\id JOS JOSHUA, Hiri Motu Bible, PNG [1986], 4/90, 4/92rl, 5/93 
\h IOSUA 
\toc1 IOSUA 
\toc2 IOSUA 
\mt1 IOSUA  
\c 1  
\s1 Dirava ese Iosua ia oda henia tuari dekenai Kanana do ia halusia  
\p
\v 1 Lohiabada ena hesiai tauna Mose ia mase murinai, Lohiabada ese Iosua Nunu, Mose ia durua tauna, ia hereva henia, ia gwau,  
\v 2 “Lauegu hesiai tauna Mose be ia mase vadaeni. Unai dainai oi toreisi, inai Ioridane Sinavai do oi hanaia, oi bona Israela taudia, idia dekenai lau ura do lau henia tanona do umui raka vareai.  
\v 3 Mose dekenai lau gwauhamata henia hegeregerena, oi bona lauegu bese taudia idia raka hanaia tanona ibounai be umui dekenai do lau henia.  
\v 4 Umui emui tano ena bada be inai bamona: Diho kahana ena taunimanima noho lasi tano ela bona Lebanona Ororo, mirigini kahana dekenai. Bona sinavai badana ladana Euperate, dina daekau kahana dekenai, Hiti taudia edia tano ibounai, ela bona Davara Badana, dina ia diho kahana dekenai.   
\p
\v 5 “Iosua e, oiemu mauri dinadia ibounai lalonai tau ta ese oi do ia halusia diba lasi. Lau be oi dekenai do lau noho, Mose dekenai lau noho hegeregerena. Nega ibounai oi do lau bamoa, bona oi do lau rakatania lasi.   
\p
\v 6 “Do oi goada, do oi gari lasi. Badina be oi ese inai bese do oi gunalaia, edia sene taudia dekenai lau gwauhamata henidia tanona do idia abia neganai.  
\v 7 To do oi goada bona boga auka. Lauegu hesiai tauna Mose umui dekenai ia henia taravatu ibounai do oi badinaia, bona ena kara do oi karaia. Unai taravatu ena kahana ta dekena amo do oi raka siri lasi. Unai neganai do oi lao gabudia ibounai dekenai oiemu kara ena anina do ia vara momokani.  
\v 8 Inai Taravatu Buka be nega ibounai emui guriguri heboudia lalonai do umui duahia. Dina bona hanuaboi do oi tahua, bona iena torea herevadia ibounai do oi kamonai henia. Unai neganai oiemu raka do ia namo, bona oiemu kara ena anina do ia vara momokani.  
\v 9 Oi lau hamaoroa vadaeni, ani, do oi goada bona do oi boga auka. Do oi gari lasi, bona oiemu lalona do ia manoka lasi, badina be lau Lohiabada, oiemu Dirava, ese oi loaloa gabudia ibounai dekenai oi do lau bamoa noho.”   
\s1 Iosua ese taunimanima ia oda henia  
\p
\v 10 Vadaeni Iosua ese bese ena lohia taudia dekenai ia oda, ia gwau,  
\v 11 “Kamepa dekenai do umui raka hanaia, taunimanima inai bamona do umui hamaoroa, umui gwau, ‘Umui ese emui aniani do umui abia hegaegae, badina be dina toi do idia ore lasi lalonai, inai Ioridane Sinavai be do umui hanaia, Lohiabada, emui Dirava, ese umui ia henia tanona dekenai do umui raka vareai, bona do umui noholaia.”   
\p
\v 12 Vadaeni Iosua ese Rubena iduhu taudia bona Gado iduhu taudia bona Manase iduhu kahana taudia dekenai ia hamaoroa, ia gwau,  
\v 13 “Lohiabada ena hesiai tauna Mose ese umui ia oda henia herevana do umui laloa, ia gwau, ‘Lohiabada emui Dirava, ese unai tano, Ioridane Sinavai ena dina daekau kahana be umui dekenai do ia henia, emui noho gabuna korikori.’  
\v 14 Momokani inai tano be umui abia vadaeni, emui, to emui hahine bona emui natudia bona emui boromakau be iniseni, Ioridane Sinavai inai kahanai do idia noho. Bona umui tuari diba taudia ibounai ese emui tuari gaudia do umui abia, unai sinavai do umui raka hanaia, bona emui varavara taudia edia vairanai do umui lao, do umui durudia totona.  
\v 15 Inai bamona do umui karaia ela bona Israela taudia ese Ioridane Sinavai ena dina ia diho kahana tanona, Lohiabada ese ia henidia vadaeni tanona do idia abia. Israela iduhu ibounai be idia noho namo, tuari ta lasi neganai, umui be iniseni do umui giroa mai diba. Bona unai neganai emui tano, Mose ese Ioridane Sinavai ena dina daekau kahana, umui ia henia vadaeni tanona, do umui noholaia diba.”   
\p
\v 16 Vadaeni idia ese Iosua dekenai idia haere, idia gwau, “Ai dekenai oi oda henia hereva ibounai do ai karaia, bona ai do oi siaia gabudia dekenai do ai lao.  
\v 17 Guna ai ese nega ibounai Mose ai kamonai henia hegeregerena, ai ese oi do ai kamonai henia. Bona ai diba Lohiabada, oiemu Dirava be oi dekenai ia noho, guna, Mose dekenai ia noho hegeregerena.  
\v 18 Daika ese oi dekenai ia hepapahuahu, bona oiemu oda do ia negea, unai tauna be do ai alaia mase. Do oi goada, bona do oi boga auka nega ibounai!”   
\c 2  
\s1 Iosua ese hasinadoa taudia Ieriko dekenai ia siaia  
\p
\v 1 Iosua Nunu ese hasinadoa taudia rua Sitima dekena amo hunia dekenai ia siaia. Ia oda henidia, ia gwau, “Do umui lao, Kanana tano do umui itaia, bona Ieriko hanua danu.” Vadaeni ruaosi be Ieriko hanua dekenai idia lao, bona ariara hahine ta, ena ladana be Rahaba, ena ruma dekenai idia daekau, unuseni idia noho.   
\p
\v 2 Haida ese Ieriko ena king idia hamaoroa, idia gwau, “Israela taudia haida be inai hanuaboi idia mai vadaeni, inai tano hunia dekenai idia itaia totona.”  
\v 3 Vadaeni Ieriko ena king ese iena hesiai taudia ia siaia, Rahaba dekenai idia lao, idia gwau, “Oi dekenai idia mai, bona oiemu ruma dekenai idia daekau taudia do oi hakaudia mai, badina be inai tano ibounai hunia dekenai itaia totona idia mai.”   
\p
\v 4 To hahine ese unai tatau ruaosi ia abia, bona gabu ta dekenai ia hunidia. Vadaeni hahine ia haere, ia gwau, “Momokani, unai tatau be lau dekenai idia mai, to edeseni idia mai gabuna lau diba lasi.  
\v 5 Vadaeni dina ia diho neganai, hanua ena magu iduara kahirakahira do idia koua neganai, idia be lauegu ruma idia rakatania. Edeseni idia lao gabuna be lau diba lasi. To do umui lao haraga, idia do umui lulua lao, bona do umui abidia diba.”  
\v 6 To guna Rahaba ese iena ruma guhi dekenai unai tatau ruaosi ia hakaua lao, ia haboua vadaeni kurukuru henunai ia hunidia vadaeni.  
\v 7 Unai dainai king ena taudia ese Ioridane dala dekenai unai tatau ruaosi idia tahudia lao, ela bona sinavai ena raka hanaia gabudia dekenai. Tahua gaukara totona hanua idia rakatania murinai, hanua taudia ese magu iduara idia koua.   
\p
\v 8 Unai tatau ruaosi do idia hekure lasi neganai, hahine be idia dekenai guhi dekenai ia daekau lao,  
\v 9 ia gwau, “Lau diba Lohiabada ese inai tano umui dekenai ia henia vadaeni. Umui dekenai ai gari bada, bona inai tano taudia ibounai be umui dainai idia gari dikadika noho.  
\v 10 Badina be ai kamonai Lohiabada ese Davara Kakakaka be umui emui vairanai ia hakaukaua, Aigupito tano dekena amo umui raka mai neganai. Ai kamonai vadaeni danu Amoro ena king ruaosi, Sihona bona Oga be umui aladia mase, Ioridane Sinavai unai kahana dekenai.  
\v 11 Unai sivarai ai kamonai neganai, aiemai kudouna idia gari bada, bona ta ena lalona ia goada lasi umui dainai. Badina Lohiabada emui Dirava be guba dekenai ia noho, bona inai tanobada dekenai ia noho danu.  
\v 12 Unai dainai, mani emu kara Lohiabada ena ladana dainai lau dekenai do umui gwauhamata: Lau ese umui dekenai lau bogahisihisi hegeregerena, umui ese lauegu famili dekenai danu do umui bogahisihisi. Toa korikori ta lau dekenai mani oi henia, vadaeni umui lau abidadama henia diba.   
\p
\v 13 “Umui ese lauegu tamana, lauegu sinana, lauegu taihuna, lauegu tadikakana bona edia famili ibounai do umui hamauria. Mase dekena amo ai do umui hamauria!”   
\p
\v 14 Ruaosi ese ia dekenai idia haere, idia gwau, “Aiemai mauri davana be oiemu mauri. Aiemai gaukara ena sivarai bema oi gwauraia lasi neganai, ai ese umui dekenai do ai bogahisihisi momokani, Lohiabada ese inai tano ai dekenai ia henia neganai.”   
\p
\v 15 Unai hahine ena ruma be hanua ena magu ena kahana ta, ia be magu ena latanai ia noho. Vadaeni ia ese ruaosi ia abidia, uindo dekena amo varo badana dekenai ia atodia diho.  
\v 16 Idia dekenai ia hamaoroa, ia gwau, “Ororo kahana dekenai do umui lao, umui idia tahua taudia ese umui idia davaria garina. Dina toi unuseni do umui hunia, ela bona umui idia tahua taudia do idia giroa mai. Unai murinai emui ura dalana dekenai do umui raka.”   
\p
\v 17 Ruaosi ese Rahaba dekenai idia hamaoroa, idia gwau, “Ai be ai ura lasi aiemai gwauhamata do ai hakererea, ai ura karaia momokani.  
\v 18 Unai dainai inai bamona do oi karaia: Ai be inai tano lalonai do ai raka vareai neganai, inai varo kakakakana be, ai oi atoa diho dekena amo uindo dekenai, do oi kwatua namonamo. Oiemu tamana bona sinana bona taihuna, bona oiemu tamana ena famili taudia ibounai be oiemu ruma dekenai do oi haboua.  
\v 19 Bema idia ta oiemu ruma ena iduara dekena amo hanua ena huana dekenai idia raka neganai, ia be do ia mase, be ia sibona ena kerere, bona ai be kerere lasi. To bema oiemu ruma lalonai ia noho tauna ta dekenai dika ia vara neganai, inai be aiemai kerere.   
\p
\v 20 “To bema aiemai gaukara ena sivarai be tau ta dekenai oi hamaoroa neganai, aiemai gwauhamata ai hamomokania lasi be ai kerere lasi.”   
\p
\v 21 Rahaba ia hereva, ia gwau, “Emui hereva be lau abia dae vadaeni.” Vadaeni ia ese idia ia siaia lao, bona idia rakatania murinai, ia ese unai varo kakakakana uindo dekenai ia kwatua namonamo.   
\p
\v 22 Ruaosi idia raka lao, ororo kahana dekenai idia hunia. King ena taudia ese dina toi lalonai gabu ibounai idia tahua, to idia davaridia lasi, vadaeni Ieriko dekenai idia giroa lou.  
\v 23 Unai neganai ruaosi be ororo dekena amo idia diho mai, sinavai idia hanaia, bona Iosua Nunu dekenai idia lao. Edia laolao ena sivarai ibounai be ia dekenai idia hamaoroa.  
\v 24 Idia ese Iosua idia hamaoroa, idia gwau, “Momokani, Lohiabada ese unai tano ibounai ita dekenai ia henia vadaeni. Tano taudia ibounai be ita dainai idia gari bada herea noho.”   
\c 3  
\s1 Israela taudia ese Ioridane Sinavai idia hanaia  
\p
\v 1 Daba rere neganai, Iosua be ia toreisi, Sitima ia rakatania, Israela taudia ibounai be ia danu. Ioridane Sinavai ena ranu badina dekenai idia ginidae. Idia hanaia maoromaoro lasi, to idia kamepa guna.  
\v 2 Dina toi idia ore murinai, bese ena gunalaia taudia ese kamepa idia raka hanaia,  
\v 3 taunimanima idia oda henia, idia gwau, “Hahelagaia taudia, Levi iduhu taudia, ese Lohiabada emui Dirava ena Taravatu Maua do idia huaia, umui itaia neganai, do umui toreisi, Maua ena murinai do umui raka.  
\v 4 Unai dala dekenai emui raka dalana do umui diba, badina be inai gabu be guna umui itaia lasi. To Taravatu Maua kahirakahira do umui raka lasi, ia bona umui, padana ena daudau be kilomita ta bamona.”   
\p
\v 5 Vadaeni Iosua ese taunimanima ia hamaoroa, ia gwau, “Hari dina umui sibona do umui hahelagaia, badina be kerukeru Lohiabada ese umui emui huanai hoa kara do ia karaia.”   
\p
\v 6 Iosua ese hahelagaia taudia ia hamaoroa, ia gwau, “Taravatu Maua do umui abia isi, taunimanima edia vairana dekenai do umui raka guna.” Vadaeni Taravatu Maua idia abia isi, bona idia edia vairanai idia raka lao.   
\p
\v 7 Lohiabada ese Iosua ia hamaoroa, ia gwau, “Hari dina lau ese oi do lau hanamoa hamatamaia Israela taudia ibounai edia vairanai. Vadaeni do idia diba lau ese oi lau bamoa noho, Mose lau bamoa hegeregerena.  
\v 8 Hahelagaia taudia, Taravatu Maua idia huaia taudia do oi hamaoroa, Ioridane Sinavai dekenai do idia diho lao, bona sinavai isena kahirakahira, ranu lalonai do idia gini.”   
\p
\v 9 Vadaeni Iosua ese Israela taudia ia hamaoroa, ia gwau, “Umui mai, Lohiabada emui Dirava, ena hereva do umui kamonai!”  
\v 10 Iosua ma ia gwau, “Umui raka vaira neganai Lohiabada ese Kanana taudia bona Hiti taudia bona Perisi taudia bona Girigasa taudia bona Amoro taudia bona Iebusu taudia umui emui vairana dekenai do ia luludia lao. Inai dekena amo do umui diba Mauri Diravana be umui emui huanai ia noho.  
\v 11 Umui kamonai: Tanobada ibounai ena Lohiabada ena Taravatu Maua ese umui do ia gunalaia, Ioridane Sinavai umui hanaia neganai.  
\v 12 Unai dainai tatau 12 do umui abia hidi, emui iduhu ta ta dekena amo.  
\v 13 Vadaeni, hahelagaia taudia, Lohiabada, tanobada ibounai ena Lohiabada, ena Taravatu Maua idia huaia taudia ese ranu dekenai edia aena idia atoa neganai, Ioridane Sinavai ena heau do ia doko. Bona sinavai ena ataiai kahana dekena amo ia mai ranuna be do ia gini, magu bamona.”   
\p
\v 14 Vadaeni Israela taudia ese edia kamepa gabuna idia rakatania, Ioridane Sinavai hanaia totona. Hahelagaia taudia ese Taravatu Maua idia huaia lao, Israela taudia edia vairana dekenai.  
\v 15 Taravatu Maua idia huaia, ela bona edia aena be sinavai ena ranu lalonai idia atoa. Unai nega dekenai, Ioridane Sinavai ia abata noho, badina unai sinavai ena kara be, uma anina utua negadia ibounai ranu ia abata momokani. To hahelagaia taudia ese edia aena be sinavai ena ranu dekenai idia atoa neganai, sinavai ena heau ia doko momokani.  
\v 16 Vadaeni sinavai ena ataiai kahana ranu be ia gini, magu bamona. Unai ranu ia gini gabuna be daudau, hanua ta ena ladana Adamu ena badibadinai. Unai be Saretana kahana ena hanua ta. To sinavai ena henuna kahana dekenai ia heau ranuna be Arabaha Gohuna dekenai ia vareai, ia boio. Unai Arabaha Gohuna ena ladana ta be Davara Mase. Vadaeni Israela taudia be sinavai idia raka hanaia, Ieriko hanua kahirakahira.   
\p
\v 17 Bona Israela taudia ibounai be tano kaukau dekenai idia raka hanaia neganai, hahelagaia taudia, Lohiabada ena Taravatu Maua idia huaia noho taudia, be tano kaukau dekenai idia gini, Ioridane Sinavai ena huana dekenai. Unuseni idia gini noho, ela bona bese ibounai be Ioridane Sinavai idia raka hanaia vadaeni.   
\c 4  
\s1 Inai nadi edia anina be dahaka?  
\p
\v 1 Israela bese ibounai ese Ioridane Sinavai idia hanaia vadaeni neganai, Lohiabada ese Iosua dekenai ia oda, ia gwau,  
\v 2 “Iduhu 12 dekena amo tatau ta ta do oi abia hidi, ibounai 12.  
\v 3 Vadaeni unai tatau 12 do oi hamaoroa, oi gwau, ‘Nadi 12, Ioridane Sinavai huana dekenai, hahelagaia taudia idia gini gabuna dekena amo do umui abia, do umui huaia lao, hari hanuaboi do umui kamepa gabuna dekenai do umui atodia.’ ”   
\p
\v 4 Vadaeni Iosua ese tatau 12, iduhu 12 dekena amo ia abia hidi taudia ia boiridia.  
\v 5 Idia dekenai ia hamaoroa, ia gwau, “Lohiabada emui Dirava ena Taravatu Maua ena vairanai do umui lao, sinavai ena huana dekenai. Vadaeni umui ta ta ese nadi ta ta do umui abia isi, emui pagana dekenai atoa, Israela ena iduhu be 12 hegeregerena.  
\v 6 Inai nadi be umui dekenai toa ta do idia lao. Vaira neganai, emui natudia ese umui do idia nanadaia, idia gwau, ‘Inai nadi edia anina be dahaka?’  
\v 7 Unai neganai idia do umui hadibaia, umui gwau, ‘Ioridane Sinavai ena ranu be Lohiabada ena Taravatu Maua ena vairana dekenai ia siri. Taravatu Maua idia huaia hanaia neganai, ranu be kahana ta ia siri momokani. Inai nadi be Israela taudia edia laloatao toana, idia itadia neganai, iniseni idia vara gaudia do idia laloa lou.’ ”   
\p
\v 8 Israela taudia ese Iosua ena oda hegeregere idia karaia. Idia ese nadi 12 Ioridane Sinavai ena huana dekenai idia abia, Israela iduhu 12 edia toana, Iosua ena oda hereva hegeregerena. Vadaeni idia huaia lao, edia kamepa gabuna dekenai idia atodia diho.  
\v 9 To Iosua danu ese ma nadi 12 ia abia, Ioridane Sinavai ena huana dekenai ia haginidia. Ia haginidia gabuna be hahelagaia taudia, Taravatu Maua idia huaia taudia, idia gini gabuna. Unai nadi be do noho, ia mai bona hari dina.   
\p
\v 10 Badina be hahelagaia taudia, Taravatu Maua idia huaia taudia, be Ioridane Sinavai ena huana dekenai idia gini, ela bona Lohiabada ese Iosua ia oda henia gaudia ibounai be taunimanima ese idia karaia haorea vadaeni. Inai gaudia be Mose ena oda ibounai, Iosua dekenai ia hamaoroa hegeregerena.  
\p Vadaeni taunimanima ibounai sinavai idia hanaia haraga.   
\p
\v 11 Taunimanima ibounai idia raka hanaia vadaeni, unai neganai, Taravatu Maua bona hahelagaia taudia danu idia hanaia. Taunimanima ibounai ese matana dekenai idia itaia noho.  
\v 12 Rubena iduhu taudia bona Gado iduhu taudia bona Manase iduhu kahana taudia, mai edia tuari gaudia edia imadia dekenai, be Israela taudia edia vairana dekenai idia raka hanaia, guna Mose ese ia oda hegeregerena.  
\v 13 Tuari taudia 40,000 bamona ese Lohiabada ena vairanai sinavai idia raka hanaia, Ieriko tano palaka dekenai, tuari totona idia hegaegae vadaeni.   
\p
\v 14 Unai dina dekenai Lohiabada ese Israela taudia edia vairanai Iosua ia hanamoa bada. Israela taudia ese Iosua idia matauraia bada, iena mauri dinadia ibounai, guna Mose idia matauraia hegeregerena.   
\p
\v 15 Vadaeni Lohiabada ese Iosua ia hamaoroa, ia gwau,  
\v 16 “Hahelagaia taudia, Taravatu Maua idia huaia taudia, do oi oda henidia, Ioridane Sinavai dekena amo do idia daekau mai.”   
