\id EZR EZRA, Hiri Motu BIBLE, PNG, (NB: tables) rl 5/92, 5/93 \h ESERA \toc1 ESERA \toc2 ESERA \mt1 ESERA \c 1 \s1 Sairasi ese Iuda taudia ia oda henia idia giroa lou \p \v 1 Sairasi, Parasa ena king ena gunalaia lagani ginigunana lalonai, Lohiabada ese peroveta tauna Ieremia ena peroveta hereva ta ia hamomokania. Inai hereva ena anina do ia vara totona Lohiabada ese Sairasi, Parasa ena king ena lalona ia veria, vadaeni Sairasi ese oda ta ia gwauraia iena basileia ibounai lalonai, bona ia torea danu, oda be inai bamona: \pi1 \v 2 “Inai be Sairasi, Parasa ena king ena oda: Lohiabada, guba ena Dirava ese tanobada basileia ibounai lau dekenai ia henia, lau biagua. Bona Lohiabada ese lau ia oda henia, iena Dubu ta Ierusalema, Iuda tano dekenai do lau haginia. \pi1 \v 3 “Lau ura Dirava ese umui, iena bese taudia ta ta ibounai dekenai do ia noho. Umui be Ierusalema, Iuda tano dekenai do umui lao, unuseni Lohiabada, Israela ena Dirava, ena Dubu Helaga do umui haginia lou. Dirava be Ierusalema dekenai ia noho. \v 4 Bona Ierusalema dekenai do idia lao lasi Iuda taudia ese edia varavara do idia durua, Ierusalema do idia lao totona. Do idia lao lasi taudia ese Ierusalema idia lao taudia dekenai inai gaudia do idia henia: Siliva, golo, kohu idauidau, kohu huaia totona hosi bona doniki, bona ubua gaudia, harihari gaudia, Dirava ena Dubu Helaga dekenai henia totona.” \s1 Ierusalema dekenai idia giroa lou \p \v 5 Vadaeni Iuda bona Beniamina iduhu edia gunalaia taudia idia toreisi, bona hahelagaia taudia, bona Levi taudia, bona Dirava ese laloa goada ia henidia taudia ibounai idia toreisi, Lohiabada ena Dubu Ierusalema dekenai do idia haginia lou totona. \v 6 Edia badibadinai taudia ibounai ese idia durua. Kohu momo idia henia, hegeregere siliva gaudia, golo, kohu bona aniani, hosi bona doniki, kohu namodia idauidau, bona Dubu Helaga dekenai henia totona ubua gaudia, harihari gaudia. \p \v 7 King Sairasi ese danu Lohiabada ena Dubu Helaga ena kohu, Nebukanesa ese Ierusalema dekena amo ia abia lao, bona iena dirava ena dubu dekenai ia atoa gaudia, be ia henidia lou. \v 8 Sairasi ese inai kohu be Miteredata, moni naria tauna dekenai ia henia. Vadaeni unai tau ese unai kohu ibounai ia haboudia, ia duahia namonamo, bona Iuda ena lohia tauna Sesebasara dekenai ia henia. \p \v 9-10 Kohudia be inai: \b \tr \tc1 golo uro, bona mereki \tc2 30 \tr \tc1 siliva uro, bona mereki \tc2 1000 \tr \tc1 siliva sosipani \tc2 29 \tr \tc1 golo uro maragidia \tc2 30 \tr \tc1 siliva uro maragidia \tc2 410 \tr \tc1 kohu namodia idauidau \tc2 1000 \b \p \v 11 Inai kohu ibounai, golo bona siliva, ma gau haida danu edia momo be 5400. Sesebasara ese inai gaudia ibounai ia mailaia, ia bona Iuda taudia be Babulonia dekena amo Ierusalema dekenai idia lao neganai. \c 2 \s1 Babulonia ena hesiai mai guia danu dekena amo idia giroa mai taudia edia ladadia \p \v 1 Babulonia ena king, Nebukanesa, ese guna Babulonia dekenai ia abia lao Iuda taudia momo ese Babulonia idia rakatania, Ierusalema bona Iuda dekenai idia giroa lou, idia ta ta edia hanua ta ta dekenai idia lao. \v 2 Idia edia gunalaia taudia be Serubabele, Iosua, Nehemia, Seraia, Rilaia, Modekai, Bilesana, Misipara, Bigevai, Rehumu bona Banaha. \b \p Israela iduhu, ta ta edia tau be hida, Babulonia dekena amo Iuda dekenai idia giroa mai, be inai: \q1 \v 3 Paroso iduhu — 2172 \q1 \v 4 Sepataia — 372 \q1 \v 5 Ara — 775 \q1 \v 6 Pahata Moaba (unai be Iesua bona Ioaba edia bese taudia) — 2812 \q1 \v 7 Elama — 1254 \q1 \v 8 Satu — 945 \q1 \v 9 Sakai — 760 \q1 \v 10 Bani — 642 \q1 \v 11 Bebai — 623 \q1 \v 12 Asagada — 1222 \q1 \v 13 Adonikama — 666 \q1 \v 14 Bigevai — 2056 \q1 \v 15 Adina — 454 \q1 \v 16 Atere (unai be Hesekaia ena bese taudia) — 98 \q1 \v 17 Besai — 323 \q1 \v 18 Iora — 112 \q1 \v 19 Hasumu — 223 \q1 \v 20 Gibara — 95 \b \m Ma inai hanua ta ta dekenai guna idia noho bese taudia danu idia giroa mai: \q1 \v 21 Betelehema — 123 \q1 \v 22 Netopa — 56 \q1 \v 23 Anatoto — 128 \q1 \v 24 Asamavete — 42 \q1 \v 25 Kiriata Iearimi, Kepira bona Beroto — 743 \q1 \v 26 Rama bona Geba — 621 \q1 \v 27 Mikimasa — 122 \q1 \v 28 Betele bona Ai — 223 \q1 \v 29 Nebo — 52 \q1 \v 30 Magabisi — 156 \q1 \v 31 Elama (ma ta) — 1254 \q1 \v 32 Harimi — 320 \q1 \v 33 Lodu, Hadida, bona Ono — 725 \q1 \v 34 Ieriko — 345 \q1 \v 35 Senaha — 3630 \b \m Ma hahelagaia taudia, Babulonia ena hesiai mai guia danu dekena amo idia giroa mai be inai: \q1 \v 36 Iedaia (Iesua ena iduhu tauna), ena bese — 973 \q1 \v 37 Imere ena bese — 1052 \q1 \v 38 Pasahuru ena bese — 1247 \q1 \v 39 Harimi ena bese — 1017 \b \m Ma Levi taudia, Babulonia ena hesiai mai guia danu dekena amo idia giroa mai be inai: \q1 \v 40 Iesua bona Kademiele (Idia be Hodavaia ena bese taudia) — 74 \b \m Dubu Helaga ena ane abia Levi taudia: \q1 \v 41 Asapa ena bese — 128 \b \m Dubu Helaga ena iduara gimaia Levi taudia: \q1 \v 42 Salumu, Atere, Talemono, Akubu, Hatita bona Sobai — 139 \b \m Ma Dubu Helaga ena hesiai taudia edia bese taudia, hesiai mai guia danu dekena amo idia giroa mai be inai: \q1 \v 43 Siha, Hasupa, bona Tabaota, \q1 \v 44 Kerosi, Siaha, bona Padono, \q1 \v 45 Lebana, Hagabaha, bona Akubu, \q1 \v 46 Hagaba, Samalai, bona Hanana, \q1 \v 47 Gidele, Gahara, bona Reaia, \q1 \v 48 Resini, Nekoda, bona Gasama, \q1 \v 49 Usa, Pasea, bona Besai, \q1 \v 50 Asana, Meunimi, bona Nepisimi, \q1 \v 51 Bakabuku, Hakupa, bona Harahuru, \q1 \v 52 Basalutu, Mehida, bona Harasa, \q1 \v 53 Bakosi, Sisera, bona Tema, \q1 \v 54 Nesaia bona Hatipa. \b \m Ma Solomona ena hesiai taudia edia bese taudia, hesiai mai guia danu dekena amo idia giroa mai be inai: \q1 \v 55 Sotai, Hasoperete bona Peruda, \q1 \v 56 Iala, Darakono bona Gidele, \q1 \v 57 Sepataia, Hatili, Pokerete Hasabaimi, bona Ami. \b \m \v 58 Dubu Helaga ena hesiai taudia edia bese taudia, bona Solomona ena hesiai taudia edia bese taudia, hesiai mai guia danu dekena amo idia giroa mai, ibounai be 392. \b \m \v 59 Ma taunimanima orea ta be Parasa hanua haida, Tele Mela, Tele Harasa, Kerubu, Adana bona Imere dekena amo idia mai, to edia bese bona sene taudia edia ladadia idia hamomokania diba lasi. Unai dainai idia hamomokania diba lasi idia be Israela bese taudia o lasi. \v 60 Inai orea taudia be: \q1 Delaia besena, Tobaia besena, bona Nekoda besena taudia. Idia be ibounai 