\id ISA ISAIAH, Hiri Motu Bible, PNG, 1986, 5/93 \h ISAIA \toc1 ISAIA \toc2 ISAIA \mt1 ISAIA \c 1 \p \v 1 Isaia, Amoso ena natuna, be Iuda tano ena king Usaia, king Iotama, king Ahasa, bona king Hesekaia edia nega dekenai ia noho. Dirava ese mata hanai dekenai, gau momo Isaia dekenai ia hedinaraia, Iuda bona Ierusalema totona gaudia. Isaia ena buka ena anina be inai. \s1 Dirava ese iena bese ia gwau henia \p \v 2 Lohiabada ia gwau, \q1 “Guba bona tanobada e, \q1 lauegu hereva do umui kamonai! \q1 Lauegu natuna taudia lau ubua, \q1 bona lau hadibaia namonamo, \q1 to idia ese lau idia dagedage henia vadaeni. \q1 \v 3 Boromakau be edia biaguna idia diba, \q1 bona doniki be, \q1 edia biaguna ese edia aniani ia atoa gabuna idia diba. \q1 To Israela, egu bese taudia, \q1 be gau ta idia diba lasi momokani.” \b \q1 \v 4 Kara dika besena e! \q1 Emui kerere ese umui ia hametaua noho. \q1 Umui be dika taudia momokani, \q1 bona kara koikoi dekenai umui manada vadaeni. \q1 Umui ese Lohiabada umui rakatania vadaeni. \q1 Umui ese Israela ena Dirava Helagana umui negea vadaeni, \q1 bona ia dekena amo umui raka siri vadaeni. \b \q1 \v 5 Badina dahaka Dirava dekenai umui dagedage noho? \q1 Umui ura be panisi umui davaria lou, davaria lou, a? \q1 Israela tano e, oiemu kwarana, \q1 be idia haberoa vadaeni, \q1 bona oiemu kudouna danu be ia manoka noho. \q1 \v 6 Oiemu aena ela bona oiemu kwarana dekenai, \q1 gabu namona ta ia noho lasi, \q1 to bero bona toto, \q1 bona gudu momo idia noho. \q1 Bona bero ena rara be idia huria lasi, idia kumia lasi, \q1 bona muramura idia atoa lasi. \b \q1 \v 7 Israela taudia e, \q1 emui tano be ia dika, \q1 aniani ia havaraia diba lasi. \q1 Emui hanua be lahi ese ia gabua ore. \q1 Idau taudia ese emui tano ena anina idia abia, \q1 bona gau ibounai idia hadikaia noho. \q1 Edia kara umui itaia noho, \q1 to umui goada lasi dainai, \q1 edia kara umui hadokoa diba lasi. \q1 \v 8 Ierusalema be sibona ia noho, \q1 vain uma naria tauna ena au raurau ruma bamona, \q1 kiukamba umana ena ruma maragina bamona. \q1 Ia be tuari taudia ese idia koua hagegea hanua bamona. \q1 \v 9 Bema Siahu Ibounai Lohiabada ese iseda Iuda taudia, \q1 idia do noho taudia, \q1 ia hamauria lasi neganai, \q1 ita be Sodoma bona Gomora taudia hegeregere do ita lao. \b \q1 \v 10 Ierusalema e, \q1 oiemu lohia taudia bona gunalaia taudia, \q1 be Sodoma bona Gomora edia lohia taudia bamona. \q1 Ierusalema taudia e, \q1 Lohiabada ena hadibaia hereva do umui kamonai. \q1 \v 11 Lohiabada ia gwau, \q1 “Umui laloa lau be emui boubou gaudia lau ura henia, a? \q1 Lasi, emui mamoe umui gabua, \q1 bona emui boromakau edia digara, \q1 umui gabua gaudia lau abia, \q1 be ia davana vadaeni lau dekenai. \q1 Lau be boromakau, bona mamoe, \q1 bona nanigosi edia rarana dekenai lau hesiku vadaeni. \q1 \v 12 Lauegu vairana dekenai umui haboua mai neganai, \q1 daika ese umui ia hamaoroa, \q1 egu Dubu Helaga do umui moia kava, moia kava? \q1 \v 13 Harihari gaudia, \q1 anina lasi gaudia haida ma, \q1 do umui mailaia lasi, \q1 badina be emui muramura mai bonana, \q1 be gau dikana lau dekenai. \q1 Emui Hua Matamata Aria, \q1 emui Sabati, \q1 bona emui guriguri hebou, \q1 be emui kara dika ese ia hamiroa vadaeni. \q1 \v 14 Emui Hua Matamata Aria, \q1 bona dina helagadia, \q1 be lau ura lasi momokani. \q1 Idia be gau metauna lau dekenai, \q1 huaia dekenai lau hesiku momokani. \q1 \v 15 Emui imana guriguri totona umui abia isi neganai, \q1 lau ese egu vairana umui dekena amo do lau hunia. \q1 Sedira guriguri momo do umui gwauraia, \q1 to lau be do lau kamonai lasi, \q1 badina emui imadia be rara dekenai idia honu vadaeni. \q1 \v 16 Umui sibona do umui huria, \q1 do umui goeva totona. \q1 Inai umui karaia noho kara dika be do umui hadokoa. \q1 Io, inai emui kerere do umui hadokoa, \q1 \v 17 bona kara namo karaia dalana do umui tahua. \q1 Kota maoromaorona do umui tahua, \q1 bona mai dagedage danu taunimanima idia hisihisi henidia taudia, \q1 edia kara do umui koua. \q1 Mai edia tamana lasi natuna maragidia do umui durua, \q1 bona vabu danu do umui gimaia, \q1 haida ese do idia hadikaia lasi.” \b \q1 \v 18 Lohiabada ma ia hereva, ia gwau, \q1 “Harihari umui mai, ita hereva hebou. \q1 Momokani, umui emui dika be bada, \q1 rara ia kakakaka momokani bamona, \q1 to lau ese umui do lau huria, \q1 vadaeni do umui goeva, \q1 sinou ia kurokuro bamona. \q1 Momokani emui miro be kakakaka herea, \q1 to lau huria neganai ia be kurokuro, \q1 mamoe ena huina hegeregerena. \q1 \v 19 Bema lau dekenai umui kamonai henia neganai, \q1 tano ena anina namona do umui ania. \q1 \v 20 To bema lau dekenai umui dagedage, \q1 bona lau dekenai umui kamonai henia lasi neganai, \q1 umui be tuari kaia dekena amo do umui mase. \q1 Lau inai Lohiabada, \q1 lau hereva vadaeni.” \s1 Ierusalema hanua ese kara dika bada ia karaia \q1 \v 21 Unai hanua, guna ia be kara momokani hanuana, \q1 to hari ia be ariara hahine hegeregerena ia lao vadaeni. \q1 Guna be kara maoromaoro taudia momo, \q1 Ierusalema dekenai idia noho, \q1 to hari be ala-ala taudia sibona, \q1 Ierusalema lalonai idia noho. \q1 \v 22 Ierusalema e, \q1 guna oi be siliva bamona, \q1 to hari oi be anina lasi. \q1 Guna oi be uaina namona bamona, \q1 to hari oi be ranu sibona bamona. \q1 \v 23 Oiemu lohia taudia be dagedage taudia. \q1 Edia turana taudia be henaoa taudia. \q1 Idia ibounai ese moni bona harihari gaudia, \q1 be koikoi kara dekena amo idia abia. \q1 Idia ese tamana lasi maragidia idia durua lasi, \q1 bona idia ese vabu idia gimaia lasi, \q1 dagedage taudia dekena amo. \q1 \v 24 Unai dainai Lohiabada, \q1 Siahu Ibounai Lohiabada, \q1 Israela ena Dirava Goadana, \q1 be inai bamona ia hereva, ia gwau, \q1 “Lau dekenai umui dagedage taudia e, \q1 emui kerere davana do lau henia momokani, \q1 bona umui ese lau do umui dagedage henia lou lasi. \q1 \v 25 Lau ese umui dekenai egu imana do lau atoa, \q1 umui do lau hagoevaia, \q1 lahi ese auri ia hagoevaia bamona. \q1 Umui emui miro ibounai do lau kokia momokani. \q1 \v 26 Ierusalema taudia e, \q1 umui dekenai kota naria taudia namodia, \q1 bona lohia namodia do lau henia, \q1 gunaguna umui idia naria taudia bamona. \q1 Unai neganai Ierusalema be do idia gwauraia, \q1 ia be kara maoromaoro bona kara momokani hanuana.” \b \q1 \v 27 Lohiabada be maoromaoro dainai, \q1 ia ese Ierusalema do ia hamauria. \q1 Ia dekenai idia noho taudia edia lalona idia giroa neganai, \q1 Lohiabada ese idia do ia hamauria. \q1 \v 28 To dagedage taudia, \q1 bona kara dika taudia ibounai, \q1 be Lohiabada ese do ia hadikaia ore. \q1 Bona ia ese ia idia rakatania taudia ibounai, \q1 be do ia alaia ore. \b \q1 \v 29 Badina be unai au namodia, \q1 umui tomadiho henia gaudia, \q1 idia dainai do umui hemarai. \q1 Bona unai uma helagadia, \q1 tomadiho totona umui geia gaudia, \q1 be hemarai gauna momokani umui dekenai do idia lao. \q1 \v 30 Bona do umui mase lao, \q1 au kaukau ia mase lao bamona. \q1 Umui be ranu ia noho lasi umana bamona do umui lao. \q1 \v 31 Rei kakoro be lahi ese ia gabua ore haraga, ani? \q1 Unai bamona danu, \q1 goada tauna be iena kara dika ese ia do idia hadikaia ore. \q1 Unai tau bona iena gaukara danu, \q1 lahi ese, \q1 ruaosi do ia gabua nega tamona, \q1 bona tau ta ese unai lahi ia habodoa diba lasi. \c 2 \s1 Maino ela bona hanaihanai \p \v 1 Dirava ese inai bamona hereva Isaia Amoso dekenai ia henia, Iuda bona Ierusalema totona: \b \q1 \v 2 Nega gabeai be inai bamona do ia vara: \q1 Lohiabada ena Dubu Helaga ia gini ororona, \q1 be ataiai momokani ororona do ia lao. \q1 Inai ororo be ia ese, \q1 ororo ibounai do ia hereaia. \q1 Bese ibounai ese ia dekenai do idia haboua lao. \q1 \v 3 Bona edia taunimanima do idia gwau, \q1 “Umui mai, Lohiabada ena ororo dekenai do ita daekau, \q1 Israela ena Dirava ena Dubu Helaga dekenai do ita lao. \q1 Ia ese iena kara ita dekenai do ia hadibaia, \q1 bona ita ese unai Dirava ena dala dekenai do ita raka. \q1 Badina be Lohiabada ena hadibaia hereva, \q1 be Ierusalema dekena amo ia mai noho. \q1 Siona dekena amo Lohiabada ese, \q1 iena bese taudia dekenai ia hereva henia noho.” \q1 \v 4 Lohiabada ese, \q1 bese badadia edia heai, \q1 bona edia hepapahuahu do ia hamaoromaoroa. \q1 Idia ese edia tuari kaia be hama dekenai do idia makohia, \q1 bona unai makohia auri dekena amo, \q1 tano geia auri do idia karaia. \q1 Bona idia edia io ena auri danu do idia botaia palaka, \q1 au rigi utua kaia do idia halaoa. \q1 Bese ta ese bese ta dekenai do ia tuari henia lou lasi, \q1 bona tuari dalana be do idia hadibaia lou lasi. \q1 \v 5 Iakobo ena besena e, umui mai, \q1 Lohiabada ese ita dekenai ia henia diari lalonai do ita raka. \s1 Lohiabada ese hekokoroku taudia do ia kota henidia \q1 \v 6 Dirava e, oi ese oiemu orea taudia oi negea vadaeni. \q1 Iakobo ena bese taudia oi rakatania vadaeni, \q1 badina meamea taudia, \q1 be dina daekau kahana dekena amo idia mai, \q1 bona puripuri taudia, \q1 be Pilistia tano dekena amo idia mai, \q1 inai aiemai tano idia hahonua noho. \q1 Idau bese taudia edia kara dikadia ai karaia noho. \q1 \v 7 Israela ena tano be siliva bona golo dekenai ia honu noho, \q1 bona Israela taudia edia davana bada kohudia be idia ore lasi. \q1 Edia tano be hosi dekenai ia honu noho, \q1 bona edia kariota be idia ore lasi. \q1 \v 8 Edia tano be kaivakuku dekenai ia honu noho, \q1 edia imadia dekenai idia karaia vadaeni gaudia. \q1 Edia ima kwakikwakidia dekenai idia karaia gaudia, \q1 idia tomadiho henia noho. \q1 \v 9 Lohiabada e, \q1 unai taunimanima do oi atodia diho. \q1 Idia do oi hamanaua, \q1 vadaeni do idia hemarai, \q1 bona edia dika do oi gwauatao lasi. \q1 \v 10 Nadi matuna bona kohua, \q1 bona tano ena guri lalonai do idia hunia. \q1 Dirava ena badu dekena amo do idia heau gwauraia. \q1 Iena King siahuna, \q1 bona iena hairaina ena diaridiari dekena amo do idia heau. \q1 \v 11 Lohiabada do ia mai neganai, \q1 ia ese taunimanima edia hekokoroku do ia haorea, \q1 bona sibona edia ladana idia abia isi taudia do ia hamanaua. \q1 Unai dina dekenai, \q1 Lohiabada ena ladana sibona do idia hanamoa. \q1 \v 12 Badina be Siahu Ibounai Lohiabada ese, \q1 dina ta ia abia hidi vadaeni, \q1 unai dina dekenai, \q1 hekokoroku taudia ibounai do ia hamaragia momokani, \q1 bona unai dina dekenai danu, \q1 taunimanima ese idia hanamoa gaudia ibounai, \q1 Lohiabada ese do ia hadikaia. \q1 \v 13 Ia ese Lebanona ena sida audia ibounai, \q1 latadia momokani, \q1 bona Basana ena ouki audia, \q1 ibounai danu do ia hadikaia. \q1 \v 14 Ororo badadia ibounai danu, \q1 be Lohiabada ese do ia hadikaia ore. \q1 \v 15 Kohoro latadia ibounai, \q1 bona hanua edia magu aukadia ibounai, \q1 be unai dina dekenai do ia hadikaia. \q1 \v 16 Lohiabada ese danu hoihoi gaudia mailaia sisima, \q1 bona sisima badadia ibounai do ia hadikaia ore. \q1 \v 17 Unai dina dekenai taunimanima edia hekokoroku do ia ore, \q1 bona sibodia edia ladana idia abia isi taudia, \q1 be do idia manau. \q1 Bona unai dina dekenai danu, \q1 Lohiabada ena ladana sibona, \q1 be taunimanima do idia hanamoa, \q1 \v 18 bona kaivakuku be do idia boio ore momokani. \q1 \v 19 Unai neganai taunimanima be, \q1 nadi kohua edia lalonai do idia heau vareai, \q1 bona tano guridia lalonai do idia hunia. \q1 Lohiabada ena badu dekena amo do idia heau gwauraia. \q1 Iena King siahuna, \q1 bona iena hairaina ena diaridiari, \q1 dekena amo do idia heau. \q1 Unai bamona taunimanima do idia karaia, \q1 Lohiabada ese tanobada hagaria totona do ia toreisi neganai. \q1 \v 20 Unai dina dekenai taunimanima ese edia kaivakuku, \q1 siliva gaudia bona golo gaudia, \q1 do idia tomadiho henia totona idia karaia gaudia, \q1 be bita bona mariboi dekenai do idia negea lao. \q1 \v 21 Ma taunimanima be nadi kohua edia lalonai do idia heau vareai, \q1 bona ororo dekenai idia noho nadi badadia, \q1 edia huanai danu do idia hunia. \q1 Lohiabada ena badu dekena amo do idia heau gwauraia. \q1 Iena King siahuna, \q1 bona iena hairaina ena diaridiari, \q1 dekena amo do idia heau. \q1 Unai bamona taunimanima do idia karaia, \q1 Lohiabada ese tanobada hagaria totona do ia toreisi neganai. \q1 \v 22 Taunimanima do umui abidadama henia lou lasi. \q1 Edia namo be dahaka? \q1 Idia be manokamanoka sibona. \c 3 \s1 Ierusalema bona Iuda taudia edia kerere davana \q1 \v 1 Kamonai! Lohiabada, \q1 Siahu Ibounai Lohiabada ese, \q1 harihari Ierusalema bona Iuda dekena amo, \q1 edia goada havaraia gaudia do ia kokia. \q1 Edia aniani ibounai, \q1 bona edia ranu ibounai do ia kokia. \q1 \v 2 Edia goada taudia, bona tuari taudia, \q1 kota biagudia bona peroveta taudia, \q1 meamea taudia bona hanua taubadadia, \q1 \v 3 tuari taudia 50 edia kapena, \q1 bona dagi bada taudia, \q1 sisiba namona henia taudia, \q1 bona gaukara diba momo taudia, \q1 bona meamea gaudia diba momo taudia. \q1 Inai taudia ibounai be Lohiabada ese do ia kokia. \q1 \v 4 Lohiabada ese memero sibona do ia abia, \q1 Iuda bona Ierusalema edia lohia do ia halaodia. \q1 Memero ese taunimanima do idia biagua. \q1 \v 5 Taunimanima ese ma taunimanima do idia hisihisi henia. \q1 Tau ta ese ma tau ta do ia hisihisi henia, \q1 bona eregabe tauna ese, \q1 tau badana do ia hereva dika henia. \q1 Ma lebulebu tauna ese, \q1 kara maoromaoro tauna do ia hadikaia gwauraia. \q1 \v 6 Unai neganai danu tau ta ese, \q1 iena tadikakana do ia abia hidi, \q1 do ia gwau, \q1 “Oi sibona be mai emu dabua, \q1 namona be oi ese ai do oi gunalaia, \q1 bona inai nega dika lalonai, \q1 ai do oi durua.” \q1 \v 7 To ia be unai dina dekenai do ia haere, do ia gwau, \q1 “Lau ese umui lau durua diba lasi, \q1 lau danu be mai egu aniani bona dabua lasi. \q1 Emui gunalaia tauna lau do umui halaoa lasi.” \q1 \v 8 Ierusalema bona Iuda do idia moru noho, \q1 badina be edia taunimanima ese, \q1 edia hereva bona edia kara, \q1 dekena amo Lohiabada idia hanamoa lasi. \q1 Idia ese Dirava ena vairana dekenai, \q1 iena ladana idia hadikaia noho. \q1 \v 9 Edia kota biagudia ese, \q1 idia ura henia taudia sibona idia durua noho, \q1 bona idia ese tau haida idia hadikaia kava noho. \q1 Inai kara gagevagageva dekena amo, \q1 sibodia idia hadikaia noho, \q1 bona inai dika be, \q1 taunimanima edia vairanai idia karaia noho, hemarai lasi, \q1 Sodoma taudia idia karaia bamona. \q1 Idia be do idia dika momokani. \q1 Edia kerere ese idia do ia hadikaia. \q1 \v 10 To kara maoromaoro taudia do oi hamaoroa, \q1 idia ese moale do idia davaria, \q1 badina idia ese edia kara ena huahua, \q1 be do idia ania. \q1 \v 11 To kara dika taudia ese, \q1 dika momokani do idia davaria. \q1 Edia kara dika edia davana do idia abia. \q1 Idia ese idia kara dika hegeregerena, \q1 be Dirava ese idia dekenai do ia henia. \q1 \v 12 Egu bese taudia madi, \q1 memero ese idia hisihisi henidia noho, \q1 bona hahine ese idia biagudia noho. \q1 Egu bese taudia e, \q1 emui gunalaia taudia ese, \q1 umui idia hakaua kerere noho, \q1 vadaeni dala maoromaorona dekena amo umui raka siri noho. \s1 Lohiabada ese iena bese taudia ia kota henia noho \q1 \v 13 Lohiabada be kota kamonai totona ia gini hegaegae noho. \q1 Ia ese iena bese taudia do ia kota henidia. \q1 \v 14 Lohiabada ese iena bese taubadadia, \q1 bona lohia taudia ia kota henia hamatamaia noho, ia gwau, \q1 “Umui ese egu vain uma umui hadikaia ore vadaeni. \q1 Emui ruma edia lalonai, \q1 ogogami taudia edia kohu, \q1 umui dadia gaudia umui atoa vadaeni. \q1 \v 15 Badina dahaka egu bese taudia umui moia diho noho, \q1 bona ogogami taudia umui dagedage henia noho momokani? \q1 Lau Lohiabada, \q1 Siahu Ibounai Lohiabada ese, \q1 umui lau hamaoroa inai: \q1 Umui be kerere momokani.” \s1 Lohiabada ese Ierusalema ena hahine taudia ia sisiba henidia \q1 \v 16 Lohiabada ia gwau: \q1 “Siona hahine be idia hekokoroku noho, \q1 bona idia raka neganai, \q1 edia udubaubaudia be ataiai idia atodia noho. \q1 Edia matadia be tau ibounai dekenai idia negea lao noho, \q1 bona edia aedia dekenai, \q1 tareko idia kwatua noho, \q1 idia raka neganai, \q1 regena do idia karaia totona. \q1 \v 17 Unai dainai lau Lohiabada ese, \q1 unai Siona hahine edia kwaradia dekenai toto do lau atoa. \q1 Lau Lohiabada ese edia huina ibounai do lau kokia ore.” \b \q1 \v 18 Unai dina dekenai Lohiabada ese, \q1 unai Ierusalema hahine idia hekokorokulaia gaudia do ia kokia momokani. \q1 Edia gana, \q1 edia kwara hagegea herahera, \q1 edia ageva, \q1 \v 19 edia imana herahera gaudia, \q1 edia vairana koua dabua, \q1 \v 20 edia kwara gaudia, \q1 bona muramura mai bonana namo maua maragidia, \q1 imana dekenai, bona gaba dekenai idia atoa gaudia, \q1 be Lohiabada ese do ia kokia. \q1 \v 21 Ima kwakikwaki rini, \q1 bona udubaubau rini danu, \q1 \v 22 edia dabua namodia, dabua latadia, \q1 kouti, bona moni udaia puse, \q1 \v 23 edia dabua severasevera, \q1 edia dabua aukadia, \q1 kwara kumia dabua, bona edia muko, \q1 ibounai be Lohiabada ese do ia abia lao ore. \q1 \v 24 Mai bonana namo muramura, \q1 be bodaga ese iena gabu do ia abia, \q1 bona gaba ena dabua namona, \q1 be kwanau aukana ese iena gabu do ia abia. \q1 Huina namona, \q1 be kebere ese iena gabu do ia abia, \q1 bona hairai ena gabu dekenai, \q1 hemarai do ia noho. \b \q1 \v 25 Ierusalema hanua e, \q1 oiemu tuari taudia be tuari kaia dekena amo do idia mase. \q1 Oiemu goada taudia ibounai, \q1 be tuari lalonai do idia mase. \q1 \v 26 Oiemu kohu ibounai do idia abia. \q1 Oi be hahine ta bamona do oi noho, \q1 iena dabua ibounai idia kokia, \q1 bona ia be tano dekenai ia helai kava noho. \q1 Oiemu hanua ena magu iduara badana ese inai kara do ia itaia, \q1 bona mai ena lalohisihisi danu do ia tai. \c 4 \p \v 1 Unai negana do ia ginidae neganai, hahine 7 ese tau tamona do idia dogoatao, do idia gwau, “Ai sibona aiemai aniani do ai abia, bona ai sibona aiemai dabua danu do ai abia. To mani emu kara aiemai adavana ai do oi halaoa. Unai neganai, ai be headava lasi dainai do ai hemarai lasi.” \s1 Lohiabada ena Rigi, bona Ierusalema ena nega namona \p \v 2 To nega ta be gabeai do ia ginidae, Lohiabada ena Rigina do ia hairai momokani, iena toana be ia namo herea. Bona Israela ena tano ese aniani momo do ia havaraia. Bona mase dekena amo idia heau mauri vadaeni Israela taudia ese tano ia havaraia aniani dekenai do idia heagi, bona do idia moale bada. \p \v 3 Siona dekenai do noho taudia, Ierusalema idia rakatania lasi taudia be helaga do idia gwauraidia. Taudia be unai, Dirava ese mauri totona ia abia hidi, bona edia ladadia ia torea vadaeni. \v 4 Lohiabada ese Siona ena hahine edia miro do ia huria momokani. Bona iena siahu bona kota henia dekena amo, Lohiabada ese Israela do ia hamaoromaoroa bona hagoevaia. Ia ese Ierusalema ia hamiroa rarana, bona Ierusalema ena kerere do ia huria ore momokani. \v 5 Unai neganai Lohiabada ese Siona Ororo ena ataiai bona Siona ena latanai idia haboua noho taudia ibounai edia ataiai, be ori do ia havaraia, dina lalonai, bona kwalahu bona lahi hururuhururu, hanuaboi lalonai. Dirava ena hairaina ese, Ierusalema ena kahana ibounai do ia koua bona gimaia. \p \v 6 Dina lalonai, Dirava ena hairaina be Ierusalema ena ikerukeru do ia lao, dina ena siahu do ia koua. Bona inai hairai ese danu Ierusalema do ia gimaia, vadaeni ia be noho namona gabuna, medu bona lai guba idia vara neganai. \c 5 \s1 Vain uma ena ane \q1 \v 1 Ane ta do lau abia, \q1 egu lalokau tauna ena. \q1 Egu lalokau tauna ena vain uma totona, \q1 inai ane do lau abia. \q1 Ia be mai ena vain umana ta, \q1 ororo dekenai ia noho, \q1 bona ena tano be namo herea. \q1 \v 2 Ia ese tano ia geia, \q1 nadi ibounai ia kokia ore, \q1 bona vain namo herea ia hadoa. \q1 Vain edia huanai, \q1 uma naria ruma ia haginia, \q1 bona nadi badana ia taraia, \q1 vain huahua ia lalonai do idia moia totona. \q1 Vadaeni ia naria, \q1 vain huahua do idia mage gwauraia, \q1 to vain huahua ibounai idia dika, \q1 edia mamina idia dika. \q1 \v 3 Vadaeni, hari egu lalokau tauna ia gwau, \q1 “Ierusalema dekenai umui noho taudia e, \q1 Iuda taudia e, \q1 lau ese umui lau noia inai, \q1 lau bona egu vain uma, \q1 aiemai huanai do umui gwauraia, \q1 edena be namo? \q1 \v 4 Dahaka kara namona lau karaia lasi, \q1 egu vain uma durua totona? \q1 Lau ese iena huahua namodia lau naria, \q1 mai laloa namona danu, \q1 to ia ese huahua dikadia sibona ia atoa. \q1 Badina dahaka inai bamona kara ia vara? \q1 \v 5 To harihari umui do lau hamaoroa, \q1 dahaka do lau karaia egu vain uma dekenai: \q1 Lau ese uma ena ara do lau kokia, \q1 bona lahi dekenai do lau gabua ore. \q1 Iena magu be do lau veria diho, \q1 vadaeni uda boromadia ese uma do idia moia kava. \q1 \v 6 Iena tano do lau hadikaia. \q1 Iena vain be hanamoa totona do lau utua lasi. \q1 Tano be hanamoa totona do lau geia lasi. \q1 Bona ava ginigini, \q1 bona au ginigini do lau koua lasi, \q1 do idia tubu momo herea. \q1 Ori danu do lau gwauatao, \q1 vadaeni medu be unai tano dekenai do ia diho lasi.” \q1 \v 7 Badina Siahu Ibounai Lohiabada ena vain uma be Israela besena, \q1 bona Lohiabada ese ia hadoa vain be Iuda taudia. \q1 Lohiabada ese inai bese edia huanai kara namodia ia tahua, \q1 to ala-ala kara sibona ia itaia. \q1 Lohiabada ese edia kara maoromaoro ia tahua, \q1 to idia ese idia hadikaia taudia edia taitai sibona, \q1 be Lohiabada ese ia kamonai. \s1 Kara dika taudia ese dika momokani do idia davaria \p \v 8 Umui ese ruma bona tano momo umui hoia, bona idia be umui sibona dekenai umui haboua noho. Unai dainai umui ese dika do umui davaria! Nega daudau lasi lalonai, ruma bona tano ibounai do umui abia, bona taunimanima haida be mai edia noho gabuna lasi. Vadaeni unai neganai, umui be sibona do umui noho. \v 9 Lau ese Siahu Ibounai Lohiabada ena hereva lau kamonai, ia gwau, “Momokani lau hereva, inai ruma badadia bona namodia be do idia dika, bona tau ta be idia lalonai do ia noho lasi. \v 10 Badina be vain uma badana do umui hadoa, to huahua ese uaina 8 lita sibona do ia havaraia. Bona uiti uhe puse 10 do umui hadoa, to ena anina do umui haboua, be puse tamona sibona do umui davaria.” \p \v 11 Momokani, do umui dika! Umui ese daba maragi neganai umui toreisi noho, uaina bona bia do umui inua totona. Bona umui helai noho, bona inua noho ela bona hanuaboi momokani, ela bona umui kekero momokani. Umui be dika! \v 12 Emui aria dekenai, uaina umui inua, bona gita badadia, tareko, gaba, bona ivilikou, unai gaudia umui diba momo. To Lohiabada ena kara umui diba lasi, bona Lohiabada ena imana gaukara umui matauraia lasi. \p \v 13 Unai dainai Lohiabada ese ia hereva, ia gwau, “Umui ura lasi lau umui diba dainai, tuari taudia ese umui do idia abia mauri, umui do idia abia lao. Emui dagi bada taudia be hitolo dainai do idia mase momokani. Bona emui taunimanima momo be ranu lasi dainai do idia mase ore. \p \v 14 “Umui ese harihari aria bona moale karadia umui karaia noho. To lau hereva momokani, mase gabuna ese iena uduna ia kehoa bada noho, ia noho hegaegae Ierusalema ena lohia taudia, bona iena taunimanima momo do ia abidia diho.” \p \v 15 Taunimanima ibounai be do idia hemarai, bona hekokoroku taudia ibounai be do idia manau lao momokani. \v 16 To Siahu Ibounai Lohiabada be iena kota maoromaorona dekena amo hanamoa bada do ia davaria, bona ia sibona ese ladana bada do ia abia, ibounai edia ataiai. Ma Helaga ena Dirava ese iena helaga, be kara maoromaoro dekena amo, taunimanima dekenai do ia hedinaraia noho. \p \v 17 Hanua idia dika dainai, rei be edia tano dekenai do ia tubu. Vadaeni mamoe bona nanigosi be do idia mai, hanua edia rei do idia ania. \p \v 18 Momokani, dika do umui davaria! Umui ese emui ura dainai, kara dika bada umui karaia noho, bona inai kara dika ese ma dika dekenai umui ia veria lao noho, varo goadana ese treila ia veria lao bamona. \v 19 Bona umui gwau, “Ai ese ai kamonai Israela ena Dirava be kara namo, bona kara maoromaoro ena Dirava. Bema ia ura kara ta ai dekenai do ia karaia neganai, do ia karaia haraga namo. Vadaeni ai ese iena kara do ai itaia, bona iena laloa gauna do ai diba.” \p \v 20 Momokani, do umui be dika! Umui ese dika umui gwauraia namo, bona namo umui gwauraia dika. Ma dibura umui gwauraia diari, bona diari umui gwauraia dibura. Ma danu umui gwau, uduna dekenai mamina ia dika gauna be gaiho, bona gaiho gauna umui gwau ena mamina be dika. \p \v 21 Momokani, do umui be dika! Umui laloa umui be mai aonega, bona emui aonega ese haida edia aonega ia hereaia noho. \p \v 22 Momokani, do umui be dika! Uaina inua kara dekenai, emui ladana be bada taudia. Emui goada bona diba, be inua kekero gaudia do umui mikisi sibona! \p \v 23 To umui ese kota ta umui kamonai neganai, umui ese kerere tauna dekena amo, lalona veria moni umui abia, bona unai tau dikana umui gwauraia maoro. Bona kerere lasi tauna dekenai, kota maoromaoro umui henia lasi. \v 24 Unai dainai, lahi ese kurukuru ena momoru bona rei kaukau ia gabua ore hegeregerena, emui ramu be do idia bodaga, bona emui raurau do idia moru. Inai dika be karaharaga umui dekenai do ia vara, badina be umui ese Siahu Ibounai Lohiabada ena taravatu umui negea vadaeni. Umui ese Israela ena Dirava Helagana ena hereva umui kamonai henia lasi. \p \v 25 Lohiabada ese iena bese taudia ia badu henia noho. Bona hari iena imana ia abia isi, do ia hadikadia totona. Ororo be do idia heudeheude, bona mase taudia edia tauanidia be ariara dekenai momoru bamona do idia noho. To inai kara ia ore neganai, Lohiabada ena badu be do ia ore lasi. Lasi, badina Lohiabada ese iena imana do ia abia isi noho. \p \v 26 Lohiabada ese toa ta, daudau dekenai ia noho besena ta dekenai ia henia. Ia ese ia hioga henia, tanobada ena dokona kahana dekena amo unai bese taudia do idia mai totona. Vadaeni inai tuari taudia be karaharaga idia mai noho. \v 27 Inai tuari taudia ibounai be mai goadadia, ta ia manoka lasi, ta ia hekwakwanai lasi. Idia ta ia mahuta lasi. Idia ta ese iena rami ia kokia lasi, bona idia ta ese iena tamaka varona ia makohia lasi. \p \v 28 Idia edia diba ibounai be mai matadia, bona edia peva ibounai be pidia totona idia hegaegae noho. Edia hosi edia aedia be auka, nadi vasiga bamona. Bona edia kariota uili be idia giroagiroa, koehirihiri bamona. \v 29 Unai tuari taudia idia boiboi bada noho, laiona ena boiboi bamona. Laiona edia natudia bamona idia boiboi noho, dia ta idia alaia murinai, idia dogoatao, idia abia lao, bona tau ta ese unai dia ia hamauria diba lasi. \p \v 30 Unai dina ia ginidae neganai, unai tuari taudia ese Iuda tano do idia hadikaia. Idia be do idia boiboi goada momokani, davara hurehure edia regena bamona. Bona bema tau ta ese inai tano itaia totona ia mai neganai, ia ese dibura bona hisihisi sibona do ia davaria. Ma ori koremakorema ese dina ena diari danu do ia koua. \c 6 \s1 Dirava ese Isaia ia boiria, peroveta tauna dagi do ia abia \p \v 1 King Usaia ia mase ena lagani neganai, lau Isaia ese Lohiabada lau itaia. Ia be iena terona dekenai ia helai noho, ataiai, bona mai ena hairai bada, bona iena dabua be lata herea, Dubu Helaga ia hahonua. \v 2 Iena kahana kahana dekenai be serapi idia gini noho, idia ta ta be mai edia hanina 6. Edia hanina rua dekena amo edia vairana idia koua. Ma edia hanina rua dekena amo edia aena idia koua, ma edia hanina rua dekena amo, idia roho heau lao noho. \v 3 Vadaeni idia be idia ta ta dekenai idia boiboi, idia gwau: \b \q1 “Helaga, bona helaga bona helaga! \q1 Siahu Ibounai Lohiabada be ia Helaga! \q1 Iena hairaina ese tanobada ibounai ia hahonua noho!” \b \m \v 4 Edia gadodia ena regena ese, Dubu Helaga ena iduara raka vareai gabuna ena au bona nadi ia hamarerea, bona lau itaia, Dubu Helaga be kwalahu dekenai ia honu. \p \v 5 Lau be lau boiboi, lau gwau, “Madi, lau be dika momokani! Badina egu uduna ia gwauraia hereva ibounai be miro bona dika, bona lau be hereva dika taudia edia huanai lau noho. To momokani lau ese King, Siahu Ibounai Lohiabada, egu matana dekenai lau itaia vadaeni.” \p \v 6 Unai neganai serapi aneru ta be lau dekenai ia roho mai, iena imana dekenai be lahi gida ta, boubou patana dekena amo auri dekenai ia abia gauna. \v 7 Vadaeni egu uduna bibina dekenai inai gida ia atoa, ia kamokau, bona ia gwau, “Kamonai, inai gida be oiemu uduna bibina ia kamokau dainai, oiemu kerere be ia ore, bona oiemu kara dika be Dirava ese ia gwauatao vadaeni.” \p \v 8 Unai neganai Lohiabada ena gadona lau kamonai, ia gwau, “Daika do lau siaia? Daika be ai totona do ia lao?” Vadaeni, lau haere, lau gwau, “Lau be inai, do lau lao! Lau do oi siaia!” \p \v 9 Vadaeni lau dekenai ia hereva, ia gwau, “Oi lao, inai bese taudia be inai bamona do oi hamaoroa, oi gwau: \b \q1 “ ‘Do umui kamonai hanaihanai, \q1 to hereva ena anina do umui davaria lasi momokani. \q1 Do umui itaia hanaihanai, \q1 to dahaka ia vara noho do umui diba lasi.’ \q1 \v 10 Inai taunimanima edia lalona do oi koua, \q1 bona edia taiana danu do oi koua, \q1 bona edia matana do oi hakapua. \q1 Unai bamona do oi karaia, \q1 gau ta do idia itaia lasi, \q1 kamonai lasi, bona diba lasi totona. \q1 Badina be bema idia itaia diba, \q1 bona kamonai diba, \q1 bona hereva anina idia davaria diba neganai, \q1 lau dekenai do idia giroa, \q1 bona mauri do idia davaria.” \b \m \v 11 Vadaeni lau gwau, “Lohiabada e, inai bamona do ia vara ela bona edena negai?” Vadaeni ia haere, ia gwau: \b \q1 “Ela bona Iuda hanua badadia be dika momokani, \q1 bona noholaia taudia be lasi momokani. \q1 Bona ruma ibounai, \q1 be mai edia taunimanima lasi. \q1 Bona tano be dika momokani, \q1 aniani do ia havaraia diba lasi tano do ia lao. \q1 \v 12 Lau Lohiabada ese taunimanima ibounai, \q1 be do lau siaia lao gabu daudau dekenai, \q1 bona inai tano ibounai be do ia noho kava. \q1 \v 13 Sedira taunimanima gadoi sibona tano dekenai do idia noho, \q1 hegeregere tau 10 ta ta dekena amo tau tamona mo, \q1 to inai do noho taudia do idia mase ore. \q1 Idia be ouki auna, \q1 idia utua diho gauna ena badina gauna sibona bamona.” \m To unai au ena badina gauna, be Dirava ena bese do ia hamatamaia lou ena toana. \c 7 \s1 Lohiabada ese king Ahasa ia hamaoroa herevana \p \v 1 Ahasa Iotama, Usaia ena tubuna, be Iuda ena king neganai tuari ia vara. Resini, Suria ena king, bona Peka Remalaia, Israela ena king ese Ierusalema idia tuari henia. To idia edia goada be hegeregere lasi Ierusalema do idia halusia. \p \v 2 Iuda ena king be hereva ia kamonai Suria tuari taudia be Israela tano dekenai idia ginidae, vadaeni ia bona iena orea taudia idia gari bada herea. Gari dainai idia heudeheude, lai ese au ia hamarerea bamona. \p \v 3 Lohiabada ese Isaia ia hamaoroa, ia gwau, “Oiemu natuna Seara Iasubu do oi abia, umui ruaosi king Ahasa hedavari totona do umui lao. Do umui davaria gabuna be ataiai gohuna ena dadaira ena dokona kahana, dabua huria taudia edia tano ia lao dalana dekenai. \v 4 King Ahasa do umui hamaoroa, do ia naria namonamo, do ia laloa hekwarahi lasi, bona do ia gari lasi. King Ahasa ma do umui hamaoroa, king Resini bona Suria taudia bona Peka Remalaia edia badu do ia laloa lasi, idia edia siahu ena bada be lahi audia, hururu lasi gaudia sibona bamona. \v 5 Suria bona Israela, bona Israela ena king ese Ahasa hadikaia totona laloa tamona idia karaia. \v 6 Idia ura Iuda tano idia tuari henia, bona idia ese Iuda taudia do idia hagaria bada, do idia halusia, bona Tabele ena natuna be Iuda ena king do idia halaoa. \p \v 7 “To lau Lohiabada Dirava ese lau gwau, inai bamona do ia vara lasi. \v 8 Badina be Suria ena goada ese iena hanua badana Damaseko ena goada ia hereaia diba lasi. Bona Damaseko ena goada ese king Resini ena goada ia hereaia diba lasi. Bona Israela danu do ia goada lasi, badina lagani 65 do idia ore lasi neganai, ia be do ia makohia maragimaragi, bona do idia gwau ia be bese ta lasi. \p \v 9 “Israela ena goada ese iena hanua badana Samaria ena goada ia hereaia diba lasi. Bona Samaria ena goada ese king Peka Remalaia ena goada ia hereaia diba lasi. \p “Bema emui abidadama be ia goada noho lasi neganai, umui be do umui gini goada diba lasi.” \s1 Emanuela ena toana \p \v 10 Lohiabada ese Ahasa dekenai ma ia hereva henia lou, ia gwau, \v 11 “Lohiabada oiemu Dirava do oi noia, ia ese toa ta oi dekenai do ia henia. Inai toa be mase taudia edia gabu dekena amo, o guba ataiai, dekena amo ia mai diba.” \p \v 12 Ahasa ia haere, ia gwau, “Lau ese toa totona Lohiabada do lau noia lasi. Lau ura lasi Lohiabada ena kara do lau tohoa.” \p \v 13 Isaia be ia haere, ia gwau, “Kamonai! Oi be king Davida ena tubuna ta, ani? Taunimanima dekenai laloa hekwarahi oi henia be dika, to Dirava dekenai danu laloa hekwarahi do oi henia gwauraia, a? \v 14 Unai dainai Lohiabada sibona ese oi dekenai toa ta do ia henia, inai bamona: Kekeni ta, tau ia do diba lasi, be do ia rogorogo, natuna ta do ia havaraia, mero ta, bona iena ladana do idia atoa, Emanuela. \v 15 Kara dika karadia do ia negea dalana, bona kara namo karadia do ia abia hidi dalana ia diba neganai, Emanuela ese rata do ia inua noho, bona hani do ia ania noho. \v 16 To unai mero be kerere negea, bona maoro abia hidi daladia ia do diba lasi neganai, unai oi idia hagaria king taudia edia tano be do idia anina lasi. \p \v 17 “Lohiabada ese nega dika ta do ia havaraia, oi bona oiemu bese taudia, bona oiemu tamana ena famili taudia ibounai emui latanai, nega unai bamona ta ia vara lasi, Israela ese Iuda ia rakatania neganai, ia mai bona hari. Unai nega dikana, Lohiabada ese do ia mailaia, be Asuria ena king. \p \v 18 “Unai nega ia ginidae neganai, Lohiabada ese do ia hioga, vadaeni Aigupito taudia, Naila Sinavai badinai idia noho, lao momo bamona do idia mai. Ma do ia hioga, bona Asuria taudia be edia tano dekena amo do idia heau mai, nanigo momo bamona. \v 19 Vadaeni idia ibounai do idia roho mai, koura dobudia lalonai, bona nadi matudia, bona au ginigini, bona rei gabudia ibounai lalonai do idia noho. \p \v 20 “Unai dina dekenai Lohiabada ese huina utua tauna do ia abia hidi Euperate Sinavai unai kahana dekena amo, Asuria ena king be unai! Ia ese umui emui auki huina, bona emui kwarana huina, bona emui aena ena huina danu do ia kakasia ore. \p \v 21 “Unai nega dekenai tau ta ese boromakau hahine matamatana ta, bona mamoe hahine rua do ia ubua. \v 22 Bona idia ese rata momo herea do idia henia dainai, unai tau be sisi do ia ania. Io, tano dekenai do mauri noho taudia, idia be momo lasi, to idia ese rata bona hani do idia ania. \p \v 23 “Unai nega ia ginidae neganai, vain uma namodia, mai edia vain audia 1000 gaudia, bona uma ta ta edia davana be siliva 1000, to idia ibounai be au ginigini bona ava ginigini ese do idia koua ore. \v 24 Taunimanima be unuseni, mai edia peva bona diba do idia labana karaia, badina tano ibounai be ava ginigini bona au ginigini ese do idia koua. \v 25 Ororo gabudia danu, gunaguna be unuseni uiti bona koni idia tubu gabudia, be au ginigini ese do idia koua. Bona tau ta lasi unuseni do ia lao. Unai gabudia dekenai boromakau bona mamoe sibona do idia raka loaloa, edia aniani do idia tahua.” \c 8 \s1 Isaia dekenai natuna ta ia vara \p \v 1 Lohiabada ese lau dekenai ia hereva, ia gwau, “Torea pepa, lokua gauna, badana ta do oi abia, bona ia latanai peni dekenai do oi torea namonamo inai bamona: ‘Tuari Uini, Ena Kohu Abia Haraga.’ \v 2 Bona kara momokani taudia rua do oi abia, Uria, hahelagaia tauna, bona Sekaraia, Ieberekaia ena natuna. Idia ese lauegu kara do idia hamomokania.” \p \v 3 Unai murinai lau ese egu adavana lau harogorogoa, bona natuna mero ia havaraia. Unai neganai Lohiabada ese lau ia hamaoroa, ia gwau, “Mero ena ladana do oi atoa, ‘Tuari Uini, Ena Kohu Abia Haraga.’ \v 4 Badina unai mero be ‘Sinagu’ o ‘Tamagu’ ia do gwauraia diba lasi neganai, Damaseko ena davana bada kohu namona ibounai bona Samaria ena kohu, tuari dekenai idia lusi gaudia, be Asuria ena king ese do ia abia lao.” \s1 Asuria ena king ia mai noho \p \v 5 Lohiabada ese lau dekenai ma ia hereva, ia gwau, \v 6 “Inai bese ese Siloa ranu namona, ia heau metairametaira gauna idia ura lasi, bona idia ese king Resini bona king Peka Remalaia dekenai idia gari bada noho. \v 7 Unai dainai lau Lohiabada ese Asuria ena king, mai ena tuari taudia danu do lau mailaia, idia ese Iuda tano do idia tuari henia. Idia be do idia raka mai haraga, Euperate Sinavai ia abata neganai ia heau lao haraga bamona, bona sinavai ena ranu ia bada dainai, ia ese iena hetoa gabuna do ia hanaia lao bamona. \v 8 Io, inai Asuria tuari oreana be Iuda tano do idia vareai mai, abata bamona. Inai abata ese Iuda tano ibounai do ia koua, bona iena dobu be do ia daekau lao, ela bona taunimanima edia aiona dekenai bamona.” \p Dirava be ita dekenai ia noho! Iena hanina ia atodia maoromaoro noho, bona iseda tano idia naria noho. \b \q1 \v 9 Bese idauidau e, \q1 gari bada dainai do umui haboua tamona! \q1 Gabu daudau taudia e, do umui kamonai! \q1 Tuari totona do umui gini hegaegae noho, \q1 bona do umui gari. \q1 \v 10 Do umui tuari dalana do umui laloa, \q1 to emui laloa gauna ena anina do ia vara lasi. \q1 Emui palani do umui herevalaia momo, \q1 to do umui kwalimu diba lasi, \q1 badina Dirava be ai dekenai ia noho. \s1 Lohiabada ese peroveta tauna Isaia ia sisiba henia \p \v 11 Mai ena siahu bada danu Lohiabada ese lau ia sisiba henia, lau ese Iuda taudia edia kara bamona do lau karaia lasi. Lohiabada ia gwau, \v 12 “Unai bese edia palani gaudia do oi abia dae lasi, bona idia ese idia gari henia gaudia be do oi gari henidia lasi. \v 13 Oi laloaboio lasi, lau be Siahu Ibounai Lohiabada, lau be helaga, bona oi ese lau sibona do oi gari henia noho. \p \v 14 “Lau be lau helaga bada, bona mai garina dainai, lau be nadi bamona, bona taunimanima ese inai nadi dekenai idia bamepa neganai do idia moru. Lau be tarapu bamona, bona Iuda, Israela, bona Ierusalema noho taudia be inai tarapu dekenai do idia moru. \p \v 15 “Inai taudia momo be inai nadi bona tarapu dekenai do idia bamepa bona moru. Tarapu ese idia do ia abia.” \s1 Isaia ese ia sisiba henidia, idia mase vadaeni taudia dekenai do idia hereva henia lasi \p \v 16 Lauegu diba tahua taudia e, umui ese lauegu hadibaia hereva, Dirava ese lau dekenai ia henia gaudia do umui naria bona hunia. \v 17 Lohiabada ese sibona ena vairana be iena bese dekena amo ia hunia vadaeni. To lau ese egu abidadama bona egu kamonai Lohiabada dekenai lau atoa noho. \p \v 18 Lau Isaia inai, lau bona egu natuna, Lohiabada ese lau dekenai ia henia memero danu inai. Siahu Ibounai Lohiabada, iena terona be Siona Ororo dekenai Diravana, ese ai ia siaia, Israela taudia dekenai toa do ai lao totona. \p \v 19 To, taunimanima haida ese umui do idia hamaoroa, lauma tahua taudia bona meamea taudia, idia hereva maragi, bona hereva hunia taudia do umui nanadaia. Do idia gwau, “Namona be taunimanima ese mase taudia edia lauma do idia nanadaia, idia ese mauri taudia do idia durua totona.” \p \v 20 To umui ese idia do umui haere henia, umui gwau, “Lohiabada ena hadibaia hereva umui dekenai do umui kamonai! Meamea bona lauma tahua taudia do umui kamonai henia lasi. Badina be umui dekenai idia hamaoroa gaudia ese umui do idia hanamoa diba lasi.” \s1 Nega dikana do ia ginidae \p \v 21 Unai taunimanima be tano do idia raka hanaia, mai hisihisi bona mai hitolo danu. Bona edia hitolo dainai do idia badu, vadaeni edia king bona edia Dirava danu do idia hereva dika henia. Edia matana guba dekenai do idia negea, \v 22 bona tanobada danu do idia itaia noho, to hisihisi bona gari ena dibura sibona do idia davaria. Bona idia be dibura masemase gabuna dekenai haida ese do idia doridia vareai. \c 9 \s1 Gabeai do ia mai King \p \v 1 Inai nega dika dekena amo, idia be dala ta lasi do idia heau mauri totona. Nega gunana dekenai Dirava ese Sebuluno bona Napatali iduhu edia tano, be tano mai hemaraina ia halaoa. To gabeai ia ese inai gabu do ia hanamoa, davara badana kone ena dina daekau kahana, ela bona Ioridane Sinavai unai kahana, bona Galilea tano danu, be Dirava ese do ia hanamoa, idau bese taudia idia noho gabuna be unai. \q1 \v 2 Dibura dekenai idia raka noho taudia ese, \q1 diari badana idia itaia vadaeni. \q1 Idia be dibura masemase tano dekenai idia noho, \q1 to hari be diari ese, \q1 idia ia hadiaria noho. \q1 \v 3 Lohiabada e, oi ese edia bese oi habadaia momokani. \q1 Oi ese edia moale danu oi habadaia vadaeni. \q1 Oiemu vairana dekenai idia moale noho, \q1 edia uiti idia utua bona haboua ena moale bamona, \q1 bona tuari dekenai abia kohu, \q1 idia haria noho ena moale bamona. \q1 \v 4 Badina be oi ese, \q1 edia maduna metauna oi kokia. \q1 Edia pagana dekenai ia noho metau ena hisihisi, \q1 be oi haorea vadaeni. \q1 Bese ta ese oiemu bese taudia ia hisihisi henidia, \q1 to oi ese unai bese oi halusia vadaeni, \q1 gunaguna oi ese Midiana tuari taudia oi halusia bamona. \q1 \v 5 Tuari taudia ibounai edia tamaka, \q1 bona edia dabua mai edia rarana ibounai, \q1 be lahi dekenai do idia gabua ore. \q1 \v 6 Badina be ita totona natuna ta ia vara! \q1 Dirava ese ita dekenai, \q1 natuna mero do ia henia! \q1 Bona ia be iseda gunalaia tauna do ia lao, \q1 bona iena ladana do idia gwauraia, \q1 “Sisiba Henia Tauna Namo Herea,” \q1 “Siahu Bada Dirava,” \q1 “Hanaihanai Noho Tamana,” \q1 “Maino ena Lohia.” \q1 \v 7 Iena King siahuna, \q1 be do ia bada daekau lao, \q1 bona iena basileia be nega ibounai, \q1 mai maino danu do ia noho. \q1 Ia ese Davida ena king siahuna do ia abia, \q1 bona ia ese Davida ena basileia, \q1 do ia haginia bona naria noho, \q1 mai kota maoromaorona, bona kara momokani danu, \q1 hari ela bona hanaihanai. \q1 Inai kara be Siahu Ibounai Lohiabada ese do ia karaia momokani. \s1 Lohiabada ena badu Israela ena latanai \p \v 8 Lohiabada ese hereva ta ia siaia Israela ena basileia hadikaia totona, Iakobo ena bese taudia edia latanai. \v 9 Israela taudia ibounai, Samaria dekenai idia noho taudia ibounai, be inai hereva do idia diba. Idia be harihari, mai heagi bona hekokoroku danu idia hereva, idia gwau, \v 10 “Biriki dekena amo idia haginia vadaeni ruma idia moru vadaeni, to ai ese nadi namodia dekena amo do ai haginidia lou. Fig audia be idia utua diho vadaeni, to edia gabu dekenai ai ese sida audia do ai hadoa.” \p \v 11 Lohiabada ese Israela dekenai ia badu henia dainai, ia ese idia tuari henia totona, idau bese taudia ia hatoreisia. \v 12 Dina ia daekau kahana dekena amo Suria taudia, bona dina diho kahana dekena amo Pilistia taudia ese edia ududia idia kehoa, bona idia ese Israela idia ania ore vadaeni. Lohiabada ese inai bamona ia karaia vadaeni, to inai kara ese iena badu ia haorea lasi, ia ese iena imana do ia abia isi noho. \p \v 13 To Israela taudia ese edia lalodia idia giroa lasi. Siahu Ibounai Lohiabada ese idia ia matakani henia vadaeni, to ia dekenai idia giroa lou lasi. \v 14 Unai dainai Lohiabada ese Israela ena gunalaia taudia bona ena taunimanima edia kerere davana do ia henia. Dina tamona lalonai, Lohiabada ese Israela ena kwarana bona iuna, au raurau bona rigi danu do ia utua oho. \v 15 Kwarana be tau badadia, mai edia ladadia bada, iuna be hereva koikoi idia gwauraia peroveta taudia. \v 16 Badina be Israela bese idia gunalaia taudia ese Israela taudia idia hakaua kerere, bona edia dala idia hadikaia momokani. \v 17 Israela taudia ibounai ese Dirava idia rakatania, bona idia ese Dirava idia gari henia lasi. Idia ibounai edia hereva bona edia kara be dika momokani. Unai dainai Lohiabada ese idia do ia hadikaia. Ia ese eregabe taudia do ia durua lasi, vadaeni mase dekena amo do idia heau mauri lasi. Ia ese danu vabu taudia bona tamana lasi maragidia do ia bogahisihisi henia lasi. Lohiabada ese unai bamona do ia karaia, to unai kara ese iena badu do ia haorea lasi. Ia ese iena imana do ia abia isi noho. \p \v 18 Inai taunimanima sibodia edia kara dika ese idia ia hadikaia noho, lahi ese ava ginigini bona au ginigini ia gabua ore bamona. Inai lahi ese ia hanaia lao noho, bona uda audia ia gabua ore noho. Lahi ena kwalahu bada ia daekau lao noho danu. \v 19 Siahu Ibounai Lohiabada ia badu maragi lasi dainai, ia ese Israela taudia ibounai edia kerere davana do ia henia momokani. Do ia hadikadia, lahi ese uda ibounai ia gabua ore bamona. Tau ta lasi ese iena tadikakana do ia bogahisihisi henia. \v 20 Tano ena kahana ibounai dekenai aniani do idia tahua. Kahana ta dekenai aniani sisina do idia dadia, to do idia hitolo noho. Ma kahana ta dekenai aniani do idia ania, to do idia boga kunu lasi. Ta ta ese sibodia edia natudia edia kopina do idia ania. \v 21 Manase ese Eparaima do ia ania, bona Eparaima ese Manase do ia ania. Bona idia ruaosi ese Iuda do idia hadikaia. \p Inai kara ibounai do idia vara, to Lohiabada ena badu be do ia ore lasi. Ia ese iena imana do ia abia isi noho. \c 10 \p \v 1 Momokani umui be do umui dika! Umui ese taravatu maoromaorodia lasi egu bese taudia edia latanai umui atoa. Umui ese oda aukadia umui atoa, \v 2 ogogami taudia edia gau korikori do umui henaoa totona, bona egu bese taudia dekenai kota maoromaoro do umui henia lasi totona. Umui ese vabu taudia umui dagedage henia noho, bona tamana lasi maragidia edia kohu umui abia kava noho. \v 3 Dirava ese dina ta ia abia hidi vadaeni, umui ese umui karaia kara dika ena davana do ia henia. Unai dina dekenai umui be dahaka do umui karaia? Unai dina dekenai, dika bada herea be daudau dekenai ia noho tano dekena amo do ia mai. Durua abia totona be edeseni do umui heau? Emui kohu momo be edeseni do umui hunia? \p \v 4 Gau ta do umui karaia diba lasi. Badina be tuari taudia ese umui do idia alaia, o umui do idia abia mauri, mai guia danu. \p Lohiabada ese inai bamona umui dekenai do ia karaia, to iena badu be do ia ore lasi. Ia ese iena imana do ia abia isi noho. \s1 Dirava ese Asuria ena king ia gaukaralaia \p \v 5 Lohiabada ia gwau, “Asuria e! Lau ese Asuria lau gaukaralaia noho, egu botaia auna bamona. Ia dekena amo lau badu henia taudia lau panisia noho. \v 6 Lau ese Asuria taudia lau siaia lao, Dirava idia gari henia lasi bese do idia hadikaia totona. Lau ese Asuria tano lau oda henia, lau badu henia taudia do ia hadikaia. Lau hamaoroa, edia kohu do ia dadia bona henaoa, bona taunimanima do ia moidia diho, ariara ena kopukopu bamona. \p \v 7 “To Asuria ena king be unai bamona ia laloa lasi. Iena laloa be lauegu ura bamona lasi. Ia ura bese momo do ia hadikaia ore momokani. \v 8 Ia ese mai hekokoroku danu ia hereva noho, ia gwau, ‘Egu tuari lohia taudia ibounai be king taudia bamona lasi, a? \v 9 Lau ese Kalano bona Karekemisi, bona Hamata bona Arapada lau halusia vadaeni, ani? Samaria bona Damaseko danu lau halusia vadaeni ani? \v 10 Lauegu imana lau abia isi, kaivakuku idia tomadiho henia basileia ibounai lau dogoatao. Unai basileia edia kaivakuku be momo, Ierusalema bona Samaria edia kaivakuku idia hanaia. \p \v 11 “ ‘Lau ese Samaria mai ena kaivakuku ibounai lau hadikaia ore vadaeni. Bona lau ese Ierusalema bona iena kaivakuku ibounai be momokani do lau hadikaia ore danu, ani?’ ” \p \v 12 To Lohiabada ia gwau, “Lau ese egu panisia gaukara ibounai Siona Ororo bona Ierusalema edia latanai lau haorea neganai, lau ese Asuria ena king ena hekokoroku hereva bona iena heagi bada dainai, ia do lau hadikaia. \p \v 13 “Badina be Asuria ena king ese mai hekokoroku danu ia hereva, ia gwau, ‘Lauegu imana ena goada dekena amo unai tuari dekenai lau kwalimu, egu aonega dekena amo danu, badina lau be laloa kehoa tauna. Bese idauidau edia tano hetoadia lau kokia, bona edia kohu namodia lau henaoa ore. Egu siahu be boromakau tau bamona dainai, edia king taudia lau halusia. \v 14 Tanobada besedia be manu ena ruma bamona, bona lau ese edia kohu lau haboua haraga, hekwarahi lasi, gatoi bema lau haboua bamona. Idia ta ena hanina ia hamarerea lasi, idia ta ese iena uduna ia kehoa lasi, bona idia ta ia boiboi lasi.’ ” \p \v 15 To Lohiabada ia gwau, “Ira be sibona do ia hekokoroku, ia ese ia gaukaralaia tauna do ia negea, a? O iri be sibona do ia abia isi, ia gaukaralaia tauna do ia gwau henia, a? Unai kara be au ese ia abia isi tauna do ia kwadia, o kepata, au gauna ese tau, au gauna lasi, do ia abia isi bamona. \p \v 16 “Unai dainai lau Lohiabada, Siahu Ibounai Lohiabada ese tauanina hamaragia gorere unai Asuria tuari taudia dekenai do lau siaia. Idia edia tauanidia lalonai lahi bamona do ia gabua noho, gabua noho. \v 17 Dirava, Israela ena diari, be lahi do ia halaoa. Israela ena Helaga Dirava be lahi hururuhururu do ia halaoa, bona dina tamona lalonai, Asuria king ena gau ibounai do ia gabua ore, iena ava ginigini, bona iena au ginigini danu. \v 18 Asuria ena uda namodia momokani, bona iena uma namodia, be lau, Lohiabada ese do lau hadikaia ore, mase gorere ia abia tauna ena tauanina ia maragi lao bamona. \v 19 Uda ena audia, do noho gaudia, be momo lasi dainai, natuna maragina ese idia do ia duahia diba.” \s1 Israela taudia haida sibona ese edia lalona do idia giroa \p \v 20 Unai dina dekenai Israela taudia, mase dekena amo idia heau mauri vadaeni Iakobo ena bese taudia ese, idia hadikadia taudia do idia abidadama henia lou lasi. Idia ese Lohiabada, Israela ena Helaga Dirava do idia abidadama henia momokani. \p \v 21 Israela taudia haida, Iakobo bese taudia haida ese, edia Siahu Diravana dekenai do idia giroa mai. \v 22 Momokani, hari Israela bese taudia be momo herea, kone miri bamona, to momo lasi sibona ese Dirava dekenai do idia giroa mai. Dirava ese mai kara maoromaoro danu, iena bese momo do ia hadikaia ore. \v 23 Io, Israela ena kahana ibounai dekenai, Siahu Ibounai Lohiabada ese tano do ia hadikaia momokani, iena hereva hegeregerena. \s1 Lohiabada ese Asuria do ia panisia \p \v 24 Unai dainai Lohiabada, Siahu Ibounai Lohiabada, be inai bamona ia hereva, ia gwau, “Egu bese taudia e, Siona dekenai umui noho taudia e, Asuria taudia do umui gari henia lasi. Idia ese au bona kepata dekenai umui idia botaia noho, Aigupito taudia guna idia karaia bamona, to do umui gari henidia lasi. \v 25 Nega sisina ia ore neganai, egu badu umui dekenai do ia ore, bona unai Asuria taudia do lau hadikaia ore. \p \v 26 “Lau, Siahu Ibounai Lohiabada ese egu kwadi auna dekena amo idia do lau hadikaia, Midiana taudia Oreba Nadi Badana dekenai lau hadikadia ore neganai bamona. Bona lau ese egu itotohi be ranu edia ataiai do lau atoa, Aigupito dekenai lau karaia hegeregerena. \p \v 27 “Unai dina dekenai, lau ese Asuria ena siahu dekena amo umui do lau kokia ruhaia, bona edia maduna metau be emui pagadia dekena amo do lau kokia, idia do lau hadikaia ore. Bona umui dekenai dehoro muramura do lau atoa.” \s1 Tuari taudia ese Ierusalema do idia tuari henia \q1 \v 28 Ai idia hadikaia gwauraia tuari taudia ese, \q1 Ai hanua idia abia vadaeni, \q1 Migerona idia raka hanaia vadaeni. \q1 Mikimase dekenai edia kohu idia haboua noho. \q1 \v 29 Ororo raka hanaia gabuna dekena amo idia hanaia vadaeni. \q1 Geba dekenai hanuaboi neganai idia kamepa ela bona dabai. \q1 Rama taudia idia heudeheude noho, \q1 Gibea, Saulo ena hanua, \q1 ena taudia idia heau vadaeni. \q1 \v 30 Galimi hahine taudia e, \q1 do umui tai bada! \q1 Laisa taudia e, do umui kamonai! \q1 Anatoto taudia e, \q1 do umui haere henia. \q1 \v 31 Madamena taudia idia heau noho. \q1 Gebimi dekenai noho taudia, \q1 be idia heau mauri noho. \q1 \v 32 Hari inai dina dekenai, \q1 inai tuari taudia be Noba dekenai idia noho. \q1 Idia itaia, \q1 Siona Ororo be daudau lasi, \q1 vadaeni edia imana idia lokua auka kuboro. \q1 Inai imadia kuboru dekena amo, \q1 idia hedinaraia noho, \q1 Ierusalema hadikaia totona idia noho hegaegae. \q1 \v 33 Kamonai! Lohiabada, \q1 Siahu Ibounai Lohiabada ese, \q1 tau badadia bona goadadia, \q1 ladana bada taudia do ia atoa diho. \q1 Harihari idia be goada herea, \q1 au badadia, lata herea gaudia bamona. \q1 To Lohiabada ese idia do ia utua diho, \q1 bona hekokoroku taudia, \q1 be do idia hemarai. \q1 \v 34 Lohiabada ese unai taudia do ia utua diho, \q1 uda ena lalonai audia, \q1 ira dekena amo idia utua diho bamona, \q1 Lebanona ena au latadia idia utua diho bamona danu. \c 11 \s1 Iese dekena amo Rigi ta do ia mai \q1 \v 1 Iese ena bese taudia, \q1 be au ena badina, \q1 idia utua diho gauna bamona. \q1 Inai badina dekena amo, \q1 herahera matamata do ia tubu, \q1 bona Iese ena ramu dekena amo, Rigi ta do ia tubu, \q1 King matamatana ta unai. \q1 \v 2 Lohiabada ena Lauma ese, ia dekenai do ia kamokau. \q1 bona inai bamona do ia hanamoa: \q1 Aonega bona laloa kehoa ena Lauma do ia henia. \q1 Sisiba namona henia dalana, \q1 bona siahu ena Lauma do ia henia, \q1 Diba maorona, \q1 bona Lohiabada gari henia kara, \q1 ena Lauma be do ia henia. \q1 \v 3 Mai moale bada danu, \q1 ia ese Lohiabada ena ura do ia karaia. \b \q1 Iena kota biaguna kara, \q1 be do ia maoromaoro momokani, \q1 taunimanima edia toana dekenai lasi, \q1 bona ia kamonai hereva sibona lasi. \q1 \v 4 To ogogami taudia be mai maoromaoro danu, \q1 do ia kota henidia. \q1 bona manoka taudia idia hisihisi henia taudia, \q1 be ia ese do ia panisidia. \q1 Taunimanima edia kerere davana, \q1 be ia ese do ia gwauraia, \q1 bona ia oda neganai, \q1 kara dika taudia do idia mase. \q1 \v 5 Iena Basileia taudia be do ia gunalaia, \q1 mai maoromaoro bona momokani danu. \b \q1 \v 6 Uda sisia bona mamoe, \q1 be do idia noho hebou mai maino danu, \q1 bona taiga be nanigosi danu do idia hekure hebou. \q1 Boromakau natuna bona laiona natuna be do idia aniani hebou. \q1 bona taunimanima ena natuna maragina ta ese do ia hakaudia. \q1 \v 7 Boromakau hahine bona bea, \q1 be do idia aniani hebou. \q1 Edia natudia do idia hekure hebou mai maino danu. \q1 Laiona ese rei kakoro do ia ania, \q1 boromakau ese ia ania bamona. \q1 \v 8 Rata ia inua merona, \q1 be gaigai ena guri latanai do ia gadara, \q1 bona mero ese gaigai koremana ena guri lalonai, \q1 iena imana do ia toia vareai. \q1 \v 9 Siona, Dirava ena ororo helagana dekenai, \q1 dika ta, o hadikaia gauna ta do ia noho lasi. \q1 Badina be tanobada ibounai, \q1 be Lohiabada ena diba maoro dekena amo do ia honu momokani, \q1 davara be ranu dekenai ia honu bamona. \s1 Do mauri noho Israela taudia do idia giroa mai \p \v 10 Unai dina dekenai, Iese ena Ramuna, King matamatana unai, be bese ibounai taudia ese do idia tahua. Ia be do ia gini, bese ibounai edia pepe, bona bese idauidau taudia ese ia dekenai do idia haboua. Iena noho gabuna be do mai hairaina momokani. \p \v 11 Unai dina dekenai, Lohiabada ese nega iharuana dekenai, iena siahu dekena amo, iena bese taudia, do mauri noho taudia, do ia abidia mai lou, Asuria, Aigupito, Pataro, Etiopia, Elama, Babulonia, Hamata bona kone kahana gabudia dekena amo. \b \q1 \v 12 Ia ese pepe ta do ia abia isi, \q1 bese idauidau taudia ese, \q1 iena kara do idia itaia totona. \q1 Bona ia ese Israela bona Iuda taudia, \q1 tano idauidau dekenai hesiai mai guia danu karaia taudia, \q1 do ia haboua lou. \q1 Unai neganai Lohiabada ese, \q1 unai Israela bona Iuda taudia do ia mailaia lou edia gabu dekenai. \q1 \v 13 Bona unai neganai, \q1 Israela taudia ese Iuda taudia do idia mama henia lou lasi. \q1 Iuda taudia ese danu Israela do idia ura tuari henidia lou lasi. \q1 \v 14 Idia ruaosi do idia haboua, \q1 Pilistia taudia do idia tuari henidia, dina diho kahanai. \q1 Bona idia ruaosi ese, \q1 dina ia daekau kahana taudia do idia halusia. \q1 Idia ese Moaba bona Edoma taudia dekena amo do idia kwalimu, \q1 bona Amono taudia ese, \q1 Israela bona Iuda taudia edia oda do idia kamonai henia. \q1 \v 15 Lohiabada ese Aigupito ena Davara Kakakaka do ia hakaukaua, \q1 bona lai siahuna do ia siaia, \q1 Euperate Sinavai danu do ia hakaukaua. \q1 Lohiabada ese Euperate Sinavai do ia hamakohia, \q1 vadaeni sinavai maragidia 7 do idia halaoa, \q1 taunimanima ese idia raka hanaia haraga diba gaudia. \q1 \v 16 Bona Asuria dekena amo, \q1 laolao dalana namona do idia karaia, \q1 vadaeni Israela taudia unuseni do noho, \q1 be edia gabu korikori dekenai do idia raka mai, \q1 mai hekwarahi lasi. \q1 Unai be gunaguna, \q1 Israela taudia ese Aigupito idia rakatania neganai bamona. \q1 Unai neganai danu, \q1 idia durua totona Lohiabada ese, \q1 edia lou mai dalana do ia kehoa. \c 12 \s1 Lohiabada hanamoa ane \q1 \v 1 Unai dina dekenai, \q1 inai bamona do umui gwau: \q1 “Lohiabada e, \q1 lau ese oi do lau hanamoa, \q1 badina oi badu lau dekenai, \q1 to oiemu badu oi hadokoa, \q1 bona hari oi ese lau oi hagoadaia noho. \q1 \v 2 Momokani, Dirava be egu hamauria Tauna. \q1 Lau ese ia do lau abidadama henia, \q1 do lau gari lasi. \q1 Badina Iehova, Lohiabada, \q1 be egu goada, \q1 bona egu ane. \q1 Ia be egu hamauria Tauna.” \q1 \v 3 Mai moale bada danu, \q1 ranu guri dekena amo, \q1 ranu namona umui inua noho. \q1 Unai bamona danu, \q1 Dirava ena taudia idia moale bada noho, \q1 ia ese idia ia hamauria neganai. \b \q1 \v 4 Bona unai dina dekenai do umui gwau, \q1 “Lohiabada do umui hanamoa, \q1 bona iena durua abia totona, \q1 iena ladana do umui boiboi henia. \q1 Bese idauidau taudia dekenai, \q1 Lohiabada ena kara namodia do umui hadibaia. \q1 Lohiabada ena ladana bada herea, \q1 do umui gwauraia hedinarai, \q1 tanobada taudia dekenai. \q1 \v 5 Lohiabada hanamoa totona, \q1 ane do umui abia, \q1 badina be ia ese, \q1 kara badadia ia karaia vadaeni. \q1 Tanobada taudia ibounai dekenai, \q1 inai sivarai do umui gwauraia loaloa. \q1 \v 6 Siona dekenai noho taudia e, \q1 mai moale danu do umui boiboi, \q1 bona ane do umui abia, \q1 badina Israela ena Helaga Dirava be bada, \q1 bona ia ese iena bese taudia, \q1 edia huanai ia noho.” \c 13 \s1 Dirava ese Babulonia do ia panisia \p \v 1 Dirava ese Babulonia do ia hadikaia gwauraia, bona Dirava ese inai hereva Isaia Amoso dekenai ia henia, mata hanai dekena amo: \b \q1 \v 2 Lohiabada ia gwau, \q1 “Tuari pepe ta be au idia noho lasi ororo ena latanai do oi abia isi! \q1 Tuari taudia dekenai do oi boiboi, \q1 bona oiemu imana do oi abia isi, \q1 idia ese Babulonia ena magu iduara dekenai do idia lao, \q1 bona unai hanua badana do idia tuari henia totona. \q1 \v 3 Lau ese egu helaga taudia, \q1 egu tuari taudia, \q1 egu kwalimu dekenai idia moale taudia, \q1 be lau oda henia vadaeni, \q1 idia ese lau idia habadua besena, \q1 Babulonia taudia do idia panisia.” \b \q1 \v 4 Umui kamonai, regena bada, \q1 be ororo dekenai ia mai noho, \q1 taunimanima momo edia regena bamona. \q1 Emui taiadia do umui kehoa, \q1 regena, basileia idauidau idia herevahereva, \q1 ena regena bada do umui kamonai, \q1 bese momo idia haboua noho edia regena. \q1 Siahu Ibounai Lohiabada ese, \q1 unai tuari taudia ia haboua noho, \q1 do idia tuari totona. \q1 \v 5 Idia be tano daudaudia dekena amo idia mai noho, \q1 tanobada dokodia gabudia dekena amo. \q1 Iena badu dainai, \q1 Lohiabada ese inai taudia do ia gaukaralaia, \q1 tanobada ena kahana ibounai do ia hadikaia ore totona. \b \q1 \v 6 Umui tai bada, \q1 badina be Lohiabada ena dina be ia kahirakahira. \q1 Siahu Ibounai Dirava ese unai dina dekenai, \q1 gau ibounai do ia hadikaia momokani. \q1 \v 7 Inai kara dainai, \q1 taunimanima ibounai edia imana be do idia manokamanoka, \q1 taunimanima ibounai edia kudoudia, \q1 be gari dainai do idia manoka momokani. \q1 \v 8 Gari bada ese idia do ia dogoatao auka, \q1 hisihisi bona laloa hekwarahi ese idia do ia abia, \q1 bona natuna ia havaraia noho hahine bamona, \q1 hisihisi dainai edia tauanina do idia giroagiroa. \q1 Idia ese sibodia ta ta, \q1 edia vairadia do idia itaia noho, \q1 mai gari, bona mai hemarai bada danu. \b \q1 \v 9 Momokani, Lohiabada ena dina ia mai noho, \q1 mai ena dagedage, \q1 bona mai ena badu danu. \q1 Mai badu siahu bada herea danu, \q1 Dirava ese tanobada do ia hadikaia, \q1 bona tanobada ena kara dika taudia do ia hadikadia ore. \q1 \v 10 Badina guba ena hisiu, \q1 bona edia orea ibounai, \q1 be do idia diari lasi. \q1 Daba neganai dina be do ia dibura, \q1 bona hua danu be do ia diari lasi. \q1 \v 11 Lohiabada ia gwau, \q1 “Tanobada ena dika davana do lau henia, \q1 bona kara dika taudia be, \q1 edia kara dika davana do lau henia. \q1 Hekokoroku taudia ibounai, \q1 edia hekokoroku do lau hadokoa, \q1 ma dagedage bona bogahisihisi lasi taudia edia dika, \q1 ena davana do lau henia momokani. \q1 \v 12 Taunimanima momo lasi do idia mauri noho. \q1 Do mauri noho taudia be do idia tamona tamona, \q1 Opiri golo bamona. \q1 \v 13 Lau ese guba do lau hamarerea, \q1 bona lau, Siahu Ibounai Lohiabada, \q1 egu badu dainai, \q1 tanobada be ena gabu dekena amo, \q1 do ia abia isi, abia isi. \q1 Egu badu siahu herea dinana dekenai, \q1 unai bamona kara do idia vara. \b \q1 \v 14 “Babulonia dekenai noho idau bese taudia, \q1 be edia tano ta ta dekenai do idia heau lao, \q1 dia be labana taudia dekena amo idia heau lao bamona, \q1 o mamoe, mai edia naria tauna lasi bamona. \q1 \v 15 Do idia davaria taudia ibounai, \q1 be do idia gwadaia mase, \q1 bona do idia dogoatao taudia, \q1 be tuari kaia dekena amo do idia alaia mase. \q1 \v 16 Edia natudia maragidia, \q1 be edia vairadia dekenai, \q1 tuari taudia ese do idia aladia mase. \q1 Edia ruma kohu ibounai do idia henaoa, \q1 bona edia adavadia, \q1 be tuari taudia ese do idia hadikaia.” \b \q1 \v 17 Lohiabada ma ia gwau, \q1 “Kamonai! \q1 Lau ese Media taudia do lau hatoreisia, \q1 idia ese Babulonia do idia tuari henia. \q1 Idia ese siliva idia laloa lasi, \q1 bona golo idia moalelaia lasi. \q1 \v 18 Edia peva bona diba dekena amo, \q1 idia ese eregabe taudia do idia alaia mase. \q1 Hahine edia natudia maragidia, \q1 be Media taudia ese do idia hamauria lasi, \q1 bona idia ese memero bona kekeni, \q1 be do idia bogahisihisi henia lasi. \q1 \v 19 Babulonia sibona be basileia namo herea, \q1 basileia ibounai ia hereaia noho. \q1 Ia be Babulonia taudia edia hekokoroku gauna, \q1 to lau Lohiabada ese, \q1 Babulonia do lau hadikaia ore, \q1 Sodoma bona Gomora lau hadikaia ore bamona. \q1 \v 20 Tau ta be Babulonia dekenai do ia noho lasi lou. \q1 Arabia tauna ta, \q1 be unuseni do ia kamepa lasi, \q1 bona mamoe naria tauna ta ese, \q1 iena mamoe do ia naria lasi unuseni. \q1 \v 21 To uda boroma be unuseni do idia hekure, \q1 bona uda sisia be Babulonia ena ruma gunadia dekenai do idia noho. \q1 Hanuaboi manu ladana baimumu danu, \q1 be unuseni do idia noho. \q1 Kokokoko be unuseni do idia noho, \q1 bona uda nanigosi be unai ariara gunadia dekenai, \q1 do idia roho bona gadara. \q1 \v 22 Kohoro bona king ena rumadia lalonai, \q1 uda sisia do idia boiboi bona tai. \q1 Babulonia ena nega be kahirakahira. \q1 Iena dinadia be momo lasi do idia noho.” \c 14 \s1 Israela taudia be edia hesiai mai guia dekena amo do idia giroa mai \p \v 1 Lohiabada ese Iakobo besena do ia bogahisihisi henia, ia ese Israela do ia abia hidi lou, bona edia tano korikori dekenai do ia atodia lou. Unai neganai idau bese taudia be Israela taudia danu do idia noho hebou, Iakobo besena danu do idia tamona. \v 2 Idau bese momo taudia ese Israela taudia do idia durua, edia gabu korikori dekenai idia giroa lou neganai. Bona Lohiabada ena tano dekenai Israela taudia ese unai idau bese taudia do idia abia, edia hesiai taudia bona hahinedia do idia halaoa. Vadaeni, guna Israela taudia idia abidia mauri taudia be Israela taudia ese do idia abidia mauri, bona guna idia hisihisi henidia taudia, be Israela taudia ese do idia biagua. \p \v 3 Lohiabada ese emui hisihisi bona emui hekwarahi bona emui hesiai gaukara dekena amo laga-ani umui dekenai ia henia neganai, \v 4 umui ese ane do umui abia, Babulonia ena king do umui kirikirilaia totona, inai bamona: \b \q1 “Kamonai! Hisihisi henia tauna be ia doko vadaeni. \q1 Iena dagedage kara ia ore vadaeni. \q1 \v 5 Lohiabada ese, \q1 kara dika taudia edia siahu ia hamakohia vadaeni, \q1 bona edia king dagi, \q1 ia ese ia haorea vadaeni danu. \q1 \v 6 Badina be idia king neganai, \q1 idia ese mai badu danu, \q1 basileia idauidau taudia idia alaia ore, doko lasi. \q1 Idia ese mai dagedage danu, \q1 basileia idauidau taudia idia biagua, \q1 idia hisihisi henia, \q1 idia bogahisihisi henia lasi. \q1 \v 7 To hari, \q1 tanobada ena kahana ibounai, \q1 be idia laga-ani noho, \q1 mai maino danu idia noho. \q1 Idia ibounai ese mai moale danu ane idia abia noho. \q1 \v 8 Kasuarina audia bona Lebanona sida audia danu ese, \q1 Babulonia king ia mase dainai, \q1 idia moale noho, idia gwau, \q1 ‘Oi moru negana ia mai bona hari, \q1 au utua tauna ta be ai hadikaia totona ia mai lasi.’ \b \q1 \v 9 “Mase gabuna be oiemu henunai ia mareremarere noho, \q1 oi vareai mai neganai, \q1 oi do ia hedavari henia totona. \q1 Mase taudia edia laulaudia ia hanogaia, \q1 idia ese oi do idia hanamoa totona. \q1 Tanobada ena gunalaia taudia edia laulaudia, \q1 bona basileia idauidau edia king ibounai edia laulaudia be, \q1 edia terona dekena amo idia toreisi noho. \q1 \v 10 Idia ibounai ese oi do idia hamaoroa, \q1 do idia gwau, \q1 ‘Oi danu oi manokamanoka vadaeni, \q1 ai be manokamanoka bamona. \q1 Oi be ai hegeregere oi lao vadaeni. \q1 \v 11 Oiemu hairaina be, \q1 mase gabuna dekenai ia diho vadaeni, \q1 oiemu gita badadia edia regena danu. \q1 Bodaga ena gaigai maragidia, \q1 be oiemu henunai momo herea do idia noho, \q1 bona biluga momo herea ese oi do idia koua noho.’ \b \q1 \v 12 “Daba ena hisiu e, \q1 daba maragi ena natuna e, \q1 guba dekena amo oi moru vadaeni! \q1 Basileia idauidau oi hamorua tauna e, \q1 hari be tano dekenai oi moru vadaeni! \q1 \v 13 Oi sibona dekenai oi gwau, \q1 ‘Guba dekenai do lau daekau lao, \q1 Dirava ena hisiu edia ataiai, \q1 be lau ese egu terona do lau atoa, \q1 bona dirava idia hebou gabuna dekenai do lau helai. \q1 Mirigini kahana dekenai ia noho ororo be unai.’ \q1 \v 14 Oi gwau danu, \q1 oi be ori edia ataiai do oi daekau lao, \q1 Siahu Ibounai Dirava hegeregerena do oi lao. \q1 \v 15 To oi be mase gabuna dekenai, \q1 Dirava ese oi ia atoa diho, \q1 mase ena guri ena dobu gabudia lalonai. \b \q1 \v 16 “Oi idia itaia noho taudia ese, \q1 oiemu dokona idia laloa noho, \q1 bona idia hereva, idia gwau, \q1 ‘Inai be tanobada ia hamarerea tauna, \q1 bona basileia idauidau, \q1 be ia dainai idia heudeheude, a? \q1 \v 17 Inai tauna ese tanobada, \q1 be tano kaukau ia halaoa vadaeni, a? \q1 Ia ese tanobada ena hanua badadia ia halusia momokani, \q1 bona ia abia mauri taudia ia guia momokani, \q1 ma idia ia ruhaia lasi momokani tauna, a?’ \b \q1 \v 18 “Bese idauidau edia king taudia ibounai, \q1 be hairai dekenai idia hekure noho, \q1 ta ta edia guria gabudia, \q1 edia guria gabudia dekenai. \q1 \v 19 To oi be oiemu guria gabuna dekena amo, \q1 oi idia negea daudau, \q1 vara dika merona, \q1 taunimanima ese idia negea ore bamona. \q1 Tuari kaia dekena amo idia alaia mase taudia, \q1 ese oiemu tauanina idia koua noho. \q1 Oi be idia danu mase gurina, \q1 ena dobu gabudia nadidia lalonai. \q1 Unuseni oi bona idia, \q1 emui tauanidia idia moia diho, \q1 moia diho noho, \q1 \v 20 Oi be king haida hegeregerena, \q1 oi do idia guria lasi, \q1 badina be oi ese oiemu tano oi hadikaia, \q1 bona oi ese oiemu tano ena taunimanima oi alaia mase vadaeni. \b \q1 “Kara dika taudia edia bese taudia edia ladadia, \q1 be do idia gwauraia lou lasi, ela bona hanaihanai. \q1 \v 21 Inai king dikana ena natudia tau alaia mase dalana, \q1 be do umui karaia hegaegae! \q1 Edia tamana ena dika dainai do idia mase! \q1 Idia ta do ia toreisi lasi, \q1 inai tano do ia gunalaia totona, \q1 tanobada ena kopina, \q1 be hanua badadia dekena amo do idia hahonua lou garina.” \s1 Dirava ese Babulonia do ia hadikaia ore \p \v 22 Siahu Ibounai Lohiabada ia gwauhamata vadaeni, ia gwau, “Lau ese Babulonia do lau tuari henia, bona do lau hadikaia ore. Lau ese Babulonia taudia ibounai do lau alaia ore, ta do ia heau mauri lasi, natuna ta danu do ia mauri lasi. Lau, Lohiabada ese lau hereva vadaeni.” \v 23 Siahu Ibounai Lohiabada ese danu ia gwau, “Lau ese Babulonia do lau hadikaia, vadaeni ia be suampa gabuna do ia lao. Hanuaboi manu kepoto be unuseni do idia noho. Lau ese Babulonia do lau daroa momokani, egu daroa gauna dekena amo. Inai be gau ibounai ia hadikaia ore ena daroa gauna.” \s1 Dirava ese Asuria taudia do ia hadikaia ore \q1 \v 24 Siahu Ibounai Lohiabada ia gwauhamata vadaeni, ia gwau, \q1 “Lau ese lau palania gauna, \q1 be momokani do ia vara, \q1 bona lau gwau do lau karaia gauna, \q1 be egu hereva hegeregerena do ia vara. \q1 \v 25 Lau ese Asuria taudia, \q1 egu tano dekenai noho taudia do lau hadikaia ore. \q1 Egu tano ena ororo dekenai, \q1 idia do lau moia diho momokani. \q1 Egu bese taudia be Asuria ena siahu dekena amo do lau ruhaia. \q1 Idia ese maduna metaudia do idia huaia lou lasi. \q1 \v 26 Egu palani be inai, \q1 lau laloa vadaeni gauna, \q1 tanobada ibounai dekenai do lau karaia gauna. \q1 Egu imana lau abia isi noho, \q1 bese idauidau do lau panisia totona.” \b \q1 \v 27 Siahu Ibounai Lohiabada ese, \q1 inai bamona ia laloa dainai, \q1 daika ese iena ura do ia koua diba? \q1 Iena imana ia abia isi vadaeni, \q1 be daika ese ia atoa lou diba? \s1 Dirava ese Pilistia taudia do ia hadikaia ore \q1 \v 28 King Ahasa ia mase lagani dekenai, \q1 inai peroveta hereva ia ginidae: \q1 \v 29 Pilistia taudia ibounai e, \q1 umui ia botaia auna be ia makohia vadaeni. \q1 To do umui moale lasi, \q1 badina be gaigai ta ia mase neganai, \q1 gaigai dikana momokani ese, \q1 iena gabu ia abia noho. \q1 Gaigai ena gatoi dekena amo, \q1 roho diba gaigaina do ia vara. \q1 \v 30 Lohiabada ese, \q1 iena bese ogogami taudia do ia naria namonamo, \q1 bona edia noho do ia hanamoa. \q1 To ia ese umui Pilistia taudia, \q1 emui latanai hitolo do ia siaia, \q1 bona umui do mauri noho taudia, \q1 be do umui mase momokani. \b \q1 \v 31 Umui Pilistia hanua ibounai e, \q1 do umui tai! \q1 Durua totona do umui boiboi! \q1 Pilistia taudia ibounai e, \q1 do umui gari maragi lasi! \q1 Badina tuari ena kwalahu, \q1 be mirigini dekena amo ia mai noho, \q1 bona unai tuari orea lalonai, \q1 gari tauna ta be lasi. \q1 \v 32 Pilistia dekena amo hereva mailaia taudia dekenai, \q1 be edena bamona do ita haere henidia? \q1 Do ita gwau, \q1 “Lohiabada ese Siona ia haginia vadaeni, \q1 bona Siona lalonai, \q1 iena hisihisi noho taudia ese mauri do idia davaria.” \c 15 \s1 Dirava ese Moaba do ia hadikaia ore \q1 \v 1 Peroveta hereva Moaba totona be inai: \q1 Ara hanua bona Kiri hanua, \q1 be hanuaboi tamona lalonai idia hadikaia ore dainai, \q1 Moaba taudia ibounai edia noho be dika momokani. \q1 \v 2 Dibona taudia be ororo dekenai idia daekau, \q1 ataiai guriguri gabuna dekenai do idia taitai totona. \q1 Nebo bona Medeba hanua edia latanai danu, \q1 be Moaba taudia idia taitai mai boiboi danu. \q1 Idia ibounai edia kwarana huina idia utua. \q1 Idia edia auki huina ibounai danu idia utua ore. \q1 \v 3 Ariara lalonai puse dabua idia karaia noho. \q1 Edia ruma guhi edia latanai, \q1 bona hanua edia huanai danu, \q1 taunimanima ibounai idia tai noho, \q1 mai boiboi danu. \q1 Edia taitai dainai, \q1 edia tauanidia idia manoka noho. \q1 \v 4 Hesebona bona Eleale hanua taudia danu idia tai noho, \q1 mai boiboi danu. \q1 Edia gadodia be taunimanima ese idia kamonai noho, \q1 ia lao bona Iahasa. \q1 Unai dainai, Moaba ena tuari taudia danu, be idia tai bada noho \q1 bona edia kudoudia idia manoka lao noho. \b \q1 \v 5 Moaba dainai egu kudouna ia tai noho! \q1 Moaba taudia idia heau ia lao bona Soara, \q1 bona ia lao bona Egelata Selisia. \q1 Haida be Lahiti ia daekau lao dalana dekenai idia raka noho, \q1 mai taitai danu. \q1 Haida be Horonaimi dalana dekenai idia lao, \q1 edia dika dainai idia taitai, \q1 mai boiboi bada danu. \q1 \v 6 Nimirimi Sinavai maragina be ia kaukau. \q1 Rei be ia mase noho, \q1 bona rei matamata ia tubu noho lasi. \q1 Tano dekenai idia vara gaudia ibounai, \q1 be idia ore vadaeni. \q1 \v 7 Moaba taudia ese edia kohu ibounai, \q1 bona idia haboua vadaeni gaudia ibounai, \q1 be Arabimi Sinavai unai kahana dekenai idia huaia hanaia. \q1 \v 8 Moaba ena tano hetoana ena kahana ibounai dekenai, \q1 taunimanima idia taitai noho. \q1 Inai taitai ena regena, \q1 be Egelaimi hanua ia lao bona Bere Elima dekenai idia kamonai noho. \q1 \v 9 Dibona hanua dekenai, \q1 sinavai ena ranu be rara dainai ia kakakaka, \q1 to Dirava ese Dibona ena hisihisi ma do ia habadaia. \q1 Ia ese laiona, be Moaba heau mauri taudia darea totona ia siaia, \q1 idia ese Moaba dekenai do noho taudia do idia alaia mase danu. \c 16 \s1 Moaba taudia edia lalohisihisi \q1 \v 1 Tano kaukau dekenai ia noho hanua, Sela dekena amo, \q1 Moaba taudia ese mamoe idia siaidia. \q1 Edia harihari gaudia be unai, \q1 Ierusalema ena king tauna badana dekenai. \q1 \v 2 Moaba hahine taudia, \q1 be Aranona Sinavai ena isena dekenai idia naria noho. \q1 Idia raka mai, raka lao kava noho, \q1 manu natudia be edia ruma dekena amo idia boio neganai bamona. \b \q1 \v 3 Moaba taudia ese Iuda taudia idia noia, idia gwau, \q1 “Ai dekenai do umui hadibaia, dahaka do ai karaia. \q1 Ai do umui durua, \q1 au namona ese dina tubua neganai, \q1 iena kerumakeruma ese, \q1 taunimanima ia durua bamona. \q1 Madi, ai be heau mauri taudia, \q1 mani ai do umui hunia, \q1 vadaeni ai idia lulua noho taudia, \q1 ese ai do idia davaria lasi. \q1 \v 4 Madi, ai be Moaba dekena amo ai heau noho. \q1 Mani emui kara, emui huana dekenai ai do umui abia dae, \q1 bona ai hadikaia ore gwauraia taudia dekena amo, \q1 ai do umui gimaia.” \b \q1 Badina be negana ia mai noho, \q1 hisihisi henia tauna be do ia boio, \q1 bona hadikaia ore kara do ia doko. \q1 Taunimanima idia dagedage henia taudia danu, \q1 be tano dekena amo do idia boio. \q1 \v 5 Unai neganai king ta ena terona, \q1 be bogahisihisi kara dekena amo do ia gini, \q1 bona unai terona ena latanai, \q1 kara maoromaoro tauna ta do ia helai. \q1 Ia be Davida ena bese tauna, \q1 bona ia ese taunimanima do ia biagua noho, \q1 mai ena kota maoromaoro bona momokani danu. \q1 Ia ese karaharaga kara maoromaoro dalana do ia karaia. \b \q1 \v 6 Iuda taudia idia gwau, \q1 “Moaba taudia edia hekokoroku, \q1 ena sivarai ita kamonai vadaeni. \q1 Momokani idia hekokoroku noho, \q1 bona idia hereva dagedage noho danu, \q1 to edia hekokoroku hereva be koikoi.” \b \q1 \v 7 Unai dainai Moaba taudia, \q1 be Moaba totona do idia taitai, \q1 mai boiboi bada danu. \q1 Io, do idia taitai hebou, \q1 do idia lalohisihisi noho. \q1 Kiri Haresete ena vain huahua kaukaudia keke totona, \q1 do idia tai bada. \q1 \v 8 Hesebona ena uma gabudia idia kaukau vadaeni, \q1 bona Sibima ena vain audia danu idia dika vadaeni. \q1 Basileia idauidau edia lohia taudia ese, \q1 unai vain namodia idia moia diho. \q1 Unai vain umadia be bada, \q1 idia be guna idia lao ela bona Iasere, \q1 bona edia hetoa ta ia lao ela bona tano kaukau, \q1 ma edia hetoa ta be ia lao ela bona davara. \q1 \v 9 Unai dainai Iasere taudia idia taitai hegeregerena, \q1 lau danu lau tai noho, \q1 Sibima ena vain dainai. \q1 Hesebona bona Eleale e, \q1 egu tai dainai, \q1 egu matana ena ranu ese, \q1 umui ia hapariparia noho, \q1 badina be emui huahua gogoa, \q1 bona emui anina haboua, \q1 ena moale mai boiboi be ia doko vadaeni. \q1 \v 10 Moale bona laloa namo, \q1 be emui uma, mai edia anina dekena amo ia ore vadaeni, \q1 bona vain uma edia lalonai, \q1 ane idia abia lou lasi. \q1 Vain huahua moia gabudia dekenai, \q1 tau ta ese vain ia moia lasi, \q1 bona tau ta ia moale lasi. \q1 \v 11 Unai dainai, Moaba dainai, \q1 egu kudouna ia tai noho, \q1 gita badana ese ia tai bamona. \q1 Kiri Haresete danu dainai lau tai noho. \q1 \v 12 Moaba taudia be mai edia hekwarahi bada danu, \q1 edia ataiai guriguri gabudia dekenai idia lao noho. \q1 Edia gabu helagadia dekenai idia guriguri noho, \q1 to gau namona ta idia davaria lasi. \p \v 13 Inai Moaba taudia dekenai idia vara karadia be Lohiabada ese ia herevalaia guna vadaeni. \v 14 Bona hari Lohiabada ma ia hereva, ia gwau, “Lagani toi sibona idia ore neganai, Moaba ena kohu bada herea do ia boio ore. Iena taunimanima hari be momo, to lagani toi sibona idia ore neganai, idia tamona tamona sibona do idia heau mauri. Bona inai do mauri noho taudia be do idia manoka.” \c 17 \s1 Dirava ese Suria do ia panisia \q1 \v 1 Lohiabada ia gwau, \q1 “Damaseko be do ia dika, \q1 hanua badana do ia noho lasi. \q1 Nadi haboua gabuna, \q1 bona nadi kavakava gabuna do ia lao. \q1 \v 2 Suria ena hanuadia dekenai, \q1 taunimanima do idia noho lasi. \q1 Mamoe be unai gabudia dekenai do idia aniani, \q1 bona unuseni do idia hekure diho. \q1 Tau ta ese do ia luludia siri lasi. \q1 \v 3 Eparaima ena hanua goadana mai ena maguna, \q1 be do ia boio ore, \q1 bona Damaseko ena basileia danu do ia ore. \q1 Suria taudia, \q1 do mauri noho taudia danu do idia boio, \q1 Israela taudia edia hairai idia boio vadaeni hegeregerena.” \q1 Siahu Ibounai Lohiabada ese unai bamona ia gwauraia noho. \s1 Dirava ese Israela do ia panisia \q1 \v 4 Lohiabada ia gwau, \q1 “Unai dina dekenai, \q1 Iakobo ena hairai do ia maragi lao. \q1 Israela ena tauanina do ia maragi lao. \q1 \v 5 Israela be anina lasi gabuna do idia halaoa, \q1 uiti tano, iena anina idia utua bona haboua ore bamona, \q1 o uiti anina momoru gaudia, \q1 Repaima Koura dekenai idia gogoa bamona. \q1 \v 6 Israela taudia tamona tamona sibona do idia mauri noho, \q1 olive auna idia kwadia neganai bamona, \q1 huahua rua o toi sibona, \q1 be ataiai rigidia dekenai idia do noho, \q1 o henunai rigidia dekenai, \q1 olive huahua 4 o 5 sibona idia noho bamona. \q1 Lau Lohiabada, Israela ena Dirava lau hereva vadaeni.” \p \v 7 Unai dina dekenai, taunimanima ese, idia ia karaia Diravana do idia laloa, bona durua totona Israela ena Helaga Diravana do idia noia. \v 8 Edia boubou patadia, edia imadia dekenai idia karaia gaudia do idia laloa lasi. Bona ima kwakikwakidia dekenai idia karaia gaudia, Asera hahine dirava ena kaivakuku, bona ena bonana namo boubou patadia do idia laloa lasi momokani. \p \v 9 Unai dina ia ginidae neganai, Israela taudia edia hanua goadadia bona aukadia be edia taunimanima ese do idia rakatania kava. Unai hanua be gunaguna Hivi taudia bona Amoro taudia edia, to Israela taudia ese idia luludia neganai idia rakatanidia kava. Unai neganai, bona hari danu Israela taudia ese unai hanua idia rakatania neganai, tano be ia dika lao momokani. \b \q1 \v 10 Badina be umui ese, \q1 umui ia hamauria Dirava, \q1 be umui laloaboio vadaeni, \q1 bona emui Nadi Badana, \q1 emui kohoro, umui laloatao lasi. \q1 To umui ese uma gabudia helagadia umui hadoa, \q1 idau bese taudia edia dirava, \q1 do umui