\p
\v 17 Vadaeni, Iosua ese hahelagaia taudia ia oda henia, ia gwau, “Ioridane Sinavai dekena amo do umui daekau mai.”   
\p
\v 18 Hahelagaia taudia, Lohiabada ena Taravatu Maua idia huaia taudia, be Ioridane Sinavai dekena amo idia daekau mai. Vadaeni edia aena be tano kaukauna dekenai idia atoa neganai, Ioridane Sinavai be maoromaoro ia heau lou, bona abata ia daekau lou, guna bamona.   
\p
\v 19 Hua ginigunana ena dina 10 dekenai Israela taudia be Ioridane Sinavai dekena amo idia daekau lao, Gilegala dekenai idia kamepa, Ieriko ena dina daekau kahana dekenai.  
\v 20 Unuseni, Gilegala dekenai, unai nadi 12, Ioridane Sinavai dekenai ia abia gaudia, be Iosua ese ia haginidia.  
\v 21 Vadaeni ia ese Israela taudia ia hamaoroa, ia gwau, “Vaira neganai, emui natudia ese umui do idia nanadaia, do idia gwau, ‘Inai nadi edia anina be dahaka?’  
\v 22 Unai neganai emui natudia do umui hamaoroa, umui gwau, ‘Israela taudia be inai Ioridane Sinavai idia raka hanaia, tano kaukauna dekenai.  
\v 23 Badina be Lohiabada, emui Dirava, ese Ioridane Sinavai ena ranuna be umui emui vairana dekenai ia abia siri, ela bona umui raka hanaia vadaeni. Inai be gunaguna Lohiabada, emui Dirava, ese Davara Kakakaka, ai dekena amo ia doria siri, bona ai raka hanaia hegeregerena.  
\v 24 Unai bamona ia karaia dainai, tanobada taudia ibounai do idia diba Lohiabada ena siahu be bada herea, bona umui danu ese Lohiabada emui Dirava do umui gari henia, ela bona hanaihanai.’ ”   
\c 5  
\s1 Gilegala dekenai kopina utua kara idia abia, bona Pasova idia ania  
\p
\v 1 Amoro king taudia ibounai Ioridane Sinavai ena dina diho kahanai, bona Kanana king taudia ibounai kone kahana dekenai idia noho, be Israela edia sivarai idia kamonai. Idia kamonai Lohiabada ese Ioridane Sinavai ia hakaukaua, vadaeni Israela taudia idia raka hanaia vadaeni. Vadaeni unai king taudia idia gari bada, bona edia kudoudia be idia manoka Israela taudia dainai.   
\p
\v 2 Unai neganai Lohiabada ese Iosua dekenai ia hereva, ia gwau, “Kaia haida do oi karaia, Israela taudia edia kopina do oi utua lou.”  
\v 3 Unai dainai Iosua ese kaia ia karaia nadi dekena amo bona Israela taudia dekenai kopina utua kara ia henia, gabu ena ladana be, Kopina Utua Kara Ororona.   
\p
\v 4 Iosua ese kopina utua karana ia henidia badina be inai: Aigupito dekena amo idia raka tatau ibounai, tuari taudia ibounai be Aigupito dekenai kopina utua kara idia abia vadaeni, to idia be taunimanima noho lasi gabuna dekenai idia mase.  
\v 5 Aigupito idia rakatania tatau ibounai be kopina utua kara idia abia vadaeni, to taunimanima idia noho lasi tano dekenai idia vara memero ese idia abia lasi momokani.  
\v 6 Badina be Israela taudia be lagani 40 taunimanima noho lasi tano dekenai idia loaloa, ela bona tatau ibounai, tuari taudia Aigupito dekena amo idia raka mai, be idia mase ore, badina be idia ese Lohiabada idia kamonai henia lasi. Bona Lohiabada ese ia gwauhamata henidia, edia sene dekenai ia gwauhamata henidia tano namona dekenai do idia raka vareai lasi.  
\v 7 Unai dainai, idia edia natudia, edia tamadia edia gabu idia abia taudia, be Iosua ese edia kopina ia utua, badina be dala dekenai kopina utua kara idia abia lasi.   
\p
\v 8 Israela bese taudia ibounai ese kopina utua kara idia abia murinai, idia ibounai kamepa dekenai idia noho ela bona edia hisihisi ia ore.  
\v 9 Vadaeni Lohiabada ese Iosua ia hamaoroa, ia gwau, “Hari dina dekenai Aigupito ena hemarai be umui dekena amo lau kokia vadaeni.” Unai dainai unai gabu ena ladana idia atoa Gilegala, ia mai bona hari dina.   
\p
\v 10 Israela taudia be Gilegala dekenai idia noho neganai, idia ese Pasova aria idia karaia. Hua ena dina 14, adorahi neganai idia karaia, Ieriko tano palaka dekenai.  
\v 11 Pasova dinana ia ore, kerukeru idia ese unai Kanana tano ena aniani idia ania, mai hatubua gauna lasi paraoa, bona idia gabua uiti gaudia danu.  
\v 12 Unai tano ena aniani idia ania, vadaeni ma kerukeru, mana aniani be ia doko. Israela taudia ese mana idia ania lou lasi, to unai nega dekena amo Kanana tano ena aniani sibona idia ania.   
\s1 Iosua ese tuari kaia ia dogoatao tauna ia itaia  
\p
\v 13 Ieriko kahirakahira, be Iosua ese iena matana ia negea, iena vairana dekenai tau ta ia itaia, tuari kaia be iena imana dekenai. Iosua be ia dekenai ia raka lao, ia nanadaia, ia gwau, “Oi be ai dekenai oi durua, o ai dekenai oi tuari?”   
\p
\v 14 Ia be ia haere, ia gwau, “Lasi, lau be Lohiabada ena tuari oreana gunalaia totona lau mai inai.” Vadaeni Iosua be tau ena vairana dekenai ia tui diho, iena vairana be tano dekenai ia atoa, ia gwau, “Lohia e, lau be oiemu hesiai tauna, oi ura be dahaka do lau karaia?”   
\p
\v 15 Lohiabada ena tuari oreana ena gunalaia tauna ese Iosua ia hamaoroa, ia gwau, “Oiemu tamaka oiemu aena dekena amo do oi kokia, badina be oi gini noho gabuna be tano helagana.” Vadaeni Iosua be unai bamona ia karaia.   
\c 6  
\s1 Ieriko hanua be Israela taudia ese idia halusia  
\p
\v 1 Ieriko hanua ena magu iduara idia koua momokani, Israela taudia dekenai idia gari dainai. Hanua dekenai tau ta ia raka vareai diba lasi, bona tau ia rakatania diba lasi.   
\p
\v 2 Vadaeni Lohiabada ese Iosua ia hamaoroa, ia gwau, “Kamonai, Ieriko hanua be oiemu imana dekenai lau atoa vadaeni, mai ena king bona mai ena tuari taudia danu.  
\v 3 Hanua do umui raka hagegea, oi bona emui tuari taudia ibounai, nega tamona. Dina ta ta dekenai unai bamona do umui karaia ela bona dina 6 idia ore.  
\v 4 Hahelagaia taudia 7 ese, nani tau doadia dekena amo idia karaia kibi 7 do idia abia, Taravatu Maua ena vairanai do idia raka. Dina namba 7 dekenai, hanua do umui raka hagegea nega 7, bona hahelagaia taudia ese kibi do idia hiriria.  
\v 5 Vadaeni kibi ena regena do umui kamonai, idia hiriria noho daudau. Unai neganai taunimanima ibounai do idia boiboi bada herea, vadaeni hanua maguna be do ia moru, bona maoromaoro emui tuari taudia do idia raka vareai.”   
\p
\v 6 Unai dainai, Iosua Nunu ese hahelagaia taudia ia boiria, ia gwau, “Taravatu Maua do umui abia isi, bona umui ibounai 7 ese nani tau edia doana kibi 7 do umui huaia, bona Lohiabada ena Taravatu Maua ena vairanai do umui raka.”  
\v 7 Vadaeni Iosua ese Israela taudia ia hamaoroa, ia gwau, “Umui lao, hanua do umui raka hagegea, emui tuari taudia be Lohiabada ena Taravatu Maua ena vairanai do idia raka.”   
\p
\v 8 Iosua ese Israela taudia ia hamaoroa hegeregerena, hahelagaia taudia 7 ese kibi 7 idia abia lao, Lohiabada ena vairanai, bona edia kibi idia hiriria noho. Idia murinai be Lohiabada ena Taravatu Maua idia huaia.  
\v 9 Tuari taudia be kibi idia hiriria taudia edia vairanai idia raka. Bona Israela taudia orena be Taravatu Maua ena murinai idia raka. Unai hahelagaia taudia 7 ese nega ibounai edia kibi idia hiriria noho.  
\v 10 To Iosua ese ia hamaorodia, ia gwau, “Do umui boiboi lasi, bona do umui herevahereva lasi, hereva ta do umui gwauraia lasi ela bona dina do ia ginidae, do lau gwau, ‘Umui boiboi!’ Unai neganai do umui boiboi.”  
\v 11 Vadaeni Iosua ese inai bamona Lohiabada ena Taravatu Maua ia siaia, idia huaia lao, hanua idia raka hagegea nega tamona, vadaeni kamepa dekenai idia giroa lou. Unuseni idia noho ela bona dabai.   
\p
\v 12 Daba matana dekenai Iosua ia toreisi, bona hahelagaia taudia ese Taravatu Maua idia abia isi.  
\v 13 Vadaeni hahelagaia taudia 7 ese, mai edia kibi 7 idia raka vaira, Lohiabada ena Taravatu Maua ena vairanai idia raka, bona kibi idia hiriria nega momo.  
\v 14 Unai dina iharuana dekenai hanua idia raka hanaia nega tamona, vadaeni kamepa dekenai idia giroa lou. Dina 6 be unai bamona idia karaia.   
\p
\v 15 Dina namba 7 dekenai, daba ia rere idia toreisi, bona unai bamona dala dekenai hanua ma idia raka hagegea, to unai dina namba 7 be idia raka hagegea nega 7.  
\v 16 Nega namba 7 dekenai, hahelagaia taudia ese kibi idia hiriria bada neganai, Iosua ese Israela taudia ia hamaoroa, ia gwau, “Umui boiboi bada! Lohiabada ese hanua umui dekenai ia henia vadaeni!  
\v 17 Inai hanua, bona ia lalonai gau ibounai, be boubou gauna Lohiabada dekenai dainai, do umui hadikaia ore momokani. To ariara hahine Rahaba sibona, mai ena ruma taudia ibounai danu do umui hamauria, badina be ia ese iseda hasinadoa taudia ia hunia dainai.  
\v 18 To umui naria namonamo, Lohiabada ese inai hanua ena gau ibounai umui dekenai ia taravatua dainai, gau ta do umui abia lasi, umui sibona do umui hadikaia garina, bona Israela kamepa ibounai ese, kerere bona dika momokani do ia davaria garina.  
\v 19 Siliva bona golo ibounai, bona auri laboralabora gaudia, bona auri gaudia ibounai be helaga, Lohiabada totona. Inai gaudia be Lohiabada ena kohu haboua gabuna dekenai do umui atodia.”   
\p
\v 20 Kibi idia hiriria neganai, Israela taudia idia kamonai, bona maoromaoro idia boiboi bada herea. Vadaeni hanua ena magu ia moru diho, bona maoromaoro tuari taudia idia raka vareai, hanua idia abia.  
\v 21 Hanua ibounai idia hadikaia ore, tatau bona hahine, memero bona buruka, boromakau, mamoe bona doniki, ibounai be tuari kaia dekena amo idia alaia mase.   
\p
\v 22 Iosua ese hasinadoa taudia ruaosi dekenai ia hamaoroa, ia gwau, “Ariara hahine ena ruma dekenai do umui daekau, hahine mai ena varavara taudia ibounai danu do umui hakaua, emui gwauhamata umui henia hegeregerena.”   
\p
\v 23 Vadaeni unai eregabe ruaosi, guna idia be hasinadoa taudia, ese ruma idia raka vareai. Idia ese Rahaba, iena tamana bona sinana, iena taihuna bona iena varavara ibounai danu idia hakaua murimuri dekenai. Idia ibounai be idia hakaua lao, Israela taudia edia kamepa murinai idia atodia.   
\p
\v 24 Unai murinai hanua ibounai bona ia lalonai gau ibounai idia gabua ore, to golo, bona siliva, bona auri laboralabora, bona auri gaudia idia abia, Lohiabada ena ruma dekenai idia haboua, davana bada gaudia idia haboua gabuna dekenai.  
\v 25 To ariara hahine Rahaba, iena tamana ena famili taudia, bona iena varavara ibounai be Iosua ese ia hamauria. Unai hahine Rahaba ena tubudia be Israela dekenai idia noho ia mai bona hari, badina Iosua ena hesiai taudia, Ieriko, hasinadoa totona idia lao, be Rahaba ese ia hunidia dainai.   
\p
\v 26 Unai neganai Iosua ese hereva aukana ia gwauraia, ia gwau, “Inai hanua Ieriko do ia haginia lou tauna be Lohiabada ena vairanai do ia dika momokani.  
\q1 “Ruma ena badina nadi ia haginia tauna ena kerere davana,  
\q1 be iena natuna vara guna do ia mase.  
\q1 Bona hanua ena magu iduara do ia haginia tauna,  
\q1 ena kerere davana be iena natuna,  
\q1 murinai ia vara tauna, do ia mase.”   
\p
\v 27 Unai dainai Lohiabada ese Iosua ia bamoa, bona Iosua ena sivarai be unai tanodia taudia ibounai idia kamonai.   
\c 7  
\s1 Akana ena kara dika  
\p
\v 1 Lohiabada ese Israela taudia ia oda henidia, Ieriko dekenai ia taravatua gaudia do idia abia lao lasi, to unai oda idia badinaia lasi. Tau ta, ena ladana be Akana ese inai oda ia kamonai henia lasi. Unai dainai Lohiabada ese Israela taudia dekenai ia badu momokani. Inai Akana ena tamana be Kami, bona iena tubuna badana be Sabadi. Akana ena sene tauna be Sera, bona iena iduhu be Iuda.   
\p
\v 2 Unai neganai Iosua ese tau haida Ieriko dekena amo ia siaia, idia daekau lao, hanua ta ladana Ai dekenai. Ai hanua be Betavene hanua kahirakahira, bona Betele hanua ena dina daekau kahana dekenai. Iosua ese unai taudia ia hamaoroa, unai tano be hunia dekenai do idia itaia, ena manoka gabudia do idia diba totona.   
\p
\v 3 Idia be idia daekau lao, Ai hanua idia itaia. Vadaeni idia giroa lou, Iosua idia hamaoroa, idia gwau, “Hanua be ia maragi sibona, iseda taunimanima ibounai ese do idia tuari henia lasi. Tatau 2000 o 3000 sibona do oi siaia, do idia halusia diba.”  
\v 4 Vadaeni Israela taudia 3000 bamona ese Ai hanua idia tuari henia, to idia kwalimu lasi, bona idia heau.   
\p
\v 5 Ai hanua taudia ese unai Israela taudia idia lulua lao, Ai ena magu iduara dekena amo ela bona Sebarimi, nadi abia gabuna dekenai. Ai taudia ese Israela taudia 36 bamona idia alaia mase. Vadaeni Israela taudia edia laloa goada ia ore, edia lalodia be manoka, ranu bamona, gari dainai.   
\p
\v 6 Vadaeni Iosua bona Israela tau badadia ese edia dabua idia darea, bona tano dekenai edia vairadia idia atoa, Lohiabada ena Taravatu Maua ena vairanai, ela bona dina ia diho. Kahu danu edia imana dekenai idia abia, bona mai lalohisihisi danu edia kwarana dekenai idia bubua.   
\p
\v 7 Bona Iosua ese Lohiabada dekenai ia boiboi, ia gwau, “Lohiabada Dirava e! Badina dahaka Ioridane Sinavai dekena amo oi ese ai oi hakaua hanaia? Amoro taudia edia siahu henunai ai do oi atoa, a? Vadaeni idia ese ai do idia hadikaia ore, a? Ioridane Sinavai unai kahana dekenai bema ai noho be namo, ani?  
\v 8 Lohiabada Dirava e, Israela taudia ese idia tuari henidia taudia dekena amo idia heau vadaeni, be edena bamona idia dekenai do lau hereva henia?  
\v 9 Badina be Kanana taudia bona inai tano dekenai noho bese taudia ibounai ese inai sivarai do idia kamonai, vadaeni ai do idia koua hagegea, bona ai ibounai do idia alaia ore! Unai bamona do ia vara neganai, oiemu ladana namo herea be unai bese edia vairana dekenai edena bamona do ia namo noho?”   
\p
\v 10 Lohiabada ese Iosua dekenai ia hereva, ia gwau, “Oi toreisi! Badina dahaka tano dekenai oi hekure diho noho?  
\v 11 Israela taudia idia kara dika vadaeni! Idia ese lauegu gwauhamata taravatuna, idia danu lau karaia gauna idia hamakohia vadaeni. Lau ese lau taravatua gaudia be idia ese idia abia, idia henaoa, bona idia koikoi, unai gaudia be edia kohu lalonai idia hunia vadaeni.  
\v 12 Unai dainai Israela taudia be idia dekenai idia tuari taudia ese idia halusia. Israela taudia be tuari dekena amo idia heau, badina lau ese idia lau hadikaia vadaeni. Bema unai lau taravatua gaudia, umui emui huanai idia noho gaudia umui kokia haorea lasi neganai, lau be umui danu do lau noho lou lasi.   
\p
\v 13 “Iosua e, oi toreisi, taunimanima do oi hahelagaia, idia do oi hamaoroa, do oi gwau, ‘Inai be Lohiabada, Israela ena Dirava ena hereva umui dekenai: Umui dekenai be lau ese lau taravatua gaudia idia noho. Israela taudia e, umui be umui idia tuari henia taudia edia vairana dekenai do umui gini diba lasi, ela bona unai gaudia do umui kokia haorea momokani.’   
\p
\v 14 “Bona Israela taudia do oi hamaoroa, kerukeru dabai idia be do idia raka mai, iduhu ta ta dekena amo do idia raka vaira. Vadaeni lau Lohiabada ese lau abia hidi iduhu ena bese ta ta ibounai be do idia raka mai. Vadaeni lau Lohiabada ese lau abia hidi bese ena ruma orea ta ta ibounai do idia raka mai. Vadaeni lau Lohiabada ese lau abia hidi ruma ena taudia ta ta ibounai do idia raka mai.  
\v 15 Unai neganai lau ese lau taravatua gaudia dekenai idia davaria tauna be lahi dekenai do umui gabua ore, iena bese bona iena kohu ibounai danu. Badina be ia ese lau Lohiabada egu taravatu ia utua vadaeni, bona hemarai bada be Israela ena latanai ia mailaia vadaeni.”   
\p
\v 16 Kerukeru, daba maragi neganai, Iosua ia toreisi, Israela taudia, edia iduhu ta ta dekena amo Lohiabada ena vairanai ia mailaia, vadaeni Iuda iduhu ia abia hidi.  
\v 17 Iuda taudia ma ia hakaudia mai, edia bese ta ta dekena amo, vadaeni Sera ena bese ia abia hidi. Ma Sera ena bese taudia ia hakaudia mai, edia ruma ta ta dekena amo, vadaeni Sabadi ena ruma ia abia hidi.  
\v 18 Sabadi ena ruma taudia ma ia hakaua mai, tau ta ta dekena amo, vadaeni Akana Kami, Sabadi Sera ena tubuna, Iuda iduhu tauna, ia abia hidi.   
\p
\v 19 Vadaeni Iosua ese Akana dekenai ia hereva, ia gwau, “Egu natuna e, Lohiabada, Israela ena Dirava dekenai hairai bona hanamoa do oi henia. Lohiabada ena vairanai oiemu kerere do oi gwauraia. Oiemu kara dika be lau dekenai do oi hamaoroa, do oi hunia lasi.”   
\p
\v 20 Akana ese Iosua ia haere henia, ia gwau, “Momokani, lau be lau kerere vadaeni, Lohiabada, Israela ena Dirava, ena vairanai. Lau ese inai bamona lau karaia:  
\v 21 Tuari dekenai ita abia kohu edia huana dekenai Babulonia kouti dabua namo herea lau itaia, bona siliva ena metau kilogaram rua, bona golo sisina danu, ena metau kilogaram kahana. Lau ese lau ura henidia bada dainai lau abidia. Idia be tano lalonai, lauegu palai ruma lalonai, lau hunia. Siliva be edia henunai.”   
\p
\v 22 Unai dainai Iosua ese tau haida ia siaia, idia heau lao, unai kohu idia davaria, Akana ena palai ruma lalonai, siliva be henunai.   