652. \b \p \v 61 Hahelagaia taudia haida danu, Habaia besena, Hakoso besena bona Barasilai besena taudia ese Babulonia ena hesiai mai guia danu dekena amo idia mai. Unai Barasilai ese Gileada tauna ena natuna hahine ta ia adavaia, bona unai hahine ena tamana ena ladana ia abia, iena. \v 62 Unai taudia ese edia sene taudia edia ladadia buka lalonai idia tahua, to idia davaria lasi. Unai dainai Iuda gunalaia taudia ese unai hahelagaia taudia be edia dagi dekena amo idia atodia siri, idia be goeva lasi dainai. \v 63 Bona Iuda ena gavana tauna ese idia ia taravatua, aniani helaga herea do idia ania lasi, ela bona hahelagaia tauna ta ese Urima bona Tumima gaukaralaia dalana do ia diba. \p \v 64 Babulonia dekena amo Iuda dekenai idia giroa mai taudia ibounai be 42,360. \v 65 Ma danu, edia hesiai taudia, tau bona hahine be ibounai 7337. Ma edia ane abia taudia, tau bona hahine be 200. \p \v 66 Edia hosi be 736, edia doniki badadia be 245. \v 67 Edia kamelo be 435, bona edia doniki maragidia be 6720. \p \v 68 Lohiabada ena Dubu Helaga Ierusalema dekenai idia ginidae neganai, edia bese lohia taudia haida ese harihari gaudia idia henia, Dubu Helaga be ena gabu korikori ma do idia haginia lou totona. \v 69 Edia goada hegeregerena, idia ese unai gaukara durua moni idia henia, golo ibounai be 500 kilogaram, bona siliva ibounai be 2,800 kilogaram. Hahelagaia taudia edia dabua ibounai 100 danu idia henia. \p \v 70 Hahelagaia taudia, bona Levi taudia, bona taunimanima haida be Ierusalema dekenai bona Ierusalema kahirakahira idia noho. Ane abia taudia, Dubu Helaga gimaia taudia, bona Dubu Helaga ena hesiai taudia, be Ierusalema kahirakahira idia noho hanua lalonai idia noho. Bona Israela taudia oredia be edia sene taudia edia hanua dekenai idia noho. \c 3 \s1 Guriguri karana idia hamatamaia lou \p \v 1 Hua 7 murinai, Israela taudia be edia hanua ta ta dekenai idia noho. Vadaeni idia ibounai ese Ierusalema dekenai idia haboua lao. \v 2 Unai neganai Iosua Iosadaka, iena bamona hahelagaia taudia danu, bona Serubabele Sealetiele, mai ena varavara taudia danu idia toreisi, Israela ena Dirava ena boubou patana idia haginia, ia latanai boubou gaudia do idia gabua, Dirava ena tau Mose ese ia torea taravatu hegeregerena. \v 3 Idia ese unai gabu dekenai idia noho taudia dekenai idia gari henia, to boubou patana be iena gabu gunana dekenai idia haginia lou. Unai neganai dabai bona adorahi negadia ibounai Lohiabada dekenai boubou idia gabua, guna idia karaia bamona. \v 4 Bona Buka ia torea hegeregerena, Au Raurau Ruma Maragidia Aria idia karaia, ma dina ta ta boubou gaudia idia gabua, Buka ena taravatu hegeregerena. \v 5 Ma danu, idia ese idia gabua boubou gaudia idauidau idia henia, Hua Matamata Aria gaudia, bona Lohiabada tomadiho negadia ibounai idia henia gaudia, bona edia harihari gaudia, Lohiabada idia lalokau henia dainai henia gaudia, inai boubou gaudia ibounai idia henia. \v 6 Dubu Helaga be idia ese idia do haginia hamatamaia lasi, to unai hua 7 dina ginigunana neganai, Lohiabada ena boubou gaudia idia gabua hamatamaia. \s1 Dubu Helaga idia haginia hamatamaia \p \v 7 Unai dainai nadi gaukaralaia diba taudia, bona kamuta taudia dekenai moni idia henia. Bona aniani bona inua gauna bona olive dehoro be Sidono bona Turo taudia dekenai idia henia, sida audia be Lebanona dekena amo idia abia totona. Unai sida audia be Iopa kone dekenai idia atoa. Unai gaukara totona be king Sairasi ese gwaumaoro ia henia. \p \v 8 Dirava ena Dubu Helaga ena gabu, Ierusalema dekenai idia giroa lou ena lagani iharuana bona hua iharuana lalonai, Serubabele Sealetiele bona Iosua Iosadaka ese Dubu haginia lou gaukara idia hamatamaia. Serubabele bona Iosua idia durua taudia be edia tadikaka taudia, hahelagaia taudia bona Levi taudia, bona abia mauri dekena amo Ierusalema dekenai idia giroa lou taudia ibounai. Idia ese Levi taudia, edia mauri lagani be 20 idia hanaia taudia, idia abia hidi, Lohiabada ena Dubu haginia gaukara do idia naria totona. \v 9 Vadaeni Iosua, mai ena natuna, bona iena varavara taudia danu, bona Kademiele, mai ena natuna, Iuda ena iduhu ta ena ladana Hodavaia taudia be unai, bona Henadaba ena natuna taudia, bona Levi taudia mai edia natuna bona edia varavara, inai taudia ese Dubu Helaga haginia gaukara idia naria. \p \v 10 Ruma haginia taudia ese Dubu Helaga ena badina nadidia idia haginia hamatamaia neganai, hahelagaia taudia ese edia dabua helagadia idia karaia, idia gini, mai edia kibi edia imana dekenai. Levi taudia danu idia gini, Asapa ena iduhu taudia danu unuseni idia gini, mai edia botaia auridia danu. Idia ese Lohiabada idia hanamoa henia, king Davida, Israela ena king ena hadibaia hereva hegeregerena. \v 11 Bona ane idia abia hebou, idia gwau, \q1 “Lohiabada be ia namo bada, \q1 bona iena lalokau Israela dekenai be ia noho hanaihanai.” \p Idia ibounai ese Lohiabada idia hanamoa henia, mai gado bada, bona mai boiboi bada danu, badina be Dubu Helaga ena badina nadidia idia haginia hamatamaia vadaeni dainai. \p \v 12 To hahelagaia taudia, bona Levi taudia, bona iduhu edia kwarana taudia momo, tau burukadia, be guna Dubu Helaga gunana idia itaia vadaeni. Madi idia ese inai Dubu matamata ena badina hamatamaia gaukara idia itaia, be idia taitai mai boiboi danu. To taunimanima momo be mai moale bada danu idia boiboi. \v 13 Unai dainai unuseni kahirakahira idia noho taudia be idia diba maoro lasi unai regena be dahaka, moale o taitai, badina be taunimanima idia boiboi badabada, bona unai regena be daudau dekenai danu idia kamonai. \c 4 \s1 Iuda dekenai idia dagedage henia taudia ese Dubu Helaga haginia lou gaukara idia koua gwauraia \p \v 1 Iuda bona Beniamina taudia idia ura hadikaia gwauraia taudia ese idia kamonai, inai hesiai mai guia danu dekena amo idia mai taudia ese Dubu Helaga idia haginia lou noho. Inai Dubu be Lohiabada, Israela ena Dirava, ena. \v 2 Vadaeni unai taudia be Serubabele bona iduhu lohia taudia dekenai idia lao, idia gwau, “Mani emui kara ai ese umui danu Dubu Helaga do ita haginia hebou, badina ai ese emui Dirava ai tomadiho henia noho, umui hegeregerena. Bona Esarahadona, Asuria ena king ese ai ia siaia, iniseni do ai noho totona. Iniseni ai ginidae neganai ia mai bona harihari, ai ese Dirava dekenai boubou gaudia ai henia noho.” \p \v 3 To Serubabele bona Iosua bona Israela