tomadiho henia totona. \q1 \v 11 Sedira umui ese unai uma umui hadoa dinadia dekenai, \q1 be do idia tubu namonamo, \q1 to dokona neganai, \q1 anina do idia vara lasi. \q1 Kerere bona hanamoa diba lasi hisihisi sibona do ia vara. \s1 Israela idia hadikaia gwauraia besedia be do idia lusi \q1 \v 12 Itaia, tuari orea badadia, \q1 bese idauidau momo idia mai noho, \q1 mai edia regena bada danu. \q1 Regena be davara ena hurehure momo bamona. \q1 Kamonai, basileia idauidau edia regena, \q1 be ranu badadia idia marere momo, \q1 edia regena bamona. \q1 \v 13 Momokani basileia idauidau, \q1 be hurehure badadia bamona, \q1 idia heau mai haraga noho, \q1 to Dirava ese idia do ia gwau henia. \q1 Vadaeni idia be do idia giroa lou lao, \q1 lai ese momoru be ororo dekena amo, \q1 ia hodaia lao ore bamona. \q1 \v 14 Adorahi neganai Israela taudia, \q1 be mai gari bada danu idia naria, \q1 to daba rere neganai, \q1 unai tuari orea taudia ibounai be idia boio ore. \q1 Idia edia dika ena davana be unai, \q1 badina iseda kohu idia henaoa kava taudia ibounai, \q1 edia davana be unai. \c 18 \s1 Dirava ese Etiopia do ia panisia \q1 \v 1 Manu momo edia hanidia regedia idia karaia noho tano, \q1 unai bamona tano ia noho, \q1 Etiopia sinavai unai kahana dekenai. \q1 \v 2 Etiopia tano ese, \q1 iena hereva gwauraia taudia, \q1 be vanagi haragadia dekenai ia siaidia noho, \q1 Naila Sinavai dekena amo. \b \q1 Hereva gwauraia taudia mai haraga danu e, \q1 emui tano dekenai do umui giroa lou, \q1 emui tano mai ena sinavai momo. \q1 Emui tano be mai ena tau latadia. \q1 Idia be goada taudia, \q1 bona mai edia kopina manadamanada. \q1 Tanobada taudia ibounai ese, \q1 Etiopia taudia idia gari henia noho, \q1 badina idia be goada bona siahu besena. \b \q1 \v 3 Tanobada dekenai noho taudia ibounai e, \q1 tanobada ena latanai umui noho taudia e, \q1 toa ta ororo edia latanai idia abia isi neganai, \q1 do umui itaia! \q1 Kibi do idia hiriria neganai, \q1 do umui kamonai! \q1 \v 4 Badina be Lohiabada ese lau ia hamaoroa noho, ia gwau, \q1 “Egu noho gabuna dekena amo, \q1 umui do lau itaia noho, \q1 mai egu regena ta lasi, \q1 dina ia diari bada noho, \q1 ena siahu lalonai bamona, \q1 o siahu bada neganai, \q1 uma anina idia utua noho neganai, \q1 ori namona ta ia hedinarai bamona.” \q1 \v 5 To vain huahua idia do haboua lasi, \q1 vain ena palauapalaua idia moru vadaeni, \q1 bona vain huahua idia mage hamatamaia sibona neganai, \q1 Asuria tuari taudia ese, \q1 Etiopia taudia do idia hadikaia haraga, \q1 kaia ese vain rigidia ia utua hegeregerena. \q1 \v 6 Etiopia taudia edia tauanidia be madi, \q1 ataiai manudia bona uda boroma ese do idia ania ore. \q1 Siahu neganai, \q1 manu ese do idia anidia, \q1 bona keru neganai, \q1 uda boroma ese do idia anidia. \b \q1 \v 7 Unai neganai Etiopia taudia haida ese, \q1 harihari gaudia do idia mailaia, \q1 Siahu Ibounai Lohiabada dekenai do idia henia. \q1 Io, unai tano mai ena sinavai momo, \q1 ena taudia, tau latadia, \q1 goada taudia, mai edia kopina manadamanada, \q1 inai bese, tanobada taudia ibounai ese idia gari henia noho. \q1 Inai bese ese Siona Ororo, \q1 Siahu Ibounai Lohiabada ena ladana ia noho gabuna dekenai do idia mai. \c 19 \s1 Dirava ese Aigupito do ia panisia \q1 \v 1 Peroveta hereva Aigupito totona be inai: \q1 Itaia, Lohiabada be ori ena latanai ia guia noho, \q1 Aigupito dekenai ia mai noho. \q1 Aigupito taudia edia kaivakuku, \q1 be Lohiabada ena vairanai idia heudeheude noho, \q1 bona Aigupito taudia be, \q1 edia kudoudia do idia manoka lao. \b \q1 \v 2 Lohiabada ia gwau, \q1 “Lau ese Aigupito taudia edia lalodia do lau hasiahua, \q1 vadaeni idia ta ta dekenai do idia tuari henia. \q1 Tadikakana ese tadikakana do idia heatu henia. \q1 Tau ta ta ese, \q1 iena badibadinai tauna do ia heatu henia. \q1 Hanua ta ese hanua ta, \q1 bona basileia ta ese basileia ta do ia tuari henia. \q1 \v 3 Lau ese Aigupito taudia edia palani do lau koua, \q1 bona edia laloa goada do ia ore. \q1 Idia ese edia kaivakuku do idia noinoi henia, \q1 bona meamea taudia bona mase taudia edia laumadia danu do idia noia, \q1 edia sisiba do idia kamonai totona. \q1 \v 4 Bona lau ese Aigupito taudia, \q1 biaguna aukana ta ena imana dekenai do lau atodia, \q1 bona king ta ese, \q1 mai dagedage danu idia do ia gunalaia. \q1 Lau, Siahu Ibounai Lohiabada lau gwauraia inai.” \b \q1 \v 5 Naila Sinavai ena ranu do ia maragi lao noho, \q1 bona unai sinavai be do ia kaukau momokani. \q1 \v 6 Sinavai dekena amo taunimanima idia geia dadaira, \q1 idia danu do idia kaukau lao, \q1 bona edia bonana be dika momokani. \q1 Siriho bona kurukuru, \q1 be do idia kaukau bona do idia mase. \q1 \v 7 Naila Sinavai ena badinai, \q1 idia hadoa aniani gaudia ibounai be do idia kakoro, \q1 bona lai ese idia do ia hodaia oho, \q1 do idia boio ore. \q1 \v 8 Haoda taudia do idia taitai mai boiboi danu, \q1 Naila Sinavai dekenai idia kimai taudia ibounai danu. \q1 Reke idia negea lao taudia danu, \q1 be edia lalodia do idia hisihisi bada. \q1 \v 9 Dabua aukadia idia hatua taudia edia laloa do ia ore. \q1 Dabua kurokuro namona hatua taudia danu, \q1 be dala namona ta lasi. \q1 \v 10 Aigupito ena lohia taudia edia lalodia, \q1 be do idia metau momokani, \q1 bona idia gaukara mai davana taudia edia lalodia, \q1 be do idia hisihisi danu. \b \q1 \v 11 Soana hanua ena lohia taudia be kavakava, \q1 bona Farao ena aonega taudia ese, \q1 sisiba kavakava idia gwauraia. \q1 Edena bamona idia ta ta ese Farao idia hamaoroa, idia gwau, \q1 “Lau be aonega tauna ena natuna, \q1 lau be king gunana ena bese tauna?” \b \q1 \v 12 Aigupito ena king e, \q1 emui aonega taudia be edeseni? \q1 Sedira idia ese oi do idia hamaoroa, \q1 dahaka be Siahu Ibounai Lohiabada ese Aigupito dekenai do ia karaia? \q1 \v 13 Soana bona Memepisi lohia taudia be kavakava. \q1 Idia be dagi bada taudia, \q1 bese gunalaia taudia, \q1 to idia ese Aigupito idia hakaua kerere vadaeni. \q1 \v 14 Lohiabada ese edia kwaradia ia hagiroagiroa vadaeni, \q1 bona idia ese Aigupito dekenai, \q1 daradara bona hekwakwanai idia havaraia vadaeni, \q1 kekero tauna be iena mumuta lalonai ia dedi noho, \q1 bona ia hekwakwanai noho bamona. \q1 Dagi tauna, o dagi lasi taudia, \q1 moni taudia, o moni lasi, \q1 \v 15 Aigupito dekenai noho taudia ibounai edia huanai, \q1 ta ese Aigupito ia durua diba lasi. \s1 Aigupito ese Lohiabada do ia tomadiho henia \p \v 16 Unai neganai, Aigupito taudia be hahine taudia hegeregerena do idia lao. Bona Siahu Ibounai Lohiabada ese iena imana ia abia isi idia dekenai neganai, idia be mai gari danu do idia heudeheude. \v 17 Iuda tano be gari gauna dekenai do ia lao, Aigupito taudia dekenai. Bona bema tau ta ese Iuda be idia dekenai ia herevalaia neganai, idia be do idia gari bada, Siahu Ibounai Lohiabada ese, vaira neganai Aigupito dekenai do ia karaia gaudia dainai. \p \v 18 Unai dina ia ginidae neganai, Aigupito ena hanua badadia ibounai 5 edia lalonai, Heberu gado do idia hereva, bona edia gwauhamata hereva, be Siahu Ibounai Lohiabada ena ladanai do idia henia. Hanua ta ena ladana do idia atoa, “Dina ena Hanua.” \p \v 19 Unai dina dekenai Lohiabada ena boubou patana ta be Aigupito tano dekenai do ia noho, bona Lohiabada ena ladana hanamoa totona, nadi namona badana do idia haginia Aigupito ena tano hetoana dekenai. \v 20 Inai boubou patana, bona nadi namona badana, be Siahu Ibounai Lohiabada ia noho Aigupito dekenai ena toadia. Aigupito taudia be haida ese idia dagedage henidia neganai, bona Lohiabada dekenai do idia boiboi neganai, ia ese hamauria tauna ta do ia siaia, ia ese idia do ia gimaia, bona idia do ia hamauria. \p \v 21 Lohiabada ese sibona Aigupito taudia dekenai do ia hedinaraia, bona idia ese ia do idia diba, bona ia dekenai do idia tomadiho henia. Idia ese Lohiabada dekenai boubou karadia bona harihari gaudia do idia henia. Idia ese ia dekenai gwauhamata do idia henia, bona edia gwauhamata do idia karaia momokani. \p \v 22 Lohiabada ese Aigupito taudia do ia panisia, to gabeai ia ese idia do ia hamauria. Idia ese edia lalona do giroa, bona Lohiabada dekenai do idia giroa, bona ia ese edia noinoi do ia kamonai, bona do ia hamauridia. \p \v 23 Unai dina dekenai, laolao dalana be Aigupito ela bona Asuria dekenai do idia karaia. Asuria tauna be Aigupito dekenai do ia lao, bona Aigupito tauna be Asuria dekenai do ia lao. Bona Aigupito taudia bona Asuria taudia do idia tomadiho hebou. \p \v 24 Unai dina dekenai, Israela be Aigupito bona Asuria danu do idia haboua tamona. Inai orea toiosi, be tanobada ena kahana ibounai ena hanamoa gauna do idia lao. \p \v 25 Siahu Ibounai Lohiabada ese inai orea toiosi do ia hanamoa, do ia gwau, “Egu orea, Aigupito, egu bese, Asuria, lau ese umui lau karaia, bona oi, Israela, lau abia hidi vadaeni besena, umui toiosi lau hanamoa inai.” \c 20 \s1 Isaia ese Aigupito bona Etiopia edia moru ma ia perovetalaia \p \v 1 Saragono, Asuria ena king ese ia oda henia, vadaeni Asuria edia tuari biaguna badana ese Asadoda, Pilistia ena hanua badana ta ia tuari henia, bona ia abia. \v 2 Lagani toi idia lao vadaeni, Lohiabada ese Isaia Amoso ia hamaoroa, iena puse dabua bona iena tamaka danu do ia kokia. Ia ese Lohiabada ena hereva ia kamonai henia, bona ia be dabua lasi, tamaka lasi ia loaloa noho. \p \v 3 Vadaeni Asadoda hanua idia halusia neganai, Lohiabada ia gwau, “Egu hesiai tauna Isaia be lagani toi lalonai dabua lasi, bona tamaka lasi ia loaloa noho vadaeni. Inai be Aigupito bona Etiopia dekenai do idia vara gaudia ena toana. \v 4 Badina unai kara hegeregerena, Asuria king ese Aigupito bona Etiopia taudia do ia abia mauri, bona mai edia kopina kavakava idia do ia guia, do ia hakaudia lao. Eregabe bona buruka taudia danu be dabua lasi, tamaka lasi do idia raka lao. Edia kununa be mai koua dabua lasi dainai, Aigupito taudia do idia hemarai. \p \v 5 “Unai neganai Etiopia ena goada idia abidadama henia taudia, bona Aigupito ena siahu idia hekokorokulaia taudia, be do idia laloa daradara, mai edia abidadama gabuna ta lasi dainai. \v 6 Unai neganai, kone dekenai idia noho taudia be do idia gwau, ‘Itaia, guna ita ese Aigupito bona Etiopia ita abidadama henia, idia ese Asuria dekena amo ita do idia gimaia. To Asuria ese idia halusidia dainai, ita be edena bamona Asuria dekena amo ita heau mauri diba?’ ” \c 21 \s1 Isaia ese Babulonia ena moru ia perovetalaia \q1 \v 1 Peroveta hereva Babulonia totona be inai: \q1 Koehirihiri be diho kahana dekena amo, \q1 ia heau mai noho bamona, \q1 dika be tano kaukau dekena amo ia mai noho. \q1 Tano dikana dekena amo ia mai noho. \b \q1 \v 2 Mata hanai aukana Lohiabada ese, \q1 lau dekenai ia hedinaraia. \q1 Dadia taudia ese emui kohu do idia abia kava, \q1 bona tuari taudia ese emui hanua do idia hadikadia ore. \q1 Elama tuari taudia e! \q1 Media tuari taudia e! \q1 Babulonia hanuadia do umui tuari henia, \q1 bona do umui koua hagegea. \q1 Dirava ese Babulonia ia havaraia hisihisi ibounai, \q1 be do ia haorea momokani. \b \q1 \v 3 Egu mata hanai lalonai lau itaia bona kamonai gaudia, \q1 ese lau idia hagaria, \q1 bona lau idia hisihisi henia. \q1 Egu hisihisi be, \q1 natuna ia havaraia noho hahine ena hisihisi bamona. \q1 \v 4 Egu kwarana ia giroagiroa noho, \q1 bona gari dainai lau heudeheude noho. \q1 Adorahi totona lau naria, mai egu ura dikadika danu, \q1 to lau dekenai gari bada sibona ia mailaia vadaeni. \b \q1 \v 5 Egu mata hanai lalonai, \q1 aria idia karaia hegaegae, \q1 pata ia noho hegaegae, \q1 geda idia atoa namonamo. \q1 Idia aniani noho, \q1 idia inuinu noho, \q1 vadaeni nega tamona tuari biaguna ta ia boiboi, ia gwau, \q1 “Tuari lohia taudia e, umui toreisi, \q1 emui kesi umui abia hegaegae!” \b \q1 \v 6 Vadaeni Lohiabada ese lau ia hamaoroa, ia gwau, \q1 “Oi lao, gima tauna ta do oi atoa, \q1 ia itaia gaudia be do ia gwauraia hedinaraia. \q1 \v 7 Bema kariota ia itaia, \q1 mai edia hosi rua rua, \q1 doniki dekenai guia taudia, \q1 bona kamelo idia guia taudia, \q1 danu ia itaia neganai, \q1 ia ese idia do ia itaia namonamo.” \b \q1 \v 8 Vadaeni gima tauna ia boiboi, ia gwau, \q1 “Egu lohia e, \q1 gima kohoro ena latanai lau gini noho, \q1 dina bona hanuaboi ibounai, \q1 \v 9 oi itaia, tau ta kariota dekenai ia mai noho, \q1 mai ena hosi rua rua.” \q1 Inai tau ese gima tauna ia hamaoroa, ia gwau, \q1 “Babulonia be ia moru, \q1 ia moru vadaeni, \q1 iena dirava edia laulau ibounai, \q1 be idia makohia maragimaragi, \q1 bona tano dekenai idia hekure noho!” \b \q1 \v 10 Egu bese taudia e, \q1 Babulonia ese umui idia kwadia, \q1 uiti bamona, \q1 to hari lau ese Siahu Ibounai Lohiabada ena hereva, \q1 ia ese lau ia hadibaia hereva namona, \q1 be umui dekenai lau gwauraia vadaeni inai. \q1 Israela ena Dirava ena hereva be inai. \s1 Edoma totona peroveta hereva \q1 \v 11 Peroveta hereva Edoma totona be inai: \q1 Edoma dekena amo tau ta ese, \q1 lau dekenai ia boiboi henia, \q1 ia gwau, \q1 “Gima tauna e, \q1 edena negai hanuaboi do ia ore? \q1 Mani lau oi hamaoroa, hanuaboi be edena negai do ia doko?” \q1 \v 12 Gima tauna ia haere, ia gwau, \q1 “Daba be ia mai noho, \q1 to hanuaboi danu ma do ia mai. \q1 Bema oi ura ma do oi nanadaia, \q1 vadaeni lau do oi nanadaia lou. \q1 Do oi giroa mai, \q1 bona do oi nanadaia.” \s1 Arabia totona peroveta hereva \q1 \v 13 Peroveta hereva Arabia totona be inai: \q1 Umui Dedana laolao hebou taudia e, \q1 Arabia ena tano kaukau lalonai umui kamepa noho. \q1 \v 14 Ranu do umui mailaia, \q1 idia ranu mase taudia dekenai do umui henia. \q1 Umui Tema dekenai noho taudia e, \q1 aniani do umui abia mai, \q1 heau mauri taudia dekenai do umui henia. \q1 \v 15 Idia be tuari kaia dekena amo idia heau noho. \q1 Idia be idia veria noho peva dekena amo, \q1 bona tuari ena siahu dekena amo idia heau noho. \p \v 16 Lohiabada ese inai bamona lau ia hamaoroa, ia gwau, “Lagani tamona do ia ore neganai, gaukara tauna ena gwauhamata lagani hegeregerena, Kedara besena ena hairai ibounai be do ia ore. \v 17 Bona Kedara ena peva taudia, Kedara besena ena goada taudia, be tamona tamona sibona do idia mauri noho. Lau Lohiabada, Israela ena Dirava, lau hereva vadaeni inai.” \c 22 \s1 Ierusalema totona peroveta hereva \q1 \v 1 Peroveta hereva Mata Hanai ena Koura totona be inai: \q1 Dahaka umui dekenai ia vara noho? \q1 Badina dahaka umui ibounai, \q1 mai moale danu, \q1 emui ruma edia guhi dekenai umui daekau lao vadaeni, \q1 \v 2 bona Ierusalema hanua ena kahana ibounai ese, \q1 regena bada idia karaia noho? \q1 Emui mase taudia be tuari kaia dekena amo idia mase lasi. \q1 Tuari lalonai idia mase lasi. \q1 \v 3 Emui lohia taudia ibounai be nega tamona idia heau hebou. \q1 Umui ese emui peva dekena amo diba ta umui do pidia lasi neganai, \q1 umui idia tuari henia taudia ese umui idia abia mauri. \q1 Umui heau daudau, \q1 to unai tuari taudia ese, \q1 umui idia abia mauri hebou. \q1 \v 4 Unai dainai lau gwau, \q1 “Lau dekenai do umui noho lasi. \q1 Lau ura egu bese, \q1 idia mase vadaeni taudia totona do lau tai bada. \q1 Egu tai dekena amo, egu lalona do umui hanamoa toho lasi.” \q1 \v 5 Badina be Lohiabada, \q1 Siahu Ibounai Lohiabada, \q1 be mai ena dina, \q1 inai dina dekenai, \q1 Lohiabada ese Mata Hanai ena Koura dekenai, \q1 dika, gari, bona daradara ia siaia vadaeni. \q1 Iseda hanua ena magu, \q1 be idia botaia diho vadaeni, \q1 bona taunimanima ese, \q1 durua totona ororo dekenai idia boiboi henia vadaeni. \q1 \v 6 Elama tuari taudia be hosi idia guia, \q1 idia heau mai, \q1 mai edia diba bona peva danu. \q1 Bona Kiri hanua taudia ese, \q1 edia kesi idia abia hegaegae. \q1 \v 7 Iuda ena koura namo herea, \q1 be kariota momo ese idia hahonua, \q1 bona hosi guia tuari taudia, \q1 be Ierusalema ena magu iduara dekenai idia gini. \q1 \v 8 Iuda ena magu ibounai be idia hamakohia vadaeni. \p Unai bamona ia vara neganai, umui Ierusalema taudia ese tuari gaudia be edia haboua ruma dekena amo umui abidia. \v 9 Umui ese Davida ena hanua ena magu umui itaia, gabu momo idia dika. \v 10 Bona umui ese Ierusalema ena ruma ibounai umui itaia, bona haida umui veria diho, edia nadi umui abia, hanua ena magu do umui hanamoa totona. \v 11 Umui ese danu, ranu haboua gabuna, be magu ruaosi edia huanai umui karaia, Gohu Gunana ena ranu do umui haboua totona. To umui ese ia karaia Diravana umui laloa lasi. Umui ese idaunegai inai kara ia palania Diravana umui kamonai henia lasi. \b \q1 \v 12 Unai dina dekenai, \q1 Siahu Ibounai Lohiabada ese umui ia boiboi henia, \q1 do umui taitai, \q1 bona mai lalohisihisi danu, \q1 emui kwaradia huina do umui kakasia, \q1 bona puse dabua do umui karaia totona. \q1 \v 13 To umui ese moale bada umui karaia. \q1 Boromakau bona mamoe umui alaia, \q1 vamu umui ania, bona uaina umui inua, umui gwau, \q1 “Do ita aniani bona inuinu, \q1 badina be kerukeru do ita mase.” \b \q1 \v 14 Siahu Ibounai Lohiabada ese lau dekenai ia hereva henia, \q1 ia gwau, \q1 “Inai emui kara dika, \q1 be do lau gwauatao lasi, \q1 ela bona do umui mase. \q1 Lau, Siahu Ibounai Lohiabada, \q1 be inai bamona lau hereva vadaeni.” \s1 Eliakimi ese Sebina ena gabuna do ia abia \p \v 15 Siahu Ibounai Lohiabada ese lau ia hamaoroa, ia gwau, “Oi toreisi, king ena ruma ia naria tauna Sebina dekenai do oi lao, do oi hamaoroa, oi gwau: \v 16 Oiemu guria gabuna be dahaka dainai oi geia noho inai ororo nadi ena lalonai? Daika ese oi dekenai gwaumaoro ia henia, oi sibona emu guria gabuna iniseni do oi geia? \p \v 17 “Sedira oi be tau badana ta. To Lohiabada ese oi do ia abia isi, bona mai dagedage danu oi do ia negea daudau herea. \v 18 Ia ese oi do ia dogoatao, bolo bamona, bona tano badana ta dekenai oi do ia negea lao. Unuseni do oi mase, bona unuseni danu oiemu kariota namodia do idia hekure kava. Oiemu biaguna, oiemu king, ese oi totona do ia hemarai momokani. \v 19 Lau ese oiemu dagi be oi dekena amo do lau kokia, bona oiemu gaukara gabuna dekena amo oi do lau hadokoa.” \p \v 20 Lohiabada ese Sebina ia hamaoroa, ia gwau, “Unai dina dekenai, lau ese egu hesiai tauna Eliakimi Hilekaia do lau boiria, \v 21 bona oiemu dagi ena dabua do lau kokia, Eliakimi dekenai do lau henia. Oiemu gaba gauna danu be Eliakimi dekenai do lau henia. Oiemu siahu danu be ia dekenai do lau henia. Vadaeni ia be Ierusalema noho taudia bona Iuda iduhu taudia edia tamana do ia lao. \v 22 Lau ese Davida ena ruma ena ki be Eliakimi ena pagana ena latanai do lau atoa. Vadaeni ia ese do ia kehoa, bona ta ese do ia koua diba lasi. Bona ia ese do ia koua, bona ta ese do ia kehoa diba lasi. \v 23 Lau ese Eliakimi do lau ha-aukaia, ikoko bamona, bona gabu aukana ta dekenai do lau kokoa. Vadaeni ia be iena bese taudia edia matauraia tauna badana do ia lao. \p \v 24 “To iena tamana ena iduhu taudia bona iena varavara taudia ibounai ese Eliakimi do idia hametaua. Idia ese ia dekenai do idia taua dae, uro bona kapusi be ikoko dekenai idia taua dae hegeregerena. \v 25 Unai bamona ia vara neganai, ikoko, lau ese lau kokoa auka gauna be do ia makohia, bona do ia moru, bona iena latanai idia noho gaudia danu do idia moru. Lau, Siahu Ibounai Lohiabada ese lau hereva vadaeni inai.” \c 23 \s1 Turo hanua totona peroveta hereva \q1 \v 1 Peroveta hereva Turo hanua totona be inai: \q1 Tarasisi ena lagatoi taudia e, \q1 do umui taitai, \q1 badina be emui gabu Turo, \q1 be ia makohia ore vadaeni. \q1 Emui ruma, \q1 bona emui lagatoi kamokau gabuna, \q1 be idia dika vadaeni. \q1 Kupro tano dekena amo umui giroa mai neganai, \q1 inai sivarai dika madi umui kamonai. \b \q1 \v 2 Turo kone taudia e, \q1 bona umui Sidono ena hoihoi taudia e, \q1 lalohisihisi dainai do umui hereva lasi. \q1 Umui ese lagatoi taudia umui siaia, davara idia hanaia, \q1 Aigupito ena uiti do idia hoia totona. \q1 \v 3 Davara idauidau dekenai idia laolao, \q1 bona umui ese Sihoro ena uiti, \q1 bona Naila Sinavai tano ena aniani umui haboua. \q1 Bese idauidau taudia momo dekenai, \q1 gau idauidau umui hoia lao. \b \q1 \v 4 Sidono hanua e, do oi hemarai. \q1 Oi be davara ena gabu aukana ta, \q1 to davara ese, \q1 oiemu dika ia herevalaia vadaeni. \q1 Ia gwau, \q1 “Lau ese natuna ta lau havaraia lasi, \q1 bona lau ese, \q1 uhau bona kekeni lau ubua bona naria lasi.” \q1 \v 5 Aigupito taudia danu, \q1 be do idia lalohisihisi bada, \q1 Turo ia dika ena sivarai do idia kamonai neganai. \b \q1 \v 6 Turo motumotu taudia e, \q1 mai taitai danu Tarasisi dekenai do umui heau lao. \q1 \v 7 Turo hanua e, \q1 guna oi be oi moale bada herea, \q1 to hari be lasi! \q1 Idaunegai momokani oi idia haginia. \q1 Oi ese oiemu taunimanima momo oi siaidia, \q1 davara idia hanaia, \q1 noho gabu matamatadia idia haginia, ani? \q1 \v 8 Turo e, \q1 oi ese basileia momo oi haginia. \q1 Oiemu kohu hoia taudia, \q1 be lohia taudia momokani, \q1 bona oiemu hoihoi taudia, \q1 be mai edia ladadia tanobada ibounai dekenai. \q1 Daika ese inai dika oi dekenai ia palania vadaeni? \q1 \v 9 Siahu Ibounai Lohiabada ese ia palania vadaeni, \q1 Turo ena hekokoroku bona ena hairai do ia haorea totona, \q1 bona tanobada dekenai idia noho ladana bada taudia ibounai, \q1 do ia hamanaua totona. \b \q1 \v 10 Tarasisi hahine taudia e, \q1 emui tano do umui geia noho, \q1 Naila Sinavai dekenai idia karaia bamona, \q1 badina emui lagatoi kamokau gabu namona be ia boio vadaeni. \q1 \v 11 Lohiabada ese iena imana, \q1 be davara ena ataiai ia abia isi vadaeni, \q1 bona ia ese basileia ia hadikaia vadaeni. \q1 Ia ese oda ia gwauraia vadaeni, \q1 inai hanua, \q1 hoihoi taudia edia gabu aukadia, be do idia hadikaia ore. \q1 \v 12 Lohiabada ia gwau, \q1 “Sidono hanua e, oiemu moale be ia ore, \q1 bona oiemu taunimanima be idia hisihisi noho. \b \q1 “To bema Kupro dekenai idia heau neganai, \q1 unuseni danu, \q1 be maino do idia davaria lasi.” \q1 \v 13 Asuria taudia be lasi, \q1 to Babulonia taudia ese idia karaia. \q1 Idia ese Turo be uda boroma edia gabu idia halaoa. \q1 Idia ese Turo hanua idia koua hagegea, \q1 iena magu badinai be tano idia haboua, \q1 hanua ena kohoro badadia idia hamorua, \q1 bona Turo hanua idia hadikaia ore momokani. \b \q1 \v 14 Tarasisi ena lagatoi taudia ibounai e, do umui taitai, \q1 badina emui gabu aukana Turo be ia dika vadaeni. \b \p \v 15 Unai neganai, taunimanima ese lagani 70 lalonai Turo do idia laloaboio. Unai be king ena mauri lagani hegeregerena. Unai lagani 70 idia doko neganai, kara ta be Turo dekenai do ia vara, ariara hahine ena ane bamona: \b \q1 \v 16 Ariara hahine e, \q1 oi be idia ese idia laloaboio vadaeni. \q1 Oiemu gita do oi abia, \q1 hanua lalonai do oi raka loaloa, \q1 gita do oi gadaralaia namonamo. \q1 Ane momo do oi abia, \q1 vadaeni idia ese oi do idia laloa lou gwauraia. \b \p \v 17 Lagani 70 idia ore neganai, Lohiabada ese Turo do ia vadivadi henia. Vadaeni Turo ese iena hoihoi karadia ma do ia karaia lou, bona tanobada ena kopina latanai, basileia ibounai dekenai, iena kara gunadia do ia karaia lou. \v 18 To Turo taudia ese hoihoi dekena amo idia davaria moni, bona edia gaukara davana moni, be do idia hahelagaia, Lohiabada ena. Unai moni bona kohu do idia haboua lasi, to do idia henia, Lohiabada ena vairanai tomadiho gaukara idia karaia noho taudia, edia aniani bona dabua totona. \c 24 \s1 Lohiabada ese tanobada do ia panisia \q1 \v 1 Kamonai! Lohiabada ese tanobada do ia hadikaia, \q1 bona tano kaukau do ia halaoa. \q1 Ia ese tanobada ena kopina do ia mogea, \q1 bona tanobada noho taudia, \q1 do ia lulua lao gabu idauidau dekenai. \q1 \v 2 Hanua taudia dekenai do ia vara hegeregerena, \q1 be hahelagaia taudia dekenai danu do ia vara. \q1 Hesiai taudia dekenai do ia vara hegeregerena, \q1 be biaguna taudia dekenai danu do ia vara. \q1 Hesiai kekeni dekenai do ia vara hegeregerena, \q1 be iena biaguna hahine dekenai danu do ia vara. \q1 Kohu ia hoia tauna dekenai do ia vara hegeregerena, \q1 be davana ia abia tauna dekenai danu do ia vara. \q1 Heniatorehai tauna dekenai do ia vara hegeregerena, \q1 be abiatorehai tauna dekenai danu do ia vara. \q1 Kohu momo tauna dekenai do ia vara hegeregerena, \q1 be ogogami tauna dekenai danu do ia vara. \q1 \v 3 Tanobada be do ia dika momokani, \q1 gau namona ta do ia noho lasi, \q1 badina be Lohiabada ese, \q1 inai hereva ia gwauraia vadaeni. \b \q1 \v 4 Tanobada ena tau badadia do idia taitai. \q1 Tano ia kaukau dainai, \q1 taunimanima bona mauri gaudia, \q1 be do idia manoka lao noho. \q1 Guba ese medu do ia hadihoa lasi, \q1 bona tanobada do ia dika lao. \q1 \v 5 Tanobada noho taudia ese, \q1 tanobada idia hamiroa vadaeni, \q1 badina idia ese Dirava ena taravatu bona oda idia makohia, \q1 bona Dirava ena gwauhamata taravatuna, \q1 noho hanaihanai gauna, \q1 idia utua vadaeni. \q1 \v 6 Unai dainai Dirava ese tanobada ena latanai, \q1 iena hadikaia hereva ia atoa vadaeni, \q1 bona tanobada noho taudia, \q1 be edia kara dika dainai idia hisihisi noho. \q1 Do mauri noho taudia be tamona tamona sibona. \q1 \v 7 Uaina matamata be momo lasi, \q1 bona vain audia idia mase noho. \q1 Guna idia moale bada taudia be idia lalohisihisi noho. \q1 \v 8 Tareko ena regena be ia ore vadaeni. \q1 Moale taudia edia gadodia, \q1 bona edia gita moalena, \q1 be ta ese ia kamonai lou lasi. \q1 \v 9 Mai ane danu uaina idia inua lou lasi, \q1 bona inuinu kekero ena mamina be dika, \q1 inua taudia dekenai. \q1 \v 10 Hanua badana be ia dika vadaeni, \q1 bona ruma ibounai be idia koua bona lokaia, \q1 tau ta do ia raka vareai garina. \q1 \v 11 Ariara edia lalonai, \q1 taunimanima be uaina totona idia boiboi noho. \q1 Moale ibounai idia ore vadaeni. \q1 Tanobada ena moale ibounai ia boio vadaeni. \q1 \v 12 Hanua badana be ia dika vadaeni. \q1 Iena magu iduara be idia hamakohia maragimaragi vadaeni. \q1 \v 13 Inai bamona do ia vara, \q1 tanobada ena bese idauidau ibounai dekenai, \q1 tanobada be olive audia ibounai idia botaia ore negana bamona, \q1 bona vain audia dekena amo huahua ibounai idia haboua vadaeni, \q1 bona momoru idia gogoa noho bamona. \b \q1 \v 14 Do mauri noho taudia ese, \q1 mai moale danu ane do idia abia. \q1 Dina diho kahana taudia ese, \q1 Lohiabada ena hairai do idia hanamoa bada, \q1 \v 15 ma dina daekau kahana taudia danu, \q1 ese Lohiabada do idia hanamoa. \q1 Kone dekenai noho taudia danu ese, \q1 Lohiabada, Israela ena Dirava do idia hanamoa bada. \q1 \v 16 Tanobada ena daudau gabudia dekena amo, \q1 edia hanamoa ane do ita kamonai, \q1 do idia gwau, \q1 “Kara Maoromaoro Dirava ita hanamoa bada noho.” \b \q1 To lau gwau, egu dala ta be lasi! \q1 Egu tauanina be ia ore ia lao noho! \q1 Badina be kara dika taudia idia kara dika noho, \q1 bona koikoi dekenai taunimanima idia hadikaia taudia ese, \q1 unai koikoi idia karaia noho. \q1 \v 17 Tanobada noho taudia e, \q1 lau dekenai do umui kamonai. \q1 Gari bada herea, guri, bona tarapu be umui totona idia naria noho. \q1 \v 18 Gari gauna dekena amo ia heau tauna be guri lalonai do ia moru, \q1 bona guri dekena amo ia heau mauri tauna be tarapu ese do ia abia. \b \q1 Badina be guba ena iduara, \q1 be do idia kehoa, \q1 bona tanobada ena badina nadidia, \q1 be do idia mareremarere. \q1 \v 19 Tanobada be do ia makohia momokani. \q1 Tanobada be do ia makohia parara. \q1 Tanobada be do ia heudeheude bada momokani. \q1 \v 20 Tanobada be do ia marere kerere, \q1 kekero tauna bamona, \q1 bona palai ruma, \q1 lai bada ese ia doria auka neganai bamona. \q1 Tanobada be iena kara dika dainai ia metau herea. \q1 Unai dainai do ia moru, \q1 bona do ia toreisi lou lasi. \b \q1 \v 21 Unai dina dekenai Lohiabada ese, \q1 dika ena davana do ia henia, \q1 guba ena siahu taudia edia dika, \q1 bona tanobada ena king taudia edia dika danu. \q1 \v 22 Dirava ese unai taudia do ia haboua, \q1 abia mauri taudia guri lalonai bamona. \q1 Dibura ruma ena lalonai, \q1 ia ese idia do ia koua, \q1 bona unuseni do idia noho nega daudau. \q1 Unai murinai edia dika davana do ia henidia. \q1 \v 23 Hua be do ia dibura, \q1 dina danu be do ia diari lasi. \q1 Badina be Siahu Ibounai Lohiabada be do ia King. \q1 Ia ese Siona Ororo, \q1 bona Ierusalema dekenai do ia lohia, \q1 bona unai gabudia edia lohia taudia ese, \q1 Lohiabada ena hairaina do idia itaia. \c 25 \s1 Lohiabada hanamoa totona ane ta \q1 \v 1 Lohiabada e, oi be egu Dirava. \q1 Oi do lau matauraia, \q1 bona oiemu ladana do lau hanamoa, \q1 badina be oi ese hoa kara badadia oi karaia vadaeni. \q1 Gunaguna inai gau oi palania, \q1 bona mai maoromaoro bona momokani danu oi karadia vadaeni. \q1 \v 2 Oi ese hanua badadia oi hadikaia ore. \q1 Edia magu ibounai oi hamakohia ore. \q1 Unai idau bese taudia edia king edia ruma be idia boio vadaeni. \q1 Do idia haginidia lou lasi ela bona hanaihanai. \q1 \v 3 Unai dainai bese goadadia edia taudia ese oi do idia hanamoa, \q1 bona bese dagedagedia edia hanua taudia ese, \q1 oi totona do idia gari. \q1 \v 4 Badina oi be ogogami taudia edia hunia gabuna. \q1 Oi be gau lasi taudia edia durua dalana, \q1 idia hisihisi neganai. \q1 Oi ese lai guba dekena amo oi naridia noho, \q1 bona oi be edia keruma gabuna, \q1 dina ena siahu bada dekena amo. \q1 Badina be mai edia bogahisihisi lasi taudia edia badu be, \q1 lai guba ena dagedage bamona, \q1 \v 5 bona siahu bada, tano kaukau ena latanai bamona. \q1 To Lohiabada e, oi ese, \q1 ai idia hadikaia gwauraia taudia oi koua vadaeni. \q1 Oi ese dagedage taudia edia boiboi oi hadokoa noho, \q1 ori ese dina ena siahu ia hakerua noho bamona. \s1 Dirava ese aria badana do ia karaia \p \v 6 Iniseni, Siona Ororo ena latanai, Siahu Ibounai Lohiabada ese tanobada ena bese idauidau ibounai totona aria do ia karaia. Inai aria dekenai be aniani namodia momokani, bona uaina danu namo herea. \v 7 Inai ororo dekenai, Lohiabada ese, bese idauidau ibounai edia latanai ia noho laloa daradara, idia ia koua noho, dabua badana bamona gauna, do ia kokia, bona inai metau do ia haorea momokani. \p \v 8 Ia ese danu mase do ia haorea momokani ela bona hanaihanai. Siahu Ibounai Lohiabada danu ese tai ena ranu be taunimanima ibounai edia matadia dekena amo do ia dahua ore. Ia ese danu iena bese taudia edia hemarai, be tanobada ena kahana ibounai dekena amo do ia kokia, badina be Lohiabada be inai bamona ia hereva vadaeni. \p \v 9 Unai dina dekenai, taunimanima ibounai do idia gwau, “Momokani, inai be iseda Dirava. Ita ese ia ita abidadama henia, bona ia ese ita ia hamauria vadaeni. Inai be Lohiabada! Ita ese ita abidadama henia, bona hari ita moale bada noho, ia ese ita ia hamauria dainai.” \s1 Dirava ese Moaba do ia panisia \p \v 10 Dirava ese Siona Ororo taudia do ia gimaia, to Moaba taudia be ia ese do ia moia diho, rei kaukau be boromakau kukuri danu idia moia diho bamona. \v 11 Idia ese edia imadia do idia abia isi, nahu tauna ese iena imana ia abia isi bamona. To Dirava ese Moaba taudia edia hekokoroku do ia atoa diho, bona edia imadia mai edia aonega dika danu, do ia atoa diho. \v 12 Lohiabada ese Moaba ena magu aukadia, bona gabu aukadia danu do ia hadikaia ore. Idia be tano ena kahu dekenai do idia moru diho. \c 26 \s1 Dirava ese iena bese taudia dekenai kwalimu do ia henia \q1 \v 1 Unai dina dekenai, \q1 inai ane be Iuda tano dekenai do idia abia: \b \q1 Ita be mai iseda hanua aukana. \q1 Dirava sibona be iseda magu aukana. \q1 Ia ese ita ia hamauria vadaeni, \q1 bona kwalimu ita dekenai ia henia noho. \q1 \v 2 Hanua magu ena iduara do umui kehoa, \q1 vadaeni kara maoromaoro besena, \q1 Dirava idia abidadama bese taudia do idia raka vareai. \q1 \v 3 Tau ta, bema oi Lohiabada dekenai ia laloa noho nega ibounai, \q1 oi ese maino namo herea ia dekenai do oi henia, \q1 badina be ia ese oi dekenai ia abidadama henia noho. \q1 \v 4 Lohiabada do oi abidadama henia hanaihanai, \q1 badina Iehova, Lohiabada, \q1 be iseda noho hanaihanai nadi goadana momokani. \q1 \v 5 Lohiabada ese hekokoroku taudia ia hamorua noho, \q1 ia ese edia hanua goadana ia hadikaia ore noho. \q1 Unai hanua be tano ena kahu dekenai ia moru momokani. \q1 \v 6 Dagedage taudia idia hahisia taudia edia aedia ese, \q1 unai hanua idia moia diho noho, \q1 ogogami taudia edia aedia ese, \q1 bona mai edia gau lasi taudia danu edia aedia ese. \b \q1 \v 7 Lohiabada e, \q1 kara maoromaoro taudia edia dala do oi hamanadaia, \q1 vadaeni idia raka noho dalana be palaka momokani. \q1 \v 8 Lohiabada e, oiemu ura dalana dekenai ai raka noho, \q1 bona ai ese oi ai naria noho, \q1 oi ese ai do oi hamaoromaoroa totona. \q1 Badina aiemai ura momokani be, \q1 oiemu ladana be mataurai, bona hanamoa do ia abia. \q1 \v 9 Hanuaboi lalonai egu kudouna ese oi ia tahua noho. \q1 Egu laumana ese oi ia tahua noho momokani, \q1 badina bema oi ese tanobada taudia oi kota henia neganai, \q1 idia ese kota maoromaoro ena anina do idia diba. \q1 \v 10 Sedira kara dika taudia dekenai do oi bogahisihisi henia, \q1 to idia ese kara maoromaoro karaia dalana do idia diba lasi. \q1 Momokani inai tano be mai ena kara maoromaoro, \q1 to inai tano danu lalonai, \q1 taunimanima idia kara dika noho. \q1 Idia ese Lohiabada ena hairaina idia do itaia lasi. \q1 \v 11 Lohiabada e, \q1 oiemu imana oi abia isi noho, \q1 to idia itaia lasi, \q1 idia diba lasi davana do oi henia momokani. \q1 Oiemu lalokau be bada oiemu bese taudia dekenai. \q1 Bema unai dika taudia ese inai lalokau idia itaia neganai, \q1 idia be do idia hemarai. \q1 Oi abia hegaegae lahi dekena amo, \q1 oi idia dagedage henia taudia mani do oi gabudia ore. \b \q1 \v 12 Lohiabada e, \q1 oi ese ai durua totona maino oi henia noho, \q1 bona ai karaia namonamo gaudia ibounai, \q1 be oi ese oi havaraia noho. \q1 \v 13 Lohiabada e, aiemai Dirava, \q1 lohia idauidau ese ai idia biagua vadaeni, \q1 to oi sibona be ai ese ai tomadiho henia noho. \q1 \v 14 Unai lohia gunadia idia mase vadaeni, \q1 bona do idia mauri lou lasi. \q1 Edia laumadia be do idia toreisi lasi, \q1 badina oi ese idia oi panisia vadaeni, \q1 bona oi ese idia oi hadikaia ore vadaeni. \q1 Tau ta ese idia do ia laloatao lou lasi. \q1 \v 15 Lohiabada e, oi ese aiemai bese oi habadaia vadaeni. \q1 Oi ese aiemai tano kahana bona kahana oi habadaia vadaeni, \q1 bona inai kara dainai, \q1 taunimanima ese oiemu ladana idia hanamoa noho. \b \q1 \v 16 Lohiabada e, \q1 oi ese oiemu bese taudia oi matakani henidia, \q1 to edia lalohisihisi bada lalonai, \q1 oi dekenai idia guriguri. \q1 \v 17 Lohiabada e, unai neganai ai be rogorogo hahine, \q1 kahirakahira natuna ia havaraia bamona. \q1 Iena hisihisi dainai, \q1 iena tauanina ia giroagiroa, \q1 bona ia tai mai boiboi danu. \q1 Ai be unai bamona oiemu vairana dekenai. \q1 \v 18 Ai be ai rogorogo, ai ese mai hisihisi bada ai giroagiroa, \q1 to gau ta lasi ai havaraia, \q1 lai sibona. \q1 Tanobada dekenai tau ta ai hamauria lasi, \q1 bona ai idia hadikaia gwauraia bese idauidau taudia, \q1 be aiemai vairana dekenai, \q1 idia do siahu noho. \s1 Mase dekena amo toreisi lou \q1 \v 19 To aiemai mase taudia be do idia mauri lou, \q1 edia tauanidia be do idia toreisi lou. \q1 Guria gabudia dekenai idia mahuta noho taudia, \q1 be do idia noga, \q1 bona mai moale danu ane do idia abia. \q1 Badina be hanuaboi ena paripari ese, \q1 tano ia hagoadaia lou bamona, \q1 Lohiabada ese mase vadaeni taudia do ia hamauria lou. \s1 Kara dika ena davana, bona kara dika gwauatao \q1 \v 20 Egu bese taudia e, \q1 emui ruma dekenai do umui raka vareai, \q1 bona emui iduara do umui koua. \q1 Nega sisina lalonai do umui hunia, \q1 ia lao bona Dirava ena badu do ia ore. \q1 \v 21 Badina be, umui kamonai, \q1 Lohiabada be iena gabu dekena amo ia mai noho, \q1 tanobada taudia edia dika davana do ia henia totona. \q1 Tanobada dekenai, hunia dekenai taunimanima idia alaia taudia, \q1 edia kara be Dirava ese do ia hedinaraia, \q1 bona tano ese, alaia mase taudia do ia hunia lou lasi. \b \c 27 \p \v 1 Unai dina dekenai, Lohiabada ese iena tuari kaia aukana bona badana bona goadana dekena amo Leviatano, ia rau lao noho gaigai bamona huala, davara lalonai noho gauna, do ia alaia mase. \b \q1 \v 2 Unai dina dekenai, \q1 Lohiabada ese iena vain uma gabuna, \q1 be do ia herevalaia, do ia gwau, \q1 \v 3 “Lau Lohiabada ese egu vain uma lau naria noho, \q1 nega ibounai ranu lau henia noho. \q1 Hanuaboi lalonai, \q1 bona dina lalonai danu, \q1 uma lau gimaia noho, \q1 tau ta ese do ia hadikaia garina. \q1 \v 4 Vain uma dekenai lau badu noho lasi. \q1 Bema ava ginigini, \q1 bona au ginigini idia noho neganai, \q1 lau ese idia do lau tuari henia. \q1 Lau ese idia do lau utua, \q1 bona do lau gabua ore momokani. \q1 \v 5 To bema inai egu bese taudia idia tuari henia gwauraia taudia ese, \q1 egu naria bona egu bogahisihisi idia noia, \q1 unai neganai idia ese lau dekenai maino idia karaia diba.” \b \q1 \v 6 Vaira neganai, Israela taudia, \q1 Iakobo ena besena, \q1 be au hegeregerena ramu do idia abia. \q1 Idia be palauapalaua do idia atoa, \q1 bona edia herahera matamata do idia tubu hamatamaia, \q1 ma idia ese edia huahua dekena amo, \q1 tanobada ena kahana ibounai do idia hahonua. \q1 \v 7 Lohiabada ese Israela taudia ia panisia, \q1 ia ese Israela idia hadikaia gwauraia taudia, \q1 ia panisia hegeregerena, a? \q1 Lohiabada ese Israela taudia ia alaia mase, \q1 ia ese Israela idia hadikaia gwauraia taudia, \q1 ia alaia mase hegeregerena, a? \q1 Lasi momokani! \q1 \v 8 To Lohiabada ese iena bese taudia, \q1 be mai guia danu, \q1 idau bese taudia edia tano dekenai ia siaidia. \q1 Unai dala dekenai iena bese taudia ia matakani henidia. \q1 Lai goadana, \q1 laurabada gauna dekena amo, \q1 Lohiabada ese iena bese taudia ia luludia lao. \q1 \v 9 Inai Dirava ese ia henidia matakani dekena amo, \q1 Israela taudia ese edia kerere davana do idia karaia. \q1 To Israela taudia ese, \q1 edia lalona giroa anina korikori, \q1 be edena bamona do idia hamomokania? \q1 Idia ese edia kaivakuku boubou patadia ibounai, \q1 do idia hamakohia maragimaragi, \q1 bona idia ese hahine dirava Asera ena laulaudia, \q1 bona bonana namo muramura patadia ibounai do idia hadikaia ore. \q1 Unai neganai sibona, \q1 idia ese edia lalona giroa do idia hamomokania. \b \q1 \v 10 Israela ena hanua mai magu aukadia, \q1 tuari ese ia hadikaia gauna, \q1 be ia dika momokani, \q1 tau ta unuseni ia noho lasi. \q1 Ia be tano kaukau gabuna bamona. \q1 Boromakau sibona be unai hanua dekenai idia mai, \q1 idia laga-ani, \q1 bona au edia rigi rauraudia idia ania ore. \q1 \v 11 Au edia rigi idia kaukau, \q1 bona idia makohia, \q1 bona au rakuraku idia tahua hahine idia mai, \q1 unai rigi idia haboua noho. \q1 Badina inai taudia be mai edia laloa kehoa lasi, \q1 unai dainai idia ia karaia Dirava ese, \q1 idia do ia bogahisihisi henia lasi, \q1 bona ia ese idia dekenai do ia laloa namo lasi. \b \p \v 12 To dina ta do ia mai, Euperate Sinavai ia lao bona Aigupito ena tano hetoana dekenai, Lohiabada ese iena bese taudia ta ta do ia haboua, tau ta ese uiti ia kwadia, bona uiti anina, be uiti momoru dekena amo do ia abia bamona. \p \v 13 Unai dina ia ginidae neganai, kibi badana ta do idia hiriria. Bona unai neganai, Asuria tano dekenai idia boio Israela taudia, bona Aigupito tano dekenai idia luludia lao Israela taudia, be Ierusalema dekenai do idia mai lou, Lohiabada do idia tomadiho henia, Ierusalema ena ororo helagana dekenai. \c 28 \s1 Isaia ese mirigini