\p
\v 23 Vadaeni unai kohu be palai ruma dekena amo idia abia, Iosua bona Israela taudia ibounai dekenai idia abia lao, Lohiabada ena vairana dekenai.   
\p
\v 24 Unai neganai Iosua bona Israela taudia ibounai ese Akana Sera idia abia, siliva bona kouti dabua bona golo danu, bona Akana ena natuna memero bona natuna kekeni, iena boromakau, iena doniki, iena mamoe, iena palai ruma, bona ia ese ia biagua gaudia ibounai. Inai ibounai be Kerere Koura dekenai idia abia lao.   
\p
\v 25 Bona Iosua ia gwau, “Akana e, badina dahaka inai kerere bada be ai dekenai oi mailaia? To harihari Lohiabada ese oi dekenai kerere do ia mailaia!”  
\p Unai neganai Israela taudia ibounai ese nadi dekenai Akana idia hodoa mase, iena bese taudia ibounai danu. Edia tauanina bona edia gaudia ibounai danu, lahi dekenai idia gabua.   
\p
\v 26 Akana ena latanai be nadi momo idia haboua, bona unai nadi idia do noho ia mai bona hari dina. Unai dainai unai gabu ena ladana idia atoa, Kerere Kourana.  
\p Unai murinai Lohiabada ena badu be ma ia keru lou.   
\c 8  
\s1 Ai hanua idia hulusia, bona hadikaia ore  
\p
\v 1 Lohiabada ese Iosua ia hereva henia, ia gwau, “Do oi gari lasi, bona oiemu kudouna do ia manoka lasi. Tuari taudia ibounai do oi hakaua lao, bona Ai hanua do umui tuari henia. Lau ese Ai ena king dekena amo kwalimu umui dekenai do lau henia. Iena hanua bona iena tano be umui dekenai do lau henia.   
\p
\v 2 “Umui ese Ieriko dekenai bona Ieriko ena king dekenai umui karaia hegeregerena be Ai hanua bona Ai ena king dekenai danu do umui karaia. To inai neganai Ai ena kohu bona iena ubua gaudia do umui abia diba, emui. Hunia dekenai Ai hanua ena murina kahanai do umui naria noho, bona do umui tuari henidia neganai do idia hoa.”   
\p
\v 3 Unai dainai Iosua ia toreisi, iena tuari taudia ibounai danu, hanua tuari henia totona idia karaia hegaegae. Iena tuari taudia namodia bona goadadia ibounai 30,000 ia abia hidi, bona hanuaboi neganai ia siaidia.  
\v 4 Ia oda henidia, ia gwau, “Kamonai namonamo, hanua ena murina kahana Ai ena dina diho kahana dekenai do umui hunia, bona tuari totona do umui naria hegaegae noho.  
\v 5 To lau bona egu tuari taudia danu be hanua kahirakahira do ai raka mai. Ai taudia be hanua dekena amo do idia mai, ai do idia tuari henia totona, bona ai be idia dekena amo do ai heau, guna ita karaia bamona.  
\v 6 Idia ese ai do idia lulua mai, ela bona hanua dekena amo sisina daudau dekenai. Do idia gwau, ‘Iseda vairana dekena amo idia heau lao noho, vanegai idia heau hegeregerena.’ Unai dainai idia edia vairana dekena amo do ai heau noho.   
\p
\v 7 “Unai neganai umui be do umui toreisi, emui hunia gabuna do umui rakatania, bona Ai hanua do umui abia, badina be, Lohiabada, emui Dirava, ese umui dekenai do ia henia.   
\p
\v 8 “Hanua umui abia neganai, lahi dekenai do umui gabua, Lohiabada ese umui ia oda henia hegeregerena. Vadaeni, egu oda umui dekenai be unai.”   
\p
\v 9 Vadaeni Iosua ese idia ia siaia, bona edia hunia gabuna dekenai idia lao. Unai gabu be Betele hanua bona Ai hanua edia huanai, Ai ena dina diho kahana dekenai. To Iosua be unai hanuaboi iena taudia danu kamepa dekenai idia noho.   
\p
\v 10 Iosua be daba maragi ia lao, iena tuari taudia ia haboua, vadaeni ia bona Israela tau badadia ese Ai hanua dekenai tuari orea idia hakaua lao.  
\v 11 Vadaeni iena tuari taudia ibounai, Iosua danu idia lao taudia, be hanua magu ena iduara kahirakahira idia raka lao. Ai ena mirigini kahana dekenai idia kamepa. Edia kamepa bona Ai edia huanai be koura ta ia noho.   
\p
\v 12 To Iosua ese tatau 5000 ia abia, hunia noho totona gabuna ta dekenai ia siaidia, Betele hanua bona Ai hanua edia huanai, Ai hanua ena dina diho kahanai.  
\v 13 Unai dainai tuari taudia ibounai be edia gabu dekenai idia noho, orea badana be hanua ena mirigini kahanai, to idia hunia noho orea be dina ia diho kahanai. To Iosua be unai hanuaboi neganai koura dekenai ia noho.   
\p
\v 14 Ai hanua ena king ese Iosua ena tuari taudia ia itaia neganai, ia bona iena hanua taudia ibounai be daba maragi neganai idia toreisi haraga, hanua dekena amo idia raka lao, Israela taudia do idia tuari henia totona. Idia tuari gwauraia gabuna be Arabaha ena tano palaka. To king ia diba lasi Israela taudia orea ta be hanua ena murinai idia hunia noho.   
\p
\v 15 Iosua bona iena tuari taudia ese Ai taudia idia koia, Israela taudia be tano kaukau dekenai idia heau haraga, tuari idia lusi bamona.  
\v 16 Vadaeni Ai ena king ese iena hanua taudia ibounai ia boiria, do idia heau hebou, Iosua do idia lulua totona. Unai dainai idia ese hanua idia rakatania.  
\v 17 Ai ena tatau ibounai ese Israela taudia lulua totona edia hanua idia rakatania. Hanua ena magu iduara be idia koua lasi, bona tuari tauna ta lasi be hanua lalonai ia noho.   
\p
\v 18 Unai neganai Lohiabada ese Iosua ia hamaoroa, ia gwau, “Oiemu io be do oi abia isi, Ai hanua dekenai do oi duduia. Lau ese oi dekenai lau henia noho.” Vadaeni Iosua ese unai bamona ia karaia.   
\p
\v 19 Iosua ese iena imana ia abia isi neganai, unai idia hunia noho taudia be idia toreisi haraga, hanua dekenai idia heau lao, hanua lalonai idia heau vareai, idia abia momokani. Vadaeni nega tamona hanua be lahi dekenai idia gabua.   
\p
\v 20 Ai taudia ese edia matana idia negea, edia hanua dekena amo be lahi ena kwalahu ia daekau guba dekenai idia itaia. Edia heau dalana ta be lasi, badina be tano kaukau idia heau noho Israela taudia be hari idia giroa mai lou, Ai taudia do idia tuari henia totona.   
\p
\v 21 Iosua bona Israela tuari taudia idia itaia, idia hunia noho tuari taudia ese hanua idia abia vadaeni, bona hanua idia gabua ena kwalahu ia daekau. Unai neganai idia giroa mai lou, bona idia ese Ai taudia idia halusia.  
\v 22 Vadaeni hanua lalonai idia noho Israela taudia be hanua dekena amo idia raka mai, idia danu ese Ai taudia idia tuari henia. Unai dainai Israela taudia be kahana kahana dekenai, bona idia ese Ai taudia idia koua hagegea momokani. Vadaeni Israela taudia ese Ai taudia idia halusia, ta ia mauri lasi, bona ta ia heau lasi.  
\v 23 To Ai ena king be Israela taudia ese idia abia mauri, Iosua dekenai idia abia lao.   
\p
\v 24 Israela taudia ese Ai taudia ibounai, unai tano kaukau dekenai idia lulua taudia, idia alaia ore momokani, ta ia mauri lasi. Unai neganai unai Israela taudia be Ai dekenai idia lao lou, idia ese hanua dekenai noho taudia ma idia alaia mase.  
\v 25 Taunimanima ibounai 12,000 be unai dina dekenai Israela taudia ese idia hamasea, idia be Ai hanua taudia ibounai, tau bona hahine.  
\v 26 Badina be Iosua ese iena io be Ai dekenai ia duduia noho ela bona Ai taudia ibounai be idia mase ore.   
\p
\v 27 To Israela taudia ese ubua gaudia bona kohu unai hanua dekena amo idia abia, edia Lohiabada ese Iosua ia oda henia hegeregerena.   
\p
\v 28 Iosua ese Ai hanua ia gabua ore bona ia hadikaia ore. Bona unai bamona ia noho ia mai bona hari.  
\v 29 Bona Iosua ese Ai ena king ia alaia mase, au ta dekenai ia taua dae ela bona adorahi. Dina ia diho neganai, Iosua ese ia oda dainai iena tau haida ese mase tauna be au dekena amo idia abia diho, bona hanua ena magu iduara ena vairana dekenai idia atoa. Vadaeni unai tauanina ena latanai nadi momo idia haboua, bona unai nadi be unuseni idia do noho ia mai bona hari dina.   
\s1 Ebala Ororo dekenai Taravatu Buka Iosua ese ia duahia  
\p
\v 30 Vadaeni Iosua ese boubou patana ta ia haginia, Lohiabada, Israela ena Dirava, ena, Ebala Ororo ena latanai.  
\v 31 Unai boubou patana be Iosua ese ia karaia, Mose, Lohiabada ena hesiai tauna ena oda hegeregerena, Israela taudia dekenai. Mose ena Taravatu Buka lalonai inai bamona ia torea: “Boubou patana be nadi kavakava, idia utua lasi gaudia dekena amo do umui karaia.” Bona inai boubou patana ena latanai Lohiabada dekenai gabua boubou, bona maino karaia boubou idia henia.   
\p
\v 32 Unai gabu dekenai danu, Israela taudia idia itaia noho neganai, Iosua ese Mose ena Taravatu ma ia torea lou unai nadi edia latanai.   
\p
\v 33 Vadaeni Israela taudia ibounai, mai edia gunalaia taudia, edia lohia taudia, bona edia kota biagudia, bona idau bese taudia edia huanai noho taudia, be Taravatu Maua kahana kahana dekenai idia gini, hahelagaia taudia, Levi taudia edia vairana dekenai. Taravatu Maua be Levi taudia ese idia huaia.  
\p Taunimanima kahana be Gerisima Ororo ena vairanai idia gini, ma taunimanima kahana be Ebala Ororo ena vairanai idia gini. Inai be Mose, Lohiabada ena hesiai tauna ena oda hegeregerena, Israela taudia hanamoa totona hereva ia gwauraia neganai.   
\p
\v 34 Unai neganai Iosua ese Taravatu hereva ibounai ia duahia hedinaraia, hanamoa hereva, bona hadikaia hereva danu, Taravatu Buka lalonai idia torea hegeregerena.   
\p
\v 35 Mose ena Taravatu hereva ibounai be Iosua ese unuseni idia hebou Israela taudia ibounai dekenai ia duahia hedinaraia. Hebou lalonai be hahine mai edia natudia danu, bona idau bese taudia, Israela taudia edia huana dekenai noho taudia danu.   
\c 9  
\s1 Gibeona taudia ese Iosua idia koia  
\p
\v 1 Ioridane Sinavai ena dina diho kahanai king taudia ibounai, ororo dekenai bona tano palaka dekenai, Davara Badana kone dekenai ela bona Lebanona kahanai, ese Israela taudia edia kwalimu sivarai idia kamonai. Inai king edia bese be inai: Hiti taudia, Amoro taudia, Kanana taudia, Perisi taudia, Hivi taudia, bona Iebusu taudia.  
\v 2 Vadaeni idia ibounai ese idia haboua, mai lalona tamona, Iosua bona Israela taudia do idia tuari henia totona.   
\p
\v 3 To Gibeona taudia, Hivi bese taudia ese Iosua ena sivarai, Ieriko bona Ai hanua dekenai ia karaia gaudia idia kamonai neganai,  
\v 4 idia ese laloa idia karaia, Iosua do idia koia totona. Idia ese aniani idia haboua, laolao taudia bamona, puse gunadia bona uaina kopidia gunadia, idia darea, bona idia dika dainai idia turia lou gaudia, be edia doniki edia doruna dekenai idia atoa.  
\v 5 Tamaka gunadia, dika dainai idia hanamoa lou gaudia, bona dabua gunadia, idia darea vadaeni gaudia, idia kwatua. Edia paraoa danu be kaukau bona auka.  
\v 6 Vadaeni inai Gibeona taudia be Iosua dekenai idia lao, Gilegala kamepa dekenai. Idia ese Iosua bona Israela taudia idia hamaoroa, idia gwau, “Ai be gabu daudau dekena amo ai mai vadaeni. Ai ura umui danu maino do ita karaia gwauraia.”   
\p
\v 7 To Israela taudia ese inai Hivi taudia idia hamaoroa, idia gwau, “Umui be sedira inai gabu kahirakahira umui noho. Edena bamona ai ese umui danu maino do ita karaia?”   
\p
\v 8 To Gibeona taudia ese Iosua ma idia hamaoroa, idia gwau, “Ai be oiemu hesiai taudia.”  
\p Iosua ese ma ia nanadaia, ia gwau, “Umui be daika? Bona edeseni umui mai?”   
\p
\v 9 Idia haere, idia gwau, “Ai, oiemu hesiai taudia, be gabu daudau dekena amo ai mai. Lohiabada, emui Dirava, ena ladana dainai ai mai vadaeni. Badina be Lohiabada ena sivarai ai kamonai vadaeni, bona iena kara ibounai Aigupito dekenai ia karaia ena sivarai.  
\v 10 Bona Lohiabada ese Amoro king ruaosi, Ioridane Sinavai unai kahana dekenai, dahaka ia karaia ena sivarai danu ai kamonai. Unai king be Sihona, Hesebona ena king, bona Oga, Basana ena king, Asataroto dekenai ia noho tauna.  
\v 11 Aiemai tano ena lohia taudia bona aiemai tano taudia ibounai ese ai idia oda henia, idia gwau, ‘Laolao totona aniani do umui abia hegaegae, bona unai Israela taudia hedavari totona do umui lao. Idia dekenai do umui gwau: Ai be emui hesiai taudia, ai dekenai maino do umui karaia.’   
\p
\v 12 “Aiemai paraoa be inai, umui hedavari totona ai toreisi dinana dekenai beredi ta ta be mai ena siahu danu ai udaia. To harihari umui itaia, beredi be idia auka bona kaukau.  
\v 13 Inai uaina kopina gaudia danu, ai hahonua neganai idia be matamata, to harihari umui itaia, idia be idia darea vadaeni. Aiemai dabua bona aiemai tamaka danu be idia dika vadaeni, dala daudau dekena amo ai mai vadaeni dainai.”   
\p
\v 14 Israela taudia ese unai taudia edia aniani sisina idia ania, to idia ese Lohiabada ena sisiba hereva idia tahua lasi.   
\p
\v 15 Vadaeni Iosua be inai Gibeona taudia danu ia maino karaia, bona ia gwauhamata, ia gwau do ia aladia lasi. Israela taudia edia gunalaia taudia danu ese unai gwauhamata idia gwauraia.   
\p
\v 16 Dina toi idia lao, unai maino karaia murinai, vadaeni Israela taudia idia kamonai unai Gibeona taudia be kahirakahira idia noho.  
\v 17 Vadaeni Israela taudia be laolao totona idia toreisi, bona dina toi idia ore neganai, Gibeona taudia edia hanua dekenai idia ginidae. Edia hanua be Gibeona, Kepira, Beroto bona Kiriata Iearimi.  
\v 18 To Israela taudia ese unai hanua taudia idia alaia lasi, badina be edia lohia taudia idia gwauhamata henia vadaeni, Lohiabada, Israela taudia edia Dirava, ena ladana dainai.  
\p Vadaeni Israela taudia ibounai ese edia lohia taudia dekenai idia maumauraia.  
\v 19 To lohia taudia ibounai ese Israela taudia ibounai idia hamaoroa, idia gwau, “Ai ese Lohiabada, Israela ena Dirava, ena ladana dekenai ai gwauhamata vadaeni, unai dainai inai Gibeona taudia do ita hadikaia diba lasi.   
\p
\v 20 “To inai bamona do ita karaia. Inai taudia be do idia mauri, iseda gwauhamata dainai, Dirava ena badu be ita dekenai do ia mai garina.”  
\v 21 Ma lohia taudia idia gwau, “Gibeona taudia be do idia mauri. To idia ese au utua, bona ranu huaia gaukara ibounai do idia karaia, Israela taudia totona.” Unai dainai lohia taudia edia gwauhamata be Israela taudia ese idia badinaia.   
\p
\v 22 Unai neganai Iosua ese Gibeona taudia ia boiria mai, idia ia gwau henia, ia gwau, “Badina dahaka umui ese ai umui koia? Umui gwau, ‘Ai be gabu daudau dekena amo ai mai,’ to umui be gabu kahirakahira umui noho.  
\v 23 Unai dainai Dirava ese umui emui latanai hereva aukana, mai gwauhamata danu ia atoa vadaeni. Emui bese taudia ese nega ibounai hesiai gaukara mai guia danu do umui karaia, au do umui utua, bona ranu do umui huaia, egu Dirava ena Ruma totona.”   
\p
\v 24 Gibeona taudia ese Iosua dekenai idia haere, idia gwau, “Lohia e, ai kamonai bona ai diba Lohiabada oiemu Dirava ese iena hesiai tauna Mose ia oda henia, inai tano ibounai be umui dekenai do ia henia, bona inai tano dekenai noho taudia ibounai be emui vairana dekenai do ia alaia mase. Unai dainai umui dekenai ai gari dikadika, bona aiemai heau mauri dalana ai tahua. Unai dainai unai koikoi kara ai karaia.  
\v 25 To hari ai be oiemu siahu henunai ai noho, edena kara oi laloa be namo bona maoro, unai bamona ai dekenai do oi karaia.”   
\p
\v 26 Vadaeni Iosua ese Gibeona taudia Israela taudia dekena amo ia hamauria, bona idia aladia lasi.  
\v 27 To unai dina dekenai Iosua ese Gibeona taudia be au utua bona ranu huaia taudia ia halaodia, Israela taudia edia, bona Lohiabada ena boubou patana ena, Lohiabada ese tomadiho totona ia abia hidi gabuna dekenai. Bona Gibeona taudia ese unai bamona idia karaia noho ia mai bona hari dina.   
\c 10  
\s1 Israela taudia ese Amoro taudia idia halusia  
\p
\v 1 Adoni Sedeka, Ierusalema ena king ese Iosua ena sivarai ia kamonai, Iosua ese Ai hanua ia hadikaia ore, bona iena king ia alaia, Ieriko bona ena king dekenai ia karaia hegeregerena. Adoni Sedeka danu ia kamonai Gibeona taudia be Israela taudia danu maino idia karaia, bona idia danu idia noho hebou.  
\v 2 Vadaeni ia gari bada herea, badina Gibeona be hanua badana, king ta ia naria ena hanua bamona. Gibeona hanua ena bada ese Ai hanua ena bada ia hanaia, bona Gibeona hanua taudia ibounai be tuari taudia mai edia goada bada.  
\v 3 Unai dainai, Adoni Sedeka, Ierusalema ena king, ese noinoi hereva ia siaia Hohama, Heberona ena king, Pirama, Iaramutu ena king, bona Iapia, Lakisi ena king, bona Debiri, Egalona ena king dekenai, ia gwau,  
\v 4 “Lau dekenai umui mai, lau umui durua, Gibeona taudia do ita tuari henia, badina idia be Iosua bona Israela taudia danu maino idia karaia vadaeni.”   
\p
\v 5 Vadaeni Amoro taudia edia king ibounai 5, Ierusalema ena king, Heberona ena king, Iaramutu ena king, Lakisi ena king, bona Egalona ena king, idia haboua tamona, edia tuari taudia ibounai idia hakaua lao, Gibeona hanua ena vairana dekenai idia kamepa, idia tuari henia.   
\p
\v 6 Gibeona taudia ese hereva idia siaia Iosua dekenai, Gilegala kamepa dekenai, idia gwau, “Mani emu kara, oiemu hesiai taudia do oi rakatania lasi, oi mai haraga, ai do oi durua bona hamauria. Badina Amoro edia king ibounai be ororo kahadia dekena amo idia haboua vadaeni, ai dekenai idia tuari henia noho!”   
\p
\v 7 Unai dainai Iosua, mai ena tuari taudia ibounai, iena tuari diba momo taudia danu, be Gilegala dekena amo idia raka mai.  
\v 8 Lohiabada ese Iosua ia hamaoroa, ia gwau, “Idia dekenai do umui gari lasi, badina be kwalimu umui dekenai lau henia vadaeni, idia ta be umui emui vairana dekenai do ia gini diba lasi.”   