iduhu lohia taudia ese idia haere, idia gwau, “Ai ese ai karaia noho Dubu, aiemai Dirava ena, be emui gaukara lasi. Ai Israela taudia sibona ese do ai haginia, Lohiabada, Israela ena Dirava, ena, king Sairasi, Parasa ena king, ese ai dekenai ia oda henia hegeregerena.” \p \v 4 Vadaeni unai tano taudia ese Iuda taudia edia lalodia idia hamanokaia toho, bona idia hagaridia toho, edia gaukara do idia koua totona. \v 5 Idia ese danu Parasa gavamani taudia haida dekenai moni idia henia, inai Iuda taudia edia gaukara do idia koua totona. Unai bamona idia karaia noho, Parasa ena king, Sairasi ena nega, ela bona Dariuse, Parasa ena king ena nega lalonai danu. \s1 Ierusalema haginia lou gaukara be haida ese idia koua gwauraia \p \v 6 Parasa ena king Ahasuero ese king dagi ia hamatamaia neganai, Iuda bona Ierusalema taudia idia ura hadikaia taudia ese samania pepa idia torea, king dekenai Iuda bona Ierusalema taudia samania totona. \p \v 7 Ma danu, Aratasaseta be Parasa ena king neganai, Bisilama bona Miteredata bona Tabele, mai edia bamona taudia ese samania pepa ta king dekenai idia torea. Inai revareva be Arama ena revareva bona gado dekenai idia torea. \p \v 8 Ma danu, Rehumu, tuari biaguna, bona Simisai, toretore tauna, ese Ierusalema hadikaia totona revareva ta king Aratasaseta dekenai ia torea, ia gwau: \pi1 \v 9 “Inai revareva ai siaia taudia be, Rehumu, tuari orea biaguna, bona Simisai, toretore tauna, bona aiemai gaukara bamona taudia danu, kota biaguna taudia, lohia taudia, gaukara naria taudia, bona Parasa bona Ereke bona Babulonia bona Susa taudia (unai be Elama taudia). \v 10 Bona lohia tauna badana, mai ladana bada, Osonopara ese edia gabudia dekena amo Samaria hanua dekenai, bona Euperate Sinavai ena dina diho kahanai idia abidia lao taudia danu dekena amo, inai revareva ia mai.” \p \v 11 Idia siaia revareva lalonai idia torea hereva be inai: \pi1 “Revareva be king Aratasaseta ena. King e, oiemu hesiai taudia, Euperate Sinavai ena dina diho kahanai ai noho ese oi ai hanamoa henia inai: \pi1 \v 12 “King e, ai ura oi diba, oiemu tano dekena amo iniseni idia mai Iuda taudia be Ierusalema dekenai idia lao vadaeni. Idia ese unai dagedage bona kara dika hanua be ma idia haginia lou noho. Hanua ena magu idia haginia noho, bona nega sisina lalonai do idia haorea. \v 13 King e, namona be oi diba, bema inai hanua idia haginia lou, bona ena magu bema idia haorea neganai, inai Iuda taudia ese edia takisi moni oi dekenai do idia hadokoa, bona oi dekenai ia noho kohu be do ia maragi lao. \v 14 Oi be aiemai king, bona oiemu moni ai abia noho dainai, ai ura lasi mai hemarai danu oiemu kohu do idia maragi lao. Unai dainai inai revareva, oi king dekenai ai siaia inai, \v 15 vadaeni oiemu sene taudia edia sivarai buka lalonai do idia tahua. Unai sivarai buka lalonai do idia davaria, inai hanua Ierusalema be dagedage hanua, king bona basileia lohia taudia hadikaia gabuna. Nega gunadia dekena amo taravatu utua karadia be inai hanua lalonai idia tubu, unai dainai inai hanua idia hadikaia ore. \v 16 Unai dainai ai ese oi dekenai ai hadibaia, bema inai hanua idia haginia lou, bona bema hanua ena magu idia haginia haorea neganai, oi ese Euperate Sinavai ena dina diho kahanai gau ta do oi biagua lasi.” \p \v 17 King Aratasaseta ese iena haere ia siaia. Iena haere be inai: \pi1 “Inai revareva be Rehumu, tuari orea biaguna, bona Simisai, toretore tauna, mai edia gaukara bamona taudia Samaria bona Euperate Sinavai ena dina diho kahana basileia taudia ibounai dekenai ai siaia inai. Ai ese oi ai hanamoa henia inai: \pi1 \v 18 “Umui ese umui siaia revareva, be egu vairana dekenai idia duahia hedinarai vadaeni. \v 19 Vadaeni oda lau gwauraia, bona buka gunadia idia tahua. Momokani idia davaria nega gunadia dekena amo unai hanua ese king taudia ia tuari henia, bona unai hanua lalonai dagedage bona taravatu negea karadia idia karaia vadaeni. \v 20 Ierusalema dekenai danu be king goadadia ese edia taunimanima idia biagua, bona idia ese Euperate ena dina diho kahanai basileia ibounai idia biagua danu, bona unai basileia noho taudia dekena amo takisi moni bona kohu idia gogoa. \v 21 Unai dainai umui ese oda do umui gwauraia, unai Iuda taudia ese Ierusalema haginia lou gaukara do idia hadokoa, ela bona lau ese oda hereva ta ma do lau gwauraia. \v 22 Inai haginia lou gaukara do umui koua haraga. Do umui manoka lasi. Lau ura lasi inai gari gauna do ia tubu noho ela bona ia bada, egu king siahuna do ia hadikaia garina.” \p \v 23 King Aratasaseta ena revareva be Rehumu bona toretore tauna Simisai mai edia bamona taudia danu dekenai idia duahia hedinarai, vadaeni idia be Ierusalema dekenai idia lao haraga, bona mai siahu bona goada danu Iuda taudia edia gaukara idia hadokoa. \p \v 24 Vadaeni Dirava ena Dubu Helaga haginia gaukara Ierusalema dekenai be ia doko, ela bona Dariuse, Parasa ena king, ena king lagani iharuana neganai. \c 5 \s1 Tatenai ese revareva Dariuse dekenai ia siaia \p \v 1 Unai neganai peroveta taudia rua, Hagai bona Sekaraia, Ido ena natuna, ese Israela ena Dirava ena ladanai, Iuda bona Ierusalema dekenai noho Iuda taudia idia haroro henia. \v 2 Vadaeni Serubabele Sealetiele bona Iosua Iosadaka ese unai peroveta taudia edia hereva idia kamonai neganai, idia toreisi, Dirava ena Dubu Helaga Ierusalema dekenai idia haginia lou hamatamaia. Bona unai peroveta taudia ruaosi ese idia durudia. \p \v 3 To unai neganai, Tatenai, Euperate Sinavai ena dina diho kahana basileia ena lohia tauna badana, bona Setara Bosenai, bona edia hesiai taudia, be idia dekenai idia lao, idia gwau, “Daika ese umui ia oda henia, inai Dubu do umui haginia lou, bona inai magu umui hanamoa noho?” \v 4 Ma idia dekenai idia nanadaia, idia gwau, “Inai Dubu idia haginia noho taudia edia ladadia be daika?” \p \v 5 To Iuda ena lohia taudia be edia Dirava ese idia ia naria noho, vadaeni Parasa lohia taudia ese edia gaukara idia hadokoa lasi. Badina idia gwau revareva ta Dariuse dekenai do idia siaia guna, iena oda do idia diba totona. \p \v 6 Tatenai, Euperate Sinavai ena dina diho kahana tano ena lohia tauna badana, bona Setara Bosenai, bona edia bamona taudia, bona edia lohia taudia haida ese king Dariuse dekenai revareva ta idia siaia. \v 7 Edia revareva ena anina be inai: \pi1 “Inai revareva be king Dariuse ena. King e, maino do oi abia. \pi1 \v 8 “King e, namona be oi diba ai be Iuda basileia dekenai ai lao, Dirava badana ena Dubu dekenai, bona inai Dubu be Iuda lohia taudia ese idia haginia lou noho. \pi1 “Nadi badadia, bona au, haba lalonai atoa gaudia, dekena amo idia haginia noho. Inai gaukara be mai goada danu idia karaia noho, bona edia gaukara ena anina ia vara noho. \pi1 \v 9 “Vadaeni ai ese unai Iuda lohia taudia ai nanadaia, ai gwau, ‘Daika ese umui ia oda henia, inai Dubu bona magu umui haginia lou totona?’ \pi1 \v 10 “Ma ai nanadaidia, edia ladadia be daika, unai gaukara edia gunalaia taudia be oi dekenai do ai hamaoroa totona. \pi1 \v 11 “Idia ese ai dekenai idia haere, idia gwau, ‘Ai be guba bona tanobada ena Dirava ena hesiai taudia, bona lagani momo idia lao vadaeni, Israela ena king badana ta ese inai Dubu Helaga ia haginia bona ia haorea. \v 12 To aiemai sene taudia ese Guba ena Dirava idia habadua dainai ia ese Nebukanesa, Babulonia ena king, Kaledea tauna, ena siahu henunai ia atodia. Unai king ese inai Dubu ia hadikaia ore, bona aiemai bese taudia be Babulonia kahana dekenai ia abidia lao. \pi1 \v 13 “ ‘To Sairasi, Babulonia ena king ena lohia lagani ginigunana lalonai, Sairasi ese oda ia gwauraia, inai Dirava ena Dubu do ai haginia lou totona. \v 14 Bona golo bona siliva gaudia, unai Dirava ena Dubu ena kohu, Nebukanesa ese Ierusalema Dubu dekena amo ia abia, bona Babulonia dubu lalonai ia atoa gaudia, be king Sairasi ese Babulonia dubu dekena amo ia abia, tau ta ladana Sesebasara dekenai ia henia. Sairasi ese Sesebasara be Iuda ena lohia tauna badana ia halaoa. \pi1 \v 15 “ ‘Sairasi ese Sesebasara ia hamaoroa, ia gwau: Inai gaudia do oi abia, bona Ierusalema ena Dubu Helaga lalonai do oi atoa. Bona Dirava ena Dubu Helaga be ena gabu korikori dekenai ma do oi haginia lou. \pi1 \v 16 “ ‘Vadaeni inai Sesebasara be ia mai, bona Dirava ena dubu Ierusalema dekenai ena badina nadidia ia haginia. Bona unai negana ia mai bona hari, ai ese Dubu haginia totona ai gaukara vadaeni, to do ia ore lasi.’ \pi1 \v 17 “Unai dainai, king e, bema oi ura neganai, king ena sivarai buka idia haboua ruma Babulonia lalonai mani do idia tahua, do idia diba king Sairasi ese momokani ia oda, inai Dirava ena Dubu Ierusalema dekenai do idia haginia lou o lasi. Unai murinai, mani emu kara oiemu ura inai Dubu totona do oi hadibaia ai dekenai.” \c 6 \s1 King Sairasi ena oda gunana idia davaria \p \v 1 Vadaeni king Dariuse ese oda ia gwauraia, unai oda gunana, king Sairasi ia torea oda, be Babulonia dekenai do idia tahua. \v 2 To Ekebatana, Media basileia ena hanua badana lalonai pepa ta idia davaria. Unai pepa ena latanai torea hereva be inai: \pi1 \v 3 “King Sairasi ese iena king dagi ia hamatamaia lagani ginigunana lalonai, oda ia gwauraia, Dubu Helaga be Ierusalema dekenai do idia haginia lou, boubou, bona Lohiabada dekenai henia gaudia, do idia gabua ena gabu totona. Dubu Helaga ena ataiai latana be 27 mita, ma iena lababana danu be 27 mita. \v 4 Dubu ena haba be nadi metaudia laini toi, bona edia latanai au badadia laini tamona do idia atoa. Ma idia edia latanai nadi ma haida laini toi, bona au ma laini tamona do idia atoa. Inai bamona do idia karaia, ela bona haba ena ataiai maka idia abia. Haginia gaukara ena davana, be Parasa king ese iena moni dekena amo do ia henia. \v 5 Inai danu, Dirava ena Dubu Helaga ena golo bona siliva gaudia, king Nebukanesa ese Ierusalema dekena amo ia abia, bona Babulonia dekenai ia abia mai gaudia, be do idia henia lou. Ierusalema ena Dubu Helaga matamata dekenai, edia gabu ta ta dekenai unai golo bona siliva gaudia ma do idia atoa lou.” \s1 King Dariuse ese oda ia gwauraia, Dubu Helaga haginia gaukara do idia karaia noho \p \v 6 Vadaeni king Dariuse ese Parasa taudia edia revareva davana ia siaia, ia gwau, \pi1 “Tatenai, Euperate Sinavai ena dina diho kahanai ena gavana, bona Setara Bosenai, mai emui tau badadia danu Euperate ena dina diho kahana dekenai umui noho taudia e, umui kamonai: \pi1 \v 7 “Inai Dirava ena Dubu Helaga gaukara be do idia karaia noho. Iuda lohia taudia bona tau badadia ese Dirava ena Dubu be iena gabu korikori dekenai do idia haginia. \v 8 Inai danu, lau ese umui lau oda henia, edia Dubu haginia totona Iuda taudia do umui durua. Dubu haginia gaukara ena davana be dina ta ta ibounai do umui henia, vadaeni gaukara do ia metaira lasi. Inai moni be emui Euperate Sinavai kahana taudia dekena amo takisi dekenai do umui gogoa. \v 9 Dina ta ta ibounai, dina ta do umui misi lasi, Ierusalema ena hahelagaia taudia edia ura gaudia do umui henia, hegeregere boromakau natuna tau, o mamoe, o mamoe natuna, Guba dekenai ia noho Dirava dekenai do idia boubou henia totona. Uiti, damena, uaina bona olive dehoro danu do umui henia. \v 10 Inai gaudia do umui henia, idia ese Guba dekenai noho Dirava do idia boubou henia totona, bona lau, bona lauegu natuna hanamoa totona, Dirava dekenai do idia guriguri. \v 11 Bona ma lau oda inai: Tau ta ese inai oda bema ia kamonai henia lasi neganai, egu hesiai taudia ese au ta iena ruma dekena amo do idia kokia, iena duduna ta do idia segea, bona unai au dekena amo unai tau do idia gwadaia mase. Ma unai tau ena ruma be momoru negea gabuna do idia halaoa. \v 12 Inai hereva do ia haidaua, o Dubu Helaga ia hadikaia king ta, o bese ta, be Dirava ese do ia halusia momokani. Badina be Dirava ese Ierusalema hanua ia abia hidi, iena Dubu Helaga haginia gabuna totona. Lau Dariuse ese egu oda lau gwauraia inai. Do umui karaia namonamo.” \s1 Dubu Helaga idia hahelagaia \p \v 13 Vadaeni Tatenai, gavana tauna, Setara Bosenai bona edia tau badadia danu ese king Dariuse ena oda idia karaia namonamo. \v 14 Iuda tau badadia ese Dubu Helaga idia haginia, bona peroveta taudia Hagai bona Sekaraia ese edia lalodia idia hagoadaia dainai, edia gaukara idia karaia namonamo. Dubu haginia gaukara be idia karaia haorea, Israela ena Dirava ena oda, bona king Sairasi, bona king Dariuse, bona king Aratasaseta, Parasa taudia edia king, edia oda dainai. \p \v 15 Hua ena ladana Adara ena dina ihatoina, king Dariuse ena king lagani namba 6 lalonai, be unai Dubu Helaga idia karaia haorea. \p \v 16 Vadaeni Israela taudia, hahelagaia taudia, Levi taudia, bona Babulonia ena abia mauri dekena amo idia giroa lou taudia ese Dirava ena Dubu Helaga idia hahelagaia, mai edia