idia hagegea. \v 51 Palai Dubu be gabu ta dekenai do umui abia lao neganai, Levi taudia ese do idia atoa diho, bona gabu matamata dekenai umui ginidae neganai, Levi taudia ese do idia haginia lou. Bema idau iduhu tauna be Palai Dubu kahirakahira ia raka mai neganai, do umui alaia mase. \p \v 52 “Israela taudia be edia iduhu ta ta dekena amo do idia kamepa, iduhu ta ta edia kamepa, edia kamepa gabudia dekenai, bona iduhu ta ta be mai edia pepe danu. \p \v 53 “To Levi taudia ese edia palai rumadia be Palai Dubu kahirakahira do idia haginia hagegea, Palai Dubu do idia gimaia totona. Badina be bema tau ta be egu Palai Dubu kahirakahira do ia raka, egu badu ese Israela taudia do ia hadikaia diba.” \p \v 54 Israela taudia ese unai bamona idia karaia, Lohiabada ese Mose dekenai ia hadibaia hegeregerena. \c 2 \s1 Israela edia kamepa dalana \p \v 1 Lohiabada ese Mose bona Arona ia hamaoroa, ia gwau, \v 2 “Israela taudia idia kamepa neganai, iduhu ta ta dekena amo edia palai ruma do idia haginia, edia iduhu ena pepe edia henunai, bona Israela taudia edia palai rumadia ese Palai Dubu do idia hagegea.” \p \v 3-9 Kamepa ena dina ia daekau kahana dekenai, Iuda orea ena pepe henunai be inai iduhu toi do idia kamepa hebou, to ta ta edia iduhu dekena amo, bona edia gunalaia taudia ta ta henunai, edia momo be inai bamona: \tr \tc1 Iuda: \tc2 Nasona \tc3 Aminadaba \tc4 74,600 \tr \tc1 Isakara: \tc2 Netanele \tc3 Suara \tc4 54,400 \tr \tc1 Sebuluno: \tc2 Eliaba \tc3 Helona \tc4 57,400 \tr \tc1 \tc2 \tc3 Ibounai: \tc4 186,400 \b \p Israela taudia ese edia kamepa dekena amo idia toreisi, gabu matamata idia lao neganai, Iuda orea be do ia raka guna. \p \v 10-16 Kamepa ena diho kahana dekenai, Rubena orea ena pepe henunai be inai iduhu toi do idia kamepa hebou, to ta ta edia iduhu dekena amo, bona edia gunalaia taudia ta ta henunai, edia momo be inai bamona: \b \tr \tc1 Rubena: \tc2 Elisuru \tc3 Sedeuru \tc4 46,500 \tr \tc1 Simeona: \tc2 Selumiele \tc3 Surisadai \tc4 59,300 \tr \tc1 Gado: \tc2 Eliasapa \tc3 Reuele \tc4 45,650 \tr \tc1 \tc2 \tc3 Ibounai: \tc4 151,450 \b \p Israela taudia ese edia kamepa dekena amo idia toreisi, gabu matamata idia lao neganai, Rubena orea be raka lao oreana iharuana. \p \v 17 Idia edia murinai Levi taudia ese Palai Dubu do idia huaia lao, edia palai rumadia danu. Levi taudia be tuari taudia edia huanai momokani do idia raka lao. Orea ta ta idia raka lao gabudia be edia kamepa gabudia hegeregerena. Orea ta ta be edia pepe ta ta henunai. \p \v 18-24 Kamepa ena dina diho kahana dekenai, Eparaima orea ena pepe henunai be inai iduhu toi do idia kamepa hebou, to ta ta edia iduhu dekena amo, bona edia gunalaia taudia ta ta henunai, edia momo be inai bamona: \b \tr \tc1 Eparaima: \tc2 Elisama \tc3 Amihuda \tc4 40,500 \tr \tc1 Manase: \tc2 Gamaliela \tc3 Pedasuru \tc4 32,200 \tr \tc1 Beniamina: \tc2 Abidana \tc3 Gideoni \tc4 35,400 \tr \tc1 \tc2 \tc3 Ibounai: \tc4 108,100 \b \p Israela taudia ese edia kamepa dekena amo idia toreisi, gabu matamata idia lao neganai, Eparaima orea be raka lao oreana ihatoina. \p \v 25-31 Kamepa ena mirigini kahana dekenai, Dano orea ena pepe henunai be inai iduhu toi do idia kamepa hebou, to ta ta edia iduhu dekena amo, bona edia gunalaia taudia ta ta henunai, edia momo be inai bamona: \b \tr \tc1 Dano: \tc2 Ahiesere \tc3 Amisadai \tc4 62,700 \tr \tc1 Asere: \tc2 Pagiele \tc3 Okarana \tc4 41,500 \tr \tc1 Napatali: \tc2 Ahira \tc3 Enana \tc4 53,400 \tr \tc1 \tc2 \tc3 Ibounai: \tc4 157,600 \b \p Israela taudia ese edia kamepa dekena amo idia toreisi, gabu matamata idia lao neganai, Dano orea taudia be murina kahanai do idia raka. \p \v 32 Israela taudia edia iduhu ta ta dekenai idia duahia be inai. Tuari taudia, edia iduhu ta ta dekena amo idia duahia ibounai be 603,550. \v 33 To Lohiabada ese Mose ia oda henia hegeregerena, Levi taudia be Israela taudia danu idia duahia hebou lasi. \p \v 34 Israela taudia be unai bamona idia karaia. Lohiabada ese Mose ia oda henia hegeregerena, idia ese edia pepe ta ta edia henunai idia kamepa. Bona edia orea ta ta bona edia iduhu ta ta dekenai edia kamepa dekena amo idia raka lao. \c 3 \s1 Arona ena natuna tau \p \v 1 Lohiabada ese Sinai Ororo dekenai Mose ia hereva henia neganai, Arona bona Mose edia bese taudia be inai: \v 2 Arona be mai ena natuna tau 4, Nadaba, vara guna tauna, Abihu, Eleasara, bona Itamara. \v 3 Arona ena natuna tau be unai, bona idia be hahelagaia taudia edia dagi totona Mose ese idia ia hahelagaia. \v 4 To Nadaba bona Abihu be Lohiabada ena vairanai idia mase, badina helaga lasi lahi Lohiabada ena vairanai idia mailaia dainai, Sinai ena taunimanima lasi tano dekenai. Idia be natuna lasi. Unai dainai Eleasara bona Itamara ese hahelagaia taudia edia dagi idia karaia edia tamana Arona ena mauri lagani lalonai. \s1 Lohiabada ese Levi taudia ia abia hidi, hahelagaia taudia totona hesiai gaukara do idia karaia \p \v 5 Lohiabada ese Mose ia hamaoroa, ia gwau, \v 6 “Levi taudia do oi hakaua mai, hahelagaia tauna Arona ena vairana dekenai do idia gini, bona iena hesiai gaukara do idia karaia. \v 7 Idia ese Arona totona bona Israela taudia ibounai totona, Lohiabada ena Palai Dubu ena gaukara do idia karaia. \v 8 Idia ese Palai Dubu lalonai noho kohu ibounai do idia naria, bona Israela taudia durua totona, Palai Dubu naria gaukara do idia karaia. \p \v 9 “Levi taudia be Arona, mai ena natuna tau dekenai do oi henia. Israela taudia ibounai edia huana dekena amo, Levi taudia sibona ese Arona ena hesiai gaukara do idia karaia. \v 10 Oi ese Arona bona iena natuna tau do oi abia hidi, hahelagaia taudia dagi do idia karaia totona. Bona bema idau tauna ese inai gaukara helagana do ia karaia toho neganai, unai tau do umui alaia mase.” \p \v 11 Lohiabada ese Mose ia hamaoroa, ia gwau, \v 12 “Kamonai, lau ese Israela taudia edia huana dekena amo Levi taudia lau abia hidi vadaeni. Hari idia be lauegu. Lau ese Levi taudia lau abia, idia ese Israela taudia edia vara guna natudia edia gabu do idia abia. \v 13 Badina be Aigupito taudia edia vara guna natudia ibounai lau alaia mase dinana dekenai lau ese Israela taudia edia vara guna natudia lau abia siri, lauegu, taunimanima edia vara guna ibounai, bona mauri gaudia edia vara guna ibounai danu. Idia be helaga, lauegu. To hari inai Israela taudia edia vara guna natudia edia gabu, lau sibona egu, be Levi taudia ese idia abia vadaeni. Lau ese Levi taudia lau abia hidi, idia be lauegu. Lau inai Lohiabada.” \s1 Levi iduhu duahia gaukara \p \v 14 Sinai taunimanima noho lasi tano dekenai Lohiabada ese Mose ia oda henia, \v 15 Levi taudia edia ladana do ia torea, edia bese ta ta bona iduhu ta ta dekena amo. Hua ta idia abia o idia hanaia memero ibounai bona tau ibounai edia ladana do ia torea. \v 16 Bona Mose ese unai bamona ia karaia. \p \v 17 Levi ena natuna tau be inai: Geresone bona Kohata bona Merari, bona idia ta ta be iduhu ta ena sene tauna. \v 18 Geresone ena natuna tau be inai: Libini bona Simei. \v 19 Kohata ena natuna tau be inai: Amarama bona Isahara bona Heberona bona Usiele. \v 20 Merari ena natuna tau be inai: Mali bona Musi. \p Idia ta ta be iduhu ta ena sene tauna, bona edia iduhu ena ladana be idia edia ladana hegeregerena. Levi ese ia havaraia iduhu be unai. \p \v 21 Geresone ena iduhu be Libini besena bona Simei besena taudia. \v 22 Inai Geresone iduhu lalonai noho memero idia duahia, hua ta idia hanaia memero bona tatau be ibounai 7500. \v 23 Inai Geresone iduhu edia kamepa gabuna be dina ia diho kahanai, Palai Dubu ena murinai. \v 24 Inai iduhu ena lohia tauna be Eliasapa Laele. \p \v 25 Geresone iduhu taudia edia gaukara be inai: Palai Dubu, bona ena koua guhi ruaosi, bona Palai Dubu ena iduara dekenai ia noho koua dabua do idia naria. \v 26 Ma danu Palai Dubu ia hagegea koua dabua badana, bona inai koua dabua ena iduara dekenai ia noho koua dabua, bona boubou patana bona varo ibounai do idia naria. Inai gaudia naria totona gaukara ibounai be Geresone iduhu taudia ese do idia karaia. \p \v 27 Kohata ena iduhu be Amarama besena, bona Isahara besena, bona Heberona besena, bona Usiele besena taudia. \v 28 Inai Kohata iduhu lalonai noho memero idia duahia, hua ta idia hanaia memero bona tatau be ibounai 8600. Idia edia gaukara be helaga gaudia do idia naria. \v 29 Inai Kohata iduhu edia kamepa gabuna be Palai Dubu ena diho kahanai. \v 30 Inai iduhu ena lohia tauna be Elisapana Usiele. \p \v 31 Kohata iduhu taudia edia gaukara be inai: Taravatu Maua, pata helagana, lamepa dogoatao gauna, boubou patadia, bona Helaga Gabuna ena kohu ibounai, bona Helaga Herea Gabuna ena iduara dekenai ia noho koua dabua helagana danu do idia naria. \p Inai gaudia naria totona gaukara ibounai be Kohata iduhu taudia ese do idia karaia. \p \v 32 Eleasara, hahelagaia tauna, Arona, ena natuna, be Levi taudia ibounai edia gunalaia tauna, bona ia ese Helaga Gabuna dekenai idia gaukara taudia edia gaukara ia naria. \p \v 33 Merari ena iduhu be Mali besena, bona Musi besena taudia. \v 34 Inai Merari iduhu lalonai idia noho memero idia duahia, hua ta idia hanaia memero bona tatau be ibounai 6200. \v 35 Inai Merari iduhu ena kamepa gabuna be Palai Dubu ena mirigini kahanai, bona inai iduhu ena lohia tauna be Suriele Abihaili. \p \v 36 Merari iduhu taudia edia gaukara be inai: Palai Dubu ena haba turia, reirei latadia, du, du edia henunai idia atoa maua ibounai, bona unai gau edia kohu ibounai do idia naria. \p Inai gaudia naria totona gaukara ibounai be Merari iduhu taudia ese do idia karaia. \v 37 Idia ese danu Palai Dubu ia hagegea koua dabua maguna ena du, du henunai idia atoa maua, ikoko bona varo idia naria bona gaukaralaia. \p \v 38 Mose bona Arona mai iena natuna tau be Palai Dubu ena dina daekau kahana dekenai, Palai Dubu ena vairanai idia kamepa. Idia ese Helaga Gabuna ena gaukara helagana do idia karaia Israela taudia ibounai dainai. Mose bona Arona edia bese lasi tauna ese inai gaukara helagana do ia karaia toho neganai, unai tau be Israela taudia ese do idia alaia mase. \p \v 39 Levi taudia, Mose bona Arona ese iduhu ta ta dekena amo idia duahia, hua ta ia hanaia memero bona tatau, be ibounai 22,000. Lohiabada ena oda dainai inai duahia gaukara idia karaia. \s1 Levi taudia ese vara guna natudia edia gabu idia abia \p \v 40 Lohiabada ese Mose ia hamaoroa, ia gwau, “Israela taudia edia vara guna natudia ibounai be lauegu. Unai dainai Israela edia vara guna memero bona tatau ibounai, hua ta idia hanaia taudia ibounai edia ladana do oi torea. \v 41 To edia gabu dekenai lau ese Levi taudia ibounai lau abia inai, lauegu! Lau be Lohiabada! Lau ese danu Levi taudia edia boromakau bona mamoe lau abia inai! Idia ese Israela taudia edia boromakau bona mamoe, vara guna gaudia, edia gabu do idia abia!” \p \v 42 Mose ese Israela taudia edia vara guna natudia memero bona tatau ibounai, \v 43 hua ta idia hanaia taudia, ia torea bona duahia. Idia ibounai be 22,273. \p \v 44 Lohiabada ese Mose ia hamaoroa, ia gwau, \v 45 “Levi taudia do oi abia, idia be lauegu do idia lao, idia ese Israela ena vara guna natudia edia gabu do idia abia. Ma danu Levi taudia edia boromakau bona mamoe do oi abia, idia ese Israela taudia edia vara guna boromakau bona mamoe edia gabu do idia abia. \p \v 46 “To Israela taudia edia vara guna natudia edia momo ese Levi taudia edia momo be 273 dekenai idia hanaia. Unai dainai inai natuna ibounai 273 do umui hoia lou. \v 47 Idia ta ta edia davana be siliva moni 5, Helaga Gabuna ese ia sikelia hegeregerena. \v 48 Bona inai hoia lou moni be Arona bona iena natuna tau dekenai do oi henia.” \p \v 49 Vadaeni inai Levi taudia ese edia gabu idia abia diba lasi vara guna taudia ibounai 273 edia davana be Mose ese ia gogoa. \v 50 Israela taudia vara guna memero bona tatau dekena amo siliva moni 1365 ia gogoa. Unai moni be Helaga Gabuna ese ia sikelia hegeregerena. \p \v 51 Vadaeni Mose ese unai moni be Arona bona iena natuna tau dekenai ia henia, Lohiabada ese ia oda henia hegeregerena. \c 4 \s1 Levi ena iduhu ladana Kohata ena gaukara \p \v 1 Lohiabada ese Mose bona Arona ia oda henia, ia gwau, \v 2 “Levi taudia dekena amo Kohata iduhu bona edia bese taudia edia ladana do umui torea, bona duahia. \v 3 Tau ibounai, edia mauri lagani be 30 ela bona 50, Lohiabada ena Palai Dubu lalonai idia gaukara diba taudia ibounai do umui duahia. \v 4 Kohata iduhu taudia edia gaukara be, helaga bada gaudia do idia naria.” \p \v 5 Palai Dubu do idia naria namonamo totona, Lohiabada ese Mose ia hadibaia inai bamona: “Kamepa do umui kokia gwauraia neganai, Arona mai ena natuna tau ese Palai Dubu do idia raka vareai, Taravatu Maua vairanai ia noho koua dabua helagana do idia abia diho, bona ia dekena amo Taravatu Maua do idia koua. \v 6 Ma inai koua dabua ena latanai davara boromakau edia kopina do idia atoa. Ma inai kopina ena latanai, dabua, ena kala bulu do idia atoa, Taravatu Maua do idia koua momokani. Unai murinai Taravatu Maua ena huaia audia be edia gabu dekenai do idia toia vareai. \p \v 7 “Vadaeni Lohiabada dekenai henia beredi ena patana ena latanai, dabua, ena kala bulu do idia atoa, do idia koua. Inai bulu dabua ena latanai disi, bonana namo muramura urodia, kapusi, bona uaina henia totona urodia do idia atoa. Ma Lohiabada dekenai henia beredi danu be pata dekenai do ia noho. \v 8 Inai gau ibounai edia latanai dabua ena kala kakakaka do idia atoa, vadaeni pata ena huaia audia be edia gabu dekenai do idia toia vareai. \p \v 9 “Ma dabua ta, ena kala bulu dekena amo, lamepa dogoatao gauna, mai ena lamepa, lamepa hagoevaia auri gaudia, momoru udaia mereki, bona oela ena kavabu ibounai do ia koua. \v 10 Unai gaudia ibounai be davara boromakau, rui, edia kopina dekenai do idia kumia, bona huaia totona gauna ena latanai do idia atoa. \p \v 11 “Golo patana be bulu dabua dekena amo do idia koua, vadaeni davara boromakau edia kopina dekenai do idia kumia, bona huaia audia be pata huaia totona rini dekenai do idia toia vareai. \v 12 Unai murinai Helaga Gabuna ena kohu ibounai be bulu dabua dekenai do idia kumia, ma inai ibounai be davara boromakau, rui, edia kopina dekena amo do idia koua, bona huaia totona gauna ena latanai do idia atoa. \p \v 13 “Unai murinai boubou patana ena kahu do idia negea, bona boubou patana be dabua, ena kala sisina kakakaka dekena amo do idia koua. \v 14 Vadaeni unai dabua edia latanai boubou patana ena kohu ibounai do idia atoa, gaudia inai: Lahi huaia auri gaudia, foka, sipeidi, rara udaia urodia, kahu udaia urodia. Unai gaudia ibounai be davara boromakau, rui, edia kopina dekenai do idia koua, bona huaia audia be boubou patana ena rini dekenai do idia toia vareai. \p \v 15 “Arona mai ena natuna danu be inai Helaga Gabuna mai ena kohu helagadia ibounai idia koua namonamo murinai, bona Israela taudia ese edia palai ruma do idia huaia gwauraia neganai, Kohata iduhu taudia ese unai helaga gaudia huaia totona do idia raka mai. To idia ese unai helaga gaudia ta do idia dogoatao lasi, do idia mase garina. \p “Inai gaudia ibounai be Kohata iduhu taudia ese do idia huaia lao, Palai Dubu idia kokia negadia ibounai. \p \v 16 “Hahelagaia tauna Arona ena natuna Eleasara ese do ia naria gaudia be inai: Lamepa ena oela, bona bonana namona muramura, bona boubou edia paraoa, bona dehoro helagana. Ia ese danu Palai Dubu mai ena kohu helagadia ibounai, bona Helaga Gabuna mai ena kohu helagadia ibounai do ia itaia namonamo.” \p \v 17 Vadaeni Lohiabada ese Mose bona Arona ia hamaoroa, ia gwau, \v 18 “Kohata taudia do umui naria namonamo, idia ese sibodia do idia hamasea, bona Levi orea dekena amo idia boio garina. \v 19 Badina be bema Kohata taudia ese inai helaga gaudia dekenai idia raka kahirakahira kava neganai do idia mase. \p “Inai bamona do ia vara garina Arona mai ena natuna tau be do idia raka vareai guna, bona Kohata taudia ta ta edia gaukara, edia gaukara do idia henia, bona ta ta edia maduna, edia maduna danu do idia henia. \v 20 To bema idia raka vareai kava, bona helaga gaudia do idia itaia, idia do koua lasi neganai, idia be do idia mase momokani.” \s1 Levi ena iduhu ladana Geresone ena gaukara \p \v 21 Lohiabada ese Mose ia hamaoroa, ia gwau, \v 22 “Levi taudia dekena amo, Geresone iduhu bona edia bese taudia edia ladana do umui torea, bona duahia. \v 23 Tau ibounai, edia mauri lagani be 30 ela bona 50, Lohiabada ena Palai Dubu lalonai idia gaukara diba taudia ibounai do umui duahia. \v 24 Geresone iduhu taudia edia gaukara be inai gaudia do idia huaia: \p \v 25 “Palai Dubu, Palai Dubu ena guhi ruaosi, lalona gauna, bona murimurinai gauna, bona davara boromakau, rui, edia kopina guhina danu, Palai Dubu ena iduara dekenai ia noho koua dabua, \v 26 Palai Dubu ia hagegea koua dabua badana, bona boubou patana ena koua dabua, mai edia varo ibounai, bona inai gaudia haginia gaukara karaia totona gaudia ibounai danu. \p “Geresone iduhu taudia ese unai kohu huaia totona gaukara idauidau ibounai do idia karaia. \p \v 27 “Geresone taudia edia gaukara bona edia kohu huaia kara ibounai be Arona mai ena natuna danu ese do idia hadibadia. Bona oi Mose ese danu inai Geresone taudia edia kohu huaia gaukara ta ta ibounai do oi hadibaia bona gwauraia. \p \v 28 “Inai gaukara ibounai be Geresone iduhu taudia ese do idia karaia, Palai Dubu do idia naria namonamo totona. Idia edia gaukara be hahelagaia tauna Arona ena natuna Itamara ese do ia naria bona hadibaia.” \s1 Levi ena iduhu ladana Merari ena gaukara \p \v 29 Lohiabada ese Mose ia hamaoroa, ia gwau, “Levi taudia dekena amo, Merari iduhu bona edia bese taudia edia ladana do umui torea, bona duahia. \v 30 Tau ibounai, edia mauri lagani be 30 ela bona 50, Lohiabada ena Palai Dubu lalonai idia gaukara diba taudia ibounai do umui duahia. \v 31 Merari iduhu taudia edia gaukara be, inai gaudia do idia huaia: Palai Dubu ena haba turia, reirei latadia, du, du edia henunai maua ibounai, \v 32 Palai Dubu ia hagegea koua dabua badana ena du, du edia maua, ikoko bona varo, bona inai gaudia haginia gaukara karaia totona gaudia ibounai danu. Merari iduhu taudia ta ta dekenai dahaka bona dahaka do idia huaia do oi hadibaia, vadaeni inai be Merari iduhu sibona ena gaukara. \p \v 33 “Inai gaukara ibounai be Merari iduhu taudia ese do idia karaia, Palai Dubu naria namonamo totona. Idia edia gaukara be hahelagaia tauna Arona ena natuna Itamara ese do ia naria bona hadibaia.” \s1 Levi iduhu ibounai edia tau be hida \p \v 34-48 Vadaeni Mose bona Arona ese Lohiabada ena oda idia kamonai, bona Israela gunalaia taudia ese Levi iduhu toi, Kohata, Geresone bona Merari idia duahia, edia iduhu bona edia bese ta ta dekena amo. Tatau ibounai edia mauri lagani 30 ela bona 50, Lohiabada ena Palai Dubu lalonai idia gaukara diba taudia edia ladana idia torea bona idia duahia. Edia momo be inai: \tr \tc1 Kohata \tc2 Iduhu \tc3 2,750 \tr \tc1 Geresone \tc2 Iduhu \tc3 2,630 \tr \tc1 Merari \tc2 Iduhu \tc3 3,200 \tr \tc1 \tc2 Ibounai: \tc3 8,580 \p \v 49 Lohiabada ese Mose ia oda henia hegeregerena, inai tatau ta ta ibounai dekenai gaukara ta ta ia henia, bona maduna ta ta ia henia. Bona unai tatau ibounai be Mose ese edia ladana ia torea, bona ia duahia, Lohiabada ese ia oda henia hegeregerena. \c 5 \s1 Miro taudia \p \v 1 Lohiabada ese Mose ia hamaoroa, ia gwau, \v 2 “Israela taudia do oi hamaoroa, lepera gorere taudia ibounai, bona hura ia bubua noho gorere taudia, bona mase taudia edia tauanina idia dogoatao taudia dainai idia miro taudia ibounai be kamepa ena murimurinai do idia siaia lao. \v 3 Inai miro taudia ibounai, tau bona hahine, be kamepa ena murimurinai do umui atodia, idia ese emui kamepa, lau noho gabuna, do idia hamiroa garina.” \p \v 4 Vadaeni Israela taudia ese unai bamona idia karaia, kamepa ena murimurinai unai miro taudia ibounai idia siaia lao, Lohiabada ese Mose ia hamaoroa hegeregerena. \s1 Kara dika ena davana \p \v 5 Lohiabada ese Mose ia hamaoroa, ia gwau, \v 6 “Israela taudia do oi hadibaia, bema tau ta o hahine ta ese kara dika ia karaia neganai, ia be Lohiabada ena vairanai ia kerere. \v 7 Ia ese iena kara dika do ia gwauraia hedinarai, bona iena kara dika dekena amo ia hadikaia tauna dekenai davana do ia henia, mai atoa kau moni danu. Atoa kau moni ena bada be davana korikori bema karoa 5, ena karoa ta. Unai karoa ta be ma do idia atoa kau, vadaeni davana be karoa 6. \p \v 8 “To bema ia hadikaia vadaeni tauna ia mase vadaeni, bona unai tau be mai ena varavara ta lasi, unai moni do ia abia totona, unai moni be Lohiabada dekenai do ia henia, hahelagaia tauna ena. Kerere tauna ese inai davana, bona iena kerere ena davana karaia totona mamoe tau ta danu be hahelagaia tauna dekenai do ia henia. \p \v 9 “Israela taudia edia harihari gaudia, helaga gaudia Lohiabada dekenai henia gwauraia gaudia, be hahelagaia tauna ese do ia abia, iena. \v 10 Bema tau ta ese harihari gauna helagana be hahelagaia tauna dekenai ia henia neganai, unai hahelagaia tauna ese do ia abia, iena.” \s1 Mama ena taravatu \p \v 11 Lohiabada ese Mose ma ia hereva henia, ia gwau, \v 12 “Israela taudia do oi hamaoroa, bema hahine ta ia kerere, \v 13 bema ia ese tau ta danu idia heudahanai, bona ia hunia, iena adavana ia diba lasi, bona tau ta ia diba lasi, tau ta danu ese do ia davaria diba lasi. \v 14 Bona sedira inai hahine ena adavana ese mama ena mamina ia abia, to ia diba namonamo lasi unai hahine be ia kerere momokani o lasi. O sedira tau ta ese iena hahine dekenai ia mama henia noho, to mai badina lasi. \p \v 15 “Unai bamona daradara ia noho neganai, tau ese iena hahine be hahelagaia tauna dekenai do ia hakaua lao. Ia ese danu bali paraoa ena metau kilogaram ta do ia abia lao. To olive dehoro o bonana namona muramura do ia abia lao lasi. Badina inai be paraoa boubou gauna, mama totona gauna, bona inai boubou ena badina, be momokani bona maoromaoro do ia hedinarai totona. \p \v 16 “Vadaeni hahelagaia tauna ese hahine do ia boiria, bona boubou patana ena vairanai do ia haginia. \v 17 Hahelagaia tauna ese raro disi dekenai ranu helaga do ia bubua, bona tano kahuna sisina Palai Dubu lalona dekena amo be ranu dekenai do ia udaia. \p \v 18 “Unai neganai hahelagaia tauna ese hahine ena huina do ia ruhaia, bona unai paraoa, mama totona boubouna, bona kerere laloa gauna, be hahine ena imana dekenai do ia atoa. To hahelagaia tauna ese inai mamina dika ranu, dika ia havaraia gauna, be ia sibona ena imana dekenai do ia dogoatao noho. \p \v 19 “Vadaeni hahelagaia tauna ese hahine do ia oda henia inai gwauhamata do ia abia dae, hahelagaia tauna ena gwauhamata be inai: Bema oiemu adavana oi koia lasi, tau ta danu oi heudahanai lasi, inai mamina dika ranu, dika ia havaraia gauna, be oi dekenai dika ta do ia havaraia lasi, \v 20 to bema oi ese oiemu adavana oi koia, bona tau ta danu oi heudahanai neganai, \v 21 Lohiabada ese oiemu ladana do ia hadikaia momokani oiemu bese edia huanai. Lohiabada ese oiemu mamuna ruaosi do ia hamasea bona oiemu bogana do ia hagudua. \v 22 Momokani, inai ranu be oiemu bogana dekenai ia diho neganai, oiemu bogana do ia gudu bona oiemu mamuna ruaosi do idia mase. \p “Hahine ese inai gwauhamata dekenai do ia haere henia, do ia gwau, ‘Inai gwauhamata be lau abia dae, Lohiabada ese unai bamona do ia karaia be namo.’ \p \v 23 “Unai neganai hahelagaia tauna ese unai gwauhamata ena hereva dikana be pepa dekenai do ia torea, bona inai toretore be unai mamina dika ranu dekenai do ia huria oho. \v 24 Bona gabeai ia ese unai mamina dika ranu be hahine dekenai do ia henia, vadaeni unai dika ia havaraia ranuna be hahine do ia inua, iena bogana dekenai do ia diho. \p \v 25 “To guna, unai hahelagaia tauna ese paraoa boubouna be hahine ena imana dekena amo do ia abia. Ia ese Lohiabada ena vairanai paraoa do ia davea, vadaeni boubou patana dekenai do ia abia lao. \v 26 Vadaeni ia ese imana dekena amo paraoa haida do ia abia, Lohiabada dekenai henia ena toana, bona boubou patana ena lahi dekenai do ia gabua ore. Unai murinai ia ese hahine do ia hamaoroa unai mamina dika ranu do ia inua. \p \v 27 “Bema unai hahine ese heudahanai ia karaia neganai, unai ranu ese hisihisi bada do ia havaraia. Iena bogana be do ia gudu, bona iena mamuna ruaosi do idia mase, bona iena bese edia huanai unai hahine ena ladana be do ia dika momokani. \v 28 To bema unai hahine ia heudahanai lasi neganai, ia ese dika ta do ia davaria lasi, bona ia ese natuna do ia havaraia diba. \p \v 29 “Mama ena taravatu be unai, hahine ta ese iena adavana bema ia koia, tau ta danu ia heudahanai, \v 30 o bema tau ta ese iena adavana ia mama henia neganai. Unai tau ese unai hahine Lohiabada ena vairana dekenai do ia haginia, bona hahelagaia tauna ese hari idia torea taravatu karana do ia karaia. \v 31 Bona unai tau be mai ena kerere ta lasi, to unai hahine, bema ia kerere neganai, ia ese iena kerere davana do ia abia.” \c 6 \s1 Nasiri taudia edia taravatu \p \v 1 Lohiabada ese Mose ia hereva henia, ia gwau, \v 2 “Israela taudia dekenai inai taravatu do oi henia: Bema tau ta o hahine ta ese do ia gwauhamata, Nasiri taudia edia mauri dalana do ia badinaia bona Lohiabada dekenai do ia helaga neganai, \v 3 ia ese uaina o kekero muramura do ia inua lasi. Ia be vain huahua ena ranu danu do ia inua lasi, bona vain huahua matamatadia o kaukaudia danu do ia ania lasi. \v 4 Nasiri tauna ese, iena helaga dinadia ibounai lalonai vain edia anina, edia nadinadina ela bona edia kopina, be do ia ania lasi. \p \v 5 “Nasiri tauna danu ese iena helaga dinadia ibounai lalonai iena huina, iena kwarana dekenai, o iena vairana dekenai, do ia utua lasi. Lohiabada dekenai ia gwauhamata dinadia ibounai be Nasiri tauna ena huina be do ia lata noho. Inai be Lohiabada dekenai ia helaga ena toana. \p \v 6 “Iena helaga dinadia ibounai lalonai danu Nasiri tauna ese mase tauna ta dekenai do ia raka kahirakahira lasi. \v 7 Sedira Nasiri tauna ena tamana o sinana o taihuna o tadikakana do ia mase, to ia ese idia kahirakahira do ia lao lasi, do ia miro garina. Badina be ia gwauhamata vadaeni, do ia helaga, Lohiabada dekenai. \v 8 Unai dainai Nasiri tauna ena gwauhamata dinadia ibounai lalonai ia be do ia helaga, Lohiabada ena. \p \v 9 “Bema tau ta be iena badibadinai ia mase haragaharaga, bona unai tau dekenai ia kamokau dainai Nasiri tauna ia miro neganai, ia be dina 7 do ia naria, bona dina namba 7 dekenai iena kwarana huina bona auki huina do ia kakasia ore. \v 10 Dina namba 8 dekenai ia ese manu ta ladana kerea rua, o pune manu ena natuna rua do ia abia, hahelagaia tauna dekenai do ia mailaia, Palai Dubu ena iduara dekenai. \p \v 11 “Vadaeni hahelagaia tauna ese Lohiabada dekenai manu ta do ia henia, Nasiri tauna ena kara dika totona, ma manu ta do ia gabua ore, iena kara dika ena davana karaia totona. Badina be unai mase tauna dainai ia be kerere vadaeni. Unai dina dekenai Nasiri tauna ese iena kwarana ena huina do ia hahelagaia lou. \v 12 Do ia helaga, Lohiabada ena, iena gwauhamata dinadia ibounai. Mamoe tau ta, lagani tamona gauna, danu do ia mailaia, iena kerere ena davana karaia boubouna totona. To unai dina gunadia, mase tauna dekenai do ia kerere lasi dinadia, be do ia duahia lasi, badina unai kerere dainai iena gwauhamata ia dika, bona iena gwauhamata do ia hamatamaia lou. \p \v 13 “Nasiri tauna ese iena gwauhamata dinadia do ia haorea ena taravatu be inai: Ia ese Palai Dubu ena iduara dekenai do ia lao. \v 14 Ia ese Lohiabada dekenai mauri gaudia toi do ia mailaia, bero o toto lasi gaudia, mamoe natuna tau ta, lagani tamona gauna, gabua boubouna totona, mamoe natuna hahine ta, lagani tamona gauna, kara dika gwauatao totona gauna, bona mamoe tau ta, Dirava danu maino do ia karaia totona. \v 15 Inai danu do ia henia: Paraoa beredi, idia hatubua lasi gauna ena bosea ta, lalonai danu be paraoa bona olive dehoro ia mikisi dekenai ia karaia ataga, bona bisikesi, idia dekenai olive dehoro ia bubua gaudia. Ma danu ia ese paraoa boubouna bona uaina boubouna do ia mailaia. \p \v 16 “Vadaeni hahelagaia tauna ese Lohiabada ena vairanai inai boubou ibounai do ia atoa. Ia ese kara dika boubouna bona gabua boubouna Lohiabada dekenai do ia henidia. \v 17 Maino karaia boubouna, mamoe, danu Lohiabada dekenai do ia henia, bona ia hatubua lasi paraoa, bosea lalonai gaudia, bona paraoa boubouna, bona uaina boubouna, ibounai be Lohiabada dekenai do ia henia, idia helaga vadaeni. \p \v 18 “Unai murinai Palai Dubu ena iduara dekenai Nasiri tauna ese iena kwarana huina do ia kakasia ore, bona iena huina, iena gwauhamata toana, be Lohiabada danu maino karaia boubouna ena lahi dekenai do ia gabua ore. \p \v 19 “Vadaeni unai huina ia kakasia ore murinai hahelagaia tauna ese mamoe tau ena pagana do ia nadua neganai, uro dekena amo do ia abia, bona paraoa, olive dehoro danu ia mikisi ataga gauna ta, bona iena latanai olive dehoro ia bubua bisikesi danu do ia abia, Nasiri tauna ena imana ruaosi dekenai do ia atoa. \p \v 20 “Vadaeni hahelagaia tauna ese unai aniani gaudia do ia abia lou, bona idia be Lohiabada ena vairanai do ia davea, ia henia ena toana. Unai kara murinai idia be helaga, bona idia be hahelagaia tauna ena aniani. Mamoe ena kemena, ia davea gauna, bona mamoe ena aena, ia abia isi gauna danu do ia abia, badina be Lohiabada ena taravatu dekenai, idia be hahelagaia tauna ena aniani. Unai kara murinai, Nasiri tauna ese uaina do ia inua lou diba. \p \v 21 “Tau o hahine ese sibona Lohiabada dekenai ia henia gwauhamata ia karaia neganai, ia ese inai Nasiri taravatu ibounai do ia karaia bona badinaia. Ma bema ia ese ma gau ta Lohiabada dekenai do ia henia ena gwauhamata ia karaia neganai, inai gwauhamata ena anina danu do ia karaia haorea momokani.” \s1 Mose bona Arona edia hanamoa hereva Israela taudia edia latanai \p \v 22 Lohiabada ese Mose dekenai ma ia hereva, ia gwau, \v 23 “Arona mai ena natuna taudia do oi hamaoroa, Israela taudia dekenai idia hanamoa neganai, inai bamona hereva do idia gwauraia: \q1 \v 24 Lohiabada ese umui do ia hanamoa, \q1 bona umui do ia naria namonamo. \q1 \v 25 Lohiabada ese iena vairana ena diari, \q1 be umui dekenai do ia henia, \q1 bona iena hariharibada danu umui dekenai do ia henia. \q1 \v 26 Lohiabada ese umui do ia bogahisihisi henia, \q1 bona maino umui dekenai do ia henia.” \m \v 27 Bona Lohiabada ia gwau, “Bema unai bamona lauegu ladana be Israela taudia edia latanai idia gwauraia neganai, lau ese idia do lau hanamoa.” \c 7 \s1 Israela ena gunalaia taudia edia harihari gaudia \p \v 1 Mose ese Lohiabada ena Palai Dubu ia haginia vadaeni dinana dekenai, ia ese Dubu mai ena kohu ibounai dekenai dehoro helagana ia atoa, ia hahelagaia. Boubou patana danu, mai ena kohu, be dehoro helagana dekena amo Mose ia hahelagaia. \p \v 2 Unai dina dekenai danu, Israela gunalaia taudia, iduhu edia lohia taudia, duahia gaukara dekenai gaukara taudia ibounai edia biagudia, ese \v 3 edia harihari gaudia idia mailaia, Lohiabada ena vairana dekenai idia atoa. Gaudia be treila ibounai 6, bona boromakau tau ibounai 12, lohia rua rua dekena amo treila ta, bona lohia ta ta dekena amo boromakau tau ta ta. Lohia taudia ese inai gaudia idia henia murinai, \v 4 Lohiabada ese Mose ia hamaoroa, ia gwau, \v 5 “Inai harihari gaudia do oi abia dae, idia be Palai Dubu totona gaukara do idia karaia. Levi taudia dekenai do oi henidia, ta ta edia gaukara, edia gaukara totona.” \p \v 6 Unai dainai Mose ese treila bona boromakau ia abia, Levi taudia dekenai ia henia. \v 7 Treila rua bona boromakau tau 4 be Geresone iduhu taudia dekenai ia henia. \v 8 Ma treila 4 bona boromakau 8 be Merari iduhu taudia dekenai ia henia. Unai taudia edia gaukara ibounai be hahelagaia tauna Arona ena natuna Itamara ese ia biagua. \p \v 9 To Kohata iduhu taudia dekenai Mose ese gau ta ia henia lasi, badina be edia gaukara be idia ese idia naria gau helagadia, be edia pagana dekenai do idia huaia gaudia. \p \v 10 Boubou patana be dehoro helagana dekenai Mose ese ia hahelagaia neganai danu, unai Israela iduhu lohia taudia ese edia harihari gaudia idia mailaia. Edia harihari gaudia be boubou patana ena vairanai idia atoa diho. \v 11 Vadaeni Lohiabada ese Mose ia hamaoroa, ia gwau, “Dina ta ta ibounai ela bona dina 12 idia ore, lohia ta ta edia harihari gauna, edia harihari gauna, be lau dekenai do idia henia. Unai dekena amo egu boubou patana be do ia helaga.” \p \v 12-83 Inai iduhu ta ta, bona Lohiabada dekenai harihari gaudia idia henia lohia taudia edia ladana, bona idia henia dinadia, be inai bamona: \tr \tc1 1 \tc2 Iuda \tc3 Nasona Aminadaba \tr \tc1 2 \tc2 Isakara \tc3 Netanele Suara \tr \tc1 3 \tc2 Sebuluno \tc3 Eliaba Helona \tr \tc1 4 \tc2 Rubena \tc3 Elisuru Sedeuru \tr \tc1 5 \tc2 Simeona \tc3 Selumiele Surisadai \tr \tc1 6 \tc2 Gado \tc3 Eliasapa Reuele \tr \tc1 7 \tc2 Eparaima \tc3 Elisama Amihuda \tr \tc1 8 \tc2 Manase \tc3 Gamaliela Pedasuru \tr \tc1 9 \tc2 Beniamina \tc3 Abidana Gideoni \tr \tc1 10 \tc2 Dano \tc3 Ahiesere Amisadai \tr \tc1 11 \tc2 Asere \tc3 Pagiele Okarana \tr \tc1 12 \tc2 Napatali \tc3 Ahira Enana \p Inai lohia ta ta ese idia mailaia harihari gaudia be hegeregere, gaudia be inai: Siliva mereki ta, ena metau be 1 kilogaram 500 garam, siliva disi ta, ena metau be 800 garam, Helaga Gabuna ena sikele hegeregerena. Inai mereki bona disi be paraoa bona olive dehoro idia mikisi vadaeni paraoa boubouna dekenai idia honu. Ma golo disi ta, iena metau be 110 garam, bonana namo muramura dekenai ia honu, boromakau natuna tau ta, mamoe tau ta, mamoe natuna ta, gabua boubouna totona gauna, nanigosi ta, kara dika boubouna totona gauna. Bona boromakau tau rua, mamoe tau 5, nanigosi 5, bona mamoe natuna 5, lagani tamona gaudia, Lohiabada danu maino karaia boubouna totona. \v 84-88 Inai lohia taudia 12 ese idia mailaia harihari gaudia, boubou patana hahelagaia totona, be inai: \q1 — siliva mereki 12, bona siliva disi 12, edia metau be 27 kilogaram bona 600 garam. \q1 — golo disi 12, edia metau be 1 kilogaram 32 garam, idia ibounai be bonana namo muramura dekenai idia honu. \q1 — boromakau natuna tau 12, mamoe tau 12, mamoe natuna 12, lagani tamona gaudia, ma danu edia paraoa bouboudia, idia gabua ore gaudia. \q1 — nanigosi 12, kara dika boubouna totona. \q1 — boromakau tau 24, mamoe tau 60, nanigosi 60, mamoe natuna 60, lagani tamona gaudia, Lohiabada danu maino karaia bouboudia totona. \p \v 89 Mose ese Palai Dubu dekenai ia raka vareai, Lohiabada dekenai do idia herevahereva totona. Ia ese Lohiabada ena gadona ia kamonai. Taravatu Maua ena koua gauna, kara dika gwauatao gabuna, ena ataiai dekena amo, Lohiabada ese Mose dekenai ia hereva henia. Unai be kerubi aneru ruaosi edia huana dekenai gabuna. \c 8 \s1 Lamepa atoa gabuna \p \v 1 Lohiabada ese Mose ia hamaoroa, ia gwau, \v 2 “Arona do oi hadibaia, lamepa be edia gabudia dekenai ia atodia neganai, lamepa ibounai 7 be lamepa dogoatao gauna ena vairana kahana do idia hadiaria.” \p \v 3 Vadaeni Arona ese unai bamona ia karaia, lamepa be edia gabudia dekenai ia atoa, bona lamepa dogoatao gauna ena vairana kahana idia hadiaria, Lohiabada ese Mose ia hamaoroa hegeregerena. \v 4 Inai lamepa dogoatao gauna be golo, hama dekenai idia botaia gauna, dekena amo idia karaia, ena aena dekena amo ela bona ena ataiai. Lohiabada ena palani, ia ese Mose ia hamaoroa hegeregerena, be unai lamepa dogoatao gauna idia karaia. \s1 Levi taudia hagoevaia bona hahelagaia dalana \p \v 5 Lohiabada ese Mose ia hamaoroa, ia gwau, \v 6 “Levi taudia be Israela besena edia huana dekena amo do oi abia siri, bona idia do oi hagoevaia. \v 7 Inai dala dekenai idia do oi hagoevaia: Ranu helagana be idia dekenai do oi negea lao, bona idia do oi hamaoroa, edia tauanina ena huina ibounai do idia kakasia ore, bona edia dabua do idia huria namonamo. Unai dekena amo do idia goeva. \v 8 Unai neganai idia ese boromakau natuna tau ta do idia abia, mai ena paraoa boubouna, paraoa namo herea, olive dehoro dekenai mikisi gauna. Boromakau natuna tau ma ta danu do oi abia, kara dika boubouna totona. \p \v 9 “Vadaeni Levi taudia be Palai Dubu ena vairanai do oi hakaua mai, bona Israela taudia ibounai do oi haboua. \v 10 Vadaeni Levi taudia be Lohiabada ena vairanai do oi haginia. Israela taudia ese edia imana be Levi taudia edia latanai do idia atoa. \v 11 Arona ese Levi taudia Lohiabada dekenai do ia henia. Idia be Israela taudia edia harihari gauna lau dekenai, lauegu gaukara do idia karaia totona. \p \v 12 “Levi taudia ese edia imana be boromakau tau ruaosi edia kwarana latanai do idia atoa. Boromakau ta be kara dika boubouna totona, bona boromakau ta be gabua ore boubouna totona, Levi taudia edia kara dika davana karaia totona. \p \v 13 “Levi taudia be lau Lohiabada dekenai do oi henidia, harihari gauna idauna ta totona. Vadaeni Arona bona iena natuna tau ese unai Levi taudia do idia biagua. \p \v 14 “Levi taudia be Israela besena edia huana dekena amo unai bamona do oi abidia siri, idia be lauegu. \p \v 15 “Oi ese Levi taudia oi hagoevaia, bona oi hahelagaia murinai, idia ese Palai Dubu lalonai do idia gaukara diba. \v 16 Badina be Israela taudia edia huana dekena amo oi ese lau dekenai oi henidia, lauegu. Lau ese idia lau abia, idia ese Israela taudia edia vara guna natudia edia gabu idia abia vadaeni. \p \v 17 “Israela taudia edia vara guna natudia ibounai be lauegu, taunimanima edia natudia vara guna, bona ubua gaudia edia vara guna danu. Badina be Aigupito tano dekenai, Aigupito taudia edia vara guna natudia lau alaia mase neganai, be emui vara guna natudia ibounai lau hahelagaia, lauegu. \p \v 18 “To Israela taudia edia vara guna natudia edia gabu dekenai lau ese Levi taudia lau abia vadaeni. \v 19 Bona Arona mai iena natuna tau dekenai Levi taudia lau henia vadaeni, idia be Israela taudia edia harihari gaudia, Palai Dubu lalonai do idia gaukara totona. Bona Palai Dubu lalonai do idia gaukara noho dainai, Israela taudia ese dika do idia davaria lasi Palai Dubu kahirakahira do idia lao neganai.” \p \v 20 Inai kara dekena amo Mose bona Arona bona Israela taudia ibounai ese Levi taudia idia hahelagaia, Lohiabada ese Mose ia oda henia hegeregerena. \v 21 Levi taudia ese sibodia idia hagoevaia, bona edia dabua idia huria. Bona Arona ese idia ia hahelagaia, vadaeni Levi taudia be harihari gauna idauna ta Lohiabada dekenai. Arona ese danu Levi taudia hagoevaia totona, edia kara dika davana ia karaia. \p \v 22 Unai murinai Levi taudia be Palai Dubu idia raka vareai, bona idia ese Arona mai iena natuna tau durua gaukara idia karaia. Israela taudia ese Levi taudia dekenai gau ibounai idia karaia, Lohiabada ese Mose ia oda henia hegeregerena. \p \v 23 Lohiabada ese Mose ia hamaoroa, ia gwau, \v 24 “Levi taudia edia taravatu be inai: Edia mauri lagani be 25 neganai, egu Palai Dubu lalonai idia gaukara hamatamaia diba. \v 25 To lagani 50 idia abia neganai, inai gaukara do idia rakatania, bona do idia karaia lou lasi. \p \v 26 “Unai murinai, idia ese edia varavara taudia idia durua diba Palai Dubu ena gaukara dekenai, to idia sibodia ese Palai Dubu gaukara ta do idia karaia lasi. Levi taudia edia gaukara be unai bamona taravatu dekenai do umui naria.” \c 9 \s1 Pasova iharuana \p \v 1 Israela taudia ese Aigupito idia rakatania murinai, lagani iharuana ena hua ginigunana dekenai, Sinai tano, taunimanima noho lasi gabuna dekenai Lohiabada ese Mose dekenai ia hereva, \v 2 ia gwau, “Israela taudia ese Pasova ena aria do idia karaia, ena nega korikori dekenai. \p \v 3 “Inai hua ena dina namba 14 dekenai, adorahi neganai Pasova do umui karaia, ena nega korikori dekenai, Pasova ena taravatu hegeregerena.” \p \v 4 Unai dainai, Mose ese Israela taudia ia oda henia, Pasova do idia karaia. \v 5 Vadaeni hua ginigunana ena dina namba 14 adorahi neganai, Pasova aria idia karaia, Sinai tano kaukau dekenai. Israela taudia ese gau ibounai idia karaia, Lohiabada ese Mose ia oda henia hegeregerena. \p \v 6 To tau haida be idia miro vadaeni, mase tauna dekenai idia kamokau dainai. Unai dainai Pasova idia ania diba lasi unai dina dekenai. Vadaeni idia be Mose bona Arona dekenai idia lao unai dina dekenai, idia gwau, \v 7 “Ai be miro, badina mase tauna ta ai dogoatao vadaeni. Badina be dahaka ai ese Lohiabada ena boubou do ai karaia lasi, nega korikori dekenai, Israela taudia ibounai danu?” \p \v 8 Mose ese idia dekenai ia haere, ia gwau, “Do umui naria ela bona do lau kamonai, Lohiabada be edena bamona lau dekenai do ia hereva umui dainai.” \p \v 9 Vadaeni Lohiabada ese Mose ia oda henia, ia gwau, \v 10 “Israela taudia do oi hamaoroa, do oi gwau: Sedira umui ta o emui natudia ta o tubudia ta be miro, mase tauna umui dogoatao dainai, o sedira umui ta be daudau herea do ia laolao, to ia do ura Pasova do ia ania. \v 11 Unai bamona neganai, hua ta murinai idia ania diba, hua iharuana ena dina 14, adorahi neganai Pasova do idia ania, mai paraoa, idia hatubua lasi gauna, bona mai aniani avadia mamina dika gaudia danu do idia ania. \p \v 12 “To ania lasi gaudia do umui rakatania lasi ela bona dabai, bona mamoe ena turiana ta do umui makohia lasi. Pasova do umui badinaia namonamo, Pasova ena taravatu ibounai hegeregerena. \v 13 To bema tau ta ia miro lasi, o ia laolao lasi, to Pasova aria ia karaia lasi, unai tau be iena bese dekena amo do umui negea, badina be ia ese Lohiabada ena boubou ia henia lasi, henia ena nega korikori dekenai. Unai tau ese iena kerere ena davana be ia sibona do ia karaia. \p \v 14 “Bema idau bese tauna ta, iena tano dekena amo ia mai, umui emui huanai ia noho, bona ia ura Lohiabada ena Pasova aria do ia ania neganai, ia ese Pasova ena taravatu ibounai do ia badinaia guna. Pasova ena taravatu be tamona, idau bese taudia bona Israela taudia dekenai, taravatu be tamona, idau lasi.” \s1 Ori ese Palai Dubu ia koua \p \v 15 Palai Dubu idia haginia dinana dekenai, ori ese unai Dubu, Taravatu Maua ena Dubu ia koua. Hanuaboi neganai unai ori ena toana be lahi bamona. \v 16 Nega ibounai iena toana be unai bamona, dina neganai ori ese Dubu ia koua, hanuaboi neganai be lahi ena toana ese ia koua. \v 17 Bema ori ese Dubu dekena amo ia daekau neganai, Israela taudia be idia toreisi, edia kamepa idia rakatania, edia laolao ma idia raka lao lou. To ori ia diho mai lou gabuna dekenai, Israela taudia be unuseni idia kamepa lou. \v 18 Inai bamona dala dekenai Lohiabada ena oda hegeregerena Israela taudia idia karaia. Iena oda dekenai idia toreisi, bona iena oda dekenai idia kamepa. Ori ese Dubu ia koua negana ibounai lalonai, idia be kamepa dekenai idia noho. \v 19 Nega haida ori ese nega daudau Dubu ia koua, to Israela taudia ese Lohiabada ena oda idia laloa, idia toreisi lasi kamepa dekena amo. \v 20 Nega haida ori ese dina momo lasi Dubu ia koua. Vadaeni nega ibounai, Israela taudia idia noho o idia toreisi, Lohiabada ena oda hegeregerena. \v 21 Nega haida ori be adorahi neganai ia diho, hanuaboi neganai ia noho. To dabai be ma ia daekau lou, vadaeni Israela taudia be idia toreisi. Dina o hanuaboi, bema ori ia daekau negana ibounai, idia be kamepa dekena amo idia toreisi. \v 22 Ori ese Dubu ia koua negadia ibounai, bema dina rua, o hua ta, o lagani ta, o nega daudau, to Israela taudia kamepa dekenai idia noho, idia toreisi lasi. To ori ia daekau neganai idia toreisi. \v 23 Lohiabada ena oda dainai idia kamepa, ma Lohiabada ena oda dainai idia toreisi. Idia ese Lohiabada ena oda idia badinaia, Lohiabada ese Mose ia hamaoroa hegeregerena. \c 10 \s1 Siliva kibidia \p \v 1 Lohiabada ese Mose ia oda henia, ia gwau, \v 2 “Kibi rua do oi karaia, hama dekenai idia botaia siliva dekena amo. Idia be do umui hiriria, taunimanima do oi haboudia gwauraia neganai, bona kamepa do umui kokia neganai. \v 3 Bema kibi ruaosi idia hiriria lata neganai, Israela taudia ibounai be oi dekenai do idia haboua, Palai Dubu ena iduara dekenai. \v 4 To kibi tamona do ia hiriria lata neganai, Israela gunalaia taudia, iduhu edia lohia taudia sibona do idia haboua oi dekenai. \p \v 5 “Bema kibi idia hiriria kwadogi bona regena bada neganai, kamepa ena dina daekau kahana dekenai idia noho iduhu taudia ese edia palai ruma bona kohu do idia kokia, do idia huaia lao. \v 6 Bema kibi idia hiriria kwadogi bona regena bada nega rua neganai, kamepa ena diho kahana iduhu taudia ese edia palai ruma bona kohu do idia kokia, do idia huaia lao. Kibi idia hiriria kwadogi, regena bada gaudia, be kamepa toreisi ena toana. \v 7 To taunimanima haboua totona, kibi do idia hiriria lata. \p \v 8 “Kibi be Arona ena natuna tau ese do idia hiriria. Emui kibi taravatuna be inai, hari ia lao bona nega ibounai. \v 9 Bema umui dekenai idia tuari henia taudia ese emui tano dekenai umui idia hadikaia, bona umui idia tuari henia neganai, kibi do umui hiriria kwadogi, to mai regena bada. Unai neganai lau, Lohiabada, emui Dirava, ese umui do lau laloa, bona umui do lau hamauria, umui idia hadikaia taudia dekena amo. \p \v 10 “Emui moale dinadia neganai danu, emui hua matamatana guriguri aria, bona emui guriguri aria haida dekenai danu, umui ese kibi do umui hiriria. Emui gabua ore bouboudia bona maino karaia bouboudia umui henia neganai danu kibi do umui hiriria. Unai neganai lau ese umui do lau laloa bona durua. Lau be Lohiabada, emui Dirava.” \s1 Israela taudia ese Sinai tano idia rakatania \p \v 11 Lagani iharuana, hua iharuana ena dina namba 20 dekenai, ori ese Palai Dubu, Lohiabada ia noho ena toana, ia rakatania, ia daekau lao. \v 12 Israela taudia ese Sinai ena taunimanima noho lasi tano idia rakatania hamatamaia. Ori be ia lao, ela bona Parana ena taunimanima noho lasi tano dekenai ia ginidae. \v 13 Israela taudia ese edia kamepa gabuna idia rakatania nega ginigunana be unai, bona Lohiabada ese Mose ia hamaoroa dalana dekena amo idia raka lao. \p \v 14 Iuda iduhu taudia be idia raka guna edia pepe henunai, mai edia iduhu tuari orea toi: Iuda iduhu tuari orea, edia gunalaia tauna be Nasona Aminadaba. \v 15 Isakara iduhu tuari orea, edia gunalaia tauna be Netanele Suara. \v 16 Sebuluno iduhu tuari orea, edia gunalaia tauna be Eliaba Helona. \p \v 17 Vadaeni Palai Dubu idia kokia, bona Geresone bona Merari iduhu taudia ese idia huaia lao. \p \v 18 Idia edia murinai, Rubena iduhu taudia, edia pepe henunai idia raka lao, mai edia tuari orea toi: Rubena iduhu tuari orea, edia gunalaia tauna be Elisuru Sedeuru. \v 19 Simeona iduhu tuari orea, edia gunalaia tauna be Selumiele Surisadai. \v 20 Gado iduhu tuari orea, edia gunalaia tauna be Eliasapa Reuele. \v 21 Vadaeni Kohata taudia ese kohu helagadia idia huaia. Kamepa matamata do idia ginidae lasi neganai, Palai Dubu be Levi taudia haida ese gabu matamata dekenai idia haginia lou guna vadaeni. \p \v 22 Idia edia murinai, Eparaima iduhu taudia, edia pepe henunai, idia raka lao, mai edia tuari orea toi: Eparaima iduhu tuari orea, edia gunalaia tauna be Elisama Amihuda. \v 23 Manase iduhu tuari orea, edia gunalaia tauna be Gamaliela Pedasuru. \v 24 Beniamina iduhu tuari orea, edia gunalaia tauna be Abidana Gideoni. \p \v 25 Vadaeni murina dekenai idia mai iduhu idia raka lao, Dano iduhu taudia ese idia gunalaia, mai edia tuari orea toi: Dano iduhu tuari orea, ena gunalaia tauna be Ahiesere Amisadai. \v 26 Asere iduhu tuari orea, edia gunalaia tauna be Pagiele Okarana. \v 27 Bona Napatali iduhu tuari orea, edia gunalaia tauna be Ahira Enana. \v 28 Israela taudia idia toreisi negadia ibounai edia laolao dalana be unai bamona, orea ta ta dekena amo idia raka lao. \p \v 29 Mose ese iena nakimi Hobaba Reuele, Midiana tauna dekenai ia hereva, ia gwau, “Ai ese laolao ai hamatamaia inai, Lohiabada ese ai dekenai ia gwauhamata vadaeni ai dekenai do ia henia tano dekenai do ai lao. Unai dainai oi danu do oi mai, bona namo do oi davaria, badina be Lohiabada ese ia gwauhamata vadaeni, gau namodia momokani dekena amo Israela do ia hanamoa bada.” \p \v 30 Hobaba ia haere, ia gwau, “Lasi, lau be umui danu do lau lao lasi, egu tano korikori dekenai do lau giroa lou, egu varavara dekenai do lau lao.” \p \v 31 Mose ma ia gwau, “Mani emu kara ai do oi rakatania lasi, badina oi be taunimanima noho lasi tano ena kamepa gabudia namodia oi diba, bona oi ese ai oi hakaua diba. \v 32 Bema ai danu oi mai neganai, Lohiabada ese ai dekenai do ia henia gau namodia, be oi danu do ita haria.” \s1 Israela taudia idia toreisi \p \v 33 Unai neganai Sinai, Lohiabada ena ororo idia rakatania, bona dina toi idia raka lao. Lohiabada ena Taravatu Maua danu be dina toi lalonai idia edia vairana dekenai idia huaia lao, edia laga-ani gabuna ia tahua. \v 34 Dina neganai, kamepa dekena amo idia toreisi nega ibounai, Lohiabada ena ori ese edia ataiai dekenai ia noho. \p \v 35 Taravatu Maua idia huaia lao hamatamaia negadia ibounai, be Mose ia hereva, ia gwau: \q1 “Lohiabada e, oi toreisi, \q1 oi dekenai idia dagedage taudia do oi hadikaia. \q1 Oi dekenai idia badu henia taudia do oi lulua lao.” \p \v 36 Bona Taravatu Maua idia atoa diho neganai, ma Mose ia gwau, \q1 “Lohiabada e, Israela bese taudia momo momo herea, \q1 dekenai mani do oi giroa mai.” \c 11 \s1 Israela taudia idia maumau \p \v 1 Israela taudia be idia hekwarahi dainai, Lohiabada dekenai idia maumau. Lohiabada be ia kamonai, vadaeni ia badu, bona lahi be idia edia latanai ia siaia diho. Unai lahi ese kamepa ena kahana ia gabua noho. \v 2 Unai neganai Israela taudia ese Mose dekenai idia taitai bada. Vadaeni Mose ese Lohiabada ia noia, bona lahi be ia bodo. \v 3 Unai dainai unai gabu ena ladana idia atoa Tabera, badina be Lohiabada ena lahi be idia edia huanai ia araia dainai. \s1 Mose ese gunalaia taudia 70 ia abia hidi \p \v 4 Bona idau taudia, idau bese taudia haida, be Israela taudia danu idia laolao hebou. Inai taudia be vamu idia ura henia dikadika dainai idia maumau. Unai dainai Israela taudia danu idia taitai hamatamaia lou, idia gwau, “Vamu be edeseni do ita abia? \v 5 Aigupito ita noho neganai, gwarume ita ania be davana lasi, ani? Bona kiukamba, bona meloni bona liki bona oniani bona galiki be momo herea, ani? \v 6 To harihari iseda goada ia ore, aniani gauna ta be lasi, inai mana sibona mo ita itaia noho.” \p \v 7 Mana be nadinadi kurokurona bamona, boroko auna ena todena bamona. \v 8 Taunimanima ese dabai inai mana idia gogoa. Idia be gwada-gwada auna lalonai idia gwadaia ela bona paraoa bamona idia halaoa, o nadi uili, metau gauna, dekena amo idia moia maragimaragi, vadaeni uro dekenai idia nadua, bona keke idia karaia. Iena mamina be paraoa bona olive huahua ena digara danu idia mikisi hebou bamona. \v 9 Hanuaboi neganai paripari ena ranu be kamepa dekenai ia diho neganai, inai mana danu nega tamona ia diho. \p \v 10 Israela taudia ibounai idia taitai, idia ta ta edia palai rumadia iduara dekenai. Vadaeni Mose ese edia taitai ia kamonai, bona iena lalona ia hisihisi bada, badina Lohiabada be ia badu dikadika. \v 11 Mose ese Lohiabada dekenai ia hereva, ia gwau, “Badina dahaka inai bamona lau oi hadikaia? Badina dahaka oiemu lalona ia namo lasi lau dekenai? Edena bamona inai bese ibounai naria gaukara be lau dekenai oi henia? \v 12 Inai bese badana be lauegu natuna, a? Lau ese lau havaradia, a? Badina dahaka oi be oi gwau, ‘Oiemu imana dekenai do oi rosidia, rata ia inua memero bamona, ela bona edia sene taudia edia tano, lau gwauhamata do lau henidia tanona dekenai, a?’ \v 13 Vamu be edeseni do lau abia, inai taunimanima momo herea ubua totona? Badina idia be egu vairana dekenai idia taitai noho, idia gwau, ‘Vamu ai dekenai henia, do ai ania.’ \v 14 Lau sibona inai taunimanima lau naria be lau hegeregere lasi, maduna ia metau herea, huaia be lau goada lasi. \v 15 Bema oi ese inai bamona lau dekenai do oi karaia noho, mani do oi bogahisihisi lau dekenai, lau do oi alaia mase, vadaeni oiemu badu be do lau mamia lou lasi.” \p \v 16 Vadaeni Lohiabada ese Mose ia hereva henia, ia gwau, “Israela tau badadia 70 do oi abia hidi, oi diba idia be tau badadia korikori, bona mai edia siahu taunimanima edia huanai. Idia do oi haboua Palai Dubu ena vairana dekenai, oi danu do idia gini. \v 17 Vadaeni lau be do lau diho, umui dekenai do lau hereva unuseni. Bona oi dekenai lau henia siahuna ena kahana do lau abia lou, idia dekenai do lau henia. Vadaeni Israela besena naria gaukara be oi danu do idia karaia, maduna do umui huaia hebou, oi sibona do oi huaia lasi. \p \v 18 “Israela taudia danu do oi hamaoroa, do oi gwau: Umui sibona ta ta do umui helaga, badina be kerukeru vamu do umui ania. Badina be Lohiabada ese emui taitai ia kamonai vadaeni. Bona umui gwau Aigupito dekenai umui noho neganai umui boga kunu, bona vamu umui ura, be Lohiabada ia kamonai vadaeni. Unai dainai Lohiabada ese vamu do ia henia, do umui ania. \v 19 Dina tamona sibona lasi, dina rua, o dina ima, o dina 10, o dina 20 sibona lasi. \v 20 To hua ta ena dina ibounai be vamu do umui ania, ela bona do umui hesiku, do umui negea. Badina be Lohiabada, umui huanai ia noho Diravana, be umui gwau henia vadaeni. Ia dekenai umui maumau vadaeni, umui gwau: ‘Badina dahaka Aigupito ai rakatania?’ ” \p \v 21 To Mose be Lohiabada dekenai ia hereva, ia gwau, “Be, lauegu bese taudia be 600,000, edia aena dekenai idia raka taudia. To oi gwau, ‘Vamu do lau henidia, do idia ania, ela bona hua ta do ia ore.’ \v 22 Mamoe momo herea bona nani momo herea do idia alaia ore, edia aniani totona, a? O davara gwarume ibounai do idia abia ore, edia bogana do idia hakunua totona, a?” \p \v 23 Lohiabada ese Mose dekenai ia haere, ia gwau, “Lohiabada ena siahu be mai ena dokona, a? Iena imana ia kwadogi, a? Nega sisina do oi itaia, lauegu hereva do ia momokani o lasi.” \s1 Gunalaia taudia ese peroveta taudia bamona idia haroro \p \v 24 Unai dainai Mose ese Palai Dubu ia rakatania, Lohiabada ena hereva Israela taudia dekenai ia hamaoroa. Vadaeni gunalaia tau badadia 70 ia abia hidi, Palai Dubu ena murimurina dekenai ia atodia, idia gini hagegea. \v 25 Vadaeni unai neganai Lohiabada be ori lalonai ia diho, Mose dekenai ia hereva. Bona Mose dekenai ia henia vadaeni siahuna ena kahana be Lohiabada ese ia abia lou, unai gunalaia taudia 70 dekenai ia henia. Vadaeni inai siahu be idia edia latanai ia diho neganai, idia ese peroveta taudia bamona idia boiboi, to unai nega sisina sibona. \p \v 26 Unai gunalaia taudia edia orea taudia rua, edia ladana Eledada bona Medada, be kamepa dekenai idia noho, Palai Dubu dekenai idia lao lasi. Vadaeni, unuseni, kamepa lalonai siahu be idia edia latanai ia diho, bona peroveta taudia bamona idia boiboi. \v 27 Eregabe tauna ta ese Mose dekenai ia heau lao, ia gwau, “Eledada bona Medada be kamepa lalonai idia peroveta noho.” \p \v 28 Vadaeni Iosua Nunu, ia be mero negana ela bona ia bada ia be Mose ena hesiai tauna, ese Mose ia hamaoroa, ia gwau, “Mose, tau badana e, do oi hadokodia.” \p \v 29 Mose ia haere, ia gwau, “Lau dainai oi mama, a? Lohiabada ena orea taudia ibounai do idia peroveta, bona Lohiabada ese iena Lauma be ibounai edia latanai bema ia atoa be namo, ani?” \v 30 Vadaeni Mose bona unai Israela gunalaia taudia danu kamepa dekenai idia giroa lou. \s1 Lohiabada ese kibi manu momo ia siaia \p \v 31 Unai neganai Lohiabada ese lai ia siaia, vadaeni unai lai ese kibi manu momo davara kahana dekena amo ia harohodia. Idia roho lao, ela bona Israela taudia edia kamepa dekenai. Ataiai momokani dekenai idia roho lasi, to tano ena ataiai dekenai mita ta bamona idia roho. Kamepa ena tano kahana ibounai dekenai inai kibi manu idia diho. Idia diho gabuna ena bada be kilomita momo hegeregerena kahana ta dekenai, bona ma kahana ta dekenai danu kilomita momo hegeregerena. \p \v 32 Vadaeni unai dina dekenai, unai hanuaboi, bona kerukeru danu kamepa taudia ese unai kibi manu idia haboua. Ia haboua maragi tauna ese kilogaram 1000 ia haboua. Kamepa ena tano kahana ibounai dekenai taunimanima ese kibi manu idia hakaukaua. \v 33 To unai taudia ese edia uduna dekenai vamu idia atoa, idia do hadonoa lasi neganai, Lohiabada ena badu idia dekenai ia siahu, vadaeni ia ese roho hanai mase gorere dikana ta idia dekenai ia siaia. \v 34 Unai dainai unai gabu ena ladana idia atoa “Mataganigani ena Guria Gabuna,” badina be unuseni vamu idia ura dikadika taudia idia guridia. \p \v 35 Unai gabu dekena amo ma idia laolao, ela bona Haseroto dekenai idia ginidae, unuseni idia kamepa. \c 12 \s1 Miriama bona Arona ese Mose dekenai idia maumau \p \v 1 Mose ese Kusu hahine ta ia adavaia, bona unai dainai Miriama bona Arona be ia dekenai idia maumau. \v 2 Idia gwau, “Lohiabada be Mose sibona mo ena uduna dekena amo ia hereva, a? Sedira ai danu aiemai hereva dekena amo Lohiabada ia hereva vadaeni.” Lohiabada ese edia hereva ia kamonai. \v 3 Mose be tanobada taudia ibounai edia huanai ia sibona be manau herea. \p \v 4 To karaharaga Lohiabada ese Mose bona Arona bona Miriama dekenai ia hereva henia, ia gwau, “Umui toiosi umui raka mai, Palai Dubu dekenai umui mai.” Vadaeni toiosi idia lao. \v 5 Vadaeni Lohiabada be ori lalonai ia diho, Palai Dubu ena vairanai ia gini, Arona bona Miriama ia boiridia, bona ia dekenai idia raka lao. \v 6 Lohiabada ia gwau, “Lauegu hereva umui kamonai: Umui Israela bese emui huanai, bema peroveta taudia idia noho neganai, mata hanai bona nihi dekena amo idia dekenai lau hedinarai. \v 7 To lauegu hesiai tauna Mose dekenai be inai bamona lau hedinarai lasi. Ia be lauegu bese Israela taudia edia naria tauna. \v 8 Unai dainai ia danu ai herevahereva neganai, lauegu uduna dekenai lau hereva, iena uduna dekenai ia hereva, ai hereva hunia lasi. Lau Lohiabada egu laulau toana korikori be Mose ese iena matana dekena amo ia itaia vadaeni. Umui ruaosi be edena bamona lauegu hesiai tauna Mose dekenai umui maumau? Umui gari lasi, a?” \p \v 9 Idia ruaosi dekenai Lohiabada ese ia badu herea, vadaeni ia ese idia ia rakatania. \v 10 Ori be Palai Dubu dekena amo ia daekau neganai, Miriama be lepera gorere ia abia. Iena kopina be kurokuro, sinou bamona. Arona ese Miriama ia itaia ia be lepera gorere ia abia vadaeni. \v 11 Vadaeni Arona ese Mose dekenai ia hereva, ia gwau, “Lohia e, ai be kara kava ai karaia vadaeni, ai kara dika vadaeni. Mani emu kara aiemai dika davana do oi henia lasi. \v 12 Inai hahine mani oi durua, ia be mase gauna, sinana bogana dekena amo ia vara dika kekeni, iena kopina kahana ia darea oho bamona garina.” \p \v 13 Vadaeni Mose ese Lohiabada dekenai ia noinoi, ia gwau, “Dirava e, mani oi hanamoa.” \p \v 14 To Lohiabada ese Mose ia haere henia, ia gwau, “Bema Miriama ena tamana ese Miriama ena vairana dekenai bema ia kanudia, Miriama be mai hemarai danu do ia noho dina 7, ani? Unai dainai Miriama be dina 7 kamepa ena murimuri dekenai do ia noho, unai murinai do idia hakaua vareai lou.” \p \v 15 Unai dainai Miriama be kamepa murimuri dekenai ia noho ela bona dina 7 idia ore. Bona Israela taudia be edia laolao idia matamaia lou lasi ela bona Miriama be kamepa lalonai ma idia hakaua vareai lou. \p \v 16 Unai murinai Israela taudia ese Haseroto idia rakatania, Parana tano, taunimanima idia noho lasi tanona dekenai idia kamepa lou. \c 13 \s1 Hasinadoa taudia \p \v 1 Lohiabada ese Mose ia hamaoroa, ia gwau, \v 2 “Hasinadoa taudia do oi siaidia, Kanana dekenai do idia lao, unai tano taudia edia goada do idia itaia totona. Unai tano be Israela taudia dekenai do lau henia. Iduhu ta ta ibounai dekena amo lohia taudia do oi siaidia.” \v 3 Vadaeni Mose ese Parana tano, taunimanima noho lasi gabuna dekena amo ia siaidia. Idia ibounai be Israela lohia taudia. \q1 \v 4 Edia ladana be inai: Rubena iduhu dekena amo, Samua Sakuru. \q1 \v 5 Simeona iduhu dekena amo, Sapata Hori. \q1 \v 6 Iuda iduhu dekena amo, Kaleba Iepune. \q1 \v 7 Isakara iduhu dekena amo, Igala Iosepa. \q1 \v 8 Eparaima iduhu dekena amo, Hosea Nunu. \q1 \v 9 Beniamina iduhu dekena amo, Paliti Rapu. \q1 \v 10 Sebuluno iduhu dekena amo, Gadiela Sodi. \q1 \v 11 Manase Iosepa iduhu dekena amo, Gadi Susi. \q1 \v 12 Dano iduhu dekena amo, Amiele Gemali. \q1 \v 13 Asere iduhu dekena amo, Seturu Mikaela. \q1 \v 14 Napatali iduhu dekena amo, Nabi Vopisi. \q1 \v 15 Gado iduhu dekena amo, Gevele Maki. \p \v 16 Hasinadoa taudia edia ladana be unai, Mose ese ia siaia, Kanana dekenai idia lao. To Mose ese Hosea Nunu dekenai ladana matamata ia henia, Iosua. \p \v 17 Vadaeni Mose ese ia siaidia, Kanana do idia itaia. Ia gwau, “Mirigini kahana do umui lao, Kanana ena diho kahana do umui vareai. Unai gabu dekena amo Kanana ena ororo gabudia dekenai do umui lao. \v 18 Tano ena toana do umui itaia, bona unai tano ena taudia edia toana do umui itaia, idia goada o manoka, idia be momo o momo lasi. \v 19 Edia tano be edena bamona do umui itaia, ia namo o dika. Bona unai taudia edia hanua do umui itaia, kamepa dekenai, o hanua mai magu danu lalonai idia noho. \v 20 Edia uma gabudia danu do umui itaia, idia be namo o dika, bona au idia noho o lasi. Bona do umui goada, tano ena au huahua haida do umui abia mai lou.” Badina be unai negana be vain huahua idia mage hamatamaia negana. \p \v 21 Vadaeni unai tatau be mirigini kahana idia lao, Kanana tanona idia itaia, Sini taunimanima idia noho lasi tanona ela bona Rehoba, Hamata dalana dekenai. \v 22 Kanana ena diho kahana idia itaia guna, bona Heberona dekenai idia ginidae. Unuseni Ahimana bona Sesai bona Talamai, Anaki besena taudia idia noho. Unai Anaki taudia edia tauanina idia bada herea. Unai Heberona hanua idia haginia murinai, ma lagani 7 idia lao murinai, Aigupito taudia ese Soana hanua idia haginia Aigupito dekenai. \p \v 23 Unai murinai Esakolo Koura dekenai idia ginidae. Unuseni vain auna ena rigi ta idia utua. Unai rigi tamona dekenai be vain huahua idia noho, edia metau be bada herea, tau rua idia huaia hegeregerena gaudia. Apolo bona fig au huahua haida danu idia gogoa, idia huaia mai. \v 24 Unai gabu ena ladana idia atoa Esakolo Kourana, badina be Israela taudia ese vain huahua unuseni idia utua dainai. \s1 Hasinadoa taudia 12 idia giroa mai lou \p \v 25 Dina 40 murinai hasinadoa taudia be idia giroa lou. Mose, Arona bona Israela taudia ibounai Kadesi dekenai, Parana tano, taunimanima noho lasi gabuna dekenai idia ginidae lou. \v 26 Vadaeni unai Kanana tano ena sivarai idia hamaoroa, bona unai au huahua gaudia idia dekenai idia hedinaraia. \v 27 Mose dekenai idia hereva, idia gwau, “Oi ese ai oi siaia tanona ai itaia vadaeni, bona momokani ia be rata bona hani dekenai ia honu tanona. Tano ena au huahua haida be inai. \v 28 To unai tano ena taudia be goada herea, edia hanua danu be bada herea, bona mai edia magu. Tauanina bada taudia, Anaki ena besena danu unuseni ai itaia. \v 29 Diho kahana dekenai Amaleka taudia idia noho. Ororo gabudia dekenai Hiti taudia, Iebusu taudia bona Amoro taudia idia noho. To kone dekenai bona Ioridane Sinavai dekenai be Kanana taudia idia noho.” \p \v 30 Vadaeni Kaleba ese Mose idia hagegea taudia edia maumau hereva ia hadokoa, ia gwau, “Harihari unai tano ita tuari henia be namo, badina ita be mai goada, unai tano ita abia diba.” \p \v 31 To ia danu idia lao taudia idia gwau, “Unai tano taudia ita tuari henia diba lasi, badina idia be goada, ita be manoka.” \v 32 Unai dainai idia ese sivarai koikoi Israela taudia dekenai idia hadibaia, idia gwau, “Unai ai itaia tanona ena uma anina be hegeregere lasi, bona unuseni idia noho taudia edia aniani be hegeregere lasi. Unai gabu dekenai be tauanina lata herea taudia sibona idia noho. \v 33 Bona tauanina bada herea taudia danu unuseni ai itaia, Anaki ena besena taudia, Nepili dekena amo idia mai taudia. Ai ese ai laloa ai be maragi, kwadi bamona, idia edia vairana dekenai. Bona idia ese danu ai idia itaia, idia laloa ai be kwadi bamona.” \c 14 \s1 Israela taudia ese Lohiabada dekenai idia maumau \p \v 1 Unai hanuaboi be Israela taudia ibounai idia taitai bada ela bona dabai. \v 2 Israela taudia ibounai ese Mose bona Arona dekenai idia maumau. Idia gwau, “Aigupito dekenai o inai taunimanima noho lasi tanona dekenai ai mase be namo. \v 3 Badina dahaka Lohiabada ese unai tano dekenai ai ia hakaua noho gwauraia? Unuseni tuari dekenai do ai mase, bona aiemai adavana bona natuna do idia abia mauri. Aigupito dekenai do ai giroa lou be namo, ani?” \p \v 4 Vadaeni idia sibona ta ta dekenai idia hereva henia, idia gwau, “Iseda biaguna ta do ita abia hidi, Aigupito dekenai do ita giroa lou.” \p \v 5 Vadaeni Mose bona Arona ese Israela taudia ibounai edia vairanai idia tui diho, bona edia kwarana idia atoa diho. \v 6 Bona Iosua Nunu bona Kaleba Iepune, hasinadoa taudia rua ese lalohisihisi dainai edia dabua idia darea. \v 7 Idia ese Israela taudia idia hamaoroa, idia gwau, “Unai ai itaia tanona be namo herea. \v 8 Bema Lohiabada ese ita dekenai ia laloa namo neganai, ia ese unai tano dekenai ita do ia hakaua. Oibe, ia ese unai tano, rata bona hani dekenai ia honu tanona ita dekenai do ia henia. \v 9 To Lohiabada do umui tuari henia lasi, bona unai tano taudia do umui gari henia lasi, do ita halusidia haraga. Lohiabada be ita dekenai ia noho, to idia be durua diravana ta lasi. Unai dainai do umui gari lasi.” \p \v 10 To Israela taudia ibounai ese nadi dekenai idia do idia alaia gwauraia. Vadaeni nega tamona Lohiabada ena diaridiari be unai taunimanima edia vairanai, Palai Dubu dekenai ia hedinarai. \s1 Mose ese Israela taudia totona ia guriguri \p \v 11 Lohiabada ese Mose dekenai ia hereva henia, ia gwau, “Inai taunimanima be lau dekenai do idia kamonai henia lasi ela bona edena negai? Toa kara momo herea idia dekenai lau karaia vadaeni. Edena negai lau dekenai do idia abidadama henia? \v 12 Lau be gorere dikana, hanaia gorerena idia dekenai do lau siaia, idia do lau hadikaia ore. To oi dekenai goada do lau henia, vadaeni oi dekena amo bese ta, inai bese do idia hereaia besena do lau havaraia.” \p \v 13 Mose ese Lohiabada dekenai ia haere henia, ia gwau, “Oi ese oiemu siahu dekena amo, inai bese Aigupito dekena amo oi hakaua mai vadaeni. \v 14 Bema ai oi hadikaia neganai, Aigupito taudia ese Kanana taudia do idia hamaorolaia. Kanana taudia be idia kamonai vadaeni oi Lohiabada ese, be ai dekenai oi noho. Bona idia diba vadaeni, ori be aiemai ataiai neganai, oi sibona oiemu toana oi hedinaraia momokani. Bona idia diba oi be aiemai vairana dekenai oi lao noho, dina dekenai oi be ori lalonai, bona hanuaboi dekenai oi be lahi dekenai. \v 15 Bema oiemu bese ibounai oi alaia ore neganai, oiemu sivarai idia kamonai besedia do idia gwau, \v 16 ‘Lohiabada be mai siahu lasi inai bese ia gwauhamata henidia tano dekenai do ia hakaudia vareai. Unai dainai ia ese taunimanima noho lasi tano dekenai iena bese ia aladia ore.’ \p \v 17 “Unai dainai Lohiabada e, oi dekenai lau noinoi, oiemu siahu mani do oi hedinaraia, bona oiemu hereva gauna do oi badinaia, hereva be inai: \v 18 ‘Lau Lohiabada, be badu haraga lasi, lauegu lalokau bona bogahisihisi be bada, bona kara dika bona kamonai henia lasi karadia lau gwauatao. To kara dika taudia edia dika do lau laloaboio lasi, badina edia natudia do lau panisia ela bona uru toi bona uru 4 do idia ore.’ \v 19 Lau be oi dekenai lau noinoi, oiemu bogahisihisi ia bada herea dainai, inai bese edia kara dika do oi gwauatao. Mani edia dika do oi gwauatao, Aigupito idia rakatania ia mai bona hari edia dika oi gwauatao hegeregerena.” \s1 Dirava ese Israela taudia ia panisia \p \v 20 Lohiabada ia haere, ia gwau, “Oiemu noinoi hegeregerena, edia dika lau gwauatao vadaeni. \v 21 To momokani, lau be lau mauri noho hegeregerena, bona lau Lohiabada, egu hairaina ese tanobada ibounai ia hahonua hegeregerena, \v 22 idia ta lasi ese unai tano do idia itaia. Idia ese lauegu diaridiari idia itaia vadaeni, bona Aigupito dekenai, bona taunimanima lasi gabuna dekenai danu lau karaia hoa karadia idia itaia vadaeni. To lauegu hereva idia kamonai henia lasi, bona nega 10 lau dekenai idia dibagania. \v 23 Idia ta lasi ese edia sene taudia dekenai lau gwauhamata tanona do idia itaia. Momokani lau idia negea taudia ta ese unai tano do ia itaia lasi. \v 24 To lauegu hesiai tauna Kaleba ena laumana be idau, bona ia ese lau ia badinaia. Unai dainai ia itaia tanona dekenai be lau ese do lau hakaua vareai. Bona iena natuna taudia ese unai tano do idia abia, idia edia tano. \v 25 To harihari, Amaleka taudia bona Kanana taudia be koura dekenai idia noho dainai, kerukeru be do umui toreisi, taunimanima noho lasi tanona dekenai do umui giroa lou, Davara Kakakaka kahana dekenai.” \p \v 26 Lohiabada ese Mose bona Arona dekenai ia hereva, ia gwau, \v 27 “Inai orea dikana lau dekenai do idia maumau ela bona edena negai? Israela taudia edia maumau hereva lau kamonai, be lau hesiku. \v 28 Do umui hamaorodia, do umui gwau, Lohiabada be ia gwau: ‘Lau mauri noho dainai, lau gwauhamata inai: Umui emui noinoi hereva dikana hegeregerena, be umui dekenai do lau karaia. Lau Lohiabada lau hereva inai: \v 29 Inai taunimanima noho lasi tano dekenai do umui mase. Umui ibounai, lau dekenai umui maumau taudia, lagani 20 umui abia vadaeni taudia, be unai gwauhamata tano do umui vareai lasi. \v 30 Guna lau gwauhamata henia vadaeni, umui be unai tano dekenai do umui noho. To umui ta lasi do ia noho, Kaleba bona Iosua sibona be unai tano dekenai do idia noho. \v 31 To umui emui natudia maragidia, umui gwau Kanana taudia ese do idia abidia mauri, be do lau hakaudia. Vadaeni idia be umui ese umui negea vadaeni tanona do idia abia. \v 32 To umui be inai taunimanima noho lasi tano dekenai do umui mase. \v 33 Umui emui natudia be lagani 40 lalonai inai taunimanima noho lasi tano dekenai edia mamoe do idia naria. Inai edia hisihisi be emui kara dika dainai do idia abia, ela bona umui ibounai inai taunimanima lasi tano dekenai do umui mase ore. \v 34 Lagani 40 lalonai, emui kara dika dainai, hisihisi do umui abia. Inai lagani 40 ena badina be, umui hasinadoa dinadia be 40 dainai. Oibe, umui dekenai do lau tuari henia, bona inai lauegu tuari ena mamina do umui abia momokani. \v 35 Lau Lohiabada lau hereva momokani inai: Momokani, umui orea dikana, lau dekenai dagedage henia totona umui haboua taudia e, umui ta ta ibounai be inai taunimanima lasi tano dekenai do umui mase ore.’ ” \s1 Hasinadoa taudia dikadia 10 idia mase \p \v 36 Unai hasinadoa taudia, Mose ia siaidia unai tano itaia totona, bona idia giroa lou neganai, sivarai dikana idia gwauraia. Bona unai sivarai dainai Israela taudia ese Lohiabada dekenai idia maumau. \v 37 Unai dainai Lohiabada ese gorere dikana ia henidia, vadaeni idia mase ore. \v 38 To Iosua Nunu bona Kaleba Iepune be idia mauri, hasinadoa taudia ibounai 12 edia huanai, idia ruaosi sibona idia mauri. \s1 Israela taudia be tuari dekenai idia lusi Horoma dekenai \p \v 39 Mose ese Israela taudia dekenai Lohiabada ena hereva ia hamaorodia neganai, idia lalohisihisi bada herea. \v 40 Kerukeru dabai idia toreisi, ororo kahana dekenai idia daekau, idia gwau, “Harihari ai be Lohiabada ia gwauhamata henia tano dekenai do ai lao, badina ai diba ai kara dika vadaeni.” \p \v 41 To Mose ia gwau, “Dahaka dainai Lohiabada ena oda umui kamonai henia lasi? Do umui kwalimu diba lasi. \v 42 Do umui lao lasi, umui dekenai idia tuari henia taudia ese umui do idia halusia garina, badina Lohiabada be umui dekenai ia noho lasi. \v 43 Badina be Amaleka taudia bona Kanana taudia be umui emui vairana dekenai idia noho. Idia ese umui do idia alaia mase tuari dekenai. Lohiabada ena dala umui rakatania dainai, ia be umui dekenai do ia noho lasi.” \p \v 44 To idia hekokoroku noho dainai, idia daekau lao ororo dekenai. To Mose bona Lohiabada ena Taravatu Maua be kamepa dekenai idia noho. \v 45 Vadaeni Amaleka taudia bona Kanana taudia, unai ororo dekenai idia noho taudia ese Israela taudia idia tuari henidia, idia halusidia. Bona idia ese Israela taudia idia lulua lao ela bona Horoma. \c 15 \s1 Boubou taravatu \p \v 1 Lohiabada ese Mose ia hamaoroa, ia gwau, \v 2 “Israela taudia do oi hereva henia, do oi gwau, ‘Lohiabada ese umui dekenai do ia henia tano dekenai do umui ginidae neganai, \v 3 boromakau tau ta, mamoe tau ta, mamoe ta, o nanigosi ta be Lohiabada dekenai gabua ore boubouna totona, o gwauhamata boubouna totona, o laloa namo boubouna, o emui aria ta boubouna totona do umui henia. Inai aniani bouboudia edia bonana be namo herea Lohiabada dekenai. \p \v 4 “ ‘Unai neganai danu boubou do ia henia tauna ese paraoa namo herea ena metau kilogaram ta, olive dehoro, ena bada lita ta dekenai ia mikisi gauna ma do ia henia. \v 5 Gabua ore boubouna, o boubou ta totona, mamoe natuna ta ta danu be uaina lita ta, ma do ia henia. \p \v 6 “ ‘Bema mamoe tau idia henia neganai, paraoa ena metau kilogaram rua, olive dehoro, 1 lita 500 garam danu mikisi gauna, be paraoa boubouna totona do idia henia, \v 7 ma uaina ena bada 1 lita 500 garam danu do idia henia. Inai bouboudia be Lohiabada dekenai edia bonana be namo herea. \p \v 8 “ ‘Bema boromakau tau be gabua ore boubouna, o gwauhamata boubouna, o maino karaia boubouna totona Lohiabada dekenai umui henia neganai, \v 9 paraoa boubouna, paraoa ena metau kilogaram toi, olive dehoro ena bada lita rua dekenai idia mikisi gauna danu do umui henia, \v 10 mai uaina ena bada lita rua danu. Inai boubou ena bonana be Lohiabada dekenai ia namo herea. \p \v 11 “ ‘Boromakau tau ta ta danu, mamoe tau ta ta danu, mamoe natuna ta ta danu, bona nanigosi natuna ta ta danu henia gaudia Lohiabada dekenai be unai bamona. \v 12 Bema boubou totona mauri gaudia be tamona sibona lasi neganai, paraoa bona uaina boubouna danu be tamona sibona lasi. Mauri gaudia hida do umui henia gwauraia, unai namba hegeregerena danu paraoa bona uaina bouboudia do umui henia. \p \v 13 “ ‘Israela korikori taudia ibounai ese aniani gabua boubouna idia henia neganai, inai bamona taravatu do idia badinaia, bona Lohiabada dekenai unai boubou ena bonana be namo herea. \p \v 14 “ ‘Sedira idau bese tauna ta, nega sisina o nega daudau umui emui huanai ia noho tauna ese aniani gabua boubouna, Lohiabada dekenai ena bonana be namo gauna, ia ura do ia henia. Bema ia henia neganai, ia ese boubou henia taravatu, umui ese umui badinaia gauna hegeregerena do ia badinaia. \v 15 Umui bona umui emui huanai idia noho idau bese, umui ibounai dekenai taravatu be tamona, hari ela bona nega ibounai. Lohiabada ena vairana dekenai umui bona idia be tamona. \v 16 Taravatu bona oda ibounai be tamona, umui, bona umui dekenai noho idau bese taudia emui latanai.’ ” \p \v 17 Lohiabada ese ma Mose dekenai ia hereva lou, ia gwau, \v 18 “Israela taudia do oi hamaoroa, inai bamona: Lau Lohiabada ese umui do lau henia tano dekenai umui ginidae neganai, inai taravatu do umui badinaia: \v 19 Unai tano dekenai anina do umui ania hamatamaia neganai, aniani haida be harihari gauna Lohiabada dekenai do umui henia. \p \v 20 “Bema paraoa umui gabua neganai, beredi ginigunana, uiti anina ginigunana dekena amo be Lohiabada ena vairanai do umui atoa, ia be harihari gauna, Lohiabada ena. Inai be do umui henia, uiti kwadia gabuna dekena amo umui henia harihari gauna umui henia dalana hegeregerena. \p \v 21 “Hari ela bona hanaihanai, inai harihari gauna be Lohiabada dekenai do umui henia, umui gabua beredi ibounai dekena amo. \p \v 22 “To bema tau ta ia diba lasi dainai inai taravatu, Lohiabada ese Mose ia henia gauna, ia badinaia lasi neganai, \v 23 o bema vaira neganai Israela taudia ese Lohiabada ena oda ibounai, Mose ia henia gaudia do idia badinaia lasi, \v 24 bona bema unai kerere idia karaia, badina be taravatu idia diba lasi dainai, idia ese boromakau tau do idia henia, gabua ore boubouna totona, mai bonana namona Lohiabada dekenai gauna. Paraoa bona uaina bouboudia danu nega tamona do idia henia, bona nanigosi tau, kara dika totona boubouna danu do idia henia unai neganai. \p \v 25 “Vadaeni hahelagaia tauna ese Israela orea ibounai edia kara dika davana do ia karaia, bona Lohiabada ese edia kara dika do ia gwauatao, badina edia kerere be idia karaia kava, idia diba lasi dainai, bona edia kerere totona aniani boubouna idia henia vadaeni Lohiabada dekenai. \v 26 Unai neganai Israela taudia bona edia huanai noho idau bese taudia danu edia kara dika be Lohiabada ese do ia gwauatao. Badina be unai kara dika kava ese taunimanima ibounai ia hakererea vadaeni. \p \v 27 “To bema tau ta sibona ese kara kerere ia karaia kava neganai, ia ese nanigosi hahine do ia henia, kara dika totona boubouna. \v 28 Hahelagaia tauna ese Lohiabada ena vairana dekenai unai tau ena kara dika ena davana do ia karaia, bona Lohiabada ese iena kara dika do ia gwauatao. \v 29 Inai kara kerere ia karaia kava taravatuna be tamona sibona, bese ibounai taudia edia latanai. Bema Israela tauna o Israela dekenai ia noho idau tauna ese unai bamona ia kerere neganai, taravatu be tamona sibona. \p \v 30 “To bema Israela tauna o Israela dekenai ia noho idau tauna ese mai hekokoroku bona mai laloa dika danu kara kerere ia karaia, inai be ia ese Lohiabada ia matauraia lasi. Vadaeni unai bamona tauna be do umui alaia mase. \v 31 Badina be ia ese Lohiabada ena hereva ia negea vadaeni, bona ia ese mai hekokoroku danu, Lohiabada ena taravatu ta ia makohia vadaeni. Iena mase be ia sibona ena kerere dainai.” \s1 Tau ta ese Sabati Dina ena taravatu ia makohia \p \v 32 Israela taudia be taunimanima idia noho lasi tano dekenai idia noho neganai, idia ese tau ta idia itaia, Sabati Dina dekenai lahi totona au ia gogoa noho. \v 33 Vadaeni unai kara ia karaia tauna idia davaria taudia ese unai tau idia abia, Mose bona Arona, bona Israela taudia ibounai dekenai idia hakaua lao. \p \v 34 Vadaeni idia guia, bona gabu ta dekenai idia koua, ela bona Lohiabada ese iena ura idia dekenai do ia hedinaraia. \p \v 35 Vadaeni Lohiabada ese Mose ia hamaoroa, ia gwau, “Inai tau be do umui alaia mase. Kamepa ena murimurina dekenai be kamepa taudia ibounai ese nadi dekena amo unai tau do idia hodoa mase.” \v 36 Vadaeni Israela taudia ibounai ese unai tau idia abia lao kamepa ena murimurinai, bona unuseni nadi dekenai idia hodoa mase, Lohiabada ese Mose ia oda henia hegeregerena. \s1 Laloaboio lasi totona ena toadia \p \v 37 Lohiabada ese Mose ia oda henia, ia gwau, \v 38 “Israela taudia do oi hamaoroa edia dabua edia kona dekenai varo do idia hatua namonamo, herahera edia toana bamona. Bona inai herahera gaudia ta ta edia latanai varo ta, ena kala bulu do umui kwatua. Inai bamona do umui karaia noho, ela bona nega ibounai. \v 39 Inai herahera gaudia umui itaia neganai, be lau Lohiabada egu taravatu ibounai do umui laloa, bona kamonai henia. Unai bamona neganai, umui ese lau dekena amo do umui raka siri lasi, bona umui emui laloa bona ura sibona do umui karaia lasi. \p \v 40 “Inai herahera gaudia dekena amo umui ese egu taravatu ibounai do umui laloaboio lasi, bona umui be lau, emui Dirava dekenai, do umui noho helaga momokani. \p \v 41 “Lau be Lohiabada, emui Dirava. Aigupito dekena amo lau ese umui lau hakaua mai, emui Dirava do lau lao totona. Lau inai Lohiabada.” \c 16 \p \v 1 Kora Isahara, Kohata Levi ena natuna, bona Rubena iduhu taudia, Datana Eliaba, bona Abirama Eliaba, bona Onu Pelete ese idia ura lasi Mose ena siahu henunai idia noho. \v 2 Idia ese tatau 250, lohia taudia, mai edia ladana bada taudia idia haboua, bona Mose dekenai idia lao. \v 3 Idia be Mose bona Arona edia vairanai idia haboua, bona idia dekenai idia heai henia, idia gwau, “Umui ruaosi ese mai hekokoroku danu ai umui gunalaia noho! Ai Israela taudia ibounai be Lohiabada ena bese, bona Lohiabada be aiemai huanai ia noho! Badina dahaka umui ruaosi ese mai siahu bada danu Lohiabada ena orea taudia umui biagua noho?” \p \v 4 Mose ese unai hereva ia kamonai neganai, ia be tano dekenai ia moru diho, bona ia guriguri. \v 5 Vadaeni ia ese Kora bona iena orea taudia ia hamaoroa, ia gwau, “Kerukeru dabai Lohiabada ese do ia hedinaraia, daika be iena tau, daika be helaga, bona daika be ia ese ia abia hidi vadaeni, ia dekenai do ia raka kahirakahira lao, iena boubou patana dekenai. \p \v 6 “Kora e, oi bona oiemu orea taudia be kerukeru dabai inai bamona do umui karaia: \v 7 Lahi huaia auri kapusi do umui abia, edia latanai lahi, bona bonana namo muramura do umui udaia, Lohiabada ena vairanai, boubou patana dekenai, do umui atodia. Kerukeru, Lohiabada ese ia abia hidi tauna, iena helaga tauna, be do ia hedinaraia. Umui Levi taudia e, umui be hari umui hekokoroku noho!” \p \v 8 Mose ese Kora ma ia hereva henia, ia gwau, “Umui Levi taudia ese egu hereva do umui kamonai! \v 9 Israela ena Dirava ese umui ia abia hidi vadaeni, Israela taudia edia huana dekena amo, Lohiabada kahirakahira do umui raka, bona Lohiabada ena Palai Dubu gaukara do umui karaia. Bona Israela taudia edia vairanai do umui gini, idia edia hesiai gaukara do umui karaia totona. \p \v 10 “Lohiabada ese umui, bona Levi taudia ibounai dekenai inai dagi badana ia henia vadaeni, to hari umui ura hahelagaia taudia edia dagi danu do umui abia, a? \p \v 11 “Bema umui ese Arona dekenai umui maumau neganai, unai anina korikori be umui ese Lohiabada dekenai umui heai henia noho!” \p \v 12 Vadaeni Mose ese Datana Eliaba bona Abirama Eliaba ia boiria mai. To idia gwau, “Do ai mai lasi, \v 13 oi ese Aigupito tano, aniani namo herea gabuna dekena amo ai oi hakaua mai, inai tano kaukau dekenai ai do oi alaia mase totona, a? Bona hari oi ura be aiemai lohia, a? \v 14 Oi ese tano namona ta, rata bona hani dekenai ia honu tano dekenai ai oi hakaua lasi momokani. Oi ese tano namona, mai ena vain audia be ai dekenai oi henia lasi. Oi laloa aiemai orea taudia oi koia diba, a? Ai be oi dekenai do ai mai lasi.” \p \v 15 Mose ia badu dikadika, bona ia ese Lohiabada ia noia, ia gwau, “Inai taudia edia boubou ta do oi abia dae lasi. Lau ese idia ta lau hadikaia lasi, edia doniki ta danu be nega ta lau abia lasi.” \p \v 16 Mose ese Kora ia hamaoroa, ia gwau, “Kerukeru oi bona oiemu orea taudia 250 be Palai Dubu dekenai do umui mai, Lohiabada ena vairanai do umui gini. Arona danu be unuseni do ia noho. \p \v 17 “Umui ta ta ese emui lahi huaia auri kapusi, bona edia latanai bonana namo muramura danu do umui abia mai, bona boubou patana dekenai, Lohiabada ena vairanai do umui atoa.” \p \v 18 Vadaeni inai taudia ta ta ibounai ese edia lahi huaia auri kapusi idia abia, gida, bona mai bonana namo muramura be auri kapusi edia latanai idia atoa, bona Palai Dubu ena iduara dekenai idia gini, Mose bona Arona danu. \p \v 19 Unai neganai Kora ese Israela taudia ibounai ia haboua, bona idia be idia gini noho, Mose bona Arona edia vairanai, Palai Dubu ena iduara dekenai. Vadaeni karaharaga, nega tamona, Lohiabada ena diaridiari ia hedinarai, bona hebou taudia ibounai ese idia itaia. \p \v 20 Vadaeni Lohiabada ese Mose bona Arona ia hamaoroa, ia gwau, \v 21 “Inai hebou taudia dekena amo do umui raka siri, bona lau ese idia do lau hadikaia ore.” \p \v 22 To Mose bona Arona be tano dekenai edia vairana idia atoa diho, idia boiboi, idia gwau, “Dirava e, Dirava e, oi be taunimanima ibounai edia laumadia edia Dirava, tau tamona do ia kara dika neganai, inai hebou taudia ibounai do oi badu henia, a?” \p \v 23 Lohiabada ese Mose ma ia hereva henia, ia gwau, \v 24 “Taunimanima do oi hamaoroa, Kora, bona Datana bona Abirama edia palai ruma dekena amo do idia raka siri.” \p \v 25 Vadaeni Mose ia toreisi, Datana bona Abirama dekenai ia lao, Israela gunalaia taudia be Mose ena murinai idia raka. \v 26 Mose ese hebou taudia ia hamaoroa, ia gwau, “Inai kara dika taudia edia palai ruma dekena amo do umui raka siri, bona edia gau ta do umui dogoatao lasi, idia edia dika dekena amo umui danu umui dika garina.” \v 27 Unai dainai idia be Kora bona Datana bona Abirama edia palai ruma dekena amo idia raka siri. Unai neganai Datana bona Abirama idia raka mai, idia bona edia adavana bona natuna badadia bona natuna maragidia, edia palai ruma iduara dekenai idia gini. \p \v 28 Vadaeni Mose ia gwau, “Inai dekena amo, do umui diba Lohiabada ese lau ia siaia vadaeni, inai kara ibounai do lau karaia totona, bona lau sibona egu laloa dekena amo lau karaia lasi. \p \v 29 “Bema inai taudia be taunimanima ibounai edia mase dalana dekenai do idia mase, Lohiabada ese edia kerere davana ia henidia lasi neganai, Dirava ese lau ia siaia lasi. \v 30 To bema Lohiabada ese kara matamata ta ia havaraia, tano ena uduna bema ia kehoa, bona idia bona edia gau ibounai inai tano ese do ia ania ore, bona idia be do mauri neganai, mase taudia edia gabu bema idia diho neganai, do umui diba idia ese Lohiabada ena hereva idia negea vadaeni.” \p \v 31 Mose ena hereva idia doko neganai, nega tamona Datana bona Abirama edia henunai tano be ia kehoa bada, \v 32 bona unai guri badana lalonai idia bona edia ruma taudia, mai edia kohu ibounai idia moru diho. Kora ena orea taudia ibounai mai edia kohu danu be inai guri badana ese idia ibounai ia ania ore. \p \v 33 Idia do mauri noho lalonai, be mase taudia edia gabu dekenai idia diho, mai edia kohu danu. Tano ese idia ia koua momokani, bona unai taudia be Israela taudia edia huana dekena amo idia mase ore. \p \v 34 Israela taudia, idia gini hagegea taudia, ese unai mase taudia edia tai mai boiboi danu idia kamonai neganai idia heau boio, idia gwau, “Tano ese ita danu do ia ania ore garina.” \p \v 35 Vadaeni lahi be Lohiabada dekena amo ia diho, inai lahi ese unai tatau 250, muramura mai bonana namona idia gabua taudia ia gabua ore. \s1 Lahi huaia auri kapusi \p \v 36 Vadaeni Lohiabada ese Mose ia hereva henia, ia gwau, \v 37 “Hahelagaia tauna Arona ena natuna Eleasara do oi hamaoroa, lahi gabuna dekenai, mase taudia edia huana dekena amo edia lahi huaia kapusi do ia abia siri, bona lahi ena gida be idau gabu dekenai do ia negea, badina unai lahi huaia kapusi be helaga. \v 38 Lohiabada ena boubou patana dekenai idia henia dainai idia helaga. Unai dainai unai taudia, edia kara dika dainai idia mase taudia, edia lahi huaia auri kapusi do oi abia, bona hama dekenai idia do oi botaia palaka bona severasevera, bona boubou patana ena koua gauna ta do oi halaoa. Unai dekena amo unai auri laboralabora koua gauna be sisiba gauna ta Israela taudia dekenai do ia lao.” \p \v 39 Vadaeni hahelagaia tauna Eleasara ese unai lahi huaia auri kapusi ia abia lao, bona gaukara taudia ese hama dekenai idia botaia palaka bona severasevera, bona boubou patana ena koua gauna idia karaia. \v 40 Inai koua gauna be sisiba gauna ta Israela taudia dekenai, bona do idia laloa noho, idau tauna ta, Arona ena bese tauna lasi ese boubou patana dekenai do ia lao lasi, Lohiabada dekenai bonana namona muramura do ia gabua totona. Badina unai bamona ia karaia neganai, ia be do ia mase ore, Kora bona iena taudia idia mase hegeregerena. Unai gaukara ibounai be Eleasara ese ia karaia, badina be Lohiabada ese ia hamaoroa, Mose ena uduna dekena amo. \s1 Arona ese taunimanima ia hamauria \p \v 41 Kerukeru dina, Israela taudia ibounai ese Mose bona Arona idia maumau henia, idia gwau, “Umui ese Lohiabada ena bese taudia umui alaia mase vadaeni.” \p \v 42 Taunimanima ibounai be Mose bona Arona hadikaia totona idia haboua neganai, edia matana idia negea, Palai Dubu idia itaia, ori ese Palai Dubu ia koua, bona Lohiabada ena diaridiari ia hedinarai. \v 43 Vadaeni Mose bona Arona be Palai Dubu ena iduara dekena amo idia raka, Palai Dubu ena vairanai idia gini. \p \v 44 Vadaeni Lohiabada ese Mose ia hamaoroa, ia gwau, \v 45 “Inai hebou taudia dekena amo do umui raka siri, lau ese idia do lau hadikaia ore.” Vadaeni Mose bona Arona be idia moru diho, tano dekenai edia vairana idia atoa. \p \v 46 Unai neganai Mose ese Arona ia hamaoroa, ia gwau, “Oiemu auri kapusi do oi abia, boubou patana ena lahi gida do oi udaia, bonana namo muramura be gida edia latanai do oi atoa, bona karaharaga taunimanima dekenai oi lao, edia kara dika ena davana do oi karaia. Badina be Lohiabada ena badu be taunimanima edia huanai ia ginidae vadaeni, bona hanaia gorere dikana ese idia dekenai ia vara vadaeni.” \p \v 47 Vadaeni Arona ese auri kapusi ia abia, Mose ena hereva hegeregere, bona hebou taudia edia huanai ia heau lao. Hanaia gorere dikana be ia vara hamatamaia vadaeni taunimanima dekenai. To Arona ese muramura mai ena bonana namona be gida ena latanai ia atoa, bona taunimanima edia kara dika davana ia karaia. \v 48 Arona ese mase taudia bona mauri taudia edia huanai ia gini noho, vadaeni unai hanaia gorere ia doko. \p \v 49 Gorere ese ia hamasea taudia be ibounai 14,700, to Kora ena kara dika dainai idia mase taudia edia momo be ma idau. \v 50 Vadaeni Arona ese Mose dekenai ia giroa lou, Palai Dubu ena iduara dekenai. Gorere be ia doko vadaeni. \c 17 \s1 Arona ena itotohi \p \v 1 Lohiabada ese Mose ia hereva henia, ia gwau, \v 2 “Israela taudia do oi hamaoroa, itotohi be oi dekenai do idia henia, iduhu ta ta gunalaia taudia ese edia itotohi ta ta oi dekenai do idia henia. Itotohi ibounai be 12. Itotohi ta ta dekenai iduhu gunalaia taudia edia ladana do oi torea. \v 3 Bona Levi iduhu taudia edia itotohi dekenai Arona ena ladana do oi torea. Iduhu gunalaia taudia ta ta edia itotohi ta ta do oi abia. \p \v 4 “Itotohi be Palai Dubu lalonai do oi atodia, Taravatu Maua ena vairanai, ita ruaosi ita hedavari gabuna dekenai. \p \v 5 “Vadaeni lau abia hidi tauna ena itotohi be rigi mai mauri danu do ia tubu hamatamaia. Unai dekena amo Israela taudia edia maumau do lau koua, bona oi dekenai idia maumau taudia edia hereva do lau hadokoa.” \p \v 6 Unai dainai Mose ese Israela taudia unai bamona ia hamaorodia. Vadaeni edia iduhu gunalaia taudia ese itotohi idia henia, iduhu ta, itotohi ta, iduhu ta, itotohi ta, unai bamona idia henia, itotohi ibounai be 12. Arona ena itotohi danu be edia itotohi danu idia atoa hebou. \v 7 Vadaeni Mose ese itotohi ibounai Lohiabada ena vairanai ia atodia, Palai Dubu lalonai. \p \v 8 Kerukeru dina, Mose be Lohiabada ena Palai Dubu ia raka vareai neganai, ia itaia, Arona ena itotohi, Levi iduhu ena itotohi, be ia tubu hamatamaia vadaeni, bona ia huahua vadaeni, alamona huahua, mage gaudia idia noho! \p \v 9 Mose ese itotohi ibounai Lohiabada ena vairana dekena amo ia abia, Israela taudia ibounai dekenai ia hedinaraia. Idia ese dahaka ia vara hoa kara idia itaia, bona iduhu gunalaia taudia ta ta ese edia itotohi, edia itotohi, idia abia. \p \v 10 Vadaeni Lohiabada ese Mose ma ia oda henia, ia gwau, “Arona ena itotohi do oi atoa lou, Taravatu Maua ena vairanai do ia noho. Inai itotohi be Israela ena maumau taudia dekenai sisiba henia gauna do ia lao. Do idia diba, bema edia maumau idia hadokoa lasi neganai, do idia mase ore.” \v 11 Mose ese Lohiabada ena oda hegeregerena ia karaia. \p \v 12 Israela taudia ese Mose idia hamaoroa, idia gwau, “Oi itaia, ai ibounai be do ai mase, ai be ai boio vadaeni, ai boio vadaeni! \v 13 Lohiabada ena Palai Dubu dekenai idia raka kahirakahira taudia idia mase noho, a? Ai ibounai be do ai mase ore, momokani!” \c 18 \s1 Hahelagaia taudia edia gaukara, bona Levi iduhu taudia edia gaukara \p \v 1 Lohiabada ese Arona dekenai ia hereva, ia gwau, “Bema kerere ia vara lauegu Palai Dubu ena gaukara lalonai neganai, oi bona oiemu natuna tau bona oiemu tamana ena bese, Levi taudia ese inai kerere do umui huaia. To bema oi, o oiemu natuna tau ese emui dagi, hahelagaia taudia edia gaukara, umui karaia kerere neganai, umui sibona ese inai kerere ena metau do umui huaia. \p \v 2 “Oiemu varavara taudia, Levi iduhu taudia, oiemu tamana ena iduhu taudia, do oi abia mai, oi danu do idia gaukara hebou, bona idia ese oi do idia durua, oi bona oiemu natuna be Palai Dubu lalonai umui gaukara neganai. \v 3 Inai Levi taudia ese oiemu hesiai gaukara do idia karaia, bona Palai Dubu lalonai gaukara do idia karaia, to idia ese gau helagadia, Helaga Gabuna dekenai o boubou patana dekenai do idia dogoatao lasi. Bema unai gaudia idia dogoatao neganai, idia bona oi be do umui mase momokani. \p \v 4 “Levi taudia ese oi do idia durua, bona Lohiabada ena Palai Dubu naria gaukara ibounai do idia karaia namonamo. Idau iduhu tauna ta ese umui kahirakahira do ia mai lasi emui gaukara lalonai. \v 5 Oi bona oiemu natuna tau sibona ese Helaga Gabuna bona boubou patana edia gaukara do umui karaia, egu badu ese Israela taudia do ia hadikaia lou garina. \p \v 6 “Lau Lohiabada ese oiemu varavara, Levi taudia Israela orea edia huana dekena amo lau abia hidi, bona oi dekenai lau henidia. Idia be lau Lohiabada, egu, bona unai dainai Palai Dubu lalonai gaukara idia karaia diba. \p \v 7 “To oi bona oiemu natuna tau ese hahelagaia taudia edia gaukara, boubou patana dekenai, bona Helaga Herea Gabuna dekenai do umui karaia. Inai be emui gaukara korikori, badina be lau ese hahelagaia taudia edia dagi be umui dekenai lau henia vadaeni. To bema idau tauna ese helaga gaudia kahirakahira ia mai neganai, ia be do ia mase.” \s1 Hahelagaia taudia edia aniani bona edia gaukara davana \p \v 8 Lohiabada ese Arona ma ia hereva henia, ia gwau, “Taunimanima ese lau dekenai idia henia bouboudia, gabua ore lasi gaudia, be lau ese oi dekenai lau henia. Lau ese oi, bona oiemu natuna, tubuna taudia dekenai inai boubou helagadia lau henidia inai, idia be emui, ela bona nega ibounai. \p \v 9 “Boubou helagadia edia kahana, lahi dekenai idia gabua lasi gaudia, do umui abia be inai: Paraoa bouboudia, kara dika bouboudia, kerere totona bouboudia. Lau dekenai idia henia boubou helagadia ibounai be oi bona oiemu natuna tau emui. \v 10 Umui ese gabu helagana ta dekenai inai aniani do umui ania. Tau bona memero sibona ese idia ania diba, inai aniani be helaga. \p \v 11 “Ma inai danu do umui ania diba: Israela taudia ese idia henia harihari gaudia idauidau, hahelagaia taudia ese lauegu vairanai idia davea gaudia. Lau ese umui dekenai lau henidia, oiemu natuna tau, oiemu natuna hahine danu ela bona nega ibounai. Emui bese taudia ibounai, bema egu taravatu dekenai idia goeva neganai, inai aniani bouboudia idia ania diba. \p \v 12 “Lau ese inai aniani umui dekenai lau henia: Olive dehoro namo herea, bona uaina matamata namo herea, bona uiti namo herea do idia mailaia, Israela taudia edia uma anina vara guna, bona edia vain huahua vara guna, Lohiabada dekenai idia mailaia gaudia. \v 13 Idia be umui emui, bona miro lasi taudia ibounai emui ruma dekenai inai aniani gaudia idia ania diba. \p \v 14 “Israela dekenai idia noho gaudia ibounai, lau Lohiabada dekenai idia henia, idia helaga, gaudia ibounai be umui ese do umui ania diba. \p \v 15 “Mauri gaudia edia natuna vara guna ibounai, taunimanima edia natudia vara guna, bona ubua gaudia edia natuna vara guna, be lau Lohiabada dekenai do idia henia. Idia ibounai be umui emui. To taunimanima edia vara guna natudia, bona gau mirodia edia vara guna natudia totona, edia davana do idia karaia umui dekenai. \p \v 16 “Natuna matamata, hua tamona sibona maragidia, be umui dekena amo do idia hoia lou, edia davana be siliva moni 5, Helaga Gabuna ena sikele hegeregerena. \p \v 17 “To boromakau, mamoe bona nanigosi edia vara guna natudia be do umui hoia lou lasi. Idia be lauegu momokani, bona boubou totona do umui aladia mase. Edia rarana be boubou patana ena latanai do umui negea, bona edia digara be do umui gabua ore, bonana namo herea gauna lau dekenai totona. \p \v 18 “Unai bouboudia edia vamuna be umui emui. Ma boubou ta, egu vairanai umui davea gauna, iena aena idibana, bona iena kemena, idia danu be umui emui. \p \v 19 “Harihari gaudia helagadia, Israela taudia ese lau Lohiabada dekenai idia henia, idia davea boubou totona gaudia, be oi bona oiemu bese taudia, oiemu natuna tau bona natuna hahine taudia edia, ela bona nega ibounai. Inai be lauegu gwauhamata taravatuna, makohia diba lasi gauna, Lohiabada bona oi, bona oiemu natuna, oiemu tubuna danu ela bona hanaihanai.” \p \v 20 Lohiabada ese Arona ma ia hamaoroa, ia gwau, “Oi be Israela ena tano ta do oi biagua diba lasi, oiemu natuna, oiemu tubuna danu tano idia biagua diba lasi. Badina be lau Lohiabada sibona be oiemu ahuna namona.” \s1 Levi taudia edia aniani bona edia gaukara davana \p \v 21 Lohiabada ese ma Arona ia hamaoroa, ia gwau, “Israela taudia edia gau be karoa 10 dekena amo, karoa ta be lau Lohiabada dekenai idia henia noho. Bona unai karoa ta be lau ese Levi taudia dekenai lau henia noho, edia gaukara ena davana, Palai Dubu lalonai lauegu hesiai gaukara idia karaia noho dainai. \v 22 Hari ia lao, Israela taudia ese Palai Dubu kahirakahira do idia raka lasi, edia kara dika lalonai do idia mase garina. \p \v 23 “Hari ia lao, Levi taudia sibona ese Palai Dubu do idia naria, bona bema Palai Dubu dekenai kerere ta ia vara, unai kerere be Levi taudia edia. Inai be noho hanaihanai taravatuna, Levi taudia edia tubudia, bona edia tubudia danu edia latanai. Levi taudia bona edia tubudia ese tano o kohu Israela lalonai do idia biagua lasi, ela bona nega ibounai. \v 24 Badina be Israela taudia ese edia gau be karoa 10 dekena amo karoa ta be lau Lohiabada dekenai idia henia. Unai idia henia karoa ta be Levi taudia dekenai lau henia noho. Unai dainai lau ese Levi taudia lau hamaoroa vadaeni, idia ese Israela lalonai tano o kohu do idia biagua diba lasi.” \s1 Levi taudia ese edia kohu kahana namba 10 be Lohiabada dekenai idia henia \p \v 25 Lohiabada ese Mose ia oda henia, ia gwau, \v 26 Levi taudia do oi hamaoroa, inai bamona: “Umui ese Israela taudia edia gau edia karoa 10 amo karoa ta, Lohiabada ese umui dekenai ia henia gauna, umui abia neganai, umui ese unai kohu do umui haria karoa 10, bona karoa ta be Lohiabada dekenai do umui henia. \p \v 27 “Inai umui henia gauna be emui boubou gauna, hegeregere biru tauna ese iena uiti matamata bona uaina matamata ena boubou ia henia bamona. \p \v 28 “Inai dala dekenai, Israela taudia ese umui dekenai idia henia gauna ibounai, be umui Levi taudia ese ma do umui haria karoa 10, bona karoa ta be Lohiabada ena, bona unai dainai hahelagaia tauna Arona dekenai do umui henia. \v 29 Unai Israela taudia ese umui dekenai idia henia gaudia dekena amo, gau namo hereadia sibona be Arona dekenai do umui henia. \v 30 Umui ese namo momokani gaudia umui henia murinai, do noho gaudia be umui emui, hegeregere biru tauna ese iena aniani bona huahua namo herea Lohiabada dekenai ia henia ore, bona do noho gaudia be ia sibona ena. \p \v 31 “Umui Levi taudia, mai emui ruma taudia ese unai do noho aniani be gabu ibounai dekenai umui ania diba. Inai be Palai Dubu dekenai umui gaukara ena davana. \p \v 32 “Bona gau namo herea be Lohiabada dekenai umui henia vadaeni dainai, unai do noho aniani umui ania neganai, umui be kerere ta lasi. To do umui naria namonamo, Israela taudia edia boubou gaudia helagadia edia gau namo herea lau dekenai umui do henia lasi neganai do umui ania garina. Bema inai bamona umui karaia, umui be do umui mase.” \c 19 \s1 Boromakau kakakakana ena kahuna \p \v 1 Lohiabada ese Mose bona Arona ia hamaoroa, ia gwau, \v 2 “Lohiabada ena oda ma ta be inai: Israela taudia do umui hamaoroa, boromakau hahine kakakakana ta, bero o toto ta lasi gauna, bona iena pagana dekenai metau huaia gaudia idia do atoa lasi, umui dekenai do idia mailaia. \p \v 3 “Inai boromakau be hahelagaia tauna Eleasara dekenai do umui henia, ia ese kamepa ena murimurinai do ia abia lao. Vadaeni unuseni, Eleasara ena vairanai, tau ta ese unai boromakau hahine do ia alaia mase. \v 4 Eleasara ese unai boromakau ena rarana haida do ia abia, bona iena ima kwakikwakina dekenai nega 7 Palai Dubu ena kahana dekenai ia noho tano dekenai do ia negea. \p \v 5 “Inai boromakau ena tauanina ibounai, iena kopina, iena hidiona, iena rarana, bona iena bogarauna be tau ta ese do ia gabua ore, Eleasara ena vairanai. \v 6 Vadaeni hahelagaia tauna ese sida audia, bona husopo muramura avana, bona varo kakakaka be boromakau idia gabua lahi ena latanai do ia negea. \p \v 7 “Unai murinai hahelagaia tauna ese iena dabua do ia huria, bona do