\p
\v 9 Hanuaboi ena hora ibounai lalonai Iosua mai ena tuari taudia idia raka Gilegala dekena amo. Vadaeni Gibeona dekenai idia ginidae, bona Amoro taudia idia hoa bada.  
\v 10 Lohiabada ese Amoro taudia ia hagaridia bada Israela taudia edia vairana dekenai. Vadaeni Israela taudia ese Amoro taudia momo herea idia alaia mase Gibeona dekenai, bona idia mauri noho taudia idia lulua lao Bete Horono dekenai ia daekau lao dalana dekenai. Idia heau mauri gwauraia taudia momo be Israela taudia ese idia alaia mase, ela bona Aseka bona Makeda.  
\v 11 Bete Horono ela bona Aseka dala dekenai Israela taudia dekena amo idia heau lao neganai, Lohiabada ese medu ena aisi, nadi bamona gaudia, guba dekena amo ia hamorudia, vadaeni Amoro taudia momo herea idia mase. Medu ena aisi dekena amo idia mase taudia edia momo ese Israela taudia edia tuari kaia dekena amo idia mase taudia edia momo be idia hanaia momokani.   
\s1 Dina ia gini noho, ia marere lasi  
\p
\v 12 Lohiabada ese Israela taudia dekenai kwalimu ia henidia, Amoro taudia dekena amo. Unai dina dekenai Iosua ese Lohiabada dekenai ia hereva, Israela taudia edia vairanai, ia gwau,  
\q1 “Dina e, Gibeona ena ataiai dekenai, do oi gini noho.  
\q1 Oi hua danu Aialono ena koura ena ataiai dekenai,  
\q1 do oi gini noho.”   
\p
\v 13 Vadaeni dina be ia gini noho, bona hua be iena gabu dekenai ia noho, ela bona Israela taudia ese idia dekenai idia tuari henia taudia idia halusia momokani. Inai sivarai be buka ladana Iasara lalonai ia torea vadaeni. Dina be guba ena ataiai dekenai ia gini noho, ia diho lasi ela bona dina ta hegeregerena.  
\v 14 Idaunegai momokani ia mai bona harihari be dina ta inai bamona ia vara lasi! Badina be unai dina dekenai Lohiabada ese tau ta ia kamonai henia. Lohiabada ese Israela taudia edia tuari lalonai ia danu ia tuari, Israela taudia durua totona!   
\p
\v 15 Unai murinai Iosua bona Israela tuari taudia ibounai be Gilegala kamepa dekenai idia giroa lou.   
\s1 Iosua ese Amoro taudia edia king taudia 5 ia abia mauri  
\p
\v 16 Unai Amoro king taudia 5 be idia heau, Makeda kohua dekenai idia hunia.  
\v 17 Vadaeni tau haida ese Iosua idia hamaoroa, idia gwau, “Unai king 5 be ai davaria, Makeda kohua lalonai idia hunia noho.”  
\v 18 Vadaeni Iosua ia gwau, “Nadi badadia do umui doria lao, kohua ena iduara do umui koua, bona gima taudia haida unuseni do umui atoa, do idia gimaia totona.  
\v 19 To umui be unuseni do umui noho lasi. Umui tuari henidia taudia be do umui lulua noho, bona edia murina dekena amo idia do umui alaia mase noho. Edia dala do umui koua, vadaeni edia hanua dekenai do idia heau vareai lasi! Lohiabada emui Dirava ese idia dekena amo kwalimu umui dekenai ia henia vadaeni.”   
\p
\v 20 Iosua bona Israela taudia ese unai tuari taudia idia alaia mase noho, ela bona momo herea idia mase ore. Idia tamona tamona be edia hanua edia magu lalonai idia heau vareai, bona idia mauri.  
\v 21 Unai murinai Israela tuari taudia ibounai be Iosua dekenai idia giroa lou, bona Makeda kamepa dekenai idia noho, mai maino danu. Idia ta ia mase lasi.  
\p Gari dainai, tau ta lasi ese Israela taudia idia hereva dika henia diba.   
\p
\v 22 Unai neganai Iosua ia gwau, “Kohua ena iduara do umui kehoa, bona unai king taudia 5 lau dekenai do umui mailaia.”   
\p
\v 23 Vadaeni kohua idia kehoa, bona Ierusalema ena king, Heberona ena King, Iaramutu ena king, Lakisi ena king, bona Egalona ena king, idia hakaua mai.  
\v 24 King 5 be Iosua ena vairanai idia haginia. Vadaeni Iosua ese Israela lohia taudia, ia danu idia tuari lao taudia, ia oda henia, edia aena be king edia aiona latanai do idia atoa. Idia raka kahirakahira, bona edia aena dekenai king edia aiona idia moia.   
\p
\v 25 Unai neganai Iosua ese iena lohia taudia ia hamaoroa, ia gwau, “Do umui gari lasi, bona emui lalona do idia manoka lasi. Do umui goada, bona do umui boga auka, badina Lohiabada ese inai bamona do ia karaia, umui idia tuari henia taudia ibounai dekenai.”   
\p
\v 26 Vadaeni Iosua ese unai king 5 ia alaia mase, bona au 5 edia latanai unai king ia taua dae, ela bona dina ia diho.  
\v 27 Dina ia diho neganai Iosua ese ia oda, bona king edia tauanina be au dekena amo idia abia diho, bona guna idia hunia noho kohua lalonai ma idia negedia vareai lou. Kohua ena iduara dekenai nadi badadia idia haboua, bona unuseni idia noho ia mai bona hari dina.   
\s1 Iosua ese Amoro taudia edia hanua momo ia halusia  
\p
\v 28 Unai dina dekenai Iosua ese Makeda hanua ia abia, hanua ena king danu ia abia mauri. Hanua dekenai noho taudia ibounai be idia alaia mase, ta ia mauri lasi. Ieriko ena king dekenai ia karaia hegeregerena, be Iosua ese Makeda ena king dekenai danu ia karaia.   
\p
\v 29 Vadaeni Iosua bona Israela tuari taudia ibounai be Makeda dekena amo idia lao, Libina hanua badana dekenai idia ginidae, bona idia tuari henia.  
\v 30 Lohiabada ese Libina danu, mai ena king danu, be Israela taudia edia siahu henunai ia atoa. Vadaeni idia ese hanua taudia ibounai idia alaia ore, tau ta ia heau mauri lasi. Ieriko ena king dekenai idia karaia hegeregerena, be idia ese Libina ena king dekenai danu idia karaia.   
\p
\v 31 Vadaeni Iosua bona Israela tuari taudia ibounai be Libina dekena amo idia lao, Lakisi hanua badana dekenai idia ginidae, idia koua hagegea bona idia tuari henia.  
\v 32 Lohiabada ese Lakisi danu Israela taudia edia siahu henunai ia atoa, dina iharuana dekenai idia abia. Hanua taudia ibounai idia alaia ore, Libina dekenai idia karaia hegeregerena.   
\p
\v 33 Horama, Gesere ena king be Lakisi taudia durua totona ia mai, to Iosua ese ia, bona iena tuari taudia ibounai ia halusia, ia alaia ore.   
\p
\v 34 Vadaeni Iosua bona Israela tuari taudia ibounai be Lakisi dekena amo idia lao, Egalona hanua badana dekenai idia ginidae, idia koua hagegea, bona idia tuari henia.  
\v 35 Unai dina dekenai hanua idia abia, bona hanua taudia ibounai idia alaia mase, Lakisi dekenai idia karaia hegeregerena.   
\p
\v 36 Vadaeni Iosua bona Israela tuari taudia ibounai be Egalona dekena amo idia lao, Heberona hanua badana dekenai idia ginidae, idia tuari henia.  
\v 37 Idia abia, bona ena king bona hanua taudia ibounai idia alaia ore. Heberona ena hanua maragidia edia taudia ibounai danu idia alaia ore, tau ta ia heau mauri lasi. Egalona dekenai idia karaia hegeregerena, be Heberona dekenai danu idia karaia, taunimanima ibounai idia alaia ore.   
\p
\v 38 Unai neganai Iosua bona iena tuari taudia ibounai be idia giroa lou, Debiri hanua badana dekenai idia lao, idia tuari henia.  
\v 39 Vadaeni idia abia, mai ena king, bona mai ena hanua taudia ibounai, bona mai ena hanua maragidia edia taudia danu. Idia ibounai be tuari kaia dekena amo idia alaia mase. Tau ta ia mauri noho lasi. Heberona dekenai idia karaia, bona Libina mai ena king dekenai idia karaia hegeregerena, be Debiri dekenai bona Debiri ena king dekenai danu idia karaia.   
\p
\v 40 Vadaeni Iosua ese unai tano kahana ibounai ia halusia, ororo kahana, Negebe kahana, dina diho kahana ororo henunai gabudia, bona dina daekau kahana ena ororo hekei gabudia. Iosua ese inai gabudia edia taunimanima bona edia king ibounai ia alaia ore. Idia ta ia heau mauri lasi, Lohiabada, Israela ena Dirava, ia oda henia hegeregerena.   
\p
\v 41 Iosua ese idia ibounai ia halusia momokani, Kadesi Baranea dekena amo ela bona Gasa, bona Gosena tano ibounai ela bona Gibeona.  
\v 42 Iosua ese inai gabudia edia king ibounai bona edia tano ibounai be unai nega tamona dekenai ia abia momokani, badina be Lohiabada, Israela ena Dirava, ese Israela bese totona ia tuari noho.   
\p
\v 43 Vadaeni Iosua ia giroa lou, Israela taudia ibounai danu, Gilegala kamepa dekenai idia noho.   
\c 11  
\s1 Iosua ese Iabina bona iena durua taudia ia halusia  
\p
\v 1 Iabina, Hasoro ena king ese Israela idia kwalimu ena sivarai ia kamonai, vadaeni ia ese hereva ia siaia, Iobaba, Madona ena king, dekenai,  
\v 2 bona Simarona ena king, bona Akasapa ena king dekenai, bona ororo gabudia edia king taudia dekenai, mirigini kahanai, bona Arabaha tano palaka edia king taudia, Galilea gohu ena diho kahana edia king, bona dina diho kahana ororo henunai gabudia edia king, bona Doro hanua, kone kahirakahira, ena king.  
\v 3 Iabina ese danu hereva ia siaia lao Kanana taudia dekenai, dina daekau kahanai bona dina diho kahanai, bona Amoro taudia, Hiti taudia, Perisi taudia, bona Iebusu taudia, ororo dekenai noho taudia, bona Hivi taudia, Heremona Ororo henunai, Misipa tano dekenai idia noho taudia danu.   
\p
\v 4 Idia ibounai idia toreisi, mai edia tuari taudia ibounai, taunimanima momo herea, kone ena miri bamona, mai edia hosi momo, bona mai edia kariota momo herea danu.  
\v 5 Unai king ibounai ese edia tuari taudia idia haboua tamona, idia lao, Meroma ranu gabuna badinai idia kamepa, Israela taudia do idia tuari henia totona.   
\p
\v 6 Vadaeni Lohiabada ese Iosua ia hamaoroa, ia gwau, “Idia dekenai do oi gari lasi, badina be kerukeru, nega inai bamona dekenai, lau ese idia ibounai do lau alaia mase Israela totona. Umui ese edia hosi edia aena varovaro do umui utua, bona edia kariota be lahi dekenai do umui gabua.”   
\p
\v 7 Unai dainai Iosua bona iena tuari taudia ese, Meroma ranu gabuna dekenai idia hedinarai haraga, bona unai king taudia edia tuari taudia idia tuari henia.   
\p
\v 8 Vadaeni Lohiabada ese Israela taudia dekenai kwalimu ia henia, Israela taudia ese king taudia edia tuari orea idia halusia, bona idia lulua lao, ela bona Sidono Badana bona Misirepoto Maimi, ma idia luludia lao ela bona Misipa Koura, dina daekau kahanai. Idia tuari noho, ela bona Israela taudia ese king taudia edia tuari taudia ibounai idia alaia ore, ta ia heau mauri lasi.  
\v 9 Vadaeni Iosua ese, Lohiabada ena oda hegeregerena, edia hosi edia aena varovaro ia utua, bona edia kariota be lahi dekenai ia gabua ore.   
\p
\v 10 Unai neganai Iosua be ia giroa lou, Hasoro hanua ia abia, bona ia ese Hasoro ena king ia alaia mase, badina guna unai king be unai basileia ibounai edia gunalaia tauna.  
\v 11 Israela taudia ese Hasoro taudia ibounai idia alaia mase, ta ia mauri noho lasi. Bona hanua idia gabua ore.   
\p
\v 12 Iosua ese unai king edia hanua badadia ibounai, mai edia king danu ia abia, bona edia taunimanima bona king ibounai ia alaia mase, Mose, Lohiabada ena hesiai taudia ia oda henia hegeregerena.  
\v 13 To Israela taudia ese ororo, o ororo maragidia edia latanai idia haginia hanua idia gabua lasi, tamona sibona, Hasoro, be Iosua ese ia gabua.   
\p
\v 14 Unai hanua edia kohu be Israela taudia ese idia abia, edia kohu, bona unai hanua edia boromakau danu. To unai hanua edia taunimanima ibounai be Israela taudia ese idia alaia ore, ta ia mauri lasi.  
\v 15 Lohiabada ese iena oda Mose dekenai ia henia, bona Mose ese inai oda Iosua dekenai ia henia, bona Iosua ese inai oda ia kamonai henia. Iosua ese Lohiabada ena oda, Mose dekenai ia henia gaudia ibounai, ia kamonai henia namonamo.   
\s1 Iosua ese ia abia tanona  
\p
\v 16 Unai dainai Iosua ese unai tano ibounai ia abia, ororo kahana gabudia, Negebe ibounai, Gosena tano, bona dina diho kahana ororo henunai gabudia, Arabaha tano, bona Israela ena ororo bona koura gabudia:  
\v 17-18 Halaka Ororo dekena amo, Seiri kahana dekenai, ela bona Bala Gada, Lebanona Koura dekenai, Heremona Ororo ena diho kahanai. Inai gabudia edia king danu be nega daudau ia tuari henidia, to idia ibounai be Iosua ese ia abia, bona ia aladia mase.   
\p
\v 19 Hanua ta lasi ese Israela danu maino idia karaia, Hivi taudia Gibeona dekenai idia noho taudia sibona mo. To Gibeona lasi taudia ibounai be Israela taudia ese tuari dekenai idia hadikaia ore.  
\v 20 Lohiabada ese unai taudia edia kudouna ia ha-aukaia, Israela taudia do idia tuari henia totona, bona Israela taudia ese, mai bogahisihisi lasi momokani danu, idia ibounai do idia alaia ore totona. Inai bamona idia karaia, Lohiabada ese Mose ia oda henia hegeregerena.   
\p
\v 21 Unai neganai Iosua ia toreisi, Anakima taudia ia alaia ore, ororo gabudia dekenai, Heberona dekenai, Debiri dekenai, Anaba dekenai, Iuda ororo ibounai dekenai, bona Israela ororo ibounai dekenai. Iosua ese unai Anakima taudia ibounai ia alaia ore, bona edia hanua danu idia hadikaia ore.  
\v 22 Anakima taudia ta ia mauri lasi Israela taudia edia tano ibounai dekenai. To Gasa bona Gata bona Asadoda dekenai, be haida sibona idia do mauri noho.   
\p
\v 23 Unai dainai Iosua ese tano ibounai ia abia, Lohiabada ese Mose ia oda henia hereva ibounai hegeregerena. Inai tano be Iosua ese Israela taudia dekenai ia henia, edia tano. Idia dekenai tano ia haria lao, edia iduhu ta ta dekenai tano kahana ta ia henia.  
\p Vadaeni taunimanima be tuari dekena amo idia laga-ani.   
\c 12  
\s1 Mose ese ia alaia king taudia edia ladana  
\p
\v 1 Israela taudia ese guna Ioridane Sinavai ena dina daekau tanona idia halusia, bona idia noholaia. Tano be inai: Aranona Sinavai dekena amo ela bona Heremona Ororo, bona Arabaha tano palaka ena dina daekau kahana ibounai. Inai gabudia edia king taudia be inai:   
\p
\v 2 Ta ena ladana be Sihona. Ia be Amoro taudia edia king, bona Hesebona hanua dekenai ia noho. Sihona ena basileia ena lalonai be Gileada tano kahana. Inai tano be Aroere, Aranona Koura ena isena dekenai, bona inai koura ena huanai ia noho hanua dekena amo ela bona Iaboka Sinavai, Amono taudia edia tano hetoana.  
\v 3 Bona Arabaha ena dina daekau kahana tano danu be Sihona ena, Galilea Gohu ena dina daekau kahana dekena amo ela bona Bete Iesimoto, ela bona Davara Mase, bona diho kahana tano ela bona Pisiga Ororo ena henuna tanona.   
\p
\v 4 Ma king ta Israela taudia ese idia halusia guna, iena ladana be Oga, Basana ena king. Ia be Repaima tauna, bona Repaima taudia be kahirakahira ibounai idia mase ore, tamona tamona idia do noho. Oga be Asataroto hanua bona Ederei hanua dekenai ia noho.  
\v 5 Iena basileia ena tano be Heremona Ororo, bona Saleka, bona Basana tano ibounai ela bona Gesuru taudia bona Makata taudia edia tano hetoana. Gileada tano kahana danu be Oga ena, ela bona Sihona, Hesebona ena king, ena tano hetoana.   
\p
\v 6 Inai king ruaosi be Mose bona Israela taudia ese idia halusia. Mose, Lohiabada ena hesiai tauna ese inai king ruaosi edia tano ia abia, Rubena iduhu taudia bona Gado iduhu taudia, bona Manase iduhu kahana taudia dekenai ia henia, edia tano korikori.   
\s1 Iosua ese ia alaia king taudia edia ladana  
\p
\v 7 Iosua bona Israela taudia ese Ioridane Sinavai ena dina diho kahanai noho taudia idia halusia, Bala Gado dekena amo, Lebanona Koura dekenai, ela bona Halaka Ororo, Seiri kahana dekenai. Vadaeni Iosua ese unai tano ia abia, Israela iduhu edia huanai ia haria, iduhu ta ta dekenai, edia tano, edia tano ia henia. Unai tano be edia tano korikori ia lao, ela bona nega ibounai. Unai tano lalonai inai kahadia idia noho:  
\v 8 Ororo gabudia, dina ia diho kahana ororo edia henunai tanodia, Arabaha ena tano palaka, dina daekau kahana ena ororo hekei gabudia, tano kaukau, bona Negebe tanona. Unai tanodia dekenai be guna inai bese taudia idia noho: Hiti taudia, Amoro taudia, Kanana taudia, Perisi taudia, Hivi taudia, bona Iebusu taudia.   
\p
\v 9 Israela taudia ese inai hanua badadia edia king taudia idia halusia: Ieriko ena king, Ai ena king. (Ai hanua be Betele hanua kahirakahira.)   
\q1
\v 10 Ierusalema ena king, Heberona ena king,   
\q1
\v 11 Iaramutu ena king, bona Lakisi ena king.   
\q1
\v 12 Egalona ena king, Gesere ena king.   
\q1
\v 13 Debiri ena king, Gedere ena king.   
\q1
\v 14 Horoma ena king, Arada ena king.   
\q1
\v 15 Libini ena king, Adulama ena king.   
\q1
\v 16 Makeda ena king, Betele ena king.   
\q1
\v 17 Tapua ena king, Hepere ena king.   
\q1
\v 18 Apeka ena king, Lasarono ena king.   
\q1
\v 19 Madona ena king, Hasoro ena king.   
\q1
\v 20 Simarona Merona ena king, Akasapa ena king.   
\q1
\v 21 Tanaka ena king, Megido ena king.   
\q1
\v 22 Kedesi ena king, Iokoneama ena king. (Iokoneama be Karamele dekenai.)   
\q1
\v 23 Doro ena king, (Doro be Napata Doro dekenai), Goimi ena king. (Goimi be Gilegala dekenai.)   
\q1
\v 24 Tirisa ena king. Israela ese inai king ibounai 31 idia halusia, bona edia tano idia abia.   
\c 13  
\s1 Tano idia haria  
\p
\v 1 Iosua be ia buruka vadaeni, iena mauri lagani be momo herea. Lohiabada ese ia hereva henia, ia gwau, “Oi be oi buruka vadaeni, oiemu mauri lagani be momo herea, to tano bada herea be do noho, umui do abia lasi.  
\v 2 Do noho tano be inai: Pilistia taudia edia tano ibounai, bona Gesuru taudia edia tano ibounai.  
\v 3 Sihoro, Aigupito ena dina daekau kahana tano dekena amo, mirigini kahana ia lao ela bona Ekarona ena hetoana be Kanana taudia edia tano, idia gwauraia, bona Pilistia lohia taudia 5 ese idia biagua noho. Inai Pilistia lohia taudia edia noho gabudia be Gasa, Asadoda, Asakelona, Gata, bona Ekarona. Avima taudia edia tano danu umui do abia lasi.   