moale bada danu. \v 17 Inai Dubu hahelagaia totona, boromakau tau 100, mamoe 200, bona mamoe natuna 400 idia henia, boubou gaudia totona, bona nanigosi 12 idia henia, edia kara dika totona, unai 12 be Israela ena iduhu 12 hegeregerena. \v 18 Bona hahelagaia taudia, edia orea ta ta dekenai, bona Levi taudia danu, be edia gaukara ta ta totona idia abia hidi, Dubu Helaga ena gaukara idauidau do idia karaia, Ierusalema dekenai. Inai gaukara ta ta idia henia, Mose ena Buka lalonai ia torea hegeregerena. \s1 Pasova Aria idia karaia \p \v 19 Babulonia ena abia mauri dekena amo idia giroa mai taudia ese Pasova Aria idia karaia lagani iharuana lalonai, hua ginigunana bona dina namba 14 dekenai. \v 20 Hahelagaia taudia bona Levi taudia ese sibodia idia hagoevaia hebou, idia ibounai idia goeva momokani. Unai dainai Levi taudia ese Pasova totona mamoe idia alaia mase, Babulonia ena abia mauri dekena amo idia lou mai taudia ibounai totona, bona idia sibona totona, bona edia bamona hahelagaia taudia totona. \p \v 21 Israela taudia, Babulonia ena abia mauri dekena amo, Iuda dekenai idia giroa mai taudia ese Pasova idia ania. Ma idau bese taudia haida, Iuda dekenai idia noho, danu ese Pasova idia ania, badina idia ese edia tano ena kara mirodia idia rakatania vadaeni, Lohiabada, Israela ena Dirava do idia tomadiho henia totona. \v 22 Dina 7 lalonai idia ese mai hatubua gauna lasi paraoa idia ania, mai moale danu, badina be Lohiabada ese ia hamoaledia. Idia moale danu, badina be Lohiabada ese Asuria ena king, Parasa tauna, ena lalona ia ania, vadaeni ia ese Dirava, Israela ena Dirava, ena Dubu Helaga haginia lou gaukara dekenai ia durua. \c 7 \s1 Esera be Ierusalema dekenai ia ginidae \p \v 1 Lagani haida murinai, Aratasaseta be Parasa ena king neganai, tau ta ladana Esera ia noho. Esera ena sene tauna be hahelagaia tauna, Arona. Esera be Seraia ena natuna. Seraia be Asaraia ena natuna, Asaraia be Hilekaia ena natuna. \v 2 Hilekaia be Salumu ena natuna, Salumu be Sadoka ena natuna. Sadoka be Ahitubu ena natuna. \v 3 Ahitubu be Amaraia ena natuna. Amaraia be Asaraia ena natuna. Asaraia be Meraioto ena natuna. \v 4 Meraioto be Serahaia ena natuna, Serahaia be Usisi ena natuna, Usisi be Buki ena natuna. \v 5 Buki be Abisua ena natuna. Abisua be Pineha ena natuna. Pineha be Eleasara ena natuna, Eleasara be Arona, Hahelagaia Tauna Badana ena natuna. \v 6 Inai Esera be Babulonia dekena amo Ierusalema dekenai ia daekau mai. Ia be hadibaia tauna ta, bona ia be Mose dekenai Lohiabada, Israela ena Dirava ese ia henia Taravatu ia diba momokani. King Aratasaseta ese Esera ena ura ibounai ia karaia, badina be Lohiabada, iena Dirava be Esera dekenai ia noho. \p \v 7 Vadaeni king Aratasaseta ena king lagani namba 7 lalonai, Esera bona Israela taudia haida be Babulonia dekena amo Ierusalema dekenai idia mai. Esera danu idia mai taudia be hahelagaia taudia, bona Levi taudia, bona Dubu ena ane abia taudia, Dubu iduara naria taudia, bona gaukara taudia haida. \p \v 8 Esera ese Babulonia ia rakatania dinana be hua ginigunana, bona dina ginigunana. Dirava ese ia durua noho dainai, \v 9 Esera be hua namba 5 ena dina ginigunana dekenai Ierusalema dekenai ia ginidae. \v 10 Esera ese mai ena lalona ibounai, Lohiabada ena Taravatu ia tahua, bona ena kara ia karaia danu. Ia ese danu, unai taravatu bona oda herevadia ibounai be Israela taudia dekenai ia hadibaia. \s1 Aratasaseta ena revareva \p \v 11 King Aratasaseta ese revareva ta Esera dekenai ia henia. Esera be Lohiabada ese Israela dekenai ia henia taravatu bona oda ibounai ia diba namonamo. Revareva be inai: \pi1 \v 12 “Lau inai, Aratasaseta, king taudia edia king ese inai revareva, Esera, hahelagaia tauna, Guba ena Dirava ena Taravatu hadibaia tauna dekenai lau torea inai: \pi1 \v 13 “Lau oda, lauegu basileia lalonai noho Israela taudia, o edia hahelagaia taudia, o Levi taudia, idia ura lao taudia ibounai be Ierusalema dekenai do idia lao diba. \v 14 Lau, bona lauegu kaunsolo taudia 7 ese umui lau siaia inai, Ierusalema do umui itaia, bona do umui henanadai, unuseni umui emui Dirava ena Taravatu idia kamonai henia namonamo o lasi. \v 15 Umui ese harihari gaudia, golo bona siliva, lau bona lauegu kaunsolo taudia ese Israela ena Dirava dekenai ai henia gaudia do umui abia lao. Inai Dirava ena Dubu Helaga be Ierusalema dekenai ia noho. \v 16 Umui ese danu Babulonia dekenai umui gogoa siliva bona golo do umui abia lao Ierusalema dekenai. Unai be Babulonia dekenai noho Israela taudia bona edia hahelagaia taudia ese idia henia, edia Dirava edia Dubu Helaga, Ierusalema dekenai totona. \pi1 \v 17 “Inai moni do umui gaukaralaia namonamo. Ia dekena amo boromakau tau, bona mamoe tau, bona mamoe natuna, bona paraoa boubouna, bona uaina boubouna, do umui hoia. Bona Ierusalema dekenai Dubu Helaga ena boubou patana dekenai, Dirava dekenai inai gaudia ibounai do umui henia. \pi1 \v 18 “Bona siliva bona golo, umui do gaukaralaia lasi gaudia, be oi bona oiemu tadikaka taudia do umui gaukaralaia diba, emui Dirava ena ura hegeregere. \v 19 Ai ese umui dekenai ai henia vadaeni gaudia, emui Dubu Helaga lalonai do umui gaukaralaia totona gaudia, be Ierusalema ena Dirava dekenai do umui henia. \v 20 Bona dahaka gaudia, dahaka gaudia umui dekenai idia noho lasi, oiemu Dirava ena Dubu ena, do umui abia diba, vadaeni king ese iena moni dekena amo edia davana do ia karaia. \pi1 \v 21 “Inai danu, lau king Aratasaseta ese moni naria taudia ibounai Euperate Sinavai ena dina diho kahanai lau oda henia inai: Gau ibounai hahelagaia tauna Esera, Guba ena Dirava ena Taravatu hadibaia tauna ese umui dekenai ia gwauraia gaudia, be do umui henia haraga. \v 22 Umui henia diba ela bona siliva ena metau 3400 kilogaram, uiti ena metau 1000 kilogaram, uaina ena metau 2000 lita, bona olive dehoro ena metau 2000 lita, bona damena momo, iena ura hegeregere do umui henia. \v 23 Dahaka bona dahaka Guba ena Dirava ese ia ura iena Dubu Helaga lalonai do idia noho, gaudia ibounai do umui henia momokani. Inai bamona do umui karaia namonamo, emui Dirava ena badu be lau, o lauegu natuna dekenai do ia ginidae garina. \v 24 Umui ese takisi moni hahelagaia taudia, Levi taudia, Dubu ena miusiki taudia, Dubu gimaia taudia, Dubu Helaga ena gaukara karaia taudia, ibounai dekena amo do umui gogoa lasi. \pi1 \v 25 “Oi