ia digu, vadaeni kamepa lalonai ma do ia raka vareai. To ia be do ia miro noho ela bona dina do ia diho. \p \v 8 “Boromakau ia gabua ore tauna danu ese iena dabua do ia huria, bona do ia digu, bona ia be do ia miro noho ela bona dina do ia diho. \v 9 Unai neganai miro lasi tauna ta ese boromakau ena lahi kahuna do ia haboua, bona goeva gabuna ta, kamepa ena murimurina dekenai do ia atoa. Unai kahu be do ia noho, badina Israela taudia ese do idia gaukaralaia. Idia be ranu dekenai unai kahu do idia udaia, do idia mikisi, bona inai ranu be goeva lasi kara hagoevaia totona, bona kara dika huria ore totona. \p \v 10 “Unai boromakau ena kahuna ia haboua tauna ese iena dabua do ia huria, bona do ia miro noho ela bona dina do ia diho. Inai taravatu be do ia noho ela bona nega ibounai, Israela taudia totona, bona idia edia huanai noho idau taudia danu totona.” \s1 Mase tauna dekenai kamokau ena taravatu \p \v 11 “Bema tau ta ese mase tauna ena tauanina ia dogoatao, ia be do ia miro noho ela bona dina 7 idia ore. \v 12 Ia ese unai miro hagoevaia totona ranuna dekena amo ia sibona do ia hadigua dina namba 3 bona dina namba 7 dekenai, vadaeni do ia goeva. To bema dina namba 3 dekenai, bona dina namba 7 dekenai sibona do ia hagoevaia lasi, unai tau be do ia goeva lasi. \p \v 13 “Bema tau ta ese mase tauna ena tauanina do ia dogoatao, bona sibona ia hagoevaia lasi neganai, ia be ia miro noho, badina unai miro hagoevaia totona ranuna be ia dekenai idia do bubua lasi. Unai tau ese Lohiabada ena Palai Dubu ia hamiroa noho, bona unai dainai Israela besena dekena amo unai tau do umui atoa siri. \p \v 14 “Tau ta be palai ruma ta dekenai ia mase ena taravatu be inai: Unai palai ruma idia raka vareai taudia, bona unai palai ruma dekenai idia noho taudia be do idia miro, ela bona dina 7 idia ore. \v 15 Bona unai ruma lalonai noho hodu, uro, bona disi, koua gauna lasi gaudia danu be miro. \p \v 16 “Bema tau ta ese kamepa ena murimurinai kaia dekenai ia mase tauna, o ia mase kava tauna, o mase tauna ta ena turiana ta do ia dogoatao, o bema ia ese guria gabuna ta dekenai ia kamokau neganai, unai tau be do ia miro noho ela bona dina 7 do idia ore. \p \v 17 “Inai tau ena miro hagoevaia totona, unai boromakau kakakakana ena lahi kahuna be uro ta dekenai do umui udaia, bona kahu ena latanai ranu goevana do umui bubua. \v 18 Vadaeni miro lasi tauna ta ese husopo muramura avana do ia abia, unai ranu lalonai do ia atoa, bona unai mase tauna ena palai ruma, bona lalonai noho gaudia ibounai, bona palai ruma taudia danu dekenai unai ranu do ia negea. Ma ia ese mase tauna ena turiana, o guria gabuna, o kaia dekenai mase tauna, o mase kava tauna ia dogoatao tauna danu dekenai unai ranu do ia negea lao. \v 19 Unai goeva tauna ese dina namba 3 bona dina namba 7 dekenai miro tauna ena latanai unai ranu do ia negea. Vadaeni dina namba 7 dekenai ia ese miro tauna do ia hagoevaia haorea. Badina be unai miro tauna ese unai dina dekenai iena dabua do ia huria, bona ranu dekenai do ia digu, bona dina do ia diho neganai ia be goeva. \p \v 20 “To bema miro tauna ta ese sibona ia hagoevaia lasi neganai, ia be Israela taudia dekena amo do umui atoa siri, badina be ia ese Lohiabada ena Palai Dubu ia hamiroa noho. Badina unai miro hagoevaia ranuna be ia dekenai idia bubua lasi dainai unai tau be ia miro noho. \v 21 Inai taravatu be noho hanaihanai taravatuna. \p “Unai miro hagoevaia ranuna ia negea tauna ese danu iena dabua do ia huria. Bona unai ranu dekenai ia kamokau tauna be do ia miro noho ela bona dina do ia diho. \v 22 Miro tauna ese ia dogoatao gaudia ibounai danu be idia miro, bona unai gaudia ma idia dogoatao taudia danu do idia miro ela bona dina do ia diho.” \c 20 \s1 Mose ese nadi badana dekena amo ranu ia abia \p \v 1 Hua ginigunana dekenai Israela taudia ibounai be taunimanima noho lasi tano ladana Sini dekenai idia ginidae. Gabu ta ladana Kadesi dekenai edia kamepa idia karaia. Unuseni Miriama ia mase, bona unai gabu dekenai idia guria. \p \v 2 Edia kamepa dekenai ranu ia noho lasi. Unai dainai Israela taudia idia haboua, Mose bona Arona dekenai idia badu. \v 3 Idia ese Mose dekenai idia maumau, idia gwau, “Aiemai varavara be Lohiabada ena vairanai idia mase neganai, ai danu bema ai mase be namo. \v 4 Dahaka dainai Lohiabada ena orea taudia be inai taunimanima idia noho lasi tano dekenai oi hakaua vadaeni? Ai be aiemai ubua gaudia danu do ai mase hebou totona, a? \v 5 Dahaka dainai Aigupito dekena amo ai oi hakaua mai inai gabu dikana dekenai? Inai gabu dekenai be aniani ta ia vara lasi, uiti lasi, fig lasi, vain ena huahua lasi, bona apolo lasi.” \p \v 6 Mose bona Arona be hebou taudia dekena amo idia raka lao, Palai Dubu ena iduara vairanai idia tui diho, bona edia vairana be tano dekenai idia atoa diho. Unai neganai Lohiabada ena diaridiari be Mose bona Arona ese idia itaia. \p \v 7 Lohiabada ese Mose ia hamaoroa, ia gwau, \v 8 “Taravatu Maua ena vairanai ia noho itotohi do oi abia, bona oi bona Arona ese taunimanima do umui haboua. Vadaeni unai taunimanima edia vairanai, unai nadi badana do oi hereva henia, bona ranu be ia dekena amo do ia heau mai. Unai dekena amo oi ese ranu unai nadi badana dekena amo do oi abia, bona unai ranu be hebou taudia dekenai do oi henia, bona edia ubua gaudia dekenai do oi henia, do idia inua.” \v 9 Vadaeni Mose ese itotohi ia abia, Lohiabada ia oda henia hegeregerena. \p \v 10 Vadaeni Mose bona Arona ese Israela ena orea ibounai idia haboua, unai nadi badana ena vairana dekenai. Mose ese ia gwau henidia, ia gwau, “Kamonai lasi taudia e, umui kamonai, inai nadi dekena amo emui ranu do ai haheaua mai, a?” \v 11 Vadaeni Mose ese itotohi ia abia daekau, nadi ia botaia nega rua. Ranu be ia heau mai, bada herea. Vadaeni Israela taudia mai edia ubua gaudia danu ese ranu idia inua. \p \v 12 To Lohiabada ese Mose bona Arona ia gwau henidia, ia gwau, “Umui ese lau dekenai umui abidadama henia lasi, bona lauegu siahu helagana Israela taudia edia vairanai umui gwauraia hedinarai lasi. Unai dainai umui ruaosi ese inai orea do umui hakaudia vareai lasi, lau ese lau henidia vadaeni tano dekenai.” \p \v 13 Inai ranu ena ladana be Meriba, badina be unuseni Israela taudia ese Lohiabada dekenai idia maumau. Bona unuseni Lohiabada ese iena siahu helagana idia dekenai ia hedinarai henia. \s1 Edoma taudia ese edia raka hanai dalana idia koua \p \v 14 Mose ese Kadesi dekena amo iena hesiai taudia be Edoma ena king dekenai ia siaia. Idia gwau, “Inai hereva be oiemu tadina Israela dekena amo. Oi diba vadaeni ai dekenai idia vara hisihisi gaudia ibounai. \v 15 Aiemai sene taudia Aigupito dekenai idia lao, unuseni nega daudau ai noho. Aigupito taudia ese ai dekenai bona aiemai sene taudia dekenai idia dagedage. \v 16 Lohiabada dekenai ai taitai, vadaeni ia ese aiemai taitai ia kamonai, aneru ta ia siaia, bona Aigupito dekena amo ai ia hakaua mai. \p “Hari ai be Kadesi hanua, oiemu tano ena hetoa gabuna dekenai ai noho. \v 17 Mani emu kara, oi dekenai ai noinoi, aiemai dala do oi kehoa, oiemu tano do ai raka hanaia. Uma ta dekenai do ai raka lasi, vain idia vara gabuna dekenai do ai raka lasi, bona umui emui ranu guri ta dekena amo do ai inua lasi. To king ena dala sibona dekenai do ai raka, unai dala do ai rakatania lasi, lauri kahana o idiba kahana dekenai do ai lao lasi.” \p \v 18 To Edoma ena king ia haere, ia gwau, “Aiemai tano do umui raka hanaia lasi! Bema umui karaia toho, ai ese umui do ai tuari henia.” \p \v 19 Israela taudia ese ma idia noinoi, idia gwau, “Laolao dala badana sibona dekenai do ai raka. Bona bema ai o aiemai ubua gaudia ese emui ranu ai inua neganai, ai be davana do ai henia. Ai ura aena dekenai do ai raka hanaia sibona.” \p \v 20 To Edoma taudia ma idia haere henia, idia gwau, “Umui raka hanaia lasi.” \p Vadaeni Edoma tuari taudia momo mai goadadia ese Israela taudia edia vairana dekenai idia mai, tuari henia totona. \v 21 Vadaeni Edoma taudia ese edia tano dekenai Israela taudia edia hanaia dala idia koua dainai, Israela taudia idia giroa, bona dala idauna ta dekenai idia lao. \s1 Arona ia mase \p \v 22 Israela taudia ibounai ese Kadesi idia rakatania, bona Horo Ororo dekenai idia ginidae. \v 23 Inai Horo Ororo be Edoma ena tano hetoa gabuna kahirakahira. Unuseni Lohiabada ese Mose bona Arona ia hamaoroa, ia gwau, \v 24 “Arona be Israela taudia dekenai lau henidia vadaeni tanona do ia raka vareai lasi. Ia be kahirakahira do ia mase, badina be umui ese Meriba ranu gabuna dekenai lauegu hereva umui utua. \v 25 Arona mai ena natuna Eleasara danu do oi abia, Horo Ororo dekenai do umui daekau lao. \v 26 Unuseni Arona ena dabua helagadia do oi kokia, iena natuna Eleasara dekenai unai dabua do oi atoa. Arona be unai gabu dekenai do ia mase, iena sene taudia dekenai do ia haboua.” \p \v 27 Mose ese Lohiabada ena oda hereva hegeregerena ia karaia. Israela taudia ibounai edia vairana dekenai idia toiosi be Horo Ororo dekenai idia daekau lao. \v 28 Vadaeni Mose ese Arona ena dabua helagadia ia kokia, Eleasara dekenai ia atoa. Vadaeni Arona be ororo ena ataiai dekenai ia mase, to Mose bona Eleasara be ororo dekena amo idia diho mai. \v 29 Israela taudia ibounai ese idia diba Arona ia mase, vadaeni idia ibounai be dina 30 lalonai ia dainai idia taitai. \c 21 \s1 Israela taudia ese Kanana taudia idia halusia \p \v 1 Arada ena king, Kanana tauna, be Kanana ena diho kahana dekenai ia noho. Ia kamonai Israela taudia be Atarima dalana dekenai idia mai noho. Vadaeni ia tuari henidia, bona ia ese haida ia abia mauri. \v 2 Unai neganai Israela taudia ese gwauhamata metauna Lohiabada dekenai idia gwauraia, idia gwau, “Bema oi ese ai oi durua, vadaeni inai bese do ai halusia neganai, ai ese idia bona edia hanua ibounai oi dekenai do ai henia, boubou bamona. Do ai hadikadia ore momokani.” \v 3 Vadaeni Lohiabada ese Israela taudia edia noinoi ia abia dae, ia durudia, bona idia ese Kanana taudia idia halusia. Unai dainai Israela taudia ese Kanana bese taudia ibounai idia alaia ore, bona edia hanua ibounai idia hadikaia ore. Bona unai gabu ena ladana idia atoa Horoma. \s1 Gaigai auri dekenai idia karaia \p \v 4 Vadaeni Israela taudia ese Horo Ororo dekena amo ma idia laolao, Davara Kakakaka dalana dekenai. Inai dala dekenai idia lao, Edoma tanona ena murimuri kahana dekenai do idia raka hanaia totona. To unai dala dekenai Israela taudia idia hesiku lou. \v 5 Idia ese Lohiabada bona Mose dekenai idia maumau, idia gwau, “Dahaka dainai Aigupito dekena amo ai oi hakaua? Inai taunimanima noho lasi tano dekenai do ai mase, badina aniani be lasi, ranu danu be lasi. To inai aniani gauna dikana dekenai be ai hesiku momokani.” \p \v 6 Vadaeni Lohiabada ese koria gaigai momo ia siaia, idia edia huanai. Gaigai ese taunimanima momo idia koria, vadaeni Israela taudia momo idia mase. \v 7 Israela taudia be Mose dekenai idia lao, idia gwau, “Ai be ai kara dika vadaeni, Lohiabada dekenai ai maumau, oi dekenai danu ai maumau vadaeni. Lohiabada dekenai do oi noinoi, ia ese ai dekena amo gaigai do ia abia siri.” Vadaeni Mose ese Israela taudia dainai ia guriguri. \p \v 8 Lohiabada ese Mose ia hamaoroa, ia gwau, “Gaigai ena laulauna ta do oi karaia, bona au latana ena dorina dekenai do oi atoa, vadaeni gaigai ese idia koria taudia ese unai ataiai gaigai idia itaia noho neganai, do idia mauri.” \v 9 Unai dainai Mose ese gaigai ena laulauna ta auri labora dekena amo ia karaia, bona au tubua ena dorinai dekenai ia kokoa. Vadaeni gaigai ese ia koria taudia bema unai gaigai ena laulau ataiai idia itaia noho neganai, idia mauri momokani. \s1 Israela taudia ma idia laolao \p \v 10 Israela taudia be ma idia raka lao, bona Oboto dekenai idia kamepa. \v 11 Oboto dekena amo idia toreisi, vadaeni hanua gunana ta, ia dika vadaeni, ladana Abarimi dekenai idia kamepa, taunimanima noho lasi tano dekenai. Unai taunimanima lasi tano be Moaba kahirakahira, Moaba ena dina ia daekau kahanai. \p \v 12 Ma Israela taudia idia toreisi, Seredi ena koura dekenai idia kamepa. \v 13 Seredi dekena amo idia toreisi, idia lao ela bona Aranona Sinavai unai kahana dekenai idia kamepa. Unai be taunimanima idia noho lasi tano, Amoro taudia edia tano hetoana dekenai. Unai Aranona Sinavai be Moaba bona Amoro taudia edia tano hetoana. \v 14 Unai dainai Lohiabada ena tuari buka lalonai inai bamona hereva idia torea vadaeni: \q1 “Wahebe hanua, Supa kahanai, \q1 bona Aranona Sinavai ena koura dekenai. \q1 \v 15 Koura ena hekei tanona, \q1 ia lao bona Ara hanua ena noho gabuna, \q1 bona Moaba ena tano hetoana.” \s1 Israela taudia edia ane \p \v 16 Aranona Sinavai dekena amo idia toreisi, bona gabu ta ladana Bere dekenai idia lao. Unai be ranu guri gabuna. Inai gabu dekenai Lohiabada ese Mose ia hamaoroa, ia gwau, “Taunimanima do oi haboua mai, bona lau ese ranu idia dekenai do lau henia.” \v 17 Vadaeni Israela taudia ese inai ane idia abia: \q1 “Ranu e, do oi lohilohi daekau! \q1 Ane do ita abia! \q1 \v 18 Bese ena gunalaia taudia ese ranu guri idia geia, \q1 bese ena lohia taudia ese ranu guri idia hadobua.” \p Unai neganai Israela taudia ese taunimanima idia noho lasi tano idia rakatania, idia raka lao ela bona gabu ta ladana Matana. \v 19 Matana dekena amo idia raka ela bona Nahaliele, bona Nahaliele dekena amo ela bona Bamoto. \v 20 Bamoto dekena amo idia raka lao, ela bona koura ta Moaba taudia edia tano dekenai. Inai koura be Pisiga Ororo ena henuna kahanai, bona unai gabu dekena amo Pisiga ena tano kaukau idia itaia diba. \s1 Israela taudia ese king Sihona bona king Oga idia halusia \p \v 21 Unai neganai Israela taudia ese hesiai taudia idia siaia, Sihona, Amoro ena king dekenai idia hereva, idia gwau, \v 22 “Mani emu kara, oiemu tano do ai raka hanaia. Ai be do ai raka siri lasi, uma dekenai o vain audia dekenai do ai raka vareai lasi, ranu guri edia ranu danu do ai inua lasi. To emui basileia dala dekenai sibona do ai raka, ela bona oiemu tano do ai rakatania.” \p \v 23 To Sihona ese Israela taudia ia koua, ia gwau iena tano dekenai do idia raka hanaia lasi. Vadaeni Sihona ese iena tuari orea ibounai ia haboua, bona tano kaukau gabuna ladana Iahasa dekenai ia ese Israela taudia ia tuari henia. \p \v 24 To Israela taudia ese tuari kaia dekena amo Sihona idia alaia mase, bona iena tano ibounai Aranona Sinavai dekena amo ela bona Iaboka Sinavai idia abia. To Amono taudia edia tano hetoana idia hanaia lasi, badina be Amono taudia ese edia tano hetoana idia gimaia auka masemase. \v 25 Vadaeni Israela taudia ese Amoro taudia edia hanua ibounai idia abia, bona idia be Hesebona bona Amoro hanua maragidia ibounai dekenai idia noho. \v 26 Badina Hesebona be Sihona, Amoro ena king, ena hanua. \p Gunaguna Sihona ese Moaba ena king gunana ia tuari henia, bona Moaba ena tano ibounai ia abia, ela bona Aranona Sinavai. \v 27 Unai dainai Israela ane karaia taudia ese inai ane idia abia: \q1 “Hesebona dekenai umui mai. \q1 Ia be king Sihona ena hanua! \q1 Namona be ita ese inai hanua do ita haginia lou. \q1 \v 28 Badina be gunaguna Hesebona dekena amo, \q1 King Sihona ena tuari taudia idia raka lao, \q1 lahi ia hururu bada bamona. \q1 Inai lahi ese Moaba ena hanua badana, \q1 Ara, ia hadikaia ore, \q1 bona Aranona Ororo ena tano ia ania ore. \q1 \v 29 Moaba taudia e, emui noho be dika! \q1 Kemoso dirava dekenai umui tomadiho henia taudia e, \q1 emui noho mauri dalana be ia ore vadaeni. \q1 Emui dirava ese umui ia durua lasi, \q1 unai dainai emui tatau ibounai idia heau boio, \q1 bona emui hahine be Amoro king Sihona, \q1 ese ia abia mauri. \q1 \v 30 To hari ita ese Amoro taudia ita halusia vadaeni. \q1 Hesebona hanua ela bona Dibona hanua, \q1 ita ese ita hamakohia vadaeni. \q1 Tano be ita ese ita hadikaia ore ela bona Nopa, \q1 bona ela bona Medeba danu.” \p \v 31 Unai dainai Israela taudia ese Amoro taudia edia tano dekenai idia noho. \p \v 32 Mose ese Israela taudia haida ia siaia, hunia dekenai Iasera hanua ena manoka gabudia idia itaia totona. Unai murinai Israela taudia ese tuari dekena amo Iasera, mai ena hanua maragidia idia abia, bona unuseni idia noho Amoro taudia idia lulua ore. \p \v 33 Unai neganai Israela taudia be ma idia raka lao, Basana ia lao dalana dekenai idia raka. Vadaeni Oga, Basana ena king, mai ena tuari taudia danu idia raka lao, bona idia ese Israela taudia idia tuari henia, Ederei dekenai. \p \v 34 To Lohiabada ese Mose ia hamaoroa, ia gwau, “Oga dekenai do oi gari lasi. Lau ese kwalimu oi dekenai do lau henia, ia dekena amo. Oi ese iena tuari taudia do oi halusia, bona edia tano do oi abia. Sihona, Amoro ena King, Hesebona dekenai oi karaia hegeregerena, be inai Oga dekenai danu do oi karaia.” \p \v 35 Vadaeni Israela taudia ese Oga, iena natuna tau, bona iena taudia ibounai idia alaia mase, ta ia mauri noho lasi. Bona Israela taudia ese king Oga ena tano idia abia. \c 22 \s1 Moaba ena king ese Balama ena sisiba ia tahua \p \v 1 Israela taudia idia laolao lou, Moaba tanona ena tano palaka gabuna dekenai idia kamepa. Unai gabu be Ioridane Sinavai ena dina daekau kahana, bona Ieriko unai kahana dekenai. \p \v 2 Balaki Siporo be Moaba ena king. Ia be Israela taudia edia kara sivarai ia kamonai, Amoro taudia idia halusia, bona Israela taudia be momo herea. \v 3 Vadaeni ia bona Moaba taudia ibounai idia gari bada herea. \p \v 4 Moaba taudia ese Midiana gunalaia taudia idia hamaoroa, idia gwau, “Inai taunimanima momo herea ese gabu ibounai do idia hadikaia ore, boromakau ese rei ia ania ore bamona.” Unai dainai Moaba ena king, Balaki Siporo, \v 5 ese iena hesiai taudia ia siaia, Balama Beoro do idia abia mai totona. Balama Beoro be Petoro dekenai, Euperate Sinavai ena badibadinai, Amawa tano dekenai ia noho. Hesiai taudia idia gwau, “Balaki be inai bamona ia gwau, ‘Bese ta Aigupito dekena amo idia mai vadaeni, idia be momo herea, tano ibounai idia koua, bona lauegu tano ena badibadinai idia kamepa noho. \v 6 Mani emu kara do oi mai, inai bese be oiemu meamea dekena amo do oi hadikaia, badina be edia goada ese lauegu bese ena goada ia hereaia. Bema oi hadikadia neganai, sedira lauegu bese ese idia do ia halusia diba, bona aiemai tano dekena amo do ai luludia diba. Badina be, lau diba oi ese oi hanamoa taudia idia namo, to oi ese oi hadikaia taudia do idia dika.’ ” \p \v 7 Unai dainai Moaba bona Midiana gunalaia taudia ese unai meamea ena davana idia abia lao. Idia lao Balama dekenai, bona Balaki ena hereva idia hamaoroa. \v 8 Balama ia haere, ia gwau, “Hari hanuaboi iniseni do umui mahuta, bona Lohiabada ena hereva lau dekenai be kerukeru umui dekenai do lau hamaoroa.” Vadaeni Moaba gunalaia taudia be Balama dekenai idia noho. \p \v 9 Vadaeni Dirava be Balama dekenai ia mai, ia gwau, “Inai oi dekenai idia noho taudia be daika?” \v 10 Balama ese Dirava dekenai ia haere, ia gwau, “Balaki Siporo, Moaba ena king ese lau dekenai idia ia siaia mai. Idia gwau, \v 11 ‘Bese ta Aigupito dekena amo idia mai vadaeni, be momo herea, bona tano ibounai idia koua noho. Balaki ia ura meamea dekenai unai bese do lau hadikaia, ia ese idia do ia lulua lao totona.’ ” \p \v 12 Dirava ese Balama dekenai ia hamaoroa, ia gwau, “Inai Moaba bona Midiana taudia danu do oi lao lasi, bona unai Israela besena do oi hadikaia lasi, badina be lau ese Israela lau hanamoa vadaeni.” \p \v 13 Daba neganai Balama ia toreisi, Balaki ena hesiai taudia ia hamaoroa, ia gwau, “Emui tano dekenai do umui giroa lou, badina be Lohiabada ese lauegu dala ia koua, ia gwau umui danu do lau lao lasi.” \v 14 Vadaeni Balaki dekenai idia giroa lou, idia gwau, “Balama be ia kamonai henia lasi, ai danu ia mai lasi.” \p \v 15 Vadaeni kerukeru Balaki ese lohia taudia ma haida ia siaia, ia siaia guna taudia be momo lasi bona dagi maragi taudia sibona. To hari ia siaia taudia be momo, bona idia be dagi bada taudia. \v 16 Idia be Balama dekenai idia lao, idia gwau, “Balaki be inai bamona ia gwau, ‘Mani emu kara, lau dekenai oi mai, oiemu dala ia koua gauna do oi laloa lasi. \v 17 Badina lau ese davana namo herea oi dekenai do lau henia, bona lau dekenai oi hereva gauna be do lau karaia. Mani oi mai, bona unai bese Israela do oi hadikaia, lauegu noinoi dainai.’ ” \p \v 18 To Balama ese Balaki ena hesiai taudia dekenai ia haere, ia gwau, “Bema Balaki ese iena ruma badana mai ena siliva bona golo ibounai lau do ia henia gwauraia, to Lohiabada, lauegu Dirava, ena oda do lau utua diba lasi. Iena oda be lau hamaragia bona habadaia diba lasi danu. \v 19 To hari hanuaboi mani iniseni do umui mahuta, hesiai taudia gunadia bamona. Unai neganai Lohiabada ena hereva lau dekenai do lau diba.” \p \v 20 Unai hanuaboi Dirava be Balama dekenai ia mai, ia gwau, “Inai taudia be oi idia boiria totona idia mai vadaeni. Vadaeni, oi toreisi, idia danu oi lao, to lau ese oi dekenai lau hamaoroa gauna sibona do oi karaia.” \s1 Balama mai ena doniki \p \v 21 Unai dainai Balama be kerukeru dabai ia toreisi, iena doniki ia abia hegaegae, Moaba lohia taudia danu ia lao. \p \v 22 To Balama ia lao dainai, Dirava be ia badu, bona Lohiabada ena aneru ta be dala dekenai ia gini, Balama do ia koua totona. Balama be iena doniki dekenai ia guia, bona iena hesiai taudia rua be ia danu idia lao noho. \v 23 Inai doniki ese Lohiabada ena aneru ia itaia, dala dekenai ia gini, mai ena tuari kaia iena imana dekenai. Vadaeni doniki be dala dekena amo ia raka siri, rei dekenai. To Balama ese doniki ia botaia, dala dekenai ma do ia lao totona. \p \v 24 Vadaeni Lohiabada ena aneru be dala ia maragi gabuna dekenai ia gini. Unai dala be vain idia tubu umadia rua edia huanai, bona unai dala kahana kahana dekenai be nadi magudia. \v 25 Doniki ese Lohiabada ena aneru ma ia itaia, vadaeni ia raka siri, magu badibadinai ia raka. Bona Balama ena aena be magu nadidia dekenai ia botaia, ia bero. Vadaeni Balama ese doniki ia botaia lou. \p \v 26 Unai neganai Lohiabada ena aneru ma vaira dekenai ia lao, dala ia maragi herea gabuna dekenai ia gini, idiba bona lauri kahana be raka siri dala lasi. \v 27 Doniki ese Lohiabada ena aneru ma ia itaia, vadaeni doniki be tano dekenai ia hekure diho, Balama henunai. Balama be ia badu dikadika, bona iena au dekena amo doniki ia dadabaia. \p \v 28 Vadaeni Lohiabada ese doniki ena uduna ia kehoa, bona ia ese Balama dekenai ia hereva, ia gwau, “Lau be dahaka lau karaia oi dekenai, to oi ese lau oi botaia nega toi?” \p \v 29 Balama ese doniki dekenai ia haere, ia gwau, “Oi ese kavakava tauna bamona lau oi halaoa. Bona bema lauegu imana dekenai tuari kaia ia noho neganai, oi do lau alaia mase.” \p \v 30 Doniki ese Balama dekenai ma ia hereva, ia gwau, “Lau be oiemu doniki, ani? Oiemu mauri dinadia ibounai lauegu doruna dekenai oi loaloa vadaeni, ani? Lau be nega ta inai bamona lau karaia, a?” Balama ia gwau, “Lasi.” \p \v 31 Unai neganai Lohiabada ese Balama ena matana ia kehoa, vadaeni Balama ese Lohiabada ena aneru ia itaia dala dekenai, iena imana dekenai be tuari kaia ia noho. Vadaeni Balama be ia tui diho, bona iena vairana be tano dekenai ia atoa. \p \v 32 Lohiabada ena aneru ese ia nanadaia, ia gwau, “Badina dahaka oiemu doniki nega toi oi botaia? Oi itaia, lau be oi koua totona inai gabu dekenai lau gini, badina be oiemu kara be dika lauegu vairana dekenai. \v 33 Doniki ese lau ia itaia, bona nega toi lau dekena amo ia raka siri. Bema ia raka siri lasi neganai, lau ese oi do lau alaia mase, to ia do lau hamauria.” \p \v 34 Balama ese Lohiabada ena aneru dekenai ia haere, ia gwau, “Lau be lau kerere, badina lau diba lasi oi be dala dekenai oi gini, lauegu dala oi koua. To bema oi laloa inai laolao be dika, lau be do lau giroa lou.” \p \v 35 Lohiabada ena aneru ese Balama ia hamaoroa, ia gwau, “Idia danu do oi lao, to lau ese oi dekenai lau hamaoroa hereva sibona do oi gwauraia.” Vadaeni Balama be Balaki ena lohia taudia danu ia lao. \s1 Balama bona Balaki \p \v 36 Balaki be ia kamonai Balama ia mai noho, vadaeni ia be Moaba ena hanua ta ladana Ara dekenai ia lao, Balama danu ia hedavari totona. Ara be Aranona Sinavai ena badibadinai ia noho, Moaba ena tano hetoa gabuna dekenai. \v 37 Balaki ese Balama dekenai ia hereva, ia gwau, “Hesiai taudia lau siaia, oi boiria totona, ani? Badina dahaka lau oi kamonai henia lasi? Lau ese oi lau hanamoa diba lasi, a?” \p \v 38 Balama ese Balaki dekenai ia haere, ia gwau, “Lau mai vadaeni, ani? To lau be siahu lasi hereva ta do lau gwauraia. Dirava ese lau dekenai ia hamaoroa hereva sibona lau gwauraia diba.” \p \v 39 Vadaeni Balama be Balaki danu ia lao, Kiriata Husoto hanua dekenai idia ginidae. \v 40 Balaki ese boubou gaudia ia alaia, boromakau bona mamoe. Bona edia vamu haida be Balama dekenai, bona ia idia bamoa lohia taudia dekenai ia henidia. \p \v 41 Kerukeru dabai Balaki ese Balama ia hakaua, Bamoto Bala ena ataiai gabuna dekenai idia daekau lao. Unai gabu dekena amo Balama ese Israela taudia edia kamepa kahana ia itaia. \c 23 \p \v 1 Balama ese Balaki ia hamaoroa, ia gwau, “Boubou patadia 7 do oi haginia iniseni, boromakau tau 7 bona mamoe tau 7 danu do oi abia hegaegae.” \p \v 2 Balaki ese Balama ena hereva hegeregere ia karaia. Vadaeni Balaki bona Balama ese boubou patadia ta ta ibounai latanai boromakau tau ta bona mamoe tau ta idia gabua. \v 3 Vadaeni Balama ese Balaki ia hamaoroa, ia gwau, “Oiemu boubou gabua patana ena badibadinai do oi gini. Lau be do lau lao, sedira Lohiabada be lau dekenai do ia mai o lasi, vadaeni lau dekenai ia hereva gauna be oi dekenai do lau hamaoroa.” Vadaeni Balama be ororo ta dekenai ia daekau lao. \s1 Balama ese Israela ia hanamoa \p \v 4 Dirava be Balama danu ia hedavari. Dirava dekenai Balama ia gwau, “Boubou patadia 7 lau haginia vadaeni, bona boromakau tau ta bona mamoe tau ta unai boubou patana ta ta dekenai lau gabua vadaeni.” \p \v 5 Vadaeni Lohiabada ese Balama do ia gwauraia herevadia ia henia, ia gwau, “Do oi giroa lou Balaki dekenai, bona inai hereva do oi hamaoroa.” \p \v 6 Unai dainai Balama ia giroa lou, bona Balaki ia davaria, iena boubou gabua patana badibadinai ia gini, iena lohia taudia ibounai danu. \v 7 Vadaeni Balama be ia haroro, ia gwau, \q1 “Balaki ese Arama dekena amo lau ia boiria, \q1 Moaba ena king ese dina daekau kahana, \q1 ena ororodia dekena amo lau ia boiria. \q1 Ia gwau, ‘Oi mai, Iakobo do oi hadikaia. \q1 Oi mai, oiemu uduna dekena amo, \q1 Israela taudia do oi hereva dika henia.’ \q1 \v 8 To Dirava ia hadikaia lasi taudia, \q1 be edena bamona lau hadikaia diba? \q1 Dirava ese ia hereva dika henia lasi taudia, \q1 be edena bamona do lau hereva dika henia? \q1 \v 9 Nadi hagahaga dekena amo lau itadia. \q1 Ororo dekena amo lau itadia noho. \q1 Unai bese be sibona ia noho besena. \q1 Unai bese taudia idia diba, \q1 edia bese sibona be namo, \q1 bese idauidau bamona lasi. \s1 Balama ena peroveta hereva \q1 \v 10 “Iakobo ena tubuna taudia, \q1 idia be momo herea, kahu bamona, duahia diba lasi. \q1 Israela orea ena kahana ta be daika ese ia duahia diba? \q1 Kara maoromaoro taudia edia mase bamona lau mase be namo. \q1 Lau ura lauegu mauri dokona, \q1 be edia mauri dokona hegeregere.” \p \v 11 Vadaeni Balaki ese Balama ia gwau henia, ia gwau, “Lau dekenai edena bamona oi karaia? Lau idia dagedage henia taudia do oi hadikaia totona oi lau boiria. To oi ese oiemu uduna dekena amo oi hanamodia vadaeni.” \p \v 12 To Balama ia haere, ia gwau, “Lohiabada ese lau ia hamaoroa herevadia sibona lau gwauraia diba, ani?” \p \v 13 Vadaeni Balaki ese Balama ia hamaoroa, ia gwau, “Mani oi mai, gabu ta ma dekenai do ita lao. Unai gabu dekena amo Israela taudia haida, kahirakahira idia noho taudia sibona do oi itaia. Ibounai do oi itaia diba lasi. Unai gabu dekena amo unai taudia be oiemu uduna hereva dekena amo do oi hadikaia.” \v 14 Balaki ese Balama ia hakaua, Sopimi tanona dekenai, ela bona Pisiga Ororo ena ataiai dekenai idia daekau lao. Unuseni boubou patadia 7 ma idia karaia, bona ta ta edia latanai boromakau tau ta bona mamoe tau ta idia gabua. \p \v 15 Balama ese Balaki ia hamaoroa, ia gwau, “Oiemu boubou gabua patana ena badibadinai do oi gini, do lau lao, Lohiabada danu do ai hedavari.” \p \v 16 Vadaeni Lohiabada be Balama dekenai ia mai, bona do ia gwauraia herevadia ia henia, ia gwau, “Do oi giroa lou Balaki dekenai, bona inai bamona do oi hamaoroa.” \p \v 17 Vadaeni Balama ia giroa lou, Balaki ia davaria, iena boubou gabua patana ena badibadinai ia gini, Moaba lohia taudia danu. Vadaeni Balaki ese ia nanadaia, ia gwau, “Lohiabada be dahaka ia gwau?” \p \v 18 Vadaeni Balama ese inai peroveta hereva ia gwauraia: \q1 “Balaki e, oi toreisi, oi kamonai, \q1 Siporo ena natuna e, lau dekenai oi kamonai. \q1 \v 19 Dirava be taunimanima bamona lasi, \q1 mai ena koikoi lasi, \q1 Dirava be taunimanima ena natuna bamona lasi, \q1 mai ena laloa rua lasi. \q1 Dirava ia hereva vadaeni gauna, \q1 be do ia karaia lasi, a? \q1 Dirava ia gwauhamata neganai, \q1 iena gwauhamata do ia hamomokania lasi, a? \q1 \v 20 Ia oda vadaeni lau be hanamoa hereva do lau gwauraia, \q1 Israela taudia idia edia latanai. \q1 Dirava ese unai taudia ia hanamoa, \q1 be lau ese lau haidaua diba lasi. \q1 \v 21 Dika ta Iakobo dekenai lau itaia lasi. \q1 Kerere ta Israela dekenai do lau siaia lasi. \q1 Lohiabada, idia edia Dirava, \q1 be idia danu ia noho. \q1 Ia be idia edia King, \q1 bona inai bamona idia gwauraia hedinarai noho. \q1 \v 22 Dirava ese Aigupito dekena amo, \q1 Israela taudia ia hakaua. \q1 Idia edia goada be uda boromakau edia goada bamona. \q1 \v 23 Meamea karadia be goada lasi Iakobo dekenai, \q1 bona babalau karadia ese, \q1 Israela taudia idia hadikaia diba lasi. \q1 Harihari taunimanima ese Israela do idia herevalaia inai bamona: \q1 Dirava ese inai bese ia durua bada be hoa gauna, ani? \q1 \v 24 Israela besena be laiona hahine bamona ia toreisi noho. \q1 Inai bese be laiona bamona ia gini noho. \q1 Do ia hekure lasi ela bona ia alaia mase gaudia, \q1 edia vamuna ia ania ore, \q1 bona edia rarana do ia inua.” \p \v 25 Vadaeni Balaki ese Balama dekenai ia hereva goada, ia gwau, “Do oi hanamodia lasi, bona hadikadia lasi.” \v 26 To Balama ese Balaki dekenai ia haere, ia gwau, “Oi lau hamaoroa vadaeni, ani? Lau gwau, ‘Lohiabada ese lau dekenai ia hamaoroa gaudia sibona be do lau karaia.’ ” \p \v 27 Vadaeni Balaki ese Balama dekenai ia hereva, ia gwau, “Oi mai, gabu idauna ta dekenai ita lao, sedira unai gabu dekenai Dirava do ia ura unai bese oiemu uduna dekena amo do oi hadikaia.” \p \v 28 Bona Balaki ese Balama ia abia lao, idia ruaosi be Peoro Ororo ena ataiai dekenai idia daekau lao. Unai gabu dekena amo taunimanima noho lasi tano idia itaia. \p \v 29 Balama ia gwau, “Boubou patadia 7 iniseni do oi karaia. Bona boromakau tau 7, bona mamoe tau 7 do oi abia hegaegae.” \v 30 Balaki ese Balama ena hereva hegeregerena ia karaia. Bona boromakau tau ta, bona mamoe tau ta be boubou patana ta ta dekenai ia gabua. \c 24 \p \v 1 Balama be hari ia diba Lohiabada ia ura Israela taudia do ia hanamodia momokani. Unai dainai ia be meamea karadia edia hunia gaudia ia karaia lasi, nega gunadia ia karaia bamona. To ia be taunimanima noho lasi tano dekenai iena vairana ia giroa. \s1 Balama ese Israela besena ma ia hanamoa \p \v 2 Unai tano Balama ese ia itaia noho neganai, ia be Israela iduhuna ta ta, edia kamepa, edia kamepa, ia itaia. Unai neganai Dirava ena Lauma, be Balama dekenai ia siahu bada, \v 3 vadaeni inai peroveta hereva ia gwauraia, ia gwau, \q1 “Balama Beoro ena hereva be inai: \q1 Iena matana idia kehoa noho momokani tauna, \q1 Balama, ena hereva be inai: \q1 \v 4 Lau be Dirava ena hereva lau kamonai noho tauna. \q1 Siahu Ibounai Diravana ena hairaina lau itaia noho. \q1 Lau tomadiho noho, \q1 to lauegu matana idia kehoa noho. \q1 Lauegu hereva be inai: \q1 \v 5 Iakobo e, oiemu palai rumadia be namo herea. \q1 Israela e, oiemu kamepa gabudia be namo bada. \q1 \v 6 Umui emui namo lau itaia be, \q1 sinavai edia koura gabudia dekenai au momo idia noho bamona, \q1 bona umui be sinavai badibadinai uma momo idia noho bamona. \q1 Umui be Lohiabada ese ia hadoa aloe muramura audia bamona, \q1 bona umui be sida audia ranu gabudia dekenai bamona. \q1 \v 7 Israela taudia ese medu namona momokani do idia abia, \q1 bona edia uma do idia hadoa gabudia, \q1 be mai edia ranu momo. \q1 Edia king ese Agaga do ia hereaia momokani. \q1 bona iena basileia do ia bada herea momokani. \q1 \v 8 Dirava ese Israela taudia Aigupito dekena amo ia hakaudia. \q1 Idia edia goada be uda boromakau ena goada bamona. \q1 Israela taudia ese, \q1 idia dekenai idia dagedage taudia do idia halusia. \q1 Edia turiana do idia hamakohia momokani, \q1 bona idia edia diba bona peva dekena amo, \q1 Israela taudia ese, \q1 idia hadikaia gwauraia taudia do idia pidia mase. \q1 \v 9 Israela taudia be laiona bamona idia hekure hegaegae noho. \q1 Idia laga-ani noho, laiona hahine bamona. \q1 Daika ese idia do ia hanogaia? \q1 Israela do idia hanamoa taudia, \q1 ese namo do idia davaria. \q1 To Israela do idia hadikaia taudia, \q1 ese dika do idia davaria.” \s1 Balama ena peroveta hereva \p \v 10 Balaki be Balama dekenai ia badu dikadika. Iena imana ruaosi ia hakapua, ia gwau henia, ia gwau, “Lau ese oi lau boiria, lau dekenai idia dagedage taudia do oi hadikaia totona. To oi ese nega toi oi hanamodia vadaeni. \v 11 Harihari oi giroa lou haraga, oiemu gabu do oi lao. Guna lau gwau davana namona oi dekenai do lau henia. To Lohiabada ese oiemu dala ia koua dainai, davana do oi abia lasi.” \p \v 12 Vadaeni Balama ese Balaki dekenai ia haere, ia gwau, “Oiemu hesiai taudia dekenai lau hamaoroa, ani, lau gwau, \v 13 ‘Bema Balaki ese iena ruma badana mai ena siliva bona golo ibounai lau dekenai ia henia gwauraia, to Lohiabada ena oda lau utua diba lasi. Lau sibona lauegu ura dekenai kara ta, namo o dika, lau karaia diba lasi. To Lohiabada ena hereva sibona lau gwauraia diba.’ \v 14 Vadaeni, hari lauegu bese dekenai do lau giroa lou. To guna oi dekenai do lau sisiba henia, vaira neganai dahaka karadia Israela taudia ese oiemu bese dekenai do idia karaia.” \v 15 Vadaeni Balama be ma ia haroro, ia gwau, \q1 “Balama Beoro ena hereva be inai: \q1 Iena matana idia kehoa momokani tauna, \q1 Balama, ena hereva be inai: \q1 \v 16 Lau be Dirava ena hereva lau kamonai noho tauna. \q1 Ataiai Momokani Diravana dekena amo diba lau abia. \q1 Siahu Ibounai Diravana ena hairaina lau itaia noho. \q1 Lau tomadiho noho, \q1 to lauegu matana be idia kehoa noho. \q1 \v 17 Lau be vaira dinadia lau itaia noho. \q1 Israela besena lau itaia. \q1 King ta, hisiu badana bamona, \q1 be Iakobo dekena amo do ia toreisi. \q1 Dagi bada auna ta, Israela dekena amo do ia toreisi. \q1 Ia ese Moaba gunalaia taudia do ia botaia, \q1 bona Seti taudia ibounai do ia botaia diho. \q1 \v 18 Ia ese Edoma, ia idia dagedage henia besena, \q1 do ia halusia, \q1 bona Edoma taudia edia tano do ia abia. \q1 Israela be do ia kwalimu, do ia goada lao. \q1 \v 19 Lohia tauna ta Iakobo dekena amo do ia mai, \q1 bona Edoma ena hanua badana taudia ese, \q1 do idia heau mauri diba lasi.” \p \v 20 Unai neganai Balama ese Amaleka taudia iena mata hanai dekenai ia itaia, bona peroveta hereva ma ia gwauraia, inai bamona: \q1 “Amaleka sibona be bese bada herea, \q1 bese ibounai edia huanai. \q1 To dokona neganai do ia dika ore momokani.” \p \v 21 Unai neganai Balama ese Kene taudia iena mata hanai dekenai ia itaia, bona peroveta hereva inai bamona ma ia gwauraia: \q1 “Umui emui ruma be auka, \q1 bona emui noho gabuna be hagahaga nadina lalonai. \q1 \v 22 To umui Kene taudia be do idia hadikaia ore. \q1 Asuria taudia ese umui do idia abia mauri.” \p \v 23 Ma Balama ia peroveta lou, ia gwau: \q1 “Be, Dirava ese inai bamona ia karaia, \q1 vadaeni daika do ia mauri diba? \q1 \v 24 Lagatoi be Kitima dekena amo do idia mai. \q1 Idia ese Asuria bona Ebere taudia do idia halusia, \q1 to unai Kitima taudia danu be do idia mase ore.” \p \v 25 Vadaeni Balama ia toreisi, iena gabu dekenai ia giroa lou, Balaki danu sibona ena dala dekenai ia lao. \c 25 \s1 Israela taudia ese Peoro ena dirava, Bala, dekenai idia tomadiho henia \p \v 1 Israela taudia be Akasia Koura dekenai idia kamepa neganai, edia tatau ese Moaba hahine idia sihari henidia. \v 2 Inai hahine ese unai Israela taudia idia boiria, Moaba dirava ena boubou karadia do idia durua. Vadaeni Israela taudia ese unai boubou aniani idia ania, bona Moaba dirava dekenai idia tomadiho. \p \v 3 Unai dala dekenai Israela taudia ese Peoro ena dirava Bala idia tomadiho henia. Unai kara dainai Lohiabada ese ia badu henidia. \v 4 Vadaeni Lohiabada ese Mose ia hamaoroa, ia gwau, “Israela ena gunalaia taudia ibounai do oi haboua, bona dina ena diari korikori dekenai inai dika taudia do umui taua dae, idia mase, taunimanima ibounai edia vairanai, bona unai neganai taunimanima dekenai do lau badu noho lasi.” \p \v 5 Mose ese Israela ena kota biaguna taudia ia hamaoroa, ia gwau, “Umui ta ta ese emui iduhu taudia, Peoro ena dirava Bala idia tomadiho henia taudia, do umui alaia mase.” \p \v 6 Unai neganai Mose bona Israela taudia be Palai Dubu ena iduara vairanai idia haboua, mai taitai danu. Vadaeni idia edia vairanai, Israela tauna ta ese iena palai ruma dekenai, Midiana hahine ta ia hakaua lao. \p \v 7 Pineha Eleasara, hahelagaia tauna Arona ena tubuna ese unai tau bona hahine ia itaia, vadaeni ia toreisi, hebou ia rakatania. Ia ese iena imana dekenai io ta ia abia, \v 8 bona unai tau bona hahine edia murinai ia raka, palai ruma lalonai ia raka vareai. Unuseni ia ese idia ruaosi ia gwadaia mase, tau bona hahine danu, nega tamona. Unai kara dainai, hanaia gorere dikana be Israela dekenai ia doko. \v 9 To unai hanaia gorere dikana ese Israela taudia ibounai 24,000 ia alaia mase vadaeni. \p \v 10 Lohiabada ese Mose ia hamaoroa, ia gwau, \v 11 “Pineha Eleasara, hahelagaia tauna Arona ena tubuna, ese lauegu badu be Israela taudia dekena amo ia abia lao. Pineha be, iena kudouna ia ura lasi momokani, Israela taudia ese dirava idauna ta do idia tomadiho henia, to lau sibona ia ura henia. Iena kara dainai, egu badu be ia keru lao, bona Israela taudia ibounai lau hamasea ore lasi. \p \v 12 “Unai dainai Pineha do oi hamaoroa, lau ese gwauhamata ia dekenai lau karaia inai, noho hanaihanai doko lasi gwauhamata. \v 13 Pineha bona iena tubuna taudia ibounai ese hahelagaia taudia edia dagi do idia dogoatao noho, ela bona nega ibounai. Badina be mai ena kudouna ibounai, ia ura lasi Israela taudia ese dirava idauna ta do idia tomadiho henia. Ia ura lau, Lohiabada sibona be edia Dirava, bona iena kara dainai, lau ese taunimanima edia dika lau gwauatao.” \p \v 14 Unai Israela tauna, Midiana hahine danu ia gwadaia nega tamona tauna ena ladana be Simiri Salu, Simeona iduhu ena lohia ta. \v 15 Unai Midiana hahine, ia gwadaia mase hahine, ena ladana be Kosobi Suru. Iena tamana Suru be iduhu ta ena lohia, Midiana dekenai. \p \v 16 Lohiabada ese Mose ia hamaoroa, ia gwau, \v 17 “Midiana taudia do umui tuari henia, bona do umui hisihisi henidia. \v 18 Badina be idia ese Peoro ena dirava dekena amo umui idia koia dainai, idia ese umui idia hadikaia. Bona badina ta danu, be Kosobi, Midiana ena lohia natuna dainai. Kosobi be unai hahine, Pineha ese ia gwadaia mase, Israela taudia dekenai gorere dikana ia vara neganai.” \c 26 \s1 Israela taudia ma idia duahia lou \p \v 1 Gorere ia doko murinai, Lohiabada ese Mose bona Eleasara Arona ia hamaoroa, ia gwau, \v 2 “Israela taudia edia bese ta ta ibounai do umui duahia, edia mauri lagani be 20 idia hanaia tatau ibounai, tuari totona do idia lao diba taudia ibounai do umui duahia.” \p \v 3 Vadaeni Moaba ena tano palaka gabuna dekenai, Ioridane Sinavai ena badibadinai, Ieriko kahirakahira, Mose bona hahelagaia tauna Eleasara ese taunimanima idia hamaoroa, idia gwau, \v 4 “Edia mauri lagani 20, bona 20 idia hanaia tatau ibounai do umui duahia, Lohiabada ese Mose ia oda henia hegeregerena.” \p Israela taudia, Aigupito dekena amo idia raka mai taudia be inai: \b \p \v 5 Rubena be Iakobo ena natuna vara guna. Rubena ena natuna be Hanoka, Hanoka iduhu ia havaraia tauna, bona Palu, Palu iduhu ia havaraia tauna, \v 6 bona Hesarona, Hesarona iduhu ia havaraia tauna, bona Karami, Karami iduhu ia havaraia tauna. \v 7 Rubena ena natuna edia iduhu ibounai be unai, bona edia tatau ibounai be 43,730. \p \v 8 Palu ena natuna ta be Eliaba. \v 9 Eliaba ena natuna be Nemuele bona Datana bona Abirama. Inai Datana bona Abirama be Israela taudia orea ta ese idia abia hidi, vadaeni idia ruaosi bona Kora ese Mose bona Arona idia heai henia, bona idia ese danu Lohiabada idia heai henia. \v 10 Ela bona tano ese iena uduna ia kehoa, bona idia ia hadonoa ore, idia bona Kora, bona Kora ena orea taudia, vadaeni idia ibounai idia mase. Unai neganai danu, lahi ese taunimanima 250 ia gabua mase. Inai be sisiba, bona matakani gauna, Israela taudia edia latanai. \v 11 To Kora ena natuna tau be idia mase lasi. \b \p \v 12 Simeona ena natuna, bona edia iduhu be inai: Nemuele, Nemuele iduhu ia havaraia tauna, bona Iamina, Iamina iduhu ia havaraia tauna, bona Iakini, Iakini iduhu ia havaraia tauna. \v 13 Bona Sera, Sera iduhu ia havaraia tauna, bona Saulo, Saulo iduhu ia havaraia tauna. \v 14 Simeona ena natuna edia iduhu ibounai be unai, bona edia tatau ibounai be 22,200. \b \p \v 15 Gado ena natuna, bona edia iduhu be inai: Sepona, Sepona iduhu ia havaraia tauna, bona Hagi, Hagi iduhu ia havaraia tauna, bona Suni, Suni iduhu ia havaraia tauna. \v 16 Bona Osini, Osini iduhu ia havaraia tauna, bona Eri, Eri iduhu ia havaraia tauna, bona Aroda, Aroda iduhu ia havaraia tauna, \v 17 bona Areli, Areli iduhu ia havaraia tauna. \v 18 Gado ena natuna edia iduhu ibounai be unai, bona edia tatau ibounai be 40,500. \b \p \v 19 Iuda ena natuna rua, Ere bona Onana, be Kanana dekenai idia mase. \v 20 Iuda ena natuna, bona edia iduhu be inai: Sela, Sela iduhu ia havaraia tauna, bona Perese, Perese iduhu ia havaraia tauna, bona Sera, Sera iduhu ia havaraia tauna. \v 21 Perese ena natuna be Hesarona, Hesarona iduhu ia havaraia tauna, bona Hamulu, Hamulu iduhu ia havaraia tauna. \v 22 Iuda ena natuna edia iduhu ibounai be unai, bona edia tatau ibounai be 76,500. \b \p \v 23 Isakara ena natuna bona edia iduhu be inai: Tola, Tola iduhu ia havaraia tauna, bona Puva, Punu iduhu ia havaraia tauna, \v 24 bona Iasubu, Iasubu iduhu ia havaraia tauna, bona Simarona, Simarona iduhu ia havaraia tauna. \v 25 Isakara ena natuna edia iduhu ibounai be unai, bona edia tatau ibounai be 64,300. \b \p \v 26 Sebuluno ena natuna bona edia iduhu be inai: Sereda, Sereda iduhu ia havaraia tauna, bona Elono, Elono iduhu ia havaraia tauna, bona Ialila, Ialila iduhu ia havaraia tauna. \v 27 Sebuluno ena natuna edia iduhu ibounai be unai, bona edia tatau ibounai be 60,500. \b \p \v 28 Iosepa ena natuna bona edia iduhu be inai: Manase bona Eparaima. \v 29 Manase ena natuna be inai: Makiri, Makiri iduhu ia havaraia tauna, bona Gileada Makiri, Gileada iduhu ia havaraia tauna. \v 30 Gileada ena natuna be inai: Iesere, Iesere iduhu ia havaraia tauna, bona Heleke, Heleke iduhu ia havaraia tauna, \v 31 bona Asariele, Asariele iduhu ia havaraia tauna, bona Sekema, Sekema iduhu ia havaraia tauna, \v 32 bona Semida, Semida iduhu ia havaraia tauna, bona Hepere, Hepere iduhu ia havaraia tauna. \v 33 Selopehada Hepere be natuna tau ta lasi, hahine sibona. Selopehada ena natuna hahine edia ladana be Mahala bona Noa bona Hogila bona Milika bona Tirisa. \v 34 Manase ena natuna edia iduhu ibounai be unai, bona edia tatau ibounai be 52,700. \b \p \v 35 Eparaima ena natuna bona edia iduhu be inai: Sutela, Sutela iduhu ia havaraia tauna, bona Bekere, Bekere iduhu ia havaraia tauna, bona Tahana, Tahana iduhu ia havaraia tauna. \v 36 Sutela ena natuna be Erana, Erana ena iduhu ia havaraia tauna. \v 37 Eparaima ena natuna edia iduhu ibounai be unai, bona edia tatau ibounai be 32,500. \p Unai be Iosepa dekena amo idia vara iduhu taudia. \b \p \v 38 Beniamina ena natuna bona edia iduhu be inai: Bela, Bela iduhu ia havaraia tauna, bona Asabela, Asabela iduhu ia havaraia tauna, bona Ahirama, Ahirama iduhu ia havaraia tauna. \v 39 Bona Sepupama, Sepupama iduhu ia havaraia tauna, bona Hupama, Hupama iduhu ia havaraia tauna. \v 40 Bela ena natuna be Arada bona Namana. Arada be Arada iduhu ia havaraia, bona Namana ese Namana iduhu ia havaraia. \v 41 Beniamina ena natuna edia iduhu ibounai be unai, bona edia tatau ibounai be 45,600. \b \p \v 42 Dano ena natuna be Suhama, Suhama iduhu ia havaraia tauna. Dano ena natuna ena iduhu be unai. \v 43 Bona inai iduhu Suhama ena tatau ibounai be 64,400. \b \p \v 44 Asere ena natuna bona edia iduhu be inai: Imina, Imina iduhu ia havaraia tauna, bona Isivi, Isivi ena iduhu ia havaraia tauna, bona Beria, Beria ena iduhu ia havaraia tauna. \v 45 Beria ena natuna be inai: Hebere, Hebere iduhu ia havaraia tauna, bona Malakiela, Malakiela iduhu ia havaraia tauna. \v 46 Asere ena natuna hahine ena ladana be Sera. \v 47 Asere ena natuna edia iduhu ibounai be unai, bona edia tatau ibounai be 53,400. \b \p \v 48 Napatali ena natuna bona edia iduhu be inai: Iasila, Iasila ena iduhu ia havaraia tauna, bona Guni, Guni iduhu ia havaraia tauna, \v 49 bona Iesa, Iesa iduhu ia havaraia tauna, bona Silema, Silema iduhu ia havaraia tauna. \v 50 Napatali ena natuna edia iduhu ibounai be unai, bona edia tatau ibounai be 45,400. \v 51 Israela tatau ibounai be 601,730. \s1 Tano haria dalana \p \v 52 Lohiabada ese Mose ia hamaoroa, ia gwau, \v 53 “Tano be inai iduhu edia huanai do oi haria, edia ladana, bona edia taunimanima hida hegeregerena do oi haria. \v 54 Iduhu badana dekenai be tano badana do oi henia, to iduhu maragina dekenai tano maragina do oi henia. Iduhu ta ta edia tano ena bada be edia taunimanima hida hegeregerena. \v 55 To laki dalana dekenai danu iduhu ta ta edia tano do oi haria, edia tamana edia iduhu ladana dekena amo do oi henia. \v 56 Edena tano iduhu badadia do idia abia, be laki dekena amo do oi gwauraia. Ma iduhu maragidia danu be laki dekena amo edia tano ta ta danu do oi gwauraia.” \s1 Levi taudia idia duahia \p \v 57 Levi taudia danu edia iduhu ta ta dekena amo idia duahia. Geresone ese Geresone iduhu ia havaraia, Kohata ese Kohata iduhu ia havaraia, bona Merari ese Merari iduhu ia havaraia. \p \v 58 Levi edia iduhu maragidia be inai: Libini, bona Heberona bona Mali bona Musi bona Kora. Kohata be Amarama ena tamana. \v 59 Amarama ena adavana ena ladana be Iokebedi, Levi ena natuna hahine, Aigupito dekenai ia vara. Iokebedi ese Amarama dekena amo ia havaraia natuna be Arona bona Mose, bona edia taihuna Miriama. \p \v 60 Arona ena natuna be Nadaba bona Abihu bona Eleasara bona Itamara. \v 61 To Nadaba bona Abihu be idia mase, lahi idauna, helaga lasi gauna, Lohiabada ena vairanai idia gabua dainai. \p \v 62 Levi taudia idia duahia, bona idia ibounai be 23,000. Unai be memero bona tatau, hua ta idia hanaia vadaeni taudia ibounai. \p Israela taudia danu Levi taudia idia duahia hebou lasi, badina be Levi taudia dekenai Israela taudia edia huanai tano ta idia henia lasi. \p \v 63 Inai iduhu ibounai be Mose bona Eleasara ese idia duahia, Moaba ena tano palaka, Ioridane Sinavai unai kahanai bona Ieriko kahirakahira Israela taudia idia duahia neganai. \v 64 To Mose bona Arona ese Israela taudia idia duahia nega ginigunana, Sinai ena tano kaukau dekenai neganai, be unai idia duahia taudia ta ia do mauri noho lasi. \v 65 Badina be Lohiabada ese idia ia hamaoroa vadaeni, ia gwau idia ibounai be tano kaukau dekenai do idia mase. Unai dainai idia ta ia mauri lasi, Kaleba Iepune bona Iosua Nunu, idia ruaosi sibona idia do mauri noho. \c 27 \s1 Selopehada ena natuna hahine \p \v 1 Mahala, bona Noa, bona Hogila, bona Milika bona Tirisa be Selopehada Hepere ena natuna hahine. Selopehada Hepere be Gileada ena natuna. Gileada be Makiri ena natuna, Makiri be Manase ena natuna. Manase be Iosepa ena natuna. \p \v 2 Unai hahine taudia be idia lao, Mose, hahelagaia tauna Eleasara, gunalaia taudia, bona Israela taudia ibounai edia vairanai idia gini, Lohiabada ena Palai Dubu ena iduara dekenai. Unai hahine idia gwau, \v 3 “Aiemai tamana be tano kaukau dekenai ia mase neganai, ia be mai ena natuna tau ta lasi. Ia be Kora ena orea taudia edia hebou ia vareai lasi, ia ese Lohiabada ia heai henia lasi, to ia sibona ena kara dika dainai ia mase. \v 4 Badina be dahaka aiemai tamana ena ladana be iena iduhu dekena amo do idia kokia, ia be natuna tau lasi dainai? Aiemai tamana ena varavara taudia edia huanai, be tano haida ai dekenai do umui henia.” \p \v 5 Mose ese idia edia noinoi Lohiabada dekenai ia hamaoroa. \v 6 Vadaeni Lohiabada ese Mose ia hamaoroa, ia gwau, \v 7 “Selopehada ena natuna hahine edia hereva be maoro, edia tamana ena varavara edia huanai, tano haida do oi henia, edia tamana ena tano kahana be idia ese do idia abia. \v 8 Inai danu, Israela taudia do oi hamaoroa, bema tau ta ia mase, mai ena natuna tau lasi, iena natuna hahine ese iena tano o kohu do ia abia. \v 9 Bema unai tau be mai ena natuna hahine lasi danu, iena tano o kohu be iena tadikakana dekenai do umui henia. \p \v 10 “Bema ia be mai ena tadikakana lasi, iena tano o kohu be iena tamana maragi dekenai do umui henia. \v 11 To bema ia be mai tamana maragi lasi, iena tano o kohu be iena varavara ta dekenai do umui henia, ia ese do ia dogoatao, iena. Inai be taravatu bona oda Israela taudia edia latanai, lau Lohiabada ese Mose dekenai lau henia hegeregerena.” \s1 Mose ena dagi gabuna do ia abia tauna \p \v 12 Lohiabada ese Mose ia hamaoroa, ia gwau, “Inai ororo ladana Abarima dekenai do oi daekau lao, oiemu matana do oi negea, Israela taudia dekenai lau henia tanona do oi itaia. \v 13 Unai tano oi itaia murinai, oi be do oi mase, oiemu kakana Arona ia mase bamona. \v 14 Badina be umui ruaosi