\p
\v 4 “Bona diho kahana dekenai do noho tano be inai: Kanana taudia edia tano ibounai, bona Meara, Sidono taudia edia tano, ela bona Apeka, ela bona Amoro edia tano hetoana,  
\v 5 bona Gebala taudia edia tano, bona Lebanona tano ibounai, dina ia daekau kahana dekenai, Bala Gado dekena amo, Heremona Ororo ena diho kahanai ela bona Hamata ena raka vareai gabuna.   
\p
\v 6 “Sidono taudia edia tano danu, ororo dekenai idia noho, Lebanona dekena amo ela bona Misirepoto Maimi, unai taudia ibounai be Israela taudia edia vairana dekenai do lau lulua lao. Inai tano be Israela taudia edia huanai do oi haria, lau ese oi lau oda henia guna hegeregerena.   
\p
\v 7 “Unai dainai inai tano ibounai do oi haria, Israela edia iduhu 9, bona Manase iduhu kahana edia huanai do oi haria, edia tano korikori do ia lao.”   
\s1 Ioridane Sinavai ena dina daekau kahana tano haria dalana  
\p
\v 8 To Manase iduhu kahana ese Rubena bona Gado iduhu taudia danu edia tano kahadia idia abia guna vadaeni. Badina Mose ese idia dekenai ia henia, Ioridane Sinavai ena dina daekau kahana dekenai. Lohiabada ena hesiai tauna Mose ese ia henia tano be inai:  
\v 9 Aroere hanua, Aranona Koura ena isena dekena amo, bona unai Koura ena huana dekenai ia noho hanua dekena amo, bona Medeba tano palaka ibounai, ela bona Dibona.  
\v 10 Bona Sihona, Amoro taudia edia lohia, Hesebona ena king, ena hanua ibounai, ela bona Amono taudia edia tano hetoana.  
\v 11 Bona Gileada, bona Gesuru taudia, bona Makata taudia edia tano, bona Heremona Ororo ibounai, bona Basana tano ibounai ela bona Saleka.  
\v 12 Oga, Asataroto bona Ederei edia king, ena tano ibounai Basana dekenai. Inai Oga be Repaima tauna, Repaima besena ia mase ore vadaeni, Oga sibona ia noho. Inai Sihona bona Oga mai edia taudia be Mose ese ia halusia bona lulua ore vadaeni, bona edia tano ia abia.  
\v 13 To Israela taudia ese Gesuru taudia bona Makata taudia idia lulua ore lasi. Idia be Israela dekenai idia do noho ia mai bona hari dina.   
\p
\v 14 Mose ese Levi iduhu taudia dekenai tano ta ia henia lasi, badina be Lohiabada, Israela ena Dirava ia hereva vadaeni, Lohiabada dekenai idia henia boubou gaudia, lahi dekenai idia gabua gaudia, be idia edia davana.   
\s1 Rubena iduhu dekenai Mose ese ia henia tano  
\p
\v 15 Mose ese inai tano Rubena iduhu dekenai ia henia vadaeni, edia bese ta ta dekenai edia tano ta ta ia henia, edia tano korikori do ia lao:  
\v 16 Edia tano be Aroere hanua, Aranona Koura ena isena dekena amo, bona unai Koura ena huanai ia noho hanua dekena amo, bona Medeba ena tano palaka ibounai. Medeba hanua,  
\v 17 ma Hesebona danu be idia edia, mai ena tano palaka dekenai idia noho hanua ibounai, bona Dibona, Bamoto Bala, bona Bete Bala Meono.  
\v 18 Bona Iahasa, bona Kedemoto, bona Mepata.  
\v 19 Bona Kiriataimi, bona Sibima, bona Serete Sahara, unai koura ena ororo maragina dekenai.   
\p
\v 20 Bona Bete Peoro, bona Pisiga Ororo ena hekei gabudia, bona Bete Iesimoto.  
\v 21 Tano palaka ena hanua ibounai be idia edia, bona Sihona, Amoro taudia edia lohia, Hesebona ena king, ena basileia ibounai. Unai Sihona be Mose ese ia halusia, ia bona Midiana lohia taudia, Evi bona Rekeme bona Suru bona Huru bona Reba. Unai be Sihona ena basileia lohia taudia, unai tano dekenai idia noho bona naria taudia.   
\p
\v 22 Balama Beoro, ia ese gabeai do idia vara gaudia ia gwauraia tauna, be Israela taudia ese tuari kaia dekenai idia alaia, taunimanima momo danu.  
\v 23 Rubena iduhu taudia edia tano hetoana be Ioridane Sinavai ena isena.  
\p Rubena iduhu taudia dekenai Mose ese ia henia hanua badadia bona hanua maragidia be unai, edia bese ta ta ese edia ahuna idia abia, edia tano korikori.   
\s1 Gado iduhu dekenai Mose ese ia henia tano  
\p
\v 24 Mose ese Gado iduhu taudia dekenai danu tano ena kahana ia henia vadaeni, edia bese ta ta dekenai edia tano ta ta ia henia, edia tano korikori ia lao.  
\v 25 Edia tano be Iasere, bona Gileada dekenai noho hanua ibounai, bona Amono taudia edia tano kahana, ela bona Aroere, Raba ena dina daekau kahana dekenai.   
\p
\v 26 Edia tano danu be Hesebona dekena amo ela bona Ramata Misipe, bona Betonimi, bona Mahanaimi ela bona Lo Debara ena hetoana.  
\v 27 Ioridane Koura lalonai Gado taudia edia tano lalonai inai hanua idia noho: Bete Harama, Bete Nimera, Sukoto, Sapona, bona Sihona, Hesebona ena king ena basileia orena kahana. Gado taudia edia tano hetoana be Ioridane Sinavai ia lao mirigini kahana, ela bona Galilea Gohu, Ioridane Sinavai ena dina daekau kahanai.   
\p
\v 28 Gado iduhu taudia dekenai Mose ese ia henia hanua badadia bona hanua maragidia be unai, edia bese ta ta ese edia ahuna idia abia, edia tano korikori.   
\s1 Manase iduhu kahana dekenai Mose ese ia henia tano, dina daekau kahanai  
\p
\v 29 Mose ese Manase iduhu kahana taudia dekenai danu tano ena kahana ia henia vadaeni, edia bese ta ta dekenai edia tano ta ta ia henia, edia tano korikori.  
\v 30 Edia tano be Mahanaimi dekena amo ela bona Basana ena tano ibounai, Oga, Basana ena king, ena basileia ibounai, bona Iairi ena hanua ibounai Basana lalonai, hanua ibounai 66.   
\p
\v 31 Gileada ena kahana danu be Manase iduhu kahana taudia edia, bona Asataroto bona Ederei, Oga ena basileia hanua badadia Basana lalonai. Unai hanua bona gabudia be Mose ese Makiri Manase ena bese taudia dekenai ia henia. Makiri iduhu kahana taudia ese inai tano idia abia, edia bese ta ta dekena amo, edia tano korikori.   
\p
\v 32 Unai dala dekenai Mose ese Ieriko bona Ioridane Sinavai ena dina daekau kahana tano ia haria lao, Moaba ena tano palaka dekenai ia noho neganai.  
\v 33 To Mose ese tano ta Levi taudia dekenai ia henia lasi, Lohiabada, Israela ena Dirava ia oda henia hegeregerena, idia edia davana be ia, Lohiabada.   
\s1 Ioridane Sinavai ena dina diho kahana tano be laki dekenai idia haria  
\c 14  
\p
\v 1 Israela taudia dekenai Kanana tano idia haria dalana ena sivarai be inai: Hahelagaia tauna Eleasara, bona Iosua Nunu, bona Israela iduhu gunalaia taudia ese inai tano idia haria.   
\p
\v 2 Idia haria dalana be laki gadara dekena amo, Lohiabada ese Mose ia hamaoroa hegeregerena, iduhu 9 bona iduhu kahana edia huanai.  
\v 3 To iduhu rua bona iduhu kahana dekenai be Mose ese edia tano Ioridane Sinavai unai kahana dekenai ia henia vadaeni. To Levi iduhu taudia dekenai tano ta ia henia lasi.   
\p
\v 4 Iosepa ena bese be iduhu rua, Manase iduhu bona Eparaima iduhu. Tano idia haria neganai, Levi taudia ese tano ta idia abia lasi. To hanua haida be Levi taudia dekenai idia henia, unuseni do idia noho totona. Bona rei gabudia danu idia dekenai idia henia, edia boromakau bona mamoe do idia ubua totona.   
\p
\v 5 Vadaeni Israela taudia ese Kanana tano idia haria, Lohiabada ese Mose ia hamaoroa hegeregerena.   
\s1 Heberona hanua be Kaleba dekenai idia henia  
\p
\v 6 Iuda iduhu taudia be Iosua dekenai idia lao, Gilegala dekenai. Vadaeni Kaleba Iepune, Kenisi tauna, ese Iosua dekenai ia hereva, ia gwau, “Oi diba, Kadesi Baranea dekenai ita noho neganai, Lohiabada ese Mose, Dirava ena tau dekenai, oi bona lau ia herevalaia, ani?  
\v 7 Lauegu mauri lagani be 40 neganai, Lohiabada ena hesiai tauna Mose ese lau ia siaia, Kadesi Baranea dekena amo lau lao, inai tano hunia dekenai do lau itaia totona. Lau ese inai tano ena sivarai lau abia lou neganai, sivarai momokani lau henia.  
\v 8 Lauegu tadikaka taudia, lau danu idia lao taudia, ese taunimanima edia lalona idia hamanokaia, to lau ese Lohiabada egu Dirava lau badinaia momokani, mai egu kudouna ibounai.  
\v 9 Unai dina dekenai Mose ia gwauhamata, ia gwau, ‘Momokani, oiemu aena dekenai oi raka bona oi moia vadaeni tano be oiemu tano do ia lao, oiemu, bona oiemu bese taudia edia, ela bona hanaihanai, badina be Lohiabada, oiemu Dirava oi badinaia mai oiemu kudouna ibounai.’   
\p
\v 10 “To harihari oi itaia, Lohiabada be unai bamona Mose dekenai ia hereva ia mai bona hari be lagani 45. Unai be Israela ese tano kaukau idia raka hanaia neganai, bona Lohiabada ese lau ia hamauria noho ia mai bona hari, iena gwauhamata hegeregerena. Oi itaia, harihari egu mauri lagani be 85.  
\v 11 Bona hari dina dekenai egu goada be do noho, Mose ese lau ia siaia dinana hegeregerena. Tuari totona bona kara ibounai totona lauegu goada do noho.  
\v 12 Unai dainai unai ororo tano, unai dina dekenai Lohiabada ese lau dekenai ia gwauhamata tano, be harihari lau dekenai do oi henia. Unai dina dekenai, oi ese sivarai oi kamonai Anakima taudia be unuseni, oi kamonai danu, edia hanua be bada bona mai edia magu. To lau laloa Lohiabada ese lau do ia durua, bona lau ese idia do lau lulua ore, Lohiabada ese ia hereva vadaeni hegeregerena.”   
\p
\v 13 Vadaeni Iosua ese Kaleba ia hanamoa, ia ese Heberona tano be ia dekenai ia henia, iena tano korikori.  
\v 14 Unai dainai Heberona be Kaleba Iepune, Kenisi tauna, ena tano, ia mai bona harihari, badina be ia ese Lohiabada, Israela ena Dirava ia badinaia, mai ena kudouna ibounai.   
\p
\v 15 Inai Heberona ena ladana gunana be Kiriata Araba. Unai Araba be Anakima besena edia tau namo herea.  
\p Unai neganai tuari ia doko, bona tano be ia laga-ani.   
\c 15  
\s1 Iuda iduhu dekenai idia henia tano  
\p
\v 1 Iuda iduhu taudia edia bese ta ta ese tano ta ta idia abia.  
\p Edia tano hetoana diho kahana dekenai be Edoma taudia edia tano hetoana, bona ia lao ela bona Sini ena tano kaukau ena diho kahana isena korikori dekenai.  
\v 2 Inai tano hetoana diho kahana dekenai be Davara Mase ena diho kahana dokona.  
\v 3 Bona diho kahana ia lao ela bona Akarabima raka vareai gabuna, ma ela bona Sini. Bona Negebe dekena amo Iuda edia tano hetoana be Kadesi Baranea dekenai ia lao, bona Hesarona ia hanaia, ia lao ela bona Ada. Ada dekena amo ia giroa, Karaka dekenai ia lao.  
\v 4 Karaka dekena amo, edia tano hetoana be Asamona dekenai ia lao, bona Aigupito ena hetoana, sinavai maragina ia badinaia, ela bona Davara Badana ena kone dekenai ia doko. Iuda taudia edia tano hetoana diho kahanai be unai.   
\p
\v 5 Edia tano hetoana dina daekau kahanai be Davara Mase ena isena, ela bona Ioridane Sinavai be unai Davara Mase lalonai ia heau vareai gabuna.  
\p Edia tano hetoana mirigini kahanai be inai Davara Mase sinavai ia heau vareai gabuna dekenai ia matamaia,  
\v 6 ia lao ela bona Bete Hogila. Vadaeni Bete Arabaha ena mirigini kahana dekena amo ia lao, ela bona Bohani Rubena ena nadi.  
\v 7 Unuseni dekena amo tano hetoana be Debiri dekenai ia lao, Kerere Koura dekena amo. Bona mirigini kahana dekenai ia daekau lao ela bona Gilegala, Adumimi ena raka vareai gabuna ena vairanai, koura ena diho kahana dekenai. Vadaeni tano hetoana be ma ia lao, Ene Semese ranu gabuna ia badinaia ela bona Ene Rogele.   
\p
\v 8 Ene Rogele dekena amo ma ia lao, Hinoma ena Koura dekena amo, ela bona Iebusu Ororo, ena ladana ta be Ierusalema, ena diho kahana. Unuseni dekena amo ma ia lao, ela bona Hinoma Koura unai kahana ororo ena ataiai, dina diho kahana dekenai. Unai be Repaima Koura dokona mirigini kahana dekenai.  
\v 9 Unai ororo ena ataiai dekena amo tano hetoana ma ia lao, ela bona Nepetoa ranu gabuna, ma ia lao, ela bona Eparona Ororo ena hanua maragidia. Unai gabu dekena amo tano hetoana be ia diho lao ela bona Bala, ena ladana ta be Kiriata Iearimi.   
\p
\v 10 Ma Bala ena dina diho kahana dekena amo tano hetoana be ia hagegea lao ela bona Seiri Ororo. Vadaeni Iearimi Ororo, (ladana ta be Kesalono), mirigini kahana dekenai ma ia lao, ela bona Bete Semese. Unai gabu ia hanaia, bona Timuna dekenai ia ginidae.  
\v 11 Ma tano hetoana be Ekarona Ororo ena mirigini kahana dekena amo ia hagegea lao, ela bona Sikerono, ma ia lao, ela bona Bala Ororo. Vadaeni Davara Badana ena kone dekenai ia ginidae, Iabinele dekenai.   
\p
\v 12 Iuda iduhu ena dina diho tano hetoana be Davara Badana ena kone. Iuda iduhu taudia edia bese ta ta dekenai idia henia tano hetoana be unai.   
\s1 Kaleba ese Heberona bona Debiri ia halusia  
\p
\v 13 Iosua ese Kaleba Iepune dekenai Iuda iduhu ena tano kahana ta ia henia, Lohiabada ese ia oda henia hegeregerena. Kaleba ena tano be Kiriata Araba. Inai Araba be Anaki ena tamana, bona iena ladana ta be Heberona.   
\p
\v 14 Vadaeni Kaleba ese Heberona dekena amo Anaki bese toi ia lulua ore, Sesai, Ahimana bona Talimai.  
\v 15 Unai murinai Kaleba ese Debiri, ena ladana gunana be Kiriata Sepere ia tuari henia.  
\v 16 Kaleba ia gwau, “Kiriata Sepere do ia halusia bona do ia abia tauna dekenai lauegu natuna kekeni Akisa do lau henia, iena adavana.”   
\p
\v 17 Vadaeni Otoniele Kena, Kaleba ena tadina Kena ena natuna ese Debiri hanua ia abia, vadaeni Kaleba ese iena natuna kekeni Akisa be Otoniele dekenai ia henia, iena adavana ia halaoa.  
\v 18 Idia ruaosi idia headava murinai, Otoniele ese iena hahine Akisa dekenai ia hereva goada, Akisa ese iena tamana do ia noia, tano ta do ia henia totona.  
\p Vadaeni Akisa be iena tamana Kaleba dekenai ia lao. Iena doniki dekena amo ia diho neganai Kaleba ese ia nanadaia, ia gwau, “Oiemu ura be dahaka?”   
\p
\v 19 Hahine be ia haere, ia gwau, “Lau ura harihari gauna ta lau dekenai do oi henia. Guna oi ese Negebe ena tano ta lau dekenai oi henia, to ranu be lasi. Lau ura, harihari ranu gabudia danu lau dekenai do oi henia.” Vadaeni Kaleba ese ranu gabudia ia henia, atai kahanai bona henuna kahanai ranu gabudia ia henia.   
\s1 Iuda iduhu ena hanua badadia  
\p
\v 20 Inai tano be Iuda taudia edia bese ta ta ibounai idia abia, edia tano korikori:   
\b  
\m
\v 21 Iuda taudia edia hanua, Negebe kahanai, Edoma ena tano hetoana ena badinai, edia ladana be inai:  
\pi1 Kabisele, Edere, Iaguru,  
\v 22 Kina, Dimona, Adaba,  
\v 23 Kedesi, Hasoro, Itinana,  
\v 24 Sipi, Teleme, Bealoto,  
\v 25 Hasoro Hadata, Kerioto Hesarona (ena ladana ta be Hasoro),  
\v 26 Amama, Sema, Molada,  
\v 27 Hasara Gado, Hesemona, Bete Pelete,  
\v 28 Hasara Suala, Bere Sieba, Bisiotaia,  
\v 29 Bala, Imi, Eseme,  
\v 30 Elitolada, Kesili, Horoma,  
\v 31 Sikilaga, Madamana, Sanisana,  
\v 32 Lebaoto, Silihima, Aina, Rimono. Inai be hanua ibounai 29, mai edia hanua maragidia 7 danu.   
\m
\v 33 Bona dina ia diho kahanai tano palaka dekenai hanua be inai:  
\pi1 Esetaoli, Sora, Asina,  
\v 34 Sanoa, Ene Ganima, Tapua, Enama,  
\v 35 Iaramutu, Adulama, Soko, Aseka,  
\v 36 Saraimi, Aditaimi, Gedera, Gederotaimi. Inai be hanua ibounai 14, mai edia hanua maragidia danu.  
\v 37 Senana, Hadasa, Migidala Gado,  
\v 38 Dileana, Misipa, Iokotele,  
\v 39 Lakisi, Bosikata, Egalona,  
\v 40 Kabona, Lahamama, Kitilisi,  
\v 41 Gederoto, Bete Dagona, Namaha, Makeda. Inai be hanua ibounai 16, mai edia hanua maragidia danu.  
\v 42 Libina, Etere, Asana,  
\v 43 Ipita, Asina, Nesiba,  
\v 44 Keila, Akisiba, Maresa. Inai be hanua ibounai 9, mai edia hanua maragidia danu.  
\v 45 Ekarona, mai ena hanua, bona iena hanua maragidia,  
\v 46 bona Ekarona dekena amo, Iuda ena tano ena hetoa ia lao ela bona Davara Badana. Inai hetoa lalonai be Asadoda kahana hanua ibounai, mai edia hanua maragidia danu.  
\v 47 Asadoda hanua korikori, bona iena hanua maragidia. Bona Gasa, mai ena hanua, bona iena hanua maragidia, ela bona sinavai maragina, Aigupito ena tano hetoana gabuna, bona Davara Badana ena kone.   
\m
\v 48 Ororo kahadia dekenai:  
\pi1 Samiri, Iatiri, Soko,  
\v 49 Danaha, Kiriata Sana (ena ladana ta be Debiri).  
\v 50 Anaba, Esetemo, Anima,  
\v 51 Gosena, Holona, Gilo. Inai be hanua ibounai 11, mai edia hanua maragidia danu.  
\v 52 Araba, Duma, Esana,  
\v 53 Ianima, Bete Tapua, Apeka,  
\v 54 Humuta, Kiriata Araba, (ena ladana ta be Heberona), Sioro. Inai be hanua ibounai 9, mai edia hanua maragidia danu.  
\v 55 Maono, Karamele, Sipi, Iuta,  
\v 56 Ieserele, Iokodeama, Sanoa,  
\v 57 Kaina, Gibea, Timuna. Inai be hanua ibounai 10, mai edia hanua maragidia danu.  