danu, Esera e, oiemu Dirava ena aonega, oi dekenai ia noho gauna dekena amo, kota biagudia badadia bona maragidia do oi abia hidi, idia ese Euperate Sinavai ena dina diho kahanai taudia, oiemu Dirava ena Taravatu idia diba taudia ibounai, edia kota do idia naria. Bona Dirava ena Taravatu idia diba lasi taudia, be oi, Esera ese idia dekenai do oi hadibaia. \v 26 Bema tau ta ese oiemu Dirava ena Taravatu, o king ena taravatu ia kamonai lasi neganai, iena kerere davana do oi henia haraga. Oi ese iena kerere davana, mase oi gwauraia diba, o iena tano dekena amo do oi siaia lao, idau tanobada ta dekenai do ia noho, o iena kohu do oi kokia lao, o dibura ruma dekenai do oi atoa, ia noho.” \s1 Esera ese Dirava ia hanamoa \p \v 27 Esera ia gwau, “Lohiabada, iseda sene taudia edia Dirava do ita hanamoa. Ia ese king Aratasaseta ena lalona ia veria, vadaeni king ia ura Lohiabada ena Dubu Helaga do ia hanamoa. \v 28 Dirava ena durua dainai, king bona iena kaunsolo taudia, bona iena tau badadia ese lau dekenai idia laloa namo. Lohiabada, lauegu Dirava ese lau ia hagoadaia, bona unai dainai, Israela ena tau badadia momo lau dekenai lau haboua vadaeni, Ierusalema dekenai do ai giroa mai totona.” \c 8 \s1 Babulonia ena hesiai mai guia danu dekena amo idia giroa mai taudia \p \v 1 King Aratasaseta be king neganai, Esera danu Babulonia tano dekena amo Ierusalema dekenai idia daekau lao bese lohia taudia bona edia iduhu, bona idia danu buka lalonai edia ladadia idia torea be inai: \b \q1 \v 2 Pineha iduhu — Geresome. \q1 Itamara iduhu — Daniela. \q1 Davida iduhu — Hatusu, Sekanaia ena natuna tau. \q1 \v 3 Paroso iduhu — Sekaraia, ia danu be tau 150, edia ladadia be buka dekenai idia torea. \q1 \v 4 Pahata Moaba iduhu — Elioenai Serahaia, bona ia danu tau 200. \q1 \v 5 Satu iduhu — Sekanaia Iahasiele, bona ia danu tau 300. \q1 \v 6 Adina iduhu — Ebede Ionatana, bona ia danu tau 50. \q1 \v 7 Elama iduhu — Iesaia Atalaia, bona ia danu tau 70. \q1 \v 8 Sepataia iduhu — Sebadaia Mikaela, bona ia danu tau 80. \q1 \v 9 Ioaba iduhu — Obadaia Iehiele, bona ia danu tau 218. \q1 \v 10 Bani iduhu — Selomita Iosipaia, bona ia danu tau 160. \q1 \v 11 Bebai iduhu — Sekaraia Bebai, bona ia danu tau 28. \q1 \v 12 Asegada iduhu — Iohanana Hakatana, bona ia danu tau 110. \q1 \v 13 Adonikama iduhu — Elipelete, Ieuele, bona Semaia, bona idia danu tau 60, idia be gabeai idia ginidae. \q1 \v 14 Bigevai iduhu — Utai bona Sakuru, bona idia danu tau 70. \s1 Esera ese Dubu Helaga ena gaukara totona Levi taudia ia davaria \p \v 15 Lau Esera ese Ahava dekenai ia heau lao sinavai ena badibadinai egu orea Iuda taudia lau haboua, bona dina toi unuseni ai kamepa. Lau ese unai taunimanima bona hahelagaia taudia lau itaia namonamo, bona lau davaria, Levi tauna ta be lasi. \v 16 Vadaeni Eliesere, Ariele, Semaia, Elinatana, Iaribi, Elinatana, Natana, Sekaraia bona Mesulama, orea gunalaia taudia, bona Ioiaribi bona Elinatana, aonega taudia, lau boiria. \v 17 Bona idia lau siaia lao, Ido, gabu ena ladana Kasipia dekenai ia noho lohia tauna badana dekenai. Lau ese idia lau hadibaia, Ido bona iena tadikakana taudia do idia noia, idia ese iseda Dirava ena Dubu Helaga ena hesiai taudia be ai dekenai do idia siaia mai. \p \v 18 Vadaeni iseda Dirava ena hariharibada namona be ai dekenai ia mai dainai, idia ese Serebaia, laloa maoromaoro bona goada tauna ai dekenai idia siaia. Ia be Mali, Levi Israela ena natuna ena bese tauna. Serebaia be mai ena natuna bona varavarana danu idia mai, tau ibounai 18. \p \v 19 Dirava ese danu Hasabaia ia siaia mai, bona ia danu Merari bese tauna ta ena ladana Iesaia, bona iena varavara taudia mai edia natudia danu, tau 20. \v 20 Dubu Helaga ena hesiai taudia 220 danu be Ido ese ia siaidia mai. Unai taudia edia sene taudia be Davida bona iena lohia taudia ese idia abia hidi, Levi taudia do idia durua totona. Inai taudia ibounai edia ladadia be buka dekenai idia torea vadaeni. \s1 Esera ese aniani taravatua kara bona guriguri ia oda hereva \p \v 21 Unai neganai, Ahava Sinavai ena badibadinai, lau Esera ese lau oda henia, ita ibounai be aniani do ita ania lasi, bona Dirava ena vairana dekenai do ita manau. Bona Dirava do ita noia, ia ese iseda laolao dekenai ita do ia hakaua, iseda natudia bona iseda kohu do ia naria totona. \v 22 Sedira bema Parasa king lau noia neganai, ia ese tuari taudia bona hosi guia taudia ai danu do ia siaia, ai hadikaia gwauraia taudia dekena amo do idia gimaia totona. To ia dekenai noia totona lau hemarai, badina ai ese nega ta king ai hamaoroa, ai gwau, “Aiemai Dirava ese ia dekenai idia abidadama henia taudia ia hanamodia noho, to ia dekena amo idia raka siri taudia dekenai ia badu, mai siahu danu.” \v 23 Unai dainai ai ese aniani ai ania lasi, bona Dirava ai noia, ia ese ai do ia gimaia bona naria, bona ia ese aiemai noinoi do ia kamonai henia. \s1 Dubu Helaga totona harihari gaudia \p \v 24 Vadaeni lau Esera ese hahelagaia taudia badadia ibounai 12 lau abia hidi, Serebaia bona Hasabaia, bona edia varavara taudia ibounai 10 idia danu. \v 25 Unai neganai siliva bona golo, bona gau ibounai, king, bona iena durua taudia, bona iena lohia taudia, bona Israela taudia unuseni idia noho, ese Dirava ena Dubu totona idia henia gaudia edia metau lau tohoa. \v 26 Edia metau lau tohoa, bona unai harihari gaudia ibounai be unai hahelagaia taudia 12 dekenai lau henia, gaudia edia metau be inai: \b \q1 siliva ena metau — 22 toni. \q1 siliva mereki, uro bamona gaudia — 70 kilogaram. \q1 golo ena metau — 3400 kilogaram. \q1 \v 27 golo uro ibounai 20 — 8.4 kilogaram. \q1 auri laboralabora uro rua — edia davana be golo uro edia davana hegeregerena. \b \p \v 28 Lau Esera ese unai hahelagaia taudia lau hamaoroa, lau gwau, “Umui be Lohiabada dekenai umui helaga, bona inai gaudia danu idia helaga, bona inai siliva bona golo be laloa namo harihari gaudia, Lohiabada emui sene taudia edia Dirava, ena. \v 29 Unai dainai inai gaudia do umui naria namonamo, ela bona Dubu Helaga Ierusalema dekenai do umui ginidae. Unuseni hahelagaia taudia edia biaguna edia daiutu lalonai, idia, bona Levi taudia, bona Israela iduhu lohia taudia edia vairanai, inai gaudia edia metau do umui hedinaraia, bona idia dekenai do umui henidia.” \p \v 30 Vadaeni hahelagaia taudia bona Levi taudia ese siliva bona golo, bona unai gau