\id JOB JOB, Hiri Motu Bible, PNG, [12/1986], 5/92 \h IOBU \toc1 IOBU \toc2 IOBU \mt1 IOBU \c 1 \s1 Satani ese Iobu ia tohoa \p \v 1 Usu tanona dekenai tau ta ena ladana Iobu ia noho. Ia be kerere ta lasi, bona kara maoromaoro tauna. Ia ese Dirava dekenai ia gari, bona kara dika dekena amo ia siri. \v 2 Iobu ena natuna tau be 7, iena natuna hahine be toi. \v 3 Iobu ena mamoe ibounai be 7000, iena kamelo ibounai be 3000, iena boromakau ibounai be 1000, bona iena doniki ibounai be 500. Iobu danu be mai ena hesiai taudia momo herea. Unai dainai, dina daekau kahana taudia ibounai edia huanai, Iobu sibona be tau bada herea. \p \v 4 Iobu ena natuna tau ese ta ta edia ruma, edia ruma dekenai aria idia karaia. Unai aria dekenai Iobu ena natuna ibounai, tau bona hahine idia vareai. \v 5 Unai bamona aria idia ore murinai, Iobu ese nega ibounai dabai ia toreisi, Lohiabada dekenai boubou ia henia, iena natuna ibounai edia miro kara do ia hagoevaia totona. Inai bamona ia karaia nega ibounai, badina be inai bamona ia laloa, “Sedira lauegu natuna be idia kara dika, sedira Lohiabada ena ladana idia hadikaia kava.” \p \v 6 Dina ta, Dirava ena aneru be Lohiabada ena vairanai idia hedinarai, bona Satani danu ia mai, idia edia huana dekenai. \v 7 Lohiabada ese Satani ia nanadaia, ia gwau, “Oi be dahaka oi karaia noho?” \p Satani ia haere, ia gwau, “Lau be tanobada dekenai lau loaloa noho, lau raka lao, bona lau raka mai.” \p \v 8 Lohiabada ese Satani ma ia nanadaia, ia gwau, “Lauegu hesiai tauna Iobu oi itaia vadaeni, a? Tanobada dekenai ia be tau ta ese ia hereaia lasi, ani? Ia be kerere ta lasi, bona kara maoromaoro tauna. Ia ese lau Dirava dekenai ia gari, bona kara dika dekena amo ia siri momokani, ani?” \p \v 9 Satani ia haere, ia gwau, “Bema Iobu ese oi dekena amo gau ta ia abia lasi neganai, oi dekenai do ia gari, a? \v 10 Oi be nega ibounai oi ese ia bona iena famili oi naria noho. Oi ese ia biagua gaudia ibounai danu oi naria noho. Oi ese Iobu ena kara ibounai oi hanamoa, bona iena boromakau ese tanobada idia hahonua momokani. \v 11 To, bema iena kohu, bona ia biagua gaudia ibounai oi kokia neganai, ia ese oiemu ladana do ia hadikaia momokani!” \p \v 12 Lohiabada ese Satani dekenai ia haere, ia gwau, “Vadaeni, iena gau ibounai be oiemu imana dekenai lau atoa, to oi ese Iobu oi hadikaia lasi.” Vadaeni Satani be Lohiabada ena vairana dekena amo ia raka lao. \s1 Iobu ena natuna bona iena kohu be Satani ese ia haorea \p \v 13 Dina ta, Iobu ena natuna tau bona hahine be vara guna natuna ena ruma dekenai idia aniani bona inuinu hebou neganai, \v 14 hesiai tauna ta be Iobu dekenai ia ginidae, ia gwau, “Boromakau ese tano idia makohia noho, bona doniki ese rei idia ania noho neganai, \v 15 Sabea taudia ese ai dekenai idia tuari, bona boromakau, bona doniki ibounai idia abia lao. Sabea taudia ese danu iseda hesiai taudia ibounai idia alaia mase. Lau sibona lau heau mauri, vadaeni oi hadibaia totona lau mai inai.” \p \v 16 Ia hereva noho nega lalonai, tau ta ia mai, ia gwau, “Dirava ena lahi be guba dekena amo ia moru diho, mamoe bona hesiai taudia ia gabua ore. Lau sibona lau heau mauri, vadaeni oi hadibaia totona lau mai inai.” \p \v 17 Ia hereva noho nega lalonai, tau ma ta ia mai, ia gwau, “Kaledea taudia orea toi idia haboua, kamelo abia totona ai dekenai idia tuari. Vadaeni idia ese oiemu hesiai taudia ibounai idia alaia mase, bona kamelo ibounai idia abia lao. Lau sibona lau heau mauri, vadaeni oi hadibaia totona lau mai inai.” \p \v 18 Ia hereva noho nega lalonai, tau ta ma ia mai, ia gwau, “Oiemu natuna tau bona hahine be vara guna tau ena ruma dekenai idia aniani hebou, bona inuinu hebou noho, \v 19 vadaeni lai bada herea be taunimanima noho lasi gabuna dekena amo ia mai, ruma ia doria diho, bona oiemu natuna ibounai idia mase. Lau sibona lau heau mauri, bona oi hadibaia totona lau mai inai.” \p \v 20 Vadaeni Iobu be ia toreisi, lalohisihisi dainai iena dabua ia darea, bona iena kwarana huina ia utua. Tano dekenai ia moru diho, iena vairana be tano dekenai ia atoa, Dirava dekenai ia tomadiho. \p \v 21 Bona ia gwau, \q1 “Lau be imana kavakava egu sinana ena bogana dekena amo lau vara, \q1 bona imana kavakava danu do lau mase. \q1 Lohiabada ese lau dekenai gau momo ia henia, \q1 bona hari Lohiabada ese unai gaudia ia abia lao. \q1 Lohiabada ena ladana lau hanamoa inai!” \p \v 22 Dika momokani be Iobu dekenai idia vara, to Iobu ese kerere ta ia karaia lasi, bona ia ese Dirava dekenai ia badu henia lasi. \c 2 \s1 Satani ese Iobu ia tohoa lou \p \v 1 Ma dina ta, Dirava ena aneru be Lohiabada ena vairanai ma idia hedinaraia lou, bona Satani danu ia mai, idia edia huana dekenai. \v 2 Lohiabada ese Satani ia nanadaia, ia gwau, “Oi be edeseni oi mai?” \p Satani ia haere, ia gwau, “Lau be tanobada dekenai lau loaloa noho, lau raka lao, bona lau raka mai.” \p \v 3 Lohiabada ese Satani ma ia nanadaia, ia gwau, “Lauegu hesiai tauna Iobu oi itaia vadaeni, a? Tanobada dekenai ia be tau ta ese ia hereaia lasi, ani? Ia be kerere ta lasi, bona kara maoromaoro tauna. Iobu ese lau Dirava dekenai ia gari noho, bona kara dika dekena amo ia siri noho, ani? Oi ese lauegu lalona oi veria, do lau tohoa bona hadikaia totona, to inai hadikaia be mai badina ta lasi. Inai dika ia abia vadaeni, to Iobu ena lalona be do maoromaoro noho.” \p \v 4 Vadaeni Satani ese Lohiabada dekenai ia haere, ia gwau, “Kopina ena davana be kopina. Tau ta ese iena gau ibounai do ia negea, iena mauri do ia dogoatao totona. \v 5 To harihari oi ese iena tauanina do oi hadikaia. Bema inai bamona oi karaia neganai, Iobu ese oiemu ladana do ia hadikaia momokani!” \p \v 6 Vadaeni Lohiabada ese Satani ia hamaoroa, ia gwau, “Vadaeni, Iobu be oiemu siahu henunai ia noho, to oi ese iena mauri do oi haorea lasi.” \p \v 7 Unai dainai Satani ese Lohiabada ia rakatania. Satani ese toto dika herea dekena amo Iobu ia hahisia, iena aena dekena amo ela bona iena kwarana dekenai. \v 8 Iobu ese uro ia makohia, kahana maragina ta dekena amo iena toto ia kakasia, bona momoru gabuna dekenai ia helai. \v 9 Vadaeni Iobu ena adavana ese ia hereva, ia gwau, “Iobu e, oiemu lalona be do ia maoromaoro noho, bona Dirava dekenai oi abidadama henia noho, a? Namona be Dirava ena ladana do oi hadikaia, vadaeni oi mase!” \p \v 10 To Iobu ia haere, ia gwau, “Oiemu hereva be kavakava. Bema Dirava ese gau namona ia henia neganai, ita abia dae mai moale danu, ani? Bema dika ia henia neganai do ita maumauraia, a?” Iobu be hisihisi bada ia abia, to ia ese Dirava ena ladana ia hadikaia lasi momokani. \s1 Iobu ena turana toi \p \v 11 Iobu be mai ena turana toi. Idia be Elipasa, Temana hanua tauna, Biledada, Suhi hanua tauna, bona Sopara, Namata hanua tauna. Iobu ena hisihisi sivaraina idia kamonai neganai idia haboua tamona, bona Iobu dekenai idia lao, iena lalona do idia hagoadaia totona. \v 12 Idia be do daudau dekenai idia noho neganai Iobu idia itaia, to gorere dainai iena toana be ia idau. Idia diba unai be Iobu neganai, idia tai mai boiboi bada danu, bona edia lahohisihisi hedinaraia totona, edia dabua idia darea, bona kahu idia negea daekau, unai kahu be edia kwarana latanai ia moru. \v 13 Vadaeni dina 7 bona hanuaboi 7 lalonai, idia be Iobu danu tano dekenai idia helai, bona hereva ta idia gwauraia lasi. Badina be, idia itaia, Iobu ena hisihisi be bada herea. \c 3 \s1 Iobu ena maumau Dirava dekenai \p \v 1 Unai murinai Iobu ese iena uduna ia kehoa, ia ese iena vara dinana ia gwauraia be dika. \v 2 Iobu ia gwau, \b \q1 \v 3 “Lauegu vara dinana lau gwauraia dika. \q1 Lau ia havaraia totona, \q1 egu sinana ia rogorogo ena hanuaboi lau gwauraia be dika! \q1 \v 4 Unai dina be Dirava ese dibura do ia halaoa. \q1 Unai dina be Dirava ese do ia laloatao lasi, \q1 bona iena diari ese, unai dina do ia hadiaria lasi. \q1 \v 5 Dirava e, \q1 unai dina be dibura masemase dekena amo do oi koua. \q1 Ori koremakorema dekena amo do oi koua, \q1 bona dina ena diari do oi hadokoa. \q1 \v 6 Unai hanuaboi danu, \q1 be unai lagani dekena amo do oi kokia. \q1 Unai hanuaboi be do idia duahia lasi. \q1 \v 7 Unai hanuaboi danu be natuna havaraia diba lasi hahine bamona. \q1 Moale ena regena ta ia lalonai, \q1 be tau ta do ia kamonai lasi. \q1 \v 8 Meamea taudia ese unai hanuaboi do idia hadikaia. \q1 Leviatano koboni idia biagua diba taudia ese, \q1 unai hanuaboi do idia gwauraia dika. \q1 \v 9 Unai hanuaboi ena daba hisiu do idia dibura, \q1 bona daba ena diari be do ia hedinarai lasi. \q1 \v 10 Dirava e, unai hanuaboi do oi gwauraia dika, \q1 ia ese egu vara ia havaraia dainai. \b \q1 \v 11 “Badina dahaka lauegu vara neganai lau mase lasi? \q1 Badina be dahaka egu sinana ena bogana, \q1 dekena amo lau mai neganai lau mase lasi? \q1 \v 12 Badina dahaka egu sinana ese, \q1 iena mamuna dekenai lau ia atoa, lau mahuta? \q1 Badina dahaka egu sinana ese, \q1 iena ratana dekenai lau ia ubua? \q1 \v 13 Unai neganai bema lau mase, \q1 lau be harihari lau hekure diho mai maino danu, \q1 bona lau be mai laga-ani namona danu. \q1 \v 14 Lau be king bona lohia taudia danu do lau mahuta. \q1 Guna idia ese ruma dikadia idia haginia lou. \q1 \v 15 Ma unai neganai lau be king ena natudia tau danu lau mahuta. \q1 Idia ese guna edia ruma be golo bona siliva dekenai idia hahonua. \q1 \v 16 Badina dahaka lau be mase dekenai lau vara lasi, \q1 tanobada ena diari idia itaia lasi memero bamona? \q1 \v 17 Guria gabuna lalonai, \q1 kara dika taudia ese edia dika idia hadokoa, \q1 bona gaukara auka dainai idia manoka taudia, \q1 ese laga-ani idia davaria. \q1 \v 18 Guria gabuna dekenai danu, \q1 be guia taudia ese maino idia davaria, \q1 edia biaguna ena dagedage dekena amo, \q1 laga-ani namona idia davaria. \q1 \v 19 Ibounai be unuseni idia noho, \q1 dagi bada, bona dagi maragi taudia danu. \q1 Bona hesiai mai guia danu taudia, \q1 edia biagudia dekena amo idia noho siri, \q1 mai edia ura kwalimu danu. \b \q1 \v 20 “Badina dahaka hisihisi lalonai idia noho taudia, \q1 be idia mauri noho? \q1 Badina dahaka lalohisihisi taudia dekenai diari ia noho? \q1 \v 21 Idia be mase idia ura dikadika, \q1 to idia davaria lasi. \q1 Idia ese mase idia tahua goadagoada noho, \q1 to davana bada kohu, \q1 tano lalonai ia hunia gauna, idia ura lasi. \q1 \v 22 Guria gabuna dekenai idia vareai neganai, \q1 moale idia davaria, \q1 bona idia moale momokani. \q1 \v 23 Bema tau ta ese iena mauri dala ia davaria lasi, \q1 bona ia laloa Dirava ese iena mauri dala ia koua vadaeni, \q1 unai tau do ia mauri noho, ena badina be dahaka? \q1 \v 24 Lauegu taitai dainai lau aniani diba lasi. \q1 Egu lalohisihisi ena regena be, \q1 ia heau lao noho ranu bamona. \q1 \v 25 Lau gari henia gaudia be lau dekenai idia ginidae vadaeni, \q1 bona dika bada, lau gari dikadika gauna, \q1 be lau dekenai ia vara momokani vadaeni. \q1 \v 26 Lau noho namonamo lasi, lau noho maino lasi, \q1 bona egu hekwarahi idia doko lasi.” \c 4 \s1 Elipasa ese Iobu ia hereva henia \p \v 1 Vadaeni Elipasa, Temana hanua tauna ia haere, ia gwau, \b \q1 \v 2 “Bema lau ese oi dekenai lau hereva neganai, \q1 do oi badu, a? \q1 To lau ese egu uduna lau koua diba lasi. \q1 \v 3 Iobu e, oi ese taunimanima momo oi hadibaia vadaeni, \q1 bona manoka taudia be oi ese oi hagoadaia vadaeni. \q1 \v 4 Oiemu hereva ese idia moru taudia ia haginidia lou. \q1 Oi ese tuina manoka taudia oi hagoadaia vadaeni. \q1 \v 5 To harihari, oi ese, \q1 oi dekenai ia vara hisihisi dekenai oi haheauka lasi. \q1 Oi dekenai ia ginidae, \q1 be oi hoa mai gari danu. \q1 \v 6 Dirava dekenai oi tomadiho vadaeni, \q1 bona oiemu mauri be ia kerere lasi, \q1 unai dainai Dirava dekenai oi abidadama henia be namo. \q1 \v 7 Mani oi laloa: \q1 Tau ta, bema ia be mai ena kerere lasi, \q1 unai tau do ia mase, a? \q1 Kara maoromaoro tauna be edeseni do idia hadikaia ore? \q1 \v 8 Lau ese lau itaia vadaeni, \q1 taunimanima ese kerere bona kara dika idia geia, \q1 bona dika idia hadoa. \q1 Vadaeni anina idia utua neganai, \q1 anina dikana sibona idia abia. \q1 \v 9 Dirava ese idia dekenai ia hahodi neganai, idia ore. \q1 Iena badu ena siahu ese idia ia gabua ore. \q1 \v 10 Karadika taudia be idia boiboi noho, \q1 laiona idia boiboi bamona, \q1 to Dirava ese idia edia isedia ia hamakohia. \q1 \v 11 Laiona bema ia ese gau ta ia alaia lasi neganai, \q1 ia be do ia mase, \q1 bona iena natuna ibounai do idia heau boio, \q1 bona kara dika taudia be unai bamona.” \s1 Dirava ena vairanai, kerere lasi tauna ta be lasi \p \v 12 Ma Elipasa ia hereva, ia gwau, \b \q1 “Hereva ta be lau dekenai hunia dekenai ia mai. \q1 Iena regena be bada lasi, \q1 lau be kahirakahira lau kamonai lasi. \q1 \v 13 Inai hereva be nihi dikana bamona, \q1 egu mahuta ia hadikaia, \q1 \v 14 bona lau gari dainai lau heudeheude. \q1 Egu tauanina ibounai be gari dekenai ia mareremarere. \q1 \v 15 Lauma ta ese egu vairana ia raka hanaia, \q1 bona gari dainai egu huina idia gini maoromaoro. \q1 \v 16 Lauma be unuseni ia gini noho, \q1 to iena toana lau itaia namonamo lasi. \q1 Vadaeni gado ta lau kamonai, ia gwau, \q1 \v 17 ‘Taunimanima be Dirava ena vairanai idia maoromaoro diba, a? \q1 Tau ta be ia Karaia Diravana ena vairanai ia goeva diba, a? \q1 \v 18 Be, Dirava ese, \q1 iena hesiai taudia ia abidadama henia noho lasi, \q1 bona ia ese iena aneru be kerere ia gwauraidia noho. \q1 \v 19 Bema inai bamona neganai, \q1 edena bamona raro rumadia dekenai idia noho taudia, \q1 be Dirava ese do ia abidadama henidia? \q1 Edena bamona kahu dekenai ia karaia taudia, \q1 kaubebe bamona idia manoka taudia, \q1 be Dirava ese do ia abidadama henia? \q1 \v 20 Taunimanima ta be dabai ia mauri noho diba, \q1 to adorahi neganai do ia mase momokani, \q1 bona tau ta ese unai mase do ia laloa lasi. \q1 \v 21 Unai mase tauna ena kohu ibounai, \q1 be haida ese idia abia. \q1 Madi, ia mase neganai ia be mai aonega ta lasi.’ \b \c 5 \q1 \v 1 “Iobu e, do oi boiboi neganai, \q1 tau ta o dirava ta ese do ia haere oi dekenai, a? \q1 Edena aneru do oi noia, \q1 durua do oi abia totona? \q1 \v 2 Momokani, sibona ena badu ese kavakava tauna ia hamasea noho, \q1 bona sibona ena mama ese aonega lasi tauna ia alaia noho. \q1 \v 3 Kavakava taudia haida lau itaia, \q1 edia toana be goada momokani, \q1 to karaharaga meamea dekena amo, \q1 edia famili ese dika idia davaria. \q1 \v 4 Edia natuna taudia ese mauri idia davaria diba lasi, \q1 bona kota dekenai tau ta ese ia durudia lasi. \q1 \v 5 Hitolo taudia ese, \q1 kavakava tauna ena uma anina idia ania noho, \q1 ava edia huanai idia noho uiti danu do idia ania, \q1 bona iena kohu momo dainai, \q1 ranu mase taudia ese kavakava tauna do idia mama henia. \q1 \v 6 Badina hisihisi be kahu dekena amo ia vara lasi, \q1 bona hekwarahi be tano dekena amo ia tubu lasi. \q1 \v 7 To taunimanima ese idia sibona edia hekwarahi idia havaraia, \q1 lahi ena kimore idia roho daekau bamona.” \s1 Nega dika neganai, Dirava ese iena taudia ia naridia noho \p \v 8 Elipasa ma ia hereva, ia gwau, \b \q1 “To lau ura oi ese Dirava do oi noinoi henia, \q1 bona oiemu mauri be iena imana dekenai do oi atoa. \q1 \v 9 Dirava ese kara badadia, \q1 ita diba lasi gaudia, ia karaia noho, \q1 iena hoa kara danu idia doko lasi. \q1 \v 10 Ia ese tanobada dekenai medu ia hadihoa, \q1 bona ranu danu uma edia latanai. \q1 \v 11 Manau taudia be Dirava ese ia abia isi, \q1 bona taitai taudia dekenai moale bona mauri ia henia. \q1 \v 12 Kara koikoi taudia edia laloa ia koua noho, \q1 unai dainai edia kara ibounai be anina lasi. \q1 \v 13 Aonega taudia be edia diba momo lalonai, \q1 Dirava ese ia hakereredia, \q1 bona koikoi diba momo taudia edia laloa, \q1 be Dirava ese ia hadokoa haraga. \q1 \v 14 Dina neganai idia dekenai dibura ia vara. \q1 Dina tubua neganai idia raka kerere, \q1 hanuaboi neganai idia raka bamona. \q1 \v 15 To Dirava ese ogogami taudia, \q1 be mase dekena amo ia hamauria. \q1 Ia ese ogogami taudia, \q1 be siahu dika taudia dekena amo ia hamauria. \q1 \v 16 Unai dainai ogogami taudia, \q1 be Dirava ese edia dala ia kehoa, \q1 bona ia ese kerere taudia edia uduna ia koua. \b \q1 \v 17 “Oi kamonai: \q1 Dirava ese ia hamaoromaoroa tauna be do ia moale. \q1 Dirava ese oi ia matakani henia neganai, \q1 do oi badu lasi. \q1 \v 18 Badina be ia ese bero oi dekenai ia henia, \q1 to unai bero be ia ese do ia kumia. \q1 Dirava ese oi ia hadikaia, \q1 to ma ia ese oi do ia hanamoa lou. \q1 \v 19 Nega momo doko lasi, \q1 Dirava ese dika dekena amo oi do ia hamauria. \q1 \v 20 Hitolo bada neganai, \q1 ia ese mase dekena amo oi do ia hamauria. \q1 Tuari neganai, \q1 tuari kaia ena siahu dekena amo oi do ia hamauria. \q1 \v 21 Taunimanima edia hereva dika dekena amo, \q1 Dirava ese oi do ia gimaia, \q1 bona dika bada do ia ginidae neganai, \q1 ia ese oi do ia hamauria. \q1 \v 22 Oi ese dika bada bona hitolo dekenai do oi kiri, \q1 bona tanobada ena dagedage gaudia dekenai do oi gari lasi. \q1 \v 23 Tano oi geia neganai nadi do oi davaria lasi, \q1 bona dagedage gaudia ese oi do idia hadikaia lasi. \q1 \v 24 Vadaeni oiemu palai ruma lalonai, \q1 do oi noho mai maino danu, \q1 bona oiemu mamoe do oi itaia, \q1 be ta ia boio lasi. \q1 \v 25 Oiemu natuna be do idia momo herea, \q1 bona oiemu bese be bada, \q1 tanobada ena rei idia momo bamona. \q1 \v 26 Uiti ena anina idia mage momokani neganai idia utua bamona, \q1 oi be buruka momokani neganai, \q1 guria gabuna dekenai do oi ginidae. \b \q1 \v 27 “Iobu e, ai ese inai diba ai tahua vadaeni, \q1 bona ia be momokani. \q1 Unai dainai oi kamonai, \q1 bona oiemu mauri lalonai do oi abia dae.” \c 6 \s1 Iobu ese Elipasa dekenai ia haere \p \v 1 Vadaeni Iobu ia haere, ia gwau, \b \q1 \v 2 “Bema egu lalohisihisi ena metau, \q1 be sikele dekenai idia tohoa, \q1 bema egu laloa metau be sikele dekenai idia atoa neganai, \q1 \v 3 do idia davaria edia metau ese, \q1 kone ena miri ena metau do idia hanaia. \q1 Unai dainai egu hereva be mai badu kava bamona. \q1 \v 4 Siahu Ibounai Dirava ese, \q1 iena diba dekena amo lau ia gwadaia. \q1 Unai diba edia poisini, \q1 be egu lauma ese ia inua noho. \q1 Dirava ena gari gaudia ese, \q1 lau idia hisihisi henia noho. \b \q1 \v 5 “Uda doniki be rei ia ania neganai ia tai noho, a? \q1 O boromakau tau be mai ena aniani neganai, \q1 ia boiboi noho, a? \q1 \v 6 Mamina lasi aniani, \q1 be mai damena lasi danu taunimanima ese idia ania, a? \q1 O gatoi ena kurokuro kahana be mai ena mamina, a? \q1 \v 7 Unai bamona aniani lau ura lasi, lau negea noho. \q1 Lau ania neganai gorere ena mamina lau abia. \b \q1 \v 8 “Badina dahaka Dirava ese egu noinoi gauna ia henia lasi? \q1 Egu guriguri dekenai badina dahaka ia kamonai lasi? \q1 \v 9 Egu noinoi gauna be inai: \q1 Dirava ese lau do ia alaia mase. \q1 Iena imana dekena amo egu mauri do ia hadokoa. \q1 \v 10 Bema unai bamona ia karaia neganai, \q1 mase ena hisihisi bada lalonai, moale bada do lau davaria. \q1 Badina be lau ese Helaga ena Dirava ena hereva, \q1 be nega ta lau negea lasi. \b \q1 \v 11 “Egu goada be hegeregere lasi dainai, \q1 lau mauri noho diba lasi. \q1 Unai dainai anina be dahaka do lau haheauka noho? \q1 \v 12 Egu goada be nadi edia goada hegeregerena, a? \q1 Egu tauanina be auri laboralabora hegeregerena, a? \q1 \v 13 Momokani lau be durua ta lasi. \q1 Durua daladia ibounai, \q1 be lau dekena amo ia abia siri vadaeni. \b \q1 \v 14 “Bema tau ta ese iena turana ia bogahisihisi henia diba, \q1 to ia bogahisihisi henia lasi, \q1 unai tau ese Siahu Ibounai Dirava dekenai gari henia kara, \q1 be ia rakatania vadaeni. \q1 \v 15 Egu turana taudia e, \q1 umui ese lau umui koia noho, \q1 ororo dekena amo idia diho sinavai maragidia bamona. \q1 Medu ia diho lasi neganai idia kaukau lao. \q1 \v 16 Unai sinavai maragidia be, \q1 aisi bona sinou ese edia ranu heau dalana idia koua, \q1 \v 17 to siahu neganai unai sinavai maragidia idia veve ore. \q1 Dina ena siahu dainai idia kaukau lao. \q1 \v 18 Kohu idia huaia kamelo, \q1 be edia dala dekena amo idia raka siri, \q1 ranu idia tahua noho, \q1 bona tano kaukau dekenai ranu idia tahua kava, \q1 idia mase. \q1 \v 19 Kohu idia huaia kamelo, \q1 Sieba bona Tema dekena amo, \q1 bona edia hoihoi loaloa taudia ese, \q1 ranu idia tahua noho. \q1 \v 20 Idia ese sinavai edia ranu davaria totona idia abidadama noho, \q1 to idia ginidae neganai, ranu be lasi, \q1 edia abidadama ena anina idia davaria lasi. \q1 \v 21 Umui be unai sinavai bamona, lau dekenai. \q1 Umui ese lau ia hadikaia gauna umui itaia noho, \q1 bona umui gari noho dainai, \q1 durua ta lau dekenai umui henia lasi. \q1 \v 22 Be, lau ese inai bamona lau gwau, a? \q1 ‘Lau dekenai harihari gauna ta umui henia,’ \q1 O nega ta lau gwau, \q1 ‘Lau do umui hamauria totona, emui moni do umui henia?’ \q1 \v 23 O nega ta lau gwau, \q1 ‘Lau ia badu henia tauna dekena amo lau do umui hamauria,’ a? \q1 O lau gwau, \q1 ‘Lau idia dagedage henia taudia dekenai moni do umui henia,’ a? \b \q1 \v 24 “Lau dekenai do umui hadibaia, \q1 vadaeni regerege ta lasi do lau noho. \q1 Egu kerere be lau dekenai do umui hedinaraia. \q1 \v 25 Hereva maoromaoro bona momokani ese, \q1 taunimanima edia lalodia idia pidia momokani. \q1 To emui hereva be anina lasi. \q1 \v 26 Egu lalona ia ore dainai, \q1 lau be kavakava tauna bamona lau boiboi noho. \q1 Unai dainai umui ese lau umui gwau henia, a? \b \q1 \v 27 “Inai, emui kara be inai bamona: \q1 Umui ese laki gadara dekena amo, \q1 tamana bona sinana lasi natudia umui hoihoilaia. \q1 O, emui turana momokani umui hoia lao dekena amo, \q1 moni bada herea umui abia. \q1 \v 28 Harihari egu vairana do umui itaia noho, \q1 badina lau ese umui dekenai lau koikoi lasi. \q1 \v 29 Umui dekenai lau noinoi inai, \q1 emui laloa lau dekenai do umui haidaua, \q1 bona lau do umui samania kerere lasi. \q1 Lau do umui gwauraia kerere lasi, \q1 badina lau be lau maoromaoro noho. \q1 \v 30 Umui laloa lau be hereva koikoi lau gwauraia, a? \q1 Lau be kerere bona maoromaoro edia idau, \q1 be lau diba lasi, a? \b \c 7 \q1 \v 1 “Taunimanima edia hekwarahi tanobada dekenai be auka, ani? \q1 Edia noho be, \q1 davana totona idia gaukara auka taudia edia noho bamona. \q1 \v 2 Edia noho danu be hesiai mai guia danu tauna bamona, \q1 adorahi ena keruma totona ia tai bamona, \q1 bona gaukara tauna ese, \q1 iena gaukara davana ia tahua noho bamona. \q1 \v 3 Inai bamona danu, \q1 hua momo lalonai egu noho be anina lasi, \q1 hanuaboi momo danu egu lalona ia hisihisi bada noho. \q1 \v 4 Lau hekure neganai lau gwau, \q1 ‘Edena negai do lau toreisi?’ \q1 To hanuaboi be ia daudau dainai, \q1 mai mareremarere lau hekure noho ela bona dabai, \q1 mahuta lasi. \q1 \v 5 Egu tauanina be gaigai maragidia dekenai ia honu, \q1 bona egu kopina be kipara ese idia koua. \q1 Rara kurokuro be egu toto dekena amo ia diho noho. \q1 \v 6 Egu dina ta ta be idia ore haraga, \q1 dabua hatua tauna ena nila ena haraga bamona, \q1 bona egu kopina do ia namo lou totona, \q1 be unai bamona lau laloa diba lasi.” \s1 Iobu ese iena lalohisihisi ia gwauraia Dirava dekenai \p \v 7 Ma Iobu ia hereva, ia gwau, \b \q1 “Dirava e, \q1 do oi laloatao, egu mauri be hahodi tamona sibona. \q1 Egu moale negadia be idia ore vadaeni. \q1 \v 8 Lau ia itaia noho tauna ese, \q1 lau do ia itaia lou lasi. \q1 Harihari umui ese lau umui itaia noho, \q1 to nega tamona do lau boio ore. \q1 \v 9 Ori ta ia veve lao, bona ia ore vadaeni. \q1 Unai bamona danu, \q1 Mase Gabuna dekenai ia diho tauna be ia daekau lou lasi. \q1 \v 10 Iena ruma dekenai do ia giroa lou lasi. \q1 Bona iena gabu dekenai noho taudia ese, \q1 ia do idia laloaboio. \b \q1 \v 11 “Unai dainai egu hereva do lau hadokoa lasi. \q1 Egu lalona ia hisihisi noho dainai, \q1 do lau hereva noho. \q1 Egu lauma ena mamina ia dika dainai do lau maumau. \q1 \v 12 Umui laloa lau be davara ena dagedage gauna ta, a? \q1 Unai dainai lau umui itaia namonamo noho, a? \q1 \v 13 Lau be egu mahuta patana dekenai lau hekure, \q1 laga-ani abia totona, \q1 bona unuseni egu hisihisi do ia namo totona. \q1 \v 14 To umui ese nihi dekena amo lau umui hagaria noho, \q1 bona mata hanai dekena amo danu lau umui hagaria bada noho. \q1 \v 15 Unai dainai lau ura egu aiona idia gigia, \q1 vadaeni do lau mase, \q1 to inai egu tauanina do ia mauri noho lau ura lasi. \q1 \v 16 Egu mauri lau ura lasi momokani, \q1 bona mauri hanaihanai lau ura lasi. \q1 Lau dekenai do umui noho lasi, \q1 badina be egu mauri be anina lasi. \b \q1 \v 17 “Dirava e, taunimanima be dahaka, \q1 oi ese oi abia isi, bona iena ladana oi habadaia? \q1 Bona iena kara dekenai, \q1 badina dahaka oi laloa bada noho? \q1 \v 18 Oi ese daba daba ibounai taunimanima oi itaia noho? \q1 Bona nega ibounai oi tohoa lou, tohoa lou noho? \q1 \v 19 Lau dekenai do oi itaia noho ela bona edena negai? \q1 Lau do oi rakatania nega sisina, \q1 ela bona egu kanudi lau hadonoa, a? \q1 \v 20 Taunimanima oi itaia noho Diravana e! \q1 Bema kara dika lau karaia, \q1 inai kara dika ese edena bamona oi ia hadikaia? \q1 Badina dahaka oi ese oiemu diba oi pidia noho lau dekenai? \q1 Lau be maduna metau herea oi dekenai, a? \q1 \v 21 Badina dahaka egu kara dika oi gwauatao lasi? \q1 Badina dahaka egu kara kerere do oi kokia lao lasi? \q1 Badina lau be kahirakahira guria gabuna, \q1 tano lalonai do lau hekure, \q1 bona lau do oi tahua, \q1 to lau do oi davaria lasi.” \c 8 \s1 Biledada ena hereva \p \v 1 Vadaeni Biledada, Suhi tauna ia haere, ia gwau, \b \q1 \v 2 “Inai hereva do oi gwauraia ela bona edena negai? \q1 Oiemu uduna ena hereva be lai bada herea bamona. \q1 \v 3 Dirava ese iena kota hereva ia hagagevaia noho, a? \q1 Siahu Ibounai Dirava ese kara maoromaoro ia hagagevaia noho, a? \q1 \v 4 Oiemu natuna ese, \q1 Dirava ena vairana dekenai idia kara dika, \q1 vadaeni ia ese edia dika hegeregerena davana ia henidia. \q1 \v 5 To harihari, bema Dirava oi tahua, \q1 bona bema oi ese Siahu Ibounai Dirava oi noia, \q1 \v 6 bona bema oi be goevagoeva bona maoromaoro neganai, \q1 Dirava ese oi durua totona do ia toreisi momokani, \q1 bona oiemu ruma, bona oiemu bese, \q1 be oi dekenai ma do ia henia lou. \q1 \v 7 Momokani, hamatamaia neganai, \q1 oiemu noho be namo sisina sibona, \q1 to gabeai Dirava ese oiemu noho do ia hanamoa bada. \b \q1 \v 8 “Nega gunadia taudia edia sivarai do oi tahua, \q1 bona sene taudia ese idia davaria aonega do oi laloa. \q1 \v 9 Badina ita be varani sibona ita vara, \q1 bona gau ta ita diba lasi. \q1 Iseda mauri tanobada dekenai be laulau ta bamona. \q1 \v 10 To inai sene taudia ese edia aonega, \q1 be oi dekenai idia hadibaia bona hamaoroa diba. \q1 Edia hereva mai diba bada danu, \q1 be do oi kamonai henia. \b \q1 \v 11 “Siriho be paripari lasi tano dekenai do ia vara, a? \q1 Kurokuro be ranu lasi gabuna do ia tubu, a? \q1 \v 12 Bema ranu gabuna ena tano ia kaukau lao neganai, \q1 siriho be idia mase haraga, \q1 to rei be ia mase haraga lasi. \q1 \v 13 Dirava idia laloaboio taudia be unai siriho bamona. \q1 Dirava idia laloaboio taudia ibounai ese, \q1 mauri namona do idia abia totona idia laloa diba lasi. \q1 Lasi, do idia mase momokani. \q1 \v 14 Idia ese magera ena ruma sibona idia abidadama henia noho. \q1 \v 15 Bema magera ena ruma dekenai idia tabekau neganai, \q1 idia gini diba lasi. \q1 Idia ese unai magera ruma idia dogoatao, \q1 to ia goada lasi, bona idia moru. \b \q1 \v 16 “Tau dikana be ia tubu noho, \q1 ava be dina lalonai idia tubu bamona, \q1 uma gabuna kahana ibounai dekenai idia vara avadia bamona. \q1 \v 17 Edia ramudia be, \q1 idia haboua nadidia dekenai idia vara hagegea noho, \q1 edia noho gabuna be nadi edia huanai. \q1 \v 18 To bema tau ta ese unai ava ia veria, ia negea neganai, \q1 unai gabu taudia do idia gwau, \q1 ‘Ai be nega ta unai ava ai itaia lasi.’ \b \q1 \v 19 “Tau dikadia be unai ava bamona, \q1 edia moale be nega sisina sibona, \q1 bona tau ma haida do idia mai, \q1 edia gabudia do idia abia. \q1 \v 20 To Dirava ese kerere lasi tauna do ia rakatania lasi, \q1 bona Dirava ese kara dika taudia do ia durua lasi. \q1 \v 21 Dirava ese oiemu uduna dekenai kiri do ia atoa lou, \q1 bona mai moale danu do oi boiboi lou. \q1 \v 22 Oi idia badu henia taudia, \q1 be Dirava ese hemarai do ia henidia, \q1 bona kara dika taudia edia ruma be do idia boio ore.” \c 9 \s1 Iobu ese Biledada dekenai ia haere \p \v 1 Vadaeni Iobu ia haere, ia gwau, \b \q1 \v 2 “Momokani, emui hereva be maoro. \q1 To tau ta be edena bamona do ia maoromaoro diba, \q1 Dirava ena vairana dekenai? \q1 Edena bamona tau ta ese, \q1 Dirava dekenai do ia hepapahuahu henia diba? \q1 \v 3 Bema Dirava ese, \q1 tau ta nega 1000 henanadai ia nanadaia neganai, \q1 unai tau ese unai 1000 lalonai, \q1 nega ta do ia haere henia lasi. \q1 \v 4 Badina Dirava ena aonega be bada herea, \q1 iena siahu danu be bada momokani. \q1 Daika ese iena lalona ia ha-aukaia Dirava dekenai, \q1 vadaeni do ia kwalimu? \q1 Ta lasi momokani. \q1 \v 5 Dirava ese ororo ia kokia lao, \q1 idia laga-ani diba lasi. \q1 Dirava ese iena badu dekena amo ia hadikadia ore. \q1 \v 6 Dirava ese tanobada ia hamarerea bada noho, \q1 bona tanobada ena badina nadidia idia heudeheude noho. \q1 \v 7 Dirava ese dina dekenai ia oda henia, \q1 vadaeni dina do ia daekau lasi, \q1 bona ia ese hisiu danu edia diari ia koua diba. \q1 \v 8 Dirava sibona ese guba ia karaia, \q1 ta ia durua lasi, \q1 bona Dirava ese davara ena hurehure edia latanai, \q1 ia raka lao noho. \q1 \v 9 Dirava ese hisiu ladana Asa bona Kesili bona Kima, \q1 be ia karaia, \q1 bona diho kahana dekenai hisiu haida ma ia atoa. \q1 \v 10 Dirava ese ma kara badadia ia karaia noho, \q1 ita diba lasi karadia, \q1 bona iena hoa karadia be momo herea, \q1 duahia diba lasi. \q1 \v 11 Dirava ese lau ia raka hanaia noho, \q1 to lau ese ia lau itaia lasi. \q1 Lauegu vairana dekenai ia raka lao noho, \q1 to lau diba lasi. \q1 \v 12 Dirava ese iena ura gauna ia abia noho, \q1 bona ta ese ia koua diba lasi. \q1 Daika ese do ia nanadaia, do ia gwau, \q1 ‘Dakaka oi karaia noho?’ \q1 \v 13 Dirava ese iena badu ia koua lasi. \q1 Unai huala badana Rahaba,\f a \fr 9.13 \ft Rahaba be Heberu taudia edia koboni ta, davara lalonai gauna.\f* ena durua taudia, \q1 hekokoroku taudia, \q1 be Dirava ese idia ia hadikaia ore momokani. \b \q1 \v 14 “Edena bamona Dirava dekenai do lau haere henia? \q1 Iena kota dekenai lau hereva neganai, \q1 lau gwauraia gauna be edena bamona do lau davaria? \q1 \v 15 Momokani, lau gwau lau be kerere lasi, \q1 to unai danu be lau gari noho, \q1 vadaeni Dirava dekenai lau haere henia diba lasi. \q1 Egu dala tamona be lau ese egu Kota Biaguna, \q1 Dirava, ena bogahisihisi totona do lau noia. \q1 \v 16 Bona bema ia dekenai lau boiboi, \q1 bona lau dekenai ia haere neganai, \q1 lau laloa ia ese lau dekenai do ia kamonai lasi. \q1 \v 17 Badina be ia ese lai bada dekena amo, \q1 lau ia hadikaia noho, \q1 bona bero momo lau dekenai ia henia, \q1 to mai ena badina ta lasi. \q1 \v 18 Ia ese egu hahodi dalana ia koua, \q1 bona egu lalona be mamina dikadia, \q1 dekena amo ia hahonua noho. \q1 \v 19 Dirava ena goada ese ibounai edia goada ia hanaia, \q1 bona iena maoromaoro be herea, \q1 daika ese ia kota henia diba? \q1 \v 20 Lau be lau maoro, \q1 to egu uduna ia gwau lau be kerere. \q1 Lau be lau kerere lasi, \q1 to Dirava ese lau ia gwauraia kerere. \q1 \v 21 Lau be lau kerere lasi, \q1 to hari lau laloa lasi, \q1 badina egu mauri ena namo lau laloa lou lasi. \q1 \v 22 Unai be gau ta lasi, \q1 badina be Dirava ese kerere lasi taudia, \q1 bona kara dika taudia danu do ia hadikaia ore hebou. \q1 \v 23 Bema kerere lasi tauna ia mase haraga neganai, \q1 Dirava ia kiri noho. \q1 \v 24 Dirava ese inai tanobada, \q1 be kara dika taudia edia imadia dekenai ia atoa. \q1 Ia ese kota biagudia ibounai edia matadia ia koua. \q1 Bema Dirava ese unai bamona ia karaia lasi, \q1 daika ese ia karaia? \b \q1 \v 25 “Egu mauri dinadia idia lao haraga noho, \q1 heau helulu tauna ia heau haraga bamona. \q1 Egu dina idia heau lao noho, \q1 idia ta ese lau idia hamoalea lasi. \q1 \v 26 Egu mauri dinadia be, \q1 vanagi mai heauna bamona idia lao haraga noho, \q1 ugava manu ese, \q1 iena vamu abia totona ia diho haraga noho bamona. \q1 \v 27 Lau ura inai bamona lau hereva: \q1 ‘Egu maumau do lau laloaboio, \q1 egu lalohisihisi do lau hadokoa, bona do lau moale.’ \q1 \v 28 To egu hisihisi ibounai dekenai lau gari, \q1 badina lau diba Dirava ese, \q1 lau do ia gwauraia maoro lasi. \q1 \v 29 Dirava ese lau ia gwauraia kerere dainai, \q1 lau be do lau hekwarahi kava ena anina be dahaka? \q1 \v 30 Sopu ese egu kara dika ia huria ore diba lasi. \q1 \v 31 To Dirava ese, \q1 guri mirona lalonai lau do ia negea diho. \q1 Unai neganai egu dabua danu ese, \q1 lau dekenai do idia hemarai. \b \q1 \v 32 “Bema Dirava be taunimanima, \q1 lau ese ia dekenai do lau haere diba, \q1 bona ai ruaosi be kota gabuna do ai gini hebou, \q1 emai hepapahuahu hamaoromaoroa totona. \q1 \v 33 To tau ta ese, \q1 aiemai padana dekenai do ia gini diba lasi. \q1 Kota biaguna ta be lasi, \q1 Dirava bona lau aiemai hepapahuahu tahua totona. \q1 \v 34 Dirava e, mani emu kara, \q1 oiemu kwadia auna lau dekena amo do oi abia siri. \q1 Oiemu matakani ena gari bada, \q1 be lau dekena amo do oi abia siri. \q1 \v 35 Unai neganai lau ese oi dekenai do lau hereva henia, \q1 mai gari lasi danu, \q1 badina lau diba, \q1 lau ese davana dika kererena ta lau karaia lasi.” \c 10 \s1 Iobu ese iena mauri totona ia hesiku \p \v 1 Iobu ma ia hereva, ia gwau, \b \q1 “Egu mauri ena namo lau laloa lasi, \q1 lau hesikulaia noho. \q1 Unai dainai egu maumau do lau gwauraia hedinarai noho. \q1 Egu lauma ena mamina ia dika dainai do lau maumau. \q1 \v 2 Dirava dekenai do lau hereva, do lau gwau: \q1 Lau do oi gwauraia kerere lasi, \q1 to oi ese oiemu samani hereva ena badina korikori, \q1 be lau dekenai mani do oi hadibaia. \q1 \v 3 Lau do oi dagedage henia be ia namo, a? \q1 Oi ese oi karaia gauna, \q1 be do oi negea be ia maoro, a? \q1 Bona kara dika taudia edia laloa dekenai oi moale noho, a? \q1 \v 4 Oiemu matana be hidio, a? \q1 Taunimanima ese idia itaia hegeregerena, \q1 be oi itaia noho, a? \q1 \v 5 Oiemu dina be taunimanima edia dina bamona, a? \q1 Oiemu lagani be taunimanima edia lagani hegeregerena, a? \q1 \v 6 Bona unai dainai sedira egu kara kerere oi tahua noho, \q1 bona egu kara dika oi tahua masemase, a? \q1 \v 7 To oi diba lau be kerere lasi. \q1 Bona oi diba danu, \q1 ta ese oiemu imana dekena amo lau ia hamauria diba lasi. \b \q1 \v 8 “Oiemu imana ese lau ia karaia, \q1 bona egu toana danu oi henia, \q1 to harihari unai oiemu imana ese, \q1 lau idia hadikaia ore noho. \q1 \v 9 Do oi laloatao, \q1 oi ese raro dekena amo lau oi karaia. \q1 Harihari oi ese kahu dekenai ma lau do oi halaoa, a? \q1 \v 10 Oi ese egu tamana dekenai goada oi henia, \q1 ia ese lau ia havaraia. \q1 Oi ese egu sinana ena bogana dekenai lau oi havaraia. \q1 \v 11 Oi ese egu tauanina, \q1 be turiana bona varovarona dekenai oi karaia, \q1 bona egu turiana be kopina bona hidiona dekenai oi koua. \q1 \v 12 Lau dekenai mauri oi henia, \q1 bona oi ese lau oi lalokau henia vadaeni danu. \q1 Oi ese lau oi naria dainai, \q1 egu lauma ia mauri noho inai. \b \q1 \v 13 “To harihari lau diba, \q1 inai bamona oi karaia, \q1 be hunia dekenai lau do oi hadikaia totona. \q1 \v 14 Bema kara dika lau karaia neganai, \q1 oi ese unai kara do oi itaia namonamo noho, \q1 bona unai egu dika do oi gwauatao lasi. \q1 \v 15 Bema kara dika lau karaia neganai, \q1 oiemu vairanai lau be kerere momokani. \q1 To bema lau kara maoromaoro, \q1 hanamoa ta lau davaria lasi. \q1 Momokani egu lalona ia hisihisi, \q1 bona lau hemarai bada noho. \q1 \v 16 Bema nega ta lau kwalimu neganai, \q1 oi ese, laiona bamona, lau oi lulua, \q1 bona hoa kara danu oi karaia noho, \q1 lau do oi hadikaia totona. \q1 \v 17 Samania taudia ma oi mailaia, \q1 lau do oi hamorua totona. \q1 Oiemu badu be lau dekenai oi habadaia noho, \q1 bona lau oi hadikaia totona, \q1 tuari orea matamatadia oi siaia mai. \b \q1 \v 18 “Dirava e, \q1 badina dahaka egu sinana ena bogana dekena amo, \q1 lau oi abia murimuri dekenai? \q1 Tau ta ese lau do itaia lasi neganai lau mase be namo. \q1 \v 19 Mauri ena mamina bema lau abia lasi be namo, \q1 to bogana dekena amo, maoromaoro lau mase, \q1 bona mase guria gabuna lalonai lau idia atoa be namo. \q1 \v 20 Egu mauri dinadia be kahirakahira idia ore, ani? \q1 Mani lau do oi rakatania, \q1 vadaeni egu mauri do noho nega sisina lalonai do lau moale diba. \q1 \v 21 Badina lau be kahirakahira do lau lao, \q1 bona do lau giroa mai lasi momokani. \q1 Dibura masemase gabuna dekenai do lau lao. \q1 \v 22 Unai gabu be hanuaboi momokani bamona, \q1 daradara gabuna. \q1 Unai gabu ena diari be dibura bamona.” \c 11 \s1 Sopara ena hereva: Iobu ese iena lalona do ia giroa be namo \p \v 1 Vadaeni Sopara, Namata tauna ia haere, ia gwau, \b \q1 \v 2 “Inai tau ena hereva be do ita haere henia lasi, a? \q1 Tau ta ena hereva momo dainai, \q1 be maoromaoro tauna do idia gwauraia, a? \q1 \v 3 Iobu e, oiemu hereva momo ese, \q1 taunimanima edia hereva do idia koua, a? \q1 Oi laloa hereva kava do oi gwauraia noho, \q1 bona ai ese oi dekenai do ai gwau henia lasi, a? \q1 \v 4 Oi be Dirava dekenai oi gwau, \q1 ‘Egu hereva be maoromaoro momokani, \q1 bona oiemu vairana dekenai lau be goevagoeva.’ \q1 \v 5 To lau ura bada, \q1 Dirava ese oi dekenai do ia hereva henia. \q1 Ia ese oi dekenai do ia gwau henia be namo. \q1 \v 6 Ia ese iena hunia dekenai ia noho aonega, \q1 be oi dekenai do ia hadibaia be namo. \q1 Iena aonega korikori ese, \q1 taunimanima edia diba ia hereaia noho. \q1 Kamonai, Dirava ese oiemu kerere davana ia henia noho, \q1 sisina sibona, \q1 to oiemu kerere davana korikori be ia bada. \b \q1 \v 7 “Dirava ena laloa dobu gaudia, \q1 bona iena hunia gaudia oi davaria diba, a? \q1 Siahu Ibounai Dirava ena siahu ena bada oi tohoa diba, a? \q1 \v 8 Dirava ena diba be ataiai herea, \q1 guba ena ataiai bamona. \q1 Edena bamona oi abia diba? \q1 Ma Dirava ena aonega be dobu herea, \q1 mase taudia edia gabu ena dobu ia hanaia. \q1 Oi be edena bamona do oi davaria diba? \q1 \v 9 Dirava ena siahu bona iena goada edia lata ese, \q1 tanobada ena lata idia hanaia noho. \q1 Davara ena lababa danu idia hanaia noho. \b \q1 \v 10 “Bema Dirava ese oi ia dogoatao, \q1 bona kota totona oi do ia abia lao neganai, \q1 daika ese Dirava ena kara do ia koua? \q1 \v 11 Koikoi taudia be Dirava ese ia diba, \q1 bona kara kerere taudia ia itaia neganai, \q1 ia ese idia ia laloa noho. \q1 \v 12 Bema uda doniki hahine ia mara neganai, \q1 ia ese taunimanima ta ia havaraia diba, a? \q1 Bema unai bamona ia vara diba neganai, \q1 kavakava tauna be do ia aonega diba. \b \q1 \v 13 “To bema oiemu kudouna oi hamaoromaoroa, \q1 bona Dirava dekenai oiemu imana do oi abia isi, \q1 \v 14 bona bema oiemu kara dika bona kerere oi negea momokani, \q1 bona oiemu ruma taudia edia dika danu do oi koua, \q1 \v 15 unai neganai oiemu vairana do oi abia isi lou, \q1 hemarai ta lasi, \q1 bona do oi gini goada, gari ta lasi. \q1 \v 16 Bona unai neganai, \q1 oi ese oiemu kerere do oi laloaboio. \q1 Oi dekena amo do idia boio ore, \q1 abata ena ranu ia heau ore bamona. \q1 \v 17 Oiemu mauri be do ia diari, \q1 ia ese dina ena diari do ia hereaia. \q1 Oiemu mauri ena dibura negadia, \q1 be daba rere bamona do idia diari. \q1 \v 18 Oi be do oi noho namo, \q1 bona mai abidadama danu gau namodia do oi naria. \q1 Badina Dirava ese oi do ia naria, \q1 bona laga-ani oi dekenai do ia henia. \q1 \v 19 Do oi hekure noho, \q1 badina tau ta ese oi do ia hagaria lasi, \q1 bona taunimanima momo ese oi do idia noia, \q1 oiemu hanamoa idia dekenai do oi henia totona. \q1 \v 20 To kara dika taudia do idia gari bada, \q1 edia heau mauri dalana ta do idia davaria lasi. \q1 Gau tamona sibona do idia naria, mase.” \c 12 \s1 Iobu ese Sopara ena hereva ia negea \p \v 1 Vadaeni Iobu ia haere, ia gwau, \b \q1 \v 2 “Momokani, emui diba be bada herea, a, \q1 bona do umui mase neganai, \q1 lau laloa, aonega ibounai do ia ore! \q1 \v 3 Lasi momokani! Lau danu be mai egu aonega. \q1 Umui ese aonega dekenai lau umui hereaia lasi. \q1 Hari umui gwauraia gaudia be daika idia diba lasi? \b \q1 \v 4 “Guna, Dirava ese egu noinoi ia kamonai, \q1 bona egu guriguri ia haere henia, \q1 badina lau be kara maoromaoro bona kerere lasi tauna. \q1 To harihari egu turana ese, \q1 lau dekenai idia kirikiri noho. \q1 \v 5 Umui be mai emui hekwarahi ta lasi, \q1 to umui ese lau umui kirikirilaia noho. \q1 Umui ese kahirakahira ia moru tauna umui botaia noho. \q1 \v 6 To henaoa taudia, \q1 be edia ruma dekenai idia noho mai maino danu, \q1 bona Dirava idia habadua noho taudia, \q1 be idia noho namonamo noho. \q1 Unai taudia ese sibodia edia diba bona goada idia laloa, \q1 bona idia ese unai, edia goada, \q1 be edia dirava tamona, idia halaoa. \b \q1 \v 7 “To uda boromadia bona ataiai manudia ese, \q1 umui dekenai idia hadibaia diba. \q1 \v 8 Tanobada ena avadia bona davara gwarume ese, \q1 umui dekenai do idia hamaoroa. \q1 \v 9 Idia ibounai idia diba, \q1 Lohiabada ena imana ese idia ia karaia vadaeni. \q1 \v 10 Dirava ena imana ese, \q1 mauri gaudia ibounai ia hakaua noho. \q1 Bona taunimanima ibounai edia mauri, \q1 be Dirava ena siahu henunai. \q1 \v 11 Emui uduna ese, \q1 aniani edia mamina idia tohoa noho bamona, \q1 emui taiana danu ese, \q1 hereva edia mamina idia tohoa noho. \q1 \v 12 Aonega be taunimanima burukadia dekenai ia noho, \q1 bona edia lagani be momo taudia ese, \q1 diba bada idia davaria noho. \b \q1 \v 13 “Aonega bona siahu be Dirava dekenai ia noho. \q1 Sisiba namona bona lalona kehoa momokani danu, \q1 be Dirava dekenai ia noho momokani. \q1 \v 14 Bema Dirava ese ruma ta ia veria diho neganai, \q1 daika ese ia haginia lou diba? \q1 Bona bema Dirava ese, \q1 tau ta dibura dekenai ia koua neganai, \q1 daika ese unai tau do ia ruhaia diba? \q1 \v 15 Bema Dirava ese medu ia siaia lasi neganai, \q1 hitolo ia vara noho. \q1 Bema Dirava ese medu bada ia siaia neganai, \q1 tanobada dekenai abata bada ia vara noho. \q1 \v 16 Momokani Dirava be mai ena goada bona aonega danu. \q1 Koikoi tauna, bona ia idia koia taudia danu, \q1 be Dirava ena siahu henunai idia noho. \q1 \v 17 Gunalaia taudia edia aonega, \q1 be Dirava ese ia haorea noho, \q1 bona kota biagudia, \q1 be Dirava ese ia hakavakavadia noho. \q1 \v 18 King taudia edia dagi, \q1 be Dirava ese ia kokia noho, \q1 bona dibura taudia mai guia danu ia halaodia. \q1 \v 19 Dirava ese hahelagaia taudia ia hamanaua, \q1 bona siahu taudia ia hamorua noho. \q1 \v 20 Taunimanima ese idia abidadama henia noho taudia, \q1 edia ududia be Dirava ese ia koua noho, \q1 bona tau badadia edia aonega, \q1 be Dirava ese ia kokia noho. \q1 \v 21 Lohia taudia be Dirava ese ia hahemaraia noho, \q1 bona goada taudia edia goada ia haorea noho. \q1 \v 22 Dirava ese dobu gabudia edia hunia gaudia ia kehoa hedinaraia, \q1 bona dibura masemase gabudia ia hadiaria noho. \q1 \v 23 Ia ese tanobada besedia ia habadaia noho, \q1 bona ia hadikadia ore noho. \q1 Edia taunimanima ia hanamoa, \q1 idia be momo herea idia lao, \q1 bona unai murinai ia halusidia noho. \q1 \v 24 Dirava ese tanobada besedia edia lohia taudia, \q1 edia aonega ia kokia. \q1 Vadaeni ia siaidia lao, \q1 dala idia noho lasi tano dekenai idia loaloa kava noho. \q1 \v 25 Dibura lalonai idia hekwarahi kava, \q1 ma idia daradara, \q1 edia diari be lasi dainai. \q1 Idia raka kerere noho, kekero taudia bamona.” \b \c 13 \p \v 1 Ma Iobu ia gwau, \b \q1 “Inai gaudia ibounai lau itaia guna vadaeni, \q1 bona emui hereva ibounai be guna lau kamonai vadaeni. \q1 \v 2 Umui diba gaudia be lau danu lau diba. \q1 Umui emui diba ese egu diba ia hereaia lasi. \q1 \v 3 To lau ura Siahu Ibounai Dirava dekenai do lau hereva. \q1 Lau ura Dirava sibona danu, \q1 egu laloa gaudia do ai herevaherevalaia. \q1 \v 4 To umui be koikoi hereva dekena amo, \q1 emui diba maragi umui hunia noho. \q1 Umui ibounai be dogeta namodia lasi bamona, \q1 tau ta umui hanamoa diba lasi. \q1 \v 5 Regena lasi umui noho be namo. \q1 Unai bamona neganai, \q1 sedira haida ese aonega taudia umui do idia gwauraia. \q1 \v 6 Harihari egu hereva do umui kamonai. \q1 Egu uduna ena noinoi mani do umui kamonai. \q1 \v 7 Hereva maoromaoro lasi, \q1 be Dirava ena ladana dekenai do umui gwauraia, a? \q1 Hereva koikoi be Dirava dainai do umui gwauraia, a? \q1 \v 8 Umui ese Dirava umui badinaia momokani, a? \q1 Dirava durua totona hereva umui gwauraia noho, a? \q1 \v 9 Dirava ese umui ia tahua neganai, \q1 do ia davaria umui be namo, a? \q1 Umui ese Dirava umui koia diba, \q1 tau ta umui koia noho bamona, a? \q1 \v 10 Bema lau dekenai umui durua koikoi, \q1 bona maka tamona dekenai lasi, \q1 unai neganai Dirava ese umui do ia gwau henia momokani. \q1 \v 11 Iena siahu bada herea ese umui ia hagaria lasi, a? \q1 Dirava dekenai umui gari lasi, a? \q1 \v 12 Umui emui aonega herevadia be anina lasi, \q1 lahi ena kahu bamona. \q1 Emui hepapahuahu hereva be raro bamona, \q1 badina idia manoka noho.” \s1 Dirava ese Iobu sedira do ia alaia mase, to Iobu be do ia abidadama henia noho \p \v 13 Ma Iobu ia hereva, ia gwau, \b \q1 “Harihari do umui hereva lasi, vadaeni do lau hereva, \q1 bona lau dekenai do idia vara gaudia, \q1 be do idia vara. \q1 \v 14 Lau diba mase be kahirakahira lau dekenai, \q1 to egu mauri atoa diho totona lau noho hegaegae inai. \q1 \v 15 Momokani, Dirava ese sedira lau do ia alaia mase, \q1 to lau ese ia dekenai do lau abidadama henia noho. \q1 Bona iena vairana dekenai, \q1 egu kara do lau gwauraia, idia be maoro. \q1 \v 16 Inai egu gari lasi kara ese sedira lau do ia hamauria, \q1 badina be Dirava idia laloa lasi taudia, be gari dainai, \q1 idia be Dirava ena vairanai do idia gini diba lasi. \q1 \v 17 Egu hereva do umui kamonai namonamo, \q1 emui taiadia do umui kehoa momokani. \q1 \v 18 Egu laloa korikori lau abia hegaegae vadaeni, \q1 bona lau diba egu maoromaoro do lau hamomokania. \q1 \v 19 Umui ese lau umui samania diba, a? \q1 Bema umui ese egu kerere umui gwauraia diba, \q1 lau be regerege lasi do lau noho, \q1 bona do lau mase namo. \b \q1 \v 20 “Dirava e, \q1 gau rua sibona mani lau dekenai do oi henia, \q1 unai neganai oiemu vairana dekena amo, \q1 do lau hunia toho lasi. \q1 \v 21 Lau do oi matakani henia noho lasi, \q1 bona oiemu gari karadia dekena amo, \q1 lau do oi hagaria lasi. \q1 \v 22 Unai neganai lau dekenai do oi boiboi, \q1 bona do lau haere. \q1 O, mani lau be oi dekenai do lau hereva, \q1 bona oi ese lau dekenai do oi haere. \q1 \v 23 Egu kara kerere bona egu kara dika be hida? \q1 Egu kerere bona egu kara dika, \q1 be lau dekenai do oi hadibaia. \q1 \v 24 Badina dahaka oiemu vairana, \q1 be lau dekena amo oi hunia noho? \q1 Badina dahaka oi dekenai tuari gwauraia tauna bamona lau oi halaoa? \q1 \v 25 Au raurauna ta, \q1 lai ese ia hodaia lao gauna, lau inai, \q1 be do oi hagaria, a? \q1 Oi ese rei kaukau do oi lulua lao, a? \q1 \v 26 Badina be oi ese lau samania totona, \q1 hereva mai edia mamina dika oi torea noho, \q1 bona egu kara dika, \q1 lau uhau neganai lau karaia gaudia, \q1 edia davana be do oi henia noho. \q1 \v 27 Egu aena be seini dekena amo oi guia noho, \q1 bona egu raka daladia ibounai oi itaia noho. \q1 Egu aena idia moia gabudia danu oi tahua noho. \b \q1 \v 28 “Taunimanima be idia ore lao noho, \q1 au ia bodaga lao bamona, \q1 o dabua ta, \q1 kaubebe ese idia ania ore gauna bamona.” \c 14 \s1 Iobu ese taunimanima edia lalohisihisi ia herevalaia \p \v 1 Iobu ia gwau, \b \q1 “Ita ibounai, hahine edia bogana, \q1 dekena amo ita vara taudia, \q1 iseda mauri dinadia be momo lasi, \q1 bona iseda hekwarahi be bada herea. \q1 \v 2 Ita tubu, vadaeni karaharaga ita kakoro, \q1 uma ena avadia bamona. \q1 Dina ena laulau bamona ita boio haraga, \q1 ita noho daudau lasi. \q1 \v 3 Dirava e, lau oi itaia noho, a? \q1 Lau do oi kota henia, \q1 lauegu kerere davana do oi henia, a? \q1 \v 4 Taunimanima be miro, bona goeva lasi. \q1 Goevagoeva gauna ta, \q1 be taunimanima dekena amo do ia vara diba, a? \q1 \v 5 Taunimanima ena mauri dinadia, \q1 be Dirava ese ia gwauraia guna vadaeni. \q1 Hua hida do ia mauri noho? \q1 Dirava sibona ese unai ia gwauraia. \q1 Tau ta ese unai dala ia haidaua diba lasi. \q1 \v 6 Unai dainai taunimanima dekena amo, \q1 mani do oi raka siri sisina, \q1 bona hekwarahi do oi henia lasi, \q1 vadaeni iena nega do ia moalelaia, \q1 bema mai dalana. \b \q1 \v 7 “Au be mai ena mauri dalana, ani? \q1 Do idia utua kwadogi, \q1 vadaeni ma ia tubu lou diba. \q1 Ia dekenai be tubu gaudia maragidia idia vara diba. \q1 \v 8 Au ena ramuna be sedira gunana momokani, \q1 bona iena badina be tano lalonai ia mase. \q1 \v 9 To ranu do ia abia neganai, \q1 rigi matamata do idia vara, \q1 ava ena anina matamata ia tubu bamona. \q1 \v 10 To tau be ia mase neganai, \q1 iena goada ia ore momokani, \q1 iena hahodi ia doko, \q1 vadaeni ia be edeseni? \q1 \v 11 Gohu ena ranu ia ore, \q1 bona sinavai ena ranu be ia kaukau lao bamona, \q1 \v 12 unai bamona danu taunimanima be idia hekure, \q1 vadaeni idia toreisi lou lasi. \q1 Idia be do idia noga lou lasi, \q1 ela bona guba do ia boio. \q1 Bona edia mahuta dekena amo, \q1 tau ta ese idia do ia hanogaia diba lasi. \b \q1 \v 13 “Lau ura mase gabuna dekenai lau do oi hunia. \q1 Mani lau do oi hunia, \q1 ela bona oiemu badu ia ore. \q1 Vadaeni nega ta do oi gwauraia, \q1 unai neganai oi ese lau do oi laloa. \q1 \v 14 Bema tau ta ia mase, \q1 ia be do ia mauri lou, a? \q1 To lau ese nega namodia totona do lau naria noho. \q1 Do lau naria noho, \q1 ela bona inai hisihisi bona hekwarahi idia ore. \q1 \v 15 Unai neganai oi ese lau dekenai do oi boiboi, \q1 vadaeni oi dekenai do lau haere, \q1 bona lau, oi ese oi karaia tauna dekenai, \q1 do oi moale noho. \q1 \v 16 Bona egu raka gabudia ibounai do oi itaia namonamo, \q1 to egu kara dika be do oi laloa lasi. \q1 \v 17 Oi ese egu kerere do oi gwauatao, \q1 do oi atodia siri, \q1 bona egu kara dika ibounai do oi kokia ore. \b \q1 \v 18 “To ororo be do idia moru diho, \q1 bona nadi badadia momokani, \q1 be edia gabu dekena amo idia kokia. \q1 \v 19 Ranu ese nadi ia hamaragia noho, \q1 bona abata ese tano ia kokia lao noho. \q1 Unai bamona danu oi ese taunimanima edia mauri namona, \q1 nega vairai abia totona gauna ena laloa, \q1 be oi ese oi haorea noho. \q1 \v 20 Oi ese taunimanima oi halusia hanaihanai, \q1 vadaeni idia boio. \q1 Idia edia vairana toana be idau, \q1 mase idia davaria dainai. \q1 \v 21 Bema idia edia natuna taudia be dagi namodia idia abia, \q1 madi idia diba lasi. \q1 \v 22 Tau be ia sibona ena tauanina ena hisihisi ia mamia noho, \q1 bona ia sibona ena lalohisihisi dainai ia tai noho.” \c 15 \s1 Elipasa ena hereva iharuana: Dika taudia edia davana be dika \p \v 1 Vadaeni Elipasa, Temana tauna, ia haere, ia gwau, \b \q1 \v 2 “Iobu e, oiemu hereva be anina lasi momokani. \q1 Oiemu hereva be lai ta, \q1 ena ladana laurabada ena regena bamona. \q1 \v 3 Aonega tauna ese hepapahuahu hereva kava, \q1 o namo idia havaraia diba lasi hereva, \q1 oi ese oi gwauraia gaudia bamona, \q1 do ia gwauraia noho, a? \q1 \v 4 To oi ese Dirava gari henia kara oi ura hadokoa, \q1 bona Dirava dekenai guriguri henia kara oi ura koua. \q1 \v 5 Badina be oiemu kara kerere ese, \q1 oiemu uduna ena hereva ia hadibaia noho, \q1 bona oiemu hereva be aonega koikoi, \q1 dekena amo oi gwauraia noho. \q1 \v 6 Oi sibona oiemu uduna ese oi ia gwau henia noho, \q1 lau be lasi. \q1 Oi sibona oiemu uduna ese oi ia samania noho. \b \q1 \v 7 “Oi laloa oi be taunimanima ginigunana, a? \q1 Ororo idia do karaia lasi neganai oi vara, a? \q1 \v 8 Dirava ena palani, \q1 hunia gaudia, be oi ese oi kamonai, a? \q1 Oi laloa oi tamona sibona be mai aonega, a? \q1 \v 9 Dahaka gaudia oi diba, \q1 to ai diba lasi, a? \q1 Dahaka aonega oi davaria, \q1 to ai davaria lasi, a? \q1 \v 10 Aiemai aonega, \q1 be huina kurokuro buruka taudia dekena amo ai davaria. \q1 Idia vara guna, oiemu tamana be gabeai ia vara. \q1 \v 11 Dirava ese hagoadaia hereva oi dekenai ia henia noho, \q1 badina dahaka oi negea noho? \q1 Iena hereva manadadia be hegeregere lasi oi dekenai, a? \q1 \v 12 Badina dahaka oiemu laloa ia siahu noho? \q1 bona badu dainai oiemu matana idia hururu noho, a? \q1 \v 13 Oi ese Dirava dekenai oi badu henia noho, \q1 bona Dirava hadikaia hereva oi gwauraia noho. \b \q1 \v 14 “Taunimanima be edena bamona do idia goevagoeva diba? \q1 Hahine ena bogana dekena amo ia vara tauna, \q1 be edena bamona ia maoromaoro diba? \q1 \v 15 Oi kamonai: \q1 Dirava ese iena aneru danu ia abidadama henia lasi, \q1 bona idia be goevagoeva lasi iena vairana dekenai. \q1 \v 16 Unai bamona dainai, \q1 Dirava ena vairanai taunimanima be edena bamona? \q1 Idia be kara dika bona kara bodaga taudia. \q1 Idia ese dika idia inua noho, ranu bamona! \b \q1 \v 17 “Iobu e, kamonai. \q1 Lau itaia, bona lau diba gauna do lau gwauraia, \q1 be do oi kamonai. \q1 \v 18 Aonega taudia ese, \q1 aonega hereva momokani lau dekenai idia hadibaia, \q1 edia tamadia dekena amo idia davaria gaudia. \q1 Idia ese aonega hereva ta idia hunia lasi. \q1 \v 19 Edia tano dekenai idau bese taudia idia noho lasi. \q1 Dirava dekena amo do idia hakaua kerere taudia ta, \q1 be ia noho lasi. \q1 \v 20 Kara dika tauna, \q1 ia ese haida ia dagedage henia tauna, \q1 be iena mauri dinadia ibounai lalonai, \q1 hisihisi do ia abia noho. \q1 \v 21 Iena taiana dekenai, \q1 gari bada gaudia edia regena do ia kamonai, \q1 bona ia laloa maino dekenai ia noho neganai, \q1 tuari taudia ese ia do idia tuari henia. \q1 \v 22 Inai dika tauna, \q1 be dala lasi dibura dekena amo do ia heau mauri, \q1 badina be tuari kaia dekena amo do idia alaia mase. \q1 \v 23 Ia be ia loaloa kava, loaloa kava noho, \q1 bona galo manu ese iena mase tauanina idia naria noho. \q1 Unai tau ia diba dibura gabuna dekenai do ia lao. \q1 \v 24 Lalohisihisi bona laloa hekwarahi bada ese, \q1 unai tau idia hagaria noho. \q1 Idia ese unai tau idia halusia noho, \q1 king ese ia tuari henidia taudia ia halusia bamona. \q1 \v 25 Badina be unai tau ese iena imana ia lokua noho, \q1 Dirava do ia heatu henia totona. \q1 Ia ese Siahu Ibounai Dirava ia gwau henia, \q1 mai ena hekokoroku danu. \q1 \v 26 Ia ese Dirava tuari henia totona ia heau lao, \q1 mai ena kesi aukana danu. \b \q1 \v 27 “Inai tau dikana be, iena digarana ese, \q1 iena vairana ena kopina ia habadaia, \q1 bona iena bogana danu ia habadaia bada herea. \q1 \v 28 Ia ese tuari dekena amo hanua ia abidia, \q1 bona tuari dainai, \q1 taunimanima idia noho diba lasi rumadia lalonai ia noho. \q1 To tuari ese inai hanua bona ruma ibounai, \q1 ma do ia hadikaia ore. \q1 \v 29 Unai dainai unai tau dikana ena kohu momo, \q1 be do idia boio. \q1 Ia ese ia biagua gaudia ibounai do idia boio ore. \q1 Ia hadoa gaudia danu be do idia tubu lasi. \q1 \v 30 Unai tau dikana ese, \q1 dibura dekena amo do ia heau mauri lasi. \q1 Ia be au ta bamona, \q1 iena rigi be lahi ese ia gabua ore, \q1 bona lai ese iena herahera ia hodaia lao ore. \q1 \v 31 Bema unai tau be kavakava dainai, \q1 ia ese dika ia abidadama henia neganai, \q1 iena davana be dika sibona do ia davaria. \q1 \v 32 Iena nega do ia ore lasi neganai, \q1 davana dika do ia abia, \q1 bona ia be do ia mauri lou lasi, \q1 au rigina kaukau bamona. \q1 \v 33 Ia be do ia moru, \q1 vain ena mage lasi huahua idia moru kava bamona, \q1 olive auna ena herahera idia moru kava bamona. \q1 \v 34 Badina Dirava idia gari henia lasi taudia be anina lasi, \q1 idia danu turana karaia taudia danu be anina lasi. \q1 Bona kerere do idia karaia totona moni idia abia taudia, \q1 be lahi ese edia ruma do ia gabua ore. \q1 \v 35 Inai taudia ese dika do idia karaia dalana idia laloa guna, \q1 bona edia laloa ena anina, dika, \q1 be idia ese idia havaraia. \q1 Idia edia lalodia, \q1 be koikoi dekenai idia honu noho nega ibounai.” \c 16 \s1 Iobu ia haere: Ia gwau ia ese Dirava do ia noia, do ia durua \p \v 1 Vadaeni Iobu ia haere, ia gwau, \b \q1 \v 2 “Hereva unai bamona momo lau kamonai guna vadaeni. \q1 Umui ibounai be hagoadaia taudia dikadia. \q1 \v 3 Emui hereva kavakavadia be do idia doko diba, a? \q1 Dahaka ese umui ia habadua, \q1 bona umui hereva noho doko lasi? \q1 \v 4 Bema umui be lauegu gabu dekenai umui noho neganai, \q1 lau ese umui dekenai do lau hereva diba, \q1 umui ese lau dekenai umui hereva henia hegeregerena. \q1 Lau ese danu haroro umui emui latanai do lau gwauraia diba, \q1 bona egu kwarana mai aonega danu, \q1 umui dekenai do lau abia isi diba. \q1 \v 5 Egu uduna dekena amo, \q1 lau ese umui do lau hagoadaia diba, \q1 Bona egu hereva ese emui hisihisi idia hamaragia diba. \q1 \v 6 To egu hereva ese egu hisihisi ia hamaragia lasi, \q1 bona lau hereva lasi neganai danu, \q1 egu hisihisi be ia ore lasi. \b \q1 \v 7 “Dirava e, \q1 momokani oi ese lauegu goada oi haorea vadaeni. \q1 Oi ese egu bese taudia ibounai oi kokia ore vadaeni. \q1 \v 8 Dirava e, oi ese lau oi dogoatao, \q1 bona egu tauanina oi hamaragia momokani vadaeni. \q1 Taunimanima ese egu tauanina idia itaia neganai, \q1 idia gwau, momokani lau be kerere vadaeni. \q1 \v 9 Dirava ese mai badu danu egu tauanina ia darea noho. \q1 Ia ese lau dekenai iena isena ia koria auka masemase, \q1 bona ia ese lau do ia hadikaia ore dalana, \q1 be ia laloa noho. \q1 \v 10 Taunimanima ese lau dekenai idia hereva dika noho. \q1 Idia ese mai badu danu egu vairana idia botaia noho. \q1 Lau idia hadikaia totona idia haboua noho. \q1 \v 11 Dirava ese, \q1 tau dikadia edia imadia dekenai lau ia atoa vadaeni, \q1 dagedage taudia edia huanai lau ia negea vadaeni. \q1 \v 12 Egu noho be namo neganai, \q1 Dirava ese lau ia botaia. \q1 Ia ese egu aiona ia dogoatao, \q1 bona ia hamakohia momokani. \q1 Ia ese egu tauanina, \q1 be iena diba pidia gabuna ia halaoa vadaeni. \q1 \v 13 Iena peva taudia ese lau idia hagegea noho. \q1 Mai bogahisihisi lasi danu, \q1 ia ese egu tauanina ia gwadaia bona heberoa. \q1 Egu digara be tano dekenai ia bubua noho. \q1 \v 14 Ia ese lau ia haberoa lou, haberoa lou. \q1 Ia ese lau ia tuari henia noho, \q1 tuari tauna dagedagena bamona. \b \q1 \v 15 “Puse dabua lau turia vadaeni, \q1 egu kopina koua totona. \q1 Egu vairana, \q1 be tano ena kahu dekenai lau atoa diho vadaeni. \q1 \v 16 Taitai dainai egu vairana be ia kakakaka vadaeni, \q1 bona egu matana ena kopidia be idia korema momokani. \q1 \v 17 To lau ese dagedage karana ta lau karaia lasi, \q1 bona egu guriguri be ia goevagoeva. \b \q1 \v 18 “Tano e, egu rarana do oi koua lasi. \q1 Egu taitai kota maoromaorona totona, \q1 be do oi koua lasi. \q1 \v 19 Harihari danu egu uitnesi, \q1 egu hereva hamomokania tauna be guba dekenai ia noho. \q1 Egu hereva durua tauna be ataiai ia noho. \q1 \v 20 Egu turana taudia ese, \q1 lau idia hereva dika henia noho. \q1 Bona egu matana ranu, \q1 be Dirava ena vairana dekenai idia diho noho. \b \q1 \v 21 “Lau ura tau ta ese, \q1 egu maoromaoro Dirava dekenai do ia gwauraia, \q1 tau ta ese iena turana dainai ia noinoi bamona. \q1 \v 22 Badina lagani momo lasi do idia ore neganai, \q1 lau be giroa mai lasi dalana dekenai do lau raka lao. \b \c 17 \q1 \v 1 “Egu lauma ia makohia vadaeni, \q1 egu mauri dinadia be kahirakahira idia ore. \q1 Guria gabuna be lau totona ia noho hegaegae. \q1 \v 2 Lau dekenai idia hereva dika taudia ese, \q1 lau idia hagegea noho. \q1 Egu matana ese edia badu karadia idia itaia noho. \b \q1 \v 3 “Dirava e, lau be maoromaoro bona momokani. \q1 Egu hereva do oi abia dae. \q1 Tau ta ese egu hereva ia durua lasi, \q1 \v 4 badina oi ese edia lalodia oi koua, \q1 bona idia laloa maoromaoro diba lasi. \q1 Unai dainai mani emu kara idia do oi durua lasi, \q1 vadaeni lau dekena amo do idia kwalimu lasi. \q1 \v 5 Bema tau ese moni abia totona, \q1 iena turana ia samania neganai, \q1 unai tau ena natuna edia matadia do idia kepulu. \b \q1 \v 6 “Taunimanima idia kirikirilaia gauna, \q1 be Dirava ese lau ia halaoa vadaeni. \q1 Idia ese egu vairana dekenai idia kanudi noho. \q1 \v 7 Egu matana be kahirakahira idia kepulu, \q1 egu lalohisihisi dainai. \q1 Egu imana bona aena be idia maragi lao vadaeni, \q1 dina ena laulau ena toana bamona. \q1 \v 8 Kara maoromaoro taudia ese inai idia itaia neganai, \q1 idia hoa mai gari danu, \q1 bona kerere lasi taudia ese do idia toreisi, \q1 Dirava laloa lasi taudia do idia koua totona. \q1 \v 9 To kara maoromaoro tauna, \q1 be iena dala dekenai do ia raka noho, \q1 bona kara goevagoeva taudia edia goada, \q1 be do idia bada lao. \b \q1 \v 10 “To umui ibounai, \q1 egu vairana dekenai umui gini noho taudia e, \q1 emui huana dekenai aonega tauna ta do lau davaria lasi. \q1 \v 11 Egu mauri dinadia idia ore vadaeni, \q1 bona lau ura karaia gaudia be do idia vara lasi. \q1 \v 12 To egu turana idia gwau hanuaboi be dina. \q1 Dibura momokani sibona ia noho neganai idia gwau, \q1 ‘Diari be kahirakahira.’ \q1 \v 13 Egu dala tamona be inai: \q1 Mase gabuna be egu ruma do lau halaoa. \q1 Unuseni dibura lalonai do lau mahuta. \q1 \v 14 Lau ese guria gabuna dekenai do lau hereva, \q1 do lau gwau, ‘Oi be egu tamana.’ \q1 Bona biluga dekenai do lau hereva, \q1 ‘Oi be egu sinana bona egu taihuna.’ \q1 \v 15 Gau namona ta lau naria noho diba, a? \q1 Daika ese egu gau namona ta ia itaia diba? \q1 \v 16 Lasi, lau naria noho gau namona, \q1 be lau danu mase ena iduara lalonai do ia vareai lao. \q1 Ai ese tano ena kahu lalonai do ai diho hebou.” \c 18 \s1 Biledada ena hereva iharuana: Dirava ese dika taudia do ia hadikaia \p \v 1 Vadaeni Biledada, Suhu tauna, ia haere, ia gwau, \b \q1 \v 2 “Iobu e, inai hereva do oi gwauraia noho, \q1 ela bona edena negai? \q1 Do oi laloa namonamo, \q1 unai neganai ai be oi dekenai do ai hereva. \q1 \v 3 Badina dahaka oi laloa ai be boromakau bamona? \q1 Badina dahaka oi laloa ai be kavakava? \q1 \v 4 Oiemu badu ese oi sibona do ia hadikaia noho. \q1 To oiemu hisihisi dainai, \q1 taunimanima ibounai ese tanobada do idia rakatania, a? \q1 Dirava ese oi totona ororo do ia kokia, a? \b \q1 \v 5 “Momokani, kara dika tauna ena diari be ia bodo vadaeni. \q1 Iena lahi ena hururu be ia diari lasi. \q1 \v 6 Iena palai ruma lalonai diari be ia dibura. \q1 Iena ataiai ia noho lamepa be ia bodo vadaeni. \q1 \v 7 Ia raka neganai, \q1 iena aena edia goada idia manoka lao. \q1 Ia sibona ia palania gauna ese, \q1 iena noho do ia hadikaia. \q1 \v 8 Badina ia sibona ena aena ese, \q1 reke dekenai idia hakaua vareai. \q1 Ia loaloa kava, bona reke lalonai ia moru. \q1 \v 9 Ia ese tarapu ia moia, \q1 bona tarapu ese iena aena ia dogoatao auka. \q1 \v 10 Tano dekenai tarapu idia hunia vadaeni. \q1 Unai tarapu gauna, \q1 be unai tau ena raka dala dekenai ia noho, \q1 tau do ia abia totona. \q1 \v 11 Kahana ibounai dekena amo, \q1 gari gaudia ese unai tau idia hagaria noho. \q1 Iena raka gabudia ibounai dekenai idia lulua noho. \q1 \v 12 Guna ia be kohu momo tauna, \q1 to hari ia be ia hitolo bada noho, \q1 bona ia moru neganai, \q1 hisihisi bada herea do ia davaria. \q1 \v 13 Gorere ese iena kopina ia haorea noho. \q1 Gorere, ladana be ‘mase ena vara guna’, \q1 ese iena imana bona aena ia haorea noho. \q1 \v 14 Ia ese iena ruma bona kohu ia abidadama henia, \q1 mauri namona do ia abia noho totona, \q1 to ia be ia mase, \q1 bona gari bada ena king dekenai do ia lao. \q1 \v 15 Idau taunimanima be iena ruma dekenai do idia noho. \q1 To salipa dekenai unai ruma do idia hagoevaia guna. \q1 \v 16 Unai tau dikana be au dikana bamona, \q1 iena ramuna be kaukau, henuna dekenai, \q1 bona iena rigina danu be kaukau, ataiai dekenai. \q1 \v 17 Unai tau, \q1 be tanobada taudia do idia laloa lou lasi. \q1 Iena ladana be do idia laloaboio momokani. \q1 \v 18 Mauri taudia edia gabu dekena amo do idia lulua siri. \q1 Diari gabuna dekena amo, \q1 dibura gabuna dekenai do idia lulua lao. \q1 \v 19 Ia be natuna ta lasi, \q1 bona tubuna ta lasi, iena bese edia huanai. \q1 Guna ia noho gabunai, \q1 be iena varavara ta do ia noho lasi. \q1 \v 20 Dina diho kahana taudia ese, \q1 unai tau ena mase dekenai do idia hoa bada. \q1 Dina daekau kahana taudia ese danu, \q1 be do idia hoalaia mai gari bada danu. \q1 \v 21 Momokani tau dikadia edia dokona be unai bamona. \q1 Dirava idia laloa sisina lasi taudia, \q1 edia mase be unai bamona.” \c 19 \s1 Iobu ia gwau taunimanima ibounai ese idia dagedage henia, to Dirava sibona ese ia durua \p \v 1 Vadaeni Iobu ese iena turana taudia dekenai ia haere, ia gwau, \b \q1 \v 2 “Emui hereva dekena amo, \q1 badina dahaka lau umui hisihisi henia noho? \q1 \v 3 Nega momo lau umui gwau henia noho, \q1 bona lau umui hadikaia noho, hemarai lasi. \q1 \v 4 Bema momokani kerere lau karaia neganai, \q1 inai kerere ese umui ia hadikaia, a? \q1 \v 5 Umui laloa lau be dika, \q1 to umui sibona be namo, a? \q1 Umui gwau, lauegu hisihisi ese egu kerere idia hamomokania. \q1 \v 6 To lau ese kerere ta lau karaia lasi. \q1 Dirava ese inai bamona lau dekenai ia karaia, \q1 sibona ena ura dainai. \q1 Ia ese tarapu ia atoa vadaeni, \q1 lau do ia dogoatao totona. \q1 \v 7 Dirava ena dagedage dainai lau tai noho, \q1 to tau ta ese lauegu noinoi idia kamonai lasi. \q1 Kota maoromaorona totona lau tai, \q1 to ta ese lau ia durua lasi. \q1 \v 8 Dirava ese egu dala ia koua, \q1 vadaeni lau hanaia diba lasi, \q1 bona egu dala be dibura dekenai ia hunia vadaeni. \q1 \v 9 Egu kohu momo be Dirava ese ia abia siri vadaeni, \q1 bona egu ladana namona be ia ese ia hadikaia vadaeni. \q1 \v 10 Ia ese kahana ibounai dekena amo lau ia botaia noho. \q1 Mauri namona totona lau naria ena laloa, \q1 be ia ese ia kokia vadaeni, \q1 bona ia ese lau ia rakatania, \q1 do lau manoka bona do lau mase totona. \q1 \v 11 Dirava ese lau dekenai ia badu, \q1 bona lau ia hadikaia noho. \q1 Ia ese lau dekenai ia tuari henia noho, \q1 lau be ia dekenai bema lau tuari henia bamona. \q1 \v 12 Iena tuari taudia be ia ese ia siaia, \q1 lau do idia tuari henia totona. \q1 Egu palai ruma idia hagegea vadaeni, \q1 bona dadaira idia geia vadaeni. \b \q1 \v 13 “Dirava ese egu tadikaka taudia, \q1 be lau dekena amo ia abia siri vadaeni, \q1 bona egu turana taudia dekenai lau be idau tauna dainai, \q1 idia ura lasi lau. \q1 \v 14 Egu varavara bona turana ese, \q1 lau idia rakatania vadaeni. \q1 \v 15 Egu ruma dekenai guna idia vadivadi taudia ese, \q1 lau idia laloaboio vadaeni, \q1 bona egu hesiai kekeni ese, \q1 idau tauna lau idia halaoa vadaeni, \q1 idia edia vairana dekenai lau be idau bese tauna. \q1 \v 16 Egu hesiai tauna lau boiria, to ia haere lasi. \q1 Lau noia neganai danu ia ese lau ia durua lasi. \q1 \v 17 Egu adavana ese egu hahodi ena bonana ia ura lasi momokani, \q1 bona egu tadikaka taudia be lau dekenai idia mai lasi. \q1 \v 18 Memero maragidia ese lau dekenai idia kirikiri, \q1 idia ese lau idia ura henia lasi momokani. \q1 \v 19 Egu turana korikori taudia ese lau idia ura lasi, \q1 bona lau ese lau lalokau henia taudia, \q1 be lau dekena amo idia siri vadaeni. \q1 \v 20 Lauegu tauanina be ia maragi lao noho, \q1 bona egu turiana be idia hedinarai. \b \q1 \v 21 “Egu turana taudia e, \q1 mani lau dekenai do umui bogahisihisi henia, \q1 badina be Dirava ena imana ese lau ia botaia vadaeni. \q1 \v 22 Badina dahaka umui ese lau umui dagedage henia noho, \q1 Dirava ese ia karaia noho bamona? \q1 Badina dahaka egu hisihisi umui habadaia noho? \b \q1 \v 23 “Egu hereva be tau ta ese buka lalonai do ia torea be namo, \q1 \v 24 o nadi palakana dekenai egu hereva do ia ivaia, \q1 revareva aukadia bamona. \q1 Do ia torea, do idia noho hanaihanai totona. \q1 \v 25 Badina be lau diba, \q1 ia ese lau ia hamauria Diravana be ia noho, \q1 bona nega dokona dekenai, ia ese lau do ia durua. \q1 \v 26 Vadaeni egu kopina be gorere dekena amo ia dika ore, \q1 to egu tauanina ia do noho neganai, \q1 lau ese Dirava do lau itaia. \q1 \v 27 Lauegu matana korikori dekenai do lau itaia, \q1 ia be idau lasi tauna bamona do lau itaia. \b \q1 “To egu laloa goada ia manoka lao, \q1 badina be umui hereva, umui gwau, \q1 \v 28 ‘Edena bamona do ita hahisia?’ \q1 Umui ese dala umui tahua, \q1 lau do umui hadikaia totona. \q1 \v 29 To harihari tuari kaia dekenai do umui gari, \q1 badina inai tuari kaia, \q1 Dirava ena badu unai, \q1 ese kara dika taudia edia latanai ia moru noho, \q1 bona unai dekena amo, \q1 do umui diba, Dirava tamona sibona ese, \q1 kerere ena davana ia karaia noho.” \c 20 \s1 Sopara ena hereva iharuana: Tau dikadia edia noho namo be nega sisina sibona \p \v 1 Vadaeni Sopara, Namata tauna, be ia haere, ia gwau, \b \q1 \v 2 “Iobu e, \q1 oiemu hereva ese lau idia hisihisi henia dainai, \q1 lau ura haere henia haraga. \q1 \v 3 Oi gwauraia hereva ese lau idia hadikaia noho, \q1 to lau ese idia lau haere henia diba. \b \q1 \v 4 “Nega gunadia dekena amo, \q1 Dirava ese tanobada dekenai taunimanima ia atoa neganai, \q1 ia mai bona harihari, \q1 inai be oi diba lasi, a? \q1 \v 5 Kara dika tauna ena hekokoroku bona kwalimu, \q1 be nega sisina sibona, \q1 bona Dirava ia gari henia lasi tauna ena moale, \q1 be ia doko haraga, ani? \q1 \v 6 Sedira ia be do ia tubu lata, ela bona guba, \q1 bona iena kwarana be ori dekenai do ia kamokau. \q1 \v 7 To ia be do ia mase hanaihanai, \q1 ia sibona ena kukuri bamona. \q1 Idia itaia vadaeni taudia do idia gwau, \q1 ‘Ia be edeseni ia lao?’ \q1 \v 8 Ia be do ia roho lao, \q1 bona do ia boio, nihi do ia boio bamona, \q1 bona tau ta ese do ia itaia lou lasi. \q1 \v 9 Guna ia noho gabuna dekenai do ia hedinarai lou lasi. \q1 \v 10 Bona ia ese ogogami taudia dekena amo ia henaoa kohu, \q1 be iena natuna tau ese, \q1 unai ogogami taudia dekenai do idia henia lou. \q1 \v 11 Unai tau ena tauanina be guna ia goada, \q1 uhau tauna bamona, \q1 to unai tauanina be, nega sisina, \q1 mase ese tano kahu do ia halaoa. \b \q1 \v 12 “Momokani kara dika ena mamina be namo, iena uduna dekenai, \q1 bona ia ese unai dika haida, \q1 be iena malana ena henunai ia hunia noho. \q1 \v 13 Momokani ia ese unai dika ia ura henia noho dainai, \q1 ia ura lasi do ia negea, \q1 bona iena uduna dekenai ia dogoatao noho. \q1 \v 14 To unai aniani be iena bogana ia vareai neganai, \q1 ena mamina be dika. \q1 Ia be gaigai ena poisini bamona iena bogana lalonai. \q1 \v 15 Unai kara dika tauna ese, \q1 ia henaoa vadaeni kohu momo do ia mumuta negea, \q1 badina Dirava ese, \q1 unai tau ena bogana dekena amo unai gau do ia abia lou. \q1 \v 16 Kara dika tauna ese ia ania gaudia, \q1 be poisini bamona. \q1 Unai poisini ese unai tau do ia alaia mase, \q1 gaigai ese ia koria mase bamona. \q1 \v 17 Olive dehoro ena sinavai namodia do ia itaia lasi. \q1 Rata bona hani idia heau noho sinavai, \q1 be do ia moalelaia lasi. \q1 \v 18 Ia gaukara totona ahuna sisina be do ia abia lasi. \q1 Iena hekwarahi ena davana bona ena moale, \q1 be do ia davaria lasi. \q1 \v 19 Badina be ia ese ogogami taudia ia dagedage henidia vadaeni, \q1 bona durua ta ia henidia lasi. \q1 Ia ese danu idau tauna ese ia haginidia ruma haida, \q1 be ia dogoatao kava. \b \q1 \v 20 “Unai tau ese sibona ia ura henia gaudia, \q1 be ia tahua dikadika noho nega ibounai dainai, \q1 laga-ani ia davaria diba lasi. \q1 Unai dainai unai ia abia gaudia ese, \q1 mauri namona idia henia lasi. \q1 \v 21 Ia aniani neganai, \q1 iena aniani ibounai ia ania ore, \q1 haida ia rakatania lasi, \q1 unai dainai unai tau ena kohu momo, \q1 be do idia noho daudau lasi. \q1 \v 22 Iena kohu momo idia noho neganai, \q1 hekwarahi do ia vara, \q1 bona lalohisihisi ena siahu ibounai, \q1 be ia dekenai do ia ginidae. \q1 \v 23 Unai tau ese iena ura hegeregerena, \q1 iena bogana do ia hahonua mai moale danu, \q1 to Dirava ese iena kerere ena davana do ia henia, \q1 mai badu bona siahu momokani danu. \q1 \v 24 Ia ese tuari kaia, \q1 auri gauna dekena amo do ia heau neganai, \q1 auri laboralabora diba ta do idia pidia, \q1 bona unai tau do ia gwadaia momokani. \q1 \v 25 Iena doruna dekena amo idia ese diba do idia veria. \q1 Diba ena matana be iena asena dekena amo do idia veria, \q1 mai rarana momo danu. \q1 Unai neganai mase ena gari ese, \q1 unai tau do ia dogoatao momokani. \q1 \v 26 Ia ese ia haboua gaudia ibounai, \q1 be dibura lalonai do idia boio ore, \q1 bona taunimanima ese idia gabua lasi lahi ese, \q1 unai tau, \q1 bona iena ruma dekenai noho taudia ibounai danu, \q1 do ia gabudia ore. \q1 \v 27 Guba ese unai tau ena kara kerere do ia hedinaraia, \q1 bona tanobada ese, ia hadikaia totona do ia toreisi. \q1 \v 28 Iena ruma bona ena kohu ibounai, \q1 be abata ese do ia kokia lao ore. \q1 Dirava ese iena badu dinana dekenai, \q1 unai bamona do ia karaia. \q1 \v 29 Kara dika tauna ena davana be unai, \q1 Dirava dekena amo. \q1 Iena ahuna be unai, \q1 Dirava ese ia gwauraia vadaeni.” \c 21 \s1 Iobu ia haere: Badina dahaka dika taudia idia noho namo? \p \v 1 Vadaeni Iobu ia haere, ia gwau, \b \q1 \v 2 “Egu hereva dekenai do umui kamonai namonamo. \q1 Inai sibona lau noia do umui karaia, \q1 vadaeni goada sisina do lau davaria. \q1 \v 3 Lau dekenai nega sisina do umui henia, \q1 do lau hereva totona. \q1 Unai murinai, bema umui ura, \q1 umui ese lau dekenai umui hereva dika diba. \b \q1 \v 4 “Lau ese taunimanima dekenai lau badu henia lasi, \q1 to egu maumau Dirava dekenai, \q1 be mai badina momokani danu. \q1 \v 5 Mai emui hoa danu lau do umui itaia noho, \q1 bona emui imadia dekena amo emui ududia do umui koua. \q1 \v 6 Inai lau dekenai ia vara gauna lau laloa neganai, \q1 lau hoa mai gari danu, \q1 bona egu tauanina ia heudeheude noho. \q1 \v 7 Badina dahaka kara dika taudia idia mauri noho, \q1 ela bona idia buruka? \q1 Bona badina dahaka edia siahu be ia bada lao noho? \q1 \v 8 Edia natudia be edia vairana dekenai, \q1 idia tubu namonamo noho. \q1 Edia tubudia danu edia noho namo, \q1 be inai dika taudia ese idia itaia noho. \q1 \v 9 Dirava ese edia rumadia ia hadikaia lasi, \q1 bona edia noho be mai gari danu lasi. \q1 \v 10 Edia boromakau tau ese nega ibounai natuna idia havaraia, \q1 bona edia boromakau hahine ese natuna idia abia noho, \q1 nega ta idia mara dika lasi. \b \q1 \v 11 “Edia natuna maragidia idia siaia lao, \q1 mamoe oreana bamona. \q1 Edia maragidia idia mavaru noho. \q1 \v 12 Tareko bona gita ane idia abia, \q1 bona ivilikou ena regena dekenai idia moale noho. \q1 \v 13 Mai moni bona kohu momo, edia noho dinadia be namo, \q1 ela bona mai maino danu, mase gabuna dekenai idia diho. \q1 \v 14 Idia ese Dirava dekenai idia hereva, idia gwau, \q1 ‘Ai do oi rakatania! \q1 Ai ura lasi oiemu dala do ai diba. \q1 \v 15 Siahu Ibounai Dirava be daika, \q1 be ai ese iena hesiai gaukara do ai karaia? \q1 Bona bema ia dekenai ai guriguri neganai, \q1 dahaka namo do ai davaria?’ \q1 \v 16 Idia gwau edia goada sibona dekena amo, \q1 mauri mai kwalimu danu idia davaria noho. \q1 To inai edia laloa dalana lau ura lasi momokani. \b \q1 \v 17 “To nega hida kara dika taudia edia lamepa, \q1 be Dirava ese ia habodoa? \q1 O nega hida hisihisi bada, \q1 be idia dekenai ia ginidae? \q1 Nega hida Dirava ese, \q1 iena badu dekena amo ia hisihisi henidia? \q1 \v 18 Nega hida idia be rei kaukau, \q1 lai ese ia hodaia lao bamona, \q1 o uiti momoru, lai guba ese ia hodaia ore bamona? \q1 \v 19 Momokani umui gwau, \q1 ‘Dirava ese natuna ta do ia panisia, \q1 iena tamana ena kara dika dainai.’ \q1 To lau gwau, \q1 namona be Dirava ese, \q1 kara dika ia karaia tauna sibona ena davana do ia henia, \q1 ia sibona ese mamina do ia abia totona. \q1 \v 20 Ia sibona ena matana ese, \q1 iena matakani dikana do ia itaia be namo. \q1 Siahu Ibounai Dirava ena badu ena siahu ena mamina, \q1 be unai dika tauna sibona do ia abia be namo. \q1 \v 21 Tau ta ena mauri dinadia idia ore neganai, \q1 ia ese iena natuna edia moale ia laloa, a? \b \q1 \v 22 “Tau ta ese Dirava ia hadibaia diba, a? \q1 Lasi, badina Dirava be guba ena Kota Biaguna Badana, \q1 bona ia ese guba ena aneru ia kota henidia noho. \q1 \v 23 Tau haida edia tauanidia be goada neganai idia mase, \q1 edia noho be namo, \q1 bona mai edia gari ta lasi. \q1 \v 24 Edia tauanidia be digara dekenai idia honu, \q1 bona edia turiadia mai goadadia danu. \q1 \v 25 To ma haida, \q1 edia laumadia be mai moale lasi danu neganai idia mase, \q1 nega ta gau namona ta idia davaria lasi. \q1 \v 26 To idia mase neganai, \q1 idia ibounai be hegeregere. \q1 Idia ibounai be biluga ese idia ania ore. \b \q1 \v 27 “Umui emui laloa be lau diba. \q1 Lau diba umui ura lau do umui hadikaia. \q1 \v 28 Badina umui gwau, \q1 ‘Inai lohia tauna ena ruma harihari be edeseni? \q1 Unai kara dika ia karaia tauna ena ruma be edeseni?’ \q1 \v 29 Dala dekenai idia laolao noho taudia, \q1 be umui nanadaidia lasi, a? \q1 Edia hereva umui kamonai lasi, a? \q1 \v 30 Idia gwau Dirava ia badu dinana ia ginidae neganai, \q1 kara dika tauna be do ia mauri noho. \q1 Badu dinana dekenai, \q1 kara dika tauna ese ia heau mauri noho. \q1 \v 31 Daika ese kara dika tauna ia samania henia, \q1 iena kara dika dainai? \q1 Daika ese iena dika davana ia henia noho? \q1 \v 32 Guria gabuna dekenai, \q1 iena tauanina idia huaia lao noho, \q1 bona iena guria gabuna idia gimaia namonamo danu. \q1 \v 33 Taunimanima momo herea, \q1 be unai tau do idia guria totona, \q1 ena guriguri hebou dekenai do idia hedinarai, \q1 bona tano namona momokani ese, \q1 iena tauanina do ia koua. \b \q1 \v 34 “To umui emui hereva anina lasi ese, \q1 edena bamona lau idia durua diba? \q1 Emui haere hereva ibounai be koikoi sibona.” \c 22 \s1 Elipasa ena hereva ihatoina: Bema Iobu ese iena lalona ia giroa, Dirava ese do ia hanamoa \p \v 1 Vadaeni Elipasa, Temana tauna, be ia haere, ia gwau, \b \q1 \v 2 “Tau ta ese gau ta Dirava dekenai do ia henia diba, a? \q1 Aonega tauna ese Dirava ia durua diba, a? \q1 \v 3 Oiemu kara maoromaoro dainai, \q1 Siahu Ibounai Dirava ia moale, a? \q1 Oiemu kara namodia ese, \q1 Dirava idia durua sisina diba, a? \b \q1 \v 4 “Oi ese Dirava oi gari henia noho dainai, \q1 ia ese oi ia sisiba henia noho, \q1 bona ia ese oi ia kota henia noho, a? \q1 \v 5 Lasi momokani, \q1 oiemu kara dika bona kerere bada dainai, \q1 sisiba bona matakani oi dekenai ia henia noho. \q1 \v 6 Badina be oiemu tadikakana ese, \q1 iena abiatorehai ena davana ia henia lasi neganai, \q1 oi ese iena dabua oi abia, ia be dabua lasi. \q1 \v 7 Manoka bona ranu mase taudia dekenai ranu oi henia lasi, \q1 bona hitolo taudia dekenai aniani oi henia lasi. \q1 \v 8 To oiemu siahu bona oiemu dagi be idia bada dainai, \q1 oi ese tano ibounai oi abia, oiemu. \q1 \v 9 Oi ese vabu taudia oi siaia lao, oi durua lasi. \q1 Tamana bona sinana lasi maragidia danu, \q1 be oi dagedage henia, \q1 bona idia dekena amo oi henaoa. \q1 \v 10 Unai dainai tarapu momo ese oi idia hagegea noho, \q1 bona gari bada ese karaharaga oi dekenai ia ginidae. \q1 \v 11 Dibura ese danu oi ia koua noho, \q1 gau ta oi itaia diba lasi. \q1 Abata ese danu oi ia koua noho. \b \q1 \v 12 “Dirava be guba ataiai ia noho lasi, a? \q1 Ataiai idia noho hisiu oi itaia, \q1 idia be ataiai momokani, ani? \q1 \v 13 To oi ese oi nanadaia, oi gwau, \q1 ‘Dirava be dahaka ia diba? \q1 Ia be ori ese idia koua noho, \q1 edena bamona ai do ia kota henia diba?’ \q1 \v 14 Oi laloa unai ori ese Dirava idia koua, \q1 vadaeni ia ese guba dekenai ia raka noho neganai, \q1 tanobada gauna ta ia itaia lasi, a? \q1 \v 15 Dala gunadia, \q1 kara dika taudia ese idia raka guna vadaeni dalana, \q1 be unai dala dekenai oi danu oi raka ani? \q1 \v 16 Edia mauri negana do ia ore lasi neganai, \q1 abata ese ia kokidia lao, ia aladia ore. \q1 \v 17 Inai taudia be Dirava dekenai idia gwau, \q1 ‘Oi ese ai do oi rakatania.’ \q1 Ma danu idia gwau, \q1 ‘Siahu Ibounai Dirava be dahaka do ia karaia diba ai dekenai?’ \q1 \v 18 To Dirava ese edia ruma, \q1 be gau namodia momo dekena amo ia hahonua. \q1 Unai dainai kara dika taudia edia laloa, \q1 be lau ura lasi momokani. \b \q1 \v 19 “Kara dika taudia edia kerere davana idia abia neganai, \q1 tau namodia idia moale noho, \q1 bona kerere lasi taudia idia kiri noho, idia gwau, \q1 \v 20 ‘Momokani kara dika taudia ese, \q1 dika idia davaria vadaeni, \q1 bona idia rakatania gaudia, \q1 be lahi ese ia gabua ore vadaeni.’ \b \q1 \v 21 “Iobu e, Dirava danu maino do oi karaia, \q1 bona iena ura do oi karaia. \q1 Unai neganai Dirava ese oi do ia hanamoa. \q1 \v 22 Dirava ena hadibaia hereva danu do oi abia dae, \q1 bona iena hereva, \q1 be oiemu kudouna ena lalonai do oi dogoatao noho. \q1 \v 23 Io, bema Siahu Ibounai Dirava dekenai oi giroa lou, \q1 bona bema oiemu ruma dekenai, \q1 oiemu bese idia karaia noho dika do oi koua neganai, \q1 Dirava ese oi do ia haginia lou. \q1 \v 24 Oiemu golo be tano ena kahu dekenai do oi negea, \q1 bona oiemu Opiri golo, \q1 be sinavai maragina ena nadi edia huanai do oi negea lao. \q1 \v 25 Siahu Ibounai Dirava be oiemu golo do oi halaoa, \q1 bona Dirava be oiemu siliva namo herea danu, \q1 do oi halaoa. \q1 \v 26 Unai neganai, \q1 oi ese nega ibounai Dirava do oi abidadama henia, \q1 bona do oi davaria, \q1 ia be oiemu moale ena badina momokani. \q1 \v 27 Oi be ia dekenai oi guriguri neganai, \q1 ia ese do ia kamonai henia, \q1 bona oi ese oiemu gwauhamata, \q1 be do oi karaia momokani. \q1 \v 28 Do oi karaia gaudia ibounai dekenai do oi kwalimu. \q1 bona oiemu dala ibounai, \q1 be diari ese do ia hadiaria. \q1 \v 29 Badina be Dirava ese, \q1 hekokoroku tauna ia atoa diho noho, \q1 to hekokoroku lasi tauna ia hamauria noho. \q1 \v 30 Bema oi be kerere lasi neganai, \q1 Dirava ese oi do ia hamauria. \q1 Oiemu kara be goevagoeva dainai, do oi heau mauri.” \c 23 \s1 Iobu ia haere: Ia ura be Dirava ena kota lalonai ia hereva \p \v 1 Vadaeni Iobu ia haere, ia gwau, \b \q1 \v 2 “Lau be lau maumau noho Dirava dekenai. \q1 Mai lalohisihisi danu lau tai noho, \q1 to lau dekenai Dirava ena imana ia metau noho. \q1 \v 3 Lau ura diba edeseni Dirava do lau davaria, \q1 unai neganai iena helai gabuna dekenai, \q1 do lau raka kahirakahira, \q1 \v 4 bona lau sibona egu laloa, \q1 be Dirava ena vairana dekenai do lau gwauraia. \q1 Egu lalona durua totona hereva momo do lau gwauraia. \q1 \v 5 Lau ura do lau diba, \q1 edena bamona egu hereva do ia haere henia, \q1 bona iena haere dekena amo, \q1 lau ura egu laloa do ia kehoa. \q1 \v 6 Dirava ese mai ena goada ibounai dekena amo, \q1 lau do ia heai henia, a? \q1 Lasi, lau hereva neganai, ia ese lau do ia kamonai henia. \q1 \v 7 Lau be kara maoromaoro tauna, \q1 bona unai dainai, \q1 lau be Dirava danu ai herevahereva diba. \q1 Ia ese egu maoromaoro do ia gwauraia momokani. \b \q1 \v 8 “Dina ia daekau kahana dekenai Dirava lau tahua, \q1 to ia be lasi unuseni. \q1 Dina ia diho kahanai danu lau davaria lasi. \q1 \v 9 Dirava be mirigini kahanai, \q1 bona diho kahanai danu ia gaukara vadaeni, \q1 to lau ese ia do lau itaia lasi. \q1 \v 10 To Dirava ese egu lao dalana ia diba. \q1 Ia ese lau ia tohoa vadaeni murinai, \q1 lau be golo hegeregerena do lau raka lao. \q1 \v 11 Egu aena be Dirava ena aena gabudia, \q1 dekenai idia raka vadaeni. \q1 Iena dala lau badinaia vadaeni, \q1 lau raka siri lasi. \q1 \v 12 Dirava ena oda be nega ta lau rakatania lasi. \q1 Iena ura lau karaia noho, \q1 egu ura be lau karaia lasi. \b \q1 \v 13 “Ia sibona ia gini noho, \q1 bona daika ese iena ura ia koua diba? \q1 Iena ura hegeregerena ia karaia noho nega ibounai. \q1 \v 14 Lau dekenai ia palani do ia karaia gaudia, \q1 be do ia karaia momokani, \q1 bona palani momo unai bamona ma do ia karaia momokani. \q1 \v 15 Unai dainai iena vairana dekenai lau gari bada noho. \q1 Iena kara lau laloa neganai, \q1 lau gari bona lau heudeheude noho. \q1 \v 16 Dirava ese egu laloa goada ia hamanokaia vadaeni. \q1 Siahu Ibounai Dirava ese, \q1 mai hoa danu lau ia hagaria vadaeni. \q1 \v 17 Dirava ese dibura dekena amo lau ia hagaria vadaeni. \q1 Bona inai dibura bada ese, \q1 egu vairana ia koua, lau itaia diba lasi.” \c 24 \s1 Badina dahaka Dirava ese dika taudia ia koua haraga lasi? \p \v 1 Iobu ma ia hereva, ia gwau, \b \q1 “Badina dahaka Siahu Ibounai Dirava ese, \q1 kota dinana ta ia gwauraia lasi? \q1 Badina dahaka Dirava idia badinaia taudia ese, \q1 unai dina totona idia naria kava noho? \q1 \v 2 Taunimanima ese, \q1 tano ena hetoa idia makaia nadi idia kokia lao. \q1 Mamoe oreadia idia henaoa, \q1 bona idia edia mamoe edia huanai idia hunidia noho. \q1 \v 3 Idia ese danu, \q1 tamana bona sinana lasi maragidia edia doniki idia henaoa, \q1 bona vabu ena abiatorehai, ena davana abia totona, \q1 iena boromakau tau idia abia lao. \q1 \v 4 Idia ese ogogami taudia, \q1 be dala dekena amo idia doria siri. \q1 Unai dainai tanobada ena ogogami taudia ibounai, \q1 be idia hunia noho. \q1 \v 5 Madi, ogogami taudia be uda doniki bamona, \q1 tano kaukau dekenai aniani idia tahua noho. \q1 Unai gabu sibona dekenai, \q1 edia natudia totona aniani idia davaria noho. \q1 \v 6 Idia biagua lasi tano ena anina idia haboua noho, \q1 bona kara dika taudia edia vain uma, \q1 ena momoru danu idia haboua noho. \q1 \v 7 Hanuaboi ena nega ibounai lalonai, \q1 kopina kavakava idia hekure noho, \q1 edia dabua be lasi dainai. \q1 Keru neganai idia be kouti ta lasi. \q1 \v 8 Ororo dekenai ia diho medu ese ia hapariparidia, \q1 bona edia ruma be lasi dainai, \q1 idia be nadi badadia badibadinai idia hekure. \q1 \v 9 Tau dikadia ese tamana lasi maragidia, \q1 be sinadia edia kemena dekena amo idia dadia noho, \q1 bona abiatorehai ena davana abia totona, \q1 idia ese ogogami tauna ena natuna idia abia lao. \q1 \v 10 Ogogami taudia be kopina kavakava idia loaloa noho, \q1 edia dabua be lasi. \q1 Mai edia hitolo danu, \q1 uiti idia guia, bona idia huaia lao. \q1 \v 11 Idia ese danu kara dika tauna ena olive uma dekenai, \q1 olive dehoro idia karaia noho. \q1 Idia ese vain huahua idia moia gabuna dekenai, \q1 uaina idia karaia, \q1 to idia ranu mase noho. \q1 \v 12 Hanua badadia lalonai idia mase noho taudia, \q1 bona bero idia davaria taudia, \q1 be durua totona idia tai noho, \q1 to Dirava ese edia noinoi ia kamonai henia lasi. \b \q1 \v 13 “Taunimanima haida ese diari idia ura lasi momokani, \q1 diari ena dala idia diba lasi, \q1 bona unai dala dekenai idia raka lasi. \q1 \v 14 Ala-ala tauna be daba rere neganai ia toreisi noho, \q1 ogogami taudia bona hitolo taudia do ia alaia totona, \q1 bona hanuaboi neganai henaoa karadia ia karaia. \q1 \v 15 Heudahanai tauna ese, \q1 dina ia diho noho neganai ia naria noho. \q1 Ia gwau, \q1 ‘Tau ta ese lau do ia itaia lasi.’ \q1 Ia ese iena vairana ia koua noho. \q1 \v 16 Hanuaboi neganai, \q1 henaoa taudia ese ruma idia hamakohia, \q1 to dina lalonai idia hunia noho, \q1 diari idia ura lasi momokani. \q1 \v 17 Hanuaboi momokani be edia daba idia halaoa noho. \q1 Idia ese dibura ena gari dikadika gaudia danu, \q1 idia turana karaia noho. \b \q1 \v 18 “To umui gwau: \q1 ‘Kara dika tauna be abata bada ese ia kokia lao, \q1 ia boio vadaeni, \q1 bona ia biagua tano, \q1 be Dirava ese ia hadikaia noho. \q1 Unai tau ese, \q1 iena vain uma dekenai gaukara totona do ia lao lou lasi. \q1 \v 19 Sinou ese dina ena siahu bona medu lasi neganai, \q1 ia boio haraga bamona, \q1 kara dika tauna ese danu, \q1 be tanobada dekena amo do ia boio haraga. \q1 \v 20 Unai dika tauna be iena sinana danu ese, \q1 do ia laloatao lasi. \q1 Biluga ese iena tauanina idia ania noho, \q1 bona ia be makohia ore, ia moru auna bamona.’ \b \q1 \v 21 “Unai dika ia vara badina be, \q1 ia ese vabu taudia ia hadikaia, \q1 bona natuna idia havaraia diba lasi hahine taudia, \q1 be ia bogahisihisi henidia lasi dainai. \q1 \v 22 Dirava ese iena goada dekena amo, \q1 siahu taudia ia hadikaia ore noho. \q1 Dirava ese ia toreisi, \q1 vadaeni kara dika tauna ia mase. \q1 \v 23 Dirava ese sedira nega sisina lalonai, \q1 unai tau dekenai noho namo do ia henia, \q1 to iena dala be Dirava ese ia itaia noho nega ibounai. \q1 \v 24 Nega sisina sibona tau dikana ena noho be namo, \q1 to unai murinai ia boio ore, \q1 ia be ava ia mase bamona. \q1 Ia be do idia utua oho, \q1 uiti ena kwarana idia utua oho bamona. \b \q1 \v 25 “Bema inai be momokani lasi, \q1 daika ese lau be koikoi tauna do ia gwauraia diba? \q1 Daika ese do ia hedinaraia egu hereva be anina lasi?” \c 25 \s1 Biledada ena hereva ihatoina: Dirava ena vairanai, tau ta ia maoromaoro diba lasi \p \v 1 Vadaeni Biledada, Suhi tauna, ia haere, ia gwau, \b \q1 \v 2 “Dirava ena siahu be King siahuna momokani. \q1 Ia ese taunimanima ibounai ia hagaria noho. \q1 Ia ese iena guba dekenai maino namona ia karaia. \q1 \v 3 Tau ta ese, \q1 Dirava ena tuari anerudia ia duahia diba, a? \q1 Tau ta ena latanai, \q1 be Dirava ena diari ia kamokau lasi, a? \q1 \v 4 Unai dainai tau ta be, \q1 edena bamona Dirava ena vairanai do ia maoromaoro diba, a? \q1 Hahine ena bogana dekena amo ia vara tauna, \q1 be edena bamona do ia goevagoeva diba? \q1 \v 5 Badina Dirava ena vairana dekenai, \q1 hua be ia diari lasi, \q1 bona, hisiu danu be idia goevagoeva lasi. \q1 \v 6 Unai bamona dainai, \q1 edena bamona tau ta be Dirava ena vairanai ia goevagoeva diba? \q1 Taunimanima be biluga sibona bamona, \q1 Dirava ena vairana dekenai.” \c 26 \s1 Iobu ia haere: Dirava ena siahu ese iseda diba bona laloa ia hereaia momokani \p \v 1 Vadaeni Iobu ia haere, ia gwau, \b \q1 \v 2 “Lau be goada lasi tauna momokani. \q1 Emui durua kara lau dekenai ena namo be dahaka? \q1 \v 3 Emui sisiba hereva, lau, aonega lasi tauna, dekenai, \q1 ena namo be dahaka? \q1 Diba momo lau dekenai umui hadibaia vadaeni, a? \q1 \v 4 Daika ena durua dekena amo, \q1 be umui ese inai hereva umui gwauraia? \q1 Bona emui uduna dekena amo, \q1 daika ena lauma ia hereva? \b \q1 \v 5 “Mase taudia edia lauma be idia heudeheude noho, \q1 mase gabuna, davara henunai idia noho laumadia, \q1 ranu bona davara lalonai noho mase taudia danu. \q1 \v 6 Badina Dirava ese mase taudia ia itaia namonamo. \q1 Hel ena kahana ibounai, \q1 be Dirava ese ia itaia namonamo noho, \q1 bona unuseni noho taudia idia hunia diba lasi. \q1 \v 7 Dirava ese mirigini kahana dekenai guba ia karaia, \q1 gau lasi gabuna ena ataiai. \q1 Tanobada danu be ia ese ia karaia, \q1 gau lasi gabuna ena latanai. \q1 \v 8 Dirava ese ori be ranu dekena amo ia hahonua, \q1 bona ia ese ori ia hagoadaia, \q1 vadaeni unai ranu ena metau ese ori ia makohia lasi. \q1 \v 9 Dirava ese hua badana ena vairana ia koua, \q1 iena ori dekena amo hua badana ia koua noho. \q1 \v 10 Davara badana ena hetoa laini, \q1 be Dirava ese ia karaia hagegea. \q1 Diari bona dibura edia hetoa gabuna be unai. \q1 \v 11 Dirava ese guba idia dogoatao du ia gwau henia neganai, \q1 idia be mai gari danu idia heudeheude noho. \q1 \v 12 Dirava ese iena goada dekena amo davara ia hamanadaia, \q1 bona iena aonega dekena amo, \q1 davara ena dagedage gauna, Rahaba ia alaia ore. \q1 \v 13 Dirava ena lai ese guba ia hagoevaia, \q1 bona Dirava ena imana ese, \q1 unai koboni, gaigai dagedagena ia gwadaia mase. \q1 \v 14 Inai karadia, be Dirava dekenai kara maragidia sibona. \q1 Inai kara be iena sivarai ena kahana maragina sibona. \q1 To Dirava ena siahu momokani ena bada, \q1 be daika ia diba?” \b \c 27 \p \v 1 Iobu ese ma ia hereva lou, ia gwau, \b \q1 \v 2 “Mauri Dirava, \q1 egu ahuna korikori ia kokia Diravana, \q1 ena ladana dekenai lau gwauhamata, \q1 Siahu Ibounai Dirava, \q1 egu lauma dekenai dika ia henia noho Diravana, \q1 dekenai lau gwauhamata inai, \q1 \v 3 lau be do mauri noho dinadia ibounai, \q1 Dirava ese hahodi lau dekenai ia henia neganai, \q1 \v 4 egu uduna ese gau dikana ta do ia gwauraia lasi, \q1 bona egu malana ese danu, \q1 hereva koikoi ta do ia gwauraia lasi. \q1 \v 5 Do lau gwauraia lasi, umui, egu turana taudia be maoro, \q1 lasi momokani. \q1 Harihari ia lao bona do lau mase, \q1 egu laloa maoromaoro, bona egu kerere lasi, \q1 do lau gwauraia noho. \q1 \v 6 Egu kara maoromaoro do lau gwauraia noho, \q1 bona inai laloa do lau dogoatao noho, \q1 do lau negea lasi. \q1 Egu lalona be ia maoromaoro noho, \q1 nega ta ia kerere lasi. \b \q1 \v 7 “Lau ura lau idia hadikaia gwauraia taudia, \q1 bona lau idia heatu henia taudia, \q1 be Dirava ese, \q1 kara dika bona kara kerere taudia hegeregerena, \q1 edia davana do ia henia. \q1 \v 8 Badina be Dirava ia gari henia lasi tauna ese, \q1 gau namona ta ia naria diba, a? \q1 Dirava ese unai tau ena mauri ia haorea neganai, \q1 dahaka gau namona do ia abia? \q1 \v 9 Ia dekenai hisihisi ia ginidae neganai, \q1 Dirava ese unai tau ena taitai do ia kamonai, a? \q1 \v 10 Unai tau ese, \q1 Siahu Ibounai Dirava dekenai do ia moale bada, a? \q1 Ia ese nega ibounai Dirava dekenai do ia guriguri, a? \b \q1 \v 11 “Lau ese Dirava ena siahu bada, \q1 be umui dekenai do lau hadibaia. \q1 Siahu Ibounai Dirava ena dala be do lau hunia lasi. \q1 \v 12 To umui ibounai ese, \q1 Dirava ena siahu umui itaia guna vadaeni, ani, \q1 unai dainai badina dahaka umui hereva kavakava noho? \b \q1 \v 13 “Siahu Ibounai Dirava ese, \q1 dika bona dagedage tauna ena kerere davana, \q1 be do ia henia inai bamona: \q1 \v 14 Ia be sedira mai ena natuna tau momo, \q1 to idia ibounai be tuari lalonai do idia mase. \q1 Iena natudia edia aniani be hegeregere lasi, \q1 do idia hitolo noho nega ibounai. \q1 \v 15 Unai dika tauna ia mase murinai, \q1 gorere ese iena natuna do ia aladia mase. \q1 Edia vabu taudia ese danu, \q1 edia tau idia mase totona do idia taitai lasi. \q1 \v 16 Unai dika tauna be sedira siliva moni momo herea, \q1 be do ia haboua, tano kahu bamona, \q1 dabua momo danu, raro momo bamona. \q1 \v 17 To ia ese ia haboua vadaeni dabua, \q1 be kara maoromaoro taudia ese do idia karaia, \q1 bona iena siliva, \q1 be kara namona taudia ese do idia haria. \q1 \v 18 Unai dika tauna ia haginia vadaeni ruma, \q1 be magera ena au raurau ruma sibona bamona. \q1 Iena ruma be uma ia gimaia tauna ena ruma bamona. \q1 \v 19 Ia be mai ena kohu momo danu neganai ia hekure diho, \q1 to inai bamona do ia karaia lou lasi, \q1 badina ia noga neganai, \q1 do ia davaria iena kohu be idia boio vadaeni momokani. \q1 \v 20 Gari bada ese ia do idia koua momokani, \q1 abata ena gari bamona. \q1 Hanuaboi neganai lai guba ese do ia hodaia lao ore. \q1 \v 21 Dina ia daekau kahana dekena amo, \q1 lai badana ese do ia abia isi, \q1 do ia abia lao, gabu daudau dekenai do ia negea. \q1 Iena gabu dekena amo do ia boio momokani. \q1 \v 22 Mai bogahisihisi lasi danu, \q1 lai ese unai tau do ia hadikaia. \q1 Lai ena siahu dekena amo do ia heau. \q1 \v 23 To ia heau neganai, \q1 taunimanima be mai moale danu, \q1 edia imadia do idia patapata, \q1 bona unai dika tauna ena gabu dekena amo ia heau neganai, \q1 do idia bamahuta henia mai hevaseha hereva danu.” \c 28 \s1 Aonega be gau badana momokani \p \v 1 Ma Iobu ia hereva, ia gwau, \b \q1 “Taunimanima ese guri badadia idia geia noho, \q1 siliva abia totona. \q1 Golo idia hagoevaia gabudia danu idia noho. \q1 \v 2 Taunimanima ese danu, \q1 auri be tano dekena amo idia geia noho. \q1 Bona auri laboralabora, \q1 be nadi idia havevea dekena amo idia abia noho. \q1 \v 3 Taunimanima ese dibura momokani gabudia dekenai, \q1 diari idia atoa noho, \q1 bona dobu herea gabudia idia tahua noho, \q1 auri nadi unai dibura gabudia lalonai, \q1 do idia davaria totona. \q1 \v 4 Taunimanima edia noho ruma gabudia be daudau, \q1 taunimanima edia aena idia raka lasi gabuna dekenai, \q1 be guri idia geia taudia ese auri idia tahua noho. \q1 Kwanau sibona idia dogoatao, \q1 bona dobu gabudia dekenai idia diho. \q1 \v 5 Tano ena kopina dekenai aniani ia vara noho, \q1 to unai tano ena henuna momokani dekenai, \q1 iena toana be idau, lahi ese ia hadikaia bamona. \q1 \v 6 Tano ena nadi lalonai, \q1 sapairo nadi namodia idia noho, \q1 bona tano ena kahu lalonai golo ia noho. \q1 \v 7 Unai tano henunai daladia, \q1 be vamu ia tahua manu ta ese ia itaia lasi. \q1 Bogibada manu ena matana ese ia itaia lasi. \q1 \v 8 Laiona ta, o dagedage gauna ta ese, \q1 unai henunai idia noho daladia dekenai idia raka lasi. \q1 \v 9 Taunimanima ese nadi aukadia momokani idia geia diba. \q1 Idia ese ororo edia badina nadidia, \q1 be idia geia bona kokia lao noho. \q1 \v 10 Nadi badadia dekenai dadaira idia geia, \q1 bona unai neganai, \q1 edia matadia ese davana bada nadidia idia itaia noho. \q1 \v 11 Taunimanima ese danu sinavai idia koua, \q1 bona ranu henunai ia noho tano lalonai, \q1 idia hunia noho davana bada gaudia idia hedinaraia noho. \q1 \v 12 To aonega be edeseni do ita davaria? \q1 Laloa kehoa gabuna be edeseni ia noho? \q1 \v 13 Taunimanima edia huanai aonega do ita davaria lasi. \q1 Tanobada ena mauri taudia edia huanai aonega ia noho lasi. \q1 \v 14 Dobu gabuna bona davara badana ese idia gwau, \q1 ‘Aonega be ai dekenai ia noho lasi.’ \q1 \v 15 Golo bona siliva dekena amo, \q1 aonega ita hoia diba lasi. \q1 \v 16 Opiri golo dekena amo, \q1 aonega ena davana ita karaia diba lasi. \q1 Onuku o sapairo nadidia danu ese, \q1 aonega ena davana idia karaia diba lasi. \q1 \v 17 Aonega ena davana ese golo ena davana ia hereaia noho. \q1 Golo herahera o galasi namo herea dekena amo, \q1 aonega ita hoia diba lasi. \q1 \v 18 Iasipa bona davara ena nadi namodia danu, \q1 be aonega hegeregerena lasi, \q1 rubi nadi danu be aonega ena davana ia hereaia lasi. \q1 \v 19 Etiopia ena tapasio nadi, \q1 bona golo goevagoeva momokani edia davana, \q1 be aonega ena davana, \q1 hegeregerena do ita gwauraia diba lasi momokani. \b \q1 \v 20 “Vadaeni, aonega be edeseni dekena amo ia mai? \q1 Bona laloa kehoa ia noho gabuna be edeseni? \q1 \v 21 Aonega be mauri gaudia ibounai, \q1 edia matadia dekena amo ia hunia noho. \q1 Bona ataiai idia roho noho manu ibounai danu, \q1 ese idia itaia diba lasi. \q1 \v 22 Dobu masemase gabuna ena aneru, \q1 bona Mase danu be idia gwau, \q1 ‘Aonega ena sivarai sisina sisina sibona, \q1 be ai kamonai vadaeni.’ \q1 \v 23 Dirava sibona be aonega ia lao dalana ia diba. \q1 Ia sibona ese aonega ia noho gabuna ia diba. \q1 \v 24 Badina Dirava ese tanobada ena dokodia ia itaia noho. \q1 Guba henunai idia noho gaudia ibounai ia itaia noho. \q1 \v 25 Dirava ese lai ena goada ia henia neganai, \q1 bona ia ese davara ena bada ia gwauraia neganai, \q1 \v 26 bona Dirava ese medu do ia diho gabudia ia gwauraia, \q1 bona guba boiboi ena kevaru dalana ia karaia neganai, \q1 \v 27 ia ese aonega ia itaia, \q1 bona aonega ena namo ia tahua. \q1 Unai neganai Dirava ese aonega ia haginia, \q1 bona aonega ena namo ia gwauraia hedinarai momokani. \q1 \v 28 Bona Dirava ese taunimanima ia hamaoroa, ia gwau, \q1 ‘Kamonai, Lohiabada do umui gari henia, \q1 aonega be unai, \q1 bona kara dika do umui rakatania, \q1 laloa kehoa be unai.’ ” \c 29 \s1 Iobu ese guna ia noho namo ena nega, be ia laloa lou \p \v 1 Iobu ese ma ia hereva lou, ia gwau, \b \q1 \v 2 “Egu nega gunadia lau laloa noho, \q1 Dirava ese lau ia gimaia dinadia. \q1 Unai neganai lau noho hegeregerena, \q1 harihari danu lau noho be namo. \q1 \v 3 Unai neganai, \q1 Dirava be nega ibounai lau dekenai ia noho, \q1 bona dibura lalonai lau raka neganai, \q1 ia ese iena diari lau dekenai ia henia. \q1 \v 4 Egu goada dinadia neganai lau noho hegeregerena, \q1 bema harihari lau noho be namo. \q1 Unai neganai Dirava ese lau danu turana ia karaia, \q1 bona ia ese egu ruma ia naria. \q1 \v 5 Siahu Ibounai Dirava ese, \q1 unai neganai lau danu ia noho, \q1 bona egu natuna ibounai be lau dekenai idia noho. \q1 \v 6 Unai neganai egu boromakau bona nanigosi ese, \q1 rata momo idia henia, \q1 bona egu olive audia ese, \q1 nadi momo tano lalonai, \q1 olive dehoro momo lau dekenai idia havaraia. \b \q1 \v 7 “Hanua ena tau badadia idia hebou negadia ibounai, \q1 lau ese edia huanai egu gabu dekenai lau helai. \q1 \v 8 Eregabe taudia ese lau idia itaia neganai, \q1 egu dala dekena amo idia siri, \q1 bona tau burukadia, \q1 be egu vairana dekenai idia toreisi, \q1 lau dekenai idia matauraia dainai. \q1 \v 9 Egu vairana dekenai danu, \q1 lohia taudia be idia hereva lasi. \q1 Edia ududia be edia imana dekena amo idia koua. \q1 \v 10 Tau badadia momokani ese, \q1 edia gadodia be regerege lasi egu vairana dekenai, \q1 edia maladia be, \q1 edia ududia lalonai idia marere diba lasi. \q1 \v 11 Lau idia itaia noho, \q1 bona egu sivarai idia kamonai taudia ibounai, \q1 ese egu kara idia hanamoa, \q1 \v 12 badina be ogogami taudia idia tai neganai, \q1 lau ese lau durudia. \q1 Tamana bona sinana lasi maragidia danu, \q1 be durua ta lasi neganai lau ese lau durudia. \q1 \v 13 Iena mase be kahirakahira tauna ese lau ia hanamoa, \q1 bona vabu taudia lau durudia dainai, \q1 noho namo idia davaria. \q1 \v 14 Lau ese kara namona lau karaia, \q1 egu dabua lau karaia bamona, \q1 bona kota maoromaoro bona momokani, \q1 be egu kouti bona egu kwara gauna bamona. \q1 \v 15 Lau be matakepulu taudia edia matana, \q1 bona aena dika taudia edia aena. \q1 \v 16 Lau be ogogami tauna ena tamana, \q1 bona lau diba lasi tauna ena sivarai, \q1 be lau tahua bona lau durua. \q1 \v 17 Dagedage taudia edia siahu, \q1 be lau ese lau hadikaia ore. \q1 Idia hadikaia taudia be lau ese lau hamauria. \b \q1 \v 18 “Inai bamona lau laloa: \q1 ‘Lau be do lau mauri noho daudau, \q1 bona egu ruma dekenai do lau mase. \q1 \v 19 Lau be au ta bamona, \q1 iena ramuna be ranu idia abia noho nega ibounai, \q1 bona iena rigi edia latanai, \q1 be hanuaboi ena paripari ese do ia diho noho. \q1 \v 20 Taunimanima ese nega ibounai lau idia hanamoa, \q1 bona egu goada be nega ta ia manoka lao lasi momokani.’ \b \q1 \v 21 “Lau ese sisiba hereva lau gwauraia neganai, \q1 taunimanima ese mai regerege lasi, \q1 egu hereva idia kamonai namonamo. \q1 \v 22 Egu hereva idia ore murinai, \q1 unai taudia ese hereva ma haida idia gwauraia lasi, \q1 badina egu hereva dekenai idia moale. \q1 \v 23 Idia ese egu hereva totona idia naria, \q1 biru tauna ese medu ia naria hegeregerena. \q1 \v 24 Idia daradara neganai, \q1 egu kiri dekena amo lau hagoadadia lou, \q1 bona egu vairana ena diari ese, \q1 lalona goada idia dekenai ia henia. \q1 \v 25 Lau ese edia mauri dalana lau abia hidi, \q1 bona edia lohia tauna lau lao. \q1 Lau ese idia lau gunalaia, \q1 king tauna ese iena tuari taudia ia gunalaia hegeregerena, \q1 bona edia lalodia idia hisihisi neganai, \q1 lau ese laloa goada lau henidia.” \c 30 \s1 Taunimanima ese Iobu idia hevaseha henia bona badu henia \p \v 1 Ma Iobu ia hereva, ia gwau, \b \q1 “To harihari egu mauri lagani henunai taudia, \q1 ese lau dekenai idia hevaseha noho. \q1 Edia tamadia be anina lasi taudia dainai, \q1 egu mamoe naria sisia naria taudia, \q1 edia gaukara karaia totona idia hegeregere lasi. \q1 \v 2 Idia edia goada be ia ore vadaeni momokani. \q1 Unai dainai bema lau dekenai idia gaukara neganai, \q1 dahaka namo do lau abia? \q1 \v 3 Idia be ogogami, bona mai hitolo bada danu, \q1 unai dainai hanuaboi neganai idia ese tano kaukau, \q1 taunimanima lasi gabudia dekenai aniani idia tahua. \q1 \v 4 Idia ese tano kaukau avadia idia ania, \q1 au maragidia edia ramudia danu idia ania. \q1 \v 5 Taunimanima ese mai boiboi danu, \q1 edia huanai dekena amo, \q1 unai ogogami orea idia luludia lao. \q1 Edia toana be henaoa taudia bamona dainai, \q1 unai taunimanima ese idia dekenai idia boiboi. \q1 \v 6 Edia noho gabudia be, \q1 dadaira kaukaudia edia nadi matudia lalonai, \q1 bona ororo edia nadi badadia, \q1 bona tano dekenai idia geia guri lalonai. \q1 \v 7 Uda lalonai idia boiboi, \q1 dagedage gaudia bamona, \q1 bona au ginigini edia henunai idia haboua, \q1 keru do idia koua gwauraia. \q1 \v 8 Idia be kavakava besena, \q1 edia sivarai be dika, \q1 bona tano dekena amo, \q1 taunimanima ese idia lulua ore. \b \q1 \v 9 “To harihari lau dekenai idia mai, \q1 lau dekenai idia kirikiri totona. \q1 Idia dekenai lau be hevaseha gauna sibona. \q1 \v 10 Idia ese lau idia hereva dika henia noho, \q1 bona lau kahirakahira idia raka mai lasi. \q1 Idia ese egu vairana dekenai idia kanudi noho. \q1 \v 11 Dirava ese lau ia hamanokaia, \q1 bona lau ia hisihisi henia dainai, \q1 idia ese lau idia dagedage henia noho, \q1 mai siahu danu. \q1 \v 12 Inai bese taudia ese, \q1 egu idiba kahana dekenai lau idia heatu henia noho. \q1 Idia ese lau idia lulua lao, \q1 bona lau alaia mase dalana idia karaia hegaegae noho. \q1 \v 13 Idia ese egu lao dalana idia hadikaia noho, \q1 egu heau mauri dalana idia koua totona. \q1 Tau ta ese edia kara ia koua diba lasi. \q1 \v 14 Kahana ibounai dekena amo lau idia heatu henia noho, \q1 bona lau ese idia lau koua diba lasi. \q1 Lau moru diho neganai, \q1 idia ese lau idia botaia momo. \q1 \v 15 Gari bada dainai, egu laloa ia ore. \q1 Egu lalona goada be gari ese ia lulua ore, \q1 lai ese bema ia hodaia ore bamona. \q1 Egu noho namo be ia boio, \q1 ori ia boio bamona. \b \q1 \v 16 “Hari egu mauri be kahirakahira ia ore. \q1 Hisihisi ese dina ibounai lau ia dogoatao noho. \q1 \v 17 Hanuaboi neganai egu turiana idia hisihisi, \q1 bona egu hisihisi be nega ta ia doko lasi. \q1 \v 18 Mai ena siahu bada danu, \q1 Dirava ese egu dabua ia dogoatao. \q1 Ia ese lau ia guia, \q1 muko ese egu aiona ia guia bamona. \q1 \v 19 Dirava ese kopukopu dekenai lau ia negea vadaeni. \q1 Lau be tano ena kahu hegeregerena lau lao vadaeni. \b \q1 \v 20 “Dirava e, lau ese oi dekenai lau boiboi, \q1 to lau dekenai oi haere lasi, \q1 bona oi dekenai lau guriguri neganai, \q1 oi kamonai henia lasi. \q1 \v 21 Dirava e, \q1 mai dagedage danu lau dekenai oi kara henia. \q1 Oiemu siahu dekena amo lau oi hisihisi henia noho. \q1 \v 22 Oi ese lai oi siaia, \q1 lau do ia hodaia lao totona. \q1 Lai guba dekena amo lau oi negea lao, negea mai noho. \q1 \v 23 Lau diba oi ese lau do oi alaia mase, \q1 bona taunimanima ibounai edia dokona gabuna dekenai, \q1 lau do oi siaia lao. \b \q1 \v 24 “To badina dahaka ia makohia vadaeni tauna, \q1 be oi heatu henia noho? \q1 Lau ese oiemu bogahisihisi totona, \q1 oi dekenai lau noinoi noho sibona. \q1 \v 25 Guna mai edia hisihisi bada taudia danu, \q1 idia durua totona lau taitai lasi, a? \q1 Bona ogogami taudia dainai, \q1 egu lalona ia hisihisi lasi, a? \q1 \v 26 To namo lau tahua neganai, \q1 dika be lau dekenai ia ginidae, \q1 bona diari lau naria noho neganai, \q1 dibura be ia ginidae. \q1 \v 27 Egu lalona ia hekwarahi noho, \q1 ia laga-ani diba lasi. \q1 Dina ibounai lau hisihisi noho, doko lasi. \q1 \v 28 Egu kopina be ia korema lao, \q1 to dina ena siahu dekena amo lasi. \q1 Taunimanima edia hebou lalonai lau toreisi, \q1 durua totona lau noinoi. \q1 \v 29 Egu gadona be mai lalohisihisi, \q1 bona ena tai regena, \q1 be uda sisia bona kokokoko edia tai bamona. \q1 \v 30 Egu kopina be ia korema vadaeni, \q1 tauanina siahu gorere lau davaria dainai. \q1 \v 31 Egu gita ena moale anena, \q1 be taitai regena ia lao vadaeni, \q1 bona egu ivilikou ena regena, \q1 be taitai taudia edia gadodia bamona ia lao vadaeni.” \c 31 \s1 Iobu ia gwau iena kara be maoromaoro \p \v 1 Iobu ia gwau, \b \q1 “Lauegu matana dekenai taravatu lau atoa vadaeni, \q1 nega ta kekeni do lau itaia noho lasi, \q1 matabodaga kara totona. \q1 \v 2 Badina taunimanima edia kerere davana, \q1 be dahaka Dirava dekena amo? \q1 Dahaka do ita abia Siahu Ibounai Dirava dekena amo? \q1 \v 3 Ia ese kerere idia karaia taudia dekenai, \q1 hisihisi bona mase ia henidia, ani? \q1 \v 4 Dirava ese egu kara ta ta ibounai ia diba, \q1 bona egu raka daladia ta ta ibounai ia itaia noho. \b \q1 \v 5 “Lau hereva momokani inai: \q1 Koikoi dalana dekenai be nega ta lau raka lasi, \q1 bona nega ta lau ese tau ta lau koia lasi. \q1 \v 6 Lau ura Dirava ese egu kara, \q1 be sikele maoromaoro dekenai do ia tohoa, \q1 unai neganai egu laloa maoromaoro do ia diba. \q1 \v 7 Bema egu aena be dala dekena amo idia raka siri, \q1 o bema egu lalona ese, \q1 egu matana ena ura dika ia karaia, \q1 o bema egu imana be kara dika dekenai idia miro, \q1 \v 8 bema unai bamona neganai, \q1 namona be haida ese lau hadoa aniani do idia ania, \q1 bona namona be lau hatubua gaudia, \q1 be tau ta ese do ia kokia ore. \b \q1 \v 9 “Bema egu badibadinai ia noho tauna, \q1 ena adavana lau ura henia dikadika, \q1 bona lau ese hunia dekenai, lau abia totona, \q1 iena iduara badinai lau naria, \q1 \v 10 unai neganai namona be egu adavana ese, \q1 idau tauna ena aniani do ia nadua, \q1 bona idau tauna ena geda dekenai do idia mahuta. \q1 \v 11 Badina be unai bamona kerere be metau herea. \q1 Unai be kara dika momokani, \q1 ena davana be mase namo. \q1 \v 12 Unai mase be lahi lalonai, \q1 ia gabua noho ela bona hel ena dobu masemase gabunai, \q1 bona egu gaukara ena anina ibounai, \q1 be do ia gabua ore namo. \b \q1 \v 13 “Bema nega ta egu hesiai tauna ta ese, \q1 lau dekenai ia maumau neganai, \q1 lau ese ia dekenai lau kamonai, \q1 bona kara namona ia dekenai lau karaia vadaeni. \q1 \v 14 Bema inai bamona lau karaia lasi neganai, \q1 edena bamona Dirava ena vairanai do lau gini diba? \q1 Bema Dirava ese lau do ia kota henia neganai, \q1 ia dekenai edena bamona do lau hereva? \q1 \v 15 Lau ia karaia Diravana ese, \q1 lauegu hesiai taudia danu ia karaia, ani? \b \q1 \v 16 “Ogogami tauna ese lau dekenai ia noinoi neganai, \q1 lau be nega ta lau durua lasi, a? \q1 O vabu ta ia ogogami neganai, \q1 lau ese gau ta lau henia lasi, a? \q1 \v 17 O tamana sinana lasi memero idia hitolo neganai, \q1 nega ta aniani lau henidia lasi, a? \q1 \v 18 Lau be mero negana ia mai bona harihari, \q1 be lau ese idia lau naria bona durua. \q1 \v 19 Bema ogogami tauna ta lau itaia, \q1 ia be dabua lasi dainai kahirakahira ia mase, \q1 \v 20 lau ese mamoe huina dabua lau henia. \q1 Unai mamoe huina be egu mamoe orea dekena amo lau abia, \q1 bona unai tau ese lau ia hanamoa bada. \q1 \v 21 Bema nega ta tamana sinana lasi maragidia lau koia, \q1 badina lau diba edia kota lalonai lau be do lau kwalimu, \q1 \v 22 unai bamona lau karaia neganai, \q1 namona be egu imana ruaosi idia hamakohia, \q1 bona egu imana be, \q1 egu pagana dekena amo do idia darea bona kokia. \q1 \v 23 Lau be Dirava dekenai lau gari dainai, \q1 unai bamona kara lau karaia lasi momokani. \b \q1 \v 24 “Lau ese golo dekenai lau abidadama henia lasi, \q1 \v 25 bona egu kohu momo dainai lau hekokoroku lasi. \q1 \v 26 Lau ese dina, mai ena diaridiari, \q1 dekenai lau tomadiho henia lasi. \q1 Hua danu mai ena hairaina be lau tomadiho henia lasi. \q1 \v 27 Nega ta lasi, tau ta ese egu lalona ia veria, \q1 vadaeni egu uduna ese egu imana ia kisi henia, \q1 dina bona hua matauraia totona. \q1 \v 28 Inai bamona lau karaia lasi momokani, \q1 badina unai be kara dika bada, ena davana be mase. \q1 Inai kara ese Siahu Ibounai Dirava ia hadikaia noho. \b \q1 \v 29 “Lau dekenai idia tuari taudia idia hisihisi neganai, \q1 lau be nega ta lau moale lasi, \q1 o bema idia dekenai dika ia ginidae neganai, \q1 lau be nega ta lau kiri lasi. \q1 \v 30 Lau dekenai idia tuari taudia do idia mase totona, \q1 nega ta lau guriguri lasi. \q1 \v 31 Lau dekenai idia gaukara taudia ibounai idia diba, \q1 lau ese idau taudia be nega ibounai lau abia dae. \q1 \v 32 Lau ese laolao taudia egu ruma dekenai lau boiria, \q1 idia be dala badinai idia mahuta lasi. \q1 \v 33 Taunimanima haida ese edia kara dika idia hunia, \q1 haida idia diba lasi totona, \q1 to lau ese egu kara dika lau hunia lasi. \q1 \v 34 Taunimanima edia hereva dekenai, \q1 nega ta lau gari lasi, \q1 bona idia dekenai lau gari lasi dainai, \q1 mai regerege lasi, \q1 nega ta egu ruma dekenai lau hunia lasi. \q1 \v 35 Lauegu hereva ibounai be koikoi lasi, \q1 lau hereva momokani inai. \q1 Tau ta be egu hereva ia kamonai lasi, a? \q1 Siahu Ibounai Diravana ese lau dekenai ia haere diba. \q1 Namona be lau ia samania noho tauna ese, \q1 iena samani hereva do ia torea, \q1 lau ese lau itaia totona. \q1 \v 36 Momokani samani pepa be lau ese, \q1 egu pagana dekenai do lau huaia, \q1 bona egu kwarana dekenai do lau atoa, korona bamona. \q1 \v 37 Egu kara ibounai Dirava dekenai do lau hamaoroa, \q1 bona iena vairanai do lau raka, \q1 king ena natuna bamona. \b \q1 \v 38 “Bema lau ese lau birulaia tanona lau henaoa, \q1 o iena biaguna korikori dekena amo, \q1 unai tano lau abia kava, \q1 \v 39 bema unai tano ese ia havaraia aniani, \q1 be lau ania davana lasi, \q1 bona bema biru taudia idia hitolo neganai, \q1 aniani lau henidia lasi, lau be kerere. \q1 \v 40 Bona unai dainai, \q1 namona be egu tano ena uiti gabuna dekenai, \q1 au ginigini sibona do ia vara, uiti lasi, \q1 bona bali gabuna dekenai, \q1 ava dikadia do idia tubu, bali lasi.” \b \p Iobu ena hereva be idia doko iniseni. \c 32 \s1 Elihu ese Iobu dekenai ia haere \p \v 1 Vadaeni unai tau toiosi ese edia hereva Iobu dekenai idia hadokoa, badina be ia sibona ia hereva goada, ia gwau ia be maoromaoro. \v 2 To Elihu Barakele, Busu tauna, Ramu iduhu tauna be ia badu. Ia ese Iobu ia badu henia, badina be ia sibona maoromaoro ia gwauraia, to ia ese Dirava be maoromaoro ia gwauraia lasi. \v 3 Elihu ese danu Iobu ena turana toiosi dekenai ia badu, badina idia gwau Iobu be kerere, to ia dekenai idia haere henia dalana idia diba lasi. \p \v 4 Elihu ese Iobu haere henia totona ia naria, badina idia ibounai be tau badadia, to ia be eregabe sibona. \v 5 Elihu ese unai tau toiosi ia itaia, Iobu dekenai idia haere henia diba lasi neganai ia badu. \p \v 6 Unai dainai Elihu Barakele, Busu tauna, ia hereva, ia gwau, \b \q1 “Lau be eregabe, \q1 to umui be tau badadia. \q1 Unai dainai lau be lau hemarai, \q1 bona egu laloa umui dekenai lau gwauraia be lau gari. \q1 \v 7 Lau gwau, ‘Tau badadia do idia hereva be namo. \q1 Buruka taudia ese edia aonega do idia hadibaia be namo.’ \q1 \v 8 To Siahu Ibounai Dirava ena Lauma, \q1 be taunimanima dekenai ia mai, \q1 bona aonega ia henia noho idia dekenai. \q1 \v 9 Tau buruka sibona mo ese aonega idia davaria lasi. \q1 Tau buruka sibona mo, \q1 be hereva maoromaoro idia diba lasi. \b \q1 \v 10 “Unai dainai lau gwau: Egu hereva do umui kamonai. \q1 Lau danu egu laloa mani do lau gwauraia hedinarai. \q1 \v 11 Umui ese umui hereva neganai lau naria noho. \q1 Umui ese aonega hereva umui tahua noho, \q1 be lau kamonai. \q1 \v 12 Lau kamonai namonamo, bona lau itaia, \q1 umui ta ese, \q1 Iobu ena hereva umui haere henia maoro diba lasi, \q1 bona Iobu ena hereva umui koua lasi. \q1 \v 13 Edena bamona umui gwauraia diba, \q1 ‘Ai ese aonega ai davaria vadaeni?’ \q1 Dirava ese Iobu do ia haere henia be namo, \q1 badina umui karaia diba lasi. \q1 \v 14 Iobu ese umui dekenai ia hereva henia, \q1 lau dekenai lasi. \q1 To umui haere henia dalana be maoro lasi, \q1 bona egu haere be do ia idau. \b \q1 \v 15 “Iobu e, oiemu turana edia hereva idia ore, \q1 idia daradara noho. \q1 Edia haere dalana be hegeregere lasi. \q1 \v 16 Idia hereva lasi noho, \q1 idia gini kava noho, haere ta lasi. \q1 Unai dainai lau be do lau naria noho, a? \q1 \v 17 Lasi, lau danu be oi dekenai do lau haere. \q1 Egu laloa be oi dekenai do lau gwauraia, \q1 \v 18 badina egu lalona be hereva dekena ia honu, \q1 bona egu lalona dekenai ia noho lauma ese, \q1 lau ia oda henia do lau hereva. \q1 \v 19 Bema lau hereva lasi neganai, \q1 lau be kopina ta, \q1 uaina matamata dekenai ia honu bamona, \q1 bona do lau pou. \q1 \v 20 Mani lau be do lau hereva, \q1 unai neganai egu lalona do ia keru. \q1 Mani, egu uduna do lau kehoa, do lau hereva. \q1 \v 21 Lau be maka tamona dekenai umui do lau hereva henia, \q1 bona tau ta do lau hanamoa koikoi lasi, \q1 \v 22 badina be hanamoa koikoi dalana lau diba lasi, \q1 bona bema unai bamona lau karaia, \q1 lau ia karaia Dirava ese lau do ia hamasea haraga.” \c 33 \s1 Matakani dekena amo Dirava ese taunimanima ia hamauria diba \p \v 1 Ma Elihu ia hereva, ia gwau, \b \q1 “Iobu e, harihari egu hereva do oi kamonai. \q1 Egu hereva ibounai do oi kamonai henia. \q1 \v 2 Egu laloa gwauraia totona lau noho hegaegae inai. \q1 \v 3 Egu hereva be mai laloa maoromaoro danu, \q1 bona hereva momokani sibona lau gwauraia noho. \q1 \v 4 Dirava ena Lauma ese lau ia karaia, \q1 bona Siahu Ibounai Dirava ena hahodi ese, \q1 lau dekenai mauri ia henia noho. \q1 \v 5 Bema lau dekenai oi haere diba neganai, \q1 mani do oi haere. \q1 Lauegu hereva dekenai haere dalana, \q1 be do oi karaia hegaegae. \q1 \v 6 Oi bona lau be hegeregere momokani, \q1 Dirava ena vairana dekenai. \q1 Ita ruaosi be raro dekena amo ita ia karaia. \q1 \v 7 Unai dainai lau dekenai do oi gari lasi. \q1 Lau ese, egu siahu henunai oi do lau atoa lasi. \b \q1 \v 8 “To momokani, \q1 oi gwauraia hereva be lau kamonai vadaeni. \q1 \v 9 Oi gwau: ‘Lau be goevagoeva, lau be kerere lasi, \q1 lau be kara maoromaoro, \q1 lau ese kara dika lau karaia lasi. \q1 \v 10 To Dirava ese, \q1 lau do ia heatu henia daladia ia tahua noho. \q1 Ia laloa lau ese ia dekenai lau tuari henia noho. \q1 \v 11 Dirava ese egu aena, \q1 be auri seini dekenai ia kwatua, \q1 bona egu lao dala ibounai ia itaia noho namonamo.’ \q1 \v 12 To Iobu e, \q1 oi dekenai lau hamaoroa inai, oi be kerere, \q1 Dirava be namo herea momokani, \q1 ia ese taunimanima ibounai ia hereaia noho. \q1 \v 13 Badina dahaka Dirava dekenai oi samania noho? \q1 Badina dahaka oi gwau Dirava ese, \q1 taunimanima edia maumau hereva ia kamonai henia lasi? \q1 \v 14 Dirava ese hereva ia gwauraia lou, gwauraia lou, \q1 to taunimanima ese idia kamonai henia lasi. \q1 \v 15 Hanuaboi neganai, \q1 taunimanima idia mahuta noho neganai, \q1 Dirava be nihi, \q1 bona mata hanai dekena amo ia hereva noho. \q1 \v 16 Dirava ese iena hereva, be \q1 taunimanima dekenai ia gwauraia hedinarai noho, \q1 bona iena sisiba hereva dekenai idia gari noho. \q1 \v 17 Kara dika do idia hadokoa totona, \q1 Dirava ese taunimanima dekenai, \q1 sisiba hereva ia gwauraia noho, \q1 bona edia hekokoroku do idia hadokoa totona danu. \q1 \v 18 Hereva dekena amo ia ese taunimanima edia lauma, \q1 be mase gabuna dekena amo ia hamauria noho, \q1 bona tuari kaia ena mase dekena amo danu, \q1 ia hamauridia noho. \q1 \v 19 Dirava ese danu tau ta dekenai gorere ia siaia, \q1 do ia matakani henia totona. \q1 Unai tau ese hisihisi bada do ia davaria. \q1 \v 20 Unai gorere tauna ese aniani do ia ura henia lasi, \q1 do ia negea. \q1 Aniani namo herea danu, \q1 be ia dekenai ia dika momokani. \q1 \v 21 Iena tauanina be do ia maragi lao, \q1 bona iena turiana, \q1 guna taunimanima ese idia itaia diba lasi, \q1 to hari idia hedinaraia noho. \q1 \v 22 Iena lauma be kahirakahira guri lalonai do ia lao, \q1 bona iena mauri be mase taudia edia gabu, \q1 kahirakahira do ia vareai. \b \q1 \v 23 “To sedira aneru ta ese unai tau do ia durua, \q1 Dirava ena aneru momo herea edia huanai, \q1 edia aneru ta ese, \q1 unai tau dekenai dala maorona do ia hamaoroa. \q1 \v 24 Mai bogahisihisi danu aneru do ia gwau, \q1 ‘Unai tau do umui hamauria, \q1 guri lalonai do ia diho lasi. \q1 Lau ese iena davana karaia totona, \q1 dala ta lau davaria vadaeni.’ \q1 \v 25 Unai neganai unai tau ena tauanina, \q1 be do ia matamata lou, eregabe tauna bamona, \q1 bona iena uhau ena goada dinadia be ia davaria lou. \q1 \v 26 Ia be Dirava dekenai do ia guriguri, \q1 bona Dirava ese do ia kamonai henia. \q1 Ia ese mai moale danu Dirava do ia tomadiho henia. \q1 Dirava ese unai tau dekenai iena noho gunana, \q1 mai maoromaoro danu, ma do ia henia lou. \q1 \v 27 Vadaeni unai tau ese taunimanima do ia hamaoroa, \q1 do ia gwau, \q1 ‘Lau ese kara dika lau karaia vadaeni, \q1 to Dirava ese unai egu dika ena davana ia henia lasi. \q1 \v 28 Ia ese egu lauma ia hamauria, \q1 bona mase ena guri dekenai lau diho lao lasi, \q1 bona lau mauri noho inai.’ \b \q1 \v 29 “Iobu e, \q1 Dirava ese inai bamona taunimanima dekenai ia karaia noho, \q1 ma ia karaia noho, nega ibounai. \q1 \v 30 Ia ese tau ena lauma ia hamauria noho, \q1 bona mauri ena moale ma ia henia lou. \q1 \v 31 Iobu e, egu hereva do oi kamonai namonamo. \q1 Do oi regerege lasi, bona do lau hereva noho. \q1 \v 32 To bema oi ese egu hereva ta do oi haere henia diba, \q1 mani do oi hereva goada, \q1 badina bema oi be maoro, \q1 lau ura bada oiemu maoromaoro do lau gwauraia. \q1 \v 33 To bema lasi neganai, \q1 mai regerege lasi danu lau dekenai do oi kamonai, \q1 bona lau ese, \q1 aonega davaria dalana oi dekenai do lau hadibaia.” \b \c 34 \p \v 1 Vadaeni Elihu ma ia hereva, ia gwau, \b \q1 \v 2 “Umui aonega taudia e, \q1 egu hereva do umui kamonai. \q1 Diba taudia e, \q1 emui taiana lau dekenai do umui kehoa. \q1 \v 3 Badina be malana ese aniani ia mamia toho bamona, \q1 iseda taiadia danu ese aonega hereva idia tohoa noho. \q1 \v 4 Dala maoromaoro do ita abia hidi be namo. \q1 Do ita laloa hebou dahaka be gau namona. \b \q1 \v 5 “Badina Iobu ia gwau: \q1 ‘Lau be kerere lasi, \q1 to Dirava ese kota maorona lau dekenai ia henia lasi. \q1 \v 6 Lau be maoromaoro, \q1 to Dirava ese koikoi tauna lau ia halaoa. \q1 Bona lau be kerere lasi, to Dirava ese, \q1 hanamoa diba lasi bero lau dekenai ia henia.’ \q1 \v 7 Daika be Iobu hegeregerena? \q1 Ia ese Dirava ia matauraia lasi momokani. \q1 \v 8 Ia be tau dikadia danu ia noho hebou, \q1 bona kara dika taudia danu ia loaloa hebou noho. \q1 \v 9 Badina be ia gwau, \q1 ‘Dirava hamoalea karadia dekena amo, \q1 tau ta ese gau namona ta do ia davaria lasi.’ \b \q1 \v 10 “Unai dainai, umui aonega taudia e, \q1 lau dekenai do umui kamonai. \q1 Dirava be nega ta do ia kara dika diba lasi. \q1 Siahu Ibounai Dirava be do ia kerere lasi, \q1 lasi bona lasi momokani. \q1 \v 11 Ia ese tau ta ena kara hegeregerena, \q1 iena davana do ia henia, \q1 bona unai tau ena noho mauri hegeregerena, \q1 Dirava ese ia kara henia noho. \q1 \v 12 Momokani, Siahu Ibounai Dirava ese, \q1 kara dika ia karaia lasi. \q1 Ia ese nega ta, \q1 tau ta dekenai ia kara maoromaoro lasi, a? \q1 Lasi bona lasi momokani. \q1 \v 13 Dirava ese iena siahu be daika dekena amo ia abia? \q1 Tanobada ibounai ia naria noho gaukara ena dagi, \q1 be daika ese ia henia Dirava dekenai? \q1 \v 14 Bema Dirava ia ura neganai, \q1 ia ese iena Lauma bona iena hahodi ia kokia diba. \q1 \v 15 Unai neganai, \q1 taunimanima ibounai be do idia mase hebou, \q1 bona tano ena kahu dekenai do idia giroa lou. \b \q1 \v 16 “Bema umui be mai aonega danu, \q1 egu hereva dekenai do umui kamonai. \q1 \v 17 Umui ese kara maoromaoro bona goada ena Dirava, \q1 be umui gwauraia dika noho, a? \q1 Umui laloa ia ese, \q1 kota maoromaorona dekenai ia badu henia noho, a? \q1 \v 18 Bema king tauna ta be anina lasi, \q1 Dirava ese ia hamaoroa noho, ia gwau, \q1 ‘Oi be kara kava tauna.’ \q1 Bema lohia tauna ta be dika, \q1 Dirava ese ia hamaoroa noho, ia gwau, \q1 ‘Oi be kara dika tauna.’ \q1 \v 19 Dirava ese king sibona ia durua lasi, \q1 o kohu momo taudia sibona ia durua lasi. \q1 To ia ese ogogami taudia danu ia durua noho. \q1 Badina Dirava ese taunimanima ibounai, \q1 be maka tamona dekena amo ia kota henidia noho, \q1 ia ese idia ibounai ia karaia dainai. \q1 Dirava do umui gwauraia dika, a? \q1 \v 20 Taunimanima be idia mase haraga noho. \q1 Hanuaboi momokani lalonai, \q1 madi idia mareremarere noho, \q1 bona idia mase ore, haraga. \q1 Goada taudia be, \q1 Dirava ese idia ia alaia mase haraga noho. \b \q1 \v 21 “Momokani Dirava ese, \q1 taunimanima edia mauri daladia ibounai ia itaia noho. \q1 Edia kara ibounai ia itaia noho. \q1 \v 22 Dibura gabuna ta ia noho lasi, \q1 kara dika tauna be unuseni do ia hunia totona. \q1 \v 23 Dirava ese nega ia gwauraia noho, \q1 tau ta do ia kota henia totona, a? \q1 \v 24 Lasi. \q1 Badina ia ese goada taudia ia hadikaia ore haraga, \q1 edia kara ia tahua lasi guna. \q1 Ma tau haida, \q1 be unai goada taudia edia dagi gabudia dekenai, \q1 Dirava ese ia atoa noho. \q1 \v 25 Ia ese dika taudia nega ibounai, \q1 edia kara ia diba dainai, \q1 Dirava ese hanuaboi neganai idia ia bubua negea, \q1 bona ia hadikadia ore noho. \q1 \v 26 Edia kara dika dainai Dirava ese ia aladia ore, \q1 taunimanima edia vairana dekenai. \q1 \v 27 Badina be Dirava ena murinai idia raka lasi, \q1 bona iena oda ibounai idia kamonai henia lasi. \q1 \v 28 Idia ese ogogami taudia idia hadikaia dainai, \q1 ogogami taudia ese Dirava dekenai idia taitai, \q1 bona Dirava ese edia taitai ia kamonai. \q1 \v 29 To bema Dirava ese, \q1 kara ta ia karaia lasi neganai, \q1 daika ese ia do ia gwauraia kerere diba? \q1 Bema Dirava ese iena vairana ia hunia neganai, \q1 taunimanima be mai edia durua tauna ta lasi. \q1 \v 30 To momokani, Dirava ese, \q1 taunimanima bona bese danu ia naridia noho dainai, \q1 ia ese Dirava ia gari henia lasi king taudia, \q1 ia kokia noho, \q1 idia ese taunimanima do idia hadikaia garina. \b \q1 \v 31 “Iobu e, oi ese Dirava dekenai, \q1 oiemu dika oi gwauraia hedinarai vadaeni, a? \q1 Oi gwauhamata vadaeni, \q1 oi ese dika do oi karaia lou lasi, a? \q1 \v 32 Oi ese Dirava oi noia, \q1 ia ese oiemu kerere oi dekenai do ia hedinaraia, a? \q1 Bona oi ese Dirava oi hamaoroa, \q1 kerere do oi karaia lou lasi, a? \q1 \v 33 Oi ese Dirava ena kara oi ura henia lasi dainai, \q1 edena bamona oi laloa ia ese oiemu ura do ia karaia? \q1 Oi sibona ese oiemu dala do oi abia hidi, \q1 lau be lasi. \q1 Oi ese oi laloa gauna, \q1 be lau dekenai mani do oi gwauraia. \q1 \v 34 Mai ena lalona tauna ese lau do ia hamaoroa, \q1 bona mai ena aonega danu, \q1 egu hereva ia kamonai tauna do ia gwau: \q1 \v 35 ‘Iobu be mai ena diba lasi danu ia hereva noho. \q1 Iena hereva ta lalonai aonega ia noho lasi.’ \q1 \v 36 Iobu ena hereva ibounai do umui laloa namonamo. \q1 Bona do umui diba, \q1 ia be dika tauna bamona ia hereva noho. \q1 \v 37 Iena dika be kara dika sibona lasi, \q1 to ia ese Dirava ia dagedage henia noho danu. \q1 Iseda vairana dekenai, \q1 Iobu ese Dirava ia hereva dika henia.” \c 35 \s1 Iobu ia laloa ia be maoromaoro sibona, ia kerere unai \p \v 1 Elihu ma ia hereva, ia gwau, \b \q1 \v 2 “Iobu e, oi laloa inai be ia maoro, a? \q1 Oi be oi gwau, \q1 Dirava ena vairana dekenai oi be kerere lasi. \q1 \v 3 Bona Dirava oi nanadaia, oi gwau, \q1 ‘Egu kara dika ese oi ia hadikaia diba, a? \q1 Egu kara dika lasi kara dekena amo, \q1 edena gau namona ta lau davaria, a?’ \b \q1 \v 4 “Lau ese oi dekenai do lau haere, \q1 bona oiemu turana taudia dekenai danu. \q1 \v 5 Oiemu matana oi negea, guba do oi itaia. \q1 Ori do oi itaia, \q1 idia be ataiai, oi be henunai. \q1 \v 6 Bema oi kara dika, \q1 unai kara dika ese Dirava ia hadikaia lasi. \q1 Bema nega momo kerere oi karaia, \q1 unai kerere ese dahaka ia karaia Dirava dekenai? \q1 \v 7 Bema kara maoromaoro oi karaia, \q1 oi ese durua be Dirava dekenai oi henia? \q1 Oiemu imana dekena amo, \q1 Dirava be dahaka do ia abia? \q1 \v 8 Oiemu kara dika ese, \q1 tau ta oi hegeregerena sibona ia hisihisi henia noho, \q1 bona oiemu kara namona ese, \q1 taunimanima sibona ia durua noho. \b \q1 \v 9 “Dagedage karadia momo dainai, \q1 taunimanima be idia tai mai boiboi danu. \q1 Goada taudia dikadia edia imadia dekena amo, \q1 durua do idia abia totona, idia boiboi noho, \q1 \v 10 to idia ese ia karadia Dirava dekenai idia taitai lasi. \q1 To momokani dika be ita dekenai ia vara neganai, \q1 unai Dirava ese ane ita dekenai ia henia noho diba. \q1 \v 11 Io, idia ese Dirava dekenai idia lao lasi, \q1 to ia ese ita dekenai aonega ia henia noho. \q1 Iseda aonega ese, mauri gaudia, \q1 bona ataiai manudia edia aonega ia hereaia noho. \q1 \v 12 Unai taudia ese durua totona idia tai henia noho, \q1 to Dirava ese ia haere lasi, \q1 badina idia be hekokoroku bona dika taudia. \q1 \v 13 Momokani, Dirava ese anina lasi taitai, \q1 be ia kamonai henia lasi, \q1 Siahu Ibounai Dirava ese idia ia laloa lasi. \q1 \v 14 Iobu e, \q1 oi gwau oi ese Dirava oi itaia diba lasi. \q1 To do oi naria noho mai laloa goada, \q1 badina oiemu hereva gauna, \q1 be iena vairanai ia noho, do ia laloa. \q1 \v 15 Oi laloa Dirava ese, \q1 dika ena davana ia henia noho lasi, a? \q1 Ia ese kara dika ia laloa momo lasi, a? \q1 \v 16 Iobu e, do oi hereva noho, be anina lasi. \q1 Hereva momo oi gwauraia noho kava, \q1 edia anina oi diba lasi.” \c 36 \s1 Dirava ese ita ia matakani henia noho, iseda kara do ia hamaoromaoroa totona \p \v 1 Ma Elihu ia hereva, ia gwau, \b \q1 \v 2 “Iobu e, nega sisina ma lau dekenai do oi naria, \q1 bona oi do lau hadibaia, \q1 badina be Dirava ena ladana dekenai lau hereva noho. \q1 \v 3 Egu diba be gabu daudau dekena amo lau abia, \q1 lau ese lau ia karaia Dirava ena kara maoromaoro, \q1 do lau gwauraia hedinarai. \q1 \v 4 Egu hereva ibounai be momokani, koikoi ta lasi. \q1 Aonega momokani tauna be lau inai. \b \q1 \v 5 “Kamonai, Dirava be goada herea momokani, \q1 to ia ese taunimanima ia negea lasi. \q1 Aonega dekenai danu Dirava ena goada be herea momokani. \q1 \v 6 Ia ese kara dika taudia edia mauri ia halataia lasi, \q1 bona ia ese nega ibounai, \q1 ogogami taudia mai maoromaoro danu ia naridia noho. \q1 \v 7 Dirava ese kara maoromaoro taudia ia gimaia noho. \q1 Ia ese dagi badadia, \q1 king bamona dagi idia dekenai ia henia, \q1 bona ia ese idia ia hanamoa ela bona hanaihanai. \q1 \v 8 To bema idia be edia dika dainai idia hisihisi noho, \q1 haida ese auri seini dekena amo idia guidia dainai, \q1 \v 9 unai neganai Dirava ese unai hisihisi dekena amo, \q1 edia kara dika ia hedinaraia, \q1 edia kerere bona edia hekokoroku karadia danu. \q1 \v 10 Ia ese edia taiadia ia kehoa, \q1 iena hadibaia hereva do idia kamonai totona. \q1 Bona ia ese unai taudia ia oda henidia, \q1 edia kara dika do idia rakatania. \q1 \v 11 Bema idia ese Dirava idia kamonai henia, \q1 bona iena hesiai gaukara idia karaia neganai, \q1 edia mauri dinadia, \q1 be do mai maino, bona mai noho namo danu. \q1 \v 12 To bema idia kamonai henia lasi neganai, \q1 idia be tuari kaia dekenai, edia mauri do idia doko, \q1 bona mai aonega lasi danu do idia mase. \q1 \v 13 Dirava idia gari henia lasi taudia, \q1 be idia badu noho, doko lasi, \q1 bona matakani idia davaria neganai danu, \q1 idia be durua totona idia guriguri lasi. \q1 \v 14 Idia be do eregabe neganai idia mase noho, \q1 edia mauri be hemarai kara dainai idia ore haraga. \q1 \v 15 To Dirava ese hisihisi taudia, \q1 be edia hisihisi dekena amo ia hamauria noho, \q1 bona edia hisihisi dekena amo, \q1 Dirava ese edia lalona ia kehoa noho. \b \q1 \v 16 “Iobu e, \q1 Dirava ese hekwarahi dekena amo oi ia hakaua, \q1 bona noho namo oi dekenai ia henia. \q1 Oiemu aniani patana, \q1 be aniani dekenai ia honu momokani. \q1 \v 17 To harihari oiemu kara dika ena davana, \q1 oiemu dika hegeregerena, oi abia noho. \q1 \v 18 Do oi naria namonamo, \q1 badu ese oiemu lalona do ia veria, \q1 bona Dirava dekenai do oi hereva dika garina, \q1 badina unai bamona neganai, \q1 davana bada herea ese, \q1 oiemu kerere dekena amo oi do ia hamauria diba lasi. \q1 \v 19 Unai neganai durua totona do oi boiboi, \q1 be hegeregere lasi. \q1 Oiemu kohu momo ena goada ese, \q1 oi do idia durua diba lasi. \q1 \v 20 Hanuaboi ena dibura totona do oi naria lasi, \q1 taunimanima edia ruma dekena amo, \q1 oi ese do oi veridia lao totona. \q1 \v 21 Do oi naria namonamo, \q1 kara kerere daladia dekenai do oi lao garina. \q1 Badina oiemu hisihisi be Dirava ese ia siaia, \q1 dika dekena amo do oi siri totona. \b \q1 \v 22 “Do oi laloa, \q1 Dirava ena siahu be bada herea. \q1 Hadibaia tauna ia hegeregerena be daika? \q1 \v 23 Daika ese Dirava do ia hamaoroa, \q1 kara ta do ia karaia? \q1 Daika ese Dirava do ia hamaoroa, ia gwau, \q1 ‘Oi be oi kerere?’ \q1 \v 24 Iena kara dainai, \q1 taunimanima ese nega ibounai Dirava idia hanamoa noho. \q1 Oi ese danu ia do oi hanamoa be namo. \q1 \v 25 Taunimanima ibounai ese, \q1 Dirava ena kara badadia idia itaia vadaeni, \q1 to idia ese ia karaia dalana idia diba lasi. \q1 \v 26 Dirava ena siahu bada herea be ita diba lasi. \q1 Iena mauri lagani danu ita duahia diba lasi. \b \q1 \v 27 “Badina be Dirava ese, \q1 ranu be tanobada dekena amo ia veria daekau noho, \q1 bona iena ori edia lalona dekena amo, \q1 medu ia hadihoa noho. \q1 \v 28 Guba dekena amo medu ia siaia diho noho. \q1 Taunimanima ibounai edia latanai ia diho bada noho. \q1 \v 29 Tau ta ese ori idia heau noho dalana ia diba, a? \q1 O guba ena boiboi dalana, \q1 Dirava ena noho gabuna dekena amo, \q1 be tau ta ia diba, a? \q1 \v 30 Dirava ese, \q1 guba ena kahana ibounai dekenai kevaru ia siaia noho, \q1 ma davara ena dobu gabudia be idia diari noho. \q1 \v 31 Badina inai ori dekenai, \q1 ia ese taunimanima ia naria noho, \q1 bona edia aniani ia henia bada noho. \q1 \v 32 Dirava ese iena imana dekena amo, \q1 kevaru ia dogoatao noho, \q1 bona ia oda henia noho, \q1 edena gabu dekenai do ia tubu. \q1 \v 33 Dirava ese iena guba boiboi dekena amo, \q1 iena noho bona iena siahu ia gwauraia noho. \q1 Ia ese kara dika ia tuari henia noho, \q1 mai ena badu danu. \b \c 37 \q1 \v 1 “Unai guba boiboi dainai, \q1 egu kudouna ia hekwarahi bada noho, \q1 bona iena gabu dekena amo ia roho noho. \b \q1 \v 2 “Umui ibounai e, \q1 Dirava ena gadona do umui kamonai. \q1 Iena uduna dekena amo ia mai guba boiboi, \q1 be do umui kamonai. \q1 \v 3 Dirava ese iena kevaru, \q1 be guba ena henuna dekena amo ia siaia lao, \q1 tanobada ena kahana ibounai, \q1 bona kona ibounai dekenai ia tubu noho. \q1 \v 4 Kevaru murinai, \q1 Dirava ena gadona ia boiboi bada noho. \q1 Unai boiboi be King ena siahu ena regena momokani, \q1 bona unai neganai danu kevaru be ia diaridiari noho. \q1 \v 5 Dirava ena gadona ia boiboi neganai, \q1 ita hoa bada noho. \q1 Kara badadia, ita diba lasi karadia, \q1 danu ia ese ia karaia noho. \q1 \v 6 Ia ese sinou ia hamaoroa, \q1 ia gwau, ‘Tano dekenai do oi diho.’ \q1 Bona medu danu ia hamaoroa, \q1 ia gwau, ‘Medu bada, metau herea do oi diho.’ \q1 \v 7 Inai kara dekena amo Dirava ese, \q1 taunimanima ibounai edia gaukara ia hadokoa noho, \q1 idia ibounai be iena gaukara do idia diba totona. \q1 \v 8 Unai neganai uda boroma ibounai ese, \q1 edia kohua lalonai idia hunia noho. \q1 \v 9 Ia giroagiroa lai badana, \q1 be diho kahana dekena amo ia mai noho, \q1 bona mirigini kahana dekena amo, \q1 lai keru herea ia mai noho. \q1 \v 10 Dirava ese iena hahodi dekena amo, \q1 aisi ia havaraia noho, \q1 bona gohu badadia edia kopina, \q1 be aisi ese ia koua. \q1 \v 11 Dirava ese ori be ranu dekena amo ia hahonua, \q1 bona kevaru, \q1 be unai ori dekena amo idia diaridiari noho. \q1 \v 12 Inai ori be Dirava ena ura hegeregerena, \q1 idia marere bona idia giroagiroa noho. \q1 Tanobada ena kahana ibounai dekenai idia lao noho, \q1 Dirava ena oda hegeregerena. \q1 \v 13 Dirava ese iena ori ia siaia, \q1 taunimanima do ia matakani henia totona, \q1 o tano ese ranu do ia abia totona, \q1 o iena lalokau be, \q1 taunimanima dekenai do ia hedinaraia totona. \b \q1 \v 14 “Iobu e, inai hereva do oi kamonai: \q1 Do oi gini, \q1 bona Dirava ena hoa karadia do oi laloa. \q1 \v 15 Dirava ese ori ia biagua bona ia hamarerea dalana, \q1 be oi diba, a? \q1 Kevaru ia havaraia dalana be oi diba, a? \q1 \v 16 Ori be guba dekenai idia heau lao, idia moru lasi, \q1 edia dala be oi diba, a? \q1 Inai be Dirava ena aonega bada, \q1 bona iena diba bada momokani, ani? \q1 \v 17 Lai be diho kahana dekena amo ia toa neganai, \q1 tano ena gau ibounai idia marere lasi, \q1 bona oiemu kopina ia siahu noho, ani? \q1 Inai kara ena badina be oi diba, a? \q1 \v 18 Oi ese guba oi karaia diba, \q1 Dirava ese ia karaia hegeregerena, \q1 bona guba do oi ha-aukaia, \q1 auri laboralabora hevarivari ena toana bamona, a? \b \q1 \v 19 “Iobu e, ai do oi hadibaia, \q1 edena bamona Dirava dekenai do ai hereva henia, \q1 badina be aiemai lalodia idia dibura noho, \q1 bona ai hereva henia diba lasi. \q1 \v 20 Lau ese Dirava do lau hamaoroa, do lau gwau, \q1 ‘Lau ura oi dekenai do lau hereva henia, a?’ \q1 Lasi momokani, Dirava ese, \q1 lau do ia hadikaia dalana do lau kehoa garina. \q1 \v 21 Bona harihari tau ta ese, \q1 dina ia itaia noho diba lasi, \q1 badina be guba dekenai ia diaridiari noho, \q1 lai ese ori ia doria lao ore dainai. \q1 \v 22 Mirigini kahana dekena amo, \q1 dina ena diari ia hedinaraia noho, \q1 iena toana be golo bamona. \q1 Momokani Dirava ena hairaina ia hedinaraia neganai, \q1 ita be ita hoa bada noho. \q1 \v 23 Siahu Ibounai Dirava be bada herea dainai, \q1 ita be ia kahirakahira ita lao diba lasi. \q1 Ia be mai kara maoromaoro bona momokani danu, \q1 taunimanima ia kara henidia noho, \q1 bona mai maoromaoro danu, \q1 ia ese taunimanima ia kota henidia noho. \q1 \v 24 Unai dainai taunimanima be Dirava dekenai idia gari noho, \q1 badina be ia ese, \q1 sibodia edia aonega dekenai idia hekokoroku taudia, \q1 be ia ura henidia lasi.” \c 38 \s1 Lohiabada ese Iobu dekenai ia haere \p \v 1 Vadaeni Lohiabada ese Iobu dekenai ia haere, lai guba dekena amo, ia gwau, \b \q1 \v 2 “Oi be daika, \q1 oi ese anina lasi hereva dekena amo, \q1 egu aonega dekenai dibura oi atoa, a? \q1 \v 3 Oi ese harihari tau korikori bamona, \q1 do oi gini maoromaoro, \q1 bona oi dekenai lau nanadaia gaudia do oi haere henia. \b \q1 \v 4 “Lau ese tanobada lau karaia neganai oi be edeseni? \q1 Bema oi diba, lau dekenai do oi hamaoroa. \q1 \v 5 Daika ese tanobada ena bada ia gwauraia? \q1 Ena lata bona ena lababa be daika ese ia tohoa? \q1 Oi be oi haere diba? \q1 \v 6 Tanobada ena badina nadi, \q1 be dahaka ese ia dogoatao diba? \q1 Daika ese tanobada ena kona nadi ia atoa? \q1 \v 7 Unai dina ena daba neganai, \q1 daba ena hisiu be idia ane abia hebou, \q1 bona guba ena aneru ibounai, \q1 be mai moale danu idia boiboi. \b \q1 \v 8 “Davara be tanobada ena bogana dekena amo, \q1 ia heau mai murimurinai neganai, \q1 daika ese iena iduaradia ia koua, \q1 vadaeni davara be iena hetoa gabu lalonai ia noho? \q1 \v 9 Unai neganai lau ese ori lau karaia, \q1 davara ena dabua bamona, \q1 bona dibura badana lau havaraia, \q1 iena kouti bamona. \q1 \v 10 Davara do ia hanaia lasi ena hetoa gabudia, \q1 be lau gwauraia vadaeni, \q1 bona iena maguna bona iena iduara lau karaia. \q1 \v 11 Lau ese davara lau hamaoroa, lau gwau, \q1 ‘Oi mai ela bona inai gabu dekenai, \q1 to do oi hanaia lasi. \q1 Iniseni oiemu hurehure badadia do idia doko!’ \b \q1 \v 12 “Iobu e, oi ese nega ta dina oi oda henia, \q1 do ia toreisi? \q1 \v 13 Oi ese nega ta daba rere oi oda henia, \q1 ia ese tanobada do ia dogoatao, \q1 bona kara dika taudia edia hunia gabudia dekena amo, \q1 do ia kokidia haraga. \q1 \v 14 Dina ena diari ese ororo bona koura ia hedinaraia, \q1 dabua edia lokua gabudia bamona, \q1 bona toa karaia gauna ese raro ia moia tao bamona. \q1 \v 15 Dina ena diari ese, \q1 kara dika taudia edia matana ia hadikaia, \q1 iena diaridiari ese edia dagedage karadia ia koua. \b \q1 \v 16 “Oi ese nega ta, \q1 davara ena lohilohi daekau gabudia oi vareai, a? \q1 O davara ena dobu gabudia dekenai oi raka vadaeni, a? \q1 \v 17 Mase gabuna ena iduara, \q1 be oi dekenai nega ta idia hedinaraia, a? \q1 O dibura masemase ikoukou, \q1 be oi ese oi itaia vadaeni, a? \q1 \v 18 Tanobada ena dokona gabudia ibounai be oi diba, a? \q1 Bema oi diba, lau dekenai oi haere. \b \q1 \v 19 “Oi be diari ia mai gabuna oi diba, a? \q1 O dibura ia noho gabuna oi diba, a? \q1 \v 20 Diari bona dibura, \q1 be edia gabudia dekenai oi ese oi abia lao diba, a? \q1 Edia gabu lao dalana oi diba, a? \q1 \v 21 Sedira oi diba, badina oi be buruka herea, \q1 oiemu mauri lagani be momo herea vadaeni. \b \q1 \v 22 “Oi ese nega ta, \q1 sinou lau haboua gabudia dekenai oi vareai, \q1 o aisi nadi bamona medu, \q1 lau ese lau haboua gabudia oi itaia, a? \q1 \v 23 Unai gaudia be lau ese lau abia hegaegae, \q1 do lau gaukaralaia, dika do ia vara neganai, \q1 o egu tuari do idia durua totona. \q1 \v 24 Kevaru ia toreisi gabuna, \q1 be nega ta oi vadivadi henia, a? \q1 O oi diba laurabada, \q1 be edena gabu dekena amo tanobada dekenai ia toa, a? \q1 \v 25 Daika ese medu ena ranu, \q1 ena heau lao dadaira ia geia? \q1 Bona guba boiboi bada ena dala, \q1 be daika ese ia karaia? \q1 \v 26 Taunimanima idia noho lasi tano dekenai, \q1 be daika ese medu ia hadihoa? \q1 \v 27 Daika ese tano kaukau, \q1 nadi kavakava gabuna dekenai ranu ia henia, \q1 vadaeni rei ia tubu? \q1 \v 28 Medu o paripari be mai edia tamana, a? \q1 \v 29 Aisi, bona paripari ena aisi, \q1 be mai edia sinana, a? \q1 \v 30 Ranu be do idia auka, nadi bamona, \q1 bona davara ena kopina be aisi hegeregerena ia lao. \q1 \v 31 Hisiu ladana Kima be oi guia diba? \q1 O hisiu ladana Kesili be oi ese oi ruhaia diba? \q1 \v 32 Hisiu edia ladana Masaroto, be oi hakaua diba, \q1 ta ta edia nega, edia nega dekenai? \q1 O hisiu ladana Asa, mai ena natuna danu, \q1 be oi ese oi siaia lao diba, a? \q1 \v 33 Guba ena taravatudia be oi diba, a? \q1 Unai taravatudia, \q1 be tanobada dekenai oi gaukaralaia diba, a? \b \q1 \v 34 “Oiemu gadona oi habadaia diba, \q1 ori dekenai do oi boiboi, \q1 ranu momo ese oi dekenai do ia moru totona, a? \q1 \v 35 Oi ese kevaru ena lahi oi siaia lao diba, a? \q1 Vadaeni oi dekenai do idia mai, do idia gwau, \q1 ‘Ai mai inai, oiemu hesiai gaukara totona.’ \q1 \v 36 Daika ese taunimanima edia kudouna dekenai, \q1 aonega ia henia? \q1 Daika ese taunimanima edia lalona dekenai, \q1 diba bada ia henia? \q1 \v 37 Daika be mai ena aonega, \q1 vadaeni ori ibounai do ia duahia diba, a? \q1 Bona guba ena ranu be daika ese ia habubua diho? \q1 \v 38 Unai bamona medu ese kahu ia aukaia, \q1 kopukopu be nadi bamona idia lao. \b \q1 \v 39 “Oi ese laiona ena aniani abia totona, \q1 nega ta oi labana, a? \q1 Laiona edia natudia be vamu dekenai oi ubua diba, a? \q1 \v 40 Unai bamona do oi karaia, \q1 edia nadi matuna dekenai idia hunia noho, \q1 o ava murinai idia naria noho neganai, a? \q1 \v 41 Galo manudia be daika ese ia ubua noho, \q1 idia be mai hitolo danu idia roho loaloa neganai, \q1 bona edia natudia ese Dirava dekenai idia boiboi, \q1 aniani do lau henidia totona? \b \c 39 \q1 \v 1 “Ororo nanigosi edia mara negana oi diba, a? \q1 Dia hahine edia mara neganai oi itaia noho, a? \q1 \v 2 Edia rogorogo huadia duahia dalana, \q1 bona edia mara negadia oi ese oi diba, a? \q1 \v 3 Idia hekure noho, idia mara noho, \q1 edia natudia idia abia noho, \q1 ena negana be oi diba, a? \q1 \v 4 Uda dekenai edia natudia be idia tubu bada lao, \q1 vadaeni idia heau boio, \q1 edia sinadia ese idia itadia lou lasi. \b \q1 \v 5 “Uda doniki be daika ese ia ruhaia? \q1 Daika ese ia koudia lasi, vadaeni idia heau? \q1 \v 6 Lau ese taunimanima noho lasi gabuna, \q1 idia dekenai lau henia, edia noho gabuna, \q1 bona damena ia noho tano palakana dekenai idia noho, ani? \q1 \v 7 Idia be hanua bona regena bada gabudia, \q1 dekena amo idia noho siri. \q1 Idia be gaukara biaguna ena boiboi idia kamonai lasi. \q1 \v 8 Ororo dekenai idia loaloa noho, \q1 edia aniani gabuna be unai. \q1 Rei bona ava namodia ibounai idia tahua noho. \b \q1 \v 9 “Uda boromakau be oiemu hesiai gaukara do ia karaia, a? \q1 Oiemu boromakau ena ruma dekenai, \q1 be uda boromakau hanuaboi ta do ia noho, a? \q1 \v 10 Uda boromakau be varo dekenai oi dogoatao diba, \q1 vadaeni oiemu tano geia gaukara do ia karaia, a? \q1 Oi ese oi hakaua diba, \q1 vadaeni oiemu murinai do ia raka mai, \q1 tano makohia gauna do ia veria, a? \q1 \v 11 Iena goada be bada dainai, \q1 oi ese oi abidadama henia diba, \q1 bona unai dainai, \q1 oiemu gaukara metau herea do ia karaia, a? \q1 \v 12 Oi abidadama henia, \q1 oi laloa ia be do ia giroa mai, \q1 bona oiemu uiti, \q1 be uiti kwadia gabuna dekenai do ia mailaia, a? \b \q1 \v 13 “Kokokoko ese iena hanina, \q1 be ia hamarerea haraga herea, ani? \q1 To kokokoko be ia roho diba lasi, \q1 manu idia roho bamona. \q1 \v 14 Kokokoko ese iena gatoi, \q1 be tano dekenai ia rakatania, \q1 tano ena siahu ese do ia hasiahudia totona. \q1 \v 15 Ia laloaboio gau ta ena aena ese, \q1 unai gatoi do ia hamakohia, \q1 o uda gauna ese gatoi do ia moia. \q1 \v 16 Kokokoko ese iena natuna ia dagedage henia, \q1 bona idia dekenai ia karaia, \q1 idia be iena natuna lasi bamona. \q1 Bema idia mase, \q1 iena natuna ia havaraia ena hisihisi, \q1 be hekwarahi kava, to ia laloa lasi. \q1 \v 17 Badina lau Dirava ese, \q1 ia dekenai aonega lau henia lasi, \q1 bona laloa maorona ia dekenai lau henia lasi. \q1 \v 18 To bema kokokoko ia heau neganai, \q1 ia ese hosi mai ena guia tauna ia halusia diba. \b \q1 \v 19 “Iobu e, \q1 oi ese hosi dekenai iena goada oi henia, a? \q1 Bona hosi ena aiona dekenai, \q1 huina latana oi henia, a? \q1 \v 20 Oi ese hosi dekenai goada oi henia, \q1 vadaeni kwadi bamona ia roho daekau diba, \q1 bona iena boiboi dekenai taunimanima idia gari? \q1 \v 21 Hosi ese, \q1 iena aena dekenai tano ia botaia, \q1 mai ena dagedage danu, \q1 iena goada dainai ia hekokoroku, \q1 bona tuari totona ia heau lao, gari lasi. \q1 \v 22 Hosi be gari dekenai idia kirikiri bamona, \q1 bona tuari kaia dekena amo idia heau siri lasi. \q1 \v 23 Diba ena regena be hosi ena taiana dekenai, \q1 bona io idauidau edia diaridiari, \q1 be iena matana dekenai. \q1 \v 24 To iena dagedage, bona iena badu dainai, \q1 tano ia botaia auka, \q1 bona ia heau haraga vaira dekenai. \q1 Kibi idia hiriria neganai, \q1 hosi be tuari dainai ia gari lasi, \q1 tuari dekenai ia heau henia noho. \q1 \v 25 Kibi ena regena ia kamonai neganai, \q1 hosi be inai bamona ia boiboi, ‘Aha.’ \q1 Daudau dekena amo tuari ena bonana ia kamonai. \q1 Tuari biagudia edia boiboi, \q1 bona tuari taudia edia gadodia danu ia kamonai. \b \q1 \v 26 “Iobu e, \q1 manu ladana bogibada be oiemu aonega dainai, \q1 ataiai dekenai ia roho daekau, \q1 bona diho kahana dekenai ia roho lao, a? \q1 \v 27 Oiemu oda dainai, \q1 be manu ladana ugava ia roho daekau, \q1 bona ataiai gabudia dekenai, \q1 iena ruma ia karaia, a? \q1 \v 28 Ororo ena nadi badana dekenai, \q1 iena ruma ia karaia, \q1 bona nadi bada herea, \q1 ena gabu aukana dekenai ia noho. \q1 \v 29 Unai gabu dekena amo, \q1 iena matana be daudau dekenai ia negea lao, \q1 do ia alaia mase gaudia ia tahua, \q1 iena aniani totona. \q1 \v 30 Mase tauanidia idia noho gabuna dekenai, \q1 ugava manu idia haboua mai, \q1 bona ugava natudia ese rara idia inua.” \b \c 40 \p \v 1 Lohiabada ese Iobu dekenai ma ia hereva, ia gwau, \v 2 “Iobu e, oi ese Siahu Ibounai Diravana dekenai oi maumau, bona oi ese lau do oi hamaoromaoroa diba, a? Namona be Dirava danu ia hepapahuahu tauna ese lau dekenai do ia haere!” \s1 Iobu ese Lohiabada dekenai ia haere \p \v 3 Vadaeni Iobu ese Lohiabada dekenai ia haere, ia gwau, \v 4 “Lau be namo lasi momokani, edena bamona oi dekenai do lau haere? Lau ese hereva ma ta do lau gwauraia lasi be namo. \p \v 5 Hereva sisina bada lau gwauraia vadaeni, lau ura lasi ma lau habadaia.” \s1 Lohiabada ese Iobu dekenai ma ia hereva \p \v 6 Vadaeni Lohiabada ese Iobu dekenai ma ia hereva, lai bada dekena amo, ia gwau, \b \q1 \v 7 “Oi ese harihari tau korikori bamona, \q1 do oi gini maoromaoro, \q1 bona oi dekenai lau nanadaia gaudia do oi haere henia. \q1 \v 8 Oi ura lau dekenai kerere, \q1 bona maoromaoro lasi do oi gwauraia, \q1 oi sibona be maoromaoro do oi gwauraia totona, a? \q1 \v 9 Oiemu goada be lauegu goada hegeregerena, a? \q1 Oiemu gadona oi habadaia diba, \q1 lauegu gadona hegeregerena, a? \q1 \v 10 Bema inai be momokani, \q1 oi sibona do oi toreisi, \q1 mai oiemu hemataurai bona hekokoroku, \q1 bona oiemu hairai, \q1 bona king dagi ena toana do oi hedinaraia. \q1 \v 11 Hekokoroku taudia ibounai, \q1 be mai oiemu badu danu do oi itaia, \q1 oiemu siahu do oi hedinaraia, \q1 bona idia do oi hahemaraia. \q1 \v 12 Oibe, idia do oi itaia noho, \q1 do oi hamanaudia. \q1 Kara dika taudia be edia gini gabuna dekenai, \q1 oi ese do oi moidia diho momokani. \q1 \v 13 Ibounai be tano lalonai do oi guridia, \q1 mase taudia edia gabu dekenai do oi guidia. \q1 \v 14 Unai neganai lau ese oi do lau hanamoa, \q1 do lau gwau, \q1 ‘Oi sibona oiemu goada dekenai oi kwalimu vadaeni.’ \b \q1 \v 15 “Dagedage gauna ladana Behemoto mani oi itaia. \q1 Lau ese ia lau karaia, \q1 oi lau karaia hegeregerena. \q1 Ia be rei ia ania noho, boromakau bamona, \q1 \v 16 to iena tauanina be goada herea momokani. \q1 Iena varovaro be mai edia siahu bada herea, \q1 \v 17 bona iena iuna be ia haginia neganai, \q1 ia be sida auna bamona, \q1 bona iena mamuna edia varovaro, \q1 be mai edia goada bada herea. \q1 \v 18 Iena turiana be auri laboralabora bamona, \q1 bona iena aena ruaosi be auri korikori bamona. \q1 \v 19 Lau Dirava ese lau karaia gaudia ibounai, \q1 edia huanai ia sibona be herea! \q1 Lau sibona mo lau halusia diba. \q1 \v 20 Ia ese ia ania rei, \q1 be ororo dekenai ia tubu noho, \q1 dagedage gaudia edia gadara gabuna dekenai. \q1 \v 21 Au ginigini ena henunai ia hekure, \q1 siriho edia lalonai, bona gohu dekenai. \q1 \v 22 Au ginigini ese ia hakerukerua noho, \q1 bona sinavai badinai audia ese idia hagegea noho. \q1 \v 23 Oi itaia, abata bada ia vara neganai, \q1 Behemoto be ia gari lasi momokani, \q1 Ioridane Sinavai ese Behemoto ena uduna do ia hahonua, \q1 to ia be ia gari lasi momokani. \q1 \v 24 Oi ese kimai dekena amo oi veria diba, a? \q1 O iena udu baubauna, \q1 be tarapu dekenai oi dogoatao diba, a?” \b \c 41 \p \v 1 Lohiabada ma Iobu dekenai ia hereva, ia gwau, \b \q1 “Dagedage gauna ladana Leviatano, \q1 be kimai dekena amo oi veria diba, a? \q1 O iena malana be varo dekenai oi guia diba, a? \q1 \v 2 Iena udubaubauna be varo dekenai oi dogoatao diba? \q1 O kimai dekenai iena aukina oi veria diba? \q1 \v 3 Ia ese oi dekenai do ia noinoi, \q1 o hereva manada dekenai, \q1 oiemu bogahisihisi do ia tahua, a? \q1 \v 4 Ia ese oi dekenai do ia gwauhamata, do ia gwau, \q1 ‘Lau ese oiemu hesiai gaukara, \q1 be do lau karaia hanaihanai, a?’ \q1 \v 5 Oi ese do oi gadaralaia diba, manu bamona? \q1 O do oi guia, bona hamanadaia, \q1 oiemu kekeni edia gadara gauna, a? \q1 \v 6 Haoda taudia be Leviatano hoia totona, \q1 iena davana do idia hepapahuahu, a? \q1 O do idia haria, \q1 hoihoi taudia do idia hoia totona, a? \q1 \v 7 Diba momo dekena amo, \q1 iena kopina dekenai oi pidia diba, a? \q1 O iena kwarana be karaudi dekena amo, \q1 oi gwadaia diba, a? \q1 \v 8 Bema oiemu imana dekenai oi dogoatao neganai, \q1 ia be oi dekenai do ia heatu henia, \q1 mai dagedage bada. \q1 Vadaeni oi ese do oi karaia lou lasi momokani. \q1 \v 9 Tau ta, bema Leviatano ia itaia neganai, \q1 iena goada be ia ore, \q1 bona gari dainai tano dekenai do ia moru. \q1 \v 10 Tau ta ese Leviatano do ia hanogaia lasi, \q1 do ia dagedage bada garina, \q1 bona tau ta, \q1 be Leviatano ena vairanai do ia gini diba lasi. \q1 \v 11 Daika ese do ia heatu henia? \q1 Tanobada tauna ta ese ia karaia diba lasi. \b \q1 \v 12 “Lau ura Leviatano ena aena do lau herevalaia, \q1 iena tauanina ena goada lau ura gwauraia namonamo. \q1 \v 13 Daika ese iena kopina ia darea parara diba? \q1 Daika ese iena kopina ia gwadaia diba? \q1 Ia be auri bamona, ani? \q1 \v 14 Daika ese iena uduna ia kehoa diba, \q1 badina iena isena be mai gari bada herea, ani? \q1 \v 15 Iena doruna be kesi momo bamona. \q1 Idia be hakapua hebou, hakapua hebou, \q1 bona auka, nadi bamona. \q1 \v 16 Inai kesi ta ta ibounai be hekahi momokani, \q1 bona hodahoda be, \q1 ta ta edia huanai ia vareai diba lasi. \q1 \v 17 Idia noho hebou, idia kamokamo hebou, \q1 bona idia parara diba lasi. \q1 \v 18 Leviatano ia asimana neganai, \q1 diari ia hedinaraia kimore bamona, \q1 bona iena matana idia hururu, \q1 dina ia daekau neganai bamona. \q1 \v 19 Iena uduna dekena amo lahi ia mai, \q1 kimore danu idia roho daekau. \q1 \v 20 Iena udubaubauna dekena amo, \q1 kwalahu ia daekau noho, \q1 uro ena henunai siriho idia gabua kwalahu bamona. \q1 \v 21 Leviatano ia hahodi neganai, \q1 au rakuraku ia gabua ore, \q1 bona lahi hururu, \q1 be iena uduna dekena amo idia hedinarai noho. \q1 \v 22 Iena aiona be mai ena goada. \q1 Gari bada be iena vairana dekenai. \q1 \v 23 Iena kopina ena latanai be manoka gabuna ta lasi, \q1 ia be auka momokani, auri bamona. \q1 \v 24 Iena kudouna be ia auka, nadi bamona, \q1 uiti idia moia nadi ia auka bamona. \q1 \v 25 Ia toreisi neganai goada taudia idia gari. \q1 Iena regena idia kamonai neganai, \q1 gari dainai idia manoka. \q1 \v 26 Tuari kaia dekenai Leviatano idia gwadaia, \q1 be anina lasi. \q1 Io bona diba bona karaudi danu be anina lasi. \q1 \v 27 Auri be rei kaukau ia dekenai, \q1 bona auri laboralabora be au, \q1 ia bodaga dainai ia manoka bamona. \q1 \v 28 Diba ese Leviatano idia hagaria lasi, \q1 unai dainai ia heau lasi. \q1 Nadi do idia negea varo dekenai, \q1 to unai nadi be, \q1 Leviatano ese uiti ena momoru ia halaoa noho. \q1 \v 29 Kareva be uiti momoru bamona ia dekenai, \q1 bona ia dekenai io idia negea neganai ia kiri bada. \q1 \v 30 Iena bogana ena kopina, \q1 be uro ia makohia isedia bamona. \q1 Idia ese kopukopu idia kwadia, \q1 uiti kwadia auna bamona. \q1 \v 31 Davara be Leviatano ese ia hamarerea noho, \q1 ranu ia boila bamona, \q1 bona davara be, \q1 uro lalonai oela ia lohilohi ena toana bamona. \q1 \v 32 Davara lalonai ia heau neganai, \q1 hurehure be iena murinai dala ena toana idia karaia, \q1 davara be gwaragwara bamona ia lao. \q1 \v 33 Tanobada dekenai be ia hegeregerena ta lasi, \q1 ia be gari diba lasi gauna. \q1 \v 34 Mai edia hekokoruku dagedage gaudia ibounai, \q1 be ia ese ia hereadia, \q1 ia be hekokoroku gaudia ibounai edia king.” \c 42 \s1 Iobu ena hereva dokona \p \v 1 Vadaeni Iobu ese Lohiabada dekenai ma ia haere henia, ia gwau, \b \q1 \v 2 “Lau diba oi be gau ibounai oi karaia diba, \q1 bona oi ura karaia gaudia, \q1 be gau ta ese ia koua diba lasi. \q1 \v 3 Oi ese lau oi nanadaia, oi gwau, \q1 ‘Oi be daika, \q1 egu aonega oi maumauraia noho?’ \q1 Momokani, Lohiabada e, \q1 lau hereva kerere vadaeni, \q1 badina be egu diba ia maragi. \q1 Unai dainai, lau herevalaia gaudia, \q1 be lau diba namonamo lasi. \q1 Hoa gaudia, \q1 lauegu diba idia hereaia gaudia, \q1 lau herevalaia kava. \b \q1 \v 4 “Lohiabada e, \q1 oi ese lau oi hamaoroa, oi gwau, \q1 ‘Oi kamonai, vadaeni do lau hereva, \q1 bona oiemu henanadai gaudia dekenai do lau haere.’ \q1 \v 5 Guna egu taiana sibona dekenai, \q1 oiemu sivarai lau kamonai, \q1 to harihari egu matana ese, \q1 oi idia itaia momokani vadaeni. \q1 \v 6 Unai dainai egu hereva gaudia ibounai dainai, \q1 lau be lau hemarai, \q1 bona harihari tano kahu, \q1 bona lahi kahu danu dekenai, \q1 lauegu lalona lau giroa momokani inai.” \s1 Iobu ena noho namo ma ia vara lou \p \v 7 Lohiabada ese inai hereva be Iobu dekenai ia hamaoroa murinai, Lohiabada ese Elipasa, Temana hanua tauna ia gwau henia, ia gwau, “Lau be oi bona oiemu turana ruaosi dekenai lau badu, badina be lauegu sivarai umui gwauraia maoro lasi, Iobu, lauegu hesiai tauna ese ia gwauraia hegeregerena. \p \v 8 “Unai dainai, boromakau tau 7 bona mamoe tau 7 do oi abia lao Iobu dekenai. Bona umui emui boubou gauna totona inai boromakau bona mamoe do umui gabua, emui dika totona. Iobu ese umui totona do ia guriguri, bona lau ese iena guriguri do lau kamonai. Bona umui emui kavakava hegeregerena umui dekenai do lau karaia lasi, Iobu ena guriguri namona dainai. Umui ese lau umui herevalaia maoromaoro lasi, Iobu ese lau ia herevalaia bamona.” \p \v 9 Elipasa, Biledada bona Sopara ese Lohiabada ena hereva hegeregere idia karaia, bona Lohiabada ese Iobu ena guriguri ia kamonai henia. \p \v 10 Unai murinai, Iobu ese iena turana toi dainai ia guriguri murinai, Lohiabada ese Iobu dekenai kohu momo ma ia henia lou. Lohiabada ese Iobu ena kohu gunana ia habadaia ela bona nega rua. \v 11 Iobu ena tadikakana bona iena taihuna bona iena turana gunadia ibounai be ia dekenai idia vadivadi, iena ruma lalonai idia aniani hebou. Idia ese Iobu dekenai idia bogahisihisi, bona iena lalona idia hagoadaia, unai dika ibounai Lohiabada ese ia dekenai ia atoa dainai. Idia ta ta ibounai ese moni bona golo rini Iobu dekenai idia henia. \p \v 12 Vadaeni Lohiabada ese Iobu ena mauri ma ia hanamoa lou bada. Iena gorere ia ore murinai, iena noho be namo bada, to iena noho gunana be namo bada lasi. Iena mamoe be 14,000, iena kamelo be 6000, iena boromakau be 2000, bona iena doniki be 1000. \v 13 Natuna ma haida ia abia, ia be memero 7, bona kekeni toi edia tamana. \v 14 Iena kekeni vara guna ena ladana ia atoa Iemima, iharuana ena ladana be Kesaia, bona ihatoina ena ladana be Kerene Hapuku. \v 15 Bona tano ibounai edia huanai, Iobu ena natuna hahine taudia sibona be mai hairai herea. Iobu ese iena natudia ibounai, hahine bona tatau edia huana dekenai. iena kohu bona tano ia haria lao. \p \v 16 Unai murinai Iobu be lagani 140 ma ia mauri, bona iena tubuna bona edia natudia danu ia itadia. \v 17 Vadaeni Iobu be ia mase, ia be tau buruka, iena mauri lagani be momo herea.