\v 58 Halahulu, Bete Suru, Gedoro,  
\v 59 Marata, Bete Anoto, Eletekone. Inai be hanua ibounai 6, mai edia hanua maragidia danu.  
\v 60 Kiriata Bala, (ena ladana ta be Kiriata Iearimi), bona Raba. Inai be hanua rua, mai edia hanua maragidia danu.   
\m
\v 61 Tano kaukau dekenai:  
\pi1 Bete Arabaha, Midina, Sekaka.  
\v 62 Nibisana, Damena Hanua, Ene Gedi. Inai be hanua 6, mai edia hanua maragidia danu.   
\p
\v 63 To Iuda taudia edia goada be hegeregere lasi Iebusu taudia, Ierusalema dekenai idia noho taudia, do idia lulua ore. Unai dainai Iebusu taudia bona Iuda taudia be Ierusalema dekenai idia noho hebou ia mai bona hari dina.   
\c 16  
\s1 Iosepa ena bese taudia edia tano dina diho kahanai  
\p
\v 1 Iosepa ena bese taudia edia tano hetoana diho kahanai be Ioridane Sinavai, Ieriko kahirakahira, Ieriko ranu gabudia dina daekau kahanai ia matamaia, bona tano kaukau dekenai ia lao. Vadaeni ororo gabudia dekena amo ia lao, Ieriko dekena amo ela bona Betele.  
\v 2 Betele dekena amo ma ia lao, ela bona Lusu, ma Lusu dekena amo ia lao, ela bona Ataroto, Araki taudia edia tano hetoana be unai.   
\p
\v 3 Ataroto dekena amo, tano hetoana be dina diho kahana ia lao, ela bona Iapelete taudia edia tano hetoana, ma unuseni dekena amo ia lao, ela bona Bete Horono ena henuna hanua dekenai. Unai gabu dekena amo ma ia lao, ela bona Gesere. Gesere dekena amo Davara Badana dekenai ia lao, bona kone dekenai ia doko.   
\p
\v 4 Iosepa ena natuna, Manase bona Eparaima, edia bese ruaosi ese inai tano idia abia, edia tano korikori.   
\s1 Eparaima taudia edia tano  
\p
\v 5 Eparaima taudia edia bese ta ta ibounai ese inai tano idia abia: Edia dina daekau kahana tano hetoana be Ataroto Adara dekena amo ia lao, ela bona Bete Horono ena ataiai hanua dekenai.  
\v 6 Unai gabu dekena amo edia tano hetoana be ia lao, Davara Badana dekenai ia kamokau. Mikimetata be edia tano hetoana ena mirigini kahanai. Mikimetata dekena amo ma dina daekau kahana ia lao, Tanata Silo dekenai ia kamokau, ma ia lao ela bona Ianoa ena dina daekau kahanai.   
\p
\v 7 Ianoa dekena amo ia diho lao, ela bona Ataroto bona Nara, bona Ieriko dekenai ia kamokau, ma ia lao, bona Ioridane Sinavai dekenai ia doko.  
\v 8 Tapua dekena amo dina diho kahana dekenai ma ia lao, ela bona Kana ena sinavai maragina dekenai. Unai sinavai ia badinaia, ela bona Davara Badana ena kone dekenai ia doko.  
\p Eparaima taudia edia tano be unai, edia bese ta ta edia huanai ia haria.  
\v 9 Hanua haida danu, mai edia hanua maragidia danu, Manase taudia edia tano lalonai, be Eparaima taudia dekenai idia henia.   
\p
\v 10 To Kanana taudia, Gesere dekenai idia noho taudia be Eparaima taudia ese idia lulua lao lasi. Unai dainai Kanana taudia be Eparaima taudia edia huanai idia do noho, bona Eparaima edia hesiai gaukara idia karaia noho mai hekwarahi danu ia mai bona harihari.   
\c 17  
\s1 Manase iduhu kahana taudia edia tano, dina diho kahanai  
\p
\v 1 Ioridane Sinavai ena dina diho kahanai tano ena kahana ta be Iosepa ena vara guna natuna Manase ena bese haida dekenai idia henia.  
\p Makiri be Manase ena vara guna natuna bona Gileada ena tamana. Makiri be tuari tauna mai goadana, unai dainai Gileada bona Basana, Ioridane Sinavai ena dina daekau kahanai, be ia dekenai idia henia.   
\p
\v 2 To Manase iduhu taudia oredia danu edia bese ta ta ese tano idia abia, Ioridane Sinavai ena dina diho kahana dekenai. Inai bese edia gunalaia taudia be inai: Abiesere, Heleka, Asariela, Sekema, Hepere bona Semida. Inai taudia be Manase Iosepa ena natuna tau, bona idia be edia bese kwarana taudia.   
\p
\v 3 Selopehada, Hepere Gileada ena natuna, Makiri Manase ena tubuna, be mai ena natuna tau ta lasi, to mai ena natuna kekeni sibona haida. Edia ladana be Mahala, Noa, Hogila, Milika, bona Tirisa.   
\p
\v 4 Idia lao, bona hahelagaia tauna Eleasara bona Iosua Nunu bona lohia taudia edia vairanai idia gini, idia gwau, “Lohiabada ese Mose ia oda henia, tano ta ai dekenai do ia henia danu, aiemai taihudia dekenai sibona lasi.” Vadaeni Iosua ese tano ta idia dekenai ia henia, edia tamana ena tadikaka taudia danu, Lohiabada ena oda hegeregerena.   
\p
\v 5 Unai dainai Manase iduhu ese tano kahana ibounai 10 ia abia, bona Gileada bona Basana tano danu, Ioridane Sinavai ena dina daekau kahana dekenai.  
\v 6 Badina be Manase besena ena hahine taudia ese tano kahana idia abia, tatau danu. To Gileada tano be Manase ena natuna tau oredia ese idia abia.   
\p
\v 7 Manase taudia edia tano hetoana be Asere dekena amo ia lao, ela bona Mikimetata, Sekema ena dina daekau kahana dekenai. Unai gabu dekena amo ia be diho kahanai ia lao, ela bona Ene Tapua taudia edia tano.   
\p
\v 8 Tapua ena tano be Manase taudia edia tano, to Tapua hanua, Manase taudia edia tano hetoana dekenai, be Eparaima taudia edia hanua.  
\v 9 Tapua dekena amo tano hetoana ma ia lao, ela bona sinavai maragina ladana Kana. Inai sinavai ena diho kahana hanuadia be Eparaima taudia edia, Manase taudia edia hanua edia huanai. Manase taudia edia tano hetoana ese Kana Sinavai maragina ena mirigini kahana ia badinaia, bona Davara Badana dekenai ia doko.   
\p
\v 10 Diho kahana tano be Eparaima taudia edia, to mirigini kahana tano be Manase taudia edia. Idia ruaosi edia dina diho kahana tano hetoana be Davara Badana ena kone. Mirigini kahana dekenai be Asere taudia edia tano, bona dina daekau kahanai be Isakara taudia edia tano.   
\p
\v 11 Isakara taudia bona Asere taudia edia tano lalonai inai hanua be Manase taudia edia: Bete Seana, mai ena hanua maragidia danu, Ibileama, mai ena hanua maragidia danu, kone dekenai noho gabu, Doro, mai ena hanua maragidia danu, Ene Doro, mai ena hanua maragidia danu, Tanaka, mai ena hanua maragidia danu, bona Megido, mai ena hanua maragidia danu.   
\p
\v 12 To Manase taudia edia goada be hegeregere lasi unai hanua do idia abia, unai dainai Kanana taudia be unai tano dekenai do noho.  
\v 13 Israela taudia be idia goada lao neganai, idia ese Kanana taudia idia abia, edia hesiai taudia mai guia danu idia halaoa, to idia lulua ore lasi.   
\s1 Eparaima taudia bona dina diho kahana Manase taudia ese tano haida ma idia tahua  
\p
\v 14 Vadaeni Iosepa ena iduhu taudia ese Iosua idia hamaoroa, idia gwau, “Badina dahaka oi ese tano tamona sibona ai dekenai oi henia? Ai be bese bada herea, badina be Lohiabada ese ai ia hanamoa vadaeni.”   
\p
\v 15 Iosua ese idia dekenai ia haere, ia gwau, “Umui be momo herea, bona Eparaima taudia edia tano ororo kahana gabudia be bada lasi umui gwau. Vadaeni, uda dekenai do umui lao, au momo do umui utua, emui uma gabudia do umui karaia, Perisi taudia bona Repaima taudia edia tano lalonai.”   
\p
\v 16 Iosepa ena iduhu taudia ma idia gwau, “Ororo kahana tano be ai totona ena bada be ia hegeregere lasi, to Kanana taudia, tano palaka dekenai idia noho taudia be mai edia auri kariota, Bete Seana, mai ena hanua maragidia taudia, bona Ieserele Koura dekenai noho Kanana taudia danu.”   
\p
\v 17 Vadaeni Iosua ese Iosepa iduhu taudia, Eparaima taudia, bona Manase taudia dekenai ma ia haere, ia gwau, “Umui be momo herea, bona emui goada be bada herea. Umui totona tano tamona sibona ia hegeregere lasi. Umui ese tano haida ma do umui abia.  
\v 18 Unai ororo gabudia ibounai do umui abia. Momokani idia be mai edia uda bada herea, to umui ese uda do umui utua haorea, bona unai tano ibounai do umui abia. Inai kahana dekenai idia noho Kanana taudia be mai edia auri kariota, bona mai edia goada danu, to umui ese idia do umui lulua ore.”   
\c 18  
\s1 Do noho kava tano be Silo dekenai idia haria  
\p
\v 1 Idia ese unai tano ena taudia ibounai idia halusia neganai, Israela bese taudia ibounai be Silo dekenai idia haboua. Unuseni Palai Dubu idia haginia.   
\p
\v 2 To Israela ena iduhu 7 ese edia tano kahana idia do abia lasi.  
\v 3 Vadaeni Iosua ese Israela taudia ia hamaoroa, ia gwau, “Ela bona edena negai do umui naria kava, Lohiabada, emui sene taudia edia Dirava, ese umui dekenai ia henia vadaeni tano umui abia lasi?  
\v 4 Iduhu ta ta dekena amo tau toi, tau toi do umui abia hidi, vadaeni lau ese idia do lau siaia, tano ibounai dekenai do idia raka hanaia, bona mapu do idia torea, tano haria namonamo dalana mapu dekenai do idia hedinaraia, bona lau dekenai do idia giroa mai.   
\p
\v 5 “Tano be kahana 7 dekenai do idia haria. Iuda iduhu be ena gabu dekenai do ia noho, diho kahana dekenai, bona Iosepa ena natuna edia iduhu be edia gabu dekenai danu do idia noho, mirigini kahana dekenai.  
\v 6 Tano ena toana ena sivarai do umui torea, kahana 7 dekenai, bona mapu be lau dekenai do umui mailaia. Vadaeni lau ese umui totona laki do lau gadara, Lohiabada iseda Dirava ena vairana dekenai. Unai dekena amo do lau diba edena tano Dirava ese emui iduhu ta ta dekenai do ia henia.   
\p
\v 7 “To Levi taudia be emui huanai tano ta do idia abia lasi, badina idia be Lohiabada ena hahelagaia taudia do idia lao, edia davana be unai. Bona Gado iduhu, Rubena iduhu, bona Manase iduhu kahana ese edia tano idia abia vadaeni, Ioridane Sinavai ena dina daekau kahana dekenai, Lohiabada ese idia dekenai ia henia gabudia.”   
\p
\v 8 Unai dainai unai mapu do idia torea taudia idia toreisi, tano ena toana ena sivarai torea totona idia lao, Iosua ese idia ia hadibaia hegeregerena. Iosua ia hamaorodia vadaeni, ia gwau, “Umui lao, tano dekenai do umui raka loaloa, mapu do umui torea, bona do umui mai lou, bona lau ese Silo dekenai, umui totona laki do lau gadara, Lohiabada ena vairanai.”   
\p
\v 9 Vadaeni unai taudia be tano ena kahana ibounai dekenai idia raka loaloa, bona iena toana ena sivarai be buka dekenai idia torea, kahana 7 dekenai. Vadaeni idia be Iosua dekenai idia giroa lou, Silo ena kamepa dekenai.  
\v 10 Vadaeni Iosua be Silo dekenai unai Israela taudia totona laki gadara ia karaia, Lohiabada ena vairanai. Unai gabu dekenai Iosua ese tano ia haria, bona Israela taudia edia iduhu ta ta dekenai edia tano korikori ia henia.   
\s1 Beniamina iduhu ena tano  
\p
\v 11 Iosua ese laki gadara dekenai ia abia hidi guna iduhuna be Beniamina, iena bese ta ta dekenai. Beniamina ena tano be Iuda iduhu bona Iosepa iduhu edia tano edia huanai.  
\v 12 Mirigini kahana dekenai Beniamina ena tano hetoana be Ioridane Sinavai dekena amo ia matamaia, ia lao, bona Ieriko ena mirigini kahanai ororo maragina ena ataiai ia hanaia. Vadaeni tano hetoana be ororo dekena amo ma ia lao, dina diho kahana dekenai, ela bona Bete Avene ena tano kaukau dekenai ia doko.   
\p
\v 13 Unai gabu dekena amo tano hetoana be diho kahanai ia lao, Lusu, ena ladana ta be Betele, ena diho kahanai ia lao, ma ia diho lao, Ataroto Adara dekenai ia kamokau. Unai gabu be Bete Horono ena henuna hanua ena diho kahana ororo dekenai.  
\v 14 Ma tano hetoana be diho kahana ia lao, Bete Horono diho kahana ororo ena dina diho kahana dekena amo ia lao, ela bona Kiriata Bala, ena ladana ta be Kiriata Iearimi, dekenai ia doko. Unai be Iuda iduhu ena hanua ta. Dina diho kahana ena tano hetoana be unai.   
\p
\v 15 Diho kahana ena tano hetoana be Kiriata Iearimi hanua ena isena dekenai ia matamaia, ia lao ela bona Eparona, ma ia lao, ela bona Nepetoa ranu gabudia.  
\v 16 Ma ia lao, ela bona Hinoma Koura kahirakahira ia noho ororo dekenai ia ginidae. Inai ororo be Repaima Koura ena mirigini kahanai. Tano hetoana be ma diho kahanai ia lao, bona Hinoma Koura ia badinaia, bona Iebusu taudia edia ororo ena diho kahana danu ia badinaia, ela bona Ene Rogele dekenai.   
\p
\v 17 Ene Rogele dekena amo tano hetoana ia hagegea lao, mirigini kahana ia lao, ela bona Ene Semese, ma unai gabu dekena amo ia lao, ela bona Geliloto, Adumimi raka vareai gabuna kahirakahira. Ma ia diho lao, ela bona Bohani Rubena ena Nadi.  
\v 18 Unai gabu dekena amo Bete Arabaha ena ororo hekei tano ena mirigini kahana ia lao, vadaeni ia diho lao Ioridane Koura dekenai.  
\v 19 Vadaeni tano hetoana be ma Bete Hogila ena ororo hekei tano ena mirigini kahana dekena amo ia lao, ela bona Davara Mase ena mirigini kahana, Ioridane Sinavai ese Davara Mase ia heau vareai gabunai.  
\p Diho kahana ena tano hetoana be unai.   
\p
\v 20 Dina daekau kahana ena tano hetoana be Ioridane Sinavai. Beniamina iduhu taudia edia tano be unai, edia bese ta ta ibounai edia. Unai tano hetoana ena lalonai do idia noho.   
\p
\v 21 Beniamina taudia edia hanua, edia bese ta ta totona idia abia, edia ladana be inai:  
\pi1 Ieriko, Bete Hogila, Emekesi,  
\v 22 Bete Arabaha, Semaraimi, Betele,  
\v 23 Avima, Para, Opera,  
\v 24 Keparamoni, Opini, Geba. Inai be hanua ibounai 12, mai edia hanua maragidia danu.   
\m
\v 25 Inai hanua danu:  
\pi1 Gibeona, Rama, Beroto,  
\v 26 Misipa, Kepira, Mosa,  
\v 27 Rekema, Iripele, Tarala,  
\v 28 Sela, Haelepa, Iebusu (ena ladana ta be Ierusalema), Gibea, Kiriata Iearimi. Inai be hanua ibounai 14, mai edia hanua maragidia danu.  
\m Beniamina iduhu taudia edia hanua, mai edia tano be unai, edia bese ta ta ibounai edia huanai idia haria.   
\c 19  
\s1 Simeona iduhu ena tano  
\p
\v 1 Iosua ese laki gadara dekena amo tano ia abia hidi iduhu iharuana totona be Simeona, iena bese ta ta dekenai. Simeona taudia edia tano be Iuda taudia edia tano ena huanai.  
\v 2 Inai tano ena lalonai be inai hanua:  
\pi1 Bere Sieba, Sieba, Molada,  
\v 3 Hasasuala, Bala, Eseme,  
\v 4 Eletolada, Betulu, Horoma,  
\v 5 Sikilaga, Bete Makaboto, Hasa Susa,  
\v 6 Bete Lebaoto, Saruhene. Inai be hanua ibounai 13, mai edia hanua maragidia danu.   
\pi1
\v 7 Inai danu: Aina, Rimono, Etere, Asana. Inai be hanua ibounai 4, mai edia hanua maragidia danu.  
\v 8 Hanua maragidia ibounai danu, unai hanua idia hagegea gaudia, be Simeona taudia edia, ela bona Balata Bere, ena ladana ta be Rama, Negebe kahana dekenai.  
\m Simeona iduhu taudia edia hanua, mai edia tano be unai, edia bese ta ta ibounai edia huanai idia haria.   
\p
\v 9 Simeona taudia edia tano be Iuda taudia edia tano lalonai, badina be Iuda ena tano be bada herea. Unai dainai Simeona taudia ese edia tano be Iuda tano ena kahana dekena amo idia abia.   
\s1 Sebuluno iduhu ena tano  
\p
\v 10 Iosua ese tano ia abia hidi iduhu ihatoina totona be Sebuluno, iena bese ta ta dekenai:  
\pi1 Edia tano ena hetoana gabuna ta be Saridi.  
\v 11 Saridi dekena amo hetoana be dina diho kahanai ia lao, ela bona Mareala, ma ela bona Dabesete. Dabesete dekena amo sinavai maragina ena isena dekenai ia lao, Iokoneama ena dina daekau kahana dekenai.   
\pi1
\v 12 Ma Saridi ena dina daekau kahana dekenai, tano hetoana ia lao, ela bona Kisaloto Taboro.  
\v 13 Ma Kisaloto Taboro dekena amo ela bona Daberata. Vadaeni ia daekau lao, ela bona Iapia. Iapia dekena amo dina daekau kahanai ia lao, ela bona Gata Hepere bona Ete Kasino. Ma ia lao, ela bona Rimono bona Nea.   
\pi1
\v 14 Mirigini kahana dekenai, tano hetoana be Hanatoni dekena amo ia lao, ela bona Ipitahele Koura dekenai ia doko.   
\pi1
\v 15 Inai hanua danu be Sebuluno taudia edia: Katata, Nahalala, Simarona, Idala, bona Betelehema. Edia hanua ibounai be 12, mai edia hanua maragidia danu.   
\m
\v 16 Sebuluno taudia edia bese ta ta ibounai ese inai tano idia abia, bona unai hanua danu idia abia, mai edia hanua maragidia danu.   
\s1 Isakara iduhu ena tano  
\p
\v 17 Iosua ese tano ia abia hidi iduhu namba 4 totona be Isakara, iena bese ta ta dekenai.  
\v 18 Edia tano lalonai inai hanua idia noho:  
\pi1 Ieserele, Kesuloto, Suneme,  
\v 19 Haparaimi, Sihono, Anaharata,  
\v 20 Rabiti, Kisiono, Ebese,  
\v 21 Remete, Ene Ganima, Ene Hada, Bete Pase.  
\v 22 Edia tano hetoana danu ia lao, ela bona Taboro, Sahasuma, bona Bete Semese. Vadaeni tano hetoana be Ioridane Sinavai dekenai ia doko.  
\m Hanua ibounai be 16, mai edia hanua maragidia danu.   
\p
\v 23 Isakara taudia edia bese ta ta ibounai ese inai tano idia abia, bona unai hanua danu idia abia, mai edia hanua maragidia danu.   
\s1 Asere iduhu ena tano  
\p
\v 24 Iosua ese tano ia abia hidi iduhu namba 5 totona be Asere, iena bese ta ta dekenai.  
\v 25 Edia tano lalonai inai hanua idia noho:  
\pi1 Helekata, Hali, Betene, Akasapa.  
\v 26 Alamaleka, Amada, Misala. Dina diho kahana dekenai, Asere ena tano hetoana be ia lao, Karamele bona Sihoro Libinata hanua ruaosi dekenai ia kamokau.   