helagadia, edia metau idia diba vadaeni gaudia, idia abia, Dirava ena Dubu Ierusalema dekenai do idia abidia lao totona. \s1 Ierusalema dekenai idia giroa lou \p \v 31 Hua ginigunana ena dina namba 12 dekenai, ai be Ahava Sinavai ai rakatania, Ierusalema dekenai do ai lao totona. Iseda Dirava be ai dekenai ia noho, bona ia ese tuari taudia o hunia dekenai ai dekenai hadikaia gwauraia taudia dekena amo ai ia naria, bona ai ia hamauria. \v 32 Ai be Ierusalema dekenai ai ginidae, bona dina toi unuseni ai laga-ani. \p \v 33 Dina namba 4 dekenai ai be Dubu Helaga dekenai ai lao. Unuseni siliva bona golo bona gau helagadia edia metau ai tohoa, bona hahelagaia tauna Meremoto Uria dekenai ai henidia. Ia danu idia noho taudia be Eleasara Pineha, bona Levi taudia rua, Iosabada Iesua, bona Noadia Binui. \v 34 Gau ibounai be idia duahia bona edia metau idia tohoa, bona buka dekenai gau ibounai edia metau idia torea namonamo. \p \v 35 Unai neganai, Babulonia ena hesiai mai guia danu dekena amo idia giroa mai taudia ibounai ese boubou gaudia idia mailaia, bona Israela ena Dirava ena vairana dekenai idia gabua. Idia ese boromakau tau 12, Israela ena bese taudia ibounai dainai idia henia, mamoe tau 96, bona mamoe natudia 77 danu. Bona nanigosi tau 12 idia henia, edia kara dika ena davana kokia boubouna totona. Inai ubua gaudia ibounai be Lohiabada dekenai idia gabua ore. \p \v 36 Hahelagaia taudia ese danu Parasa ena king ese ia henidia oda pepa be Euperate Sinavai ena dina diho kahana basileia ena gavana bona lohia taudia dekenai idia henia. Bona unai dainai inai lohia taudia ese Iuda taudia, bona Dubu Helaga tomadiho gaukara idia durua. \c 9 \s1 Iuda taudia ese idau bese hahine taudia idia adavaia \p \v 1 Unai kara ibounai murinai, lohia taudia be lau, Esera, dekenai idia mai, idia gwau, “Israela taudia bona hahelagaia taudia, bona Levi taudia be inai tano taudia, kara dika herea taudia, Kanana, Hiti, Perisi, Iebusu, Amono, Moaba, Aigupito, bona Amoro taudia dekena amo idia siri lasi. \v 2 Iuda taudia ese idau bese hahine idia adavaia noho, bona unai dainai Dirava ena bese helagana be inai tano taudia danu idia mikisi hebou. Bona inai kara dika idia karaia guna taudia be lohia taudia bona taunimanima gunalaia taudia.” \p \v 3 Lau Esera ese unai hereva lau kamonai neganai, egu dabua bona egu kouti badana lau darea, egu kwarana bona egu aukina huina lau veria bona kokia, bona lau helai diho, egu laloa ia ore. \v 4 Mai egu lalohisihisi danu unuseni lau helai noho, ela bona adorahi ena boubou negana. Israela taudia, abia mauri dekena amo idia giroa mai taudia idia diba edia Dirava ese kara dika taudia dekenai ia badu henia noho. Vadaeni unai taunimanima ese lau dekenai idia haboua hagegea, mai edia gari bada danu. \s1 Esera ese Dirava ena bogahisihisi totona ia noinoi henia \p \v 5 Vadaeni adorahi ena boubou neganai, egu lalohisihisi bona hemarai dekena amo lau toreisi, mai egu dabua, lau ese lau darea vadaeni gaudia danu, bona lau tui diho, Lohiabada egu Dirava dekenai egu imana lau abia isi. \v 6 Lau gwau, “Egu Dirava e, lau hemarai noho dainai oi dekenai egu vairana lau abia isi hegeregere lasi. Badina be aiemai kara dika be bada herea dainai, aiemai kwaradia edia ataiai idia noho, bona idia daekau lao guba dekenai. \v 7 Aiemai sene taudia edia nega dekena amo ia mai bona inai dina, ai be ai kerere bada herea, bona aiemai kara dika dainai, ai, bona aiemai king, bona aiemai hahelagaia taudia, be idau bese edia king edia siahu henunai ai oi atoa vadaeni. Unai dainai ai idia alaia mase, aiemai kohu idia henaoa, bona ai idia hahemaraia, ia mai bona hari dina danu. \p \v 8 “To harihari, inai nega kwadogina lalonai Lohiabada, aiemai Dirava ese iena hariharibada ai dekenai ia henia, ai haida be hesiai mai guia danu dekena amo ia hakaua mai, inai gabu helagana dekenai. Lohiabada e, oi ese aiemai hesiai mai guia danu dekena amo mauri matamata ai dekenai oi henia vadaeni. \v 9 Ai idia abia mauri mai guia danu, to oi ese ai oi rakatania lasi. Oi ese ai oi bogahisihisi henia, Parasa king edia vairana dekenai, vadaeni idia ese ai dekenai idia laloa namo, bona ai dekenai gwaumaoro idia henia oiemu Dubu Helaga, ia dika vadaeni gauna, do ai haginia lou totona. Lohiabada e, oi ese Iuda bona Ierusalema dekenai noho gabu namona ai dekenai oi henia vadaeni, bona ai oi gimaia noho. \p \v 10 “To harihari, aiemai Dirava e, inai kara idia vara murinai, edena bamona oi dekenai do ai hereva diba? Badina be oiemu oda be ai negea lou vadaeni. \v 11 Oi ese unai oda be oiemu hesiai peroveta taudia dekena amo, ai dekenai oi henia, oi gwau, ‘Umui raka vareai bona do umui noho tano be miro, unai tano taudia edia kara be miro dainai. Edia kara dika herea ese, miro dekena amo tano idia hahonua, duduna ela bona duduna. \p \v 12 “ ‘Unai dainai emui natudia hahine be edia natudia tau dekenai do umui henia lasi, bona edia natudia hahine be do umui abia lasi, emui natudia tau do idia adavaia totona. Bona unai tano taudia edia maino o edia noho namo dalana be nega ta do umui tahua lasi, vadaeni do umui goada, tano ena anina do umui ania, bona emui natudia dekenai do umui rakatania, edia tano, ela bona hanaihanai.’ \p \v 13 “Inai ai dekenai idia vara dika gaudia be aiemai kara dikadia bona aiemai kerere badadia dainai. To, aiemai Dirava e, ai diba oi ese matakani sisina sibona ai dekenai oi henia, aiemai kara dika ena davana korikori lasi. Bona oi ese, ai do noho taudia, be aiemai noho gabuna oi henia vadaeni. \v 14 Unai dainai edena bamona oiemu oda do ai utua lou, bona inai kara dika bada taudia danu ma do ai headava henidia lou, a? Bema unai bamona ai karaia neganai, oiemu badu be do ia siahu momokani dainai, oi ese ai do oi hadikaia ore momokani, ai ta do ia mauri lasi. \p \v 15 “Lohiabada e, Israela ena Dirava, oi be maoromaoro, bona ai do mauri noho taudia be oi ese oi hamauria noho. Ai ese oiemu vairana dekenai aiemai kerere bada ai gwauraia hedinarai inai. Ai be maoro lasi, bona ai ta be oiemu vairana dekenai ai gini diba lasi, aiemai dika dainai.” \c 10 \s1 Idau bese hahine idia negea \p \v 1 Esera be Dubu Helaga ena vairanai ia guriguri, bona mai tai danu inai kara dika ia gwauraia hedinarai neganai, Israela taudia momo herea, tau, hahine bona natudia danu be ia dekenai idia hebou. Idia tai dikadika noho. \v 2 Vadaeni