ese Sini taunimanima noho lasi tano dekenai lauegu hereva umui utua dainai. Unai neganai, Israela taudia ibounai ese Meriba dekenai lau dekenai idia maumau, to lauegu siahu helagana be unai taudia edia vairanai oi gwauraia hedinarai lasi.” Unai Meriba be ranu gabuna. Ia be Kadesi kahana, Sini taunimanima noho lasi gabuna dekenai. \p \v 15 Mose ese Lohiabada dekenai ia haere, ia gwau, \v 16 “Lohiabada e, oi be taunimanima ibounai edia laumadia edia Dirava, mani emu kara tau ta do oi abia hidi, Israela do ia gunalaia. \v 17 Ia ese tuari dekenai do ia gunalaidia bona naridia. Vadaeni Lohiabada ena orea taudia be do idia noho kava lasi, mai edia naria tauna lasi mamoe bamona.” \p \v 18 Lohiabada ese Mose ia hamaoroa, ia gwau, “Iosua Nunu do oi abia, ia be Lauma ese ia abia tauna ta, oiemu imana be iena kwarana latanai do oi atoa. \v 19 Vadaeni Iosua be hahelagaia tauna ena vairanai, bona Israela taudia edia vairanai do oi haginia. Unai neganai oi ese oiemu dagi ia dekenai do oi henia. \v 20 Oiemu siahu dekena amo Iosua do oi hasiahua, vadaeni Israela taudia ibounai ese ia do idia kamonai henia. \v 21 Iosua be hahelagaia tauna Eleasara ena vairanai do ia gini, vadaeni Eleasara ese ia dainai Lohiabada ena ura do ia tahua, Urima bona Tumima dekena amo. Vadaeni Iosua ena oda hereva dekenai, Israela taudia ibounai do idia raka lao, bona do idia raka vareai, orea tamona.” \p \v 22 Mose ese Lohiabada ena oda hegeregerena ia karaia. Iosua ia abia, hahelagaia tauna Eleasara bona Israela hebou taudia edia vairanai ia haginia. \v 23 Vadaeni Mose ese iena imana Iosua ena kwarana latanai ia atoa, iena dagi ia henia, Lohiabada ese Mose ia hamaoroa hegeregerena. \c 28 \s1 Dina ibounai bouboudia \p \v 1 Lohiabada ese Mose ia hereva henia, ia gwau, \v 2 “Israela taudia do oi hamaoroa, egu boubou gaudia, lahi dekenai umui gabua ore, lau totona edia bonana be namo gaudia, do umui laloa noho, bona lau dekenai do umui henia noho, edia nega korikori dekenai. \p \v 3 “Ma idia do oi hamaoroa, lahi bouboudia lau Lohiabada dekenai do idia henia be inai: Dina ta ta dekena amo, mamoe natudia tau rua, lagani tamona gaudia, bero lasi bona toto lasi gaudia, do umui henia, emui gabua ore bouboudia, ela bona nega ibounai. \v 4 Mamoe ena natuna ta be daba dekenai do umui henia, bona mamoe iharuana be adorahi neganai do umui henia. \p \v 5 “Inai mamoe ta ta danu be paraoa boubou do umui henia, paraoa namo herea ena metau be kilogaram ta, olive dehoro namo herea ena bada lita ta dekena amo umui mikisi gauna. \v 6 Inai boubou ruaosi be dina ibounai do umui henia, idia gabua ore gaudia. Sinai Ororo dekenai inai bamona bouboudia idia henia hamatamaia. Ia be aniani boubouna, mai bonana namo Lohiabada dekenai. \p \v 7 “Uaina bouboudia be, mamoe ginigunana, dabai gauna umui gabua neganai, do umui henia. Unai uaina ena bada lita ta, be boubou patana ena latanai do umui bubua. \p \v 8 “Adorahi neganai danu, mamoe iharuana be dabai gauna hegeregerena do umui gabua ore, mai ena uaina boubou danu. Inai danu be aniani boubouna, mai ena bonana namo, Lohiabada ena. \s1 Sabati ena boubou \p \v 9 “Sabati Dinana dekenai, mamoe natuna tau rua, lagani tamona gaudia do umui henia. Idia be namodia momokani, bero o toto lasi gaudia. Ma paraoa ena metau kilogaram rua, olive dehoro dekena amo mikisi gauna, bona uaina boubou danu do umui henia. \v 10 Inai gabua ore boubouna be Sabati Dinadia ibounai do umui henia, dina ibounai bouboudia danu do umui henidia hebou, mai edia uaina bouboudia danu. \s1 Hua matamata bouboudia \p \v 11 “Hua matamata dinadia dekenai gabua ore boubouna be Lohiabada dekenai do umui henia inai bamona: Boromakau natudia tau rua, mamoe tau ta, bona mamoe natudia tau 7, lagani tamona gaudia, namodia momokani, bero o toto lasi. \v 12 Paraoa bouboudia danu do umui henia, inai paraoa be olive dehoro danu do umui mikisi inai bamona: Boromakau ta ta danu be paraoa kilogaram toi, mamoe tau danu be paraoa kilogaram rua, \v 13 bona mamoe natuna ta ta danu be paraoa kilogaram ta. Inai gabua ore bouboudia be aniani bouboudia, Lohiabada ena, bona Lohiabada dekenai edia bonana be namo herea. \p \v 14 “Uaina bouboudia be inai: Boromakau ta ta danu uaina lita rua, mamoe tau danu, uaina lita ta, 500 garam, bona mamoe natuna ta ta danu uaina lita ta. Inai be hua ta ta edia dina ginigunana edia gabua ore bouboudia, lagani ena hua ta ta ibounai lalonai. \v 15 Bona dina ibounai dekenai be nanigosi tau ta, kara dika boubouna totona do umui henia. Inai ibounai be dina ibounai ena gabua ore boubouna, bona iena uaina boubouna danu do umui henia hebou. \s1 Pasova bouboudia \p \v 16 “Hua ginigunana ena dina namba 14 be Lohiabada ena Pasova do umui karaia. \v 17 Inai hua ena dina namba 15 dekenai, aria do umui ania hamatamaia ia lao bona dina 7 ia ore, bona unai dina 7 lalonai mai hatubua gauna lasi paraoa sibona do umui ania. \p \v 18 “Unai aria ena dina ginigunana dekenai Lohiabada tomadiho henia totona do umui haboua, bona gaukara ta do umui karaia lasi. \v 19 To lahi ese do ia gabua ore boubouna Lohiabada dekenai do umui henia, boromakau natuna tau rua, mamoe tau ta, bona mamoe natudia tau ibounai 7 do umui henia, ibounai namodia momokani, bero o toto lasi gaudia. \p \v 20 “Paraoa boubouna danu, olive dehoro danu mikisi gauna do umui henia, boromakau ta ta danu be paraoa kilogaram toi, mamoe tau danu be paraoa paraoa kilogaram rua, \v 21 bona mamoe ta ta danu be kilogaram ta. \p \v 22 “Nanigosi tau ta danu do umui henia, kara dika boubouna totona. Inai bamona do umui karaia, emui kara dika ena davana karaia totona. \v 23 Inai boubou do umui karaia, ma dina ibounai bouboudia dabai bona adorahi gaudia do umui karaia noho. \p \v 24 “Unai dina 7 lalonai unai vamu bouboudia be dina ta ta Lohiabada dekenai do umui gabua ore, bonana namo Lohiabada ena, ma dina ibounai gabua ore bouboudia, bona ena uaina bouboudia danu do umui henia hebou. \p \v 25 “Dina namba 7 dekenai Lohiabada tomadiho totona do umui haboua, bona gaukara ta do umui karaia lasi. \s1 Aniani ena Anina Utua bouboudia \p \v 26 “Uma ena Anina Utua aria ena dina ginigunana dekenai umui ese uiti ena anina matamata Lohiabada dekenai umui henia neganai, umui ese Lohiabada tomadiho henia totona do umui haboua, bona gaukara ta do umui karaia lasi. \p \v 27 “Gabua ore boubouna Lohiabada dekenai do umui henia, Lohiabada dekenai bonana namo gauna, inai bamona: Boromakau natuna tau rua, mamoe tau ta, bona mamoe natuna tau ibounai 7, lagani tamona gaudia, namodia momokani, bero o toto lasi gaudia. \p \v 28 “Paraoa boubou danu do umui henia, paraoa bona olive dehoro idia mikisi gauna inai bamona: Boromakau ta ta danu be paraoa kilogaram toi, mamoe tau danu be paraoa kilogaram rua, \v 29 bona mamoe natuna ta ta danu be paraoa kilogaram ta. \p \v 30 “Ma nanigosi tau ta, kara dika boubouna totona do umui henia. Inai bamona do umui karaia, emui kara dika davana karaia totona. \p \v 31 “Inai anina utua boubou be dina ibounai gabua ore boubou danu do umui henia, mai ena uaina bona paraoa boubouna danu. Do umui itaia namonamo, mauri gaudia namodia momokani, bero o toto lasi gaudia sibona do umui henia.” \c 29 \s1 Hua namba 7 ena bouboudia Kibi Hiriria Dinana \p \v 1 Dirava ena hadibaia hereva be Mose ese Israela taudia dekenai ma ia hamaoroa, ia gwau, “Hua namba 7 ena dina ginigunana dekenai, umui ese Lohiabada tomadiho henia totona do umui haboua, bona gaukara ta do umui karaia lasi. Unai dina dekenai kibi do umui hiriria. \v 2 Bona Lohiabada dekenai inai gabua ore bouboudia do umui henia, Lohiabada dekenai bonana namo gaudia: Boromakau natuna tau ta, mamoe tau ta, bona mamoe natuna tau ibounai 7, namodia momokani, bero o toto lasi gaudia. \p \v 3 “Paraoa bouboudia, olive dehoro danu mikisi gaudia danu do umui henia, inai bamona: Boromakau danu be paraoa ena metau kilogaram toi, mamoe tau danu be paraoa ena metau kilogaram rua, \v 4 bona mamoe natuna ta ta danu be paraoa ena metau kilogaram ta. \p \v 5 “Ma nanigosi tau ta, kara dika boubou totona do umui henia. Inai bamona do umui karaia, emui kara dika ena davana karaia totona. \p \v 6 “Inai bouboudia be hua ta ta edia dina ginigunana boubou, bona dina ibounai gabua ore boubou danu do umui henia, mai edia paraoa bona uaina bouboudia do umui henia hebou. Inai aniani bouboudia be Lohiabada dekenai mai edia bonana namona. \s1 Kara Dika Ena Davana Karaia Dinana \p \v 7 “Hua namba 7 ena dina namba 10 dekenai aniani do umui ania lasi, bona gaukara ta do umui karaia lasi. Unai dina dekenai, \v 8 Lohiabada dekenai gabua ore boubouna do umui henia, ia dekenai bonana namo gauna: Boromakau natuna tau ta, mamoe tau, bona mamoe natuna tau 7, lagani tamona gaudia, namodia momokani, bero o toto lasi. \p \v 9 “Paraoa bouboudia, olive dehoro danu mikisi gaudia danu do umui henia, inai bamona: Boromakau danu be paraoa ena metau kilogaram toi, mamoe tau danu be paraoa ena metau kilogaram rua, \v 10 bona mamoe natuna ta ta danu be paraoa ena metau kilogaram ta. \p \v 11 “Ma nanigosi tau ta, kara dika gwauatao boubou totona do umui henia. Ma kara dika totona boubouna ta, taunimanima edia kara dika davana karaia totona, danu do umui karaia. Dina ibounai gabua ore boubou mai ena paraoa boubou, bona mai edia uaina bouboudia danu do umui karaia unai dina dekenai. \s1 Au Raurau Ruma Maragidia Aria bouboudia \p \v 12 “Hua namba 7 ena dina namba 15 dekenai Lohiabada tomadiho henia totona do umui haboua. Umui ese gaukara ta do umui karaia lasi, to dina 7 lalonai Au Raurau Ruma Maragidia Aria, Lohiabada hanamoa totona do umui karaia. \v 13 Inai aria ena dina ginigunana dekenai mai bonana namo Lohiabada dekenai aniani boubouna do umui henia: Boromakau natuna tau ibounai 13, mamoe tau rua, mamoe natuna tau, lagani tamona gaudia, ibounai 14, namodia momokani, bero o toto ta lasi gaudia. \p \v 14 “Paraoa bouboudia, olive dehoro danu mikisi gaudia danu do umui henia, inai bamona: Boromakau ta ta danu be paraoa ena metau kilogaram toi, mamoe tau ta ta danu be paraoa ena metau kilogaram rua, \v 15 bona mamoe natuna ta ta danu be paraoa ena metau kilogaram ta, mai edia uaina bouboudia danu. \p \v 16 “Ma nanigosi tau ta, kara dika boubou totona do umui henia. Inai bouboudia be dina ibounai gabua ore boubou danu do umui henia, mai ena paraoa boubou bona uaina boubouna danu. \p \v 17 “Dina iharuana dekenai boromakau natuna tau ibounai 12, mamoe tau rua, bona mamoe natuna tau, lagani tamona gaudia ibounai 14, namodia momokani, bero o toto lasi gaudia do umui henia. \v 18 Inai boromakau tau, mamoe tau, bona mamoe natuna tau be hida hegeregerena, paraoa bouboudia bona uaina bouboudia danu do umui henia. \v 19 Nanigosi tau ta, kara dika totona boubouna, bona dina ibounai gabua ore boubouna, mai ena paraoa boubouna, bona edia uaina bouboudia danu do umui henia. \p \v 20 “Dina ihatoina dekenai boromakau tau ibounai 11, mamoe tau rua, bona mamoe natuna tau, lagani tamona gaudia, ibounai 14, namodia momokani, bero o toto lasi gaudia do umui henia. \v 21 Inai boromakau tau, mamoe tau, bona mamoe natuna tau be hida hegeregerena, paraoa bouboudia bona uaina bouboudia danu do umui henia. \v 22 Nanigosi tau ta, kara dika totona boubouna, bona dina ibounai gabua ore boubouna, mai ena paraoa boubouna, bona uaina boubouna danu do umui henia. \p \v 23 “Dina namba 4 dekenai, boromakau natuna tau ibounai 10, mamoe tau rua, bona mamoe natuna tau, lagani tamona gaudia, ibounai 14, namodia momokani, bero o toto lasi gaudia do umui henia. \v 24 Inai boromakau tau, mamoe tau, bona mamoe natuna tau be hida hegeregerena, paraoa bouboudia bona uaina bouboudia danu do umui henia. \v 25 Nanigosi tau ta, kara dika totona boubouna, bona dina ibounai gabua ore boubouna, mai ena paraoa boubouna bona uaina boubouna danu do umui henia. \p \v 26 “Dina namba 5 dekenai, boromakau natuna tau ibounai 9, mamoe tau rua, bona mamoe natuna tau, lagani tamona gaudia, ibounai 14, namodia momokani, bero o toto lasi gaudia do umui henia. \v 27 Inai boromakau tau, mamoe tau, bona mamoe natuna tau be hida hegeregerena, paraoa bouboudia bona uaina bouboudia danu do umui henia. \v 28 Nanigosi tau ta, kara dika totona boubouna, bona dina ibounai gabua ore boubouna, mai ena paraoa boubouna bona uaina boubouna danu do umui henia. \p \v 29 “Dina namba 6 dekenai, boromakau natuna tau ibounai 8, mamoe tau rua, bona mamoe natuna tau, lagani tamona gaudia, ibounai 14, namodia momokani, bero o toto lasi gaudia do umui henia. \v 30 Inai boromakau tau, mamoe tau, bona mamoe natuna tau be hida hegeregerena, paraoa bouboudia bona uaina bouboudia danu do umui henia. \v 31 Nanigosi tau ta, kara dika totona boubouna, bona dina ibounai gabua ore boubouna mai ena paraoa boubouna bona uaina boubouna danu do umui henia. \p \v 32 “Dina namba 7 dekenai, boromakau tau ibounai 7, mamoe tau rua, bona mamoe natuna tau, lagani tamona gaudia ibounai 14, namodia momokani, bero o toto lasi gaudia do umui henia. \v 33 Inai boromakau tau, mamoe tau bona mamoe natuna tau be hida hegeregerena, paraoa bouboudia bona uaina bouboudia danu do umui henia. \v 34 Nanigosi tau ta, kara dika totona boubouna, mai ena paraoa boubouna bona uaina boubouna danu do umui henia. \p \v 35 “Dina namba 8 dekenai, Lohiabada tomadiho henia totona do umui haboua, bona gaukara ta do umui karaia lasi. \v 36 Idia gabua ore aniani boubouna Lohiabada dekenai do umui henia, ia dekenai bonana namo gauna, inai bamona: Boromakau natuna tau ta, mamoe tau ta, bona mamoe natuna tau, lagani tamona gaudia ibounai 7, namodia momokani, bero o toto lasi gaudia. \v 37 Inai boromakau tau, mamoe tau bona mamoe natuna tau be hida hegeregerena, paraoa bouboudia bona uaina bouboudia danu do umui henia. \v 38 Nanigosi tau ta, kara dika totona boubouna, mai ena paraoa boubouna bona uaina boubouna danu do umui henia. \p \v 39 “Inai bouboudia ibounai be Lohiabada dekenai do umui henia, gabua ore bouboudia, paraoa bouboudia, uaina bouboudia bona Lohiabada danu maino karaia bouboudia. Inai ibounai be emui aria dinadia dekenai do umui abia hegaegae, Lohiabada dekenai do umui henia, emui gwauhamata gaudia bona laloa namo harihari gaudia danu.” \p \v 40 Mose ese inai hereva ibounai be Israela taudia dekenai ia hamaoroa, Lohiabada ese ia dekenai ia oda henia hegeregerena. \c 30 \s1 Gwauhamata ena taravatu \p \v 1 Mose ese Israela iduhu lohia taudia dekenai ia hereva, ia gwau, “Lohiabada ena hadibaia hereva be inai: \v 2 Bema tau ta ese Lohiabada dekenai ia gwauhamata, gau ta do ia henia, o Lohiabada ena vairanai ia gwauhamata, kara ta do ia karaia, unai tau ese iena gwauhamata do ia karaia momokani, iena gwauhamata do ia makohia lasi. \p \v 3 “Bema kekeni ta, iena tamana ena ruma dekenai do noho, ese Lohiabada dekenai ia gwauhamata, gau ta do ia henia, o Lohiabada ena vairanai ia gwauhamata kara ta do ia karaia, \v 4 bona bema iena tamana ese unai gwauhamata ia kamonai, to ia koua lasi, vadaeni unai kekeni ese iena gwauhamata ibounai do ia karaia momokani. \p \v 5 “To bema iena tamana ese unai gwauhamata ia kamonai neganai ia ura lasi, bona ia koua neganai, unai kekeni ena gwauhamata be anina lasi, bona Lohiabada ese unai gwauhamata do ia laloaboio, badina be kekeni ena tamana ese ia koua dainai. \p \v 6 “Bema kekeni ta ese gwauhamata ta ia gwauraia momokani, o ia gwauraia kava, kara ta do ia karaia, to ia do karaia lasi neganai ia headava, \v 7 unai neganai bema iena adavana ese gwauhamata do ia kamonai neganai ia koua lasi, vadaeni unai gwauhamata be ia gini noho, bona hahine ese gwauhamata ena anina do ia karaia. \p \v 8 “To bema iena tau ese gwauhamata ia kamonai neganai ia koua, unai neganai unai hahine ena gwauhamata be anina lasi. Lohiabada ese unai gwauhamata do ia laloaboio. \p \v 9 “Vabu ta, o negea hahine ta, ese ia karaia gwauhamata be do ia gini, bona gwauhamata ena anina do ia karaia. \p \v 10 “Bema headava hahine ta ese gwauhamata ia gwauraia, kara ta do ia karaia, \v 11 bona bema iena tau ese gwauhamata ia kamonai neganai ia koua lasi neganai, unai hahine ese iena gwauhamata ena anina ibounai do ia karaia haorea. \p \v 12 “To bema unai hahine ena tau ese gwauhamata ia kamonai neganai ia ura lasi, bona ia koua, vadaeni unai gwauhamata ia gini lasi, bona Lohiabada ese unai hahine ena gwauhamata do ia laloaboio. \v 13 Hahine ena tau ese iena hahine ena gwauhamata do ia hamomokania diba, o do ia koua diba. \p \v 14 “To bema tau ese gwauhamata ia kamonai murinai dina haida idia lao vadaeni, bona unai tau ese hereva ta ia gwauraia lasi, unai be ia ese iena hahine ena gwauhamata ia hamomokania. Tau ese iena hahine ena gwauhamata ia hamomokania vadaeni, badina be ia kamonai dinana dekenai koua hereva ta ia gwauraia lasi. \p \v 15 “To bema dina haida idia ore murinai, tau ese iena hahine ena gwauhamata ia koua gwauraia, unai tau ese hahine ena kerere be ia ese do ia huaia, bema gwauhamata ena anina ia karaia haorea lasi.” \p \v 16 Inai taravatu be Lohiabada ese Mose dekenai ia henia, tau bona hahine totona gaudia, bona tau, mai ena natuna kekeni totona, kekeni be tamana ena ruma dekenai do noho neganai. \c 31 \s1 Israela taudia ese Midiana taudia idia halusia \p \v 1 Lohiabada ese Mose ia hamaoroa, ia gwau, \v 2 “Midiana taudia ese Israela taudia idia alaia mase dainai, davana do umui henidia. Unai murinai oi be do oi mase, oiemu tamana bona oiemu tubuna dekenai do oi haboua.” \p \v 3 Unai dainai Mose ese Israela taudia ia hamaoroa, ia gwau, “Tuari totona do umui karaia hegaegae, umui ese Midiana taudia edia kara dika Lohiabada dekenai ena davana do umui henia. \v 4 Israela iduhu ta ta dekena amo tuari taudia 1000, ma 1000 do umui siaia.” \p \v 5 Vadaeni iduhu ta ta dekena amo tatau 1000 idia abia hidi, tatau ibounai be 12,000, tuari totona idia hegaegae taudia. \p \v 6 Mose ese tuari totona idia ia siaia, bona edia gunalaia tauna be Pineha, hahelagaia tauna Eleasara ena natuna. Pineha ese Palai Dubu ena helaga gaudia haida iena imana dekenai ia abia lao, bona kibi danu, Israela edia tuari durua totona. \p \v 7 Vadaeni idia ese Midiana taudia idia tuari henia, Lohiabada ese Mose ia oda henia hegeregerena, bona Israela taudia ese Midiana edia tatau ibounai idia alaia mase. \v 8 Midiana edia king taudia 5 danu be Israela ese idia alaia mase. King edia ladana be Evi, Rekema, Suru, Huru, bona Reba. Balama Beoro danu be Israela taudia ese tuari kaia dekena amo idia alaia mase. \p \v 9 Israela taudia ese Midiana hahine mai edia natudia idia abia mauri, edia boromakau ibounai, edia mamoe ibounai, bona edia kohu ibounai idia abia danu. \v 10 Edia hanua ibounai bona edia kamepa ibounai idia gabua ore. \v 11 Bona idia abia kohu idia abia lao, ubua gaudia bona taunimanima danu idia hakaua lao. \p \v 12 Vadaeni Israela taudia ese tuari dekenai idia abia kohu, bona taunimanima bona ubua gaudia be Mose bona Eleasara bona Israela taudia edia hebou dekenai idia mailaia. Edia kamepa be Ieriko kahirakahira, Moaba tano palaka ena latanai, Ioridane Sinavai unai kahana dekenai. \s1 Tuari taudia idia lou mai \p \v 13 Mose, Eleasara, bona Israela ena orea gunalaia taudia be kamepa dekena amo idia toreisi, tuari taudia idia hedavari totona. \v 14 To Mose be tuari orea opesa, tau 1000 idia biagua, bona tau 100 idia biagua taudia dekenai ia badu. \p \v 15 Idia dekenai ia gwau henia, ia gwau, “Badina dahaka hahine taudia umui alaia lasi? \v 16 Do umui laloa, Midiana hahine ese Bala dirava ena hereva dekena amo Israela taudia idia koia, Peoro dekenai, bona gorere dikana ese Lohiabada ena orea taudia ia hamasea. \v 17 Unai dainai, memero ibounai do umui alaia mase, bona sihari idia diba hahine ibounai danu. \v 18 To kekeni bona ulato, sihari idia do diba lasi, do umui hamauria, do umui abia, emui. \p \v 19 “Bona umui ese taunimanima umui alaia mase, o mase taudia dekenai umui kamokau taudia ibounai be dina 7 lalonai kamepa ena murimurinai do umui noho. Dina namba 3, bona dina namba 7 dekenai umui sibona do umui hagoevaia, bona umui abia mauri kekeni bona ulato danu do umui hagoevaia. \v 20 Emui dabua ibounai danu, bona kopina dekenai karaia gaudia ibounai, bona nanigosi ena huina, bona au dekena amo karaia gaudia, ibounai do umui hagoevaia.” \p \v 21 Vadaeni hahelagaia tauna Eleasara ese tuari dekena amo idia giroa mai taudia dekenai ia hamaoroa, ia gwau, “Lohiabada ese Mose ia oda henia taravatu be inai: \v 22 Golo bona siliva bona auri laboralabora, bona auri bona tini bona ledi, \v 23 lahi ese ia gabua ore diba lasi gaudia, be lahi lalonai do umui atoa, lahi ese do ia hagoevaia totona. To idau gaudia ibounai be miro hagoevaia ranuna ese do ia hagoevaia. \p \v 24 “Dina namba 7 dekenai emui dabua do umui huria. Unai murinai umui be goeva vadaeni, bona kamepa dekenai do umui raka vareai diba.” \s1 Tuari dekenai abia gaudia haria kara \p \v 25 Lohiabada ese Mose ia hamaoroa, ia gwau, \v 26 “Oi bona Eleasara bona Israela lohia taudia ese tuari dekenai idia abia gaudia, bona taunimanima bona ubua gaudia ibounai do umui duahia. \v 27 Vadaeni do umui haria, kahana rua. Kahana ta be tuari dekenai idia lao taudia edia, to kahana ta be hanua dekenai idia noho taudia edia. \p \v 28 “Vadaeni tuari taudia edia kahana dekena amo, kahana 500, bona 500 dekena amo kahana ta ta do umui abia siri, Lohiabada ena, taunimanima, bona boromakau, doniki bona mamoe. \v 29 Inai be Lohiabada ena ahuna, bona hahelagaia tauna Eleasara dekenai do umui henia. \p \v 30 “To hanua dekenai noho taudia edia kahana dekena amo, kahana 50, bona 50 dekena amo kahana ta ta do umui abia siri, Lohiabada ena, taunimanima, bona boromakau, doniki, bona mamoe. Vadaeni Levi taudia, Lohiabada ena Palai Dubu idia naria taudia dekenai do umui henia.” \p \v 31 Vadaeni Eleasara bona Mose be unai bamona idia karaia, Lohiabada ese Mose ia hadibaia hegeregerena. \p \v 32 Tuari taudia ese idia abia mauri gaudia be inai: Mamoe 675,000, \v 33 boromakau 72,000, \v 34 doniki 61,000, \v 35 bona sihari idia do diba lasi kekeni ibounai 32,000. \p \v 36 Unai kohu dekena amo tuari taudia ese idia abia kahana be inai: Mamoe 337,500. \v 37 Unai dekena amo, Lohiabada ena be 675. \v 38 Boromakau 36,000. Unai dekena amo, Lohiabada ena be 72. \v 39 Doniki 30,500. Unai dekena amo, Lohiabada ena be 61. \v 40 Bona sihari idia do diba lasi kekeni ibounai 16.000. Unai dekena amo, Lohiabada ena be 32. \p \v 41 Mose ese Lohiabada ena ahuna ibounai ia abia, hahelagaia tauna Eleasara dekenai ia henia, Lohiabada ese Mose ia oda henia hegeregerena. \p \v 42 Hanua dekenai noho taudia ese tuari dekenai idia abia kohu, Mose ese ia henidia ahuna \v 43 be inai: Mamoe 337,500, \v 44 boromakau 36,000, \v 45 doniki 30,500, \v 46 bona taunimanima 16,000. \v 47 Bona inai edia kahana ta ta dekena amo Mose ese 50, bona 50 dekena amo kahana ta ta ia abia siri, taunimanima bona ubua gaudia, bona Levi taudia, Lohiabada ena Palai Dubu idia naria taudia dekenai ia henidia, Lohiabada ese Mose ia hadibaia hegeregerena. \p \v 48 Unai neganai tuari taudia edia opesa, tatau 1000 idia biagua, bona tatau 100 idia gunalaia taudia be Mose dekenai idia lao. \v 49 Idia gwau, “Lohia e, ai ese ai biagua noho tuari taudia ai duahia vadaeni, bona idia ta ia boio lasi. \v 50 Unai dainai, harihari gaudia ai mailaia vadaeni Lohiabada ena, golo gaudia, tuari dekenai ai abia, ima herahera gaudia, aena herahera gaudia, ima kwakikwaki rini, taiana herahera gaudia bona ageva danu. Inai kara ai karaia be Lohiabada ena vairanai aiemai kara dika ena davana do ai karaia gwauraia.” \p \v 51 Vadaeni Mose bona hahelagaia tauna Eleasara ese inai golo gaudia, herahera idauidau gaudia idia abia dae. \v 52 Inai golo gaudia, tuari taudia edia opesa taudia ese idia mailaia golo, Lohiabada dekenai idia henia totona, ena metau be 200 kilogaram kahirakahira. \p \v 53 Opesa lasi tuari taudia ta ta ese sibodia idia abia golo gaudia idia dogoatao, edia. \v 54 Vadaeni Mose bona Eleasara ese unai tuari opesa idia henia golo gaudia idia abia, Palai Dubu lalonai idia atoa, Lohiabada ena vairanai idia noho, ia ese Israela do ia laloa totona. \c 32 \s1 Rubena bona Gado \p \v 1 Rubena bona Gado iduhu taudia be mai edia boromakau bona mamoe momo herea. Idia itaia, Iasera bona Gileada tano be boromakau bona mamoe totona tano namo herea, rei namona gabuna. \p \v 2 Vadaeni idia ese Mose bona Eleasara bona Israela gunalaia taudia haida dekenai idia lao, idia gwau, \v 3 “Ataroto bona Dibona bona Iasera bona Nimera bona Hesebona bona Eleale bona Sebama bona Nebo bona Beoni tano be inai, \v 4 Lohiabada ese ita Israela taudia iseda vairana dekenai ia halusia taudia edia tano. Inai tano be boromakau bona mamoe totona ia namo herea. Aiemai boromakau bona mamoe be momo herea. \v 5 Mani emu kara inai tano ai dekenai do oi henia, aiemai tano, bona ai do oi hakaua hanaia lasi, Ioridane Sinavai unai kahana dekenai.” \p \v 6 To Mose ese Rubena bona Gado iduhu taudia ia gwau henia, ia gwau, “Emui varavara taudia ma do idia tuari, to umui be iniseni do umui helai diho, a? \v 7 Badina dahaka umui ese Israela taudia edia lalona do umui hamanokaia, Lohiabada ese ia henia vadaeni tano do idia raka vareai lasi totona, a? \v 8 Umui emui tamana ese unai bamona idia karaia, lau ese Kadesi Baranea dekena amo idia lau siaia neganai, tano do idia itaia totona. \v 9 Idia be idia lao, Esakolo ena koura dekenai idia ginidae bona tano idia itaia. To idia giroa lou, bona Israela taudia edia lalona idia hamanokaia, Lohiabada ese idia ia henia tano do idia raka vareai lasi, idia gwau. \p \v 10 “Unai dina dekenai Lohiabada ia badu, bona ia gwauhamata, ia gwau, \v 11 ‘Momokani, Israela taudia Aigupito dekena amo idia raka mai taudia, lagani 20 idia hanaia taudia ibounai, idia ta ese Aberahamo, Isako, bona Iakobo dekenai lau gwauhamata tano do idia raka vareai lasi, badina be lau dekenai idia abidadama henia lasi. \p \v 12 “ ‘To Kaleba Iepune, Kenisi tauna, bona Iosua Nunu sibona ese do idia raka vareai, badina idia ese lau Lohiabada idia abidadama henia.’ \p \v 13 “Unai dainai Lohiabada ese Israela taudia dekenai ia badu henia, bona ia ese idia ia siaia lao, lagani 40 lalonai tano kaukau dekenai do idia loaloa, ela bona unai taudia, Lohiabada idia habadua taudia ibounai idia mase ore. \v 14 To hari umui ese emui tamana edia gabu umui abia vadaeni, inai nega lalonai danu, umui ese Lohiabada ena badu ma do umui havaraia lou Israela taudia edia latanai. \v 15 Badina bema hari umui Rubena bona Gado taudia ese Lohiabada ena murinai umui raka lasi neganai, ia ese Israela taudia ma tano kaukau dekenai do ia siaidia lao lou, bona inai kerere be do umui emui latanai.” \p \v 16 Vadaeni Rubena bona Gado taudia ese Mose dekenai idia lao, idia gwau, “Mani emu kara inai gabu dekenai aiemai magu do ai karaia, aiemai boromakau bona mamoe koua totona, bona hanua danu do ai haginia, aiemai natuna maragidia do idia noho totona. \v 17 To ai ese ai hegaegae noho, tuari dekenai do ai lao totona. Ai be Israela tuari taudia edia vairana dekenai do ai lao, ela bona edia gabu dekenai do ai hakaudia lao. To unai bamona do ai karaia neganai, aiemai natuna maragidia be iniseni, ai haginia vadaeni hanua mai magudia dekenai do idia noho namo, inai tano taudia ese do idia hadikadia lasi. \v 18 Ai ese aiemai hanua dekenai do ai giroa mai lasi ela bona Israela taudia ibounai ese edia tano korikori, Lohiabada ese ia henidia noho tano idia abia vadaeni. \v 19 Ai ese edia tano Ioridane Sinavai unai kahanai gauna be do ai abia lasi, badina be aiemai tano inai, Ioridane Sinavai ena dina daekau kahanai, be ai abia vadaeni.” \p \v 20 Mose ia haere, ia gwau, “Vadaeni, inai bamona do umui karaia. Umui emui tuari gaudia do umui abia, bona Lohiabada ena vairana dekenai do umui raka lao, do umui tuari totona. \v 21 Emui tuari taudia ibounai be Ioridane Sinavai do umui hanaia, bona Lohiabada ena vairanai unai gabu dekenai do umui tuari noho, ela bona Lohiabada ese ia dekenai idia tuari taudia do ia lulua ore. \v 22 Bona unuseni do umui noho, ela bona Lohiabada ese tano ibounai do ia abia momokani. Unai murinai umui be inai gabu dekenai umui giroa mai diba, badina be Lohiabada bona Israela taudia durua totona kara umui karaia haorea vadaeni. Bona unai neganai Lohiabada ese do ia gwauraia, inai tano, Ioridane Sinavai ena dina daekau kahana tano be umui emui. \p \v 23 “To bema emui gwauhamata do umui badinaia lasi, umui be do umui kerere Lohiabada ena vairanai, bona emui kara dika ena davana do umui abia. \p \v 24 “Vadaeni hanua do umui haginia, unuseni emui natuna maragidia do idia noho, bona magu do umui karaia, emui mamoe totona. Unai murinai emui gwauhamata do umui hamomokania.” \p \v 25 Unai neganai Gado bona Rubena taudia ese Mose idia haere henia, idia gwau, “Lohia e, ai be oiemu hesiai taudia, bona ai ese oiemu oda hegeregerena do ai karaia. \v 26 Aiemai natuna maragidia bona aiemai adavana bona aiemai mamoe bona boromakau be iniseni do idia noho, Gileada hanua badadia dekenai. \v 27 To ai ibounai be oiemu hesiai taudia, bona ai noho hegaegae inai, bona Lohiabada ena vairanai ai be Ioridane Sinavai do ai raka hanaia, bona do ai tuari, oiemu oda hereva ibounai be ai ese do ai karaia.” \p \v 28 Unai dainai Mose ese inai oda Eleasara, Iosua Nunu bona Israela gunalaia taudia dekenai ia gwauraia, ia gwau, \v 29 “Bema Gado bona Rubena taudia ese mai edia tuari gaudia danu Ioridane Sinavai idia hanaia, Lohiabada ena vairana dekenai, bona umui danu idia tuari murinai, tano do umui abia neganai, Gileada tano be idia dekenai do umui henia, edia tano. \v 30 To bema idia ese mai edia tuari gaudia umui danu Ioridane Sinavai do idia hanaia lasi, idia be umui danu tano kahana do idia abia, Kanana tano dekenai.” \p \v 31 Vadaeni Gado bona Rubena iduhu taudia idia gwau, “Lohia e, ai ese Lohiabada ia oda hegeregerena do ai karaia. \v 32 Ai ese mai tuari gaudia danu Ioridane Sinavai do ai hanaia, bona Lohiabada ena vairana dekenai Kanana tano dekenai do ai tuari, inai aiemai tano, Ioridane Sinavai ena dina ia daekau kahanai tano do ai abia totona.” \p \v 33 Vadaeni Mose ese Gado iduhu bona Rubena iduhu bona Manase Iosepa ena iduhu kahana dekenai Sihona, Amoro ena king, ena tano, bona Oga, Basana ena king ena tano ia henia. Unai tano ena hanua ibounai bona unai hanua ia hagegea tano danu idia dekenai ia henia. \p \v 34 Gado iduhu taudia ese hanua mai magudia idia haginia lou, edia ladana be Dibona, Ataroto, Aroere, \v 35 bona Ataroto Sapana, Iasa, Iogobeha, \v 36 bona Bete Nimera bona Bete Harana. \p \v 37 Rubena iduhu taudia danu ese hanua mai magudia idia haginia lou, edia ladana be Hesebona, Eleale, Kiriataimi, \v 38 bona Nebo, Bala Meoro (inai hanua ruaosi be Israela taudia ese edia ladana idia haidaua), bona Sibima. Israela taudia ese hanua idia haginia lou murinai, ladana matamata idia dekenai idia henia. \p \v 39 Makiri Manase iduhu taudia ese Gileada tano idia tuari henia, idia abia, bona unuseni idia noho Amoro taudia idia lulua lao. \v 40 Unai dainai Mose ese Gileada tano Makiri iduhu dekenai ia henia, bona unuseni idia noho. \p \v 41 Iairi, Manase ena natuna ta ese hanua haida ia tuari henia, ia abidia, bona edia ladana ia atoa, “Iairi ena Hanua.” \v 42 Noba ese Kenati tano mai ena hanua ia tuari henia, ia abia, bona unai tano ena ladana ia atoa Noba, ia sibona ena ladana. \c 33 \s1 Israela taudia edia laolao, Aigupito ela bona Moaba \p \v 1 Israela taudia be Mose bona Arona ese Aigupito dekena amo idia hakaua neganai, edia kamepa gabudia edia ladana be Mose ese ia torea iniseni, edia iduhu ta ta dekenai. \v 2 Lohiabada ia oda dainai, Mose ese edia kamepa sivarai, bona edia toreisi sivarai ia torea. Edia kamepa bona toreisi hereva be inai: \p \v 3 Hua ginigunana ena dina namba 15 dekenai, Israela taudia be Ramese dekena amo idia raka hamatamaia. Unai idia toreisi dinana be Pasova dinana ena murina dinana, bona Lohiabada ese idia ia naria dainai, Israela taudia be Aigupito taudia ibounai edia vairanai idia raka lao. \v 4 Unai be Aigupito taudia ese edia natudia vara guna idia guria dinana. Badina be Lohiabada ese edia natudia vara guna ia alaia mase vadaeni, bona Lohiabada ese danu ia hedinaraia vadaeni, iena siahu ese Aigupito ena dirava edia siahu ia hereaia momokani. \p \v 5 Unai dainai Israela taudia be Ramese dekena amo idia raka hamatamaia lao, ela bona Sukoto dekenai idia kamepa. Sukoto dekena amo idia toreisi, idia lao, \v 6 Etama dekenai idia kamepa, tano kaukau ena isena dekenai. \v 7 Etama dekena amo idia toreisi, idia giroa lou, Pihahiroto dekenai idia ginidae. Unai be Bala Sepona ena dina daekau kahana dekenai. Vadaeni Migidola dekenai idia kamepa. \p \v 8 Ma idia raka lao, Hahiroto dekena amo Davara Kakakaka idia raka hanaia, bona Etama ena tano kaukau dekenai dina toi idia raka, ela bona Mara dekenai idia ginidae, unuseni idia kamepa. \v 9 Mara dekena amo idia toreisi, idia lao, Elima dekenai idia ginidae. Unai gabu dekenai ranu guri be ibounai 12, bona pama audia be ibounai 70. \p \v 10 Elima dekena amo idia toreisi, idia lao, Davara Kakakaka ena isena dekenai idia kamepa. \v 11 Unai dekena amo ma idia lao Sini ena tano kaukau dekenai idia kamepa. \v 12 Sini ena tano kaukau dekena amo idia toreisi, Dopika dekenai idia kamepa. \v 13 Dopika dekena amo idia toreisi, idia raka lao, bona Alusu dekenai idia kamepa. \v 14 Alusu dekena amo idia toreisi, idia lao, Repidima dekenai idia kamepa, unuseni inua ranu be lasi. \v 15 Repidima dekena amo idia toreisi, idia lao, Sinai ena tano kaukau gabuna dekenai idia kamepa. \p \v 16 Sinai tano kaukau dekena amo idia toreisi, Kibiroto Hatava dekenai idia kamepa. \v 17 Kibiroto Hatava dekena amo idia toreisi, idia lao, Haseroto dekenai idia kamepa. \v 18 Haseroto dekena amo idia toreisi, idia lao, Ritima dekenai idia kamepa. \p \v 19 Ritima dekena amo idia toreisi, idia lao, Rimono Perese dekenai idia kamepa. \v 20 Rimono Perese dekena amo idia toreisi, idia lao, Libina dekenai idia kamepa. \v 21 Libina dekena amo idia toreisi, idia lao, Risa dekenai idia kamepa. \p \v 22 Risa dekena amo idia toreisi, idia lao, Kehelata dekenai idia kamepa. \v 23 Kehelata dekena amo idia toreisi, idia lao, Sepere Ororo dekenai idia kamepa. \p \v 24 Sepere Ororo dekena amo idia toreisi, idia lao, Harada dekenai idia kamepa. \v 25 Harada dekena amo idia toreisi, idia lao, Makeloto dekenai idia kamepa. \p \v 26 Makeloto dekena amo idia toreisi, idia lao, Tahata dekenai idia kamepa. \v 27 Tahata dekena amo idia toreisi, idia lao, Tera dekenai idia kamepa. \v 28 Tera dekena amo idia toreisi, idia lao, Mitika dekenai idia kamepa. \p \v 29 Mitika dekena amo idia toreisi, idia lao, Hasamono dekenai idia kamepa. \v 30 Hasamono dekena amo idia toreisi, idia lao, Moseroto dekenai idia kamepa. \p \v 31 Moseroto dekena amo idia toreisi, idia lao, Bene Iakana dekenai idia kamepa. \v 32 Bene Iakana dekena amo idia toreisi, idia lao, Horo Hagidigada dekenai idia kamepa. \v 33 Horo Hagidigada dekena amo idia toreisi, idia lao, Iotobata dekenai idia kamepa. \p \v 34 Iotobata dekena amo idia toreisi, idia lao, Aberona dekenai idia kamepa. \v 35 Aberona dekena amo idia toreisi, Esiono Gebere dekenai idia kamepa. \p \v 36 Esiono Gebere dekena amo idia toreisi, idia lao, Sini ena tano kaukau dekenai idia kamepa, ena ladana ta be Kadesi. \v 37 Kadesi dekena amo idia toreisi, Horo Ororo dekenai idia kamepa, Edoma tano dekenai. \p \v 38 Vadaeni hahelagaia tauna Arona be ororo dekenai ia daekau, Lohiabada ese ia hamaoroa dainai. Unuseni ia mase, lagani 40 idia lao vadaeni Israela taudia ese Aigupito idia rakatania murinai. Arona ia mase dinana be hua namba 5, ena dina ginigunana. \v 39 Arona ena mauri lagani be 123, Horo Ororo dekenai ia mase neganai. \p \v 40 Israela taudia idia mai noho sivarai be king Aroda, Kanana ena lohia ta ese ia kamonai. Ia be diho kahana dekenai ia noho, Kanana tano lalonai. \p \v 41 Horo Ororo dekena amo Israela taudia idia toreisi, idia lao, Salamona dekenai idia kamepa. \v 42 Salamona dekena amo idia toreisi, idia lao, Punona dekenai idia kamepa. \p \v 43 Punona dekena amo idia toreisi, idia lao, Oboto dekenai idia kamepa. \v 44 Oboto dekena amo idia toreisi, idia lao, hanua gunana, idia kokia vadaeni gauna ladana Abarima dekenai idia kamepa, Moaba tano dekenai. \p \v 45 Abarima dekena amo idia toreisi, idia lao, Dibona Gado dekenai idia kamepa. \v 46 Dibona Gado dekena amo idia toreisi, idia lao, Alamona Dibilataimi dekenai idia kamepa. \p \v 47 Alamona Dibilataimi dekena amo idia toreisi, idia lao, Abarima Ororo dekenai idia kamepa, Nebo ena vairanai. \p \v 48 Abarima Ororo dekena amo idia toreisi, idia lao, Ieriko kahirakahira dekenai idia kamepa, Ioridane Sinavai ena isena dekenai, Moaba ena tano palaka dekenai. \v 49 Edia kamepa be Ioridane Sinavai ena isena dekenai, Bete Iesimoto bona Abele Sitima edia huana dekenai, Moaba ena tano palaka dekenai. \p \v 50 Vadaeni Ieriko kahirakahira dekenai, Ioridane Sinavai ena isena dekenai, Moaba ena tano palaka gabunai, Lohiabada ese Mose dekenai ia hereva, ia gwau, \v 51 “Israela taudia lau hamaoroa inai: Ioridane Sinavai do umui hanaia, Kanana tano dekenai umui ginidae neganai, \v 52 unai tano taudia ibounai do umui lulua lao. Idia edia nadi helaga gaudia bona auri dirava koikoi gaudia ibounai do umui negea, edia kaivakuku ibounai do umui gabua ore, bona edia tomadiho gabudia ibounai danu do umui hadikaia ore. \p \v 53 “Kanana tano do umui abia, bona unai tano dekenai do umui noho, badina be unai tano umui dekenai lau henia inai, emui tano korikori. \v 54 Tano be laki dalana dekenai iduhu ta ta dekenai do oi haria, bona iduhu badadia dekenai tano badadia do oi henia, bona iduhu maragidia dekenai tano maragidia do oi henia. Bema laki ese tau ta dekenai tano ta ia henia, unai be iena tano. \p \v 55 “To bema unai tano dekenai idia noho taudia umui lulua ore lasi, idia do noho taudia ese umui do idia hakererea, emui matana dekenai kahu bamona, o emui kopina dekenai au ginigini bamona. Idia ese umui noho tano dekenai umui do idia tuari henia. \v 56 Bema umui luludia ore lasi, lau ese umui do lau hadikaia ore, idia do lau hadikaia ore gwauraia bamona.” \c 34 \s1 Tano ena hetoa gabudia \p \v 1 Lohiabada ese Mose ia hadibaia, ia gwau, \v 2 “Israela taudia do oi hamaoroa, inai bamona: Kanana tano dekenai umui raka vareai neganai, inai tano be emui tano korikori ela bona nega ibounai, bona tano ena hetoa gabudia be inai bamona: \p \v 3 “Emui tano hetoana diho kahana dekenai be Sini ena tano kaukau dekena amo Edoma hetoana dekenai do ia lao, ela bona Davara Mase ena dina daekau kahanai. \v 4 Unuseni dekena amo tano hetoana be Akarabima Ororo ena diho kahana ia lao, ela bona Sini. Sini dekena amo ma diho kahana ia lao, ela bona Kadesi Baranea. Kadesi Baranea dekena amo ia be lahara kahana dekenai ia lao bona Hasara Adara dekenai, ma ia lao bona Asamona. \v 5 Asamona dekena amo do ia lao, ela bona Aigupito ena Sinavai Maragina, ma ela bona Davara Badana ena kone dekenai. \p \v 6 “Dina diho kahana ena tano hetoana be Davara Badana. \p \v 7 “Mirigini kahana dekenai emui tano ena hetoana be Davara Badana dekena amo do ia lao, ela bona Horo Ororo dekenai. \v 8 Horo Ororo dekena amo do ia lao, Hamata kahana dekenai, ela bona Sedada. \v 9 Unai dekena amo ma do ia lao, Siporona kahana dekenai, ela bona Hasara Enana. Mirigini kahanai emui tano hetoana be unai. \p \v 10 “Dina ia daekau kahana dekenai emui hetoa be Hasara Enana dekena amo do ia lao, ela bona Sepama. \v 11 Bona Sepama dekena amo do ia lao, ela bona Ribila, Aina ena dina daekau kahana dekenai. Ma unuseni dekena amo do ia lao bona Galilea Gohuna ena dina daekau kahanai. \p \v 12 “Galilea dekena amo emui hetoa be Ioridane Sinavai, ela bona Davara Mase. Inai hetoa edia lalonai ia noho tano ibounai be umui emui tano.” \p \v 13 Vadaeni Mose ese Israela taudia ia hamaoroa, ia gwau, “Inai tano be emui tano, bona laki dekena amo do umui haria. Lohiabada ese ia hereva vadaeni iduhu 9 bona iduhu ta kahana ese inai tano do idia abia. \p \v 14 “Rubena iduhu bona Gado iduhu, bona Manase iduhu kahana taudia ese edia tano idia abia vadaeni, edia bese edia huanai idia haria vadaeni. \v 15 Edia tano be Ioridane Sinavai ena dina daekau kahanai, Ieriko kahirakahira.” \s1 Gunalaia taudia, idia ese tano haria gaukara idia karaia \p \v 16 Lohiabada ese Mose ia hamaoroa, ia gwau, \v 17 “Hahelagaia tauna Eleasara, bona Iosua Nunu ese tano do idia haria. \v 18 Bona iduhu ta ta dekena amo gunalaia tauna ta ta do oi abia hidi, idia ese tano haria totona, Eleasara bona Iosua do idia durua.” \p \v 19-28 Iduhu ta ta dekena amo Lohiabada ese ia abia hidi taudia edia ladana be inai: \tr \tc1 Iuda \tc2 Kaleba Iepune \tr \tc1 Simeona \tc2 Semuela Amihuda \tr \tc1 Beniamina \tc2 Elidada Kisilona \tr \tc1 Dano \tc2 Buki Iogili \tr \tc1 Manase \tc2 Haniela Epodi \tr \tc1 Eparaima \tc2 Kemuela Sipitana \tr \tc1 Sebuluno \tc2 Elisapana Paranaka \tr \tc1 Isakara \tc2 Palitiela Asana \tr \tc1 Asere \tc2 Ahihuda Selomi \tr \tc1 Napatali \tc2 Pedahele Amihuda \p \v 29 Inai lohia taudia be Lohiabada ese ia oda henia, idia ese Kanana tano do idia haria, Israela taudia ese edia tano korikori do idia diba totona. \c 35 \s1 Levi taudia edia hanua \p \v 1 Moaba tano palaka dekenai, Ioridane Sinavai ena isena dekenai, Ieriko kahirakahira, Lohiabada ese Mose dekenai ma ia hereva henia, ia gwau, \v 2 “Israela taudia do oi hamaoroa, do idia abia tano lalonai, Levi taudia dekenai hanua haida do idia henia, mai tano danu, edia boromakau bona mamoe do idia ubua totona. \v 3 Hanua dekenai do idia noho, bona hanua idia hagegea tanodia dekenai edia boromakau bona mamoe bona edia ubua gaudia idauidau do idia naria. \v 4 Inai Levi taudia dekenai do umui henia tanodia edia bada be inai bamona: Edia hanua edia huana dekena amo do idia lao, ela bona 450 mita, hanua kahadia ibounai. \v 5 Hanua ena murimurina dekenai ena bada be inai: Dina daekau kahana 900 mita, diho kahana 900 mita, dina diho kahana 900 mita, mirigini kahana danu 900 mita, bona hanua be huana dekenai ia noho. Unai tano lalonai edia ubua gaudia do idia naria. \p \v 6 “Umui ese Levi taudia dekenai hanua 6 do umui henia, heau mauri hanua do idia gwauraidia, bona bema tau ta ese ma tau ta ia alaia kava, ia ese unai hanua ta dekenai ia heau diba, vadaeni do ia mauri diba. Bona ma hanua 42 be Levi taudia dekenai do umui henia. \v 7 Levi taudia dekenai do umui henia hanua ibounai be 48, mai edia ubua gaudia naria tanodia. \p \v 8 “Inai hanua be Israela taudia edia huanai do umui henidia, iduhu badadia ese hanua momo do idia henia, bona iduhu maragidia ese hanua haida sibona do idia henia. Iduhu ta ta edia tano ena bada hegeregerena, idia ese Levi taudia dekenai hanua do idia henia.” \s1 Heau mauri hanua ibounai 6 \p \v 9 Lohiabada ese Mose ia hereva henia, ia gwau, \v 10 “Israela taudia do oi hamaoroa, inai bamona: Umui ese Ioridane Sinavai umui hanaia, bona Kanana tano dekenai umui raka vareai neganai, \v 11 umui ese heau mauri hanua haida do umui abia hidi. Vadaeni bema tau ta ia marere kerere, o ia diba lasi dainai, ia ese ma tau ta ia alaia kava neganai, ia ese unai hanua ta dekenai ia heau mauri diba. \p \v 12 “Unai heau mauri tauna be unai hanua lalonai do ia mauri noho diba, badina unuseni mase tauna ena varavara tauna, davana henia tauna, ese unai tau do ia alaia diba lasi. Bema tau ta ese ma tau ta ia hamasea kava, ia marere kerere o ia diba lasi dainai, do umui alaia mase lasi ela bona kota ese unai kara ia tahua namonamo guna. \p \v 13 “Heau mauri hanua ibounai 6 do umui abia hidi. \v 14 Idia toi be Ioridane Sinavai ena dina daekau kahanai, bona toi be Kanana tano dekenai. \v 15 Inai hanua 6 be Israela taudia, bona idau taudia, emui huanai idia noho taudia danu, noho daudau, o noho daudau lasi taudia, edia heau mauri hanua. Bema idia ta ese ia marere kerere, bona ia diba lasi dainai, ia ese tau ta ia alaia kava neganai, ia be unai hanua ta dekenai ia heau mauri diba. \p \v 16 “To bema tau ta ese ma tau ta auri dekenai ia botaia, ia hamasea neganai, ia be alaia tauna ta, bona do umui alaia mase. \v 17 O bema tau ta ese nadi ta iena imana dekenai ia abia, bona ia ese nadi dekena amo tau ta ia botaia mase, ia be alaia tauna, bona alaia tauna be do umui alaia mase. \p \v 18 “O bema tau ta ese au ta iena imana dekenai ia dogoatao, bona au dekena amo tau ta ia botaia mase, ia be alaia tauna, bona alaia tauna be do umui alaia mase. \v 19 Mase tauna ena varavara korikori ese alaia tauna do ia alaia mase. Unai varavara tauna ese unai alaia tauna ia davaria neganai do ia hamasea. \p \v 20 “Bema tau ta ese ma tau ta ia badu henia dainai unai tau ia doria, o gau ta ia dekenai ia negea, vadaeni ia mase, \v 21 o bema mai badu danu ia ese unai tau iena ima lokua dekena amo ia botaia mase, unai bamona ia karaia tauna danu be alaia tauna, be do umui alaia mase. Unai ia mase tauna ena varavara ese alaia tauna ia davaria neganai, do ia alaia mase. \p \v 22 “To bema tau ta ese ma tau ta ia badu henia lasi, to ia alaia kava, sedira ia doria kava, o ia gwadaia kava, \v 23 o sedira ia itaia lasi neganai, nadi ta ia negea kava dainai tau ta ia alaia, to ia ese unai mase tauna dekenai ia badu lasi, bona ia ura lasi unai tau do ia hamasea, bona nega ta idia edia huanai dagedage ia vara lasi. \v 24 Unai bamona neganai, Israela ena kota hebou taudia ese inai taravatu hegeregerena, unai hamasea kava tauna ena kara, bona mase tauna ena varavara ena kara do idia tahua, inai mase be momokani ia vara kava, o lasi. \v 25 Hebou taudia ese ia alaia kava momokani tauna be mase tauna ena varavara dekena amo do idia hamauria. Bona Israela ena kota hebou taudia ese unai tau be heau mauri hanua, ia heau mauri gabuna dekenai ma do idia siaia lou. Unuseni do ia noho, ela bona Hahelagaia Tauna Badana, dehoro helagana dekenai idia hahelagaia tauna, do ia mase neganai. \p \v 26 “To bema unai alaia kava tauna ese nega ta iena heau mauri hanua ia rakatania, \v 27 vadaeni mase tauna ena varavara ese unai heau mauri hanua ena murimurinai do ia davaria, bona unai mase tauna ena varavara ese alaia kava tauna do ia alaia mase, ia be mai ena kerere ta lasi. \v 28 Badina be alaia kava tauna be iena heau mauri hanua dekenai do ia noho ela bona Hahelagaia Tauna Badana do ia mase. To Hahelagaia Tauna Badana do ia mase murinai, alaia kava tauna be iena tano korikori dekenai do ia giroa lou diba. \p \v 29 “Inai taravatu be umui bona emui natudia, tubudia do umui badinaia nega ibounai, emui noho gabudia ibounai dekenai. \p \v 30 “Bema tau ta idia samania, idia gwau unai tau ese ma tau ta ia alaia mase, kota ese do ia tahua. Bema unai mase be tau rua o tau haida idia itaia, ia be alaia tauna momokani, bona do umui alaia mase. To bema tau tamona sibona ia gwau unai mase ia itaia, unai idia samania tauna be do umui alaia mase lasi. \p \v 31 “Alaia tauna hamauria totona moni o kohu do umui abia lasi. Ia be alaia tauna dainai, do ia mase be namo. Do umui alaia mase momokani. \p \v 32 “Heau mauri hanua dekenai ia heau vadaeni tauna be sedira ia ura lasi unai hanua dekenai do ia noho ela bona Hahelagaia Tauna Badana be do ia mase. Sedira unai tau ese moni do ia henia gwauraia, do umui ruhaia totona. Unai moni be do umui abia dae lasi. \p \v 33 “Bema unai moni umui abia neganai, umui ese umui noho tanona umui hamiroa noho, bona unai tano hagoevaia totona, alaia tauna ena dika davana be tamona, mase sibona. Iena rarana ese unai ia hamasea tauna ena rarana ena davana ia karaia. \p \v 34 “Umui noho tanona do umui hamiroa lasi, badina lau be Lohiabada, bona lau be Israela taudia edia huana dekenai lau noho.” \c 36 \s1 Headava herevadia \p \v 1 Gileada Makiri, Manase Iosepa ena tubuna, ena iduhu dekena amo, bese gunalaia taudia be Mose bona Israela lohia taudia dekenai idia lao. \v 2 Idia gwau, “Lohiabada ese oi, aiemai lohia, ia oda henia, oi ese tano be laki dekena amo do oi haria, Israela taudia edia huanai. Lohiabada ese danu oi ia oda henia, aiemai varavara tauna Selopehada ena tano be iena natuna hahine taudia dekenai do oi henia. \p \v 3 “To bema idia be idau iduhu taudia dekenai do idia headava, unai tano be aiemai sene taudia edia iduhu dekena amo do idia kokia, unai iduhu idauna ese tano do ia abia, vadaeni aiemai tano ena kahana do ia boio. \v 4 Iubili Lagani do ia ginidae neganai, unai tano be unai hahine edia tau edia iduhu ese do ia abia momokani, bona aiemai sene taudia edia iduhu tanona be do ia boio momokani.” \p \v 5 Vadaeni Mose ese Israela taudia dekenai Lohiabada ena hereva ia hadibaia, ia gwau, “Manase Iosepa ena iduhu taudia edia hereva be maoro. \v 6 Unai dainai Selopehada ena natuna hahine ese idia ura henia taudia idia adavaia diba, to edia tamana ena iduhu taudia sibona. \p \v 7 “Unai dala dekenai Israela ena iduhu ta ese iduhu ma ta ena tano do ia abia lao lasi, to Israela taudia ta ta ese edia tamadia edia tano do idia dogoatao noho. \v 8 Bona kekeni ta bema tano ta Israela ena iduhu ta lalonai ia biagua, ia ese iena tamana ena iduhu tauna ta do ia adavaia. Unai dala dekenai Israela taudia ta ta ese tamadia edia tano do idia abia bona dogoatao. \v 9 Unai dainai iduhu ta ese iduhu ma ta ena tano do ia abia lao lasi, to Israela iduhu ta ta ese edia tano do idia dogoatao noho.” \p \v 10 Unai dainai Selopehada ena natuna kekeni ese Lohiabada ena taravatu idia kamonai henia. \v 11 Selopehada ena natuna kekeni, Mahala bona Tirisa bona Hogila bona Milika bona Noa ese edia tamana ena varavara taudia idia adavaia. \v 12 Manase Iosepa ena iduhu lalonai idia headava, vadaeni edia tano be edia tamana ena iduhu dekenai ia noho. \p \v 13 Oda bona taravatu be unai, Lohiabada ese Mose dekenai ia henia, vadaeni Mose ese Israela taudia dekenai ia henia, Moaba tano palaka dekenai, Ioridane Sinavai ena isena dekenai, Ieriko hanua kahirakahira.