\pi1
\v 27 Unai gabu dekena amo dina daekau kahana dekenai ia lao, ela bona Bete Dagona bona Sebuluno bona Ipitahele Koura, ma mirigini kahanai ia lao, ela bona Bete Emeka bona Neiele. Ma mirigini kahana ia lao, ela bona Kabulu dekenai.  
\v 28 Tano hetoana ma ia lao, ela bona Eberona, bona Rehoba, bona Hamona, bona Kana, ma ia lao, ela bona hanua badana Sidono.   
\pi1
\v 29 Sidono dekena amo tano hetoana ma ia lao, ela bona Rama, ela bona magu badana hanua, Turo. Turo dekena amo ia lao, ela bona Hosa, bona Davara Badana ena kone dekenai ia doko.  
\pi1 Inai hanua danu be Asere ena: Mahalaba, Akasiba,  
\v 30 Umaha, Apeka, Rehoba.  
\m Asere edia hanua ibounai be 22, mai edia hanua maragidia danu.   
\p
\v 31 Asere taudia edia bese ta ta ibounai ese inai tano idia abia, bona unai hanua danu idia abia, mai edia hanua maragidia danu.   
\s1 Napatali iduhu ena tano  
\p
\v 32 Iosua ese tano ia abia hidi iduhu namba 6 totona be Napatali, iena bese ta ta dekenai:   
\pi1
\v 33 Edia tano hetoana be Helepe dekenai ia matamaia, ouki auna Sananima dekena amo, bona Adami Nekebe, Iabinele, bona Lakumu ia hanaia, bona Ioridane Sinavai dekenai ia doko.   
\pi1
\v 34 Tano hetoana be dina diho kahana dekenai ia lao, ela bona Asinoto Taboro, ma unuseni dekena amo ela bona Hukoko. Diho kahana dekenai Napatali ena tano hetoana be Sebuluno ena hetoa hegeregerena, bona dina diho kahanai, ena tano hetoana bona Asere be hetoa tamona. Ioridane Sinavai be Napatali ena dina daekau kahanai tano hetoana.   
\pi1
\v 35 Napatali ena hanua mai magudia danu be inai:  
\pi1 Sidima, Sere, Hamata, Rakata, Kinerete,  
\v 36 Adama, Rama, Hasoro,  
\v 37 Kedesi, Ederei, Ene Hasoro,  
\v 38 Irono, Migidalele, Horeme, Bete Anata, Bete Seme.  
\m Ena hanua ibounai be 19, mai edia hanua maragidia danu.   
\p
\v 39 Napatali taudia edia bese ta ta ibounai ese inai tano idia abia, bona unai hanua danu idia abia, mai edia hanua maragidia danu.   
\s1 Dano iduhu ena tano  
\p
\v 40 Iosua ese tano ia abia hidi iduhu namba 7 totona be Dano, iena bese ta ta dekenai.  
\v 41 Edia tano lalonai inai hanua idia noho:  
\pi1 Sora, Esetaoli, Iri Semese,  
\v 42 Salabina, Aialono, Itila,  
\v 43 Elona, Timuna, Ekarona,  
\v 44 Eleteke, Gibetona, Balata,  
\v 45 Iehuda, Beneberaka, Gata Rimono,  
\v 46 Meiakono, Rakono, bona Iopa kahana ena tano.   
\p
\v 47 To gabeai inai gabu noho taudia ese Dano taudia idia tuari henia. Idia ese Dano taudia idia lulua lao. Vadaeni Dano taudia ese idia toreisi, idia lao, Laisi taudia idia tuari henia. Laisi hanua idia abia, bona hanua taudia idia alaia ore.  
\p Vadaeni Dano taudia be Laisi hanua dekenai idia noho, bona ena ladana idia atoa Dano, edia sene tauna ena ladana.   
\p
\v 48 Dano taudia edia bese ta ta ibounai ese inai tano idia abia, bona unai hanua danu idia abia, mai edia hanua maragidia danu.   
\s1 Tano haria gaukara idia haorea  
\p
\v 49 Tano be idia haria haorea, bona tano hetoana ibounai idia gwauraia ore neganai, Israela taudia ese Iosua Nunu dekenai tano ta idia henia, idia edia huana dekenai.  
\v 50 Lohiabada ena oda hegeregerena, idia ese Iosua ia noia hanua, be ia dekenai idia henia, ladana be Timinata Sera, Eparaima ena ororo tano dekenai. Iosua ese unai hanua ma ia haginia lou, bona unuseni ia noho.   
\p
\v 51 Eleasara, hahelagaia tauna, Iosua Nunu, bona Israela iduhu gunalaia taudia ese laki gadara dekena amo inai tano kahana ibounai iduhu ta ta dekenai idia haria, Silo dekenai, Lohiabada ena vairanai. Idia haria gabuna be Lohiabada ena Palai Dubu. Tano haria gaukara be unai bamona idia karaia haorea.   
\c 20  
\s1 Heau mauri hanua  
\p
\v 1 Lohiabada ese Iosua dekenai ia hereva, ia gwau,  
\v 2 “Israela taudia do oi hamaoroa, heau mauri hanua haida do idia abia hidi, lau ese Mose dekena amo umui lau hadibaia hegeregerena.  
\v 3 Sedira tau ta ese ma tau ta ia alaia kava, ia ura lasi ia alaia, to ia marere kerere dainai unai mase ia vara kava. Vadaeni unai bamona ia karaia tauna ese unai heau mauri hanua ta dekenai ia heau diba. Unai gabu dekenai mase tauna ena varavara, davana henia tauna, ese unai heau tauna ia alaia diba lasi.   
\p
\v 4 “Unai heau tauna be inai hanua ta ena magu iduara kota dekenai do ia gini, bona ia dekenai ia vara kerere ena sivarai be hanua tau badadia dekenai do ia gwauraia. Vadaeni tau badadia ese hanua lalonai do idia hakaua vareai, gabu ta do idia henia, unuseni do ia noho.  
\v 5 Bema mase tauna ena varavara tauna, davana henia totona ia lulua mai, bona unai hanua dekenai ia ginidae, hanua taudia ese heau tauna do idia henia lasi. Idia ese unai heau tauna do idia naria, badina be ia ese tau ta, ia badu henia lasi tauna ia alaia kava, ia diba lasi dainai.   
\p
\v 6 “Unai tau be unai hanua dekenai do ia noho, ela bona kota ena vairanai do ia gini, bona iena kota hereva do idia gwauraia vadaeni. Bona ia ese unai hanua dekenai do ia noho ela bona unai nega ena Hahelagaia Tauna Badana be do ia mase vadaeni. Unai neganai unai tau ese iena hanua korikori dekenai, bona iena ruma korikori dekenai do ia giroa lou diba. Guna taunimanima dekena amo ia heautania gabuna be unai.”   
\p
\v 7 Unai dainai Ioridane Sinavai ena dina diho kahanai be Kedesi, Galilea tano, Napatali ororo tano dekenai idia abia hidi. Sekema, Eparaima ororo tano dekenai danu idia abia hidi. Ma Heberona danu idia abia hidi, Iuda ena ororo tano dekenai.   
\p
\v 8 Ioridane Sinavai ena dina daekau kahana dekenai Besere hanua idia abia hidi, Rubena iduhu dekena amo. Besere be ororo ena tano palaka, Ieriko ena dina daekau kahanai ia noho, tano kaukau gabuna dekenai. Ma Gado iduhu dekena amo be Ramoto hanua, Gileada tano dekenai idia abia hidi. Bona Manase ena iduhu ena tano dekena amo be Golana hanua idia abia hidi. Golana be Basana tano lalonai.   
\p
\v 9 Inai heau mauri hanuadia idia gwauraia, be Israela taudia ibounai totona, bona idau bese taudia, Israela edia huanai idia noho taudia, totona. Vadaeni bema tau ta ese ma tau ta, ia badu henia lasi tauna, ia alaia kava neganai, unai hanua ta dekenai ia heau mauri diba, mase tauna ena varavara tauna, davana henia tauna, do ia alaia garina. Unuseni idia alaia diba lasi, ela bona kota biaguna ese iena hereva ia gwauraia.   
\c 21  
\s1 Levi iduhu taudia edia hanua  
\p
\v 1 Levi iduhu ena gunalaia taudia be Eleasara bona Iosua Nunu bona Israela iduhu kwarana taudia dekenai idia lao,  
\v 2 Silo dekenai, Kanana tano dekenai, idia hereva, idia gwau, “Lohiabada ese Mose ia hamaoroa, ai ese hanua do ai abia, idia dekenai do ai noho, bona rei gabudia danu do ai abia, aiemai boromakau bona mamoe totona.”   
\p
\v 3 Unai dainai, Israela taudia ese edia tano dekena amo Levi taudia edia hanua bona edia rei gabudia idia henia, Lohiabada ena oda hegeregerena. Gabudia be inai:   
\p
\v 4 Laki gadara ese ia abia hidi guna iduhu be Kohata. Levi taudia, hahelagaia tauna Arona ena tubuna taudia, ese hanua 13 laki dekena amo idia abia, Iuda, bona Simeona bona Beniamina iduhu edia tano lalonai.  
\v 5 To Kohata iduhu orena taudia ese hanua 10 laki dekena amo idia abia, Eparaima bona Dano iduhu, bona Manase iduhu kahana edia tano edia lalonai.   
\p
\v 6 Geresone ena bese taudia ese hanua 13 laki dekena amo idia abia, Isakara bona Asere bona Napatali iduhu bona Manase iduhu kahana edia tano edia lalonai, Basana dekenai.   
\p
\v 7 Merari ena bese taudia ese hanua 12 idia abia, Rubena bona Gado bona Sebuluno iduhu edia tano edia lalonai.   
\p
\v 8 Inai hanua ibounai, mai edia rei gabudia danu, Israela taudia ese Levi taudia dekenai idia henia, laki gadara dekena amo, Lohiabada ese Mose ia oda henia hegeregerena.   
\p
\v 9 Iuda iduhu bona Simeona iduhu taudia edia hanua, laki dekenai idia abia hidi, edia ladana be inai:  
\v 10 Inai hanua be Arona ena tubuna taudia, Levi orea, bona Kohata bese taudia dekenai idia henia, badina laki ese Kohata ia gwauraia guna:   
\pi1
\v 11 Kiriata Araba hanua, ena ladana ta be Heberona, mai ena rei gabudia danu, Iuda ena ororo tano dekenai. Araba be Anaki besena ena tamana.  
\v 12 To inai hanua ena uma gabudia, bona hanua maragidia be Kaleba Iepune dekenai idia henia vadaeni guna, iena tano.   
\pi1
\v 13 Vadaeni hahelagaia tauna Arona ena tubuna taudia dekenai idia henia tano be inai: Heberona, (ala-ala kava taudia edia heau mauri hanua ta), Libina, mai ena rei gabudia danu,  
\v 14 Iatiri, mai ena rei gabudia danu, Esetemoa, mai ena rei gabudia danu.  
\v 15 Bona Holona, mai ena rei gabudia danu, bona Debiri, mai ena rei gabudia danu.  
\v 16 Bona Aina, bona Iuta, bona Bete Semese, mai edia rei gabudia danu. Unai iduhu ruaosi Iuda bona Simeona, dekena amo idia abia hanua be 9.   
\pi1
\v 17 Ma Beniamina iduhu dekena amo idia abia hanua be Gibeona bona Geba, mai edia rei gabudia danu,  
\v 18 bona Anatoto, bona Alamono, mai edia rei gabudia danu, hanua 4.   
\m
\v 19 Hahelagaia taudia, Arona ena tubuna taudia, dekenai idia henia hanua ibounai be 13.   
\p
\v 20 Kohata bese taudia oredia, Levi taudia, ese Eparaima iduhu taudia dekena amo, edia hanua haida idia abia.   
\pi1
\v 21 Eparaima ese ia henidia hanua be inai: Sekema, mai ena rei gabudia danu, Eparaima ororo tano lalonai (Sekema be ala-ala kava taudia edia heau mauri hanua ta), bona Gesere, mai ena rei gabudia danu,  
\v 22 bona Kibesaimi, bona Bete Horono, mai edia rei gabudia danu, hanua 4.   
\pi1
\v 23 Dano iduhu taudia dekena amo idia abia hanua be Eliteke bona Gibetona, mai edia rei gabudia danu,  
\v 24 bona Aialono bona Gata Rimono, mai edia rei gabudia danu, hanua 4.   
\pi1
\v 25 Manase iduhu kahana taudia dekena amo idia abia hanua be Tanaka bona Gata Rimono, mai edia rei gabudia danu, hanua rua.   
\m
\v 26 Inai hanua ibounai 10 be Kohata bese taudia oredia dekenai idia henia, mai edia rei gabudia danu.   
\p
\v 27 Geresone bese taudia, Levi taudia, ese Manase iduhu kahana taudia dekena amo idia abia hanua be inai:  
\pi1 Golana, Basana lalonai. (Ia be ala-ala kava taudia idia heau mauri hanua ta,) bona Be Esitera, mai edia rei gabudia danu, hanua rua.   
\m
\v 28 Isakara iduhu taudia dekena amo idia abia hanua be inai:  
\pi1 Kisiona, mai ena rei gabudia danu, bona Daberata, mai ena rei gabudia danu,  
\v 29 bona Iaramutu, mai ena rei gabudia danu, bona Ene Ganima, mai ena rei gabudia danu, hanua 4.   
\m
\v 30 Asere iduhu taudia dekena amo idia abia hanua be inai:  
\pi1 Misala, mai ena rei gabudia danu, bona Abadona, mai ena rei gabudia danu,  
\v 31 bona Helikati, mai ena rei gabudia danu, bona Rehoba, mai ena rei gabudia danu, hanua 4.   
\m
\v 32 Napatali iduhu taudia dekena amo idia abia hanua be inai:  
\pi1 Kedesi, Galilea tano lalonai, mai ena rei gabudia danu. Kedesi danu be ala-ala kava taudia edia heau mauri hanua ta. Bona Hamoto Doro, mai ena rei gabudia danu, bona Karatana, mai ena rei gabudia danu, hanua toi.   
\m
\v 33 Geresone bese taudia edia hanua ibounai be 13, mai edia rei gabudia danu.   
\p
\v 34 Levi taudia oredia, Merari bese taudia, ese Sebuluno iduhu taudia dekena amo idia abia hanua be inai:  
\pi1 Iokoneami bona Karata, mai edia rei gabudia danu,  
\v 35 bona Dimina bona Nahalala, mai edia rei gabudia danu, hanua 4.   
\m
\v 36 Rubena iduhu taudia dekena amo idia abia hanua be inai:  
\pi1 Besere bona Iahasa, mai edia rei gabudia danu,  
\v 37 bona Kedemoto, bona Mepata, mai edia rei gabudia danu, hanua 4.   
\m
\v 38 Gado iduhu taudia dekena amo idia abia hanua be inai:  
\pi1 Ramoto, Gileada tano lalonai mai ena rei gabudia danu. (Ramoto be ala-ala kava taudia edia heau mauri hanua ta.) Bona Mahanaimi, mai ena rei gabudia danu,  
\v 39 bona Hesebona bona Iasere, mai edia rei gabudia danu, hanua 4.   
\m
\v 40 Levi taudia oredia, Merari bese taudia, edia hanua ibounai be 12.   
\p
\v 41 Levi taudia edia hanua, Israela taudia edia tano lalonai, ibounai be 48, mai edia rei gabudia danu.  
\v 42 Inai hanua ibounai be mai edia rei gabudia.   
\s1 Israela taudia ese edia tano idia abia  
\p
\v 43 Unai dainai, Lohiabada ese Israela taudia dekenai edia tano ibounai ia henia, edia sene taudia dekenai ia gwauhamata do ia henia hegeregerena. Unai tano idia abia, edia tano, bona ia dekenai idia noho.   
\p
\v 44 Vadaeni Lohiabada ese maino mai laga-ani danu idia dekenai ia henia, edia tano kahana ibounai dekenai, ia ese edia sene taudia dekenai ia gwauhamata hegeregerena. Idia dekenai idia tuari taudia ibounai, ta ese idia ia koua diba lasi, badina be Lohiabada ese tuari taudia ibounai dekena amo Israela taudia dekenai kwalimu ia henia.   
\p
\v 45 Israela taudia dekenai ia gwauhamata henia gaudia ibounai, be Lohiabada ese ia badinaia momokani.   
\c 22  
\s1 Iosua ese dina daekau kahana iduhu taudia ia siaia lou edia ruma dekenai  
\p
\v 1 Vadaeni Iosua ese Rubena bona Gado iduhu taudia bona Manase iduhu kahana taudia ia boiria mai.  
\v 2 Idia dekenai ia hereva, ia gwau, “Lohiabada ena hesiai tauna Mose ese umui ia oda henia kara ibounai be umui karaia vadaeni. Lauegu oda ibounai danu be umui ese umui kamonai henia vadaeni.  
\v 3 Emui varavara Israela taudia be nega ta umui rakatania lasi ia mai bona harihari. Lohiabada, emui Dirava ena oda danu umui kamonai henia namonamo.  
\v 4 Harihari, Lohiabada, emui Dirava, ese emui varavara Israela taudia dekenai maino ia henia vadaeni, ia gwauhamata henia hegeregerena. Unai dainai do umui giroa lou, emui tano korikori, Lohiabada ena hesiai tauna Mose ese umui dekenai ia henia tano, Ioridane Sinavai unai kahana dekenai do umui giroa lou.  
\v 5 Lohiabada ena hesiai tauna Mose ese umui dekenai ia henia oda bona taravatu do umui kamonai henia momokani. Bona Lohiabada, emui Dirava, do umui lalokau henia, iena dala dekenai do umui raka namonamo, bona iena oda do umui kamonai henia. Io, Lohiabada do umui badinaia momokani, bona iena hesiai gaukara do umui karaia, mai emui kudouna ibounai, bona mai emui lauma ibounai danu.”   
\p
\v 6 Unai neganai Iosua ese idia ia hanamoa, bona idia ia siaia lao. Vadaeni idia edia noho rumadia dekenai idia giroa lou.   
\p
\v 7 Manase iduhu kahana taudia dekenai be Mose ese Basana tano ia henia, to Manase ena iduhu ma kahana taudia dekenai Iosua ese edia tano ia henia, Ioridane Sinavai ena dina diho kahanai, edia varavara taudia danu.  
\p Vadaeni Rubena, Gado, bona Manase iduhu kahana taudia ia siaia lao neganai Iosua ese idia ia hanamoa, ia gwau,  
\v 8 “Emui noho ruma dekenai do umui giroa lao, mai emui kohu momo, mai emui boromakau bona mamoe, mai emui siliva, golo, auri laboralabora, bona mai emui dabua momo danu. Tuari dekenai umui abia kohu, be umui bona emui varavara taudia danu, emui huanai do umui haria karaia.”   
\p
\v 9 Unai dainai Rubena iduhu, Gado iduhu, bona Manase iduhu kahana taudia be edia gabu korikori dekenai idia giroa lao. Idia ese Israela taudia oredia Silo, Kanana tano dekenai idia rakatania, bona edia tano, Gileada dekenai idia giroa lao hamatamaia. Unai Gileada tano idia abia guna vadaeni, Lohiabada ese Mose dekenai unai bamona ia oda henidia dainai.   
\s1 Ioridane Sinavai ena badibadinai boubou patana ta idia haginia  
\p
\v 10 Idia be Ioridane Sinavai ena isena dekenai, gabu ta ladana Geliloto dekenai idia ginidae, Kanana tano dekenai. Unuseni Rubena iduhu bona Gado iduhu bona Manase iduhu kahana taudia ese boubou patana badana ta idia haginia, Ioridane Sinavai ena badibadinai.   
\p
\v 11 Haida ese Israela orena taudia idia hamaorolaia, idia gwau, “Kamonai, Rubena taudia bona Gado taudia bona Manase iduhu kahana taudia ese boubou patana ta idia haginia vadaeni, Geliloto, Kanana ena tano hetoana dekenai, Ioridane Sinavai ena badibadinai, iseda tano dekenai!”   
\p
\v 12 Israela taudia ese unai sivarai idia kamonai neganai, idia ibounai be Silo dekenai idia haboua, unai iduhu toi do idia tuari henia gwauraia.   
\p
\v 13 Unai neganai Israela taudia ese hahelagaia tauna Eleasara ena natuna Pineha idia siaia, Gileada tano dekenai do ia lao, Rubena, Gado, bona Manase iduhu kahana taudia dekenai.  
\v 14 Hanua lohia taudia 10 danu Pineha danu idia siaia, Israela iduhu ta ta dekena amo. Idia ibounai be iduhu kwarana taudia.   