Sekanaia, Iehiele ena natuna, Elama iduhu tauna, ese Esera ia hamaoroa, ia gwau, “Iseda gwauhamata iseda Dirava dekenai ita hamakohia vadaeni, inai tano ena idau bese hahine ita adavaia vadaeni. Momokani inai dika ita karaia, to inai dika ita hanamoa lou diba. Israela be mai ena namo lou dalana. \v 3 Namona be ita ese iseda Dirava dekenai do ita gwauhamata, inai hahine ibounai, mai edia natudia danu do ita negea, bona siaia lao. Ai ese oi, bona Dirava ena oda idia gari henia taudia, emui sisiba hereva do ai kamonai henia. Ai ese Dirava ena Taravatu do ai karaia. \v 4 Esera e, oi toreisi, badina inai be oiemu gaukara, bona ai ese oi do ai durua momokani. Do oi goada, bona do oi karaia.” \p \v 5 Vadaeni Esera ia toreisi, ia ese hahelagaia taudia bona Levi taudia edia gunalaia taudia, bona Israela taudia ibounai ia oda henia, Sekanaia ia gwauraia karana karaia totona do idia gwauhamata. Bona idia ese unai bamona idia gwauhamata. \p \v 6 Unai neganai Esera be Dirava ena Dubu Helaga ena vairana dekena amo ia raka lao, Iehohanana Eliasibi ena daiutu dekenai ia lao. Unuseni hanuaboi ta ia noho, bona hesiai mai guia danu idia giroa mai Iuda taudia edia dika dainai ia tai. Ia ese aniani ia ania lasi, bona ranu sisina danu ia inua lasi. \p \v 7 Vadaeni oda hereva badana, be Iuda bona Ierusalema edia kahana ibounai dekenai idia siaia lao, Babulonia ena hesiai mai guia danu dekena amo idia giroa mai taudia ibounai Ierusalema dekenai do idia haboua mai. \v 8 Bona dina toi lalonai, tau ta bema ia mai lasi neganai, tau badadia bona lohia taudia ese iena kohu do idia kokia, bona ia be Babulonia ena hesiai mai guia danu dekena amo idia giroa mai taudia edia hebou dekena amo do idia atoa siri. \p \v 9 Unai dina toi lalonai, bona hua namba 9 ena dina namba 20 dekenai, Iuda bona Beniamina taudia ibounai be Ierusalema dekenai, Dubu Helaga vairanai ariara dekenai idia helai. Medu bada ia diho noho, bona keru dainai, bona hebou ena anina metau dainai, idia hebou taudia idia heudeheude noho. \p \v 10 Hahelagaia tauna Esera ia toreisi, idia dekenai ia hereva, ia gwau, “Umui be umui kerere vadaeni, idau bese edia hahine taudia umui adavaia vadaeni dainai, Israela ena kerere umui habadaia vadaeni. \v 11 Unai dainai, emui kerere be Lohiabada, emui sene taudia edia Dirava, ena vairanai do umui gwauraia hedinarai, bona iena ura do umui karaia. Inai tano idia noho idau bese taudia dekena amo do umui raka siri, bona bema idau bese hahine umui adavaia vadaeni, umui ese idia do umui atoa siri.” \p \v 12 Vadaeni hebou taudia ibounai idia haere, idia hereva mai boiboi danu, idia gwau, “Ai ese oiemu hereva hegeregerena do ai karaia momokani.” \v 13 Bona ma idia gwau, “To taunimanima be momo herea, bona medu bada ia diho noho. Ai be murimuri dekenai do ai gini diba lasi. Bona inai gaukara be dina tamona o dina rua gauna lasi, badina ai be kerere bada inai kara dekenai. \v 14 Namona be, aiemai lohia taudia be Ierusalema dekenai do idia noho, bona inai hebou ena gaukara ibounai do idia karaia. Hanua ta ta ibounai dekenai, idau bese hahine idia adavaia taudia ta ta be, edia nega, edia nega dekenai inai lohia taudia edia vairana dekenai do idia mai, edia hanua tau badadia, bona hanua kota biagudia idia danu. Inai bamona do idia karaia, ela bona iseda Dirava ena badu mai siahu danu, inai kara dainai, be ita dekena amo do ia ore.” \v 15 Ionatana Asahele, bona, Iahaseia Tikeva, bona Mesulama, bona Levi tauna Sebetai, sibodia ese inai hereva idia ura lasi. \p \v 16 Vadaeni hesiai mai guia danu dekena amo idia giroa mai taudia ese inai dala idia abia dae. Hahelagaia tauna Esera ese tau haida, iduhu kwarana taudia, ia abia hidi, bona ia ese edia ladadia buka dekenai ia torea. Hua namba 10 ena dina ginigunana dekenai, inai lohia taudia ese edia hebou idia hamatamaia, unai kara do idia tahua totona. \v 17 Hua toi idia gaukara, ela bona hua ginigunana ena dina ginigunana dekenai, idau bese hahine idia adavaia vadaeni taudia ibounai idia tahua haorea vadaeni. \s1 Idau bese hahine idia adavaia taudia \q1 \v 18 Idau bese hahine idia adavaia vadaeni taudia edia ladadia bona edia iduhu be inai: \b \q1 Hahelagaia taudia: \mi Iosua Iosadaka bona iena tadikakana edia natudia: \mi Maseaia, Eliesere, Iaribi, bona Gedalaia. \v 19 Idia be idia gwauhamata, edia adavadia do idia negea. Bona edia kara dika boubouna be mamoe tau ta, edia kara dika kokia totona. \q1 \v 20 Imere iduhu dekena amo: \mi Hanani bona Sebadaia. \q1 \v 21 Harimi iduhu dekena amo: \mi Maseaia, Elia, Semaia, Iehiele, bona Usaia. \q1 \v 22 Pasahuru iduhu dekena amo: \mi Elioenai, Maseaia, Isamaela, Netanele, Iosabada, bona Elasa. \b \q1 \v 23 Levi taudia: \mi Iosabada, Simei, Kelaia (ena ladana ta be Kelita), Petahaia, Iuda, bona Eliesere. \b \q1 \v 24 Ane abia taudia: \mi Eliasibi. \q1 Dubu Helaga gimaia taudia: \mi Salumu, Teleme bona Uri. \b \q1 \v 25 Israela besena taudia ma haida: \b \q1 Paroso iduhu dekena amo: \mi Ramaia, Isia, Malekaia, Miamini, Eleasara, Hasabaia, Benaia. \q1 \v 26 Elama iduhu dekena amo: \mi Matanaia, Sekaraia, Iehiele, Abidi, Ieremoto bona Elia. \q1 \v 27 Satu iduhu dekena amo: \mi Elioenai, Eliasibi, Matanaia, Ieremoto, Sabada, bona Asisa. \q1 \v 28 Bebai iduhu dekena amo: \mi Iehohanana, Hananaia, Sabai, bona Atalai. \q1 \v 29 Bani iduhu dekena amo: \mi Mesulama, Maluku, Adaia, Iasubu, Seala, bona Ieremoto. \q1 \v 30 Pahata Moaba ena iduhu dekena amo: \mi Adina, Kelala, Benaia, Maseaia, Matanaia, Besalele, Binui, bona Manase. \q1 \v 31 Harimi ena iduhu dekena amo: \mi Eliesere, Isihaia, Malekaia, Semaia, Simeona, \v 32 Beniamina, Maluku, Semaraia. \q1 \v 33 Hasumu ena iduhu dekena amo: \mi Matenai, Matata, Sabada, Elipelete, Ieremai, Manase, bona Simei. \q1 \v 34 Bani ena iduhu dekena amo: \mi Madai, Amarama, Uele, \v 35 Benaia, Bedeia, Keluhi, \v 36 Vanaia, Meremoto, Eliasibi, \v 37 Matanaia, Matenai, bona Iasu. \q1 \v 38 Binui ena iduhu dekena amo: \mi Simei, \v 39 Selemaia, Natana, Adaia. \v 40 Makenadebai, Sasai, Sarai, \v 41 Asarele, Selemaia, Semaraia, \v 42 Salumu, Amaraia bona Iosepa. \q1 \v 43 Nebo ena iduhu dekena amo: \mi Ieiele, Matitaia, Sabada, Sebina, Iadai, Ioela bona Benaia. \b \p \v 44 Inai taudia ibounai ese idau bese hahine idia adavaia, vadaeni idia ese edia hahine idia negea, bona idia, mai edia natudia danu idia siaia lao.