kahana ia noho basileia, Israela, ia sisiba henia \p \v 1 Israela basileia be do ia dika momokani! Israela ena gunalaia taudia idia kekero momo dainai, edia kwarana dekenai idia noho herahera, be idia dika lao noho. Israela ena hairai danu be unai bamona ia dika lao noho. Io, unai gunalaia taudia edia kwarana be mai bonana namo muramura, bona idia be mai hekokoroku danu, to idia hekure, mase bamona, idia kekero momokani dainai. \v 2 Kamonai! Lohiabada dekenai goada bona siahu tauna ta ia noho, ia ese Israela do ia tuari henia. Ia be do ia mai haraga, medu, aisi nadidia bamona, medu bada, mai abata bada danu bamona, bona Israela tano do ia halusia momokani. \p \v 3 Unai kekero gunalaia taudia mai edia hekokoroku, be tuari taudia ese edia aena dekenai do idia moia diho. \p \v 4 Unai gunalaia taudia edia hairai, ia dika lao noho gauna, be do ia ore haraga, fig huahua matamata, idia mage guna gaudia, idia ania haraga bamona. \p \v 5 To dina ta do ia mai, Siahu Ibounai Lohiabada be kwara herahera gauna mai hairaina bada danu do ia lao. Oibe, iena bese taudia, iena matakani dekenai idia mase lasi taudia edia vairanai, Lohiabada be do ia hairai herea momokani. \v 6 Lohiabada ese kota biaguna taudia dekenai laloa maoromaoro bona laloa momokani do ia henia. Bona ia ese tuari taudia do ia hagoadaia, idia ese hanua badana ena magu iduara do idia gimaia, mai boga auka danu. \s1 Isaia ese Iuda ena kekero peroveta taudia ia gwau henia \p \v 7 Peroveta taudia bona hahelagaia taudia danu be muramura idia inua dainai idia kekero, bona idia raka namonamo diba lasi. Idia be uaina bona bia momo idia inua dainai, idia moru kava bona idia laloa daradara. Peroveta taudia be idia kekero dainai, Dirava ese idia dekenai ia siaia mata hanai edia anina idia diba lasi. Bona hahelagaia taudia be kekero dainai, taunimanima edia hepapahuahu idia hamaoromaoroa diba lasi. \v 8 Edia aniani patadia ibounai be mumuta dekenai idia dika, bona mumuta dainai, goeva gabuna ta ia noho lasi. \p \v 9 Idia ese lau idia maumauraia, idia gwau, “Isaia ese daika ia hadibaia gwauraia? Daika ese iena hadibaia hereva ia ura henia? Iena hadibaia hereva be memero maragidia sibona totona, varani sibona rata idia negea maragidia totona! \v 10 Isaia ese sisina, sisina, dekena amo ita ia hadibaia. Ia be iniseni gau maragina ta, unuseni gau maragina ta, ia hadibaia noho, ela bona ita hesiku momokani.” \p \v 11 Vadaeni, bema lau Isaia dekenai do umui kamonai lasi neganai, Dirava ese idau gado idia hereva taudia do ia siaia, bona idia dekena amo, umui do ia hadibaia. \p \v 12 Lohiabada ese laga-ani bona mauri namona umui dekenai ia henia gwauraia, to umui ese ia dekenai umui kamonai lasi. \p \v 13 Unai dainai Lohiabada ena hereva umui dekenai be sisina sisina dekena amo, hadibaia hereva maragidia dekena amo, iniseni gau maragina ta, unuseni gau maragina ta. Bona unai neganai, umui raka gwauraia neganai, do umui moru kava, moru kava. Bero do umui davaria, tarapu lalonai do umui moru, bona tuari taudia ese umui do idia dogoatao, umui do idia guia. \s1 Dirava ese Siona dekenai ruma ena kona nadina do ia atoa \p \v 14 Vadaeni, umui hekokoroku taudia, Ierusalema dekenai Iuda besena umui gunalaia taudia e, Lohiabada ena hereva do umui kamonai: \v 15 Mai hekokoroku danu umui hereva, umui gwau, “Ai be mase danu ai gwauhamata vadaeni, bona mase gabuna danu ai laloa tamona vadaeni.” Umui gwau nega dika ia ginidae neganai do umui mase lasi, badina be umui ese koikoi bona kara maoromaoro lasi umui abidadama henia, idia ese umui do idia hamauria momokani, umui gwau. \p \v 16 Unai dainai Lohiabada, Dirava Momokani ia hereva, ia gwau: \p “Lau ese Siona dekenai ruma ena badina nadi goadana ta do lau atoa. Do ia abidadama henia tauna, be do ia laloa daradara lasi. \v 17 Lau ese kota maoromaoro do lau havaraia, ia be ruma ena badina tohoa varona bamona do ia lao. Bona kara maoromaoro do lau havaraia, ia be ruma ena du do idia gini maoromaoro ena levolo bamona do ia lao. \p “Medu, aisi nadidia bamona ese umui emui hereva koikoi, umui abidadama henia gauna, do ia hadikaia ore. Bona abata bada ese emui goada kava do ia haorea momokani. \b \q1 \v 18 “Vadaeni mase danu umui karaia gwauhamata be do ia ore, \q1 bona mase gabuna danu umui karaia laloa tamona be do ia gini lasi. \q1 Bona nega dika be abata bamona do ia diho mai neganai, \q1 ia ese umui do ia moia diho, \q1 bona umui do ia hadikaia momokani. \q1 \v 19 Inai dika ese, \q1 umui do ia botaia lou, botaia lou, \q1 badina be daba ta ta ibounai, \q1 inai dika do ia vara, abata bamona. \q1 Dina lalonai bona hanuaboi lalonai danu do ia vara.” \b \q1 Inai Dirava ena sisiba hereva ese, \q1 gari bada do ia havaraia umui dekenai. \q1 \v 20 Umui be tau ta bamona, \q1 iena mahuta patana be kwadogi herea, \q1 bona ia hekure maoromaoro diba lasi. \q1 Bona iena bilankesi ena lababana be hegeregere lasi dainai, \q1 sibona ia koua namonamo diba lasi. \q1 \v 21 Badina be Lohiabada ese, \q1 do ia toreisi, bona do ia tuari, \q1 Perasimi Ororo dekenai ia tuari hegeregerena. \q1 Bona do ia badu, \q1 Gibeona Koura dekenai ia badu hegeregerena. \q1 Inai bamona do ia karaia, \q1 iena gaukara karaia totona, \q1 iena gaukara be idau. \q1 Momokani inai bamona do ia karaia, \q1 iena gaukara karaia totona, \q1 iena gaukara be idau. \q1 \v 22 Unai dainai egu sisiba hereva, \q1 be do umui kirikirilaia lasi, \q1 Dirava ese emui matakani do ia habadaia garina, \q1 badina be lau ese, \q1 Siahu Ibounai Lohiabada ena hereva lau kamonai vadaeni. \q1 Ia gwau ia ese emui tano ibounai do ia hadikaia ore. \s1 Dirava ena aonega \q1 \v 23 Emui taiadia do umui kehoa, \q1 egu hereva do umui kamonai. \q1 \v 24 Biru tauna ese tano do ia geia lou, \q1 geia lou nega ibounai, a? \q1 Ia ese tano ia hamakohia, \q1 bona geia noho nega ibounai, a? \q1 \v 25 Lasi, to ia ese tano ena kopina ia hamanadaia neganai, \q1 ia ese aniani ava gaudia ia hadoa noho, \q1 bona edia laini ta ta dekenai, \q1 ia ese uiti bona bali uhedia ia hadoa noho, \q1 bona uma ena isedia dekenai, \q1 aniani uhedia haida danu ia hadoa noho. \q1 \v 26 Iena gaukara karaia dalana ia diba namonamo, \q1 badina iena Dirava ese ia hadibaia noho. \b \q1 \v 27 Unai tau ese aniani avadia, \q1 be uiti kwadia auna dekena amo ia kwadia noho lasi, \q1 bona treila ena uili be edia latanai ia keia hanaia lasi, \q1 to au maragina dekena amo idia ia kwadia noho. \q1 Au severasevera dekena amo, \q1 ia ese unai aniani avadia ia kwadia noho. \q1 \v 28 Paraoa karaia totona, \q1 uiti idia moia diho noho. \q1 Unai dainai unai tau ese, \q1 uiti ia kwadia lou noho, \q1 kwadia lou noho lasi. \q1 Momokani ia ese iena treila ena uili, \q1 be uiti ena latanai ia veria hanaia, \q1 to iena hosi ese uiti idia moia lasi. \q1 \v 29 Inai aonega ibounai, \q1 be Siahu Ibounai Lohiabada dekena amo ia mai noho. \q1 Dirava ese ia karaia palani ibounai be mai aonega danu, \q1 bona iena palani be nega ibounai, \q1 edia anina idia vara namo herea. \c 29 \s1 Ierusalema ese dika do ia davaria \q1 \v 1 Ariele e, Ariele e, \q1 Davida ese iniseni ia kamepa hanua e, \q1 oi be do oi dika. \q1 Badina lagani ta o rua sibona do idia ore, \q1 bona edia aria ta ta be edia nega ta ta do idia karaia. \q1 \v 2 Unai murinai lau Dirava ese, \q1 Ariele do lau hadikaia momokani. \q1 Io, Ierusalema taudia do idia lalohisihisi bada, \q1 do idia taitai bada, mai boiboi danu. \q1 Hanua be do ia boubou patana, \q1 rara dekenai ia koua momokani gauna bamona, \q1 do idia halaoa egu vairana dekenai. \q1 \v 3 Lau Dirava ese Ierusalema do lau tuari henia. \q1 Hanua ena magu do lau koua hagegea, \q1 bona magu dekenai tano do lau haboua bada, \q1 hanua do lau hadikaia totona. \q1 \v 4 Mase laulauna bamona, \q1 Ierusalema be tano henunai do ia diho lao, \q1 bona iena gadona be, \q1 tano kahu dekena amo do ia hereva, \q1 mase laulau ena gadona bamona. \q1 Kahu dekena amo Ierusalema do ia hereva maragimaragi. \b \q1 \v 5 To Ierusalema e, idau bese taudia, \q1 oi idia tuari henia taudia ibounai be kahu bamona do idia lao, \q1 bona lai ese do ia doridia lao ore. \q1 Idia be momo herea bona dagedage danu, \q1 to uiti momoru be lai ese ia doria ore bamona, \q1 idia ibounai do idia boio ore. \q1 \v 6 Nega tamona lau, \q1 Siahu Ibounai Lohiabada ese, \q1 oi do lau hamauria. \q1 Mai guba boiboi bona tano mareremarere, \q1 bona regena bada danu do lau mai. \q1 Mai lai guba, bona lahi siahu badadia danu do lau mai. \q1 \v 7 Unai neganai, \q1 Ariele idia tuari henia noho bese momo ibounai, \q1 mai edia tuari gaudia, \q1 bona edia tuari kohu ibounai danu, \q1 be nihi bamona, \q1 o mata hanai bamona do idia boio ore. \q1 \v 8 Io, Siona Ororo idia tuari henia bese momo taudia, \q1 be hitolo tauna bamona do idia lao. \q1 Unai tau be ia nihi, \q1 bona iena nihi lalonai ia aniani noho, \q1 to ia noga neganai, \q1 madi ia hitolo noho. \q1 O idia be ranu mase tauna bamona. \q1 Ia nihi, bona nihi lalonai ranu ia inua noho, \q1 to ia noga neganai, \q1 madi ia ranu mase noho. \s1 Israela taudia ese sisiba idia kamonai lasi \q1 \v 9 Umui sibona do umui kavakava, \q1 bona do umui hoa kava! \q1 Do umui matakepulu, \q1 bona do umui itaia lasi. \q1 Do umui kekero, \q1 to uaina dekena amo lasi. \q1 Do umui raka moru, raka moru, \q1 to bia dekena amo lasi. \q1 \v 10 Badina be Lohiabada ese, \q1 mahuta mase ena lauma be emui latanai ia atoa vadaeni. \q1 Ia ese peroveta taudia edia matadia ia hakepulua, \q1 bona mata hanai taudia edia laloa ia koua vadaeni. \b \p \v 11 Inai mata hanai ibounai ena anina be umui dekena amo ia hunia vadaeni. Ia be ia koua vadaeni buka ena hereva bamona umui dekenai. Unai dainai bema duahia ia diba tauna ta dekenai inai buka umui henia, umui gwau, “Inai buka do oi duahia” neganai, ia be do ia gwau, “Lau duahia diba lasi, badina ia be koua momokani.” \v 12 Bona bema duahia diba lasi tauna dekenai umui henia, umui gwau, “Inai buka do oi duahia” neganai, ia be do ia gwau, “Duahia dalana lau diba lasi.” \p \v 13 Vadaeni Lohiabada ia gwau: \b \q1 “Inai bese taudia be mai edia uduna hereva dekenai, \q1 lau dekenai idia raka kahirakahira noho, \q1 bona edia bibinadia sibona dekena amo, \q1 lau idia hanamoa noho, \q1 to edia lalodia be lau dekena amo idia daudau. \q1 Edia tomadiho lau dekenai, \q1 be tomadiho momokani lasi. \q1 Ia be taunimanima edia hadibaia hereva, \q1 bona taunimanima idia atoa taravatu sibona. \q1 \v 14 Unai dainai lau ese, \q1 hoa karadia badadia, ma do lau karaia lou inai bese dekenai, \q1 hoa karadia, hoa bada karadia. \q1 Vadaeni edia aonega taudia edia aonega be do ia ore momokani, \q1 bona edia laloa kehoa taudia edia laloa kehoa, \q1 be do ia boio.” \q1 \v 15 Tau haida ese palani be, \q1 Lohiabada dekena amo idia hunia gwauraia. \q1 Idia ese dika do idia davaria! \q1 Edia kara dika be dibura lalonai idia karaia noho, \q1 idia gwau, \q1 “Daika ese ita ia itaia?” bona, \q1 “Daika ese iseda kara ia diba?” \q1 \v 16 Inai bamona taudia ese, \q1 gau ibounai idia giroa bubua noho! \q1 Edena be bada, \q1 uro karaia tauna, o raro? \q1 Ia karaia gauna ese, \q1 karaia tauna do ia hereva henia, do ia gwau, \q1 “Oi ese lau oi karaia lasi,” a? \q1 Uro ta ese uro karaia tauna do ia hereva henia, \q1 do ia gwau, \q1 “Oi be gau ta oi diba lasi,” a? \s1 Israela hamauria negana \q1 \v 17 Nega sisina sibona ia ore neganai, \q1 inai senisi be do ia vara: \q1 Lebanona be uma mai ena anina do idia halaoa, \q1 bona unai uma mai anina, \q1 be uda namo herea do ia lao lou. \q1 \v 18 Unai dina ia ginidae neganai, \q1 taia kudima taudia ese, \q1 buka ena hereva do idia kamonai, \q1 bona matakepulu taudia, \q1 dibura lalonai noho taudia, \q1 be gau do idia itaia diba. \q1 \v 19 Hekokoroku lasi taudia, manau taudia, \q1 ese moale matamata Lohiabada dekena amo do idia abia, \q1 bona ogogami taudia ese, \q1 Israela ena Helaga Dirava dekenai do idia moale bada, \q1 \v 20 badina mai edia bogahisihisi lasi taudia be do idia boio ore, \q1 bona hekokoroku taudia be do idia doko, \q1 bona kara dika karaia dalana idia tahua noho taudia, \q1 idia ibounai be do idia alaia mase. \q1 \v 21 Idia ese tau ta ena hereva tamona dainai, \q1 unai tau idia gwauraia kerere noho, \q1 bona idia ese kerere taudia edia kerere davana, \q1 dekena amo idia ruhaia kava noho. \q1 Bona idia ese kota lalonai, \q1 hereva koikoi dekena amo, \q1 kerere lasi taudia idia hadikaia noho. \b \q1 \v 22 Unai dainai Lohiabada, \q1 Israela ena Dirava, \q1 Aberahamo ia hamauria Diravana ia gwau, \q1 “Egu bese taudia e, \q1 umui be do umui hemarai lou lasi. \q1 Emui vairadia be gari dekenai do idia labora lao lou lasi, \q1 \v 23 badina be natudia umui dekenai do lau henia, \q1 bona unai natudia do umui itaia neganai, \q1 umui ese egu ladana do umui hahelagaia. \q1 Israela ena Dirava do umui hahelagaia. \q1 Umui ese lau do umui matauraia, \q1 bona lau dekenai do umui gari. \q1 \v 24 Unai neganai edia lalodia idia kerere taudia ese, \q1 edia lalodia do idia kehoa, \q1 bona maumau taudia ese, \q1 hadibaia hereva do idia kamonai henia mai moale danu.” \c 30 \s1 Aigupito ena durua be anina lasi \p \v 1 Lohiabada ese inai bamona ia hereva, ia gwau, “Iuda tano idia gunalaia taudia be dika do idia davaria, badina be lau dekenai idia dagedage noho. Idia edia palani dalana sibona idia karaia, lauegu palani dalana lasi. Bona gwauhamata idia saini, to unai gwauhamata be lauegu ura lasi gaudia. Ma kara dika idauidau momo idia haboua noho, dika be dika latanai idia atoa kau noho. \p \v 2 “Idia be durua abia totona Aigupito dekenai idia noinoi lao, to lau dekenai idia nanadaia guna lasi. Idia ura Aigupito ese idia do ia naria, bona idia ese Aigupito ena king idia abidadama henia. \v 3 To unai king be ia goada lasi do ia durudia, bona Aigupito ena durua ese Iuda taudia do ia hadikaia. \v 4 Momokani Iuda taudia edia lohia taudia be Aigupito ena hanua Soana dekenai idia lao. Bona edia gavamani edia ladana dainai idia hereva taudia be Aigupito ena hanua, Heinisi dekenai idia ginidae vadaeni. \v 5 Iuda taudia ese Aigupito, unai koikoi besena idia abidadama henia dainai, mamina do idia abia momokani. Badina be Aigupito edia durua be anina lasi momokani, bona Iuda taudia ese lalohisihisi bona hemarai sibona do idia davaria.” \p \v 6 Inai be Dirava ena hereva, ia ese taunimanima idia noho lasi tanona, ladana Negebe ena dagedage gaudia ia herevalaia, ia gwau: “Iuda ena gavamani lohia taudia be tano dikana idia raka hanaia noho, unuseni be laiona, bona gaigai dikadia, bona huala, idia roho diba gaudia idia noho. Unai lohia taudia ese edia doniki bona kamelo edia doruna dekenai harihari gaudia idia atoa, Aigupito totona. To unai Aigupito taudia ese durua idia henia diba lasi. \v 7 Aigupito ia henia durua be durua kava. Unai dainai Aigupito ena ladana lau atoa, ‘Rahaba, ia helai kava noho.’ ” \s1 Dirava idia kamonai henia lasi besena \p \v 8 Dirava ese lau ia hamaoroa, taunimanima edia kara be buka dekenai do lau torea. Unai dekena amo nega gabeai, edia kara dika ena sivarai, be do ia noho ela bona hanaihanai. \v 9 Idia be nega ibounai Dirava dekenai idia dagedage, idia koikoi, bona Lohiabada ena hadibaia hereva idia kamonai henia lasi momokani. \p \v 10 Idia ese peroveta taudia idia hamaoroa, idia gwau, “Umui emui hereva do umui hadokoa.” Ma idia gwau, “Kara maoromaoro dalana be ai dekenai do umui hadibaia lasi. Ai ura henia gaudia sibona do umui gwauraia. Moale gaudia sibona do umui peroveta. \v 11 Aiemai dala do umui koua lasi, ai dekena amo do umui siri. Ai ura lasi Israela ena Dirava Helagana ena hereva do ai kamonai.” \p \v 12 To Israela ena Dirava Helagana be inai bamona ia hereva, ia gwau: “Umui ese lauegu hereva umui kamonai lasi, ma dagedage bona koikoi karadia umui abidadama henia. \v 13 Umui be kerere vadaeni. Umui be magu lata herea, mai ena matuna, manoka gabuna bamona. Vadaeni inai matuna be do ia manoka lao, ela bona karaharaga magu ibounai do ia moru diho. \v 14 Umui be uro ia makohia bamona do umui makohia maragimaragi. Unai uro ia makohia neganai, iena makohia gaudia ta edia bada be hegeregere lasi gida ta do ia udaia, o ranu do ia dogoatao.” \p \v 15 Ma Lohiabada, King, Israela ena Dirava Helagana ia hereva, ia gwau, “Umui emui lalona do umui giroa, bona mai manau danu lau dekenai do umui abidadama. Unai neganai goada do umui davaria, bona mauri namona do umui davaria. To umui ese lauegu hereva umui abia dae lasi, umui gwau, ‘Lasi, \v 16 ai be hosi dekenai do ai heau mauri.’ Momokani umui be do umui heau, to emui hosi be do idia hegeregere lasi, badina edia haraga be sisina, to umui idia lulua taudia be haragaharaga momokani! \v 17 Umui emui taudia 1000 ese tuari tauna ta do idia itaia neganai, do idia heau, bona tuari taudia 5 umui itaia neganai, gari dainai do umui heau boio. Bona emui tuari taudia ibounai do idia heau dainai, pepe tamona sibona be ororo ena ataiai dekenai do ia noho.” \p \v 18 To momokani, Lohiabada ese umui ia rakatania lasi, umui totona ia naria noho, umui dekenai do ia bogahisihisi totona. Inai bamona ia karaia, badina iena kara be maoromaoro nega ibounai. Momokani, Lohiabada dekenai idia abidadama henia taudia ese namo do idia davaria! \s1 Dirava ese iena bese taudia do ia hanamoa \p \v 19 Siona taudia, Ierusalema dekenai umui noho taudia e! Do umui taitai lou lasi. Lohiabada be mai ena bogahisihisi. Unai dainai umui ese durua totona ia dekenai umui taitai neganai ia ese do ia kamonai, bona umui dekenai do ia haere. \v 20 Momokani, nega aukadia, mai hekwarahi danu Lohiabada ese umui dekenai do ia henia. To ia be umui dekenai do ia noho, umui do ia hadibaia, bona ia ese sibona umui dekena amo do ia hunia lasi. Badina be emui matadia dekenai, emui Hadibaia Tauna do umui itaia. \v 21 Bona bema idiba kahanai o lauri kahanai do umui raka siri neganai, emui Hadibaia Tauna ena gadona do umui kamonai, do ia gwau, “Dala be inai, ia dekenai do umui raka lao.” \v 22 Unai neganai danu, umui ese emui kaivakuku, idia koroa, bona siliva dekena amo idia koua gaudia, bona idia havevea golo dekena amo idia karaia kaivakuku danu do umui negea, momoru mirona umui negea bamona. Idia do umui hamaoroa, do umui gwau, “Umui siri momokani!” \p \v 23 Bona emui uhe umui hadoa neganai, Lohiabada ese medu namona do ia siaia, do idia tubu, bona emui uiti bona tano anidia be do idia momo, bona namo. Unai dina dekenai danu, emui boromakau bona mamoe danu be mai edia rei gabudia badadia, do idia aniani totona. \v 24 Emui boromakau tau bona emui doniki, tano idia hamakohia gaudia, ese uiti aniani namona momokani do idia ania, uiti momoru lasi. \p \v 25 Unai dina dekenai, umui idia tuari henia taudia momo herea, be Lohiabada ese do ia aladia mase, bona kohoro do idia moru dinana dekenai, ororo badadia bona ororo maragidia ibounai edia dorina dekena amo, sinavai maragidia do idia heau diho. \v 26 Unai neganai danu, hua ena diari be dina ena diari hegeregerena do ia lao, bona dina ena diari be nega 7 dekenai Dirava ese do ia habadaia, dina 7 ena diari hegeregerena. Inai bamona do ia vara, be Lohiabada ese iena bese taudia dekenai ia henia berodia do ia kumia, bona idia do ia hanamoa neganai. \s1 Dirava ese Asuria do ia panisia \q1 \v 27 Umui itaia, \q1 Lohiabada ena Ladana be daudau dekena amo ia mai noho. \q1 Lahi bona kwalahu bada ese, \q1 Lohiabada ena badu idia hedinaraia noho. \q1 Lohiabada ena uduna ena hereva ese, \q1 lahi bamona gau ibounai idia gabua ore diba. \q1 \v 28 Lohiabada ena lai, \q1 be iena vairana dekenai ia siaia lao, \q1 sinavai ena abata bamona. \q1 Inai abata be taunimanima edia aiodia dekenai ia daekau lao. \q1 Lohiabada ese, \q1 bese idauidau be do ia hamarerea dikadika, \q1 do ia hadikadia maragimaragi totona. \q1 Bona basileia idauidau taudia edia ududia dekenai, \q1 hosi hakaua varona, \q1 hakaudia kerere gauna, \q1 be Lohiabada ese do ia kwatua kau. \p \v 29 To umui, Dirava ena bese taudia, be do umui moale. Ane do umui abia, aria helagana, hanuaboi lalonai karaia gauna neganai ane umui abia bamona. Do umui moale, mai ivilikou ena regena danu, Lohiabada, Israela ena Nadi Badana, ena Dubu Helaga dekenai idia daekau lao neganai bamona. \p \v 30 Lohiabada ese mai regena bada danu do ia boiboi, taunimanima ese iena gadona namo bada herea do idia kamonaia diba totona, bona iena badu ena mamina do idia abia totona. Unai neganai danu, lahi hururuhururu bona medu dikana, aisi nadi bamona meduna, bona lai guba do idia vara. \p \v 31 Asuria taudia ese Lohiabada ena gadona idia kamonai, bona iena botaia auna ena mamina idia abia neganai, do idia gari dikadika. \v 32 Lohiabada ese Asuria taudia do ia botaia lou, botaia lou neganai, Israela taudia ese tareko bona gita ena miusiki do idia gadaralaia noho, badina Dirava sibona ese, Asuria taudia do ia tuari henia. \v 33 Badina be idaunegai, lahi gabuna idia abia hegaegae, unuseni Asuria ena king do idia gabua ore totona. Inai lahi gabu be dobu bona ena lababa be bada, bona au rakuraku momo dekenai idia hahonua vadaeni. Lohiabada ese unai gabu dekenai do ia laga, lahi hururuhururu do ia siaia, bona do ia gabua ore. \c 31 \s1 Dirava ese Ierusalema do ia naria, Aigupito be lasi \p \v 1 Durua idia abia totona Aigupito dekenai idia noinoi henia taudia ese dika do idia davaria momokani! Idia ese Aigupito ena tuari goadana idia abidadama henia noho. Aigupito ena hosi, ena kariota, bona ena tuari taudia be momo dainai idia abidadama henidia. To idia ese Lohiabada, Israela ena Dirava Helagana, idia abidadama henia lasi, bona idia ese Lohiabada ena durua idia noia lasi. \v 2 Momokani Lohiabada be mai ena aonega, bona nega ibounai ena kara be mai anina! Nega dika do ia siaia, kara dika taudia, bona kara dika idia durua taudia edia dika davana do ia henia totona. \p \v 3 To Aigupito taudia be taunimanima sibona, idia be Dirava lasi. Edia hosi be hidio sibona. Bona Lohiabada ese kara ta ia karaia neganai, bese goadana, bona unai bese ia durua bese manokana, ruaosi be do idia moru. Idia ruaosi do idia dika hebou. \p \v 4 Lohiabada ese lau dekenai ia hereva, ia gwau, “Bema laiona ese mamoe ta ia dogoatao, bona ia ese mamoe ia ania hamatamaia neganai, mamoe naria taudia be do idia boiboi badabada, laiona do idia hagaria, bona do ia heau totona. To ia be do ia gari lasi, do ia heau lasi. Inai bamona danu lau, Siahu Ibounai Lohiabada ese Siona Ororona lau naria neganai gau ta ese lauegu kara ia koua diba lasi. \v 5 Manu ese iena ruma ena ataiai dekena amo ia roho noho, roho noho, iena natuna ia naridia totona. Inai bamona danu lau ese Ierusalema do lau naria noho, bona do lau hamauria.” \p \v 6 Lohiabada ma ia gwau, “Israela taudia e, umui ese lau dekenai umui kara dika, bona lau dekenai umui dagedage vadaeni. To harihari lau dekenai do umui giroa mai! \v 7 Badina nega be ia mai noho, umui ibounai ese siliva bona golo dekenai umui karaia kaivakuku gaudia do umui negea ore. \p \v 8 “Asuria taudia be tuari ese do ia hadikaia ore, to taunimanima edia tuari dekena amo lasi. Asuria taudia be tuari dekena amo do idia heau, bona edia uhau taudia be hesiai mai guia danu do idia lao. \p \v 9 “Asuria ena king be gari dainai do ia heau, bona iena tuari biagudia danu be gari bada dainai edia tuari pepe gaudia do idia rakatania.” \p Lohiabada ese inai bamona ia hereva vadaeni, Siona dekenai iena lahi be boubou totona idia gabua, ena Lohiabada be unai. Iena amu danu be Ierusalema dekenai ia noho. \c 32 \s1 King ta, mai ena kara maoromaoro momokani \p \v 1 Kamonai! Dina ta be king ta ese kara maoromaoro momokani dekena amo iena taunimanima do ia gunalaia. Lohia taudia danu ese taunimanima do idia kota henia mai maoromaoro danu. \p \v 2 Idia ta ta ibounai be lai koua gabuna hegeregere do idia lao. Idia be guba bada ia toa neganai hunia gabudia namodia hegeregere. Idia be tano kaukau gabudia lalonai sinavai maragidia hegeregere. Idia be nadi badana ena ikerukeru bamona, tano kaukau dekenai. \v 3 Unai neganai idia itaia diba taudia be edia matana do idia koua lasi, bona idia kamonai diba taudia ese do idia kamonai. \p \v 4 Unai neganai ia haragaharaga kava tauna ese laloa namona bona diba maorona do ia davaria. Bona hereva namonamo diba lasi tauna be do ia hereva namonamo diba. \p \v 5 Kavakava tauna be lohia tauna do idia gwauraia lou lasi, bona kara koikoi tauna be kara momokani tauna do idia gwauraia lou lasi. \v 6 Kavakava tauna be ia hereva kava, hereva kava noho, bona kara dika karaia totona ia laloa momo noho. Dirava kamonai henia lasi karadia ia karaia noho, bona ia ese Lohiabada ia herevalaia kerere noho. Ia ese hitolo taudia dekenai aniani ia henia lasi. Bona ranu mase taudia dekenai ranu ia henia lasi. \p \v 7 Kara koikoi tauna ena kara be dika momokani. Ia ese koikoi hereva dekena amo, ogogami taudia ia hadikaia laloa ia karaia noho. Ogogami taudia be kara maoromaoro neganai danu, ia ese idia ia hadikaia noho. \p \v 8 To kara maoromaoro tauna ese mai laloa maoromaoro danu, palani namodia ia karaia noho. Bona iena kara namodia dainai, ia gini goada noho. \s1 Edia kerere davana be Lohiabada ese ia henia, bona edia lalona idia giroa neganai, ia ese mauri ia henidia lou \p \v 9 Umui helai kava, mai hekwarahi sisina lasi Ierusalema hahine taudia e, umui toreisi, bona lau dekenai do umui kamonai. Mai emui laloa momo lasi hahine matamata taudia e, lauegu hereva do umui kamonai! \v 10 Harihari umui noho, mai emui hekwarahi ta lasi, to lagani ta do ia ore neganai, mai heudeheude do umui gari bada! Badina be vain ese edia huahua do idia atoa lasi. Vain huahua do umui haboua lasi. \v 11 Umui emui noho be namo dainai, haida umui durua lasi hahine taudia e, mai gari danu do umui heudeheude! Emui dabua do umui kokia, bona momoru dabuadia do umui atoa. \v 12 Mai lalohisihisi danu, emui ratana do umui botaia, tano namodia bona vain umadia idia dika vadaeni dainai. \v 13 Bona lauegu bese taudia edia tano dekenai be au ginigini bona ava ginigini sibona idia tubu noho. Oibe, guna be edia ruma ibounai lalonai, hanua taudia be mai edia moale, edia hanua danu be moale bada gabuna, to hari be lasi. Idia dainai madi do umui taitai. \p \v 14 King ena rumai danu, be taunimanima do idia noho lasi, bona hanua badana dekena amo, taunimanima ibounai do idia raka siri momokani. Ruma ibounai, bona idia naridia kohoro be do idia dika momokani, ela bona hanaihanai. Uda doniki bona mamoe be unuseni edia aniani do idia tahua. \p \v 15 To Dirava ese iena Lauma ita dekenai ma do ia siaia lou. Unai tano dikana be ma do ia namo lou, bona ena uma ese aniani ma do idia havaraia. \v 16 Unai gabu ena kahana ibounai lalonai, kara maoromaoro bona kota maoromaoro do idia karaia. \v 17 Taunimanima ibounai ese kara maoromaoro sibona idia karaia dainai, idia ese, mai maino bona mauri namona do idia noho hanaihanai. \v 18 Dirava ena taudia be do idia laloa hekwarahi lasi, bona mai hadikaia gauna ta lasi do idia noho. \p \v 19 Momokani medu, aisi nadidia bamona gaudia be uda gabudia dekenai do ia moru, bona hanua badana be do idia hadikaia ore. \v 20 To umui ibounai be do umui moale bada, emui ranu be do ia hegeregere momokani dainai. Bona ranu ia hegeregere dainai, uma ena anina do idia tubu namonamo, bona doniki bona boromakau be mai edia aniani. \c 33 \s1 Dirava ena durua totona Isaia ese ia noinoi \p \v 1 Ita dekenai idia tuari noho taudia, be do idia dika momokani! Idia ese kohu idia henaoa, bona idia ese taunimanima idia hadikaia, to tau ta ese idia dekena amo ia henaoa lasi, bona ia ese idia ia hadikaia lasi. To unai ita dekenai idia tuari taudia edia kara dika ena nega, be do ia doko. Bona unai neganai, haida ese idia edia kohu do idia henaoa, bona haida ese idia do idia hadikaia. \p \v 2 Lohiabada e, ai dekenai do oi bogahisihisi henia. Ai ese oi ai naria noho, mai abidadama danu. Dina ta ta ibounai, mani emu kara ai do oi hagoadaia, bona nega dikadia neganai ai do oi hamauria. \v 3 Bema oi ese ai durua totona oi tuari neganai, idau bese taudia be inai tuari ena regena dekena amo idia heau noho. \v 4 Idia edia kohu be haida ese idia abia lao. \p \v 5 Lohiabada be Dirava badana momokani! Ia ese gau ibounai ia biagua noho. Ia ese Ierusalema do ia hanamoa, kota maoromaoro bona kara momokani dekena amo do ia hahonua. \v 6 Lohiabada ese Iuda do ia hagoadaia. Ia ese nega ibounai iena bese taudia ia naria noho, bona aonega bona diba ia henidia. Idia edia kohu badana momokani, be edia gari, Lohiabada dekenai. \p \v 7 Kamonai! Boga auka taudia, be ariara dekenai, durua totona idia noinoi noho. Bona edia tanobada ena ladanai, maino idia karaia gwauraia taudia, be idia taitai bada noho. \v 8 Laolao daladia be mai edia gari dainai, tau ta ese idia dekenai ia loaloa lasi. Bese edia huanai, gwauhamata be idia makohia. Laloa tamona hereva danu, be idia utua noho. Tau ta be do idia matauraia lou lasi. \v 9 Tano be ia noho kava, tau ta ese ia noholaia lasi. Lebanona ena uda namodia, be idia kakoro vadaeni. Sarona ena tano namona, be tano kaukau gabuna ia lao vadaeni. Basana bona Karamele Ororo dekenai audia ibounai dekena amo, edia rauraudia idia moru noho. \s1 Lohiabada ese ia dekenai idia dagedage taudia ia sisiba henidia noho \p \v 10 Lohiabada be bese idauidau dekenai ia gwau, “Harihari do lau toreisi. Lauegu goada bona lauegu siahu do lau hedinaraia. \v 11 Umui ese mai edia anina lasi palani umui karaia noho. Emui kara ibounai be anina lasi. Umui sibona emui hahodi be lahi do ia lao, bona ia ese umui do ia gabua ore. \v 12 Umui be ahu ena pauda bamona do umui lao, au ginigini idia gabua murinai kahuna bamona do umui lao. \v 13 Daudau dekenai taudia bona kahirakahira umui noho taudia e, lauegu sivarai do umui kamonai, bona lauegu siahu do umui hamomokania.” \p \v 14 Siona dekenai idia noho kara dika taudia be gari dainai idia heudeheude noho. Idia gwau, “Dirava ese iseda kerere davana ia henia noho be nega ibounai ia gabua noho lahina bamona. Ita be edena bamona lahi unai bamona ena siahu dekena amo ita heau mauri diba?” \p \v 15 Do umui mauri diba, bema emui hereva bona emui kara be maoromaoro neganai. Emui goada do umui gaukaralaia kava lasi. Ogogami taudia do umui koia lasi, edia moni abia kava totona. Bona lalona veria moni do umui abia dae lasi. Ala-ala bona kara dika idia karaia gwauraia taudia danu do umui haboua lasi. \v 16 Unai neganai do umui noho namonamo, mai mauri danu, bona mauri namona do umui abia, kohoro goadana ta dekenai umui noho hegeregerena. Umui emui aniani bona emui ranu danu be do idia hegeregere momokani. \s1 Gabeai do ia vara nega namona \p \v 17 Oiemu matana ese King mai ena hairaina danu do idia itaia. Ia biagua tanona danu do oi itaia, tano ena lata bona lababa be bada herea momokani. \v 18 Oiemu lalona ese gari gaudia gunadia do ia laloa lou. Unai idau bese tuari biaguna, oiemu takisi idia gogoa taudia, bona hunia dekenai oiemu mauri idia hadikaia gwauraia taudia do oi laloa. \v 19 To oi ese unai idau bese taudia do oi itaia lou lasi. Unai hekokoroku taudia, edia gado oi diba lasi taudia, do oi itaia lou lasi. \p \v 20 Siona do oi itaia, unai hanua, iseda aria mai guriguri danu ita karaia gabuna do oi itaia. Ierusalema danu do oi itaia! Maino bona mauri namona gabuna be unai hanua badana do ia lao. Ia be idia kokia lasi palai ruma bamona, iena ikoko be do idia kokia lasi, bona iena varo be do idia makohia lasi momokani. \p \v 21 Lohiabada ese iena hairaina ita dekenai do ia hedinaraia. Ita be sinavai badadia badinai do ita noho, to idau bese tuari taudia edia lagatoi bona vanagi badadia be unai sinavai dekenai do idia heau lasi. \v 22 Badina Lohiabada be iseda Kota Biaguna, ia sibona be iseda King. Ia ese ita do ia biagua, bona ita do ia hamauria. \p \v 23 Io, unai idau bese taudia edia lagatoi bona vanagi edia palai be makuku, edia au tubua be idia gini goada lasi. Unai idau bese tuari taudia edia kohu ibounai do ita dogoatao, bona kohu be momo dainai, iseda bese ena aena dika taudia danu ese unai kohu haida do idia abia diba. \p \v 24 Siona dekenai idia noho taudia ta ese do ia gwau lasi, “Lau be gorere,” bona Lohiabada ese edia kara dika ibounai do ia gwauatao. \c 34 \s1 Lohiabada ena badu Edoma bona basileia idauidau edia latanai \q1 \v 1 Basileia idauidau e, \q1 do umui raka mai, umui kamonai! \q1 Bese idauidau e, \q1 umui haboua mai, umui kamonai! \q1 Tanobada ibounai, \q1 bona iena latanai noho taunimanima ibounai do umui kamonai, \q1 tanobada dekenai mauri noho gaudia ibounai danu. \q1 \v 2 Badina be Lohiabada ese, \q1 bese idauidau ibounai dekenai ia badu noho. \q1 Edia tuari taudia ibounai dekenai ia badu noho, \q1 mai siahu danu. \q1 Ia ese idia do ia hadikaia ore momokani. \q1 Ala-ala dekena amo Lohiabada ese do ia aladia mase ore. \q1 \v 3 Edia mase tauanidia be do idia guria lasi, \q1 to do idia bodaga, \q1 edia bonana do ia daekau, \q1 bona edia rarana, \q1 be do ia heau diho lao ororo dekena amo. \q1 \v 4 Unai neganai guba ena orea, dina, hua bona hisiu, \q1 be kahu bamona do idia lao, \q1 bona guba be do ia lokua, \q1 pepa ia lokua bamona. \q1 Hisiu ibounai do idia moru, \q1 vain raudia o fig auna raudia, \q1 be tano dekenai idia moru bamona. \b \q1 \v 5 Lohiabada ia gwau, \q1 “Egu tuari kaia, \q1 be guba dekenai lau gaukaralaia haorea murinai, \q1 lau ese Edoma danu ena latanai do lau gaukaralaia, \q1 badina lau gwauraia vadaeni, \q1 unai taudia do lau hadikaia ore.” \q1 \v 6 Lohiabada be mai ena tuari kaia. \q1 Iena tuari kaia, \q1 be rara dekenai ia honu momokani, \q1 bona digara danu dekena amo ia koua. \q1 Unai be mamoe natudia edia rara bamona, \q1 boubou totona idia mailaia mamoe tau, \q1 edia bogana ena digara bamona danu. \q1 Badina Lohiabada be mai ena boubou Bosera dekenai, \q1 bona ia ese Edoma tano dekenai, \q1 taunimanima momo do ia alaia. \q1 \v 7 Uda boromakau tau, \q1 be unai taunimanima danu do idia moru hebou, \q1 boromakau tau matamatadia, \q1 bona boromakau badadia danu. \q1 Edoma ena tano be rara dekenai do ia honu. \q1 Ena uma tano be digara ese do ia hanamoa momokani. \q1 \v 8 Badina inai neganai, \q1 Lohiabada ese Siona taudia do ia hamauria, \q1 bona ia ese Siona taudia idia hadikaia gwauraia taudia, \q1 edia dika davana do ia henia momokani. \b \q1 \v 9 Edoma ena sinavai edia ranu, \q1 be pisi ena muramura bamona do idia halaoa. \q1 bona Edoma ena uma tano, \q1 be idia gabua nadi siahudia, \q1 salipa, do ia lao. \q1 Edoma ena tano be pisi muramura mai hururu danu, \q1 ia gabua noho lahi gauna do ia lao. \q1 \v 10 Hanuaboi lalonai bona dina lalonai, \q1 inai lahi do idia bodo lasi. \q1 Kwalahu do ia daekau noho hanaihanai. \q1 Unai tano be do ia kaukau lao, \q1 ela bona nega ibounai. \q1 Nadi kavakava tano sibona do ia lao, \q1 bona tau ta ese, \q1 unai tano do ia raka hanaia lasi ela bona hanaihanai. \q1 \v 11 Bogibada manudia bona galo manudia, \q1 be unuseni do idia noho, \q1 baimumu bona mukou manudia danu. \q1 Dirava ese unai tano be tano kaukau sibona do ia halaoa, \q1 tanobada ia do karaia lasi neganai bamona. \q1 \v 12 Unai gabu dekenai king ta do ia lohia lasi, \q1 bona ena lohia taudia ibounai ese, \q1 Edoma do idia rakatania momokani. \q1 \v 13 Au ginigini ese Edoma ena gabu aukadia do idia koua, \q1 bona ava ginigini ese, \q1 iena kohoro do idia hahonua. \q1 Uda sisia be unuseni do idia loaloa, \q1 bona kokokoko be unuseni danu do idia noho. \q1 \v 14 Uda gaudia be uda sisiadia danu do idia hedavari, \q1 bona uda nanigosi ese, \q1 Edoma ena nanigosi do idia boiboi henia. \q1 Io, unuseni danu, \q1 lai guba ena lauma do ia roho lao, \q1 iena laga-ani gabuna unuseni do ia davaria. \q1 \v 15 Unuseni baimumu manu ese iena ruma do ia karaia, \q1 iena gatoi do ia atodia. \q1 Iena natuna do ia abia, \q1 bona unuseni do ia naridia. \q1 Galo manudia danu unuseni do idia haboua, \q1 ta ta mai edia hahine, o mai edia tau. \b \q1 \v 16 Lohiabada ena Buka lalonai do oi tahua, \q1 bona inai do oi duahia: \q1 Inai manu ta do ia boio lasi, \q1 bona manu hahine ta do ia noho kava lasi, \q1 to ibounai be mai edia tau. \q1 Badina be Lohiabada ena uduna ese inai bamona ia oda henia, \q1 bona iena Lauma ese idia do ia haboua, \q1 tau bona hahine. \q1 \v 17 Ia ese idia ta ta dekenai tano kahana ia henia, \q1 idia ta ta mai edia ahuna. \q1 Idia be unai edia tano dekenai, \q1 do idia noho hanaihanai, \q1 bona nega ibounai unai be edia tano. \c 35 \s1 Gabeai Dirava ese iena taudia edia noho do ia hanamoa momokani \q1 \v 1 Taunimanima idia noho lasi tanona, \q1 bona tano kaukauna be do idia moale, \q1 bona palauapalaua be unai tano dekenai do idia tubu namonamo. \q1 \v 2 Taunimanima idia noho lasi tano dekenai, \q1 palauapalaua do idia vara, \q1 bona mai moale bada danu ane do idia abia. \q1 Unai tano ena hairaina, \q1 be dohore Lebanona ena ororo bamona, \q1 bona tano ena goada be, \q1 Karamele bona Sarona edia goada hegeregerena. \q1 Taunimanima ibounai ese Lohiabada ena hairaina do idia itaia. \q1 Iena diaridiari badana, \q1 bona iena siahu do idia itaia. \q1 \v 3 Edia imana idia manoka taudia do umui hagoadaia, \q1 bona edia tuina idia manoka taudia do umui durua. \q1 \v 4 Gari bona laloa manoka taudia do umui hamaoroa, \q1 umui gwau, \q1 “Do umui goada, umui gari lasi! \q1 Dirava ia mai noho, \q1 umui do ia hamauria totona. \q1 Umui idia tuari henia taudia edia kerere davana do ia henia.” \b \q1 \v 5 Matakepulu taudia ese do idia itaia diba, \q1 bona taia kudima taudia, \q1 be do idia kamonai diba. \q1 \v 6 Edia aena idia dika taudia be do idia roho bona mavaru, \q1 bona hereva diba lasi taudia, \q1 be mai moale bada do idia boiboi. \q1 Tano kaukau dekenai, \q1 be sinavai do idia vara, \q1 bona edia ranu be, \q1 tano do ia heau hanaia lao. \q1 \v 7 Miri tano mai ena siahu bada, \q1 be ranu gabuna do ia lao, \q1 bona tano kaukauna be gohu do ia lao. \q1 Uda sisia idia noho gabuna, \q1 be paripari momo gabuna, \q1 mai ena rei bona siriho do ia lao. \b \q1 \v 8 Unai gabu dekenai, \q1 laolao dalana be do ia noho, \q1 iena ladana be do idia atoa, \q1 “Helaga Kara ena Dala.” \q1 Kara dika tauna ta ese, \q1 unai dala dekenai do ia raka lasi, \q1 bona kavakava tau dikadia ese, \q1 unai dala idia raka gwauraia taudia do idia hakaua kerere lasi. \q1 \v 9 Laiona be unuseni do idia noho lasi. \q1 Dagedage gaudia be unai gabu dekenai do idia loaloa lasi. \q1 Lohiabada ese ia hamauria taudia sibona, \q1 be unai dala dekenai do idia raka. \q1 \v 10 Lohiabada ese ia hoia lou taudia do idia giroa mai. \q1 Siona dekenai mai ane abia, \q1 bona mai moale bada danu do idia mai. \q1 Idia be do idia moale ela bona hanaihanai. \q1 Edia lalohisihisi bona taitai, \q1 be do idia ore momokani. \c 36 \s1 Asuria taudia ese Ierusalema idia hagaria \p \v 1 King Hesekaia ena lohia lagani namba 14 lalonai, Senakeriba, Asuria ena king ese Iuda hanua mai edia magudia ibounai ia tuari henia bona ia abidia. To Ierusalema hanua badana be ia do abia lasi. \v 2 Vadaeni Asuria ena king ese iena tuari biaguna badana, Rabesake, mai ena tuari orea badana ta, Lakisi hanua dekena amo ia siaia lao king Hesekaia dekenai, Ierusalema hanua dekenai. Inai Rabesake be ataiai gohu ena dadaira ena badibadinai ia gini, Dabua Huria Tauna Ena Tano ia lao dala dekenai. \v 3 Vadaeni Eliakimi Hilekaia, king Hesekaia ena ruma naria tauna, bona Sebina, toretore tauna, bona Ioa Asapa, idia torea pepa ia naria tauna, idia toiosi be Rabesake hedavari totona idia raka lao. \p \v 4 Rabesake ese idia dekenai ia hereva, ia gwau, “Umui ese Hesekaia do umui hamaoroa, umui gwau, ‘King badana, Asuria ena king be inai bamona ia gwau: Dahaka dekenai oi abidadama henia noho? \v 5 Oi gwau tuari ena dala oi diba, bona oi tuari goada diba, to oiemu hereva be anina lasi. Daika dekenai oi abidadama henia dainai lau dekenai oi dagedage noho? \v 6 Oi ese Aigupito oi abidadama henia, a? Aigupito be siriho, makohia gauna sibona. Inai siriho, bema raka durua totona oi abia, ia be do ia makohia, bona emu imana do ia gwadaia. Aigupito ena king, Farao, be unai bamona, ia dekenai idia abidadama taudia ibounai dekenai.’ ” \p \v 7 Ma Rabesake ia gwau, “Hesekaia e, sedira oi gwau, ‘Ai be Lohiabada, aiemai Dirava ai abidadama henia noho.’ To lau diba, oi Hesekaia ese Lohiabada ena boubou patadia, ataiai gabudia dekenai noho gaudia, oi kokia, bona Iuda taudia bona Ierusalema taudia oi oda henia, Ierusalema dekenai ia noho boubou patana sibona dekenai do idia tomadiho, ani? \p \v 8 “Be, egu biaguna, Asuria ena king ese oi dekenai ia hevaseha noho, ia gwau: Bema Hesekaia ese iena tuari taudia 2000 sibona ia haboua diba neganai, lau ese hosi 2000 be idia dekenai do lau henia, do idia guia lao totona! \p \v 9 “Asuria ena tuari biaguna maragina tamona sibona, mai ena tuari taudia ese umui do idia halusia diba. Be, edena bamona oi laloa Aigupito taudia ese kariota bona hosi mai guia taudia be oi durua totona do idia siaia mai, a? \v 10 Inai danu, oi laloa lau ese inai oiemu tano lau tuari henia bona lau hadikaia, be Lohiabada ese lau ia durua lasi, a? Lasi, Lohiabada ese lau ia oda henia, ia gwau, ‘Oi ese inai tano do oi tuari henia, bona do oi hadikaia ore.’ ” \p \v 11 Vadaeni Eliakimi Hilekaia bona Sebina bona Ioa ese Rabesake idia hereva henia, idia gwau, “Mani emu kara Suria gado dekena amo ai dekenai do oi hereva. Ai be unai gado ai diba. Heberu gado oi hereva lasi, magu dekenai idia helai taudia idia kamonai garina.” \v 12 To Rabesake ese ia haere, ia gwau, “Umui laloa umui bona king Hesekaia sibona dekenai egu biaguna ena hereva lau gwauraia noho, a? Lasi, lauegu hereva be magu dekenai idia helai noho taudia dekenai danu. Idia ese edia kukuri do idia ania, bona edia mei do idia inua, umui hegeregere.” \v 13 Unai neganai Rabesake ia toreisi, Heberu gado dekenai ia boiboi, ia gwau, “King badana, Asuria ena king, ena hereva do umui kamonai. \v 14 King be inai bamona ia hereva, ia gwau: Hesekaia ena hereva do umui kamonai lasi, badina ia ese lauegu siahu dekena amo umui ia hamauria diba lasi. \p \v 15 “Hesekaia ese umui ia hamaoroa, ‘Lohiabada do umui abidadama henia,’ be do umui kamonai henia lasi. Ia ese Asuria ena tuari taudia ia koua diba lasi. Asuria taudia ese emui hanua do idia halusia. \v 16 Hesekaia do umui kamonai henia lasi, badina be Asuria ena king ese inai oda ia gwauraia: Umui ese lau danu maino do umui karaia. Emui hanua dekena amo do umui raka mai, mai maino danu emui tuari gaudia do umui rakatania. Unai neganai umui ibounai ese ta ta emui vain huahua, bona emui fig huahua do umui ania diba, bona umui ta ta emui ranu guri dekenai ranu do umui inua diba, \v 17 ela bona Asuria ena king ese tano namona ta dekenai umui do ia abia lao. Inai tano be umui emui tano hegeregere, uiti bona uaina ena tano, paraoa bona vain umadia tano, olive audia bona hani tanona. \p \v 18 “Hesekaia ese umui do ia koia, do ia gwau, ‘Lohiabada ese ita do ia hamauria,’ to do umui kamonai henia lasi. Bese idauidau edia dirava ta ese nega ta edia tano be Asuria ena king ena siahu dekena amo ia hamauria, a? \v 19 Hamata bona Arapada edia dirava be edeseni? Separavaimi ena dirava be edeseni? Samaria be dirava ta ese ia hamauria, a? \p \v 20 “Inai tano ibounai edia huanai edena tano ena dirava ese iena tano be Asuria ena king ena siahu dekena amo ia hamauria? Unai dainai Lohiabada ese Ierusalema be edena bamona Asuria dekena amo do ia hamauria diba?” \p \v 21 To taunimanima ese regena ta idia karaia lasi, idia haere henia lasi, badina be Hesekaia ese ia oda henia guna vadaeni, ia gwau, “Umui haere henia lasi.” \p \v 22 Vadaeni Eliakimi Hilekaia, king ena ruma naria tauna, Sebina, toretore tauna badana, bona Ioa Asapa, king ena sivarai torea pepa naria tauna ese lalohisihisi dainai edia dabua idia darea. Unai neganai Hesekaia dekenai idia giroa lou, Rabesake ena hereva idia hamaoroa. \c 37 \s1 Lohiabada ese Senakeriba dekena amo Iuda ia hamauria \p \v 1 King Hesekaia be unai hereva ia kamonai, vadaeni lalohisihisi dainai iena dabua ia darea. Puse dabua ia atoa, bona Lohiabada ena Dubu Helaga dekenai ia raka vareai. \v 2 Unai murinai ia ese Eliakimi, iena ruma naria tauna, bona Sebina, toretore tauna badana, bona hahelagaia taudia badadia ia siaia, peroveta tauna Isaia Amoso dekenai idia lao. Idia ibounai be puse dabua idia karaia. \v 3 Idia ese Isaia idia hamaoroa, idia gwau, “Hesekaia be inai bamona ia gwau, ‘Hari dina be lalohisihisi bona hemarai dinana. Ita be hahine ta bamona, iena mero ena vara negana ia ginidae, to ia havaraia totona ia goada lasi. \v 4 Sedira Lohiabada, oiemu Dirava, ese Rabesake, Asuria ena king ese ia siaia tauna ena hereva ia kamonai vadaeni. Mauri Dirava ia hadikaia totona hereva dika ia gwauraia vadaeni. Sedira Lohiabada, oiemu Dirava, ese unai ia kamonai vadaeni hereva ena davana do ia henia. Unai dainai iseda taunimanima, idia do noho taudia, dainai mani Dirava do oi noia.’ ” \p \v 5 Isaia ese king Hesekaia ena hereva ia kamonai neganai, \v 6 ia ese inai haere ia siaia lou, ia gwau, “Lohiabada be inai bamona ia gwau, ‘Do oi gari lasi, Asuria taudia idia gwau Lohiabada ese oi ia hamauria diba lasi dekenai do oi gari lasi. \v 7 Kamonai, lau ese lauma ta Rabesake ena lalonai do lau atoa, vadaeni sivarai koikoi do ia kamonai henia, bona iena tano korikori dekenai do ia giroa lou. Ma iena tano korikori dekenai lau ese iena mase dalana be tuari kaia dekena amo do lau havaraia.’ ” \p \v 8 Rabesake be hereva ia kamonai, Asuria ena king ese Lakisi hanua ia rakatania, bona hari be Libina dekenai ia tuari noho. Unai dainai Rabesake be Libina dekenai ia lao, king do ia hereva henia totona. \p \v 9 Senakeriba, Asuria ena king be hereva ia kamonai, Aigupito edia tuari taudia edia gunalaia tauna be Etiopia edia king tauna, iena ladana be Tirihaka, bona ia be mai ena tuari orea danu idia raka mai noho, Asuria do idia tuari henia totona. Unai dainai Senakeriba ese Hesekaia, \v 10 Iuda ena king dekenai hereva ia siaia, ia gwau, “Oiemu Dirava, oi abidadama henia Diravana ena gwauhamata, Ierusalema be Asuria ena king ena siahu henunai do ia moru lasi, ena gwauhamata be do oi hamomokania lasi. \v 11 Oi kamonai vadaeni Asuria ena king be edena bamona tano momo ia ese idia ia halusia vadaeni, bona ia halusidia neganai, ia ese ia hadikadia ore momokani. Umui be do umui heau mauri diba, a? \v 12 Bese idauidau, lauegu taudia ese idia halusia besedia, Gosana, Harana, Resepa, bona Eden taudia Telasara dekenai idia noho, be edia dirava ese idia ia hamauria, a? \v 13 Hamata bona Arapada bona Separavaimi bona Hena bona Iva hanua ibounai edia king taudia be edeseni?” \p \v 14 Hesekaia ese unai revareva be hesiai taudia edia imana dekena amo ia abia, ia duahia. Vadaeni Hesekaia be Lohiabada ena Dubu Helaga dekenai ia daekau, revareva be Lohiabada ena vairana dekenai ia kehoa. \v 15 Vadaeni Hesekaia be Lohiabada dekenai ia guriguri, ia gwau, \v 16 “Siahu Ibounai Lohiabada e, Israela ena Dirava, oi be kerubi ataiai terona dekenai oi helai noho, oi sibona be tanobada ena basileia ibounai edia Dirava, oi ese guba bona tanobada oi karaia vadaeni. \v 17 Lohiabada e, ai dekenai idia vara noho karadia mani oi itaia. Senakeriba ena hereva, oi ia hadikaia hereva dekenai do oi kamonai. Oi be Mauri Ena Dirava. \p \v 18 “Momokani, Lohiabada e, Asuria ena king taudia ese bese momo mai edia tano idia hadikaia ore vadaeni. \v 19 Edia dirava be Asuria taudia ese lahi dekenai idia gabua ore vadaeni, badina idia be dirava korikori lasi, to taunimanima edia imadia ese idia karaia gaudia, au bona nadi, unai dainai idia hadikadia ore. \v 20 Unai dainai, Lohiabada, aiemai Dirava e, oi dekenai lau noinoi, Senakeriba ena siahu dekena amo ai do oi hamauria. Vadaeni tanobada basileia ibounai be do idia diba, oi Lohiabada e, oi sibona be Dirava momokani.” \p \v 21 Vadaeni Isaia Amoso ese hereva gwauraia taudia Hesekaia dekenai ia siaia lao, ia gwau, “Lohiabada, Israela ena Dirava be inai bamona ia hereva, ia gwau: Oiemu guriguri lau dekenai, Senakeriba, Asuria ena king oi herevalaia guriguri dekenai, be lau kamonai vadaeni. \v 22 Lau Lohiabada ese, inai bamona Senakeriba lau herevalaia, lau gwau: \b \q1 Siona ena natuna kekeni, \q1 tau ta ia diba lasi kekeni ese, \q1 oi ia kirikirilaia, oi ia negea noho. \q1 Ierusalema ena kekeni ese, \q1 oi heau mauri neganai, \q1 iena kwarana ia giroagiroa, \q1 mai kiri danu. \q1 \v 23 Oi ese daika oi hereva dika henia? \q1 Daika oi hadikaia totona, \q1 oiemu gadona oi habadaia? \q1 Daika dekenai oiemu matana oi abia isi, \q1 mai hekokoroku danu? \q1 Lau sibona dekenai, \q1 Israela ena Helaga Dirava dekenai. \q1 \v 24 Oiemu hesiai taudia edia ududia dekena amo, \q1 oi ese Lohiabada oi hadikaia vadaeni. \q1 Oi gwau, \q1 ‘Lauegu kariota momo dekena amo, \q1 ororo edia ataiai dekenai lau daekau, \q1 ela bona Lebanona ena hunia gabudia dekenai. \q1 Lebanona ena sida audia, \q1 lata herea lau utua diho, \q1 bona iena kasuarina audia namo herea gaudia danu. \q1 Ena uda lalonai iena hunia momokani gabudia dekenai lau vareai, \q1 bona iena uda ena ataiai gabudia dekenai danu. \q1 \v 25 Guri be lau geia, \q1 bona idau tanodia edia ranu lau inua vadaeni. \q1 Lauegu tuari taudia ese edia aedia dekena amo, \q1 Aigupito ena sinavai badana ladana Naila be idia moia, \q1 vadaeni ia kaukau.’ ” \b \q1 \v 26 Ma Lohiabada ia gwau, \q1 “Senakeriba e, oi kamonai lasi, a, \q1 lau ese idaunegai inai dala lau karaia hegaegae? \q1 Harihari lau havaraia noho karadia be, \q1 idaunegai lau laloa, lau gwau, \q1 oi ese hanua mai magu danu be, \q1 momoru nadi haboua gabudia do oi halaoa. \q1 \v 27 Bona edia goada ia ore dainai, \q1 unai gabudia dekenai noho taudia, \q1 be idia gari bona daradara. \q1 Tano avadia o rei matamata hegeregere idia lau halaoa, \q1 vadaeni ruma ena guhi dekenai rei ia vara bamona, \q1 idia tubu namonamo lasi neganai idia kakoro. \q1 \v 28 To lau Lohiabada ese oiemu helai diho lau diba, \q1 oiemu lao bona oiemu mai, \q1 bona lau diba oi ese lau oi hereva dika henia noho. \q1 \v 29 Oi ese lau oi hereva dika henia dainai, \q1 bona oiemu hekokoroku hereva lau kamonai vadaeni dainai, \q1 lau ese egu kimai be oiemu udubaubauna dekenai do lau atoa, \q1 bona egu auri be oiemu uduna dekenai do lau atoa. \q1 Vadaeni idia dekena amo, \q1 oi mai dalana dekenai oi do lau hakaua lou.” \p \v 30 Unai neganai Isaia ese king Hesekaia dekenai ia hereva, ia gwau, “Inai be toa ta oi dekenai: Inai lagani bona vaira lagani lalonai vara kava uiti do umui ania. To lagani ihatoina lalonai umui ese uiti do umui hadoa, bona do umui utua, vain danu do umui hadoa, bona edia huahua do umui ania. \v 31 Bona Iuda lalonai do idia mauri noho taudia be do idia tubu goada mai huahua danu, edia ramu be dobu avadia bamona. \v 32 Badina be taunimanima haida be Ierusalema bona Siona Ororo dekenai do idia mauri noho, Lohiabada, Siahu Ibounai Dirava ese ia ura momokani inai kara do ia havaraia dainai.” \p \v 33 Ma Isaia ia gwau, “Lohiabada ese Asuria ena king be inai bamona ia herevalaia: Senakeriba ese inai hanua dekenai diba ta do ia pidia lasi. Mai edia kesi tuari taudia be inai hanua ena vairanai do idia raka mai lasi, bona hanua koua totona hanua kahirakahira tano do idia haboua lasi. \p \v 34 “Senakeriba ese iena mai dalana dekena amo do ia giroa lou. Ierusalema dekenai do ia vareai lasi. Lau, Lohiabada ese lau gwauraia vadaeni. \v 35 Badina be Ierusalema be do lau naria namonamo, lauegu ladana dainai, bona egu hesiai tauna Davida ena ladana dainai.” \p \v 36 Unai hanuaboi, Lohiabada ena aneru be Asuria edia kamepa dekenai ia lao, tuari taudia 185,000 ia alaia mase. Daba rere neganai, taunimanima haida idia toreisi, idia ese mase taudia momo herea idia itaia, kamepa dekenai idia hekure noho. \p \v 37 Unai dainai Senakeriba, Asuria ena king ese unai gabu ia rakatania, Nineva dekenai ia giroa lou, unuseni ia noho. \p \v 38 Dina ta Senakeriba ese iena dirava Niseroka ena dubu lalonai ia tomadiho neganai, iena natuna Adarameleka bona Saresere ese tuari kaia dekena amo idia alaia mase. Unai murinai idia heau mauri Ararata tano dekenai. Senakeriba ena natuna ta, iena ladana Esarahadona ese king dagi ia abia, Senakeriba ena gabu dekenai. \c 38 \s1 King Hesekaia ia gorere bona ia namo lou \p \v 1 Unai neganai king Hesekaia ese gorere ia davaria, bona kahirakahira ia mase. Vadaeni peroveta tauna Isaia Amoso be Hesekaia dekenai ia lao, ia hereva henia, ia gwau, “Lohiabada ese oi ia hamaoroa noho, ia gwau, ‘Oiemu gau ibounai do oi atoa hegaegae, badina oi be do oi mase, oiemu gorere do ia namo lou lasi.’ ” \p \v 2 Hesekaia ese iena vairana be haba dekenai ia henia, bona Lohiabada dekenai ia noinoi, ia gwau, \v 3 “Lohiabada e, mani emu kara lauegu kara do oi laloatao, lau ese mai egu abidadama bona mai egu kudouna ibounai oiemu hesiai gaukara lau karaia, bona oiemu vairana dekenai lau kara maoromaoro.” Bona Hesekaia be ia tai bada herea. \p \v 4 Vadaeni Lohiabada ese Isaia ia oda henia, \v 5 Hesekaia dekenai do ia giroa lou, bona inai bamona do ia hamaoroa: “Lau, Lohiabada, oiemu sene tauna Davida ena Dirava, ese oiemu guriguri lau kamonai, bona oiemu matana ena ranu lau itaia vadaeni. Lau ese oiemu mauri be lagani 15 dekenai do lau halataia. \v 6 Oi bona inai hanua Ierusalema be Asuria ena king ena siahu dekena amo do lau hamauria, bona Ierusalema do lau gimaia bona naria noho.” \p \vp 21\vp* Isaia ese king Hesekaia ena hesiai taudia ia hamaoroa, fig au huahua ena muramura be iena toto dekenai do idia atoa, vadaeni iena gorere do ia namo lou. \vp 22\vp* Unai neganai king Hesekaia ese Isaia ia nanadaia, ia gwau, “Lohiabada ese lau do ia hanamoa momokani, bona iena Dubu Helaga do lau raka vareai diba, ena toana be dahaka?” \p \v 7 Isaia ese ia haere, ia gwau, “Lohiabada ese oi dekenai toa ta do ia henia, oi do ia hanamoa hereva do ia hamomokania totona, gauna be inai: \v 8 King Ahasa ese ia haginia vadaeni vadavada ena latanai, dina ena laulau be vadavada ibounai 10 murina dekenai do ia lao.” \p Vadaeni unai dina ena laulau, be momokani vadavada ibounai 10 murina dekenai ia lao, Lohiabada ese unai kara ia karaia. \p \v 9 Hesekaia ena gorere ia ore neganai, ia ese inai ane ia abia, Lohiabada do ia hanamoa totona, ia gwau: \b \q1 \v 10 Lau laloa, lau be do buruka lasi neganai, \q1 lau be mase taudia edia gabu do lau vareai lao. \q1 Lau laloa egu mauri dinadia, \q1 be idia ore vadaeni. \q1 \v 11 Lau laloa Lohiabada do lau itaia lou lasi, \q1 inai mauri taudia edia gabu dekenai, \q1 bona tanobada dekenai noho taunimanima ta danu, \q1 be do lau itaia lou lasi. \q1 \v 12 Ma lau laloa egu mauri be Lohiabada ese ia utua, \q1 bona ia ore vadaeni, \q1 palai ruma idia veria diho bamona, \q1 o dabua ena kahana ta idia utua oho bamona. \q1 Lau laloa Dirava ese egu mauri ia haorea noho gwauraia. \q1 \v 13 Hanuaboi lalonai ela bona dabai, \q1 mai egu hisihisi dainai lau tai mai boiboi danu, \q1 to laiona bamona, ia ese egu turiana ibounai ia hamakohia. \q1 \v 14 Egu gadona be ia manoka, \q1 regena sisina sibona, \q1 pune manu ena tai bamona. \q1 Guba lau itaia noho gwauraia, \q1 to ia daudau dainai, \q1 egu matana be idia hisihisi bada noho. \q1 Lohiabada e, \q1 inai egu laloa hekwarahi ibounai dekena amo lau do oi hamauria. \q1 \v 15 To dahaka do lau gwau? \q1 Badina Lohiabada ese inai kara ia karaia vadaeni. \q1 Lau be lau mahuta diba lasi, \q1 egu laloa ena mamina ia dika dainai. \b \q1 \v 16 Lohiabada e, \q1 lau ura oi do lau hanamoa, \q1 bona oi hamoalea totona do lau mauri. \q1 Mani emu kara lau do oi hanamoa, \q1 bona lau do oi hamauria. \q1 \v 17 Momokani, oi ese lau do oi hanamoa totona, \q1 hisihisi bada lau dekenai ia vara. \q1 To oi Lohiabada ese emu lalokau dainai, \q1 lau oi hamauria vadaeni, \q1 mase ena guri dekena amo, \q1 badina be oi ese egu kara dika ibounai oi gwauatao vadaeni. \q1 \v 18 Mase gabuna dekenai idia noho taudia ese, \q1 oi idia hanamoa diba lasi. \q1 Guri lalonai idia diho vadaeni taudia ese, \q1 oiemu momokani idia abidadama henia diba lasi. \q1 \v 19 Mauri noho taudia ese, \q1 oi idia hanamoa noho, \q1 lau ese harihari oi lau hanamoa noho hegeregerena. \q1 Tamana taudia ese edia natudia dekenai, \q1 oiemu momokani bona maoromaoro idia hadibaia noho. \q1 \v 20-22 Lohiabada e, oi ese egu gorere oi hanamoa vadaeni. \q1 Unai dainai ai ese oiemu ladana do ai hanamoa, \q1 mai gita bona mai ane abia danu. \q1 Ai ese oiemu Dubu Helaga lalonai, \q1 oi dekenai hanamoa anedia do ai abia noho, \q1 aiemai mauri dinadia ibounai lalonai. \c 39 \s1 Hereva mailaia taudia Babulonia dekena amo \p \v 1 Unai neganai Merodaka Baladana, Babulonia ena king Baladana ena natuna ese hereva gwauraia taudia haida ia siaia, revareva bona harihari gauna be Hesekaia dekenai do idia henia totona, badina be ia kamonai Hesekaia ia gorere vadaeni. \v 2 Hesekaia ese unai Babulonia taudia ia abia dae, bona ia ese iena kohu namo herea idia dekenai ia hedinaraia, iena siliva, golo, muramura mai bonana, dehoro namo herea, iena tuari gaudia, bona iena gau haboua ruma lalonai noho gau ibounai. Iena ruma dekenai, o iena tano dekenai, Hesekaia ese gau ta ia hunia lasi idia dekenai. \p \v 3 Vadaeni peroveta tauna Isaia be king Hesekaia dekenai ia mai, ia nanadaia, ia gwau, “Unai taudia be dahaka idia herevalaia oi dekenai? Bona idia be edeseni idia mai?” \p Hesekaia ia gwau, “Gabu daudau dekena amo idia mai vadaeni, Babulonia dekena amo.” \p \v 4 Isaia ma ia gwau, “Oiemu ruma dekenai dahaka gaudia idia itaia?” \p Hesekaia ma ia haere, ia gwau, “Gau ibounai egu ruma dekenai idia itaia vadaeni. Gau ta egu gau haboua rumadia dekenai lau hunia lasi idia dekenai.” \p \v 5 Isaia ese king Hesekaia ia hamaoroa, ia gwau, “Lohiabada ena hereva oi dekenai be inai: \v 6 Nega be ia mai noho, oiemu ruma dekenai kohu ibounai, oiemu sene taudia ese idia haboua vadaeni, ia mai bona hari dina, be Babulonia dekenai do idia abia lao, gau ta do ia noho lasi. \v 7 Bona oiemu natuna haida, oi ese oi havaraia memero, be do idia abia lao, edia abodia do idia hadikaia, bona hesiai taudia do idia halaoa, Babulonia king ena ruma dekenai hesiai gaukara do idia karaia totona.” \p \v 8 King Hesekaia ese Isaia ia hamaoroa, ia gwau, “Lohiabada ena hereva, oi ese oi gwauraia, be hereva namona.” Badina be Hesekaia be inai bamona ia laloa, ia gwau, “Egu mauri dinadia lalonai be maino bona noho namo sibona do ia vara noho.” \c 40 \s1 Iena bese taudia hagoadaia totona Lohiabada ese ia hereva \q1 \v 1 Iseda Dirava be inai bamona ia hereva, ia gwau, \q1 “Lauegu bese taudia do oi hagoadaia, \q1 idia do oi hagoadaia. \q1 \v 2 Ierusalema dekenai idia noho taudia dekenai, \q1 do oi hereva namo henidia. \q1 Idia do oi hamaoroa, \q1 edia hisihisi bona hekwarahi be ia ore, \q1 bona edia kara dika, \q1 be lau ese lau gwauatao inai. \q1 Edia kara dika ena davana, \q1 be lau ese lau henia momokani vadaeni.” \b \q1 \v 3 Gado ta be ia boiboi noho, ia gwau, \q1 “Taunimanima idia noho lasi tano dekenai, \q1 Lohiabada ena dala do umui karaia. \q1 Tano kaukauna dekenai, \q1 Dirava ena dala do umui hamaoromaoroa! \q1 \v 4 Koura gabudia ibounai do umui hahonua. \q1 Ororo ibounai do umui hapalakaia. \q1 Ororo maragidia be tano palaka do idia lao, \q1 bona gudu gabudia ibounai, \q1 be manada gabudia do idia lao. \q1 \v 5 Unai neganai Lohiabada ena hairaina be do ia hedinaraia, \q1 bona taunimanima ibounai ese do idia itaia. \q1 Lohiabada sibona ese inai bamona ia gwauhamata vadaeni.” \b \q1 \v 6 Gado ta ia boiboi, ia gwau, \q1 “Hereva do oi gwauraia.” \q1 Vadaeni lau gwau, \q1 “Dahaka hereva do lau gwauraia?” \q1 Ia gwau, “Oi gwauraia, \q1 taunimanima ibounai be rei bamona, \q1 Bona idia mase haraga noho, \q1 uda tano ena herahera bamona. \q1 \v 7 Rei be ia kakoro, \q1 bona herahera idia mase, \q1 Lohiabada ese lai idia dekenai ia siaia neganai. \q1 Momokani, taunimanima be rei bamona idia noho daudau lasi. \q1 \v 8 Oibe, rei idia kakoro haraga, \q1 bona herahera idia mase noho, \q1 to Dirava ena hereva, \q1 be do ia gini noho ela bona hanaihanai.” \b \q1 \v 9 Sivarai namona Siona dekenai oi mailaia tauna e, \q1 ororo latana ta dekenai do oi daekau lao. \q1 Sivarai namona Ierusalema dekenai oi mailaia tauna e, \q1 oiemu boiboi do oi habadaia, \q1 mai oiemu goada danu. \q1 Do oi habadaia, do oi gari lasi. \q1 Iuda hanua ibounai do oi hamaoroa, \q1 edia Dirava be ia mai noho! \q1 \v 10 Kamonai! Lohiabada Dirava, \q1 be mai siahu danu ia mai noho. \q1 Ia ese ia hamauria vadaeni taudia, \q1 be ia danu do ia mailaia noho. \q1 \v 11 Ia ese iena mamoe do ia ubua, \q1 mamoe naria tauna ia ubua noho bamona. \q1 Ia ese mamoe edia natudia do ia haboua, \q1 bona iena imana dekenai idia do ia rosia, \q1 idia do ia huaia lao. \q1 Bona edia sinadia bona rogorogo gaudia, \q1 be ia ese metairametaira do ia hakaudia lao. \s1 Israela ena Dirava be dirava ta danu ia hegeregere diba lasi \q1 \v 12 Daika ese iena imana dekenai ranu ia kadoa, \q1 vadaeni unai kara dekena amo, \q1 davara ranu ena bada do ia davaria? \q1 Bona daika ese iena imana kwakikwakina dekenai, \q1 guba ena ataiai ena lata do ia davaria diba? \q1 Daika ese tanobada ena kahu ibounai, \q1 be kapusi tamona lalonai do ia dogoatao diba? \q1 Daika ese ororo badadia bona maragidia edia metau, \q1 be sikele dekenai ia davaria diba? \q1 \v 13 Daika ese Dirava ena Lauma ena dala ia diba? \q1 O daika ese ia dekenai ia hadibaia, \q1 o ia dekenai ia sisiba henia diba? \q1 \v 14 Dirava ese daika dekenai ia nanadaia, \q1 laloa diari do ia abia totona? \q1 Daika ese Dirava dekenai dala maorona ia hadibaia? \q1 Daika ese Dirava dekenai diba ia henia, \q1 bona laloa kehoa dalana ia hedinarai henia? \q1 \v 15 Kamonai! \q1 Tanobada besedia be ranu ena hetuturu tamona bamona, \q1 Lohiabada ena vairana dekenai. \q1 Motumotu, daudau idia noho gaudia edia metau, \q1 Lohiabada dekenai be tano ena kahu marigidia bamona. \q1 \v 16 Lebanona ena uda lalonai idia noho boromakau ibounai, \q1 be hegeregere lasi Lohiabada ena boubou gauna ta do idia lao. \q1 Bona Lebanona ena uda lalonai idia noho audia ibounai, \q1 be hegeregere lasi Lohiabada ena gabua boubou ena lahi do idia karaia. \q1 \v 17 Bese ibounai be gau ta lasi Lohiabada ena vairanai. \q1 \v 18 Daika be Dirava danu do ia hegeregere diba? \q1 Edena bamona Dirava ena toana ita hedinaraia diba? \q1 \v 19 Dirava be kaivakuku bamona lasi, \q1 badina kaivakuku be taunimanima edia imadia dekenai karaia gaudia. \q1 Golo gaukaralaia taudia ese, \q1 golo dekena amo unai kaivakuku idia koua, \q1 bona siliva dekena amo, \q1 kaivakuku ena gini gabuna idia karaia. \q1 \v 20 Ogogami tauna, \q1 siliva o golo ia abia diba lasi tauna, \q1 be do ia dika haraga lasi au ia abia hidi, \q1 bona au gaukaralaia diba tauna ia davaria. \q1 Ia ese kaivakuku, \q1 do ia moru diba lasi gauna do ia karaia. \q1 \v 21 Umui be umui diba lasi, a? \q1 Idaunegai umui idia hamaoroa lasi, a? \q1 Tanobada ia matamaia dalana be umui diba lasi, a? \q1 \v 22 Tanobada be terona dekenai ia helai Dirava ese ia karaia. \q1 Iena noho gabuna be tanobada ena ataiai, \q1 bona guba unai kahana dekenai. \q1 Henunai ia itadia taudia, \q1 be dimairi hegeregerena ia dekenai. \q1 Ia ese guba ia karaia neganai, ia veria ia lata lao, \q1 uindo koua dabua bamona, \q1 bona palai ruma bamona, \q1 do ia noholaia gabuna. \q1 \v 23 Ia ese lohia goadadia ia hamorua noho, \q1 bona ia ese anina lasi taudia idia ia halaoa. \q1 \v 24 Idia be hadoa gaudia matamatadia bamona. \q1 Idia be tano lalonai edia ramudia idia tubu hamatamaia sibona, \q1 vadaeni Lohiabada ese lai badana ia siaia, \q1 bona idia kakoro haraga, \q1 idia be rei kaukau bamona, lai ese idia ia hodaia lao ore. \q1 \v 25 Dirava Helaga danu, \q1 be daika danu do ia hegeregere diba? \q1 Daika be ia bamona? \q1 \v 26 Emui matana do umui negea, \q1 guba do umui itaia. \q1 Daika ese hisiu ia karaia? \q1 Dirava ese edia orea be ta ta, \q1 dekena amo idia ia mailaia hedinarai, \q1 bona idia ta ta ibounai edia ladana ia atoa noho. \q1 Iena siahu be bada herea dainai, \q1 hisiu ta ia boio diba lasi. \q1 \v 27 Israela taudia e, \q1 badina dahaka umui hereva maumau noho, umui gwau, \q1 Lohiabada ese emui hisihisi, \q1 bona emui laloa hekwarahi ia diba lasi? \q1 Bona umui gwau, \q1 “Ita dekenai idia kota karaia maoromaoro lasi, \q1 be Lohiabada ese ia laloa lasi.” \q1 \v 28 Umui diba lasi, a? \q1 Umui kamonai lasi, a? \q1 Lohiabada be noho hanaihanai Diravana. \q1 Ia be tanobada ena kahana ibounai ia karaia vadaeni Diravana. \q1 Ia be manoka o hesiku diba lasi. \q1 Iena diba be ta ese do ia davaria diba lasi. \q1 \v 29 Manoka bona hesiku taudia be Lohiabada ese ia hagoadaia noho, \q1 bona goada lasi taudia edia goada ia habadaia noho. \q1 \v 30 Uhau taudia idia manoka diba, \q1 bona tau matamatadia edia goada do ia ore, \q1 do idia moru diba. \q1 \v 31 To Lohiabada dekenai idia abidadama henia taudia ese, \q1 edia goada do idia hamatamataia lou. \q1 Idia be hanina dekena amo, do idia roho daekau, ugava bamona. \q1 Idia be do idia heau, \q1 bona do idia manoka lasi. \q1 Idia be do idia raka lao, \q1 bona do idia moru lasi. \c 41 \s1 Dirava ena gwauhamata Israela taudia dekenai \q1 \v 1 Dirava ia gwau, \q1 “Daudau dekenai umui noho besedia e, \q1 do umui regerege lasi, \q1 bona lau dekenai do umui kamonai! \q1 Emui goada do umui hamatamataia, \q1 bona lau dekenai do umui raka mai, \q1 do ita kota. \q1 Do ita hereva hebou, vadaeni do ita davaria daika be maoro. \b \q1 \v 2 “Daika ese tuari kwalimu tauna, \q1 be dina daekau kahana dekena amo ia mailaia? \q1 Daika ese unai tau ia durua, \q1 vadaeni ia lao gabudia ibounai dekenai kwalimu ia abia noho? \q1 Daika ese unai tau ia hagoadaia, \q1 vadaeni ia ese king idauidau, \q1 bona bese idauidau ia halusia noho. \q1 Iena tuari kaia ese idia ia botaia, \q1 idia be kahu bamona iena vairana dekenai idia lao. \q1 Iena peva bona diba dekena amo idia heau, \q1 lai ese rei kakoro ia hodaia lao haraga bamona. \q1 \v 3 Ia ese idia ia lulua, \q1 bona bero ta ia davaria lasi. \q1 Unai dala be nega ta ia rakalaia lasi guna, \q1 to ia heau haraga noho, \q1 hekwakwanai ta lasi. \q1 \v 4 Inai kara ibounai be daika ese ia havaraia? \q1 Tanobada dekenai idia vara gaudia ibounai, \q1 be daika ese ia havaraia? \q1 Lau Lohiabada inai, \q1 lau be hamatamaia neganai, \q1 unuseni lau noho, \q1 bona lau Lohiabada inai, \q1 lau be dokona neganai danu, \q1 unuseni do lau noho. \b \q1 \v 5 “Daudau tanodia dekenai idia noho taudia ese, \q1 lauegu kara idia itaia vadaeni, \q1 bona mai gari bada danu idia heudeheude noho. \q1 Unai dainai idia haboua tamona, \q1 bona idia raka hebou mai. \q1 \v 6 Idia ta ta dekenai durua idia henia noho, \q1 idia gwau, ‘Do oi goada.’ \q1 \v 7 Kamuta tauna ese golo gaukaralaia tauna ia hamaoroa, ia gwau, \q1 ‘Oiemu gaukara oi karaia namonamo noho.’ \q1 Bona kaivakuku ia botaia palaka tauna ese, \q1 ikoko ia kokoa noho tauna ia hagoadaia noho. \q1 Idia hereva, idia gwau, ‘Iseda gaukara ia namo.’ \q1 Bona kaivakuku be ikoko dekena amo idia kokoa goada, \q1 do ia moru diho lasi totona. \b \q1 \v 8 “To umui Israela, \q1 be lauegu hesiai tauna. \q1 Umui be lau ese lau abia hidi besena. \q1 Umui be lauegu turana Aberahamo ena tubuna taudia. \q1 \v 9 Lau ese tanobada dokodia dekena amo umui lau mailaia. \q1 Tanobada ena kona momokani gabudia, \q1 dekena amo umui lau mailaia, \q1 bona umui lau hamaoroa, \q1 ‘Umui be lauegu hesiai tauna.’ \q1 Lau ese umui lau negea lasi, \q1 lasi momokani, \q1 umui lau abia hidi vadaeni. \q1 \v 10 Do umui gari lasi, \q1 lau be umui dekenai lau noho! \q1 Lau be umui emui Dirava, \q1 gau ta ese umui do ia hagaria lasi. \q1 Lau ese umui do lau hagoadaia, \q1 bona umui do lau durua. \q1 Lau ese umui do lau naria, \q1 bona umui do lau hamauria. \b \q1 \v 11 “Umui dekenai idia badu henia taudia, \q1 be lau ese do lau halusia, \q1 mai edia hemarai bada danu. \q1 Umui dekenai do idia tuari taudia, \q1 be do lau alaia mase. \q1 \v 12 Idia be tanobada dekena amo do idia boio momokani. \q1 \v 13 Lau be Lohiabada, emui Dirava. \q1 Lau ese umui lau hagoadaia noho, lau gwau, \q1 ‘Do umui gari lasi, \q1 lau ese umui do lau durua.’ ” \b \q1 \v 14 Ma Lohiabada ia hereva, ia gwau, \q1 “Israela e, \q1 umui be maragi momokani, biluga bamona, \q1 to do umui gari lasi, \q1 lau ese umui do lau durua. \q1 Lau inai, Israela ena Dirava Helagana ese, \q1 umui do lau hamauria. \q1 \v 15 Kamonai! \q1 Lau ese uiti kwadia auna bamona umui do lau halaoa, \q1 matamata gauna, \q1 mai ena ginigini gaudia, \q1 mai matana gaudia. \q1 Umui ese ororo do umui botaia, \q1 bona do umui haorea momokani. \q1 Ororo maragidia be uiti momoru hegeregerena do umui halaoa. \q1 \v 16 Umui ese idia do oi negea daekau, \q1 bona lai ese idia do ia hodaia lao. \q1 Lai guba ese idia do ia kokia ore. \q1 Unai neganai do umui moale, \q1 badina lau be emui Dirava. \q1 Umui ese lau do umui hanamoa, \q1 lau be Israela ena Dirava Helagana dainai. \b \q1 \v 17 “Bema lauegu bese taudia ese ranu idia tahua, \q1 bona idia davaria lasi, \q1 bema ranu mase dainai, \q1 edia gadona idia kaukau neganai, \q1 lau Lohiabada ese edia noinoi do lau kamonai. \q1 Lau, Israela ena Dirava, \q1 ese idia do lau rakatania lasi momokani. \q1 \v 18 Ororo kaukaudia edia huana dekenai, \q1 sinavai do lau havaraia, \q1 bona ranu lohilohi be koura gabudia dekenai do idia vara. \q1 Lau ese tano kaukau do lau hanamoa, \q1 ranu gabudia do lau halaoa, \q1 bona nadi sibona idia noho gabudia, \q1 be ranu lohilohi, \q1 ranu ia heau gabudia do lau halaoa. \q1 \v 19 Sida audia, olive audia, \q1 bona au idauidau, \q1 be nadi kavakava gabudia dekenai do lau havaraia. \q1 Bona tano kaukau gabudia dekenai, \q1 uda badana do lau hatubua, \q1 mai ena kasuarina audia, \q1 iunipa audia, bona saipresi audia danu. \q1 \v 20 Taunimanima ese inai bamona do idia itaia, \q1 vadaeni do idia diba, \q1 lau Lohiabada ese lau karaia. \q1 Idia edia lalona do idia kehoa, \q1 Israela ena Dirava Helagana ese inai bamona ia havaraia vadaeni.” \s1 Lohiabada ese dirava koikoidia ia sisiba goada henidia \q1 \v 21 Lohiabada, Israela ena King ese, \q1 inai bamona ia hereva, ia gwau, \q1 “Umui bese idauidau taudia edia dirava e, \q1 emui kota hereva, \q1 egu vairana dekenai do umui gwauraia. \q1 \v 22 Iniseni do umui mai, \q1 bona gabeai dahaka do idia vara do umui gwauraia, \q1 vadaeni do idia vara neganai, \q1 ai be do ai daradara lasi. \q1 Nega gunadia dekenai idia vara karadia, \q1 be ai dekenai do umui herevalaia, \q1 bona edia anina danu ai dekenai do umui hadibaia. \q1 \v 23 Gabeai do idia vara karadia ai dekenai do umui hamaoroa, \q1 vadaeni unai neganai, \q1 ai be do ai diba umui be dirava momokani! \q1 Kara namona ta do umui karaia, \q1 o mai gari bada karana ta do umui havaraia, \q1 vadaeni do ai gari momokani, \q1 aiemai kudouna do idia manoka. \q1 \v 24 To umui, bona umui emui kara be gau ta lasi, \q1 bona emui gaukara be anina lasi. \q1 Bona umui dekenai idia tomadiho henia taudia be dika momokani. \b \q1 \v 25 “Dina ia daekau ena kahana dekena amo, \q1 tau ta lau abia hidi vadaeni. \q1 Lau ese ia do lau mailaia, \q1 ia ese mirigini kahana dekena amo tuari totona do ia mai. \q1 Ia ese lohia taudia ia moia diho noho, \q1 kopukopu do ia moia diho bamona, \q1 uro karaia tauna ese raro ia moia diho bamona. \q1 \v 26 Umui daika ese ia peroveta, \q1 ia gwau inai kara be do ia vara, \q1 vadaeni ai ese ia do ai hamaoroa diba, ia be maoro? \q1 Lasi, umui ta ese hereva ta umui gwauraia lasi. \q1 Tau ta lasi ese emui hereva ta ia kamonai. \q1 \v 27 Lau Lohiabada ese inai do ia vara sivaraina, \q1 be Siona dekenai lau hamaoroa guna. \q1 Hesiai tauna Ierusalema dekenai lau siaia, vadaeni ia gwau, \q1 ‘Umui itaia, idia mai noho inai.’ \q1 \v 28 Lau ese egu matana lau negea, \q1 dirava idauidau lau itaia, \q1 to idia ta ese hereva ta ia gwauraia diba lasi. \q1 Lauegu henanadai dekenai, \q1 ta ese ia haere diba lasi. \q1 \v 29 Inai dirava ibounai be koikoi! \q1 Edia kara ibounai be anina lasi. \q1 Edia kaivakuku be mai siahu lasi, \q1 bona manoka momokani.” \c 42 \s1 Lohiabada ena Hesiai Tauna \q1 \v 1 Lohiabada ese inai bamona ia hereva, ia gwau, \q1 “Lauegu Hesiai Tauna, \q1 lau ese lau hagoadaia Tauna be inai, \q1 lau ese ia lau abia hidi, \q1 bona ia dekenai lau ura henia bada noho. \q1 Lau ese egu Lauma iena latanai lau atoa vadaeni, \q1 bona ia ese kota maoromaoro bona momokani, \q1 be bese ibounai dekenai do ia mailaia. \q1 \v 2 Ia be do ia boiboi lasi, \q1 bona iena gadona do ia habadaia lasi. \q1 Ariara dekenai do ia hereva badabada lasi. \q1 \v 3 Siriho manokana do ia makohia lasi, \q1 bona lamepa ena diari ia maragi neganai, \q1 ia ese do ia habodoa lasi. \q1 Ia ese noho hanaihanai kota maoromaorona, \q1 taunimanima ibounai dekenai do ia mailaia. \q1 \v 4 Ia be do ia laloa manoka lasi, \q1 to mai goada bona abidadama danu do ia gaukara noho, \q1 ela bona tanobada dekenai kota maoromaorona do ia haginia. \q1 Daudau dekenai idia noho tanobada idauidau ese, \q1 iena hadibaia hereva do idia abidadama henia.” \b \q1 \v 5 Dirava ese guba ia karaia, \q1 edia lata bona lababa be bada. \q1 Ia ese danu tanobada bona tanobada noho gaudia ia karaia. \q1 Ia ese tanobada taudia ibounai dekenai, \q1 mauri bona laga ia henia. \q1 Bona hari Lohiabada Dirava ese, \q1 iena Hesiai Tauna ia hamaoroa noho, ia gwau, \q1 \v 6 “Lau Lohiabada ese oi lau boiria, \q1 bona siahu oi dekenai lau henia vadaeni, \q1 kota maoromaorona tanobada dekenai do oi havaraia totona. \q1 Oi dekena amo lau ese bese ibounai danu, \q1 gwauhamata taravatuna do lau karaia, \q1 bona oi dekena amo bese idauidau dekenai, \q1 diari do lau henia. \q1 \v 7 Oi ese matakepulu taudia edia matana do oi kehoa, \q1 bona dibura rumai idia noho taudia do oi ruhaia. \b \q1 \v 8 “Lau sibona be Lohiabada, \q1 egu ladana be unai. \q1 Egu hairaina be dirava ta dekenai do lau henia lasi. \q1 Lau abia noho hanamoa, be kaivakuku ta dekenai do lau henia lasi. \q1 \v 9 Lau ese do idia vara gaudia be umui dekenai lau hadibaia guna, \q1 bona inai gaudia be idia vara vadaeni. \q1 Harihari be gau matamata, \q1 gabeai do idia vara gaudia, \q1 be umui dekenai do lau hamaoroa, \q1 idia do vara lasi neganai.” \s1 Lohiabada idia hanamoa, iena hamauria kara badana dainai \q1 \v 10 Ane matamatana do umui abia, \q1 Lohiabada do umui hanamoa. \q1 Tanobada noho taudia ibounai, \q1 Lohiabada do umui hanamoa. \q1 Davara dekenai umui heau noho taudia ibounai, \q1 Lohiabada do umui hanamoa. \q1 Davara lalonai idia noho gaudia danu, \q1 Lohiabada do umui hanamoa. \q1 Daudau dekenai umui noho tanodia, \q1 mai emui taudia ibounai e, \q1 ane dekenai Lohiabada do umui hanamoa. \q1 \v 11 Tano kaukau gabuna, \q1 bona ia dekenai noho hanua ibounai e, \q1 Lohiabada do umui hanamoa. \q1 Kedara taudia danu ese Lohiabada do idia hanamoa! \q1 Sela hanua badana dekenai idia noho taudia ese, \q1 edia ororo ataiai dekena amo, \q1 mai moale bada danu do idia boiboi. \q1 \v 12 Unai daudau dekenai idia noho tanodia edia taunimanima ese, \q1 Lohiabada do idia hanamoa bona matauraia be namo! \q1 \v 13 Lohiabada be tuari totona ia raka lao, \q1 mai ena goada herea. \q1 Ia be tuari totona ia noho hegaegae, \q1 mai ena laloa goada danu. \q1 Ia ese tuari ena boiboi ia boiboi henia noho. \q1 Iena siahu bona goada be, \q1 ia idia tuari henia gwauraia taudia dekenai ia hedinaraia noho. \s1 Dirava ese ia gwauhamata, iena bese taudia do ia durua \q1 \v 14 Dirava ia gwau, \q1 “Nega daudau mai regerege lasi danu lau noho. \q1 Lauegu bese taudia lau haere henia lasi. \q1 To harihari kara do lau karaia negana ia ginidae inai. \q1 Lau be natuna ia havaraia noho hahine bamona, \q1 do lau tai mai boiboi danu. \q1 \v 15 Lau ese ororo badadia bona maragidia do lau hadikaia. \q1 Idia dekenai idia vara gaudia ibounai do lau hakaukaua. \q1 Sinavai edia tano namodia, \q1 be tano kaukau do lau halaoa, \q1 bona ranu gabudia ibounai do lau haorea. \q1 \v 16 Matakepulu taudia be do lau hakaua, \q1 vadaeni nega ta idia rakalaia lasi daladia, \q1 be do idia raka. \q1 Lau ese edia dibura do lau hadiaria, \q1 bona tano idia gudu gabudia, \q1 be edia vairana dekenai do lau hamanadaia. \q1 Lauegu gwauhamata be inai, \q1 bona do lau karaia momokani. \q1 \v 17 Kaivakuku dekenai idia abidadama henia taudia, \q1 bona edia imana ese idia karaia gaudia, \q1 edia dirava totona, taudia, \q1 be do lau hadikaia, \q1 bona do idia hemarai bada herea.” \s1 Dirava ese Israela ia matakani henia, to edia lalona idia giroa lasi \q1 \v 18 Lohiabada ia gwau, \q1 “Taia kudima Israela taudia e, \q1 do umui kamonai! \q1 Bona umui matakepulu taudia e, \q1 do umui itaia! \q1 \v 19 Daika edia matana idia kepulu noho? \q1 Lauegu hesiai taudia, ani? \q1 Daika edia taiana idia kudima noho? \q1 Lau ese lau siaia taudia, ani? \q1 \v 20 Israela taudia e, kara badadia momo umui itaia vadaeni, \q1 to emui lalona idia toreisi lasi. \q1 Umui be mai emui taiana, \q1 to dahaka gau namona umui kamonai vadaeni?” \b \q1 \v 21 Lohiabada Dirava ese ia ura momokani, hamauria kara do ia karaia. \q1 Unai dainai ia ese iena taravatu bona iena hadibaia kara ia hanamoa, \q1 bona idia be hairai gaudia ia halaoa, \q1 badina ia ura iena bese taudia ese unai taravatu idia matauraia. \q1 \v 22 To hari iena bese taudia be tuari idia lusi, \q1 bona dibura rumadia lalonai bona guri lalonai, \q1 idau bese taudia ese idia koua bona hunia. \q1 Haida ese idia edia kohu idia henaoa haorea, \q1 bona tau ta ese idia durua totona ia mai lasi. \b \q1 \v 23 Umui emui huanai, daika ese inai hereva do ia kamonai? \q1 Hari nega bona do ia lao, \q1 be inai hereva do umui kamonai namonamo, o lasi? \q1 \v 24 Daika ese Israela ia durua lasi, \q1 vadaeni tuari taudia ese edia kohu idia henaoa ore? \q1 Lohiabada sibona ese, ani? \q1 Badina be ita ese ia dekenai ita kara dika, ani? \q1 Ita be iena dala dekenai ita ura lasi ita raka, \q1 bona ita ese iena hadibaia hereva ita kamonai henia lasi. \q1 \v 25 Unai dainai iena badu ena siahu be ita dekenai ia henia, \q1 bona tuari dikana ena mamina danu ita abia vadaeni. \q1 Lohiabada ena badu be lahi bamona, \q1 Israela ena kahana ibounai dekenai ia gabua. \q1 To inai kara ena anina ita diba lasi, \q1 bona inai matakani kara dekena amo, \q1 diba matamata ta ita davaria lasi. \c 43 \s1 Lohiabada sibona be Israela ena Hamauria Tauna \q1 \v 1 Israela e, Lohiabada, \q1 umui ia havaraia vadaeni Diravana ese ia gwau, \q1 “Do umui gari lasi, \q1 lau ese umui do lau hamauria. \q1 Lau ese umui emui ladana lau atoa vadaeni, \q1 umui be lauegu. \q1 \v 2 Ranu dobuna umui hanaia gwauraia neganai, \q1 lau be umui danu do lau noho. \q1 Umui emui laloa hekwarahi ese, \q1 umui do idia hadikaia ore lasi. \q1 Lahi umui hanaia gwauraia neganai, \q1 ena siahu ese umui do ia gabua lasi. \q1 Hisihisi aukadia umui dekenai idia mai ese, \q1 umui do idia hadikaia lasi. \q1 \v 3 Badina lau be Lohiabada, emui Dirava. \q1 Lau be Israela ena Dirava Helagana, \q1 lau ese umui lau hamauria noho. \q1 Umui do lau hamauria totona, \q1 Aigupito lau negea vadaeni, \q1 emui mauri ena davana unai. \q1 Bona umui do lau hamauria totona, \q1 Etiopia bona Seba lau negea vadaeni, \q1 emui mauri ena davana. \q1 \v 4 Badina be umui emui davana be bada herea lau dekenai. \q1 Lau ese umui lau matauraia noho, \q1 bona umui lau ura henia noho. \q1 Unai dainai bese idauidau momo do lau negea, \q1 umui do lau hamauria totona. \q1 \v 5 Do umui gari lasi, \q1 badina lau be umui danu lau noho. \q1 Dina daekau kahana momokani, \q1 bona dina diho kahana momokani dekena amo, \q1 lau ese emui bese taudia do lau hakaua mai, \q1 emui gabu korikori dekenai. \q1 \v 6 Mirigini kahana taudia do lau hamaoroa, lau gwau, \q1 ‘Lauegu bese taudia do umui dogoatao lasi.’ \q1 Bona diho kahana taudia danu do lau hamaoroa, lau gwau, \q1 ‘Lauegu bese taudia do umui koua lasi.’ \q1 Lau ura egu bese taudia ese, \q1 daudau tanodia dekena amo do idia giroa mai, \q1 tanobada ena kahana ibounai dekena amo. \q1 \v 7 Idia be lauegu bese korikori. \q1 Lau ese idia lau havaraia, \q1 idia ese lau do idia hanamoa, \q1 bona egu ladana do idia abia isi totona.” \s1 Israela be Lohiabada ena uitnesi taudia \q1 \v 8 Dirava ia gwau, \q1 “Lauegu bese be kota totona do umui boiridia. \q1 Idia be mai edia matana, \q1 to idia itaia diba lasi. \q1 Idia be mai edia taiana, \q1 to idia kamonai diba lasi. \q1 \v 9 Bese idauidau be kota totona do umui boiridia mai. \q1 Edia dirava edia huanai, \q1 daika ese gabeai do idia vara gaudia idia gwauraia diba? \q1 Edena idau bese dirava ese, \q1 harihari idia vara noho gaudia ia perovetalaia guna? \q1 Inai dirava koikoidia ese, \q1 edia uitnesi taudia do idia mailaia, \q1 bona bema idia be maoro, \q1 namona be edia maoro do idia hamomokania. \q1 To kota lalonai idia hereva diba unai edia dirava be maoro bona momokani, a? \q1 Lasi momokani. \q1 \v 10 Israela taudia e, \q1 umui be lauegu hereva hamomokania taudia. \q1 Lau ese umui lau abia hidi, \q1 egu hesiai gaukara do umui karaia totona, \q1 bona lau do umui diba, \q1 bona lau do umui abidadama henia totona. \q1 Bona do umui diba, \q1 lau sibona be Dirava, \q1 badina be dirava ta lasi ese lau ia gunalaia, \q1 bona lauegu murinai danu, \q1 dirava ta do ia hedinaraia lasi. \b \q1 \v 11 “Lau inai, \q1 lau sibona be Lohiabada. \q1 Lau sibona be Hamauria Tauna, \q1 hamauria tauna ma ta be lasi. \q1 \v 12 Lau ese dohore idia vara gaudia lau gwauraia guna, \q1 bona unai murinai umui durua totona lau mai. \q1 Bese idauna ta ena dirava ta ese, \q1 nega ta unai bamona ia karaia lasi, \q1 bona umui be lauegu hereva hamomokania taudia, \q1 umui gwauraia noho, lau be Dirava. \q1 \v 13 Oibe, bona nega gunaguna dekena amo lau be Dirava. \q1 Lauegu siahu dekena amo, \q1 ta ese ia heau mauri diba lasi, \q1 bona kara ta lau karaia neganai, \q1 ta ese unai kara ia haidaua diba lasi.” \s1 Babulonia dekena amo heau mauri \q1 \v 14 Israela ena Dirava Helagana, \q1 umui ia hamauria noho Lohiabada ese ia hereva, ia gwau, \q1 “Umui do lau hamauria totona, \q1 tuari taudia Babulonia dekenai do lau siaia. \q1 Lau ese Babulonia hanua ena magu iduara do lau makohia, \q1 bona Babulonia taudia edia tuari boiboi, \q1 be taitai sibona do lau halaoa. \q1 \v 15 Lau be Lohiabada, \q1 emui Dirava Helagana. \q1 Lau ese Israela lau havaraia, \q1 bona lau be emui King.” \b \q1 \v 16 Gunaguna, Lohiabada ese davara lalonai dala ta ia karaia. \q1 Davara ena hurehure badadia lalonai, \q1 taunimanima edia raka dalana ta ia karaia. \q1 \v 17 Bona Lohiabada ese tuari oreana badana, \q1 be mase bona dika dekenai ia hakaua. \q1 Unai tuari oreana be mai kariota bona hosi danu. \q1 Idia be idia moru diho, \q1 idia toreisi lou diba lasi. \q1 Idia be idia bodo, \q1 lahi ena gida ia bodo bamona. \q1 \v 18 To Lohiabada ia gwau, \q1 “Kara gunadia do umui laloa noho lasi. \q1 Nega gunadia do umui laloa momo lasi. \q1 \v 19 Kamonai! \q1 Kara matamata be do lau karaia. \q1 Inai kara be harihari ia vara noho, \q1 umui itaia diba, ani? \q1 Lau ese taunimanima idia noho diba lasi tanona dekenai, \q1 dala ta do lau karaia, \q1 bona tano kaukau dekenai, \q1 sinavai do lau havaraia. \q1 \v 20 Oibe, uda boromadia ese lau do idia hanamoa, \q1 uda sisia bona kokokoko ese danu. \q1 Badina be nadi kavakava gabuna dekenai, \q1 ranu do lau havaraia, \q1 bona tano kaukau dekenai danu sinavai do lau atoa, \q1 egu abia hidi bese durua totona. \q1 \v 21 Bese be unai, lau karaia vadaeni, \q1 lauegu taudia inai, \q1 bona idia ese ane dekenai, \q1 egu ladana do idia hanamoa!” \s1 Israela ena kara dika \q1 \v 22 Lohiabada ia gwau, \q1 “To Israela e, \q1 oi ese lau oi tomadiho henia lasi, \q1 lau dekenai oi hesiku vadaeni. \q1 \v 23 Umui ese emui mamoe, \q1 be lau dekenai umui mailaia lasi, \q1 do umui gabua totona. \q1 Emui boubou gaudia dekena amo lau umui hanamoa lasi. \q1 Lau ese boubou karadia umui dekena amo lau noia lasi, \q1 unai be metau umui dekenai dainai, \q1 bona bonana namo muramura danu lau noia lasi, \q1 do umui hesiku garina. \q1 \v 24 Umui ese bonana namo muramura, \q1 be lau totona umui hoia lasi, \q1 o emui boromakau edia digara dekena amo, \q1 davana lau dekenai umui henia lasi. \q1 To emui kara dika dekena amo, \q1 umui ese lau dekenai metau umui henia, \q1 bona emui kerere momo dainai, \q1 lau be lau hesiku vadaeni. \b \q1 \v 25 “To kamonai! \q1 Lau be emui kara dika lau gwauatao Diravana, \q1 bona inai bamona lau karaia noho lauegu ladana dainai. \q1 Lau ese umui emui kara dika do lau laloa noho lasi. \b \q1 \v 26 “Namona be kota dekenai, \q1 do ita herevalaia! \q1 Emui samania hereva do umui gwauraia! \q1 Emui hereva do umui gwauraia, \q1 emui kara be maoro do umui hamomokania totona. \q1 \v 27 Emui tubuna gunana momokani ese ia kara dika. \q1 Emui gunalaia taudia danu ese lau dekenai idia kara dika. \q1 \v 28 Emui lohia taudia ese lauegu Dubu Helaga idia hamiroa. \q1 Unai dainai Israela lau hadikaia vadaeni. \q1 Lauegu bese korikori lau durua lasi dainai, \q1 idau bese ese umui idia hadikaia, \q1 mai emui hemarai danu.” \c 44 \s1 Dirava tamona be Lohiabada \q1 \v 1 Lohiabada ia gwau, \q1 “Israela, lauegu hesiai tauna, \q1 lauegu abia hidi besena, \q1 Iakobo ena tubuna taudia, \q1 lau dekenai do umui kamonai. \q1 \v 2 Lau be Lohiabada, umui lau karaia. \q1 Umui vara dinana dekena amo, \q1 umui lau durua vadaeni. \q1 Do umui gari lasi, \q1 umui be lauegu hesiai tauna. \q1 Umui be lauegu abia hidi besena, \q1 lauegu lalokau taudia. \q1 \v 3 Lau ese tano kaukau dekenai ranu do lau bubua diho, \q1 bona ranu lasi tanodia dekenai sinavai do lau havaraia. \q1 Lauegu Lauma be emui natudia dekenai do lau henia, \q1 bona emui tubudia be do lau hanamoa. \q1 \v 4 Do idia tubu namonamo, \q1 ranu gabuna dekenai ia tubu rei bamona. \q1 Idia edia tubu dalana be au hegeregere, \q1 sinavai badinai idia tubu neganai bamona. \b \q1 \v 5 “Taunimanima ta ta be do idia gwau, \q1 ‘Lau be Lohiabada ena.’ \q1 Vadaeni unai taudia ese, \q1 Israela besena danu do idia haboua. \q1 Idia ta ta ibounai ese Lohiabada ena ladana, \q1 be edia imana dekenai do idia torea, \q1 bona do idia gwauraia, \q1 idia be Dirava ena orea taudia.” \b \q1 \v 6 Lohiabada, Israela ia biagua bona hamauria Diravana, \q1 Siahu Ibounai Lohiabada, \q1 be inai bamona ia hereva, ia gwau, \q1 “Lau be ginigunana bona lau be dokona danu, \q1 lau be Dirava tamona, \q1 dirava ta be lasi, lau sibona. \q1 \v 7 Daika be lau hegeregere! \q1 Ta ese inai bamona ia gwauraia diba, a? \q1 Daika ese do idia vara karadia, \q1 nega gunana dekena amo ia gwauraia diba? \q1 Oibe, namona be ia ese dohore idia vara gaudia, \q1 be do ia perovetalaia, do ita kamonai! \q1 \v 8 Lauegu bese taudia e, \q1 do umui gari lasi! \q1 Umui diba nega gunaguna ia mai bona hari, \q1 lau ese dahaka do idia vara karadia, \q1 be lau gwauraia guna vadaeni, \q1 bona umui be lauegu hereva hamomokania taudia. \q1 Dirava idauna ta ia noho, a? \q1 Lasi momokani, \q1 Nadi Badana ma ta ia noho lasi, \q1 ta lau diba lasi momokani.” \s1 Kaivakuku be anina lasi \p \v 9 Kaivakuku idia karaia noho taudia be anina lasi, bona unai idia karaia bona moalelaia diravadia danu, be anina lasi. Oibe, unai kaivakuku idia hamomokania taudia be matakepulu bamona, bona idia be aonega lasi momokani. Hemarai bada do idia davaria. \v 10 Daika ese dirava koikoi ta ia karaia noho, o kaivakuku ta ia koroa noho? Inai kara be anina lasi. \v 11 Kamonai! Unai bamona dirava koikoi idia tomadiho henia taudia ibounai ese hemarai do idia davaria. Inai gaudia idia karaia taudia be taunimanima sibona. Namona be idia raka hebou mai, edia kara ena anina do idia gwauraia totona. To kota lalonai, gari bada ese idia do ia hadikaia, bona hemarai bada do idia davaria. \p \v 12 Auri ia gaukaralaia tauna ese auri ta ia abia, lahi dekenai ia gaukaralaia. Iena imana goadana dekena amo, hama dekenai auri ia botaia, auri ena toana namona do ia karaia totona. Unai tau ia gaukara lalonai, ia hitolo, ia ranu mase, bona iena tauanina ia manoka lao. \p \v 13 Kamuta tauna ese au ena bada, be hahetoho varona dekenai ia abia. Bona au dekenai, pensolo dekena amo, kaivakuku ena toana ia torea. Vadaeni kaia dekena amo, au ia utua bona koroa, ela bona tau ena toana ia karaia, tau mai ena toana namona. Unai be ruma lalonai do ia haginia gauna. \p \v 14 Unai kamuta ese sedira unai gaukara totona sida auna ia utua diho uda lalonai, o sedira saipresi auna, o ouki auna. O sedira kasuarina auna ta ia hadoa, vadaeni ia naria ela bona medu ese ia hatubua bada. \v 15 Tau ese au ia gaukaralaia noho dala rua dekenai, inai bamona: Au ena kahana ta, be lahi karaia totona, bona au ena kahana ta, be kaivakuku karaia totona. Au ena kahana ta dekena amo unai tau ese lahi ia karaia, sibona ena kopina do ia hasiahua totona, bona paraoa do ia gabua totona. Bona au ena kahana ta dekena amo, unai tau ese dirava koikoi ta ia karaia, do ia tomadiho henia totona. \v 16 Au ena kahana dekenai lahi ia karaia, vadaeni unai tau ese vamu ia gabua, ia ania, bona iena bogana ia kunu. Iena tauanina be lahi dekenai ia hasiahua, vadaeni ia gwau, “Namo, inai lahi ese lau ia hasiahua namo herea, lahi lau itaia be namo momokani!” \v 17 Vadaeni au ena kahana dekena amo kaivakuku ia karaia, bona unai neganai ia tui diho, ia gwau, “Oi be lauegu dirava, oi ese lau do oi hamauria.” \p \v 18 Unai bamona taudia be kavakava momokani, edia kara ena anina idia diba lasi. Idia ese edia lalona idia koua noho, vadaeni hereva momokani, bona kara maorona momokani idia diba lasi. \p \v 19 Kaivakuku idia karaia taudia be kavakava, idia be mai edia laloa maorona ta lasi momokani. Bema mai edia laloa maorona neganai, inai bamona do idia hereva, “Ia! Inai lau karaia gauna, be au ena kahana ta sibona! Haida be lau gabua, haida be ena lahi dekenai paraoa lau gabua, vamu danu lau gabua, bona lau ania, to hari be lau kavakava, badina be au sibona dekenai lau tomadiho henia noho!” \p \v 20 Inai tau ena kara be hegeregere ia ese lahi ena kahu ia ania bamona. Iena laloa kavakava dainai, ia ese ia durua diba lasi gauna dekenai ia abidadama henia noho! Ia be mai ena aonega sisina lasi. Unai dainai ia diba lasi, iena imana dekenai ia dogoatao gauna, be dirava momokani lasi. \s1 Lohiabada be iena bese ena Hamauria Tauna \q1 \v 21 Lohiabada be inai bamona ia gwau, \q1 “Israela e, do oi laloaboio lasi, \q1 oi be lauegu hesiai tauna. \q1 Lau ese oi lau karaia, \q1 oi be lauegu hesiai tauna do oi lao totona, \q1 bona lau ese oi do lau laloaboio lasi momokani. \q1 \v 22 Lau ese emui kara dika lau abia lao, \q1 ori lau abia lao bamona. \q1 Lau dekenai do umui giroa mai, \q1 badina be lau ese umui lau hamauria noho.” \b \q1 \v 23 Guba e, ane do umui abia! \q1 Tanobada ena dobu gabudia e, \q1 do umui boiboi! \q1 Ororo e, ane do umui abia badabada, \q1 uda ena au ibounai danu! \q1 Badina be Lohiabada ese iena kara badadia, \q1 mai siahu danu ia hedinaraia vadaeni. \q1 Ia ese Israela, iena bese taudia ia hamauria vadaeni. \b \q1 \v 24 Lohiabada ia hereva, ia gwau, \q1 “Lau be Lohiabada, emui Hamauria Tauna. \q1 Lau ese umui lau karaia. \q1 Lau be Lohiabada, \q1 lau be gau ibounai lau Karaia Tauna. \q1 Lau sibona ese guba lau karaia, \q1 ia lao gabu ibounai, \q1 bona tanobada lau karaia neganai, \q1 ta ese lau ia durua lasi. \q1 \v 25 Lau ese peroveta koikoi taudia, \q1 edia hereva lau koua noho, \q1 bona meamea dika taudia dekenai, \q1 laloa kavakava lau henia. \q1 Aonega taudia edia hereva, \q1 be lau ese lau negea, \q1 bona edia aonega be kavakava dekenai lau halaoa noho. \q1 \v 26 To bema lauegu hesiai tauna ese, \q1 peroveta hereva ia gwauraia neganai, \q1 bona bema hesiai tauna ta lau siaia, \q1 ia ese egu palani do ia hedinaraia totona, \q1 unai neganai unai palani bona unai peroveta hereva, \q1 be do lau hamomokania. \b \q1 “Lau ese guna Ierusalema idia noho taudia lau hamaoroa, \q1 lau gwau, \q1 ‘Ierusalema dekenai do umui noho lou.’ \q1 Lau ese guna Iuda hanuadia idia noho taudia lau hamaoroa, \q1 ‘Umui emui hanua ibounai, \q1 be do idia haginia lou. \q1 Hanua bona ruma gunadia edia momoru gabudia dekenai, \q1 hanua matamata do idia haginia lou.’ \q1 \v 27 Lauegu oda hereva dekena amo, \q1 davara mai ena ranu dobudia be do idia kaukau. \q1 \v 28 Lau ese king Kurese dekenai do lau hereva, lau gwau, \q1 ‘Oi ese lauegu ladana dekenai, \q1 tanobada do oi gunalaia. \q1 Lauegu ura be oi ese do oi karaia. \q1 Oi ese do oi oda, \q1 vadaeni Ierusalema do idia haginia lou. \q1 Bona oi ese do oi oda, \q1 vadaeni Dubu Helaga ena badina nadidia do idia haginia!’ ” \c 45 \s1 Lohiabada ese Kurese ia abia hidi \q1 \v 1 Lohiabada ese Kurese ia abia hidi vadaeni, king dagi totona! \q1 Lohiabada ese Kurese ia abia hidi, \q1 bese idauidau tuari dekenai do ia halusia totona. \q1 Lohiabada ese Kurese ia siaia noho, \q1 king edia siahu do ia hamanokaia totona. \q1 Lohiabada ese hanua badadia edia magu iduara do ia kehoa, \q1 Kurese do ia raka vareai totona. \q1 Kurese dekenai Lohiabada ia hereva, ia gwau, \q1 \v 2 “Lau sibona ese oiemu dala do lau kehoa, \q1 vadaeni ororo badadia bona maragidia do lau hapalakaia. \q1 Lau ese magu iduara, \q1 auri gaudia do lau makohia. \q1 \v 3 Lau ese dibura bona hunia gabudia dekenai idia noho kohu, \q1 be oi dekenai do lau henia. \q1 Unai neganai do oi diba lau be Lohiabada, \q1 bona do oi diba Israela ena Dirava ese, \q1 oiemu ladana ia atoa vadaeni. \q1 \v 4 Kurese e, oi lau boiria vadaeni, \q1 egu abia hidi besena Israela do oi durua totona. \q1 Oi ese lau oi diba lasi, \q1 to lau ese oiemu ladana lau habadaia herea. \q1 \v 5 Lau be Lohiabada, \q1 dirava idauna ta ia noho lasi. \q1 Dirava ta be lasi, lau sibona. \q1 Kurese e, oi diba lasi lau, \q1 to lau ese oi lau hagoadaia noho. \q1 \v 6 Vadaeni dina ia daekau kahana dekena amo, \q1 bona dina ia diho kahana dekena amo, \q1 taunimanima be do idia diba, \q1 lau hegeregerena ta ia noho lasi. \q1 Lau inai Lohiabada, \q1 bona dirava idauna ta be lasi. \q1 \v 7 Diari lau karaia noho, \q1 bona dibura lau havaraia noho. \q1 Namo lau karaia noho, \q1 bona dika danu lau havaraia noho. \q1 Lau be Lohiabada, inai kara ibounai lau karaia noho. \b \q1 \v 8 “Lau ese guba dekena amo, \q1 kara maoromaoro do lau hadihoa, \q1 medu bamona. \q1 Tanobada be do ia kehoa, \q1 inai kara maoromaoro do ia abia dae totona. \q1 Tanobada dekenai kara namodia, \q1 bona hamauria kara do idia tubu daekau. \q1 Lau Lohiabada ese inai bamona do lau karaia.” \s1 Lohiabada ese gau ibounai ia karaia, bona dahaka idia vara gaudia ibounai be ia ese ia biagua noho \q1 \v 9 Dirava ese ia karaia tauna, \q1 be Dirava dekenai do ia heai diba, a? \q1 Lasi momokani, \q1 dika do ia davaria garina, ani? \q1 Inai be uro ta ese, \q1 uro karaia tauna do ia heai henia bamona, ani? \q1 Raro ese uro karaia tauna do ia gwau henia, a? \q1 Do ia gwau, “Oi be dahaka oi karaia? \q1 Oi karaia karana be anina lasi.” \q1 \v 10 Natuna ta ese, \q1 iena tamana bona sinana do ia gwau henia, a? \q1 Do ia gwau, “Badina dahaka inai bamona lau umui havaraia?” \q1 Lasi momokani, ani? \b \q1 \v 11 Lohiabada, \q1 Israela ena Dirava Helagana, \q1 ese Israela ia karaia. \q1 Ia ese do idia vara gaudia ia havaraia noho, \q1 bona inai bamona ia hereva, ia gwau: \q1 “Umui ese lauegu natuna taudia totona lau umui nanadaia, a? \q1 Umui be mai emui maoro lasi unai bamona do umui karaia. \q1 Umui be maoro lasi lau do umui hamaoroa dahaka do lau karaia! \q1 \v 12 Lau ese tanobada lau karaia, \q1 bona taunimanima be lau ese lau havaraia tanobada latanai. \q1 Lauegu siahu dekena amo guba lau karaia. \q1 Lau ese dina, hua, bona hisiu lau naria noho. \q1 \v 13 Lau sibona ese Kurese lau hatorea isi. \q1 Ia ese egu ura do ia karaia, \q1 bona gau ibounai do ia hanamoa bona hamaoromaoroa. \q1 Lau ese iena dala ibounai do lau hamaoromaoroa. \q1 Ia ese egu hanua badana, Ierusalema do ia haginia lou, \q1 bona ia ese egu abia mauri besena do ia ruhaia. \q1 Tau ta ese moni ia henia lasi, \q1 o Kurese ena lalona ia veria lasi, \q1 unai kara do ia karaia totona. \q1 Lasi momokani! \q1 Lau, Siahu Ibounai Lohiabada ese lau hereva vadaeni.” \b \q1 \v 14 Lohiabada ese Israela dekenai ia hereva, ia gwau, \q1 “Aigupito bona Etiopia edia kohu be do umui abia, \q1 bona tau latadia, Sabea taudia, \q1 be emui hesiai taudia mai guia danu do idia lao. \q1 Mai edia seini danu, \q1 umui emui murinai do idia raka. \q1 Idia ese umui emui vairana dekenai do idia tui diho, \q1 do idia gwau, \q1 ‘Dirava be umui dekenai ia noho, \q1 ia sibona be Dirava. \q1 \v 15 Israela ena Dirava, \q1 iena bese taudia ia hamauria noho Diravana, \q1 be ia sibona hunia gabu dekenai ia noho. \q1 \v 16 Kaivakuku idia karaia noho taudia ibounai, \q1 be do idia hemarai. \q1 Idia ibounai be hemarai ese do ia hadikaia. \q1 \v 17 To Israela be Lohiabada ese ia hamauria noho, \q1 bona Israela ena kwalimu be do ia noho hanaihanai. \q1 Iena taudia be hemarai do idia davaria lasi momokani.’ ” \b \q1 \v 18 Lohiabada ese guba ia karaia. \q1 Ia sibona be Dirava! \q1 Ia ese tanobada ia karaia, \q1 bona tanobada ena toana, \q1 be Dirava ese ia henia. \q1 Ia ese tanobada ia karaia, goada herea. \q1 Ia ese tano do ia noho kava totona ia karaia lasi, \q1 to tano mai anina namona, \q1 taunimanima idia noholaia diba gabuna, ia karaia. \q1 Unai ia karaia Dirava be ia gwau, \q1 “Lau be Lohiabada, \q1 bona dirava ma ta be lasi. \q1 \v 19 Lau ese egu hereva ena anina lau hunia lasi. \q1 Lauegu ura kara lau hunia lasi. \q1 Lauegu bese taudia Israela lau hamaoroa lasi inai bamona, \q1 ‘Lau do umui tahua neganai, \q1 do umui tahua kava.’ \q1 Lau be Lohiabada, \q1 bona lau hereva momokani sibona. \q1 Lau ese dala maorona, bona kara maorona lau gwauraia noho.” \s1 Tanobada ena taunimanima ibounai ese Lohiabada dekenai do idia tui diho \q1 \v 20 Lohiabada ia gwau, \q1 “Bese idauidau taudia e, \q1 Babulonia ia moru neganai umui do mauri noho taudia e, \q1 umui raka hebou mai, \q1 bona kota totona do umui gini hegaegae noho! \q1 Bema umui huanai haida ese edia kaivakuku idia huaia noho, \q1 bona idia durua diba lasi dirava, \q1 dekenai idia guriguri noho, \q1 inai taudia be gau ta idia diba lasi! \q1 \v 21 Umui mai, kota lalonai emui hereva do umui gwauraia. \q1 Umui gwau umui be kerere lasi taudia ese, \q1 hereva ta ta do umui tahua namonamo. \q1 Umui sibona dekenai do umui henanadai, \q1 gunaguna be daika ese ia gwauraia inai karadia be do idia vara? \q1 Inai be lau Lohiabada, \q1 iena bese ia hamauria Dirava, ani? \q1 Dirava ma ta be lasi. \b \q1 \v 22 “Tanobada kahana kahana ibounai taudia e, \q1 lau dekenai harihari do umui giroa, \q1 vadaeni mauri do umui davaria. \q1 Badina be lau sibona be Dirava, \q1 dirava idauna ta ia noho lasi. \q1 \v 23 Lauegu gwauhamata be momokani, \q1 bona do lau haidaua lasi. \q1 Gwauhamata metauna momokani lau gwauraia inai: \q1 Taunimanima ibounai ese egu vairana dekenai do idia mai, \q1 do idia tui diho, \q1 bona idia ibounai ese do idia gwauhamata, \q1 lau do idia badinaia. \q1 \v 24 Lau do idia herevalaia, \q1 do idia gwau, \q1 ‘Kwalimu bona goada, \q1 be Lohiabada sibona dekena amo ita abia diba, \q1 to Lohiabada dekenai idia badu taudia ibounai ese, \q1 hemarai bada do idia davaria.’ \q1 \v 25 Lau Lohiabada ese, \q1 Iakobo ena tubuna taudia ibounai do lau hamauria, \q1 bona idia ese egu ladana do idia hanamoa.” \c 46 \s1 Lohiabada sibona be goada, dirava koikoidia be anina lasi \q1 \v 1 Lohiabada ia hereva, ia gwau, \q1 “Babulonia taudia edia dirava edia dokona be inai! \q1 Bela bona Nebo dirava, \q1 be guna Babulonia taudia ese idia tomadiho henidia, \q1 to hari idia be doniki edia doruna dekenai idia kwatua noho. \q1 Doniki be idia manoka bona hesiku, \q1 to idia ese unai kaivakuku edia metau idia huaia noho. \q1 \v 2 Oibe, Babulonia taudia edia dirava koikoi edia dokona be inai, \q1 badina be unai kaivakuku ese, \q1 idia sibona idia hamauria diba lasi. \q1 Idia be idia guia noho taudia ese idia abia lao noho. \b \q1 \v 3 “Iakobo ena tubuna taudia e, \q1 umui do mauri noho Israela taudia e, \q1 umui vara dinadia ia mai bona hari, \q1 lau ese umui lau naria. \q1 \v 4 Lau be emui Dirava, \q1 bona lau ese umui do lau naria noho, \q1 ela bona umui be buruka, \q1 bona emui huina idia kurokuro. \q1 Lau ese umui lau karaia, \q1 bona umui do lau naria. \q1 Lau ese umui do lau durua, \q1 bona umui do lau hamauria. \b \q1 \v 5 “Umui emui vairana dekenai, \q1 daika be lau danu ia hegeregere? \q1 Daika ena mauri be lauegu mauri danu ia hegeregere? \q1 \v 6 Taunimanima ese edia puse idia kehoa, \q1 bona golo idia abia. \q1 Idia ese sikele dekenai siliva ena metau idia abia. \q1 Idia ese golo ia gaukaralaia tauna idia hamaoroa, \q1 dirava ta do ia karaia. \q1 Unai neganai unai dirava dekenai idia tomadiho henia! \q1 \v 7 Idia ese unai dirava be edia pagana dekenai idia atoa, \q1 idia huaia lao. \q1 Iena gabuna dekenai unai dirava idia atoa, \q1 ia gini unuseni. \q1 To ia sibona ia marere diba lasi, \q1 unai gabu ia rakatania diba lasi. \q1 Bema tau ta ia guriguri henia neganai, \q1 ia haere diba lasi, \q1 bona ia ese unai tau ia hamauria diba lasi dika dekena amo. \b \q1 \v 8 “Umui kerere taudia e, \q1 lauegu kara do umui laloaboio lasi. \q1 Lau ese lau karaia vadaeni karadia do umui laloa noho. \q1 \v 9 Gunaguna idia vara gaudia do umui laloatao, \q1 bona do umui gwauraia, \q1 lau sibona be Dirava, \q1 bona do umui gwauraia hedinarai, \q1 dirava idauna ta, \q1 lau hegeregerena ta ia noho lasi. \q1 \v 10 Hamatamaia neganai lau ese dokona lau gwauraia. \q1 Gunaguna momokani lau ese, \q1 dahaka do ia vara lau gwauraia guna. \q1 Lau gwau lauegu ura, \q1 lauegu palani, be do ia gini noho, \q1 do ia moru lasi. \q1 Lau ura karaia gaudia ibounai be do lau karaia. \q1 \v 11 Lau ese tau ta lau boiria noho, \q1 dina daekau kahana dekena amo do ia mai. \q1 Ia ese ugava manu bamona do ia diho mai, \q1 bona lau ese lau palani guna karadia be ia ese do ia karaia. \q1 Lau hereva vadaeni, bona lauegu hereva gauna be do ia vara. \q1 \v 12 Umui laloa auka taudia e, \q1 umui laloa emui kwalimu dalana be daudau herea. \q1 Lauegu hereva do umui kamonai! \q1 \v 13 Lau ese emui kwalimu dinana lau mailaia noho, \q1 ia be daudau lasi. \q1 Lauegu kwalimu be kahirakahira ia ginidae. \q1 Lau ese Ierusalema do lau hamauria. \q1 Bona lauegu hairaina be Israela dekenai do lau henia.” \c 47 \s1 Dirava ese Babulonia do ia panisia \q1 \v 1 Lohiabada ia gwau, \q1 “Babulonia e, oiemu terona dekena amo do oi diho. \q1 Tano ena kahu dekenai do oi helai. \q1 Guna oi be rami hebou kekeni bamona. \q1 Tau ta ese oi dekena amo ia kwalimu lasi. \q1 To oi be tauanina manadamanada, \q1 bona mai hairaina do oi noho lou lasi. \q1 Hari oi be hesiai mai guia danu hahine sibona! \q1 \v 2 Nadi metaudia do oi abia, \q1 uiti do oi moia patapata. \q1 Oiemu vairana koua muko do oi kokia. \q1 Oiemu dabua namodia do oi kokia! \q1 Oiemu rami do oi abia isi, \q1 sinavai do oi raka hanaia. \q1 \v 3 Oi be rami lasi neganai, \q1 taunimanima ese oi do idia itaia, \q1 oiemu hemarai do ia hedinaraia. \q1 Emu dika ena davana do lau henia. \q1 Emu taunimanima ta do lau bogahisihisi henia lasi.” \b \q1 \v 4 Israela ena Dirava Helagana ese ita ia hamauria noho. \q1 Iena ladana be Siahu Ibounai Lohiabada. \q1 \v 5 Lohiabada ese Babulonia ia hamaoroa, ia gwau, \q1 “Regena lasi do oi helai, dibura gabuna lalonai, \q1 badina be basileia edia lohia hahine, \q1 be oi do idia gwauraia lou lasi. \q1 \v 6 Egu bese taudia lau badu henidia. \q1 Egu bese korikori taudia lau panisidia. \q1 Oiemu siahu ena henunai lau atodia. \q1 Oi ese oi bogahisihisi henidia lasi. \q1 Buruka taudia danu oi ese oi hadikaia. \q1 \v 7 Oi gwau, ‘Lau be lohia hahine hanaihanai.’ \q1 Oiemu kara egu bese taudia dekenai oi laloa lasi, \q1 bona inai kara dainai, \q1 dahaka do ia vara danu oi laloa lasi. \b \q1 \v 8 “Unai dainai, \q1 moale oi ura henia hahine e, \q1 inai hereva do oi kamonai: \q1 Oi helai namonamo noho, bona oi gwau, \q1 ‘Lau be bada, Dirava bamona, \q1 ta be lau hegeregerena lasi. \q1 Lau be do lau vabu lasi, \q1 bona egu natuna ta do ia mase lasi.’ \q1 \v 9 To inai gaudia rua be oi dekenai do idia ginidae, \q1 nega tamona dekenai, \q1 dina tamona dekenai. \q1 Momokani oiemu meamea karadia be momo, \q1 oiemu puripuri karadia danu be mai siahu danu, \q1 to oiemu adavana bona oiemu natuna danu do idia mase. \b \q1 \v 10 “Oiemu kara dika lalonai oi noho namonamo, \q1 gari ta lasi, ma oi gwau, \q1 ‘Ta ese lau ia itaia lasi.’ \q1 Oiemu aonega bona oiemu laloa kehoa ese oi idia hakaua kerere, \q1 bona oiemu lalona dekenai oi gwau, \q1 ‘Lau be bada, Dirava bamona, \q1 ta be lau hegeregerena lasi.’ \q1 \v 11 To dika be oiemu latanai do ia ginidae, \q1 bona oiemu meamea ta ese, \q1 unai dika do ia koua diba lasi. \q1 Ala-ala be oi dekenai do ia diho haraga, \q1 ena davana do oi henia diba lasi gauna, \q1 bona oi diba lasi dikana ta ese, \q1 karaharaga oi do ia hadikaia ore. \b \q1 \v 12 Oiemu puripuri bona oiemu meamea karadia do oi karaia noho, \q1 oiemu kekeni dinadia dekena amo oi karaia goada gaudia. \q1 Bona sedira edia anina do idia vara, \q1 sedira taunimanima haida do oi hagaria. \q1 \v 13 Oiemu sisiba henia taudia be momo, \q1 to oi dekenai goada idia henia lasi. \q1 Oiemu hisiu tahua taudia, \q1 hisiu edia dala idia itaia noho taudia, \q1 namona be idia ese oi do idia durua, bona oi do idia hamauria. \q1 Idia ese hua matamata negadia ibounai, \q1 oi dekenai idia hamaoroa, \q1 dahaka gaudia be oi dekenai do idia vara. \b \q1 \v 14 “To inai hisiu tahua taudia, \q1 be rei kaukau hegeregerena do idia lao. \q1 Lahi ese idia do ia gabua ore. \q1 Lahi ena hururuhururu dekena amo, \q1 be idia sibodia do idia roho mauri diba lasi. \q1 Badina be inai lahi be idau, \q1 gida namona gauna lasi, \q1 o iena badibadinai oi helai namonamo gauna lasi. \q1 Lasi, inai lahi ese ibounai do ia gabua ore momokani. \q1 \v 15 Inai tau ibounai be, \q1 oiemu kekeni negana dekena amo oi danu idia gaukara hebou taudia, \q1 to idia edia durua be anina lasi momokani oi dekenai. \q1 Idia ese oi do idia rakatania, \q1 ta ta edia dala, edia dala dekenai do idia lao, \q1 bona oi hamauria totona tauna ta do ia noho lasi.” \c 48 \s1 Dirava ese vaira dinadia dekenai do idia vara gaudia ia naria bona ia biagua noho \q1 \v 1 Iakobo iduhu taudia e, \q1 do umui kamonai! \q1 Emui ladana be Israela, \q1 bona Iuda ese umui ia havaraia. \q1 Umui be Lohiabada ena ladana dekenai gwauhamata umui karaia noho, \q1 bona Israela ena Dirava umui gwauraia hedinarai noho, \q1 to hereva momokani dekenai lasi, \q1 bona kara maoromaoro dekenai lasi. \q1 \v 2 Umui gwau umui be hanua helagana ena noho taudia, \q1 bona umui gwau, \q1 umui ese Israela ena Dirava umui abidadama henia noho. \q1 Iena ladana be Siahu Ibounai Lohiabada. \b \q1 \v 3 Lohiabada ese Israela ia hamaoroa inai: \q1 “Kara gunadia be idaunegai lau gwauraia hedinarai do idia vara, \q1 bona unai karadia be karaharaga lau havaraia. \q1 \v 4 Lau diba umui Israela taudia, \q1 emui lalona be auka. \q1 Emui aiona be auri, \q1 bona emui baguna be auri laboralabora bamona. \q1 \v 5 Unai dainai nega gunana dekena amo, \q1 umui dekenai do idia vara gaudia lau gwauraia hedinarai. \q1 Kara idia do vara lasi neganai, \q1 umui dekenai lau hadibaia, \q1 umui ese inai bamona do umui hereva garina, do umui gwau, \q1 ‘Iseda kaivakuku ese inai karadia ia karaia,’ bona, \q1 ‘Iseda dirava laulauna, au gauna, \q1 bona iseda auri laulauna, \q1 koroa gaudia ese idia karaia.’ \q1 \v 6 Umui dekenai lau hamaoroa guna gaudia be hari idia vara vadaeni, \q1 bona hari umui diba vadaeni, \q1 unai egu hereva gunana be maoro, ani? \b \q1 “Hari ia lao, \q1 lau ese gau matamatadia umui dekenai do lau hamaoroa, \q1 hunia gaudia, do umui diba lasi gaudia. \q1 \v 7 Harihari sibona lau ese inai karadia lau havaraia vadaeni. \q1 Inai bamona karadia be guna idia vara lasi. \q1 Unai dainai inai bamona umui hereva diba lasi, \q1 ‘Inai kara ita diba vadaeni.’ \q1 \v 8 Lau diba umui be kara dika herea taudia, \q1 bona emui vara dina dekena amo, \q1 egu hereva negea taudia umui idia gwauraia noho. \q1 Unai dainai inai lau karaia gaudia, \q1 be nega ta umui kamonai lasi, \q1 bona nega ta idia umui diba lasi, \q1 bona emui nega gunadia dekena amo, \q1 inai gaudia dekenai emui taiana umui kehoa lasi. \b \q1 \v 9 “Taunimanima ese egu ladana do idia hanamoa totona, \q1 lau ese egu badu lau koua noho. \q1 Egu ladana dainai, \q1 lau ese umui do lau hadikaia ore lasi. \q1 \v 10 Umui itaia, \q1 lau ese lahi dekena amo umui lau hagoevaia vadaeni, \q1 to siliva lau davaria lasi. \q1 Hisihisi ena amu lalonai umui lau tohoa vadaeni. \q1 \v 11 Lau sibona dainai inai bamona lau karaia noho, \q1 lau sibona dainai, \q1 badina lau ura lasi idau taudia ese egu ladana idia hadikaia, \q1 bona lau ura lasi egu hairaina be ta dekenai do lau henia.” \s1 Lohiabada ese Israela do ia hamauria \q1 \v 12 Lohiabada ma ia gwau, \q1 “Iakobo ena bese taudia e, \q1 lau dekenai do umui kamonai. \q1 Israela besena e, \q1 lau ese lau boiria taudia, \q1 lau dekenai do umui kamonai. \q1 Lau be Dirava, \q1 lau be ginigunana momokani, \q1 bona lau be dokona momokani danu. \q1 \v 13 Egu imana ese tanobada ena badina nadidia idia atoa, \q1 bona egu imana idibana ese guba ia karaia. \q1 Lau ese tanobada bona guba gaudia lau boiria neganai, \q1 idia be idia gini hebou noho. \b \q1 \v 14 “Umui ibounai e, \q1 lau dekenai do umui haboua, umui kamonai! \q1 Edena kaivakuku ese inai bamona ia gwauraia guna diba? \q1 Lau ese tau ta lau abia hidi vadaeni, \q1 ia ese Babulonia do ia tuari henia, \q1 bona ia ese egu ura do ia karaia. \q1 \v 15 Lau Lohiabada ese unai tau dekenai lau hereva henia. \q1 Lau sibona ese lau boiria. \q1 Lau ese do lau hakaua mai, \q1 bona iena tuari dekenai, \q1 lau ese kwalimu do lau henia. \b \q1 \v 16 “Lau dekenai umui raka kahirakahira mai, \q1 egu hereva do umui kamonai. \q1 Matamaia negana dekena amo, \q1 egu hereva lau gwauraia hedinarai vadaeni, lau hunia lasi. \q1 Bona lau gwauraia do idia vara gaudia ibounai, \q1 be momokani idia vara, ani?” \b \q1 Harihari Lohiabada Dirava ese lau Isaia dekenai iena Lauma ia henia, \q1 bona ia ese lau ia siaia. \s1 Lohiabada ena palani iena bese taudia totona \q1 \v 17 Lohiabada, \q1 umui ia hamauria noho Dirava, \q1 Israela ena Helaga Dirava, \q1 be inai bamona ia gwau: \q1 “Lau inai Lohiabada, emui Dirava. \q1 Emui namo habadaia dalana, \q1 be umui dekenai lau hadibaia noho. \q1 Emui raka dalana namona dekenai umui lau hakaua noho. \q1 \v 18 Egu oda hereva bema umui kamonai henia neganai, \q1 emui noho be do ia namo, \q1 mai maino danu, sinavai hegeregerena, \q1 bona emui kara maoromaoro be goada, \q1 davara ena hurehure bamona. \q1 \v 19 Oibe, bema lau dekenai umui kamonai henia, \q1 emui natudia bona tubudia be do idia momo herea, \q1 kone ena miri bamona. \q1 Idia edia ladadia be do idia boio lasi, \q1 bona egu vairana dekena amo, \q1 haida ese idia do idia kokia ore diba lasi.” \b \q1 \v 20 Babulonia dekena amo do umui raka siri, \q1 Babulonia do umui rakatania. \q1 Mai moale danu do umui boiboi, \q1 gabu ibounai dekenai hereva do umui gwauraia hedinarai, \q1 umui gwau, \q1 “Lohiabada ese iena hesiai tauna, \q1 Israela, ia hamauria vadaeni!” \q1 \v 21 Lohiabada ese tano kaukau dekenai ia hakaudia hanaia neganai, \q1 iena bese idia ranu mase lasi. \q1 Nadi badana dekena amo ranu ia henidia. \q1 Nadi ia botaia kehoa, \q1 vadaeni ranu ia heau diho. \b \q1 \v 22 Lohiabada ia gwau, \q1 “Kara dika taudia dekenai maino ia noho lasi.” \c 49 \s1 Lohiabada ena Hesiai Tauna be bese idauidau edia diari \q1 \v 1 Daudau dekenai umui noho besedia, \q1 umui gabu daudau umui noho taudia e, \q1 lau be do lau vara lasi neganai, \q1 Lohiabada ese lau ia abia hidi, \q1 bona lau dekenai ladana ia henia. \q1 \v 2 Lohiabada ese egu hereva ia hanamoa, \q1 idia be mai edia matana, \q1 tuari kaia bamona. \q1 Ia sibona ena imana dekena amo lau ia naria namonamo. \q1 Peva ena diba bamona lau ia halaoa, \q1 diba mai matana bamona lau ia halaoa, \q1 ia gaukaralaia diba gauna. \q1 \v 3 Lau dekenai ia hereva, ia gwau, \q1 “Israela e, oi be egu hesiai tauna. \q1 Oi dainai, taunimanima ese lau do idia hanamoa.” \q1 \v 4 To lau gwau, \q1 “Lau ese lau gaukara kava! \q1 Lau ese egu goada lau haorea kava, \q1 lau be anina lasi.” \q1 To lau ese Lohiabada lau abidadama henia diba, \q1 ia ese lau do ia durua. \q1 Bona ia ese egu gaukara ena davana, \q1 be lau dekenai do ia henia. \b \q1 \v 5 Lau be do lau vara lasi neganai, \q1 Lohiabada ese lau ia abia hidi. \q1 Ia ese iena Hesiai Tauna lau ia halaoa, \q1 lau ese iena taudia do lau hakaua lou totona. \q1 Ia ura Israela taudia, \q1 idia boio taudia, \q1 be do lau hakaua lou. \q1 Lohiabada ese iena mataurai lau dekenai ia henia noho. \q1 Lohiabada be egu goada ena badina. \q1 \v 6 Lohiabada ese lau dekenai ia hereva, ia gwau, \q1 “Momokani oi be lauegu Hesiai Tauna, \q1 bona idia do mauri noho Israela taudia, \q1 edia ladana bada do oi abia isi lou. \q1 To lau ese gaukara badana ma ta oi dekenai lau henia inai: \q1 Oi be idau bese, Iuda lasi bese taudia, \q1 edia diari do oi lao, \q1 vadaeni oi dekena amo, \q1 tanobada ibounai ese egu mauri do idia davaria.” \b \q1 \v 7 Israela ena Dirava Helagana bona Hamauria Tauna ese, \q1 inai bamona ia hereva, \q1 idia badu henia noho Tauna dekenai, \q1 bese idauidau ese idia ura henia lasi Tauna dekenai, \q1 lohia taudia edia Hesiai Tauna dekenai: \q1 Dirava ia gwau, \q1 “Oi idia itaia neganai, \q1 king taudia be do idia toreisi, \q1 bona oi do idia matauraia. \q1 King ena natuna taudia danu, \q1 be oi idia itaia neganai, \q1 idia ese oi dekenai do idia tui diho, \q1 oi do idia hanamoa. \q1 Inai bamona do ia vara, \q1 badina lau, Lohiabada ese, \q1 oi lau abia hidi vadaeni, \q1 egu hesiai gaukara do oi karaia, \q1 bona lau, Israela ena Dirava Helagana ese, \q1 egu gwauhamata lau badinaia noho.” \s1 Lohiabada ese ia gwauhamata, Siona do ia haginia lou \q1 \v 8 Lohiabada ese iena bese taudia ia hamaoroa, ia gwau, \q1 “Umui do lau hamauria dinana ia ginidae neganai, \q1 lau ese umui do lau durua, \q1 bona umui be durua totona umui boiboi neganai, \q1 umui dekenai do lau haere. \q1 Lau ese umui do lau naria, \q1 bona umui dekena amo lau ese, \q1 bese idauidau ibounai danu gwauhamata do lau karaia. \q1 Lau ese emui tano, \q1 idia hadikaia vadaeni tano do lau hanamoa lou, \q1 vadaeni do umui noholaia lou. \q1 \v 9 Lau ese dibura rumai idia noho taudia do lau hamaoroa, \q1 ‘Emui dala lau kehoa inai, \q1 guia dekena amo umui raka siri!’ \q1 Bona dibura lalonai idia helai taudia do lau hamaoroa, \q1 ‘Umui mai, \q1 diari lalonai do umui raka!’ \b \q1 “Idia be dala ena badinai do idia aniani. \q1 Idia be mamoe bamona, \q1 ororo dekenai rei idia ania totona do idia lao. \q1 \v 10 Idia be do idia hitolo o ranu mase lasi. \q1 Dina bona tano kaukau gabuna ena siahu ese, \q1 idia do ia hadikaia lasi, \q1 badina be idia ia lalokau henia tauna, \q1 ese do ia hakaudia. \q1 Ranu namona gabudia badinai ia ese do ia hakaudia. \q1 \v 11 Lau ese dala badana do lau karaia, \q1 ia ese egu ororo ibounai do ia hanaia. \q1 Vadaeni inai laolao dalana dekenai, \q1 egu bese taudia do idia raka. \q1 \v 12 Egu bese taudia be daudau gabudia dekena amo do idia mai. \q1 Mirigini kahana, \q1 bona dina diho kahana danu, \q1 dekena amo do idia mai. \q1 Bona haida danu be Asiwana, \q1 diho kahana dekena mao do idia mai.” \b \q1 \v 13 Guba e, moale ane do umui abia! \q1 Tanobada e, mai moale danu do umui boiboi! \q1 Ororo e, ane do umui abia isi momokani! \q1 Badina be Lohiabada ese iena bese taudia do ia durua. \q1 Ia ese iena bese taudia, \q1 idia hisihisi noho bese, \q1 do ia bogahisihisi henia. \b \q1 \v 14 To Ierusalema taudia idia gwau, \q1 “Lohiabada ese ita ia rakatania vadaeni! \q1 Ia ese ita ia laloaboio vadaeni!” \b \q1 \v 15 Vadaeni Lohiabada ese ia haere, ia gwau, \q1 “Be, hahine ta ese iena natuna maragina ia laloaboio diba, a? \q1 Iena bogana dekena amo ia havaraia merona, \q1 be do ia bogahisihisi henia lasi, a? \q1 Io, sedira sinana ta ese iena natuna maragina ia laloaboio diba, \q1 to lau ese umui do lau laloaboio lasi momokani. \q1 \v 16 Ierusalema e, lau ese oi do lau laloaboio diba lasi. \q1 Lau ese oiemu ladana, \q1 be egu imana palapala dekenai lau torea vadaeni.” \q1 \v 17 Lohiabada ese inai bamona ia hereva, ia gwau, \q1 “Ierusalema e, \q1 oi do idia haginia lou taudia be kahirakahira idia mai, \q1 bona oi idia hadikaia taudia, \q1 be oi dekena amo do idia raka siri. \q1 \v 18 Oiemu matana do oi negea, do oi itaia, \q1 oiemu bese taudia idia haboua noho, \q1 edia gabu korikori dekenai idia giroa mai noho! \q1 Lau be Mauri Diravana momokani hegeregerena, \q1 oi be oiemu bese taudia dainai do oi heagi, \q1 headava matamata hahine ese, \q1 iena herahera gaudia dainai ia heagi bamona. \b \q1 \v 19 “Oiemu tano be momokani idia hadikaia, \q1 aniani lasi tanona idia halaoa, \q1 to harihari inai tano, \q1 be oiemu noho taudia totona do ia maragi. \q1 Idia mai noho taudia, \q1 oiemu bese taudia, \q1 be momo herea dainai, \q1 idia be hegeregere lasi inai tano maragina lalonai do idia noho. \q1 Bona oi idia hadikaia vadaeni taudia, \q1 be oi dekena amo daudau do idia noho. \q1 \v 20 Oiemu bese taudia momo, \q1 be unai idia guia tanona dekenai madi idia vara. \q1 Idia ese dina ta oi dekenai do idia hamaoroa, do idia gwau, \q1 ‘Inai tano be maragi herea. \q1 Ai ura tano ma haida do ai abia, \q1 do ai noholaia totona!’ \q1 \v 21 Unai hereva oi kamonai neganai, \q1 sedira inai bamona do oi laloa: \q1 ‘Ia, inai natuna momo be daika ese lau totona idia havaraia? \q1 Egu natuna idia boio vadaeni, \q1 bona ma haida lau havaraia diba lasi. \q1 Lau be tuari taudia ese lau idia abia mauri, \q1 edia tano dekenai lau idia doria lao. \q1 Inai natuna momo be daika ese idia hatubua daekau? \q1 Lau be sibona lau noho. \q1 Inai natuna be edena gabu dekena amo idia mai?’ ” \b \q1 \v 22 Lohiabada Dirava be iena bese dekenai ia hereva, ia gwau, \q1 “Kamonai! \q1 Egu imana do lau duduia Iuda lasi bese taudia dekenai, \q1 bona idia ese emui natuna umui dekenai do idia mailaia. \q1 \v 23 King taudia be emui tamana taudia hegeregere do idia lao. \q1 Kwini be emui sinana hegeregere do idia lao. \q1 Idia ese emui vairana dekenai do idia tomadiho, \q1 bona umui do idia matauraia. \q1 Idia be mai manau danu umui do idia hanamoa. \q1 Unai neganai do umui diba, \q1 lau sibona be Lohiabada. \q1 Bona lau dekenai ia naria tauna, \q1 be tau ta ese do ia hahemaraia diba lasi.” \b \q1 \v 24 Tuari tauna ia kwalimu murinai, \q1 ia ese ia henaoa kohuna be ia dekena amo oi abia diba, a? \q1 Lohia dagedage tauna ese ia guia vadaeni taudia ta, \q1 oi ruhaia diba, a? \b \q1 \v 25 Lohiabada ese ia haere, ia gwau, \q1 “Inai oi gwau idia karaia diba lasi gaudia, \q1 be lau ese momokani do lau havaraia! \q1 Tuari tauna ena guia taudia, \q1 be haida ese do idia abia lao. \q1 Bona lohia dagedage tauna ese tuari dekena amo ia abia kohu, \q1 be haida ese do idia dogoatao. \q1 Badina be umui dekenai idia tuari henia taudia, \q1 be lau ese do lau tuari henidia, \q1 bona lau ese emui natudia do lau hamauria. \q1 \v 26 Umui dekenai idia dagedage taudia be do lau hadikaia, \q1 vadaeni idia ta ta sibona dekenai do idia alaia. \q1 Idia be do idia kekero bamona, \q1 vadaeni idia sibona edia orea taudia do idia badu henia, \q1 do idia alaia mase. \q1 Unai neganai taunimanima ibounai, \q1 be do idia diba lau be Lohiabada. \q1 Lau ese umui lau hamauria, \q1 bona umui lau ruhaia noho. \q1 Do idia diba lau be Israela ena Dirava mai siahuna.” \c 50 \s1 Israela edia kara dika dainai Dirava dekena amo idia parara \q1 \v 1 Lohiabada ese ia hereva, ia gwau, \q1 “Umui laloa lau ese egu bese lau siaia lao, \q1 hegeregere tau ta ese iena hahine ia siaia lao bamona, \q1 ia negea neganai? \q1 Bema unai bamona umui laloa, \q1 negea totona pepana be edeseni? \q1 Umui laloa, umui lau hoia bamona, \q1 hesiai mai guia taudia do umui lao totona? \q1 Hegeregere tau ta bamona, \q1 ia ese iena natuna ia hoia, \q1 hesiai mai guia maragidia do idia lao, a? \q1 Lasi momokani! \q1 Umui be hesiai mai guia danu dekenai umui lao, \q1 ena badina korikori be sibona emui kara dika dainai. \q1 Unai idau taudia ese edia gabu dekenai umui idia abia lao, \q1 ena badina korikori, \q1 be emui kerere sibona dainai. \b \q1 \v 2 “Lauegu bese dekenai lau lao, \q1 idia do lau hamauria totona, \q1 to lau dekenai idia laloa lasi. \q1 Badina dahaka lauegu boiboi dekenai idia haere lasi? \q1 Lau be lau manoka noho, \q1 vadaeni idia lau hamauria diba lasi, a? \q1 Lau ese egu hereva dekena amo, \q1 davara be gabu kaukau lau halaoa diba. \q1 Bona sinavai be tano kaukau lau halaoa diba, \q1 vadaeni unai sinavai gwarume, \q1 be ranu lasi dainai idia mase. \q1 \v 3 Lau ese guba be dibura lau halaoa diba, \q1 hegeregere mase taudia totona ia taitai noho bamona.” \s1 Dirava ena Hesiai Tauna ese Dirava ia kamonai henia \q1 \v 4 Lohiabada Dirava ese, \q1 dahaka do lau hereva gauna ia hadibaia lau dekenai, \q1 vadaeni unai dainai lau ese manoka taudia lau hagoadaia diba. \q1 Daba ibounai ia ese laloa goada lau dekenai ia henia noho, \q1 vadaeni iena hadibaia hereva lau kamonaia namonamo. \q1 \v 5 Lohiabada ese diba bona aonega lau dekenai ia henia, \q1 bona lau ese iena hereva lau negea lasi. \q1 Lohiabada dekena amo lau raka siri lasi. \q1 \v 6 Egu doruna idia botaia taudia dekenai lau koua gwauraia lasi, \q1 bona idia ese lau idia hereva dika henia neganai, \q1 edia hereva lau hadokoa gwauraia lasi. \q1 Idia ese egu auki huina idia veria, \q1 bona egu vairana dekenai idia kanudia neganai, \q1 lauegu vairana lau hunia lasi. \b \q1 \v 7 To idia edia hereva dika ese, \q1 lau idia hadikaia diba lasi, \q1 badina Lohiabada Dirava ese lau ia durua noho. \q1 Unai dainai egu vairana ia auka noho, \q1 badina lau diba tau ta ese, \q1 lau ia hahemaraia diba lasi. \q1 \v 8 Badina be Dirava be kahirakahira ia noho, \q1 bona ia ese lau ia gwauraia kerere lasi dainai, \q1 daika ese lau do ia samania? \q1 Namona be kota dekenai do ita lao hebou. \q1 Iena samania hereva lau dekenai do ia gwauraia namo. \q1 \v 9 Kamonai! Lohiabada Dirava ese lau ia durua noho. \q1 Unai dainai daika ese lau be kerere do ia gwauraia diba? \q1 Lau idia samania noho taudia, \q1 be do idia boio momokani. \q1 Do idia boio, kaubebe ese idia ania ore dabua bamona. \b \q1 \v 10 Umui emui huana dekenai, \q1 daika ese Lohiabada dekenai ia gari noho? \q1 Bona daika ese Lohiabada ena Hesiai Tauna ia kamonai henia noho? \q1 Sedira umui raka dalana be ia dibura noho, \q1 diari sisina lasi, \q1 to Lohiabada do umui abidadama henia, \q1 emui Dirava do umui badinaia momokani. \q1 \v 11 To dala umui tahua, \q1 haida do umui hadikaia ore totona taudia e! \q1 Inai emui kara, \q1 be lahi dikana umui karaia bamona, \q1 bona umui sibona emui lahi lalonai do umui moru. \q1 Badina lau, Lohiabada, ese lahi dekena amo, \q1 umui do lau hadikaia ore. \q1 Mai hisihisi bada danu, \q1 lahi lalonai do umui hekure diho. \c 51 \s1 Ierusalema taudia dekenai hagoadaia hereva \q1 \v 1 Lohiabada ia gwau, \q1 “Kara maoromaoro ena dala umui raka noho taudia e, \q1 Lohiabada umui tahua noho taudia e, \q1 lau dekenai do umui kamonai! \q1 Nadi badana, \q1 ia dekena amo umui lau utua gauna do umui laloa. \q1 Guri danu do umui laloa, \q1 ia dekena amo umui lau geia gauna. \q1 \v 2 Emui tamana Aberahamo do umui laloa, \q1 bona umui ia havaraia hahine, \q1 Sara, danu do umui laloa. \q1 Badina Aberahamo be natuna ta lasi neganai lau boiria, \q1 bona lau hanamoa, \q1 iena bese momo herea lau henia. \q1 \v 3 Badina lau Lohiabada ese Siona do lau hagoadaia. \q1 Lau ese Ierusalema idia hadikaia gabudia, \q1 be mai bogahisihisi danu do lau itaia. \q1 Iena nadi kavakava tano, \q1 be Eden bamona do lau halaoa. \q1 Iena tano kaukau, \q1 be Lohiabada ena uma gabuna hegeregerena do lau halaoa. \q1 Moale bona laloa namo be Ierusalema lalonai do ia noho. \q1 Lohiabada hanamoa ane danu, \q1 Ierusalema taudia ese do idia abia. \b \q1 \v 4 “Egu bese taudia e, \q1 lau dekenai do umui kamonai! \q1 Badina be taravatu ta be lau dekena amo do ia lao. \q1 Egu kota maoromaoro hadibaia hereva, \q1 ese bese idauidau do ia hadiaria. \q1 \v 5 Lau ese karaharaga do lau mai, \q1 bona idia do lau hamauria. \q1 Egu hamauria kara ena kwalimu, \q1 be kahirakahira do ia ginidae. \q1 Lau ese bese idauidau do lau biagua. \q1 Daudau idia noho tanodia ese lau totona idia naria noho. \q1 Idia naria noho, \q1 lau ese idia do lau hamauria totona. \q1 \v 6 Emui matadia do umui negea, \q1 guba bona tanobada do umui itaia! \q1 Badina guba be do ia boio ore, \q1 kwalahu bamona, \q1 bona tanobada do ia dika lao, \q1 dabua gunana bamona. \q1 Tanobada noho taudia be do idia mase, \q1 lao idia mase bamona. \q1 To egu hamauria kara be do ia noho ela bona hanaihanai, \q1 bona egu kara maoromaoro, \q1 be do ia noho nega ibounai, doko lasi. \b \q1 \v 7 “Kara maoromaoro umui diba taudia e, \q1 egu taravatu be emui kudouna lalonai ia noho taudia e! \q1 Egu hereva do umui kamonai! \q1 Taunimanima ese umui idia gwau henia neganai, \q1 bona umui dekenai idia hereva dika neganai, \q1 do umui gari lasi. \q1 \v 8 Badina idia be do idia boio ore, \q1 pitopito ese ia ania ore dabua hegeregerena, \q1 bona gaigai maragidia ese, \q1 mamoe huina idia ania ore bamona. \q1 To egu kara maoromaoro, \q1 be do ia noho ela bona hanaihanai, \q1 bona egu hamauria kara be nega ibounai do ia noho, \q1 doko diba lasi.” \b \q1 \v 9 Lohiabada e, do oi noga, \q1 ai do oi durua! \q1 Oiemu siahu dekena amo, \q1 ai do oi hamauria. \q1 Nega gunadia lalonai oi karaia hegeregerena, \q1 mani do oi karaia lou. \q1 Oi ese Rahaba, \q1 unai davara dagedage gauna, \q1 oi utua maragimaragi. \q1 \v 10 Oi ese danu davara oi hakaukaua, \q1 bona davara ena huanai raka dalana oi karaia. \q1 Unai dala dekena amo, \q1 oi hamauridia noho taudia ese idia raka hanaia lao. \q1 \v 11 Bona oi Lohiabada ese oi hamauria vadaeni taudia, \q1 be do idia giroa mai, \q1 Siona dekenai do idia mai, \q1 mai ane abia danu. \q1 Moale hanaihanai be edia kwaradia edia latanai do ia noho. \q1 Idia ese moale bona laloa namo do idia abia. \q1 Edia lalohisihisi bona taitai, \q1 be do idia boio momokani. \b \q1 \v 12 Lohiabada ia gwau, \q1 “Lau Lohiabada inai, \q1 lau ese umui lau hagoadaia noho inai. \q1 Unai dainai oi be daika, \q1 taunimanima, idia mase noho gaudia, \q1 dekenai oi gari henia noho? \q1 Oi be daika, taunimanima, \q1 rei bamona ia kakoro lao, \q1 bona ia mase ore gauna dekenai oi gari henia noho? \q1 \v 13 Oi be daika, Lohiabada, \q1 oi ia karaia Dirava oi laloaboio vadaeni? \q1 Ia ese guba ia karaia, \q1 bona tanobada ena badina nadidia ia atoa. \q1 Oi be daika, \q1 dina ibounai oi gari noho, \q1 dagedage taudia edia badu garina, \q1 idia ese oi do idia hadikaia garina? \q1 To dagedage tauna ena badu be edeseni? \q1 \v 14 Badina nega sisina lalonai, \q1 hesiai mai guia danu taudia edia seini, \q1 be do idia kokia ruhaia. \q1 Idia be do idia mase lasi, \q1 guri dekenai do idia diho lasi, \q1 bona idia ese aniani hegeregerena momokani do idia abia noho. \b \q1 \v 15 “Badina lau be Lohiabada, oiemu Dirava. \q1 Lau ese davara lau hamarerea noho, \q1 vadaeni hurehure ese, \q1 edia regena bada idia karaia noho. \q1 Egu ladana be Siahu Ibounai Lohiabada. \q1 \v 16 Lau ese guba ibounai lau karaia, \q1 bona tanobada ena badina nadidia lau atodia. \q1 Bona Siona taudia lau hamaoroa vadaeni, lau gwau, \q1 ‘Umui be lauegu bese taudia. \q1 Lau ese egu hadibaia hereva, \q1 be umui dekenai lau henia vadaeni, \q1 bona egu imana ena siahu dekena amo umui lau naria noho.’ ” \s1 Ierusalema ena hisihisi be do ia ore \q1 \v 17 Ierusalema e, do oi noga! \q1 Oi noga, bona do oi toreisi! \q1 Lohiabada ena panisi ena kapusi, \q1 Lohiabada ena badu ese oi dekenai ia henia gauna, \q1 be oi inua vadaeni. \q1 Oi inua murinai, \q1 oiemu kwarana ia giroagiroa, \q1 oi kekero, oi raka kerere, \q1 \v 18 to tau ta ese oi ia durua lasi. \q1 Oiemu bese taudia ibounai edia huanai, \q1 ta ese oiemu imana ia abia lasi. \b \q1 \v 19 Dika rua be oi dekenai idia vara, gaudia inai: \q1 Oiemu tano be tuari ese ia hadikaia vadaeni, \q1 bona oiemu bese taudia be idia hitolo noho. \q1 To tau ta ese oi dekenai ia bogahisihisi henia lasi. \q1 \v 20 Oiemu natuna tau be hitolo dainai kahirakahira idia mase. \q1 Idia be ariara ta ta ibounai edia kona dekenai, \q1 idia hekure kava noho, \q1 idia manoka dainai. \q1 Idia be uda dia, labana tauna ena reke lalonai bamona. \q1 Idia ese, \q1 Dirava ena badu ena mamina idia abia momokani vadaeni. \b \q1 \v 21 Ierusalema dekenai umui hisihisi noho taudia e, \q1 manoka dainai umui raka kerere noho, \q1 to kekero dainai lasi taudia e, \q1 \v 22 Lohiabada emui Dirava ese umui totona ia hereva noho, ia gwau, \q1 “Kamonai, lau ese egu kapusi, \q1 egu badu lalonai umui dekenai lau henia gauna lau kokia noho. \q1 Umui ia hekwakwanai henia kapusi, \q1 be do umui inua lou lasi. \q1 \v 23 To lau ese inai kapusi, \q1 be umui idia hisihisi henia taudia edia imana dekenai do lau atoa. \q1 Badina idia ese umui idia hamaoroa, idia gwau, \q1 ‘Do umui hekure diho, \q1 emui vairadia be tano dekenai do umui atodia, \q1 bona ai ese emui latanai do ai raka hanaia.’ \q1 Bona unai neganai umui ese emui dorudia, \q1 be tano hegeregerena umui halaoa, \q1 ariara ena tano bamona umui halaoa, \q1 idia ese emui latanai do idia raka hanaia totona.” \c 52 \s1 Dirava ese Ierusalema taudia do ia hamauria, idia guia taudia dekena amo \p \v 1 Ierusalema e, do oi noga, do oi goada lou, Dirava ena hanua helagana e, oiemu dabua mai hairaidia do oi karaia lou! Badina be Dirava idia diba lasi taudia be oiemu magu iduara do idia raka vareai lou lasi. \v 2 Ierusalema e, oiemu guia dekena amo oi sibona do oi ruhaia. Tano kahu dekena amo do oi toreisi, bona oiemu terona dekenai do oi helai! Siona ena guia taudia e, umui idia guia seini do umui negea oho! \p \v 3 Lohiabada ese iena bese taudia dekenai ia hereva henia noho, ia gwau, “Tuari taudia ese umui idia guia neganai, davana moni idia henia lasi. Inai bamona danu, umui idia ruhaia neganai, umui ese hoia lou moni do umui henia lasi. \v 4 Aigupito dekenai gunaguna umui lao neganai, umui be umui sibona emui ura dainai umui lao. To Asuria taudia ese tuari dekena amo umui idia guia, umui idia abia lao kava, davana idia henia lasi. \v 5 Bona hari be inai kara ia vara lou Babulonia dekenai, umui be guia taudia, bona emui davana idia henia lasi. Umui idia biagua taudia ese nega ibounai idia hekokoroku noho, bona nega ibounai egu ladana idia hereva dika henia. \v 6 Unai dainai umui, egu bese taudia dekenai, egu ladana do lau hedinaraia, bona egu ladana ena siahu do umui diba. Bona unai dina dekenai, do umui diba, umui dekenai ia hereva noho Diravana be lau. Lau ese inai kara do vara lasi neganai, lau gwauraia guna inai.” \b \q1 \v 7 Ororo dekenai idia raka mai noho taudia, \q1 edia aena be mai hairaidia danu. \q1 Badina be sivarai namona idia mailaia noho, \q1 maino ena sivarai idia gwauraia noho. \q1 Kwalimu bona hamauria herevana danu idia gwauraia noho. \q1 Siona dekenai idia gwau, \q1 “Oiemu Dirava be ia King noho.” \q1 \v 8 Kamonai! \q1 Hanua idia gimaia noho taudia ese, \q1 edia boiboi idia habadaia noho! \q1 Mai moale bada danu idia boiboi noho! \q1 Edia matana dekenai idia itaia diba, \q1 Lohiabada ese Siona dekenai ia giroa mai noho! \b \q1 \v 9 Ierusalema ena hadikaia gabudia e, \q1 do umui boiboi mai moale bada danu. \q1 Lohiabada ese iena hanua badana Ierusalema do ia hamauria, \q1 bona iena bese taudia do ia hagoadaia. \q1 \v 10 Lohiabada ese iena siahu helagana do ia gaukaralaia. \q1 Ia ese iena bese do ia hamauria, \q1 bona tanobada taudia ibounai ese, \q1 iena hamauria kara do idia itaia. \b \q1 \v 11 Dubu Helaga ena kohu umui huaia noho taudia e, \q1 Babulonia dekena amo do umui raka siri momokani! \q1 Miro gauna ta do umui dogoatao lasi. \q1 Do umui helaga noho, \q1 bona unai gabu do umui rakatania. \q1 \v 12 To inai neganai do umui raka mai haraga lasi, \q1 bona do umui heau mai lasi. \q1 Badina be Lohiabada, emui Dirava, \q1 ese umui do ia hakaua, \q1 bona kahana kahana ibounai dekena amo, \q1 ia ese umui do ia naria noho. \s1 Lohiabada ena Hesiai Tauna be do ia hisihisi, bona unai murinai hanamoa bada do ia abia \q1 \v 13 Lohiabada ia hereva, ia gwau, \q1 “Lauegu Hesiai Tauna be, \q1 iena gaukara lalonai do ia kwalimu. \q1 Ia ese mataurai bona hanamoa do ia davaria. \q1 \v 14 Taunimanima momo ese ia idia itaia neganai, \q1 idia hoa bada, mai gari danu. \q1 Iena toana be dika, \q1 tau ta ena toana bamona lasi. \q1 \v 15 To gabeai, bese idauidau momo, \q1 be ia dekenai do idia hoa, \q1 bona king taudia ese ia idia itaia neganai, \q1 hereva ta do idia gwauraia lasi, \q1 badina be tau ta ese ia diba guna lasi gaudia do idia itaia, \q1 bona nega ta idia kamonaia lasi gauna, be do idia diba.” \c 53 \q1 \v 1 Taunimanima idia haere, idia gwau, \q1 “Hari ita gwauraia noho hereva, \q1 be daika ese ia abia dae? \q1 Bona daika dekenai Lohiabada ese, \q1 iena siahu bada ia hedinaraia? \q1 \v 2 Badina be Lohiabada ena ura hegeregerena, \q1 iena Hesiai Tauna be au matamatana ta, \q1 tano kaukau dekenai ia tubu daekau bamona. \q1 Ia be mai ena hairaina lasi, \q1 unai dainai ita itaia noho lasi. \q1 Bona ia be toana namona lasi, \q1 vadaeni ita ura henia lasi. \q1 \v 3 Taunimanima ese ia idia negea, \q1 bona ia idia rakatania. \q1 Ia be lalohisihisi tauna, \q1 bona hisihisi momo ia abia. \q1 Vadaeni ita ese iseda vairana, \q1 be ia dekena amo ita hunia. \q1 Ita ura henia lasi, \q1 bona ita ese ia ita matauraia lasi. \b \q1 \v 4 “Ita laloa ia be mai ena kerere dainai, \q1 Dirava ese hisihisi ia henia, \q1 iena kerere ena davana. \q1 To inai be lasi momokani! \q1 Inai Hesiai Tauna ese, \q1 iseda hisihisi dikadia, \q1 bona iseda lalohisihisi danu, \q1 be ia ese ia huaia. \q1 \v 5 Iseda kara dika dainai, idia haberoa, \q1 bona iseda kerere dainai, \q1 idia hisihisi henia. \q1 Idia dadabaia dainai, \q1 ita ese maino ita abia noho, \q1 bona idia haberoa dainai, \q1 mauri ita davaria noho. \q1 \v 6 Ita ibounai ita raka boio vadaeni, \q1 idia boio mamoe bamona. \q1 Ita ta ta ibounai ese, \q1 sibona iseda dala ita raka vadaeni, \q1 bona unai dika davana, \q1 ita sibona ita karaia be maoro. \q1 To Lohiabada ese, \q1 ita ibounai iseda kara dika be, \q1 iena Hesiai Tauna ena latanai, \q1 ia atoa vadaeni. \b \q1 \v 7 “Idia dagedage henia, \q1 bona idia hisihisi henia, \q1 to ia ese iena uduna ia kehoa lasi. \q1 Mamoe ena natuna be, \q1 idia alaia gabuna dekenai idia hakaua lao bamona, \q1 o mamoe be huina utua taudia edia vairanai, \q1 regena ta ia karaia lasi bamona, \q1 ia ese hereva ta ia gwauraia lasi. \q1 \v 8 Idia ese dibura totona idia guia, \q1 idia kota henia, \q1 bona mase totona idia hakaua lao. \q1 Tau ta lasi ese, \q1 ia dekenai ia bogahisihisi. \q1 Ia be haida ese idia alaia mase, \q1 bona iena mase be, \q1 Dirava ena taudia edia kerere davana totona. \q1 \v 9 Ia be alaia karana ta ia karaia lasi, \q1 bona hereva koikoi be nega ta ia gwauraia lasi, \q1 to ia mase neganai, \q1 iena tauanina be kerere taudia danu idia guria. \q1 Idia guria gabuna dekenai, \q1 be kohu momo taudia danu idia guria.” \b \q1 \v 10 Lohiabada ia gwau, \q1 “Lauegu Hesiai Tauna ena hisihisi be lauegu ura, \q1 badina iena mase be boubou ta, \q1 taunimanima edia kara dika ena gwauatao do idia abia totona. \q1 Unai dainai ia ese iena tubuna taudia do ia itaia, \q1 bona iena mauri dinadia be do daudau herea. \q1 Lau Lohiabada, egu ura ena anina be do ia vara momokani, \q1 egu Hesiai Tauna dekena amo. \q1 \v 11 Momokani iena mauri lalonai hisihisi ia abia, \q1 to unai murinai moale bada do ia davaria, \q1 badina be do ia diba, \q1 iena hisihisi be hisihisi kava lasi, \q1 to mai anina. \q1 Lauegu Hesiai Tauna, \q1 lau ura henia bada Tauna ese, \q1 taunimanima momo edia kerere davana do ia karaia, \q1 bona ia dainai, \q1 lau ese edia dika do lau gwauatao. \q1 \v 12 Unai dainai lau ese hanamoa bada ena gabu, \q1 be ia dekenai do lau henia. \q1 Ia be tau badadia bona siahu taudia danu do ia noho, \q1 badina ia ese iena mauri ia dogoatao lasi, \q1 to mai abidadama danu, \q1 iena mauri ia atoa diho, \q1 bona kerere taudia danu ia mase hebou. \q1 Ia ese taunimanima momo edia kara dika davana ia karaia, \q1 bona ia guriguri, \q1 idia edia kerere be lau Dirava ese do lau gwauatao totona.” \c 54 \s1 Lohiabada ena lalokau bada Israela dekenai \q1 \v 1 Ierusalema e, \q1 oi be natuna ia havaraia diba lasi hahine bamona oi noho vadaeni, \q1 to hari be mai moale bada danu do oi boiboi diba. \q1 Hari be natuna momo do oi havaraia. \q1 Oibe, iena tau ese ia rakatania lasi hahine ena natuna be momo, \q1 to oi ese ia do oi hereaia! \q1 \v 2 Oiemu palai ruma do oi habadaia. \q1 Iena varo do oi halataia, \q1 bona palai ena ikoko do oi hagoadaia. \q1 \v 3 Badina be oi ese oiemu tano do oi habadaia, \q1 kahana kahana dekenai, \q1 bona oiemu bese ese idau bese taudia idia noholaia tano, \q1 be do idia abia lou. \q1 Taunimanima idia noho lasi hanua momo, \q1 be oiemu bese taudia ese do idia noholaia. \b \q1 \v 4 Do oi gari lasi, \q1 badina be do oi hemarai lou lasi. \q1 Do oi dika lasi, haida ese oi do idia hahemaraia lasi. \q1 Oiemu eregabe negana ena hemarai do oi laloaboio, \q1 bona oi be vabu neganai, \q1 lalohisihisi bada oi abia dinadia danu do oi laloaboio. \q1 \v 5 Badina be ia ese oi ia karaia Diravana be oiemu adavana, \q1 iena ladana be Siahu Ibounai Lohiabada. \q1 Israela ena Dirava Helagana ese oi do ia hamauria. \q1 Ia be tanobada ibounai ena Dirava idia gwauraia noho. \b \q1 \v 6 Israela e, oi be headava matamata hahine bamona. \q1 Iena tau ese ia rakatania dainai, \q1 madi ia lalohisihisi bada. \q1 To Lohiabada ese oi ia boiria, \q1 ia dekenai do oi giroa lou gwauraia, vadaeni ia gwau, \q1 \v 7 “Nega sisina sibona lau ese oi lau rakatania, \q1 to hari mai egu lalokau bada danu, \q1 oi dekenai do lau hakapua lou. \q1 \v 8 Nega sisina sibona, \q1 mai badu danu egu vairana oi dekena amo lau hunia, \q1 to hari lauegu lalokau be oi dekenai do lau henia, \q1 ela bona hanaihanai.” \q1 Oi ia hamauria noho Lohiabada be inai bamona ia hereva noho. \b \q1 \v 9 Lohiabada ma ia gwau, \q1 “Noa ena nega dekenai lau gwauhamata, \q1 abata dekena amo tanobada do lau hadikaia lou lasi. \q1 Hari be ma lau gwauhamata inai, \q1 lau ese oi dekenai do lau badu henia lou lasi. \q1 Lau ese oi do lau gwau henia lasi, \q1 bona oi do lau hadikaia lasi. \q1 \v 10 Ororo badadia bona maragidia be do idia marere, \q1 bona idau gabu dekenai do idia lao, \q1 to egu lalokau oi dekenai be do ia doko lasi. \q1 Lau ese maino ena gwauhamata, \q1 be do lau badinaia noho ela bona hanaihanai.” \q1 Oi ia lalokau henia Lohiabada be inai bamona ia hereva vadaeni. \s1 Ierusalema matamatana \q1 \v 11 Lohiabada ia hereva, ia gwau, \q1 “Ierusalema e, oi hisihisi noho, \q1 bona oiemu durua tauna ta be lasi. \q1 Lau ese oiemu badina nadidia, \q1 be do lau haginia lou davana bada nadidia dekena amo. \q1 \v 12 Lau ese oiemu kohoro, \q1 be do lau haginia lou rubi nadidia dekena amo. \q1 Oiemu magu iduara, \q1 be idia hururuhururu nadidia dekena amo do lau haginia, \q1 bona oi ia hagegea maguna, \q1 be davana bada herea nadidia dekena amo do lau haginia. \b \q1 \v 13 “Lau sibona ese oiemu noho taudia do lau hadibaia, \q1 vadaeni mauri namona bona maino do idia davaria. \q1 \v 14 Kota maoromaoro bona kara maoromaoro ese oi do ia hagoadaia. \q1 Dagedage bona mai edia gari gaudia, \q1 be umui dekena amo daudau dekenai do idia noho. \q1 Gau ta do umui gari henia lasi. \q1 \v 15 Bema orea ta ese oi ia tuari henia neganai, \q1 inai be egu gwaumaoro ia abia guna lasi gauna. \q1 Oi dekenai idia tuari henia orea ibounai be do idia moru momokani. \b \q1 \v 16 “Kamonai! Lau ese auri ia gaukaralaia tauna lau karaia vadaeni, \q1 ma ia ese lahi ia karaia, \q1 bona tuari gaudia ia karaia noho. \q1 Lau ese danu tuari tauna lau karaia. \q1 Ia ese tuari gaudia ia gaukaralaia, \q1 haida do ia alaia totona. \q1 \v 17 To tuari gauna ta ese oi do ia hadikaia diba lasi. \q1 Bona oi idia samania gwauraia taudia, \q1 be oi ese idia edia hereva ibounai do oi koua diba. \q1 Lau ese egu hesiai taudia do lau naria namonamo, \q1 bona kwalimu idia dekenai do lau henia.” \q1 Lohiabada ese inai bamona ia hereva vadaeni. \c 55 \s1 Dirava ese iena davana lasi bogahisihisi be taunimanima ibounai dekenai ia henia gwauraia \q1 \v 1 Lohiabada ia hereva, ia gwau, \q1 “E, umui ranu mase taudia e, umui mai, \q1 ranu ia noho inai! \q1 Umui moni lasi taudia e, umui mai, \q1 koni umui hoia, bona ania. \q1 Umui mai, uaina bona rata umui hoia. \q1 Ena davana be lasi momokani! \q1 \v 2 Badina dahaka emui moni umui negea kava noho, \q1 mai ena anina lasi gauna totona? \q1 Badina dahaka emui gaukara ena davana moni umui negea, \q1 to umui hitolo noho? \q1 Lau dekenai do umui kamonai, \q1 bona lauegu hereva do umui karaia. \q1 Unai neganai aniani namo herea momokani do umui moalelaia. \b \q1 \v 3 “Lauegu hereva do umui kamonai, \q1 bona lau dekenai do umui mai! \q1 Lau dekenai do umui mai, \q1 vadaeni emui lauma do ia mauri! \q1 Lau ese noho hanaihanai gwauhamata taravatuna umui danu do lau karaia. \q1 Bona Davida dekenai lau gwauhamata do lau henia hanamoa, \q1 be umui dekenai do lau henia. \q1 \v 4 Lau ese Davida lau abia hidi, \q1 bona gunalaia tauna, bona bese idauidau edia lohia lau halaoa. \q1 Bona Davida dekena amo, \q1 egu siahu badana bese idauidau dekenai lau hedinaraia. \q1 \v 5 Bona hari umui danu ese, \q1 bese idauidau, umui diba lasi besedia, do umui boiria, \q1 vadaeni idia be do idia heau mai umui dekenai, \q1 umui danu do idia haboua totona! \q1 Lau, Lohiabada, emui Dirava, \q1 Israela ena Dirava Helagana, \q1 ese inai kara ibounai do lau havaraia. \q1 Lau ese hanamoa bona hairai umui dekenai do lau henia.” \b \q1 \v 6 Lohiabada do umui tahua, \q1 umui do davaria diba neganai. \q1 Ia dekenai do umui noinoi, \q1 ia be do kahirakahira ia noho neganai. \q1 \v 7 Kara dika taudia ese edia dala do idia rakatania, \q1 bona edia laloa dikadia do idia rakatania danu. \q1 Namona be Lohiabada, iseda Dirava dekenai idia giroa lou. \q1 Badina Lohiabada be mai ena bogahisihisi, \q1 bona ia ese dika do ia gwauatao momokani. \b \q1 \v 8 Lohiabada ia gwau, \q1 “Lauegu laloa be emui laloa bamona lasi, \q1 bona egu dala be emui dala bamona lasi. \q1 \v 9 Badina guba be tanobada ena ataiai daudau herea hegeregerena, \q1 lauegu dala be emui dala edia ataiai idia noho, \q1 bona egu laloa be emui laloa edia ataiai idia noho. \b \q1 \v 10 “Lauegu hereva be sinou bona medu bamona. \q1 Guba dekena amo idia diho mai, \q1 tanobada idia hapariparia totona. \q1 Idia ese uiti bona koni idia hatubua daekau. \q1 Ma uhe idia havaraia noho, hadohado totona, \q1 bona taunimanima do idia ania totona danu. \q1 \v 11 Inai bamona danu, \q1 lau ese lau gwauraia hereva, \q1 be anina do ia havaraia, \q1 bona lau dekenai do ia giroa kava lasi. \q1 Lau siaia totona gaukarana be do ia karaia momokani. \b \q1 \v 12 “Umui ese mai moale danu Babulonia do umui rakatania. \q1 Mai maino danu umui do lau hakaua. \q1 Umui emui vairana dekenai, \q1 ororo badadia bona maragidia ese, \q1 ane do idia abia, \q1 bona au ibounai be, \q1 mai moale bada danu do idia boiboi. \q1 \v 13 Au ginigini idia noho gabudia dekenai, \q1 saipresi audia do idia vara, \q1 bona ava ginigini idia noho gabudia dekenai, \q1 raurau momo audia do idia vara. \q1 Inai be do ia noho hanaihanai ena toa ta do ia lao, \q1 vadaeni umui itaia negadia ibounai, \q1 lau Lohiabada ese lau karaia vadaeni gaudia do umui laloa.” \c 56 \s1 Idau bese taudia danu ese Dirava ena mauri do idia davaria diba \q1 \v 1 Lohiabada ese inai bamona ia hereva, ia gwau, \q1 “Kota maoromaoro do umui karaia. \q1 Kara maoromaoro danu do umui karaia. \q1 Badina be nega sisina, \q1 lau ese umui do lau hamauria, \q1 bona egu kara maoromaoro do lau hedinaraia. \q1 \v 2 Sabati Dina idia badinaia noho nega ibounai taudia, \q1 be do lau hanamoa. \q1 Sabati Dina idia hadikaia lasi taudia do lau hanamoa. \q1 Sibodia edia kara idia naria, \q1 dika do idia karaia garina taudia danu do lau hanamoa.” \p \v 3 Idau bese tauna, Lohiabada ena bese taudia edia orea lalonai ia vareai vadaeni tauna, be inai bamona do ia hereva lasi: “Lohiabada ese iena bese dekena amo lau do ia atoa siri momokani.” \p Bona eunuko tauna do ia gwau lasi: “Lau ese natuna lau havaraia diba lasi dainai, Dirava ena orea lalonai lau vareai diba lasi.” \v 4 Badina be Lohiabada ese inai bamona ia hereva, ia gwau: \b \q1 “Umui eunuko taudia e, \q1 bema egu Sabati Dina umui badinaia, \q1 bona lau ura henia karadia umui karaia, \q1 bona egu gwauhamata taravatuna umui kamonai henia neganai, \q1 \v 5 emui ladadia be egu Dubu Helaga lalonai do idia laloatao nega daudau, \q1 bona egu bese taudia ese umui do idia hanamoa bada, \q1 to idia ese mai edia natudia taudia do idia hanamoa sisina. \q1 Emui ladadia be do idia noho hanaihanai, \q1 do idia laloaboio diba lasi momokani.” \p \v 6 Bona Lohiabada ma ia gwau, “Idau bese taudia bema egu bese ena orea lalonai idia vareai, lau do idia tomadiho henia totona, bona lau Lohiabada egu ladana do idia lalokau henia, bona egu hesiai gaukara do idia karaia, bona Sabati Dina do idia badinaia, do idia hadikaia lasi, bona bema egu gwauhamata taravatuna idia kamonai henia neganai, \v 7 inai taudia be lau ese egu ororo helagana dekenai do lau hakaua, bona egu guriguri rumana dekenai lau ese moale do lau henidia. Edia gabua bouboudia bona edia boubou gaudia idauidau be, egu boubou patana ena latanai do lau abidia dae. Bona egu Dubu Helaga be bese idauidau ibounai edia guriguri rumana do idia gwauraia.” \p \v 8 Lohiabada Dirava, idau tano dekena amo iena bese Israela taudia ia haboudia lou Diravana ia gwau, \q1 “Lau ese taunimanima ma haida do lau haboua, \q1 lau haboudia guna taudia edia orea lalonai do idia vareai.” \s1 Israela gunalaia taudia be Dirava ese ia gwau henidia \p \v 9 Lohiabada ese bese idauidau edia basileia ibounai ia hamaoroa, ia gwau, \q1 “Umui uda boromadia, \q1 bona uda dagedage gaudia e, \q1 umui mai, egu bese, \q1 egu mamoe, do umui ania ore. \q1 \v 10 Israela ena naria taudia edia matadia be kepulu. \q1 Ibounai be mai edia aonega lasi. \q1 Idia be sisia mai edia gadodia lasi bamona. \q1 Idia boiboi diba lasi. \q1 Idia hekure noho, idia nihi noho. \q1 Mahuta idia ura henia bada noho! \q1 \v 11 Idia be sisia hegeregerena aniani momo idia ania noho, \q1 to edia bogadia idia kunu lasi. \q1 Idia be mamoe naria taudia mai edia aonega lasi. \q1 Idia ibounai be sibodia edia dala dekenai idia raka siri noho. \q1 Ibounai ta ta, sibodia edia namo, \q1 sibodia edia namo habadaia dalana idia tahua noho. \q1 \v 12 Idia be idia gwau, \q1 ‘Umui mai, uaina do ita abia. \q1 Inua gauna goadana do ita inua momo, \q1 bona kerukeru ena namo ese, \q1 hari dina ena namo do ia hereaia, ani!’ ” \c 57 \s1 Isaia ese kaivakuku tomadiho henia kara ia gwau henia \q1 \v 1 Kara maoromaoro tauna ia mase neganai, \q1 tau ta ese ia laloa noho lasi. \q1 Dirava idia matauraia noho taudia idia mase noho, \q1 to inai kara ena anina be tau ta ia diba lasi. \q1 Inai kara maoromaoro taudia, \q1 be hisihisi gaudia dekena amo, \q1 Dirava ese ia abidia siri noho, \q1 \v 2 bona idia be maino dekenai idia vareai noho. \q1 Inai kara maoromaoro taudia, \q1 be edia mahuta patadia latanai laga-ani idia abia noho. \b \q1 \v 3 To umui, \q1 meamea hahine ena natudia tau, \q1 heudahanai tauna bona ariara hahine ese idia havaraia taudia e, \q1 umui do lau kota henia totona do umui raka mai! \q1 \v 4 Umui be daika umui hevaseha henia noho? \q1 Umui be daika umui hereva dika henia noho? \q1 Daika dekenai umui kirikirilaia, \q1 bona emui malana umui toia henia? \q1 Umui be dagedage bona koikoi taudia edia natudia lasi, a? \q1 \v 5 Umui ese ouki audia edia henunai, \q1 mai matabodaga danu emui dirava koikoi umui tomadiho henia noho. \q1 Umui ese, \q1 emui natudia be koura lalonai, \q1 boubou totona umui alaia mase noho, \q1 nadi kohua lalonai danu, ani? \q1 \v 6 Koura dekenai nadi manadamanada umui abia, \q1 bona idia be emui dirava dainai, \q1 inai nadi umui tomadiho henidia noho. \q1 Idia dekenai uaina bouboudia danu umui bubua diho noho. \q1 Paraoa bouboudia danu idia dekenai umui henia noho. \q1 Inai dika umui karaia neganai, \q1 egu lalona ia keru noho, a? \q1 \v 7 Ororo badana bona latana ena ataiai, \q1 emui mahuta patana umui atoa vadaeni. \q1 Unuseni umui daekau lao, \q1 dirava koikoi dekenai emui boubou gaudia do umui henia totona. \q1 \v 8 Iduara bona iduara edia dogoatao audia edia murinai, \q1 be kaivakuku edia laulaudia umui atodia vadaeni, \q1 badina be umui ese lau umui rakatania vadaeni. \q1 Umui ese emui dabua umui kokia, \q1 bona mahuta patana badana ena latanai, \q1 umui ura henidia hahine danu umui hekure. \q1 Idia danu umui laloa tamona, \q1 bona umui heudahanai. \q1 \v 9 Dehoro umui abia lao, \q1 Moleka dirava do umui tomadiho henia totona. \q1 Emui bonana namo muramura momo danu, \q1 Moleka totona umui haboua vadaeni. \q1 Ma dirava haida do umui abia, \q1 do umui tomadiho henidia totona, \q1 umui ese emui hesiai taudia daudau dekenai umui siaidia lao. \q1 Momokani umui siaidia lao, \q1 ela bona mase taudia edia gabu dekenai. \q1 \v 10 Dirava haida umui tahua dainai umui hesiku noho, \q1 to umui tahua noho. \q1 Bona tahua kara umui hadokoa lasi, \q1 badina umui laloa inai kaivakuku ese umui idia hagoadaia noho, \q1 bona unai laloa dainai umui manoka lao lasi. \b \q1 \v 11 To Lohiabada ia gwau, \q1 “Inai dirava be daika, \q1 vadaeni idia dekenai umui gari? \q1 Idia be daika, \q1 vadaeni umui ese lau umui koia, \q1 bona lau dekenai umui laloa lasi? \q1 Nega daudau lau be lau hereva lasi, \q1 unai dainai lau dekenai umui gari lasi, a? \q1 \v 12 Umui laloa kara maoromaoro umui karaia noho. \q1 To lau ese emui kara do lau hedinaraia, \q1 bona emui kaivakuku ese, \q1 umui do idia durua diba lasi. \q1 \v 13 Durua totona do umui boiboi neganai, \q1 namona be emui kaivakuku ibounai ese umui do idia hamauria! \q1 Badina egu lai maragina ese idia do ia hodaia lao ore. \q1 To lau dekenai idia abidadama henia taudia, \q1 be tano dekenai do idia noho, \q1 bona egu ororo helaga ena Dubu Helaga lalonai, \q1 lau do idia tomadiho henia.” \s1 Dirava ese ia gwauhamata iena bese do ia durua bona hanamoa \q1 \v 14 Lohiabada ia gwau, \q1 “Egu bese taudia ese, \q1 lau dekenai do idia giroa mai. \q1 Edia dala idia koua gaudia ibounai do umui kokia ore! \q1 Edia dala do umui karaia, \q1 edia dala do umui abia hegaegae! \q1 \v 15 Lau be ataiai, bona lau be Helaga Diravana. \q1 Lau be noho hanaihanai Diravana, \q1 egu ladana be helaga. \q1 Bona egu noho gabuna be ataiai bona helaga. \q1 To lau be, edia lalona idia giroa, \q1 bona edia lalodia idia manau taudia danu lau noho. \q1 Lau Dirava ese, \q1 iena lalona ia manau tauna ena lauma do lau hagoadaia lou. \q1 Bona iena lalona ia giroa tauna, \q1 be lau ese iena kudouna do lau hamatamataia lou. \q1 \v 16 Badina lau be do lau heai hanaihanai lasi, \q1 bona do lau badu hanaihanai lasi. \q1 Badina bema unai bamona neganai, \q1 taunimanima edia lauma be egu vairana dekenai do idia mase, \q1 bona lau ura lasi, \q1 inai lau ese lau havaraia taudia do idia mase ore. \q1 \v 17 Edia kara dika bona edia ura dika dainai, \q1 lau ese idia lau panisia, \q1 bona idia lau rakatania. \q1 To idia ese edia lalodia idia ha-aukaia, \q1 bona sibodia edia ura daladia hegeregerena idia raka noho. \b \q1 \v 18 “Lau ese unai edia kara lau itaia vadaeni, \q1 to lau ese idia do lau hanamoa lou. \q1 Lau ese idia do lau hakaua, \q1 bona idia do lau hagoadaia lou momokani.” \b \q1 \v 19 Lohiabada ma ia gwau, \q1 “Israela lalonai idia taitai noho taudia do lau durua, \q1 vadaeni idia ese edia ududia dekena amo lau do idia hanamoa. \q1 Idia ibounai dekenai maino do lau henia, \q1 daudau idia noho, \q1 bona kahirakahira idia noho taudia danu. \q1 Bona lau ese idia do lau hanamoa lou. \q1 \v 20 To kara dika taudia be davara ena hurehure bamona, \q1 idia laga-ani diba lasi. \q1 Unai hurehure ese miro bona kopukopu idia doria mai noho.” \b \q1 \v 21 Egu Dirava ia gwau, \q1 “Kara dika taudia dekenai, \q1 maino ia noho lasi.” \c 58 \s1 Dirava ena ura do ita karaia, vadaeni ia ese ita dekenai do ia moale \q1 \v 1 Lohiabada ia gwau, \q1 “Oiemu gadona do oi abia isi, \q1 mai goada danu do oi boiboi. \q1 Lauegu bese Israela taudia do oi hamaoroa, \q1 idia be mai edia kara dika! \q1 \v 2 Dina ibounai idia ese lau dekenai idia tomadiho henia, \q1 bona idia gwau idia ura bada egu dala do idia diba. \q1 Bona idia gwau egu taravatu idia ura dikadika idia kamonai henia. \q1 Idia gwau idia ura taravatu maoromaoro, \q1 be idia dekenai do lau henia. \q1 Bona idia gwau lau dekenai do idia tomadiho, \q1 mai edia moale bada danu.” \b \q1 \v 3 To taunimanima ese Lohiabada idia nanadaia, idia gwau, \q1 “Badina dahaka ai be aniani ania lasi taravatu ai karaia vadaeni, \q1 to oi ese ai oi itaia lasi? \q1 Badina dahaka aniani ai ania lasi, mai emai manau danu, \q1 to oi be oi diba lasi?” \q1 Lohiabada ia haere, ia gwau, \q1 “Kamonai! \q1 Umui ese aniani ania lasi taravatu umui karaia neganai, \q1 umui sibona emui ura umui tahua noho, \q1 bona umui ese emui gaukara taudia umui hisihisi henidia noho. \q1 \v 4 Bona aniani ania lasi taravatu umui karaia neganai, \q1 umui heai bona umui heatu noho, \q1 mai emui dagedage danu. \q1 Umui laloa inai bamona aniani ania lasi taravatu umui karaia neganai, \q1 lau ese emui guriguri do lau kamonai, a? \q1 \v 5 Aniani ania lasi taravatu umui karaia noho neganai, \q1 umui sibona umui hahisia bamona, \q1 bona emui kwarana umui atoa diho, \q1 rei manokana bamona, \q1 ma puse dabua, \q1 mai kahu danu edia latanai umui hekure diho. \q1 Inai bamona kara umui gwauraia, \q1 be aniani ania lasi taravatu, a? \q1 Umui laloa inai kara umui karaia neganai lau moale, a? \b \q1 \v 6 “Lasi! Aniani ania lasi taravatu, \q1 lau ese lau ura henia gauna, \q1 be inai bamona: \q1 Dagedage ena seini ibounai do umui kokia, \q1 bona kota maoromaoro lasi kara ese ia guia taudia do umui ruhaia. \q1 \v 7 Hitolo taudia dekenai emui aniani do umui henia, \q1 bona ogogami taudia, \q1 edia ruma be lasi taudia, \q1 be emui ruma dekenai do umui hakaua vareai. \q1 Bona mai edia dabua lasi taudia dekenai dabua do umui henia. \q1 Bona bema emui varavara taudia be durua idia ura neganai, \q1 idia dekena amo do umui hunia lasi. \b \q1 \v 8 “Bema unai bamona umui karaia neganai, \q1 umui do lau ura henia, \q1 bona egu lalokau ese umui do ia hadiaria, daba ena dina bamona. \q1 Emui bero be do idia namo haraga, \q1 bona lau ese umui dekenai do lau noho nega ibounai, \q1 umui do lau hamauria totona. \q1 Ma egu hairaina ese umui do ia naria kahana kahana ibounai dekenai. \q1 \v 9 Umui guriguri neganai lau ese umui do lau haere henia. \q1 Lau dekenai umui boiboi neganai, \q1 lau be do lau kamonai henia. \b \q1 “Bema umui ese manoka taudia umui dagedage henia lasi, \q1 bona samania koikoi, \q1 ma ladana hadikaia hereva umui hadokoa, \q1 \v 10 bona bema hitolo taudia dekenai aniani umui henia, \q1 bona gau lasi taudia umui durua neganai, \q1 umui ia hagegea noho dibura be diari dekenai do lau halaoa, \q1 hua ena diari bamona. \q1 \v 11 Ma lau ese nega ibounai umui do lau hakaua, \q1 bona emui ura gaudia, \q1 be umui dekenai do lau henia momokani. \q1 Lau ese goada bona mauri namona, \q1 be umui dekenai do lau henia. \q1 Umui be uma mai ena ranu momo bamona do umui lao. \q1 Umui be noho hanaihanai ranu lohilohi bamona. \q1 \v 12 Emui bese taudia ese, \q1 emui hanua gunadia, idia hadikaia gaudia, \q1 do idia haginia lou, \q1 edia badina nadidia gunadia edia latanai. \q1 Taunimanima ese umui do idia herevalaia, do idia gwau, \q1 ‘Inai taudia ese magu gunadia idia haginia lou, \q1 bona idia ese, \q1 haida idia hadikaia guna rumadia idia haginia lou.’ ” \s1 Sabati Dinana naria kara be mai davana namona \q1 \v 13 Lohiabada ia gwau, \q1 “Sabati Dinana do umui hahelagaia momokani, \q1 bona umui sibona emui ura karadia, \q1 be unai Dina dekenai do umui karaia lasi. \q1 Unai Dina dekenai do umui laolao lasi, \q1 do umui gaukara lasi, \q1 bona do umui hereva kava lasi. \q1 \v 14 Bema unai bamona umui karaia neganai, \q1 moale do umui davaria. \q1 Inai bamona moale, \q1 be egu gaukara idia karaia taudia ibounai ese idia abia noho. \q1 Bona lau ese mataurai umui dekenai do lau henia, \q1 tanobada besedia ibounai edia mataurai. \q1 Bona umui ese emui sene tauna Iakobo dekenai lau henia tano, \q1 be do umui moalelaia. \q1 Lau, Lohiabada, lau hereva vadaeni.” \c 59 \s1 Isaia ese taunimanima ia gwau henia edia kara dika dainai \q1 \v 1 Kamonai, Lohiabada ena imana ia kwadogi, a? \q1 Ia kwadogi dainai umui ia hamauria diba lasi, a? \q1 Lasi momokani, bona iena taiana be ia kudima lasi danu. \q1 \v 2 To emui kara dika ese, \q1 umui bona Dirava idia hapararaia vadaeni, \q1 bona emui kara kerere ese, \q1 Dirava ena vairana, \q1 be umui dekena amo idia hunia vadaeni, \q1 unai dainai umui dekenai ia kamonai lasi. \q1 \v 3 Badina be emui imadia be rara dekenai idia miro momokani, \q1 bona emui imadia kwakikwakidia be kerere dainai idia dika. \q1 Emui ududia ese hereva koikoi idia gwauraia vadaeni, \q1 bona emui maladia ese, \q1 hereva dika rohoroho idia mogea noho. \q1 \v 4 Kota maoromaoro be umui karaia lasi. \q1 Samania hereva be tau ta ese ia gwauraia maoromaoro lasi. \q1 Umui ese hereva anina lasi, \q1 bona hereva koikoi kota lalonai umui gwauraia noho. \q1 Kara koikoi umui palania noho, \q1 bona dika momokani umui havaraia noho. \q1 \v 5 Inai umui palania noho kara dikadia be mase gaudia, \q1 gaigai dikana ena gatoi hegeregerena. \q1 Gatoi ta umui makohia neganai, \q1 gaigai dikana ta do ia rau mai! \q1 \v 6 To unai umui palania kara dikadia ese, \q1 umui dekenai namo ta do idia havaraia lasi. \q1 Idia be anina lasi, \q1 magera ena ruma dekena amo idia karaia dabua bamona. \q1 Momokani, emui kara be dika, \q1 mai ena dagedage danu. \q1 \v 7 Emui aedia be kara dika karaia totona idia heau haraga noho, \q1 bona umui ese kerere lasi taudia umui alaia mase haraga danu. \q1 Emui laloa gaudia be dika, \q1 bona umui lao gabudia ibounai dekenai, \q1 umui ese taunimanima umui hadikaia ore noho. \q1 \v 8 Maino ena dala umui diba lasi, \q1 bona kota maoromaoro danu, \q1 be nega ta umui karaia lasi. \q1 Umui ese emui dala umui hagagevaia vadaeni, \q1 bona unai emui dala dekenai idia raka taudia ibounai, \q1 be maino do idia diba lasi. \s1 Taunimanima ese edia kara dika idia gwauraia hedinarai \q1 \v 9 Taunimanima be Dirava dekenai idia gwau, \q1 “Hari ai diba, \q1 Dirava ese ai idia dagedage henia noho taudia, \q1 dekena amo ai ia hamauria lasi, \q1 ena badina korikori be, aiemai kara dika. \q1 Ai ese diari ai tahua noho, \q1 to dibura sibona ai davaria. \q1 Dibura ena dala dekenai ai raka noho. \q1 \v 10 Magu ai dogoatao noho, \q1 matakepulu tauna ese iena dala ia tahua noho bamona. \q1 Emai dala mai hekwarahi danu ai tahua, \q1 matana lasi tauna bamona. \q1 Dina tubua neganai ai hekwakwanai noho, \q1 adorahi ia ore neganai bamona. \q1 Goada herea taudia edia huanai, \q1 ai be mase taudia bamona. \q1 \v 11 Ai ibounai be bea hegeregerena ai boiboi noho. \q1 Ai tai lou, tai lou, \q1 pune manu idia tai bamona. \q1 Kota maoromaoro ai tahua noho, \q1 to ai davaria lasi. \q1 Dirava ena mauri ai tahua noho, \q1 to ia be daudau. \b \q1 \v 12 “Lohiabada e, \q1 aiemai kerere be momo herea oiemu vairana dekenai, \q1 bona aiemai kara dika ese ai idia samania noho. \q1 Aiemai kerere be ai dekenai idia noho, nega ibounai, \q1 bona emai dika bona kerere ai diba. \q1 \v 13 Ai ese oi dekenai ai dagedage henia, \q1 ai ese oi ai negea vadaeni, \q1 bona aiemai Dirava ena murinai raka kara, \q1 dekena amo ai siri vadaeni. \q1 Ai ese haida ai hisihisi henidia, \q1 haida ai dagedage henidia. \q1 Aiemai kudoudia lalonai hereva koikoi ai havaraia, \q1 bona taunimanima hadikaia totona, \q1 unai hereva ai gwauraia vadaeni. \q1 \v 14 Kota maoromaoro be ai ese ai lulua siri vadaeni, \q1 bona kara maoromaoro, \q1 be ai kahirakahira ia gini diba lasi, \q1 badina be hereva momokani, \q1 be hanua ena ariara dekenai ia moru vadaeni, \q1 bona hereva maoromaoro be unuseni ia raka vareai diba lasi. \q1 \v 15 Hereva momokani be ia noho lasi dainai, \q1 kara dika ia hadokoa gwauraia tauna, \q1 be haida ese do idia dagedage henia.” \s1 Lohiabada ese iena bese taudia hamauria dalana ia karaia \q1 Lohiabada ese inai kara ia itaia, \q1 bona ia badu, kota maoromaoro be lasi dainai. \q1 \v 16 Ia itaia, haida ese idia hisihisi henidia taudia, \q1 edia durua tauna ta be lasi. \q1 Unai dainai Lohiabada ese, \q1 ia sibona ena siahu dekena amo, \q1 unai hisihisi noho taudia do ia hamauria. \q1 Ia ese idia dekenai kwalimu do ia henia. \q1 \v 17 Lohiabada ese kara maoromaoro, \q1 kemena dabua aukana bamona, \q1 sibona dekenai do ia atoa, \q1 bona hamauria kara ena kwara gauna, \q1 be iena kwarana dekenai do ia atoa. \q1 Ma ia ese dika ena davana henia kara, \q1 be do ia atoa, iena dabua, \q1 bona badu danu do ia karaia, \q1 iena kouti dabua badana. \q1 \v 18 Edia kara hegeregerena, \q1 Lohiabada ese dika taudia edia davana do ia henia. \q1 Iena badu be ia dekenai idia heai taudia dekenai do ia henia, \q1 bona davana do ia henia lou, \q1 ia dekenai idia tuari gwauraia taudia dekenai. \q1 Ma kone taudia dekenai danu, \q1 edia dika davana do ia henia. \q1 \v 19 Dina diho kahana taudia bona dina daekau kahana taudia danu ese, \q1 Lohiabada bona iena siahu badana do idia gari henia, \q1 badina be ranu ena abata badana hegeregerena, \q1 Lohiabada do ia mai, \q1 Lohiabada ena Lauma ese lai goadana momokani bamona do ia mai. \b \q1 \v 20 Lohiabada ese iena bese taudia ia hamaoroa noho inai, ia gwau: \q1 “Lau ese Siona dekenai do lau mai, \q1 umui do lau hamauria totona. \q1 Lau ese Iakobo ena bese taudia, \q1 edia kara dika idia rakatania taudia ibounai do lau hamauria.” \p \v 21 Ma Lohiabada ia gwau, “Inai be egu gwauhamata taravatuna umui danu: Egu Lauma be umui emui kudouna lalonai ia noho, bona egu hadibaia hereva danu umui dekenai lau henia, do umui gwauraia totona. Idia be umui emui, ela bona hanaihanai. Bona hari ia lao, umui ese egu Lauma bona egu hereva do umui kamonai henia momokani. \p “Bona umui ese emui natudia bona emui tubudia edia tubudia dekenai egu hereva do umui hadibaia, hari, inai nega dekena amo, ia lao bona hanaihanai. Lau Lohiabada, lau hereva inai.” \c 60 \s1 Nega gabeai Ierusalema ena hairai be bada herea \q1 \v 1 Ierusalema e, do oi toreisi, \q1 bona dina hegeregerena do oi diari, \q1 badina be Lohiabada ena hairaina, \q1 be oi dekenai ia diaridiari noho! \q1 \v 2 Bese idauidau be dibura ese do ia koudia, \q1 to Lohiabada ena diari ese Ierusalema do ia hadiaria, \q1 bona Lohiabada ena hairaina, \q1 be Ierusalema dekenai do ia hedinarai. \q1 \v 3 Ierusalema e, bese idauidau ese, \q1 oiemu diari dekenai do idia mai, \q1 bona king taudia do idia mai, \q1 idia ese oiemu dina matamata ena daba rere do idia itaia gwauraia. \b \q1 \v 4 Oiemu matana do oi negea, do oi itaia, \q1 oiemu bese taudia be idia haboua noho, \q1 oi dekenai idia giroa mai noho! \q1 Oiemu natuna memero be daudau dekena amo idia raka mai, \q1 bona oiemu natuna kekeni be dagira dekenai idia huaia mai noho. \q1 \v 5 Inai kara oi itaia neganai, \q1 oi be moale dekenai do oi honu momokani, \q1 bona emu lalona do ia haragaharaga, \q1 moale dainai. \q1 Bese idauidau ese edia kohu, \q1 be oi dekenai do idia mailaia. \q1 Davara unai kahana dekena amo ena kohu, \q1 davana bada gaudia, do idia mailaia. \q1 \v 6 Kamelo momo herea momokani ese, \q1 oiemu tano do idia hahonua. \q1 Midiana bona Epa dekena amo do idia mai. \q1 Sieba dekena amo danu do idia mai, \q1 golo bona mai bonana namo muramura do idia huaia mai. \q1 Inai taunimanima ese, \q1 Lohiabada ia karaia vadaeni kara badadia, \q1 ena sivarai do idia gwauraia hedinarai. \q1 \v 7 Kedara bona Nebaioto edia mamoe ibounai, \q1 be oi dekenai do idia mailaia, \q1 boubou gaudia totona. \q1 Boubou patana dekenai do idia atoa, \q1 Lohiabada do ia moalelaia totona. \q1 Lohiabada ese iena Dubu Helaga do ia hanamoa, \q1 bona iena hairai dekena amo do ia hahonua. \b \q1 \v 8 Inai lagatoi, ori bamona idia heau noho be daika ena? \q1 Idia be manu, edia ruma dekenai idia giroa lou bamona. \q1 \v 9 Idia be lagatoi badadia, \q1 tano daudau dekena amo idia mai noho gaudia. \q1 Idia ese Dirava ena bese taudia, \q1 be edia gabu korikori dekenai idia mailaia lou. \q1 Siliva bona golo be idia ese idia mailaia noho, \q1 Lohiabada ena ladana do idia hanamoa totona. \q1 Ia be Israela ena Dirava Helagana, \q1 bona ia ese, \q1 bese idauidau ibounai edia vairanai \q1 iena bese Israela ia hanamoa vadaeni. \b \q1 \v 10 Lohiabada ese Ierusalema dekenai ia hereva, ia gwau, \q1 “Idau bese taudia ese, \q1 oiemu magu do idia haginia lou, \q1 bona edia king taudia ese, \q1 oiemu hesiai gaukara do idia karaia. \q1 Guna lau ese badu dainai oi lau panisia, \q1 to hari lau ese, \q1 oi dekenai egu bogahisihisi, \q1 bona egu laloa namo do lau henia. \q1 \v 11 Dina bona hanuaboi oiemu magu iduara be idia kehoa noho, \q1 vadaeni bese idauidau edia king taudia ese, \q1 oi dekenai edia kohu do idia abia vareai. \q1 \v 12 To oiemu hesiai gaukara idia karaia lasi besedia, \q1 be lau ese do lau hadikaia ore momokani. \b \q1 \v 13 “Kasuarina audia, iunipa audia bona saipresi audia, \q1 Lebanona ena uda ena au namodia momokani, \q1 be Ierusalema haginia lou totona do idia huaia mai, \q1 lauegu Dubu Helaga do idia karaia namo herea totona, \q1 bona hairai momokani gabuna, \q1 be lauegu hanua do idia halaoa totona. \q1 \v 14 Ierusalema e, \q1 oi idia hisihisi henia taudia edia natudia be do idia mai, \q1 bona oiemu vairana dekenai do idia tui diho. \q1 Guna oi dekenai idia badu taudia ibounai ese, \q1 oiemu aena dekenai do idia tomadiho. \q1 Idia ese oi, \q1 Ierusalema, do idia gwauraia, \q1 ‘Lohiabada ena Hanua Badana, \q1 Siona, Israela ena Dirava Helagana ena Hanua Badana.’ \b \q1 \v 15 “Oi be idia ese do idia badu henia lou lasi, \q1 bona oi dekena amo do idia raka siri lou lasi. \q1 Guna be oi idia rakatania, \q1 bona oi noho kava, \q1 to hari lau ese oiemu ladana do lau habadaia, \q1 bona oi dekenai hairai do lau henia. \q1 Vadaeni oi be dohore gabu mai moale bada danu, \q1 ela bona hanaihanai. \q1 \v 16 Bese idauidau ese oi do idia naria noho, \q1 sinana ese iena natuna maragina ia naria bamona. \q1 Oi be do oi diba momokani, \q1 lau Lohiabada ese oi lau hamauria vadaeni, \q1 bona do oi diba Israela ena Dirava mai ena siahu badana ese, \q1 oi ia ruhaia momokani vadaeni. \b \q1 \v 17 “Lau ese auri laboralabora do lau mailaia lasi, \q1 to golo be oi dekenai do lau mailaia. \q1 Lau ese auri bona au do lau mailaia lasi, \q1 to siliva bona auri laboralabora, \q1 be oi dekenai do lau mailaia. \q1 Nadi do lau mailaia lasi, to auri. \q1 Oiemu biaguna taudia ese, \q1 oi do idia hisihisi henia lou lasi. \q1 Lau ese idia do lau hanamoa, \q1 vadaeni mai maoromaoro bona maino danu oi do idia biagua noho. \q1 \v 18 Dagedage bona heatu ena regena, \q1 be do oi kamonai lou lasi. \q1 Gau ta ese oiemu tano do ia hadikaia lou lasi. \q1 Lau ese oi do lau naria bona gimaia, magu bamona, \q1 bona lau ese oi lau hamauria vadaeni dainai, \q1 oi ese lau do oi hanamoa bada. \b \q1 \v 19 “Dina ese oi do ia hadiaria lou lasi, dina neganai, \q1 bona hua ese oi do ia hadiaria lou lasi, hanuaboi neganai. \q1 Badina be lau, Lohiabada, \q1 be oiemu noho hanaihanai diarina do lau lao, \q1 bona egu hairaina ena diari ese, \q1 oi dekenai diari bada do ia henia. \q1 \v 20 Oiemu lalohisihisi dinadia be do idia ore. \q1 Lau Lohiabada, \q1 be oiemu diari do lau lao, \q1 ela bona hanaihanai. \q1 Oiemu dina be do ia diho lou lasi, \q1 bona oiemu hua ena diari be do ia maragi lou lasi. \q1 \v 21 Oiemu taunimanima ibounai, \q1 be do idia kara maoromaoro, \q1 bona tano be idia ese do idia biagua ela bona hanaihanai. \q1 Lau ese idia lau hadoa, \q1 bona lau ese idia lau havaraia, \q1 idia ese egu siahu badana, \q1 be taunimanima ibounai dekenai do idia hedinaraia totona. \q1 \v 22 Ierusalema e, \q1 oiemu ladana maragi momokani tauna mai ena famili, \q1 be bese badana mai goadana danu do idia lao. \q1 Oibe, negana korikori ia ginidae neganai, \q1 lau ese inai kara do lau havaraia haraga. \q1 Lau inai Lohiabada!” \c 61 \s1 Taunimanima hamauria totona Sivarai Namona \q1 \v 1 Lohiabada Dirava ena Lauma be lauegu latanai ia noho. \q1 Badina be Lohiabada ese, \q1 lau ia abia hidi vadaeni, \q1 bona lau ia siaia vadaeni, \q1 ogogami taudia dekenai Sivarai Namona do lau haroro henia totona. \q1 Lohiabada ese lau ia siaia vadaeni, \q1 kudouna idia makohia taudia do lau hanamoa lou, \q1 bona idia guia vadaeni taudia do lau ruhaia. \q1 Ma danu, dibura ruma dekenai idia koua noho taudia, \q1 be edia dala do lau kehoa. \q1 \v 2 Lohiabada ese lau ia siaia vadaeni, \q1 iena nega namona ia ginidae vadaeni hereva do lau gwauraia totona. \q1 Lohiabada ese iena bese taudia do ia hamauria ena sivarai, \q1 bona ia ese iena bese taudia idia dagedage henia taudia, \q1 do ia halusia momokani ena sivarai danu, do lau harorolaia. \q1 Lohiabada ese danu lau ia siaia, \q1 taitai taudia ibounai do lau durua, bona hagoadaia totona. \q1 \v 3 Lohiabada ese lau ia siaia vadaeni, \q1 Siona dekenai idia taitai taudia ibounai dekenai be, \q1 moale bona laloa namo do lau henia, \q1 edia lalohisihisi be do ia ore totona. \q1 Bona hanamoa ane do lau henidia, \q1 edia laloa metau do ia ore totona. \q1 Do idia be au namodia bamona, \q1 Lohiabada sibona ese ia hadoa gaudia, \q1 bona idia ibounai ese kara maoromaoro do idia karaia. \q1 Bona taunimanima ese Dirava ena ladana do idia hanamoa, \q1 iena kara badadia dainai. \q1 \v 4 Ma inai taudia ese, \q1 idaunegai idia dika hanua bona ruma be do idia haginia lou. \b \q1 \v 5 Lauegu bese taudia e, \q1 idau bese taudia ese emui hesiai gaukara do idia karaia. \q1 Idia ese emui mamoe do idia naria, \q1 bona emui tano do idia gaukaralaia, \q1 emui vain uma do idia naria danu. \q1 \v 6 Bona taunimanima ese, \q1 Lohiabada ena hahelagaia taudia umui do idia gwauraia. \q1 Umui be iseda Dirava ena hesiai taudia, \q1 idau bese edia vairanai. \q1 Umui ese bese idauidau edia kohu momo do umui abia, \q1 bona mai moale bona heagi danu, \q1 unai kohu do umui dogoatao. \q1 \v 7 Umui emui hemarai be do ia ore momokani. \q1 Emui tano korikori dekenai do umui noho. \q1 Emui kohu be do idia habadaia nega rua. \q1 Emui moale be do ia noho ela bona hanaihanai. \b \q1 \v 8 Lohiabada ia gwau, \q1 “Lau ese kota maoromaorona lau ura henia, \q1 to dagedage bona taunimanima alaia kara dekenai lau badu henia. \q1 Lauegu bese taudia dekenai, \q1 davana namona do lau henia momokani, \q1 bona idia danu lau ese, \q1 noho hanaihanai gwauhamata taravatuna do lau karaia. \q1 \v 9 Edia tubudia edia ladana do idia bada, \q1 bese idauidau edia huanai. \q1 Lauegu bese idia itaia noho taudia ibounai be do idia diba, \q1 lau Lohiabada ese inai egu bese lau hanamoa bada herea vadaeni.” \b \q1 \v 10 Ierusalema be ia moale bada noho, \q1 Lohiabada ese ia karaia vadaeni gaudia dainai. \q1 Ierusalema be headava matamata hahine bamona, \q1 iena headava totona dabua namona ia karaia noho. \q1 Dirava ese hamauria ena dabua, \q1 be Ierusalema dekenai ia atoa vadaeni. \q1 Kwalimu danu Lohiabada ese Ierusalema dekenai ia henia vadaeni. \q1 \v 11 Uhe idia tubu noho bona idia vara noho, be momokani, ani? \q1 Unai bamona danu, \q1 Lohiabada Dirava ese iena bese taudia do ia hamauria momokani. \q1 Vadaeni bese idauidau taudia ibounai ese, \q1 Lohiabada do idia hanamoa. \c 62 \s1 Siona ena ladana matamatana \q1 \v 1 Siona dainai egu uduna do lau hakapua lasi, \q1 bona Ierusalema dainai egu hereva do lau koua lasi, \q1 ela bona Siona ena kara maoromaoro do ia hedinarai, \q1 daba rere ena diari bamona, \q1 bona Siona ese Dirava ena hamauria ia abia, \q1 be kede bamona do ia diaridiari. \q1 \v 2 Ierusalema e, bese idauidau taudia ese, \q1 oiemu kara maoromaoro do idia itaia. \q1 King ibounai ese oiemu hairai do idia itaia. \q1 Ladana matamata oi dekenai do idia atoa. \q1 Lohiabada sibona ese inai ladana oi dekenai do ia henia. \q1 \v 3 Oi be korona mai hairaina danu do oi lao, \q1 Lohiabada ena. \q1 Oi be kwara gauna namo herea do oi lao, \q1 oiemu Dirava ena. \q1 \v 4 Oiemu ladana be do idia atoa lou lasi, \q1 “Iena Tau Ese Ia Rakatania Hahine.” \q1 Bona oiemu tano be do idia gwauraia lou lasi, \q1 “Anina Lasi Tano.” \q1 To oiemu ladana matamatana be, \q1 “Dirava Ese Ia Moalelaia.” \q1 Bona oiemu tano be do idia gwauraia, \q1 “Headava Vadaeni.” \q1 Badina be Lohiabada ese oi dekenai ia moale noho, \q1 bona oiemu tano be ia ese do ia adavaia. \q1 \v 5 Badina be uhau ta ese rami hebou kekeni ia adavaia noho bamona, \q1 oi ia haginia Tauna ese oi do ia adavaia. \q1 Headava matamata tauna ese iena adavana ia moalelaia hegeregerena, \q1 oiemu Dirava ese unai bamona oi do ia moalelaia. \b \q1 \v 6 Ierusalema e, \q1 oiemu magu edia latanai, \q1 gima taudia lau atoa vadaeni. \q1 Dina bona hanuaboi ibounai be hereva do idia gwauraia noho. \q1 Idia ese Lohiabada do idia hamaoroa noho, \q1 ia ese iena gwauhamata ibounai do ia badinaia, \q1 bona iena gwauhamata ta do ia laloaboio lasi. \q1 \v 7 Idia ese danu Lohiabada ena laga-ani abia dalana do idia koua, \q1 ela bona ia ese Ierusalema ma do ia haginia auka lou, \q1 hanua namona, \q1 tanobada taudia ibounai ese, \q1 idia hanamoa noho gauna do ia halaoa totona. \q1 \v 8 Lohiabada ese gwauhamata metauna momokani ia gwauraia vadaeni, \q1 bona ia ese iena siahu dekena amo do ia karaia haorea. \q1 Ia gwau, “Lau ese emui uiti, \q1 be umui idia tuari henia taudia dekenai do lau henia lou lasi, \q1 bona idau taudia ese emui uaina, \q1 umui hekwarahi totona gauna, \q1 be do idia inua lou lasi. \q1 \v 9 To uiti idia hadoa, \q1 bona anina idia haboua taudia ese do idia ania, \q1 bona idia ese Lohiabada do idia hanamoa. \q1 Bona vain umui naria, \q1 bona edia huahua umui haboua taudia ese, \q1 emui uaina do umui inua, \q1 egu Dubu Helaga ena koua maguna lalonai.” \b \q1 \v 10 Ierusalema taudia e, \q1 hanua ena murimurinai do umui lao, \q1 bona emui bese taudia edia raka lou mai dalana ta do umui karaia. \q1 Laolao dalana do umui hagoevaia, \q1 do umui karaia hegaegae. \q1 Nadi do umui gogoa noho! \q1 Pepe ta do umui abia isi ataiai, \q1 bese idauidau taudia do idia itaia bona diba totona. \q1 \v 11 Do idia diba Lohiabada ese, \q1 tanobada ena kahana ibounai ia hamaoroa noho, ia gwau, \q1 “Ierusalema taudia do umui hamaoroa, do umui gwau, \q1 ‘Lohiabada be ia mai noho, \q1 umui do ia hamauria totona. \q1 Ia ese ia naridia bona ia hamauria vadaeni taudia, \q1 be ia danu do ia mailaidia.’ ” \q1 \v 12 Umui emui ladana be do idia atoa, \q1 “Dirava Ena Bese Helagana, \q1 Lohiabada Ese Ia Hamauria Vadaeni Besena.” \q1 Bona Ierusalema hanua ena ladana do idia atoa, \q1 “Dirava Ese Ia Lalokau Henia Noho Hanua,” \q1 bona, “Dirava Ese Ia Rakatania Lasi Hanua.” \c 63 \s1 Lohiabada ese bese idauidau ibounai do ia halusia \p \v 1 “Unai be daika Bosera hanua, Edoma kahana dekena amo ia mai noho? Ia be daika, dabua kakakaka namo herea ia karaia noho, bona mai siahu bona goada danu ia raka mai noho?” \p “Ia be Lohiabada, iena kwalimu do ia gwauraia totona ia mai inai. Ia be mai ena siahu momokani, taunimanima do ia hamauria totona.” \p \v 2 “Badina dahaka iena dabua be kakakaka momokani, tau ta ese vain huahua ia moia, uaina do ia karaia totona bamona?” \p \v 3 Lohiabada ia haere, ia gwau, “Lau ese bese idauidau lau moia vadaeni, vain huahua idia moia bamona, bona ta ese lau ia durua lasi. Lauegu badu dainai lau ese idia lau moia, bona edia rarana ese lauegu dabua ibounai idia hamiroa vadaeni. \v 4 Badina negana ia ginidae vadaeni, lauegu bese taudia dekenai idia dagedage taudia edia davana do lau henia. Oibe, negana ia ginidae vadaeni, lauegu bese taudia do lau hamauria. \v 5 Vadaeni egu matana lau negea, to lau durua totona tauna ta be lasi. Unai dainai lau hoa, to egu badu ese lau ia hagoadaia, vadaeni lau sibona ese kwalimu lau abia. \v 6 Lauegu badu dainai bese idauidau lau moia momokani, bona lau ese idia lau hamakohia. Edia mauri ena rarana tano dekenai lau habubua momokani.” \s1 Lohiabada ese Israela ia hanamoa \q1 \v 7 Lau ese Lohiabada ena lalokau, \q1 bona iena bogahisihisi do lau gwauraia hedinarai. \q1 Ia ese ita dekenai ia durua karadia ibounai dainai, \q1 do lau hanamoa henia. \q1 Ia ese Israela taudia ia hanamoa bada vadaeni, \q1 iena bogahisihisi, \q1 bona iena noho hanaihanai lalokauna dainai. \p \v 8 Lohiabada ia gwau, “Idia be lauegu bese, idia ese lau do idia koia lasi.” \v 9 Unai dainai ia ese idia ia hamauria edia hisihisi ibounai dekena amo. Aneru ta lasi, to Lohiabada sibona ese idia ia hamauria. Iena lalokau bona iena bogahisihisi dainai idia ia hamauria. Nega gunadia ibounai lalonai Lohiabada ese iena bese ia naria. \v 10 To idia ese ia dekenai idia dagedage dainai iena lalona ia hisihisi. Unai dainai Lohiabada ese idia ia dagedage henia, bona ia ese idia ia tuari henia. \p \v 11 To idia ese nega gunadia idia laloa, Mose ena dina idia laloa, vadaeni idia henanadai, idia gwau, “Lohiabada be edeseni? Ia ese iena Lauma be Mose dekenai ia henia, ani? \v 12 Lohiabada be edeseni, ia ese Mose dekena amo iena siahu bada ia hedinaraia momokani? Davara ena ranu ia hapararaia, \v 13 bona iena bese be ranu dobu gabuna dekena amo ia ese ia hakaua lao. Bona unai kara dainai bese ibounai edia huanai iena ladana be bada.” \p Oibe, Lohiabada ese idia ia hakaua dainai, iena bese taudia be nadi kava tano idia noho, hosi bamona, idia raka goada, nega ta idia moru lasi. \v 14 Boromakau be edia biaguna ese rei namona gabuna dekenai ia hakaudia bamona, Lohiabada ese iena bese dekenai laga-ani ia henidia. Ia ese iena bese taudia ia hakaua namonamo, bona unai dainai iena ladana be bada momokani. \s1 Isaia ese bogahisihisi bona durua totona Lohiabada ia noia \p \v 15 Lohiabada e, guba, oiemu noho gabuna, mai helaga bona hairai danu, dekena amo ai do oi itaia noho. Oiemu lalokau bona bogahisihisi ai dekenai be edeseni? Oiemu goada bona siahu be edeseni? Ai dekenai oi laloa lasi, a? \v 16 Oi be aiemai Tamana. Aiemai sene taudia Aberahamo bona Iakobo be ai idia diba lasi. To oi Lohiabada be aiemai Tamana. Oi ese nega ibounai ai oi hamauria vadaeni. \v 17 Badina dahaka oiemu dala dekena amo oi ese ai oi hakaua kerere? Badina dahaka aiemai lalona oi ha-aukaia noho, vadaeni ai ese oi dekena amo ai raka siri? Mani oi giroa mai ai dekenai. Oiemu hesiai gaukara idia karaia noho taudia, bona oiemu taudia korikori dainai, mani do oi giroa mai. \p \v 18 Ai, Israela, oiemu helaga taudia, be ai dekenai idia dagedage taudia ese ai idia lulua lao, vadaeni nega sisina oiemu gabu dekenai ai noho lasi. Unai taudia ese oiemu gabu helagana idia moia. \v 19 Gunaguna ia mai bona hari ai be oiemu bese. To oi ese ai oi biagua lasi bamona ai oi halaoa. Ai be oiemu bese lasi taudia bamona oi dekenai, a? \c 64 \p \v 1 Lohiabada e, mani emu kara guba do oi hapararaia, bona do oi diho mai! Ororo ese oi do idia itaia, bona mai gari bada danu do idia mareremarere. \v 2 Idia be do idia heudeheude, ranu, lahi siahu ena ataiai ia boila neganai ia lohilohi bamona. Mani oi diho mai, bona oiemu siahu be oi idia dagedage henia taudia dekenai do oi hedinaraia. Bese idauidau do oi hagaria, vadaeni oiemu vairana dekenai do idia heudeheude! \v 3 Badina guna oi ese hoa karadia, ai diba lasi guna gaudia, oi karaia. Oibe, unai dinadia dekenai oi diho mai, bona ororo ese oi idia itaia neganai, mai gari danu idia mareremarere. \v 4 Gunaguna ia mai hari, Dirava ta oi hegeregere ena sivarai, be tau ta ia kamonai lasi, o itaia lasi. Oi sibona ese oi dekenai idia naria noho taudia dainai oi gaukara noho. \v 5 Mai moale danu idia kara maoromaoro noho taudia be oi ese oi laloa namo henidia. Bona oiemu ura dalana idia laloa noho taudia be oi ese oi durua noho. Oi be ai dekenai oi badu, to ai ese kara dika ai karaia noho. Oibe, oi be ai dekenai oi badu, to ai ese kara dika ai hadokoa lasi, nega gunana ia mai bona hari. Edena bamona mauri ai davaria diba? \p \v 6 Ai ibounai be ai kara dika vadaeni. Aiemai kara maoromaoro ibounai be dabua mirodia sibona bamona. Aiemai kara dika dainai ai be au raurau bamona, ai be kakoro, bona lai ese ai ia hodaia lao ore. \v 7 Tau ta lasi ese oiemu ladana dekenai ia guriguri. Bona tau ta lasi ese oiemu durua ia noia. Oi ese oiemu vairana be ai dekena amo oi hunia vadaeni, bona aiemai kara dika dainai oi ese ai oi rakatania vadaeni. \p \v 8 To Lohiabada e, oi be aiemai Tamana. Ai be raro bamona, bona oi be raro gaukaralaia tauna bamona. Oi ese ai oi karaia vadaeni. \v 9 Unai dainai, ai dekenai do oi badu henia lasi, bona aiemai kara dika mani do oi laloa noho lasi ela bona hanaihanai. Ai be oiemu bese, mani ai dekenai do oi bogahisihisi. \p \v 10 Oiemu hanua helagadia be nadi kavakava tanona bamona. Ierusalema be taunimanima idia noho lasi gabu dikana bamona. \v 11 Bona aiemai Dubu Helaga, gabu helagana, bona mai ena hairai bada, aiemai sene taudia ese oi idia hanamoa gabuna, be lahi ese ia gabua ore vadaeni. Ai ese ai ura henidia gabudia ibounai be idia dika vadaeni. \v 12 Lohiabada e, inai karadia idia vara be oi ese oi hadokoa lasi, a? Kara ta oi karaia lasi dainai, oi ese ai oi hisihisi henia bada noho, bona inai hisihisi be aiemai goada ia hanaia noho hisihisina. Ai dekenai durua do oi henia lasi, a? \c 65 \s1 Dirava ese ia dekenai idia dagedage taudia edia davana ia henia \p \v 1 Lohiabada ia hereva, ia gwau, “Lau ese lau totona idia henanadai lasi taudia dekenai lau hedinarai, bona lau idia tahua lasi taudia ese lau idia davaria vadaeni. Bona egu ladana idia diba lasi bese taudia dekenai lau hereva, lau gwau, ‘Lau inai lau noho, lau inai lau noho.’ \v 2 Lau ura lauegu bese lau abia dae gwauraia, to idia ese mai dagedage danu idia kara dika, bona sibodia edia dala idia raka noho. \v 3 Mai edia hemarai lasi danu idia ese lau idia habadua noho. Idia ese uma helagadia lalonai Dirava diba lasi taudia edia boubou karadia idia karaia, bona unai boubou patadia dekenai bonana namo muramura idia gabua noho. \v 4 Hanuaboi neganai idia be nadi matudia bona mase guria gabudia dekenai idia lao, mase taudia edia laumadia do idia hereva henidia totona. Boroma edia vamu idia ania, bona vasiahu, idau dirava dekenai henia vamuna dekena amo idia karaia gauna, idia inua noho. \v 5 Bona haida dekenai idia gwau, ‘Ai dekena amo do umui noho siri, badina ai be helaga herea, ai dekenai umui dogoatao be taravatu!’ Lau Lohiabada ese unai bamona taudia lau ura lasi momokani, lauegu badu idia dekenai be ia bodo diba lasi lahi bamona.” \b \q1 \v 6 Ma Lohiabada ia gwau, \q1 “Lau ese inai bamona taudia edia kerere davana lau gwauraia vadaeni, \q1 bona edia panisi, \q1 be egu vairana dekenai ia torea vadaeni. \q1 Edia kerere be do lau laloaboio lasi, \q1 to edia davana do lau henidia momokani. \q1 \v 7 Edia kara dika dainai, \q1 bona edia tamadia edia dika dainai, \q1 davana do lau henia, \q1 badina be idia ese bonana namo muramura, \q1 be ororo edia ataiai idia noho tomadiho gabudia dekenai idia gabua. \q1 Ororo edia latanai danu, \q1 idia ese lau idia hereva dika henia. \q1 Unai dainai edia kara dika gunadia hegeregerena, \q1 davana do lau henidia.” \b \q1 \v 8 Ma Lohiabada ia gwau, \q1 “Vain huahua namodia be taunimanima ese idia hadikaia lasi, \q1 badina idia dekena amo uaina namona idia karaia diba. \q1 Inai bamona danu, \q1 lau ese egu bese taudia ibounai do lau hadikaia ore lasi, \q1 to edia huana dekenai, \q1 egu hesiai gaukara idia karaia taudia do lau hamauria. \q1 \v 9 Lau ese egu bese Israela taudia, \q1 Iuda iduhu dekena amo taudia, \q1 be do lau hanamoa, \q1 bona idia edia tubudia ese egu tano, \q1 ororo gabuna dekenai do idia noho. \q1 Egu abia hidi besena, \q1 egu hesiai taudia, be unuseni do idia noho. \q1 \v 10 Idia ese lau do idia tomadiho henia, \q1 bona mamoe orea momo, \q1 be Sarona tano dekenai do idia hakaua loaloa. \q1 Bona Akoro Koura lalonai, \q1 boromakau orea momo ese rei do idia ania. \q1 Inai mamoe bona boromakau, \q1 be egu bese taudia, \q1 lau idia tahua noho taudia, edia. \b \q1 \v 11 “To umui ese lau, Lohiabada umui rakatania noho taudia, \q1 bona umui ese egu ororo helagana, Siona, \q1 umui laloaboio noho taudia, \q1 bona umui ese aniani patana dekenai, \q1 laki ena dirava umui tomadiho henia noho, \q1 bona umui ese uro be uaina dekenai umui hahonua, \q1 nega vaira gaudia edia dirava umui tomadiho henia totona taudia e, \q1 \v 12 emui vairana dekenai do idia vara gaudia, \q1 be mase mai hisihisi bada danu. \q1 Umui ibounai be tuari kaia dekena amo do umui mase. \q1 Badina be umui lau boiboi henia neganai umui haere lasi, \q1 bona lau hereva neganai umui kamonai lasi. \q1 To umui ese kara dika, \q1 egu vairana dekenai umui karaia noho, \q1 bona lau ura lasi karadia umui abia hidi noho. \q1 \v 13 Unai dainai lau Lohiabada Dirava ese inai hereva lau gwauraia: \q1 Lau dekenai idia tomadiho bona kamonai henia taudia, \q1 be do idia aniani bona inuinu bada, \q1 to umui, be do umui hitolo bona ranu mase. \q1 Kamonai! \q1 Egu hesiai taudia be do idia moale, \q1 to umui, be do umui hemarai bada. \q1 \v 14 Kamonai! \q1 Egu hesiai taudia ese ane do idia abia, \q1 edia moale be bada dainai, \q1 to umui, be emui lalohisihisi bada dainai, \q1 do umui taitai, \q1 mai boiboi bada danu, \q1 badina emui laumadia be do idia laloa hekwarahi momokani. \q1 \v 15 Emui ladana, \q1 be egu abia hidi taudia ese, \q1 hereva dika bamona do idia gwauraia noho. \q1 Lau, Lohiabada Dirava ese umui do lau alaia mase, \q1 to lau idia kamonai henia taudia dekenai, \q1 ladana matamata do lau henia. \q1 \v 16 Unai dainai, inai tano dekenai, \q1 hanamoa totona ia noinoi gwauraia tauna ese, \q1 Hereva bona Kara Momokani ena Dirava ena hanamoa do ia noia. \q1 Bona inai tano lalonai, \q1 gwauhamata ia gwauraia tauna, \q1 ese Hereva bona Kara Momokani ena Dirava, \q1 ena ladana dekenai do ia gwauhamata. \q1 Badina be lau ese emui kerere gunadia do lau laloaboio, \q1 idia be egu matana dekena amo do idia hunia vadaeni.” \s1 Guba matamata bona tanobada matamata \p \v 17 Lohiabada ia gwau, “Lau ese tanobada matamata bona guba matamata lau karaia noho, bona kara gunadia be do idia laloa lou lasi, do idia laloaboio momokani. \v 18 Lau ese lau karaia gauna dainai do umui moale bada ela bona hanaihanai. Ierusalema matamata, lau ese do lau karaia gauna, be moale gabuna momokani, iena taudia be mai moale danu do idia noho. \v 19 Lau ese Ierusalema bona iena taudia do lau moalelaia. Unai Ierusalema lalonai do idia taitai lasi, bona lalohisihisi ena boiboi ta do idia kamonai lasi. \v 20 Idia vara matamata natuna maragidia be do idia mase lasi, bona Ierusalema matamata dekenai noho taudia ibounai edia mauri dinadia be do daudau. Lagani 100 idia abia taudia be do idia gwauraia idia be eregabe taudia sibona. Lagani 100 ia do abia lasi neganai ia mase tauna be do idia herevalaia, do idia gwau, ‘Dirava ese ia panisia vadaeni, sedira.’ \v 21 Idia ese edia ruma do idia haginia, bona unai ruma lalonai do idia noho. Idau taudia ese edia ruma do idia abia lasi. \v 22 Bona idia ese vain umadia do idia hadoa, vadaeni vain ena anina, uaina do idia inua. Idau taudia ese edia uaina do idia inua lasi. Au edia mauri dinadia be momo hegeregerena, lauegu bese taudia edia mauri dinadia be unai bamona. Bona lauegu abia hidi taudia ese, edia imana gaukara dekenai idia karaia gaudia do idia moalelaia. \v 23 Do idia hekwarahi kava lasi, bona edia natudia ese dika do idia davaria lasi. Lau Lohiabada ese idia bona edia tubudia do lau hanamoa ela bona hanaihanai. \v 24 Idia edia noinoi hereva lau dekenai idia do haorea lasi neganai, lau ese unai noinoi do lau kamonai henia. \v 25 Uda sisia bona mamoe natuna be do idia aniani hebou, laiona ese rei kakoro do idia ania, boromakau edia kara bamona. Bona gaigai ese taunimanima bona mauri gaudia do idia hamasea lou lasi. Lauegu ororo helagana, Siona dekenai, be dika o dika havaraia gauna ta do ia noho lasi.” \c 66 \s1 Lohiabada ese manau taudia ibounai ia lalokau henia noho \q1 \v 1 Lohiabada ia gwau, \q1 “Guba be lauegu terona, \q1 bona tanobada be lauegu aena atoa gauna. \q1 Unai dainai edena bamona ruma ta lau dekenai umui haginia diba? \q1 Lauegu noho rumana ta edeseni umui haginia diba? \q1 \v 2 Inai lauegu imana ese, \q1 tanobada bona guba ibounai idia karaia vadaeni, ani? \q1 Unai dainai inai gaudia ibounai be lauegu!” \q1 Ma Lohiabada ia gwau, \q1 “To lau ese lau ura henia tauna be inai: \q1 Ia laloa manau noho tauna, \q1 bona iena dika dainai iena lalona ia giroa tauna. \q1 Lau dekenai ia gari, \q1 bona lau dekenai ia kamonai henia tauna, \q1 be lau ese lau ura henia noho. \s1 Lohiabada do umui matauraia, bona do umui gari henia \q1 \v 3 “To taunimanima haida ese, \q1 edia ura kava sibona idia karaia noho lau itaia, inai bamona: \q1 Boubou henia totona boromakau tau ia alaia mase tauna, \q1 be tau ta ia alaia mase tauna hegeregerena. \q1 Mamoe ena natuna be boubou gauna dekenai ia halaoa tauna, \q1 be sisia ena aiona ia mogea, ia hamakohia tauna hegeregerena. \q1 Paraoa boubouna ia henia tauna, \q1 be boroma ena rarana boubou totona ia henia tauna hegeregerena. \q1 Bona mai bonana namona muramura ia gabua tauna, \q1 be kaivakuku dekenai ia tomadiho tauna hegeregerena. \q1 Inai taudia edia kudoudia ese, \q1 edia kara dika herea dekenai idia moale bada noho. \q1 \v 4 Unai dainai lau Lohiabada ese, \q1 idia edia latanai hisihisi do lau atoa, \q1 bona idia ese idia gari henia noho gaudia, \q1 be idia dekenai do lau havaraia. \q1 Badina be idia dekenai lau boiboi henia, \q1 to idia ta ese lau dekenai idia haere lasi. \q1 Bona lau hereva henidia, \q1 to idia ta ese lau idia kamonai henia lasi. \q1 Idia ese kara dika egu vairana dekenai idia karaia noho, \q1 bona lau ura lasi karadia idia abia hidi noho.” \b \q1 \v 5 Lohiabada ena hereva umui gari henia noho taudia e, \q1 Lohiabada ena hereva do umui kamonai, badina ia gwau, \q1 “Umui ese lau umui badinaia noho dainai, \q1 emui bese taudia haida ese umui idia badu henia noho, \q1 bona umui dekena amo idia gini siri noho. \q1 Idia ese umui idia kirikirilaia noho, idia gwau, \q1 ‘Namona be Lohiabada ese iena hairaina do ia hedinaraia, \q1 unai neganai emui moale do ai itaia.’ \q1 To inai bamona kiri taudia ese, \q1 hemarai bada do idia davaria! \q1 \v 6 Umui kamonai, hanua dekena amo regena bada ia vara noho! \q1 Dubu Helaga dekena amo, \q1 gado ta ena regena bada ia daekau noho. \q1 Inai regena be lau Lohiabada ese, \q1 lau idia tuari henia taudia edia kerere davana lau henia noho.” \s1 Ierusalema hanua be iena natudia edia sinana \q1 \v 7 Lohiabada ia gwau, “Egu hanua helagana be hahine ta bamona. \q1 Ia ese vara ena hisihisi ia do abia lasi neganai, \q1 natuna ta ia havaraia. \q1 \v 8 Daika ese unai bamona kara ena sivarai ia kamonai vadaeni? \q1 Daika ese unai bamona kara ia itaia vadaeni? \q1 Basileia ta be dina tamona sibona lalonai do ia vara, a? \q1 Bese ta be nega sisina lalonai do idia havaraia, a? \q1 To Siona be ia hisihisi sisina sibona murinai, \q1 ia ese iena natuna, iena bese, be maoromaoro ia havaraia.” \q1 \v 9 Lohiabada ese ma ia gwau, \q1 “Lau ese hahine ena mara ena nega do lau havaraia, \q1 bona iena natuna havaraia totona, \q1 hahine dekenai goada do lau henia lasi, a?” \q1 Ma emui Lohiabada ia gwau, \q1 “Lau, natuna ena vara lau havaraia Diravana, \q1 ese natuna havaraia dalana do lau koua, a? \b \q1 \v 10 “Ierusalema hanua umui ura henia noho taudia ibounai e, \q1 Ierusalema danu do umui moale hebou, \q1 bona ia dainai do umui moale bada. \q1 Guna umui ese Ierusalema dainai umui taitai taudia ibounai e, \q1 harihari ia danu do umui moale hebou. \q1 \v 11 Ierusalema ena noho namo dainai do umui moale noho. \q1 Iena rata goadadia dekena amo rata do umui topoa noho. \q1 Iena hairaina bada herea dekena amo, do umui inua momo, \q1 do umui boga kunu momokani.” \b \q1 \v 12 Badina Lohiabada be inai bamona ma ia gwau noho: \q1 “Kamonai! \q1 Lau ese Ierusalema ena maino do lau habadaia, sinavai bamona, \q1 bona bese idauidau edia kohu momo, \q1 be Ierusalema dekenai do lau henia bada, sinavai ia abata bamona. \q1 Unai dainai Ierusalema taudia e, \q1 emui sinana ena rata do umui inua. \q1 Ia ese iena imana dekenai umui do ia huaia lao, \q1 bona iena tuina dekenai do umui roho daekau, roho daekau noho. \q1 \v 13 Sinana ese iena mero ia hamoalea bona hagoadaia bamona, \q1 lau ese umui do lau hamoalea bona hagoadaia. \q1 Ierusalema dainai lalona goada do umui davaria. \q1 \v 14 Inai kara umui itaia neganai, \q1 emui kudoudia do idia moale, \q1 bona emui tauanidia do idia goada lao, rei matamata bamona. \q1 Vadaeni taunimanima be do idia diba Lohiabada ese, \q1 iena hesiai taudia ia durua noho. \q1 To lau Lohiabada ese lau idia tuari henia gwauraia taudia, \q1 do lau badu henidia.” \b \q1 \v 15 Kamonai! \q1 Lohiabada be lahi lalonai do ia mai, \q1 bona iena kariota, \q1 be lai guba bamona do idia heau mai. \q1 Ia ese ia badu henia noho taudia, \q1 be mai dagedage, bona mai lahi hururuhururu danu do ia gwau henidia. \q1 \v 16 Badina be Lohiabada ese, \q1 lahi bona tuari kaia dekena amo do ia kota henia. \q1 Tanobada ena kerere taudia ibounai edia davana do ia henia, \q1 bona taunimanima momo be Lohiabada ese do ia alaia mase. \p \v 17 Lohiabada be ia gwau: “Taunimanima haida ese idia sibona idia hahelagaia bona idia hagoevaia, dirava koikoi do idia tomadiho henia totona. Bona idia be uma lalonai, tau ta ena murinai idia raka lao hebou, boroma bona bita bona miro gaudia momo do idia ania totona. Unai bamona taudia edia dokona be dika momokani. Idia ibounai be do idia mase hebou. \p \v 18 “Badina be edia gaukara bona edia laloa lau diba. Bona lau be basileia idauidau bona gado idauidau taudia ibounai do lau haboua totona lau mai noho. Idia be do idia haboua mai, bona egu hairaina do idia itaia. \p \v 19 “Lau ese toa ta idia edia huanai do lau atoa. Inai haida be mase amo do idia roho mauri, vadaeni idia be do lau siaia lao, tano idauidau dekenai. Unai tanodia, Tarasisi, Libia bona Lidia, diba bona peva diba momo taudia edia tano, bona Tubala bona Helene dekenai, bona kone tanodia gabu daudau dekenai, egu sivarai do idia kamonai lasi taudia, bona egu hairaina idia do itaia lasi taudia dekenai do idia lao. Idia ese bese idauidau edia huanai egu hairaina do idia gwauraia hedinarai. \p \v 20 “Inai bese idauidau taudia ese emui varavara taudia be tano ibounai dekena amo do idia mailaia. Ierusalema, egu ororo helagana dekenai do idia mailaia, boubou gaudia, Lohiabada dekenai idia henia gaudia bamona. Hosi dekenai, kariota dekenai, bona treila dekenai, kamelo bona doniki dekenai danu. Do idia mailaidia namonamo, Israela taudia ese paraoa boubouna, mereki goeva momokani edia lalonai Lohiabada ena Dubu Helaga dekenai idia mailaia bamona. Lau Lohiabada lau hereva inai. \v 21 Inai idau bese taudia haida be do lau abia hidi, bona hahelagaia taudia bona Levi taudia do lau halaodia.” \p \v 22 Ma Lohiabada ia gwau, “Badina be guba matamatana bona tanobada matamatana, lau ese do lau karaia gaudia, be egu vairana dekenai do idia noho momokani hegeregerena, umui emui ladana, bona emui tubudia danu edia ladana do idia noho momokani, doko lasi. \v 23 Hua matamatana ta ela bona hua matamatana ma ta, bona Sabati Dina ta ela bona Sabati Dina ma ta dekenai, taunimanima ibounai Ierusalema dekenai do idia mai, egu vairana dekenai do idia tomadiho. Lau Lohiabada lau hereva inai. \p \v 24 “Bona unuseni dekena amo idia raka lao neganai, idia ese lau dekenai idia dagedage henia taudia edia mase tauanidia do idia itaia. Badina be biluga be do idia mase lasi, bona unai tauanidia ia gabua noho lahi be do ia bodo lasi. Bona taunimanima ibounai ese do idia itadia neganai, mai badu danu do idia lalodia.”