\p
\v 15 Idia be Rubena taudia bona Gado taudia, bona Manase iduhu kahana taudia dekenai idia ginidae, Gileada tano dekenai. Vadaeni idia hamaoroa, idia gwau,  
\v 16 “Lohiabada ena orea taudia ibounai idia hereva, idia gwau, ‘Inai kerere, umui ese umui havaraia gauna, ena anina be dahaka? Israela ena Dirava dekenai kerere umui karaia vadaeni. Hari dina dekenai umui ese Lohiabada dekena amo umui raka siri, iena hereva umui kamonai henia lasi, boubou patana ta umui haginia vadaeni.  
\v 17 Iseda kara dika Peoro dekenai ia bada lasi, a? Lohiabada ese gorere bada iena bese dekenai ia atoa, edia kara dika ena davana. Ita ese inai kerere ena hisihisi ita abia noho. Umui laloa unai kerere be davana lasi, bona umui ura kerere ma ta do umui karaia lou, a?  
\v 18 Edena bamona, hari umui ura lasi Lohiabada ena murinai do umui raka, a? Bema hari dina Lohiabada ena hereva umui negea, kerukeru ia ese Israela besena ibounai do ia badu henia.   
\p
\v 19 “ ‘Bema emui tano be guriguri totona ia goeva lasi neganai, namona be do umui hanaia lou, Lohiabada ena tano, iena Palai Dubu ia noho tanona, lalonai do umui noho. Aiemai tano haida do umui abia, to Lohiabada dekenai do umui dagedage lasi, bona umui ese ai danu do umui hakererea lasi Lohiabada ena vairana dekenai. Boubou patana idauna ta, iseda Dirava, Lohiabada ena lasi, be do umui haginia lasi.  
\v 20 Akana, Sera ena natuna do umui laloa, ia ese Lohiabada ia taravatua gaudia ia abia kava, bona unai kerere ena davana be, Israela taudia ibounai ese idia davaria, ani? Akana ena kerere davana be mase, be ia sibona lasi, to iseda bese taudia momo idia mase.’ ”   
\p
\v 21 Vadaeni Rubena taudia bona Gado taudia bona Manase iduhu kahana taudia ese Israela ena lohia taudia idia haere henia, idia gwau,  
\v 22 “Dirava korikori be Lohiabada! Dirava korikori be Lohiabada! Ia ese aiemai kara ena anina ia diba, bona ai ura Israela taudia ibounai do idia diba danu! Bema Lohiabada dekenai ai dagedage, o bema iena vairana dekenai ai kara dika neganai, hari dina ai do umui alaia mase!   
\p
\v 23 “Bema ai ese Lohiabada ena hereva ai negea, bona inai boubou patana be ai ese ai haginia, ai sibona ese gabua bouboudia, o paraoa bouboudia, o maino karaia bouboudia do ai karaia totona, Lohiabada ese davana ai dekenai do ia henia.  
\v 24 To lasi, ai ese unai boubou patana ai haginia ena anina be inai: Nega gabeai sedira umui emui natudia ese aiemai natudia do idia gwau henia, do idia gwau, ‘Badina dahaka umui ese Lohiabada, ai Israela taudia emai Dirava dekenai umui tomadiho?  
\v 25 Lohiabada ese Ioridane Sinavai be ai bona umui Rubena bona Gado taudia iseda huanai ia atoa, tano hetoana. Umui be Lohiabada ena taudia lasi.’ Emui natudia bema unai bamona do idia hereva neganai, sedira aiemai natudia ese Lohiabada tomadiho henia kara do idia hadokoa.   
\p
\v 26 “Unai dainai ai sibona ai herevahereva, ai gwau, ‘Namona be, boubou patana ta do ita haginia, gabua boubou totona lasi, o boubou ta totona lasi gauna.’  
\v 27 To toa gauna sibona, ai bona umui, iseda huanai, bona aiemai bese, bona emui bese edia huanai. Inai toa ena anina be, ai ese Lohiabada ai tomadiho henia noho momokani, iena Palai Dubu korikori dekenai. Unuseni gabua bouboudia, kara dika totona bouboudia, bona maino karaia bouboudia do ai karaia noho. Vadaeni nega gabeai umui emui natudia ese aiemai natudia dekenai inai bamona do idia gwau diba lasi, ‘Umui be Lohiabada ena bese taudia lasi.’   
\p
\v 28 “Bona ai laloa, bema nega ta inai bamona ai dekenai, o aiemai natudia dekenai idia hereva neganai, aiemai natudia do idia gwau, ‘Umui itaia! Aiemai tubudia ese boubou patana ta idia haginia, iena toana be Lohiabada ena boubou patana bamona. To ia be gabua bouboudia totona lasi, o boubou haida totona lasi, ia be toa ta sibona, aiemai taunimanima bona emui taunimanima iseda huanai.’   
\p
\v 29 “Ai ese Lohiabada do ai dagedage henia diba lasi momokani! Ai ese gabua bouboudia, o paraoa bouboudia, o kara dika totona bouboudia totona boubou patana ta ai karaia lasi momokani! Ai ese Lohiabada, aiemai Dirava ena boubou patana, iena Palai Dubu ena vairana dekenai ia gini noho gauna be do ai rakatania lasi, o haidaua lasi, momokani.”   
\p
\v 30 Hahelagaia tauna Pineha bona hanua lohia taudia, Israela iduhu kwarana taudia ese Rubena taudia bona Gado taudia, bona Manase taudia edia hereva idia kamonai, vadaeni idia edia lalona idia namo.  
\v 31 Bona Pineha, hahelagaia tauna Eleasara ena natuna ese Rubena, bona Gado, bona Manase taudia ia hamaoroa, ia gwau, “Harihari ai diba Lohiabada be iseda huana dekenai ia noho, badina be umui ese iena hereva umui negea lasi momokani. Bona unai dainai umui ese Lohiabada ena badu dekena amo Israela taudia ibounai umui hamauria vadaeni.”   
\p
\v 32 Vadaeni hahelagaia tauna Pineha Eleasara bona hanua lohia taudia ese Rubena taudia bona Gado taudia idia rakatania, Gileada tano dekenai. Idia giroa lou, Kanana tano dekenai idia lao, bona unai sivarai be Israela taudia edia vairanai idia gwauraia.  
\v 33 Israela taudia idia moale bada unai hereva dainai. Israela taudia ese Dirava idia hanamoa, bona edia tuari hereva, Rubena bona Gado edia tano hadikaia totona hereva, idia hadokoa.   
\p
\v 34 To Rubena bona Gado taudia ese unai boubou patana ena ladana idia atoa “Uitnesi.” Idia gwau, “Inai boubou patana be uitnesi ta ita ibounai iseda huana dekenai, Lohiabada tamona sibona be Dirava.”   
\c 23  
\s1 Iosua ese Israela taudia dekenai bamahuta hereva ia gwauraia  
\p
\v 1 Nega daudau ia lao vadaeni, bona Lohiabada ese Israela taudia dekenai laga-ani ia henia. Idia dekenai idia tuari gwauraia taudia, Israela idia hagegea taudia be Lohiabada ese ia koua. Unai neganai Iosua be ia buruka, iena mauri lagani be momo.  
\v 2 Vadaeni Iosua ese Israela besena ibounai ia boiria, edia tau badadia, edia hanua lohia taudia, bona edia kota biaguna taudia, bona edia gunalaia taudia dekenai ia hereva henia, ia gwau, “Lau be lau buruka vadaeni, egu mauri lagani be momo.  
\v 3 Lohiabada, emui Dirava ese inai idau bese taudia dekenai umui dainai ia karaia gaudia, be umui itaia vadaeni. Lohiabada, emui Dirava ese umui dainai ia tuari vadaeni.  
\v 4 Umui kamonai namonamo: Do noho idau bese taudia edia tano, bona lau ese lau hadikaia ore bese taudia edia tano be umui dekenai lau henia, Ioridane Sinavai dekena amo ela bona Davara Badana, dina diho kahanai.  
\v 5 Lohiabada, emui Dirava, ese unai do noho bese taudia do ia doria lao, bona emui vairana dekena amo do ia luludia ore. Unai neganai edia tano do umui abia, Lohiabada emui Dirava ese umui dekenai ia gwauhamata hegeregerena.   
\p
\v 6 “Unai dainai Mose ena Taravatu Buka lalonai idia torea hereva ibounai do umui badinaia, idia dekena amo do umui raka siri lasi, idiba kahana dekenai, o lauri kahana dekenai.  
\v 7 Inai bese haida, emui huanai do noho, be idia danu do umui turana karaia lasi. Idia edia dirava edia ladana do umui gwauraia lasi, bona edia ladana dekenai do umui gwauhamata lasi. Edia hesiai gaukara do umui karaia lasi, bona idia dekenai do umui tomadiho lasi.  
\v 8 To Lohiabada, emui Dirava, do umui badinaia, gunaguna ia mai bona harihari umui badinaia hegeregerena.   
\p
\v 9 “Badina be Lohiabada ese bese badadia bona goadadia be emui vairana dekena amo ia lulua ore vadaeni. Tau ta ese umui ia koua diba lasi, ia mai bona hari dina.  
\v 10 Umui ta ese taunimanima 1000 umui lulua diba, badina be Lohiabada, emui Dirava ese umui dainai ia tuari, umui dekenai ia gwauhamata hegeregerena.   
\p
\v 11 “Unai dainai, do umui naria namonamo, Lohiabada, emui Dirava do umui lalokau henia.  
\v 12 Badina be bema Lohiabada dekena amo umui raka siri, bona inai idau bese taudia, emui huanai do noho taudia danu bema umui turana karaia, bona idia danu umui headava neganai,  
\v 13 Lohiabada, emui Dirava ese unai idau bese taudia emui vairana dekenai do ia lulua lao lasi. Lasi momokani, to idia be do idia noho, tarapu o rikiriki bamona, bona idia ese umui do idia hisihisi henia, kwadia gauna emui doruna dekenai, o ginigini emui matana dekenai bamona. Bona inai bamona kara do idia vara noho, ela bona inai tano namona, Lohiabada, emui Dirava ese umui ia henia tano, dekena amo do umui boio.   
\p
\v 14 “Nega daudau lasi lalonai lau be taunimanima ibounai edia dalana hegeregerena do lau mase. Umui ibounai be emui lalona, bona emui laumana dekenai umui diba, Lohiabada, emui Dirava, ese iena gwauhamata namodia ibounai umui dekenai ia hamomokania vadaeni, idia ta ia reaia lasi. Ibounai idia vara momokani, ta ia moru lasi.  
\v 15 To Lohiabada, emui Dirava, ena gwauhamata namodia umui dekenai ia badinaia momokani hegeregerena, Lohiabada ese gau dikadia danu umui dekenai do ia mailaia diba, ela bona umui do ia hadikaia ore, bona inai tano namona, umui dekenai ia henia tano, dekena amo do umui boio.   
\p
\v 16 “Bema Lohiabada, emui Dirava, ese umui dekenai ia henia gwauhamata taravatuna umui utua, bona dirava idaudia edia hesiai gaukara do umui karaia, ma idia dekenai do umui tomadiho, emui kerere davana do umui abia. Lohiabada ena badu, mai siahu bada danu umui dekenai do ia ginidae, bona umui dekenai ia henia tano namona dekena amo do umui boio haraga.”   
\c 24  
\s1 Iosua ese Sekema dekenai Israela taudia ia hereva henia  
\p
\v 1 Iosua ese Israela edia iduhu ibounai ia haboua Sekema dekenai. Iduhu ibounai edia tau badadia, bona edia hanua lohia taudia, bona edia kota biagudia, bona edia gunalaia taudia ia boiridia hebou. Vadaeni Dirava ena vairanai idia gini.   
\p
\v 2 Bona Iosua ese taunimanima ibounai dekenai ia hereva, ia gwau, “Lohiabada, Israela ena Dirava be inai bamona ia hereva, ia gwau: Umui emui sene taudia edia nega dekenai, Tera, Aberahamo bona Nahoro edia tamana, be Euperate Sinavai unai kahana dekenai ia noho. Unuseni idia ese dirava idaudia dekenai idia tomadiho henidia.  
\v 3 Vadaeni lau, Lohiabada ese emui sene tauna Aberahamo be sinavai unai kahana dekena amo lau abia, Kanana tanona ibounai dekenai lau hakaua hanaia. Natuna momo ia dekenai lau henia, Isako danu lau henia.  
\v 4 Bona Isako dekenai Iakobo bona Esau lau henia. Esau dekenai Edoma ena ororo gabudia lau henia, to emui sene tauna Iakobo mai iena natuna taudia be Aigupito dekenai idia lao.   
\p
\v 5 “Gabeai Mose bona Arona lau siaia, bona egu kara dekenai Aigupito taudia dekenai hisihisi lau henia. Unai murinai umui lau hakaua mai.  
\v 6 Umui emui tamadia be Aigupito dekena amo lau hakaua mai, vadaeni kone dekenai umui ginidae. Aigupito taudia ese emui tamadia idia lulua, mai edia kariota, bona mai edia hosi idia guia taudia, ela bona Davara Kakakaka.  
\v 7 Vadaeni emui tamadia ese Lohiabada dekenai idia tai, bona ia ese umui bona Aigupito taudia edia padadia dibura ia siaia. Bona Lohiabada ese davara dekenai Aigupito taudia ia koudia, idia mase. Aigupito taudia dekenai dahaka lau karaia be umui ese matana dekenai umui itaia. Inai murinai taunimanima noho lasi tano dekenai nega daudau umui noho.   
\p
\v 8 “Unai murinai Amoro taudia edia tano dekenai umui lau hakaua, Ioridane Sinavai ena dina daekau kahanai. Amoro taudia ese umui idia tuari henia, to kwalimu umui dekenai lau henia. Lau ese umui emui vairana dekenai idia lau alaia ore, bona umui ese edia tano umui abia.  
\v 9 Balaki Siporo, Moaba ena king ia toreisi, Israela taudia ia tuari henidia. Ia ese Balama Beoro ia boiria, umui do ia hadikaia totona.  
\v 10 To Balama dekenai lau kamonai lasi, unai dainai ia ese umui ia hanamoa. Inai bamona dala dekenai Balaki dekena amo umui lau hamauria.   
\p
\v 11 “Unai murinai Ioridane Sinavai umui hanaia, Ieriko dekenai umui ginidae. Ieriko taudia ese umui idia tuari henia. Amoro taudia, Perisi taudia, Kanana taudia, Hiti taudia, Girigasa taudia, Hivi taudia, bona Iebusu taudia ese danu umui idia tuari henia, to lau ese idia ibounai dekena amo umui dekenai kwalimu lau henia.   
\p
\v 12 “Umui raka vaira neganai, lau ese lau hagaridia dikadika, bona Amoro taudia edia king rua umui emui vairana dekenai lau luludia lao. To emui tuari kaia bona emui peva ese unai Amoro taudia idia halusia lasi.  
\v 13 Umui dekenai lau henia tanona be umui geia lasi, bona umui dekenai lau henia hanua be umui haginia lasi. Bona umui hadoa lasi umadia, vain umadia bona olive umadia, edia huahua umui ania.”   
\p
\v 14 Ma Iosua ia gwau, “Unai dainai, Lohiabada do umui gari henia, iena hesiai gaukara do umui karaia, mai emui momokani, bona mai emui laloa maoromaoro danu. Unai dirava koikoidia, emui sene taudia Mesopotamia bona Aigupito dekenai idia tomadiho henia diravadia do umui negea, bona Lohiabada sibona mo ena hesiai gaukara do umui karaia.  
\v 15 To bema Lohiabada ena hesiai gaukara dekenai umui daradara neganai, hari dina do umui abia hidi be namo. Edena dirava ena hesiai gaukara do umui karaia? Sedira emui sene taudia Mesopotamia dekenai idia tomadiho henia diravadia, o Amoro taudia edia dirava, inai hari umui noholaia tanona ena dirava,a? To lau, bona lauegu famili taudia, ai ese Lohiabada sibona ena hesiai gaukara do ai karaia.”   
\p
\v 16 Vadaeni Israela taudia idia haere, idia gwau, “Ai ese Lohiabada do ai rakatania lasi, dirava idauna be do ai tomadiho henia lasi, lasi momokani.  
\v 17 Badina be Lohiabada, iseda Dirava, ese ita bona iseda sene taudia Aigupito dekena amo, bona hesiai mai guia dekena amo ita ia hakaua vadaeni. Ia ese toa kara badadia ia karaia, iseda matana idia itaia vadaeni. Bona iseda laolao ibounai lalonai Lohiabada ese ita ia hamauria, edia tano ita raka hanaia taudia dekena amo ia ese ita ia naria namonamo.  
\v 18 Lohiabada ese danu taunimanima ibounai iseda vairana dekenai ia luludia. Amoro taudia danu, unai tano idia noholaia taudia ibounai ia ese ia luludia. Unai dainai ai danu Lohiabada ena hesiai gaukara do ai karaia, badina ia be aiemai Dirava.”   
\p
\v 19 To Iosua ese Israela taudia ia hamaoroa, ia gwau, “Umui ese Lohiabada ena hesiai gaukara umui karaia diba lasi, badina ia be Dirava Helagana. Ia ese emui kara dika bona emui kara kerere do ia gwauatao lasi, badina ia ese idau dirava dekenai ia badu henia noho.  
\v 20 Bema Lohiabada umui rakatania bona dirava idaudia edia hesiai gaukara umui karaia neganai, ia ese iena hanamoa kara umui dekenai do ia hadokoa, bona ia ese umui do ia hadikaia, bona umui do ia alaia ore.”   
\p
\v 21 Vadaeni Israela taudia ese Iosua dekenai idia haere, idia gwau, “Lasi momokani, ai be Lohiabada ena hesiai gaukara do ai karaia.”   
\p
\v 22 Vadaeni Iosua ese idia ia hamaoroa, ia gwau, “Umui sibona emui hereva dekenai umui hedinaraia, umui gwauhamata vadaeni, Lohiabada sibona do umui tomadiho henia.” Idia gwau, “Oibe, momokani, ai gwauraia hedinarai vadaeni.”   
\p
\v 23 Iosua ma ia hereva lou, ia gwau, “Vadaeni, dirava idaudia, umui emui huanai idia noho gaudia do umui negea. Bona umui emui lalona do umui giroa Lohiabada, Israela ena Dirava dekenai.”   
\p
\v 24 Israela taudia ese Iosua dekenai idia haere, idia gwau, “Lohiabada, iseda Dirava, ena hesiai gaukara do ai karaia, bona iena gadona do ai kamonai.”   
\p
\v 25 Vadaeni Iosua ese unai dina dekenai Israela taudia danu gwauhamata taravatuna ia karaia. Unai gabu, Sekema dekenai, taravatu bona oda idauidau Iosua ia henidia.  
\v 26 Iosua ese unai hereva be Dirava ena Taravatu Bukana lalonai ia torea. Bona nadi badana ta ia abia, ouki auna henunai ia haginia, Lohiabada ena helaga gabuna dekenai.   
\p
\v 27 Vadaeni Iosua ese Israela taudia ibounai ia hamaoroa, ia gwau, “Inai nadi be iseda uitnesi do ia lao. Inai nadi ese Lohiabada ese ita dekenai ia henia hereva ibounai ia kamonai vadaeni. Unai dainai inai nadi be iseda gwauhamata ena maka, vadaeni umui itaia negadia ibounai, be emui gwauhamata do umui laloa, emui Dirava do umui koia garina.”  
\v 28 Vadaeni Iosua ese Israela taudia ia siaia lao, idia ta ta edia tano, edia tano dekenai idia lao.   
\s1 Iosua ia mase  
\p
\v 29 Unai murinai, Iosua Nunu, Lohiabada ena hesiai tauna ia mase. Iena mauri lagani ibounai be 110.  
\v 30 Sibona ena tano dekenai idia guria, Timinata Sera dekenai. Unai be Eparaima ena ororo dekenai, Gaso Ororo ena mirigini kahana dekenai.   
\p
\v 31 Iosua ena mauri dinadia ibounai lalonai Israela taudia ese Lohiabada ena hesiai gaukara idia karaia. Bona Iosua ia mase murinai danu idia ese Lohiabada idia badinaia noho. Oibe, Israela taudia ese Lohiabada idia badinaia noho, ela bona edia gunalaia taudia, tau badadia, idia mase ore. Taudia unai, Iosua danu Lohiabada ese Israela ia durua karadia ibounai edia matana dekenai idia itaia.   
\p
\v 32 Iosepa ena turiana, Israela taudia ese Aigupito dekena amo idia mailaia gaudia, be Sekema dekenai idia guria. Guria gabuna be Iakobo ese Hamoro dekena amo ia hoia tanona. Unai tano ena davana be siliva moni ibounai 100, bona ia be Iosepa ena tubuna taudia edia tano.   
\s1 Eleasara ia mase  
\p
\v 33 Eleasara Arona danu ia mase, bona Gibea hanua dekenai idia guria. Unai hanua be Eparaima ena ororo dekenai ia noho. Ia be Pineha, Eleasara ena natuna dekenai idia henia hanuana.